བདེ་བར་གཤེགས་པའི་བསྟན་བའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ།

ཀླད་ཀྱི་དོན།

བདེ་བར་གཤེགས་པའི་བསྟན་བའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ་བཞུགས་སོ།།
བདེ་བར་གཤེགས་པའི་བསྟན་བའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ། བཅོམ་ལྡན་འདས་ཤཱཀྱ་སེང་གེ་ལ་ཕྱག་འཚལ་ལོ། །
གང་ཞིག་ཐུགས་བསྐྱེད་དགེ་ཚོགས་བདུད་རྩིའི་ཟས་ཅན་ལས་བྱུང་བརྣག་དཀའི་བཟོད་པས་གཟི་དཔལ་འབར་བ། །སྐུ་གསུམ་མཐར་ཕྱིན་རིན་ཆེན་རང་བཞིན་དཔག་ཡས་སྨོན་ལམ་མྱུར་འགྲོ་བདུན་ལྡན་གཟུང་འཛིན་གོས་བྲལ་བས། །སྒྲིབ་གཉིས་ཆུ་འཛིན་བྲལ་བའི་བྱ་ལམ་ཡངས་པར་ཁྲིད་ཅིང་འཆར་ནུབ་བགྲོད་ཚུལ་སྣ་ཚོགས་གཞན་དོན་ཅན། །དྲི་མེད་གསུང་ཟེར་ཚ་ཟེར་བྱེད་པའི་འོད་ཟེར་བྱེ་བ་བརྒྱ་ཕྲག་སྟོང་ལྡན་ཕྱོགས་ཕྱོགས་འཕྲོས་པ་ལས། །རབ་བྱུང་སྦྱིན་དགྲ་ཡིད་ཀྱི་སྲུབས་ཤིང་གཙུག་ན་ཟླ་བ་ལོག་འདྲེན་སྐེམ་བྱེད་མིག་སྟོང་འཚོ་བྱེད་སོགས། །སྲིད་གསུམ་འདི་ན་སྟོན་པར་ཁས་འཆེ་ཆེ་བར་མངོན་རློམ་འོད་ལྡན་གཟའ་ཚོགས་གཟི་བརྗིད་ཀུན་འཇོམས་པ། །ཐུབ་པ་སེར་སྐྱ་རྐང་མིག་པ་དང་རིག་བྱེད་གཞུང་འཛིན་ནམ་མཁའི་གོས་ཅན་ཚུ་རོལ་མཛེས་པ་བ། །རྒྱས་པ་རྔ་བོང་གྲོག་མཁར་བ་སོགས་འབྱུང་པོའི་བྱ་ཚོགས་འདྲེན་བྱེད་ཉམས་བྱེད་རྒྱུ་བ་ཀུན་གཅོད་ཅིང་། །གང་དུ་ཤར་བས་བལྟ་བར་འདོད་དང་དྲི་བསུང་དོན་གཉེར་དབང་པོ་ཚིམ་བྱེད་སྦྲང་རྩིའི་མཆོག་འདོད་པའི། །མངོན་མཐོའི་སྣོད་གྱུར་ཉན་ཐོས་རང་རྒྱལ་རྒྱལ་སྲས་བུང་བ་དྲེགས་པས་མྱོས་པའི་དར་དིར་སྒྲོག་རྣམས་ལ། །མཐོ་རིས་ཟེ་འབྲུའི་ཕྲེང་ལྡན་ཁ་ཕྱེ་ཉེར་ཞིའི་དྲི་བསུང་ཕྱོགས་བཅུར་འཕྲོས་པས་མྱོས་པའི་རྐང་དྲུག་འཁྲིགས། །དོན་གཉིས་མཐར་ཕྱིན་ཀུན་མཁྱེན་སྦྲམ་རྩི་ཀུན་ནས་སྐྲུན་བྱེད་ནམ་མཁའི་ནོར་བུ་རྒྱལ་བ་རྒྱལ་གྱུར་ཅིག །གང་ཞིག་འཁྲུལ་བ་མཐའ་དག་སྤངས་ཀྱང་རྟག་ཆད་སྨྲ་བའི་ལྟ་བ་ངན་པ་གཞོམ་པ་དང་། །བསྟོད་སྨད་ལ་སོགས་ཆོས་བརྒྱད་སྤངས་ཀྱང་དཀར་ཕྱོགས་ལྷ་རྣམས་འཕྱ་བ་སྤང་བར་བྱ་བ་དང་། །རྗེས་སུ་ཆགས་པ་མཐའ་དག་སྤངས་ཀྱང་འགྲོ་ལ་ཆགས་པས་བསྟན་པ་ཡུན་དུ་གནས་བྱའི་ཕྱིར། །ཆོས་རྣམས་ངག་གི་ཡུལ་ལས་འདས་ཀྱང་ངག་གི་ཕྲེང་བས་ཆོས་རྣམས་སྡུད་མཛད་སྤྱི་བོས་མཆོད། །རྒྱལ་བ་མཆོག་གིས་མཆོག་ཏུ་ལུང་བསྟན་བསྟན་པ་དར་མཛད་མཛད་པ་དྲི་མེད་མངའ། །མངའ་བདག་དམ་པའི་དམ་པའི་ཆོས་ཀུན་ཀུན་ཏུ་གཟུང་ཕྱིར་ཐེག་པ་གསུམ་གྱི་ཚུལ། །ཚུལ་བཞིན་རབ་སྟོན་སྟོན་པའི་གསུང་རབ་རབ་ཏུ་གསལ་བྱེད་བློ་མཆོག་མངའ་བའི་ཐུགས། །ཐུགས་རྗེས་དགོངས་འགྲེལ་འགྲེལ་བཤད་བཤད་པ་མ་ནོར་སྟོན་པ་འཕགས་པའི་ཚོགས་ལའང་འདུད། །
ཀུན་མཁྱེན་རྒྱལ་བའི་གངས་རི་ལས་འོངས་ཤིང་། །སྡུད་བྱེད་དམ་པའི་གསུང་རྒྱུན་རབ་བལྟམས་པས། །འགྲེལ་བཤད་འདབ་སྟོང་ལྡན་པས་བརྒྱན་པའི་མཚོ། །ལེགས་བསྒྱུར་ལོ་པཎ་སྐྱེས་མཆོག་གཙུག་གིས་མཆོད། །བསླབ་གསུམ་གསེར་གྱི་དྲ་བས་ལེགས་གཡོགས་ཤིང་། །བསྡུ་བཞིའི་ཡན་ལག་ལེགས་སྐྱེས་མཆེ་བ་བརྟན། །འཆད་རྩོད་རྩོམ་པས་ཕས་རྒོལ་གཡུལ་ལས་རྒྱལ། །ལག་ལྡན་བོད་ཀྱི་མཁས་མཆོག་རྣམས་ལ་འདུད། །གསུང་རབ་རིན་ཆེན་ཁམས་ལས་ལེགས་གྲུབ་ཅིང་། །རྣམ་དཔྱོད་ལྟ་བའི་བྱིན་ཟས་ལེགས་སྦྱངས་ཏེ། །བརྡ་སྤྲོད་ཚིག་གི་དར་གྱིས་རབ་བརྒྱན་ནས། །བདག་བློའི་ཐེ་ཚོམ་དྲ་བ་གཅོད་མཛད་པའི། །རལ་གྲི་རིན་ཆེན་ལྟ་བུའི་བླ་མའི་ཚོགས། །ཡོན་ཏན་ཁུར་གྱིས་ལྕི་བ་བཅུ་ཕྲག་གཉིས། །ཁྱད་པར་བཀའ་དྲིན་ཆེ་བའི་སློབ་དཔོན་དྲུག །རྒྱུན་དུ་དད་པའི་ཡིད་ཀྱིས་སྐྱབས་སུ་མཆི། །མ་ལྟར་བརྩེ་བའི་བླ་མས་ལེགས་བསྐྱངས་ཤིང་། །མི་ཡི་སེང་གེའི་གསུང་རབ་པདྨོའི་ཚལ། །མེ་ཏོག་ལ་དགའི་བུང་བ་ལྟར་བསྟེན་པས། །མུ་མཐའ་ཡས་པའི་ཆོས་ལ་བློ་གྲོས་རྒྱས། །དེ་ལྟས་བདག་ཀྱང་ཤཱཀྱའི་གསུང་རབ་མཚོ། །གཏིང་མཐའ་ཡས་པར་བརྒལ་བར་འདོད་པ་ཡིན། །དེ་ཡི་གཏིང་མཐའ་རྟོགས་པར་མ་ནུས་ཀྱང་། །ངོ་མཚར་དོན་གྱི་རིན་ཆེན་ཅིས་མི་རྙེད། །རྙེད་ཀྱང་དབུལ་པོའི་ལག་གི་རིན་ཆེན་ལྟར། །བདག་གི་ལེགས་བཤད་དྲི་མ་མེད་པ་འདི། །འགྲན་འདོད་ཕྲག་དོག་སྡང་སེམས་ཀྱིས་བསྒྲིབས་ནས། །གཟུར་གནས་ཡིད་ཆེས་གནས་སུ་སུ་ཞིག་ལེན། །ལེན་པ་མེད་ཀྱང་དམ་ཆོས་བདུད་རྩི་ཡིས། །རང་གི་ཡིད་ཀྱི་ཟུག་རྔུ་ཅིས་མི་སེལ། །གལ་ཏེ་འགའ་ཞིག་ལེན་ན་དེ་དག་གི །གདུང་བའི་རིམས་ནད་འཇོམས་པར་མི་འགྱུར་རམ། །དེ་ཕྱིར་རང་བློའི་དབུལ་བ་བསལ་བ་དང་། །ཆོས་ལྡན་དོན་གཉེར་སྐྱེ་བོ་རྣམས་ལ་ཡང་། །རྒྱ་ཆེན་ཆོས་ཀྱི་དགའ་སྟོན་སྤེལ་སླད་དུ། །གསུང་རབ་རིན་ཆེན་མཛོད་ཀྱི་སྒོ་དབྱེའོ། །འདི་ནས་ཐེག་པ་ཆེ་ཆུང་སྣ་ཚོགས་ཀྱི། །དགོངས་པ་ནོར་བུ་མཆོག་དམན་སྣ་ཚོགས་འབྱུང་། །དེ་དག་ཁྱེད་ལ་གེགས་མེད་བྱིན་ཟིན་གྱིས། །དགའ་བའི་ཡིད་ཀྱིས་ཅི་འདོད་བླང་བར་གྱིས། །

ཆོས་འཆད་ཉན་ལ་འཇུག་པའི་ཚུལ་དང་ཕན་ཡོན།

འདིར་བདག་ཅག་གི་བླ་མ་ཤཱཀྱའི་རྒྱལ་པོ་རྫུ་འཕྲུལ་གྱི་རྐང་པའི་དཔུང་ཚོགས་ཡན་ལག་བཞི་དང་ལྡན་པས། ཆུ་སྲིན་རྒྱལ་མཚན་ཅན་གྱི་གཡུལ་ངོ་ཕམ་པར་མཛད་ནས། བསྡུ་བ་བཞིས་གདུལ་བྱ་སྨིན་གྲོལ་གྱི་ཞིང་དུ་བསྡུས་ནས། ཆོས་ཀྱི་འཁོར་ལོ་མ་ལུས་པ་རྣམ་པ་ཐམས་ཅད་དུ་བསྐོར་བའི་ཆོས་ཀྱི་རྒྱལ་པོ་ཆེན་པོ་དེའི་ཆོས་སྲིད་ཁྱད་པར་དུ་འཕགས་པའི་རྒྱལ་ཚབ་ཆེན་པོ་རྣམས་ཀྱིས་ཡང་དག་པར་ལེགས་པར་བསྐྱངས་པའི་སྲོལ་བཟང་པོ་འདི། ལྷ་དང་བཅས་པའི་འགྲོ་བ་མཐའ་དག་ལ་ཕན་པ་དང་བདེ་བའི་གཞིར་གྱུར་པ་ཡིན་པས། དེའི་ཚུལ་གཅེས་པར་འཛིན་པར་རིགས་ཤིང་། དེ་ཡང་བཤད་སྒྲུབ་གཉིས་ལས་གཞན་པའི་ཐབས་ཀྱིས་མ་ཡིན་པའི་ཕྱིར་དང་། སྒྲུབ་པའང་འཆད་ཉན་སྔོན་དུ་འགྲོ་བ་ཅན་ཡིན་པས། འཆད་ཉན་ལ་འཇུག་པའི་ཚུལ་ངེས་པར་བྱའོ། །འདི་ལ་བཞི་སྟེ། དམ་པའི་ཆོས་མཉན་པ་དང་བཤད་པའི་ཕན་ཡོན་རིག་པར་བྱ་བ་དང་། གང་མཉན་པ་དང་བཤད་པར་བྱ་བའི་ཆོས་ངོས་གཟུང་བ་དང་། དེ་ལ་ཉན་བཤད་ཚུལ་ཇི་ལྟར་སྒྲུབ་ཅིང་ཉམས་སུ་བླང་བ་དང་། བསྒྲུབ་བྱའི་ཆོས་ཇི་ལྟར་བྱུང་བའི་ཚུལ་ལོ། །

སྤྱི་དོན་དང་པོ། དམ་པའི་ཆོས་མཉན་པ་དང་བཤད་པའི་ཕན་ཡོན།

དང་པོ་ལ། སྤྱིར་དམ་པའི་ཆོས་ཉན་བཤད་ཀྱི་ཕན་ཡོན་དང་། ཁྱད་པར་ཐེག་པ་ཆེན་པོའི་ཆོས་ཀྱི་ཉན་བཤད་ཀྱི་ཕན་ཡོན་གཉིས་ལས། དང་པོ་ལ། མཉན་པ་དང་། བཤད་པ་དང་། གཉིས་ཀའི་ཕན་ཡོན་གསུམ། དང་པོ་ནི། བྱང་ཆུབ་སེམས་དཔའི་སྡེ་སྣོད་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མེད་སྤོང་བར་འགྱུར། །ཐོས་པས་མྱ་ངན་འདས་པ་ཐོབ། །ཅེས་གསུངས་ལ། དེའི་དོན་རྣམ་བཤད་རིགས་པར། དེ་ལ་རྐང་པ་བཞི་པོ་འདིས་ནི་རིམ་པ་ལྟར་ཕྱི་ནང་གི་གྲུབ་མཐའ་ཤེས་པས་བླང་དོར་གྱི་གནས་ཤེས་པ་དང་། ཚུལ་ཁྲིམས་ཀྱི་བསླབ་པ་ཐོབ་ནས་ཉེས་སྤྱོད་ལས་ལྡོག་པ་དང་། སེམས་ཀྱི་བསླབ་པ་ཐོབ་ནས་དོན་མེད་པའི་འདོད་པ་སྤོང་བ་དང་། ཤེས་རབ་ཀྱི་བསླབ་པ་ཐོབ་ནས་དེ་ལ་བརྟེན་ནས་ཟག་ཟད་མངོན་དུ་བྱས་ཏེ་མྱང་འདས་ཐོབ་པ་སྟེ་བཞི་འམ། ཡང་དག་པའི་ལྟ་བ་རྙེད་པ་དང་། ལས་དང་ཉོན་མོངས་དང་། སྐྱེ་བའི་ཀུན་ནས་ཉོན་མོངས་ལས་བརྒལ་བ་སྟེ་བཞི་དང་། ཆོས་འདུས་བ་ལ་དད་པ་རྙེད་པ་དང་། རབ་ཏུ་འབྱུང་བ་དང་། དབང་པོའི་སྒོ་བསྲུངས་པས་འདོད་པ་ལས་འདོད་ཆགས་དང་བྲལ་བས་གནོད་པ་སྤོང་བ་དང་། བདེན་པ་རྟོགས་ནས་མྱང་འདས་ཐོབ་པ་སྟེ། བཞི་ལ་བཤད་དོ། །རྣམ་བཤད་རིགས་པར། བཅོམ་ལྡན་འདས་ཀྱིས་ཆོས་མཉན་པ་ལ་ཕན་ཡོན་ལྔ་གསུངས་ཏེ། མ་ཐོས་པ་ཐོས་པར་འགྱུར་བ་དང་། ཐོས་པ་ཡོངས་སུ་བྱང་བར་འགྱུར་བ་དང་། སོམ་ཉི་སྤོང་བ་དང་། ལྟ་བ་དྲང་པོར་བྱེད་པ་དང་། ཤེས་རབ་ཀྱིས་ཚིག་དང་དོན་ཟབ་མོར་རྟོགས་པར་འགྱུར་བའོ། །ཞེས་སོ། །དེའི་དོན་རྒྱ་ཆེར་ཐོས་པ་དང་། གསལ་ཞིང་དྲི་མ་མེད་པར་བྱེད་པ་དང་། ངེས་པ་འཐོབ་པ་དང་། ཡང་དག་པར་རྟོགས་པ་དང་། བདེན་པ་རྟོགས་པ་སྟེ་ལྔའོ། །དང་པོ་གཉིས་ཀྱིས་ཐོས་པའི་ཤེས་རབ་ཡོངས་སུ་དག །བར་པ་གཉིས་ཀྱིས་བསམ་པའི་ཤེས་རབ་ཡོངས་སུ་དག །ཐམས་སྒོམ་པའི་ཤེས་རབ་ཡོངས་སུ་དག་པར་འགྱུར་བར་བསྟན་ནོ། །ཡང་དམ་པའི་ཆོས་མཉན་པ་ལ་ཕན་ཡོན་རྣམ་པ་ལྔ་ཡོད་དེ། རྣམ་པར་མི་ཤེས་པ་རྣམ་པར་ཤེས་པར་བྱེད་པ་དང་། ཉེས་པར་གཟུང་བ་འདོར་བ་དང་། ཐེ་ཚོམ་ཟོས་པ་ངེས་པར་བྱེད་པ་དང་། ངེས་པར་བྱས་པ་སྙིང་པོར་བྱེད་པ་དང་། འཕགས་པའི་ཤེས་རབ་ཀྱི་མིག་སྦྱོང་བར་བྱེད་པའོ། །ཞེས་སོ། །ཡང་ཆུས་ནི་ཕན་པ་རྣམ་པ་ལྔ་བྱེད་དེ། འབྲས་ཐུག་པོ་ཆེ་ལ་སོགས་པ་སྦང་པར་བྱ་བ་རྣམས་འབངས་པར་བྱེད་པ་དང་། ལུས་དང་གོས་དང་སྣོད་དག་གི་དྲི་མ་སེལ་བ་དང་། སོས་ཀའི་ལུས་ཀྱི་ཡོངས་སུ་གདུང་བ་སེལ་བ་དང་། སྐོམ་དད་ཆེ་བ་ཞི་བར་བྱེད་པ་དང་། རྩྭ་དང་འབྲུ་དང་ནགས་ཚལ་བསྐྱེད་ཅིང་འཕེལ་བར་བྱེད་པ་ཡིན་ནོ། །དེ་བཞིན་དུ་སངས་རྒྱས་ཀྱི་གསུང་ལ་དད་པ་བསྐྱེད་པས། གདུང་བའི་རྒྱུད་འབངས་པར་བྱེད་པ་དང་། འཆལ་བའི་ཚུལ་ཁྲིམས་ཀྱི་དྲི་མ་སེལ་བ་དང་། འདོད་པའི་ཡོངས་སུ་གདུང་བ་སེལ་བ་དང་། ཡང་འབྱུང་བའི་སྲིད་པའི་སྐོམ་པ་ཞི་བར་བྱེད་པ་དང་། བྱང་ཆུབ་ཀྱི་ཕྱོགས་དང་མཐུན་པའི་ཡོན་ཏན་གྱི་རྩ་བ་དང་། འབྲུ་དང་ནགས་ཚལ་བསྐྱེད་ཅིང་འཕེལ་བར་བྱེད་པ་ཡིན་ནོ། །ཕན་པ་ལྔ་པོ་དེ་ཡང་དད་པ་རྙེད་པ་དང་། ལས་དང་བཅས་པ་བསླབ་པ་གསུམ་ལས་བརྩམས་པ་རིག་པར་བྱའོ། །དེ་ལྟ་བས་ན་ཕན་པ་ལྔ་པོ་དེ་འདོད་པས་གུས་པར་སངས་རྒྱས་ཀྱི་གསུང་མཉན་པར་བྱའོ། །མེས་བྱ་བ་བཞི་བྱེད་དེ། བསྲེག་པ་དང་། ཚོས་པར་བྱེད་པ་དང་། དྲོ་བར་བྱེད་པ་དང་། གསལ་བར་བྱེད་པའོ། །དེ་བཞིན་དུ་སངས་རྒྱས་ཀྱི་གསུང་གི་མེས་ཀྱང་རྒྱུད་སྨིན་པ་རྣམས་ལ་ཉོན་མོངས་པ་རྣམས་བསྲེག་པ་དང་། རྒྱུད་མ་སྨིན་པ་རྣམས་ལ་དགེ་བའི་རྩ་བ་རྣམས་སྨིན་པར་བྱེད་པ་དང་། སྲིད་པ་ལ་མངོན་པར་དགའ་བ་རྣམས་སྐྱོ་བར་བྱེད་པའི་ཕྱིར་གདུང་བར་བྱེད་པ་དང་། སྐྱོ་བར་གྱུར་པ་རྣམས་དང་ཐེ་ཚོམ་ཟོས་པ་དང་ལམ་ངན་པར་ཞུགས་པ་རྣམས་ལ་ལམ་དང་ལམ་མ་ཡིན་པ་ཡང་དག་པར་རབ་ཏུ་སྟོན་པའི་ཕྱིར་གསལ་བར་བྱེད་པ་ཡིན་ནོ། །དེ་ལྟ་བས་ན་གུས་པས་ཆོས་མཉན་པར་བྱའོ། །གཞི་ལྔ་དག་གིས་འཇུག་ངོགས་བདེ་བ་ལ་བརྟེན་པར་བྱ་སྟེ། དྲི་མ་མེད་པར་བྱ་བའི་ཕྱིར་དང་། ཚ་བ་རབ་ཏུ་ཞི་བར་བྱ་བའི་ཕྱིར་དང་། སྐོམ་པ་རབ་ཏུ་ཞི་བར་བྱ་བའི་ཕྱིར་དང་། དགའ་བའི་རྩེད་མོ་ཉམས་སུ་མྱོང་བར་བྱ་བའི་ཕྱིར་དང་། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་ཕྱིན་པར་བྱ་བའི་ཕྱིར་དང་། སངས་རྒྱས་ཀྱི་གསུང་འཇུག་ངོགས་བདེ་བ་ལའང་དེ་བཞིན་ཏེ་འཆལ་བའི་ཚུལ་ཁྲིམས་ཀྱི་དྲི་མ་མེད་པར་བྱ་བའི་ཕྱིར་དང་། འདོད་པའི་ཡོངས་སུ་གདུང་བ་རབ་ཏུ་ཞི་བར་བྱ་བའི་ཕྱིར་དང་། ཡང་འབྱུང་བའི་སྲིད་པ་ཞི་བར་བྱ་བའི་ཕྱིར་དང་། བསམ་གཏམ་དང་མངོན་པར་ཤེས་པ་དང་ཚད་མེད་པ་དང་། རྣམ་པར་ཐར་པ་ལ་སོགས་པ་ཡོན་ཏན་ཁྱད་པར་ཅན་གྱི་དགའ་བའི་རྩེད་མོ་ཉམས་སུ་མྱོང་བར་བྱ་བའི་ཕྱིར་དང་། ཚུ་རོལ་གྱི་འགྲམ་འཇིག་ཚོགས་ནས་ཕ་རོལ་གྱི་འགྲམ་མྱ་ངན་ལས་འདས་པར་འགྲོ་བར་བྱ་བའི་ཕྱིར་རོ། །དེ་ལྟ་བས་ན། འཇུག་ངོགས་བདེ་བ་ལ་བརྟེན་པའི་ཡོན་ཏན་འདོད་པ་རྣམས་ཀྱིས་གུས་པར་སངས་རྒྱས་ཀྱི་གསུང་མཉན་པར་བྱའོ། །ཞེས་གསུངས་སོ། །
གཉིས་པ་ལ། སྟོན་པ་སངས་རྒྱས་ལ་མཆོད་པ་བླ་ན་མེད་པར་འགྱུར་བ་དང་། ཟང་ཟིང་གི་སྦྱིན་པ་ལས་མཆོག་ཏུ་གྱུར་ཅིང་། ཕན་འདོགས་པའི་མཆོག་ཡིན་པ་དང་། གཟུངས་དང་རིག་པ་ཐོབ་པ་དང་། བསོད་ནམས་འཕེལ་བས་བྱང་ཆུབ་ཐོབ་པ་དང་བཞིའོ། །དང་པོ་ནི། ཇི་སྐད་དུ། གང་ལ་ཕན་ཕྱིར་ང་ཡི་ཆོས། །ཚུལ་བཞིན་བསྟན་པས་མཆོད་འགྱུར་གྱི། །མེ་ཏོག་བྱུག་པ་མར་མེ་ཡིས། །རྒྱལ་བ་ཡང་དག་མཆོད་མ་ཡིན། །ཞེས་སོ། །གཉིས་པ་ནི། བྱམས་པ་སེང་གེ་སྒྲའི་མདོ་ལས། གང་གིས་གངྒཱའི་བྱེ་སྙེད་སངས་རྒྱས་ཞིང་། །རིན་ཆེན་བདུན་གྱིས་ཡོངས་སུ་བཀང་བྱས་ནས། །དགའ་རབ་སེམས་ཀྱིས་རྒྱལ་ལ་ཕུལ་བ་དང་། །གང་གིས་སེམས་ཅན་གཅིག་ལ་ཚིགས་བཅད་བྱིན། །རིན་ཆེན་སྦྱིན་པ་ཤིན་ཏུ་རྒྱ་ཆེ་དེས། །ཚིགས་བཅད་སྦྱིན་པ་སྙིང་རྗེས་བསྒྲུབས་དེ་ལ། །ཆར་ཡང་མི་ཕོད་གྲངས་སུའང་མ་ཡིན་ན། །གཉིས་དང་གསུམ་ལས་བསམ་དུ་ག་ལ་ཡོད། །ཅེས་པ་དང་། གངྒཱའི་བྱེ་སྙེད་རིན་ཆེན་གསེར་དག་གིས། །བཀའ་སྟེ་གང་ལ་སྦྱིན་པ་བྱིན་པ་བས། །དུས་ངན་ཚེ་ན་ཚིགས་བཅད་གཅིག་བརྗོད་པ། །དེ་ཡི་ཕན་འདོགས་ཇི་འདྲ་དེ་ལ་མེད། །ཅེས་སོ། །
གསུམ་པ་ནི། སེང་གེས་ཞུས་པ་ལས། ཆོས་ཀྱི་སྦྱིན་པས་སྐྱེ་བ་དྲན། །ཞེས་པ་དང་། ཀླུའི་རྒྱལ་པོ་རྒྱ་མཚོས་ཞུས་པའི་མདོ་ལས། ཆོས་བྱིན་པས་ནི་ཟག་པ་ཟད་པའི་མངོན་པར་ཤེས་པ་རྣམ་པར་དག་པར་འགྱུར་རོ། །ཞེས་སོ། །རིན་ཆེན་ཕྲེང་བར་ཆོས་ཀྱི་ཆེད་དང་དེ་བཞིན་དུ། །གཞུང་གི་དོན་དག་དྲན་པ་དང་། །ཆོས་ཀྱི་སྦྱིན་པ་དྲི་མེད་པས། །ཚེ་རབས་དྲན་པ་ཐོབ་པར་འགྱུར། །ཞེས་སོ། །
བཞི་པ་ནི། ལྷག་པའི་བསམ་པ་བསྐུལ་བའི་མདོ་ལས། བྱམས་པ་གང་རྙེད་པ་དང་བཀུར་སྟི་མི་འདོད་པར་ཆོས་ཀྱི་སྦྱིན་པ་བྱིན་ན། ཆོས་ཀྱི་སྦྱིན་པ་ཟང་ཟིང་མེད་པའི་ཕན་ཡོན་ཉི་ཤུ་སྟེ། ཉི་ཤུ་གང་ཞེ་ན། འདི་ལྟ་སྟེ། དྲན་པ་དང་ལྡན་པ་ཡིན། བློ་དང་ལྡན་པ་ཡིན། བློ་གྲོས་དང་ལྡན་པ་ཡིན། མོས་པ་དང་ལྡན་པ་ཡིན། ཤེས་རབ་དང་ལྡན་པ་ཡིན། འཇིག་རྟེན་ལས་འདས་པའི་ཤེས་རབ་རྗེས་སུ་རྟོགས་པར་འགྱུར་བ་ཡིན། འདོད་ཆགས་ཆུང་བ་ཡིན། ཞེ་སྡང་ཆུང་བ་ཡིན། གཏི་མུག་ཆུང་བ་ཡིན། བདུད་ཀྱིས་དེ་ལ་གླགས་མི་རྙེད་པ་ཡིན། སངས་རྒྱས་བཅོམ་ལྡན་འདས་རྣམས་ཀྱིས་དེ་ལ་དགོངས་པ་ཡིན། མི་མ་ཡིན་པ་རྣམས་ཀྱིས་དེ་སྲུང་བ་ཡིན། ལྷ་རྣམས་ཀྱིས་དེའི་ལུས་ལ་མདངས་འཇུག་པ་ཡིན། མི་མཛའ་བ་རྣམས་ཀྱིས་དེ་ལ་གླགས་མི་རྙེད་པ་ཡིན། དེ་མཛའ་བོ་རྣམས་དང་མི་ཕྱེད་པ་ཡིན། ཚིག་གཟུང་བར་འོས་པ་ཡིན། མི་འཇིགས་པ་ཐོབ་པ་ཡིན། ཡིད་བདེ་བ་མང་བ་ཡིན། མཁས་པས་བསྔགས་པ་ཡིན། དེ་ཆོས་ཀྱི་སྦྱིན་པ་དེ་རྗེས་སུ་དྲན་པར་འགྱུར་བ་ཡིན་ཏེ། བྱམས་པའི་ཕན་ཡོན་ཉི་ཤུ་པོ་དེ་དག་གོ། ཞེས་པ་དང་། བསླབ་བཏུས་ལས། ཆོས་གྱི་སྦྱིན་པ་ཟང་ཟིང་མེད། །བསོད་ནམས་འཕེལ་བའི་རྒྱུ་ཡིན་ནོ། །ཞེས་སོ། །
གསུམ་པ་ལ། ཐེག་པ་གསུམ་གྱིས་ཁམས་བརྟས་པ། མཁས་པར་གྱུར་པས་ཀུན་གྱིས་བཀུར་བ། བསྟན་པ་གཟུང་བས་བྱང་ཆུབ་ཐོབ་པའོ། །དང་པོ་རྣམ་བཤད་རིགས་པར། དད་པས་མཉན་པ་གང་གིས་ན། །མཐོ་རིས་དགའ་བའི་བསོད་ནམས་དང་། །གང་གིས་མྱ་ངན་འདས་ཐོས་པའི། །ཤེས་རབ་ས་བོན་རྟས་པར་འགྱུར། །ཞེས་པ་དང་། ཁམས་རྟས་བྱེད་དང་ཞེས་པའི་འགྲེལ་པར། ཐོས་པ་ལས་བྱུང་བའི་ཤེས་རབ་ཀྱིས་ཡིད་ལ་བྱེད་པའི་ཁམས་རྟས་པར་འགྱུར་རོ་ཞེས་སོ། །དེ་ཐོས་པའི་ཕན་ཡོན་ཡིན་གྱི། བཤད་པའི་ཕན་ཡོན་དུ་མི་རིགས་ཏེ། ཐོས་པ་དང་བཤད་པ་ཐ་དད་དོ་སྙམ་ན་མ་ཡིན་ཏེ། ཀུན་ལས་བཏུས་སུ། འཛིན་པ་དང་ཁ་ཏོན་བྱེད་པ་དང་བཤད་པས་ཐོས་པ་ལས་བྱུང་བར་བལྟའོ། །ཞེས་གསུངས་སོ། །
གཉིས་པ་ནི། ལུང་རྣམ་འབྱེད་ལས། མང་དུ་ཐོས་པ་ལ་ཕན་ཡོན་རྣམ་པ་ལྔ་ཡོད་དེ། ཕུང་པོ་ལ་མཁས་པ་དང་། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། རྟེན་ཅིང་འབྲེལ་བར་འབྱུང་བ་ལ་མཁས་པ་དང་། དེའི་གདམས་ངག་དང་རྗེས་སུ་བསྟན་པ་གཞན་ལ་རག་མ་ལས་པ་ཡིན་ནོ་ཞེས་སོ། །སྐྱེས་རབས་ལས། ཐོས་པ་གཏི་མུག་མུན་སེལ་སྒྲོན་མེ་ཡིན། །རྐུན་པོ་ལ་སོགས་མི་འཁྱེར་ནོར་གྱི་མཆོག །ཀུན་ཏུ་རྨོངས་པའི་དགྲ་འཇོམས་མཚོན་ཆ་ཡིན། །ཐབས་ཚུལ་མན་ངག་སྟོན་པའི་གྲོགས་ཀྱི་མཆོག །ཅེས་པ་དང་། གྲགས་དང་དཔལ་དང་གཏེར་གྱི་མཆོག་ཀྱང་ཡིན། །ཡ་རབས་རྣམས་དང་ཕྲད་ན་སྐྱེས་ཀྱི་མཆོག །ཚོགས་ཀྱི་ནང་ན་མཁས་པ་དགའ་བར་འགྱུར། །ཕས་ཀྱི་རྒོལ་ལ་ཉི་མའི་འོད་དང་འདྲ། །ཞེས་པ་དང་། དུལ་ཞིང་རབ་ཏུ་གསལ་བའི་སྤོབས་པ་སྐྱེ། །གྲགས་པ་ཆེན་པོ་འཕྲལ་དུ་འབྱུང་བར་བྱེད། །སྨྲ་ལྕེ་བདེ་འགྱུར་ཁྱད་པར་ཅན་གྱི་རྒྱུ། །ཐོས་པའི་དཔལ་བསྒོམས་དོན་གསལ་རྟོགས་པར་འགྱུར། །ཐོས་དང་ལྡན་ན་འགལ་བ་མེད་པ་ཡི། །འཁོར་གསུམ་ལམ་ལ་རབ་ཏུ་གནས་པར་འགྱུར། །ཐོས་པའི་རྗེས་འཇུག་སྒྲུབ་ལ་སྙིང་པོར་བྱེད། །སྐྱེ་བའི་རྫོང་ལས་ཚེགས་ཆུང་ཐར་བར་འགྱུར། །ཞེས་པ་ལ་སོགས་པ་གསུངས་སོ། །
གསུམ་པ་ནི། བཤད་ཉན་ནི། བསྟན་པའམ་ཆོས་འཛིན་པར་འགྱུར་ཏེ། །མཛོད་ལས། དེ་འཛིན་བྱེད་པ་སྨྲ་བྱེད་པ། །སྒྲུབ་པར་བྱེད་པ་ཁོ་ན་ཡིན། །ཞེས་སོ། །ཆོས་འཛིན་པའི་ཕན་ཡོན་བསམ་གྱིས་མི་ཁྱབ་སྟེ། དེ་བཞིན་གཤེགས་པའི་གསང་བ་བསྟན་པ་ལས། དམ་ཆོས་འཛིན་པའི་བསོད་ནམས་ནི། །སངས་རྒྱས་ཀུན་གྱིས་ནན་ཏན་དུ། །བསྐལ་པ་བྱེ་བར་བརྗོད་མཛད་ཀྱང་། །མཐའ་མར་ཕྱིན་པར་འགྱུར་མ་ལགས། །ཞེས་སོ། །བློ་གྲོས་རྒྱ་མཚོས་ཞུས་པའི་མདོ་ལས། དེ་བཞིན་གཤགས་པའི་དམ་པའི་ཆོས་འཛིན་པ། །རྒྱལ་བ་རྣམས་ཀྱིས་ཡོངས་སུ་གཟུང་བར་འགྱུར། །ལྷ་དང་གླུ་དང་མིའམ་ཅི་རྣམས་དང་། །བསོད་ནམས་ཡེ་ཤེས་ཀྱིས་ནི་ཡོངས་སུ་བཟུང་། །དེ་བཞིན་གཤེགས་པའི་དམ་པའི་ཆོས་འཛིན་པ། །དྲན་ལྡན་བློ་གྲོས་ལྡན་ཞིང་བློ་ལྡན་འགྱུར། །ཤེས་རབ་རྒྱ་ཆེན་ཀུན་ནས་ཡེ་ཤེས་ལྡན། །མཁས་པ་བག་ཆགས་བཅས་པའི་ཉོན་མོངས་སྤོང་། ཞེས་པ་ནས་དེ་བཞིན་གཤེགས་པའི་དམ་པའི་ཆོས་འཛིན་པ། །བརྒྱ་བྱིན་ཚངས་པ་དེ་བཞིན་འཇིག་རྟེན་སྐྱོང་། །འཁོར་ལོས་སྒྱུར་དང་མི་ཡི་རྒྱལ་པོར་འགྱུར། །བདེ་དང་ཡིད་བདེ་བྱང་ཆུབ་དེ་འཚང་རྒྱ། །ཞེས་པ་ལ་སོགས་པ་ཕན་ཡོན་མང་པོ་གསུངས་སོ། །

གཉིས་པ། ཁྱད་པར་ཐེག་པ་ཆེན་པོའི་ཆོས་ཀྱི་ཉན་བཤད་ཀྱི་ཕན་ཡོན།

གཉིས་པ་ཐེག་ཆེན་གྱི་ཆོས་ཀྱི་བཤད་ཉན་གྱི་ཕན་ཡོན་ནི། གཞིའི་དུས་སུ་ཐེག་དམན་གྱི་དགེ་བ་ཟིལ་གྱིས་གནོན་ཅིང་རིགས་གསོས་ཐེབས་པ་དང་། ལམ་གྱི་དུས་སུ་སྒྲིབ་པ་མ་ལུས་པར་སྤོང་བས་བསོད་ནམས་གཞན་ལས་ལྷག་པ་དང་། འབྲས་བུའི་དུས་སུ་རྣམ་མཁྱེན་ཐོབ་པར་ངེས་པའོ། །དང་པོ་ནི། ཤེས་རབ་ཀྱི་ཕ་རོལ་ཏུ་ཕྱིན་པར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་དེ་དག་ཐམས་ཅད་དགྲ་བཅོམ་པ་ཉིད་ཐོབ་པར་འགྱུར་ལ། དགྲ་བཅོམ་པ་དེ་དག་གི་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང་ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་དང་། བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོ་གང་ཡིན་པ་དེ་ལ་ཀུན་དགའ་པོ་འདི་ཇི་སྙམ་དུ་སེམས། བསོད་ནམས་ཀྱི་ཕུང་པོ་དེ་མང་བ་ཡིན་ནམ། གསོལ་བ། བཅོམ་ལྡན་འདས་དེ་ནི་མང་ལགས་སོ། །བདེ་བར་གཤེགས་པ་མང་ལགས་སོ། །བཀའ་སྩལ་པ། ཀུན་དགའ་བོ་དེ་བས་ཀྱང་སུ་ཞིག་ལ། བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཆོས་ཐ་ན་ཉིན་གཅིག་བཏོན་ན། དེ་བསོད་ནམས་ཀྱི་ཕུང་པོ་ཆེས་མང་དུ་སྐྱེའོ། །ཞེས་པ་ནས། ཀུན་དགའ་པོ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ཆོས་ཀྱི་སྦྱིན་པ་སྟེ། ཉན་ཐོས་ཀྱི་ཐེག་པ་བ་ཐམས་ཅད་དང་། རང་སངས་རྒྱས་ཀྱི་ཐེག་པ་བའི་གང་ཟག་ཐམས་ཅད་ཀྱི་དགེ་བའི་རྩ་བ་ཐམས་ཅད་ཟིལ་གྱིས་གནོན་པའོ། །ཞེས་གསུངས་སོ། །
གཉིས་པ་ནི། རྒྱུད་བླ་མར། གང་ཞིག་བྱང་ཆུབ་དོན་དུ་གཉེར་བས་གསེར་ཞིང་ནོར་བུས་སྤྲས་པ་ནི། །སངས་རྒྱས་ཞིང་རྡུལ་མཉམ་པ་ཉིན་རེ་ཆོས་རྒྱལ་རྣམས་ལ་རྟག་འབུལ་ལ། །གཞན་གང་འདི་ལ་ཚིག་ཙམ་ཐོས་ནས་ཤིང་ཐོས་ནས་ཀྱང་ནི་མོས་ན་ནི། །སྦྱིན་པ་ལས་བྱུང་དགེ་བ་དེ་ལས་བསོད་ནམས་ཆེས་མང་ཐོབ་པར་འགྱུར། །བློ་ལྡན་གང་ཞིག་བླ་མེད་བྱང་ཆུབ་འདོད་པས་བསྐལ་པ་དུ་མར་ཡང་། །ལུས་ངག་ཡིད་ནི་འབད་པ་མེད་པར་ཚུལ་ཁྲིམས་དྲི་མེད་སྲུང་བྱེད་ལ། །གཞན་གང་འདི་ལས་ཚིག་ཙམ་ཐོས་ཤིང་ཐོས་ནས་ཀྱང་ནི་མོས་ན་འདི། །ཚུལ་ཁྲིམས་ལས་བྱུང་དགེ་བ་དེ་ལས་བསོད་ནམས་ཆེས་མང་ཐོབ་པར་འགྱུར། །གང་ཞིག་འདི་ན་སྲིད་པ་གསུམ་གྱི་ཉོན་མོངས་མེ་འཇིལ་བསམ་གཏན་ནི། །ལྷ་དང་ཚངས་གནས་མཐར་སོན་རྫོགས་པའི་བྱང་ཆུབ་འཕོ་མེད་ཐབས་སྒོམ་ལ། །གཞན་གང་འདི་ལས་ཚིག་ཙམ་ཐོས་ཤིང་ཐོས་ནས་ཀྱང་ནི་མོས་ན་འདི། །བསམ་གཏན་ལས་བྱུང་དགེ་བ་དེ་ལས་བསོད་ནམས་ཆེས་མང་འཐོབ་པར་འགྱུར། །གང་ཕྱིར་སྦྱིན་པས་ལོངས་སྤྱོད་དག་ནི་སྒྲུབ་བྱེད་ལ། །ཁྲིམས་ཀྱིས་མཐོ་རིས་བསྒོམས་པས་ཉོན་མོངས་སྤོང་བྱེད་ལ། །ཤེས་རབ་ཉོན་མོངས་ཤེས་བྱ་ཀུན་སྤོང་དེ་ཡི་ཕྱིར། །འདི་མཆོག་ཉིད་དེ་དེ་ཡི་རྒྱུ་ནི་འདི་ཐོས་ཡིན། །ཞེས་སོ། །
གསུམ་པ་ནི། མདོ་སྡེ་རྒྱན་ལས། གང་ཞིག་ཚིག་གམ་དོན་གོ་ནས། །ཚིགས་བཅད་གཉིས་འཛིན་རབ་སྦྱོང་བ། །སེམས་ཅན་བློ་ལྡན་མཆོག་དེ་ཡིས། །ཡོན་ཏན་རྣམ་བཅུ་ཐོབ་འགྱུར་ཏེ། །ཁམས་ནི་ཟད་པར་རྟས་པ་དང་། །འཆི་བའི་ཚེ་ན་རབ་དགའ་ཐོབ། །ཇི་ལྟར་འདོད་པར་སྐྱེ་བ་དང་། །ཀུན་ཏུ་ཚེ་རབས་དྲན་པ་དང་། །སངས་རྒྱས་རྣམས་དང་འཕྲད་པ་དང་། །དེ་ལ་ཐེག་མཆོག་ཐོས་པ་དང་། །མོས་པ་བློ་དང་བཅས་པ་དང་། །སྒོ་གཉིས་བྱང་ཆུབ་མྱུར་ཐོབ་པའོ། །ཞེས་གསུངས་ཤིང་། གཞན་ལས་ཀྱང་མང་དུ་གསུང་མོད་ཀྱི། མང་བས་འཇིགས་པས་མ་བྲིས་སོ། །དེ་དག་ཀྱང་རྣམ་བཤད་རིགས་པར། མདོ་དོན་ཆེ་བ་ཉིད་ཐོས་ནས། །ཉན་པ་དང་ནི་འཛིན་པ་ལ། །ཉན་པ་པོ་ནི་གུས་བྱེད་པས། །ཐོག་མར་དགོས་པ་བརྗོད་པར་བྱ། །ཞེས་པ་བཞིན་ཡིན་ནོ། །

སྤྱི་དོན་གཉིས་པ། གང་མཉན་པ་དང་བཤད་པར་བྱ་བའི་ཆོས་ངོས་བཟུང་བ།

སྤྱི་དོན་གསུམ་པ། ཆོས་ལ་ཉན་བཤད་ཚུལ་ཇི་ལྟར་སྒྲུབ་ཅིང་ཉམས་སུ་བླང་བ།

སྤྱི་དོན་བཞི་པ། བསྒྲུབ་བྱའི་ཆོས་ཇི་ལྟར་བྱུང་ཚུལ།

དུས་དེར་འབྱུང་བའི་བསྟན་འཛིན་གྱི་གང་ཟག་ལུང་བསྟན་པ།

གཉིས་པ་བསྟན་པ་འཛིན་པའི་གང་ཟག་ནི། འོད་སྲུངས་ཀུན་དགའ་ཤ་ནའི་གོས་ཅན་དང་། །ཉེ་སྦས་དྷི་དྷི་ཀ་དང་ནག་པོ་དང་། །ལེགས་མཐོང་ཆེན་པོ་བསྟན་པའི་གཏད་རབས་བདུན། །འདུལ་བ་ཕྲན་ཚེགས་ནང་ནས་འབྱུང་བ་ཡིན། ལང་ཀར་གཤེགས་པར། བདེ་གཤེགས་མྱ་ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ཞེས་སོགས་ཀྱི་འགྲེལ་པར། ཐུབ་པ་ནས་དྷི་དྷི་ཀའི་བར་ལུང་དང་འདྲ་བ་ལས། དེས་བི་བྷ་ག་ལ། དེས་བཙུན་པ་བུད་དྷ་ནན་ཏི་ལ། དེས་བུདྡྷ་མི་ཏྲ་ལ། དེས་སློབ་མ་དགེ་སློང་རྩིབས་ལ། དེས་སུ་ན་ཤ་ཏ་ལ། དེས་རྟ་སྐད་ལ། དེས་མ་ཤི་བ་ལ། དེས་ཀླུ་སྒྲུབ་ལ། དེས་ཨརྱ་དེ་བ་ལ། དེས་རཱ་ཧུ་ལ་ལ། དེས་སཾ་གྷ་ནན་དི་ལ། དེས་དགེ་སློང་དགྲ་བཅོམ་པ་ལ། དེས་གྷ་ལ་ཤ་ལ། དེས་ཀུ་མ་ར་ཏ་ལ། དེས་ཤ་ཡ་ཏ་ལ། དེས་བ་སུ་བན་དྷུ་ལ། དེས་མ་ནོ་ཏ་ལ། དེས་ཧ་ཀ་ལི་ཀ་ན་ཡ་ན་ཤ་ལ། དེས་དགེ་སློང་སེང་གེ་ལ་བསྟན་པ་གཏད་པར་བཤད་དོ། །སྙིང་རྗེ་པད་དཀར་ལས། སྟོན་པ་འདས་ནས་བསྟན་པ་སུས་འཛིན་ཞེས་པའི་ལན་དུ། ཀུན་དགའ་བོ་དགེ་སློང་འོད་སྲུངས་དང་ཁྱོད་གཉིས་ལོ་བཞི་བཅུ་ལྷག་ཙམ་དུ་ངའི་དམ་པའི་ཆོས་འཛིན་པར་འགྱུར་རོ། གྲོང་ཁྱེར་བཅོམ་བརླག་ན་རི་སྤོ་དང་ངོས་ཆེ་ཞེས་པ་ན། ཀུན་དགའ་ར་བ་འདམ་བུ་ཅན་ཞེས་བྱ་བར་ཡུལ་བསྟན་པ་ཞེས་བྱ་བའི་དགེ་སློང་འབྱུང་། ཡང་དེ་ཉིད་དུ་དགེ་སློང་དགའ་བ་ཅན་ཞེས་པ་འབྱུང་། རི་ཨུ་ཤི་རར་དགེ་སློང་བཞི་ཁྲི་བཞི་སྟོང་དང་། གྲོང་ཁྱེར་སྐྱ་ནར་གྱི་བུར་ཀུན་དགའ་ར་བ་ལམ་ཞེས་བྱ་བར། དགེ་སློང་རྟ་སྦས་དང་། དེར་བྱ་གག་གི་ཀུན་དགའ་ར་བར་དགེ་སློང་བླ་མ་དང་། ཡུལ་ཡན་ལག་ཏུ་ལོ་ལྔའི་དུས་སྟོན་ལ་དགྲ་བཅོམ་པ་ཁྲི་སུམ་སྟོང་དང་། གྲོང་ཁྱེར་གསེར་གྱི་བྲེར། དགེ་སློང་མཁས་པ་ཞེས་བྱ་བ་དང་། ཡང་དག་པ་རྒྱལ་བ་ཅན་ཞེས་བྱ་བ་གཉིས་དང་། གྲོང་ཁྱེར་གནས་བཅས་སུ་དགེ་སློང་བརྩོན་འགྲུས་ཆེ་དང་། བྱང་ཕྱོགས་ཀྱི་རྒྱུད་ཡུལ་སྤོས་འཛིན་དུ་འོད་སྲུངས་ཏེ། དགེ་སློང་དེ་དག་ཐམས་ཅད་རྫུ་འཕྲུལ་ཆེ་བ་མཐུ་ཆེ་བ་དབང་ཆེ་བར་གྲགས་པ་གསལ་བ་འཇིགས་པ་མེད་པ་མང་དུ་ཐོས་པ་འདུལ་བ་འཛིན་པ་མདོ་སྡེ་འཛིན་པ་མ་མོ་འཛིན་པ་ཡང་དག་པར་སྟོན་པ་འཛིན་དུ་འཇུག་པ་གཟེངས་བསྟོད་པ་རབ་ཏུ་དག་བར་བྱེད་པས། ངའི་བསྟན་པ་རྒྱས་པར་བྱེད་དོ། །བྱང་ཕྱོགས་ཀྱི་རྒྱུད་དུ་གྲོང་ཁྱེར་རྡོ་འཇོག་ཅེས་བྱ་བར། ཁྱིམ་བདག་རལ་པ་ཅན་ཞེས་པ་འབྱུང་། དེས་ངའི་ལུས་དང་ཉན་ཐོས་རྣམས་མཆོད་པར་འགྱུར་ཏེ། བསྐལ་པ་སྟོང་ནས་བསྐལ་པ་བཟང་བྱེད་ལ་བཀོད་པ་ཆེན་པོས་ལེགས་པར་བརྒྱན་པའི་འཇིག་རྟེན་དུ་སངས་རྒྱས་ཀུན་ཏུ་སྣང་བ་ཞེས་བྱ་བར་འགྱུར་རོ། །བྱང་ཕྱོགས་ན་ཕོ་བྲང་རྒྱས་ལྡན་དུ། བྲམ་ཟེ་དང་ཁྱིམ་པ་བསྟན་པ་ལ་དད་པ་མང་པོ་འབྱུང་སྟེ། ཤི་ནས་དགའ་ལྡན་དུ་སྐྱེ་ལ། རབ་ཏུ་བྱུང་བ་ཕལ་ཆེར་ཆོས་བཞིན་མི་སྤྱོད་པས། ལོག་པར་ལྟུང་ངོ་། །དེར་དགེ་བསྙེན་ཆོས་འཕེལ་ཞེས་བྱ་བ་རྫུ་འཕྲུལ་དང་ལྡན་པ་ཞིག་འབྱུང་ངོ་། །བྱང་ཕྱོགས་སུ་དགེ་སློང་འཚོ་བྱེད་ཅེས་པ་ཐེག་ཆེན་པ་ཞིག་འབྱུང་སྟེ། དེས་སངས་རྒྱས་ཀྱི་མཆོད་རྟེན་ཞིག་པ་འཆོས་ཤིང་གསེར་གྱིས་བརྒྱན་པ་ལ་སོགས་བྱེད་ཅིང་བདེ་བ་ཅན་དུ་སྐྱེའོ། །མཐའ་འཁོབ་ཀྱི་ཡུལ་ནགས་ཀྱི་ས་ན་རྒྱལ་པོའི་ཕ་བྲང་ཞི་བ་ན་རྒྱལ་པོ་མེས་བྱིན་ཞེས་བྱ་བས་སྐུ་གདུང་དང་ཉན་ཐོས་རྣམས་མཆོད་དེ། དེར་དགྲ་བཅོམ་པ་སུམ་སྟོང་ལྷག་ཙམ་འདུའོ། །བྱང་ཕྱོགས་ཀྱི་རྒྱུད་ན་གྲོང་ཤིང་ཀུན་སྐྱེ་བ་ཞེས་བྱ་བར་ཚེམས་མཆེ་བ་ལ་མཆོད་པ་རྒྱ་ཆེན་པོ་བྱེད་ཅིང་། དགེ་སློང་ཁྲིམས་ལྡན་མང་དུ་འབྱུང་སྟེ། ཐམས་ཅད་ཐེག་པ་གསུམ་གྱིས་མྱ་ངན་ལས་འདའ་སྟེ། དེ་རྣམས་ཀྱིས་ངའི་བསྟན་པ་རྒྱས་པར་བྱེད་པར་འགྱུར་གྱིས། མྱ་ངན་མ་བྱེད། ཅེས་གསུངས་སོ། །
ལང་ཀར་གཤེགས་པར། ལྷོ་ཕྱོགས་བེ་དའི་ཡུལ་དུ་ནི། །དགེ་སློང་དཔལ་ལྡན་ཆེར་གྲགས་པ། །དེ་མིང་ཀླུ་ཞེས་བོད་པ་སྟེ། །ཡོད་དང་མེད་པའི་ཕྱོགས་འཇིག་པ། །ང་ཡི་ཐེག་པ་འཇིག་རྟེན་དུ། །བླ་མེད་ཐེག་ཆེན་རབ་བཤད་ནས། །རབ་ཏུ་དགའ་བའི་ས་བསྒྲུབས་ཏེ། །བདེ་བ་ཅན་དུ་དེ་འགྲོའོ། །ཞེས་པ་དང་། འཇམ་དཔལ་རྩ་རྒྱུད་ལས། དེ་བཞིན་གཤེགས་པ་ང་འདས་ནས། །ལོ་ནི་བཞི་བརྒྱ་ལོན་པ་ན། །དགེ་སློང་ཀླུ་ཞེས་དེ་འབོད་འབྱུང་། །བསྟན་པ་ལ་ནི་དད་ཅིང་ཕན། །རབ་ཏུ་དགའ་བའི་ས་ཐོབ་པ། །ལོ་ནི་དྲུག་བརྒྱ་དག་ཏུ་འཚོ། །རིག་པ་རྨ་བྱ་ཆེན་མོ་ནི། །བདག་ཉིད་ཆེན་པོ་དེས་ཀྱང་འགྲུབ། །བསྟན་བཅོས་སྣ་ཚོགས་དོན་དང་ནི། །དངོས་པོ་མེད་པའི་དོན་དེ་རིག །གང་ཚེ་ལུས་དེ་བོར་བ་ན། །བདེ་བ་ཅན་དུ་སྐྱེ་བར་འགྱུར། །དེ་ནི་མཐར་གྱིས་སངས་རྒྱས་ཉིད། །ངེས་པ་ཁོ་ནར་ཡང་དག་འཐོབ། །ཅེས་ཀླུ་སྒྲུབ་ལུང་བསྟན་ནོ། །
ཐོགས་མེད་ཅེས་བྱའི་དགེ་སློང་ནི། །བསྟན་བཅོས་དེ་ནི་དོན་ལ་མཁས། །མདོ་སྡེ་ངེས་དོན་དྲང་བའི་དོན། །རྣམ་པ་མང་པོ་རབ་ཏུ་འབྱེད། །འཇིག་རྟེན་རིག་པ་སྟོན་བདག་ཉིད། །གཞུང་འབྱེད་ངང་ཚུལ་ཅན་དུ་འགྱུར། །དེ་ཡི་རིག་པ་གྲུབ་པ་ནི། །ས་ལའི་ཕོ་ཉ་མོ་ཞེས་བརྗོད། །དེ་ཡི་སྔགས་ཀྱི་མཐུ་ཡིས་ནི། །བློ་ནི་བཟང་པོ་སྐྱེ་བར་འགྱུར། །བསྟན་པ་ཡུན་རིང་གནས་བྱའི་ཕྱིར། །མདོ་ཡི་དེ་ཉིད་དོན་སྡུད་བྱེད། །ལོ་ནི་བརྒྱ་དང་ལྔ་བཅུར་འཚོ། །དེ་ལུས་ཞིག་ནས་ལྷ་ཡུལ་འགྲོ། །འཁོར་བ་རྣམས་སུ་འཁོར་བ་ན། །ཡུན་རིང་བདེ་བ་རྗེས་མྱོང་ནས། །བདག་ཉིད་ཆེན་པོ་མཐར་གྱིས་དེ། །བྱང་ཆུབ་ཐོབ་པར་འགྱུར་བ་ཡིན། །ཞེས་ཐོགས་མེད་ལུང་བསྟན་ནོ། །
ང་ནི་མྱ་ངན་འདས་འོག་ཏུ། །ལོ་ནི་དགུ་བརྒྱ་ལོན་པ་ན། །ཞེས་ཟེར་བ་ནི་རྒྱུད་ན་མེད་དོ། །འོན་ཀྱང་རྒྱའི་སློབ་དཔོན་རྫོགས་གསལ་གྱིས་དགོངས་འགྲེལ་གྱི་འགྲེལ་པར་བྲིས་པའོ། །ཕྱི་མ་དེ་ཚེ་དུས་དག་ཏུ། །དགེ་སློང་དགྲ་བཅོམ་ཞེས་བྱ་བ། །དེ་ནི་སྔགས་དོན་བདག་ཉིད་ཅན། །རྒྱུད་ཤེས་དེ་བཞིན་མང་དུ་ཐོས། །གནོད་སྦྱིན་སྔགས་ནི་རབ་བརྗོད་པས། །དེ་ལ་བུམ་པ་བཟང་པོ་གྲུབ། །ཅེས་སོགས་ཀྱིས་དགྲ་བཅོམ་ལུང་བསྟན་ནོ། །
དགེ་སློང་མང་དུ་ཐོས་པ་ནི། །དེ་ཡི་ཚེ་ན་འབྱུང་འགྱུར་བ། །མ་ཁོལ་ཞེས་ཀྱང་བྱ་བ་སྟེ། །ང་ཉིད་ཀྱི་ནི་བསྟོད་བྱེད་པ། །ཇི་ལྟར་ཡོན་ཏན་བཟང་པོ་ནི། །ཇི་ལྟ་བཞིན་དུ་བརྗོད་པར་འགྱུར། །ཀུན་ནས་སེམས་ནི་རབ་དང་ཞིང་། །སངས་རྒྱས་རྣམས་ཀྱི་བསྟན་ལ་དད། །བསྒྲུབ་དཀའ་སྔགས་ནི་རབ་གྲུབ་ཅིང་། །འཇམ་དཔའི་དབྱངས་ཀྱི་དེ་བཞིན་ནོ། །ཡོན་ཏན་ལྡན་ཞིང་ཚུལ་ཁྲིམས་ལྡན། །མང་དུ་ཐོས་ཤིང་ཆོས་ཀྱང་སྨྲ། །ཞེས་པ་ནས། ཐམས་ཅད་མཁྱེན་པའི་བྱང་ཆུབ་འཐོབ། །ཅེས་པའི་བར་གྱིས་མ་ཏི་ཙི་ཏྲ་ལུང་བསྟན་ནོ། །
སྟོན་པའི་གསུང་རབ་ས་སྟེང་དུ། །དུས་མཐའ་འཇིག་རྟེན་ཉམས་པ་ན། །སྡོམ་བརྩོན་རྒྱལ་པོའི་ཚུལ་གྱིས་ནི། །འབྱུང་བར་འགྱུར་བར་ཐེ་ཚོམ་མེད། །དཔེར་ན་མ་ཁོལ་ཞེས་བྱ་དང་། །མེ་ཏོག་ཅེས་བྱར་རྣམ་པར་གྲགས། །ཡི་གེ་མ་ཞེས་གཞོན་ནུ་ཞེས། །དང་པོ་ཐ་མར་ཆོས་ལ་དགའ། །ཀླུ་བོས་ཞེས་ཀྱང་རྣམ་པར་གྲགས། རིན་ཆེན་འབྱུང་ཞེས་བྱ་མིང་དང་། །ཡི་གེ་ག་ཞེས་གཞོན་ནུ་ཞེས། །ཡི་གེ་བ་ཞེས་ཆོས་སེམས་བྱེད། །ཡི་གེ་ཨཱ་མིང་བདག་ཉིད་ཆེ། །སྟོན་པའི་བསྟན་པ་གཅེས་འཛིན་བྱེད། །བློ་ལྡན་ཡོན་ཏན་ཀུན་གྱིས་བཀུར། །དང་པོའི་ཡི་གེ་ལ་ཞེས་བསྟན། །རྒྱལ་པོ་སངས་རྒྱས་པ་ཡི་ཕྱོགས། །སྟོན་པའི་བསྟན་པ་གསལ་བར་བྱེད། །སྡོམ་བརྩོན་ཡི་གེ་ཨ་ཞེས་བསྒྲགས། །བྲམ་ཟེ་ལས་ནི་རབ་ཏུ་བྱུང་། །གྲོང་ཁྱེར་གནས་བཅས་གནས་པ་སྟེ། །དེ་བཞིན་ཚེ་ནི་བརྒྱད་ཅུར་འཚོ། །དང་ཡིག་ཡི་གེ་ཨ་དགེ་སློང་། །ལྷོ་ཡི་ཕྱོགས་སུ་འབྱུང་བར་འགྱུར། །བློ་ལྡན་ཚེ་ནི་དྲུག་ཅུར་འཚོ། །ཀ་ཤི་ཞེས་བྱའི་གྲོང་དུ་གནས། །ཡི་གེ་དྷ་ཞེས་སྡོམ་བརྩོན་ཉིད། །ལྷོ་ཡི་ཕྱོགས་སུ་རྣམ་བར་བསྒྲགས། །ཕ་རོལ་རྒོལ་བ་བཟློག་ནས་ཀྱང་། །དེ་བཞིན་སྡོམ་བརྩོན་སྔགས་ཀྱང་འགྲུབ། །གཞན་ཡང་རབ་བྱུང་དམ་པ་ནི། །སིང་ག་ལ་ཡི་གྲོང་ན་གནས། །འཕགས་པ་མིན་ལ་འཕགས་པའི་མིང་། །སིང་ག་ལ་ཡི་གླིང་ན་གནས། །ཕ་རོལ་རྒོལ་བ་བཟློག་ནས་ནི། །མུ་སྟེགས་རྣམས་ཀྱི་སྔགས་སུན་ཕྱུང་། །དེ་དུས་འཇིགས་སུ་རུང་བ་ཡི། །དུས་ཀྱི་མཐའ་ལ་འབྱུང་བར་འགྱུར། །ཡི་གེ་ད་དང་ལ་དང་པོར། །སྡོམ་བརྩོན་གང་ཞིག་རབ་གསུངས་དང་། །ཡི་གེ་ར་དང་བ་དང་པོར། །དགེ་སློང་གང་ཞིག་རབ་འབྱུང་གསུངས། །སྟོན་པའི་བསྟན་པ་གསལ་བྱེད་པ། །འབྱུང་བར་འགྱུར་བར་ཐེ་ཚོམ་མེད། །རྒྱལ་པོ་ནག་པོ་ཞེས་བྱ་བར། །ཡི་གེ་མ་ཞེས་སྡོམ་བརྩོན་འབྱུང་། །མཆོད་རྟེན་ཀུན་དགའ་ར་བ་གནས། །རྫིང་དང་ཁྲོན་པའང་ཐམས་ཅད་དུ། །སྟོན་པའི་གཟུགས་བརྙན་ཐམས་ཅད་བརྟགས། །གཟིངས་དང་ཟམ་པ་ཉིད་རྣམས་ནི། །བྱེད་པར་འགྱུར་བར་ཐེ་ཚོམ་མེད། །མཚན་གྱིས་ལུས་ཞིག་མཐོ་རིས་འགྲོ། །དེ་ནས་ཡི་གེ་ས་དང་ཀ། དང་པོ་དག་ཏུ་བརྗོད་པ་དང་། །དེ་བཞིན་ཡི་གེ་ར་དང་གྷ། །དང་པོ་དག་ཏུ་རབ་བརྗོད་དང་། །དང་པོར་ཡི་གེ་བ་དང་ནི། །ལེགས་བཞིན་ལེགས་ཏེ་བདེ་ཞེས་བསྟན། །སྦྱིན་བྱེད་སྦྱིན་པར་བྱེད་པ་ཉིད། །གཞན་གྱི་གྲུབ་མཐའ་སུན་བྱེད་པ། །ཚོང་པ་སྔོན་དང་སྨན་པ་སྔོན། །གཉིས་ཀ་སྦྱིན་བྱེད་སྣ་ཚོགས་བྱེད། །ཡི་གེ་བ་ཞེས་སྡོམ་བརྩོན་བསྒྲགས། །དེ་ལས་གཞན་པ་དང་ཡིག་ར། །དང་པོ་ཡི་གེ་བ་གྲགས་དང་། །སྟོན་པའི་གཟུགས་བརྙན་དོན་ཡང་བྱེད། །བློ་ལྡན་དང་པོར་ཡི་གེ་མ། །དེ་བཞིན་སྡོམ་བརྩོན་དད་པ་འབྱུང་། །རྣམ་པ་དུ་མར་སྡོམ་བརྩོན་གསུངས། །དེ་ཚེ་མཐའ་ཡས་འབྱུང་བར་འགྱུར། །སྡོམ་བརྩོན་ཐམས་ཅད་བསྒྲགས་པ་ཡང་། །སྟོན་པའི་བསྟན་པ་གསལ་བྱེད་པའོ། །བསྟན་པ་དེ་ཚེ་ས་སྟེང་དུ། །རྣམ་པར་ཉམས་ཤིང་སྣང་མེད་ལ། །སྟོན་པའི་གཟུགས་བརྙན་ཡིད་དུ་འོང་། །བྱེད་པར་འགྱུར་བ་ཐེ་ཚོམ་མེད། །ཐམས་ཅད་བྱང་ཆུབ་ལུང་བསྟན་ཏེ། །ང་ཡི་བྱང་ཆུབ་མཆོག་ཐོབ་འགྱུར། །དེ་བཞིན་འཇིག་རྟེན་སྦྱིན་གནས་འགྱུར། །སྲིད་པ་གསུམ་གྱི་མཐར་ཡང་བྱེད། །སྔགས་དང་རྒྱུད་ལ་མངོན་བརྩོན་པས། །གྲགས་པ་འཛིན་པར་ཤེས་པར་བྱ། །བྲམ་ཟེ་ཆོས་ཀྱི་ངང་ཚུལ་ཅན། །ད་ནི་རབ་ཏུ་བརྗོད་པར་བྱ། །སྔགས་དང་རྒྱུད་ལ་མངོན་བརྩོན་པས། །རྒྱལ་པོའི་ལུགས་ལ་ཉེ་བར་གནས། །དེ་ཚེ་མི་བཟད་དུས་དག་ཏུ། །འཇིག་རྟེན་ཀུན་ལ་འབྱུང་བར་འགྱུར། །ཡི་གེ་བ་ཞེས་བྲམ་ཟེ་མཆོག །ཕྱུག་ཅིང་རིག་བྱེད་ཕ་རོལ་ཕྱིན། །དེ་འདིར་ས་རྣམས་མ་ལུས་པར། །རྩོད་པའི་ཕྱིར་ནི་རབ་ཏུ་རྒྱུ། །མཚོ་གསུམ་ས་ཡི་མཐར་ཐུག་པར། །ཕ་རོལ་མུ་སྟེགས་རྩོད་ལ་དགའ། །གང་ཕྱིར་དང་པོ་གཙོ་བོའི་ཚིག །སེམས་ཅན་རྣམས་ལ་ཕན་འདོད་པས། །གཞོན་ནུས་ཡོངས་སུ་གསུངས་གྱུར་པ། །ཡི་གེ་དྲུག་པའི་སྔགས་ཀྱང་ཟློས། །ཆོ་ག་རབ་འབྱམས་འདི་དག་ལས། །དེས་ནི་དེ་ཕན་དེ་ལ་བསྟན། །རྒྱལ་དང་ལེགས་པར་རྒྱལ་བ་དང་། །གྲགས་ལྡན་དགེ་བ་དེ་ལས་གཞན། །རིགས་ལྡན་ཆོས་དང་ལྡན་པ་དང་། །རྩོད་ལྡན་ལེགས་པར་ཁྱབ་འཇུག་དང་། །སྦྲང་རྩི་སྦྲང་རྩི་བཟང་པོ་དང་། །དེ་བཞིན་གྲུབ་དང་ལེགས་བྲལ་དང་། །ར་གྷ་པ་དང་དམངས་རིགས་དང་། །དེ་བཞིན་ཀ་ཤིར་སྐྱེས་པ་གཞན། །གཞོན་ནུ་འདི་ཡི་བཟླས་པ་ལ། །ཐམས་ཅད་ཀུན་ཡང་འབྱུང་བར་འགྱུར། །དེ་དག་ཀུན་ཀྱང་བཟང་པོ་སྟེ། །བློ་ལྡན་མང་དུ་ཐོས་པ་ཡིན། །ཞེས་པ་དང་། དེ་འོག་རྣམ་པར་གྲགས་པ་ནི། །བྲམ་ཟེ་དང་པོའི་ཡི་གེ་པི། །གྲོང་ཁྱེར་མེ་ཏོག་ཅེས་བྱ་བར། །དེ་ནི་ཁྲོ་བོ་གྲུབ་པར་འགྱུར། །ཞེས་དང་། །དེ་འོག་རྣམ་པར་གྲགས་པ་ནི། །བྲམ་ཟེ་ཡི་གེ་དང་པོ་ཨ། །ཆོས་དོན་དགེ་བ་ལྡན་བདག་ཉིད། །བདེན་པར་སྨྲ་ཞིང་དབང་པོ་ཐུལ། །ཞེས་དང་། །དེ་འོག་རྣམ་པར་གྲགས་པ་ནི། །བྲམ་ཟེ་ཆོས་དོན་སེམས་བྱེད་པ། །དེ་ནས་མཐར་ནི་དང་ཡིག་ཤ། །མ་ལའི་ཡུལ་དུ་དེ་ནི་འབྱུང་། །ཞེས་དང་། །དེ་འོག་རྣམ་པར་གྲགས་པ་ནི། །ལྷོ་ཡི་ཕྱོགས་སུ་བྲམ་ཟེ་ནི། །ཡི་གེ་དང་པོ་བ་བསྟན་པ། །སྟོན་པའི་བསྟན་ལ་དེ་གཙོ་བྱེད། །མཆོད་རྟེན་ཀུན་དགའ་ར་བ་གནས། །སྟོན་པའི་གཟུགས་བརྙན་ཡིད་འོང་གིས། །ས་ནི་རྒྱ་མཚོ་གཉིས་མཐར་ཐུག །ཐམས་ཅད་ཀྱི་ནི་རྒྱན་དུ་བྱས། །དེ་འོག་རྣམ་པར་གྲགས་པ་ནི། །བྲམ་ཟེའི་གཙོ་པོ་ནོར་ཆེན་ལྡན། །དང་པོ་ཡི་གེ་ན་ཞེས་པ། །ལྷོ་ཡི་ཕྱོགས་སུ་ཡང་དག་བསྟེན། །བདག་ཉིད་ཆེན་པོ་སྔགས་ཟློས་ལྡན། །ངེས་པར་བྱང་ཆུབ་གཞོལ་བར་འགྱུར། །ཞེས་པ་འདི་གཉིས། དབྱིག་གཉེན་དང་ཕྱོགས་གླང་ལ་སྦྱོར་བ་མང་སྟེ་མིན་པ་འདྲ། སྡོམ་བརྩོན་ལས་ལོགས་སུ་ཕྱེ་བས་བཤད་པའི་ཕྱིར་དང་། བྱེད་ལས་དང་མཚན་ཉིད་མེད་པའི་ཕྱིར་རོ། །དབུས་ཀྱི་ཡུལ་དུ་བསྟན་པ་ནི། །བྲམ་ཟེ་གང་བ་བཟང་ཞེས་པ། །འདུལ་བ་དང་ནི་ཚུལ་བཟང་ཉིད། །གང་བ་བཅོམ་བརླག་ཉིད་དུ་གནས། །དང་ཡིག་བྷ་ནི་ནོར་གྱི་སྤྱན། །རྒྱལ་པོ་རྣམས་ཀྱིས་བསྔགས་མཆོད་བྱེད། །བྲམ་ཟེ་འདི་དག་བསྟན་པ་ནི། །སྟོན་པའི་བསྟན་པ་མཆོད་བྱེད་པའོ། །ཞེས་གསུངས་སོ། །
ཤར་ཕྱོགས་རྒྱ་མཚོར་བརྟེན་ནས་ནི། །དེ་འདིར་འབྲོག་གི་མཐར་ཐུག་པར། །བློ་ལྡན་ལོ་ཧི་ཏ་ལས་གཞན། །བྱང་དུ་དེ་བཞིན་ཁ་བ་ཅན། །ཞེས་པ་འདིས་ཡ་འབྲོག་ཏུ་འཁྲུངས་པའི་ལོ་ཙྪ་བ་ཆེན་པོ་བསྟན་པར་འདོད་དེ། རྒྱལ་པོ་ལུང་བསྟན་པའི་སྐབས་ཡིན་པས་བརྟག་དགོས་ཏེ། །དེའི་འཕྲོ་ལས་ནུབ་ཏུ་ཀ་ཤི་ཉམས་དགའི་གྲོང་། རྩེ་མོ་ཞེས་བྱའི་གྲོང་དེ་བཞིན། །འདི་ཡི་ནང་དུ་རྒྱལ་པོ་ནི། །སྟོན་པའི་བསྟན་པ་གསལ་བྱེད་པ། །དེ་ནི་སེང་གེ་ལྔ་ཞེས་བྱ། །ཞེས་པས་སོ། །གཞན་ཡང་སྟོན་པ་འདས་ནས་ལོ་བརྒྱ་ན་གྲོང་ཁྱེར་མེ་ཏོག་ཅན་དུ་རྒྱལ་པོ་མྱ་ངན་མེད་འབྱུང་སྟེ། ལོ་བརྒྱ་ལྔ་བཅུར་འཚོ་ཞིང་། ལོ་བརྒྱད་ཅུ་རྩ་བདུན་དུ་མཆོད་རྟེན་མཆོད་པར་བྱེད་དོ། །དེ་ནས་རྒྱལ་པོ་མྱ་ངན་བྲལ་ཞེས་པ་ལོ་བདུན་ཅུ་རྩ་དྲུག་ཏུ་མཆོད་རྟེན་མཆོད་དོ། །དེ་ནས་རྒྱལ་པོ་དཔའ་བོའི་སྡེ་ལོ་བདུན་ཅུར་རྒྱལ་སྲིད་བྱེད་དོ། །དེ་ནས་རྒྱལ་པོ་དགའ་བོ་ལོ་ལྔ་བཅུ་རྩ་དྲུག་རྒྱལ་སྲིད་བྱེད་ཅིང་། དེའི་གྲོགས་པོ་བྲམ་ཟེ་པཱ་ཎི་ནི་ཡིན་ནོ། །དེ་ནས་རྒྱལ་པོ་ཟླ་བ་སྦས་པ་འབྱུང་། དེ་ནས་དེའི་བུ་སྙིང་པོ་ཐིག་ལེ་ཞེས་བྱ་བས་ལོ་བདུན་ཅུར་རྒྱལ་སྲིད་བྱེད། དེའི་བློན་པོ་ཙ་ན་ཀ་སྟེ་དམྱལ་བར་འགྲོ། དགེ་སློང་དགའ་བོའི་འོག་ཏུ་ཙན་དན་སྐྱོང་ཞེས་པ། ལོ་སུམ་བརྒྱར་འཚོ་བ་འབྱུང་། དེ་ནས་རྒྱལ་པོ་བཙུན་པ་ཞེས་པས་ཤར་ཕྱོགས་ནས། ཁ་ཆེའི་བར་གྱི་ལྷ་ཁང་མཆོད་རྟེན་རྣམས་བསྲེགས། བཙུན་པ་རྣམས་གསོད་པར་བྱེད་པ་འབྱུང་། དེའི་འོག་ཏུ་རྒྱལ་པོ་སངས་རྒྱས་ཕྱོགས་ཞེས་པ་འབྱུང་། དེ་ནས་རྒྱལ་པོ་ཐམས་ཅད་སྔོན་དགའ་ཞེས་པ་ལོ་སུམ་བརྒྱ་ཐུབ་པ་ཞིག་འབྱུང་། དེའི་བུ་རྒྱལ་པོ་ཟབ་མོའི་ཕྱོགས་ཞེས་པ་ལྔ་ལེན་དུ་འབྱུང་། གངས་རིའི་ནང་བྱང་ཕྱོགས་ལྷ་ལྡན་གྱི་ཡུལ་དུ་རྒྱལ་པོ་མིའི་ལྷ་ཞེས་པ་ལོ་བརྒྱད་ཅུ་ཐུབ་པ་ཞིག་འབྱུང་། །རྒྱའི་ཡུལ་དུ་རྒྱལ་པོ་དབྱིག་གི་སྙིང་པོ་ཞེས་པ་ལོ་བརྒྱ་ལྔ་བཅུ་ཐུབ་པ་དེའི་ཡུལ་དུ། བྱང་ཆུབ་སེམས་དཔའ་དཔའ་པོ་ཆེ། །འཇམ་པའི་དབྱངས་ནི་འོད་ཆེན་པོ། མངོན་སུམ་དེ་ཡི་ཡུལ་དག་ན། །བྱིས་པའི་གཟུགས་ཀྱིས་བཞུགས་པ་ཡིན། བྱང་ཕྱོགས་སུ་རྒྱལ་པོ་ཏུ་རུ་ཀྵ་ཞེས་པ་ལོ་སུམ་བརྒྱ་ཐུབ་པ་འབྱུང་། དེ་ནས་ཏུ་རུ་ཀྵ་མང་པོས་བཀུར་བ་ཞེས་པ་ལོ་ཉིས་བརྒྱ་ཐུབ་པ་འབྱུང་། ནུབ་ཕྱོགས་འཕགས་རྒྱལ་གྱི་ཕ་རོལ་ལ་དའི་ཡུལ་དུ་རྒྱལ་པོ་ངང་ཚུལ་ཞེས་པ་ལོ་སུམ་བརྒྱར་རྒྱལ་སྲིད་བྱེད། དེ་ནས་རྒྱལ་པོ་གཡོ་བ་ཞེས་པས་ལོ་ལྔ་བཅུ་རྩ་ལྔ་དང་། ཟླ་བ་ལྔ་ཐུབ་པ་འབྱུང་ཞིང་། དེ་དག་ཕལ་ཆེར་བྱང་ཆུབ་ཐོབ་པར་ལུང་བསྟན་ནོ། །གཞན་ཡང་རྒྱལ་པོ་མང་པོ་ལུང་བསྟན་ཏེ། མངས་ཀྱིས་དོགས་པས་མ་བྲིས་སོ། །མགོན་པོ་མངོན་འབྱུང་གི་རྒྱུད་ལས་ཀྱང་། ཉ་པ་གཅིག་ཉ་ཡིས་ཟོས་ནས་ཤི་བ་དང་། རྣལ་འབྱོར་པ་དཱ་རི་ཀ་ཞེས་པར་གྱུར་ནས། དེས་ཆུ་བོ་གངྒཱ་ལ་ཆང་འཕངས་པ། ཆུ་ཚོད་གཅིག་ན་ཡུལ་བ་ད་ཧ་ཞེས་པར་འགྱུར་རོ། །དེའི་སྔགས་ཀྱི་འབྲས་བུ་མཁའ་འགྲོ་དང་མཁའ་འགྲོ་མ་འཆིང་ངོ་ཞེས་པ་དང་། ཡུལ་ཨོ་རུ་བི་ས་དེར་སྐྱེས་བུ་བརྩོན་འགྲུས་ཆེན་པོའི་སྦྱོར་བ་དང་ལྡན་པ། མ་ནིའི་བཀའ་དང་མཚུངས་པ་སྡེ་ཚན་དང་པོའི་ཀ་ལ་དབྱངས་ཡིག་དང་པོས་བརྒྱན་པ་སྡེ་ཚན་བདུན་པའི་བཞི་པ་ཅུང་ཟད་ན་ལ་ཞོན་པའི་མིང་ཅན་རྣལ་འབྱོར་དབང་པོ་གཅིག་པོ་འདིས་དངོས་གྲུབ་ཆེན་པོ་བརྒྱད་ཐོབ་པར་འབྱུང་ངོ་ཞེས་ཀ་ཧྣ་པ་སྟེ། ནག་པོ་སྤྱོད་པ་བ་ལུང་བསྟན་ནོ། །ཡང་དེའི་སློབ་མ་རྣལ་འབྱོར་པ་དྲུག་གིས་ལུས་དངོས་པོ་སྤངས་པའི་ཕྱག་རྒྱ་ཆེན་པོ་ཐོབ་པར་འགྱུར་རོ་ཞེས་པ་དང་། པ་ཎྜི་རྣམས་ཀྱི་གཙོ་བོར་གྱུར་པ་ཆོས་ཀྱི་གྲགས་པ་ཞེས་པར་གྲགས་པ་འདི་དང་། སྐྱེས་བུ་དྲུག་བསྟན་པ་ལ་ཕན་པ་ཚངས་པར་སྤྱོད་པ་ལ་གནས་པ་རྣམས་ཀྱིས་གྲུབ་པ་ཐོབ་བོ། །ཕྱི་ནས་མ་ཧི་ལ་དང་སཾ་ག་ར་དང་བྷ་བྱ་གྷོ་ཀྵ་དང་ས་ཧ་པྲ་ཀརྞ་ཞེས་པའི་མིང་ཅན་ཡོངས་སུ་སྐྱོང་བ་རྣམས་ལོ་བཅུ་གསུམ་གྱིས་གྲུབ་པ་ཐོབ་པར་འགྱུར་རོ་ཞེས་པ་དང་། དེའི་ལྷོ་ཕྱོགས་སུ་གྲོང་ཁྱེར་ཨ་ཛཱ་ར་ཡོ་གི་ནི་ཞེས་པ་འབྱུང་སྟེ། དེར་ཀླུ་སྒྲུབ་ཅེས་བྱ་བའི་རྣལ་འབྱོར་པས། ཤིང་ཤ་ལ་ཞོན་པ་གོ་པཱ་ལ་ཞེས་པ་ལ་རྒྱལ་པོ་བྱིན་པས། བུ་ཤི་ནས་བ་ཧ་ནའི་ཚ་བོ་ལ་སོགས་པའི་རྒྱལ་པོ་འབྱུང་ངོ་ཞེས་སོ། །དུས་ཀྱི་འཁོར་ལོའི་རྒྱུད་ཕྱི་མ་ལས། དགེ་སློང་སློབ་དཔོན་ཀློ་སྒྲུབ་ཅེས་བྱ་མ་ལུས་ཡོན་ཏན་འབྱུང་ཁུངས་སེམས་ཅན་ཀུན་ལ་ཕན་འདོགས་པ། །སློབ་དཔོན་བློ་བརྟན་ཞེས་བྱ་གཅོད་བྱེད་ཚེ་ཡི་གྲུབ་པ་སྟོང་ཕྲག་བཅུ་དང་བཅས་པ་རྣམས་ཞེས་བྱ་བ་དང་། །དགེ་བཅུའི་ལམ་གྱིས་གྲུབ་པར་གྱུར་པ་འཕགས་པ་ལྷ་དང་ལྭ་བའི་ན་བཟའ་རྟ་དབྱངས་དང་། ཕྱོགས་ཀྱི་གླང་པོ་གཞན་ལ་ཕན་པའི་བསམ་པ་ཟླ་བ་པདྨ་པདྨའི་མྱུ་གུ་ཞེས། །མ་འགོངས་བྷ་ས་ལ་ཡི་རྟོག་པའི་རྒྱལ་པོ་མ་ལུས་ནག་པོ་རྒྱལ་པོ་ཨིནྡྲ་བོ་དྷི་དང་། ཞེས་པ་དང་། ཡེ་ཤེས་མིང་ཅན་རྡོ་རྗེ་དྲིལ་བུ་ལག་ལྟུང་དག་ཀྱང་དེ་བཞིན་ཐོད་པར་ཆང་འཐུང་ཞིང་། ཁ་ཊྭཾ་ག་དང་རུས་པའི་རྒྱན་ཆ་ཆང་སྣོད་ཅང་ཏེའུ་སྟེར་བ་ནག་པོའི་མིང་ཅན་ནོ། །ཞེས་གསུངས་པས། ལུང་བསྟན་པའི་གང་ཟག་དེ་དག་གིས་བསྟན་པ་འཇིག་པར་བྱེད་དོ། །ཁ་ཅིག་རྣལ་འབྱོར་པའི་ཆ་བྱད་ཅན་ལ་ལུང་བསྟན་མེད་ཅེས་སྨྲ་བའང་། དེ་དག་གིས་ཁེགས་སོ། །སྤྱིར་སངས་རྒྱས་ཀྱི་བསྟན་པ་འཛིན་པ་བཤད་སྒྲུབ་བྱེད་པ། ཁྱད་པར་སངས་རྒྱས་སྟོང་གི་བསྟན་པ་ཕྱག་རྡོར་གྱིས་བསྲུང་སྡུད་སྐྱོང་། །ཐུབ་པ་འདིའི་བསྟན་པ་འཇམ་དཔལ་དང་ཕྱག་རྡོར་དང་། ཚངས་པ་བརྒྱ་བྱིན་ལ་སོགས་པས་བསྲུང་སྟེ། འཇམ་དཔལ་རྩ་རྒྱུད་ལས། ཐུབ་དབང་ཡོངས་སུ་མྱ་ངན་འདས། །དམ་པའི་ཆོས་ནི་བསྲུང་བའི་ཕྱིར། །དེ་ཚེ་རྟག་བསྲུང་བར་ནི། །འཇམ་པའི་དབྱངས་སུ་འགྱུར་བ་ཡིན། །ཞེས་སོ། །ཁྱད་པར་དུ་གནས་བརྟན་བཅུ་དྲུག་གིས་སྐྱོང་སྟེ། སུམ་ཅུ་རྩ་གསུམ་ན་གནས་བརྟན་ལམ་པ། གངས་ཅན་ན་གནས་བརྟན་མི་ཕྱེད་པ། ནུབ་བ་ལང་སྤྱོད་ན་གསེར་ཅན། བྱང་སྒྲ་མི་སྙན་ན་བྷ་ཀུ་ལ། ཤར་ལུས་འཕགས་ན་བྷ་ར་དྷྭ་ཛ། ཟངས་གླིང་ན་དུས་ལྡན་ཆེན་པོ། སིང་ག་གླིང་ན་རྡོ་རྗེ་མོའི་བུ། །པྲི་ཡང་ཀུའི་གླིང་ན་སྒྲ་གཅན་འཛིན། ཆུ་བོ་ཡ་མུ་ནའི་གླིང་ན་དཔལ་བཟང་། རི་བི་ཧུ་ལ་ན་སྦེད་བྱེད། ངོས་ཡངས་ཀྱི་རི་ལ་ཀླུ་སྡེ། ལོ་མ་བདུན་པའི་རི་ལ་ནགས་གནས། བྱ་རྒོད་སྤུངས་པ་ལ་ལམ་ཕྲན། ཁ་ཆེར་གསེར་གྱི་བེའུ། ཏི་སི་ལ་ཡན་ལག་འབྱུང་། དྲང་སྲོང་ཤེལ་ནགས་ལ་མ་ཕམ་པ་སྟེ། བཅུ་དྲུག་པོ་རེ་རེ་ལ་དགྲ་བཅོམ་པ་མང་པོས་བསྐོར་ཏེ། མྱ་ངན་ལས་མི་འདའ་བར་ཐུབ་པའི་གསུང་བསྒྲུབ་ཅིང་བསྟན་པ་སྐྱོང་བར་བྱེད་དོ། །

ལུང་བསྟན་པའི་གང་ཟག་གིས་བསྟན་པ་ལ་བྱ་བ་བྱས་ཚུལ།

སྒྲའི་བསྟན་བཅོས་ཀྱི་ལོ་རྒྱུས།

མདོ་ལང་ཀར་གཤེགས་པར། སྒྲ་བྱེད་པ་ནི་པཱ་ཎི་ནི། །ཞེས་ལུང་བསྟན་ཅིང་། འཇམ་དཔལ་རྩ་བའི་རྒྱུད་ལས་ཀྱང་། བྱང་ཆུབ་ཐོབ་པར་ལུང་བསྟན་པའི་བྲམ་ཟེ་པཱ་ཎི་ནི་ལ་སོགས་པས་མཛད་པའི་སྒྲའི་བསྟན་བཅོས་ཀྱི་ལོ་རྒྱུས་ནི། དང་པོ་སུམ་ཅུ་རྩ་གསུམ་དུ་སརྦ་ཛྙཱན་ཞེས་པའི་ལྷ་ཞིག་གིས་སྒྲའི་བསྟན་བཅོས་ཆེན་པོ་ཞིག་བྱས་ཏེ། ལྷ་རྣམས་ཀྱིས་སྤྱད་དེ། ནུབ་ནས་འཛམ་བུའི་གླིང་དུ་མ་ཕྱིན་ནོ། །དེ་ནས་ལྷའི་དབང་པོ་བརྒྱ་བྱིན་གྱིས། སྒྲའི་བསྟན་བཅོས་ཤིག་མཛད་དེ། ཨིནྡྲ་བྱཱ་ཀ་ར་ཎ་ཞེས་གྲགས་པ་དེ་དྲང་སྲོང་ཕུར་བུས་ལེགས་པར་ཤེས་ནས་ལྷའི་བུ་རྣམས་ལ་བསྟན་པས། ལྷའི་བླ་མ་ཞེས་སམ་སྒྲ་མཁན་ཞེས་མིང་དུ་གྲགས་སོ། །དེ་ང་ལས་སྒྲ་མཁས་པ་མེད་སྙམ་དུ་ང་རྒྱལ་བྱེད་པ་ན། ལྷའི་དབང་པོས་རྒྱ་མཚོ་ལས་ཆུ་བུམ་པ་གང་བླངས་ཏེ། དེ་ལས་ཀུ་ཤའི་རྩེས་ཆུ་ཐིགས་པ་གཅིག་བླངས་ཏེ། ཕུར་བུ་ལ་སྒྲ་སྤྱིར་རྒྱ་མཚོ་ཙམ། ངས་ཤེས་པ་བུམ་ཆུ་ཙམ། ཁྱོད་ཀྱིས་ཤེས་པ་འདི་ཙམ་མོ་ཞེས་བརྗོད་པས། ཕུར་བུ་ཡི་མུག་སྟེ། སྒྲ་ཡེ་མི་སློབ་པར་སེམས་པ་ལ། དབང་པོས་འོན་ཀྱང་ཇི་ལྟར་ཤེས་པ་སློབས་ཤིག་ཅེས་བསྒོས་པས་བཀའ་མ་བཅག་པར་དུས་བཟང་བཞི་ལ་མི་སློབ་གཞན་ལ་སློབ་པར་ཁས་བླངས་པས། བྲམ་ཟེ་རྣམས་དེང་སང་ཡང་། ཚེས་བརྒྱད་སློབ་དཔོན་ངེས་པར་འཇོམས། །བཅུ་བཞི་ལ་ནི་སློབ་མ་འཇོམས། །གནམ་སྟོང་ལ་ནི་རིག་པ་འཇོམས། །ཚེས་གཅིག་ལ་ནི་ཐམས་ཅད་འཇོམས། །ཟེར་ནས་དུས་བཟངས་བཞི་སྲུང་བ་ཡང་དེ་ཡིན་ནོ། །བསྟན་བཅོས་དེ་འཛམ་བུའི་གླིང་དུའང་ཕྱིན་ཏེ་དར་བར་གྱུར་ཏོ། །དེ་ནས་དེ་ནུབ་པ་དང་བྲམ་ཟེ་པཱ་ཎི་ནི་བྱུང་སྟེ། སྒྲ་བསླབ་པར་འདོད་ནས། ལག་རིས་མཁན་ལ་བསྟན་པས་སྒྲ་མི་ཤེས་པར་འདུག་ཟེར་བ་དང་། མཚོན་རྣོན་པོས་ལག་རིས་བྲིས་ཏེ། སློབ་དཔོན་འཚོལ་དུ་སོང་བས་མ་རྙེད་དོ། །དེ་ནས་མ་ཧཱ་དེ་བ་བསྒྲུབས་པས་ཞལ་བསྟན་ནས། ཅི་འདོད་ཟེར་བ་ལ་སྒྲ་ཤེས་པར་འཚལ་ལོ། །ཞེས་སྨྲས་པས། ལྷས་བྱིན་གྱིས་བརླབས་ཏེ་དུས་གཅིག་ཏུ། ཨ་ཨི་ཨུ་ཞེས་བརྗོད་པས། སྒྲ་ཐམས་ཅད་ཤེས་ཞེས་གྲག་གོ། ནང་པ་རྣམས་སྤྱན་རས་གཟིགས་བསྒྲུབས་པས་ཤེས་པར་འཆད་པ་དེ་ལུང་དང་མཐུན་ཏེ། འཇམ་དཔལ་རྩ་རྒྱུད་ལས། བྲམ་ཟེའི་ཁྱེའུ་པཱ་ཎི་ནི། ངེས་པར་ཉན་ཐོས་བྱང་ཆུབ་ཏུ། །ང་ཡིས་ལུང་བསྟན་བྱས་པ་ཡིན། །འཇིག་རྟེན་དབང་ཕྱུག་བདག་ཉིད་ཆེ། །དེ་ཡང་དེ་ཡི་སྔགས་གྲུབ་བོ། །ཞེས་པས་སོ། །སློབ་དཔོན་དེས་སྒྲའི་བསྟན་བཅོས་ཤུ་ལོ་ཀ་ཉིས་སྟོང་ཡོད་པ་ཞིག་བྱས་ཏེ། པཱ་ཎི་བྱཱ་ཀ་ར་ཎ་ཞེས་གྲགས་སོ། །དེ་ལ་ཀླུའི་རྒྱལ་པོ་ཞིག་གིས་མ་ཧཱ་བྷ་ཀྵ་ཞེས་པའི་འགྲེལ་པ་ཤུ་ལོ་ཀ་འབུམ་ཡོད་པ་ཞིག་བྱས་ཏེ་ཤིན་ཏུ་དར་རོ། །དུས་ཕྱིས་རྒྱལ་པོ་བདེ་སྤྱོད་ཀྱི་བཙུན་མོ་སྒྲའི་ཆ་ཤས་ཅུང་ཟད་ཤེས་པ་ཞིག་ཡོད་པ་དེ་དང་། རྒྱལ་པོ་ཁྲུས་བྱེད་ཅིང་རྒྱལ་པོས་ཆུ་གཏོར་བས་བཙུན་མོས། མ་མོ་ད་ཀཱ་སིཉྩ། ཞེས་སཾ་སྐྲི་ཏའི་སྐད་དུ་བདག་ལ་ཆུ་མ་འཐོར་བྱས་པས། རྒྱལ་པོས་འཕྲལ་སྐད་ཀྱི་ཚིག་ཟུར་དང་སྦྱར་ནས། ཏིལ་གྱི་ཚོད་མ་བླང་ཞེས་པར་གོ་ནས། བྲན་ཞིག་ལ་ཏིལ་གྱི་ལ་དུ་བསྐུར་བས། བཙུན་མོས་ཁྲེལ་ཏེ། བ་ལང་འདྲ་བ་འདི་དང་འགྲོགས་པ་བས་ཤི་བླའོ་སྙམ་སྟེ་ལྕེབ་པར་རྩོམ་པ་ན། རྒྱལ་པོས་ཅི་ཡིན་དྲིས་པས་གོང་གི་ལོ་རྒྱུས་བསྙད་དོ། །དེ་ནས་རྒྱལ་པོའི་ཞང་པོ་སརྦ་ཝརྨ་ཞེས་བྱ་བས། རྒྱལ་པོ་ལ་ངས་གཞོན་ནུ་སྨིན་དྲུག་བསྒྲུབས་ལ། ངག་གི་དངོས་གྲུབ་བླངས་ལ། རྒྱལ་པོས་ཀྱང་སྒྲ་ཤེས་པར་བྱ་ཡིས། བཙུན་མོ་ལ་དེ་ལྟར་མ་བྱེད་ཅིག་ཅེས་གྱིས་ཤིག །རྒྱལ་པོས་ཀྱང་དེ་ལྟར་བྱས་ཏེ་བཙུན་མོ་སྤྲོ་བསྲིངས་སོ། །སརྦ་ཝརྨས་བསྒྲུབས་པས་གཞོན་ནུ་སྨིན་དྲུག་གིས་ཞལ་བསྟན་ནས་ཅི་འདོད་ཟེར་བ་ལ། སྒྲ་ཤེས་པར་འཚལ་ལོ་ཞུས་པས། སིདྷི་ཝརྞ་ས་མཱ་ལ་ཡ་ཞེས་པ་ནས། ལེའུ་བཅོ་ལྔའི་བར་དུ་བཤད་པ་དང་། དེ་རློམ་བ་སྐྱེས་ཏེ་དེས་འཚལ་ལོ་ཞེས་སྨྲས་པས། སྨིན་དྲུག་གིས་བཞོན་པ་བསྐྱོད་དེ། རྨ་བྱའི་མཇུག་མ་ལོག་སྟེ་བྱུང་བ་དང་། ཀ་ལཱ་པ་བཟོད་པར་གསོལ་ཞེས་སྨྲས་སོ། །ཀ་ལཱ་པ་ནི་ཆ་བསགས་ཏེ། རྨ་བྱའི་མདོངས་ལ་འཇུག་པས་དེ་བཞིན་གྲགས་སོ། །དེ་ནས་རྒྱལ་པོ་ལ་བསླབས་པས་ཤེས་ནས་བཙུན་མོའང་མགུའོ། །དེ་ལ་སྒྲ་མ་རྫོགས་པར། སརྦ་ཝརྨ་དང་བྲམ་ཟེ་མཆོག་སྲེད་ཀྱིས་བསྣན་ཏེ། ཤུ་ལོ་ཀ་བཞི་བརྒྱ་ལེའུ་ཉེར་བཞི་ཡོད་པ་ཞིག་བྱས་སོ། །དེ་ལ་པཎྜི་ཏ་བགྲོད་དཀའ་སེང་གེས་འགྲེལ་པ་མཛད་དོ། །པཎྜི་ཏ་གྲགས་འབྱོར་གྱིས་འགྲེལ་པ་སློབ་མ་ལ་ཕན་པ་ཞེས་པ་བྱས་སོ། །དེ་ཙནྡྲ་བྱཱ་ཀ་ར་ཎ་བྱུང་ངོ་། །དེ་ལ་ཙནྡྲ་གོ་མིའི་ཞང་པོ་ཆོས་ཀྱི་འབངས་ཞེས་པས་འགྲེལ་པ་ཤུ་ལོ་ཀ་སྟོང་ཕྲག་དྲུག་ཡོད་པ་ཞིག་མཛད་དེ། དེ་ལ་སློབ་དཔོན་རིན་ཆེན་བློ་གྲོས་ཞེས་པས་འགྲེལ་བཤད་ཤུ་ལོ་ཀ་སྟོང་ཕྲག་བཅུ་གཉིས་པ་མཛད། དེ་ལ་པཎྜི་ཏ་ཟླ་བ་གང་བ་ཞེས་པས་འགྲེལ་བཤད་ཀྱི་བཤད་པ་ཤུ་ལོ་ཀ་སུམ་ཁྲི་དྲུག་སྟོང་ཞིག་མཛད་དོ། །དེ་ནས་པཎྜི་ཏ་རཱ་ཛཱ་ཤྲཱི་ཞེས་པས་ཀ་ལཱ་པ་དང་ཙནྡྲ་པ་གཉིས་གའི་དོན་བསྡུས་པ་ཞིག་མཛད་དེ། རཱ་ཛཱ་ཤྲཱི་བྱཱ་ཀ་ར་ཎ་ཞེས་གྲགས་སོ། །དུས་ཕྱིས་པཎྜི་ཏ་སྨྲྀ་ཏིས་བོད་ལ་ཕན་པའི་སྒྲ་སྨྲ་སྒོ་མཚོན་ཆ་མཛད་དོ། །དེ་ལྟར་སྒྲའི་བསྟན་བཅོས་དང་སྙན་དངགས་དང་ཟློས་གར་དང་སྨན་དཔྱད་ལ་སོགས་པའི་ལོ་རྒྱུས་རྒྱས་པར་གཞན་དུ་ཤེས་པར་བྱའོ། །
དེ་ལྟར་ལུང་བསྟན་པའི་གང་ཟག་གིས་བསྟན་པ་བཤད་སྒྲུབ་ཀྱི་སྒོ་ནས་བཟུང་ནས། དེང་སང་ཡང་ཆ་ཙམ་ཞིག་གནས་ཀྱི་ཡོངས་སུ་རྫོགས་པ་གང་ན་ཞིག་སྟེ། རྣམ་བཤད་རིགས་པ་ལས། ཡང་དག་བསྡུ་བའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་ཤིང་། སྡུག་བསྔལ་གྱི་ཕུང་པོའི་མདོ་དང་། འཆར་བྱེད་ཀྱིས་ཞུས་པ་དང་། བླ་མའི་མདོ་དང་། ཀུན་དགའ་བོའི་མདོ་དང་། འོད་སྲུངས་ཀྱི་མདོ་ལ་སོགས་པ་མང་པོ་དབྱིག་གཉེན་བཞུགས་དུས་ནུབ་ནས་མ་རྙེད་དོ། །དཀོན་མཆོག་བརྩེགས་པའི་ལེའུ་འབུམ་ཡོད་པ་ལ་ཞེ་དགུ་དང་། འདུས་པ་ཆེན་པོ་ལེའུ་འབུམ་ཡོད་པ་ལ། ཏོག་ལ་སོགས་པ་བརྒྱད་དགུ་ཙམ་དང་། ཕལ་པོ་ཆེ་ལེའུ་འབུམ་ལ་ལེའུ་བཞི་བཅུ་ལྷག་ཙམ་དང་། ལང་ཀར་གཤེགས་པ་སུམ་ཁྲི་དྲུག་སྟོང་ལས་སུམ་སྟོང་དྲུག་བརྒྱ་ཙམ་དང་། རྒྱན་སྟུག་པོ་བཀོད་པ་སྟོང་ཕྲག་བཅུ་གཉིས་པ། སྟོང་སུམ་བརྒྱ་ཙམ་དང་། སྤྲིན་ཆེན་པོ་འབུམ་ཡོད་པ་ལ། ལེའུ་ཅུང་ཟད་དང་། ཏིང་ངེ་འཛིན་རྒྱལ་པོ་བམ་པོ་བཅོ་ལྔ་ཙམ་དང་། གཅིག་ལས་འཕྲོས་པ་ལ་གཅིག་ནས་བརྒྱའི་བར་དུ་འཕྲོས་པ་ཡོད་པ་ལ་གཅིག་ནས་བཅུའི་བར་ཙམ་དང་། མྱ་ངན་ལས་འདས་པ་དང་། དྲན་པ་ཉེར་གཞག་ལ། འགྱུར་མཇུག་མ་རྫོགས་ཤིང་། དཔའ་བར་འགྲོ་བའི་མདོ་སྟོང་ཕྲག་བཅུ་པ་ལ། ལེའུ་གཅིག་ཙམ་དང་། དེ་བཞིན་གཤེགས་པའི་གཙུག་ཏོར་ཆེན་པོ་དང་། རྟོགས་པ་ཆེན་པོ་དང་། ཟླ་བ་སྙིང་པོས་ཞུས་པ་རྣམས་ལ་ལེའུ་མང་དུ་ཡོད་པའི་ལེའུ་རེ་རེ་ཙམ་ལས་མེད་ཅིང་མ་འགྱུར་ལ། སྔར་འགྱུར་བའང་ཅི་རིགས་པར་ནུབ་ཅིང་། གཞན་ཡང་རྒྱ་འགྲེལ་ཆེན་པོ་རྣམས་སུ་ལུང་དྲངས་པའི་མདོ་མང་པོ་མི་སྣང་ངོ་། །གཞན་མདོ་སྡེ་རྣམ་འབྱོར་སྤྱོད་པའི་ས་ཆེན་པོ་ལ་སོགས་པ་ལྷའི་ཡུལ་ན་བཞུགས། རྒྱལ་བའི་ཡུམ་རྒྱས་པ་བྱེ་བ་ཕྲག་བརྒྱ་པ། དྲི་ཟའི་རྒྱལ་པོ་རྣམ་པར་རྒྱལ་བའི་གནས་ན་ཡོད། འབྲིང་འབུམ་ཕྲག་བརྒྱ་བ་ལྷའི་དབང་པོའི་གནས་ན་ཡོད། བསྡུས་པ་འབུམ་ཀླུའི་ཡུལ་ན་ཚང་བར་བཞུགས། གསང་སྔགས་ལའང་ཡེ་ཤེས་རྡོ་རྗེ་ཀུན་ལས་བཏུས་སུ་བྱ་བའི་རྒྱུད་སྟོང་ཕྲག་བཞི། སྤྱོད་པའི་རྒྱུད་སྟོང་ཕྲག་བརྒྱད། རྟོག་པའི་རྒྱུད་སྟོང་ཕྲག་བཞི། གཉིས་ཀའི་རྒྱུད་སྟོང་ཕྲག་དྲུག །རྣལ་འབྱོར་ཆེན་པོའི་རྒྱུད་སྟོང་ཕྲག་བཅུ་གཉིས། རྣལ་འབྱོར་ཆེན་པོ་བླ་ན་མེད་པའི་རྒྱུད་སྟོང་ཕྲག་བཅུ་བཞི་གསུང་པར་བཤད་ཅིང་། རྒྱུད་རེ་རེ་ལའང་རྩ་རྒྱུད་བཤད་རྒྱུད་ལ་སོགས་མང་པོ་ཡོད་པ་ལས། འདར་བྱེད་ཀྱི་གླིང་ན་ཀྱེ་རྡོ་རྗེ་འབུམ་ཕྲག་ལྔ་པ་དང་། གསང་བ་འདུས་པ་སྟོང་ཕྲག་ཉི་ཤུ་རྩ་ལྔ་པ་དང་། བདེ་མཆོག་མངོན་པར་བརྗོད་པ་ཆེན་པོའི་ལེའུ་འབུམ་དང་། རྒྱུད་ཕྱི་མ་ཤུ་ལོ་ཀ་འབུམ་པ་དང་། དུས་ཀྱི་འཁོར་ལོ་སྟོང་ཕྲག་བཅུ་གཉིས་པ་དང་། རྣལ་འབྱོར་རྗེས་སུ་རིག་པ་སུམ་ཁྲི་དྲུག་སྟོང་པ་དང་། སྒྱུ་འཕྲུལ་དྲ་བ་སྟོང་ཕྲག་བཅུ་དྲུག་པ་དང་། མ་ཧཱ་མཱ་ཡཱ་སྟོང་ཕྲག་བཅོ་བརྒྱད་པ་དང་། གཤིན་རྗེའི་གཤེད་དམར་པོའི་རྒྱུད་ཆེན་པོ་འབུམ་ཕྲག་གསུམ་པ་དང་། སྒྲོལ་མ་མངོན་པར་འབྱུང་བའི་རྒྱུད་ལེའུ་བདུན་བརྒྱ་པ་དང་། རྟ་མགྲིན་གྱི་རྟོག་པ་བདུན་བརྒྱ་པ་དང་། དོན་ཡོད་ཞགས་པའི་རྒྱུད་འབུམ་ཕྲག་བདུན་པ་ལ་སོགས་པ་རྣམས་ལྷའི་གནས་དང་། ཤམྦྷ་ལ་དང་། ཨུ་རྒྱན་ལ་སོགས་པ་ན་བཞུགས་ཞེས་གྲག་གོ། གཞན་ཡང་། རྒྱ་གར་དང་། ཁ་ཆེ་དང་། བལ་ཡུལ་དང་། ལི་དང་། རྒྱ་ནག་དང་། རྒྱ་ནག་ཆེན་པོ་དང་། པར་སིག་དང་། ཙམ་པ་ཀ་དང་། སྤྲེའུ་དང་། གསེར་མིག་དང་། རུག་མ་དང་། རམ་མ་དང་། ཟངས་གླིང་དང་། སིཾ་ག་ལའི་གླིང་དང་། པྲི་ཡང་ཀུའི་གླིང་དང་། ཡ་མུ་ནའི་གླིང་དང་། གསེར་གླིང་དང་། ཟླ་བའི་གླིང་དང་། མ་ཁ་དང་། ཁ་ཤ་དང་། གྱི་ལྗང་དང་། ཞང་ཞུང་དང་། བྲུ་ཤ་དང་། འ་ཞ་དང་། སུམ་པ་དང་། ཟ་ཧོར་དང་། མི་ཉག་དང་། འཇང་ཡུལ་དང་། ཡོ་གུར་དང་། ཐོ་གར་དང་། ཨུ་རྒྱན་དང་། འགྲོ་ལྡིང་བའི་ཡུལ་དང་། ལོང་བའི་ཡུལ་དང་། ཙོ་ལ་དང་། ཀ་ལིང་ག་ལ་སོགས་པའི་ཡུལ་ཆེན་པོ་རྣམས་དང་། བོད་ཡུལ་རྣམས་ན་བསྟན་པ་དར་བ་དང་ནུབ་པ་དང་མགོ་ཟུག་པའི་ཚུལ་གྱིས། ཐེག་པ་གསུམ་ཚང་བ་དང་མ་ཚང་བ་ཅི་རིགས་སུ་གནས་སོ། །བཀའ་མང་པོ་ཀླུའི་ཡུལ་ན་བཞུགས་པར་བཤད་དེ། སློབ་སྤྲིང་ལས། བསྟན་པ་རིན་ཆེན་མཆོག་ལྟར་བཟང་ལ་འཕན་མེད་པ། །རྣམ་པར་དག་ཚུལ་གང་ཡིན་ཀླུ་མགོའི་གདེངས་ཀ་ཅན། །ཆེན་པོ་རྣམས་ཀྱིས་གཙུག་གི་རྒྱན་བཞིན་གུས་མནོས་ནས། །ས་ཡི་གཏིང་ན་གནས་པའི་རབ་རིབ་སེལ་བར་མཛོད་ཅེས་གསུངས་སོ། །

ནུབ་པར་འགྱུར་ཚུལ།

གསུམ་པ་ནུབ་པར་འགྱུར་ཚུལ་ནི། ཟླ་བ་སྙིང་པོས་ཞུས་པ་ལས། བཅོམ་ལྡན་འདས་དམ་པའི་ཆོས་འདི་ཐ་མར་ཇི་ལྟར་ནུབ་པར་འགྱུར། རྒྱུ་ཅི་ལས་ཉམས། སུས་མ་མཆིས་པར་བགྱིད། ཅེས་ཞུས་པ་ན། ང་འདས་པའི་འོག་ཏུ་ལོ་ལྔ་བརྒྱའི་བར་དུ། ངའི་བསྟན་པ་སྤྱོད་པའི་སེམས་ཅན་རྣམ་པར་གྲོལ་བ་མང་དུ་འབྱུང་། །དེ་ནས་ལོ་ལྔ་བརྒྱའི་བར་དུ་ཏིང་ངེ་འཛིན་སྤྱོད་པའང་མང་དུ་འབྱུང་། རྒྱལ་པོ་དང་སེམས་ཅན་ཕལ་ཆེར་ཆོས་ལ་དད་ཅིང་སྤྱོད་པ་ནི། ཕྱིར་ཞིང་ཉུང་བར་འགྱུར་རོ། །དེ་ནས་ལྔ་བརྒྱའི་བར་དུ་དམ་པའི་ཆོས་སྟོན་ཅིང་། སེམས་ཅན་འདྲེན་པ་དང་ཐར་པར་བྱེད་པའི་སློབ་དཔོན་མང་དུ་འབྱུང་ལ། ཉན་ཐོས་ཀྱི་དགྲ་བཅོམ་པ་ཉིད་ནི་ཉུང་བར་འགྱུར་རོ། །རྒྱལ་པོ་དང་སེམས་ཅན་ཕལ་ཡང་ཉན་པ་ཙམ་དུ་ཟད་ཀྱི། ཉམས་སུ་ལེན་ཅིང་སྤྱོད་པ་ལ་བརྩོན་འགྲུས་མི་བྱེད་ལ་དད་པ་འབྲི་བར་འགྱུར་རོ། །དམ་པའི་ཆོས་ཀྱི་སྲུང་མ་རྣམས་ཀྱང་མི་དགའ་བར་འགྱུར་ཏེ། དམ་པའི་ཆོས་ལ་མ་དད་པ་རྣམས་ནི་སྔོན་བས་མཐུ་སྟོབས་སྐྱེའོ། །འཛམ་བུ་གླིང་གི་རྒྱལ་པོ་རྣམས་ཀྱང་ཕན་ཚུན་གཅིག་ལ་གཅིག་དམག་འདྲེན་ཅིང་འཁྲུག་པར་འགྱུར་རོ། །དེ་ལ་ལོ་ལྔ་བརྒྱའི་སུམ་བརྒྱར་ནི། དམ་པའི་ཆོས་སྤྱོད་པའི་ལྷ་ཀླུ་ལ་སོགས་པ་རྣམས་མི་གནས་ཤིང་། སེམས་ཅན་རྣམས་ཆོས་ལ་མ་དད་པར་འགྱུར། ཆོས་སྤྱོད་པ་རྣམས་ཀྱང་ཆོས་ཀྱི་གཞུང་བཞིན་མི་སྤྱོད་པ་དང་། བརྩོན་འགྲུས་ཆུང་བས་གྲུབ་པའང་ཉུང་བར་འགྱུར། ཁ་དོག་བཞི་དང་བཞི་ལས་གྱུར་པའང་དྲི་རོ་ལ་སོགས་པའང་ཆུང་བར་འགྱུར་རོ། །མི་ནད་དང་ཕྱུགས་ནད་དང་མུ་གེའང་འབྱུང་ངོ་། །ལོ་ཉིས་བརྒྱ་ལ་དགེ་སློང་ཡང་ཆོས་བཞིན་མི་སྤྱོད། འཇིག་རྟེན་གྱི་ཁེ་དང་གྲགས་པ་འཚོལ། སྙིང་རྗེ་ཆུང་། ཚུལ་ཁྲིམས་ལ་མི་གནས། དམ་པའི་ཆོས་མ་ནོར་བར་སྤྱོད་པ་ལ་ནི་སྐུར་པ་འདེབས། ལོངས་སྤྱོད་དང་ཡོ་བྱད་འཕྲོག །འཇིག་རྟེན་གྱི་རྒྱལ་པོའི་གསུང་ལ་བརྟེན་ཅིང་རྒྱལ་སྲིད་འཛིན། རྒྱལ་པོའི་འཕྲིན་པར་འགྲོ་ཞིང་ངོ་འཕྲད་འཚོལ། །རྒྱལ་པོ་དང་འབངས་འབྱེད་པའི་དབྱེན་བྱེད། ཉོ་ཚོང་དང་ཁེ་སྤོགས་བྱེད་ཐབས་ཚོལ། དམ་པའི་ཆོས་སྤྱོད་པའང་སྙིང་ནས་ཉམས་སུ་བླངས་ཏེ་མི་སྤྱོད་ཀྱི། ཕལ་ཆེར་ཁ་གསག་དང་ཚུལ་འཆོས་བྱེད་དོ། །དེའི་དུས་ན་ཆོས་ལ་དགའ་བའི་ལྷ་ཀླུ་ཐབས་ཅད་ཀྱིས་ཁམས་ཀྱི་དགེ་སློང་འདི་ལྟར་སྤྱོད་པའི་ས་གཞི་དེ་བོར་ཏེ་མི་གནས་ཤིང་། བདུད་ཀྱི་རིས་ལ་སོགས་པ་ཆོས་ཀྱི་བགེགས་རྣམས་དེར་འབྱུང་སྟེ། མཐུ་དང་སྟོབས་སྐྱེ་བར་འགྱུར། །རྒྱལ་པོ་དང་བློན་པོ་ལ་སོགས་པ་དད་པ་འབྲི་དགེ་སྡིག་གི་མཚམས་མི་ཟིན། དམ་པའི་ཆོས་ལ་རྨ་འབྱིན། དཀོན་མཆོག་གསུམ་གྱི་དཀོར་དང་དགེ་འདུན་གྱི་རྫས་ལ་རྐུ་འཕྲོག་བྱེད། སྡིག་པ་ལ་མི་འཛེམ། གཟུགས་བརྙན་དང་མཆོད་རྟེན་རྣམས་ཁད་ཀྱིས་བཤིག །མཆོད་པའི་ཡོ་བྱད་འབྲི། དེའི་ཚེ་དམ་པའི་ཆོས་མ་ནོར་བར་སྤྱོད་པའི་དགེ་སློང་དང་ཁྱིམ་པ་འགའ་གནས་པའི་བསོད་ནམས་ཀྱིས། ཡུལ་ཕྱོགས་སུ་ཁ་ཆར་དུས་སུ་འབབ་ཅིང་། ལོ་ལེགས་པ་དང་མི་ནད་ཕྱུགས་ནད་ཉུང་ཞིང་ཡུལ་བདེ་བ་དག་ཀྱང་འབྱུང་ལ། དེ་ལྟ་བུ་མི་གནས་པ་ཕལ་ཆེར་ནི་སྡུག་བསྔལ་དང་མི་བདེ་བ་སྣ་ཚོགས་འབྱུང་ངོ་། །དེའི་དུས་སུ་རྒྱ་གར་དང་། རྒྱ་མ་ཡིན་པའི་རྒྱལ་པོ་ཡ་བ་ན་དང་། བ་ལ་བཱ་དང་། ཤི་ཀུན་ན་ཞེས་བྱ་བ་གསུམ་འབྱུང་ཞིང་། དེ་དག་དམ་པའི་ཆོས་བཞིན་མི་སྤྱོད་པར་དམག་འདྲེན་ཅིང་འཐབ་རྩོད་བྱེད་པས་ནུབ་དང་བྱང་གི་ཡུལ་ཁམས་མང་པོ་མེད་པར་བྱས། ཡུལ་ཁམས་དེའི་མཆོད་རྟེན་དང་གཙུག་ལག་ཁང་བཤིག །མེས་བསྲེགས། མཆོད་པའི་ཡོ་བྱད་དང་། དཀོན་མཆོག་གི་དཀོར་ལ་སོགས་པ་ཕྲོགས་བཅོམ་སྟེ། རྒྱལ་པོ་དེ་གསུམ་གཅིག་ལ་གཅིག་གནོད་པ་བྱེད་པས། གསུམ་ཆར་གྱི་རྒྱལ་སྲིད་མི་བདེ་བར་གྱུར་ནས། རེ་ཞིག་དེ་དག་མཛའ་འདུམ་ཏེ། སྲིད་གཅིག་ཏུ་བྱས་ཏེ་དམག་མང་པོ་བསྡུས་ནས། རྒྱ་གར་གྱི་ཡུལ་གང་གཱའི་ཚུ་རོལ་ག་དྷ་ར་དང་མ་ཧཱ་དེ་ཤ་ལ་སོགས་པ་ཕྲོགས་ནས་འཛིན་པར་འགྱུར་རོ། །དེའི་ཚེ་གང་གཱའི་ཕ་རོལ་ལྷོ་ཕྱོགས་ན་ཀོའུ་ཤཱམྦཱིའི་ཡུལ་ན། རྒྱལ་པོ་མ་ཧེནྡྲ་སེ་ན་ཞེས་བྱ་བ་ལ། བུ་ཞིག་བཙས་པའི་མིང་དུ་པྲ་ས་ཧ་ཞེས་བྱ་བ། སྨིན་མཚམས་ན་ལྕགས་ཀྱི་སྨེ་བ་ཡོད་པ། ལག་པའི་གྲུ་མོ་མན་ཆད་ཁྲག་གིས་བསྐུས་པ་ཞིག་འབྱུང་ངོ་། །དེ་དང་དུས་མཉམ་དུ་བློན་པོ་ལྔ་བརྒྱ་ལ་བུ་ལག་པའི་མཁྲིག་མ་མན་ཆད་ཁྲག་ཅན་དུ་བྱས་པ་ལྔ་བརྒྱ་བཙའོ། །དེ་དག་དང་དུས་མཉམ་དུ། རྒྱལ་པོ་དེ་ལ་རྟེའུ་སྨྲ་ཤེས་པ་ཞིག་ཀྱང་འབྱུང་སྟེ་དེའི་ནུབ་མོ་ནམ་མཁའ་ལ་ཁྲག་གི་ཆར་འབབ་བོ། །རྒྱལ་པོས་དྲང་སྲོང་ལྔ་མངོན་པར་ཤེས་པ་ཅན་ཞིག་ལ་དེ་དག་གིས་མཚན་ལྟས་དྲིས་པས། དྲང་སྲོང་གིས་རྒྱལ་པོ་ཁྱོད་ཀྱི་བུས་འཛམ་བུའི་གླིང་གི་ས་གཞི་ལ་ཁྲག་གིས་གཤེར་བར་བྱས་ཏེ། དེའི་འོག་ཏུ་འཛམ་བུའི་གླིང་གི་རྒྱལ་པོ་བྱེད་པར་འགྱུར་རོ། །ཞེས་ལུང་བསྟན་ནོ། །དེ་ནས། རྒྱལ་བུ་བཙས་ནས་ལོ་བཅུ་གཉིས་ལོན་པ་དང་། སྔར་གྱི་རྒྱལ་པོ་ཡ་བ་ན་ལ་སོགས་པ་གསུམ་འདུས་པའི་དམག་སུམ་འབུམ་རྒྱལ་པོ་དང་ཆས་ཏེ། རྒྱལ་པོ་མ་ཧེ་ནྡྲ་སེ་ནའི་ཡུལ་དུ་དྲངས་པ་དང་། དམག་བྱུང་བས་རྒྱལ་པོ་མི་དགའ་སྟེ་མྱ་ངན་བྱེད་ཅིང་འདུག་པ་ལ། བུ་དུ་པྲ་ས་ཧས། ཡབ་ལ་འདི་ལྟ་བུའི་ཐུགས་མི་དགྱེས་པ་ཅི་ལས་གྱུར། ཅེས་དྲིས་པ་དང་། ཕ་ན་རེ། རྒྱལ་པོ་གསུམ་གྱི་དམག་བྱུང་བས་མི་དགའོ། །ཞེས་སྨྲས་པ་དང་། བུས། ཡབ་མི་དགྱེས་སུ་མ་མཛད་ཅིག །དམག་འདི་དག་བདག་གིས་ཐུབ་པར་བགྱིའོ། །ཞེས་སྨྲས་པ་དང་། ཕ་ན་རེ་ལེགས་སོ་ཞེས་ཟེར་ནས། དེ་ནས་རྒྱལ་བུ་དེ་བློན་པོའི་བུ་ཡ་མཚན་ཅན་ལྔ་བརྒྱ་ལ་སོགས་པ་དམག་ཉིས་འབུམ་དང་ཆས་ནས། འཐབ་མོ་བྱས་པའི་ཚེ། སྨིན་མཚམས་ནས་ལྕགས་ཀྱི་སྨེ་བ་བསྐྱེད་ནས། ལུས་རིལ་གྱིས་ལྕགས་སུ་བྱས་ཏེ། རབ་ཏུ་ཁྲོས་ནས་བརྒལ་བ་དང་། དུ་པྲ་ས་ཧའི་དམག་རྒྱལ་ཏེ་ཕྱིར་ལོག་པ་དང་། ཕ་ན་རེ། བུ་ཁྱོད་ཀྱིས། རྒྱལ་པོ་གསུམ་གྱི་དམག་འདི་ལྟ་བུ་དང་འཐབས་པ་ལས། རྒྱལ་བ་ལེགས་སོ། །ད་ཕྱིན་ཆད་ཁྱོད་ཀྱིས་རྒྱལ་སྲིད་ཟུང་ཤིག །ང་ནི་རབ་ཏུ་འབྱུང་ངོ་ཞེས་བསྒོས་ནས། རྒྱལ་སྲིད་བུས་བཟུང་ངོ་། །དེ་ནས་ལོ་བཅུ་གཉིས་ཀྱི་བར་དུ་རྒྱལ་པོ་གསུམ་གྱི་དམག་དང་འཐབས་པ་ལས་དམག་མང་པོའང་རིམ་གྱིས་གཏུགས། རྒྱལ་པོ་གསུམ་ཡང་བཟུང་ནས་མེད་པར་བྱས་སོ། །དེ་ཕན་ཆད་འཛམ་བུ་གླིང་གི་རྒྱལ་པོ་ཆེན་པོ་བྱས་པར་གྱུར་ཏོ། །དེ་ནས་རྒྱལ་པོས། བློན་པོ་རྣམས་ལ་ང་འཛམ་བུའི་གླིང་གི་རྒྱལ་པོ་བྱེད་པ་ནི་དགའ་ན། སེམས་ཅན་མང་པོ་འདི་སྙེད་ཅིག་བསད་པའི་སྡིག་པ་ཆེ་བས། མི་དགའ་བས། སྡིག་པ་འདི་ཇི་ལྟ་བུ་བྱས་ན་འབྱང་བར་འགྱུར། ཞེས་དྲིས་པ་དང་། བློན་པོ་རྣམས་ན་རེ། ཡུལ་པཱ་ཌ་ལི་པུ་ཏྲ་ན་ཆོས་ཀྱི་མཁན་པོ་སྡེ་སྣོད་གསུམ་ཤེས་པ་བྲམ་ཟེ་ཨ་ཀ་ན་དྲ་དྷའི་བུ་སློབ་མ་ཅན་ཞེས་བགྱི་བ་ཞིག་དགོན་པ་ན་གནས་པ་དེ་སྤྱན་དྲངས་ན། སྡིག་པ་འབྱང་བར་བགྱིད་ནུས་སོ་ཞེས་ཟེར་བ་དང་། རྒྱལ་པོ་དགའ་ནས། དགེ་སློང་སློབ་མ་ཅན་སྤྱན་དྲངས་ནས་རྒྱལ་པོས་ཕྱག་བྱས་ཏེ། སྡིག་པ་རྣམས་ཐབས་ཅི་ཞིག་གིས་འབྱང་ཞེས་ཞུས་པ་དང་། དེས་དཀོན་མཆོག་གསུམ་ལ་ལོ་བཅུ་གཉིས་སུ་མཆོད་ཅིང་སྐྱབས་སུ་གསོལ་ན་སྡིག་པ་འབྱང་ངོ་ཞེས་བྱས་སོ། །དེ་ནས། འཛམ་བུའི་གླིང་ན་དགེ་སློང་འདུག་གོ་ཅོག་ལ་འགུགས་པ་བཏང་སྟེ། ཐམས་ཅད་ཀོའུ་ཤཱམ་བཱིར་བསྡུས་ནས། ཡུལ་གཞན་དུ་ཆོས་སྤྱོད་དུ་མི་སྟེར་བར་གྱུར་ཏོ། །དགེ་སློང་རྣམས་ཀྱང་ལམ་དུ་གཅན་གཟན་དང་། མི་རྒོད་དང་ཆུ་ལ་སོགས་པས་ཕལ་ཆེར་ཆུད་ཟོས་ནས། རྒྱལ་པོའི་དྲུང་དུ་འབུམ་ཙམ་ཞིག་གིས་ཕྱིན་པར་འགྱུར་རོ། །དེ་དག་ཕྱིན་པ་དང་རྒྱལ་པོས་མཆོད་སྟོན་གསོལ་ཡོན་ཕུལ་ཏེ་མཆོད་དོ། །དེ་ནས་དགེ་འདུན་རྣམས་ཕན་ཚུན་ཁྱོད་ཀྱི་མཁན་པོ་ག་རེ་སློབ་མ་གར་སོང་། གྲོགས་པོ་ཁྲིམས་ཟླ་ག་རེ། ཞེས་སོ་སོར་གཏམ་དྲིས་པ་དང་། གཅན་གཟན་དང་། མི་རྒོད་ཀྱིས་བསད་པ་དང་། ཆུས་ཁྱེར་བ་དང་ནད་ཀྱིས་བཏབ་སྟེ་ཤི་བ་ལ་སོགས་པའི་གཏམ་བྱས་པས། སོ་སོ་ནས་མྱ་ངན་ལངས་ཏེ། ངུད་མོས་འདེབས་ཤིང་བྲང་བརྡུང་པར་འགྱུར་རོ། །དེ་ནས་རྒྱལ་པོས་མྱ་ངན་མ་བྱེད་ཅེས་བསྒོ་ནས། དགེ་འདུན་རྣམས་ཀྱིས་མ་མཉན་པ་དང་། རྒྱལ་པོའང་མི་དགའ་སྟེ། ཁ་འོག་ཏུ་ཕྱོགས་ཏེ་ཉལ་ལོ། །ཉལ་བའི་ཚེ། ད་འཇིག་རྟེན་ཀྱི་དགེ་འདུན་ལ་ནི་སྐྱབས་མ་བྱུང་གི། དགྲ་བཅོམ་པའི་ཞལ་མཐོང་བར་ཤོག་ཅིག །ཅེས་སྨོན་ལམ་བཏབ་པ་དང་། འཇིག་རྟེན་གྱི་ལྷས་རྨི་ལམ་དུ་གནྡྷ་མ་ཧཱ་ནའི་རི་ལ་སུ་རཏྣ་ཤའི་བུ། དེས་པ་ཞེས་བྱ་བ་དགྲ་བཅོམ་པ་ཞིག་བཞུགས་ཏེ། དེ་སྤྱན་དྲངས་ན་སྡིག་པ་འབྱང་ཞིང་། ཐེ་ཚོམ་ཡང་སེལ་བར་འགྱུར་རོ་ཞེས་ལུང་བསྟན་པ་དང་། རྒྱལ་པོས། རྨི་ལམ་བཞིན་དུ་སད་མ་ཐག་ཕོ་ཉ་བཀྱེ་སྟེ། འཕགས་པ་སྤྱན་དྲངས་ཏེ་མཆོད་ཅིང་ཕྱག་བྱས་སོ། །དེ་ནས་ཚེས་བཅུ་བཞིའི་ནུབ་མོ་དགེ་འདུན་འདུས་པའི་ནང་ནས་དགེ་སློང་གསར་ཞུགས་རྣམས་ཀྱིས་མཁན་པོ་སློབ་མ་ཅན་ལ་འདུལ་བ་བཤད་པར་གསོལ་བ་དང་། སློབ་མ་ཅན་ན་རེ། མི་ལ་མིག་ཞར་སྣ་དང་རྣ་བ་མེད་ན། མེ་ལོང་གིས་ཅི་བྱར་ཡོད། འདུལ་བ་བཤད་ཀྱང་། ཁྱེད་འདུལ་བ་བཞིན་མི་སྤྱོད། ཆོས་ཁྲིམས་མི་བསྲུང་བ་ལ་འདུལ་བ་བཤད་པས་ཅི་ཕན་ཟེར་བ་དང་། དགྲ་བཅོམ་པ་དེས་པས། སེང་གེའི་སྒྲ་བཞིན་དུ། ངས་སངས་རྒྱས་བཅོམ་ལྡན་འདས་ཀྱི་ཆོས་ཁྲིམས་མནོས་ནས། ད་ཙམ་གྱི་བར་དུ་རྩྭ་མཆོག་ཙམ་ཡང་མ་ཉམས་ན། དེ་སྐད་མ་ཟེར་བར་འདུལ་བ་ཤོད་ཅེས་སྨྲས་པ་དང་། མཁན་པོ་སློབ་མ་ཅན་གྱིས། དགྲ་བཅོམ་པ་ཡིན་པར་ཤེས་ནས། རབ་ཏུ་གནོང་སྟེ་ཅང་མི་སྨྲ་བར་འདུག་གོ། དེ་ནས་སློབ་མ་ཅན་གྱི་སློབ་མ་དགེ་སློང་དཔུང་རྒྱན་ཞེས་བྱ་བ་སྟན་ལས་ལངས་ཏེ། དགྲ་བཅོམ་པ་ལ། ཁྱོད་ཁྲིམས་ཀྱང་མེད་འདུལ་བ་ཡང་མི་ཤེས་པར་ངའི་མཁན་པོ་སྡེ་སྣོད་གསུམ་ལ་མཁས་པ་ལ་ཅིའི་ཕྱིར་བརྙས་ཞེས་ཁྲོས་ནས། དགྲ་བཅོམ་པ་བརྡེགས་ཏེ་བསད་དོ། །དེ་ནས་དམ་པའི་ཆོས་ལ་དགའ་བའི་གནོད་སྦྱིན་ཞོ་གདོང་ཞེས་བྱ་བས་རྡོ་རྗེ་ཐོགས་ཏེ། མངོན་དུ་བྱུང་ནས་དགེ་སློང་དཔུང་རྒྱན་ཅན་ལ་ཅིའི་ཕྱིར་དགྲ་བཅོམ་པ་གསོད་ཅེས་ཟེར་ནས་རྡོ་རྗེས་བརྡེགས་ཏེ་བསད་དོ། །དགེ་སློང་གེ་རད་ཅེས་བྱ་བས་སློབ་མ་ཅན་བསད་དོ། །ཞེས་འབྱུང་ངོ་། །དེ་ནས་དགེ་སློང་ཐམས་ཅད་ཕན་ཚུན་གཅིག་གིས་གཅིག་བསད་དེ། གཅིག་ཀྱང་མ་ལུས་སོ། །དེའི་ཚེ་ནམ་མཁའ་ལ་ལྷ་ཀླུ་ལ་སོགས་པ་ཆོས་ཀྱི་སྲུང་མ་ཕལ་པོ་ཆེ་མི་དགའ་ནས། ངུས་པའི་མཆི་མ་ནི་ཁྲག་དང་མེའི་ཆར་དུས་གཞི་དེར་འབབ་བོ། །ནམ་མཁའང་སེར་པོ་དང་། ནག་པོ་དང་། དམར་པོར་གྱུར། གློག་དང་སྒྲ་ཆེན་པོ་ཡང་འབྱུང་། སྐར་མ་དྷུ་མ་ཀེ་ཏུ་ཞེས་བྱ་བའི་ལུས་ལས་དུ་བ་ནག་པོ་ཞིག་བྱུང་སྟེ། ཉི་ཟླ་ལ་སོགས་པའི་འོད་ཀྱང་མི་སྣང་ངོ་། །དེའི་ཚེ་སུམ་ཅུ་རྩ་གསུམ་གྱི་ལྷ་དང་། ཡུམ་སྒྱུ་འཕྲུལ་ཆེན་མོ་ལ་སོགས་པ་འོངས་ནས། མྱ་ངན་བྱེད་ཅིང་། དགེ་འདུན་གྱི་གོས་ཚོན་ཅན་ཐམས་ཅད་བསྡུས་ཏེ་སུམ་ཅུ་རྩ་གསུམ་དུ་ཁྱེར་རོ། །དེ་ནས་རྒྱལ་པོས་འདི་ལྟ་བུའི་ཅ་ཅོ་ཆེན་པོ་ཅི་ལས་བྱུང་ཞེས་དྲིས་པས་དགེ་འདུན་འཁྲུགས་ནས་གཅིག་གིས་གཅིག་བསད་པར་གྱུར་ཏོ། །ཞེས་གསོལ་བ་དང་། རྒྱལ་པོ་མ་དགའ་ནས་ལངས་ཏེ། ཐོ་རངས་ཕྱི་རོལ་གྱི་ལྷ་ཁང་དུ་བལྟར་ཕྱིན་པ་དང་། དགེ་འདུན་ལ་ལ་ནི་མགོ་བཅད། ལ་ལ་ནི་རྐང་ལག་བཅད། ཁ་ཅིག་ནི་མིག་ཕྱུང་སྟེ། སྣ་ཚོགས་སུ་ཤི་བ་མཐོང་ནས། མྱ་ངན་ལངས་ཏེ། དགྲ་བཅོམ་པ་དང་སྡེ་སྣོད་གསུམ་པ་སློབ་མ་ཅན་གྱི་པུར་བཙལ་ཏེ། མཆན་ཁུང་གཡས་གཡོན་དུ་བཅུག་ནས། དགྲ་བཅོམ་པ་ནི་ངའི་མ་ཡིན། སྡེ་སྣོད་གསུམ་པ་ནི་ཆོས་ཀྱི་མཛོད་ཡིན་ཏེ། འདི་གཉིས་འདས་པས། ད་ཕྱིན་ཆད་ངའི་སྲོག་ཀྱང་གཅེས་པ་མེད་དོ། །རྒྱལ་སྲིད་ཀྱང་སུ་འདོད་པ་ལ་སྦྱིན་ནོ། །ཞེས་སྨྲས་ནས་མིག་ཀྱང་བཙུམས་ཏེ་མི་བལྟ་བར་གྱུར་ཏོ། །དེ་ནས་བློན་པོ་རྣམས་ཀྱིས་རྒྱལ་པོའི་མྱ་ངན་བསང་པའི་ཕྱིར། མི་ལྔ་བརྒྱར་རབ་ཏུ་བྱུང་བར་བཅོས་ཏེ། སྐྲ་དང་ཁ་སྤུ་བྲེག་ཏུ། སྤུ་གྲིས་མ་ཆོད་ནས། མེས་བསྲེགས་ཏེ། ཕྱུགས་སེར་པོ་དང་། དམར་པོའི་ཀོ་བ་བསྐོན་ཏེ། རྒྱལ་པོའི་དྲུང་དུ་འོངས་ནས་རབ་ཏུ་བྱུང་བ་ལྔ་བརྒྱ་འོངས་སོ། །ཞེས་གསོལ་བ་དང་། རྒྱལ་པོ་དགའ་ནས་མིག་ཕྱེ་སྟེ་བལྟས་པས། ཐམས་ཅད་ཕྱུགས་ཀྱི་ཀོ་བ་གྱོན་ཞིང་། སྐྲ་དང་ཁ་སྤུ་མེས་བསྲེགས་པ་མཐོང་ནས། དཀོན་མཆོག་གསུམ་ལ་མཆོད་པའི་ཡོ་བྱད་ཁྱེར་ལ་ཤོག་ཅེས་བསྒོ་ནས། དེ་རྣམས་ལ་མཆོད་དོ། །དེ་ནས་རྒྱལ་པོས་དེ་དག་ལ་ཆོས་དྲིས་པས། ཆོས་ཚིག་གཅིག་ཀྱང་མི་ཤེས་ནས། རྒྱལ་པོ་ཡང་མྱ་ངན་ལངས་ཏེ་ངུའོ། །དེ་ནས་དགེ་སློང་རྣམས་ཀྱི་རོ་ཐམས་ཅད་བསྡུས་ཏེ། བསྲེགས་ནས་མཆོད་པ་བྱེད་དོ། །དེའི་ཚེ་འཛམ་བུ་གླིང་གི་དམ་ཆོས་རིལ་ནུབ་བོ། །དེ་ནས་གསེར་ནི་དངུལ་ངན་པ་དང་རྡོར་འགྱུར། དངུལ་ནི་ར་གན་ངན་པ་དང་རྡོར་འགྱུར་རོ། །ར་གན་ནི་ཟངས་སུ་འགྱུར། མུ་ཏིག་ནི་རྭ་རུ་འགྱུར། རོ་དྲུག་ལས་ཁ་བ་དང་སྐྱུར་བ་གཉིས་ལུས་སོ། །ཞེས་འབྱུང་ངོ་། །དགེ་འདུན་འཕེལ་གྱིས་ལུང་བསྟན་པ་ལ་སོགས་ལས། སྐུ་ལུགས་མ་ལ་སོགས་པ་ནི་ཀླུའི་ཡུལ་དུ་སྤྱན་འདྲེན་ནོ། །ཡི་གེ་ཐམས་ཅད་རང་བྱི་བར་འགྱུར་རོ། །གོས་ཐམས་ཅད་རྩུབ་མོར་འགྱུར། རོ་ཁ་བ་དང་བསྐ་བ་མ་གཏོགས་པ་དང་། རིན་པོ་ཆེ་ཐམས་ཅད་ནུབ་པར་འགྱུར་ལ། རྒྱལ་པོ་དེའང་བསྟན་པ་ནུབ་པའི་མྱ་ངན་གྱིས་འཆི་བར་འགྱུར་རོ་ཞེས་བཤད་དོ། །དེ་དག་ཀྱང་བསྟན་པ་ལོ་ཉིས་སྟོང་གི་དབང་དུ་བྱས་ནས་གསུངས་ལ། མངོན་རྟོགས་རྒྱན་གྱི་འགྲེལ་བཤད་ཆོས་ཀྱི་བཤེས་གཉེན་གྱིས་མཛད་པར། དེ་དག་སྔར་བྱུང་ཟིན་པར་བཤད་པར་གསལ་ལོ། །སྤྱིར་བསྟན་པ་ནུབ་པའི་རྒྱུ། སངས་རྒྱས་ཀྱི་སྨོན་ལམ་གྱི་འཕེན་པ་ཟད་པ་དང་། བསྟན་པའི་གདུལ་བྱ་ཟད་པ་ཡིན་ལ། རྐྱེན་ནི། མདོ་དག་ལས། དགེ་སྦྱོང་རྣམས་རང་གི་ལྟ་སྤྱོད་ལས་ཉམས་པ་དང་། སྦྱིན་བདག་རྣམས་བསྟན་པ་ལ་དད་པ་བྲི་བ་དང་། བདུད་དང་བདུད་ཀྱི་རིས་ཀྱི་ལྷ་དང་ཡི་དྭགས་ཀྱིས་བར་ཆད་བྱས་པ་གསུམ་གྱིས་ནུབ་པར་འགྱུར་བར་གསུངས་པ་ལ། སྟོན་པ་འདིའི་བསྟན་པ་འཇིག་པའི་རྐྱེན་དང་པོ་གཉིས་སུ་གསལ་ལོ་གསུང་ངོ་། །ནུབ་དུས། ཚེ་ལོ་བཞི་བཅུ་པའི་དུས་སུ་ནུབ་པར་གདགས་པ་ལས་བཤད་ཟེར་རོ། །ཆག་ན་རེ། སུམ་ཅུ་པའི་དུས་སུ་ཟེར་ཏེ། ཤེས་བྱེད་མ་མཐོང་ངོ་། །སྙིང་རྗེ་པད་དཀར་ལས། དེ་བཞིན་གཤེགས་པ་ཤཱཀྱ་ཐུབ་པའི་དམ་པའི་ཆོས་ནུབ་པའི་རྗེས་ལ། སྐུ་གདུང་རྣམས་འོག་ཏུ་གསེར་གྱི་ས་གཞིའི་མཐར་ཐུག་པར་འགྲོ་ཞིང་། ནམ་མི་མཇེད་ཀྱི་འཇིག་རྟེན་དུ་རིན་པོ་ཆེས་ཕོངས་པའི་ཚེ། སྐུ་གདུང་དེ་དག་ནོར་བུ་བཻ་ཌཱུརྱ་ཏོག་གི་བློ་གྲོས་ཞེས་བྱ་བར་གྱུར་ནས། དབུལ་བ་སེལ་བ་དང་། དེ་ནས་ཡང་སྐུ་གདུང་དེ་དག་སྟེང་དུ་ཡང་འོག་མིན་གྱི་བར་དུ་འཕགས་ནས། མེ་ཏོག་སྣ་ཚོགས་ཀྱི་ཆར་འབེབས་ལ། མེ་ཏོག་གི་ཆར་དེ་དག་ལས་དཀོན་མཆོག་གསུམ་གྱི་སྒྲ་ལ་སོགས་པ་ཆོས་ཀྱི་སྒྲ་སྣ་ཚོགས་འབྱུང་ཞིང་། ཆོས་ཀྱི་སྒྲ་དེ་རྣམས་འདོད་གཟུགས་ཀྱི་ལྷ་རྣམས་ཀྱིས་ཐོས་པས་སྔོན་བྱས་པའི་དགེ་བ་དྲན་ནས་དེ་དག་འཛམ་བུའི་གླིང་དུ་བབས་ཏེ། མི་རྣམས་དགེ་བ་བཅུ་ལ་འགོད་པར་འགྱུར་བ་དང་། ཡང་མེ་ཏོག་ནམ་མཁའ་ལ་རིན་པོ་ཆེ་སྣ་ཚོགས་སུ་གྱུར་ནས། མི་མཇེད་དུ་འབབ་ཅིང་། མི་མཇེད་ཀྱི་སེམས་ཅན་རྣམས་ཀྱི་འཐབ་རྩོད་ལ་སོགས་པ་རྣམས་ཞི་ཞིང་ནད་མེད་པ་དང་ལོ་ལེགས་པ་ལ་སོགས་པ་དང་། སེམས་ཅན་གང་གིས་རིན་པོ་ཆེ་དེ་དག་མཐོང་བ་དང་། རེག་པ་དང་ལོངས་སྤྱོད་པ་དེ་དག་ཀྱང་། ཐེག་པ་གསུམ་ལས་ཕྱིར་མི་ལྡོག་པར་བྱས་ཏེ། སླར་ཡང་སྐུ་གདུང་དེ་དག་གསེར་གྱི་ས་གཞིའི་མཐར་ཐུག་པར་གནས་པར་འགྱུར་རོ། །དེ་བཞིན་དུ་མཚོན་དང་མུ་གེ་དང་ནད་ཀྱི་བསྐལ་པ་བར་མ་གསུམ་འབྱུང་བའི་དུས་སུའང་སྐུ་གདུང་དེ་དག་ནོར་བུ་རིན་པོ་ཆེ་ཨིནྡྲི་རྙིལ་དུ་གྱུར་ནས། སྟེང་དུ་འོག་མིན་གྱི་བར་དུ་འཕགས་ནས་གནས་ཏེ། སྔ་མ་ལྟར་མེ་ཏོག་གི་ཆར་འབེབས་ཤིང་། ཆོས་ཀྱི་སྒྲ་སྒྲོགས་པ་དང་། རིན་པོ་ཆེའི་ཆར་འབེབས་པ་དང་། མི་མཐུན་པའི་ཕྱོགས་རྣམས་ཞི་བར་བྱས་ཏེ། སླར་ཡང་གསེར་གྱི་ས་གཞིའི་མཐར་ཐུག་པར་གནས་པར་འགྱུར་བར་གསུངས་ལ། དགའ་བའི་བཤེས་གཉེན་གྱི་རྟོགས་བརྗོད་ལས། འཛམ་བུའི་གླིང་པའི་མི་རྣམས་ཀྱི་ཚེ་ལོ་བདུན་བརྒྱ་པར་གྱུར་པ་ན། གནས་བརྟན་ཆེན་པོ་བཅུ་དྲུག་གིས་སའི་སྟེང་ན། སངས་རྒྱས་ཤཱཀྱ་ཐུབ་པའི་བསྟན་པའི་ཆོས་ཀྱི་ཚོགས་ཇི་སྙེད་བཞུགས་པ་ཐམས་ཅད་གཅིག་ཏུ་བསྡུས་ནས། རིན་པོ་ཆེ་སྣ་བདུན་གྱི་མཆོད་རྟེན་བྱས་ཏེ་དེར་བཞུགས་པ་ལ་ཀུན་ནས་བསྐོར་ཏེ། སྐྱིལ་ཀྲུང་བཅས་ཏེ་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་བརྗོད་དེ། ཕྱག་བྱས་ནས་གནས་བརྟན་དེ་དག་ཀྱང་ལྷག་མེད་དུ་མྱ་ངན་ལས་འདའ་ལ། རིན་པོ་ཆེ་སྣ་བདུན་གྱི་མཆོད་རྟེན་དེ་ཡང་ནུབ་ནས་འོག་གི་གསེར་གྱི་ས་གཞི་ལ་གནས་པར་འགྱུར་ཞིང་། དེ་ནས་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་ནུབ་པར་འགྱུར་རོ། །དེ་ནས་དེའི་རྗེས་ལ་རང་སངས་རྒྱས་བྱེ་བ་ཕྲག་བདུན་འཇིག་རྟེན་དུ་འབྱུང་བར་འགྱུར་རོ། །དེ་ནས་སྐྱེ་དགུ་རྣམས་ཀྱིས་ཚེ་ལོ་བརྒྱད་ཁྲི་ཐུབ་པ་ན། དེ་བཞིན་གཤེགས་པ་བྱམས་པ་འཇིག་རྟེན་དུ་འབྱུང་ངོ་ཞེས་བཤད་དོ། །བྱང་ཆུབ་སེམས་དཔའི་སྡེ་སྣོད་ལས། ཚེ་ལོ་བཅུ་པ་ནས་བྱམས་པ་མ་བྱོན་གྱི་བར་བསྐལ་པ་ཡར་འཕེལ་ལ་རང་སངས་རྒྱས་བརྒྱད་ཁྲི་འབྱུང་བར་གསུངས་སོ། །ཁ་ཅིག །དེ་བཞིན་གཤེགས་པ་ཤཱཀྱ་ཐུབ་པ་མྱ་ངན་ལས་འདས་ནས། ལོ་བྱེ་བ་ཕྲག་ལྔ་བཅུ་རྩ་བདུན་ན། སངས་རྒྱས་བྱམས་པ་འབྱུང་ངོ་ཟེར་རོ། །རྒྱལ་བའི་བསྟན་པ་ནོར་བུ་རིན་ཆེན་སྒྲོན། །དགེ་ལེགས་ཡོན་ཏན་ཀུན་གྱི་གཏེར་གྱུར་པ། །དུས་ཀྱི་དབང་གིས་ཡོངས་སུ་གཏུགས་གྱུར་ཅིང་། །མེ་ཏོག་རླན་དང་བྲལ་བ་བཞིན་དུ་ཉམས། །ད་ནི་བསྟན་པ་རིང་དུ་མི་གནས་ཤིང་། །ཚེ་ནི་མི་བརྟན་རླུང་ནང་མར་མེ་བཞིན། །ལས་ཉོན་འཆི་བདག་བདུད་ནི་སྟོབས་ལྡན་པས། །བསྟན་ལ་བག་ཡོད་བྱོས་དང་རིན་ཆེན་གྲུབ། །ཚུལ་འདི་ཤཱཀྱའི་སྲས་ཀྱི་དགེ་སློང་གང་། །ཚེ་འདིའི་དབང་གྱུར་ཡང་དག་ཏིང་འཛིན་བྲལ། །ནེ་ཙོ་ལྟ་བུའི་བུ་སྟོན་ཁ་ཆེས་བྲིས། །དགེ་བས་མྱུར་དུ་མི་ཕམ་ཞལ་མཐོང་ཤོག །ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ལས། སྤྱིར་འཇིག་རྟེན་དུ་ཆོས་བྱུང་ཚུལ་གྱི་ལེའུ་སྟེ་གཉིས་པའོ།། །།

གཉིས་པ། ཁྱད་པར་བོད་ཡུལ་དུ་ཆོས་ཇི་ལྟར་བྱུང་ཚུལ།

སྤྱི་དོན་གཉིས་པ་བོད་ཡུལ་དུ་ཆོས་ཇི་ལྟར་བྱུང་ཚུལ་ལ་གསུམ་སྟེ། བསྟན་པ་སྔ་དར་གྱི་རྣམ་གཞག །ཕྱི་དར་གྱི་རྣམ་གཞག །དེ་དག་ཏུ་ཆོས་བསྒྱུར་བའི་དཀར་ཆག་བསྟན་པའོ། །
དང་པོ་ལ། སྤྱིར་བོད་ཀྱི་ཡུལ་དུ། མིའི་འགྲོ་པ་དང་པོ་བྱུང་ཚུལ་ནི། ལྷ་ལས་ཕུལ་དུ་བྱུང་བའི་བསྟོད་པའི་འགྲེལ་པར། སྐྱ་སེང་བུ་ལྔ་དང་། དགྲ་ངན་དཔུང་ཚོགས་བཅུ་གཉིས་འཐབ་པའི་དུས་སུ། རྒྱལ་པོ་རུ་པ་ཏི་ཞེས་པ་དམག་སྟོང་ཕྲག་གཅིག་དང་བཅས་པ་བུད་མེད་ཀྱི་ཆས་སུ་ཞུགས་ཏེ། རི་གངས་ཅན་གྱི་གསེབ་ཏུ་བྲོས་པ་ལས། འཕེལ་བ་ཡིན་པར་བཤད་ཅིང་། བོད་ཀྱི་གཏམ་ལས། སྤྲེའུ་དང་བྲག་སྲིན་མོ་ལས་ཆད་པར་འཆད་དེ། དེ་དག་རྒྱས་པར་གཞན་དུ་བལྟའོ། །བོད་ཀྱི་རྒྱལ་རྒྱུད་ནི། ཁ་ཅིག །ཀོ་ས་ལའི་རྒྱལ་པོ་གསལ་རྒྱལ་གྱི་སྲས་ལྔ་ཚིགས་ཡིན་ཟེར་རོ། །ཁ་ཅིག་གཟུགས་ཅན་སྙིང་པོའི་སྲས་ཆུང་བ་སྟོབས་ཆུང་གི་སྲས་ལྔ་ཚིགས་ཡིན་ཟེར་རོ། །ཁ་ཅིག་བོད་རྣམས་བདུད་དང་གནོད་སྦྱིན་གྱི་རྒྱལ་ཕྲན་བཅུ་གཉིས་ཀྱིས་མནར་བའི་དུས་སུ། བད་ས་ལའི་རྒྱལ་པོ་འཆར་བྱེད་ཀྱི་བུ་མིག་མས་འགེབས་བ་སོར་མོ་དྲ་བས་འབྲེལ་བ། མཚན་ལྡན་ཞིག་བྱུང་བས་སྐྲག་སྟེ། ཟངས་ཁ་སྦྱོར་དུ་བཅུག་སྟེ། གཾ་གཱ་ལ་བསྐྱུར་བ་ཞིང་པས་རྙེད་དེ་གསོས། དེ་ཆེར་སྐྱེས་པ་ན། སྔར་གྱི་གཏམ་བཤད་པས་ཡིད་སྐྱོ་སྟེ། གངས་རིའི་ཕྲག་ཏུ་བྲོས་པ་ན། རིམ་གྱིས་ལྷ་རི་ཡོལ་པའི་ཁར་བྱུང་སྟེ། བཙན་ཐང་སྒོ་བཞིར་བྱོན་པ་ལ། བོན་པོ་རྣམས་དམུ་ཐག་དང་དམུ་སྐས་ལ་ཡོངས་བས་ལྷ་ཡིན་ཟེར་རོ། །དེ་ནས་ཁྱེད་སུ་ཡིན་དྲིས་པས་བཙན་པོ་ཟེར་རོ། །གང་ནས་བྱོན་དྲིས་པས་ནམ་མཁའ་ལ་མཛུབ་མོ་སྦྲེང་ཞིང་། སྐད་མ་གོ་ནས། ཤིང་གི་ཁྲི་ལ་བཞག་སྟེ་མི་བཞིའི་གཉའ་བ་ལ་ཁུར་ནས། འདི་ལ་ཁོ་བོ་ཅག་གི་ཇོ་བོ་བྱའོ་ཟེར་ཏེ། མིང་ཡང་གཉའ་ཁྲི་བཙན་པོར་བཏགས། རྒྱལ་པོ་སྔ་ཤོས་ཡིན་ནོ། །དེའི་སྲས་དམུ་ཁྲི་བཙན་པོ། དེའི་སྲས་དིང་ཁྲི། དེའི་སྲས་སོ་ཁྲི། དེའི་སྲས་ཡེ་ཁྲི། དེའི་སྲས་གདགས་ཁྲི། དེའི་སྲས་སྲི་ཁྲི་བཙན་པོ་དང་བདུན་ལ་ཁྲི་བདུན་ཟེར་ཞིང་། ཐ་མ་དེའི་རིང་ལ་རྡོལ་བོན་དར་རོ། །དེའི་སྲས་གསུམ་གྱི་བྱ་ཁྲི་ལ་སྤུ་ལྡེ་གུང་རྒྱལ་ཞེས་བཏགས། དེའི་སྲས་ཨ་ཤོ་ལེགས། དེའི་སྲས་ཨི་ཤོ་ལེགས་ཀྱིས་འཆིང་བར་སྟག་རྩེ་བརྩིགས་ཏེ། མཁར་སྔ་ཤོས་ཡིན་ནོ། །དེའི་སྲས་དེ་ཤོ་ལེགས། དེའི་སྲས་གུ་རུབ་ལེགས། དེའི་སྲས་འབྲོང་རྗེ་ལེགས། དེའི་སྲས་ཐོ་ཤོ་ལེགས་ཏེ། དྲུག་ལ་སའི་ལེགས་དྲུག་ཟེར་རོ། །དེའི་སྲས་རྒྱལ་ཟ་རྣམ་ཟིན་ལྡེ། དེའི་སྲས་ལྡེ་སྣོལ། གནམ་ནས་བཟུང་སྟེ། ཁྲི་ཐོག་རྗེ་ཐོག་བཙན་གྱི་བར་ཡན་ཆད་རྒྱལ་རབས་ཉི་ཤུ་རྩ་དྲུག་ན། ལྷ་ཐོ་ཐོ་རི་གཉན་བཙན་བྱོན་པའི་ཚེ། དགུང་ལོ་དྲུག་ཅུ་ཐུབ་པ་ན། ཕོ་བྲང་ཡུམ་བུ་བླ་སྒང་གི་རྩེ་ན། བཞུགས་པ་ན་ནམ་མཁའ་ནས་ཟ་མ་ཏོག་ཅིག་བབས་པ་ཁ་ཕྱེ་བས། ཟ་མ་ཏོག་བཀོད་པ། པང་གོང་ཕྱག་རྒྱ་པ། གསེར་གྱི་མཆོད་རྟེན་ཞིག་བྱུང་སྟེ། མིང་གཉན་པོ་གསང་བར་བཏགས་ཏེ་མཆོད་པས། ལོ་བརྒྱ་ཉི་ཤུར་ཐུབ་སྟེ། དམ་པའི་ཆོས་ཀྱི་དབུ་བརྙེས་ཤིང་། དེ་ཡན་ཆད་ནི་ཆབ་སྲིད་བོན་གྱིས་བསྐྱངས་སོ། །དེའི་རྨི་ལམ་ན། མི་རབས་ལྔ་ན། འདི་ཤེས་པ་འབྱུང་ཞེས་ལུང་བསྟན་ནོ། །དེའི་སྲས་ཁྲི་གཉན་ཟུང་བཙན། དེའི་སྲས་འབྲོ་གཉན་ལྡེ་རུ། དེའི་སྲས་སྟག་རི་གཉན་གཟིགས་དམུས་ལོང་ཞིག་སྐྱེས་པ་རྒྱལ་སར་བཏོན་ཏེ། གཉན་པོ་གསང་བ་མཆོད་པས་སྤྱན་ཕྱེ་སྟེ། སྟག་རི་ལ་གཉན་འགྲོ་བ་གཟིགས་པས་མཚན་དེ་ལྟར་གྲགས་སོ། །དེའི་སྲས་གནམ་རི་སྲོང་བཙན་དང་། བཙུན་མོ་ཚེ་སྤོང་བཟའ་འབྲི་བཟའ་ཐོད་དཀར་གྱི་སྲས་མཚན་དང་ལྡན་པ། དབུ་ལ་ཨ་མི་དེ་བ་བཞུགས་པ་ཞིག །མེ་མོ་གླང་ལ་བལྟམས་ཏེ། ཁྲི་ལྡེ་སྲོང་བཙན་དུ་བཏགས་ཏེ། དབུའི་འོད་དཔག་མེད་དར་ལེ་བརྒན་གྱིས་དཀྲིས་ཏེ། ལོ་བཅུ་གསུམ་པ་ལ་རྒྱལ་སར་བཏོན། མཐའི་རྒྱལ་ཕྲན་ཐམས་ཅད་དབང་དུ་འདུས་ཏེ། སྐྱེས་འབུལ། འཕྲིན་ཡིག་ཀློག་གོ། དེ་ལས་བོད་ལ་ཡི་གེ་མེད་པས། ཐོན་མི་ཨ་ནུའི་བུ་ལ་འཁོར་བཅུ་དྲུག་དང་བཅས་པ་ཡི་གེ་སློབ་ཏུ་བཏང་བས། པཎྜི་ཏ་ལྷའི་རིག་པ་སེང་གེ་ལ་སྒྲ་བསླབས་ཏེ། བོད་ཀྱི་སྐད་དང་བསྟུན་ནས་གསལ་བྱེད་སུམ་ཅུ། ཨཱ་ལི་བཞིར་བསྡུས་ཏེ། གཟུགས་ཁ་ཆེའི་ཡི་གེ་དང་བསྟུན་ནས། ལྷ་སའི་སྐུ་མཁར་མ་རུར་བཅོས་ནས། ཡི་གེ་དང་སྒྲའི་བསྟན་བཅོས་བརྒྱད་མཛད་དེ། རྒྱལ་པོས་ལོ་བཞི་རུ་མཚམས་བཅད་དེ་བསླབས་སོ། །མདོ་ཟ་མ་ཏོག་བཀོད་པ་དང་། པང་གོང་དང་། མདོ་སྡེ་དཀོན་མཆོག་སྤྲིན་ལ་སོགས་པ་བསྒྱུར་རོ། །དེའི་ཚེ་བོད་འབངས་ཀྱིས་རྒྱལ་པོ་ལ་གཤེ་བ་གསན་ནས། དགེ་བ་བཅུའི་ཁྲིམས་བཅས་ཏེ། བོད་རྣམས་ཆོས་ལ་བཀོད་པས། མིང་སྲོང་བཙན་སྒམ་པོར་གྲགས་སོ། །དེ་ནས་རྒྱ་གར་ལྷོ་ཕྱོགས་ནས་ཙན་དན་སྦྲུལ་གྱི་སྙིང་པོ་ལས་རང་བྱུང་དུ་བྱོན་པའི་སྤྱན་རས་གཟིགས་བཅུ་གཅིག་ཞལ་སྤྱན་དྲངས། བལ་བོའི་རྒྱལ་པོ་འོད་ཟེར་གོ་ཆའི་སྲས་མོ་བལ་མོ་ཁྲི་བཙུན་ཁབ་ཏུ་བཞེས་པས། དེས་ལྷ་མི་བསྐྱོད་རྡོ་རྗེ་བྱམས་པ། ཙན་དན་གྱི་སྒྲོལ་མ་རྣམས་སྤྱན་དྲངས། རྒྱའི་རྒྱལ་པོ་སེང་གེ་བཙན་པོའི་སྲས་རྒྱ་མོ་ཀོང་ཅོ་བཞེས་ཏེ། དེས་འཕྲུལ་སྣང་གི་ཇོ་བོ་གདན་དྲངས་སོ། །དེ་ནས་ཁྲི་བཙུན་གྱིས་གཙུག་ལག་ཁང་བཞེངས་འདོད་ཀྱང་། བཞེངས་སུ་མ་བཏུབ་པར། བོད་ཀྱི་ས་གཞི་སྲིན་མོ་གན་རྐྱལ་དུ་འགྱེལ་བ་འདྲ་བ་འདི་མནན་དགོས་པར་གཟིགས་ནས། དཔུང་པ་གཡས་ལ་སྐ་ཚལ། གཡོན་ལ་ཁྲ་འབྲུག །རྐང་པ་གཡས་ལ་གཙང་འགྲམ། གཡོན་ལ་གྲོམ་པ་རྒྱང་སྟེ། རུ་བཞིའི་གཙུག་ལག་ཁང་བཞི། གྲུ་མོ་གཡས་ལ་ཀོང་པོ་བུ་ཆུ། གཡོན་ལ་ལྷོ་བྲག་ཁོམ་ཐིང་། པུས་མོ་གཡས་ལ་སྐ་བྲག །གཡོན་ལ་པྲ་དུམ་རྩེ་སྟེ་མཐའ་འདུལ་བཞི། ལག་མཐིལ་གཡས་ལ་བྱང་ཚལ་གྱི་རླུང་གནོན། གཡོན་ལ་ཁམས་ཀྱི་འདན་གློང་ཐང་སྒྲོལ་མ། རྐང་མཐིལ་གཡས་ལ་མང་ཡུལ་བྱམས་སྤྲིན། གཡོན་ལ་མོན་ཡུལ་བུམ་ཐང་སྤ་གྲོ་སྐྱེར་ཆུ་ལ་སོགས་པ་གཙུག་ལག་ཁང་མང་པོ་བཞེངས་ནས་གདོད་འོ་ཐང་མཚོ་ལ་རྡོ་མཁར་བརྩིགས་ཤིང་གིས་ཕུབ། ཀླུའི་འདག་པས་ཞལ་ཞལ་བྱས་ཏེ། ར་ལ་ས་བསྐྱས་ནས་བརྡལ་ཏེ། ལྷ་སའི་གཙུག་ལག་ཁང་ར་ས་འཕྲུལ་སྣང་བཞེངས། གློ་འབུར་བྱང་མར་བཟོ་རྒྱུ་སྤུངས་པ་ལས། རང་བྱོན་དུ་བྱོན་པའི་ཇོ་བོ་ཐུགས་རྗེ་ཆེན་པོ་བཅུ་གཅིག་ཞལ་བཞུགས་སུ་གསོལ་ལོ། །དེ་ནས་རྒྱལ་པོས་རྒྱ་ནག་རི་བོ་རྩེ་ལྔར་བྱོན་ནས། ལྷ་ཁང་བརྒྱ་རྩ་བརྒྱད་བཞེངས་སོ། །རྒྱ་མོ་ཀོང་ཅོས་ར་མོ་ཆེའི་གཙུག་ལག་ཁང་བཞེངས་སོ། །དེའི་ཚེ་རྒྱ་གར་གྱི་སློབ་དཔོན་ཀུ་ས་ར་དང་། བྲམ་ཟེ་ཤང་ཀ་ར་དང་། བལ་པོའི་སློབ་དཔོན་ཤཱི་ལ་མཉྫུ་དང་། རྒྱ་ནག་གི་སློབ་དཔོན་ཧྭ་ཤང་མ་ཧཱ་དེ་བ་ཚེ་དང་། ལོ་ཙྪ་བ་ཐོན་མི་སཾ་བྷ་ཊ་དང་། དེའི་མཆན་བུ་དྷརྨ་ཀོ་ཤ་དང་། ལྷ་ལུང་རྡོ་རྗེ་དཔལ་རྣམས་ཀྱིས། ཆོས་ཅི་རིགས་སུ་བསྒྱུར་ཅིང་གཏན་ལ་ཕབ་བོ། །རྒྱལ་པོ་དེ་ནི་ཐུགས་རྗེ་ཆེན་པོའི་སྤྲུལ་པར་གྲགས་ཤིང་། ལིའི་བཙུན་པ་གཉིས་ཀྱི་ལོ་རྒྱུས་ཡོད་དོ། །རྒྱལ་པོ་དེས་ལོ་དྲུག་ཅུ་རྩ་དགུ་རྒྱལ་སྲིད་བཟུང་སྟེ། བརྒྱད་ཅུ་རྩ་གཉིས་ལ་གཤེགས་སོ། །དེ་དང་མཉམ་དུ་ཀོང་ཅོའི་ཞལ་ནས། ལྷ་ཤཱཀྱ་མུ་ནི་ར་མོ་ཆེ་ནས་གདན་དྲོངས་ལ། འཕྲུལ་སྣང་གི་གློ་འབུར་དུ་སྦོས་ལ། སྒོ་ལ་ཞལ་ཞལ་གྱིས་ལ། འཇམ་དབྱངས་བྲིས་ཤིག་གསུང་སྟེ། ཁྲི་བཙུན་དང་མཉམ་དུ། གསུམ་གར་ཐུགས་རྗེ་ཆེན་པོ་ལ་ཐིམ་པའམ་འདས་སོ། །བློན་པོ་རྣམས་ཀྱིས་ཀྱང་ལྷ་གཉིས་བརྗེས་ཏེ། ཞལ་ཆེམས་ལྟར་བྱས་སོ། །རྒྱལ་པོ་དེའི་སྲས་མང་རོང་མང་བཙན། དེའི་སྲས་གུང་སྲོང་གུང་བཙན། དེའི་སྲས་འདུས་སྲོང་མང་པོ་རྗེ་བློ་ནམ་འཕྲུལ་གྱི་རྒྱལ་པོ། དེའི་སྲས་ཁྲི་ལྡེ་གཙུག་བརྟན་ཏེ། དེས་ལྷ་ས་མཁར་བྲག །མཆིམས་ཕུ་གནམ་སྲས། དར་འཕུར་མཁར་ལྷག །མདོ་སྨད་དུ་ལིང་ཆུ་ཁྲི་རྩེ། བྲག་དམར་དུ་སྐ་ཆུ་ཤར་སྒོ། འཕང་ཐང་ཀ་མེད། ཀ་ཆུ་བན་ཆུང་། བྲག་དམར་འབྲིན་བཟངས་ལ་སོགས་པ་བཞེངས། བྲན་ཀ་མུ་ལ་ཀོ་ཤ་དང་། གཉགས་ཛྙཱ་ན་ཀུ་མ་རས་མདོ་སྡེ་ལས་བརྒྱ་པ་དང་། གསེར་འོད་དམ་པ་གཉིས་བསྒྱུར། རྩིས་དང་སྨན་དཔྱད་ལ་སོགས་པ་བསྒྱུར་ཏེ། ཆོས་སྲོལ་ཆེར་མཛད་དོ། །དེའི་སྲས་འཇང་ཚ་ལྷ་དཔོན་ལ། རྒྱའི་རྒྱལ་པོའི་སྲས་གྱིམ་ཤང་ཀོང་ཅོ་བླངས་པས་བུ་ཤི་སྟེ། མེས་དང་འདུས་ནས་ལྷ་ཤཱཀྱ་མུ་ནེ་བཙལ་ཏེ་མཆོད་པ་བྱས་སོ། །དེ་ལ་སྲས་མཚན་ལྡན་ཞིག་ས་ཕོ་རྟ་ལ་འཁྲུངས་ཏེ། རྒྱལ་པོ་ལ་འཕང་ཐང་དུ་བསྟན་པར་ཆས་པ་ན། བུ་སྣ་ནམ་ཟས་ཕྲོགས་ཏེ། སྣ་ནམ་གྱི་བུར་བྱས་ནས། ཁྲི་སྲོང་ལྡེ་བཙན་ཞེས་གྲགས་སོ། །དེ་ཆུང་བའི་དུས་སུ་རྒྱའི་ཡུལ་དུ་སང་ཤི་ལ་སོགས་མི་བཞི་ཆོས་ཚོལ་དུ་བཏང་ངོ་། །དེའི་དུས་སུ་ཧྭ་ཤང་མངོན་ཤེས་ཅན་གྱིས། བོད་ཀྱི་ཕོ་ཉ་བ་འཕགས་པ་བྱང་སེམས་ཀྱི་སྤྲུལ་ཞིག་འོང་སྟེ། འདི་འདྲའོ་ཞེས་འབག་བྱས་སོ། །སླེབ་པ་དང་རྒྱའི་རྒྱལ་པོས་བསྙེན་བཀུར་བྱས། ཧྭ་ཤང་ཞིག་དང་བཅས་བ་བརྫངས་ཏེ། བོད་དུ་སླེབ་པ་ན་རྒྱལ་པོ་འདས། རྒྱལ་བུ་ཆུང་བས་བློན་པོ་རྣམས་ཀྱིས་ཆོས་ཁྲིམས་བཤིག་སྟེ། ཆོས་བྱེད་པ་རྣམས་སྤྱུག་པར་བྱས། ལྷ་ཤཱཀྱ་མུ་ནེ་རྒྱའི་ཡུལ་དུ་སྐྱེལ་བར་བརྩམས་པས། མི་སུམ་བརྒྱས་མ་ཐེག་པར་བྱེ་བྲིམས་སུ་སྦས། ལྷ་སར་བཤའ་ར་བྱས་སོ། །དེའི་ཚེ་སྣ་ནམ་ཁྲི་ཐོག་རྗེ་ཐང་ལ་འབར་ཞེས་བྱ་བ་རྒྱབ་གས་ནས་ཤི། ཅོག་གྲུ་སྐྱེས་ངས་རྒྱལ་འགོང་བྱ་བ་བསྐམས་ནས་ཤི་བས། ལྷ་བྱེ་འོག་ཏུ་བཅུག་པས་ལན་ཟེར་ནས། དྲེའུ་གཉིས་ཀྱིས་བཏེག་ནས། ལྷ་མང་ཡུལ་སྐྱིད་གྲོང་དུ་བསྐྱལ་ལོ། །མཁར་བྲག་དང་། འབྲིན་བཟང་གཉིས་བཤིག་གོ། དེའི་ཚེ་བ་ལང་གླག་གི་སྦ་གསལ་སྣང་གི་བུ་ཚ་མིང་སྲིང་གཉིས་དུས་གཅིག་ལ་གུམ་ནས། ཧྭ་ཤང་གིས་ཆོ་ག་བྱས་ཏེ་བུ་མོ་ལོ་དུས་ན་རང་གི་བུར་སྐྱེས་ཏེ། དྲན་པ་ཞིག་བྱུང་སྟེ། རྒྱལ་བུས་མང་ཡུལ་གྱི་ཁ་བློན་པོར་བསྐོས་ཏེ་བཏང་ངོ་། །དེའི་ཚེ་སང་ཤིས་སླེབ་སྟེ། ཆོས་བྲག་ལ་སྦས་སོ། །དེ་ནས་ཁྲི་སྲོང་ལྡེ་བཙན་ལོ་བཅུ་གསུམ་ལོན་ཏེ། རྒྱལ་སར་བཏོན་ཏེ། ཡབ་མེས་ཀྱི་ལེའུ་ཚེ་གཏམ་མཛད་པ་ན། ཆོས་ཀྱི་གཏམ་བྱས་ཏེ། ཆོས་སྦས་པ་བླངས་ཏེ། སྙན་དུ་གསོལ་བས་དད་པར་གྱུར་ཏེ། རྒྱ་མེ་མགོ་དང་། པཎྜི་ཏ་ཨཱནྟ་དང་གསུམ་གྱིས་བསྒྱུར་ཅིག་གསུངས་ཏེ། བསྒྱུར་བར་བརྩམས་པ། བློན་མ་ཞང་གྲོམ་པ་སྐྱེས་ལ་སོགས་པས་བཀག་གོ། དེར་བློན་པོ་ཆོས་ལ་དགའ་བ་རྣམས་ཀྱིས་སང་ཤི་མང་ཡུལ་དུ་བརྫངས་སོ། །

བཀའ་དང་བསྟན་བཅོས་བོད་དུ་ཇི་ལྟར་འགྱུར་བའི་རྣམ་གྲངས།

བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་བའི་བཀའ།

གཉིས་པ་བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་བའི་བཀའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་སུམ་བརྒྱ་སྟེ། ཉང་ཁམས་པ་གོ་ཆེ། བཻ་རོ་ཙ་ན། ལྕེ་ཁྱི་འབྲུག་ཞང་ཡེ་ཤེས་སྡེ་ལ་སོགས་པའི་འགྱུར་བྱང་དྲུག་ཡོད་པར་གྲག་གོ། ཉི་ཁྲི་ལྔ་སྟོང་པ་བམ་པོ་བརྒྱད་ཅུ་རྩ་གསུམ་དང་ཤུ་ལོ་ཀ་བརྒྱ། ཁྲི་བརྒྱད་སྟོང་པ་བམ་པོ་དྲུག་ཅུ། ཡེ་ཤེས་སྡེ་ལ་སོགས་པའི་འགྱུར། ཤེས་རབ་ཁྲི་པ་བམ་པོ་སུམ་ཅུ་རྩ་གསུམ། བརྒྱད་སྟོང་པ་བམ་པོ་ཉེར་བཞི། རྔོག་ཆེན་པོ་ལ་སོགས་པའི་འགྱུར། སྡུད་པ་བམ་པོ་གཅིག་དཔལ་བརྩེགས་ཀྱི་འགྱུར་ཏེ། དེ་དག་ལ་ཡུམ་དྲུག་ཟེར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཀྱི་རྩལ་གྱི་རྣམ་པར་གནོན་པས་ཞུས་པ་ཤུ་ལོ་ཀ་ཉིས་སྟོང་ཆིག་བརྒྱ་དྲུག་ཅུ་སྟེ། བམ་པོ་བདུན་དང་ཤུ་ལོ་ཀ་དྲུག་ཅུ་ཡེ་ཤེས་སྡེའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པ་ལྔ་བརྒྱ་པ་ཤུ་ལོ་ཀ་ལྔ་བརྒྱ། རྡོ་རྗེ་གཅོད་པ་བམ་པོ་གཅིག་སྟེ། དེ་གཉིས་སྐད་གསར་བཅད་ཀྱིས་བཅོས་པ། ཚུལ་བརྒྱ་ལྔ་བཅུ་པ་ཤུ་ལོ་ཀ་བརྒྱ་ལྔ་བཅུ། ལྔ་བཅུ་པ་ཤུ་ལོ་ཀ་ལྔ་བཅུ། ཀོའུ་ཤི་ཀ་ཤུ་ལོ་ཀ་སུམ་ཅུ་རྩ་གཅིག །སྒོ་ཉི་ཤུ་རྩ་ལྔ་པ་ཤུ་ལོ་ཀ་ཉི་ཤུ་རྩ་ལྔ་སྐད་གསར་བཅད་ཀྱིས་བཅོས་པ། ཤེས་རབ་སྙིང་པོ་ཤུ་ལོ་ཀ་ཉི་ཤུ་རྩ་ལྔ། རིན་ཆེན་སྡེ་དང་། བན་དེ་ནམ་མཁའ་ལ་སོགས་པའི་འགྱུར། འདི་ལ་ཤུ་ལོ་ཀ་ཉི་ཤུ་རྩ་བརྒྱད་ཟེར་ཡང་། རྒྱ་དཔེར་ཉི་ཤུ་རྩ་ལྔར་བཤད་དོ། །ཡི་གེ་ཉུང་ངུ་ཤུ་ལོ་ཀ་སུམ་ཅུ། ཡི་གེ་གཅིག་མ། འདིའི་སྟེང་དུ་དཀོན་བརྩེགས་ཀྱི་འདུས་པ་བཞི་བཅུ་རྩ་དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པ་བསྣན་པས། སྲས་བཅུ་གཅིག་སྟེ། སྲས་ཡུམ་བཅུ་བདུན་ཞེས་གྲགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་མཚན་བརྒྱ་རྩ་བརྒྱད་པ་ཤུ་ལོ་ཀ་སུམ་ཅུ། ཤེས་རབ་ཀྱི་ཕ་རོལ་ཏུ་ཕྱིན་པ་ཉི་མའི་སྙིང་པོ། ཤེར་ཕྱིན་ཟླ་བའི་སྙིང་པོ། ཤེར་ཕྱིན་ཀུན་ཏུ་བཟང་པོ། ཤེར་ཕྱིན་ལག་ན་རྡོ་རྗེ། ཤེར་ཕྱིན་རྡོ་རྗེ་རྒྱལ་མཚན་གྱི་མདོ་སྟེ། དྲུག་པོ་དེ་དག་ཀྱང་། ཤེར་ཕྱིན་ཡིན་པས་སྲས་ཡུམ་བཅུ་བདུན། ཞེས་ཡུམ་དང་སྲས་སུ་ཕྱེ་བའི་དོན་དང་གྲངས་གཉིས་ཀ་ནོར་བའོ། །ཞེས་ཁ་ཅིག་གོ། ཁ་ཅིག་སྡུད་མདོ་རྒྱས་པ་གསར་འགྱུར་ཞེས་པ་ཡོད་གསུང་ཏེ་བརྟག་གོ། སྔར་གྱི་བསྒྱུར་འཕྲོ་ཤེར་ཕྱིན་སྟོང་ཕྲག་བཞི་པ་ད་ལྟ་མ་རྙེད་ཅེས་ཀྱང་བྱའོ། །གསུམ་པ་བཀའ་ཐ་མ་དོན་དམ་རྣམ་པར་ངེས་པའི་འཁོར་ལོ་བསྐོར་བའི་བཀའ་ལ། སངས་རྒྱས་ཕལ་པོ་ཆེ་ལ། སངས་རྒྱས་ཕལ་པོ་ཆེ་དང་། འཕགས་པ་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་མཛད་པ་དང་། ཞིང་ཁམས་དང་། འཁོར་དང་། འཇིག་རྟེན་གྱི་ཁམས་ཀྱི་བཀོད་པ་དང་། ཟབ་པ་དང་རྒྱ་ཆེ་བའི་དོན། མཐའ་དང་དབུས་མེད་པར་སྟོན་པ་སངས་རྒྱས་ཕལ་པོ་ཆེ་འཇིག་རྟེན་གྱི་དབང་པོ་ཐམས་ཅད་ཀྱི་རྒྱན་གྱི་ལེའུ་ནས། སྡོང་པོས་རྒྱན་པའི་ལེའུ་བཞི་བཅུ་རྩ་ལྔ་པ་ཡན་ཆད་ལ་ཤུ་ལོ་ཀ་སུམ་ཁྲི་དགུ་སྟོང་སུམ་ཅུ་སྟེ། བམ་པོ་བརྒྱ་སུམ་ཅུ་དང་ཤུ་ལོ་ཀ་སུམ་ཅུ་བཻ་རོ་ཙ་ན་རཀྵི་ཏས་ཞུ་ཆེན་བགྱིས་པ་ལ། དེ་བཞིན་གཤེགས་པ་ཕལ་པོ་ཆེའི་ལེའུར་གཏོགས་པ་ལ་བམ་པོ་བཅུ་བཞི། རྡོ་རྗེ་རྒྱལ་མཚན་གྱི་བསྡོ་བའི་ལེའུ་བམ་པོ་བཅུ་གསུམ། ས་བཅུ་པ་བམ་པོ་བརྒྱད། ཀུན་ཏུ་བཟང་པོའི་སྤྱོད་པ་བསྟན་པ་བམ་པོ་བཅུ་དྲུག །དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་བམ་པོ་ལྔ། འཇིག་རྟེན་ལས་འདས་པའི་ལེའུ་བམ་པོ་བཅུ་གཅིག །སྡོང་པོས་བརྒྱན་པའི་ལེའུ་བམ་པོ་སུམ་ཅུ་ཐམ་པའོ། །འདི་ལ་ཤིན་ཏུ་རྒྱས་པའི་སྡེ་སྣོད་དང་། སྙན་གྱི་གོང་རྒྱན་དང་། པདྨའི་རྒྱན་དང་། ཤིན་ཏུ་རྒྱས་པའི་མདོ་ཞེས་འཆད་དོ། །དཀོན་མཆོག་བརྩེགས་པ་ཆེན་པོ་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་སྡོམ་པ་གསུམ་བསྟན་པ་བམ་པོ་གསུམ། ཡེ་ཤེས་སྡེའི་འགྱུར། སྒོ་མཐའ་ཡས་པ་རྣམ་པར་སྦྱོང་བ་བམ་པོ་བཞི་དཔལ་བརྩེགས་ཀྱི་འགྱུར། དེ་བཞིན་གཤེགས་བའི་གསང་བ་བསམ་གྱིས་མི་ཁྱབ་པ་བསྟན་པ་ཤུ་ལོ་ཀ་སུམ་སྟོང་ལྔ་བརྒྱ་སྟེ་བམ་པོ་བཅུ་གཅིག་དང་ཤུ་ལོ་ཀ་ཉིས་བརྒྱ། ཡེ་ཤེས་སྡེའི་འགྱུར། རྨི་ལམ་བསྟན་པ་ཤུ་ལོ་ཀ་སྟོང་། འོད་དཔག་མེད་ཀྱི་ཞིང་གི་བཀོད་པ་བམ་པོ་གསུམ། མི་འཁྲུགས་པའི་ཞིང་གི་བཀོད་པ་ཤུ་ལོ་ཀ་སྟོང་ལྔ་བརྒྱ་བཞི་བཅུ་སྟེ་བམ་པོ་ལྔ་དང་ཤུ་ལོ་ཀ་བཞི་བཅུ། གོ་ཆ་བཀོད་པ་བམ་པོ་དྲུག །ཆོས་ཀྱི་དབྱིངས་རང་བཞིན་གྱིས་དབྱེར་མེད་པར་བསྟན་པ་བམ་པོ་གཉིས་དང་ཤུ་ལོ་ཀ་ལྔ་བཅུ། ཆོས་བཅུ་པ་ཤུ་ལོ་ཀ་ལྔ་བརྒྱ། ཀུན་ནས་སྒོའི་ལེའུ་ཤུ་ལོ་ཀ་ཉིས་བརྒྱ་དྲུག་ཅུ་པ་རྣམས། ཡེ་ཤེས་སྡེའི་འགྱུར། འོད་ཟེར་ཀུན་ཏུ་བཀྱེ་བ་བསྟན་པ་བམ་པོ་ལྔ། བྱང་ཆུབ་སེམས་དཔའི་སྡེ་སྣོད་བམ་པོ་ཉི་ཤུ་སྐད་གསར་བཅད་ཀྱིས་བཅོས་པ། ཆོས་ཉིད་ཚུལ་ཁྲིམས་ཀྱི་འགྱུར། དགའ་བོ་ལ་མངལ་ན་གནས་པ་བསྟན་པ་བམ་པོ་གཉིས། མངལ་དུ་འཇུག་པ་བསྟན་པ་བམ་པོ་གཅིག །འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བམ་པོ་གསུམ་དང་ཤུ་ལོ་ཀ་བརྒྱ་བཞི་བཅུ། ཡེ་ཤེས་སྡེའི་འགྱུར། ཡབ་སྲས་མཇལ་བ་བམ་པོ་བཅོ་ལྔ། ཡེ་ཤེས་སྡེའི་འགྱུར། གང་པོས་ཞུས་པ་བམ་པོ་དྲུག །ཡུལ་འཁོར་སྐྱོང་གིས་ཞུས་པ་བམ་པོ་གསུམ་དང་ཤུ་ལོ་ཀ་བརྒྱ་ཡེ་ཤེས་སྡེའི་འགྱུར། ཁྱིམ་བདག་དྲག་ཤུལ་ཅན་གྱིས་ཞུས་པ་བམ་པོ་གཉིས་དང་ཤུ་ལོ་ཀ་བརྒྱ་ལྔ་བཅུ། ཀློག་ཐོབ་ཀྱིས་ཞུས་པ་བམ་པོ་གཉིས། སྒྱུ་མ་མཁན་བཟང་པོ་ལུང་བསྟན་པ་བམ་པོ་གཅིག་དང་ཤུ་ལོ་ཀ་བརྒྱ་སུམ་ཅུ། ཆོ་འཕྲུལ་ཆེན་པོ་བསྟན་པ་ལྷའི་བུ་དེད་དཔོན་གྱིས་ཞུས་པ་བམ་པོ་གསུམ། བྱམས་པ་སེང་གེ་སྒྲ་ཆེན་པོ་བམ་པོ་བཞི། འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པ་བམ་པོ་གཉིས། ལྷག་པའི་བསམ་པ་བསྐུལ་བ་བམ་པོ་གཉིས། ལག་བཟང་གིས་ཞུས་པ་བམ་པོ་གཉིས་དང་ཤུ་ལོ་ཀ་བརྒྱ་རྩ་བརྒྱད། དེས་པས་ཞུས་པ་བམ་པོ་གཅིག །ཁྱིམ་བདག་དཔལ་སྦྱིན་གྱིས་ཞུས་པ་བམ་པོ་གཅིག །པད་ས་ལའི་རྒྱལ་པོ་འཆར་བྱེད་ཀྱིས་ཞུས་པ་ཤུ་ལོ་ཀ་ཉིས་བརྒྱ། བུ་མོ་བློ་གྲོས་བཟང་མོས་ཞུས་པ་ཤུ་ལོ་ཀ་ཉིས་བརྒྱ། བུ་མོ་གང་གཱའི་མཆོག་གིས་ཞུས་པ་ཤུ་ལོ་ཀ་བརྒྱད་ཅུ། བུ་མོ་མྱ་ངན་མེད་པས་བྱིན་པ་ལུང་བསྟན་པ་བམ་པོ་གཅིག །བུ་མོ་དྲི་མ་མེད་པས་བྱིན་པས་ཞུས་པ་བམ་པོ་གཅིག་དང་ཤུ་ལོ་ཀ་བརྒྱ་ལྔ་བཅུ། ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ཤུ་ལོ་ཀ་བརྒྱ་བཞི་བཅུ། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་བསྟན་པ་བམ་པོ་གཉིས། དེ་རྣམས་ཡེ་ཤེས་སྡེའི་འགྱུར། ལྷའི་བུ་བློ་གྲོས་རབ་གནས་ཀྱིས་ཞུས་པ་བམ་པོ་བཞི། ཀླུའི་རྒྱལ་མཚན་གྱི་འགྱུར། སེང་གེས་ཞུས་པ་ཤུ་ལོ་ཀ་དྲུག་ཅུ། སངས་རྒྱས་ཐམས་ཅད་ཀྱི་གསང་ཆེན་ཐབས་ལ་མཁས་པ་བམ་པོ་བཞི་དང་ཤུ་ལོ་ཀ་བཅུ་གསུམ། ཚོང་དཔོན་བཟང་སྐྱོང་གིས་ཞུས་པ་བམ་པོ་གཉིས་པ་རྣམས། ཡེ་ཤེས་སྡེའི་འགྱུར། བུ་མོ་རྣམ་དག་དད་པས་ཞུས་པ་ཤུ་ལོ་ཀ་བརྒྱ་ལྔ་བཅུ། བྱམས་པས་ཞུས་པ་བམ་པོ་གཅིག་དང་ཤུ་ལོ་ཀ་བཅུ། བྱམས་པས་ཞུས་པའི་ཆོས་བརྒྱད་པ་བམ་པོ་གཅིག །འོད་སྲུངས་ཀྱིས་ཞུས་པའི་ལེའུ་བམ་པོ་གསུམ། རིན་པོ་ཆེའི་ཕུང་པོའི་མདོ་བམ་པོ་གཉིས་དང་ཤུ་ལོ་ཀ་བདུན་ཅུ། བློ་གྲོས་མི་ཟད་པས་ཞུས་པ་ཤུ་ལོ་ཀ་ཉིས་བརྒྱ། ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པ་བམ་པོ་གཉིས་དང་ཤུ་ལོ་ཀ་བརྒྱ། དེ་རྣམས་ཡེ་ཤེས་སྡེའི་འགྱུར། གཙུག་ན་རིན་ཆེན་གྱིས་ཞུས་པ་བམ་པོ་གསུམ། ཆོས་ཉིད་ཚུལ་ཁྲིམས་ཀྱི་འགྱུར། ལྷ་མོ་དཔལ་ཕྲེང་སེང་གེ་སྒྲའི་ལེའུ་བམ་པོ་གཉིས་དང་། དྲང་སྲོང་རྒྱས་པས་ཞུས་པ་བམ་པོ་གཉིས་ཡེ་ཤེས་སྡེའི་འགྱུར་ཏེ། དཀོན་བརྩེགས་ཀྱི་འདུས་པ་བཞི་བཅུ་རྩ་དགུ་ཡན་ཆད་ཚང་བར་འགྱུར་རོ། །ཐེག་པ་ཆེན་པོའི་མདོ་སྡེ་སྣ་ཚོགས་ལ། བསྐལ་པ་བཟང་པོ་བམ་པོ་ཉི་ཤུ་རྩ་དྲུག་པ་དཔལ་དབྱངས་དང་དཔལ་བརྩེགས་ཀྱི་འགྱུར། རྒྱ་ཆེར་རོལ་པ་བམ་པོ་བཅོ་བརྒྱད་སྐད་གསར་བཅད་ཀྱིས་བཅོས་པ། འཇམ་དཔལ་རྣམ་པར་རོལ་པ་བམ་པོ་གཉིས་དང་ཤོ་ལོ་ཀ་བཅུ། འཇམ་དཔལ་རྣམ་པར་འཕྲུལ་པའི་ལེའུ་བམ་པོ་གཅིག་དང་ཤོ་ལོ་ཀ་དགུ་བཅུ་རྩ་བཞི་སྐད་གསར་བཅད་ཀྱིས་བཅོས་པ། བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པ་བམ་པོ་ལྔ་ཡེ་ཤེས་སྡེའི་འགྱུར། བཅོམ་ལྡན་འདས་ཀྱི་ཡེ་ཤེས་རྒྱས་པའི་མདོ་བམ་པོ་ཉི་ཤུ་རྩ་ལྔ་ཡེ་ཤེས་སྙིང་པོ་དང་དཔལ་བརྩེགས་ཀྱི་འགྱུར། སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བའི་རྒྱན་བམ་པོ་གསུམ་དང་ཤུ་ལོ་ཀ་ལྔ་བཅུ་པ། ཡེ་ཤེས་སྡེ་ལ་སོགས་པའི་འགྱུར། དགེ་བའི་རྩ་བ་ཡོངས་སུ་འཛིན་པ་བམ་པོ་བཅོ་བརྒྱད་ལེགས་ཀྱི་སྡེ་དང་ཡེ་ཤེས་སྡེའི་འགྱུར། ཟུང་གི་མདོའི་ཆོས་ཀྱི་རྣམ་གྲངས་བམ་པོ་བཞི་སྐད་གསར་བཅད་ཀྱིས་བཅོས་པ། ཁྱེའུ་སྣང་བ་བསམ་གྱིས་མི་ཁྱབ་པས་བསྟན་པའི་ཆོས་ཀྱི་རྣམ་གྲངས་ཤུ་ལོ་ཀ་ཉིས་བརྒྱ་བདུན་ཅུ། ཡེ་ཤེས་སྡེའི་འགྱུར། དེ་བཞིན་གཤེགས་པའི་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས། དཀྱིལ་འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་ཤུ་ལོ་ཀ་དྲུག་ཅུ་ཡེ་ཤེས་སྡེའི་འགྱུར། དགོངས་པ་ངེས་པར་འགྲེལ་པ་བམ་པོ་བཞི་དང་ཤུ་ལོ་ཀ་ཉི་ཤུ་སྐད་གསར་བཅད་ཀྱིས་བཅོས་པ། ལང་ཀར་གཤེགས་པ་རྒྱ་གར་ལས་བསྒྱུར་པ་བམ་པོ་བཅུ་གཅིག །ལང་ཀར་གཤེགས་པ་རིན་པོ་ཆེའི་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་ལེའུ་འགོས་ཆོས་གྲུབ་ཀྱིས་རྒྱ་ལས་བསྒྱུར་པ་བམ་པོ་བརྒྱད། ག་ཡ་གོ་རི་ཤུ་ལོ་ཀ་བརྒྱ་བརྒྱད་ཅུ་རྩ་བརྒྱད་པ་དང་། དམ་པའི་ཆོས་པདྨ་དཀར་པོ་བམ་པོ་བཅུ་གསུམ་པ་དང་། སྙིང་རྗེ་པདྨ་དཀར་པོ་བམ་པོ་བཅོ་ལྔ་པ་དང་། སྙིང་རྗེ་ཆེན་པོ་པདྨ་དཀར་པོ་བམ་པོ་དྲུག་པ་སྟེ་བཞི། ཡེ་ཤེས་སྡེའི་འགྱུར། མྱ་ངན་ལས་འདས་པ་ཆེན་པོའི་ལེའུ་ཉི་ཁྲི་ལྔ་སྟོང་པ་ལས་ལྷ་དང་མི་ལ་སོགས་བས་ཞུས་པའི་ལེའུ་བམ་པོ་བཅུ་གསུམ་པ་ལྷའི་ཟླ་བའི་འགྱུར། མྱ་ངན་ལས་འདས་པའི་མདོ་ཆུང་བ་རིན་ཆེན་བཟང་པོའི་འགྱུར། འདའ་ག་ཡེ་ཤེས་ཤུ་ལོ་ཀ་བཅུ་རྒྱ་ལས་བསྒྱུར་བར་དཀར་ཆག་ལྡན་དཀར་མར་བྲིས། སངས་རྒྱས་ཀྱི་མཛོད་བམ་པོ་ལྔ་རྒྱ་ལས་བསྒྱུར་པ་འདི་དཀར་ཆག་ཆེན་པོ་གསུམ་དུ་མདོར་མཛད། ཁ་ཅིག་ཐེ་ཚོམ་གྱི་གཞིར་འཆད་དོ། །རྒྱན་སྟུག་པོ་བཀོད་པ་བམ་པོ་བཞི་ཡན་ཆད་འགྱུར། དེ་བཞིན་གཤེགས་པ་ཐམས་ཅད་ཀྱི་བྱིན་རླབས་སེམས་ཅན་ལ་གཟིགས་ཤིང་། སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་པ་བམ་པོ་གཉིས། ཀླུའི་རྒྱལ་མཚན་དང་ཡེ་ཤེས་སྡེའི་འགྱུར། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་བམ་པོ་དྲུག་པ་དང་། བདེ་བ་ཅན་གྱི་བཀོད་པ་ཤུ་ལོ་ཀ་བརྒྱ་སུམ་ཅུ་པ་གཉིས། ཡེ་ཤེས་སྡེ་ལ་སོགས་པའི་འགྱུར། ཟ་མ་ཏོག་བཀོད་པ་བམ་པོ་བཞི་དང་ཤུ་ལོ་ཀ་བརྒྱ་དྲུག་ཅུ་རྩ་ལྔ། དཀོན་མཆོག་ཟ་མ་ཏོག་བམ་པོ་བཞི་རིན་ཆེན་འཚོའི་འགྱུར། དཀོན་མཆོག་འབྱུང་གནས་བམ་པོ་བདུན་པ་དང་། རིན་པོ་ཆེའི་མཐའ་ཤུ་ལོ་ཀ་ཉིས་བརྒྱ་བཅུ་པ་གཉིས། ཡེ་ཤེས་སྡེ་ལ་སོགས་པའི་འགྱུར། གསེར་འོད་དམ་པ་མདོ་སྡེའི་དབང་པོ་ཆེ་བ་བམ་པོ་བརྒྱད་པ། རྣམ་པར་མི་རྟོག་པའི་འགྱུར། གསེར་འོད་དམ་པ་མདོ་སྡེའི་དབང་པོ་ཆུང་བ་བམ་པོ་ལྔ་པ། གསེར་འོད་དམ་པ་མཆོག་ཏུ་རྣམ་པར་རྒྱལ་བ་བམ་པོ་བཅུ་འགོས་ཆོས་གྲུབ་ཀྱིས་རྒྱ་ལས་བསྒྱུར་པ། གསེར་གྱི་མདོ། གསེར་གྱི་བྱེ་མ་ལྟ་བུ་ཤུ་ལོ་ཀ་བརྒྱད་ཅུ་ཡེ་ཤེས་སྡེ་ལ་སོགས་པའི་འགྱུར། ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ་པོ་བམ་པོ་བཅོ་ལྔ་ཡན་ཆད་ཚང་བ། ཆོས་ཉིད་ཚུལ་ཁྲིམས་ཀྱི་འགྱུར། རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་བམ་པོ་གསུམ་དང་ཤུ་ལོ་ཀ་བཅུ་པ་དང་། སྒྱུ་མ་ལྟ་བུའི་ཏིང་ངེ་འཛིན་བམ་པོ་གཅིག་དང་ཤུ་ལོ་ཀ་བརྒྱ་ལྔ་བཅུ་པ་དང་། དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་བམ་པོ་གཉིས་དང་ཤུ་ལོ་ཀ་དྲུག་ཅུ་པ་སྟེ་གསུམ་ཡེ་ཤེས་སྡེའི་འགྱུར། དཔའ་བར་འགྲོ་བའི་ཏིང་ངེ་འཛིན་བམ་པོ་ལྔ་རིན་ཆེན་འཚོའི་འགྱུར། ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་བམ་པོ་བདུན་རིན་ཆེན་འཚོའི་འགྱུར། བསོད་ནམས་ཐམས་ཅད་བསྡུས་པའི་ཏིང་ངེ་འཛིན་བམ་པོ་བཞི་ཡེ་ཤེས་སྡེ་ལ་སོགས་པའི་འགྱུར། རྡོ་རྗེའི་ཏིང་ངེ་འཛིན་བམ་པོ་དྲུག་པ་རྒྱ་ལས་བསྒྱུར་པ། ཁྱེའུ་བཞིའི་ཏིང་ངེ་འཛིན་བམ་པོ་གསུམ་ཡེ་ཤེས་སྡེ་ལ་སོགས་པའི་འགྱུར། ཏིང་ངེ་འཛིན་མཆོག་དམ་པ་བམ་པོ་གཅིག །འདུས་པ་ཆེན་པོ་རིན་པོ་ཆེ་ཏོག་གི་གཟུངས་བམ་པོ་བརྒྱད་དང་ཤུ་ལོ་ཀ་སུམ་ཅུ་རྩ་གསུམ་པ་དང་། རྡོ་རྗེ་སྙིང་པོའི་གཟུངས་བམ་པོ་གཅིག་དང་ཤུ་ལོ་ཀ་ཉིས་བརྒྱ་བདུན་ཅུ་པ་གཉིས་ཡེ་ཤེས་སྡེའི་འགྱུར། སྒོ་མཐའ་ཡས་པ་སྒྲུབ་པའི་གཟུངས་ཤུ་ལོ་ཀ་ཉིས་བརྒྱ་དྲུག་ཅུ། སྒོ་དྲུག་པའི་གཟུངས་ཤུ་ལོ་ཀ་བཅོ་བརྒྱད། རྣམ་པར་མི་རྟོག་པ་ལ་འཇུག་པའི་གཟུངས་ཤུ་ལོ་ཀ་བརྒྱ་ཉི་ཤུ་རྩ་གཅིག་དཔལ་བརྩེགས་ཀྱི་འགྱུར། ཚིགས་སུ་བཅད་པ་གཉིས་པ་ཐེག་པ་ཆེན་པོ་ལ་དད་པ་རབ་ཏུ་སྒོམ་པ་བམ་པོ་གཉིས་དང་ཤུ་ལོ་ཀ་བཅུ་དགུ་ཡེ་ཤེས་སྡེ་ལ་སོགས་པའི་འགྱུར། གཟུངས་འདི་དག་སློབ་དཔོན་དབྱིག་གཉེན་གྱིས་སྒོ་དྲུག་པ་མདོར་བཀྲལ་ཞིང་ཀ་མ་ལ་ཤཱི་ལས་རྣམ་པར་མི་རྟོག་པ་ལ་འཇུག་པ་མདོར་བཀྲལ་ལ། ཏོག་དང་རྡོ་རྗེ་སྙིང་པོ་ལ་སོགས་པ་དཀར་ཆག་ཆེན་མོ་དག་ལས། མདོར་བཤད་པ་བཞིན་ཡིན་ནོ། །དེ་བཞིན་གཤེགས་པའི་སྙིང་རྗེ་ཆེན་པོ་བསྟན་པ་གཟུངས་ཀྱི་དབང་ཕྱུག་རྒྱལ་པོས་ཞུས་པ་བམ་པོ་བདུན། ནམ་མཁའ་མཛོད་ཀྱིས་ཞུས་པ་བམ་པོ་བརྒྱད། རྣམ་པར་འཕྲུལ་པའི་རྒྱལ་པོས་ཞུས་པ་བམ་པོ་གསུམ། བྱམས་པས་ཞུས་པ་ཤུ་ལོ་ཀ་བདུན་ཅུ། སྤོབས་པའི་བློ་གྲོས་ཀྱིས་ཞུས་པ་བམ་པོ་གཅིག་དང་ཤུ་ལོ་ཀ་བཅུ། ཐེག་པ་ཆེན་པོའི་མན་ངག་བུ་མོ་རིན་ཆེན་གྱིས་ཞུས་པ་བམ་པོ་བཞི་དང་ཤུ་ལོ་ཀ་བཞི་བཅུ། བློ་གྲོས་རྒྱ་མཚོས་ཞུས་པ་བམ་པོ་བཅུ། ཀླུའི་རྒྱལ་པོ་རྒྱ་མཚོས་ཞུས་པ་ཆེན་པོ་བམ་པོ་བདུན། ཀླུའི་རྒྱལ་པོ་རྒྱ་མཚོས་ཞུས་པ་དགེ་བ་བཅུ་བཤད་པ་ཤུ་ལོ་ཀ་ཉིས་བརྒྱ། ཀླུའི་རྒྱལ་པོ་རྒྱ་མཚོས་ཞུས་པ་ཆུང་ངུ་ཤུ་ལོ་ཀ་བཅུ། དེ་རྣམས་ཡེ་ཤེས་སྡེའི་འགྱུར། སྤྱན་རས་གཟིགས་ཀྱིས་ཞུས་པའི་ཆོས་བདུན་པ་དགེ་བའི་བློ་གྲོས་ཀྱི་འགྱུར། ཀླུའི་རྒྱལ་པོ་མ་དྲོས་པས་ཞུས་པ་བམ་པོ་བཞི། ཡེ་ཤེས་སྡེ་དང་ཡི་གེ་པ་དགོན་གླིང་རྨ་ལ་སོགས་པའི་འགྱུར། མིའམ་ཅིའི་རྒྱལ་པོ་ལྗོན་པས་ཞུས་པ་བམ་པོ་ལྔ། དཔལ་གྱི་ལྷུན་པོ་དང་། དཔལ་བརྩེགས་ཀྱི་འགྱུར། ཚངས་པས་ཞུས་པ་ཤུ་ལོ་ཀ་ཉིས་བརྒྱ། ཚངས་པས་བྱིན་གྱིས་ཞུས་པ་བམ་པོ་གཅིག་སྟེ། དེ་གཉིས་ཡེ་ཤེས་སྡེའི་འགྱུར། ཚངས་པ་ཁྱད་པར་སེམས་ཀྱིས་ཞུས་པ་བམ་པོ་བདུན། ཆོས་ཉིད་ཚུལ་ཁྲིམས་དང་བར་ཞུས་ཀྱི་ལོ་ཙྪ་བ་ལྷའི་དབང་པོ་བསྲུང་བ་དང་། གཞོན་ནུ་བསྲུང་བ་ལ་སོགས་པའི་འགྱུར། ལྷའི་བུ་རབ་རྩལ་སེམས་ཀྱིས་ཞུས་པ་བམ་པོ་གསུམ། དཔལ་དབྱིག་གིས་ཞུས་པ་ཤུ་ལོ་ཀ་བརྒྱ་རྩ་བཅོ་ལྔ་པ་གཉིས། ཡེ་ཤེས་སྡེ་ལ་སོགས་པའི་འགྱུར། རིན་ཆེན་དྲ་བ་ཅན་གྱིས་ཞུས་པ་བམ་པོ་གཅིག་དང་ཤུ་ལོ་ཀ་དྲུག་ཅུ་ཡེ་ཤེས་སྙིང་པོ་དང་དཔལ་བརྩེགས་ཀྱི་འགྱུར། ཁྱེའུ་རིན་ཆེན་ཟླ་བས་ཞུས་པ་ཤུ་ལོ་ཀ་ཉིས་བརྒྱ་རྩ་བདུན་པ་དགེ་བའི་དཔལ་དང་ལྷའི་ཟླ་བའི་འགྱུར། བདེ་བྱེད་ཀྱིས་ཞུས་པ་ཤུ་ལོ་ཀ་བརྒྱད་ཅུ་ཡེ་ཤེས་སྡེ་ལ་སོགས་པའི་འགྱུར། ཡུལ་འཁོར་སྐྱོང་གིས་ཞུས་པ་ཤུ་ལོ་ཀ་བདུན་ཅུ་རྩ་གསུམ། ལྷ་མོ་དྲི་མ་མེད་པའི་འོད་ཀྱིས་ཞུས་པ་བམ་པོ་དྲུག །བྲམ་ཟེ་མོ་དཔལ་ལྡན་མས་ཞུས་པ་ཤུ་ལོ་ཀ་དགུ་བཅུ། བགྲེས་མོས་ཞུས་པ་ཤུ་ལོ་ཀ་བརྒྱ་རྩ་བཅོ་ལྔ་ཡེ་ཤེས་སྡེའི་འགྱུར། འཇམ་དཔལ་གྱིས་ཞུས་པ་ཤུ་ལོ་ཀ་དགུ་བཅུ། བདག་མེད་པ་དྲིས་པ་རིན་ཆེན་བཟང་པོའི་འགྱུར། འཇིག་རྟེན་འཛིན་གྱིས་ཡོངས་སུ་དྲིས་པ་རྣམས། བློ་གྲོས་མི་ཟད་པས་བསྟན་པ་བམ་པོ་བདུན་པ་དང་། དྲི་མ་མེད་པར་གྲགས་པས་བསྟན་པ་བམ་པོ་དྲུག་པ་གཉིས། ཆོས་ཉིད་ཚུལ་ཁྲིམས་ཀྱི་འགྱུར། འཇམ་དཔལ་གྱིས་བསྟན་པ་ཤུ་ལོ་ཀ་ཕྱེད་དང་བཅོ་ལྔ་སྤྱིན་པའི་ཕན་ཡོན་བསྟན་པ་ཤུ་ལོ་ཀ་སུམ་ཅུ། བྱང་ཆུབ་སེམས་དཔའི་སྤྱོད་པ་བསྟན་པ་ཁྱེའུ་རིན་ཆེན་གྱིས་ཞུས་པ་ཤུ་ལོ་ཀ་ཉིས་བརྒྱ་ཉི་ཤུ། སྦྱིན་པའི་ཕ་རོལ་ཏུ་ཕྱིན་པ་བསྟན་པ་བམ་པོ་གཉིས། ཕ་རོལ་ཏུ་ཕྱིན་པ་ལྔ་བསྟན་པ་བམ་པོ་དྲུག །བྱང་ཆུབ་ཀྱི་ཕྱོགས་བསྟན་པ་ཤུ་ལོ་ཀ་དགུ་བཅུ་རྩ་གཉིས། དེ་རྣམས་ཡེ་ཤེས་སྡེའི་འགྱུར། ཀུན་རྫོབ་དང་དོན་དམ་པའི་བདེན་པ་བསྟན་པ་བམ་པོ་གཉིས་ཆོས་ཉིད་ཚུལ་ཁྲིམས་ལ་སོགས་པའི་འགྱུར། ཆོས་ཐམས་ཅད་འབྱུང་བ་མེད་པར་བསྟན་པ་བམ་པོ་གསུམ་རིན་ཆེན་འཚོའི་འགྱུར། དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པ་བམ་པོ་གསུམ་དང་ཤུ་ལོ་ཀ་ཉི་ཤུ་ཡེ་ཤེས་སྡེའི་འགྱུར། སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་གྱི་ཡུལ་ལ་རྣམ་པར་འཕྲུལ་པ་བསྟན་པ་བམ་པོ་གཅིག་དང་ཤུ་ལོ་ཀ་ལྔ་བཅུ། སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པ། མར་མེ་མཛད་ཀྱིས་ལུང་བསྟན་པ་ཤུ་ལོ་ཀ་ཉིས་བརྒྱ་བཅུ་པ་དགེ་བ་དཔལ་དང་ཀླུའི་རྒྱལ་མཚན་གྱི་འགྱུར། ཚངས་པའི་དཔལ་ལུང་བསྟན་པ་ཤུ་ལོ་ཀ་བཞི་བཅུ་དགེ་བ་དཔལ་དང་ལྷའི་ཟླ་བའི་འགྱུར། བུད་མེད་འགྱུར་བ་ལུང་བསྟན་པ་བམ་པོ་གཉིས་དང་བུ་མོ་ཟླ་མཆོག་ལུང་བསྟན་པ་བམ་པོ་གཉིས་པ་གཉིས་ཡེ་ཤེས་སྡེའི་འགྱུར། ལྷ་མོ་ཆེན་མོ་དཔལ་ལུང་བསྟན་པ་ཤུ་ལོ་ཀ་བརྒྱ། བདེ་ལྡན་མ་ལུང་བསྟན་པ་ཤུ་ལོ་ཀ་བདུན་ཅུ། རྒྱལ་བའི་བློ་གྲོས་ཀྱིས་ཞུས་པ་ཤུ་ལོ་ཀ་བཅུ་གཅིག །སྤྱན་རས་གཟིགས་ཀྱི་མདོ་བམ་པོ་གཅིག་དང་ཤུ་ལོ་ཀ་དྲུག་ཅུ་པ་དང་། འཇམ་དཔལ་གནས་པ་ཤུ་ལོ་ཀ་བརྒྱ་བཞི་བཅུ་པ་གཉིས་ཡེ་ཤེས་སྡེའི་འགྱུར། བྱམས་པ་ལ་བདུད་རྩི་བརྗོད་པ་ཤུ་ལོ་ཀ་བརྒྱད་ཅུ། བྱམས་པ་འཇུག་པ་བམ་པོ་གཉིས་པ་དང་། འཇིག་རྟེན་དང་རྗེས་སུ་མཐུན་པར་འཇུག་པ་ཤུ་ལོ་ཀ་བརྒྱ་རྩ་བཅུ་གཅིག་པ་གཉིས་ཡེ་ཤེས་སྡེའི་འགྱུར། དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ་བམ་པོ་ལྔ་དང་ཤུ་ལོ་ཀ་བདུན་ཅུ་པ་དང་། ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པ་བམ་པོ་གཅིག་དང་། མར་མེ་འབུལ་བ་བམ་པོ་གཅིག་རྣམས་ཡེ་ཤེས་སྡེའི་འགྱུར། ཆོས་ཀྱི་ཕྱག་རྒྱ་ཤུ་ལོ་ཀ་བརྒྱད་ཅུ། གྲོང་ཁྱེར་གྱི་འཚོ་བའི་མདོ་ཤུ་ལོ་ཀ་བརྒྱ་ཀླུའི་དབང་པོ་དང་ལྷའི་ཟླ་བའི་འགྱུར། ཟས་ཀྱི་འཚོ་བ་ཡོངས་སུ་དག་པའི་མདོ་ཤུ་ལོ་ཀ་སུམ་ཅུ་རྩ་བརྒྱད། གླང་པོ་ཆེའི་རྩལ་གྱི་མདོ་བམ་པོ་གཅིག་དང་ཤུ་ལོ་ཀ་དྲུག་ཅུ། སྒྲ་ཆེན་པོ་ཤུ་ལོ་ཀ་དྲུག་ཅུ་རྩ་བཞི་དགེ་བའི་དཔལ་དང་ལྷའི་ཟླ་བའི་འགྱུར། སེང་གེའི་སྒྲ་བསྒྲགས་པ་བམ་པོ་གཅིག །སྦ་རྗེ་ཡེ་ཤེས་སྙིང་པོའི་འགྱུར། ས་ལུ་ལྗང་པའི་མདོ་ཤུ་ལོ་ཀ་ཉིས་བརྒྱ་ཉི་ཤུ་རྩ་དྲུག་པ་ཡེ་ཤེས་སྡེའི་འགྱུར། རྟེན་ཅིང་འབྲེལ་པར་འབྱུང་བ་བསྟན་པ་ཤུ་ལོ་ཀ་བཅུ་གསུམ། རྟེན་ཅིང་འབྲེལ་པར་འབྱུང་བ་དང་པོ་དང་། རྣམ་པར་འབྱེད་པ་བསྟན་པ་ཤུ་ལོ་ཀ་སུམ་ཅུ་པ་ནམ་མཁའི་འགྱུར། འདི་ཐེག་ཆུང་ངུ་གྲགས་ཀྱང་དབྱིག་གཉེན་གྱི་འགྲེལ་པར་རྣམ་ཤེས་ཚོགས་བརྒྱད་དང་། རིག་བྱེད་མ་ཡིན་པ་གཟུགས་མིན་པ་ལ་སོགས་པ་བསྟན་པའི་ཕྱིར་ཐེག་པ་ཐུན་མོང་དུ་འཐད་དོ། །སོར་མོའི་ཕྲེང་བ་ལ་ཕན་པ་བམ་པོ་བདུན། ཆོས་ཉིད་ཚུལ་ཁྲིམས་དང་རྒྱའི་ལོ་ཙྪ་བ་སྟོང་ཨཱ་ཙཱརྱ་ལ་སོགས་པའི་འགྱུར། མ་སྐྱེས་དགྲའི་འགྱོད་པ་བསལ་བ་བམ་པོ་ལྔ་རིན་ཆེན་འཚོའི་འགྱུར། དཔལ་སྦས་ཀྱི་མདོ་བམ་པོ་གཅིག་དང་ཤུ་ལོ་ཀ་དྲུག་ཅུ་པ་དང་། ལས་ཀྱི་སྒྲིབ་པ་རྣམ་པར་དག་པ་བམ་པོ་གཅིག་དང་ཤུ་ལོ་ཀ་བཞི་བཅུ་པ་དང་། ལས་ཀྱི་སྒྲིབ་པ་རྒྱུན་གཅོད་པ་ཤུ་ལོ་ཀ་ཉིས་བརྒྱ་སུམ་ཅུ་པ་རྣམས་ཡེ་ཤེས་སྡེའི་འགྱུར། སངས་རྒྱས་ཀྱི་སྡེ་སྣོད་ཚུལ་ཁྲིམས་འཆལ་པ་ཚར་གཅོད་པ་བམ་པོ་བདུན་པ་དཔལ་གྱི་ལྷུན་པོའི་འགྱུར། རྒྱལ་པོ་ལ་གདམས་པ་ཤུ་ལོ་ཀ་བརྒྱ་དྲུག་ཅུ་པ་རྔ་བོ་ཆེ་ཆེན་པོའི་ལེའུ་བམ་པོ་ལྔ་དཔལ་གྱི་ལྷུན་པོ་དང་དཔལ་བརྩེགས་ཀྱི་འགྱུར། སུམ་ཅུ་རྩ་གསུམ་པའི་ལེའུ་བམ་པོ་གསུམ་པ་དང་། ལྷག་པའི་བསམ་པ་བསྟན་པའི་ལེའུ་བམ་པོ་བཞི་པ་དང་། ཆོས་ཡང་དག་པར་སྡུད་པའི་མདོ་བམ་པོ་བདུན་པ། མཚན་གཞན་ཆོས་བགྲོ་བ་ཞེས་པ་དང་། རྣམ་པར་འཐག་པ་ཐམས་ཅད་བསྡུས་པ་བམ་པོ་གཅིག་དང་ཤུ་ལོ་ཀ་དྲུག་ཅུ་པ་རྣམས་ཡེ་ཤེས་སྡེའི་འགྱུར། སངས་རྒྱས་བགྲོ་བ་བམ་པོ་གསུམ། དེ་བཞིན་གཤེགས་པ་བགྲོ་བ་བམ་པོ་གསུམ་དང་ཤུ་ལོ་ཀ་བདུན་ཅུ་རྩ་ལྔ་པ། དཔལ་དབྱངས་དང་དཔལ་བརྩེགས་ཀྱི་འགྱུར། ཆོས་ཀུན་བགྲོ་བ། དེ་བཞིན་གཤེགས་པ་དཔལ་གྱི་དམ་ཚིག་བམ་པོ་གསུམ་དཔལ་བརྩེགས་ཀྱི་འགྱུར། དཀོན་མཆོག་སྤྲིན་བམ་པོ་བརྒྱད་རིན་ཆེན་འཚོ་དང་། ཆོས་ཉིད་ཚུལ་ཁྲིམས་ཀྱི་འགྱུར། སྤྲིན་ཆེན་པོ་བམ་པོ་བཅུ། སྤྲིན་ཆེན་པོ་ལས་ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་ལ་རྣམ་པར་བརྩེ་བའི་ལེའུ་བམ་པོ་གསུམ་དང་ཤུ་ལོ་ཀ་ཉིས་བརྒྱ་ཉི་ཤུ། སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་བམ་པོ་གཅིག །སྤྲིན་ཆེན་པོའི་མདོ་རླུང་གི་དཀྱིལ་འཁོར་ལས་སྤྲིན་ཆེན་པོའི་ལེའུ་བམ་པོ་ཕྱེད་དང་གསུམ་དང་ཤུ་ལོ་ཀ་བདུན་ཅུ། ཆར་དབབ་པའི་ལེའུ་དྲུག་ཅུ་རྩ་བཞི་པ་ཆོ་ག་དང་བཅས་པ་རྣམས་ཡེ་ཤེས་སྡེའི་འགྱུར། སྤྲིན་ཆེན་པོ་ཆུང་ངུ་ཤུ་ལོ་ཀ་བརྒྱ་ཉི་ཤུ་དང་གཅིག་མི་གཅིག་དཔྱད། བཅོམ་ལྡན་འདས་ཀྱི་གཙུག་ཏོར་ཆེན་པོའི་མདོ། འདི་བཀའ་ཡིན་མིན་ཐེ་ཚོམ་གྱི་གཞིར་ཀླུ་མེས་དབང་ཕྱུག་གྲགས་འཆད། གཙུག་ཏོར་བམ་པོ་དགུ་པ་ལས་བདུད་ཀྱི་ལེའུ་ཉི་ཚེ་ཕྱུང་བ་རྒྱ་ལས་བསྒྱུར་པ་བམ་པོ་གཉིས། འདི་དཀར་ཆག་སྔ་མ་གསུམ་གར་བཀར་བཤད་དོ། །སའི་སྙིང་པོ་འཁོར་ལོ་བཅུ་པ་བམ་པོ་བཅུ་གསུམ་རྣམ་པར་མི་རྟོག་པའི་འགྱུར། ཕྱིར་མི་ལྡོག་པ་འཁོར་ལོའི་མདོ་བམ་པོ་དྲུག་ཡེ་ཤེས་སྡེ་ལ་སོགས་པའི་འགྱུར། ཏིང་ངེ་འཛིན་གྱི་འཁོར་ལོའི་མདོ། ཡོངས་སུ་བསྔོ་བའི་འོར་ལོ་བམ་པོ་གཉིས་རྒྱ་ལས་བསྒྱུར་པ་རྣམ་པར་མི་རྟོག་པའི་འགྱུར། ཆོས་ཀྱི་རྒྱལ་པོའི་མདོ་བམ་པོ་གཅིག་དང་ཤུ་ལོ་ཀ་བརྒྱ། འདི་དང་ཏིང་ངེ་འཛིན་མཆོག་དམ་པ་གཉིས་དཀར་ཆག་སྔ་མ་གསུམ་གར་མདོར་མཛད་དོ། །ཆོས་ཀྱི་ཚུལ་བམ་པོ་གཅིག །ཆོས་ཀྱི་ཕུང་པོ་ཤུ་ལོ་ཀ་བརྒྱ་ལྔ་བཅུ། དོན་དམ་པའི་ཆོས་ཀྱི་རྣམ་པར་རྒྱལ་བ་ཤུ་ལོ་ཀ་ཉིས་བརྒྱ་བརྒྱད་ཅུ། ཆོས་དང་དོན་རྣམ་པར་འབྱེད་པ་ཤུ་ལོ་ཀ་དགུ་བཅུ་རྩ་གཉིས་ཏེ་བཞི། ཡེ་ཤེས་སྡེའི་འགྱུར། བྱང་ཆུབ་སེམས་དཔའི་སོ་སོ་ཐར་པ་ཆོས་བཞི་སྒྲུབ་པ་བམ་པོ་གཉིས་དང་ཤུ་ལོ་ཀ་བརྒྱ། ཤཱཀྱ་བློ་གྲོས་དང་དགེ་བའི་བློ་གྲོས་ཀྱི་འགྱུར། ཆོས་བཞི་བསྟན་པ་ཤུ་ལོ་ཀ་བཅུ་གསུམ་ཡེ་ཤེས་སྡེའི་འགྱུར། ཆོས་བཞི་པ་ཤུ་ལོ་ཀ་བཅུ། ཆོས་བཞི་མ་བཏང་བ་བཞི་པ་སྒྲུབ་པ་ཤུ་ལོ་ཀ་ཉིས་བརྒྱ་དྲུག་ཅུ། ཆོས་གསུམ་པ་ལྷའི་ཟླ་བ་དང་དཔལ་བརྩེགས་ཀྱི་འགྱུར། ཆོས་ཀྱི་རྒྱ་མཚོ་ཤུ་ལོ་ཀ་བརྒྱད་ཅུ། ཆོས་ཀྱི་རྒྱལ་མཚན། ཆོས་ཀྱི་རྒྱ་མོ་བམ་པོ་གཉིས་རྒྱ་ལས་བསྒྱུར་བ། ཉི་མའི་སྙིང་པོ་བམ་པོ་བཅུ་གསུམ་པ་བཟང་སྐྱོང་དང་དཔལ་བརྩེགས་ཀྱི་འགྱུར། དེ་བཞིན་གཤེགས་པའི་སྙིང་པོ་བམ་པོ་གཅིག་དང་ཤུ་ལོ་ཀ་བཅུ་ཡེ་ཤེས་སྡེའི་འགྱུར། ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ་ཤུ་ལོ་ཀ་བརྒྱ། ནམ་མཁའི་སྙིང་པོ་བམ་པོ་གཅིག་དང་ཤུ་ལོ་ཀ་བརྒྱ་བདུན་ཅུ་རྩ་ལྔ། ཡང་དག་པའི་སྤྱོད་པའི་ཚུལ་ནམ་མཁའི་མདོག་གི་འདུལ་བའི་བཟོད་པ་བམ་པོ་བཅུ་གཅིག་རྒྱ་ལས་འགྱུར་བ། ཐབས་ལ་མཁའ་པ་ཐེག་པ་ཆེན་པོ་བམ་པོར་གཏོགས། སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ་བམ་པོ་བརྒྱད། ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱི་སྡིག་སྦྱངས་ཏེ། སངས་རྒྱས་སུ་གྲུབ་པ་རྣམ་པ་བཀོད་པ་བམ་པོ་གཉིས་དང་ཤུ་ལོ་ཀ་བརྒྱ་རྩ་བཅུ་གཉིས་རྒྱ་ལས་འགྱུར་བ། རྟོགས་པ་ཆེན་པོ་ཡོངས་སུ་རྒྱས་པའི་མདོ་ལས། མཚན་ནས་བརྗོད་པའི་ཡོན་ཏན་གྱི་གླེང་གཞི། མེ་ཏོག་གི་ཚོགས་བམ་པོ་གསུམ་ཆོས་ཉིད་ཚུལ་ཁྲིམས་ཀྱི་འགྱུར། དཔང་སྐོང་ཕྱག་རྒྱ་པ་བསམ་གྱིས་མི་ཁྱབ་པའི་རྒྱལ་པོ་ཤུ་ལོ་ཀ་བདུན་ཅུ་རྩ་ལྔ། ཕྱོགས་བཅུའི་མུན་སེལ་ཤུ་ལོ་ཀ་བརྒྱ་ལྔ་བཅུ། རྩངས་དེ་ཝེནྟྲ་རཀྵི་ཏ་དང་། ཀླུའི་རྒྱལ་མཚན་གྱི་འགྱུར། སངས་རྒྱས་བདུན་པ་ཤུ་ལོ་ཀ་བརྒྱ་རྩ་ལྔ། སངས་རྒྱས་བརྒྱད་པ་ཤུ་ལོ་ཀ་དགུ་བཅུ་རྩ་གཅིག །སངས་རྒྱས་བཅུ་གཉིས་པའི་མདོ་ཤུ་ལོ་ཀ་བདུན་ཅུ་རྩ་བདུན། སངས་རྒྱས་ཀྱི་དབུ་རྒྱན་ཤུ་ལོ་ཀ་ཉིས་བརྒྱ་རིན་ཆེན་འཚོ་དང་དེ་ཝེནྟྲ་རཀྵི་ཏའི་འགྱུར། སངས་རྒྱས་ཀྱི་ས་ཤུ་ལོ་ཀ་ཉིས་བརྒྱ་ཡེ་ཤེས་སྡེས་ཊཱི་ཀ་བཞི་དང་སྦྱར་ཏེ་གསར་དུ་བསྒྱུར་པ། སངས་རྒྱས་མི་སྤོང་བ་ཤུ་ལོ་ཀ་བརྒྱ་ཉི་ཤུ་པ་དང་། དཀྱིལ་འཁོར་བརྒྱད་པའི་མདོ་སྡེ་ཤུ་ལོ་ཀ་བདུན་ཅུ་པ་གཉིས་ཡེ་ཤེས་སྡེའི་འགྱུར། བཀྲ་ཤིས་བརྒྱད་པ་ཤུ་ལོ་ཀ་ལྔ་བཅུ་རྩ་གཅིག །དཀོན་མཆོག་གསུམ་རྗེས་སུ་དྲན་པ། བསླབ་པ་གསུམ་གྱི་མདོ། སྐུ་གསུམ་པའི་མདོ། ཕུང་པོ་གསུམ་པའི་མདོ། ཤུ་ལོ་ཀ་ལྔ་བརྒྱ་སུམ་ཅུ་ཡེ་ཤེས་སྡེའི་འགྱུར། བྱང་ཆུབ་ཀྱི་ལྟུང་བ་བཤགས་པ། འདི་ཉེ་བར་འཁོར་གྱིས་ཞུས་པ་ལས་འབྱུང་བ་ཡིན། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཤུ་ལོ་ཀ་བརྒྱད་བརྒྱ་པ་དང་། དེ་བཞིན་གཤེགས་པ་སྨན་གྱི་བླ་བཻ་ཌཱུརྱ་འོད་ཀྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་བམ་པོ་གཉིས་པ་གཉིས་ཡེ་ཤེས་སྡེའི་འགྱུར། གསུམ་ལ་སྐྱབས་སུ་འགྲོ་བའི་མདོ་ཤུ་ལོ་ཀ་སུམ་ཅུ་དཔལ་བརྩེགས་ཀྱི་འགྱུར། སྲིད་པ་འཕོ་བའི་མདོ་ཤུ་ལོ་ཀ་བདུན་ཅུ་ཡེ་ཤེས་སྡེའི་འགྱུར། མྱ་ངན་ལས་འདས་པ་ཆེན་པོའི་མདོ་རྒྱ་ལས་བསྒྱུར་པ་བམ་པོ་ལྔ་བཅུ་རྩ་དྲུག་པ་མུ་སྟེགས་ཀྱི་རྒྱལ་པོ་པ་ལ་ཤས་གདུང་མ་ཐོབ་པ་ཡན་ཆད་ཚང་བ། རིའི་ཀུན་དགའ་བོའི་མདོ། ཀླུའི་རྒྱལ་པོ་དགའ་བོ་དང་ཉེར་དགའ་བཏུལ་བའི་མདོ། འོད་སྲུངས་ཆེན་པོའི་མདོ། ཉི་མའི་མདོ། བཀྲ་ཤིས་ཆེན་པོའི་མདོ། འདུས་པ་ཆེན་པོའི་མདོ། བྱམས་པའི་མདོ། བྱམས་པ་བསྒོམ་པའི་མདོ། བསླབ་པ་ལྔའི་ཕན་ཡོན་གྱི་མདོ། ཆོས་ཀྱི་འཁོར་ལོ་རབ་ཏུ་བསྐོར་བའི་མདོ། སྐྱེས་པ་རབས་ཀྱི་གླེང་གཞི། ལྕང་ལོ་ཅན་གྱི་ཕོ་བྲང་གི་མདོ་དེ་རྣམས་པཎྜི་ཏ་ཨ་ནནྟ་ཤྲཱི་དང་བླ་མ་ཉི་མ་རྒྱལ་མཚན་དཔལ་བཟང་པོས་གསར་དུ་བསྒྱུར་པ་ཡིན། འདི་རྣམས་སྔར་གྱི་དང་ཟློས་མི་ཟློས་ཐེག་པ་ཆེ་ཆུང་གང་ཡིན་དཔྱད་པར་བྱའོ། །བསྡོ་བ་སྨོན་ལམ་བཀྲ་ཤིས་ལ། དགོངས་པའི་རྒྱུད་ཀྱི་ཕྲེང་བ་ཆེན་པོ་ལས་ཡོངས་སུ་བསྔོ་བ་ཆེན་པོའི་རྒྱལ་པོ་ཤུ་ལོ་ཀ་བརྒྱ་སུམ་ཅུ་དཔལ་འབྱོར་དང་། དཔལ་བརྩེགས་ཀྱི་འགྱུར། ཡོངས་སུ་བསྔོ་བའི་རྒྱལ་པོ་ཆེན་པོ་སྔགས་དང་བཅས་པ་བམ་པོ་གཅིག་དང་ཤུ་ལོ་ཀ་ཉིས་བརྒྱ་མཇུག་ཅུང་མ་ཚང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པའི་བསྔོ་བ་ཤུ་ལོ་ཀ་ལྔ་བཅུ། འགྲོ་བ་ཐམས་ཅད་ཡོངས་སུ་སྐྱོབ་པར་བྱེད་པའི་བསྔོ་བ་ཤུ་ལོ་ཀ་བཞི་བཅུ། བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཤུ་ལོ་ཀ་དགུ་བཅུ་རྩ་བདུན། བྱམས་པའི་སྨོན་ལམ་ཤུ་ལོ་ཀ་སུམ་ཅུ། མཆོག་གི་སྤྱོད་པའི་སྨོན་ལམ་ཤུ་ལོ་ཀ་ཉི་ཤུ་རྩ་གསུམ་ཡེ་ཤེས་སྡེ་ལ་སོགས་པའི་འགྱུར། རྒྱལ་པོ་གསེར་གྱི་ལག་པའི་མར་མེའི་སྨོན་ལམ། གསེར་འོད་དམ་པའི་བཤགས་པའི་ལེའུ་ནས་འབྱུང་བའི་སྨོན་ལམ། སྟོང་ཆེན་མོ་རབ་ཏུ་འཇོམས་མ་ལས་འབྱུང་བའི་སྨོན་ལམ། རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་ལས་འབྱུང་བའི་སྨོན་ལམ་དང་བདེན་ཚིག །ཡངས་པའི་གྲོང་ཁྱེར་དུ་འཇུག་པའི་བདེ་ལེགས་ཀྱི་ཚིགས་སུ་བཅད་པ། ལྷས་ཞུས་པའི་བདེ་ལེགས་ཀྱི་ཚིགས་སུ་བཅད་པ། བདེ་ལེགས་སུ་འགྱུར་བའི་ཚིགས་སུ་བཅད་པ་ཤུ་ལོ་ཀ་དགུ་་རྒྱ་ཆེ་རོལ་པ་ལས་འབྱུང་བའི་ཚོང་དཔོན་ག་གོན་དང་བཟང་པོ་ལ་གསུངས་པའི་ཤིས་པར་བརྗོད་པའི་ཚིགས་སུ་བཅད་པ། བཅོམ་ལྡན་འདས་ཀྱིས་ཁྱིམ་བདག་དེས་པ་ལ་གསུངས་པའི་དཀོན་མཆོག་གསུམ་གྱི་བཀྲ་ཤིས་ཀྱི་ཚིགས་སུ་བཅད་པ་ཡེ་ཤེས་སྡེའི་འགྱུར། སངས་རྒྱས་ཕལ་པོ་ཆེ་ལས་འབྱུང་བ་བཅོམ་ལྡན་འདས་ལ་བརྒྱ་བྱིན་གྱིས་བསྟོད་པའི་བཀྲ་ཤིས་ཀྱི་ཚིགས་སུ་བཅད་པ། བཅོམ་ལྡན་འདས་ལ་ལྷའི་རྒྱལ་པོ་རབ་མཚེ་མས་བསྟོད་པའི་བཀྲ་ཤིས་ཀྱི་ཚིགས་སུ་བཅད་པ། བཅོམ་ལྡན་འདས་ལ་ལྷའི་རྒྱལ་པོ་རབ་དགའ་ལྡན་གྱིས་བསྟོད་པའི་བཀྲ་ཤིས་ཀྱི་ཚིགས་སུ་བཅད། ལྷས་ཞུས་པའི་བཀྲ་ཤིས་ཀྱི་ཚིགས་བཅད། སངས་རྒྱས་རབས་བདུན་གྱི་བཀྲ་ཤིས་ཀྱི་ཚིགས་བཅད། དཀོན་མཆོག་གསུམ་དང་། མཛད་པ་བཅུ་གཉིས་ཀྱི་བཀྲ་ཤིས་ཀྱི་ཚིགས་སུ་བཅད་པ་ཡེ་ཤེས་སྡེས་བསྒྱུར་པ་སྟེ། བཟང་སྤྱོད་ལ་སོགས་པ་འདི་དག་ཐེག་ཆུང་དུ་བྲིས་པ་ནི་མི་རིགས་ཏེ། ཐེག་ཆེན་གྱི་མདོ་དང་གཟུངས་ལས་ཕྱུང་བ་ཡིན་པས་དེ་ཉིད་དུ་གཏོགས་ཤིང་དེ་ལས་ལོགས་སུ་ཕྱེ་བ་མི་འཐད་དོ། །གང་པོས་ཞུས་པ་དང་། ཀློག་ཐོབ་ཀྱིས་ཞུས་པ་དང་། རིན་པོ་ཆེའི་ཕུང་པོ་དང་། སངས་རྒྱས་བཅུ་པ་རྣམས། དཀོན་མཆོག་བརྩེགས་པའི་ལེའུ་ཡིན་པས། མདོ་སྣ་ཚོགས་སུ་མི་བགྲང་ངོ་། །འདིར་སྔར་འགྱུར་ངེས་པ་དིང་སང་གི་བཀའ་འགྱུར་དུ་མ་ཚུད་ཅིང་། མ་རྙེད་པ། དེ་བཞིན་གཤེགས་པའི་མཛོད་བམ་པོ་བཞི། དཀོན་མཆོག་གི་མཛོད་བམ་པོ་བཞི་དང་ཤུ་ལོ་ཀ་་ནམ་མཁའ་མཛོད་ཀྱི་ཏིང་ངེ་འཛིན་བམ་པོ་དྲུག །དཔལ་དབྱངས་ཀྱིས་ཞུས་པ་བམ་པོ་གཅིག་དང་ཤུ་ལོ་ཀ་ཉིས་བརྒྱ། དེ་བཞིན་གཤེགས་པའི་སྤྱོད་ཡུལ་ཡོངས་སུ་དག་པ་བམ་པོ་གཅིག །ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་ཤུ་ལོ་ཀ་བཞི་བརྒྱ། སྤོབས་པའི་རྒྱན་བཀོད་པ་ཡེ་ཤེས་ཀྱི་མཛོད། དེ་བཞིན་གཤེགས་པའི་ཏིང་ངེ་འཛིན་ནམ་མཁའི་སྙིང་པོས་ཞུས་པ་བམ་པོ་ཕྱེད་དང་གཉིས། བྱང་ཆུབ་སེམས་དཔའི་སྤྱོད་ཡུལ་ཡོངས་སུ་དག་པ་བམ་པོ་གཅིག །དཔལ་ཆེན་མོའི་མདོ་བམ་པོ་གསུམ། དེ་བཞིན་གཤེགས་པའི་དཔལ་ཕུན་སུམ་ཚོགས་པ་བམ་པོ་གསུམ། རྡོ་རྗེ་སྙིང་པོས་ཞུས་པ། ཟླ་བ་མཆོག་གི་སྙིང་པོས་ཞུས་པ། གསལ་རྒྱལ་གྱིས་ཞུས་པ། རབ་དགས་ཞུས་པ། སྟག་མོའི་བུ་མོས་ཞུས་པ། ཕ་རོལ་ཏུ་ཕྱིན་པ་བཅུ་བསྟན་པ། རི་མོའི་མཚན་ཉིད་བསྟན་པ། ལས་ཀྱི་འགྱུར་པ་བསྟན་པ། ཚད་མེད་པ་བསྟན་པ། དཀྱིལ་འཁོར་དབུལ་བའི་ཕན་ཡོན་བསྟན་པ། བྱང་ཆུབ་སེམས་དཔའ་ལུང་བསྟན་པ། ཚངས་པ་ལུང་བསྟན་པ། རིན་པོ་ཆེ་ཆེན་པོའི་མདོ་བམ་པོ་ལྔ། དེ་བཞིན་གཤེགས་པའི་ལུང་གི་ལེའུ། འདུལ་བ་རྣམ་པར་གདོན་མི་ཟ་བ་བམ་པོ་གཅིག །ཡེ་ཤེས་རྒྱས་པ་ཆུང་ངུ་བམ་པོ་གཅིག །ཡང་དག་པའི་ལེགས་པའི་ཡོན་ཏན་བཤད་པ་ཤུ་ལོ་ཀ་བརྒྱད་ཅུ། སྨན་བླའི་མདོ་ཆུང་ངུ་ཤུ་ལོ་ཀ་ཉིས་བརྒྱ། ཕ་རོལ་ཏུ་ཕྱིན་པ་བསྡུས་པ། ཤེས་རབ་བསྐྱེད་པ། སྟོབས་བསྐྱེད་པ། ཡེ་ཤེས་བསྡུས་པའི་མདོ། དེ་བཞིན་གཤེགས་པའི་བསྔོ་བ་ལ་མཁས་པ་ཤུ་ལོ་ཀ་བརྒྱ་དྲུག་ཅུ། དགེ་བ་བཅུ་བཤད་པ། ཆོས་ཉིད་རང་གི་ངོ་བོ་ཉིད་ལས་མི་གཡོ་བར་ཐ་དད་པར་ཐམས་ཅད་ལ་སྣང་བ་བསྟན་པ་ཤུ་ལོ་ཀ་དགུ་བཅུ་སྟེ། མདོ་སུམ་ཅུ་རྩ་དྲུག་མ་རྙེད་དོ། །ཟུང་གི་མདོ་དང་བདག་མེད་པ་དྲིས་པ་ལ་སོགས་ཀླུ་མེས་མདོ་མིན་པར་སྨྲ་བ་ནི་མི་འཐད་དེ། བདག་མེད་པ་དྲིས་པ་རིན་ཆེན་བཟང་པོས་ཕྱིས་བསྒྱུར་པའི་ཕྱིར་དང་། ཟུང་གི་མདོ་དཀར་ཆག་ཆེན་མོར་མདོར་བཤད་པའི་ཕྱིར་རོ་ཞེས་ཁ་ཅིག་གོ། འཕང་ཐང་མར་མེ་འགལ་འཚོ་བའི་མདོ། རྟ་མགྲིན་བཀོད་པའི་མདོ་ཞེས་པ་ལི་ལས་བསྒྱུར་པ་ཡོད་པར་བཤད་དེ། མདོ་སུམ་བརྒྱ་བརྒྱད་ཅུ་རྩ་གཅིག་མ་རྙེད་པར་ལྔ་བཅུ་ང་བདུན་ནམ་ང་དགུ་ལ་སོགས་པ་འགྱུར་ལ། ཀོའུ་ཤི་ཀ། བློ་གྲོས་བཟང་མོ་ཆུང་བ། ལྗོན་ཤིང་གི་མདོ་ལ་སོགས་པ་ས་སྐྱ་པཎྜི་ཏ་དང་ཀླུ་མེས་ལ་སོགས་པས་མདོ་ཡང་དག་ལྟར་སྣང་ཕྱེ་བ་བཞིན་རྟོགས་པར་བྱའོ། །

བསྟན་བཅོས་ཀྱི་སྐོར།

གཉིས་པ་བསྟན་བཅོས་ཀྱི་སྐོར་ལ་གསུམ་སྟེ། བཀའ་བྱེ་བྲག་གི་དགོངས་པ་གསལ་བར་བྱེད་པ་དང་། སྤྱིའི་དགོངས་པ་གསལ་བར་བྱེད་པ་དང་། ཐོར་བུ་བ་ལུགས་ཀྱི་བསྟན་བཅོས་ལ་སོགས་པའོ། །
དང་པོ་ལ་གསུམ་ལས། དང་པོ་བདེན་པ་བཞིའི་ཆོས་ཀྱི་འཁོར་ལོའི་དགོངས་འགྲེལ་ནི། ལུང་གཞིའི་རྒྱ་ཆེར་འགྲེལ་སློབ་དཔོན་དགེ་ལེགས་བཤེས་གཉེན་གྱིས་མཛད་པ་བསྒྱུར་འཕྲོ་བམ་པོ་བཅུ་གཅིག །རྣམ་འབྱེད་ཀྱི་འགྲེལ་པ་སློབ་དཔོན་དུལ་བའི་ལྷས་མཛད་པ་བམ་པོ་བཅོ་ལྔ་ཀླུའི་རྒྱལ་མཚན་གྱི་འགྱུར། གཞུང་བླ་མའི་བྱེ་བྲག་ལུང་ཞུ་བ་མ་རྫོགས་པའི་འགྲེལ་པ་མདོ་སྡེ་འཛིན་པ་དགེ་བའི་བཤེས་གཉེན་གྱིས་མཛད་པ་བསྒྱུར་འཕྲོ་ཕྲན་ཚེགས་སྒོ་བརྒྱད་པ་ཡན་ཆད་རྫོགས་པའི་འགྲེལ་པ་སློབ་དཔོན་ཚུལ་ཁྲིམས་བསྐྱངས་ཀྱིས་མཛད་པ་བམ་པོ་བཅུ་དགེ་བའི་བློ་གྲོས་ཀྱི་འགྱུར། སོ་སོ་ཐར་པའི་འགྲེལ་པ་སློབ་དཔོན་ཁྱད་པར་བཤེས་གཉེན་གྱིས་མཛད་པའི་འདུལ་བ་བསྡུས་པ་བམ་པོ་བཅོ་ལྔ། བཻ་རོ་ཙ་ན་དང་རྒྱལ་བའི་ཤེས་རབ་དང་ཤཱཀྱ་བཤེས་གཉེན་གྱི་འགྱུར། སོ་སོ་ཐར་པའི་གཞུང་འགྲེལ་བམ་པོ་ཉི་ཤུ་རྩ་བདུན་པ་སློབ་དཔོན་དཔའ་བོས་མཛད་པར་གྲགས་པ་ཀླུའི་རྒྱལ་མཚན་གྱི་འགྱུར། སློབ་དགོན་དྲི་མེད་བཤེས་གཉེན་གྱིས་མཛད་པའི་སོ་སོར་ཐར་པའི་རྒྱ་ཆེར་འགྲེལ་པ་འདུལ་བ་ཀུན་ལས་བཏུས་པ་བམ་པོ་ལྔ་བཅུ་པར་གྲགས་པ་ཀླུའི་རྒྱལ་མཚན་གྱི་འགྱུར། འདུལ་བ་བྱ་བའི་ཕུང་པོ་སོ་སོ་ཐར་པའི་འགྲེལ་པ་མི་བརྗེད་པའི་དྲན་པ། ཡང་སོ་སོར་ཐར་པའི་འགྲེལ་པ་བམ་པོ་བདུན། སོ་སོར་ཐར་པའི་འགྲེལ་པ་ཚིག་གི་བརྗེད་བྱང་དཱ་ན་ཤཱི་ལ་ཆེན་པོས་བྱས་པར་གྲགས་པ་བན་པོ་གཉིས་ཀླུའི་རྒྱལ་མཚན་གྱི་འགྱུར། སོ་སོར་ཐར་པའི་འགྲེལ་པ་ཚིག་གི་དགའ་སྐྱེད་མ་འདི་བསྟན་འགྱུར་དུ་མ་ཆུད། སོ་སོར་ཐར་པའི་རྒྱ་ཆེར་འགྲེལ་པ་ཆེན་པོ་བམ་པོ་བརྒྱ་རྩ་བཅུ་གཉིས་པ་དིང་སང་མ་རྙེད་དོ། །དགེ་སློང་མའི་སོ་སོར་ཐར་པའི་འགྲེལ་པ་བམ་པོ་གཉིས། ཡང་དགེ་སློང་མའི་སོ་ཐར་གྱི་འགྲེལ་པ། སློབ་དཔོན་ཡོན་ཏན་འོད་ཀྱིས་མཛད་པའི་འདུལ་བ་མདོ་རྩ་བམ་པོ་དགུ་པ་དང་། ལས་བརྒྱ་རྩ་གཅིག་པ་ཤུ་ལོ་ཀ་སུམ་སྟོང་དྲུག་བརྒྱ་བམ་པོ་བཅུ་གཉིས་པ་ཀླུའི་རྒྱལ་མཚན་གྱི་འགྱུར། མདོའི་འགྲེལ་པ་ཉིད་ཀྱི་རྣམ་བཤད་ཚུལ་ཁྲིམས་འབྱུང་གནས་ཀྱི་འགྱུར། མདོའི་རྒྱ་ཆེར་འགྲེལ་པ་བམ་པོ་བདུན་ཅུ་པ་ཆོས་ཀྱི་བཤེས་གཉེན་གྱིས་མཛད་པ་ཀླུའི་རྒྱལ་མཚན་གྱི་འགྱུར། འདུལ་བའི་མདོའི་འགྲེལ་ཆུང་སློབ་དཔོན་ཡོན་ཏན་འོད་ཀྱིས་མཛད་ཟེར་བ་འདི་ཐེ་ཚོམ་གྱི་གཞི་ཡིན། འདུལ་བའི་མདོའི་འགྲེལ་པ་སློབ་དཔོན་ཤེས་རབ་བྱེད་ཀྱིས་མཛད་པ། དགྲ་བཅོམ་པ་ས་གའི་ལྷས་མཛད་པ་འདུལ་བ་མེ་ཏོག་ཕྲེང་བརྒྱུད་བམ་པོ་དྲུག་བྱམས་པའི་དཔལ་གྱི་འགྱུར། སློབ་དཔོན་མདོ་སྡེ་འཛིན་པ་དགེ་བའི་བཤེས་གཉེན་གྱིས་མཛད་པ་འདུལ་བའི་དྲི་བའི་ཚིག་ལེའུར་བྱས་པ་ཤུ་ལོ་ཀ་བརྒྱ། དེའི་འགྲེལ་པ་བམ་པོ་ལྔ་དང་ཤུ་ལོ་ཀ་བརྒྱ་དྲུག་ཅུ་རྩ་བཞི་པ་གཉིས། དཔལ་བརྩེགས་ཀྱི་འགྱུར། འདུལ་བ་ལ་བསྟོད་པ་དགྲ་བཅོམ་པ་ཆོས་ཀྱི་ཚོང་དཔོན་གྱིས་མཛད་པ་དང་། དེའི་འགྲེལ་པ་སློབ་དཔོན་དུལ་བའི་ལྷས་མཛད་པ་གཉིས་ཀླུའི་རྒྱལ་མཚན་གྱི་འགྱུར། སློབ་དཔོན་ཤཱཀྱ་འོད་ཀྱིས་མཛད་པའི་དགེ་ཚུལ་གྱི་ཚིག་ལེའུར་བྱས་པ་སུམ་བརྒྱ་པ་དང་། དེའི་རང་འགྲེལ་འོད་ལྡན་བམ་པོ་བརྒྱད་པ་གཉིས། ལྷའི་དབང་པོ་བསྲུང་བའི་འགྱུར། སློབ་དཔོན་དུལ་བའི་ལྷས་མཛད་པའི་སློབ་མ་ལ་ཕན་པ་དགེ་ཚུལ་གྱི་ཚིག་ལེའུར་བྱས་པ་ལྔ་བཅུ་པ་ཡེ་ཤེས་སྡེའི་འགྱུར། དེའི་འགྲེལ་པ་ཀ་མ་ལ་ཤཱི་ལས་མཛད་པའི་དོན་བརྒྱད་མ་དགེ་ཚུལ་གྱི་བྱ་བ། སྡེ་པ་ཐ་དད་བཀླག་པའི་འཁོར་ལོ་བཙུན་པ་དབྱིག་བཤེས་ཀྱིས་མཛད་པ་ལས་བཏུས་པ། སློབ་དཔོན་དུལ་བ་ལྷས་མཛད་པ་ཤུ་ལོ་ཀ་དྲུག་ཅུ་རྩ་ལྔ། སློབ་དཔོན་བྷ་བྱས་མཛད་པའི་སྡེ་པ་ཐ་དད་པ་རྣམ་པར་བཤད་པ་ཤུ་ལོ་ཀ་བདུན་ཅུ་རྩ་ལྷག་ནག་ཚོའི་འགྱུར། སློབ་དཔོན་པདྨ་འབྱུང་གནས་ཀྱིས་མཛད་པའི་དགེ་ཚུལ་གྱི་དང་པོའི་ལོ་དྲི་བ་རྒྱལ་བ་ཤེས་རབ་ཀྱི་འགྱུར། དགེ་སློང་གི་དང་པོའི་ལོ་དྲི་བ་ནག་ཚོའི་འགྱུར། མདོ་སྡེ་འཛིན་པ་དགེ་བའི་བཤེས་གཉེན་གྱིས་མཛད་པ་དགེ་ཚུལ་གྱི་བསླབ་པའི་གཞི་མདོ་གཞོན་ནུ་མཆོག་གི་འགྱུར། པཎྜི་ཏ་སུ་ནྱ་ཤྲཱིས་མཛད་པ་དགེ་བསྙེན་གྱི་སྡོམ་པ་བརྒྱད་པ་རྩ་འགྲེལ་དར་མ་གྲགས་ཀྱི་འགྱུར། གླེང་གཞི་དང་གང་ཟག་བསྡུས་པའི་ཚིག་ལེའུར་བྱས་པ་ཁ་ཆེ་བི་མ་ལ་ཤྲཱི་བྷ་དྲས་མཛད་པ་གཞོན་ནུ་མཆོག་གི་འགྱུར། ཆེད་དུ་བརྗོད་པའི་ཚོགས་ཀྱི་འགྲེལ་པ་སློབ་དཔོན་ཤེས་རབ་གོ་ཆས་མཛད་པ་ཤཱཀྱ་བློ་གྲོས་ཀྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་ཚིགས་སུ་བཅད་པ་བསྡུས་པ་རྩ་འགྲེལ་ཡེ་ཤེས་སྙིང་པོ་དང་དཔལ་བརྩེགས་ཀྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་ཆོས་ཀྱི་སྙིང་པོའི་འགྲེལ་པ་དཔལ་བརྩེགས་ཀྱི་འགྱུར། འཇིག་རྟེན་གདགས་པ་བམ་པོ་བདུན། རྒྱུ་གདགས་པ་བམ་པོ་བདུན། ལས་གདགས་པ་བམ་པོ་ལྔ། དེ་རྣམས་ཡེ་ཤེས་སྡེའི་འགྱུར། འདི་དག་བྱེ་བྲག་ཏུ་སྨྲ་བས་བཀར་འདོད་ལ། དཀར་ཆག་ཆེན་མོ་དག་ཏུ་ཡང་བཀར་བཤད་མོད་ཀྱི། མདོ་སྡེ་པ་ལ་སོགས་པས་བསྟན་བཅོས་སུ་འདོད་པ་བཞིན་གནས་སོ། །སློབ་དཔོན་དབྱིག་གཉེན་གྱིས་མཛད་པའི་ཆོས་མངོན་པ་མཛོད་ཀྱི་ཚིག་ལེའུར་བྱས་པ་བམ་པོ་གཉིས་པ་དང་། དེའི་རང་འགྲེལ་བམ་པོ་སུམ་ཅུ་པ་གཉིས་དཔལ་བརྩེགས་ཀྱི་འགྱུར། དེའི་འགྲེལ་བཤད་དོན་གསལ་བ་བམ་པོ་དྲུག་ཅུ་པ་སློབ་དཔོན་རྒྱལ་པོའི་སྲས་གྲགས་པའི་བཤེས་གཉེན་གྱིས་མཛད་པ་དཔལ་བརྩེགས་ཀྱི་འགྱུར། སློབ་དཔོན་གང་བ་སྤེལ་གྱིས་མཛད་པའི་མངོན་པ་མཛད་ཀྱི་འགྲེལ་བཤད་མཚན་ཉིད་ཀྱི་རྗེས་སུ་འབྲང་བམ་པོ་དྲུག་ཅུ་པ་ཚབ་ཀྱི་འགྱུར། བལ་པོ་ཞི་གནས་ལྷས་མཛད་པའི་ཆོས་མངོན་པའི་མཛོད་ལ་ཉེ་བར་མཁོ་བ་ཞེས་བྱ་ད་མདོ་དང་སྦྱར་བའི་ཊཱི་ཀ་བལ་པོ་ཤེས་རབ་འོད་ཟེར་གྱི་འགྱུར། སློབ་དཔོན་འདུས་བཟང་གིས་མཛད་བ་ཆོས་མངོན་པ་མཛོད་ཀྱི་འགྲེལ་པ་མདོ་དང་མཐུན་པ་བམ་པོ་བཅོ་ལྔ། སློབ་དཔོན་ཕྱོགས་གླང་གིས་མཛད་པའི་མཛད་ཀྱི་འགྲེལ་པ་གནད་ཀྱི་སྒྲོན་མ་འཇམ་དཔལ་གཞོན་ནུའི་འགྱུར་ཏེ། ཐེག་ཆུང་གི་བསྟན་བཅོས་ལྔ་བཅུའོ། །འདིར་སློབ་དཔོན་ཤནྟི་སོ་མས་མཛད་པའི་མཛོད་འགྲེལ་བམ་པོ་བཅུ་བཞི། མཛོད་གྱི་ཐབས་བསྡུས་པ་བམ་པོ་བཅུ། ཆོས་མངོན་པ་ལ་འཇུག་པ་བམ་པོ་གཉིས་དང་ཤུ་ལོ་ཀ་ལྔ་བཅུ། དེའི་རྒྱ་ཆེར་འགྲེལ་པ་བམ་པོ་ལྔ། མཁན་པོ་བོ་དྷི་ས་ཏྭས་མཛད་པའི་དགེ་སློབ་གི་ཚུལ་ཤུ་ལོ་ཀ་ལྔ་བཅུ། སློབ་དཔོན་དབྱིག་གཉེན་གྱིས་མཛད་པའི་གཞུང་ལུགས་ཀྱི་བྱེ་བྲག་བཀོད་པའི་འཁོར་ལོ་ཤུ་ལོ་ཀ། དེ་རྣམས་བཙལ་བར་བྱའོ། །

བཀའ་བར་པའི་དགོངས་འགྲེལ།

གཉིས་པ་བཀའ་བར་པའི་དགོངས་འགྲེལ་ལ། རྒྱལ་བའི་ཡུམ་སྟོང་ཕྲག་བརྒྱ་པའི་འགྲེལ་ཆེན་བམ་པོ་བདུན་ཅུ་རྩ་བརྒྱད་ཅུང་ཟད་མ་འགྱུར་བ། འདི་འཕང་ཐང་མར་བཙན་པོ་ཁྲི་སྲོང་སྡེ་བཙན་གྱིས་བྱས་པར་བྲེས་མོད་ཀྱི། དཀར་ཆག་གོང་མ་གཉིས་སུ་རྒྱ་གར་མར་བཤད་པས། དཾཥྚ་ཨ་སེ་ནས་བྱས་པ་དེ་ཡིན་ནོ། །རྒྱལ་བའི་ཡུམ་སྟོང་ཕྲག་བརྒྱ་པ་དང་། ཉི་ཁྲི་ལྔ་སྟོང་པ་དང་། ཁྲི་བརྒྱད་སྟོང་པ་རྣམས་ཀྱི་གཞུང་འགྲེལ་བམ་བོ་ཉི་ཤུ་རྩ་བདུན་པ་བསྒྱུར་འཕྲོ་འདི། དཾཥྚ་ཨ་སེ་ནས་བྱས་ཟེར་བ་མང་མོད་ཀྱི། འདི་ནི་དབྱིག་གཉེན་གྱི་གཞུང་འགྲེལ་ཡིན་ཏེ། ཐུབ་པ་དགོངས་རྒྱན་ལ་སོགས་པར། ཉི་ཁྲི་གཞུང་འགྲེལ་ལས་དྲངས་པའི་ཚིག་རྣམས་དེར་ཇི་ལྟ་བ་བཞིན་སྣང་བའི་ཕྱིར་དང་། དབུར་ཡང་། འདིའི་གཞུང་འགྲེལ་གནོད་འཇོམས་བྱ་བར་འདོད། ཅེས་འབྱུང་བའི་ཕྱིར་རོ། །ཁ་ཆེ་དྷརྨ་ཤྲཱིའི་འབུམ་གྱི་ཊཱིཀྐ། ཡུམ་གསུམ་མཐུན་པར་དོན་བརྒྱད་ཀྱིས་བསྟན་པའི་ཊཱིཀྐ་སྨྲི་ཏིས་མཛད་པ་དེའི་རང་འགྱུར། ཉི་ཁྲི་ལེ་བརྒྱད་མའི་དོན་གྱི་འགྱེལ་པ་སློབ་དཔོན་སེང་གེ་བཟང་པོས་མཛད་པ་ཚུལ་ཁྲིམས་རྒྱལ་བའི་འགྱུར། འཕགས་པ་གྲོལ་སྡེས་མཛད་པའི་ཉི་ཁྲི་སྣང་བ་བློ་ལྡན་ཤེས་རབ་ཀྱི་འགྱུར། བཙུན་པ་གྲོལ་སྡེས་མཛད་པའི་ཉི་ཁྲི་རྣམ་འགྲེལ་འབྲོ་སེང་དཀར་ཤཱཀྱ་འོད་ཀྱི་འགྱུར། སློབ་དཔོན་ཤཱནྟི་པས་མཛད་པའི་ཉི་ཁྲིའི་འགྲེལ་པ་དག་ལྡན་འགོས་ཀྱི་འགྱུར། སློབ་དཔོན་སེང་གེ་བཟང་པོས་མཛད་པའི་བརྒྱད་སྟོང་པའི་འགྲེལ་པ་མངོན་པར་རྟོགས་པའི་རྒྱན་གྱི་སྣང་བ་ཤུ་ལོ་ཀ་སྟོང་ཕྲག་བརྒྱད་པ་རྔོག་འགྱུར། སློབ་དཔོན་ཤཱནྟི་པས་མཛད་པའི་བརྒྱད་སྟོང་པའི་འགྲེལ་པ་སྙིང་པོ་མཆོག་ཤཱཀྱ་བློ་གྲོས་ཀྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་བརྒྱད་སྟོང་འགྲེལ་པ་གནད་ཀྱི་ཟླ་ཟེར། ཤེས་རབ་དཔལ་གྱི་འགྱུར། སློབ་དཔོན་ཕྱོགས་གླང་གིས་མཛད་པའི་བརྒྱད་སྟོང་པའི་དོན་བསྡུས་དང་། དེའི་རྒྱ་ཆེར་འགྲེལ་པ་སློབ་དཔོན་དཀོན་མཆོག་འབངས་ཀྱིས་མཛད་པ་གཉིས་རྔོག་འགྱུར། དཔལ་ལྡན་རྒྱལ་པོ་ཛ་གད་ཏ་ལར་གནས་པས་མཛད་པ་བརྒྱད་སྟོང་པའི་རྣམ་པར་བཤད་པ་མན་ངག་གི་རྗེས་སུ་འབྲངས་པ་ག་རོད་ཚོལ་ཁྲིམས་འབྱུང་གནས་སྦས་པའི་འགྱུར། སློབ་དཔོན་དྲི་མེད་བཤེས་གཉེན་གྱིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པའི་འགྲེལ་པ་བམ་པོ་བདུན། སློབ་དཔོན་ཀ་མ་ལ་ཤཱི་ལས་མཛད་པའི་བདུན་བརྒྱ་པའི་འགྲེལ་པ་བམ་པོ་དྲུག་ནམ་མཁའ་སྐྱོང་གི་འགྱུར། འདིར་བདུན་བརྒྱ་པའི་འགྲེལ་པ་ཤུ་ལོ་ཀ་བརྒྱ་པ་སློབ་དཔོན་ཡེ་ཤེས་བཤེས་གཉེན་གྱིས་མཛད་པ་དང་། ཡང་བདུན་བརྒྱ་པའི་འགྲེལ་པ་བམ་པོ་གཉིས་པ་དང་། ཚུལ་བརྒྱ་ལྔ་བཅུ་པའི་འགྲེལ་པ་སྔགས་ཀྱི་ཚུལ་དུ་བཤད་པ་བམ་པོ་གཅིག་པ་རྣམས་བཙལ་བར་བྱའོ། །སློབ་དཔོན་སེང་གེ་བཟང་པོས་མཛད་པའི་སྡུད་འགྲེལ་རྟོགས་པར་སླ་བ་ཤཱཀྱ་འོད་ཀྱི་འགྱུར། སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་སྡུད་པའི་དཀའ་འགྲེལ་བམ་པོ་དྲུག་དཔལ་བརྩེགས་ཀྱི་འགྱུར། ཁ་ཆེ་དྷརྨ་ཤྲཱིས་མཛད་པའི་སྡུད་པའི་ལྡེ་མིག་བ་རེག་གི་འགྱུར་དུ་གྲགས་པ། སློབ་དཔོན་དྲི་མེད་བཤེས་གཉེན་གྱིས་མཛད་པའི་སྡུད་པའི་དོན་བསྡུས་སློབ་དཔོན་དེ་ཉིད་དང་དགྲ་བཅོམ་རིན་ཆེན་སྡེའི་འགྱུར། འདི་བསྟན་འགྱུར་དུ་མ་ཆུད། རྡོ་རྗེ་གཅོད་པའི་འགྲེལ་པ་ཀ་མ་ལ་ཤཱི་ལས་བྱས་པ་བམ་པོ་ལྔ་ཡེ་ཤེས་སྡེའི་འགྱུར། འདིར་རྡོ་རྗེ་གཅོད་པའི་འགྲེལ་པ་སློབ་དཔོན་ཡོན་ཏན་འོད་ཟེར་བྱིན་གྱིས་མཛད་པ་བམ་པོ་གཉིས་པ་དང་། རྡོ་རྗེ་གཅོད་པའི་རྣམ་པར་བཤད་པ་བམ་པོ་གཉིས་དང་ཤུ་ལོ་ཀ་ལྔ་བཅུ་པ་དང་། རྡོ་རྗེ་གཅོད་པའི་རྣམ་པར་བཤད་པ་ཚིག་ལེའུར་བྱས་པ་ཤུ་ལོ་ཀ་སུམ་ཅུ་རྩ་བདུན་པ་རྣམས་མ་རྙེད་དོ། །སློབ་དཔོན་ཡེ་ཤེས་བཤེས་གཉེན་གྱིས་མཛད་པའི་ཤེར་སྙིང་འགྲེལ་པ། ཤེས་རབ་སྙིང་པོའི་འགྲེལ་པ་དོན་གྱི་སྒྲོན་མ། ཤེས་རབ་སྙིང་པོའི་རྒྱ་ཆེར་འགྲེལ་པ། སློབ་དཔོན་ཀ་མ་ལ་ཤཱི་ལས་མཛད་པའི་ཤེར་སྙིང་འགྲེལ་པ་འཕགས་པ་ཤེས་རབ་ཀྱི་འགྱུར། སློབ་དཔོན་པད་མས་མཛད་པའི་ཤེར་སྙིང་འགྲེལ་པ། སློབ་དཔོན་ཀླུ་སྒྲུབ་ཀྱིས་མཛད་པའི་ཤེར་སྙིང་སྒྲུབ་ཐབས་གླན་ཆུང་དང་སྟག་ལོའི་འགྱུར། འདི་སྔགས་སུ་གཏོགས་པར་སེམས་སོ། །དོན་བཅུས་གསལ་བར་བསྟན་པའི་ཤེར་སྙིང་འགྲེལ་པ། སློབ་དཔོན་དྲི་མེད་བཤེས་གཉེན་གྱིས་མཛད་པའི་ཤེར་སྙིང་རྒྱ་ཆེར་འགྲེལ་བནྡེ་ནམ་མཁའ་དང་ཡེ་ཤེས་སྙིང་པོའི་འགྱུར། ཡང་རྡོ་རྗེ་གཅོད་པའི་འགྲེལ་བརྒྱ་ལས་འགྱུར་བ་བམ་པོ་ལྔ་པ་མ་རྙེད་དོ། །མངོན་རྟོགས་རྒྱན་གྱི་སྐོར་ལ། མངོན་རྟོགས་རྒྱན་བམ་པོ་གཉིས་རྔོག་ལ་སོགས་པའི་འགྱུར། དེའི་འགྲེལ་པ་སློབ་དཔོན་སེང་གེ་བཟང་པོས་མཛད་པ་དོན་གསལ་བམ་པོ་ལྔ་དཔལ་བརྩེགས་དང་། བློ་ལྡན་ཤེས་རབ་ཀྱི་འགྱུར། དཀར་ཆག་མཆིམས་ཕ་མ་དང་འཕང་ཐང་མར་མངོན་པར་རྟོགས་པའི་རྒྱན་རྒྱ་ཆེར་འགྲེལ་པ་བམ་པོ་དྲུག་ཅེས་འབྱུང་བ་དེ། འདི་ལ་འཁྲུལ་ལམ་གཞན་ཡོད་བརྟག་པར་བྱའོ། །དོན་གསལ་གྱི་འགྲེལ་བཤད་ཚིག་རབ་ཏུ་གསལ་བ་སློབ་དཔོན་དབུ་མ་པ་ཆོས་ཀྱི་བཤེས་གཉེན་གྱིས་མཛད་པ་ཆོས་ཀྱི་ཤེས་རབ་ཀྱི་འགྱུར། ནུབ་ཀྱི་སྒོ་གླེགས་པ་ཤེས་རབ་འབྱུང་གནས་བློ་གྲོས་ཀྱིས་མཛད་པ་རྔོག་འགྱུར། གསེར་གླིང་པ་ཆོས་ཀྱི་གྲགས་པས་མཛད་པ་རྟོགས་དཀའི་སྣང་བ་རིན་ཆེན་བཟང་པོའི་འགྱུར། ཁ་ཆེ་གཞོན་ནུ་དཔལ་གྱིས་མཛད་པའི་དོན་བསྡུས་བཀྲ་ཤིས་རྒྱལ་མཚན་གྱི་འགྱུར། མངོན་རྟོགས་རྒྱན་གྱི་འགྲེལ་པ་གྲགས་པའི་ཆ་རཏྣ་ཀཱིརྟིས་མཛད་པ་ལ་ཆིངས་ཡོན་ཏན་འབར་གྱི་འགྱུར། འདི་འགྲེལ་ཆུང་གི་འགྲེལ་པར་འདོད་པ་ནོར་བ་ཡིན་ནོ། །པཎྜི་ཏ་བུད་དྷ་ཤྲཱི་ཛྙཱ་ནས་མཛད་པའི་མངོན་རྟོགས་རྒྱན་གྱི་འགྲེལ་པ་ཤེས་རབ་སྒྲོན་མའི་ཕྲེང་བ་བྱམས་པའི་དཔལ་གྱི་འགྱུར། འདིར་བསྟན་བཅོས་རིན་ཆེན་སྒྲོན་མ་དང་ཉི་ཁྲི་གཞུང་འགྲེལ་ཆུང་བ་ནི་བོད་ཀྱིས་བྱས་པའོ་ཞེས་ཁ་ཅིག་གོ། ཇོ་བོ་རྗེས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་སྒྲོན་མ་ནག་ཚོའི་འགྱུར། དཔལ་ཀམ་པ་ལས་མཛད་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པའི་ཚིགས་སུ་བཅད་པ་དགུ་པ་དང་། དེའི་རྒྱ་ཆེར་འགྲེལ་པ་གཉིས་རིན་ཆེན་བཟང་པོའི་འགྱུར། དབུ་མའི་སྐོར་ལ། དབུ་མ་རྩ་བའི་ཚིག་ལེའུར་བྱས་པ་ཤེས་རབ་བམ་པོ་གཅིག་དང་ཤུ་ལོ་ཀ་བརྒྱ་བཞི་བཅུ་པ་སློབ་དཔོན་ཀླུ་སྒྲུབ་ཀྱིས་མཛད་པ་ཀླུའི་རྒྱལ་མཚན་གྱི་འགྱུར། སློབ་དཔོན་དེས་མཛད་པའི་རིགས་པ་དྲུག་ཅུ་པ་ཤུ་ལོ་ཀ་དྲུག་ཅུ་རྩ་གཉིས་པ་ཉི་མ་གྲགས་ཀྱི་འགྱུར། སྟོང་ཉིད་བདུན་ཅུ་པ་ཤུ་ལོ་ཀ་བདུན་ཅུ་རྩ་བཞི་པ་གཞོན་ནུ་མཆོག་ལ་སོགས་པའི་འགྱུར། རྩོད་པ་ཟློག་པའི་ཚིག་ལེའུར་བྱས་པ་ཤུ་ལོ་ཀ་བདུན་ཅུ་དཔལ་བརྩེགས་དང་ཁུ་མདོ་སྡེ་འདར་གྱི་འགྱུར། ཞིབ་མོ་རྣམ་འཐག་གྲགས་འབྱོར་ཤེས་རབ་ཀྱི་འགྱུར། དབུ་མ་རྩ་བའི་རང་འགྲེལ་ག་ལ་འཇིགས་མེད་བམ་པོ་བདུན་དང་། རྩོད་ཟློག་གི་འགྲེལ་པ་བམ་པོ་གཅིག་དང་ཤུ་ལོ་ཀ་བརྒྱ་པ་དང་། སྟོང་ཉིད་བདུན་ཅུ་པའི་འགྲེལ་པ་ཤུ་ལོ་ཀ་ཉིས་བརྒྱ་བརྒྱད་ཅུ་པ་དང་། ཞིབ་མོ་རྣམ་འཐག་གི་འགྲེལ་པ་རྣམས་མདོ་སྡེ་འབར་གྱི་འགྱུར། དབུ་མ་རྩ་བའི་འགྲེལ་པ་སློབ་དཔོན་སངས་རྒྱས་བསྐྱངས་ཀྱིས་མཛད་པ་བམ་པོ་བཅུ་ཀླུའི་རྒྱལ་མཚན་གྱི་འགྱུར། དབུ་མ་རྩ་བའི་འགྲེལ་པ་ཚིག་གསལ་སློབ་དཔོན་ཟླ་བ་གྲགས་པས་མཛད་པ། པ་ཚབ་ཀྱི་འགྱུར། སློབ་དཔོན་ལེགས་ལྡན་བྱེད་ཀྱིས་མཛད་པ་དབུ་མ་རྩ་བའི་འགྲེལ་པ་ཤེས་རབ་སྒྲོན་མ་བམ་པོ་ཉི་ཤུ་ཀླུའི་རྒྱལ་མཚན་གྱི་འགྱུར། ཤེས་རབ་སྒྲོན་མའི་འགྲེལ་བཤད་བཙུན་པ་སྤྱན་རས་གཟིགས་བརྟུལ་ཤུགས་ཀྱིས་མཛད་པ་བམ་པོ་བརྒྱད་ཅུ་པ་ཀླུའི་རྒྱལ་མཚན་གྱི་འགྱུར། སྟོང་ཉིད་བདུན་ཅུ་པའི་འགྲེལ་པ་པཎྜི་ཏ་གཞན་ལ་ཕན་པ་བཟང་པོས་མཛད་པ་གཞོན་ནུ་མཆོག་གི་འགྱུར། རིགས་པ་དྲུག་ཅུ་པའི་འགྲེལ་པ་ཟླ་བ་གྲགས་ཀྱིས་མཛད་པ་ཡེ་ཤེས་སྡེའི་འགྱུར། འཕགས་པ་ལྷས་མཛད་པའི་དབུ་མ་བཞི་བརྒྱ་པ་དང་། དེའི་འགྲེལ་པ་སློབ་དཔོན་ཟླ་བ་གྲགས་པས་མཛད་པ་གཉིས། པ་ཚབ་ཀྱི་འགྱུར། འཕགས་པ་ལྷས་མཛད་པའི་ཡེ་ཤེས་སྙིང་པོ་ཀུན་ལས་བཏུས་པ་དང་། དེའི་འགྲེལ་པ་སློབ་དཔོན་བྱང་ཆུབ་བཟང་པོས་མཛད་པ་གཉིས་ཆོས་ཀྱི་ཤེས་རབ་ཀྱི་འགྱུར། འཕགས་པ་ལྷས་མཛད་པའི་དབུ་མ་ལག་པའི་ཚད་ཤུ་ལོ་ཀ་བཅོ་ལྔ་དང་། དེའི་འགྲེལ་པ་ཤུ་ལོ་ཀ་ཉི་ཤུ་པ་གཉིས། དཔལ་འབྱོར་སྙིང་པོ་དང་། དཔལ་བརྩེགས་ཀྱི་འགྱུར། འཕགས་པ་ལྷས་མཛད་པའི་འཁྲུལ་པ་བཟློག་པའི་གཏན་ཚིགས་གྲུབ་པ་དཔལ་བརྩེགས་ཀྱི་འགྱུར། ཐེག་ཆེན་ཉི་ཤུ་པ་ཤཱཀྱ་འོད་ཀྱི་འགྱུར། དབུ་མ་ཡི་གེ་བརྒྱ་པ་རྩ་འགྲེལ་གཞོན་ནུ་ཤེས་རབ་དང་གྲགས་འབྱོར་ཤེས་རབ་ཀྱི་འགྱུར། དབུ་མ་རྟེན་འབྲེལ་སྙིང་པོ་རྩ་འགྲེལ་ཤུ་ལོ་ཀ་ལྔ་བཅུ་རྩ་བཞི་སྲིད་པ་འཕོ་བ། དེའི་འགྲེལ་པ་པཎྜི་ཏ་བྱམས་པ་མགོན་པོས་མཛད་པ། ཟླ་བ་གཞོན་ནུའི་རང་འགྱུར། སྐྱེ་མེད་རིན་པོ་ཆེའི་མཛོད་དུ་གྲགས་པ་པ་ཚབ་ཀྱི་འགྱུར། མ་རྟོགས་པ་རྟོགས་པར་བྱེད་པའི་རབ་ཏུ་བྱེད་པ་གྲགས་འབྱོར་ཤེས་རབ་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་དབུ་མ་ཕུང་པོ་ལྔའི་རབ་ཏུ་བྱེད་པ་ནག་ཚོའི་འགྱུར། དབུ་མ་ལ་འཇུག་པའི་རྩ་བ་ནག་ཚོ་དང་། པ་ཚབ་ཀྱི་འགྱུར། དེའི་འགྲེལ་པ་པ་ཚབ་ཀྱི་འགྱུར། དེའི་འགྲེལ་བཤད་པཎྜི་ཏ་ཛ་ཡ་ཨཱ་ནནྟས་མཛད་པ་ཀུན་དགའ་གྲགས་ཀྱི་འགྱུར། པཎྜི་ཏ་ཛ་ཡ་ཨ་ནན་ཏས་མཛད་པའི་རྟོག་གེ་ཐོ་བ་མདོ་སྡེ་འབར་གྱི་འགྱུར། སློབ་དཔོན་ལེགས་ལྡན་བྱེད་ཀྱིས་མཛད་པའི་དབུ་མའི་སྙིང་པོ་བསྡུས་པ་ཤུ་ལོ་ཀ་བརྒྱད་ཅུ། དེའི་འགྲེལ་པ་རྟོག་གེ་འབར་བ། དབུ་མའི་དོན་བསྡུས་པ་རྣམས་ནག་ཚོའི་འགྱུར། དབུ་མ་རིན་པོ་ཆེའི་སྒྲོན་མ། རྒྱ་བརྩོན་སེང་དང་ནག་ཚོའི་འགྱུར། སློབ་དཔོན་ནག་པོ་པས་མཛད་པའི་དབུ་མ་རྟེན་འབྱུང་འཁྲུལ་པ་འཇོམས་པའི་རྩ་འགྲེལ་ནག་ཚོའི་འགྱུར། སློབ་དཔོན་ཛེ་ཏཱ་རིས་མཛད་པའི་གཞུང་གི་རབ་བྱེད་ཤཱཀྱ་འོད་ཀྱི་འགྱུར། ཇོ་བོ་རྗེས་མཛད་པའི་བདེན་གཉིས་ལ་འཇུག་པ། དེའི་དཀའ་འགྲེལ་སློབ་དཔོན་དྷརྨ་ཀཱ་ར་མ་ཏིས་མཛད་པ་གཉིས་རྒྱ་བརྩོན་སེང་གི་འགྱུར། སློབ་དཔོན་ཡེ་ཤེས་སྙིང་པོས་མཛད་པའི་བདེན་གཉིས་ཤུ་ལོ་ཀ་ཉི་ཤུ་རྩ་བདུན། དེའི་འགྲེལ་བམ་པོ་གཅིག །དེའི་འགྲེལ་བཤད་སློབ་དཔོན་ཞི་བ་འཚོས་མཛད་པ་བམ་པོ་གསུམ། སློབ་དཔོན་ཞི་བ་འཚོས་མཛད་པའི་དབུ་མ་རྒྱན་ཤུ་ལོ་ཀ་བརྒྱ། དེའི་འགྲེལ་པ་བམ་པོ་གཉིས་པ་སྟེ་ལྔ་ཡེ་ཤེས་ལྡེའི་འགྱུར། དེའི་འགྲེལ་བཤད་སློབ་དཔོན་ཀ་མ་ལ་ཤཱི་ལས་མཛད་པ་བམ་པོ་ལྔ་ཡེ་ཤེས་ལྡེ་ལ་སོགས་པའི་འགྱུར། སློབ་དཔོན་ཀ་མ་ལ་ཤཱི་ལས་མཛད་པའི་དབུ་མ་སྣང་བ་བམ་པོ་དགུ། ཆོས་ཐམས་ཅད་རང་བཞིན་མེད་པར་གྲུབ་པ་བམ་པོ་ཕྱེད་དང་གཉིས་དཔལ་བརྩེགས་ཀྱི་འགྱུར། དེ་ཁོ་ན་ཉིད་སྣང་བའི་རབ་ཏུ་བྱེད་པ་བམ་པོ་གཉིས། སློབ་དཔོན་དཔལ་སྦས་ཀྱིས་མཛད་པའི་དེ་ཁོ་ན་ཉིད་ལ་འཇུག་པ་ཤུ་ལོ་ཀ་སུམ་ཅུ། དེའི་འགྲེལ་པ་ཤུ་ལོ་ཀ་ཉིས་བརྒྱ། དབུ་མ་ཤེས་རབ་ལ་འཇུག་པ་འགོས་ཀྱི་འགྱུར། སློབ་དཔོན་ཀླུའི་བཤེས་གཉེན་གྱིས་མཛད་པའི་སྐུ་གསུམ་ལ་འཇུག་པ་ཤུ་ལོ་ཀ་བརྒྱ་ལྔ་བཅུ་རྩ་དྲུག །དེའི་འགྲེལ་པ་སློབ་དཔོན་ཡེ་ཤེས་ཟླ་བས་མཛད་པ་བམ་པོ་གཉིས་དང་ཤུ་ལོ་ཀ་བརྒྱ་ལྔ་བཅུ་པ་གཉིས་ཡེ་ཤེས་སྡེའི་འགྱུར། སློབ་དཔོན་རིག་བྱེད་འོད་ཀྱིས་མཛད་པའི་དབུ་མ་ལུགས་ཀྱི་སྙིང་པོ་བམ་ཕྱེད་དཔལ་བརྩེགས་ཀྱི་འགྱུར། སློབ་དཔོན་དབུ་མའི་སེང་གེས་མཛད་པའི་ལྟ་བ་ཐ་དད་པ་རྣམ་པར་ཕྱེ་བ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ཨ་བྷ་ཡཱ་ཀ་ར་གུཔྟས་མཛད་པའི་ཐུབ་པ་དགོངས་པའི་རྒྱན་གསལ་བ་གྲགས་དང་དཔང་བློ་བརྟན་གྱི་འགྱུར། སྤྱོད་འཇུག་གི་སྐོར་ལ། བྱང་ཆུབ་སེམས་དཔའི་སྤྱོད་འཇུག་ཞི་བ་ལྷས་མཛད་པ་རྔོག་འགྱུར། འདི་དཀར་ཆག་ཆེན་མོ་གསུམ་གར་ཤུ་ལོ་ཀ་དྲུག་བརྒྱ་བམ་པོ་གཉིས་ཞེས་འབྱུང་མོད་ཀྱི། ཤུ་ལོ་ཀ་སྟོང་དུ་གྲགས་སོ། །སྤྱོད་འཇུག་ལེའུ་དགུ་པ་བློ་གྲོས་མི་ཟད་པས་མཛད་ཟེར་བ་དེ་དང་། འདི་མི་གཅིག་ཅེས་སྨྲ་བ་མང་ཡང་། སྡིག་བཤགས་ཀྱི་ལེའུ་ལོགས་སུ་བྱས་མ་བྱས་ཀྱི་ཁྱད་པར་དང་། འགྱུར་སྔ་ཕྱིའི་ཁྱད་མ་གཏོགས་པ་གཅིག་པར་ཁོ་བོ་སྨྲའོ། །སྤྱོད་འཇུག་གི་འགྲེལ་ཆེན་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་མཛད་པ་དར་མ་གྲགས་ཀྱི་འགྱུར། སློབ་དཔོན་དགེ་བའི་ལྷས་མཛད་པའི་སྤྱོད་འཇུག་གི་འགྲེལ་པ་དགེ་བའི་བློ་གྲོས་ཀྱི་འགྱུར། སློབ་དཔོན་ནག་པོ་པས་མཛད་པའི་དཀའ་འགྲེལ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་བཻ་རོ་ཙ་ན་རཀྵི་ཏས་མཛད་པའི་སྤྱོད་འཇུག་འགྲེལ་པ་ཤེས་རབ་ལེའུའི་དཀའ་འགྲེལ་གསུམ་ལས་གཅིག་རྔོག་འགྱུར། བི་བྷུ་ཏི་ཙནྡྲས་མཛད་པའི་སྤྱོད་འཇུག་གི་འགྲེལ་པ་དེའི་རང་འགྱུར། སློབ་དཔོན་གསེར་གླིང་པས་མཛད་པའི་སྤྱོད་འཇུག་གི་དོན་བསྡུས་ནག་ཚོའི་འགྱུར་དེ་ལྟར་ཕ་རོལ་ཏུ་ཕྱིན་པའི་སྐོར་ལ་སུམ་ཅུ་རྩ་དགུ། དབུ་མ་ཕྱོགས་གཉིས་ལ་དྲུག་ཅུ་རྩ་གཉིས། སྤྱོད་འཇུག་གི་སྐོར་ལ་བཅུ་སྟེ་བརྒྱ་རྩ་བཅུ་གཅིག་གོ། འདིར་དེ་ཁོ་ན་ཉིད་ལ་རྩོད་པ་བཟློག་པ་བམ་པོ་གཅིག །སྟོང་པ་ཉིད་ཀྱི་སྒོ་བཅུ་གཉིས་པ་རྩ་འགྲེལ་གཉིས་ལ་བམ་གཉིས་པ་རྣམས་མ་རྙེད་དོ། །གསུམ་པ་བཀའ་མཐའ་མའི་དགོངས་འགྲེལ་མདོ་སྡེ་སྣ་ཚོགས་ཀྱི་འགྲེལ་པ་ནི། ས་བཅུ་པའི་མདོ་སྡེ་གླེང་གཞིའི་བཤད་པ་བམ་པོ་གཅིག་ཤཱཀྱ་བློས་མཛད་པ། ས་བཅུ་པའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་བམ་པོ་བཅུ་བཞི་དང་ཤུ་ལོ་ཀ་དྲུག་ཅུ། ཡེ་ཤེས་སྡེ་དང་དཔལ་བརྩེགས་ཀྱི་འགྱུར། དེའི་འགྲེལ་བཤད་སློབ་དཔོན་ཉི་མ་གྲུབ་ཀྱིས་མཛད་པ་བམ་པོ་བཅུ་གཉིས་དཔལ་བརྩེགས་ཀྱི་འགྱུར། སངས་རྒྱས་ཀྱི་སའི་འགྲེལ་པ་སློབ་དཔོན་ངང་ཚུལ་བཟང་པོས་མཛད་པ་བམ་པོ་གཉིས་དང་ཤུ་ལོ་ཀ་བཞི་བཅུ། སློབ་དཔོན་འཇམ་དཔལ་གྲགས་པས་མཛད་པའི་ཏིང་ངེ་འཛིན་རྒྱལ་པོའི་འགྲེལ་གྲགས་པའི་ཕྲེང་བ་ནག་ཚོའི་འགྱུར། དེའི་ནང་གི་སངས་རྒྱས་རྗེས་དྲན་གྱི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ། དཀོན་མཆོག་གསུམ་རྗེས་དྲན་གྱི་འགྲེལ་པ་འཕགས་པ་ཐོགས་མེད་ཀྱིས་མཛད་པ་ཤཱཀྱ་འོད་ཀྱི་འགྱུར། ག་ཡ་གོ་རིའི་མདོའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་ཤུ་ལོ་ཀ་བརྒྱ་སུམ་ཅུ་ཡེ་ཤེས་སྡེའི་འགྱུར། ག་ཡ་གོ་རིའི་མདོ་དང་སྤེལ་མར་བཤད་པ་སློབ་དཔོན་ཤཱཀྱ་བློས་མཛད་པ་བམ་པོ་གཉིས་དང་ཤུ་ལོ་ཀ་བརྒྱ། རྣམ་པར་མི་རྟོག་པ་ལ་འཇུག་པའི་གཟུངས་ཀྱི་འགྲེལ་པ། སློབ་དཔོན་ཀ་མ་ལ་ཤཱི་ལས་མཛད་པ་བམ་པོ་གཉིས། སློབ་དཔོན་དབྱིག་གཉེན་གྱིས་མཛད་པའི་ཚིགས་སུ་བཅད་པ་གཅིག་པའི་བཤད་པ། སྒོ་དྲུག་པའི་གཟུངས་ཀྱི་རྣམ་བཤད་ཤུ་ལོ་ཀ་སུམ་ཅུ་རྩ་གཅིག །ཆོས་བཞི་པའི་མདོའི་རྣམ་བཤད་ཤུ་ལོ་ཀ་ཉི་ཤུ་རྩ་བཞི། དེའི་འགྲེལ་བཤད་སློབ་དཔོན་ཡེ་ཤེས་བྱིན་གྱིས་མཛད་པ་བམ་པོ་གཅིག་པ་ཡེ་ཤེས་སྡེའི་འགྱུར། ཚིགས་སུ་བཅད་པ་གཉིས་པའི་འགྲེལ་པ་སློབ་དཔོན་མཛེས་བཀོད་ཀྱིས་མཛད་པ་ཤུ་ལོ་ཀ་ཉིས་བརྒྱ། བཟང་སྤྱོད་ཀྱི་འགྲེལ་པ་བཞི་ལ་ཕྱོགས་གླང་གིས་མཛད་པ་བམ་པོ་ཕྱེད་དང་གཉིས། རྒྱན་བཟང་པོས་མཛད་པ་བམ་པོ་ཕྱེད་དང་གཉིས་པ་དང་། ཤཱཀྱ་བཤེས་གཉེན་གྱིས་མཛད་པ་བམ་པོ་གཉིས་དང་ཤུ་ལོ་ཀ་ཉིས་བརྒྱ་པ་གཉིས་དཔལ་བརྩེགས་ཀྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པ་བློ་ལྡན་ཤེས་རབ་ཀྱི་འགྱུར། བྱང་ཆུབ་ལྟུང་བཤགས་ཀྱི་འགྲེལ་པ་སློབ་དཔོན་ཛེ་ཏ་རས་མཛད་པ། ལྟུང་བཤགས་ཀྱི་འགྲེལ་པ་མར་མེ་མཛད་ཡེ་ཤེས་ཀྱིས་མཛད་པ་ནག་ཚོའི་འགྱུར། ལྟུང་བཤགས་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ་འགྱུར་མི་གཅིག་པའི་དཔེར་ཀླུ་བོས་ཀྱིས་མཛད་ཟེར། བློ་གྲོས་མི་ཟད་པས་བསྟན་པའི་མདོའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་བམ་པོ་ཉི་ཤུ། དཀོན་མཆོག་བརྩེགས་པའི་འོད་སྲུངས་ཀྱི་ལེའུའི་རྒྱ་ཆེར་འགྲེལ་པ་སློབ་དཔོན་བློ་བརྟན་གྱིས་མཛད་པ་བམ་པོ་དྲུག །སློབ་དཔོན་ཀླུ་སྒྲུབ་ཀྱིས་མཛད་པའི་ས་ལུ་ལྗང་པའི་མདོ་ཚིགས་བཅད་དུ་བསྡུས་པ་རྩ་འགྲེལ་བམ་པོ་བཞི་རྣམས་དཔལ་བརྩེགས་ཀྱི་འགྱུར། ས་ལུ་ལྗང་པའི་མདོའི་རྒྱ་ཆེར་འགྲེལ་པ་སློབ་དཔོན་ཀ་མ་ལ་ཤཱི་ལས་མཛད་པ་བམ་པོ་ཕྱེད་དང་གཉིས། རྟེན་ཅིང་འབྲེལ་བར་འབྱུང་བ་དང་པོ་དང་། རྣམ་པར་འབྱེད་པའི་མདོའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་བམ་པོ་བཞི། དེའི་འགྲེལ་བཤད་སློབ་དཔོན་ཡོན་ཏན་བློ་གྲོས་ཀྱིས་མཛད་པ་བམ་པོ་བཅུ་གཅིག་པ་གཉིས་ནམ་མཁའི་འགྱུར། འདའ་ཀ་ཡེ་ཤེས་ཀྱི་མདོའི་འགྲེལ་པ་སློབ་དཔོན་པྲ་ཛྙཱ་ས་མུ་དྲས་མཛད་པ། སློབ་དཔོན་ཞི་བ་ལྷས་མཛད་པ་འཕགས་པ་ཤེས་རབ་ཀྱི་འགྱུར། སློབ་དཔོན་ཐོགས་མེད་ཀྱིས་མཛད་པའི་མདོ་སྡེ་དགོངས་པ་ངེས་པར་འགྲེལ་པའི་འགྲེལ་ཆུང་ཤུ་ལོ་ཀ་ཉིས་བརྒྱ་ཉི་ཤུ་ཡེ་ཤེས་སྡེའི་འགྱུར། དགོངས་འགྲེལ་གྱི་འགྲེལ་པ་ཆེན་པོ་བམ་པོ་བཞི་བཅུ་ཙམ་ཡོད་པ་འདི་ཐོགས་མེད་ཀྱིས་མཛད་ཟེར་ཏེ་མི་བདེན་ཏེ། དེའི་འཐད་པ་སྒྲུབ་པའི་རིགས་པའི་སྐབས་ནས། དེ་དག་གི་མཚན་ཉིད་རབ་ཏུ་དབྱེ་བ་ནི། དབང་ཕྱུག་དམ་པའི་མངའ་བདག་དཔལ་ལྷ་བཙན་པོ་བྱང་ཆུབ་རྫུ་འཕྲུལ་གྱིས་མཛད་པའི་བཀའ་ཡང་དག་པའི་ཚད་མ་ལས་བྱུང་བ་བཞིན་དུ་བལྟ་བར་བྱའོ། །ཞེས་བོད་ཀྱི་བསྟན་བཅོས་ལ་ཁ་འཕངས་བྱས་ཤིང་། ཀུན་ལས་བཏུས་དང་། ཚད་མ་རྣམ་ངེས་ལ་སོགས་པའི་ལུང་དྲངས་པའི་ཕྱིར་རོ། །དེས་ན་པོད་ཀྱི་མཁས་པ་ཆེན་པོ་ཞིག་གིས་བྱས་པ་ཤེས་པར་བྱའོ། །ཀླུའི་རྒྱལ་མཚན་གྱིས་མཛད་པར་ཡང་སེམས་སོ། །དགོངས་འགྲེལ་གྱི་འགྲེལ་པ་རྒྱའི་མཁན་པོ་ཝན་ཚེག་གིས་མཛད་པ་བམ་པོ་བདུན་ཅུ་རྩ་བཞི་འགོས་ཆོས་གྲུབ་ཀྱིས་རྒྱ་ལས་བསྒྱུར་པ། དམ་པའི་ཆོས་པད་མ་དཀར་པོའི་འགྲེལ་པ་སིང་ག་གླིང་གི་སློབ་དཔོན་སའི་རྩ་ལག་གིས་མཛད་པ་རྒྱ་ལས་བསྒྱུར་པ་བམ་པོ་ཉི་ཤུ། ལང་ཀར་གཤེགས་པའི་འགྲེལ་པ་སློབ་དཔོན་ཡེ་ཤེས་དཔལ་བཟང་པོས་མཛད་པ། རྒྱའི་མཁན་པོ་ཡེ་ཤེས་རྡོ་རྗེས་མཛད་པའི་དེ་བཞིན་གཤེགས་པའི་སྙིང་པོའི་རྒྱན་རྒྱ་ལས་འགྱུར་བ་སྟེ། མདོ་སྡེའི་འགྲེལ་པ་སུམ་ཅུ་སོ་བརྒྱད་དོ། །འདིར་དགོངས་འགྲེལ་གྱི་ཊཱི་ཀྐ་ཆེན་པོ་བམ་པོ་དྲུག་ཅུ་པ། དགོངས་པ་ངེས་པར་འགྲེལ་པའི་བྱམས་པའི་ལེའུ་ཉི་ཚེ་བཤད་པ། སློབ་དཔོན་ཡེ་ཤེས་སྙིང་པོས་མཛད་པ་བམ་པོ་གཉིས་དང་ཤུ་ལོ་ཀ་བདུན་ཅུ། དགོངས་པ་ངེས་པར་འགྲེལ་པའི་བསྡུས་འགྲེལ་བམ་པོ་གཅིག །ཏིང་ངེ་འཛིན་རྒྱལ་པོའི་ཆོས་ཉིད་ཟབ་མོའི་འགྲེལ་པ་བམ་པོ་གཉིས། ས་བཅུ་པའི་དོན་བསྡུས་པ་ཤུ་ལོ་ཀ་ལྔ་བཅུ། པད་མ་དཀར་པོའི་དོན་བསྡུས་པ་ཤུ་ལོ་ཀ་བརྒྱ། དཀོན་མཆོག་སྤྲིན་མདོ་ཙམ་དུ་བཤད་པ་ཤུ་ལོ་ཀ། ཡང་སངས་རྒྱས་རྗེས་དྲན་གྱི་འགྲེལ་པ་གཅིག །པད་མ་དཀར་པོའི་འགྲེལ་པ་དབྱིག་གཉེན་གྱིས་མཛད་པ། སངས་རྒྱས་ཀྱིས་ལས་ཚིག་གི་དོན་བསྡུས་པ་ཤུ་ལོ་ཀ་བརྒྱད་ཅུ། དོན་དམ་པའི་ཆོས་ཀྱི་རྣམ་གྲངས་ཀྱི་འགྲེལ་པ་བམ་པོ་བདུན། བཟང་སྤྱོད་འགྲེལ་པ་སློབ་དཔོན་ཡོན་ཏན་འོད་ཀྱིས་མཛད་པ་ཤུ་ལོ་ཀ་ལྔ་བརྒྱ། རྒྱ་ལས་བསྒྱུར་པའི་དགོངས་འགྲེལ་གྱི་ཊཱིཀྐ་བམ་པོ་དགུ། ལང་ཀར་གཤེགས་པའི་འགྲེལ་ཆེན་རྒྱ་ལས་བསྒྱུར་པ་བམ་པོ་བཞི་བཅུ། ལང་ཀར་གཤེགས་པའི་འགྲེལ་པ་རྒྱ་འགྱུར་ཤུ་ལོ་ཀ་བདུན་བརྒྱ་དྲུག་ཅུ། ལང་ཀར་གཤེགས་པའི་འགྲེལ་པ་པཎྜི་ཏ་ར་ཐ་ལི་ལས་བསྒྱུར་པ་བམ་པོ་གསུམ། ཆོས་ཀྱི་རྒྱ་མོའི་བཤད་པ་བམ་པོ་བཞི། དགོངས་འགྲེལ་གྱི་འགྲེལ་ཆེན་རྒྱ་ནག་གི་སློབ་དཔོན་རྫོགས་གསལ་གྱིས་བྱས་པ་བམ་པོ་བདུན་ཅུ་རྩ་ལྔ་པ་འདི་ཝན་ཚེག་གིས་མཛད་པ་དང་གཅིག་མི་གཅིག་དཔྱད། དེ་རྣམས་བཙལ་བར་བྱའོ། །རྣལ་འབྱོར་སྤྱོད་པའི་སེམས་ཙམ་པའི་བསྟན་བཅོས་ལ། བཅོམ་ལྡན་འདས་བྱམས་པས་མཛད་པའི་མདོ་སྡེ་རྒྱན་བམ་པོ་གསུམ། དེའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་བམ་པོ་བཅུ་དང་ཤུ་ལོ་ཀ་ཉིས་བརྒྱ་བདུན་ཅུ་དེའི་བཤད་སྦྱར་དགེ་བསྙེན་བཙུན་པ་ངོ་བོ་ཉིད་མེད་པས་མཛད་པ་བམ་པོ་བཅུ་གཉིས་ཏེ་གསུམ་དཔལ་བརྩེགས་ཀྱི་འགྱུར། མདོ་སྡེ་རྒྱན་གྱི་ཚིགས་བཅད་དང་པོ་གཉིས་ཀྱི་བཤད་པ་སློབ་དཔོན་གཞན་ལ་ཕན་པས་མཛད་པ་གཞོན་ནུ་མཆོག་གི་འགྱུར། ཁ་ཆེ་ཛྙཱ་ན་ཤྲཱེས་མཛད་པའི་མདོ་སྡེ་རྒྱན་གྱི་དོན་བསྡུས་ཆོས་ཀྱི་བརྩོན་འགྲུས་ཀྱི་འགྱུར། མདོ་སྡེ་རྒྱན་གྱི་འགྲེལ་བཤད་ཆེན་པོ་སློབ་དཔོན་བློ་བརྟན་གྱིས་མཛད་པར་གྲགས་པ་བམ་པོ་དྲུག་ཅུ་ལྕེ་བཀྲ་ཤིས་ཀྱི་འགྱུར། ཐེག་པ་ཆེན་པོ་རྒྱུད་བླ་མའི་བསྟན་བཅོས་དང་། དེའི་འགྲེལ་པ་སློབ་དཔོན་ཐོགས་མེད་ཀྱིས་མཛད་པ་གཉིས་བློ་ལྡན་ཤེས་རབ་ཀྱི་འགྱུར། དབུས་དང་མཐའ་རྣམ་པར་འབྱེད་པའི་ཚིག་ལེའུར་བྱས་པ་ཤུ་ལོ་ཀ་བདུན་ཅུ། དེའི་འགྲེལ་པ་སློབ་དཔོན་དབྱིག་གཉེན་གྱིས་མཛད་པ་བམ་པོ་གཉིས་དང་ཤུ་ལོ་ཀ་བཞི་བཅུ། དེའི་འགྲེལ་བཤད་སློབ་དཔོན་བློ་བརྟན་གྱིས་མཛད་པ་བམ་པོ་བཅུ་གཅིག་དང་ཤུ་ལོ་ཀ་ཉིས་བརྒྱ་སྟེ། གསུམ་ཡེ་ཤེས་སྡེ་ལ་སོགས་པའི་འགྱུར། ཆོས་དང་ཆོས་ཉིད་རྣམ་པར་འབྱེད་པ་ལྷུག་པ་ནག་ཚོ་དང་གཟུ་དགའ་བ་རྡོ་རྗེའི་འགྱུར། ཚིགས་བཅད་མ་ཞ་མ་སེང་རྒྱལ་གྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་ཆོས་དང་ཆོས་ཉིད་རྣམ་འབྱེད་ཀྱི་འགྲེལ་པ་རྔོག་འགྱུར། འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔ་ཚང་བ་ལ་བམ་པོ་བརྒྱ་སུམ་ཅུ་ལས། སའི་དངོས་གཞིའི་ས་བཅོ་ལྔ་པའི་བར་ས་མང་པོ་པ་ཞེས་པ་བམ་པོ་ཉི་ཤུ་རྩ་དྲུག །སའི་དངོས་གཞིའི་ཡ་གྱལ་ཉན་ཐོས་ཀྱི་ས་བམ་པོ་བཅོ་བརྒྱད། སའི་དངོས་གཞིའི་ཡ་གྱལ་བྱང་ཆུབ་སེམས་དཔའི་ས་བམ་པོ་ཉི་ཤུ་དང་ཤུ་ལོ་ཀ་བརྒྱ་ལྔ་བཅུ། སའི་གོ་རིམ་ཤུ་ལོ་ཀ། རྣམ་པར་གཏན་ལ་དབབ་པ་བསྡུ་བ་བམ་པོ་སུམ་ཅུ་རྩ་བརྒྱད་དང་ཤུ་ལོ་ཀ་བརྒྱ་ཉི་ཤུ་རྩ་ལྔ། གཞི་བསྡུ་བ་བམ་པོ་བཅུ་དགུ་དང་ཤུ་ལོ་ཀ་བཅུ་དགུ། རྣམ་གྲངས་བསྡུ་བ་བམ་པོ་གཉིས་དང་ཤུ་ལོ་ཀ་བརྒྱ་ཉི་ཤུ་རྩ་ལྔ། རྣམ་པར་བཤད་པའི་སྒོ་བསྡུ་བ་བམ་པོ་གཅིག་དང་ཤུ་ལོ་ཀ་ཉིས་བརྒྱ་ལྔ་བཅུ། དེ་རྣམས་ཡེ་ཤེས་སྡེ་ལ་སོགས་པའི་འགྱུར། སའི་བསྟོད་འགྲེལ་བསྒྱུར་འཕྲོ་བམ་པོ་བདུན། བྱང་སའི་འགྲེལ་པ་སློབ་དཔོན་ཡོན་ཏན་འོད་ཀྱིས་མཛད་པ་བསྒྱུར་འཕྲོ། །བྱང་སའི་འགྲེལ་པ་སློབ་དཔོན་རྒྱ་མཚོ་སྤྲིན་གྱིས་མཛད་པ་བམ་པོ་ཉི་ཤུ་ལྔར་སྐ་ཅོག་དུས་སུ་འགྱུར་ཞིང་། ཕྱིས་ནག་ཚོའི་འགྱུར། བྱང་སའི་ཚུལ་ཁྲིམས་ལེའུའི་འགྲེལ་པ་བམ་པོ་ལྔ་སློབ་དཔོན་རྒྱལ་པོའི་སྲས་ཀྱིས་མཛད་པ་དང་། སློབ་དཔོན་ཡོན་ཏན་འོད་ཀྱིས་མཛད་པ་རྣམས་ཡེ་ཤེས་སྡེ་ལ་སོགས་པའི་འགྱུར། སྡོམ་རྣམ་པ་གཉིས་ཀྱི་ཐེག་པ་ཆེན་པོའི་སྡོམ། ཐེག་པ་ཆེན་པོ་བསྡུས་པ་བམ་པོ་གསུམ་དང་ཤུ་ལོ་ཀ་ཉིས་བརྒྱ་བདུན་ཅུ། དེའི་བཤད་སྦྱར་དགེ་བསྙེན་བཙུན་པ་ངོ་བོ་ཉིད་མེད་པས་མཛད་པ་བམ་པོ་བཅུ་དང་ཤུ་ལོ་ཀ་སུམ་ཅུ་པ་གཉིས། ཡེ་ཤེས་སྡེའི་འགྱུར། དེའི་གནས་དང་པོ་ཤེས་བྱའི་གནས་ཀྱི་བཤད་སྦྱར་དོན་གསང་བ་རྣམ་པར་ཕྱེ་བ་བམ་པོ་བཅུ་བཞི། འདི་དཀར་ཆག་འཕང་ཐང་མར་དབྱིག་གཉེན་གྱིས་མཛད་ཟེར། ཐེག་བསྡུས་འགྲེལ་པ་སློབ་དཔོན་ནོར་གྱི་རྩ་ལག་གིས་མཛད་པ་ནག་ཚོའི་འགྱུར། ནོར་གྱི་རྩ་ལག་དང་། དབྱིག་གཉེན་འགྱུར་ཁྱད་ཡིན་པས། འདི་དབྱིག་གཉེན་དུ་ཁོ་བོ་སྨྲའོ། །ཐེག་པ་ཐུན་མོང་གི་སྡོམ་མངོན་པ་ཀུན་ལས་བཏུས་པ་བམ་པོ་ལྔ་འདི་བམ་པོ་དྲུག་ཅེས་འབྱུང་ཡང་ལྔར་གནས་སོ། །དེའི་འགྲེལ་པ་སློབ་དཔོན་རྒྱལ་པོའི་སྲས་ཀྱིས་མཛད་པ་བམ་པོ་བཅུ་གཅིག་པ་ཆོས་མངོན་པ་ལ་འཇུག་པའི་རྒྱ་ཆེར་འགྲེལ་པའི་སྙིང་པོ་ཀུན་ལས་བཏུས་པ་བམ་པོ་དྲུག་དང་ཤུ་ལོ་ཀ་ལྔ་བཅུ་པ་རྣམས་ཡེ་ཤེས་སྡེའི་འགྱུར། མངོན་པ་ཀུན་ལས་བཏུས་ཀྱི་འགྲེལ་པ་སློབ་དཔོན་ཐོགས་མེད་ཀྱིས་མཛད་པར་གྲགས་པ། གྲགས་པ་རྒྱལ་མཚན་དང་ཉི་མ་རྒྱལ་མཚན་གྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་ཕུང་པོ་ལྔའི་རབ་ཏུ་བྱེད་པ་ཤུ་ལོ་ཀ་བརྒྱ་སུམ་ཅུ་རྩ་གཉིས། དེའི་འགྲེལ་པ་བྱེ་བྲག་ཏུ་བཤད་པ་སློབ་དཔོན་བློ་བརྟན་གྱིས་མཛད་པ་བམ་པོ་བཞི། སློབ་དཔོན་ཡོན་ཏན་འོད་ཀྱིས་མཛད་པའི་རྣམ་བཤད་བམ་པོ་གཉིས་དང་ཤུ་ལོ་ཀ་བརྒྱ། སློབ་དཔོན་སའི་རྩ་ལག་གིས་མཛད་པ་བམ་པོ་ལྔ། སློབ་དཔོན་དབྱིག་གཉེན་གྱིས་མཛད་པའི་ཉི་ཤུ་པའི་རབ་ཏུ་བྱེད་པ། དེའི་རང་འགྲེལ་ཤུ་ལོ་ཀ་བརྒྱ་སུམ་ཅུ། དེའི་འགྲེལ་བཤད་སློབ་དཔོན་དུལ་བ་ལྷས་མཛད་པ་བམ་པོ་ཕྱེད་དང་གསུམ། སློབ་དཔོན་དབྱིག་གཉེན་གྱིས་མཛད་པའི་སུམ་ཅུ་པའི་རབ་ཏུ་བྱེད་པ། དེའི་འགྲེལ་པ་སློབ་དཔོན་བློ་བརྟན་གྱིས་མཛད་པ་བམ་པོ་གཉིས་དང་ཤུ་ལོ་ཀ་བརྒྱ། དེའི་འགྲེལ་བཤད་སློབ་དཔོན་དུལ་བ་ལྷས་མཛད་པ་བམ་པོ་ལྔ་དང་ཤུ་ལོ་ཀ་བདུན་ཅུ་རྩ་ལྔ་སྟེ་བཅུ། ཡེ་ཤེས་སྡེའི་འགྱུར། སློབ་དཔོན་དབྱིག་གཉེན་གྱིས་མཛད་པའི་རྣམ་པར་བཤད་པའི་རིགས་པ་མདོ་སྡེའི་དུམ་བུ་བརྒྱ་པ་དང་བཅས་པ་བམ་པོ་གཅིག །ལྷའི་དབང་པོ་བསྲུང་བ་དང་འཇམ་དཔལ་གོ་ཆའི་འགྱུར། དེའི་འགྲེལ་པ་རྣམ་པར་བཤད་པའི་རིགས་པ་བམ་པོ་བཅུ། དེའི་འགྲེལ་བཤད་སློབ་དཔོན་ཡོན་ཏན་བློ་གྲོས་ཀྱིས་མཛད་པ་བཞི་སྟོང་ཆིག་བརྒྱ་པ་གཉིས་ལྷའི་དབང་པོ་སྲུང་བའི་འགྱུར། འདི་ལ་བམ་པོ་བཅོ་ལྔ་ཤུ་ལོ་ཀ་བཞི་སྟོང་ལྔ་བརྒྱ་པར་དཀར་ཆག་སྔ་མ་གསུམ་གར་འབྱུང་། འདིར་རྣམ་པར་བཤད་པའི་རིགས་པ་བམ་པོ་དྲུག་ཅེས་པ་འབྱུང་བས་བརྟག་གོ། སློབ་དཔོན་དབྱིག་གཉེན་གྱིས་མཛད་པའི་ལས་གྲུབ་པའི་རབ་ཏུ་བྱེད་པ་བམ་པོ་གཅིག །དེའི་འགྲེལ་པ་སློབ་དཔོན་བློ་བཟངས་ངང་ཚུལ་གྱིས་མཛད་པ་བམ་པོ་བཞི་པ་གཉིས་དབང་པོ་སྲུང་བ་དང་དཔལ་བརྩེགས་ཀྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་རང་བཞིན་གསུམ་ངེས་པང་བསྟན་པ་འགོས་ཀྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་ཐེག་པ་ཆེན་པོའི་ཆོས་བརྒྱ་གསལ་བའི་སྒོ་ལྷ་ཆོས་ཀྱི་རིན་ཆེན་གྱི་འགྱུར། སློབ་དཔོན་རིན་ཆེན་འབྱུང་གནས་ཞི་བས་མཛད་པའི་སེམས་ཙམ་རྒྱན་རྩ་འགྲེལ་གཉིས། ཤཱཀྱ་འོད་ཀྱི་འགྱུར་ཏེ། ལྔ་བཅུའི་རྒྱུད་བླ་མ་རྩ་འགྲེལ་དབུ་མར་ཡང་སེམས་སོ། །འདིར་འདུལ་བ་བསྡུས་པ་བམ་པོ་གཉིས། རང་སངས་རྒྱས་ཀྱིས་བཤད་པ་ཤུ་ལོ་ཀ། ཕུང་པོ་ལྔའི་རྣམ་པར་བཤད་པ་བམ་པོ་ལྔ་དང་ཤུ་ལོ་ཀ་ལྔ་བཅུ་རྩ་གཅིག །དེ་གསུམ་བཙལ་ལོ། །ཐེག་པ་ཆེན་པོའི་བསྟན་བཅོས་བྱང་ཆུབ་ཏུ་སེམས་བསྐྱེད་པ་དང་སྤྱོད་པ་ལ་སློབ་པའི་རིམ་པ་སྟོན་པའི་བསྟན་བཅོས་སྣ་ཚོགས་ལ། སློབ་དཔོན་ཀླུ་སྒྲུབ་ཀྱིས་མཛད་པའི་མདོ་ཀུན་ལས་བཏུས་པ་རིན་པོ་ཆེའི་གཏེར་བམ་པོ་ལྔ་ཡེ་ཤེས་སྡེའི་འགྱུར། དེའི་འགྲེལ་པ་སློབ་དཔོན་ཤཱནྟི་བས་མཛད་པའི་ལུང་གི་ཚད་མ་རིན་པོ་ཆེ་སྣང་བའི་རྒྱན་ནག་ཚོའི་འགྱུར། མདོ་ཀུན་ལས་བཏུས་པ་ཆེན་པོ་བམ་པོ་བདུན་པ་པ་ཚབ་དང་མདོ་སྡེ་འབར་གྱི་འགྱུར། ཇོ་བོ་རྗེས་མཛད་པའི་མདོ་ཀུན་ལས་བཏུས་པའི་དོན་བསྡུས་རྒྱ་བརྩོན་སེང་གི་འགྱུར། མན་ངག་ནག་ཚོའི་འགྱུར། སློབ་དཔོན་ཞི་བ་ལྷས་མཛད་པ་བསླབ་པ་ཀུན་ལས་བཏུས་པའི་ཚིག་ལེའུར་བྱས་པ་ཤུ་ལོ་ཀ། བསླབ་པ་ཀུན་ལས་བཏུས་པ་བམ་པོ་བཅུ་བཞི་བློ་ལྡན་ཤེས་རབ་དང་། ཤེས་རབ་འབྱུང་གནས་ཀྱི་འགྱུར། དེ་བཞིན་གཤེགས་པའི་ཡི་གེ་བརྒྱ་པའི་ཆོ་ག །སློབ་དཔོན་ཞི་བ་ལྷས་མཛད་པའི་ལྟུང་བ་བཤགས་པའི་ཆོ་ག །ཇོ་བོ་རྗེས་མཛད་པའི་ལྟུང་བ་བཤགས་པའི་ཆོ་ག །སློབ་དཔོན་གསེར་གླིང་པས་མཛད་པའི་བསླབ་པ་ཀུན་ལས་བཏུས་བའི་མངོན་རྟོགས་ནག་ཚོའི་འགྱུར། སློབ་དཔོན་བཻ་རོ་ཙ་ན་རཀྵི་ཏས་མཛད་པའི་བསླབ་པ་མེ་ཏོག་སྙེ་མ་སེང་གེ་རྒྱལ་མཚན་ལ་སོགས་པའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་སེམས་བསྐྱེད་པའི་ཆོ་ག་ཤུ་ལོ་ཀ་བཞི་བཅུ་རྩ་བདུན་པ་ཡེ་ཤེས་སྡེའི་འགྱུར། སློབ་དཔོན་བྱང་ཆུབ་བཟང་པོས་མཛད་པའི་སེམས་བསྐྱེད་དང་སྡོམ་པ་བླང་བའི་ཆོ་ག་དར་མ་གྲགས་ཀྱི་འགྱུར། སློབ་དཔོན་ཛེ་ཏ་རིས་མཛད་པའི་སེམས་བསྐྱེད་དང་ཡི་དམ་བླང་བའི་ཆོ་ག་རྔོག་འགྱུར། ཇོ་བོ་རྗེས་མཛད་པའི་སེམས་བསྐྱེད་དང་སྡོམ་པ་བླང་བའི་ཆོ་ག་དགེ་བློ་དང་ནག་ཚོའི་འགྱུར། སློབ་དཔོན་ཛེ་ཏ་རིས་མཛད་པའི་ལས་དང་པོ་བའི་ས་སྦྱང་བ་ཆོས་ཀྱི་ཤེས་རབ་ཀྱི་འགྱུར། །ཇོ་བོ་རྗེས་མཛད་པའི་བྱང་ཆུབ་སེམས་དཔའི་སྤྱོད་པ་མདོ་ཙམ་གདམས་ངག་ཏུ་བྱ་བ། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་སེམས་བསྐྱེད་དང་སྡོམ་པ་གཟུང་བའི་ཆོ་ག་ཆག་དགྲ་བཅོམ་གྱི་འགྱུར། དེས་མཛད་པའི་བྱང་ཆུབ་གཞུང་ལམ་ཤུ་ལོ་ཀ་ཉིས་བརྒྱ་ཉེར་ལྔ་ཆག་དགྲ་བཅོམ་དང་ཉི་མ་རྒྱལ་མཚན་གྱི་འགྱུར། སློབ་དཔོན་ཙནྡྲ་གོ་མིས་མཛད་པའི་སྡོམ་པ་ཉི་ཤུ་པ། དེའི་འགྲེལ་པ་སློབ་དཔོན་ཞི་བ་འཚོས་མཛད་པ་བམ་པོ་གཉིས། སློབ་དཔོན་བྱང་ཆུབ་བཟང་པོས་མཛད་པའི་སྡོམ་པ་ཉི་ཤུ་པའི་དཀའ་འགྲེལ་བྱང་ཆུབ་ཤེས་རབ་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་སྐྱབས་གསུམ་བདུན་ཅུ་པ་རིན་ཆེན་བཟང་པོའི་འགྱུར། སློབ་དཔོན་བི་མ་ལ་མི་ཏྲས་མཛད་པའི་སྐྱབས་འགྲོ་ཡན་ལག་དྲུག་པ་ཛྙཱ་ནའི་འགྱུར། ཇོ་བོ་རྗེས་མཛད་པའི་སྐྱབས་འགྲོ་བདུན་པ་དགེ་བློའི་འགྱུར། ཁ་ཆེ་ཤཱཀྱ་ཤྲཱི་བྷ་དྲས་མཛད་པའི་ཆོས་སྤྱོད་ཡན་ལག་བདུན་པ་དཱ་ན་ཤཱི་ལའི་རང་འགྱུར། སློབ་དཔོན་དཔའ་བོས་མཛད་པའི་ཕ་རོལ་ཏུ་ཕྱིན་པ་དྲུག་བསྡུས་པ་ཚིག་ལེའུར་བྱས་པ་བམ་པོ་གཉིས་བཻ་རོ་ཙ་ན་རཀྵི་ཏའི་འགྱུར། བི་བྷུ་ཏི་ཙནྡྲས་མཛད་པའི་སྡོམ་གསུམ་འོད་ཀྱི་ཕྲེང་བ་དེའི་རང་འགྱུར། སློབ་དཔོན་སྒྲ་གཅན་འཛིན་བཟང་པོས་མཛད་པའི་སྤྱོད་ཡུལ་ཡོངས་སུ་དག་པའི་མདོའི་དོན་མདོར་བསྡུས་པ་བྱམས་པའི་དཔལ་གྱི་འགྱུར། ཤྲཱི་ཛ་ག་ཏ་མི་ཏྲ་ཨ་ནནྟས་མཛད་པའི་ཆོས་སྤྱོད་ཡན་ལག་བཞི་པ་བྱམས་པའི་དཔལ་གྱི་འགྱུར། ཇོ་བོ་རྗེས་མཛད་པའི་བྱང་ཆུབ་ལམ་གྱི་སྒྲོན་མ་དགེ་བློའི་འགྱུར། དེའི་དཀའ་འགྲེལ་ནག་ཚོའི་འགྱུར། སྤྱོད་པ་བསྡུས་པའི་སྒྲོན་མ། དབུ་མའི་མན་ངག །སྙིང་པོ་ངེས་པར་བསྡུ་བ། བྱང་ཆུབ་སེམས་དཔའ་ལས་དང་པོ་བའི་ལམ་ལ་འཇུག་པ་བསྟན་པ་བཞི་ནག་ཚོའི་འགྱུར། ཐེག་པ་ཆེན་པོའི་ལམ་གྱི་སྒྲུབ་ཐབས་ཡི་གེར་བསྡུས་པ། ཐེག་པ་ཆེན་པོའི་ལམ་གྱི་སྒྲུབ་ཐབས་ཤིན་ཏུ་བསྡུས་པ། རང་གི་བྱ་བའི་རིམ་པ་བསྡུས་པ་རྣམས་དགེ་བློའི་འགྱུར། མི་དགེ་བ་བཅུའི་ལས་ཀྱི་ལམ་ བསྟན་པ་དང་། ལས་རྣམ་པར་འབྱེད་པ་གཉིས་ནག་ཚོའི་འགྱུར། ཏིང་ངེ་འཛིན་ཚོགས་ཀྱི་ལེའུ་ཤཱཀྱ་བློ་གྲོས་ཀྱི་འགྱུར། སྙིང་པོ་བསྡུ་བ་ཚུལ་ཁྲིམས་འབྱུང་གནས་ཀྱི་འགྱུར། བྱང་ཆུབ་སེམས་དཔའི་ནོར་བུའི་ཕྲེང་བ། འཇིག་རྟེན་ལས་འདས་པའི་ཡན་ལག་བདུན་པའི་ཆོ་ག །ཁ་ཏོན་དང་གླེགས་བམ་བཀློག་པའི་སྔོན་དུ་བྱ་བའི་ཆོ་ག །ཕ་རོལ་ཏུ་ཕྱིན་པའི་ཚ་ཚ་གདབ་པའི་ཆོ་ག །བླ་མའི་བྱ་བའི་རིམ་པ་སྟེ། བཅོ་བརྒྱད་པོ་དེ་ཇོ་བོ་རྗེས་མཛད་པའོ། །པཎྜི་ཏ་རཏྣ་ཀིརྟིས་མཛད་པའི་དགེ་བའི་སྡོང་པོ། ཁ་ཆེ་ཤཱཀྱ་ཤྲཱིས་མཛད་པའི་ལེགས་པའི་ལམ་བྱམས་པའི་དཔལ་གྱི་འགྱུར། ཁ་ཆེ་ཤཱཀྱ་ཤྲཱིས་མཛད་པའི་བྱང་ཆུབ་སེམས་དཔའི་ལམ་གྱི་རིམ་པ་བསྡུས་པ་ཆག་ཆོས་རྗེ་དཔལ་གྱི་འགྱུར། གླེགས་བམ་ཀློག་པའི་ཐབས་དཱ་ན་ཤཱི་ལའི་རང་འགྱུར། ཁ་ཆེ་སངས་རྒྱས་དཔལ་གྱིས་མཛད་པའི་རྒྱལ་བའི་ལམ་འཇུག་ཤུ་ལོ་ཀ་སྟོང་ཆིག་བརྒྱ་པ་ཆག་དགྲ་བཅོམ་གྱི་འགྱུར། ཁྲོ་ལོའི་འགྱུར་ཡང་ཡོད། ཁ་ཆེ་ཤཱཀྱ་ཤྲཱིས་མཛད་པའི་ལྟ་སྤྱོད་རྣམ་དག་ཤུ་ལོ་ཀ་གཉིས། ཁ་ཆེ་བུད་དྷ་ཤྲཱིས་མཛད་པའི་སེམས་རིན་པོ་ཆེ་སྦྱོང་བའི་ལམ་འབྲས་བུ་ཤུ་ལོ་ཀ་གཉིས་ཏེ་དེ་གཉིས་བྱམས་པའི་དཔལ་གྱི་འགྱུར་ཏེ། ལྔ་བཅུ་རྩ་བདུན་ནོ། །འདིར་སློབ་དཔོན་ཀླུ་སྒྲུབ་ཀྱིས་མཛད་པའི་སྦྱངས་པའི་ཡོན་ཏན་གྱི་ཕན་ཡོན་ཤུ་ལོ་ཀ་བརྒྱ། འཕགས་པ་ལྷས་མཛད་པའི་ཚིགས་སུ་བཅད་པ་བརྒྱ་པ། སློད་དཔོན་ཉི་འོད་ཀྱིས་མཛད་པའི་ལྟ་བའི་བྱེ་བྲག་ཤུ་ལོ་ཀ་བྲག་ཤུ་ལོ་ཀ་བརྒྱ་ལྔ་བཅུ། དེ་རྣམས་བཙལ་བར་བྱའོ། །གཏམ་དུ་བྱ་བ་སྣ་ཚོགས་ཀྱི་སྐོར་ལ། སློབ་དཔོན་ཀླུ་སྒྲུབ་ཀྱིས་མཛད་པའི་རྒྱལ་པོ་ལ་གཏམ་དུ་བྱ་བ་རིན་པོ་ཆེའི་ཕྲེང་བ་བམ་པོ་གཉིས་ཀླུའི་རྒྱལ་མཚན་དང་པ་ཆབ་ཀྱི་འགྱུར། དེའི་འགྲེལ་པ་སློབ་དཔོན་མི་ཕམ་བཤེས་གཉེན་གྱིས་མཛད་པ་བམ་པོ་བཞི། དཔལ་བརྩེགས་ཀྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་རྨི་ལམ་ཡིད་བཞིན་ནོར་བུའི་གཏམ་གྲགས་འབྱོར་ཤེས་རབ་ཀྱི་འགྱུར། སྦྱིན་པའི་གཏམ། སྲིད་པ་ལས་འདས་པའི་གཏམ། གྲགས་འབྱོར་ཤེས་རབ་ཀྱི་འགྱུར། སློབ་དཔོན་དབྱིག་གཉེན་གྱིས་མཛད་པའི་ཡོན་ཏན་བདུན་བརྗོད་པའི་གཏམ་དང་། ཚུལ་ཁྲིམས་ཀྱི་གཏམ་གཉིས་རིན་ཆེན་བཟང་པོའི་འགྱུར། དེའི་འགྲེལ་པ་སློབ་དཔོན་གསལ་བ་གྲགས་ཀྱིས་མཛད་པ། སློབ་དཔོན་དབྱིག་གཉེན་གྱིས་མཛད་པའི་ཚོགས་ཀྱི་གཏམ་རིན་ཆེན་བཟང་པོའི་འགྱུར། སློབ་དཔོན་རྟ་དབྱངས་ཀྱིས་མཛད་པའི་མི་ཁོམ་པ་བརྒྱད་སྤོང་བའི་གཏམ་དང་། སློབ་དཔོན་དཔའ་བོས་མཛད་པའི་རིན་པོ་ཆེ་ཟ་མ་ཏོག་ལྟ་བུའི་གཏམ་གཉིས་ཤཱཀྱ་འོད་ཀྱི་འགྱུར། སློབ་དཔོན་དཔའ་བོས་མཛད་པའི་ལེགས་པའི་ལམ་བསྟན་པའི་གཏམ་དང་། སློབ་དཔོན་མ་ཏི་ཙི་ཏྲས་མཛད་པའི་ཕྱིན་ཅི་ལོག་བཞི་སྤོང་པའི་གཏམ་གཉིས་རིན་ཆེན་བཟང་པོའི་འགྱུར། རྩོད་པའི་དུས་ཀྱི་གཏམ་ཤཱཀྱ་འོད་ཀྱི་འགྱུར། སློབ་དཔོན་ས་འཚོ་བྱིན་གྱིས་མཛད་པའི་དབེན་པའི་གཏམ་དགེ་བློའི་འགྱུར། ཆོས་སྨྲ་བ་དང་ཉན་པ་ལ་གུས་པར་བྱ་བའི་གཏམ་ཤཱཀྱ་འོད་ཀྱི་འགྱུར། དྲང་སྲོང་ཟླ་བས་མཛད་པའི་ཆེད་དུ་བརྗོད་པའི་གཏམ་ནག་ཆོའི་འགྱུར། སྙན་དངགས་མཁན་དགའ་བའི་དབང་པོས་མཛད་པའི་མི་རྟག་པའི་དོན་གྱི་གཏམ་གྲགས་འབྱོར་ཤེས་རབ་ཀྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་ཤེས་རབ་བརྩམས་པ་དུས་ཀྱི་གཏམ་སྟེ་བཅུ་དགུའོ། །སྤྲིང་ཡིག་སྣ་ཚོགས་ཀྱི་སྐོར་ལ། སློབ་དཔོན་ཀླུ་སྒྲུབ་ཀྱིས་མཛད་པའི་བཤེས་པའི་སྤྲིང་ཡིག་ཤུ་ལོ་ཀ་བརྒྱ། དེའི་འགྲེལ་པ་སློབ་དཔོན་བློ་གྲོས་ཆེན་པོས་མཛད་པ་བམ་པོ་བཞི་དང་ཤུ་ལོ་ཀ་ལྔ་བཅུ། སློབ་དཔོན་ཙནྡྲ་གོ་མིས་མཛད་པའི་སློབ་མ་ལ་སྤྲིང་བ་ཤུ་ལོ་ཀ་ཉིས་བརྒྱ་པ་གསུམ། དཔལ་བརྩེགས་ཀྱི་འགྱུར། དེའི་དཀའ་འགྲེལ་སློབ་དཔོན་བཻ་རོ་ཙ་ན་རཀྵི་ཏས་མཛད་པ་ཤུ་ལོ་ཀ་བརྒྱ་ནག་ཚོའི་འགྱུར། སློབ་སྤྲིང་གི་འགྲེལ་པ་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་མཛད་པ་དང་། སློབ་དཔོན་ཆོས་ལྡན་རབ་འབྱོར་དབྱངས་ཀྱིས་མཛད་པའི་དགེ་བ་བཅུའི་ལས་ཀྱི་ལམ་བསྟན་པ་གཉིས་ཆོས་ཀྱི་ཤེས་རབ་ཀྱི་འགྱུར། སློབ་དཔོན་མ་ཏི་ཙི་ཏྲས་མཛད་པའི་རྒྱལ་པོ་ཀ་ནི་ཀ་ལ་སྤྲིང་བ་ཤུ་ལོ་ཀ་བརྒྱ་རྨ་རིན་ཆེན་མཆོག་གི་འགྱུར། རྗེ་བཙུན་སྤྱན་རས་གཟིགས་ཀྱིས་དགེ་སློང་རབ་གསལ་གཞོན་ནུ་ལ་སྤྲིང་བ་ཤུ་ལོ་ཀ་བཅུ་གཉིས་དཔལ་བརྩེགས་ཀྱི་འགྱུར། སློབ་དཔོན་པད་མས་མཛད་པའི་ཤེས་རབ་ཀྱི་སྤྲིང་ཡིག་འགོས་ཀྱི་འགྱུར། སློབ་དཔོན་ཇེ་ཏ་རིས་མཛད་པའི་སེམས་རིན་པོ་ཆེ་སྦྱོང་བའི་སྤྲིང་ཡིག་དང་། བཙུན་པ་དགོན་པ་བས་བླ་མ་ལ་སྤྲིང་བ་གཉིས་ཆོས་ཀྱི་ཤེས་རབ་ཀྱི་འགྱུར། བྲམ་ཟེ་སད་ཛ་ནས་བུ་ལ་སྤྲིང་བ་ཆོས་ཀྱི་དབང་ཕྱུག་གི་འགྱུར། ཇོ་བོ་རྗེས་རྒྱལ་པོ་ནི་རྱ་ཕ་ལ་ལ་བརྫངས་པ་དྲི་མ་མེད་པའི་སྤྲིང་ཡིག་ནག་ཆོའི་འགྱུར། སློབ་དཔོན་རྟ་དབྱངས་ཀྱིས་མཛད་པའི་བྱ་ངན་བསལ་བ་དང་། མི་དགེ་བ་བཅུའི་ལས་ཀྱི་ལམ་བསྟན་པ་གཉིས་ཤཱཀྱ་འོད་ཀྱི་འགྱུར། ཆོས་ལྡན་རབ་འབྱོར་དབྱངས་ཀྱིས་མཛད་པའི་དམ་པའི་ཆོས་དྲན་པ་ཉེ་བར་གཞག་པའི་ཚིག་ལེའུར་བྱས་པ་ཤུ་ལོ་ཀ་བརྒྱ་ལྷའི་དབང་པོ་སྲུང་བའི་འགྱུར། སློབ་དཔོན་དབྱིག་གཉེན་གྱིས་མཛད་པའི་འདོད་པའི་ཡོན་ཏན་ལྔའི་ཉེས་དམིགས་བསྟན་པ་རིན་ཆེན་བཟང་པོའི་འགྱུར། སློབ་དཔོན་ཤཱནྟི་པས་མཛད་པའི་ཐེག་པ་གསུམ་རྣམ་པར་གཞག་པ་ཆོས་ཀྱི་ཤེས་རབ་ཀྱི་འགྱུར་ཏེ། དེ་ལྟར་བཅོ་བརྒྱད་ཀྱི་དགེ་བ་བཅུའི་ལས་ཀྱི་ལམ་བསྟན་པ་དང་མྱ་ངན་བསལ་བ་མན་ཆད་ནི་བསླབ་བྱ་སྣ་ཚོགས་ཀྱི་ནང་དུ་གཏོགས་པར་ཤེས་པར་བྱའོ། །བསྒོམ་རིམ་དང་བསམ་གཏན་གྱི་ཡི་གེ་སྣ་ཚོགས་ཀྱི་སྐོར་ལ། སློབ་དཔོན་འཕགས་པ་ཐོགས་མེད་ཀྱིས་མཛད་པའི་བསམ་གཏན་གྱི་སྒྲོན་མ། སློབ་དཔོན་ཀླུ་སྒྲུབ་ཀྱིས་མཛད་པའི་སྒོམ་རིམ་ཤཱཀྱ་འོད་ཀྱི་འགྱུར། སློབ་དཔོན་ཡེ་ཤེས་སྙིང་པོས་མཛད་པའི་རྣལ་འབྱོར་སྒོམ་པའི་ལམ་བམ་པོ་གཅིག །སློབ་དཔོན་ཀ་མ་ལ་ཤཱི་ལས་མཛད་པའི་སྒོམ་རིམ་རྣམ་པ་གསུམ་བམ་པོ་རེ་རེ་དང་རྣལ་འབྱོར་སྒོམ་པ་ལ་འཇུག་པ་ཤུ་ལོ་ཀ་སུམ་ཅུ་སྟེ་བཞི་ཡེ་ཤེས་སྡེའི་འགྱུར། དཔལ་ཀ་མ་པ་ལས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པའི་མན་ངག་སློབ་དཔོན་ཕྱོགས་གླང་གིས་མཛད་པའི་རྣལ་འབྱོར་སྒོམ་པ་ལ་འཇུག་པ་རིན་ཆེན་བཟང་པོའི་འགྱུར། སློབ་དཔོན་དགེ་བའི་གོ་ཆས་མཛད་པའི་མི་གཙང་བ་བསྒོམ་པའི་ཐབས་འགྱུར་རྙིང་། སློབ་དཔོན་ནག་པོ་ཞབས་ཀྱིས་མཛད་པའི་ལུས་ཡོངས་སུ་དཔྱད་པའི་སྒོམ་རིམ་ཆོས་ཀྱི་ཤེས་རབ་འགྱུར། སློབ་དཔོན་ཡེ་ཤེས་གྲགས་པས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པའི་རིམ་པའི་མན་ངག་རིན་ཆེན་བཟང་པོའི་འགྱུར། སློབ་དཔོན་བློ་གྲོས་ཆེན་པོས་མཛད་པའི་སངས་རྒྱས་རྗེས་སུ་དྲན་པ་བླ་ན་མེད་པར་བསྒོམ་པ་མདོའི་རྗེས་སུ་འགྲོ་བ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ཆོས་ཀྱི་དབང་པོས་མཛད་པའི་རྣལ་འབྱོར་ལ་འཇུག་པ་རིན་ཆེན་བཟང་པོའི་འགྱུར། སློབ་དཔོན་ཡེ་ཤེས་ཟླ་བས་མཛད་པའི་རྣལ་འབྱོར་ལ་འཇུག་པའི་དོན་མདོར་བསྡུས་པ་ཡེ་ཤེས་སྡེའི་འགྱུར། སློབ་དཔོན་རིན་ཆེན་འབྱུང་གནས་ཞི་བས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པའི་མན་ངག་རྣལ་འབྱོར་བཞིའི་ས་ཏིང་ངེ་འཛིན་བཟང་པོའི་འགྱུར། དེས་མཛད་པའི་ཤེ་ས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའི་མན་ངག་འགོས་ཀྱི་འགྱུར། སློབ་དཔོན་རྟ་དབྱངས་ཀྱིས་མཛད་པའི་ཀུན་རྫོབ་བྱང་ཆུབ་ཀྱི་སེམས་བསྒོམ་པ་དང་། དོན་དམ་བྱང་ཆུབ་ཀྱི་སེམས་བསྒོམ་པའི་མན་ངག་པད་མ་སྤུངས་པ་གཉིས་རིན་ཆེན་བཟང་པོའི་འགྱུར། སློབ་དཔོན་བྱང་ཆུབ་བཟང་པོས་མཛད་པའི་རྣལ་འབྱོར་གྱི་མཚན་ཉིད་བདེན་པ། ཏིང་ངེ་འཛིན་ཚོགས་ཀྱི་ལེའུ། སློབ་དཔོན་ནག་པོ་པས་མཛད་པའི་ཏིང་ངེ་འཛིན་ཚོགས་ཀྱི་ལེའུ་རྣམས་ཆོས་ཀྱི་ཤེས་རབ་ཀྱི་འགྱུར། ཡན་ལག་བདུན་པ་སློབ་དཔོན་ཨ་ཝ་དྷཱུ་ཏཱི་པས་མཛད་པའི་བསམ་གཏན་གྱི་ཆོས་དྲུག་རྣམ་པར་གཞག་པ་དང་། དེའི་འགྲེལ་པ་སློབ་དཔོན་དཱ་ན་ཤཱི་ལས་མཛད་པ་གཉིས་རིན་ཆེན་བཟང་པོའི་འགྱུར། ཏིང་ངེ་འཛིན་གྱི་མི་མཐུན་པའི་ཕྱོགས་རྣམ་པར་གཞག་པ་རྣམ་པར་མི་རྟོག་པའི་འགྱུར། རྣལ་འབྱོར་རྟོག་པའི་གེགས་སེལ་སློབ་དཔོན་སངས་རྒྱས་གསང་བས་མཛད་པ་འགྱུར་རྙིང་། ཇོ་བོ་རྗེས་མཛད་པའི་དྲན་པ་གཅིག་པའི་མན་ངག་ནག་ཆོའི་འགྱུར། དབུ་མའི་མན་ངག་རིན་པོ་ཆེའི་ཟ་མ་ཏོག་ཁ་ཕྱེ་བ་བརྩོན་འགྲུས་སེང་གེའི་འགྱུར། སློབ་དཔོན་ཤེས་རབ་ཐར་པས་མཛད་པ་དབུ་མའི་མན་ངག་གི་འགྲེལ་པ་ནག་ཚོའི་འགྱུར། ཇོ་བོ་རྗེའི་བླ་མ་ཨ་ཝ་དྷཱུ་ཏཱི་པས་མཛད་པའི་མདོ་ཀུན་ལས་བཏུས་པའི་དོན་བསྡུས་པའི་མན་ངག །སློབ་དཔོན་ཀ་མ་ལ་ཤཱི་ལས་ལྷོ་ཟ་མོ་ཚངས་པའི་དབྱངས་ལ་སྡུག་བསྔལ་བརྒྱད་ཀྱི་བྱེ་བྲག་བསྟན་པ། སློབ་དཔོན་ཙནྡྲ་ཧ་རི་པས་མཛད་པའི་དབུ་མ་རིན་པོ་ཆེའི་ཕྲེང་བ་ཏིང་ངེ་འཛིན་བཟང་པོའི་འགྱུར། ཚད་མེད་པ་བཞིའི་རྒྱ་ཆེར་འགྲེལ་པ་དཔོན་སངས་རྒྱས་གསང་བས་མཛད་པ། སློབ་དཔོན་ཡེ་ཤེས་གྲགས་པས་མཛད་པའི་ཕ་རོལ་ཏུ་ཕྱིན་པ་སྒོམ་པའི་མན་ངག་རིན་ཆེན་བཟང་པོའི་འགྱུར། སློབ་དཔོན་དེས་མཛད་པའི་དེ་ཁོ་ན་ཉིད་ལ་འཇུག་པ་བདེ་བར་གཤེགས་པའི་བཀའ་མ་ལུས་པ་མདོར་བསྡུས་པའི་རབ་ཏུ་བྱེད་པ། བསྒོམ་པའི་རིམ་པ་མདོ་ཀུན་ལས་བཏུས་པ་རྣལ་འབྱོར་སྤྱོད་པའི་བསམ་གཏན་རྗེ་བཙུན་ཀ་རོས་མཛད་པ། སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་བྱང་ཆུབ་ཀྱི་སེམས་བསྒོམ་པ་དོན་བཅུ་གཉིས་པ་ཤུ་ལོ་ཀ་དྲུག་ཅུ་རྩ་བརྒྱད་པ་རྗེས་སུ་དྲན་པ་དྲུག་མཇུག་མ་ཚང་བ་སྟེ་སུམ་ཅུ་རྩ་དགུའོ། །འདིར་སློབ་དཔོན་བཛྲ་ཀཱིརྟིས་མཛད་པའི་བསྒོམ་རིམ་བམ་པོ་གཅིག །སློབ་དཔོན་རྒྱལ་བའི་འོད་ཀྱིས་མཛད་པའི་བྱང་ཆུབ་ཀྱི་སེམས་བསྒོམ་པ་ཤུ་ལོ་ཀ་བརྒྱ། སློབ་དཔོན་དགེ་བའི་གོ་ཆས་མཛད་པའི་བསྒོམ་པའི་སྒོ་བསྟན་པ་ཤུ་ལོ་ཀ་དྲུག་ཅུ་རྩ་བདུན། སློབ་དཔོན་ཆོས་ཀྱི་བློ་གྲོས་ཀྱིས་མཛད་པའི་བསྒོམ་རིམ་ཤུ་ལོ་ཀ་སུམ་ཅུ། སློབ་དཔོན་བི་དྷི་དྷརྨ་ཏཱ་རས་མཛད་པའི་བསམ་གཏན་གྱི་ཡི་གེ་རྒྱ་ལས་འགྱུར་བ་བམ་པོ་གསུམ། སློབ་དཔོན་དགེ་བའི་གོ་ཆས་མཛད་པའི་དེ་ཁོ་ན་ཉིད་ལ་འཇུག་པའི་བསམ་གཏན་ཤུ་ལོ་ཀ་དེ་རྣམས་བཙལ་བར་བྱའོ། །བྱང་ཆུབ་སེམས་དཔའི་སྤྱོད་པ་རླབས་པོ་ཆེ་སངས་རྒྱས་ཀྱི་སྐྱེས་རབས་སྣ་ཚོགས་ཀྱི་སྐོར་ལ། སློབ་དཔོན་དཔའ་བོས་མཛད་པའི་སྐྱེས་རབས་བམ་པོ་བཅུ་གསུམ། འཇམ་དཔལ་གོ་ཆའི་འགྱུར། དེའི་འགྲེལ་པ་རིགས་ཀྱིས་བྱིན་པ་ཆོས་གྲགས་ཀྱིས་མཛད་པ་ཤཱཀྱ་བློ་གློས་ཀྱི་འགྱུར། པཎྜི་ཏ་སེང་གེ་ཞབས་འབྲིང་གིས་མཛད་པ་སངས་རྒྱས་ཀྱི་སྐྱེས་རབས་ཚུལ་ཁྲིམས་འབྱུང་གནས་ཀྱི་འགྱུར། སློབ་དཔོན་སྙན་ངག་མཁན་དགེ་བའི་དབང་པོས་མཛད་པའི་སྐྱེས་རབས་དཔག་བསམ་འཁྲི་ཤིང་ཤོང་རྡོ་རྗེ་རྒྱལ་མཚན་གྱི་འགྱུར། སློབ་དཔོན་ཙནྡྲ་གོ་མིས་མཛད་པའི་གཞོན་ནུ་གཙུག་ན་ནོར་བུའི་སྐྱེས་རབས་འཇིག་རྟེན་ཀུན་ཏུ་དགའ་བའི་ཟློས་གར་གྲགས་པ་རྒྱལ་མཚན་གྱི་འགྱུར། དཔལ་དགའ་བའི་ལྷས་མཛད་པའི་བྱང་ཆུབ་སེམས་དཔའ་སྤྲིན་གྱི་བཞོན་པའི་སྐྱེས་རབས་ཀླུ་ཀུན་ཏུ་དགའ་བའི་ཟློས་གར་ཤོང་རྡོ་རྒྱལ་མཚན་གྱི་འགྱུར། སློབ་དཔོན་དཔའ་བོས་མཛད་པའི་བྱང་ཆུབ་སེམས་དཔའི་སྐྱེས་པའི་རབས་ཀྱི་ཆོས་ཀྱི་གཎྜིའི་སྒྲ་བསྒྲགས་པ་བྱམས་པའི་དཔལ་གྱི་འགྱུར། སློབ་དཔོན་རྟ་དབྱངས་ཀྱིས་མཛད་པའི་སངས་རྒྱས་ཀྱི་སྤྱོད་པ་སྟོན་པའི་སྙན་དངགས་ཆེན་པོ་ཁམས་པ་དགེ་སློང་བློ་གྲོས་རྒྱལ་པོའི་འགྱུར་ཏེ་བརྒྱད་དོ། །རྟོགས་བརྗོད་སྣ་ཚོགས་ཀྱི་སྐོར་ལ། གསེར་མདོག་གི་རྟོགས་པ་བརྗོད་པ་རིན་ཆེན་བཟང་པོའི་འགྱུར། སློབ་དཔོན་གསང་བ་བྱིན་གྱིས་མཛད་པའི་གཞོན་ནུ་མ་བདུན་གྱི་རྟོགས་པ་བརྗོད་པ། དགྲ་བཅོམ་པ་དགའ་བའི་བཤེས་གཉེན་གྱི་རྟོགས་བརྗོད་ཤཱཀྱ་འོད་ཀྱི་འགྱུར། ཀུ་ན་ལའི་མིག་གི་རྟོགས་པ་བརྗོད་པ་རིན་ཆེན་བཟང་པོའི་འགྱུར། དགྲ་བཅོམ་པ་དགེ་འདུན་འཕེལ་གྱི་ལུང་བསྟན་པ་ཤུ་ལོ་ཀ་བརྒྱ། ལིའི་ཡུལ་ལུང་བསྟན་པ། ཆོས་རྒྱལ་མྱ་ངན་མེད་ཀྱིས་ཀླུ་བཏུལ་བའི་ལེའུ། ཤཱཀྱ་འོད་ཀྱི་འགྱུར། དཔེའི་ཕྲེང་བ་ལས་སངས་རྒྱས་ཀྱི་དཔེའི་ཕྲེང་བ་ཚུལ་ཁྲིམས་ཡོན་ཏན་དང་རིན་ཆེན་བཟང་པོའི་འགྱུར། ཐུབ་པ་ཆེན་པོ་དྲང་སྲོང་གར་གས་ལྟས་ཀྱི་རྣམ་པ་བསྟན་པའི་གཙུག་ལག །སློབ་དཔོན་བྷ་ཝ་ཀནྡྷ་སྱས་མཛད་པའི་གནས་བརྟན་སྤྱན་དྲང་བ་ཤུ་ལོ་ཀ་ཉིས་བརྒྱ་ཡེ་ཤེས་སྡེའི་འགྱུར། སྐྱེས་རབས་དང་རྟོགས་བརྗོད་འདི་དག་ཕལ་ཆེར་མདོ་སྡེའི་ནང་དུ་བྲིས་མོད་ཀྱི། འདི་དག་བསྟན་བཅོས་ཡིན་པས་བསྟན་བཅོས་སུ་བྲིའོ། །བསྟོད་པ་སྣ་ཚོགས་ཀྱི་སྐོར་ལ། སློབ་དཔོན་ཐོ་བཙུན་གྲུབ་རྗེས་མཛད་པའི་ཁྱད་པར་དུ་འཕགས་པའི་བསྟོད་པ་དང་། སློབ་དཔོན་བདེ་བྱེད་བདག་པོས་མཛད་པའི་ལྷ་ལས་ཕུལ་དུ་བྱུང་བའི་བསྟོད་པ་གཉིས། རིན་ཆེན་མཆོག་དང་དཔལ་བརྩེགས་ཀྱི་འགྱུར། དེ་གཉིས་ཀྱི་འགྲེལ་པ་སློབ་དཔོན་ཤེས་རབ་གོ་ཆས་མཛད་པ་རིན་ཆེན་བཟང་པོའི་འགྱུར། ཐམས་ཅད་མཁྱེན་པའི་བསྟོད་པ་ཐོ་བཙུན་གྲུབ་རྗེས་མཛད་པ་རིན་ཆེན་བཟང་པོའི་འགྱུར། ཁ་ཆེ་རྒྱལ་པོ་ཤྲཱི་ཧ་རི་ཤ་དེ་བས་མཛད་པའི་ཡང་དག་པར་རྫོགས་པའི་སངས་རྒྱས་ལ་རབ་ཏུ་སྔ་བར་ནམ་ལངས་པའི་བསྟོད་པ་དང་། དེ་ཉིད་ཀྱིས་མཛད་པའི་གནས་ཆེན་པོ་བརྒྱད་ཀྱི་མཆོད་རྟེན་ལ་ཕྱག་འཚལ་བའི་བསྟོད་པ་གཉིས། ཁེའུ་གད་པ་ཡོན་ཏན་དཔལ་གྱི་འགྱུར། སློབ་དཔོན་མ་ཏི་ཙི་ཏྲས་མཛད་པའི་དཀོན་མཆོག་གསུམ་གྱི་བསྟོད་པ་དང་། དེའི་འགྲེལ་པ་སློབ་དཔོན་རྒྱལ་བའི་སྲས་ཀྱིས་མཛད་པ་གཉིས་དཔལ་གྱི་ལྷུན་པོའི་འགྱུར། སློབ་དཔོན་དབྱིག་གཉེན་གྱིས་མཛད་པའི་དཀོན་མཆོག་གསུམ་གྱི་བསྟོད་པ། སློབ་དཔོན་རྟ་དབྱངས་ཀྱིས་མཛད་པའི་དད་པ་ལ་སྤོབས་པ་སྐྱེད་པའི་བསྟོད་པ་གླེང་བསླང་བ་ལ་སོགས་པ་ལེའུ་བཅུ་གསུམ། ཤུ་ལོ་ཀ་བརྒྱ་ལྔ་བཅུ་པ་དང་། དེའི་འགྲེལ་པ་སློབ་དཔོན་དགའ་བྱེད་སྙན་པས་མཛད་པ་བམ་པོ་བཅུ་གཉིས་ཤཱཀྱ་བློ་གྲོས་ཀྱི་འགྱུར། བརྒྱ་ལྔ་བཅུ་པ་ལས་སྤེལ་མར་བསྟོད་པ་སློབ་དཔོན་ཕྱོགས་གླང་གིས་མཛད་པ་བསོད་ནམས་བཟང་པོའི་འགྱུར། སློབ་དཔོན་མ་ཏི་ཙི་ཏྲས་མཛད་པའི་སངས་རྒྱས་བཅོམ་ལྡན་འདས་ལ་བསྟོད་པ་བསྔགས་པར་འོས་པ་བམ་པོ་གཉིས། སྐ་ཅོག་དང་རིན་ཆེན་བཟང་པོའི་འགྱུར། དཀོན་མཆོག་གསུམ་ལ་བཀྲ་ཤིས་ཀྱིས་བསྟོད་པ་དཔལ་བརྩེགས་ཀྱི་འགྱུར། སངས་རྒྱས་བཅོམ་ལྡན་འདས་ཀྱི་མཚན་ལ་བསྟོད་པ། གཅིག་ལས་འཕྲོས་པའི་བསྟོད་པ། སངས་རྒྱས་སུམ་ཅུ་རྩ་ལྔའི་བསྟོད་པ་མཚན་རིན་པོ་ཆེས་སྤྲས་པ། དགེ་བསྙེན་མཐའ་ཡས་ལྷས་མཛད་པའི་ཚིག་བརྒྱད་པའི་བསྟོད་པ་དང་། རྒྱལ་བ་བརྒྱད་པའི་བསྟོད་པ། སློབ་དཔོན་རྟ་དབྱངས་ཀྱིས་མཛད་པའི་གཎྜིའི་བསྟོད་པ་སུམ་པ་ལོ་ཙྪ་བའི་འགྱུར། སངས་རྒྱས་དབང་བསྐུར་བའི་བསྟོད་པ་རིན་ཆེན་བཟང་པོའི་འགྱུར། བཅོམ་ལྡན་འདས་ལ་བསྟོད་པ་དཔལ་རྡོ་རྗེ་འཛིན་གྱི་དབྱངས་ཤུ་ལོ་ཀ་དྲུག་ཅུ་པ་དང་། དེའི་རྒྱ་ཆེར་བཤད་པ་སློབ་དཔོན་ཞི་བ་འཚོས་མཛད་པ་ཤུ་ལོ་ཀ་བརྒྱ་རྩ་བཅུ་གཉིས་པ་གཉིས་དཔལ་བརྩེགས་ཀྱི་འགྱུར། དེ་བཞིན་གཤེགས་པ་ལྔའི་བསྟོད་པ་དང་། དེ་བཞིན་གཤེགས་པ་བདུན་གྱི་བསྟོད་པ་གཉིས་རིན་ཆེན་བཟང་པོའི་འགྱུར། དེ་བཞིན་གཤེགས་པ་བརྒྱད་ལ་བསྟོད་པ་སློབ་དཔོན་ཞི་བ་འཚོས་མཛད་པ། ཁ་ཆེ་པཎ་ཆེན་གྱིས་མཛད་པའི་སངས་རྒྱས་སྟོང་ལ་བསྟོད་པ་བསྐལ་བཟང་རྒྱན་གྱི་ཕྲེང་བ། སློབ་དཔོན་ཀླུ་སྒྲུབ་ཀྱིས་མཛད་པའི་བསྟོད་པ་ལ་ཆོས་ཀྱི་དབྱིངས་སུ་བསྟོད་པ། དཔེ་མེད་པར་བསྟོད་པ་ཤུ་ལོ་ཀ་ཉེར་ལྔ། འཇིག་རྟེན་ལས་འདས་པར་བསྟོད་པ་ཤུ་ལོ་ཀ་ཉེར་གཉིས། སེམས་ཀྱི་རྡོ་རྗེ་ལ་བསྟོད་པ་ཤུ་ལོ་ཀ་བདུན། དོན་དམ་པར་བསྟོད་པ་ཤུ་ལོ་ཀ་བཅུ། སྐུ་གསུམ་ལ་བསྟོད་པ་ཤུ་ལོ་ཀ་གསུམ་རྣམས་ནག་ཚོའི་འགྱུར། སྐུ་གསུམ་ལ་བསྟོད་པའི་རང་འགྲེལ་རིན་ཆེན་བཟང་པོའི་འགྱུར། བ་ཚྭའི་ཆུ་ཀླུང་གི་མདོ་ལས་བཏུལ་པ་སེམས་ཅན་མགུ་བར་བྱ་བའི་བསྟོད་པ་ནག་ཆོའི་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་མི་རྟོག་པར་བསྟོད་པ་རྔོག་འགྱུར། བསམ་གྱིས་མི་ཁྱབ་པར་བསྟོད་པ་ཤུ་ལོ་ཀ་ལྔ་བཅུ། བསྟོད་པ་ལས་འདས་པར་བསྟོད་པ་ཤུ་ལོ་ཀ་བཅོ་བརྒྱད། བླ་ན་མེད་པའི་བསྟོད་པ། རྗེ་བཙུན་འཕགས་པ་འཇམ་དཔལ་གྱི་དོན་དམ་པའི་བསྟོད་པ། འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ། གནས་ཆེན་པོ་བརྒྱད་ཀྱི་མཆོད་རྟེན་ལ་བསྟོད་པ་གཉིས། མཛད་པ་བཅུ་ཉིས་ཀྱི་ཚུལ་ལ་བསྟོད་པ། ཕྱག་འཚལ་བའི་བསྟོད་པ། དམྱལ་བ་ནས་འདོན་པའི་བསྟོད་པ། པ་ཚབ་ཀྱི་འགྱུར་ཏེ་བཅུ་དགུ། སངས་རྒྱས་ལ་ནོར་རྒྱུན་མས་བསྟོད་པ་ཉི་མ་རྒྱལ་མཚན་གྱི་འགྱུར། དེ་བཞིན་གཤེགས་པ་ཐམས་ཅད་ལ་བསྟོད་པ། སློབ་དཔོན་དཀོན་མཆོག་འབངས་ཀྱིས་མཛད་པའི་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ལ་བསྟོད་པ། དེ་ཉིད་ཀྱིས་བཅོམ་ལྡན་འདས་ལ་ཡོན་ཏན་མཐའ་ཡས་པར་བསྟོད་པ་ཤུ་ལོ་ཀ་བཞི་བཅུ་དང་། དེའི་འགྲེལ་བ་སློབ་དཔོན་ཕྱོགས་གླང་གིས་མཛད་པ་ཤུ་ལོ་ཀ་སུམ་ཅུ། དོན་བསྡུས་ཚིག་ལེའུར་བྱས་པ་ཤུ་ལོ་ཀ་བཅུ་དང་བཅས་པ་རིན་ཆེན་མཆོག་དང་དཔལ་བརྩེགས་ཀྱི་འགྱུར། སློབ་དཔོན་ཆོས་ཀྱི་གྲགས་པས་མཛད་པའི་སངས་རྒྱས་མྱ་ངན་ལས་འདས་པ་ལ་བསྟོད་པ། སློབ་དཔོན་ཙནྡྲ་གོ་མིས་མཛད་པའི་བཤགས་པའི་བསྟོད་པ་དང་། དེའི་འགྲེལ་པ་སློབ་དཔོན་སངས་རྒྱས་ཞི་བས་མཛད་པ་གཉིས་རིན་ཆེན་བཟང་པོའི་འགྱུར། སློབ་དཔོན་ཕྱོགས་གླང་གིས་མཛད་པའི་འཇམ་དཔལ་གྱི་བསྟོད་པ་ཡང་དག་པའི་འཁོར་ལོ་ཤུ་ལོ་ཀ། སློབ་དཔོན་མི་གཡོ་སེང་གེས་མཛད་པའི་གུར་གུམ་གཞོན་མུའི་བསྟོད་པ་ང་ཆོའི་འགྱུར། སློབ་དཔོན་ཙནྡྲ་གོ་མིས་མཛད་པའི་དབྱངས་མཇིང་ཡོན་གྱི་བསྟོད་པ་བྱིན་རླབས་ཅན། བློ་ལྡན་ཤེས་རབ་དང་། ཆོས་ཀྱི་དབང་ཕྱུག་གི་འགྱུར། སློབ་དཔོན་རྡོ་རྗེ་མཚོན་ཆས་མཛད་པའི་ཡེ་ཤེས་ཡོན་ཏན་བཟང་པོའི་བསྟོད་པ་ཕན་ཡོན་དང་བཅས་པ། པཎྜི་ཏ་རྒྱལ་བའི་སྙན་བཟང་པོས་མཛད་པའི་དེ་བཞིན་གཤེགས་པ་དང་འཇམ་དཔལ་དང་འཇིག་རྟེན་དབང་པོ་དང་སྒྲོལ་མ་བསྟོད་པ་བཞི། ཉི་མ་རྒྱལ་མཚན་གྱི་འགྱུར། སློབ་དཔོན་ཙནྡྲ་གོ་མིས་མཛད་པའི་འཇམ་དཔལ་གྱི་བསྟོད་པ་གཉན་དར་མ་གྲགས་ཀྱི་འགྱུར། སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་འཇམ་དཔལ་གྱི་བསྟོད་པ་ཀློག་སྐྱ་གཞོན་ནུ་འབར་གྱི་འགྱུར། འཇམ་དཔལ་རྣོན་པོ་ལ་བསྟོད་པ། ངག་གི་དབང་ཕྱུག་ལ་བུ་མོ་བརྒྱད་ཀྱིས་བསྟོད་པ། འཇམ་དཔལ་ལ་ཁྱེའུ་བཅུ་དྲུག་གིས་བསྟོད་པ། ཐིག་ལེ་བུམ་པས་མཛད་པའི་ངག་གི་དབང་ཕྱུག་གཙོ་འཁོར་ལྔ་པའི་བསྟོད་པ། འཇིག་རྟེན་དབང་ཕྱུག་གི་བསྟོད་པ་བརྒྱ་པ་སྙན་ངག་མཁན་ཤྲཱི་བཛྲ་དེ་བས་མཛད་པ་རྣམས་ཤོང་རྡོར་རྒྱལ་གྱི་འགྱུར། སློབ་དཔོན་ཐམས་ཅད་མཁྱེན་པའི་བཤེས་གཉེན་གྱིས་མཛད་པའི་སྒྲོལ་མའི་བསྟོད་མ་མེ་ཏོག་ཕྲེང་འཛིན་པ་ཚབ་དང་ཆག་ལོའི་འགྱུར། དེ་ཡི་གེ་བདུན་པར་བཅད་པ་ཟླ་བ་གཞོན་ནུའི་རང་འགྱུར། སློབ་དཔོན་དེས་མཛད་པའི་སྨྲེ་སྔགས་ཀྱི་གསོལ་འདེབས་བྱམས་པའི་དཔལ་གྱི་འགྱུར། སློབ་དཔོན་ཙནྟྲ་གོ་མིས་མཛད་པའི་སྒྲོལ་མའི་བསྟོད་པ་མེ་ཏོག་ཕྲེང་འཛིན་མི་འདྲ་བ་གཉིས་ཡོན་ཏན་དཔལ་དང་བྱམས་པའི་དཔལ་གྱི་འགྱུར། སློབ་དཔོན་མ་ཏི་ཙི་ཏྲས་མཛད་པའི་སྒྲོལ་མའི་བསྟོད་པ་དོན་ཐམས་ཅད་གྲུབ་པ་ཞེས་བྱ་བ་བསྟོད་པའི་རྒྱལ་པོ་སྟེ། བདུན་ཅུ་དོན་བདུན་ནོ། །འདིར་སློབ་དཔོན་མ་ཏི་ཙི་ཏྲས་མཛད་པའི་སངས་རྒྱས་བཅོམ་ལྡན་འདས་ལ་བསྟོད་བ་དད་པ་ལ་སྤོབས་པ་སྐྱེས་པ་ཞེས་བྱ་ལེའུ་ཉི་ཤུ་རྩ་དྲུག་པ་བམ་པོ་གསུམ་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྟོད་པ་སློབ་དཔོན་སྒྲ་གཅན་འཛིན་བཟང་པོས་མཛད་པ་ཤུ་ལོ་ཀ་བཞི་བཅུ་པ་དང་། གསང་བའི་གནས་སུ་བསྟོད་པ་བམ་པོ་གཅིག །དེའི་འགྲེལ་པ་བམ་པོ་གསུམ། སྤྱན་རས་གཟིགས་དབང་ཕྱུག་ལ་རྡོ་རྗེ་འཛིན་རྣམས་ཀྱིས་བསྟོད་པ་དེ་རྣམས་བཙལ་ལོ། །སྨོན་ལམ་དང་བཀྲ་ཤིས་ཀྱི་སྐོར་ལ། སློབ་དཔོན་གཞན་ལ་ཕན་པའི་དབྱངས་དགོན་པ་བས་མཛད་པའི་སྨོན་ལམ་བདུན་ཅུ་པ་ཤུ་ལོ་ཀ་བརྒྱད་ཅུ་རྩ་གཉིས་དཔལ་གྱི་ལྷུན་པོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་བྱང་ཆུབ་འབྱུང་བའི་སྨོན་ལམ། འཕགས་པ་འཇམ་དཔལ་གྱི་སྨོན་ལམ་ཉི་མ་རྒྱལ་མཚན་གྱི་འགྱུར། འདི་བསྟན་འགྱུར་དུ་མ་ཆུད། སློབ་དཔོན་ཙནྟྲ་གོ་མིས་མཛད་པའི་སྨོན་ལམ་ཉི་མ་རྒྱལ་མཚན་གྱི་འགྱུར། ཡང་ཙནྟྲ་གོ་མིས་མཛད་པའི་སྨོན་ལམ་ལྷུག་པ་ཉི་མ་མཚན་གྱི་འགྱུར། སྤྱིན་པའི་རབས་ཀྱི་སྨོན་ལམ་ཤུ་ལོ་ཀ་བརྒྱ། ཡང་སློབ་དཔོན་ཀླུ་སྒྲུབ་ཀྱིས་མཛད་པའི་སྨོན་ལམ་གཅིག །དཔལ་མར་མེ་མཛད་ཡེ་ཤེས་ཀྱིས་མཛད་པའི་རིགས་པའི་སྨོན་ལམ། སློབ་དཔོན་རྟ་དབྱངས་ཀྱིས་མཛད་པའི་བསྔོ་བ་བསྡུས་པ་དཱ་ན་ཤཱི་ལའི་རང་འགྱུར། སློབ་དཔོན་སྣང་བྱེད་ཟླ་བས་མཛད་པའི་སྐུ་གསུམ་དང་དཀོན་མཆོག་གསུམ་གྱི་བཀྲ་ཤིས། དེ་བཞིན་གཤེགས་པ་ལྔའི་བཀྲ་ཤིས། འཕགས་མ་སྒྲོལ་མས་གསུངས་པའི་བཀྲ་ཤིས་བརྒྱད་པ། འདན་མ་ཚུལ་ཁྲིམས་སེང་གེའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་དཀོན་མཆོག་གསུམ་དང་མཛད་པ་བཅུ་གཉིས་ཀྱི་བཀྲ་ཤིས་དང་། སློབ་དཔོན་དེས་མཛད་པའི་བཀྲ་ཤིས་མཚན་མང་གཉིས་ཡེ་ཤེས་སྡེའི་འགྱུར། དཀོན་མཆོག་གསུམ་གྱི་བདེ་ལེགས་ཀྱི་ཚིགས་སུ་བཅད་པ་རིགས་གསུམ་གྱི་བཀྲ་ཤིས་གཉིས། སློབ་དཔོན་བི་མ་ལ་མི་ཏྲས་མཛད་པའི་སྨོན་ལམ་མུ་གཉིས་པ་འདི་བསྟན་འགྱུར་དུ་མ་ཆུད། །དེ་ལྟར་བཅུ་བདུན་ཏེ་རིན་ཆེན་ཕྲེང་བ་དང་སྤྱོད་འཇུག་ལ་སོགས་ནས་ཕྱུང་བ་རྣམས་ནི་དེ་ཉིད་དུ་གཏོགས་པས་ལོགས་སུ་མ་བྱས་སོ། །དེ་ལྟར་སུམ་བརྒྱ་ཉི་ཤུ་རྩ་དགུའོ། །

སྤྱིའི་དགོངས་པ་གསལ་བར་བྱེད་པའི་བསྟན་བཅོས།

གཉིས་པ་བཀའ་སྤྱིའི་དགོངས་པ་གསལ་བར་བྱེད་པའི་བསྟན་བཅོས་ནི། སློབ་དཔོན་ཕྱོགས་གླང་གིས་མཛད་པ་ལ། ཚད་མའི་མདོ་ཀུན་ལས་བཏུས་སེང་གེ་རྒྱལ་མཚན་གྱི་འགྱུར། དེའི་རང་འགྲེལ་མར་ཐུང་དད་པ་ཤེས་རབ་ཀྱི་འགྱུར། དམིགས་པ་བརྟག་པ་ཤུ་ལོ་ཀ་བརྒྱད། དེའི་རང་འགྲེལ་ཤུ་ལོ་ཀ་སུམ་ཅུ་རྩ་གཉིས་པ་དཔལ་བརྩེགས་ཀྱི་འགྱུར། ཚད་མའི་བསྟན་བཅོས་རིགས་པ་ལ་འཇུག་པ་ལྷ་ཆོས་ཀྱི་རིན་ཆེན་གྱི་འགྱུར། དུས་གསུམ་བརྟག་པ་ནག་ཚོའི་འགྱུར། ཕྱོགས་ཆོས་དགུའི་འཁོར་ལོ་ཆོས་ཀྱི་སྣང་བའི་འགྱུར། འདི་ཐེ་ཚོམ་ཟ། སློབ་དཔོན་ཆོས་ཀྱི་གྲགས་པས་མཛད་པ་ལ། ཚད་མ་རྣམ་འགྲེལ་དགེ་བློ་དང་རྔོག་དང་ཀུན་དགའ་རྒྱལ་མཚན་གྱི་འགྱུར། ཚད་མ་རྣམ་ངེས་རྔོག་འགྱུར། རིགས་ཐིག་བམ་པོ་གཅིག་རྔོག་འགྱུར། གཏན་ཚིགས་ཐིགས་པ་ཤུ་ལོ་ཀ་ཉིས་བརྒྱ་པ་དཔལ་བརྩེགས་ཀྱི་འགྱུར། འབྲེལ་བ་བརྟག་པ་བནྡེ་ནམ་མཁའ་དང་ཏིང་ངེ་འཛིན་བཟང་པོའི་འགྱུར། རྒྱུད་གཞན་གྲུབ་པ་ཤུ་ལོ་ཀ་བརྒྱ་དཔལ་བརྩེགས་ཀྱི་འགྱུར། རྩོད་པའི་རིགས་པ་དགེ་བའི་བློ་གྲོས་དང་ཤོང་གི་འགྱུར། རྣམ་འགྲེལ་ལེའུ་དང་པོའི་རང་འགྲེལ་སྟོང་ཕྲག་ཕྱེད་དང་བཞི་པ་དང་། རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་པ་སློབ་དཔོན་ལྷ་དབང་བློས་མཛད་པ་དགེ་བློའི་འགྱུར། འདི་རང་འགྲེལ་དང་བསྡོམས་པ་ལ་ཚད་མ་སྟོང་ཕྲག་བཅུ་གཉིས་པ་ཟེར་རོ། །རང་འགྲེལ་དང་ལྷ་དབང་བློ་གཉིས་ཀའི་འགྲེལ་བཤད་སློབ་དཔོན་ཤཱཀྱ་བློས་མཛད་པ་དགེ་བློའི་འགྱུར། རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་པ་སློབ་དཔོན་ཤེས་རབ་འབྱུང་གནས་སྦས་པས་མཛད་པ་རྣམ་འགྲེལ་གྱི་རྒྱན་བམ་པོ་དྲུག་ཅུ་རྔོག་འགྱུར། རྣམ་འགྲེལ་རྒྱན་གྱི་འགྲེལ་བཤད་སློབ་དཔོན་རྒྱལ་བ་ཅན་གྱིས་མཛད་པ་བམ་པོ་དྲུག་ཅུ་པ་བྱང་ཆུབ་ཤེས་རབ་ཀྱི་འགྱུར། རྣམ་འགྲེལ་རྒྱན་གྱི་ལེའུ་དང་པོའི་འགྲེལ་བཤད་སློབ་དཔོན་ཛ་མ་རིས་མཛད་པ་ཡོངས་སུ་དག་པ་དང་། རྣམ་འགྲེལ་ལེའུ་གཉིས་པ་དང་གསུམ་པའི་འགྲེལ་པ་སློབ་དཔོན་ཉི་མ་སྦས་པས་མཛད་པ་དང་། ཚད་མ་རྣམ་འགྲེལ་བཤད་བྲམ་ཟེ་བདེ་བྱེད་དགའ་བས་མཛད་པ་རྣམ་འགྲེལ་གྱི་རྗེས་སུ་འབྲངས་པ་ཡིན་ཟེར་བ་ཅུང་ཟད་མ་ཚང་བ། ཚད་མ་རྣམ་ངེས་ཀྱི་ཊཱི་ཀྐ་འཐད་ལྡན་སློབ་དཔོན་ཆོས་མཆོག་གིས་མཛད་པ་ཤུ་ལོ་ཀ་སྟོང་ཕྲག་བཅུ་གཉིས་དང་བཞི་བརྒྱ་དྲུག་ཅུ་རྩ་གསུམ་པ་རྔོག་འགྱུར། ཁ་ཆེ་ཛྙཱ་ན་ཤྲཱིས་མཛད་པའི་རྣམ་ངེས་ཀྱི་ཊཱིཀ་ཆོས་ཀྱི་བརྩོན་འགྲུས་ཀྱི་འགྱུར། རིགས་ཐིགས་ཀྱི་རྒྱ་ཆེར་འགྲེལ་པ་སློབ་དཔོན་ཆོས་མཆོག་གིས་མཛད་པ་བམ་པོ་ལྔ་ཆོས་ཀྱི་སྣང་བ་དང་བློ་ལྡན་ཤེས་རབ་གྱི་འགྱུར། སློབ་དཔོན་དུལ་ལྷས་མཛད་པའི་རིགས་ཐིགས་ཀྱི་འགྲེལ་པ་སློབ་མ་ལ་བམ་པོ་གསུམ་པོ་གསུམ་ཡེ་ཤེས་སྡེའི་འགྱུར། སློབ་དཔོན་ཀ་མ་ལ་ཤཱི་ལས་མཛད་པའི་རིགས་པའི་ཐིགས་པའི་ཕྱོགས་སྔ་མ་ཤུ་ལོ་ཀ་བརྒྱ་དང་། གཏན་ཚིགས་ཐིགས་པའི་རྒྱ་ཆེར་འགྲེལ་པ་སློབ་དཔོན་དུལ་ལྷས་མཛད་པ་བམ་པོ་བཅུ་གཉིས་དཔལ་བརྩེགས་ཀྱི་འགྱུར། བྲམ་ཟེ་ཙྪ་ཨ་ཊས་མཛད་པའི་གཏན་ཚིགས་ཐིགས་པའི་རྒྱ་ཆེར་འགྲེལ་པ། འབྲེལ་བ་བརྟག་པའི་རང་འགྲེལ། འབྲེལ་བརྟག་གི་རྒྱ་ཆེར་འགྲེལ་པ་སློབ་དཔོན་དུལ་ལྷས་མཛད་པ་བནྡེ་ནམ་མཁའི་འགྱུར། རྒྱུད་གཞན་གྲུབ་པའི་འགྲེལ་བཤད་སློབ་དཔོན་དུལ་ལྷས་མཛད་པ་བམ་པོ་གཅིག་དང་ཤུ་ལོ་ཀ་བརྒྱ་ལྔ་བཅུ་རྩ་ལྔ་པ། དཔལ་བརྩེགས་ཀྱི་འགྱུར། རྩོད་རིགས་ཀྱི་འགྲེལ་པ་སློབ་དཔོན་དུལ་ལྷས་མཛད་པའི་སྟོད། སློབ་དཔོན་ཞི་བ་འཚོས་མཛད་པའི་རྩོད་རིགས་ཀྱི་འགྲེལ་པ་ཟངས་དཀར་དང་འབྲོ་སེང་དཀར་གྱི་འགྱུར། དམིགས་པ་བརྟག་པའི་འགྲེལ་བཤད་བམ་པོ་གཅིག་དཔལ་བརྩེགས་ཀྱི་འགྱུར། སློབ་དཔོན་ཆོས་མཆོག་གིས་མཛད་པའི་ཚད་མ་བརྟག་པ་ཆེ་ཆུང་གཉིས་རྔོག་འགྱུར། བྲམ་ཟེ་བདེ་བྱེད་དགའ་བའི་འབྲེལ་བ་བརྟག་པའི་རྗེས་འབྲང་ཟུ་དགའ་བ་རྡོ་རྗེའི་འགྱུར། སློབ་དཔོན་དགེ་བསྲུང་གིས་མཛད་པའི་ཕྱི་རོལ་དོན་གྲུབ་བམ་པོ་གཅིག་དཔལ་བརྩེགས་ཀྱི་འགྱུར། ཐམས་ཅད་མཁྱེན་པ་གྲུབ་པ་ཤུ་ལོ་ཀ་ཉིས་བརྒྱ་ལྔ་བཅུ། སློབ་དཔོན་ཆོས་མཆོག་གིས་མཛད་པའི་སྐད་ཅིག་འཇིག་པ་གྲུབ་པ། གཞན་སེལ་གྲུབ་པ་གཉིས། རྔོག་འགྱུར། སྐད་ཅིག་འཇིག་པ་གྲུབ་པའི་འགྲེལ་པ་བྲམ་ཟེ་མུ་ཏིག་བུམ་པས་མཛད་པ་གྲགས་འབྱོར་ཤེས་རབ་ཀྱི་འགྱུར། བྲམ་ཟེའི་གཞན་སེལ་གྲུབ་པ་འབྲེལ་བ་གྲུབ་པ་གཉིས་རྔོག་འགྱུར། སློབ་དཔོན་ཆོས་མཆོག་གིས་མཛད་པའི་འཇིག་རྟེན་ཕ་རོལ་གྲུབ་པ་ཤུ་ལོ་ཀ་བརྒྱ་ལྔ་བཅུ། སློབ་དཔོན་ཤཱནྟི་པས་མཛད་པའི་ནང་གི་ཁྱབ་པ་དང་། ཛྙཱ་ན་ཤྲཱིས་མཛད་པའི་རྒྱུ་འབྲས་གྲུབ་པ་གཉིས། ཤཱཀྱ་འོད་ཀྱི་འགྱུར། སློབ་དཔོན་ཙནྟྲ་གོ་མིས་མཛད་པའི་རིགས་པ་གྲུབ་པའི་སྒྲོན་མ་བཻ་རོ་ཙ་ནའི་འགྱུར། སློབ་དཔོན་ཛེ་ཏཱ་རིས་མཛད་པ་ལ། བྱིས་འཇུག་པའི་ཚད་མ་སུམ་ཅུ་པ་དཔལ་མཆོག་རྡོ་རྗེའི་འགྱུར། ཆོས་དང་ཆོས་ཅན་གཏན་ལ་དབང་པ་གཏན་ཚིགས་ཀྱི་དེ་ཁོ་ན་ཉིད་བསྟན་པ་ཤཱཀྱ་འོད་ཀྱི་འགྱུར། པཎྜི་ཏ་ཛི་ན་མི་ཏྲས་བྱས་པའི་རིགས་པའི་ཐིགས་པའི་དོན་བསྡུས་པ། ཡེ་ཤེས་སྡེའི་འགྱུར། སློབ་དཔོན་དགེ་སྲུང་གིས་མཛད་པ་ལ། ཐོས་པ་བརྟག་པ་བམ་པོ་གཅིག །གཞན་སེལ་བརྟག་པ། དབང་ཕྱུག་འཇིག་པ་གྲུབ་པ་ཤུ་ལོ་ཀ་དྲུག་ཅུ་རྩ་དགུ། བྲམ་ཟེ་རིན་ཆེན་རྡོ་རྗེས་མཛད་པའི་རིགས་པའི་སྦྱོར་བ་ཏིང་ངེ་འཛིན་བཟང་པོའི་འགྱུར། སློབ་དཔོན་ཤཱནྟི་པས་མཛད་པའི་རྣམ་རིག་གྲུབ་པ་ཤཱཀྱ་འོད་དང་ཤེས་རབ་བརྩེགས་ཀྱི་འགྱུར། སློབ་དཔོན་ཞི་བ་འཚོས་མཛད་པའི་ཚད་མའི་དེ་ཁོ་ན་ཉིད་བསྡུས་པ་ལྷ་བླ་མ་ཞི་བ་འོད་ཀྱི་འགྱུར། དེའི་འགྲེལ་པ་སློབ་དཔོན་ཀ་མ་ལ་ཤཱི་ལས་མཛད་པ་སྟོང་ཕྲག་བཅོ་བརྒྱད་པ་གྲགས་འབྱོར་ཤེས་རབ་ཀྱི་འགྱུར། པཎྜི་ཏ་རྒྱལ་དབང་བློས་མཛད་པའི་ཚད་མ་ཀུན་ལས་བཏུས་ཀྱི་འགྲེལ་པ་སྟོང་ཕྲག་དགུ་པ་དཔལ་བློ་བརྟན་གྱི་འགྱུར། འདི་མ་ཆུད། དྲུག་ཅུ་རྩ་གཅིག་གོ། འདིར་ལས་འབྲས་བུའི་འབྲེལ་པ་བརྟག་པ་བམ་པོ་གཉིས། དེའི་འགྲེལ་པ་བམ་པོ་གསུམ། རིགས་པའི་ཐིགས་པའི་ཕྱོགས་བསྡུས་པ་ཤུ་ལོ་ཀ་བརྒྱ་ལྔ་བཅུ། ཐམས་ཅད་མཁྱེན་པ་གྲུབ་པ་ཤུ་ལོ་ཀ་ལྔ་བཅུ། བདག་མེད་པ་གྲུབ་པ་ཤུ་ལོ་ཀ་བདུན་ཅུ་རྩ་གཉིས། འཇིག་རྟེན་ཕ་རོལ་གྲུབ་པའི་འགྲེལ་པ་བམ་པོ་གཅིག །དེ་བཞིན་གཤེགས་པ་བརྟག་པ་གྲུབ་པ་ཤུ་ལོ་ཀ་ཉི་ཤུ་རྩ་གཅིག་པ། སྤྱི་ཐ་དད་མེད་པ་དགག་པ་ཤུ་ལོ་ཀ་ཉི་ཤུ་རྩ་གཅིག །སྤྱི་ཐ་དད་པ་དགག་པ་ཤུ་ལོ་ཀ་བཞི་བཅུ་རྩ་གཉིས། དབུ་མ་བརྟག་པ་ཤུ་ལོ་ཀ་ཉི་ཤུ་རྩ་གཉིས་དེ་རྣམས་བཙལ་བར་བྱའོ། །དེ་དག་བཀའ་སྤྱིའི་དོན་གྱི་ཆ་གསལ་བྱེད་དུ་གྲགས་སོ། །སྒྲའི་བསྟན་བཅོས་ལ་ཚིག་གི་ཆ་གསལ་བྱེད་དུ་གྲགས་པས་དེའི་བསྟན་བཅོས་ལ། སློབ་དཔོན་ཙནྟྲ་གོ་མིས་མཛད་པ་ལ་ལུང་དུ་སྟོན་པ་ཙནྟྲ་པའི་མདོ། །ཉེར་བསྒྱུར་ཉི་ཤུ་པ་རྩ་འགྲེལ། ཡི་གེའི་མདོ། །དེའི་མདོའི་འགྲེལ་པ་སློབ་དཔོན་ཆོས་སྐྱོང་གིས་མཛད་པ་རྣམས་ཉི་མ་རྒྱལ་མཚན་གྱི་འགྱུར། པཎྜི་ཏ་སརྦ་ཝརྨས་མཛད་པའི་སྒྲའི་བསྟན་བཅོས་ཀ་ལཱ་པའི་མདོ། །དེའི་འགྲེལ་པ་སློབ་དཔོན་བགྲོད་དཀའ་སེང་གེས་མཛད་པའི་སྟོད་གཉིས་གྲགས་པ་རྒྱལ་མཚན་གྱི་འགྱུར། སྦྱོར་བའི་སྒོ་རྩ་འགྲེལ། ལྡོག་པ་བསྡུས་པ་རྩ་འགྲེལ། སློབ་དཔོན་སུ་བྷ་ཤ་ཀཱིརྟིས་མཛད་པའི་སྨྲ་བ་ཀུན་ལ་འཇུག་པའི་རྩ་འགྲེལ། སློབ་དཔོན་སེང་གེ་བཟང་པོས་མཛད་པའི་རྣམ་དབྱེའི་ལེའུར་བྱས་བ་ཤོང་སྟོན་གྱི་འགྱུར། སློབ་དཔོན་ཙང་ག་དཱ་པས་མཛད་འགྲེལ་བ་མདོར་བསྟན་དཔང་བློ་བརྟན་གྱི་འགྱུར། སྨྲྀ་ཏི་ཛྙཱ་ན་ཀཱིརྟིས་མཛད་པའི་སྨྲ་བའི་སྒོ་མཚོན་ཆ་ལྟ་བུ་རང་འགྱུར། སྒྲའི་ཡན་ལག་ལྟ་བུར་གྱུར་པ་ལ་པཎྜི་ཏ་འཆི་མེད་སེང་གེས་མཛད་པའི་མངོན་བརྗོད་ཀྱི་བསྟན་བཅོས་འཆི་མེད་མཛོད་དང་། དེའི་འགྲེལ་པ་པཎྜི་ཏ་རབ་འབྱོར་ཟླ་བས་མཛད་པའི་འདོད་འཇོའི་བ་མོ་བསྒྱུར་འཕྲོ་དང་གཉིས་གྲགས་པ་རྒྱལ་མཚན་གྱི་འགྱུར། སྙན་ངག་གི་བསྟན་བཅོས་པཎྜི་ཏ་དབྱུག་པ་ཅན་གྱིས་མཛད་པ་སྙན་ངག་གི་མེ་ལོང་ཤོང་སྟོན་གྱི་འགྱུར། སྡེབ་སྦྱོར་གྱི་བསྟན་བཅོས་རིན་ཆེན་འབྱུང་གནས་ཞི་བས་མཛད་པའི་སྡེབ་སྦྱོར་རིན་ཆེན་འབྱུང་གནས་ར་ས་གཞོན་བརྩོན་དང་གྲགས་པ་རྒྱལ་མཚན་གྱི་འགྱུར་ཏེ་བཅུ་དགུའོ། །འདི་དག་བཀའ་དགོངས་འགྲེལ་དུ་སྨྲ་བ་མང་མོད་ཀྱི་ཁོ་བོ་ནི་དེར་མི་བསམ་མོ། །

ཐོར་བུ་བ་ལུགས་ཀྱི་བསྟན་བཅོས།

གསུམ་པ་ཐོར་བུ་བ་ལུགས་ཀྱི་བསྟན་བཅོས་ལ་སོགས་པ་ལ། ལུགས་ཀྱི་བསྟན་བཅོས་ལ། སློབ་དཔོན་ཀླུ་སྒྲུབ་ཀྱིས་མཛད་པའི་ཤེས་རབ་བརྒྱ་པ་དཔལ་བརྩེགས་ཀྱི་འགྱུར། ཤེས་རབ་སྡོང་བུ་སྐྱེ་བོ་གསོ་བའི་ཐིགས་པ་ཡེ་ཤེས་སྡེའི་འགྱུར། སློབ་དཔོན་ཉི་མ་སྦས་པས་མཛད་པའི་ཚིགས་སུ་བཅད་པའི་མཛོད་དཔལ་གྱི་ལྷུན་པོའི་འགྱུར། བྲམ་ཟེ་མཆོག་སྲེད་ཀྱི་མཛད་པའི་ཚིགས་སུ་བཅད་པ་བརྒྱ་པ་ཆོས་ཀྱི་ཤེས་རབ་ཀྱི་འགྱུར། སྙན་ངག་མཁན་དོན་ཡོད་འཆར་གྱིས་མཛད་པའི་དྲེ་མ་མེད་པའི་དྲིས་ལན་རིན་པོ་ཆེའི་ཕྲེང་བ་དང་། ཙ་ན་ཀ་ལུགས་ཀྱི་བསྟན་བཅོས་གཉིས། རིན་ཆེན་བཟང་པོའི་འགྱུར། མ་སུ་རཀྵའི་ལུགས་ཀྱི་བསྟན་བཅོས་ཤཱཀྱ་བློ་གྲོས་ཀྱི་འགྱུར་ཏེ་བརྒྱད་དང་། གསོ་བ་རིགས་པའི་བསྟན་བཅོས་ལ། སློབ་དཔོན་ཀླུ་སྒྲུབ་ཀྱིས་མཛད་པ་ལ། སྦྱོར་བ་བརྒྱ་པ་ཉི་མ་རྒྱལ་མཚན་གྱི་འགྱུར། སྨན་དཔྱད་འཚོ་བའི་མདོ། །སློབ་དཔོན་རྟ་དབྱངས་ཀྱིས་མཛད་པའི་སྨན་དཔྱད་ཡན་ལག་བརྒྱད་པའི་སྙིང་པོ་བསྡུས་པ་རིན་ཆེན་བཟང་པོའི་འགྱུར། དེའི་རང་འགྲེལ་དུ་གྲགས་པ་ཤཱཀྱ་བློ་གྲོས་ཀྱི་འགྱུར། དེའི་འགྲེལ་ཆེན་ཁ་ཆེ་ཟླ་བ་ལ་དགའ་བ་མཛད་པ་ཚིག་དོན་གྱི་ཟླ་ཟེར་རིན་ཆེན་བཟང་པོའི་འགྱུར། སློབ་དཔོན་ཟླ་བ་ལ་དགའ་བས་མཛད་པའི་ཡན་ལག་བརྒྱད་པ་ལ་སོགས་པའི་སྨན་གྱི་མིང་གི་རྣམ་གྲངས། སྨན་མིང་སྒྲ་སྦྱོར་ངེས་པ་ཐང་ལ་འབར་གྱིས་མཛད་པ་ཉི་མ་རྒྱལ་མཚན་གྱི་འགྱུར་ཏེ་བདུན་དང་། བཟོ་རིག་པའི་བསྟན་བཅོས་ལ་དྲང་སྲོང་ཨ་ཏིའི་བུས་མཛད་པའི་ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་སྐུ་གཟུགས་ཀྱི་མཚན་ཉིད་རྣམ་འགྲེལ་དང་། དྲང་སློང་ཨ་ཏིའི་བུས་མཛད་པའི་སྐུ་གཟུགས་ཀྱི་ཚད་ཀྱི་མཚན་ཉིད་གཉིས་གྲགས་པ་རྒྱལ་མཚན་གྱི་འགྱུར། གྲུབ་ཐོབ་བརྒྱད་ཅུའི་བྲི་ཐབས་དགེ་སློང་དཔལ་གྱི་སྡེས་མཛད་པ་སྟེ་གསུམ་དང་། རྩིས་ཀྱི་གཙུག་ལག་ལ། སློབ་དཔོན་ཀླུ་སྒྲུབ་ཀྱིས་མཛད་པའི་རྟེན་ཅིང་འབྲེལ་པར་འབྱུང་བའི་གཙུག་ལག་གི་དེ་ཁོ་ན་ཉིད་འགོས་ཀྱི་འགྱུར། ཤཱ་རིའི་བུའི་རྩིས་མཚན་མ་བརྒྱད་པ་དང་། ཞི་བ་ལྷའི་རྩིས་གཉིས་ཉི་མ་རྒྱལ་མཚན་གྱི་འགྱུར། བཟའ་དང་སྐར་མ་སྦྱོར་པའི་འབྲས་རྩིས་གྲགས་པ་ཤེས་རབ་ཀྱི་འགྱུར། གཟའ་སྐར་གྱི་རྩིས་འབྲས་ཆེན་མོ། །དབང་ཕྱུག་གི་རྩིས་ཀྱི་རྟེན་འབྲེལ་རྟགས་བརྒྱད་པ། མུ་སྟེགས་ཀྱི་རྒྱུད་དམ་བསྟན་བཅོས་གཡུལ་ལས་རྣམ་པར་རྒྱལ་བ་གློ་བོ་ལོ་ཙྪ་བའི་འགྱུར་ཏེ་བརྒྱད་དང་། སྤོས་སྦྱོར་གྱི་བསྟན་བཅོས་རྩ་འགྲེལ་གཉིས། དྲང་སྲོང་མེས་སྦྱིན་གྱིས་མཛད་པའི་མིའི་མཚན་ཉིད་བརྟག་པ་རྒྱ་མཚོ་གྲགས་པ་རྒྱལ་མཚན་གྱི་འགྱུར། དངུལ་ཆུ་སྒྲུབ་པའི་བསྟན་བཅོས་སློབ་དཔོན་ཆེན་པོ་བྷ་ལི་པས་མཛད་པ་ཨུ་རྒྱན་པ་རིན་ཆེན་དཔལ་གྱི་འགྱུར། འདི་མ་ཆུད་དོ། །གསེར་འགྱུར་གྱི་བསྟན་བཅོས་བསྡུས་པ་མཇུག་མ་ཚང་བ། སློབ་དཔོན་གཟུགས་བཟང་གིས་མཛད་པའི་འདོད་པའི་བསྟན་བཅོས་ཏེ། ཐོར་བུ་བ་སུམ་ཅུ་སོ་གཉིས་སོ། །དེ་ལྟར་ཀུན་དྲིལ་བས་བསྟན་བཅོས་ལྔ་བརྒྱ་བཅུ་དགུའོ། །

སྔགས་ཕྱོགས།

གཉིས་པ་སྔགས་ཕྱོགས་ལ་རྒྱུད་དང་། བསྟན་བཅོས་གཉིས་ལས། རྒྱུད་ལ་རྒྱུད་སྡེ་བཞི་ལས།
བྱ་བའི་རྒྱུད་ལ་འཇམ་དཔལ་གྱི་རྒྱུད་ནི། འཇམ་དཔལ་རྩ་བའི་རྒྱུད་ཤཱཀྱ་བློ་གྲོས་ཀྱི་འགྱུར། དཔལ་བོ་གཅིག་གྲུབ་དགེ་བློ་དང་ཚུལ་ཁྲིམས་རྒྱལ་བའི་འགྱུར། འཇམ་དཔལ་གྱི་ཞལ་ནས་གསུངས་པ་ཤུ་ལོ་ཀ་ཉི་ཤུ་གླུའི་དབང་པོའི་འགྱུར། འཇམ་དཔལ་གྱིས་དམོད་བཙུགས་པ། འཇམ་དཔལ་ཤེས་རབ་བློ་འཕེལ་ཤུ་ལོ་ཀ་ལྔ། འཇམ་དཔལ་ཡི་གེ་འབྲུ་གཅིག་པ། འཇམ་དཔལ་གྱིས་དམ་བཅས་པ། འཇམ་དཔལ་རྣོན་པོ་ལ་སངས་རྒྱས་ཀྱིས་བསྟོད་པ་སྟེ་བརྒྱད་དོ། །འདིར་འཇམ་དཔལ་གྱི་མཚན་བརྒྱ་རྩ་བརྒྱད་པ་ཤུ་ལོ་ཀ་བཞི་བཅུ། འཇམ་དཔལ་གྱི་ཤེས་རབ་བསྐྱེད་པ། མཉྫུ་གྷོ་ཥ། ཝཱ་གཱི་ཤྭ་ར། འཇམ་དཔལ་གྱིས་སྡུག་བསྔལ་ཞི་བྱེད། འཇམ་དཔལ་ལ་ལྷ་མོ་བརྒྱད་ཀྱིས་བསྟོད་པ་འདི་བུ་མོ་བརྒྱད་ཀྱིས་བསྟོད་པ་དང་། གཅིག་མི་གཅིག་བརྟག་སྟེ་དེ་དག་མ་རྙེད་དོ། །སྤྱན་རས་གཟིགས་ཀྱི་རྒྱུད་ལ། རྩ་བའི་རྒྱུད་པད་མའི་དྲ་བ་ཀྱུར་ཚུལ་ཁྲིམས་འོད་ཟེར་གྱི་འགྱུར། བཤད་པའི་རྒྱུད་དོན་ཞགས་པའི་རྟོག་པ་ཆེན་པོ་བསྒྱུར་འཕྲ་བམ་པོ་ཉི་ཤུ་རྩ་དྲུག །དོན་ཡོད་ཞགས་པའི་སྙིང་པོ་ཤུ་ལོ་ཀ་བརྒྱ་སུམ་ཅུ་པ་བ་རི་རིན་ཆེན་གྲགས་ཀྱི་འགྱུར། དོན་ཡོད་ཞགས་པའི་སྙིང་པོའི་གཟུངས། དོན་ཡོད་ཞགས་པའི་ཕ་རོལ་ཏུ་ཕྱིན་དྲུག་ཡོངས་སུ་རྫོགས་པའི་གཟུངས་བློ་ལྡན་ཤེས་རབ་ཀྱི་འགྱུར། དོན་ཡོད་ཞགས་པའི་ས་བཅུ་པའི་གཟུངས། སྤྱན་རས་གཟིགས་ཕྱག་སྟོང་སྤྱན་སྟོང་ཐོགས་པ་མི་མངའ་བའི་གཟུངས་དང་། སྤྱན་རས་གཟིགས་ཡིད་བཞིན་ནོར་བུའི་སྙིང་པོ་ཤུ་ལོ་ཀ་ཉིས་བརྒྱ་བཞི་བཅུ་པ་སྟེ། ཆོས་གྲུབ་ཀྱིས་རྒྱ་ལས་བསྒྱུར་བ། སྤྱན་རས་གཟིགས་ཞལ་བཅུ་གཅིག་པའི་གཟུངས་ཤུ་ལོ་ཀ་ལྔ་བཅུ་རྩ་བཞི། ཞལ་བཅུ་གཅིག་པའི་རིག་སྔགས་ཀྱི་སྙིང་པོ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་བ། པད་མོ་ཅོད་པན་གྱི་རྒྱུད་འགར་ཆོས་བཟངས་ཀྱི་འགྱུར། འཇིག་རྟེན་དབང་ཕྱུག་གི་རྟོག་པ་བ་རིའི་འགྱུར། ཡི་གེ་དྲུག་པའི་རིག་སྔགས་ཤུ་ལོ་ཀ་བཅུ་དགུ། སྤྱན་རས་གཟིགས་ཀུན་ཏུ་བཟང་པོའི་གཟུངས་ཤུ་ལོ་ཀ་ལྔ་བཅུ་རྩ་ཕྱེད་དང་གསུམ་ཡེ་ཤེས་སྡེའི་འགྱུར། ནཱི་ལ་ཀཎྛའི་གཟུངས་ཤུ་ལོ་ཀ་བཞི་བཅུ། ཧ་ཡ་གྲི་བའི་གཟུངས་ཤུ་ལོ་ཀ་སུམ་ཅུ། མེ་ཁ་ལའི་གཟུངས་ཤུ་ལོ་ཀ་ཉིས་བརྒྱ་ཤུ་རྩ་ལྔ། སྤྱན་རས་གཟིགས་ཀྱི་ཡུམ་ཤུ་ལོ་ཀ་སུམ་ཅུ་རྩ་དྲུག་པ་ཡེ་ཤེས་སྡེའི་འགྱུར། སྙིང་རྗེ་མི་བཤོལ་བའི་གཟུངས་སྤྱན་རས་གཟིགས་ཀྱི་གཟུངས། སྤྱན་རས་གཟིགས་ཀྱི་སྙིང་པོ། སེང་གེ་སྒྲའི་རྒྱུད་འགོས་ཀྱི་འགྱུར། སེང་གེ་སྒྲའི་གཟུངས་འགར་ཤེས་རབ་འབྱུང་གནས་ཀྱི་འགྱུར། སེང་གེ་སྒྲས་དམ་བཅས་པའི་གཟུངས་ཤེས་རབ་བརྩེགས་ཀྱི་འགྱུར་ཏེ་ཉེར་བཞིའོ། །འདིར་སྤྱན་རས་གཟིགས་ཡིད་བཞིན་ནོར་བུ་འཁོར་ལོས་བསྒྱུར་བའི་གཟུངས་ཤུ་ལོ་ཀ་བརྒྱ་རྩ་ལྔ། ཧ་ལ་ཧ་ལའི་རྟོག་པ། སྤྱན་རས་གཟིགས་ཀྱི་ཕན་ཡོན་བསམ་གྱིས་མི་ཁྱབ་པ། སྤྱན་རས་གཟིགས་འཁོར་དང་བཅས་པའི་གཟུངས་རྣམས་བཙལ་ལོ། །
ཕྱག་ན་རྡོ་རྗེའི་རྒྱུད་ལ། རྡོ་རྗེ་ས་འོག་གི་རྒྱུད་ལེའུ་ཉི་ཤུ་རྩ་ལྔ་པ་ཀུན་དགའ་རྒྱལ་མཚན་དཔལ་བཟང་པོའི་འགྱུར། རྡོ་རྗེ་ས་འོག་གི་ལེའུ་བཅུ་གསུམ་པ་འཕགས་པ་ཤེས་རབ་ཀྱི་འགྱུར། རྡོ་རྗེ་ས་འོག་ལེའུ་བདུན་པ་དགེ་སློང་བྱའི་གདོང་ཅན་གྱི་འགྱུར། རྡོ་རྗེ་ས་གསུམ་དུ་རྒྱུ་བའི་རྟོག་པ་ར་བྱིད་ལོ་ཙྪ་བའི་འགྱུར། ལག་ན་རྡོ་རྗེའི་གཟུངས་ཆོ་ག་དང་བཅས་པ་རྒྱ་བརྩོན་སེང་གི་འགྱུར། འབྱུང་པོ་འདུལ་བའི་རྒྱུད་ཆོས་ཀྱི་ཤེས་རབ་འགྱུར། འཇིག་རྟེན་གསུམ་འདུལ་རིན་ཆེན་བཟང་པོའི་འགྱུར། རྡོ་རྗེ་གདེངས་པའི་རྒྱུད་ཆོས་ཀྱི་དབང་ཕྱུག་གི་འགྱུར། རྡོ་རྗེ་བདེ་ཁྲོས་ཀྱི་རྒྱུད་ཤེས་རབ་འབྱུང་གནས་ཀྱི་འགྱུར། རྡོ་རྗེ་སྙིང་པོ་མེ་ལྕེ་དབབ་པ་དྷརྨ་གྲགས་ཀྱི་འགྱུར། རྡོ་རྗེ་གཏུམ་པོ་རྩ་བའི་རྒྱུད། རྒྱུད་ཕྱི་མ། ཕྱི་མའི་ཕྱི་མ་རྣམས་ཆོས་ཀྱི་བརྩོན་འགྲུས་ཀྱི་འགྱུར། ལག་ན་རྡོ་རྗེ་རྨི་ལམ་མཐོང་བའི་གཟུངས། ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྡོ་རྗེ་རྣམ་འཇོམས་རྩ་བའི་རྒྱུད་ཤུ་ལོ་ཀ་སུམ་ཅུ་རྩ་ལྔ།
བཤད་པའི་རྒྱུད་ལ། རྡོ་རྗེ་རི་རབ་ཆེན་པོའི་ཁང་བུ་བརྩེགས་པ་ཤུ་ལོ་ཀ་བདུན་བརྒྱ། རྡོ་རྗེ་མི་ཕམ་པ་མེ་ལྟར་རབ་ཏུ་རྨོངས་བྱེད་ཤུ་ལོ་ཀ་བདུན་ཅུ། ལག་ན་རྡོ་རྗེ་བཅུའི་སྙིང་པོ་ཤུ་ལོ་ཀ་ཉི་ཤུ་རྩ་གསུམ་པ་རྣམས་ཡེ་ཤེས་སྡེའི་འགྱུར། རྡོ་རྗེ་ཕྲ་མོ་ཐོགས་པ་མེད་པའི་གཟུངས། རྡོ་རྗེ་མཆུ་བམ་པོ་གཉིས། རྡོ་རྗེ་གནས་ལྕགས་མཆུ། ལྕགས་མཆུ་གཉིས། ལྕགས་མཆུ་ནག་པོ། སོག་མ་མེད་ཀྱི་རྟོགས་པ་རྒྱས་པ། ཤཱཀྱ་བརྩོན་འགྲུས་ཀྱི་འགྱུར། ཕྱག་ན་རྡོ་རྗེའི་རྒྱུད་ཆེན་པ་རིག་པ་མཆོག་བམ་པོ་བཅོ་ལྔ་དཔལ་བརྩེགས་ཀྱི་འགྱུར། ལེགས་པར་གྲུབ་པའི་རྒྱུད་བམ་པོ་བདུན། དཔུང་བཟང་གིས་ཞུས་པ་བམ་པོ་གཅིག་དང་ཤུ་ལོ་ཀ་ལྔ་བཅུ་པ་སྟེ། ཉེར་དགུའོ། །
མི་གཡོ་བའི་རྒྱུད་ནི། མི་གཡོ་བའི་གསང་རྒྱུད་ཆེན་པོ། མི་གཡོ་བ་བརྟུལ་ཕོད་པའི་རྟོག་པ་གླན་དར་མ་བློ་གྲོས་ཀྱི་འགྱུར། མི་གཡོ་བའི་རྟོག་པ་དངོས་གྲུབ་ཐམས་ཅད་འབྱུང་བ་ཆོས་ཀྱི་དབང་ཕྱུག་གི་འགྱུར། མི་གཡོ་བའི་གཟུངས་ཆོས་ཀྱི་བཟང་པོའི་འགྱུར། མི་གཡོ་བའི་གསང་བའི་རྟོག་པ་ལེའུ་ལྔ་པ་སྟེ་ལྔའོ། །སྟོབས་པོ་ཆེའི་གཟུངས་ཤུ་ལོ་ཀ་ཉིས་བརྒྱ་ལྔ་བཅུ། རྡོ་རྗེ་འཇིགས་བྱེད་ཀྱི་གཟུངས་དོན་ཡོད་རྡོ་རྗེའི་འགྱུར། བདུད་རྩི་ཐབ་སྦྱོར་གྱི་སྙིང་པོ་ཤུ་ལོ་ཀ་བཞི་བཅུ། ཁྲོ་བོ་སྨེ་བརྩེགས་ཀྱི་གཟུངས། བགེགས་སེལ་བའི་གཟུངས་ཤུ་ལོ་ཀ་བཅུ། འདིར་དྲང་སྲོང་གིས་ཀླུ་ལ་དམོད་བོར་བའི་གཟུངས། གཤིན་རྗེའི་གཤེད་ཀྱི་རྟོག་པ་ལེའུ་བདུན་པ། ཞལ་དྲུག་པའི་རྟོག་པ་གཉིས་མ་རྙེད་ཟེར་རོ། །འཇིགས་བྱེད་ཀྱི་རྟོག་པ་བདུན་པ་དང་། གདོང་དྲུག་གི་རྒྱུད་ལ་ཟེར་རམ་ཡང་སྙམ་མོ། །རྟ་མགྲིན་གྱི་གཟུངས་ནི་ཧ་ཡ་གྲཱི་བའི་གཟུངས་ཡིན་བས་ཐ་དད་དུ་མི་བསམ་མོ། །
རིག་པའི་ལྷ་མོའི་རྒྱུད་ལ། སྒྲོལ་མའི་རྒྱུད་ནི། ལས་སྣ་ཆོགས་འབྱུང་བ་ཆོས་ཀྱི་བཟང་པོའི་འགྱུར། སྒྲོལ་མའི་མཚན་བརྒྱ་རྩ་བརྒྱད་པ་ཤུ་ལོ་ཀ་ཉིས་བརྒྱ་ཉི་མ་རྒྱལ་མཚན་གྱི་འགྱུར། སྒྲོལ་མས་དམ་བཅས་པའི་གཟུངས། སྒྲོལ་མ་འཇིགས་པ་བརྒྱད་ལས་སྐྱོབ་པ། སྒྲོལ་མ་འཇིགས་པ་བརྒྱད་ལས་སྒྲོལ་བའི་གཟུངས་ཤུ་ལོ་ཀ་བཅུ། སྒྲོལ་མ་ཀུ་རུ་ཀུ་ལེའི་རྟོག་པ་ནག་ཚོའི་འགྱུར། འདི་རྣལ་འབྱོར་ཆེན་པོར་སེམས་སོ། །གཟུངས་གྲ་ལྔའི་སྟོང་ཆེན་རབ་འཇོམས་བམ་པོ་གཉིས་རྨ་བྱ་ཆེན་མོ་ཤུ་ལོ་ཀ་བདུན་བརྒྱ། སོ་སོར་འབྲང་མ་ཤུ་ལོ་ཀ་བཞི་བརྒྱ་བཞི་བཅུ། བསིལ་བའི་ཚལ་ཤུ་ལོ་ཀ་ཉིས་བརྒྱ་བརྒྱད་ཅུ། གསང་སྔགས་རྗེས་སུ་འཛིན་མ་ཤུ་ལོ་ཀ་བརྒྱ་རྩ་བཞི་བཅུ་པ་རྣམས་ཡེ་ཤེས་སྡེའི་འགྱུར། གཙུག་ཏོར་གྱི་སྐོར་ལ། འོད་དཔལ་མེད་ཀྱིས་གསུངས་པའི་འཆི་བདག་གི་དབྱུག་པ་འཛིན་པའི་གཙུག་ཏོར་རྣམ་རྒྱལ། དཔལ་ངན་སོང་ཐམས་ཅད་ཡོངས་སུ་སྦྱོང་བའི་གཙུག་ཏོར་རྣམ་རྒྱལ་ཤུ་ལོ་ཀ་བརྒྱ་ཉི་ཤུ་ཡེ་ཤེས་སྡེའི་འགྱུར། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་རྒྱལ། གཙུག་ཏོར་རྣམ་རྒྱལ་གྱི་གཟུངས་རྟོག་པ་དང་བཅས་པ་ཤུ་ལོ་ཀ་ཉིས་བརྒྱ་ཉི་ཤུ་བ་རིའི་འགྱུར། གཙུག་ཏོར་རྣམ་རྒྱལ་གྱི་གཟུངས་རྟོག་པ་དང་བཅས་པའི་རབ་བྱེད་དང་པོ་ཉི་མ་རྒྱལ་མཚན་གྱི་འགྱུར། གཙུག་ཏོར་གདུགས་དཀར་ཤུ་ལོ་ཀ་བརྒྱ་ཉི་ཤུ། གཙུག་ཏོར་གདུགས་དཀར་མཆོག་ཏུ་གྲུབ་པ་ཟུ་དགའ་རྡོར་གྱི་འགྱུར། ཡང་གཙུག་ཏོར་གདུགས་དཀར་གཉིས་ཀྱི་ལྷ་ཡུལ་མ་ཆུང་བ་ལ་མ་ཧཱ་ཛ་ནའི་རང་འགྱུར། གཙུག་ཏོར་དྲི་མེད་ཤུ་ལོ་ཀ་ཉིས་བརྒྱ་ལྔ་བཅུ་རྩ་ལྔ་ཡེ་ཤེས་སྡེའི་འགྱུར། འོད་ཟེར་ཅན་གྱི་གཟུངས་ཤུ་ལོ་ཀ་ཉི་ཤུ་རྩ་གཉིས་བ་རིའི་འགྱུར། འོད་ཟེར་ཅན་གྱི་རྟོག་པ། འོད་ཟེར་ཅན་འབྱུང་བའི་རྒྱུད་སྟོང་ཕྲག་བཅུ་གཉིས་པ་ལས་འོད་ཟེར་ཅན་གྱི་རྟོག་པ་བརྒྱ་ཕྲག་བདུན་པ་ཕྱུང་བ། རི་ཁྲོད་ལོ་མ་ཅན་ཤུ་ལོ་ཀ་ཉི་ཤུ། རྡོ་རྗེ་ལུ་གུ་རྒྱུད་ཀྱི་རྟོག་པ་ཆོས་ཀྱི་དབང་ཕྱུག་གི་འགྱུར། སྐུལ་བྱེད་མའི་གཟུངས། དུག་སེལ་མའི་རིག་སྔགས་ཤུ་ལོ་ཀ་ཉི་ཤུ་རྩ་ཕྱེད་དང་གསུམ། དབྱིག་དང་ལྡན་པའི་གཟུངས་ཤུ་ལོ་ཀ་སུམ་ཅུ་རྩ་བདུན་ཡེ་ཤེས་སྡེའི་འགྱུར། གྲགས་ལྡན་མའི་གཟུངས། རིག་སྔགས་ཀྱི་རྒྱལ་མོ་སྒྲོལ་མ་མཆོག་ཤུ་ལོ་ཀ་བརྒྱ་བཞི་བཅུ། ལྷ་མོ་བརྒྱད་ཀྱི་གཟུངས་ཤུ་ལོ་ཀ་སུམ་ཅུ་རྩ་གསུམ་པ་ཡེ་ཤེས་སྡེའི་འགྱུར། རྒྱལ་བ་ཅན་གྱི་གཟུངས་ཤུ་ལོ་ཀ་བརྒྱད་ཅུ་རྩ་གཅིག །རིག་སྔགས་ཀྱི་རྒྱལ་མོ་རྨ་བྱའི་ཡང་སྙིང་། ལྷ་མོ་སྒྲ་ལྡན་མ་ལ་བསྟོད་པ། ལྷ་མོ་ཆེན་མོ་དཔལ་ལུང་བསྟན་པ། དཔལ་ཆེན་མོའི་མདོ་ཤུ་ལོ་ཀ་བཅུ་གཅིག་པ་དང་། དཔལ་ལྷ་མོའི་མིང་བཅུ་གཉིས་པ་ཤུ་ལོ་ཀ་བརྒྱ་པ་གཉིས་ཡེ་ཤེས་སྡེའི་འགྱུར། འདིར་གཙུག་ཏོར་ནས་བྱུང་བ་ཐུགས་རྗེ་མཆོག །སངས་རྒྱས་ཐམས་ཅད་ཀྱི་ཡུམ་རི་ཁྲོད་ལོ་མ་ཅན་ཉི་ཤུ་རྩ་བཞི། སྤྱིའི་གཟུངས་རྣམས་བཙལ་ལོ། །རྒྱུད་སྡེ་ཐམས་ཅད་ལ་དགོས་པ་དཀྱིལ་འཁོར་ཐམས་ཅད་ཀྱི་ཆོ་ག་གསང་བ་སྤྱི་རྒྱུད། བསམ་གཏན་ཕྱི་མའི་རིམ་པར་ཕྱེ་བ་ཤུ་ལོ་ཀ་བརྒྱ་རྩ་བཅུ། རབ་གནས་མདོར་བསྡུས་པའི་རྒྱུད་འབྲོ་ཤེས་རབ་གྲགས་ཀྱི་འགྱུར། འདི་རྣལ་འབྱོར་རྒྱུད་དུ་གཏོགས། ནོར་བུ་རྒྱས་པའི་གཞལ་མེད་ཁང་བམ་པོ་གཉིས། དཔལ་གྱི་ལྷུན་པོ་དང་དཔལ་བརྩེགས་ཀྱི་འགྱུར། འཆི་མེད་རྔ་སྒྲའི་གཟུངས། ཚེ་དཔག་མེད་ཀྱི་ཡང་སྙིང་། འོག་མིན་གྱི་ཚེ་དཔག་མེད། བདེ་བ་ཅན་གྱི་ཚེ་དཔག་མེད། ཚེ་དཔག་མེད་ཀྱི་སྙིང་པོ་ཉི་མ་གྲགས་ཀྱི་འགྱུར། ཤཱཀྱ་ཐུབ་པའི་སྙིང་པོ། རྣམ་པར་སྣང་མཛད་ཀྱི་སྙིང་པོ། རྒྱལ་བ་བླ་མའི་གཟུངས། མི་འཁྲུགས་པའི་གཟུངས། བདེ་ལྡན་གྱི་སྙིང་པོ། སངས་རྒྱས་ཀྱི་སྙིང་པོ་ཤུ་ལོ་ཀ་སུམ་ཅུ་རྩ་བརྒྱད། སངས་རྒྱས་ཀྱི་སྙིང་པོའི་ཆོས་ཀྱི་རྣམ་གྲངས་ཤུ་ལོ་ཀ་ལྔ་བཅུ་རྩ་ལྔ། སངས་རྒྱས་ཐམས་ཅད་ཀྱི་ཡན་ལག་དང་ལྡན་ལ་ཤུ་ལོ་ཀ་སུམ་ཅུ་རྩ་ལྔ། ཁ་ཅིག་གིས་འདིར་སངས་རྒྱས་བཅུ་གཉིས་པ། སངས་རྒྱས་བདུན་པ་གཉིས་བྲིས་སོ། །འོན་ཀྱང་མདོའི་ནང་དུ་བཤད་ཟིན་ཏོ། །སྣང་བ་མཐའ་ཡས་ཀྱི་གཟུངས། སྣང་བ་མཐའ་ཡས་རྗེས་སུ་དྲན་པའི་གཟུངས། ཟླ་འོད་ཀྱི་མཚན་རྗེས་སུ་དྲན་པ། དེ་བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པ། རིན་ཆེན་གཙུག་ཏོར་ཅན་གྱི་མཚན་རྗེས་སུ་དྲན་པ། དྲི་མ་མེད་པའི་གཟུངས་ཤུ་ལོ་ཀ་བརྒྱད་ཅུ་རྩྭ་བདུན་ཡེ་ཤེས་སྡེའི་འགྱུར། འཕགས་པ་ཁྱད་པར་ཅན་ཤུ་ལོ་ཀ་བདུན་ཅུ་རྩ་ལྔ་པ་དང་། དཀྱིལ་འཁོར་བརྒྱད་པ་ཤུ་ལོ་ཀ་བདུན་ཅུ་པ་གཉིས་ཡེ་ཤེས་སྡེའི་འགྱུར། སངས་རྒྱས་བཅོམ་ལྡན་འདས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་དང་། དེ་བཞིན་དུ་འཁོར་བྱང་ཆུབ་སེམས་དཔའ་སྤྱན་རས་གཟིགས། བྱམས་པ། ནམ་མཁའི་སྙིང་པོ། ཀུན་ཏུ་བཟང་པོ། ལག་ན་རྡོ་རྗེ། འཇམ་དཔལ། སྒྲིབ་པ་རྣམ་སེལ། སའི་སྙིང་པོ་རྣམས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་བམ་པོ་གཉིས། རྒྱལ་བ་ཐམས་ཅད་ཀྱི་རིང་བསྲེལ་རིན་པོ་ཆེ་ཟ་མ་ཏོག །སྤྱན་རས་གཟིགས་ཀྱི་མཚན་བརྒྱ་རྩ་བརྒྱད་པ་ཤུ་ལོ་ཀ་བཞི་བཅུ། བྱམས་པས་དམ་བཅས་པའི་གཟུངས་ཆོས་ཀྱི་ཤེས་རབ་ཀྱི་འགྱུར། ཆུའི་དབང་པོའི་མཚན་བརྒྱ་རྩ་བརྒྱད་པ་ཤུ་ལོ་ཀ་བཞི་བཅུ། གནོད་གནས་ཀྱི་དབང་པོ་ཇི་ལྟར་འབྱུང་བའི་རྟོག་པ་རྭ་རྡོ་རྗེ་གྲགས་ཀྱི་འགྱུར། གནོད་འཛིན་དཔལ་གྱི་གཟུངས། ཆུ་དབང་སྙིང་རྗེ་ཅན་བདེ་བྱེད་ཀྱི་གཟུངས་ཤུ་ལོ་ཀ་བཅུ། གཟུངས་ཕྲ་མོ་སྣ་ཚོགས་ལ། བཀླགས་པས་འགྲུབ་པ་སོར་མོ་ཅན། ལུས་ཀྱི་དབྱིབས་མཛེས་པ་ཤུ་ལོ་ཀ་བཞི་བཅུ་རྩ་གསུམ་ཡེ་ཤེས་སྡེའི་འགྱུར། བྱང་ཆུབ་སྙིང་པོའི་རྒྱན་འབུམ་ཤུ་ལོ་ཀ་ཉིས་བརྒྱ་ལྔ་བཅུ། མཆོད་རྟེན་གཅིག་བཏབ་ན་བྱེ་བ་བཏབ་པར་འགྱུར་པ་ཤུ་ལོ་ཀ་ཉིས་བརྒྱ་ལྔ་བཅུ། གསང་བ་རིང་བསྲེལ་གྱི་ཟ་མ་ཏོག་ཤུ་ལོ་ཀ་བཞི་བཅུ། ཡངས་པའི་གྲོང་ཁྱེར་དུ་འཇུག་པའི་མདོ་ཤུ་ལོ་ཀ་བརྒྱ། སྣང་བརྒྱད་ཅེས་བྱ་བའི་རིག་སྔགས། ལི་ལས་བསྒྱུར་བ་འདི་འཕང་བང་མར་བཀའ་ཡང་དག་ཏུ་མཛད་མོད་ཀྱི་བརྟག་པའི་གཞིའོ། །སྒོ་བཟང་པོ་ཤུ་ལོ་ཀ་བརྒྱ་རྩ་བཅུ་པ་དང་། ཆོས་ཀྱི་རྒྱལ་མཚན་གཉིས་ཡེ་ཤེས་སྡེའི་འགྱུར། གསེར་ཅན་ཤུ་ལོ་ཀ་ལྔ་བཅུ། སྙིང་རྗེ་མཆོག་ཤུ་ལོ་ཀ་ལྔ་བཅུ། མེ་ཏོག་བརྩེགས་པ་ཤུ་ལོ་ཀ་ལྔ་བཅུ་རྩ་ལྔ། གཟུངས་ཆེན་པོ་ཤུ་ལོ་ཀ་ལྔ་བཅུ་རྩ་བདུན། རྒྱལ་མཚན་རྩེ་མོའི་དཔུང་རྒྱན་ཤུ་ལོ་ཀ་བཞི་བཅུ། སའི་དབང་པོ་ཆེན་པོ་ཤུ་ལོ་ཀ་སུམ་ཅུ་རྩ་ཕྱེད་དང་བརྒྱད། བེ་ཅོན་ཆེན་པོ་ཤུ་ལོ་ཀ་བཞི་བཅུ། ཙན་དན་གྱི་ཡན་ལག་ཤུ་ལོ་ཀ་སུམ་ཅུ་རྩ་དགུ། གཙུག་གི་ནོར་བུ་ཤུ་ལོ་ཀ་བཞི་བཅུ་རྩ་བརྒྱད་དེ་རྣམས་ཡེ་ཤེས་སྡེའི་འགྱུར། ཕྱིར་ཟློག་པ་རྣམ་པར་རྒྱལ་བ་ཅན་ཤུ་ལོ་ཀ་སུམ་ཅུ་རྩ་བདུན། མདངས་ཕྱིར་མི་འཕྲོག་པ་ཤུ་ལོ་ཀ་བཅུ་བདུན། གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཤུ་ལོ་ཀ་སུམ་ཅུ་རྩ་དྲུག །གཞན་གྱིས་མི་ཐུབ་པ་མི་འཇིགས་པ་སྦྱིན་པ་ཤུ་ལོ་ཀ་སུམ་ཅུ་རྩ་བཞི་པ་ཡེ་ཤེས་སྡེའི་འགྱུར། གདོན་མི་ཟ་བའི་གཟུངས། གཞན་གྱིས་མི་ཐུབ་པའི་རིག་པ་ཆེན་མོ། ཐམས་ཅད་ལ་མི་འཇིགས་པ་སྦྱིན་པ་དང་། དབང་བསྐུར་བ་ཤུ་ལོ་ཀ་སུམ་ཅུ་རྩ་གསུམ་པ་གཉིས་ཡེ་ཤེས་སྡེའི་འགྱུར། མིག་རྣམ་པར་སྦྱོང་བ་ཤུ་ལོ་ཀ་སུམ་ཅུ་རྩ་གཉིས་པ། བར་ཆད་རྣམ་པར་སྦྱོང་བ་ཤུ་ལོ་ཀ་ཉི་ཤུ་རྩ་གཅིག་པ་ཡེ་ཤེས་སྡེའི་འགྱུར། འགྲོ་སྡིང་བའི་རིག་སྔགས་ཤུ་ལོ་ཀ་བཞི་བཅུ་རྩ་ལྔ་པ་ཡེ་ཤེས་སྡེའི་འགྱུར། འདི་ལ་ཀློག་ཟློག་ཀྱང་ཟེར། བར་ཆད་ཐམས་ཅད་སེལ་བ། མཆོད་པའི་སྤྲིན་ཤུ་ལོ་ཀ་བཅུ་དྲུག །ཡོན་ཏན་བསྔགས་པ་དཔག་ཏུ་མེད་པ་ཤུ་ལོ་ཀ་བཅོ་ལྔ། ཆོས་ཐམས་ཅད་ཀྱི་ཡུམ་ཤུ་ལོ་ཀ་དགུ། ཕྱིར་ཟློག་པ་སྟོབས་ཅན་ཤུ་ལོ་ཀ་བཅུ་གསུམ། མདངས་ཕྱིར་མི་འཕྲོག་པ་ཤུ་ལོ་ཀ། རིག་སྔགས་ཀྱི་རྒྱལ་མོ་དབུགས་ཆེན་མོ་ཤུ་ལོ་ཀ་བཅུ་བཞི་ཡེ་ཤེས་སྡེའི་འགྱུར། ནད་ཐམས་ཅད་རབ་ཏུ་ཞི་བར་བྱེད་པ་ཤུ་ལོ་ཀ་བཅུ་གསུམ། རིམས་ནད་རབ་ཏུ་ཞི་བར་བྱེད་པ་ཤུ་ལོ་ཀ་བཅུ་གཉིས་ཡེ་ཤེས་སྡེའི་འགྱུར། རིམས་ནད་ཞི་བ། མིག་ནད་རབ་ཏུ་ཞི་བར་བྱེད་པ་ཤུ་ལོ་ཀ་བརྒྱད། འབྲུམ་བུའི་ནད་རབ་ཏུ་ཞི་བར་བྱེད་པའི་གཟུངས་ཤུ་ལོ་ཀ་བཅུ། གཞང་འབྲུམ་རབ་ཏུ་ཞི་བར་བྱེད་པ་ཤུ་ལོ་ཀ་ཉི་ཤུ་རྩ་གཉིས་པ་ཡེ་ཤེས་སྡེའི་འགྱུར། མི་རྒོད་རྣམ་པར་འཇོམས་པ་ཤུ་ལོ་ཀ་བཅོ་ལྔ། བུ་མང་པོ་སྟོན་པ་ཤུ་ལོ་ཀ་བཅུ་གསུམ་ཡེ་ཤེས་སྡེའི་འགྱུར། སྟོང་འགྱུར་གྱི་གཟུངས་ཤུ་ལོ་ཀ་བདུན། ཡེ་ཤེས་ཏ་ལ་ལ་ཤུ་ལོ་ཀ་ཉི་ཤུ། འོད་ཟེར་དྲི་མེད་ཤུ་ལོ་ཀ་བརྒྱད་ཅུ་རྩ་བདུན་པ་དཔལ་གྱི་ལྷུན་པོའི་འགྱུར། ཤེས་པ་ཐམས་ཅད་མཐར་ཕྱིན་པར་གྲུབ་པའི་མཆོད་རྟེན། རྟེན་འབྲེལ་གྱི་ཆོ་ག་ཞིབ་མོ་ཤུ་ལོ་ཀ་བཞི་བཅུ། རྟེན་ཅིང་འབྲེལ་པར་འབྱུང་བ། རྟེན་འབྲེལ་སྙིང་པོ། རིན་པོ་ཆེ་བརྡར་བ། གཙུག་ཏོར་འབར་བ། སྨན་ལ་སྔགས་ཀྱིས་གདབ་པ། བསྐོར་བ་བྱ་བ་གཉིས། ཡོན་ཡོངས་སུ་སྦྱོང་བ་གཉིས། ཐོས་པ་འཛིན་པ། ཤེས་རབ་བསྐྱེད་པ་གསུམ། ཀླུའི་དབང་པོའི་འགྱུར། ཤུ་ལོ་ཀ་བརྒྱ་ལོབས་པ་གཉིས། སྟོང་ལོབས་པ་གསུམ། མི་བརྗེད་པ། ཕྱག་བྱ་བ། གོས་བརྒྱ་ཐོབ་པ། པད་མའི་སྤྱན། ངན་སོང་ཐམས་ཅད་ཡོངས་སུ་སྦྱོང་བ། སྐྲན་ཞི་བ། མ་ཞུ་བའི་ནད་འབྱུང་བ། སྡང་བ་ཐམས་ཅད་རབ་ཏུ་ཞི་བར་བྱེད་པ། སྡིག་པ་ཞི་བར་བྱེད་པ། ཁྲོ་བ་ཞི་བར་བྱེད་བ། ཁྲོ་བ་ཞི་བ། ཚིག་བཙན་པ། བདག་བསྲུང་བ། ཡིད་དུ་འོང་བ། མགྲིན་པ་སྙན་པ། དོན་ཐམས་ཅད་གྲུབ་པ། ལས་གྲུབ་པ། དུག་ཐམས་ཅད་ཞི་བར་བྱེད་པ། བཅིངས་པ་ལས་གྲོལ་བ། བདུད་སྐྲག་པར་བྱེད་པ། རྨ་འབྱོར་བར་བྱེད་པ། མེའི་ཟུག་རྔུ་ཞི་བར་བྱེད་པ། མཁྲིས་པའི་ནད་སེལ་བ། བད་ཀན་གྱི་ནད་སེལ་བ། ཀྵ་ཡའི་ནད་སེལ་བ། རིམས་དང་སྲོག་ཆགས་ཀྱིས་མི་ཚུགས་པ། མཆོག་ཐོབ་པ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། སྟོང་ཕྲག་ཉི་ཤུ་ལྔ་པ། འཕགས་པ་བརྒྱད་སྟོང་པ་རྣམས་ཀྱི་གཟུངས། ཕ་རོལ་ཏུ་ཕྱིན་པ་དྲུག་གི་སྙིང་པོ། ཕ་རོལ་ཏུ་ཕྱིན་པ་དྲུག་གཟུང་བར་འགྱུར་བ། ཕ་རོལ་ཏུ་ཕྱིན་པ་བཅུ་ཐོབ་པར་འགྱུར་བ། ཚད་མེད་པ་བཞི་ཐོབ་པར་འགྱུར་བ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་གཟུང་བར་འགྱུར་བ། ཕལ་པོ་ཆེ་གཟུང་བར་འགྱུར་བ། སྡོང་པོ་བཀོད་པའི་སྙིང་པོ། ཏིང་ངེ་འཛིན་རྒྱལ་པོ་གཟུང་བར་འགྱུར་བ། སོ་སོར་འབྲང་མ་ཆེན་མོ་གཟུང་བར་འགྱུར་བ། ལང་ཀར་གཤེགས་པའི་མདོ་ཐམས་ཅད་བཀླག་པར་འགྱུར་པའི་གཟུངས། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའི་གཟུངས་ལ་སོགས་པ་འདི་དག་མདོ་སྡེའི་ནང་ནས་ཕྱུང་བ་ཡིན་པས་རྒྱུད་དངོས་མ་ཡིན་པ་ཡང་གཟུངས་ཕྱོགས་གཅིག་ཏུ་བྱ་བའི་ཕྱིར་སྔར་གྱི་རྒྱུད་འབུམ་རྣམས་སུ་བྲིས། གཞན་ཡང་གཟུངས་ཕྲན་མང་པོ་དེ་དང་འདྲའོ། །སྤྲིན་ཆེན་པོ་དང་། སྤྲིན་ཆེན་པོ་ཀླུ་ཐམས་ཅད་ཀྱི་སྙིང་པོ་ཡེ་ཤེས་སྡེའི་འགྱུར། ཀླུའི་རྒྱལ་པོ་གཟི་ཅན་གྱིས་ཞུས་པ་ཤུ་ལོ་ཀ་སུམ་ཅུ། ཇོ་བོ་རྗེས་སྤྱན་དྲངས་པའི་ཚོགས་ཀྱི་བདག་པོའི་རྒྱུད་དངོས་གྲུབ་འབྱུང་བ། ཚོགས་ཀྱི་བདག་པོ་སྙིང་པོའི་ཤུ་ལོ་ཀ་བཅུ་དྲུག །ནོར་བུ་བཟང་པོའི་གཟུངས་ཤུ་ལོ་ཀ་བཅོ་ལྔ་ཀླུའི་དབང་པོའི་འགྱུར། ནོར་བུ་བཟང་པོའི་རྟོག་པ་བ་རིའི་འགྱུར། གཟའ་རྣམས་ཀྱི་ཡུམ་ཤུ་ལོ་ཀ་དྲུག་ཅུ། དེའི་གཟུངས། ནོར་གྱི་རྒྱུན་གྱི་གཟུངས་ཤུ་ལོ་ཀ་བརྒྱད་ཅུ་རྩ་དྲུག །ནོར་རྒྱུན་མའི་རྟོག་པ། གར་མཁན་མཆོག་གི་རྟོག་པ་སྔ་ཕྱི་གཉིས་རབ་ཞི་བཤེས་གཉེན་གྱི་འགྱུར། དཔལ་ནག་པོ་ཆེན་པོའི་རྒྱུད་ཕུར་བུ་འོད་ཀྱི་འགྱུར། ནག་པོ་ཆེན་པོའི་གཟུངས་ཤུ་ལོ་ཀ་ཕྱེད་དང་བདུན། ལྷ་མོ་ནག་མོའི་གཟུངས་ཤུ་ལོ་ཀ་བཅུ་གསུམ། ནག་པོ་ཆེན་པོའི་གཟུངས་ཤུ་ལོ་ཀ་བཅུ་གསུམ། ནག་པོ་ཆེན་པོའི་གཟུངས་རིམས་ནད་ཐམས་ཅད་ལས་ཐར་བར་བྱེད་པ་ཡེ་ཤེས་སྡེའི་འགྱུར། ལྷ་མོ་ནག་མོའི་བསྟོད་པ། དེའི་མཚན་བརྒྱ་རྩ་བརྒྱད་པ། རོ་ལངས་བདུན་པའི་གཟུངས་ཤུ་ལོ་ཀ་བརྒྱད་ཅུ་རྩ་དགུ་ཡེ་ཤེས་སྡེའི་འགྱུར། སུ་རཱུ་པའི་གཟུངས་ཤུ་ལོ་ཀ། ཡེ་ཤེས་སྐར་མདའི་སྙིང་པོ། བདུད་རྩི་འབྱུང་བའི་གཟུངས། ཁ་འབར་མ་དབུགས་དབྱུང་བའི་གཏོར་ཆོག་ཤུ་ལོ་ཀ་ཉི་ཤུ། ཡི་དྭགས་ཁ་ནས་མེ་འབར་མ་ལ་སྐྱབས་མཛད་པའི་གཟུངས་ཤུ་ལོ་ཀ་་འཇུར་འགེགས་ལ་ཆུ་སྦྱིན་པའི་གཟུངས་ཤུ་ལོ་ཀ་ཡེ་ཤེས་སྡེའི་འགྱུར། མཆིལ་མ་དང་སྣབས་དང་། ལུས་ཀྱི་དྲི་མ་དང་དྲི་ཆེན་དང་དྲི་ཆུ་རྣམས་ཡི་དྭགས་ལ་སྦྱིན་པའི་གཟུངས་བ་རིའི་འགྱུར། ཆོས་སྤྱོད་ཐམས་ཅད་ཀྱི་མན་ངག་མངོན་པར་རྟོགས་པའི་རྒྱུད་དགེ་ཚུལ་ཁྱུང་གྲགས་ཀྱི་འགྱུར། འདི་རྩོད་པ་ཅན་དུ་གྲགས་ཀྱང་། ནག་ཚོ་ལོ་ཙྪ་བས་རྒྱུད་ཡང་དག་ཏུ་མཛད་པས། ཡང་དག་གོ་ཞེས་ཁ་ཅིག་གོ། འདིར་ཕྱིགས་བཅུའི་སངས་རྒྱས་རྗེས་སུ་དྲན་པའི་གཟུངས། རྡོ་རྗེ་མཆོག་བདེ་བར་བསྒྲགས་པ། བུ་མོ་ཨུ་མ་དེ་བ། འོད་ཟེར་སྒྲུབ་པ། སྙིང་རྗེ་ཆེན་པོའི་རང་བཞིན་གྱི་གཟུངས་བམ་པོ་གཅིག །རིག་སྔགས་ཀྱི་རྒྱལ་མོ་ཀུན་ནས་འོད་ཤུ་ལོ་ཀ་བཞི་བཅུ། ལག་ན་རྡོ་རྗེའི་གསང་བའི་མིང་བརྒྱད་པོ་གསང་སྔགས་ཀྱིས་ཡོངས་སུ་བསྐོར་བ་དང་བཅས་པ་ཤུ་ལོ་ཀ་ཉེར་གཅིག །ནོར་བུ་བཟང་པོའི་སྙིང་པོ་ཤུ་ལོ་ཀ་བཅུ། ཤེས་རབ་ཀྱི་ཕ་རོལ་ཏུ་ཕྱིན་མའི་མཚན་བརྒྱ་རྩ་བརྒྱད་པ་ཤུ་ལོ་ཀ་སུམ་ཅུ། དེ་བཞིན་གཤེགས་པའི་མཚན་བརྒྱ་རྩ་བརྒྱད་པ་ཤུ་ལོ་ཀ་ཉི་ཤུ། ལྷ་མོ་ནོར་རྒྱུན་མའི་མཚན་བརྒྱ་རྩ་བརྒྱད་པ་ཤུ་ལོ་ཀ་ཉི་ཤུ། འདི་རྣམས་བཙལ་ལོ། །འདིར་ཁ་ཅིག་གིས། གསེར་འོད་དམ་པ། རིན་པོ་ཆེའི་ཏོག །དཀོན་མཆོག་ཏ་ལ་ལ། མཚན་མོ་བཟང་པོ། འདུས་པ་ཆེན་པོ། རྡོ་རྗེ་སྙིང་པོ། ཉི་མའི་སྙིང་པོ། ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ཡིན་པ་དང་མཐུན་པ་ལ་སོགས་པ་བྲིས་པ་ནི། ནོར་བ་ཡིན་ཏེ། མདོ་དང་རྒྱུད་མ་འདྲེས་པར་ཕྱེ་བའི་དཀར་ཆག་དག་ཏུ་མདོར་བཤད་པའི་ཕྱིར་རོ། །ཤེར་སྙིང་དང་ཚུལ་བརྒྱ་ལྔ་བཅུ་པའང་ཡིན་མོད་ཀྱི། ཤེར་སྙིང་ལ་སྒྲུབ་ཐབས་ཀླུ་སྒྲུབ་ཀྱིས་མཛད་པ་སྣང་བའི་ཕྱིར་དང་། ཚུལ་བརྒྱ་ལྔ་བཅུ་པ་སྔགས་སུ་འཆད་པའི་འགྲེལ་པ་ཡོད་པས་སྔགས་སུའང་མི་འགལ་ལོ། །གཉིས་པ་སྤྱོད་པའི་རྒྱུད་ནི། རྩ་བའི་རྒྱུད་རྣམ་པར་སྣང་མཛད་མངོན་པར་བྱང་ཆུབ་པ་རྒྱུད་ཕྱི་མ་དང་བཅས་པ་བམ་པོ་དྲུག་དང་ཤུ་ལོ་ཀ་བརྒྱ་ལྔ་བཅུ་དཔལ་བརྩེགས་ཀྱི་འགྱུར། ཕྱག་ན་རྡོ་རྗེ་དབང་བསྐུར་བའི་རྒྱུད་བམ་པོ་བཅུ་གཉིས་ཡེ་ཤེས་སྡེའི་འགྱུར། གཤིན་རྗེའི་གཤེད་ཁྲོ་བོ་རྣམ་པར་རྒྱལ་བ་སྲ་ཁོག་སྣང་རྩ་བའི་རྒྱུད། རྒྱུད་ཕྱི་མ། ཕྱི་མའི་ཕྱི་མ་སྟེ་གསུམ། རིགས་རལ་ན་རེ་འདི་གསུམ་བོད་ཀྱིས་བྱས་ཟེར་བ་མི་བདེན་ཏེ། འགྲེལ་ཏིག་ཁུངས་མ་རྣམས་སུ་འདི་དག་གི་ཚིག་མང་པོ་དྲངས་པའི་ཕྱིར་རོ་ཞེས་ཟེར་ཏེ། བརྟག་པའི་གནས་སོ། །དམ་ཚིག་གསུམ་བཀོད་པའི་རྒྱལ་པོ་ཚུལ་ཁྲིམས་རྒྱལ་བའི་འགྱུར། འདི་རྣམས་བྱ་བ་དང་རྣལ་འབྱོར་གྱི་ཆ་གཉིས་ཀ་དང་ལྡན་པས། གཉིས་ཀའི་རྒྱུད་ཅེས་རིན་ཆེན་བཟང་པོའི་སྔགས་ལོག་སུན་འབྱིན་དུ་བཤད་དོ། །
གསུམ་པ་རྣལ་འབྱོར་གྱི་རྒྱུད་ནི། རྩ་བའི་རྒྱུད་དཔལ་དེ་ཉིད་བསྡུས་པ་རྒྱུད་ཕྱི་མ་དང་བཅས་པ་བམ་པོ་དགུ་རིན་ཆེན་བཟང་པོའི་འགྱུར། བཤད་པའི་རྒྱུད་རྡོ་རྗེ་རྩེ་མོ་གཞོན་ནུ་ཚུལ་ཁྲིམས་ཀྱི་འགྱུར། འཇིག་རྟེན་གསུམ་ལས་རྣམ་པར་རྒྱལ་བའི་རྒྱུད་བམ་པོ་གཉིས། ངན་སོང་སྦྱོང་རྒྱུད་བམ་པོ་གཉིས་རྒྱལ་བ་འཚོ་དང་རིན་ཆེན་མཆོག་གི་འགྱུར། སྦྱོང་རྒྱུད་ཀྱི་བརྟག་པ་ཕྱོགས་གཅིག་པ་ཆག་ཆོས་རྗེ་དཔལ་གྱི་འགྱུར། དཔལ་མཆོག་དང་པོའི་རྒྱུད་དུམ་བུ་བཞི་ཧོར་ཁོར་བསབས་པ་དང་བཅས་པ་རིན་ཆེན་བཟང་པོ་དང་། ལྷ་བླ་མ་ཞི་བ་འོད་ཀྱི་འགྱུར་ཏེ་ཇི་སྐད་དུ། ལོ་ཙྪ་ཆེན་པོ་རིན་ཆེན་བཟང་པོ་ཡིས། །དཔལ་མཆོག་དང་པོའི་རྒྱུད་འདི་བསྒྱུར་བ་ལ། །བར་བར་དཔེ་མ་རྙེད་པར་མ་འགྱུར་ནས། །བདག་གིས་འབད་པས་དཔེ་བཙལ་རྙེད་པས་བསྒྱུར། །ཞེས་འབྱུང་ངོ་། །རྡོ་རྗེ་སྙིང་པོ་རྒྱན་གྱི་རྒྱུད་ཅུང་མ་ཚང་བ་སྐུ་གསུང་ཐུགས་ཀྱི་གསང་བ་རྒྱན་གྱི་བཀོད་པ། གསང་བ་ནོར་བུའི་ཐིག་ལེ་རྣམས་ཀུན་དགའ་རྒྱལ་མཚན་དཔལ་བཟང་པོའི་འགྱུར། རིག་པ་མཆོག་གི་རྒྱུད་འཇམ་དཔལ་སྒྱུ་དྲ་བ་འདིར་མགོན་པོ་ཀུན་སྣང་བཙལ་ལོ། །
བཞི་པ་རྣལ་འབྱོར་ཆེན་པོའི་རྒྱུད་ལ་གསུམ་སྟེ། རྣལ་འབྱོར་ཆེན་པོ་ཐབས་ཀྱི་རྒྱུད། རྣལ་འབྱོར་ཆེན་པོ་བླ་ན་མེད་པ་ཤེས་རབ་ཀྱི་རྒྱུད། ཐབས་ཤེས་རབ་གཉིས་སུ་མེད་པའི་རྒྱུད་དོ། །དང་པོ་ལ་གསང་བ་འདུས་པའི་སྐོར་ལ། རྩ་བའི་རྒྱུད་ལེའུ་བཅུ་བདུན་པ་རིན་ཆེན་བཟང་པོ་དང་ཆོས་རྗེ་དཔལ་གྱི་འགྱུར། རྒྱུད་ཕྱི་མ་ལེའུ་བཅོ་བརྒྱད་པ་རིན་ཆེན་བཟང་པོའི་འགྱུར། བཤད་པའི་རྒྱུད་རྡོ་རྗེ་ཕྲེང་བ་ལྷ་བླ་མ་ཞི་བ་འོད་ཀྱི་འགྱུར། དགོངས་པ་ལུང་སྟོན་རིན་ཆེན་བཟང་པོའི་འགྱུར། ཡེ་ཤེས་རྡོ་རྗེ་ཀུན་ལས་བཏུས་པ་ཁུ་དངོས་གྲུབ་དང་ཚུལ་ཁྲིམས་རྒྱལ་བའི་འགྱུར། ལྷ་མོ་བཞིས་ཞུས་སྨྲྀ་ཏིའི་རང་འགྱུར། །རྡོ་རྗེ་སྙིང་པོ་རྒྱན་གྱི་རྒྱུད་ལྷ་ཡེ་ཤེས་རྒྱལ་མཚན་གྱི་འགྱུར། དཔལ་གསང་བ་འདུས་པའི་བཤད་རྒྱུད་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཆོས་ཀྱི་བློ་གྲོས་ཀྱི་འགྱུར། འདི་ལ་ཆག་ཆོས་རྗེ་དཔལ་ལ་སོགས་པ་བོད་ཀྱི་ལྷད་ཡོད་པར་སྨྲ་སྟེ། གཉིས་མེད་རྣམ་རྒྱལ་གྱི་ལུང་ནཱ་རོ་འགྲེལ་ཆེན་དང་། རིན་ཆེན་བཟང་པོའི་སྔགས་ལོག་སུན་འབྱིན་དུ་དྲངས་པ་རྣམས། འདི་བས་ཆུང་བའི་གཉིས་མེད་རྣམ་རྒྱལ་ཡང་དག་ཅིག་ཡོད་ཀྱི། འདི་རྒྱ་ཕོ་བ་ལུང་བས་སོ་ཞེས་ཟེར་རོ། །ཁ་ཅིག་འདི་ལ་སྨྲྀ་ཏིའི་རང་འགྱུར་ཡོད་པས་འདི་ཡང་དག་ཡིན་ནོ་ཞེས་ཟེར་ཏེ་བརྟག་གོ། ཐམས་ཅད་གསང་བ་རིན་ཆེན་བཟང་པོའི་འགྱུར། འདི་སློབ་དཔོན་ཤཱན་ཏི་བས་རྣལ་འབྱོར་རྒྱུད་དུ་བཀྲལ་བ་ཡིན་ནོ། །ཁ་ཅིག་བླ་མེད་དུ་འདོད་དོ། །གཤིན་རྗེ་གཤེད་ཀྱི་སྐོར་ནི། དགྲ་ནག་གི་རྒྱུད་ཚུལ་ཁྲིམས་རྒྱལ་བ་དང་དར་མ་གྲགས་དང་། རྭ་རྡོ་རྗེ་གྲགས་ཀྱི་འགྱུར། གཤིན་རྗེ་གཤེད་ནག་པོའི་འཁོར་ལོ་ལས་ཐམས་ཅད་གྲུབ་པར་བྱེད་པ་གཞོན་ནུ་གདོང་དྲུག་གི་རྒྱུད། དཔལ་རྡོ་རྗེ་འཇིགས་བྱེད་ཀྱི་རྒྱུད་རྟོག་པ་བདུན་པ་རྡོ་རྗེ་གྲགས་ཀྱི་འགྱུར། འཇིགས་བྱེད་སྐྱོ་ལུགས་པའི་རྟོག་པ་གསུམ་པ་དང་། རྟོག་པ་གཅིག་པ་དང་གསུམ་འདོད་དོ། །གཤིན་རྗེ་གཤེད་དམར་པོའི་རྒྱུད་གྲགས་པ་རྒྱལ་མཚན་དང་ཤོན་བློ་བརྟན་གྱི་འགྱུར། མི་གཡོ་བ་རྣལ་འབྱོར་ཆེན་པོའི་རྒྱུད་གྲགས་པ་རྒྱལ་མཚན་གྱི་འགྱུར། རྣམ་པར་སྣང་མཛད་སྒྱུ་འཕྲུལ་དྲ་བ་རིན་ཆེན་བཟང་པོའི་འགྱུར། ཕྱག་ན་རྡོ་རྗེ་དྲག་པོ་གསུམ་འདུལ་རྩ་བའི་རྒྱུད་དང་རྒྱུད་ཕྱི་མ་གཉིས་འགར་ཆོས་བཟང་གི་འགྱུར། འདི་སློབ་དཔོན་ཛ་བ་རི་པས་རྣལ་འབྱོར་ཆེན་པོར་བཀྲལ་བ་ཡིན་ནོ། །ཕྱག་ན་རྡོ་རྗེ་གསང་བ་བསྟན་པའི་རྒྱུད་དར་མ་གྲགས་ཀྱི་འགྱུར། ཕྱག་ན་རྡོ་རྗེ་བེ་ཅོན་ཅན་གྱི་རྒྱུད། འདི་ཀླུ་སྒྲུབ་ལ་སོགས་པས་རྣལ་འབྱོར་ཆེན་པོར་བཞེད་ཅེས་ཟེར་རོ། །ཕྱག་ན་རྡོ་རྗེ་མེ་ལྕེའི་རྒྱུད་དགེ་ཚུལ་ཁྱུང་གྲགས་ཀྱི་འགྱུར། འདི་འགྲེལ་པ་མཛད་པས་རྣལ་འབྱོར་ཆེན་པོར་བཀྲལ་བས་བོད་མ་ཡིན་ནོ་ཟེར་བ་མི་བདེན་ནོ་ཞེས་ཁ་ཅིག་གོ། རིགས་ཀྱི་འཇིག་རྟེན་མགོན་པོའི་རྒྱུད་གྲགས་པ་རྒྱལ་མཚན་གྱི་འགྱུར། འདི་འགྲེལ་པ་མཛད་པས་རྣལ་འབྱོར་ཆེན་པོར་བཤད་པས་བྱ་བའི་རྒྱུད་དུ་བྱས་པ་ནོར་བ་ཡིན་ནོ། །རལ་པ་གཅིག་པའི་རྒྱུད་ཀྱི་བརྟག་པ་བྱམས་པའི་དཔལ་གྱི་འགྱུར། མགོན་པོ་མངོན་པར་འབྱུང་བ་ཆོས་རབ་ཀྱི་འགྱུར། མགོན་པོ་དངོས་གྲུབ་འབྱུང་བ་འཁོར་ལོ་གྲགས་ཀྱི་འགྱུར་རོ། །གཉིས་པ་ཤེས་རབ་ཀྱི་རྒྱུད་ནི་ཀྱེ་རྡོ་རྗེའི་སྐོར་ལ། རྩ་བའི་རྒྱུད་བརྟག་པ་གཉིས་པ། བཤད་པའི་རྒྱུད་ཐུན་མོང་མ་ཡིན་པ་མཁའ་འགྲོ་མ་རྡོ་རྗེ་གུར། རྒྱུད་མང་པོའི་བཤད་རྒྱུད་ཐུན་མོང་བ་དཔལ་སམ་བུ་ཊ་རྒྱུད་ཕྱི་མ་དང་བཅས་པ་རྣམས་ཤཱཀྱ་ཡེ་ཤེས་ཀྱི་འགྱུར། བདེ་མཆོག་གི་སྐོར་ནི། བདེ་མཆོག་རྩ་རྒྱུས་རིན་ཆེན་བཟང་པོའི་འགྱུར། བཤད་པའི་རྒྱུད་ཨ་བྷི་དྷ་ན་རིན་ཆེན་བཟང་པོ་དང་ཆོས་ཀྱི་བརྩོན་འགྲུས་ཀྱི་འགྱུར། རྡོ་རྗེ་མཁའ་འགྲོ་དང་རྣལ་འབྱོར་མའི་ཀུན་ཏུ་སྤྱོད་པ་གཉིས་འགོས་ཀྱི་འགྱུར། མཁའ་འགྲོ་རྒྱ་མཚོ་དྷརྨ་ཡོན་ཏན་གྱི་འགྱུར། སྡོམ་པ་འབྱུང་བའི་རྒྱུད་སྨོན་ལམ་གྲགས་དང་བློ་བརྟན་གྱི་འགྱུར། ཁྲག་འཐུང་མངོན་པར་འབྱུང་བ་ལ་ཆིངས་ཡོན་ཏན་འབར་གྱི་འགྱུར། བདེ་མཆོག་ནམ་མཁའ་དང་མཉམ་པ་ཡེ་ཤེས་སྡེའི་རང་འགྱུར། གྲགས་པ་ནམ་མཁའ་དང་མཉམ་པ་ཆུང་ངུ་བྱང་ཆུབ་ཤེས་རབ་ཀྱི་འགྱུར། ཕག་མོ་མངོན་པར་འབྱུང་བ་རྩ་བའི་རྒྱུད་དང་རྒྱུད་ཕྱི་མ་གཉིས་གྱི་ཅོ་ཟླ་བའི་འོད་ཟེར་གྱི་འགྱུར། ཕག་མོ་མངོན་པར་བྱང་ཆུབ་པ་བཤད་པའི་རྒྱུད་ཁུ་དངོས་གྲུབ་ཀྱི་འགྱུར། རྣལ་འབྱོར་མ་བཞི་ཁ་སྦྱོར་ཡོན་ཏན་འབར་གྱི་འགྱུར། འབུམ་ཕྲག་གསུམ་པ་ལས་འབྱུང་བའི་རལ་པ་གྱེན་དུ་བརྫིས་པའི་སྒྱུ་མ་ཆེན་མོ་དྷརྨ་ཡོན་ཏན་གྱི་འགྱུར། བདེ་མཆོག་ར་ལིའི་རྒྱུད་ལ། དཔལ་གསང་བ་རྡོ་རྗེ། གསང་བ་གཅོད་པ། གསང་བ་བསམ་གྱིས་མི་ཁྱབ་པ། ནམ་མཁའ་དང་མཉམ་པ། ནམ་མཁའ་ཆེན་པོ། མཁའ་འགྲོ་མ་དྲ་བའི་སྡོམ་པ། རིན་ཆེན་ཕྲེང་བ། དམ་ཚིག་ཆེན་པོ། སྟོབས་པོ་ཆེ། ཡེ་ཤེས་གསང་བ། ཡེ་ཤེས་ཕྲེང་བ། ཡེ་ཤེས་ཟླ་བ། ཟླ་བའི་ཕྲེང་བ། རིན་ཆེན་འབར་བ། ཉི་མའི་འཁོར་ལོ། ཡེ་ཤེས་རྒྱལ་པོ། མཁའ་འགྲོ་གསང་བ། གསང་བ་མེ་འབར། གསང་བ་བདུད་རྩི། དུར་ཁྲོད་རྒྱན། རྡོ་རྗེ་རྒྱལ་པོ། ཡེ་ཤེས་བསམ་པ། ཆགས་པའི་རྒྱལ་པོ། མཁའ་འགྲོ་སྡོམ་པ། མཁའ་འགྲོ་གསང་བ། འཇིགས་བྱེད་རྣམ་འཇོམས། མེའི་ཕྲེང་བ། རྡོ་རྗེ་གྲུབ་པ། དྲ་བ་སྡོམ་པ་སྟོབས་ཆེན་ཡེ་ཤེས་རྒྱལ་པོ། དུར་ཁྲོད་ཀྱི་རྒྱན་རྨད་དུ་བྱུང་བ་རྣམས། ཤཱཀྱ་ཡེ་ཤེས་ཀྱི་འགྱུར། ར་ལི་སུམ་ཅུ་རྩ་གཉིས་སུ་གྲགས་ན་ཡང་། འདི་ལས་གཞན་མ་ཟློས་པ་མི་སྣང་ལ། འདི་དག་ག་ཡ་དྷ་རས་འབྲོག་མི་དང་གཉོས་ལོ་ཙྪ་གཉིས་ཀ་ལ་བཤད་པའི་རྒྱ་དཔེ་ཅན་ཡིན་པས་བོད་ཀྱིས་བྱས་ཟེར་བ་མི་བདེན་ནོ། །ཕྱག་རྒྱ་ཆེན་པོ་ཐིག་ལེ་ཀམ་ཆོས་ཀྱི་ཡེ་ཤེས་དང་ཕྱུགས་མཚམས་དགྲ་བཅོམ་གྱི་འགྱུར། ཆ་མཐུན་སྙིང་པོ་རྣལ་འབྱོར་མའི་རྒྱུད། ཡེ་ཤེས་ཐིག་ལེ། དེ་ཁོ་ན་ཉིད་ཀྱི་སྒྲོན་མ་རྣམས་དཔལ་ཤེས་རབ་གསང་བའི་རང་འགྱུར། སངས་རྒྱས་ཐམས་ཅད་ཀྱི་སྐུ་གསུང་ཐུགས་གསང་བའི་མཛོད་དགེ་བློའི་འགྱུར། འདི་རྣལ་འབྱོར་རྒྱུད་ཡིན་ཏེ་ཤཱན་ཏི་བས་དེར་བཀྲལ་བས་སོ་ཞེས་ཟེར་བ་མི་འཐད་དེ། རྡོ་རྗེ་གུར་ལས། གསང་བ་མཛོད་དང་རྡོ་རྗེ་བདུད་རྩི་ལས་བྱུང་བ་འཁོར་ལོ་བདེ་མཆོག་གུར་དང་ཕུན་སུམ་ཚོགས་པ་རྣམས། རྣལ་འབྱོར་པ་ཡི་རྒྱུད་ཆེན་རྣམས་སུ་གྲགས་པ་ཡིན། ཞེས་པས་སོ། །རྙོག་པ་མེད་པ། རྡོ་རྗེ་ཨཱ་ར་ལི། རི་ཥི་ཨཱ་ར་ལི་རྣམས་ཤཱཀྱ་ཡེ་ཤེས་ཀྱི་འགྱུར། ཕྱག་རྒྱ་ཆེན་པོ་ཐིག་ལེ་ལ་སོགས་པ་འདི་དག་ཀྱཻ་རྡོ་རྗེའི་ཆ་མཐུན་གྱི་རྒྱུད་དུ་ཁ་ཅིག་འདོད་དོ། །དཔལ་སངས་རྒྱས་མཉམ་སྤྱོར་རྩ་བའི་རྒྱུད་དང་། རྒྱུད་ཕྱི་མ་གཉིས་ལྷ་རིན་པོ་ཆེའི་འགྱུར། རྒྱུད་ཕྱི་མའི་ཕྱི་མ་སྨྲྀ་ཏིའི་རང་འགྱུར། རྡོ་རྗེ་གདན་བཞི་རྩ་བའི་རྒྱུད། བཤད་པའི་རྒྱུད། མནྡྲ་ཨཾ་པ། གདན་བཞི་ལས་སྦྱོར་བའི་རབ་ཏུ་བྱེད་པ། མ་ཧཱ་མཱ་ཡའི་རྒྱུད་རྣམས་འགོས་ཀྱི་འགྱུར། རྡོ་རྗེ་བདུད་རྩིའི་རྒྱུད་དང་། སངས་རྒྱས་ཐོད་པའི་རྒྱུད་གཉིས་གྱི་ཅོའི་འགྱུར། འདིར་ཧེ་རུ་ཀ་རོལ་པ་བལ་པོ་ཤྲཱི་ཀཱིརྟིའི་རང་འགྱུར་དེར་བཅུག་མོད་ཀྱི། དེ་ཡང་དག་ཏུ་མི་འདུག་པས་དོར་བར་བྱའོ། །དཔལ་ཟླ་གསང་ཐིག་ལེ་རིན་ཆེན་བཟང་པོའི་འགྱུར། སྒྲོལ་མ་དངོས་གྲུབ་བརྟན་པར་གཟིགས་པའི་རྒྱུད་རྨ་བན་ཆོས་འབར་གྱི་འགྱུར་འདི་རྒྱུད་འབུམ་དུ་མ་ཆུད། སྒྲོལ་མ་ཕྱག་འཚལ་ཉི་ཤུ་རྩ་གཅིག་པ་ཤུ་ལོ་ཀ་ཉི་ཤུ་རྩ་བདུན། འདི་ཉི་མ་སྦས་པས་རྣལ་འབྱོར་ཆེན་པོར་བཤད། དཔལ་དེ་ཁོ་ན་ཉིད་རབ་ཏུ་མི་གནས་པའི་རྒྱུད་ཤུ་ལོ་ཀ་སུམ་བརྒྱ་བརྒྱད་ཅུ་རྩ་གཉིས་པ། དེ་བཞིན་གཤེགས་པ་ཐམས་ཅད་ཀྱི་གསང་བ་གཉིས་སུ་མེད་པའི་རྒྱུད། དེ་བཞིན་གཤེགས་པ་ཐམས་ཅད་ཀྱི་ལྷན་ཅིག་སྐྱེས་པ་བསམ་གྱིས་མི་ཁྱབ་པའི་རྒྱུད་རྣམས་རྣལ་འབྱོར་པ་བསོད་སྙོམས་པ་པྲ་ཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར་ཡིན་ཞེས་པ་འདི་རྣམས་བརྟག་གོ། གསུམ་པ་ཐབས་ཤེས་རབ་གཉིས་སུ་མེད་པའི་རྒྱུད་ནི་་འཇམ་དཔལ་གྱི་མཚན་ཡང་དག་པར་བརྗོད་པ་ཕན་ཡོན་དང་བཅས་པ་བམ་པོ་གཅིག །རིན་ཆེན་བཟང་པོའི་འགྱུར། དུས་ཀྱི་འཁོར་ལོའི་རྩ་བའི་རྒྱུད་ཀྱི་དུམ་བུ་དབང་མདོར་བསྟན་པ་འབྲོ་ཤེས་རབ་གྲགས་ཀྱི་འགྱུར། དུས་ཀྱི་འཁོར་ལོའི་བསྡུས་རྒྱུད་རྭ་ཆོས་རབ་ཀྱི་འགྱུར། སྤྱིར་འདི་ལ་འགྱུར་བཅུ་བཞི་ཡོད། རྒྱུད་ཕྱི་མ་རྒྱུད་ཀྱི་སྙིང་པོ་དར་མ་གྲགས་ཀྱི་འགྱུར། དབང་གི་རབ་ཏུ་བྱེད་པ་འབྲོ་འགྱུར། བཀོལ་བའི་རྒྱུད་ཀྱི་དུམ་བུ་གྱི་ཅོའི་འགྱུར། ཡང་བཀོལ་བའི་རྒྱུད་ལྕེ་སྤྱང་རོལ་པ་དང་། རྡོ་རྗེ་གླུ་གར་དང་། བླ་མའི་ཡོན་ཏན་ཡོངས་སུ་བཟུང་བ་དང་གསུམ། འདི་རྣམས་ཁ་ཅིག་མ་དག་པར་འདོད་དོ། །དེ་ལྟར་རྒྱུད་བཞི་བརྒྱར་གཉིས་ཆད་པ་ཡོད་དོ། །སྔ་འགྱུར་གསང་སྔགས་རྙིང་མ་ནི། ལོ་ཙྪ་བ་ཆེན་པོ་རིན་ཆེན་བཟང་པོ་དང་། ལྷ་བླ་མ་ཡེ་ཤེས་འོད་དང་། ཕོ་བྲང་ཞི་བ་འོད་དང་། འགོས་ཁུག་པ་ལྷས་བཙས་ལ་སོགས་པ་རྣམས། ཡང་དག་པ་མ་ཡིན་པར་སྨྲ་ལ། ཁོ་བོའི་བླ་མ་སྐད་གཉིས་སྨྲ་བ་ཉི་མའི་མཚན་ཅན་དང་རིགས་རལ་ལ་སོགས་པ། བསམ་ཡས་ནས་རྒྱ་དཔེ་རྙེད་པའི་ཕྱིར་དང་། ཕུར་པ་རྩ་བའི་དུམ་བུའི་རྒྱ་དཔེ་བལ་པོར་ཡང་སྣང་བས། རྒྱུད་ཡང་དག་གོ་ཞེས་གསུང་ངོ་། །ཁོ་བོས་ནི། ཡིད་ཀྱི་ཉེས་པ་རང་བཞིན་གདུག་པ་སྟེ། །མི་རིགས་པའི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་འབྱུང་བ་དང་། ཆོས་ཡིན་པ་ལ་མ་ཡིན་ཟེར་བ་དང་། མ་ཡིན་པ་ལ་ཡིན་ཟེར་བ་ལས་འབྲས་མཉམ་པར་བཤད་པས་དང་། ཆོས་ཀྱི་མཚན་ཉིད་གང་ལ་ཡོད་མེད་དག །མི་ཤེས་མཐོང་བ་མེད་པར་རྒྱུ་བཞི་ཡིས། །རྣམ་དབྱེ་སྨྲ་བའི་ཁ་ནི་བདུད་ཀྱིས་ཕྱེ། །ཆོས་ལ་ཉེས་སྨོད་ཐུབ་པའི་གཞུང་ལས་བཀག །ཅེས་ཟེར་བ་བཞིན་དུ། བཏང་སྙོམས་སུ་བཞག་གོ། བློ་དང་ལྡན་པ་རྣམས་ཀྱིས། རྟོན་པ་བཞི་དང་། བརྟག་པ་གསུམ་ལ་བརྟེན་ནས་དཔྱད་པར་བྱའོ། །གཉིས་པ་རྒྱུད་ཀྱི་དགོངས་འགྲེལ་ལ་སོ་སོ་དང་། སྤྱིའི་དགོངས་འགྲེལ་གྱི་དང་པོ་ལ་བཞི་ལས། བྱ་བའི་རྒྱུད་ཀྱི་དགོངས་འགྲེལ་ནི། བྱ་བའི་རྒྱུད་བསམ་གཏན་ཕྱི་མའི་འགྲེལ་པ་སངས་རྒྱས་གསང་བས་མཛད་པ་བམ་པོ་གསུམ་དཔལ་བརྩེགས་ཀྱི་འགྱུར། དཔུང་བཟངས་ཀྱིས་ཞུས་པའི་རྒྱུད་ཀྱི་དོན་བསྡུས་སློབ་དཔོན་སངས་རྒྱས་གསང་བས་མཛད་པ་བམ་པོ་ལྔ་དང་། ཚིག་དོན་བཤད་པའི་བརྗེད་བྱང་བམ་པོ། སློབ་དཔོན་བྱང་ཆུབ་མཆོག་གིས་མཛད་པའི་ལེགས་པར་གྲུབ་པའི་ཐབས་བསྡུས་པ་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པའི་གཙུག་ཏོར་དྲི་མེད་གཟུངས་ཀྱི་འགྲེལ་པ་ཁམས་པ་ཚུལ་ཁྲིམས་བརྩེགས་ཀྱི་འགྱུར། དྲི་མེད་ཀྱི་གཟུངས་བཀླག་ཅིང་མཆོད་རྟེན་གདབ་པའི་ཆོ་ག །སློབ་དཔོན་ཞི་བ་འཚོས་མཛད་པའི་དྲི་མེད་ཀྱི་མཆོད་ཆོག་རྒྱས་པ། སློབ་དཔོན་ཤུ་རིངྒ་ཝརྨས་མཛད་པའི་གཙུག་ཏོར་གདུགས་དཀར་གྱི་འགྲེལ་པ་དང་། གཟུངས་འདོན་པའི་ཆོ་ག་གཉིས་འཕགས་པ་ཤེས་རབ་ཀྱི་འགྱུར། གདུགས་དཀར་གྱི་བསྟོད་པ། སློབ་དཔོན་ཙནྡྲ་གོ་མིས་མཛད་པའི་གདུགས་དཀར་གྱི་སྒྲུབ་ཐབས་འཕགས་པ་ཤེས་རབ་ཀྱི་འགྱུར། བསྲུང་བའི་འཁོར་ལོ། འཁྲུལ་འཁོར་བཅིང་པ། འཆི་བ་ཟློག་པ། བགེགས་བཟློག་པ། དམག་དཔུང་གཞོམ་པ། དངོས་གྲུབ་སྒྲུབ་པ། འཇིགས་པ་ལས་སྐྱོབ་པ། སེར་བ་བསྲུང་བ། ནད་གསོ་བ། གཏོར་མ་གཏང་བ། གཟུངས་ཀྱི་སྒྲུབ་ཐབས་མ་ཧཱ་ཛ་ནའི་རང་འགྱུར། གཟུངས་ཀྱི་ཆོ་ག་འཕགས་པ་ཤེས་རབ་ཀྱི་འགྱུར། གཏོར་ཆོག་རྒྱས་པ་རིན་ཆེན་བཟང་པོའི་འགྱུར། སློབ་དཔོན་རྡོ་རྗེ་རྣོན་པོས་མཛད་པའི་གདུགས་དཀར་གྱི་སྦྱིན་སྲེག །རྡོ་རྗེ་གདན་པས་མཛད་པའི་གདུགས་དཀར་ཅན་གྱི་ཉེ་བར་བཤད་པ་བ་རིའི་འགྱུར། སློབ་དཔོན་གི་རི་ཝ་རྟས་མཛད་པའི་གདུགས་དཀང་ཅན་གྱི་ཆོ་གའི་རིམ་པ། གཙུག་ཏོར་གདུགས་དཀར་ལ་བསྟོད་པ་སློབ་དཔོན་གི་རི་ཝ་རྟས་བྱས་པ། སློབ་དཔོན་ཤཱན་ཏི་པས་མཛད་པའི་སོ་སོར་འབྲང་མའི་འཁོར་ལོ་བྲི་ཐབས། སོ་སོར་འབྲང་མ་ཆེན་མོའི་རིག་པའི་ཆོ་ག་ཉི་མ་རྒྱལ་མཚན་གྱི་འགྱུར། སློབ་དཔོན་ཛེ་ཏཱ་རིས་མཛད་པའི་གྲ་ལྔའི་སྤྱི་སྒྲུབ། ལྷ་མོ་སོ་སོའི་སྒྲུབ་ཐབས་ལྔ། འཁོར་ལོ་བྲི་བའི་ཆོ་ག །ལྷ་མོ་ལྔ་ལ་བསྟོད་པ། སུ་མ་ཏི་ཀཱིརྟིས་མཛད་པའི་གྲ་ལྔའི་ཆོ་ག །གཞན་ཡང་མོ་གཤམ་གྱི་སྲིད་སྒྲུབ། དེ་རྣམས་སྔར་བ་རི་དང་། ཕྱིས་ཉི་མ་རྒྱལ་མཚན་གྱི་འགྱུར། སློབ་དཔོན་ཤཱན་ཏི་པས་མཛད་པའི་བསྲུང་བ་ལྔའི་ཆོ་ག་བཀྲ་ཤིས་རྒྱལ་མཚན་དང་ཆོས་རྗེ་དཔལ་གྱི་འགྱུར། སོ་སོར་འབྲང་མ་ཆེན་མོའི་སྒྲུབ་ཐབས། སློབ་དཔོན་ཡེ་ཤེས་སྙིང་པོས་མཛད་པའི་སྒོ་མཐའ་ཡས་པ་བསྒྲུབ་པའི་གཟུངས་ཀྱི་འགྲེལ་པ་ཚིག་ལེའུར་བྱས་པ་དང་། རྒྱ་ཆེར་འགྲེལ་པ་གཉིས་ཡེ་ཤེས་སྡེ་ལ་སོགས་པའི་འགྱུར། སློབ་དཔོན་ཞི་བ་འཚོས་མཛད་པའི་དེ་བཞིན་གཤེགས་པ་བདུན་གྱི་མཆོད་པའི་ཆོ་ག་རྒྱས་འབྲིང་བསྡུས་གསུམ་འདི་མདོ་སྡེའི་ཕྱོགས་སུ་གཏོགས་པར་སེམས་སོ། །སློབ་དཔོན་སུཾ་བྷ་ཀ་རས་མཛད་པའི་དཔའ་བོ་གཅིག་གྲུབ་ཀྱི་འགྲེལ་པ་དཱ་ན་ཤཱི་ལའི་རང་འགྱུར། པཎྜི་ཏ་མ་ཏིས་མཛད་པའི་འཇམ་དབྱངས་དཀར་པོའི་སྒྲུབ་ཐབས་དང་། བསྐྱེད་རིམ་དང་མཐུན་པར་བསྟོད་པ་གཉིས། གཉན་དར་མ་གྲགས་ཀྱི་འགྱུར། སློབ་དཔོན་ངག་གི་དབང་ཕྱུག་གྲགས་ཀྱིས་མཛད་པའི་འཇམ་དབྱངས་དཀར་པོ་ལ་བསྟོད་པ་གསེར་གྱི་ཕྲེང་བ་ངག་གི་དབང་ཕྱུག་གི་བསྟོད་པ་ཉི་མ་རྒྱལ་མཚན་གྱི་འགྱུར། འཕགས་པ་འཇམ་དཔལ་ལ་ཁྱད་པར་གྱི་བསྟོད་པ་སློབ་དཔོན་ཨ་ན་ན་ཏ་ཤྲཱི་མི་ཏྲས་མཛད་པ་ཆོས་ཀྱི་ཤེས་རབ་ཀྱི་འགྱུར། པཎྜི་ཏ་ཟླ་བ་འབྱུང་གནས་སྦས་པས་མཛད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་བྱམས་པའི་དཔལ་གྱི་འགྱུར། ཤྲདྡྷཱ་ཨ་ཀ་རས་མཛད་པའི་ཨ་ར་པ་ཙ་ནའི་སྒྲུབ་ཐབས། སློབ་དཔོན་མི་ཕམ་བཤེས་གཉེན་གྱིས་མཛད་པའི་ཨ་ར་པ་ཙ་ནའི་སྒྲུབ་ཐབས་ཆོས་རྗེ་དཔལ་གྱི་འགྱུར། ཨ་ར་པ་ཙ་ནའི་མཆོད་པའི་ཆོ་གའོ། །སྤྱན་རས་གཟིགས་ཀྱི་སྐོར་ལ། སློབ་དཔོན་མར་མེ་མཛད་ཡེ་ཤེས་ཀྱིས་མཛད་པའི་ཁར་ས་བཱ་ཎིའི་སྒྲུབ་ཐབས་ཤཱཀྱ་བློ་གྲོས་ཀྱི་འགྱུར། དགེ་སློང་མ་དཔལ་མོས་མཛད་པའི་ཐུགས་རྗེ་ཆེན་པོ་བཅུ་གཅིག་ཞལ་གྱི་སྒྲུབ་ཐབས་རིན་ཆེན་བཟང་པོའི་འགྱུར། འཇིག་རྟེན་དབང་ཕྱུག་ལ་བསྟོད་པ། སྤྱན་རས་གཟིགས་ཀྱི་བསྟོད་པ། སྤྱན་རས་གཟིགས་དབང་ཕྱུག་གི་བསྟོད་པ། ཐུགས་རྗེ་ཆེན་པོ་ལ་བསྟོད་པ་སྟེ་བཞི། དགེ་སློང་མ་དཔལ་མོས་མཛད་པ། དོན་ཡོད་ཞགས་པའི་དཀྱིལ་འཁོར་གྱི་ལྷ་བཅུ་བདུན་ལ་བསྟོད་པ་དྲི་མ་མེད་པའི་འོད། ཐུགས་རྗེ་ཆེན་པོ་ལ་བསྟོད་ཅིང་བསྐུལ་བ་དགེ་བསྙེན་ཟླ་བས་མཛད་པ་འགོས་འགྱུར། སྤྱན་རས་གཟིགས་ཀྱི་བསྟོད་པ་ཙ་ར་པ་ཊི་པས་མཛད་པ་ཉི་མ་རྒྱལ་མཚན་གྱི་འགྱུར། འཇིག་རྟེན་དབང་ཕྱུག་ལ་ཀླུའི་རྒྱལ་པོ་ནོར་རྒྱས་ཀྱིས་བསྟོད་པ་བྱང་འབུམ་གྱི་འགྱུར། ཨེར་པ་ཏིས་མཛད་པའི་དོན་ཞགས་ལྷ་ལྔའི་བསྟོད་པ་བ་རིའི་འགྱུར། ནོར་བུ་གླིང་གི་ཐུགས་རྗེ་ཆེན་པོ་ལྷ་ལྔ་ལ་བསྟོད་པ་སློབ་དཔོན་རྟ་དབྱངས་ཀྱིས་མཛད་བ། སྤྱན་རས་གཟིགས་འཁོར་དང་བཅས་པ་ལ་བསྟོད་པ། འཇིག་རྟེན་དབང་ཕྱུག་གི་བསྟོད་པ་ཡིད་འཕྲོག་སྡིག་འཇོམས་དཱ་ན་ཤཱི་ལའི་རང་འགྱུར། དོན་ཞགས་ལྷ་ལྔའི་བསྟོད་བ་སྟེ་གསུམ་པོ་སློབ་དཔོན་ཙནྡྲ་གོ་མིས་མཛད་པ་དང་། འཕགས་པ་སྤྱན་རས་གཟིགས་ཀྱི་བསྟོད་བ། སྙིང་རྗེ་ལ་བསྟོད་པ་དགེ་བསྙེན་ཀུན་སྦྱིན་གྱིས་མཛད་པ། སློབ་དཔོན་ཟླ་བ་གྲགས་པས་མཛད་བའི་འཇིག་རྟེན་དབང་ཕྱུག་ལ་སྨྲེ་སྔགས་ཀྱིས་གསོལ་བ་བཏབ་པ་བྱིན་རླབས་ཅན། སེང་གེ་སྒྲའི་བསྟོད་པ་སའི་དཔལ་གྱིས་མཛད་པ་ཉི་མ་རྒྱལ་མཚན་གྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་སྤྱན་རས་གཟིགས་ཕྱག་སྟོང་སྤྱན་སྟོང་གི་སྒྲུབ་ཐབས་རིན་ཆེན་བཟང་པོའི་འགྱུར། ཙནྟྲ་གོ་མིས་མཛད་པའི་སེང་གེ་སྒྲའི་སྒྲུབ་ཐབས་དཔྱལ་ཆོས་བཟངས་ཀྱི་འགྱུར། ཇོ་བོ་རྗེས་མཛད་པའི་འཇིག་རྟེན་དབང་ཕྱུག་གི་སྒྲུབ་ཐབས། སློབ་དཔོན་ཀླུ་སྒྲུབ་ཀྱིས་མཛད་པའི་ཐུགས་རྗེ་ཆེན་པོའི་སྒྲུབ་ཐབས་ཡིད་བཞིན་ནོར་བུ་རྒྱལ་བ་མཆོག་དབྱངས་ཀྱི་འགྱུར། ཁར་ས་པཱ་ནིའི་སྒྲུབ་ཐབས་མི་འདྲ་བ་གཉིས་མི་ཕམ་བཤེས་གཉེན་གྱིས་མཛད་པ་བྱམས་པའི་དཔལ་གྱི་འགྱུར། འདི་གཉིས་བསྟན་འགྱུར་དུ་མ་ཆུད། པཎྜི་ཏ་ཨ་ཛི་ཏ་མི་ཏྲ་གུཔྟས་མཛད་པའི་བདེ་བར་གཤེགས་པའི་བསྟན་པ་རིན་པོ་ཆེའི་གྲུ་བོ་བྱམས་པའི་དཔལ་གྱི་འགྱུར། དེའི་ཕྱོགས་མཐུན་ཁྲོ་བོ་ནི། སློབ་དཔོན་ཙནྟྲ་གོ་མིས་མཛད་པའི་རྟ་མགྲིན་གྱི་སྒྲུབ་ཐབས། སློབ་དཔོན་པྲ་བྷ་ཀ་རས་མཛད་པའི་རྒྱུད་ཐམས་ཅད་ཀྱི་སྙིང་པོ་བླ་ན་མེད་པའི་རྟ་མགྲིན་གྱི་སྒྲུབ་ཐབས་གཉིས་ཉི་མ་རྒྱལ་མཚན་གྱི་འགྱུར། རྟོག་པ་བདུན་བརྒྱ་པ་ནས་འབྱུང་བའི་རྟ་མགྲིན་གྱི་སྒྲུབ་ཐབས་བྱམས་པའི་དཔལ་གྱི་འགྱུར། ཇོ་བོ་རྗེས་མཛད་པའི་རྟ་མགྲིན་པད་མ་ཕྱག་དྲུག་པ་དང་། ཕྱག་བཞི་པ་གཉིས། ཕྱག་ན་རྡོ་རྗེའི་སྐོར་ལ། མདོ་ལུགས་སུ་གྲགས་པ་ལ། སློབ་དཔོན་ཀླུ་སྒྲུབ་ཀྱིས་མཛད་པའི་གཟུངས་ཀྱི་འགྲེལ་པ་དེ་ཁོ་ན་ཉིད་གསལ་བར་བྱེད་པའི་སྒྲོན་མ། དངོས་གྲུབ་ཉེ་བར་བྱེད་པའི་སྒྲོལ་མ། དངོས་གྲུབ་ཉེ་བར་བྱེད་པ་མཆོད་རྟེན་སྔོན་པོའི་ཆོ་ག །གནོད་པ་སེལ་བའི་བདུད་རྩི། རྡོ་རྗེ་བྱབས་པའི་ལས་ཚོགས། ཡན་ལག་བདུན་པའི་སྒྲུབ་ཐབས་རྣམས་རྒྱ་བརྩོན་སེང་གི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པ་ལ། སྒྲུབ་ཐབས་ཆེན་པོ་ལྷ་དགུ་མ། དཔའ་བོ་གཅིག་པའི་སྒྲུབ་ཐབས། གཟུངས་ཀྱི་སྒྲུབ་ཐབས། འཁོར་ལོའི་མན་ངག །གཏོར་མའི་ཆོ་ག །སྡེ་དཔོན་བཞིའི་སྒྲུབ་ཐབས། དོན་འགྲལ་སྒྲོན་མ། སྒྲུབ་པའི་རིམ་པ། བུམ་པའི་ཆོ་ག །དེ་ཁོ་ན་ཉིད་སྒྲོན་མ་སྒྲུབ་པའི་མན་ངག །ལས་ཚོགས་བསྡུས་པ། མཁའ་ལྡིང་རྒྱལ་པོའི་སྒྲུབ་ཐབས། དེ་རྣམས་བརྩོན་འགྲུས་སེང་གིའི་འགྱུར། སློབ་དཔོན་བཱིརྱ་ཙནྡྲས་མཛད་པའི་ཕྱག་རྡོར་གྱི་བསྟོད་པ། ཡང་དེས་མཛད་ཟེར་བའི་ཕྱག་ན་རྡོ་རྗེ་མདོ་ལུགས་ཀྱི་ལག་ཏུ་བླང་བའི་སྒྲུབ་ཐབས་ལ་སོགས་པ་གསུམ། ཕྱག་ན་རྡོ་རྗེ་ལ་བསྟོད་པ་སློབ་དཔོན་ཀླུ་སྒྲུབ་ཀྱིས་མཛད་པའི་ཚིགས་བཅད་དྲུག་པ། སློབ་དཔོན་ངག་གི་དབང་ཕྱུག་གྲགས་པས་མཛད་པའི་བསྟོད་པ། ཇོ་བོ་རྗེས་མཛད་པའི་བསྟོད་པ་བཙོན་སེང་གི་འགྱུར། ཕྱག་ན་རྡོ་རྗེའི་བསྟོད་པ། མདོ་ལུགས་ཆ་ལག་མ་ཆང་བ་འགའ་ཞིག །རྒྱ་གཞུང་ཡིན་མིན་ཐེ་ཚོམ་ཟ་བར་སྣང་། སློབ་དཔོན་ཤྲདྡྷཱ་ཀ་རས་མཛད་པའི་ཕྱག་རྡོར་གྱི་སྒྲུབ་ཐབས། སློབ་དཔོན་སྟོང་ཉིད་ཏིང་ངེ་འཛིན་གྱིས་མཛད་པའི་ཕྱག་རྡོར་གྱི་སྒྲུབ་ཐབས་བ་རིའི་འགྱུར། སློབ་དཔོན་ངག་དབང་གྲགས་པས་མཛད་པའི་ཕྱག་ན་རྡོ་རྗེ་གོས་དཀར་ཅན་གྱི་སྒྲུབ་ཐབས། རིན་ཆེན་བཟང་པོའི་འགྱུར། སློབ་དཔོན་སངས་རྒྱས་གསང་བས་མཛད་པའི་ཕྱག་ན་རྡོ་རྗེའི་དཀྱིལ་འཁོར་གྱི་ཆོ་ག་མདོར་བསྡུས་པ་དཔལ་བརྩེགས་ཀྱི་འགྱུར། སྒྲུབ་པའི་ཐབས་འཇམ་དཔལ་གོ་ཆའི་འགྱུར། སློབ་དཔོན་ཀརྨ་ཝརྨས་མཛད་པའི་ཕྱག་རྡོར་གོས་སྔོན་ཅན་གྱི་གཟུངས་ཀྱི་འགྲེལ་པ་དང་། རིག་སྔགས་གཏད་པའི་ཆོ་ག་གཉིས་ནག་ཚོའི་འགྱུར། སློབ་དཔོན་ཉིན་མཛད་རྡོ་རྗེས་མཛད་པའི་ཕྱག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་ཡིད་བཞིན་ནོར་བུ་ཤྲཱི་ཀུ་མཱ་ར་ཀ་ལ་ཤུའི་རང་འགྱུར། སློབ་དཔོན་ཡེ་ཤེས་དཔལ་གྱི་རྡོ་རྗེ་སྙིང་པོའི་མན་ངག་སློབ་དཔོན་ཀླུ་སྒྲུབ་ཀྱིས་མཛད་པའི་ཕྱག་ན་རྡོ་རྗེ་གཏུམ་པོ་ལྷ་ལྔའི་དཀྱིལ་ཆོག་ལས་ཚོགས་ཡན་ལག་བརྒྱད་པ་རྣམས་སོ། །ཕྱོགས་མཐུན་རྣམ་འཇོམས་ཀྱི་སྐོར་ལ། སློབ་དཔོན་ས་ཝ་རི་པས་མཛད་པའི་རྡོ་རྗེ་རྣམ་པར་འཇོམས་པའི་གཟུངས་ཀྱི་འགྲེལ་པ་རིན་པོ་ཆེའི་ཕྲེང་བ། དཀྱིལ་མཆོག་རིན་ཆེན་སྣང་བ། རྡོ་རྗེ་ཁྲོ་བོས་གསད་པའི་ཕྲིན་ལས། རྣམ་འཇོམས་གཏུམ་པོའི་སྒྲུབ་ཐབས། བྲམ་ཟེ་པ་ར་མ་ཏིས་མཛད་པའི་སྦྱིན་སྲེག །སློབ་དཔོན་ཨ་མོ་པ་ནཱ་ཏས་མཛད་པའི་རྣམ་འཇོམས་གཏུམ་པོའི་སྒྲུབ་ཐབས་ཏེ་དྲུག །འགར་ཆོས་ཀྱི་བཟང་པོའི་འགྱུར། སློབ་དཔོན་བོ་དྷི་ས་ཏྭས་མཛད་པའི་རྣམ་འཇོམས་འགྲེལ་པ་དཔལ་བརྩིགས་ཀྱི་འགྱུར། སློབ་དཔོན་བི་མ་ལ་མི་ཏྲས་མཛད་པའི་རྣམ་འཇོམས་ཀྱི་དོན་བཤད་དང་རྒྱ་ཆེར་འགྲེལ་གཉིས། རྡོ་རྗེ་རྣམ་པར་འཇོམས་པའི་གཟུངས་ཀྱི་དོན་བཤད་པ། སློབ་དཔོན་བདེ་བའི་མྱུ་གུས་མཛད་པ། སློབ་དཔོན་པད་མས་མཛད་པའི་རྡོ་རྗེ་རྣམ་འཇོམས་ཀྱི་འགྲེལ་པ་རྡོ་རྗེ་སྒྲོན་མ། སློབ་དཔོན་རྡོ་རྗེ་གོ་ཆས་མཛད་པའི་རྡོ་རྗེ་རྣམ་འཇོམས་ཀྱི་འགྲེལ་པ་རིན་ཆེན་བཟང་པོའི་འགྱུར། དེས་མཛད་པའི་ཁྲུས་ཆོག་གི་འགྲེལ་པ་ལས་ཀྱི་མཐའ་བཅོ་བརྒྱད་པའི་མན་ངག །སྨྲྀ་ཏིས་མཛད་པའི་རྣམ་འཇོམས་ཀྱི་འགྲེལ་པ་དང་། གཟུངས་ཀྱི་མན་ངག་གཉིས་དེ་ཉིད་ཀྱི་རང་འགྱུར། སློབ་དཔོན་ཤུ་རཾ་ག་ཝ་རྨ་བཛྲས་མཛད་པའི་རྣམ་འཇོམས་དཀྱིལ་འཁོར་དྲུག་གི་ཆོ་ག་རིན་པོ་ཆེའི་མིག་ཐུར། སློབ་དཔོན་བྱང་ཆུབ་སྙིང་པོས་མཛད་པའི་ཁྲུས་མཆོག །སློབ་དཔོན་ཙནྟྲ་གོ་མིས་མཛད་པའི་རྣམ་འཇོམས་ཀྱི་སྒྲུབ་ཐབས་མདོང་བསྡུས། བྲམ་ཟེ་ཛ་ཡ་ཝརྨས་མཛད་པའི་རྣམ་འཇོམས་དཀྱིལ་ཆོག །བྲམ་ཟེ་གང་གཱ་དྷ་རས་མཛད་པའི་རྣམ་འཇོམས་སྒྲུབ་ཐབས། རབ་ཞི་བཤེས་གཉེན་གྱི་འགྱུར། བྲམ་ཟེ་པཱ་ཎི་བཛྲས་མཛད་པའི་རྣམ་འཇོམས་སྒྲུབ་ཐབས། བསྟོད་པ། བུམ་ཆོག་ཞི་བའི་སྦྱིན་སྲེག །གཏོར་ཆོག །ལས་བཞི་བསྒྲུབ་པའི་ཆོ་ག །པཎྜི་ཏ་ཛྙཱ་ན་ཤྲཱིའི་རྣམ་འཇོམས་བསྒྲུབ་པའི་སྦྱིན་སྲེག །འཁོར་ལོའི་ཆོ་ག་ལ་སོགས་པ་རབ་ཞི་བཤེས་གཉེན་གྱི་འགྱུར། སློབ་དཔོན་གཞོན་ནུའི་སྡེས་མཛད་པའི་རྣམ་འཇོམས་སྒྲུབ་ཐབས་ཆོ་ག་ཞིབ་མོ། སློབ་དཔོན་སངས་རྒྱས་གསང་བས་མཛད་པའི་རྣམ་འཇོམས་འགྲེལ་པ་རིན་ཆེན་གསལ་བ། སྒྲུབ་ཐབས་དཔའ་བོ་གཅིག་པ། གཏོར་མ་རྣམས་འཇམ་དཔལ་གོ་ཆ་དང་བསོད་ནམས་མོས་པའི་འགྱུར། སློབ་དཔོན་ཡེ་ཤེས་རྡོ་རྗེས་མཛད་པའི་སྒྲུབ་ཐབས། ཁྲུས་མཆོག །དཀྱིལ་ཆོག །སློབ་དཔོན་མར་མེ་མཛད་བཟང་པོ་དང་། པདྨ་དང་། ཡེ་ཤེས་རྡོ་རྗེ་ལ་སོགས་པས་མཛད་ཟེར་བའི་རྣམ་འཇོམས་སྒྲུབ་ཐབས་བརྒྱ་རྩ་རྣམས་དང་། རྣམ་འཇོམས་ཀྱི་འགྲེལ་པ་སློབ་དཔོན་པྲ་ཏི་ཝ་ན་ཙནྡྲས་ཁྲོ་བོ་རྣམ་པར་རྒྱལ་བའི་རྒྱུད་སྟོང་ཕྲག་བཅུ་གཉིས་པ་ནས་བཏུས་པའི་འགྲེལ་པ་རྣམས་སོ། །ཆོས་སྤྱོད་ཐམས་ཅད་ཀྱི་མན་ངག་གི་མངོན་པར་རྟོགས་པའི་འགྲེལ་པ་གཟི་བརྗིད་སྣང་བ་དགེ་ཚུལ་ཁྱུང་གྲགས་ཀྱི་འགྱུར། འདི་རྩོད་པ་ཅན་ཟེར། སློབ་དཔོན་ཛེ་ཏཱ་རི་པས་མཛད་པའི་མི་གཡོ་བའི་སྒྲུབ་ཐབས་གཞོན་ནུ་འབར་གྱི་འགྱུར། མི་གཡོ་བ་དཀར་པོའི་སྒྲུབ་ཐབས་ཚིགས་བཅད་དྲུག་པ་དང་། ལྷུག་པ་གཉིས་དཱ་ན་ཤཱི་ལའི་རང་འགྱུར། ཇོ་བོ་རྗེས་མཛད་པའི་མི་འཁྲུགས་པའི་སྐོར་བཞི་ལ་དཀྱིལ་ཆོག་རིན་ཆེན་བཟང་པོའི་འགྱུར། སྒྲུབ་ཐབས་རྒྱས་པ་དང་བསྡུས་པ་གཉིས་ནག་ཚོའི་འགྱུར། སྦྱིན་སྲེག་གི་ཆོ་གའོ། །སློབ་དཔོན་དཔའ་བོ་རྡོ་རྗེས་མཛད་པའི་མི་འཁྲུགས་པའི་ཆོ་ག །སློབ་དཔོན་ཛེ་ཏཱ་རི་པས་མཛད་པའི་མི་འཁྲུགས་པའི་སྒྲུབ་ཐབས་གཉན་གྱི་འགྱུར། ཇོ་བོ་རྗེས་མཛད་པའི་ཁྲོ་བོའི་རྒྱལ་པོ་མི་གཡོ་བ་ལ་བསྟོད་པ་གཉིས་ནག་ཚོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་སྒྲོལ་མ་སྤྱིའི་སྒྲུབ་ཐབས་གཉན་གྱི་འགྱུར། དེས་མཛད་པའི་སེང་ལྡེང་ནགས་ཀྱི་སྒྲོལ་མའི་སྒྲུབ་ཐབས་རྣམ་པར་སྣང་མཛད་རྡོ་རྗེའི་རང་འགྱུར། སྒྲོལ་མའི་བསྟོད་པ་སློབ་དཔོན་ཀླུ་སྒྲུབ་ཀྱིས་མཛད་པ། སེང་ལྡེང་ནགས་ཀྱི་སྒྲོལ་མའི་བསྟོད་པ་ཚིགས་བཅད་བཅུ་དྲུག་པ། སློབ་དཔོན་ཙནྟྲ་གོ་མིས་མཛད་པ་ལ། སྒྲོལ་མ་འཇིགས་པ་བརྒྱད་སྐྱོབ་ཀྱི་སྒྲུབ་ཐབས་ནག་ཚོ་དང་བློ་གྲོས་གྲགས་ཀྱི་འགྱུར། དཔལ་ཆེན་མོ་སྒྲོལ་མ་ལ་བསྟོད་པ་ཉི་མ་རྒྱལ་མཚན་གྱི་འགྱུར། འཇིགས་པ་བརྒྱད་ལས་སྐྱོབ་པར་བསྟོད་པ་རྒྱས་བསྡུས་གཉིས་ཏེ་དྲུག །ཙནྟྲ་གོ་མིས་མཛད། སློབ་དཔོན་ཀླུ་སྒྲུབ་ཀྱིས་མཛད་པའི་སྒྲོལ་མ་ལྷ་ལྔའི་སྒྲུབ་ཐབས་དྷརྨ་ཡོན་ཏན་གྱི་འགྱུར། འདི་བསྟན་འགྱུར་དུ་མ་ཆུད། ཤཱཀྱ་ཤྲཱིས་མཛད་པའི་སྒྲོལ་མ་དཀར་མོའི་སྒྲུབ་ཐབས་བི་བྷུ་ཏིའི་རང་འགྱུར། སློབ་དཔོན་མར་མེ་མཛད་བཟང་པོས་མཛད་པའི་སྒྲོལ་མའི་སྒྲུབ་ཐབས་རྒྱས་བསྡུས་གཉིས་དང་། བསྟོད་པ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ངག་གི་དབང་ཕྱུག་གྲགས་པའི་སློབ་མས་མཛད་པའི་སྒྲོལ་མ་དཀར་མོའི་སྒྲུབ་ཐབས་བ་རིའི་འགྱུར། ངག་དབང་གྲགས་པས་མཛད་པའི་སྒྲོལ་མའི་བསྟོད་པ་བ་རིའི་འགྱུར། ཐམས་ཅད་མཁྱེན་པའི་བཤེས་གཉེན་གྱིས་མཛད་པའི་སྒྲོལ་མ་འཇིགས་པ་བརྒྱད་ལས་སྐྱོབ་པའི་སྒྲུབ་ཐབས་དགེ་སློང་ཆོས་རྒྱལ་འཕགས་པའི་འགྱུར། ཐམས་ཅད་མཁྱེན་པའི་བཤེས་གཉེན་གྱིས་མཛད་པའི་སྒྲོལ་མའི་སྒྲུབ་ཐབས་བསྡུས་པ་བྱམས་པའི་དཔལ་གྱི་འགྱུར། འདི་མ་ཆུད། ཇོ་བོ་རྗེས་མཛད་པའི་སྒྲོལ་མའི་སྒྲུབ་ཐབས་དགེ་བློའི་འགྱུར། དཔལ་མར་མེ་མཛད་ཀྱིས་མཛད་པའི་སྒྲོལ་མའི་སྒྲུབ་ཐབས་ཆོས་ཀྱི་ཤེས་རབ་ཀྱི་འགྱུར། ཆོམ་རྐུན་འཆིང་བ་ཞང་གྲུབ་པ་དཔལ་གྱི་འགྱུར། ལྷ་མོ་དམ་ཚིག་སྒྲོལ་མའི་བསྟོད་པ། སློབ་དཔོན་ཨཀྵོ་བྷྱ་བཛྲས་མཛད་པའི་འཕགས་མ་སྒྲོལ་མ་ལ་བསྟོད་པ། པཎྜི་ཏ་འབུམ་ཕྲག་གསུམ་པས་མཛད་པའི་སྒྲོལ་མའི་བསྟོད་པ། སློབ་དཔོན་དྲི་མེད་ལྷས་མཛད་པའི་སེང་གེ་སྒྲ། ཁར་ས་པཱ་ཎི། ལྷ་མོ་སྒྲོལ་མ། ཤེས་རབ་ཀྱི་ཕ་རོལ་ཏུ་ཕྱིན་པ། འཇམ་དབྱངས་རྒྱལ་པོ། གཤིན་རྗེ་གཤེད། ནོར་རྒྱུན་མ། ཀུ་རུ་ཀུ་ལླེ། གནོད་གནས། ཁྲོ་གཉེར་ཅན། འོད་ཟེར་ཅན་གྱི་སྒྲུབ་ཐབས་དང་བཅུ་གཅིག །སློབ་དཔོན་པུ་ཛ་བཛྲས་མཛད་པའི་ཡི་གེ་དྲུག་པའི་སྒྲུབ་ཐབས་ཤཱཀྱ་བློ་གྲོས་ཀྱི་འགྱུར། སློབ་དཔོན་ཡེ་ཤེས་བཤེས་གཉེན་གྱིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཚུལ་བརྒྱ་ལྔ་བཅུ་པའི་འགྲེལ་པ། སློབ་དཔོན་ནེར་བན་རཀྵི་ཏས་མཛད་པའི་རྟེན་འབྲེལ་གྱི་ཆོ་ག་ཞིབ་མོ། སློབ་དཔོན་ཀླུ་སྒྲུབ་ཀྱིས་མཛད་པའི་དགེ་བ་འདོད་འཇོའི་རྣམ་བཤད་འགོས་ཀྱི་འགྱུར། སློབ་དཔོན་ཛེ་ཏཱ་རི་པས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས་དར་མ་གྲགས་ཀྱི་འགྱུར། ཀླུ་སྒྲུབ་ཀྱིས་མཛད་པའི་ཀླུའི་དབང་ཕྱུག་རྒྱལ་པོའི་སྒྲུབ་ཐབས་རིན་ཆེན་བཟད་པོའི་འགྱུར། སློབ་དཔོན་ཐོགས་མེད་ཀྱིས་མཛད་པའི་བྱམས་པའི་སྒྲུབ་ཐབས་འབྲོམ་སྟོན་པའི་འགྱུར། སློབ་དཔོན་པྲ་བྷ་ཀཱིརྟིས་མཛད་པའི་ཁྲོ་བོ་གཏུམ་པོའི་སྒྲུབ་ཐབས་དཱ་ན་ཤཱི་ལའི་རང་འགྱུར། གར་མཁན་མཆོག་གི་བརྟག་པ་ལ་བརྟེན་ནས། སློབ་དཔོན་ཤུ་རང་ག་ཝརྨས་མཛད་པའི་རྣམ་སྲས་ཀྱི་སྒྲུབ་ཐབས་འཕགས་པ་ཤེས་རབ་ཀྱི་འགྱུར། སློབ་དཔོན་དཔའ་བོ་རྡོ་རྗེས་མཛད་པའི་རྣམ་སྲས་ཀྱི་སྒྲུབ་ཐབས་ཉི་མ་རྒྱལ་མཚན་གྱི་འགྱུར། སློབ་དཔོན་ནག་པོ་པས་མཛད་པའི་རྣམ་སྲས་ཀྱི་བསྟོད་པ་ཐུགས་རྗེ་བ་འཇོ་ཟངས་དཀར་གྱི་འགྱུར། རྣམ་སྲས་བསྟོད་པ། སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཆུ་སྦྱིན་དབང་པོའི་སྒྲུབ་ཐབས་གསུམ་ཆོས་ཀྱི་ཤེས་རབ་དང་དྷརྨ་ཡོན་ཏན་གྱི་འགྱུར། སློབ་དཔོན་སྒེག་པའི་རྡོ་རྗེས་མཛད་པའི་ཛམ་བྷ་ལའི་སྒྲུབ་ཐབས་དཱ་ན་ཤཱི་ལའི་རང་འགྱུར། སློབ་དཔོན་ཨ་བྷ་ཡས་མཛད་པའི་ཛམ་བྷ་ལའི་སྒྲུབ་ཐབས་ཚུལ་ཁྲིམས་འབྱུང་གནས་སྦས་པ་དང་ཆོས་རྗེ་དཔལ་གྱི་འགྱུར། སློབ་དཔོན་ཙནྡྲ་གོ་མིས་མཛད་པའི་ཛམ་བྷ་ལའི་བསྟོད་པ་པ་ཚབ་ཀྱི་འགྱུར། འཕགས་པ་མ་ཏིས་མཛད་པའི་ཛམ་བྷ་ལའི་སྒྲུབ་ཐབས་གཉན་གྱི་འགྱུར། པཎྜི་ཏ་ཛྙཱ་ན་བཛྲས་མཛད་པའི་ཛམ་བྷ་ལའི་བསྟོད་པ། མིའི་དབང་པོ་ཉི་མ་རྣམ་པར་གནོན་པས་མཛད་པའི་ཛམ་བྷ་ལའི་བསྟོད་པ་གྲགས་པ་རྒྱལ་མཚན་གྱི་འགྱུར། རྨུགས་འཛིན་འཆོལ་པའི་མན་ངག་གི་བསྟོད་པ། དྷ་བྱང་ཆུབ་སེམས་དཔས་མཛད་པ། སློབ་དཔོན་ནོར་སྦྱིན་གྱིས་མཛད་པའི་རྨུགས་འཛིན་འཆོལ་པའི་སྒྲུབ་ཐབས་བུམ་འཁྱིལ་བྱམས་པའི་དཔལ་གྱི་འགྱུར། ཁྱད་པར་དུ་འཕགས་པའི་བསྟོད་པ། བསྟོད་པ་ཚིགས་བཅད་དགུ་པ། བསྟོད་པ་ཐུགས་རྗེ་བ་འཇོ་དེ་རྣམས་བྱམས་པའི་དཔལ་གྱི་འགྱུར། འདི་བཞི་མ་ཆུད། གནོད་སྦྱིན་གཞན་གྱིས་མི་ཐུབ་པའི་སྒྲུབ་ཐབས་ཛ་མཱ་རིའི་རང་འགྱུར། སློབ་དཔོན་སྣང་མཛད་མྱུ་གུས་མཛད་པའི་ལེགས་ལྡན་ནག་པོ་ཆེན་པོའི་སྒྲུབ་ཐབས། བྲམ་ཟེ་ཕུར་བུས་མཛད་པའི་དབྱངས་ཅན་མ་དཀར་མོའི་སྒྲུབ་ཐབས་དང་། བསྟོད་པ་གྲུབ་པའི་ངག་གི་འོད་ཟེར་གཉིས་དྷརྨ་ཡོན་ཏན་གྱི་འགྱུར། དབྱངས་ཅན་མ་དམར་མོའི་བསྟོད་པ་སློབ་དཔོན་དཔལ་འཛིན་གྱིས་མཛད་པ་མར་དོ་ཆོས་དབང་གི་འགྱུར། འཕགས་མ་སྒྲོལ་མའི་རྗེས་སུ་སྤྱོད་པའི་གནོད་སྦྱིན་མོའི་སྒྲུབ་ཐབས་ཆོས་ཀྱི་བློ་གྲོས་ཀྱི་འགྱུར། ཇོ་བོ་ཛ་ན་སེ་ནས་མཛད་པའི་ཆབ་གཏོར། དེའི་འགྲེལ་པ་སློབ་དཔོན་ཤཱཀྱ་བཤེས་གཉེན་གྱིས་མཛད་པ་གཉིས་རིན་ཆེན་བཟང་པོའི་འགྱུར། ཇོ་བོ་རྗེས་མཛད་པའི་ཆབ་གཏོར་དྲི་མེད་ནག་ཚོའི་འགྱུར་དང་བཅས་པས་སུམ་བརྒྱ་ཞེ་དགུའོ། །

སྤྱོད་རྒྱུད།

གཉིས་པ་སྤྱོད་པའི་རྒྱུད་དང་འབྲེལ་བ་ལ། སློབ་དཔོན་སངས་རྒྱས་གསང་བས་མཛད་པའི་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ཀྱི་དོན་བསྡུས་བམ་པོ་བདུན་དང་ཤུ་ལོ་ཀ་ཉིས་བརྒྱ་དཔལ་བརྩེགས་ཀྱི་འགྱུར། སློབ་དཔོན་ཀེ་དྷ་རས་མཛད་པའི་དམ་ཚིག་གསུམ་བཀོད་པའི་ཡི་གེ་བརྒྱ་པའི་ཆོ་ག་བློ་ལྡན་ཤེས་རབ་ཀྱི་འགྱུར། ཕྱག་ན་རྡོ་རྗེ་འགྲོ་བཟངས་ཀྱི་སྐོར་ལ། ཕྱག་ན་རྡོ་རྗེའི་སྒྲུབ་ཐབས། དཀྱིལ་འཁོར་ཆོ་ག །གཏོར་མའི་ཆོ་ག །སྦྱིན་སྲེག་གི་ཆོ་ག །བགེགས་ལ་བསྣུན་པ། འཁྲུལ་འཁོར་བཅིང་བ། ཞི་བའི་ས་གཏེར། ཆུ་ལ་གཏད་པ། རླུང་ལ་གཏད་པ། ནམ་མཁའ་ལ་གཏད་པ། ཚ་ཚ་གདབ་པ། རྟགས་གཉིས་བསྟན་པ། ཕྱིར་བཟློག་གི་ཆོ་ག །དམ་ཚིག་གི་ངེས་པ། རྣམ་སྲས་བདེ་བྱེད་ཀྱི་རྟོག་པ། དྲག་བྱེད་ཀྱི་རྟོག་པ། བདེ་བྱེད་ཀྱི་ཆོ་ག །སྣ་ཚོགས་པའི་མཛོད། དེའི་ལས་ཚོགས་པྲ་དབབ་པ། ཆར་དབབ་པ་ལ་སོགས་པ་རྣམས་སློབ་དཔོན་འགྲོ་བཟངས་སྙིང་པོས་མཛད་པ་པཎྜི་ཏ་ཏེ་ཛ་དེ་ཤ་དང་། ཟངས་དཀར་གྱི་འགྱུར། འདི་ཁ་ཅིག་མ་ཆུད། སློབ་དཔོན་དགའ་རབ་རྡོ་རྗེས་མཛད་པའི་རྣམ་སྲས་གསང་བའི་སྒྲུབ་ཐབས། སློབ་དཔོན་ཛེ་ཏཱ་རི་པས་མཛད་པའི་ཚེ་དཔག་མེད་ཀྱི་ཆོ་ག་ལྕེ་དགའ་བ་དཔལ་གྱི་འགྱུར་ཏེ་ཉེར་གཉིས་སོ། །འདིར་ཕྱག་ན་རྡོ་རྗེ་དབང་བསྐུར་བའི་རྒྱུད་ཀྱི་སྟོད་འགྲེལ་གཤིན་རྗེ་གཤེད་པྲོ་ཁོག་སྣང་གི་བརྗེད་བྱང་། མི་གཡོ་བའི་རྗེས་སུ་དྲན་པའི་ཆོ་ག་རྣམས་བཙལ་ལོ། །

རྣལ་འབྱོར་གྱི་རྒྱུད་དང་འགྲེལ་བ།

གསུམ་པ་རྣལ་འབྱོར་གྱི་རྒྱུད་དང་འགྲེལ་བ་ལ། དེ་ཉིད་བསྡུས་པའི་རྒྱ་ཆེར་འགྲེལ་དེ་ཁོ་ན་ཉིད་སྣང་བར་བྱེད་པ་སྟོང་ཕྲག་བཅོ་བརྒྱད་པ། སྟོད་རིན་ཆེན་བཟང་དང་སྨད་ཟངས་དཀར་འཕགས་པ་ཤེས་རབ་ཀྱི་འགྱུར། རྡོ་རྗེ་དབྱིངས་ཀྱི་དཀྱིལ་ཆོག་རྡོ་རྗེ་འབྱུང་བ་རིན་ཆེན་བཟང་པོའི་འགྱུར། དཔལ་མཆོག་དང་པོའི་རྒྱ་ཆེར་བཤད་པ་སྟོང་ཕྲག་ཉི་ཤུ་རྩ་བཞི་པ་ཧོར་ཁོང་བསབ་པ་དང་བཅས་པའི་སྟོད་དང་སྨད་ཀྱི་ཧོར་ཁོང་ཅན་རིན་ཆེན་བཟང་གི་འགྱུར་དང་། བསབས་པ་རྣམས་ལྷ་བླ་མ་ཞི་བ་འོད་ཀྱི་འགྱུར། དཔལ་མཆོག་ཤེར་དུམ་གྱི་དོན་བསྡུས་ཀྱི་འགྲེལ་པ་རིན་ཆེན་བཟང་པོའི་འགྱུར། དཔལ་མཆོག་ཤེས་རབ་ཀྱི་ཕ་རོལ་ཏུ་ཕྱིན་པའི་དཀྱིལ་ཆོག །ངན་སོང་སྦྱོང་བ་རྒྱུད་ཕྱི་མ་དང་བཅས་པའི་འགྲེལ་པ་གསལ་བའི་སྒྲོན་མ་ཆོས་ཀྱི་བརྩོན་འགྲུས་ཀྱི་འགྱུར། ངན་སོང་སྦྱོང་བའི་དཀྱིལ་འཁོར་ཆོ་ག་དགེ་ཚུལ་ཁྱུང་གྲགས་ཀྱི་འགྱུར། འདི་རྩོད་པ་ཅན་ནོ། །ངན་སོང་སྦྱོང་བའི་དཀྱིལ་ཆོག་རིན་ཆེན་བཟང་པོའི་འགྱུར། འདི་གཙུག་དགུའི་ཡིན། ཁམས་གསུམ་རྣམ་རྒྱལ་གྱི་དཀྱིལ་ཆོག་རིན་ཆེན་བཟང་པོའི་འགྱུར། སྐུ་གཟུགས་སྤྱན་དབྱེའི་ཆོ་ག་སྟེ་བཅུ་པོ་འདི། སློབ་དཔོན་ཀུན་དགའ་སྙིང་པོས་མཛད་པའོ། །སློབ་དཔོན་ཀུན་སྙིང་གིས་མཛད་པའི་ཀུན་རིག་གི་དཀྱིལ་འཁོར་ཆོ་ག་རིན་ཆེན་བཟང་པོའི་འགྱུར། དེས་མཛད་པའི་རབ་གནས་ཀྱི་ཆོ་ག་རིན་ཆེན་བཟང་པོའི་འགྱུར། རྡོ་རྗེ་སེམས་དཔའ་འབྱུང་བ་ཆེ་བ་དང་ཆུང་བ་གཉིས་ཏེ། བཞི་མ་ཆུད་ཅིང་ཆེ་བ་མ་རྙེད་དོ། །ངན་སོང་སྦྱོང་རྒྱུད་ཀྱི་འགྲེལ་པ་སྣང་བའི་རྒྱན་དབང་ཕྱུག་རྒྱལ་མཚན་གྱི་འགྱུར། སློབ་དཔོན་པྲ་ཛྙཱ་ཨཱ་ལི་ཏས་མཛད་པའི་སྤྱན་དབྱེའི་ཆོ་ག་རྣམས་མ་ཆུད། སློབ་དཔོན་ཤཱཀྱ་བཤེས་གཉེན་གྱིས་མཛད་པའི་དེ་ཉིད་བསྡུས་པའི་རྒྱ་ཆེར་འགྲེལ་ཀོ་ས་ལའི་རྒྱན་བམ་པོ་སུམ་ཅུ་པ་རིན་ཆེན་བཟང་པོའི་འགྱུར། རྡོ་རྗེ་འབྱུང་བའི་བསྡུས་དོན་སློབ་དཔོན་མུ་ནཱིནྡྲ་བྷ་དྲས་མཛད་པ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་རྡོ་རྗེ་གོ་ཆས་མཛད་པའི་ངན་སོང་སྦྱོང་བའི་རྒྱུད་ཀྱི་འགྲེལ་པ་མཛེས་པའི་རྒྱན། དཀྱིལ་འཁོར་ཆེན་པོའི་སྒྲུབ་ཐབས་སྨྲྀ་ཏིའི་རང་འགྱུར། སྦྱིན་སྲེག་གི་ཆོ་ག །རོ་སྲེག་གི་ཆོ་ག །སློབ་དཔོན་ཡེ་ཤེས་རྡོ་རྗེས་མཛད་པའི་ཐུགས་རྗེ་འབྱུང་བའི་སྒོམ་བཟླས་རིན་ཆེན་བཟང་པོའི་འགྱུར། སློབ་དཔོན་རྡོ་རྗེ་ལྕགས་ཀྱུས་མཛད་པའི་རྡོ་རྗེ་སེམས་དཔའི་ཡི་གེ་བརྒྱ་པའི་ཆོ་ག །སློབ་དཔོན་ཞི་བ་སྙིང་པོས་མཛད་པའི་རྣལ་འབྱོར་གྱི་རྒྱུད་དང་མཐུན་པའི་མཆོད་རྟེན་སྒྲུབ་པའི་ཆོ་ག །སློབ་དཔོན་སངས་རྒྱས་གསང་བས་མཛད་པའི་རྒྱུད་ཀྱི་དོན་ལ་འཇུག་པ་འཇམ་དཔལ་གོ་ཆའི་འགྱུར། དེའི་འགྲེལ་པ་སློབ་དཔོན་ཆེན་པོ་བཛྲས་མཛད་པ། སློབ་དཔོན་ཤཱནྟི་པས་མཛད་པའི་ཐམས་ཅད་གསང་བའི་རྒྱུད་ཀྱི་བཤད་སྦྱར་གསང་བའི་སྒྲོན་མ། སློབ་དཔོན་རབ་འབྱོར་བསྐྱངས་ཀྱིས་མཛད་པའི་སྦྱིན་སྲེག་གི་ཆོ་ག །སློབ་དཔོན་ཤུད་དྷི་པྲ་བྷས་མཛད་པའི་ཐིག་གདབ་པའི་རིམ་པ་སློབ་དཔོན་ཤྲདྡྷཱ་ཀ་རས་མཛད་པའི་དཀྱིལ་འཁོར་གྱི་ཐིག་གི་ཆོ་ག་དེའི་རང་འགྲེལ། གཏོར་མ་ཆ་གསུམ་འབྲིང་པོ་སྟེ། དེ་རྣམས་རིན་ཆེན་བཟང་པོའི་འགྱུར། སློབ་དཔོན་དྷརྨ་ཀཱིརྟིས་མཛད་པའི་ཐིག་གི་ཆོ་ག །སློབ་དཔོན་མུ་ནི་ཏི་ཏ་ཀོ་ཥས་མཛད་པའི་འཇིག་རྟེན་གསུམ་ལས་རྣམ་པར་རྒྱལ་བའི་འགྲེལ་པ་དང་། རྡོ་རྗེ་དབྱིངས་ཀྱི་དཀྱིལ་འཁོར་གྱི་རྣམ་གཞག་རིན་ཆེན་བཟང་པོའི་འགྱུར། ངན་སོང་སྦྱོང་བའི་དཀྱིལ་འཁོར་གྱི་སྒྲུབ་ཐབས་ཀྱི་འགྲེལ་པ། དཔལ་ལྡན་རྒྱ་ཆེའི་དཀྱིལ་ཆོག །སློབ་དཔོན་སྐལ་བཟངས་དགའ་བས་མཛད་པའི་ངན་སོང་སྦྱོང་བའི་ཐབས་གཡུང་དྲུང་འོད་ཀྱི་འགྱུར། ངན་སོང་སྦྱོང་བའི་ཆོ་གའི་བྱ་བ་མདོར་བསྡུས་པ། སློབ་དཔོན་རཏྣ་ཀཱིརྟིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་དཀྱིལ་འཁོར་གྱི་ཆོ་ག་བལ་པོ་མ་ཧཱ་པ་ནའི་རང་འགྱུར། སློབ་དཔོན་དེས་མཛད་པའི་སྒྲུབ་ཐབས་ཐམས་ཅད་ཀྱི་ལས་ཀྱི་གསལ་བྱེད། སློབ་དཔོན་ཆོས་ལྡན་རབ་འབྱོར་དབྱངས་ཀྱིས་མཛད་པའི་སྤྱོད་པ་བསྡུས་པའི་སྒྲོན་མ་རིན་ཆེན་ཕྲེང་བ་རིན་ཆེན་བཟང་པོའི་འགྱུར། རྡོ་རྗེ་ཆོས་ཀྱི་རྣལ་འབྱོར་གཅིག་པའི་སྒྲུབ་ཐབས་སྐོབ་དཔོན་ཀུན་དགའ་སྙིང་པོའི་རྗེས་སུ་འབྲངས་པ་འདི། ལོ་ཆུང་གིས་མཛད་པ་ཡིན་གྱི། རྒྱ་གར་མ་མ་ཡིན་ཏེ་ཁ་བྱང་མེད་པས་འཁྲུལ་པ་ཡིན་ནོ། །རྡོ་རྗེ་དབྱིངས་ཀྱི་དཀྱིལ་འཁོར་གྱི་དོན་བསྡུས་པ་ཀུ་མཱ་ར་ཀ་ལ་ཤའི་རང་འགྱུར། སློབ་དཔོན་ཏི་ར་མ་ཏིས་མཛད་པའི་རྒྱན་དམ་པ་སྣ་ཚོགས་རིམ་པར་ཕྱེ་བའི་བཀོད་པ་ཀླུའི་རྒྱལ་མཚན་གྱི་འགྱུར། རྡོ་རྗེ་དབྱིངས་ཀྱི་དཀྱིལ་འཁོར་གྱི་ཆོ་ག་ཆེན་པོ་སློབ་དཔོན་རིགས་ཀྱི་བྱིན་པས་མཛད་པ་བྱ་བ་བསྡུས་པ་ཞེས་བྱ་བ་གྲགས་པ་རྒྱལ་མཚན་གྱི་འགྱུར། གཙུག་དགུའི་མངོན་རྟོགས་ཉི་མ་རྒྱལ་མཚན་གྱི་འགྱུར། སློབ་དཔོན་ཡེ་ཤེས་རྡོ་རྗེས་མཛད་པའི་སྒྲུབ་པའི་སྤྱོད་པ་ལ་འཇུག་པ་ལྷ་བཙུན་པའི་འགྱུར། སློབ་དཔོན་ཀུན་དགའ་སྙིང་པོས་མཛད་པའི་སྒྱུ་འཕྲུལ་དྲ་བའི་རྒྱ་ཆེར་བཤད་པ་རིན་ཆེན་བཟང་པོའི་འགྱུར། སློབ་དཔོན་རབ་ཞི་བཤེས་གཉེན་གྱིས་མཛད་པའི་སྒྱུ་འཕྲུལ་དྲ་བའི་དཀའ་འགྲེལ་རིན་ཆེན་བཟང་པོའི་འགྱུར། མཚན་ཡང་དག་པར་བརྗོད་པ་རྣལ་འབྱོར་རྒྱུད་དུ་བཤད་པ་ལ། སློབ་དཔོན་འཇམ་དཔལ་གྲགས་པས་མཛད་པའི་མཚན་བརྗོད་འགྲེལ་ཆེན་རིན་ཆེན་བཟང་པོའི་འགྱུར། སློབ་དཔོན་སྒེག་པའི་རྡོ་རྗེས་མཛད་པའི་མཚན་བརྗོད་འགྲེལ་པ་སྔགས་དོན་རྣམ་གཟིགས། སྨྲྀ་ཏིའི་རང་འགྱུར་ཤེས་རབ་བརྩེགས་ཀྱིས་བཅོས་པ། ཡེ་ཤེས་གྲགས་པས་མཛད་པའི་མཚན་བརྗོད་འགྲེལ་ཆུང་། སློབ་དཔོན་ཟླ་བའི་དབང་པོ་གྲགས་པའི་དཔལ་གྱིས་མཛད་པའི་མཚན་བརྗོད་འགྲེལ་པ་འཕགས་པ་ཤེས་རབ་ཀྱི་འགྱུར། སློབ་དཔོན་དྲི་མེད་བཤེས་གཉེན་གྱིས་མཛད་པའི་མཚན་བརྗོད་འགྲེལ་པ་དོན་གསལ་བའི་སྒྲོན་མ་གཉགས་ཛྙཱ་ནའི་འགྱུར། སྨྲྀ་ཏིས་མཛད་པའི་མཚན་བརྗོད་ཀྱི་འགྲེལ་པ་དེ་ཉིད་ཀྱི་རང་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་མཚན་བརྗོད་འགྲེལ་པ་ཉེ་བར་རྟོག་གེ་བསོད་ནམས་རྒྱལ་མཚན་གྱི་འགྱུར། སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་ནམ་མཁའ་དྲི་མེད་ཆུང་བའི་སྐོར་ལ། མཚན་བརྗོད་ཀྱི་འགྲེལ་པ་རིན་ཆེན་བཟང་པོའི་འགྱུར། དཀྱིལ་འཁོར་ཆོ་ག་ནམ་མཁའ་དྲི་མེད། བྱང་སེམས་རྡོ་རྗེ་དབུགས་དབྱུང་འི་ཆོ་ག །རྣམ་པར་སྣང་མཛད་དབུགས་དབྱུང་བ། མི་བསྐྱོད་པ་དབུགས་དབྱུང་བ། རིན་འབྱུང་དབུགས་དབྱུང་བ། སྣང་བ་མཐའ་ཡས་དབུགས་དབྱུང་བ། དོན་ཡོད་གྲུབ་པ་དབུགས་དབྱུང་བའི་དཀྱིལ་འཁོར། མཚན་ཡང་དག་པར་བརྗོད་པའི་རྣལ་འབྱོར་པས་བྱ་བ་ཞེས་ཀུན་ལ་སྦྱར་བའི་ཁྲུས་ཀྱི་ཆོ་ག །ཟས་ཀྱི་རྣལ་འབྱོར། འབྱུང་པོའི་གཏོར་མ། མཎྜལ་གྱི་ཆོ་ག །སྐོར་བའི་བྱ་ཐབས། ཡན་ལག་བདུན་པས་ཚོགས་བསག་པ། འཇམ་དཔལ་གྱི་མཚན་གདོན་པའི་མན་ངག །དགེ་བའི་རྩ་བ་བསྔོ་བ། མི་རྟག་པ་སྒོམ་པ། འཁོར་བ་ལ་ཡིད་འབྱུང་བ། ཤེས་པ་དུག་གསུམ་ལས་ཟློག་པའི་མན་ངག །སྐྱབས་སུ་འགྲོ་བའི་ཆོ་ག །སེམས་བསྐྱེད་པའི་ཆོ་ག །བྱང་ཆུབ་ཀྱི་སེམས་བསྒོམ་པའི་མན་ངག །ཚད་མེད་པ་བཞི་སྒོམ་པའི་མན་ངག །དུས་གསུམ་གྱི་སངས་རྒྱས་ལ་ལྟ་བ། རྗེས་སུ་དྲན་པ་དྲུག་བསྒོམ་པའི་མན་ངག །རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་བསྒོམ་པའི་མན་ངག །དབང་པོ་རབ་ཀྱི་དེ་ཁོ་ན་ཉིད་བསྒོམ་པ། ཚ་ཚའི་ཆོ་ག །སྦྱིན་སྲེག་གི་ཆོ་ག་བསྡུས་པ། མཉམ་པར་གཞག་པའི་རིམ་པའི་མན་ངག །དཔའ་བོ་གཅིག་པའི་སྒྲུབ་ཐབས། མཚན་བརྗོད་ཀྱི་ཆོ་ག་མདོ་དང་བསྲེས་པ། རབ་ཏུ་གནས་པའི་ཆོ་ག །ངན་སྔགས་བྱད་ཀྱི་འཁོར་ལོའི་སྒྲུབ་ཐབས། བདུན་ཚིགས་ཀྱི་ཆོ་ག །རོ་སྲེག་གི་ཆོ་ག །ངན་སོང་སྦྱོང་བའི་འགྲོ་བ་རིགས་དྲུག་གི་ཆོ་ག་སྟེ། སུམ་ཅུ་སོ་བདུན་པོ། འཇམ་དཔལ་བཤེས་གཉེན་གྱིས་མཛད་པ་ལོ་ཙྪ་བ་ཆོས་ཀྱི་ཤེས་རབ་ཀྱི་འགྱུར། གསང་ལྡན་གྱི་སྐོར་ལ། སྒྲུབ་ཐབས་གསང་ལྡན། དཀྱིལ་འཁོར་ཆོ་ག་ཡོན་ཏན་འབྱུང་གནས། མཚན་བརྗོད་བཀླག་པའི་བསྒོམ་ཁོག །སྒྲུབ་ཐབས་ཆུང་ངུ། སྤྱིན་སྲེག་གི་ཆོ་ག །དེ་རྣམས་དཔལ་ལྡན་བྱང་ཆུབ་གིས་མཛད་པ་སྨྲྀ་ཏིའི་རང་འགྱུར། སྒྲུབ་ཐབས་གསང་ལྡན་གྱི་འགྲེལ་པ་དང་སྤྱན་དབྱེ་བའི་ཆོ་ག་གཉིས་སྨྲྀ་ཏིས་མཛད་པ། ཐིག་གི་རྩ་བ་རྣམས་སྨྲྀ་ཏིའི་རངའགྱུར། འདིར་གཞན་ཡང་ཡོད། སློབ་དཔོན་ཨ་ཝ་དྷཱུ་ཏཱི་པས་མཛད་པ་ལ། མཚན་བརྗོད་འགྲེལ་པ་དང་། བསྒྲུབ་པའི་ཐབས་དང་། དཀྱིལ་ཆོག་ཡེ་ཤེས་གསལ་བ་དང་། ཡེ་ཤེས་སེམས་དཔའི་སྒྲུབ་ཐབས་མདོར་བསྡུས་དང་། སྦྱིན་སྲེག་ཆོ་ག་དང་ལྔ་ཨ་བ་དྷཱུ་ཏཱི་པས་མཛད་པ་དང་། རྡོ་རྗེ་འཇིགས་བྱེད་ཀྱི་སྒྲུབ་ཐབས། གཤིན་རྗེ་གཤེད་དགྲ་ནག་པོའི་སྒྲུབ་ཐབས། མི་གཡོ་བའི་སྒྲུབ་ཐབས་དང་། འཇམ་དཔལ་གྱི་གཏོར་ཆོག །བུམ་ཆོག །སྦྱིན་སྲེག །མཆོད་རྟེན་བསྒྲུབ་པའི་ཆོ་ག་མདོར་བསྡུས་པ། སྤྱོད་ལམ་གྱི་ཆོ་ག་དེ་རྣམས་སློབ་དཔོན་མྱ་ངན་མེད་པའི་དཔལ་གྱིས་མཛད་པ་དང་། སློབ་དཔོན་གཉིས་མེད་རྡོ་རྗེས་མཛད་པའི་འཇམ་དཔལ། དང་པོའི་སངས་རྒྱས་ཀྱི་སྒྲུབ་ཐབས་དང་བཅུ་བཞི་པོ་འགར་ཆོས་བཟང་གི་འགྱུར། སློབ་དཔོན་མྱ་ངན་མེད་པའི་དཔལ་གྱིས་མཛད་པའི་འཇམ་དཔལ་གྱི་སྒྲུབ་ཐབས་རྣམས་འ་ཞ་རྒྱ་གར་བརྩེགས་ཀྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་ཡེ་ཤེས་སེམས་དཔའི་སྒྲུབ་ཐབས། སློབ་དཔོན་གཉིས་མེད་སྦས་པས་མཛད་པའི་མཚན་བརྗོད་འགྲེལ་པ་སྙིང་པོ་མངོན་པར་རྟོགས་པ་དང་། ཡེ་ཤེས་སེམས་དཔའི་མངོན་རྟོགས། ཡེ་ཤེས་སེམས་དཔའི་དྲི་མ་མེད་པའི་ཆོ་ག །རང་བཞིན་དུ་གནས་པའི་སྔགས་ཀྱི་སྤྱོད་པ་བཅུ་པ། རྨི་ལམ་བརྟག་པ། བསམ་གཏན་གྱི་དུག་སེལ་བའི་མར་མེ། འཇམ་དཔལ་ཡེ་ཤེས་སེམས་དཔའི་ཡིད་འཇུག་པ། བསམ་གཏན་གྱི་འཁོར་ལོ། ཐིག་ལེ་གྲུབ་པ། ཐིག་ལེ་གཅིག་པ། འཇམ་དཔལ་ཡེ་ཤེས་སེམས་དཔའི་སྙིང་པོ་གྲུབ་པ་རྣམས་གཉིས་མེད་རྡོ་རྗེས་མཛད་པ་སྨྲྀ་ཏིའི་རང་འགྱུར། འཇམ་དཔལ་གྱི་དཀྱིལ་ཆོག་ནམ་མཁའ་དྲི་མེད་ཆེ་བ་འཇམ་དཔལ་གྲགས་པས་མཛད་པ་རིན་ཆེན་བཟང་པོའི་འགྱུར། སློབ་དཔོན་པྲ་བྷ་ཀ་རས་མཛད་པའི་མཚན་བརྗོད་སྒྲུབ་ཐབས་ཉི་མ་རྒྱལ་མཚན་གྱི་འགྱུར། སློབ་དཔོན་གཞོན་ནུ་གྲགས་པས་མཛད་པའི་མཚན་བརྗོད་མན་ངག་གི་འགྲེལ་པ་ཤེས་རབ་བླ་མའི་འགྱུར། སློབ་དཔོན་མི་གཡོ་སྙིང་པོས་མཛད་པའི་མཚན་བརྗོད་སྒྲུབ་ཐབས་མར་དོའི་འགྱུར། མཚན་བརྗོད་འགྲེལ་པ་སློབ་དཔོན་སངས་རྒྱས་གསང་བས་མཛད་པ་འདི་བསྟན་འགྱུར་དུ་མ་ཚུད། འདིར་མཚན་བརྗོད་རྣལ་འབྱོར་ཆེན་པོར་བཀྲལ་བ་བླ་མ་མངོན་ཤེས་ཅན་གྱིས་མཛད་པའི་མཚན་བརྗོད་འགྲེལ་པ་མ་རིག་པའི་མུན་སེལ། དཀྱིལ་འཁོར་ཆོ་ག་རིམ་པ་གསལ་བ། གསང་དབང་། དབང་གསུམ་པ། དབང་བཞི་པ། སྒྲོན་མ་བཞིའི་རིམ་པ། ཁྲུས་ཆོག །སྐོར་བ། སྦྱིན་སྲེག །ཚོགས་འཁོར། རོ་སྲེག །མེ་ཏྲི་བས་མཛད་པའི་རབ་གནས། གདམས་ངག་ངེས་པར་བསྡུ་བ། ཡོན་ཡོངས་སྦྱོང་། ཡེ་ཤེས་གསལ་བའི་སྒྲོན་མ། སྙན་གྲགས་དགེ་བས་མཛད་པའི་སྨོན་ལམ། ཆོས་སྤྱོད་ཀྱི་རིམ་པ། ལཱི་ལ་བཛྲས་མཛད་པའི་མཆོད་རྟེན་གྱི་ཆོ་ག །གཏོར་ཆོག །ཆུ་སྦྱིན། བུདྡྷ་བོ་དྷིས་བྱས་པའི་རིགས་དབྱེ་སྟེ། མཚན་བརྗོད་ཀྱི་ཉེར་གཅིག་པོ་འདི་དག་སྔར་མ་ཆུད་ཅིང་ཡང་དག་ཡིན་མིན་བརྟག་པར་བྱའོ། །གཟུངས་ཐམས་ཅད་ཀྱི་སྒྲུབ་ཐབས་རིམ་པ་གཉིས། གཟུངས་ཐམས་ཅད་ཀྱི་དཀྱིལ་ཆོག་ཀུན་སྣང་གསལ་བ་རྣམས་སོ། །

རྣལ་འབྱོར་ཆེན་པོའི་རྒྱུད།

བཞི་པ་རྣལ་འབྱོར་ཆེན་པོའི་རྒྱུད་དང་འབྲེལ་བའི་ཐབས་རྒྱུད་ཀྱི་སྐོར་ལ། གསང་བ་འདུས་པའི་རྒྱུད་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ། མནྟྲ་ཀ་ལ་ཤུའི་རང་འགྱུར། སྒྲུབ་ཐམས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ་དང་གསུམ། རིན་ཆེན་བཟང་པོའི་འགྱུར། གསང་འདུས་ལེའུ་བཅོ་བརྒྱད་པའི་འགྲེལ་པ་གཞོན་ནུ་བུམ་པའི་རང་འགྱུར། རིམ་ལྔ་རིན་ཆེན་བཟང་པོའི་འགྱུར། བྱང་ཆུབ་སེམས་ཀྱི་འགྲེལ་པ་ཚིགས་བཅད་མ་པ་ཚབ་ཀྱི་འགྱུར། ལྷུག་པ་མདོ་སྡེ་འབར་གྱི་འགྱུར་བརྒྱད་པོ་འཕགས་པ་ཀླུ་སྒྲུབ་ཀྱིས་མཛད་དོ། །སློབ་དཔོན་འཕགས་པ་ལྷས་མཛད་པའི་སྤྱོད་པ་བསྡུས་པའི་སྒྲོན་མ་རིན་ཆེན་བཟང་པོའི་འགྱུར། དེའི་བཤད་པ་སློབ་དཔོན་ཤཱཀྱ་བཤེས་གཉེན་གྱིས་མཛད་པ། སློབ་དཔོན་ཀླུའི་བྱང་ཆུབ་ཀྱིས་མཛད་པའི་དཀྱིལ་ཆོག་པ་ཚབ་ཀྱི་འགྱུར། སློབ་དཔོན་འཕགས་པ་ལྷའི་སེམས་ཀྱི་སྒྲིབ་སྦྱོང་ནག་ཚོའི་འགྱུར། བདག་བྱིན་གྱིས་བརླབས་པའི་རིམ་པ་དང་། མངོན་པར་བྱང་ཆུབ་པ་རིན་ཆེན་བཟང་པོའི་འགྱུར། ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག་རིན་ཆེན་བཟང་པོའི་འགྱུར། སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི་དཀྱིལ་འཁོར་ཆོ་ག་ཟུང་འཇུག་གསལ་བ་ས་ལོའི་འགྱུར། སློབ་དཔོན་ཀླུའི་བློས་མཛད་པའི་བསྐྱེད་རིམ་རྣམ་གཞག་རིམ་པ་རིན་ཆེན་བཟང་པོའི་འགྱུར། ལས་ཀྱི་མཐའ་རྣམ་པར་འབྱེད་པ་ཆོས་རྗེ་དཔལ་གྱི་འགྱུར། སློབ་དཔོན་སྒྲ་དབྱངས་བཅུ་གཅིག་པས་མཛད་པའི་རྡོ་རྗེ་འཆང་ཆེན་པོའི་ལམ་གྱི་རིམ་པ་རིན་ཆེན་བཟང་པོའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་རིམ་ལྔའི་འགྲེལ་པ་ནོར་བུའི་ཕྲེང་བ་ནག་ཚོའི་འགྱུར། སློབ་དཔོན་ཀླུའི་བློས་མཛད་པའི་རིམ་པ་ལྔ་ཁོངས་སུ་བསྡུ་བ་པ་ཚབ་ཀྱི་འགྱུར། ནག་པོ་དམ་ཚིག་རྡོ་རྗེས་མཛད་པའི་རིམ་ལྔའི་དཀའ་འགྲེལ་ནག་ཚོའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་རིམ་ལྔའི་དཀའ་འགྲེལ་དོན་གསལ་བ་འདི་ཐེ་ཚོམ་གྱི་གཞིའོ། །སློབ་དཔོན་བྷ་བྱ་ཀཱིརྟིས་མཛད་པའི་རིམ་ལྔའི་དཀའ་འགྲེལ་ཤཱཀྱ་བརྩོན་འགྲུས་ཀྱི་འགྱུར། སློབ་དཔོན་ཨ་བྷ་ཡཱ་ཀ་རས་མཛད་པའི་རིམ་ལྔའི་འགྲེལ་པ་ཟླ་བའི་འོད་ཟེར་བི་བྷུ་ཏི་ཙནྡྲའི་རང་འགྱུར། སློབ་དཔོན་བརྩོན་འགྲུས་བཟང་པོས་མཛད་པའི་རིམ་ལྔའི་དཀའ་འགྲེལ་དོན་གསལ་བ་ཤེས་རབ་བརྩོན་འགྲུས་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་གསང་འདུས་འགྲེལ་པ་སྒྲོན་མ་གསལ་བ་རིན་ཆེན་བཟང་པོའི་འགྱུར། རྡོ་རྗེ་སེམས་དཔའི་སྒྲུབ་ཐབས་གཞོན་ནུ་འབར་དང་བ་རིའི་འགྱུར། སློབ་དཔོན་ལེགས་ལྡན་བྱེད་ཀྱིས་མཛད་པའི་སྒྲོན་གསལ་གྱི་དཀའ་བའི་གནས་བཤད་པ་ཤཱཀྱ་བརྩོན་འགྲུས་ཀྱི་འགྱུར། སློབ་དཔོན་སྒེག་པའི་རྡོ་རྗེས་མཛད་པའི་གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། སློབ་དཔོན་ནག་པོ་པས་མཛད་པའི་གསང་འདུས་ཀྱི་དཀྱིལ་ཆོག་དང་རབ་གནས་གཉིས་འགོས་ཀྱི་འགྱུར། ཤྲདྷ་ཀ་ར་ཝརྨས་མཛད་པའི་རྒྱན་བདུན་རྣམ་པར་སྒྲོལ་བ་རིན་ཆེན་བཟང་པོའི་འགྱུར། ནག་པོ་པའི་རྡོ་རྗེ་སེམས་དཔའི་མཆོད་ཆོག་འགོས་འགྱུར། གསང་འདུས་གཏོར་ཆོག །སྒྲུབ་ཐབས་མདོར་བྱས་ཀྱི་འགྲེལ་པ། སློབ་དཔོན་ཤཱནྟི་པས་མཛད་པའི་རིན་ཆེན་ཕྲེང་བ་ཀརྨ་བཛྲའི་རང་འགྱུར། སློབ་དཔོན་ཤྲདྡྷ་ཀ་རས་མཛད་པ་དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང་། རྒྱུད་ཀྱི་དོན་ལ་འཇུག་པ་གཉིས་རིན་ཆེན་བཟང་པོའི་འགྱུར། སློབ་དཔོན་བྷ་བྱ་ཀཱིརྟིས་མཛད་པའི་སྒྲོན་གསལ་གྱི་ཊཱིཀྐ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ། ཀུ་མཱ་རའི་རང་འགྱུར། སློབ་དཔོན་ཀུ་མཱ་རས་མཛད་པའི་སྒྲོན་མ་གསལ་བ་མདོར་བཤད་པ་སྙིང་གི་མེ་ལོང་ཤཱཀྱ་བློ་གྲོས་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང་། སྒྲོན་གསལ་གྱི་འགྲེལ་བཤད་སློབ་དཔོན་འཕགས་པ་ལྷས་མཛད་པ་འདི་གཉིས་ཐེ་ཚོམ་གྱི་གཞིའོ། །གསང་འདུས་ཀྱི་གཏོར་ཆོག་ཟ་ཧོར་གྱི་མཁས་པ་ཤཱནྟི་དེ་བས་མཛད་པ། འགོས་ཀྱི་འགྱུར་ཏེ་འདི་མ་ཆུད། གསང་འདུས་འགྲེལ་པ་སྨྲྀ་ཏིས་མཛད་པ་དེ་ཉིད་ཀྱི་རང་འགྱུར། ཡེ་ཤེས་ཞབས་ཀྱིས་འཇམ་དཔལ་གྱི་ཞལ་གྱི་ལུང་། ལྷ་ཡེ་ཤེས་རྒྱལ་མཚན་གྱི་འགྱུར། ཞལ་ལུང་ཆུང་ངུ་དང་སྒྲུབ་ཐབས་ཀུན་བཟང་གཉིས་རིན་ཆེན་བཟབ་པོའི་འགྱུར། ཀུན་ཏུ་བཟང་མོའི་སྒྲུབ་ཐབས་སྨྲྀ་ཏིའི་རང་འགྱུར། བདག་བསྒྲུབ་པ་ལ་འཇུག་པ་འགོས་འགྱུར། གྲོལ་བའི་ཐིག་ལེ་ལྷ་ཡེ་ཤེས་རྒྱལ་མཚན་གྱི་འགྱུར། ཧེ་རུ་ཀའི་སྒྲུབ་ཐབས་ཏེ་བདུན་སློབ་དཔོན་སངས་རྒྱས་ཡེ་ཤེས་མཛད་དོ། །འཇམ་དཔལ་ཞལ་ལུང་གི་འགྲེལ་པ་སློབ་དཔོན་སྨན་པའི་ཞབས་ཀྱིས་མཛད་པ་མཛེས་པའི་མེ་ཏོག་ལྷ་ཡེ་ཤེས་རྒྱལ་མཚན་གྱི་འགྱུར། སྒྲུབ་ཐབས་ཀུན་བཟང་གི་འགྲེལ་པ་སློབ་དཔོན་དཔལ་འབྲས་རྡོ་རྗེ་དང་། ཐ་ཀ་ནས་མཛད་པ་གཉིས་རིན་ཆེན་བཟང་པོའི་འགྱུར། ཀུན་ཏུ་བཟང་མོའི་སྒྲུབ་ཐབས་ཀྱི་འགྲེལ་པ་སློབ་དཔོན་ཀུན་ཏུ་བཟང་པོས་མཛད་པའི་སྙིང་པོའི་སྙེ་མ་བློ་ལྡན་ཤེས་རབ་ཀྱི་འགྱུར། གྲོལ་བའི་ཐིག་ལེའི་འགྲེལ་པ་སྨན་ཞབས་ཀྱིས་མཛད་པ་དང་། དེས་མཛད་པའི་སྒྲུབ་ཐབས་དངོས་གྲུབ་འབྱུང་གཏེར་གཉིས་ལྷ་ཡེ་ཤེས་རྒྱལ་མཚན་གྱི་འགྱུར། སློབ་དཔོན་སྣང་མཛད་རྡོ་རྗེའི་སྦྱོར་བ་ཡན་ལག་དྲུག་གི་སྣང་བའི་རིམ་པ་གཡུང་དྲུང་འོད་ཀྱི་འགྱུར། ཧེ་རུ་ཀའི་སྒྲུབ་ཐབས་ཀྱི་འགྲེལ་པ། སློབ་དཔོན་མར་མེ་མཛད་བཟང་པོས་མཛད་པའི་དཀྱིལ་འཁོར་གྱི་ཆོ་ག་བཞི་བརྒྱ་ལྔ་བཅུ་པ་དང་། དེའི་འགྲེལ་པ་སློབ་དཔོན་དྲི་མེད་དཔལ་གྱིས་མཛད་པ་གཉིས། རིན་ཆེན་བཟང་པོའི་འགྱུར། སློབ་དཔོན་སྨན་པའི་བུ་རྒྱལ་བ་བྱིན་གྱིས་མཛད་པའི་གསང་བ་འདུས་པའི་དཀའ་འགྲེལ། སློབ་དཔོན་དྲི་མེད་སྦས་པས་མཛད་པའི་གསང་བ་འདུས་པའི་རྒྱན་ལེའུ་བཅུ་བདུན་གྱི་འགྲེལ་པ་དང་། དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི་ལེའུ་བཅོ་བརྒྱད་པའི་འགྲེལ་པ་དང་། དཔལ་རྒྱན་པས་མཛད་པའི་དེ་ཉིད་བཅུ་པ་དང་གསུམ་དར་མ་གྲགས་ཀྱི་འགྱུར། སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི་གསང་འདུས་ཀྱི་འགྲེལ་པ་སློབ་མ་ལ་ཕན་པ། སློབ་དཔོན་ཟླ་བའི་འོད་ཟེར་གྱིས་མཛད་པའི་རབ་ཏུ་གནས་པའི་ཆོ་ག་བསོད་ནམས་རྒྱལ་བའི་འགྱུར། སློབ་དཔོན་སྣང་བྱེད་ཟླ་བས་མཛད་པའི་ཨརྒའི་ཆོ་ག་སྙིང་པོ་བསྡུས་པ་དང་། རབ་ཏུ་གནས་པའི་ཆོ་ག་ཡེ་ཤེས་སྣང་བ་དང་། དཔལ་ཏིང་ངེ་འཛིན་རྡོ་རྗེས་མཛད་པ། དུས་ཐ་མའི་ཆོ་གའི་གཤིན་པོ་བདེ་བར་གཤེགས་པའི་གནས་ལ་དགོད་པ་དང་གསུམ་ཤེས་རབ་གྲགས་ཀྱི་འགྱུར། སློབ་དཔོན་ཤཱནྟི་པས་མཛད་པའི་གསང་འདུས་བཤད་སྦྱར་སྙིམ་པའི་མེ་ཏོག་འགོས་འགྱུར། སློབ་དཔོན་བི་ཤྭ་མི་ཏྲས་མཛད་པའི་ལེའུ་བཅོ་བརྒྱད་པའི་འགྲེལ་པ། སློབ་དཔོན་ཙི་ལུ་པས་མཛད་པའི་གསང་འདུས་འགྲེལ་པ་རིན་པོ་ཆེའི་ལྗོན་ཤིང་ལྷ་ཡེ་ཤེས་རྒྱལ་མཚན་གྱི་འགྱུར། གསང་འདུས་འགྲེལ་པ་སློབ་དཔོན་ཐ་ག་ནས་མཛད་པ། རིན་ཆེན་བཟང་པོའི་འགྱུར། སློབ་དཔོན་རྡོ་རྗེ་བཞད་པས་མཛད་པའི་གསང་འདུས་ལེའུ་བཅུ་བདུན་གྱི་འགྲེལ་པ་བཻ་རོ་ཙ་ནའི་འགྱུར། གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། སློབ་དཔོན་ཀུན་དགའ་སྙིང་པོས་མཛད་པའི་གསང་འདུས་དཀའ་འགྲེལ་རིན་ཆེན་བཟང་པོའི་འགྱུར། འགྲེལ་ཆེན་ཕྲ་རིངས་ཀྱི་རང་འགྱུར་དུ་གྲགས་པ། ལྷ་མོ་བཞིས་ཞུས་ཀྱི་འགྲེལ་པ་སློབ་དཔོན་ཡེ་ཤེས་སྙིང་པོས་མཛད་པ་སྨྲྀ་ཏིའི་རང་འགྱུར། ཀུན་ཏུ་བཟང་པོའི་སྦྱིན་སྲེག་གི་ཆོ་ག །མར་མེ་མཛད་ཡེ་ཤེས་ཀྱིས་མཛད་པའི་གསང་འདུས་སྒྲུབ་ཐབས་རིན་ཆེན་བཟང་པོའི་འགྱུར། དེའི་རྣམ་བཤད་ཀུན་ཏུ་བཟང་པོས་མཛད་པ་སུ་ག་ཏའི་རང་འགྱུར། སློབ་དཔོན་བསོད་སྙོམས་པས་མཛད་པའི་གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང་། ཁ་ཆེ་རིན་ཆེན་རྡོ་རྗེས་མཛད་པའི་མི་བསྐྱོད་རྡོ་རྗེའི་སྒྲུབ་ཐབས་རྣམས་རིན་ཆེན་བཟང་པོའི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་གསང་འདུས་ཀྱི་དཀྱིལ་ཆོག་མདོར་བསྡུས་ཆོས་ཀྱི་དབང་ཕྱུག་གི་འགྱུར། སློབ་དཔོན་རྒྱལ་བ་བྱིན་གྱིས་མཛད་པ་དཔལ་དགའ་བའི་སྒྲུབ་ཐབས། སུ་ནྱ་ཤྲཱིས་མཛད་པའི་འཇམ་པའི་རྡོ་རྗེའི་སྒྲུབ་ཐབས་གཞོན་ནུ་འབར་གྱི་འགྱུར། གསང་འདུས་མི་བསྐྱོད་པའི་སྒྲུབ་ཐབས་སྨྲྀ་ཏིའི་རང་འགྱུར། དཔལ་དགའ་བའི་རྡོ་རྗེའི་དབང་རབ་བྱེད་བ་རིའི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་ཡན་ལག་བདུན་ལྡན། དེ་ཁོ་ན་ཉིད་རིན་པོ་ཆེ་སྣང་བ་རྩ་འགྲེལ་འགོས་འགྱུར། སློབ་དཔོན་འཕགས་པ་ལྷས་མཛད་པའི་དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ཨིནྡྲ་ཏིས་མཛད་པ། དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། སློབ་དཔོན་ཐུ་བོ་རཱ་ཛ་ཧ་ཏིས་མཛད་པ། རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག །སློབ་དཔོན་རབ་འཇིགས་རྡོ་རྗེས་མཛད་པའི་སྦྱིན་སྲེག་གི་ཆོ་ག་རིན་ཆེན་བཟང་པོའི་འགྱུར། སློབ་དཔོན་རཏྣ་ཀཱིརྟིས་མཛད་པའི་བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་དགོད་པ་རྣམས་སློབ་དཔོན་ཀུ་ཀུ་ར་ཛས་མཛད་པར་གྲགས་པ་ལྷ་རིན་པོ་ཆེའི་འགྱུར། སྨྲྀ་ཏིས་མཛད་པའི་ལྷ་མོ་བཞིས་ཞུས་ཀྱི་འགྲེལ་པ་དེའི་རང་འགྱུར། གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད་སློབ་དཔོན་སྨན་པའི་ཞབས་ཀྱིས་མཛད་པ་ལྷ་ཡེ་ཤེས་རྒྱལ་མཚན་གྱི་འགྱུར། སྦྱོར་བ་ཡན་ལག་དྲུག་པའི་འགྲེལ་པ། སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར། སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ་སྨྲྀ་ཏིས་མཛད་པ། ཡེ་ཤེས་ཞབས་ལུགས་སྦྱོར་བ་ཡན་ལག་དྲུག་པ། སློབ་དཔོན་མི་གནས་རྡོ་རྗེས་མཛད་པའི་གསང་འདུས་ལྷ་སུམ་ཅུ་རྩ་གཉིས་ཀྱི་བསྟོད་པ་རིན་ཆེན་བཟང་པོའི་འགྱུར། གསང་བ་འདུས་པའི་བསྟོད་པ་མར་མེ་མཛད་ཡེ་ཤེས་ཀྱིས་མཛད་པ། རིན་ཆེན་བཟང་པོའི་འགྱུར། སློབ་དཔོན་དགའ་བའི་རྡོ་རྗེས་མཛད་པའི་དབང་གི་བྱ་བ་མདོར་བསྡུས་པ་ལ། མཻ་ཏྲི་པས་བཞི་པ་བཏགས་པ་མཆུར་གྱི་འགྱུར། དབང་དེར་གཏད་པ་མདོར་བསྡུས་པ་སྟེ་བརྒྱ་དང་བཅུ་བཞིའོ། །ཕྱི་མ་གཉིས་མ་ཆུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང་། དེའི་འགྲེལ་པ་གནས་ལྡན་དང་། ཀུན་ཏུ་བཟང་པོས་སྦྱར་བ་གསུམ་རྔོག་འགྱུར་མ་རྙེད་དོ། །གཤིན་རྗེ་གཤེད་ཀྱི་སྐོར་ལ། སློབ་དཔོན་དཔལ་འཛིན་གྱིས་མཛད་པའི་ཕྱོགས་ལ། དགྲ་ནག་གི་རྒྱུད་ཀྱི་འགྲེལ་པ་ལྷན་ཅིག་སྐྱེས་པའི་སྣང་བ། དགྲ་ནག་གི་སྒྲུབ་ཐབས། དགྲ་ནག་གི་དཀྱིལ་ཆོག་སྟེ། གསུམ་ནག་ཚོའི་འགྱུར། གཤིན་རྗེ་གཤེད་ནག་པོའི་སྒྲུབ་ཐབས་ཚིག་གི་སྣང་བ་གྲུབ་པ། གཤེད་དམར་གྱི་སྒྲུབ་ཐབས། དཀྱིལ་ཆོག་གཉིས་ཆོས་རྗེ་དཔལ་གྱི་འགྱུར། གཤེད་དམར་གྱི་ཏིང་ངེ་འཛིན་གྱི་ཆོ་ག་དཱ་ན་ཤཱི་ལའི་རང་འགྱུར། གཤིན་རྗེ་གཤེད་ནག་པོ་དང་དམར་པོའི་མཆོད་ཆོག །གཤེད་དམར་སྒྲུབ་ཐབས། གཤིན་རྗེ་གཤེད་དམར་གྱི་མཎྜལ་གྱི་ཆོ་ག །མཆོད་པའི་ཆོ་ག་རྣམས་ཉི་མ་རྒྱལ་མཚན་གྱི་འགྱུར། གཏོར་མའི་ཆོ་ག་ཆོས་རྗེ་དཔལ་གྱི་འགྱུར། འཇམ་པའི་རྡོ་རྗེའི་མཆོད་ཆོག་བི་་ཏིའི་རང་འགྱུར། རང་བྱིན་གྱིས་བརླབ་པའི་མན་ངག་གློ་བོ་ལོ་ཙྪའི་འགྱུར། དེ་རྣམས་དཔལ་འཛིན་གྱིས་མཛད་དོ། །སློབ་དཔོན་ཤཱནྟི་བས་མཛད་པའི་དགྲ་ནག་གི་འགྲེལ་པ་རིན་ཆེན་སྒྲོན་མ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ལཱི་ལ་བཛྲས་མཛད་པའི་དཀྱིལ་འཁོར་གྱི་ཆོ་ག་གཤིན་རྗེ་གཤེད་འབྱུང་བ་ཅོག་གྲུ་ཤེས་རབ་བླ་མའི་འགྱུར། ལཱི་ལ་བཛྲས་མཛད་པའི་མཆོད་རྟེན་གྱི་ཆོ་ག་རྒྱས་པ་དང་། བསྡུས་པ་དང་། མར་མེ་མཛད་ཀྱིས་མཛད་པའི་བསྲུང་འཁོར། དེ་བ་ཨ་ཀ་ར་ཙནྟྲས་མཛད་པའི་རིམ་པ་བཞིའི་བྱེ་བྲག་བསྟན་པའི་མན་ངག །ཀླུའི་བྱང་ཆུབ་ཀྱིས་མཛད་པའི་རོ་སྲེག་གི་ཆོ་ག །འཁྲུལ་འཁོར་གྱི་ཆོ་ག །ཨ་མོ་གྷ་བཛྲས་མཛད་པའི་ཚིགས་སུ་བཅད་པ་བཅུ་པ་དང་། ཞི་བའི་སྦྱིན་སྲེག །རྒྱས་པའི་སྦྱིན་སྲེག་དང་། དྲག་པོའི་སྦྱིན་སྲེག་དང་། ལཱི་ལ་བཛྲས་མཛད་པའི་སྦས་པའི་སྤྱོད་པ་བསྡུས་པ་དང་། ལས་ཀྱི་རིམ་པའི་མན་ངག་དང་། རྣམ་པར་འཕེལ་བའི་མན་ངག་སྟེ། དེ་རྣམས་ཕལ་ཆེར། ཤེས་རབ་བླ་མའི་འགྱུར་ཡིན་ལ་བསྟན་འགྱུར་དུ་མ་ཆུད། དོན་ཡོད་ཞབས་ཀྱིས་མཛད་པའི་འཇམ་པའི་རྡོ་རྗེའི་དཀྱིལ་འཁོར་གྱི་ཆོ་ག །དཔལ་རྡོ་རྗེ་བློའི་གཤིན་རྗེ་གཤེད་ཁྲོ་བོ་ཆེན་པོའི་སྒྲུབ་ཐབས། འཁོར་ལོ་བྲི་བའི་ཆོ་ག །དོན་ཡོད་ཞབས་ཀྱི་འཇམ་དཔལ་གསང་བའི་རྒྱུད་ཀྱི་དཀྱིལ་ཆོག །ཁྲོ་བོ་རྣམ་རྒྱལ་གྱི་སྦྱིན་སྲེག་གི་ཆོ་ག་དངོས་གྲུབ་ཀྱི་ཚུལ་ངེས་པར་བསྟན་པ། སློབ་དཔོན་ཤྲཱི་བི་རཱུ་པས་མཛད་པའི་གཤེད་དམར་སྒྲུབ་ཐབས་དཱ་ན་ཤཱི་ལའི་རང་འགྱུར། སློབ་དཔོན་བློ་གྲོས་བཟང་པོས་མཛད་པའི་ལྷ་ལྔའི་སྒྲུབ་ཐབས། རང་བྱིན་གྱིས་བརླབ་པ་ཆོས་རྗེ་དཔལ་གྱི་འགྱུར། འཁྲུལ་འཁོར་ཆོ་ག །འཁོར་ལོའི་དེ་ཁོ་ན་ཉིད་གསལ་བྱེད་དཱ་ན་ཤཱི་ལས་མཛད་པ་དེ་ཉིད་ཀྱི་རང་འགྱུར། རྣམ་པར་སྣང་མཛད་བསྲུང་བ་དང་། བིརྦ་པས་མཛད་པའི་གཤེད་དམར་གྱི་སྒྲུབ་ཐབས། བི་རཱུ་བས་མཛད་པའི་གཏོར་ཆོག །བིརྦ་པས་མཛད་པའི་འོད་གསལ་འཆར་བའི་རིམ་པ། སློབ་དཔོན་དཔའ་བོ་རྒྱལ་པོས་མཛད་པའི་གཤེད་དམར་སྒྲུབ་ཐབས་ཏེ་ལྔ་ཆོས་རྗེ་དཔལ་གྱི་འགྱུར། བིརྦ་པས་མཛད་པའི་གཤིན་རྗེ་གཤེད་ཀྱི་འཁྲུལ་འཁོར་གྱི་ཕྲེང་བ་དཱ་ན་ཤཱི་ལའི་རང་འགྱུར། བློ་བཟང་སྙིང་པོས་མཛད་པའི་གཤེད་དམར་སྒྲུབ་ཐབས་ཉི་མ་རྒྱལ་མཚན་གྱི་འགྱུར། སློབ་དཔོན་མི་བསྐྱོད་རྡོ་རྗེས་མཛད་པའི་རྡོ་རྗེ་འཇིགས་བྱེད་ཀྱི་དཀའ་འགྲེལ་ཆོས་ཀྱི་ཤེས་རབ་ཀྱི་འགྱུར། འཇིགས་བྱེད་ཀྱི་མདོར་བཤད་སློབ་དཔོན་གཞོན་ནུ་རྡོ་རྗེས་མཛད་པའི་འཇིགས་བྱེད་ཀྱི་དཀའ་འགྲེལ་བ་རིའི་འགྱུར། ཨ་མོ་གྷ་བཛྲས་མཛད་པའི་འཇིགས་བྱེད་ཀྱི་སྒྲུབ་ཐབས་དང་དཀྱིལ་ཆོག །ཤྲཱི་བྷ་དྲས་མཛད་པའི་སྦྱིན་སྲེག །ཤཱནྟི་པས་མཛད་པའི་ཚོགས་འཁོར། སློབ་དཔོན་འཇམ་དཔལ་དབྱངས་ཀྱིས་མཛད་པའི་འཇིགས་བྱེད་ཕྱག་གཉིས་པའི་སྒྲུབ་ཐབས། ཙུ་ཙུན་དྷ་རའི་རྟོག་པ་སྟེ་དྲུག །རྭ་རྡོ་རྗེ་གྲགས་ཀྱི་འགྱུར། སློབ་དཔོན་ཤྲཱི་བྷ་དྲས་མཛད་པའི་འཇིགས་བྱེད་ཀྱི་སྒྲུབ་ཐབས་དང་། སྒྲུབ་ཐབས་མདོར་བསྡུས་པ་གཉིས། སློབ་དཔོན་ཞི་བའི་ཡེ་ཤེས་ཀྱིས་མཛད་པའི་འཇིགས་བྱེད་ཀྱི་བསྙེན་པའི་ཆོ་ག །གཤིན་རྗེ་གཤེད་ཀྱི་བསྒྲུབ་པའི་ཆོ་ག །འཁོར་ལོ་བསྐོར་བའི་ལས་དྲག་པོའི་ཕྱོགས་གཅིག་པ། སློབ་དཔོན་འཇམ་དཔལ་ཡེ་ཤེས་ཀྱིས་མཛད་པའི་འཇིགས་བྱེད་ཀྱི་སྒྲུབ་ཐབས་དོན་ཡོད་རྡོ་རྗེའི་རང་འགྱུར། སློབ་དཔོན་ནག་པོ་ཞབས་ཀྱིས་མཛད་པའི་གཤིན་རྗེ་གཤེད་ནག་པོའི་རྒྱུད་ཀྱི་རྒྱ་ཆེར་འགྲེལ་པ་མངོན་པར་མཐོང་བ་ལམ་གྱི་སྒྲོན་མ་དང་། མཆོད་རྟེན་གྱི་ཆོ་ག །རོ་སྲེག་གི་ཆོ་ག །ཚོགས་འཁོར་གྱི་ཆོ་ག །མཆོད་པའི་ཆོ་གའི་རིམ་པ། གཤིན་རྗེ་གཤེད་ཀྱི་སྒྲུབ་ཐབས་ཏེ་དྲུག་ནག་པོ་པས་མཛད་ཅིང་པྲ་ཛྙཱ་ཤྲཱི་ཛྙཱ་ནའི་རང་འགྱུར། རྡོ་རྗེ་འཇིགས་བྱེད་ཀྱི་སྒྲུབ་ཐབས། སློབ་དཔོན་ལཱ་ལི་ཏ་བཛྲས་མཛད་པ་ཅོག་གྲུ་ཤེས་རབ་བླ་མའི་འགྱུར། འཇིགས་བྱེད་དྲག་པོའི་སྦྱིན་སྲེག་གི་ཆོ་ག་ཨ་མོ་གྷ་བཛྲས་མཛད་པ། གཤིན་རྗེ་གཤེད་ནག་པོའི་འཁོར་ལོའི་ཆོ་ག །སློབ་དཔོན་བསོད་སྙོམས་པ་ཀ་མ་ལ་རཀྵི་ཏས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་ནག་ཚོའི་འགྱུར། སློབ་དཔོན་ཉིན་བྱེད་གྲགས་པས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་འགོས་འགྱུར། སློབ་དཔོན་གྷོ་ཥ་བཛྲས་མཛད་པའི་གཤེན་རྗེ་གཤེད་ནག་པོའི་སྒྲུབ་ཐབས་ཆག་འགྱུར། ཤྲཱི་པཎྜི་ཏས་མཛད་པའི་གཤིན་རྗེ་གཤེད་ནག་པོ་དུས་མཐར་ཕྱིན་པའི་སྒྲུབ་ཐབས་དང་། དཔལ་མར་མེ་མཛད་ཀྱིས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་དང་། གཤིན་རྗེ་གཤེད་རྣམ་པར་སྣང་མཛད་ཀྱི་སྒྲུབ་ཐབས་དང་། གཤིན་རྗེ་གཤེད་རིན་ཆེན་འབྱུང་ལྡན་གྱི་སྒྲུབ་ཐབས་དང་། མི་བསྐྱོད་པའི་སྙིང་པོ་འདོད་ཆགས་གཤིན་རྗེ་གཤེད་ཀྱི་སྒྲུབ་ཐབས་དང་། གཤིན་རྗེ་གཤེད་རྡོ་རྗེ་རྣོན་པོའི་སྒྲུབ་ཐབས་དང་། རྡོ་རྗེ་སེམས་དཔའི་སྒྲུབ་ཐབས་དང་། ཐོ་བ་གཤིན་རྗེ་གཤེད་ཀྱི་སྒྲུབ་ཐབས་དང་། དབྱུག་པ་གཤིན་རྗེ་གཤེད་ཀྱི་སྒྲུབ་ཐབས་དང་། རལ་གྲི་གཤིན་རྗེ་གཤེད་ཀྱི་སྒྲུབ་ཐབས་དང་། པདྨ་གཤིན་རྗེ་གཤེད་ཀྱི་སྒྲུབ་ཐབས་དང་། རྡོ་རྗེ་མཁའ་འགྲོ་རྣལ་འབྱོར་མའི་སྒྲུབ་ཐབས་དང་། རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས་དང་། ལས་ཀྱི་རྡོ་རྗེ་གཽ་རཱི་མའི་སྒྲུབ་ཐབས་དང་། འཇམ་དཔལ་གཤིན་རྗེ་གཤེད་ནག་པོའི་སྒྲུབ་ཐབས་ཏེ་བཅུ་བཞི། མར་མེ་མཛད་ཀྱིས་བྱས་པ་དང་བཅོ་ལྔ་པོ་པྲ་ཛྙཱ་ཤྲཱི་ཛྙཱ་ནའི་རང་འགྱུར། ནག་པོ་པས་མཛད་པའི་མཆོད་རྟེན་གྱི་ཆོ་ག །ཉི་མ་རྒྱལ་མཚན་གྱི་འགྱུར། ཁྲོ་བོ་བཅུའི་གཏོར་མའི་ཆོ་ག་ལག་ལེན་དང་བཅས་པ། གཤིན་རྗེ་གཤེད་གདོང་དྲུག་པའི་སྒྲུབ་ཐབས་ཤེས་རབ་བླ་མའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་གཤིན་རྗེ་གཤེད་དགྲ་ནག་པོའི་སྒྲུབ་ཐབས་གྲུབ་པའི་འཁོར་ལོ། འཇམ་དཔལ་གྱི་རྟོག་པ་དམ་རྫས་གསང་བའི་རྨད་དུ་བསྒྱུར་ཏེ་བསྟེན་པའི་ཆོ་ག །གཤེད་དམར་གྱི་རྫོགས་རིམ་ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་ཀྱི་མན་ངག་བིརྦ་པས་མཛད་པ། གློ་བོ་ལོ་ཙྪ་བའི་འགྱུར། སློབ་དཔོན་མི་བསྐྱོད་རྡོ་རྗེས་མཛད་པའི་གཤིན་རྗེ་གཤེད་དགྲ་ནག་པོའི་སྒྲུབ་ཐབས་འཁོར་ལོའི་དོན་རྒྱས་པར་བཤད་པ་དང་བཅས་པ་ཆོས་ཀྱི་ཤེས་རབ་ཀྱི་འགྱུར། ཇོ་བོ་རྗེས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་ནག་ཚོའི་འགྱུར། སློབ་དཔོན་གཞོན་ནུ་ཟླ་བས་མཛད་པའི་དགྲ་ནག་གི་རྒྱུད་ཀྱི་འགྲེལ་པ་རིན་པོ་ཆེའི་ཕྲེང་བ། གཤིན་རྗེ་གཤེད་ཀྱི་སྒྲུབ་ཐབས་སློབ་དཔོན་མི་བསྐྱོད་རྡོ་རྗེས་མཛད་པ། གཤིན་རྗེ་གཤེད་ནག་པོའི་མཎྜལ་གྱི་ཆོ་ག །པཎྜི་ཏ་དོན་ཡོད་རྡོ་རྗེས་མཛད་པའི་འཇིགས་བྱེད་ཀྱི་བསྟོད་པ་ཤེས་རབ་བླ་མའི་འགྱུར། འཇིགས་བྱེད་ཀྱི་མཚན་ལ་བསྟོད་པ་སློབ་དཔོན་ལས་ཀྱི་རྒྱལ་པོས་མཛད་པ། འཇིགས་བྱེད་ཀྱི་བསྟོད་པ་གསུམ་སྟེ། སློབ་དཔོན་ཤཱནྟི་པས་མཛད་པའི་དགྲ་ནག་གི་སྒྲུབ་ཐབས་ཀུ་མུ་ཏ་ཕྱེ་བ་ལྟ་བུ་འདི་མ་ཆུད། གཤིན་རྗེ་གཤེད་ཀྱི་སྐོར་བརྒྱ་རྩ་བཞིའོ། །ཕྱག་ན་རྡོ་རྗེ་རྣལ་འབྱོར་ཆེན་པོ་ལྟར་བཤད་པ་ལ། འཁོར་ལོ་ཆེན་པོའི་སྐོར་ནི། རྒྱུད་ཀྱི་འགྲེལ་པ་བདུད་རྩི་མྱུ་གུ། སྒྲུབ་ཐབས་རྒྱས་པ་འཁོར་ལོ་ཆེན་པོ། འབྲིང་པོ་བདུད་རྩི་ཐིགས་བ། སྒྲུབ་ཐབས་མདོར་བསྡུས་པ་སྒྲུབ་ཐབས་མདོར་བསྡུས་ཏེ་འཇིག་རྟེན་ལས་འདས་པའི་སྒྲུབ་ཐབས་གསུམ། ཀླུ་རིགས་བཞིའི་སྒྲུབ་ཐབས། གནོད་སྦྱིན་གྱི་སྒྲུབ་ཐབས། བདུད་ཟློག་གི་སྒྲུབ་ཐབས་ཏེ། འཇིག་རྟེན་པའི་སྒྲུབ་ཐབས་གསུམ། སྦྱིན་སྲེག་གི་ཆོ་ག་ཞི་དྲག་གཉིས། བདུད་རྩི་འོ་མའི་མཆོད་པ། རྨི་ལྟས་རིམ་པ་དྲུག་པ། གཟུངས་ཀྱི་གཏོར་ཆོག །བདུད་རྩིས་བསད་པ་གསོ་བ། ཀླུ་ཁྲོ་བོས་བསད་པའི་འཕྲིན་ལས། ཀླུ་རིགས་བཞི་མནན་པའི་ཆོ་ག །དཀྱིལ་འཁོར་གྱི་ཆོ་ག །མཛེ་ནད་ཀྱི་མཚན་ཉིད་ཕྱག་ན་རྡོ་རྗེའི་བསྟོད་པ་སྟེ་བཅོ་བརྒྱད། འགར་ཆོས་བཟང་གི་འགྱུར། རྟེན་ཅིང་འབྲེལ་བར་འབྱུང་བའི་བསྲུང་བ། བསྲུང་བའི་འཁོར་ལོ། ཕྱག་ན་རྡོ་རྗེ་ལ་རྗེས་སུ་ཡི་རང་བའི་བསྟོད་པ་རྣམས་ཤེའུ་བཛྲ་དེ་བའི་འགྱུར་ཏེ་ཉི་ཤུ་རྩ་གཅིག་བོ་འདི་ཤེའུ་ལོ་ཙྪ་དང་འགར་ཆོས་བཟང་དང་དུས་ཕྱིས་ཁམས་པ་ཡོན་ཏན་འབྱུང་གནས་ཀྱིས་བཅོས་པ་དང་འགྱུར་མི་གཅིག་པ་གསུམ་སྣང་བས་བོད་མ་ཡིན་ཟེར་བ་མི་བདེན་ནོ། །འདིར་གསང་བ་བསྟན་པའི་རྒྱུད་ཀྱི་རྗེས་སུ་འབྲང་པའི་གཏུམ་པོའི་སྒྲུབ་ཐབས་གསང་བ་ཐུགས་ཀྱི་ཕུར་གཅིག་མ་ལ་སོགས་པ་ཝ་ལ་ཙནྟྲ་དང་དྷརྨ་ཚུལ་ཁྲིམས་ཀྱིས་བསྒྱུར་བ་རྣམས་སྔར་མ་ཆུད་དོ། །སློབ་དཔོན་བྷ་ཝ་པས་མཛད་པའི་སྐོར་ལ། རྡོ་རྗེ་མེ་ལྕེའི་རྒྱུད་ཀྱི་འགྲེལ་པ་དེ་ཁོ་ན་ཉིད་སྣང་བ། དཀྱིལ་ཆོག །ཕྱག་ན་རྡོ་རྗེས་མཛད་པའི་སྒྲུབ་ཐབས། ཚོགས་འཁོར། སྦྱིན་སྲེག །མཎྜལ། གཏོར་མ། ལས་ཚོགས་ཀྱི་སྦྱོར་བ། ལས་ཚོགས་རིམ་པར་ཕྱེ་བ་ལ་སོགས་པ་རྣམས་གཞོན་ནུ་ཚུལ་ཁྲིམས་ཀྱི་འགྱུར། འདིར་རྡོ་རྗེ་བེ་ཅོན་ཅན་གྱི་ཆོས་སྐོར་རྣམས་བཙལ་ལོ། །རིགས་ཀྱི་འཇིག་རྟེན་མགོན་པོ་ལྔ་བཅུ་པའི་འགྲེལ་པ་མདོར་བསྡུས་པ་དང་། རྗེས་གནང་བྱིན་རླབས་ཀྱི་ཆོ་ག་གཉིས་བི་མ་ལ་ཤྲཱིས་མཛད་པ་དང་། སྒྲུབ་ཐབས་རྗེ་བཙུན་མ་ཧི་པས་མཛད་པ་དང་། སློབ་དཔོན་བྲམ་ཟེ་བྷྲིཾག་རས་མཛད་པའི་སྒྲུབ་ཐབས་དང་བཞི་གྲགས་པ་རྒྱལ་མཚན་གྱི་འགྱུར། གཉིས་བསྟན་འགྱུར་དུ་མ་ཚུད་དོ། །སློབ་དཔོན་ཨ་ཛི་ཏ་མི་ཏྲ་གུཔྟས་མཛད་པའི་རལ་པ་གཅིག་པ་ལྷ་ཉི་ཤུ་རྩ་ལྔའི་སྒྲུབ་ཐབས། ལྷ་བཅུ་བདུན་གྱི་སྒྲུབ་ཐབས། བཛྲ་རཀྵི་ཏས་མཛད་པའི་རལ་གཅིག་ལྷན་སྐྱེས་ཀྱི་སྒྲུབ་ཐབས། རོལ་པའི་རྡོ་རྗེས་མཛད་པའི་ཡུམ་གྱི་སྒྲུབ་ཐབས། བསྔོ་བ་ནོར་བུའི་སྒྲོན་མ། བུད་དྷ་ཤྲཱིས་མཛད་པའི་བསྟོད་པ། རྫོགས་རིམ་རྡོ་རྗེ་སྦས་པའི་གསང་ལམ། ཨ་ཛི་ཏ་མི་ཏྲས་མཛད་པའི་གནོད་སྦྱིན་སྤུན་གཉིས་ཀྱི་སྒྲུབ་ཐབས་ཏེ། བརྒྱད་བྱམས་པའི་དཔལ་གྱི་འགྱུར། བཞི་མ་ཆུད་དོ། །སློབ་དཔོན་སེ་མནྟ་ཤྲཱིས་མཛད་པའི་མགོན་པོ་མངོན་འབྱུང་གི་དཀྱིལ་ཆོག་དངོས་གྲུབ་རིན་ཆེན་འབྱུང་གནས་དང་། སྦྱིན་སྲེག་གི་ཆོ་ག་ཡེ་ཤེས་ཀྱི་མེ་སྦར་བ་གཉིས་རྭ་ཆོས་རབ་ཀྱི་འགྱུར། ནག་པོ་ཆེན་པོའི་རྒྱུད་ཀྱི་འགྲེལ་པ་སློབ་དཔོན་རྟ་དབྱངས་ཀྱིས་མཛད་པའོ། །

ཤེས་རབ་ཀྱི་རྒྱུད་དང་འབྲེལ་བ།

གཉིས་པ་ཤེས་རབ་ཀྱི་རྒྱུད་དང་འབྲེལ་བ་ལ། ཀྱེ་རྡོ་རྗེའི་སྐོར་ནི། ཀྱེ་རྡོ་རྗེའི་རྒྱུད་ཀྱི་འགྲེལ་པ་ལ། རྡོ་རྗེ་སྙིང་པོས་མཛད་པ་འབྲོ་འགྱུར། མཚོ་སྐྱེས་རྡོ་རྗེས་མཛད་པའི་པད་མོ་ཅན་ཁུ་དངོས་གྲུབ་ཀྱི་འགྱུར། མི་ཐུབ་ཟླ་བས་མཛད་པའི་ཀུ་མུ་ཊི་ཤཱཀྱ་ཡེ་ཤེས་ཀྱི་འགྱུར། ཤཱནྟི་པས་མཛད་པའི་མུ་ཏིག་གི་ཕྲེང་བ་འགོས་འགྱུར། ནཱ་རོ་པས་མཛད་པའི་འགྲེལ་ཆེན་དཔྱལ་ཆོས་བཟང་གི་འགྱུར། སློབ་དཔོན་ཌཾ་ཀ་དཱ་ཤས་མཛད་པའི་ཁ་སྦྱོར་ཤིན་ཏུ་དྲི་མ་མེད་པ་ཤོང་བློ་བརྟན་གྱི་འགྱུར། སློབ་དཔོན་པདྨའི་མྱུ་གུས་མཛད་པའི་དཀའ་འགྲེལ་དང་། སློབ་དཔོན་དྷརྨ་ཀཱིརྟིས་མཛད་པའི་དཀའ་འགྲེལ་སྤྱན་འབྱེད། སློབ་དཔོན་བྷ་ཝ་བྷ་དྲས་མཛད་པའི་རྣམ་འགྲེལ་བསོད་ནམས་རྒྱལ་མཚན་གྱི་འགྱུར། དཀའ་འགྲེལ་རྣལ་འབྱོར་རིན་པོ་ཆེའི་ཕྲེང་བ་ནག་ཚོའི་འགྱུར། སློབ་དཔོན་པདྨའི་མྱུ་གུས་མཛད་པའི་འགྲེལ་པ་སྟོད་ཅུང་མ་ཚང་བ་མཚུར་དབྱིག་གི་རྒྱལ་མཚན་གྱི་འགྱུར། སློབ་དཔོན་ནག་པོ་པས་མཛད་པའི་དཀའ་འགྲེལ་དྲན་པའི་འབྱུང་གནས་འགོས་འགྱུར་ཏེ། བརྟག་གཉིས་ཀྱི་འགྲེལ་པ་བཅུ་གཉིས་སོ། །གུར་གྱི་འགྲེལ་པ་ལ། ཨིདྲ་བྷུ་ཏིས་མཛད་པའི་དཀའ་འགྲེལ་ཞལ་ནས་བརྒྱུད་པ་ཤཱཀྱ་བརྩོན་འགྲུས་ཀྱི་འགྱུར། ལྷའི་རིགས་ཀྱི་བློ་གྲོས་ཆེན་པོས་མཛད་པའི་གུར་གྱི་དཀའ་འགྲེལ། དེ་ཁོ་ན་ཉིད་རྒྱས་པ་འགོས་འགྱུར། ནག་པོ་པ་ཆེ་བས་མཛད་པའི་གུར་གྱི་བཤད་སྦྱར་ཤཱཀྱ་ཡེ་ཤེས་ཀྱི་འགྱུར། གུར་བརྟག་པ་དང་པོའི་བཤད་སྦྱར་ཤཱཀྱ་ཡེ་ཤེས་ཀྱི་འགྱུར་ཏེ། གུར་འགྲེལ་བཞི། སཾ་བུ་ཊིའི་འགྲེལ་པ་ལ། སློབ་དཔོན་ཨིནྡྲ་བྷུ་ཏིས་མཛད་པ་ཡང་དག་པའི་ལྟ་བའི་དྲན་པའི་སྣང་བ་གྱི་ཅོའི་འགྱུར། རབ་ཏུ་གསལ་བ་ཁ་སྦྱོར་གྱི་འགྲེལ་པ་སློབ་དཔོན་ཀ་ཡ་ཐ་བགྲེས་པོས་མཛད་པ་གླན་ཆོས་ཀྱི་བློ་གྲོས་ཀྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་མན་ངག་གི་སྙེ་མ་ཤུ་ལོ་ཀ་སྟོང་ཕྲག་བརྒྱད་པ་སངས་རྒྱས་གྲགས་དང་ཆོས་ཀྱི་བཟང་པོའི་འགྱུར་ལ། དཔང་བློ་བརྟན་གྱིས་ལེགས་པར་བཅོས་པ། སློབ་དཔོན་དཔའ་པོ་རྡོ་རྗེས་མཛད་པའི་རྒྱ་ཆེར་བཤད་པ་རིན་པོ་ཆེའི་ཕྲེང་བ་སྟེ། བཞིའོ། །རྡོ་རྗེ་སྙིང་པོས་མཛད་པའི་ཀྱེ་རྡོ་རྗེ་རྗེའི་སྒྲུབ་ཐབས་དེ་ཁོ་ན་ཉིད་སྣང་བ་ཟླ་བ་མགོན་པོའི་རང་འགྱུར་འདི་ཐེ་ཚོམ་གྱི་གཞིའོ། །སློབ་དཔོན་མཚོ་སྐྱེས་རྡོ་རྗེས་མཛད་པའི་ཀྱེ་རྡོ་རྗེའི་སྒྲུབ་ཐབས་ཤཱཀྱ་ཡེ་ཤེས་ཀྱི་འགྱུར། དེའི་འགྲེལ་པ་སློབ་དཔོན་ཛ་ལན་དྷ་རི་པས་མཛད་པ་དག་པ་རྡོ་རྗེ་སྒྲོན་མ་ཉི་མ་རྒྱལ་མཚན་གྱི་འགྱུར། སློབ་དཔོན་མཚོ་སྐྱེས་རྡོ་རྗེས་མཛད་པའི་ཚོགས་འཁོར་དམ་ཚིག་ལྔ་པ་ཆོས་ཀྱི་གྲགས་པའི་འགྱུར། སློབ་དཔོན་མི་ཐུབ་ཟླ་བས་མཛད་པའི་དཀྱིལ་འཁོར་ཆོ་ག་བཟང་པོ་ཡོངས་བཟུང་། སྒྲུབ་ཐབས་ཡན་ལག་དྲུག་པ། བདག་མེད་མ་ལྷ་མོ་བཅོ་ལྔའི་སྒྲུབ་ཐབས། འབྱུང་པོ་ཐམས་ཅད་པའི་གཏོར་ཆོག་སྟེ་བཞི་ཤཱཀྱ་ཡེ་ཤེས་ཀྱི་འགྱུར། སློབ་དཔོན་ཌོཾ་བི་ཧེ་རུ་ཀས་མཛད་པའི་ཚོགས་འཁོར་གྱི་ཆོ་ག་མར་པ་ཆོས་ཀྱི་བློ་གྲོས་ཀྱི་འགྱུར། ཌོཾ་བི་ཧེ་རུ་ཀས་མཛད་པའི་ལྷ་མོ་བཅོ་ལྔའི་སྒྲུབ་ཐབས་བདུད་རྩི་འོད་ཤཱཀྱ་ཡེ་ཤེས་ཀྱི་འགྱུར། ནག་པོ་པའི་ཀྱེ་རྡོ་རྗེའི་དཔའ་བོ་གཅིག་པའི་སྒྲུབ་ཐབ་འགོས་འགྱུར། ཏཱ་ར་ཤྲཱི་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་ཆོས་ཀྱི་དབང་ཕྱུག་གི་འགྱུར། སྤྱན་དབྱེའི་ཆོ་ག །ཚ་ཚའི་ཆོ་ག །དྷརྨ་པ་ཀའི་གཏོར་མའི་དེ་ཉིད་བསྡུས་པ། ཡེ་ཤེས་སྙིང་པོས་མཛད་པའི་རོ་སྲེག་གི་ཆོ་ག །འདིར་ཚོགས་འཁོར་གྱི་ཆོ་ག་བོད་ཀྱི་རྒྱ་སྟོན་གྱིས་བྱས་པ་བྲིས་པ་ནི་ནོར་པའོ། །ནག་པོ་པའི་ཚོགས་འཁོར་དང་སྦྱིན་སྲེག་འགོས་འགྱུར། ལྷན་སྐྱེས་སྒེག་པའི་ཀུ་རུ་ཀུ་ལླེའི་སྒྲུབ་ཐབས་དཱ་ན་ཤཱི་ལའི་རང་འགྱུར། སློབ་དཔོན་ཞི་བ་འཚོས་མཛད་པའི་གོང་བུ་དགུག་པ། རྐང་པ་དགུག་པ། སྦྲུལ་གྱི་དུག་སེལ་བ། ཤེས་རབ་འཕེལ་བ། དབང་དུ་བསྡུ་བ་སྟེ། ཀུ་རུ་ཀུ་ལླེའི་མན་ངག་ལྔ་དཱ་ན་ཤཱི་ལའི་རང་འགྱུར། སློབ་དཔོན་ཨ་ལ་ལ་བཛྲས་མཛད་པའི་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས། སློབ་དཔོན་སྒྲ་གཅན་འཛིན་གྱིས་མཛད་པའི་དཔའ་བོ་གཅིག་པ་ཤཱཀྱ་ཡེ་ཤེས་ཀྱི་འགྱུར། སློབ་དཔོན་རྣལ་འབྱོར་པས་མཛད་པའི་དུར་ཁྲོད་ཀྱི་བཤད་པ་འགོས་འགྱུར། སློབ་དཔོན་ཨིནྡྲ་བྷུ་ཏི་དང་། མཚོ་སྐྱེས་ཀྱིས་མཛད་པའི་རྩ་བའི་མངོན་རྟོགས་ཆེ་ཆུང་གཉིས། དུར་ཁྲོད་བརྒྱད་ཀྱི་བཤད་པ་གཉིས། ཀྱེ་རྡོ་རྗེའི་མངོན་པར་རྟོགས་པའི་རིམ་པ་དེ་ཁོ་ན་ཉིད་རྣམ་པར་ཕྱེ་བ། རྡོ་རྗེའི་གླུའི་འགྲེལ་པ་སློབ་དཔོན་པད་མ་དང་སྒྲོན་མ་ཅན་གྱི་སྡེས་མཛད་པ་སྟེ། དེ་རྣམས་ཤཱཀྱ་ཡེ་ཤེས་ཀྱི་འགྱུར། བརྡ་ངེས་པར་བཟུང་བ་ཡེ་ཤེས་རྒྱལ་མཚན་གྱི་འགྱུར། དགོངས་པའི་སྐད་ཀྱི་འགྲེལ་པ། སློབ་དཔོན་ཀླུ་སྒྲུབ་ཀྱིས་མཛད་པ་ཤེས་རབ་གྲགས་ཀྱི་འགྱུར། སློབ་དཔོན་ནག་པོ་པས་མཛད་པའི་དཀྱིལ་ཆོག་གཞུང་འགྲེལ་འགོས་འགྱུར། བདག་མེད་མ་དང་ཀྱེ་རྡོ་རྗེའི་སྒྲུབ་ཐབས་དེ་ཁོ་ན་ཉིད་གསལ་བ་གཉིས་ནག་ཚོའི་འགྱུར། དུར་ཁྲོད་བརྒྱད་ཀྱི་རྟོག་པ་བིརྦ་པས་མཛད་པ་ལས་བཏུས་པ་ཤེས་རབ་དཔལ་ཡེ་ཤེས་ཀྱི་རང་འགྱུར། ནག་པོ་པ་ཆུང་བས་མཛད་པའི་རོ་སྲེག་གི་ཆོ་ག །སྦྱིན་སྲེག་གི་ཆོ་ག །རབ་ཏུ་གནས་པའི་ཆོ་གའི་ཚུལ། ཚོགས་ཀྱི་འཁོར་ལོ་རྣམས་འགོས་འགྱུར། ཇོ་བོ་རྗེས་མཛད་པའི་ཀྱེ་རྡོ་རྗེའི་འབྱུང་པོ་ཐམས་ཅད་ཀྱི་གཏོར་ཆོག །སློབ་དཔོན་ཤཱནྟི་པས་མཛད་པའི་ལྷན་ཅིག་སྐྱེས་དགའ་ཏིང་ངེ་འཛིན་བཟང་པོའི་འགྱུར། གཏོར་མའི་ཆོ་ག་གཉིས། ནག་པོ་པའི་གཤིན་ཆོག་ཉི་མ་རྒྱལ་མཚན་གྱི་འགྱུར། སློབ་དཔོན་ཤཱནྟི་པས་མཛད་པའི་ལྷན་ཅིག་སྐྱེས་པའི་རྣལ་འབྱོར་གྱི་རིམ་པ་ཀུ་མཱ་ར་ཀ་ལ་ཤའི་འགྱུར་དང་། དེའི་འགྲེལ་པ་སློབ་དཔོན་ཐ་ཀ་ནས་མཛད་པ་སྙིང་པོ་རབ་ཏུ་གསལ་བ་མནྟྲ་ཀ་ལ་ཤུའི་རང་འགྱུར། སློབ་དཔོན་མི་ཐུབ་ཟླ་བས་མཛད་པའི་གུར་མཁའ་འགྲོ་ལྔའི་སྒྲུབ་ཐབས་བསོད་ནམས་རྒྱལ་མཚན་གྱི་འགྱུར། རྡོ་རྗེ་གུར་གྱི་སྒྲུབ་ཐབས་དཀྱིལ་འཁོར་བསྡུས་པའི་རྗེས་སུ་འབྲང་བ་སློབ་དཔོན་ལྷའི་བརྟུལ་ཞུགས་ཀྱིས་མཛད་པ་ཆོས་ཀྱི་བློ་གྲོས་ཀྱི་འགྱུར། སློབ་དཔོན་དཔེ་མེད་རྡོ་རྗེའི་རབ་ཏུ་གསལ་བའི་སྒྲུབ་ཐབས་རིན་ཆེན་བཟང་པོའི་འགྱུར། གུར་གྱི་ཁྲོ་བོ་བཅུའི་རིག་པའི་ཆོ་ག་སློབ་དཔོན་ཛེ་ཏཱ་རི་པས་མཛད་པ་དང་། ཌོཾ་བི་པའི་སློང་མོའི་འགྲེལ་པ་གཉིས་ཉི་མ་རྒྱལ་མཚན་གྱི་འགྱུར། སློབ་དཔོན་ཤཱནྟི་པས་མཛད་པའི་སྒྲུབ་ཐབས་འཁྲུལ་སྤོང་། དགེ་སློང་དཔོན་འོད་སྲུངས་གཞོན་ནུའི་དབང་བཞིའི་རབ་ཏུ་དབྱེ་བ་རིན་ཆེན་བཟང་པོའི་འགྱུར། སློབ་དཔོན་བི་ན་པས་མཛད་པའི་ཀྱེ་རྡོ་རྗེའི་གསང་བའི་དབང་གི་རབ་ཏུ་དབྱེ་བ་དང་། དབང་ཆེན་པོའི་རིམ་པ་གསུམ་པ། སློབ་དཔོན་དཔའ་བོ་རྡོ་རྗེས་མཛད་པའི་ཀྱེ་རྡོ་རྗེའི་དཀྱིལ་ཆོག་རིན་ཆེན་འབར་བ་ཤཱཀྱ་ཡེ་ཤེས་ཀྱི་འགྱུར། སློབ་དཔོན་ནག་པོ་པས་མཛད་པའི་ཨེ་ཝཾ་མ་ཡའི་བཤད་པ་སྒྲོན་མའི་རིམ་པ། སློབ་དཔོན་ཌོཾ་བི་པས་མཛད་པའི་དེ་ཁོ་ན་ཉིད་བཅུ་པ་དགེ་བློའི་འགྱུར། སློབ་དཔོན་ཀཾ་པ་ལས་མཛད་པའི་ཀྱེ་རྡོ་རྗེའི་སྒྲུབ་ཐབས་དེ་ཁོ་ན་ཉིད་བཞིའི་རིམ་པ་གླན་དར་མ་བློ་གྲོས་ཀྱི་འགྱུར། ཀྱེ་རྡོ་རྗེའི་ལག་ཏུ་བླང་བའི་རིམ་པ་བསོད་ནམས་རྒྱལ་མཚན་གྱི་འགྱུར། མངོན་པར་རྟོགས་པའི་རིམ་པ་དབྱུག་གུ་དྲུག་ཅུ་རྩ་བཞིའི་མཚན་ཉིད་དང་བཅས་པ་ཤཱཀྱ་ཡེ་ཤེས་ཀྱི་འགྱུར། སློབ་དཔོན་དཀོན་མཆོག་འབྱུང་གནས་ཀྱིས་མཛད་པའི་བདག་མེད་མའི་སྒྲུབ་ཐབས། སློབ་དཔོན་གཉིས་མེད་རྡོ་རྗེས་མཛད་པའི་བདག་མེད་མའི་སྒྲུབ་ཐབས་མཚུར་ཡེ་ཤེས་འབྱུང་གནས་ཀྱི་འགྱུར། སློབ་དཔོན་ཛེ་ཏཱ་རི་པས་མཛད་པའི་ཀྱེ་རྡོ་རྗེའི་དབང་གཏན་ལ་དབབ་པ་གྱི་ཅོའི་འགྱུར། སློབ་དཔོན་ཡན་ལག་མེད་པའི་རྡོ་རྗེས་མཛད་པའི་ཧེ་རུ་ཀ་ཞལ་གཅིག་པའི་སྒྲུབ་ཐབས་རྨ་ཆོས་འབར་གྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་དཔལ་ཧེ་རུ་ཀ་རྡོ་རྗེའི་སྒྲུབ་ཐབས། ནཱ་རོ་པས་མཛད་པའི་རོ་སྲེག་གི་ཆོ་ག་བསོད་ནམས་རྒྱལ་མཚན་གྱི་འགྱུར། འདི་ནག་པོ་པས་མཛད་པའི་རོ་སྲེག་གི་ཆོ་ག་དང་ཁྱད་མི་སྣང་། ཀྱེ་རྡོ་རྗེའི་གཏོར་མའི་ཆོ་ག །ཀྱེ་རྡོ་རྗེའི་ཕྱག་མཚན་གྱི་ཕན་ཡོན། སློབ་དཔོན་སྒེག་པའི་རྡོ་རྗེས་མཛད་པའི་རྫོགས་རིམ་གྱི་མན་ངག །ཀྱེ་རྡོ་རྗེའི་མངོན་པར་རྟོགས་པའི་རིམ་པ་དོན་རབ་ཏུ་གསལ་བ། ཀྱེ་རྡོ་རྗེའི་གཙོ་བོ་སེམས་དཔའ་གསུམ་གྱི་སྒྲུབ་ཐབས་རྗེ་ནཱ་རོ་པའི་ཞལ་གྱི་ལུང་དང་སྦྱར་བ། དཔལ་ཏིང་ངེ་འཛིན་རྡོ་རྗེས་མཛད་པའི་བདག་མེད་མའི་མན་ངག་བསོད་ནམས་རྒྱལ་མཚན་ཀྱི་འགྱུར། སློབ་དཔོན་མཚོ་སྐྱེས་ཀྱི་མཛད་པའི་ཀྱེ་རྡོ་རྗེ་མར་མེའི་རྩེ་མོ་ལྟ་བུའི་གདམས་ངག་དང་། སློབ་དཔོན་རྡོ་རྗེ་དྲིལ་བུ་པས་མཛད་པའི་ཀྱེ་རྡོ་རྗེ་དཔའ་བོ་གཅིག་པའི་སྒྲུབ་ཐབས་དང་། སློབ་དཔོན་གརྦྷ་རི་པས་མཛད་པའི་ཀྱེ་རྡོ་རྗེའི་དྲན་པ་གཅིག་པ་དང་གསུམ་ཤཱཀྱ་ཡེ་ཤེས་ཀྱི་འགྱུར། དཔལ་ཏིང་ངེ་འཛིན་རྡོ་རྗེས་མཛད་པའི་ཧེ་རུ་ཀའི་རང་བྱིན་གྱིས་བརླབ་པའི་མན་ངག་དགེ་སློང་ཤེས་རབ་ཡེ་ཤེས་དང་བསོད་ནམས་རྒྱལ་མཚན་གྱི་འགྱུར། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་ཤཱཀྱ་འོད་ཀྱི་འགྱུར། ཀྱེ་རྡོ་རྗེ་མདོར་བསྡུས་པའི་བྱ་བ། ཚ་ཚའི་རིམ་པ་སློབ་དཔོན་རིན་ཆེན་ཟླ་བས་མཛད་པའི་ཀྱེ་རྡོ་རྗེའི་བུམ་པའི་སྒྲུབ་ཐབས་ཁུ་དངོས་གྲུབ་ཀྱི་འགྱུར། གཏོར་མའི་ཆོ་ག་ཉུང་ངུ་སློབ་དཔོན་བྱང་ཆུབ་སྙིང་པོས་མཛད་པའི་ཀྱེ་རྡོ་རྗེའི་སྦྱིན་སྲེག་གི་ཆོ་ག་མདོར་བསྡུས་པ། དགེ་སློང་ཤེས་རབ་སྐྱབས་ཀྱི་འགྱུར། ཀྱེ་རྡོ་རྗེའི་གཏོར་ཆོག །དཔའ་བོ་གཅིག་པ། ཧེ་རུ་ཀ་ཕྱག་བཅུ་དྲུག་པའི་སྒྲུབ་ཐབས། སློབ་དཔོན་མཚོ་སྐྱེས་རྡོ་རྗེས་མཛད་པའི་ཀྱེ་རྡོ་རྗེའི་མཎྜལ་གྱི་ཆོ་ག་དང་སྦྱིན་སྲེག་གི་ཆོ་ག་གཉིས། སློབ་དཔོན་མཚོ་སྐྱེས་རྡོ་རྗེས་མཛད་པ་ཀྱེ་རྡོ་རྗེ་ནས་གླིང་མའི་དཀྱིལ་ཆོག་ཤཱཀྱ་བརྩོན་འགྲུས་ཀྱི་འགྱུར། འདི་མ་ཆུད། སློབ་དཔོན་བྱང་ཆུབ་སྙིང་པོས་མཛད་པའི་ཀྱེ་རྡོ་རྗེའི་སྒྲུབ་ཐབས་ལྷ་བཙན་པོ་མུ་ནི་རཱ་ཛའི་འགྱུར། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས། སློབ་དཔོན་བློ་གྲོས་ཆེན་པོས་མཛད་པའི་རྡོ་རྗེ་གུར་ལས་གསུངས་པའི་རོ་སྲེག་གི་ཆོ་ག་བ་རིའི་འགྱུར། སློབ་དཔོན་མཚོ་སྐྱེས་རྡོ་རྗེས་མཛད་པའི་བསྟོད་པ་ཉི་ཤུ་པ་ཤཱཀྱ་ཡེ་ཤེས་ཀྱི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་ཀྱེ་རྡོ་རྗེའི་བསྟོད་པ་བྱང་ཆུབ་ཤེས་རབ་ཀྱི་འགྱུར། སློབ་དཔོན་བསོད་སྙོམས་པ་འཕགས་པ་ལྷས་མཛད་པ་བདག་མེད་ལྷ་མོ་བཅོ་ལྔའི་བསྟོད་པ། སློབ་དཔོན་ཌོཾ་བི་ཧེ་རུ་ཀས་མཛད་པའི་ཀྱེ་རྡོ་རྗེའི་བཀྲ་ཤིས་ཏེ། ཀྱེ་རྡོ་རྗེའི་ཆོས་སྐོར་བརྒྱ་ཉི་ཤུའོ། །བདེ་མཆོག་གི་སྐོར་ལ། རྩ་རྒྱུད་ཀྱི་འགྲེལ་པ་ལ། ཕྱག་ན་རྡོ་རྗེས་མཛད་པའི་སྟོད་འགྲེལ་རིན་ཆེན་བཟང་པོའི་འགྱུར། སློབ་དཔོན་ལང་ཀ་རྒྱལ་བ་བཟང་པོས་མཛད་པའི་དཀའ་འགྲེལ། སློབ་དཔོན་སྐལ་ལྡན་གྲགས་པས་མཛད་པའི་དཀའ་འགྲེལ་དཔའ་བོ་ཡིད་འོང་རིན་ཆེན་བཟང་པོའི་འགྱུར། སློབ་དཔོན་སྐར་རྒྱལ་ཟླ་བས་མཛད་པའི་དཀའ་འགྲེལ་རིན་པོ་ཆེའི་ཚོགས་ཡོན་ཏན་དཔལ་གྱི་འགྱུར། སློབ་དཔོན་ལྷ་སྦས་ཀྱིས་མཛད་པའི་སྒྲུབ་ཐབས་གནས་པའི་མན་ངག་ཐམས་ཅད་རྒྱ་ཆེར་འགྲེལ་པ། སློབ་དཔོན་ཏ་ཐཱ་ག་ཏ་རཀྵི་ཏས་མཛད་པའི་གཉིས་ཀའི་བཤད་སྦྱར་ཆོས་ཀྱི་བློ་གྲོས་ཀྱི་འགྱུར། སློབ་དཔོན་ལྭ་བ་པས་མཛད་པའི་འགྲེལ་པ་སྒྲུབ་ཐབས་གླེང་གཞི་འགོས་འགྱུར། སློབ་དཔོན་སུ་མ་ཏི་ཀཱིརྟིས་མཛད་པའི་སྡོམ་པ་འབྱུང་བའི་རྒྱུད་ཉུང་ངུའི་མཚམས་སྦྱོར་གྲགས་འབྱོར་ཤེས་རབ་ཀྱི་འགྱུར། སློབ་དཔོན་བྷ་ཝ་བྷ་དྲས་མཛད་པའི་འཁོར་ལོ་སྡོམ་པའི་དཀའ་འགྲེལ་དང་། སློབ་དཔོན་དཔའ་བོ་རྡོ་རྗེས་མཛད་པའི་འཁོར་ལོ་སྡོམ་པའི་རྣམ་འགྲེལ་ཡོན་ཏན་ཐམས་ཅད་གནས་པ་གཉིས། བ་རི་རིན་ཆེན་གྲགས་ཀྱི་འགྱུར། སློབ་དཔོན་རྡོ་རྗེས་མཛད་པའི་འགྲེལ་པ་ཟངས་དཀར་འཕགས་པ་ཤེས་རབ་ཀྱི་འགྱུར། འདི་བསྟན་འགྱུར་དུ་མ་ཆུད་དོ། །རྩ་རྒྱུད་འགྲེལ་པ་བཅུ་གཅིག་གོ། རྡོ་རྗེ་མཁའ་འགྲོའི་འགྲེལ་པ་སློབ་དཔོན་བྷ་ཝ་བྷ་དྲས་མཛད་པ་འགོས་འགྱུར། རྡོ་རྗེ་མཁའ་འགྲོའི་འགྲེལ་པ་དེ་ཁོ་ན་ཉིད་བརྟན་པར་བྱེད་པ་སློབ་དཔོན་ནོར་བཟང་གིས་མཛད་པ་གྱི་ཅོའི་འགྱུར། རྣལ་འབྱོར་མའི་ཀུན་ཏུ་སྤྱོད་པའི་བཤད་སྦྱར་སློབ་དཔོན་ཏ་ཐཱ་ག་ཏ་རཀྵི་ཏས་མཛད་པ་བ་རིའི་འགྱུར། མཁའ་འགྲོ་རྒྱ་མཚོའི་འགྲེལ་པ་སློབ་དཔོན་པད་མ་བཛྲས་མཛད་པ་གྲུ་གཟིངས་ཞེས་བྱ་བ་སྟོང་ཕྲག་བརྒྱད་པ་ཆོས་ཀྱི་ཡོན་ཏན་གྱི་འགྱུར། སྡོམ་འབྱུང་གི་འགྲེལ་པ་པད་མོ་ཅན་སློབ་དཔོན་རཏྣ་རཀྵི་ཏས་མཛད་པ་ཤོང་བློ་བརྟན་གྱི་འགྱུར། ཧེ་རུ་ཀ་མངོན་འབྱུང་གི་དཀའ་འགྲེལ་སློབ་དཔོན་ཟླ་བ་གཞོན་ནུས་མཛད་པ་ཆོས་ཀྱི་བློ་གྲོས་ཀྱི་འགྱུར། སློབ་དཔོན་ཤཱནྟི་པས་མཛད་པའི་ནམ་མཁའ་དང་མཉམ་པའི་རྒྱུད་ཀྱི་རྒྱ་ཆེར་འགྲེལ་པ་ཤེས་རབ་ཡེ་ཤེས་ཀྱི་འགྱུར། ཕྱག་ན་རྡོ་རྗེས་མཛད་པའི་བདེ་མཆོག་གི་སྒྲུབ་ཐབས་དེ་ཁོ་ན་ཉིད་ཀྱི་སྙིང་པོ་ཟླ་མགོན་དང་གཉལ་མི་ཡེ་ཤེས་ཆོས་ཀྱི་འགྱུར། ཁྱབ་འཇུག་སྦས་པས་མཛད་པའི་ཕག་མོ་ལྷ་བཅུ་གསུམ་མའི་སྒྲུབ་ཐབས། སློབ་དཔོན་ལཱུ་ཨི་པས་མཛད་པའི་བདེ་མཆོག་གི་སྒྲུབ་ཐབས་རིན་ཆེན་བཟང་པོའི་འགྱུར། དེའི་དཀའ་འགྲེལ། ཕྱི་རོལ་མཆོད་པའི་ཆོ་ག །གཏོར་མའི་ཆོ་ག །ལག་མཆོད་དེ། སློབ་དཔོན་པྲ་ཛྙཱ་རཀྵི་ཏས་མཛད་པའི་ཆོས་བཞི་རྔོག་འགྱུར། པྲ་ཛྙཱ་རཀྵི་ཏས་མཛད་པའི་ཚ་ཚའི་ཆོ་ག་བ་རིའི་འགྱུར། སློབ་དཔོན་པད་མའི་དབྱངས་ཀྱིས་མཛད་པའི་སྦྱིན་སྲེག་གི་སྡོམ་ཚིག་འདི་གཉིས་མ་ཆུད། ལཱུ་ཨི་པའི་སྒྲུབ་ཐབས་ཀྱི་འགྲེལ་པ་ཇོ་བོ་རྗེས་མཛད་པ་ནག་ཚོའི་འགྱུར། ལཱུ་ཨི་པའི་འགྲེལ་པ་སྡོམ་པ་འབྱུང་བ་དང་། དེའི་འགྲེལ་པ་ཁྱད་པར་གསལ་བྱེད་དང་། དེའི་དཀྱིལ་འཁོར་ཆོ་ག་དང་། བདུད་རྩི་རི་ལུའི་སྒྲུབ་ཐབས་གཉིས་དང་། ཨ་བྷི་དྷ་ན་ནས་ཕྱུང་བའི་བསྲུང་འཁོར་དང་དྲུག །དེ་བཞིན་གཤེགས་པའི་རྡོ་རྗེས་མཛད་པ་བི་བྷུ་ཏི་ཙནྡྲའི་རང་འགྱུར། འདིའི་ཕྱི་མ་གསུམ་མ་ཆུད། སློབ་དཔོན་ནག་པོ་པས་མཛད་པའི་ཆོས་དྲུག་ལ་དཀྱིལ་ཆོག །སྒྲུབ་ཐབས་སྦྱིན་སྲེག་གསུམ་རིག་པ་གཞོན་ནུའི་འགྱུར། དཔྱིད་ཀྱི་ཐིག་ལེ་འགོས་འགྱུར། གསང་བའི་དེ་ཁོ་ན་ཉིད་འགོས་དང་མར་དོའི་འགྱུར། ཨོ་ལ་པ་ཏི་ཤཱཀྱ་ཡེ་ཤེས་ཀྱི་འགྱུར་ཏེ་དྲུག་གོ། སློབ་དཔོན་རྡོ་རྗེ་དྲིལ་བུ་པས་མཛད་པའི་དྲིལ་བུ་སྐོར་གསུམ་ལ། དབང་གི་བྱ་བ་མདོར་བསྡུས་པ་ཆོས་ཀྱི་ཤེས་རབ་ཀྱི་འགྱུར། སྒྲུབ་ཐབས་བློ་གྲོས་གྲགས་ཀྱི་འགྱུར། རིམ་པ་ལྔ་པ་ནག་ཚོ་དང་བློ་ལྡན་ཤེས་རབ་ཀྱི་འགྱུར། ཡང་རྡོ་རྗེ་དྲིལ་བུ་པས་མཛད་པ་ལ། བདེ་མཆོག་ལྷ་ལྔའི་སྒྲུབ་ཐབས་ཡིད་བཞིན་ནོར་བུ་ཆོས་ཀྱི་དབང་ཕྱུག་གི་འགྱུར། ལྷན་ཅིག་སྐྱེས་པའི་སྒྲུབ་ཐབས་དཔྱལ་ཆོས་བཟང་གི་འགྱུར། ལྷན་སྐྱེས་ཕྱག་གཉིས་པའི་སྒྲུབ་ཐབས་ཆོས་རྗེ་དཔལ་གྱི་འགྱུར་ཏེ་གསུམ་མོ། །དཔལ་ཉིན་མོ་མཛད་ཀྱིས་མཛད་པའི་འཁོར་ལོ་སྡོམ་པའི་སྒྲུབ་ཐབས་དགེ་བློའི་འགྱུར། སློབ་དཔོན་ལྭ་ཝ་པས་མཛད་པའི་བདེ་མཆོག་ལྷ་བཅུ་གསུམ་མའི་སྒྲུབ་ཐབས་དང་། དེའི་དཀྱིལ་ཆོག་རིན་པོ་ཆེ་རབ་ཏུ་གསལ་བའི་སྒྲོན་མ་གཉིས་ཆོས་ཀྱི་དབང་ཕྱུག་གི་འགྱུར། འཇིགས་མེད་འབྱུང་གནས་སྦས་པས་མཛད་པའི་བདེ་མཆོག་སྒྲུབ་ཐབས་འཁྲུལ་སྤོང་ཉི་མ་རྒྱལ་མཚན་གྱི་འགྱུར། དེས་མཛད་པའི་རང་བྱིན་གྱིས་བརླབ་པའི་མན་ངག་ཆོས་རྗེ་དཔལ་གྱི་འགྱུར། མཻ་ཏྲི་པས་མཛད་པའི་བདེ་མཆོག་བཅུ་གསུམ་མའི་སྒྲུབ་ཐབས་རིན་ཆེན་སྒྲོན་མ་བ་རེག་ཐོས་པ་དགའ་དང་། བ་རི་དང་། བྱམས་པའི་དཔལ་གྱི་འགྱུར། རྨ་བན་ཆོས་འབར་གྱི་འགྱུར་ཡང་ཡོད། སློབ་དཔོན་གཉིས་མེད་རྡོ་རྗེས་མཛད་པའི་བདེ་མཆོག་ཡི་གེ་བདུན་པའི་སྒྲུབ་ཐབས་མར་དོའི་འགྱུར། སློབ་དཔོན་རྒྱལ་བ་བཟང་པོས་མཛད་པ་འཁོར་ལོ་སྡོམ་པའི་སྒྲུབ་ཐབས་བ་རིའི་འགྱུར། སློབ་དཔོན་དཔའ་བོ་རྡོ་རྗེས་མཛད་པའི་བདེ་མཆོག་གི་དཀྱིལ་ཆོག་ཡིད་འོང་ཕྲེང་བ། སློབ་དཔོན་མ་ཀ་ན་ཤྲཱིས་མཛད་པའི་འཁོར་ལོ་སྡོམ་པ་དཔའ་བོ་གཅིག་པའི་སྒྲུབ་ཐབས་ཤེས་རབ་གྲགས་ཀྱི་འགྱུར། སློབ་དཔོན་ནཱ་རོ་པས་མཛད་པའི་དཔའ་བོ་གཅིག་པ་ཧེ་རུ་ཀའི་སྒྲུབ་ཐབས། བྲམ་ཟེ་གྷྲིང་ག་རས་མཛད་པའི་ཧེ་རུ་ཀའི་སྒྲུབ་ཐབས་མདོར་བསྡུས་པ་གཞོན་ནུ་བུམ་པའི་རང་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་འཁོར་ལོ་སྡོམ་པའི་མན་ངག་མཚུར་གྱི་འགྱུར། སློབ་དཔོན་གརྦྷ་རི་པས་མཛད་པའི་དཔའ་བོ་གཅིག་པའི་སྒྲུབ་ཐབས། སློབ་དཔོན་ཉིན་མོའི་འབྱུང་གནས་ཟླ་བས་མཛད་པའི་ཧེ་རུ་ཀ་འབྱུང་བའི་དཀྱིལ་ཆོག །རྡོ་རྗེ་དྲིལ་བུ་པའི་མན་ངག་ལུས་ཀྱི་དཀྱིལ་འཁོར། རྡོ་རྗེ་དྲིལ་བུ་པས་མཛད་པའི་འཁོར་ལོ་སྡོམ་པའི་རིམ་ལྔའི་འགྲེལ་པ་ཆོས་ཀྱི་དབང་ཕྱུག་གི་འགྱུར། དཔལ་རྡོ་རྗེ་མཁའ་འགྲོའི་རྒྱུད་ལས་བཏུས་པའི་སྒྲུབ་ཐབས་བྱང་ཆུབ་ཀྱི་སེམས་ཀུན་ཏུ་གཟིགས་པའི་ཕྲེང་བ་སློབ་དཔོན་ཀ་ལ་པས་མཛད་པ་འགོས་འགྱུར། མཁའ་འགྲོ་རྒྱ་མཚོའི་སྒྲུབ་ཐབས་རྐང་པ་བཞི་བཅུ་རྩ་བརྒྱད་པའི་བསྟོད་པ་དང་གཉིས་དར་མ་ཡོན་ཏན་གྱི་འགྱུར། དཀྱིལ་ཆོག །གཏོར་ཆོག །མཎྜལ་གྱི་ཆོ་ག་སྦྱིན་སྲེག་གི་ཆོ་ག་དང་བཞི་ཡེ་ཤེས་རྡོ་རྗེའི་འགྱུར། དྲུག་པོ་དེ་ཛ་ཡ་སེ་ནས་མཛད་པའོ། །སློབ་དཔོན་ཌཾ་བི་ཧེ་རུ་ཀས་མཛད་པའི་ཧེ་རུ་ཀ་དཔའ་བོ་གཅིག་པའི་སྒྲུབ་ཐབས་ནག་ཚོའི་འགྱུར། དཔལ་ཆོས་ཀྱི་གྲགས་པས་མཛད་པའི་རྡོ་རྗེ་མཁའ་འགྲོའི་བསྟོད་པ་རྒྱུན་ཆགས་ཆོས་རྗེ་དཔལ་གྱི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་འཁོར་ལོ་སྡོམ་པའི་བསྟོད་པ་ཆོས་ཀྱི་དབང་ཕྱུག་གི་འགྱུར། སློབ་དཔོན་ཛ་ལན་དྷ་རི་པས་མཛད་པའི་འཁོར་ལོ་སྡོམ་པའི་བསྟོད་པ་དོན་ཐམས་ཅད་གྲུབ་པ་རྣམ་དག་གཙུག་གི་ནོར་བུ་རྒྱ་བརྩོན་འགྲུས་སེང་གེ་དང་ཉི་མ་རྡོ་རྗེའི་འགྱུར། རྒྱལ་པོ་ཨིནྡྲ་བྷུ་ཏིས་མཛད་པའི་འཁོར་ལོ་སྡོམ་པའི་བསྟོད་པ། འཁོར་ལོ་སྡོམ་པའི་མཚན་བརྒྱ་རྩ་བརྒྱད་པའི་བསྟོད་པ། པཎྜི་ཏ་ཤུ་ར་ཀ་ལ་ཤས་མཛད་པའི་འཁོར་ལོ་སྡོམ་པའི་བསྟོད་པ་བསོད་ནམས་བཟང་པོའི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ལ་བསྟོད་པ། སློབ་དཔོན་དྷ་རི་ཀ་པས་མཛད་པའི་འཁོར་ལོ་སྡོམ་པའི་བསྟོད་པ་བསྡུས་པ། སློབ་དཔོན་རྡོ་རྗེ་དྲིལ་བུ་པས་མཛད་པའི་དཀྱིལ་འཁོར་གྱི་ལྷ་ལ་བསྟོད་པ་རིན་པོ་ཆེ་སྒྱུ་འཕྲུལ་སྦྱིན་པ་ཆོས་ཀྱི་དབང་ཕྱུག་གི་འགྱུར། སློབ་དཔོན་མཻ་ཏྲི་པས་མཛད་པའི་འཁོར་ལོ་སྡོམ་པའི་བསྟོད་པ། སློབ་དཔོན་བྷུ་རི་པས་མཛད་པའི་བདེ་མཆོག་གི་རྒྱུན་བཤགས་རྒྱས་པ་རིན་ཆེན་བཟང་པོའི་འགྱུར། སློབ་དཔོན་ཤ་ཝ་རི་ལ་སོགས་པས་མཛད་པར་གྲགས་པའི་ཞལ་གཉིས་མ་ཆུང་བ་རྨ་བན་གྱི་འགྱུར། བི་ར་ཝ་པས་མཛད་པའི་དབུ་བཅད་མ་ཆེ་བ་རྨ་བན་གྱི་འགྱུར། ལྷ་མོ་དཔལ་གྱི་བློ་གྲོས་ཀྱིས་མཛད་པའི་དབུ་བཅད་མ་ཆུང་བ་དང་། ཨ་བ་དྷུ་ཏཱི་པས་མཛད་པའི་དོན་གྲུབ་མ་ཆུང་བ་དང་། སྟོང་ཉིད་ཏིང་ངེ་འཛིན་གྱིས་མཛད་པའི་ཞལ་གཉིས་མ་ཆེ་བ་དང་། དོན་གྲུབ་མ་ཆེ་བ་གཉིས་དང་། སངས་རྒྱས་བྱིན་གྱིས་མཛད་པའི་སྦྱིན་སྲེག་གི་ཆོ་ག་སྟེ་ལྔ་རྔོག་འགྱུར། ཞལ་གཉིས་མ་ཆེ་བའི་རྒྱ་ཆེར་བཤད་པ་དེ་ཁོ་ན་ཉིད་བཤད་པ་སློབ་དཔོན་བརྩོན་འགྲུས་དཔལ་བཤེས་གཉེན་གྱིས་མཛད་པ། ཉི་མ་རྒྱལ་མཚན་གྱི་འགྱུར། སློབ་དཔོན་དགེ་བའི་འབྱུང་གནས་སྦས་པས་མཛད་པའི་ཕག་མོ་མངོན་པར་རྟོགས་པའི་སྙེ་མ་དཱ་ན་ཤཱི་ལའི་རང་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་ཕག་མོའི་སྒྲུབ་ཐབས་དང་། སློབ་དཔོན་ཤ་ཝ་རི་པས་མཛད་པའི་རྣལ་འབྱོར་མའི་མཆོད་པའི་ཆོ་ག་མདོར་བསྡུས་པ་གཉིས་མཚུར་དབང་ངེའི་འགྱུར། ཇོ་བོ་རྗེས་མཛད་པའི་བཅུ་གསུམ་མའི་སྒྲུབ་ཐབས་རིན་ཆེན་བཟང་པོའི་འགྱུར། སློབ་དཔོན་དཱ་རི་ཀ་པས་མཛད་པའི་རྣལ་འབྱོར་མའི་འགྲེལ་པ་རྣལ་འབྱོར་གྱི་རྗེས་སུ་འབྲང་པ་ཚེས་བཅུའི་མཆོད་པ་དང་བཅས་པ། སློབ་དཔོན་ཀླུའི་བྱིན་པས་མཛད་པའི་རྣལ་འབྱོར་གྱི་སྙིང་པོ་བསྡུས་པ། སློབ་དཔོན་དཱ་རི་ཀ་པས་མཛད་པའི་རྣལ་འབྱོར་མའི་མན་ངག་རྣམས་དཱ་ན་ཤཱི་ལའི་རང་འགྱུར། སློབ་དཔོན་ཤ་ཝ་རི་པས་མཛད་པའི་རྣལ་འབྱོར་མའི་བྱིན་རླབས་ཀྱི་ཆོ་ག་མདོར་བསྡུས་པ། སློབ་མ་རྗེས་སུ་གཟུང་བའི་ཆོ་ག །ཚོགས་ཀྱི་འཁོར་ལོའི་ཆོ་ག །སློབ་དཔོན་གཉིས་མེད་རྡོ་རྗེས་མཛད་པའི་རྣལ་འབྱོར་མའི་སྒྲུབ་ཐབས་དོན་ཐམས་ཅད་གྲུབ་པ་རྣམས་ཉི་མ་རྒྱལ་མཚན་གྱི་འགྱུར། རྡོ་རྗེ་རྣལ་འབྱོར་མའི་བདེ་བ་མཆོག་གི་སྡོམ་པ་འཇུག་པ་ངེས་པའི་དོན་གྱི་དཀྱིལ་འཁོར་ཞེས་བྱ་བ་དཔལ་གཉིས་མེད་རྡོ་རྗེ་མཛད་པ་པྲ་ཛྙཱ་ཤྲཱི་ཛྙཱ་ནའི་རང་འགྱུར་འདི་མ་ཆུད། ལས་དང་པོ་བའི་བསྒོམ་པ་མདོར་བསྡུས་པ་ཤེས་རབ་གྲགས་ཀྱི་འགྱུར། ཨིནྡྲ་བྷུ་ཏིས་མཛད་པའི་གྲུབ་པའི་རྡོ་རྗེ་རྣལ་འབྱོར་མའི་སྒྲུབ་ཐབས་ཤེས་རབ་གྲགས་ཀྱི་འགྱུར། རྣལ་འབྱོར་མའི་སྔགས་ཀྱི་དེ་ཁོ་ན་ཉིད་དང་། སློབ་དཔོན་བྷ་ན་རེན་དྲ་རུ་ཙེས་མཛད་པའི་གཞན་དོན་སློབ་མ་རྗེས་སུ་བཟུང་བའི་ཆོ་ག་གཉིས་ཡེ་ཤེས་རྡོ་རྗེའི་འགྱུར། དཔལ་ཨུ་མ་པ་ཏིང་ཏྟས་མཛད་པའི་ཕག་མོ་མངོན་འབྱུང་གི་སྒྲུབ་ཐབས་དང་། དཀྱིལ་འཁོར་ཆོ་ག་གཉིས་རྭ་ཆོས་རབ་ཀྱི་འགྱུར། སློབ་དཔོན་ཀ་མ་ལ་ཤྲཱིས་མཛད་པའི་རྡོ་རྗེ་ཕག་མོའི་སྒྲུབ་ཐབས་ཨོང་ལོའི་འགྱུར། སློབ་དཔོན་ཀོརྐ་ཏཏྟས་མཛད་པའི་ཕག་མོ་ཤེས་རབ་གསལ་བྱེད་མའི་སྒྲུབ་ཐབས་དང་བསྟོད་པ་གཉིས་གྲུབ་པ་དཔལ་བཟང་པོའི་འགྱུར། སློབ་དཔོན་རྡོ་རྗེ་དྲིལ་བུ་པས་མཛད་པའི་ཕག་མོའི་སྒྲུབ་ཐབས་དང་། ཨུ་རྒྱན་ནས་བྱུང་བའི་ཕག་མོའི་སྒྲུབ་ཐབས་གཉིས་ཆོས་ཀྱི་དབང་ཕྱུག་གི་འགྱུར། སློབ་དཔོན་ཤེས་རབ་བཟང་པོས་མཛད་པའི་རྡོ་རྗེ་ཕག་མོའི་སྒྲུབ་ཐབས་ཆོས་ཀྱི་དབང་ཕྱུག་གི་འགྱུར། སློབ་དཔོན་དཱ་རི་ཀ་པས་མཛད་པའི་ཀེང་རུས་ཀྱི་རྡོ་རྗེ་རྣལ་འབྱོར་མའི་སྒྲུབ་ཐབས། དེའི་འགྲེལ་པ་གཞན་ལ་ཕན་པ་ཀུ་མཱ་ར་བོ་དྷིས་མཛད་པ། སློབ་དཔོན་དཔལ་འཛིན་གྱིས་མཛད་པའི་ཕག་མོའི་སྒྲུབ་ཐབས་བྱམས་པའི་དཔལ་གྱི་འགྱུར། ཀཱུར་མ་པ་ཏའི་སྒྲུབ་ཐབས་དང་། མཁའ་སྤྱོད་མ་དམར་མོའི་སྒྲུབ་ཐབས་གཉིས་དང་གསུམ་དཔྱལ་ཆོས་བཟང་གི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་རྡོ་རྗེ་རྣལ་འབྱོར་མ་རིག་པ་འཛིན་པའི་ཙེན་མའི་སྒྲུབ་ཐབས་དང་། དེའི་སློབ་མ་རྗེས་སུ་གཟུང་བའི་ཆོ་ག་གཉིས་བསོད་རྩེའི་འགྱུར། དྲུག་པོ་སྔར་མ་ཆུད། རྡོ་རྗེ་ཕག་མོ་མདོར་བསྡུས་པའི་བསྟོད་པ་གློག་སྐྱ་ལོ་ཙྪའི་འགྱུར། མར་མེ་མཛད་ཡེ་ཤེས་ཀྱིས་མཛད་པའི་མཁའ་སྤྱོད་མ་དཀར་མོའི་བསྟོད་པ་རིན་ཆེན་བཟང་པོའི་འགྱུར། ཡང་དེས་མཛད་པའི་རྡོ་རྗེ་རྣལ་འབྱོར་མའི་བསྟོད་པ་ཁུ་ནེ་ཙོའི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་བདེ་མཆོག་གི་བཀྲ་ཤིས། ཞུ་བྱས་ཚུལ་ཁྲིམས་བཀྲ་ཤིས་ཀྱི་འགྱུར། བདེ་མཆོག་སྡོམ་འབྱུང་གི་སྒྲུབ་ཐབས་པཎྜི་ཏ་ཀྵཱནྟི་ཤྲཱི་དང་། ཤོང་བློ་བརྟན་གྱི་འགྱུར། སློབ་དཔོན་ཨརྱ་དེ་བས་མཛད་པའི་རྡོ་རྗེ་མཁའ་འགྲོའི་བསྡུས་དོན་གྱི་འགྲེལ་པ། སློབ་དཔོན་ཛ་ལན་དྷ་རས་མཛད་པའི་འཁོར་ལོ་སྡོམ་པའི་སྙིང་པོའི་དེ་ཁོ་ན་ཉིད་གྲུབ་པ། སློབ་དཔོན་ཡན་ལག་མེད་པའི་རྡོ་རྗེས་མཛད་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ། སློབ་དཔོན་དགེ་བའི་མགོན་པོས་མཛད་པའི་རྣལ་འབྱོར་གྱི་གཏུམ་མོ། སློབ་དཔོན་ཀུ་ས་ལི་པས་མཛད་པའི་སྙིང་པོའི་དེ་ཁོ་ན་ཉིད་བསྡུས་པ། འཇིགས་མེད་གྲགས་པས་མཛད་པའི་ལྷན་ཅིག་སྐྱེས་པའི་སྣང་བ། རྡོ་རྗེ་དྲིལ་བུ་པས་མཛད་པའི་ཕག་མོ་ལྷ་ལྔའི་སྒྲུབ་ཐབས་དང་། ཕག་མོ་དཀར་མོའི་སྒྲུབ་ཐབས། རྡོ་རྗེ་གནོད་མཛེས་ཀྱི་སྒྲུབ་ཐབས་པྲ་ཛྙཱ་རཀྵི་ཏས་མཛད་པ། རྡོ་རྗེ་ཕག་མོའི་སྒྲུབ་ཐབས་ནཱ་རོ་པས་མཛད་པ། དེའི་ལས་ཚོགས་གནོད་སྦྱིན་མོའི་རྟོག་པ། ཇོ་བོ་རྗེས་མཛད་པའི་རྗེ་བཙུན་མ་རིན་ཆེན་རྒྱན་གྱི་སྒྲུབ་ཐབས་ཡང་ཇོ་བོས་མཛད་པའི་ཕག་མོའི་སྒྲུབ་ཐབས་བར་མ། སློབ་དཔོན་ཉིན་མཛད་རྡོ་རྗེས་མཛད་པའི་བདེ་མཆོག་གི་སྦྱིན་སྲེག་གི་ཆོ་ག །ཀ་ན་ཀ་ཤྲཱིས་མཛད་པའི་དཔའ་བོ་དྲུག་དང་དཔའ་མོ་དྲུག་གི་སྒྲུབ་ཐབས་གཉིས། པྲ་ཛྙཱ་རཀྵི་ཏས་མཛད་པའི་འཁོར་ལོ་སྡོམ་པའི་འཆི་བླུ། བྲམ་ཟེ་ནག་པོ་པས་མཛད་པའི་ཡི་གེ་བདུན་པའི་སྒྲུབ་ཐབས། དེ་རྣམས་མ་ཆུད་དོ། །འཁོར་ལོ་སྡོམ་པའི་ཆོས་སྐོར་བརྒྱ་དང་བཞི་བཅུ་རྩ་གཅིག་གོ། ཀྱེ་རྡོ་རྗེའི་ཆ་མཐུན་གྱི་རྒྱུད་དུ་ཁ་ཅིག་འདོད་པའི་ཕྱག་རྒྱ་ཆེན་པོ་ཐིག་ལེའི་འགྲེལ་པ་སློབ་དཔོན་ཟབ་པའི་རྡོ་རྗེས་མཛད་པ། སློབ་དཔོན་ཤེས་རབ་གསང་བས་མཛད་པའི་ཕྱག་རྒྱ་ཆེན་པོ་ཐིག་ལེའི་རྒྱ་ཆེར་འགྲེལ་པ་དགའ་པའི་སྤྱན་རིན་ཆེན་རྒྱལ་མཚན་གྱི་འགྱུར། པཎྜི་ཏ་གཞོན་ནུ་ཟླ་བས་མཛད་པའི་རྙོག་པ་མེད་པའི་རྒྱུད་ཀྱི་དཀའ་འགྲེལ། སློབ་དཔོན་མ་ཧཱ་སུ་ག་ཏ་བཛྲས་མཛད་པའི་དེ་ཁོ་ན་ཉིད་སྒྲོན་མའི་རྒྱུད་ཀྱི་དཀའ་འགྲེལ་རིན་ཆེན་ཕྲེང་བ་བྱང་ཆུབ་འབྱུང་གནས་ཀྱི་འགྱུར། སློབ་དཔོན་བི་མ་གརྦྷས་མཛད་པའི་དཔལ་བདེ་བ་ཆེན་པོའི་འགྲེལ་པ། སློབ་དཔོན་རྡོ་རྗེ་གསང་བས་མཛད་པའི་རང་བཞིན་དགའ་བའི་སྒྲོན་མའི་དཀའ་འགྲེལ་དཔལ་ཤེས་རབ་གསང་བའི་རང་འགྱུར། སངས་རྒྱས་མཉམ་སྦྱོར་གྱི་སྐོར་ལ། སློབ་དཔོན་བརྒྱ་བྱིན་སྡོང་པོས་མཛད་པའི་སངས་རྒྱས་མཉམ་སྦྱོར་གྱི་འགྲེལ་པ་ལྷ་རིན་པོ་ཆེའི་འགྱུར། སློབ་དཔོན་ཀུ་ཀུ་ར་ཛས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་ཆོག་དྲན་པ་ནམ་མཁའི་འགྱུར། སློབ་དཔོན་རིན་ཆེན་རྡོ་རྗེས་མཛད་པའི་དཀའ་འགྲེལ་ཤེས་རབ་གསང་བའི་འགྱུར། ཡང་དེས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་ཆོག་བདེ་བ་བསྐྱེད་པ། གཉན་བསོད་ནམས་ཀྱི་འགྱུར། སློབ་དཔོན་ཧཱུཾ་མཛད་རྡོ་རྗེས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་འཁོར་སྒྲུབ་པའི་རིམ་པ་ལྷ་རིན་པོ་ཆེའི་འགྱུར། སློབ་དཔོན་ཨིནྡྲ་བྷ་དྲས་མཛད་པའི་སངས་རྒྱས་མཉམ་སྦྱོར་གྱི་ཚོགས་ཀྱི་ཆོ་ག་དྲན་པ་ནམ་མཁའ་དང་ལྷ་རིན་པོ་ཆེའི་འགྱུར། སངས་རྒྱས་མཉམ་སྦྱོར་གྱི་འགྲེལ་པ་སློབ་དཔོན་རབ་ཏུ་དགའ་བའི་རྡོ་རྗེས་མཛད་པའི་མཉམ་སྦྱོར་གྱི་རྒྱན། སློབ་དཔོན་ཨིནྡྲ་བྷུ་ཏིས་མཛད་པའི་མཉམ་སྦྱོར་གྱི་དཀའ་འགྲེལ་དང་། སློབ་དཔོན་རབ་ཞི་བཤེས་གཉེན་གྱིས་མཛད་པའི་མཉམ་སྦྱོར་གྱི་དཀའ་འགྲེལ་གཉིས་རིན་ཆེན་བཟང་པོའི་འགྱུར། སློབ་དཔོན་ཀུན་དགའ་སྙིང་པོས་མཛད་པའི་མཉམ་སྦྱོར་གྱི་འགྲེལ་པ་ཤེས་རབ་སྣང་བར་བྱེད་པ་སྨྲྀ་ཏིའི་རང་འགྱུར་ཏེ་དགུའོ། །གདན་བཞིའི་སྐོར་ལ། སློབ་དཔོན་བྷ་ཝ་བྷ་དྲས་མཛད་པའི་རྒྱུད་ཀྱི་འགྲེལ་པ་དྲན་པའི་རྒྱུ་མཚན་འགོས་ཀྱི་འགྱུར། སློབ་དཔོན་འཕགས་པ་ལྷས་མཛད་པའི་གདན་བཞིའི་དཀྱིལ་ཆོག་སྙིང་པོ་མདོར་བསགས་དང་། སློབ་དཔོན་བྷ་ཝ་བྷ་དྲས་མཛད་པའི་གདན་བཞིའི་སྒྲུབ་ཐབས་དང་། སློབ་དཔོན་ཛཻ་ཏཱ་རིས་མཛད་པའི་གདན་བཞིའི་དེ་ཁོ་ན་ཉིད་བཞི་པ་དང་གསུམ་པ་འགོས་འགྱུར། འཕགས་པ་ལྷའི་ཡེ་ཤེས་དབང་ཕྱུག་མའི་སྒྲུབ་ཐབས་གཏོར་ཆོག་དང་བཅས་པ་སྨྲྀ་ཏིའི་རང་འགྱུར། འཕགས་པ་ལྷའི་ཤིང་གཅིག་གི་དཀའ་འགྲེལ། འཕགས་པ་ལྷའི་གདན་བཞིའི་སྒྲུབ་ཐབས་རིན་ཆེན་བཟང་པོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་མཆན་ཁུང་སྦྱོར་བ། ཡེ་ཤེས་མཁའ་འགྲོའི་སྒྲུབ་ཐབས་སློབ་དཔོན་ཨ་བྷ་ཡས་མཛད་པ་སྒྲ་ཚད་པ་རིན་རྒྱལ་གྱི་འགྱུར། རྣམ་པར་རྒྱལ་བའི་དབང་པོས་མཛད་པའི་དཔལ་རྣལ་འབྱོར་ནམ་མཁའི་སྒྲུབ་ཐབས་འདི་གཉིས་སྔར་མ་ཆུད་དེ་བཅུའོ། །མ་ཧཱ་མཱ་ཡཱའི་སྐོར་ལ། སློབ་དཔོན་ཤཱནྟི་པས་མཛད་པའི་རྒྱུད་ཀྱི་འགྲེལ་པ་ཡོན་ཏན་ལྡན་དང་། ནག་པོ་རྡོ་རྗེས་མཛད་པའི་འགྲེལ་པ་དྲན་པ་གཉིས་འགོས་འགྱུར། དཔལ་རྒྱན་པས་མཛད་པའི་དཀའ་འགྲེལ། མི་ཐུབ་ཟླ་བས་མཛད་པའི་དཀའ་འགྲེལ་སྒྱུ་མ་ཅན། སློབ་དཔོན་ཀུ་ཀུ་རི་པས་མཛད་པའི་ཆོས་དྲུག་ལ། དཀྱིལ་ཆོག་སྒྲུབ་ཐབས་ཚིགས་བཅད་མ། སྒྱུ་འཕྲུལ་ཆེན་མོའི་རྗེས་སུ་འབྲངས་པའི་ཧེ་རུ་ཀའི་སྒྲུབ་ཐབས། རྡོ་རྗེ་སེམས་དཔའི་སྒྲུབ་ཐབས་ཆེ་ཆུང་གཉིས་གཏོར་ཆོག་དང་ལྔ་འགོས་འགྱུར། སྒྱུ་འཕྲུལ་ཆེན་མོའི་དཀྱིལ་ཆོག་རིམ་པ་གསལ་བ། གཞོན་ནུ་ཚུལ་ཁྲིམས་ཀྱི་འགྱུར། སློབ་དཔོན་ཀུ་ཀུ་རི་པས་མཛད་པའི་རྨོངས་པ་གྲོལ་བའི་བརྟག་པ་འགོས་འགྱུར། སློབ་དཔོན་ཤཱནྟི་པས་མཛད་པའི་སྒྱུ་འཕྲུལ་ཆེན་མོའི་སྒྲུབ་ཐབས། སློབ་དཔོན་འདུལ་བས་བྱིན་གྱིས་མཛད་པའི་དཀྱིལ་ཆོག །སློབ་དཔོན་རྒྱན་པས་མཛད་པའི་སྒྱུ་འཕྲུལ་ཆེན་མོའི་རྒྱུད་ཀྱི་རྗེས་སུ་འབྲང་པའི་ཧེ་རུ་ཀའི་སྒྲུབ་ཐབས། རྒྱ་གར་གྱི་མཁན་པོ་སྐུ་མེད་རྡོ་རྗེས་མཛད་པའི་སྒྱུ་འཕྲུལ་ཆེན་མོའི་སྒྲུབ་ཐབས། སྒྱུ་འཕྲུལ་ཆེན་མོའི་སྒྲུབ་ཐབས་ཡུམ་རྡོ་རྗེ་མཁའ་འགྲོ་མས་ཨོ་རྒྱན་གྱི་ཡུལ་དུ་གསུངས་པ་ཤཱཀྱ་བརྩོན་འགྲུས་ཀྱི་འགྱུར། དཔལ་རྒྱན་པས་མཛད་པའི་དཀྱིལ་ཆོག་སྦྱིན་སྲེག་དང་བཅས་པ། སློབ་དཔོན་བློ་བཟངས་སྙིང་པོས་མཛད་པའི་དེ་ཁོ་ན་ཉིད་ཀྱི་མན་ངག་རྩ་འགྲེལ་ཏེ་ཉི་ཤུའོ། །སངས་རྒྱས་ཐོད་པའི་སྐོར་ལ། ས་ར་ཧའི་ཆོས་ལྔ་ནི། རྒྱུད་ཀྱི་དཀའ་འགྲེལ་ཡེ་ཤེས་ལྡན། ལྷ་ཉི་ཤུ་རྩ་ལྔའི་སྒྲུབ་ཐབས། དཀྱིལ་ཆོག་རིམ་པ་གསལ་བ། འབྱུང་པོ་ཐམས་ཅད་པའི་གཏོར་ཆོག །སྒྲུབ་ཐབས་བསྡུས་པ་སྟེ་ལྔ་གྱི་ཅོ་ཟླ་བའི་འོད་ཟེར་གྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་རྒྱ་ཆེར་འགྲེལ་པ་མི་འཇིགས་པའི་གཞུང་འགྲེལ་ཤུ་ལོ་ཀ་སྟོང་དྲུག་བརྒྱ་པ་འགྱུར་རྙིང་པ་ལ་དཔང་བློ་བརྟན་གྱིས་བཅོས་པ། སློབ་དཔོན་པདྨ་བཛྲས་མཛད་པའི་དཀའ་འགྲེལ་དེ་ཁོ་ན་ཉིད་ཀྱི་ཟླ་བ་འདི་མ་ཆུད་དེ་དེ་ལྟར་བདུན་ནོ། །རྡོ་རྗེ་བདུད་རྩིའི་རྒྱུད་ཀྱི་འགྲེལ་པ་སློབ་དཔོན་བྷ་གོས་མཛད་པ། རྡོ་རྗེ་བདུད་རྩིའི་འགྲེལ་པ་བདུད་རྩི་འཛག་པ་ཡོན་ཏན་འབར་དང་ཤེས་རབ་བརྩེགས་ཀྱི་འགྱུར་ཏེ་གཉིས་སོ། །
སློབ་དཔོན་ཉི་མ་སྦས་པས་མཛད་པའི་སྒྲོལ་མ་རྣལ་འབྱོར་ཆེན་པོའི་སྐོར་ནི། སྒྲོལ་མ་སྤྱིའི་སྒྲུབ་ཐབས་དང་སོ་སོའི་སྒྲུབ་ཐབས་ལས་ཚོགས་དཀྱིལ་ཆོག་དང་བཅས་པ་ལེའུ་ཉི་ཤུ་རྩ་དྲུག་པ་བློ་གྲོས་གྲགས་ཀྱི་འགྱུར། སྒྲོལ་མའི་སྒྲུབ་ཐབས་མན་ངག་གི་རིམ་པ་ཁ་ཆེའི་དཔེ་ལས་ས་སྐྱར་བསྒྱུར་པ། ཕྱག་འཚལ་ཉི་ཤུ་རྩ་གཅིག་གི་སྒྲུབ་ཐབས་བྱམས་པའི་དཔལ་གྱི་འགྱུར། ཕྱག་འཚལ་ཉི་ཤུ་རྩ་གཅིག་གི་བསྟོད་པ་རྣམ་དག་གཙུག་གི་ནོར་བུ། སྒྲོལ་མའི་བསྟོད་པ་འདན་མ་ཚུལ་སེང་གི་འགྱུར་ཏེ་ལྔའོ། །སློབ་དཔོན་ཏ་ཐཱ་ག་ཏ་རཀྵི་ཏས་མཛད་པའི་མེ་ཏོག་ཕྲེང་འཛིན་ལྷ་མོ་ལྔའི་སྤྱིའི་སྒྲུབ་ཐབས། སོ་སོའི་སྒྲུབ་ཐབས་ལ་སྟོང་པ་ཉིད་བསྒོམ་པ། ལྟ་བ་ངན་པ་སུན་དབྱུང་བ། ཆོམ་རྐུན་འཆིང་བ། རིག་པ་བསྐྱེད་པ། འཆི་བ་བླུ་བ་ལས་ཚོགས་དང་བཅས་པ་རྣམས་ཅོག་གྲུ་མྱ་ངན་མེད་པའི་དཔལ་གྱི་འགྱུར། གུར་ལས་གསུངས་པའི་རྡོ་རྗེ་སྒྲོལ་མའི་སྒྲུབ་ཐབས། ཨུ་རྒྱན་སྒྲོལ་མའི་ཆོས་སྐོར་དྲུག་ནི། འཕགས་མ་གནས་ཀྱི་དབང་ཕྱུག་མའི་སྒྲུབ་ཐབས་ཀྱི་རྟོག་པ། ཨུ་རྒྱན་སྒྲོལ་མའི་མངོན་རྟོགས་ཀྱི་རིམ་པ། ཨུ་རྒྱན་སྒྲོལ་མའི་རིམ་པ་གསང་བ་ལས་ཀྱང་ཆེས་གསང་བ་དཀྱིལ་འཁོར་གྱི་ཆོ་ག་ས་ར་ཧི་ཏ་བྷ་དྲས་མཛད་པ། སྦྱིན་སྲེག་གི་སྡོམ་ཚིག །གཏོར་མའི་ཆོ་ག་སྟེ་དྲུག །པཎྜི་ཏ་སཾ་གྷ་མ་ཤྲཱི་དང་འཇམ་དཔལ་སྒེག་པའི་རྡོ་རྗེས་བསྒྱུར་པ། སྔར་མ་ཆུད། ཨུ་རྒྱན་གྱི་རིམ་པའི་སྒྲོལ་མའི་སྒྲུབ་ཐབས་ནག་ཚོ་ཤེས་རབ་རྒྱལ་མཚན་གྱི་འགྱུར།
སློབ་དཔོན་བྷ་ཝ་བྷ་དྲས་མཛད་པའི་ཆོས་བཞི་ནི། སྒྲོལ་མ་ཡིད་བཞིན་ནོར་བུའི་སྒྲུབ་ཐབས། སྒྲོལ་མའི་དཀྱིལ་འཁོར་དུ་འཇུག་པའི་ཆོ་ག །ཁྲུས་ཆོག །གསོ་སྦྱོང་གི་ཆོ་ག་དང་བཞི་གྲུབ་པ་དཔལ་བཟང་པོའི་འགྱུར། མཆོག་གི་སྒྲོལ་མ་རལ་པ་གཅིག་མའི་སྒྲུབ་ཐབས་དཀྱིལ་ཆོག་ལ་སོགས་པ་དེ་ཁོ་ན་ཉིད་བཅོ་བརྒྱད་པ་ཞེས་པ་དཱ་ན་ཤཱི་ལའི་རང་འགྱུར་འདི་བརྟག །སློབ་དཔོན་བརྟག་པའི་རྡོ་རྗེས་མཛད་པའི་སྒྲོལ་མ་རལ་གཅིག་མའི་སྒྲུབ་ཐབས། གཏོར་མ། སྒྲོལ་མའི་ཤེས་རབ་བློ་འཕེལ་དང་གསུམ། དཱ་ན་ཤཱི་ལའི་རང་འགྱུར། རལ་གཅིག་མ་དམར་མོའི་སྒྲུབ་ཐབས་མཆོག་ལྡན་གྱི་འགྱུར། དེའི་བྱིན་རླབས་ཀྱི་ཆོ་ག་ནག་པོ་པས་མཛད་པ་གཞོན་ནུ་ཤེས་རབ་ཀྱི་འགྱུར། ཨུ་རྒྱན་གྱི་ཡུལ་ནས་བྱུང་བའི་ལྷ་མོ་ཀུ་རུ་ཀུ་ལླེའི་སྒྲུབ་ཐབས་རོང་ཟོམ་ཆོས་བཟང་གི་འགྱུར། མྱུར་མཛད་མའི་སྒྲུབ་ཐབས་བཅུ་གསུམ་གྱི་བདག་ཉིད། སྙན་ངག་མཁན་སྙིང་རྗེ་ཆེན་པོས་མཛད་པའི་སྒྲོལ་མའི་མཎྜལ་གྱི་ཆོ་ག །སློབ་དཔོན་བསོད་སྙོམས་པས་མཛད་པའི་སྒྲོལ་མ་མཆོག་སྒྲུབ་པ། སློབ་དཔོན་ཀ་མ་ལ་ཤྲཱིས་མཛད་པའི་སྒྲོལ་མའི་སྒྲུབ་ཐབས་ཨོང་ལོའི་འགྱུར། སློབ་དཔོན་ཌོཾ་བི་ཧེ་རུ་ཀས་མཛད་པའི་འཕགས་མ་ཀུ་རུ་ཀུ་ལླེའི་བསྟོད་པ། འདིར་སྒྲོལ་མ་དངོས་གྲུབ་བསྟན་གཟིགས་ཀྱི་ཆོས་སྐོར་བྲིའོ། །སུམ་ཅུ་སོ་བཞིའི་ཁ་ཅིག་རྣལ་འབྱོར་ཆེན་པོ་མིན་ཡང་སྒྲོལ་མ་ཕྱོགས་གཅིག་ཏུ་བྱ་བའི་ཕྱིར་རོ། །

གཉིས་སུ་མེད་པའི་རྒྱུད་དང་འགྲེལ་བ།

གསུམ་པ་གཉིས་སུ་མེད་པའི་རྒྱུད་དང་འགྲེལ་བ་ལ། དུས་ཀྱི་འཁོར་ལོ་བསྡུས་རྒྱུད་ཀྱི་འགྲེལ་པ་དྲི་མ་མེད་པའི་འོད་རྭ་ལ་སོགས་པའི་འགྱུར་བཅུ་ལྷག་ཡོད། དེའི་གོ་སླའི་འགྲེལ་པ་པདྨ་ཅན་སོ་མ་ནཱ་ཐའི་རང་འགྱུར། རྒྱལ་པོ་པདྨ་དཀར་པོས་མཛད་པའི་དོན་དམ་བསྙེན་པ་ཟླ་བ་མགོན་པོའི་རང་འགྱུར། དབང་མདོར་བསྟན་གྱི་འགྲེལ་པ་དུས་འཁོར་ཞབས་ཀྱིས་མཛད་པ་འབྲོ་ཤེས་རབ་གྲགས་ཀྱི་འགྱུར། དབང་མདོར་བསྟན་གྱི་འགྲེལ་པ་ནཱ་རོ་པས་མཛད་པ་གྲགས་པ་རྒྱལ་མཚན་གྱི་འགྱུར། ཁོ་བོས་བསྒྱུར་བའི་དབང་མདོར་བསྟན་གྱི་དཀའ་འགྲེལ་ཤུ་ལོ་ཀ་སུམ་བརྒྱ་དྲུག་ཅུ། དབང་རབ་བྱེད་ཀྱི་འགྲེལ་པ་རྡོ་རྗེའི་ཚིག་འབྱེད་པ་སློབ་དཔོན་དཱ་རི་ཀ་པས་མཛད་པ་འབྲོ་འགྱུར། དུས་འཁོར་ཞབས་ཀྱིས་མཛད་པའི་སྒྲུབ་ཐབས་ཡན་ལག་བཞི་པ་དང་། བྲམ་ཟེ་བསོད་སྙོམས་པས་མཛད་པའི་སྙིང་པོ་རྒྱན་གཉིས། གྱི་ཅོའི་འགྱུར། པཎྜི་ཏ་སཱ་དྷུ་པུ་ཏྲས་མཛད་པའི་དུས་འཁོར་སྒྲུབ་ཐབས་རྒྱས་པ་དང་། དཀྱིལ་འཁོར་ཆོ་ག་དང་། རོལ་པའི་རྡོ་རྗེས་མཛད་པའི་དུས་འཁོར་ལྷན་སྐྱེས་ཀྱི་སྒྲུབ་ཐབས་གསུམ་རྭ་ཆོས་རབ་ཀྱི་འགྱུར། སྒྲུབ་ཐབས་ཀྱི་ཆོ་ག་རིམ་པར་ཕྱེ་བ་དང་། སློབ་དཔོན་དུས་འཁོར་ཞབས་ཀྱིས་མཛད་པའི་དཔལ་ལྡན་རྒྱུ་སྐར་གྱི་དཀྱིལ་འཁོར་གྱི་སྒྲུབ་ཐབས་ཡན་ལག་བཅུ་གཅིག་པ་འབྲོ་འགྱུར། དུས་འཁོར་ཞབས་ཀྱིས་མཛད་པའི་དཀྱིལ་ཆོག་ཡིད་འོང་ཕྲེང་བ་ལ་ཆིངས་ཡོན་ཏན་འབར་གྱི་འགྱུར། དུས་འཁོར་ཞབས་ཀྱིས་མཛད་པའི་ཉི་ཟླ་སྒྲུབ་པ་དང་། ཡེ་ཤེས་སྤྱན་བསྒྲུབ་གཉིས་བི་བྷུ་ཏི་ཙནྡྲའི་རང་འགྱུར། སློབ་དཔོན་ཨ་ཝ་དྷུ་ཏཱི་པས་མཛད་པའི་སྦྱོར་བ་ཡན་ལག་དྲུག་གི་འགྲེལ་པ་སྦས་པ་མིག་འབྱེད་ཟླ་བ་གྲགས་པའི་འགྱུར། འདི་གསུམ་ལ་དུས་འཁོར་དང་མི་མཐུན་པ་ཅི་རིགས་སུ་སྣང་བས་ཐེ་ཆོམ་གྱི་གཞིའོ། །དུས་འཁོར་ཞབས་ཀྱིས་མཛད་པའི་དུས་འཁོར་གྱི་མན་ངག་གྱི་ཅོའི་འགྱུར། འཇམ་དཔལ་གྱིས་མཛད་པའི་རྣལ་འབྱོར་གསུམ་གྱི་སྙིང་པོ་གསལ་བ། དུས་འཁོར་ཞབས་ཀྱི་སྦྱོར་བ་ཡན་ལག་དྲུག་གི་མན་ངག །སློབ་དཔོན་ཨ་བྷ་ཡས་མཛད་པའི་དུས་འཁོར་གྱི་སྡོམ་ཚིག་ཁེ་གད་འཁོར་ལ་གྲགས་ཀྱི་འགྱུར། དེས་མཛད་པའི་རྩིས་ཀྱི་བསྟན་བཅོས་དུས་འཁོར་ལ་འཇུག་པ་ཆོས་གྲགས་དང་ཆོས་རྗེ་དཔལ་གྱི་འགྱུར། བི་བྷུ་ཏི་ཙནྡྲས་མཛད་པའི་ནང་གི་སྙེ་མ་དེའི་རང་འགྱུར། རྣལ་འབྱོར་མ་དྲུག་ཅུ་རྩ་བཞིའི་གཏོར་ཆོག་གྲགས་པ་རྒྱལ་མཚན་གྱི་འགྱུར། དུས་འཁོར་གྱི་མཎྜལ་གྱི་ཆོ་ག་ཉི་མ་རྒྱལ་མཚན་གྱི་འགྱུར། འགྲེལ་བ་དྲི་མེད་འོད་ཀྱི་མདོར་བསྡུས་དང་པོའི་བཤད་པ་བཤད་སྦྱར་སྙིང་པོ་སྣང་བ་དཔང་བློ་བརྟན་གྱི་འགྱུར། དུས་འཁོར་ལྷན་སྐྱེས་ཀྱི་སྒྲུབ་ཐབས་གཏོར་མ་དང་བཅས་པ་བྱམས་པའི་དཔལ་གྱི་འགྱུར། འདི་གསུམ་མ་ཆུད། དཔལ་ཕྱག་ན་རྡོ་རྗེས་མཛད་པའི་སྦྱོར་བ་ཡན་ལག་དྲུག་གི་མན་ངག་ཏིང་ངེ་འཛིན་བཟང་པོའི་འགྱུར། སློབ་དཔོན་དཔེ་མེད་མཚོས་མཛད་པའི་སྦྱོར་དྲུག་མི་མཉམ་བཟང་པོའི་འགྱུར། དེའི་འགྲེལ་པ་ཉི་མ་དཔལ་ཡེ་ཤེས་ཀྱིས་མཛད་པ་བི་བྷུ་ཏི་ཙནྡྲའི་རང་འགྱུར། དུས་འཁོར་ཞབས་ཀྱི་སྦྱོར་དྲུག་གི་མན་ངག །ཤ་ཝ་རིའི་སྦྱོར་དྲུག་གི་མན་ངག་གཉིས་བི་བྷུ་ཏི་ཙནྡྲའི་རང་འགྱུར། མཚན་བརྗོད་ཀྱི་དགོངས་པ་དུས་འཁོར་བཞིན་བཀྲལ་བ་ལ་མཆན་བརྗོད་རྣམ་བཤད་མིའི་དབང་པོ་གྲགས་པས་མཛད་པ་སྦལ་རྡོ་རྗེ་རྒྱལ་པོའི་འགྱུར། དེའི་ཕན་ཡོན་གྱི་འགྲེལ་པ་སྔགས་ཀྱི་དོན་སྙིང་པོ་བསྡུས་པ་དུས་འཁོར་ཞབས་པས་མཛད་པ་རྡོ་རྗེ་རྒྱལ་པོའི་འགྱུར་འདི་གཉིས་ཐེ་ཚོམ་གྱི་གཞིའོ། །སློབ་དཔོན་དཔེ་མེད་མཚོས་མཛད་པའི་མཚན་བརྗོད་འགྲེལ་པ་བདུད་རྩི་ཐིགས་པ་སྒྲོན་མ་གསལ་བ་དྷརྨ་ཀིརྟི་དང་རྡོ་རྗེ་རྒྱལ་མཚན་གྱི་འགྱུར། སློབ་དཔོན་ཉི་མ་དཔལ་གྱིས་མཛད་པའི་མཚན་བརྗོད་འགྲེལ་པ་བདུད་རྩིའི་ཐིགས་པ་ཆོས་རྗེ་དཔལ་གྱི་འགྱུར། པཎ་ཆེན་ཤཱཀྱ་ཤྲཱིས་མཛད་པའི་དུས་འཁོར་གྱི་རྩིས་གཞི་ཉི་ཟླ་འཛིན་པའི་མན་ངག །གཟའ་ལྔ་སོ་སོའི་རྐྱང་རྩིས། ས་མནྟ་ཤྲཱིས་མཛད་པའི་སྦྱིན་སྲེག་གི་ཆོ་ག །པཎྜི་ཧ་སཱ་དྷུ་ཀཱིརྟིས་མཛད་པའི་དུས་འཁོར་གྱི་བསྟོད་པ་རྒྱུན་ཆགས་འདན་མ་ཚུལ་སེང་གི་འགྱུར། དུས་འཁོར་གྱི་རྩ་ལྟུང་སྟེ་བཞི་བཅུ་རྩ་གསུམ་མོ། །དུས་ཀྱི་འཁོར་ལོ་ལ་བརྟེན་པའི་ཡི་གེ་ཡང་དག་པར་བརྗོད་པའི་རྣམ་འགྲེལ་གོ་མི་ཆེན་པོས་སྦྱར་བ་རྔོག་འགྱུར་ནི་མ་རྙེད། རང་གི་ལྟ་བའི་འདོད་པ་མདོར་བསྟན་པ་སྒྲ་ཚད་པ་རིན་རྒྱལ་གྱིས་བསྒྱུར་པ་མ་རྙེད།

སྤྱིའི་ཆོས་སྐོར།

གཉིས་པ་སྤྱིའི་ཆོས་སྐོར་ལ་སྒྲུབ་ཐབས་སྣ་ཚོགས་ཀྱི་སྐོར་ལ། སྒྲུབ་ཐབས་བརྒྱ་རྩ་རིན་ཆེན་བཟང་པོ་དང་བ་རིའི་འགྱུར། སྒྲུབ་ཐབས་རྒྱ་མཚོ་ཞེས་པ་སྒྲུབ་ཐབས་ཉིས་བརྒྱ་བཞི་བཅུ་རྩ་གཅིག་པ་གྲགས་པ་རྒྱལ་མཚན་གྱི་འགྱུར། རྡོ་རྗེ་གདན་པ་མངོན་ཤེས་ཅན་གྱིས་མཛད་པའི་རྡོ་རྗེ་སེམས་དཔའི་སྒྲུབ་ཐབས་ཉི་མ་རྒྱལ་མཚན་གྱི་འགྱུར། ཁྲོ་བོ་བཅུའི་གཏོར་ཆོག །རིན་པོ་ཆེ་ཆར་ཡོང་གི་སྒྲུབ་ཐབས་ཤེས་རབ་གསང་བའི་རང་འགྱུར། ཧེ་རུ་ཀའི་སྒྲུབ་ཐབས་ཐུ་བོ་རཱ་ཛ་ཧསྟིས་མཛད་པ། སློབ་དཔོན་ཧཱུཾ་མཛད་རྡོ་རྗེས་མཛད་པའི་ཧེ་རུ་ཀའི་སྒྲུབ་ཐབས་ལྷ་རིན་པོ་ཆེའི་འགྱུར། ཧཱུཾ་མཛད་རྡོ་རྗེས་མཛད་པའི་ཧེ་རུ་ཀའི་སྒྲུབ་ཐབས་དང་ཡན་ལག་བཞིའི་དོན་སྣང་བར་བྱེད་པ་གཉིས་རྨ་རིན་ཆེན་མཆོག་གི་འགྱུར། སློབ་དཔོན་བསོད་སྙོམས་པས་མཛད་པའི་ནག་པོ་ཆེན་པོའི་སྒྲུབ་ཐབས་ཤེས་རབ་གྲགས་ཀྱི་འགྱུར། དཔལ་ལྷ་མོའི་སྒྲུབ་ཐབས་ཀ་ཡ་ཤྲཱིའི་རང་འགྱུར། བླ་མ་གསེར་གླིང་པས་མཛད་པའི་མི་གཡོ་བའི་སྒྲུབ་ཐབས་ཇོ་བོ་རྗེའི་རང་འགྱུར། སློབ་དཔོན་ཀ་མ་ལ་ཤྲཱིས་མཛད་པའི་འཇམ་དཔལ་ཁྲོ་བོའི་སྒྲུབ་ཐབས་དང་ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས་གཉིས་ཨོང་ལོའི་འགྱུར། སློབ་དཔོན་དྷ་རི་ཀ་པས་མཛད་པའི་ཤེས་རབ་སྙིང་པོའི་སྒྲུབ་ཐབས། ནག་པོ་ཆེན་པོའི་སྒྲུབ་ཐབས་སློབ་དཔོན་ཤ་ཝ་རི་པས་མཛད་པ། སློབ་དཔོན་རིན་ཆེན་རྡོ་རྗེས་མཛད་པའི་ཧེ་རུ་ཀའི་སྒྲུབ་ཐབས་རིན་ཆེན་བཟང་པོའི་འགྱུར། དཔལ་ཤེས་རབ་གསང་བས་མཛད་པའི་རིན་ཆེན་ཐིགས་པའི་སྒྲུབ་ཐབས། པཎ་ཆེན་ཤཱཀྱ་ཤྲཱིས་མཛད་པའི་སྒྲོལ་མའི་སྒྲུབ་ཐབས། སློབ་དཔོན་གཉིས་མེད་རྡོ་རྗེས་མཛད་པའི་རྡོ་རྗེས་སེམས་དཔའི་རང་བཞིན་ལྔ་པ། སློབ་དཔོན་ཏ་ཐཱ་ག་ཏ་ར་ཀྵི་ཏས་མཛད་པའི་རྡོ་རྗེ་སེམས་དཔའི་སྒྲུབ་ཐབས་ཀྱི་བཤད་པ་བ་རིའི་འགྱུར། དཔལ་ཡེ་ཤེས་མཁའ་འགྲོའི་སྒྲུབ་ཐབས། སློབ་དཔོན་ལོངས་སྤྱོད་རྡོ་རྗེས་མཛད་པ་རིན་ཆེན་རྒྱལ་མཚན་གྱི་འགྱུར། རྡོ་རྗེ་སེམས་དཔའི་སྒྲུབ་ཐབས་དགེ་བློའི་འགྱུར། སློབ་དཔོན་བཛྲ་ཧཱུཾ་ཀ་རས་མཛད་པའི་ཁྲག་འཐུང་ཆེན་པོའི་སྒྲུབ་ཐབས་སྣུབས་ནམ་མཁའི་སྙིང་པོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་ནག་པོ་ཆེན་པོའི་སྒྲུབ་ཐབས་དང་། བྱ་རོག་གདོང་ཅན་གྱི་ནང་སྒྲུབ་གཉིས་ཙ་མི་ཆེན་པོའི་འགྱུར། རེ་མ་ཏིའི་སྒྲུབ་ཐབས་མི་ཕམ་སྦས་པའི་བཤེས་གཉེན་གྱིས་མཛད་པ། ཐུགས་རྗེ་ཆེན་པོའི་སྒྲུབ་ཐབས་བརྒྱ་རྩའི་བསྒྱུར་འཕྲོ་བརྒྱ་དང་ལྔ་འདིར་མ་ཆུད། བ་རིའི་སྒྲུབ་ཐབས་བརྒྱ་རྩ་ལ་དགུ་བཅུ་རྩ་ལྔ་སྟེ་དྲིལ་བས་བཞི་བརྒྱ་དྲུག་ཅུ་རྩ་བཞིའོ། །དཀྱིལ་ཆོག་སྣ་ཚོགས་ལ། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་མངོན་པར་རྟོགས་པའི་རིམ་པ་རྣལ་འབྱོར་རྫོགས་པའི་ཕྲེང་བ་དང་། དཀྱིལ་འཁོར་ཆོ་ག་རྡོ་རྗེ་ཕྲེང་བ་དང་། སྦྱིན་སྲེག་འོད་ཀྱི་སྙེ་མ་དང་གསུམ། ཆོས་རྗེ་དཔལ་ལ་སོགས་པའི་འགྱུར། དབང་གི་རབ་ཏུ་བྱེད་པ་ཤེས་རབ་དཔལ་གྱི་འགྱུར། སློབ་དཔོན་སངས་རྒྱས་གསང་བས་མཛད་པའི་དཀྱིལ་འཁོར་གྱི་ཆོས་དོན་མདོར་བསྡུས་པ་དཔལ་བརྩེགས་ལ་སོགས་པའི་འགྱུར། སློབ་དཔོན་པདྨས་མཛད་པའི་གཞལ་ཡས་ཁང་གསལ་བའི་མངོན་རྟོགས་མུན་སེལ་སྒྲོན་མ་འདི་དཔྱད། སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པའི་གར་གྱི་བསྟན་བཅོས། སློབ་དཔོན་འཇམ་དཔལ་གྲགས་པས་མཛད་པའི་གསང་བ་ཐམས་ཅད་ཀྱི་སྤྱིའི་ཆོ་ག་སྙིང་པོའི་རྒྱན། ཆོས་ཀྱི་ཤེས་རབ་དང་ཉི་མ་རྡོ་རྗེའི་འགྱུར། དབང་གི་དགོས་པ་མདོར་བསྡུས་པ་མཆུར་གྱི་འགྱུར། མཻ་ཏྲི་པའི་དབང་ངེས་བསྟན་དང་། དེའི་དཀའ་འགྲེལ་སློབ་དཔོན་དགའ་བ་སྐྱོང་གིས་མཛད་པ་གཉིས་ནག་ཚོའི་འགྱུར། ཞིང་གི་དབང་ཕྱུག་མའི་མཆོད་པའི་རིམ་པ་དང་། དབང་བསྐུར་གྱི་རིམ་པའི་ཆོ་ག་གཉིས་ཤེས་རབ་རྒྱལ་མཚན་གྱི་འགྱུར། སློབ་དཔོན་བྲམ་ཟེའི་རིགས་ཤིན་ཏུ་དགའ་བའི་པཎྜི་ཏས་མཛད་པ་ཞིང་གི་དབང་ཕྱུག་མའི་བསྟོད་པ་ནག་ཚོ་ཆེན་པོའི་འགྱུར། སློབ་དཔོན་ཀུ་ཀུ་ར་ཛས་མཛད་པའི་དཀྱིལ་འཁོར་ཐམས་ཅད་ཀྱི་རྗེས་སུ་འཇུག་པའི་ཆོ་ག་ལྔ་པ་རིན་ཆེན་མཆོག་གི་འགྱུར། སློབ་དཔོན་དཔའ་བོ་རྡོ་རྗེས་མཛད་པའི་མཉེས་པའི་སྙིང་པོ། སློབ་དཔོན་ཤེས་རབ་གསང་བས་མཛད་པའི་དབང་རིན་པོ་ཆེ་སྣང་བ་ཀམ་ཆོས་ཀྱི་ཡེ་ཤེས་དང་ཕྱུགས་མཆམས་དབང་ཕྱུག་རྒྱ་མཚོའི་འགྱུར། བྲམ་ཟེ་མཆོག་སྲེད་ཀྱིས་མཛད་པའི་ནག་པོ་ཆེན་པོའི་དབང་བསྐུར་བའི་ཆོ་ག་གྱི་ལྗང་དབུ་དཀར་བའི་འགྱུར། འཕགས་པ་དྲ་བི་ཏའི་བུམ་པའི་ཆོ་གའི་རིམ་པར་ཕྱེ་བ། སློབ་དཔོན་ཀླུ་སྒྲུབ་ཀྱིས་མཛད་པའི་དབང་བཞི་པའི་རབ་ཏུ་བྱེད་པ་འགོས་འགྱུར། སློབ་དཔོན་ཨིནྡྲ་བྷུ་ཏིས་མཛད་པའི་རིན་ཆེན་འཁོར་ལོ་དབང་གི་མན་ངག་གི་རིམ་པ། འདི་རྩོད་པ་ཅན་ཡིན། སློབ་དཔོན་བི་ཏ་པ་ཏས་མཛད་པའི་སྦྱོར་བ་བདུན་པ་དབང་བཞིའི་རབ་ཏུ་བྱེད་པ་ལྷ་ཡེ་ཤེས་རྒྱལ་མཚན་གྱི་འགྱུར། ལམ་གྱི་རིམ་པ་སྣ་ཚོགས་ཀྱི་སྐོར་ལ། སློབ་དཔོན་ཛྙཱ་ན་ཀ་རས་མཛད་པའི་གསང་སྔགས་ལ་འཇུག་པ་རྩ་འགྲེལ་གཉིས་ནག་ཚོའི་འགྱུར། སློབ་དཔོན་ཏྲི་པི་ཏ་ཀ་མ་ལས་མཛད་པའི་ཚུལ་གསུམ་གྱི་སྒྲོན་མ་རིན་ཆེན་བཟང་པོའི་འགྱུར། སློབ་དཔོན་ཞི་བ་འཚོས་མཛད་པའི་དེ་ཁོ་ན་ཉིད་གྲུབ་པའི་རབ་ཏུ་བྱེད་པ་རིན་ཆེན་བཟང་པོ་དང་ཤཱཀྱ་འོད་ཀྱི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་འཆི་བླུ་རིན་ཆེན་བཟང་པོའི་འགྱུར། སློབ་དཔོན་པདྨ་བཛྲས་མཛད་པའི་གསང་བ་གྲུབ་པ་ནག་ཚོའི་འགྱུར། སློབ་དཔོན་ཡན་ལག་མེད་པའི་རྡོ་རྗེས་མཛད་པའི་ཐབས་དང་ཤེས་རབ་གཏན་ལ་དབབ་པ་གྲུབ་པ་འགོས་ཀྱི་འགྱུར། སློབ་དཔོན་ཨིནྡྲ་བྷུ་ཏིས་མཛད་པའི་ཡེ་ཤེས་གྲུབ་པ། །ལཀྵྨིས་མཛད་པའི་གཉིས་སུ་མེད་པར་གྲུབ་པ། སློབ་དཔོན་ཨ་ཝ་དྷཱུ་ཏཱི་པས་མཛད་པའི་དེ་ཁོ་ན་ཉིད་བཅུ་པ་ནག་ཚོའི་འགྱུར། དེའི་རྒྱ་ཆེར་འགྲེལ་པ་སློབ་དཔོན་ལྷན་ཅིག་སྐྱེས་པའི་རྡོ་རྗེས་མཛད་པ་མཚུར་གྱི་འགྱུར། སློབ་དཔོན་དཱ་རི་ཀ་པས་མཛད་པའི་གསང་བའི་དེ་ཁོ་ན་ཉིད་ཀྱི་མན་ངག་མཉྫུ་ཤྲཱི་གྷོ་ཥའི་རང་འགྱུར། ཀེ་ར་ཀེ་པས་མཛད་པའི་དེ་ཁོ་ན་ཉིད་གྲུབ་པ། སློབ་དཔོན་གཉིས་མེད་རྡོ་རྗེས་མཛད་པའི་དེ་ཁོ་ན་ཉིད་རིན་ཆེན་ཕྲེང་བ་ནག་ཚོའི་འགྱུར། བིརྦ་པས་མཛད་པའི་འཆི་མེད་གྲུབ་པ། ཏཻ་ལོ་པའི་ཕྱག་རྒྱ་ཆེན་པོའི་མན་ངག །ས་ར་ཧ་པས་མཛད་པའི་བདག་བྱིན་གྱིས་བརླབས་པ་གྲུབ་པ་དང་། སློབ་དཔོན་ཚུལ་ཁྲིམས་འཕགས་ཀྱིས་མཛད་པའི་སེམས་བརྟག་པ་གཉིས་ཆོས་འབར་གྱི་འགྱུར། ས་ར་ཧའི་མན་ངག་ཚིགས་སུ་བཅད་པ་བཅུ་གཉིས་པ། སློབ་དཔོན་བདེ་བའི་རྡོ་རྗེས་མཛད་པའི་དངོས་པོའི་གནས་ལུགས་བསྒོམ་པ་རྩ་འགྲེལ་གཉིས་སློབ་དཔོན་ཀླུ་སྒྲུབ་ཀྱིས་མཛད་པའི་ཕྱག་རྒྱ་བཞི་བསྟན་པ། ཆོས་འབར་གྱི་འགྱུར། འདི་ཀླུ་སྒྲུབ་ཀྱིས་བྱས་པ་མིན་པར་མན་སྙེར་བཤད། སློབ་དཔོན་མ་ཏི་ཙི་ཏྲས་མཛད་པའི་དངོས་པོ་གསལ་བའི་རྗེས་སུ་འགྲོ་བའི་དེ་ཁོ་ན་ཉིད་བསྒྲུབ་པ་འགོས་འགྱུར། སློབ་དཔོན་དོཾ་བི་པས་མཛད་པའི་ལྷན་ཅིག་སྐྱེས་གྲུབ། སློབ་དཔོན་གཉིས་མེད་རྡོ་རྗེས་མཛད་པའི་ལྟ་བ་ངན་སེལ་རྩ་འགྲེལ་ཡེ་ཤེས་འབྱུང་གནས་ཀྱི་འགྱུར། སློབ་དཔོན་མཻ་ཏྲི་པའི་དབུ་མ་དྲུག་པ་ནག་ཚོའི་འགྱུར། ལྷན་སྐྱེས་གྲུབ་པ་མཚུར་གྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་རྨི་ལམ་ངེས་བསྟན། སྒྱུ་མ་ངེས་བསྟན། རབ་ཏུ་མི་གནས་པ་གསལ་བར་བསྟན་པ། དེ་ཁོ་ན་ཉིད་བཅུ་པ། ཟུང་འཇུག་གསལ་བ་རྣམས་ནག་ཚོའི་འགྱུར། མཻ་ཏྲི་པའི་དགའ་གཙུགས་ལྔ་པ་མི་ཕྱེད་པ་ལྔ་པ། གཉིས་མེད་རྡོ་རྗེའི་བདེ་ཆེན་གསལ་བ་རྣམས་ཆོས་འབར་གྱི་འགྱུར། སློབ་དཔོན་ཨ་ཝ་དྷཱུ་ཏཱི་པས་མཛད་པའི་དེ་ཁོ་ན་ཉིད་རབ་ཏུ་བསྟན་པ། དེ་བཞིན་གཤེགས་པ་ལྔའི་ཕྱག་རྒྱ་རྣམ་པར་བཤད་པ་ཆོས་འབར་གྱི་འགྱུར། སློབ་དཔོན་ལྷན་ཅིག་སྐྱེས་པའི་རྡོ་རྗེའི་གནས་པ་བསྡུས་པ་ཆོས་འབར་གྱི་འགྱུར། གཉིས་མེད་རྡོ་རྗེའི་ཐེག་ཆེན་ཉི་ཤུ་པ་ཤཱཀྱ་བརྩོན་འགྲུས་ཀྱི་འགྱུར། ཡིད་ལ་མི་བྱེད་པ་སྟོན་པ་གཉན་ཆུང་གི་འགྱུར། དེ་ཁོ་ན་ཉིད་ཐེག་ཆེན་ཉི་ཤུ་པ་ཤཱཀྱ་འོད་ཀྱི་འགྱུར། སློབ་དཔོན་དེ་བ་ཙནྡྲའི་ཤེས་རབ་ཡེ་ཤེས་གསལ་བ་དྷརྨ་ཀཱིརྟིའི་འགྱུར། སློབ་དཔོན་ཙ་མི་སངས་རྒྱས་གྲགས་པས་མཛད་པའི་སྦྱོར་བའི་ཕྲེང་བ་ཤེས་རབ་དཔལ་གྱི་འགྱུར། སློབ་དཔོན་བཛྲ་པཱ་ཎིའི་རྡོ་རྗེའི་ཚིག་ཡེ་ཤེས་འབྱུང་གནས་ཀྱི་འགྱུར། བིརྦ་པའི་རྡོ་རྗེའི་ཚིག་རྐང་། ཏོག་རྩེ་པའི་བསམ་མི་ཁྱབ་འགོས་འགྱུར། བསྐལ་བཟང་རྡོ་རྗེའི་ཐེག་ཆེན་ལམ་རིམ་ཤཱཀྱ་ཡེ་ཤེས་ཀྱི་འགྱུར། དཔལ་མོའི་ལྷན་ཅིག་སྐྱེས་གྲུབ་གཞུང་འགྲེལ་ཤེས་རབ་གྲགས་ཀྱི་འགྱུར། བཛྲ་པཱ་ཎིའི་སྒོམ་རིམ་དྲུག་པ། ས་ར་ཧ་པས་མཛད་པའི་དོ་ཧ་མཛོད་ཀྱི་གླུ་རྩ་འགྲེལ། མི་ཟད་པའི་གཏེར་མཛོད་ཀྱི་གླུ་རྩ་འགྲེལ། དོ་ཧ་སྤྱོད་པའི་གླུ། སློབ་དཔོན་གཉིས་མེད་རྡོ་རྗེས་མཛད་པའི་དོ་ཧ་མཛོད་ཀྱི་དཀའ་འགྲེལ་དང་། ཀ་ཁའི་དོ་ཧ་རྩ་འགྲེལ་དང་། ནག་པོ་རྡོ་རྗེའི་དོ་ཧ་མཛོད་རྩ་འགྲེལ་རྣམས་བཻ་རོ་ཙ་ན་བཛྲའི་རང་འགྱུར། ས་ར་ཧ་པས་མཛད་པའི་སྐུའི་མཛོད་འཆི་མེད་རྡོ་རྗེའི་གླུ། གསུང་གི་མཛོད་འཇམ་དབྱངས་རྡོ་རྗེའི་གླུ། ཐུགས་ཀྱི་མཛོད་སྐྱ་མེད་རྡོ་རྗེའི་གླུ། སྐུ་གསུང་ཐུགས་ཡིད་ལ་མི་བྱེད་པའི་ཕྱག་རྒྱ་ཆེན་པོ། ཇོ་བོ་རྗེས་མཛད་པའི་རྡོ་རྗེ་གདན་གྱི་གླུ་རྩ་འགྲེལ་ནག་ཚོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་དངོས་པོ་སྣང་བ། སློབ་དཔོན་གཉིས་མེད་རྡོ་རྗེས་མཛད་པའི་མ་རྟོགས་པ་རྟོགས་པར་བྱེད་པའི་རབ་བྱེད། སློབ་དཔོན་ཤྲཱི་ཨ་ནནྟས་མཛད་པའི་སྙིང་པོ་ཀུན་ལས་བཏུས་པ། སློབ་དཔོན་ཨརྱ་དེ་བས་མཛད་པའི་རྣམ་པར་མི་རྟོག་པའི་རབ་ཏུ་བྱེད་པ་དང་བཞི་རྨ་ཆོས་འབར་གྱི་འགྱུར། རང་གི་སེམས་ངལ་བསོ་བའི་ཚིགས་སུ་བཅད་པ་ཉི་ཤུ་རྩ་ལྔ་པ་དང་། མི་ཏྲ་ཛོ་ཀིས་མཛད་པའི་རྟོགས་བརྗོད་སུམ་ཅུ་པ་དང་། འཆི་བ་རྣམ་གྲོལ་རྒྱས་པ་དང་། བསྡུས་པ་སྟེ་བཞི་བྱམས་པའི་དཔལ་གྱི་འགྱུར། གཉིས་མེད་རྡོ་རྗེས་མཛད་པའི་མི་ཟད་པའི་གཏེར་མཛོད་ཡོངས་སུ་གང་བའི་རྒྱ་ཆེར་བཤད་པ་ཤེས་རབ་དཔལ་གྲགས་པའི་རང་འགྱུར། འཁོར་བ་ལས་ཡིད་ངེས་པར་འབྱུང་བའི་གླུ་བརྩོན་འགྲུས་སེང་གེ་དང་ནག་ཚོའི་འགྱུར། སྤྱོད་པའི་གླུ་རྩ་འགྲེལ་ཆོས་ཀྱི་ཤེས་རབ་ཀྱི་འགྱུར། ཆོས་ཀྱི་དབྱིངས་སུ་ལྟ་བའི་གླུ་ནག་ཚོའི་འགྱུར། གྲུབ་ཐོབ་རྣམས་ཀྱི་གླུ་ཀུན་ལས་བཏུས་པ་སློབ་དཔོན་ཐུབ་པ་བྱིན་གྱིས་མཛད་པ་འགྲེལ་པ་དང་བཅས་པ་གྲགས་པ་རྒྱལ་མཚན་གྱི་འགྱུར། སློབ་དཔོན་ཀ་མ་ལ་ཤྲཱིས་མཛད་པའི་སྒྲོན་མ་སྐོར་དགུ་ལ། མན་ངག་སྐུའི་སྒྲོན་མ། མན་ངག་གསུང་གི་སྒྲུན་མ། ཡང་དག་ལྟ་བའི་སྒྲོན་མ། མན་ངག་སྒོམ་པའི་སྒྲོན་མ། མཉམ་ཉིད་བཞིའི་སྒྲོན་མ། མཐར་ཐུག་འབྲས་བུའི་སྒྲོན་མ། བྱང་ཆུབ་སྤྱོད་པའི་སྒྲོན་མ། ཨོང་ལོའི་འགྱུར། རྣལ་འབྱོར་ལམ་གྱི་སྒྲོན་མ། གསང་བ་ཐུགས་ཀྱི་སྒྲོན་མ། ལོ་བཙུན་ཆུང་གི་འགྱུར། དེས་མཛད་པའི་མཎྜལ་གྱི་ཆོ་ག །དེ་ཁོ་ན་ཉིད་ཕྱག་རྒྱ་ཆེན་པོ་ཡི་གེ་མེད་པའི་མན་ངག་ལོ་བཙུན་ཆུང་གི་འགྱུར། སློབ་དཔོན་བྱང་ཆུབ་བཟང་པོས་མཛད་པའི་ལས་དང་པོ་བའི་བྱ་བ་མདོར་བསྡུས་པ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ནག་པོ་པས་མཛད་པའི་ཚིགས་བཅད་ལྔ་པ། ཏཻ་ལོ་པས་མཛད་པའི་དོ་ཧ་མཛོད། སློབ་དཔོན་བིརྦ་པས་མཛད་པའི་ཚིག་རྐང་བརྒྱད་ཅུ་རྩ་བཞི་པ་རྣམས་བཻ་རོ་ཙ་ན་བཛྲའི་རང་འགྱུར། སློབ་དཔོན་ཡེ་ཤེས་གྲགས་པས་མཛད་པའི་དེ་ཁོ་ན་ཉིད་ལ་འཇུག་པ། སློབ་དཔོན་ཡེ་ཤེས་དཔལ་གྱིས་མཛད་པའི་མཐའ་གཉིས་སེལ་བ། སློབ་དཔོན་ཨིནྡྲ་བྷུ་ཏིས་མཛད་པའི་དཔལ་དགའ་བའི་མེ་ཏོག་གི་ཕྲེང་བ་རིན་ཆེན་རྒྱལ་མཚན་གྱི་འགྱུར། སློབ་དཔོན་ཐོ་བཙུན་ཙོ་ཡག་གིས་མཛད་པའི་གསང་སྔགས་ཀྱི་ཚུལ་གྱི་སྣང་བ་རིན་ཆེན་བཟང་པོའི་འགྱུར། པཎྜི་ཏ་སྨྲྀ་ཏིས་མཛད་པའི་དེ་ཁོ་ན་ཉིད་དྲུག་རྣམ་པར་གཞག་པ་དེའི་རང་འགྱུར། ཀ་ཡ་ཐ་ས་་གྷ་ཡ་དྷ་རས་མཛད་པའི་ཡེ་ཤེས་འབྱུང་བའི་མན་ངག་ཤཱཀྱ་ཡེ་ཤེས་ཀྱི་འགྱུར། སློབ་དཔོན་བཛྲ་པཱ་ཎིས་མཛད་པའི་བླ་མ་བརྒྱད་པའི་རིམ་པ་འབྲོག་མི་ཇོ་སྲས་ཀྱི་འགྱུར། པོ་ཊ་ལ་ཀེའི་རྗེ་བཙུན་གྱིས་གསུངས་པ་དྷརྨ་ཡོན་ཏན་གྱི་འགྱུར། སློབ་དཔོན་ཏཻ་ལོ་པས་མཛད་པའི་དེ་ཁོ་ན་ཉིད་བཞི་པའི་མན་ངག་གསལ་བའི་སྒྲོན་མ་རཏྣ་ཤྲཱིའི་རང་འགྱུར། ཨ་བྷ་ཡས་མཛད་པའི་མན་ངག་གི་སྙེ་མ་གྲུབ་པ་དཔལ་བཟང་པོའི་འགྱུར། ཤྲཱི་གུཔྟས་མཛད་པའི་དཔལ་རིན་པོ་ཆེའི་སྙེ་མའི་རྒྱ་ཆེར་འགྲེལ་པ་དེ་ཉིད་ཀྱི་རང་འགྱུར། ཁ་ཆེའི་པཎྜི་ཏ་ལོངས་སྤྱོད་རྡོ་རྗེས་མཛད་པའི་དཔལ་གསང་ཆེན་པདྨའི་རྒྱ་ཆེར་འགྲེལ་པ་དེ་ཉིད་ཀྱི་རང་འགྱུར། སངས་རྒྱས་གསང་བས་མཛད་པའི་རྒྱུད་ཀྱི་དོན་ལ་འཇུག་པའི་འགྲེལ་བཤད། སློབ་དཔོན་བི་ཏ་པ་ཏས་མཛད་པའི་བདག་གི་དོན་གྲུབ་པར་བྱེད་པའི་རྣལ་འབྱོར་གྱི་བྱ་བའི་རིམ་པ་ལྷ་ཡེ་ཤེས་རྒྱལ་མཚན་གྱི་འགྱུར། དེ་ཁོ་ན་ཉིད་ཀྱི་ཚིག་ལེའུར་བྱས་པའི་མན་ངག །དེའི་འགྲེལ་པ་སློབ་དཔོན་སུ་ཛ་ཡ་ཤྲཱི་བྷ་དྲས་བྱས་པ་དང་། དཔའ་བོ་གཅིག་པའི་སྒྲུབ་ཐབས་གཉིས་ཤེས་རབ་རྒྱལ་མཚན་གྱི་འགྱུར། སློབ་དཔོན་ཤེས་རབ་གསང་བས་མཛད་པའི་ཡན་ལག་བརྒྱད་པའི་རིམ་པ་དེ་ཉིད་ཀྱི་རང་འགྱུར། སློབ་དཔོན་ཡེ་ཤེས་རྡོ་རྗེས་མཛད་པའི་དེ་ཉིད་མཐོང་བའི་ལམ་རྟོག་བུད་དྷ་པཱ་ལའི་འགྱུར། སློབ་དཔོན་ཐར་པའི་འབྱུང་གནས་སྦས་པས་མཛད་པའི་དོ་ཧ་མཛོད་ཀྱི་དཀའ་འགྲེལ་རྒྱ་ལོ་ཙྪ་བའི་འགྱུར། ཕྱག་རྒྱ་ཆེན་པོ་རྡོ་རྗེའི་གླུ་བརྡ་རྒྱུད་གསང་བའི་སྒྲོན་མ། བིརྠའི་དོ་ཧ་མཛོད་ཤྲཱི་བཻ་རོ་ཙ་ནའི་རང་འགྱུར། སློབ་དཔོན་ཨ་ཝ་དྷཱུ་ཏཱི་པས་མཛད་པའི་དོ་ཧ་ཏི་ཤྲཱི་ཛྙཱ་ནའི་རང་འགྱུར། ན་མོ་བུདྡྷ་ཡའི་འགྲེལ་པ། ནཱ་རོ་པའི་རྡོ་རྗེའི་གླུ་གཉིས། རྣམ་པར་མི་རྟོག་པའི་རྡོ་རྗེའི་གླུ། ནག་པོ་ཞབས་ཀྱི་རྡོ་རྗེའི་གླུ། དཔལ་མར་མེ་མཛད་ཡེ་ཤེས་ཀྱི་རྡོ་རྗེའི་གླུ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་ཕྱག་རྒྱ་བཞིའི་མན་ངག་ནག་ཚོའི་འགྱུར། སློབ་དཔོན་ཀུ་ཀུ་རི་པས་མཛད་པའི་རྨོངས་པ་གྲོལ་བའི་བརྟག་པ་འགོས་འགྱུར། སློབ་དཔོན་ལས་ཀྱི་ཞབས་ཀྱིས་མཛད་པའི་བྱང་ཆུབ་ཀྱི་སེམས་གཅིག་པའི་མན་ངག །ལས་དང་པོ་བའི་བསྒོམ་པ་མདོར་བསྡུས་པ་ཤེས་རབ་གྲགས་ཀྱི་འགྱུར། དཔལ་ཀཾ་པ་ལའི་ཡུམ་གྱིས་མཛད་པའི་དེ་ཁོ་ན་ཉིད་གསལ་བར་བྱེད་པའི་སྒྲོན་མ། རྨི་ལམ་བརྟག་པ་བི་བྷུ་ཏི་ཙནྡྲའི་རང་འགྱུར། སློབ་དཔོན་ཆོས་ཀྱི་དབང་པོས་མཛད་པའི་དེ་ཁོ་ན་ཉིད་ཀྱི་སྙིང་པོ་བསྡུས་པ་རིན་ཆེན་བཟང་པོའི་འགྱུར། སློབ་དཔོན་ནག་པོ་ཞབས་ཀྱིས་མཛད་པའི་ཐེག་པ་ཆེན་པོའི་དོན་བསྡུས་པའི་སྒྲོན་མ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་དཔའ་བོ་འོད་གསལ་གྱིས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་རྟོགས་པའི་སྙིང་པོ་ཕྱོགས་གཅིག་ཏུ་བསྡུས་པ། སློབ་དཔོན་རྙོག་མེད་རྡོ་རྗེས་མཛད་པའི་སྡོམ་པ་གསུམ་གྱི་རིམ་པ་རྔོག་འགྱུར། དམ་ཚིག་དང་སྡོམ་པའི་རྣམ་གཞག་གི་སྐོར་ལ། བླ་མ་ལྔ་བཅུ་པ་རིན་ཆེན་བཟང་པོའི་འགྱུར། རྩ་བའི་ལྟུང་བ་བསྡུས་པ། ལྟུང་བ་སྦོམ་པོ། ལྟུང་བ་བཅོ་ལྔ་པ། སློབ་དཔོན་ཀླུ་སྒྲུབ་ཀྱིས་མཛད་པའི་ལྟུང་བ། རིན་ཆེན་བཟང་པོ་དང་ཆོས་རྗེ་དཔལ་གྱི་འགྱུར། རྩ་ལྟུང་བཅུ་བཞི་པ་ཡན་ལག་གི་ཉེས་པ། ཡན་ལག་གི་དམ་ཚིག །སློབ་དཔོན་ཨ་བྷ་ཡས་མཛད་པའི་རྡོ་རྗེ་ཐེག་པའི་ལྟུང་བའི་སྙེ་མ་སངས་རྒྱས་གྲགས་ཀྱི་འགྱུར། སློབ་དཔོན་ལཀྵྨིས་མཛད་པའི་རྩ་ལྟུང་བཅུ་བཞི་པའི་འགྲེལ་པ། སློབ་དཔོན་འཇམ་དཔལ་གྲགས་པས་མཛད་པའི་རྩ་ལྟུང་བཅུ་བཞི་པ་དང་བཅོ་ལྔ་པ་ཡན་ལག་དང་བཅས་པའི་རྒྱ་ཆེར་འགྲེལ་པ་བརྩོན་སེང་གི་འགྱུར། སློབ་དཔོན་རྒྱལ་བའི་ལྷས་མཛད་པའི་རྩ་ལྟུང་འགྲེལ་པ་ནག་ཚོའི་འགྱུར། སློབ་དཔོན་ཛྙཱ་ན་བོ་དྷིས་མཛད་པའི་ལས་དང་པོ་པའི་དམ་ཚིག་མདོར་བསྡུས་པ་བསོད་ནམས་རྒྱལ་བའི་འགྱུར། སློབ་དཔོན་སྒེག་པའི་རྡོ་རྗེས་མཛད་པའི་སྤྱིའི་དམ་ཚིག་མདོར་བསྡུས་པ། ཇོ་བོ་རྗེས་མཛད་པའི་དམ་ཚིག་ཐམས་ཅད་བསྡུས་པ་ནག་ཚོའི་འགྱུར། སློབ་དཔོན་ཡེ་ཤེས་བཟང་པོས་མཛད་པའི་ཚུལ་ཁྲིམས་དང་སྡོམ་པ་དམ་ཚིག་མི་འགལ་བ་རབ་ཞི་བཤེས་གཉེན་གྱི་འགྱུར། སློབ་དཔོན་སྙིང་པོ་ཞབས་ཀྱིས་མཛད་པའི་རྡོ་རྗེ་ཐེག་པའི་རྩ་བའི་ལྟུང་བའི་རྒྱ་ཆེར་འགྲེལ་པ། དཔལ་ལཀྵ་མི་ཀ་རས་མཛད་པའི་དམ་ཚིག་གི་འགྲེལ་པ་ཉུང་ངུ་ནག་ཚོའི་འགྱུར། རབ་གནས་དང་སྦྱིན་སྲེག་དང་ཚོགས་འཁོར་གྱི་སྐོར་ལ། དཔལ་སུ་མ་ཏི་ཀཱིརྟིས་མཛད་པའི་རྟེན་འབྲེལ་རབ་གནས་ཤེས་རབ་གྲགས་ཀྱི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་རབ་གནས། སློབ་དཔོན་རཏྣ་རཀྵི་ཏའི་ཚོགས་འཁོར་གྱི་ཆོ་ག་ཡིད་བཞིན་ནོར་བུ་དང་། ཧེ་རུ་ཀ་བཛྲའི་ཚོགས་ཀྱི་འཁོར་ལོའི་ཆོ་ག་རིམ་པར་ཕྱེ་བ་གཉིས་གྲུབ་པ་དཔལ་བཟང་པོའི་འགྱུར། སློབ་དཔོན་ཨ་བྷ་ཡས་མཛད་པའི་ཚོགས་འཁོར་གྱི་ཆོ་ག །སློབ་དཔོན་རབ་འཇིགས་རྡོ་རྗེས་མཛད་པའི་སྦྱིན་སྲེག་གི་ཆོ་ག་རིན་ཆེན་བཟང་པོའི་འགྱུར། སློབ་དཔོན་ཟླ་འོད་ཀྱིས་མཛད་པའི་རབ་ཏུ་གནས་པའི་ཆོ་ག་བསོད་ནམས་རྒྱལ་བའི་འགྱུར། ཇོ་བོ་རྗེས་མཛད་པའི་སྐུ་གསུང་ཐུགས་རབ་ཏུ་གནས་པ་བརྩོན་འགྲུས་སེང་གེའི་འགྱུར། སློབ་དཔོན་ཀ་མ་ལ་མ་ཧཱས་མཛད་པའི་ཚོགས་འཁོར་གྱི་འཁོར་ལོའི་ཆོ་ག །ཀུན་ཏུ་བཟང་པོའི་སྦྱིན་སྲེག་གི་ཆོ་ག །སློབ་དཔོན་ཌོཾ་བི་ཧེ་རུ་ཀས་མཛད་པའི་ཐུན་མོང་མ་ཡིན་པའི་འདུལ་བ་བསྒྲགས་པ་དང་། ཚོགས་ཀྱི་འཁོར་ལོའི་ཆོ་ག །པཎྜི་ཏ་བཟང་པོ་སྦྱིན་པས་མཛད་པའི་ཚོགས་འཁོར་གྱི་ཆོ་ག །སློབ་དཔོན་ཏ་ཐཱ་ག་ཏ་རཀྵི་ཏས་མཛད་པའི་རོ་སྲེག་གི་ཆོ་ག་ཆོས་ཀྱི་བློ་གྲོས་ཀྱི་འགྱུར། རབ་ཏུ་གནས་པའི་ཆོ་ག་རབ་གནས་ཀྱི་རྒྱལ་པོ། ཐོད་པ་མཆོད་པའི་ཆོ་ག །བཟླས་པའི་ཕྲེང་བའི་མཚན་ཉིད་དང་། ཁྲུས་ཀྱི་ཆོ་ག་གཉིས་ཤེས་རབ་རྒྱལ་མཚན་གྱི་འགྱུར། སློབ་དཔོན་མི་འཇིགས་པའི་ཕྱག་གིས་མཛད་པའི་རབ་གནས་བསྡུས་པ། མཎྜལ་ཆོ་ག་དང་གཏོར་ཆོག་དང་བསྟོད་པ་དང་བཀྲ་ཤིས་ལ། ཀཾ་པ་ལའི་མཎྜལ་གྱི་ཆོ་ག་འགྱུར་རྙིང་། སངས་རྒྱས་གསང་བའི་མཎྜལ་གྱི་ཆོ་ག །ཛེ་ཏཱ་རིས་མཛད་པའི་མཎྜལ་གྱི་ཆོ་ག་ཆོས་ཀྱི་ཤེས་རབ་ཀྱི་འགྱུར། རིན་ཆེན་འབྱུང་གནས་སྦས་པའི་མཎྜལ་གྱི་ཆོ་ག་དྷརྨ་གྲགས་ཀྱི་འགྱུར། རྙོག་མེད་རྡོ་རྗེའི་མཎྜལ་གྱི་ཆོ་ག་རྔོག་འགྱུར། ཀ་མ་ལ་རཀྵི་ཏའི་མཎྜལ་གྱི་ཆོ་ག་ཤེས་རབ་དཔལ་ཡེ་ཤེས་ཀྱི་རང་འགྱུར། ཁ་ཆེ་ཤཱཀྱ་ཤྲཱིས་མཛད་པའི་མཎྜལ་གྱི་ཆོ་ག །སློབ་དཔོན་སྲིད་གསུམ་རྡོ་རྗེས་མཛད་པའི་ལས་དང་པོ་པའི་ཚོགས་གསོག་པའི་བྱ་བའི་རིམ་པ་མདོར་བསྡུས་པ། གཏོར་མ་ཆེན་པོའི་ལས་ཀྱི་རིམ་པའི་འགྲེལ་པ། སློབ་དཔོན་མི་བསྐྱོད་རྡོ་རྗེས་མཛད་པ་དགེ་བློའི་འགྱུར། གཏོར་མ་ཆེན་པོའི་ཆོ་ག་ལྷ་ཡེ་ཤེས་རྒྱལ་མཚན་གྱི་འགྱུར། བདུག་རྩི་འབྱུང་བའི་གཏོར་མའི་ཆོ་ག་རྩ་འགྲེལ་གཉིས་ཁུ་དངོས་གྲུབ་ཀྱི་འགྱུར། ནག་པོ་པའི་འབྱུང་པོ་ཐམས་ཅད་ཀྱི་གཏོར་ཆོག་ཉི་མ་རྒྱལ་མཚན་གྱི་འགྱུར། ཇོ་བོ་རྗེས་མཛད་པའི་ནག་པོ་ཆེན་པོའི་གཏོར་མ་འབྲོམ་སྟོན་པའི་འགྱུར། རྡོ་རྗེ་དྲིལ་བུའི་མཚན་ཉིད་ནག་ཚོ་ཤེས་རབ་རྒྱལ་མཚན་གྱི་འགྱུར། སྒྲོལ་མའི་གཏོར་མའི་ཆོ་ག་ཉུང་ངུ་རྒྱུད་སྣ་ཚོགས་ལས་བཏུས་པའི་གཏོར་མའི་ཆོ་ག་སློབ་དཔོན་ཀླུ་སྒྲུབ་ཀྱིས་མཛད་པ་གཞོན་ནུ་ཚུལ་ཁྲིམས་ཀྱི་འགྱུར། སློབ་དཔོན་བ་ལིཾ་ཨཱ་ཙཱརྱས་མཛད་པའི་ཆོས་སྐྱོང་ཐམས་ཅད་པའི་གཏོར་མའི་ཆོ་ག་རྨ་ཆོས་འབར་གྱི་འགྱུར། རྒྱལ་པོ་ཆེན་པོ་བཞིའི་གཏོར་མའི་ཆོ་ག་བཤེས་གཉེན་སྟོན་པའི་འགྱུར། སྦྱོར་བ་བཞིའི་ལྷ་ལ་བསྟོད་པ་པཎྜི་ཏ་རཏྣ་ཀཱིརྟིས་མཛད་པ་བལ་པོ་མ་ཧཱ་པཱ་ཎའི་རང་འགྱུར། གཙུག་གཏོར་རྣམ་རྒྱལ་ལ་བསྟོད་པ་སློབ་དཔོན་ཙནྡྲ་གོ་མིས་མཛད་པ། སློབ་དཔོན་ཛ་མཱ་རིས་མཛད་པའི་ནོར་རྒྱུན་མའི་བསྟོང་པ། སློབ་དཔོན་ཀླུ་སྒྲུབ་ཀྱིས་མཛད་པའི་ནག་པོ་ཆེན་པོའི་བསྟོད་པ་རྐང་བརྒྱད་དིང་རི་ཆོས་གྲགས་ཀྱི་འགྱུར། ནག་པོ་ཆེན་པོའི་བསྟོད་པ་བྲམ་ཟེ་མཆོག་སྲེད་ཀྱིས་མཛད་པ། ནག་པོ་ཆེན་པོའི་བསྟོད་པ་སློབ་དཔོན་ཨ་ཝ་དྷཱུ་ཏཱི་པས་མཛད་པ། དཔལ་ལྷ་མོའི་བསྟོད་པ་བྲམ་ཟེ་མཆོག་སྲེད་ཀྱིས་མཛད་པ། ནག་པོ་ཆེན་པོའི་བསྟོད་པ་སློབ་དཔོན་སངས་རྒྱས་གྲགས་ཀྱིས་མཛད་པ་ས་ལོའི་འགྱུར། རྣལ་འབྱོར་གྱི་རྒྱུད་ལས་བྱུང་བའི་རིགས་ལྔ་འཁོར་བཅས་ལྷ་སུམ་ཅུ་སོ་བདུན་གྱི་བཀྲ་ཤིས་ཏེ། དེ་ལྟར་སྔགས་ཕྱོགས་ལ་སྟོང་བདུན་བརྒྱ་བཞི་བཅུ་ཞེ་བདུན་ཏེ། སྔར་གྱི་མཚན་ཉིད་ཀྱི་སྐོར་གྱི་ལྔ་བརྒྱ་དགུ་བཅུ་དང་དྲིལ་བས། ཉིས་སྟོང་སུམ་བརྒྱ་སུམ་ཅུ་བོད་དུ་འགྱུར་རོ། བསྟན་འགྱུར་གྱི་དཀར་ཆག་ཆེན་མོ་ལས། ཉིས་སྟོང་སུམ་བརྒྱ་ལྔ་བཅུར་བཤད་ཀྱང་། ཇོ་བོའི་ཆོས་ཆུང་བརྒྱ་རྩ་ལོགས་སུ་བགྲངས་པ་དང་། སྔ་ཕྱི་ཟློས་པ་མང་པོ་སྣང་བས་ཟློས་པ་ཀུན་དོར་ཞིང་རང་གིས་མངོན་སུམ་དུ་མཐོང་བ་དང་། ཡིད་ཆེས་པའི་ཚིག་ལས་ད་ལྟ་འགྱུར་བ་ཡོད་པར་ངེས་པ་རྣམས་ཉིས་བརྒྱ་ཙམ་དང་བཅས་པ་སྔར་མ་ཆུད་པ་མཆིས་སོ་འཚལ་བསྣན་ནས་གྲངས་དང་གོ་རིམས་དང་སྟེ་ཚན་དང་གཞུང་ཚད་དང་འགྱུར་བྱང་གི་བར། སྔར་གྱི་དཀར་ཆག་ཆེན་མོ་བཞི་ལ་གཞི་མ་བྱས་ནས། ཇི་ལྟར་ཤེས་པ་ལྟར་བྲིས་སོ། །ཡེ་ཤེས་སྡེས་བསྒྱུར་པ་རྣམས་སྐད་གསར་བཅད་ཀྱིས་བཅོས་པ་ཤས་ཆེའོ། །ནག་ཚོའི་འགྱུར་ཞེས་པ་རྣམས་ཚུལ་ཁྲིམས་རྒྱལ་བའི་འགྱུར་རོ། །རྔོག་འགྱུར་ཞེས་པ་རྣམས་བློ་ལྡན་ཤེས་རབ་ཀྱི་འགྱུར་རོ། །པ་ཚབ་འགྱུར་ཞེས་པ་རྣམས་ཉི་མ་གྲགས་ཀྱི་འགྱུར་རོ། །བ་རིའི་འགྱུར་ཞེས་པ་རྣམས་རིན་ཆེན་གྲགས་ཀྱི་འགྱུར་ཡིན་པས། གཞན་དུ་མི་བསམ་མོ། །བོད་ཀྱི་སྡུད་པ་པོ་་འཇིག་རྟེན་གྱི་མིག་ཏུ་གྱུར་པའི་ཆོས་རྒྱལ་དམ་པ་རྣམས་དང་། ལོ་ཙྪ་བ་ཆེན་པོ་རྣམས་ཀྱི་མཛད་བྱང་ལ། བཙན་པོ་ཁྲི་སྲོང་ལྡེ་བཙན་གྱིས་མཛད་པའི་གཙུག་ལག་ལ། གྲུབ་པའི་མཐའ་བགྲོ་བ་ཤུ་ལོ་ཀ་བཞི་བཅུ། བཀའ་ཡང་དག་པའི་ཚད་མ་བམ་པོ་བདུན། དབུ་མའི་གཟེར་བུ་ཤུ་ལོ་ཀ་སུམ་ཅུ། དེ་བཞིན་གཤེགས་པའི་སྐད་བརྡ་བམ་པོ་ལྔ། འཕགས་པ་རྣམ་པར་སྣང་མཛད་དང་། ཤཱཀྱ་ཐུབ་པ་དང་། བྱང་ཆུབ་སེམས་དཔའ་བརྒྱད་ལ་བསྟོད་པ་ཤུ་ལོ་ཀ། འཕགས་པ་འཇམ་དཔལ་ལ་བསྟོད་པ་ཤུ་ལོ་ཀ། བྱམས་པའི་བསྟོད་པ་ཆེན་པོ་བམ་པོ་གཅིག་དང་ཤུ་ལོ་ཀ་བརྒྱ། བྱམས་པ་ལ་བསྟོད་པ་ཆུང་ངུ་ཤུ་ལོ་ཀ་ལྔ་བཅུ། མི་གཡོ་མགོན་པོ་ལ་བསྟོད་པ་ཤུ་ལོ་ཀ། བསམ་གཏན་གྱི་དོགས་པ་བརྒྱད་བསལ་བ་ལྷ་བཙན་པོས་བཀས་བཅད་པ་ཤུ་ལོ་ཀ། བཀའ་ཡང་དག་པའི་ཚད་མ་མདོར་བསྟན་པ་བམ་པོ་གཅིག །སློབ་དཔོན་བཻ་རོ་ཙ་ན་རཀྵི་ཏས་རྒྱལ་པོ་ལ་གནང་བ་དོན་གསལ་བའི་སྒྲོན་མ། བཙུན་པ་དཔལ་དབྱངས་ཀྱིས་བོད་རྗེ་འབངས་ལ་བརྫངས་པ་གཅེས་པ་བསྡུས་པའི་འཕྲིན་ཡིག །མཁན་པོ་དཔལ་བརྩེགས་ཀྱིས་མཛད་པ་ལ། མདོ་སྡེ་སྣ་ཚོགས་ལས་བཏུས་པ་གསུང་རབ་རིན་པོ་ཆེའི་གཏམ། ཕྱིའི་ཡུལ་དྲན་རྒྱུད་དུ་ཡོད་པར་འདོད་པ་སེལ་བ་བམ་པོ་གཉིས། མཚན་ཉིད་གསུམ་མདོར་བསྟན་པ་ཤུ་ལོ་ཀ། ལྟ་བའི་རིམ་པ་བཤད་པ་དང་བཞིའོ། །ཕྱི་མ་འདི་དཔྱད། མཁན་པོ་ཡེ་ཤེས་སྡེས་མཛད་པ། ལྟ་བའི་ཁྱད་པར་བམ་པོ་ཕྱེད་དང་གཉིས། དེའི་དྲན་བྱེད་བཟང་པོ་སྤྱོད་པའི་འགྲེལ་པ་བཞིའི་དོན་བསྡུས་པ་བམ་པོ་གཉིས། འཇིག་རྟེན་ཕ་རོལ་བསྒྲུབ་པ་ཤུ་ལོ་ཀ་སུམ་ཅུ། དགོངས་པ་བཞི་དང་ལྡེམ་དགོངས་བཞིའི་བརྗེད་བྱང་ཤུ་ལོ་ཀ་ཉིས་བརྒྱའོ། །སློབ་དཔོན་ཀླུའི་རྒྱལ་མཚན་གྱིས་མཛད་པ་ལ། དགོངས་པ་ངེས་པར་འགྲེལ་པའི་རྒྱ་ཆེར་འགྲེལ་བམ་པོ་བཞི་བཅུ། ངེས་པའི་དོན་དབུ་མ་བམ་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་མདོར་བསྡུས་ཏེ་གསོལ་བ་བམ་པོ། ཕྲེང་བའི་རྒྱན་བམ་པོ་གཅིག །ཆོས་གཏན་ལ་དབབ་པའི་གལ་རྣམས་སོ། །དགོངས་པ་ངེས་པར་འགྲེལ་པའི་མདོའི་བཤད་པ་བཙན་པོ་མུ་ཏིག་བཙན་གྱིས་མཛད་པ། དགོངས་པ་ངེས་འགྲེལ་གྱི་བྱམས་པའི་ལེའུའི་བརྗེད་བྱང་སློབ་དཔོན་ཤེས་རབ་སྙིང་པོས་མཛད་པ། ཤེས་སྙིང་གི་ཊཱིཀྐ་སློབ་དཔོན་པྲ་ཤ་སྡེ་སེ་ནས་བྱས་པ། དབུ་མ་རྒྱན་གྱི་བརྗེད་བྱང་སློབ་དཔོན་བཀྲ་ཤིས་ཀྱིས་མཛད་པ་བམ་པོ་བཅུ། རིགས་པ་དྲུག་ཅུ་པ་ལས་བཏུས་ཏེ་མདོར་བཤད་པ་སློབ་དཔོན་བཻ་རོ་ཙ་ནས་མཛད་པ། སྡོམ་པ་ཉི་ཤུ་བའི་འགྲེལ་པ་སློབ་དཔོན་བཀྲ་ཤིས་ཀྱིས་མཛད་པ། དགེ་སློང་མའི་སོ་སོ་ཐར་པའི་བཤད་པ་དཔལ་གྱི་ལྷུན་པོས་བྱས་པ། ཆོས་ཀྱི་གཞུང་སྤྱིར་བསྟན་པ་དཔལ་བརྩེགས་དང་ཀླུའི་རྒྱལ་མཚན་གྱི་བརྒལ་ལན་བཞི་ཕྲུགས། བཙན་པོ་དཔའ་དུན་བརྟན་གྱི་དབུ་མའི་དཀས་བཅད་བཤད་པ་དང་བཅས་པ་ཤུ་ལོ་ཀ་དྲུག་ཅུ། དེ་ཡི་བརྗེད་བྱང་། བསམ་གཏན་གྱི་མན་ངག་ལྷ་བཙན་པོས་མཛད་པ་དང་། དེའི་བརྗེད་བྱང་། ཨཱ་ཙཱརྱ་ཀ་ལ་ཡ་ནའི་དྲིས་ལན་བམ་པོ་གཅིག །རིན་ཆེན་ཟླ་བ་འབྱུང་གནས་ཀྱི་དྲིས་ལན་ཤུ་ལོ་ཀ་ཉིས་བརྒྱ། ཁྱུང་གོང་དང་དགེ་འདུན་གྱི་གལ་ཤུ་ལོ་ཀ་བརྒྱ། ཀོང་ཨུཏ་པལ་ཀོ་ཤའི་དྲིས་ལན་ཤུ་ལོ་ཀ་ལྔ་བཅུ། དགེ་འདུན་ལ་བཙན་པོས་སེམས་ཉམས་སྨྲས་པ་ཤུ་ལོ་ཀ། བཻ་རོ་ཙ་ན་རཀྵི་ཏས་མཛད་པའི་སྣང་བ་མཐའ་ཡས་ཀྱི་མཚན་བརྗོད་པ། ཐོན་མི་སཾ་བྷ་ཊས་མཛད་པའི་སྒྲའི་བསྟན་བཅོས་བརྒྱད་ལས་སུམ་ཅུ་པ་དང་རྟགས་ཀྱི་འཇུག་པ་གཉིས་ལས་མ་རྙེད། ལྕེ་ཁྱི་འབྲུག་གི་སྒྲའི་གནས་བརྒྱད་རྩ་འགྲེལ་གཉིས་མ་བྱིན་ལེན་གྱི་སྐབས་ནས་མཁན་པོ་བཞིས་དཔྱད་པ་ཤུ་ལོ་ཀ། ཇོ་མོ་བྱང་ཆུབ་ཀྱིས་མཛད་པའི་སྨོན་ལམ། ལོ་པཎ་མང་པོས་མཛད་བའི་བཀའ་བཅད་ཆེ་འབྲིང་ཆུང་གསུམ་དང་། ཆོས་ཀྱི་རྣམ་གྲངས་ཀྱི་རྩ་བ་དང་། བརྗེད་བྱང་བམ་པོ་བཞི་མཛད་པ་པོའི་མཚན་མ་སྨོས་པ་ལ། འབུམ་གྱི་བརྗེད་བྱང་བློ་གྲོས་མི་ཟད་པས་བསྟན་པའི་རྒྱ་ཆེར་འགྲེལ་པ་བམ་པོ། དོན་རྣམ་པར་གདོན་མི་ཟ་བའི་མདོའི་འགྲེལ་པ་བམ་པོ་རྡོ་རྗེ་གཅོད་པའི་ཊཱིཀྐ་ཆེན་པོ་བམ་པོ། བརྗེད་བྱང་ཆུབ་ངུ་བམ་པོ། ག་ཡ་གོ་རིའི་བསྒྱུར་བྱང་བམ་པོ། ཤེར་ཕྱིན་བདུན་བརྒྱ་པ། ལང་ཀར་གཤེགས་པ་ས་བཅུ་པ། སངས་རྒྱས་ཀྱི་ས། ས་ལུ་ལྗང་པའི་མདོ་རྣམས་ཀྱི་བརྗེད་བྱང་། ཤེར་སྙིང་གི་བཤད་པ་ཤུ་ལོ་ཀ་མངོན་རྟོགས་རྒྱན་མདོ་དང་སྦྱར་བ་བམ་པོ། འབུམ་གྱི་ཊཱིཀྐའི་དོན་བསྡུས་མདོ་དང་སྦྱར་བ་བམ་པོ། རིགས་པ་དྲུག་ཅུ་པའི་ཊཱིཀྐ་བམ་པོ་དྲུག །རིགས་པ་དྲུག་ཅུ་པའི་ཚིག་ལེའུར་བྱས་པ་ཉི་ཚེ་བཤད་པ་བམ་པོ། རྟེན་ཅིང་འབྲེལ་བར་འབྱུང་བའི་སྙིང་པོའི་བརྗེད་བྱང་བམ་པོ། རྟེན་ཅིང་འབྲེལ་པར་འབྱུང་བའི་སྙིང་པོའི་བསྐྱུད་བྱང་སྣ་གསུམ་བམ་པོ། ཐེག་བསྡུས་འགྲེལ་པ་བམ་པོ། མདོ་སྡེ་རྒྱན་གྱི་བརྗེད་བྱང་བམ་པོ། དེའི་བརྗེད་བྱང་རྙིང་འགྱུར་བམ་པོ། ལས་གྲུབ་པའི་དྲན་བྱེད་བམ་པོ། དབུས་མཐའ་དང་། པན་ཀན་དང་། ཉི་ཤུ་པ་རྣམས་ཀྱི་བརྗེད་བྱང་བམ་པོ། ལྔ་ཕུང་འགྲེལ་པའི་མི་བརྗེད་པའི་ཚིག་བམ་པོ། བྱང་སའི་ཚུལ་ཁྲིམས་ལེའུའི་འགྱུར་བྱང་བམ་པོ། བྱང་སའི་ས་བཅུའི་བརྗེད་བྱང་བམ་པོ། མངོན་པ་མཛོད་ཀྱི་བརྗེད་བྱང་བམ་པོ། མཛོད་ཀྱི་འཇིག་རྟེན་བསྟན་པའི་བསྐྱུད་བྱང་བམ་པོ། ཆོས་མངོན་པ་ལ་འཇུག་པའི་འགྲེལ་པ་བམ་པོ། སྡོམ་པ་ཉི་ཤུ་པའི་འགྲེལ་པ་རང་ལོག་ཞུ་ལོག་གི་བརྗེད་བྱང་ཤུ་ལོ་ཀ། བྱང་ཆུབ་ཀྱི་སེམས་བསྒོམ་པའི་འགྲེལ་པ་བམ་པོ། དེ་ཁོ་ན་ཉིད་ཀྱི་བསམ་གཏན་ལ་འཇུག་པ་ཞེས་བྱ་བའི་མདོ་འགྲེལ་བམ་པོ། རིགས་ཐིགས་ཀྱི་བརྗེད་བྱང་བམ་པོ། དེའི་སྐབས་ཀྱི་བརྗེད་བྱང་ཤུ་ལོ་ཀ། དཀོན་མཆོག་གསུམ་གྱི་བསྟོད་པའི་བརྗེད་བྱང་གཉིས་ཤུ་ལོ་ཀ། སོ་སོར་ཐར་པའི་བརྗེད་བྱང་ཆེན་པོ་བམ་པོ་བཅུ། སོ་སོར་ཐར་པའི་ཊཱིཀྐ་བམ་པོ། འགྲེལ་པ་བམ་པོ། གླེང་གཞི་མན་ཆད་སོ་སོར་ཐར་པའི་ཚིག་གི་བརྗེད་པ་དྲན་བྱེད་བམ་པོ། བ་བང་ཀའི་བརྗེད་བྱང་བམ་པོ། ཀཱ་རི་ཀ་ལྔ་བཅུ་པའི་བརྗེད་བྱང་བམ་པོ་གཉིས། དགེ་ཚུལ་གྱི་བྱ་བ་ལྔ་བཅུ་པའི་རྒྱ་ཆེར་འགྲེལ་པ་བམ་པོ། རྡོ་རྗེ་གཡུང་དྲུང་ངེས་པར་བཀོད་པའི་རྒྱན་བམ་པོ་གསུམ། རྣལ་འབྱོར་སྤྱོད་པའི་དབུ་མའི་ལྟ་བའི་ཚུལ་བམ་པོ། ཐེག་པ་ཆེན་པོ་ཀུན་རྫོབ་དང་དོན་དམ་པ་བསྟན་པ་བམ་པོ། ཐེག་པ་ཆེན་པོ་དབུ་མའི་ཚུལ་བསྟན་པ་ཤུ་ལོ་ཀ་ཉིས་བརྒྱ། བསྟན་པའི་སྙིང་པོ་བམ་པོ། གཟིགས་པ་བླ་མ་བམ་པོ། ཐེག་པ་ཆེན་པོའི་གང་ཟག་རྣལ་འབྱོར་པས་ཉམས་སུ་བླང་བའི་མདོ་བམ་པོ། དམིགས་སུ་མེད་པའི་ཚུལ་གཅིག་པའི་གཞུང་བམ་པོ་ཕྱེད། ཐེག་པ་ཆེན་པོའི་ཆོས་དང་དོན་དང་དཀྱུས་བྲིས་པ་ཤུ་ལོ་ཀ། ཐེག་པ་ཆེན་པོ་ཅིག་ཅར་འཇུག་པ་བམ་པོ། བསམ་གཏན་བསྒོམ་པའི་ཐབས་དང་གཉེན་པོ་བཤད་པ་ཤུ་ལོ་ཀ། ཐ་སྙད་ཀྱི་ཕྲེང་བ་ཤུ་ལོ་ཀ། ཐེག་པ་ཆེན་པོའི་དབུ་མ་ལུགས་ཀྱི་སྙིང་པོ་ཤུ་ལོ་ཀ། མཁན་པོ་བོ་དྷི་དྷརྨ་མ་ཏས་བཤད་པ་ལས་བཏུས་པ་ཤུ་ལོ་ཀ། རྣལ་འབྱོར་སྤྱོད་པ་ལ་འཇུག་པའི་ཚུལ་རྣམ་པ་གསུམ་ལས་བཏུས་པ་བམ་པོ། ཡང་དག་པའི་ལམ་བསྟན་པ་བམ་པོ་གཉིས་དང་ཤུ་ལོ་ཀ་བརྒྱ། གྲུབ་པའི་མཐའ་བགྲོ་བ་ལས་བཏུས་པ་བམ་པོ་ཕྱེད། བླ་ན་མེད་པའི་སྤྱོད་པའི་མདོ་ཤུ་ལོ་ཀ། ཐེག་པ་ཆེན་པོའི་ཆོས་རྒྱུ་དང་འབྲས་བུ་མདོར་བཤད་པ་བམ་པོ་གཅིག །སེམས་དང་སེམས་ལས་བྱུང་བའི་མཚན་ཉིད་མདོ་ཙམ་དུ་བསྟན་པ་བམ་པོ་ཕྱེད། ཆོས་ཀྱི་མཚན་ཉིད་རྣམ་པ་གཉིས་སུ་བསྟན་པ་བམ་པོ། ཚེགས་ཆུང་ངུས་བསོད་ནམས་ཆེན་པོ་ཐོབ་པའི་རྟགས་བམ་པོ། ཕྱི་ནང་གི་འཇིག་རྟེན་མདོར་བསྟན་པ་བམ་པོ། གསུང་རབ་དང་མདོ་སྡེ་ལས་མདོར་བསྡུས་པ་རྩ་འགྲེལ་ཤུ་ལོ་ཀ། སེམས་འཁོར་བ་མདོ་ཙམ་དུ་བསྟན་པ་སྣ་གསུམ་ཤུ་ལོ་ཀ། ཆོས་ཀྱི་རྣམ་གྲངས་གསུང་རབ་ལས་བསྟན་བཅོས་བཏུས་པ་བམ་པོ་བཞི། བསྟན་བཅོས་བཏུས་པའི་ཕྲེང་བ་ཤུ་ལོ་ཀ། ཆོས་བསླབ་པའི་མདོའི་བརྗེད་བྱང་ཤུ་ལོ་ཀ་ཉིས་བརྒྱ། ཉོན་མོངས་པ་སྤང་པའི་རིམ་པ་ཤུ་ལོ་ཀ་དྲུག་ཅུ། ཐབས་དང་ཤེས་རབ་ཀྱི་སྤྱོད་པ་བསྟན་པ་ཤུ་ལོ་ཀ་བརྒྱད་ཅུ། ཚད་མེད་པ་བཞིའི་རྒྱ་ཆེར་འགྲེལ་པ་ཤུ་ལོ་ཀ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྟན་པ་ཤུ་ལོ་ཀ། བདེན་པ་གཉིས་མདོར་བསྡུས་པའི་བརྗེད་བྱང་ཤུ་ལོ་ཀ་བརྒྱད་ཅུ། ཞི་གནས་དང་ལྷག་མཐོང་གི་ལམ་བསྟན་པ་ཤུ་ལོ་ཀ། མུ་སྟེགས་ཀྱི་ལྟ་བའི་སྐབས་ཀྱི་བརྗེད་བྱང་ཤུ་ལོ་ཀ། ཆོས་སྐད་གཏན་ལ་དབབ་པ་བམ་པོ། བྱང་ཆུབ་དམ་པའི་སྨོན་ལམ། བྱང་ཆུབ་འབྱུང་བའི་སྨོན་ལམ། བླ་ན་མེད་པའི་སྨོན་ལམ། སྤྱན་རས་གཟིགས་ལ་བསྟོད་པ་སྣ་གཉིས། འཇམ་དཔལ་ལ་བསྟོད་པ་གཉིས། མཆོད་རྟེན་ལ་བསྟོད་པ་སྣ་གཉིས་སོ། །དེ་དག་ཕལ་ཆེར་དཀར་ཆག་འཕང་ཐང་མར་སྨོས་སོ། །གཞན་ཡང་ལྷག་མཐོང་བསྐྱེད་པའི་ཐབས་སེམས་གནས་པ་སྤྱིའི་ཡི་གེ། མི་སྡུག་པའི་སྒོ་ནས་སེམས་གནས་པའི་ཐབས། བྱམས་པ་བསྒོམས་པས་སེམས་གནས་པའི་ཐབས། རྟེན་འབྲེལ་བགྲང་བའི་སྒོ་ནས་སེམས་གནས་པའི་ཐབས། ཁམས་རབ་ཏུ་དབྱེ་བའི་སྒོ་ནས་སེམས་གནས་པའི་ཐབས། དབུགས་བགྲང་བའི་སྒོ་ནས་སེམས་གནས་པའི་ཐབས། ཞི་གནས་སྐུ་ལ་བསྒོམ་པའི་ཐབས་ཆུང་ངུ། ཞི་གནས་ལ་འཇུག་པའི་ཐབས། བསམ་གཏན་ལ་འཇུག་པ་བསྡུས་པ། སེམས་ཀྱི་ཉམས་མདོར་བསྡུས་པ། བླ་ཆེན་དགོངས་པ་རབ་གསལ་གྱིས་མཛད་པའི་བསྔོ་བ་ཆེན་པོ། ཆོས་ཀྱི་སྦྱིན་བའི་བསྔོ་བ་རྣམས་བསྟན་འགྱུར་དཀར་ཆག་ཏུ་སྨོས་སོ། །གཞན་ཡང་ལྷ་བླ་མ་ཡེ་ཤེས་འོད་དང་ཕོ་བྲང་ཞི་བ་འོད་གཉིས་ཀྱིས་སྔགས་ལོག་སུན་འབྱིན་པ་དང་། བཙུན་པ་བྱང་ཆུབ་འོད་ཀྱིས་མཛད་པའི་གྲུབ་མཐའི་རྣམ་དབྱེ་དང་། བདག་ཉིད་ཆེན་པོ་རིན་ཆེན་བཟང་པོས་མཛད་པའི་རབ་གནས་ཀྱི་སྡོམ་དང་། སྔགས་ལོག་སུན་འབྱིན་རྒྱས་པ་དང་། ལོ་ཙཱ་བ་ཆེན་པོས་མཛད་པ་ལ་མངོན་རྟོགས་རྒྱན་འགྲེལ་པ་དང་བཅས་པའི་བསྡུས་དོན་དང་། རྣམ་བཤད་དང་། བརྒྱད་སྟོང་འགྲེལ་པའི་བསྡུས་དོན་དང་། ཤེར་སྙིང་འགྲེལ་པ་དང་བཅས་པའི་བསྡུས་དོན་དང་། རྣམ་བཤད་དང་། མདོ་སྡེ་རྒྱན་དང་། རྒྱུད་བླ་མ་དང་། དབུས་མཐའ་རྣམ་འབྱེ་དང་། ཆོས་དང་ཆོས་ཉིད་རྣམ་འབྱེད་དང་བཞིའི་བསྡུས་དོན་རེ་དང་། རྣམ་བཤད་རེ་དང་། དབུ་མ་རྩ་ཤེ། དེའི་འགྲེལ་པ་ཤེས་རབ་སྒྲོན་མ། དབུ་མ་རྒྱན། དབུ་མ་སྣང་བ། བསླབ་བཏུས། དེ་ཁ་ན་ཉིད་ལ་འཇུག་པ། བདེན་གཉིས་ཆུང་བ་མན་ངག་སྟེ་བརྒྱད་ལ་བསྡུས་དོན་རེ་དང་། བདེན་གཉིས་ཀྱི་རྣམ་བཤད་དང་། སྤྱོད་འཇུག་གི་བསྡུས་དོན་དང་རྣམ་བཤད་དང་། དབུ་མ་སྤྱིའི་དོན་བསྡུས་དང་། ཚད་མ་རྣམ་ངེས་ཊིཀྐ་དང་བཅས་པའི་དོན་བསྡུས་དང་། རྣམ་བཤད་ཆེན་པོ་དང་། རིགས་ཐིགས་འགྲེལ་པ་དང་བཅས་པའི་དོན་བསྡུས་དང་། རྣམ་བཤད་དང་། རྣམ་འགྲེལ་རྒྱན་དང་བཅས་པའི་དོན་བསྡུས་དང་། ལེའུ་དང་པོའི་སྟོད་ཀྱི་རྣམ་བཤད་དང་། ཆོས་མཆོག་ཆེ་བའི་མན་ངག་དང་པོའི་ཚིགས་བཅད་བདུན་གྱི་བཤད་པ་དང་། དེའི་གཞན་སེལ་བའི་སྐབས་ཅུང་ཟད་བཤད་པ་དང་། སློབ་དཔོན་ཆོས་མཆོག་གི་ཚད་མ་བརྟག་པ་ཆུང་བའི་བསྡུས་དོན་དང་། སེལ་བ་གྲུབ་པའི་བསྡུས་དོན་དང་། སྟོད་ཀྱི་རྣམ་བཤད་དང་། སྐད་ཅིག་འཇིག་པ་གྲུབ་པའི་བསྡུས་དོན་དང་། བྲམ་ཟེ་ཆེན་པོའི་སེལ་བ་གྲུབ་པའི་བསྡུས་དོན་དང་། སྟོད་ཀྱི་རྣམ་བཤད་དང་། འབྲེལ་པ་གྲུབ་པའི་བསྡུས་དོན་དང་། སྟོད་ཀྱི་རྣམ་པར་བཤད་པ་དང་། ཙོང་ཀ་རུ་གསུམ་གྱི་དགེ་འདུན་ལ་སྤྲིང་ཡིག་བདུད་རྩིའི་ཐིག་ལེ་དང་། ཁྲི་བཀྲ་ཤིས་དབང་ཕྱུག་ནམ་མཁའ་བཙན་ལ་སྤྲིང་པ་ཁ་ཆེ་གསེར་སློང་ལ་སོགས་པ་མང་དུ་མཛད་དོ། །དེ་ལྟར་མདོ་སྡེ་དང་། རྒྱུད་སྡེ་དང་། དེ་དག་གི་དགོངས་འགྲེལ། རྒྱ་གར་དང་། ཁ་ཆེ་དང་། གསེར་གླིང་དང་། སིངྒ་གླིང་དང་། ཨུ་རྒྱན་དང་། ཟ་ཧོར་དང་། བལ་པོ་དང་། ལི་དང་། རྒྱ་དང་། བོད་ཀྱི་མཁས་པ་ཆེན་པོ་རྣམས་ཀྱིས་མཛད་པ་དང་བསྒྱུར་བའི་རྣམ་གྲངས་རྣམས་ཕོ་བྲང་སྟོང་ཐང་ལྡན་དཀར་གྱི་དཀར་ཆག་དང་། དེའི་རྗེས་ཀྱི་བསམ་ཡས་འཆིང་ཕུའི་དཀར་ཆག་དང་། དེའི་རྗེས་ཀྱི་འཕང་ཐང་ཀ་མེད་ཀྱི་དཀར་ཆག་དང་། ཕྱིས་སྣར་ཐང་གི་བསྟན་བཅོས་འགྱུར་རོ་ཅོག་གི་དཀར་ཆག་དང་། ལོ་ཙཱ་བ་ཆེན་པོས་བསྒྱུར་པ་དང་མཛད་པའི་དཀར་ཆག་དང་། ཀླུ་མེས་ལ་སོགས་པའི་མདོ་རྒྱུད་ཀྱི་རྣམ་དབྱེ་དང་། ཁྲིགས་ཀྱི་དཀར་ཆག་ལ་སོགས་པ་གཞིར་བྱས་ནས། དེའི་སྟེང་དུ་ཕྱིས་འགྱུར་བ་དང་། དགོན་པ་སོ་སོའི་དཔེ་ཅི་རིགས་པར་མཐོང་བའི་ནང་ནས། མ་ཆུད་པ་ཇི་སྙེད་དང་། ཚད་མར་གྱུར་པའི་ངག་ལས་ཐོས་པ་རྣམས་བསྣན་ནས། དཀར་ཆག་ཏུ་བྲིས་པའོ། །འདི་ལ་དོར་བར་བྱ་བ་ཤིན་ཏུ་ཉུང་ཞིང་། དྲི་མ་མེད་པའི་བཀའ་བསྟན་བཅོས་རྙེད་ན་ད་དུང་མང་དུ་བསྣན་པར་བྱའོ། །ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ལས། ཆོས་ཀྱི་རྣམ་གྲངས་དཀར་ཆག་ཏུ་བྲིས་པའི་ལེའུ་སྟེ་བཞི་པའོ།། །།

མཇུག་བྱང་།

རིགས་དང་སྙིང་རྗེ་ལྷག་པའི་བསམ་སྦྱོར་དགེ་བའི་མཐུ་ཡིས་ཐུགས་བསྐྱེད་ཆུ་གཏེར་ཆེན་པོ་ལས། །བརྩོན་འགྲུས་འབར་བའི་དྲོད་ཀྱི་ནུས་པས་ཕ་རོལ་ཕྱིན་དྲུག་ཚོགས་གཉིས་རླབས་ཆེན་གཡོས་པའི་མཐུས། །རང་བཞིན་མཁའ་ལ་སྐུ་གསུམ་ཆུ་འཛིན་ཐུགས་རྗེའི་གློག་ཕྲེང་ཚངས་དབྱངས་འབྲུག་སྒྲ་ལྡན་པ་འཁྲིགས། །བརྒྱད་ཁྲི་བཞི་སྟོང་ཆོས་ཀྱི་ཆར་གྱིས་སྐལ་ལྡན་སྣོད་ཀྱི་འབྱོར་པ་མཐའ་དག་རྒྱས་བྱེད་པ། །འཇིག་རྟེན་འདྲེན་པ་སྟོབས་བཅུ་མངའ་བ་ཐུབ་པ་མཆོག་རྣམས་འཇིག་རྟེན་གང་དུ་འབྱོན་པའི་ཚུལ། །ཁྱད་པར་ཉི་མའི་གཉེན་གྱི་གདུང་རབས་ཐུབ་དབང་མི་མཇེད་ཞིང་དུ་མངོན་པར་སངས་རྒྱས་ཤིང་། །རྣམ་གསུམ་ཆོས་ཀྱི་འཁོར་ལོ་བསྐོར་ཏེ་མྱ་ངན་འདས་ནས་བསྟན་པ་རིམ་པར་བསྡུས་པའི་ཚུལ། །ཁ་བ་ཅན་དུ་བྱུང་ཞིང་བསྒྱུར་བ་མཁས་པའི་རྗེས་འབྲས་མདོ་ཙམ་གསལ་བར་བུ་སྟོན་ཁ་ཆེས་བཤད། །
དེ་ཡི་དགེ་བ་ཉིན་མོར་བྱེད་པའི་འོད་ཟེར་གྱིས། །མཐའ་ཡས་སེམས་ཅན་ནོར་བུ་མེ་ཤེལ་ལ་རེག་པས། །བརྩེ་བ་ཆེ་ལྡན་ཡེ་ཤེས་ཆེན་པོའི་མེ་འབར་ནས། །ཉོན་མོངས་རྣམ་རྟོག་བུད་ཤིང་ཐམས་ཅད་བསྲེག་པར་ཤོག །བདག་གིས་མདོ་དང་མདོ་འགྲེལ་མཁས་པའི་བསྟན་བཅོས་དང་། །མཁས་རྣམས་བརྒྱུད་པའི་བླ་མའི་གསུང་དོན་མ་རྟོགས་ཏེ། །མ་བཤད་ལོག་བཤད་ནོངས་པའི་ཚོགས་རྣམས་ཅི་མཆིས་པ། །བདེན་མཐོང་མཁས་པའི་སྐྱེ་བོ་རྣམས་ལ་བཟོད་པར་གསོལ། །
གཉིས་མེད་གསུང་བའི་ཉིན་བྱེད་ནུབ་གྱུར་ཅིང་། །བསྟན་འཛིན་སྐྱེ་བོའི་ཐུན་མཚམས་འོད་དང་བྲལ། །ནག་པོའི་ཕྱོགས་གྱུར་སྡིག་སྤྱོད་འབྱུང་པོའི་བྱ། །ལྟ་ངན་སྣ་ཚོགས་བཟུང་སྟེ་རང་དགར་སྤྱོད། །ཆོས་མིན་སྤྱོད་པའི་ཕྱོགས་ནི་སྟོབས་ལྡན་ཞིང་། །དམ་པའི་ལས་ལ་སྤྱད་རྣམས་ཉམས་དུས་འདིར། །བདག་ལྟ་བུ་ཡི་རྩོམ་པས་ཅི་ཞིག་བྱ། །དབེན་པར་བག་ཡོད་བྱས་ན་མི་ལེགས་སམ། །ཀྱེ་མ་ཁོ་བོ་སྔོན་གྱི་བསོད་ནམས་དམན། །ཆོས་ནུབ་ལོག་སྤྱོད་དར་བ་བོད་ཀྱི་ཡུལ། །བླུན་པོ་བཀུར་ཞིང་མཁས་རྣམས་རྩ་ལྟར་འདོར། །ཆོས་ལྡན་བརྙས་པའི་གངས་རིའི་ཁྲོད་འདིར་སྐྱེས། །དམ་པའི་ཚུལ་བཟུང་ཚུལ་འཆོས་མཁན་པོ་སྟེ། །སྙན་པར་སྨྲ་ན་མི་ཆོས་ཁ་གསག་ཅན། །ཀུན་དང་བསྟུན་ན་ཅོལ་ཆུང་བློ་སྣ་མང་། །རང་ཚུགས་བཟུང་ན་གྱོང་པོ་ཤིང་ལག་ཅན། །བདག་གི་སྤྱོད་ལམ་ཇི་ལྟར་བྱས་གྱུར་ཀྱང་། །ངན་པའི་སྙད་མ་བཏགས་པ་མ་བྱུང་ཞིང་། །ཐམས་ཅད་དགའ་བའི་སྤྱོད་པ་མ་ཤེས་པས། །གཅིག་པུར་དབེན་པར་གནས་ན་མི་ལེགས་སམ། །
བདག་གིས་ཆོས་མིན་སྨྲ་རུ་ཆོས་དང་འགལ། །ཆོས་བཞིན་སྨྲས་ན་བོད་རྣམས་དགྲ་རུ་ལྡང་། །ཅི་ཡང་མ་སྨྲས་ཀུན་གྱིས་བླུན་ཞེས་བརྙས། །ཀྱེ་མ་ད་ནི་བདག་གིས་ཇི་ལྟར་བྱ། །ཉན་བཤད་བསྟན་པ་འཛིན་ཅེས་གསུངས་པ་ཡང་། །ངེས་འབྱུང་རྣམ་དག་ཁྲིམས་ལ་རྟེན་བཅས་ནས། །ཉན་པོ་གཟུར་གནས་དོན་གཉེར་བློ་ལྡན་ལ། །མཁས་པས་སྡེ་སྣོད་འཆད་ལ་དགོངས་པ་ཡིན། །ཚེ་འདིའི་གྲགས་རྙེད་འདོད་པས་འཁོར་བསྡུས་ཏེ། །མ་དད་མི་འདོད་བཞིན་དུ་ཆོས་འཆད་ཅིང་། །ལག་ལེན་མི་བྱེད་ཆགས་སྡང་སྐྱེ་བའི་རྒྱུ། །འཆད་ཉན་འདི་ཡང་འཁོར་བའི་ཞགས་པ་ཡིན། །རྩོད་པས་བསྟན་པ་འཛིན་ཅེས་བཤད་པ་ཡང་། །རང་གཞན་གྲུབ་མཐའི་གཞུང་ལུགས་ཀུན་ཤེས་ནས། །ཕ་རོལ་ཡང་དག་ལམ་ལ་གཞུག་པའི་ཕྱིར། །ལྟ་ངན་རིགས་པས་བཟློག་ལ་དགོངས་པ་ཡིན། །རང་ཉིད་གྲགས་འདོད་ཕ་རོལ་སྨད་དབབ་འདོད། །གཡོ་སྒྱུའི་རྩོད་པ་ཚིག་རྩུབ་ངན་སེམས་ཅན། །ངག་འཁྱལ་སྣ་ཆོགས་སྨྲ་ཞིང་གཞན་རྒྱུད་བསྲེག །དེ་ལྟའི་རྩོད་པ་འདི་ཡང་དམྱལ་བའི་རྒྱུ། །
གཞན་དོན་ཆོས་ཀྱི་གཙོ་བོར་གསུངས་པ་ཡང་། །གདུལ་བྱའི་དབང་པོ་ཁམས་དང་བག་ལ་ཉལ། །ཚོགས་དང་སྔོན་དང་ཕྱི་མའི་མཐའ་ཤེས་ཤིང་། །རང་དོན་མ་ཆགས་གདུལ་བྱ་གདུལ་ལ་དགོངས། །རང་ཉིད་རྙེད་གྲགས་བདེ་བསྟོད་དོན་གཉེར་བས། །མངོན་ཤེས་མེད་པར་གཞན་དོན་བྱེད་པ་ནི། །གཤོག་པ་མེད་པར་མཁའ་ལ་འཕུར་བ་བཞིན། །གཞན་དོན་མི་འགྲུབ་རང་དོན་ཉམས་པའི་རྒྱུ། །འདས་པའི་སངས་རྒྱས་མང་པོས་མ་ཐུལ་ཞིང་། །མཐུ་ཆེན་རྒྱལ་སྲས་རྣམས་གྱིས་མ་ཐུལ་བ། །སྨད་ན་ཁོང་ཁྲོ་བསྟོད་ན་དྲེགས་པ་སྐྱེ། །མཐོ་ལ་ཕྲག་དོག་མཉམ་ལ་འགྲན་སེམས་ཅན། །དམའ་ལ་ང་རྒྱལ་རྩུབ་པའི་སེམས་འཆང་བ། །ཆོས་མཐུན་ཚིག་གིས་སྨྲས་ཀྱང་ཆགས་སྡང་སྐྱེ། །བྱིས་པའི་སྐྱེ་བོ་འདི་འདྲ་བདག་གིས་ནི། །ད་ལྟ་གདུལ་བར་མི་ནུས་རང་སེམས་ཐུལ། །སྔར་བསགས་བསོད་ནམས་བརྒྱ་ལས་གྲུབ་པའི་ལུས། །དལ་འབྱོར་རྟེན་འདི་ཤིན་ཏུ་རྙེད་པར་དཀའ། །སྡུག་བསྔལ་རྒྱ་མཚོ་སྒྲོལ་བའི་གྲུ་ཆེན་འདི། །དོན་མེད་ཆུད་ཟོས་མ་བྱེད་རིན་ཆེན་གྲུབ། །ཚེ་འདི་ལོང་མེད་མྱུར་དུ་འཇིག་འགྱུར་ཞིང་། །གསད་སར་ཁྲིད་པའི་དུད་འགྲོ་ཇི་བཞིན་དུ། །སྐད་ཅིག་རེ་རེ་ཞིང་ཡང་འཆི་ལ་ཉེ། །ངེས་དང་འཆི་བ་སོམས་དང་རིན་ཆེན་གྲུབ། །དེང་བྱ་སང་བྱའི་བསམ་པ་མ་རྫོགས་པར། །གཤིན་རྗེ་འཇིགས་རུང་ཉམ་ངས་མདུན་བསུས་ཏེ། །མལ་གྱི་མཐའ་མར་དབུགས་བསྡུས་སྲོག་འཆད་ཚེ། །ཆོས་ལས་གཞན་གྱིས་མི་ཕན་རིན་ཆེན་གྲུབ། །ཚེ་འདིར་མཛའ་དང་མི་མཛའི་དོན་གྱི་ཕྱིར། །ཆགས་སྡང་ལོངས་སྤྱོད་གསོག་ཅིང་འཁོར་བསྡུས་ཀྱང་། །འཁོར་དང་ལོངས་སྤྱོད་རྗེས་སུ་མི་འབྲང་བར། །ལས་འབྲས་སྡུག་བསྔལ་རང་ཉིད་གཅིག་པུས་མྱོང་། །ཚངས་པ་བརྒྱ་བྱིན་འཁོར་ལོས་བསྒྱུར་བ་སོགས། །འཁོར་བའི་བདེ་འབྲས་ཐོབ་ཀྱང་མི་བརྟན་ཞིང་། །ཤི་ནས་ངན་འགྲོར་མི་འགྲོའི་གཏོལ་མེད་ཀྱི། །འཁོར་བས་ཡིད་འབྱུང་བྱོས་ཤིག་རིན་ཆེན་གྲུབ། །དེ་བས་བདག་ནི་མྱུར་དུ་ཤི་འཕོས་ཏེ། །སྔོན་བསགས་དགེ་བའི་མཐུ་སྟོབས་ཆེན་པོ་ཡིས། །དགའ་ལྡན་སྐྱེས་ནས་མི་ཕམ་མཉེས་བྱེད་ཅིང་། །མི་སྐྱེའི་ཆོས་ལ་བཟོད་པ་ཐོབ་པར་ཤོག །
དེང་ནས་བཟུང་སྟེ་བྱང་ཆུབ་སྙིང་པོའི་བར། །བདག་ཉིད་གཅེས་པར་འཛིན་དང་དངོས་རྣམས་ལ། །བདེན་པར་འཛིན་པའི་རྟོག་པ་མི་སྐྱེ་བར། །སྐྱོ་མེད་གཞན་དོན་འབའ་ཞིག་སྤྱོད་པར་ཤོག །ངན་སོང་གསུམ་དུ་ཉམ་ཐག་སྡུག་བསྔལ་བའི། །སེམས་ཅན་གཞན་ཡང་སྡུག་བསྔལ་མང་ལྡན་པའི། །སྡུག་བསྔལ་ཐམས་ཅད་བདག་ལ་སྨིན་གྱུར་ཅིང་། །བདག་དགེའི་བདེ་བས་སེམས་ཅན་ཀུན་བདེ་ཤོག །བདག་ལ་ཕན་དང་གནོད་པའི་སེམས་བསྐྱེད་དང་། །ཅུང་ཟད་དམིགས་ཤིང་དྲན་ནམ་ཡིད་བྱེད་དང་། །མིང་ཙམ་ཐོས་པར་གྱུར་པ་ཐམས་ཅད་ཀྱང་། །མྱུར་དུ་བྱང་ཆུབ་མཆོག་ལ་རེག་པར་ཤོག །དཀོན་མཆོག་རིན་ཆེན་གསུམ་གྱི་བདེན་སྟོབས་དང་། །དཔལ་ལྡན་བླ་མ་རྣམས་ཀྱི་བྱིན་རླབས་དང་། །བདག་གི་ལྷག་བསམ་དག་པའི་མཐུ་སྟོབས་ཀྱིས། །སྨོན་ལམ་བཏབ་པ་ཇི་བཞིན་འགྲུབ་པར་ཤོག །ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ། མཁས་པ་ཆེན་པོ་ཚད་མའི་སྐྱེས་བུའི་གསུང་གི་འོད་ཟེར་ལས་སྐྱེས་པ་ཁྲོ་ཕུ་བ་བུ་སྟོན་གྱིས་སྦྱར་བ་རྫོགས་སོ།། །།དགེའོ། །དགེའོ། །དགེའོ། །སརྦ་མངྒ་ལཾ།། །