རྒྱལ་དབང་ལྔ་པ་ཆེན་པོའི་གསུང་འབུམ།

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཁ་བའི་དཀར་ཆག

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཁ་བའི་དཀར་ཆག་བཞུགས་སོ།

རྒྱལ་དབང་ཐམས་ཅད་མཁྱེན་པ་ཕྱན་ན་པདྨོ་ཀུན་གཟིགས་ལྔ་པ་ཆེན་པོའི་ནང་གི་རྣམ་པར་ཐར་པ་ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་གསན་ཡིག་གངྒའི་ཆུ་རྒྱུན་༼ཁ༽པ་དཀར་ཆག་དང་བཅས་པ་ཤོག་གྲངས་༣༧༠བཞུགས།

ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་ཐོབ་ཡིག་གངྒཱའི་ཆུ་རྒྱུན་ལས་གླེགས་བམ་གཉིས་པ།

ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་ཐོབ་ཡིག་གངྒཱའི་ཆུ་རྒྱུན་ལས་གླེགས་བམ་གཉིས་པ་བཞུགས་སོ། །

སྤྱི་བཀའ་བརྒྱ་རྩའི་རྗེས་གནང་ཇི་ལྟར་ནོས་པའི་སྐོར།

༈ །གཉིས་པ་སྤྱི་བཀའ་ལ། གནས་ལྔ་ཡོངས་སུ་རྫོགས་པའི་པཎྜི་ཏ་མཁས་ཤིང་གྲུབ་པའི་དབང་ཕྱུག་ཨ་བྷ་ཡཱ་ཀ་ར་གུཔྟ་ཞེས་འཇིགས་མེད་འབྱུང་གནས་སྦས་པར་གྲགས་པ་ཨིནྡྲ་ཨུ་ལིའི་གཙུག་ལག་ཁང་དུ་ཐོས་བསམ་སྒོམ་གསུམ་གྱི་བསྟན་པ་སྤེལ་བའི་ཚེ་ཡེ་ཤེས་ཀྱི་མཁའ་འགྲོ་མ་བུད་མེད་བ་གླང་ཤ་བའི་རིགས་སུ་སྤྲུལ་ནས་ཤ་ཆང་བྱིན་པ་ཕྱིར་སློག་པའི་རྟེན་འབྲེལ་གྱིས་སྐུ་ཚེ་དེ་ལ་མཆོག་གི་དངོས་གྲུབ་མ་ཐོབ་ཀྱང་འགྱོད་བཤགས་ཀྱིས་གསོལ་བ་བཏབ་

པའི་ཚེ་སྒྲིབ་སྦྱོང་དུ་སྔགས་ཀྱི་མན་ངག་དུ་མ་དང་ཁྱད་པར་སམྦུ་ཊིའི་འགྲེལ་པ་རྒྱས་པ་གཅིག །གདུལ་བྱ་རྣམས་ཀྱི་འཇུག་སྒོ་རྒྱུད་སྡེ་བཞིའི་ཆོ་ག་རྒྱས་པ་དང་དེའི་ལྷའི་ཚོགས་རྣམས་ཀྱི་རྗེས་སུ་གནང་བའི་ཆོ་ག་ལོ་རྒྱུས་གཅིག་ལ་མ་ཧཱ་བོ་དྷིས་ལུང་བསྟན་ཡང་ཟེར། རྩོམས་ཤིག་པར་ལུང་བསྟན་ཞིང་དབུགས་ཕྱུང་བ་ལ་བརྟེན་ནས་རྒྱུད་སྡེ་སྤྱིའི་དགོངས་འགྲེེལ་དུ་འགྱུར་བའི་འཕྲེང་བ་སྐོར་གསུམ་གྱི་ཡིག་ཆ་མཛད་ཅིང་། འདི་ལ་གཙོ་བོ་འཕོ་བའི་དབང་དུ་བྱས་ན་དཀྱིལ་འཁོར་ལྔ་སྟོང་བརྒྱད་བརྒྱ་བཅུ་བདུན། རྩ་བའི་ལྷའི་དཀྱིལ་འཁོར་གྱི་དབྱེ་བ་ཉིས་སྟོང་དང་དྲུག་བརྒྱ་ང་བདུན། དེ་རྣམས་གཙོ་བོའི་རིགས་སོ་སོའི་དབང་དུ་བྱས་པ་རྩ་བའི་དཀྱིལ་འཁོར་ཉེར་བརྒྱད། དེ་ལས་སྤྲོས་པ་ཞེ་གཉིས། དེ་ལས་སྤྲོས་པ་ང་ལྔ་རྣམས་ཚད་ཐུབ་ཀྱི་མཁས་པ་ཡོངས་ལ་གྲགས་ཤིང་། རྡོ་རྗེ་འཆང་སྔགས་རམ་པ་ཞེ་བཞི། ཞེ་བདུན། དྲུག་ཅུ་རེ་གསུམ་དུ་ཕྱེ་བ་ཡོད་གསུང་བ་གྲགས་ཆུང་ཡང་ཁོང་པ་ཚད་ཐུབ་ཀྱི་རྡོ་རྗེ་སློབ་དཔོན་ཆེན་པོ་ཡིན པས་ཁུངས་དང་འབྲེལ་བར་ངེས། ལ་ལ་དག་འཕྲེང་བ་མཁན་པོས་དཀྱིལ་འཁོར་རྣམས་བླ་མེད་ལས་རྒྱུད་སྡེ་སོ་སོར་མ་ཕྱེ་ཞིང་། རྒྱ་གར་དུ་ཕྱག་ལེན་ལའང་དེ་ལྟར་མཛད། བོད་དུ་ཁ་ཆེ་པཎ་ཆེན་ལ་རྗེ་བཙུན་མ་སྒྲོལ་མས་བོད་རྟོག་པ་མང་བས་སོ་སོའི་ལུགས་བཞིན་བསྐུར་གསུངས་པས་མངའ་རིས་སུ་དབང་བསྐུར་དེ་ལྟར་མཛད། ཕོ་བྲང་སྣེའུ་གདོང་རྩེ་དང་དྲང་སྲོང་སྲིན་པོ་རིར་ཡང་དེ་བཞིན་བསྐུར་ཞེས་གླེང་བ་དང་། རྒྱ་གཞུང་དུ་འདུས་པ་གཉིས་ཀྱི་རྗེས་སུ་སམྦུ་ཊི་རྡོར་སེམས་དང་རྣལ་འབྱོར་ནམ་མཁའི་ཡུམ་བཀའ་ཡེ་ཤེས་མཁའ་འགྲོ་འདུག་པ་སོགས་གོ་རིམ་འཁྲུགས་པར་སྣང་བ་དེ་ག་

སློབ་དཔོན་གྱི་བཞེད་པར་བཟུང་ནས་ཡིག་ཆ་ཚོར་འདྲིལ་ཞིང་བསྐུར་བ་དང་། འདི་པའི་ལུགས་ཀྱི་གསང་འདུས་འཇམ་རྡོར་གྱི་དབང་གིས་ཡེ་ཤེས་ཞབས་ལུགས་ཀྱི་གོ་གཅོད་པ། ལ་ལ་འཕྲེང་བའི་དུས་འཁོར་ལ་བྱིས་པ་འཇུག་པའི་དབང་བདུན་སོགས་ཟུར་བཀའ་བསྐུར་བ། ཞྭ་དམར་པ་དྲུག་པས་གདན་ས་འཐིལ་དུ་ཐིག་ཚོན་གྱི་ཆོ་ག་དང་སྟ་གོན་གང་ཡང་མེད་པར་རྡུལ་ཚོན་གྱིས་བྲི་ཐུབ་པ་ཉིད་གཙོ་བོར་བཟུང་སྟེ་བསྐུར་བ་སོགས་སྣ་ཚོགས་བྱུང་ཡང་ཨ་བྷ་ཡས་རྣལ་འབྱོར་རྫོགས་འཕྲེང་གི་སྐབས་རྒྱུད་སྡེ་ལ་གོ་རིམ་ངེས་མེད་དུ་བསྒྲིགས་པ་དང་། རྡོ་རྗེ་འཕྲེང་བར་བླ་མེད་ལས་རྒྱུད་སྡེ་གཞན་གྱི་ཕྱག་ལེན་གསལ་བར་མི་གསུང་བར་ནི་རྡོ་རྗེ་ཐེག་པའི་ཆོས་ཚུལ་ཁོང་དུ་ཆུད་པའི་རྡོ་རྗེ་སློབ་དཔོན་ཞིག་གིས་མཐོང་བརྒྱུད་ཀྱི་ཕྱག་ལེན་དང་མན་ངག་ལ་བརྟེན་ནས་འཐོར་བ་བསྡུས། འཁྲུགས་པ་བསྡེབས། མི་གསལ་བ་རྣམས་གསལ་བར་བྱས་ནས་རྒྱུད་སྡེ་རྣམས་སོ་སོར་ཕྱེ། དཀྱིལ་འཁོར་གྱི་ཕྱག་ལེན་ཡང་དེ་ལྟར་མཛད་པའི་དབང་དུ་བྱས་ནས་གབ་དཀྲུགས་སུ་མཛད་པ་ཡིན་ལ། དེའི་རྒྱུ་མཚན་ཡང་ནག་པོ་འགྲོ་ཤེས་ལྟ་བུར་བྲིས་ན་སྙིགས་མའི་དུས་འདིར་ཚེ་འདིའི་ལྟོ་རྒྱབ་དང་སྙན་གྲགས་ཀྱི་ཆེད་དུ་དབང་གི་རྒྱུན་མེད་པར་བསྐུར་བ་སོགས་རང་གཞན་མང་པོ་ཕུང་ལ་སྦྱོར་བའི་དགག་བྱ་དང་དགོས་པར་དགོངས་པ་ཡིན་གྱི། དངོས་སུ་མ་བསྟན་པ་ཙམ་ལ་རྒྱུ་མཚན་དུ་བྱེད་ན། རྒྱུད་སྡེ་ཕལ་ཆེར་ན་དབང་བཞི་པ་སྦས་ནས་མ་བསྟན་པས་བླ་མེད་ཀྱི་སྐབས་དབང་གསུམ་ལས་མེད་དོ་ཞེས་སྐད་གདངས་མཐོན་པོར་སྒྲོག་པར་བྱེད་དམ། ཁ་ཆེ་པཎ་ཆེན་ལ་སྒྲོལ་མའི་ལུང་

བསྟན་བྱུང་ཚུལ་ལོ་རྒྱུས་ཁུངས་མ་ཡིན་ཚེ་རྒྱ་གར་དུ་སློབ་དཔོན་འཇིགས་མེད་ཞབས་ལ་ཡི་དམ་གྱི་ལྷའི་གནང་བ་ཐོབ་ནས་དཀྱིལ་འཁོར་ཞེ་གཉིས་བླ་མེད་དུ་བཀྲལ་བ་བོད་དུ་མ་བྱོན་སངས་རྒྱས་གསུམ་པས་གདུལ་བྱའི་དབང་གིས་རྒྱུད་སྡེ་སོ་སོར་བསྐུར་བས་ཀྱང་བོད་ཀྱི་ཡུལ་འདིར་དེ་ལྟར་བྱ་དགོས་པའི་སྒྲུབ་བྱེད་རྣམ་དག་ཏུ་སོང་བས་དྭགས་བརྒྱུད་པ་སོགས་སྔགས་ལ་རྩིང་པོར་སྤྱོད་པ་རྣམས་བག་ཡོད་པར་མཛད་རིགས་སམ་སྙམ། ཡང་པཎ་ཆེན་ནགས་ཀྱི་རིན་ཅེན་གྱིས་དཀྱིལ་འཁོར་ཐམས་ཅད་བླ་མེད་དུ་བཀྲལ་བ་བཞི་བཅུ་ཞེ་ལྔར་ནུབ་དང་པོ་འཇམ་རྡོར་གྱི་སྐབས་སུ་ས་ཆོག་ཡན་འཕྲེང་བ་ནས་ཇི་ལྟར་འབྱུང་བ་བཞིན་མཛད། ནུབ་གཉིས་པ་ནས་དཀྱིལ་འཁོར་རེ་རེ་བཞིན་བདག་བསྐྱེད་སྟ་གོན་གསུམ་དཀྱིལ་འཁོར་བྲིས་སྒྲུབ་སོགས་རྫོགས་པར་མཛད་ཚུལ་ལོ་རྒྱུས་ཀྱི་ཡི་གེ་དང་ཀུན་མཁྱེན་རྡོ་རྗེ་གདན་པའི་གསན་ཡིག་ཏུ་སྣང་བ་ལྟར་ན་པཎ་ཆེན་ནགས་རིན་དེ་གྲུབ་པའི་གོ་འཕང་མཐོན་པོར་གཤེགས་པ་ཞིག་ཡིན་འདུག་པས་རྣལ་འབྱོར་དབང་ཕྱུག་བིར་ཝ་པས་རྣམ་འཇོམས་བླ་མེད་དུ་བཀྲལ་བ་དང་མཐུན་པ་ཞིག་ཡིན་ཤས་ཆེ་ཡང་ལས་དང་པོ་པ་རྣམས་ཀྱིས་སྤྱོད་ཡུལ་དུ་མ་མངོན་ཞིང་ནུབ་རེ་བཞིན་སའི་ཆོ་ག་དོར་བ་མ་གཏོགས་སྟ་གོན་དང་ཐིག་ཚོན་རྣམས་ངེས་པར་མཛད་འདུག་པས། དེ་དག་གང་ཡང་མེད་པར་རྡུལ་མཚོན་དང་རས་བྲིས་ལ་བརྟེན་པ་ནི་བཞད་གད་ཀྱི་གནས་ཁོ་ནའོ། །དཀྱིལ་འཁོར་ཞེ་གཉིས་ཀྱི་ཟུར་བཀའ་ཨ་བྷ་ཡས་གསན་པའི་རྒྱུན་བོད་དུ་མེད་པ་ལོ་རྒྱུས་ཁུངས་མ་རྣམས་ལས་བཤད་ལ། འཕྲེང་བ་ནི་སྤྱི་བཀའི་དབང་དུ་བྱས་ནས་དབང་ཆོག་གཅིག་ལ་ཁ་བསྒྱུར་བ་ཡིན་ཞིང་

ཟུར་བཀའ་རྣམས་ལ་སོ་སོའི་ལུགས་ཀྱི་དབང་ཆོག་མི་འདྲ་བ་ཡོད་པ་དང་མངོན་རྟོགས་ཀྱང་འདིར་རྫུས་སྐྱེས་སྦྱོང་བྱེད་དང་གཞན་རྣམས་སུ་མངལ་སྐྱེས་དང་སྒོང་སྐྱེས་སྦྱོང་བྱེད་ཀྱི་རྒྱས་བསྡུས་ཀྱང་མི་འདྲ། འདིར་བླ་མ་བརྒྱུད་པའང་རྣལ་འབྱོར་མ་དང་ཨ་བྷ་ཡའི་བར་དུ་གཞན་བརྒྱུད་མི་དགོས་ཤིང་གཞན་རྣམས་ལ་སོ་སོའི་བརྒྱུད་ཚུལ་འདོད་དགོས་པས་ལྷའི་མཚན་ཙམ་གཅིག་པ་རྒྱུ་མཚན་དུ་བྱས་ནས་ཕན་ཚུན་གཅིག་གོ་གཅིག་གིས་གཅོད་པ་ནི་རྒྱུད་སྡེའི་ཕྱོགས་ལ་རྣམ་པར་མི་མཁས་པའི་རང་མཚང་དང་། ལ་ལ་མཁོ་ཆེ་བ་རྒྱུ་མཚན་དུ་བྱས་ནས་དགྲ་ནག་གི་ཚབ་ལ་འཇིགས་བྱེད་བསྐུར་བ་སོགས་འཕྲེང་བ་མཁན་པོའི་གསུང་རབ་ལས་རིང་དུ་གྱུར་པའོ། །ས་བཟང་མ་ཏི་པཎ་ཆེན་ཡན་ལ་རྡོ་རྗེ་འཕྲེང་བ་ལས་མ་དར་ནའང་པཎྜི་ཏ་དཪྤན་ཨཱ་ཙཪྻ་ཞེས་འགྲོ་བའི་མེ་ལོང་དུ་གྲགས་པ་དེས་ལ་ལཱི་ཏ་བཛྲ་སོགས་མཁས་གྲུབ་མང་པོ་ལ་བརྟེན་ནས་གསང་སྔགས་ཀྱི་སྒྲོ་འདོགས་བཅད། རྡོ་རྗེ་རྣལ་འབྱོར་མས་དངོས་སུ་བྱིན་གྱིས་བརླབས། མཆོག་གི་དངོས་གྲུབ་བརྙེས། ཚེམས་ལན་ཉི་ཤུ་བརྗེས་ཤིང་དགུང་ལོ་སྟོང་དང་ཉིས་བརྒྱ་བཞུགས་པ་དེས་འཕྲེང་བསྐོར་གསུམ་དུ་གསལ་བ་དེ་དོན་སོར་བཞག་ཐོག་བདེ་ལེགས་སུ་བྱེད་པའི་དཀྱིལ་འཁོར་གསུམ། སངས་རྒྱས་ཀྱི་སྐུ་གཟུགས་ཀྱི་ཚད། མཚན་དཔེའི་ངོས་འཛིན་སོགས་ལྷག་ཁ་ཡར་དང་བཅས་པ་བསྣན་པའི་རྡོ་རྗེ་སློབ་དཔོན་གྱི་བྱ་བའི་ཆོ་ག་ཀྲྀ་ཡ་ས་མུ་ཙྪ་ཞེས་སྒྲུབ་དཀྱིལ་ཡན་ལག་དང་བཅས་པ་དོན་ཚན་དྲུག་ཅུ་རྩ་བཞིའི་སྒོ་ནས་སྟོན་པའི་བསྟན་བཅོས་ཆེན་པོ་ཞིག་མཛད་པ་འཕགས་པའི་ཡུལ་

དུ་དར་རྒྱས་ཤིན་ཏུ་ཆེ་ཞིང་། བོད་འདིར་ཐོག་མར་རྒྱ་དཔེ་ཞིག་བལ་པོའི་ཚོང་པའི་ལག་ནས་དཔལ་ལྡན་བླ་མ་དམ་པའི་གཅེན་འཇམ་དབྱངས་དོན་ཡོད་རྒྱལ་མཚན་གྱི་ཕྱག་ཏུ་བྱུང་། དེ་ལ་བརྟེན་ནས་ཀུན་སྤངས་ཆོས་གྲགས་དཔལ་བཟང་གིས་བདག་རྐྱེན་མཛད་ནས་བི་ཀ་མཱ་ལ་ཤཱི་ལའི་པཎྜི་ཏ་ཆེན་པོ་མཉྫུ་ཤྲཱི་དང་ས་བཟང་ལོ་ཙཱ་བ་བློ་གྲོས་རྒྱལ་མཚན་གྱིས་བསྒྱུར་ཀྱང་ཆོས་ཀྱི་རྒྱུན་མེད་པ་ལ། མངའ་རིས་པ་རྡོ་རྗེ་དཔལ་གྱིས་བལ་ཡུལ་ཡེ་རང་དུ་ཀྲྀ་ཡ་ས་མུཙྪའི་དབང་ཞུས་པའི་གཏམ་ཐོས་པའི་རྐྱེན་གྱིས་ས་བཟང་འཕགས་པ་གཞོན་ནུ་བློ་གྲོས་ཀྱིས་པཎྜི་ཏ་མ་ཧཱ་བོ་དྷི་ལ་དབང་ལུང་རྫོགས་པར་གསན། དེ་ནས་འཕྲེང་བ་དང་ཀྲྀ་ཡ་གཉིས་དབང་གི་ཆུ་བོ་གཅིག་འདྲེས་སུ་གྱུར་པའི་དཀྱིལ་འཁོར་བཞི་བཅུ་རྩ་ལྔ་རས་བྲིས་ཀྱི་དཀྱིལ་འཁོར་དུ་ཐར་རྩེ་ནམ་མཁའ་དཔལ་བཟང་གིས་མཛད་པའི་རྡོ་རྗེ་འཕྲེང་བའི་སྒྲུབ་དཀྱིལ་སྦྲགས་པ་རྡོར་འཕྲེང་མཛེས་རྒྱན་གྱི་སྟེང་ནས་སྟ་གོན་གསུམ་སྒྲུབ་མཆོད་སོགས་དམ་པའི་ཕྱག་ལེན་འཁྲུལ་མེད་དང་དབང་གི་སྐབས་ཀྱང་དཀྱིལ་འཁོར་མང་མར་འཕྲེང་བའི་སྟེང་དུ་ཀྲྀ་ཡའི་སྒོས་ཆོས་ཁ་ཡར་བསྣན་པའི་ཕྱག་ལེན་རྒྱས་པ། དུས་འཁོར་ལྷ་གྲངས་མངས་པའི་དཀྱིལ་འཁོར་སྒྲུབ་མཆོད་ཡུན་རིང་བར་བརྟེན་འཕྲེང་རྐྱང་གི་ཕྱག་ལེན་བསྡུས་ཤོས་འཁོར་ལོ་སྒྱུར་དྲུག་ལ་ཀྲྀ་ཡའི་སྒོས་ཆོས་ཕྲ་མོ་རྣམས་ཀྱང་བསྣན་པའི་ཕྱག་ལེན་ཤིན་ཏུ་རྒྱས་པ་ཐོབ་པར། དཔལ་གསང་བ་འདུས་པའི་རྒྱུད་ལས་གསུངས་པའི་མི་བསྐྱོད་པའི་རིགས་གསང་འདུས་འཇམ་རྡོར་ལྷ་བཅུ་དགུ་དཔལ་གསང་བ་འདུས་པ་མི་བསྐྱོད་རྡོ་རྗེ་ལྷ་སོ་གཉིས། རྣམ་སྣང་སྒྱུ་

དྲའི་རྒྱུད་སློབ་དཔོན་ཀུན་སྙིང་དང་བི་ཤཱ་མི་ཏྲས་རྣམ་སྣང་སྒྱུ་དྲ་གསང་འདུས་ཀྱི་རྒྱུད་ཕྱི་མའི་ཕྱི་མར་བཤད། སློབ་དཔོན་ཟླ་བ་གྲགས་པས་ཀྱང་དོན་གྱིས་གསང་འདུས་དང་ཕྱོགས་མཐུན་པར་བཞེད། རྡོ་རྗེ་འཆང་སྔགས་རམ་པ་བླ་མེད་དང་རྣལ་འབྱོར་རྒྱུད་དུ་བྱེད་པའི་ལུགས་གཉིས་སྣང་ཞེས་ཐེ་ཚོམ་དུ་མཛད་དོ། །ལ་བརྟེན་པའི་འཇམ་དཔལ་རྡོ་རྗེ་ལྷ་ཞེ་གསུམ། རྩ་བའི་རྒྱུད་གཤིན་རྗེ་དགྲ་ནག་གི་རྒྱུད་ལ་བརྟེན་པའི་རྣམ་སྣང་གི་རིགས་འཇམ་དཔལ་གཤིན་རྗེ་གཤེད་ལྷ་བཅུ་གསུམ་སྟེ་ཕ་རྒྱུད་བཞི། བརྟག་པ་གཉིས་པ་ནས་གསུངས་པའི་ཧེ་རུ་ཀའི་རིགས་ཀྱི་དཔལ་དགྱེས་པ་རྡོ་རྗེ་ཐོད་པ་ཅན་ཞལ་བརྒྱད་ཕྱག་བཅུ་དྲུག་པ་ལྷ་དགུ། ཐུགས་རྡོ་རྗེ་ཞལ་གསུམ་ཕྱག་དྲུག་པ་ལྷ་དགུ། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་དགུ། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་དགུ། མཁའ་འགྲོ་མ་རྡོ་རྗེ་གུར་གྱི་རྒྱུད་ལས་གསུངས་པའི་མཁའ་འགྲོ་ལྔ་རིགས་བསྡུས་པ་ལྷ་ལྔ་བཅུ་རྩ་གསུམ། སམྦུ་ཊིའི་རྒྱུད་ནས་གསུངས་པའི་བདག་མེད་ལྷ་མོ་ཉེར་གསུམ། བརྟག་གཉིས་ནས་གསུངས་པའི་བདག་མེད་ལྷ་མོ་བཅོ་ལྔ། ཡང་རྒྱུད་དེ་ཉིད་ལས་གསུངས་པའི་ཀུ་རུ་ཀུ་ལླེ་ལྷ་བཅོ་ལྔ། མཁའ་འགྲོ་མ་རྡོ་རྗེ་གུར་ནས་བཤད་པའི་རྡོ་རྗེ་སྒྲོལ་མ་ལྷ་བཅུ་གསུམ། རྡོ་རྗེ་འཆང་སྔགས་རམ་པ་བྱ་རྒྱུད་དུ་བཞེད། སམྦུ་ཊི་ནས་གསུངས་པའི་སྙིང་པོ་ཀྱེ་རྡོ་རྗེ་མཚོན་ཆ་ཅན་ཞལ་བརྒྱད་ཕྱག་བཅུ་དྲུག་པ་ལྷ་བཅུ་བདུན། ཐུགས་རྡོ་རྗེ་ཞལ་གསུམ་ཕྱག་དྲུག་པ་ལྷ་བཅུ་བདུན། གསུང་རྡོ་རྗེ་ཞལ་གཅིག་ཕྱག་བཞི་པ་ལྷ་བཅུ་བདུན། སྐུ་རྡོ་རྗེ་ཞལ་གཅིག་ཕྱག་གཉིས་པ་ལྷ་བཅུ་བདུན་རྣམས་གཉིས་མེད་ཀྱི་རྒྱུད། སམྦུ་ཊི་ནས་གསུངས་པའི་བདེ་མཆོག་རྡོ་རྗེ་སེམས་དཔའ་

ལྷ་སོ་བདུན། བདེ་མཆོག་རྩ་བའི་རྒྱུད་ནས་གསུངས་པའི་འཁོར་ལོ་སྡོམ་པ་ཞལ་བཞི་ཕྱག་བཅུ་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སྔོན་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། བདེ་མཆོག་སེར་པོ་ཞལ་གཅིག་ཕྱག་གཉིས་པ་ལྷ་དྲུག་ཅུ་རྩ་གཉིས། ཕག་མོ་དམར་མོ་ལྷ་སུམ་ཅུ་རྩ་བདུན། ཕག་མོ་སྔོན་མོ་ལྷ་སོ་བདུན། ཕག་མོ་སེར་མོ་ལྷ་སོ་བདུན། ཨ་བྷི་དྷཱ་ན་ལས་གསུངས་པའི་ཧཱུྃ་མཛད་ཁྲོ་བོ་བཅུ་གཅིག་འདི་བདེ་མཆོག་ཁྲོ་བོ་རྡོར་སེམས་སུ་ཨ་བྷ་ཡ་བཞེད་དོ། །ཡང་རྒྱུད་དེ་ཉིད་ལས་གསུངས་པའི་བདེ་མཆོག་འཁོར་ལོ་སྒྱུར་དྲུག་ལྷ་བདུན་ཅུ་རྩ་གཉིས། རྡོ་རྗེ་བདུད་རྩིའི་རྒྱུད་ལ་བརྟེན་ནས་རྡོ་རྗེ་ཉི་མའི་རིགས་ཀྱི་རྡོ་རྗེ་བདུད་རྩི་ལྷ་ཉེར་གཅིག །བདུད་རྩི་ཧཱུྃ་མཛད་ལྷ་ཉེར་དགུ་བདུད་རྩི་ཁྲོ་བོ་ལྷ་ཉེར་གཅིག་བདུད་རྩི་འཁྱིལ་པ་ལྷ་བཅུ་གསུམ། ཧེ་རུ་ཀའི་རིགས་སངས་རྒྱས་ཐོད་པ་ལྷ་ཉི་ཤུ་རྩ་ལྔ། སངས་རྒྱས་ཐོད་པ་ལྷ་དགུ། །མ་ཡའི་རྒྱུད་ཆུང་ལ་བརྟེན་པའི་མ་ཧཱ་མ་ཡ་ལྷ་ལྔ། གདན་བཞིའམ་རྒྱུད་གསེར་གྱི་ཆར་པ་ནས་བཤད་པའི་རྣམ་སྣང་གི་རིགས་རྣལ་འབྱོར་ནམ་མཁའ་ལྷ་ལྔ་བཅུ་རྩ་བརྒྱད། དེའི་ཡུམ་བཀའ་ཡེ་ཤེས་མཁའ་འགྲོ་ལྷ་བཅུ་གསུམ་རྣམས་བདེ་མཆོག་གི་ཕྱོགས་སུ་གཏོགས་པའམ་རྣལ་འབྱོར་མ་རྒྱུད། སྔོན་བྱུང་དྲང་སྲོང་ཉི་མའི་ཤིང་རྟ་སོགས་དྲང་སྲོང་བྱེ་བ་ཕྲག་ཕྱེད་དང་བཞི་འདུལ་བའི་དོན་དུ་གསུངས་པ་དཔལ་དུས་ཀྱི་འཁོར་ལོའི་རྒྱུད་ལ་བརྟེན་ནས་སྐུ་གསུང་ཐུགས་ཡོངས་སུ་རྫོགས་པ་ལྷ་དྲུག་བརྒྱ་སུམ་ཅུ་རྩ་བཞི། འཇམ་དབྱངས་མཁྱེན་བརྩེའི་གསན་ཡིག་ན་སྟོང་དང་བཞི་བརྒྱ། སྔགས་རམ་པའི་གསན་ཡིག་ན་དྲུག་བརྒྱ་ཉེར་དྲུག་ཅེས་སྣང་ངོ་། །ཕ་རྒྱུད་མ་

རྒྱུད་གཉིས་སུ་ཕྱེ་ན་དགྱེས་རྡོར་ནས་འདིའི་བར་མ་རྒྱུད་དུ་བསྡུས་ཀྱང་འཐད་དོ། །དེ་ཉིད་འདུས་པའི་རྒྱུད་ལས་གསུངས་པའི་ཐབས་གཙོ་བོར་སྟོན་པ་རྡོ་རྗེ་དབྱིངས་ལྷ་ལྔ་བཅུ་རྩ་གསུམ། ངན་སོང་སྦྱོང་རྒྱུད་དང་བརྟག་པ་ཕྱོགས་གཅིག་ལ་བརྟེན་པའི་གཙུག་དགུ་ལྷ་སུམ་ཅུ་རྩ་བདུན། སྒྱུ་དྲའི་རྒྱུད་དང་འཇམ་དཔལ་གྲགས་པའི་མཚན་བརྗོད་ཀྱི་འགྲེལ་པ་ལ་བརྟེན་ནས་ཤེས་རབ་གཙོ་བོར་སྟོན་པ་ཆོས་དབྱིངས་གསུང་དབང་ལྷ་ཉིས་བརྒྱ་ཉེར་གཅིག་སྟེ་རྣལ་འབྱོར་རྒྱུད། རྩ་བཤད་འཕྲོས་པ་ཆ་མཐུན་པ་ཡན་ལག་གི་རྒྱུད་ལྔའི་ནང་ནས་ཡན་ལག་གི་རྒྱུད་དམ་རྡོར་དབྱིངས་དང་ཆ་མཐུན་པའི་རྒྱུད་དུ་བཤད་ཅིང་དེ་བཞིན་གཤེགས་པའི་རིགས་སུ་ངོས་འཛིན་པར་སྣང་ངོ་། །འབྱུང་པོ་འདུལ་བྱེད་ཀྱི་རྒྱུད་ལ་བརྟེན་པའི་རྡོ་རྗེའི་རིགས་གསང་བའི་བདག་པོ་འབྱུང་པོ་འདུལ་བྱེད་ལྷ་སོ་གསུམ་པ་སྤྱོད་རྒྱུད། རྗེ་བཙུན་བཙོང་ཁ་པའི་གསན་ཡིག་ན་བྱ་རྒྱུད་གསུམ། ཡོ་ག་གསུམ་ཞེས་འདུག་པས་བྱ་རྒྱུད་དུ་བཞེད་པ་འདྲའོ། །དེ་བཞིན་གཤེགས་པའི་རིགས་ཀྱི་ཡུམ་འོད་ཟེར་ཅན་མ་ལྷ་ཉི་ཤུ་རྩ་ལྔ། གཟུངས་གྲ་ལྔ་ལྷ་བཅུ་གསུམ། འདི་ཡན་གྱིས་འཕྲེང་རྐྱང་གི་དཀྱིལ་འཁོར་ཞེ་གཉིས་ཚང་། ཀྲྀ་ཡ་ནས་གསུངས་པའི་བདེ་ལེགས་སུ་བྱེད་པའི་དཀྱིལ་འཁོར་གསུམ་ཞེས་པ་ནོར་རྒྱུན་མའི་རྟོག་ཆུང་ལ་བརྟེན་པའི་དེ་བཞིན་གཤེགས་པའི་རིགས་ཀྱི་གནས་གཙང་མའི་ལྷ་ནོར་རྒྱུན་ལ་ལྷ་བཅུ་དགུ་གཟའ་ཡུམ་གྱི་རྟོག་པ་ལས་གསུངས་པའི་རིགས་བྱེད་མ་ནུབ་བྱང་གི་གྲར་བཞུགས་པ་དཀྱིལ་འཁོར་གྱི་གཙོ་བོར་བྱས་པའི་གཟའ་ཡུམ་ལྷ་ཞེ་དྲུག་གམ་ལྔ་བཅུ། དེ་བཞིན་གཤེགས་པའི་རིགས་ཀྱི་གཙུག་ཏོར་རྣམ་རྒྱལ་མ་ལྷ་སུམ་ཅུ་རྩ་གསུམ་སྟེ་བྱ་རྒྱུད་ཀྱི་དཀྱིལ་འཁོར་ལྔ་དང་བཅས་

པ་རྣམས་ཀྱི་དབང་ལེགས་པར་ཐོབ་པའི་རྡོ་རྗེ་འཕྲེང་བ་དཀྱིལ་འཁོར་བཞི་བཅུ་རྩ་གཉིས་ཀྱི་བརྒྱུད་པ་ནི་བཛྲ་དྷ་རཿ རྡོ་རྗེ་འཆང་། ཛྙཱ་ན་ཊཱཀི་ནཱི། ཡེ་ཤེས་ཀྱི་མཁའ་འགྲོ་མ། ཨཱ་ཙཪྻ་ཨ་བྷ་ཡཱ་ཀ་ར་གུ པྟཿ སློབ་དཔོན་འཇིགས་མེད་འབྱུང་གནས་སྦས་པ། པཎྜི་ཏ་ཨ་ནུ་ས་མ་རཀྵི་ཏཿ མཁས་པ་དཔེ་མེད་བསྲུང་བ། མ་ཧཱ་པཎྜི་ཏ་བི་བྷཀྵ་ཏ་དེཝཿ མཁས་པ་ཆེན་པོ་རྣམ་བཤད་ལྷ། མ་ཧཱ་པཎྜི་ཏ་ཤཱཀྱ་ཤྲཱི་བྷ་དྲཿ མཁས་པ་ཆེན་པོ་ཤཱཀྱ་དཔལ་བཟང་པོ། ཨ་ཝ་ནཔྟི་ཀ་བྷཱུ་མི་ཤྲཱིཿ དབོན་ཆུང་ས་གཞིའི་དཔལ། ཏ་སྱ་པུ་ཏྲ་བི་མཱ་ལ་ཤྲཱི་བྷ་དྲཿ དེའི་སྲས་དྲི་མེད་དཔལ་བཟང་། མང་མཁར་ལོ་ཀ་ཙཀྵུ་བོ་དྷི་སིདྷཿ མང་མཁར་འཇིག་རྟེན་མིག་བྱང་ཆུབ་སེང་གེ །སྐྱི་ཤཱསྟ་ཀཱིརྟི་དྷཱ་ཛཿ སྐྱི་སྟོན་གྲགས་པ་རྒྱལ་མཚན། དོལ་པོ་སརྦ་ཛྙ་པྲ་ཛྙཱ་དྷྭ་ཛཿ དོལ་པོ་ཀུན་མཁྱེན་ཤེས་རབ་རྒྱལ་མཚན། མཁྱེན་བརྩེ་ཐར་རྩེ་སྒྲུབ་ཁང་གསུམ་གྱི་གསན་ཡིག་ན་བིཀྵར་མཁྱེན་ཤེས་རབ་རྒྱལ་མཚན། གསན་ཡིག་ན་བིཀྵར་དེ་ཝ་དང་ཐར་རྩེ་སངས་རྒྱས་སེང་གེར་གསན་པ་དང་ཤར་བའི་གསན་ཡིག་ན་རྣམ་གྲགས་ལྷ་ཟེར་བ་འདུག་ཅིང་སྔགས་རམ་པའི་གསན་ཡིག་ན་བི་ཁྱ་དེ་ཝ་སྟེ་རྣམ་བཤད་ལྷ་ཞེས་སྣང་བ་སོགས་མི་མཐུན་ཙམ་ཁ་ཡར་བྱུང་བ་སླར་ཡང་བརྟག་གོ །ས་བཟང་མ་ཧཱ་པཎྜི་ཏ་མ་ཏི་དྷཱ་ཛ། ས་བཟང་པཎ་ཆེན་བློ་གྲོས་རྒྱལ་མཚན། ས་བཟང་ཨཱཪྻ་ཀུ་མཱ་ར་མ་ཏིཿ ས་བཟང་འཕགས་པ་གཞོན་ནུ་བློ་གྲོས། བཛྲ་དྷར་ཨ་ནནྡ་བྷ་དྲཿ རྡོ་རྗེ་འཆང་ཀུན་དགའ་བཟང་པོ། བོ་དྷི་ས་ཏྭ་མ་ཏི་རཏྣཿ བྱང་ཆུབ་སེམས་དཔའ་བློ་གྲོས་རིན་ཅེན། མཉྫུ་གྷོ་ཥ་བུདྷ་རཏྣཿ འཇམ་དབྱངས་སངས་རྒྱས་རིན་ཅེན། ཛིཾ་ན་པ་ར་མ་དེ་ཝ་སིདྷཿ རྒྱལ་བ་ལྷ་མཆོག་སེང་གེ །མྲྀ་དུ་སྭ་ར་རཏྣ་ནི་རཱ་བྷོ་གཿ འཇམ་དབྱངས་དཀོན་ཅོག་ལྷུན་གྲུབ། མོཀྵཱ་གྲ་པཊུ་སིདྡྷ་ག་ག་ན་ཤྲཱི་བྷ་དྲཿ ཐར་རྩེ་བ་མཁས་གྲུབ་ནམ་མཁའ་དཔལ་བཟང་།

བྷཱུ་མི་པཎྜུ་ཀ་མཉྫུ་གྷོ་ཥ་ཨཱ་ནནྡ་པུ་ཎྱ་ནི་རཱ་བྷོ་ག་མཾ་ག་ལ་ཀཱིརྟི་དྷྭ་ཛཿ ས་སྐྱ་པ་འཇམ་དབྱངས་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན། མ་ཧཱ་པཎྜི་ཏ་ཝཱ་གིནྡྲ་དྷརྨཱ་ཀཱིརྟིཿ མཁས་པ་ཆེན་པོ་ངག་དབང་ཆོས་གྲགས། པྲ་བྷུ་བཛྲ་ས་ཏཱ་ནཱ་ཐ་པུ་ཎྱོ་ཏྟ་མ་བཤྴཱ་ས་ན་སྱ་དྷྭ་ཛ་ཤྲཱི་བྷ་དྲཿ ཁྱབ་བདག་རྡོ་རྗེ་སེམས་དཔའ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོ། ཏེ་ནཱསྨ་ཏྶ་ཧོ་ར་གོ་མིཾ་ཀུ་ཊི་པོ་ཊ་ལ་སྱ་སྭཱ་བྷ་ཝ་དཱཪྻ་ལོ་ཀེ་ཤྭ་ར་སྱ་གནྡྷོ་ལེ྅ཡཙྪ་དཿ དེས་བདག་ཟ་ཧོར་བནྡེ་ལ་ཕོ་བྲང་པོ་ཏ་ལའི་རང་བྱུང་འཕགས་པ་འཇིག་རྟེན་དབང་ཕྱུག་གི་གཙུག་ལག་ཁང་དུ་སྩལ་ཏོ། །བཱ་རཏྣ་ནི་རཱ་བྷོ་གཱ་ཏཿ ཡང་ན་དཀོན་ཅོག་ལྷུན་གྲུབ་ནས། པཱུརྦ་གྲྀ་ཧ་པྲཛྙ་དྷཱ་ཛཿ ཤར་ཁང་པ་ཤེས་རབ་རྒྱལ་མཚན། མོཀྵཱ་གྲ་པ་ནི་ཤྩ་ས་མཱ་ནཿ ཐར་རྩེ་པ་མན་འདྲ། ཙ་པ་ར་མ་དེ་ཝ་སིདྷཱུ་ཏྲ། ཡང་ན་ལྷ་མཆོག་སེང་གེ་ནས། པཱུརྦ་གྲྀ་ཧ་ནི་ཤྩ་ས་མཱ་ནཿ ཤར་ཁང་པ་མན་འདྲ། བཱ་རཏྣ་ནི་རཱ་བྷོ་གཱ་ཏཿ ཡང་ན་དཀོན་ཅོག་ལྷུན་གྲུབ་ནས། སྭ་མི་བུདྡྷ་སིདྷཿ རྗེ་སངས་རྒྱས་སེང་གེ །མོཀྵཱ་གྲ་པ་ནི་ཤྩ་ས་མཱ་ནཿ ཐར་རྩེ་བ་མན་འདྲ། བི་བྷཱ་ཥ་ཨ་བྷ་ཡཱ་ཀ་རཱཏ྄ཿ ཡང་ན་འཇིག་མེད་འབྱུང་གནས་ནས། ཐར་རྩེ་བའི་གསན་ཡིག་ན་དཀྱིལ་འཁོར་ང་ལྔར་ཕྱེ་བའི་བརྒྱུད་པར་མཛད་འདུག་ཀྱང་མཁྱེན་བརྩེ་དང་སྔགས་རམ་པའི་གསན་ཡིག་སོར་བཞག་བྲིས་པ་ཡིན། སུ་ཙཱ་རཱ་ཀ་ར་གུཔྟཿ ལེགས་སྤྱོད་འབྱུང་གནས་སྦས་པ། ཤུབྷ་ཀ་ར་གུཔྟཿ དགེ་བྱེད་སྦས་པ། རཏྣ་རཀྵི་ཏཿ རིན་ཅེན་བསྲུང་བ། མ་ཏུ་ལ་ལོཙྪ་སིདྡྷ་ཤྲཱིཿ ཞང་འཇིག་རྟེན་དུ་སྒྲོགས་པ་གྲུབ་པ་དཔལ། ཁམས་པ་ཤཱཀྱ་བཛྲཿ ཁམས་པ་ཤཱཀྱ་རྡོ་རྗེ། མ་དྷྱ་བུདྡྷ་ལཀྵཿ དབུས་པ་སངས་རྒྱས་འབུམ། ལོ་ཀ་ཙཀྵུ་ཨུཏྟ་མ་བཱཾཿ འཇིག་རྟེན་མིག་མཆོག་ལྡན། སྐྱི་ཤཱསྟ་ནི་ཤྩས་མཱ་ནཿ སྐྱི་སྟོན་

མན་འདྲ། ཙ་ཨ་བྷ་ཡཱ་ཀ་རཱཏཿ ཡང་ན་འཇིགས་མེད་འབྱུང་གནས་ནས། ན་ཡ་ཀཿ འདྲེན་པ། ད་ཤ་བ་ལ་ཤྲཱིཿ སྟོབས་བཅུའི་དཔལ། བི་བྷཀྵ་ཏ་དེ་ཝ་ནིཤྩ་ས་མཱ་ནཿ རྣམ་བཤད་ལྷ་མན་འདྲ། བཱ་པཎྜི་ཏ་ཤཱཀྱ་ཤྲཱི་ཡཿ ཡང་ན་མཁས་པ་ཤཱཀྱ་དཔལ་ནས། གླན་བ་སོ་བཿ གླན་བ་སོ་བ། གཉག་བཛྲ་དྷ་རཿ གཉག་རྡོ་རྗེ་འཛིན་པ། ཁམས་ཤཱསྟ་ལྷོ་ཚད་པ་རཏྣ་རཏྣཿ ཁམས་སྟོན་ལྷོ་ཚད་པ་དཀོན་ཅོག་རིན་ཅེན། ལོ་ཀ་ཙཀྵུ་ཨུཏྟ་མཱཾ་ནིཤྩ་ས་མཱ་ནཿ འཇིག་རྟེན་མིག་མཆོག་ལྡན་པ་མན་འདྲ། བཱ་པཉྩ་མཎྜལ་པཉྩ་ད་ཤི་ཀ་མཱ་ལེ། ཡང་དཀྱིལ་འཁོར་ལྔ་བཅུ་རྩ་ལྔར་ཕྱེ་བའི་བརྒྱུད་པ་ནི། མཁའ་འགྲོ་ལྔ་འཁོར་ལོ་སྒྱུར་བ་དྲུག་བསྲུང་བ་ལྔ་རྣམས་སོ་སོར་ཕྱེ་བས་ང་ལྔ། ཨ་བྷ་ཡཱ་ཀ་རཿ འཇིགས་མེད་འབྱུང་གནས། ཤཱཀྱ་རཀྵི་ཏཿ ཤཱཀྱ་བསྲུང་བ། གོ་ཏཾ་གུ་རུཿ གོ་ཏཾ་བླ་མ། བི་བྷཱུ་ཏི་ཙནྡྲཿ གྲགས་འབྱོར་ཟླ་བ། གོ་དེ་ཝ་ཤྲཱིཿ ས་ལྷའི་དཔལ། ཀྵནྟི་ཤྲཱིཿ བཟོད་པ་དཔལ། པཎྜི་ཏ་བུདྡྷ་ཤྲཱིཿ མཁས་པ་སངས་རྒྱས་དཔལ། པཎྜི་ཏ་ནཱ་ཐཿ མཁས་པ་མགོན་པོ། སྐྱི་ཤཱསྟ་ནི་ཤྩ་ས་མཱནཿ སྐྱི་སྟོན་མན་འདྲ། ཙ་མཎྜ་ལཱཥྚ་བིཾ་ཤཏྶ་མ་ཧ་ར་མཱ་ལེཿ ཡང་ན་དཀྱིལ་འཁོར་ཉེར་བརྒྱད་དུ་བསྡུས་པའི་བརྒྱུད་པ་ནི། ཀྱེ་རྡོར་ལྷ་དགུ་མ་བཞི་དང་བཅུ་བདུན་མ་བཞི་བདག་མེད་མ་གཉིས་བདེ་མཆོག་གསུམ་ཕག་མོ་གསུམ་བདུད་རྩི་བཞི་རྣམས་རེ་རེ་བསྡུས་སོ། །པཎྜི་ཏ་ཤཱཀྱ་ཤྲཱི་ཡཿ མཁས་པ་ཤཱཀྱ་དཔལ་ནས། དཀྵི་ཎ་སརྦ་ཛྙཿ ལྷོ་པ་ཐམས་ཅད་མཁྱེན་པ། དེ་ཝ་གྲྀ་ཧ་ཤུཀླཿ ལྷ་ཁང་ཀ་རུ་བ། ཡར་ཀླུངས་པ་བྷ་ག་ཝཱ་ན་ཁཌྒ་སྱཿ ཡར་ཀླུངས་པ་བཅོམ་ལྡན་རལ་གྲི། བྷ་ཏྲ་པྲཛྙཱ་པྲ་ཎི་དྷིཿ གཅུང་པོ་ཤེས་རབ་སྨོན་ལམ། གུ་རུ་བོ་དྷི་སིདྷ་ནི་ཤྩ་ས་མཱ་ནཿ བླ་མ་བྱང་ཆུབ་སེང་གེ་མན་འདྲ། བཱ་བི་མཱ་ལ་ཤྲཱི་ཡཿ ཡང་ན་དྲི་མེད་དཔལ་ནས།

ལོ་ཀ་ཙཀྵུ་མ་ཏི་སྠི་རཿ འཇིག་རྟེན་གྱི་མིག་བློ་གྲོས་བརྟན་པ། བོ་དྷི་སིདྷ་ནི་ཤྩ་ས་མཱ་ནཿ བྱང་ཆུབ་སེང་གེ་མན་འདྲ། མ་ཧཱ་པཎྜི་ཏ་དཪྤ་ཎ་ཨཱ་ཙཪྻ་སྱ་ནེ་མ་ཏ་ཀྲྀ་ཡ་ས་མུཙྪ་ནཱཾ་མཎྜལ་པཉྩ་མ་ཙ་ཏུ་རིཾ་ཤ་དཱཾ་མཱ་ལེ། མཁས་པ་ཆེན་པོ་སློབ་དཔོན་འགྲོ་བའི་མེ་ལོང་ལུགས་ཀྱི་བྱ་བ་ཡང་དག་པར་བསྡུས་པའི་དཀྱིལ་འཁོར་ཞེ་ལྔའི་བརྒྱུད་པ་ནི། བཛྲ་དྷ་རཿ རྡོ་རྗེ་འཆང་། ཛྙཱ་ན་ཌཱ་ཀི་ནཱིཿ ཡེ་ཤེས་ཀྱི་མཁའ་འགྲོ་མ། པཎྜི་ཏ་དཪྤ་ཎ་ཨཱ་ཙཪྻཿ སློབ་དཔོན་མཁས་པ་འགྲོ་བའི་མེ་ལོང་། འཕགས་པ་རིན་པོ་ཆེའི་གསན་ཡིག་ན་འདིའི་སྔོན་དུ་ཨ་བྷ་ཡ་དང་དཔེ་མེད་བསྲུང་གཉིས་འདུག་པས་ཆད་དམ་ཞེས་ཐར་རྩེ་དང་ཤར་པའི་གསན་ཡིག་ཏུ་བྱུང་བ་བགྲང་ཀྱང་ཁུངས་མི་བཙུན་པ་མ་ཡིན་ལ། ལོ་རྒྱུས་ལྟར་ན་ཕག་མོ་ལ་དཪྤ་ཎ་རང་གིས་ཐུག་པས་ཆད་སྐྱོན་མི་འབྱུང་ཞིང་ཨ་བྷ་ཡ་དང་དཪྤ་ཎ་གཉིས་ཕར་སློབ་ཚུར་སློབ་ཡིན་པའི་ལོ་རྒྱུས་ལྟར་ན་དཔེ་མེད་གསུངས་མི་དགོས་པ་འདྲའོ། །ས་མནྟ་བྷ་དྲཿ ཀུན་ཏུ་བཟང་པོ། ཛྙཱ་ན་ཛྱོ་ཏེཿ ཡེ་ཤེས་ཀྱི་གློག །ཤྲཱི་ཧཱ་ནུ་མནྟཿ དཔལ་མྱུར་བའི་མཐའ། ཐར་རྩེ་པའི་གསན་ཡིག་ན་དཔལ་ཡིད་ཀྱི་འགྲམ་པ་དང་སྔགས་རམ་པའི་དེར་དཔལ་གཞན་ལ་ཕན་ཞེས་པར་བསྒྱུར་འདུག་པ་དཔྱད། ཤྲཱི་མཉྫུ་བྷ་དྲཿ འཇམ་དཔལ་བཟང་པོ། ཤྲཱི་བྷ་དྲཿདཔལ་བཟང་། དྷརྨཱ་ཛྱོ་ཏི་བྷ་དྲཿ ཆོས་ཀྱི་གློག་བཟང་། མ་ན་ཛཱི་ཝ་བྷ་དྲཿ ཡིད་འཚོ་བ་བཟང་པོ། གོ་ཏཾ་ཤྲཱི་བྷ་དྲཿ ངག་གི་དཔལ་བཟང་། ཤྲཱི་བི་ཛ་ཡ་བྷ་དྲཿ དཔལ་རྣམ་རྒྱལ་བཟང་པོ། ཤྲཱི་མ་ད་ན་བྷ་དྲ་པཱ་དཿ དཔལ་མྱོས་བྱེད་བཟང་པོའི་ཞབས། ཤྲཱི་ལཀྵྨི་བྷ་དྲ་པཱ་དཿ དཔལ་ཕུན་ཚོགས་བཟང་པོའི་ཞབས། ག་ག་ན་བྷ་དྲཿ ནམ་མཁའ་བཟང་པོ། ཨུ་ད་ཀ་ཛཱི་ཝ་བྷ་དྲཿ ཆུའི་འཚོ་བ་བཟང་པོ། ཤྲཱི་ཧརྵ་བྷ་དྲ་པཱ་ད། དཔལ་འཕྲོག་བྱེད་བཟང་པོའི་ཞབས། བྷ་ག་ཝཏྦྷ་དྲཿ སྐལ་ལྡན་བཟང་པོ། ཛ་ག་ཏ་ཨཱ་ནནྡ་ཛཱི་ཝ་བྷ་དྲཿ སྐྱེ་རྒུ་ཀུན་དགའི་འཚོ་བ་བཟང་པོ། ཏསྱ་པུ་ཏྲ་མ་ཧཱ་བོ་དྷིཿ དེའི་སྲས་བྱང་ཆུབ་ཆེན་པོ། ས་བཟང་ཨཱཪྻ་ཀུ་མཱ་ར་མ་ཏི་ནིཥྩ་ས་མཱ་ནཿ ས་བཟང་འཕགས་པ་གཞོན་ནུ་བློ་གྲོས་མན་འདྲཿ

མེ་གླང་ཟླ་བ་བཅུ་གཅིག་པའི་དགུན་ཉི་མ་ཐུང་ཞིང་བསིལ་ངད་ཆེ་བ་དང་ཉིན་མོའི་རིང་ཕལ་ཆེར་རྒྱལ་བ་བཙོང་ཁ་པ་ཆེན་པོའི་གསུང་རབ་ཀྱི་ལྗགས་ལུང་སོགས་ཀྱིས་ཐུགས་ལོང་ཆུང་བའི་སྒྲུབ་མཆོད་སོགས་ཞིབ་ཞིབ་གནང་ལོང་བྱུང་མ་སོང་བའི་སྟེང་། དཀྱིལ་འཁོར་ཉི་ཤུ་རྩ་གཉིས་ཙམ་ཞིག་ལ་དཀྱིལ་འཁོར་ཞེ་གཉིས་ཚང་བའི་དབང་དུ་བཏང་བའི་རྡོ་རྗེ་འཕྲེང་བའི་དབང་ཞིག་མཁན་པོ་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ནོས་པ་འཕགས་ཆེན་དམ་པ་རྣམས་དག་པ་ཡེ་ཤེས་ཀྱི་སྣང་བས་རྟག་ཏུ་འབྱམ་ཀླས་པས་ཀུན་རྫོབ་ཀྱི་རྩོལ་བྱས་ལ་མ་ལྟོས་མོད། ཕ་དམ་པས་ངའི་གདམས་པ་འདི་ང་དང་འདྲ་བ་ཞིག་གིས་ཉམས་སུ་བླངས་ན་ལག་ཏུ་ཁེལ་གསུང་པ་ལྟར་སྤང་རྟོགས་ཀྱི་ཡོན་ཏན་དེ་ལྡན་ཞིག་གིས་དབང་ཐོབ་པར་འགྲོ་ཤས་ཆེ་ཡང་ཚུར་མཐོང་བྱིས་པའི་ངང་ཚུལ་ཅན་རྣམས་ཀྱིས་ཐོབ་པར་རློམ་ཡང་། སྡོམ་གསུམ་དུ། ཆོ་ག་ཅུང་ཟད་ཉམས་པ་ལ། ཆོ་ག་ཆགས་པར་མ་གསུངས་ན། ཆོ་ག་ཕལ་ཆེར་ཉམས་པ་ལ། །ཆོ་ག་ཆགས་པར་འགྱུར་རི་སྐན། །ཞེས་པ་ལྟར་བདག་འདྲ་དམན་པའི་རིགས་ཀྱི་བློར་ཆུད་དཀའ་བ་ནས་བརྒྱུད་པ་ཞིབ་མ་དཔྱད། དཔྱོད་པར་ཤར་ཚེ་བཀའ་འབུམ་དུ་བརྒྱུད་འདེབས་འདུག་པ་དེ་བཞིན་གཤེགས་པས་གདུལ་བྱ་འགའ་ཞིག་ལ་གང་ཟག་གིས་བདག་ཡོད་པར་བསྟན་པ་བཞིན་འགྲོ་བའི་སྣང་ངོར་གསུངས་པ་མ་གཏོགས་ངེས་དོན་ཐམས་ཅད་མཁྱེན་པ་ཡོན་ཏན་རྒྱ་མཚོས་འཕྲེང་བའི་སྙན་གསན་ཕུལ་བར་སྔར་ཕན་ཚང་བ་ཞིག་མ་ཐོབ། སླར་རྩོལ་བ་བྱས་ནས་ལོ་གསུམ་གྱི་ཁོངས་སུ་འབུལ་བར་ཞལ་གྱིས་འཆེས་པ་རྗེ་ཉིད་ཀྱི་མཆོད་དཔོན་ཨོ་ལོ་སྲས་པོ་དང་གྲོགས་པོ་ནང་པའི་དགེ་

སློང་ངག་དབང་ཆོས་རྒྱལ་སོགས་དུས་དེའི་གྲྭ་རྒན་ཕལ་ཆེར་གྱིས་གླེང་ཞིང་། རབ་འབྱམས་པ་བསོད་ནམས་གྲགས་པས་ཇོ་ནང་སྤྲུལ་སྐུར་ཞུས་ནས་ཕུལ་ལམ། ཡང་ན་ཟུར་བཀའ་གསན་རིགས་དེ་གས་གོ་བཅད་འཕྲོས་རྣམས་ཁ་བསྐངས་ཞེས་དོགས་གནས་གཉིས་སུ་བྱེད་པར་སྣང་ངོ་། །སྒྲུབ་ཐབས་རྣལ་འབྱོར་རྫོགས་པའི་འཕྲེང་བ། དཀྱིལ་འཁོར་གྱི་ཆོ་ག་རྡོ་རྗེའི་འཕྲེང་བ། སྦྱིན་སྲེག་འོད་ཀྱི་སྙེ་མ་གསུམ་གྱི་ལུང་ནོས་པའི་བརྒྱུད་པ་ནི། ཨ་བྷ་ཡཱ་ཀ་ར། ཨ་ནུ་ས་མ་རཀྵི་ཏ། རྣམ་པར་གྲགས་པའི་ལྷ། པཎ་ཆེན་ཤཱཀྱ་ཤྲཱི། དབོན་ཆུང་བྷཱུ་མི་ཤྲཱི། དེ་སྲས་བི་མཱ་ལ་ཤྲཱི། མང་མཁར་ལོ་ཙཱ་བ་བྱང་ཆུབ་སེང་གེ །སྐྱི་སྟོན་གྲགས་པ་རྒྱལ་མཚན། ཀུན་མཁྱེན་དོལ་པོ་བ། མ་ཏི་པཎ་ཆེན། ས་བཟང་འཕགས་པ། ངོར་ཆེན། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །ཆོས་རྗེ་རྡོ་རྗེ་སེང་གེ །མཁས་གྲུབ་ཤཱཀྱ་འོད་ཟེར། རྗེ་སངས་རྒྱས་སེང་གེ །བྲང་ཏི་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། ཁྱབ་བདག་བཀའ་འགྱུར་བ་ཆེན་མོ། རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་འཇིགས་མེད་འབྱུང་གནས། ལེགས་སྤྱོད་འབྱུང་གནས། དགེ་བྱེད་སྦས་པ། རིན་ཅེན་འཚོ་བ། ཞང་གྲུབ་པ་དཔལ། ས་ཕུག་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། མཆོག་ལྡན་ལེགས་པའི་བློ་གྲོས། སྐྱི་སྟོན་གྲགས་རྒྱལ་མན་འདྲའོ། །རྒྱུད་སྡེ་རིན་པོ་ཆེ་རྣམས་སུ་ལྷ་དཔའ་བོ་གཅིག་པ་སོགས་སྒྲུབ་ཐབས་མང་པོ་གསུངས་པ་རྣམས་སངས་རྒྱས་གཉིས་པ་ཀླུ་སྒྲུབ་ཞབས་ཀྱིས་མཚོན་པའི་པཎ་གྲུབ་

དུ་མས་སྒྲུབ་ཐབས་ཆུང་ངུ་མང་དུ་མཛད་པ་ཐོར་བུ་རྣམས་པཎ་གྲུབ་ཚད་ལྡན་གྱིས་ཕྱོགས་གཅིག་ཏུ་བསྡུས་པའི་སྒྲུབ་ཐབས་བསྡུས་པ་ཞེས་པ་རྒྱས་བསྡུས་ཀྱི་བསྡུས་པ་མིན་ཡང་བྱ་བ་མང་པོ་ཕྱོགས་གཅིག་ཏུ་བསྡུས་པས་དེ་ལྟར་གྲགས་ཤིང་། བླ་མ་བཻ་རོ་ཙ་ན་རཀྵི་ཏ་དང་བྷ་བྱང་ཆུབ་སེམས་དཔའ་སོགས་ལ་བ་རི་ལོ་ཙཱ་བས་སྒྲུབ་ཐབས་མི་འདྲ་བ་སྟོང་རྩ་གསན་པའི་ནང་ནས་ཟབ་ཅིང་ཐུགས་གཙིགས་ཆེ་བ་དགུ་བཅུ་གོ་དྲུག་ཕྱོགས་གཅིག་ཏུ་བསྡེབས་པའི་སྒྲུབ་ཐབས་ཀུན་ལས་བཏུས་སམ་བརྒྱ་རྩ་ཞེས་པ་བོད་འདིར་འགྱུར་བའི་བསྡུས་པ་དང་། པ་ཚབ་ཉི་མ་གྲགས་ཀྱིས་བསྒྱུར་བའི་སྒྲུབ་ཐབས་ཕྱེད་དང་ཉིས་བརྒྱ་པ་འབྲིང་པོ། རྡོ་རྗེ་གདན་གྱི་མ་ཧཱ་བོ་དྷི་ལས་གནང་བ་ཐོབ་ཅིང་རྡོ་རྗེ་རྣལ་འབྱོར་མས་ལུང་བསྟན་པ་ལ་བརྟེན་ནས་པཎ་ཆེན་འཇིགས་མེད་འབྱུང་གནས་ཀྱིས་ཕྱོགས་གཅིག་ཏུ་བསྒྲིགས་པ་གདན་ས་ཆེན་པོ་དཔལ་ལྡན་ས་སྐྱར་འགྲོ་བའི་མགོན་པོ་ཆོས་ཀྱི་རྒྱལ་པོ་འཕགས་པ་རིན་པོ་ཆེའི་བཀས་བསྐུལ་ནས་ཡར་ཀླུངས་པ་གྲགས་པ་རྒྱལ་མཚན་གྱིས་བསྒྱུར་བའི་སྒྲུབ་ཐབས་ཉིས་བརྒྱ་དང་བཞི་བཅུ་ཞེ་གཉིས་བཞུགས་པ་རྒྱས་པའམ་རྒྱ་མཚོར་གྲགས་པ་རྣམས་ལས་ཕྱི་མ་ནི་ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་ཟིན་བྲིས་སུ་མཛད་པའི་བཀླགས་པས་དོན་གྲུབ་ཀྱི་སྟེང་ནས་རྗེས་གནང་དང་། རྒྱ་གཞུང་གི་ལུང་ཡོངས་རྫོགས་ནོས་པར་གོང་དཀར་བའི་གསན་ཡིག་དང་རྒྱ་གཞུང་གཉིས་གོ་རིམ་ཞུས་དག་ཕེར་ཞིང་། ངོར་ཆེན། མཁྱེན་བརྩེ། ཐར་རྩེ། ཤར་བ། རྗེ་བཀའ་འགྱུར་བའི་གསན་ཡིག་རྣམས་སུ་རྒྱུད་སྡེའི་གོ་རིམ་ཕྱེ་བ་དང་། ལ་ལར་དེར་མ་ལྟོས་པའི་གོ་རིམ་མི་

མཐུན་པའང་འདུག །བཀླགས་པས་དོན་གྲུབ་དང་རིན་ཅེན་སྒྲོན་མེ་གཉིས་ནའང་གོ་རིམ་དང་གྲངས་མང་ཉུང་ཅུང་ཟད་བྱུང་ལ། འདིར་ཆོས་སྡེའི་གོ་རིམ་རྒྱ་གཞུང་སོར་བཞག་དང་། ལག་ལེན་གྱི་དུས་གོ་རིམ་འཁྲུགས་བསྡེབས་བྱས་ཆོག་པའི་རྗེས་གནང་ཡོད་མེད་དང་བླ་མེད་གང་ཡིན་མཆན་བུས་བཀྲོལ་ཏེ་བཀོད་པ་ལ། དམ་ཚིག་གསུམ་བཀོད་པའི་རྒྱལ་པོའི་སྒྲུབ་ཐབས་པཎྜི་ཏ་ཀུ་མུ་ཏ་འབྱུང་བའི་བློ་གྲོས་ཞབས་ཀྱིས་མཛད་པ། འདི་གཉིས་ལ་ལྷ་སྔགས་མི་གསལ་བ་འཇམ་དཔལ་རྩ་རྒྱུད་ནས་ཁ་བསྐངས་པའི་རྗེས་གནང་མཛད་སྲོལ་བྱུང་འདུག་ཀྱང་དེང་སང་ལུང་ལས་རྗེས་གནང་མེད་དོ། །དེའི་སྒྲུབ་ཐབས་རིན་ཅེན་འབྱུང་གནས་སྦས་པའི་ཞབས་ཀྱིས་མཛད་པ། རྗེ་བཙུན་རྡོ་རྗེ་གདན་གཙོ་འཁོར་གསུམ་པའི་སྒྲུབ་ཐབས་མན་ངག་གི་ཆོ་ག་འདི་གསུམ་བསྡོམས་པར་རྗེས་གནང་གཅིག །ཡང་དེའི་སྒྲུབ་ཐབས་མི་འདྲ་བ་གཉིས། འཕགས་པ་ཡི་གེ་དྲུག་པ་རིག་པ་ཆེན་པོ་དཀར་པོ་ཕྱག་བཞི་པ་གཙོ་འཁོར་གསུམ་པའི་སྒྲུབ་ཐབས་དཔལ་ལྡན་ལྷན་ཅིག་སྐྱེས་པའི་རོལ་པས་མཛད་པ། རྗེས་གནང་ཡོད། ཟ་མ་ཏོག་བཀོད་པའི་མན་ངག་གིས་མཛད་པའི་དཔལ་ལྡན་འཇིག་རྟེན་མགོན་པོ་དཀར་པོ་ཕྱག་བཞི་པའི་སྒྲུབ་ཐབས། མགོ་མཇུག་གཉིས་ན་ཡི་གེ་དྲུག་པའི་སྒྲུབ་ཐབས་ཟེར་བ་དང་མངོན་རྟོགས་ཀྱི་འགོར་དཔལ་ལྡན་འཇིག་རྟེན་མགོན་ཞེས་པ་སྣང་རྗེས་གནང་ཡང་ཡོད། དཔལ་ལྡན་འཇིག་རྟེན་མགོན་པོ་དཀར་པོ་ཕྱག་བཞི་པའི་སྒྲུབ་ཐབས། འཇིག་རྟེན་མགོན་པོ་པདྨ་དབང་བྱེད་ཀྱང་ཟེར་རྗེས་གནང་ཡོད། འཕགས་པ་ཡི་གེ་དྲུག་པའི་རིགས་སྔགས་ཆེན་པོ་རྗེ་བཙུན་འཇིག་རྟེན་དབང་ཕྱུག་གི་མན་ངག་རྒྱ་ཆེན་བརྒྱུད་པའི་སྒྲུབ་ཐབས་ཀྱི་ཆོ་ག་ཞེས་པ་ཡི་གེ་དྲུག་པ་

ཕྱག་བཞི་པ་དཀར་པོ་གཙོ་འཁོར་གསུམ་པའི་སྒྲུབ་ཐབས། རྗེས་གནང་ཡོད། རྣམ་སྣང་མངོན་བྱང་ནས་བཤད་པའི་འཕགས་པ་འཇིག་རྟེན་དབང་ཕྱུག་ཁ་སཪྤཱ་ཎི་དཀར་པོ་ཕྱག་གཉིས་པའི་ལྷ་ལྔའི་སྒྲུབ་ཐབས་སློབ་དཔོན་རྙོག་པ་མེད་པས་མཛད་པ། འདི་ནས་ཨ་ནུ་སམ་རཀྵི་ཏས་མཛད་པའི་བར་གྱི་བཞི་པོར་རྗེས་གནང་གཅིག །པོ་ཏ་ལ་ཀེ་ཁ་སཪྤཱ་ཎི་ལྷ་ལྔའི་སྒྲུབ་ཐབས་པདྨ་འབྱུང་གནས་བློ་གྲོས་ཞབས་ཀྱིས་མཛད་པ། སློབ་དཔོན་དགེ་བྱེད་ཀྱིས་མཛད་པའི་ཁ་སཪྤཱ་ཎི་ལྷ་ལྔའི་སྒྲུབ་ཐབས། གསན་ཡིག་གཞན་ཚོར་བདེ་བྱེད་ཟེར་བ་འདུག །རྒྱ་གཞུང་དང་གོང་དཀར་བའི་གསན་ཡིག་ན་དཀྱུས་ལྟར་བྱུང་ངོ་། །དཔལ་ལྡན་མཁའ་སྤྱོད་འཇིག་རྟེན་དབང་ཕྱུག་ལྷ་ལྔའི་སྒྲུབ་ཐབས་ཨ་ནུ་ས་མ་རཀྵི་ཏས་ཅུང་ཟད་རྒྱས་པར་མཛད། དཔལ་ལྡན་མཁའ་སྤྱོད་ཁ་སཪྤཱ་ཎི་དཀར་པོ་ཕྱག་གཉིས་པ་ལྷ་བཅུ་གསུམ་གྱི་སྒྲུབ་ཐབས། རྗེས་གནང་ཡོད། སེང་གེ་སྒྲའི་སྒྲུབ་ཐབས་འདི་དང་གནས་འབྱུང་བའི་སྒྲུབ་ཐབས་གསུམ་སྟེ་བཞི་བསྡོམས་པར་རྗེས་གནང་གཅིག །པཎྜི་ཏ་ཨ་ཝ་དྷཱུ་ཏི་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། གསན་ཡིག་ཕལ་ཆེར་ན་འཇིགས་མེད་རྡོ་རྗེ་ཞེས་འདུག་ཀྱང་རྒྱ་གཞུང་བཀླགས་པས་དོན་གྲུབ་གོང་དཀར་བའི་གསན་ཡིག་བཅས་པར་དཀྱུས་ལྟར་སྣང་ངོ་། །འཇིག་རྟེན་མགོན་པོ་དཀར་པོ་ཕྱག་གཉིས་པ་གཙོ་འཁོར་གསུམ་པའི་སྒྲུབ་ཐབས། རྗེས་གནང་ཡོད། རིན་ཅེན་སྒྲོན་མེར་འཇིག་རྟེན་དབང་ཕྱུག་ཟེར་རྒྱ་གཞུང་དང་གསན་ཡིག་མཐུན་པར་དཀྱུས་ལྟར་བྱུང་། འཇིག་རྟེན་དབང་ཕྱུག་དཀར་པོ་ཕྱག་གཉིས་གཙོ་རྐྱང་གི་སྒྲུབ་ཐབས། རྗེས་གནང་ཡོད། སེང་གེ་སྒྲའི་སྒྲུབ་ཐབས། འཕགས་པ་སེང་གེ་སྒྲའི་སྒྲུབ་ཐབས། དཔལ་ལྡན་སེང་གེ་སྒྲའི་སྒྲུབ་ཐབས། འཇིག་རྟེན་དབང་ཕྱུག །ཧ་ལ་ཧ་ལ་དཀར་པོ་ཞལ་གསུམ་ཕྱག་དྲུག་

པ་གཙོ་འཁོར་གཉིས་པའི་སྒྲུབ་ཐབས། འདི་གཉིས་ཐུན་མོང་དུ་རྗེས་གནང་གཅིག་རིན་ཅེན་སྒྲོན་མེར་ཕྱི་མ་གཙོ་རྐྱང་གི་དབང་དུ་བྱས་ཏེ་ཁ་ཕྲལ་ནས་སོ་སོར་རྗེས་གནང་འདུག །ཡང་དེའི་སྒྲུབ་ཐབས་སློབ་དཔོན་ལྷན་ཅིག་སྐྱེས་པའི་རོལ་པས་མཛད་པ། རྡོ་རྗེ་ཆོས་དཀར་པོ་ཞལ་གསུམ་ཕྱག་དྲུག་པ་ཡབ་ཡུམ་གཉིས་ཀྱི་སྒྲུབ་ཐབས་ཆོ་ག་བསྡུས་པ། རྗེས་གནང་ཡོད། འཇིག་རྟེན་མགོན་པོ་པདྨ་གར་གྱི་དབང་ཕྱུག་དམར་པོ་ཕྱག་གཉིས་པ་ལྷ་དགུའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། རྗེས་གནང་ཡོད། པདྨ་གར་གྱི་དབང་ཕྱུག་དམར་པོ་ཕྱག་བཅོ་བརྒྱད་པ་ལྷ་ལྔའི་སྒྲུབ་ཐབས། རྗེས་གནང་ཡོད། ཧ་རི་ཧ་རི་ལ་ཞོན་པར་གྱུར་པ་དཀར་པོ་ཕྱག་དྲུག་པའི་སྒྲུབ་ཐབས། འདི་གཉིས་བསྡོམས་པ་རྗེས་གནང་གཅིག །ཡང་དེའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། ཨཽ་ཌི་ཡ་ནའི་རིམ་པའི་འཇིག་རྟེན་གསུམ་པོ་དབང་དུ་བྱེད་པའི་འཇིག་རྟེན་དབང་ཕྱུག་དམར་པོ་ཕྱག་གཉིས་པའི་སྒྲུབ་ཐབས་ས་ར་ཧའི་ཞབས་ཀྱིས་མཛད་པ། འདི་གཉིས་བསྡོམས་པར་རྗེས་གནང་གཅིག །དེའི་སྒྲུབ་ཐབས་ཨཽ་ཌི་ཡ་ན་ནས་བྱུང་ཞིང་ས་ར་ཧའི་ཞབས་ཀྱིས་གདན་དྲངས་པ། འཇིག་རྟེན་དབང་ཕྱུག་དམར་པོ་ཕྱག་བཞི་པ་ལྷ་གསུམ་པའི་སྒྲུབ་ཐབས། རྗེས་གནང་ཡོད། འཇིག་རྟེན་དབང་ཕྱུག་གིས་ལྷག་པར་དབང་དུ་བྱ་བའི་སྤྱན་རས་གཟིགས་དམར་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། གསང་བ་བསམ་གྱིས་མི་ཁྱབ་པའི་རྗེས་སུ་འབྲངས་པའི་འཕགས་པ་སྤྱན་རས་གཟིགས་མགྲིན་པ་སྔོན་པོ་ཅན་སེར་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། སྒྱུ་འཕྲུལ་དྲ་བའི་རིམ་པའི་འཕགས་པ་སྤྱན་རས་གཟིགས་དབང་

ཕྱུག་ནག་པོ་ཞལ་ལྔ་ཕྱག་བཅུ་གཉིས་པའི་སྒྲུབ་ཐབས། རྗེས་གནང་ཡོད། ཤེས་རབ་བསྐྱེད་པ་པདྨའི་ཕྱག་གི་གཟུངས། འདི་གཉིས་ལ་ལུང་ལས་རྗེས་གནང་མེད། ཉེ་བར་སྤྱོད་པ་དང་བཅས་པ་སྲན་མ་མ་ཥའི་ཞལ་གྱི་གཟུངས། སྤྱན་རས་གཟིགས་དབང་ཕྱུག་དོན་ཡོད་ཞགས་པ་དཀར་པོ་ཕྱག་དྲུག་པ་ལྷ་ལྔའི་སྒྲུབ་ཐབས། རྗེས་གནང་ཡོད། ངོར་གོང་དཀར་བ་མཁྱེན་བརྩེ། ཐར་རྩེ། ཤར་པ་ལྔའི་གསན་ཡིག་མཁྱེན་བརྩེའི་བཀླགས་པས་དོན་གྲུབ། རྒྱ་གཞུང་རྣམས་མཐུན་པར་བར་འདིར་སྒྲུབ་ཐབས་གཞན་མི་འདུག་ཀྱང་ཐར་རྩེ་བས་མཛད་པའི་རྗེས་གནང་གི་ཆོ་ག་རིན་པོ་ཆེ་སྒྲོན་མེར་དོན་ཞབས་ཕྱག་བཅུ་པ། དྲུག་པ། བཞི་པ་རྣམས་གོང་གི་སྒྲུབ་ཐབས་ཀྱི་ཚིག་གིས་ཟིན་འདུག་པས་སྤེལ་བ་འདྲ་ཡང་རྗེས་གནང་ཟུར་དུ་དགོས་མི་དགོས་དཔྱད་དོ། །འཇིག་རྟེན་གསུམ་པོ་དབང་དུ་བྱེད་པ་འཕགས་པ་བྷུགྨ་དམར་མོ་ཕྱག་གཉིས་པ་ལྷ་ལྔའི་སྒྲུབ་ཐབས་སློབ་དཔོན་ཤཱུནྱ་ཏ་ས་མ་དྷི་བཛྲ་པཱ་དའི་ཞབས་ཀྱིས་མཛད་པ། རྗེས་གནང་ཡོད། དཔལ་ལྡན་འཇིག་རྟེན་མགོན་པོའམ་འཇིག་རྟེན་དབང་ཕྱུག་གི་སྒྲུབ་ཐབས། འཁོར་མེད་པ་མ་གཏོགས་ཞལ་ཕྱག་བྷུག་མ་དང་འདྲ་རིན་པོ་ཆེ་སྒྲོན་མེར་རྗེས་གནང་གོང་གིས་ཐུས་པ་ལས་ཟུར་དུ་མེད། འཇམ་དབྱངས་བསྟན་པའི་འཁོར་ལོ་སེར་པོ་ཕྱག་གཉིས་པའི་སྒྲུབ་ཐབས་སློབ་དཔོན་བྷ་ཝ་སྐནྡྷས་མཛད་པ། འདི་གཉིས་ལ་རྗེས་གནང་གཅིག །དེའི་སྒྲུབ་ཐབས་ཚིག་ལྷུག་མ། འཇམ་དཔལ་སེང་གེའི་སྒྲ་སེར་པོ་ཕྱག་གཉིས་པ་ལྷ་བཅུ་གཅིག་གི་སྒྲུབ་ཐབས། རྗེས་གནང་ཡོད། འཇམ་དབྱངས་ངག་གི་རྒྱལ་པོ་དམར་སེར་ཕྱག་གཉིས་ཀྱི་སྒྲུབ་ཐབས་པཎྜི་ཏ་དཔལ་ལྡན་ཡིད་བཞིན་ནོར་བུ་སྦྱིན་པས་མཛད་པ། འདི་གཉིས་དང་འོག་ནས་འབྱུང་བའི་ཡི་གེ་གཅིག་མའི་རབ་ཏུ་སྦྱོར་བ་ལ་རྗེས་གནང་གཅིག །ཡང་དེའི་སྒྲུབ་ཐབས་རྡོ་རྗེ་རྣལ་འབྱོར་མས་གསུངས་པ། སེང་

གེའི་གདན་ལ་བཞུགས་པའི་ངག་གི་རྒྱལ་པོ་ཞེས་བྱ་བ་དམར་སེར་ཕྱག་གཉིས་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག་མཛད་ལ་རིན་ཅེན་སྒྲོན་མེར་འདི་གཉིས་སོ་སོར་ཕྲལ་བའི་ཕྱི་མ་འདི་ངག་གི་རྒྱལ་པོ་གོང་མ་གཉིས་ཀྱི་སྟེང་དུ་བསྣན་ནས་མཛད་འདུག་པ་དོན་གྱི་རྗེས་གནང་ལ་མང་ཉུང་མ་བྱུང་ཡང་སྔགས་ཝཱ་གཱི་ཤྭ་ར་དང་ཝརྞ་སཾ་གྱི་ཁྱད་འདུག་པས་བཀླགས་པས་དོན་གྲུབ་ལུགས་འཐད་པར་སྣང་། ཡང་ངག་གི་རྒྱལ་པོ་སེང་གེའི་གདན་ལ་བཞུགས་པ་འཇམ་དཔལ་དབྱངས་ཀྱི་སྒྲུབ་ཐབས། འཕགས་པ་འཇམ་དཔལ་ངག་གི་རྒྱལ་པོ་གསེར་ཞུན་ཕྱག་གཉིས་པ་གཙོ་འཁོར་གཉིས་པའི་སྒྲུབ་ཐབས། རྗེས་གནང་ཡོད། ངག་གི་རྒྱལ་པོ་སེར་པོ་ཕྱག་གཉིས་པ་ལྷ་གསུམ་མའི་སྒྲུབ་ཐབས། རྗེས་གནང་ཡོད། ཤེས་རབ་འཕེལ་བའི་གཏེར་ངག་གི་རྒྱལ་པོ་ལྷ་གསུམ་མའི་སྒྲུབ་ཐབས་པཎྜི་ཏ་འཕྲོག་བྱེད་འཇོམས་པས་མཛད་པ། རྗེས་གནང་ཡོད། ཡིད་བཞིན་ནོར་བུ་སྦྱིན་དང་ཞལ་ཕྱག་མཐུན། བཅོམ་ལྡན་འདས་ཀྱི་ཆོ་ག་འདི་མཁས་པས་སྤྱོད་ལམ་གཙང་མ་ཕུན་སུམ་ཚོགས་པས་འབུམ་ཕྲག་བདུན་བཟླ་བར་གསུངས་པའི་ངག་གི་རྒྱལ་པོ་གསེར་བཙོ་མའི་མདོག་ཅན་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ཨ་ར་པ་ཙ་ན་དཀར་པོ་ཕྱག་གཉིས་པ་ལྷ་ལྔའི་སྒྲུབ་ཐབས་སློབ་དཔོན་མི་ཕམ་བཤེས་གཉེན་གྱིས་མཛད་པ། འདི་གཉིས་བསྡོམས་པར་རྗེས་གནང་གཅིག །ཡང་དེའི་སྒྲུབ་ཐབས་ཚིག་ལྷུག་པ། རྗེ་བཙུན་འཕགས་པ་འཇམ་དཔལ་སྒོམ་པའི་མན་ངག་ཅེས་པ་ཨ་ར་པ་ཙ་ན་དམར་པོ་ཕྱག་གཉིས་པ་ལྷ་ལྔའི་སྒྲུབ་ཐབས། རྗེས་གནང་ཡོད། འཕྲལ་དུ་ཉམས་སུ་མྱོང་བའི་ཨ་ར་པ་ཙ་ན་དཀར་པོ་ཕྱག་གཉིས་པ་གཙོ་འཁོར་ལྔའི་སྒྲུབ་

ཐབས། རྗེས་གནང་ཡོད། འཇམ་དཔལ་དཀར་པོ་ལྷ་ལྔའི་སྒྲུབ་ཐབས་ཚིགས་བཅད་མ། འདི་ལ་ལུང་ལས་རྗེས་གནང་མེད། གསན་ཡིག་ཕལ་ཆེར་ན་འཇམ་དཔལ་གྱི་སྒྲུབ་ཐབས་ཞེས་སྣང་ལ་གོང་དཀར་བའི་གསན་ཡིག་དང་རྗེས་གནང་གི་ཡིག་ཆ་གཉིས་ན་མི་གསལ་ལོ། །གུར་ནས་གསུངས་པའི་ཡན་ལག་མེད་པའི་རྡོ་རྗེ་སེར་པོ་ཕྱག་དྲུག་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་འཇམ་དཔལ་ཡན་ལག་མེད་པའི་རྡོ་རྗེའི་སྒྲུབ་ཐབས། ཆོས་དབྱིངས་ངག་གི་དབང་ཕྱུག་དཀར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། ཆོས་ཀྱི་དབྱིངས་ངག་གི་དབང་ཕྱུག་དམར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས་ཀྱི་དབང་དུ་བྱ་བའི་ཆོ་ག །རྗེས་གནང་ཡོད། སེམས་ཅན་ཐམས་ཅད་དབང་དུ་བྱེད་པའི་ཏིང་ངེ་འཛིན། ལུང་ལས་རྗེས་གནང་མེད། ཆོས་ཀྱི་རྗེས་སུ་འབྲང་བ་འདི་དང་ཆོས་ཀྱི་ཏིང་ངེ་འཛིན་གྱིས་མཚོན་པ་ཆོས་དབྱིངས་ངག་གི་དབང་ཕྱུག་དཀར་པོའི་སྒྲུབ་ཐབས། རྗེས་གནང་ཡོད། འདི་རིན་ཅེན་སྒྲོན་མེར་ཆོས་དབྱིངས་གསུངས་དབང་དཀར་པོ་དང་བཀླགས་པས་དོན་གྲུབ་ཏུ་ཆོས་ཀྱི་དུང་གི་ཏིང་ངེ་འཛིན་ཞེས་སྣང་ཡང་དོན་གཅིག་གསན་ཡིག་ཚོར་ཆོས་དབྱིངས་གསུང་དབང་གི་སྒྲུབ་ཐབས་ཞེས་སྤམ་མེ་བ་ལས་གསལ་ཁ་མི་འདུག་འོག་གི་ཆོས་ཀྱི་དུང་གི་ཏིང་ངེ་འཛིན་གྱི་འཇམ་དཔལ་རྗེས་གནང་ཡང་འདི་ཀས་གོ་ཆོད་པར་མཛད། ཨ་ར་པ་ཙ་ན་དཀར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་འདི་གཉིས་ལ་རྗེས་གནང་གཅིག་མཛད་འདུག་པ་མངོན་རྟོགས་མི་འདྲ་ཞིང་། བཀླགས་པས་དོན་གྲུབ་ཏུ་གོང་མར་ཨ་ར་པ་ཙ་ན་སྔོན་མ་རྣམས་ཀྱི་རྗེས་གནང་གི་མཐུས་ཤིང་ཕྱི་མ་དང་འོག་ནས་འབྱུང་བའི་ངག་གི་རྒྱལ་པོ་བསྡོམས་པར་རྗེས་གནང་གཅིག་མཛད། ངག་གི་རྒྱལ་པོ་དམར་པོ་ཕྱག་གཉིས་པའི་སྒྲུབ་ཐབས། འཇམ་དཔལ་

དབྱངས་དཔའ་བོ་གཅིག་སྒྲུབ་དཀར་པོ་ཕྱག་གཉིས་པའི་སྒྲུབ་ཐབས། འདི་དང་འོག་ནས་འབྱུང་བའི་གཅིག་སྒྲུབ་གཉིས་ཏེ་གསུམ་བསྡོམས་པར་རྗེས་གནང་གཅིག །ངག་གི་དབང་ཕྱུག་དམར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་འདི་ལ་རྗེས་གནང་ཟུར་དུ་མཛད་ཀྱང་གོང་གི་ངག་གི་རྒྱལ་པོ་དང་གཅིག །འཕགས་པ་འཇམ་དཔལ་རྒྱལ་པོ་ཆེན་པོ་རོལ་པ་སེར་པོ་ཕྱག་གཉིས་པའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་རྒྱལ་པོ་རོལ་པ་འཇམ་དཔལ་གྱི་སྒྲུབ་ཐབས། འཕགས་པ་འཇམ་པའི་རྡོ་རྗེ་དཔའ་བོ་གཅིག་ཏུ་སྒྲུབ་པའི་སྒྲུབ་ཐབས། བུང་བ་མྱོས་དམར་པོ་ཞལ་གསུམ་ཕྱག་དྲུག་པའི་སྒྲུབ་ཐབས་རིན་ཅེན་མྱུ་གུས་མཛད་པ། ལྷག་པར་དབང་དུ་བྱེད་པ་དམར་པོ་ཕྱག་དྲུག་པའི་སྒྲུབ་ཐབས་སློབ་དཔོན་དགེ་བ་བྱེད་པས་མཛད་པ། འཇམ་དཔལ་དམར་པོ་ཞལ་གསུམ་ཕྱག་དྲུག་པའི་སྒྲུབ་ཐབས། འདི་དང་གོང་དུ་སོང་མ་ཐག་པ་གཉིས་བསྡོམས་པའི་གསུམ་ལ་རྗེས་གནང་གཅིག །རིག་པ་འཛིན་པའི་སྡེ་སྣོད་ལས་བྱུང་བ་བསྡུས་པའི་འཇམ་དཔལ་དཀར་པོ་ཕྱག་གཉིས་པའི་སྒྲུབ་ཐབས། འདི་གཉིས་ལ་རྗེས་གནང་གཅིག་མཛད་ཅིང་སྒྲུབ་ཐབས་གསུམ་ཞེས་པ་སྣང་ཡང་རྒྱ་གཞུང་དང་གསན་ཡིག་ཚོར་གཉིས་ལས་མི་འདུག་པས་ཡིག་སྐྱོན་བྱུང་འདྲ། ཡང་རིག་པ་འཛིན་པའི་སྡེ་སྣོད་སོ་སོ་ནས་བསྡུས་པའི་འཇམ་དཔལ་གྱི་སྒྲུབ་ཐབས། ཤེས་རབ་འཕེལ་དཀར་པོ་ཕྱག་གཉིས་པའི་ཆོ་ག །འདི་ལ་རྗེས་གནང་ལོགས་སུ་ཡོད། རིན་ཅེན་སྒྲོན་མེར་གོང་གི་རྗེས་གནང་གིས་མཐུས་པ་མཛད་འདུག །མཚན་ཡང་དག་པར་བརྗོད་པའི་མན་ངག་ཤེས་རབ་འཁོར་ལོའི་དངོས་གྲུབ་མཆོག་ཐོབ་པ་དཀར་པོ་ཕྱག་གཉིས་པའི་སྒྲུབ་ཐབས། རིན་ཅེན་སྒྲོན་མེར་མཚན་བསྟོད་

ཅེས་པའི་མིང་འདོགས་མཛད་འདུག །རྗེས་གནང་ཡོད། ཆོས་ཀྱི་དུང་གི་ཏིང་ངེ་འཛིན་གྱི་འཇམ་དཔལ་གྱི་སྒྲུབ་ཐབས། མཚན་ཡང་དག་པར་བརྗོད་པའི་འཇམ་དཔལ་དམར་པོ་ཞལ་གསུམ་ཕྱག་བཞི་པའི་སྒྲུབ་ཐབས། རྗེས་གནང་ཡོད། འཇམ་པའི་རྡོ་རྗེ་དམར་སེར་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ཡི་གེ་གཅིག་པའི་རབ་ཏུ་སྦྱོར་བ། ཞལ་ཕྱག་ཡིད་བཞིན་ནོར་བུ་བྱིན་གྱིས་མཛད་པ་དང་གཅིག །གཏུམ་མོ་ཆེན་པོ་སྔོན་པོ་ཕྱག་གཉིས་པའི་སྒྲུབ་ཐབས་ཆོ་ག་དང་བཅས་པ་སློབ་དཔོན་འོད་ཟེར་འབྱུང་གནས་གྲགས་པས་མཛད་པ། གསན་ཡིག་ཕལ་ཆེར་འབྱུང་གནས་སྦས་པ་ཞེས་སྣང་ལ་རྒྱ་གཞུང་དང་གོང་དཀར་བའི་གསན་ཡིག་ན་དཀྱུས་ལྟར་བྱུང་། ཡང་གཏུམ་པོ་ཆེན་པོའི་སྒྲུབ་ཐབས་གསུམ། འདི་བཞི་བསྡོམས་པར་རྗེས་གནང་གཅིག་མཛད་ཐར་རྩེ་དང་ཤར་བའི་གསན་ཡིག་ན་གསུམ་ལས་མི་འདུག་པ་ཆད་འདྲ། འཕགས་མ་སེང་ལྡེང་ནགས་ཀྱི་སྒྲོལ་མ་གཙོ་འཁོར་གསུམ་མའི་སྒྲུབ་ཐབས་རྫོགས་པའི་སངས་རྒྱས་ཀྱིས་གསུངས་པ། རྗེས་གནང་ཡོད། སྒྲོལ་མ་ཆེན་མོ་སྔོན་མོ་ཕྱག་གཉིས་མའི་སྒྲུབ་ཐབས། འདི་དང་འོག་གི་དབང་བྱེད་སྒྲོལ་མ་གཉིས་ཐུན་མོང་དུ་རྗེས་གནང་གཅིག །མཆོག་སྦྱིན་སྒྲོལ་མ་ལྗང་གུ་ཕྱག་གཉིས་མ་ལྷ་ལྔའི་སྒྲུབ་ཐབས། རྗེས་གནང་ཡོད། དབང་དུ་བྱེད་པའི་སྒྲོལ་མ་ཕྱག་གཉིས་མའི་སྒྲུབ་ཐབས་སློབ་དཔོན་རྡོ་རྗེ་མྱུ་གུས་མཛད་པ། བཀླགས་པས་དོན་གྲུབ་ཏུ་རྟག་པའི་རྡོ་རྗེ་ཞེས་སྣང་བས་བརྟག །རྡོ་རྗེ་སྒྲོལ་མ་སེར་མོ་ཞལ་བཞི་ཕྱག་བརྒྱད་མ་ལྷ་བཅུ་གཅིག་གི་སྒྲུབ་ཐབས་གཉིས། འདི་གཉིས་དང་འོག་གི་ཆོས་འབྱུང་བློ་གྲོས་དང་རིན་ཅེན་འབྱུང་གནས་བཞི་བས་མཛད་པ་བསྡོམས་པའི་བཞི་ལ་རྗེས་གནང་གཅིག །སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་རྡོ་རྗེ་སྒྲོལ་མ་དཀར་པོ་ཕྱག་གཉིས་མ་གཙོ་རྐྱང་

གི་སྒྲུབ་ཐབས། རྗེས་གནང་ཡོད། པཎྜི་ཏ་ཆེན་པོ་ཆོས་འབྱུང་བློ་གྲོས་ཀྱིས་མཛད་པའི་རྡོ་རྗེ་སྒྲོལ་མའི་སྒྲུབ་ཐབས། ཡང་དེའི་སྒྲུབ་ཐབས་པཎྜི་ཏ་ཆེན་པོ་རིན་ཅེན་འབྱུང་གནས་བཞི་བའི་ཞབས་ཀྱིས་མཛད་པ། རྡོ་རྗེ་སྒྲོལ་མ་ལྗང་གུ་ཕྱག་གཉིས་མ་གཙོ་འཁོར་ལྔ་པའི་སྒྲུབ་ཐབས་པཎྜི་ཏ་ཆེན་པོ་དཔེ་མེད་བསྲུང་གིས་མཛད་པ། ལུང་ལས་རྗེས་གནང་ཟུར་པ་མེད། རིན་ཅེན་སྒྲོན་མེར་ཡང་མི་སྣང་། འཕགས་མ་འཇིགས་པ་ཆེན་པོ་བརྒྱད་ལས་སྐྱོབ་པ་ལྗང་གུ་ཕྱག་གཉིས་མ་གཙོ་འཁོར་དགུ་མའི་སྒྲུབ་ཐབས། རྗེས་གནང་ཡོད། རྒྱ་ནག་རིམ་པའི་འཕགས་མ་སྒྲོལ་མ་ནག་པོ་ཕྱག་བཞིའི་སྒྲུབ་ཐབས། འདི་གཉིས་བསྡོམས་པར་རྗེས་གནང་གཅིག །ཡང་རྒྱ་ནག་ཆེན་མོའི་རིམ་པའི་འཕགས་མ་སྒྲོལ་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། འཆི་བ་བླུ་བའི་སྒྲོལ་མ་དཀར་མོ་ཕྱག་གཉིས་མའི་སྒྲུབ་ཐབས། འདི་གཉིས་དང་འོག་གི་འཆི་བ་བླུ་བའི་སྒྲོལ་མ་བསྡོམས་པའི་གསུམ་ལ་རྗེས་གནང་གཅིག །ཡང་འཆི་བ་བསླུ་བའམ་འཇོམས་པའི་སྒྲོལ་མ་དཀར་མོའི་སྒྲུབ་ཐབས་སློབ་དཔོན་ངག་གི་གྲགས་པའི་སློབ་མ་ཐུ་བོས་མཛད་པ། སྒྲོལ་མ་དཀར་མོ་ཕྱག་བཞི་མ་གཙོ་འཁོར་གསུམ་པའི་སྒྲུབ་ཐབས་སློབ་དཔོན་ཡིད་བཞིན་ནོར་བུའི་རྒྱལ་པོས་མཛད་པ། རྗེས་གནང་ཡོད། སྒྲོལ་མ་དཀར་མོ་ཕྱག་དྲུག་པ་གཙོ་རྐྱང་གི་སྒྲུབ་ཐབས། རྗེས་གནང་ཡོད། འཕགས་མ་སྒྲོལ་མ་དུག་སེལ་དཀར་མོ་ཕྱག་བཞི་མའི་སྒྲུབ་ཐབས། རྗེས་གནང་ཡོད། སྒྲོལ་མ་ནོར་སྦྱིན་ལྗང་སྔོན་ཕྱག་བཞི་མ་ལྷ་བཅུ་གསུམ་གྱི་སྒྲུབ་ཐབས། རྗེས་གནང་ཡོད། འོད་དཔག་མེད་ཀྱི་སྙིང་པོའི་རྒྱུད་ལས་བཅོམ་ལྡན་འདས་འཕགས་མ་སྒྲོལ་མའི་རྟོག་པ། ལུང་

ལས་རྗེས་གནང་མེད། ངན་སོང་ལས་སྒྲོལ་བའི་སྒྲོལ་མ་སྔོ་ལྗང་ཞལ་གཅིག་ཕྱག་བཞི་མའི་སྒྲུབ་ཐབས། རྗེས་གནང་ཡོད། འཆི་བ་བསླུ་བའི་མན་ངག་གི་སྒྲོལ་མའི་སྒྲུབ་ཐབས། སྣ་ཚོགས་ཡུམ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། དོན་ཐམས་ཅད་རབ་ཏུ་སྦྱིན་པའི་སྒྲོལ་མ་གསེར་མདོག་ཞལ་བརྒྱད་ཕྱག་བཅུ་དྲུག་པའི་སྒྲུབ་ཐབས། རྗེས་གནང་ཡོད། སྒྲོལ་མ་དམར་མོ་ཕྱག་བཞི་མར་སྟོན་པ་རྗེ་བཙུན་འཕགས་མ་སྒྲོལ་མའི་ཆོ་གའམ་གཟུངས། འཕགས་མ་དུག་སེལ་མ་སེར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། འདི་ཡང་འོག་མའི་ཁོངས་སུ་འདུ་བ་ལས་རྗེས་གནང་ཟུར་དུ་མ་མཛད། དེའི་གཟུངས། འདི་ནས་དུག་སེལ་མའི་རྟོག་པའི་བར་གྱི་བཞི་ལ་རྗེས་གནང་གཅིག་མཛད། རིན་ཅེན་སྒྲོན་མེར་རྟོག་པའི་ལྷ་སྐུ་མདོག་ལྗང་གུ་དང་ཕྱག་མཚན་མི་གཅིག་པས་རྗེས་གནང་ཟུར་དུ་མཛད་འདུག་པ་འཐད་ཅིང་རིག་སྔགས་ཆེན་མོ་ལ་ལུང་ལས་རྗེས་གནང་མེད་ཅེས་གསུང་ངོ་། །ཡང་དུག་སེལ་བའི་སྒྲུབ་ཐབས། དུག་སེལ་མའི་རིག་སྔགས་ཆེན་མོ། འཕགས་མ་དུག་སེལ་མའི་རྟོག་པ། འཕགས་པ་ཛམ་གུ་ལའི་སྒྲུབ་ཐབས་ཞེས་པའི་དུག་སེལ་མ་དཀར་མོ་ཕྱག་བཞི་མའི་སྒྲུབ་ཐབས། ལུང་ལས་རྗེས་གནང་མེད། རིན་ཅེན་སྒྲོན་མེར་ནི་རྗེས་གནང་ཟུར་དུ་མཛད་འདུག་གོ །འོད་ཟེར་འབར་ཞིང་མཆེ་བ་གཙིགས་པའི་རལ་གཅིག་མ་ནག་མོ་ཞལ་བཅུ་གཉིས་ཕྱག་ཉེར་བཞི་མའི་སྒྲུབ་ཐབས། རྗེས་གནང་ཡོད། རལ་གཅིག་མ་ཕྱག་བཞི་མའི་སྒྲུབ་ཐབས་གྲུབ་པ། འདི་གསུམ་ལ་རྒྱ་ནག་ཆེན་མོའི་སྒྲོལ་མའི་རྗེས་གནང་གིས་ཐུས་པར་མཛད། རིན་ཅེན་སྒྲོན་མེར་གསུམ་པོ་དྲིལ་བར་རྗེས་གནང་གཅིག་འདུག །འཕགས་མ་རལ་གཅིག་མའི་སྒྲུབ་ཐབས་ལེ་ཚན་གཉིས། འཕགས་པ་ཀླུ་སྒྲུབ་ཞབས་ཀྱིས་བོད་ནས་སྤྱན་དྲངས་པའི་

རལ་གཅིག་མ་ནག་མོ་ཕྱག་གཉིས་མའི་སྒྲུབ་ཐབས། འདི་ལ་ནང་གསེས་ཀྱི་ཕྱག་བཞི་མ་དང་ཕྱག་བརྒྱད་མའང་བྱུང་བས་སོ་སོར་རྗེས་གནང་ཡོད། རིན་ཅེན་སྒྲོན་མེར་ཕྱག་བརྒྱད་མ་ལས་གཞན་གསལ་ཁ་མེད། རྡོ་རྗེ་གུར་ནས་གསུངས་པའི་ཙུནྡྷ་དཀར་མོ་ཕྱག་བཞི་མའི་སྒྲུབ་ཐབས་གསུམ། གསུམ་ག་བསྡོམས་པར་རྗེས་གནང་གཅིག །རྟོག་པ་ལས་གསུངས་པའི་འོད་ཟེར་ཅན་དཀར་མོ་ཞལ་ལྔ་ཕྱག་བཅུ་མ་གཙོ་འཁོར་ལྔའི་སྒྲུབ་ཐབས། འདི་དང་འོག་གི་དཀར་མོ་ཕྱག་བཅུ་མ་བསྡོམས་པར་རྗེས་གནང་གཅིག །མྱ་ངན་མེད་པའི་ཤིང་གི་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས། འདི་དང་འོག་གི་མྱ་ངན་མེད་པའི་སེར་མོ་ཕྱག་གཉིས་བཅས་པར་རྗེས་གནང་གཅིག །རྟོག་པ་ལས་གསུངས་པའི་འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔའི་སྒྲུབ་ཐབས། འདི་དང་འོག་གི་ཕྱག་བརྒྱད་མ་ལྷ་ལྔ་མ་གཉིས་བསྡོམས་པའི་གསུམ་ལ་རྗེས་གནང་གཅིག །རིན་ཅེན་སྒྲོན་མེར་ལྷ་ལྔ་མ་ལེ་ཚན་བཞི་བྱུང་ཡང་རྒྱ་གཞུང་ན་མི་གསལ་བས་ནོར་རམ་དཔྱད། རྟོག་པ་ལས་གསུངས་པའི་འོད་ཟེར་ཅན་དཀར་མོ་ཞལ་ལྔ་ཕྱག་བཅུ་མའི་སྒྲུབ་ཐབས། རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མ་གཙོ་འཁོར་གཉིས་ཀྱི་སྒྲུབ་ཐབས། འདི་དང་འོག་གི་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་བསྡོམས་པར་རྗེས་གནང་གཅིག །འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔའི་སྒྲུབ་ཐབས། ཨཽ་ཌི་ཡ་ནའི་འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས། འདི་གཉིས་དང་རང་བྱིན་གྱིས་བརླབ་པའི་འོད་ཟེར་ཅན་ཐེ་བའི་གསུམ་ལ་རྗེས་གནང་གཅིག་མཛད་པ། རིན་ཅེན་སྒྲོན་མེར་གསུམ་ཀ་གོང་གི་རྡོ་རྗེ་དབྱིངས་ཀྱི་དབང་ཕྱུག་མའི་འོད་ཟེར་ཅན་གྱི་སྡེབས་སུ་བགྲངས་འདུག །ཡང་དེའི་སྒྲུབ་ཐབས་སློབ་དཔོན་

ལྷན་ཅིག་སྐྱེས་པའི་རོལ་པས་མཛད། ཡང་ཨཽ་ཌི་ཡ་ནའི་རང་བྱིན་གྱིས་བརླབ་པའི་རིམ་པའི་འོད་ཟེར་ཅན་གྱི་སྒྲུབ་ཐབས། མྱ་ངན་མེད་པའི་འོད་ཟེར་ཅན་སེར་མོ་ཕྱག་གཉིས་མའི་སྒྲུབ་ཐབས། རྟོག་པ་ལས་གསུངས་པའི་འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་ལྷ་ལྔ་མའི་སྒྲུབ་ཐབས་སློབ་དཔོན་སྙིང་པོའི་ཞབས་ཀྱིས་མཛད་པ། འོད་ཟེར་ཅན་དམར་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས། གོང་གི་རྡོ་རྗེ་དབྱིངས་ཀྱི་དབང་ཕྱུག་མའི་འོད་ཟེར་གྱི་རྗེས་གནང་གི་ཐུས། འོད་ཟེར་ཅན་པི་ཙུ་བ་ཞལ་གསུམ་ཕྱག་བརྒྱད་མའི་སྒྲུབ་ཐབས། ཐར་རྩེ་དང་ཤར་པའི་གསན་ཡིག་པི་ཙུ་མ་ཞེས་བྱུང་ཡང་གཞན་རྣམས་མཐུན་པར་དཀྱུས་བཞིན་བྱུང་། རྗེས་གནང་ཡོད། ཁྲོ་མོ་ཆེན་མོ་འོད་ཟེར་ཅན་སེར་མོ་ཞལ་གསུམ་ཕྱག་བཅུ་གཉིས་པ་གཙོ་འཁོར་གཉིས་མའི་སྒྲུབ་ཐབས། རྒྱ་གཞུང་ན་སྐུ་མདོག་འདི་ལྟར་འདུག་ཀྱང་བཀླགས་པས་དོན་གྲུབ་དང་རིན་ཅེན་སྒྲོན་མེར་དམར་མོ་ཞེས་བྱུང་བ་བརྟག །རྗེས་གནང་ཡོད། འོད་ཟེར་ཅན་གྱི་སྒྲུབ་ཐབས་མདོར་བསྡུས་པ། འདི་གཉིས་ལ་རྗེས་གནང་ཟུར་བ་མི་དགོས། དེའི་གཟུངས་བཀླགས་པའི་མན་ངག །རི་ཁྲོད་ལོ་མ་གྱོན་མ་སེར་མོ་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ལོ་གྱོན་མ་ལྗང་གུ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། འཕགས་མ་རི་ཁྲོད་ལོ་མ་གྱོན་མ་ཅན་གྱི་གཟུངས། འདི་ལ་ལུང་ལས་རྗེས་གནང་མེད། ཤེས་རབ་ཀྱི་ཕ་རོལ་དུ་ཕྱིན་པ་དཀར་མོ་ཕྱག་གཉིས་མའི་སྒྲུབ་ཐབས། འདི་དང་གཤམ་གྱི་ཤེར་ཕྱིན་དཀར་མོ་གཉིས་ཏེ་གསུམ་བསྡོམས་པར་རྗེས་གནང་གཅིག །ཤེས་རབ་ཀྱི་ཕ་རོལ་དུ་ཕྱིན་པ་སེར་མོ་ཕྱག་གཉིས་མའི་སྒྲུབ་ཐབས། རྒྱ་གཞུང་དང་གསན་ཡིག་རྣམས་མཐུན་

པར་གསུམ་བྱུང་བས་བཀླགས་པས་དོན་གྲུབ་ཏུ་གཉིས་ཟེར་བ་ཡིག་ནོར་བྱུང་འདྲ། གང་ལྟར་གསུམ་པོ་བསྡོམས་པར་རྗེས་གནང་གཅིག་གིས་ཆོག །རིན་ཅེན་སྒྲོན་མེར་ཕྱག་མཚན་སོགས་ཅུང་ཟད་མི་འདྲ་བ་ཕྱེ་བའི་དྲུག་བྱུང་། དེའི་སྒྲུབ་ཐབས་མདོར་བསྡུས་པ། ཤེས་རབ་ཀྱི་ཕ་རོལ་དུ་ཕྱིན་པ་དཀར་མོ་ཞལ་གཅིག་ཕྱག་གཉིས་མའི་སྒྲུབ་ཐབས་སློབ་དཔོན་དགེ་འདུན་བྱིན་གྱི་བུས་མཛད་པ། ཡང་དེའི་སྒྲུབ་ཐབས་པཎྜི་ཏ་དཔལ་ལྡན་པདྨ་འཕེལ་གྱི་ཞབས་ཀྱིས་མཛད་པ། ཡང་གསེར་མདོག་ཅན་གྱི་ཤེས་རབ་ཀྱི་ཕ་རོལ་དུ་ཕྱིན་པ་ཕྱག་བཞི་མའི་སྒྲུབ་ཐབས། འདི་དང་འོག་གིས་གསེར་མདོག་ཅན་གཉིས་ཏེ་གསུམ་བསྡོམས་པར་རྗེས་གནང་གཅིག་རིན་ཅེན་སྒྲོན་མེར་གཉིས་ལས་མི་འདུག་པ་གཅིག་གོང་གི་ཤེར་ཕྱིན་སེར་མོའི་ཟླར་དྲངས་འདྲ། ཤེས་རབ་ཀྱི་ཕ་རོལ་དུ་ཕྱིན་པ་སེར་མོ་ཕྱག་གཉིས་མའི་སྒྲུབ་ཐབས། འདི་གོང་གི་ཤེར་ཕྱིན་སེར་མའི་རྗེས་གནང་གིས་ཐུས། གསེར་མདོག་ཅན་གྱི་ཤེས་རབ་ཀྱི་ཕ་རོལ་དུ་ཕྱིན་པ་ཕྱག་བཞི་མའི་སྒྲུབ་ཐབས། ཡང་དེའི་སྒྲུབ་ཐབས་སློབ་དཔོན་འཕགས་པ་ཐོགས་མེད་ཀྱིས་མཛད་པ། དགྲ་ནག་ནས་གསུངས་པའི་འཕགས་མ་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། འདི་དང་འོག་ནས་འབྱུང་བའི་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མ་དང་གཤིན་རྗེ་ནག་པོའི་རྒྱུད་ལས་བྱུང་བ་སྟེ་གསུམ་བསྡོམས་པར་རྗེས་གནང་གཅིག །དབྱངས་ཅན་མ་ཆེན་མོ་དཀར་མོ་ཕྱག་གཉིས་མའི་གཙོ་འཁོར་ལྔ་པའི་སྒྲུབ་ཐབས། རྗེས་གནང་ཡོད། རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། རྡོ་རྗེ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས་དགེ་སློང་ཡིད་

ཀྱི་ཤིང་རྟ་སྐྱོང་བས་མཛད་པ། འདི་དང་པི་ཝཾ་མའི་འོག་གི་ཕྱག་གཉིས་མ་བསྡོམས་པར་རྗེས་གནང་གཅིག །རྡོ་རྗེ་པི་ཝཾ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། རྡོ་རྗེ་དབྱངས་ཅན་མ་དཀར་མོ་ཕྱག་གཉིས་མའི་སྒྲུབ་ཐབས། གཤིན་རྗེ་ནག་པོའི་རྒྱུད་ལས་བྱུང་བའི་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། དབྱངས་ཅན་མ་དཀར་མོ་ཕྱག་གཉིས་མ་རྡོ་རྗེ་བཞིའི་རིམ་པའི་སྒྲུབ་ཐབས། རྗེས་གནང་ཡོད། ཁྲོ་གཉེར་ཅན་སེར་མོ་ཕྱག་བཞི་མའི་སྒྲུབ་ཐབས་གཉིས། གཉིས་ཀ་ཐུན་མོང་དུ་རྗེས་གནང་གཅིག་མཛད། སྒྲོལ་མའི་རྟོག་པ་ལས་བྱུང་བའི་ཀུ་རུ་ཀུལླེ་དམར་མོ་ཕྱག་བཞི་མའི་སྒྲུབ་ཐབས། འདི་དང་གཤམ་གྱི་བཞི་བཅས་པའི་ལྔ་ལ་རྗེས་གནང་གཅིག་མཛད། རིན་ཅེན་སྒྲོན་མེར་འོག་ནས་འབྱུང་བའི་རྟོག་པ་ལས་གསུངས་པའི་ཀུ་རུ་ཀུལླེ་ཡང་བསྣན་པའི་དྲུག་ལ་རྗེས་གནང་གཅིག་མཛད་འདུག །ཡང་སྒྲོལ་མའི་རྟོག་པ་ལས་བྱུང་བའི་ལྷུག་པའི་རིག་བྱེད་མའི་སྒྲུབ་ཐབས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། ཡང་ཀུ་རུ་ཀུལླེའི་དབང་དུ་བྱེད་པའི་མན་ངག་ཡང་རིག་བྱེད་མའི་སྒྲུབ་ཐབས། ཡང་དཔལ་ལྡན་འཕགས་མ་རིག་བྱེད་མའི་སྒྲུབ་ཐབས། ཨཽ་ཌི་ཡཱ་ན་ནས་བྱུང་བ་རིག་བྱེད་མ་ཕྱག་བཞི་མའི་སྒྲུབ་ཐབས། འདི་ནས་སྙན་ངག་མཁན་ཆེན་པོ་བརྩེ་བ་ཅན་གྱིས་མཛད་པའི་བར་གྱི་བཞི་བསྡོམས་པར་རྗེས་གནང་གཅིག །ཡང་ཀྱེ་རྡོ་རྗེའི་རྒྱུད་ལས་རང་བྱིན་གྱིས་བརླབ་པའི་རིམ་པའི་རིག་བྱེད་མའི་སྒྲུབ་ཐབས་ལྷན་ཅིག་སྐྱེས་པའི་རོལ་པས་མཛད། ཡང་ཀྱེ་རྡོ་རྗེའི་རིམ་པ་ལས་ཀུ་རུ་ཀུལླེ་རིག་བྱེད་མའི་སྒྲུབ་ཐབས། ཡང་ཀུ་རུ་ཀུལླེའི་སྒྲུབ་ཐབས་ཀྱེ་རྡོ་རྗེའི་རྒྱུད་ལས་བྱུང་བ་སྙན་ངག་མཁན་ཆེན་པོ་བརྩེ་བ་ཅན་ཞེས་པས་ཚིགས་སུ་བཅད་དེ་བསྡེབས་པ་

རྗེ་བཙུན་ཀུ་རུ་ཀུལླེ་ཕྱག་དྲུག་མའི་སྒྲུབ་ཐབས། འདི་གཉིས་ལ་རྗེས་གནང་གཅིག །རིག་བྱེད་མ་ཕྱག་དྲུག་མའི་སྒྲུབ་ཐབས། ཀུ་རུ་ཀུལླེ་ཕྱག་བརྒྱད་མ་ལྷ་བཅུ་གསུམ་མའི་སྒྲུབ་ཐབས་ཨིནྡྲ་བྷཱུ་ཏིའི་ཞབས་ཀྱིས་མཛད་པ། རྗེས་གནང་ཡོད། སྔགས་པ་དང་བུད་མེད་དབང་དུ་བྱེད་པ་ཀུ་རུ་ཀུལླིའི་སྒྲུབ་ཐབས། འདི་གཉིས་ལ་ལུང་ལ་རྗེས་གནང་ཟུར་པ་མེད། རིག་བྱེད་མའི་མན་ངག་གི་རིམ་པ། ཀུ་རུ་ཀུལླེ་དཀར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། དཔལ་ལྡན་སྒྱུ་འཕྲུལ་དྲ་བ་རྣལ་འབྱོར་གྱི་རྒྱུད་ཆེན་པོ་སྟོང་ཕྲག་བཅུ་དྲུག་པ་ལས་བྱུང་བའི་ཀུ་རུ་ཀུལླེ་དཀར་མོ་ཕྱག་དྲུག་མའི་སྒྲུབ་ཐབས་སློབ་དཔོན་ནག་པོའི་ཞབས་ཀྱིས་མཛད་པ། རྗེས་གནང་ཡོད། ཀུ་རུ་ཀུལླེ་དམར་མོ་འདིར་རྗེས་གནང་མཛད། རིན་ཅེན་སྒྲོན་མེར་མི་གསལ། ཕྱག་བཞི་མ་རིའི་ཕུག་ན་བཞུགས་པའི་སྒྲུབ་ཐབས། མཁྱེན་བརྩེ། ཐར་རྩེ། ཤར་པ་རྣམས་ཀྱི་གསན་ཡིག་ན་འདི་གཉིས་མི་འདུག་པ་ཆད་འདྲ། རྟོག་པ་ལས་གསུངས་པའི་ཀུ་རུ་ཀུལླེ་ཕྱག་བཞི་མའི་སྒྲུབ་ཐབས། འདི་གཉིས་ལ་རྗེས་གནང་ཟུར་དུ་མེད། ཀུ་རུ་ཀུལླེའི་ལས་རབ་ཏུ་རྐྱང་པའི་སྦྱོར་བ། གཙུག་ཏོར་རྣམ་པར་རྒྱལ་མ་གཙོ་རྐྱང་གི་སྒྲུབ་ཐབས། རྗེས་གནང་ཡོད། འཕགས་པ་གཞན་གྱིས་མི་ཐུབ་པ་གདུགས་དཀར་མོ་ཅན་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། རྡོ་རྗེ་ཙརྩི་ཀ་དམར་མོ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། སྒྱུ་འཕྲུལ་དྲ་བ་ལས་གསུངས་པའི་སོ་སོ་འབྲང་མ་ཆེན་མོ་སེར་མོ་ཞལ་བཞི་ཕྱག་བརྒྱད་མའི་སྒྲུབ་ཐབས་ལེ་ཚན་གསུམ། འདི་གསུམ་ཐུན་མོང་དུ་རྗེས་གནང་གཅིག་རྨ་བྱ་ཆེན་མོའི་སྒྲུབ་ཐབས། རྗེས་གནང་ཡོད། མཁྱེན་བརྩེ། ཐར་རྩེ། ཤར་པ་གསུམ་གྱི་གསན་ཡིག་གྲ་ལྔའི་གོ་རིམ་དཀྱུས་དང་མི་མཐུན་ཙམ་འདུག །འཕགས་མ་

སྟོང་ཆེན་རབ་ཏུ་འཇོམས་པའི་སྒྲུབ་ཐབས། རྗེས་གནང་ཡོད། འཕགས་མ་གསང་སྔགས་ཆེན་མོ་རྗེས་སུ་འཛིན་པའི་སྒྲུབ་ཐབས། རྗེས་གནང་ཡོད། འཕགས་མ་བསིལ་བའི་ཚལ་ཞེས་བྱ་བའི་སྒྲུབ་ཐབས། རྗེས་གནང་ཡོད། ལྷ་མོ་ལྔའི་སྒྲུབ་ཐབས་མདོར་བསྟན་པ། རྗེས་གནང་ཟུར་དུ་དགོས་ཀྱང་རྒྱུན་ཆད། རིན་ཅེན་སྒྲོན་མེར་འདི་དངསེར་མོ་ཞལ་གསུམ་ཕྱག་དྲུག་མ་ལྷ་ལྔ་སོ་སོར་རྗེས་གནང་ཡོད་ཚུལ་འདུག་ཀྱང་རྒྱ་གཞུང་གསན་ཡིག་བཀླགས་པས་དོན་གྲུབ་རྣམས་མཐུན་པར་མ་བྱུང་བས་བརྟག །ཕྱིར་བཟློག་པ་ཆེན་མོ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། རྒྱལ་མཚན་རྩེ་མོའི་དཔུང་རྒྱན་ནག་མོ་ཞལ་གསུམ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། གཞན་གྱིས་མི་ཐུབ་པ་སེར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། རྡོ་རྗེ་གནྡྷ་རི་ནག་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས་ལེ་ཚན་གཉིས། གཉིས་ཀ་ཐུན་མོང་དུ་རྗེས་གནང་གཅིག །བསྲུང་བ་ལྔའི་ཆོ་ག །རྗེས་གནང་ཡོད། རྡོ་རྗེ་ལྕགས་སྒྲོག་མ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། རྡོ་རྗེ་ལྕགས་སྒྲོག་ཞལ་གསུམ་ཕྱག་བརྒྱད་མའི་སྒྲུབ་ཐབས། འདི་གཉིས་ལ་རྗེས་གནང་གཅིག །ཡང་དེའི་སྒྲུབ་ཐབས་ཀྱི་ཆོ་ག་རྒྱལ་མཚན་རྩེ་མོའི་དཔུང་རྒྱན། རྗེས་གནང་ཡོད། སེར་མོ་ཞལ་བཞི་ཕྱག་བཞི་མའི་སྒྲུབ་ཐབས་པཎྜི་ཏ་ཆོས་ཀྱི་འབྱུང་གནས་བློ་གྲོས་ཀྱིས་མཛད་པ། གསན་ཡིག་ཕལ་ཆེར་དང་བཀླགས་པས་དོན་གྲུབ་ན་སྒྲུབ་ཐབས་གཅིག་ལས་མི་གསལ་ཡང་རྒྱ་གཞུང་དང་གོང་དཀར་གསན་ཡིག་རིན་ཅེན་སྒྲོན་མེ་རྣམས་ན་གཉིས་ཀ་སྣང་ཞིང་རྗེས་གནང་གཅིག་གིས་ཐུས་པ་མཛད། འཕགས་མ་གཙུག་ཏོར་རྣམ་པར་རྒྱལ་མ་ལྷ་དགུའི་སྒྲུབ་ཐབས་ཚིགས་བཅད་ལྷུག་གཉིས། ནོར་རྒྱུན་མ་སེར་མོ་ཕྱག་གཉིས་མ་ལྷ་ལྔའི་སྒྲུབ་ཐབས། རྗེས་གནང་ཡོད། གུར་ནས་གསུངས་

པའི་ནོར་རྒྱུན་མ་གཙོ་རྐྱང་གི་སྒྲུབ་ཐབས་གཉིས། གཉིས་ཀ་ལ་རྗེས་གནང་གཅིག །དེའི་གཟུངས་ཀྱི་མན་ངག །ལུང་ལས་རྗེས་གནང་མེད། རྡོ་རྗེ་ཕག་མོ་ལྷ་ལྔའི་སྒྲུབ་ཐབས་པཎྜི་ཏ་ཆེན་པོ་ཨ་ཝ་དྷཱུ་ཏི་བ་དཔལ་ལྡན་གཉིས་མེད་རྡོ་རྗེའི་ཞབས་ཀྱིས་མཛད་པ། རྗེས་གནང་ཡོད། བླ་མེད་དུ་གཏོགས་བཀླགས་པས་དོན་གྲུབ་ཏུ་མཻ་ཏྲི་པས་མཛད་ཅེས་སྣང་། ཕག་དཀར་ཤེས་རབ་སྣང་བའི་སྒྲུབ་ཐབས་སློབ་དཔོན་ཀོངྐ་སྦྱིན་གྱིས་མཛད་པ། བླ་མེད་དུ་གཏོགས་རྗེས་གནང་ཡོད། རྡོ་རྗེ་ཕག་མོ་དབང་དུ་བྱ་བའི་ཆོ་ག །ལུང་ལས་རྗེས་གནང་མེད་ལ་བླ་མེད་དུ་གཏོགས། དཔལ་རྡོ་རྗེ་ཕག་མོའི་རྟོག་པ་དོན་ཐམས་ཅད་འགྲུབ་པ་དང་། བླ་མེད་དུ་གཏོགས་གཉིས་ཀ་ཐུན་མོང་དུ་རྗེས་གནང་གཅིག་མཛད་ཅིང་། རྗེ་མཁྱེན་བརྩེའི་གསན་ཡིག་དང་བཀླགས་པས་དོན་གྲུབ་ཏུ་ལྷ་མོ་སྒྱུ་མ་ཆེན་མོའི་དུར་ཁྲོད་ཅེས་པ་ཡན་རྟོག་པ་དང་དེ་མན་སྒྲུབ་ཐབས་སུ་དབྱེ་བ་ཡིན་འདུག །གོང་དཀར་བ་སོགས་གསན་ཡིག་ཕལ་ཆེར་དུ་སོ་སོར་མ་དབྱེ་བར་གཅིག་ཏུ་བྲིས་འདུག་གོ །དེའི་ཕག་དམར་ཕྱག་བཞི་མ་ལྷ་ལྔའི་སྒྲུབ་ཐབས། རྣམ་སྣང་སྒྱུ་དྲ་ནས་གསུངས་པའི་རྗེ་བཙུན་བྱམས་པ་ཞལ་གསུམ་ཕྱག་དྲུག་པའི་སྒྲུབ་ཐབས་གཉིས། གཉིས་ཀ་ཐུན་མོང་དུ་རྗེས་གནང་གཅིག །ཛམྦྷ་ལ་ནག་པོ་ཞལ་གཅིག་ཕྱག་གཉིས་པ་ཨུ་ཙུཥྨའི་སྒྲུབ་ཐབས་པཎྜི་ཏ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། རྗེས་གནང་ཡོད། ཛམ་སེར་གནོད་སྦྱིན་ཕོ་དགུ་མོ་དགུ་ཡབ་ཡུམ་གཅིག་ཏུ་བསྡོམས་པ་ལྷ་དགུའི་སྒྲུབ་ཐབས། རྗེས་གནང་ཡོད། ནོར་རྒྱུན་མ་གཙོ་འཁོར་ལ་ཡབ་རྣམས་ལུས་དཀྱིལ་གྱི་ཚུལ་དུ་བཀོད་པའི་ཛམ་སེར་ལྷ་མང་གི་སྒྲུབ་ཐབས། འདི་དང་འོག་ནས་འབྱུང་བའི་གཅིག་སྟེ་གཉིས་བསྡོམས་པར་རྗེས་གནང་གཅིག །ཛམ་སེར་ཞལ་གསུམ་ཕྱག་དྲུག་པའི་སྒྲུབ་

ཐབས། རྗེས་གནང་ཡོད། ཛམ་སེར་ཞལ་གཅིག་ཕྱག་གཉིས་པའི་སྒྲུབ་ཐབས་སློབ་དཔོན་ཆེན་པོ་ཙནྡྲ་གོ་མིས་མཛད་པ། འདི་གཉིས་རྗེས་གནང་གཅིག །ཡང་ཛམྦྷའི་སྒྲུབ་ཐབས་མདོར་བསྡུས་པ། ནོར་རྒྱུན་མ་གཙོ་འཁོར་ལ་ཡབ་རྣམས་ལུས་དཀྱིལ་གྱི་ཚུལ་དུ་བཀོད་པའི་ཛམ་སེར་ལྷ་མང་གི་སྒྲུབ་ཐབས། ཛམྦྷ་ལ་ལ་ཆུ་རྒྱུན་འབུལ་བའི་མན་ངག་ནང་གསེས་སུ་ལེ་ཚན་གསུམ་ཡོད་པ། ལུང་ལས་རྗེས་གནང་མེད། རྟ་མགྲིན་དམར་པོ་ཞལ་གསུམ་ཕྱག་བརྒྱད་པའི་སྒྲུབ་ཐབས་ཙནྡྲ་གོ་མིས་མཛད་པ། རྗེས་གནང་ཡོད། རྟོག་པ་བདུན་པ་ལས་གསུངས་པའི་རྟ་མགྲིན་ཕྱག་གཉིས་པའི་སྒྲུབ་ཐབས། རྗེས་གནང་ཡོད། རྒྱུད་ཀྱི་སྙིང་པོ་ཕྱི་མའི་རྟ་མགྲིན་ཞལ་གསུམ་ཕྱག་བརྒྱད་ལྷ་ལྔ་པའི་སྒྲུབ་ཐབས་པཎྜི་ཏ་ཤྲཱིདྡྷ་ཀ་རས་མཛད་པ། རྗེས་གནང་ཡོད། འཇིག་རྟེན་གསུམ་རྒྱལ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། རྡོ་རྗེ་མེ་དང་ཉི་མ་འབར་བ་མཐིང་ཁ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། རྡོ་རྗེ་རྟ་མཆོག་དམར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས། རྗེས་གནང་ཡོད། འཕགས་པ་གཤིན་རྗེ་གཤེད་དམར་པོ་ཞལ་གཅིག་ཕྱག་གཉིས་པའི་སྒྲུབ་ཐབས། བླ་མེད་ཡིན་རྗེས་གནང་ཡོད། གཤིན་རྗེ་གཤེད་ནག་པོ་ཕྱག་གཉིས་པའི་སྒྲུབ་ཐབས་གཉིས། བླ་མེད་ཡིན་ལ་གཉིས་ཀ་བསྡོམས་པར་རྗེས་གནང་གཅིག །གཤིན་རྗེ་གཤེད་དགྲ་ནག་པོའི་སྒྲུབ་ཐབས། འདི་གཉིས་ལ་རྗེས་གནང་གཅིག་མཛད་བླ་མེད་ཡིན། གཤིན་རྗེ་མཐར་བྱེད་ཞལ་གསུམ་ཕྱག་དྲུག་པའི་སྒྲུབ་ཐབས། གཤིན་རྗེ་མཐར་བྱེད་གདོང་དྲུག་པའི་སྒྲུབ་ཐབས། བླ་མེད་ཡིན་རྗེས་གནང་ཡོད། ངོར་ཆེན་དང་གོང་དཀར་བའི་གསན་ཡིག་ན་གདོང་དྲུག་ཅེས་པའི་གསལ་ཁ་མི་འདུག་ཀྱང་རྗེས་གནང་གི་ཡིག་ཆ་གཉིས་དང་རྗེ་མཁྱེན་བརྩེའི་གསན་

ཡིག་ན་གསལ་ལོ། །བགེགས་མཐར་བྱེད་ནག་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ཧཱུྃ་མཛད་ནག་པོ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། སྟོབས་པོ་ཆེ་དམར་པོ་ཕྱག་བཞི་པའི་སྒྲུབ་ཐབས། རྗེས་གནང་ཡོད། ཧེ་རུ་ཀ་སྔོན་པོ་ཕྱག་གཉིས་པ་དཔའ་གཅིག་གི་སྒྲུབ་ཐབས། བླ་མེད་ཡིན་རྗེས་གནང་ཡོད། དགྱེས་རྡོར་སྔོན་པོ་ཕྱག་གཉིས་པ་ཡུམ་བཅས་ཀྱི་སྒྲུབ་ཐབས་ཏཱ་ར་ཤྲཱིས་མཛད་པ། བླ་མེད་ཡིན་རྗེས་གནང་ཡོད། བདག་མེད་མ་རྐྱང་པའི་སྒྲུབ་ངོར་གོང་དཀར་མཁྱེན་བརྩེ་ཐར་རྩེ་ཤར་པ་ལྔའི་གསན་ཡིག་དང་བཀླགས་པས་དོན་གྲུབ་ན་འདི་མིན་པའི་ཤཱཀྱ་བཤེས་གཉེན་གྱིས་མཛད་པའི་སྟོབས་པོ་ཆེའི་སྒྲུབ་ཐབས་ཤིག་ཡོད་ཚུལ་བྱུང་ཡང་རྒྱ་གཞུང་དང་རིན་ཅེན་སྒྲོན་མེ་གཉིས་ན་མི་སྣང་། ཐབས་ལེ་ཚན་གཉིས། བླ་མེད་ཡིན་གཉིས་ཀ་ལ་རྗེས་གནང་གཅིག་མཛད། དཔལ་ལྡན་འབྱུང་པོ་འདུལ་བྱེད་ཀྱི་སྒྲུབ་ཐབས་མདོར་བསྡུས་པ། གཉིས་ཀ་བླ་མེད་གཏོགས་ཤིང་རྗེས་གནང་གཅིག་དེའི་སྒྲུབ་ཐབས་དམ་པ་ཐམས་ཅད་འདྲེན་པའི་འཇིག་རྟེན་གསུམ་གྱི་རྡོ་རྗེ་མཛད་པ། ནག་པོ་གུར་གྱི་མགོན་པོའི་སྒྲུབ་ཐབས། བླ་མེད་དུ་གཏོགས་རྗེས་གནང་ཡོད། རྒྱ་གཞུང་རིན་ཅེན་སྒྲོན་མ་གསན་ཡིག་རྣམས་མཐུན་པར་སྒྲུབ་ཐབས་གཉིས་ཀྱི་གསལ་ཁ་མ་བྱུང་བས་བཀླགས་པས་དོན་གྲུབ་ཏུ་གཉིས་བྱུང་བ་ཡི་གེ་ནོར་བ་འདྲ། དཔལ་ལྡན་ནག་པོ་ཆེན་པོ་ཕྱག་བཞི་པའི་སྒྲུབ་བླ་མེད་དུ་གཏོགས་རྗེས་གནང་ཡོད། ཐབས་དང་བཅས་པ་རྣམས་ཀྱི་རྗེས་གནང་དང་ལུང་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། སློབ་དཔོན་ཨ་བྷ་ཡཱ་ཀ་གུཔྟ། ཤུབྷཱ་ཛ་ཏི་གུཔྟ། རཏྣ་རཀྵི་ཏ། གཽ་ཏཾ་ཤྲཱི། པཎྜི་ཏ་ཀཱིརྟི་ཙནྡྲ། ཡར་ཀླུངས་ལོ་ཙཱ་བ་གྲགས་པ་རྒྱལ་མཚན། བླ་མ་རྒྱལ་མཚན་རིན་ཅེན། གར་ཐིག་པ་བསོད་ནམས་རྒྱལ་

མཚན། དཀའ་བཅུ་པ་གཞོན་ནུ་སེང་གེ །བླ་མ་མགོན་པོ་འབུམ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན། ཀུན་མཁྱེན་གོ་རམ་པ་ཆེན་པོ་བསོད་ནམས་སེང་གེ་ཡོངས་འཛིན་དཀོན་ཅོག་འཕེལ། རྒྱལ་བ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པཎ་ཆེན་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། རིགས་ཀུན་བདག་པོ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་མུས་ཆེན་ནས། ཡོངས་འཛིན་དཀོན་ཅོག་འཕེལ་མན་འདྲ། ཡང་ན་ངོར་ཆེན་ནས། འཇམ་དབྱངས་ཤེས་རབ་རྒྱ་མཚོ། དཀོན་ཅོག་འཕེལ་མན་གོང་ལྟར་རོ། །ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་ཅོག་ཆོས་འཕེལ་མན་འདྲ། ཡང་ན་ལོ་ཙཱ་བ་གྲགས་པ་རྒྱལ་མཚན་ནས། རོང་པ་ཤེས་རབ་སེང་གེ །དེ་གཉིས་ཀ་ལ་བག་སྟོན་གཞོན་ནུ་ཚུལ་ཁྲིམས་ཀྱིས་གསན། དེ་ནས་མཁན་ཆེན་ཤེས་རབ་རྡོ་རྗེ། བླ་མ་གྲགས་པ་འོད་ཟེར། རྗེ་གྲགས་པ་རིན་ཅེན། བླ་མ་ནམ་མཁའ་ཚུལ་ཁྲིམས། མཚུངས་མེད་གྲགས་པ་དཔལ་བཟང་། དམར་སྟོན་ཤཱཀྱ་བཟང་པོ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་ཀུན་དགའ་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་མངའ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལ་སྩལ་ཏོ། །ཚར་ཆེན་གྱི་གསུང་
འཇམ་དབྱངས་མཁྱེན་བརྩེས་ཟིན་བྲིས་སུ་མཛད་པ་བཀླགས་པས་དོན་གྲུབ་ཀྱི་ལུང་ནི། མཁས་གྲུབ་དཔལ་ལྡན་རྡོ་རྗེ་ཡན་གོང་ལྟར་ལ། དེ་ནས་བྱ་འགྱུར་རིན་པོ་ཆེ་བསོད་ནམས་སེང་གེ །འགོས་སྟོན་རྡོ་རྗེ་སེང་གེ་མཁན་ཆེན་ཐམས་ཅད་མཁྱེན་པ་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན་མན་གོང་བཞིན་ནོ།

སྒྲུབ་ཐབས་བརྒྱ་རྩར་གྲགས་པའི་རྗེས་གནང་གི་རིམ་པ་ཇི་ལྟར་ནོས་པ་སོགས་ཀྱི་སྐོར།

སྒྲུབ་ཐབས་ཀུན་ལས་བཏུས་པའི་བ་རི་བརྒྱ་རྩའམ་སྒྲུབ་ཐབས་བརྒྱ་རྩར་གྲགས་པའི་རྗེས་གནང་གི་རིམ་པ་ལ། རྫོང་ཆུང་བ་སོགས་རྒྱ་མཚོ་ཐོབ་ན་རྒྱུན་ཡོད་ཕྱིན་དེ་དང་མངོན་རྟོགས་མཐུན་པའི་ལྷ་རྣམས་རྗེས་གནང་ཟུར་དུ་མི་དགོས་པར་བཞེད་ཀྱང་རྒྱ་མཚོའི་རྗེས་གནང་གི་ཆིངས་སྐུ་གསུང་ཐུགས་དང་། འདིར་ལུང་གསུམ་གྱི་ཆིངས་པས་ཕྱག་ལེན་མི་འདྲ་བའི་དབང་གིས་སོ་སོར་མ་འདྲེས་པ་དངོས་གཙང་བ་ནས་ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་ཐོ་ཡིག་མུན་སེལ་སྒྲོན་མེའི་སྟེང་ནས་ཕྱག་ལེན་འཕྱུག་མེད་དང་། རྒྱ་གཞུང་གི་གོ་རིམ་སོར་བཞག་ལ་གསལ་བྱེད་ཀྱི་མཆན་བུ་དང་བཅས་བཀོད་པ་ལ། དཔལ་རྡོ་རྗེ་གདན་གཙོ་འཁོར་གསུམ་པའི་སྒྲུབ་ཐབས་མན་ངག་གི་ཆོ་ག་ཁམས་པ་བ་རི་བའི་འགྱུར། རྗེས་གནང་ཡོད། བཅོམ་ལྡན་འདས་འཇམ་དཔལ་དབྱངས་དམར་སེར་ཕྱག་གཉིས་པའི་སྒྲུབ་འདི་གསུམ་བསྡོམས་པར་རྗེས་གནང་གཅིག །ཐབས་བསྟན་པའི་འཁོར་ལོ་ཞེས་བྱ་བ་རྒྱ་གར་གྱི་མཁན་པོ་བིདྱ་པ་ཏྲ་དང་ལོ་ཙཱ་བ་རིན་ཅེན་བཟང་པོས་བསྒྱུར་བ། བསྟན་པའི་འཁོར་ལོའི་སྒྲུབ་ཐབས་སློབ་དཔོན་བ་སྐན་ཏས་མཛད་པ་པཎྜི་ཏ་དོན་ཡོད་རྡོ་རྗེ་དང་བ་རི་བའི་འགྱུར། འདི་གསུམ་བསྡོམས་པར་

རྗེས་གནང་གཅིག །ཚིག་ལྷུག་པའི་བསྟན་པའི་འཁོར་ལོའི་སྒྲུབ་ཐབས་བ་རི་བའི་འགྱུར། ཚིག་ལྷུག་པའི་ཨ་ར་པ་ཙ་ན་དཀར་པོ་ཕྱག་གཉིས་པའི་སྒྲུབ་ཐབས་སློབ་དཔོན་རྒྱ་གར་གྱི་སློབ་དཔོན་གཞན་ཞིག་གི་མཚན་གྱི་རྣམ་གྲངས་ཡིན་པ་འདྲ། པདྨ་འབྱུང་གནས་ཀྱིས་མཛད་པ་པཎྜི་ཏ་དོན་ཡོད་རྡོ་རྗེ་དང་བ་རི་བའི་འགྱུར། འདི་གཉིས་དང་འོག་ཏུ་འབྱུང་བའི་འཕྲལ་དུ་ཉམས་སུ་མྱོང་བའི་འཇམ་དབྱངས་ཀྱི་སྒྲུབ་ཐབས་གསུམ་ལ་རྗེས་གནང་གཅིག །ཨ་ར་པ་ཙ་ནའི་སྒྲུབ་ཐབས་སློབ་དཔོན་མི་ཕམ་པ་ཤེས་གཉེན་གྱིས་མཛད་པ་རྒྱ་གར་གྱི་མཁན་པོ་ཀ་མ་ལ་ཀུཾ་ཏ་དང་ལོ་ཙཱ་བ་རིན་བཟང་གི་འགྱུར། རྣམ་དག་འཇམ་དཔལ་ལམ་འཇམ་དཔལ་རྡོ་རྗེ་སེར་པོ་ཞལ་གསུམ་ཕྱག་དྲུག་པའི་སྒྲུབ་ཐབས་བ་རི་བའི་འགྱུར་རྗེས་གནང་ཡོད། བཅོམ་ལྡན་འདས་འཇམ་དཔལ་རྡོ་རྗེ་དམར་པོ་ཕྱག་གཉིས་པ་གཙོ་འཁོར་ལྔའི་སྒྲུབ་ཐབས་སྒྱུར་བྱེད་གོང་འདྲ། རྗེས་གནང་ཡོད། འཇམ་དཔལ་ངག་གི་རྒྱལ་པོ་སེར་པོ་ཕྱག་གཉིས་པ་གཙོ་འཁོར་གཉིས་པའི་སྒྲུབ་ཐབས་བ་རི་བ་རཏྣ་ཀཱིརྟིའི་འགྱུར། རྗེས་གནང་ཡོད། འཇམ་དཔལ་རྒྱལ་པོ་རོལ་པ་དམར་སེར་ཕྱག་གཉིས་པའི་སྒྲུབ་ཐབས་འགྱུར་གོང་འདྲ། རྗེས་གནང་ཡོད། རིག་པ་འཛིན་པའི་སྡེ་སྣོད་ལས་གསུངས་པའི་འཇམ་དཔལ་དཀར་པོ་ཕྱག་གཉིས་པའི་སྒྲུབ་ཐབས་འགྱུར་གོང་འདྲ། རིག་པ་འཛིན་པའི་སྡེ་སྣོད་ལས་བསྡུས་པའི་འཇམ་དབྱངས་དཀར་པོ་ཕྱག་གཉིས་པའི་སྒྲུབ་ཐབས་དོན་ཡོད་རྡོ་རྗེ་དང་བ་རི་བའི་འགྱུར། འཇམ་དཔལ་གྱི་ཤེས་རབ་སྦྱོང་བ་བ་རི་བའི་འགྱུར། འདི་གསུམ་བསྡོམས་པར་རྗེས་གནང་གཅིག་ཅིང་ཐོབ་ཡིག་ན་ཡེ་ཤེས་སྦྱོར་བ་ཞེས་པ་འདི་ཁ་ལས་ཟུར་པ་མ་རྙེད། གུར་ནས་གསུངས་པའི་འཇམ་དཔལ་ཡན་ལག་མེད་པའི་རྡོ་རྗེ་སེར་པོ་ཕྱག་དྲུག་པའི་སྒྲུབ་ཐབས་དོན་ཡོད་རྡོ་རྗེ་དང་།

རཏྣ་ཀཱིརྟིའི་འགྱུར། རྗེས་གནང་ཡོད། ཆོས་དབྱིངས་ངག་གི་དབང་ཕྱུག་དཀར་པོ་ཞལ་བཞི་ཕྱག་བརྒྱད་པའི་སྒྲུབ་ཐབས་བ་རི་བའི་འགྱུར། རྗེས་གནང་ཡོད། མཚན་ཡང་དག་པར་བརྗོད་པའི་འཇམ་དཔལ་དཀར་པོ་ཞལ་གསུམ་ཕྱག་བཞི་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། འཇམ་དཔལ་རྡོ་རྗེ་དཀར་པོ་དཔའ་བོ་གཅིག་པ་ཕྱག་གཉིས་པའི་སྒྲུབ་ཐབས་བ་རི་བའི་འགྱུར། རྗེས་གནང་ཡོད། འཇམ་དཔལ་ཤེས་རབ་འཁོར་ལོ་དཀར་པོ་ཕྱག་གཉིས་པའི་སྒྲུབ་ཐབས་འགྱུར་གོང་འདྲ། རྗེས་གནང་ཡོད། འཕྲལ་དུ་ཉམས་སུ་མྱོང་བའི་འཇམ་དཔལ་དཀར་པོ་ཕྱག་གཉིས་པའི་སྒྲུབ་ཐབས་འགྱུར་གོང་འདྲ། རྗེས་གནང་གོང་གི་ཨ་ར་པ་ཙ་ན་གཉིས་ལས་ལོགས་སུ་མེད། གཤིན་རྗེའི་གཤེད་ནག་པོ་གདོང་དྲུག་པའི་སྒྲུབ་ཐབས་འགྱུར་གོང་འདྲ། རྗེས་གནང་ཡོད། གཤིན་རྗེའི་གཤེད། ནག་པོ་ཕྱག་གཉིས་པའི་སྒྲུབ་ཐབས་འགྱུར་གོང་འདྲ། རྗེས་གནང་ཡོད། གཤིན་རྗེའི་གཤེད་དགྲ་ནག་པོ་ཞལ་གསུམ་ཕྱག་དྲུག་པའི་སྒྲུབ་ཐབས་འགྱུར་གོང་འདྲ། རྗེས་གནང་ཡོད། རྡོ་རྗེ་ཆོས་བནྡྷུ་ཀའི་མེ་ཏོག་མདངས་ཅན་ཕྱག་གཉིས་པའི་སྒྲུབ་ཐབས་སློབ་དཔོན་ཛ་ན་པ་ཏྲས་མཛད་པ་འགྱུར་གོང་འདྲ། རྗེས་གནང་ཡོད། སེང་གེ་སྒྲ་དཀར་པོ་ཕྱག་གཉིས་མའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ་དོན་ཡོད་རྡོ་རྗེ་དང་བ་རི་བའི་འགྱུར། རྗེས་གནང་ཡོད། ཧ་ལ་ཧ་ལ་དཀར་པོ་ཞལ་གསུམ་ཕྱག་དྲུག་པའི་སྒྲུབ་ཐབས་སློབ་དཔོན་ལྷན་སྐྱེས་རོལ་པས་མཛད་པ་དོན་ཡོད་རྡོ་རྗེ་དང་བ་རིའི་འགྱུར། འདི་དང་འོག་གི་ཧ་ལ་ཧ་ལ་གཉིས་ལ་རྗེས་གནང་གཅིག །ཁ་སཪྤཱ་ཎི་དཀར་པོ་ཕྱག་གཉིས་པ་ལྷ་ལྔ་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། ཡི་གེ་དྲུག་པ་དཀར་པོ་ཕྱག་

བཞི་པ་གཙོ་འཁོར་གསུམ་པའི་སྒྲུབ་ཐབས་དཔལ་ལྡན་ལྷན་སྐྱེས་རོལ་པས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། ཧ་རི་ཧ་རི་ལ་ཞོན་པར་གྱུར་པའི་སྤྱན་རས་གཟིགས་དཀར་པོ་ཕྱག་དྲུག་པའི་སྒྲུབ་ཐབས་སངས་རྒྱས་ཀྱིས་གསུངས་པ་ལོ་པཎ་གོང་འདྲའི་འགྱུར། རྗེས་གནང་ཡོད། ཧ་ལ་ཧ་ལ་ཞལ་གསུམ་ཕྱག་དྲུག་པའི་སྒྲུབ་ཐབས་ལྷན་སྐྱེས་རོལ་པས་མཛད་པ་ལོ་པཎ་གོང་འདྲའི་འགྱུར་འདི་དང་གོང་གི་ཧ་ལ་ཧ་ལ་གཉིས་ལ་རྗེས་གནང་གཅིག་ལས་མེད། པདྨ་གར་དབང་དམར་པོ་ཕྱག་གཉིས་པ་གཙོ་འཁོར་དགུ་པའི་སྒྲུབ་ཐབས་སངས་རྒྱས་ཀྱིས་གསུངས་པ་ལོ་པཎ་གོང་འདྲའི་འགྱུར། རྗེས་གནང་ཡོད། སྒྱུ་འཕྲུལ་དྲ་བའི་རིམ་པའི་སྤྱན་རས་གཟིགས་ནག་པོ་དབུ་ལྔ་ཕྱག་བཅུ་གཉིས་པའི་སྒྲུབ་ཐབས་སློབ་དཔོན་དགྲ་ལས་རྣམ་རྒྱལ་གྱིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། དབང་དུ་བྱེད་པ་སྒྲོལ་མ་ལྗང་གུ་ཕྱག་གཉིས་མའི་སྒྲུབ་ཐབས་སློབ་དཔོན་རྡོ་རྗེ་མྱུ་གུས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། སྒྲོལ་མ་དཀར་མོ་ཕྱག་བཞི་མ་གཙོ་འཁོར་གསུམ་པའི་སྒྲུབ་ཐབས་སློབ་དཔོན་ཡིད་བཞིན་གྱི་ནོར་བུའི་རྒྱལ་པོས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། སེང་སྡེང་ནགས་སྒྲོལ་ལྗང་གུ་ཕྱག་གཉིས་མ་གཙོ་འཁོར་གསུམ་པའི་སྒྲུབ་ཐབས། རྗེས་གནང་ཡོད། སངས་རྒྱས་ཀྱིས་གསུངས་པ་ཀླུ་སྒྲུབ་ཀྱིས་མཛད་ཟེར་བའང་སྣང་། ལོ་པཎ་གོང་འདྲའི་འགྱུར། སྒྲོལ་དཀར་ཚེ་འཛིན་ཕྱག་གཉིས་པའི་སྒྲུབ་ཐབས་ངག་གི་དབང་ཕྱུག་གྲགས་པའི་སློབ་མ་ཐུ་བོས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། ཨཽ་ཌི་ཡཱ་ནའི་འོད་ཟེར་ཅན་མ་དམར་མོ་ཞལ་དྲུག་ཕྱག་གཉིས་གཙོ་འཁོར་གཉིས་མའི་སྒྲུབ་ཐབས་

ལོ་པཎ་གོང་འདྲའི་འགྱུར། འདི་དང་འོག་གི་འོད་ཟེར་ཅན་གཉིས་ལ་རྗེས་གནང་གཅིག་རྒྱ་གཞུང་གི་མཆན་ན་གསུམ་ཟེར་བ་འདུག་པ་བརྟག །རྟོག་པ་ནས་གསུངས་པའི་འོད་ཟེར་ཅན་སེར་མོ་ཞལ་གསུམ་ཕྱག་བརྒྱད་མ་གཙོ་འཁོར་ལྔ་པའི་སྒྲུབ་ཐབས་ལོ་པཎ་གོང་འདྲའི་འགྱུར། ཐོ་ཡིག་ན་འོག་ནས་འབྱུང་བ་ཞེས་མངོན་རྟོགས་ཤིག་ཡོད་ཁུལ་འདུག་ཀྱང་རྒྱ་དཔེར་མི་གསལ་བས་དཔྱད། རྗེས་གནང་ཡོད། རྟོག་པ་ནས་གསུངས་པའི་འོད་ཟེར་ཅན་དཀར་མོ་ཞལ་ལྔ་ཕྱག་བཅུ་གཙོ་འཁོར་བཞི་པའི་སྒྲུབ་ཐབས་ལོ་པཎ་གོང་འདྲའི་རྗེས་གནང་ཡོད། འགྱུར། མྱ་ངན་མེད་པའི་ཤིང་གི་འོད་ཟེར་ཅན་སེར་མོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་རྗེས་གནང་ཡོད། འགྱུར། ཨོ་རྒྱན་གྱི་འོད་ཟེར་ཅན་དམར་པོ་ཞལ་དྲུག་ཕྱག་བཅུ་གཉིས་མ་ལྷ་གཉིས་མའི་སྒྲུབ་ཐབས་སློབ་དཔོན་ལྷན་སྐྱེས་རོལ་པས་མཛད་པ་འགྱུར་གོང་འདྲ། འདིའི་རྗེས་གནང་གོང་གི་ཨོ་ཌི་ཡཱ་ན་དང་གཅིག །ཨཽ་ཌི་ཡཱ་ནའི་རིམ་པའི་འོད་ཟེར་ཅན་མ་དམར་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། བཙུན་ཏ་དཀར་མོ་ཕྱག་བཞི་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། དཔལ་སྣོད་ཤྲཱི་ཛམ་བྷ་ལ་ཡང་ཟེར། གནས་སེར་པོ་ཕྱག་གཉིས་པའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། ཨུ་ཚུཥྨ་ཛམ་བྷ་ལ་ནག་པོ་ཕྱག་གཉིས་པའི་སྒྲུབ་ཐབས་རྣལ་འབྱོར་པ་དགའ་བ་སྦྱིན་གྱིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། ནོར་རྒྱུན་མ་སེར་མོ་ཕྱག་གཉིས་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། ཁྲོ་གཉེར་ཅན་སེར་མོ་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད།

རྣམ་སྣང་སྒྱུ་དྲ་ནས་གསུངས་པའི་བྱམས་པ་དམར་སེར་ཞལ་གསུམ་ཕྱག་བཞི་པའི་སྒྲུབ་ཐབས་འཕགས་པ་ཐོགས་མེད་ཀྱིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། གུར་ནས་གསུངས་པའི་ཤེར་ཕྱིན་དཀར་མོ་ཕྱག་གཉིས་པའི་སྒྲུབ་ཐབས་སངས་རྒྱས་ཀྱིས་གསུངས་པ་ལོ་པཎ་གོང་འདྲའི་འགྱུར། རྗེས་གནང་ཡོད། གདན་བཞི་དང་སམྦུ་ཊི་ནས་གསུངས་པའི་ཤེར་ཕྱིན་དཀར་མོ་ཕྱག་གཉིས་མའི་སྒྲུབ་ཐབས་སློབ་དཔོན་དགེ་འདུན་གྱི་སྲས་ཀྱིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། ཤེར་ཕྱིན་སེར་མོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲ། འདི་དང་འོག་ནས་མདོར་བསྡུས་པའི་ཤེས་རབ་ཀྱི་ཕ་རོལ་དུ་ཕྱིན་པ་གཉིས་ལ་རྗེས་གནང་གཅིག་ཀྱང་འདི་སྔགས་རིང་ཞིང་འོག་མ་ལ་ཤུབྷཾ་མན་ལས་མེད་རུང་སྔགས་རིང་བའི་རྗེས་ཟློས་བྱས་པས་ཐུང་བ་ཤུགས་ཀྱིས་འབྱུང་བར་དགོངས་སམ་སྙམ། ཤེར་ཕྱིན་སེར་མོ་ཕྱག་གཉིས་མའི་ལོ་པཎ་གོང་འདྲའི་འགྱུར། ཕྱག་མཚན་འཛིན་ལུགས་དང་སྔགས་གོང་དང་མི་མཐུན་ཞིང་འོག་ནས་འབྱུང་བའི་གསེར་མདོག་ཅན་དང་བསྡོམས་པར་རྗེས་གནང་གཅིག །མི་གཡོ་བ་སྔོན་པོ་ཕྱག་གཉིས་པའི་སྒྲུབ་ཐབས་སློབ་དཔོན་པྲ་བྷ་ཨ་ཀ་ར་ཀཱིརྟིས་མཛད་པ། གཏུམ་པོ་འདི་གཉིས་ལ་རྗེས་གནང་གཅིག་ལས་མེད་ཅིང་དཀོན་ཅོག་ལྷུན་གྲུབ་ཀྱི་ཐོ་ཡིག་ན་གསུམ་ཡོད་ཟེར་བ་བརྟག །སྔོན་པོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྡོ་རྗེ་ཧཱུྃ་མཛད་ནག་པོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རི་ཁྲོད་མ་སེར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། རི་ཁྲོད་ལོ་མ་གྱོན་མའི་གཟུངས། དགྲ་ནག་ནས་གསུངས་པའི་རྡོ་རྗེ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ་ལོ་པཎ་གོང་

འདྲའི་འགྱུར། རྗེས་གནང་ཡོད། བགེགས་དགྲ་སྣོན་པོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རལ་གཅིག་མ་ནག་མོ་ཕྱག་བཞི་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། དུག་སེལ་མ་སེར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། དུག་སེལ་མའི་གཟུངས་ལོ་པཎ་གོང་འདྲའི་འགྱུར། རིག་བྱེད་མ་དཀར་དམར་ཕྱག་བཞི་མའི་སྒྲུབས་ཐབས་བ་རིའི་འགྱུར། རྗེས་གནང་ཡོད། རྟོག་པ་ལས་གསུངས་པའི་རིག་བྱེད་མ་དམར་མོ་ཕྱག་བཞི་མའི་སྒྲུབ་ཐབས་ཀླུ་སྒྲུབ་ཀྱིས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། སྒྲོལ་མ་སྔོན་བྱུང་ནས་འབྱུང་བའི་རིག་བྱེད་མ་དམར་མོ་ཕྱག་བཞི་མའི་སྒྲུབ་ཐབས་ལོ་འདི་དང་གོང་གི་རིག་བྱེད་མ་གཉིས་ཕྱག་མཚན་ཅུང་ཟད་མི་མཐུན་རྗེས་གནང་ཡོད། པཎ་གོང་འདྲའི་འགྱུར། ཨོ་རྒྱན་ནས་འབྱུང་བའི་རིག་བྱེད་མ་དམར་མོ་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། འདི་དང་འོག་ནས་འབྱུང་བའི་རིག་བྱེད་མ་གཉིས་ལ་རྗེས་གནང་གཅིག །ཁམས་གསུམ་དབང་དུ་བྱེད་པའི་སྤྱན་རས་གཟིགས་དམར་པོ་ཕྱག་གཉིས་པའི་སྒྲུབ་ཐབས་ས་ར་ཧས་མཛད་པ་ལོ་པཎ་གོང་འདྲའི་འགྱུར། རྗེས་གནང་ཡོད། གང་བ་བཟང་པོའི་རྒྱུད་ནས་བཤད་པའི་ནོར་རྒྱུན་མ་གཙོ་བོར་གྱུར་པའི་དཔལ་སྣོད་གནས་ལྷ་ཉི་ཤུ་རྩ་བདུན་གྱི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རྒྱ་ནག་རིམ་པའི་སྒྲོལ་མ་ནག་མོ་ཕྱག་བཞི་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། གོང་གི་རལ་གཅིག་མ་དང་གཅིག་པར་སྣང་ཡང་རྗེས་གནང་ཟུར་དུ་ཡོད། གུར་ནས་འབྱུང་བའི་རྡོ་རྗེ་སྒྲོལ་མ་སེར་མོ་ཞལ་བཞི་ཕྱག་བརྒྱད་མ་ལྷ་བཅུ་གཅིག་གི་

སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། གཤིན་རྗེའི་གཤེད་དམར་པོ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རྣམ་སྣང་སྒྱུ་དྲ་ནས་གསུངས་པའི་གཙོ་རྐྱང་རྣམས་ལས་སོ་སོ་འབྲང་མ་སེར་མོ་ཞལ་གཅིག་ཕྱག་བརྒྱད་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། གཙུག་ཏོར་རྣམ་རྒྱལ་གཙོ་རྐྱང་གི་སྒྲུབ་ཐབས་ལོ་པཎ་གོང་འདྲའི་འགྱུར། གཙུག་ཏོར་རྣམ་རྒྱལ་གྲ་ལྔའི་ཁྲོད་དུ་བསྲེས་པ་མི་འོས་ཀྱང་རྒྱ་གཞུང་ན་འདི་བཞིན་འདུག་རྗེས་གནང་ཡོད། རྨ་བྱ་ཆེན་མོ་ལྗང་གུ་ཞལ་གསུམ་ཕྱག་དྲུག་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། སྟོང་ཆེན་རབ་འཇོམས་དཀར་མོ་ཕྱག་དྲུག་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། གསང་སྔགས་རྗེས་འཛིན་མཐིང་ནག་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། བསིལ་བའི་ཚལ་དམར་མོ་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། ཕྱིར་བཟློག་མ་ཆེན་མོ་ནག་མོ་ཕྱག་དྲུག་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རྒྱལ་མཚན་རྩེ་མོའི་དཔུང་རྒྱན་ནག་མོ་ཞལ་གསུམ་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རྣམ་པར་རྒྱལ་མ་སེར་མོ་ཕྱག་གཉིས་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད་ཅིང་འཕགས་མ་གཞན་གྱིས་མི་ཐུབ་པ་ཡང་ཟེར། རྡོ་རྗེ་གནྡྷ་རི་ནག་མོ་ཞལ་དྲུག་ཕྱག་བཅུ་གཉིས་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྒྲུབ་ཐབས་བྲམ་ཟེ་མཆོག་སྲེད་ཀྱིས་མཛད་པ་ལོ་པཎ་

གོང་འདྲའི་འགྱུར། རྡོ་རྗེ་ལྕགས་སྒྲོག་མ་ལྗང་གུ་ཞལ་གསུམ་ཕྱག་དྲུག་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། སྟོབས་པོ་ཆེ་དམར་པོ་ཕྱག་བཞི་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། གཞན་གྱིས་མི་ཐུབ་པའི་གདུགས་དཀར་པོ་ཅན་ཞལ་གསུམ་ཕྱག་དྲུག་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། རྟ་མགྲིན་དམར་པོ་ཞལ་གསུམ་ཕྱག་བརྒྱད་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། ཀྱེ་རྡོ་རྗེ་ཧེ་རུ་ཀ་ཕྱག་གཉིས་པའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། བདག་མེད་མ་ནག་མོ་ཕྱག་གཉིས་མ་གཅིག་བུའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། ཡང་བདག་མེད་མའི་སྒྲུབ་ཐབས་ལོ་པཎ་གོང་འདྲའི་འགྱུར། རྗེས་གནང་ཡོད། གསེར་མདོག་ཅན་གྱི་ཤེར་ཕྱིན་མ་ཕྱག་གཉིས་མའི་སྒྲུབ་ཐབས་ལོ་པཎ་གོང་འདྲའི་འགྱུར། གོང་གི་ཤེར་ཕྱིན་སེར་མོ་ཕྱག་གཉིས་མའི་རྗེས་གནང་ལས་ལོགས་སུ་མེད། མདོར་བསྡུས་པའི་རྡོ་རྗེ་ཕག་མོ་དམར་མོ་ཕྱག་གཉིས་མའི་སྒྲུབ་ཐབས་ལོ་པཎ་རྗེས་གནང་ཡོད་ཅིང་རྒྱ་དཔེ་རྙིང་པ་ཞིག་ན་འདིའི་གོང་དུ་ཧེ་རུ་ཀའི་མངོན་རྟོགས་འདུག་ཅིང་ས་སྐྱ་ངོར་གྱི་དཔེ་རྒྱུན་ན་འདིར་འཛུད་ཅེས་པའི་ཀ་བརྡ་ཞིག་བརྒྱབ་འདུག་པས་སླར་དཔྱད་དོ། །གོང་འདྲའི་འགྱུར། རིག་བྱེད་མ་དམར་མོ་ཕྱག་བཞི་མའི་སྒྲུབ་ཐབས་ལོ་པཎ་གོང་འདྲའི་འགྱུར། ཨོ་རྒྱན་ནས་འབྱུང་བའི་རིག་བྱེད་མ་ལས་ལོགས་སུ་རྗེས་གནང་མེད། སྒྲོལ་མ་དཀར་མོ་ཉེ་བར་སྟོན་པའི་སྒྲོལ་མ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། ལོ་པཎ་གོང་འདྲའི་འགྱུར་རྣམས། སྒྲུབ་ཐབས་བརྒྱ་རྩ་ནས་བཤད་པའི་ལྷ་ཚོགས་རྣམས་

ཀྱི་མངོན་རྟོགས་རྗེས་གནང་དང་བཅས་པའི་ཐོ་ཡིག་མུན་སེལ་སྒྲོན་མེ་ཞེས་བྱ་བ་འཇམ་དབྱངས་དཀོན་ཅོག་ལྷུན་གྲུབ་ཀྱིས་མཛད་པ་སྟེ་རྗེས་གནང་རྒྱ་གཞུང་དང་བཅས་པའི་བརྒྱུད་པ་ནི། སངས་རྒྱས་རྡོ་རྗེ་འཆང་། ཕྱག་ན་རྡོ་རྗེ། ཛེ་ཏཱ་རི་དགྲ་ལས་རྣམ་རྒྱལ། རྡོ་རྗེ་གདན་པ་ཆུང་བ་དོན་ཡོད་རྡོ་རྗེ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། བླ་མ་བསོད་ནམས་སྐྱབས། མཁས་གྲུབ་གཟུངས་ཀྱི་དཔལ་བ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །ངོར་ཆེན་སངས་རྒྱས་སེང་གེ །པཎ་ཆེན་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། མཁན་ཆེན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་བཀའ་དྲིན་ཏུ་སྩལ་ཏོ། །ཡང་ན་ངོར་ཆེན་ནས་མུས་ཆེན་སེམས་དཔའ་ཆེན་པོ། ཀུན་མཁྱེན་བསོད་ནམས་སེང་གེ །དཀོན་ཅོག་འཕེལ་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། དཀོན་ཅོག་འཕེལ་མན་འདྲ། བོད་གཞུང་ཐོ་ཡིག་མུན་སེལ་སྒྲོན་མེའི་བརྒྱུད་པ་ནི། འཇམ་དབྱངས་དཀོན་ཅོག་ལྷུན་གྲུབ་ནས་པཎ་ཆེན་ནམ་མཁའ་དཔལ་བཟང་མན་འདྲ། རྒྱ་གཞུང་གི་ལུང་བརྒྱུད་ལུགས་གཅིག་ནི། དཀོན་ཅོག་འཕེལ་ནས། རྗེ་དཀོན་ཅོག་ལྷུན་གྲུབ་མུས་པ་དཀོན་

ཅོག་རྒྱ་མཚོ། བཅོ་བརྒྱད་པ་ངག་དབང་མཆོག་ལེགས་རྡོ་རྗེ། མཁྱེན་རབ་བསྟན་འཛིན་བཟང་པོ། རྗེ་བྱམས་པ་ངག་དབང་ལྷུན་གྲུབ། མཚུངས་མེད་འཕྲིན་ལས་རྣམ་རྒྱལ། ཞ་ལུ་པ་ཆེན་པོ། དེས་བདག་ལའོ། །ཐོ་ཡིག་མུན་སེལ་སྒྲོན་མེར་རྗེས་གནང་བདུན་ཅུ་དོན་དགུ་ཡོད་གསུང་ཡང་དོན་བརྒྱད་ལས་མ་བྱུང་ཞིང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསན་ཡིག་ཏུ་ཡང་དོན་བརྒྱད་ལས་མི་འདུག་པས་སྒོ་མཐུན། ཡང་ཧེ་རུ་ཀའི་སྒྲུབ་ཐབས་ཤིག་ཡོད་མེད་ཐེ་ཚོམ་གྱི་གཞིར་བྱུང་བས་དེའི་རྗེས་གནང་ཡོད་ན་དོན་དགུ་འགྲིག་རུང་དེའི་རྒྱུན་ཡོད་མེད་སོམ་ཉིར་སྣང་བས་སླར་ཡང་དཔྱད་དོ། །ལ་ལ་དག་སྒྲུབ་ཐབས་བརྒྱ་རྒྱམ་ལ་གཏོར་དབང་བྱེད་པ་བྱུང་བ་ཆོས་སྐྱོང་གི་རྗེས་གནང་ལ་རིགས་འགྲེ་དཔའ་ཐལ་བའི་རྩིང་ཆོས་དང་། ཀར་ལུགས་ཀྱི་སི་ཏུ་དྲུང་པས་ཡིག་ཆ་སྤྲོས་པ་ཅན་ཞིག་བརྩམས་འདུག་པ་ནི་ཕྱག་རྒྱ་བ་རྒན་པོའི་ནང་རྟགས་ཕྱིར་གསལ་བའི་ཝ་སྐྱེས་རམས་ཀྱིས་ཁ་དོག་བསྒྱུར་བའི་རྣམ་པར་ཐར་པའོ། ༈ །འཕགས་ཡུལ་པཎ་གྲུབ་ཀུན་གྱི་གཙུག་རྒྱན་གངས་རིའི་ལྗོངས་འདིར་ཐུབ་པའི་བསྟན་པ་རིན་པོ་ཆེ་གསལ་བར་མཛད་པ་སྣང་བ་མཐའ་ཡས་ཡེ་ཤེས་སྒྱུ་འཕྲུལ་དྲ་བའི་རོལ་གར་དཔལ་ཇོ་བོ་ཆེན་པོ་ཨ་ཏི་ཤ་ནས་ཉེ་བར་བརྒྱུད་པའི་ཡིད་དམ་གྱི་ལྷའི་མངོན་རྟོགས་རྗེས་གནང་མན་ངག་ཐོར་བུ་རྣམས་དཔལ་སྣར་ཐང་གི་མཁན་ཆེན་མཆིམས་ནམ་མཁའ་གྲགས་ཀྱིས་ཕྱོགས་གཅིག་ཏུ་བསྒྲིགས་པར་བརྟེན་སྣར་ཐང་བརྒྱ་རྩར་གྲགས་པའི་ཆོས་སྐོར་ནོས་པའི་རྗེས་གནང་གང་ཡོད་མཆན་བུས་བཀྲོལ་ཏེ་བཀོད་པ་ལ། བཅོམ་ལྡན་འདས་ཐུབ་པའི་དབང་པོ་གཙོ་རྐྱང་གི་མངོན་

རྟོགས། རྗེས་གནང་ཡོད། ༡ རྟེན་འབྲེལ་གྱི་གཟུངས་ཆུང་། ལུང་ལས་རྗེས་གནང་མེད། ༢ མཉམ་པ་མེད་པའི་བླ་མ་དགེ་བའི་བཤེས་གཉེན་རིན་ཅེན་སྒང་བའི་ཞལ་ནས་བྱུང་བའི་བླ་མའི་རྣལ་འབྱོར། ལུང་ལས་རྗེས་གནང་མེད། ༣ རང་ཁམས་མ་བདེ་བའི་དུས་བླ་མ་ལ་གསོལ་བ་གདབ་པ་སྐྱེར་སྒང་པ་ལས་བརྒྱུད་པའི་མན་ངག །༤ བླ་མའི་འདས་མཆོད་བྱ་ཐབས་བླ་མའི་གསུང་བཞིན་ནམ་མཁའ་གྲགས་ཀྱིས་བསྡེབས་པ། ལུང་ལས་རྗེས་གནང་མེད། ༥ དེས་བསྡེབས་པའི་སངས་རྒྱས་བཅོམ་ལྡན་འདས་ཀྱི་ཉན་ཐོས་ཀྱི་ཚུལ་བཟུང་ནས་བྱང་ཆུབ་སེམས་དཔའི་འཕྲིན་ལས་མཛད་པ་གནས་བརྟན་ཆེན་པོ་བཅུ་དྲུག་ལ་གསོལ་བ་འདེབས་པ། རྗེས་གནང་ཡོད། ༦ བཅོམ་ལྡན་འདས་མི་འཁྲུགས་པ་སྤྲུལ་སྐུའི་ཆ་ལུགས་ཅན་གྱི་མངོན་རྟོགས་བླ་མ་ཞང་སྟོན་པའི་ཞལ་ནས་བྱོན་པ་ལྟར་བཀོད་པ། རྗེས་གནང་ཡོད། ༧ ཐུགས་རྗེ་ཆེན་པོ་ཡི་གེ་དྲུག་པ་ཕྱག་བཞི་པའི་མངོན་རྟོགས་བླ་མའི་གསུང་བཞིན་བསྡེབས་པ། རྗེས་གནང་ཡོད། ༨ རྗེ་བཙུན་སེང་གེ་སྒྲའི་མངོན་རྟོགས་མཆིམས་ནས་མཆིམས་ལ་བརྒྱུད་པའི་མན་ངག་བླ་མའི་གསུང་ལས་བྱུང་བ་ལྟར་བསྡེབས་པ། རྗེས་གནང་ཡོད། ༩ ཐུགས་རྗེ་ཆེན་པོ་བཅུ་གཅིག་ཞལ་གཙོ་རྐྱང་གི་བཟླས་ལུང་མངོན་རྟོགས་ཞང་མའི་ཞལ་ལས་བྱུང་བ་ལྟར་དགེ་སློང་ནམ་མཁའ་གྲགས་ཀྱིས་བསྡེབས་པ། རྗེས་གནང་ཡོད། ༡༠ དེས་བསྡེབས་པའི་སེང་ལྡེང་ནགས་ཀྱི་སྒྲོལ་མ་ལྗང་གུ་གཙོ་རྐྱང་གི་མངོན་པར་རྟོགས་པ་བླ་མའི་གསུང་ལས་བྱུང་བ། རྗེས་གནང་ཡོད། ༡༡ དེས་བསྡེབས་པའི་ཐམས་ཅད་མཁྱེན་པ་སྒྲུབ་པའི་བར་གཅོད་ཐབས་ཀྱིས་བསྲུང་བ་ཇོ་མོ་ལ་གསོལ་བ་གདབ་པ་བླ་མའི་གསུང་ལས་བྱོན་པ། སྒྲོལ་མའི་ཕྱག་འཚལ་ཉེར་གཅིག་འདོན་པའི་མན་ངག་ཡིན། ལུང་ལས་རྗེས་གནང་མེད། ༡༢དེས་བསྡེབས་པའི་སྒྲོལ་

མ་དཀར་མོས་ཚེ་བསྲིང་བའི་མན་ངག །རྗེས་གནང་ཡོད། ༡༣ དེས་བསྡེབས་པའི་རྗེ་བཙུན་རི་ཁྲོད་ལོ་མ་གྱོན་མ་སེར་མོ་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ༡༤ དེས་བསྡེབས་པའི་ལྷ་མོ་འོད་ཟེར་ཅན་མ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། ༡༥ཞར་བྱུང་ཆོམ་རྐུན་འཆིང་བ་དང་བཅས་པ། ལུང་ལས་རྗེས་གནང་མེད། ༡༦ དགྲ་ནག་ནས་གསུངས་པའི་ལྷ་མོ་དབྱངས་ཅན་མ་དམར་མོ་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། ༡༧ ཞར་བྱུང་བསྙེན་སྒྲུབ་ལས་སྦྱོར་དང་བཅས་པ་པཎྜི་ཏ་སུ་མ་ཀཱིརྟི་ནས་བརྒྱུད་པ། ལུང་ལས་རྗེས་གནང་མེད། ༡༨ འཕགས་པ་འཇམ་དཔལ་སྨྲ་བའི་སེང་གེ་དམར་སེར་ཕྱག་གཉིས་མའི་སྒྲུབ་ཐབས། རྗེས་གནང་ཡོད། ༡༩ ཞར་བྱུང་འཇམ་དབྱངས་དང་དབྱངས་ཅན་མ་ཡབ་ཡུམ་ལ་བརྟེན་པའི་རིལ་བུའི་ལས་སྦྱོར། ལུང་ལས་རྗེས་གནང་མེད། ༢༠ འཕགས་པ་འཇམ་དཔལ་དཀར་པོའི་སྒྲུབ་ཐབས། རྗེས་གནང་ཡོད། ༢༡ ཞར་བྱུང་མ་ཤའི་ལས་སྦྱོར། ལུང་ལས་རྗེས་གནང་ཟུར་དུ་མེད། ༢༢དཔལ་ཛམ་བྷ་ལ་སེར་པོ་ཕྱག་གཉིས་པའི་སྒྲུབ་ཐབས་སློབ་དཔོན་ཙནྡྲ་གོ་མིས་མཛད་པ། རྗེས་གནང་ཡོད། ༢༣ བགེགས་མཐར་བྱེད་མཐིང་ཁ་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ༢༤ ཁྲོ་བོ་སྟོབས་པོ་ཆེ་དམར་པོ་ཕྱག་བཞི་པའི་སྒྲུབ་ཐབས། རྗེས་གནང་ཡོད། ༢༥ དཔལ་འབྱུང་པོ་འདུལ་བྱེད་ཕྱག་བཞི་པའི་སྒྲུབ་ཐབས། རྗེས་གནང་ཡོད། ༢༦ སྨེ་བ་བརྩེགས་པ་དུད་ཁ་ཞལ་གསུམ་ཕྱག་དྲུག་པའི་སྒྲུབ་ཐབས། རྗེས་གནང་ཡོད། ༢༧ ཁྲོ་བོ་གཏུམ་པོ་ཆེན་པོ་མི་གཡོ་བ་དཀར་པོའི་སྒྲུབ་ཐབས་པཎྜི་ཏ་དཱ་ན་ཤཱི་ལའི་རང་འགྱུར། རྗེས་གནང་ཡོད། ༢༨ ཇོ་བོ་མི་གཡོ་བ་སྔོན་པོའི་མངོན་པར་

རྟོགས་པ་བླ་མའི་གསུང་བཞིན་བསྡེབས་པ། རྗེས་གནང་ཡོད། ༢༩འཕགས་པ་མི་གཡོ་བའི་དམིགས་པ་སྐོར་གསུམ་སྒོམ་པའི་མན་ངག །ལུང་ལས་རྗེས་གནང་མེད། ༣༠ བཅོམ་ལྡན་འདས་པདྨ་དབང་ཆེན་ཕྱག་གཉིས་པའི་མངོན་པར་རྟོགས་པ་བླ་མའི་གསུང་ལས་བྱོན་པ་ལྟར་བསྡེབས་པ། རྗེས་གནང་ཡོད། ༣༡ སྐུ་གསུང་ཐུགས་ཀྱི་རྟེན་ལ་སྐུ་ཁྲུས་གསོལ་བ་དགེ་བཤེས་འཆད་ཁ་བའི་ལུགས་སྐྱེར་སྒང་པ་ལས་བྱུང་བ། ལུང་ལས་རྗེས་གནང་མེད། ༣༢ གཙུག་ཏོར་འབར་བའི་སྒོ་ནས་རྨི་ལམ་མཚན་མ་ངན་པ་དང་བར་གཅོད་ཞི་བའི་གདམས་པ། ལུང་ལས་རྗེས་གནང་མེད། ༣༣ བཟང་པོ་སྤྱོད་པའི་སྒོ་ནས་འཆི་བ་སླུ་བའི་ཆོ་ག་སྐྱེར་སྒང་པའི་མན་ངག །༣༤ བདག་ཉིད་ནམ་འཆི་བ་དང་གར་སྐྱེ་བ་སོགས་བརྟག་པ་དཔལ་ཨ་ཏི་ཤའི་གདམས་པ། ལུང་ལས་རྗེས་གནང་མེད། ༣༥ ཇོ་བོ་ལུགས་ཀྱི་སཱཙྪ་དགུ་མ་བྱ་ཐབས་ཇོ་བོ་རྗེས་གཟུས་རྡོ་རྗེ་རྒྱལ་མཚན་ལ་གནང་བ། ལུང་ལས་རྗེས་གནང་མེད། ༣༦ རྡོ་རྗེ་སེམས་དཔའི་ཡི་གེ་བརྒྱ་པ་ཇོ་བོ་རྗེ་དང་ལོ་ཙཱ་བ་རིན་ཅེན་བཟང་པོས་བསྒྱུར་བ། ལུང་ལས་རྗེས་གནང་མེད། ༣༧ ཇོ་མོ་གདུགས་དཀར་མོ་ཅན་ཞལ་གསུམ་ཕྱག་དྲུག་མའི་སྒྲུབ་ཐབས། རྗེས་གནང་ཡོད། ༣༨ ཞར་བྱུང་ནད་པ་ལ་ཕན་གདགས་པ། རྗེས་གནང་ཟུར་དུ་མེད། ༣༩ ཕྱག་ན་རྡོ་རྗེ་མདོ་ལུགས་སྔོན་པོ་ཕྱག་གཉིས་དཔའ་བོ་གཅིག་པའི་མངོན་རྟོགས། རྗེས་གནང་ཡོད། ༤༠ ཁ་འབར་མའི་གཏོར་མ་ཆ་ལྔ་པ། ༤༡ ཁ་འབར་མའི་གཏོར་ཆེན་ཇོ་བོ་ཆེན་པོ་ལྷ་གཅིག་ནས་བརྒྱུད་པ། ལུང་ལས་རྗེས་གནང་མེད། ༤༢ ཀླུ་ལ་གཏོར་མ་བཏང་སྟེ་འབྱོར་པ་སྒྲུབ་པའི་མན་ངག །ལུང་ལས་རྗེས་གནང་མེད། ༤༣ ཀླུ་སྨན་དང་བཅས་པའི་ཀླུ་གཏོར་གྱིས་གནོད་པ་ཞི་བའི་མན་ངག །ལུང་ལས་རྗེས་གནང་མེད། ༤༤ རྒྱལ་པོ་ཆེན་པོ་སྡེ་བཞིའི་

གཏོར་མ་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དང་ལོ་ཙཱ་བ་དགེ་བཤེས་སྟོན་པས་བསྒྱུར་བ། ༤༥ རྗེན་གཏོར་གྱི་མན་ངག་བླ་མའི་ཞལ་ལས་བྱུང་བ་དགེ་སློང་ཆོས་ཀྱི་བླ་མས་ཡི་གེར་བྲིས་པ། ༤༦ སྤྱན་སྔ་བ་ལུགས་ཀྱི་གཏོར་མ་བརྒྱ་རྩའི་མན་ངག །ལུང་ལས་རྗེས་གནང་མེད། ༤༧ འཇུར་བགེགས་ཀྱི་ཆུ་སྦྱིན་བྱ་ཐབས། ལུང་ལས་རྗེས་གནང་མེད། ༤༨ ཐུགས་རྗེ་ཆེན་པོ་ཁ་སཪྤཱ་ཎིའི་སྒྲུབ་ཐབས། རྗེས་གནང་ཡོད། ༤༩ དེའི་སྒོ་ནས་ཆུ་སྦྱིན་བྱ་ཐབས། ལུང་ལས་རྗེས་གནང་མེད། ༥༠ ངག་གི་དབང་ཕྱུག་འཇམ་དཔལ་དབྱངས་ཨ་ར་པ་ཙ་ནའི་སྒྲུབ་ཐབས། རྗེས་གནང་ཡོད། ༤༡ སོར་འབྲང་སེར་མོ་ཞལ་གསུམ་ཕྱག་བཅུ་མ་གཙོ་བོར་གྱུར་པའི་ལྷ་མོ་ལྔའི་སྒྲུབ་ཐབས། རྗེས་གནང་ཡོད། ༥༢ ལྷ་མོ་ནོར་རྒྱུན་མ་སེར་མོ་ཕྱག་གཉིས་མའི་སྒྲུབ་ཐབས། རྗེས་གནང་ཡོད། ༥༣དེའི་གཟུངས་ཀྱི་མན་ངག །ལུང་ལས་རྗེས་གནང་མེད། ༥༤ རྡོ་རྗེ་ཕག་མོ་དབང་དུ་བྱ་བའི་ཆོ་ག །ལུང་ལས་རྗེས་གནང་མེད། ༥༥ གཙུག་ཏོར་རྣམ་པར་རྒྱལ་མ་ལྷ་དགུའི་སྒྲུབ་ཐབས་བླ་མ་རྡོ་རྗེ་གདན་པས་མཛད་པ་པཎྜི་ཏ་ཆོས་ཀྱི་སྡེ་དང་ལོ་ཙཱ་བ་དགེ་སློང་བ་རིས་བསྒྱུར་བ། རྗེས་གནང་ཡོད། ༥༦ བྱམས་པ་སེར་པོ་ཞལ་གསུམ་ཕྱག་བཞི་པའི་སྒྲུབ་ཐབས། རྗེས་གནང་ཡོད། ༥༧ ཤེར་ཕྱིན་དཀར་མོ་ཕྱག་གཉིས་མའི་སྒྲུབ་ཐབས་སངས་རྒྱས་ཀྱིས་གསུངས་པ་ལོ་ཙཱ་བ་དགེ་སློང་རིན་ཅེན་གྲགས་ཀྱིས་བསྒྱུར་བ། རྗེས་གནང་ཡོད། ༥༨ ནོར་རྒྱུན་མ་སེར་མོ་ཕྱག་གཉིས་མའི་སྒྲུབ་ཐབས་པཎྜི་ཏ་དོན་ཡོད་རྡོ་རྗེ་དང་ལོ་ཙཱ་བ་དགེ་སློང་བ་རི་རིན་ཅེན་གྲགས་ཀྱིས་བསྒྱུར་བ། རྗེས་གནང་ཡོད། ༥༩ ཁྲོ་གཉེར་ཅན་མ་སེར་མོ་ཕྱག་བཞི་མའི་སྒྲུབ་ཐབས་ལོ་ཙཱ་བ་དགེ་སློང་རིན་ཅེན་གྲགས་ཀྱིས་བསྒྱུར་བ། རྗེས་གནང་ཡོད། ༦༠ རྣམ་སྲས་ལྗང་གུ་བེ་

ཅོན་ཅན། རྗེས་གནང་ཡོད། ཕྱག་གཉིས་པ་བླ་མ་ཁ་ཆེ་དགོན་པ་བའི་མན་ངག་གསང་བའི་ཡང་སྙིང་ལ་སྒྲུབ་ཐབས་གནད་ལ་དབབ་པ། བླ་རྡོ་བཅང་པ་གསུམ་གྱིས་བསྟན་པ། ལུང་ལས་རྗེས་གནང་མེད། ༦༡ དཔལ་མགོན་པོའི་གྲི་གུག་མཐིང་ནག་ཕྱག་གཉིས་པའི་སྒྲུབ་ཐབས། རྗེས་གནང་ཡོད། ༦༢ དེའི་རྒྱུན་གཏོར། འཛིན་གཏོར། མཆོག་སྲེད་ཀྱིས་མཛད་པའི་བསྟོད་པ་སྲིན་གཟུགས་མ་དང་བཅས་པ། ལུང་ལས་རྗེས་གནང་མེད། ༦༣ ནག་པོ་ཆེན་པོའི་བསྟོད་པ་ཨ་ཝ་དྷཱུ་ཏི་པས་མཛད་པ། ༦༤ མགོན་པོའི་རྟགས་ཀྱི་ལེའུ། ལུང་ལས་རྗེས་གནང་མེད། ༦༥ ལས་ཀྱི་སྒྲིབ་པ་ཐམས་ཅད་རྣམ་པར་འདག་པར་བྱེད་པའི་ཆོ་ག་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་པཎྜི་ཏ་དེ་ཉིད་དང་ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བ། ལུང་ལས་རྗེས་གནང་མེད། ༦༦ གོང་དུ་བཤད་པའི་ལྷ་རྣམས་ཀྱི་རྗེས་གནང་གི་ཆོ་ག་༦༧ སྟེ། རྗེས་གནང་སྒྲུབ་ཐབས་མན་ངག་རྣམས་བསྡོམས་པའི་བརྒྱ་ཐམ་པ་ལེགས་པར་ནོས་པའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། རྗེ་བཙུན་བྱམས་པ། འཕགས་པ་ཐོགས་མེད། སློབ་དཔོན་དབྱིག་གཉེན། ཀུན་མཁྱེན་བློ་གྲོས་བརྟན་པ། པཎ་ཆེན་ཤནྟི་པ། སློབ་དཔོན་སཱ་ར་ཨེ་ཏ། ཇོ་བོ་ཆེན་པོ་དཔལ་ལྡན་མར་མེ་མཛད། འབྲོམ་རྒྱལ་བའི་འབྱུང་གནས། རྔོག་ལོ་ཙཱ་བ་ལེགས་པའི་ཤེས་རབ། རྔོག་ལོ་བློ་ལྡན་ཤེས་རབ། གྲོ་ལུང་པ་བློ་གྲོས་འབྱུང་གནས། ཆ་པ་ཆོས་ཀྱི་སེང་གེ །གཙང་ནག་ཐུགས་རྗེ་སེང་གེ །གྲོ་སྟོན་བདུད་རྩི་གྲགས། མཆིམས་ནམ་མཁའ་གྲགས། འདི་ཕྱོགས་གཅིག་ཏུ་བསྒྲིགས་མཁན། སྐྱོ་སྟོན་སྨོན་ལམ་ཚུལ་ཁྲིམས། རྒྱང་རོ་པཎ་ཆེན། མཆིམས་བློ་བཟང་གྲགས་པ། གྲོ་སྟོན་ཀུན་དགའ་རྒྱལ་

མཚན། དཔང་སྟོན་གྲུབ་པ་ཤེས་རབ། ཁུ་སྟོན་བསོད་ནམས་མཆོག་གྲུབ། ཆོས་རྗེ་དཔལ་འབར་བ་དཔལ་ལྡན་དོན་གྲུབ། རྩེས་དང་ལས་ཆེན་ཀུན་དགའ་རྒྱལ་མཚན། ཐེལ་བྲག་ལྕོག་ཐམས་ཅད་མཁྱེན། ཐོན་པ་བློ་གྲོས་རྒྱལ་མཚན། ཤངས་རི་བོ་དགེ་འཕེལ་བ་རྗེ་ཕྱོགས་ལས་རྣམ་རྒྱལ། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་མགོན་སྤྱན་སྔ་བ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་བཀའ་དྲིན་ཏུ་སྩལ་ཏོ། །ཡང་གོང་གསལ་འགའ་ཞིག་ལ་སྒོས་བརྒྱུད་འདུག་པ། བླ་མའི་རྣལ་འབྱོར་གྱི་བརྒྱུད་པ་ལུགས་གཅིག་ནི། ཇོ་བོ་རྗེ་ནས། དགོན་པ་པ། སྤྱན་སྔ་བ། བྱ་ཡུལ་བ། དགྱེར་སྒོམ་ཆེན་པོ། སངས་རྒྱས་དབོན། དཔལ་ལྡན་གྲོ། མཆིམས་ནམ་མཁའ་གྲགས་མན་འདྲ། གནས་བརྟན་བཅུ་དྲུག་གི་རྗེས་གནང་ཕྱག་མཆོད་ཀྱི་བརྒྱུད་པ་ལུགས་གཅིག་ནི། ཇོ་བོ་རྗེ་ནས། སེམས་ཙམ་རྣམ་བདེན་གྱི་པཎྜི་ཏ། རྔོག་བྱང་ཆུབ་འབྱུང་གནས། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་པ། ལྷ་སྤྱིལ་བུ་བ། རྒན་མོ་ལྷས་པ་ཆེན་པོ། གྲོ་མོ་ཆེ། མཆིམས་ནམ་མཁའ་གྲགས་པ་མན་འདྲ། ཡང་མི་འཁྲུགས་པའི་ཉེ་བརྒྱུད་ལུགས་གཅིག་ནི། རྡོ་རྗེ་སེམས་དཔའ། ཇོ་བོ་རྗེ། རྣལ་འབྱོར་པ་ཆེན་པོ། སྤྱན་སྔ་ཚུལ་ཁྲིམས་འབར། བྱ་ཡུལ་བ། མུ་སྨན་པ་ཚར་ཆེན། གྲོ་བདུད་རྩི་གྲགས། མཆིམས་ནམ་མཁའ་གྲགས་མན་འདྲ། ཡང་མཆིམས་ནས། འདུལ་འཛིན་གྲགས་པ་བརྩོན་འགྲུས། མཆིམས་བློ་བཟང་གྲགས་པ་མན་འདྲ། ཡི་གེ་དྲུག་པའི་བརྒྱུད་པ་ལུགས་གཅིག་ནི་བྱ་ཡུལ་

པ་ཡན་མི་འཁྲུགས་ལ་ལྟར་ལ། དེ་ནས་གནུབས་ཡེ་ཤེས་སེང་གེ། སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། འདུལ་འཛིན་གྲགས་པ་བརྩོན་འགྲུས། མཆིམས་བློ་བཟང་གྲགས་པ་མན་འདྲ། སེང་གེ་སྒྲའི་བརྒྱུད་ལུགས་གཅིག་ནི། བྱ་ཡུལ་པ་ནས། བར་འདིར་བླ་མ་གཞན་ཡོད་མེད་བརྟག །མཆིམས་བརྩོན་སེང་། མཆིམས་དོན་རྒྱལ། མཆིམས་བློ་གྲོས་བརྟན་པ། མཆིམས་ནམ་མཁའ་གྲགས་མན་འདྲ། བཅུ་གཅིག་ཞལ་གྱི་བརྒྱུད་ལུགས་གཅིག་ནི། ཇོ་བོ་རྗེ་ནས། དགོན་པ་པ། ཀརྨ་པ་ཤེས་རབ་འོད། ལུམ་པ་བ་ཡེ་ཤེས་བྱང་ཆུབ། ཆུ་མིག་པ་ཤེས་རབ་གྲགས་པ། གྲོ་སྟོན་བདུད་རྩི་གྲགས། ཞང་སྟོན་ཆོས་ཀྱི་བླ་མ། མཆིམས་ནམ་མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས་མན་སྔར་བཞིན་ནོ། །སེང་ལྡེང་ནགས་ཀྱི་སྒྲོལ་མ་དང་འོད་ཟེར་ཅན་མའི་བརྒྱུད་ལུགས་གཅིག་ནི་བཅུ་གཅིག་ཞལ་བཞིན་ནོ། །དབྱངས་ཅན་མ་དམར་མོའི་བརྒྱུད་ལུགས་གཅིག་ནི། པཎྜི་ཏ་སུ་མ་ཀཱིརྟི། མར་དོ་ཆོས་ཀྱི་དབང་ཕྱུག །མཆིམས་ནམ་མཁའ་གྲགས་མན་འདྲ། འཇམ་དབྱངས་སྨྲ་སེང་གེ་བརྒྱུད་ལུགས་གཅིག་ནི། གྲོ་སྟོན་བདུད་རྩི་གྲགས་ཡན་སྤྱི་བརྒྱུད་ལྟར་ལ། དེ་ནས་ཞང་སྟོན་ཆོས་ཀྱི་བླ་མ། མཆིམས་ནམ་མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས་མན་འདྲ། ཛམ་བྷ་ལ་བརྒྱུད་པ་འདི་མཆིམས་བློ་བཟང་གྲགས་པ་ནས་སྤྱི་བརྒྱུད་དང་འབྲེལ་བ་མ་གཏོགས། མཆིམས་ནམ་མཁའ་གྲགས་ནས་མིན་ནོ། །སེར་པོའི་བརྒྱུད་ལུགས་

གཅིག་ནི། པཎྜི་ཏ་མཉྫུ་གྷོ་ཥ། ཤཱི་ལ་ཙནྡྲ། བླ་མ་གྲགས་རྒྱལ་བ། རྒྱང་རོ་པཎ་ཆེན། མཆིམས་བློ་བཟང་གྲགས་པ་མན་སྔར་ལྟར་རོ། །བགེགས་མཐར་བྱེད། སྟོབས་པོ་ཆེ། མི་གཡོ་བ་དཀར་སྔོན་རྣམས་ཀྱི་བརྒྱུད་ལུགས་གཅིག་ནི་བཅུ་གཅིག་ཞལ་དང་འདྲ། མི་གཡོ་བའི་དམིགས་པ་སྐོར་གསུམ་གྱི་བརྒྱུད་ལུགས་གཅིག་ནི། ཆུ་མིག་པ་ནས། རྨ་བྱ་ཤཱཀ་གཞོན། བར་འདིར་བླ་མ་གཞན་ཡོད་མེད་བརྟག །དཔལ་ལྡན་གྲོ། སྒོམ་པ་སེང་གེ་སྐྱབས། མཆིམས་ནམ་མཁའ་གྲགས་མན་འདྲ།གདུགས་དཀར་གྱི་འདི་གྲོ་སྟོན་ནས་བརྒྱུད་པ་འདྲེན་པ་ལས་མཆིམས་ནམ་མཁའ་གྲགས་ཀྱི་བརྒྱུད་པ་ནི་མིན་ནོ། །བརྒྱུད་པ་ལུགས་གཅིག་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། ཨ་བྷ་ཡཱ་ཀ་ར། ཀཱིརྟི་ཙནྡྲ། ལོ་ཙཱ་བ་གྲགས་པ་རྒྱལ་མཚན། རིན་ཅེན་རྒྱལ་མཚན། བསོད་ནམས་རྒྱལ་མཚན། བླ་མ་གཞོན་ནུ། དཀའ་བཅུ་པ། གྲོ་སྟོན་ཀུན་དགའ་རྒྱལ་མཚན་མན་འདྲ། ཁ་འབར་མའི་གཏོར་མ་ཆ་ལྔའི་བརྒྱུད་ལུགས་གཅིག་ནི། ཇོ་བོ་ནས། འབྲོམ་སྟོན་པ། པོ་ཏོ་བ། རམ་སྡིངས་པ། ལྡན་ཤེས་རབ་གྲགས། སློབ་དཔོན་ཆུ་ནག་པ་རིན་ཅེན་སེང་གེ །ར་ཟ་བ་དར་མ་རྒྱལ་མཚན། གཉིས་ཀ་ལ་མཆིམས་ནམ་མཁའ་གྲགས་པ་མན་འདྲ། རྗེན་གཏོར་གྱི་བརྒྱུད་ལུགས་གཅིག་ནི། ཇོ་བོ་རྗེ་ནས། ནག་ཚོ་ལོ་ཙཱ་བ། དགེ་བཤེས་ཕྱག་སོར་བ། ཞུ་ལྡན་པ། དཔལ་ལྡན་གྲོ། ཞང་སྟོན་ཆོས་ཀྱི་བླ་མ། མཆིམས་ནམ་མཁའ་གྲགས་པ་མན་འདྲ། ནོར་རྒྱུན་མའི་བརྒྱུད་ལུགས་གཅིག་ནི་ཛམ་བྷ་ལ་དང་འདྲ། ཤེར་ཕྱིན་མ་དཀར་པོ་དང་ཁྲོ་གཉེར་ཅན་སེར་མོའི་བརྒྱུད་ལུགས་གཅིག་ནི་བཅུ་གཅིག་ཞལ་དང་འདྲ། རྣམ་སྲས་ཀྱི་བརྒྱུད་ལུགས་གཅིག་ནི། རྡོ་རྗེ་འཆང་། ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ། ཀུན་ཏུ་བཟང་པོ། འགྲོ་བཟང་སྙིང་པོ། ཁ་ཆེ་རིན་ཅེན་རྡོ་རྗེ། ཁ་ཆེ་དགོན་པ་པ། ཟངས་དཀར་ལོ་ཙཱ་བ། བར་འདིར་བླ་མ་གཞན་ཡོད་མེད་བརྟག །ཆུ་མིག་པ། གྲོ་སྟོན་བདུད་རྩི་གྲགས། ཞང་ཆོས་ཀྱི་བླ་མ། མཆིམས་ནམ་

མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས་མན་འདྲ། མགོན་པོ་གྲི་གུག་གི་བརྒྱུད་ལུགས་གཅིག་ནི། རྡོ་རྗེ་འཆང་། བྲམ་ཟེ་མཆོག་སྲེད། ཛི་ན་མི་ཏྲ། ཇོ་བོ་རྗེ། དགེ་བཤེས་སྟོན་པ། སྤྱན་སྔ་པ། མུ་སྨན་པ་ཆར་ཆེན། གྲོ་སྟོན་བདུད་རྩི་གྲགས། ཞང་སྟོན་ཆོས་ཀྱི་བླ་མ། མཆིམས་ནམ་མཁའ་གྲགས། སྐྱོ་སྟོན་མན་འདྲ། དབྱངས་ཅན་མ་དམར་མོ་མར་དོ་དང་དཱ་ན་ཤཱི་ལའི་རང་འགྱུར་གྱི་མི་གཡོ་བ་སོགས་མཆིམས་ཀྱིས་གསན་པས་བརྒྱུད་པ་སོ་སོར་བྱུང་བ་མ་གཏོགས་བརྒྱུད་པ་དེ་མིན་པའི་ཇོ་བོ་ནས་བརྒྱུད་པ་མེད་པའི་འཁྲུལ་གཞི་མི་བྱའོ། ༈ །ལོ་པ་སྤྱན་སྔ་རིན་པོ་ཆེ་དང་ངག་དབང་ཆོས་གྲགས་ཀྱི་ཕྱག་ལེན་ལྟར་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་དབང་བཞིའི་ཚུལ་དུ་ནོས་པ་ལ། གྲུབ་ཆེན་ལཱུ་ཧི་པ། ༡ དཱ་རི་ཀ་པ། ༢ ཌེཾ་ཀི་པ། ༣ ལཱི་ལ་པ། ༤ བིར་ཝ་པ། ༥ ཌོམྦྷི་པ། ༦ ཤཱ་ཝ་རི་པ། ༧ ས་ར་ཧ། ༨ ཀོ་ཀི་ལ་པ། ༩ མི་ན་པ། ༡༠ ཨ་ནངྒ་བཛྲ། གོ་རཀྵ་ཡང་ཟེར། ༡༡ ཙའུ་ན། ༡༢ བཱི་ན་པ། ༡༣ རཏྣ་ཨཱ་ཀ་ར་ཤཱནྟི་པ། ༡༤ ཏོག་རྩེ་པ། ༡༥ ཏིནྡྲ་པ། ༡༦ ཙ་མ་རི་པ། ༡༧ ཁཌྒ་པ། ༡༨ ནཱ་གཱ་རྫུ་ན། ༡༩ ནག་པོ། ༢༠ ཨཱཪྻ་དེ་ཝ། ༢༡ ཐག་ག་པ། ༢༢ ཏཻ་ལོ་པ། ༢༣ ནཱ་རོ་པ། ༢༤ ཤ་ལི་པ། ༢༥ ཙ་ཏ་པ། ༢༦ བྷ་ཏ་པ། ༢༧ དྷོ་ཥནྟི། ༢༨ ཨ་ཛུ་གི ། ༢༩ ས་ཀ་ལ། ༣༠ དྷོཾ་བྷི་པ། ༣༡ མེ་ཀོ་པ། ༣༢ ཀ་མ་རི་པ། ༣༣ ཛ་ལནྡྷ་ར་པ། ༣༤ རཱ་ཧུ་ལ། ༣༥ དྷརྨ་པ། ༣༦ དྷོ་ཀ་རི་པ། ༣༧ མེ་དྷ་ནི། ༣༨ ས་ག་ཛ་ལ། ༣༩ དྲིལ་བུ་པ། ༤༠ ཨ་ཡོ་གེ །༤༡ ཙ་ལོ་ཀི ། ༤༢ གྷུ་དྷུ་རི་པ། ༤༣ ལུ་ཙི་ཀ །༤༤ ཀཾ་ཀ་ར། ༤༥ ཀཾ་ས་ལི། ༤༦ བྷ་དེ་པ། ༤༧ཏནྟེ་པ། ༤༨ ཀུ་ཀུ་རི་པ། ༤༩ ཀུ་ཛྙཱ་ལི། ༥༠ དྷ་མ་པ། ༥༡ མ་དྷི་ལ། ༥༢ ཨ་ཙིནྟ། ༥༣ བྷ་ལ་ཧ། ༥༤ ན་ལི་པ། ༥༥ བྷུ་

སུ་ཀུ། ༥༦ ཨིནྡྲ་བྷཱུ་ཏི། ༥༧ ལྕམ་ལེགས་སྨིན་ཀ་ར། ༥༨ ཛ་ལེནྡྲ་པ། ༥༩ ནི་གུ་ན། ༦༠ ཙ་པ་རི་པ། ༦༡ ཙི་པ་ཀ །༦༢ བྷི་ཥ་ན། ༦༣ ཏིལ་བརྡུང་པ། ༦༤ ཀུ་མཱ་རི་པ། ༦༥ དུ་མེ་བ། ༦༦ མ་ཎི་བྷ་དྲ། ༦༧ མེ་ཁ་ལ། ༦༨ ཀ་ན་ཁ། ༦༩ ཀ་ན་ཀ །༧༠ ཀནྠ་ལི། ༧༡ དྷ་སུ་རི་པ། ༧༢ ཨུ་དྷཱ་རི་པ། ༧༣ ཀ་པ་ལི་པ། ༧༤ ཀི་ར་པ། ༧༥ མཚོ་སྐྱེས་རྡོ་རྗེ། ༧༦ སརྦ་བྷ་བ། ༧༧ ནཱ་ག་བྷོ་དྷི། ༧༨ པུ་ར་ལི། ༧༩ ས་ན་ཧ། ༨༠ ཀོ་ཀ་ལི། ༨༡ ཨ་ན་ཀ །༨༢ ས་མུནྡྲ། ༨༣ བྱ་རི་པ། ༨༤ རྣམས་ཀྱི་བྱིན་རླབས་དང་རྟོགས་བརྗོད་བཅས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། གྲུབ་ཐོབ་བརྒྱད་ཅུ་རྩ་བཞི། མཁའ་འགྲོ་མ་ཀོ་ཀི་ལ་དང་དྷརྨ་དེ་ཝ་མཆེད་གཉིས། པཎྜི་ཏ་སཱུཪྻ་ར་སྨི། དཔའ་བོ་འོད་གསལ་ཡང་ཟེར། བྲམ་ཟེའི་པཎྜི་ཏ་ཀ་མ་ལ། གྲུབ་ཐོབ་ཛ་ཝ་རི་པ། མ་ག་དྷའི་པཎྜི་ཏ་ཨ་བྷ་ཝ་ཡ་དཱ་ན་ཤཱི། མི་ཉག་ཙ་མི་ལོ་ཙཱ་སྨོན་གྲུབ་ཤེས་རབ། རིན་པོ་ཆེ་ཡབ་སྲས། རཏྣ་གུ་རུ། གྲུབ་ཐོབ་ཧཱུྃ་འབར། ཁམས་ཆེན་བྱང་ཆུབ་དཔལ། རྒན་མེ་ལྷས་པའང་ཟེར། སྟག་སྟོན་ཆེ་བྲག་པ། གཞོན་ནུ་དར་མ། བག་སྟོན་གཞོན་ནུ་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། བླ་མ་བདེ་ལེགས་པ། འཕགས་མཆོག་བསོད་ནམས་དར། དམར་སྟོན་རྒྱལ་མཚན་འོད་ཟེར། བཀའ་འགྱུར་བ་ཤཱཀྱ་རྒྱལ་མཚན། གཉུག་ལ་པཎ་ཆེན་ངག་དབང་གྲགས་པ། ཏྲེ་པོ་ཆོས་ཀྱི་རྒྱ་མཚོ། རྗེ་བཙུན་ཀུན་དགའ་གྲོལ་མཆོག །བསྟན་འཛིན་ཉི་ཟླ་བཟང་པོ། གླིང་སྟོད་ཆོས་རྗེ་ཀུན་དགའ་འབྱུང་གནས། གྲུབ་ཆེན་ཀུན་དགའ་རྣམ་རྒྱལ། བཅོ་བརྒྱད་ཆོས་རྗེ་མཁྱེན་རབ་བསྟན་འཛིན་བཟང་པོ། བཅོ་བརྒྱད་པ་མཁས་གྲུབ་མཁྱེན་རབ་བྱམས་པ་ངག་དབང་ལྷུན་གྲུབ། དགེ་སློང་འཕྲིན་ལས་རྣམ་རྒྱལ། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་སྩལ་

ཏོ། ༈ །སྐྱིད་ཤོད་དགའ་བ་གདོང་དུ་མགོན་པོ་འཇམ་དཔལ་དབྱངས་ཀྱིས་དགེ་བའི་བཤེས་གཉེན་དང་བླ་མ་དབུ་མ་པ་ཆེན་པོས་ལོ་ཙཱའི་ཚུལ་མཛད་དེ་ཆོས་ཀྱི་རྒྱལ་པོ་བཙོང་ཁ་པ་ཆེན་པོ་ལ་འཇམ་དཔལ་དབྱངས་དང་རྗེས་སུ་འབྲེལ་བའི་ཟབ་ཆོས་མང་དུ་གསུངས་པའི་འཇམ་དབྱངས་ཆོས་སྐོར་དུ་གྲགས་པ་ལ་བདག་གཞན་གྱི་དོན་གཉིས་མཐར་ཕྱིན་པར་བྱ་བའི་ཕྱིར་འཇམ་དཔལ་དབྱངས་དང་དབྱངས་ཅན་མ་དམར་མོ་ཡབ་ཡུམ་ལ་བརྟེན་པའི་ཟབ་ལམ་བླ་མའི་རྣལ་འབྱོར། འཇམ་དབྱངས་དཔའ་བོ་གཅིག་པ་དམར་སེར་ཕྱག་གཉིས་པའི་མངོན་རྟོགས། དེའི་རྗེས་གནང་གི་ཡི་གེ་འདི་ལ་རྒྱུན་ཡོད། འཇམ་དབྱངས་དམར་སེར་ཕྱག་གཉིས་པ་ལུས་དཀྱིལ་དང་བཅས་པའི་མངོན་རྟོགས། དེའི་རྗེས་སུ་གནང་བའི་ཡི་གེ་རྒྱུན་ཡོད། འཇམ་དབྱངས་དང་དབྱངས་ཅན་མ་ཡབ་ཡུམ་གཉིས་ལ་བརྟེན་པའི་གསང་སྒྲུབ་ཀྱི་མངོན་པར་རྟོགས་པ། དེའི་རྗེས་གནང་གི་ཡི་གེ་རྒྱུན་ཡོད། འཇམ་དཔལ་དབྱངས་དང་དབྱངས་ཅན་ཡབ་ཡུམ་ལ་བརྟེན་པའི་ནང་སྒྲུབ་ཀྱི་མངོན་རྟོགས། དེའི་རྗེས་སུ་གནང་བའི་ཡི་གེ །རྒྱུན་ཡོད། འཁོར་ལོའི་མན་ངག་གི་སྡོམ་ཚིག །རལ་གྲིའི་འཁོར་ལོའི་བསྲུང་འཁོར་ཐུན་མོང་མ་ཡིན་པ། འཁོར་ལོ་ལ་བརྟེན་པའི་ཞི་རྒྱས་དབང་གསུམ་གྱི་མན་ངག །འཁོར་ལོ་ལ་བརྟེན་ནས་ངག་འགྲོལ་བ། རལ་གྲི་ལ་བརྟེན་ནས་གྲིབ་དང་གདོན་སོགས་བསྲུང་བ། སྤྲོས་བྲལ་གྱི་བསྲུང་འཁོར་ཆེ་བ། འཇམ་དཔལ་དང་དམར་འཇིགས་གཉིས་ཀྱི་བསྲུང་འཁོར་འབྲིང་པོ། གཤེད་དམར་གྱི་བསྲུང་འཁོར་ཆུང་བ། རྫས་སྦྱོར་རིལ་བུའི་མན་ངག །ཚད་བརྟག་པའི་ཕྱིར་སྲན་མའི་ལས་སྦྱོར། འཆད་རྩོད་རྩོམ་གསུམ་གྱི་གདམས་ངག །འཇམ་དཔལ་ལུ་

དཀྱིལ་གྱི་ལྷའི་འཕྲིན་ལས་སྒྲུབ་པའི་སྡོམ་ཚིག །དེའི་རྒྱས་བཤད་ལས་གང་སྒྲུབ་ཀྱི་སོ་སོའི་ཁ་བསྒྱུར་བྱ་ཚུལ། དབང་གིས་ཐུན་མོང་གི་ལོངས་སྤྱོད་སྒྲུབ་པའི་མན་ངག་འཇམ་དབྱངས་མཐིང་ནག་ཕྱག་གཉིས་པའི་སྒྲུབ་ཐབས། གཤིན་རྗེ་གཤེད་དམར་པོའི་སྒྲུབ་ཐབས། དེའི་སྒོ་ནས་འབྱུང་པོའི་གནོད་པ་ཞི་བར་བྱེད་ཐབས། དོན་སྤྱོད་ཆེ་བར་འདོད་ན་ཤེས་རབ་སྤེལ་བའི་མན་ངག་ཁྲོས་མ་ནག་མོ་ཕྱག་གཉིས་མ་ལུས་དཀྱིལ་དང་བཅས་པའི་སྒྲུབ་ཐབས། དེའི་སྦྱིན་སྲེག་ཉུང་ངུ་བསྡུས་པ། དེའི་དབང་བཞི་བྱིན་རླབས་ཀྱི་ཚུལ་དུ་བསྐུར་བ། རྒྱུན་ཡོད། དཔལ་འཁོར་ལོ་བདེ་མཆོག་དཀར་པོ་ལ་བརྟེན་པའི་འཆི་བ་བླུ་བའི་མན་ངག །དེའི་བྱིན་རླབས་ཀྱི་ཡི་གེ་རྒྱུན་ཡོད། སྒྲོལ་མ་དཀར་མོ་རྒྱལ་མཚན་མའི་སྒྲུབ་ཐབས། དེའི་རྗེས་གནང་གི་ཡི་གེ་རྒྱུན་ཡོད། སྐུ་གསུང་ཐུགས་ཀྱི་སྒོ་ནས་གེགས་སེལ་བ། རླུང་སེམས་གནད་ཀྱི་མན་ངག །ལས་ཀྱི་གཤིན་རྗེ་ཕྱི་སྒྲུབ་མ་ཧེའི་ཞལ་ཅན་ཞལ་གཅིག་ཕྱག་གཉིས་པའི་སྒྲུབ་ཐབས། ནང་སྒྲུབ་སྲིན་པོའི་ཞལ་ཅན་ཕྱག་གཉིས་པའི་སྒྲུབ་ཐབས། གསང་སྒྲུབ་མ་ཧེའི་ཞལ་ཅན་དམར་པོ་ཕྱག་གཉིས་པའི་སྒྲུབ་ཐབས། དེ་གསུམ་གྱི་རྗེས་གནང་གི་ཡི་གེ་དང་བཅས་པ་རྒྱུན་ཡོད། རྣམས་ཀྱི་རྗེས་གནང་ལུང་བཅས་ལེགས་པར་ཐོབ་པའི་བརྒྱུད་པ་ནི། རྒྱུན་ཡོད། རྒྱལ་བ་རྡོ་རྗེ་འཆང་། རྗེ་བཙུན་འཇམ་དཔལ་དབྱངས། གྲུབ་ཆེན་དཔའ་བོ་རྡོ་རྗེ། རྒྱལ་བ་གཉིས་པ་བློ་བཟང་གྲགས་པ། རྗེ་ཆོས་བཟང་དཔལ་བ། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། རྗེ་ཆོས་ལྡན་པ། མར་སྟོན་སེམས་དཔའ་ཆེན་པོ་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་ཀུན་དགའ་

བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ལས་གཤིན་གསུམ་གྱི་རྗེས་གནང་གི་བརྒྱུད་ལུགས་གཅིག་ནི། རྒྱལ་བ་བཙོང་ཁ་པ་ཆེན་པོ་ནས། མཁས་གྲུབ་དགེ་ལེགས་དཔལ་བཟང་། རིན་པོ་ཆེ་ཆོས་བཟང་པ། ཐམས་ཅད་མཁྱེན་པ་དགེ་འདུན་གྲུབ། ཡབ་ཆོས་རྗེ་རྡོ་རྗེ་འཆང་། ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། སློབ་དཔོན་ཆོས་གྲགས་འོད་ཟེར། ཆོས་རྗེ་ནམ་མཁའ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ་མན་གོང་བཞིན་ནོ། ༈ །ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་ཐུན་མོང་མ་ཡིན་པའི་གསེར་ཆོས་འཁྲིད་ཆེན་བརྒྱད་དུ་གྲགས་པ་ཐམས་ཅད་མཁྱེན་པ་དཔལ་གཙང་ཆུང་ཆོས་ཀྱི་གྲགས་པས་སྙན་བརྒྱུད་ཟིན་བྲིས་སུ་མཛད་པའི་སྐོར་ལ། གྲུབ་ཆེན་དཔལ་འཛིན་གྱིས་གཤེད་དམར་བཅུ་གསུམ་མ་ལ་མཛད་པའི་རྫོགས་རིམ་རྣལ་འབྱོར་བཞི་རིམ་ཞེས་པ་འཇིགས་བྱེད་བཅུ་གསུམ་མ་ལ་ཁ་སྤོས་ནས་ཉམས་སུ་ལེན་ཚུལ། དཔལ་གསང་བ་འདུས་པ་མི་བསྐྱོད་པའི་རྫོགས་རིམ་རིམ་པ་ལྔ་པ་ཉམས་སུ་ལེན་ཚུལ། ཟབ་ལམ་ནཱ་རོ་ཆོས་དྲུག་ཉམས་སུ་ལེན་ཚུལ་ཡིད་ཆེས་གསུམ་ལྡན་གྱི་སྙིང་པོ། རྣལ་འབྱོར་དབང་ཕྱུག་ལཱུ་ཧི་པའི་ལུགས་ཀྱི་རྫོགས་རིམ་རྣལ་འབྱོར་ཆེན་མོའི་སྒོམ་ཚུལ། རྗེ་བཙུན་འཇམ་དཔལ་དབྱངས་ཀྱིས་སློབ་དཔོན་ཆེན་པོ་སངས་རྒྱས་ཡེ་ཤེས་ཞབས་ལ་དངོས་སུ་གནང་བའི་རྫོགས་རིམ་དགའ་བ་བཞིའི་

རིམ་པའམ་ཐིག་ལེ་བཞིའི་རིམ་པ་ཉམས་སུ་ལེན་ཚུལ། རྣལ་འབྱོར་དབང་ཕྱུག་དྲིལ་བུ་ཞབས་ཀྱིས་མཛད་པའི་རྫོགས་པའི་རིམ་པ་ལྔ་པ་ཉམས་སུ་ལེན་ཚུལ། ཕྱག་ན་རྡོ་རྗེ་འཁོར་ལོ་ཆེན་པོའི་རྫོགས་རིམ་བྱིན་རླབས་བཞི་ལྡན་ཉམས་སུ་ལེན་ཚུལ། དཔལ་དུས་ཀྱི་འཁོར་ལོའི་རྡོ་རྗེ་བཞིའི་རྣལ་འབྱོར། ཐོག་མཐའ་བར་གསུམ་གྱི་རྣལ་འབྱོར། སྦྱོར་བ་ཡན་ལག་དྲུག་གི་རྣལ་འབྱོར་ཉམས་སུ་ལེན་ཚུལ་རྣམས་ཀྱི་ལུང་ལེགས་པར་ནོས་པའི་བརྒྱུད་པ་ནི། ཆོས་ཀྱི་རྒྱལ་པོ་བཙོང་ཁ་པ་ཆེན་པོ་ནས། ཆོས་སྐྱོང་རྒྱ་མཚོ་འོད་ཟེར། པཎྜི་ཏ་ཆོས་ཀྱི་གྲགས་པ། ཐམས་ཅད་མཁྱེན་པ་ནོར་བཟང་རྒྱ་མཚོ། རྗེ་ཤེས་རབ་བཟང་པོ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །དེང་དུས་འཁྲིད་ཆེན་བརྒྱད་ཀྱི་རྣ་ཐོས་བྱུང་བ་རྣམས་ཀྱིས་དབུ་མའི་ལྟ་འཁྲིད་དང་སྙིང་པོ་དོན་གསུམ་སོགས་ཀྱང་འདྲེན་ཞིང་ཕལ་ཆེར་གྱི་རྣ་བའི་སྤྱོད་ཡུལ་དུ་མ་གྱུར་པས་ཅུང་ཟད་ཐོས་བསམ་དུ་བགྱིས་པའང་བཟང་པོའི་སྐལ་བ་ཅན་དུ་སེམས་སོ། ༈ །འཕགས་པ་ཐུགས་རྗེ་ཆེན་པོའི་དམར་འཁྲིད་ལ་དཔལ་ཇོ་བོ་ཆེན་པོ་ནས་རོང་པ་ཕྱག་སོར་བ་ལ་བརྒྱུད་པ་སྐྱེར་སྒང་ལུགས། དགེ་སློང་མ་དཔལ་མོ་ནས་བརྒྱུད་པ་དཔལ་མོ་ལུགས་ཞེས་རྒྱ་གར་ནས་བྱོན་པ་གཉིས་དང་། བྱང་སེམས་ཟླ་བ་རྒྱལ་མཚན་ལ་འཕགས་པ་ཉིད་ཀྱིས་དངོས་གྲུབ་དངོས་སུ་གནང་བའི་ཟླ་རྒྱལ་ལུགས། བླ་མ་གཉན་དར་མ་འོད་ལ་རྡོ་རྗེ་རྣལ་འབྱོར་མས་དངོས་སུ་གནང་བའི་ཚེམ་བུ་ལུགས་ཞེས་བཀའ་སྲོལ་མི་འདྲ་བ་བཞི་ལས་

ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་ཟིན་བྲིས་སུ་མཛད་པ་ཐུགས་རྗེའི་ཆུ་རྒྱུན་གྱི་སྟེང་ནས་ཚེམ་བུ་ལུགས་ཀྱི་དམར་འཁྲིད་སྨིན་རྒྱས་སུ་ལེགས་པར་ནོས་པ་དང་། འཁྲིད་ཡིག་ཐུགས་རྗེའི་ཆུ་རྒྱུན། ཚར་ཆེན་ཆོས་ཀྱི་རྒྱལ་པོས་མཛད་པའི་གསོལ་འདེབས་ལམ་རིམ་སྨོན་ལམ་དང་བཅས་པ་ཐོབ་པའི་བརྒྱུད་པ་ནི། རྒྱལ་བ་རྡོ་རྗེ་འཆང་། རྒྱལ་ཡུམ་རྡོ་རྗེ་ཕག་མོ། གྲུབ་ཐོབ་གཉན་ཚེམ་བུ་པ་དར་མ་འོད། སྤྱི་ལྷས་པ་བྱང་ཆུབ་འོད། མཁས་བཙུན་བྱང་ཆུབ་ཚུལ་ཁྲིམས། སྟག་སྡེ་བྲག་དམར་བའང་ཟེར། ལྷ་བཙུན་དགོན་གསར་བ། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། ཁམས་སྟོན་གཞོན་ནུ་སེང་གེ །ཐམས་ཅད་མཁྱེན་པ་བསོད་ནམས་རྒྱལ་མཚན། ཐེག་ཆེན་ཆོས་ཀྱི་རྒྱལ་པོ་ཀུན་དགའ་བཀྲ་ཤིས། འཇམ་དབྱངས་དཔལ་ལྡན་ལེགས་པ། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ། འཇམ་དབྱངས་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བརྟན། རིགས་དང་དཀྱིལ་འཁོར་ཀུན་གྱི་ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་དཔལ་ལྡན་འབྲས་སྤུངས་ཀྱི་གཟིམས་ཁང་དགའ་ལྡན་ཕོ་བྲང་དུ་སྩལ་ཏོ། ༈ །ཡང་ན་ཀུན་སྤངས་ཞང་ནས། བྲག་ཁ་པ་གྲགས་པ་སེང་གེ །བླ་མ་དམ་པ་བསོད་ནམས་རྒྱལ་མཚན་མན་འདྲ། ཡང་ན་ཀུན་སྤངས་པ་ནས། སྒྲོ་སྨོན་ཅན་པ་རིན་ཅེན་དཔལ། བླ་མ་དམ་པ་མན་འདྲ། ཡང་ན་བླ་མ་དམ་པ་ནས། འབའ་ར་བ་རྒྱལ་མཚན་དཔལ་བཟང་། གྲུབ་ཆེན་རིན་ཅེན་འཕེལ་

མཁན་ཆེན་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། རྗེ་རྡོ་རིང་པ་མན་འདྲ། ཡང་ན་བླ་མ་དམ་པ་ནས། ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ། གངས་ཅན་པ་ཀུན་དགའ་དཔལ། ཆོས་རྗེ་དཀའ་བཞི་པ། མཁྱེན་རབ་རྗེ་མན་འདྲ། ཡང་ན་རྗེ་རྡོ་རིང་པ་ནས། རྗེ་བཙུན་སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་ཞབས་མན་གོང་བཞིན་ནོ། ༈ །དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་མཛད་པའི་ཚེམ་བུ་ལུགས་ཀྱི་འཁྲིད་ཡིག་ཤིན་ཏུ་རྒྱས་པ་ཕྱག་རྒྱ་ཆེན་པོ་གསལ་བར་བྱེད་པའི་མན་ངག་མཚན་རྣམ་པ་བཞི་དང་ལྡན་པའི་འཁྲིད་ཡིག་ངེས་པ་དོན་གྱི་སྣང་བའི་ལུང་ནོས་པའི་བརྒྱུད་པ་ནི། ཆོས་རྗེ་བླ་མ་དམ་པ་ཡན་འདྲ་བ་ལས། ཐེག་ཆེན་ཆོས་ཀྱི་རྒྱལ་པོ། འཁྲུལ་ཞིག་ཚུལ་ཁྲིམས་རྒྱལ་མཚན། སྐུ་ཞང་མཁྱེན་རབ་ཆོས་རྗེ། ངེས་པར་ཐམས་ཅད་མཁྱེན་པ་ཞ་ལུ་ལོ་ཆེན་ཆོས་སྐྱོང་བཟང་པོ། ལོ་ཆེན་རཏྣ་བྷ་དྲ། སྒྱེ་ཆུ་བ་ནམ་མཁའ་རྒྱལ་མཚན། མཉམ་མེད་སངས་རྒྱས་དོན་གྲུབ། རྗེ་སངས་རྒྱས་བཀྲ་ཤིས། མཁན་ཆེན་བྱམས་པ་ངག་དབང་དཔལ་བཟང་། རྡོ་རྗེ་འཆང་མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་མཉམ་མེད་སངས་རྒྱས་དོན་གྲུབ་ནས། རྗེ་ཡེ་ཤེས་འབྱུང་གནས། རྗེ་སངས་རྒྱས་བཀྲ་ཤིས་མན་འདྲ། སྒྱེ་ཆུ་བ་ནམ་མཁའ་རྒྱལ་མཚན་གྱིས་མཛད་པའི་བརྒྱུད་འདེབས་མཁྱེན་བརྩེའི་མངའ་བདག་མའི་ལུང་བརྒྱུད་ནི། སྒྱེ་ཆུ་བ་ནམ་མཁའ་རྒྱལ་མཚན་མན་གོང་བཞིན་ནོ། ༈ །ཡི་དམ་དམར་འཁྲིད་ཀྱི་ཟིན་བྲིས་དོན་ལ་ལྷད་མ་ཞུགས་པ་བོགས་འདོན་ངོ་སྤྲོད་དང་བཅས་པ་དགེ་སློང་ཤེས་

རབ་འབུམ་གྱིས་མཛད་པའི་ལུང་ནི། བླ་མ་དཔལ་ལྡན་ལེགས་པ་ཡན་གོང་ལྟར་ལ། དེ་ནས་རྗེ་རིན་ཅེན་དཔལ། རྗེ་ནམ་མཁའི་མཚན་ཅན། བླ་མ་ཕུན་ཚོགས་རྡོ་རྗེ། རྗེ་སངས་རྒྱས་སེང་གེ །མུས་ཆེན་ནམ་མཁའ་དཔལ་བཟང་། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །སྐུ་ཞང་མཁྱེན་རབ་ཆོས་རྗེས་དམར་འཁྲིད་འདི་བྱ་རྒྱུད་ཀྱི་ཁོངས་སུ་གཏོགས་གསུངས་ནའང་མཁས་པ་ཕལ་ཆེར་རྒྱུད་སྡེ་སྤྱིའི་དགོངས་པ་འགྲེལ་ཞིང་ཁྱད་པར་བླ་མེད་ཀྱི་ཕྱོགས་སུ་གཏོགས་པར་བཞེད་པ་ཡིན་ནོ། ༈ །གསུམ་པ་ཞར་བྱུང་བླ་མའི་གསུང་འབུམ་སོགས་མདོ་སྔགས་ཐ་སྙད་སོ་སོར་དབྱེ་དཀའ་བའི་སྐོར་ལ། མཁན་ཆེན་ཐམས་ཅད་མཁྱེན་པ་ཞི་བ་འཚོས་མངའ་བདག་ཆོས་སྐྱོང་བའི་རྒྱལ་པོ་ཁྲི་སྲོང་ལྡེ་བཙན་གྱི་སྐུ་རིམ་ལ་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་གཟུངས་བཀླགས་པས་ཆོག་པ་མདོ་སྡེ་ལས་བསྡུས་པའི་ལུང་ནོས་པའི་བརྒྱུད་པ་ནི། ཐུབ་པའི་དབང་པོ། འཇམ་དཔལ་དབྱངས། མཁན་པོ་རིན་པོ་ཆེ་བོ་དྷི་ས་ཏྭ། མངའ་བདག་ཁྲི་སྲོང་ལྡེ་བཙན། སད་ན་ལེགས་མཇིང་ཡོན། མངའ་བདག་ཁྲི་རལ། ལྷ་ལུང་དཔལ་རྡོར། མངའ་བདག་འོད་སྲུངས། མངའ་བདག་དཔལ་འཁོར་བཙན། ཁྲི་སྐྱིད་ལྡེ་ཉི་མ་མགོན། མངའ་བདག་བཀྲ་ཤིས་ལྡེ། ལྷ་བླ་མ་ཡེ་ཤེས་འོད། མངའ་བདག་ལྷ་ལྡེ། མངའ་བདག་འོད་ལྡེ། མངའ་བདག་རྩེ་ལྡེ། མངའ་རིས་དགྲ་བཅོམ་པ། དགེ་བཤེས་ཞུ་ལྡན་པ་ཤེས་རབ་གྲགས། སྒྲུབ་ཁང་པའི་གསན་ཡིག་ན་སྣར་བྱང་ཆུབ་ཚུལ་ཁྲིམས་ཟེར་བ་ཞིག་དེའི་ཚབ་ཏུ་འདུག་པ་མཚན་གྱི་རྣམ་གྲངས་ཡིན་མིན་བརྟག །
ར་ས་ཆུ་ལས་པ་དར་མ་རྒྱལ་མཚན། སྒྲུབ་ཁང་པའི་གསན་ཡིག་ན་ཟ་ར་ཞེས་པ་སྣང་། དཔལ་ལྡན་གྲོ་མོ་ཆེ་བ། སངས་རྒྱས་སྒོམ་པ་སེང་གེ་སྐྱབས། གཉག་སྙིང་པོ་རྒྱལ་མཚན། སྤྲོ་ལུང་པ་ཀུན་དགའ་སྨོན་ལམ། དཔང་སྒང་པ་གྲགས་པ་དཔལ། ཆོས་ལུང་མཁན་ཆེན་བསོད་ནམས་གྲགས་པ། མཁན་ཆེན་གྲགས་པ་རྒྱལ་མཚན། མཁན་ཆེན་འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། མཁན་ཆེན་ཚུལ་ཁྲིམས་དཔལ་འབྱོར། ཆོས་ལུང་ཤར་གླིང་པ་འཁྲུལ་ཞིག་ཀུན་བཟང་མཐུ་སྟོབས་དཔལ་འབར། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། རབ་འབྱམས་ཆོས་རྗེ་རིན་ཅེན་རྒྱ་མཚོ་རིགས་ཀུན་བདག་པོ་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་ཁྱབ་བདག་བཀའ་འགྱུར་བ་ནས། དྲིན་ཅན་ཞ་ལུ་བ་ཆེན་པོ། དེས་བདག་ལའོ། །ཡང་ན་རྡོ་རྗེ་འཆང་དབང་ཕྱུག་རབ་བརྟན་ནས། ཤར་ཁང་པ། མངའ་རིས་ནམ་མཁའ་དཔལ་ལྡན། ཞ་ལུ་པ། །དེས་བདག་ལའོ། །ཡང་ན་མངའ་རིས་ནམ་མཁའ་དཔལ་ལྡན་ནས། རི་སྦུག་དབུ་མཛད་རིན་ཅེན་རྒྱ་མཚོ། ཁྱབ་བདག་ཞ་ལུ་པ།དེས་བདག་ལའོ། །ཡང་ན་སངས་རྒྱས་སྒོམ་པ་ནས། མཆིམས་ནམ་མཁའ་གྲགས། རྗེ་བསོད་ནམས་ཡེ་ཤེས། ཞང་སྟོན་བསོད་ནམས་གྲགས་པ་མན་འདྲ། འཇམ་དབྱངས་དཀོན་ཅོག་ཆོས་འཕེལ་ལ་ནོས་ཀྱང་བརྒྱུད་པ་མ་བྱུང་ངོ་།

ཇོ་བོ་ཨ་ཏི་ཤ་སོགས་ནས་ཉེ་བར་བརྒྱུད་པའི་སྣར་ཐང་བརྒྱ་རྩའི་རྗེས་གནང་ཇི་ལྟར་ནོས་པའི་སྐོར།

༈ །ཡང་ན་ཞི་བ་འཚོ་ནས། བོ་དྷི་ས་ཏྭ་ཆུང་བ། རྒྱལ་པོ་དགེ་བའི་དཔལ། ཇོ་བོ་ཨ་ཏི་ཤ །ལྷ་བཙུན་བྱང་ཆུབ་འོད། ཏེ་སེ་བ་ཆེན་པོ། བྱང་སེམས་ཟླ་བ་རྒྱལ་མཚན། ཀོང་པོ་ལོ་ཙཱ་བ། མཁན་ངག་ཆོས་པའི་གསན་ཡིག་ན་དབང་པོ་ལོ་ཙཱ་བ་ཞེས་སྣང་། དགྲ་བཅོམ་པ་རྒྱལ་མཚན།

གྱ་པ་དབང་མཛེས། གྱ་པ་དཔལ་མཛེས། ཡོན་ཏན་དབང་ཕྱུག །ཤངས་པ་འདུལ་འཛིན། འདིའི་གོང་དུ་བླ་མ་ཇོ་སྟན་ཟེར་བ་ཞིག་པཎ་ཆེན་ངག་ཆོས་པའི་གསན་ཡིག་ན་འདུག་པ་བརྟག །མཁན་ཆེན་བསོད་ནམས་གྲགས་པ་མན་འདྲ། རྒྱལ་ཚབ་གྲགས་པ་དོན་གྲུབ་སོགས་ཀྱིས་མདོ་ཆོག་ཤོག་བུ་ལྔ་དྲུག་ཙམ་པའི་ཉུང་དུ་མཛད་པ་ནི་མཁན་པོ་བོ་དྷཱི་ས་ཏྭས་མདོ་ལས་འདི་ཉིད་ཉུང་ངུར་བཏུས་པ་ཡིན་པས། དེ་ལས་ཀྱང་བསྡུས་ན་འདི་སྐད་བདག་ཐོས་ཤཱ་རིའི་བུ་སོགས་ཤེར་སྙིང་ཤླཽ་ཀ་གཅིག་ཏུ་བསྡུས་པའི་དཔེ་ཟླ་ཡིན་འདུག་པས་རྣམ་པར་དག་པར་མི་སེམས་སོ། ༈ །རྡོ་རྗེ་འཆང་ཀུན་དགའ་བཟང་པོས་མཛད་པའི་བདེ་གཤེགས་བརྒྱད་ཀྱི་མཆོད་པའི་ཆོ་གའི་ལུང་བརྒྱུད་ནི། ཆོས་རྗེ་རྡོ་རྗེ་འཆང་། རྒྱལ་ཚབ་ཀུན་དབང་། འདྲེན་མཆོག་རཏྣ་ཝ་རྟ། རྗེ་ལྷ་མཆོག་སེང་གེ །ངོར་ཆེན་སངས་རྒྱས་སེང་གེ །པཎ་ཆེན་ནམ་མཁའ་དཔལ། མུས་ཆེན་ནམ་མཁའ་དཔལ་བཟང་། ཨེ་ཝཾ་པ་དཔལ་ལྡན་དོན་གྲུབ། མཁན་དཔལ་མཆོག་རྒྱལ་མཚན། མཁས་གྲུབ་ཞ་ལུ་པ། དེས་བདག་ཟ་ཧོར་བནྡེ་ལའོ། ༈ །བསྟན་པ་ཕྱི་དར་ལ་མ་རྟོགས་པ་དང་ལོག་པར་རྟོག་པའི་དྲི་མས་ཐུབ་པའི་རིང་ལུགས་སྦགས་པ་བསལ་བར་བྱ་བའི་ཆེད་དུ་ལྷ་བླ་མ་ཁུ་དབོན་གྱི་ལྷག་བསམ་གྱི་མཐུ་དང་སྦྱོར་བྱུང་གི་བརྩོན་པ་ལ་བརྟེན་མགོན་པོ་སྣང་བ་མཐའ་ཡས་ཀྱི་སྒྱུ་འཕྲུལ་དྲ་བའི་རོལ་གར་དཔལ་མར་མེ་མཛད་གདན་དྲངས་ཏེ་ཁ་བ་ཅན་གྱི་ལྗོངས་འདིར་བསྟན་པ་རིན་པོ་ཆེ་དབྱར་མཚོ་ལྟར་ཆེས་ཆེར་འཕེལ་བར་མཛད་པའི་ཆེད་དུ་ཟབ་རྒྱས་ཀྱི་ཆོས་རྒྱ་ཆེར་སྩལ་བ་རྣམས་ཀྱི་ནང་ནས་ཟབ་པ་ལས་ཀྱང་ཆེས་ཟབ་པ་གསང་ཆོས་བཀའ་གདམས་གླེགས་བམ་རིན་པོ་ཆེའི་སྐོར་ལ། བསྟན་པ་རིན་པོ་

ཆེ་ལྷ་ཆོས་ཕུན་སུམ་ཚོགས་པའི་ལོ་རྒྱུས་ངོ་མཚར་རྨད་དུ་བྱུང་བའི་དཔལ་འབྱོར་ནམ་མཁའ་རིན་ཅེན་གྱིས་མཛད་པའི་མཇུག་སྣར་ཐང་མཁན་ཆེན་ཉི་མ་རྒྱལ་མཚན་གྱིས་བྲིས་པ། ཐུགས་དམ་ཇོ་བོ་ཡབ་སྲས་ཀྱི་བཀོད་པ་ཕུན་སུམ་ཚོགས་པའི་གཏེར་མཁན་ཆེན་ཉི་མ་རྒྱལ་མཚན་གྱིས་དཔལ་སྣར་ཐང་དུ་མཛད་པ། དེས་མཛད་པའི་ལྷ་ཆོས་ཉམས་ལེན་གྱི་མན་ངག་ཐིག་ལེ་ཆེན་པོའི་དབྱིངས་སུ་བྱང་ཆུབ་ཀྱི་སེམས་གཉིས་སྤེལ་བ་ཟུང་འཇུག་ཉི་ཟླའི་ཐིག་ལེ་ཞེས་བྱ་བ་དབང་ཆོག་དང་། འཁྲིད་ཡིག་ཟུང་དུ་འཇུག་པ། སྤྲུལ་པའི་གླེགས་བམ་དངོས་ཀྱི་བཞུགས་ཚུལ་ལ། འབྲོམ་ཆོས་ཀྱི་རྒྱལ་པོ་ཉིད་ཀྱིས་ལོགས་སུ་ནན་གྱིས་བཏབ་པའི་བཀའ་རྒྱ་ཆེན་མོ། དེས་མཛད་པའི་རང་རྒྱུད་ལ་བསྐུལ་མ་གདབ་པ་དད་པའི་ལྗོན་ཤིང་། ཡོངས་ཀྱི་དགེ་བའི་བཤེས་གཉེན་དེས་དཀོན་ཅོག་གི་སྤྱན་སྔར་ཐུན་མོང་བའི་མཆོད་པ་རེ་བཤམས་ནས་ཐུན་མོང་མ་ཡིན་པའི་གསོལ་གདབ་ཡན་ལག་བདུན་ལྡན། ཕ་ཆོས་ནོར་བུའི་འཕྲེང་བའི་རྩ་བ་བྱང་ཆུབ་སེམས་དཔའ་ནོར་བུའི་འཕྲེང་བ། ཕ་ཆོས་ལེའུ་ཉི་ཤུ་རྩ་དྲུག་ལས་ཞུ་ལན་གྱི་དངོས་གཞི་ནོར་བུའི་འཕྲེང་བ་ལེའུ་ཉི་ཤུ་རྩ་གསུམ། འཇམ་དཔལ་དབྱངས་ཀྱིས་བཤེས་གཉེན་གསང་ཕུ་བ་ཇོ་བོ་ཡབ་སྲས་ཀྱི་དྲུང་དུ་འབྱོན་པར་བསྐུལ་བའི་ལོ་རྒྱུས་ཀྱི་ཚོམས་ཚིགས་བཅད་མ། ཀ་བས་དབུ་མཛད་པའི་མཁས་བཙུན་མང་པོ་དང་ཡོན་བདག་ཤཱཀ་མགོན་ལ་སོགས་པ་སྐྱེ་བོའི་ཚོགས་དུ་མ་དང་བཅས་པའི་དབུས་སུ་ལྷ་ཆོས་བདུན་ལྡན་གྱི་འཁོར་ལོ་བསྐོར་བ་ལས་འཕྲོས་ནས་ནན་གྱི་སྒོ་ནས་ཆོས་འདི་བཀའ་རྒྱ་དུ་མས་གདབ་པའི་ལེའུ། ལྷ་རི་སྙིང་པོའི་མགུལ་དུ་བླ་མ་ལ་འབུལ་

མོ་ཆེ་མཛད་པ་ལས་འཕྲོས་ནས་མ་འོངས་ལུང་བསྟན་པའི་སྐོར། ཤིང་ཕོ་རྟའི་ལོ་ལྷ་རི་སྙིང་པོར་བཞུགས་པའི་ཚེ་སྒྲོལ་མས་སྙེ་ཐང་དུ་འབྱོན་པར་བསྐུལ་ནས་མཐར་བླ་མ་དགའ་ལྡན་དུ་འབྱོན་པའི་བར་གྱི་ཚུལ་རྣམས་མགུར་དུ་བཞེས་པའི་འཆི་མེད་རྡོ་རྗེའི་གླུ་སྟེ། ཀུན་དྲིལ་བས་ཕ་ཆོས་ལེའུ་ཉི་ཤུ་རྩ་དྲུག །བུ་ཆོས་སྐོར་ལ། འབྲོམ་རྒྱལ་བའི་འབྱུང་གནས་ཀྱི་སྐྱེས་རབས་བསྟན་པ་ལས་རྔོག་ལེགས་པའི་ཤེས་རབ་ཀྱིས་ཞུས་པའི་རྔོག་ཆོས་ཉི་ཤུ། ཁུ་ཆེན་པོས་ཞུས་པའི་ཁུ་ཆོས་གཉིས་ཏེ་དྲིལ་བས་ཉི་ཤུ་རྩ་གཉིས། ངོ་མཚར་བའི་གཏམ་ཐོར་བུ་རྣམས་ལོ་ཙཱ་བ་ལ་སོགས་པའི་རྗེའི་སྲས་དམ་པ་རྣམས་ཀྱིས་ཟུར་དུ་གླེངས་པས་ཁ་བསྐང་བ་སྟེ་ལེའུ་ཐ་མ། དེ་ལྟར་གླེགས་བམ་དངོས་གཞི་ལེའུ་བཞི་བཅུ་རྩ་བརྒྱད། ལོ་རྒྱུས། བཀོད་པ་ཕུན་སུམ་ཚོགས་པའི་གཏེར། ཐིག་ལེ་བཅུ་དྲུག །བཀའ་རྒྱ། རང་རྒྱུད་ལ་བསྐུལ་གདབ། ཡན་ལག་བདུན་པ། འཇམ་དབྱངས་ཀྱིས་རྔོག་བསྐུལ་བའི་ཚིགས་བཅད། ཁ་བསྐངས་པ་དང་བཅས་ཀུན་དྲིལ་བས་ཡིག་སྣ་ལྔ་བཅུ་རྩ་དྲུག་རྣམས་ལེགས་པར་ཐོབ་པའི་བརྒྱུད་པ་ནི། རྒྱ་ཆེན་སྤྱོད་རྒྱུད། ཟབ་མོ་ལྟ་རྒྱུད། ཉམས་ལེན་བྱིན་རླབས་ཀྱི་བརྒྱུད་པ་གསུམ་ནི་ཡོངས་གྲགས་ལྟར་ཡིན་ལ། བརྒྱུད་གསུམ་ཆུ་བོ་གཅིག་ཏུ་འདྲེས་པ་ཇོ་བོ་རྗེ་དཱི་པཾ་ཀ་ར་ཤྲཱི་ཛྙཱ་ན། འབྲོམ་སྟོན་ཆོས་ཀྱི་རྒྱལ་པོ། བཤེས་གཉེན་གསང་ཕུ་བ་རྔོག་ལེགས་པའི་ཤེས་རབ། བྱང་ཆུབ་སེམས་དཔའ་མངའ་རིས་པ་ཤེས་རབ་རྒྱལ་མཚན། ཕུ་ཆུང་བ་གཞོན་ནུ་རྒྱལ་མཚན། རྣལ་འབྱོར་ཀ་མ་བ་འབྲོམ་རིན་ཅེན་རྒྱལ་མཚན། ཞང་སྟོན་དར་མ་རྒྱལ་མཚན། སྟབས་ཀ་པ་འབྲོམ་བྱང་ཆུབ་བཟང་པོ། སྟོན་པ་ནམ་མཁའི་རིན་ཅེན། འབྲོམ་གཞོན་ནུ་བློ་གྲོས།

སྣར་ཐང་མཁན་པོ་ཉི་མ་རྒྱལ་མཚན། གླིང་ཁ་བ་རིན་ཅེན་བྱང་ཆུབ། ཐར་རྩེ་པའི་གསན་ཡིག་ན་ལྒ་ལུང་ཞེས་སྣང་། སྒ་ལུང་པ་རིགས་ཀྱི་བདག་པོའི་དཔལ། སྒ་ལུང་པ་བྱང་ཆུབ་དཔལ། ཉུག་པའི་སློབ་དཔོན་བསོད་ནམས་འོད་ཟེར། གོས་སྔོན་ཆུ་སེར་བ་སངས་རྒྱས་བཟང་པོ། བྱ་བྲལ་བ་བསོད་ནམས་བཟང་པོ། ཐར་རྩེ་པའི་གསན་ཐོར་འདི་གཉིས་གོ་ལྡོག་ཏུ་འདུག་པ་བརྟག །བླ་མ་དཔལ་ལྡན་པ། སྟག་ཚང་ཆོས་འཁོར་བ་མཁན་ཆེན་ནམ་མཁའ་འོད་ཟེར། པ་ཚབ་དགའ་གདོང་པ་གནས་བརྟན་ཡེ་ཤེས་ཚུལ་ཁྲིམས། ནུབ་ཆོས་ལུང་པ་མཁན་ཆེན་རཏྣ་ཨཱ་ཀ་ར་ཤཱནྟི། གཉུག་ལ་པཎ་ཆེན་ངག་དབང་གྲགས་པ། ལོ་པ་སྤྱན་སྔ་ངག་དབང་ཆོས་གྲགས་རྒྱལ་མཚན། རྗེ་ནམ་མཁའ་དབང་ཕྱུག །ཆོས་རྗེ་ཀུན་དགའ་ལེགས་གྲུབ། ལུམ་པ་ཀུན་དགའ་ཆོས་གྲགས། བཅོ་བརྒྱད་པ་མཁྱེན་རབ་བསྟན་འཛིན་བཟང་པོ། དེ་དབོན་མཁྱེན་རབ་ངག་དབང་ལྷུན་གྲུབ། མཚུངས་མེད་འཕྲིན་ལས་རྣམ་རྒྱལ། ཁྱབ་བདག་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་ནམ་མཁའ་རིན་ཅེན་ནས། བླ་མ་གཞོན་ནུ་བློ་གྲོས། ལྷོ་པ་ཟུག །བླ་མ་གྲབ་ཕུ་བ། མཁན་ཆེན་སྒ་ལུང་པ། དབོན་པོ་བསོད་ནམས་འོད། བྱ་བྲལ་བསོད་ནམས་བཟང་པོ་མན་འདྲ། ཡང་ན་བླ་མ་དཔལ་ལྡན་པ་ནས། གཙང་པ་བློ་བཟང་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། ལོ་པ་སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་མན་འདྲ། ཡང་ན་གཉུག་ལ་པཎ་ཆེན་ནས། དྭགས་པོ་པཎ་ཆེན་ཕྱོགས་ལས་རྣམ་རྒྱལ། མངའ་རིས་པ་མཁས་པ་ལྷ་དབང་བློ་གྲོས།

འཇམ་དབྱངས་དཀོན་ཅོག་ལྷུན་གྲུབ། ཁམས་སྟོན་ལྒ་བ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། རྡོ་རྗེ་འཆང་ཞ་ལུ་པ་ཆེན་པོ། དེས་བདག་ལའོ། །ཡང་ན་ལྷ་དབང་བློ་གྲོས་ནས། རྗེ་བྱམས་པ་ཕུན་ཚོགས། མཚུངས་མེད་དཔལ་འབྱོར་ཤེས་རབ། སྒྲུབ་ཁང་དཔལ་དོན་པ་མན་འདྲ། ཡང་ན་བྱ་བྲལ་བ་བསོད་ནམས་བཟང་པོ་ཡན་གོང་ལྟར་ལ། དེ་ནས་བླ་མ་དཔལ་འབྱོར་བཟང་པོ། སྟག་ཚང་བ་སེང་གེ་རྒྱལ་མཚན། ལོ་ཆེན་ཐུགས་རྗེ་དཔལ། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། ཐམས་ཅད་མཁྱེན་པ་དགེ་འདུན་རྒྱ་མཚོ། དེ་ནས་བླ་མ་གཉིས་གསུམ་ཞིག་མ་རྙེད། ཞལ་སྔ་ནས་ནམ་མཁའ་རྒྱ་མཚོ། འཇམ་དབྱངས་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལ་དབྱར་ཆོས་ཀྱི་དུས་དགོངས་ཆའི་རྩི་བཞག་གི་འགོར་ཆོས་ཐུན་དུ་བཅད་ནས་ཚང་བར་གནང་བ་ཡིན་ནོ། ༈ །རྗེ་ཀུན་དགའ་ལེགས་གྲུབ་ཀྱིས་མཛད་པའི་དཀྱིལ་ཆོག་ལག་ལེན་གསལ་བྱེད་ངེས་དོན་རྒྱ་མཚོའི་སྟེང་ནས་རས་བྲིས་ཀྱི་དཀྱིལ་འཁོར་ལ་བརྟེན་པའི་བཀའ་གདམས་ཐིག་ལེ་བཅུ་དྲུག་གི་དབང་ལེགས་པར་ཐོབ་པའི་བརྒྱུད་པ་ནི། གཉུག་ལ་པཎ་ཆེན་ངག་དབང་གྲགས་པ་ཡན་གོང་ལྟར་ལ། དེ་ནས་སྤྱན་སྔ་ངག་དབང་ཆོས་གྲགས་རྒྱལ་མཚན། རྗེ་ཀུན་དགའ་ལེགས་གྲུབ། རྗེ་ཀུན་དགའ་ཆོས་གྲགས། བཅོ་བརྒྱད་པ་མཆོག་ལེགས་རྡོ་རྗེ། ཆོས་རྗེ་མཁྱེན་རབ་བསྟན་འཛིན་བཟང་པོ། ཆོས་རྗེ་མཁྱེན་རབ་ངག་དབང་ལྷུན་གྲུབ། རྗེ་འཕྲིན་ལས་རྣམ་རྒྱལ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་

གཉུག་ལ་པཎ་ཆེན་ནས། ལྕགས་ཐང་རབ་འབྱམས་པ་བསོད་ནམས་དཔལ་ལྡན། ཐམས་ཅད་མཁྱེན་པ་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། གཟིམས་ཤག་ཆོས་རྗེ་ངག་དབང་རྣམ་རྒྱལ། འཇམ་དཔལ་དབྱངས་ངག་དབང་བསོད་ནམས་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །གླེགས་བམ་རིན་པོ་ཆེ་སློབ་དཔོན་ནམ་མཁའ་རིན་ཅེན་ཡན་ལ་ཆིག་བརྒྱུད་བཀའ་རྒྱ་མ་ཡིན་ཞིང་། སློབ་དཔོན་ནམ་རིན་པས་བཀའ་ཅུང་ཟད་ཡངས་པ་མཛད་པས་སྲུང་མའི་འཚུབ་ཀྱིས་ཞབས་མི་བདེ་བ་བྱུང་ཚུལ་རྣམ་ཐར་དུ་གསལ་ལ། དེ་ནས་ཀྱང་བརྒྱུད་པ་གཉིས་གསུམ་བར་དར་རྒྱས་ཧ་ཅང་མི་ཆེ་བས་ཀུན་མཁྱེན་ཤོང་དཔང་། ཐམས་ཅད་མཁྱེན་པ་བུ། བླ་མ་དམ་པ་བསོད་ནམས་རྒྱལ་མཚན། རྒྱལ་སྲས་ཐོགས་མེད་པ། ཐམས་ཅད་མཁྱེན་པ་བཙོང་ཁ་པ་ཆེན་པོ་སོགས་མཁས་གྲུབ་ཆེན་པོ་དུ་མ་ནས་བརྒྱུད་པ་མི་ཡོང་འདུག་པར་སྒྲོ་བཏགས་ཏེ་འདི་ཉིད་ཇོ་བོ་ཡབ་སྲས་ལ་ཁ་གཡར་བའི་འབྲོམ་སྟོན་སེང་གེ་རྒྱལ་མཚན། ལོ་ཆེན་ཐུགས་རྗེ་དཔལ། ཐམས་ཅད་མཁྱེན་པ་དགེ་འདུན་གྲུབ་སོགས་ཀྱིས་བརྩམས་པར་དོགས་ནས་རྗེ་དགེ་འདུན་གྲུབ་པར་ཁྱེད་ཀྱིས་འཆད་པའི་བཀའ་གདམས་གླེགས་བམ་འདི་ཆོས་ཡིན་ནམ་མ་ཡིན་ཞེས་འདྲི་མཁན་བྱུང་བར་གླེང་ཞིང་། དེང་དུས་ཀྱང་དགེ་ལུགས་ཀྱི་གྲུབ་མཐར་ཞུགས་རློམ་འགས་དེ་རིགས་སྨྲ་བ་ནི་རང་ཉིད་ཀྱི་ནང་རྟགས་ཕྱི་རོལ་དུ་གསལ་བར་བྱེད་པའི་མེ་ལོང་ངོ་། ༈ །ཇོ་བོ་རྗེ་ལྷ་གཅིག་དཔལ་ལྡན་ཨ་ཏི་ཤའི་རྣམ་པར་ཐར་པ་བླ་མའི་ཡོན་ཏན་ཆོས་ཀྱི་འབྱུང་གནས། ཡང་དེའི་རྣམ་པར་ཐར་པ་རིན་པོ་ཆེའི་ཚོགས་བསྟན་པ་ཆོས་ཀྱི་འབྱུང་

གནས་ཞེས་བྱ་བ་རྭ་སྒྲེང་དཔལ་གྱི་གཙུག་ལག་ཁང་དུ་འབྲོམ་སྟོན་རྒྱལ་བའི་འབྱུང་གནས་ཀྱིས་མཛད་པ། དེས་མཛད་པའི་ཇོ་བོ་རྗེའི་བསྟོད་པ་སུམ་ཅུ་པ། ཡང་ཇོ་བོ་རྗེའི་བསྟོད་པ་བརྒྱད་ཅུ་པ་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་མཛད་པ་དང་བཅས་པ་རྣམས་ཀྱི་ལུང་ནོས་པའི་བརྒྱུད་པ་ནི། ཇོ་བོ་ཆེན་པོ་དཱི་པཾ་ཀ་ར། འབྲོམ་སྟོན་ཆོས་ཀྱི་རྒྱལ་པོ། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་པ། སྐྱེས་མཆོག་ལྷ། ལྷ་སྡིངས་པ། ལྷ་སྡིངས་དཔོན་པོ། ཚོགས་པའི་དབུ་མཛད་ཡོན་ཏན་དཔལ། བདེ་བ་དཔལ། དཀའ་བཞི་པ། མཁན་ཆེན་བསོད་ནམས་གྲགས་པ། འཇིག་རྟེན་དབང་ཕྱུག་བཟང་པོ་དཔལ། མང་མཁར་བ་ཚུལ་ཁྲིམས་དཔལ། མཁས་པ་གཞོན་ནུ་རྒྱལ་མཆོག །བྱང་སེམས་དཀོན་ཅོག་རྒྱལ་མཚན། ཀུན་མཁྱེན་སངས་རྒྱས་འཕེལ། རྗེ་ཀུན་དགའ་ཆོས་བཟང་། མཁས་མཆོག་ལྷ་དབང་བློ་གྲོས། རྗེ་བྱམས་པ་ཕུན་ཚོགས། རས་ཆེན་དཔལ་འབྱོར་ཤེས་རབ། སྒྲུབ་ཁང་པ་དཔལ་ལྡན་དོན་གྲུབ། མཁན་དཔལ་མཆོག་རྒྱལ་མཚན། ཁྱབ་བདག་ཞ་ལུ་བ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ །ཡང་འབྲོམ་གྱིས་མཛད་པའི་ཇོ་བོའི་རྣམ་ཐར་རྗེས་མའི་བརྒྱུད་ལུགས་གཅིག་ནི། རྒྱལ་སྲས་ཐོགས་མེད་པ་ནས། རྒྱ་མ་པ་ཡོན་ཏན་འོད། འཕགས་པ་བློ་འཕེལ། སྤྱན་སྔ་ཚུལ་ཁྲིམས་དར་མ། སྤྱན་སྔ་བསོད་ནམས་ལྷ་དབང་། རྒྱལ་སྲས་བསོད་ནམས་ལེགས་མཆོག །གཉུག་ལ་པཎ་ཆེན་ངག་གྲགས་པ། སྤྱན་སྔ་ངག་དབང་ཆོས་གྲགས། བྲག་དགོན་སྤྱན་སྔ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་

དབྱིངས་རང་གྲོལ། དེས་བདག་ལའོ། ༈ །ཇོ་བོ་ཆེན་པོ་དཔལ་ལྡན་ཨ་ཏི་ཤའི་ལམ་ཡིག་ལྷ་ཁང་མར་གྲགས་པའི་ལུང་ནི་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས། དེ་ཉིད་ཀྱི་རྗེ་སངས་རྒྱས་ཡེ་ཤེས་ལ་གསན། དེ་ཡན་གྱི་བརྒྱུད་པ་མ་རྙེད། རྩེད་ཐང་ལས་ཆེན་ཀུན་དགའ་རྒྱལ་མཚན་གྱིས་མཛད་པའི་བཀའ་གདམས་རིན་པོ་ཆེའི་ཆོས་འབྱུང་གསལ་བའི་སྒྲོན་མེའི་ལུང་ནོས་པའི་བརྒྱུད་པ་ནི། ལས་ཆེན་ཀུན་རྒྱལ་བ། པཎ་ཆེན་བསོད་ནམས་གྲགས་པ། བར་འདིར་བླ་མ་གཉིས་གསུམ་ཞིག་མ་རྙེད། དེ་ནས་རྩེས་དང་གྲུབ་ཆེན་ཕག་སྨྱོན། འཇམ་དབྱངས་དཀོན་ཅོག་ཆོས་འཕེལ། དེས་བདག་ལའོ། །ལོ་ཙཱ་བ་བློ་ལྡན་ཤེས་རབ་ཀྱི་བསྟོད་པའི་ལུང་འཇམ་དབྱངས་དཀོན་ཅོག་ཆོས་འཕེལ་ལ་ནོས་བརྒྱུད་པ་མ་བྱུང་། མར་པ་ལོ་ཙཱའི་རྣམ་ཐར་པར་མ་ཞིག་འདུག་པ་མཛད་པ་པོ་མ་ངེས་ཤིང་། མི་ལའི་རྣམ་མགུར་གཙང་སྨྱོན་པས་བསྒྲིགས་པ་གཉིས་ཀྱི་ལུང་ཐོབ་པའི་བརྒྱུད་པ་གོང་མ་རྣམས་ཁུངས་མ་ཆོད། དབེན་ས་བླ་མ་སངས་རྒྱས་ཡེ་ཤེས་ཀྱིས་དབེན་དགོན་གྱི་སྒྲུབ་པ་ཕོ་མོ་རྣམས་ལ་སྤྱི་ཆོས་སུ་མཛད་པ་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས་གསན། དེས་བདག་ལའོ། ༈ །ཁ་ཆེ་པཎ་ཆེན་གྱིས་མཛད་པའི་སྐལ་བཟང་རྒྱན་གྱི་འཕྲེང་བའི་བརྒྱུད་པ་ནི། པཎ་ཆེན་ཤཱཀྱ་ཤྲཱི་ནས་རིམ་པར། རི་ཁྲོད་པ་རྒྱལ་བ། འཇམ་དབྱངས་ཤེས་རབ་རྒྱ་མཚོ། འདྲེན་མཆོག་རཏྣ་ཝརྡྷ། རྗེ་ལྷ་མཆོག་སེང་གེ །ངོར་ཆེན་སངས་རྒྱ་སེང་གེ །བྲང་ཏི་པ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དཔོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ཟ་ཧོར་བནྡེ་ལའོ། །བསྟན་

པའི་མངའ་བདག་རྗེ་བཙུན་ས་སྐྱ་པ་གོང་མ་ལྔའི་བཀའ་འབུམ་གྱི་ལུང་ནོས་པར། ངོར་རྫོང་གོང་དཀར་བ་གསུམ་ལ་ཆོས་ཚན་གྱི་གྲངས་ལ་མང་ཉུང་དང་གོ་རིམ་ཅུང་ཟད་མི་མཐུན་པ་ཡབ་སྲས་གསུམ་གྱི་གསུང་རབ་གོང་དཀར་དང་ཆོས་རྗེ་ཁུ་དབོན་གྱི་གསུང་འབུམ་ལུང་རྒྱུན་ངོར་ནས་བརྒྱུད་པ་ཐོབ་ནའང་། ཨེ་ཝཾ་པ་ཕྱོགས་ཀྱི་གླེགས་བམ་ཞིག་གི་སྟེང་ནས་ཞུས་པའི་སྒྲིག་རིམ་རྒྱལ་ཚབ་ཀུན་དགའ་དབང་ཕྱུག་གིས་མཛད་པའི་དཀར་ཆག །འཇམ་དབྱངས་མཁྱེན་བརྩེ། ཐར་རྩེ་པ། ཤར་པ། མཁན་ཆེན་ངག་དབང་ཆོས་གྲགས། སྒྲུབ་ཁང་པ་རྣམས་ཀྱི་གསན་ཡིག་ལ་གཞི་བྱས། གོང་མ་གསུམ་གྱི་བཀའ་འབུམ་ཆོས་ཚན་གྱི་ངོས་འཛིན་གོང་དཀར་བའི་གསན་ཡིག་རྒྱ་མཚོ་ལ་ཞིབ་ཏུ་དཔྱད་ནས་བཀོད་པར། རྣལ་འབྱོར་གྱི་དབང་ཕྱུག་ལོངས་སྤྱོད་རྫོགས་པའི་སྐུ་དང་དབྱེར་མ་མཆིས་པ་རྗེ་བཙུན་ས་སྐྱ་པ་ཆེན་པོའི་གསུང་རབ། མི་ཐུབ་ཟླ་བའི་རྣམ་འཕྲུལ་འཇའ་ལུས་མཁའ་སྤྱོད་བརྙེས་པ་སློབ་དཔོན་རིན་པོ་ཆེའི་གསུང་རབ། རྡོ་རྗེ་འཛིན་པའི་སྐྱེ་བ་བདུན་བརྒྱུད་མར་བྱོན་པའི་མཐའ་མ་རྗེ་བཙུན་རིན་པོ་ཆེའི་གསུང་རབ། མངོན་དགའི་ཞིང་དུ་བདེ་གཤེགས་དྲི་མ་མེད་དཔལ་ཆོས་རྗེ་པཎྜི་ཏའི་གསུང་རབ། སྲིད་ཞིའི་གཙུག་ཏོར་མཛེས་རྒྱན་ཆོས་ཀྱི་རྒྱལ་པོ་འཕགས་པའི་གསུང་རབ་དང་ལྔ། དང་པོ་ལ། ལམ་འབྲས་བརྒྱུད་པའི་གསོལ་འདེབས་རྡོ་རྗེ་འཆང་དབང་མ་སངས་རྒྱས་འགྲུབ་པར་ཤོག་གི་མཐའ་ཅན། རྗེ་བཙུན་རྣལ་འབྱོར་གྱི་དབང་ཕྱུག་བིར་ཝ་པ་ལ་བསྟོད་ཚིག་ལྷན་སྐྱེས་སྤྲོས་བྲལ་མ། འདིར་ཁྱེད་ཀྱི་གཟི་ཡིས་རྟོག་པ་ཀུན་བྲལ་ཏེ་ཞེས་སོགས་དང་མངོན་སུམ་དུ་བསྟོད་པའི་ཚིག་ཉམས་ཀྱི་ཤུགས་ཀྱིས་འབྱུང་བ་ཞེས་པའི་ཚིག་གིས་ཞལ་གཟིགས་མ་ཡིན་པར་གསལ་ལོ། །

རྗེ་དགོན་པ་བས།༼ལྷུན༽དོན་གྱི་བྱིན་རླབས་སྩལ་བའི་ཚེ་བསྟོད་པ་ཡོན་ཏན་མཆོག་མངའ་མ། འདིའི་འོག་ཏུ་དཀར་ཆག་དང་མཁྱེན་བརྩེའི་གསན་ཡིག་ཏུ་དེར་མ་ཟད་འཇམ་དབྱངས་སྒྲོལ་མ་མི་གཡོ་བའི་བསྟོད་པ་ཡོད་ཚུལ་བྱུང་ཡང་གོང་དཀར་བའི་གསན་ཡིག་ན་མི་འདུག་པས་མ་ཐོབ། འགོར་བླ་མ་རིན་ཅེན་ལྟ་བུ་དང་ཞེས་ཡོད་པའི་རྒྱུད་སྡེ་སྤྱིའི་རྣམ་༼གན༽གཞག་བླ་མས་ཇི་སྐད་གསུངས་པ་བཞིན་བྲིས་པ་འོའི་མཐའ་ཅན། འདི་སློབ་དཔོན་རིན་པོ་ཆེའི་སྤྱི་རྣམ་ཆེན་མོའི་ནང་དུ་ཚང་བར་ཡོད་ཀྱང་ལུང་ལོགས་སུ་མཛད་འདིའི་འོག་ཏུ་རྒྱུད་སྡེའི་དུམ་བུ་དང་དེའི་ས་བཅད་གཉིས་དཀར་ཆག་ན་ཡོད་ཀྱང་གསན་ཡིག་ཕལ་ཆེར་ན་མི་འདུག་པས་མ་ཐོབ། དཔལ་ཀྱེ་རྡོ་རྗེ་བརྟག་པ་གཉིས་ཀྱི་བདག་ཉིད་ཅན་གྱི་རྒྱུད་ཀྱི་༼གན༽རྒྱལ་པོའི་བསྡུས་དོན་མཇུག་ཏུ། བདག་གིས་མི་ཤེས་བློ་དམན་ཕྱིར། རྒྱུད་དོན་ཇི་བཞིན་མ་རྟོགས་པས་ཞེས་སོགས་རྫོགས་བྱང་དང་བཅས་པ། འདིའི་འོག་ཏུ་གསན་ཡིག་ཕལ་ཆེར་ན་མངའ་རིས་པས་མཛད་པའི་བརྟག་གཉིས་ཀྱི་ཚིག་འགྲེལ་ཡོད་ཚུལ་འདུག་ཀྱང་གསན་ཡིག་རྒྱ་མཚོར་མ་བྱུང་བས་ལུང་མ་ཐོབ། བརྟག་༼གན༽གཉིས་ཀྱི་དཀའ་འགྲེལ་མན་ངག་དོན་གསལ་ཞེས་བྱ་བ་རྨོངས་པས་རྟོགས་སླ་བའི་ཕྱིར་དུ་བྲིས་པ། ཊཱིཀ་ཆུང་ཡང་ཟེར་མངའ་རིས་པ་དང་སྒྱེ་ཆུ་བའི་འགྲེལ་པ་ཡོད་ཕྱིན་འདི་ལ་དགོས་དོན་ལྷག་པོ་མེད་གསུང་བ་བྱུང་ནའང་ས་ཆེན་གྱི་གསུང་ངོ་མ་ཡིན་པས་ཡོད་པ་ལེགས། འགོར་བློ་གྲོས་མཚུངས་མེད་འཇིག་རྟེན་ཀུན་གྱི་མིག་ཅེས་ཡོད་པའི་བརྟག་གཉིས་ཀྱི་དཀའ་འགྲེལ་མཇུག་ཏུ་ཡང་དག་རྡོ་རྗེ་སེམས་དཔའ་ཐོབ་ཅེས་གསུངས་སོའི་མཐའ་ཅན། དཀར་ཆག་དང་གསན་ཡིག་རྣམས་སུ་འདི་སྒྱེ་ཆུ་བས་མཛད་པར་ངོས་བཟུང་མཁྱེན་བརྩེ་དང་མཁན་ངག་ཆོས་པས་མངའ་རིས་པ་དང་སྒྱེ་ཆུ་པའི་འདི་གཉིས་ལུང་རྒྱུན་མི་ཉམས་པའི་ཆེད་དུ་གཅེས་སྤྲས་ཀྱི་འདིར་

བཞུགས་གསུངས་གསན་ཡིག་རྒྱ་མཚོར་དཀའ་འགྲེལ་ཞེས་ས་ཆེན་གྱི་གསུང་སོར་བཞག་ལས་མཛད་པ་པོ་མི་གསལ། རྡོ་རྗེ་༼དམར༽གླུའི་བཤད་པ་དོན་གསུམ་གྱིས་བསྟན་པ་ལྷན་ཅིག་སྐྱེས་པའི་ཡེ་ཤེས་སུ་རྟོགས་པར་བྱས་ཤིང་གོམས་པར་བྱེད་པ་འོའི་མཐའ་ཅན། འགོར་རྩའི་མངོན་པར་རྟོགས་པའི་དོན་བསྟན་པ་ཞེས་ཡོད་པའི་རྩའི་མངོན་རྟོགས་ཀྱི་བཤད་པ་ཟེར་བའི་སྐབས་ཀྱི་འགྲེལ་ཆུང་རྣམས་ཀྱི་ས་བཅད་ཡོད་པ་བྱང་སེམས་ལ་རྩིགས་པ་ཕྲ་བ་འོའི་མཐའ་ཅན། འགོར་འཇིག་རྟེན་སྤྱོད་པ་ཞེས་པ་ན་མར་མཆོད་པར་བརྗོད་པར་བསྟན་ཞེས་ཡོད་པའི་རྡོ་རྗེ་སྙིང་འགྲེལ་སྔར་འགྱུར་གྱི་བཤད་པ་ཁྱབ་ཅེས་བྱ་སྟེ་མ་ལུས་སོའི་མཐའ་ཅན། མཁན་ངག་ཆོས་པའི་གསན་ཡིག་ན་འདི་འཕྲོ་ཅན་ཞིག་ཡོད་གསུངས་པ་ཐུགས་མེད་པར་སྣང་། འགོར་རྡོ་རྗེ་གདན་གྱི་ལྷོ་ཕྱོགས་ཨོ་དེ་བི་ཤ་ཞེས་པའི་གྲུབ་ཐོབ་མཚོ་སྐྱེས་ཀྱི་ལོ་རྒྱུས་སླད་ཀྱི་སེམས་ཅན་གྱི་དོན་དུ་སྒྲུབ་ཐབས་འདི་བརྩམས་སོའི་མཐའ་ཅན། འགོར་སློབ་དཔོན་པདྨ་བཛྲ་གྱིས་མཛད་པའི་སྒྲུབ་ཐབས་ལ་དོན་གསུམ་སྟེ་ཞེས་ཡོད་པའི་མཚོ་སྐྱེས་ཀྱི་བསྡུས་དོན་བརྩམས་པའི་དགེ་བའི་རྩ་བ་གཞན་དོན་དུ་བསྔོ་བ་འོའི་མཐའ་ཅན། འགོར་བླ་མ་རྗེ་བཙུན་སྒྱེ་ཆུ་བའི་ཞབས་གཉིས་ཆུ་སྐྱེས་ལ་བཏུད་དེ་ཞེས་ཡོད་པའི་གྲུབ་ཐོབ་མཚོ་སྐྱེས་ཀྱི་བཤད་པ་ཚིགས་བཅད་དོན་འགྲེལ་ཚིག་གི་བུམ་པ། གསན་ཡིག་གཞན་ཚོར་མངོན་རྟོགས་ཟེར་ཡང་དཀར་ཆག་མཁྱེན་བརྩེ་ངག་ཆོས་པའི་གསུམ་དུ་འགྲེལ་པར་ངོས་བཟུང་ཞིང་གོང་དཀར་བའི་དེར་ཡང་ཊཱིཀྐ་ཞེས་སྣང་། འདིའི་འོག་ཏུ་དཀར་ཆག་དང་མཁྱེན་བརྩེའི་གསན་ཡིག་སྟོང་ཐུན་དཔེའི་དྷཱ་ར་ན་སྒྲུབ་ཐབས་ཉམས་སུ་བླང་བ་དུར་ཁྲོད་ཀྱི་བཤད་པ་སྨོན་ལམ་རྣམས་འདུག་ཀྱང་ལུང་མ་བྱུང་ཞིང་ཐེ་ཚོམ་ཅན་དུ་ཡང་མཛད།

འགོར་དགྱེས་༼ལྷུན༽པའི་རྡོ་རྗེའི་རྒྱུད་ལ་འབུམ་ཚོ་ལྔར་བྱུང་བ་ནི་ཞེས་ཡོད་པའི་གུར་གྱི་ཐོ་ཡིག་ནམ་མཁའི་ཁམས་ཀྱི་དབུགས་གནས་པ་ཞེས་པ་ལ་སོགས་པས་བསྟན་ནོའི་མཐའ་ཅན། འགོར་ལེའུ་དང་པོ་རྒྱལ་བ་རིགས་ལྔ་ཞེས་ཡོད་པའི་གུར་གྱི་ཆིངས་སློབ་དཔོན་ལ་ཇི་ལྟར་གུས་པ་བྱས་པ་བསྟན་ཏོའི་མཐའ་ཅན། དཀར་ཆག་མཁྱེན་བརྩེ་ངག་ཆོས་པ་གསུམ་གྱི་གསན་ཡིག་ན་ཆིངས་ཟིན་བྲིས་ཀྱི་ཁོངས་སུ་བསྡུས་ཤིང་གསན་ཡིག་གཞན་ཚོར་སོ་སོར་འདུག་པས་འདིར་བརྒྱུད་པའི་དབང་གི་གསན་ཡིག་རྒྱ་མཚོ་དང་བསྟུན་ཟིན་བྲིས་རྣམས་སྒོ་རུམ་དཔེ་ཁང་ནས་བྱུང་བར་མཆན་ཐོར་བུ་ཡོད་སྐད། འགོར་འཕགས་པ་མཁའ་འགྲོ་མ་རྡོ་རྗེ་གུར་འདི་སློབ་དཔོན་ལྷའི་རིགས་ཀྱི་བློ་གྲོས་ཞེས་ཡོད་པའི་གུར་གྱི་ཟིན་བྲིས་ཁ་ཡར་འཇུག་ཏུ་སྤྱོད་པ་འདི་བརྩམ་པར་མི་བྱ་འོའི་མཐའ་ཅན། འགོར་དེ་བཞིན་ཉིད་ཀྱི་དག་པ་སྟོང་པ་ཉིད་ཀྱི་སེམས་བསྐྱེད་པ་ཞེས་ཡོད་པའི་སཾ་བྷུ་ཊིའི་བརྟག་པ་བཅུ་པ་ཡན་གྱི་དཀའ་འགྲེལ་འགྲོ་བས་རྒྱུད་ཀྱི་དོན་རྟོགས་ཤོག་གི་མཐའ་ཅན། འགོར་བརྟག་པ་བཅུ་གཅིག་པ་རྒྱུད་ཕྱི་མར་མིང་གི་བརྟག་པ་ནི་ཞེས་ཡོད་པའི་རྒྱུད་ཕྱི་མའི་དཀའ་འགྲེལ་བཀའ་ཆད་མི་གསལ་བཟོད་པར་མཛོད་ཀྱི་མཐའ་ཅན། མཁན་ངག་ཆོས་པས་རྩེ་མོས་རྒྱུད་ཕྱི་མ་ལ་རྣམ་བཤད་མི་མཛད་པའི་རྒྱུ་མཚན་ས་ཆེན་གྱི་གཉིས་པོ་དེ་ཡོད་པའི་ཡིན་གསུང་འདིའི་འོག་ཏུ་དཀར་ཆག་དང་མཁྱེན་བརྩེའི་གསན་ཡིག་ནས་སཾ་བྷུ་ཊའི་རྫོགས་རིམ། རྡོར་དབྱིངས་དཀྱིལ་ཆོག་དེ་ཉིད་བཅུའི་དཀའ་འགྲེལ་རྣམས་འདུག་ཀྱང་མ་ཐོབ། འགོར་དེ་ལ་དཔལ་ཡང་དག་སྦྱོར་བའི་རྒྱུད་ཕྱི་མ་ཞེས་ཡོད་པའི་བརྟག་པ་བཅུ་པོའི་དོན་ཅི་རིགས་པ་གསལ་བར་སྟོན་པ་དཀའ་འགྲེལ་བརྟག་པ་གསུམ་པ་དངོས་སུ་མི་གསལ་བ་གསལ་བར་བྱེད་པར་རྟོགས་པར་བྱའོའི་མཐའ་ཅན་

སློབ་དཔོན་རིན་པོ་ཆེ་རྡོ་རྗེས་མཛད་པའི་འདོད་རྒྱལ་གྱི་སྒྲུབ་ཐབས་གསལ་བར་བྱེད་པའི་འགྲེལ་པ་རིན་པོ་ཆེའི་མྱུ་༼ཊ༽གུ། འདིའི་གོང་དུ་ཀྱེ་རྡོར་གདན་གྱི་རྣམ་དག་གསན་ཡིག་ཕལ་ཆེར་ན་འདུག་ཀྱང་གླེགས་བམ་འདིར་མ་བྱུང་བས་མ་ཐོབ། འགོར་ནཱ་རོ་ཆེན་པོའི་བཞེད་པ་ཡིས་ཞེས་ཡོད་པའི་བདེ་མཆོག་རྩ་༼གན༽རྒྱུད་ཀྱི་ལེ་འགྲེལ་བློ་ལྡན་རྣམས་ཀྱིས་སྦྱང་བར་རིགས་ཀྱི་མཐའ་ཅན། འགོར་ནཱ་རོ་པ་ཆེན་པོའི་བཞེད་པས་ཞེས་ཡོད་པའི་འཁོར་ལོ་སྡོམ་པ༼གན༽རྩ་བའི་རྒྱུད་ཀྱི་བསྡུས་དོན་རྫོགས་བྱང་གི་མཐའ་ཅན། འགོར་སྤྱིར་ཕ་རོལ་དུ་ཕྱིན་པའི་སྡེ་སྣོད་དང་ཞེས་ཡོད་པའི་བདེ་མཆོག༼གན༽རྩ་རྒྱུད་ཀྱི་དཀའ་འགྲེལ་བརྗེད་བྱང་བླ་མའི་མན་ངག་གསུངས་པ་ལས་དཀའ་བ་རྣམས་རང་གི་དོན་དུ་ཡི་གེར་བཀོད་པ་འོའི་མཐའ་ཅན། འགོར་དཀྱིལ་འཁོར་ཆོ་ག་འདི་རྩ་བའི་རྒྱུད་དང་ཞེས་ཡོད་པའི་ནག་པོའི་དཀྱིལ་འཁོར་གྱི་ཐོ་ཡིག་ཙམ་དུ་སྦྱར་བ་འོའི་མཐའ་ཅན། དཀར་ཆག་མཁྱེན་བརྩེ་ངག་ཆོས་གསུམ་གྱི་གསན་ཡིག་ན་མི་གསལ་ཞིང་ངོར་ཕྱོགས་ཀྱི་གསན་ཡིག་ཚོར་ཐེ་ཚོམ་གྱི་གཞིར་མཛད་ཀྱང་གསན་ཡིག་རྒྱ་མཚོར་ཚད་ལྡན་དུ་ངོས་བཟུང་། མན་ངག་ནག་༼ལྷུན༽འབུམ་དུ་གྲགས་པ་ལ་ནང་གསེས་ཀྱི་སྤྱོད་པའི་རྡོ་རྗེའི་ལོ་རྒྱུས། གཞུང་དྲུག་སྤྱིའི་རྣམ་གཞག་དཀྱིལ་ཆོག་མངོན་རྟོགས། སྦྱིན་སྲེག་གསང་བའི་དེ་ཁོ་ན་ཉིད། ཨོ་ལ་པ་ཏི། དཔྱིད་ཐིག་རྣམས་ཀྱི་ས་བཅད། རས་བྲིས་ལ་བརྟེན་པའི་དཀྱིལ་ཆོག །མངོན་རྟོགས་གསལ་བྱེད། སྦྱིན་སྲེག་གི་ཊཱིཀྐ་དང་ལག་ལེན། གསང་བའི་དེ་ཉིད་ཀྱི་ཊཱིཀྐ། ཨོ་ལ་པ་ཏིའི་རྣམ་བཤད་དང་མན་ངག །དཔྱིད་ཐིག་གི་ཊཱིཀྐ་རྣམས་ཕྱོགས་གཅིག་ཏུ་བསྒྲིགས་པ་ས་སྐྱ་པ་ཆེན་པོས་མཛད་པ་ཨྠྀིའི་མཐའ་ཅན། རྡོ་རྗེ་རྣལ་འབྱོར་མའི་སྒྲུབ་ཐབས་༼ཝ༽ནཱ་རོ་པས་མཛད་པ་

རྒྱ་གར་གྱི་མཁན་པོ་སུ་མ་ཏི་དང་དགེ་སློང་པྲཛྙཱ་ཀཱིརྟིས་བསྒྱུར་པ། མཁའ་སྤྱོད་མའི་སྐོར་འདི་རྣམས་ངོར་དང་གོང་དཀར་གྱི་གསན་ཡིག་ཚོར་སྡེབས་སུ་འདུག་ཀྱང་དཀར་ཆག་དང་མཁྱེན་བརྩེའི་གསན་ཡིག་ན་འདི་ལྟར་སྣང་ཞིང་མཛད་པ་པོའི་དབང་གིས་དོན་ལ་ཡང་གནས་པ་ཡིན་ནོ། །དེའི་གསལ་བྱེད་རྣལ་༼ཝ༽འབྱོར་བཅུ་གཅིག་མ་ཞར་བྱུང་སྤྱོད་ལམ་གྱི་རྣལ་འབྱོར་ལས་འཕྲོས་ནས་ཕྱི་མཆོད་མདོར་བསྡུས་བྱ་ཚུལ་བཀྲོལ་བ་འོའི་མཐའ་ཅན། བསྐྱེད་པའི་རིམ་པའི་ཆ་བཟླས་༼ཝ༽སྒོམ་གཉིས་ལ་བརྟེན་ནས་མཁའ་སྤྱོད་བསྒྲུབ་པ་རྫོགས་བྱང་གི་མཐའ་ཅན། བྱིན་རླབས་ཀྱི་ཡི་གེ་བུ་མོ་གཞོན་ནུ་༼ཝ༽མ་ལ་སྟོན་མོ་བྱ་བ་དམ་ཚིག་གོའི་མཐའ་ཅན། ཚེས་བཅུའི་མཆོད་པ་ཟེར་བའང་འདུག །ཚོགས་༼ཝ༽མཆོད་མདོར་བསྡུས་པ་རྗེས་མི་མངོན་པར་བྱ་བའི་མཐའ་ཅན། ཚེས་བཅུའི་༼ཝ༽མཆོད་པ་ཉེས་པ་ཐམས་ཅད་འདག་སོང་བའི་མཐའ་ཅན། སྦྱིན་སྲེག་༼ཝ༽བདག་ཉིད་ལ་བསྡུ་བའི་མཐའ་ཅན། མར་མེ་སྦྱིན་སྲེག་༼ཝ༽གཞན་ལ་ཕན་པའི་བློས་ཡི་གེར་བཀོད་པའི་མཐའ་ཅན། པྲ་སེ་ན་༼ཝ༽དབབ་པ་མན་ངག་གོའི་མཐའ་ཅན། གནོད་སྦྱིན་མོའི་༼ཝ༽རྟོག་པ་ཚངས་པའི་བུ་མོ་འགུགས་པ་ལས་མན་ངག་ཏུ་བྱས་པ་རྫོགས་བྱང་གི་མཐའ་ཅན། གནོད་སྦྱིན་མོ་༼ཝ༽པདྨ་ཏིའི་སྒྲུབ་ཐབས་ཡིད་དུ་འོང་བ་པདྨོའི་མན་ངག་རྫོགས་སོའི་མཐའ་ཅན། སྨན་ཆེན་པོའི་བཅུད་༼ཝ༽ལེན་ཐུན་མོང་མ་ཡིན་པའི་གདམས་ངག་གོའི་མཐའ་ཅན། ཁོལ་པོ་པ་ཏ་༼ཝ༽ནའི་སྒྲུབ་ཐབས་ཞེས་བརྗོད་དོའི་མཐའ་ཅན། ཡིད་དུ་༼ཝ༽འོང་བའི་གནོད་སྦྱིན་མ་སྒྲུབ་པ་རྫོགས་སོའི་མཐའ་ཅན། འགོར་དཔལ་རྡོ་རྗེ་གཞོན་ནུའི་བསྙེན་པ་བྱེད་པར་འདོད་པས་ཞེས་ཡོད་པའི་རྡོ་རྗེ་ཕུར་པའི་མངོན་

རྟོགས་བླ་མ་ས་ཆེན་གྱི་ཕྱག་དཔེ་ལས་བརྒྱུད་པ་ཡིན་ནོའི་མཐའ་ཅན། འདི་གཉིས་དཀར་ཆག་ན་མི་གསལ་ཞིང་གསན་ཡིག་ཕལ་ཆེར་ན་བུམ་གཏེར་གྱི་འོག་ན་འདུག་ཀྱང་མཁྱེན་བརྩེའི་གསན་ཡིག་ན་འདི་ལྟར་སྣང་ངོ་། །འགོར་ཧཱུྃ་ཨ་ལ་ལ་ཧོ་ས་མཱ་ཡ་སྟཾ་ཞེས་ཡོད་པའི་ཕུར་པའི་ལས་བྱང་བཅོལ་བའི་འཕྲིན་ལས་སྒྲུབ་པར་མཛོད་ཀྱི་མཐའ་ཅན། འགོར་འཇམ་དཔལ་ཁྲི་དྲུག་སྟོང་ཡོད་པའི་ལེའུ་དྲུག་པ་འཇམ་དཔལ་གླུ་བླངས་ཀྱི་ལེའུ་ཞེས་ཡོད་པའི་འཇིགས་བྱེད་རྟོག་བདུན་གྱི་ཊཱིཀྐ་༼གན༽གསད་པའི་ལས་ཀྱི་ཆོས་སུ་སྦྱར་བ་ཡིན་གྱི་མཐའ་ཅན། འགོར་དང་པོ་མཚན་ཉིད་ལྔ་དང་ལྡན་པའི་བླ་མ་ལ་ཞེས་ཡོད་པའི་སྒྲོལ་མ་བཅུ་བདུན་མའི་དཀྱིལ་ཆོག་དབང་གི་ཆོ་ག་ཐོ་ཙམ་ཕྱོགས་གཅིག་ཏུ་བསྡེབས་ནས་བསྟན་༼ཞང༽པ་རྫོགས་བྱང་གི་མཐའ་ཅན། མན་ངག་གཅེས་བསྡུས་ལ་བིར་ཝ་པའི་ཆུ་བསྲུང་ནས་བཟུང་མཛེས་མ་རྒྱན་འཁོར་གྱི་བར་མན་ངག་གི་རྣམ་གྲངས་བཞི་བཅུ་ཞེ་དྲུག་ལྷག་ཙམ་ཕྱོགས་གཅིག་ཏུ་བསྒྲིགས་པ། འདི་གསན་ཡིག་རྒྱ་མཚོར་ལྷ་མོའི་འོད་ལྗང་མ་ཡན་ལས་མི་འདུག་ཅིང་གོང་མ་ལྔའི་གསུང་འབུམ་གྱི་མཇུག་ཏུ་བྲིས་ཀྱང་རྩ་བའི་བླ་མས་ཁྱབ་བདག་བཀའ་འགྱུར་བར་གསན་ཅིང་། གྲུབ་པའི་སློབ་དཔོན་དུ་མའི་མན་ངག་དང་རྗེ་བཙུན་ཆེན་པོའི་ཕྱག་ལེན་གཅེས་བསྡུས་དང་ས་པཎ་གྱི་ལམ་སྦས་བཤད་སོགས་ནས་ཀྱང་བླངས་པའི་སློབ་བརྒྱུད་ཅིག་གིས་ཕྱིས་སུ་བསྒྲིགས་པའི་ལུང་རྒྱུན་མཁན་ཆེན་ཤེར་རྡོར་བས་གསན་པ་འདིར་བཅུག་པར་མངོན་འདི་ནང་གི་ཆོས་ཚན་མང་པོའི་བརྒྱུད་པ་ལམ་འབྲས་ཀྱི་ཆ་ལག་གླེགས་བམ་རྣམས་དང་ཡང་གཅིག་གོ །འཕགས་པ་རྡོ་རྗེ་མཁའ་འགྲོ་མ་གུར་གྱི་རྒྱུད་ལས་བྱུང་བའི་ཨུཥྞཱི་ཥའི་བསྲུང་འཁོར་བླ་མའི་མན་ངག་གིས་བསྡེབས་པ་ཡིན་ནོའི་མཐའ་ཅན། མ་ཧཱ་མ་ཡའི་རྒྱུད་སྟོང་ཕྲག་བཅོ་

བརྒྱད་པ་ལས་ཕྱུང་བ་བྷ་ཡ་ནའི་མན་ངག་བྱིན་རླབས་ཤིན་ཏུ་ཆེ་བ་ཡིན་གསུང་བའི་མཐའ་ཅན། སྐྱུ་ར་ཨ་སྐྱབས་ལ་ཕུལ་བའི་ཞུ་ཡིག་བླ་མ་རྣམས་ཀྱི་བྲན་དུ་སྐྱེ་བར་སྨོན་པའི་མཐའ་ཅན། འགོར་མཆོད་རྟེན་དང་གཙུག་ལག་ཁང་ངམ་ཁང་བཟང་ཞེས་ཡོད་པའི་འབུམ་གཏེར་གཞུག་ཚུལ་ཚུལ་བཞིན་ཤེས་པར་བྱའོའི་མཐའ་ཅན། དུར་ཁྲོད་བདག་པོའི་སྐོར་༼ཁུམ༽ལ་རྗེས་གནང་གི་ཐོ་བླ་མའི་གསུང་བཞིན་དཔལ་ཡུ་ཁ་མོ་སྒྲོལ་མ་ལྷ་ཁང་དུ་བསྒྲིགས་པ། དཀར་ཆག་དང་འཇམ་དབྱངས་མཁྱེན་བརྩེའི་གསན་ཡིག་ན་མི་གསལ། བདག་གཞན་བསྲུང་བ་བསྙེན་སྒྲུབ་ལས་གསུམ་གྱི་སྒོ་ནས་བསྟན་པ་ཕྱག་རྒྱ་ཆེན་པོ་ཐོབ་པར་ཤོག་གི་མཐའ་ཅན། སྐུ་རྟེན་སྦ་ཝ་མན་ངག་གོའི་མཐའ་ཅན། དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་ལེའུ་ལྔ་བཅུ་རྩ་གཅིག་པའི་ཊཱིཀྐ་མུ་ཏིག་འཕྲེང་བ་རྣམས། མཁྱེན་བརྩེའི་ཞབས་དང་ངོར་ལུགས་ཀྱི་གསན་ཡིག་རྣམས་ནས་གཉལ་ཕུ་ཆུང་པས་མཛད་པར་ངོས་བཟུང་། རྗེ་མུས་སད་པས་མུ་ཏིག་འཕྲེང་བ་འདི་གཉན་གྱིས་མཛད་ཟེར་བརྟག་དགོས་ཞེས་ས་ཆེན་གྱིས་མཛད་པར་བཞེད་གོང་དཀར་བ་ཡང་དེ་དང་ཕྱོགས་མཚུངས་ཀྱང་ངོར་ལུགས་ཁུངས་དག་པར་མངོན་ཏེ་བསྟན་བཅོས་འདི་ཁའི་བརྒྱུད་པའི་སྐབས་དེ་རྣམས་ཀྱི་བླ་མ་ལོ་ཙཱ་བ་ཆེན་པོ་ལ་བརྒྱུད་དེས་བདག་ཉིད་བླ་མ་རྩོད་པའི་དུས་སུ་རྡོ་རྗེ་ཐེག་པ་སྟོན་པ་རྣམས་ཀྱི་ནང་ནས་གཙུག་གི་ནོར་བུ་ལྟ་བུར་གྱུར་པ་ལ་སྟོད་འདྲེ་ཡུལ་དུ་སྐུ་འཁྲུངས་པ་མཚན་བརྗོད་པར་དཀའ་བའི་བདག་ཉིད་ཆེན་པོ་ལ་བཤད་དོ་ཞེས་པའི་བླ་མ་འདི་ས་ཆེན་ལ་ངོས་མ་བཟུང་ན་ས་ཆེན་དང་བླ་མ་མལ་ལོའི་བར་དུ་བླ་མ་གཞན་ཞིག་ཡོད་པར་འགྱུར་ཞིང་བརྒྱུད་པ་གཞན་ལས་འོངས་པའི་དབང་དུ་བྱས་ན་པུ་རང་ལོ་ཆུང་དང་། སུ་མ་ཏི་ཀཱིརྟི་གཉིས་ཀྱང་འཁྲུངས་ཡུལ་ལ་སྟོད་པ་མིན་པས་གཉན་གྱིས་ས་ཆེན་

ལ་བདག་གི་བླ་མ་ཞེས་བསྔགས་པར་ངེས་སོ། །འོན་ཀྱང་མངའ་རིས་པ་དང་སྒྱེ་ཆུ་བའི་འགྲེལ་པ་ལྟར་གཅེས་སྤྲས་སུ་མཛད་པ་རྐྱང་པ་མིན་པར་གཉན་གྱིས་ས་ཆེན་གྱི་གསུང་ལ་ཟིན་བྲིས་མཛད་པས་བཀའ་འབུམ་དངོས་དང་ཁྱད་པར་མེད་དོ། ༈ །གཉིས་པ་མི་ཐུབ་ཟླ་བའི་རྣམ་འཕྲུལ་འཇའ་ལུས་མཁའ་སྤྱོད་འགྲུབ་པ་སློབ་དཔོན་རིན་པོ་ཆེའི་གསུང་རབ་ལ། རྗེ་བཙུན་ས་སྐྱ་པ་ཆེན་པོའི་བསྟོད་པ་ཚངས་དབང་༼ར༽མ། གསུང་ངག་བརྒྱུད་པའི་གསོལ་འདེབས་གང་ཐུགས་མ། བཤེས་གཉེན་རྒྱ་སྒོམ་ཚུལ་ཁྲིམས་གྲགས་པ་ལ་སྤྲིངས་པ་སེམས་ཅན་ལ་ཕན་ཐོགས་པར་གྱུར་ཅིག་གི་མཐའ་ཅན། སློབ་དཔོན་ཆ་པའི་བྲིས་སྐུར་བསྟོད་པ་ཤླཽ་ཀ་༼ལྷུན༽སུམ་ཅུ་རྩ་གསུམ་གྱི་བདག་ཉིད་ཅན་བརྩེ་ཆེན་སྤྲོས་བྲལ་མ་གསུམ་བདུན་དོན་བསྟོད་འདིར་ནི་འཇུག་པའི་རིགས་ཀྱི་མཐའ་ཅན། འདི་གསང་ཕུའི་ཐང་སྐུ་ནས་ངོར་ཆེན་གྱིས་བཤུས་པས་གོང་དཀར་བ་རྣམས་དེའི་གོང་དུ་གསུང་འབུམ་ལ་མ་ཆུད་པས་ལུང་རྒྱུན་མེད་པའི་ཕྱོགས་སུ་སྣང་། རྒྱུད་སྡེ་སྤྱིའི་རྣམ་པར་བཞག་པ་རྒྱུད་མ་ལུས་པ་ལ་འཇུག་པ་འཇམ་དབྱངས་ས་ལོས་ཞུས་དག་པ། འགོར་དཔལ་ཀྱེ་རྡོ་རྗེའི་བརྟག་པ་༼ལྷུན༽གཉིས་ཀྱི་བདག་ཉིད་ཅན་གྱི་རྒྱུད་ཀྱི་རྒྱལ་པོ་འདི་ལ་བསྡུས་པའི་དོན་གཉིས་ཏེ་ཞེས་ཡོད་པའི་བསྡུས་དོན་མུན་པ་སེལ་བྱེད་ཀྱི་མཐའ་ཅན། རྗེ་བཙུན་དམ་པས་རྒྱུད་དོན་གསུངས་ནས་ལོ་བཅུ་དྲུག་ལོན་པ་ཤིང་ཕོ་རྟའི་ལོར་མཛད་པའི་ཀྱེ་རྡོ་རྗེའི་བཤད་སྦྱར་༼སྲས༽ཉི་མའི་འོད་ཟེར། འགོར་ཡང་དག་༼ལྷུན༽པར་སྦྱོར་བའི་རྒྱུད་ཆེན་པོ་འདི་ལ་བསྡུས་པའི་དོན་ལྔ་སྟེ་ཞེས་ཡོད་པའི་སམྦུ་ཊའི་བསྡུས་དོན་ཉེས་གྱུར་མཁའ་འགྲོས་བཟོད་པར་རིགས་ཀྱི་མཐའ་ཅན། དུས་ཕྱིས་རྣལ་འབྱོར་གྱི་དབང་ཕྱུག་གྲགས་པ་རྒྱལ་མཚན་གྱིས་ཤིན་ཏུ་དག་པར་བགྱིས་པ་ཞེས་སྣང་།

སམྦུ་ཊའི་བཤད་༼ཀ༽སྦྱར་རྒྱུད་ཀྱི་གནད་དོན་མ་ལུས་པ་གསལ་བར་བྱེད་པ། ཐབས་ཀྱི་ཤེས་རབ་ཀྱི་དོན་བསྒོམ་པའི་རྣམ་༼ལྷུན༽པར་བཤད་པ་བློ་གྲོས་རྣམ་པར་དཀར་བ་དང་ལྡན་པའི་དགེ་བསྙེན་བསོད་ནམས་རྩེ་མོས་རབ་ཏུ་སྦྱར་བའི་མཐའ་ཅན། བརྟག་པ་གཉིས་པའི་རབ་བྱེད་གཉིས་པའི་ཊཱིཀྐ་ཟེར། འདི་འོག་ཏུ་མཁན་ངག་ཆོས་པའི་གསན་ཡིག་ན་ཚེ་སྒྲུབ་ཟབ་མོ་ཞིག་ཡོད་ཟེར་བ་འདུག་ཀྱང་ལུང་མ་བྱུང་། ཀྱེ་རྡོ་རྗེ་ཌོམྦྷི་ལུགས་ཀྱི་དཀྱིལ་འཁོར་གྱི་ཆོ་ག་དཀར་ཆག་དང་མཁྱེན་བརྩེའི་གསན་ཡིག་ན་བཟང་པོ་ཡོངས་བཟུང་གི་རབ་གནས་དང་སྦྱིན་སྲེག་འདུག་ཀྱང་གསན་ཡིག་གཞན་རྣམས་སུ་མི་གསལ་ཞིང་ལུང་མ་བྱུང་། ཀྱེ་རྡོར་༼ཉ༽༼བླ༽མན་ངག་ལུགས་ཀྱི་མངོན་པར་རྟོགས་པ་རྒྱས་པ་ཡན་ལག་བཞི་པ་ཤིན་ཏུ་གསལ་བ་དོན་གཉེར་སྐྱེ་བོའི་ངོར་བྲིས་པ། དབང་གི་༼ཉི༽ཆུ་བོ༼ཨ༽ཆེན་པོ་མ་ནུབ་པར་བསྐུར་བའི་ལུགས་བླ་མའི་ཕྱག་ལེན་ཇི་ལྟ་བ་བཞིན་བྲིས་པ། ཞི་བ་འབའ་༼ཉི༽ཞིག་གི་སྦྱིན་སྲེག་གི་ཆོ་ག་ཞིབ་ཏུ་བསྟན་ཞིང་རྣམ་གཞག་མདོར་བསྡུས་པ། གསན་ཡིག་རྒྱ་མཚོར་མི་གསལ་ཡང་གསུང་ངག་གི་ལས་དང་པོ་པའི་ཆོས་བདུན་གྱི་ནང་ཚན་དུ་ངོས་འཛིན་ཅིང་ལུང་རྒྱུན་ངེས་པར་མཛད་པས་ཡིག་སྐྱོན་ཤོར་བ་འདྲ་ཞིང་ཐར་རྩེ་པ་སོགས་ཀྱི་གསན་ཡིག་ན་འདིའི་འོག་ཏུ་ལས་བཞིའི་སྦྱིན་སྲེག་འདུག་ངག་ཆོས་པས་གླེགས་བམ་ན་མི་འདུག་པས་ལུང་མ་བྱུང་གསུང་ཡང་དཀར་ཆག་དང་མཁྱེན་བརྩེའི་གསན་ཡིག་ན་མི་སྣང་བས་རྗེ་བཙུན་གྱི་དེ་དང་ནོར་བ་འདྲ། རབ་ཏུ་གནས་༼ཉི༽པའི་ཆོ་ག་བཟང་པོ་དྲུག་༼ཅོག༽པ་རྣལ་འབྱོར་པ་གྲགས་པ་རྒྱལ་མཚན་གྱིས་ཞུས་དག་བགྱིས་ཏེ་ལེགས་པར་བསྡེབས་པ། བཟང་པོ་ཡོངས་གཟུང་གི་རབ་གནས་སུ་དཔལ་ལྡན་ཀུན་གྱི་རྩེ་མོར་ཤོག་ཅེས་པ་མཇུག་ན་འདུག་པས་ནོར་འཁྲུལ་མི་བྱ། བདག་

མེད་ལྷ་མོ་བཅོ་ལྔའི་དབང་གི་ཐོ་ཡིག་ཁམས་པ་ནེ་ཚེ་སྦས་དོན་སེང་གེ་རྒྱལ་མཚན་ལ་གནང་བ་རས་ཡུག་ཟུང་འབྲེལ་གྱི་འབུལ་བར་ཆོས་གོས་མཛད་པར་ཞུའི་མཐའ་ཅན། སློབ་དཔོན་མཚོ་སྐྱེས་རྡོ་རྗེས་མཛད་པའི་དཔལ་ཀྱེ་རྡོ་རྗེའི་སྒྲུབ་ཐབས་ཀྱི་ཊཱིཀྐ་སྐུ་བཞི་ལམ་དུ་བྱེད་པའི་གདམས་པ། འགོར་སྔ་མ་གོང་མ་ནས་དབང་གི་བརྒྱུད་པ་དང་ལྡན་པ་ཞེས་ཡོད་པའི་མཚོ་སྐྱེས་ལུགས་ཀྱི་དཀྱིལ་ཆོག་ནས་གླིང་མ་༼ཨ༽གླུ་གར་དང་རོལ་མོ་སྣ་ཚོགས་ཀྱིས་ཀྱང་ཚིམ་པར་བྱའོའི་མཐའ་ཅན། མཁྱེན་བརྩེའི་གསན་ཡིག་ན་ནགས་གླིང་ཞེས་པ་འདུག་པ་དག་པ་འདྲ། བླ་མ་དམ་པའི་ཞབས་ཀྱི་པདྨོ་ལ་༼ལྷུན༽གཏུགས་པའི་དགེ་བསྙེན་པུ་ཎྱ་ཨ་གྲས་བྲིས་པ་ལས་དང་པོ་པའི་བྱ་བ་རྫོགས་བྱང་གི་མཐའ་ཅན། ཀྱེ་རྡོར་གྱི་ལས་དང་པོ་བའི་ཆོ་ག་ཟེར། སློབ་དཔོན་རྡོ་རྗེ་དྲིལ་བུ་པའི་གཞུང་གི་མངོན་༼པུ༽པར་རྟོགས་པའི་རིམ་པ་ཅུང་ཟད་རྒྱས་པར་བྲིས་པ། སློབ་དཔོན་རྡོ་རྗེ་དྲིལ་བུ་པས་མཛད་པའི་༼པུ༽དབང་གི་བྱ་བ་མདོར་བསྡུས་པའི་བཤད་པ། དཔལ་འཁོར་ལོ་སྡོམ་པའི་ལཱུ་ཧི་པའི་མཆོད་འཕྲེང་དྲི་མ་མེད་པ་བདེ་མཆོག་མཆོད་པའི་ཆོ་ག །རྗེ་བཙུན་གྲགས་པའི་ལཱུ་ཧི་པའི་མངོན་རྟོགས་སུ་མཆོད་འཕྲེང་ཞལ་འཕངས་མཛད་པ་འདི་ཡིན། གཙུག་ཏོར་རྣམ་པར་རྒྱལ་མའི་རྟོག་པའི་ཊཱིཀྐ་གསང་ཕུའི་སྙིང་པོ་ནེའུ་དང་དཔལ་ལྡན་ས་སྐྱར་དུས་ཕྱིས་བཅོས་པ། དེའི་ས་བཅད་རྟོག་པའི་བསྡུས་དོན་ཞེས་པའི་མཐའ་ཅན། འདིའི་འོག་ཏུ་སེང་གེ་སྒྲའི་སྒྲུབ་སྐོར་དཀར་ཆག་དང་གསན་ཡིག་ཕལ་ཆེར་ན་འདུག་ཀྱང་གོང་དཀར་བའི་རྒྱུན་ལ་མི་སྣང་ཡང་སླར་ཐོབ། བསྙེན་༼ལྷུན༽པ། སྒྲུབ་པ། བསྲུང་འཁོར། བསྡུས་དོན། གདོན་འགྲོལ་དང་བཅས་པའི་རྗེ་བཙུན་སེང་གེ་སྒྲའི་སྒྲུབ་སྐོར་དཔལ་ས་སྐྱའི་གཙུག་ལག་ཁང་དུ་སྦྱར་

པ་འདི་རྫོགས་སོའི་མཐའ་ཅན། དོན་ཡོད་ཞགས་༼གཙང༽པའི་ལོ་རྒྱུས། རྒྱུད་གཞུང་༼གཙང༽གི་ས་བཅད་དོན་ལྔ་པ། ལྷ་༼གཙང༽མོ་ལྔའི་བསྟོད་པ་སེམས་ཅན་མ། དོན་ཡོད་༼གཙང༽ཞགས་པའི་མདོའི་ཊཱིཀྐ་རྣམ་བཤད་རིན་པོ་ཆེའི་འཕྲེང་བ། བླ་མ་རྡོ་རྗེ་གདན་པའི་ཐུགས་དམ་ཆོས་དྲུག་ཕྱོགས་གཅིག་ཏུ་བསྡེབས་པ་བརྗོད་བྱ་རྫོགས་སོའི་མཐའ་ཅན། ཕྱིའི་བར་ཆད། ནང་གི་བར་ཆད། ནད་རིམས་རྣམས་ཞི་བ། དུས་མིན་འཆི་བ་དང་རྨི་ལམ་ངན་པ་བཟློག་པ། ཚེ་ཚད་ལས་ལྷག་པར་ཐུབ་པར་བྱེད་པ་ལས་སྒྲིབ་པ་ཟད་པར་བྱེད་པ་རྣམས། མི་༼ལོ༽གཡོ་བ་སྔོན་པོའི་ཆོས་སྐོར་ལས་ཚོགས་དང་བཅས་པ་བླ་མས་གསུངས་པ་ཇི་བཞིན་དུ་བརྗེད་བྱང་ཙམ་དུ་བཀོད་པ་རྫོགས་བྱང་གི་མཐའ་ཅན། མི་གཡོ་བའི་འཁོར་ལོའི་རྒྱ་གཞུང་པཎྜི་ཏ་ཆོས་ཀྱི་རྡོ་རྗེ་དང་ལོ་ཙཱ་བ་ནམ་མཁའ་རྡོ་རྗེས་བསྒྱུར་བ། རྒྱ་གཞུང་གི་བསྟོད་པ་སངས་རྒྱས་ཀུན་ཐུགས་མ། ཁ་༼ནཱ༽འབར་མའི་གཏོར་ཆེན་གྱི་ཆོ་ག་ལོ་རྒྱུས་དང་བཅས་པ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་བཤད་དགེ་སློང་ཆོས་ཀྱི་སེང་གེས་མཛད་པ་ལས། ཤེས་རབ་ཀྱི་ལེའུའི་སྐབས་རྟོགས་པར་སླ་བའི་ཕྱིར་གསལ་བར་སྦྱར་བ། ཆོས་ལ་འཇུག་༼ཨ༽པའི་སྒོ་ཞེས་བྱ་བའི་རབ་ཏུ་དབྱེ་བ། ཡི་གེའི་ཀློག་ཐབས་བྱིས་པ་བདེ་བླག་༼ཨ༽ཏུ་འཇུག་པ་རྣམས། ༈ །གསུམ་པ་རྡོ་རྗེ་འཛིན་པའི་སྐྱེ་བ་བདུན་བརྒྱུད་མར་བྱོན་པའི་མཐའ་མ་རྗེ་བཙུན་རིན་པོ་ཆེའི་གསུང་རབ་ལ། གསུང་༼ཉི༽ངག་རིན་པོ་ཆེའི་བརྒྱུད་འདེབས་བླ་མ་རྡོར་འཛིན་མ། སྟག་སྡེ་རི་༼དབང༽སྦུག་གི་དགེ་སློང་རྡོ་རྗེ་འཛིན་པ་བྱང་ཆུབ་ཤེས་རབ་ཀྱིས་གསོལ་བ་བཏབ་པ་ལ་བརྟེན་ནས་མཛད་པའི་ས་ཆེན་གྱི་རྣམ་ཐར། སློབ་དཔོན་རིན་པོ་ཆེའི་རྣམ་༼ར༽ཐར་

གསོལ་འདེབས་དམ་པའི་རིགས་འཁྲུངས་མ་མཇུག་ཏུ་ཚངས་པར་སྤྱོད་པའི་དགེ་བསྙེན་ཚུལ་འཛིན་པ་སོགས་ཡོད་པ། དབང་༼ར༽ཕྱུག་འོད་ཟེར་གྱི་ངོར་རྩང་ཁ་དགོན་དུ་མཛད་པའི་མཚར་གསུམ་ཁུག་པའི་མན་ངག །སྟོང་༼ཀ༽ ཐུན་ས་བཅད་ཆོས་མཐའ་དག་གི་བསྡུས་པའི་དོན་མ་ལུས་པ་ཡོངས་སུ་རྫོགས་སོའི་མཐའ་ཅན། གསན་ཡིག་གཞན་ཚོར་འདིའི་འོག་ཏུ་རྒྱུད་སྡེའི་དུམ་བུ་ཞེས་པ་ཞིག་འདུག་ཀྱང་དཀར་ཆག་གོང་དཀར་བ་མཁྱེན་བརྩེ་གསུམ་གྱི་གསན་ཡིག་ན་མི་སྣང་ཞིང་ལུང་ཡང་མ་བྱུང་། རྒྱུད་གསུམ་གྱི་མངོན་༼ཀ༽པར་རྟོགས་པ་རིན་པོ་ཆེའི་ལྗོན་ཤིང་། རྒྱུད་བརྟག་པ་གཉིས་པའི་རྣམ་བཤད་མ་དག་པ་རྣམས་རྣམ་པར་འཇོམ་པར་བྱེད་པའི་རྣམ་པར་འགྲེལ་པ་༼ཀ༽དག་ལྡན། མཁའ་འགྲོ་མ་རྡོ་རྗེ་གུར་གྱི་ས་བཅད་༼ཀ༽སིན་དྷ་ར་ཐཱ་རྫོགས་སོའི་མཐའ་ཅན། རྒྱང་རོའི་འཁུན་ཇུ་ཇོ་སྲས་དགེ་སློང་ཤེས་རབ་རིན་ཅེན་གྱིས་གསོལ་བ་བཏབ་པ་ལ་བརྟེན་ནས་མཛད་པའི་འཕགས་པ་རྡོ་རྗེ་གུར་གྱི་རྒྱན་༼ཀ༽ཞེས་བྱ་བའི་རྣམ་པར་འགྲེལ་པ། འདིའི་འོག་ཏུ་གུར་གྱི་ཐིག་ཚོན་གྱི་ཆོ་ག་ཞིག་འདུག་པ་ཐར་རྩེ་པའི་གསན་ཡིག་ན་ཆད་པའི་འཁྲུལ་གཞི་ལ་བརྟེན་ལུང་མ་བྱུང་། མངོན་༼ཉི༽རྟོགས་ཡན་༼ཨ༽ལག་དྲུག་པ། ངོར་ཕྱོགས་ལ་གཅིག་ལས་མི་འདུག་ཀྱང་གོང་དཀར་ལུགས་ལ་གཉིས་སུ་འདུག་པའི་ཚིག་སྣ་ཐུང་བ་དེ་ཐོབ་པ་ཡིན་པས་དཔེ་བསྡུར་དགོས་ཡོད། སྐུ་རྡོ་རྗེ་དཔའ་བོ་གཅིག་པའི་སྒྲུབ་ཐབས་དྷ་བྱང་ཆུབ་སེམས་དཔའི་ལུགས་བ་རི་བ་ནས་བརྒྱུད་པ། ཀྱེ་རྡོ་རྗེའི་བསྟོད་༼ཅོག༽པ་སྡེབ་སྦྱོར་དྷཎྜ་ཀ །དཀྱིལ་འཁོར་གྱི་༼ལྷུན༽གཙོ་བོ་དང་བཅས་པའི་བདག་མེད་ལྷ་མོ་བཅོ་ལྔ་ལ་བསྟོད་པ་རྒྱུད་གསུམ་ལ་འཇུག་པ་རིན་པོ་ཆེའི་འཕྲེང་བ་དྲི་མ་མེད་པ། རྡོ་རྗེ་༼ཉི༽ བདག་མེད་༼ཨ༽མའི་མངོན་རྟོགས་

རིམ་པ་གཉིས་འཁོར་དང་བཅས་པ། བདག་མེད་༼ཉི༽༼ཕྲ༽མའི་བྱིན་རླབས་ཀྱི་བརྒྱུད་པ་མཉམ་པར་བསྐུར་བའི་ལག་ལེན་གྱི་ཐོ་ཡིག །འདི་པོད་ཁྲར་ས་ཆེན་དང་པོད་དམར་དུ་རྗེ་བཙུན་གྱིས་མཛད་པར་ངོས་བཟུང་བ་གསན་ཡིག་རྒྱ་མཚོ་པོད་ཁྲ་དང་མཐུན་དགོས་པར་པོད་དམར་གྱི་རྗེས་སུ་འབྲངས་འདུག །ཚོགས་ཀྱི་༼ཉི༽འཁོར་ལོའི་གཞུང་བླ་མའི་མན་ངག་ལ་བརྟེན་ནས་འབྲིང་དུ་བྱ་བ། ལས་༼ཉི༽བཞིའི་སྦྱིན་སྲེག་གི་ཆོ་ག་མདོར་བསྟན་ཞིང་རྣམ་གཞག་རྒྱས་པར་བརྗོད་པ། དགེ་སློང་ཀུན་དགའ་ཚུལ་ཁྲིམས་ཀྱི་ངོར་མཛད་༼ཅོག༽པའི་དུས་མཐའ་མའི་ཆོ་ག་གཞན་ཕན་བདུད་རྩི། ཀྱེ་རྡོ་རྗེའི་བཀྲ་ཤིས་མཚུངས་མེད་བླ་མ་མ། དགའ་༼ཉི༽སྟོན་རྡོ་རྗེ་གྲགས་པ་ལ་གདམས་པ། འདིའི་འོག་ཏུ་རྣལ་འབྱོར་བྱང་སེང་ལ་སྤྲིངས་པ་དཀར་ཆག་དང་མཁྱེན་བརྩེའི་གསན་ཡིག་ན་འདུག་ཀྱང་ལུང་མ་བྱུང་། འགོར་རྣལ་འབྱོར་ཆེན་པོ་ཐབས་ཀྱི་རྒྱུད་ཅེས་ཡོད་པའི་རྒྱུད་འབུམ་གྱི་དཀར་ཆག་ཆེས་རགས་པ་ལགས་སོའི་མཐའ་ཅན། འགོར་མལ་གྱོ་ལས་འོངས་པའི་གཤིན་རྗེ་རྣམས་ནི་འདི་ཡིན་ཞེས་ཡོད་པའི་བླ་མ་གོང་༼ལྷུན༽མའི་ཆོས་སྐོར་གྱི་དཀར་ཆག་རྡོ་རྗེ་འཛིན་པའི་སར་འགྲོ་ཤིག་གི་མཐའ་ཅན། འགོར་བརྟག་༼ལྷུན༽པ་གཉིས་པ་གུར་སམྦུ་ཊི་ཞེས་ཡོད་པའི་རྒྱུད་གསུམ་གྱི་དཀར་ཆག་བསྟན་པ་དང་སེམས་ཅན་ལ་ཕན་པར་གྱུར་ཅིག་གི་མཐའ་ཅན། བརྒྱུད་༼ལྷུན༽པ་གཉིས་ཀྱི་ལུགས་སུ་བྱས་པའི་སྐྱབས་སུ་འགྲོ་བ་དང་སེམས་བསྐྱེད་པའི་ཆོ་ག་དགེ་བསྙེན་གྲགས་པ་རྒྱལ་མཚན་གྱིས་སྦྱར་བའི་མཐའ་ཅན། ངོར་ཆེན་གྱིས་སྒོ་རུམ་དཔེ་ཁང་ནས་རྙེད་པས་གསུང་ངག་ལ་སེམས་བསྐྱེད་གཏོང་བའི་ཁུངས་འདི་ལ་མཛད། རྫོང་ལུགས་དང་གོང་དཀར་བ་གཉིས་འདི་རྗེ་བཙུན་གྱི་གསུང་ཡིན་པའི་དབང་དུ་བྱས་ཀྱང་དེ་ཡན་

ལ་དཔེ་རྒྱུན་མེད་པས་བརྒྱུད་པ་ཁྱད་པར་གཉིས་ལྡན་གྱི་སེམས་བསྐྱེད་ཀྱི་རྒྱུན་དང་ལུང་གཉིས་ཀ་མེད་ཅེས་གླེང་། རིན་ཅེན་འབར་༼ལྷུན༽བའི་སྒྲུབ་ཐབས་ཀྱི་བསྡུས་དོན་རྫོགས་བྱང་གི་མཐའ་ཅན། མཁྱེན་བརྩེའི་གསན་ཡིག་ན་བ་རི་བའི་ཆོས་སྐོར་གྱི་དཀར་ཆག་ཡོད་ཚུལ་སྣང་ཡང་མ་ཐོབ། དཔལ་ཧེ་རུ་ཀའི་བྱུང་ཚུལ་རྣམ་པར་བཞག་པ་བླ་མའི་གསུང་ལས་ཅུང་ཟད་བསྡུས་པ། མངོན་པར་རྟོགས་པ་༼ཨ༽ལཱུ་ཨི་པའི་སྒོམ་པའི་རིམ་པ་གསལ་བར་བྱེད་པ་ཞིབ་ཏུ་ཕྱེ་བ་ཞེས་བྱ་བ་ཤཱཀྱའི་དགེ་བསྙེན་གྲགས་པ་རྒྱལ་མཚན་གྱིས་ཉེ་བར་སྦྱར་བ་འདི་རྫོགས་སོའི་མཐའ་ཅན། ནག་༼ལྷུན༽པོ་པའི་བསྐྱེད་རིམ་གསུམ་གྱི་ཆོ་གའི་བསྡུས་པའི་དོན་ལག་ལེན་གྱི་རིམ་པ་ནཱ་རོ་ཏ་པས་འཁྲུགས་པ་བསྡེབས་ཏེ་གསུངས་པ་བཞིན་དུ་བྲིས་པ། སློབ་དཔོན་སྤྱོད་པ་པས་༼ལྷུན༽མཛད་པའི་ཆོ་གའི་བསྡུས་དོན་གསང་བ་ཤེས་རབ་དང་བཅུ་བཞི་སེམས་སོའི་མཐའ་ཅན། སློབ་དཔོན་སྤྱོད་པ་པས་༼ལྷུན༽མཛད་པའི་འཁོར་ལོ་སྡོམ་པའི་སྒྲུབ་ཐབས་ཀྱི་བསྡུས་དོན་དགེ་བསྙེན་གྲགས་པ་རྒྱལ་མཚན་གྱིས་སྦྱར་བའི་མཐའ་ཅན། སློབ་དཔོན་སྤྱོད་པ་པས་མཛད་པའི་སྦྱིན་སྲེག་གི་བསྡུས་༼ལྷུན༽དོན་གྲགས་པ་རྒྱལ་མཚན་གྱིས་བགྱིས་སོའི་མཐའ་ཅན། སློབ་དཔོན་སྤྱོད་པའི་རྡོ་རྗེས་མཛད་པའི་བདེ་མཆོག་ནག་པོའི་དཀྱིལ་ཆོག་གསལ་བྱེད་ཀྱི་འགྲེལ་༼ཛི༽པ་མ་རིག་སྤྱིས་འབྱིན་བྱེད་པར་ཤོག་གི་མཐའ་ཅན། བདེ་མཆོག་ནག་པོ་པའི་དཀྱིལ་འཁོར་གྱི་ཆོ་ག་༼ཛི༽ལག་ཏུ་བླང་བའི་རིམ་པ། གོང་མས་རས་བྲིས་ཀྱི་ཕྱོགས་ལ་བརྟེན་པའི་མི་གསལ་བ་འདིར་རྡུལ་ཚོན་ལ་བརྟེན་ནས་གསལ་བར་མཛད། སློབ་དཔོན་རྡོ་རྗེ་དྲིལ་བུ་པའི་ལོ་རྒྱུས་ནག་པོའི་ཆོས་༼གྷ༽དྲུག་གི་སྟེང་དུ་ཞིབ་པར་འཆད་པར་

འགྱུར་རོའི་མཐའ་ཅན། སློབ་དཔོན་རྡོ་རྗེ་དྲིལ་བུ་ལུགས་ཀྱི་བདེ་མཆོག་གི་མངོན་རྟོགས་བསྐྱེད་པའི་རིམ་པའི་གཞུང་གསལ་བར་བྱེད་པ། སློབ་དཔོན་རྡོ་རྗེ་དྲིལ་བུ་པའི་རིམ་པ་ལྔའི་༼གྷ༽གསལ་བྱེད་རྒྱུད་ཀྱི་སྙིང་པོ་བསྡུས་པ། བསོད་ནམས་གསོག་ན་ཡར་ངོ་དང་སྡིག་པ་དག་པར་འདོད་ན་མར་ངོ་ལ་༼གྷ༽བྱ་དགོས་པའི་ཚེས་བཅུ་ལ་སོགས་པ་དུས་ཀྱི་མཆོད་པའི་ཡི་གེ །མི་དབང་ཆོས་གསུམ་རྒྱ་གཞུང་ལས་དང་པོ་ཞལ་གཉིས་མའི་སྒྲུབ་ཐབས་༼བྷུ༽ཨིནྡྲ་བྷཱུ་ཏིས་མཛད་པ་ནཱ་ལནྡ་པ་དང་པྲཛྙ་ཀཱིརྟིའི་འགྱུར། འདིའི་མཆན་རྣམས་རྗེ་བཙུན་གྱིས་མཛད་པས་གསུངའབུམ་ཁྲོད་དུ་བཅུག་པ་ཡིན་ཞིང་གླེགས་བམ་གྱི་ཁ་ཡིག་ཏུ་གསུམ་ཀ་ལ་ལས་བཅུའི་གཞུང་ཞེས་བྲིས་འདུག་པ་ཡིག་སྐྱོན་དུ་མངོན། གཉིས་པ་དེས་མཛད་པའི་༼བྷུ༽སྔགས་ཀྱི་དེ་ཁོ་ན་ཉིད་ཀྱི་རང་བྱིན་གྱིས་བརླབ་པ་ཡེ་ཤེས་རྡོ་རྗེའི་འགྱུར། གསུམ་༼བྷུ༽པ་ལས་བཅུའི་གཞུང་ལ། བསྙེན་པ། སློབ་མ་རྗེས་གཟུང་། ཚོགས། གཞོན་ནུ་མའི་མཆོད་པ། གཏོར་མ། སྦྱིན་སྲེག །བསྲུང་འཁོར། རྩུབ་ལས། སྒོམ་བྲིས་ཀྱི་ཕྱིར་བཟློག་རྣམས་བླ་མ་བྷ་ལེན་དྲ་རུ་ཙིས་མཛད་པ་ཡེ་ཤེས་རྡོ་རྗེ་དང་མལ་ལེའི་འགྱུར། ཞལ་གཉིས་མའི་༼བྷུ༽སྒྲུབ་ཐབས་ལག་ཏུ་བླང་བའི་རིམ་པ་ཙེང་ངེ་སྟོན་པས་གསོལ་བ་བཏབ་ནས་མཛད་པ། སྔགས་ཀྱི་དེ་ཉིད་སྒྲུབ་༼བྷུ༽པའི་བདག་བྱིན་གྱིས་བརླབ་པའི་རྫོགས་རིམ་ལག་ཏུ་བླང་པ་ཙེང་ངེ་འདུལ་འཛིན་གྱི་དོན་དུ་མཛད་པ། ལས་༼བྷུ༽བཅུའི་གསལ་བྱེད་ཙེང་ངེ་ཤེས་རབ་གྲགས་ཀྱིས་གསོལ་བ་བཏབ་པ་ལ་བརྟེན་ནས་མཛད་པ། རལ་པ་གྱེན་བརྫེས་ལས་༼མཻ༽ཕྱུང་བའི་རིག་པ་འཛིན་མ་རྡོ་རྗེ་རྣལ་འབྱོར་མའི་སྒྲུབ་ཐབས་རྒྱ་གར་གྱི་མཁན་

པོ་ཛ་ཡའི་ཞབས་དང་སུམ་པ་ལོ་ཙཱ་བས་བསྒྱུར་བ། རྒྱ་གཞུང་འདི་རྣམས་ལ་མཆན་བུ་རྗེ་བཙུན་གྱིས་མཛད་པས་གསུང་འབུམ་དུ་བཅུག་པ་ཡིན། དེའི་སྒྲུབ་༼མཻ༽ཐབས་གཉིས་མེད་རྡོ་རྗེས་མཛད་པ་ལོ་པཎ་གོང་འདྲ། དེའི་རྗེས་༼མཻ༽གནང་གི་ཆོ་ག་རྒྱལ་བའི་སྡེས་མཛད་པ་པཎྜི་ཏ་དེ་ཉིད་དང་སུམ་པ་ལོ་ཙཱ་བས་བསྒྱུར་བ། ནཱ་རོ་པའི་ཐུགས་ཀྱི་ཉིང་ཁུ་༼ཀཱི༽རྩ་དབུ་མའི་མན་ངག་མདོ་སྨད་གཡར་མོ་ཐང་གི་སྟོན་པ་གཞོན་ནུའི་དོན་དུ་མཛད་པ། ངེས་པར་བརྗོད་པ་རྒྱུད་བླ་མའི་ལེའུ་ཉི་ཤུ་རྩ་གཅིག་པ་དང་རྩ་གཉིས་པ་ལས་བྱུང་བའི་འཁྲུལ་འཁོར་སྒོམ་འདྲི་ལ་བརྟེན་ནས་༼གྷ༽ལས་སྒྲུབ་པ་སློབ་མ་རྩ་མིའི་ངོར་མཛད་པ། བཤད་ཐབས་ཀྱི་མན་ངག་རྣལ་འབྱོར་མ་ཀུན་ཏུ་སྤྱོད་པའི་རྒྱུད་ཀྱི་བསྡུས་དོན། འགོར་སྤང་བྱའི་དྲི་མ་མ་ལུས་ཀུན་སྤང་ཞིང་ཞེས་ཡོད་པའི་རྣལ་འབྱོར་མ་ཀུན་ཏུ་སྤྱོད་པའི་རྒྱུད་ཀྱི་ཊཱིཀྐ་མ་ལུས་པ་ཡོངས་སུ་གསལ་བར་བསྟན་པ་ཀུ་རུ་ཀུལླེའི་བསྙེན་༼ཀུ༽སྒྲུབ་ལས་གསུམ་གྱི་གདམས་པ་གྲོལ་བར་འགྱུར་རོའི་མཐའ་ཅན། ཚོགས་༼ག༽བདག་དམར་པོ་ཕྱག་བཅུ་གཉིས་པའི་བསྙེན་སྒྲུབ་ལས་སྦྱོར་སྦྱིན་སྲེག་དང་བཅས་པ་མཇུག་ན་ཞལ་གདམས་ཡོད་པ། གཤིན་རྗེ་གཤེད་དགྲ་ནག་པོའི་རྒྱུད་ཀྱི་མངོན་པར་རྟོགས་པ་གསལ་བ། རྡོ་རྗེ་འཇིགས་བྱེད་ཀྱི་བསྟོད་པ་ཚིགས་སུ་བཅད་པ་བཞི་ཞིག་ཞབས་ཏོག་གྱིས་ཀྱི་མཐའ་ཅན། གསན་ཡིག་རྒྱ་མཚོར་བསྟོད་པ་གཉིས་ཟེར་བ་འདུག་ཀྱང་ངོར་ལུགས་ལ་གཅིག་ལས་མ་བྱུང་། སློབ་དཔོན་སངས་རྒྱས་ཡེ་ཤེས་ཞབས་ཀྱི་བརྒྱུད་པའི་མན་ངག་བདུད་རྩི་འཁྱིལ་བའི་མངོན་རྟོགས་འཁྲུལ་འཁོར་སྦྱིན་སྲེག་དང་བཅས་པའི་ལས་ཚོགས། སྒྲོལ་མ་ཉིན་མོ་ཞི་བ་དང་མཚན་མོ་ཁྲོ་མོར་སྒོམ་༼སུ༽པའི་མན་༼ཤ༽ངག་

བསྟོད་པ་ལས་ཁ་ཚར་རྫོགས་བྱང་གི་མཐའ་ཅན། ནཱ་རོ་པས་བརྒྱུད་པའི་མཎྜལ་༼སུ༽བཞི་པའི་མན་ངག །སྒྲོལ་མ་སྤྱི་དང་སོ་སོའི་མངོན་པར་༼སུ༽རྟོགས་པ་བསྟོད་པ་གདོན་ཐབས་དང་བཅས་༼ཞང༽པའི་བརྗེད་བྱང་། བསྟོད་པ་ཉི་ཤུ་རྩ་གཅིག་པའི་མངོན་པར་རྟོགས་པ་༼སུ༽ཡན་ལག་དང་བཅས་༼མུ༽པ་ཁ་ཆེའི་སློབ་དཔོན་ཉི་མ་སྦས་པས་མཛད་པ་གསལ་བྱེད་རྫོགས་བྱང་གི་མཐའ་ཅན་མཇུག་ཏུ་རྡོ་རྗེ་སྒྲོལ་མའི་མན་ངག་དང་བཅས་པ། ཕྱག་འཚལ་ཉི་ཤུ་རྩ་གཅིག་པའི་ལམ་གྱི་ཡན་ལག་དང་བཅས་པའི་༼སུ༽བསྡུས་དོན་རྫོགས་༼མུ༽བྱང་གི་མཐའ་ཅན། སྒྲོལ་མ་ལུས་དཀྱིལ་གྱི་སྒྲུབ་༼རྒྱུན༽ཐབས་མཆིམས་ཇོ་སྲས་རིགས་གཟུགས་ཡོན་ཏན་ཕུན་སུམ་ཚོགས་པ་ཆོས་སེང་ལ་སྤྲིངས་པ། འགོར་བསྟོད་པ་ལ་དོན་གཉིས་ཏེ་ཞེས་ཡོད་པའི་ཕྱག་འཚལ་ཉེར་གཅིག་གི་༼སུ༽བསྡུས་༼ཞང༽དོན། ཕྱག་༼ལྷུན༽འཚལ་ཉི་ཤུ་རྩ་གཅིག་གི་བསྟོད་པའི་རྣམ་པར་བཤད་པའི་བསྡུས་དོན་གྲགས་པ་རྒྱལ་མཚན་གྱིས་སྦྱར་བའོའི་མཐའ་ཅན། གཉན་ལོ་ཙཱ་བ་ལུགས་ཀྱི་སྒྲོལ་མའི་མངོན་༼སུ༽པར་རྟོགས་༼གཉན༽པ་ཡན་ལག་དྲུག་དང་ལྡན་པ་འདིའི་འོག་ཏུ་སྒྲོལ་མ་མཎྜལ་བཞི་པའི་གསོལ་འདེབས་འདུག་པ་མ་ཐོབ། འགོར་ཁོ་བོ་བཅོ་བརྒྱད་པ་ཞེས་ཡོད་པའི་རྗེ་བཙུན་ཉིད་ཀྱི་མནལ་ལམ་ཇི་ལྟར་བྱུང་ཚུལ་སློབ་དཔོན་རིན་པོ་ཆེ་དང་ལན་མང་དུ་མཇལ་ནས་ཁམས་པ་སྦས་དོན་གྱིས་བྲིས་ཀྱང་གསུང་ངོ་མ་ཡིན་ཆོས་ཞུས་པ་རྨིས་གསུང་པའི་མཐའ་ཅན་ནང་གི་ལྷུང་བཟེད་རིན་པོ་ཆེའི་གཞལ་ཡས་ཁང་བརྟག་པ། དཔེ་ཆ་ན་མཛད་བྱང་འདུག་ཀྱང་དཀར་ཆག་དང་མཁན་ངག་ཆོས་པའི་གསན་ཡིག་ན་སྣ་རོ་བནྡེ་གཤིན་རྗེ་གྲགས་ཀྱིས་བྲིས་ཟེར་བ་འདུག །དཀར་ཤཱཀྱ་གྲགས་ཀྱིས་གསོལ་

བ་བཏབ་པ་ལ་བརྟེན་ནས་མཛད་པའི་ཧེ་རུ་༼ཀ༽ཀའི་ཆས་དྲུག་གི་ཡི་གེ །གསན་ཡིག་ཕལ་ཆེར་ན་འདི་གོང་དུ་འདུག་ཀྱང་དཀར་ཆག་དང་འཇམ་དབྱངས་མཁྱེན་བརྩེའི་གསན་ཡིག་ན་འདིར་བྱུང་། གསན་ཡིག་ཕལ་ཆེར་ན་རྡོར་དྲིལ་ལ་འཕྲེང་བའི་དེ་ཉིད་གསུམ་འདུག་པར་དཔེ་མ་འབྱོར་པས་ལུང་མ་ཐོབ། བླ་མ་༼ལྷུན༽བསྟེན་པའི་ཐབས་ཤླཽ་ཀ་ལྔ་བཅུ་པའི་གསལ་བྱེད་བླ་མས་ཅུང་ཟད་ཅིག་མཛད་པ་དེ་གསལ་བར་བྱ་བའི་ཕྱིར་ཤཱཀྱའི་དགེ་བསྙེན་གྲགས་པ་རྒྱལ་མཚན་གྱིས་སྦྱར་བའོའི་མཐའ་ཅན། རྡོ་རྗེ་ཐེག་༼ཉི༽པའི་རྩ་བའི་ལྟུང་བ་རྒྱ་ཆེར་འགྲེལ་པ་འཁྲུལ་པ་སྤོང་བ། རྡོ་རྗེ་ཐམས་ཅད་༼སུ༽འབྱུང་བ་ཞེས་བྱ་༼སྤྲུ༽བའི་རྣམ་འགྲེལ་དཔལ་ལྡན་བླ་མས་མ་རྫོགས་པ་འབད་དེ་རྫོགས་པར་བྲིས་པ། དཔལ་ལྡན་ངན་སོང་༼སུ༽སྦྱོང་བའི་སྤྱིའི་དོན་ཉེ་བར་སྦྱར་བ་རྫོགས་བྱང་གི་མཐའ་ཅན། ངན་སོང་ཐམས་ཅད་ཡོངས་སུ་༼སུ༽སྦྱོར་བའི་གཟི་བརྗིད་ཀྱི་རྒྱལ་པོའི་བརྟག་པའི་དབུ་ཞབས་ཀྱིས་བསྡུས་པའི་དོན་རྫོགས་བྱང་གི་མཐའ་ཅན། གོང་དཀར་བའི་གསན་ཡིག་ན་བསྡུས་དོན་རྒྱས་བསྡུས་གཉིས་ཟེར་བ་གང་ཡིན་བརྟག །ངན་སོང་༼སུ༽ཐམས་ཅད་ཡོངས་སུ་སྦྱོང་བའི་རྒྱུད་ཀྱི་ཆོ་ག་གཞན་ཕན་འོད་ཟེར། སྦྱོར་རྒྱུད་༼སུ༽ཀྱི་དཀྱིལ་འཁོར་ལ་བརྟེན་ནས་དབང་བསྐུར་ཏེ་སྡིག་པ་སྦྱང་བའི་ཐབས་ཉེ་བར་མཁོ་༼ཨ༽བའི་འོད་ཟེར། འདིའི་འོག་ཏུ་དཀར་ཆག་དང་གོང་དཀར་བའི་དེར་རོ་སྲེག་གི་ཆོ་ག་འདུག་པ་དཔལ་འབྱོར་བཟང་པོས་བརྩམས་ཞེས་ཐེ་ཚོམ་དུ་འདུག་པས་ལུང་མ་ཐོབ། རྟེན་༼སུ༽གསར་པ་བྱ་བའི་ཨརྒའི་ཆོ་ག་དང་རྟེན་རྙིང་པ་སྤོ་བའི་ཨརྒའི་ཆོ་ག་༼ཨ༽ཡོངས་སུ་རྫོགས་པར་བྱའོའི་མཐའ་ཅན། ལོ་ཆེན་རིན་ཅེན་བཟང་༼སུ༽པོས་མཛད་པའི་རབ་གནས་ཀྱི་སྡོམ་ཚིག་རབ་ཏུ་༼སུ༽གནས་པའི་གདམས་

པ་དོན་༼ཀ༽གསལ་བར་བྱེད་པ། བྱ་བ་༼སུ༽དང་སྤྱོད་པའི་རྒྱུད་ཀྱི་དཀྱིལ་འཁོར་དུ་དབང་བསྐུར་རིགས་༼ཤངས༽གསུམ་སྤྱིའི་ཆོ་ག་དཔའ་བོ་གཅིག་ཏུ་སྒྲུབ་པ་ཞེས་བྱ་བའི་རྒྱུད་ཀྱི་དཀའ་༼ཤངས༽འགྲེལ་མན་ངག་དོན་གསལ། རྗེ་བཙུན་མི་གཡོ་མགོན་པོའི་བསྟོད་པ་རིམ་པ་གསུམ་པ་འཐད་པར་ལྡན་པ། འཕགས་པ་འཇམ་དཔལ་དབྱངས་ཀྱི་བསྟོད་པ་རྒྱུད་གསུམ་གྱི་འཁོར་ལོ། འགོར་མཚན་ཡང་༼མ༽༼ཙ༽དག་པར་བརྗོད་པ་འདོན་པའི་གདམས་ངག་ལ་གསུམ་ཞེས་ཡོད་པའི་ཞལ་སྔ་ནས་མཛད་པ་འོའི་མཐའ་ཅན། ཨ་༼ཧཾ༽ར་པ་ཙ་ནའི་སྒྲུབ་ཐབས་གང་སྐུ་གཞོན་ནུ་མ། ཨ་ར་པ་ཙ་ན་ལྷ་ལྔའི་སྒྲུབ་ཐབས་འཇམ་དཔལ་དབྱངས་ཀྱི་རྗེས་འཛིན་ཤོག་གི་མཐའ་ཅན། འདི་ངོར་ལུགས་ལ་ཤྲཱི་སིངྷ་ཟེར་བ་ཞིག་གིས་བྱས་ཟེར་ཐེ་ཚོམ་དུ་སྣང་། ཨ་༼ཤངས༽ར་པ་ཙ་ན་ལྷ་ལྔའི་དཀྱིལ་ཆོག་ཡེ་ཤེས་སྣང་བའི་སྒྲོན་མེ། དོན་ཡོད་ཞགས་༼ཨཾ༽པའི་སྐོར་ལ་ནང་གསེས་ཀྱི་རྟོག་པ་ལག་ཏུ་བླང་བའི་རིམ་པ་དྲི་༼ཨཾ༽མ་མེད་པ། མཎྜལ། བསྟོད་པ་༼ཨཾ༽བདེ་གཤེགས་མ། བསྲུང་༼ཨཾ༽བའི་འཁོར་ལོ་དོན་ལྔ་པ་བྲི་ཡིག་དང་བཅས་པ། འགོར་རྡོ་རྗེ་འཛིན་དབང་དཔལ་ལྡན་བླ་ཆེན་གྱི་ཞེས་ཡོད་པའི་འཕགས་པ་ལག་ན་རྡོ་རྗེའི་གཟུངས་ཀྱི་མན་ངག་ལག་ཏུ་བླང་བའི་རིམ་པ་རྒྱས་པར་བཤད་པ། འདིའི་འགོར་ཇོ་བོ་ནས་བརྒྱུད་པ་གཅིག་དང་མཇུག་ན་བསྟོད་པ་རྒྱ་གར་མ་འདུག་པའི་ལུང་ཡང་བྱུང་། འགོར་ཏདོན་སྟོན་དོན་བྱེད་བླ་མའི་ཚོགས་རྣམས་དང་ཞེས་ཡོད་པའི་རྡོ་རྗེ་རྣམ་པར་འཇོམས་པའི་རྒྱུད་ཀྱི་གསལ་བྱེད་ཊཱིཀྐ་འཕགས་༼སུ༽པ་དཔུང་བཟང་གིས་ཞུས་པའི་མདོའི་འགྲེལ་པ་རྒོལ་བའི་བརྗེད་བྱང་དུ་བྱས་པ་རྫོགས་སོའི་མཐའ་ཅན། འགོར་ནམ་མཁའ་ལྡིང་སྒོམ་

པའི་རྣལ་འབྱོར་པ་ཞེས་ཡོད་པའི་ཁྱུང་ཁྲའི་སྒྲུབ་ཐབས་མལ་ནས་བརྒྱུད་པ་ས་སྐྱ་པ་ཆེན་པོའི་གསུང་རབ་ས་མ་པ་ཏིའི་མཐའ་ཅན། གསན་ཡིག་ཕལ་ཆེར་ན་འདི་ས་ཆེན་གྱིས་མཛད་པར་བཤད་ཀྱང་དཀར་ཆག་དང་རྗེ་མཁྱེན་བརྩེའི་གསན་ཡིག་ན་འདིར་བྱུང་བ་བཙན་པར་བྱས། མི་གཡོ་བའི་གསང་རྒྱུད་ལེའུ་བཞི་པའི་མན་ངག་གསང་བ་ཆེན་པོ་རྣམ་པར་འགྲེལ་པ། ཁ་ལ་མེ་༼རྒྱུན༽འབར་མའི་རྒྱུད་ཀྱི་དགོངས་པ་དོན་ལྔས་ལག་ཏུ་བླང་བའི་རིམ་པ་ཚོམ་བུ་བཅོ་ལྔ་མ་གཏོར་མ་༼སུ༽བརྒྱ་༼ཀ༽རྩ་བྱང་ཆུབ་སེམས་དཔའི་རྗེས་སུ་འབྲངས་ནས་ལས་དང་པོ་པ་རྣམས་ཀྱི་དོན་དུ་མཛད་པ། འགོར་སྤྱིར་༼སུ༽འཁོར་བ་ལ་ཐོག་མ་མེད་ཅེས་ཡོད་པའི་གྲུབ་ཐོབ་བརྒྱ་རྩའི་ཊཱིཀྐ་མི་ཕམ་བཤེས་གཉེན་གྱིས་བསྒྲུབས་པས་འགྲུབ་ནས་འདི་བྱས་ཏེ་རྡོ་རྗེ་གདན་པ་ལ་གནང་ངོའི་མཐའ་ཅན། ཤཱཀྱའི་རྒྱལ་༼སུ༽རབས་བཅོམ་ལྡན་འདས་ཀྱིས་གསུངས་པ་ལགས་སོའི་མཐའ་ཅན། བོད་ཀྱི་རྒྱལ་༼སུ༽རབས་པོ་ཏི་གཅིག་ཙམ་ལ་བཏུས་ནས་ཤིན་ཏུ་དག་པར་མཛད་པ། རྒྱ་བོད་ཀྱི་དགེ་འདུན་གྱི་སྡེ་དགྱེས་༼སུ༽མདོ་ལེགས་པའི་གཏམ་འདི་ཤེས་པར་གྱིས་ཀྱི་མཐའ་ཅན། འགོར་ལོ་གང་ལ་ཟླ་བའི་ལྷག་མ་ཞེས་ཡོད་པའི་དུས་ཚོད་ངེས་པར་བཟུང་བའི་རྩིས་ཡིག་ཕན་ཐོགས་པར་གྱུར་ཅིག་གི་མཐའ་ཅན། འགོར་འགྲོ་རྣམས་དགེ་དང་མི་དགེ་བསྟན་པའི་ཕྱིར་ཞེས་ཡོད་པའི་གཟའ་སྐར་འཕྲོད་མི་འཕྲོད་ཀྱི་རྩིས་ཕན་ཐོགས་པར་གྱུར་ཅིག་གི་མཐའ་ཅན། འགོར་འགྲོ་མགོན་མཉམ་མེད་ཇི་སྙེད་ཀུན་གཟིགས་ཤིང་ཞེས་ཡོད་པའི་དོན་སྐོར་ཉི་ཤུ་རྩ་གཅིག་ཡན་ལག་དང་བཅས་པའི་ཕྱག་༼སུ༽ཡིག་ཞེས་དགུ་ཕྲུག་ཀྱང་ཟེར། འགོར་དཔལ་༼ལྷུན༽ ལྡན་ས་སྐྱ་པའི་བརྒྱུད་པ་ནི་ཞེས་ཡོད་པའི་ག་རིང་རྒྱལ་པོ་

ལ་རྩིས་བསྡུར་དུ་བསྐུར་བ་སྟོན་པ་ལྷ་རྒོད་བྱ་བ་བྲིས་ནས་བསྐུར་སྐད་དོའི་མཐའ་ཅན། ཕྱག་༼ཨ༽ཆེན་གཅེས་བསྡུས་ཞེས་པ་བླ་མ་སོ་སོའི་མན་ངག་ཟབ་པ་རྣམས་ཕྱོགས་གཅིག་ཏུ་བསྡུས་པ་ལ་ཕྱག་ཆེན་གཉིས་མེད་འོད་གསལ་སོགས་མན་ངག་སུམ་ཅུ་ཐམ་པ། ལས་དང་པོ་པས་ཉམས་སུ་བླང་བའི་རིམ་པ་མཆོད་བརྗོད་༼སུ༽རིན་ཅེན་འཕྲེང་བ། བྱང་ཆུབ་༼ཙ༽སེམས་དཔའི་སྡོམ་པ་གསལ་བར་སྟོན་པ་ཤླཽ་ཀ་ཉི་ཤུ་པའི་བཤད་པ། ལྷ་ཐོག་སྟོན་པ་དགེ་སློང་ཡོན་ཏན་གཟུངས་ཀྱིས་བསྐུལ་བ་ལ་བརྟེན་ནས་བྱང་ཆུབ་སེམས་དཔའི་སྤྱོད་པ་ལ་འཇུག་པའི་བསྡུས་དོན། ཉམས་དབྱངས་སྐོར་ལ་ཡེ་ཤེས་རྡོ་རྗེར་གསུངས་པའི་མགུར་༼སུ༽དུས་གསུམ་བླ་མ་རིག་འཛིན་གྲགས་པས་ཡི་གེ་པ་བྱས་པ། འགོར་རྗེ་བཙུན་ས་སྐྱ་པ་ཆེན་པོའི་ཞལ་ནས་ཞེས་ཡོད་པའི་ཞེན་པ་བཞི་བྲལ་གྱི་ཉམས་༼སུ༽མགུར་བདེ་བའི་མཆོག་ཏུ་འགྱུར་རོའི་མཐའ་ཅན། བློ་སྦྱོང་གླེགས་བམ་དུ་འདི་ནུབ་པ་རིག་འཛིན་གྲགས་ཀྱི་གསུང་ཡིན་པར་བྱས་འདུག །ཁམས་བདེ་དྲིས་པའི་ལན་གྱི་མགུར་༼སུ༽བཀའ་དྲིན་ཅན་མ་ལྕགས་ཡོས་དབྱར་ཟླ་འབྲིང་པོ་ལ་མཛད་པ། བེ་དོན་ལ་གསུངས་པ་ས་སྐྱའི་གནས་བསྟོད་ཀྱི་ཉམས་༼སུ༽མགུར་བདག་ཅག་དམ་པའི་ལྷ་ཆོས་མ། རྨི་ལམ་ཉམས་ལེན་བརྒྱད་༼སུ༽དབྱངས་གྲོང་དང་གནས་གཞི་མ། གཉེན་པོ་བསྟེན་ཚུལ་གྱི་ཉམས་དབྱངས་༼སུ༽དང་དྲུག་ཡོད་པ་སེམས་ཀྱི་རང་གསོ་མ། སེམས་འདུལ་ཚུལ་གྱི་ཉམས་༼སུ༽དབྱངས་འཁོར་བ་ལ་སྐྲག་པ་མངོན་ཤེས་མིག་བྲལ། སྒྲུབ་པ་ཉམས་སུ་ལེན་ཚུལ་༼སུ༽འཚལ་བརྒྱད་མ་དལ་འབྱོར་འཛོམ་པ། གསང་སྔགས་༼སུ༽ནང་གི་ཉམས་ལེན་

ཚུལ་རྡོར་ལ་གདམས་པ་ཐེག་གསུམ་འགྲོ་འདུལ་མ། རང་ལ་རང་གིས་བསྐུལ་༼སུ༽བ་བདག་ནི་ཉོན་མོངས་པ་རྣམས། འགོར་ཡོན་ཏན་མཐའ་དག་རྒྱུད་ལ་སྦྱོར་མཛད་པ་ཞེས་ཡོད་པའི་ཉམས་དབྱངས་༼སུ༽ཆེན་མོ་མགུར་དུ་གསུངས་པ་རྫོགས་བྱང་གི་མཐའ་ཅན། དཀར་ཆག་ཏུ་འདི་གླིང་རས་ཀྱི་ཟུར་རྩ་རིང་མོ་ལ་དཔེ་བྱས་གཞན་གཅིག་གིས་བྱས་སམ་གསུངས། སྨན་དཔྱད་རྒྱལ་པོའི་དཀོར་མཛོད་ཅེས་གྲགས་པའི་མན་༼སུ༽ངག་རྗེ་བཙུན་གོང་མ་གཉིས་དང་དཔལ་ཆེན་འོད་པོ་ཆེའི་མན་ངག་ཀྱང་ཕྱོགས་གཅིག་ཏུ་བསྡེབས་པ་ཐོག་མར་འདུ་བ་སྤྱིའི་རྣམ་གཞག་ནས་མཐར་མགོ་བཅོས་ཀྱི་བར་ལ་སྨན་དཔྱད། ཡན་ལག་བརྒྱད་པའི་མན་ངག་ཀླུ་སྒྲུབ་ནས་ལོ་ཆེན་རིན་བཟང་བརྒྱུད་མལ་ལས་བྱུང་བའི་གདམས་པ་ཡིན་ཞིང་མཁན་ངག་ཆོས་པའི་ལེའུ་ཕལ་ཆེར་གྱི་མཇུག་ན་གསོ་དཔྱད་བདུད་རྩི་ཐིགས་པ་ཡང་ཟེར་སྐབས་འགར་བླ་མ་རྗེ་བཙུན་གྱི་གདམས་པ་ཟེར་བས་སློབ་མ་ཞིག་གིས་བསྒྲིགས་པ་ཡིན་ནམ་རྗེ་བཙུན་གྱི་གསུང་འདི་མིན་པ་ཞིག་ཡོད་དམ་གསུང་ཡང་མཁན་ཆེན་ཤེས་རྡོར་བ་ནས་བརྒྱུད་པའི་ལུང་འདི་ཡོད་ངེས་སུ་འདུག །འཐོར་དཔྱད་རྟེན་འབྲེལ་གྱི་གདམས་ངག་མང་དུ་ཡོད་པ་རྣམས་ཀྱི་ལུང་ལེགས་པར་ཐོབ་པའི་བརྒྱུད་ཚུལ་ལ། ཆོས་ཀྱི་རྒྱལ་པོ་འཕགས་པ་རིན་པོ་ཆེས་རིན་ཅེན་སྒང་བླ་བྲང་དུ་ཡབ་སྲས་གོང་མ་བཞི་དང་འཕགས་པ་རང་གི་བཀའ་འབུམ་གྱི་ཕྱེད་ཡན་རྫོགས་མཚམས་སུ་དུས་འཁྲུག་ལངས་པའི་དེ་ལྷག་རྣམས་སྣར་ཐང་ཆུ་མིག་ཏུ་གསུངས་པའི་དུས་སྔ་ཕྱི་གཉིས་ལ་ལུང་ཉན་པར་ཡོད་པ་དཀོན་གཉེར་དཔོན་དགའ་ལྡན་པ་ཀུན་བསོད། གཉན་ཕུ་བ་ཀུན་རྡོར། འཇམ་སྐྱ་བ། ཚོགས་སྒོམ་པ། ཞང་སྟོན་པ་སོགས་ཁ་ཡར་ལ་བརྒྱུད་

པའི་ལུང་ཚང་བར་ཡོད་པའི་ཡབ་སྲས་གསུམ་གྱི་གསུང་རབ་ཀྱི་བརྒྱུད་པ་ལ་རྟགས་མེད་པ་རྣམས་དང་ཉིའི་རྟགས་ཡོད་པའི་བརྒྱུད་པ་ནི། རྗེ་བཙུན་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་པཎ། ཆོས་ཀྱི་རྒྱལ་པོ་འཕགས་པ། དགའ་ལྡན་པ་ཀུན་དགའ་བསོད་ནམས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བསོད་ནམས་རྒྱལ་མཚན། ས་བཟང་མ་ཏི་པཎ་ཆེན། ཐེག་ཆེན་ཆོས་ཀྱི་རྒྱལ་པོ། བླ་མ་ལུང་རིག་རྒྱ་མཚོ། མཁན་ཆེན་སེང་གེ་དཔལ་བཟང་། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ། འབྲི་ཁུང་མཁན་ཆེན་རྣམ་མགོན་དྲི་མེད་སྡེ། རྒྱ་སྟོན་བྱང་ཆུབ་དབང་རྒྱལ། སྔགས་འཆང་ཚེ་དབང་བཀྲ་ཤིས། བླ་མ་རྣམ་རྒྱལ་བཀྲ་ཤིས། ཐུ་བཙུན་ཀུན་དགའ་བསོད་ནམས། ཚར་སྣ་ཆོས་སྡེ་འདིང་མཁན་ཞབས་དྲུང་བླ་ཆེན་དུ་གྲགས། དཔལ་འབྱོར་གླིང་པ་ངག་དབང་རྣམ་རྒྱལ། རབ་འབྱམས་ཆོས་རྗེ་རིན་ཅེན་རྒྱ་མཚོ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ །ཡང་ན་འཕགས་པ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། རྒྱལ་བ་བྲག་ཕུག་པ། བླ་མ་དམ་པ་མན་འདྲ། ཡང་ན་ཞང་སྟོན་པ་ལ། བྲག་ཕུག་པ་དང་བླ་མ་དཔལ་ལྡན་སེང་གེ་གཉིས་ཀས་གསན། གཉིས་ཀ་ལ་བླ་མ་དམ་པས་གསན་པ་མན་འདྲ། ཉིའི་རྟགས་ཡོད་པའི་བརྒྱུད་ལུགས་གཅིག་ནི། བླ་མ་དམ་པ་ནས། མཁས་གྲུབ་གཟུངས་ཀྱི་དཔལ་བ། ཆོས་རྗེ་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་ཅོག །རྫོང་

ཆུང་པ་བྱམས་པ་རྡོ་རྗེ་རྒྱལ་མཚན། མཚུངས་མེད་དཀོན་ཅོག་དཔལ། རྗེ་ཆོས་དཔལ་འབྱོར། ཡངས་པ་ཅན་པ་བྱང་ཆུབ་དབང་རྒྱལ། པཎ་ཆེན་བདེ་བའི་རྡོ་རྗེ། མང་ཐོས་ལྷ་དབང་འཕྲིན་ལས། མཁས་མཆོག་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ། དེས་བདག་ལའོ། ༈ །སུའི་རྟགས་ཡོད་པའི་བརྒྱུད་པ་ནི། འབྲས་སྤུངས་པ་ཚེ་དབང་བཀྲ་ཤིས་ཡན་གོང་ལྟར་ལ། དེ་ནས་བདེ་བ་ཅན་པ་མཁྱེན་རབ་རྣམ་རྒྱལ། དམ་ཆོས་གླིང་པ་ཡེ་ཤེས་དབང་པོ། རྣམ་མཁྱེན་གྲོང་པ་སྤྲུལ་སྐུ་རྣམ་རྒྱལ་རིག་པ། ཐོད་དཀར་བ་ངག་དབང་རྣམ་རྒྱལ་མན་འདྲ། ཨཱའི་རྟགས་ཡོད་པའི་བརྒྱུད་པ་ནི། བདེ་བ་ཅན་པ་མཁྱེན་རབ་རྣམ་རྒྱལ་ནས། དབོན་པོ་ཀུན་དགའ་ལེགས་པ། སྤྲུལ་སྐུ་རྣམ་རྒྱལ་རིག་པའི་བར་འདྲ། དེ་ཡང་འཕགས་པ་ནས། བླ་མ་དམ་པའི་བར་གྱི་བརྒྱུད་ཚུལ་གསན་ཡིག་རྒྱ་མཚོར་དེ་ལྟར་བྱུང་བ་བསྟན་བཅོས་གྲགས་ཆེ་བ་ཕལ་ཆེར་བླ་མ་དམ་པས་གསན་པ་གཙོ་བོར་བཟུང་སྟེ། མཁན་ཆེན་ཤེས་རྡོར་བས་ཐོར་བུ་བསྡུས་པ་རྣམས་ཀྱི་བརྒྱུད་པ་མི་གསལ་བར་མངོན། དེ་ཡང་བརྒྱུད་པ་མཐའ་དག་གཅིག་ནས་བྱུང་བའི་ངེས་པ་མི་འདུག་པས། དམིགས་ཀྱིས་བསལ་བ་མཁན་ཆེན་ངག་དབང་ཆོས་གྲགས་ཀྱི་གསན་ཡིག་ཏུ་འདུག་པ་རྣམ་དཔྱོད་ཤིན་ཏུ་གཙང་བའི་དཔྱད་བཟོད་པ་ནས་བཀོད་པར། ཀའི་རྟགས་ཡོད་པའི་བརྒྱུད་པ་ནི། ས་པཎ་ནས་ཞང་མདོ་སྡེ་དཔལ། འཇམ་སྐྱ་བ། བླ་མ་དཔལ་ལྡན་སེང་གེ །མཁན་ཤེས་རྡོར། བླ་མ་དམ་པ་མན་འདྲ། ༈ །གཏོར་མ་བརྒྱ་རྩའི་བརྒྱུད་ལུགས་གཅིག་ནི། རབ་འབྱམས་ཆོས་རྗེ་ནས། ཁྱབ་བདག་སྨན་ལུང་པ་བློ་མཆོག་རྡོ་རྗེ། དེས་བདག་ལའོ། །ཡང་ན་

རྣམ་རྒྱལ་བཀྲ་ཤིས་ནས། བྱམས་པ་ངག་དབང་། དཔལ་འབྱོར་གླིང་པ་མན་འདྲ། ཛིའི་རྟགས་ཡོད་པའི་བརྒྱུད་པ་ནི། འཕགས་པ། ཞང་སྟོན་ཁུ་དབོན། བླ་མ་དམ་པ། མཁན་ཤེས་རྡོར་བ་མན་འདྲ། སུའི་རྟགས་ཡོད་པའི་བརྒྱུད་པ་ནི། ས་པཎ་ནས། བོ་དོང་རིན་པོ་ཆེ། ཡང་རྩེ་པ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། བྱང་སེམས་བསོད་ནམས་གྲགས་པ། བླ་མ་དམ་པ་མན་འདྲ། སྤྲུའི་རྟགས་ཡོད་པའི་བརྒྱུད་པ་ནི། འཕགས་པ་ནས། སྤྲུ་ལུང་པ་ཀུན་དགའ་སྨོན་ལམ། ཞང་དཀོན་ཅོག་དཔལ། སློབ་དཔོན་རིན་ཅེན་དཔལ། བླ་མ་རྒྱལ་བ་དཔལ། རྒྱལ་སྲས་ཐོགས་མེད་པ། མཁན་ཤེས་རྡོར་བ། བླ་མ་དམ་པ་མན་འདྲ། ཞང་གི་རྟགས་ཡོད་པ་ནི། ཉི་མ་སྦས་པ་ནས། ཏཻ་ལོ་པ། ནཱ་རོ་པ། ནག་པོ་པ། སྒུ་རུབ་ལོ་ཙཱ་བ། རོང་པ་བྲང་ཏི་དར་མ་སྙིང་པོ། ས་ཆེན། མཆིམས་ཁུ་དབོན། བླ་མ་འཇམ་གསར་བ། ལྕེ་མདོ་སྡེ་སེང་གེ །རྒྭ་ལོ་ཡབ་སྲས་གཉིས། བྱང་སེམས་བསོད་ནམས་གྲགས་པ། བླ་མ་དམ་པ་མན་འདྲ། གན་གྱི་རྟགས་ཡོད་པའི་བརྒྱུད་པ་ནི། ས་ཆེན་ནས། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་རིན་རྒྱལ། བླ་མ་ཡེ་ཤེས་དཔལ། མཁན་ཤེས་རྡོར་བ། བླ་མ་དམ་པ་མན་འདྲ། དམར་གྱི་རྟགས་ཡོད་པའི་བརྒྱུད་པ་ནི། ས་པཎ། དམར་གཞོན་ནུ་རྒྱལ་མཚན། དཀའ་བཅུ་པ་གཞོན་ནུ་སེང་གེ །མཁན་ཤེས་རྡོར་བ། བླ་མ་དམ་པ་མན་འདྲ། ཅོག་གི་རྟགས་ཡོད་པའི་བརྒྱུད་པ་ནི། འཕགས་པ། ཅོག་རོ་སྟོན་གཞོན། ཆོས་བརྩོན་འགྲུས། སངས་རྒྱས་རིན་ཅེན། ཤེས་རྡོར་བ། བླ་མ་དམ་པ་མན་འདྲ། གཙང་གི་རྟགས་

ཡོད་པའི་བརྒྱུད་པ་ནི། ས་པཎ། གཙང་པོ་ཞོ་ར་བ། ལ་རུ་པ། གྲགས་ཆེན་པ། འཕགས་འོད། བུ་སྟོན་རིན་པོ་ཆེ། མཁན་ཆེན་དར་མ་པ། མཁན་ཤེས་རྡོར་བ། བླ་མ་དམ་པ་མན་འདྲ། ཨའི་རྟགས་ཡོད་པའི་བརྒྱུད་པ་ནི། འཕགས་པ། འཇམ་སྐྱ་པ། ཨ་མོ་གྷ། མཁན་ཤེས་རྡོར། བླ་མ་དམ་པ་མན་འདྲ། ཤའི་རྟགས་ཡོད་པའི་བརྒྱུད་པ་ནི། འཕགས་པ། ཤར་པ་ཤེར་འབྱུང་། ཡེ་འབྱུང་། དཀོན་འབྱུང་། བདེ་བ་ཅན་པ། སེང་གེ་པ། མཁན་ཤེས་རྡོར། བླ་མ་དམ་པ་མན་འདྲ། ལོའི་རྟགས་ཡོད་པའི་བརྒྱུད་པ་ནི། ས་པཎ། མདོ་སྡེ་དཔལ། ལོ་མཆོག་པ། བག་སྟོན། མཁན་ཤེས་རྡོར་བ། བླ་མ་དམ་པ་མན་འདྲ། སྲས་ཀྱི་རྟགས་ཡོད་པའི་བརྒྱུད་པ་ནི། འཕགས་པ། ཤངས་པ་བསོད་ནམས་རིན་ཅེན། སྲས་ཀུན་དགའ་རིན་ཅེན། མཁན་ཤེས་རྡོར་བ། བླ་མ་དམ་པ་མན་འདྲ། ཤངས་ཀྱི་རྟགས་ཡོད་པའི་བརྒྱུད་པ་ནི། ས་པཎ། ཤངས་པ་བསོད་རིན། སློབ་དཔོན་གཟུངས་འདུས། རིན་པོ་ཆེ་བསོད་ནམས་འབྱུང་བ། མཁན་ཤེས་རབ་རྡོ་རྗེ། བླ་མ་དམ་པ་མན་འདྲ། གྷའི་རྟགས་ཡོད་པའི་བརྒྱུད་པ་ནི། ས་པཎ། ཞང་མདོ་སྡེ་དཔལ། ལོ་མཆོག་པ། ཨ་མོ་གྷ། མཁན་ཤེས་རྡོར། བླ་མ་དམ་པ་མན་འདྲ། ཙའི་རྟགས་ཡོད་པའི་བརྒྱུད་པ་ནི། བཀའ་བཞི་པ་གྲགས་གཞོན། ཞང་སྟོན་བསོད་གྲགས། མཁན་ཆེན་གཞོན་ནུ་མགོན། མཁན་ཤེས་རྡོར། བླ་མ་དམ་པ་མན་འདྲ། གཉན་གྱི་རྟགས་ཡོད་པའི་བརྒྱུད་པ་ནི། ས་ཆེན། རྗེ་བཙུན་རིན་པོ་ཆེ། ཆོས་རྗེ་བ། མཁན་བྱང་ཆུབ་དཔལ། མཁན་བདེ་བ་དཔལ། བཀའ་བཞི་པ་གྲགས་པ་གཞོན། ཞང་སྟོན་བསོད་ནམས་གྲགས་པ། རིན་པོ་ཆེ་གྲགས་ཚུལ་བ། མཁན་ཤེས་རྡོར། བླ་མ་དམ་པ་མན་འདྲ།

ཡང་ན་འཕགས་པ་ནས། ཤར་པ་སྐུ་མཆེད། འཇམ་དབྱངས་ཆེན་པོ། བག་སྟོན་པ། ཤེས་རྡོར་བ། བླ་མ་དམ་པ་མན་འདྲ། ཕྲའི་རྟགས་ཡོད་པའི་བརྒྱུད་པ་ནི། གླེགས་བམ་ཕྲ་མོའི་ཉིའི་རྟགས་ཡོད་པའི་བརྒྱུད་པ་སོར་བཞག་གམ། ཡང་ན་བླ་མ་དམ་པ་ཡན་ཉིའི་རྟགས་དང་འདྲ་བ་ལ། དེ་ནས་མཁན་ཆེན་ཤེས་རབ་རྡོ་རྗེ། མཁན་རྒྱལ་བཟང་དཔལ། མཁན་བྱང་ཆུབ་སེང་གེ །ཤར་ཆེན། ངོར་ཆེན། མུས་ཆེན། ཡོངས་འཛིན་དཀོན་ཅོག་འཕེལ། ས་ལོ། རྗེ་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །མུའི་རྟགས་ཡོད་པའི་བརྒྱུད་པ་ནི། བླ་མ་ཐུབ་པ་མགོན། ཨ་མོ་གྷ། མཁན་ཤེས་རྡོར། བླ་མ་དམ་པ་མན་འདྲ། ཁུམ་གྱི་རྟགས་ཡོད་པའི་བརྒྱུད་པ་ནི། རྗེ་བཙུན་གྲགས་པ་ནས། ཡར་སྒོམ་སེ་པོ། དོ་པ་སྟོན་ཚུལ། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ། འཇམ་དབྱངས་རྒྱལ་མཆོག །འཇམ་དབྱངས་ཆོས་རྗེ། བདག་ཆེན་རྡོ་རྗེ་འཆང་། ཀུན་སྤངས་ཆེན་པོ། ཚར་ཆེན། མཁྱེན་བརྩེའི་ཞབས། རིན་པོ་ཆེ་རྟ་ར་བ། ཁྱབ་བདག་དབང་ཕྱུག་རབ་བརྟན། མཁན་ཆེན་ཞ་ལུ་པ། དེས་བདག་ལའོ། ༈ །ངོར་ཕྱོགས་ཀྱི་ལོ་རྒྱུས་སུ་གླེགས་བམ་འདི་རྣམས་དང་པོ་ནས་ཕྱོགས་གཅིག་ཏུ་བསྡེབས་པ་མ་བྱུང་བ་བླ་མ་དཔལ་ལྡན་སེང་གེའི་ཐུགས་ཀྱི་དགོངས་པ་རྫོགས་བྱེད་དུ་དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་ཉིད་ལ་གང་བཞུགས་རྣམས་མཁན་ཆེན་ཤེས་རབ་རྡོ་རྗེ་དང་དབུས་པ་རིན་རྒྱལ་

གཉིས་ལ་གནང་། མ་བཞུགས་པ་རྣམས་སྟོད་སྨད་ཀུན་ཏུ་ལུང་སུ་ཡོད་ལ་ཞུ་བར་བཏང་གླེགས་བམ་ཡང་ཕྱོགས་གཅིག་ཏུ་བསྡེབས། བླ་མ་དམ་པས་ཀྱང་ཤེས་རྡོར་བ་ལ་གསན། ཤེས་རྡོར་བ་ཡན་བླ་མ་སོ་སོའི་གསན་ཡིག་ཏུ་གསལ་ཞིང་། དེ་ནས་མཁན་ཆེན་རྒྱལ་བཟང་དཔལ་སོགས་ལ་ཆེད་ཅེས་སྣང་བས་ཤེས་རྡོར་བ་ཡན་གོང་དུ་སྨོས་པ་རྣམས་ཡིན་པར་སྣང་ངོ་། །ཊའི་རྟགས་ཡོད་པའི་བརྒྱུད་པ་ནི། འཕགས་པ་རིན་པོ་ཆེ་ཡན་འདྲ་བ་ལ། དེ་ནས་དོ་པ་སྟོན་ཚུལ། རྒྱལ་ཚ་ལུང་གི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ། འཇམ་དབྱངས་རྒྱལ་བ་མཆོག ཡབ་འཇམ་དབྱངས་ཆོས་རྗེ། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ། ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁས་གྲུབ་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ལའོ། ༈ །ཡང་ན་འཕགས་པ་རིན་པོ་ཆེ་ནས། བླ་མ་གཞོན་ནུ་འབུམ། བག་སྟོན་གཞོན་ཚུལ། བླ་མ་ཚུལ་རྒྱལ་བ། བླ་མ་ངག་དབང་པ། མཁན་ཆེན་བྱང་སེང་བ། ཤར་ཆེན་ཡེ་ཤེས་རྒྱལ་མཚན། ངོར་པ་རྡོ་རྗེ་འཆང་། བཞི་ཐོག་པ་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་འདྲ། ཝའི་རྟགས་ཡོད་པའི་བརྒྱུད་པ་ནི། འཕགས་པ་ནས། ཞང་སྟོན་ཁུ་དབོན། བླ་མ་དམ་པ། ཡར་ཀླུངས་པ་ཁུ་དབོན། ཡབ་ཆོས་རྗེ། བདག་ཆེན་རྡོ་རྗེ་འཆང་། ཀུན་སྤངས་ཆེན་པོ། ཚར་ཆེན། མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། རྗེ་དབང་རབ་མན་

ཊའི་རྟགས་དང་འདྲ། ཡང་ན་བླ་མ་དམ་པ་ནས། དཔལ་ལྡན་ཚུལ་ཁྲིམས། ངོར་ཆེན། མུས་ཆེན། བདག་ཆེན་རྡོ་རྗེ་འཆང་མན་འདྲ། ཡང་ན་ཀུན་སྤངས་རྗེ་ནས། སྒོ་རུམ་པ་ཀུན་དགའ་ལེགས་པ། རྗེ་མཁྱེན་བརྩེ་མན་འདྲ། རའི་རྟགས་ཡོད་པའི་བརྒྱུད་པ་ནི། དཔལ་ལྡན་ཚུལ་ཁྲིམས་ཡན་གོང་ལྟར་ལ། དེ་ནས་ངོར་ཆེན། མུས་ཆེན། བདག་ཆེན་རྡོ་རྗེ་འཆང་། ཀུན་སྤངས་རྗེ། ཚར་ཆེན། མཁྱེན་བརྩེའི་ཞབས། བསླབ་གསུམ། རྗེ་དབང་རབ། བཀའ་འགྱུར་བ་ཆེན་པོ། མཁན་ཆེན་ཞ་ལུ་པ། དེས་བདག་ལའོ། ༈ །དབང་གི་རྟགས་ཡོད་པའི་བརྒྱུད་པ་ནི། ཁྱབ་བདག་བཀའ་འགྱུར་བ་ཡན་རའི་རྟགས་དང་འདྲ་བ་ལ། དེ་ལ་བདག་གིས་ནོས། བྷཱུའི་རྟགས་ཡོད་པའི་བརྒྱུད་པ་ནི། བླ་མ་དམ་པ་བསོད་ནམས་རྒྱལ་མཚན་ཡན་ཝའི་རྟགས་དང་འདྲ་བ་ལ། དེ་ནས་ཐེག་ཆེན་ཆོས་རྒྱལ། གུ་ཤྲཱི་ནམ་མཁའ་བཟང་པོ། ཉི་ལྡེ་པ་ངག་དབང་གྲགས་པ། རྒྱ་དཀར་ཤེས་རབ་རྒྱལ་མཚན། རྡོ་རྗེ་འཆང་བློ་གྲོས་རྒྱལ་མཚན། ཀུན་སྤངས་ཆེན་པོ། ཚར་ཆེན། མཁྱེན་བརྩེའི་ཞབས། རྗེ་དབང་རབ་མན་ཊིའི་རྟགས་ཅན་དང་འདྲ། ཡང་ན་བྲག་ཕུག་པ་ནས། རི་ཁྲོད་པ་བློ་བརྟན། རྗེ་དཔལ་ལྡན་ཚུལ་ཁྲིམས། ངོར་ཆེན། སྒྱུ་འགུལ་པཎ་ཆེན། ས་ལོ། སྒོ་རུམ་རྗེ། མཁྱེན་བརྩེའི་ཞབས་མན་འདྲ། མཻའི་རྟགས་ཡོད་པའི་བརྒྱུད་པ་བྷུའི་རྟགས་ཅན་གྱི་ཐེག་ཆེན་ཆོས་རྒྱལ་ནས་བརྒྱུད་པ་སོར་བཞག་གམ། ཡང་ན་ངོར་ཆེན་ཡན་འདྲ་བ་ལ། དེ་ནས་མུས་ཆེན། མཁྱེན་རབ་ཆོས་རྗེ། དཀོན་ཅོག་ཚུལ་ཁྲིམས། སངས་རྒྱས་དཔལ། སྒོ་རུམ་པ། མཁྱེན་བརྩེའི་ཞབས་མན་ཀྱང་གཅིག །ཀུའི་རྟགས་ཡོད་པའི་བརྒྱུད་པ་ནི། ས་པཎ་ཡན་སྤྱི་ལྟར་ལ། དེ་ནས་གློ་བོ་ལོ་ཙཱ་བ། ཤེས་

རབ་རིན་ཅེན། འཕགས་པ་རིན་པོ་ཆེ། རྒྱལ་ཚ་ཆོས་ཀྱི་དབང་ཕྱུག་མན་ཊའི་རྟགས་དང་གཅིག །ཡང་ན་རིན་པོ་ཆེ་བོད་མཁར་བ། སྤྱན་སྔ་ཆོས་ཀྱི་རྒྱ་མཚོ། རྗེ་དབང་རབ་མན་འདྲ། ཡང་ན་བདག་ཆེན་རྡོ་རྗེ་འཆང་ནས། རྗེ་སྒོ་རུམ་པ་མན་འདྲ། ཡང་ན་འཕགས་པ་ནས། འུ་ཡུག་པ་ཀུན་དགའ་བསོད་ནམས། ཉིས་ཐོག་པ་ཀུན་སྨོན། བླ་མ་ཡོན་ཏན་དཔལ། བུ་ལུང་པ་ཀུན་རྡོར། དགའ་ལྡན་པ་ཀུན་བསོད། བྲག་ཕུག་པ། རྒྱལ་བ་རི་ཁྲོད་པ། དཔལ་ཚུལ་བ། ཤར་ཆེན། ངོར་ཆེན། བདག་ཆེན་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་འདྲ། གའི་རྟགས་ཡོད་པའི་བརྒྱུད་པ་ནི། རྗེ་བཙུན་གྲགས་པ་ནས། ཡར་སྒོམས་སེའོ། རྒྱལ་ཚ་ལུང་མང་པོ་མན་ཊའི་རྟགས་དང་གཅིག །ཡང་ན་ས་པཎ་ནས། ཚོགས་སྒོམ་པ། སྐྱོབ་པ་དཔལ། རྒྱལ་ཚ་ལུང་མང་པོ་མན་འདྲ། ༈ །ཀཱིའི་རྟགས་ཡོད་པའི་བརྒྱུད་པ་ནི། ཞང་སྟོན་ཁུ་དབོན། བླ་མ་དམ་པ། ཡར་ཀླུངས་པ་ཁུ་དབོན། འཇམ་དབྱངས་ཆོས་རྗེ་ཡབ་སྲས་གཉིས། རྡོ་རིང་པ། ཚར་ཆེན། མཁྱེན་བརྩེ། རྟ་ར་བ། མཁན་ངག་ཆོས་པ། ཁྲི་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཞ་ལུ་པ་ཆེན་པོ། དེས་བདག་ལའོ། །ཡང་ན་ནི། སུ། ཨཱ་གསུམ་པོ་མ་གཏོགས་པའི་རྟགས་གང་ཡོད་ཀྱི་བརྒྱུད་ལུགས་གཅིག་ནི། མཁན་ཆེན་ཤེས་རབ་རྡོ་རྗེ་ཡན་བླ་མ་སོ་སོའི་གསན་ཡིག་ལྟར་དང་། དེ་ནས་མཁན་ཆེན་རྒྱལ་བཟང་དཔལ། མཁན་ཆེན་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། འཁོར་ལོ་སྡོམ་པ་དཀོན་ཅོག་རྒྱལ་མཚན། ཆོས་རྗེ་སངས་རྒྱས་དཔལ་བཟང་། བདག་ཆེན་རྡོ་རྗེ་འཆང་། འགོས་སྟོན་རྡོ་རྗེ་སེང་གེ་མངའ་

རིས་བླ་ཆེན་ནམ་མཁའ་གཟི་བརྗིད། ཀུན་མཁྱེན་མཁྱེན་བརྩེའི་དབང་ཕྱུག་མན་སོ་སོའི་རྟགས་ཀྱི་བརྒྱུད་ལུགས་ལྟར་རོ། །ཡང་ན་མུས་ཆེན་ནས། ཀུན་མཁྱེན་བསོད་ནམས་སེང་གེ །པཎ་ཆེན་དབང་ཕྱུག་གྲུབ་པ། མངའ་རིས་བླ་ཆེན་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། མཁན་ཆེན་དཀོན་ཅོག་ཚུལ་ཁྲིམས། རུ་ཐོག་བླ་ཆེན་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། འཇམ་དབྱངས་ས་ལོ། ངོར་ཆེན་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ཐམས་ཅད་མཁྱེན་པ་ངག་དབང་ཆོས་གྲགས། ཁྱབ་བདག་བཀའ་འགྱུར་བ་མན་འདྲ་ཡང་ན་འདྲེན་མཆོག་ནས། རྗེ་ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ལྷུན་གྱི་རྟགས་ཡོད་པའི་བརྒྱུད་པ་ནི། ཐར་རྩེ་པ་ནམ་མཁའ་དཔལ་བཟང་ཡན་ཉི། སུ། ཨཱ་གསུམ་ལ་མ་གཏོགས་པའི་རྟགས་གཞན་རྣམས་ཀྱི་བརྒྱུད་པ་ལྟར་ལ། དེ་ནས་བཅོ་བརྒྱད་པ་ངག་དབང་མཆོག་ལེགས་རྡོ་རྗེ། མཁྱེན་རབ་བསྟན་འཛིན་བཟང་པོ། བྱམས་པ་ངག་དབང་ལྷུན་གྲུབ། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། ཆུ་མིག་བདག་ཆེན་བློ་གྲོས་དབང་ཕྱུག་རྒྱལ་མཚན། མཁྱེན་རབ་རིན་ཅེན་མཆོག་གྲུབ། སྟོང་ར་བ་ཤཱཀྱ་དོན་གྲུབ། སྟོང་ར་བ་ཀུན་དགའ་ལེགས་གྲུབ། ལུམ་པ་བ་ཀུན་དགའ་ཆོས་གྲགས། ངག་དབང་མཆོག་ལེཊ་རྡོ་རྗེ་མན་འདྲ། རྒྱུན་གྱི་རྟགས་ཡོད་པའི་བརྒྱུད་པ་ནི། མཁན་ཆེན་ཤེས་རྡོར་བ་ཡན་ཀྱེ་རྡོར་

དབང་ཆུ་ལྟར་ལ། དེ་མན་ལྷུན་གྱི་རྟགས་སོར་བཞག་གོ །ཨཾ་གི་རྟགས་ཡོད་པའི་བརྒྱུད་པ་ནི། མཁན་ཆེན་ཤེས་རྡོར་བ་ཡན་གཙང་གི་རྟགས་ལྟར་ལ། དེ་མན་ལྷུན་གྱི་རྟགས་དང་གཅིག །ཧཾ་གི་རྟགས་ཡོད་པའི་བརྒྱུད་པ་ནི། མཁན་ཆེན་ཤེས་རྡོར་བ་ཡན་ཤངས་ཀྱི་རྟགས་ཡོད་པའི་བརྒྱུད་པ་ལྟར་ལ། དེ་མན་ལྷུན་གྱི་རྟགས་དང་གཅིག ། མངོན་དགའི་ཞིང་དུ་བདེ་གཤེགས་དྲི་མ་མེད་དཔལ་ཆོས་རྗེ་པཎྜི་ཏའི་གསུང་རབ་ལ། ལེགས་བཤད་རིན་པོ་ཆེའི་གཏེར། འདིའི་འོག་ཏུ་ཡན་ལག་བརྒྱད་པའི་སྙིང་པོ་ཞེས་པ་འདུག་པ་ལུང་མ་བྱུང་། རོལ་མོའི་སྦྱོར་བ་གཞན་ལ་ཕན་པའི་བསྟན་བཅོས། བློ་གསལ་ཞིང་དོན་དུ་གཉེར་བའི་སྐྱེས་བུ་དམ་པ་རྣམས་ལ་ཇི་ལྟར་དྲི་བའི་ཚུལ་བསྟན་པ་དེའི་ཚིག་གི་ང་ལ་དྲིས་ཞེས་འཕྲོ་ཅན་དུ་ལུས་པ། མཁས་པ་འཇུག་པའི་སྒོ། སྒྲ་ལ་འཇུག་པ་ཞེས་བྱ་བའི་རྣམ་པར་བཤད་པ། སྨྲ་སྒོའི་གནད་བསྡུས་པ། བྱིས་པ་བདེ་བླག་ཏུ་འཇུག་པའི་རྣམ་པར་བཤད་པ་བྱིས་པ་ལ་ཕན་པ། ཡི་གེའི་སྦྱོར་བ་སྒྲ་ཉེ་བར་བསྡུས་པའི་ཚིགས་བཅད། དཀར་ཆག་དང་གསན་ཡིག་ཕལ་ཆེར་ན་འདི་གཉིས་སོ་སོར་འདུག་ཀྱང་བསྟན་བཅོས་རང་གི་དབུར་ཡི་གེའི་སྦྱོར་བ་དང་མཇུག་ན་སྒྲ་ཉེ་བར་བསྡུས་སོ་ཞེས་སྣང་བས་ཡིག་སྐྱོན་དུ་མངོན། ཚིག་གི་གཏེར། སྡེབ་སྦྱོར་སྣ་ཚོགས་ཀྱི་མེ་ཏོག་ཆུན་པོ། བཅོམ་ལྡན་འདས་མགོན་པོ་འཇམ་དཔལ་རྡོ་རྗེ་ལ་མཆོད་པར་བརྗོད་པ་དཔལ་ལྡན་བློ་གྲོས་མ། བདེ་བར་གཤེགས་པའི་ཐུགས་རྗེ་ལ་བསྐུལ་བ། འདིའི་འོག་ཏུ་ཁྱད་པར་འཕགས་བསྟོད་ཀྱི་རྒྱ་ཆེར་བཤད་པ་ཞིག་འདུག་པ་ལུང་མ་བྱུང་། རྗེ་བཙུན་ཆེན་པོ་གྲགས་པའི་རྣམ་༼འ༽ཐར་ཐུན་མོང་དུ་གྲགས་པ་ཤཱཀྱ་གྲགས་ཀྱིས་གསོལ་བ་བཏབ་པ་ལ་བརྟེན་ནས་མཛད་

པ། ང་བརྒྱད་མ་རྩ་འགྲེལ། རྗེ་བཙུན་ཆེན་པོ་གྲགས་པ་རྒྱལ་མཚན་གྱི་བསྟོད་པ་སྲིད་པའི་འཁྲི་ཤིང་མ། ཚད་མ་རིག་པའི་གཏེར་རྩ་འགྲེལ་གཉིས། ཐེག་པ་ཆེན་པོ་དབུ་མ་ལུགས་ཀྱི་སེམས་བསྐྱེད་ཀྱི་ཆོ་ག་བློ་གསལ་རྣམས་ཀྱིས་གསོལ་བ་བཏབ་ནས་བསྒྲིགས་པ། དེའི་ལུང་སྦྱོར་སེམས་བསྐྱེད་ཆོ་ག་རབ་གསལ། ཐུབ་པའི་དགོངས་པ་གསལ་བ་ཞེས་བྱ་བའི་བསྟན་བཅོས། སྡོམ་པ་གསུམ་གྱི་རབ་ཏུ་དབྱེ་བ། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཞུ་བའི་འཕྲིན་ཡིག །སྐྱེས་བུ་དམ་པ་རྣམས་ལ་འཕྲིན་དུ་བསྲིངས་པ། ལུང་རིག་རྣམ་དག་དང་མཐུན་པར་འཆད་དགོས་ཚུལ་གཟུ་བོའི་བློས་དཔྱད་པར་ཞུའི་མཐའ་ཅན། རྟོགས་ལྡན་ཞིག་གི་དྲིས་ལན་ཞེས་གསན་ཡིག་ན་འདུག་ཀྱང་དཀར་ཆག་ནས་མ་རྙེད། ཞང་ལོ་ཙཱ་བ་ལ་གདམས། བསྟན་པ་ལ་དགའ་བའི་ལྷ་རྣམས་ལ་སྤྲིངས་པ། འགོར་ཡང་སྨྲས་པ། ཅུང་ཟད་དབེན་ན་རྒྱན་པོ་དུ་མ་འགྱེད་ཅེས་སོགས་ཀྱི་ཚིགས་བཅད་ཡོད་རི་སྐན་ཀྱི་མཐའ་ཅན། འགོར་ཡང་སྨྲ་པ་བརྒྱ་ཚར་ཉན་པས་ཚིག་ཙམ་ཤེས་པ་ཅན་ཞེས་ཡོད་པའི་ཚིགས་བཅད་རློམ་པ་མི་བྱ་བའི་མཐའ་ཅན། མེ་ཉག་གི་རྒྱལ་ཁམས་བདེ་ཆེན་ལྷུན་གྱིས་གྲུབ་པའི་གཙུག་ལག་ཁང་གི་གཉུག་མར་གནས་པའི་མཁན་སློབ་དགེ་འདུན་རྣམས་ལ་གནང་བའི་ཡི་གེ །ལམ་ཟབ་བླ་མའི་རྣལ་འབྱོར་ལིང་ཆུ་རྩེར་༼ཕྲ༽ ཁབས་༼དམར༽མ་བླ་མའི་རྣལ་འབྱོར་གུ་ཤི་ཇོ་༼ཁྲ༽འབུམ་ལ་བསྲིངས་པ་ནད་གདོན་མར་གྲགས་པ། འདི་ནས་ཕྱག་རྒྱ་ཆེན་པོ་རབ་དབྱེའི་བར་དཀར་ཆག་ཏུ་གསལ་བ་ལས་གསན་ཡིག་ཚོར་མི་སྣང་། སྐྱུ་རའི་དབོན་པོ་དཔོན་གཡོག་གི་དོན་དུ་གནང་བའི་ཕྱི་ནང་གསང་གསུམ་གྱི་༼དམར༽མཎྜལ། བརྡ་དོན་

༼ཁྲ༽༼དམར༽གསལ་བ་རྩ་འགྲེལ་རྡོ་རྗེ་འཛིན་ཐོབ་ཤོག་གི་མཐའ་ཅན། ཕྱག་རྒྱ་ཆེན་པོ་རབ་ཏུ་དབྱེ་བ་མནལ་ལམ་དུ་བྱུང་བའི་ཚིག་བཅད་༼ཁྲ༽༼དམར༽དང་བཅས་པ། རྟེན་འབྲེལ་སྔགས་ལམ་ཡོངས་སུ་རྫོགས་པར་གསུངས་པའི་དགོངས་༼ཁྲ༽༼དམར༽པ་ཕྱོགས་ཙམ་བསྟན་པ། ས་བདུན་པ་ཡན་༼ཁྲ༽༼དམར༽ཆད་འཁོར་བཞིའི་རྒྱ་ཞེས་པའི་དགོངས་པ་སྟོན་པ། ལམ་བསྡུས་༼ཁྲ༽ཏེ་སྒྲུབ་༼དམར༽པའི་ལུང་སྦྱིན་པ། ལམ་སྦས་བཤད་ཟིན་བྲིས་ལ་མི་མཐུན་པ་འགའ་ཞིག་འདུག་པར་བརྟེན་མདོ་སྨད་༼ཁྲ༽དུ་འཛད་༼དམར༽པ་ཨཥྚའི་རྣམ་པར་༼ཁྲ༽བཞག་༼དམར༽པ་སྙིང་པོ་དོན་གསལ། བརྟག་པ་གཉིས་ཀྱི་བདག་ཉིད་ཅན་གྱི་རྒྱུད་ཀྱི་རྒྱལ་པོའི་བསྡུས་དོན། རྗེ་བཙུན་ཆེན་པོ་གྲགས་པས་མཛད་པའི་བདག་མེད་མའི་བསྟོད་པ་དྲི་མ་མེད་པའི་རྒྱན་ཞེས་བྱ་བའི་རྒྱ་ཆེར་འགྲེལ་པ། རིགས་ཀྱི་རབ་ཏུ་དབྱེ་བའི་བཤད་སྦྱར། འགོར་སངས་རྒྱས་ཐམས་ཅད་གཅིག་བསྡུས་པ་ཞེས་ཡོད་པའི་ཚོགས་ཀྱི་འཁོར་ལོའི་ཆོ་ག་རྩོད་སྤོང་མ། མཛད་བྱང་ན་ལིང་ཆུ་རྩེ་ཁབ་ཏུ་མཛད་ཟེར་བ་དང་མེད་པ་སྣ་ཚོགས་འདུག །དེ་ལ་༼ལྷུན༽དགོས་པའི་ལུང་སྦྱོར་འགོར་འཕགས་པ་མཁའ་འགྲོ་མ་རྡོ་རྗེ་གུར་གྱི་རྒྱུད་ལས་ཞེས་ཡོད་པ་ཞེས་གསུང་ངོའི་མཐའ་ཅན། རྡོ་རྗེ་རྣམ་འཇོམས་རྒྱུད་ཀྱི་བཤད་པ་བདུད་རྩི་སྤེལ་བ། འཕགས་པ་འཇམ་དཔལ་ཨ་ར་པ་ཙ་ནའི་སྒྲུབ་ཐབས་ཀྱི་གསལ་བྱེད། རྗེ་བཙུན་སྒྲོལ་མ་ལྗང་གུའི་སྒྲུབ་ཐབས། གཟའ་རྣམས་ཀྱི་ཡུམ་གྱི་མཆོད་པའི་མན་ངག་གི་རིམ་པ། སློབ་དཔོན་སྒྲ་གཅན་འཛིན་གྱིས་མཛད་པའི་ཟུང་འཇུག་གསལ་བའི་ས་བཅད་བདག་ཉིད་ཆེན་པོ་གྲགས་པ་དཔལ་བཟང་གི་ངོར་མཛད་པ། རྡོ་རྗེ་ཐེག་པའི་རྩ་ལྟུང་བཅུ་བཞིའི་བཤད་

པ་ཉུང་ངུར་བྱས་པ། བླ་མ་དམ་པ་ལ་ཐུན་མོང་མ་ཡིན་པའི་སྒོ་ནས་གསོལ་བ་འདེབས་པ། བླ་མ་ལ་གསོལ་བ་གདབ་པའི་རབ་ཏུ་བྱེད་པ་སྐུའི་སྤྱོད་པར་གྲགས་པ། གསན་ཡིག་ཚོར་ཐུན་མོང་དང་ཐུན་མོང་མ་ཡིན་པ་ཞེས་འདུག་པའི་འདི་ཐུན་མོང་བ་ཡིན་ནམ་སྙམ། བདེ་མཆོག་བླ་མ་བརྒྱུད་པའི་གསོལ་འདེབས་མདོ་ཁམས་ཀྱི་ས་ཆ་འབྲི་ཀླུང་གི་ཡུལ་ནས་བསྐུལ་བ་ལ་བརྟེན་ནས་མཛད་པ། བིར་ཝ་པའི་བསྟོད་པ་དད་ཆུ་མ། བོད་ཀྱི་ཡུལ་ལ་བསྔགས་པ་ལྷ་མཆོག་གཙུག་ཏོར་མ། བཅོམ་ལྡན་འདས་ཤཱཀྱའི་རྒྱལ་པོ་ལ་གསོལ་བ་འདེབས་པ་ཚིགས་སུ་བཅད་པ་བཅོ་ལྔ་པ། གསན་ཡིག་ཚོར་བསྟོད་པ་ཚིག་ལྷུག་གཅིག་ཡོད་ཟེར་བ་མ་རྙེད། བདེ་བར་གཤེགས་པ་ཁམས་གསུམ་གྱི་མགོན་པོ་ལ་བསྟོད་པ། འཕགས་པ་འཇིག་རྟེན་དབང་ཕྱུག་ཐུགས་རྗེ་ཆེན་པོ་ལ་གསོལ་བ་གདབ་པ། ལྷ་སའི་བདེ་བར་གཤེགས་པ་ཐམས་ཅད་ལ་རབ་ཏུ་བསྔགས་པའི་ཚིགས་བཅད། རྗེ་བཙུན་གྲགས་པས་མཛད་པའི་འཇམ་དབྱངས་ཀྱི་བསྟོད་པའི་རྣམ་བཤད་ཡི་གེ་ཉུང་ངུ་། བསམ་ཡས་སུ་འཇམ་དབྱངས་ཀྱི་ཕྱག་མཚན་རི་མོར་བྲིས་པའི་ཡི་གེ་ཞར་བྱུང་དུ་དེའི་རྒྱུ་མཚན་འཕགས་པས་མཛད་པ་དང་བཅས་པ། སྡོམ་བརྩོན་དམ་པ་མ་ཞེས་གྲགས་ཆེ་ཞིང་གང་དུ་བཞུགས་པར་བྱིན་ཆེ་བར་བཤད། མུ་སྟེགས་ཀྱི་སྟོན་པ་འཕྲོག་བྱེད་དགའ་བོ་དཔོན་སློབ་དྲུག་ཕམ་པར་བྱས་ནས་རབ་ཏུ་བྱུང་བའི་དུས་སྦྱར་བའི་ཚིགས་བཅད། ཡོན་ཏན་སྒྲོག་པའི་ཚལ་ལ་བསྟོད་པ་བ་གོར་ཞེས་བྱ་བའི་སྒྲ་ལས་དྲངས་པ། རྟ་ནག་རི་ཁུད་དུ་རྔ་བོ་ཆེ་ལ་བསྟོད་པ། གདོང་༼ཙ༽བཞི་པའི་བསྟོད་པ་དཔལ་ལྡན་དབང་ལྡན་མ། ཐེག་པ་ཆེན་པོའི་ལམ་གྱི་རྣམ་གཞག་མདོར་

བསྡུས་པ། སྣང་བ་མཐའ་ཡས་ཀྱི་སྒོམ་དོན། སྤྱོད་པ་རྣམ་པར་དག་པའི་ཚིགས་སུ་བཅད་པ་བཅུ་གཉིས་པ། རང་གི་སེམས་ངོས་གཟུང་བ་དེ་ཁོ་ན་ཉིད་ཀྱི་དོན་དམ་པ་བསྟན་པའི་བསྟན་བཅོས་ཚིགས་སུ་བཅད་པ་བརྒྱད་པ། འཆི་ཁའི་གདམས་ངག་ངོ་མཚར་ཅན་ཡི་གེ་ཉུང་ངུ་བཀོད་པ། གོང་དཀར་བ་ལུགས་ལ་སྣང་བ་མཐའ་ཡས་ཀྱི་སྒོམ་དོན་གྱི་རྩ་ཚིག་ཏུ་ངོས་འཛིན། ཞེན་པ་བཞི་བྲལ་གྱི་མན་ངག་ཕྱིན་ཅི་མ་ལོག་པ། འདི་དང་འོག་མ་གསུམ་པོ་གསན་ཡིག་ཚོར་མི་གསལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་འདོན་ཐབས་གསུམ་རིམ་གཙང་མ་དག་༼དམར༽པ་སྟེ་ཞེས་པའི་མཐའ་ཅན། འཕགས་པ་སྡུད་པ་སོགས་ཤེས་རབ་ཀྱི་ཕ་རོལ་དུ་༼དམར༽ཕྱིན་པ་གདོན་པའི་མན་ངག །འདི་གཉིས་པོ་བསྡོམས་ནས་མཛད་བྱང་འདུག །ཕུང་པོ་གསུམ་པ་༼དམར༽གདོན་པའི་མན་ངག །ཆག་ལོ་ཆོས་རྗེ་དཔལ་བའི་དྲི་བ་བཅོ་ལྔ་པའི་ལན་སྡོམ་དང་བཅས་པ། གློ་བོ་ལོ་ཙཱ་བ་ཤེས་རབ་རིན་ཅེན་ལ་སྤྲིངས་པ། དགེ་བའི་བཤེས་གཉེན་སྒྲུབ་པ་རྩེ་གཅིག་ཏུ་མཛད་པ་བཀའ་གདམས་པ་ནམ་མཁའ་འབུམ་གྱི་དྲི་ལན། འགོར་སོ་སོ་ཐར་པ་འདུལ་བ་བཞིན་ཞེས་ཡོད་པའི་བཀའ་གདམས་དོ་སྐོར་བའི་དྲི་ལན། གསན་ཡིག་ཚོར་དྲིལ་ན་བསྡུས་པ་ཟེར་བ་ལས་གསལ་ཁ་མི་འདུག །སྙེ་མོ་སྒོམ་ཆེན་གྱི་ཞུ་ལན་རིན་ཅེན་འཕྲེང་བ། འགོར་ཆོས་ཀུན་ཉེ་བར་ཞི་བ་ཅན་ཡོད་པའི་ཕྱག་རྒྱ་ཆེན་པོ་ཡན་ལག་བདུན་ལྡན་གྱི་རྩ་བ་གོ་བདེ་བར་སྦྱར་བ། གངས་ཅན་ཁྲོད་ཀྱི་སྒོམ་ཆེན་རྣམས་ལ་གདམས་པ་ཁ་ཅིག་ཅེས་པའི་ཚིགས་སུ་བཅད་པ། བསྔོ་བ་ཡོན་བཤད་དང་བཅས་པ་རང་གི་སློབ་མས་གསོལ་བ་བཏབ་པའི་ངོར་ཚིག་གི་སྡེབ་སྦྱོར་སྤངས་ནས་སྦྱར་བ་རྣམས་

ལེགས་པར་ཐོབ་པའི་རྟགས་མེད་པ་རྣམས་ཀྱི་བརྒྱུད་པ་ནི། འཇམ་དབྱངས་ས་སྐྱ་པཎྜི་ཏ། ཆོས་ཀྱི་རྒྱལ་པོ་འཕགས་པ། ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། འཇམ་དབྱངས་དོན་ཡོད་རྒྱལ་མཚན། སློབ་དཔོན་འདུལ་འཛིན་པ། ཆོས་རྗེ་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། འཇམ་དབྱངས་ས་ལོ། ངོར་ཆེན་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་པ་ནམ་མཁའ་དཔལ་བཟང་ཤར་པ་བྱམས་པ་ཀུན་དགའ་བཀྲ་ཤིས། མཁན་ཆེན་ནམ་མཁའ་སངས་རྒྱས། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། ༈ །ཡང་ན་འཕགས་པ་ནས་དགའ་ལྡན་པ་བཀྲ་ཤིས་དཔལ། དགའ་ལྡན་པ་ཀུན་དགའ་བསོད་ནམས། བླ་མ་དཔལ་ལྡན་སེང་གེ །བླ་མ་དོན་ཡོད་རྒྱལ་མཚན་མན་འདྲ། ཡང་ན་ཡོངས་འཛིན་དཀོན་ཅོག་འཕེལ་ནས། རྗེ་ལྷ་མཆོག་སེང་གེ །ཤང་ཁང་པ་མན་འདྲ། རིག་གཏེར་རྩ་འགྲེལ་གྱི་བརྒྱུད་ལུགས་གཅིག་ནི། ས་པཎ་ནས། འུ་ཡུག་པ་རིག་པའི་སེང་གེ །འུ་ཡུག་པ་མདོ་སྡེ་དཔལ། བླ་མ་འཇམ་དཔལ་རྒྱལ་མཚན། དཔང་ལོ་ཙཱ་བ་བློ་གྲོས་བརྟན་པ། ཐམས་ཅད་མཁྱེན་པ་བསོད་ནམས་རྒྱལ་མཚན། མཁས་པ་བརྩོན་འགྲུས་དཔལ། རྗེ་དཀོན་ཅོག་གྲགས། གཡག་པ་སངས་རྒྱས་དཔལ། ངོར་ཆེན་མན་འདྲ། ཡང་ན་བརྩོན་འགྲུས་དཔལ་ནས། ས་བཟང་འཕགས་པ་གཞོན་ནུ་བློ་གྲོས། ངོར་ཆེན་མན་འདྲ། ཡང་ན་བླ་མ་དམ་པ་ནས། བླ་མ་དཔལ་ལྡན་ཚུལ་ཁྲིམས། ཤར་ཆེན་

མན་འདྲ། སྣང་བ་མཐའ་ཡས་ལ་བརྟེན་པའི་ཉལ་སྒོམ་རྩ་ཚིག་རང་འགྲེལ་དང་བཅས་པའི་བརྒྱུད་ལུགས་གཅིག་ནི། འཇམ་དབྱངས། ཛེ་ཏཱ་རི། རྡོ་རྗེ་གདན་པ་ཆེ་བ་མྱ་ངན་མེད། ཨ་བྷ་ཡཱ་ཀ་ར་གུཔྟ། རྡོ་རྗེ་གདན་པ་ཆུང་བ་དོན་ཡོད་རྡོ་རྗེ། བ་རི་ལོ་ཙཱ་བ། ས་ཆེན། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎྜི་ཏ། འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། འཇམ་དབྱངས་དོན་ཡོད་རྒྱལ་མཚན། འདུལ་འཛིན་བྱང་སེང་བ། ཐེག་ཆེན་ཀུན་དགའ་བཀྲ་ཤིས། རྗེ་ལུང་རིག་རྒྱ་མཚོ། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། འབྲི་གུང་མཁན་ཆེན། རྗེ་བྱང་དབང་། འབྲས་སྤུངས་པ་ཚེ་དབང་བཀྲ་ཤིས། སྔགས་འཆང་རྣམ་རྒྱལ་བཀྲ་ཤིས། བླ་མ་མཁྱེན་རབ་རྣམ་རྒྱལ། དམ་ཆོས་གླིང་པ་ཡེ་ཤེས་དབང་པོ། བླ་མ་རྣམ་རིག་པ། བླ་མ་དཔལ། བླ་མ་དཔལ་འབྱོར་གླིང་པ། མངོན་དགའ་རབ་འབྱམས་པ་རིན་ཅེན་རྒྱ་མཚོ། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ལའོ། ༈ །ཞེན་པ་བཞི་བྲལ་གྱི་བརྒྱུད་ལུགས་གཅིག་ནི། བྲག་ཕུག་པ་ནས། བླ་མ་དམ་པ། དཔལ་ལྡན་ཚུལ་ཁྲིམས། ཤར་ཆེན། ངོར་ཆེན། མུས་ཆེན། གོ་རམ་པ། རྗེ་སངས་རྒྱས་རིན་ཅེན། པཎ་ཆེན་ནམ་མཁའ་དབང་ཕྱུག །རྗེ་བཀྲ་ཤིས་བརྟན་པ། སྤྱན་སྔ་དཀོན་ཅོག་རྒྱ་མཚོ། པཎ་ཆེན་ངག་དབང་ཆོས་གྲགས། ཁྲི་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཞ་ལུ་པ་ཆེན་པོ། དེས་བདག་ལའོ། །ཡང་ན་ཐར་རྩེ་པ་ནམ་མཁའ་དཔལ་བཟང་། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། མཁན་ངག་དབང་ཆོས་གྲགས་མན་འདྲ། འའི་རྟགས་ཡོད་པའི་བརྒྱུད་པ་ནི། བླ་མ་དམ་

པ་ནས། རྗེ་དཔལ་ལྡན་ཚུལ་ཁྲིམས། བུདྡྷ་ཤྲཱི། ངོར་ཆེན། མུས་ཆེན། བདག་ཆེན་རྡོ་རྗེ་འཆང་། རྡོ་རིང་རིན་པོ་ཆེ། ཚར་ཆེན། མཁྱེན་བརྩེའི་ཞབས། རྗེ་དབང་རབ། ཁྱབ་བདག་བཀའ་འགྱུར་བ། ཞ་ལུ་པ་ཆེན་པོ། དེས་བདག་ལའོ། ༈ །ཕྲའི་རྟགས་ཡོད་པའི་བརྒྱུད་པ་ནི། བླ་མ་དམ་པ་ནས། མཁས་གྲུབ་གཟུངས་ཀྱི་དཔལ་བ། ཆོས་རྗེ་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་ཅོག །རྫོང་ཆུང་པ་བྱམས་པ་རྡོ་རྗེ་རྒྱལ་མཚན། མཚུངས་མེད་དཀོན་ཅོག་དཔལ། རྗེ་ཆོས་དཔལ་འབྱོར། ཡངས་པ་ཅན་པ་བྱང་ཆུབ་དབང་རྒྱལ། པཎ་ཆེན་བདེ་བའི་རྡོ་རྗེ། མང་ཐོས་ལྷ་དབང་འཕྲིན་ལས། མཁས་མཆོག་ཚུལ་ཁྲིམས་བཀྲ་ཤིས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །དམར་གྱི་རྟགས་ཡོད་པའི་བརྒྱུད་པ་ནི། ཐར་རྩེ་བ་ནམ་མཁའ་དཔལ་བཟང་ཡན་འདྲ་བ་ལ། དེ་ནས་རྗེ་དཔལ་ལྡན་དོན་གྲུབ། དབོན་དཔལ་མཆོག་རྒྱལ་མཚན། ཞ་ལུ་པ་ཆེན་པོ། དེས་བདག་ལའོ། ཕུང་པོ་གསུམ་པ་གདོན་ཐབས་ཀྱི་བརྒྱུད་ལུགས་གཅིག་ནི། བྲག་ཕུག་པ་ནས། བླ་མེད་དམ་པ། མ་ཏི་པཎ་ཆེན། ཐེག་ཆེན་རིན་པོ་ཆེ། ལུང་རིག་རྒྱ་མཚོ། སེང་གེ་དཔལ་བཟང་། བྲག་ཐོག་པ། རྡོ་རྗེ་གདན་པ། རྒྱ་སྟོན་པ། ཚེ་དབང་བཀྲ་ཤིས། རྣམ་རྒྱལ་བཀྲ་ཤིས། ཀུན་དགའ་བསོད་ནམས། དཔལ་འབྱོར་གླིང་པ། ཁྱབ་བདག་བཀའ་འགྱུར་བ། དེས་བདག་ལའོ། །ཙའི་རྟགས་ཡོད་པའི་བརྒྱུད་པ་ནི། བྲག་ཕུག་པ་ནས། བླ་མ་དམ་པ། བླ་ཆེན་ཀུན་རྒྱལ་བ། འཇམ་དབྱངས་ཆོས་རྗེ། ཀུན་སྤངས་ཆེན་པོ། རྡོ་རྗེ་འཆང་ཚར་པ། ཀུན་མཁྱེན་མཁྱེན་བརྩེ། རིན་པོ་ཆེ་རྟ་ར་བ། རྗེ་དབང་རབ། ཁྱབ་བདག་བཀའ་
འགྱུར་བ། ཟུར་ཐམས་ཅད་མཁྱེན་པ། དེས་བདག་ལའོ། །ལྷུན་གྱི་རྟགས་ཡོད་པ་ནི་གོང་མ་གསུམ་དང་མཐུན།

འགྲོ་མགོན་ཆོས་རྒྱལ་འཕགས་པའི་གསུང་འབུམ་གྱི་ལུང་ཇི་ལྟར་ནོས་པའི་སྐོར།

ལྔ་པ་སྲིད་ཞིའི་གཙུག་ཏོར་མཛེས་རྒྱན་ཆོས་ཀྱི་རྒྱལ་པོ་འཕགས་པའི་གསུང་རབ་ལ། ལམ་འབྲས་བརྒྱུད་པའི་ཕྱག་མཆོད་༼ཉི༽སངས་རྒྱས་སྐུ་དངོས་མ། བརྟག་གཉིས་ཀྱི་འགྲེལ་པ་ཀུ་མི་དྷིའི་བཤད་པའི་བླ་མ་བརྒྱུད་པའི་གསོལ་འདེབས་མེ་ཏོག་འཕྲེང་བ། བ་རི་ལོ་ཙཱ་བའི་ཆོས་སྐོར་གྱི་བླ་མ་བརྒྱུད་པའི་གསོལ་འདེབས་གང་གི་བྱང་ཆུབ་མ། འཇིགས་བྱེད་རྭ་ལུགས་ཀྱི་བརྒྱུད་པའི་གསོལ་འདེབས་དཔལ་ལྡན་སངས་རྒྱས་རྒྱས་མ། ཀྱེ་རྡོར་བཀའ་བབས་བཞི་ནས་མཁའ་འགྲོ་རྒྱ་མཚོ་ཡན་གྱི་བླ་མའི་མཚན་འབུམ་ལེགས་སྦྱར་གྱི་སྐད་དུ་བསྒྱུར་བ། ས་པཎ་གྱི་བསྟོད་པ་དཔལ་མཆོག་མ། དེའི་བསྟོད་པ་སྲིད་གསུམ་མ། བླ་མ་སྤྱིའི་བསྟོད་པ་མུ་ཏིག་འཕྲེང་བ། ས་པཎ་གྱི་བསྟོད་པ་བློ་ཆེན་མ། དེའི་བསྟོད་པ་གང་གི་སྔོན་དུ་མ། དེ་ཉིད་ལ་གསོལ་བ་འདེབས་པ་ཡན་ལག་བདུན་ལྡན་རི་བོ་རྩེ་ལྔར་མཛད་པ། དཀོན་ཅོག་གསུམ་ལ་བསྟོད་པ་བསོད་ནམས་ཆུ་གཏེར་མ། ས་པཎ་ལ་མཚན་སྤེལ་གྱི་བསྟོད་པ་འགྲོ་ཀུན་མ་དང་ཀུན་དགའ་རིན་ཅེན་མ་སྟེ་ཤླཽ་ཀ་རེ་རེ། དེའི་བསྟོད་པ་ཀུན་མཁྱེན་མ་ཞེས་པའི་ཚིག་རིང་གཅིག །ཀུན་ཆོས་ཞེས་པའི་ཤླཽ་ཀ་གཅིག །བདེ་ལེགས་མ་ཞེས་པའི་ཤླཽ་ཀ་གཅིག །གང་ཐུགས་མ་ཞེས་པའི་ཚིག་སྣ་རིང་བ་གཅིག །བསོད་ནམས་མ་ཞེས་པའི་ཤླཽ་ཀ་གསུམ་པ་གཅིག །ཏིང་འཛིན་མ་ཞེས་པའི་ཤླཽ་ཀ་གཅིག །མཁྱེན་པའི་སྙིང་པོ་ཞེས་པའི་ཤླཽ་ཀ་གསུམ་པ་གཅིག་སྟེ་བསྟོད་ཆུང་བདུན། གསན་ཡིག་ཚོར་བསྟོད་ཆུང་བདུན་ལས་མིང་གསལ་མེད་ཅིང་མཛད་བྱང་མི་གསལ་ཡང་འདི་བཞིན་ཡིན་ནམ་སྙམ། ཐོགས་མེད་སྐུ་མཆེད་

ཕྱོགས་གླང་ཆོས་གྲགས་སོགས་ལ་བསྟོད་པ་རྣམ་གྲོལ་ལོ་ཏོག་རྣམ་པར་སྐྱེད་མཛད་བླ་མ་རྒྱལ་གྱི་མཐའ་ཅན། ཐོས་པ་རྒྱ་མཚོ། རྒྱན་དྲུག་མཆོག་གཉིས་ཀྱི་བསྟོད་པ་གཞུང་ལུགས་ཆུ་བོ་བརྒྱ་འགྱེད། བླ་མ་ལ་ཐུན་མོང་མ་ཡིན་པའི་སྒོ་ནས་གསོལ་བ་འདེབས་པར་རབ་ཏུ་བྱེད་པའི་རྣམ་བཤད། བླ་མ་དམ་པ་ལ་མཎྜལ་འབུལ་ཞིང་གསོལ་བ་གདབ་པའི་མན་ངག །བླ་མའི་རྣལ་འབྱོར་ལེའུ་༼ཉི༽ཉི་ཤུ་མ། རྩ་བའི་བླ་མ་ལ་ཐུན་མོང་མ་ཡིན་པའི་སྒོ་ནས་གསོལ་བ་འདེབས་པ་གནས་བརྟན་བྱང་ཆུབ་བཟང་པོའི་དོན་དུ་མཛད་པ། ཆོས་རྗེ་པ་ལ་བསྟོད་པ་ཚར་དུ་དངར་བའི་མེ་ཏོག་གི་འཕྲེང་བ། ཆོས་སྤྱོད་བཅུ་པ་ཞེས་བྱ་༼ལྷུན༽བ་ས་པཎ་གྱི་གསུང་རྒྱས་པར་སྤེལ་བ་ཉེས་པ་ཡོད་ན་བཟོད་པར་མཛོད་ཀྱི་མཐའ་ཅན། འགོར་སངས་རྒྱས་ཀུན་དངོས་བླ་མ་ལ་ཞེས་པའི་ལམ་འབྲས་སོགས་ཀྱི་གསན་ཡིག་བཀྲ་ཤིས་རྒྱལ་མཚན་གྱིས་ཞུས་ནས་མཚན་མདོར་བསྡེབས་པ། བླ་མ་ཆོས་ཀྱི་རྗེ་རིན་པོ་ཆེ་བདེ་བ་ནས་བདེ་བར་གཤེགས་པའི་ལུང་བསྟན་པའི་ཆ་ཟུར་ཙམ་བརྗོད་པའི་རྣམ་༼ཝ༽ཐར། དཔལ་ཀྱེ་རྡོ་རྗེ་བརྟག་པ་གཉིས་པའི་བསྡུས་དོན་ཤིང་མོ་ཡོས་བུའི་ལོ་ལ་མཛད་པ། རྒྱུད་ཀྱི་མངོན་པར་རྟོགས་པ་དག་ལྡན་ངེས་འགྲུབ་འགྱུར་ཞེས་གསུངས་པ་འོའི་མཐའ་ཅན་རྫོགས་བྱང་དང་བཅས་པ། ཀྱེ་རྡོ་རྗེ་༼ལྷུན༽རྒྱུད་ཀྱི་སྤྱི་དོན་གསལ་བར་བྱེད་པ་ཡན་ལག་རྒྱས་པར་དབྱེ་བ་འོའི་མཐའ་ཅན། རྡོ་རྗེ་མཁའ་འགྲོ་མ་གུར་གྱི་ལེའུའི་འགྲེལ་པ་རྒྱལ་པོའི་ཕོ་བྲང་དུ་བཤད་པའི་ཚེ་མཛད་པ། ས་སྐྱ་པཎྜི་ཏ་ཆེན་པོའི་ཞལ་སྔ་ནས་ཁྱོད་ཀྱིས་དཔལ་ཡང་དག་པར་སྦྱོར་བའི་རྒྱུད་ཀྱི་བསྡུས་དོན་གསལ་བར་སྦྱོར་ཞིག་ཅེས་རྗེས་སུ་གནང་བ་ལ་བརྟེན་

ནས་ཤིང་ཀུན་མཁར་དུ་མཛད་པ། ཧེ་རུ་ཀའི་ཡིག་བརྒྱ་ཟླ་བའི་མན་ངག །ཀྱེ་རྡོ་རྗེ་དཔའ་བོ་གཅིག་པའི་སྒྲུབ་ཐབས་བསྲུང་འཁོར་དང་བཅས་པ། ཀྱེ་རྡོ་རྗེའི་མངོན་རྟོགས་ཡིད་བཞིན་ནོར་བུ། བསྙེན་སྒྲུབ་ཡན་ལག་༼ལྷུན༽བཞི་པ་དང་ཡན་ལག་དྲུག་པའི་མངོན་པར་རྟོགས་པ་མི་འདྲ་བའི་ཁྱད་པར་ཉི་ཤུ་རྩ་གཅིག་ལ་སོགས་པ་བརྗོད་དོའི་མཐའ་ཅན། འདིའི་འོག་ཏུ་མངོན་རྟོགས་ཡན་ལག་དྲུག་པ་ཆུང་བ་ཞེས་པ་ཞིག་འདུག་ཀྱང་དཔེ་མ་རྙེད། འགོར་དད་པས་དྲི་བར་བྱེད་པ་གང་ཡིན་པ་ཞེས་ཡོད་པའི་གཙོ་འཁོར་གྱི་བསྙེན་པའི་གྲངས་དང་གོ་རིམ་རྒྱུད་སྡེ་གོང་འོག་གི་བསྙེན་པའི་ཚུལ་གྱི་དྲི་ལན། འདིའི་འོག་ཏུ་དམ་ཚིག་གསུམ་གྱི་གླུའི་རྗེས་ལ་བྱ་བའི་སྨོན་ལམ་དཔེ་མ་འབྱོར་པས་མ་རྙེད། ཀྱེ་རྡོ་རྗེའི་དཀྱིལ་འཁོར་དུ་བདག་ཉིད་འཇུག་ཅིང་དབང་བླང་བའི་ཆོ་ག་དབང་ལ་འཇུག་པ་ཞེས་བྱ་བ་དགེ་སློང་དཔལ་འབྱུང་གི་དོན་དུ་མཛད་པ། བཅོམ་ལྡན་འདས་༼ལྷུན༽དཔལ་གྱི་རྡོ་རྗེའི་དཀྱིལ་འཁོར་དུ་བདག་ཉིད་འཇུག་པའི་ཆོ་ག་སྙིང་པོ་གསལ་བ་ཞེས་བྱ་བ་རྒྱལ་བུ་ཇིན་གྱིས་བསྐུལ་ནས་ལྕགས་ཕོ་སྤྲེའུའི་ལོ་སྨལ་པོའི་ཟླ་བ་ལ་མཛད་པ། ལམ་བསྡུས་ཀྱི་དབང་རྒྱས་པར་ལེན་པའི་ལག་༼ཉི༽ ལེན་དཔོན་མོ་གོ་བོ་ཅན་གཽ་ཙེན་ཟེར་བའང་འདུག །གྱི་དོན་དུ་ཤིང་ཕོ་ཁྱི་ལོར་མཛད་པ། དབང་གོང་མ་གསུམ་གྱི་ལག་ལེན་ཚིགས་བཅད་མ་བླ་མས་ཇི་ལྟར་མཛད་པ་བཞིན་བཀོད་པ། དཔལ་ཀྱེ་རྡོ་རྗེའི་ལུས་དཀྱིལ་སྒོམ་པའི་༼ཉི༽ཐབས་ལྕགས་ཕོ་རྟའི་ལོ་ལོ་གསར་ཤར་བའི་ཚེ་མཛད་ནས་ཇིན་གྱིམ་ལ་ཕུལ་བ། དཔལ་ཀྱེ་རྡོ་རྗེའི་ཚོགས་ཀྱི་འཁོར་ལོའི་ཆོ་ག་བདུད་རྩིའི་བུམ་པ། དེ་ལ་ཉེ་བར་མཁོ་བའི་ལུང་སྦྱོར་རྡོ་རྗེ་གུར་ནས་གསུངས་སོའི་མཐའ་ཅན། ཚོགས་འཁོར་བསྡུས་པ་དད་ལྡན་

ལའུ་ཤུས་གསོལ་བ་བཏབ་ནས་མཛད་པ། བདུད་རྩི་རིལ་བུ་བསྒྲུབ་པའི་ལག་ལེན་༼པྲ༽༼དམར༽བདུད་རྩི་འབྱུང་བ། རྗེ་བཙུན་རྡོ་རྗེ་བདག་མེད་མ་ལྷ་མོ་བཅོ་ལྔའི་དཀྱིལ་འཁོར་གྱི་སྒྲུབ་ཐབས་རྒྱལ་པོ་ཇིན་གྱིམ་གྱིས་བསྐུལ་བ། དེའི་བསྟོད་པ་རྣམ་དག་གི་འཕྲེང་བ་རྒྱལ་པོ་ལ་བདག་མེད་མའི་དབང་བསྐུར་བའི་དུས་མཛད་པ། དག་པ་རྣམ་གསུམ་གྱི་སྒོ་ནས་རྣལ་འབྱོར་ཉམས་སུ་བླང་བའི་འཁྲིད་ཡིག་༼ཉི༽རྒྱལ་པོ་ཆེན་པོ་དང་དཔོན་མོ་ལ་ཕུལ་བ། འཕོ་བའི་རྣལ་འབྱོར་བར་དོ་ཉིད་དུ་རིག་པ་འཛིན་པའི་གོ་འཕང་ཐོབ་པར་འགྱུར་པ། རྡོ་རྗེ་ཁྲོ་བོ་བཅུ་འཕྲིན་ལས་ལ་བསྐུལ་བའི་ཚུལ་མཁའ་དབྱིངས་དག་གློང་མ། ཐོས་པ་རྒྱ་མཚོའི་ནོར་གྱིས་ཕྱུག་པ་སེང་གེ་མཐའི་དྲི་ལན། དྲི་ལན་རྣམ་པར་ངེས་པ་ཞེས་བྱ་བ་འདན་མ་དབང་ཕྱུག་འབུམ་གྱི་དྲི་ལན། སྡེ་སྣོད་འཛིན་པ་གྲགས་པ་རིན་ཅེན་གྱི་དྲི་ལན། དུས་འཁོར་ཐུགས་དཀྱིལ་གྱི་སྒྲུབ་ཐབས་སློབ་དཔོན་ས་དུ་པཱུ་ཏྲས་མཛད་པའི་གཞུང་དང་བླ་མའི་མན་ངག་ལ་བརྟེན་ནས་མཛད་པ། ལྔ་བསྡུས་སྒྲ་གཅན་དང་བཅས་པའི་རྩིས་གཞི་རིན་པོ་ཆེའི་འོད་ཟེར་དྲི་མ་མེད་པ། ཉི་ཁྱིམ་འཕོ་བའི་ངེས་པ་གསལ་ཞིང་ཐོགས་པ་མེད་པ། རྩིས་དུས་གསལ་བའི་སྒྲོན་མེ། དེའི་དོན་ཡང་དག་པར་བསྡུས་པ། གདོད་མའི་དུས་གསལ་བར་བྱེད་པའི་རྩིས། རྩིས་ཀྱི་གཙུག་ལག་དང་མཐུན་པར་ངེས་པ་ཞེས་བྱ་བ། དྷཱུ་བ་གཉིས་པ་ཞེས་བྱ་བའི་རྩིས་ས་མོ་ལུག་ལོ་རྒྱ་ཡུལ་དུ་མཛད་པ། ལོ་བདག་གི་རྩིས་ཉི་ཤུ་རྩ་གཉིས། འདིའི་འོག་ཏུ་རྟེན་འབྲེལ་གྱི་རྩིས་དང་ཆོས་འཁོར་དུས་ཀྱི་རྩིས་གཉིས་དཔེ་མ་འབྱོར་བས་མ་ཐོབ། བདེ་མཆོག་ནག་པོ་པའི་དབང་བསྐུར་བའི་ཆོ་གའི་སྡོམ་ཚིག་དོན་གསལ་གཟུང་བདེ། འཁོར་ལོ་བདེ་མཆོག་

གི་དཀྱིལ་འཁོར་དུ་བདག་ཉིད་འཇུག་ཅིང་དབང་བླང་བའི་ཆོ་ག་ཤིང་ཀུན་ཏུ་མཛད་པ། འཁོར་ལོ་སྡོམ་པའི་མངོན་རྟོགས་ཉམས་སུ་བླང་ཚུལ་གོ་བདེ་བར་བཀྲོལ་བ་སྒྲུབ་ཐབས་སྙིང་པོ། མཆོད་འཕྲེང་ཀུན་ཏུ་བཟང་པོའི་མཆོད་སྤྲིན། སྦྱིན་སྲེག་གི་སྡོམ་ཚིག་ཉི་ཤུ་རྩ་བདུན་པ་ཧུ་ཆུའི་གྲོང་ཁྱེར་དུ་མཛད་པ། དེ་ནས་ལོ་བཅུ་དྲུག་ལོན་པའི་ལྕགས་མོ་ལུག་གི་ལོ་སྟོན་པ་ཤེས་རབ་ཀྱིས་གསོལ་བ་བཏབ་པ་ལ་བརྟེན་ནས་མཛད་པའི་སྦྱིན་སྲེག་རྒྱས་པ། འཁོར་ལོ་བདེ་མཆོག་ལུས་ཀྱི་དཀྱིལ་འཁོར་སྒྲུབ་པའི་ཐབས་ཉུང་ཞིང་གསལ་བ་དུར་གལ་དུར་མིས་ཀྱི་དོན་དུ་མཛད་པ། དཔལ་འཁོར་ལོ་བདེ་མཆོག་ལཱུ་ཧི་པའི་སྒྲུབ་ཐབས་རིམ་པ་གསལ་བ། དེའི་དཀྱིལ་འཁོར་གྱི་སྒྲུབ་ཐབས་བསྡུས་པ་ཉུང་ཞིང་གསལ་བ། ལིང་ཇུ་རྩེར་ཁབ་ཏུ་༼ལྷུན༽སྦྱར་བའི་རྒྱུན་བཤགས་དུས་གསུམ་བདེ་གཤེགས་མ། བདེ་མཆོག་དཀྱིལ་འཁོར་གྱི་བསྟོད་པའི་རབ་བྱེད་ཚོགས་གཉིས་དཔལ་འབྱུང་མ། ལུས་དཀྱིལ་གྱི་དཀྱིལ་འཁོར་ལ་བརྟེན་ཏེ་དབང་བསྐུར་བའི་བྱ་བ་མདོར་བསྡུས་པ། སྡོམ་ཚིག་ཡང་ཟེར། བདེ་མཆོག་ལུས་ཀྱི་དཀྱིལ་འཁོར་དུ་བདག་ཉིད་འཇུག་ཅིང་དབང་བླང་བའི་ཆོ་ག་དུར་གལ་དུར་མིས་ཀྱི་དོན་དུ་མཛད་པ། རྒྱལ་བུ་ཇི་འབིག་ཐེ་མུར་ཞེས་བྱ་བས་དགོངས་ཤིང་དུར་གལ་དུར་མིས་ཀྱི་དོན་གཉེར་ཆེན་པོ་ལ་བརྟེན་བདེ་མཆོག་རིམ་ལྔའི་འཁྲིད། རྒྱལ་བུ་ཇི་འབིག་གི་ངོར་མཛད་པའི་བདེ་མཆོག་ལྷ་ལྔའི་དཀྱིལ་འཁོར་གྱི་སྒྲུབ་ཐབས། འདི་མར་དོ་ནས་བརྒྱུད་པ་ཡིན། ཡུ་གུར་གྱི་བནྡེ་སང་གྷ་མི་ཏྲས་གསོལ་བ་བཏབ་པ་ལ་བརྟེན་ཏེ་བདེ་མཆོག་ལྷན་སྐྱེས་ཀྱི་དཀྱིལ་འཁོར་སྒྲུབ་ཐབས། ཡང་དེའི་སྒྲུབ་ཐབས་ཆུ་མིག་དཔལ་གྱི་བདེ་ཆེན་དུ་མཛད་པ།

ཟ་བྱེད་རྡོ་རྗེ་མཁའ་འགྲོའི་ཆོ་གས་སྡིག་པ་སྦྱང་ཐབས་ཁ་ཆེ་རིན་ཅེན་རྡོ་རྗེས་མཛད་པའི་བདེ་མཆོག་གི་བཀྲ་ཤིས་ལ་ཞུས་དག་དང་ཁ་བསྐང་བ། རྒྱལ་བུ་ཇིན་གྱིམ་༼ལྷུན༽ལ་ཤིས་པ་བརྗོད་པ་ཧེ་རུ་ཀ་དཔལ་མ། གོ་གོ་༼ལྷུན༽ཅན་པ་ཤིས་པ་བརྗོད་པ་དཔལ་མཆོག་མ། རྭ་ལུགས་ཕག་མོ་སོ་བདུན་མའི་མངོན་རྟོགས་སྔོན་བྱུང་གི་རྗེས་སུ་འབྲངས་པ་སློབ་དཔོན་ཤྲཱི་ཨུ་མ་པ་ཏི་ཏས་མཛད་པའི་ལག་ཏུ་བླང་བའི་རིམ་པ། ནཱ་རོ་མཁའ་སྤྱོད་ཀྱི་༼ཡོ༽སྒྲུབ་ཐབས་ས་སྦྲུལ་ཤངས་མདོར་མཛད་པ། དེའི་སྒྲུབ་༼ཡོ༽ཐབས་ནཱ་རོ་ཏ་པའི་རྗེས་སུ་འབྲངས་པ་མེ་བྱི་མཛད་པ། སིན་དྷུ་༼ཡོ༽རའི་དཀྱིལ་འཁོར་དུ་བདག་ཉིད་འཇུག་ཅིང་དབང་བླང་བ། ཚོགས་༼ཡོ༽འཁོར་གྱི་ཆོ་ག་གོ་གོ་ཅན་གྱི་དོན་དུ་མཛད་པ། དེས་བསྐུལ་ནས་༼ཡོ༽མཛད་པའི་སྦྱིན་སྲེག་གི་ཆོ་ག །སྒོ་མཚམས་མ་བརྒྱད་ཀྱི་བསྟོད་པ་ནི་སྐུ་གསུང་མ་རྟག་ཏུ་བསྲུང་བར་བགྱིའི་མཐའ་ཅན། སྒྱུ་མ་ཆེན་པོའི་དཀྱིལ་འཁོར་གྱི་སྒྲུབ་ཐབས་རྒྱས་པ་སྒྱུ་འཕྲུལ་རྣམ་པར་རོལ་པ། སྒྲུབ་ཐབས་བསྡུས་པ་བྱ་ལོ་ཟླ་བ་གཉིས་པའི་ཡར་ཚེས་གསུམ་ལ་མཛད་པ། སྒྱུ་མ་ཆེན་པོའི་ཚོགས་ཀྱི་འཁོར་ལོའི་ཆོ་ག་རྒྱལ་བུ་ཧོ་ཀོ་ཡོན་མཆོད་ཀྱི་དོན་དུ་མཛད་པ། སྒྱུ་མ་ཆེན་པོའི་དཀྱིལ་འཁོར་གྱི་ཆོ་ག་དབང་རྣམ་པར་རོལ་པ། སྒྲོལ་མ་ལྷ་བཅུ་བདུན་མའི་དཀྱིལ་འཁོར་གྱི་ཆོ་ག་དཔོན་མོ་གོ་གོ་ཅན་གྱིས་བསྐུལ་བ་ལ་བརྟེན་ནས་ས་སྐྱར་མཛད་པ། སྒྲོལ་མ་ལྷ་བཅུ་བདུན་མའི་དཀྱིལ་འཁོར་གྱི་སྒྲུབ་ཐབས་ཕྱག་འཚལ་ཉེར་གཅིག་གི་རྗེས་སུ་འབྲངས་ཏེ་ཤིང་ཀུན་མཁར་དུ་མཛད་པ། ཕྱག་འཚལ་ཉེར་གཅིག་གི་ལྷ་མོའི་སྒྲུབ་ཐབས་རྒྱལ་བུ་གཡུང་དྲུང་ཏས་བསྐུལ་ཏེ་ཕུལ་བ། རྡོ་རྗེ་སྒྲོལ་མའི་སྒྲུབ་ཐབས་

ཐང་ངོ་ཏའི་དོན་དུ་མཛད་པ། སྒྲོལ་མ་ལུས་དཀྱིལ་གྱི་དཀྱིལ་འཁོར་སྒོམ་པའི་རིམ་པ་ཉི་མ་སྦས་པའི་ཞབས་ལས་བརྒྱུད་པའི་མན་ངག །འགོར་བླ་མ་ལ་༼ལྷུན༽ ཕྱག་དང་མཎྜལ་ཕུལ་ཞེས་ཡོད་པའི་ལུས་དཀྱིལ་དབང་གི་ཐོ་ཡིག །སློབ་དཔོན་ཐམས་ཅད་མཁྱེན་པའི་བཤེས་གཉེན་གྱིས་མཛད་པའི་འཇིགས་པ་བརྒྱད་སྐྱོབ་པའི་སྒྲུབ་ཐབས་རྒྱ་ཡུལ་ཅོང་ཏོ་མཁར་དུ་འགྱུར་མཛད་པ། གནས་ཀྱི་དབང་ཕྱུག་མ་ཞེས་བྱ་བའི་སྒྲོལ་མའི་སྒྲུབ་ཐབས་གང་སྐྱར་མཛད་པ། ཨོ་རྒྱན་སྒྲོལ་མ་ཡང་ཟེར། རྡོ་རྗེ་གུར་གྱི་སྒྲོལ་མའི་རྗེས་སུ་འབྲངས་པའི་སྒྲུབ་ཐབས་གྲགས་པ་བཟང་པོའི་ངོར་ཤིང་ཀུན་ཏུ་མཛད་པ། ཕྱག་དྲུག་པའི་སྒྲོལ་མའི་སྒྲུབ་ཐབས་ས་ཕོ་སྟག་ལོར་ས་སྐྱར་མཛད་པ། དཔལ་གསང་བ་འདུས་པ་མི་བསྐྱོད་རྡོ་རྗེའི་དཀྱིལ་འཁོར་གྱི་ཆོ་ག་རབ་ཏུ་གསལ་བ་ཕོ་བྲང་ཕེང་ཧུར་མཛད་པ། འདི་ཀླུ་བྱང་དང་སྒྲ་གཅན་འཛིན་དཔལ་བཤེས་གཉེན་གཉིས་ཀྱི་དཀྱིལ་ཆོག་དང་མཐུན་པ་ཁ་ཆེ་པཎ་ཆེན་ནས་ས་པཎ་ལ་བརྒྱུད་པ་ཡིན། འགོར་འདི་ལ་གཉིས་ཏེ་བསྲུང་བའི་འཁོར་ལོ་ཞེས་ཡོད་པའི་མདོར་བྱས་ཀྱི་ས་བཅད་ཉེ་བར་བསྡུས་པ་འོའི་མཐའ་ཅན། སློབ་དཔོན་སངས་རྒྱས་ཡེ་ཤེས་ཞབས་ཀྱི་རྣམ་ཐར་དང་བརྒྱུད་པའི་རིམ་པ་གོ་པ་ལའི་ཕོ་བྲང་དུ་མཛད་པ། གསང་བ་འདུས་པ་འཇམ་པའི་རྡོ་རྗེ་ལྷ་བཅུ་དགུའི་སྒྲུབ་ཐབས་རིན་ཅེན་འཕྲེང་བ་རྒྱལ་བུ་བྱང་ཆུབ་སེམས་དཔའི་ཕོ་བྲང་དུ་མཛད་པ། གཤིན་རྗེ་གཤེད་དགྲ་ནག་པོའི་སྒྲུབ་ཐབས་ལྕགས་མོ་བྱའི་ལོ་རྒྱལ་པོའི་ཕོ་བྲང་དུ་མཛད་པ། བཅོམ་ལྡན་འདས་རྡོ་རྗེ་འཇིགས་བྱེད་ཀྱི་སྒྲུབ་ཐབས་གསང་བ་ལས་ཀྱང་ཆེས་གསང་བ་གསང་བའི་རྣལ་འབྱོར་གྲུབ་པ་ཞེས་བྱ་བ། རྡོ་རྗེ་འཇིགས་བྱེད་ཕྱག་གཉིས་པའི་སྒྲུབ་ཐབས་

རྒྱལ་བུ་ཨ་རོག་ཆེས་བསྐུལ་ནས་མཛད་པ། འཇིགས་བྱེད་ཕྱག་དྲུག་པའི་སྒྲུབ་ཐབས་ཚོགས་འཁོར་དང་བཅས་པ་རྒྱལ་བུ་ཇིན་གྱིན་གྱིས་གསོལ་བ་བཏབ་ནས་མཛད་པ། ཕྱག་དྲུག་པའི་སྒྲུབ་ཐབས་ཨ་རོག་ཆེའི་ཉམས་བཞེས་སུ་ཤིང་ཀུན་ཏུ་མཛད་པ། དཔལ་ཆེན་པོའི་དཀྱིལ་འཁོར་དུ་འཇུག་ཅིང་དབང་བླང་བའི་ཆོ་ག་རྒྱལ་རིགས་གཞོན་ནུའི་དོན་དུ་ཤིང་ཀུན་ཏུ་མཛད་པ། སྦྱིན་སྲེག་གི་ཆོ་ག་རྒྱལ་བུས་བསྐུལ་ནས་ཨཱུན་ཆང་ཧཱུ་ཞེས་བྱ་བའི་ཕོ་བྲང་དུ་མཛད་པ། ཞེ་དགུ་མའི་སྒྲུབ་ཐབས་ཞི་ཁྲོ་རྣམ་རོལ་ལ་ལཱི་ཏའི་གཞུང་གོ་བདེ་བར་བཀྲོལ་བ་མདོ་ཁམས་ཀྱི་ས་ཆ་གཙོ་མདོ་གནས་གསར་དུ་མཛད་པ། གཤིན་རྗེ་གཤེད་དམར་པོ་ལྷ་བཅུ་གསུམ་གྱི་དཀྱིལ་འཁོར་གྱི་སྒྲུབ་ཐབས་དཔལ་འཛིན་གྱི་ལུགས་བཞིན་རྒྱལ་བུ་མངྒ་ལས་བསྐུལ་བ་ལ་བརྟེན་ནས་རྒྱ་ནག་ཅོང་ཏོའི་མཁར་དུ་མཛད་པ། གཤེད་དམར་ལྷ་ལྔའི་དཀྱིལ་འཁོར་གྱི་སྒྲུབ་ཐབས་བིར་ཝ་པས་མཛད་པའི་གསལ་བྱེད་ཤིང་ཀུན་ཏུ་སྦྱར་བ། གཤེད་དམར་ལྷན་སྐྱེས་ཀྱི་སྒྲུབ་ཐབས་འཇིགས་མེད་རྣམ་རོལ་ཚོགས་འཁོར་དང་བཅས་པའི་ཇིམ་གྱིན་གྱིས་བསྐུལ་ནས་ཅོང་ཏོའི་ཕོ་བྲང་གི་དག་བྱེད་ཁྲུས་ཁང་གླིང་དུ་སྦྱར་བ། གཤེད་དམར་ལྷན་སྐྱེས་ཀྱི་སྒྲུབ་ཐབས་རྒྱལ་བུ་ཨ་རོག་ཆེའི་དོན་དུ་ཤིང་ཀུན་ཏུ་མཛད་པ། རྩ་ལྟུང་གི་རྣམ་པར་བཤད་པ་དམ་ཚིག་རབ་ཏུ་གསལ་བ་ཉི་མ་འབུམ་གྱིས་བསྐུལ་ནས་ཤིང་ཀུན་ཏུ་མཛད་པ། བླ་མ་ལྔ་བཅུ་པའི་བསྡུས་དོན། རབ་ཏུ་གནས་པའི་ཕྱག་ལེན་མདོར་བསྡུས་པ་ཡུ་གུར་གྱི་བནྡེ་ས་གྷ་མི་ཏྲས་བསྐུལ་ནས་མཛད་པ། སྦྱོང་རྒྱུད་ནས་གསུངས་པའི་ཚེ་དཔག་མེད་ཀྱི་སྒྲུབ་ཐབས་ས་མོ་ལུག་ལོ་རྒྱལ་བུ་བྱང་ཆུབ་སེམས་དཔའི་

ཕོ་བྲང་དུ་མཛད་པ། ཚེ་སྒྲུབ་ཟབ་མོ་ཆུ་མོ་གླང་གི་ལོ་སྨར་ཁམས་གཙོ་མདོའི་གཙུག་ལག་ཁང་དུ་མཛད་པ། ཚེ་དཔག་མེད་ཀྱི་བསྟོད་ཚིག་པདྨོའི་འཕྲེང་བ། འོད་དཔག་མེད་ཀྱི་སྒོམ་དོན་ནམ་༼བྲ༽ཉལ་སྒོམ་དུ་གྲགས་པ་བ་རི་ནས་བརྒྱུད་པ། མི་འཁྲུགས་པའི་སྦྱིན་སྲེག་གི་ཆོ་ག་མེ་མོ་སྦྲུལ་ལོ་ལ་མཛད་པ། གསང་བདག་ཕྱག་ན་རྡོ་རྗེའི་སྒྲུབ་ཐབས་ས་སྐྱ་པའི་གསུང་བཞིན་སྦྱར་བ། རྣམ་འཇོམས་ཀྱི་སྒྲུབ་ཐབས་བུམ་ཆོག་གཏོར་མ་སྦྱིན་སྲེག་དང་བཅས་པ། འཇམ་དཔལ་གྱི་སྒོམ་ཐབས་མེ་འབྲུག་རྒྱལ་བུ་མུ་ཁས་བསྐུལ་པ་ལ་བརྟེན་ནས་མཛད་པ། འཇམ་དཔལ་དཔའ་བོ་གཅིག་སྒྲུབ་ཀྱི་སྒྲུབ་ཐབས་ཤིང་ཕོ་སྟག་ལོ་མདོ་ཁམས་སྒང་དུ་མཛད་པ། ཐུགས་རྗེ་ཆེན་པོ་དང་ཕྱག་རྒྱ་ཆེན་པོ་ཟུང་འཇུག་ཏུ་ཉམས་སུ་ལེན་ཚུལ་མོ་སྟོན་ཙེ་གེ་ཇེ་འཕུར་གྱིས་བསྐུལ་བའི་ངོར་མཛད་པ། བཅོམ་ལྡན་འདས་༼ལྷུན༽ཐུགས་རྗེ་ཆེན་པོ་སྒྲུབ་པའི་ཐབས་རྒྱའི་ཡུལ་དུ་ཡི་གེར་བཀོད་པ། དེའི་སྒྲུབ་ཐབས་མོ་སྟོན་ཙོ་གེ་ཇུ་༼ལྷུན༽འཕུར་གྱི་ངོར་མེ་ཕོ་བྱི་བའི་ལོ་ལ་སྐྱེ་དགུ་མདོར་ཡི་གེར་བཀོད་པ། དེའི་སྒྲུབ་ཐབས་༼ལྷུན༽རྡོ་རྗེ་ཁྱེའུ་འདྲེན་གྱི་ངོར་འཕགས་པས་བཤད་ཅིང་བྲིས་ནས་ཕུལ་བ། འཇིག་རྟེན་དབང་ཕྱུག་སེང་གེ་སྒྲའི་སྒོམ་ཐབས་མདོར་བསྡུས་པ་སྒང་རར་མཛད་པ། རྟ་མགྲིན་ཁྱུང་གཤོག་ཅན་གྱི་སྒྲུབ་ཐབས་ཏྲེའི་ས་ཆར་བཀོད་པ། འཕགས་པ་བྱམས་པའི་ཆོས་སྐོར་ཡན་ལག་དང་བཅས་པ། རྗེ་བཙུན་མི་གཡོ་བ་སྔོན་པོའི་སྒྲུབ་ཐབས་ས་སྐྱ་པའི་གསུང་བཞིན་སྦྱར་བ། ཕྱག་བཞི་པའི་འཕགས་པ་མི་གཡོ་བའི་སྒྲུབ་ཐབས་ཨ་དུ་ལ་ད་པ་བཛྲ་ལས་བརྒྱུད་པ། རྗེ་བཙུན་རྣམ་པར་རྒྱལ་མའི་སྒྲུབ་ཐབས་རྟོག་པ་གཉིས་ཀྱི་རྗེས་སུ་འབྲངས་བ། གཙུག་ཏོར་

གདུགས་དཀར་མོ་ཅན་གྱི་སྒྲུབ་ཐབས་གཟུངས་བཀླག་ཐབས་དང་བཅས་པ་ཤིང་ཕག་ཏྲེའི་ས་ཆར་སྦྱར་བ། རྗེ་བཙུན་རི་ཁྲོད་ལོ་མ་གྱོན་མའི་སྒྲུབ་ཐབས་ཆོ་ག་དང་བཅས་པ་བ་རི་བ་ནས་བརྒྱུད་པ་སྒྲུབ་ཐབས་ཆུང་ངུ་ས་སྐྱ་པའི་མན་ངག་ཡི་གེར་བཀོད་པ། འདི་གསན་ཡིག་ན་མི་གསལ་ཡང་ལུང་རྒྱུན་ཡོད། བསྟོད་པ་ཆུ་མིག་དཔལ་གྱི་བདེ་ཆེན་དུ་མཛད་པ། སྐུལ་བྱེད་མའམ་ཙུན་དྷའི་སྒྲུབ་ཐབས་ས་ཕོ་རྟའི་ལོ་མཛད་པ། འོད་ཟེར་ཅན་མའི་སྒྲུབ་ཐབས་སྐད་གཉིས་སྨྲ་བ་དུ་ལག་གི་ངོར་ཤིང་ཀུན་ཏུ་མཛད་པ། ལྷ་མོ་མྱ་ངན་མེད་པའི་འོད་ཟེར་ཅན་གྱི་སྒྲུབ་ཐབས་བསྟོད་པ་གང་གི་མཚན་འཛིན་མ་དང་བཅས་པ་ཆུ་མིག་དཔལ་གྱི་བདེ་ཆེན་དུ་མཛད་པ། ལོ་ཙཱ་བ་སང་གྷས་བསྐུལ་བའི་དོན་དུ་མཛད་པའི་འོད་ཟེར་ཅན་གྱི་སྦྱིན་སྲེག །དེའི་བསྟོད་པ་རྒྱས་པ་རྒྱལ་པོའི་ཕོ་བྲང་དུ་མཛད་པ། སྤྱན་མ་ཕྱག་བརྒྱད་མའི་སྒྲུབ་ཐབས་ས་ཕོ་རྟའི་ལོ་མཛད་པ། གཟའ་ཡུམ་གྱི་སྒྲུབ་ཐབས་མདོར་བསྡུས་པ་ལས་དང་པོ་པའི་དོན་དུ་ཐང་སྐྱར་སྦྱར་བ། འདོད་པའི་ལྷ་སྣ་ཚོགས་ཀྱི་བསྟོད་པ་རྒྱལ་ཀུན་ཐུགས་སྐྱེས་མ། རིག་མ་བཅུ་དྲུག་གི་མཆོད་པ་རྡོ་རྗེ་ལྷ་མོ་མ་དང་ཧཱུཾ་གི་ཡེ་ཤེས་མ་གཉིས་ཀ་ཕིང་ཧུར་སྦྱར་བ། བསྲུང་བ་ལྔའི་སྔོན་འགྲོ་རོལ་མོ་དང་བཅས་ཏེ་གཏོར་མ་གཏང་ངོའི་མཐའ་ཅན། དེའི་སྒྲུབ་ཐབས་མདོར་བསྡུས་ཤིང་མེ་ཡོས་བུའི་ལོ་མཛད་པ། འདི་གཉིས་ཀྱི་འགོ་མཇུག་ནི་ཚིག་འདྲ་བར་འདུག་ཀྱང་ཞིབ་ཏུ་བྱས་ན་མང་ཉུང་ཡོད། དེའི་དཀྱིལ་འཁོར་གྱི་སྒྲུབ་ཐབས་རྒྱས་པ་ཤིང་ཡོས་མཛད་པ། བསྲུང་བའི་ལྷ་མོ་ལྔ་ལ་བསྟོད་པ་མིའི་དབང་གོ་བེ་ལའི་ཕོ་བྲང་དུ་སྦྱར་བ། བསྲུང་བ་ལྔའི་དཀྱིལ་འཁོར་གྱི་ལྷ་ཚོགས་ལ་བསྟོད་པ་ལས་ལྷ་མོ་ལྔའི་བསྟོད་པ་སློབ་དཔོན་བན་ཏི་པས་མཛད་ཅིང་ལྷག་མ་གསར་དུ་

སྦྱར་བ། ཕྱོགས་བཞི་དང་གཟའ་དང་རྒྱུ་སྐར་གྱི་གཏོར་མ་གསོལ་བ་གདབ་པོའི་མཐའ་ཅན། འགོར་དཀར་གཏོར་གཉིས་པ་༼ལྷུན༽བྱིན་གྱིས་བརླབས་ལ་ཞེས་ཡོད་པའི་གསང་སྔགས་རྗེས་སུ་འཛིན་པའི་གཏོར་མ་སྟེ་བདུན་པའོ། ༈ །དབང་བསྐུར་བའི་སྔོན་དུ་བྱུར་བསལ་བའི་ཆོ་ག་ཀུན་ལས་རྒྱལ་བའི་མཐའ་ཅན། ཆོ་གའི་ཆ་ལག་གམ་དབང་བསྐུར་དངོས་བཅོ་ལྔ་པ་འོའི་མཐའ་ཅན། ཆོག་ཁྲིགས་ཀྱི་སྡོམ་ལྷུག་མ་ཨ་དྷིཥྩ་ཏེ་བཛྲ་ཡ་སྭཱ་ཧཱའི་མཐའ་ཅན། སྡོམ་ཚིགས་བཅད་མ་དམ་པས་བསྐུལ་ནས་མཛད་པ། འཕགས་པ་ཛམ་བྷ་ལ་སེར་པོའི་སྒྲུབ་ཐབས་དཔལ་ས་སྐྱར་མཛད་པ། བོད་དུ་འགྱུར་བའི་རྒྱུད་སྡེ་བཞི་ཕལ་ཆེར་གྱི་མཚན་ཕྱོགས་གཅིག་ཏུ་བསྡེབས་པའི་དཀར་ཆག་བདེ་ལེགས་ཤོག་གི་མཐའ་ཅན། དཔལ་ནག་པོ་ཆེན་པོ་ལྕམ་དྲལ་སྦྲགས་ཏེ་སྒྲུབ་པའི་༼མི༽ཐབས་ཆུ་ཕོ་བྱི་བའི་ལོ་མི་ཉག་གི་ཡུལ་དུ་མཛད་པ། གསང་བའི་མཆོད་གཏོར་གྱི་རིམ་པ་བདུད་རྩི་ལྔ་༼མེ༽མཆོད། བསྟོད་པ་གང་༼མེ༽ཐུགས་མ། ལྕམ་དྲལ་གྱི་གཏོར་ཆོག་ཇིམ་གྱིན་ལ་༼མི༽ཕུལ་བ། བཤགས་རིང་༼མི༽ཚིག་ལྷུག །གདོང་བཞི་པའི་བསྟོད་བསྐུལ་སངས་རྒྱས་གཅིག་བསྡུས་༼ཅི༽མ་ཤིང་ཀུན་ཏུ་མཛད་པ། ཕྱོགས་བཞིའི་གཏོར་མ་གནོད་སྦྱིན་ཐམས་ཅད་པའི་གཏོར་མའི་ཆོ་ག་རྫོགས་སོའི་མཐའ་ཅན། ས་སྐྱ་པ་ཡབ་སྲས་ཀྱི་ཉིན་ཞག་ཕྲུགས་གཅིག་གི་ཐུགས་དམ་དུ་གྲགས་པའི་དཀར་ཆ་བཞིའི་གཏོར་མ་བྱེད་པར་བསམ་མོའི་མཐའ་ཅན། ཀླུ་གཏོར་ཆོས་རྗེ་ས་སྐྱ་པའི་ཕྱག་ལེན་ལྟར་མཛད་པ། ཆུ་གཏོར་ཇི་ལྟར་བྱ་བའི་རིམ་པ་རྗེ་བཙུན་ས་སྐྱ་པའི་ཞལ་གདམས་རིམ་པར་བཀོད་པ། གཤིན་རྗེ་དགྲ་ནག་པོའི་རྒྱུད་༼ལྷུན༽ནས་བཤད་པའི་གཏོར་མ་དྲུག་ཅུ་རྩ་བཞི་པའི་

གཏོང་ཚུལ་ལྕགས་མོ་ལུག་ལོ་ཤིང་ཀུན་ཏུ་མཛད་པ། བསྟོད་དབྱངས་རྒྱ་མཚོ་སྙན་ངག་རིན་པོ་ཆེའི་རྒྱུན་གྱི་རྣམ་པར་བཀྲ་བ་ཞེས་བྱ་བ་ཅོང་ཏོའི་མཁར་དུ་མཛད་པ། ཤཱཀྱའི་རྒྱལ་པོའི་ཡོན་ཏན་གྱི་ཆ་ལ་བསྟོད་པ་ཤིང་ཕོ་སྟག་གི་ལོ་ལ་སྦྱར་བ། འཇམ་དཔལ་གཞོན་ནུར་གྱུར་པ་ལ་མཚན་དོན་གྱི་སྒོ་ནས་བསྟོད་པ་ཚིགས་བཅད་ཉི་ཤུ་ལྔ་པ། འཇམ་དཔལ་དབྱངས་ལ་ཉེ་བར་བསྔགས་པ་མེ་ཏོག་གི་འཕྲེང་བ། འཇམ་དཔལ་དབྱངས་ལ་རི་བོ་རྩེ་ལྔར་བསྟོད་པ་ནོར་བུའི་འཕྲེང་བས་རྒྱན་ཕྱིར་བསྡེབས་པ། འཇམ་དཔལ་བསྟན་པའི་འཁོར་ལོ་བསྟོད་པ་རྒྱལ་ཀུན་ཡེ་ཤེས་མ། རི་བོ་རྩེ་ལྔའི་རི་སོ་སོ་དང་མཐུན་པར་བསྟོད་པ་བྱམས་པའི་ལྟེ་བ་མ། ཨཱ་ནནྡ་ཀཱིརྟིའི་དོན་དུ་དཔའ་བོའི་འཁོར་ལོ་ཉིད་ལས་བྲིས་པ། འཇམ་དབྱངས་ལ་བསྟོད་པ་རྣམ་པ་སྣ་ཚོགས་མ། སྐྱིད་གྲོང་གི་འཕགས་པ་ཝརྟི་ལ་མནལ་ལམ་དུ་བསྟོད་པ། བྱམས་པ་ལ་བསྟོད་པ་གྲུ་མུར་དུ་ཡུད་ཙམ་ཞིག་ལ་མཛད་པ། གནས་བརྟན་བཅུ་དྲུག་གི་བསྟོད་པ་དགྲ་བཅོམ་མ། མཆོད་བརྗོད་ཡན་ལག་བཅུ་པ་ཅུང་ཟད་རྒྱས་པར་སྤེལ་བ། ཡན་ལག་བདུན་པ་དུས་གསུམ་ཕྱོགས་བཅུ་མ། ཕྱག་མཆོད་སྡིག་བཤགས་བསྔོ་བ་དང་བཅས་པའི་ཚིགས་བཅད་དུས་གསུམ་བདེ་གཤེགས་མ། སེམས་བསྐྱེད་ཀྱི་ཆོ་ག་ཆོས་བཞིན་དུ་འགྲུབ་པར་གྱུར་ཅིག་གི་མཐའ་ཅན། འགོར་སྤྱིར་བསྟན་པའི་གཞི་ཞེས་ཡོད་པའི་སྐྱབས་འགྲོ་སེམས་བསྐྱེད་བསྔོ་བ་དང་བཅས་པ་འབྲིང་དུ་བསྟན་པ་བྱང་ཆུབ་ཆེན་པོ་ཐོབ་པར་ཤོག་གི་མཐའ་ཅན། དེ་གསུམ་བསྡུས་པ་ཡུལ་སྐྱོང་མགོན་པོ་དཔལ་བཟང་གི་དོན་དུ་མཛད་པ། སྐྱབས་འགྲོའི་རྣམ་གཞག་བོ་ལོད་ཀྱི་དོན་དུ་ཡོལ་གྱི་ས་ཆར་མཛད་པ།

སྐྱབས་འགྲོ་སེམས་བསྐྱེད་དབང་བསྐུར་བྱིན་རླབས་ཀྱི་བསླབ་བྱ་ཉུང་བསྡུས་རྒྱལ་བུ་ཨ་རོག་ཆེའི་དོན་དུ་ཤིང་ཀུན་ཏུ་མཛད་པ། རྒྱལ་པོ་ལ་གདམས་པའི་རབ་ཏུ་བྱེད་པ་ཤིང་ཀུན་ཏུ་སྦྱར་བ། དེའི་བསྡུས་དོན་རྒྱ་ནག་ཏྲེའི་ས་ཆ་དགའ་ལྡན་གནས་གསར་དུ་སྦྱར་བ། ཐེག་པ་ཆེན་པོ་གསལ་བ་ཞེས་བྱ་བའི་ཡི་གེ་ཀ་མད་སུམ་ཅུ་ལ་སྦྱར་བ། དེའི་བསྡུས་དོན་རོང་པོའི་ཡུལ་སྙིང་ལུང་པར་སྦྱར་བ། ཤེས་བྱ་རབ་གསལ། ལས་འབྲས་གསལ་བའི་མེ་ལོང་ཚིགས་སུ་བཅད་པ་བཞི་བཅུ་པ། རྒྱལ་བུ་ཇི་བིག་དི་མུར་ལ་གཏམ་དུ་བྱ་བ་ནོར་བུའི་འཕྲེང་བ། རྒྱལ་བུ་མང་ག་ལ་གཏམ་དུ་བྱ་བ་བཀྲ་ཤིས་ཀྱི་འཕྲེང་བ། རྒྱལ་བུ་ནོ་མོ་གན་ལ་སྤྲིངས་པ་ཚིགས་སུ་བཅད་པ་བརྒྱ་རྩ་བརྒྱད་པ་ཆུ་སྤྲེལ་ཤིང་ཀུན་ཏུ་མཛད་པ། རྒྱལ་བུ་ཧོ་ཀོའི་དོན་དུ་ཐེག་པ་ཆེ་ཆུང་གི་ཆོས་ཀྱི་རྣམ་གཞག་ཅུང་ཟད་བརྗོད་པ་ཤིང་ཀུན་ཏུ་བསྡེབས་པ། རྒྱལ་བུ་དེ་གུས་བོག་ལ་གདམས་པ་བདུད་རྩིའི་འབྱུང་གནས། དེ་མུར་པོ་ག་ལ་༼ལྷུན༽གདམས་པ་ཟླ་བའི་འོད་ཟེར། སྒྲུབ་པའི་རིམ་པ་རབ་ཏུ་གསལ་བ་ཞེས་བྱ་བ་དཔོན་མོ་པུནྡ་རིས་བསྐུལ་ནས་ས་སྐྱར་མཛད་པ། རྒྱལ་བུ་ཇིམ་གྱིན་ལ་སྤྲིངས་པ་ཏྲ་མདའ་ནས་བསྐུར་བ། དེ་ལ་སྤྲིངས་པ་ས་སྐྱར་བྲིས་པ། དེ་ལ་རྨ་ཆུའི་འགྲམ་ནས་སྤྲིངས་པ། ཨ་ཙ་ར་ལ་གདམས་པའི་སྤྲིངས་ཡིག་ཤིང་ཀུན་མཁར་དུ་མཛད་པ། བླ་མ་ལྡོང་སྟོན་གྱི་དོན་དུ་སྤྲིངས་པ་གང་ལ་སངས་རྒྱས་མ། ཡེ་ཤེས་འབུམ་ལ་གདམས་པ་བདུད་རྩིའི་ཐིག་ལེ་ཅོང་ཏོར་བྲིས་པ། རིག་པ་སྨྲ་བ་གྲགས་བཟང་ལ་སྤྲིངས་པ་ཟླ་བ་མིག་གིས་མཐོང་སྟེ་བྲིས་པ། བདེན་གཉིས་རྣམ་པར་ངེས་པ་ཁའི་ཕིང་ཧུར་བྲིས་པ། ཟབ་མོ་སྣང་བའི་རབ་བྱེད་ཅེས་བྱ་བ་མདོ་ཁམས་ཀྱི་སའི་ཆར་སྦྱར་བ།

ཕྱག་རྒྱ་ཆེན་པོ་ཉམས་སུ་བླང་བའི་མན་ངག་རི་བོ་རྩེ་ལྔར་སྦྱར་བ། ཕྱག་རྒྱ་ཆེན་པོ་ཡན་ལག་བདུན་ལྡན་གྱི་གཏམ་མི་ཉག་གི་ཡུལ་དུ་མཛད་པ། དེའི་འཁྲིད་ཡིག་ཡན་ལག་བདུན་ལྡན་རྒྱ་ཡུལ་དུ་སྦྱར་བ། དམ་པའི་ཆོས་པདྨ་དཀར་པོའི་ཆོས་ཀྱི་རྣམ་གྲངས་འགའ་ཞིག་ལ་ཕྱིན་ཅི་ལོག་ཏུ་བརྟག་པ་དགག་ཚུལ་དུ་སྨན་གྱིས་བསྐུལ་བ་ལ་བརྟེན་ནས་ཆུ་མིག་དཔལ་གྱི་བདེ་ཆེན་དུ་མཛད་པ། བུ་མོ་རིན་ཅེན་གྱིས་ཞུས་པའི་མདོའི་དོན་ཡང་དག་པར་བསྡུས་པ། ཟབ་མོ་མདོ་ལྔའི་ས་བཅད་ཅེས་པ་ལ་སྙིང་པོའི་སྡོམ། ཐབས་ལ་མཁས་པའི་སྡོམ། ཏིང་ངེ་འཛིན་གྱི་སྡོམ། བྱང་ཆུབ་སེམས་དཔའི་སྡོམ། སངས་རྒྱས་ཀྱི་སའི་སྡོམ་རྣམས། ཐེག་པ་ཆེན་པོ་རྒྱུད་བླ་མའི་བསྟན་བཅོས་ཀྱི་བསྡུས་དོན་གོ་པེ་ལའི་ཕོ་བྲང་དུ་སྦྱར་བ། སྐྱོ་བའི་གཏམ་ཚིགས་སུ་བཅད་པ་སུམ་ཅུ་རྩ་ལྔ་པ་ཀུན་ཤིའི་དགོན་པར་སྦྱར་བ། ངན་པའི་སྤྱོད་ཚུལ་ལམ་སྙིགས་མར་སྦྱོར་བའི་སྤྱོད་ཚུལ་ལ་ཁྲེལ་བའི་གཏམ་མེ་མོ་སྦྲུལ་ལོར་སྦྱར་བ། ཐེག་པའི་རྣམ་དབྱེ་མདོར་བསྡུས་པ་མདོ་ཁམས་ཀྱི་སའི་ཆ་ཟླ་སྙིང་མར་མེ་དོར་སྦྱར་བ། བསམ་གཏན་ཤེས་རབ་ཀྱིས་བསྐུལ་བའི་དྲི་ལན་འདམ་དུ་བྲིས་པ། ཀ་མད་༼ལྷུན༽སུམ་ཅུར་སྤེལ་བ་ཀ་ལ་པིངྐ་མ། ཡི་གེའི་སྦྱོར་༼ལྷུན༽ཚུལ་ཡང་དག་ལམ་རབ་མ། སྟོན་པ་བརྩོན་འགྲུས་༼ལྷུན༽ཀྱི་དྲི་ལན་ཤིང་མོ་ཕག་ལོ་གདུ་བུའི་ཟླ་བ་ལ་མཛད་པ། བྱང་ཆུབ་ལམ་གྱི་སྙིང་པོ་སྒོམ་པའི་རིམ་པ་སློབ་མས་རྒྱང་རིང་ནས་བསྐུལ་བ་ལ་བརྟེན་ནས་ས་སྐྱར་མཛད་པ། གང་གི་བསོད་ནམས་མ་ཞེས་བྱ་བའི་ཚིགས་བཅད། དབུས་གཙང་དུ་ཆོས་འཁོར་བསྐོར་བའི་བཀའ་ཡིག་དགེ་ཚོགས་དཔག་མེད་མ། དགེ་བའི་བཤེས་གཉེན་ཚ་མོ་རོང་པ་

ལ་སྤྲིངས་པ། སྡོམ་བརྩོན་ཞིག་ལ་སྤྲིངས་པ་ཚོགས་གཉིས་རྒྱ་མཚོ་མ། ཟབ་མོ་ཉམས་སུ་ལེན་ཚུལ་བློ་གྲོས་སེང་གེ་ལ་བསྐུར་བ། རྒྱལ་བུ་ཇི་བིག་ཐེ་མུར་ལ་སྤྲིངས་པ་ཀུན་ནས་བརྩེ་བ་མ། དེ་ལ་སྨོན་ལམ་དུ་༼ལྷུན༽བྱ་བ་ཡེ་ཤེས་དཀྱིལ་འཁོར་མ། ཡིག་གྱང་ཇུས་གླེགས་བམ་བསྒྲུབ་པ་ལ་བསྔགས་པ་དཔལ་ཀུན་མ། བཀྲ་ཤིས་ཀྱི་ཚིགས་སུ་བཅད་པ་སྔོན་དུ་བཏང་བའི་རྒྱལ་བུ་བྱང་ཆུབ་སེམས་དཔའ་ལ་གནང་བའི་བཀའ་ཡིག་གསེར་གྱི་རྡོ་རྗེའི་རྟེན་ཅན། རྒྱལ་པོ་ཨལྐོ་ལ་སྤྲིངས་པ་བསོད་ནམས་རྒྱ་མཚོ་མ། རིན་ཅེན་པ་ཤི་ལ་སྤྲིངས་པ་ཡེ་ཤེས་ཆེན་པོ་མ། པཎྜི་ཏ་ལཀྵི་མ་ཀ་ར་ལ་གསོལ་བ་དགེ་སློང་བློ་གྲོས་མ། ཤོང་སྟོན་ལོ་ཙཱ་བའི་སྙན་དུ་གསོལ་བ། རྭ་དབོན་ལ་བསྐུར་བ་གཞུང་ལུགས་བརྒྱ་ཕྲག་མ། བཅོམ་ལྡན་རལ་གྲི་ལ་སྤྲིངས་པ་མཁའ་དབྱིངས་མ། སྤྱི་བོ་ལྷས་པ། བྱང་ཆུབ་སེང་གེ་ལ་སྤྲིངས་པ་གདོད་ནས་ཉེར་ཞི་མ། ཁྲོ་ཕུ་༼ལྷུན༽བ་ལ་བསྐུར་བ་དཔལ་ལྡན་ཉིན་བྱེད་མ། ཆག་ལོ་ལ་བསྐུར་བ་མ་ཆགས་པ། དབུས་ཀྱི་མཚན་ཉིད་པ་སྤྱི་ལ་བསྐུར་བ་དམིགས་མེད་མ། བཀའ་གདམས་པ་སྤྱི་ལ་བསྐུར་བ་ཇི་བཞིན་མ། སྟག་ལུང་པ་ལ་བསྐུར་བ་སྲིད་ཞི་མ། དབུས་ཀྱི་སྒོམ་ཆེན་སྤྱི་ལ་བསྐུར་བ་ཏིང་འཛིན་མ། རྒྱལ་བུ་ཇི་བིག་ལ་བསྐུར་བ་ཡེ་ཤེས་དཀྱིལ་འཁོར་མ། གསན་ཡིག་ཚོར་གསུམ་ཡོད་ཟེར་ཡང་དཔེར་གཉིས་ལས་མ་བྱུང་། དེ་ལ་བསྐུར་བ་དཔལ་ལྡན་མ། དཔོན་མོ་དུར་གལ་དུར་མིས་ལ་བསྐུར་བ་ཆོས་དབྱིངས་མ། ཡང་དེ་ལ་༼ལྷུན༽བསྐུར་བ་དཔལ་ལྡན་ཡོན་ཏན་མ། འདིའི་འོག་ཏུ་ཚིགས་བཅད་ཐོར་བུ་ཞིག་ཡོད་ཚུལ་བྱུང་ཡང་དཔེ་མ་རྙེད། རྒྱལ་བུ་ཇིམ་གྱིན་ལ་བསྐུར་བ་དེང་སང་མ། དེ་ལ་བསྐུར་༼ལྷུན༽བ་དཔལ་འབྱུང་མ། རྒྱལ་བུ་ཧོ་ཀོ་ལ་

བསྐུར་བ་སྟོབས་སོགས་མ། གྲགས་བཟང་ལ་བསྐུར་བ་མདངས་དང་དྲི་རོ་མ། སྟོན་གཞོན་ལ་བསྐུར་བ་བློ་ཆེ་མ། གོས་དར་ལྔ་སྟོང་དང་དགུ་བརྒྱ་བཞི་བཅུ་ཐམ་པ་ཕུལ་བའི་དུས་ཀྱི་མཆོད་བརྗོད་དང་བསྔོ་བ་ཆོས་དབྱིངས་མ། ཚེ་དཔག་མེད་ཀྱི་བསྟོད་པ་སྣ་ཚོགས་འདབ་རྒྱས་མ། འདི་ལ་མ་དམིགས་མ་ཞེས་སོགས་ཚིགས་བཅད་ཤླཽ་ཀ་གཉིས། མགོན་གཡག་ལ་བསྔགས་པ་གང་ལུས་ཆར་སྤྲིན་མ། རྒྱལ་བུ་ཇིམ་གྱིན་གྱིས་བཀའ་འགྱུར་རོ་ཅོག་གསེར་གྱིས་བཞེངས་པའི་གསལ་བྱེད་སྡེབ་སྦྱོར་གྱི་རྣ་རྒྱན་རྣམ་པར་བཀྲ་བ་ས་སྐྱའི་ཆོས་གྲྭར་སྦྱར་བ། དེས་རྒྱས་འབྲིང་བསྡུས་གསུམ་བཞེངས་པ་ལ་བསྔགས་པ་རྨ་ཁམས་སྒང་དུ་བྲིས་པ། དེས་ཤིན་ཏུ་རྒྱས་པའི་སྡེ་སྣོད་བཞེངས་པའི་ཚུལ་སྟོན་པ་རབ་ཏུ་བྱེད་པ་དཔལ་ལྡན་ས་སྐྱར་བྲིས་པ། རྒྱལ་བུ་མང་ག་ལ་ཡབ་ཡུམ་གྱིས་རྒྱས་འབྲིང་བསྡུས་གསུམ་དང་ཕལ་ཆེན་བཞེངས་པའི་མཚོན་བྱེད་གཙོ་མདོ་གནས་གསར་དུ་སྦྱར་བ། རྒྱལ་བུ་ཇི་བིག་ཇི་མུར་གྱིས་ཕལ་ཆེན་གསེར་འོད་སྟོང་ཕྲག་བརྒྱ་པ་རྣམས་བཞེངས་པའི་གསལ་བྱེད་ཤིང་ཀུན་ཏུ་མཛད་པ། རྒྱལ་བུ་ཨ་རོག་ཆེས་འབུམ་བཞེངས་པའི་མཚོན་བྱེད་ཤིང་ལོ་ཁྱིའི་ལོར་མཛད་པ། རྒྱལ་བུ་གོ་པ་ལས་རྒྱས་འབྲིང་བསྡུས་གསུམ་བཞེངས་པའི་མཚོན་བྱེད་གཙོ་མདོ་གནས་གསར་དུ་མཛད་པ། དགེ་འདུན་བཟང་པོ་སོགས་ཀྱིས་རྒྱས་འབྲིང་བསྡུས་གསུམ་བཞེངས་པའི་མཚོན་བྱེད་ཆོས་དབྱིངས་མ། རིན་ཅེན་དཔལ་གྱིས་འབུམ་བཞེངས་པའི་མཚོན་བྱེད་བསོད་ནམས་རིན་ཅེན་མ། ཟིན་ཤིང་གིས་སྟོན་པ་བཅུ་བདུན་བཏུལ་ནས་རབ་ཏུ་བྱུང་བའི་ཚེ་མཛད་པའི་ཚིགས་བཅད། ཐེག་པ་ཆེན་པོའི་སློབ་དཔོན་དང་སློབ་མའི་ལམ་ཉམས་སུ་བླང་

ཚུལ་བསྟན་པ་དེ་ཧྱིང་ཧུའི་དགོན་པར་སྦྱར་བ། སྡོམ་པ་གསུམ་དུ་སྒྲུབ་པའི་འདུལ་བའི་ལས་ཆོག་རྒྱས་བསྡུས་གཉིས། བསྙེན་གནས་ཀྱི་སྡོམ་པ་འབོགས་ཆོག །རྒྱལ་བུ་ཡབ་སྲས་ཀྱིས་མཆོད་རྟེན་རིན་པོ་ཆེ་བཞེངས་པ་ལ་བསྔགས་པའི་སྡེབ་སྦྱོར་དཎྜ་ཀ་ས་སྐྱར་སྦྱར་བ། རྒྱལ་པོ་ཆེན་པོ་གོ་པ་ལ་ལ་བསྔགས་པའི་རབ་བྱེད་གཙོ་མདོ་གནས་གསར་དུ་སྦྱར་བ། རྒྱལ་རབས་ལ་བསྔགས་པའི་ཚིགས་བཅད་གང་གི་སྲིད་གསུམ་མ། འཇིགས་བྱེད་སྐྱོ་ལུགས་ཀྱི་བརྒྱུད་པ་ནས་དབུ་བརྩམས་རྒྱལ་མཚན་རྩེ་མོའི་དཔུང་རྒྱན་གྱི་གཟུངས་སྒྲུབ་ཐབས་དང་བཅས་པའི་བར་གྱི་ཐོབ་ཡིག་རྫོགས་བྱང་གི་མཐའ་ཅན། རྒྱལ་པོ་ག་པེ་ལ་སྲས་དང་བཙུན་མོར་བཅས་པ་ལ་ཤིང་ཡོས་དཔལ་ལྡན་མ། མེ་འབྲུག་བསོད་ནམས་མ། མེ་སྦྲུལ་དཔལ་འབྱུང་མ། ས་རྟ་བཀྲ་ཤིས་མ། འདི་གཉིས་ཀྱི་བར་དུ་ལུག་སྤྲེལ་གཉིས་མ་བྱུང་། ལྕགས་བྱ་ཚེ་དང་ཡེ་ཤེས་མ། ཆུ་ཁྱི་འགྲོ་བ་མ། ཆུ་ཕག་བདེ་ལེགས་མ། ཤིང་བྱི་གང་མཉེས་མ། ཤིང་གླང་བྱང་སེམས་མ། མེ་ཡོས་༼ལྷུན༽ལོ་གསར་གྱི་ཤིས་བརྗོད་རྒྱལ་མཚན་རྩེ་མོ་མ། ཡང་མེ་ཡོས་ཇི་སྙེད་མ། ས་འབྲུག་རྒྱལ་བ་མ། འདིའི་འོག་ཏུ་ས་སྦྲུལ་འདུག་པ་དཔེ་མ་འབྱོར། ལྕགས་རྟ་བཀྲ་ཤིས་མ། ལྕགས་ལུག་ཆོས་ཉིད་མ། ཆུ་སྤྲེལ་སྐྱོབ་པ་མ། གླེགས་བམ་ན་ལྕགས་ལུག་ཟེར་བ་འདུག་ཀྱང་ཡི་གེ་ནོར་བ་འདྲ། ཆུ་བྱ་དངོས་གྲུབ་མ། ཤིང་ཁྱི་ས་དབང་མ། ཤིང་ཕག་བླ་མེད་མ། མེ་བྱི་དངོས་གྲུབ་མ། མེ་གླང་དོན་གྲུབ་མ། ས་སྟག་གང་ལ་བཀྲ་ཤིས་མ། ས་ཡོས་གང་དྲིན་མ། ལྕགས་འབྲུག་ཐུབ་དབང་ཆོས་རྒྱལ་མ་སྟེ་ལོ་གསར་གྱི་ཚེ་གནང་བའི་བཀྲ་ཤིས་ཉི་ཤུ་རྩ་གཉིས། རྒྱལ་པོ་མངྒ་ལ་ཡབ་ཡུམ་ལ་གནང་བའི་བཀྲ་ཤིས་གཞན་ཕན་མ། རྒྱལ་པོ་ཇི་བིག་

ཡབ་ཡུམ་ལ་གནང་བའི་བཀྲ་ཤིས་སངས་རྒྱས་མ། དཔོན་མོ་ཆེར་གནང་བའི་བཀྲ་ཤིས་སངས་རྒྱས་ཀུན་འཕྲིན་མ། ཡང་བཀྲ་ཤིས་ཀྱི་ཚིགས་བཅད་དཔལ་ལྡན་ཁྱད་སྐུ་མ་རྣམས་ལེགས་པར་ཐོབ་པའི་ཉི་དང་པྲའི་རྟགས་དང་རྟགས་མེད་ཡོངས་རྫོགས་ཀྱི་བརྒྱུད་པ་ནི། ཆོས་ཀྱི་རྒྱལ་པོ་འཕགས་པ། ཞང་དཀོན་ཅོག་དཔལ། རྒྱལ་བ་བྲག་ཕུག་པ་ཆེན་པོ། འཇམ་དབྱངས་དོན་ཡོད་རྒྱལ་མཚན། སློབ་དཔོན་འདུལ་བ་འཛིན་པ། མཁན་ཆེན་བྱང་སེང་བ། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་ཅོག་ལྷུན་གྲུབ། པཎ་ཆེན་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། ཐར་རྩེ་པ་ནམ་མཁའ་སངས་རྒྱས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྗེ་དཀོན་ཅོག་འཕེལ་ནས། རྒྱལ་བ་ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ཡང་ན་དཀོན་ཅོག་ལྷུན་གྲུབ་ནས། ཤར་ཁང་པ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་མན་འདྲ། ཡང་ན་འཕགས་པ་ནས། དགའ་ལྡན་པ་བཀྲ་ཤིས་དཔལ། དགའ་ལྡན་པ་ཀུན་དགའ་བསོད་ནམས། བླ་མ་དཔལ་ལྡན་སེང་གེ །འཇམ་དབྱངས་དོན་ཡོད་རྒྱལ་མཚན་མན་འདྲ། པྲའི་རྟགས་ཡོད་པའི་བརྒྱུད་ལུགས་གཅིག་ནི། འཇམ་དབྱངས་ཛེ་ཏཱ་རི། རྡོ་རྗེ་གདན་པ་ཆེ་བ། ཨ་བྷ་ཡཱ་ཀ་ར། རྡོ་རྗེ་གདན་པ་ཆུང་བ། བ་རི་ལོ་ཙཱ་བ། གོང་མ་ལྔ། ཞང་སྟོན་ཁུ་དབོན། འཇམ་དབྱངས་དོན་ཡོད་རྒྱལ་མཚན། འདུལ་འཛིན་བྱང་

སེང་བ། ཐེག་ཆེན་རིན་པོ་ཆེ། ལུང་རིག་རྒྱ་མཚོ། མཁན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། འབྲི་གུང་མཁན་ཆེན་བྱང་ཆུབ་དབང་རྒྱལ། ཚེ་དབང་བཀྲ་ཤིས། རྣམ་རྒྱལ་བཀྲ་ཤིས། མཁྱེན་རབ་རྣམ་རྒྱལ། ཀུན་དགའ་ལེགས་པ། རྣམ་རིག་པ། ཐོད་དཀར་བ་དཔལ་འབྱོར་གླིང་པ། རབ་འབྱམས་ཆོས་རྗེ། ཁྱབ་བདག་ཁྲ་ཚང་པ། དེས་བདག་ལའོ། །ཉལ་སྒོམ་གྱི་འཁྲིད་དམིགས་ཐོབ་པའི་བརྒྱུད་པ་ནི། ངོར་ཆེན་ནས། རྒྱལ་ཚབ་ཀུན་དབང་། དཀོན་ཅོག་འཕེལ། ས་ལོ། དཀོན་ཅོག་ལྷུན་གྲུབ། དཀོན་ཅོག་རྒྱ་མཚོ། སངས་རྒྱས་རྒྱ་མཚོ། ཁྲི་ཆེན་ཀུན་དགའ་བསོད་ནམས། གླིང་སྟོད་ཆོས་རྗེ་དཀོན་ཅོག་དཔལ་འབྱོར། ཁྱབ་བདག་ཁྲ་ཚང་བ། དེས་བདག་ལའོ། ༈ །སྔགས་རྙིང་མའི་གཏེར་བྱོན་དུ་བདེ་བ་ཅན་གྱི་འཕོ་བ་རྒྱས་པར་སྣང་ཞིང་བསྟན་པ་ཕྱི་དར་ལ་འཕགས་པ་བཟང་པོ་སྤྱོད་པའི་སྨོན་ལམ་ལ་བརྟེན་པའི་གདམས་པ་འདི་ཉིད་ལོ་པཎ་ནས་བརྒྱུད་པའི་ཁུངས་བཙུན་པར་འདུག་ལ་གཞན་མའི་རིགས་སྣ་ཚོགས་བྱུང་བ་ནི་དཔྱད་བཟོད་མི་བཟོད་བརྟག་གོ །ཉིའི་རྟགས་ཡོད་པའི་བརྒྱུད་ལུགས་གཅིག་ནི། བྲག་ཕུག་པ་ནས། བླ་མ་དམ་པ། མཁས་གྲུབ་གཟུངས་ཀྱི་དཔལ་བ། རྗེ་བཟང་པོ་རྒྱལ་མཚན། རྗེ་རྒྱལ་མཚན་དཀོན་ཅོག །རྫོང་ཆུང་པ་རྡོ་རྗེ་རྒྱལ་མཚན། མཚུངས་མེད་དཀོན་ཅོག་དཔལ། རྗེ་ཆོས་དཔལ་འབྱོར། རྒྱ་སྟོན་བྱང་དབང་། པཎ་ཆེན་བདེ་བའི་རྡོ་རྗེ། རྗེ་ལྷ་དབང་འཕྲིན་ལས། མཚུངས་མེད་ཉི་མ་གླིང་པ། ཞ་ལུ་པ་ཆེན་པོ། དེས་བདག་ལའོ། །ཕྲའི་རྟགས་ཡོད་པའི་བརྒྱུད་པ་ནི། ཉི་རྟགས་མཁས་གྲུབ་གཟུངས་དཔལ་ཡོད་པ་དེ་དང་གཅིག །དམར་གྱི་རྟགས་

ཀྱི་བརྒྱུད་པ་ནི། ངོར་ཆེན་ནས། མུས་ཆེན། དཀོན་ཅོག་འཕེལ། ས་ལོ། དཀོན་ཅོག་ལྷུན་གྲུབ། སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཞ་ལུ་པ་ཆེན་པོ། དེས་བདག་ལའོ། ༈ །ཝའི་རྟགས་ཡོད་པའི་བརྒྱུད་པ་ནི། བྲག་ཕུག་པ་ནས། བླ་མ་དམ་པ། དཔལ་ཚུལ་བ། བུདྡྷ་ཤྲཱི། ངོར་ཆེན། མུས་ཆེན། བདག་ཆེན་རྡོ་རྗེ་འཆང་། རྡོ་རིང་རིན་པོ་ཆེ། ཚར་ཆེན། མཁྱེན་བརྩེའི་ཞབས། མཁན་ཆེན་བསླབ་གསུམ་པ། ཁྱབ་བདག་དབང་རབ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡོའི་རྟགས་ཡོད་པའི་བརྒྱུད་པ་ནི། བྲག་ཕུག་པ་ནས། བླ་མ་དམ་པ། ཡར་ཀླུངས་པ་ཁུ་དབོན། ཡབ་འཇམ་དབྱངས་རྗེ། བདག་ཆེན་རྡོ་རྗེ་འཆང་། ཀུན་སྤངས་ཆེན་པོ། ཚར་ཆེན། མཁྱེན་བརྩེའི་ཞབས། བསླབ་གསུམ་པ། རྗེ་དབང་རབ། བཀའ་འགྱུར་བ་ཆེན་པོ། ཟུར་ཐམས་ཅད་མཁྱེན་པ། དེས་བདག་ལའོ། །ཡང་ན་ངོར་ཆེན་ཡན་གསུང་འབུམ་རྟགས་མེད་ཀྱི་བརྒྱུད་པ་ལྟར་ལ། དེ་ནས་དཔལ་ལྡན་རྡོ་རྗེ། རཏྣ་ཤཱི་ལ། རྗེ་སྒོ་རུམ་པ། མཁྱེན་བརྩེའི་ཞབས་མན་འདྲ། མེའི་རྟགས་ཡོད་པའི་བརྒྱུད་པ་ནི། འཕགས་པ་རིན་པོ་ཆེ་ནས། དམ་པ་ཀུན་དགའ་གྲགས། བླ་མ་བདག་ཉིད་ཆེན་པོ། མཁས་བཙུན་ནམ་མཁའ་ལེགས་པ། བླ་མ་དམ་པ། བླ་ཆེན་ཀུན་རྒྱལ་བ། ཡབ་ཆོས་རྗེ། བདག་ཆེན་རྡོ་རྗེ་འཆང་། རྡོ་རིང་པ་ཆེན་པོ། ཚར་ཆེན། མཁྱེན་བརྩེའི་ཞབས། སྔགས་འཆང་བསོད་ནམས་ཆོས་འཕེལ། རྗེ་དབང་རབ། བཀའ་འགྱུར་བ་ཆེན་པོ། ཟུར་ཐམས་ཅད་མཁྱེན་པ། དེས་བདག་ལའོ། ༈ །ཡང་ན་ཚར་ཆེན་ནས། རིན་པོ་ཆེ་བོང་མཁར་བ།

སྤྱན་སྔ་ཆོས་ཀྱི་རྒྱ་མཚོ། རབ་འབྱམས་པ་ཀུན་དགའ་ལྷུན་གྲུབ། ཁྱབ་བདག་བཀའ་འགྱུར་བ་མན་འདྲ། ཙའི་རྟགས་ཡོད་པའི་བརྒྱུད་པ་ནི། བྲག་ཕུག་པ་ནས། བླ་མ་དམ་པ། བླ་ཆེན་ཀུན་རྒྱལ་བ། འཇམ་དབྱངས་ཆོས་རྗེ་ཡབ་སྲས་གཉིས། ཀུན་སྤངས་རྗེ། ཚར་ཆེན། མཁྱེན་བརྩེའི་ཞབས། རྟ་ར་བ། རྗེ་དབང་རབ། ཁྱབ་བདག་བཀའ་འགྱུར་བ། ཟུར་ཐམས་ཅད་མཁྱེན་པ། དེས་བདག་ལའོ། །ཡང་ན་བླ་མ་དམ་པ་ནས། ཡར་ཀླུངས་པ་ཁུ་དབོན། འཇམ་དབྱངས་ཆོས་རྗེ་མན་འདྲ། ལྷུན་གྱི་རྟགས་ཡོད་པའི་བརྒྱུད་པ་ཐར་རྩེ་པ་བཞུགས་པ་གོང་མ་གསུམ་དང་ས་པཎ་གྱི་སྐབས་དང་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། མཁྱེན་རབ་རྗེ་མན་སྔར་བཞིན་ནོ། ༈ །ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད། དེས་མཛད་པའི་ཉིན་ཞག་ཕྲུགས་གཅིག་གི་ཆོས་སྤྱོད་རྣམ་མཁྱེན་དུ་བགྲོད་པ་གཉིས་ཀྱི་ལུང་གི་བརྒྱུད་པ་ནི། ཆོས་རྗེ་ཐམས་ཅད་མཁྱེན་པ། ཐུགས་སྲས་སེམས་དཔའ་ཆེན་པོ། མཁས་པ་ནོར་བཟང་རིན་ཅེན། དཀའ་བཞི་འཛིན་པ་རིན་ཅེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། ཆོས་རྗེ་རིན་ཆེན་རྒྱལ་པོ། རྗེ་དོན་གྲུབ་རྒྱལ་མཚན། བྱང་གླིང་པ་བཀྲ་ཤིས་རྒྱལ་མཚན། དྲུང་པ་ཀུན་དགའ་བཀྲ་ཤིས། ཆོས་རྗེ་དཀོན་ཅོག་རྒྱལ་མཚན། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ ། ཐམས་ཅད་མཁྱེན་པ་བུས་མཛད་པའི་རྒྱུད་སྡེ་སྤྱི་རྣམ་ཆེན་མོའི་བརྒྱུད་པ་ནི། ཐམས་ཅད་མཁྱེན་པ། སྒྲ་ཚད་པ། ལྕེ་ནམ་མཁའ་མཆོག་གྲུབ། མཁས་པ་ཙནྡྲ། འཁྲུལ་ཞིག་རིན་པོ་ཆེ། མཁྱེན་རབ་རྗེ་མན་
གོང་བཞིན་ནོ། །ཐུགས་སྲས་སེམས་དཔའ་ཆེན་པོས་མཛད་པའི་ཀུན་མཁྱེན་བུ་སྟོན་གྱི་བསྟོད་པ་དཔལ་གང་དྲིན་མའི་ལུང་ནོས་པའི་བརྒྱུད་པ་ནི། ཐུགས་སྲས་སེམས་དཔའ་ཆེན་པོ། དཀའ་བཞི་འཛིན་པ་རིན་ཅེན་རྒྱལ་མཚན་མན། གསུང་རབ་རིན་པོ་ཆེའི་མཛོད་ཀྱི་བརྒྱུད་པ་བཞིན་ནོ། ༈ །ཇོ་བོ་ཆེན་པོ་ནས་བརྒྱུད་པའི་མན་ངག་ཕྱིན་ཅི་མ་ལོག་པ་ཡུམ་བསྒྲུབ་བྱ་ཚུལ་མཁན་ཆེན་དཀའ་བཞི་པའི་གསུང་ཇི་ལྟ་བ་བཞིན་བཀོད་པའི་ལུང་ནོས་པའི་བརྒྱུད་པ་ནི། ཐུབ་པའི་དབང་པོ། རྗེ་བཙུན་སྒྲོལ་མ། ཇོ་བོ་ཆེན་པོ་ཨ་ཏི་ཤ །དེ་དབོན་དཱ་ན་ཤཱི་ལ། བྱང་སེམས་ཟླ་བ་རྒྱལ་མཚན། དབང་བཀའ་གདམས་པ། སྐྱེར་སྒང་པ་ཆོས་ཀྱི་སེང་གེ །སངས་རྒྱས་སྒོམ་པ་སེང་གེ་སྐྱབས། སློབ་དཔོན་དཀོན་ཅོག་གྲགས། མཁན་ཆེན་བདེ་བ་དཔལ། མཁན་ཆེན་དཀའ་བཞི་པ། མཁན་ཆེན་བསོད་ནམས་གྲགས་པ། ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་སེམས་དཔའ་ཆེན་པོ། བླ་མ་བཀྲ་ཤིས་རིན་ཅེན། རྡོ་རྗེ་འཆང་ཀུན་དགའ་བཟང་པོ་ནས་རིམ་པར་བརྒྱུད་དེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །སྒྲ་ཚད་པ་རིན་ཅེན་རྣམ་རྒྱལ་གྱིས་མཛད་པའི་སྐྱེ་བ་བརྟག་པའི་ལུང་ནོས་པའི་བརྒྱུད་པ་ནི། ཐུགས་སྲས་སེམས་དཔའ་ཆེན་པོ་ནས་རིམ་པར་བརྒྱུད་དེ། ཆོས་རྗེ་དཀོན་ཅོག་རྒྱལ་མཚན། རྡོ་རྗེ་འཆང་མཁན་ཆེན་ཞ་ལུ་པ། དེས་བདག་ལའོ།

རྒྱལ་སྲས་ཐོགས་མེད་ཀྱི་བཀའ་འབུམ་སོགས་གསན་པའི་ལུང་བརྒྱུད།

རྒྱལ་བའི་སྲས་པོ་འཇིག་རྟེན་དབང་ཕྱུག་ཐོགས་མེད་བཟང་པོ་དཔལ་བའི་བཀའ་འབུམ་གྱི་སྐོར་ལ། བཤེས་གཉེན་ཐར་པ་དཔལ་

གྱིས་བསྐུལ་བའི་དོན་དུ་མཛད་པའི་འཇམ་དབྱངས་འཁོན་སྟོན་ཐུགས་རྗེ་རིན་ཅེན་གྱི་བསྟོད་པ་སྔོན་སྦྱངས་མ། བྱང་སེམས་རིན་ཅེན་མགོན་གྱི་བསྟོད་པ་རིན་པོ་ཆེའི་ཅོད་པན་ནམ་སྤྱི་གཙུག་ཉི་ཟླ་མ། ཡང་དེའི་བསྟོད་པ་དད་པ་སྐྱེད་བྱེད་མཁྱེན་རབ་མ། མཁན་ཆེན་བྱང་ཆུབ་རྩེ་མོས་བསྐུལ་བ་ལྟར་མཛད་པའི་སྙིགས་དུས་ཀྱི་ཐམས་ཅད་མཁྱེན་པ་དཔང་ལོ་ཙཱ་བ་བློ་གྲོས་བརྟན་པའི་གསོལ་འདེབས་སྐུ་ཚེ་དཔག་མེད་མ། བཤེས་གཉེན་འཇམ་དབྱངས་དཀར་པོས་བསྐུལ་བའི་ངོར་མཛད་པའི་ཆོས་རྗེ་བུ་སྟོན་རིན་པོ་ཆེ་ཐམས་ཅད་མཁྱེན་པའི་གསོལ་འདེབས་ཚོགས་གཉིས་མ། བཤེས་གཉེན་མི་ཉག་བློ་ལྡན་དཔལ་དང་སློབ་དཔོན་དཔལ་ལྡན་ཡེ་ཤེས་གཉིས་ཀྱིས་བསྐུལ་ངོར་མཛད་པའི་དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱི་གསོལ་འདེབས་ལེགས་རྒྱུ་དགེ་ཚོགས་མ། བྱ་བྲལ་བ་དཔལ་རིན་གྱིས་བསྐུལ་བའི་ངོར་མཛད་པའི་ཕྱག་ཆེན་ལྷན་ཅིག་སྐྱེས་སྦྱོར་གྱི་བརྒྱུད་འདེབས་གནས་སྤྱི་གཙུག་མ། དམར་འཁྲིད་བརྒྱུད་པའི་བླ་མ་ལ་ཕྱག་འཚལ་བ་ཤེས་བྱ་མ་ལུས་མ། བཤེས་གཉེན་ཤེས་རབ་བཟང་པོས་བསྐུལ་བའི་ངོར་མཛད་པའི་ཐེག་པ་ཆེན་པོ་བློ་སྦྱོང་གི་བརྒྱུད་འདེབས་ཚོགས་གཉིས་རབ་རྫོགས་མ། རྟེན་འབྲེལ་སྙིང་པོའི་བརྒྱུད་པའི་གསོལ་འདེབས་ཐེག་བདེ་མ། བཅུ་གཅིག་ཞལ་གྱི་སྨྱུང་གནས་བརྒྱུད་པ་ལ་ཕྱག་འཚལ་བ་འགྲོ་ཀུན་མ། དོན་ཡོད་ཞགས་པ་ལྷ་ལྔ་བརྒྱུད་པ་དང་བཅས་པ་ལ་བསྟོད་པ་འགྲོ་བའི་སྐྱབས་གཅིག་མ། སེམས་ཙམ་ལུགས་ཀྱི་བྱང་སེམས་སྡོམ་པའི་བརྒྱུད་འདེབས་མཁྱེན་བརྩེ་མ། བླ་མ་སེ་སྟོན་གྱིས་བསྐུལ་བའི་ངོར་མཛད་པའི་དབུ་མ་ལུགས་ཀྱི་སྨོན་འཇུག་སེམས་བསྐྱེད་

ཀྱི་བརྒྱུད་འདེབས་ཤེས་བྱ་མ་ལུས་མ། བྱམས་ཆོས་པ་བྱང་ཆུབ་རྒྱལ་མཚན་གྱི་ངོར་མཛད་པའི་བླ་ཆེན་ལུགས་ཀྱི་བསྙེན་རྫོགས་སྡོམ་པའི་བརྒྱུད་འདེབས་ཐམས་ཅད་མཁྱེན་པ་མ། བཤེས་གཉེན་ཤཱཀྱ་ཡེ་ཤེས་ཀྱི་ངོར་མཛད་པའི་སུམ་པ་ལོ་ཙཱའི་སྙན་བརྒྱུད་ཀྱི་བརྒྱུད་འདེབས་ཟག་མེད་མ། སྐྱིད་སྡུག་ལམ་ཁྱེར་གྱི་བརྒྱུད་འདེབས་རིག་པའི་གནས་ལྔ་མ། བླ་མ་སེ་སྟོན་གྱིས་བསྐུལ་བའི་ངོར་མཛད་པའི་སྙིང་པོ་དོན་གསུམ་གྱི་བརྒྱུད་འདེབས་རབ་མཛེས་མ། ཕྱོགས་བཅུའི་སངས་རྒྱས་ལ་བསྟོད་པ་རྒྱལ་བ་མཉེས་བྱེད་ཤར་ཕྱོགས་མ། མཁན་ཆེན་དཀའ་བཞི་པ་གྲགས་པ་གཞོན་ནུས་མཛད་པའི་ཆོག་ཁྲིགས་ལྟར་སྨན་བླ་བདེ་གཤེགས་སྡེ་བརྒྱད་ཀྱི་ལྷ་ཚོགས་རྣམས་ཀྱི་བསྟོད་པ་རྒྱལ་བ་མཉེས་པར་བྱེད་པའི་མཆོད་པ་བླ་མེད་གསེར་མདོག་མ། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མདོའི་གླིང་གཞི་ལས་བྱུང་བའི་བྱང་ཆུབ་སེམས་དཔའ་བཅུ་དྲུག་གི་བསྟོད་པ་མཁྱེན་རབ་མ། སྨན་བླ་དེ་བཞིན་གཤེགས་པ་བདུན་གྱི་འཁོར་གྱི་ལྷ་ཚོགས་ལ་ཕྱག་འཚལ་བ་བཅོམ་ལྡན་འདས་མ། ཇོ་བོ་སྐོར་བ་རྣམས་ཀྱི་དོན་དུ་མཛད་པའི་སངས་རྒྱས་བཅོམ་ལྡན་འདས་ལ་བསྟོད་པ་དང་པོ་བྱང་ཆུབ་མ། བཤེས་གཉེན་དཔལ་ལྡན་ཡེ་ཤེས་ཀྱི་ངོར་མཛད་པའི་འཇམ་དཔལ་དབྱངས་ཀྱི་བསྟོད་པ་དུས་གསུམ་རྒྱལ་བ་མ། འཕགས་པ་སྤྱན་རས་གཟིགས་དབང་ཕྱུག་གི་བསྟོད་པ་ཚིག་རྒྱན་མེ་ཏོག་གི་འཕྲེང་བ་མཚན་དཔེ་ཆ་ཤས་མ། ཡང་དེ་ཉིད་ལ་བསྟོད་པ་ཤླཽ་ཀ་ཉི་ཤུ་རྩ་ལྔ་པ། བཅོམ་ལྡན་འདས་བྱམས་པ་མགོན་པོ་ལ་བསྟོད་ཅིང་གསོལ་བ་གདབ་པ་སྟོབས་བཅུ་མ། བཅོམ་ལྡན་

འདས་མ་སྒྲོལ་མ་ལ་བསྟོད་པ་མཁྱེན་བརྩེ་མ། རང་གཞན་ལ་ཕན་པའི་དོན་དུ་མཛད་པའི་རྒྱལ་སྲས་ལག་ལེན་མ། གཉེན་པོ་བསྟེན་པའི་ཚིགས་སུ་བཅད་པ་ཚུལ་བཞིན་ཡིད་བྱེད་མ། སྡིག་སྤོང་དགེ་སྒྲུབ་ལ་བསྐུལ་བ་དགེ་བ་དགེ་བཤེས་མ། ཆོས་ལ་བསྐུལ་བའི་གཏམ་རིན་པོ་ཆེའི་རྒྱན་གྱི་མཆོད་སྡོང་མ། རང་གི་སེམས་ལ་གྲོས་འདེབས་པ་གང་ཞིག་སྐྱོན་བྲལ་མ། རང་ལ་གྲོས་འདེབས་པའི་གཏམ་ཨང་དྲུག་མ། སློབ་མ་རྣམས་ལ་སྙིང་གཏམ་དུ་གསུངས་པ་དཔག་ཡས་མཁྱེན་བརྩེ་མ། རང་ལ་བསྐུལ་བ་མཁྱེན་བརྩེ་ནུས་པ་མ། རང་ལ་བསྐུལ་བ་སྔར་སྤྱད་བདེ་སྡུག་མ། རང་གི་སེམས་ལ་འདྲི་བར་བསྐུལ་བ་ཉོན་མོངས་དུག་ལྔ་མ། སྒོ་ཡིག་དང་པོ་བདག་ལ་ཕྲད་འདོད་མ། སྒོ་ཡིག་གཉིས་པ་བདག་ནི་སྔོན་ལས་མ། སྨོན་འཇུག་གི་སེམས་བསྐྱེད་པའི་ཆོ་ག་ཇོ་བོ་ཆེན་པོའི་གཞུང་ལས་ཇི་ལྟར་བྱུང་བ་བཞིན་མཛད་པ། ཇོ་བོ་ཆེན་པོས་མཛད་པའི་རྗེས་སུ་འབྲངས་ཏེ་བདག་ཉིད་ཀྱི་བྱང་ཆུབ་མཆོག་ཏུ་སེམས་བསྐྱེད་པའི་ཆོ་གའམ་སེམས་བསྐྱེད་དང་སྡོམ་པ་རང་གིས་བླང་བའི་ཆོ་ག །དགེ་བའི་བཤེས་གཉེན་འཇམ་དཔལ་རྡོ་རྗེ་སྙིང་པོས་བསྐུལ་བའི་ངོར་མཛད་པའི་སློབ་དཔོན་ཆེན་པོ་ཞི་བ་ལྷ་ལུགས་ཀྱི་སྨོན་འཇུག་བྱང་ཆུབ་ཀྱི་སེམས་བསྐྱེད་པའི་ཆོ་ག །རྣལ་འབྱོར་པ་གྲགས་པ་རྒྱལ་མཚན་གྱིས་བསྐུལ་བའི་ངོར་མཛད་པའི་བློ་སྦྱོང་དོན་བདུན་མའི་འཁྲིད་ཡིག །སྨྱུང་བར་གནས་པའི་ཆོ་ག་ཐུགས་རྗེ་ཆེན་པོའི་སྒྲུབ་ཐབས་བྱང་ཆུབ་སེམས་དཔའ་རྣམས་ཀྱི་ལམ་ཆེན། ལས་དང་པོ་པ་འགའ་ཞིག་གི་དོན་དུ་གསུངས་པའི་ཐུགས་རྗེ་ཆེན་པོའི་སྒོམ་བཟླས་བསྡུས་པ། བྱ་བྲལ་བ་དཔལ་འབྱོར་བཟང་པོའི་ངོར་གནང་བའི་ཐུགས་རྗེ་ཆེན་པོའི་

གཏོར་མ། བླ་ན་མེད་པའི་བྱང་ཆུབ་ཐོབ་པར་འདོད་པའི་གང་ཟག་རྣམས་ཀྱི་ཆོས་སྤྱོད་ཀྱི་རིམ་པ་ལ་སྐྱབས་འགྲོ། ཟས་ཀྱི་སྒོ་ནས་ཚོགས་གསོག་པ། ཡན་ལག་བདུན་པ། གཏོར་མ་བརྒྱ་རྩ། ཡི་དྭགས་ཀྱི་ཆུ་སྦྱིན། དབྱུག་གུ་དྲུག་ཅུ་རྩ་བཞི། བྲུལ་གཏོར། ཛམ་ལྷའི་ཆུ་སྦྱིན། དཀར་ཆ་བཞི། སཱཙྪ་གདབ་པའི་རིམ་པ། བླ་མ་ལ་གསོལ་བ་གདབ་པ། ཡང་དག་པའི་དོན་སྤྲོས་བྲལ་བསྒོམ་པ། རྟེན་འབྲེལ་སྙིང་པོའི་འཁྲིད་དམིགས་པ་ཟུར་འདེབས་གསུམ་དང་བཅས་པ། བྱ་བྲལ་བ་དཔལ་འབྱོར་བཟང་པོས་བསྐུལ་བའི་ངོར་མཛད་པའི་འོད་དཔག་མེད་ཀྱི་བླ་མའི་རྣལ་འབྱོར། ངན་སོང་སྦྱོང་བའི་མངོན་རྟོགས་ཤིན་ཏུ་བསྡུས་པ་དགེ་བའི་བཤེས་གཉེན་ཀུན་ལེགས་པའི་ངོར་མཛད་པའི་སྐྱིད་སྡུག་ལམ་ཁྱེར་གྱི་ཁྲིད། རྒྱལ་མཚན་དཔལ་གྱིས་བསྐུལ་བའི་ངོར་མཛད་པའི་བྱང་སེམས་རིན་ཅེན་མགོན་གྱི་ནང་རྟེན་དཀར་ཆག །བསོད་ནམས་འོད་ཟེར་གྱི་དོན་དུ་མཛད་པའི་ལམ་རིམ་རྒྱས་པ་ཆོས་ཚུལ་བཞིན་དུ་ཉམས་སུ་ལེན་པའི་མན་ངག །ཕ་ཇོ་གཡུང་དྲུང་དཔལ་གྱི་དོན་དུ་མཛད་པའི་ལམ་རིམ་བསྡུས་པ་ཡང་དག་སྒྲུབ་པ། ཡང་དེའི་དོན་དུ་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས་གསུངས་པའི་ཡན་ལག་བདུན་པ། ལ་ཤིང་མཁན་པོ་ཤེས་རབ་གྲུབ་ཀྱིས་བསྐུལ་བའི་ངོར་མཛད་པའི་ཞལ་གདམས་ཚུལ་གནས་མ། བཤེས་གཉེན་རབ་རྩེ་ནམ་མཁའ་འགྲུབ་ལ་གདམས་པའི་བློ་སྦྱོང་ཕར་ཕྱིན་དྲུག་ལྡན་མ། ཡང་དེ་ལ་གསུངས་པའི་ཞལ་གདམས་ཐུགས་རྗེ་ཆེན་པོ་མ། སྟག་ལུང་པ་ཤཱཀྱ་དཔལ་བཟང་པོ་ལ་གསུངས་པའི་ཞལ་གདམས་ཤཱཀྱ་བསྟན་འཛིན་མ། ཡང་དེ་ལ་གསུངས་པའི་ཞལ་གདམས་

ཆོས་བརྒྱད་ལམ་དུ་སློང་བ། ཡང་དེ་ལ་གདམས་པའི་སྦྱོར་དངོས་རྗེས་གསུམ་ཚང་བའི་བློ་སྦྱོང་དལ་འབྱོར་རྙེད་དཀའ་མ། སྟག་ལུང་ཀ་དྲུག་པ་ལ་གསུངས་པའི་ཞལ་གདམས་རྒྱལ་བ་རྒྱ་མཚོ་མ། སི་ཏུ་ཆེན་པོ་ལ་ནག་ཅན་ཞིག་སྐྱོབ་པའི་ཕྱིར་དུ་ཕུལ་བའི་འཕྲིན་ཡིག་མཆོད་གནོད་མ། བླ་མ་རྫོགས་ཆེན་པ་ཆོས་ཉིད་རྒྱལ་མཚན་གྱི་དྲིས་ལན་དཀོན་ཅོག་མ། བཤེས་གཉེན་དཔལ་ལྡན་ཡེ་ཤེས་ཀྱིས་བསྐུལ་བའི་ངོར་མཛད་པའི་གནོད་བྱེད་ལ་ཕན་གདགས་པའི་དམ་བཅའ་དང་སྨོན་ལམ་སྔོན་བཅོམ་མ། ལྷག་བསམ་ཟླ་བ་ཚེས་པས་བསྐུལ་ནས་དམ་ཆོས་ཚུལ་བཞིན་སྒྲུབ་པའི་ཐབས་ཡོན་ཏན་འོད་ཟེར་མ། བསོད་ནམས་དཔལ་གྱིས་བསྐུལ་བའི་ངོར་མཛད་པའི་ལྟ་སྒོམ་སྤྱོད་འབྲས་གཞི་ལམ་འབྲས་བུའི་ངོས་འཛིན་ཐུགས་རྗེ་ཆེན་པོ་མ། དྲུང་ནས་པའི་དྲིས་ལན་བསམ་མི་ཁྱབ། རྒྱལ་སྲས་ཀྱི་སྤྱོད་པ་ལ་བསླབ་པའི་སྨོན་ལམ་བདག་གམ་བདག་བཤེས་མ། རིགས་དང་བསོད་ནམས་ཐུགས་དགོངས་ཕུན་སུམ་ཚོགས་པ་དང་ལྡན་པ། བྱམས་ཆེན་པར་ཕུལ་བའི་ཞུ་འཕྲིན། ཆེན་པོ་བསོད་ནམས་བཟང་པོའི་ཐུགས་དམ་བསྐུལ་བ་སྔོན་ཆད་བསོད་ནམས་མ། བྱང་པ་དཔོན་ཤཱཀྱ་བཟང་པོ་ཞབས་བསྙུན་པའི་དུས་གདམས་པ། སྟག་ལུང་སངས་རྒྱས་དཔལ་ལ་དམ་བཅའ་བརྟེན་པའི་དོན་དུ་གདམས་པ་གནོད་བྱེད་མ། སློབ་དཔོན་ནམ་མཁའ་རིན་ཅེན་དཔལ་བཟང་པོ་ལ་གདམས་པ་བདེ་ལམ་མ། དེས་བསྐུལ་བའི་ཕར་ཕྱིན་དྲུག་གི་ངོས་འཛིན་ཡོན་ཏན་དཀྱིལ་འཁོར་མ། རོང་པ་ཆོས་བློའི་དོན་དུ་མཛད་པའི་དཀོན་ཅོག་གི་ངོས་འཛིན་སྒྲིབ་གཉིས་མ། བོན་པོ་ཁྱི་ཐུལ་གྱི་སེམས་ལ་ཕན་པའི་གདམས་པ། མཁན་པོ་ལོ་ཙཱ་བ་

བྱང་ཆུབ་རྩེ་མོའི་དྲིས་ལན་མཉམ་མེད་མ། ས་སྐྱ་དགེ་བཤེས་ཤིག་གིས་དྲིས་ལན་ནད་ལ་སོགས་པ་ལམ་དུ་འཁྱེར་ཚུལ་བདག་ཞེན་མ། དགེ་བཤེས་ཤཱཀྱ་བསོད་ནམས་ལ་གདམས་པ་ཤཱཀྱ་སེང་མ། སློབ་དཔོན་ནམ་མཁའ་དཔལ་གྱི་འཕྲིན་ལན། དེ་ལ་གདམས་པ་དམ་ཆོས་མཐར་ཐུག་རིན་ཅེན་འཕྲེང་བ་འཕྲིན་ལས་བཟང་པོ་མ། གནས་རྙེད་པ་རྒྱལ་དབང་ལ་གདམས་པ་བློ་དཀོན་ཅོག་མ། སློབ་དཔོན་ཆེན་པོ་གྲགས་པ་རིན་ཅེན་ལ་གདམས་པ་བསླབ་གསུམ་མ། སློབ་དཔོན་ལྡོང་སྟོན་གྱིས་བསྐུལ་བ་ལ་བརྟེན་ནས་གདམས་པ་ཕན་བདེ་མ། སློབ་དཔོན་ཆོས་བློ་དབོན་པོ་ཀུན་དགའ་རྒྱལ་མཚན་ལ་གདམས་པ་ཤེས་བྱ་མ་ལུས་མ། དེ་ལ་གདམས་པ་ཆོས་ཀྱི་བློ་གྲོས་མ། ཡང་དེ་ཉིད་ཆོས་ལ་བསྐུལ་ཕྱིར་ཐོགས་མེད་ཅེས་བྱས་སྦྱར་བ། མཁན་ཆེན་གྲོ་ས་པ་ལ་ཕུལ་བའི་ཞུ་འཕྲིན་ཡང་དག་མ། སློབ་དཔོན་ཆོས་མཆོག་ལ་ཕུལ་བའི་ཞུ་འཕྲིན། དེ་ཉིད་ཤིག་ནད་ཀྱིས་བསྙུན་དུས་སུ་ཕུལ་བའི་ཞུ་འཕྲིན། བླ་མ་སྤོ་ཏོག་པའི་དོན་དུ་གདམས་པ་དལ་འབྱོར་རིན་ཅེན་མ། སྦུད་སྒྲའི་རྟོགས་ལྡན་བསོད་ནམས་རིན་ཅེན་གྱི་དམ་བཅའ་བཞི་པོ་བརྟན་པའི་དོན་དུ་མཛད་པ་དངོས་གྲུབ་རྩ་བ་མ། འོད་ཟེར་བཟང་པོ་ལ་གདམས་པ་ཉེས་པའི་འབྱུང་གནས་མ། ཡང་དགོན་གདན་ས་པ་བླ་མ་རི་པ་གཞོན་ནུ་རྒྱལ་མཚན་གྱི་ཐུགས་དམ་གསལ་འདེབས་དལ་འབྱོར་རིན་ཅེན་མ། རྩིབས་རི་བ་སློབ་དཔོན་གཞོན་ནུ་བྱང་ཆུབ་ཀྱི་དམ་བཅའ་བརྟན་པའི་དོན་དུ་མཛད་པ་གཞན་ཕན་མ། སྒོམ་ཆེན་པ་བསོད་ནམས་རྒྱལ་མཚན་ལ་གདམས་པ་ཆོས་ཀུན་མ། ཁམས་པ་བློ་གྲོས་དཔལ་ལ་གདམས་པ་དལ་འབྱོར་མི་ལུས་མ། མི་ཉག་རྒྱལ་མཚན་འབུམ་

གྱི་དོན་དུ་གདམས་པ་དལ་འབྱོར་རྙེད་དཀའ་མ། མི་ཉག་བླ་མ་རབ་སྟོན་འཇམ་དབྱངས་གྲགས་པ་ལ་གདམས་པ་སྙིགས་དུས་མ། རིན་པོ་ཆེ་སྐྱོབ་པ་དཔལ་ལ་གདམས་པ་སེམས་རྟོག་མེད་མ། རྒྱལ་སྲས་ལག་ལེན་གྱི་ཕ་ཡུལ་སྤོང་བའི་སྐབས་སུ་བླང་དོར་བྱེད་པ་དང་བརྗེད་པའི་གཏི་མུག་མུན་ནག་ཅན་གཉིས་པོ་གང་ཡིན་ལ་འགའ་ཞིག་མ་འཆམ་པར་རྒྱལ་བཙུགས་པ་ཡིན་ཟེར་ནས་དྲིས་པའི་ལན། ནམ་མཁའ་བཟང་པོས་དྲིས་པའི་ལན་དཀོན་ཅོག་མ། དགེ་སློང་ཆོས་དབང་རིན་ཅེན་གྲོགས་མཆེད་གཉིས་ཀྱི་འཕྲིན་ལན། བཤེད་གསར་བ་རྣམས་ཀྱི་དོན་དུ་མཛད་པའི་ཚོགས་ཀྱི་གཏམ། མ་ཎི་བ་ཟླ་བཟང་གི་དྲང་པོའི་གཏམ། བྱ་བྲལ་བ་རིན་ཅེན་དཔལ་གྱིས་བསྐུལ་བའི་ངོར་མཛད་པའི་བསྔོ་བ། དཔོན་རིན་ཅེན་བཟང་པོའི་དོན་དུ་མཛད་པའི་སྨོན་ལམ་བདག་གི་སྐྱ་ཞིང་མ། ལམས་པ་མ་ཎི་བས་བསྐུལ་བའི་ངོར་མཛད་པའི་སྨོན་ལམ་བདག་ནི་བྱང་ཆུབ་མ། དཔོན་རིན་གྱི་ཡུམ་བར་མ་གསེར་ལས་བཞེངས་པའི་རབ་གནས་ཀྱི་དོན་དུ་མཛད་པའི་བཀྲ་ཤིས་ཐུགས་དབང་མ། བཤེས་གཉེན་རྒྱལ་མཚན་དར་རས་རྐྱང་པའི་ཁ་ཆེམས་དྲིས་ལན་གཏུམ་མོ་འབར་བ་མ་རྣམས་ཀྱི་ལུང་ལེགས་པར་ཐོབ་པའི་བརྒྱུད་པ་ནི། རྒྱལ་བའི་སྲས་པོ་ཐོགས་མེད་བཟང་པོ་དཔལ། རྒྱ་མ་བ་ཡོན་ཏན་འོད། བྱང་སེམས་འཕགས་པ་བློ་འཕེལ། སྤྱན་སྔ་ཚུལ་ཁྲིམས་དར། སྤྱན་སྔ་བསོད་ནམས་ལྷ་དབང་། སྤྱན་སྔ་ངག་དབང་ཆོས་གྲགས་རྒྱལ་མཚན། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་སྩལ་ཏོ། ༈ །ཀུན་

མཁྱེན་གཡག་པ་དང་པཎ་ཆེན་ངག་དབང་ཆོས་གྲགས་ཀྱིས་མཛད་པའི་ཡི་གེའི་སྟེང་ནས་འཇམ་མགོན་ས་སྐྱ་པཎྜི་ཏའི་བསྟོད་པ་དང་རྗེས་སུ་འབྲེལ་བའི་བླ་མའི་རྣལ་འབྱོར་བྱིན་རླབས་ཀྱི་ཚུལ་དུ་ནོས་ཤིང་། བསྟོད་པ་ཆོས་རྒྱལ་མ་བླ་མའི་རྣལ་འབྱོར་གྱི་ཡི་གེ་གཡག་ཕྲུག་མི་ཕམ་སངས་རྒྱས་དཔལ་གྱིས་མཛད་པ། བྱིན་རླབས་ཀྱི་ཡི་གེ་པཎ་ཆེན་ངག་དབང་ཆོས་གྲགས་ཀྱིས་མཛད་པ། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་ཀྱིས་མཛད་པའི་འཇམ་དབྱངས་བླ་སྒྲུབ་ཚིགས་བཅད་མཆན་བུ་མ་རྣམས་ཀྱི་ལུང་དང་བཅས་ཐོབ་པའི་བརྒྱུད་པ་ནི། འཇམ་མགོན་ས་སྐྱ་པཎ་ཆེན། བླ་མཆོད་གོང་མ་ཏོག །ཏི་ཤྲཱི་གྲགས་པ་འོད་ཟེར། སྤྲོ་ལུང་པ་ཀུན་དགའ་སྨོན་ལམ། བྱང་པ་དཀོན་ཅོག་གྲགས་པ། གཡག་མི་ཕམ་ཆོས་ཀྱི་བླ་མ། རོང་སྟོན་ཤེས་བྱ་ཀུན་རིག །རིག་པའི་དབང་ཕྱུག་དགེ་བ་རྒྱལ་མཚན། འབྲས་མོ་བ་བསོད་ནམས་རྒྱ་མཚོ། མདོ་ཁམས་པ་ཡོན་ཏན་རྒྱ་མཚོ། དྲིན་ཅན་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། པཎ་ཆེན་ངག་དབང་ཆོས་གྲགས། ས་ཆེན་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ །རྗེ་བཙུན་རེ་མདའ་བ་ཆེན་པོས་མཛད་པའི་རྒྱན་དྲུག་མཆོག་གཉིས་ཀྱི་བསྟོད་པ་འཇམ་དབྱངས་དཀོན་ཅོག་ཆོས་འཕེལ་ལ་ཞུས། བརྒྱུད་པ་མ་བྱུང་། །མཁས་གྲུབ་ཁྱུང་པོ་རྣལ་འབྱོར་གྱི་མན་ངག་གུར་བརྒྱད་རྩ་འགྲེལ་གྱི་ལུང་འཇམ་དབྱངས་དཀོན་ཅོག་ཆོས་

འཕེལ་ལ་ཞུས་བརྒྱུད་པ་མ་བྱུང་། ༈ །དཔལ་ཁྲོ་ཕུ་བའི་མན་ངག་བརྒྱ་རྩའི་སྐོར་ལ། པཎ་ཆེན་ཤཱཀྱ་ཤྲཱི་དང་སིདྷ་ལའི་དགྲ་བཅོམ་པའི་ལོ་རྒྱུས། ཡུམ་ཆེན་མོའི་བསྲུང་བ་ཟབ་མོ། ཕྱག་རྒྱ་ཆེན་པོ་ཅིག་ཅར་དུ་སྟེན་པ་ཞེས་ཀྱང་བྱ་རང་བཞིན་མཚན་ཉིད་ངོ་བོ་གསུམ་གྱི་ངོ་སྤྲོད། འཕྲིན་ཡིག་རྨི་ལམ་མ། ཁ་སཪྤཱ་ཎའི་འཇིག་རྟེན་དབང་ཕྱུག་གི་སྒྲུབ་ཐབས་ཤཱནྟ་ཀ་རས་མཛད་པ། དཔེ་དོན་བཅུ་གཉིས་ཀྱི་མན་ངག །ཏིང་ངེ་འཛིན་གྱི་དབང་བསྐུར། འཇིག་རྟེན་དབང་ཕྱུག་ལྷ་ལྔའི་སྒྲུབ་ཐབས་ཤྲཱི་མི་ཏྲ་ཨཱ་ནནྡའི་གདམས་པ། མན་ངག་གནད་ཀྱི་ལྡེ་མིག་ལྷུག་པར་བཤད་པ། ཉི་ཟླ་འབར་འཛག་ཤྲཱི་མི་ཏྲ་ཨཱ་ནནྡའི་གདམས་པ། བདེ་ཆེན་གྱི་བར་དོའི་གདམས་ངག །མཎྜལ་གྱི་ཆོ་ག །བྱམས་པའི་སྒྲུབ་ཐབས་པཎ་ཆེན་ཤཱཀྱ་ཤྲཱིས་ཞལ་གཟིགས་ནས་མཛད་པ། ཆོས་རྗེ་ཤཱཀྱ་ཤྲཱི་ལ་གསོལ་བ་འདེབས་པ་གདུང་བའི་ཤུགས་རིངས། རིན་ཅེན་འབྲུ་དགུའི་གདམས་པ། ཁ་སཪྤཱ་ཎི་འཁོར་ལོ་རྣམ་གསུམ་དམ་ཚིག་བཞི་ཞེས་བཤད་པའི་མན་ངག །དཔལ་ནག་པོ་ཆེན་པོའི་སྒྲུབ་ཐབས་གཉིས། འཛབ་འགྱུར་བཅོ་བརྒྱད་པ། རྒྱལ་ཆེན་རྣམ་སྲས་རྒྱ་ནག་མ་སྤྱན་དྲངས་པའི་གསང་སྔགས། འཕགས་མ་སྒྲོལ་མས་དམ་བཅས་པའི་གཟུངས། པཎ་ཆེན་ཤཱཀྱ་ཤྲཱིའི་པུར་སྦྱངས་པའི་ཚེ་ནམ་མཁའ་ནས་རོལ་མོའི་སྒྲ་ལས་བྱུང་བའི་ཚིགས་བཅད། ནམ་མཁའི་སིལ་སྙན་ལས་བྱུང་བའི་གདམས་པ་བདུན་ཕྲག་བདུན་མ། པཎ་ཆེན་ཤཱཀྱ་ཤྲཱི་སྐུ་གཤེགས་པའི་དུས་སུ་རཱ་ཧུ་ལ་ཤྲཱི་ལ་སོགས་པའི་པཎྜི་ཏ་བཞིས་སྦྱར་བ། མཆོད་པའི་སྤྲིན་གྱི་གཟུངས། བྱང་ཆུབ་སེམས་དཔའི་སྤྱོད་ཡུལ་ཡོངས་སུ་དག་པའི་མདོའི་དོན་མདོར་བསྡུས་པ་སྒྲ་གཅན་འཛིན་བཟང་པོའི་

ཞབས་ཀྱིས་མཛད་པ། བྱང་ཆུབ་སེམས་དཔའི་ལམ་མདོར་བསྡུས་པའི་བསྡུས་དོན། བྱང་ཆུབ་སེམས་དཔའི་ལམ་གྱི་རིམ་པ་མདོར་བསྡུས་པ་པཎ་ཆེན་གྱིས་མཛད་པ། དཔལ་རྟ་མགྲིན་གྱི་སྒྲུབ་ཐབས་བརྟག་པའི་རྒྱལ་པོ་བདུན་བརྒྱ་པ་ལས་བཏུས་པ། ཆོས་རྗེའི་གསུང་སྔ་ཕྱི་གོ་བསྒྱུར་གྱི་མན་ངག །གདོན་བགེགས་ལྟར་བསྒྲུབ་པའི་གདམས་པ། དེའི་བསྡུས་དོན། བསྲེ་བ་བཞིའི་གདམས་པ། དེའི་སྙིང་བྱང་། མན་ངག་གནད་ཀྱི་ལྡེ་མིག །རྣལ་འབྱོར་བདུན་གྱི་ལམ་རྣམ་པར་ངེས་པ་དེ་ཁོ་ན་ཉིད་རྣལ་འབྱོར་དུ་མཚོན་པའི་མན་ངག །རང་གི་སེམས་ཀྱི་མདུད་པ་འགྲོལ་བའི་མན་ངག །ཕྱག་རྒྱ་ཆེན་པོ་ཆིག་ཆོད་ཀྱི་དོ་ཧ། ཁ་སཪྤཱ་ཎི་ཡབ་ཡུམ་གྱི་སྒྲུབ་ཐབས་ཤྲཱི་མི་ཏྲའི་གདམས་པ། ཕ་རོལ་དབང་དུ་བྱེད་པའི་མན་ངག །བཞི་གསུམ་བཅུ་གཉིས་ཀྱི་མན་ངག །ཧཱུྃ་ཆེན་མེ་འབར་ལ་བསྟོད་པ། བསོད་སྙོམས་ཀྱི་ཀུན་ཏུ་སྤྱོད་པ་རྒུད་པ་རྣམ་སེལ། ཆབ་གཏོར་དྲི་མ་མེད་པའི་གཞུང་མར་མེ་མཛད་ཡེ་ཤེས་ཀྱིས་མཛད་པ་རྒན་སྟོན་ལེགས་པའི་ཤེས་རབ་ཀྱིས་ཞུས་པ། འཕགས་པའི་གནས་བརྟན་བཅུ་དྲུག་གི་གསོལ་འདེབས། ཀླུ་སྒྲུབ་ཡབ་སྲས་ཀྱི་བསྟོད་པ། ཐུགས་རྗེ་ཆེན་པོ་སྙིང་གི་དུག་སྦྱོང་གི་མན་ངག །དཔལ་སྒྲོལ་མ་དཀར་མོའི་འཆི་བ་བླུ་བའི་སྒྲུབ་ཐབས་སློབ་དཔོན་ངག་དབང་གྲགས་པས་མཛད་པ། དེའི་བསྟོད་པ། ཆོས་རྗེ་ལོ་ཙཱ་བས་རང་ལ་སྨོད་ཅིང་གཤུང་བའི་ཚིགས་བརྒྱད། བྷ་སུ་ཀེའི་གཏོར་མའི་མན་ངག །དེ་ཁོ་ན་ཉིད་ཡེ་ཤེས་སྦར་བའི་མན་ངག་ཤྲཱི་མི་ཏྲས་མཛད་པ། རྡོ་རྗེ་ཐེག་པའི་བསྔོ་བ་ནོར་བུའི་སྒྲོན་མ་སློབ་དཔོན་མི་ཕམ་ཟླ་བས་མཛད་པ། དེའི་

ཌཱིཀྐ། དེའི་བསྡུས་དོན། རྨི་ལམ་བརྡ་སྟོན་གྱི་མན་ངག །རྣམ་ཐོས་སྲས་མཆོད་པའི་ཆོ་ག་ཡན་ལག་བདུན་པ། ཐུགས་རྗེ་ཆེན་པོའི་ནད་སེལ་ཤྲཱི་མི་ཏྲའི་གདམས་པ། གཞུ་མདའི་མཛེ་ཕོར་གསུངས་པའི་ཚིགས་བཅད། བལ་ཡུལ་མཐིལ་གྱི་འཕགས་པ་ཛ་མ་རི་ཐུགས་རྗེ་ཆེན་པོར་བསྟོད་པ། རྣམ་ཐར་གསང་བའི་བཀའ་རྒྱ་མ། སྒྲོལ་མའི་སྒྲུབ་ཐབས་ཐམས་ཅད་མཁྱེན་པའི་བཤེས་གཉེན་གྱིས་མཛད་པ། དེའི་གཏམ་རྒྱུད། ཆོས་སྤྱོད་ཡན་ལག་བཞི་པ་ཤྲཱི་མི་ཏྲས་མཛད་པ། ཆོས་སྤྱོད་ཡན་ལག་བཞི་པའི་མན་ངག་མདོ་ཙམ་དུ་བཤད་པ། སྨོན་ལམ་གྱི་ཚུལ་གྱིས་དགའ་ལྡན་དུ་སེམས་བསྐྱེད་པའི་ཆོ་ག །སྐབས་ཀྱི་སྙིང་གྲོས། གསལ་མེད་གཞག་མེད་ཀྱི་ངོ་སྤྲོད། བསྔོ་བ་གསུམ་གྱི་བསྔོ་བའི་ཆོ་ག་མདོར་བསྡུས་པ། མགུར་ལ་རིངས་པར་ལུང་སྟོན་པ། སྤྱན་རས་གཟིགས་དབང་ཕྱུག་ཡི་གེ་བདུན་མའི་སྒྲུབ་ཐབས། དཔལ་ནཱ་རོ་པའི་གདམས་པ་ཕྱག་རྒྱ་ཆེན་པོ་ཡི་གེ་བཞི་པ། ཆོས་རྗེ་པས་པཎྜི་ཏ་དང་གྲུབ་ཐོབ་གསུམ་གདན་དྲངས་པའི་རྣམ་ཐར་བསྡུས་པ། མཐར་ཐུག་དགུའི་གདམས་པ། རྣལ་འབྱོར་གསུམ་གྱི་མན་ངག །རྣལ་འབྱོར་གསུམ་གྱི་གཅེས་པ་གསུམ། སྙིང་གཏམ་ཚིག་བཞི་པ། སེམས་ཉིད་སྙིང་པོའི་དོན་གྱི་ངོ་སྤྲོད་ཞལ་ཏ་ཚིག་བཞི་པ། མེད་པ་བཞིའི་གདམས་ངག །མན་ངག་ཐོར་བུ་ནང་གི་བསམ་པ་མ། མན་ངག་ཉིང་ཁུ་རྣམ་གསུམ། རང་ལ་གྲོས་འདེབས་ཨང་བཅུ་མ། དེའི་བསྡུས་དོན། ཨང་བཞི་པ་འོར་པ་དགེ་བཤེས་དང་གྲ་པ་ཤཱཀ་སེང་ལ་གྲོས་སུ་གསུངས་པ། སྙིང་པོ་གསུམ་གྱི་ཞལ་ཤེས། རིན་ཅེན་འབྲུ་དགུའི་གདམས་པ། ངོ་མཚར་དགུའི་མན་ངག །སྐུ་གསུམ་ངོ་སྤྲོད་ཀྱི་མན་ངག །རྒྱལ་པོ་རྣམ་བཞིའི་ཡིད་

ཆེས་སྙིང་གཏམ་བཞི་གསུམ་བཅུ་གཉིས་ཀྱི་འགྲེལ་པ་ཚིགས་བཅད་མ། སྐྱིད་གྲོང་འཕགས་པ་ཝ་ཏིའི་སྤྱན་སྔར་མཛད་པའི་དམ་བཅའ་བཞི་པ། གསུང་ཐོར་བུ་ལྟོས་མེད་མ། མཐར་ཐུག་གནད་ཀྱི་ལྡེ་མིག་གི་རྩ་བ། གནད་ཀྱི་ལྡེ་མིག་ཆུང་ངུ་། གཙུག་ཏོར་འཁོར་ལོ་སྒྱུར་བའི་སེར་བསྲུང་སྨོན་ལམ་རིན་པོ་ཆེའི་ལྗོན་ཤིང་། ཆོས་རྗེ་རྒྱལ་ཚའི་མནལ་ལམ་དུ་ཕག་མོ་གྲུ་པས་གདམས་པ་གནང་བ་ཆོས་རྗེ་ལོ་ཙཱ་བའི་ཞལ་ཆེམས་འགྲོ་མགོན་མ། ལྷ་མོ་སྒྲོལ་མ་ལ་སྨྲེ་སྔགས་ཀྱིས་གསོལ་འདེབས་ཀྱི་བསྟོད་པ་སློབ་དཔོན་ཐམས་ཅད་མཁྱེན་པའི་བཤེས་གཉེན་གྱིས་མཛད་པ། ཆོས་རྗེ་ལོ་ཙཱ་བས་ཇོ་བདུད་ལ་གསུངས་པའི་མན་ངག །དངོས་གྲུབ་ཀྱི་རྫས་ཉི་ཤུའི་མཆོད་པ། དྲིས་ལན་གསེར་གྱི་མེ་ཏོག །ཐུགས་རྗེ་ཆེན་པོ་ཕྱི་ནང་གསང་གསུམ་གྱི་མན་ངག །རྡོ་རྗེ་ཐེག་པ་ལ་ཁྱད་པར་ལྔ་ལྡན་གྱི་བསྟོད་པ་རྒྱ་ཆེན་བཅུ་གཉིས་ཀྱི་མགུར། འཕར་བ་རོང་ལ་བྱོན་དུས་ལམ་འཆོས་མཁན་ལ་བསྟོད་པ། ཁ་སཪྤཱ་ཎི་བགེགས་འདུལ་གྱི་མན་ངག །ཆོས་རྗེ་ལོ་ཙཱ་བས་ཁ་རག་རོང་ལ་གཤེགས་དུས་གསུངས་པའི་ཚིགས་བཅད་མ། བལ་ཡུལ་མཐིལ་གྱི་མཆོད་རྟེན་ཆེན་པོ་འཕགས་པ་ཤིང་ཀུན་བྷ་དྷ་ལ་བསྟོད་པ། ཁ་ཟས་ལོངས་སྤྱོད་པར་བྱ་བ་ཡིན་མིན་གྱི་གདམས་པ། སྐུ་དགྲའི་སྔགས་ཟློག་གི་མན་ངག་དམ་ཚིག་བཞི་པའམ་ཐུམ་བཞི་པའང་ཟེར་བ། ཁ་སཪྤཱ་ཎིའི་སྒྲུབ་ཐབས་ཚིགས་སུ་བཅད་པ་བཞི་པ་སུ་ག་ཏ་ཤྲཱི་ཀཱིརྟིས་མཛད་པ། ཆོས་རྗེའི་གསུང་ད་རུང་མ་དྲུག་པ། རྫིང་འབྲིང་པ་ཡབ་སྲས་འཁོར་བཅས་ཡོ་ཐང་གནས་སུ་སྐྱེལ་མ་མཛད་པའི་ཚེ་འགྲོ་ཆོས་སུ་གསུངས་པ་ཁ་སྐང་དྲུག་མ། ཆོས་རྗེས་

རྒྱ་མ་རིན་ཅེན་སྒང་གི་ཐུགས་རྗེ་ཆེན་པོར་བསྟོད་པ། ཨའི་དེ་ཁོ་ན་ཉིད་སྒོམ་པ་ཡང་དག་པའི་མན་ངག །ཁྱད་པར་གྱི་ཡན་ལག་བདུན་པ། རྣལ་འབྱོར་ནང་གི་ཡན་ལག་བདུན་པ། འཚམས་སྦྱོར་རྣམ་པ་གསུམ་གྱི་མན་ངག །གཅེས་པ་བཞི། གྲ་པ་ཤཱཀྱ་སེང་གེ་ལ་འགྲོ་ཆོས་སུ་གསུངས་པའི་མན་ངག །མན་ངག་བདུད་རྩིའི་ཐིག་ཆེན། མན་ངག་བདུད་རྩིའི་ཐིག་དགུ ། མན་ངག་བདུད་རྩིའི་ཟིལ་པ། དཔལ་ཕྱག་རྒྱ་བཞིའི་མན་ངག །བཟོད་གསོལ་ཉི་ཤུའི་མགུར། ལས་ཐུན་མོང་མ་ཡིན་པ་སྟོབས་ཀྱིས་བསྒྲུབ་པའི་བཅུད་ལེན། ཐུགས་རྗེ་ཆེན་པོའི་གདམས་པ་འཕོ་བ་འོད་ཀྱི་སྦུ་གུ་མ། སྐྱེས་བུ་བཞིའི་འཁྲིད་ཞལ་གདམས་སུ་གསུངས་པ། གདོན་བགེགས་ལམ་ཁྱེར་གྱི་མན་ངག །འཇམ་དཔལ་ཤེས་རབ་འཁོར་ལོའི་སྒྲུབ་ཐབས་ཙནྡྲ་ཀ་ར་གུཔྟས་མཛད་པ། དེའི་བསྡུས་དོན། དེའི་གནད་བཅུ་གཉིས། དེའི་རྗེས་གནང་གི་ཆོ་ག །དེའི་གནད་ཀྱི་མན་ངག །དེའི་ཁྱད་པར་བླ་ན་མེད་པའི་ཞལ་གདམས། དེའི་སྒྲུབ་ཐབས་ཀྱི་ཊཱིཀྐ་གསལ་བྱེད་མེ་ལོང་། ཨ་ར་པ་ཙ་ནའི་སྒྲུབ་ཐབས་དང་སྦྱར་བའི་བསྟོད་པ། ལྷ་མོ་ཡིད་འཕྲོག་མ་ནོར་རྒྱུན་མའི་སྒོ་ནས་ཟས་ནོར་བསྒྲུབ་པ། སྒྲོལ་མ་གཙོ་འཁོར་གསུམ་པའི་སྒྲུབ་ཐབས། གནས་བརྟན་རྡོར་ཡེ་ལ་གསུངས་པའི་མན་ངག །རྗེ་བཙུན་མ་སྒྲོལ་མའི་མན་ངག་ལ་བརྟེན་ནས་འཆི་ཁའི་ཉམས་ལེན་ཆོས་རྗེ་ཤཱཀྱ་ཤྲཱིའི་ཞལ་སྔ་ནས་བྱུང་བ་གནོད་སྦྱིན་སྤུན་གཉིས་ཀྱི་སྒྲུབ་ཐབས་སློབ་དཔོན་ཨ་ཛི་ཏ་མི་ཏྲས་མཛད་པ། དེའི་མན་ངག །བླ་མ་རྒྱལ་ཚའི་གསུང་ཉུང་ངུ་གཅིག །ཀུན་ལྡན་གྱིས་མཛད་པ་སྟོན་རིན་ལ་གསུངས་པའི་མན་ངག །དེས་སྟོན་པ་དར་ལོ་ལ་གསུངས་པ། ཀུན་ལྡན་ལ་སློབ་

མ་རྣམས་ཀྱིས་ས་མི་བདེ་བ་ཤིང་མེད་པ། འདིར་མི་བཞུགས་པར་ཞུས་པའི་ཚེ་གསུངས་པའི་མན་ངག །མཎྜལ་རྒྱས་པར་འབུལ་བའི་མན་ངག་བླ་མ་པཎ་ཆེན་གྱིས་མཛད་པ། དེས་མཛད་པའི་སྒྲོལ་མ་བུམ་པའི་སྒྲུབ་ཐབས་དེའི་གདམས་པའི་མི་ནག་དཀར་པོར་གཏོང་བའི་གདམས་པ། དེའི་ཞལ་གདམས་རྗེ་བཙུན་མ་སྒྲོལ་མའི་སཱཙྪའི་སྒོ་ནས་རིམས་ནད་སེལ་བ་དང་སེར་བ་གཅོད་པ། དེའི་སྒྲོལ་མའི་རྫོགས་རིམ། དེས་མཛད་པའི་བྱམས་པའི་སྒྲུབ་ཐབས། ཐོགས་མེད་ཀྱིས་མཛད་པའི་བྱམས་པའི་སྒྲུབ་ཐབས། སྨོན་ལམ་ཡིད་བཞིན་གྱི་ནོར་བུ་ཞེས་བྱ་བ་ཚིག་ལེའུར་བཅད་པ་བརྒྱད་ཅུ་པ། དེའི་བསྡུས་དོན། རྗེ་རྒྱལ་ཚ་སྐུ་གཤེགས་པའི་དུས་གདུང་བའི་དབྱངས་ཀྱིས་གསོལ་འདེབས་ཐེག་གསུང་འོད་ཀྱི་དྲ་བ་ཅན། སེམས་ཉིད་ངལ་གསོའི་སྐབས་ཀྱི་མཎྜལ་འབུལ་བའི་ཚིགས་བཅད། རིན་པོ་ཆེ་པས་བླ་མ་འཛིམས་པ་ལ་གསུངས་པའི་མན་ངག །ཨརྒའི་ཆོ་ག་ཉི་མའི་འཁོར་ལོ། མཆོད་པའི་ཆོ་ག་ཆོས་རྗེ་པས་མཛད་པ། དགེ་བའི་བཤེས་གཉེན་གྱི་རྣམ་པར་ཐར་པ་ལ་རྗེས་སུ་དྲན་པ། བླ་མའི་འདས་མཆོད་བྱས་པའི་ཕན་ཡོན། དུབ་པ་ལ་ངལ་གསོའི་རྩ་ཚིག །ཅོལ་ཆུང་བཞིའི་མགུར། ཆོས་རྗེའི་མགུར་ལྷན་སྐྱེས་ངོ་སྤྲོད། ངོ་སྤྲོད་ཚིག་བཞི་པ། རང་སེམས་ཆོས་སྐུར་ངོ་སྤྲོད་པའི་ཚིག་བཞི་མ། རང་རྒྱུད་ཐ་མལ་དུ་ལུས་ཀྱི་དོགས་པའི་ཆོས་རྗེའི་གསུང་། གནད་ཀྱི་ཉིང་ཁུ་གསུམ་ཐུག་ཕྲད་ལམ་ཁྱེར་གྱི་མན་ངག །རྡོ་རྗེའི་ཚིག་བཞི་པ། རང་གྲོལ་གསུམ་པ། སྒྲུབ་པ་ལ་བསྔགས་པ་བརྗོད་པ། གནད་ཀྱི་གཟེར་གསུམ། ངོ་སྤྲོད་མདོར་བསྡུས། སྐུ་མཚམས་དང་གསུང་བཅད་མཛད་དུས་གསུངས་པའི་གསུང་ཐོར་བུ། ལྷོ་བྲག་མཁོ་མཐིང་

དང་མཁར་ཆུ་ལ་གཟིགས་སུ་གཤེགས་པ་ལ་མ་ཚུད་པར་ལམ་ནས་ལོག་དུས་གསུངས་པའི་ཚིགས་བཅད། བསྔོ་བའི་མན་ངག་རིན་པོ་ཆེའི་ཟ་མ་ཏོག་དང་བཅས་པ་རྣམས་ཀྱི་ལུང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས། ཚང་བ་ཡིན་པའི་ལུགས་སུ་གནང་གི་འདུག་ཀྱང་ཐམས་ཅད་མཁྱེན་པ་བུ་སྟོན་རིན་པོ་ཆེའི་གསན་ཡིག་དང་བསྟུན་ཚེ་ཁྲོ་ཕུ་བའི་མན་ངག་བརྒྱ་རྩ་ལ་རྒྱས་འབྲིང་བསྡུས་གསུམ་དུ་མཛད་པའི་བསྡུས་པ་འབྲིང་པོའི་ཁོང་དུ་ཚང་ཞིང་འབྲིང་པོ་ལའང་པོ་ཏི་གཅིག་ལྷག་ངེས་ཙམ་པའི་ཚོད་ཀྱི་ཆོས་ཚན་འདུག །ཆེ་བ་ལ་པོ་ཏི་གསུམ་གྱི་ཚོད་ཙམ་ཡོད་འདྲ་བའི་སེམས་ཉིད་ངལ་གསོའི་བླ་མ་བརྒྱུད་པའི་གསོལ་འདེབས་ནས་བཟུང་། མེ་ལོང་བདུན་པ་ཡན་གྱི་པོ་ཏི་གཉིས་ཙམ་དང་འབྲིང་པོའི་སྐོར་མི་འདུག་པས་འདིར་སྨོས་པ་དེ་མན་ཆད་གྱི་པོ་ཏི་གཅིག་གི་རྩིས་ཡིན་འདུག་སོ་སོའི་སྒོས་བརྒྱུད་ཆོས་རྗེ་ཐམས་ཅད་མཁྱེན་པ་ཡན་གསན་ཡིག་ཏུ་འདུག་རུང་། དེ་མན་གསལ་བར་མ་བྱུང་བས་སྟོད་ཆ་འགོད་པའི་ངལ་བ་མ་བགྱིས་སོ། ༈ །བཀའ་བར་པ་ཤེས་རབ་ཀྱི་ཕ་རོལ་དུ་ཕྱིན་པའི་དགོངས་དོན་བདུད་བཞི་ཟིལ་གྱིས་གནོན་པ་དགག་སྒྲུབ་དང་བྲལ་བས་འགལ་རྐྱེན་ལམ་དུ་འཁྱེར་ཞིང་ལྟས་ངན་གཡང་དུ་ལེན་པའི་གདམས་པ་ཟབ་མོ་བདུད་ཀྱི་གཅོད་ཡུལ་གྱི་སྐོར་ལ། རྒྱན་དྲུག་དང་མི་རྐང་སོགས་གཏོད་པའི་ནམ་མཁའ་སྒོ་འབྱེད་ཀྱི་བྱིན་(རླབས་ཆུང་བ། འཇམ་དབྱངས་མགོན་པོའི་ཆོས་སྒོ་སྒོ་འབྱེད་དང་བྱིན་རླབས་སྒོ་འབྱེད་གཉིས་ཀྱི་སྟེང་ནས་མཁའ་འགྲོ་སྡེ་ལྔའི་དཀྱིལ་འཁོར་ལ་བརྟེན་པའི་དབང་བཞིའི་དོད་ཚང་བ་ནོས་ནས། ཉམས་ཁྲིད་ལ་གཅོད་ཡུལ་དུ་གསལ་བའི་མེ་)ལོང་གི་སྟེང་ནས་སྟོན་ཐོགས་གཅིག་མ་ལུགས་ཀྱི་དཀར་འགྱེད། དམར་འགྱེད། ཕུང་པོ་ཟན་སྐྱུར། མི་རྐང་འབུད་པའི་འཁྲུལ་འཁོར་

རྣམས་ཀྱི་དམིགས་རིམ། ཡང་འཇམ་དབྱངས་མགོན་པོའི་ཕྱག་བཞེས་གཙོ་བོར་བཏོན་པའི་མགོ་འཁོར་ཚར་ཚད་མི་འབྱུང་བ་ཟིལ་གནོན། དབྱིངས་རིག་བསྲེ་བ་དཀར་འགྱེད། དམར་འགྱེད། ཀེང་རུས་མེ་འབར་གྱི་དམིགས་རིམ་རྣམས་ལེགས་པར་ཐོབ་ནས། རྒྱབ་རྟེན་ལུང་ལ། གཅོད་ཐམས་ཅད་ཀྱི་གོ་བ་བསྐྱེད་པ་སྤྱི་འཁྲིད་ཀྱི་སྐོར། ལག་ལེན་ཉམས་ཁྲིད་ཀྱི་སྐོར། ཞལ་གདམས་གེགས་སེལ་བོགས་འདོན་གྱི་སྐོར་དང་གསུམ། དང་པོ་ལ། དཀར་ཆག་གསལ་བའི་མེ་ལོང་། བརྒྱུད་པའི་ལོ་རྒྱུས་ཇོ་མོའི་རྣམ་ཐར་དང་བཅས་པ། པྲཛྙཱ་སྭ་བྷཱ་ཝས་མཛད་པ། བཀའ་ཚོམས་ཆེན་མོ་ཞུ་ལན་སུམ་ཅུ་རྩ་ལྔ་པ་གེགས་སེལ་ཉེར་གཅིག་ཡང་། ཚོམས་ཉེར་ལྔ་དང་བཅས་པ། ཨ་མའི་ཞལ་གདམས་ལེ་ལག་དྲུག་སྐོར། པྲཛྙཱ་སྭ་བྷཱ་ཝས་མཛད་པའི་ཟབ་དོན་ཐུགས་ཀྱི་སྙིང་པོའི་སྤྱི་ཁྲིད་ཀྱི་གཞུང་། དེའི་བསྡུས་དོན་འཇམ་དབྱངས་མགོན་པོས་མཛད། དེའི་འགྲེལ་པ་བཀའ་ཤེས་རབ་ཀྱི་ཕ་རོལ་དུ་ཕྱིན་པའི་དགོངས་པ་གྲུབ་ཐོབ་རྣམས་ཀྱི་ཞལ་གདམས་བདུད་ཀྱི་གཅོད་ཡུལ་འཇིག་རྟེན་ན་རྙེད་པར་དཀའ་བའི་ཆོས་འཇམ་དབྱངས་མགོན་པོས་མཛད་པ་རྣམས། གཉིས་པ་ཉམས་ཁྲིད་ཀྱི་སྐོར་ལ། ཞག་བདུན་མ་ཞེས་རྒྱས་པ་དང་བསྡུས་པ་སྟན་ཐོག་གཅིག་མ་གཉིས་སོ། ༈ །གསུམ་པ་གེགས་སེལ་བོགས་འདོན་གྱི་སྐོར་ལ་སྒོ་འབྱེད་དང་ཐོར་བུ་གཉིས་ལས། དང་པོ་ལ། དབང་བསྐུར་ཆོས་ཀྱི་སྒོ་འབྱེད། ངོ་སྤྲོད་ནམ་མཁའ་སྒོ་འབྱེད། སྒྲུབ་ཐབས་བྱིན་རླབས་སྒོ་འབྱེད། རྨི་ལམ་ཉི་ཟླ་སྒོ་འབྱེད། འགོ་བ་ཐར་པའི་སྒོ་འབྱེད། བར་དོ་འོད་གསལ་སྒོ་འབྱེད། གེགས་སེལ་རྟེན་འབྲེལ་སྒོ་འབྱེད། བོགས་འདོན་ཡོན་ཏན་སྒོ་འབྱེད། གཞན་དོན་འཕྲིན་ལས་སྒོ་

འབྱེད། གྲུབ་མཐའ་ཁྱད་འཕགས་སྒོ་འབྱེད། དེ་བཅུ་པོ་འཇམ་དབྱངས་མགོན་པོས་མཛད་པ། གཉིས་པ་ཐོར་བུའི་སྐོར་ལ། སྒྲུབ་ཐབས་ཀྱི་ལྷན་ཐབས། དུར་ཁྲོད་རྒྱན་གྱི་གསང་སྒྲུབ། སངས་རྒྱས་སྟོན་པའི་ཞལ་གདམས། གཏོར་འབུལ་དང་སྡེ་བརྒྱད་འབུམ་བསྐུལ་དམིགས་འབུམ་ཆེན་མོ། ནག་སྦྱོར་བཅོ་ལྔ་རྣམས་ནོས་པའི་གཡུང་དྲུང་གི་རྟགས་ཡོད་པའི་བརྒྱུད་པ་ལ་ལུགས་བཞིར་ཡོད་པའི་ཕོ་བརྒྱུད་ནི། ཐབས་བརྒྱུད་ཀྱང་ཟེར། བྱ་རྒོད་ཕུང་པོར་སྟོན་པ་སངས་རྒྱས། རི་བོ་རྩེ་ལྔར་འཇམ་དབྱངས་སྨྲ་སེང་། རྒྱ་གར་འཇག་སྤྱིལ་དུ་ཨཱཪྻ་དེ་ཝ། སྲས་བརྒྱུད་ནི། ཐར་རྩེ་དང་ལོ་པའི་གསན་ཡིག་ཏུ་ཕོ་བརྒྱུད་ཆུང་བ་ཟེར། དར་ལྡིངས་པའི་གསན་ཡིག་ཏུ་བདེ་གཤེགས་བཀའི་བརྒྱུད་པར་ངོས་གཟུང་། བྱ་རྒོད་ཕུང་པོར་སྟོན་པ་སངས་རྒྱས། དགའ་ལྡན་ལྷ་ཡུལ་དུ་བྱམས་པ་མགོན་པོ། རི་བོ་བྱ་རྐང་དུ་འཕགས་པ་ཐོགས་མེད། ནཱ་ལེནྡྲ་རུ་པཎ་ཆེན་དབྱིག་གཉེན། རྒྱ་གར་འཇག་སྤྱིལ་དུ་ཨཱཪྻ་དེ་ཝ། མོ་བརྒྱུད་ནི། ཤེས་རབ་བརྒྱུད་ཀྱང་ཟེར། འོག་མིན་དུ་ཡུམ་ཆེན་མོ། གཡུ་ལོ་བཀོད་པར་རྗེ་བཙུན་སྒྲོལ་མ། རྒྱ་གར་དུར་ཁྲོད་དུ་སུ་ཁ་སིདྡྷི། བཞི་པ་གསུམ་ག་འདུས་པ་དོན་གྱི་བརྒྱུད་པ་ནི། དར་སྡིངས་པའི་གསན་ཡིག་ན་ཉམས་ལེན་ལག་འཁྲིད་ཀྱི་བརྒྱུད་པ་ཟེར། དིང་རི་གླང་འཁོར་དུ་དམ་པ་སངས་རྒྱས། འདིས་འཕགས་པ་ལྷ་དང་བདེ་བའི་དངོས་གྲུབ་གཉིས་ཀ་ལ་གསན། ར་ས་ཆུ་བཟང་དུ་སྐྱོ་ཆེན་ཡེ་ཤེས་བླ་མ། དར་སྡིངས་པའི་གསན་ཡིག་ན་འདི་མི་འདུག །གངས་བར་ལྷ་ཁང་དུ་སྐྱོ་ཆུང་བསོད་ནམས་བླ་མ། ཐར་རྩེ་དང་ལོ་པའི་གསན་ཡིག་ཏུ་ར་ས་སྤང་ལུང་ཟེར་བ་སྣང་། ཟངས་རི་ཁང་དམར་དུ་མ་གཅིག་ལབ་སྒྲོན། ཨེ་ཆུང་གླང་ལུང་དུ་རྒྱལ་བ་དོན་གྲུབ། མཁྱེན་བརྩེ་ཐར་རྩེ་ཡོན་གསུམ་གྱི་གསན་ཡིག་ན་བླ་མ་འདི་གཉིས་མ་བྱུང་བས་དཔྱད། དག་པ་ཆོས་དབྱིངས་ཕོ་བྲང་དུ་འཇམ་དབྱངས་མགོན་པོ། སྙེ་མོ་ཁུའི་ར་བར་ཁུ་

སྒོམ་ཆོས་སེང་། ཁུང་སྨད་ལྕང་སར་དགོན་པར་དོལ་པ་ཟང་ཐལ། ཐར་རྩེ་དང་ལོ་པའི་གསན་ཡིག་ན་ལྕང་འཚལ་དབུས་ཟང་ཐལ་ཟེར་བ་འདུག །རྗེ་མཁྱེན་བརྩེའི་གསན་ཡིག་ན་དོལ་བ་རང་སྣང་ངོ་། །གཡོར་སྟོད་ཆུ་བོ་རིར་རྒྱ་ནག་གཅེར་བུ། བཀྲ་ཤིས་མཐོང་སྨོན་དུ་རྒྱ་སྒོམ་རི་པ། ར་བ་གྲོང་གསེར་གླིང་དུ་སངས་རབ་སྟོན། རྗེ་མཁྱེན་བརྩེའི་གསན་ཡིག་ན་ཕུག་མོ་ཆེར་སངས་རྒྱས་རས་སྒོམ་ཞེས་པ་སྣང་། ཟལ་མོ་བྲག་གི་མཐར་རྩར་རྟོགས་ལྡན་དགེ་སློང་། རྗེ་མཁྱེན་བརྩེའི་གསན་ཡིག་ཏུ་སངས་རྒྱས་དགེ་སློང་ཞེས་སྣང་། ཁ་རག་མུན་ཁང་དུ་སུམ་སྟོན་རས་པ། རྗེ་མཁྱེན་བརྩེའི་གསན་ཡིག་ཏུ་དྷརྨ་བཛྲ་ཞེས་སྣང་། རི་གོང་དཔལ་གྱི་གནས་སུ་སངས་རྒྱས་སྟོན་པ། བརྩོན་འགྲུས་སེང་གེ་ཟེར། ཉང་སྟོད་བསམ་གླིང་དུ་མཁས་པ་རྡོ་རྗེ། དར་སྡིངས་པའི་གསན་ཡིག་ན་མཁས་གྲུབ་ཆོས་རྗེ་ཟེར། གནས་མཆོག་གྲགས་ཆེན་དུ་རྡོ་རྗེའི་མཚན་ཅན། དར་སྡིངས་པའི་གསན་ཡིག་ན་འདི་གཉིས་གོང་འོག་ལྡོག་འདུག །གསེར་གླིང་དགོན་པ་རུ་བཀྲ་ཤིས་མཚན་ཅན། དག་པའི་གཞལ་ཡས་སུ་ཀུན་དགའི་མཚན་ཅན། དཔལ་གྱི་མཐར་རྩ་རུ་ཆོས་ཀྱི་རྒྱ་མཚོ། ཆོས་སྡིངས་རི་ཁྲོད་དུ་རྒོད་ཕྲུག་རས་པ། ཨོ་རྒྱན་རྩེ་མོར་ནམ་མཁའི་མཚན་ཅན། རྒྱལ་ཕྲན་རི་ཁྲོད་དུ་བཀྲ་ཤིས་བཟང་པོ། སྣང་གསལ་དགོན་པ་རུ་བཀྲ་ཤིས་རྒྱ་མཚོ། བཀྲ་ཤིས་སྟག་མགོ་རུ་ཀུན་དགའ་ཚེ་མཆོག །གོང་མའི་གདན་ས་རུ་ཀུན་དགའ་བཀྲ་ཤིས། བདེ་བའི་རྡོ་རྗེའི་ཕོ་བྲང་དུ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །རྟགས་མེད་པ་རྣམས་ཀྱི་དབང་ཁྲིད་ལུང་གི་བརྒྱུད་པ་ནི། རྒོད་ཕྲུག་རས་པ་ཡན་གོང་ལྟར་ལ། དེ་ནས་དུར་ཁྲོད་གནས་ཆེན་དུ་ཤཱ་ལ་མ་ཏི། འོན་མདའ་སྲས་ཁང་དུ་ཡེ་བཟང་རྩེ་པ། ཕྱོགས་མེད་རི་ཁྲོད་དུ་ཆོས་ཀྱི་བློ་གྲོས། དར་རྒྱས་ཆོས་སྡིངས་སུ་སྣ་ཚོགས་རང་གྲོལ། གོང་མའི་གདན་ས་རུ་བསྟན་འཛིན་གྲགས་པ། ཕྱོགས་བྲལ་རྒྱལ་ཁམས་སུ་ཀུན་དགའ་ལྷུན་གྲུབ།

མོན་ཡུལ་བུམ་ཐང་དུ་པདྨ་འཕྲིན་ལས། གུ་རུ་ལྷ་ཁང་དུ་ཚུལ་ཁྲིམས་རྡོ་རྗེ། ལྷོ་བྲག་བྱང་གླིང་དུ་འཕྲིན་ལས་ལྷུན་གྲུབ། གྲ་ནང་དར་སྡིངས་སུ་གཏེར་བདག་གླིང་པ། དེས་བདག་ལའོ། །ཡང་ན་རྒོད་ཕྲུག་པ་ནས། མཁའ་སྤྱོད་ཞིང་ཁམས་སུ་བསོད་ནམས་རྒྱལ་པོ། འོད་གསལ་ཁོར་ཡུག་ཏུ་ཀུན་དགའ་དཔལ་ལྡན། དབེན་པོའི་རི་ཁྲོད་དུ་ཀུན་དགའ་རྒྱལ་མཚན། ཆོས་དབྱིངས་དག་པའི་ཞིང་དུ་རྒྱལ་མཚན་དཔལ་བཟང་། སྐྱེ་མེད་ཀློང་ཡངས་སུ་ཀུན་དགའ་བསོད་ནམས། སྣ་ཚོགས་རང་གྲོལ་མན་གོང་བཞིན་ནོ། ༈ །རྒྱ་གར་དམ་པ་སངས་རྒྱས་ཀྱིས་བོད་དུ་ལན་གསུམ་བྱོན་པའི་མཐའ་མར་མན་ངག་འཁྲུག་དཔྱད་དཀར་ནག་ཁྲ་གསུམ་ཁམས་ཀྱི་ཀློང་ཐང་སྒྲོལ་མར་གཏེར་དུ་སྦས་པ་མཁའ་འགྲོའི་ལུང་བསྟན་ལྟར་ཁམས་སྟོན་ཤེས་རབ་དཔལ་གྱིས་བཏོན་པའི་དང་པོ་འཁྱུག་དཔྱད་དཀར་པོའི་སྐོར་ལ། འཁྲུག་པ་དང་ནད་ཞི་བ། མི་ཁ་དང་ནད་ངན་ཕྱོགས་ངན་ཐུབ་པ། སྐེ་ནད་ཁ་ནད་ཞི་བ། མི་ཕྱུགས་ཀྱི་ནད་རྒྱུན་ཆད་པ། སྲིས་རྨེ་བ། སྙིང་རླུང་། རོ་སྟོད། ལག་པ་སོ་དང་ལྡན་པ་ན་བ་རྣམས་སེལ་བ། རླུང་གི་མགོ་ན་བ། དཔྲལ་བ། མིག །བད་ཀན་གྱི་ནད། དཔུང་པ། རོ་སྟོད། པུས་མོ། བྱིན་པ། ལོང་བུ། རྐང་མཐིལ་ན་བ་རྣམས་གསོ་བ། རླུང་། ཚད་པ། གྲང་བ། ལུས་ཚ་ཧྲ་བ་བྱེད་པ་རྣམས་སེལ་བ། སྐྱུག་པ། འཁྲུ་བ། གཟེར་ནད། མགོ་གཅོད་སེལ་བ། རྒྱུན་དུ་གནོད་པའི་འདྲེ་ཞི་བ་རྣམས། འཁྱུག་དཔྱད་ཁྲ་བོ་ལ་རྟ་ཕྱུགས་ཀྱི་ནད་ཞི་བ་འདྲེ་བྱེར་པ། འཐབ་མོ་ཉུང་བ། འདྲེ་གནོད་ཐོག་འཚང་འོད་འཁྱུག་ཞི་བ། བཀྲ་ཤིས་ཤིང་ས་དཔྱད་ངན་པ་ཞི་བ། ཡམས་ནད་འཆད་ཅིང་ཞི་བ། ས་འདུལ། དགྲ་ཞི་བ། ངག་དང་སྟོབས་ཞི་བ། རླུང་ཆེན་སྡང་བ། འདྲེ་ཐམས་ཅད་ཐུབ་པ། མི་ཁ་དང་དགྲ་ཉུང་བ། སྟོབས་བསྐྱེད་པ། ཆུ། ཁ་སྨྲས། མེས་མི་འཚིག་པ་དང་།

མེ་མཆེད་པ་ཞི་བ། ཕན་གནོད་གང་ཡང་སྡེབ་ཐུབ་པ། མི་ཁ་ཞི་བ། དགྲ་འདྲེ་ཐུབ་པ། དགྲ་ཇག་འཐབ་རྩོད་ཞི་བ། འཐབ་མོ་མི་འབྱུང་བ། འཁྲུག་པ་བཟླུམ་པ། རླུང་གནོན། ལྷོག་པ་ཐུབ་པ། ནམ་མཁའི་ནད་ཞི་བ། སེལ་ཞི་བ། ནད་ངན་ཐུབ་ཅིང་དོན་འགྲུབ་པ། འདྲེ་དྲག་པོའི་གནོད་པ་དང་ཟུག་གཟེར་གཅོག་པ། རྦད་འདྲེ་དང་ཁྱི་ངུ་བ་མཚན་མ་ངན་པ་རྣམས་ཞི་བ། སེར་བ་ཞི་བ། རྐུན་ཇག་གྲོལ་བ། སྨྱོ་བའམ་ཁ་སྨྲས་དང་ནད་འབྱུང་བ། ཐོག་བསྲུང་རྣམས། ནག་པོའི་སྐོར་ལ། འཆི་ལ་ཁད་བསོས་པ། དམག་བཟློག་པ། དམག་བྱེར་བ། གྲལ་དཔོན་འཆི་བ། ནད་ཁ་བསྒྱུར་བ། དམག་དང་གནོད་པ་ཁ་སྨྲས་ཞི་བ། གཟེར་གྱིས་འཆི་བ། སྔོ་སྐམ་ལ་འགོ་བ། ཁང་པ་འགས་པ་རྣམས། ཟླ་བའི་འཁྱུག་དཔྱད་ལ། དམག །བག་མ་གཏོང་ལེན། ཁྱིམ་རྩིག་འཇིག །ལམ་འཇུག་ལྡོག །སྟོན་མོ། གྱོད་ལེན་གང་ལའང་བཀྲ་ཤིས་པར་བྱ་བ་རྣམས། ཚེས་གྲངས་ཀྱི་འཁྱུད་དཔྱད་ཀྱིས་དམག །བག་མ། མཁར་ལས། ལམ་ཞུགས། སྟོན་མོ། ཁ་མཆུ་སོགས་གང་ལའང་ཤིས་པར་བྱ་བ། ཡི་གེའི་འཁྱུད་དཔྱད་ཀྱིས་ཟུག་གཅོག་ཅིང་ནད་རྨང་ནས་འདོན་པ། སྐུད་པའི་འཁྱུད་དཔྱད་ཀྱིས་ནད་རྣམས་ཞི་བ། མཚོན་ཆའི་འཁྱུད་དཔྱད་ལ། ཐོག་འཚེག་པ་དང་། གདོན། གནོད་བྱེད་ཞི་བ། དམག་བཟློག །དགྲ་བགེགས་ཞི་བ། བརྒྱལ་བར་བྱེད་པ། ལྟས་ངན་དང་གནོད་པ་ཞི་བ་རྣམས། འཆི་བླུའི་འཁྱུད་དཔྱད་ཀྱིས་ནད་གསོ་བ། སྣ་ཚོགས་པའི་འཁྱུད་དཔྱད་ལ། སྐྱུག་པ་གཅོད་པ། གཟེར་ནད་ཞི་བ། སྦོས་པ་སེལ་བ། འཁྲུ་པ་གཅོད་པ། སྐྲན་ནད་གསོ་བ་རྣམས། དྲང་སྲོང་རྒྱུ་སྐར་གྱི་འཁྱུད་དཔྱད་ལ།

གསུམ་གྱི་དཀར་པོ་ལ། སྐར་མ་སོ་སོའི་ཟླ་སྐར་ལ་བརྟེན་པའི་རྟེན་འབྲེལ་གྱི་ནད་གསོ་བ། ནག་པོའི་འཁྱུད་དཔྱད་ལ། སྔགས་ཀྱི་ཁབ་སྒྱུར་བསྟན་པ། རྟ། བོང་བུ། གླང་། མཛོ། རྟོལ་གསོད་པ། བུ་ཆུང་ངུ་བ། ཁྱི་ཟུག་པ་ཞི་བ། མཛེ་འོང་བ། ཁྱི་ཐམས་ཅད་སྒོ་ལ་ཟུག་པ། ཞིང་ལ་ལོ་མི་སྐྱེ་བ། ལོ་ཏོག་སྔོ་སྐམ་ལ་འགྲོ་བ། ཆང་གཏད། ཕོ་མོ་དབྱེ་བ། ཁང་པ་བཤིག་པ། ལྟས་ངན་གཏོང་བ། འོད་ཡོང་བ། མེ་འབྱུང་བ། བྱ་སྣ་ཚོགས་འབབ་པ། གདུང་ཐམས་ཅད་སྦྲུལ་དུ་འགྲོ་བ། ཆུ་ཁྲག་ཏུ་འགྲོ་བ། ཁང་པ་འཇིག་པ། རྨི་ལམ་ངན་པ་སྣ་ཚོགས་འབྱུང་བ། ཞིང་སེལ། ཟླ་མཚན་ནར་མར་འབབ་པ། ལོ་ཏོག་གཏན་ནས་མི་སྐྱེ་བ། ལྗང་པ་སེར་སྐམ་དུ་འགྲོ་བ། ཞིང་རི་དྭགས་ཀྱིས་མི་ཟ་བ། སྨྱོ་བར་བྱེད་པ། གནག་ཐམས་ཅད་འགུམ་པར་བྱེད་པ། འབྱེད་པ། མོ་མཚན་སྨྲ་བར་འགྱུར་བ། རབས་ཆད་པ། ཞིང་ལ་རི་བོང་བསྲུང་བ། དགྲ་ཐམས་ཅད་གཉིད་དུ་འགྲོ་བ་རྣམས་ཀྱི་ལུང་ཐོབ་པའི་བརྒྱུད་པ་ནི། འགྲོ་མགོན་དམ་པ་སངས་རྒྱས། ཁམས་སྟོན་ཤེས་རབ་དཔལ། སྟོན་པ་ཆོས་བརྩོན། ཁམས་སྟོན་ཤེས་རབ་དཔལ་གྱིས་གཏེར་བཏོན་ནས་ཇ་སིག་ཏུ་བཅུག་སྨོན་ལམ་གྱི་གཏད་རྒྱ་དང་བཅས་བསྐུར་བ་ཡིན་ནོ། །འཁྲུལ་ཞིག་དཀོན་ཅོག་གཞོན་ནུ། མཚུངས་མེད་རིན་ཅེན་ཤེས་རབ། འཁྲུལ་ཞིག་ཡེ་ཤེས་དཔལ་བ། རྒྱལ་སྲས་ཤེས་རབ་བཟང་པོ། མཚུངས་མེད་ཀུན་དགའི་མཚན་ཅན། རྩེ་སྒང་འཇིགས་མེད་འོད་འཕྲོ། དྲིན་ཅན་སངས་རྒྱས་བསྟན་པ། རི་ཁྲོད་པ་གྲགས་པ་བསོད་ནམས་དཔལ་དབང་། ཞི་བྱེད་བསྟན་པའི་ཉི་མ་ཀརྨ་ཆོས་གྲགས། གྲུབ་དབང་ཉི་ཟླ་གྲགས་པ། རྗེ་མགོན་པོ་ལྷུན་གྲུབ། སྤྲུལ་སྐུ་ཤཱཀྱ་རིན་ཅེན། དྲིན་ཅན་གཏེར་

བདག་གླིང་པ། དེས་བདག་ཟ་ཧོར་བནྡེ་ལའོ། ༈ །སྤྱན་སྔ་ཆོས་ཀྱི་རྒྱལ་པོ་ལྷ་གཟིགས་རས་པས་མཛད་པའི་འཁྲིད་ཡིག་མ་རིག་མུན་སེལ་དང་རིག་འཛིན་ཆེན་པོ་ཀུན་དགའ་ཚེ་མཆོག་གིས་མཛད་པའི་སངས་རྒྱས་སྤར་འདེབས་ཀྱི་ཡི་གེ་གཉིས་ལ་བརྟེན་ནས་ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཉམས་འཁྲིད་དང་མ་རིག་མུན་སེལ་གྱི་ལུང་དང་བཅས་ནོས་པའི་བརྒྱུད་པ་ནི། རྡོ་རྗེ་འཆང་། སེམས་དཔའ་རྣམ་གཉིས། གྲུབ་ཐོབ་ས་ར་ཧ། མགོན་པོ་ཀླུ་སྒྲུབ། དཔལ་ལྡན་ཤ་བ་རི། རྗེ་བཙུན་མཻ་ཏྲེ་པ། རྗེ་མར་པ་ལོ་ཙཱ་བ་ཆོས་ཀྱི་བློ་གྲོས། དབང་ཕྱུག་མི་ལ་རས་པ། དྭགས་པོ་ཟླ་འོད་གཞོན་ནུ། ཕག་མོ་གྲུ་པ་རྡོ་རྗེ་རྒྱལ་པོ། གླིང་རས་པ་པདྨ་རྡོ་རྗེ། རྗེ་གཙང་པ་རྒྱ་རས། རྒོད་ཚང་པ་མགོན་པོ་རྡོ་རྗེ། ཡང་དགོན་པ་ཐུགས་ཀྱི་རྡོ་རྗེ། ཐུགས་སྲས་སྤྱན་སྔ་རིགས་ལྡན། རྗེ་ཟུར་ཕུག་པ། བླ་མ་གཡག་ཕུག་པ། ཐར་ཆུང་པ་ཤཱཀྱ་སེང་གེ །འཁོན་ཇོ་སྲས། བྱ་བྲལ་བ་ནམ་མཁའ་འོད། བླ་མ་མཁས་བཙུན་པ། མཚུངས་མེད་རྡོར་འཛིན་པ། བླ་མ་རིན་ཅེན་གཞོན་ནུ། སྤྱན་སྔ་ཆོས་ཀྱི་རྒྱལ་པོ་ལྷ་གཟིགས་རས་པ། རྗེ་བཙུན་བྲག་ལྕོག་ཆོས་རྗེ། དབུས་སྨྱོན་ཀུན་དགའ་བཟང་པོ། གྲུབ་ཐོབ་ནམ་མཁའ་ལེགས་གྲུབ། རས་ཆུང་རྣམ་སྤྲུལ་བཀྲ་ཤིས་རྒྱ་མཚོ། རིག་འཛིན་ཆེན་པོ་ཀུན་དགའ་ཚེ་མཆོག །རྗེ་ངག་དབང་ཡེ་ཤེས་གྲུབ་པ། རྩ་བའི་བླ་མ་རིགས་ཀུན་བདག་པོ་ཆོས་དབྱིངས་གྲོལ། དེས་བདག་ཟ་ཧོར་བནྡེ་ལའོ། ༈ །ཡང་ན་ཡང་དགོན་པ་ནས། བླ་མ་རྒྱལ་མཚན་འབུམ། རྟོགས་ལྡན་ཤེས་རབ་མགོན་པོ། རིན་ཅེན་གཞོན་ནུ་མན་འདྲ། ཡང་ན་རྒོད་ཚང་པ་ནས། ཨོ་རྒྱན་པ་རིན་ཅེན་དཔལ་

ལྷ་ཝོ་པ། བློ་བཟང་པ། ཁམས་སྟོན་པ། སྣེའུ་པ། བླ་མ་རིན་ཅེན་གཞོན་ནུ་མན་འདྲ། དེང་སང་ཕྱག་ཆེན་པ་རྣམས་རྡོ་རྗེ་འཆང་ཏཻ་ལོ་ནཱ་རོ་ཞེས་འདྲེན་པ་ནི་མི་རིགས་ཏེ་ཕྱག་ཆེན་འདི་རྒྱ་གར་ནས་ཆིག་བརྒྱུད་བྱུང་བའི་དབང་དུ་སོང་ན་རྗེ་མར་པས་ལྟ་བའི་ཕུ་ཐག་གཅོད་ས་མཻ་ཏྲི་པ་ཡིན་པས་སྤྱན་སྔ་ལྷ་གཟིགས་རས་པའི་བརྒྱུད་ལུགས་འདི་ཉིད་དཔྱད་བཟོད་པར་མངོན། སྤྱིར་ཕྱག་རྒྱ་ཆེན་པོ་ཞེས་པ་དབང་དང་རིམ་གཉིས་ལས་བྱུང་བའི་གསང་སྔགས་ཀྱི་ལམ་ཡིན་ལ། གནས་ལུགས་ཀྱི་ལྟ་བ་ལ་ཕྱག་ཆེན་དུ་མིང་བཏགས་པ་འདི་འདྲ་རྗེ་མི་ལ་ཡན་མེད་པའི་རྒྱུ་མཚན་སྒམ་པོ་དང་མི་ལ་མཇལ་བའི་དུས་སྒམ་པོ་པས་བཀའ་གདམས་ཀྱི་ཆོས་ལ་ཐོས་བསམ་མཛད་ཚུལ་སོགས་ཞུས་པས་དེ་འདྲས་གར་ཡང་མི་ཕྱིན། ཁོ་བོའི་གཏུམ་མོ་ཨ་ཐུང་འདི་སྒོམས་དང་ད་བཟོད་སེམས་ཀྱི་ངོ་བོ་མཐོང་བ་ཡིན་ཞེས་རྒྱ་ཆེར་གསུངས་པ་ལས་ཕྱག་རྒྱ་ཆེན་པོའི་སྒྲོས་ཙམ་ཡང་མི་འདུག་པས། འདི་དྭགས་པོ་རིན་པོ་ཆེའི་ཐུགས་ཉམས་སུ་ཤར་བའི་གྲུབ་ཐོབ་ཉམས་ཀྱི་བརྒྱུད་པ་ཡིན་པར་སེམས་སོ། ༈ །ཡར་ཀླུངས་ཇོ་བོས་མཛད་པའི་རྒྱལ་རབས་ཀྱི་ལུང་ཐོབ་པའི་བརྒྱུད་པ་ནི། སྤྱན་སྔ་ལྷ་གཟིགས་རས་པ་ནས་བར་སྐབས་ཀྱི་བརྒྱུད་པ་རྣམས་མ་རྙེད། རྩེས་དང་བྱང་མ་ཁང་གསར་པ་དཔལ་འབྱོར་བསོད་ནམས་ལྷུན་གྲུབ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། ༈ །དཔལ་ཨོ་རྒྱན་ཆེན་པོའི་གཏེར་ལུང་དུ་འདན་མ་རྩེ་མང་གི་སྐྱེ་བར་ལུང་གིས་ཟིན་པའི་ཚལ་པ་སི་ཏུ་ཐམས་ཅད་མཁྱེན་པ་དགེ་བའི་བློ་གྲོས་སམ་དྲུང་ཆེན་ཀུན་དགའ་རྡོ་རྗེར་གྲགས་པའི་ཕྱག་བྲིས་མའི་

འགྲོ་མགོན་ཞང་གཡུ་བྲག་པའི་དཀའ་འབུམ་པོད་བཞི་མའི་སྟེང་ནས་ལུང་ནོས་པ་ལ། སི་ཏུ་དགེ་བའི་བློ་གྲོས་ཀྱིས་མཛད་པའི་བཀའ་འབུམ་གྱི་དཀར་ཆག་ནོར་བུའི་འཕྲེང་བ། དེ་ལས་འོངས་པའི་ཆོས་སྐོར་ལ། གསོལ་འདེབས་བསྟོད་པའི་བསྐོར། མཛད་པ་རྣམ་ཐར་གྱི་སྐོར། བསླབ་བྱ་ལག་ལེན་གྱི་སྐོར། ཐེག་པ་ཆེ་ཆུང་གི་གྲུབ་མཐའི་སྐོར། ཉམས་ལེན་སྒོམ་འཁྲིད་ཀྱི་སྐོར། ངེས་དོན་ཁོ་ན་གཙོ་བོར་སྟོན་པའི་སྐོར། གསུང་སྒྲོས་ཐོར་བུའི་སྐོར། ཉམས་མྱོང་ཤུགས་ཀྱི་རྡོ་རྗེའི་གླུའི་སྐོར་དང་བརྒྱད། དང་པོ་ལ། ཤཱཀྱའི་དགེ་སློང་བརྩོན་འགྲུས་འབར་གྱི་དོན་དུ་མཛད་པའི་གསོལ་འདེབས་ཆེན་མོ་གནད་དུ་སྐྱོང་བའི་རྡོ་རྗེ། གསོལ་འདེབས་གཉིས་མེད་ཐུགས་རྗེ་ཕོ་ཉ་མྱུར་མགྱོགས་མ། བཀའ་བརྒྱུད་ལ་གསོལ་བ་གདབ་པ་བདེ་ཆེན་མ་དང་ཆོས་དབྱིངས་མ་གཉིས། ལྷན་སྐྱེས་བརྒྱུད་འདེབས་མ་ཧཱ་ཀུ་མཱ་ར། སྦྱོར་དྲུག་གི་བརྒྱུད་འདེབས་ཇི་བཞིན་ཡེ་ཤེས་མ། ལམ་གསུམ་བརྒྱུད་འདེབས་ཆོས་ཉིད་དོན་ཆགས་མ། ཕག་མོ་ར་ལུག་ཀྱི་བརྒྱུད་འདེབས་གནས་མཆོག་མ། རྩ་བའི་བླ་མ་དྲུག་ལ་གསོལ་འདེབས་གསང་སྔགས་མ། ཡང་གསོལ་འདེབས་བསིལ་ཚལ་མ། དྭགས་པོ་སྒོམ་པ་ལ་བསྟོད་པ་ཆོས་ཀྱི་མིག་ཅན་མ། དཔལ་རྒྭ་ལོ་ལ་བསྟོད་པ་དང་པོ་ཨུ་དུམ་ཝཱ་ར་མ། གཉིས་པ་བརྩེ་ལྡན་མ། གསུམ་པ་རྒྱལ་སྲས་མ། བཞི་པ་ཕ་གཅིག་གྲུབ་ཐོབ་མ། དེ་ལ་སྨྲེང་གསོལ་ཀྱེ་མ་སེམས་ཅན་མ། དེ་ལ་ཡན་ལག་བདུན་པའི་སྒོ་ནས་བསྟོད་པ་སྡོམ་གསུམ་མ། རྩ་བའི་བླ་མ་བཞིའི་གསོལ་འདེབས་བདག་གསོལ་གཅིག་མ། རྗེ་པར་རིགས་གསུམ་མགོན་པོའི་སྒོ་ནས་བསྟོད་པ། དེ་ལ་བསྟོད་པ་བདག་འདྲ་བློ་དམན་

མ། རྗེ་བཙུན་སྐུ་མཆེད་ལ་བསྟོད་པ་བསྐལ་པ་དཔག་མེད་མ། རྗེ་ལ་བསྟོད་པ་སྐུ་ལ་བདེ་ཆེན་མ། དཔལ་ལྡན་ལྷན་ཅིག་སྐྱེས་པ་ལ་གནས་ལུགས་ཀྱི་སྒོ་ནས་བསྟོད་པ་དངོས་ཀུན་མ། རང་བསྟོད་དགོས་འདོད་རེ་སྐོང་མ་དང་གྲུབ་པ་གཙོར་མཛད་མ་རྣམས། གཉིས་པ་མཛད་པ་རྣམ་ཐར་སྐོར་ལ། ཏཻ་ལོ། ནཱ་རོ། མར་པ། མི་ལ། དྭགས་པོ་ལྷ་རྗེ། དྭགས་པོ་སྒོམ་པ་རྣམས་ཀྱི་རྣམ་ཐར་རང་གི་དྲན་པ་གསོ་བའི་ཕྱིར་ཕྱོགས་ཙམ་ཞིག་བཀོད་པ། དཔལ་ཆེན་རྒྭ་ལོའི་རྣམ་ཐར་བྱང་ཆུབ་སེམས་འབྱོངས་མ། བླ་མ་གཤེན་གྱི་རྣམ་ཐར་གང་ཞི་ཉི་མ། མལ་ཡེར་པ་བའི་རྣམ་ཐར་བསྐལ་པ་དཔག་མེད་མ། བཻ་རོའི་རྣམ་ཐར་བླ་མ་རྣལ་འབྱོར་པ། བརྒྱུད་པ་སྣ་ཚོགས་ཀྱི་རྣམ་ཐར་དཔལ་ཆེན་མ། བླ་མ་སྣ་ཚོགས་ཀྱི་རྣམ་ཐར་ད་ལྟ་རྩ་བ་མ། དགེ་སློང་ཤེས་རབ་གྲུབ་ཀྱི་ངོར་གསུངས་པའི་རང་ཉིད་ཀྱི་རྣམ་ཐར་མ་ནོར་བདེ་ལེགས་རྣམས། གསུམ་པ་བསླབ་བྱ་ལག་ལེན་གྱི་སྐོར་ལ། བྱ་བྱེད་ཐམས་ཅད་ཀྱི་སྔོན་འགྲོའི་ལག་ལེན་རང་གི་སྙིང་ག་མ། སྤྱན་འདྲེན་ཆེན་པོ་ཕྱག་རྒྱ་ཆེན་པོ་མ། དཔལ་རྡོ་རྗེ་རྣལ་འབྱོར་མའི་སྒྲུབ་ཐབས་ཀྱི་སྙིང་པོ་ཇོ་ཆུང་མ། བདེ་མཆོག་ལྷན་སྐྱེས་ཀྱི་མངོན་རྟོགས་ལྷན་ཆུང་མ། ཏིང་ངེ་འཛིན་གྱི་དབང་རང་གིས་རང་ལ་བསྐུར་བ་ཏིང་ཆུང་མ་དེ་བཞིན་གཤེགས་པའི་སྐུ་གསུང་ཐུགས་ཀྱི་རྣམ་འགྱུར་ལས་མ་འདས་པའི་མཐའ་ཅན། དཔལ་ལྡན་ལྷན་ཅིག་སྐྱེས་པའི་མན་ངག་དབང་པོ་འབྲིང་གི་ཏིང་ངེ་འཛིན། ཡང་རབ་ཀྱི་ཏིང་ངེ་འཛིན། དེའི་འབྲས་བུ་སྔོན་དུ་བྱེད་ཚུལ། དེའི་མན་ངག་འོད་དུ་དྲིལ་བ་ཕྱག་རྒྱ་ཆེན་པོའི་དངོས་གྲུབ་མངོན་དུ་བྱེད་དོའི་མཐའ་ཅན། དབང་དང་བྱིན་རླབས་དང་མཆོད་པ་སོགས་ཀྱི་དུས་སུ་གཏོར་མ་བྱིན་

གྱིས་བརླབ་པ། སློབ་དཔོན་ནག་པོ་པས་མཛད་པའི་གཞུང་ལ་རྗེ་བཙུན་ཡེར་པ་བའི་ཕྱག་ལེན་ལྟར་མཛད་པའི་རྣལ་འབྱོར་མའི་ཚོགས་གསོག །དེའི་ལྷན་ཐབས་གསལ་བྱེད་ཁམས་པ་རྡོ་རྗེ་བློ་གྲོས་ཀྱི་ངོར་བཀོད་པ། གསང་སྔགས་ལ་ཞུགས་ཤིང་སྒྲུབ་པ་བྱེད་པར་འདོད་པ་དག་གིས་ལམ་དུ་བླང་བའི་རིམ་པ། བདག་ཉིད་ཆེན་པོའི་ཚོགས་གསོག་པཎ་ཆེན་ནཱ་རོ་པའི་རྗེས་སུ་འབྲངས་པ། མི་ལ་བཞད་པའི་བདག་ཉིད་ཆེན་པོའི་ཚོགས་གསོག །བདག་ཉིད་ཆེན་པོའི་ཚོགས་གསོག་རྭ་ལུགས་འཁོར་བ་ཐོག་མེད་མ། བླ་མའི་ལམ་ཁྱེར་བདུན་གྱི་དང་པོ་རྡོར་འཆང་མ། གཉིས་པ་དུས་ཐམས་ཅད་མ། གསུམ་པ་རྣལ་འབྱོར་པ། བཞི་པ་བླ་མ་སངས་རྒྱས་མ། ལྔ་པ་དུས་གསུམ་སངས་རྒྱས་མ། དྲུག་པ་མཆོག་གི་དངོས་གྲུབ་མ། བདུན་པ་གལ་ཏེ་སྐྱེས་བུ་མ། ཐུན་བཞིའི་ཉམས་ལེན་གདམས་པ་མ་ནོར་བ། རྒྱུན་དུ་བྱ་བའི་ཆོས་སྤྱོད་སྤྱིའི་ལག་ལེན་དཔལ་དུས་ཉ་ག་ཆེ་བ་རྣམ་པ་ཐམས་ཅད་མ། ཆུང་བ་ཕ་རོལ་ཕྱིན་མ། གནས་བརྟན་མགོན་པོའི་དོན་དུ་མཛད་པའི་ཟས་ཀྱི་རྣལ་འབྱོར། དྭགས་པོ་འདུལ་འཛིན་གྱིས་ཞུས་པའི་གཏོར་མའི་ལག་ལེན། ལག་ཏུ་བླང་བའི་རིམ་པ་ཇི་ལྟ་བ་བཞིན་དུ་བསྟན་ནས་སྐྱེ་མེད་གཏན་ལ་འབེབས་པར་བྱེད་པ་སྣ་ཚོགས་ཆོས་སྐུ་མ། ཚེ་འདས་ཀྱི་པུར་སྦྱང་ཐབས། གཤིན་པོའི་བསྔོ་བ། བསྔོ་བའི་ཡོན་བཤད་བསྡུས་པ། རྒྭ་ལོ་ལུགས་ཀྱི་བསྔོ་བ་ཤིན་ཏུ་བསྡུས་པ། རབ་ཏུ་གནས་པའི་ཆོ་ག་མདོ་ལུགས་བསྡུས་པ། དགོན་གནས་བཀྲ་ཤིས་པར་བྱེད་པ་ཆོས་སྐུ་ཡེ་ཤེས་མ། སེམས་བསྐྱེད་ཀྱི་རྣམ་གཞག་དཔལ་རྒྭ་ལོའི་ཞལ་གདམས་ཨ་

བྷ་དང་ཙ་མིའི་བཞེད་པ་ཐུན་མོང་མ་ཡིན་པ། སེམས་བསྐྱེད་པའི་དངོས་གཞིའི་ཆོ་ག་ཙ་མི་ལོ་ཙཱས་བསྒྱུར་བ་རྒྭ་ལོས་བོད་དུ་གདན་དྲངས་པ། སྐྱབས་སེམས་ཤིན་ཏུ་བསྡུས་པ་སངས་རྒྱས་ཆོས་ཚོགས་མ། ཡོངས་གྲགས་དང་མི་གཅིག །བསྙེན་གནས་ཀྱི་ཆོ་ག་རྣམས། བཞི་པ་ཐེག་པ་ཆེ་ཆུང་གི་གྲུབ་མཐའི་སྐོར་ལ། ཆོས་སྤྱིའི་སྟོང་ཐུན་གླེང་གཞི་ཆེན་མོ་ཁམས་སྟོན་བློ་གྲོས་ཀྱི་ངོར་བཀོད་པ། དཀར་ཆག་ན་རྒྱས་བསྡུས་གཉིས་ཞེས་སྣང་ཡང་བསྡུས་པ་མ་རྙེད། གྲུབ་མཐའ་ཚིགས་གསུམ་འཕྲུལ་གྱི་ལྡེ་མིག་གཅིག་ཤེས་ཀུན་ལ་མཁས་པ་གཞི་ལམ་འབྲས་གསུམ་གསལ་བྱེད། འཇག་སྒོམ་བྱང་ཆུབ་སྙིང་པོའི་དོན་དུ་མཛད་པའི་ཚོམ་གྱི་རིམ་པ། བདེན་གཉིས་ཟུང་འབྲེལ་ལེའུ་བཅོ་ལྔ་པ། དེའི་ས་བཅད། གྲུབ་མཐའི་རང་བློའི་སྐྱོན་སེལ། དེའི་ས་བཅད། རྣལ་འབྱོར་ལམ་གྱི་རིམ་པ་བླ་མ་བསམ་གྲུབ་ཀྱི་དོན་དུ་མཛད་པ། དེའི་ས་བཅད། རྣལ་འབྱོར་ལམ་གྱི་རིམ་པ་ཉི་མ་སྣང་བ་ལེའུ་བཅུ་པ་འབྲས་བུ་འཆར་ཚུལ་དང་བཅས་པ། ལམ་མཆོག་བདུད་རྩིའི་ཆུ་རྒྱུན། ཕན་བྱེད་རབ་གསལ་ནོར་བུའི་ཕྲེང་བ། དུས་གསུམ་གྱི་སངས་རྒྱས་ཐམས་ཅད་ཀྱི་དགོངས་པའི་ཉིང་ཕུག་ཆེན་མོ་ཟབ་པ་དང་རྒྱ་ཆེ་བའི་དོན་གཏན་ལ་འབེབས་པར་བྱེད་པ་ཕན་བདེ་ཉི་མའི་སྙིང་པོ་ལེའུ་བཅུ་བཞི་པ། ཁམས་སྟོན་རྡོ་རྗེ་དབང་ཕྱུག་གིས་ཞུས་པའི་ཟུང་འཇུག་གི་དོན་ཕྱིན་ཅི་མ་ལོག་པ་དམ་པའི་དོན་གྱི་མཐར་ཐུག །རྗེ་རྒྱལ་བཙས་པོ་འཕྲེང་གོ་བཙས་པོ། ལ་གདམས་པ་ཀུན་ཚང་ཐུགས་ཀྱི་གཉེན་པོ། བྱང་ཆུབ་སེམས་ཀྱི་ཚིགས་སུ་བཅད་པ་བཅོ་བརྒྱད་པ། ཟུང་གསུམ་ཡ་དྲུག་གི་ཞལ་གདམས། དགོངས་པ་བཀང་བའི་གླེང་

བསླང་། ལེའུ་ལྔ་པ། ཆོས་བརྒྱད་སྤང་བའི་ཡིག་ཆུང་། འདུལ་བ་ཐམས་ཅད་ཀྱི་ལྡེ་མིག་སོ་སོ་ཐར་པའི་སྡོམ་པ་བློ་གྲོས་ངེས་པ་རྣམས། ལྔ་པ་ཉམས་ལེན་སྒོམ་འཁྲིད་ཀྱི་སྐོར་ལ། ཆོས་དང་ཆོས་ཉིད་གཏན་ལ་འབེབས་པར་བྱེད་པ་འཁྲིད་ཀྱི་ལུང་སྦྱར་ཞེས་པ་གཞི་ལམ་འབྲས་བུའི་རྣམ་གཞག །སློབ་དཔོན་ཤཱཀ་ཡེ་སྐུ་མཆེད་ལ་གསུངས་པའི་འཁྲིད་ཡིག་བཤེས་གཉེན་དམ་པའི་ངོ་ལ་འཁྲིད་ལུགས་ཤིན་ཏུ་གསལ་བར་བྲིས་པ། ཡང་དེ་ཉིད་ལ་གསུངས་པའི་འཁྲིད་བསྡུས་པ་གང་ལའང་མི་གནས་པའི་མྱ་ངན་ལས་འདས་པ་ཐོབ་པར་འགྱུར་རོའི་མཐའ་ཅན། རས་སྒོམ་གྱི་དོན་དུ་སྦྱར་བའི་འཁྲིད་ཡིག་སྙིང་པོའི་དོན་གཏན་ལ་འབེབས་པ་ཟག་མེད་བདེ་ཆེན་རྒྱས་ཤོག་གི་མཐའ་ཅན། ཕྱག་རྒྱ་ཆེན་པོ་དབུ་བསྙུང་མ་ཞེས་པ་ཐུན་མོང་མ་ཡིན་པའི་སྙིང་གཏམ། ཕྱག་རྒྱ་ཆེན་པོ་མཚོན་པར་བྱེད་པའི་མན་ངག་དགེ་སློང་རི་ཁྲོད་པའི་དོན་དུ་མཛད་པ། ཕྱག་རྒྱ་ཆེན་པོའི་མན་ངག་མཐར་ཐུག་དོན་གྱི་སྙིང་པོ་མདོར་བསྡུས་པ་ཞེས་པ་སློབ་མས་བསྐུལ་ནས་སློབ་མ་འགའི་བརྗེད་ཐོར་བྲིས་པ། སྟག་སྒོམ་ལ་གསུངས་པའི་གནད་ཀྱི་མན་ངག་ཕ་སྦད་སྙིང་གཏམ་མ། གཙང་པ་ཇོ་བཙུན་མཆེད་ལ་གསུངས་པའི་མན་ངག་དང་པོ་བཟང་ཡུལ་ཡར་སྣར་འཁྲུག་པའི་དུས་སུ་བཀོད་པ། ཡང་དུས་དེར་གསུངས་པའི་གནད་ཀྱི་མན་ངག་གཉིས་པ། མཐར་ཐུག་གནད་ཀྱི་མན་ངག་ཐུན་མོང་མ་ཡིན་པ་མི་ལ་མ་སྟོན་ཅིག་གི་མཐའ་ཅན། གྲ་ཕུལ་པ་སྟོན་ཁྲི་ཁ་ལ་གསུངས་པའི་ཏིང་ངེ་འཛིན་གསུམ་གྱི་དང་པོ་འཁོར་བ་ཐོག་མེད་མ། གཉིས་པ་ལུས་ངག་ཡིད་གསུམ་མ། གསུམ་པ་རང་ལྷར་གསལ་བ། གནས་བརྟན་གྲགས་

སེང་ལ་གསུངས་པའི་འཁྲིད་བྱིན་རླབས་གནད་ཀྱི་བརྒྱུད་པ་འཕྱུག་མེད། དངོས་པོའི་གནས་ལུགས་གཏན་ལ་འབེབས་པ་ཞེས་པ་ཤཱཀྱའི་དགེ་སློང་རི་ཁྲོད་པས་གཞན་གྱིས་གསོལ་བཏབ་བརྗེད་བྱང་དུ་བྲིས་པ། དགེ་བཤེས་ཁ་རུ་བ་ལ་གསུངས་པའི་ངན་བུའི་སྙིང་གཏམ་ཡིད་སྤྲུགས་པ་དེ་ལས་མ་མཆིས་པ། བླ་མ་ཕ་ཏ་བ་ལ་གསུངས་པའི་ཕྱག་རྒྱ་ཆེན་པོའི་གདམས་ངག་ཆིག་ཆོད་མ། སྒོམ་མ་མོ་ཆེན་མོ་འདའ་ཁ་འཆི་བྲོད་ཀྱི་གདམས་ངག །བསམ་ཡས་ཀྱི་ཡོན་བདག་མོ་འབུམ་སྐྱིད་ལ་གསུངས་པའི་འཁྲིད་སྤྲོས་པ་ཀུན་ཞི་མ། ཕྱག་རྒྱ་ཆེན་པོ་ཐོག་བབས་སམ་ཆིག་ཆོད་དུ་སྟོན་པ། དེའི་རྩ་བ། དེའི་རྒྱབ་རྟེན་གཞག་ཐབས་གསུམ་པ་རྣམས་རལ་ནག་སྟོན་པའི་དོན་དུ་མཛད་པ། ཞལ་གདམས་གསུམ་གྱི་དང་པོ་ཕྱག་རྒྱ་ཆེན་པོ་དོན་གསུམ་གྱིས་གཏན་ལ་འབེབས་པ་དངུལ་ལས་སྐུ་ལ་སོགས་པ་བྱས་པ་དང་འདྲའི་མཐའ་ཅན། གཉིས་པ་རང་སེམས་རིག་པའི་ངོ་བོ་མ། གསུམ་པ་ཕྱིན་ཅི་མ་ལོག་པའི་གདམས་པ། དགེ་བཤེས་ཤ་མི། དགེ་བཤེས་གྲགས་པ། གཙང་པ་ཇོ་བཙུན་མཆེད་ལ་སོགས་པས་ཞུས་པའི་ཉམས་མྱོང་གི་གླེང་བསླང་རིང་མོ། ཕྱག་རྒྱ་ཆེན་པོ་ལམ་ཁྱེར་ཞེས་པ་གཟའ་གཏད་མེད་པའི་ཚུལ་དུ་འགྲོ་བའི་འགྲོ་ལུགས། མལ་དབུ་དཀར་བ་ལ་གསུངས་པའི་མན་ངག་དང་པོ་བཀའ་གདམས་ཀྱི་བདག་མེད་པ། གཉིས་པ་དུར་ཁྲོད་འདྲེ་ཅན། གནས་བརྟན་རྒན་གྲ་བ་ལ་གསུངས་པའི་འཁྲིད་ཡིག་དང་པོ་དུས་གསུམ་སངས་རྒྱས་མ། གཉིས་པ་དངོས་གཞིའི་མན་ངག །གསུམ་པ་དུས་གསུམ་སངས་རྒྱས་ཐམས་ཅད་ཀྱི་དགོངས་པ་ཕྱིན་ཅི་མ་ལོག་པ་ཡང་དག་པའི་ཡེ་ཤེས་སོ་སོ་

རང་གིས་རིག་ཅིང་ནང་ནས་འཆར་བའི་མན་ངག །སྐུ་གསུམ་ངོ་སྤྲོད་ཆེ་བ་དམིགས་མེད་བདེ་ཆེན་མ། ཆུང་བ་འབྲས་བུ་སྐུ་གསུམ་མ། ཕ་རོལ་དུ་ཕྱིན་པའི་དོན་ཕྱིན་ཅི་མ་ལོག་པའི་མན་ངག་གཞན་ལ་མ་སྟོན་མཛོད་ཀྱི་མཐའ་ཅན། དྭགས་པོའི་ཆོས་བཞིའི་ངོ་སྤྲོད་མན་ངག་ཚིག་བཞི་པ་ཞེས་པ། རྣལ་འབྱོར་རྣམ་པ་བཞིའི་རྣམ་གཞག་ཁམས་པ་མགོན་སྟོན་གྱི་དོན་དུ་བསྒྲིགས་པ། དེའི་དབྱེ་བ། དེའི་ཉམས་ཀྱི་འཆར་ཚོད་ལག་ན་བྱང་ཆུབ་འདུག་ཅེས་སོའི་མཐའ་ཅན། དེའི་གནས་ལུགས་བློའི་བྱེད་པ་ལས་འདས་པས་ཁྱད་དེ་ཙམ་ཞིག་ཡོད་དོའི་མཐའ་ཅན། དེའི་ངོ་སྤྲོད་ཆུང་བ་རྣལ་འབྱོར་རྣམ་པ་བཞི་རྫོགས་སོའི་མཐའ་ཅན། གཤོར་བཞིའི་ངོས་འཛིན་དེ་ལྟར་མ་རྟོགས་ན་གཉེན་པོ་འཆོར་བ་ཡིན་ནོའི་མཐའ་ཅན། དེའི་ངོས་འཛིན་ཆུང་བ་གཤོར་ས་བཞི་ངོ་སྤྲོད་པ་རྫོགས་སོའི་མཐའ་ཅན། གོལ་ས་བཞིའི་ངོས་འཛིན། རྗེ་བཙུན་ནཱ་རོ་པཎ་ཆེན་གྱི་གདམས་ངག་ཆོས་དྲུག་གི་ཉམས་ལེན་འཆི་ཁར་རང་གི་ཡི་གེ་འདི་མེ་ལ་སྲེགས་ཤིག་མིས་མཐོང་དུ་མི་རུང་ངོའི་མཐའ་ཅན། གཟེར་དང་པོ་ན་ཚ་བོགས་སུ་འདོན་པ། གཉིས་པ་འཆི་བ་གྲོགས་སུ་འཁྱེར་བ། གསུམ་པ་མཚན་རྟོགས་རང་གྲོལ། བཞི་པ་ཉོན་མོངས་ལམ་སློང་། ལྔ་པ་བར་གཅོད་དངོས་གྲུབ་ཏུ་བླང་བའི་གཟེར་རྣམས། དྲུག་པ་ངེས་དོན་དེ་ཁོ་ན་གཙོ་བོར་སྟོན་པའི་སྐོར་ལ། མི་རྟག་པ་བསྒོམ་པའི་རིམ་པ་ཆིག་ལབ་རིང་མོ། ཇོ་སྲས་དར་མ་སེང་གེས་ཞུས་པའི་ལམ་འབྲས་བུ་དང་བཅས་པའི་མཆིད་ཚིག་ལྷུག་པ། དེའི་ས་བཅད། ཉེ་གནས་མར་པས་བསྐུལ་ནས་མཛད་པའི་ལམ་མཆོག་མཐར་ཐུག་བཀའ་དང་བསྟན་བཅོས་རྣམས་དང་བླ་མ་དམ་པའི་

དགོངས་པ་རང་གིས་རྟོགས་ཚོད་གླེང་བ། སྙིང་གིས་སྙིང་ལ་གཏད་པ་གཅེས་པ་བསྡུས་པ། ཆོས་ལག་ལེན་དུ་དྲིལ་བ་ཆོས་བུའི་རྒད་པོ་བྲག་ཏུ་མཛད་པ། ཡིད་ཆེས་པའི་གནས་བཅུ་གསུམ་བསྟན་པ་དཔེ་དཔག་ཏུ་མེད་པ་རིན་པོ་ཆེ་ཉིད་གསུང་ངོའི་མཐའ་ཅན། མོན་མཚོ་སྣའི་གནས་བརྟན་སྤོངས་པ་ལ་གསུངས་པའི་སྙིང་གཏམ། གནས་བརྟན་སྒོམ་ཆེན་ལ་གདམས་པ་ཉ་ག་འགགས་དུས། རང་གིས་རང་ལ་གདམས་པ་བདུད་རྩི་བུམ་འཕྲེང་། ཕྲ་མོ་གཅོད་པའི་གླེང་བསླང་། བརྡ་བཞི་དོན་བཞིས་གདམས་པ། ཕྱག་རྒྱ་ཆེན་པོའི་བརྡ་དོན་རྩ་འགྲེལ་ཅེ་སྤྱང་ཝ་སྟག་མ། ཡོན་ཏན་རྩལ་མཆོག །སྲིད་པའི་འབྲོང་བུ་ལྐུགས་པར་གསུངས་པའི་མན་ངག་ལྷུག་པ། འཁོར་འདས་ཀྱི་རྩ་བ་གཅོད་པའི་མན་ངག་ཡོན་བདག་ཕྱུག་པོ་ཇོ་བཙུན་སྣང་བས་བཏེག་པའི་དུས་སེམས་ལ་ཤར་ནས་བཀོད་པ། ལམ་འབྲས་དྲིལ་བའི་ཉམས་ལེན། སྒོམ་ཆེན་དྷརྨ་སེང་གེའི་ཞུ་ལན་ཐེག་ཆེན་མ། དེ་ཉིད་ལ་འཕྱུག་མེད་གནད་ཀྱི་གདམས་པ་བཀའ་དྲིན་ཅན་མ། གནས་བརྟན་མགོན་པོ་ལ་སྤྲིངས་པ། དེ་ཉིད་ལ་གསུངས་པ་ཀུན་ཚང་ནོར་བུ་རིན་ཅེན་གྲིབ་ཀྱི་ལུག་རུར་ཕག་ལོའི་དགུན་ཟླ་ར་བའི་ཚེས་བཅུ་བཞིའི་ཉིན་བཀོད་པ། ཐུན་མོང་མ་ཡིན་པ་ཉམས་ཐམས་ཅད་མཁྱེན་པ་ཞེས་བྱ་བ་རེའུ་རྩའི་གཙུག་ལག་ཁང་དུ་བསྡེབས་པ། ཆགས་སྡང་རྩད་གཅོད། བླ་མ་དངོས་སུ་བྱོན་པའི་གླེང་བསླང་། སྒྲུབ་བརྒྱུད་ལམ་མཆོག་འཕྲེང་བ་གསུམ་གཅིག་ཏུ་དྲིལ་བའི་གདམས་ངག །སྙིང་གཏམ་ཉི་ཤུ་པ། སེམས་ཉིད་འོད་གསལ་ནོར་བུའི་འཕྲེང་བ། ཡིད་ཆེས་གླེང་བསླང་། མན་ངག་སྙིང་པོ་གསལ་བ། འཆི་བ་གྲོགས་སུ་ཁྱེར་བའི་སྙིང་གཏམ་སྐུ་གནས་འགྲེས་

འདའ་མ། བདུད་ཀྱི་མདའ་ཉི་ཤུ་རྩ་ལྔ་པ། སྙིང་རྗེའི་གཏམ་བློ་རྡེག །ཡོན་ཏན་ངོམ་པ་ཨོཾ་གྲུབ་མ། བཙད་པོ་ཁྲི་རྩེ། བྲག་དམར་བསམ་ཡས་པ། ལ་གསུངས་པའི་མཆིད་ཚིག །དགེ་འདུན་གྲུ་གུ་སྒང་པའི་གནས་བརྟན་སེང་གེ་གྲགས་སྤུན་ལ་སྤྲིངས་པ། རིག་པ་དང་རྐང་པར་ལྡན་པ་ཞེས་པ་སུམ་སྟོན་རྡོ་རྗེ་སྙིང་པོས་ཞུས་ལན་བསམ་གཏན་སེང་གེ་སྤུན་གྱི་ཕ་མ་རྒན་རྒོན་གཉིས་ཀྱི་གསོན་དགེའི་དུས་སུ་བཀོད་པ། ལྷ་རྗེ་སྲབ་སྨན་གྲགས་སེང་སྔགས་སེང་ཟེར་བའང་འདུག །ལ་གསུངས་པའི་དྲིན་ལན་གསོབ་པའི་སྙིང་པོ། གླིང་རས་སྐུ་ཡལ་བའི་དུས་ཇོ་མོ་ལ་གསུངས་པའི་མྱ་ངན་བསལ་བ། དོར་ཏེ་འཆོར་ནག་ཏུ་གསུངས་པའི་དུམ་བུ་བརྒྱད་ཀྱི་དང་པོ་རྟོགས་ལྡན་དོན་བརྒྱུད། གཉིས་པ་སྤྲང་བན་ཞང་ལ་བྱིན་རླབས་ཞུགས་པ། གསུམ་པ་བྱིན་རླབས་བརྒྱུད་ལྡན། བཞི་པ་སྤྲང་བན་ཞང་གི་སྙིང་རུམ། ལྔ་པ་དཔག་མེད་བསྐལ་བ་མ། དྲུག་པ་རྟོགས་ལྡན་དོན་བརྒྱུད། བདུན་པ་སྤྲང་བན་ཞང་ལ་ཞི་གནས་སྐྱེས་པ། བརྒྱད་པ་བླ་མ་རྗེ་བཙུན་མ། བདུད་ངོས་འཛིན་པའི་མན་ངག་དུམ་བུ་ལྔ་པ། འབྲོང་བུ་ཅལ་ཅོལ་ཆུང་བ། རང་གི་གཤིས་དང་བསྟུན་ནས་སྨྲས་པ། སྙིང་གཏམ་བུ་བརྒྱད་མ་གཉེན་པོ་ལྷན་ཐབས་འཁོར་ལོ་བདེ་མཆོག་མ། ཕུན་ཚོགས་སྣ་ཚོགས་ནོར་བུ་མ། སློབ་དཔོན་རིན་པོ་ཆེས་གསང་ཕུར་ཆོས་གསུངས་པའི་དུས་ཀྱི་བདེ་ཆེན་སྤྲོས་བྲལ་མ། བསྟན་བཅོས་བློ་ལྡོག་གྲོས་འདེབས། སྐྱོ་ཤས་བློ་ལྡེག །གནས་སྐབས་མཐར་ཐུག་གི་དོན་གཏན་ལ་འབེབ་པར་བྱེད་པ་བསྟན་བཅོས་ས་ལོག་གནམ་ལོག་རྣམས། བདུན་པ་གསུང་སྒྲོས་ཐོར་བུའི་སྐོར་ལ། ཤོག་དྲིལ་དང་པོ་ཞང་གི་ཆིག་ཆོད་མ། གཉིས་པ་མཚལ་གྱི་ཆུ་

འདི་བརྒལ་ནས་མཚམས་རྦད་ཀྱིས་བཅད་པ། གསུམ་པ་བར་དེར་དམ་ཉམས་པ་རྣམས་ཀྱིས་བཟའ་འདོད་ཚུད་པ་མེད་པ། བཞི་པ་དམ་ཉམས་འདི་རྣམས་རླག་པར་བྱེད་པ་ཡིན་ནོའི་མཐའ་ཅན། ལྔ་པ་གཟིམས་ཆུང་གི་སྒོའི་ཡ་ཐེམ་ལ་བཞུགས་སོའི་མཐའ་ཅན། གཉེན་པོའི་ཡིག་ཆུང་། གཉེན་པོ་བསྟེན་པའི་མན་ངག་སྒོམ་ཆེན་གསར་པ་རྣམས་ལ་གདམས་པ། དགེ་བཤེས་ལྷུན་པོ་དང་དོལ་པ་སྟོན་པའི་ཞུ་ལན། དྭགས་པོ་སྒོམ་པའི་གསུང་གི་ཟིན་བྲིས་ལྔ་པ། དེ་ཉིད་ལ་ཞུས་པའི་ལན། ཉང་གོལ་བའི་ཞུས་ལན་བཟང་ཡུལ་ཡར་སྣར་འཁྲུག་པའི་དུས་ཡི་གེར་བཀོད་པ། གསུང་སྒྲོས་རིན་ཅེན་རྒྱ་མཚོ་དགེ་སློང་ཤཱཀྱ་ཡེ་ཤེས་ཀྱིས་ཕྱོགས་གཅིག་ཏུ་བསྡེབས་པ། དེས་ཟིན་བྲིས་སུ་མཛད་པའི་གསུང་སྒྲོས་དང་པོ་སློབ་དཔོན་རིན་པོ་ཆེ། གཉིས་པ་སྐྱེ་བ་ཐོག་མེད་མ། གསུམ་པ་བླ་མ་རིན་པོ་ཆེ། བཞི་པ་ཆོས་ཀྱི་འགག །ལྔ་པ་སྐབས་ཤིག་མ། དྲུག་པ་བླ་མ་རིན་པོ་ཆེ། བདུན་པ་ཡང་བླ་མ་རིན་པོ་ཆེ། བརྒྱད་པ་གཞུང་གི་ཉ་མོ་གྱུར། དགོན་གཉེར་ཧྲིལ་མོའི་ཟིན་བྲིས་དཀོན་ཅོག་རིན་ཅེན་མ། དགེ་ཚུལ་བླ་མ་ཡེ་ཤེས་ཀྱི་ཟིན་བྲིས་དང་པོ་ཡོན་ཏན་ཉི་མ། གཉིས་པ་མ་རིག་མུན་འཁྱམས། གསུམ་པ་སློབ་དཔོན་རིན་པོ་ཆེ་བྲག་ནག་པའི་ཟིན་བྲིས་དགེ་སློང་བསོད་ནམས་གྲགས་པས་རང་ཉིད་ཀྱི་དྲན་པ་གསོ་ཕྱིར་བཀོད་པ་རྣམས། བརྒྱད་པ་ཉམས་མྱོང་ཤུགས་བྱུང་རྡོ་རྗེ་གླུའི་སྐོར་ལ། བསམ་ཡས་བྲག་སྔོན་དུ་གསུངས་པའི་མགུར་དང་པོ་འཆི་བས་འཇིགས་པའི་གཏམ། གཉིས་པ་སྐྱོ་ཤས་བློ་རྡེག །གསུམ་པ་ཕ་རོལ་ཕྱིན་དྲུག །བཞི་པ་རྟོག་པ་ངོས་འཛིན་པའི་ཞི་གནས། ལྔ་པ་མ་མཐོང་བའི་ཞི་གནས།

དྲུག་པ་ཞི་གནས་རྒོད་པོ། བདུན་པ་ཞི་གནས་བསྐྱེད་རིམ། བརྒྱད་པ་ཞི་གནས་དཔེས་མཚོན། དགུ་པ་ཞི་གནས་སྣ་ཚོགས་རོ་སྙོམས། བཅུ་པ་རྟོགས་པ་ལམ་ཁྱེར། བཅུ་གཅིག་པ་རྟོག་པ་གཏན་ལ་དབབ་པ། བཅུ་གཉིས་པ་བྱིན་རླབས་ཀྱི་ཉ་ག །བཅུ་གསུམ་པ་ཞི་གནས་ཆེན་མོ། བཅུ་བཞི་པ་སྙིང་གཏམ་བློ་སྟེགས། བཅོ་ལྔ་པ་མྱོང་གྲུབ་མ། གསང་སྔགས་ལག་ལེན་གྱི་མགུར་ལ། དང་པོ་སྐལ་ལྡན་མ། གཉིས་པ་སྐྱེ་བ་རྣལ་འབྱོར། གསུམ་པ་བདག་རང་སྤྲང་བན། བཞི་པ་རི་ཁྲོད་ཀྱི་སྤྲང་བན། ལྔ་པ་སྐྱེ་ལགས་མ། དྲུག་པ་བླ་མ་རྣམས་དང་མཇལ་ཚུལ། བདུན་པ་འཇིག་རྟེན་དང་བསྟུན་པ། བརྒྱད་པ་རང་སྐྱོན་མ་ཚོར་བ། དགུ་པ་བློ་བདེ་མ། བཅུ་པ་མཆེད་གྲོགས་དམ་པ། བཅུ་གཅིག་པ་གསང་སྔགས་ཐབས་ལམ། བཅུ་གཉིས་པ་དེང་སང་རྩོད་དུས། བཅུ་གསུམ་པ་ལྟ་སྒོམ་སྤྱོད་པའི་གླུ། བཅུ་བཞི་པ་སྐྱོ་སངས་ཀྱི་གླུ། བཅོ་ལྔ་པ་ཚིགས་བཅད་འཐེང་པོ་ཕྱེད་དང་བཅུ་གསུམ་གྱི་གླུ། བཅུ་དྲུག་པ་སེམས་ལ་འགྱོད་པའི་གླུ། བཅུ་བདུན་པ་ཆོས་ཉིད་དག་པའི་དབྱངས། བཅོ་བརྒྱད་པ་དུས་གསུམ་རྒྱལ་བའི་སྙིང་གཏམ། བཅུ་དགུ་པ་ཨ་རེ་སྐྱིད། ཉི་ཤུ་པ་ཞལ་ཏའི་ཡི་གེ །ཕྱའོ་ལུང་དུ་གསུངས་པ་བརྒྱད་ཀྱི་དང་པོ་སྙིང་པོ་འབྲུ་དྲུག །གཉིས་པ་རྟོགས་པའི་ཉམས་ལ་བསྟོད་པ། གསུམ་པ་སྙིང་པོ་དོན་གྱི་གླུ། བཞི་པ་ཕྱི་ཚིས་གཏོར་བའི་གླུ། ལྔ་པ་ཆོས་པའི་མཚང་། དྲུག་པ་དུ་མ་རོ་གཅིག་གི་རྟོགས་པ། བདུན་པ་ལྷན་ཅིག་སྐྱེས་པའི་རྟོགས་པ། བརྒྱད་པ་སྙན་བརྒྱུད་མར་གྱི་ཉིང་ཁུ། གླ་སྒྲོ་མོན་གདོང་དུ་མཛད་པའི་དང་པོ་ལྟ་སྒོམ་སྤྱོད་འབྲས་ཀྱི་གླུ། གཉིས་པ་རྟོག་པའི་གླུ། གསུམ་པ་སྲད་མ་ཅན། བཞི་པ་གླེང་བསླང་། ལྔ་

པ་ཐལ་བའི་གླུ། དྲུག་པ་འགྲོ་བའི་གླུ། བདུན་པ་ནམ་མཁའ་ལྟ་བུ། བརྒྱད་པ་བྱ་བ་བཏང་བ། དགུ་པ་འགྱོད་རི་ཤི་བ། བཅུ་པ་ཉམས་སུ་མྱོང་བ། བཅུ་གཅིག་པ་སྙིང་གཏམ། བཅུ་གཉིས་པ་ཐར་ཆེན་ཐོབ། བཅུ་གསུམ་པ་ཐལ་ཆུག་མ། བཅུ་བཞི་པ་བཀོད་པའི་རྣམ་གྲངས། བསམ་ཡས་རྒོད་པོ་མ་ལ། དང་པོ་ཡོངས་གླུ་རིང་མོ། གཉིས་པ་བདེ་བའི་གླུ། གསུམ་པ་འཕྲོ་བའི་གླུ། བཞི་པ་ནམ་མཁའ་མཛོད། ལྔ་པ་ཡུལ་ཆོག་གོག་པ་སྤོང་བའི་གླུ། ཡང་དགོན་ཀ་དགུ་མར་གསུངས་པ་སྔོན་གྱི་གྲུབ་ཐོབ་སོགས་མ། རང་སེམས་གཏན་ལ་དབབ་པ། བྲེད་མདའི་ཕྱག་ཁྲི་མཆོག་གིས་ཆོས་སྐོར་གྲ་ཚང་དུ་ཤིན་ཏུ་བརྙས་བཅོས་ཀྱི་སྒོ་ནས་བསྟོད་པ། འདི་དཀར་ཆག་ན་མི་སྣང་ཞིང་གསུང་མིན་ཀྱང་ལུང་མཛད་སྲོལ་འདུག །བླ་མས་ཞལ་ཏ་བཏབ་པའི་གདམས་པ་གྱ་གྲོང་གི་དར་བསོད་མ། འདི་གཉིས་དཀར་ཆག་ན་མི་གསལ། དེ་ལ་གསུངས་པའི་ཆིག་ཆོད་ཆེན་མོ། ཞུ་ལྔ་མ། རྡོ་རྗེ་གདན་དྲུག་མ། སེང་གེ་རྒྱལ་པོའི་སྒྲུབ་ཐབས། བྱང་གི་འབྲོང་བུར་གསུངས་པའི་ཀུ་རེའི་འཕྲེང་བ་དུམ་བུ་དང་པོ་འདྲ་མིན་ཉི་ཤུ་རྩ་གཅིག་པ། གཉིས་པ་ཆོས་ཀྱི་དབྱིངས་ལས་སྤྲོས་པ། གསུམ་པ་ཉེས་སྐྱོན་སྤོང་བར་བསྐུལ་བ། བཞི་པ་ཚིག་དང་དོན་ལ་མཁས་པའི་ཁྱད་པར། གྲུབ་ཐོབ་དབུ་སེ་དང་མཇལ་བའི་མགུར། ཡོན་ཏན་སེང་གེའི་གྲང་ཁང་དུ་རྟོག་མེད་སྤྲོས་བྲལ་གྱི་རྗེས་ལ་མགུར་གསུངས་པ་བདེ་ཆེན་སྤྲོས་བྲལ། བློ་བདེ་བཞིའམ་སྐྱིད་པ་བདུན་གྱི་མགུར། མི་རྟག་པ་བསྐུལ་བའི་གླུ་མི་ཚེ་མ། སྐྱོ་བ་སྐྱེད་པའི་གླུ་ཨང་བཅུ་བཞི་མ། ལམ་ཁྱེར་གྱི་དབྱངས་ཆུང་གཉིས་ཀྱི་དང་པོ་རྒྱལ་གྱི་ཆས་བརྒྱད་ཐོ་རངས་བླངས་པ། གཉིས་པ་རིག་པའི་མེ་ལོང་། ཅི་བྱ་དགོས་མེད་མ། གེགས་སེལ་བརྒྱད་

པ་གནས་མི་དམིགས་མ། རང་ལ་རང་གིས་གྲོས་འདེབས་པ། དོན་བྱེད་བཤགས་པ། ར་མདའ་མ། ཞལ་ཕོ་ཁྱི་དགུ་མ། གུ་རུབ་རེ་བ་སྐྱིད་ཀྱིས་ཞུས་པའི་རང་གིས་རང་ཁྲེལ་མ། རང་རིག་ཡེ་ཤེས་མ། གདོས་པ་དང་འཁྲུས་པའི་དུས་གསུངས་པ་བུ་སྤྲང་བན་མ། སྒམ་པོ་རབ་གནས་བཀྲ་ཤིས་ཕུན་ཚོགས་མ། གཡུ་བྲག་ཡིད་ཆེས་ཀྱི་ལེའུ། ཞང་སྟོན་སྤྲོ་བ་བསྐྱེད་པའི་ལེའུ། གཡའ་ལུང་གི་གདེང་ཆེན་བཅུ་དྲུག་མ། གཡའ་ལུང་ཞལ་ཕོ་མ་བདག་རང་དགེ་སྦྱོང་། གཡའ་གོང་གངས་གོང་མ། བྱེ་མ་ཅན་དུ་གསུངས་པ་གཉིས་ཀྱི་དང་པོ་སྤྱི་གཙུག་རྒྱན་བཞུགས་མ། གཉིས་པ་ལུས་ངག་བག་ཡོད་མ། བླ་མ་ལ་སྒོམ་ཉམས་འབུལ། འདི་དཀར་ཆག་ན་མི་འདུག །ལྷ་ལུང་ནགས་ཀྱི་རྩེ་མོ་ལ་སྒོམ་པའི་ཉམས་མྱོང་ཤར་བ་སྣང་གསལ་གཉིས་མེད་སྟོན་པའི་གླུ། ཁྲེལ་བགོད་རིང་མོ་བྱན་མཁར་མདའ་མཆོག་ཏུ་བཀོད་པ། སྐལ་ལྡན་གདུང་བའི་སྨན་གསོས། འབེན་ནག་བྲག་མ་གསུམ་གྱི་དང་པོ་ཞང་གི་སྤྲང་བན། གཉིས་པ་ཀྭ་ཡེ་མི་སྡོད། གསུམ་པ་འཇའ་ཚོན་ནམ་མཁའ་མ། ཞལ་ཏ་གདམས་ངག་མ་བཀའ་རྒྱས་བཏབ་པ། ངན་འགྲོའི་སྲིད་སྐྱོབ་མ། འདི་དཀར་ཆག་ན་མི་འདུག །སྐུ་གཤེགས་རྗེས་དགེ་བཤེས་བྲག་ནག་པ་ལ་གསུངས་པའི་འཆི་མེད་ཆོས་སྐུ། འཆམས་ཆུང་གསུམ་གྱི་དང་པོ་གནས་ཆེན་མ། གཉིས་པ་གངས་བསྟོད་མ། གསུམ་པ་ཨནྡེ་ཕུག་རོན་མ། འཆམས་ཆུང་སྣང་བ་ཟིལ་གནོན། བླ་མ་དཔལ་ལ་ཤིས་པར་བརྗོད་པ་གཉིས་ཀྱི་དང་པོ་བཀྲ་ཤིས་མཆོག་རབ་མ། གཉིས་པ་བཀྲ་ཤིས་གང་ཞིག་མ། མཚལ་སྒར་རྨང་བྲི་བའི་དུས་སུ་མཛད་པའི་དང་པོ་བདེ་ལེགས་ཐམས་ཅད་མ། གཉིས་པ་བདེ་

བ་ཆེན་པོ་མ་རྣམས་ཐོབ་པའི་བརྒྱུད་པ་ནི། རྡོ་རྗེ་འཆང་། ཆོས་སྐུ་ཡེ་ཤེས་ཀྱི་ཌཱ་ཀི་མ། རྩ་བའི་བླ་མ་དྲུག །སློབ་དཔོན་རྔོག །ཁམས་སརྒྭ་ལོ། མལ་ཡེར་པ་བ། བླ་མ་འོལ་ཁ་པ། བླ་མ་བཻ་རོ་པ། སྒམ་པོ་སྒོམ་ཚུལ་རྣམས། ཞང་འགྲོ་མགོན་གཡུ་བྲག་པ། མཉམ་མེད་ཤཱཀྱ་ཡེ་ཤེས། བླ་མ་བཙན་ཁང་པ། རྗེ་སངས་རྒྱས་གཞོན་ནུ། མཚུངས་མེད་ཀུན་དགའ་རྒྱལ་མཚན། རྗེ་གྲགས་པ་བཟང་པོ། མཁས་གྲུབ་ཤཱཀྱ་བསོད་ནམས། བླ་མ་དྷརྨ་ཕ་ལ། ཆོས་རྗེ་དཔལ་ལྡན་རྒྱལ་མཚན། རྗེ་གྲགས་པ་བསོད་ནམས། བླ་མ་དགེ་འདུན་དཔལ་ལྡན། སྤྱན་ལྔ་གྲགས་པ་རྒྱལ་མཚན། སྤྱན་སྔ་ངག་དབང་རྒྱ་མཚོ། སྤྱན་སྔ་ངག་དབང་བསོད་ནམས་རྒྱལ་མཚན། སྤྱན་སྔ་སྐལ་ལྡན་རྒྱ་མཚོ། རིགས་ཀུན་ཁྱབ་བདག་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཞང་འགྲོ་བའི་མགོན་པོའི་བཀའ་འབུམ་བཀའ་རྒྱའི་དབང་ལུང་ཐོབ་པ་ལ། དང་པོ་ས་ཆོག །གཉིས་པ་ལྷ་སྟ་གོན། གསུམ་པ་སློབ་མ་རྗེས་གཟུང་གསུམ་སྔོན་དུ་འགྲོ་བའི། བཞི་པ་རྒྱུ་དུས་ཀྱི་དབང་མོ་ཆེ། ལྔ་པ་ལམ་དུས་ཏིང་ངེ་འཛིན་གྱི་དབང་། ཚོམ་བུ་ཞེ་བདུན་མའི་དབང་། རྣམ་ཐར་ལྷ་ས་མའི་དབང་། རྣམ་ཐར་བསམ་ཡས་མའི་དབང་། མགོན་པོ་ཕྱག་བཞི་པའི་རྗེས་གནང་དང་བཅས་ནས། རྒྱབ་བརྟེན་ལུང་ལ། ཞང་འགྲོ་བའི་མགོན་པོའི་ཕྱི་ནང་གསང་གསུམ་གྱི་རྣམ་པར་ཐར་པ་ལས་ཕྱི་ནང་གི་རྣམ་ཐར་གཉིས་བཀའ་འབུམ་དུ་བཞུགས་ཤིང་། གསང་བའི་རྣམ་ཐར་བཀའ་རྒྱས་བཏབ་པ་འདི་ལ་རྒྱས་པར་འདུལ་བ་འོད་ཀྱི་ལུགས། འབྲིང་པ་གཙང་སྟོན་རྣལ་འབྱོར་གྱི་ལུགས། བསྡུས་པ་ལོ་ཞིག་གི་ལུགས་དང་གསུམ། དང་པོ་ལ། མཁའ་འགྲོའི་བཀའ་རྒྱ་གསང་བདུན་གྱི་སྟེང་དུ་

ངར་ཕུག་པ་དང་གཟིམས་ཆུང་པ་གཉིས་གཅིག་ཏུ་བྱས་ཏེ་རྣམ་ཐར་བརྒྱད་དུ་གྲགས་པའི་ཕྱི་མ་གཉིས་གཙོ་བོར་གཟུང་བའི་དཔོན་དར་མ་གཞོན་ནུ་དང་འདུལ་བ་འོད་ཀྱིས་ཞུས་པའི་དཀར་ཆག་གི་རྗེས་སུ་འབྲངས་ཏེ་བཀོད་པར། གཟིམས་ཆུང་མ། མོན་གདོང་མ། མཚལ་སྒང་ཆོས་སྤྱིལ་མ། སྤྱིལ་ཁོངས་མ། གཡུ་བྲག་འཁྲུལ་འཁོར་མ། བསམ་ཡས་ཆོས་སྐུ་མ། གཡའ་ལུང་འབྲོང་བུ་མ། ལྷ་ས་མ་དང་བརྒྱད། དང་པོ་ལ། ངར་ཕུག་མའི་ཞུ་ལན་ང་རང་མིན་པ་བསམ་དུ་མེད་པ་རྣམས་ལ་བཀའ་མ་བཅད་ཅིག་གི་མཐའ་ཅན། གུང་ཐང་གཟིམས་ཆུང་དུ་དཔོན་དར་མ་གཞོན་ནུའི་ཞུ་ལན་དང་པོ་འོད་ཟེར་བཀྱེ་ནས་བྱིན་གྱིས་བརླབས་པ་ཡིན་ནོའི་མཐའ་ཅན། གཉིས་པ་སྐུ་གསུམ་དུ་བསྒྲུབ་པར་བྱ་བའོ་མཐའ་ཅན། བཀའ་རྒྱ་སྤྱི་ཆིངས་མ་ལས་ཅན་རྣམས་ཀྱིས་ཉམས་ལེན་འདི་ལ་མཛོད་ཀྱི་མཐའ་ཅན། བླ་མའི་བཀའ་བབས་ལོ་རྒྱུས་དྲིན་ཅན་བརྒྱའི་གསུང་གི་མཐའ་ཅན། གདམས་ངག་བཀའ་བབས་ལོ་རྒྱུས་མར་སྒོམ་དང་རྒྱ་སྟོན་འདུལ་བ་འོད་ལ་བཀའ་བབས་སོའི་མཐའ་ཅན། ཡེ་ཤེས་དབང་གི་མཎྜལ་གྱི་དཔེ་རིས་བྱིན་རླབས་ཡེ་ཤེས་དབང་གི་བཀའ་རང་བབས་བདེ་ཆེན་ཆོས་ཀྱི་སྐུའོོའི་མཐའ་ཅན། སྔོན་འགྲོའི་བྱིན་རླབས་ཡེ་ཤེས་དབང་གི་ལྡེ་མིག་སུ་ལའང་མི་སྟོན་པའི་བཀའ་རྒྱ་ཡོད་དོའི་མཐའ་ཅན། དབང་བཞི་མེ་ཏོག་ཚོམ་བུ་བཞི་བཅུ་ཞེ་བདུན་མ་ལ་ལྷ་ངོ་སྤྲད་པ་དང་བཅས་ཏེ་གདམས་པ་ཡེ་ཤེས་དབང་གི་བཀའ་རྒྱ་ལྡེ་མིག་གོའི་མཐའ་ཅན། ལྷ་ངོ་སྤྲོད་པའི་བཀའ་རྒྱ་ལྡེ་མིག །རྡོ་རྗེ་རྦ་རླབས་ཀྱི་ངོ་སྤྲོད་བཀའ་རྒྱ་ལྡེ་མིག །རིག་པའི་རྩལ་དབང་གླང་ཐང་གི་རྨང་འདིང་པའི་དུས་བདེ་ཆེན་རྡོ་རྗེས་ཇི་ལྟར་ཞལ་མཐོང་

བ་ལྟར་གནང་བ། གཟིམས་ཆུང་མའི་ཞལ་གདམས་ས་མ་ཡ་སྙིང་ལ་སྤོས་ཤིག་གི་མཐའ་ཅན། འདི་ལྷ་ཀ་མའི་ཆོས་སྡེར་ཡང་འདྲེན། ཕྱག་རྒྱ་ཆེན་པོ་ལུས་བརྡའི་དམ་ཚིག་གི་ཆིངས་ཆོས་སྡེ་བརྒྱད་དོའི་མཐའ་ཅན་རྣམས། གཉིས་པ་མོན་གདོང་མ་ལ། བཀའ་རང་བབས་རྡོ་རྗེ་གསང་རྒྱུད་ཀྱི་ལོ་རྒྱུས་ཐུགས་ལ་བཏགས་པ་འདུག་གོའི་མཐའ་ཅན། རྡོ་རྗེ་གསང་རྒྱུད་ཚིགས་སུ་བཅད་པ་མཛད་དོའི་མཐའ་ཅན། བརྡ་དོན་འཆད་པ་སྟག་གི་རི་ལ་སྐུ་གསེང་བའི་ཉིན་པར་ཞལ་ནས་དཔོད་པ། ཐབས་ལམ་ཁྲོ་བོའི་འཁྲུལ་འཁོར་གཙང་སྟོན་རྣལ་འབྱོར་ལ་གདམས་པ། བཀའ་རང་བབས་ཀྱི་འགྲེལ་པ་དཔེ་འདི་མེ་ལ་ཕུལ་ཅིག་བརྗེད་ཐོ་ཙམ་མོའི་མཐའ་ཅན། ཡི་དམ་ལྷས་བརྡ་དོན་དུ་གསུངས་པའི་འགྲེལ་པ་བཀའ་རྒྱས་ལན་གསུམ་ཡོད་དོའི་མཐའ་ཅན། བླ་མ་སྐུ་གསུམ་སྒྲུབ་པའི་ཞལ་གདམས་སྐལ་མེད་རྣམས་ལ་མ་སྤེལ་ཅིག་གི་མཐའ་ཅན། མིང་རུས་སེམས་གསུམ་འཚོལ་བའི་འཁྲིད་བླ་མ་ལ་གསོལ་བ་ཐོབ་ཅིག་བྱས་ལ་ངོ་སྤྲད་དོའི་མཐའ་ཅན། གསང་བ་ངོ་སྤྲོད་གདམས་པ་བཀའ་རྒྱ་ལྡེ་མིག །ལུས་བརྡའི་བསྲེ་བ་སྐོར་ལྔ་ཐུགས་ལ་བཏགས་སོའི་མཐའ་ཅན། བླ་མ་སྤྱིའི་དབང་བསྐུར། བླ་མ་བསྒྲུབ་པའི་དབང་བཞིའི་ཞལ་གདམས་བསྐལ་པ་ཕྱོགས་མེད་ལ་དབང་ངོའི་མཐའ་ཅན། འཁོར་བཞིར་བླ་མ་བསྒྲུབ་པ་བཀའ་རྒྱ་ཡོད་པ་འོའི་མཐའ་ཅན། བླ་མ་བསྒྲུབ་པའི་ཕྱག་རྒྱ་བཞིའི་དོན་ཞལ་གདམས་ལྡེ་མིག་གི་བཀའ་རྒྱ་མ། འཁོར་ལོ་བཞིའི་མན་ངག་རིན་ཅེན་སྒྲོན་མེ། གསུམ་པ་མཚལ་སྒང་ཆོས་སྤྱིལ་མ་ལ། ལམ་ཟབ་བླ་མ་ཆོས་ཐུན་ཉི་ཤུ་རྩ་གཅིག་ཡོད་དོའི་མཐའ་ཅན། འདི་རྣམ་ཐར་འབྲིང་པོའི་ཆོས་ཚན་དུའང་འདྲེན། འཕྲིན་

ལས་བཞིས་མཆོག་སྒྲུབ་པའི་རྩ་བ་དམ་དུ་གྱིས་ཤིག་གི་མཐའ་ཅན། དེའི་ལྡེ་མིག་བཀའ་རྒྱ་མ་འདི་ལ་དམ་དུ་གྱིས་ཤིག་གི་མཐའ་ཅན། བྱེ་བྲག་ཏུ་ཕྱག་རྒྱ་བཞིའི་སྒྲུབ་ཚུལ་ནང་འཁོར་ལོ་བཞིའི་བསྟན་བཅོས་སོའི་མཐའ་ཅན། ཆོས་སྐུ་ཡེ་ཤེས་ཀྱི་ཌཱ་ཀི་མའི་མངོན་རྟོགས་གསང་བ་དོན་ལྡན། ཧེ་རུ་ཀའམ་ཆོས་སྐྱོང་གི་གནས་ལུགས་སྟབས་བསྟན་པ་ལ་ནང་གསེས་ཀྱི་རྡོ་རྗེའི་རིགས་ཀྱི་མགོན་པོ་སྔོན་པོ། དེ་བཞིན་རིགས་ཀྱི་མགོན་པོ་དཀར་པོ། རིན་ཅེན་རིགས་ཀྱི་མགོན་པོ་སེར་པོ། པདྨ་རིགས་ཀྱི་མགོན་པོ་དམར་པོ། ཕྲིན་ལས་རིགས་ཀྱི་མགོན་པོ་ལྗང་གུ་སྟེ་ལྔ། རྒྱལ་པོ་ཆེན་པོ་བཞིའི་གནས་ལུགས་སྟབས་བསྟན་པ། དྲང་སྲོང་བསྲུང་བའི་གནས་ལུགས་སྟབས་བསྟན་པ་བཀའ་རང་བབས་ཀྱི་མཐའ་ཅན། དྲང་སྲོང་ཏིང་ངེ་འཛིན་གྱིས་བསྲུང་བའི་བཀའ་བབས་དྲང་སྲོང་བསྲུང་བའི་བཀའ་རྒྱ་ལྡེ་མིག་ཆད་པ་ཆོད་ཅིག་གི་མཐའ་ཅན། འཕོ་བའི་གདམས་པ་ཌཱ་ཀིས་བསྲུངས་པ་ཡི་གེར་བཀོད་པའི་མཐའ་ཅན་རྣམས། བཞི་པ་སྤྱི་ཁུངས་མ་ལ། ཧཱུྃ་ཉི་ཤུ་རྩ་གཅིག་གི་རྩ་བ་དམ་པར་ཉམས་སུ་ལོང་ཞིག་གི་མཐའ་ཅན། དེའི་ལྡེ་མིག་བཀའ་རྒྱས་ཡང་ཡང་བཏབ་བོའི་མཐའ་ཅན། དེའི་གདམས་པ་མན་ངག་གི་གནད་དམ་པ་འོའི་མཐའ་ཅན། དེའི་དམིགས་པ་འདུལ་བ་འོད་དང་རྒྱ་སྟོན་གཉིས་ལ་གདམས་པ་འོའི་མཐའ་ཅན་དང་ཌཱ་ཀིའི་སྙན་བརྒྱུད་བཀའ་རྒྱ་མ་འོའི་མཐའ་ཅན་ཏེ་གཉིས། དེའི་ལྷན་ཐབས་ངག་ཏུ་ཧཱུྃ་བརྗོད་པ་གལ་ཆེ་འོའི་མཐའ་ཅན། སྤྱི་ཁོངས་མའི་བྱིན་དབབ་རྗེ་བཙུན་མའི་གསང་སྒྲུབ། དབང་བཞི་དོན་རྫོགས་མིང་བཤད་དུ་མ་འདོད་ཀྱི་མཐའ་ཅན། བཀའ་རང་བབས་ཚིག་གི་ཞལ་

གདམས་གསུངས་སོའི་མཐའ་ཅན། སྤྱི་ཆིངས་ཀྱི་ཞལ་གདམས་དག་བྱེད་དབང་བཞིའི་གདམས་པ་མདོར་བསྟན་པ་འོའི་མཐའ་ཅན། ཁྲུས་བཞིའི་གདམས་པ་རྣམ་པར་ཤེས་པའི་ཁྲུས་ཕྱག་རྒྱ་ཆེན་པ་འོའི་མཐའ་ཅན། དག་བྱེད་བཞིའི་རྒྱས་བཤད་བཀའ་རྒྱ་དམ་པ་ཡང་ཡང་བཏབ་བོའི་མཐའ་ཅན། དེའི་གདམས་པ་སྙིང་གཞན་ལ་མ་སྦྱིན་ཞིག་གི་མཐའ་ཅན། སྤྱི་ཁུངས་མའི་མན་ངག་ལྷ་ཐམས་ཅད་དགྱེས་པར་བསམ་མོའི་མཐའ་ཅན། ཚོགས་མཆོད་བཀའ་རྒྱ་མ་ཀླད་པ་མ་ཆུང་ཞིག་གི་མཐའ་ཅན། ལག་མཆོད་བཀའ་རྒྱ་མ་ཚོགས་ཀྱི་ལྡེ་མིག་གོའི་མཐའ་ཅན། གཏོར་མ་བཀའ་རྒྱ་མ་ལུས་དང་གྲིབ་མ་བཞིན་དུ་བྱ་བ་ཐམས་ཅད་བྱེད་དོའི་མཐའ་ཅན། དགོས་འདོད་རེ་སྐོང་མའི་ལོ་རྒྱུས་ཞལ་ལས་ཤེས་པར་བྱ་འོའི་མཐའ་ཅན། དེའི་སྒྲུབ་ཐབས་ཞེས་པ་མཁའ་འགྲོས་བསྟོད་པ་འོའི་མཐའ་ཅན་རྣམས། ལྔ་པ་གཡུ་བྲག་འཁྲུལ་འཁོར་ལ་ཐབས་ལམ་འཁྲུལ་འཁོར། འཁྲུལ་འཁོར་རྩ་བ་བརྟུལ་ཞུགས་ཀྱི་མན་ངག་གོའི་མཐའ་ཅན། བཀའ་རྒྱ་གསང་བདུན་ལག་ཏུ་མ་ཤོར་བགྱིས་ཤིག་གི་མཐའ་ཅན། འཁྲུལ་འཁོར་གྱི་དཔེ་རིས། ནད་ལམ་ཁྱེར་རྣམས། དྲུག་པ་བསམ་ཡས་ཆོས་སྐུ་མ་ལ། བཀའ་རང་བབས་མ་འཕྱུགས་པ་གལ་ཆེ་འོའི་མཐའ་ཅན། སྒྱུ་ལུས་ལྡེ་མིག་གཙང་སྒོམ་ཧྲལ་མོ་ལ་གནང་ངོའི་མཐའ་ཅན། མཆིམས་ཕུ་མ་ལ་ལྷ་བཙུན་ལ་གདམས་པ་བདག་རང་ཞང་དུ་ཐག་འདིས་ཆོད་ཀྱི་མཐའ་ཅན། མཚན་ཡང་དག་པར་བརྗོད་པ་བསྡུས་པ་འཇམ་དཔལ་ཁོང་སྙིང་། ཡང་ལྷ་བཙུན་ལ་གདམས་པ་མེ་འབྲུག་སྤྲེལ་ཟླའི་ཚེས་གསུམ་ལ་བྲིས་པ། མཆིམས་ཕུའི་དབང་འདི་བརྒྱུད་པ་

གཞན་དུ་ཤེས་པར་གྱིས་ཀྱི་མཐའ་ཅན། སྤྱི་གནད་ཀྱི་གདམས་པ། ཞལ་གདམས་སྐུ་གསུང་ཐུགས་ཡོན་ཏན་འཕྲིན་ལས་ལྔའི་ཟབ་དོན་རྣམས། བདུན་པ་གཡའ་ལུང་འབྲོང་བུ་མ་ལ། རྡོ་ལ་ཞབས་རྗེས་བྱུང་བའི་ལོ་རྒྱུས། སྤྱོད་པའི་བོགས་འདོན་གཡའ་ལུང་ལྷ་ས་མ་བཀའ་རྒྱ་ལན་བདུན་ཡོད་པ། སྡོམ་པ་རྒྱ་མཚོའི་རྒྱུད་ཚིག་དེ་ངོ་སྤྲོད་པ་འོའི་མཐའ་ཅན། སྤྱོད་པའི་དོན་བསྟན་པ་མངོན་དུ་གྱུར་པ་འོའི་མཐའ་ཅན། གཡའ་ལུང་འབྲོང་བུའི་གསང་བ་ཆེན་པོ་འདི་དབང་ཉམས་ངོ་སྤྲད་པ་གནད་ཀྱི་ཞལ་གདམས་ལྡེ་མིག །དོན་རྒྱས་ཡེ་ཤེས་ཌཱ་ཀིས་གསུངས་སོའི་མཐའ་ཅན། གསུང་སྒྲོས་བཀའ་རྒྱའི་ལྡེ་མིག་ཤིང་ཕོ་བྱི་བའི་ལོ་ལ་གསུངས་པ་རྣམས། བརྒྱད་པ་ལྷ་ས་མ་ལ། སྦས་པ་མིག་འབྱེད་ངས་ཁྱེད་རྣམས་མི་བསླུ་བ་ཡིན་ནོའི་མཐའ་ཅན། ལྷ་ས་མའི་དབང་ཀླད་པ་མ་ཆུང་ཞིག་གི་མཐའ་ཅན། བཀའ་རང་བབས་གསང་སྔགས་རྡོ་རྗེ་ཐེག་པའི་རྣམ་ཐར་གསང་ལམ་རྡོ་རྗེ་ཐེག་པ་སྦས་པ་གསང་བའི་ལམ་མོའི་མཐའ་ཅན། གདམས་ངག་གཞན་ལུས་ཤེས་རབ་མ་ལ་བརྟེན་པ། དེའི་ས་བཅད་ལེགས་པར་གདའ་འོའི་མཐའ་ཅན། མཐོང་སྣང་རྣམ་པ་སྣ་ཚོགས། གཡའ་ལུང་མའི་ཞལ་གདམས་ལོ་སྒོམ་དང་འདུལ་བ་འོད་དང་གཙང་སྒོམ་ཧྲལ་མོ་གསུམ་ལ་གནང་བ། མཎྜལ་གྱི་དཔེ། ལྷ་ས་མའི་སྤྱི་ཆིངས་སམ་ལྡེ་མིག །དེའི་ཉམས་ལེན་རྡོ་རྗེ་འཆང་དང་དབྱེར་མེད་ཤོག་གི་མཐའ་ཅན། དེའི་མན་ངག་ལག་ལེན་དཔེ་འདི་མེ་ལ་ཕུལ་ཅིག་གི་མཐའ་ཅན། ཉོན་མོངས་ལམ་དུ་སློང་བའི་བློ་སྟེགས་ལྷན་གྱིས་དེད་པར་སམ་མོའི་མཐའ་ཅན། སྦྱོར་ཐབས་བཞི་སྟེང་དང་འོག་ཏུ་བལྟ་བ་ཉིད་

ཀྱི་མཐའ་ཅན། རྡོ་རྗེ་ཆུ་འཐུང་ཞེས་བྱ་བའི་གདམས་པ། ཉོན་མོངས་ལམ་སློང་དབང་གི་གདམས་པ་ངམ་ཤོད་རྒྱ་རས་སྙིང་ལ་ཆོངས་ཀྱི་མཐའ་ཅན། གཟིམས་ཆུང་མའི་ཞལ་གདམས་ས་མ་ཡ་སྙིང་ལ་སྦོས་ཤིག་གི་མཐའ་ཅན་རྣམས། འདི་ས་བཅད་དང་པོར་ཡང་ཡོད། གཉིས་པ་འབྲིང་པོ་གཙང་སྟོན་རྣལ་འབྱོར་གྱི་ལུགས་ལ། ལམ་ཟབ་བླ་མ་ཆོས་ཐུན་ཉེར་གཅིག་པ། འདི་མཚལ་སྒང་ཆོས་ཀྱི་སྤྱིལ་མའི་ཁྲོད་ནའང་ཡོད། གདམས་ངག་ཁྲུས་ཀྱི་རིམ་པ་བླ་མའི་སྒྲུབ་ཐབས་གསང་སྔགས་སྔོན་འགྲོར་གྲགས་པ། བཀའ་རྒྱ་བསྡུས་པའི་ཞལ་གདམས་ཞལ་ལྔ་པོ་འདི་ལགས་སོའི་མཐའ་ཅན། ཞལ་འདྲིས་གནད་ཀྱི་ལྡེ་མིག་ས་བཅུ་རྒྱུན་གྱི་མཐའ་མའི་ཆོས་རི་སྟོང་ཐམས་ཅད་གང་བར་གྱུར་ཅིག་གི་མཐའ་ཅན། དཀར་ཆག་དོན་དགུས་རྒྱས་པར་བསྟན་པ་བསྡུས་པ་འོའི་མཐའ་ཅན་རྣམས། གསུམ་པ་བསྡུས་པ་ལོ་ཞིག་གི་ལུགས་ལ། རྡོ་རྗེ་རྦ་རླབས་ཀྱི་ངོ་སྤྲོད་ཞལ་གྱི་ཐིག་པ། གདམས་ངག་བཀའ་རྒྱ་མ་ཡི་གེ་མི་ལ་མ་སྟོན་བཤེས་གཉེན་པའི་མཐའ་ཅན་དང་བཅས་པའོ། ༈ །དཀར་ཆག་ཏུ་མི་གསལ་བ་བསམ་ཡས་སྒྱུ་ལུས་ཀྱི་གདམས་པ་དོན་དགུས་བསྟན་པ། བཀའ་རྒྱ་མའི་ཆོ་ག་རྡོ་རྗེ་འཛིན་པ་ཨཀྵོ་བྷྱ་བཛྲ་གྱིས་སྦྱར་བ། བཀའ་རྒྱ་ལྷ་ས་མ་དང་བསམ་ཡས་མའི་དབང་བཀའ་སྐལ་ལྡན་པ་སྟོན་ཆེད་དུ་བཀའ་རྒྱ་གཟིམས་ཆུང་མར་ཀ་ཐོ་མཛད་པ་བཞིན་བསྒྲིགས་པ། ཁྲག་འཐུང་ལྷ་ལྔའི་མངོན་རྟོགས་དགུག་གཞུག་དབང་བསྐུར་རྒྱས་གདབ་མཆོད་བསྟོད་ཀྱི་མཐའ་ཅན། ཞང་རིན་པོ་ཆེ་ལུང་བསྟན་རིགས་བཅུ་བཞིས་བསྟན་ཚུལ་རྣམས་ལེགས་པར་ནོས་པའི་རྒྱུ་དུས་དང་ལམ་དུས་ཀྱི་དབང་གི་བརྒྱུད་པ་ནི། རྡོ་རྗེ་འཆང་། རྒྱལ་སྲས་

རྡོ་རྗེ་སྙིང་པོ། དཔལ་ལྡན་ས་ར་ཧ་པ། དཔལ་མགོན་འཕགས་པ་ཀླུ་སྒྲུབ། རྗེ་བཙུན་རི་ཁྲོད་དབང་ཕྱུག །གྲུབ་ཆེན་ལཱུ་ཧི་པ། འདི་ལ་ཡུལ་ཉི་ཤུ་རྩ་བཞིའི་དཔའ་བོ་དང་མཁའ་འགྲོས་གནང་བས་གོང་མ་གསུམ་མ་བགྲངས་ཀྱང་ཆོག །རྒྱལ་པོ་དྷ་རི་ཀ་པ། སློབ་དཔོན་རྡོ་རྗེ་དྲིལ་བུ་པ། གྲུབ་ཆེན་ཨ་ཝ་དྷཱུ་ཏི་པ། སྤྱོད་མཛད་ཆོས་ཀྱི་རྡོ་རྗེ། བྱང་ཆུབ་བཟང་པོ། རྡོ་རྗེ་གདན་པ། དེ་ལ་ཙ་མི་སངས་རྒྱས་གྲགས་པ་སྨོན་གྲུབ་ཤེས་རབ་དང་ཨ་བྷ་ཡཱ་ཀ་ར་གཉིས་ཀྱིས་གསན། གཉིས་ཀ་ལ་དཔལ་རྒྭ་ལོ། དེ་ནས་བླ་མ་དང་ཞང་བརྩོན་འགྲུས་གྲགས་པ། མཉམ་མེད་ཤཱཀྱ་ཡེ་ཤེས། བཙན་ཁང་པ། བླ་མ་སངས་གཞོན། ཆོས་རྗེ་ཀུན་དགའ་རྒྱལ་མཚན། རིན་པོ་ཆེ་གྲགས་བཟང་། རྗེ་ཤཱཀྱ་བསོད་ནམས། བླ་མ་ཆོས་བཟང་པ། རྗེ་དཔལ་ལྡན་རྒྱལ་མཚན། རྗེ་གྲགས་པ་བསོད་ནམས། བླ་མ་དགེ་འདུན་དཔལ་ལྡན། སྤྱན་སྔ་གྲགས་རྒྱམ། སྤྱན་སྔ་ངག་དབང་རྒྱ་མཚོ། སྤྱན་སྔ་བསོད་ནམས་རབ་བརྟན། སྤྱན་སྔ་སྐལ་ལྡན་རྒྱ་མཚོ། རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཚོམ་བུ་ཞེ་བདུན་མའི་དབང་། རྣམ་ཐར་ལྷ་ས་མ་བསམ་ཡས་མ་གཉིས་ཀྱི་དབང་། བཀའ་རྒྱ་མའི་ལུང་ཡོངས་རྫོགས་དང་བཅས་པའི་བརྒྱུད་པ་ནི། ཆོས་སྐུ་ཡེ་ཤེས་ཀྱི་ཌཱ་ཀི་མ། ཞང་རིན་པོ་ཆེ་བདེ་བའི་རྡོ་རྗེ། རྗེ་སངས་རྒྱས་རས་པ། བླ་མ་སངས་རྒྱས་ལྷ་དགེ །དྲིན་ཅན་དབོན་པོ། བླ་མ་ལྷ་གཞོན་ནུ། རྗེ་རྡོ་རྗེའི་མཚན་ཅན། བླ་མ་རིག་པ་བཟང་པོ། ཆོས་རྗེ་དཔལ་ལྡན་རྒྱལ་མཚན་མན་གོང་དང་འདྲ། ༈ ཇོ་མོའི་བྱིན་འབེབས་ཀྱི་བརྒྱུད་པ་ནི། རྡོ་རྗེ་རྣལ་འབྱོར་མ། གྲུབ་ཐོབ་ཨོ་རྒྱན་པ་ཨ་བྷ་པ། བལ་པོ་
བྷ་རོ་ཕྱག་རྡུམ། རྭ་ལོ་རྡོ་རྗེ་གྲགས། ལོ་སྟོན་ཤཱཀྱ་སེང་གེ །གྲུབ་ཆེན་གླིང་ཁ་པ། མལ་ཡར་པ་བ། བླ་མ་ཞང་བརྩོན་འགྲུས་གྲགས། རྗེ་སངས་རས་པ། སངས་རྒྱས་ལྷ་དགེ །སངས་རྒྱས་དབོན་པོ། དེ་ཝ་ཀུ་མཱ་ར། རྡོ་རྗེའི་མཚན་ཅན། ནམ་མཁའི་མཚན་ཅན། བླ་མ་རིན་ཅེན་རྡོ་རྗེ། དཔལ་ལྡན་གྲགས་པ་བསོད་ནམས་མན་གོང་བཞིན་ནོ། །མགོན་པོ་ཕྱག་བཞི་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། འཁོར་ལོ་སྡོམ་པ། རྡོ་རྗེ་རྣལ་འབྱོར་མ། ཀླུ་སྒྲུབ་སྙིང་པོ། ཨཱཪྻ་དེ་ཝ། དུས་ཞབས་པ་ཆེ་ཆུང་གཉིས། རྡོ་རྗེ་གདན་པ། ཙ་མི་སངས་རྒྱས་གྲགས། སློབ་དཔོན་ཨ་བྷ་ཡཱ་ཀ་ར། དཔལ་རྒྭ་ལོ། ཞང་གཡུ་བྲག་པ། ཤཱཀྱ་ཡེ་ཤེས། བཙན་ཁང་པ། སངས་རྒྱས་གཞོན་ནུ། གསེར་ཁང་སྟེང་པ། རིན་པོ་ཆེ་གྲགས་པ་བཟང་པོ་མན་སྔར་བཞིན་ནོ། ༈ །སི་ཏུ་ཐམས་ཅད་མཁྱེན་པ་དགེ་བའི་བློ་གྲོས་ཀྱིས་མཛད་པའི་ཞང་འགྲོ་བའི་མགོན་པོའི་རྣམ་ཐར་གྱི་ལུང་ནོས་པའི་བརྒྱུད་པ་ནི། བརྒྱུད་པ་གོང་མ་རྣམས་མ་རྙེད། སྤྱན་སྔ་གྲགས་པ་རྒྱ་མཚོ། སྤྱན་སྔ་ངག་དབང་རྒྱ་མཚོ། སྤྱན་སྔ་བསོད་ནམས་རབ་བརྟན། སྤྱན་སྔ་སྐལ་ལྡན་རྒྱ་མཚོ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། ༈ །དཔལ་རྒྭ་ལོས་མཛད་པའི་ཀླུ་གཏོར་གྱི་ལུང་ནི། ཐུགས་རྗེ་ཆེན་པོ་སྤྱན་རས་གཟིགས། དཔལ་ཆེན་རྒྭ་ལོ། བར་འདིར་བརྒྱུད་པ་ཁ་ཤས་མ་རྙེད། དེ་ནས་སྣང་གསལ་བ་བཀྲ་ཤིས་རྒྱ་མཚོ། རྗེ་དུ་མ་རང་གྲོལ། ངག་དབང་ཡེ་ཤེས་གྲུབ་པ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ།

རྒྱལ་བ་གཡའ་བཟང་པར་དྲང་སྲོང་གཟས་དངོས་སུ་ཕུལ་བའི་གཟའ་ཉི་མ་མདུང་གང་མའི་སྐོར།

གནུབས་འདུལ་བ་འཛིན་པ་ཆེན་པོ་རྒྱལ་བ་གཡའ་བཟང་པར་དྲང་སྲོང་གཟས་དངོས་སུ་ཕུལ་བའི་གཟའ་ཉི་མ་མདུང་གང་མའི་སྐོར་ལ། རོང་སྐོར་གཡུང་དྲུང་

མན་ངག་ལ་དགོས་པའི་སྒོམ་ལུང་། རོང་གི་སྐོར་ལེ་ཚན་གཉིས། གཡའ་བཟང་ཡང་དགོན་གྱི་སྐོར། ཤམ་པོ་ཅལ་གྱི་སྐོར། གཟིམས་ཆུང་མའི་སྐོར་དང་དྲུག །དང་པོ་ནི། དཔལ་ཕྱག་ན་རྡོ་རྗེའི་སྒོམ་ལུང་ཟླ་བ་གང་ཡང་རུང་བའི་ཉེར་དགུའི་ཉི་མ་མདུང་གང་གི་དུས་ཕྱག་ལེན་ལྟར་གནང་བ་ནས་བཟུང་ཟླ་བ་གཅིག་གི་བར་ཉམས་ལེན་ཆགས་མེད་མཚན་ཉིད་དང་ལྡན་པ་ནོས་པའི་བརྒྱུད་པ་ནི། རྒྱལ་བ་གཡའ་བཟང་པ། ཁམས་སྒོ་བྱ་བྲལ་བ་ཉི་མ་རྒྱལ་མཚན། ཐར་པ་དེ་རྒྱས་པ་དོན་ཡོད་དཔལ་བ། བླ་མ་དམ་པ་བསོད་ནམས་རྒྱལ་མཚན། མདོ་སྟོད་པ་བརྩོན་འགྲུས་དཔལ། གཙང་ཉེག་པ་རིན་ཅེན་རྒྱལ་མཚན། ཞ་ལུའི་ཕུ་ཤར་བསམ་གཏན་སྒང་ནས་ཡིན། དབེན་ས་བླ་མ་རིན་ཅེན་དཔལ་གྲུབ། ཞ་ལུའི་ཕུ་ནུབ་པ། ཆོས་རྗེ་སྟོན་དགེ་བ། སྲད་པ། ཆོས་རྗེ་དཀར་བཅུ་དར་བཟང་། སྣར་ཐང་པ། ཆོས་རྗེ་དོན་གྲུབ་གྲགས་པ་དཔལ་བཟང་། སྲད་པ། སློབ་དཔོན་དཀའ་བཅུ་བསོད་ནམས་གྲགས་པ། ཐམས་ཅད་མཁྱེན་པ་ལོ་ཆེན་ཆོས་སྐྱོང་བཟང་པོ། བར་འདིར་བླ་མ་གཅིག་གཉིས་ཤིག་མ་རྙེད། འཇམ་དབྱངས་བྱང་གླིང་ཆོས་རྗེ་རིན་ཅེན་བཀྲ་ཤིས་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་སྩལ་ཏོ། །ཡང་ན་གཙང་ཉེག་པ་རིན་ཅེན་རྒྱལ་མཚན་ནས། སྣར་ཐང་བྱང་ཆེན་པ་བསོད་ནམས་བློ་གྲོས། ཆོས་རྗེ་དོན་གྲུབ་གྲགས་པ། དཀའ་བཅུ་བསོད་ནམས་གྲགས་པ་མན་འདྲ། ཡང་ན་བླ་མ་དམ་པ་ནས། གཙང་ཉེག་པ་རིན་ཅེན་རྒྱལ་མཚན་མན་འདྲ། སྒོམ་ལུང་གི་ཡིག་ཆའི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས་

ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། དེས་བདག་ལའོ། ༈ །གཉིས་པ་རོང་སྐོར་ནི། གཡའ་བཟང་རིན་པོ་ཆེ་རོང་ཕྱོགས་ཀྱི་རི་ཁྲོད་གཅིག་ན་སྒྲུབ་པ་ལ་བཞུགས་པའི་དུས་རཱ་ཧུ་ལས་མི་དཀར་པོ་ཞིག་ཏུ་སྤྲུལ་ནས་འོངས་བར་བཀའ་བསྒོས་ཤིང་གདམས་པ་རྣམས་ཕུལ་བའི་ལོ་རྒྱུས་ཉུང་ངུ་། ཐོག་མར་ནད་ཀྱིས་མ་ཐེབས་པ་རྣམས་ལ་མི་འབྱུང་བར་བྱེད་པའི་ཐབས། ཐེབས་པ་རྣམས་ལ་ནང་གསེས་ཀྱིས་བརྟག་པ་དང་ཞི་བྱེད་སྤུར་བ་གཉིས་ལ་བརྟེན་པའི་བཅོས་ཐབས་དངོས་དང་བཅས་བསྟན་པ་རཱ་ཧུ་ལ་བསྒྱུར་ནན་ཞེས་གདགས་སོའི་མཐའ་ཅན། གསུམ་པ་རོང་སྐོར་ནི། རིན་པོ་ཆེ་གཡའ་བཟང་པ་དུས་གཅིག་གི་ཚེ་རོང་ཁ་ཕྱོགས་ཀྱི་རི་ཁྲོད་ཅིག་ན་སྒྲུབ་པ་དམ་པོ་མཛད་ཀྱིན་ཡོད་པའི་དུས་རཱ་ཧུ་ལས་མི་དཀར་པོ་ཞིག་ཏུ་སྤྲུལ་ནས་འོངས་པར་བདེན་པ་བདར་ཞིང་མན་ངག་ཕུལ་ཚུལ་གྱི་ལོ་རྒྱུས་ཉུང་ངུ་། ཐོག་མར་ནད་ཀྱིས་མ་ཐེབས་པ་རྣམས་ལ་ཕྱིས་མི་འབྱུང་བར་བྱ་ཐབས། ཐེབས་པ་རྣམས་ལེགས་པར་འཆོས་པའི་མན་ངག་ལ་ནང་གསེས་ཀྱིས་བརྟག་པ། ནང་དུ་ཞི་བ་དང་ཕྱིར་སྦུར་པ་ལ་བརྟེན་ནས་འཆོས་པ་རྣམས་བསྟན་པ་འདི་ཤིན་ཏུ་ཟབ་པའི་མན་ངག་གོའི་མཐའ་ཅན། དེའང་བསྙེན་པ་བྱེད་པའི་ཚེ་ཞེས་སོགས་ཉི་མ་མདུང་གང་མའི་དམིགས་པ་དང་གཏོར་མ་གཏོང་ཚུལ་ཕྱིའི་རྒྱ་མཚོའི་འགྲམ་དུ་སོང་བར་བསམ་མོའི་མཐའ་ཅན། བཞི་པ་གཡའ་བཟང་ཡང་དགོན་སྐོར་ལ། རྗེ་གཡའ་བཟང་པ་ཡང་དགོན་ན་བཞུགས་པའི་དུས་གཅིག་ན་རཱ་ཧུ་ལས་མི་དཀར་པོ་ཞྭ་མོ་སྤྱི་རིང་ཅན་ཞིག་ཏུ་སྤྲུལ་ནས་འོངས་པའི་ལོ་རྒྱུས། འབྱུང་བ་ལྔ་གང་ལ་བབས་ཀྱི་ནད་བརྟག་ཐབས། འབྱུང་བ་ལྔའི་

མ་བུ་དགྲ་གྲོགས་བརྩིས་ནས་རྟེན་འབྲེལ་རྒྱ་འབག་གི་མིག་ཏུ་འཁྲུལ་འཁོར་བྱ་བ། ལྐུགས་པ་ཁ་འབྱེད། ན་ལུགས་དབྱེ་བ་འོས་འཛིན་བརྟག་པ། འགྱུ་དུས། འབྱུང་བ་སོ་སོའི་རྟེན་འབྲེལ་གྱིས་འཆོས་པ་སྨན་སྦྱོར་ཉེར་ལྔ་པ། དུག་བྱིན་རྣམས་ལྔ་པ་ཤམ་པོ་ཅལ་གྱི་སྐོར་ལ། རྒྱལ་རབ་སེབ་ན་ཡོན་བདག་ཡུལ་དགའ་ལ་ནད་ཕོག་པ་མཁྱེན་པའི་ལོ་རྒྱུས། ཚེས་གྲངས་སྐོར་འགོ་བང་ཆེན། ལ་ཉེ། ཁ་སྟོན་ཕྱོགས། ན་ལུགས། འབྱུང་བའི་རྟེན་འབྲེལ་གྱིས་འཆོས་པ། རྟེན་འབྲེལ་གཏོར་མ་རྣམས། དྲུག་པ་གཟིམས་ཆུང་མའི་སྐོར་ལ། ཐུགས་དམ་མཛད་པའི་ཐོ་རེངས་ཀ་གཟིམས་ཆུང་དུ་མི་ནག་པོ་ཆེན་པོ་ཞིག་བྱུང་ནས་ཕུལ་བའི་བསྲུང་བ་གདམས་ངག་ཟབ་མོ་སྲོག་ལས་གཅེས་པ་རྣམས་ཀྱི་ལུང་ཐོབ་པའི་བརྒྱུད་པ་ནི། གནུབས་འདུལ་འཛིན་ཆེན་པོ་གཡའ་བཟང་རིན་པོ་ཆེ་ཆོས་སྨོན་ལམ། བླ་མ་ཉི་མ་རྒྱལ་མཚན། བླ་མ་དོན་ཡོད་དཔལ། བླ་མ་དམ་པ་བསོད་ནམས་རྒྱལ་མཚན། མཁན་ཆེན་བྱང་སེང་པ། ཐེག་ཆེན་ཆོས་རྗེ། བླ་མ་ཆོས་གྲགས་པ། བླ་མ་རིན་ཅེན་བཟང་པོ། གངས་ཅན་པ་ཀུན་དགའ་དཔལ། ཆོས་རྗེ་རིན་ཅེན་ལེགས་འཕེལ་པ། བླ་མ་ཨོ་རྒྱན་དཔལ་འབྱོར། གཡའ་བཟང་པ་རིན་ཅེན་ཕུན་ཚོགས། སྔགས་འཆང་རིན་ཅེན་དར་རྒྱས། དར་ལྡིངས་པ་རིགས་འཛིན་འཕྲིན་ལས་ལྷུན་གྲུབ། རྗེ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ས་བཅད་གསུམ་པའི་ལུང་བརྒྱུད་ལུགས་གཅིག་ནི། ཐེག་ཆེན་ཆོས་རྗེ་ནས། དམར་སྟོན་རྒྱལ་མཚན་འོད་ཟེར། བྲག་ནག་པ་རིན་ཅེན་རྒྱལ་མཚན། པཎ་ཆེན་ཤཱཀྱ་མཆོག་ལྡན། སློབ་དཔོན་ལྷའི་བཙུན་པ་གྲགས་པ་བྱང་ཆུབ། ཀུན་སྤངས་རིན་པོ་ཆེ། ཁྲབ་ཆེན་སངས་རྒྱས་དཔལ་བཟང་། རྗེ་

ནམ་མཁའ་སངས་རྒྱས། རྗེ་བཙུན་དམ་པ་ཆོས་དབང་ཕྱུག །མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། དེ་སྲས་འཇམ་མགོན་བསོད་ནམས་དབང་ཕྱུག །རྡོ་རྗེ་འཆང་མཁན་ཆེན་ཞ་ལུ་པ། དེས་བདག་ལའོ། ༈ །ཡང་ན་ཐེག་ཆེན་རིན་པོ་ཆེ་ནས། ལྕང་ལུང་ཆོས་རྗེ་གཞོན་ནུ་བློ་གྲོས། པཎ་ཆེན་ཤཱཀ་མཆོག་མན་འདྲ། རྒྱལ་བ་ཡང་དགོན་པ་ཐུགས་ཀྱི་རྡོ་རྗེས་མཛད་པའི་རི་ཆོས་ཡོན་ཏན་ཀུན་འབྱུང་རིན་པོ་ཆེ་འབར་བ་ཞེས་པ་མན་ངག་གི་རྩ་བ་ཀ་ཐོ་གསལ་བ་དགུ་བཅུ་ཐམ་པ། ཆོས་ཚན་སོ་སོ་དང་ཀ་ཏ་མ་བུ་སྒྲིག་ཏུ་ཡོད་པའི་ཡོན་ཏན་ཀུན་འབྱུང་གི་ཞལ་ཤེས་ལྡེ་མིག །འདི་གནད་ཆེ་བས། རི་ཆོས་གནད་ཀྱི་གཏེར་ཆེན་ལ། ཞལ་ཤེས་གབ་ཡིག་སྒོ་ལྕགས་བཅུག །ལྷན་ཐབས་ལྡེ་མིག་མི་བདོག་ན། །མཛོད་ཕུགས་རང་བྱན་ཆུད་པ་དཀའ། །ཕྱག་བཞེས་མན་ངག་ལྡེ་མིག་ཞུས། ཞེས་གསུངས་སོ། །བར་དོའི་ལོ་རྒྱུས་རང་གིས་ཉམས་སུ་མྱོང་བ་རྗེས་སུ་དྲན་པའི་ཚད་མ། བར་དོ་གནད་ཀྱི་འཕྲང་སྒྲོལ་ཀུ་སུ་ལུ་པའི་སྤྲང་པོ་ཡང་དགོན་པས་དཔལ་བུ་ལེ་དཀར་པོའི་གངས་འདབས་སུ་མཛད་པ། བར་དོ་གནད་ཀྱི་འཕྲང་སྒྲོལ་གྱི་གདམས་ངག་སྦས་པ་གནད་ཀྱི་གཏེར་མཛོད། བར་དོའི་ཞལ་ཤེས་ལྡེ་མིག་དག་པའི་བསམ་གཏན་ཉམས་སུ་བླང་གི་མཐའ་ཅན། རྡོ་རྗེ་ལུས་ཀྱི་སྦས་བཤད། འདིའི་མཇུག་ན། དུས་གསུམ་མཁྱེན་པ་འབྲི་གུང་རིན་ཆེ་དང་། །དཔལ་ལྡན་སྐྱེས་བུ་མངའ་རིས་པཎ་ཆེན་དང་། །རྣལ་འབྱོར་དབང་ཕྱུག་རྡོ་རྗེའི་མཚན་ཅན་དང་། །བསོད་ནམས་རྫོགས་པ་མི་ནུབ་རྒྱལ་མཚན་གྱི། །བསླུ་བ་མེད་པའི་ཞལ་གྱི་བདུད་རྩི་ལས། །བཅུད་ཀྱི་སྙིང་པོ་དེང་འདིར་རབ་

བསྡུས་ཏེ། །ཞེས་འཇིག་རྟེན་གསུམ་མགོན། འཇམ་དབྱངས་ས་པཎ། རྒོད་ཚང་པ་མགོན་པོ་རྡོ་རྗེ། ཀོ་བྲག་པ་བསོད་ནམས་རྒྱལ་མཚན་བཞིའི་བཀའ་དྲིན་ལས་བྱུང་ཚུལ་སྣང་ངོ་། །རྡོ་རྗེ་ལུས་ཀྱི་སྦས་བཤད་ཀྱི་ས་བཅད་སངས་རྒྱས་འཐོབ་པར་ཤོག་གི་མཐའ་ཅན། དེའི་ཁྱད་པར་གྱི་ཞལ་གདམས་སྐལ་ལྡན་རྣམས་ཀྱི་ཐུགས་གཉེར་མཛོད་ཅིག་གི་མཐའ་ཅན། འཛག་བསྲུང་བཀའ་རྒྱ་མ། ནད་གདོན་ཧཱུྃ་སྐོར་མ་རྣམས་ཀྱི་ལུང་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། ཏཻ་ལོ་པ། ནཱ་རོ་པ། རྗེ་མར་པ་ལོ་ཙཱ། མི་ལ་བཞད་པ་རྡོ་རྗེ། སྒམ་པོ་ཟླ་འོད་གཞོན་ནུ། ཕག་མོ་གྲུ་པ་རྡོ་རྗེ་རྒྱལ་པོ། གླིང་རས་པདྨ་རྡོ་རྗེ། རྗེ་གཙང་པ་རྒྱ་རས། རྒོད་ཚང་པ་མགོན་པོ་རྡོ་རྗེ། ཡང་དགོན་པ་ཐུགས་ཀྱི་རྡོ་རྗེ། ཐུགས་སྲས་སྤྱན་སྔ་རིགས་ལྡན། རྗེ་ཟུར་ཕུག་པ། འབའ་ར་བ་རྒྱལ་མཚན་དཔལ་བཟང་། རྗེ་ཀུན་དགའི་མཚན་ཅན། བླ་མ་དཔལ་འབྱོར་རྒྱལ་མཚན། ཡབ་རྗེ་ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། ལྷ་བཙུན་བསོད་ནམས་དཔལ་བཟང་། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །དེས་མཛད་པའི་བླ་མ་ལ་མོས་གུས་བྱེད་ལུགས་ཀྱི་ལུང་ནི་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས་བརྒྱུད་པ་མ་རྙེད། ཤུད་བུ་པ་མཁན་ཆེན་ནམ་མཁའ་རྒྱལ་མཚན་ནམ་གསང་མཚན་ལས་ཀྱི་རྡོ་རྗེར་གྲགས་པ་ལ་དཔལ་གསང་བའི་བདག་པོ་ཕྱག་ན་རྡོ་རྗེ་སོགས་ཡི་དམ་གྱི་ལྷས་བྱིན་གྱིས་བརླབས་ཤིང་གསུང་གི་གནང་བ་དངོས་སུ་སྩལ་བའི་བསྙན་བརྒྱུད་ཀྱི་ཆོས་ཟབ་པ་ལས་ཀྱང་ཆེས་ཟབ་པའི་སྐོར་ནོས་པ་ལ།

བྱང་ཆུབ་སེམས་དཔའི་འཁྲིད་ཀྱི་རྗེས་གནང་གི་ཡི་གེའི་སྟེང་ནས་དོན་དམ་སེམས་བསྐྱེད་ཀྱི་བྱིན་རླབས། དོན་གསལ་སྒྲོན་མེ་ལ་རྡོ་རྗེ་རྣམ་འཇོམས་ཀྱི་ཚེ་སྒྲུབ་ནས་ཁ་འགེང་བའི་ཕྱག་ལེན་ལྟར་མགོན་པོ་ཚེ་དཔག་མེད་ལྷ་བཅུ་དགུའི་ཚེ་དབང་། སྣུར་ལུགས་ཀྱི་མངོན་རྟོགས་དང་དཀྱིལ་ཆོག་བདུད་རྩིའི་ཆུ་རྒྱུན་གྱི་སྟེང་ནས་རྡོ་རྗེ་རྣམ་འཇོམས་རྩ་བའི་ལྷ་སོ་ལྔ་འཁྱམས་ཀྱི་ཕོ་ཉ་མ་དྲུག་ཅུ་ཕྲག་བཞི་དང་བཅས་པའི་དབང་། དངོས་གྲུབ་གཏེར་མཛོད་ཀྱི་ཡི་གེའི་སྟེང་ནས་ཕྱག་རྡོར་ཞལ་གཅིག་ཕྱག་གཉིས་པ་སྐུ་ལྔའི་རྗེས་གནང་། ཕྱག་རྡོར་ཞལ་གསུམ་ཕྱག་དྲུག་པའི་མངོན་རྟོགས་གཅེས་འཕྲེང་གི་ཡི་གེའི་སྟེང་ནས་ཕྱག་རྡོར་གཏུམ་པོ་ཞལ་གཅིག་ཕྱག་གཉིས་པ་ཐུགས་ཀར་ཡེ་ཤེས་སེམས་དཔའི་ཚུལ་དུ་ཕྱག་དྲུག་པ་བཀོད་པའི་རྗེས་གནང་། གཅེས་འཕྲེང་གི་བདག་བྱིན་རླབས་དང་བདུད་རྩི་ཐིགས་པའི་མངོན་རྟོགས་ཀྱི་ཡི་གེ་ལ་བརྟེན་ནས། ཕྱག་རྡོར་ཞལ་གསུམ་ཕྱག་དྲུག་པ་བདུད་རྩི་ཐིགས་པའི་རྗེས་གནང་རྣམས་ལེགས་པར་ནོས། རྒྱབ་རྟེན་ལུང་མཁན་ཆེན་ཕྱག་རྡོར་བའི་ཤངས་མཚལ་སྣག་ཚར་བསྲེས་ནས་དངོས་ཀྱི་སློབ་མ་ནམ་མཁའ་བློ་གྲོས་དང་ནམ་མཁའ་འོད་ཟེར་གཉིས་ཀྱིས་རྒྱུ་སྦྱར་གཉོས་ཀྱི་བཙུན་པ་རིན་ཅེན་ལེགས་གྲུབ་ཀྱིས་བྲིས་པའི་གླེགས་བམ་གྱི་སྟེང་ནས་ནོས་པ་ལ་ཉེ་གནས་ནམ་མཁའ་ལྷུན་རྒྱལ་གྱི་ངོར་གནང་བའི་ཕྱིའི་རྣམ་ཐར་ལུང་བསྟན་བདུད་རྩིའི་འཕྲེང་བ་ཞེས་བྱ་བ་སྒྲུབ་པའི་ཞལ་བཀོད་དང་བཅས་པ། གསང་བདག་གྱིས་ཤུད་བུའི་ཞལ་ངོ་འགའ་ཞིག་གིས་སྐུའི་སྐྱེ་བ་བསྟན་པའི་ལུང་བསྟན་ཉུང་ངུ་། ནང་

གི་རྣམ་ཐར་གྱི་གང་ཟག་གང་ལ་བཀའ་གཏོད་པའི་ལུང་བསྟན་ནམ་མཁའ་ལྷུན་རྒྱལ་སྐལ་བར་ལྡན་པར་གཟིགས་ནས་མཛད་པ། ནམ་མཁའ་ལྷུན་རྒྱལ་གྱིས་ཞུས་པ་དང་ཕྱིས་འབྱུང་རྣམས་དད་པ་བསྐྱེད་པའི་ཕྱིར་མཛད་པའི་ས་བཅད་ཀྱི་ལུང་བསྟན་གསལ་བྱེད་སྒྲོན་མེ། ལས་ཅན་གྱི་སློབ་མ་གསུམ་གྱི་ངོར་མཛད་པའི་ནང་ཏིང་ངེ་འཛིན་གྱི་ཉམས་སྣང་རྣམ་ཐར་རང་བསྟོད་སྙན་བརྒྱུད་ཀྱི་ལྡེ་མིག་སྐྱེ་བ་བཅུ་དྲུག་མ་ཕྲན་དང་བཅས་པ། དཔེ་ལ་འདི་ལྟར་སྣང་ཡང་གསང་བའི་རྣམ་ཐར་ཡིན་ནམ་བརྟག །ཐམས་ཅད་མཁྱེན་པ་བློ་བཟང་གྲགས་པས་གོས་ཡུག་དྲུག །དར་ཡུག་དྲུག་རིན་པོ་ཆེའི་ཕོར་པ་གསེར་སྲང་གང་གིས་བཀང་བ་དང་བཅས་བསྐུལ་བ་ལྟར་མཛད་པའི་གསང་བའི་རྣམ་ཐར་ལོག་རྟོག་མུན་སེལ། རྗེ་བཙུན་བཙོང་ཁ་པ་ཆེན་པོ་དང་མཇལ་ཚུལ། ནམ་མཁའ་ལྷུན་རྒྱལ་གྱི་ངོར་དབེན་པ་སྟན་ཅིག་པ་ལ་གདམས་པ་སྐྱེ་བ་དུ་མའི་ལུང་བསྟན་ཡི་གེར་བཀོད་པ། ཡི་དམ་གྱི་ལྷས་གསུངས་པའི་གདམས་པ་རྣམས་ཀྱི་ཐོག་མ་དཔལ་ཕྱག་ན་རྡོ་རྗེ་གཏུམ་པོ་དྲག་པོ་ཆེན་པོའི་སྒྲུབ་ཐབས་གསང་བའི་སྙིང་པོ་བཤེས་གཉེན་ནམ་མཁའ་སེང་གེ་དང་གྲགས་པ་བློ་གྲོས་ཀྱིས་བསྐུལ་ནས་གླེགས་བམ་ལ་བཀོད་པ། གཏུམ་པོ་མེ་འབར་དྲག་པོའི་སྒྲུབ་ཐབས་ཡང་གསང་བདུད་རྩིའི་རྒྱ་མཚོ་གསང་བདག་གིས་གསུངས་ནས་ལོ་བཅུ་སོང་བ་ན་རང་གིས་ངང་གི་མ་ཐུབ་པར་ཡི་གེར་བཀོད་པ། དཔལ་རྡོ་རྗེ་གཏུམ་པོ་དྲག་པོ་ལུས་དཀྱིལ་གསང་བདག་གིས་གསུངས་པ་ནམ་མཁའ་སེང་གེ་དང་གྲགས་པ་བློ་གྲོས་གཉིས་ཀྱི་ངོར་བྲིས་པ། ཡང་དེ་ཉིད་ཀྱི་ངོར་མཛད་པའི་འཕགས་པ་ཕྱག་ན་རྡོ་རྗེའི་སྒྲུབ་ཐབས་དྲི་མེད་སྙིང་པོ་ཞེས་པ་རྡོ་རྗེ་སྙིང་

པོས་གསུངས་པ། གསང་བདག་གི་སྐུ་གསུང་ཐུགས་ལ་བསྟོད་པ་སྒྲོ་བ་དགོན་པར་མཛད་པ། མཁས་གྲུབ་བསོད་ནམས་བཟང་པོ་དང་ནམ་མཁའ་ལྷུན་རྒྱལ་གྱི་ངོར་མཛད་པའི་གཙུག་ཏོར་གདུགས་དཀར་གྱི་སྒྲུབ་ཐབས་ཟབ་ལམ་རིན་པོ་ཆེའི་གཏེར་མཛོད། རྔོག་སྟོན་རོལ་པའི་ངོར་མཛད་པའི་བྱང་ཆུབ་སེམས་འཁྲིད་ཀྱི་རྗེས་གནང་། མདོ་སྨད་དཀའ་བཞི་པ་གྲགས་པ་བློ་གྲོས་ཀྱིས་བསྐུལ་བའི་ངོར་མཛད་པའི་བྱང་ཆུབ་སེམས་འཁྲིད་སྦས་དོན་གསལ་བ། ཆོས་རྗེ་སྒྲོལ་མ་པ། སྡེ་སྣོད་འཛིན་པ་ནམ་མཁའ་སེང་གེ །བཤེས་གཉེན་གྲགས་པ་བློ་གྲོས་རྣམས་ཀྱི་ངོར་མཛད་པའི་ཟབ་ལམ་སྦས་དོན་འབྱེད་པ། སྣེའུ་གདོང་རྩེའི་གོང་མ་ཆེན་པོ། དབང་གྲགས་པ་རྒྱལ་མཚན་གྱི་བཀའ་ཤོག་དང་གནང་བྱིན་བྱུང་བའི་ལན་དུ་ཕུལ་བའི་ལུང་བསྟན་དང་བཅས་པའི་རྗེས་གནང་སྒྲོལ་དཀར་ཡིད་བཞིན་འཁོར་ལོའི་ཚེ་སྒྲུབ་ཁྱད་ཅན། དེའི་སྒོ་ནས་སྒྲུབ་པ་སློབ་དཔོན་ཉི་མ་སྦས་པའི་སྒྲུབ་ཐབས་ལ་བརྟེན་ནས་བཀོད་པ། མི་ཉག་རྡོ་རྗེ་རྒྱལ་མཚན་དང་ཚར་རོང་ཤཱཀྱ་རྒྱལ་མཚན་གཉིས་ཀྱིས་ངོར་གསུངས་པའི་སྣང་སྲིད་གསལ་བའི་པྲ་མོ། དཔལ་ལྡན་ལྷ་མོ་ཉིད་ཀྱིས་དངོས་སུ་ཕུལ་བའི་ཨེ་ཀ་ཛ་ཊིའི་དཔག་བསམ་ལྗོན་ཤིང་གི་སྐོར་ལ། ལས་བྱང་། མ་མོའི་སྐོངས་ཀྱི་སྨྲེང་ངམ་སྔགས་སྲུང་མའི་བསྐང་གསོ། བྱིན་འབེབས་སྤྱན་འདྲེན་དང་བཅས་པ་དད་པ་དམ་ཚིག་མ། ལྷ་མོ་དམ་ཚིག་མའི་སྒོ་ནས་སྐོངས་འབྱུང་བ་ལས་གྲུབ་པ། མ་མོ་སྤྱི་བསྐུལ་བསྐལ་མེ་མ་དང་བཅས་པ། མདོ་རྒྱུད་ཀུན་གྱི་སྦས་དོན་རྣམས་བསྡུས་ཏེ་གསལ་བར་བསྟན་པ་ལྟ་སྒོམ་སྤྱོད་གསུམ་ཡི་དམ་གྱི་ལྷར་ཞུས་པའི་ལན། སེམས་མ་བཅོས་

ལྷུན་གྲུབ་ཀྱི་ཕྱག་ན་རྡོ་རྗེ་ལ་སེམས་བྱུང་ལས་ཀྱི་རྡོ་རྗེས་ཞུས་པའི་རྟོགས་པ་རང་ཤར་གྱི་བསྟན་བཅོས་མ་རིག་མུན་སེལ་སྒྲོན་མེ། དེ་བཞིན་གཤེགས་པ་རྡོ་རྗེ་སྙིང་པོ་ལ་ལག་ན་རྡོ་རྗེས་ཐོབ་པ་ལས་ཀྱི་རྡོ་རྗེར་གསུངས་པའི་གསང་བ་བསམ་གྱིས་མི་ཁྱབ་པའི་རྡོ་རྗེའི་ཚིགས་བཅད་ནམ་མཁའ་སེང་གེ་དང་གྲགས་པ་བློ་གྲོས་སོགས་ཀྱི་ངོར་མཆན་བུ་དང་བཅས་བྲིས་པ། ཀུན་སྤངས་བློ་གྲོས་རྒྱལ་མཚན་སྒྲོལ་མ་པ་གྱིས་ཞུས་ངོར་མཛད་པའི་དཔལ་གསང་བ་བསམ་གྱིས་མི་ཁྱབ་པའི་བསྐྱེད་རྫོགས་ཉམས་སུ་ལེན་པའི་རིམ་པ་གསང་དོན་གསལ་བྱེད། དགེ་བཤེས་བློ་གྲོས་འཕེལ་སོགས་སློབ་མ་བདུན་གྱི་ངོར་གནང་བའི་གསང་བ་བསམ་གྱིས་མི་ཁྱབ་པའི་ཟུར་འཁྲིད་ཡང་གསང་སྒྲོན་མེ། གསང་བ་བསམ་གྱིས་མི་ཁྱབ་པའི་ལས་ཚོགས་དྲུག་ཅེས་པ་ཚེ་སྒྲུབ། འཕོ་བ། ཁྲུས། སྦྱིན་སྲེག །སཱཙྪ། གཏོར་མ་རྣམས། སྡེ་སྣོད་འཛིན་པ་གྲགས་པ་བློ་གྲོས་ཀྱིས་ཞུས་ངོར་མཛད་པའི་བྱ་རྒྱུད་དང་འབྲེལ་བའི་ཚེ་སྒྲུབ། དེའི་ངོར་གནང་བའི་སྤྱོད་རྒྱུད་དང་འབྲེལ་བའི་ཚེ་སྒྲུབ། དེས་ཞུས་ངོར་གནང་བའི་རྣལ་འབྱོར་རྒྱུད་དང་འབྲེལ་བའི་ཚེ་སྒྲུབ། དེའི་ངོར་གནང་བའི་བླ་མེད་དང་འབྲེལ་བའི་ཚེ་སྒྲུབ། དད་ལྡན་སློབ་མས་ཡང་ཡང་ཞུས་ངོར་མཛད་པའི་ཚེ་སྒྲུབ་ཀྱི་རྡོ་རྗེའི་ཚིག་རྐང་བདུད་རྩིའི་ཆུ་རྒྱུན། རྡོ་རྗེ་རྣམ་འཇོམས་ཀྱི་སྒོ་ནས་ཚེ་སྒྲུབ་པ། བཀྲ་ཤིས་རྟགས་བརྒྱད་རྒྱལ་སྲིད་སྣ་བདུན་གྱི་ཚིགས་བཅད། འཆི་མེད་ཚེ་སྒྲུབ་དབང་ཆོག་དོན་གསལ་སྒྲོན་མེ་དཔལ་གྱི་ཐིག་ཕྱིར་མཛད་པ། སློབ་དཔོན་ཡེ་ཤེས་རྒྱལ་པོས་ཞུས་ངོར་གནང་བའི་གྲི་སྲི་གཅོད་པ། གནོན་པ། ཁ་བསྒྱུར་བ། རང་གི་མཚོན་ཆར་དར་འདོགས་པ། ཕས་ཀྱི་ནུས་

པ་བཤིག་ཅིང་རང་གི་ནུས་པ་སྤར་བ་ཞར་བྱུང་དམིགས་པ་ལོ་རྒྱུས་དང་བཅས་པ། དྲག་སྔགས་ཀི་ཀང་མ། མཁས་བཙུན་བསོད་ནམས་བཟང་པོ་དང་བཤེས་གཉེན་ནམ་མཁའ་སེང་གེའི་ངོར་མཛད་པའི་རྡོ་རྗེ་རྣམ་འཇོམས་ཀྱི་དབང་ཆོག་བདུད་རྩིའི་ཆུ་རྒྱུན་མང་ཐོས་ནམ་མཁའ་བསོད་ནམས་དང་ནམ་མཁའ་བསམ་འབུམ་གཉིས་ཀྱི་ངོར་གནང་བའི་རྣམ་འཇོམས་སྣུར་ལུགས་ཀྱི་མངོན་རྟོགས། རྡོ་རྗེ་རྣམ་འཇོམས་ཀྱི་བསྟོད་པ་ཤློ་ཀ་དགུ་པ། རྡོ་རྗེ་རྣམ་པར་འཇོམས་པའི་མངོན་རྟོགས་མུན་སེལ་སྒྲོན་མེའམ་རིན་ཅེན་སྒྲོན་མེ། རྣམ་འཇོམས་དཀྱིལ་འཁོར་རྣམ་དག་དུར་ཁྲོད་ཀྱི་ལྷན་ཐབས་དང་བཅས་པ་གཞུང་ན་གསལ་བར་བདོག་གོའི་མཐའ་ཅན། གཟའི་ནད་གདོན་བརྟག་འཆོས་བསྲུང་བ་ཆིག་ཆོག་རིན་ཅེན་གཏེར་མཛོད་དམ་ཞལ་གདམས་གསེར་གྱི་ཡང་ཞུན། སྔགས་བྱང་། ཁྱབ་འཇུག་གིས་དངོས་སུ་ཕུལ་བའི་སྔགས་ཆིག་ཐུབ་མ། དཔལ་རྡོ་རྗེ་རྣམ་འཇོམས་ཀྱི་གཟུངས་ཀྱི་འགྲེལ་པ་ཚིག་དོན་གསལ་བར་བྱེད་པའི་སྒྲོན་མེ་འདི་གྲུབ་ཆེན་གྱི་གསུང་དངོས་མིན་ཡང་ཆ་ལག་ཏུ་བཀོད་པ་ཡིན་འདུག །ཁྲོ་ཕུ་ལོ་ཙཱ་བའི་བཀའ་འབངས་ལྷོ་བྲག་གཉིས་པའི་སྟོན་པ་རྡོ་རྗེ་རབ་རྩལ་གྱིས་བྲིས་པ། ཡེ་ཤེས་ཁྱུང་གི་གྲུ། ཐབས་རྡོ་རྗེ་ཐོག་འབེབས། གསང་བའི་བདག་པོར་ཞུས་པའི་ལན་རྡོ་རྗེའི་འཕྲེང་བ་ལོ་བཅུ་གཉིས་ཙམ་སོང་བ་ན་ཁམས་པ་སངས་རྒྱས་རྒྱལ་མཚན། བྱང་ཆུབ་བློ་གྲོས་ཤེས་རབ་རྒྱལ་མཚན་གསུམ་གྱིས་ཞུས་ངོར་བཀོད་པ། ཡི་དམ་གྱི་ལྷར་ཞེས་པའི་ལན་གནད་དོན་གསལ་བའི་མེ་ལོང་བླ་བོ་དགོན་པར་ཡི་གེར་བཀོད་པ། དཔལ་ཕྱག་ན་རྡོ་རྗེའི་སྐུ་གསུང་ཐུགས་ཡོན་ཏན་འཕྲིན་ལས་ཀྱི་མངོན་རྟོགས་རྗེས་སུ་གནང་བའི་ཆོ་ག་

དངོས་གྲུབ་གཏེར་མཛོད། ཤཱཀྱའི་དགེ་སྦྱོང་རྣམས་ཀྱིས་གསོལ་བ་བཏབ་ངོར་མཛད་པའི་ཟབ་དོན་གཅེས་འཕྲེང་གི་རྗེས་གནང་དྲི་མེད་བདུད་རྩིའི་ཆུ་རྒྱུན། བུ་སློབ་རྣམས་ཀྱིས་གསོལ་བ་བཏབ་ངོར་མཛད་པའི་དཔལ་ཕྱག་ན་རྡོ་རྗེ་ཞལ་གསུམ་ཕྱག་དྲུག་པའི་མངོན་རྟོགས་རང་གིས་མཐོང་སྣང་ལྟར་བཀོད་པ། ཡི་དམ་གྱི་ལྷས་གསུངས་པ་གསང་བར་འོས་ཀྱང་དགེ་བཤེས་བློ་གྲོས་བཟང་པོ་གྲོགས་མཆེད་སོགས་དད་ཅན་མང་པོས་ཞུས་ངོར་མཛད་པའི་གཅེས་འཕྲེང་རྡོ་རྗེའི་རྩ་ཚིག །གསང་བདག་ལ་ཞུས་པའི་ལན་གཅེས་འཕྲེང་རྡོ་རྗེའི་འཁྲིད་ཡིག་གི་ཡིད་བཞིན་ནོར་བུའི་གཏེར་མཛོད། གཅེས་ཕྲེང་ཡི་གེ་བཞི་པའི་འཁྲིད་ཡིག །གསང་བདག་གི་ཞལ་དབུས་མ་ནས་གསུངས་པའི་གཅེས་ཕྲེང་གི་མན་ངག་དོན་འགྲེལ། བསླབ་གསུམ་ལྡན་པ་བློ་གྲོས་མཚན་ཅན་གྱི་དོན་དུ་མཛད་པའི་ཟབ་དོན་གཅེས་འཕྲེང་རྡོ་རྗེ་ཚིག་གི་རྣམ་པར་བཤད་པ། དཔལ་ཕྱག་ན་རྡོ་རྗེའི་བསྐྱེད་རྫོགས་ཡང་གསང་བླ་མེད་བདུད་རྩིའི་ཐིགས་པ་གསང་བདག་གིས་ལྗངས་དཀར་དགོན་པར་ལས་ཀྱི་རྡོ་རྗེ་ལ་གནང་བ། སྦས་ཡུལ་མཁན་པ་ལུང་གི་གཞི་བདག་བདུད་པོ་མཆེད་གསུམ་མཆོད་ཐབས་ཀུན་སྤངས་བློ་གྲོས་རྒྱལ་མཚན་ལ་གནང་བ། བདུད་པོ་མཆེད་གསུམ་གྱི་མདོས། ཡི་དམ་ཁྲོ་རྒྱལ་འདུས་པས་གནང་བའི་དཔལ་གཤིན་རྗེ་གཤེད་ཁྲོ་རྒྱལ་འདུས་པ་ཡང་གསང་དྲིལ་སྒྲུབ་ཞར་བྱུང་བསྲུང་ཟློག་གི་གནད། གྲི་སྲི་དང་ཤི་ཁའི་འཕྲོ་གཅོད། ཚེ་དང་བསོད་ནམས་རྒྱས་པ། ཀིང་ཀང་གཤམ་ཐིག །བླ་རྡོ་གསང་འཁོར། སྦྱིན་སྲེག་དང་བཅས་པ་བཤེས་གཉེན་བསོད་ནམས། དར་གྲོགས་

མཆེད་བཞི་དང་ནམ་མཁའ་ལྷུན་རྒྱལ་གྱི་ངོར་གནང་བ། སྡེ་ཆེན་པ་དང་དུར་ཁྲོད་པ་སྦྲགས་ནས་བྱད་བྱུང་བའི་དུས་གཤིན་རྗེ་གཤེད་ཀྱིས་གནང་བའི་དྲག་པོའི་ཟློག་པ་རང་གཤེད་མ། སྔགས་བྱང་། འཁོར་ལོའི་དཔེ་རིས་ཞལ་ཤེས་དང་བཅས་པ། གསང་བདག་ལ་ཞུས་པའི་ལན་སྨན་མཆོག་བདུད་རྩིའི་འཕྲེང་བ་ཞར་བྱུང་ལུང་བསྟན་དང་བཅས་པ་རྗེ་བཙུན་བཙོང་ཁ་པ་ཆེན་པོ་ལ་གདམས་པ། རྒྱལ་བ་བཙོང་ཁ་པ་ཆེན་པོས་འཕགས་པ་ལག་ན་རྡོ་རྗེའི་གསང་ཚིག་ལྷག་ཆད་ནོར་གསུམ་གྱི་སྐྱོན་དང་བྲལ་བའི་བདུད་རྩི་སྨན་མཆོག་ཅེས་བསྔགས་པ་མཛད་དོ། །དད་ཅན་གྱི་སློབ་མ་འགའི་ངོར་མཛད་པའི་སྣང་བ་ལྷའི་འཁྱེར་སོ། རྔོག་གི་སྔགས་འཆང་ཀུན་དགའ་བློ་གྲོས་ཀྱི་རྣམ་ཐར། མཁན་ཆེན་ཉིད་དང་རྡོ་རྗེ་རྒྱལ་མཚན་པ་ཚོ་འདྲེས་ཇི་ལྟར་བྱུང་ནམ་མཁའ་ལྷུན་རྒྱལ་གྱིས་ཞུས་པའི་སྐྱེ་བརྒྱུད་ནམ་སྟེང་བདུད་འདུལ་ལྷ་ཁང་གི་གཙུག་ལག་ཁང་དུ་བྲིས་པ། ཡོན་བདག་མོ་བཀྲ་ཤིས་སྐྱིད་སོགས་འགའ་ཞིག་གི་སྐྱེ་བརྒྱུད་སྟོད་ཅུང་ཟད་མ་ཚང་བའི་ཤོག་དྲིལ་ཕྱག་རྟགས་མ་ལས་བཤུས་པ། ནམ་མཁའ་ཆོས་གྲགས་ཀྱི་སྐྱེ་བ་བརྒྱུད་ཕྱག་རྟགས་འབྱར་བའི་ཤོག་དྲིལ་ཞབས་ཅུང་ཟད་མ་ཚང་བ་ནས་བཤུས་པ། རྡོ་རྗེ་རྣམ་འཇོམས་ཀྱི་སྒོ་ནས་ཐོག་སེར་བསྲུང་བ། ཀླུ་བདུད་ལ་བརྟེན་པའི་གཏད་འདོན། གསེར་གྱི་རྡོ་རྗེ་ལ་བརྟེན་པའི་གཏད་འདོན། དྲག་པོ་གསུམ་དྲིལ་གྱི་སྒྲུབ་ཐབས་རྣམས། སྙན་བརྒྱུད་མི་གཏོགས་པ་བྱང་པ་ཏཱ་ཨེན་ནམ་མཁའ་བསྟན་པས་འཕགས་པ་ཝ་ཏིའི་ཞབས་ལ་ཁྲག་འབྱིན་པའི་མཚམས་མེད་ཀྱི་ལས་བསགས་པའི་སྒྲིབ་པ་སྦྱང་ཚུལ། བསམ་རྩེ་བླ་མ་སངས་རྒྱས་འོད་ཟེར་གྱི་ངོར་གནང་པའི་ཕུང་པོ་གསུམ་པའི་སྒྲུབ་ཐབས་བྱིན་རླབས་ཆར་འབེབས་དང་བཅས་པ་རྣམས། དེ་ལྟར་
དབང་ལུང་ཡོངས་རྫོགས་ཀྱི་བརྒྱུད་པ་ནི། བཅོམ་ལྡན་འདས་གསང་བའི་བདག་པོ། ཕྱག་ན་རྡོ་རྗེ་མི་ཡི་རོལ་གར་མཁན་ཆེན་ལས་ཀྱི་རྡོ་རྗེ། རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པ། གཉལ་གུང་སྣང་བའི་འབྲོམ་གྱི་བཙུན་པ་པཎ་ཆེན་མཛེས་པ་དཔལ་ལྡན་བཟང་པོ། ཆོས་རྗེ་སེང་གེ་དཔལ་ལྡན་མཛེས་པ། བླ་མ་ནམ་མཁའ་དཔལ་ལྡན་མཛེས་པ་བཟང་པོ། མཚུངས་མེད་ནམ་མཁའ་ཆོས་བཟང་མཛེས་པ། རྗེ་ནམ་མཁའ་འོད་མཛེས་བཟང་པོ། བླ་མ་ནམ་མཁའ་ལྷུན་གྲུབ་དཔལ་མཛེས། ཆོས་རྗེ་ནམ་མཁའ་མཛེས་པ་དཔལ། རྣལ་འབྱོར་དབང་ཕྱུག་བསོད་ནམས་འོད་མཛེས། ཆོས་རྗེ་དཔལ་འབྱོར་དོན་ཡོད་མཛེས་པ། བླ་མ་ཤེས་རབ་གྲགས་པ་མཛེས་པ། སེམས་དཔའ་ཆེན་པོ་ཉི་ཟླ་འོད་མཛེས། རྗེ་མགོན་པོ་དཔལ་ལྡན་མཛེས་པའི་རྡོ་རྗེ། མཁས་གྲུབ་མགོན་པོ་མཛེས་པའི་དབང་ཕྱུག །སྤྲུལ་སྐུ་རིག་འཛིན་གཏེར་བདག་གླིང་པ། དེ་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་མཁན་ཆེན་ཕྱག་རྡོར་བ་ལ་གུང་སྣང་ཆོས་རྗེ་མཛེས་པ་དཔལ་ལྡན་གྱིས་དངོས་སུ་གསན་པ་ཡིན་ནོ།

སྙིགས་དུས་ཀྱི་རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་བཀའ་འབུམ་གླེགས་བམ་གྱི་རིམ་པ་ནོས་པའི་སྐོར།

སྙིགས་དུས་ཀྱི་རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་བཀའ་འབུམ་གླེགས་བམ་གྱི་རིམ་པ་ནོས་པ་ལ། བྱང་ཆུབ་ལམ་རིམ་ཆེ་ཆུང་། སྒྲོན་གསལ་གྱི་མཆན་བུ། མཐའ་དཔྱོད་སོགས་གོང་དུ་སོང་གྲུབ་པས་འདིར་མ་སྨོས། དེ་ལས་གཞན་པའི་ཕྲ་རགས་རྣམས་བགོད་པ་ལ། རྡོ་རྗེ་འཆང་ཆེན་པོའི་ལམ་གྱི་རིམ་པ་གསང་༼མཁན༽བ་ཀུན་གྱི་གནད་རྣམ་པར་ཕྱེ་བ། ཁྱབ་བདག་རྡོ་རྗེ་སེམས་དཔའ་བསྙེན་སྒྲུབ་བཞིའི་སྦྱོར་༼མཁན༽བས་

མཉེས་པར་བྱེད་པ་འདུས་པའི་སྒྲུབ་ཐབས་རྣལ་འབྱོར་དག་པའི་རིམ་པ། དཔལ་གསང་བ་འདུས་པ་མི་བསྐྱོད་རྡོ་རྗེའི་དཀྱིལ་འཁོར་གྱི་ཆོ་ག་༼མཁན༽དབང་དོན་དེ་ཉིད་རབ་ཏུ་གསལ་བ། རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྫོགས་རིམ་༼མཁན༽རིམ་ལྔ་༼གུ༽གདན་རྫོགས་ཀྱི་དམར་འཁྲིད། བསྲེ་འཕོའི་༼ཕ༽གདམས་ངག །རིམ་ལྔ་བསྡུས་༼ཕ༽པའི་ཟིན་བྲིས། བཤད་རྒྱུད་རྡོ་རྗེ་འཕྲེང་༼ཕ༽བའི་ཟིན་བྲིས། རྡོ་རྗེའི་བཟླས་པའི་རིམ་༼ཕ༽པའི་ཟིན་བྲིས། མངོན་པར་བྱང་ཆུབ་༼ཕ༽པའི་རིམ་པའི་ཟིན་བྲིས། བདག་བྱིན་བརླབ་༼ཕ༽ཀྱི་ཟིན་བྲིས། དགོངས་པ་བླ་༼ཕ༽ན་མེད་པའི་རིམ་པའི་ཟིན་བྲིས། ཆོ་ག་ཉི་ཤུའི་༼ཕ༽ཁུངས་འགོད་པ། རྡོ་རྗེ་འཆང་གི་གོ་འཕང་༼ཕ༽བརྙེས་པར་བྱེད་པའི་ལམ་ལ་སློབ་ཚུལ། འདུས་པའི་དཀའ་༼ཕ༽བའི་གནད་བསྟན་པ་ཚིགས་བཅད་མ། ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ཀྱི་རྒྱ་ཆེར་བཤད་༼ཁྲི༽པ་བཤད་རྒྱུད་ཐབས་ཀྱི་མན་ངག་གསལ་བར་བསྟན་པ། དཔལ་གསང་བ་འདུས་པའི་བཤད་བརྒྱུད་ལྷ་མོ་བཞིས་ཡོངས་སུ་ཞུས་པ་ཞེས་བྱ་བའི་རྒྱ་ཆེར་བཤད་༼ཁྲི༽པ་སྲོག་རྩོལ་གྱི་དེ་ཁོ་ན་ཉིད་གསལ་བར་བྱེད་པ། རྣམ་གཞག་རིམ་པའི་རྣམ་བཤད་༼ཁྲི༽དཔལ་གསང་བ་འདུས་པའི་གནད་ཀྱི་དོན་གསལ་བ། སྟོབས་པོ་ཆེའི་སྒོ་ནས་༼ཕ༽ཆར་འབེབས་པ། རྟ་མགྲིན་གྱི་སྒོ་ནས་༼ཕ༽སྤྲིན་དཔྲལ་བ། ཁྲོ་༼ཕ༽བཅུའི་ཟིན་བྲིས། རྗེ་བཙུན་འཇམ་དཔལ་རྡོ་རྗེའི་སྒྲུབ་ཐབས་༼མཁན༽འཇམ་དཔལ་དབྱངས་ཀྱི་དགོངས་པ་གསལ་བ། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་༼མཁན༽བདུད་ལས་རྣམ་པར་རྒྱལ་བ། རྡོ་རྗེ་འཇིགས་བྱེད་ལྷ་བཅུ་གསུམ་མའི་སྒྲུབ་ཐབས་༼མཁན༽རིན་པོ་ཆེའི་ཟ་མ་ཏོག །གཤིན་རྗེ་གཤེད་དགྲ་༼མཁན༽ནག་པོའི་

སྒྲུབ་ཐབས་རིན་ཅེན་འབར་བ། གཤིན་རྗེ་གཤེད་བཅུ་གསུམ་མ་གསུམ་གྱི་དཀྱིལ་འཁོར་གྱི་ཆོ་ག་༼མཁན༽རིན་པོ་ཆེའི་འཕྲེང་བ། དཔལ་རྡོ་རྗེ་འཇིགས་བྱེད་ཀྱི་འཕྲིན་ལས་༼མཁན༽བཞིའི་སྦྱིན་སྲེག་དངོས་གྲུབ་རྒྱ་མཚོ། དཪྤན་ཨཱ་ཙཪྻའི་མན་ངག་ལས་བྱུང་བའི་འཇམ་དཔལ་ཞི་དྲག་གི་སྒོ་ནས་༼མཁན༽བགེགས་ཀྱི་བར་ཆོད་བསྲུང་བ་དང་ཚེ་བསྲིང་བ་སོགས་ཀྱི་གདམས་པ། ཡི་གེ་༼ཕ།དགའ་འཁྱིལ༽བཞི་པའི་བསྲུང་བ། ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ལ་ཡི་དམ་༼ཕ།དགའ་འཁྱིལ༽རང་ཉིད་ཀྱིས་གསུངས་པའི་ཡི་གེ་བཞི་པའི་མན་ངག་རྩ་རོ་བརྐྱངས་དབུ་གསུམ་༼ཕ།དགའ་འཁྱིལ༽དང་གཤིན་རྗེ་སྦྱོར་ཚུལ། གྲུབ་པའི་འཁོར་ལོས་སྒྱུར་བ་གྲུབ་ཆེན་དཔལ་འཛིན་གྱི་རྣལ་༼ཕ།དགའ་འཁྱིལ༽འབྱོར་བཞིའི་དེ་ཁོ་ན་ཉིད་ལས་རྣལ་འབྱོར་བཞིར་བཤད་པ། ནང་གི་རྩ་འཁོར་དང་༼ཕ།དགའ་འཁྱིལ༽གཤིན་རྗེ་སྦྱོར་ཚུལ། གྲུབ་པའི་དབང་ཕྱུག་ལཱུ་ཧི་པའི་ལུགས་ཀྱི་༼མཁན༽དཔལ་འཁོར་ལོ་བདེ་མཆོག་གི་སྒྲུབ་ཐབས་བདེ་ཆེན་གསལ་བ། བདེ་མཆོག་དྲིལ་བུ་ལུགས་༼མཁན༽ཀྱི་མངོན་པར་རྟོགས་པའི་ངག་འདོན་གྱི་ཆོ་གའི་རིམ་པ། འཁོར་ལོ་སྡོམ་པ་ལཱུ་༼མཁན༽ཧི་པའི་དཀྱིལ་ཆོག །ཕྱི་རོལ་མཆོད་པའི་ཆོ་ག་ལག་མཆོད་དང་བཅས་པ་༼ཕ༽རྒྱལ་བ་བཙོང་ཁ་པའི་ཕྱག་བཞེས་བཞིན་བཀོད་པའི་ཟིན་བྲིས། བདེ་མཆོག་༼མཁན༽མཆོད་འཕྲེང་། བདེ་མཆོག་ལུས་དཀྱིལ་གྱི་དཀྱིལ་འཁོར་དུ་༼མཁན༽དབང་བསྐུར་བའི་ཆོ་ག་རིན་པོ་ཆེའི་བང་མཛོད། དཔལ་འཁོར་ལོ་བདེ་མཆོག་གི་རྫོགས་རིམ་རྣལ་འབྱོར་ཆེན་༼མཁན༽མོའི་གཞུང་གི་རྣམ་པར་བཤད་པ་དངོས་གྲུབ་ཀྱི་སྙེ་མ། རྫོགས་རིམ་རྣལ་འབྱོར་ཆེན་མོའི་འཁྲིད་རིམ་༼ཕ༽མདོར་བསྡུས་པ། འཁོར་ལོ་བདེ་མཆོག་གི་རིམ་པ་ལྔའི་རྣམ་༼ཕ༽བཤད་སྦས་དོན་ལྟ་བའི་མིག་གིས་རྣམ་པར་འབྱེད་པ། བདེ་མཆོག་

ཉུང་ངུའི་རྩ་རྒྱུད་ཀྱི་རྒྱ་ཆེར་བཤད་༼མཁན༽པ་སྦས་དོན་ཀུན་གསལ། བདེ་མཆོག་གི་མངོན་པར་རྟོགས་པའི་རྒྱ་ཆེར་༼མཁན༽བཤད་པ་འདོད་འཇོ། རྫོགས་རིམ་དཔྱིད་ཀྱི་ཐིག་༼ཕ༽ལེ་དགེ་འདུན་བརྒྱ་ཙམ་ལ་གནང་དུས་རྒྱལ་ཚབ་ཐམས་ཅད་མཁྱེན་པ་དར་མ་རིན་ཅེན་གྱིས་ཟིན་བྲིས་སུ་མཛད་པ། ཟབ་ལམ་ནཱ་རོ་ཆོས་དྲུག་གི་འཁྲིད་༼མཁན༽ཡིག་ཡིད་ཆེས་གསུམ་ལྡན། ཀྱེ་རྡོར་སྒྲུབ་ཐབས་ཀྱི་ཟིན་༼ཤྲཱི༽བྲིས། བདག་མེད་མའི་དཀྱིལ་འཁོར་སྒྲུབ་༼ཤྲཱི༽ཐབས་ཀྱི་ཟིན་བྲིས། བརྟག་གཉིས་ཀྱི་༼ཤྲཱི༽ཟིན་བྲིས། མཁའ་སྤྱོད་མ་དམར་མོའི་སྒྲུབ་༼ཤྲཱི༽ཐབས། ལྷག་པའི་ལྷ་ནི་གཅིག་༼ཤྲཱི༽པུ་ཉིད་ཅེས་པའི་དོན་བཤད་པ། རྒྱུད་ཀྱི་རྒྱལ་པོ་ཁ་སྦྱོར་གྱི་བརྟག་པ་བརྒྱད་པའི་རབ་བྱེད་གསུམ་༼མཁན༽པ་རྣམ་ཤེས་གོང་དུ་འཕོ་བའི་རྒྱ་ཆེར་བཤད་པ་གསེར་གྱི་སྒོ་འབྱེད། སྦྱོར་བ་ཡན་ལག་༼ཕ༽དྲུག་རྡོ་རྗེའི་ཚིགས་བཅད། དེའི་དོན་བཤད་༼ཕ༽པ། འདིར་གཉིས་སུ་མེད་པ་ཞེས་སོགས་༼ཕ༽དུས་འཁོར་གྱི་ཟིན་བྲིས་ཉུང་ངུ་། དུས་འཁོར་གྱི་མངོན་རྟོགས་དང་༼ཕ།དགའ་འཁྱིལ༽དབང་གི་ཟིན་བྲིས། སྦྱོར་དྲུག་༼ཕ།དགའ་འཁྱིལ༽ཟིན་བྲིས། འཆི་ཞག་དང་ཚེ་ལྷག་༼ཕ།དགའ་འཁྱིལ༽ བཤད་པ། བསྡུས་རྒྱུད་ཀྱི་ཟིན་༼ཕ། དགའ་འཁྱིལ།༽བྲིས། འཇིག་རྟེན་ཁམས་ལེར་གནས་པའི་སེམས་ཅན་རྣམས་ཀྱི་སྐྱེ་གནས་༼ཕ།དགའ་འཁྱིལ༽འཇིག་པའི་རྣམ་དག་སྟོན་པ་ནང་གི་ལེའུའི་ཟིན་བྲིས། བསམ་གཏན་ཕྱི་མ་༼ཕ།དགའ་འཁྱིལ༽ལས་བཟླས་བརྗོད་རྣལ་འབྱོར་གྱི་ཆེ་བ། གྲུབ་ཆེན་བརྒྱད་༼ཕ།དགའ་འཁྱིལ༽ ཀྱི་བཞུགས་ཚུལ། སྒྲ་མི་སྙན་པའི་ཚེ་སྒྲུབ་༼ཕ༽ཀྱི་མན་ངག །བླ་མ་ལྔ་བཅུ་༼མཁན༽པའི་ཊཱིཀྐ། སྔགས་ཀྱི་སྒོ་ནས་སྤྱད་པ་སྤྱོད་པའི་༼མཁན༽ཚུལ་ཁྲིམས་ཀྱི་རྣམ་བཤད་དངོས་གྲུབ་ཉི་མ། དྲང་བ་དང་ངེས་པའི་དོན་རྣམ་༼མཁན༽པར་འབྱེད་པ་ལེགས་བཤད་སྙིང་པོ། དབུ་

མ་རྩ་བ་ཤེས་རབ་ཀྱི་རྣམ་བཤད་༼མཁན༽རིག་པའི་རྒྱ་མཚོ། འཇུག་པའི་རྣམ་བཤད་༼མཁན༽དགོངས་པ་རབ་གསལ། བྱང་ཆུབ་སེམས་དཔའི་སྡོམ་པ་བཟུང་ནས་ཚུལ་ཁྲིམས་ཀྱི་ཕུང་པོ་༼མཁན༽ཡོངས་སུ་དག་པར་བྱ་བའི་ཚུལ་རྣམ་པར་བཤད་པ་བྱང་ཆུབ་གཞུང་ལམ། འདུལ་བའི་བསླབ་༼མཁན༽བྱ་གནམ་རྩེར་ལྡེང་མ། གུ་གེ་ཆོས་རྗེ་སྙིང་སྟོབས་རྒྱ་མཚོ་དང་ལྷ་བ་སྐུ་སྐྱེ་སོགས་ཐོག་མ་ནས་ལུང་རྒྱུན་མ་འཕེལ་ཞེས་གླེང་ཡང་ཁུངས་ཇི་ལྟར་ཡིན་མ་ཆོད། སྤྱོད་འཇུག་༼དཔལ༽ ཤེར་ལེའི་ཟིན་བྲིས། ཐལ་རང་གི་ཁྱད་པར་༼དཔལ༽འབྱེད་པ། བདེན་གཉིས་༼དཔལ༽ཟིན་བྲིས། དབུ་༼དཔལ༽མའི་ཟིན་བྲིས། རྣམ་འགྲེལ་༼དཔལ༽རྒྱན་གྱི་ཟིན་བྲིས། ཡིད་དང་ཀུན་གཞིའི་༼ཁྲི༽དཀའ་གནད་ཀྱི་ཟིན་བྲིས། འདུལ་༼ཁྲི༽བའི་ཟིན་བྲིས། གསན་༼ཕ༽ཡིག་གི་དུམ་བུ། གསུང་འབུམ་ཐོར་༼ཁྲི༽བུའི་སྐོར་ལ་བྱང་ཆུབ་ལམ་གྱི་རིམ་པའི་བརྒྱུད་པ་རྣམས་ལ་གསོལ་བ་འདེབས་པ་ལམ་མཆོག་སྒོ་འབྱེད། བྱིན་རླབས་ཉེ་བརྒྱུད་ཀྱི་བླ་མ་རྣམས་ལ་གསོལ་བ་འདེབས་པ་དངོས་གྲུབ་སྙེ་མ། རྒྱན་དྲུག་མཆོག་གཉིས་ཀྱི་བསྟོད་པ་མཐའ་བྲལ་མ། རྗེ་བཙུན་རེ་མདའ་པ་གཞོན་ནུ་བློ་གྲོས་ཀྱི་བསྟོད་པ་མཁྱེན་རབ་མ། དེའི་གསོལ་འདེབས་དྲི་མེད་མ། དེའི་གསོལ་འདེབས་མཁས་གཞོན་མ། སྤྱན་སྔ་རིན་པོ་ཆེ་གྲགས་པ་བྱང་ཆུབ་ཀྱི་གསོལ་འདེབས་དཔག་ཡས་མ། རྗེ་བཙུན་ས་པཎ་གྱི་བསྟོད་པ་རིག་གནས་རྒྱ་མཚོ་མ། སྤྱན་སྔ་གྲགས་པ་བྱང་ཆུབ་ལ་རྗེས་ཁྲིད་ཀྱིས་སྒོ་ནས་བསྟོད་པ། མཁན་ཆེན་ཕྱག་རྡོར་བའི་གསོལ་འདེབས་ཤེས་བྱ་མ། ལོ་ཆེན་སྐྱབས་མཆོག་དཔལ་གྱི་གསོལ་འདེབས་ལེགས་སྦྱང་མ། བླ་མ་དམ་པ་བསོད་ནམས་རྒྱལ་མཚན་ལ་ཕྱག་འཚལ་བ་ཕུན་ཚོགས་མ། རྒྱལ་

བ་ཤཱཀྱ་ཐུབ་པ་ལ་བསྟོད་པ་བྱིན་རླབས་ཉེར་འཇུག །དེ་ལ་རྟེན་ཅིང་འབྲེལ་བར་འབྱུང་བའི་སྒོ་ནས་བསྟོད་པ་ལེགས་པར་བཤད་པའི་སྙིང་པོ། དེ་ལ་བསྟོད་པ་མཁས་པའི་སྐྱེ་བོ་མ། མགོན་པོ་འོད་དཔག་མེད་ཀྱི་བསྟོད་པ་ཞིང་མཆོག་སྒོ་འབྱེད། དེ་ལ་བསྟོད་པ་ཉི་གཞོན་འཆར་ཀ་མ། དེ་ལ་བསྟོད་པ་དྲི་མེད་མ། ས་སྐྱོང་ཀུན་དབང་དང་བཀྲ་ཤིས་རྒྱལ་མཚན་གཉིས་ཀྱིས་ཚེ་དཔག་མེད་ཀྱི་སྐུ་བཞེངས་པའི་སྨོན་ལམ་པད་རག་མ། འོད་དཔག་མེད་ཀྱི་ཞིང་བཀོད་ལ་བསྔགས་པའི་སྨོན་ལམ་ལེགས་ཚོགས་རྒྱ་མཚོ་མ། འཇམ་དབྱངས་ཀྱི་ཞིང་བཀོད་སྨོན་ལམ་ཇི་བཞིན་མ། མི་འཁྲུགས་པའི་ཞིང་བཀོད་བསྟོད་པ་སྔོན་ཚེ་མ། ཐུབ་དབང་ལ་གསོལ་བ་འདེབས་པ་གདེངས་ཅན་མ། རྡོ་རྗེ་རྣམ་པར་གནོན་པ་ལ་བསྟོད་པ་ཀུན་ནས་ཡོངས་དག་མ། སྨན་བླའི་ཞིང་བཀོད་བསྟོད་པ་རླབས་ཆེན་སྨོན་ལམ་མ། སྤྱན་རས་གཟིགས་ལ་བསྟོད་པ་ཐབས་མཁས་མ། ཁ་སཪྤཱ་ཎི་ལ་བསྟོད་པ་མཆོག་དུལ་མ། བྱམས་པའི་བསྟོད་པ་ཚངས་པའི་ཅོད་པན་མ། དེའི་བསྟོད་པ་རིན་ཅེན་གསལ་བའི་སྒྲོན་མེ། དེའི་བསྟོད་པ་གསེར་བཟང་མ། དེའི་གསོལ་འདེབས་ཟབ་ཡངས་མ། འཇམ་དཔལ་དབྱངས་ཀྱི་བསྟོད་པ་བསྟོད་སྤྲིན་རྒྱ་མཚོ། དེའི་བསྟོད་པ་རྒྱལ་ཀུན་མ། དེའི་བསྟོད་པ་ཕུན་ཚོགས་དགེ་ལེགས་མ། དེའི་བསྟོད་པ་མི་འཇིགས་མཆོག་བརྙེས་མ། དེའི་བསྟོད་པ་འཚམས་སྤྲིན་མ། དེའི་བསྟོད་པ་སྨྲ་སེང་ལ་ཕྱག་འཚལ་བ་དང་བའི་མཚོ་སྔོན་མ། དེའི་བསྟོད་པ་སྟོན་དུས་དག་པ་མ། རྡོ་རྗེ་འཇིགས་བྱེད་ཀྱི་བསྟོད་པ་ཐལ་ཆེན་མ། མི་གཡོ་བའི་བསྟོད་པ་བྱིན་རླབས་ཀྱི་

ཆུ་གཏེར། དེ་ལ་སྨོན་ལམ་དུ་གསོལ་བ་བདག་གི་ཚེ་རབས་མ། རྡོ་རྗེ་རྣམ་འཇོམས་ཀྱི་བསྟོད་པ་གང་གི་མཁྱེན་པ་མ། གསང་བདག་གི་བསྟོད་པ་མཐུ་སྟོབས་མ། དེའི་བསྟོད་པ་དཔག་མེད་མ། གཙུག་ཏོར་རྣལ་རྒྱལ་མའི་བསྟོད་པ་འཆི་མེད་གྲུབ་པ་མ། དེའི་བསྟོད་པ་གང་གསུང་མ། གདུགས་དཀར་གྱི་བསྟོད་པ་རྒྱལ་བ་མ། ཡང་དེའི་བསྟོད་པ་རྒྱལ་ཀུན་མ། དབྱངས་ཅན་མའི་བསྟོད་པ་ཆུ་འཛིན་མ། དེའི་བསྟོད་པ་མར་གད་མ། ཤེས་རབ་གསལ་བྱེད་ཀྱི་བསྟོད་པ་ལྷག་བསམ་རྣམ་དག་མ། ཆོས་རྒྱལ་ནང་སྒྲུབ་ཀྱི་བསྟོད་པ་བདུད་དཔུང་རྣམ་འཐག་མ། འཇམ་དབྱངས་ཀྱིས་གསུངས་པའི་ཉམས་ལེན་མདོར་བསྡུས་ཤློ་ཀ་བཞི་དང་རྐང་པ་གཉིས་ཀྱིས་བསྡུས་པ། བགྲོད་པ་ཕྱག་རྒྱ་དང་འདུས་པ་ལ་ལྟོས་པའི་རྒྱུ་མཚན་དུས་འཁོར་གྱི་སྦྱོར་བ་ཡན་ལག་དྲུག་གི་རྡོ་རྗེའི་ཚིགས་བཅད། གླང་ལོ་ཟླ་བ་བཅུ་གཉིས་པའི་ནང་དུ་ངོ་མཚར་བའི་ལྟས་ཁྱད་པར་ཅན་བྱུང་བའི་ཚིགས་བཅད། རང་གི་རྟོགས་པ་བརྗོད་པ་མདུན་ལེགས་མ། ལམ་རིམ་བསྡུས་དོན། བླ་ན་མེད་པའི་རིན་ཅེན་གསུམ་གྱི་གཏམ་གྱི་སྦྱོར་བ། སངས་རྒྱས་བཅོམ་ལྡན་འདས་ཀྱིས་གདུལ་བྱ་ཕན་བདེ་ལ་སྦྱོར་བའི་རིམ་པ། དང་པོ་ལས་ཅན་བཀྲི་བའི་གནད་གསལ་བར་སྟོན་པ། འདུལ་བ་རྒྱ་མཚོའི་སྙིང་པོ། རྗེ་བཙུན་རེ་མདའ་བ་ས་སྐྱར་བཞུགས་སྐབས་རྟོགས་ལྡན་བྱང་སེང་བ་གྲོགས་མཆེད་བཏང་ནས་ཕུལ་བའི་ཞུ་ཡིག །བླ་མ་དབུ་མ་པ་ལ་མདོ་ཁམས་སུ་ཕུལ་བའི་ཞུ་ཡིག །མཁན་ཆེན་ཕྱག་རྡོར་བ་ལ་སྨན་མཆོག་བདུད་རྩིའི་འཕྲེང་བ་འབྱོར་ཚུལ་གྱི་ཞུ་ལན། ལམ་གྱི་གནད་གསུམ་བསྟན་

པ། དྲི་བ་ལྷག་བསམ་རབ་དཀར། བདེ་བ་ཅན་གྱི་ཞིང་དུ་སྐྱེ་བ་ལེན་པའི་སྨོན་ལམ་ཞིང་མཆོག་སྒོ་འབྱེད། བྱང་ཆུབ་སེམས་དཔའ་ཆེན་པོ་རྟག་ཏུ་ངུའི་རྟོགས་བརྗོད་སྙན་ངག་དཔག་བསམ་གྱི་ལྗོན་ཤིང་། ས་སྐྱོང་སྤྱན་སྔ་ཆོས་ཀྱི་རྒྱལ་པོ་གྲགས་པ་བྱང་ཆུབ་ཀྱི་རྟོགས་བརྗོད་སྙན་ངག་བྱིན་རླབས་ཀྱི་ལྷུན་པོ། ཚོགས་ཆེན་པོའི་མཁན་པོ་རྒྱལ་དབང་ལ་ཕུལ་བའི་ཞུ་ཡིག །བཤེས་གཉེན་ཆེན་པོ་བྱང་ཆུབ་བླ་མའི་འཕྲིན་ལན། ས་བཟང་ལོ་ཙཱ་བས་འཇིགས་བྱེད་ལ་དགག་པ་མཛད་པའི་ལན། གསང་འདུས་འཇམ་དཔལ་རྡོ་རྗེའི་སྒྲུབ་དཀྱིལ་གྱི་དྲིས་ལན། དཀོན་ཅོག་ཚུལ་ཁྲིམས་ཀྱི་ཞལ་སྔ་ནས་བཀའ་སྩལ་སྤྲིངས་པའི་ལན། དཀའ་བཞི་འཛིན་པ་གྲགས་པ་རྒྱལ་མཚན། འདུལ་བ་འཛིན་པ། ལ་འདི་ཕྱིར་ཕན་པའི་ཐབས་ལ་གནང་བ། མཁས་པ་ཆེན་པོ་གསང་ཕུ་བ་གཞོན་ནུ་བློ་ལྡན་གྱི་དྲིས་ལན། དཀའ་བཞི་འཛིན་པ་ཤེས་རབ་དཔལ་བཟང་ཤངས་པ་ཀུན་མཁྱེན། གི་དྲིས་ལན། གཉལ་སྟོན་རིན་ཅེན་བསམ་གྲུབ་གསང་ཕུ་བ། ཀྱི་དྲིས་ལན། དབོན་པོ་ནམ་མཁའ་དཔལ་བཟང་མ་གཅིག་དབོན་པོ། གི་འཕྲིན་ལན་གསུམ། དཔལ་འབྱོར་བཟང་པོ་ལ་གནང་བའི་གཉེན་པོ་སྟོབས་བཞིའི་བཤགས་པ། བྱམས་ཆེན་ཆོས་རྗེ་ཤཱཀྱ་ཡེ་ཤེས་རྒྱ་ཡུལ་དུ་ཐེགས་དུས་གནང་བའི་བསྲེ་འཕོའི་གདམས་པ། ཚ་ཁོ་དབོན་པོ་ངག་དབང་གྲགས་པའི་དྲིན་ལན། དེ་ལ་གདམས་པའི་ལམ་གྱི་གཙོ་བོ་རྣམ་གསུམ། ཡང་དེའི་ཞུ་ལན། འགྲོ་མགོན་རྡོ་རྗེ་དཔལ་ལ་གདམས་པ། གསལ་བྱེད་སུམ་ཅུ་ལ་ཨེ་སྲོག་ཏུ་ཞུགས་པའི་རྒྱན་གྱི་ཞལ་གདམས། ཨོ་སྲོག་ཏུ་ཞུགས་པའི་ཞལ་གདམས། བྱང་བླ་མའི་ཞུ་ལན། རེ་མདའ་པའི་ཉེ་གནས་ཡོན་ཏན་རྒྱལ་མཚན་

གྱི་ཞུ་ལན། སློབ་དཔོན་བློ་གྲོས་འཕེལ་གྱི་ཞུ་ལན། ཀརྨ་དེ་བཞིན་གཤེགས་པ་ལ་ཕུལ་བའི་ཞུ་ཡིག །སྤྱན་སྔ་རིན་ཅེན་དཔལ་བའི་ཕེབས་ལམ། གོང་མ་ཧོར་རྒྱལ་བུ་མིའི་དབང་པོའི་དྲུང་དུ་ཕུལ་བའི་ཞུ་ཡིག །གོང་མ་གྲགས་པ་རྒྱལ་མཚན་ལ་ཕུལ་བའི་ཞུ་ཡིག་གཉིས། ཡར་ཀླུངས་ཇོ་བོ་ལ་གདམས་པ། དཔོན་ཡིག་རིན་ཅེན་རྒྱལ་པོ་ལ་གདམས་པ། སྟོད་ལུང་པ་དཔོན་ཡོན་ཏན་རྒྱ་མཚོ་ལ་གདམས་པ། སྒོམ་པ་གྲགས་པ་རིན་ཅེན་ལ་གདམས་པ། སྐུ་གཟུགས་བྲི་བའི་ལས་ལ་མཁས་པ་དཔལ་ལྡན་གྱི་ངོར་མཛད་པའི་དལ་འབྱོར་གྱི་རྟེན་ལ་སྙིང་པོ་ལེན་པར་བསྐུལ་བ། རྒྱ་མ་ཁྲི་དཔོན་རིན་ཅེན་རྒྱལ་མཚན་གྱི་ཞུ་ལན། བྱང་བླ་མའི་ཞུ་ལན་སྨྲ་བ་ཟླ་མེད་མ། དཀའ་བཅུ་དགེ་ལེགས་དཔལ་བཟང་གི་གསུང་ཤོག་ལན། གོན་ཏའི་ཞིན་ལ་གནང་བའི་ཆབ་ཤོག །དཔོན་ནམ་མཁའ་དབང་ཕྱུག་གི་ཞུ་ལན། བྱང་པ་དཔོན་ཆེན་བསོད་ནམས་རྒྱལ་མཚན་ལ་གདམས་པ། མང་ཡུལ་སྐྱིད་གྲོང་གི་ཆོས་རྒྱལ་ཆེན་པོའི་ནང་བློན་ལ་གདམས་པ། སྒོམ་པ་གུང་རུ་ལ་གདམས་པ་བཤེས་གཉེན་ཆེན་པོ་སྤོང་གཤོད་ནང་པར་གནང་བའི་ཆབ་ཤོག །རིན་སྤུངས་པ་སློབ་དཔོན་ནམ་མཁའ་རྒྱལ་མཚན་ལ་གནང་བའི་ཆབ་ཤོག །སྐྱོ་ཚ་དཀའ་བཅུ་པ་ཡོན་ཏན་རྒྱལ་མཚན་ལ་གདམས་པ། འདུས་པའི་བཤད་པ་རྫོགས་པའི་འོག་ཏུ་རྡོ་རྗེའི་སློབ་དཔོན་ལ་གཏང་རག་གི་མཆོད་པ་བྱ་ཚུལ། དཔའ་བོ་འཇའ་ཚོན་མའི་བཞུགས་གསོལ་མཆོད་བསྟོད། གསང་འདུས་ཀྱི་མཆོད་འཕྲེང་གསང་བའི་འཁོར་ལོ་མ། གསང་འདུས་ཀྱི་སྨོན་ལམ་ཤིས་བརྗོད་དང་བཅས་པ་དཔྱིད་ཀྱི་རྒྱལ་མོའི་གླུ། བདེ་མཆོག་

གི་མཆོད་འཕྲེང་ལེ་ཚན། བདེ་མཆོག་གི་སྨོན་ལམ་ཤིས་བརྗོད། ལྷ་ས་སྨོན་ལམ་གྱི་ཆོག་ཁྲིགས། ཐོག་མཐའ་བར་དུ་དགེ་བའི་སྨོན་ལམ། དཔལ་འབྱོར་བཟང་པོའི་ངོར་མཛད་པའི་མི་གཡོ་བར་གསོལ་བ་འདེབས་ཚུལ། རྒྱལ་སྲས་བདེ་འབྱུང་བའི་ངོར་མཛད་པའི་སྨོན་ལམ་དཔག་ཡས་བསྐལ་པ་མ། སྨོན་ལམ་རྒྱལ་བ་དཔག་མེད་མ། སྣེའུ་པ་ནམ་མཁའ་བཟང་པོས་ཡུམ་རྒྱས་པ་བཞེངས་པའི་དུས་གནང་བའི་དཀར་ཆག་སྨོན་ལམ། གོང་མ་ཆེན་པོ་གྲགས་པ་རྒྱལ་མཚན་གྱིས་བཀའ་གནང་བ་ལ་བརྟེན་ནས་འོལ་དགའ་བ་རིན་ཅེན་རྒྱལ་མཚན་གྱིས་ཡུམ་བར་མ་བཞེངས་པའི་དུས་གནང་བའི་སྨོན་ལམ་བདེ་གཤེགས་མ། རྟ་མགྲིན་ཤྭ་ན་བཞི་སྐོར་གྱི་སྒྲུབ་ཐབས། དབྱངས་ཅན་མ་དཀར་མོའི་སྒྲུབ་ཐབས། བསྔོ་བ་མདོར་བསྡུས། ཆོས་སྐྱོང་ལ་བཀའ་བསྒོ་བ། དགེ་འདུན་སྤྱིའི་ཁྲིམས་སུ་བཅའ་བ་ཆེན་མོ། བྱེ་བྲག་འོལ་དགའ་བྱམས་པ་གླིང་གི་ཁྲིམས་སུ་བཅའ་བ་ཆུང་བ་དང་བཅས་པ་རྣམས་ལེགས་པར་ནོས་པའི་མཁན་གྱི་རྟགས་ཡོད་པ་རྣམས་ནི། མཁན་པོ་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལས་ཐོས། དེ་ཉིད་ཀྱིས་རྗེ་སངས་རྒྱས་ཡེ་ཤེས་ལ་གསན། དེ་ཡན་གྱི་བརྒྱུད་པ་མ་རྙེད། ཁྲིའི་རྟགས་ཡོད་པ་རྣམས་ཀྱི་ལུང་འཇམ་དབྱངས་དཀོན་ཅོག་ཆོས་འཕེལ་ལས་ཐོས། དེ་ཉིད་ཀྱི་གསུང་འབུམ་ཐོར་བུ་ཁྲི་རིན་པོ་ཆེ་སངས་རྒྱས་རིན་ཅེན་དང་། རྣམ་གཞག་རིམ་པ་ཆོས་རྗེ་ཕག་སྨྱོན་ལ་ཞུས་གསུང་བརྒྱུད་པ་གཞན་མ་བྱུང་། ཕ་རྐྱང་གི་རྟགས་ཡོད་པའི་ལུང་རྣམས་ཀྱི་བརྒྱུད་པ་ནི། ཐམས་ཅད་མཁྱེན་པ་བཙོང་ཁ་པ་ཆེན་པོ། མཁས་གྲུབ་དགེ་ལེགས་དཔལ་བཟང་། བ་

སོ་ཆོས་ཀྱི་རྒྱལ་མཚན། རྗེ་གྲགས་པ་བསམ་གྲུབ། པཎ་ཆེན་ངོ་མཚར་རྒྱ་མཚོ། མར་སྟོན་སེམས་དཔའ་ཆེན་པོ། རྡོ་རྗེ་འཆང་སྔགས་རམ་པ་དགེ་འདུན་ཀུན་དགའ་བཀྲ་ཤིས། མངའ་རིས་དྲུང་པ་རིན་པོ་ཆེ་ལྷའི་བཙུན་པ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཕ་དགའ་འཁྱིལ་ཅན་གྱི་རྟགས་ཡོད་པའི་ལུང་བརྒྱུད་ནི། མཁས་གྲུབ་དགེ་ལེགས་དཔལ་ནས། འཕགས་མཆོག་དོན་གྲུབ་རིན་ཅེན། པཎ་ཆེན་ངོ་མཚར་རྒྱ་མཚོ། རྡོ་རྗེ་འཆང་སྔགས་རམ་པ། ཐམས་ཅད་མཁྱེན་པ་བསོད་ནམས་རྒྱ་མཚོ། གྱེ་རེ་ལྷ་དབང་རྒྱ་མཚོ། རྡོ་རྗེ་འཆང་ཕ་བོང་ཁ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཕ་གཡུང་དྲུང་ཅན་གྱི་རྟགས་ཡོད་པའི་ལུང་བརྒྱུད་ནི། རྒྱལ་བ་བཙོང་ཁ་པ་ཆེན་པོ། མཁས་གྲུབ་ཤེས་རབ་སེང་གེ །རྗེ་སྦྱིན་པ་དཔལ་བ། རྗེ་སྨྲ་བའི་སེང་གེ །མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ། མངའ་རིས་ལྷའི་བཙུན་པ་བསོད་ནམས་དཔལ་བཟང་། སྔགས་རམ་པ་བཟང་པོ་རྣམ་རྒྱལ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ། དེས་བདག་ལའོ། ༈ །ཤྲཱིའི་རྟགས་ཡོད་པའི་ལུང་བརྒྱུད་ནི། རྒྱལ་བ་བཙོང་ཁ་པ་ཆེན་པོ། མཁས་གྲུབ་དགེ་ལེགས་དཔལ་བཟང་། རྗེ་བློ་གྲོས་ཆོས་སྐྱོང་། ལྷ་རི་མཁས་བཙུན་ཡོན་ཏན་རྒྱ་མཚོ། མཁན་ཆེན་དཔལ་ལྡན་འོད་ཟེར། རྡོ་རྗེ་འཆང་སྔགས་རམ་པ། མངའ་རིས་ལྷ་བཙུན་པ། ཨེ་པ་ལྷ་ཆོས་རྗེ་ངེས་ལེགས་དཔལ་འབྱོར་ལྷུན་གྲུབ། རྡོ་རྗེ་འཆང་

ཕ་བོང་ཁ་པ། ཟུར་ཐམས་ཅད་མཁྱེན་པ། དེས་བདག་ལའོ། །དཔལ་གྱི་རྟགས་ཡོད་པའི་ལུང་བརྒྱུད་ནི། རྒྱལ་བ་བཙོང་ཁ་པ་ཆེན་པོ། རྒྱལ་ཚབ་ཐམས་ཅད་མཁྱེན་པ་དར་མ་རིན་ཅེན། ཐམས་ཅད་མཁྱེན་པ་དགེ་འདུན་གྲུབ། མཁས་གྲུབ་ནོར་བཟང་རྒྱ་མཚོ། ཐམས་ཅད་མཁྱེན་པ་དགེ་འདུན་རྒྱ་མཚོ། ཞལ་སྔ་ནས་སྐལ་བཟང་རྒྱ་མཚོ། འོལ་དགའ་ལྦ་བ་འཇམ་དབྱངས་བློ་བཟང་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །གུའི་རྟགས་ཡོད་པའི་བརྒྱུད་པ་ནི། རྗེ་བཙུན་བཙོང་ཁ་པ། རྒྱལ་སྲས་བཟང་སྐྱོང་པ། ཤར་པ་རིན་ཅེན་རྒྱལ་མཚན། རྗེ་ཤེས་འབྱུང་བློ་གྲོས། མཁས་གྲུབ་དཔལ་ལྡན་སེང་གེ །ལྷ་རི་བ་ཡོན་ཏན་རྒྱ་མཚོ། རྗེ་དགེ་ལེགས་དཔལ་བཟང་། བླ་མ་འོད་ཟེར་བཟང་པོ། ཞལ་སྔ་ནས་ཆོས་གྲགས་འོད་ཟེར། རྗེ་ནམ་མཁའ་བཟང་པོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། ༈ །ཐམས་ཅད་མཁྱེན་པ་བཙོང་ཁ་པ་ཆེན་པོའི་ཞལ་ཤེས་ཀྱི་གདམས་པ་ཡིག་ཆུང་ཉི་ཤུ་རྩ་གཅིག་གི་སྐོར་ལ། མཁས་གྲུབ་རྗེས་ཟིན་བྲིས་སུ་མཛད་པའི་དཀར་ཆག་ཐོའི་ཡིག་ཆུང་། དམ་ཚིག་རྡོ་རྗེའི་བཟླས་པ། རྡོ་རྗེ་མཁའ་འགྲོའི་སྦྱིན་སྲེག་ལྟ་བའི་ཡིག་ཆུང་། བསྐྱེད་རིམ་གྱི་འཁྲིད། རྫོགས་རིམ་ལ་དམིགས་རིམ། ལག་རྗེས། ཉེར་མཁོ་སྟེ་སྤྱིའི་ཡིག་ཆུང་གསུམ། རྡོར་བཟླས། སེམས་དབེན། སྒྱུ་ལུས་ཏེ་སོ་སོའི་ཡིག་ཆུང་གསུམ། བསྲེ་བ། འཕོ་བ། བོགས་འདོན། གེགས་སེལ། རྣམ་གསུམ་རིགས་དབྱེ། ཕྱག་རྒྱ་སྲོག་རྩོལ་ཏེ་ཡོངས་བསྡོམས་བཅུ་བདུན། དེའི་སྟེང་དུ་གསང་འདུས་རྒྱུད་འགྲེལ། རྡོ་རྗེ་

གུར། བླ་མའི་མན་ངག་གིས་བསྟན་པ་སྟེ་གསལ་བྱེད་གསུམ། མ་རྒྱུད་ཀྱི་རྫོགས་རིམ་གཏུམ་མོ་ལ་བརྟེན་ནས་དགའ་བཞི་འདྲེན་ཚུལ་སོགས་གནད་ཆེ་བའི་ཡིག་ཆུང་བསྣན་པས་ཉི་ཤུ་རྩ་གཅིག །ཡིག་ཆུང་ཉེར་གཅིག་ཏུ་མི་གཏོགས་པའི་ལུས་དཀྱིལ་གྱི་ཡིག་ཆུང་སོགས་བསྐྱེད་རིམ་ལ་ཉེ་བར་མཁོ་བ་རྗེས་འབྲེལ་དང་བཅས་པ་རྣམས་ནོས་པའི་བརྒྱུད་པ་ནི། རྒྱལ་བ་བཙོང་ཁ་པ་ཆེན་པོ། ཆོས་རྗེ་དགེ་ལེགས་དཔལ་བཟང་། རྗེ་ཆོས་ཀྱི་རྒྱལ་མཚན། མཚུངས་མེད་གྲགས་པ་བཟང་པོ། མཁན་ཆེན་དཔལ་ལྡན་འོད་ཟེར། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ལྷའི་བཙུན་པ་བསོད་ནམས་དཔལ་བཟང་། སློབ་དཔོན་བཀྲ་ཤིས་པ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། ༈ །རྗེ་འདུལ་བ་འཛིན་པས་མཛད་པའི་འདུལ་བའི་གླེང་འབུམ་གྱི་ལུང་ནོས་པའི་བརྒྱུད་པ་གོང་མ་རྣམས་གསན་ཡིག་འཐོར་པའི་ཁྲོད་དུ་སོང་བས་མ་རྙེད། རྩེས་དང་བྱང་མ་ཁང་གསར་པ་དཔལ་འབྱོར་བསོད་ནམས་ལྷུན་གྲུབ། རྡོ་རྗེ་འཆང་ཕ་བོང་ཁ་པ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །འདུལ་བ་འཛིན་པ་ཆེན་པོའི་གཞི་གསུམ་ཆོ་གའི་ལུང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས། དེས་རྗེ་སངས་རྒྱས་ཡེ་ཤེས་ལ་གསན། དེ་ཡན་གྱི་བརྒྱུད་པ་མ་རྙེད། ༈ མཁས་གྲུབ་དགེ་ལེགས་དཔལ་བཟང་གི་གསུང་འབུམ་ཐོར་བུའི་སྐོར་ལ། ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་ཡོན་ཏན་མདོར་བསྡུས་པར་བསྔགས་པ་དད་པའི་རོལ་མཚོ། དེའི་རྣམ་པར་ཐར་པ་མདོ་ཙམ་བརྗོད་པའི་སྒོ་ནས་གསོལ་བ་གདབ་པ་དཔལ་ལྡན་ས་གསུམ་མ། དེ་ཉིད་

གང་དུ་མངོན་པར་རྟོགས་པར་འཚང་རྒྱ་ཚུལ་ལ་སྟོན་པའི་སྤྲུལ་པའི་སྐུའི་བཀོད་པར་སྨོན་ལམ་དུ་བྱ་བ། དེ་ཉིད་ལ་བསྟོད་པ་མི་བྱེད་མ། རྒྱལ་ཚབ་ཐམས་ཅད་མཁྱེན་པའི་བསྟོད་ཚིག་ཚངས་པའི་དབྱངས། ཀུན་མཁྱེན་ཤེས་རབ་དཔལ་བཟང་ལ་བསྟོད་པ་བྱིན་རླབས་ཀྱི་འདོད་འཇོ། སློབ་དཔོན་རིན་པོ་ཆེ་གྲགས་པའི་མཚན་ཅན་ལ་ཕྱག་འཚལ་ཞིང་གསོལ་བ་འདེབས་པ་ཚོགས་གཉིས་མ། མཁན་ཆེན་ཚ་ཁོ་བ་ངག་དབང་གྲགས་པ་ལ་བསྟོད་པ་ཚོགས་གཉིས་ཆ་ཤས་མ། སྙིང་པོ་དོན་གསུམ་གྱི་བརྒྱུད་འདེབས་ཚོགས་གཉིས་མ། གསང་བ་འདུས་པ་ལྷ་སུམ་ཅུ་རྩ་གཉིས་ལ་བསྟོད་པ་ཁྱབ་བདག་མ། བདེ་མཆོག་ཡབ་ཡུམ་ལ་མངོན་པར་བསྟོད་པ་དཔལ་ལྡན་མ། འཇམ་དབྱངས་སྨྲ་བའི་སེང་གེ་ལ་བསྟོད་པ་མཚན་དཔེ་མ། དེ་ཉིད་དཀྱིལ་འཁོར་གྱི་འཁོར་ལོ་དང་བཅས་པར་བསྟོད་པ་དཔལ་ལྡན་མ། རྗེ་བཙུན་འཇམ་དབྱངས་ཀྱི་གསོལ་འདེབས་དུས་གསུམ་མ། དེ་ལས་བསྟོད་པ་གང་ལ་མ། དེ་ལ་བསྟོད་པ་རྒྱལ་སྲས་མ། དེ་ལ་སྨོན་ལམ་དུ་གསོལ་བ་རིན་ཅེན་མ། དེའི་ཤིས་པ་བརྗོད་པ་དགེ་ལེགས་མ། མི་གཡོ་བའི་བསྟོད་པ་གཏུམ་ཆེན་མ། སྐྱེས་བུ་གསུམ་གྱི་ལམ་རྣམ་པར་ངེས་པ་བྱ་དཀའ་བའི་མཛེས་རྒྱན། འདི་གཉིས་མེ་ལོང་གི་གཞུང་དངོས་དང་མི་འདྲ་བའི་ཟུར་པ་ཞིག་ཡིན་འདྲ། སྒྲ་རྒྱན་གྱི་དཔེ་རབ་ཏུ་གསལ་བར་བྱེད་པ་ཚིག་གི་འདོད་འཇོ། སྨྲ་བ་རྣམ་པར་ངེས་པ་རབ་དགའི་འཇུག་པ་རང་གི་རྟོགས་པ་གཏམ་དུ་བསྙད་པ། ཆོས་རྒྱལ་རྒྱལ་མཁར་རྩེ་བ་དང་ཐུགས་མ་མཐུན་པའི་ཚེ་མཛད་པ་དེ་ཡིན་འདྲ། ཐུན་དྲུག་གི་རྣལ་འབྱོར་ཉམས་སུ་ལེན་པའི་ཚུལ། རྟོགས་པ་དང་ལྡན་པ་དག་ལ་གཏམ་དུ་བྱ་བ་གཟུགས་བརྙན་གསལ་བར་བྱེད་པའི་མེ་ལོང་། ཀུན་མཁྱེན་

རོང་པོ་དང་རྩོད་པའི་དུས་བཏབ་པའི་ཚེ་མཛད་པའི་ཚིགས་བཅད་མ། རྗེ་བཙུན་བཙོང་ཁ་པ་ཆེན་པོའི་གསང་བའི་རྣམ་ཐར་ཡོངས་སུ་བརྗོད་པའི་གཏམ་རིན་པོ་ཆེའི་སྙེ་མ། རྡོ་རྗེ་ཐེག་པའི་རྩ་བ་དང་ཡན་ལག་གི་བསླབ་བྱ་མདོར་བསྡུས་དཀྱིལ་འཁོར་གྱི་འཁོར་ལོ་ཐ་དད་པ་ཉིན་ཞག་ཕྲུགས་གཅིག་ལ་ཐུན་བཞིར་བསྒོམ་པའི་དྲིས་ལན། ཆོས་གྲྭ་ཆེན་པོ་སྣར་ཐང་གཟིམས་ཁང་དུ་ཕུལ་བའི་ཚིགས་བཅད་མཐོ་རིས་མ། ཆབ་ཤོག་མང་ཐོས་མ། བླ་མ་ནམ་མཁའ་བཀྲ་ཤིས་ལ་ཕུལ་བའི་ཆབ་ཤོག །བཤེས་གཉེན་ཤེས་རབ་བཟང་པོའི་འཕྲིན་ལན། གུ་གེ་བདག་པོ་ཁྲི་ནམ་མཁའི་དབང་པོ་ཕུན་ཚོགས་ལྡེ་དཔལ་བཟང་པོའི་བཀའ་ཤོག་ལན། དྲུང་བདག་མོ་བའི་འཕྲིན་ལན། ཚ་བ་རོང་པ་བཤེས་གཉེན་ཐར་པ་རྒྱལ་མཚན་གྱི་དྲི་བའི་ལན། དེས་གདམས་ངག་ཉུང་ངུ་དགོས་ཚུལ་བྱུང་བའི་ལན། བྱང་པ་རིགས་ལྡན་ཆེན་པོ་རྣམ་རྒྱལ་གྲགས་བཟང་གི་དྲིས་ལན། རིན་སྤུངས་སུ་དྲུང་ཆེན་པོ་ནོར་བུ་བཟང་པོ་ལ་ཕུལ་བའི་ཞུ་ཡིག །གདན་ས་ཆེན་པོའི་བཤེས་གཉེན་ཀྭན་དིང་གོ་ཤྲཱིས་གསང་འདུས་ལུས་དཀྱིལ་ལ་ལན་བཏབ་པའི་ཡང་ལན། མཉམ་མེད་ཤཱཀྱའི་རྒྱལ་པོར་གསེར་གྱི་མཎྜལ་ཕུལ་བའི་ཁ་བྱང་སྨོན་ལམ། རིན་ཅེན་དབང་ཕྱུག་གིས་བསྐུལ་བའི་ངོར་མཛད་པའི་སྨོན་ལམ་མ་ལུས་ཆོས་ཀུན་མ། ཡང་དག་པའི་ལྟ་བའི་གནད་ལ་རྗེ་ཐམས་ཅད་མཁྱེན་པའི་བཞེད་པ་ལྟར་གོལ་ས་བཅད་པ་ཉུང་ངུ་ཚིག་གསལ། སྔགས་ཀྱི་དམ་རྫས་ཀྱི་རྣམ་གཞག་རྣལ་འབྱོར་རོལ་པའི་དགའ་སྟོན་རྣམས་ཀྱི་ལུང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས། དེ་ཉིད་ཀྱིས་རྗེ་སངས་རྒྱས་ཡེ་ཤེས་ལ་གསན། དེ་

ཡན་གྱི་བརྒྱུད་པ་མ་རྙེད། ཐམས་ཅད་མཁྱེན་པ་བློ་བཟང་གྲགས་པའི་རྣམ་པར་ཐར་པ་དད་པའི་འཇུག་ངོགས་བཤད་ལུང་ཞིབ་མོར་འཇམ་དབྱངས་བླ་མ་དཀོན་ཅོག་ཆོས་འཕེལ་ལ་ཞུས། དེས་ཁྲི་རིན་པོ་ཆེ་སྟག་ལུང་བྲག་པར་གསན་འདུག་བརྒྱུད་པ་གཞན་རྣམས་མ་རྙེད། དྲིལ་བུ་ལུས་དཀྱིལ་གྱི་འཁྲིད་ཡིག་མཁས་གྲུབ་དགེ་ལེགས་དཔལ་བཟང་གི་གསུང་རྒྱུན་སྤྱན་སྔ་བློ་གྲོས་རྒྱལ་མཚན་གྱིས་ཟིན་བྲིས་སུ་བཏབ་པའི་ལུང་ནོས་པའི་བརྒྱུད་པ་ནི། མཁས་གྲུབ་དགེ་ལེགས་དཔལ་བཟང་། སྤྱན་སྔ་བློ་གྲོས་རྒྱལ་མཚན། མཁན་ཆེན་དཔལ་ལྡན་འོད་ཟེར། རྡོ་རྗེ་འཆང་སྔགས་རམ་པ། ལྷའི་བཙུན་པ་བསོད་ནམས་དཔལ་བཟང་། རྗེ་བཀྲ་ཤིས་མཚན་ཅན། རྡོ་རྗེ་འཆང་ཕ་བོང་ཁ་པ། དེས་བདག་ཟ་ཧོར་བནྡེ་ལའོ། ༈ །དམིགས་བརྩེ་མ་ལ་བརྟེན་པའི་བླ་མའི་རྣལ་འབྱོར་རིགས་གསུམ་མགོན་པོ་དང་སྙིང་ཞུགས་མའི་ཟབ་ཁྱད་ཅན་གྱི་བརྒྱུད་པ་ནི། རྒྱལ་བ་བཙོང་ཁ་པ་ཆེན་པོ། མཁས་གྲུབ་རྗེ། བ་སོ་ཆོས་ཀྱི་རྒྱལ་མཚན། བར་འདིར་བླ་མ་གཅིག་ཙམ་མ་རྙེད། ཐོན་པ་མཁས་བཙུན་ཡོན་ཏན་རྒྱ་མཚོ། ཐམས་ཅད་མཁྱེན་པ་དགེ་འདུན་རྒྱ་མཚོ། དྲུང་པ་ལྷའི་བཙུན་པ། འཇམ་དབྱངས་སྟག་ལུང་བྲག་པ། ཁྲི་རིན་པོ་ཆེ་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལའོ། ༈ །ཐམས་ཅད་མཁྱེན་པ་དགེ་འདུན་གྲུབ་ཀྱིས་མཛད་པའི་འདུལ་བའི་གླེང་འབུམ་ཆེན་མོ། འདུལ་ཊཱིག་རིན་ཅེན་འཕྲེང་བ། བྱམས་པའི་སྐུ་གཟུགས་ཕུལ་བྱུང་མ་གསུམ་གྱི་ལུང་གི་བརྒྱུད་པ་གོང་མ་རྣམས་མ་རྙེད། རྗེ་སངས་རྒྱས་ཡེ་ཤེས་ལ་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས་གསན། དེ་ལ་བདག་གིས་ཞུས། སེང་ལྡེང་ནགས་སྒྲོལ་གྱི་
བསྟོད་པ་ལེགས་བྲིས་མ་འཇམ་དབྱངས་དཀོན་ཅོག་ཆོས་འཕེལ་ལ་ཞུས། བརྒྱུད་པ་གོང་མ་རྣམས་མ་བྱུང་། ༈ །པཎ་ཆེན་ནགས་རིན་ནས་བརྒྱུད་པའི་རྫས་ཀྱི་གཏུམ་མོའི་གདམས་པ་ནི། ཡེ་ཤེས་ཀྱི་མཁའ་འགྲོ་མ། པཎྜི་ཏ་ནགས་ཀྱི་རིན་ཅེན། པཎ་ཆེན་བྱམས་པ་གླིང་པ་བསོད་ནམས་རྣམ་རྒྱལ། འབྲས་སྤུངས་ཆོས་རྗེ་ལེགས་པ་ཆོས་འབྱོར། ཐམས་ཅད་མཁྱེན་པ་དགེ་འདུན་རྒྱ་མཚོ། དྲུང་པ་ལྷ་རིན་པོ་ཆེ། ཐམས་ཅད་མཁྱེན་པ་བསོད་ནམས་རྒྱ་མཚོ། གྲུབ་ཆེན་ན་ཁ་བ་ཐར་པའི་རྒྱལ་མཚན། སློབ་དཔོན་སྐལ་བཟང་རྒྱ་མཚོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། ༈ །ཐམས་ཅད་མཁྱེན་པ་འགོས་ལོ་ཡེ་བཟང་རྩེ་པ་གཞོན་ནུ་དཔལ་གྱིས་མཛད་པའི་དེབ་ཐེར་སྔོན་པོའི་ནང་ནས་གསང་སྔགས་རྙིང་མ། བསྟན་པ་ཕྱི་དར། སྤྱོད་ཡུལ་གསུམ་གྱི་ཆོས་འབྱུང་གི་ལུང་ནི། འགོས་ལོ་ཙཱ་བ་གཞོན་ནུ་དཔལ། རྩིས་དང་ལས་ཆེན་ཀུན་དགའ་རྒྱལ་མཚན། དེ་ནས་བླ་མ་གཉིས་ཙམ་ཞིག་མ་རྙེད། བྱང་མ་ཁང་གསར་བ་དཔལ་འབྱོར་བསོད་ནམས་ལྷུན་གྲུབ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ། དེས་བདག་ལའོ།

ཐམས་ཅད་མཁྱེན་པ་དགེ་འདུན་རྒྱ་མཚོའི་བཀའ་འབུམ་གྱི་སྐོར།

ཐམས་ཅད་མཁྱེན་པ་དགེ་འདུན་རྒྱ་མཚོའི་བཀའ་འབུམ་གྱི་སྐོར་ལ། ཀུན་འཛིན་ཞེས་པ་ས་ཕོ་བྱི་ལོ་ཡན་གྱི་རང་ཉིད་ཀྱི་རྣམ་པར་ཐར་པ། ཡབ་ཆོས་རྗེ་ཀུན་དགའ་རྒྱལ་མཚན་གྱི་རྣམ་ཐར་ནོར་བུའི་ཐེམ་སྐས། བླ་མའི་བསྟོད་ཚོགས་ལ་ཇོ་བོ་རྗེ་ལ་བསྟོད་པ་སྣང་བ་མཐའ་ཡས་མ། འབྲོམ་ལ་བསྟོད་པ་ལྷར་བཅས་མ། དེ་ལ་བསྟོད་པ་རབ་འབྱམས་ཕྱོགས་བཅུ་མ། ཆོས་ཀྱི་རྒྱལ་པོ་བཙོང་

ཁ་པ་ཆེན་པོར་བསྟོད་པ་བྱིན་རླབས་ཀྱི་འདོད་འཇོ། དེ་ཉིད་ལ་བསྔགས་པ་ལྷའི་རྔ་བོ་ཆེའི་སྒྲ་དབྱངས། མགོན་པོ་ཀླུ་སྒྲུབ་ལ་བསྟོད་པ་མཆོག་ཏུ་དང་བའི་སྒྲ་དབྱངས། དཔལ་རི་ཁྲོད་ཞབས་ལ་བསྟོད་པ་ཇི་སྙེད་ཆོས་ཀུན་མ། རྒྱལ་སྲས་ཞི་བ་ལྷར་བསྟོད་པ་པདྨ་དཀར་པོའི་ཆུན་པོ། མཁས་གྲུབ་དགེ་ལེགས་དཔལ་བཟང་ལ་བསྟོད་པ་ལྷར་བཅས་མ། ཐམས་ཅད་མཁྱེན་པ་དགེ་འདུན་གྲུབ་ལ་བསྟོད་པ་མཆོད་སྤྲིན་རྒྱ་མཚོ། གནས་རྙིང་ཆོས་རྗེ་ཀུན་དགའ་བདེ་ལེགས་ལ་བསྟོད་པ་འཇིག་རྟེན་དབང་ཕྱུག་མ། དེ་ཉིད་ལ་བསྟོད་པ་ཆགས་མལ་ནས་དབོན་པོ་ཨ་ཛམ་པས་བསྐུལ་བ། དེ་ཉིད་ལ་བསྟོད་པ་ས་བཅུའི་དབང་ཕྱུག་མ། མཁས་གྲུབ་ཆེན་པོ་ནོར་བཟང་རྒྱ་མཚོ་ལ་བསྟོད་པ་དངོས་གྲུབ་གཉིས་ཀྱི་བང་མཛོད། འབྲས་སྤུངས་ཆོས་རྗེ་འཇམ་དབྱངས་དགའ་བའི་བློ་གྲོས་ལ་བསྟོད་པ་མུ་ཏིག་གི་འཕྲེང་བ། དེའི་བསྟོད་པ་མཁས་པའི་མགུལ་རྒྱན། ཡབ་རྡོ་རྗེ་འཆང་ཀུན་དགའ་རྒྱལ་མཚན་ལ་བསྟོད་པ་རྒྱལ་ཀུན་མཁྱེན་བརྩེ་མ། ཐོན་པ་མཁས་བཙུན་ཡོན་ཏན་རྒྱ་མཚོ་ལ་བསྟོད་པ་མཁས་བཙུན་ཀུན་གཙུགས། བཀྲ་ཤིས་ལྷུན་པོའི་པཎ་ཆེན་ལུང་རིག་རྒྱ་མཚོ་ལ་བསྟོད་པ་བྱིན་རླབས་བང་མཛོད། སེ་ར་ཆོས་རྗེ་གཉལ་སྟོན་དཔལ་འབྱོར་ལྷུན་གྲུབ་ལ་བསྟོད་པ་དད་པའི་ལྕགས་ཀྱུ། བར་མི་དགེ་སློང་རྡོ་རྗེ་རྒྱལ་མཚན་གྱི་ངོར་མཛད་པའི་བདག་བསྟོད་རབ་དཀར་དགེ་ཚོགས་མ། བདག་བསྟོད་རྣམ་དཀར་དགེ་ཚོགས་མ། ཆོས་རྒྱལ་རིགས་ལྡན་རྣམས་ཀྱི་བསྟོད་པ་རབ་འབྱམས་རྒྱལ་ཀུན་མ། མགོན་པོ་ཕྱག་དྲུག་པའི་བརྒྱུད་འདེབས་ཁ་སྦྱོར་བདུན་ལྡན་མ། བདེ་མཆོག་དྲིལ་བུ་པའི་བརྒྱུད་འདེབས་ཤེས་བྱའི་འཁོར་ལོ་མ། ལཱུ་

ཧི་པའི་བརྒྱུད་འདེབས་མ་ལུས་རྒྱལ་བ་མ། གནས་བརྟན་རྡོ་རྗེ་རྒྱལ་མཚན་གྱིས་ཞུས་པའི་འཇིགས་བྱེད་བཅུ་གསུམ་མའི་བརྒྱུད་འདེབས། འོལ་ཁ་ས་སྐྱོང་ཨ་མོ་གྷའི་ཐུགས་དམ་དུ་གནང་བའི་ལྔ་བརྒྱའི་གཙུག་རྒྱན་མ། ཐེལ་གདན་རབས་བཀའ་བརྒྱུད་ཀྱི་གསོལ་འདེབས་སྒྲིབ་བྲལ་ལྷན་སྐྱེས་མ། སྙིང་པོ་དོན་གསུམ་གྱི་བརྒྱུད་འདེབས་མཚན་དཔེའི་ཆ་ཤས་མ། འཕགས་པ་རྒྱལ་མཚན་གྱི་ངོར་གནང་པའི་གསོལ་འདེབས་རྒྱལ་ཀུན་མཁྱེན་བརྩེ་མ། མགོན་པོ་སྙིང་ཞུགས་འཕོ་བ་དང་བཅས་པ་ཐུན་མོང་མ་ཡིན་པའི་བརྒྱུད་འདེབས་མཁའ་སྤྱོད་དུ་འཁྲིད་པའི་ཕོ་ཉ། དབེན་ས་སངས་རྒྱས་དཔལ་འཛོམ་གྱི་ངོར་གནང་བའི་ཕྱག་དྲུག་པའི་བརྒྱུད་འདེབས་སྐུ་བཞིའི་བདག་ཉིད་མ། སྔགས་འཆང་ནམ་མཁའ་རྣམ་རྒྱལ་གྱི་ངོར་གནང་བའི་ཞལ་བཞི་པའི་བརྒྱུད་འདེབས་རྡོ་རྗེ་འཆང་དངོས་མ། ནང་སོ་སྐྱ་རྒྱལ་དབང་པོའི་ངོར་མཛད་པའི་ཤ་བ་རི་པ་ལུགས་ཀྱི་ཞལ་བཞིའི་བརྒྱུད་འདེབས་བྱིན་རླབས་བང་མཛོད། སྤྱོད་ཡུལ་བརྒྱུད་འདེབས། བླ་མ་སྣ་ཚོགས་བསྡུས་པའི་གསོལ་འདེབས་བྱ་ཆོས་རིན་པོ་ཆེའི་འཕྲེང་བ། དཔོན་ས་རབ་གསལ་མའི་ངོར་གནང་བའི་གསོལ་འདེབས་ལྷུན་གྲུབ་བདེ་ཆེན་མ། ས་བ་གྲུ་པའི་ཆོས་མཛད་མས་ཞུས་པའི་གསོལ་འདེབས་དུས་གསུམ་རྒྱལ་ཀུན་མ། བླ་མ་ཡི་དམ་སྣ་ཚོགས་ཀྱི་གསོལ་འདེབས་སྟོན་པ་མཉམ་མེད་མ། རྒྱལ་སྲས་སྐུ་མཆེད་གསུམ་དང་ཚེ་རིང་མཆེད་ལྔར་གསོལ་འདེབས་སྤྱན་རས་གཟིགས་དབང་མ། བླ་མ་སྤྱི་ལ་གསོལ་འདེབས་བྱིན་རླབས་མྱུར་འཇུག །རང་གང་མོས་ཀྱི་བླ་མར་གསོལ་བ་འདེབས་པ་དུས་གསུམ་རྒྱལ་བ་མ། གདན་ས་རི་བོ་དགའ་ལྡན་གྱི་བླ་

བརྒྱུད་གསོལ་འདེབས་རྒྱལ་ཀུན་མ། རྗེ་མི་ལར་བསྟོད་པ་བརྒྱ་ཕྲག་དཀའ་བ་མ། བོ་དོང་ཕྱོགས་ལས་རྣམ་རྒྱལ་ལ་བསྟོད་པ་སྐལ་ལྡན་ཤིང་རྟ་མ། འཇམ་དབྱངས་མཆོག་ལྷ་འོད་ཟེར་ལ་བསྟོད་པ་མི་དམན་བློ་གྲོས་མ། དེ་ཉིད་ལ་བསྟོད་པ་མཆོག་ཟབ་མ། འདར་སྟོན་བློ་བཟང་གྲགས་པར་བསྟོད་པ་རབ་འབྱམས་རྒྱལ་བ་མ། རབ་འབྱམས་པ་ཆོས་གྲགས་ཀྱིས་བསྐུལ་བའི་ཆོས་རྒྱལ་མ། རྗེ་ཆོས་སྐྱོང་རྒྱ་མཚོར་བསྟོད་པ་གཞན་དང་མི་མཉམ་མ། མ་གཅིག་ལབ་སྒྲོལ་ལ་བསྟོད་པ་དུས་གསུམ་རྒྱལ་བ་མ། དེ་ལ་བསྟོད་པ་དུས་གསུམ་མ། སེ་ར་ཆོས་རྗེ་དོན་ཡོད་པའི་བསྟོད་པ་མང་ཐོས་རིན་ཅེན་མ། མཛོ་མོ་མཁར་དབོན་པོ་བསོད་ནམས་ཀྱི་ངོར་མཛད་པའི་སེ་ར་རྗེ་བཙུན་པའི་བསྟོད་པ། ཉི་ལྡིང་ཆོས་རྗེ་དཔལ་ལྡན་འོད་ཟེར་གྱི་བསྟོད་པ་དང་རབ་འབྱམས་རྒྱལ་བ་མ། བརྒྱུད་འཛིན་ཆེན་པོ་ཚུལ་ཁྲིམས་བཟང་པོའི་བསྟོད་པ་རྣམ་དག་ཚུལ་ཁྲིམས་མ། མཁན་ཆེན་ངག་དབང་པའི་བསྟོད་པ་སྐལ་བཟང་མ། མཁས་གྲུབ་ནོར་བཟང་པའི་བསྟོད་པ་མཐའ་བྲལ་མ། ཆོས་རྗེ་རྗེ་དབོན་གྱི་བསྟོད་པ་བློ་བཟང་གསུང་རབ་མ། འདར་སྟོན་བློ་བཟང་གྲགས་པར་བསྟོད་པ་བློ་བཟང་དཀྱིལ་འཁོར་མ། ཆ་དཀར་ཆོས་རྗེ་དོན་གྲུབ་ལ་བསྟོད་པ་མདོ་རྒྱུད་མ། དྭགས་པོ་གྲྭ་ཚང་གི་སློབ་དཔོན་ཆོས་དཔལ་ལ་བསྟོད་པ་མི་ཕམ་མ། སློབ་དཔོན་ཤེས་རབ་འཕེལ་ལ་བསྟོད་པ་མདོ་སྔགས་མ། དེ་ལ་བསྟོད་པ་གསུང་རབ་མ། མཚན་སྒྲོག་མཁན་བརྒྱུད་ལ་བསྟོད་པ་ཚོགས་གཉིས་རིན་ཅེན་མ། དྲུང་ཆེན་ལེགས་བཟང་ལ་བསྟོད་པ་སྔོན་བསགས་མ། གླིང་སྨད་ལྷ་དབང་དཔལ་འབྱོར་ལ་བསྟོད་པ་ཐུབ་བསྟན་མ། ཚོགས་མཁན་ཅན་གྲགས་པ་རྒྱལ་

མཚན་གྱི་བསྟོད་པ་རྣམ་དག་མ། སྤྱན་གཡས་མཁན་ཆེན་བཀྲ་ཤིས་ལེགས་པར་བསྟོད་པ་བཀྲས་ལེགས་མ། མཁས་པ་སངས་རྒྱས་དཔལ་ལ་བསྟོད་པ་དུས་གསུམ་རྒྱལ་བ་མ། ས་སྐྱོང་ཆོས་ཀྱི་རྒྱལ་པོ་ལྷ་དབང་རྒྱ་མཚོར་བསྟོད་པ་ལེགས་སྤྱད་མ། བྱམས་པ་རྒྱལ་མཚན་གྱིས་བསྐུལ་བའི་སྔོན་བསགས་ཚོགས་གཉིས་མ། བཤེས་གཉེན་བསྟན་པའི་རྒྱལ་མཚན་གྱི་བསྟོད་པ་ཕུལ་བྱུང་མ། ཆོས་སྨྲ་བ་དཔལ་འབྱོར་བཟང་པོའི་བསྟོད་པ་གཞུང་ལུགས་མ། རྗེ་བློ་གྲོས་བཟང་པོའི་བསྟོད་པ་དཔལ་ལྡན་མ། ཆོས་སྨྲ་བ་བློ་གྲོས་རྒྱ་མཚོའི་བསྟོད་པ་གང་བློ་མ། ལས་ཆེན་ཀུན་རྒྱལ་བའི་བསྟོད་པ་ཕུལ་བྱུང་མ། བཀའ་འབངས་འགས་བསྐུལ་བའི་མཁྱེན་སྤྱན་མ། གུང་རུ་གཞོན་ནུ་བྱང་ཆུབ་ཀྱིས་གསོལ་འདེབས་ཕུལ་བྱུང་མ། སློབ་དཔོན་ལེགས་བཤད་གླིང་པའི་གསོལ་འདེབས་བྱམས་པ་མ། ལམ་རིམ་ཚུལ་བཟང་པར་བསྟོད་པ་རྣམ་དག་མ། བྱིང་བསམ་གཏན་རྩེའི་བླ་མ་ནམ་མཁའ་བཟང་པོའི་བསྟོད་པ་མདོ་སྔགས་མ། སྐྱེ་མཆོག་ཤེལ་བྲག་པར་བསྟོད་པ་དུས་གསུམ་རྒྱལ་བ་མ་རྣམས། སངས་རྒྱས་བྱང་སེམས་ཀྱི་བསྟོད་ཚོགས་ལ། རྒྱལ་བ་ཤཱཀྱ་ཐུབ་པར་བསྟོད་པ་ཟླ་མཛེས་མ། སྨན་བླར་བསྟོད་པ་རབ་བརྗིད་མ། འོད་དཔག་མེད་ལ་བསྟོད་པ་ཡིད་འཕྲོག་མ། བྱམས་པར་བསྟོད་པ་རྒྱལ་ཀུན་མ། དེའི་བསྟོད་པ་གསེར་རི་མ། དེའི་བསྟོད་པ་བདེ་ཆེན་ལྷུན་གྲུབ་མ། འཇམ་དབྱངས་ཀྱི་བསྟོད་པ་པད་དམར་རྒྱུ་སྐར་མ། དེ་ལ་བསྟོད་པ་བློ་གྲོས་ཀྱི་སྣང་བ་སྐྱེད་བྱེད། དེ་ལ་བསྟོད་པ་ཉིན་བྱེད་མ། དེ་ལ་བསྟོད་པ་འཇམ་དབྱངས་བཞད་པའི་དཔལ། འཇམ་དཀར་ལ་བསྟོད་པ་

རང་བཞིན་རྣམ་དག་མ། དེ་ལ་བསྟོད་པ་བུང་བའི་གླུ་དབྱངས་མ། འཇམ་དབྱངས་དམར་སེར་ལ་བསྟོད་པ་རབ་མཛེས་མ། སྤྱན་རས་གཟིགས་ལ་བསྟོད་པ་ཕན་བདེའི་འབྱུང་གནས་མ། དེ་ལ་བསྟོད་པ་རྒྱལ་ཀུན་ཐུགས་རྗེ་མ། བདེ་མཆོག་ལ་བསྟོད་པ་དཔལ་ལྡན་ལྷན་སྐྱེས་མ། འཇིགས་བྱེད་ལ་བསྟོད་པ་ཚངས་པའི་བུ་མོའི་གླུ་དབྱངས། རྟ་མགྲིན་ལྕགས་རལ་ཅན་ལ་བསྟོད་པ་མི་མཐུན་ཕྱོགས་ལས་རྒྱལ་བའི་སྒྲ་དབྱངས། སྒྲོལ་དཀར་ལ་བསྟོད་པ་བསམ་འཕེལ་དབང་གི་རྒྱལ་པོ། དེའི་བསྟོད་པ་པད་དཀར་མ། དབྱངས་ཅན་མའི་བསྟོད་པ་ཤེས་རབ་གསལ་བྱེད། དེའི་བསྟོད་པ་ཡིད་ཀྱི་ལྕགས་ཀྱུ། དེ་ལ་བསྟོད་པ་དོན་རྒྱན་གྱི་དཔེ་རབ་ཏུ་གསལ་བར་བྱེད་པ། རིག་བྱེད་མ་ཕྱི་སྒྲུབ་ལ་བསྟོད་པ་རྒྱལ་ཀུན་མ། གསང་སྒྲུབ་ལ་བསྟོད་པ་མ་ལུས་རྒྱལ་བ་མ། སེང་ལྡེང་ནགས་སྒྲོལ་གྱི་བསྟོད་པ་དུས་གསུམ་རྒྱལ་བ་མ། རྡོ་རྗེ་རྣལ་འབྱོར་མའི་བསྟོད་པ་མཁའ་སྤྱོད་དུ་འགྲོ་བའི་མྱུར་ལམ། དབྱངས་ཅན་མར་བསྟོད་པ་ལྷ་མོའི་ཐུགས་འགུགས་པའི་ལྕགས་ཀྱུ། དེ་ཉིད་ལ་བསྟོད་པ་སྟོང་ཕྲག་ཉི་མ་མ། གྲུབ་པའི་དབང་ཕྱུག་སེ་བ་ཆོས་བཟང་ཉི་མའི་ངོར་མཛད་པའི་འཇམ་དཀར་ལ་བསྟོད་པ། ཁྲ་འབྲུག་སྒྲོལ་མར་བསྟོད་པ་འབུམ་ཕྲག་ཉི་འོད་མ་རྣམས། ཞལ་གདམས་མགུར་མའི་སྐོར་ལ། དགུང་ལོ་ལྔ་དྲུག་ཙམ་གྱི་དུས་གསུངས་པའི་རྒྱལ་མཚན་ཏོག་གི་ཡིད་བཞིན་ནོར་བུ། རང་གི་རྟོགས་པ་བརྗོད་པ་འཇིག་རྟེན་མངོན་པར་དགའ་བའི་ཟློས་གར། ཀ་མད་སུམ་ཅུར་གྲགས་པའི་ཀྭ་ཡེ་སྲིད་འཁྱམས་མ། ཀཱ་ཤིའི་མདོག་ལྟར་མ། ན་སོ་རྣམ་སྲས་དང་བསོད་རྒྱལ་བ་གཉིས་ལ་གནང་བའི་

ཡར་ཀླུངས་ཀྱི་ལུང་བཤད་དག་མཁའ་མ། རྗེ་ཉིད་ཀྱིས་དྭགས་ཡུལ་དུ་འགྲོ་དོན་མཛད་ཚུལ་ཆོས་དབྱངས་སུ་བྱས་པ་ཞིག་ཤེས་དགོས་ཞེས་གྲུམ་མདའ་ནང་སོ་བསོད་ནམས་ལེགས་པ་དང་ནོར་བཟང་གསོལ་ཇ་པ་གཉིས་ཀྱིས་བསྐུལ་ནས་གནང་བ། ཁྲ་འབྲུག་ཏུ་རྗེ་བཙུན་བཙོང་ཁ་པ་ཞལ་གཟིགས་དུས་གནང་བའི་ཐུགས་རྒྱལ་བ་མ། ཆོས་མཛད་སྐྱ་བོ་ལ་གདམས་པ་དབྱིངས་རང་བཞིན་མ། ཉེ་གནས་འཇམ་དཔལ་གྲགས་པ་ལ་གདམས་པ། དྲུང་གནས་གསུང་རབ་རྒྱ་མཚོར་གདམས་པ་ལྔ་བརྒྱའི་གཙུག་རྒྱན་མ། དེ་ལ་གདམས་པ་རྡོ་རྗེ་འཆང་དབང་མ། དེ་ལ་གདམས་པ་རིགས་ཀུན་མ། ཆོས་མཛད་སེང་གེ་རྒྱ་མཚོར་གདམས་པ་དངོས་གྲུབ་རྩ་བ་མ། གཟིམས་གཡོག་པ་ཆོས་འབྱོར་རྒྱ་མཚོར་གདམས་པ་སྤྱི་གཙུག་ཉི་ཟླ་མ། ཆོས་སྙིང་ནས་བྱེད་འདོད་ཀྱི་བཤེས་གཉེན་ལ་གདམས་པ་ཐུགས་བདེ་ཆེན་མ། ཆོས་མཛད་ཀུན་སྤངས་རྟ་མཆོག་དཔལ་བཟང་ལ་གདམས་པ་དུས་གསུམ་རྒྱལ་བ་མ། རྒྱལ་མཚན་དཔལ་ལ་གནང་བའི་ལྟ་ཁྲིད་ཚིགས་བཅད་འཇམ་དབྱངས་མ། དྲུང་བཟང་པ་ལ་གནང་བའི་བརྒྱུད་པ་ཇོ་བོ་ཡབ་སྲས་མ། མཁས་གྲུབ་ནོར་བཟང་རྒྱ་མཚོ་དྲན་པའི་མོད་ལ་གསུངས་པའི་མཐོ་ཀཻ་ལ་ཤ །གསུང་མགུར་སྐྱབས་གནས་མཆོག་གསུམ་མ། ཆོས་སྐུ་ཨ་ལེ་མ། བཀྲ་ཤིས་ལྷུན་པོར་གདན་འདྲེན་བྱུང་སྐབས་བཤོལ་འདེབས་སུ་འོལ་ཁ་ནས་ནང་སོ་ཆོས་རྗེས་གསུངས་པ་དང་འདི་ལ་ལུང་མཛད་ཀྱང་རྒྱུན་མེད་པ་འདྲའོ། །དེའི་ལན་བཀའ་མདོ་རྒྱུད་མ། བྱང་སེམས་རྒྱལ་མོའི་ངོར་གནང་བའི་ལྟ་བས་མི་ངོམས་མ། སྔགས་ཀྱི་ཉམས་ལེན་གྱི་སྡོམ་རྡོ་རྗེའི་གླུ་དབྱངས། གཟིམས་གཡོག་པ་རྒྱལ་བའི་

དབང་པོར་གདམས་པ་དངོས་གྲུབ་རྩ་བ་མ། འོལ་ཁ་སྟག་རྩེར་གནང་བའི་མགུར་སྐྱབས་ཐེག་མཆོག་མ། གསུང་མགུར་བསླུ་མེད་དཀོན་ཅོག་མ། རང་གི་སློབ་མ་འདུ་འཛི་ལ་སྐྱོ་ནས་དབེན་པ་ཚུལ་བཞིན་བསྟེན་པའི་དགེ་སློང་བློ་གྲོས་ཚུལ་ཁྲིམས་ལ་གདམས་པ་རྣམས། འཁྲིད་ཀྱི་སྐོར་ལ་རྒྱ་དབོན་པ་དོན་གྲུབ་དཔལ་ལྡན་ལ་གནང་བའི་བླ་མའི་རྣལ་འབྱོར། བླ་མའི་རྣལ་འབྱོར་གོ་སླ་བར་བཀོད་པ། རྡོ་རྗེ་སློབ་དཔོན་ཚུལ་བཞིན་དུ་མཆོད་པའི་ཆོ་ག་དངོས་གྲུབ་མ་ལུས་པའི་འབྱུང་གནས། ཟབ་ལམ་ནི་གུ་ཆོས་དྲུག་གི་འཁྲིད་ཡིག་ཡེ་ཤེས་མཁའ་འགྲོའི་ཞལ་ལུང་། ཡང་དེའི་འཁྲིད་ཡིག་མདོར་བསྡུས་གནད་དོན་གསལ་བའི་མེ་ལོང་། སྙིང་པོ་དོན་གསུམ་གྱི་དམིགས་རིམ་དགའ་ལྡན་བགྲོད་པའི་ཐེམ་སྐས། ནི་གུའི་འབྲས་བུ་མཁའ་སྤྱོད་དཀར་དམར་གྱི་ནང་ཚན་མཁའ་སྤྱོད་དཀར་མོའི་འཕོ་བ། མགོན་པོ་སྙིང་ཞུགས་ཀྱི་འཕོ་བ་མཁའ་སྤྱོད་གསུམ་སྒྲིལ་གྱི་གདམས་པ་གཞན་དང་ཐུན་མོང་མ་ཡིན་པ། ཟབ་མོ་དབུ་མའི་ལྟ་བ་གཏན་ལ་དབབ་པ་ཐར་འདོད་ཀྱི་འཇུག་ངོགས། ལྟ་འཁྲིད་ཉམས་སུ་ལེན་ཚུལ་མདོར་བསྡུས་སྙིང་གི་མུན་སེལ་བསམ་གྲུབ་དཔལ་བཟང་གི་ཉམས་ལེན་དུ་གསུངས་པའི་ལྟ་འཁྲིད། དགེ་ལེགས་རྒྱ་མཚོའི་ཉམས་ལེན་དུ་གསུངས་པའི་ལྟ་འཁྲིད། རི་ཁྲོད་ལ་གནས་པའི་བསམ་གཏན་པའི་ངོར་མཛད་པའི་ལྟ་འཁྲིད་ཚིགས་བཅད་མ། བྱང་སེམས་ཆེན་མོ་དཔལ་ལྡན་ནོར་འཛིན་སྒྲོལ་མའི་ཐུགས་དམ་དུ་མཛད་པའི་ལྟ་འཁྲིད། རྡོ་རྗེ་རྒྱལ་མཚན་གྱི་ངོར་མཛད་པའི་གསང་བ་འདུས་པ་དཀའ་གནས། དྲུང་གནས་ཀུན་དགའ་དབང་མོའི་ངོར་མཛད་པའི་བྱང་ཆུབ་ཀྱི་སེམས་བསྒོམ་ཚུལ། རྒྱལ་མཚན་དཔལ་གྱི་ངོར་མཛད་པའི་ཚེམ་བུ་ལུགས་

ཀྱི་དམར་འཁྲིད་ཚིགས་བཅད་མ། གཅོད་ཀྱི་རྩ་ཚིག་མདོར་བསྡུས་པ་རྣམས། མཚན་ཡང་དག་པར་བརྗོད་པའི་རྒྱ་ཆེར་བཤད་པ་རྡོ་རྗེའི་རྣལ་འབྱོར་གྱི་དེ་ཁོ་ན་ཉིད་སྣང་བར་བྱེད་པའི་ཉི་མ་ཆེན་པོ། དཔལ་གསང་བ་འདུས་པའི་ལམ་རིམ་པ་གཉིས་ལས་བསྐྱེད་རིམ་གྱི་ཚུལ་ལ་སློབ་ཚུལ་མཁན་རིན་པོ་ཆེ་དགེ་འདུན་རྒྱ་མཚོ་དཔལ་བཟང་པོའི་གསུང་ཇི་ལྟ་བ་བཞིན་དགེ་སློང་བྷ་དྲ་རཏྣས་ཟིན་བྲིས་སུ་བཀོད་པ་ལྗགས་ཞུས་མཛད་པ། དཔལ་རྡོ་རྗེ་འཇིགས་བྱེད་ཀྱི་རིམ་པ་དང་པོའི་ལམ་ལ་སློབ་པའི་ཚུལ་ལ་བསྐྱེད་རིམ་གསལ་བའི་སྒྲོན་མེ། ཟབ་ལམ་ནཱ་རོ་ཆོས་དྲུག་གི་དམིགས་རིམ་ཡེ་ཤེས་མཁའ་འགྲོའི་ཞལ་ལུང་། བདེ་མཆོག་དྲིལ་བུ་ལྷ་ལྔའི་སྒྲུབ་ཐབས་དངོས་གྲུབ་ཀྱི་བང་མཛོད། དེའི་ཞི་བའི་སྦྱིན་སྲེག་ནང་སོ་དོན་གྲུབ་མགོན་པོས་བསྐུལ་ནས་མཛད་པ། བདག་མོ་སངས་རྒྱས་དཔལ་འཛོམ་གྱིས་ཐོག་དྲངས་པར་ཟིན་ཐུན་དུ་གནང་བའི་བདེ་མཆོག་དྲིལ་བུ་ལུས་དཀྱིལ་གྱི་བསྐྱེད་པའི་རིམ་པ་ལ་སློབ་ཚུལ་སྡེ་སྣོད་འཛིན་པ་ཡོན་ཏན་མཆོག་གིས་ཟིན་བྲིས་སུ་མཛད་པར་ལྗགས་ཞུས་དང་འགོར་མཆོད་བརྗོད་ཤློ་ཀ་གཅིག་ལྗགས་རྩོམ་མཛད་པ། དཔལ་འཁོར་ལོ་སྡོམ་པ་ལཱུ་ཧི་པ་ལུགས་ཀྱི་རིམ་པ་དང་པོའི་ལམ་ལ་སློབ་པའི་ཚུལ་འདོད་འཇོའི་སྙིང་པོ། གྲུབ་ཆེན་དྲིལ་བུ་ཞབས་ཀྱི་ལུགས་ཀྱི་དཔལ་འཁོར་ལོ་སྡོམ་པའི་རྫོགས་རིམ་རིམ་པ་ལྔའི་གནད་དོན་གསལ་བར་བྱེད་པ་ཉི་མའི་འོད་ཟེར། ཡི་དམ་སྒྲུབ་སྐོར་དང་རྗེས་གནང་ལ། གུ་རུ་ཞི་བའི་སྒོམ་བཟླས་ཉམས་སུ་ལེན་ཚུལ། བླ་མ་དྲག་པོའི་ཐུགས་སྒྲུབ་གཏེར་ཁ་གོང་མའི་ལུགས་ཀྱི་སྒྲུབ་ཐབས་མདོར་བསྡུས་པ། དེའི་གཏོར་མར་བརྟེན་པའི་རྗེས་

གནང་མདོར་བསྡུས། འདི་གསུམ་ལ་མཛད་བྱང་ཡང་མི་འདུག་ཅིང་གསར་མའི་རིགས་འགྲེ་ལས་རྙིང་མའི་བརྡ་ཆད་ཆགས་པ་ཞིག་མི་སྣང་བས་སྔར་འགྱུར་གྱི་སྒྲུབ་སྐོར་གསར་མ་ཕྱོགས་ནས་མཛད་པ་ཕལ་ཆེར་མ་འདྲིས་པའི་དབང་གིས་རང་བཟོ་ཁོ་ན་ལས་འོས་མ་མཆིས་ནའང་ཐམས་ཅད་མཁྱེན་པ་དགེ་འདུན་རྒྱ་མཚོའི་ཡབ་མེས་རྣམས་སྔགས་རྙིང་མའི་ལམ་ལ་བརྟེན་ནས་གྲུབ་བརྙེས་ཤ་སྟག་ཏུ་བྱོན་ཞིང་ཡབ་ཆོས་རྗེ་ལ་གསན་བསམ་ཡང་ཚད་ལྡན་མཛད་འདུག་པས་རྗེས་འཇུག་གཅིག་གིས་གསུང་སྒྲོས་མ་ཟིན་པར་བྲིས་པ་ཞིག་ཡིན་པ་འདྲ་བས་ལུང་རྒྱུད་ཡང་ཡོད་པར་མ་མངོན་ནོ། །པདྨ་དབང་ཆེན་ཡང་གསང་ཁྲོས་པའི་སྒྲུབ་ཐབས་འཕྲིན་ལས་བཞིའི་བང་མཛོད། རྟ་མགྲིན་སྐྱེར་སྒང་ལུགས་ཀྱི་རྗེས་གནང་བྱ་ཚུལ། དེའི་མངོན་རྟོགས་རྡོ་རྗེ་རྒྱལ་མཚན་གྱི་ངོར་མཛད་པ། དཀའ་བཅུ་པ་རྒྱལ་བའི་དབང་པོས་བསྐུལ་བའི་མི་གཡོ་བ་སྔོན་པོའི་སྒྲུབ་ཐབས། སྤྱན་རས་གཟིགས་ཕྱག་བཞི་པ་དང་བཅུ་གཅིག་ཞལ་གང་ལའང་སྦྱར་ཆོག་པའི་རྗེས་གནང་བྱ་ཚུལ་དཔལ་ལྡན་འབྲས་སྤུངས་སུ་མཛད་པ། འཇམ་དབྱངས་དཀར་པོའི་སྒྲུབ་ཐབས་མཛད་བྱང་མི་འདུག་པས་གསུང་རྒྱུན་ཟིན་བྲིས་མ་ཞིག་ཡིན་འདྲ། རྡོ་རྗེ་རྣལ་འབྱོར་མ་ཕག་དཀར་ཤེས་རབ་གསལ་བྱེད་ཀྱི་སྒྲུབ་ཐབས་ཡིད་ཀྱི་མུན་སེལ། ཡེ་ཤེས་ཁྱུང་ཁྲའི་སྒྲུབ་ཐབས། དེའི་རྗེས་གནང་བྱ་ཚུལ་ཆོས་རྗེ་རྗེ་བཙུན་པས་བསྐུལ་པ། སྒྲོལ་དཀར་ཡིད་བཞིན་འཁོར་ལོའི་སྒྲུབ་ཐབས་མཁས་གྲུབ་ནོར་བཟང་རྒྱ་མཚོའི་གསུང་བཞིན་བཀོད་པ། དེའི་རྗེས་གནང་བྱ་ཚུལ་ཡང་དགོན་གདན་ས་པ་སྤྱན་སྔ་ངག་དབང་རྒྱ་མཚོའི་གསུང་གིས་བསྐུལ་བ། ཆོས་རྒྱལ་ཆེན་པོ་རིན་

ཅེན་ཀུན་དགའ་ཆོས་སྐྱོང་གྲགས་པ་རྣམ་རྒྱལ་དཔལ་བཟང་གི་གསུང་གིས་བསྐུལ་བའི་དབྱངས་ཅན་མ་དཀར་མོའི་སྒྲུབ་ཐབས། མི་གཡོ་བ་དཀར་པོའི་སྒྲུབ་ཐབས་རྣམ་སྲས་ལྷ་རྩེར་བཀོད་པ། འཇམ་དབྱངས་ཆོས་སྐོར་ལས་བྱུང་བའི་བདེ་མཆོག་དཀར་པོའི་སྒོ་ནས་ཚེ་བསྲིང་བའི་མན་ངག །ཆོས་རྗེ་དགེ་ལེགས་རྣམ་རྒྱལ་བའི་གསུང་གིས་བསྐུལ་བའི་མ་གཅིག་གྲུབ་པའི་རྒྱལ་མོའི་ལུགས་ཀྱི་ལྷ་གཅིག་བུམ་གཅིག་གི་སྒོ་ནས་རང་གཞན་གྱི་དོན་བྱ་ཐབས། ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་གྱི་ཐུགས་དམ་སྤེལ་བའི་སླད་དུ་མཛད་པའི་རྟ་མགྲིན་ལྕགས་རལ་ཅན་གྱི་སྒྲུབ་ཐབས། ཚོགས་བདག་དམར་པོའི་གཏོར་འབུལ། སྡེ་སྣོད་འཛིན་པ་སཾ་གྷའི་མིང་ཅན་གྱིས་བསྐུལ་བའི་མགོན་དཀར་ཡིད་བཞིན་ནོར་བུའི་སྒྲུབ་ཐབས། མགོན་པོ་ཕྱག་དྲུག་པའི་དབང་བཞི་བྱིན་རླབས་ཀྱི་ཚུལ་དུ་བསྐུར་ཐབས་མགོན་པོ་ཐུགས་བསྐྱེད་པའི་ལོ་རྒྱུས་དང་བཅས་པ། དཔལ་ལྡན་དམག་ཟོར་རྒྱལ་མོའི་རྗེས་གནང་དོན་གཉེར་ཅན་ལ་ཕན་པའི་སླད་དུ་མཛད་པ། སྨེ་བརྩེགས་དུད་ཁའི་མངོན་རྟོགས་འོལ་ཁ་རྩེར་མཛད་པ། ཡི་དམ་སྤྱི་འགྲོའི་རྗེས་གནང་བྱ་ཚུལ། བསྟན་འཛིན་ཆེན་པོ་འགའ་ཞིག་གི་ངོར་མཛད་པའི་ཡི་གེ་དྲུག་པའི་བཟླས་ལུང་། ཆོས་སྐྱོང་ལྕམ་སྲིང་གི་རྗེས་གནང་བྱ་ཚུལ་རྣམས། ཀླུ་འབུམ་དཀའ་བཅུ་སཾ་གྷའི་མིང་ཅན་གྱིས་བསྐུལ་བའི་སྨྱུང་བར་གནས་པའི་ཆོ་ག་དགེ་སློང་མ་དཔལ་མོའི་ལུགས་བཞིན་ཉམས་སུ་ལེན་ཚུལ། རབ་ཏུ་གནས་པའི་ཆོ་ག་འབྲིང་པོ་བཀྲ་ཤིས་སྙེ་མ། གནས་བརྟན་ཕྱག་མཆོད། རྣལ་འབྱོར་གྱི་དབང་ཕྱུག་བློ་གྲོས་སྦས་པའི་ཉམས་མགུར་རྒྱལ་བ་ཀུན་འདུས་མའི་འགྲེལ་པ། བཅུད་ལེན་གྱི་གདམས་

པ་རིམ་པ་ལྔ། བྱང་སེམས་ཆེན་མོ་རྒྱལ་མོ་བུ་ཁྲིད་ཀྱི་ཐུགས་དམ་དུ་མཛད་པའི་དཀར་གཏོར་དང་བརྒྱ་རྩའི་རིམ་པ། དྲང་བ་དང་ངེས་པའི་དོན་རྣམ་པར་འབྱེད་པ་ལེགས་པར་བཤད་པའི་སྙིང་པོའི་དགོངས་པའི་དོན་རབ་ཏུ་གསལ་བར་བྱེད་པའི་སྒྲོན་མེ། དབུ་མ་ལ་འཇུག་པའི་རྣམ་བཤད་དགོངས་པ་རབ་ཏུ་གསལ་བའི་རྒྱན། སྟོང་ཉིད་བདུན་ཅུ་པའི་རྣམ་བཤད་དབུ་མའི་ལམ་རབ་ཏུ་གསལ་བར་བྱེད་པའི་སྒྲོན་མེ། ཟབ་མོ་རྟེན་ཅིང་འབྲེལ་བར་འབྱུང་བ་གསུངས་པའི་སྒོ་ནས་བསྟོད་པ་ལེགས་བཤད་སྙིང་པོའི་ཚིག་དོན་བཤད་པ་བླ་ན་མེད་པའི་འཇུག་ངོགས། ཕྱག་འཚལ་སྒྲོལ་མ་ཉེར་གཅིག་གི་རྣམ་བཤད་རྒྱལ་མཚན་ལྷུན་པོའི་དབེན་གནས་སུ་མཛད་པ། སྨོན་གྲོང་ནང་སོ་ཆོས་མཛད་པས་བསྐུལ་བའི་ཇ་མཆོད་རྩ་འགྲེལ། མཆོད་ཡར་ཚོགས་གཉིས་གསེར་འཛིན་མ། གྲུབ་མཐའི་རྣམ་གཞག་གྲུབ་མཐའ་རྒྱ་མཚོར་འཇུག་པའི་གྲུ་རྫིངས། དཀར་ཆག་སྙན་ངག་ལ། རྒྱལ་བའི་བསྟན་པ་དར་ཞིང་རྒྱས་པའི་ཆེད་དུ་མཛད་པའི་སྨོན་ལམ་ཤིས་བརྗོད་ཕུན་ཚོགས་འཆར་ཀ་མ། འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་གི་བསྟོད་པ་འཇམ་དབྱངས་གཞོན་ནུ་མ། ཆོས་འཁོར་རྒྱལ་མི་འགྱུར་ལྷུན་གྱིས་གྲུབ་པའི་གནས་ཀྱི་བཀོད་པ་མདོ་ཙམ་བརྗོད་པ་ས་གཞི་པདྨ་འདབ་བརྒྱད་མ། གོང་མ་ཆོས་རྒྱལ་ཆེན་པོའི་ལུང་གིས་ནང་སོ་འཕྱོས་པས་ཡར་ཀླུངས་དགོན་ཐང་གི་མཆོད་རྟེན་ཆེན་མོའི་ཞིག་གསོས་གསེར་ཟངས་ཀྱི་གདུགས་ཏོག་ཆར་ཁེབ་རྣམས་བསྒྲུབས་པའི་སྨོན་ལམ་བཀྲ་ཤིས་ཀྱི་ཚིགས་བཅད་བདེ་ཆེན་ཆོས་སྐུ་མ། ནང་སོ་སྐྱ་རྒྱལ་དབང་པོས་འཕྱོས་བྱ་འདབས་གཞིས་ཀར་གསུང་རབ་བཞེངས་

པའི་དཀར་ཆག་སྐུ་གསུམ་མི་ཟད་མ། ཡང་བྱ་འདབས་སུ་སྨན་བླ་བདེ་གཤེགས་བརྒྱད་ཀྱི་ཐང་ཀ་བཞེངས་པའི་དཀར་ཆག་མགོན་ཚེ་མ། དབུ་རུ་ཐར་རྒྱས་སུ་ཉིས་ཁྲིའི་ཞབས་དུམ་བཞེངས་པའི་དཀར་ཆག་ས་གསུམ་མ། འཕྱོས་བྱ་འདབས་ནས་སྦྱིན་བདག་མཛད་པའི་ཆོས་འཁོར་རྒྱལ་གྱི་གནས་བཀོད་སྐུ་འདྲ་རིན་པོ་ཆེ་བཞེངས་པའི་སྨོན་ལམ་དཀར་ཆག་གང་དུ་མ། བདག་མོ་སངས་རྒྱས་དཔལ་འཛོམ་གྱིས་སྐྱོར་མོ་ལུང་དུ་བཀའ་འགྱུར་རོ་ཅོག་གསེར་དངུལ་ལས་བཞེངས་པའི་དཀར་ཆག་སྨོན་ལམ་རང་བཞིན་རྣམ་དག་མ། ལྡན་ནས་ཡོན་བདག་ཨ་ལྷས་བཀའ་གདམས་གླེགས་བམ་བཞེངས་པའི་དཀར་ཆག་སྨོན་ལམ་ལོག་རྟོག་རླུང་གིས་མི་གཡོ་མ། རྩེས་དང་ལྕང་རྒྱབ་སྦུས་ཁྱིམ་པས་གསུང་རབ་བཞེངས་པའི་དཀར་ཆག་སྨོན་ལམ་བསོད་ནམས་བརྒྱ་པ། ཐོན་དགའ་ལྡན་རྩེར་ནང་སོ་ཕྱག་རྡོར་མགོན་པོ་སྐུ་མཆེད་ཁུ་དབོན་རྡོ་རྗེ་བུ་ཁྲིད་རྣམས་ཀྱིས་ཤེར་ཕྱིན་སྟོང་ཕྲག་བརྒྱ་པ་བཞེངས་པའི་དཀར་ཆག་བཀྲ་ཤིས་གླུ་དབྱངས། འོལ་ཁ་བས་རྒྱལ་བ་སེང་གེའི་ང་རོའི་སྐུ་ཐང་བཞེངས་པའི་དཀར་ཆག་སྔོན་བྱུང་མ། ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་གྱིས་རྒྱལ་བྱེད་ཚལ་དང་མ་ག་དྷ་བཟང་མོའི་རྟོགས་བརྗོད་བཞེངས་པའི་དཀར་ཆག་གང་གི་ཞབས་སེན་མ། ཉི་ལྡིང་ཆོས་རྗེ་བསོད་ནམས་གྲགས་པས་བཀའ་གདམས་གསར་རྙིང་གི་ཆོས་འབྱུང་ཡིད་ཀྱི་མཛེས་རྒྱན་བསྒྲིགས་པའི་དཀར་ཆག་ཆེ་བརྗོད་གདེངས་ཅན་བདག་པོ་མ། འབུལ་དཔོན་སྨོན་ལམ་ཤེས་རབ་ཀྱིས་བླ་མའི་སྐུ་གཟུགས་བཞེངས་པའི་སྨོན་ལམ་ཡང་དག་ལམ་སྟོན་མ། རྣམ་སྲས་ལྷ་རྩེ་ནས་བདག་མོ་

སངས་རྒྱས་དཔལ་འཛོམ་གྱིས་དཔལ་ལྡན་འབྲས་སྤུངས་ཀྱི་བྱམས་སྨོན་མཆོད་ཐེབས་གསར་སྦྱོར་མཛད་པའི་དེབ་ཀྱི་འགོ་བརྗོད་གང་ཡང་དྲེགས་ལྡན་མ། འཕྱོས་བྱ་འདབས་གཞིས་ཀ་ནས་རྒྱལ་གྱི་བྱམས་པར་གོས་འཕན་ཕུལ་བའི་སྨོན་ལམ་ཨ་ཏི་ཤ །རྫིང་ངུར་བསྟན་པའི་སྦྱིན་བདག་དཔོན་བཀྲས་པ་ཁུ་དབོན་གྱིས་བཀའ་འགྱུར་དང་བསྟན་འགྱུར་ཡོངས་རྫོགས་བཞེངས་པའི་དཀར་ཆག་སྨོན་ལམ་རང་བཞིན་རྣམ་དག་མ། འོལ་ཁ་སྟག་རྩེ་ནས་མཚན་བརྗོད་ཊཱིཀ་ཆེན་གྱི་པར་བཞེངས་པའི་པར་བྱང་རྣམ་ཀུན་མ། འོལ་ཁ་ནས་ནོར་འཛིན་བདག་མོ་བཀྲ་ཤིས་བུ་འདྲེན་གྱིས་རྒྱལ་དུ་གསེར་གྱི་མཎྜལ་ཕུལ་བའི་ཁ་བྱང་སྨོན་ལམ་རྒྱལ་བའི་རྒྱལ་ཚབ་མ། དེས་གཡུའི་མཎྜལ་ཕུལ་བའི་ཁ་བྱང་སྨོན་ལམ་དགའ་ལྡན་མ། དེས་རྫིང་ཕྱིར་གཡུའི་མཎྜལ་ཕུལ་བའི་ཁ་བྱང་སྨོན་ལམ་དགའ་ལྡན་གཉིས་པ་མ། སྤེལ་སྐྱ་བ་རྡོ་རྗེ་རྒྱལ་མཚན་གྱིས་བྱམས་པའི་སྐུ་བཞེངས་པའི་སྨོན་ལམ་ངོ་མཚར་མ། སྨོན་ལམ་བྱམས་མགོན་ཐུགས་རྗེ་མ། འཕྱོངས་རྒྱས་ནས་མགྲོན་གཉེར་དཔོན་ལྷག་བསམ་གྱིས་རྒྱལ་དུ་འཕན་ཕུལ་བའི་སྨོན་ལམ་ཕུན་ཚོགས་མ། དེས་རང་ཁྱིམ་དུ་ལྡེབས་རིས་བྲིས་པའི་དཀར་ཆག་རིན་ཅེན་རྡུལ་བརྩེགས་མ། སྡེ་པ་འོལ་ཁ་པས་རྒྱལ་བྱམས་ཆེན་ལ་ཕུལ་བའི་སྙན་དར་ཞལ་བྱང་མ་ཕམ་མ། དེས་རྗེ་བཙུན་བཙོང་ཁ་པའི་སྐུ་བརྙན་ལ་ཕུལ་བའི་སྙན་དར་ཁ་བྱང་རྡོ་རྗེ་འཆང་དངོས་མ། དེས་སྐུ་འདྲ་རིན་པོ་ཆེར་ཕུལ་བའི་སྙན་དར་ཁ་ཡིག་ངོ་མཚར་མ། དེས་དཔལ་ལྡན་དམག་ཟོར་མར་ཕུལ་བའི་སྙན་དར་ཁ་བྱང་དུས་གསུམ་རྒྱལ་བ་མ། དེས་ལྷ་མོའི་བླ་མཚོར་ཕུལ་བའི་དར་ལྕོག་ཁ་བྱང་རྒྱལ་བའི་སྤྱན་སྔ་མ།

འོལ་ཁ་ནང་སོ་སྐུ་གཞོན་པ་རྒྱལ་དུ་སྙན་ངག་གསན་པར་བྱོན་དུས་རྗེ་བཙུན་བྱམས་པར་ཕུལ་བའི་སྙན་ཤལ་ཁ་ཡིག་མི་ཕམ་མ། དེས་དམག་ཟོར་མར་མདའ་དར་ཕུལ་བའི་ཁ་བྱང་ཁམས་གསུམ་དབང་བསྒྱུར་མ། ནང་སོ་འཕྱོས་པས་རྒྱལ་བ་བཙོང་ཁ་པའི་སྐུ་བརྙན་བཞེངས་པའི་ནང་རྟེན་བཞུགས་ཚུལ་གྱི་དཀར་ཆག་གི་ཐོག་མཐའ་གཉིས་ཀྱི་ཚིགས་བཅད་བློ་བཟང་མཁྱེན་བརྩེ་མ། བྱམས་པའི་སྙན་དར་ཁ་བྱང་མི་ཕམ་ཆོས་རྒྱལ་མ། དཔལ་ལྡན་འབྲས་སྤུངས་སུ་འདོད་ཁམས་དབང་ཕྱུག་མའི་སྐུ་བརྙན་ལོགས་རིས་སུ་བཞེངས་པའི་དཀར་ཆག་རྣམས། དགེ་སློང་གི་བསླབ་བྱ་ལག་ལེན་གསལ་བའི་སྒྲོན་མེ། སྨོན་ལམ་བདུན་ཅུ་པའི་ཚིག་དོན་བཤད་པ་རྒྱལ་སྲས་འཇུག་ངོགས། གཏོར་ཆོག་བསྐོར་གསོལ་གྱི་སྐོར་ལ། དཔལ་ལྡན་འདོད་ཁམས་དབང་ཕྱུག་མའི་སྒྲུབ་ཐབས་ངག་ཏུ་འདོན་བདེ་བ་གཙོ་བོར་བརྗོད་པ་སྒྲུབ་ཐབས་རྒྱས་པར་གྲགས་པ། རྡོ་རྗེ་ནག་པོ་ཆེན་པོ་བྱ་རོག་མཚན་ཅན་ལ་མཆོད་གཏོར་འབུལ་བའི་ཆོ་ག་འཕྲིན་ལས་བཞིའི་བང་མཛོད། ཆོས་སྐྱོང་བཞི་སྦྲགས་ཀྱི་གཏོར་འབུལ་གྱི་རིམ་པ་བདུད་དཔུང་འཇོམས་པ། ཕྱག་བཞི་པའི་གཏོར་འབུལ་མཁའ་སྤྱོད་མ། མགོན་པོ་བེང་གི་བསྟོད་པ་རང་བཞིན་རྣམ་དག་མ། རྒྱལ་པོ་ཆེན་པོ་རྣམ་ཐོས་སྲས་ལ་མཆོད་གཏོར་འབུལ་བ་དངོས་གྲུབ་ཀྱི་བང་མཛོད། དེའི་སྒྲུབ་ཐབས་བསམ་འཕེལ་དབང་གི་རྒྱལ་པོ། མགོན་པོ་ཞལ་གྱི་གཏོར་ཆོག་དངོས་གྲུབ་འདོད་འཇོ། དེའི་བསྐང་གསོ་བདེ་ཆེན་ཆོས་སྐུ་མ། དེའི་མངའ་གསོལ་གནུབས་བཙུན་ནམ་མཁའ་རྣམ་རྒྱལ་གྱིས་བསྐུལ་བ། ཆོས་སྐྱོང་སྤྱིའི་གཏོར་འབུལ་རང་བཞིན་བདེ་བ་མ། ལས་

གཤིན་གྱི་མཆོད་འཕྲེང་སྟོང་གསུམ་མ། གཏོར་རྫོང་འཇམ་དཔལ་གཤིན་རྗེ་མ། དུར་ཁྲོད་བདག་པོའི་སྒྲུབ་ཐབས་བཀླགས་པ་ཙམ་གྱིས་འགྲུབ་པ། ལྷ་མོ་ལྕགས་ཕུར་མའི་གཏོར་འབུལ་རྣམ་དག་ཆོས་དབྱིངས་མ། མགོན་དཀར་གྱི་བསྟོད་པ་མ་ལུས་རྒྱལ་བ་མ། དེའི་བསྟོད་པ་པད་ཉི་མ། ཕྱག་བཞི་པའི་བསྟོད་པ་ཁྱབ་བདག་མ། དེའི་མངའ་གསོལ་དུས་གསུམ་རྒྱལ་བ་མ། ཕྱག་དྲུག་པའི་བསྟོད་པ་སྤྱན་རས་གཟིགས་དབང་མ། མགོན་པོ་དབང་རྒྱལ་གྱི་བསྟོད་པ་མ་ལུས་རྒྱལ་བ་མ། ཕྱག་དྲུག་པའི་མངའ་གསོལ་ཕྱོགས་བཅུའི་རྒྱལ་བ་མ། བེང་ལ་གཏོར་འབུལ་ཆོས་དབྱིངས་རྣམ་དག་མ། དམག་ཟོར་མའི་གདོང་ཅན་གཉིས་ཀྱི་བསྟོད་པ་འདོད་ཁམས་དབང་ཕྱུག་མ། འོལ་ཁ་བསམ་གླིང་གི་བཀའ་སྲུང་དམར་མོ་རྩ་འཇིབ་ཀྱི་གཏོར་འབུལ་བདེ་བ་ཆེན་པོ་མ། དམག་ཟོར་མའི་བསྟོད་པ་རང་བཞིན་རྣམ་དག་མ། དེའི་བསྟོད་པ་ཀཱ་ལི་དེ་ཝཱི། ཞལ་གདོང་བརྙན་ཅན་གྱི་བསྟོད་པ་ཆོས་ཉིད་སྤྲོས་བྲལ་མ། ཞལ་ཁྲ་ཅན་གྱི་བསྟོད་པ་མཁྱེན་བརྩེ་ལྷ་ལམ་མ། གཏེར་མགོན་ཞལ་གྱི་བསྟོད་པ་བདེ་ཆེན་ཆོས་སྐུ་མ། རྣམ་སྲས་ཀྱི་བསྟོད་པ་ནོར་བུའི་བ་གམ་མ། ཆོས་སྐྱོང་ལྕམ་སྲིང་གི་བསྟོད་བསྐུལ་འཕྲིན་ལས་ཀྱི་ཕོ་ཉ། ལས་གཤིན་ནང་སྒྲུབ་ཀྱི་བསྟོད་བསྐུལ་བསྟན་དགྲ་ཕྱེར་འཐག་མ། མགོན་པོ་ལྷོ་ནུབ་མའི་བསྟོད་པ་དག་པ་གཉིས་ལྡན་མ། ཨ་ཆི་ཆོས་སྒྲོན་གྱི་གསོལ་མཆོད་སྤྲོས་བྲལ་བདེ་ཆེན་མ། མ་གཅིག་དཔལ་ལྡན་ལྷ་མོ་དུང་སྐྱོང་མའི་གསོལ་མཆོད་ལྷུན་གྲུབ་སྤྲོས་བྲལ་རྣམས། དཔལ་ལྡན་དམག་ཟོར་མའི་གཏོར་མ་ལ་བརྟེན་པའི་ལས་ཞི་རྒྱས་དབང་གསུམ་དྲག་པོའི་ལས་

རིམ་པ་གསུམ་དང་བཅས་པ་ཕྱོགས་གཅིག་ཏུ་བསྡེབས་པ། ས་སྐྱོང་ཐམས་ཅད་ཀྱི་གཙུག་གི་ནོར་བུས་ཞབས་ཀྱི་པདྨ་ཕྱག་བྱ་བར་འོས་པའི་ལྷ་གཟིགས་ཕག་མོ་གྲུ་པ་བསོད་ནམས་རྒྱལ་མཚན་དཔལ་བཟང་པོའི་བཀའ་སྩལ་སྤྱི་བོར་ནོས་ནས་མཛད་པའི་རྒྱལ་གསོལ་དྲི་མེད་འོད་གསལ་མ། དཔོན་ས་གོང་མ་ཆེན་མོའི་བཀའ་སྩལ་བ་བཞིན་རྒྱལ་པོའི་བསྟོད་པ་ཀ་མད་སུམ་ཅུར་གྲགས་པ། གོང་མ་ཆོས་རྒྱལ་ཆེན་པོའི་བཀའ་ལུང་སྤྱི་བོས་མཆོད་དེ་མཛད་པའི་རྒྱལ་གསོལ་དུས་གསུམ་རྒྱལ་བ་མ། པེ་ཧར་མཁན་པོས་བསྐུལ་བའི་ཇ་མཆོད་དུས་གསུམ་རྒྱལ་བ་མ། བསྟན་སྐྱོང་ཆེན་མོ་རྡོ་རྗེ་གྲགས་མོ་རྒྱལ་ལ་མཆོད་གཏོར་འབུལ་ཚུལ་སྔོན་འགྲོ་ལྷུན་གྲུབ་བདེ་ཆེན་མ་དང་དངོས་གཞི་གངས་རིའི་འཕྲེང་བ་མ། དེའི་གསོལ་ཁ་ཚིག་ལྷུག །དེའི་བསྐུལ་ང་ནི་དཔལ་ལྡན་མ། དཔལ་ལྡན་རྡོ་རྗེ་གཡུ་སྒྲོན་མ་གཙོ་འཁོར་ལ་མཆོད་གཏོར་བྱ་བའི་ཚུལ་སྔོན་ཚེ་ཁྱབ་བདག་མ་མཇུག་ཏུ་འཕགས་པ་བྱང་ཆུབ་ཚུལ་ཁྲིམས་ཀྱིས་མཛད་པའི་བསྐུལ་བ་དང་བཅས་པ། འཚོ་བྱེད་སྨན་པའི་རྒྱལ་པོ་བསོད་ནམས་བཀྲ་ཤིས་ཀྱིས་བསྐུལ་བའི་ཀོང་བཙུན་དེ་མོར་མཆོད་གཏོར་འབུལ་ཚུལ་སྔོན་ཚེ་ཨཽ་ཌི་མ། དེའི་གཏོར་འབུལ་བསྡུས་པ་དཔལ་ལྡན་ཨོ་རྒྱན་མ། རྫིང་ཕྱི་རྒྱལ་པོའི་གསོལ་མཆོད་རྒྱལ་དབང་མ། གཉོས་ཀྱི་སྔགས་འཆང་གུང་རུ་གྲགས་པ་དཔལ་བཟང་གིས་བསྐུལ་བའི་རྒྱལ་པོར་འཕྲིན་བཅོལ་མ་ལུས་རྒྱལ་བ་མ། མི་དབང་ཆོས་རྒྱལ་འཇམ་དཔལ་ཚེ་རིང་རྒྱལ་པོས་བསྐུལ་བའི་ཚེ་རིང་མཆེད་ལྔ་དང་བསྟན་མ་བཅུ་གཉིས་ཀྱི་གཏོར་འབུལ་དཔལ་ལྡན་བཀྲ་ཤིས་མ་

ནང་སོ་རྟ་མགྲིན་མགོན་པོས་བསྐུལ་བའི་འཕྱོས་ལྷའི་གསོལ་མཆོད་དཔལ་ལྡན་རྡོ་རྗེ་མ། དེའི་གསོལ་མཆོད་ནང་སོ་སྐྱ་རྒྱལ་བས་བསྐུལ་བ་བདེ་ཆེན་རྒྱལ་བ་མ་རྣམས། ཆབ་ཤོག་སྐོར་ལ། མཁས་གྲུབ་ཆེན་པོ་ནོར་བཟང་རྒྱ་མཚོར་ཕུལ་བ་ཕྱོགས་བཅུའི་རབ་འབྱམས་མ། ཡང་དེ་ཉིད་ལ་ཕུལ་བ་རབ་འབྱམས་མ། པཎ་ཆེན་ཡེ་ཤེས་རྩེ་མོར་ཕུལ་བ་རྒྱལ་ཀུན་མ། འཇམ་དབྱངས་སྨོན་ལམ་དཔལ་བར་ཕུལ་བ་རྒྱལ་ཀུན་མཁྱེན་བརྩེ་མ། དེ་ལ་ཕུལ་བ་རྒྱལ་བ་ཐམས་ཅད་མ། ཐམས་ཅད་མཁྱེན་པ་ཞྭ་དམར་སྤྱན་སྔ་ཆོས་ཀྱི་གྲགས་པར་ཕུལ་བ་རྒྱལ་རྣམས་མ། ཀརྨ་པ་མི་བསྐྱོད་པའི་ཕེབས་ལན་སྤྲོས་པའི་མཚན་མ་མ། སྤྱན་སྔ་ཞྭ་དམར་ཅོད་པན་འཛིན་པར་ཕུལ་བ་རྣམ་དག་ཆོས་སྐུ་མ། ཀརྨ་པ་མི་བསྐྱོད་པར་ཕུལ་བ་མཐའ་དག་མ། སྣེའུ་གདོང་གོང་མ་ཆེན་པོར་ཕུལ་བ་བསོད་ནམས་ཆུ་གཏེར་མ། དེ་ལ་ཕུལ་བ་རྒྱལ་ཕྲན་བྱེ་བ་མ། དེ་ལ་ཕུལ་བ་ཚོགས་གཉིས་རྟ་ལྗང་མ། དེའི་ཡིག་ཆུང་བློ་གསལ་མ། དེ་ལ་ཕུལ་བ་ཕུན་ཚོགས་མ། དེ་ལ་ཕུལ་བ་ས་སྐྱོང་བྱེ་བ་མ། ཆེ་ས་འགྲོ་བའི་མགོན་པོ་ལ་ཕུལ་བ་བགྲང་ཡས་མ། དེ་ལ་ཕུལ་བ་གང་གི་ཞབས་སེན་མ། སྐྱོར་ལུང་དུ་ཞབས་དྲུང་གདུང་བརྒྱུད་རིན་པོ་ཆེ་བསོད་ནམས་རྒྱལ་མཚན་ལ་ཕུལ་བ་ཕུན་ཚོགས་ཞབས་སེན་མ། དེ་ལ་ཕུལ་བ་འཛམ་གླིང་མ། དེ་ལ་ཕུལ་བ་དཔལ་ལྡན་མ། དེ་ལ་ཕུལ་བ་འཛམ་གླིང་ས་སྐྱོང་མ། ཐམ་ཕུད་ཀྱི་ཚིགས་བཅད་རྒྱལ་ཀུན་མ། ཞབས་དྲུང་གདུང་བརྒྱུད་རིན་པོ་ཆེའི་བཀའ་ཤོག་ཐམ་ཕུད་ཀྱི་ཚིགས་བཅད་རབ་འབྱམས་ཕྱོགས་བཅུ་མ། ཐམ་ཕུད་ཀྱི་ཚིགས་བཅད་བློ་བཟང་ཀུན་གསལ་མ། གངས་ཅན་མཁན་པོར་ཕུལ་བ་བྱམས་

པའི་ཉི་མ། སེ་ར་ཆོས་རྗེ་དོན་ཡོད་པའི་ཞུ་ལན་གསུང་རབ་མ། འབྲི་ཁུང་ཆོས་རྗེ་ཀུན་དགའ་རིན་ཅེན་ལ་ཕུལ་བ་གང་གི་ཞབས་སེན་མ། གུ་གེ་བདག་པོའི་ཞུ་ལན་འཕགས་པ་མ། དེ་ལ་ཕུལ་བ་ལེགས་བྱས་མ། དེ་ལ་ཕུལ་བ་བུ་རམ་ཤིང་པ་མ། གུ་གེ་བདག་པོ་འཕགས་པ་ལྷར་ཕུལ་བ་བུར་ཤིང་མ། དེ་ལ་ཕུལ་བ་ཤཱཀ་རིགས་མ། དེ་ལ་ཕུལ་བ་ས་བཅུ་མ། མང་ཡུལ་བདག་པོར་ཕུལ་བ་གཉིས་མེད་མ། དེ་ལ་ཕུལ་བ་ལེགས་བྱས་མ། བྱ་པ་ཁྲི་དཔོན་ལ་གནང་བ་ཆོས་རྣམས་མ། དེ་ལ་གནང་བ་བརྟན་གཡོ་མ། དེ་ལ་གནང་བ་ཕུལ་བྱུང་མ། དགའ་ལྡན་ཆོས་རྗེ་རིན་ཅེན་འོད་ཟེར་ལ་ཕུལ་བ་ཚོགས་གཉིས་མ། རབ་འབྱམས་པ་དཔལ་ལྡན་དོན་གྲུབ་ལ་གནང་བ་སྔོན་བསགས་མ། རྒྱུད་པ་ཚུལ་བཟང་ལ་གནང་བ་རྒྱུད་སྡེ་མ། བྱ་བཏང་ཤནྟི་པའི་འཕྲིན་ལན། བདག་མོ་ལེགས་ཚོགས་རྒྱལ་མོར་གནང་བ་འགྲོ་འདིའི་ལེགས་བྱས་མ། བདག་མོ་གོང་དཀར་མ་བུ་ཁྲིད་རྒྱལ་མོར་བསྩལ་བ་མཐོ་རིས་མ། གུ་གེ་བདག་མོ་དོན་གྲུབ་རྒྱལ་མོར་བསྩལ་བ་དད་པའི་ལང་ཚོ་མ། གནས་རྙིང་ཆོས་རྗེ་རིན་ཅེན་ལ་ཕུལ་བ་རྡོ་རྗེ་མ། ཐོན་པ་ཆོས་རྗེ་དགེ་ལེགས་པའི་ཞུ་ལན་དགེ་ལེགས་མ། མཁན་ཆེན་ཕྱག་རྡོར་བའི་དབོན་བརྒྱུད་ཤུད་བུ་ནམ་མཁའ་འོད་ཟེར་ལ་གནང་བ་ཕུལ་བྱུང་མ། ཆོས་རྗེ་ཤར་སྨད་པར་གནང་བ་ཚོགས་གཉིས་མ། གཉུག་ལ་ཆོས་རྗེར་གནང་བ་མཁྱེན་ཡངས་མ། འཕྱོང་རྒྱས་རྩེར་བསྩལ་བ་གང་གི་བསོད་ནམས་མ། དེར་བསྩལ་བ་རབ་འབྱམས་མ། དེ་ལ་བསྩལ་བ་ཚངས་པའི་བུ་མོ་མ། དེ་ལ་བསྩལ་བ་གང་ཐུགས་མ། དེ་ལ་བསྩལ་བ་མཁྱེན་པའི་དཀྱིལ་

འཁོར་མ། སྣེའུ་རྫོང་པའི་ཞལ་ངོ་སྐྱོར་མོ་ལུང་དུ་བཞུགས་པར་བསྩལ་བ་གང་སྐུ་མ། རྒྱལ་མཁར་རྩེར་བསྩལ་བ་རྒྱུ་སྐར་མ། དེ་ལ་བསྩལ་བ་འདྲེན་པ་མཉམ་མེད་མ། ཡར་རྒྱབ་དཔོན་ཆེན་ལ་བསྩལ་བ་དལ་འབབ་མ། དེ་ལ་བསྩལ་བ་ལུ་ཧི་ཏ། འོལ་ཁ་ནས་དཔོན་ས་ཆོས་རྗེར་བསྩལ་བ་བརྩེ་ཐུགས་མ། ས་སྐྱོང་ཨ་མོ་གྷར་བསྩལ་བ་རྣམ་རྒྱལ་མ། དེ་ལ་བསྩལ་བ་ན་ཚོད་མ། དེ་ལ་བསྩལ་བ་བོད་ཁམས་མ། དེ་ལ་བསྩལ་བ་ནང་སོ་མ། དེ་ལ་བསྩལ་བ་འབད་མེད་མ། དེ་ལ་བསྩལ་བ་དད་རྩ་མ། དེའི་ཡིག་ཆུང་དཔལ་ལྡན་མ། དེ་ལ་བསྩལ་བ་ནམ་མཁའ་མ། དེ་ལ་བསྩལ་བ་རྒྱལ་ཀུན་མ། དེ་ལ་བསྩལ་བ་རབ་མཐོ་མ། དེ་ལ་བསྩལ་བ་སྔོན་བྱོན་མ། འོལ་ཁ་ནང་སོ་སྐུ་གཞོན་པར་གནང་བ་སྐུ་མདུན་མ། དེ་ལ་གནང་བ་ཆ་ཤས་མ། དེ་ལ་གནང་བ་ཚོགས་གཉིས་མ། དེ་ལ་གནང་བ་སྟོན་དུས་མ། དེ་ལ་གནང་བ་རྣམ་དཔྱོད་མ། དེ་ལ་གནང་བ་རབ་མཐོ་མ། དེ་ལ་གནང་བ་རིགས་ཀྱི་སུམ་རྩེན་མ། འཕྱོང་རྒྱས་རྩེར་སྡེ་པ་རྒྱལ་བུ་ལ་གནང་བ་ཕུན་ཚོགས་ཟ་ཧོར་མ། དེ་ལ་གནང་བ་དུས་གསུམ་རྒྱལ་བ་མ། བྱ་པ་ཆོས་མཛད་ལ་གནང་བ་གང་གི་མཁྱེན་པ་མ། དེ་ལ་གནང་བ་མཁྱེན་པ་མ། དེ་ལ་གནང་བ་མཁྱེན་སྤྱན་མ། ཆོས་རྗེ་ཆོས་འབྱོར་པར་གནང་བ་སུམ་རྩེན་མ། དེ་ལ་གནང་བ་བསྟན་པའི་མངའ་བདག་མ། དེ་ལ་གནང་བ་སློབ་དཔོན་པ། མདོ་སྨད་ཨ་ཀྲོ་བླ་མར་གནང་བ་རླབས་ཆེན་མ། གློ་བོ་བྱམས་གླིང་གདན་ས་པར་གནང་བ་རྨད་བྱུང་མ། དགེ་བཤེས་དབྱིག་གཉེན་ལ་གནང་བ་བློ་གྲོས་མ། མདོ་སྨད་ཡེར་པ་རབ་འབྱམས་པར་གནང་བ་ཐུབ་བསྟན་མ། ཁམས་པ་བླ་མ་བསྟན་ཉི་ལ་གནང་བ་ཟབ་ཡངས་མ། ཁམས་སུ་གནང་

བ་མཐོན་པོའི་རིགས་འཁྲུངས་མ། དེར་གནང་བ་བློ་གྲོས་མ། གྲུམ་མདའ་མཁན་ཆེན་ལ་གནང་བ་ཆོས་རྗེ་མ། གློ་བོ་དཔོན་མོ་པདྨ་བཟང་མོར་གནང་བ་ལྷུན་གྲུབ་ཆོས་སྐུ་མ། མངའ་རིས་རྫོང་ཁ་དཔོན་མོ་དཀོན་ཅོག་བཟང་མོར་གནང་བ་ལེགས་སྤྱད་མ། འབྲི་ཁུང་བྱང་སེམས་མར་གནང་བ་ཡིད་མཁའ་མ། ཡར་རྒྱབ་དཔོན་མར་གནང་བ་དྲེས་ལྡན་མ། འོལ་ཁ་དཔོན་མོར་གནང་བ་ལྷག་བསམ་མ། དེ་ལ་གནང་བ་སྔོན་བསགས་མ། དེ་ལ་གནང་བ་མི་ཕྱེད་མ། དེ་ལ་གནང་བ་གང་གི་མ། དེའི་ཡིག་ཆུང་འཆི་མེད་མ། དེ་ལ་གནང་བ་ཕུལ་བྱུང་མ། དེ་ལ་གནང་བ་རྡོར་འཆང་མ། དེ་ལ་གནང་བ་དཔལ་ལྡན་མཐོ་རིས་མ། དེ་ལ་གནང་བ་དད་པའི་སྐྱེད་ཚལ་མ། དེ་ལ་གནང་བ་སྔོན་བསགས་ལེགས་སྤྱད་མ། དེ་ལ་གནང་བ་བདེ་སོགས་མ། དེ་ལ་གནང་བ་གང་དཔལ་མ། དེ་ལ་གནང་བ་རབ་འབྱམས་མ། དེ་ལ་གནང་བ་ཕུལ་བྱུང་ལེགས་བྱས་མ། དེ་ལ་གནང་བ་མཐོ་རིས་མ། དེ་ལ་གནང་བ་གང་འབྱོར་མ། ཆུ་ཤུར་མཁན་ཆེན་ལ་གནང་བ་རང་བབས་མ། ནང་སོ་དགའ་ལྡན་པར་གནང་བ་དལ་འབབ་མ། དེ་ལ་གནང་བ་བྱང་ཕྱོགས་མ། སྟག་རྩེ་ནས་ལྕམ་སྲིང་སྐྱིད་ཤོད་དུ་ཐོག་མར་ཕེབས་པའི་ཞལ་ངོ་ཞལ་བརྒྱས་དུས་གནང་བ་སྔོན་རབས་མ། སྐུ་ཁམས་མཉེལ་བའི་དུས་ནང་སོ་དགའ་ལྡན་པས་འབྲས་སྤུངས་སུ་སྐུ་རིམ་བསྒྲུབས་པའི་ཞུ་ལན་རྒྱལ་དབང་མ། འཕྱོས་བྱ་འདབས་སུ་གནང་བ་རྣམ་བཀྲ་ཡོན་ཏན་མ། དེ་ལ་གནང་བ་ཕུན་ཚོགས་མ། དེར་གནང་བ་ལེགས་སྤྱད་མ། དེར་གནང་བ་པད་དཀར་མ། དེར་ནང་སོ་སྐྱ་རྒྱལ་ལ་གནང་བ་དད་པ་མ། དེ་ལ་གནང་

བ་ལུགས་གཉིས་མ། དེ་ལ་གནང་བ་སྔོན་བསགས་མ། དེ་ལ་གནང་བ་མངོན་མཐོ་མ། དེ་ལ་གནང་བ་ཚོགས་གཉིས་མ། དེ་ལ་གནང་བ་བདུད་རྩིའི་ཆུ་གཏེར་མ། དེ་ལ་གནང་བ་ལེགས་ཉེས་འབྱེད་པ། དེ་ལ་གནང་བ་རྣམ་ཐོས་མ། དེ་ལ་གནང་བ་གང་གི་མ། དེ་ལ་གནང་བ་ལེགས་སྤྱད་ཤར་རི་མ། དེར་རྟ་མགྲིན་མགོན་པོ་ལ་གནང་བ་ན་ཚོད་མ། དེ་ལ་གནང་བ་དཔག་བསམ་མ། དེ་ལ་གནང་བ་ཚེ་དཔག་མེད་པ། དེར་ནང་སོ་མགོན་པོ་ཚེ་འཕེལ་ལ་གནང་བ་མགོན་པོ་གང་ཞབས་མ། དེ་ལ་གནང་བ་གྲགས་པ་མ། དེ་ལ་གནང་བ་ཟླ་ཤར་མ། དེ་ལ་གནང་བ་ཕ་རོལ་མ། དེ་ལ་གནང་བ་ཟབ་ཡངས་མ། དེ་ལ་གནང་བ་གང་གི་མ། དེ་ལ་གནང་བ་རྣམ་དཔྱོད་མ། དེ་ལ་གནང་བ་གང་གི་རྣམ་དཔྱོད་མ། དེ་ལ་གནང་བ་ཚངས་དབང་མ། དེ་ལ་གནང་བ་སྔོན་བསགས་མ། དེ་ལ་གནང་བ་ཟླ་དབང་མ། དེ་ལ་གནང་བ་གང་གི་མཐུ་སྟོབས་མ། དེ་ལ་གནང་བ་ས་སྐྱོང་མ། དེ་ལ་གནང་བ་མཁྱེན་རབ་མ། དེ་ལ་གནང་བ་འོ་མའི་ཆུ་གཏེར་མ། དེ་ལ་གནང་བ་ཤེས་བྱའི་དཀྱིལ་འཁོར་མ། དེ་ལ་གནང་བ་ཉི་འོད་མ། དེ་ལ་གནང་བ་རིག་གནས་མ། དེ་ལ་གནང་བ་ཤེས་བྱ་མཐའ་དག་མ། དེ་ལ་གནང་བ་རྒྱ་ཆེན་མ། དེ་ལ་གནང་བ་མཁྱེན་སྤྱན་མ། དེ་ལ་གནང་བ་ལུགས་གཉིས་མ། དེ་ལ་གནང་བ་རིག་གནས་མ། རབ་བརྟན་དུ་ནང་སོ་ཚེ་དབང་དཔལ་འབྱོར་ལ་གནང་བའི་འཆི་མེད་མ། ནང་སོ་སྐྱ་རྒྱལ་བར་གནང་བ་ལུགས་གཉིས་མ། སྤུན་དྲུང་གཡུང་པར་གནང་བ་གང་ཐུགས་མ། སྤུན་དྲུང་ཁྲ་པར་གནང་བ་དམིགས་མེད་མ། ནང་སོ་བྱིང་བར་གནང་བ་རྣམ་དཀར་མ། ཕོ་བྲང་རྩེའི་དབོན་པོ་ཀླུ་དབང་ལ་གནང་བ་རྒྱ་ཆེན་མ། དཔོན་དྲུག་རྫོང་

པར་གནང་བ་རྒྱལ་མཚན་མ། ཆོས་རྗེ་དབོན་ཚང་པར་གནང་བ་བདེ་བ་ཅན་གྱི་སྨོན་ལམ། ཆམ་མདོ་སྤྱི་སར་གནང་བ་བློ་བཟང་རྒྱལ་བ་མ། དྲུང་ནས་རྨོག་ཐོག་པར་གནང་བ་གང་གི་བློ་གྲོས། དེ་ལ་གནང་བ་གང་གི་རྣམ་དཔྱོད་མ། སྙེ་མོ་གསེར་ཁང་པའི་དཔོན་མོར་གནང་བ་ལེགས་སྤྱད་མ། ལྷ་རྒྱ་རི་པའི་ཡུམ་དྲུང་ལོ་མ་བར་གནང་བ་ལྷོ་ཕྱོགས་མ། བྱི་རི་སྟག་རྩེའི་དཔོན་མོར་གནང་བ་སྔོན་བསགས་མ། དེ་ལ་གནང་བ་གང་སྐུ་མ། དགའ་ལྡན་པའི་དཔོན་མོར་གནང་བ་མི་ཕྱེད་མ། དེ་ལ་གནང་བ་དད་པ་མ། དེ་ལ་གནང་བ་ཐུགས་རྗེ་མ། དེ་ལ་གནང་བ་དད་པར་རབ་བརྟན་མ། ནང་སོ་དགའ་ལྡན་པའི་ཡུམ་ལ་གནང་བ་བསྟན་པ་མ། ནང་སོ་དགའ་ལྡན་པར་གནང་བ་བསླུ་མེད་མ། འཕྱོང་རྒྱས་སྟག་རྩེར་ལྕམ་ཚེ་དབང་རྒྱལ་མོར་གནང་བ་ལེགས་སྤྱད་མ། འཕྱོས་བྱ་འདབས་སུ་བྱང་སེམས་རྒྱལ་མོ་ལ་མཐང་གོས་ཚེམས་པའི་ཆེད་དུ་གནང་བ། དེ་ལ་གནང་བ་ངུར་སྨྲིག་མ། དེ་ལ་གནང་བ་གང་སྨྲས་མ། དེ་ལ་གནང་བ་གང་གི་མ། དེ་ལ་གནང་བ་སྟོང་ཉིད་མ། དེ་ལ་གནང་བ་ཀ་ནས་མའི་བར་སྦྱར་བ། དེ་ལ་གནང་བ་བཀྲ་ཤིས་གདོང་ཚོར་མ། དེ་ལ་གནང་བ་དད་པའི་ལང་ཚོ་མ། ནང་སོ་སྐྱ་རྒྱལ་བར་གནང་བ་གང་གི་རྣམ་དཔྱོད་མ། དེ་ལ་གནང་བ་ཁྱོད་ཐུགས་མ། དེ་ལ་གནང་བ་འདི་ན་ལྟོ་བ་མ། ས་པ་གྲུ་པའི་ཨ་ནི་ལ་གནང་བ་ལྷག་བསམ་མ། དེ་ལ་གནང་བ་མཐོན་པོའི་རིགས་འཁྲུངས་མ། འཕྱོས་པའི་ཨ་ནི་བློ་བཟང་རྒྱལ་མོར་གནང་བ་གང་གི་མཁྱེན་པ་མ། དེ་ལ་གནང་བ་ཕུན་ཚོགས་མ། དེ་ལ་གནང་བ་དད་པའི་སྐྱེད་ཚལ་མ། ས་བ་གྲུ་པའི་ནང་སོ་རྣམ་སྲས་

ལ་གནང་བ་མཐོན་པོའི་རིགས་འཁྲུངས་མ། སྤྲུལ་སྐུ་དཔལ་ལྡན་བློ་གྲོས་བཟང་པོར་གནང་བ་མཁས་པའི་བྱ་བ་མ། དེ་ལ་གནང་བའི་རིག་གནས་ཉལ་འགྲོ་མ། དེ་ལ་གནང་བ་གང་བློ་མ། དེ་ལ་གནང་བ་གང་གི་མགུར་ཡངས་མ། བ་སོ་བ་མགོན་པོ་ལ་གནང་བ་བརྗོད་བྲལ་མ། གུ་ཤྲཱི་དང་ཆེན་ཤྲཱི་གཉིས་ཀྱི་ཞུ་ལན་ཤེས་རབ་ལྷུན་གྲུབ་མ། འབྲི་ཁུང་སློབ་དཔོན་འོད་ཟེར་མཐའ་ཡས་ཀྱི་ཞུ་ལན་ལེགས་ཉེས་བྱེད་པ་མ། ལྷོ་མོན་དུ་འབུལ་སྡུད་ལ་གནང་དུས་ཀྱི་ཆབ་ཤོག་དུས་གསུམ་རྒྱལ་བ་མ། ཆོས་མཛད་བློ་གྲོས་ལེགས་ཀྱི་འབྱོར་ལན་དངོས་གྲུབ་རྩ་བ་མ། ཁམས་སུ་གོ་བོ་རབ་འབྱམས་པ་བཀྲ་ཤིས་སེང་གེ་ལ་གནང་བ་བཀྲ་ཤིས་དགེ་ལེགས་མ། གུང་རུ་དཀའ་བཅུ་བསྟན་པའི་ཉི་མར་གནང་བ་ཕུལ་བྱུང་བློ་གྲོས་མ། དཀའ་བཅུ་གྲགས་པར་གནང་བ་དམ་པའི་ཞབས་སེན་མ། རབ་འབྱམས་པ་བྱམས་པ་རིན་ཅེན་ལ་གནང་བ་བྱམས་འཛིན་མ། ཤེལ་བྲག་ཏུ་གྲུབ་པ་མོ་ཆོས་ཉིད་གློང་གསལ་ལ་ཉམས་ལེན་དུ་གནང་བ་དུས་གསུམ་རྒྱལ་བ་མ། དགོན་གསར་དུ་གནས་བརྟན་ཀུན་དགའ་ཟླ་བར་གནང་བ་མི་དམན་མ། དེ་ལ་གནང་བ་ལེགས་སྤྱད་མ། དེ་ལ་གནང་བ་གྲུབ་གནས་མ། སེ་གྲོང་གཞིས་ཀར་དབོན་པོ་ལྷུན་བཟང་ལ་གནང་བ་དད་པའི་རྩ་བརྟན་མ། དེ་ལ་གནང་བ་གང་མཚན་མ། དེ་ལ་གནང་བ་སྔོན་བསགས་ལས་དཀར་མ། དེ་ལ་གནང་བ་སྔོན་བསགས་ལེགས་སྤྱད་མ། དེ་ལ་གནང་བ་དད་རྩ་མ། འཕྱོང་རྒྱས་མགྲོན་གཉེར་ལྷག་བསམ་ལ་གནང་བ་དད་པའི་རྩ་བརྟན་མ། དེ་ལ་གནང་བ་རྣམ་དཔྱོད་ཕུལ་བྱུང་མ། ཡར་འོན་ཕྱོགས་སུ་སྦྱིན་བདག་སྤྱི་ལ་གནང་བ། གསང་འདུས་ཀྱི་དྲི་ལན་དང་

བཅས་པའི་ཞུ་ལན་སྔོན་སྦྱངས་མ། སྡེ་པ་འཕྱོས་པའི་ཆབ་སྲིད་བརྟན་པའི་སྨོན་ལམ་མཛད་དགོས་ཚུལ་འཇམ་དབྱངས་གཞོན་ནུ་མ། ཕུལ་བྱུང་བློ་གྲོས་མ། སྔར་ཡང་རིམ་གྲོ་མཛད་འདུག་པ་བཞིན་མུས་འཐུད་དགོས་ཚུལ་ཞུ་ལན་རྣམ་དཔྱོད་ཟླ་ཤེལ་མ། ཁམས་ཕྱོགས་སུ་གནང་བ་གང་ཞིག་མ། དེར་གནང་བ་སྐྱབས་གསུམ་མ། དེར་གནང་བ་ལེགས་བྱས་གསེར་ཡུ་མ་རྣམས། ས་སྐྱོང་བ་བསོད་ནམས་རྒྱལ་པོས་བསྐུལ་བའི་རྡོ་རྗེ་འཇིགས་བྱེད་ཀྱི་སྨོན་ལམ་ཤིས་བརྗོད་དང་བཅས་པ། དབྱངས་ཅན་མས་རྗེས་སུ་བཟུང་བའི་སྤྲུལ་སྐུ་དཔལ་ལྡན་བློ་གྲོས་སོགས་ལ་གནང་བའི་དོན་རྒྱན་སོ་ལྔ་པའི་དཔེ་བརྗོད། འོལ་ཁ་ནང་སོ་སྐུ་གཞོན་པ་བསོད་ནམས་རྒྱ་མཚོའི་སྡེས་སྙན་ངག་གསན་པར་བྱོན་དུས་གནང་བའི་དོན་རྒྱན་དཔེ་བརྗོད། སྡེ་པ་འོལ་ཁ་ནས་ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་ལ་གནང་བའི་དོན་རྒྱན་གྱི་དཔེ་བརྗོད། ཨ་ཀྲོ་དཀའ་བཅུ་ཤེས་རབ་རྒྱལ་མཚན་དང་སྤྲུལ་སྐུ་དཔལ་ལྡན་བློ་གྲོས་བཟང་པོས་བསྐུལ་བའི་བཀའ་གདམས་གླེགས་བམ་གྱི་བསྡུས་དོན། བརྟན་བཞུགས་སྐོར་ལ། རང་ཉིད་ཀྱི་བརྟན་བཞུགས་གྲུབ་པའི་དབང་ཕྱུག་མ། སྣེ་གདོང་གོང་མ་ཆེན་པོའི་བརྟན་བཞུགས་བདེ་ཆེན་ལྷུན་གྲུབ་མ། དེའི་བརྟན་བཞུགས་རབ་འབྱམས་མ། དེའི་བརྟན་ཞུགས་དངོས་གྲུབ་འབྱུང་གནས་མ། བདག་པོ་རྒྱལ་རྩེ་བའི་བརྟན་བཞུགས་རྒྱལ་བ་སྲས་བཅས་མ། ས་སྐྱོང་ཨ་མོ་གྷའི་བརྟན་བཞུགས་རྩ་བརྒྱུད་མ། དེའི་བརྟན་བཞུགས་རྗེ་བཙུན་མ། སྒམ་པོ་སྤྱན་སྔའི་བརྟན་བཞུགས་ཚོགས་གཉིས་ཤར་རི་མ། རང་ཉིད་ཀྱི་བརྟན་བཞུགས་བྱམས་མགོན་མ་

དང་སྔོན་ཚེ་མ། སྡེ་པ་རྒྱ་རི་པའི་བརྟན་ཞུགས་དངོས་གྲུབ་འབྱུང་གནས་མ། ཆིབས་གླིང་བཞི་མཛེས་རྒྱན་ཤི་དུས་གནང་བའི་སྨོན་ལམ་རྩ་བརྒྱུད་མ། གནས་སྐབས་མཐར་ཐུག་དགེ་བའི་སྨོན་ལམ་དུས་གསུམ་རྒྱལ་བ་མ། རང་ཉིད་ཀྱི་བརྟན་བཞུགས་རྡོ་རྗེའི་སྐུ་བརྙེས་མ་རྣམས། ནང་སོ་རྟ་མགྲིན་མགོན་པོས་བསྐུལ་བའི་སྨན་བླ་བདེ་གཤེགས་བརྒྱད་ཀྱི་ལྷ་ཚོགས་རྣམས་ཀྱི་བཀྲ་ཤིས་དང་བཅས་པ་རྣམས་ལེགས་པར་ཐོབ་པའི་བརྒྱུད་པ་ནི། ཐམས་ཅད་མཁྱེན་པ་དགེ་འདུན་རྒྱ་མཚོ། སེ་ར་ཆོས་རྗེ་རྗེ་བཙུན་ཆོས་ཀྱི་རྒྱལ་མཚན། དགའ་ལྡན་ཁྲི་རིན་པོ་ཆེ་དགེ་འདུན་རྒྱལ་མཚན། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན། དེས་བདག་ཟ་ཧོར་བནྡེ་ལའོ། ༈ །རྗེ་དགེ་འདུན་རྒྱལ་མཚན་གྱིས་ཆོས་རྗེ་རྗེ་བཙུན་པར་གསན་པ་དང་། མཁན་ཆེན་བློ་བཟང་ཆོས་ཀྱི་རྒྱལ་མཚན་གྱིས་རྗེ་དགེ་འདུན་རྒྱལ་མཚན་ལ་གསན་པ་གཉིས་ཀའི་དུས་གསུང་འབུམ་ཡོངས་རྫོགས་ཀྱི་དཔེ་གཞན་མ་རྙེད་པར་སྡེ་པ་འཕྱོས་པས་བཞེངས་པའི་གསེར་ཆོས་པོ་ཏི་ལྔ་པོ་དགའ་ལྡན་ཕོ་བྲང་ནས་གཡར་བའི་དེ་ཐོག་ནས་ལུང་ཞུས་གསུང་། ཐམས་ཅད་མཁྱེན་པ་ཞིང་བརྗེ་ཁའི་སྐུ་མཚམས་ཁོག་ནས་སྤྲུལ་སྐུ་འཕྲང་ཁ་བར་གནང་བའི་ཆབ་ཤོག་སོགས་ལ་ད་ལྟ་ལུང་མཛད་འདུག་ཀྱང་ད་མུས་ནས་རིང་པོར་མ་ལོན་པར་སྐུ་གཤེགས་ཤིང་། དེ་ཁོག་ཏུ་ཆོས་རྗེ་རྗེ་བཙུན་པར་ལུང་འོང་དོན་མི་སྣང་། སྙུན་གཡོག་སོགས་དེར་འཁོད་རྣམས་ཀྱིས་ཀྱང་སྐུ་མ་བདེ་བའི་དུས་ལུང་ཞུ་ནུས་རིགས་སུ་མིན་འདུག་པས་ཕྲ་ཞིང་ཕྲ་བའི་རྒྱུན་ཡོད་མེད་ཐེ་ཚོམ་གྱི་གཞིར་གནང་ངོ་། །ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་བརྒྱ་བཞིའི་ཆོ་གའི་རླུང་གི་བརྒྱུད་པ་ནི། ཐམས་
ཅད་མཁྱེན་པ་དགེ་འདུན་རྒྱ་མཚོ། དྲུང་པ་ལྷ་རིན་པོ་ཆེ་བསོད་ནམས་དཔལ་བཟང་། ཟུར་ཆེན་གཞོན་ནུ་དོན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ།

ཐམས་ཅད་མཁྱེན་པ་བསོད་ནམས་རྒྱ་མཚོས་མཛད་པའི་སྐོར་ལ།

ཐམས་ཅད་མཁྱེན་པ་བསོད་ནམས་རྒྱ་མཚོས་མཛད་པའི་སྐོར་ལ། གུ་རུ་དྲག་པོའི་བསྟོད་པ་བྱིན་རླབས་ཀྱི་རྒྱུན་ཆགས། དེས་མཛད་པའི་བདེན་བཞིའི་བསྟོད་པ་དབྱངས་ཅན་གྲུབ་པའི་ངག །རྡོ་རྗེ་འཇིགས་བྱེད་ཀྱི་དྲག་པོའི་སྦྱིན་སྲེག་གི་ལས་མཐའ་སྲིད་གསུམ་ཟ་བའི་སྲེག་ཁང་འབར་བ་རྣམས་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཞུས། བརྒྱུད་པ་གསལ་བ་མ་བྱུང་། དཔལ་ལྡན་ལྷ་མོ་དུང་སྐྱོང་མ་འཁོར་བཅས་ལ་གསོལ་མཆོད་འབུལ་བ་དངོས་གྲུབ་ཆར་འབེབས་ཀྱི་ལུང་བརྒྱུད་ནི། ཐམས་ཅད་མཁྱེན་པ་བསོད་ནམས་རྒྱ་མཚོ། རྡོ་རྗེ་འཆང་ཕ་བོང་ཁ་པ། ཟུར་ཆོས་དབྱིངས་རང་གྲོལ། དེས་བདག་ལའོ། །བརྒྱ་བཞིའི་ཆོ་ག་བཀླགས་པས་དོན་གྲུབ། རང་བསྟོད་རྒྱ་ཆེན་བསོད་ནམས་མ། ཆོས་སྐྱོང་བེག་རྩེའི་བསྟོད་པ་ཆོས་དབྱིངས་བདེ་ཆེན་མ། ཡུམ་གྱི་བསྟོད་པ་རིག་པའི་ལྷ་མོ་མ་རྣམས་ཀྱི་ལུང་བརྒྱུད་ནི། ཐམས་ཅད་མཁྱེན་པ་བསོད་ནམས་རྒྱ་མཚོ། རྗེ་དྲུང་རིན་པོ་ཆེ་བསྟན་པ་རྒྱ་མཚོ། རྗེ་ཕ་བོང་ཁ་པ་མན་གོང་བཞིན་ནོ། །གྲུབ་ཆེན་ན་ཁ་དཀའ་བཅུ་པའི་མན་ངག་བཅུད་ལེན་གྱི་གདམས་པའི་བརྒྱུད་པ་ནི། རྡོ་རྗེ་རྣལ་འབྱོར་མ། ཕ་དམ་པ་སངས་རྒྱས། བར་འདིར་བརྒྱུད་པ་འགའ་ཞིག་མ་རྙེད། དེ་ནས་མི་ཉག་རིན་ཅེན་རྒྱལ་མཚན། རས་སྟོན་བློ་གྲོས་མཚུངས་མེད། བླ་མ་ཚེ་དབང་པ། གནས་རྙིང་ཆོས་རྗེ་རྒྱལ་མཚན་རིན་ཅེན། གནང་རྙིང་ཆོས་རྗེ་ཀུན་དགའ་བདེ་ལེགས། ཐམས་ཅད་མཁྱེན་
པ་དགེ་འདུན་རྒྱ་མཚོ། པཎ་ཆེན་བསོད་ནམས་གྲགས་པ། ཐམས་ཅད་མཁྱེན་པ་བསོད་ནམས་རྒྱ་མཚོ། གྲུབ་ཆེན་ཐར་པའི་རྒྱལ་མཚན། སློབ་དཔོན་སྐལ་བཟང་རྒྱ་མཚོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ།

ཚར་ཆེན་ཆོས་ཀྱི་རྒྱལ་པོའི་བཀའ་འབུམ་སྐོར་ལ།

ཚར་ཆེན་ཆོས་ཀྱི་རྒྱལ་པོའི་བཀའ་འབུམ་སྐོར་ལ། བདག་ཆེན་རྡོ་རྗེ་འཆང་ཆེན་པོ་ཆོས་ཀྱི་རྒྱལ་པོ་བློ་གྲོས་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་རྣམ་པར་ཐར་པ་ཡིད་འཕྲོག་ཨུཏྤ་ལའི་དོ་ཤལ། དཔལ་ལྡན་བླ་མ་དམ་པ་རྡོ་རྗེ་འཆང་ཀུན་སྤངས་ཆོས་ཀྱི་རྒྱལ་པོའི་རྣམ་པར་ཐར་པ་ངོ་མཚར་དད་པའི་སྤུ་ལོང་གཡོ་བ། དགུང་ལོ་སོ་བརྒྱད་པའི་ཚེ་དབུས་སུ་ཕེབས་པའི་རང་ཉིད་ཀྱི་རྟོགས་པ་བརྗོད་པ་ལམ་གླུ་དཔྱིད་ཀྱི་རྒྱལ་མོའི་དགའ་སྟོན། ཉམས་མགུར་སྐོར་ལ། གསུང་ངག་རིན་པོ་ཆེའི་ལམ་རིམ་དང་སྦྱར་བའི་ཉམས་དབྱངས་སྐལ་ལྡན་བཞེད་པའི་རྡོ་རྗེའི་གླུ། ནམ་མཁའ་གཞོན་ནུའི་དྲི་བ་དྲིས་ལན་ཁ་བས་བསྐོར་བའི་སྨན་ལྗོངས་མ། ལྟ་སྒོམ་སྤྱོད་འབྲས་ཀྱི་མགུར་བཀའ་དྲིན་འཁོར་མེད་མ། ཡོངས་རྫོགས་དོན་ལྡན་གྱི་གླུ་ཆུ་འགོ་གངས་དཀར་མ། བླ་མ་ཕར་ཚང་པར་གདམས་པ་དཔལ་ལྡན་རྒྱལ་ཀུན་མ། རྗེ་བཙུན་བླ་མ་རྡོ་རིང་པ་ཆེན་པོའི་བཀའ་དྲིན་དྲན་པའི་ཉམས་དབྱངས་སྨིན་བྱེད་དབང་བཞིའི་ཆུ་རྒྱུན། རང་གི་ཚེ་འདིའི་ཐོག་མཐའ་བར་གསུམ་གྱི་རྟོགས་བརྗོད་སེམས་ལ་ཤར་བ་སྒྲོ་སྐུར་མེད་པར་ལྷུག་པར་སྨྲས་པ་རྗེ་བཀའ་དྲིན་འཁོར་མེད་མ། རང་ཉིད་ལ་རང་གིས་གྲོས་འདེབས་ཀྱི་གདམས་པ་ལྷ་ཤཱཀྱ་མུ་ནེ་མ། འཕན་ཡུལ་བྱ་བཟང་གི་བྲག་ཁ་ཞིག་ཏུ་ཉི་མ་དགོངས་ཕྱོགས་སྐྱོ་བསངས་བྱས་པའི་ཚེ་

མདུན་གྱི་སྤང་ལྗོངས་ལ་གོང་མོ་མང་པོ་རྩེ་ཞིང་རྒྱབ་ཀྱི་ཐང་ལ་ཕྱུགས་རྫི་གཞོན་ནུ་མང་པོ་ཤིང་འཐུ་ཞིང་རྩེད་མོ་བྱེད་པ་མཐོང་བས་འདི་དག་ཀྱང་བསམས་ན་དགེ་སྦྱོར་གྱི་བསྐུལ་མར་འདུག་སྙམ་ནས་རང་སེམས་ལ་གསལ་འདེབས་སུ་སྨྲས་པ་བཀའ་དྲིན་འཁོར་མེད་མ། ཆོས་རྗེ་ནོར་བུ་ལ་ཞལ་གདམས་སུ་གསུངས་པ་ཕ་དྲིན་ཅན་མ། འཕན་ཡུལ་བྱ་བཟང་དུ་བཞུགས་པའི་ཚེ་ནུབ་ཕྱོགས་ནས་སྤྲིན་སྟོན་ཟླ་ལྟ་བུ་ཞིག་བྱུང་བས་རྐྱེན་བྱས་ཏེ་རྗེ་བཙུན་རྡོ་རིང་པ་ཆེན་པོ་དྲན་པའི་གདུང་དབྱངས་སྙིང་གི་པདྨོ་བཞད་པའི་དྲི་བཞོན། དཔེ་དོན་གསུམ་པའི་མགུར་མ་ལུས་རྒྱལ་བ་མ། ཐོ་རེངས་ཤིག་གི་ཚེ་རྗེ་བཙུན་རྡོ་རིང་པ་ཆེན་པོ་རྨི་ལམ་དུ་གསལ་བར་བྱོན་པས་རྐྱེན་བྱས་ཡོངས་འཛིན་དམ་པ་དེའི་བཀའ་དྲིན་རྗེས་སུ་དྲན་ནས་བཟོད་གླགས་མེད་པའི་མོས་གུས་གསལ་སྟོང་གི་ངང་ནས་ཐོལ་བྱུང་དུ་སྨྲས་པ་བཀའ་དྲིན་འཁོར་མེད་མ། དཔལ་བྱ་བཟང་བདེ་ཆེན་ལྷུན་གྲུབ་ཀྱི་རི་སུལ་དུ་བཞུགས་པའི་ཚེ་རང་སེམས་དབེན་པའི་ནགས་ཚལ་ལ་གཅིག་ཏུ་དགའ་ཞིང་སྤྲོ་བའི་གཏམ་སྙིང་གི་སྐྱོ་བསངས་པའི་བདུད་རྩི་ཀྱེ་ཧོ་མི་བཟད་མ། སྐུ་འཁོར་གྱི་མང་ཐོས་རྒྱ་མཚོ་ལ་ཁྲེལ་འདེབས་དང་སྙིང་གཏམ་གྱི་ལེགས་བཤད་ཟུང་དུ་འཇུག་པའི་ཞལ་གདམས་རྗེ་བཀའ་དྲིན་མ། ཤར་མདོ་ཁམས་ཀྱི་རྡོ་རྗེ་འཛིན་པ་མགོན་པོ་འོད་ཟེར་གྱིས་མགོན་པོད་སོགས་དཔེ་ཆ་མང་པོ་བཞེངས་ཤིང་ད་དུང་བཞེངས་པར་ཁས་བླངས་པའི་ཡོན་དུ་སྤྲིངས་པ་ཕ་ཀུན་སྤངས་མ། དཔལ་ཆུ་བོ་རིའི་དུར་ཁྲོད་དུ་ཞིང་སྐྱོང་གི་ཌཱ་ཀིའི་ཆོ་འཕྲུལ་ངོ་མཚར་བ་མཐོང་ཞིང་དད་ཅན་གྱི་ཉམས་འགས་ཉམས་དབྱངས་ཀྱི་མཆོད་གནས་

བདུད་རྩི་རིལ་བུ་རྒྱ་ཇ་བཟང་པོའི་བཏུང་བ་དང་བཅས་ཚོགས་འཁོར་བསྐོར་ཚེ་སེམས་ལྷུག་པར་བཞག་པའི་འཆར་སྒོ་ལ་ཇི་ལྟར་ཤར་བ་བཀོད་པ་གནས་སྤྱི་བོ་བདེ་ཆེན་མ། དཔལ་ཆ་ལུང་རྡོ་རྗེའི་བྲག་རྫོང་ནས་རྗེ་བླ་མའི་དབོན་སྲས་ཆོས་ཀྱི་རྗེའི་ཐུགས་དག་སྣང་གི་གསུང་ལན་དུ་མཛད་པ་རྗེ་ཡོངས་གྲགས་མ། རྩ་འཁོར་ལོ་ལྔ་ལྡན་ལས་བརྩམས་པའི་ཉམས་དབྱངས་གསོལ་འདེབས་སྤྱི་བོ་བདེ་ཆེན་མ། དཔལ་ལྡན་མགོན་པོའི་ཉམས་ལེན་བླ་མའི་གསུང་དང་རང་གི་ཉམས་མྱོང་བཞིན་སྐལ་ལྡན་གསར་པའི་དོན་དུ་ལྷུག་པར་བྲིས་པ་སྣང་སྟོང་འཇའ་ཚོན་མ་རྣམས། དད་ལྡན་མིའི་དབང་པོར་གདམས་པ་བླ་མའི་རྣལ་འབྱོར་གྱི་ཉམས་ལེན་སྙིང་པོ་བསྡུས་པ། མ་གདྷ་བཟང་མོ་དང་ཚུལ་མཚུངས་པའི་བསྟན་པའི་སྦྱིན་བདག་མིའི་དབང་མོའི་གསུང་གིས་བསྐུལ་༼མཁན༽བའི་སློབ་དཔོན་ཆེན་པོ་པདྨ་འབྱུང་གནས་དང་དབྱེར་མེད་པའི་བླ་མའི་རྣལ་འབྱོར་ཉམས་སུ་ལེན་ཚུལ། རིག་མ་བཅུ་དྲུག་འབུལ་བ་ཡན་ཆད་གྲུབ་མཚམས་སུ་འཕྲོ་ལུས་པ་བླ་མ་དམ་པའི་ཐུགས་སྲས་རྡོ་རྗེའི་མཆེད་པོ་བོད་མཁར་རིན་པོ་ཆེ་དང་འདར་ནས་སྡེ་པ་ཡབ་ཡུམ་གྱིས་བཀའ་གནང་བའི་ངོར་འཕྲོས་རྣམས་འཇམ་དབྱངས་མཁྱེན་བརྩེས་༼མཁན་༽མཛད་པའི་དཔལ་ལྡན་བླ་མ་དམ་པ་མཆོད་པའི་ཆོ་ག་དངོས་གྲུབ་རིན་པོ་ཆེའི་གཏེར་མཛོད། རྡོ་རྗེ་ནག་པོ་ཆེན་པོའི་རྣལ་འབྱོར་དང་རྗེས་སུ་མཐུན་པའི་བླ་མ་དམ་པ་མཆོད་པའི་ཆོ་ག་དངོས་གྲུབ་རིན་པོ་ཆེའི་བང་མཛོད། ཟབ་ལུང་བདེ་གཤེགས་འདུས་པའི་ཕོ་བྲང་གི་སྐུ་བརྙན་གསུང་འབྱོན་མའི་དྲུང་དུ་ཨཽ་ཌི་ཡཱ་ནའི་སློབ་དཔོན་ཆེན་པོ་པདྨ་འབྱུང་གནས་ཞལ་

གཟིགས་༼གནས༽དུས་བསྟོད་པ་ཐུགས་རྗེ་ཆུ་གཏེར་གཡོ་བའི་དྲི་བཞོན། གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་བླ་མ་བརྒྱུད་པར་གསོལ་འདེབས་༼མཁན༽(པ་དངོས་གྲུབ་རིན་ཅེན་ཆར་འབེབས། རྗེ་བཙུན་འབྲོག་མི་ལོ་ཙཱ་བ་ཤཱཀྱ་ཡེ་ཤེས་ལ་བསྟོད་པ་སྙན་བརྒྱུད་པད་མཚོ་བཞད་པ། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་ལ་བསྟོད་པ་སྙན་བརྒྱུད་རིན་ཅེན་བྱེ་བས་བཏམས་པའི་མཚོ་ཆེན། བདག་ཆེན་སྔགས་འཆང་ཆེན་པོས་གདོང་ཁ་པའི་དམག་དང་ལྷན་ཅིག་པར་སྐུ་ལ་བསྡོ་བར་ཉེ་བའི་ཚེ་རྗེ་བཙུན་ཀུན་སྤངས་ཆེན་པོ་སེང་གེར་ཆིབས་ནས་མདུན་གྱི་ནམ་མཁར་བྱོན་ཏེ་མི་འཇིགས་པའི་སྦྱིན་པས་དབུགས་དབྱུང་བར་བརྟེན་རྒོལ་ངན་རྣམས་ཀྱིས་མ་མཐོང་བར་གླགས་བལྟ་བར་མ་ནུས་པའི་ཚེ་བསྟོད་པ་བདུད་དཔུང་ཕྱེར་འཐག་མ། དེ་ཉིད་ལ་བསྟོད་ཅིང་གསོལ་བ་འདེབས་པ་མཐའ་ཡས་མ། དེའི་ཡོན་ཏན་རྟོགས་པ་བརྗོད་པའི་སྒོ་ནས་བསྟོད་པ་དངོས་གྲུབ་ཡིད་བཞིན་གྱི་ཆུ་གཏེར་བཞད་པ། རྗེ་བཙུན་རྡོ་རྗེ་འཆང་ཆེན་པོ་མཁས་པ་དང་གྲུབ་པའི་འཁོར་ལོས་སྒྱུར་བའི་དབང་ཕྱུག་ཀུན་དགའ་ལེགས་པའི་བློ་གྲོས་དཔལ་བཟང་པོའི་ཞལ་སྔ་ནས་ལ་རྣམ་པར་ཐར་པ་དང་རྗེས་སུ་མཐུན་པ་མདོར་བསྡུས་ཏེ་བསྟོད་པ་བྱང་ཕྱོགས་མཁས་གྲུབ་མ། རྗེ་བཙུན་བླ་མ་དམ་པ་ལྕགས་ཐང་དཀའ་བཞི་པ་ཆེན་པོ་འཁྲུལ་ཞིག་རཏྣ་བྷ་དྲ་ལ་བསྟོད་པ་དཀོན་ཅོག་གསུམ་དངོས་མ། དམ་པའི་ཆོས་ཀྱི་ཐུགས་སྲས་ཐམས་ཅད་མཁྱེན་པ་མཁྱེན་བརྩེའི་དབང་༼དབང༽ཕྱུག་ལ་བསྟོད་པ་རབ་ཡངས་མ། དཔལ་གསང་བ་འདུས་པའི་དམར་ཁྲིད་རིམ་ལྔའི་བརྒྱུད་འདེབས་བུ་སྟོན་ཐམས་

ཅད་མཁྱེན་པས་མཛད་པའི་ཁ་སྐོང་སྐལ་བཟང་སངས་རྒྱས་མ། བཅོམ་ལྡན་འདས་རྡོ་རྗེ་འཇིགས་བྱེད་ལྷ་བཅུ་གསུམ་གྱི་དབང་ཐོབ་པའི་བརྒྱུད་འདེབས་དངོས་གྲུབ་རིན་པོ་ཆེའི་སྙེ་མ། འཕགས་པ་ཐུགས་རྗེ་ཆེན་པོའི་དམར་ཁྲིད་ཚེམ་བུ་ལུགས་ཀྱི་བརྒྱུད་འདེབས་༼མཻ༽སྨོན་ལམ་མདོར་བསྡུས་དང་བཅས་པ་རྒྱལ་ཀུན་ཡབ་གཅིག་མ། ནི་གུའི་བརྒྱུད་འདེབས་སྨོན་ལམ་དང་བཅས་པ་བདེ་ཆེན་ལྷུན་གྲུབ་མ། རྗེ་བཙུན་ནཱ་རོ་མཁའ་སྤྱོད་ཀྱི་བརྒྱུད་༼མཁན་卐༽འདེབས་མཆོག་གི་པདྨོ་བཞད་པའི་དགའ་སྟོན། པདྨ་དབང་ཆེན་ཡང་གསང་ཁྲོས་པའི་བརྒྱུད་འདེབས་དཀོན་ཅོག་གསུམ་དངོས་མ། རྗེ་བཙུན་རིག་བྱེད་མའི་བརྒྱུད་འདེབས་སྲིད་གསུམ་དབང་མཛད་མ། འདོད་རྒྱལ་གྱི་ཐུན་མོང་མ་ཡིན་པའི་བརྒྱུད་འདེབས་པདྨ་རཱ་གའི་ཆུན་པོ། ཚེ་སྒྲུབ་ཞག་བདུན་༼མཁན༽མའི་བརྒྱུད་འདེབས་དངོས་གྲུབ་མཆོག་སྩོལ་མ། སྒྲོལ་དཀར་ཡིད་བཞིན་འཁོར་ལོའི་༼མཁན༽བརྒྱུད་འདེབས་ཐུབ་དབང་མ། དཔལ་གུར་གྱི་མགོན་པོའི་བརྒྱུད་འདེབས་རྣམ་ཀུན་མཆོག་ལྡན་མ། མགོན་པོ་གདོང་བཞི་པའི་གསང་འཁྲིད་བརྒྱུད་འདེབས་སྨོན་ལམ་དང་བཅས་པ་རྒྱལ་བ་ཀུན་འདུས་མ། སོ་ཐར་སྡོམ་པའི་བརྒྱུད་འདེབས་ཀུན་མཁྱེན་མ། རང་གི་སྡོམ་གསུམ་རིམ་གྱིས་ནོས་པའི་ཚུལ་ཁྲིམས་རྣམ་དག་ཐོབ་པ་ལ་ཡི་རང་ཞིང་དགེ་བ་བསྔོ་བ་གང་དྲིན་མ། དཔལ་ཞ་ལུ་གསེར་བཀང་གི་རང་བྱོན་ཐུགས་རྗེ་ཆེན་པོ་ཁ་སཪྤཱ་ཎི་ལ་གསོལ་འདེབས་ཤིང་འདོད་དོན་ཞུ་བ་སྐྱེ་རྒུའི་རེ་སྐོང་། བླ་མ་ལྔ་བཅུའི་འགྲེལ་པ་དངོས་གྲུབ་རིན་པོ་ཆེའི་སྒོ་འབྱེད། དཔལ་ཀྱེ་རྡོ་རྗེའི་དབང་༼གནས༽ཆོག་གི་ལྷན་

ཐབས་ནོར་བུའི་འཕྲེང་བ། དེའི་མཎྜལ་སྒྲུབ་མཆོད་ཀྱི་ཆོ་༼ཀུ༽ག་གསལ་བྱེད་ཡིད་བཞིན་ནོར་བུ། དེའི་ཕྱིར་བསྐྱེད་རིམ་གྱི་རྣམ་པར་བཤད་པ་ལེགས་བཤད་ཉི་མའི་འོད་ཟེར། ནང་ཟབ་མོ་ལུས་ཀྱི་དཀྱིལ་འཁོར་གྱི་རྣམ་པར་བཤད་པ་སྐལ་བཟང་སྙིང་གི་པདྨོ་བཞད་པ། རྗེ་བཙུན་ནཱ་རོ་མཁའ་སྤྱོད་ཀྱི་སིནྡྷུ་རའི་དཀྱིལ་འཁོར་སྒྲུབ་ཅིང་མཆོད་པ་༼མཁན༽དང་བདག་ཉིད་འཇུག་ཅིང་དབང་བླང་བའི་ཆོ་ག་མཁའ་སྤྱོད་སྒྲུབ་པའི་ཉེ་ལམ། དེའི་རྒྱུན་ཁྱེར་༼མཁན༽གྱི་ཉམས་ཡིག །མཁའ་སྤྱོད་ཞལ་བཟང་༼མཁན༽བལྟ་བའི་སྨོན་ལམ། གཤེད་དམར་སྤྲོས་མེད་རྒྱུན་གྱི་རྣལ་འབྱོར་གྱི་ཉམས་ལེན་ཡེ་ཤེས་གསལ་བའི་སྒྲོན་མེ། དཔལ་རྡོ་རྗེ་འཇིགས་བྱེད་ཆེན་པོ་གཙོ་བོ་ཞལ་ཕྱག་ཡོངས་རྫོགས་དཔའ་༼མཁན་༽བོ་གཅིག་པར་གྲགས་པའི་སྒྲུབ་ཐབས་བདུད་ལས་རྣམ་པར་རྒྱལ་བའི་བཞད་སྒྲ། རྡོ་རྗེ་འཇིགས་བྱེད་ཆེན་པོ་ལྷ་བཅུ་གསུམ་གྱི་སྒྲུབ་ཐབས་དང་དཀྱིལ་ཆོག་རྭ་ཆེན་ལོ་ཙཱ་བ་རྡོ་རྗེ་གྲགས་ཀྱིས་མཛད་པའི་ངག་འདོན་༼མཁན་༽གསལ་བྱེད་ལྷན་ཐབས་ཉི་གཞོན་གསར་པའི་དགའ་སྟོན། དེ་ཉིད་ཀྱི་བསྐྱེད་རིམ་དང་རྫོགས་རིམ་རྭ་འཁྲིད་མཁའ་འགྲོའི་སྙན་བརྒྱུད་ཀྱི་ལམ་རིམ་དང་སྦྱར་པའི་སྨོན་ལམ་ལམ་བཟང་གྲུབ་པའི་དགའ་སྟོན། དེ་ཉིད་ཀྱི་དཀྱིལ་འཁོར་འཁོར་ལོའི་ཤིས་བརྗོད་འཆི་མེད་སྤྲིན་གྱི་རྔ་དབྱངས། ཚེ་དང་ཡེ་ཤེས་དཔག་ཏུ་མེད་པ་མ་གཅིག་གྲུབ་པའི་རྒྱལ་མོ་ལུགས་ལྷ་གཅིག་བུམ་གཅིག་ཏུ་༼མཁན༽གྲགས་པའི་ཡང་གསང་གི་སྒྲུབ་པའི་བྱིན་རླབས་ཀྱི་ཆོ་ག་པད་དཀར་བཞད་པའི་འཕྲེང་བ། བསྟན་པའི་སྦྱིན་བདག་ནོར་འཛིན་སྐྱོང་བ་ངག་དབང་མཚན་ཅན་གྱི་

ཐུགས་དམ་༼མཁན༽དུ་མཛད་པའི་ཚེ་སྒྲུབ་ཞག་བདུན་མའི་ཉམས་ལེན་འཆི་མེད་བདུད་རྩིའི་བཅུད་ལེན། རྟ་མགྲིན་ཡང་གསང་ཡབ་ཡུམ་རྐྱང་སྒྲུབ་༼མི༽ཀྱི་སྒྲུབ་ཐབས་རྒྱུན་ཁྱེར་དངོས་གྲུབ་མྱུར་སྩོལ། འཆི་མེད་ཚེའི་རྫོང་ཆུང་གི་སྒྲུབ་ཐབས་ནག་པོ་འགྲོ་ཤེས་ཚེ་སྤེལ་བ་འདིར་འཚོགས་སྐལ་ལྡན་མ། གང་བློ་མའི་རྗེས་(གནང་གི་ཡི་གེ་དཔལ་རྟ་མགྲིན་གསང་སྒྲུབ་སྐྱེར་སྒང་ལུགས་ཀྱི་བྱིན་རླབས་ཀྱི་ཆོ་ག་བར་ཆད་ཀུན་སེལ། སྟག་ཞོན་གནུབས་ལུགས་སོགས་ཀྱི་རྗེས་གནང་གི་དུས་ཉེ་བར་མཁོ་བའི་གསང་བདག་རྡོ་རྗེ་གཏུམ་པོའི་སྒོམ་བཟླས་བྱ་ཚུལ། བསྟན་པའི་སྦྱིན་བདག་མི་དབང་གཞོན་ནུ་ཆོས་སྐྱོང་ལྷུན་གྲུབ་ཀྱི་ཐུགས་དམ་དུ་མཛད་པའི་འཇིག་རྟེན་དབང་ཕྱུག་སེང་གེ་སྒྲའི་སྒྲུབ་ཐབས། བསྟན་པའི་སྦྱིན་བདག་ཆེན་པོ་ཞལ་ངོ་རྣམས་ཀྱི་རྒྱུན་གྱི་ཉམས་བཞེས་སུ་མཛད་པའི་སྒྲོལ་༼མཁན༽དཀར་ཡིད་བཞིན་འཁོར་ལོའི་ཚེ་ཁྲིད་ཟླ་བའི་ཆུ་རྒྱུན་གྱི་ཉམས་ལེན་སྙིང་པོ་བསྡུས་པ། དམར་པོ་སྐོར་གསུམ་གྱི་དཀར་ཆག་དབང་སྡུད་པདྨ་རཱ་གའི་ཟ་མ་ཏོག་གི་ཁ་འབྱེད་གནད་ཀྱི་ལྡེ་མིག་རྗེ་བཙུན་རིག་བྱེད་མའི་རྒྱུན་ཁྱེར་རྣལ་འབྱོར་དུ་བྱ་བའི་ངག་འདོན་སྒྲུབ་ཐབས། དེའི་སྦྱིན་སྲེག་བྲག་དམར་མཁན་ཆེན་རབ་བརྟན་པས་བསྐུལ་བ། དེའི་བསྟོད་པ་རྒྱལ་བའི་ཡེ་ཤེས་མ། ཚོགས་ཀྱི་བདག་པོ་ལ་མཆོད་གཏོར་འབུལ་ཞིང་འཕྲིན་ལས་འཆོལ་བ་ཕུན་ཚོགས་དངོས་གྲུབ། གྲ་པ་མངོན་ཤེས་ཀྱི་གཏེར་མའི་ཛམ་དམར་གསང་སྒྲུབ་ཀྱི་ཉམས་ལེན་གཙང་རོང་མཚོ་དཀར་གྱི་མགུལ་དུ་མཛད་པ། མགོན་པོད་མེ་འབར་མའི་དཀར་ཆག་སྙིང་པོ་གནད་ཀྱི་སྒྲོན་མེ། ཟབ་བསྡུས་གསལ་བྱེད་ཁ་སྐོང་པོ་

ཏིའི་དཀར་ཆག་ཟབ་དོན་གསལ་བའི་སྒྲོན་མེ། ཐུན་མོང་མ་ཡིན་པ་སྙན་བརྒྱུད་གླེགས་བམ་གྱི་དཀར་ཆག་སྙིང་གི་བདུད་རྩིའི་ཟིལ་དངར། གྱི་ལྗང་གླེགས་བམ་གྱི་དཀར་ཆག་ཟབ་དོན་གནད་ཀྱི་ལྡེ་མིག །དུད་སོལ་པོ་ཏིའི་དཀར་ཆག་སྙན་བརྒྱུད་གསལ་བའི་མེ་ལོང་། མགོན་པོའི་ཁོག་ཕུབ་སྙན་བརྒྱུད་རིན་ཅེན་ལྡེ་མིག །ཁོག་ཕུབ་སྙན་བརྒྱུད་རོལ་༼དབང༽མཚོ་ལེགས་བཤད་ཀྱི་རྦ་རླབས་གཡོ་བ། སྙན་བརྒྱུད་མན་ངག་གིས་རྣམ་པར་བརྒྱན་པ་གུར་ཞལ་གྱི་གཏོར་ཆོག་འཕྲིན་ལས་མྱུར་མགྱོགས་ཀྱི་ཕོ་ཉ། མི་དབང་གཞོན་ནུའི་གསུང་གིས་བསྐུལ་བའི་གཏོར་ཆོག །གཏོར་ཆོག་ཤིན་ཏུ་བསྡུས་པ། བསྟོད་བསྐུལ་འོག་མིན་བདེ་ཆེན་མ། པུ་ཏྲའི་བསྐང་གསོ་འཕྲིན་ལས་ལྷུན་གྲུབ། མགོན་པོ་ཁྲོ་བཅུའི་རྗེས་གནང་༼དབང༽གི་ཡི་གེ །ལས་མགོན་ཟངས་གྲི་ཅན་གཉིས་ཀྱི་རྗེས་གནང་གི་ཡི་གེ །བྲན་བདུད་གཤིན་རྗེ་ནག་པོའི་རྗེས་གནང་གི་ཡི་གེ །གུར་མགོན་དཀར་པོའི་ཚེ་སྒྲུབ། བསྲུང་༼ཟུར༽འཁོར་གསང་༼གནས༽ཁྲིད་དང་བཅས་པའི་རྒྱུན་གྱི་ཉམས་ལེན་སྙན་བརྒྱུད་ཡིན་བཞིན་ནོར་བུ། བསྲུང་འཁོར་བྲག་རྫོང་མའི་བསྡུས་དོན་ནག་པོ་ཆེན་པོའི་མན་ངག་གི་ཡང་སྙིང་དམ་པ། རྡོ་རྗེ་གུར་གྱི་རྒྱུད་ནས་ནང་སྒྲུབ་དང་གསང་སྒྲུབ་བསྟན་ཚུལ་རྡོ་རིང་རིན་པོ་ཆེའི་གསུང་རྒྱུན་ཟིན་བྲིས། བསྲུང་འཁོར་མདུན་ཁང་༼དབང༽འཕགས་པའི་གསལ་བྱེད། ནག་པོ་ཆེན་པོ་ཀླུ་བརྒྱད་ཀྱིས་བསྐོར་བའི་ཆར་འབེབས། ཨེ་ཀ་ཛ་ཌི་ལ་བརྟེན་པའི་རིམས་བསྲུང་། ཆོས་སྐྱོང་རྣམས་ལ་དམོད་བཅོལ་ཀྱི་ཡི་གེ །ཐུབ་བསྟན་དགེ་འཕེལ་༼དབང༽གུར་མགོན་ལ་བཅོལ་བའི་དམ་བསྒྲགས། མགོན་

པོའི་ཆོས་སྐོར་གྱི་དྲི་བ་ལྷག་བསམ་རབ་དཀར། འདོད་ཁམས་ཀྱི་ལྷ་མོ་དུད་སོལ་མར་བསྟོད་ཅིང་འཕྲིན་ལས་གསོལ་བ་བདེ་ཆེན་ཆོས་དབྱིངས་མ། མགོན་པོ་ཞལ་གྱི་ཆོས་སྐོར་དཀར་ཆག་གསུང་རྒྱུན་པདྨའི་སྲད་བུར་བརྒྱུས་པའི་ཟབ་དོན་ནོར་བུའི་དོ་ཤལ། གསང་སྒྲུབ་ཀྱི་འབྱུང་ཁུངས་ལོ་༼གླང༽རྒྱུས་ཟུང་ལྡན་གྱི་རྒྱན་དང་བཅས་པ་བདུད་རྩིའི་འོད་ཅན། ཞལ་བཞི་པ་འཁོར་དང་བཅས་པའི་རྗེས་གནང་གི་ཆོ་ག་དངོས་གྲུབ་རྒྱ་མཚོ། གསང་བའི་འཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ། མགོན་པོ་གདོང་བརྙན་ཅན་འཁོར་མར་༼དབང༽ལ་བསྟོད་པ་བདུད་དགྲའི་སྲོག་འཕྲོག་དམ་ཉམས་ཀྱི་ཙིཏྟ་དམར་འབྱིན། གནོད་སྦྱིན་བེག་ཙེ་ལྕམ་སྲིང་གི་གཏོར་ཆོས་རྒྱུན་ཁྱེར་བསྡུས་པ། གོང་མ་རྣམས་ཀྱི་ཡི་གེ་འཐོར་བ་ཕྱོགས་གཅིག་ཏུ་བསྡེབས་པའི་གནོད་སྦྱིན་ལྕམ་དྲལ་གྱི་ལས་བྱང་འཕྲིན་ལས་ལྷུན་གྲུབ། ཡེ་ཤེས་མཁའ་འགྲོ་སེང་གེའི་གདོང་ཅན་གྱི་སྒྲུབ་ཐབས། རི་གོང་མགོན་པོ་རང་བྱོན་གྱི་དྲུང་དུ་མཛད་པའི་ཕྱག་དྲུག་པའི་བསྟོད་པ་ཕུན་ཚོགས་འདོད་དགུ་མ། མགོན་དཀར་ཡིད་བཞིན་ནོར་བུའི་སྒྲུབ་ཐབས་དངོས་གྲུབ་རྒྱ་མཚོ། དེའི་བསྟོད་པ་འདོད་རྒུའི་དཔལ་སྟེར། རྣམ་སྲས་ཀྱི་བཀྲ་ཤིས་༼བོད༽ཁྱབ་བདག་རྡོར་འཛིན་མ། དཔལ་ལྡན་ལྷ་མོ་དམག་ཟོར་རྒྱལ་མོའི་བསྟོད་བསྐུལ་གཡུལ་ལས་རྒྱལ་བའི་དགའ་སྟོན། ལྷ་མོ་རྡོ་རྗེ་རབ་བརྟན་མ་འཁོར་དང་བཅས་པའི་སྐྱེད་ཆོག་རྒྱས་པ། དེའི་གཏོར་བསྔོ་བསྟན་པ་གཉན་པོ་སྲུངས་ཀྱི་མཐའ་ཅན། དེའི་བསྟོད་བསྐུལ་བདེ་ཆེན་རོལ་པ། ལས་གཤིན་དཔའ་བོ་གཅིག་པའི་རྗེས་གནང་གི་ཐོ་ཡིག་ལས་གཤིན་

དམར་ནག་གསུམ་གྱི་རྗེས་གནང་༼བོད༽ མཐོང་བརྒྱུད་ཀྱི་ཕྱག་ལེན་ལྟར་ཕྱོགས་གཅིག་ཏུ་བསྒྲིགས་པ། ལས་གཤིན་སེ་བྱ་བཞི་སྐོར་གྱི་རྗེས་གནང་གི་ཡི་གེ་ལས་ཀྱི་གཤིན་རྗེ་ལྷ་བཅུ་གསུམ་མའི་མངོན་རྟོགས་གཏོར་འབུལ་བསྙེན་པ་བསྟོད་བསྐུལ་དང་བཅས་པ་ཀུན་གསལ་བདེ་ཆེན་ཕོ་བྲང་དུ་མཛད་པ། དཔལ་མགོན་སྟག་ཞོན་གནུབས་ལུགས་ཀྱི་གཏོར་ཆོག་འཕྲིན་ལས་ལྷུན་གྲུབ། དེའི་གཏོར་འབུལ་བསྡུས་པ་གྱེར་སྒོམ་དུ་བྱ་ཚུལ། དེའི་གཏོར་ཆོག་རབ་གསལ་ཟེར་འཕྲེང་བདུད་དཔུང་མུན་པའི་གཡུལ་རྒྱལ། དེའི་སྟག་མོ་ཁ་ཆིངས་ཀྱི་མན་ངག །གིང་ལྔ་གཟའ་གདོང་གི་གཏོར་ཆོག་མ་བཅའ་ལུགས་དང་བཅས་པ། ཞ་ལུ་གསེར་བཀང་གི་ཆོས་སྐྱོང་སྤྱིའི་བསྟོད་པ་རྒྱལ་བ་རྒྱ་མཚོ་མ། ཞ་ལུ་རི་སྦུག་གི་ཆོས་བདག་ལ་དགྱེས་པ་སྐྱེད་པར་བྱེད་པའི་བསྟོད་སྤྲིན་གསར་པའི་རྔ་དབྱངས། དཔལ་མོ་རི་སྦུག་མའི་དགྱེས་བསྟོད་དཔལ་ལྡན་རྒྱལ་བ་མ། ཆོས་རྒྱལ་ཆེན་པོ་པེ་ཧར་ལ་གཏོར་མ་འབུལ་བ་ཐོན་དུ་མཛད་པ། རྒྱལ་པོ་ཁྭ་དའི་གདོང་ཅན་གྱི་བསྟོད་པ་ཀ་མད་ལ་གྲས་པ། གཙང་སྟོད་འདར་གྱི་དཀོར་སྲུང་དམ་ཁྱུང་གཉིས་ཀྱི་མཆོད་ཆོག་སློབ་དཔོན་ཆེན་པོ་པདྨ་དང་ཤནྟིཾ་གརྦྷའི་གཞུང་བཞིན་མཛད་པ། བསྟན་པའི་སྦྱིན་བདག་སྡེ་པ་སྤར་བས་མགོན་ཁང་རྟག་གཏོར་དང་བཅས་བསྒྲུབས་པའི་ཚེ་དམ་བསྒྲགས་གཉེར་དུ་གཏད་པ་ཀུན་ཁྱབ་མ། ཁང་རྙིང་གྲྭ་ཚང་པའི་གྲྭ་པ་སྦྱིན་པ་རྒྱལ་མཚན། རྩེ་མོའི་གྲྭ་པ་ཆོས་བཀྲ་ཤིས། ཞི་བ་ཟེར་བ་གསུམ་གྱིས་ཞ་ལུ་གསེར་བཀང་ནང་དུ་གྲྭ་པ་བསད་པར་བརྟེན་ཆོས་ཁྲིམས་ཀྱིས་གནས་དབྱུང་བའི་སྒོ་

ཡིག །མེ་འབྲུག་ལོ་མ་ཧེ་མཆོད་པ་གནང་དུས་ཀྱི་སྒོ་ཡིག་བཀའ་ཤོག །ཇ་མཆོད་ཕུན་ཚོགས་འདོད་རྒུ་མ། ཇ་མཆོད་ཡིད་འོང་ཟླ་ཤེལ་མ། གསུང་ངག་གི་བཀྲ་ཤིས་རྡོ་རྗེ་འཆང་དབང་མ་རྣམས་ཀྱི་ལུང་ལེགས་པར་ནོས་པའི་རྟགས་མེད་ཡོངས་རྫོགས་ཀྱི་བརྒྱུད་པ་ནི། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། བསྟན་པའི་མངའ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །མཁན་གཡུང་དྲུང་ལྷན་ཅིག་གི་རྟགས་ཡོད་པའི་བརྒྱུད་པ་ནི་བཤད་མ་ཐག་པ་ལྟར་རམ། ཡང་ན་འཇམ་དབྱངས་མཁྱེན་བརྩེ་ནས། མཁན་ཆེན་ནས། མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་རབ་མན་འདྲ། མཁན་རྐྱང་གི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས་ནས། མཁན་ཆེན་བསླབ་གསུམ་རྒྱལ་མཚན་མན་བཤད་མ་ཐག་པ་ལྟར་རོ། ༈ །ཀུའི་རྟགས་ཡོད་པ་ནི། ཚར་ཆེན་ནས། མཁན་ཆེན་གཞོན་ནུ་བློ་གྲོས། རྡོ་རྗེ་འཆང་དབང་རབ་མན་མཁན་གྱི་རྟགས་ཅན་བཞིན་ནོ། །མཻ་རྟགས་ཡོད་པའི་བརྒྱུད་པ་ནི། རྗེ་མཁྱེན་བརྩེ་ནས། འཕགས་མཆོག་བྱམས་པ་སྐལ་བཟང་། རྗེ་དབང་རབ་མན་མཁན་རྟགས་དང་འདྲ། གནས་ཀྱི་རྟགས་ཡོད་པ་ནི། རིན་པོ་ཆེ་རྟ་ར་བ་ནས། རྗེ་དབང་རབ། ཁྱབ་བདག་བཀའ་འགྱུར་བ། དེས་བདག་ལའོ། །དབང་གི་རྟགས་ཡོད་པ་ནི། རྟ་ར་བ་ཡན་འདྲ་བ་ལས། རྗེ་དབང་རབ། ཁྱབ་བདག་ཞ་ལུ་པ། དེས་བདག་ལའོ། ༈ །གཡུང་དྲུང་ཁེ་རྐྱང་གི་

རྟགས་ཅན་ནི། ཚར་ཆེན། མཁྱེན་བརྩེ། དབང་རབ་མན་བཤད་མ་ཐག་པ་བཞིན་ནོ། །གླང་གི་རྟགས་ཡོད་པ་ནི། རྟ་ར་བ་ནས། རྡོ་རྗེ་འཆང་དབང་རབ། གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །ཟུར་གནས་ཀྱི་རྟགས་ལྷན་དུ་ཡོད་པ་ནི། བསྲུང་འཁོར་ཟུར་ཆེན་དང་གསང་ཁྲིད་བཀའ་འགྱུར་བར་ཞུས། དེ་ཡན་རྩ་བའི་བརྒྱུད་པ་དང་གཅིག །བོད་ཀྱི་རྟགས་ཡོད་པ་ནི། ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །ཤཱཀྱ་དྷཱ་ཛས་མཛད་པའི་ཚར་ཆེན་ཆོས་ཀྱི་རྒྱལ་པོའི་སྐུ་བསྟོད་ཀྱི་ལུང་ཡང་ཐོབ། ༈ །འཇམ་དབྱངས་མཁྱེན་བརྩེའི་གསུང་འབུམ་ལ། རྗེ་བཙུན་སྒོ་རུམ་པ་ཆེན་པོའི་ཞལ་སྔ་ནས་ཀྱི་རྟོགས་པ་བརྗོད་པའི་གཏམ་ངོ་མཚར་ཡིད་བཞིན་གྱི་ཆུ་གཏེར་བཞད་པ། རང་ཉིད་ཀྱི་རྣམ་པར་ཐར་པ་ངོ་མཚར་སྙེ་མ། གསུང་ངག་རིན་པོ་ཆེའི་ཁོག་ཕུབ་ལས་བྱུང་བའི་ཆོས་ལ་༼གནས༽བཤད་སྒྲུབ་བྱ་ཚུལ་སོགས་ཀྱི་ཟིན་བྲིས། ལམ་འབྲས་བུ་དང་བཅས་པའི་གདམས་པའི་བྱུང་ཚུལ་གསང་ཆེན་བསྟན་པ་རྒྱས་བྱེད། ཚར་ཆེན་ཆོས་ཀྱི་རྒྱལ་པོའི་བསྟོད་པ་༼དབང༽བཀྲ་ཤིས་མཚན་བཟང་མ། འ་ཞའི་ཡབ་མེས་༼དབང༽རྣམས་ལ་བསྟོད་པ་ཕུན་ཚོགས་ཐུབ་བསྟན་མ། ནམ་མཁའ་རྒྱལ་མཚན་དང་ཟུར་འཇམ་དབྱངས་དབང་ཕྱུག་གིས་བསྐུལ་བའི་༼དབང༽བདག་བསྟོད་ཕུན་ཚོགས་

དངོས་གྲུབ་མ། གཉོས་དཀའ་བཅུ་པ་ཆོས་ཀྱི་རྒྱལ་མཚན་གྱིས་བསྐུལ་བའི་རང་ཉིད་ཀྱི་༼དབང༽འཁྲུངས་རབས་གསོལ་འདེབས་རྒྱལ་བ་ཀུན་དངོས་མ། རང་ཉིད་གུར་མགོན་གྱི་ཆོས་སྐོར་ལ་༼དབང༽མཁས་ཚུལ་དཔལ་ལྡན་རིགས་ཀུན་མ། འཇམ་མགོན་ས་སྐྱ་པཎྜི་ཏ་༼དབང༽ལ་བརྟེན་པའི་འཇམ་དབྱངས་བླ་སྒྲུབ། རྒྱལ་ཡུམ་ཚུལ་ཁྲིམས་བཟང་མོའི་གསུང་རྒྱུན་༼ར༽གྱི་བླ་མའི་རྣལ་འབྱོར་གྱི་ཟིན་བྲིས། གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་འཁྲིད་ཀྱི་ཟིན་བྲིས་གསང་ཆེན་༼གནས༽བསྟན་པ་རྒྱས་བྱེད་ཅེས་པ་ཁའུ་བྲག་རྫོང་པའི་བཞེད་པ་མ་ནོར་བའི་སྐོར་ལས་བར་དོ་ཡན་ཚང་བ། ཀྱེ་རྡོ་རྗེའི་བསྙེན་ཆེན་༼ར༽གྱི་ཡི་གེ་དཔྱིད་ཀྱི་དགའ་སྟོན། དེའི་བསྙེན་པའི་༼གནས༽ཁ་སྐོང་སྦྱིན་སྲེག །རྒྱུད་སྡེ་དྲུག་པ་རྣལ་འབྱོར་གསང་མཐའི་ཡང་བཅུད་རྗེ་བཙུན་ནཱ་རོ་མཁའ་༼མཁན༽སྤྱོད་ཀྱི་འཁྲིད་ཡིག་ཆེན་མོ་མཁའ་སྤྱོད་བགྲོད་པའི་ཉེ་ལམ། བཅོམ་ལྡན་འདས་དཔལ་གསང་བ་འདུས་པ་མི་བསྐྱོད་རྡོ་རྗེའི་༼མཁན༽འཁྲིད་ཡིག་ཡིད་བཞིན་ནོར་བུའི་ཟ་མ་ཏོག་ཁ་འབྱེད་པའི་ལྡེ་མིག །གསང་ཆེན་ཐབས་རྒྱུད་གཤིན་རྗེ་མཐར་བྱེད་ཀྱི་ལམ་མཆོག་རྣལ་འབྱོར་དབང་ཕྱུག་བིར་ཝ་པའི་བཞེད་༼དྷཱི༽གཞུང་གཤེད་དམར་སྤྲོས་མེད་ཀྱི་འཁྲིད་ཡིག་ཉམས་རྟོགས་པད་དཀར་བཞད་པའི་ཉི་མ། གཤེད་དམར་ལྷ་ལྔའི་བསྐྱེད་རིམ་རྣམ་༼ནཱ་ཐ༽བཤད་འཁྲུལ་པ་ཟབ་ལ་མཐུན་གཅིག་གི་དབྱིངས་སུ་སྦྱོང་བ། རྡོ་རྗེ་འཇིགས་བྱེད་ཀྱི་རྫོགས་རིམ་ཟབ་པའི་མཐར་ཐུག་༼མཁན༽རྭ་འཁྲིད་མཁའ་འགྲོའི་ཞལ་ལུང་སྙིང་གི་ཟུངས་ཁྲག་རྡོ་རྗེ་འཇིགས་བྱེད་ལྷ་བཅུ་གསུམ་གྱི་བདག་ཉིད་རྭ་ལུགས་ཐུན་མོང་མ་ཡིན་པའི་༼དབང༽དཀྱིལ་འཁོར་ཆོ་གའི་ངག་འདོན་བྲེེང་ཆགས་

ནག་པོ་འགྲོ་ཤེས་སུ་བཀོད་པ། རྡོ་རྗེ་འཇིགས་བྱེད་དཔའ་བོ་གཅིག་པ་ཞལ་གཅིག་༼དབང༽ཕྱག་གཉིས་པའི་རྗེས་གནང་གི་ཡི་གེ །གཏོར་མ་དྲུག་ཅུ་རྩ་༼དབང༽བཞིའི་ཞལ་བསྒྱུར་གྱི་མན་ངག །སེམས་ཉིད་ངལ་གསོའི་༼མཻ༽འཁྲིད་ཀྱི་ཟིན་བྲིས་སེམས་ཀྱི་གདུང་སེལ། སྙིང་པོ་དོན་གསུམ་གྱི་འཁྲིད་ཡིག་༼མཻ༽ཟིན་བྲིས་ཡབ་གཅིག་ཐུགས་རྗེ་ཅན་གྱི་གསུང་རྒྱུན། མ་ཧཱ་མ་ཡའི་སྤྲོས་༼དབང༽མེད་ཀྱི་ཟིན་བྲིས་ཡིད་བདེ་རྣམ་རོལ། ཟབ་ལམ་ནི་གུ་ཆོས་དྲུག་གི་ཟིན་བྲིས་གསང་ཆེན་༼དབང༽བཅུད་ཀྱི་སྙིང་པོ་མཇུག་ཅུང་ཟད་མ་ཚང་བ། དེའི་བརྒྱུད་འདེབས་གནས་འོག་མིན་ཆོས་དབྱིངས་༼དབང༽མ། མཁས་གྲུབ་ཁྱུང་པོ་གདུབ་བུ་བའི་ཟ་བ་༼ནཱ་ཐ༽ཆོས་ཕྱག་ཆེན་གྭའུ་མའི་འཁྲིད་ཀྱི་ཟིན་བྲིས་སྙིང་པོ་གསལ་བྱེད། འདི་ནི་ཁྱུང་པོས་ཡེ་ཤེས་མཁའ་འགྲོ་ལ་གསན་པའི་རྡོ་རྗེ་ཐེག་པའི་ལམ་གྱི་ཕྱག་རྒྱ་ཆེན་པོ་ཡིན་གྱིས་ལྟ་བ་ལ་ཕྱག་ཆེན་དུ་མིང་བཏགས་པ་ནི་མིན་ནོ། །མ་གཅིག་གྲུབ་པའི་རྒྱལ་མོ་ལུགས་ཀྱི་མགོན་པོ་ཚེ་༼བྱམས༽དཔག་མེད་ཀྱི་འཁྲིད་ཡིག་བདུད་རྩིའི་ཟིལ་མངར། སཱཙྪ་འདེབས་༼གནས༽པའི་ཆོ་ག །རྗེ་བཙུན་སྒྲོལ་དཀར་ཡིད་བཞིན་༼མཁན་༽འཁོར་ལོ་ཚེ་སྦྱིན་མའི་རྗེས་གནང་གི་ཡི་གེ །དེའི་འཁྲིད་སྐྱབས་༼ར༽ཡུལ་ཞིང་ཁམས་རྣམ་དག་མ། དེའི་སྦྱིན་སྲེག་གི་ཆོག་ཁྲིགས་ངག་འདོན་༼ར༽བཀླགས་ཆོག་ཏུ་བཀོད་པ་ཚེ་དང་བསོད་ནམས་ཀྱི་ཉི་མ་བདུན་འབར། འོད་ཟེར་ཅན་གྱི་གཟུངས་ནས་གསུངས་པའི་སྲོག་ཤིང་༼བིཀྵུ༽འཛུགས་པའི་ཆོ་ག་ལག་ལེན་བཀླགས་ཆོག །ལྷ་མོ་འོད་ཟེར་༼ནཱ་ཐ༽ཅན་མའི་སྒྲུབ་ཐབས། སུམ་པ་ལོ་ཙཱའི་༼བྱམས༽སྙན་བརྒྱུད་ཀྱི་འཁྲིད་ཡིག །ཁྲོ་མོ་སྨྲེ་བ་༼ཨཱ༽བརྩེགས་པའི་མངོན་རྟོགས་བསྲུང་

འཁོར་རྡོ་རྗེ་བྲག་རྫོང་མའི་འཁྲིད་ཡིག་ས་སྐྱ་ཚང་ཀྱི་རྣ་བར་མ་གྲགས་པའི་སྙིང་ནང་གི་ཁྲག་ལྟ་བུ། ནང་སྒྲུབ་དང་གསང་བ་ཡང་གསང་སེམས་ཀྱི་གནད་ལ་བརྟེན་ནས་སྒྲུབ་པའི་གསང་འཁྲིད་ཡིད་བཞིན་ནོར་བུ། གུར་མགོན་ལྷ་བརྒྱད་དང་ལྷ་བཅུ་གཉིས་༼ཁྲ༽མའི་རྗེས་གནང་གི་ཟིན་བྲིས། ལྷ་བརྒྱད་མཁའ་འགྲོ་སྦྲགས་སྒྲུབ་ཀྱི་མཆོད་ཆོག་༼དབང༽དམ་ཅན་འདུ་བའི་མཆོད་སྤྲིན། མཁན་ཆེན་བསླབ་གསུམ་རྒྱལ་མཚན་གྱིས་བསྐུལ་བའི་༼དབང༽ཟངས་གྲི་སྐོར་གསུམ་གྱི་གཏོར་འབུལ། དཔལ་མགོན་ཞལ་༼དབང༽བཞི་པའི་བསྲུང་འཁོར་ཚེ་སྒྲུབ་ཀྱི་ཟིན་བྲིས། བསོད་ནམས་དབང་ཕྱུག་གི་དོན་དུ་མཛད་པའི་མགོན་དཀར་ཡིད་བཞིན་༼དབང༽ནོར་བུའི་ཉམས་ལེན་ཞར་བྱུང་བསྟོད་པ་དུས་གསུམ་རྒྱལ་བ་མ་དང་བཅས་པ། དམ་ཅན་གཤིན་རྗེའི་རྒྱལ་པོའི་མངོན་༼དབང༽རྟོགས་གཏོར་འབུལ་བསྟོད་པ་དང་བཅས་པ། མདོ་ཁམས་པ་སྦྱིན་པ་བཟད་པོས་བསྐུལ་བའི་ལས་༼དབང༽གཤིན་གྱི་བསྐང་བ་མི་བཟང་འཇམ་དཔལ་མ། བེང་དམར་གྱི་༼དབང༽མངོན་རྟོགས། ༈ གསང་སྔགས་རྙིང་མའི་སྐོར་ལ། ཨོ་རྒྱན་རིན་པོ་ཆེ་མཚན་བརྒྱད་༼དབང༽དང་བཅས་པར་བསྟོད་པ། ཚེས་བཅུའི་ཕན་ཡོན་སྟོད་ཆར་ལུང་འདྲེན་༼ཁྲ༽མང་བ་དང་སྨད་དུ་བླ་མ་གསང་འདུས་ཀྱི་ཞིབ་ཆ་ཡོད་པ། ཐུགས་རྗེ་ཆེན་པོ་འཁོར་བ་༼མཻ༽དོང་༼ཇ༽སྤྲུག་གི་དབང་གི་བཀོལ་བྱང་དུ་གྲགས་པ། དེའི་ལམ་དབང་གི་ཆོ་ག་༼ཇ༽ཨོ་རྒྱན་བླ་མའི་ཞལ་ལུང་བདུད་རྩིའི་ཆར་འབེབས། དེའི་རྒྱུན་༼ཇ༽གྱི་མངོན་རྟོགས། རྟ་མགྲིན་ཡང་གསང་ཡབ་ཡུམ་རྐྱང་པའི་སྒྲུབ་ཐབས། ཐུགས་རྗེ་ཆེན་པོ་དང་གུ་༼དབང༽ རུ་ཞི་དྲག་གི་ཉམས་ལེན་བྱ་ཚུལ། དྲག་པོ་རྩལ་གྱི་མངོན་༼དཔང༽རྟོགས་རྒྱུན་

ཁྱེར། འཇོམས་བྱེད་ཆར་ཀ་ནག་པོ་བཀའ་གཏེར་གྱི་བརྒྱུད་༼ཟུར༽འདེབས་འཆི་བདག་གི་རེ་བ་འཇོམས་པ། བསྟན་མའི་སྲོག་དབང་༼ཟུར༽གི་ཕྱག་ལེན་ཤིན་ཏུ་གཅེས་པ་དང་བཅས་པ་རྣམས་ལེགས་པར་ཐོབ་པ་ལས་རྟགས་གང་ཡང་མེད་པ་རྣམས་ཀྱི་བརྒྱུད་པ་ནི། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ། ཐམས་ཅད་མཁྱེན་པ་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །མཁན་གྱི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས། མཁན་ཆེན་བསླབ་གསུམ་པ། རྗེ་དབང་རབ་མན་གོང་བཞིན་ནོ། །ཨཱའི་རྟགས་ཅན་གྱི་བརྒྱུད་པ་ནི། མཁྱེན་བརྩེའི་ཞབས། འཕགས་མཆོག་བྱམས་པ་སྐལ་བཟང་། རྗེ་དབང་རབ་མན་གོང་དང་འདྲ། གནས་ཀྱི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས། རིན་པོ་ཆེ་རྟ་ར་བ། རྗེ་དབང་རབ། རྩ་བའི་བླ་མ་མགོན་པོ་བསོད་ནམས་མཆོག་ལྡན། དེས་བདག་ལའོ། ༈ །ར་གཡུང་དྲུང་ཅན་གྱི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས། མཆོད་དཔོན་དཀོན་ཅོག་ལེགས་པ། རྗེ་དབང་རབ་མན་བཤད་མ་ཐག་པ་ལྟར་རོ། །བྱམས་ཀྱི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས། བྱམས་པ་སྐལ་བཟང་། རྗེ་དབང་རབ་མན་གནས་རྟགས་དང་གཅིག །དབང་གི་རྟགས་ཡོད་པའི་བརྒྱུད་པ་ནི། མཁྱེན་བརྩེའི་ཞབས། རིན་པོ་ཆེ་རྟ་ར་བ། རྗེ་དབང་རབ། ཁྱབ་བདག་ཞ་ལུ་པ། དེས་བདག་ལའོ། །ར་རྐྱང་གི་རྟགས་ཡོད་པ་ནི། མཁྱེན་བརྩེའི་ཞབས། མཆོད་དཔོན་དཀོན་ཅོག་ལེགས་པ། རྗེ་དབང་རབ་མན་བཤད་མ་ཐག་

པ་ལྟར་རོ། །མཻ་རྟགས་ཡོད་པ་ནི། མཁྱེན་བརྩེའི་ཞབས། བྱམས་པ་སྐལ་བཟང་། རྗེ་དབང་རབ་མན་དབང་གི་རྟགས་ཅན་དང་གཅིག །མཁན་གཡུང་དྲུང་ཅན་གྱི་རྟགས་ཡོད་པ་ནི། མཁྱེན་བརྩེའི་ཞབས། བསླབ་གསུམ་རྗེ། རྗེ་དབང་རབ་མན་འདྲའོ། །ནཱ་ཐའི་རྟགས་ཡོད་པ་ནི། མཁྱེན་བརྩེའི་ཞབས། བླ་མ་བསོད་ནམས་ཆོས་འཕེལ། རྗེ་དབང་རབ། རྗེ་བཀའ་འགྱུར་བ། ཞ་ལུ་པ་ཆེན་པོ། དེས་བདག་ལའོ། ༈ །བིཀྵུའི་རྟགས་ཡོད་པ་ནི། ཀུན་མཁྱེན་མཁྱེན་བརྩེའི་ཞབས། འདར་ཆོས་འཁོར་ཡང་རྩེའི་དགེ་སློང་དཀོན་ཅོག་རྒྱལ་མཚན། དགེ་སློང་མཁས་གྲུབ་པ། ཁྱབ་བདག་ཞ་ལུ་པ། དེས་བདག་ལའོ། །ཁྲའི་རྟགས་ཡོད་པ་ནི། ཀུན་མཁྱེན་མཁྱེན་བརྩེ། རྗེ་རྟ་ར་བ། ཁྱབ་བདག་དབང་རབ། བཀའ་འགྱུར་བ་ཆེན་པོ། བླ་མ་འཇམ་དབྱངས་རྒྱལ་མཚན། མཁས་གྲུབ་བློ་མཆོག་རྡོ་རྗེ། དེས་བདག་ལའོ། །དྷཱིའི་རྟགས་ཡོད་པ་ནི། ཚར་ཆེན་ཆོས་ཀྱི་རྒྱལ་པོ། སྐྱེད་ཚལ་འོག་མཁན་ཆེན་བློ་གྲོས་ཆོས་འཕགས། རྗེ་དབང་རབ། འཇམ་མགོན་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ། དེས་བདག་ལའོ། །ཇའི་རྟགས་ཡོད་པ་ནི། མཁྱེན་བརྩེའི་ཞབས་ནས། བྱམས་པ་སྐལ་བཟང་། རྗེ་དབང་རབ་མན་ཁྲའི་རྟགས་ཅན་གྱི་བརྒྱུད་པ་དང་གཅིག །ཟུར་གྱི་རྟགས་ཡོད་པ་ནི། མཁྱེན་བརྩེའི་ཞབས། རྗེ་དབང་རབ་མན་དྷཱིའི་རྟགས་ཅན་དང་འདྲ། ༈ །རྡོ་རྗེ་འཆང་དབང་ཕྱུག་རབ་བརྟན་གྱི་གསུང་འབུམ་སྐོར་ལ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་དྲན་པའི་གདུང་དབྱངས་གནས་སྤྱི་གཙུག་མ། དེ་ལ་གསོལ་འདེབས་སྣང་སྲིད་བླ་མའི་རང་ཞལ་མ། དེ་ལ་གསོལ་འདེབས་

བཀའ་དྲིན་མཉམ་མེད་མ། རིགས་ཀུན་བདག་པོ་བསླབ་གསུམ་རྒྱལ་མཚན་དབང་པོའི་ཞལ་སྔ་ནས་ལ་བསྟོད་པ་དངོས་གྲུབ་རིན་ཅེན་ཆར་རྒྱུན་ནམ་ཞི་བ་གསེར་མངལ་མ། དེ་ཉིད་ཀྱི་འཁྲུངས་རབས་གསུམ་གྱི་གསོལ་འདེབས་རབ་འབྱམས་རྒྱལ་བ་མ། མཐུ་སྟོབས་ཀྱི་མངའ་བདག་དགོན་གསར་བ་རྡོ་རྗེ་འཆང་བསོད་ནམས་ཆོས་འཕེལ་ལ་བསྟོད་པ་མཁྱེན་བརྩེའི་མངའ་བདག་མ། བྱང་གླིང་འཇམ་དཔལ་བཀྲ་ཤིས་རྒྱལ་མཚན་ལ་བསྟོད་པ་དངོས་གྲུབ་རྒྱ་མཚོ་མ། ཀུན་མཁྱེན་མཁྱེན་བརྩེ་དང་རང་ཉིད་ལྷན་ཅིག་ཏུ་བསྟོད་པ་ཨོ་རྒྱན་སྐུ་དངོས་མ། རང་ཉིད་ཀྱི་འཁྲུངས་རབས་༼གནས༽གསོལ་༼གླང༽འདེབས་རྒྱལ་བའི་མཁྱེན་བརྩེ་མ། གསང་བའི་རྣམ་ཐར་གྱི་སྐོར་ལ། དགུང་ལོ་ཞེ་བརྒྱད་༼གླང༽ཀྱི་དུས་ཤེལ་བྲག་ཏུ་ཕེབས་པ། ཁྲ་༼གླང༽འབྲུག་ཏུ་ཕེབས་པ། ལུག་ལོ་ཤེལ་༼གླང༽བྲག་ཏུ་ཕེབས་པ། ལྗགས་བསྙེན་༼གླང༽གནང་བའི་ལྟས། སྤྲེའུ་ལོ་གསུང་ངག་༼གླང༽སློབ་བཤད་གསུངས་པའི་ལྟས། བྱ་ལོའི་༼གླང༽གཟིགས་སྣང་། གཙང་ལ་ཕེབས་༼གླང༽པ་དང་ཟབ་༼གླང༽པུ་ལུང་དུ་ཕེབས་པའི་སྐོར། ཞ་ལུར་འཇིགས་༼གླང༽བྱེད་ཞལ་གཟིགས་ཚུལ་རྣམས། ཆོས་དབང་རིན་པོ་ཆེའི་གཏེར་བྱོན་ཐུགས་རྗེ་ཆེན་པོ་འཁོར་བ་དོང་སྤྲུག་གི་བརྒྱུད་འདེབས་འཁོར་བའི་གདུང་སེལ་ལམ་ཆོས་དབྱིངས་མ། མགོན་པོ་ཁྲོ་བཅུའི་བརྒྱུད་འདེབས་བདུད་ལས་རྣམ་རྒྱལ། རྗེ་བཙུན་སྡིངས་མ་བ་ཆེན་༼ནཱ་ཐ༽པོའི་རྣམ་པར་ཐར་པ་བྱིན་རླབས་ཀྱི་ཆུ་གཏེར་གཡོ་བ། བདེ་མཆོག་དཀར་པོའི་བསྐྱེད་རྫོགས་ཀྱི་ཉམས་༼དབང༽འཁྲིད་ཞར་བྱུང་ཚེ་འཁྲིད་དང་བཅས་པ་བྱང་ཆུབ་སྒྲུབ་པའི་ཉེ་ལམ་གྲུབ་པའི་ཞལ་ལུང་། ནཱ་རོ་མཁའ་སྤྱོད་ཀྱི་

རྒྱུན་གྱི་ཉམས་ལེན། འགོར་སངས་རྒྱས་ཆོས་ཚོགས་མ་ཡོད་པའི་དཔལ་ཕྱག་ན་རྡོ་རྗེ་གོས་སྔོན་ཅན་གྱི་མངོན་རྟོགས་རྒྱུན་ཁྱེར། སྒྲོལ་དཀར་གྱི་སྒྲུབ་ཐབས་བདུད་རྩིའི་དཔལ་སྟེར། མཁན་ཆེན་ཞ་ལུ་པ་ཆེན་པོས་བསྐུལ་བའི་རྗེས་གནང་སྤྱི་འགྲོ་འཆིངས། ཕྱག་རྡོར་འབྱུང་འདུལ་ལ་སྦྱར་བ། ཆོས་ཚན་གཅིག་ཏུ་ཚང་བའི་དམར་པོ་སྐོར་གསུམ་གྱི་རྗེས་གནང་གི་གསལ་བྱེད། ཚེ་སྒྲུབ་ལྕགས་གདོང་མའི་བདག་མདུན་བུམ་པའི་ཆོ་ག་ཚེའི་ཆུ་རྒྱུན། གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག་གིས་བསྐུལ་བའི་ཚེས་བཅུའི་ཆོག་ཁྲིགས་མཐོང་བས་དོན་གྲུབ། རྙིང་མ་ལུགས་ཀྱི་བགེགས་གཏོར་གཏོང་ལུགས། འགོར་ཨོཾ་ཨཱཿ ཧཱུྃ་ཧ་ཧོ་ཧྲཱིཿ ཡོད་པའི་ནག་པོ་ཆེན་པོའི་གཏོར་ཆོག་བསྡུས་པ། བྲག་རྫོང་མའི་ས་བཅད། མགོན་པོ་ཁྲོ་བཅུའི་གཏོར་ཟློག་བདུད་ལས་རྣམ་པར་རྒྱལ་བ། མགོན་པོ་ཞལ་གྱི་གསང་༼གླང༽ཁྲིད་སྙིང་ནང་གི་ཁྲག་ལྟ་བུ། བསྟན་སྲུངས་སྟག་ཞོན་ནག་པོའི་གཏོར་ཆོག་བསྡུས་པ། འགོར་ལག་ལེན་ལྟར་བཤམས་པའི་གཏོར་མ་ཞེས་ཡོད་པའི་ཞང་བློན་རྡོ་རྗེ་བདུད་འདུལ་གྱི་གཏོར་ཆོག །དེའི་གཏོར་བསྔོ་བསྡུས་པ་བྱ་ཚུལ། དུར་ཁྲོད་བདག་པོའི་བསྐང་རྫས་བྱིན་རླབས་བཞིའི་བནྡེས་བགྱིས་པའི་མཐའ་ཅན། མགོན་པོ་བེང་དམར་གྱི་རྗེས་གནང་ཟུར་འདེབས་བནྡེ་དབང་རབ་ཀྱིས་བགྱིས་པའི་མཐའ་ཅན། གཏོར་མ་བསྟབ་པའི་དམིགས་རིམ་བོད་ཀྱི་ཡུལ་བདག་ཆེན་མོའི་༼གཏེར༽དབང་ཆོག་དངོས་གྲུབ་ཆར་འབེབས་རྣམས་ཐོབ་པ་ལས་རྟགས་གང་ཡང་མེད་པ་རྣམས་ཀྱི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་
ལའོ། ༈ །དབང་གི་རྟགས་ཡོད་པའི་བརྒྱུད་པ་ནི་བཤད་མ་ཐག་པ་ལྟར་རམ་ཡང་ན་རྗེ་དབང་རབ་ནས། རྗེ་བཙུན་བཀའ་འགྱུར་བ་ཆེན་པོ། ཟུར་ཐམས་ཅད་མཁྱེན་པ། དེས་བདག་ལའོ། །ནཱ་ཐའི་རྟགས་ཡོད་པ་ནི། རྗེ་བཀའ་འགྱུར་བ་ཡན་བཤད་མ་ཐག་པ་ལྟར་ལ། ཁྱབ་བདག་ཞ་ལུ་པ། དེས་བདག་ལའོ། །གནས་ཀྱི་རྟགས་ཡོད་པ་ནི། རྗེ་བཀའ་འགྱུར་བ་ལ་བདག་གིས་ཞུས་སོ། །གླང་གི་རྟགས་ཡོད་པ་ནི། རྗེ་དབང་རབ། གླང་བུ་ཆོས་རྗེ་ཆོས་སྐྱོང་དབང་ཕྱུག ཁྱབ་བདག་ཞ་ལུ་པ། དེས་བདག་ལའོ། །གཏེར་གྱི་རྟགས་ཡོད་པ་ནི། རྗེ་བཀའ་འགྱུར་བ་ནས། རིག་འཛིན་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །རྡོ་རྗེ་འཆང་སྒོ་རུམ་པ་ནས་བརྒྱུད་པའི་མན་ངག་གཅེས་བསྡུས་ཀྱི་སྐོར་ལ། གདོན་སྤྱི་དང་བྱེ་བྲག་པེ་ཧར་གྱིས་མི་ཚུགས་པ། འཆི་བདག་འཇོམས་པ། གདོན་སྤྱི་དང་བྱེ་བྲག་ཀླུ་བདུད་ཀྱིས་མི་ཚུགས་པ། གཞན་གྱི་བྱད་ཁོ་རང་ལ་ཟློག །མཚན་འགྲོས་ཀྱི་དུས་འབྱུང་པོས་མི་ཚུགས་པ། བྱད་འགྲོལ་རྣམས་ཀྱི་ལུང་ཕྱག་བཞེས་ཐོབ་པའི་བརྒྱུད་པ་ནི། རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ།

རྗེ་བཙུན་ཀུན་དགའ་གྲོལ་མཆོག་གིས་དཀའ་བ་བརྒྱ་ཕྲག་དུ་མའི་སྒོ་ནས་བཙལ་བའི་འཁྲིད་བརྒྱའི་སྐོར།

འཁྲིད་བརྒྱའི་མཚན་ཐོ་དམིགས་བསལ་ལས། །ཚེ་འདིར་འབད་པ་དུ་མ་ཡིས། །གྲོག་མཁར་སྦྲང་རྩིའི་དཔེ་ཇི་ལྟར། །བླ་མའི་གསུང་ལས་ཐོས་པའི་ཆོས། །འཁྲིད་བརྒྱའི་མཚན་ཐོབ་འདི་ལྟར་ལགས། །ཞེས་པ་ལྟར་རྗེ་བཙུན་ཀུན་

དགའ་གྲོལ་མཆོག་གིས་སྐུ་ཚེ་དེའི་འདུ་འཛི་ཆེ་ཐབས་རློམ་པའི་ང་རྒྱལ་སོགས་ངང་ཚུལ་མཐའ་དག་རྒྱང་དུ་བསྲིངས་ཏེ་ཐུབ་བསྟན་རིན་པོ་ཆེ་ཐུགས་ཀྱི་དཔལ་བེའུར་བཅིངས་པའི་བྱང་ཆུབ་སེམས་དཔའ་རྟག་ཏུ་ངུ་བཞིན་དམ་པའི་ཆོས་དཀའ་བ་བརྒྱ་ཕྲག་དུ་མའི་སྒོ་ནས་བཙལ་བའི་འཁྲིད་བརྒྱའི་སྐོར་ནོས་པ་ལ། ཟབ་འཁྲིད་བརྒྱ་དང་བརྒྱད་ཀྱི་ཁུངས་གླེང་བའི་ལོ་རྒྱུས་མདོ་ཙམ་བྲིས་པའི་མཐར་ཚིགས་བཅད་འགའ་ཞིག་གིས་ཞབས་རྟེན་པ། གསོལ་འདེབས་བརྗོད་བདེ་བརྒྱུད་པའི་མཚན་སྡོམས། ས་མ་འགྲེལ་ཡ་མཚན་འཕྲུལ་གྱི་ལྡེ་མིག །སྤྱི་སྡོམས་འཁྲིད་ཚུལ་བརྒྱ་དང་བརྒྱད་ཀྱི་མཚན་ཐོ་དམིགས་བསལ། སྤྱི་ཆིངས་རྣམ་པར་སྤེལ་བ་ངོ་མཚར་ཆོས་ཀྱི་སྒོ་མང་། ཐུན་མོང་བའི་སྔོན་འགྲོའི་གནད་བསྡུས་པ། སྔོན་འགྲོ་ཐུན་མོང་མ་ཡིན་པ་དངོས་གཞི་ལ། མགོན་པོ་འཇམ་དཔལ་དབྱངས་ཀྱིས་རྗེ་བཙུན་ས་སྐྱ་པ་ལ་དངོས་སུ་གནང་བའི་བློ་སྦྱོང་ཞེན་པ་བཞི་བྲལ་གྱི་བརྒྱུད་པ་ནི། ཐུབ་དབང་། འཇམ་དབྱངས། ས་ཆེན། རྩེ་མོ། གྲགས་པ། ས་པཎ། འཕགས་པ། ཞང་དཀོན་ཅོག་དཔལ། རྗེ་བྲག་ཕུག་པ། ཆོས་རྗེ་བླ་མ་དམ་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། རྒྱལ་ཚབ་ཀུན་དགའ་དབང་ཕྱུག །རྗེ་ཀུན་དགའ་མཆོག་གྲུབ། རྗེ་བཙུན་ཀུན་དགའ་གྲོལ་མཆོག །རྗེ་བསྟན་འཛིན་ཉི་ཟླ་བཟང་པོ། རྗེ་ལྕགས་ཟམ་པ་ངག་དབང་ཉི་མ། དགེ་སྟེང་བླ་མ་ཀུན་དགའ་དཔལ་བཟང་། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། ༈ །ཡང་ན་རྗེ་གྲོལ་མཆོག་ནས།

དོལ་པོ་དགེ་སློང་། བསྟན་འཛིན་ཉི་བཟང་མན་འདྲ། ཡང་ན་ངོར་ཆེན་ནས། ཀུན་མཁྱེན་གོ་བོ། དཀོན་ཅོག་འཕེལ། ལྷ་མཆོག་སེང་གེ །གྲོལ་མཆོག་མན་འདྲ། ༡ སངས་རྒྱས་བསྒྲུབ་པའི་རྒྱུའི་གཙོ་བོ་ཐེག་པ་ཆེན་པོའི་བློ་སྦྱོང་དོན་བདུན་མའི་བརྒྱུད་པ་ནི། ཐུབ་པ། བྱམས་པ། ཐོགས་མེད། དབྱིག་གཉེན། གྲོལ་སྡེ་གཉིས། གུ་ཎ་མི་ཏྲ། སེང་བཟང་། གང་སྤེལ། ཀུ་སུ་ལུ་གཉིས། གསེར་གླིང་པ། ཇོ་བོ། འབྲོམ། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་བ། འོད་ཟེར་བླ་མ། བྱང་ཆུབ་འབུམ། ལྷ་སྡིངས་དཔོན་པོ། ཡོན་ཏན་དཔལ། བདེ་བ་དཔལ། གྲགས་པ་གཞོན་ནུ། བསོད་ནམས་གྲགས་པ། རྒྱལ་སྲས་ཐོགས་མེད་པ། དཔལ་ལྡན་ཡེ་ཤེས། ཧོར་དཀའ་བཞི་པ། དཔལ་ལྡན་བཟང་པོ། གནས་བརྟན་བསམ་ཕན། རྭ་སྟོན་ཡོན་ཏན་དཔལ་བཟང་། ཀུན་དགའ་མཆོག་གྲུབ། ཀུན་དགའ་གྲོལ་མཆོག་མན་འདྲ། ༢ བོ་དོང་རིན་རྩེའི་སྙུན་མཛེ་གདོང་ལྡོག་ཏུ་བཏང་བའི་རྟེན་འབྲེལ་སྙིང་པོའི་བརྒྱུད་པ་ནི། ཐུབ་པ། བྱམས་པ། གསེར་གླིང་པ། ཇོ་འབྲོམ་གཉིས། པོ་ཏོ་བ། ལྕགས་རི་བ་ཆོས་ཀྱི་གཡུང་དྲུང་། སྙེ་ཕུ་རྒྱ་སྒོམ། བྲག་རམ་པ། ཉན་ཆེན་པ། ཤེས་རབ་འབུམ་པ། རྒྱལ་སྲས་ཐོགས་མེད་པ་མན་གོང་ལྟར་རོ། །༣ ཁྲོ་ལོ་ལྷག་པར་ཁུར་ཆེ་བས་སྦྱོང་བའི་སྐབས་ཁ་ཆེ་པཎ་ཆེན་གྱི་བདེ་སྡུག་སྐུ་གསུམ་ངོ་སྤྲོད་པ་སྐྱིད་སྡུག་ལམ་ཁྱེར་གྱི་བརྒྱུད་པ་ནི། ཁ་ཆེ་པཎ་ཆེན། ཁྲོ་ལོ། ལྷོ་བྲག་པ། བདེ་བ་དཔལ། གྲགས་པ་གཞོན་ནུ། བསོད་ནམས་གྲགས་པ། རྒྱལ་སྲས་པ། རེ་མདའ་པ། གྲགས་པ་རྒྱལ་མཚན། དཀོན་ཅོག་རྒྱལ་མཚན། ཀུན་དགའ་མཆོག་གྲུབ་མན་བློ་སྦྱོང་དོན་བདུན་མ་དང་འདྲ། ༤ སུམ་པ་

ལོ་ཙཱ་བ་ཁམས་འདུས་པའི་ཚེ་སྒྲོལ་མས་གནང་བའི་གདམས་པ། རྒྱལ་སྲས་ཐོགས་མེད་པས་བླ་མ་དམ་པ་ལ་དྲུང་གི་ཐུགས་དམ་གྱི་བཅུད་སེམས་ཅན་ལ་ཕན་པ་ཞིག་ཞུས་པས་གནང་བའི་སུམ་པ་ལོ་ཙཱའི་སྙན་བརྒྱུད་ཀྱི་བརྒྱུད་པ་ནི། རྡོ་རྗེ་ཕག་མོ། སྒྲོལ་མ། སུམ་པ་ལོ་ཙཱ་བ། ས་པཎ། འཕགས་པ། ཞང་སྟོན་ཁུ་དབོན། བླ་མ་དམ་པ། རྒྱལ་སྲས་བཟང་པོ་དཔལ། བྱང་ཆུབ་རྩེ་མོ། ཧོར་དཀའ་བཞི་པ་མན་བློ་སྦྱོང་དོན་བདུན་མ་ལྟར་རོ། །༥ རྒྱལ་ཐང་པ་བསམ་གཏན་འོད་ཟེར་གི་ཡི་གེ་ལ་གཅོད་ཡུལ་སྔ་མ་རྣམས་ལ་མ་གྲགས་པའི་ལབ་སྒྲོན་གྱི་ཞལ་ཤེས་གསང་བས་བརྒྱན་པའི་བརྒྱུད་པ་ནི། ཡུམ་ཆེན་མོ། བསྟན་པའི་གཙོ་བོ། འཇམ་དབྱངས་སྨྲ་སེང་། སྒྲོལ་མ། སུ་ཁ་སིདྡྷི། ཨཱཪྻ་དེ་ཝ། དམ་པ་སངས་རྒྱས། སྐྱོ་སྟོན་བསོད་ནམས་བླ་མ། མ་གཅིག་ལབ་སྒྲོན། ཁུ་སྒོམ་ཆོས་སེང་། དོལ་པ་ཟང་ཐལ། རྒྱ་ནག་གཅེར་བུ། སངས་རྒྱས་རབ་སྟོན། སངས་རྒྱས་དགེ་སློང་། རིན་ཅེན་འོད་ཟེར། རྩ་ཚ་རས་པ། འདི་གཉིས་གྲོལ་མཆོག་གི་བརྒྱུད་འདེབས་ན་སྣང་ཡང་གསན་ཡིག་ན་མི་འདུག །སྐྱེ་མེད་ཇོ་སྟན། མཁན་ཆེན་ཆོས་རིན། རིན་ཅེན་གངས་པ། ཤཱཀྱ་བཤེས་གཉེན། རིན་ཅེན་དཔལ་བཟང་། རིན་ཅེན་གཞོན་ནུ། བསམ་འོད་པ། རྩིབས་རི་ནམ་མཁའ་འོད། ཤཱཀྱ་འོད་ཟེར། སྐྱེས་རྩ་བ་བདེ་ལེགས། དབོན་སྲས་ཆོས་ལེགས། ཡིག་དྲུག་ཤེས་རབ་དཔལ། རྗེ་གྲོལ་མཆོག་མན་འདྲ། ཡང་ན་སངས་རྒྱས་རབ་སྟོན་ནས། བླ་མ་དམ་པ། དོ་པ་ཆོས་ཤེ །ལྷ་སྟོན་ཞིག་གོ །ཞིག་པོ་ཐོག་རྡུགས། ཉན་ཆེན་པ། མུས་ཆེན་རྒྱན་དཔལ། སྔགས་འཆང་རྡོར་གཞོན། མུས་ཆེན་ནམ་མཁའི་རྣལ་འབྱོར། སེམས་དཔའ་ཆེན་པོ་དཀོན་རྒྱན། རྗེ་རྡོ་རིང་པ།

གྲོལ་མཆོག་མན་འདྲ། བརྒྱུད་པ་བར་མ་འདི་ཁུངས་བཙན་པར་སེམས། རྒོད་ཕྲུག་པ་ལུགས་ཀྱི་བརྒྱུད་པ་ནི། རྒོད་ཕྲུག་གྲགས་པ་འབྱུང་གནས། ཕ་རྒོད་བསོད་བཟང་། རྗེ་རྡོ་རིང་པ་མན་འདྲ། ༦ ཁ་སཪྤཱ་ཎིས་མི་ཏྲ་ཛོ་ཀི་ལ་དངོས་སུ་གནང་བའི་སྙིང་པོ་དོན་གསུམ་གྱི་བརྒྱུད་པ་ནི། སྤྱན་རས་གཟིགས། བློ་གྲོས་རིན་ཅེན། ཏཻ་ལོ་པ། རྙོག་མེད་དཔལ། མི་ཏྲ་ཛོ་ཀི་ཁྲོ་ལོ། བསོད་ནམས་དབང་ཕྱུག །སེམས་དཔའ་ཆེན་པོ། ཡང་རྩེ་བ། བུ་སྟོན། ཐུགས་སྲས་པ། གྲགས་པ་རྒྱལ་མཚན། འཁྲུལ་ཞིག་ཚུལ་རྒྱན། མཁྱེན་རབ་རྗེ། ཀུན་དགའ་མཆོག་གྲུབ་མན་བློ་སྦྱོང་དོན་བདུན་མ་ལྟར་རོ། ༈ །ཡང་ན་ཡང་རྩེ་བ་ནས། དགྲ་བཅོམ་ཡོན་ཏན་བློ་གྲོས། སྤྱད་ལུང་གཞོན་ནུ་བློ་གྲོས། ཤཱཀ་མཆོག་པ། སྤྱང་ལུང་གཞོན་ནུ་ཆོས་གྲུབ། གྲོལ་མཆོག་མན་འདྲ། ༧ མཎྜལ་གྱི་སྟེང་དུ་ཁ་སཪྤཱ་ཎི་སྐུ་ཁྲུ་གང་པའི་ཚད་ཙམ་ཞིག་དངོས་སུ་རྗེ་མི་ཏྲ་ཛོ་ཀི་ལ་བསྟན་ནས་གསུངས་པའི་ཟབ་ཆོས་ཐམས་ཅད་མཁྱེན་པ་བུ་སྟོན་ཞབས་ཀྱིས་ཐུགས་སྲས་རྣམས་ལ་སྙིང་གཏམ་གྲོས་འདེབས་སུ་མཛད་པའི་སེམས་ཉིད་ངལ་གསོའི་བརྒྱུད་པ་ནི། ཁ་སཪྤཱ་ཎི། མི་ཏྲ་ཛོ་ཀི ཁྲོ་ལོ། ཛང་སྒོམ་བསོད་དབང་། ཁྲོ་ཕུ་སེམས་དཔའ། ཡང་རྩེ་རིན་ཅེན་སེང་གེ །བུ་སྟོན་ཡབ་སྲས། རྗེ་གྲགས་རྒྱན། འཁྲུལ་ཞིག་ཚུལ་རྒྱན། མཁྱེན་རབ་རྗེ། ཀུན་སྤངས་རྡོ་རིང་བ། རྗེ་གྲོལ་མཆོག་མན་འདྲ། ༨ བཤེས་གཉེན་ཤ་རི་བས་ཚོགས་པ་ལན་གསུམ་བཀྱེ་བའི་མཐའ་མའི་སྐབས་གཏུམ་སྟོན་ལ་གཙང་ཕྱོགས་སུ་འགྲོ་དོན་འབྱུང་བར་ལུང་བསྟན་པ་ལྟར་དཔལ་སྣར་ཐང་གི་ཆོས་སྡེ་དར་རྒྱས་སུ་གྱུར་པའི་བཀའ་སྲོལ་སྐྱེས་བུ་གསུམ་གྱི་བརྒྱུད་

པ་ནི། འདི་དང་སྲིད་ཞི་མཉམ་ཉིད། དབུ་མ་ཆེན་མོ། ལྐོག་འཁྲིད་བཞི་ལ་བཀའ་གདམས་པའི་འཁྲིད་ཆེན་བཞིར་གྲགས་སོ། །ཐུབ་པ། བྱམས་པ། ཐོགས་མེད་སྐུ་མཆེད། གྲོལ་སྡེ་རྣམ་གཉིས། རྣམ་སྣང་མཛད། སེང་བཟང་། ཀུ་སཱ་ལི་ཆེ་ཆུང་། གསེར་གླིང་པ། ཇོ་བོ་རྗེ། རྔོག་ལེགས་ཤེ །གྲོ་ལུང་པ་བློ་གྲོས་འབྱུང་གནས། གཙང་ནག་མིའི་སེང་གེ །གཏུམ་སྟོན་བློ་གྲོས་གྲགས། གྲོ་བདུད་རྩི་གྲགས། ཞང་ཆོས་ཀྱི་བླ་མ། སངས་རྒྱས་སྒོམ་པ། མཆིམས་ནམ་མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས། ཟེའུ་བརྩོན་འགྲུས་གྲགས། ཟེའུ་གྲགས་པ་ཤེས་རབ། མཆིམས་བློ་བཟང་གྲགས། ལོ་ཆེན་བྱང་རྩེ། ཧོར་དཀའ་བཞི་པ་མན་བློ་སྦྱོང་དོན་བདུན་མ་བཞིན་ནོ། །༩ གཏུམ་སྟོན་པས་ཤ་ར་བ་ནས་བརྒྱུད་པ་རྒྱ་ཆེར་སྤེལ་བའི་བསྟན་རིམ་གྱི་བརྒྱུད་པ་ནི། ཇོ་བོ་རྗེ་ཡན་སྐྱེས་བུ་གསུམ་ལྟར་ལ། དེ་ནས་འབྲོམ། པོ་ཏོ་བ། ཤ་ར་བ། གཏུམ་སྟོན། གྲོ་སྟོན། ཞང་སྟོན། སངས་རྒྱས་སྒོམ་པ། མཆིམས་ནམ་མཁའ་གྲགས། སྐྱོ་སྟོན། ཟེའུ་སྐུ་མཆེད། མཆིམས་བློ་བཟང་གྲགས། གྲོ་སྟོན་ཀུན་དགའ་རྒྱལ་མཚན། དཔང་སྟོན་གྲུབ་པ་ཤེས་རབ། གྲགས་སྟོན་དཔལ་ལྡན་དོན་གྲུབ། ར་སྟོན་མན་བློ་སྦྱོང་དོན་བདུན་མ་ལྟར་རོ། །༡༠ གྲོ་སྟོན་བདུད་རྩི་གྲགས་ཀྱིས་བྱ་ཡུལ་བའི་སློབ་མ་མུས་སྨན་པར་གསན་པའི་སྲིད་ཞི་མཉམ་ཉིད་ཀྱི་བརྒྱུད་པ་ནི། ཐུབ་པ། བྱམས་པ། གསེར་གླིང་པ། ཇོ་བོ། འབྲོམ། སྤྱན་སྔ་བ། བྱ་ཡུལ་བ། མུས་སྨན་པ། གྲོ་སྟོན། ཞང་སྟོན། སངས་རྒྱས་སྒོམ་པ། མཆིམས། སྐྱོ་སྟོན། བཅོམ་རལ། གྲོ་སྟོན་ཀུན་རྒྱན་མན་བསྟན་རིམ་དང་འདྲ། ༡༡ བལ་པོ་སྤེ་ཉ་བ་ལ་བྱང་སེམས་ཟླ་རྒྱལ་གྱིས་གསན་པའི་ཐལ་རང་གང་དུའང་མ་ཕྱེ་

བའི་གཞུང་ཕྱི་མོའི་དབུ་མ་ཆེན་པོའི་བརྒྱུད་པ་ནི། ཐུབ་པ། འཇམ་དབྱངས། ཀླུ་སྒྲུབ་ཡབ་སྲས་གཉིས། ཟླ་གྲགས། རིག་པའི་ཁུ་བྱུག །སྤེ་ཉ་བ། བྱང་སེམས་ཟླ་རྒྱལ། རྫི་ལུང་པ། གྲོ་སྟོན་མན་བསྟན་རིམ་སོར་བཞག་གོ །༡༢ ཤ་བོ་སྒང་པར་མུས་སྨན་པས་གསན་པ་གྲོ་སྟོན་ལས་བརྒྱུད་པའི་བཀའ་གདམས་ལྐོག་ཁྲིད་ཀྱི་བརྒྱུད་པ་ནི། ཐུབ་པ། བྱམས་པ། གསེར་གླིང་པ། ཇོ་བོ་ཡབ་སྲས། པོ་ཏོ་བ། ཤ་བོ་སྒང་པ། མུས་སྨན་པ། གྲོ་སྟོན་ཀུན་རྒྱན་མན་བསྟན་རིམ་ལྟར་རོ། །༡༣ སངས་རྒྱས་སྒོམ་པས་གླང་རི་ཐང་པའི་གདན་ས་བཤེས་གཉེན་ཞང་ལ་གསན་ནས་འཕེལ་བའི་ཐུབ་པའི་ཞི་གནས་སེམས་འཛིན། ༡༤ སྤྱན་རས་གཟིགས་ཀྱི་སྙིང་རྗེ་མཁའ་ཁྱབ། ༡༥ མི་གཡོ་བའི་གཏུམ་པོ་བགེགས་བསྲུང་། ༡༦ སྒྲོལ་མའི་མངོན་ཤེས་ལུང་སྟོན་ཏེ་བཀའ་གདམས་ལྷ་བཞིའི་བརྒྱུད་པ་ནི། ཐུབ་པ། ཇོ་བོ། སྒོམ་བ་པ། སྣེའུ་ཟུར་པ། གླང་ཐང་པ་རྡོར་སེང་། ཞང་ཞུང་པ། སངས་རྒྱས་སྒོམ་པ་མན་བསྟན་རིམ་བཞིན་ནོ། །ལྷ་གཞན་གསུམ་གྱི་བརྒྱུད་པར་ཐུབ་པའི་ཚབ་ཏུ་ལྷ་སོ་སོ་འཇུག་པ་ཙམ་ལས་དེ་ཕྱིན་འདྲ། ཡང་ན་ལྷ་བཞི་སོ་སོའི་འཁྲིད་བརྒྱུད་བྱ་རྒྱུད་ཀྱི་སྐབས་སྨོས་པ་ལྟར་གྱི་གཉུག་ལ་པཎ་ཆེན་ནས། རྗེ་ཀུན་སྤངས་ཆེན་པོ། གྲོལ་མཆོག་མན་འདྲ། འདིར་ལོ་ཕྱོགས་ནས་བརྒྱུད་པའི་འཁྲིད་ཆེན་མོ་ལ་ཟུར་ཟའང་སྣང་ཡང་ཆེན་མོ་རང་ལེགས་པར་མངོན་མ་དག་པས་དག་པ་སུན་དབྱུང་བ་འདྲའོ། །༡༧ སྒྲུང་རྒྱུད་ལ་བརྟེན་ནས་ལས་དང་པོ་པ་ཡིད་སྒྱུར་བར་བྱེད་པའི་ཐབས་བླ་ན་མེད་པ་དཔེ་ཆོས་ཀྱི་བརྒྱུད་པ་ནི། ཐུབ་པ། འཇམ་དབྱངས། པོ་ཏོ་བ། བྲག་དཀར་བ། སློབ་དཔོན་འཕན་ཡུལ་བ། ལྕེ་སྒོམ་པ། སྨོན་ལམ་

མགོན་པོ། རྟ་ནག་པ་རིན་ཡེ། རྗེ་དཔལ་ལྡན་ཡེ་ཤེས་མན་བློ་སྦྱོང་དོན་བདུན་མ་སོར་བཞག་གོ ། ༡༨ ཉམས་ལེན་བྱིན་རླབས་ཀྱི་བརྒྱུད་པའི་ལག་རྗེས་མདོ་སྔགས་མ་ལུས་པ་བསྟན་ཐོག་གཅིག་ཏུ་ཧྲིལ་གྱིས་བསྒྲིལ་ནས་སྙིང་གི་ཐིག་ལེར་འཆང་རྒྱུ་ཐིག་ལེ་བཅུ་དྲུག་གི་བརྒྱུད་པ་ནི། ཐུབ་པ། སྒྲོལ་མ། ཇོ་བོ་ཡབ་སྲས། རྔོག་ལེགས་ཤེ །མངའ་རིས་པ་ཤེར་རྒྱན། ཕུ་ཆུང་བ། རིན་ཅེན་རྒྱལ་མཚན། དར་མ་རྒྱལ་མཚན། སྟབ་ཀ་བ་བྱང་བཟང་། སློབ་དཔོན་ནམ་རིན་པ། འབྲོམ་གཞོན་ནུ་བློ་གྲོས། ལྷོ་པ་ཀུན་མཁྱེན། གྲ་ཕུ་བ། སྒ་ལུང་པ་བྱང་དཔལ། བསོད་ནམས་འོད་ཟེར། བསོད་ནམས་རིན་ཅེན། ཆོས་གྲགས་པ། མཁན་ཆེན་རཏྣ། གཉུག་ལ་པཎ་ཆེན། ཨ་ཝ་དྷཱུ་ཏི་པ། རྗེ་གྲོལ་མཆོག་མན་འདྲ། ཡང་ན་ཆོས་གྲགས་པ་ནས། དཔལ་འབྱོར་བཟང་པོ། འབྲོམ་སེང་རྒྱན། ལོ་ཆེན་ཐུགས་རྗེ་དཔལ། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། ཐམས་ཅད་མཁྱེན་པ་དགེ་འདུན་རྒྱ་མཚོ། རྗེ་གྲོལ་མཆོག་མན་འདྲ། ༡༩ ཀུན་མཁྱེན་རོང་སྟོན་གྱིས་ཕ་དམ་པའི་རབ་གནས་མའི་འབུམ་དགའ་ལྡན་མ་གཟིགས་པའི་དུས་ལུང་བསྟན་བྱུང་བ་ལྟར་ལ་སྟོད་དིང་རི་གླ་འཁོར་དུ་དམ་པ་བློ་རྒྱམ་ལ་གསན་པའི་ཤེར་ཕྱིན་བཀའ་བབས་དྲུག་གི་བརྒྱུད་པ་ནི། ཐུབ་པ། བྱམས་པ། དམ་པ་སངས་རྒྱས། དམ་པ་ཀུན་དགའ། པ་ཚབ་ལོ་ཙཱ་བ། རྒྱལ་བ་ཏེན་ནེ། ཞིག་པོ་ཉི་སེང་། སྙེ་མདོ་བསོད་དཔལ། སྙེ་མདོ་ཀུན་འོད། རི་ཁྲོད་དབང་ཕྱུག །ཚུལ་ཁྲིམས་འཕགས། སངས་རྒྱས་དབོན། དིང་རི་བློ་རྒྱམ། རོང་སྟོན་ཤཱཀྱ་རྒྱལ་མཚན། འཇམ་དབྱངས་ཤེར་རྒྱམ། ར་སྟོན་ཡོན་ཏན་དཔལ་བཟང་མན་བློ་སྦྱོང་

དོན་གཡུང་དྲུང་བདུན་མ་བཞིན་ནོ། །༢༠ རོང་སྟོན་གྱིས་གྲ་སྨན་གཅིག་པ་ཤེར་བཟང་ལ་གསན་པའི་ཞི་བྱེད་ལམ་ལྔའི་བརྒྱུད་པ་ནི། ཐུབ་པ། འཇམ་དབྱངས་སྨྲ་སེང་། དམ་པ་ཡབ་སྲས། པ་ཚབ་ལོ་ཙཱ་བ། རྒྱལ་བ་ཏན་ནེ། ཞིག་པོ་ཉི་སེང་འཁྲུལ་ཞིག་དར་སེང་། སྙེ་མདོ་ཡབ་སྲས། དཔལ་ཆེན་ཀུན་ལྷུན། ཆོས་རྒྱལ་ཤེར་བཟང་། རོང་སྟོན་ཆོས་རྗེ། ཀུན་མཁྱེན་གུང་རུ། མཁྱེན་རབ་རྗེ། སྤྱང་ལུང་ཆོས་རྗེ། རྗེ་གྲོལ་མཆོག་མན་འདྲ། ༢༡ དབུ་མ་རང་རྒྱུད་པའི་མཚན་གཞིར་གྱུར་པའི་ལམ་སྲོལ་ཀ་མ་ཤཱི་ལའི་སྒོམ་རིམ་ཐོག་མཐའ་བར་གསུམ་འཁྲིད་དུ་བསྒྲིལ་བ་རོང་སྟོན་གསུང་གི་སྙིང་པོའི་བརྒྱུད་པ་ནི། ཐུབ་པ། འཇམ་དབྱངས། ཞི་བ་འཚོ། ཀ་མ་ཤཱི་ལ། རྒྱལ་ལེ་རྣམ་གཉིས། མཆོག་ཡེ་གྲུབ། སེ་བཙུན་དབང་གཞོན། འགར་ཚ་ཡོན་ཏན། ཁུ་སྟོན་བརྩོན་འགྲུས་གཡུང་དྲུང་། ར་ཁྲི་བཟང་འབར། ལོ་སྟོན་ཆོས་གྲགས། བྲང་ཏི་དར་སྙིང་། མཆིམས་བརྩེན་སང་། རྒྱང་རོ་དར་མགོན། མཆིམས་ཤོད་ལོ་ཙཱ་བ། མང་མཁར་ལོ་ཙཱ་བ། དཔང་ལོ། བྱང་ཆུབ་རྩེ་མོ། ཉ་དབོན། གཡག་སངས་རྒྱས་དཔལ། རོང་སྟོན་ཤེས་རབ་རྒྱ་མཚོ། ར་སྟོན་ཡོན་དཔལ། ཀུན་དགའ་མཆོག་གྲུབ། རྗེ་གྲོལ་མཆོག་མན་འདྲ། ༢༢ བྱམས་ཆོས་སྡེ་ལྔའི་འཁྲིད་བརྒྱུད་ནི། ཐུབ་པ། བྱམས་པ། ཐོགས་མེད། དབྱིག་གཉེན། བློ་བརྟན། རིག་པའི་ཁུ་བྱུག །དཾཥྚི་བཟང་པོ། དཱི་པཾ་ཀ་ར། གངྒཱ་དྷ་ར་པུཎྱ་ཤྲཱི། ཁ་ཆེ་དགོན་པ་བ། བྲམ་ཟེ་སཾ་གྷ་ཛྙཱ་ན། རྔོག་ལོ། བ་རེག་ལོ་ཙཱ་བ། བ་རེག་སྟོན་སྐྱབས། ཡོན་ཏན་དགའ་བ། བཀྲ་ཤིས་རྡོ་རྗེ། གདོང་ཁྲོད་འདུལ་འཛིན། ཉང་དཀོན་རྡོར། འཇམ་དབྱངས་དར། བག་སྟོན། ཚུལ་རྒྱན། དཔང་སྟོན་པ། གཡག་པ། རོང་སྟོན། དོན་

ཡོད་དཔལ། ར་སྟོན། ཀུན་དགའ་མཆོག་གྲུབ། རྗེ་གྲོལ་མཆོག་མན་འདྲ། ༢༣ འདིའི་ལོ་རྒྱུས་ལ་ཆོས་ཉིད་རྣམ་འབྱེད་དང་རྒྱུན་ཆད་པ་མེ་ཏྲི་པས་གསན་པའི་ལོ་རྒྱུས་དྲངས་པ་ལས་བརྒྱུད་པའི་སྐབས་དེ་དང་མི་མཐུན་པ་མཛད་འདུག་པས་དཔྱད་དགོས་སྣང་ངོ་། །པ་ཚབ་ལོ་ཙཱ་བས་ཟླ་བ་གྲགས་པར་དངོས་སུ་གསན་པའི་རང་སྟོང་གི་བརྒྱུད་པ་ནི། ཐུབ་དབང་། འཇམ་དབྱངས། ཀླུ་སྒྲུབ། ཟླ་གྲགས། པ་ཚབ་ལོ་ཙཱ་བ། ཞང་ཐང་སག་པ། དབང་ཕྱུག་གྲགས། ཤེས་རབ་རྡོ་རྗེ། སློབ་དཔོན་སྟོན་ཚུལ། སུ་ཁ་དེ། སློབ་དཔོན་ཇོ་བཙུན། དབུ་ར་བ། ཤེས་རབ་དཔལ། དར་མ་ཤེས་རབ། བག་སྟོན་ཤེར་རིན། བསོད་ནམས་སེང་གེ །བསམ་གཏན་བཟང་པོ། མགར་སྟོན་གཞོན་བསམ། དམར་སྟོན་གཞོན་རྒྱན། རོང་སྟོན། པཎ་ཆེན་ཤཱཀ་མཆོག །ཨ་མོ་གྷ། རྗེ་གྲོལ་མཆོག་མན་འགྲེའོ། །༢༤ འཁོར་ལོ་མཐའ་མའི་དགོངས་དོན་དབུས་དང་མཐའ་ཕྱེ་ཆོས་དང་ཆོས་ཉིད་ཕྱེ་བའི་རྗེས་སུ་འབྲངས་པར་འབྱེད་གཉིས། རྒྱུད་བླ་རྣམས་དཔེ་ཙམ་ཡང་དཀའ་བར་བྱུང་ཚུལ་བཙན་ཁ་བོ་ཆེའི་ཟིན་ཐོར་གསོལ་བ་བཞིན་རྒྱ་གར་དུའང་ཡོད་པར་གྲགས་པའི་གཞན་སྟོང་གི་བརྒྱུད་པ་ནི། ཐུབ་པ། བྱམས་པ། མཻ་ཏྲི་པ། པཎྜི་ཏ་དགའ་བ་གྲགས། སཛྫ་ན། རྔོག་ལོ། བཙན་ཁ་བོ་ཆེ། རྒྱ་དམར་བ། གྲོ་ལུང་པ། ཆ་པ། འདུལ་དཀར་བ། འབྲེ་སྒྱུར་པ། གདོང་ཁྲོད་པ། དར་འོད་པ། གྲུབ་སེང་། བག་སྟོན་པ། ཚུལ་རྒྱན་པ། དབང་སྟོན་པ། གཡག་པ། རོང་སྟོན། ཨ་མོ་གྷ། རྗེ་གྲོལ་མཆོག་མན་འགྲེ། གོང་དུ་མཻ་ཏྲེ་བར་བྱམས་པས་དངོས་སུ་གནང་བའི་ལོ་རྒྱུས་འདིར་འོས་པ་འདྲའོ། ༈ །༢༥ རྡོ་རྗེ་སེམས་དཔས་བོ་དོང་འཇིགས་གྲགས་ལ་གནང་

བ་བྱིན་པར་གྲགས་པ་དེ་ཉིད་འདུས་པའི་སྙིང་པོ་ཁོལ་དུ་ཕྱུང་བ་སྦས་དོན་ཀུན་གསལ་གྱི་བརྒྱུད་པ་ནི། རྡོ་རྗེ་སེམས་དཔའ། བོ་དོང་འཇིགས་གྲགས། རྗེ་བཙུན་གསང་བ་བྱིན། ཤངས་པ་བསོད་ནམས་མཆོག་གྱུར། ཟལ་མོ་བྲག་པ་གྲགས་ཡེ། རྗེ་གྲོལ་མཆོག་མན་འདྲ། ༢༦ གྲུབ་རྒྱལ་ཚེ་འཁྲིད་ཀྱི་བརྒྱུད་པ་ནི། སྣང་བ་མཐའ་ཡས། གྲུབ་པའི་རྒྱལ་མོ། ཏི་ཕུ་པ། རས་ཆུང་པ། མི་ལ། དགས་པོ་པ། ཕག་མོ་གྲུ་པ། འབྲི་ཁུང་པ། སྤྱན་སྔ་གྲགས་འབྱུང་། ཡང་དགོན་པ། སྤྱན་སྔ་རིགས་ལྡན། ཟུར་ཕུག་པ། འབའ་ར་བ། གཉན་རས་པ། སྐྱབས་ཆེ་བ། ཏྲེ་བོ་ཆོས་རྒྱམ། རྗེ་གྲོལ་མཆོག་མན་འདྲ། ཡང་ན་འབའ་ར་བ་ནས། སངས་རྒྱས་སེང་གེ །རིན་ཅེན་རྒྱལ་མཚན། ཕ་རྒོད་བསོད་བཟང་། རྡོ་རིང་རིན་པོ་ཆེ། གྲོལ་མཆོག་མན་འདྲ། ཡང་ན་འབའ་ར་བ་ནས། འཇམ་དབྱངས་རྗེ། རཏྣའི་མཚན་ཅན། བསོད་ནམས་བཟང་པོ་མན་འདྲ། ཡང་ན་འབའ་ར་བ་ནས། རྟོགས་ལྡན་བདེ་ལེགས་པ། འཁྲུལ་ཞིག་རྗེ། མཁྱེན་རབ་རྗེ། གྲོལ་མཆོག་གི་གསན་ཡིག་པར་མར་ཆད་འདུག །ཀུན་སྤངས་རྗེ་མན་འདྲ། ཡང་ན་འབའ་ར་བ་ནས། གཡག་པ། ལས་ཆེན་གཞོན་ནུ་སེང་གེ །དགའ་གདོང་ཆོས་རྒྱལ་དཔལ་བཟང་། པཎ་ཆེན་ཤཱཀ་མཆོག །སྤྱང་ལུང་གཞོན་ནུ་ཆོས་གྲུབ། གྲོལ་མཆོག་མན་འདྲ། འབའ་ར་བ་ཡན་ལྷ་གཅིག་བུམ་གཅིག་འདི་སྙན་བརྒྱུད་ཁོ་ནར་བཞུགས་གསུངས་པ་འཁྲིད་ལ་དགོངས་ན་མཁས་པ་རྣམས་བཞེད་པ་མཐུན་པར་སྣང་། ཚེ་དབང་ཙམ་ནི་རས་ཆུང་པ་ནས་གཉགས་ལ་སོགས་ལའང་བརྒྱུད་པས་ཏྲེ་བོའི་བཞེད་པ་སྒོག་ཕོར་ཁ་ཕུབ་ཐུགས་ལ་ཞེན་པའི་རྒྱལ་ཁམས་པདྨ་ཁ་མ་ཕྱེ་བ་

འདྲའོ། །༢༧ ཇོ་ལུགས་སྒྲོལ་དཀར་གྱི་བརྒྱུད་པ་ནི། ཚེ་སྦྱིན་སྒྲོལ་མ། པཎྜི་ཏ་ངག་དབང་གྲགས་པ། ཤྲཱདྡྷ་ཀ་ར། གསེར་གླིང་པ། ཇོ་འབྲོམ་གཉིས། སྤྱན་སྔ་བ། བྱ་ཡུལ་བ། འཆད་ཀ་བ། སྐྱེར་སྒང་པ། སངས་རྒྱས་སྒོམ་པ། མཆིམས་ནམ་མཁའ་གྲགས། རྒྱང་རོ་བྱང་འབུམ། མཆིམས་སྟོན། གྲོ་སྟོན། དཔང་སྟོན། སྤྱང་ལུང་པ། པཎ་ཆེན་ཤཱཀ་མཆོག །གཞོན་ནུ་ཆོས་གྲུབ། གྲོལ་མཆོག་མན་འདྲ། ཡང་ན་སྒྲོལ་དཀར། ཀརྨ་པ་རོལ་པའི་རྡོ་རྗེ། མཁའ་སྤྱོད་པ། དེ་བཞིན་གཤེགས་པ། རིན་ཅེན་བཟང་པོ། མཐོང་བ་དོན་ལྡན། འཇམ་དཔལ་བཟང་པོ། ཆོས་གྲགས་རྒྱ་མཚོ། ཏེའུ་ར་རིན་ཅེན་ཆོས་རྒྱལ། ཕྲ་རི་བ་རིན་ཅེན་རྒྱལ་མཆོག །གྲོལ་མཆོག་མན་འདྲ། ༢༨ མཁའ་འགྲོ་མ་དེ་ཝ་ཌཱཀིས་མི་ཏྲ་ཛོ་ཀི་ལ་གནང་བའི་ཚེ་འཛིན་དཀར་པོའི་བརྒྱུད་པ་ནི། དེ་ཝ་ཌཱཀི །མི་ཏྲ་པ། བུདྡྷ་ཤྲཱི། ཆག་ལོ་ཁུ་དབོན། གཞོན་ནུ་བྱང་ཆུབ། རྒྱལ་བ་ཉི་མ་རྒྱལ། བཟང་པོ་དཔལ། ཡེ་ཤེས་དཔལ། བློ་བཟང་དཔལ་འབྱོར། ཏེའུ་ར་པ་རིན་ཅེན་ཆོས་རྒྱལ། ཕྲ་རི་བ་རིན་ཅེན་རྒྱལ་མཆོག །རྗེ་གྲོལ་མཆོག་མན་འདྲ། ༢༩ ཐུགས་རྗེ་ཆེན་པོ་དཔལ་མོ་ལུགས་ཀྱི་དམར་འཁྲིད་ཇོ་བོས་ཡོལ་སྟོན་ལ་གནང་བའི་བརྒྱུད་པ་ནི། འདི་དང་འོག་མ་གསུམ་བསྡོམས་པར་ཐུགས་རྗེ་ཆེན་པོའི་དམར་ཁྲིད་རིགས་བཞི་ཟེར། སྤྱན་རས་གཟིགས། དགེ་སློང་མ་དཔལ་མོ། དཔལ་གྱི་བཟང་མོ། ཏིང་འཛིན་བཟང་མོ། ཇོ་བོ། ཡོལ་ཆོས་དབང་། རོག་སྟོན། རྩིས་སྟོན། ཇོ་སྲས་ཞང་སྟོན། གསལ་སྟོན་ཞིག་པོ། རྣལ་འབྱོར་སྐྱབས་སེ། སངས་རྒྱས་དབོན། འདུལ་འཛིན་རིན་བྱང་། བྱང་སེམས་བསོད་གྲགས། རྒྱལ་སྲས་ཐོགས་མེད་པ། རྒྱ་མ་བ་ཡོན་འོད། ལོ་ཙཱ་བ་

གྲགས་རྒྱན། བྱང་སེམས་དཀོན་རྒྱལ། ཀུན་དགའ་མཆོག་གྲུབ། གྲོལ་མཆོག་མན་སྤྱི་ལྟར་རོ། །༣༠ བྱང་སེམས་རྒྱལ་ལ་ཞང་སྐྱི་ཚ་འོད་ཆེན་གྱིས་ཞུས་པའི་བརྒྱུད་པ་ནི། སྤྱན་རས་གཟིགས། བྱང་སེམས་ཟླ་རྒྱལ། ཞང་སྐྱི་ཚ་འོད། ཞང་དབུ་དཀར་བ། ཞང་ལོ་མྱ་ངན་མེད་དཔལ། ཞང་རིན་འོད། ཞང་འབྲུག་སྒྲ་རྒྱལ་མཚན། སྣུར་ཆོས་འཕགས་རྒྱལ་མཚན། རྒྱལ་སྲས་ཐོགས་མེད་མན་དཔལ་མོ་ལུགས་དང་འདྲ། ༣༡ བདག་མེད་མ་ལ་གཉན་ཚེམ་བུ་པས་དངོས་སུ་གསན་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། ཚེམ་བུ་པ། སྤྱི་ལྷས་པ། བྲག་དམར་བ། ལྷ་བཙུན་དགོན་གསར་བ། ཞང་ཐུགས་རྗེ་བརྩོན་འགྲུས། ཤེས་རབ་འབུམ། རྒྱལ་སྲས་ཐོགས་མེད་པ་མན་དཔལ་མོ་ལུགས་དང་གཅིག །༣༢ སྐྱེར་སྒང་པས་ལྷ་སའི་ཀླུ་ཕུག་དཀར་ཆུང་དུ་ལྕེ་སྒོམ་ལ་ཞུས་པའི་བརྒྱུད་པ་ནི། སྤྱན་རས་གཟིགས། རཱ་ཧུ་ལ། ཨ་ཏི་ཤ །ནག་ཚོ། རོང་པ་ཕྱག་སོར་བ། མངའ་རིས་ཤེར་རྒྱལ། ལྕེ་སྒོམ་པ། སྐྱེར་སྒང་པ། གཉན་སྟོན་པ། སངས་རྒྱས་སྟོན་པ། ཤངས་སྟོན་པ། ཁྱུང་པོ་ཚུལ་མགོན། རས་ཆེན་ཤངས་དཀར་བ་རིན་རྒྱན། སངས་རྒྱས་དཔལ་བཟང་། ནམ་མཁའ་རྒྱལ་མཚན། རྒྱ་སྒོམ་ལེགས་རྒྱན། གྲོལ་མཆོག་མན་སྤྱི་ལྟར་རོ། ༈ །༣༣ རྒྱལ་སྲས་ཐོགས་མེད་པས་རཱ་བསྒྲེང་སོགས་སུ་བཞུགས་དུས་སློབ་དབོན་དྲིལ་བུ་པའི་བདེ་མཆོག་ལྷན་སྐྱེས་ཀྱི་གཞུང་ཆུང་དང་དགའ་རབ་རྡོ་རྗེའི་བདེ་དགྱེས་ལྷན་སྐྱེས་ཀྱི་རྒྱ་གཞུང་ལ་དམར་འཁྲིད་སོ་སོར་བཀྲལ་ནས་གསུངས་པའི་བདེ་མཆོག་གི་བརྒྱུད་པ་ནི། རྡོ་རྗེ་འཆང་། ཕག་མོ། དགའ་རབ་རྡོ་རྗེ། རྡོ་རྗེ་གདན་པ་གཉིས། བ་རི་ལོ་ཙཱ་བ། རྗེ་

བཙུན་གོང་མ་ལྔ། ཞང་སྟོན་ཁུ་དབོན། བླ་མ་དམ་པ། རྒྱལ་སྲས་ཐོགས་མེད་པ། བྱང་སེམས་རྭ་བསྒྲེང་། སྤྱང་ལུང་པ། རྗེ་ཤཱཀ་མཆོག །གཞོན་ནུ་ཆོས་གྲུབ། གྲོལ་མཆོག་མན་འདྲ། ༣༤ དགྱེས་རྡོར་གྱི་བརྒྱུད་པ་ནི། རྡོ་རྗེ་འཆང་། བདག་མེད་མ། དགའ་རབ་རྡོ་རྗེ་མན་བཤད་མ་ཐག་པ་དང་གཅིག །རྒྱལ་སྲས་པས་འདི་མཛད་པར་ཀུན་ཡིད་མགུ་ཞིང་དཔལ་ལྡན་བླ་མ་དམ་པས་ལེགས་སོ་གནང་བར་གྲགས་ཀྱང་དོན་དུ་རྒྱལ་སྲས་པ་གསང་སྔགས་གཏན་མི་གསུང་ཚུལ་འདུག་པ་ནི་འཁྲིད་འདི་གྲུལ་མི་བཏུབ་པར་འབད་པས་བསྒྲུབས་པ་འདྲ་ཞིག་སྣང་ངོ་། ༈ །༣༥ བླ་མ་དམར་ནས་བརྒྱུད་པའི་འཁོར་ཆེན་རྫོགས་རིམ་གྱི་བརྒྱུད་པ་ནི། རྡོ་རྗེ་འཆང་། སེང་གདོང་མ། ས་བ་རི་བ། ཛ་ཝ་རི་པ། དེ་ཝ་པུརྞ། ལོ་ཙཱ་བ་མགར་ཆོས་བཟང་། གཤེན་སྟོན་རིན་ཅེན་དངོས་གྲུབ། དམར་ཆོས་ཀྱི་རྒྱལ་མཚན། དམར་ཤེས་རབ་རྡོ་རྗེ། དམར་ཐུབ་པ་ཤེས་རབ། དམར་བརྩོན་འགྲུས་སེང་གེ །དམར་ཆོས་ཀྱི་རྒྱལ་པོ། ཆ་གན་པ། འཛིམས་ཆེན་པ། མ་ཏི་པཎ་ཆེན། ས་བཟང་འཕགས་པ། ངོར་ཆེན། བྲག་དཀར་བསོད་རིན། བྲག་དཀར་བསོད་རྒྱན། སྤོས་ཁང་མཁན་ཆེན་བཀྲ་ཤིས་རྣམ་རྒྱལ། གྲོལ་མཆོག་མན་འདྲ། ༣༦ རས་ཆུང་ལུགས་ཀྱི་གཏུམ་མོའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ལས་ཀྱི་རྡོ་རྗེ། ཤིང་ལོ་པ། ཐང་ལོ་པ། ཀརྞ་རི་པ། བ་ལ་ཙནྡྲ། རས་ཆུང་པ། སུམ་པ་རིན་རྒྱན། གླིང་རས་པ་རྫོང་རི་བ། རི་བོ་སྒང་པ། དབུས་རི་བ། གསང་བདག་གྲུབ་ཆེན་པ། སྤྲུལ་སྐུ་ཇོ་གདན་པ། གངས་ཁྲོད་པ། མཁན་ཆེན་བྱང་སེང་བ། བཟང་ལྡན་སངས་རྒྱས་དཔལ་བཟང་། གཞོན་ནུ་གྲུབ། གནས་གསར་སྟོད་ལེགས་པ་ལྷུན་གྲུབ་རྡོ་རྗེ། མང་མཁར་

རབ་གསལ་ཟླ་མགོན། རྗེ་གྲོལ་མཆོག་མན་འདྲ། ༣༧ ཆག་ལོ་ལུགས་ཀྱི་ཕག་སེར་ཀུརྨ་པཱ་དའི་བརྒྱུད་པ་ནི། རྡོ་རྗེ་ཕག་མོ། ཤ་ཝ་རི་པ། མཻ་ཏྲི་པ། ན་ཡ་ཀ་པ། ད་ཤ་བ་ལ་ཤྲཱི། བིཀྵ་ཏ་དེ་བ། པཎ་ཆེན་ཤཱཀྱ་ཤྲཱི། དཱ་ན་ཤྲཱི་ལ། ཆག་ལོ་ཆོས་རྗེ་དཔལ། བླ་བྲང་པ་གཞོན་རྒྱན། ཤེས་རབ་དཔལ། གྲུབ་ཐོབ་ལེགས་འོད། དཔལ་ཆེན་བཟང་པོ། ཡེ་ཤེས་དཔལ་བཟང་། བློ་བཟང་དཔལ་འབྱོར། ཏེའུ་ར་པ་རིན་ཅེན་ཆོས་རྒྱལ། རྗེ་རྡོ་རིང་པ་ཆེན་པོ། རྗེ་གྲོལ་མཆོག་མན་འདྲ། ༣༨ ཀུ་རུ་ཀུ་ལླེའི་གསང་འཁྲིད་ཀྱི་བརྒྱུད་པ་ནི། བདག་མེད་མ། བི་རཱུ་པ། ནག་པོ་པ། སི་ལ་པ། ཤཱི་ལ་ཙནྡྲ། དཱ་ན་ཤཱི་ལ། ས་པཎ། འཕགས་པ། ཞང་ཁུ་དབོན། བླ་མ་དམ་པ། དཔལ་ཚུལ་བ། ཤར་ཆེན། ངོར་ཆེན། རྒྱུ་འགུལ་པཎ་ཆེན། གློ་བོ་མཁན་ཆེན། ལེགས་འབྱུང་། རྗེ་གྲོལ་མཆོག་མན་འདྲ། ༣༩ འདི་ལ་ཀྱེ་རྡོར་གྱི་གཏུམ་མོ་འཁོར་ལོ་བཞི་སྦྱར་བའི་ཟོབ་སྟོང་ལ་ཁ་པོ་འདོན་པའི་མི་ཡང་འདུག་གསུང་པ་ས་ལུགས་ནང་ལ་འཛུགས་པ་ཞིག་ཡིན་འདྲ་ནའང་སུ་ཡིན་ཁུངས་མ་ཆོད། ༤༠ སྦྱོར་དྲུག་གི་བརྒྱུད་པ་ནི། དང་པོའི་སངས་རྒྱས། ཆོས་ལོངས་སྤྲུལ་གསུམ། ཆོས་རྒྱལ་སོ་ལྔ། དུས་ཞབས་པ་གཉིས། ཟླ་བ་མགོན་པོ། སྒོམ་པ་དཀོན་ཅོག་སྲུང་། སྒྲོ་སྟོན་པ། ཡུ་མ་རྗེ། དྷརྨེ་ཤྭ་ར། ཇོ་འབུམ། ནམ་མཁའ་འོད། སེ་མོ་ཆེ་པ། འཇམ་གསར་བ། ཆོས་སྐུ་འོད་ཟེར། ཐུགས་རྗེ་བརྩོན་འགྲུས། རྒྱལ་བ་ཡེ་ཤེས། ཡོན་ཏན་རྒྱ་མཚོ། དོལ་བུ་པ། ཕྱོགས་རྒྱལ་བ། ཉ་དབོན་པ། གྲུབ་ཆེན་ཀུན་བློ། འཇམ་དབྱངས་དཀོན་བཟང་། ནམ་མཁའ་ཆོས་སྐྱོང་། ནམ་མཁའ་དཔལ་བཟང་། ལོ་ཆེན་རཏྣ་བྷ་དྲ། རྗེ་གྲོལ་

མཆོག་མན་འདྲ། ཡང་ན་ཐུགས་རྗེ་བརྩོན་འགྲུས་ནས། སྲོན་པ་ཀུན་དགའ་རྒྱལ་པོ། སྲོན་པ་ཆོས་དཔལ་བཟང་པོ། བླ་མ་དམ་པ། གྲུབ་ཆེན་བསོད་སེང་། སྤྱང་ལུང་པ་གཞོན་ནུ་བློ་གྲོས། ཤཱཀ་མཆོག་པ། སྤྱང་ལུང་ཆོས་གྲུབ། གྲོལ་མཆོག་མན་འདྲ། མན་ལུང་གུ་རུའི་དུས་འཁོར་སྙན་བརྒྱུད་ཀྱི་བརྒྱུད་པ་ནི། དང་པོའི་སངས་རྒྱས། ཆོས་རྒྱལ་རིགས་ལྡན། རིགས་གསུམ་མགོན་པོ། མན་ལུང་གུ་རུ། ཡར་ཀླུངས་པ་གྲགས་རྒྱན། སྙེ་མདོ་ཀུན་དོན། དཀའ་བཅུ་པ་གཞོན་སེང་། ཧཱུྃ་ཆེན་ནམ་མཁའི་རྣལ་འབྱོར། ཧཱུྃ་རྒྱལ་ལྷུན་གྲུབ་རིན་ཅེན། རི་སྒོམ་སྦས་པའི་རྣལ་འབྱོར། འཆི་མེད་གྲུབ་པ། འགྲོ་མགོན་ཆོས་རྒྱལ་དཔལ་བཟང་། མཁས་པ་རིན་ཅེན་ཆོས་དབང་། ལོ་ཆེན་རཏྣ་བྷ་དྲ། རྗེ་གྲོལ་མཆོག་མན་འདྲ། འདི་ལ་རྫོགས་ཆེན་དང་བསྲེས་པའི་དབྱེ་འབྱེད་དཀའ་བ་རྗེས་སུ་ལོ་ཆེན་གྱི་སློབ་མ་ཞིག་ལས་སྒྲོ་འདོགས་ཆོད་ཚུལ་སྣང་ངོ་། ༈ །༤༡ ཨོ་རྒྱན་བསྙེན་སྒྲུབ་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། ཨོ་རྒྱན་པ་རིན་དཔལ། བསོད་ནམས་འོད་ཟེར། སྐྱེས་མཆོག་འབའ་ར་བ། ནམ་མཁའ་སེང་གེ །འཁྲུལ་ཞིག་ཆོས་རྒྱལ། མོན་རྫོང་པ་ཟླ་བ་རྒྱལ་མཚན། མཁྱེན་རབ་རྗེ། སྤྱང་ལུང་པ། རྗེ་གྲོལ་མཆོག་མན་འདྲ། ༤༢ ལམ་འབྲས་ཀྱི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ། ནག་པོ་པ། ཌཱ་མ་རུ་པ། ཨ་ཝ་དྷཱུ་ཏི་པ། གྷོ་ཡ་དྷ་ར། འདོག་མི། སེ། ཞང་། གོང་མ་ལྔ། ཞང་སྟོན། ཁུ་དབོན། བླ་མ་དམ་པ། དཔལ་ཚུལ་བ། བུདྡྷ་ཤྲཱི། ངོར་ཆེན། དཔལ་ལྡན་རྡོ་རྗེ། ཀུན་དགའ་མཆོག་གྲུབ། རྗེ་གྲོལ་མཆོག་མན་འདྲ། ཡང་ན་ངོར་ཆེན་ནས། ཀུན་དགའ་དབང་ཕྱུག །གློ་བོ་ལེགས་འབྱུང་། གྲོལ་མཆོག་མན་འདྲ། ཡང་ན་ངོར་ཆེན་ནས། མུས་

ཆེན། གོ་རམ་པ། དཀོན་ཅོག་འཕེལ། སངས་རིན། གསུམ་ག་ལ་ལྷ་མཆོག་སེང་གེ །དེ་ནས་གྲོལ་མཆོག་མན་འདྲ། ཡང་ན་ངོར་ཆེན་ནས། པཎ་ཆེན་ཤཱཀ་མཆོག །སྤྱང་ལུང་གཞོན་ནུ་ཆོས་གྲུབ། གྲོལ་མཆོག་མན་འདྲ། ༤༣ བསམ་མི་ཁྱབ་ཀྱི་བརྒྱུད་པ་ནི། རྡོ་རྗེ་འཆང་། ཌཱ་ཀཱི་མ། རྟ་མཆོག་དཔལ། བི་ན་པ་དི། ཨིནྡྲ་བྷཱུ་ཏི། ལེགས་སྨིན་ཀ་ར། གུནྡྷ་རི་པ། པདྨ་བཛྲ། ཆོས་ཀྱི་བཟང་པོ། ཏོག་ཙེ་པ། བྷུ་ཥ་ཎ་པ། དྷརྨ་པ། ཀརྞ་པ། དཔའ་བོ་རྡོ་རྗེ། འབྲོག་མིན་ལམ་འབྲས་བརྒྱུད་པ་དང་པོ་ལྟར་རོ། །དེང་སང་ས་སྐྱ་པ་ཡོངས་གྲགས་ལ་ཕྱིས་སུ་ལམ་སྐོར་ཕལ་ཆེར་གྱི་ཉམས་འཁྲིད་རྒྱུན་ཆད་པར་བཞེད་པས་ཐེ་ཚོམ་གྱི་གཞིར་སྣང་། ཁུངས་བཙུན་པ་ཞིག་ཡིན་ན། གློ་བོ་མཁན་ཆེན། ལྷ་མཆོག་སེང་གེ །སྤྱང་ལུང་པ་གསུམ་ལའང་ལམ་སྐོར། ཚང་མའི་འཁྲིད་གསན་པ་འདྲ་ཞིག་གྲོལ་མཆོག་གི་གསན་ཡིག་ཏུ་འདུག་པས་དེ་ནས་གསབས་ཆོག་པར་སྣང་ཡང་དགོས་པ་ཆེ་བར་མ་མཐོང་བས་མ་བྲིས་སོ། །༤༤ མཚོ་སྐྱེས་ཀྱི་བརྒྱུད་པ་ནི། རྡོ་རྗེ་འཆང་། ཙིནྟོ་བི་ལ་སྱ་བཛྲ། ཡན་ལག་མེད་པའི་རྡོ་རྗེ། མཚོ་སྐྱེས་རྡོ་རྗེ། ཨིནྡྲ་བྷཱུ་ཏི། ལེགས་སྨིན་ཀ་ར། ཀཧྞ་པ། བྲམ་ཟེ་དཔལ་འཛིན། གྷ་ཡ་དྷ་ར། འབྲོག་མི་མན་ལམ་འབྲས་སོར་བཞག་གོ ། ༤༥ ལྷན་ཅིག་སྐྱེས་གྲུབ་ཀྱི་བརྒྱུད་པ་ནི། རྡོ་རྗེ་འཆང་། བདག་མེད་མ། ཌོམྦྷི་པ། ཨ་ལ་ལ་བཛྲ། ནགས་ཁྲོད་པ། གརྦྷ་རི་པ། བསོད་སྙོམས་པ། མི་ཐུབ་ཟླ་བ། དཔའ་བོ་རྡོ་རྗེ། འབྲོག་མི་མན་ལམ་འབྲས་དང་འདྲ། ༤༦ གཏུམ་མོ་ལམ་རྫོགས་ཀྱི་བརྒྱུད་པ་ནི། རྡོ་རྗེ་འཆང་། རྣལ་འབྱོར་མ། དྲིལ་བུ་པ། རུས་སྦལ་ཞབས། ཛ་ལནྡྷ་ར། ནག་པོ་སྤྱོད་པ། བྲམ་ཟེ་དཔལ་འཛིན། གྷ་ཡ་དྷ་ར།

འབྲོག་མི་མན་ལམ་འབྲས་ལྟར་རོ། །༤༧ ཡོན་པོ་སྲོང་བའི་བརྒྱུད་པ་ནི། རྡོ་རྗེ་འཆང་། ལྷ་དབང་ཕྱུག་ཆེན་པོ། ནག་པོ་ཨུ་ཙི་ཌ། ནག་པོ་སྤྱོད་པ། བྲམ་ཟེ་དཔལ་འཛིན། གྷ་ཡ་དྷ་ར་མན་ལམ་འབྲས་དང་འདྲ། ༤༨ སེམས་ཐག་བཅད་པའི་བརྒྱུད་པ་ནི། རྡོ་རྗེ་འཆང་། ཀླུ་སྒྲུབ། འཕགས་པ་ལྷ། ཟླ་གྲགས། བྲམ་ཟེ་དཔལ་འཛིན། དཔའ་བོ་རྡོ་རྗེ། འབྲོག་མི་མན་ལམ་འབྲས་ལྟར་རོ། ༈ །༤༩ ཕྱག་རྒྱ་ལམ་འཁྲིད་ཀྱི་བརྒྱུད་པ་ནི། རྡོ་རྗེ་འཆང་། ཨིནྡྲ་བྷཱུ་ཏི་ཆེ་བ། ཚངས་པའི་ཞབས། བྲམ་ཟེ་གྲུབ་པའི་རྡོ་རྗེ། ཨིནྡྲ་བྷཱུ་ཏི་བར་པ། དབུ་མ་པའི་ཞབས། གོས་བྲལ་ཞབས། རྒྱལ་པོ་ཛྙཱ་ན་བྷཱུ་ཏི། ཤྲཱི་ཡོ་གེ་བྷུ་ཏི། པདྨ་བཛྲ། ཌོམྦྷི་ཧེ་རུ་ཀ །ཡན་ལག་མེད་པ་བར་མའི་ཞབས། ལྷ་མོ་བུང་བའི་པདྨ། ལྕམ་ལཀྵྨཱི་ཀ་ར། ཨིནྡྲ་བྷཱུ་ཏི་ཆུང་བ། ཁ་ཆེ་རིན་ཅེན་རྡོ་རྗེ། པཎ་ཆེན་ཤེས་རབ་གསང་བ། འབྲོག་མི་མན་ལམ་འབྲས་དང་གཅིག །༥༠ ཡི་གེ་མེད་པའི་བརྒྱུད་པ་ནི། རྗེ་བཙུན་སྒྲོལ་མ། པཎྜི་ཏ་ངག་དབང་གྲགས་པ། དེ་ཝ་ཨ་ཀ་ར། ཨ་མོ་གྷ་བཛྲ། འབྲོག་མི་མན་འདྲ། ༥༡ མདོ་རྒྱུད་བསྲེ་བའི་བརྒྱུད་པ་ནི། འཇམ་དབྱངས། ཤནྟི་པ། འབྲོག་མི། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ། ཡབ་སྲས་གསུམ། ས་པཎ། ལུང་བུ་བ། གཞོན་ནུ་གྲུབ། བྱང་ཆུབ་ཡེ་ཤེས། བླ་མ་དམ་པ་མན་ལམ་འབྲས་ལྟར་རོ། །༥༢ བར་ཆད་གསུམ་སེལ་ལས་ཕྱི་གདོན་བགེགས་ཀྱི་བར་ཆད་སེལ་བའི་བརྒྱུད་པ་ནི། གསང་བའི་བདག་པོ། ཤེར་འབྱུང་བློ་གྲོས། འབྲོག་མི། སེ་རོག་གཉིས། གཉོས་ཡེར། སྒོམ་སེང་། གྲུབ་ཐོབ་ལྷ་འབར། ཁ་རག་སྒོམ་པ། ལུང་ཕུ་བ་མན་མདོ་རྒྱུད་བསྲེ་བ་དང་འདྲ། ༥༣ ནང་འབྱུང་བ་ལུས་འཁྲུགས་ཀྱི་བར་ཆད་སེལ་བའི་བརྒྱུད་པ་ནི། གསང་བདག རིན་ཅེན་རྡོ་རྗེ། འབྲོག་མི་

མན་གོང་ལྟར་རོ། །༥༤ གསང་བ་ཏིང་ངེ་འཛིན་སེམས་ཀྱི་བར་ཆད་སེལ་བའི་བརྒྱུད་པ་ནི། གསང་བདག་ཛྙཱ་ན་ཤྲཱི། བླ་ཆེན་འབྲོག་མི་མན་འདྲ། ༥༥ སྡུག་བསྔལ་གསུམ་སེལ་གྱི་བརྒྱུད་པ་ནི། སྤྱན་རས་གཟིགས། ནཱ་རོ་པ། འབྲོག་མི། མངའ་རིས་པ་གསལ་བའི་སྙིང་པོ་མན་མདོ་རྒྱུད་བསྲེ་བ་དང་གཅིག །༥༦ གཉུག་མ་དྲན་གསལ་གྱི་བརྒྱུད་པ་ནི། སྒྲོལ་མ། ངག་དབང་གྲགས་པ། འབྲོག་མི། དཀོན་ཅོག་རྒྱལ་པོ། བླ་མ་ཤངས་པ། ས་ཆེན་མན་མདོ་རྒྱུད་བསྲེ་བ་ལྟར་རོ། །༥༧ དག་པ་གསུམ་ཞབས་ཀྱི་བརྒྱུད་པ་ནི། རྡོ་རྗེ་འཆང་ནས་གོང་མ་ལྔ་ཡན་ལྷན་ཅིག་སྐྱེས་གྲུབ་ལྟར་ལ། དེ་ནས་དགའ་ལྡན་པ་ཀུན་བསོད། བྲག་ཕུག་པ། བློ་གྲོས་བརྟན་པ། དཔལ་ཚུལ་བ། ཤར་ཆེན། ངོར་ཆེན། རྒྱུ་འགུལ་པཎ་ཆེན། གློ་བོ་ལེགས་འབྱུང་། གྲོལ་མཆོག་མན་འདྲ། ༥༨ རང་བྱིན་བརླབ་ཀྱི་བརྒྱུད་པ་ནི། ས་པཎ་ཡན་དག་པ་གསུམ་ཞབས་ལྟར་ལ། ཚོགས་སྒོམ་པ། གཉགས་སྙིང་པོ་རྒྱལ་མཚན། རྒྱལ་འབུམ་པ། བླ་མ་དམ་པ། དབལ་ཚུལ་བ། བུདྡྷ་ཤྲཱི །ངོར་ཆེན། དཔལ་ལྡན་རྡོ་རྗེ། དཔལ་ལྡན་ཚུལ་ཁྲིམས། གྲོལ་མཆོག་མན་འདྲ། ༥༩ ལམ་སྦས་བཤད་ཀྱི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ། ས་ཆེན་མན་ལམ་འབྲས་སོར་བཞག་གོ ། ༈ ༦༠ བརྡ་དོན་གསལ་བའི་བརྒྱུད་པ་ནི། རྡོ་རྗེ་འཆང་། བིཪྺ་པ། ས་ཆེན། གྲགས་པ། ས་པཎ། ལུང་བུ་བ་མན་མདོ་རྒྱུད་བསྲེ་བ་དང་འདྲ། ༦༡ འགོས་ཀྱི་ཤོག་དྲིལ་གསུམ་པོ་དབང་དུ་བཞག་པའི་གསང་འདུས་རིམ་ལྔའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཨིནྡྲ་བྷཱུ་ཏི། ཀླུའི་རྣལ་འབྱོར་མ། བི་སུ་ཀལྤ། ས་ར་ཧ་པ། ཀླུ་སྒྲུབ། འཕགས་པ་ལྷ། ཤཱཀྱ་བཤེས་གཉེན། ཀླུ་བྱང་། ཟླ་གྲགས། སློབ་པའི་རྡོ་རྗེ། སྤྱོད་པའི་རྡོ་རྗེ། ས་འདྲེས་པ། བརྩོན་འགྲུས་བཟང་པོ། འགོས་ཁུག་པ་ལྷས་བཙས། མང་ར་བ་སེང་རྒྱན། རྡོག་ཡེ་སེ་བ། རྡོག་ཉི་སེང་། རྡོག་ཉི་ལམ། རྡོག་འཕགས་ལྷ། འཕགས་པ་སྐྱབས་གཞོན་

ནུ་འོད། ཆོས་སྐུ་འོད་ཟེར། འཕགས་འོད། བུ་སྟོན། ཁྱུང་ལྷས་པ། ཤར་ཆེན། ངོར་ཆེན། ཤཱཀ་མཆོག །མང་མཁར་རབ་གསལ་ཟླ་བ། རྗེ་གྲོལ་མཆོག་མན་འདྲ། ༦༢ འཇམ་རྡོར་གྱི་གྲོལ་བའི་ཐིག་ལེའི་བརྒྱུད་པ་ནི། འཇམ་དབྱངས། སངས་རྒྱས་ཡེ་ཤེས་ཞབས། མར་མེ་མཛད། དཔལ་བདེ་བ། དྲི་མེད་སྦས་པ། རིན་ཅེན་རྡོ་རྗེ། རིན་ཅེན་གྲགས་པ། བནྡེ་པ། གཉན་ལོ། ཁའུ་པ། གོང་མ་ལྔ། དམ་པ་ཀུན་དགའ་གྲགས། དགའ་ལྡན་པ་ཀུན་བསོད། དགའ་ལྡན་པ་བཀྲ་ཤིས་དཔལ། ཁམས་པ་རྡོ་རྗེ་དཔལ། བླ་མ་གྲགས་ཆེན་པ། གངས་ཁྲོད་པ། མ་ཏི་པཎ་ཆེན། ས་བཟང་འཕགས་པ། ངོར་ཆེན། རྒྱལ་ཚབ་པ། རྒྱུ་འགུལ་བ། བྲག་དམར་བ། རབ་གསལ་ཟླ་བ། རྗེ་གྲོལ་མཆོག་མན་འདྲ། ༦༣ གཤེད་དམར་སྤྲོས་མེད་ཀྱི་བརྒྱུད་པ་ནི། གཤིན་རྗེ་གཤེད། བིཪྺ་པ། ཌོམྦྷི་པ། བྲམ་ཟེ་དཔལ་འཛིན། བློ་བཟང་སྙིང་པོ། དཪྤན་ཨཱ་ཙཪྻ། གློ་བོ་ལོ་ཙཱ་བ་ཡབ་སྲས་གཉིས། ལོ་མཆོག་པ། གློ་ཆེན་པ། བག་སྟོན་པ། ཚུལ་རྒྱལ་བ། གྲུབ་པ་ཤེས་རབ། ཤེས་རབ་རྒྱ་མཚོ། ར་སྟོན་པ། ཀུན་དགའ་མཆོག་ལྡན། གྲོལ་མཆོག་མན་འདྲ། ཉང་སྟོད་ཨཱཪྻས་ཛོ་ཀི་ཀརྞ་རི་ཟེར་བའི་རྫུན་མ་ཞིག་ལ་ཞུས་འདུག་པས་འབྲེལ་ཆུག་དགོས་ཞེས་གསུང་ཡང་། བརྒྱུད་པ་འདི་ལའང་ཐམས་ཅད་མཁྱེན་པ་བུ་སྟོན་དང་ཤར་ཆེན་སོགས་ཕྱོགས་འདི་ལ་ཚད་ཐུབ་རྣམས་ནི་མི་སྣང་ངོ་། ༈ །ཡང་ན་གློ་བོ་ཡབ་སྲས་ནས། བློ་གྲོས་དཔལ། མཆོག་ལྡན་པ། དཔལ་ལྡན་སེང་གེ །བུ་སྟོན། བླ་མ་དམ་པ། ཇོ་ནང་ཕྱོགས་རྒྱལ་བ། ཤར་ཆེན། ངོར་ཆེན། ཤེར་རྒྱམ་པ། རྭ་སྟོན་པ། གློ་བོ་མཁན་ཆེན། གྲོལ་མཆོག་མན་འདྲ། ཡང་ན་ངོར་ཆེན། མུས་ཆེན། གོ་རམ་པ། དཀོན་ཅོག་འཕེལ། ལྷ་མཆོག་སེང་གེ །གྲོལ་མཆོག་

མན་འདྲ། བརྒྱུད་པ་ཕྱི་མ་འདི་གཉིས་ཁུངས་བཙུན་པར་མངོན། ༦༤ གཤེད་དམར་རྣལ་འབྱོར་བཞི་རིམ་གྱི་བརྒྱུད་པ་ནི། གཤིན་རྗེ་གཤེད། ཌོམྦྷི་པ་མན་སྤྲོས་མེད་ཀྱི་བརྒྱུད་པ་དང་པོ་ལྟར་རོ། །༦༥ སྐྱོའི་རྭ་རྩེ་སེམས་འཛིན་གྱི་བརྒྱུད་པ་ནི། རྡོ་རྗེ་འཇིགས་བྱེད། ཡེ་ཤེས་མཁའ་འགྲོ། ལ་ལཱི་ཏ། འཇམ་དཔལ་བཤེས་གཉེན། དོན་ཡོད་རྡོ་རྗེ་ཆེ་ཆུང་། སྐྱོ་འོད་འབྱུང་། སྐྱོ་གཅེན་འཛོམ་མེ། གཅུང་པད་དེ་སྐྱོ་ཁམས་པ། སྐྱོ་རིན་ཅེན་བརྟན། སྐྱོ་འོད་སྲུངས། གཉན་སྟོན་ཆོས་རྒྱལ། འཛིམས་པ་རིན་ཤེ །ཐུགས་རྗེ་རིན་ཅེན། གདུང་བརྒྱུད་རིན་རྒྱན། ཆ་གན་པ། གྲགས་ཆེན་པ། གངས་ཁྲོད་པ། མ་ཏི་པཎ་ཆེན། ས་བཟང་པ། ངོར་ཆེན། རྒྱུ་འགུལ་བ། གློ་བོ་ལེགས་འབྱུང་། རྗེ་གྲོལ་མཆོག་མན་འདྲ། ༦༦ རི་བོ་དགའ་ལྡན་པ་རྣམས་དཔལ་འཛིན་གྱི་རྣལ་འབྱོར་བཞི་རིམ་ལ་ཤནྟི་པའི་ཚོགས་འཁོར་གྱི་རྣལ་འབྱོར་གུང་བསྒྲིགས་གསང་འདུས་ཀྱི་རྒྱབ་ཤ་ཅན་ཞིག་མཛད་གསུང་བ་མ་མཛད་པའི་མཛད་ཁག་མ་ཡིན་པའི་དོན་ལ་མཛད་ཀྱང་དེ་ཙམ་ལ་ཉེས་པ་མི་འཇུག་སྟེ། དྲུག་ཅུ་པ་གཤེད་དམར་ནས་བཤད་པ་འཇིགས་བྱེད་ལ་བཀབ་སྟེ་འཇིགས་བྱེད་དྲུག་ཅུ་པ་ཞེས་སྔགས་གསར་པ་རྣམས་ཕྱག་ལེན་དུ་མཛད་པ་ལྟ་བུའོ། །བདེ་མཆོག་ཡབ་ཀྱི་རྩ་དབུ་མའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཤ་བ་རི། ལཱུ་྄ཧི་པ། དྷ་རི་ཀ་པ། ཨནྡར་པ། ཏཻ་ལོ་པ། ནཱ་རོ་པ། ཕམ་ཐིང་པ། མལ་ལོ། གོང་མ་ལྔ། ཞང་སྟོན་ཁུ་དབོན། ཆོས་རྗེ་བླ་མ། དཔལ་ཚུལ་བ། ཤར་ཆེན། ངོར་ཆེན་མན་རྭ་རྩེ་སེམས་འཛིན་ལྟར་རོ། །༦༧ ཡུམ་གྱི་དབུ་མའི་བརྒྱུད་པ་ནི། རྡོ་རྗེ་འཆང་། ཕག་མོ། ནཱ་རོ་པ། ཕམ་ཐིང་པ་མཆེད། ཀློག་སྐྱ། མལ་ལོ། ས་ཆེན་མན་

ཡབ་ཀྱི་དབུ་མ་བཞིན་ནོ། །༦༨ ཚོགས་སྒོམ་པས་ས་པཎ་ལ་གསན་ནས་བསྐྱངས་པས་རྒྱུ་བ་ངེས་པ་དང་རྣམ་པ་གསལ་བའི་ཏིང་ངེ་འཛིན་བརྙེས་པའི་མྱོང་འཁྲིད་གཙིགས་ཅན་ལྷད་མེད་ཀྱི་དྲིལ་བུ་རིམ་ལྔའི་བརྒྱུད་པ་ནི། རྡོ་རྗེ་འཆང་། ཕག་མོ། དྲིལ་བུ་པ། རུས་སྦལ་ཞབས། འབར་བ་འཛིན། སྤྱོད་པའི་རྡོ་རྗེ། གུ་ཧྱ་པ། རྣམ་རྒྱལ་ཞབས། ཏཻ་ལོ། ནཱ་རོ། ཕམ་ཐིང་པ། མལ་ལོ་ཡབ་སྲས་གསུམ། ས་པཎ། བོ་དོང་བརྩོན་རྡོར། ཁྲོ་ཕུ་པ། ཡང་རྩེ་རིན་སེང་། གཉན་མཁར་བ་བཀྲ་ཤིས་བཟང་པོ། ཁྱུང་ལྷས་པ། ཤར་ཆེན་མན་བདེ་མཆོག་ཡབ་ཀྱི་དབུ་མ་དང་འདྲ། ཡང་ན་ཕག་མོ། ཀོང་ཀ་བྱིན། ཨ་བྷ་ཡ། ལེགས་སྤྱོད། རཏྣ་རཀྵི་ཏ། ཆག་ལོ། གོ་ལུང་པ། ཤོང་རྡོར་རྒྱན། ལོ་མཆོག་པ། དཔང་ལོ། མ་ཏི། ས་བཟང་འཕགས་པ། ངོར་ཆེན། གུ་གེ་པཎ་ཆེན། ར་སྟོན་པ། དཔལ་ཚུལ་བ། གྲོལ་མཆོག་མན་འདྲ། ༦༩ མལ་ལོ། པུ་རང་ལོ་ཆུང་། མར་དོ་གསུམ་ག་ལ་བཀའ་བབས་པའི་བདེ་མཆོག་ནག་པོ་རིམ་བཞི་མལ་ལོ་ལུགས་ཀྱི་བརྒྱུད་པ་ནི། ས་པཎ་ཡན་དྲིལ་བུ་རིམ་ལྔ་ལྟར་ལ། དེ་ནས་འཕགས་པ། ཞང་སྟོན་ཁུ་དབོན། རི་ཁྲོད་པ་བློ་བརྟན། དཔལ་ཚུལ་པ། ཤར་ཆེན་མན་ཡང་དྲིལ་བུ་པའི་བརྒྱུད་པ་དང་པོ་བཞིན་ནོ། ༈ །འདི་གཉན་ཆ་ཆེ་བ་ནི་ཅོག་རོས་མར་དོ་ལ་ཞུས་དུས་བྱུང་བ་ཡིན་འདུག །མལ་ཕྱོགས་ལ་འཕྲོས་མི་སྣང་ངོ་། །༧༠ ཨ་བྷ་ཡ། ཇོ་བོ་རྗེ། བི་བྷཱུ་ཏི་ཙནྡྲ་རྣམས་ཀྱིས་བཤད་ཚུལ་དང་མི་མཐུན་ཡང་རྡོ་རྗེ་ཕག་མོས་ཁ་ཆེ་པཎ་ཆེན་ལ་དངོས་སུ་གནང་བའི་བདེ་མཆོག་དཀར་པོའི་བརྒྱུད་པ་ནི། བདེ་མཆོག །ཕག་མོ། པཎ་ཆེན་ཤཱཀྱ་ཤྲཱི། གཡག་སྡེ་ལོ་ཙཱ་བ། མངའ་རིས་པ་སངས་ཡེ། མཁན་བསོད་གྲགས། གྲགས་

པ་ཚུལ་ཁྲིམས། བྱ་སྡེར་བ་བྱང་སེང་། ས་བཟང་འཕགས་པ། ངོར་ཆེན། བསོད་ནམས་དབང་ཕྱུག །དྲུག་བཙུན་དཔལ་རྒྱན། སངས་རྒྱས་རིན་ཅེན། གྲོལ་མཆོག་མན་འདྲ། འདི་ལ་ཀུན་མཁྱེན་རོང་པ་ཐུགས་སོང་ནས་ངོར་དུ་ཆོས་རྗེ་རྡོ་རྗེ་འཆང་ལ་ཞུ་བར་བྱོན་པའི་ཞུ་ཡིག་ཕུལ་བ་ངོར་གྱི་རྟེན་སྒམ་ན་ཡོད་པར་སྣང་ངོ་། །༧༡ ཤིན་ཏུ་དཀོན་པས་ཐམས་ཅད་མཁྱེན་པ་བུས་འཁྲིད་གསུང་དུས་དཔོན་སློབ་ཞལ་སྟོན་ཕྱོགས་ཉི་ཚོད་ཚུན་མི་འཕྱུགས་པར་གནང་བའི་ཐུགས་གཙིགས་ཅན་རྡོ་རྗེ་གདན་བཞིའི་བརྒྱུད་པ་ནི། རྡོ་རྗེ་འཆང་། མཁའ་འགྲོ་མ་ཆུ་ཤིང་གི་སྙེ་མ་ཅན། མར་པ། རྔོག་ཆོས་རྡོར། རྔོག་ཞེ་སྡང་རྡོ་རྗེ། རྒྱལ་ཚ་ར་མོ། རྔོག་ཚ་ཆོས་སྐུ། རྔོག་དཀོན་ཅོག་དཔལ། དྲན་སྟོན་མཐའ་བྲལ། དྲན་སྟོན་ཤེར་སེང་། མན་ལུང་གུ་རུ། མན་ལུང་ཀུན་མཁྱེན། ཚུལ་ཁྲིམས་མགོན་པོ། རྔོག་བྱང་ཆུབ་དཔལ། རྔོག་བཀྲ་ཤིས་དཔལ་གྲུབ། རྔོག་བྱང་ཆུབ་གྲགས་པ། རྔོག་བློ་གྲོས་དཔལ་བཟང་། རྗེ་གྲོལ་མཆོག་མན་འདྲ། ༧༢ འགྲོ་མགོན་འཕགས་པས་བཀའ་གདམས་པ་ནམ་མཁའ་འབུམ་མཁའ་སྤྱོད་དུ་བཏང་བའི་ཟབ་ཆོས་མ་ཧཱ་མ་ཡའི་བརྒྱུད་པ་ནི། རྡོ་རྗེ་འཆང་། ཌཱ་ཀི་མ། ཀུ་ཀུ་རི་པ། མར་པ་ལོ་ཙཱ། རྔོག་ཆོས་རྡོར། རྔོག་མདོ་སྡེ། རྔོག་ཀུན་དགའ་གཟི་བརྗིད། རྔོག་རིན་བཟང་། རྔོག་ཆོས་རྒྱལ། རྔོག་དོན་གྲུབ་དཔལ། རྔོག་བྱང་ཆུབ་དཔལ་མན་གདན་བཞི་དང་གཅིག །༧༣ སྔོན་ཆད་བོད་དུ་མ་འགྱུར་བ་གློ་བོ་སྣེ་ཚེ་གྲུམ་པ་བླ་མ་བསམ་གཏན་འོད་ཟེར་གྱིས་བལ་པོ་མ་ཧཱ་བོ་དྷི་ལ་གསན་པ་ངོར་ཆེན་གྱིས་བསྟན་རྒྱུན་ལ་དགོངས་ནས་གུ་གེ་པཎ་ཆེན་སོགས་གསུམ་ཞུ་བར་བཏང་བའི་དོང་

བུའི་ཕྲ་ཐིག་གི་ཉེ་བརྒྱུད་ནི། བདེ་མཆོག །ཕག་མོ། བལ་པོ་སྐལ་ལྡན་བྱང་ཆུབ། བལ་པོ་འཚོ་བའི་བྱང་ཆུབ། བལ་པོ་མ་ཧཱ་བོ་དྷི། གྲུབ་ཆེན་བསམ་གཏན་འོད་ཟེར། གུ་གེ་པཎ་ཆེན། གློ་བོ་ལེགས་འབྱུང་། རྗེ་གྲོལ་མཆོག་མན་འདྲ། ༧༤ ཕག་མོ་སྒོམ་དྲུག་དཔྱལ་ཀུན་དགའ་རྡོ་རྗེའི་ལུགས་གཙོར་བཏོན་པའི་བརྒྱུད་པ་ནི། རྡོ་རྗེ་ཕག་མོ། ལྕམ་ལེགས་སྨིན། བི་རཱུ་པ། ཨ་ཝ་དྷཱུ་ཏི་པ། ལྡོང་དར་བ། བསོད་སྙོམས་པ་རྒྱལ་བ་བྱིན། བསོད་སྙོམས་པ་སངས་རྒྱས་བྱིན། བལ་པོ་ཧ་དུ་དཀར་པོ། དཔྱལ་ཀུན་དགའ་རྡོ་རྗེ། དཔྱལ་ཀུན་དགའ་གྲགས། དཔྱལ་ཆོས་བཟང་། རོང་པ་རྒྭ་ལོ་ཡབ་སྲས། བག་སྟོན་པ་ཚུལ་རྒྱན། དཔལ་ཚུལ་བ། བུདྡྷ་ཤྲཱི། ངོར་ཆེན། རྒྱུ་འགུལ་བ། གློ་བོ་ལེགས་འབྱུང་། གྲོལ་མཆོག་མན་འདྲ། ༧༥ ནཱ་རོ་ཆོས་དྲུག་རྗེ་རང་བྱུང་བའི་གསེར་ཞུན་ལྟར་གྱི་བརྒྱུད་པ་ནི། རྡོ་རྗེ་འཆང་། ཏཻ་ལོ། ནཱ་རོ། མར་པ། མི་ལ། དྭགས་པོ། དུས་མཁྱེན་པ། རས་ཆེན་པ། སྦོམ་བྲག་པ། ཀརྨ་པ་ཤིག །གཉན་རས། རང་བྱུང་རྡོ་རྗེ། མགོན་པོ་རྒྱལ་བ། རོལ་པའི་རྡོ་རྗེ། མཁའ་སྤྱོད་པ། དེ་བཞིན་གཤེགས་པ། སོག་དབོན་པ། མཐོང་བ་དོན་ལྡན། བན་དཀར་བ། ཆོས་གྲགས་རྒྱ་མཚོ། སྐྱབས་ཆེ་བ། ཏྲེ་བོ་ཆོས་རྒྱམ། རྗེ་གྲོལ་མཆོག་མན་འདྲ། ༧༦ ནི་གུའི་བརྒྱུད་པ་ནི། རྡོ་རྗེ་འཆང་། ནི་གུམ། ཁྱུང་པོ། རྨོག་ལྕོག་པ། སྐྱེར་སྒང་པ། གཉན་སྟོན་པ། སངས་རྒྱས་སྟོན་པ། ཤངས་སྟོན་པ། ཁྱུང་པོ་ཚུལ་མགོན། རས་ཆེན་ཤངས་དཀར་བ། སྐུད་ལུང་སངས་རྒྱས་དཔལ། ནམ་མཁའ་རྒྱལ་མཚན། རྒྱ་སྒོམ་པ། གྲོལ་མཆོག་མན་འདྲ། ༧༧ ཕྱག་ཆེན་གའུ་མ། ༧༨ ལམ་ཁྱེར་རྣམ་གསུམ། ༧༩ རང་སེམས་འཆི་མེད་རང་གྲོལ། ༨༠ གསུམ་གྱི་བརྒྱུད་པའང་བཤད་མ་ཐག་པ་

བཞིན་ནོ། ༈ །སུ་ཁ་ཆོས་དྲུག་མཁྱེན་རབ་ཆོས་རྗེའི་ཕྱག་ལེན་ལྟར་གྱི་བརྒྱུད་པ་ནི། རྡོ་རྗེ་འཆང་། བདག་མེད་མ། བི་རཱུ་པ། སུ་ཁ་སིདྡྷི། ཁྱུང་པོ། རྨོག་ལྕོག་པ། སྐྱེར་སྒང་པ། གཉན་སྟོན་པ། ཤངས་སྟོན་པ། རིག་པའི་རྡོ་རྗེ། ཞུ་སྟོན་ཚུལ་མགོན། ཆོས་དཔལ་བཟང་པོ། ཞུ་སྟོན་ཚུལ་རྒྱན། མཁྱེན་རབ་རྗེ། གཞོན་ནུ་ཆོས་གྲུབ། རྗེ་གྲོལ་མཆོག་མན་འདྲ། ཡང་ན་མཁྱེན་རབ་རྗེ་ནས། རྗེ་རྡོ་རིང་པ། གྲོལ་མཆོག་མན་འདྲ། ༨༡ ལྟེ་བ་སྤྲུལ་འཁོར་ཞེས་པ་བདག་མེད་མའི་ནང་འཁྲིད་ཁྱུང་པོའི་ཡིག་རྙིང་ལྟར་གྱི་བརྒྱུད་པ་ནི། རྡོ་རྗེ་འཆང་། བདག་མེད་མ། སུ་ཁ་སིདྡྷི། ཨཱཪྻ་དེ་ཝ། ཁྱུང་པོ་རྣལ་འབྱོར་མན་ནི་གུ་དང་འདྲ། ༨༢ ལྷན་ཅིག་སྐྱེས་སྦྱོར་རྒྱལ་སྲས་ཐོགས་མེད་པའི་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཏཻ་ལོ། ནཱ་རོ། མར་པ། མི་ལ། དྭགས་པོ་པ། ཕག་མོ་གྲུ་པ། གླིང་རས། རྒྱ་རས། རྒོད་ཚང་པ། ཡང་དགོན་པ། སྤྱན་སྔ་རིགས་ལྡན། ཟུར་ཕུག་པ། ཤེར་འབུམ་པ། རྒྱལ་སྲས་ཐོགས་མེད་པ། གཉན་རས། རྒྱལ་དབང་རྗེ། ར་ལུང་པ་ངག་དབང་ཆོས་རྒྱལ། རྗེ་གྲོལ་མཆོག་མན་འདྲ། ༨༣ ལྔ་ལྡན་ཆོས་རྗེ་བླ་མ་དམ་པའི་ཡི་གེ་ལྟར་གྱི་བརྒྱུད་པ་ནི། ཕག་གྲུ་ཡན་གོང་ལྟར་ལས། འབྲི་ཁུང་སྐྱུ་ར། དབོན་བསོད་གྲགས། གཅུང་རྡོར་གྲགས། ཐོག་ཁ་བ། མཚམས་བཅད་པ། བཅུ་གཉིས་པ། ཉེར་བརྒྱད་པ། སྨན་པ་སྒོམ་ཆེན། ལབ་ཕྱི་བ། འདུལ་འཛིན་པ། སྟག་ལུང་ངག་དབང་གྲགས་པ། པཎ་ཆེན་ཤཱཀ་མཆོག །གཞོན་ནུ་ཆོས་གྲུབ། རྗེ་གྲོལ་མཆོག་མན་འདྲ། ༨༤ ཕྱག་ཆེན་ཡི་གེ་བཞི་པ་གཡག་སྡེ་པཎ་ཆེན་ལུགས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་སྙིང་པོ། ཏཻ་ལོ་ནས་ཕག་གྲུའི་བར་འདྲ་བ་ལས། སྒྱེར་སྒོམ་

ཞིག་པོ། གཞོན་ནུ་འོད། ཆོས་སྐུ་འོད། ཐུགས་རྗེ་བརྩོན་འགྲུས། རྒྱལ་བ་ཡེ་ཤེས། བློ་གྲོས་བཟང་པོ། སྨན་སྒོམ་པ་མན་སྔར་ལྟར་རོ། ༈ །༨༥ སྐུ་གསུམ་ངོ་སྤྲོད་རང་བྱུང་རྡོ་རྗེའི་ལུགས་ཀྱི་བརྒྱུད་པ་ནི། རྡོ་རྗེ་འཆང་། བློ་གྲོས་རིན་ཅེན། ཤ་ཝ་རི། མཻ་ཏྲི་པ། ཏི་ཕུ་པ། འདི་གཉིས་དག་སྣང་དུ་མཇལ་ན་མ་གཏོགས་དངོས་སུ་མ་མཇལ་བ་འདྲ། ཀརྨ་པ་ཤི། ཨོ་རྒྱན་པ་རིན་ཅེན་དཔལ། རྗེ་རང་བྱུང་བ། སྔགས་འཆང་གཡུང་སྟོན། རོལ་པའི་རྡོ་རྗེ། མཁའ་སྤྱོད་པ། དེ་བཞིན་གཤེགས་པ། འདི་གཉིས་སྐུ་སྐྱེ་གོང་འོག་ཡིན་པས་བར་འདིར་བླ་མ་ཞིག་ཆད་དམ། མཐོང་བ་དོན་ལྡན། བན་དཀར་འཇམ་བཟང་། ཆོས་གྲགས་རྒྱ་མཚོ། ཐམས་ཅད་མཁྱེན་པ་འཕྲིན་ལས་ཞབས། རྗེ་གྲོལ་མཆོག་མན་འདྲ། ༨༦ རླུང་སེམས་གཉིས་མེད་སྤྱན་སྔ་ལྷ་གཟིགས་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཕག་མོ། ནཱ་རོ་པ་ནས། རོལ་པའི་རྡོ་རྗེའི་བར་ནཱ་རོ་ཆོས་དྲུག་ལྟར་ལས། གུ་ཤྲཱི་ཀུན་བློ། ཡོར་པ་ཡེ་དཔལ། མཚུར་ཕུ་འཇམ་དབྱངས་པ། སྐྱབས་ཆེ་བ། ཏྲེ་བོ་ཆོས་རྒྱམ། གྲོལ་མཆོག་མན་འདྲ། ༨༧ ཆོས་དབང་རིན་པོ་ཆེའི་གཏེར་མ་ཆོས་དྲུག་སྲས་མཁར་མའི་བརྒྱུད་པ་ནི། རྡོ་རྗེ་འཆང་། མར་པ། དར་མ་མདོ་སྡེ། སློབ་དཔོན་ཆེན་པོ་དང་རྗེ་འབངས་ཀྱི་དུས་ཀྱི་གཏེར་མ་རྣམས་གཏེར་སྟོན་གང་ཡིན་དེའི་ཡང་སྲིད་སྔོན་མའི་དུས་སྨོན་ལམ་དབང་བསྐུར། བཀའ་བབས་ལུང་བསྟན། མཁའ་འགྲོ་གཏད་རྒྱ་སོགས་ཀྱི་བརྒྱུད་པ་ལ་བརྟེན་སྨིན་གྲོལ་རྣམས་ལས་འཕྲོ་གཏེར་བརྒྱུད་འཕྱུག་མེད་འོང་ཞིང་། དེར་མ་ཟད་གཏེར་སྟོན་རྣམས་ལ་ཨོ་རྒྱན་ཆེན་པོས་དངོས་ཉམས་རྨི་ལམ་དུ་ཞལ་སྟོན་ཞིང་། ཆོས་གསུང་བའང་ཡིན་འདུག །ཆོས་དྲུག་འདི་མར་པའི་ཁ་བྱང་ལ་བརྟེན་ཆོས་དབང་རིན་པོ་ཆེས་བཏོན་པ་ཙམ་ལས་སྨོན་ལམ་དབང་བསྐུར་སོགས་ཡོད་མདོག་མ་ཁ་བས་ཆོས་རྒྱུན་ཡང་ཐེ་ཚོམ་གྱི་གཞིར་སྣང་ངམ་སྙམ།

གུ་རུ་ཆོས་དབང་། ལྷ་རིན་ཅེན་དབང་རྒྱལ། རུ་མཚམས་སྒོམ་ཆེན། སྐྱིད་ཕུག་པ། འོལ་སྒོམ་བྱང་གླིང་པ། སངས་རྒྱས་དབོན་པོ། གཅུང་རིན་པོ་ཆེ། མཁན་ཆེན་དཀའ་བཞི་པ། རིན་ཅེན་རྒྱལ་མཚན། མཁན་སེང་གེ་དཔལ། རྔོག་བྱང་ཆུབ་དཔལ། བཀྲ་ཤིས་དཔལ་གྲུབ། བྱང་ཆུབ་དཔལ་གྲུབ། བྱང་ཆུབ་གྲགས་པ། རྔོག་བློ་གྲོས་དཔལ་བཟང་། གྲོལ་མཆོག་མན་འདྲ། རྔོག་པའི་དགྱེས་རྡོར་རྫོགས་རིམ་བསྲེ་འཕོའི་བརྒྱུད་པ་ནི། རྡོ་རྗེ་འཆང་། ཀླུ་སྒྲུབ། འཕགས་པ་ལྷ། ཏཻ་ལོ། ནཱ་རོ། མར་པ། རྔོག་ཆོས་རྡོར། ཞེ་སྡང་རྡོ་རྗེ། ཀུན་དགའ་གཟི་བརྗིད། རིན་བཟང་། ཆོས་རྒྱལ་བ། དོན་གྲུབ་དཔལ། བྱང་ཆུབ་དཔལ་མན་སྲས་མཁར་མ་ལྟར་རོ། །༨༩ མར་པའི་སྙན་ཀྱི་ཤོག་དྲིལ་རྣམ་བཞིའི་བརྒྱུད་པ་ནི། རྡོ་རྗེ་འཆང་། ཌཱ་ཀི་རུས་པའི་རྒྱན་ཅན། བནྡེ་པ། མར་པ། ཚུར་སྟོན་དབང་པོ། གཉག་སྒོམ་དམར་པོ། དྭགས་པོའི་མདུང་རྩེ་ཉི་མ་ལུང་། མགར་རས་པ། རོག་རྩེ་ལྷ་སྒང་པ། སྙེ་མདོ་ཀུན་དོན། གཡུང་སྟོན་པ། བསོད་བཟང་། ཚུལ་ཁྲིམས་མགོན་པོ། བསོད་ནམས་རྒྱལ་མཚན། གཉག་ཕུག་བ། སེང་གེ་དཔལ་མན་སྲས་མཁར་ཆོས་དྲུག་བཞིན་ནོ། །༩༠ མི་ལའི་ཞལ་གདམས་རས་ཆུང་སྙན་བརྒྱུད་རྙིང་མའི་བརྒྱུད་པ་ནི། རྡོ་རྗེ་འཆང་། ཕག་མོ། ཏཻ་ལོ། ནཱ་རོ། མར་པ། མི་ལ། རས་ཆུང་པ། ཁྱུང་ཚང་པ། དེ་ལ་ལྟར་སྒོམ་པ། མར་སྟོན། མ་གཅིག་ཨོང་ཇོ་གསུམ་གྱིས་གསན། གསུམ་གར་ཞང་ལོ་གྲུབ་པ་དཔལ། དེ་ནས་འགྲོ་མགོན་དྷ་ར་ཤྲཱི། བྱང་སེམས་བསོད་རྒྱལ་བ། ཀུན་ལྡན་རས་པ། སྲས་བདེ་ལེགས་རིན་ཅེན། གཟི་བརྗིད། རིན་རྒྱལ། ཉུག་པ་ཆོས་གྲགས། བྱང་བཟང་བ། རབ་འབྱོར་སེང་གེ །མཁན་ཆེན་

ཆོས་དྲུག་སེང་གེ །ལོ་ཆེན་རཏྣ་བྷ་དྲ། རྗེ་གྲོལ་མཆོག་མན་འདྲ། ༩༡ རས་ཆུང་པས་རྒྱ་གར་ནས་སྤྱན་དྲངས་པའི་སྙན་བརྒྱུད་བར་མ་ལུས་མེད་མཁའ་འགྲོའི་ཆོས་སྐོར་གྱི་བརྒྱུད་པ་ནི། རྡོ་རྗེ་འཆང་། ལུས་མེད་མཁའ་འགྲོ་མ། ཏཻ་ལོ་པ། ནཱ་རོ་པ། ཏི་ཕུ་པ། རས་ཆུང་པ་མན་སྙན་བརྒྱུད་རྙིང་མ་དང་གཅིག །༩༢ ཞང་ཟབ་བརྒྱའི་བརྒྱུད་པ་ནི། སྒོམ་ཚུལ། ཁམས་པ་རྒྭ་ལོ། མལ་ཡེར་པ་བ། བཻ་རོ་ཙ་ན། བཞི་ག་ལ་བླ་མ་ཞང་གིས་གསན། དེ་ནས་ཤཱཀྱ་ཡེ་ཤེས། སངས་རྒྱས་གཞོན་ནུ། བརྒྱུད་འདེབས་སུ་དཀྱུས་ལྟར་བྱུང་ཡང་གྲོལ་མཆོག་གསན་ཡིག་ན་གོ་ལྡོག་སྣང་བ་བརྟག །སངས་རྒྱས་སྙིང་པོ། གསེར་ཁང་སྟེང་པ། སངས་རྒྱས་རིན་ཅེན། ཤཱཀྱ་འབུམ། ཤཱཀ་བསོད། དབོན་པོ་ཆོས་བཟང་། གྲགས་པ་དོན་གྲུབ། བསོད་ནམས་གྲུབ། གྲགས་པའི་མཆན། བླ་མ་རྟོགས་ལྡན། ལྷུན་བདེ་རབ་འབྱམས་པ། ར་ལུང་ངག་དབང་ཆོས་གྲགས། སྟག་ལུང་སྤྲུལ་སྐུ་ངག་དབང་རྣམ་རྒྱལ་བཀྲ་ཤིས། རྗེ་གྲོལ་མཆོག་མན་འདྲ། ༩༣ རྒྭ་ལོའི་གཏུམ་མོ་ཞག་བདུན་མའི་བརྒྱུད་པ་ནི། དུས་ཀྱི་འཁོར་ལོ། ཙ་མི་ལོ་ཙཱ་བ། ཨ་བྷ་ཡ། རྒྭ་ལོ། བླ་མ་ཞང་། རོབ་སྐམ་པ། རས་ཆེན་ལྷུན་གྲུབ། ཡང་དགོན་པ། སྤྱན་སྔ་རིགས་ལྡན། ཟུར་ཕུག་པ། འབའ་ར་བ། ཕ་རྒོད་འཇམ་དབྱངས་ཆོས་རྗེ། ཀུན་དར་རས་མ། རྔོག་གྲགས་པ་དཔལ་འབྱོར། རིན་ཅེན་ཆོས་དར། ཨ་མོ་གྷ་སིདྡྷི། རྗེ་གྲོལ་མཆོག་མན་འདྲ། ༩༤ ཕག་གྲུའི་ཕྱག་བཞེས་ཕྱག་ཆེན་དང་ཐབས་ལམ་ཆོས་དྲུག་ཚིགས་བཅད་མའི་བརྒྱུད་པ་ནི། འབྲི་ཁུང་སྐྱུ་ར་ཡན་ལྔ་ལྡན་ལྟར་ལ། སྤྱན་སྔ་གྲགས་འབྱུང་། སྤྱན་སྔ་རིན་རྡོར། སྤྱན་སྔ་གྲགས་རྒྱམ། སྤྱན་སྔ་རིན་རྒྱན། སྤྱན་སྔ་གྲགས་གཞོན། སྤྱན་སྔ་བསོད་རྒྱན།

སྤྱང་ལུང་གཞོན་ནུ་བློ་གྲོས། པཎ་ཆེན་ཤཱཀ་མཆོག །གཞོན་ནུ་ཆོས་གྲུབ། རྗེ་གྲོལ་མཆོག་མན་འདྲ། ༩༥ འབྲི་ཁུང་དགོངས་གཅིག་གི་བརྒྱུད་པ་ནི། ཉེར་བརྒྱད་པ་ཡན་ལྔ་ལྡན་ལྟར་ལ། དེ་ནས་དྷརྨ་རཱ་ཛ། སྨན་སྒོམ་པ། ལབ་ཕྱི་བ། འདུལ་འཛིན་པ། སྟག་ལུང་ངག་གྲགས། འབྲུག་པ་ངག་དབང་ཆོས་རྒྱལ། སྟག་ལུང་སྤྲུལ་སྐུ། རྗེ་གྲོལ་མཆོག་མན་འདྲ། ༩༦ སྟག་ལུང་ཆོས་དྲུག་གི་བརྒྱུད་པ་ནི། ཕག་གྲུ་ཡན་ལྔ་ལྡན་ལྟར་ལ། དེ་ནས་སྟག་ལུང་ཐང་པ། སྐུ་ཡལ་བ། སངས་རྒྱས་ཡར་འབྱོན། བཀྲ་ཤིས་བླ་མ། སངས་རྒྱས་དཔལ། རཏྣ་ཨ་ཀ་ར་གུ་རུ། ཀུན་སྤངས་ཆེན་པོ། བཀྲ་ཤིས་དཔལ་བརྩེགས། བྱང་ཆུབ་རྒྱ་མཚོ། ངག་དབང་གྲགས་པ། རྣམ་རྒྱལ་གྲགས་པ། སྟག་ལུང་སྤྲུལ་སྐུ། རྗེ་གྲོལ་མཆོག་མན་འདྲ། ༩༧ བར་འབྲུག་གི་བླ་སྒྲུབ། རྟེན་འབྲེལ། རོ་སྙོམས་གསུམ་གྱི་བརྒྱུད་པ་ནི། ཕག་གྲུ་ཡན་གོང་ལྟར་ལ། དེ་ནས་གླིང་རས། ཡང་ན་ཏི་ཕུ་པ། རས་ཆུང་པ། ལོ་སྟོན་ཀུན་དགའ་དར། སུམ་པ་སེང་དཔལ། གླིང་རས། རྒྱ་རས། ཡང་ན་སངས་རྒྱས་རབས་བདུན། གཙང་པ་རྒྱ་རས། དབོན་རས་དར་སེང་། ཆོས་རྗེ་གཞོན་སེ་པ། ཉི་མ་སེང་གེ །སེང་གེ་ཤེས་རབ། སྤོས་སྐྱ་བ་སེང་རིན། བཅུ་གསུམ་པ་སེང་གེ་རྒྱལ་པོ། ཀུན་དགའ་སེང་གེ །རྡོ་རྗེ་རིན་ཅེན། བློ་གྲོས་སེང་གེ །མཁྱེན་བརྩེ་རྟོགས་ལྡན། འཁྲུལ་ཞིག་ནམ་མཁའི་རྣལ་འབྱོར། རྒྱལ་དབང་རྗེ། གྲུབ་ཆེན་ཤཱཀ་འཕེལ། ངག་དབང་ཆོས་རྒྱལ། སྟག་ལུང་སྤྲུལ་སྐུ། གྲོལ་མཆོག་མན་འདྲ། ༩༨ སྨན་འབྲུག་ལོ་རས་ཀྱི་ཐུབ་པ་ལྔ་ལྡན་གྱི་བརྒྱུད་པ་ནི། ཕག་གྲུ་ཡན་གོང་ལྟར་ལ། དེ་ནས་གླིང་རས། རྒྱ་རས། ལོ་རས། བདེ་སྐྱོང་། གྲ་དགའ་ལྡན་པ།

དབོན་པོ་བསོད་ནམས་དར། འགིར་ཕུ་བ་ངེས་འབྱུང་དར། འོད་ཟེར་རྒྱ་མཚོ། སངས་རྒྱས་རས་པ། སྐྱེས་མཆོག་སྨོན་ལམ་པ། གཡས་སྐྱིལ་བློ་གྲོས་ཆོས་རྒྱམ། ངག་དབང་ཆོས་རྒྱལ་མན་བཤད་མ་ཐག་པ་ལྟར་རོ། །༩༩ སྟོད་འབྲུག་རི་ཆོས་སྙིང་པོ་དྲུག་གི་བརྒྱུད་པ་ནི། རྒྱ་རས་ཡན་བཤད་མ་ཐག་པ་ལྟར་ནས། རིན་ཅེན་རྣམ་བཞི། མཆན་བུར་ཀོ་རྒོད་ས་འབྲི་ཟེར་བ་འདུག་པ་ཡང་དགོན་པ་རང་གིས་དེ་དག་ལས་བརྒྱུད་པ་གསན་ཡང་བརྒྱུད་པ་གོང་མ་གཞན་ནས་འདྲེན་པ་ལས་གཙང་པ་རྒྱ་རས་ནས་ཐམས་ཅད་འདྲེན་ཐུབ་པར་མི་སྣང་ངོ་། །ཡང་དགོན་པ། སྤྱན་སྔ་རིགས་ལྡན། ཟུར་ཕུག་པ། འབའ་ར་བ། སྨོན་ལམ་པ། སླེ་ཆུང་བ་བསོད་ནམས་དཔལ་བཟང་། ཡར་རྒྱབ་ཀུན་སྤངས་ཆོས་འཁོར་སྒང་པ། བསོད་ནམས་རྒྱལ་མཆོག །རྗེ་གྲོལ་མཆོག་མན་འདྲ། ༡༠༠ཕྱག་བཞི་པའི་སྐུ་རག་མའི་བརྒྱུད་པ་ནི། རྡོ་རྗེ་འཆང་། ཀླུ་སྒྲུབ། འཕགས་པ་ལྷ། རྟ་དབྱངས། རྡོ་རྗེ་གདན་པ། ཙ་མི་ལོ་ཙཱ་བ། རྒྭ་ལོ། ཨ་སེར། ཕག་གྲུ། རྒྱལ་བ་རིན་ཅེན། བླ་མ་འོལ་ཁ་བ། དགེ་སློང་རིན་རྒྱལ། སློབ་དཔོན་རྡོར་རིན། སློབ་དཔོན་མགོན་གཞོན། བཀའ་བརྒྱུད་ནང་བརྒྱུད་གཅིག་ཡོད་དམ་སྙམ་ཡང་བར་སྐབས་ནས་ཆད་པའི་གྲུབ་མཐའ་གཞན་ནས་གསོ་དགོས་བྱུང་བར་སྣང་ངོ་། །ཡར་ཀླུངས་པ་སེང་རྒྱན། འཇམ་དབྱངས་རྒྱལ་མཆོག །བདག་ཆེན་གྲགས་བློ། སྟག་ལུང་ངག་དབང་གྲགས་པ། སྦས་ཚུལ་ཁྲིམས་མཆོག་གྲུབ། སྟག་ལུང་སྤྲུལ་སྐུ། རྗེ་གྲོལ་མཆོག་མན་འདྲ། ༡༠༡ གུར་གྱི་ནང་འཁྲིད་ཀྱི་བརྒྱུད་པ་ནི། རྡོ་རྗེ་འཆང་། མཆོག་སྲེད། ནོར་བུ་གླིང་པ། ཤྲཱདྡྷ་ཀ་ར། ལོ་ཆེན། བྲག་སྟེེང་པ། མལ་ལོ། ས་ཆེན། ཡར་སྒོམ་སེ་བོ། རྒྱལ་ཚ་ལུང་མང་། མཁས་པ་ཡོན་ཏན་ཁྲི། དྲིན་ཅན་སེང་བཟང་། ཡར་

ཀླུངས་པ་སེང་རྒྱན། འཇམ་དབྱངས་རྒྱལ་མཆོག །བདག་ཆེན་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་། དྲུང་བཙུན་དཔལ་རྒྱན། རྗེ་སངས་རིན། རྗེ་ལྷ་མཆོག་སེང་གེ །རྗེ་གྲོལ་མཆོག་མན་འདྲ། ཡང་ན་བདག་ཆེན་རྡོ་རྗེ་འཆང་ནས། རྡོ་རིང་རིན་པོ་ཆེ། གྲོལ་མཆོག་མན་འདྲ། གྲོལ་མཆོག་གི་གསན་ཡིག་ཏུ་བླ་མ་དམ་པ་ནས་བླ་ཆེན་ཀུན་རྒྱལ་ཡོད་པའི་གསང་འཁྲིད་ཀྱི་བརྒྱུད་པ་བགྲངས་འདུག་པ་ནི་ཐུགས་བད་ཤིན་ཏུ་མ་དྭངས་བ་སྟེ་ནང་འཁྲིད་ལ་ངེས་པར་ཡར་ཀླུངས་པ་རང་དགོས་སོ། །༡༠༢ བྲམ་ཟེ་ཆེན་པོའི་དོ་བ་སྐོར་གྱི་བརྒྱུད་པ་ནི། རྡོ་རྗེ་འཆང་། བདེ་བའི་མགོན་པོ། ས་ར་ཧ། ཀླུ་སྒྲུབ། ཤ་བ་རི། མཻ་ཏྲི་པ། རྒྱ་གར་ཕྱག་ན། མངའ་རིས་ཇོ་དན། གྲོ་ཤུལ་པ། པར་སྤུ་བ། གྱེར་སྒོམ་ཞིག་པོ། སངས་རྒྱས་དབོན། བྲག་འབུར་བ། རི་པ་གཞོན་རིན། དཀོན་ཅོག་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། ཇོ་སྟན་རྫ་ཁོལ་བ། གྲུབ་ཆེན་སྨོན་ལམ། སྟག་ལུང་ངག་དབང་གྲགས་པ། ཤཱཀ་མཆོག །ཨ་མོ་གྷ་སིདྡྷ། གྲོལ་མཆོག་མན་འདྲ། ༡༠༣ གྲུབ་ཐོབ་ཆོས་དྲུག་གི་བརྒྱུད་པ་ནི། རྡོ་རྗེ་འཆང་། གྲུབ་ཐོབ་བརྒྱད་ཅུ། མཁའ་འགྲོ་ཀོ་ཀ་ལི། མཁའ་འགྲོ་དྷརྨ་ཝ། དཔའ་བོ་འོད་གསལ། པཎྜི་ཏ་ཀ་མ་ལ། གྲུབ་ཐོབ་ཚ་བ་རི། པཎྜི་ཏ་མི་འཇིགས་སྦྱིན་པ། མི་ཉག་ལོ་ཙཱ་བ་སྨོན་གྲུབ་ཤེས་རབ། དེ་སྲས་རིན་ཅེན། རིན་ཅེན་བླ་མ། གྲུབ་ཐོབ་ཧཱུྃ་འབར། རྒན་མོ་ལྷས་པ། སྟག་སྟོན་གཞོན་ནུ། བག་སྟོན་པ། མཁན་ཤེས་རྡོར། གཉལ་པ་བདེ་ལེགས། འཕགས་མཆོག་བསོད་དར། དམར་སྟོན་པ། བཀའ་འགྱུར་བ་ཤཱཀ་བཟང་། གཉུག་ལ་པཎ་ཆེན། ཏྲེ་པོ་ཆོས་རྒྱམ། རྗེ་གྲོལ་མཆོག་

མན་འདྲ། ༡༠༤ པདྨ་ལམ་རིམ་གྱི་བརྒྱུད་པ་ནི། ཆོས་སྐུ་ཀུན་བཟང་། ལོངས་སྐུ་རྡོར་སེམས། སྤྲུལ་སྐུ་པད་འབྱུང་། གཉགས་ཛྙཱ་ན་ཀུ་མཱ་ར། གནུབས་སངས་རྒྱས་ཡེ་ཤེས། ཡོན་ཏན་རྒྱ་མཚོ། ཉང་ཆེན་ཡེ་འབྱུང་། ཟུར་ཤཱཀ་འབྱུང་། ཟུར་ཆུང་། ཤཱཀ་བཟང་པ། ཤཱཀ་སེང་། རྩད་ཚ་ཤཱཀ་རྡོར། གཉོས་ནག་རྒྱལ་མཚན། འབན་རྒྱ་ལུ་ཁམས་པ། ཤཱཀྱ་བ། སངས་རྒྱས་སེང་གེ །ཀུན་དགའ་རིན་ཅེན། རིན་ཅེན་རྒྱལ་མཚན། དཀོན་ཅོག་བཟང་པོ། ཟུར་ཧྭཾ་ཤཱཀ་འབྱུང་། སྲས་མཆོག་ཤཱཀ་དཔལ། རྗེ་བཙུན་དཔལ་བཟང་། ཟུར་ཧྭཾ་བཤེས་གཉེན། ཁམས་པ་གྲགས་རྒྱན། སེ་སྟོན་ཆེན་པོ། རས་ཆེན་ནམ་རྒྱན། མཉམ་མེད་བདེ་ལེགས། ཀུན་དགའ་མཆོག་གྲུབ། གྲོལ་མཆོག་མན་འདྲ། ༡༠༥ རྒྱལ་པོ་བཀའ་འབུམ་གྱི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་སྤྱན་རས་གཟིགས། སྤྲུལ་སྐུ་སྲོང་བཙན་སྒམ་པོ། སློབ་དཔོན་པདྨ། ཁྲི་སྲོང་ལྡེ་བཙན། གྲུབ་ཐོབ་དངོས་གྲུབ། ཉང་རལ། མི་བསྐྱོད་རྡོ་རྗེ། ཤཱཀྱ་བཟང་པོ། ལྷ་རྗེ་དགེ་འབུམ། ལྕམ་མོ་ཡེ་ཤེས་མཆོག །ཆུ་སྒོམ་པ། མཐའ་བཞི་བྱ་བྲལ། ཚུལ་ཆེན་བསོད་སེང་། བཀྲ་ཤིས་རྒྱལ་མཚན། ཆུ་རགས་པ་བློ་རྒྱན། འཕགས་མཆོག་ནོར་བཟང་། ཧོར་དཀའ་བཞི་པ། བླ་མ་དཔལ་ལེགས། དཀའ་བཅུ་བྱང་དཔལ། འཕགས་པ་བློ་རིན། ཡིག་དྲུག་པ་ཤེས་རབ་དཔལ། རྗེ་གྲོལ་མཆོག་མན་འདྲ། ༡༠༦ ནོར་བུ་མཐོང་གྲོལ་གྱི་བརྒྱུད་པ་ནི། ཀུན་བཟང་རྡོ་རྗེ་འཆང་། གྲུབ་ཆེན་ཡ་བརྒྱད། ས་ར་ཧ། ཤ་བ་རི། མི་ཏྲ་ཛོ་ཀི། ཨོ་རྒྱན་པ། ཡུམ་བཞི། བྲམ་པ་ཀུན་ཏུ་བཟང་པོ། འཁྲུལ་ཞིག་ཀུན་དར་རས་མ། རྔོག་གྲགས་པ་དཔལ་འབྱོར། རྔོག་ནོར་བུ་རིན་ཅེན། རྗེ་གྲོལ་མཆོག་མན་འདྲ། ༡༠༧དུང་མཚོ་རིས་པའི་སེམས་འཁྲིད་ཡིད་

བཞིན་ནོར་བུའི་བརྒྱུད་པ་ནི། རྡོ་རྗེ་འཆང་། ཏཻ་ལོ་པ། ནཱ་རོ་པ། མར་མི་སྒམ་གསུམ། སྐྱེས་བུ་ཡེ་རྡོར། དུང་མཚོ་རས་པ། སྣེ་ཕུ་རས་པ། འགྲོ་མགོན་ཆོས་དབྱིངས་དབང་ཕྱུག །མགར་རྫོང་མགོན་རྒྱན། མཁྱེན་རབ་རྗེ། གཞོན་ནུ་ཆོས་གྲུབ། རྗེ་གྲོལ་མཆོག་མན་འདྲ། ༡༠༨འཁྲིད་བརྒྱའི་མཚན་ཐོ། ལོ་རྒྱུས་སྤྱི་ཆིངས་བརྒྱུད་འདེབས་དང་བཅས་པའང་ནོས་སོ། །བརྒྱུད་འདེབས་ནས་བླ་མ་གཞན་ལ་ཁ་འཕངས་པ་གསན་ཡིག་ན་ཡོད་མེད་ཅི་རིགས་སྣང་ཞིང་རང་ལུགས་སུ་ཞལ་གྱིས་འཆེས་མ་ཐག་ཏུ་དེ་དང་ནང་འགལ་སོགས་ཁ་ཡར་འདུག་པས་རྫོང་ཆུང་པ་རྡོ་རྗེ་རྒྱལ་མཚན་དང་ཚར་ཆེན་ཡབ་སྲས་ལྟ་བུའི་སྒྲོས་གཙང་དཔྱད་བཟོད་དུ་མ་མངོན་ཡང་ཆོས་རྒྱ་ཆེར་འཚོལ་བའི་དམ་པའི་རྣམ་པར་ཐར་པར་ཡི་རང་ངོ་། །ངོར་ཤར་ཁང་པ་ཤེས་རབ་རྒྱལ་མཚན་གྱིས་མཛད་པའི་དཀར་ཆ་བཞིའི་བརྒྱུད་པ་ནི། རྩོམ་པ་པོ། ཐར་རྩེ་ནམ་མཁའ་དཔལ་བཟང་། སྒྲུབ་ཁང་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། ༈ །རིན་པོ་ཆེ་སྒྲུབ་ཁང་པས་མཛད་པའི་རབ་འབྱམས་པ་ཀུན་དགའ་བཀྲ་ཤིས་ཀྱི་དྲིས་ལན་དོན་ཚན་ལྔ་པ། དེས་མཛད་པའི་རྡོ་རྗེ་འཆང་ཀུན་དགའ་བཟང་པོའི་ལམ་འབྲས་ཀྱི་བཀའ་རྒྱ་ཐིམ་པའི་གཟིགས་སྣང་གསལ་བྱེད་གཉིས་ཀྱི་བརྒྱུད་པ་ནི། རྗེ་དཔལ་དོན་པ། བྲང་ཏི་ནམ་མཁའ་སངས་རྒྱས། དྲིན་ཅན་ཞ་ལུ་པ་ཆེན་པོ། དེས་བདག་ལའོ། ༈ །རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ་ཀྱིས་མཛད་པའི་ཕྱི་གཏོར་གྱི་ཡི་གེ་འཁྲུལ་མེད་རབ་གསལ་ནི་རྗེ་བླ་མ་ཉིད་ལ་མནོས་སོ། །ས་སྐྱ་ཁྲི་ཆེན་

ངག་དབང་ཀུན་དགའ་བསོད་ནམས་ཀྱིས་མཛད་པའི་ཨོ་རྒྱན་རིན་པོ་ཆེའི་བསྟོད་པ་བསམ་པ་མྱུར་འགྲུབ་མ། རྡོ་རྗེ་འཆང་དབང་ཕྱུག་རབ་བརྟན་ལ་བསྟོད་པ་གཉིས། བདག་བསྟོད་གཅིག་དང་བཅས་པའི་ལུང་བརྒྱུད་ནི། འཇམ་དབྱངས་ངག་དབང་ཀུན་དགའ་བསོད་ནམས། ཁྲི་ཆེན་བསོད་ནམས་དབང་ཕྱུག །ཁྱབ་བདག་ཞ་ལུ་མཁན་ཆེན། དེས་བདག་ལའོ། ༈ །རྗེ་བློ་བཟང་དོན་གྲུབ་ཀྱི་གསུང་འབུམ་ཚང་བར་གནང་བའི་སྒོ་དོད་ལ་ལྕགས་སྦྲུལ་སྡེ་གཟར་དང་ཁལ་ཁ་ཨོ་རོད་ཀྱི་འགྲུལ་པ་ཚན་པ་ཆེ་འབྱོར་པ་སོགས་ཐམས་ཅད་རྣམ་པར་གཡེང་བས་ཤོག་བུ་ལྔ་བཅུ་སྐོར་ཞིག་སོང་མཚམས་གཙང་ཕྱོགས་སུ་ཕེབས་དགོས་ཤར་བའི་འཕྲོར་ལུས་ཤིང་། ཆོས་ཚན་རྣམས་ལ་ཟིན་ཐོ་མ་ཐེབས་པས་ཐོབ་ཅེས་པ་ཙམ་ལས་འདི་དང་འདི་ཞེས་མཛུག་ཚུགས་སུ་མེད་པའི་ཤིན་ཏུ་ཟོམ་པ་འདྲ་ཞིག་བྱུང་རུང་དེང་སང་གི་ཆོས་ཉན་པ་ཕལ་ཆེར་གྱི་རྣམ་ཐར་ལ་རྗེས་སུ་འཇུག་ཕྱིར་ཀུན་དང་མཐུན་པ་མི་ཆོས་ཀྱི་རྩ་བར་སྣང་བས་མི་ལེགས་པའང་མ་ཡིན་ནམ་སྙམ་མོ། ༈ །དེའི་གསུང་འབུམ་གྱི་ཡིག་ཆར་གསལ་བའི་ཚེ་དཔག་མེད་བུམ་གཅིག་ལྷ་ལྔ་པ་ལ་བརྟེན་ནས་ཚེ་ཉེར་གཅིག་གིས་བརྒྱ་རྩ་དང་རིང་ཁྱད་ཡོད་ཚེ་བུམ་ནང་དུ་ལྔ་བཅུ་ཐམ་པ་བསྒོམས་ནས་ཚར་གསུམ་གྱིས་ཕྱེད་ཉིས་བརྒྱ་འགྲོ་བ་ཕྱག་ལེན་དུ་མཛད་པ་འཇམ་ལུགས་སུ་གྲགས་པའི་ཚེ་དབང་གི་བརྒྱུད་པ་ནི། འཇམ་དཔལ་དབྱངས། རྗེ་བཙུན་ཙོང་ཁ་པ་ཆེན་པོ། རྟོགས་ལྡན་འཇམ་དཔལ་རྒྱ་མཚོ། བ་སོ་ཆོས་ཀྱི་རྒྱལ་མཚན། གྲུབ་ཆེན་ཆོས་རྡོ་རྗེ། རྗེ་བློ་བཟང་དོན་གྲུབ། དབེན་ས་པ་སངས་རྒྱས་ཡེ་ཤེས། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན། དེས་

བདག་ཟ་ཧོར་བནྡེ་ལའོ། །བླ་མའི་དཀྱིལ་འཁོར་གཙོ་བོར་བྱས་པ་ལ་རྒྱུད་སྡེ་བཞིའི་ཡི་དམ་ཆོས་སྐྱོང་སྲུང་མ་དང་བཅས་པ་མཐའ་དག་ཚང་བའི་དབེན་ས་སྙན་བརྒྱུད་དུ་གྲགས་པའི་སྒོམ་ལུང་གི་ཚུལ་དུ་ནོས་པའི་བརྒྱུད་པའང་བཤད་མ་ཐག་པ་ལྟར་རོ། །སྒོམ་ལུང་ཐོབ་ནས་དཀྱིལ་འཁོར་ལ་བརྟེན་པའི་དབང་བཞི་བསྐུར་རུང་ཞེས་གསུང་། མཁས་གྲུབ་རྗེས་སྡོམ་གསུམ་རྣམ་གཞག་ཏུ་བཀའ་གདམས་ཐིག་ལེ་བཅུ་དྲུག་ལ་དགག་པ་མཛད་པའི་ཕྱོགས་སྔར་ནི་འདིའང་འོང་བར་སྣང་ངོ་། ༈ །མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་དཔལ་བཟང་པོའི་གསུང་གི་སྐོར་ལ། རང་ཉིད་ཀྱི་སྤྱོད་ཡུལ་གསལ་བར་སྟོན་པ་ནོར་བུའི་འཕྲེང་བའི་པར་ཡིག་ཤོག་བུ་བརྒྱ་དང་བརྒྱད་པའི་མདུན་ལོགས་ཀྱི་འོག་ཨེ་མ་ཧོ་ཞེས་པ་ཡན་གསུང་ཐོར་བུའི་སྐོར་ལས། ཐམས་ཅད་མཁྱེན་པ་ཡོན་ཏན་རྒྱ་མཚོ་ལ་བསྟོད་པ་ཕུན་ཚོགས་ཡོན་ཏན་མ། བདག་བསྟོད་དུ་ཐུབ་དབང་ཞབས་པད་མ། བློ་བཟང་རྒྱལ་བ་མ། རབ་འབྱམས་སྐྱོབ་པ་ཉིད་གཟིགས་མ། སྣ་ཚོགས་ཡུལ་ཞལ་བཞི་ཕྱག་བརྒྱད་མའི་སྒྲུབ་ཐབས། གཡུ་ཐོག་རྙིང་ཐིག་གི་སྒྲུབ་ཐབས་བདུད་རྩིའི་སྙིང་པོ་རྣམས། བཀྲ་ཤིས་ལྷུན་པོའི་མཆོད་རྟེན་དང་རྭ་བསྒྲེང་དུ་མཆོད་རྟེན་བཞེངས་པའི་དཀར་ཆག །མཁས་གྲུབ་ཆེན་པོ་གསུམ་གྱི་ཡོན་ཏན་མདོར་བསྡུས་པའི་སྒོ་ནས་རྟོགས་པ་བརྗོད་པ་མཁས་པའི་ཡིད་འཕྲོག་གྲུབ་པའི་རྒྱན། ནང་གི་ཁོང་སྐྲན་འདོན་པའི་སྐྱུག་སྨན། ས་གསུམ་མའི་ཊཱིཀྐ་ཚིག་དོན་རབ་གསལ། ཐར་པ་དོན་དུ་གཉེར་བའི་རི་ཁྲོད་པ་རྣམས་ལ་ཁྲིམས་སུ་བཅའ་བ་སྐུ་གསུམ་གཞལ་མེད་ཁང་དུ་འཛེག་པ་བཻ་ཌཱུཪྻའི་ཐེམ་སྐས། བྱང་ཆུབ་ལམ་གྱི་

རིམ་པའི་འཁྲིད་ཡིག་ཐམས་ཅད་མཁྱེན་པར་བགྲོད་པའི་བདེ་ལམ། བྱང་ཆུབ་ལམ་གྱི་སྒྲོན་མེའི་རྣམ་བཤད་ཕུལ་བྱུང་བཞེད་པའི་དགའ་སྟོན། གཅོད་དབང་ནམ་མཁའ་སྒོ་འབྱེད་ཀྱི་དབང་བྱ་ཚུལ། གཅོད་ཀྱི་གདམས་པ་ཐར་འདོད་ཀྱི་དེད་དཔོན། ཇོ་བོ་ལུགས་ཀྱི་སྒྲོལ་མ་ཉེར་གཅིག་གི་སྒྲུབ་ཐབས་ལས་ཚོགས་དངོས་གྲུབ་གཉིས་ཀྱི་བང་མཛོད། རྡོ་རྗེ་འཇིགས་བྱེད་ཀྱི་གཏོར་ཆེན་དྲུག་ཅུ་པའི་རྣམ་གཞག་དམ་ཉམས་ཀྱི་སྲོག་གཅོད་མཚོན་ཆ་འབར་བའི་འཕྲུལ་འཁོར། དཔལ་རྡོ་རྗེ་འཇིགས་བྱེད་ཀྱི་བཀའ་སྡོད་དམ་ཅན་རྣམ་གསུམ་གྱི་འཕྲིན་ལས་བསྐུལ་བ་མྱུར་མགྱོགས་དྲག་པོའི་ཕོ་ཉ། ས་སྐྱོང་མིའི་དབང་པོ་གཡུལ་རྒྱལ་ནོར་བུ་ཡོན་མཆོད་ཀྱིས་བསྐུལ་བའི་གྲུབ་པའི་དབང་ཕྱུག་དྲིལ་བུ་ཞབས་ཀྱིས་སྲོལ་ཕྱེ་བའི་ཟབ་ལམ་རིམ་པ་ལྔའི་དམར་འཁྲིད། དགའ་ལྡན་བཀའ་བརྒྱུད་ཀྱི་ཕྱག་ཆེན་རྩ་བ་རྒྱལ་བའི་གཞུང་ལམ། ཕྱག་ཆེན་གྱི་བཤད་པ་ཡང་གསལ་སྒྲོན་མེ་རྣམས་རྗེ་ཉིད་ལས་དངོས་སུ་ཐོབ། དེའང་ཁྲི་རིན་པོ་ཆེ་དཀོན་ཅོག་ཆོས་འཕེལ་དང་སྲས་ཁང་སྐུ་སྐྱེ་ངག་དབང་ཆོས་ཀྱི་རྒྱལ་མཚན་སོགས་དུས་དེའི་མཁས་གྲུབ་རྣམས་ཀྱིས་རྗེ་བཙུན་བཙོང་ཁ་པ་ཆེན་པོས་བྱང་རྩེར་གུང་རུ་རྒྱལ་མཚན་བཟང་པོ་སོགས་ལ་ལྟ་བ་ཕྱག་རྒྱ་པའི་ལུགས་དང་མཐུན་པར་གསུངས་ཤིང་། དེ་ལ་བརྟེན་ནས་མཚུངས་མེད་ཆོས་རྗེའི་དབུ་མའི་ཊཱིཀྐར་རང་ལུགས་དབུ་མའི་ལྟ་བ་བཤད་པའི་མཇུག་ཏུ། ཡང་ན་ཞེས་ཕྱག་རྒྱ་ཆེན་པོའི་ལུགས་བཀོད་པར་མཁས་གྲུབ་རིན་པོ་ཆེ་མ་དགྱེས་ནས་མཚུངས་མེད་རྗེ་ལ་ཁྱོད་ལ་ཡང་ན་སོགས་ཀྱི་བཤད་པ་ཡོད་ཅེས་བསྒྱུར་བྱང་དང་བཅས་མཇལ་ཁ་མ་བཏང་། དེ་ཉིད་ཀྱིས་ཀྱང་ངན་རྩོམ་ཞིག་མཛད་

ནས་ཕྱིར་བྱོན་ཚུལ་ཆོས་འབྱུང་ཡིད་ཀྱི་མཛེས་རྒྱན་དུ་གསལ་བ་ལྟར་ཡིན་པས་རྗེ་བླ་མ་ནས་བརྒྱུད་པའི་ཕྱག་ཆེན་ལ་གུང་རུ་རྒྱལ་མཚན་བཟང་པོ་སོགས་དགོས་རིགས་སུ་འདུག །རྗེ་བླ་མ་ནས་རྟོགས་ལྡན་འཇམ་དཔལ་རྒྱ་མཚོར་བརྒྱུད་པའི་སྲོལ་འདི་སྔོན་ཆད་མ་གྲགས་ཤིང་བཞེད་ཕུགས་དབུ་མའི་ལྟ་བ་ཡིན་པར་ཕྱག་ཆེན་ལ་ཐུན་མོང་མ་ཡིན་པའི་གཙིགས་སུ་མཛད་མི་འཐད། ཀླུ་སྒྲུབ་ལུགས་ཀྱི་ལྟ་བ་ཐུན་མོང་མ་ཡིན་པ་དེ་ག་ཡིན་ན་དེ་ལ་ཕྱག་ཆེན་གྱི་མིང་ཡང་འདོགས་པའི་དགོས་པ་ལྷག་པོ་མི་འདུག །ནང་པ་སངས་རྒྱས་པའི་གྲུབ་མཐའ་མཐའ་དག་རྒྱལ་བའི་བཀའ་ནས་བརྒྱུད་པ་ལས་འོས་མེད་ཀྱང་ད་ལྟ་སྤྱི་མིང་སྒོས་ལ་བཏགས་ཏེ་དྭགས་པོ་བཀའ་བརྒྱུད་དང་ཤངས་པ་བཀའ་བརྒྱུད་ཅེས་ཟུར་དུ་འབྱེད་པར་སྣང་། ས་སྐྱ་པ་རྣམས་ཀྱང་དཔལ་ལྡན་ས་སྐྱ་པ་ཟེར་བ་ལས་ས་སྐྱ་བཀའ་བརྒྱུད་དུ་མི་འདོགས་པ་བཞིན་རང་རེའི་བསྟན་པ་འདི་ལའང་དཔལ་མཉམ་མེད་རི་བོ་དགའ་ལྡན་པ་ཞེས་པ་འདི་གས་ཆོག །དགའ་ལྡན་བཀའ་བརྒྱུད་ཅེས་བཀའ་བརྒྱུད་པའི་གྲས་སུ་ཕར་འཚངས་པ་འདི་ལ་དགེ་མཚན་མེད་ཅེས་གསུང་བར་སྣང་བ་བསྟན་འཛིན་གྱི་སྐྱེས་བུ་དེ་དག་གི་དགོངས་པ་ཞེ་ཕུགས་རྟོགས་པར་མི་ནུས་པས་ཁ་མཚོན་དུ་གཅོད་དཀའ། འོན་ཀྱང་མདོ་ལུགས་ཕྱག་ཆེན་གྱི་གྲས་སུ་ཁྱུང་པོའི་གེའུ་མ་དང་རྫོགས་ཆེན་སོགས་འདུག་པ་གེའུ་མ་ནི་ནི་གུ་ལུགས་ཀྱི་སྔགས་ལམ་ཤ་སྟག་ཡིན་ཞིང་། རྫོགས་ཆེན་ལ་ཀ་དག་ལྷུན་གྲུབ་གཉིས་སུ་འོང་བའི་ལྷུན་གྲུབ་ནི་འཇའ་ལུས་རྡོ་རྗེའི་སྐུ་སྒྲུབ་བྱེད་སྔགས་ལམ་སྨོས་མ་དགོས་ཤིང་། ཀ་དག་ལའང་སྨིན་བྱེད་དང་འབྲེལ་བའི་སྔགས་

ལུགས་ཀྱི་ངོ་སྤྲོད་ཡིན་པས་ལྷན་ཅིག་སྐྱེས་སྦྱོར། ལྔ་ལྡན་སོགས་ཀྱི་གྲལ་དུ་མི་འོས་པ་འདྲ་སྙམ་མོ། ༈ །རྡོ་རྗེ་འཆང་དཔལ་འབྱོར་ལྷུན་གྲུབ་ཀྱི་བཀའ་འབུམ་སྐོར་ལ། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་རྡོ་རྗེ་སློབ་དཔོན་ཚུལ་བཞིན་དུ་མཆོད་པའི་ཆོ་ག་དངོས་གྲུབ་མ་ལུས་པའི་འབྱུང་གནས་ཞེས་བྱ་བའི་རྣམ་བཤད་ཕན་བདེ་ཀུན་གྱི་འབྱུང་གནས། རྗེ་ཉིད་ཀྱི་སྐྱེས་རབས་རྣམ་ཐར་གསོལ་འདེབས་ལོ་རྒྱུས་སྟོང་ཐུན་དང་བཅས་པ་དངོས་གྲུབ་འབྱུང་གནས། རྫོགས་པ་ཆེན་པོ་ཀློང་གསལ་སྙིང་ཏིག་གི་བརྒྱུད་འདེབས། གསང་འདུས་འཇིག་རྟེན་དབང་ཕྱུག་གི་བརྒྱུད་འདེབས་ཐུགས་རྗེའི་བདག་ཉིད་མ། དཀོན་ཅོག་གསུམ་ལ་གསོལ་བ་འདེབས་ཚུལ་ཕྱག་རྫོགས་ཀྱི་དགོངས་པ་དང་མཐུན་པར་རྗེས་བསྔགས་ཀྱི་སྡེབས་སྦྱོར་འཕྲེང་བས་བདུན་ཚན་བཅུ་པར་བྱས་པ། འཇམ་དཔལ་གཤིན་རྗེ་གཤེད་སྐོར་གྱི་ཆོས་འབྱུང་ལེགས་བཤད་ནོར་བུའི་འཕྲེང་བ། ཆོས་ཀྱི་རྒྱལ་པོ་སྲོང་བཙན་སྒམ་པོའི་སྒྲུབ་པའི་གནས་ཕ་བོང་ཁ་བྱང་ཆུབ་ཤིང་གི་ནགས་ཁྲོད་ཀྱི་དཀར་ཆག །སེ་ར་བྱེས་ཀྱི་རྟ་མགྲིན་ཁང་དུ་བཞུགས་པའི་རྡོ་རྗེ་ཕུར་པའི་ལོ་རྒྱུས། བྱང་གཏེར་རིག་འཛིན་བཀའ་བརྒྱད་ཀྱི་མངོན་རྟོགས་ལས་བྱང་དང་བཅས་པ། དེའི་བུམ་བསྐྱེད། དེའི་དཀྱིལ་ཆོག་རིན་ཅེན་འཕྲེང་བ། བྱང་གཏེར་ཐུགས་རྗེ་ཆེན་པོ་འགྲོ་བ་ཀུན་སྒྲོལ་གྱི་སྒྲུབ་ཐབས་ཡིད་བཞིན་ནོར་བུ། དེའི་དབང་ཆོག །མཻ་ཏྲི་བརྒྱ་རྩའི་དཀྱིལ་ཆོག་གསལ་བའི་སྒྲོན་མེ། དེ་བཞིན་གཤེགས་པ་བདུན་གྱི་དཀྱིལ་འཁོར་དུ་དབང་བསྐུར་བའི་ཆོ་ག་ཕན་བདེའི་འབྱུང་གནས། ཅོ་ནེ་ཆོས་རྗེ་སྦྱིན་པ་དར་རྒྱས་ཀྱིས་བསྐུལ་

བའི་རྡོ་རྗེ་འཇིགས་བྱེད་ཀྱི་སྔགས་བཅུའི་རྗེས་གནང་བྱ་ཚུལ། དཔལ་རྡོ་རྗེ་འཇིགས་བྱེད་ཀྱི་འཕྲིན་ལས་བཞིའི་སྦྱིན་སྲེག་དངོས་གྲུབ་རྒྱ་མཚོ་ཞེས་བྱ་བའི་ལེགས་བཤད་ཆེན་མོ་ལས་བཟླས་པའི་བཅུ་ཆའི་སྦྱིན་སྲེག་ལྷ་དབང་དུ་བྱ་བའི་ཆོ་ག །རབ་གནས་རྒྱས་པའི་སྦྱིན་སྲེག་གི་ཕྱག་ལེན་ལ་དོགས་དཔྱོད་ཀྱི་དྲི་ལན་གསེར་གྱི་ཐུར་མ། ལྷ་ལ་དབང་བསྐུར་བ་རབ་གནས་ཀྱི་ཆོ་གའི་དཀའ་གནས་ཀྱི་དྲི་ལན་གསེར་གྱི་འཕྲེང་བ། ལྟ་བ་སྤྱི་ཁྱབ་ཏུ་ངོ་སྤྲོད་པའི་ཚུལ་གསལ་བར་བྱེད་པ་སྙན་བརྒྱུད་ཡིད་བཞིན་ནོར་བུ། ཡོན་བདག་དབོན་པོ་ཆོས་བཟང་གིས་བསྐུལ་བའི་རྫོགས་ཆེན་སྙིང་ཏིག་གི་ཉམས་ལེན་དགེ་སྦྱོར་གསལ་འདེབས། ཟབ་མོ་དབུ་མའི་ལྟ་འཁྲིད་སྦྱར་བྱང་དུ་རྒྱལ་ལེགས་བཤད་སྒྲོག་པའི་ཆོས་གྲྭ་གནོད་སྦྱིན་དབང་ལྡན་ཆེན་པོའི་ཕོ་བྲང་དུ་སྒོམ་ཆེན་གཞན་ཕན་བཟང་པོས་སྦྱར་ཟེར་བ་ཡོད་པ། དཔལ་གསང་བ་འདུས་པའི་གླེང་གཞིའི་སྦས་བཤད་རྡོ་རྗེ་འཕྲེང་བའི་རྗེས་སུ་འབྲངས་ནས་འཆད་ཚུལ་ངོ་སྤྲོད་ཀྱི་མན་ངག་ཤེས་དགོས་པར་གསུངས་པའང་ལེགས་པར་དྲངས་པར་འགྱུར་རོའི་མཐའ་ཅན། དཔལ་གསང་བ་འདུས་པའི་སྨོན་ལམ་གྱི་ཊཱིཀྐ་རིམ་གཉིས་ཀྱི་དཀའ་གནས་གསལ་བའི་སྒྲོན་མེ། དཀོན་ཅོག་གསུམ་ལ་སྐྱབས་སུ་འགྲོ་ཚུལ་གྱི་གདམས་པ་ཟབ་མོ་སྙན་བརྒྱུད་ཁྱད་པར་གསུམ་ལྡན། བདེ་བ་ཅན་དུ་སྐྱེ་བའི་སྨོན་ལམ་ཞིང་མཆོག་སྒོ་འབྱེད་ཅེས་བྱ་བའི་རྣམ་བཤད་དངོས་གྲུབ་ཀྱི་འབྱུང་གནས། རྗེ་རིན་པོ་ཆེས་འཇམ་དབྱངས་ཞལ་གཟིགས་ཚུལ་ཁྱད་པར་ཅན་བྱུང་བ་རྣམས་བརྡ་ཚིག་གིས་བཅིངས་པའི་ཚིགས་བཅད་ཀ་ཏ་རའི་རྣམ་བཤད་གསལ་བའི་སྒྲོན་མ་
བློ་བཟང་དགོངས་རྒྱན། ཇ་མཆོད་འདྲེན་པ་མཉམ་མེད་ཀྱི་ཊཱིཀྐ་བསྡུས་པ་མཁྱེན་པས་ཆོས་ཀུན་མ། ཆོས་ཁྲིམས་པ་བློ་བཟང་ནོར་བུའི་དྲིས་ལན་དོན་གསལ། མ་འོངས་འབྱུང་འགྱུར་གྱི་རིམ་པ་བཤད་པའི་ལུང་བསྟན་ལྔ་པ་ཡངས་པའི་རྒྱལ་ཁམས་བདེ་ཐབས་ཀྱི་སྐུ་རིམ་དགེ་བསྐུལ་གྱི་རིམ་པ་ཕན་བདེའི་འབྱུང་གནས། པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས་དགའ་ལྡན་གསེར་ཐོག་བཞེངས་པར་ལེགས་བྱའི་དུས་ཕུལ་བའི་ཞུ་ཡིག །ཤ་ར་ཧོར་པར་གནང་བའི་ཞལ་གདམས། དཀའ་བཅུ་པ་རྡོ་རྗེ་རྒྱལ་མཚན་ལ་གནང་བའི་ཞལ་གདམས་དང་བཅས་པ་རྣམས་ལེགས་པར་ནོས་པ་ལས་རིག་འཛིན་བཀའ་བརྒྱད་ཀྱི་ལས་བྱང་བུམ་བསྐྱེད་དབང་ཆོག་གསུམ་མ་གཏོགས་པའི་ཡོངས་རྫོགས་ཀྱི་བརྒྱུད་པ་ནི། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །རིག་འཛིན་བཀའ་བརྒྱད་ཀྱི་ཆོས་ཚན་གསུམ་པོ་ནི་མཛད་པ་པོ་ཉིད་ལ་དངོས་སུ་ཞུས་སོ།

གསང་སྔགས་སྔ་འགྱུར་གྱི་རྒྱ་ཆེ་བ་བཀའ་མ་དང་ཟབ་པ་གཏེར་མ་གཉིས་ཀྱི་སྐོར།

གཉིས་པ་གསང་སྔགས་སྔ་འགྱུར་གྱི་སྐོར་ལ་རྒྱ་ཆེ་བ་བཀའ་མ་དང་ཟབ་པ་གཏེར་མ་གཉིས། དང་པོ་ནི། རྣལ་འབྱོར་མ་རྒྱུད་བདེ་སྟོང་སངས་རྒྱས་མཉམ་སྦྱོར་གྱི་སྙིང་པོའི་བཅུད་བསྡུས་ཤིང་ཡེ་ཤེས་གསང་བ་ལ་སོགས་པའི་རྒྱུད་སྡེ་བཅུ་གསུམ། ནམ་མཁའ་དང་མཉམ་པ། ཡེ་ཤེས་རྫོགས་པ། ཀློང་དགུ་པ། ཡེ་ཤེས་བདུན་འབྱུང་། ཉ་མོ་འཁོར་ལོ། རྒྱ་མཚོ་སྒྲོན་མ། རྙོག་པ་མེད་པ། སྙིང་པོ་དོན་རྒྱུད། རིག་པ་ནམ་མཁའ་ལྟར་གསལ་བ། མདོ་ལྔ་སྙིང་པོ། མཁའ་དང་མཉམ་པ། ཕྱི་མའི་ཕྱི་མ་རྣམས། རྡོ་རྗེའི་ཟམ་པ་དབང་གི་མན་ངག་ལ་སོགས་པའི་སྒྲུབ་སྡེ་བཅུ་གསུམ། འཕྲུལ་གྱི་མེ་ལོང་བརྩེགས་པ། ཟམ་པ་ཆུང་ངུ་། རིན་པོ་ཆེའི་འོད། སྣང་བ་འོད། གསལ་བ་འོད། འགྲོ་དྲུག་གཡང་ས་བཅད་པ། རིན་པོ་ཆེའི་པྲ་ཀྲྀ་ཏ། རྣ་

བརྒྱུད་ཚིག་གསུམ། ལམ་གྱི་དཔེ་བཞི། གཞི་ལམ་འབྲས་བུའི་གདམས་པ། རྣ་བརྒྱུད་ལུང་འཕྲེང་། རིན་པོ་ཆེ་གསེར་འཕྲེང་རྣམས། ལྟ་བའི་ཀློང་ལ་སོགས་པ་ཀློང་དགུའི་སྒོམ་པའི་ཀློང་། སྤྱོད་པའི་ཀློང་། འབྲས་བུའི་ཀློང་། ས་ལམ་གྱི་ཀློང་། དཀྱིལ་འཁོར་གྱི་ཀློང་། དབང་གི་ཀློང་། དམ་ཚིག་གི་ཀློང་། འཕྲིན་ལས་ཀྱི་ཀློང་རྣམས། དོན་གྱི་བཅུད་ཕྱུང་རང་བཞིན་རྫོགས་པ་ཆེན་པོ་སྙན་བརྒྱུད་རྡོ་རྗེའི་ཟམ་པ་ཞེས་ཐེག་པ་ཐམས་ཅད་ཀྱི་ཡང་རྩེར་གྱུར་པ་འདི་ཉིད་འཇིག་རྟེན་གྱི་མིག་གཅིག་པུ་ལོ་ཆེན་བཻ་རོ་ཙ་ནས་མཁས་པ་ཤྲཱི་སིངྷ་སོགས་རྒྱ་གར་གྱི་པན་ཆེན་ཉི་ཤུ་རྩ་ལྔའི་ཐུགས་ཀྱི་གསང་མཛོད་བརྟོལ་བའི་གདམས་པ་ཟབ་མོ་ལ་བརྒྱུད་པ་སྔ་ཕྱི་བར་གསུམ་ལས་ཕྱི་མའི་སྐོར་བཻ་རོའི་འདྲ་འབག་ཏུ། བདག་ཉིད་བཻ་རོ་ཙ་ན་མཆིས་པ་འདི། །ཡང་དག་བཅུ་གཅིག་དོན་དང་ཡེ་ནས་ལྡན། །རྒྱ་གར་ཡུལ་ནས་ཆོས་བསླབས་ནས། །སྒྲ་དོན་བསྡེབས་ནས་བཀའ་བསྒྱུར་ཏེ། །བོད་ཀྱི་རྒྱལ་ཁམས་དཀར་པོར་བཏང་། །རྒྱལ་དང་བློན་པོ་ཀུན་ལོག་ནས། །སྤྱུགས་པས་ཚ་བའི་རོང་དུ་མཆིས། །རྒྱུད་སྡེ་ཀློང་སྡེའི་བཀའ་བཀྲོལ་བས། །གཡུ་སྒྲ་སྙིང་པོ་ཉིད་ལ་གཏད། །ཚ་བའི་རྒྱལ་ཁམས་དཀར་པོར་བཏང་། །ཡང་དག་དོན་གཅིག་མཆིས་པ་དེ། །མི་ཕམ་མགོན་པོ་ཉིད་ལ་གཏད། ཅེས་དཔང་མི་ཕམ་མགོན་པོ་ལ་སྙན་བརྒྱུད་དུ་གདམས་ཤིང་དེ་ནས་བཟུང་སྟེ་བརྒྱུད་པ་བདུན་གྱི་བར་ཕུང་པོ་ལྷག་མེད་འཇའ་ལུས་འོད་སྐུར་གྲོལ་བ་ཤ་སྟག་ཏུ་བྱོན་པའི་བརྒྱུད་པའི་བླ་མ་རྣམས་ཀྱི་ཞལ་ནས་ཞལ་སྙན་ནས་སྙན་དུ་རྒྱུད་པའི་ཟབ་ཅིང་ཆེས་དཀོན་པའི་ཆོས་སྐོར་ནོད་པ་ལ། ཚོམ་བུ་བུམ་པ་བདུད་རྩི་སིནྡྷུ་རའི་དཀྱིལ་འཁོར་དུ་འཛེང་རྡོ་རྗེ་སྲ་བས་མཛད་པའི་བྱིན་རླབས་རྒྱས་འབྲིང་

བསྡུས་གསུམ་གྱི་སྟེང་ནས་མ་དག་པ་དག་པར་བྱེད་པ་རྒྱ་མཚོ་ཁྲུས་ལུང་ཞར་བྱུང་དུས་བཞི་རྣལ་འབྱོར་གྱི་ལུང་འབོགས་པ། སྒོ་གསུམ་ལས་ཀྱི་སྤྱོད་པ་སྔོན་འགྲོ་ཆོས་སྤྱོད། འཇུག་པ་དང་བཅས་པ་སྔོན་དུ་བཏང་བའི་བྱིན་རླབས་རྒྱས་པ་བུམ་པས་རིགས་ལྔ་སྐུ་ལྔ། ཡེ་ཤེས་ལྔ། སྐུ་གསུང་ཐུགས་ཀྱི་དབང་། བདུད་རྩི་ཀ་པཱ་ལས་གསང་དབང་། ཐིག་ལེ་དཀར་དམར་གྱིས་ཤེར་དབང་། རྡོ་རྗེ་ཚེ་དབང་། ཞིང་ཁམས་བསྟན་པ། ཚུལ་ཤིང་གིས་ཚིག་དབང་། སྒོམ་ཐག །སྒོམ་རྟེན་གཏད་པ། བཀའ་སྲུངས་མཁའ་འགྲོ་གསུམ་གྱི་གཉེར་གཏད། བྱིན་རླབས་འབྲིང་པོ་ཤར་སྒོར་བའི་རྣམ་ལྔའི་སྟེང་དུ་བུམ་པ། ལྷོ་སྒོར་ཤ་ལྔ་བདུད་རྩི་ལྔའ་ིསྟེང་དུ་ཐོད་པ། ནུབ་སྒོར་ཐིག་ལེའི་སྟེང་དུ་མེ་ལོང་། བྱང་སྒོར་གུར་ཀུམ་གྱི་སྟེང་དུ་ཚུལ་ཤིང་བཏད་པ་སྟེ་དབང་བཞི། བྱིན་རླབས་བསྡུས་པ་གཏོར་མས་ལྷ་དབང་ལུས། བདུད་རྩིས་སྔགས་དབང་ངག །ལྕེ་སྟེང་མྱང་བས་ཆོས་དབང་སེམས། ཚིག་གི་བརྡ་སྤྲད་པས་དེ་ཁོ་ན་ཉིད་དེ་དབང་བཞི་ལེགས་པ་ནོད་ནས། རྒྱབ་རྟེན་ལུང་ལ། གཞུང་དང་ཡིག་སྣའི་སྐོར། བྱིན་རླབས་དབང་གི་སྐོར། སྒོམ་སྒྲུབ་ཉམས་ལེན་གྱི་སྐོར། ཞལ་གདམས་གདམས་པའི་སྐོར་དང་བཞི། དང་པོ་ལ། སྒྲུབ་སྡེ་བཅུ་གསུམ་གྱི་སྙིང་པོ་རྣ་བརྒྱུད་རིན་པོ་ཆེ་རྡོ་རྗེ་ཟམ་པའི་རྩ་བའི་གཞུང་ཆུང་སློབ་དཔོན་ཆེན་པོ་བཻ་རོ་ཙ་ནས་མཛད་པ། དེའི་འགྲེལ་པ་ལོ་རྒྱུས་ཆེན་མོ་གདམས་པ་གཞུང་བཤད་བཅས་པ། འཛེང་ཡབ་སྲས་ཀྱི་སློབ་མ་སློབ་དཔོན་ཀུན་བཟང་རྡོ་རྗེས་མཛད་ནས་བླ་མ་རྒྱ་ཡེ་ཤེས་སེང་གེ་ལ་ཐུགས་ལ་བཏགས་ཏེ་གནང་བ་བཀྲ་ཤིས་ཆོས་སྐུ་ཀུན་བཟང་མ་དང་བཅས་པ། ལོ་རྒྱུས་ཆུང་བ་གདམས་ངག་དང་བཅས་པ་སྒྲུབ་

སྡེ་བཅུ་གསུམ་གྱིསྙིང་པོ་རྣ་བརྒྱུད་རིན་པོ་ཆེ་ཟམ་པའི་མན་ངག །འདིའི་ལོ་རྒྱུས་སྐབས་མཐའ་བཞི་སྟོན་པ་གཞོན་ནུ་བྱང་ཆུབ་ཡན་ཡོད་པ་མཛད་པ་པོ་ཀུན་བཟང་རྡོ་རྗེ་ཡིན་མིན་དོགས་གནས་ཅུང་ཟད་སྣང་མོད་འོན་ཀྱང་བརྒྱུད་པ་ལྷག་མ་རྣམས་སླར་བསབས་སམ་སྙམ། དགོངས་བརྒྱུད་བརྡ་བརྒྱུད་སྙན་བརྒྱུད་བྱུང་ཚུལ་ཀུན་བཟང་ཆོས་ཉིད་མ་མཁའ་འགྲོ་གཏད་རྒྱའི་མཐའ་ཅན། ཆོས་སྐུའི་སྟོན་པ་ཀུན་ཏུ་བཟང་པོས་ཆོས་སྡེ་རྒྱུད་སྡེ་ཀློང་སྡེ་གསུམ། ལོངས་སྐུའི་སྟོན་པ་གངས་ཆེན་མཚོས་ཀྲྀ་ལ་ཨུ་པ་ཡོ་ག་གསུམ། སྤྲུལ་སྐུའི་སྟོན་པ་ཤཱཀྱ་ཐུབ་པས་སྡེ་སྣོད་གསུམ་བསྟན་ཚུལ་དོན་ཆེད་བཅས་པ་འོད་གསལ་བའི་མཐའ་ཅན་སྐབས་སྦྱོར། སློབ་དཔོན་དགའ་རབ་རྡོ་རྗེའི་སྤྱི་བོར་རྡོ་རྗེ་སེམས་དཔས་ཕྱག་བརྐྱངས་ནས་བརྡ་བསྟན་པས་གྲོལ་བའི་ལོ་རྒྱུས་མནལ་བར་བྱ་བ་ལགས་སྐད་ཀྱི་མཐའ་ཅན་སྐབས་སྦྱོར། འདྲ་འབག་ནས་ཕྱུང་བའི་བཻ་རོ་ཚ་བ་རོང་ནས་བོད་དུ་བྱོན་ཏེ་ཆོས་བསྒྱུར་བ་དང་མ་ལ་སྡོམ་པ་གསུམ་ཕོག་ཚུལ་སྐབས་སྦྱོར། བཻ་རོའི་སྙིང་པོ་བཅུ་གསུམ་གྱི་མགུར། དཔེ་དྲུག་གིས་མཚོན་པའི་མགུར། ཨཱཪྱ་པ་གླིང་དུ་བཻ་རོ་དང་གཙང་ལེགས་གྲུབ་ལ་རྨི་ལམ་རྟགས་བཟང་བྱུང་བ། ཨོ་རྒྱན་ཡུལ་གྱི་མཚན་ཉིད། སྒོམ་མེད་དོན་གྱི་གཟེར་ཆེན་གདབ་པ་རྟེན་ཅིང་འབྲེལ་བར་འབྱུང་བ་ཞེས་པ་ཡིན་ནོའི་མཐའ་ཅན་སྐབས་སྦྱོར། གྲོལ་བ་མཐར་ཕྱིན་རྡོ་རྗེའི་ཚིག་ཅེས་སྒོམ་མེད་དོན་གྱི་གཟེར་ཆེན་གསེར་འགྱུར་གྱི་རྩི་བཏང་བ་ལྟར་རོའི་མཐའ་ཅན་སྐབས་སྦྱོར། བཀའ་བབས་ཕྱི་མའི་ཀས་མནྟ་བདེ་བ་ཀུན་སྤྱོད་ཀྱི་ལམ་གཏན་ལ་དབབ་པ་སྐབས་སྦྱོར། མཆོད་བརྗོད་དང་སྟོན་པར་དམ་བཅའ་

བ་ལས་འཕྲོས་ཏེ་ཀུན་ཏུ་བཟང་པོས་དབང་པོ་རབ་གསུམ་ལ་རྒྱུད་ཀློང་སྡེ་གསུམ། རྣམ་པར་སྣང་མཛད་ཀྱིས་དབང་པོ་འབྲིིང་གསུམ་ལ་ཀྲྀ་ཡོ་ག་ཨུ་གསུམ། ཤཱཀྱ་ཐུབ་པས་དབང་པོ་ཐ་མ་གསུམ་ལ་འདུལ་སྡེ་མངོན་གསུམ་བསྟན་ཚུལ་སོགས་དམ་བཅའ་བ་བསྟན་པ་པོའི་མཐའ་ཅན་སྐབས་སྦྱོར་ལྷན་ཐབས་རྒྱས་པ། བཀྲ་ཤིས་མཚན་ལྡན་ཀ་པཱ་ལའི་དོན་བཤད་པ། སྙན་བརྒྱུད་རྡོ་རྗེ་ཟམ་པའི་མན་ངག་གི་དཀར་ཆག །འཛེང་དྷརྨ་བོ་དྷིའི་ལོ་རྒྱུས་སྐབས་སྦྱོར། ཁོག་ཆིངས་བཀའི་ངོས་འཛིན་རྣམས། གཉིས་པ་བྱིན་རླབས་དབང་གི་སྐོར་ལ། བདུད་རྩི་འཁྱིལ་པར་བརྟེན་པའི་རྒྱ་མཚོ་ཁྲུས་ལུང་སྦྱོར་དངོས་མཇུག་གསུམ་གྱིས་བསྟན་པ། སྔོན་འགྲོ་ཁྲུས་ཆོག་ལ་བུམ་པ་གསུམ་བཅའ་ཚུལ། ནང་དག་པ་རྒྱ་མཚོ་ཁྲུས་ཀྱི་ལུང་། སྒོ་གསུམ་གྱིས་ཕྱག་འཚལ་སྙིང་པོ་བཟླ་ཞིང་བསྒོམ་པའི་མན་ངག །སྨིན་པ་གྲོལ་བྱེད་བསྒོམ་ཚུལ་བླ་མའི་ལུང་གིས་དབང་བཞི་པ་ཚུལ་བཞིན་གཏོད་པ་དུས་བཞི་རྣལ་འབྱོར་གྱི་ལག་ལེན་ནོའི་མཐའ་ཅན། འཛེང་རྡོ་རྗེ་སྲ་བས་མཛད་པའི་མངོན་རྫོགས་རྒྱལ་པོའི་གཞལ་ཡས་ཁང་བསྒོམ་པ། མཎྜལ་བྱིན་རླབས་བསྒོམ་ཚུལ་བླ་མའི་བྱིན་རླབས་རྒྱས་འབྲིང་བསྡུས་གསུམ་རྫོགས་བྱང་གི་མཐའ་ཅན་རྣམས། གསུམ་པ་སྒོམ་སྒྲུབ་ཉམས་ལེན་སྐོར་ལ། སྒོམ་པ། སྒྲུབ་པ། ཆ་ལག་དང་གསུམ། དང་པོ་ལ་བརྒྱུད་འདེབས་རྒྱས་པ་མ་ནོར་མ་བཅོས་མ། འབྲིང་པོ་གཞོན་ནུ་དཔལ་འཛིན་མ། ཁྱུང་ཚང་པ་དཔལ་འཛིན་མ། ཁྱུང་ཚང་པ་དཔལ་ལྡན་བློ་གྲོས་ཀྱིས་མཛད་པའི་བསྡུས་པ་ཀུན་བཟང་རྡོར་སེམས་མ། རྒྱུད་བསྟོད་པ་ན་མོ་ཆོས་དབྱིངས་མ། བདུན་

རྣམ་དག་རྡོ་རྗེ་སློབ་དཔོན་མ། ཡན་ལག་བདུན་པ་ཚིགས་ལྷུག །བླ་མ་འཛེང་གི་བསྔོ་བ་ཕྱག་ལེན། སྔོན་འགྲོ་སྒོ་གསུམ་གྱིས་ཕྱག་འཚལ་སྙིང་པོ་བཟླ་ཞིང་བསམ་གཏན་སྒོམ་པ་གཉུག་མའི་རང་ས་ཟིན་པར་བྱིན་གྱིས་རློབས་ཀྱི་མཐའ་ཅན། ཉམས་ལེན་གྱི་སྙིང་པོ་རྣ་བརྒྱུད་རྡོ་རྗེ་ཟམ་པའི་བརྒྱུད་པ་མཐའ་མའི་མན་ངག་ལོ་ཆེན་བཻ་རོས་མཛད་པ་རྒྱ་གར་ཡུལ་གླིང་ཆེན་པོ་དགུའི་ལོ་རྒྱུས་ཡོད་པ། དམ་པ་རིན་པོ་ཆེའི་སྙན་བརྒྱུད་རྡོ་རྗེ་ཟམ་པའི་གདམས་པ་དམར་འཁྲིད་ལག་ཏུ་བླངས་པའི་རིམ་པ། འདི་དཔང་མི་ཕམ་མགོན་པོའི་གསུང་ཡིན་མིན་བརྟག །འཛེང་དྷརྨ་བོ་དྷིས་འོ་ལ་བཛྲ་སིདྡྷི་ལ་གནང་བའི་ཉམས་འཁྲིད་སྒོམ་གྱི་ཡི་གེ་གསལ་བའི་སྒྲོན་མ། སྙན་བརྒྱུད་ཀྱི་འཁྲིད་འོ་ལ་ཇོ་སྲས་ཀྱིས་རྒྱ་སྒོམ་གྱི་སྣོད་དུ་བླུག་པ། སྒོམ་གྱི་ཁྲིགས་རིམ་བཅོ་ལྔ་རྒྱུད་ལུང་མན་ངག་དང་མི་འགལ་བར་འོ་ལས་གོ་རི་བའི་ཐུགས་དམ་དུ་གནང་བ། སྤྱན་སྔ་ཆོས་ཀྱི་རྒྱལ་པོ་ཞྭ་དམར་བཞི་པས་མཛད་པའི་འཁྲིད་ཡིག་སྐལ་བཟང་མིག་འབྱེད་རྣམས། གཉིས་པ་སྒྲུབ་པ་ལ། ཧེ་རུ་ཀ་མངོན་རྫོགས་རྒྱལ་པོའི་སྒྲུབ་ཐབས་རྩ་བ་སློབ་དཔོན་ཨ་ཝ་དྷཱུ་ཏི་པ་རྡོ་རྗེ་ཆོས་ཀྱིས་མཛད་པ། ཧེ་རུ་ཀ་མངོན་རྫོགས་རྒྱལ་པོ་ཡབ་ཡུམ་གྱི་སྒྲུབ་ཐབས་ཉམས་སུ་བླང་བའི་ཆོས་དཔལ་ཨ་ཝ་དྷཱུ་ཏི་པ་རྡོ་རྗེ་ཆོས་ཀྱིས་མཛད་པ། ཡབ་ཡུམ་གྱི་མངོན་རྟོགས་ལྷན་ཐབས་རྒྱལ་པོ་ཉི་མ་སེང་འོད་ཀྱིས་དུར་ཁྲོད་སོ་ས་ལར་བསྒྲུབ་པས་ཞག་བདུན་ནས་ཡབ་དང་དེ་ནས་ཞག་བདུན་ལ་ཡུམ་ཞལ་གཟིགས་ཚུལ་ཡོད་པ། རིན་པོ་ཆེ་དབང་གི་མན་ངག་ཅེས་པ་སྐྱེད་རྫོགས་ཟུང་འཇུག་གི་གདམས་པ་མངོན་རྫོགས་རྒྱལ་པོའི་ཡང་དག་གི་འཕྲིན་ལས་སྒྲུབ་པ་དངོས་གཞི་ཚོགས་

ལུང་དང་བཅས་པ། བདེ་བ་སྟོབས་དང་ལྡན་པའི་སྒྲུབ་ཐབས་མི་གཡོ་མགོན་པོས་གསུངས་པ། མཁའ་འགྲོ་རྣམ་གསུམ་གྱི་སྒྲུབ་ཐབས་སློབ་དཔོན་དགའ་རབ་རྡོ་རྗེས་མཛད་པ་རྫོགས་སོའི་མཐའ་ཅན། རྒྱུ་རྐྱེན་བཟླས་བརྗོད་ཀྱི་སྔགས་བསྟན་པ། ཌཱ་ཀི་མངོན་སྤྱོད་ཀྱི་དངོས་གྲུབ་བླང་བའི་སྒྲུབ་པ་ཛ་ལནྡྷ་རའི་གནས་རྣམ་པར་བསྒྱུར་བ་དཔལ་གནས་པའི་གཞུང་ལུགས་ལས་དཔལ་མི་མོ་ཞབས་ཀྱི་དགྲ་བགེགས་ཚར་གཅོད་པ་རྣལ་འབྱོར་ཐམས་ཅད་ལ་དངོས་གྲུབ་སྟེར་བའི་གཞུང་ལུགས་སྦྱིན་སྲེག་བྱ་འོའི་མཐའ་ཅན་མཁན་པོ་ཛྙཱ་ན་བཛྲ་ལོ་ཙཱ་བ་དགེ་སློང་ཤེས་རབ་གྲགས་ཀྱིས་བསྒྱུར་བ། རིན་པོ་ཆེའི་གཟུགས་དང་འཁོར་ལོར་བརྟེན་པའི་ཌཱ་ཀི་ལོངས་སྤྱོད་ཀྱི་སྒྲུབ་པ། ཛ་ལནྡྷ་རའི་གནས་རྣམ་པར་བསྒྱུར་བ་དཔལ་གནས་པའི་གཞུང་ལུགས་ལས་དཔལ་མི་མོ་ཞབས་ཀྱི་དངོས་གྲུབ་དགྲ་ཚར་གཅད་པ་ཨོཾ་ཀ་ནན་བྱ་འོའི་མཐའ་ཅན་མཁན་པོ་ཛྙཱ་ན་བཛྲ་དང་ལོ་ཙཱ་བ་ཤེས་རབ་གྲགས་ཀྱིས་བསྒྱུར་བ། ལྷ་མོ་གཏུམ་མོའི་སྒྲུབ་ཐབས་དཔལ་མི་མོའི་ཞབས་ཀྱི་རིམ་པ་ལས་བྱུང་བ་ཛྙཱ་ན་བཛྲ་དང་སྨོན་ལམ་བྱང་ཆུབ་ཀྱིས་ཞུས་ཏེ་ལོ་ཙཱ་བ་ལྷ་བྱང་ཆུབ་ཀྱིས་ཁ་ཆེ་འབྲིང་ཁ་ཝ་ཏིའི་དཔེ་ལ་ཞུ་གཏུགས་བྱས་ཤིང་། སླར་ཡང་ཇོ་བོ་མ་ཧཱ་བཛྲ་དང་མར་དོ་ཆོས་ཀྱི་དབང་ཕྱུག་གིས་གཏན་ལ་ཕབ་པ། ལྷ་མོ་གཏུམ་མོ་ལ་དགྱེས་པའི་བསྟོད་པ་འཇིགས་དུས་མེ་འོད་མ། རྣལ་འབྱོར་པ་ཐམས་ཅད་ཀྱི་དགྲ་ཚར་གཅོད་པའི་དངོས་གྲུབ་ཀྱི་ལས་ཞེས་པ་ཛྙཱ་ན་བཛྲ་དང་ཤེས་རབ་གྲགས་ཀྱིས་བསྒྱུར་བ། འབར་མ་དཔོན་གཡོག་བཞིའི་བསྟོད་པ་འགྲོ་དོན་འཕྲིན་ལས་མ། གཏུམ་མོ་ནི་བཟང་སྒྲོལ་མའི་སྒྲུབ་ཐབས་དཔལ་མི་མོའི་

ཞབས་ཀྱི་རིམ་པ་ལས་བྱུང་བ་ཛྙཱ་ན་ཙནྡྲ་དང་ལྷ་བྱང་ཆུབ་དམ་པས་བསྒྱུར་བ། ཛ་ལནྡྷ་རའི་གནས་བསྒྱུར་བ་དཔལ་གནས་པའི་གཞུང་ལུགས་ལས་དཔལ་མི་མོ་ཞབས་ཀྱི་དངོས་གྲུབ་བླང་བ་དང་དགྲ་བགེགས་ཚར་གཅོད་པའི་གདམས་ངག་རྣལ་འབྱོར་པ་ཐམས་ཅད་ལ་དངོས་གྲུབ་སྟེར་བའི་གཞུང་བཀའ་སྐྱོང་ཞི་བ་དང་ཁྲོ་མོ་དཔོན་གཡོག་གསུམ་གྱི་མཆོག་གི་དངོས་གྲུབ་བསྒྲུབ་པ། ཐུན་མོང་དངོས་གྲུབ་བསྒྲུབ་པ། ཌཱ་ཀི་ངན་སྔགས་སུ་བསྒྲུབས་ནས་དགྲ་གེགས་ཚར་གཅོད་པ་ཛྙཱ་ན་བཛྲ་དང་ཤེས་གྲགས་ཀྱིས་བསྒྱུར་བ། མཁའ་འགྲོ་མ་གསང་སྤྱོད་ཀྱི་སྒྲུབ་ཐབས་དོན་རྣམ་པ་གསུམ་གྱིས་བསྟན་པ། རྡོ་རྗེ་མཁའ་འགྲོ་ལ་བརྟེན་ནས་མཁའ་སྤྱོད་བསྒྲུབ་པ་རྣམས། གསུམ་པ་ཆ་ལག་སྐོར་ལ། བླ་མ་ཡི་དམ་མཁའ་འགྲོ་གསུམ་གྱི་གཏོར་ཆོག །མཁའ་འགྲོའི་མཆོད་གཏོར་དང་ཁྱད་པར་སྤོས་སྦྱོར། བདུད་རྩི་བྱིན་གྱིས་བརླབས་ཏེ་རང་ཉིད་རོལ་ཐབས། བྱང་སེམས་དཀར་དམར་སྦྱོར་ཐབས། ཆོས་དམ་ཚིག་ལས་ཀྱི་མུ་དྲ་གསུམ་གྱི་སྔགས་འགྲོལ། འཕགས་པ་འཇམ་དཔལ་ཡི་གེ་འབྲུ་གཅིག་པའི་ཆོ་ག་ཕྱི་ནང་གསང་གསུམ་གྱི་བཅུད་ལེན་སྨན་གྱི་མཱུ་ལ། བཅུད་ལེན་བདུད་རྩིའི་སྒྲུབ་ཐབས། བདུད་རྩི་ཁུ་འདོན་གྱི་ཞལ་གདམས། མ་དག་པ་དག་བྱེད་རྒྱ་མཚོ་ཁྲུས་ལུང་ཞེས་པ་གནས་པ་རྒྱ་མཚོའི་ལུང་དང་བརྟན་པ་རྒྱ་མཚོའི་ལུང་གཉིས། རྒྱུད་ལས་བཏུས་པའི་དམ་ཚིག་ཉི་ཤུ་པ། གསན་ཡིག་ལ་ལར་ཉི་ཤུ་རྩ་བཞི་ཟེར་བའང་འདུག །ཧེ་རུ་ཀ་རོ་ཧཾ་གི་གདམས་པ་རྒྱུད་དང་གདམས་ངག་གཉིས་ཀྱི་བསྟན་པ། སྐུ་གསུང་ཐུགས་ཀྱི་གདམས་པ་དོན་གསུམ་གྱིས་བསྟན་པ། ཉིན་མོ་སྣ་ཚོགས་སྣང་བ་ལམ་དུ་ཁྱེར་

མཚན་མོ་ཤེས་བྱ་བུམ་པར་གཞུག་པ་། དེ་གཉིས་ཀྱི་གདམས་པ་ཡིག་འབྲུ་ལྔ་ལ་བརྟེན་པའི་མན་ངག །སློབ་དཔོན་ར་མ་པའི་རྒས་པ་ན་བ་འཆི་བ་གསུམ་བཅིང་པ། ཐིག་ལེ་གོར་བ་དང་རྩ་ཁ་སྡོམ་པའི་མན་ངག་འཛེང་ཆེན་གྱིས་འཛེང་ཆུང་ལ་གནང་བ། རྡོ་རྗེ་སེམས་དཔའ་ཁུ་ཚུར་གྱི་མན་ངག་ལས་དང་རྐྱེན་བཅིང་བ། བསྙེན་པ་དང་སྒྲུབ་པ་ལས་སྦྱོར་གཉིས་ཀྱི་ཞལ་གདམས་ཌཱ་ཀི་མའི་སྤོས་སྦྱོར་རོའི་མཐའ་ཅན། མཁའ་འགྲོའི་ལས་ཀྱི་འགོ་མཇུག་ཏུ་དབང་དུ་བྱ་བ། དགུག་པ། སྡང་བ། རྨུགས་པ། རེངས་པ། ཕུར་བུས་གདབ་པ། ངག་འཕྲོག །རྨོངས་པ། ཞ་བ། འོན་པ། ལོངས་སྤྱོད་ཉམས་པའི་ལས་བཅུ་གཉིས་ཡོད་ཚུལ་གྱི་ཞལ་གདམས་དུས་བཞི་བསྲེག་གོའི་མཐའ་ཅན། སྟེགས་བུའི་ཞལ་གདམས་བླ་མའི་ཞལ་ལས་དྲིས་ཀྱི་མཐའ་ཅན་མཁའ་འགྲོ་མ་སྡེ་གསུམ་གྱི་ཞལ་གདམས་སྔགས་འབུམ་ལོགས་སུ་བཀོལ་བ། ཤིན་ཐེན་ཝ་ལ་ཤའི་མདོ་ལས་རྐྱེན་གྱིས་ཐར་པའི་ལུང་། དགའ་རབ་རྡོ་རྗེའི་ཡེ་ཤེས་ལྷ་དབང་དབབ་པ་ཞེས་པ་རྫས་ལ་བརྟེན་ནས་ཚེ་ལ་དབང་བའི་རིག་འཛིན་བསྒྲུབ་པ་རྡོ་རྗེ་ཟམ་པའི་ཚེའི་ཆོག་ཆུང་ཞར་བྱུང་མངོན་རྟོགས་དང་བཅས་པ། ནག་འཁྲིད་དམར་འཁྲིད་ཀྱི་གདམས་པ་འཛེང་གི་བནྡེས་སེམས་ཅན་གྱི་དོན་དུ་བཤད་པ་སེམས་ཀྱི་དཀྱིལ་དུ་སྦ་བ། སངས་རྒྱས་ཀྱི་དགོངས་པ་གཏན་ལ་འབེབས་པ་འཕྲུལ་གྱི་མེ་ལོང་དགུ་སྐོར། རྡོ་རྗེ་སེམས་དཔའི་རྡོ་རྗེའི་ཚིག་རྡོ་རྗེ་ཟམ་པར་གྲགས་པ་བརྡས་དོན་སྤྲོད་པ། སློབ་དཔོན་ཉང་བྱང་ཆུབ་གྲགས་ཀྱི་ལྟ་སྒོམ་རྡེའུ་བཅུ་དྲུག་པ། གདོད་ནས་དག་པ་བྱང་ཆུབ་སེམས་ཉིད་ངོ་བོའི་དོན་བརྡར་ཤ་བཅད་པའི་མན་ངག །ཀུན་བཟང་ཐུགས་ཡེ་

ཤེས་ཀྱི་མེ་ལོང་ཞེས་པ་གདམས་པ་ལྟ་སྒོམ་སྤྱོད་འབྲས་ལྔས་བསྟན་པ། ཆོས་ལ་མི་བརྟེན་རྐྱེན་གྱིས་གྲོལ་བའི་དཔེ། ཉང་ཤེས་རབ་འབྱུང་གནས་ཀྱིས་རྒྱུ་སེམས་ཅན་འབྲས་བུ་སངས་རྒྱས་བསྒྱུར་བ་ལ་མི་དགོས་པའི་རྡེའུ་བཅུ། གཡོ་འཛིན་རླུང་ནི་མན་ངག་སྦྱིན་པ། རླུང་གི་མན་ངག་སཾ་བཛྲ་ཀཱིརྟིས་ཞུས་པ། དུས་བཞིའི་རྣལ་འབྱོར་ལུང་འབོག་པ་རྣམས། བཞི་པ་ཞལ་གདམས་གདམས་པའི་སྐོར་ལ་ཕྱི་ནང་གསང་གསུམ། དང་པོ་ཕྱིའི་ཞལ་གདམས་ལ། ཟམ་ཆུང་བསྡུས་པ་ཐུན་གཅིག་མ། ཟམ་ཆུང་གི་ཡིག་སྣ་ཐུན་མོང་དང་ཁྱད་པར་བ་གཉིས། ཟམ་ཆུང་ཐུན་གཅིག་གི་བསྡུས་དོན། སྙན་བརྒྱུད་རིན་པོ་ཆེ་ཉམས་ཀྱི་འཕྲེང་བ་ཞེས་པ། རྡོ་རྗེ་སེམས་དཔའ་དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། བཻ་རོ་ཙ་ན། དཔང་མི་ཕམ་མགོན་པོ། བྱང་ཆུབ་རྒྱལ་མཚན། རིན་ཅེན་དབྱིག །གསལ་བ་མཆོག །བྱང་ཆུབ་གྲགས་པ། ཤེས་རབ་འབྱུང་གནས། ཡེ་ཤེས་བྱང་ཆུབ། དྷརྨ་བོ་དྷི། འཛེང་ཇོ་སྲས། འོ་ལ་བནྡེ། འོ་ལ་དགེ་སློང་རྣམས་སྔ་མ་སྔ་མས་ཕྱི་མ་ཕྱི་མར་གདམས་པ། འཛེང་གི་རྒྱབ་ཤ་ཚད་མ་བཞིའི་གདམས་པ་རྣམས། གཉིས་པ་ནང་གི་ཞལ་གདམས་ལ། ཤྲཱི་སིངྷའི་རྣ་བརྒྱུད་ཚིགས་གསུམ་པ། ཤྲཱི་སིངྷའི་རྣ་བརྒྱུད་ཚིག་དོན་ལྔ་པ། གསང་སྔགས་རིན་པོ་ཆེའི་གདུང་སྒྲུབ། བསྲེ་བ་རྣམ་བཞིའི་མན་ངག་སེམས་ཉིད་བརྡར་ཤ་གཅོད་པ་འཆི་ཁ་བར་དོའི་གདམས་པ། ཟླ་བ་བཞིའི་འཆི་ལྟས་བརྟག་པའི་ཞལ་གདམས། འཆི་བ་བརྟག་པ། བླུ་བ། མ་ལྷུས་ན་འཕོ་བ་བྱ་བ་གསུམ་ཆོས་སྡེ་གཅིག་པ། ཤིང་པཱ་ལ་ཤ་ལ་བརྟེན་ནས་གསང་བའི་དགྲ་གསུམ་གསང་

བ། ཡོངས་སུ་མ་སྨིན་པའི་སེམས་ཅན་ངན་སོང་གི་གནས་ལས་བསྲུང་བའི་སྦྱོར་བ་རྣམས། གསུམ་པ་གསང་བའི་ཞལ་གདམས་ལ། གསང་བའི་རྫས་ཁྱད་པར་ཅན་གྱི་འོད་གསལ་རྒྱུད་ལ་སྐྱེ་བ་འཛེང་གི་གདམས་པ། འཛེང་དྷརྨ་བོ་དྷིའི་གལ་ཆེན་གྱི་གདམས་པ། སློབ་དཔོན་དགའ་རབ་རྡོ་རྗེའི་ཉམས་ཀྱི་སྐྱུག་པ། མེ་ལོང་ངོ་སྤྲོད་ཀྱི་གདམས་པ། རྫས་ལ་བརྟེན་ནས་རླུང་གི་གནས་འགྱུར་བ། རྡོ་རྗེ་ཟམ་པའི་མན་ངག་ཉིང་ཁུང་འཛེང་དྷརྨ་བོ་དྷིའི་གསུང་། ཌཱ་ཀིའི་གད་མོ་བཞིའི་ཞལ་གདམས་སུ་གྲགས་པ། ཚུལ་ཆེན་བཞི་གཏད་པ། སྒོམ་རྟེན་ལ་འདྲི་སྐད་དོའི་ཡི་གེ་དང་བཅས་པ་རྫོགས་པར་ཐོབ་པའི་བརྒྱུད་པ་ནི། ཆོས་སྐུའི་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་སེམས་དག་ལྷའི་ནོར་བུ། འདི་ཡན་དགོངས་བརྒྱུད། སྟོན་པ་དགའ་རབ་རྡོ་རྗེ། གུ་རུ་འཇམ་དཔལ་བཤེས་གཉེན། སློབ་དཔོན་ཤྲཱི་སིངྷ། འདི་ཡན་བརྡ་བརྒྱུད། ལོ་ཙཱ་བ་ཆེན་པོ་བཻ་རོ་ཙ་ན་རཀྵི་ཏ། དགུང་ལོ་སུམ་བརྒྱ་དང་དྲུག་ཅུ་བཞུགས། དཔང་མི་ཕམ་མགོན་པོ། རྟེན་ཁྱིམ་པ། དགུང་ལོ་ལྔ་བརྒྱ། དབུ་རུ་བྲག་རལ་པ་ངན་ལམ་བྱང་ཆུབ་རྒྱལ་མཚན། རྟེན་དགེ་སློང་། དགུ་ལོ་བརྒྱ་དོན་གཉིས། མདོ་ཁམས་སྟོད་པ་ཟ་དམ་རིན་ཅེན་དབྱིག །རྟེན་དགེ་སློང་། དགུང་ལོ་བརྒྱ་ཞེ་བཞི། ཡར་ཀླུངས་འཕྱོས་པ་ཁུ་འགྱུར་གསལ་བ་མཆོག །རྟེན་དགེ་སློང་། དགུང་ལོ་བརྒྱ་བཅུ་བདུན། སྙེ་མོ་གཡུང་དྲུང་བ་ཉང་བྱང་ཆུབ་གྲགས་པ། རྟེན་དགེ་སློང་། དབུ་རུ་ཞ་ལྷ་ཁང་པ་ཉང་ཤེས་རབ་འབྱུང་གནས། འདི་ཡན་སྣང་གསུམ་ཟད་སར་འཁྱོལ་ནས་འཇའ་ལུས་གྲུབ་སྟེ་ལུས་མ་སྤངས་པར་མཁའ་སྤྱོད་དུ་བྱོན་པ་ཤ་སྟག་གོ །ལོ་མོ་བ་སྦ་སྒོམ་ཡེ་ཤེས་བྱང་ཆུབ། རྟེན་དགེ་བསྙེན། དགུང་ལོ་གོ་བརྒྱད། ཨེ་གོང་པོ་བ་འཛེང་དྷརྨཱ་བོ་དྷི། རྟེན་ཁྱིམ་པ། དགུང་ལོ་བརྒྱ་བཅུ་བདུན། ཨེ་གོང་པོ་འཛེང་

དཀར་སློབ་དཔོན་ཇོ་སྲས། རྟེན་ཁྱིམ་པ། སློབ་དཔོན་ཀུན་བཟང་རྡོ་རྗེ། གཞུང་བཤད་ཆེན་མོ་མཛད་མཁན་ཡིན། རྗེ་བཙུན་སངས་རྒྱས་རྡོ་རྗེ། སྐྱེ་ཚེ་ཡེ་ཤེས་དབང་ཕྱུག །དྭགས་པོ་ཟེ་དཀར་བ་གཟིགས་ཡེ་ཤེས་དབང་པོ། རྟེན་ཁྱིམ་པ། ཁྲབ་ལ་ཁ་བའི་མཁན་ཆེན་ངུར་པ་བསོད་ནམས་འོད། རྟེན་དགེ་སློང་། ལ་ཁ་བའི་དུར་སྟོན་བཛྲེ་ཤྭ་ར། རྟེན་ཁྱིམ་པ། བླ་མ་གོ་རི་བློ་ལྡན། བླ་མ་འོ་ལ་ཇོ་སྲས། མཐའ་བཞི་གཞོན་ནུ་དབང་ཕྱུག །མཐའ་བཞི་བརྩོན་འགྲུས་དབང་ཕྱུག །མཐའ་བཞི་གྲགས་པ་རིན་ཅེན། ཁྲབ་ལ་ཁ་བ་ཤཱཀྱ་རྒྱལ་པོ། ཐུབ་བསྟན་ཡོངས་སུ་རྫོགས་པའི་བཤེས་གཉེན་ཡིད་བཟང་རྩེ་པ་འགོས་ལོ་གཞོན་ནུ་དཔལ། ངེས་པར་ཐམས་ཅད་མཁྱེན་པ་སྤྱན་སྔ་ཞྭ་དམར་བ་ཆོས་ཀྱི་གྲགས་པ་ཡེ་ཤེས་དཔལ་བཟང་། ཤེལ་བྲག་སྤྲུལ་སྐུ་ཆོས་ཀྱི་བློ་གྲོས་ཁྱུང་ཚང་རས་ཆེན་བློ་གྲོས་དཔལ་ལྡན། སྤྲུལ་སྐུ་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྱབ་བདག་ཁྲ་ཚང་པ་རྡོ་རྗེ་མི་རྟོག་རྩལ། དེས་བདག་ཟ་ཧོར་བནྡེ་ལའོ། ༈ །ཡང་ན་ཀརྨ་གུ་རུ་ནས། རང་གྲོལ་ནམ་མཁའ་ཆོས་དབང་། ཁྲ་ཚང་པ། དེས་བདག་ལའོ། །ཡང་ན་ངུར་སྟོན་བཛྲེ་ཤྭ་ར་ནས། མཁན་ཆེན་བསོད་ནམས་རྒྱལ་མཚན། མཁན་ཆེན་ཤེས་རབ་རྒྱལ་མཚན། མཁན་ཆེན་གཞོན་ནུ་ཤེས་རབ། མཚུངས་མེད་གཞོན་ནུ་གྲགས་པ། བླ་མ་སངས་རྒྱས་བཟང་པོ། མཐའ་བཞི་བརྩོན་འགྲུས་དབང་ཕྱུག་མན་སྔར་ལྟར། ཡང་ན་བླ་མ་སངས་རྒྱས་བཟང་པོ་ནས། ལ་ཁ་བ་ཤཱཀྱ་རྒྱལ་པོ་མན་འདྲ། ཡང་ན་སྐྱེ་ཚེ་ཡེ་ཤེས་དབང་ཕྱུག །ལ་ཁ་བ་པུརྞ་བྷ་དྲ། གང་དམར་བ་ཛྙཱ་ན་ཤྲཱི། གོ་རི་བློ་ལྡན་མན་འདྲ། ཡང་ན་ལ་ཁ་བ་ཤཱཀྱ་རྒྱལ་པོ་ནས། བླ་མ་ཉེ་གནས་པ། ཆོས་རྗེ་ནོར་བུ་དཔལ་བཟང་

གཉན་ཡོད་བྱ་རྒོད་གཤོང་པ་པཎ་ཆེན་འབུམ་ཕྲག་གསུམ་པ་བྱམས་པ་ཆོས་ཀྱི་དོན་གྲུབ། ཤེལ་བྲག་པ་ཆོས་ཀྱི་བློ་གྲོས་མན་འདྲ། ཡང་ན་འགོས་ལོ་གཞོན་ནུ་དཔལ་ནས། པཎ་ཆེན་འབུམ་ཕྲག་གསུམ་པ། ཤེལ་བྲག་པ་མན་སྔར་བཞིན་ནོ། །བླ་མ་ཕྱི་མ་རྣམས་ཀྱི་སྐུ་ཚེ་སོགས་ཞིབ་པར་མ་ངེས་ནའང་ཕལ་ཆེར་དགུང་ལོ་བརྒྱད་ཅུར་ཉེ་བར་བཞུགས་ཞེས་གྲགས། སྤྱིར་བཻ་རོ་ཙ་ནའི་སྐུ་ཚེའི་སྟོད་ལ་རྗེ་མངའ་བདག་རྒྱལ་པོར་གདམས་པ་ཕོག་ཀྱང་རྒྱལ་པོ་སྙན་སྲབ་ཅིང་བཙུན་མོ་དང་བློན་པོ་གདུགས་པ་ཆེས་པས་ཆོས་མཐར་མ་ཕྱིན་སྐུ་ཚེའི་སྨད་ལ་རྒྱལ་མོ་གཡུ་སྒྲ་སྙིང་པོ་ལ་རྫོགས་པར་གནང་། དེས་གཉག་ཛྙཱ་ན་ཀུ་མཱ་ར་སོགས་ལ་ཐ་སྙད་སྐོར་བསྟན་ཀྱང་གཏད་རྒྱ་མཐར་མ་ཕྱིན། གཡུ་སྒྲ་ཁམས་སུ་ལོག་ནས་དཔང་སངས་རྒྱས་མགོན་པོར་རྒྱས་གཏད་རྒྱ་གསུམ་པའི་ལུགས་ཚང་བ་ཞིག་བཞག་ཟེར་བ་ལུགས་གཞན་ཡིན། དེ་ནས་མར་བྱོན་ཏེ་རྒྱ་བློ་གྲོས་གཞོན་ནུའི་ལམ་རྒྱུད་ཉི་ཤུ་རྩ་ལྔ་ཕྲ་མོ་བཅས་པ་གཏད། དེ་ནས་ཞིང་གཞན་དུ་འཕོ་ཁར་དབས་རྡོ་རྗེ་རྒྱལ་མཚན་ལ་རྫོགས་པར་གནང་། དེས་མདོ་སྨད་དན་ཏིག་དགོན་པར་བསྐྱངས་ཞེས་ལོ་རྒྱུས་སུ་གསལ་བ་རྣམས་བརྒྱུད་པ་བར་མའི་སྐོར་ཡིན་ཀྱང་དེང་སང་རྒྱུན་མི་སྣང་ངོ་། ༈ །སྡོང་སྟོན་རྒྱལ་ཚ་ལུང་མང་པོ་ཆོས་ཀྱི་དབང་ཕྱུག་ནས་འཇམ་དབྱངས་བསོད་ནམས་རྒྱལ་མཆོག་གི་བར་དཔལ་ལྡན་ས་སྐྱ་པའི་གདུང་བརྒྱུད་རྣམས་དང་བླ་རེས་སློབ་རེས་སུ་བྱུང་ཞིང་ཟབ་དོན་སྙིང་བརྒྱུད་ཀྱི་བསྟན་པ་འཛིན་པའི་མཁས་ཤིང་གྲུབ་པ་བརྙེས་པའི་རིགས་སུ་བལྟམས་པ་ཡར་ཀླུངས་རྩེས་དང་བསམ་གཏན་གླིང་པ་མཉམ་མེད་ནམ་མཁའ་བསོད་ནམས་གང་དེ་སྐུ་ན་ཕྲ་མོའི་དུས་རྣལ་འབྱོར་དབང་ཕྱུག་

ལྡོང་སྟོན་སེང་གེ་རྒྱལ་མཚན་གྱིས་བྱིན་གྱིས་བརླབས་ཤིང་། རང་གི་ཁུ་བོ་འཇམ་དབྱངས་བསོད་ནམས་རྒྱལ་མཆོག་གིས་རྒྱུད་སྡེ་རྒྱ་མཚོའི་སྨིན་གྲོལ་གྱིས་རྗེས་སུ་བཟུང་བས་རྐྱེན་བྱས། ངོ་བོ་སྐུ་ཚེ་དུ་མར་རང་བཞིན་རྫོགས་པ་ཆེན་པོའི་རྣལ་འབྱོར་ལ་གོམས་པའི་རྟོགས་པ་ཀློང་དུ་གྱུར་པའི་བག་ཆགས་བཟང་པོ་སད་དེ་སངས་རྒྱས་གཉིས་པར་པདྨ་ཐོད་འཕྲེང་རྩལ་སོགས་སྐྱེས་མཆོག་མང་པོ་དངོས་ཉམས་རྨི་ལམ་དུ་མཇལ་ཏེ་དམ་པའི་ཆོས་ནོད་པར་བརྟེན་པའི་ཉམས་ཆོས་བསམ་གཏན་གླིང་པའི་ཨ་ཏི་ཞེས་ཟབ་པ་ལས་ཀྱང་ཆེས་ཟབ་པའི་སྐོར་ལ། ཁུངས་བཙུན་པ་བརྒྱུད་པ་དང་ལོ་རྒྱུས་སྐོར། མན་ངག་ཉམས་ལེན་དངོས་ཀྱི་སྐོར། ཁུངས་དང་རྒྱབ་རྟེན་སྐོར། རྩ་གསུམ་ལས་བྱང་ཆོས་སྲུངས་སྐོར་ཏེ་བཞི། དང་པོ་ལ། ཤིན་ཏུ་ཉེ་བརྒྱུད་ཀུན་ཏུ་བཟང་པོ་དང་ཉེ་བརྒྱུད་སློབ་དཔོན་པདྨ་འབྱུང་གནས་ལ་གསན་པ། རིང་བརྒྱུད་རིན་པོ་ཆེ་དོན་གྲུབ་དཔལ་འབྱོར་དང་མཁན་ཆེན་བསོད་ནམས་རྒྱལ་མཆོག་ལ་གསན་པ། གཉན་ལོ་ནས་བརྒྱུད་པའི་ཡི་གེའི་རིམ་པ་རྣམས་བསྟུན་པའི་འཇུག་ཏུ་སྟོང་ཉིད་མ་རྟོགས་ཐར་པ་གང་གིས་ཐོབ་ཅེས་སོགས་ཀྱི་ཚིགས་བཅད་ཡོད་པ། འདིའི་ཐོག་མར་ཕ་ཆོས་ཀྱི་རྒྱལ་པོ་རྗེ་བཙུན་རྣལ་འབྱོར་གྱི་དབང་ཕྱུག་བསམ་གཏན་གླིང་པ་ཞེས་འདུག་པས་མཉམ་མེད་ཆེན་པོའི་གསུང་སློབ་མ་ཞིག་གིས་བཀོད་དམ་སྙམ། མཉམ་མེད་ཆེན་པོས་སྔོན་གྱི་ཡིག་རྙིང་རྣམས་ལས་བཏུས་ཏེ་མཛད་པའི་རྫོགས་ཆེན་གྱི་རྩོད་སྤོང་ཚིག་ཉུང་དོན་རྒྱས་སྦྱར་བྱང་དུ་དེ་སྐད་འདི་ནི་འདྲི་བ་པོ་ཞེས་སོགས་ཚིགས་བཅད་ཡོད་པ། རྩོད་སྤོང་འདིས་སྔ་ཕྱིར་བྱོན་པའི་མཁས་རློམ་གྱི་རྩོད་

པ་མཐའ་དག་ཉི་མ་དང་བ་མོའི་དཔེ་བཞིན་གྱུར་པས་སྙིིང་གི་ཟེའུ་འབྲུར་བསྟེན་འོས་པ་ཞིག་གོ །བསམ་གཏན་མིག་གི་སྒྲོན་མེའི་བརྒྱུད་འདེབས་སྤྱི་གཙུག་ཉི་ཟླ་མ། བརྒྱུད་པ་མཐར་ཆགས་མིན་པར་ཆོས་འདིར་བཀའ་དྲིན་ཆེ་བའི་བླ་མ་རྣམས་བསྡུས་པའི་ཡང་ཕུར་ཐུན་མོང་གི་གདམས་པའི་རྫོགས་ཆེན་བརྒྱུད་འདེབས་འགྱུར་མེད་ཐིག་ལེ་མ། འདི་གཉིས་ཀ་མཉམ་མེད་ཆེན་པོའི་གསུང་ལ་མཇུག་ཏུ་ཤློ་ཀ་རེ་གཉིས་རྗེས་འཇུག་རྣམས་ཀྱིས་བཅུག་པར་མངོན། སྡེ་སྣོད་འཛིན་པ་སངས་རྒྱས་ལྷུན་གྲུབ་ཀྱིས་མཛད་པའི་མཉམ་མེད་ཆེན་པོའི་བསྟོད་པ་དད་པའི་སྒྲ་དབྱངས། རྗེ་བཙུན་ཉིད་ཀྱི་ཉམ་ང་བའི་རྩར་རླུང་སེམས་འདུས་པའི་གནད་ཀྱི་འཁུ་འཁྲིག་གི་མཚན་མ་བྱུང་བའི་ཚེ་གནས་ལུགས་སྟོན་པའི་བླ་མ་རྣམས་ལ་གསོལ་འདེབས་མཛད་པ་གནས་སྤྱི་བོ་བདེ་ཆེན་མ་དད་པའི་སྤུ་ལོང་གཡོ་བར་ནུས་པའི་རང་གི་རྣམ་ཐར་རྗེ་བཙུན་བསམ་གླིང་པ་ཉིད་ཀྱིས་མཛད་པའི་མནལ་ལམ་བརྡ་ཆོས་ཀྱི་ཚུལ་དུ་འཇམ་དཔལ་དབྱངས། རྗེ་འབྲོག་མི། ཞང་དགོན་པ། བ་རི་ལོ་ཙཱ་བ། གོང་མ་ལྔ། དྲུང་ཆོས་རྗེ་པ། པདྨ་ཐོད་འཕྲེང་རྩལ། ཆོས་དབང་རིན་པོ་ཆེ། གནུབས་ཡོན་ཏན་རྒྱ་མཚོ་སོགས་ཀྱིས་རྗེས་སུ་བཟུང་ཚུལ་བསྟན་པ། མཉམ་མེད་བསམ་གླིང་པས་མཛད་པའི་ཡང་ཕུར་གྱི་ཆོས་འབྱུང་བདུད་རྩི་ཁུངས་འབྱན་རྣམས། ༈ གཉིས་པ་མན་ངག་ཉམས་ལེན་དངོས་ཀྱི་སྐོར་ལ། མཉམ་མེད་ནམ་མཁའ་བསོད་ནམས་ཀྱི་གསུང་རྒྱུན་བླ་མ་སངས་རྒྱས་ལྷུན་གྲུབ་ཀྱི་རེག་ཟིག་ཨ་ཏི་ཡོ་གའི་འཁྲིད་ཀྱི་ས་བཅད་འགྲོ་ཀུན་དགའ་བསྐྱེད། རྗེ་བཙུན་བསམ་གླིང་པས་མཛད་པའི་ཡང་ཕུར་ཐུན་མོང་གི་རྫོགས་རིམ་ཨ་ཏི་ཡོ་གའི་འཁྲིད་ལམ་རིམ་ཐར་པའི་སྒོ་གཅིག་ངོ་མཚར་བའི་གནད་

གཞན་ལས་ཁྱད་ཞུགས་པ་མཇུག་ཏུ་སྔགས་བདག་གྱིང་ཆེན་བཅོ་བརྒྱད་དང་སྔགས་སྲུང་མར་གཉེར་གཏད་ཅན། རྗེ་བཙུན་ཉིད་ཀྱིས་མཛད་པའི་སེམས་འཛིན་གྱི་མན་ངག་ཅུང་ཟད་ཟུར་དུ་ཕྱེ་བ། ཀ་མ་ལས་ཧྭ་ཤང་གི་ལྟ་ངན་དང་བི་མཱ་ལས་ཉང་ཏིང་འཛིན་བཟང་པོའི་ཞི་གནས་ལྟེང་པོ་བཀག་པ་དང་། སེམས་གནས་ཙམ་ལ་ཕྱག་ཆེན་མིང་བཏགས་པར་མདོ་བསྟན་བཅོས་ཀྱི་ཁུངས་མེད་ཚུལ་སོགས་བསྟན་པའི་སྒོ་ནས་བསམ་གཏན་གྱི་གོལ་ས་གཅོད་པ་མཉམ་མེད་ཆེན་པོས་མཛད་པ་རྣམས། མཆོད་བརྗོད་ཚིག་རྐང་ལྔ་པོ་འཕགས་པ་རིན་པོ་ཆེར་ཆོས་རྗེ་པཎྜི་ཏས་ཡེ་ཤེས་ཀྱི་སྐུ་བསྟན་ནས་རྟོགས་པ་དཔེའི་ཕྱག་ཆེན་ངོ་སྤྲད་ཚེ་འཕགས་པས་མཛད་པ་ཡིན་ནོ། ༈ །གསུམ་པ་ཁུངས་དང་རྒྱབ་རྟེན་སྐོར་ལ། ཆོས་འདིའི་སྣང་བཞི་སྒྲོན་དྲུག་སྐོར་གྱི་རྩ་བ་པཎ་ཆེན་བི་མཱ་ལ་མི་ཏྲས་མཛད་པའི་བསམ་གཏན་མིག་གི་སྒྲོན་མ། ཚིག་དྲུག་དྲུག་གིས་རྡོ་རྗེ་སེམས་དཔའི་ཞལ་མཐོང་བར་བྱེད་པ་སྤྲོས་པ་གཅོད་པའི་སྒྲོན་མ། རིག་པ་ཚད་འབེབས་ཀྱི་སྣང་བ་སྟོན་པ། མེའི་ལོག་གནོན་ཞར་བྱུང་རྨི་ལམ་སྦྱང་བ། རྗེ་བཙུན་ནམ་མཁའ་བསོད་ནམས་ཀྱིས་མཛད་པའི་གསང་འདུས་དུས་འཁོར་དང་མི་འདྲ་བའི་བསྐྱེད་རྫོགས་དང་ལྟ་བའི་གནད་སོགས་སྟོན་པ་རིམ་གཉིས་ལ་འཇུག་པའི་སྒོ། རླུང་སྦྱོར་ལ་མཁོ་བ་རིན་པོ་ཆེ་རླུང་གི་ཕྲ་ཐིག །འདི་ཟབ་པ་པོད་བཞིར་ཡོད་པ་དང་འདྲ་མིན་སྣང་། ལྕེ་བཙུན་སེང་གེ་དབང་ཕྱུག་གིས་མཛད་པའི་སྒྲོན་མ་དྲུག་གི་གནད་སྟོན་པ་གསང་བའི་ཐིག་པ་ཡང་གསང་སྦས་པའི་དུམ་བུ། དེས་མཛད་པའི་རྒྱུད་བཅུ་བདུན་གྱི་ཁོང་སྙིང་ཉམས་སུ་ལེན་ཚུལ་སྣོད་མིན་ལ་མི་སྤེལ་བའི་བཀའ་རྒྱ་ཅན། བཻ་རོས་མཛད་པའི་གདོད་ནས་

དག་པའི་སེམས་ཀྱི་གནས་ལུགས་སྟོན་པའི་རྩ་བ། གནུབས་ཡོན་ཏན་རྒྱ་མཚོས་མཛད་པའི་བྱང་ཆུབ་ཀྱི་སེམས་སྒོམ་པ་དོན་དྲུག་པ། ཆོས་རྒྱལ་ཁྲི་སྲོང་ལྡེ་བཙན་གྱི་ཐུགས་གཏེར་ཐིག་ལེ་གསང་སྐོར་གྱི་གནད་ཆོག་བཞི་མ་གདམས་པ་ཚིག་གཅིག་མ་གནད་གསུམ་མན་ངག་གསུམ། ཨོ་རྒྱན་ཆེན་པོས་ཆོས་དབང་རིན་པོ་ཆེར་མནལ་ལམ་གྱི་ཚུལ་དུ་གསུངས་པའི་ལྟ་སྒོམ་སྤྱོད་འབྲས་ཀྱི་གནད། ཨ་ཏི་ཡོ་གའི་ལམ་གྱི་རིམ་པ་ལ་མཁོ་བའི་བཀའ་བསྟན་བཅོས་ཀྱི་ལུང་ཁུངས་བསམ་གླིང་པ་ནམ་མཁའ་བསོད་ནམས་ཀྱི་གསུང་སྒྲོས་ཐོར་བུ་ཞལ་སློབ་རྣམས་ཀྱིས་རེག་ཟིག་ཏུ་བཏབ་པ་ཇོ་བོ་སྟན་གཅིག་པ་དཔལ་འབྱོར་བཟང་པོས་འཁྲིད་ཡིག་གི་གོ་རིམ་དང་བསྟུན་བསྒྲིགས་པར་རྗེ་བཙུན་ཉིད་ཀྱི་དངོས་སློབ་གསང་ཕུ་བ་ཆོས་རྒྱལ་བས་དག་ཐེར་མཛད་པ། ཆོས་འདིའི་ཉམས་ཆགས་སྐོང་བའི་རྩ་བ་གླང་པོ་ཆེ་རབ་འབོགས་ཀྱི་རྒྱུད་ལས་བཀོལ་བའི་དྲི་མེད་བཤགས་རྒྱུད་ཀྱི་ལྷ་དང་ཁོན་གཅུགས་བཤགས་པའི་ལེའུ་ཟུར་དུ་ཕྱུང་བ་ལྟ་བའི་ཀློང་བཤགས་ཡེ་ཤེས་སྐུ་མཆོག །དེའི་བཤད་ཐབས་རྗེ་བཙུན་བསམ་གླིང་པའི་དངོས་སློབ་ཞལ་ཕུ་བ་ནམ་མཁའ་རྒྱལ་མཚན་གྱིས་མཛད་པ། རྫོགས་པ་ཆེན་པོ་ཕྱི་སྐོར་ནང་སྐོར་གསང་སྐོར་གསང་བ་བླ་ན་མེད་པ་རྣམས་ཀྱི་རྣམ་པར་དབྱེ་བ་གསལ་བའི་སྒྲོན་མེ་ཞེས་པས་བསམ་གླིང་པ་ནམ་མཁའ་བསོད་ནམས་ཀྱི་བཞེད་པ་ལྟར་ཚོགས་ཆེན་པོ་དཔལ་འབྱོར་བཟང་པོས་མཛད་པ། རྫོགས་པ་ཆེན་པོ་ཕྱི་སྐོར་གྱི་གཞུང་དོན་གསལ་བྱེད་གཤམ་ན་གངས་རིའི་ཁྲོད་ཀྱི་ལམ་རྫོགས་པ་ཞེས་སོགས་ཀྱི་ཚིགས་བཅད་ཡོད་པ། འདི་མཉམ་མེད་ཆེན་པོའི་གསུང་ཡིན་ནམ་སྙམ། རྗེ་བཙུན་བསམ་གླིང་པའི་གསུང་རྒྱུན་རེ་ཁ་

ནག་པོ་དང་དྲི་མེད་འོད་ཟེར་གྱི་འཆར་ཚུལ། ཀརྨ་པ་ཀུན་མཁྱེན་རང་བྱུང་རྡོ་རྗེས་མཛད་པའི་ཨ་ཏི་ཕྱི་སྐོར་གྱི་འཁྲིད་ཡིག་ཚིགས་བཅད་མ། འདི་ཉིད་ལ་ངན་ལམ་རྒྱལ་བ་མཆོག་དབྱངས་ཀྱི་བག་ཆགས་སད་པའི་ཉམས་ངོ་མཚར་བ་ཞིག་སྣང་བས་གང་གི་ཡང་སྲིད་དུ་གྲགས་པའི་མི་བསྐྱོད་རྡོ་རྗེ་སོགས་དང་འདྲ་བ་ནི་མིན་ནོ། །ཟབ་ཆོས་འདིའི་བཤད་ཁུངས་ཡང་དག་རྩ་བ། སློབ་དཔོན་ཧཱུྃ་ཀ་རས་མཛད་པའི་རུ་ལུ་འབྲུ་བརྒྱད་གསེར་འཕྲེང་ཐུགས་ཀྱི་ལྡེ་མིག །ཟབ་ཆོས་འདིའི་བཤད་ཁུངས་ཕུར་པ་རྩ་དུམ། ཨ་ཏི་འདི་ས་སྐྱ་འཁོན་གྱི་ཡབ་ཆོས་ཡང་ཕུར་གཉིས་ཀྱི་རྫོགས་རིམ་ཟབ་པའི་མཐར་ཐུག་ཡིན་པས། གནད་དེ་མ་གོ་བར་སྡེ་པ་སྣང་རྩེ་བས་འདིའི་སྒོས་དབང་ཡིན་ཞེས་ཡང་ཕུར་གྱི་བྱིན་རླབས་ཉུང་ངུ་ཞིག་བརྩམས་པ་སོགས་བཟློག་པ་དང་གོང་ར་བ་སོགས་སྤེལ་གྱི་ཡོད་འདུག་པ་ནི་ནང་ཟོང་ཕྱིར་སྟོན་ནོ། །མཉམ་མེད་བསམ་གླིང་པའི་གསུང་རྒྱུན་བཞིན་གསང་ཕུ་ཆོས་རྒྱལ་བས་མཛད་པའི་ཕུར་པ་རྩ་དུམ་གྱི་བཤད་རྒྱུན་ཟིན་བྲིས། རྗེ་བཙུན་བསམ་གླིང་པའི་གསུང་རྒྱུན་ཕུར་པ་སྟོད་ལས་ཀྱི་དོན་འགྲེལ། མཉམ་མེད་ཆེན་པོར་མནལ་ལམ་དུ་ལྷས་གནང་བ་བྱིན་པར་བརྟེན་ནས་མཛད་པའི་རྩ་བ་གསུམ་གྱི་བསྟོད་པ། སིང་གྷ་ལའི་སློབ་དཔོན་ཧཱུྃ་ཀ་རས་མཛད་པའི་བུམ་རྨུགས་ལུང་ངམ་དཔལ་ཡང་གསང་སྒྲུབ་པའི་བཀོལ་བྱང་། རྗེ་བཙུན་བསམ་གླིང་པས་ཟབ་དོན་འདི་ལ་འཇུག་པའི་སྐྱེས་བུ་ཡིད་ཆེས་སླད་ལུང་ཚད་མ་བཀའ་བསྟན་བཅོས་ཀུན་ལས་བཏུས་པར་བར་བར་དུ་གནད་ཀྱི་འཚམས་སྦྱོར་ཡོད་པའི་ཟབ་མོ་ལུང་གི་འཕྲེང་བ་ཞེས་ལུང་སྦྱོར་ཆུང་བ། ཚོགས་ཆེན་པ་དཔལ་འབྱོར་བཟང་པོས་

མཉམ་མེད་ཆེན་པོའི་དྲུང་དུ་གསུང་རབ་དགོངས་འགྲེལ་གྱི་ལུང་དང་དཀའ་གནད་གསན་པ་རྣམས་ཀྱི་སྟེང་དུ་ཞལ་སློབ་གཞན་གྱི་ཟིན་བྲིས་རྣམས་ཀྱང་བསྣན་ནས་བསྒྲིགས་པའི་ལུང་སྦྱོར་ཆེ་བར་གྲགས་པ་རྣམས། ༈ བཞི་པ་རྩ་གསུམ་ལས་བྱང་དང་ཆོས་སྲུངས་སྐོར་ལ། རྩ་བ་གསུམ་གྱི་ལས་བྱང་ཞེས་པ་རང་ཉིད་གཟའ་རྒོད་སྒྱིད་རེངས་སུ་བསྒོམས་ནས་བསྟན་མ་བཅུ་གཉིས་དང་མོན་བུ་པུ་ར་སྤུན་གཉིས་ལ་འཕྲིན་ལས་འཆོལ་བ། གནུབས་ཆེན་གྱི་གསུང་སྒྲོས་འཁོར་ལོ་རྣམ་ལྔའི་གནད་གལ་ཆེ་ཚུལ་བསྟན་པ། གུར་མགོན་གྱི་བསྐང་བ་ལས་ཉེ་བར་བཏུས་པའི་འདྲ་རུང་གཅིག །ནཱ་ག་ཀཱ་ལའི་གནད་ཀྱི་མན་ངག །སྟན་གཅིག་པ་དཔལ་འབྱོར་བཟང་པོས་མཛད་པའི་མ་མོ་སྦོད་གཏོང་གི་རྣམ་བཤད་གསལ་བར་བྱེད་པའི་སྒྲོན་མེ་ཡིད་ཀྱི་མུན་སེལ། རྗེ་བཙུན་ཆེན་པོས་རྩ་གསུམ་ལས་བྱང་གི་གསལ་བྱེད་ལག་ལེན་མདོར་དྲིལ་བ། ཡང་ཕུར་སྒྲགས་མའི་སྒྲུབ་ཐབས་མ་མོ་སྦོད་གཏོང་ངམ་སྡེ་བརྒྱད་འོ་དོད་མའམ་བདེ་གཤེགས་འདུས་པར་གྲགས་པ། རྩ་གསུམ་སྐོར་ལ་སྐབས་འགའ་སོ་སོར་ངོས་འཛིན་ཡོད་པ་འདྲ་བ་མན་ངག་གབ་ཉམས་ཀྱིས་ཧ་ཅང་མི་གསལ་ཞིང་ཆོས་སྐྱོང་གཟའ་རྒོད་སྒྱིད་རེངས་དང་ཡི་དམ་གཅིག་པ་འདྲ་ཞིག་འདུག་པ་མ་དཔྱད་ན་བློར་མི་ཆུད་པ་ལ་ཞིབ་ཏུ་བརྟགས་ཚེ་རྫོགས་ཆེན་གྱི་གནད་འགག་ཟབ་མོར་མཐོང་། གཟའ་རྒོད་འདི་རྗེ་མི་ལས་ལྷ་རྗེ་གནུབས་ཆུང་པར་ཞུས་པའི་དྲག་སྔགས་གཟའ་གདོང་དམར་ནག་དེ་ཡིན་པར་འདོད་པའང་འདུག་པ་དཔྱད་དོ། །ལྡོང་ནམ་མཁའ་བསོད་ནམས་ཀྱིས་མཛད་པའི་པུ་ཏྲའི་ལོ་རྒྱུས་ཡོངས་གྲགས་དང་ཁྱབ་འཇུག་གི་ཀིང་ཀང་ལས་ཕུར་སྲུང་གི་བསེ་

མོ་བཞི་དང་། དཔེ་ཧར་བྱུང་བ། གློག་མ་སྲིན་གནས་ཚུལ་གྱི་སྒོ་ནས་གདོང་མོ་བཞིར་ངོས་གཟུང་བ། གྱིང་ཆེན་བཅོ་བརྒྱད། དགེ་བསྙེན་ཉེར་གཅིག །དབང་ཕྱུག་ཉེར་བརྒྱད་སོགས་ཀྱི་ལོ་རྒྱུས་སྔོན་མེད་ངོ་མཚར་སྟོན་པ་དམ་ཅན་སྤྱི་གནད། ཏ་ཐཱ་ག་ཏ་རཀྵི་ཏས་གནོད་སྦྱིན་ཁོལ་པོར་བསྒྲུབ་ཚུལ་མཇུག་ན་བསྟོད་པ་སྲིན་གཟུགས་མ་དང་པཎྜི་ཏ་དང་གཉན་ལོ་གྲོ་མོ་ཤང་དཀར་དུ་མཇལ་ཚུལ་ཡོད་པའི་གཏུམ་མོ་ཁྱི་གཟུགས་ཅན་གྱི་ལོ་རྒྱུས། པུ་ཏྲ་མིང་སྲིང་བཀའ་གཏེར་ནས་འབྱུང་བའི་ལོ་རྒྱུས། གནོད་སྦྱིན་དམར་ནག་གཉིས་སུ་གྲགས་པའི་དམར་པོའི་ཉམས་ལེན་ཞར་བྱུང་རྣམ་སྲས་ལ་བརྟེན་ནས་མི་ནོར་ཟས་གསུམ་དབང་དུ་བྱེད་པ། བྱང་གཏེར་གྱི་སྲོག་བདག་བདུད་རྒྱལ་གྱི་སྒྲུབ་ཐབས་ལོ་རྒྱུས་མཆོད་འཕྲེང་དང་བཅས་རྫོགས་པར་ཐོབ་པའི་བརྒྱུད་པ་ལ། ཤིན་ཏུ་ཉེ་བརྒྱུད། ཉེ་བརྒྱུད། དེ་ལས་ཅུང་ཟད་རིང་ཙམ། རིང་བརྒྱུད་དངོས་དང་བཞི་ཡོད་པའི་དང་པོ་ནི། མཉམ་མེད་བསམ་གླིང་པ་ཉིད་ཀྱི་ཐུགས་ཀྱི་ཀློང་ནས་བརྡོལ་བས་སྟོན་པ་ཀུན་ཏུ་བཟང་པོ་དངོས་ལ་གསན་པ་ཡིན། ཉེ་བརྒྱུད་ནི། དཔལ་ཨོ་རྒྱན་ཆེན་པོ་དང་དངོས་ཉམས་སུ་མཇལ་ཞིང་གསན་པས་ཀུན་ཏུ་བཟང་པོ་ནས་མཉམ་མེད་ཆེན་པོའི་བར་བླ་མ་གཉིས་གསུམ་ཙམ་གྱིས་ཆོ་ག །གསུམ་པ་ཅུང་ཟད་རིང་ཙམ་ནི་གཏེར་སྟོན་ཆོས་ཀྱི་དབང་ཕྱུག་ལ་དངོས་ཉམས་སུ་གསན་པས་དེ་མན་ཆད་ཀྱི་བརྒྱུད་པར་རག་མ་ལུས། བཞི་པ་རིང་བརྒྱུད་དངོས་ལ། རྫོགས་ཆེན་བསམ་གཏན་མིག་སྒྲོན་གྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། མཁའ་འགྲོ་ལས་ཀྱི་དབང་མོ་ཆེ། སློབ་དཔོན་ཧཱུྃ་ཀ་ར། ཨོ་རྒྱན་

སངས་རྒྱས་གཉིས་པ། པཎ་ཆེན་བི་མཱ་ལ་མི་ཏྲ། བལ་པོ་ཤཱི་ལ་མཉྫུ། ཆོས་རྒྱལ་ཁྲི་སྲོང་ལྡེ་བཙན། མཁར་ཆེན་གཟའ་འཚོ་རྒྱལ། མཁར་ཆེན་དཔལ་གྱི་དབང་ཕྱུག །སྣ་ནམ་རྡོ་རྗེ་བདུད་འཇོམས། མཆིམས་སྟོན་ཤཱཀྱ་པྲ་བྷ། ཤུད་བུ་དཔལ་གྱི་སེང་གེ །ཉང་ཏིང་འཛིན་བཟང་པོ། སྦ་སྒོམ་བློ་གྲོས་དབང་ཕྱུག །ལྡང་མ་ལྷུན་གྱི་རྒྱལ་མཚན། ལྕེ་བཙུན་སེང་གེ་དབང་ཕྱུག་གྲུབ་ཐོབ་ལྕེ་སྒོམ་ཆེན་པོ། སློབ་དཔོན་གཉེར་སྒོམ་ཆེན་པོ། གཏེར་སྟོན་ཆོས་ཀྱི་དབང་ཕྱུག །མཚུངས་མེད་ཤེས་རབ་རིན་ཅེན། འབྲི་ཕྱུག་པ་རིན་ཆེན་འབུམ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་བསོད་ནམས་རྒྱལ་མཆོག །མཉམ་མེད་བསམ་གཏན་གླིང་པ་ནམ་མཁའ་བསོད་ནམས། ཞལ་ཕུ་བ་ནམ་མཁའ་རྒྱལ་མཚན། རིན་པོ་ཆེ་ནམ་མཁའ་རྡོ་རྗེ། གྲུབ་མཆོག་ངག་དབང་ཆོས་རྒྱལ། རྡོ་རྗེ་འཆང་དབང་ཕྱུག་རབ་བརྟན། དཔལ་ས་སྐྱ་པ་ངག་དབང་ཀུན་དགའ་བསོད་ནམས་གྲགས་པ་རྒྱལ་མཚན་དཔལ་བཟང་པོ། དེ་སྲས་འཁོན་སྟོན་ངག་དབང་བསོད་ནམས་དབང་ཕྱུག་གྲགས་པ་རྒྱལ་མཚན་དཔལ་བཟང་པོ། ཞ་ལུ་མཁན་ཆེན་རིགས་ཀུན་བདག་པོ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེའི་ཟབ་ཆོས་སུ་བཀའ་དྲིན་དུ་སྩལ་ཏོ། །ཡང་དག་རྩ་བའི་བརྒྱུད་པ་ནི། སློབ་དཔོན་ཧཱུྃ་ཀ་ར་ཡན་གོང་ལྟར་ལ། མཁས་པ་བི་མ་ལ་མི་ཏྲ། གཉག་ཛྙཱ་ན་ཀུ་མཱ་ར། འོ་བྲན་དཔལ་གྱི་གཞོན་ནུ། འོ་བྲན་དཔལ་གྱི་དབང་ཕྱུག །འོ་བྲན་ཆོས་ཀྱི་འབྱུང་གནས། འོ་བྲན་གྲགས་པ་རྒྱ་མཚོ། འོ་བྲན་དབང་གི་རྒྱལ་པོ། འོ་བྲན་རྟ་མཆོག་རྒྱལ་པོ། འོ་བྲན་རི་རབ་བརྟན་པ། རིན་པོ་ཆེ་དོན་གྲུབ་དཔལ་འབྱོར། མཉམ་

མེད་བསམ་གཏན་གླིང་པ་མན་སྔར་ལྟར། ཕུར་པ་རྩ་དུམ་ཀློང་བཤགས་དང་བཅས་པའི་བརྒྱུད་པ་ནི། ལས་ཀྱི་དབང་མོ་ཆེ་ཡན་གོང་ལྟར་ལ། སློབ་དཔོན་པྲ་ཧ་སྟི། ལྷ་ལྕམ་ཨུ་པ་ད་ན། ཨོ་རྒྱན་སངས་རྒྱས་གཉིས་པ། ཇོ་མོ་མཚོ་རྒྱལ། ཨཱ་ཙར་ཡ་ནུ་རུ། ཇོ་བོ་ལང་ལབ། ཁྱི་གྱད་འགྱེལ། སྟོང་གསུམ་སྒོམ་ཆེན། ཐག་བཙུན་ཤེས་རབ་འོད། གནུབས་ཆེན་སངས་རྒྱས་ཡེ་ཤེས། ལང་ལབ་རྭ་ལོ་མི་ལ་སོགས་དུས་མཚུངས་ཤིང་། མི་ལ་གནུབས་ཆུང་བའི་སློབ་མ་ཡིན་པས་འདི་གནུབས་པའི་ཞལ་གོ་ཕྱི་མ་ཞིག་ཡིན་ནོ། །རྒྱ་ཆོས་གྲགས། ཡོལ་ལྕགས་རྒྱ་སྟོང་འབར། རྣལ་འབྱོར་གཞུང་སྨྱོན། ཕོ་རོག་མདོ་སྡེ་མགོན། ཡོལ་ལྕགས་སངས་རྒྱས་ཉི་འབུམ། རྗེ་དོན་གྲུབ་གཞོན་ནུ། དཔྱལ་འཕགས་པ། དཔྱལ་ཀུན་དགའ་ཉི་མ། དཔྱལ་ཀུན་མཁྱེན་ཆེན་པོ། འཇམ་དབྱངས་རྒྱལ་བ་མཆོག །མཉམ་མེད་བསམ་གཏན་གླིང་པ་མན་འདྲ། ཡང་ན་ཨོ་རྒྱན་ཆེན་པོ་ནས། སྣ་ནམ་རྡོ་རྗེ་བདུད་འཇོམས། ཁམས་པ་སྒོམ་ཆེན། མཆོག་གི་ལེགས་པ། ཤེས་རབ་ཚུལ་ཁྲིམས། མཆོག་གི་སེམས་དཔའ། འཁོན་དཀོན་ཅོག་རྒྱལ་པོ། མཐའ་བཞི་སྟོན་པ། རྡོ་རྗེ་དྲག་པོ་རྩལ། རྡོ་རྗེ་ཐོད་འཕྲེང་རྩལ། རོལ་པའི་རྡོ་རྗེ། གློ་བོ་ལོ་ཙཱ་བ། འཕགས་པ་རིན་པོ་ཆེ། མང་མཁར་ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །དྲུང་ཆོས་རྗེ་པ། རྣལ་འབྱོར་དབང་ཕྱུག་ཡར་ཀླུངས་པ། འཇམ་དབྱངས་རྒྱལ་མཆོག་མན་འདྲ། ༈ ཕུར་པ་ལྕགས་ལུགས་སུ་གྲགས་པ་རྩ་བ་གསུམ་གྱི་ལས་བྱང་གཟའ་གདོང་དང་བཅས་པའི་བརྒྱུད་པ་ནི། ཨོ་རྒྱན་ཆེན་པོ་ནས། ཅོག་རོ་དཔལ་གྱི་མཆོད་གནས། འཁོན་རྡོ་རྗེ་རིན་ཅེན། འཁོན་ཤེས་རབ་

ཡོན་ཏན། འཁོན་ཡོན་ཏན་འབྱུང་གནས། འཁོན་ཚུལ་ཁྲིམས་རྒྱལ་པོ། འཁོན་རྡོ་རྗེ་གཙུག་ཏོར། འཁོན་དགེ་སྐྱབས། འཁོན་དགེ་མཐོང་། འཁོན་བལ་པོ། འཁོན་ཤཱཀྱ་བློ་གྲོས། འཁོན་ཤེས་རབ་ཚུལ་ཁྲིམས། འཁོན་དཀོན་ཅོག་རྒྱལ་པོ། འཁོན་ཀུན་དགའ་སྙིང་པོ། འཁོན་གྲགས་པ་རྒྱལ་མཚན། འཁོན་ཀུན་དགའ་རྒྱལ་མཚན། སློབ་དཔོན་འོད་ཟེར་ཤཱཀྱ། ལྡོང་རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །ལྡང་ཡོན་ཏན་ཁྲི། ལྡོང་སེང་གེ་བཟང་པོ། ལྡོང་སེང་གེ་རྒྱལ་མཚན་མན་གོང་ལྟར། ཡང་ན་འཁོན་ཀུན་དགའ་རྒྱལ་མཚན། འཁོན་འཕགས་པ་བློ་གྲོས་རྒྱལ་མཚན། དགའ་ལྡན་པ་ཀུན་བསོད། གན་པ་རིན་རྒྱལ། འཁོན་བསོད་ནམས་རྒྱལ་མཚན། ལྡོང་སེང་གེ་རྒྱལ་མཚན་མན་གོང་བཞིན་ནོ། །ཐམས་ཅད་མཁྱེན་པ་བུ་སྟོན་གྱི་རྒྱུད་སྡེ་སྤྱི་རྣམ་དུ་མདོ་སྡེ་གདམས་ངག་འབོགས་པའི་རྒྱལ་པོ་ལས། འདྲེན་པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུངས་ལགས་ན། །རྒྱུ་འབྲས་ལྷུན་གྲུབ་ཏུ་སྤྱོད་ཅིང་། །སངས་རྒྱས་གཞན་ནས་མི་འཚོལ་བའི། །ངེས་པའི་ཐེག་པ་ཅིས་མ་གསུངས། །ཞེས་ཞུས་པའི་ལན་དུ། རྒྱུ་ལ་མོས་པར་རྒྱུའི་ཆོས་ཀྱི། །འཁོར་ལོ་རབ་ཏུ་བསྐོར་བྱས་ནས། །རྡོ་རྗེ་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། ཞེས་ལུང་འདྲེན་མཛད་པའི་མདོ་སྡེ་གདམས་ངག་འབོགས་པའི་རྒྱལ་པོ་ནི་མདོ་མང་སོགས་ཀྱི་ནང་དུ་ངོས་འཛིན་རྒྱུ་མི་འདུག་ཅིང་། སྔ་འགྱུར་གྱི་མདོ་དགོངས་པ་འདུས་པར་འགྱུར་ཅུང་ཟད་མི་འདྲ་བ་ཡོད་པ་དེ་ཡིན་པས་ཀུན་མཁྱེན་བུས་ཐུགས་གཏིང་ནས་སྔ་འགྱུར་གྱི་རྒྱུད་རྣམས་ཚད་མར་མི་བཞེད་ཅེས་སྨྲ་བ་མཐའ་དག་འདིས་

མཚོན་པའི་བརྫུན་ཁུངས་རིམ་རྡིབ་བོ། ༈ །དེ་ཡང་རྩ་བའི་རྒྱུད་ཀུན་འདུས་རིག་པའི་མདོ་དང་བཤད་པའི་རྒྱུད་མདོ་དགོངས་པ་འདུས་པ་གཉིས་ཀྱི་སྐོར་རྒྱ་བལ་གྱི་པཎ་གྲུབ་དྷརྨ་བོ་དྷི་དང་སློབ་དཔོན་བ་སུ་དྷ་ར་གཉིས་ཀྱིས་བདེ་བ་གསལ་མཛད་ལ་གསན་པར་མ་ཟད་བྲུ་ཤའི་རུ་ཆེ་བཙན་སྐྱེས་ཀྱིས་དྷ་ན་རཀྵི་ཏ་གདན་དྲངས་ནས་བྲུ་ཤའི་ཡུལ་ཁྲོམ་དུ་བསྒྱུར་རྩིས་ལ་མོས་པ་ཆུང་བས་མ་འགྱུར་བར་སློབ་དཔོན་དྷ་ན་རཀྵི་ཏ་བལ་ཡུལ་དུ་ལོག་ནས་དྷརྨ་བོ་དྷི་དང་བ་སུ་དྷ་ར་ལ་བཤད། སླར་བྲུ་ཤའི་ཡུལ་ཁྲོམ་དུ་འགྱུར་བའི་རྗེས་སུ་དྷརྨ་བོ་དྷི། བ་སུ་དྷ་ར། རུ་ཆེ་བཙན་སྐྱེས་གསུམ་ག་ལ་ཇོ་བོ་གནུབས་སངས་རྒྱས་ཡེ་ཤེས་རིན་པོ་ཆེས་གསན་ནས་བོད་དུ་ལེགས་པར་བསྒྱུར་བའི་ཆོས་སྐོར་ལ། སྨིན་གྲོལ་རྒྱུད་དང་འབྲེལ་བའི་ནང་ཚན་སྨིན་བྱེད་དབང་གི་ཆོ་ག་ལ། གསར་མ་ལ་ལ་དག་མདོ་ཞེས་པའི་ཚིག་ཙམ་ལ་ཞེན་ནས་དེ་ལ་གསང་སྔགས་ཀྱི་དབང་བསྐུར་མི་རིགས་ཞེས་རྒྱུད་ཀྱི་ཚིག་དོན་གང་ཡང་མ་རྟོགས་པའི་ཕྱོགས་སྔའི་སྐྱ་རེངས་མ་ཤར་བར་རྩོད་པའི་ནམ་ལངས་པ་དག་ནི་དཔྱད་བྱའི་ཡུལ་མ་ཡིན་ཞིང་། གོང་ར་བ་སོགས་མཁས་སྙེམས་སྔགས་རློམ་གྱི་དྲེགས་པ་ཅན་འགས། མདོ་རང་སྐད་ལ་དབང་བསྐུར་བའི་ཆོ་ག་མེད་ནའང་ཕྱོགས་འདི་ལ་སྐྱོན་མི་འཇུག་ཚུལ་སྨྲ་བའང་གཡག་ཞར་གྱི་རྩ་ཕྱོགས་རེ་ལས་མི་མཐོང་བ་ཆོས་ཉིད་དེ་སྒྲ་ཡངས་པའི་དབང་དུ་བྱས་ན་དབང་གི་ཆོ་ག་ཞེས་པ་དམ་པའི་ཆོས་སུ་མ་ཟད་སྲིད་ཀྱི་བྱ་བ་ལ་མེད་པར་ཡང་ཁས་ལེན་མི་རིགས་ཏེ། རྒྱལ་རིགས་རྒྱལ་སར་དབང་བསྐུར་བའི་ཆོ་ག་བྱས་པ་ལ་བརྟེན་ནས་རང་གི་མངའ་འབངས་ལ་ཇི་

ལྟར་འདོད་པ་བཞིན་དུ་དབང་བར་ནུས་པས་མཚོན་ལ། མདོ་ཕྱོགས་ལའང་འོད་ཟེར་ཆེན་པོའི་དབང་བསྐུར་བ་སོགས་རྒྱ་ཆེར་གསུངས་པ་དག་མིག་དང་རྣ་བར་མ་སོན་པའི་སྦུབས་འཐུམས་ཀྱི་སྒྲོག་ཏུ་ཆུད་པའི་ཉེས་པས་ནོངས་སོ། ༈ །དབང་བསྐུར་བ་ཙམ་དེ་ལྟར་ཡིན་དུ་ཆུག་ཀྱང་ཆོ་ག་ཞེས་སྦྱར་མི་རུང་ཞེ་ན། སོ་ཐར་ལ་བསྙེན་རྫོགས་ཀྱི་ལས་ཆོག་དང་། བྱིངས་ལས་མིང་དང་མིང་ལས་ཚིག་ཏུ་བསྒྲུབ་པའི་ཆོ་ག་བྱ་ཞེས་པ་ཀཱ་ཙན་སོགས་སྒྲ་རིག་ཀུན་ལ་གྲགས་པར་རྩོད་པ་ཇི་ལྟར་སྤོང་། འོ་ན་སྐབས་འདིའི་འདུས་པ་མདོ་དབང་རྡོ་རྗེ་ཐེག་པ་དང་འབྲེལ་བའི་ཆོ་ག་ཡིན་པས། མདོ་སྔགས་གཉིས་སུ་གྲགས་པའི་མདོ་རང་སྐད་ཀྱི་ཆོ་ག་མ་ཡིན་པ། བཤད་རྒྱུད་དགོངས་པ་འདུས་པ་ལས། ཀུན་འབྱུང་འདྲེན་པ་དཀའ་ཐུབ་རིགས། །དབང་སྒྱུར་ཐབས་ཀྱི་ཐེག་པའོ། །ཞེས་ཀུན་འབྱུང་འདྲེན་པའི་ཐེག་པ་ཉན་རང་བྱང་སེམས་གསུམ། དཀའ་ཐུབ་རིགས་བྱེད་ཀྱི་ཐེག་པ་ཀྲྀ་ཡ་ཨུ་པ་ཡོ་ག་གསུམ། དབང་སྒྱུར་ཐབས་ཀྱི་ཐེག་པ་མ་ཧཱ་ཨ་ནུ་ཨ་ཏི་གསུམ་སྟེ་ཐེག་པ་དགུར་གསུངས་པས། རྒྱུད་སྡེ་རིན་པོ་ཆེའི་དགོངས་པ་བླ་ན་མེད་པ་ཨ་ནུ་ཡོ་ག་གཙོ་བོར་བྱས་པའི་ཐེག་པ་རིམ་དགུ་ཚང་བའི་འདུས་པ་མདོའི་དབང་ནི། ཡོ་ག་ལ་སོགས་ཐེག་དྲུག་ལ། །ཕྱི་དབང་འབྱུང་བའི་ཆུ་བོ་བྱ། བསྐྱེད་པ་མ་ཧཱ་ཡོ་ག་ལ། །ནང་དབང་འབྱུང་བའི་ཆུ་བོ་བྱ། །རྫོགས་པ་ཨ་ནུ་ཡོ་ག་ལ། །སྒྲུབ་དབང་གྲགས་པའི་ཆུ་བོ་བྱ། །རྫོགས་ཆེན་ཨ་ཏི་ཡོ་ག་ལ། །གསང་དབང་རྫོགས་པའི་ཆུ་བོ་བྱ། ཆུ་བཞི་རྫོགས་པའི་དབང་བཞི་བསྐུར། །ཞེས་ཕྱི་དབང་བརྒྱུད་ཀྱི་ཆུ་བོ་བཅུ་ལ་ནང་གསེས་དབྱེ་ན་བརྒྱ་རྩ་བརྒྱད། ནང་དབང་འབྱུང་བའི་ཆུ་བོ་བཅུ་གཅིག་ལ་ནང་གསེས་

དབྱེ་ན་དྲུག་བརྒྱ་དང་དྲུག །སྒྲུབ་དབང་གྲགས་པའི་ཆུ་བོ་བཅུ་གསུམ་ལ་ནང་གསེས་དབྱེ་ན་བརྒྱ་དང་བཅོ་ལྔ། གསང་དབང་རྫོགས་པའི་ཆུ་བོ་གཉིས་པོ་ལ་ནང་གསེས་མེད་པས་ཀུན་དྲིལ་བས་རྣམ་གྲངས་བརྒྱད་བརྒྱ་དང་སོ་གཅིག་ཡོད་པ་གོ་རིམ་དུ་དགོས་པའི་རྒྱུ་མཚན་ནི། ཇི་སྐད་དུ། སེམས་ཅན་དང་པོའི་ལས་ཅན་རྣམས། །དམ་པའི་དོན་ལ་འཇུག་པ་ལ། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །ཞེས་རང་གི་ཐོབ་བྱ་གང་ཡིན་པ་དེ་ཐོབ་པར་བྱེད་པ་ལ་ལམ་ཉམས་སུ་ལེན་པ་གོ་རིམ་མ་འཆོལ་བ་ཞིག་དགོས་པར་གསུངས་ཤིང་། སྐབས་འདིར་ཐོབ་བྱའི་གཙོ་བོ་གསང་བ་སྙིང་པོ་ལས། ཐེག་པ་བཞི་ཡི་ངེས་འབྱུང་ལ། ཐེག་པ་གཅིག་གི་འབྲས་བུར་གནས། །ཞེས་ཐེག་པ་རྣམ་གྲངས་མང་ནའང་དེ་དག་གང་ནས་གང་དུ་བརྒྱུད་པའི་མཐར་ཐུག་གི་བླ་ན་མེད་པའི་བྱང་ཆུབ་ཡིན་ལ། དེ་ཡང་བརྟག་གཉིས་ལས། དང་པོར་གསོ་སྦྱོང་སྦྱིན་པར་བྱ། །དེ་ལ་བྱེ་བྲག་སྨྲ་བ་བསྟན། །མདོ་སྡེ་པ་ཡང་དེ་བཞིན་ནོ། །དེ་རྗེས་རྣལ་འབྱོར་དཔྱོད་པ་ཉིད། །དེ་ཡི་རྗེས་སུ་དབུ་མ་བསྟན། །སྔགས་ཀྱི་རིམ་པ་ཀུན་ཤེས་ནས། །དེ་རྗེས་ཀྱེ་ཡི་རྡོ་རྗེ་བརྩམ། །ཞེས་པའི་དགོངས་པ་དང་མཐུན་པར་ལྟ་བའི་རྒྱལ་པོ་རྫོགས་པ་ཆེན་པོ་ཤིན་ཏུ་མཐོ་བ་མར་བུབ་ཀྱང་སྤྱོད་པ་ཤིན་ཏུ་ཞིབ་པ་མས་ནས་ཡར་འཛེག་པའི་དབང་དུ་བྱས་ཏེ་ངན་སོང་འདྲེན་པའི་དཀྱིལ་འཁོར་ནས་བརྩམས་ཏེ་རིམ་པ་བཞིན་རིགས་འཛིན་བརྒྱུད་པའི་ཕྱག་བཞེས་ཉམས་པ་མེད་པར་ནོད་པ་ལ། དེང་སང་ཟུར་ལུགས་དང་ཀ་ཐོག་ལུགས་ཞེས་གྲགས་པ་ལས་ཤིན་ཏུ་ཁུངས་

བཙུན་པ་ཟུར་གྱི་ལུགས་ཟུར་ཧྭཾ་ཤཱཀྱ་འབྱུང་གནས་ཀྱི་ཕྱག་ལེན་ལྟར་བླ་མ་བདེ་ལེགས་པས་མཛད་པའི་དབང་ཆོག་རིན་ཅེན་འཕྲེང་བའི་སྟེང་ནས་སྨིན་བྱེད་དབང་བརྒྱད་བརྒྱ་སོ་གཅིག་གི་ཐོག་མར་སྒོ་འབྱེད་དཔལ་ཕྱག་ན་རྡོ་རྗེ་ངན་སོང་གནས་འདྲེན་གྱི་དཀྱིལ་འཁོར་དུ་གསོལ་གདབ། བདུན་རྣམ་དག །སྐྱབས་སེམས་ཀྱིས་རྒྱུད་དག་པ་སྔོན་དུ་འགྲོ་བའི་མཆོག་དབང་བཅུ་དྲུག་ལ་བྲམ་ཟེ་དུང་འཕྲེང་ཅན་གྱི་སློབ་མ་ངན་སོང་ནས་གསང་བདག་གིས་དྲངས་པ་ལྟར་གསང་བའི་ཕྱག་རྒྱས་རིགས་དྲུག་གི་གནས་སྦྱང་ཞིང་དབུ་རྒྱན་གྱིས་ཁམས་གསུམ་ཆོས་ཀྱི་རྒྱལ་པོར་མངའ་གསོལ་དང་གསང་བའི་རྟེན་གྱི་གསང་བའི་བདག་པོའི་དབང་དམ་པ་རང་རྟགས་ཕྱག་མཚན་དང་བཅས་པ། བུམ་པས་ནད་བྱང་ཞིང་ཡེ་ཤེས་ལྔ་ལྡན་གྱི་འགྲོ་དོན་ཆུ་བོའི་རྒྱུན་བཞིན་བྱ་བ། མེ་ཏོག་གིས་ཚུལ་ཁྲིམས་རྫོགས་ཤིང་ངན་སོང་ལས་བཟློག་པ། ཅོད་པན་གྱིས་ཁམས་གསུམ་དུ་གནས་པའི་བསམ་སྦྱོར་ངན་པའི་བག་ཆགས་བྲལ་བ། ཐུར་མས་མ་རིག་བསལ་ཏེ་སྤྱན་ལྔ་དང་ལྡན་པ། མེ་ལོང་གིས་ཆོས་ཀུན་སྒྱུ་མར་མཐོང་བ། འཁོར་ལོས་རྫུ་འཕྲུལ་གྱི་རྐང་པ་དང་ལྡན་ནས་ཁམས་གསུམ་དུ་འགྲོ་ནུས་པ། དུང་གིས་ཚངས་པའི་སྒྲ་སྐད་ཕུན་སུམ་ཚོགས་པ། རྒྱ་གྲམ་གྱིས་རིག་སྔགས་གྲུབ་པ་རྣམས་ཀྱིས་རྟག་ཏུ་བསྲུང་བ། རྒྱལ་སྲིད་སྣ་བདུན་གྱིས་ཕྱིར་མི་ལྡོག་པར་འཁོར་ལོ་སྒྱུར་བའི་དབང་ཕྱུག་ཐོབ་པ། རལ་གྲིས་འཁྲུལ་པའི་བག་ཆགས་དག་པ། མདའ་གཞུས་ཐབས་ཤེས་ཟུང་འབྲེལ། སེང་གེས་ལོག་ཕྱོགས་ཟིལ་གྱིས་མནན་ཏེ་སྐད་ཅིག་མར་འཚང་རྒྱ་བ། ཉི་མས་ཡེ་ཤེས་འཆར་ཞིང་ཟླ་བས་ཁམས་གསུམ་མུན་བསལ། བཀྲ་

ཤིས་རྫས་བརྒྱད་ཀྱི་ཡུངས་ཀར་གྱིས་བགེགས་འདུལ། ཞོས་ཏིང་འཛིན་བཅུད་ཀྱིས་འཚོ་བ། དུརྦས་རྡོ་རྗེའི་ཚེ་འགྲུབ་པ། ལི་ཁྲིས་ལྷ་མོ་དབང་སྡུད། དུང་གིས་ཆོས་ཀྱི་གྲགས་པ། གྷི་ཧཾ་གིས་དུག་གསུམ་ཞི་བ། མེ་ལོང་གིས་ཆོས་ཀུན་གཟུགས་བརྙན་ལྟར་མཐོང་བ། བིལ་བས་བྱང་ཆུབ་མཆོག་ཐོབ་པའི་དབང་རྣམས། ལམ་འཁྱེར་བཞི་ལ། དམ་ཚིག་ཐེག་ཆེན་སྐྱབས་འགྲོའི་བསླབ་བྱ་དང་དབང་གི་གེགས་བརྒྱད་བསྲུང་བ། དབང་མཆོག་དབང་བཅུ་དྲུག །ལྷ་གསང་བའི་བདག་པོ་རིགས་ལྔའམ་རིགས་བསྡུས་གང་རུང་། སྙིང་པོ་ནི་ལམ་བྷ་ར་དྷ་ར་རྣམས། ངན་འགྲོའི་གཡང་ས་བཀག་ནས་ཐོག་མར་ལྷ་མིའི་ཐེག་པ་ལ་རྩ་བའི་དཀྱིལ་འཁོར་ངན་སོང་ཡོངས་སུ་སྦྱོང་བ་ཀུན་རིག་རྣམ་པར་སྣང་མཛད། ལས་ཀྱི་སྒྲིབ་པ་གཅོད་པ་བཅོམ་ལྡན་འདས་མི་བསྐྱོད་རྡོ་རྗེ་མི་འཁྲུགས་པ། བསྙེན་གནས་ཀྱི་ལྷ་གསུམ་ཞེས་པ་ནད་ཀྱི་བསྐལ་པ་ཞི་བར་བྱེད་པ་ཚེས་བརྒྱད་ཀྱི་ལྷ་སྨན་གྱི་བླ། མཚོན་གྱི་བསྐལ་པ་ཞི་བྱེད་ཉའི་ལྷ་སྣང་མཐའ། མུ་གེའི་བསྐལ་པ་ཞི་བྱེད་སྟོང་གི་ལྷ་བཅོམ་ལྡན་འདས་ཤཱཀྱ་ཐུབ་པ་སྟེ་དཀྱིལ་འཁོར་ལྔ་རེ་རེ་ལའང་། རྒྱལ་ཆེན་བཞི། ལྷ་ཆེན་བཞི་ཡབ་ཡུམ་ཕོ་ཉ་མངག་གཞུག་རེ་དང་བཅས་པ་སྟེ་ལྷ་ཉི་ཤུ་རྩ་གཅིག་གི་དཀྱིལ་འཁོར། གཅིག་ཏུ་དྲིལ་ན་པདྨ་འདབ་བཞིའི་ཤར་ནས་གཡས་བསྐོར་དུ་མི་འཁྲུགས་པ། སྨན་བླ། སྣང་བ་མཐའ་ཡས། ཤཱཀྱ་ཐུབ་པ། རི་རབ་གླིང་བཞི་སོགས་ལ། རྒྱལ་ཆེན་ལྷ་ཆེན། ཕོ་ཉ་མངག་གཞུག་བཀོད་པའི་ལྷ་ཉེར་ལྔ་སྟེ་དཀྱིལ་འཁོར་དྲུག་ཏུ་གསོལ་གདབ་བསྙེན་གནས་ཀྱི་སྡོམ་པ་སྔོན་དུ་འགྲོ་བའི་ཅོད་པན་གྱིས་རྒོལ་བ་ཟིལ་གནོན། ཡུམ་

གྱི་ཕྱག་རྒྱས་ཉོན་མོངས་པའི་སྡུག་བསྔལ་ཞི་བ། སེང་ཕྲུག་ཟུང་གཅིག་གིས་རྒོལ་བ་ཟིལ་གནོན། གླང་ཆེན་ཕྲུག་གུ་ཟུང་གཅིག་གིས་འཇིག་རྟེན་འདྲེན་པ། ཀཱ་ཤི་ཀའི་རས་ན་བཟས་མཁྱེན་པའི་ཡེ་ཤེས་གསལ་ཞིང་མ་འདྲེས་པ། བུམ་པས་ཉོན་མོངས་པའི་བག་ཆགས་ཀྱི་དྲི་མ་དག་པ། མིང་གིས་མཁྱེན་པའི་ཡེ་ཤེས་ལ་ཐོགས་པ་མེད་པས་གཞན་དོན་འགྲུབ་པ། རྒྱན་གྱིས་འགྲོ་བ་རྣམས་ཀྱི་སེམས་ཤེས་པ། ཡིག་ཤིང་གིས་ཆོས་སྒྲ་སྒྲོག་པ། གནམ་རུ་ཟུང་གིས་བདུད་དཔུང་འདུལ་བའི་འཕོང་རྩལ་ལྡན་པ། བཙུན་མོས་རིགས་མི་ནུབ་ཅིང་འགྲོ་དོན་བྱེད་པ། རྒྱ་ཡིག་ལྔ་བཅུ་ཐམ་པ་རིམ་བཞིན་མ་སྐྱེས། བྱ་བའི་ཡེ་ཤེས། ཁྱབ་བྱེད། དོན་འགྱུར། གནས་པ། འཛིན་མེད། འགག་མེད། འདའ་བར་མེད་པ། མ་བྱུང་བ། སྙོག་མེད། སྦྱོར་བྲལ། ང་རྒྱལ་མེད་པ། སྒྱུ་རྩལ་མེད་པ། འདྲེན་པ་མེད་པ། བསླུ་མེད། ཀུན་འགྱུར། ཐ་སྙད་མེད། རྟེན་བྲལ། གཏོང་བྲལ། རང་བཞིན་མེད་པ། ཡུལ་བྲལ། ངེས་འབྱུང་། དངོས་མེད། བརྗོད་མེད། རྡུལ་བྲལ། ཆགས་མེད། དྲི་མེད། རྒྱུ་མེད། རྐྱེན་བྲལ། བླང་བ་མེད་པ། སྤྲོས་མེད། ཁུར་བྲལ། ཡང་དག །རྒྱུ་བྲལ། ཁམས་བྲལ། མ་སྐྱེས། མཐོང་མེད། ཐོས་མེད། ཚོར་མེད། མྱོང་མེད། རེག་བྲལ། ཆོ་འཕྲུལ་རྣམས་ཀྱི་སྒོ་ནས་གྲོལ་བའི་དབང་། བོད་ཡིག་སུམ་ཅུ་རིམ་པར་ཉོན་མོངས་གྲོལ་བ། འཁོར་བ་ལས་གྲོལ་བ། མ་ཆགས་ཤིང་རྣམ་པར་དག་པ། མཚན་མ་ལས་རྒྱལ་བ། མཚན་འཛིན་གཉིས་མེད། ཐབས་ཤེས་ཟུང་འབྲེལ། བག་ཆགས་ཀྱིས་མ་གོས་པ། རིག་པ་ཡེ་ཤེས་ཀྱི་བྱིན་རླབས། སྙིང་རྗེའི་འོད་ཟེར་འབྱུང་བ། ཟབ་མོའི་ཡེ་ཤེས་རྟོགས་པ། མཉམ་ཉིད་ངང་དུ་བདེ་བ། འཁོར་

བའི་སྡུག་བསྔལ་གཏན་སྤོང་བ། གཞན་རིག་བསྐྱེད་པ། མྱ་ངན་ལས་འདས་པ། དངོས་མཚན་མཉམ་ཉིད། ཀུན་གྱི་གཞི་རྟེན་གྱུར་པ། ཆོས་སྐུ་དང་འདུ་འབྲལ་མེད་པ། རྒྱུ་འབྲས་ཡོངས་རྫོགས། ཐུགས་རྗེའི་འོད་ཟེར་འབྱུང་བ་འཁོར་བའི་མྱ་ངན་འདུལ་བ། གཞལ་ཡས་ཁང་བདེ་བ་ཆེན་པོ། མ་རིག་མུན་སེལ། རང་བཞིན་མེད་པར་སྒྲ་སྒྲོག་པ། གཟུགས་སྐུ་རྣམ་གཉིས་ཀྱིས་འགྲོ་བའི་དོན་བྱེད། ཉོན་མོངས་གཅོད་པ། སེམས་ཅན་དོན་བྱེད་གསུམ། འགྲོ་དོན་མཐར་ཕྱིན་གཉིས་རྣམས་ཀྱི་དབང་། རྣམ་སྣང་གིས་ངན་སོང་སྦྱོང་བ། མི་འཁྲུག་པས་སྡིག་སྒྲིབ་སྦྱོང་བ། ཤཱཀ་ཐུབ་ཀྱིས་མུ་གེ་ལས་ཐར་པ། སྣང་མཐས་མཚོན་གྱི་བསྐལ་པ་ལས་ཐར་པ། སྨན་བླས་ནད་ཀྱི་བསྐལ་པ་ལས་ཐར་པ། རྒྱལ་ཆེན་བཞི། བརྒྱ་བྱིན། ཚངས་པ། ཁྱབ་འཇུག །དབང་ཕྱུག །བཙུན་མོ། ཕོ་ཉ། མངག་གཞུག་དང་བཅས་པའི་ལྷ་དབང་། ལམ་ཁྱེར་ལ། ཐེག་པ་ལྷ་མིའི་ཐེག་པ། འཇུག་སྒོ་ཆོས་སྤྱོད་བཅུ། ལྟ་བ་ལས་འབྲས། བསྲུང་བྱ་མི་དགེ་བཅུ། བསྒོམ་བྱ་ཚད་མེད་བཞི། སྤྱོད་པ་དགེ་བཅུ་བསྒྲུབ་པ། འབྲས་བུ་ལྷ་མིའི་གོ་འཕང་། ལྷ་ལམ་ཁྱེར་རྣམ་སྣང་མི་བསྐྱོད་དུས་བཟང་གི་ལྷ་གསུམ་སོ་སོར་འཁོར་ཉི་ཤུ་དང་བཅས་པ། སྙིང་པོ་ལམ་ཁྱེར་དུ་རྒ། ཀཾ་ཀ་ནི། མུ་ནི། ཨོཾ་པདྨ་ཨ་མི་དེ་ཝ་ཧྲཱིཿ བྷཻ་ཥ་ཛེ། བསླབ་བྱ་ནི་མིའི་ཆོས་བཅུ་དྲུག་དང་སྒོམ་མི་དང་སྒོམ་ཆུང་། ནམ་མཁའ་ཀློང་ཡངས་ལས། སྣང་བས་མི་འཆིང་ཞེན་པས་འཆིང་། །ཞེན་མེད་ཆོས་སྐུ་སྤྱོད་པར་བཤད། །ཅེས་སེམས་རང་གསལ་འཛིན་མེད་དགུས་ལྷ་མིའི་ངང་སྒོམ་བསྟན་པ་རྣམས། ལྷ་མིའི་ཐེམ་སྐས་ལ་བརྟེན་པའི་སྨིན་གྲོལ་གྱི་ལམ་སྔོན་དུ་སོང་

ནས་ཉན་ཐོས་ཀྱི་དཀྱིལ་འཁོར་ལ་གཙོ་བོ་སྟོན་པ་ཤཱཀྱའི་རྒྱལ་པོ་ལ། དུས་བཟང་གི་ལྷ་གསུམ། དུས་ཆེན་པོའི་ལྷ་མར་མེ་མཛད། ཤཱཀྱ་ཐུབ་པ། མགོན་པོ་བྱམས་པ་སྟེ་དུས་གསུམ་གྱི་སངས་རྒྱས་ཀྱིས་བསྐོར་བའི་དཀྱིལ་འཁོར། ཡང་འཁོར་རྣམ་བཞིས་བསྐོར་བའི་དཀྱིལ་འཁོར། ཡང་དགྲ་བཅོམ་པ། ཕྱིར་འོང་། ཕྱིར་མི་འོང་། རྒྱུན་ཞུགས། ཉན་ཐོས་མཆོག་བརྒྱད། རང་རྒྱུད་པ་བརྒྱད་ཀྱིས་བསྐོར་བའི་དཀྱིལ་འཁོར། ཡང་ཀུན་དགའ་བོ་སོགས་ཉན་ཐོས་མཆོག་བཅུ་དྲུག་གིས་བསྐོར་བའི་དཀྱིལ་འཁོར། ཡང་གནས་བརྟན་བཅུ་དྲུག་གིས་བསྐོར་བའི་དཀྱིལ་འཁོར་རྣམས་སུ། གསོལ་གདབ། དགེ་ཚུལ་དང་། དགེ་སློང་གི་སྡོམ་པ་འབོགས་པ་སྔོན་དུ་འགྲོ་བའི་དབང་ལ། ངུར་སྨྲིག་ཆོས་གོས་ཀྱིས་ཚུལ་ཁྲིམས་རྣམ་པར་དག་པ། འཁར་གསིལ་ལྷུང་བཟེད་ཀྱིས་མཚོན་དང་མུ་གེའི་བསྐལ་པ་ལས་ཐར་པ། གཙོ་བོ་ཐུབ་པའི་དབང་པོའི་སྐུས་དཀོན་ཅོག་གསུམ་དང་མི་འབྲལ་བ། ཉན་ཐོས་མཆོག་བཅུ་དྲུག་གིས་རིམ་བཞིན། རྟག་ཏུ་ཞམ་རིང་བྱེད་པ། ཤེས་རབ། རྫུ་འཕྲུལ། དྲི་ལན་ལྡོན་པ། ལྷའི་མིག །དད་པ་བསྐྱེད་པ། ཐོས་སྒྲོལ། སྤྱོད་ལམ་མཛེས་པ། འདུལ་འཛིན། འགོག་པའི་ཏིང་ངེ་འཛིན། སྦྱངས་པའི་ཡོན་ཏན། བསླབ་ལ་གུས་པ། མཚན་དཔེ། བཀའ་ལ་གུས་པ། དབུལ་བ་སེལ་བ། ཡོན་སྦྱོང་བ་མཆོག་གི་དབང་། འཕགས་པ་གནས་བརྟན་བཅུ་དྲུག་གིས་དམ་པའི་ཆོས་ཀྱི་ཆབ་སྲིད་འཛིན་པའི་དབང་། བུམ་པས་ཉོན་མོངས་བག་ཆགས་ཀྱི་དྲི་མ་དག་པ། མིང་གིས་ཤེས་བྱ་ཐམས་ཅད་ཐོགས་མེད། ཤིང་རྟས་སྐྱེ་རྒ་ན་འཆིའི་སྡུག་བསྔལ་སུན་དབྱུང་། ཆིབས་ཀྱིས་ཉོན་མོངས་པའི་འཆིང་བ་གྲོལ་བ་

ཤན་རལ་གྲིས་འཁྲུལ་བའི་དྲ་བ་གཅོད་པ། གསེག་པར་གྱིས་འགྲོ་དོན་མཐར་ཕྱིན། ན་བཟའ་ངུར་སྨྲིག་གིས་འཁོར་བའི་གདུང་སྐྱོབ། སྦྲང་རྩིས་འབྲས་བུ་ཕུན་ཚོགས། འོ་ཐུག་འབྲས་ཆེན་གྱིས་མཚན་དཔེ་འབར་བ། རྩའི་གདིང་བས་བཀྲ་ཤིས་ཤིང་བར་གཅོད་ཀྱིས་མི་ཚུགས་པ། སྙིང་པོ་འཛབ་ཀྱིས་ཆོས་ཐམས་ཅད་ཀྱི་མཛོད་འཛིན་པ་རྣམས་ཀྱི་དབང་། ངང་སྒོམ་གསུམ་གྱི་སྔོན་འགྲོ་ཤེས་པ་བཅུ། དངོས་གཞི་ཡེ་ཤེས་དང་སྒོམ། ལམ་ཁྱེར་བཞི་ལ། ཐེག་པ་ཉན་ཐོས། ལྷ་དུས་གསུམ་སངས་རྒྱས་སམ་ཤཱཀྱ་ཐུབ་པ་གཙོར་གྱུར་པའི་དཀྱིལ་འཁོར་ལྔ། སྙིང་པོ་མུ་ནེ། བསླབ་བྱ་མི་དགེ་བཅུ་དགྲ་དང་ཚེར་མ་ལྟར་སྤོང་། དགེ་བཅུ་སྨན་བཞིན་བསྟེན་པའོ། ༈ །ཉན་ཐོས་ཐེག་པའི་སྨིན་གྲོལ་གྱི་རྗེས་སུ། གཙོ་བོ་བཅོམ་ལྡན་འདས་ལ་བསེ་རུ་ལྟ་བུའི་རང་རྒྱལ་གྱིས་བསྐོར་བའི་དཀྱིལ་འཁོར། ཡང་ནེ་ཙོ་ལྟ་བུའི་རང་རྒྱལ་གྱིས་བསྐོར་བའི་དཀྱིལ་འཁོར། ཡང་ཚོགས་སྤྱོད་ཆེ་འབྲིང་གི་རང་རྒྱུད་པ་དང་སྤྲུལ་པས་བསྐོར་བའི་དཀྱིལ་འཁོར། ཡང་རྟེན་འབྲེལ་བཅུ་གཉིས་ཀྱིས་བསྐོར་བའི་དཀྱིལ་འཁོར། ཡང་རང་རྒྱལ་བཅུ་གཉིས་ཀྱིས་བསྐོར་བའི་དཀྱིལ་འཁོར་རྣམས་སུ། གསོལ་གདབ་དགེ་ཚུལ་དགེ་སློང་གི་སྡོམ་པ་ལེན་པ་སྔོན་དུ་འགྲོ་བའི་བུམ་པའི་དབང་གིས་ཉོན་མོངས་པའི་བག་ཆགས་དག་པ། མིང་གི་ཤེས་བྱ་ལ་མ་རྨོངས་པ། ཤན་རལ་གྲིས་འཁྲུལ་བའི་དགྲ་གཅོད་པ། ན་བཟའ་ངུར་སྨྲིག་གིས་ཉོན་མོངས་གདུང་སྐྱོབ། སྦྲང་རྩིས་འབྲས་བུ་ཕུན་ཚོགས། གདིང་བས་བར་གཅོད་མི་ཚུགས་པ། རྟེན་འབྲེལ་བཅུ་གཉིས་དང་བསེ་རུ་ནེ་ཙོ་ལྟ་བུའི་རང་རྒྱལ་རྣམས་ཀྱི་ལྷ་དབང་གིས་རྟེན་འབྲེལ་ལུགས་

འབྱུང་ལུགས་ལྡོག་གི་ཡིད་བཞིན་བདེ་བ་མཆོག་ཐོབ། གཙོ་བོའི་སྐུས་འཁོར་བའི་སྡུག་བསྔལ་སེལ་བ། གཅིག་པོ་དང་ཚོགས་སྤྱོད་ཀྱི་གྲོགས་ལ་བརྟེན་ནས་བདེ་བ་མཆོག་དམ་པ། རང་རྒྱལ་བཅུ་གཉིས་ཀྱིས་རིམ་བཞིན། འཁོར་བ་ལས་སྐྲག་པ། ཏིང་འཛིན་རབ་སྣང་། སྲིད་པ་བསྙིལ་བ། ཉོན་མོངས་གདུང་སེལ། ཤེས་རབ་རྩལ་ལྡན། སྤྲུལ་པའི་ཆོ་འཕྲུལ། དུག་ལྔ་འདུལ་བ། གསུང་གི་དབང་ཕྱུག །ཏིང་འཛིན་རྩེ་གཅིག །འཁོར་བའི་རླུང་གིས་མི་བསྐྱོད་པ། འཇིགས་པ་བྲལ་བ། ཏིང་འཛིན་རྫུ་འཕྲུལ་མྱུར་བ་རྣམས་ཀྱི་དབང་། ལམ་ཁྱེར་ལ། ལྷ་ནི་ཐུབ་པ་རང་རྒྱལ་བཅུ་གཉིས་དང་བཅས་པ། སྙིང་པོ་ཡེ་དྷརྨཱ། དབང་རྟེན་འབྲེལ་བཅུ་གཉིས། ཐེག་པ་རང་རྒྱལ་ཐེག་པ། ལྟ་བ་གང་ཟག་གི་བདག་མེད། བསྲུང་བྱ་ཚུལ་ཁྲིམས། ཏིང་འཛིན་རྟེན་འབྲེལ་ལུགས་ལྡོག །སྤྱོད་པ་ཡ་མ་ཟུང་གི་རྫུ་འཕྲུལ། འབྲས་བུ་རང་རྒྱལ་དགྲ་བཅོམ། ངང་སྒོམ་ཐིག་ལེ་དཀར་དམར་གསལ་འདེབས་རྣམས། རང་རྒྱལ་གྱི་སྨིན་གྲོལ་མངོན་དུ་གྱུར་ནས་བྱང་ཆུབ་སེམས་དཔའི་ཐེག་པ་ལ། གཙོ་བོ་ཐུབ་པའི་དབང་པོར་ཡུམ་ཆེན་མོ། ཕྱག་ན་རྡོ་རྗེ། ཤཱ་རིའི་བུ། སྤྱན་རས་གཟིགས་ཀྱིས་བསྐོར་བ། ཡང་ཕྱོགས་བཅུའི་སངས་རྒྱས་ཀྱིས་བསྐོར་བ། ཡང་ནང་གི་པད་འདབ་ལ་ལྷ་ལྔ་གོང་ལྟར་ལ་ཕྱིའི་འདབ་བརྒྱད་ལ་གླང་པོ་དམ་པ། རིན་འབྱུང་། པདྨ་དམ་པ། ཏིང་འཛིན་རྒྱལ་པོ། རྡོ་རྗེ་སེམས། རིན་ཅེན་སེམས་མ། ཆོས་ཀྱི་སེམས་མ། ལས་ཀྱི་སེམས་མ་རྣམས་ཀྱིས་བསྐོར་བ། ཡང་ལིང་ཚེ་དགུའི་དབུས་སུ་ཡང་ཐུབ་དབང་ལ་རིགས་བཞིའི་སངས་རྒྱས་དང་འཁོར་ལོ་རྩིབས་བཅུ་ལ་ཕྱོགས་བཅུའི་སངས་རྒྱས་

རེ་རེ་ལ་བྱང་ཆུབ་སེམས་དཔའ་བཞི་རེས་བསྐོར་བ། གྲུ་ཆང་ལ་སྒེག་སོགས་བརྒྱད། ཁྱམས་ལ་སེམས་དཔའ་བཅུ་དྲུག །འདོད་སྣམ་ལ་བཀྲ་ཤིས་ལྷ་མོ་བརྒྱད། སྒོ་མ་བཞི། དཀྱིལ་འཁོར་བཞི་པོ་འདི་ལ་ཐུབ་པ་དང་ཡུམ་ཆེན་མོ་གོ་ས་བརྗེས་པའི་གཙོ་བོ་འཕོས་པས་དཀྱིལ་འཁོར་བརྒྱད་དུ་འགྱུར། ཡང་གཙོ་བོ་ཐུབ་པའི་ངོ་བོ་རྡོ་རྗེ་སེམས་དཔའ་ལ་དགའ་བའི་སྤྱན་སོགས་བརྒྱད་ཀྱིས་བསྐོར་བ། བྱང་ཤར་གྱི་རྩིབས་དབུས་ཐུབ་པ་ལ་ཡུམ་ཆེན་མོ་སོགས་བརྒྱད། ཤར་ལྷོའི་རྩིབས་དབུས་རྣམ་སྣང་ལ་ཟླ་འོད་དཔལ་སོགས་བརྒྱད། ལྷོའི་རྩིབས་སུ་དབུས་རིན་འབྱུང་ལ་གསེར་འོད་འཕྲོ་སོགས་བརྒྱད། ལྷོ་ནུབ་ཀྱི་རྩིབས་དབུས་ཤཱཀྱ་སེང་གེ་ལ་དྲི་མ་མེད་པའི་སྒྲ་སོགས་བརྒྱད། ནུབ་བྱང་གི་རྩིབས་དབུས་སུ་སྣང་མཐའ་ལ་ངེས་པར་ཤེས་པ་སོགས་བརྒྱད། བྱང་གི་རྩིབས་དབུས་སུ་དོན་གྲུབ་ལ་དགེ་བའི་བཤེས་གཉེན་སོགས་བརྒྱད་ཀྱིས་བསྐོར་བ། གྲ་བཞིར་སྒེག་སོགས་བརྒྱད། ལྷ་སྣམ་ལ་སེམས་དཔའ་བཅུ་དྲུག །སྒོ་བ་བཞི། འདོད་སྣམ་ལ་ལྷ་མོ་བརྒྱད་དང་བཅས་པ། ཡང་དབུས་སུ་ཡུམ་ཆེན་མོ་དང་ཐུབ་པ་ཞལ་སྤྲོད་ཀྱི་ཕྱོགས་མཚམས་སུ་གླང་པོ་དམ་པའི་དཔལ་སོགས་བརྒྱད། ཤར་གྱི་པདྨའི་དབུས་སུ་མྱ་ངན་མེད་པ་ལ་ཆོས་ཀྱི་རྒྱལ་མཚན་སོགས་བརྒྱད། ལྷོའི་པདྨའི་དབུས་སུ་རིན་ཅེན་དཔལ་ལ་སྣང་བའི་མཆོག་སོགས་བརྒྱད། ནུབ་ཀྱི་པདྨའི་དབུས་སུ་གདུགས་དམ་པའི་དཔལ་ལ་པདྨའི་རྒྱལ་པོ་སོགས་བརྒྱད། བྱང་གི་པདྨའི་དབུས་སུ་དབང་དུ་གྱུར་པ་ལ་རིན་ཅེན་དབང་ཕྱུག་སོགས་བརྒྱད། བྱང་ཤར་གྱི་པདྨའི་དབུས་སུ་ཤཱཀྱ་སེང་གེ་ལ་ཕྱག་ན་རྡོ་རྗེ་སོགས་བརྒྱད། ཤར་ལྷོའི་པདྨའི་དབུས་སུ་

མཆོག་འོད་ལ་ཀུན་ཏུ་བཟང་པོ་སོགས་བརྒྱད། ལྷོ་ནུབ་ཀྱི་པདྨའི་དབུས་སུ་རྣམ་པར་གྲོལ་བའི་དཔལ་མོ་ལ་མཐུ་ཆེན་ཐོབ་སོགས་བརྒྱད། ནུབ་བྱང་གི་པདྨའི་དབུས་སུ་བདུད་རྩི་རྒྱལ་བ་ལ་གཞོན་ནུ་རྒྱན་སོགས་བརྒྱད། སྟེང་གི་པདྨའི་དབུས་སུ་དགའ་བའི་དཔལ་ལ་བཟང་སྐྱོང་སོགས་བརྒྱད། འོག་གི་པདྨའི་དབུས་སུ་པདྨ་དམ་པའི་དཔལ་ལ་ཡེ་ཤེས་ཏོག་སོགས་བརྒྱད། གྲྭ་བཞིར་སྒེག་སོགས་བརྒྱད། ལྷ་སྣམ་ལ་བརྒྱ་བྱིན་སོགས་ཕྱོགས་སྐྱོང་བཅུ། སྒོ་བཞིར་རྒྱལ་པོ་བཞི་རྣམས། དེ་ལྟར་སེམས་ཙམ་པའི་ལུགས་ལ་ཡུམ་ཆེན་མོ་གཙོ་བོར་གྱུར་པའི་དཀྱིལ་འཁོར་ལྔ་དང་། དབུ་མ་ལ་ཐུབ་དབང་གཙོར་གྱུར་པའི་དཀྱིལ་འཁོར་ལྔ་སྟེ་བཅུར་ཐེག་པ་ཆེན་པོའི་སེམས་བསྐྱེད་ཀྱི་ཆོ་ག་སྔོན་དུ་འགྲོ་བའི་བུམ་པས་སྣ་དྲངས། ལྷ་ལྔ་མ། བཅུ་མ། བཅོ་ལྔ་མ། དགུ་བཅུ་རྩ་གཅིག་མ། དགུ་བཅུ་རྩ་དགུ་མ། བརྒྱ་ཉེར་ལྔ་མ་རྣམས་ལྷ་གཅིག་པ་མང་བའི་དབང་གིས་དབང་ཆོག་ནག་འགྲོས་སུ་བལྡབས་པ་མི་འདུག་རུང་། ཕྱག་ལེན་ལ་སོ་སོའི་དཀྱིལ་འཁོར་དང་མཐུན་པའི་ལྷ་དབང་ཡོངས་རྫོགས། རྫས་དབང་ལ་དབུ་རྒྱན་གྱིས་ཆོས་ཀྱི་རྒྱལ་ཚབ་། ཡུམ་གྱི་ཕྱག་རྒྱས་ནད་དང་སྡུག་བསྔལ་ཞི་བ། སེང་ཕྲུག་ཟུང་གིས་རྒོལ་བ་ཟིལ་གནོན། གླང་ཕྲུག་ཟུང་གིས་འཇིག་རྟེན་འདེགས་པ། ཀཱ་ཤིའི་རས་ཀྱིས་ཡེ་ཤེས་གསལ་བ། བུམ་ཆུས་ཉོན་མོངས་བག་ཆགས་དག་པ། མིང་གིས་ཤེས་བྱ་ལ་མ་རྨོངས་པ། རྒྱན་གྱིས་འགྲོ་ཀུན་ཤེས་པར་ལྡན་པ། ཡིག་ཤིང་གིས་ཆོས་སྒྲ་སྒྲོག་པ། གནམ་རུས་བདུད་དཔུང་འཇོམས་པ། བཙུན་མོས་རིགས་མི་ནུབ་པ། ཤིང་རྟས་སྐྱེ་རྒ་ན་འཆིའི་སྡུག་བསྔལ་སུན་ཕྱུང་བ། ཆིབས་ཀྱིས་རབ་ཏུ་འབྱུང་ཞིང་ཉོན་

མོངས་ལས་གྲོལ། རལ་གྲིས་ཉོན་མོངས་དྲ་བ་གཅོད་པ། གསེག་པར་གྱིས་འགྲོ་དོན་མཐར་ཕྱིན། ན་བཟའ་ངུར་སྨྲིག་གིས་སྲིད་པའི་གདུང་སྐྱོབ། འབྲས་ཆེན་གྱིས་མཚན་དཔེ་རབ་བརྗིད། རྩའི་སྟན་གྱིས་བདུད་ཀྱིས་མི་ཚུགས་པ། བུ་རམ་སྦྲང་རྩིས་འབྲས་བུ་ཕུན་སུམ་ཚོགས་པ་སྟེ་སངས་རྒྱས་ཀྱི་མཛད་པ་ཉི་ཤུ་དང་སྦྱར་བའི་དབང་། ལམ་ཁྱེར་ལ། ཐེག་པ་བྱང་སེམས་ཐེག་པ། ལྷ་ཐུབ་དབང་དང་ཡུམ་ཆེན་མོར་ཕྱོགས་བཅུའི་སངས་རྒྱས་བྱང་སེམས་ཀྱིས་བསྐོར་བའི་དཀྱིལ་འཁོར་བཅུ། སྔགས་མུ་ནི་དང་པ་ར་ག་ཏེ། དབང་མཛད་པ་ཉི་ཤུ། དང་སྒོམ་འཇུག་སྒོ་བདེན་པ་གཉིས། ལྟ་བ་བདག་མེད་གཉིས། བསྲུང་བྱ་བྱང་སེམས་སྡོམ་པ། སྤྱོད་པ་བདག་གཞན་མཉམ་བརྗེ། ཚུལ་ཁྲིམས་མི་དགེ་བཅུ་སྤོང་། དགེ་བ་ཆོས་སྡུད་སེམས་ཅན་དོན་བྱེད། འབྲས་བུ་ས་བཅུ་བགྲོད་ནས་སྐུ་གསུམ་ཡེ་ཤེས་ལྔ་ལྡན་ནོ། ༈ །ཐེག་པ་འོག་མ་དང་འབྲེལ་བའི་སྨིན་གྲོལ་རྫོགས་ནས། གསང་སྔགས་ཕྱི་ཀྲྀ་ཡའི་ཐེག་པ་ལ། རིགས་གསུམ་སོ་སོའི་དཀྱིལ་འཁོར་གསུམ། དེ་གསུམ་པོ་རེ་རེ་གཙོ་བོ་བྱས་པ་ལ་ཀྲྀ་ཡ་དོན་གྱི་ལྷ་དྲུག་གིས་བསྐོར་བའི་དཀྱིལ་འཁོར་གསུམ། སྟེང་དུ་རྣམ་སྣང་ལྷ་ལྔ་མ། བར་དུ་འོད་དཔག་མེད་ལྷ་ལྔ་མ། འོག་ཏུ་རྡོར་སེམས་ལྷ་ལྔ་མ་སྟེ་ཀྲྀ་ཡ་ལྷ་བཅོ་ལྔའི་དཀྱིལ་འཁོར་རྣམས་སུ། གསོལ་གདབ་དང་རིགས་གསུམ་སྤྱིའི་དམ་ཚིག་བཟུང་བ་སྔོན་དུ་འགྲོ་བའི་བུམ་དབང་གིས་སྣ་དྲངས་ཏེ་རིགས་གསུམ་མགོན་པོ་བདེ་གཤེགས་དྲུག །རིགས་ཀྱི་བདག་པོ་གསུམ། ཤེས་རབ་གཙོ་བོ་གསུམ། ཡུམ་གསུམ། ཕོ་ཉ་གསུམ། སྤྲོ་ན་ལྷ་མོ་དཔལ་སོགས་བཀའ་སྡོད་རེ་

མཛོད་སྤྲུལ་མ་སོགས་རིགས་ཀྱི་ལྷ་མོ་རེ། ཚངས་པ་སོགས་ལྷ་ཆེན་རེ། བསྐལ་བཟང་བཅུ་དྲུག །བཀྲ་ཤིས་ལྷ་མོ་བཅུ་དྲུག་རྣམས་ཀྱི་ལྷ་དབང་། རྫས་དབང་ལ་རིན་ཅེན་སྣ་ལྔའི་རི་རབ་ཀྱིས་མཐུ་སྟོབས་ཕུན་ཚོགས། རང་བཞིན་དང་སྤྲུལ་པའི་མཆོད་རྟེན་གྱིས་ཆོས་སྐུ་ཐོབ་པ། དཔག་བསམ་ཤིང་གིས་གང་འདོད་ཡིད་བཞིན་འགྲུབ་པ། རྒྱ་མཚོ་ཆེན་པོས་སྐྱེ་མེད་རྒྱུད་ལ་རྟོགས་པ། ས་གཞིས་བཀྲ་ཤིས་བྱིན་ཆགས། བུམ་ཆུས་སྐྱེ་འཆི་མེད་པ། དར་གྱི་ཟ་ར་ཚགས་ཀྱི་རྒྱལ་སྲིད་མངའ་བརྙེས་པ། རིན་ཅེན་ཁྲི་རྐང་གིས་ཆོས་མ་ནོར་བ་སྒྲོག་པ། མེ་ཏོག་ཆུན་པོས་འཁོར་བ་ལས་ཡིད་འབྱུང་བའི་མཛེས་རྒྱན། རྔ་ཡབ་ཀྱིས་དགྱེས་པ་ཆེན་པོའི་གཟི་བརྗིད་དང་ལྡན་པ། རྡུལ་ཡབ་ཀྱིས་ཆོས་ཉིད་ཟབ་མོའི་དོན་ལ་འཇུག་པ། སྦྲང་ཡབ་ཀྱིས་འཛིན་ཆགས་ཀྱི་སྐྱོན་གྲོལ་བ། བླ་བྲེས་ཉོན་མོངས་པའི་རྡུལ་གྱིས་མི་གོས་པ། རྒྱལ་མཚན་གྱིས་ཆོས་ཀྱི་ཡོན་ཏན་མི་ནུབ་པ། གདུགས་ཀྱིས་ཉོན་མོངས་ཚ་གདུང་ཞི་བ། དར་གྱི་ལྡ་ལྡིས་ངན་སོང་ཐར་པ། སྐེ་རགས་ཀྱིས་ལུས་བརྟན་པ། སྤོས་ལྔས་དབང་པོ་ཚིམ་པ། སྙིང་པོ་ལྔས་ཚེ་མི་འཛད་པ། རིན་ཅེན་ལྔས་ལོངས་སྤྱོད་མི་འཛད་པ། འབྲུ་ལྔས་མུ་གེའི་བསྐལ་པ་ལས་ཐར་བ། བྱ་ཏྲི། སིང་ཏྲི། ཤུ་དག་དཀར་པོ། དབང་ལག །ཀཎྜ་ཀ་རི་ལྔས་ནད་ཀུན་ཞི་བའི་དབང་སྟེ་ཉི་ཤུ་རྩ་དྲུག །ལམ་ཁྱེར་ལ། ཐེག་པ་ཀྲྀ་ཡའི་ཐེག་པ། ལྷ་རིགས་གསུམ། ལྷ་བདུན། ལྷ་བཅོ་ལྔ་མའི་དཀྱིལ་འཁོར། སྔགས་ཝཱ་གཱ་ཤྭ་ར། མ་ཎི། བཛྲ་པཱ་ཎི། དབང་ཉི་ཤུ་རྩ་དྲུག་འཇུག་སྒོ་ཁྲུས་དང་གཙང་སྦྲ། ལྟ་བ་སྟོང་གསལ་ཡེ་ཤེས། དམ་ཚིག་རིགས་གསུམ་མམ་བདུན་ནམ་ཉི་ཤུ་རྩ་དྲུག་

དུས་ཚོད་ཚེས་གྲངས་བཟང་པོ་ལ་འཇུག་པ། ངག་སྒོམ་ཐིག་ལེ་གསུམ་བརྩེགས། འབྲས་བུ་སྐུ་གསུམ་མོ། །ཀྲྀ་ཡའི་སྨིན་གྲོལ་རྫོགས་ནས་ཨུ་པ་ལ། ལ་ལ་དག་ཀྲྀ་ཡའི་དབང་ཉེར་དྲུག་དང་ཡོ་གའི་དབང་དྲུག་ཅུ་རྩ་བཞི་གཉིས་ལ་འདུས་པར་བྱས་ནས་ཟུར་དུ་མི་བྱེད་པ་བྱུང་ནའང་། དེ་ལྟར་དཀའ་ཐུབ་རིག་བྱེད་ཀྱི་ཐེག་པ་འབྲིང་གི་ཐ་མ། འབྲིང་གི་འབྲིང་། འབྲིང་གི་རབ་གསུམ་ཡོད་པའི་བར་མ་མ་ཚང་བར་འགྱུར་བའི་སྐྱོན་ཡོད་པ་ནས། ཟུར་ཐམས་ཅད་མཁྱེན་པ་ཤཱཀ་འབྱུང་སོགས་ཕྱག་ལེན་དུ་ངེས་པར་མཛད་པས། དེ་ཡང་ཀྲྀ་ཡ་གཙོ་ཆེ་བའི་དབང་དུ་བྱས་ན་རིགས་བཞི་ལ་པད་འདབ་བཞི། ཡོ་ག་གཙོ་ཆེ་བར་རིགས་ལྔའི་ལིང་ཚེའི་དཀྱིལ་འཁོར་གཉིས་སུ་གསོལ་གདབ་སོགས་སྟ་གོན། ཡན་ལག་བདུན་པ། སྐྱབས་སེམས། རིགས་གསུམ་སྤྱིའི་དམ་ཚིག་བཟུང་ནས། བུམ་པའི་ཆུས་རིགས་བཞི་རྡོ་རྗེ་འཆང་གི་དབང་། རྣམ་སྣང་མ་གཏོགས་པའི་རིགས་བཞིའམ་རིགས་ལྔའི་ལྷ་དབང་། སྤྲོ་ན་ཀྲྀ་ཡའི་དབང་ཉེར་དྲུག་དང་བཅས་པ། ལམ་ཁྱེར་ལ་ཐེག་པ་ཨུ་པ། ལྷ་རྣམས་སྣང་གཙོ་འཁོར། སྙིང་པོ་རིགས་ལྔའི་སྔགས། དབང་བུམ་པ་དང་ལྷ་དབང་། ལྟ་བ་ཡོ་ག །དམ་ཚིག་རྗེ་འབངས་ཀྱི་ཚུལ། ཏིང་ངེ་འཛིན་རང་རིག་རང་གསལ། གདམས་པ་བདག་ལྷ་སྔགས་ཆོས་ཉིད་བཞི། དཔྲལ་མགྲིན་སྙིང་ལྟེར་ཨོཾ་དཀར་ཨཱཿདམར། ཧཱུྃ་སྔོན། ཏྲཾ་སེར་བསྒོམས་པས་མིང་བཞིའི་ཕུང་པོ་སྦྱོང་། འབྲས་བུ་རིགས་བཞི་རྡོ་རྗེ་འཆང་གི་གོ་འཕང་ཐོབ་པ་རྣམས། ཨུ་པའི་སྨིན་གྲོལ་གྱི་རྗེས་སུ་ཡོ་ག་རྡོ་རྗེ་དབྱིངས་ཀྱི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་རྡོར་དབྱིངས་ལྷ་ང་གསུམ་གྱི་ལྷ་དབང་

རྫས་དབང་ལ་ཕྱག་རྒྱ་རིམ་ལྔའི་སྐུས་ཡེ་ཤེས་ལྔ་མཐར་ཕྱིན། སྙིང་པོ་སྔགས་ཀྱིས་ཡེ་ཤེས་ཕུན་སུམ་ཚོགས་པ། གསེར་ཐུར་གྱིས་ཤེས་རབ་ཀྱི་མིག་གསལ་བ། མེ་ལོང་གིས་ཆོས་ཐམས་ཅད་རྟེན་འབྲེལ་སྒྱུ་མར་རྟོགས་པ། འཁོར་ལོས་རྫུ་འཕྲུལ་གྱི་རྐང་པ་དང་འགྲོ་དོན་ཐོགས་མེད། དུང་གིས་ཚངས་དབྱངས་ལྟ་བུར་སྒྲོག །མེ་ཏོག་གིས་ཚུལ་ཁྲིམས་ཡོངས་སུ་རྫོགས་པ། རྡོ་རྗེས་མེ་ལོང་ཡེ་ཤེས། རིན་པོ་ཆེས་མཉམ་ཉིད་ཡེ་ཤེས། པདྨས་ཀུན་རྟོག་ཡེ་ཤེས། རྒྱ་གྲམ་གྱིས་བྱ་གྲུབ་ཡེ་ཤེས། བུམ་པས་ཉོན་མོངས་ནད་སྦྱང་བ། སེང་གེས་ཐམས་ཅད་ཟིལ་གནོན། ཉི་མས་ཡེ་ཤེས་འཆར་བ། ཟླ་བས་ཉོན་མོངས་གདུང་སེལ། རྒྱལ་སྲིད་སྣ་བདུན་གྱི་འཁོར་ལོར་འགྲོ་ཀུན་སྨིན་གྲོལ་ལ་འགོད་པ། གླང་པོས་རྒལ་བ་ཟིལ་གནོན། རྟ་མཆོག་གིས་འཁོར་བའི་ཆུ་བོ་ལས་སྒྲོལ་བ། ནོར་བུས་ལྷག་མཐོང་ཡེ་ཤེས་རྟོགས་པ། བློན་པོས་འཕགས་ནོར་བདུན་ལྡན། བཙུན་མོས་འཇིག་རྟེན་ལས་འདས་པའི་རྒྱུད་ཡོངས་སུ་དག་པ། དམག་དཔོན་གྱིས་འཇིགས་ཚོགས་ལྟ་བའི་རི་བོ་ཉི་ཤུ་འཇོམས་པ། རལ་གྲིས་འཁྲུལ་བའི་དྲ་བ་གཅོད་པ། མདའ་གཞུས་ཐབས་ཤེས་ཟུང་འཇུག །གནམ་རལ་གྱིས་བདུད་དཔུང་འཇོམས་པ། ཤན་ཉེ་བ་རིན་པོ་ཆེས་འཁོར་བའི་སྒྲིབ་པ་གཅོད་པ། ཞ་ཉེ་བ་རིན་པོ་ཆེས་བགེགས་བར་གཅོད་མི་ཚུགས་པ། ཁབ་སྐུད་ཉེ་བ་རིན་པོ་ཆེས་ལེགས་པའི་ཡོན་ཏན་འགྲུབ་པ། ན་བཟས་གྲང་བའི་སྡུག་བསྔལ་ཞི་བ། ཆགས་ཉེ་བ་རིན་པོ་ཆེས་ཐུགས་རྗེ་འགྲོ་ལ་ཆགས་པ། ཀྲྀཥྞ་ས་རའི་པགས་པས་འགྲོ་དོན་རྒྱ་ཆེར་འགྲུབ་པ། བཀྲ་ཤིས་རྫས་བརྒྱད་ཀྱི་ཡུངས་ཀར་གྱིས་སྟོང་ཕྲག་བརྒྱད་ཅུའི་བགེགས་

མི་ཚུགས་པ། ཞོས་ཏིང་འཛིན་གྱི་གཟི་བརྗིད་ལྡན་པ། དུར་བས་བསོད་ནམས་ཕུན་སུམ་ཚོགས་པ། ལི་ཁྲིས་ཐུགས་རྗེ་སེམས་ཅན་རྗེས་འཛིན། མེ་ལོང་གིས་བག་ལ་ཉལ་གྱི་དྲི་མ་རྡོ་རྗེ་ལྟ་བུའི་ཏིང་འཛིན་གྱིས་འཇོམས་པ། དུང་གཡས་འཁྱིལ་གྱིས་ཚངས་པའི་སྒྲ་སྐད་ཕུན་སུམ་ཚོགས་པ། གྷི་ཧཾ་གིས་ཉོན་མོངས་ནད་བཞི་བརྒྱ་རྩ་བཞི་སེལ་བ། བིལ་བས་འབྲས་བུའི་ཆོས་ཐམས་ཅད་ཡོངས་སུ་རྫོགས་པ། བཀྲ་ཤིས་རྟགས་བརྒྱད་ཀྱི་དཔལ་བས་ཐུགས་ལ་དཔལ་འབར་བ། འཁོར་ལོས་ཕྱག་ཞབས་འཁོར་ལོ། པདྨས་ལྗགས། རྒྱལ་མཚན་གྱིས་སྐུ། བུམ་པས་མགུལ། གདུགས་ཀྱིས་དབུ། དུང་གིས་ཚེམས། ཉས་སྤྱན་དང་ཉ་བཞི་མཚན་པ། སྣ་ཚོགས་རྡོ་རྗེས་འཕྲིན་ལས་བཞི། ཅོད་པན་གྱིས་སྡུག་བསྔལ་བག་ཆགས་བྲལ་བ། མཆོད་པ་ལྔས་རྡོ་རྗེ་རྒྱས་ཐེབས་ལས་མཐའ་དག་བྱེད་པ། ཀ་པཱ་ལིས་ཉན་པ། འཆད་ཤིང་གི་འཆད་པ། གླེགས་བམ་གྱིས་ཆོས་ཀྱི་སྒོ་ཐམས་ཅད་ལ་མཁས་པ། རྡོར་དྲིལ་གྱིས་ཡེ་ཤེས་ལྔ་རྟོགས་པ། དབུ་རྒྱན་གྱིས་ཆོས་ཀྱི་རྒྱལ་སྲིད། དཔུང་རྒྱན་གྱིས་མི་འཇིགས་པ་བཞི། དོ་ཤལ་གྱིས་ཆེ་བའི་ཡོན་ཏན་རྒྱས་པ། ཕྱག་གདུབ་ཀྱིས་ཚུལ་ཁྲིམས་དག་པ། ཞབས་གདུབ་ཀྱིས་སྟོབས་བཅུ་ལ་མངའ་བརྙེས་པ། དར་དཔྱངས་ཀྱིས་འཁོར་འདས་མཉམ་ཉིད་དུ་རྟོགས་པ། མིང་གིས་རྒྱལ་བའི་སྲས་སུ་ངེས་པ། མངོན་ཤེས་ལྔས་རྡོ་རྗེ་རྒྱལ་པོའི་དབང་ཆོག་ཡོངས་རྫོགས་ཏེ་རྫས་དབང་དྲུག་ཅུ་རྩ་གཉིས་མཐའ་རྟེན་བུམ་པའི་དབང་དང་བཅས་པ། ལམ་ཁྱེར་ལ་ལྷ་རྣམ་སྣང་གཙོར་གྱུར་པའི་རྡོར་དབྱིངས། སྙིང་པོ་བུད་དྷ་བཻ་རོ་ཙ་ན་སོགས་དང་ཡང་སྙིང་བཛྲ་ས་ཏྭ་ཧཱུྃ། དབང་ཡོ་ག་དྲུག་ཅུ་རྩ་གཉིས། ཐེག་པ་ཡོ་གའི་ཐེག་

པ། འཇུག་སྒོ་མཚན་བཅས་མཚན་མེད། དམ་ཚིག་བསླབ་པ་གསུམ་དང་རིགས་ལྔའི་སྡོམ་པ། ཏིང་འཛིན་མངོན་བྱང་ལྔ་། སྤྱོད་པ་གཞན་དོན། ངང་སྒོམ་ཐིག་ལེ་གཉིས་བབས་སྙིང་དཀྱིལ་འདྲེས་པ། འབྲས་བུ་དོན་དམ་ཡེ་ཤེས་རྟོགས་པ་ཆོས་སྐུ། རིགས་ལྔ་ལོངས་སྐུ། དེ་ལས་ཤར་བ་སྤྲུལ་སྐུའོ། །ཀྲྀ་ཡོ་ག་སྡེ་གསུམ་གྱི་སྨིན་གྲོལ་གྱི་རྗེས་ལ་ཡོ་ག་རྣམ་གསུམ་ལས། རྩ་བའི་དཀྱིལ་འཁོར་མ་ཧཱ་ཡོ་ག་ལ་དཀྱིལ་འཁོར་བདུན། ཨ་ནུ་ཡོ་ག་ལ་དཀྱིལ་འཁོར་བདུན་གསུངས་པའི་མ་ཧཱ་ལ་ཕྱི་དབང་གཙོ་ཆེ། ཨ་ནུ་ལ་སྒྲུབ་དབང་གཙོ་ཆེ་ཡང་ཟུར་ཐམས་ཅད་མཁྱེན་པ་ཤཱཀྱ་འབྱུང་གནས་སོགས་ཀྱིས་ཨ་ནུའི་ཁོག་ནས་མ་ཧཱ་ཞོར་ལ་ཐོན་ཡོང་བར་དགོངས་ནས་ལྷ་ངོ་བོ་གཅིག་པས་ཙག་ལི་ཉུང་ཁྱད་བཅས་མ་ཧཱ་དང་ཨ་ནུའི་དཀྱིལ་འཁོར་ཐུན་མོང་དུ་ཚོགས་ཆེན་འདུས་པའི་དཀྱིལ་འཁོར་སྒོ་སྦྲགས་བཅུ་གཅིག་ཏུ་ཡོད་པ་ལ་ཐོག་མར་ལས་ཐིག་བཏབ་པ། ཚོམ་བུ་བཀོད་པའི་ལྷ་སྟ་གོན་མཛད་རྗེས་སློབ་མ་སྟ་གོན་དང་། ཚོན་གྱི་བྲི་བྱ་ལ་དཀྱིལ་འཁོར་བཅུ་གཅིག་གི་དབུས་སུ་ཁྲག་འཐུང་ལྔ་བཅུ་རྩ་བརྒྱད་ཀྱི་དཀྱིལ་འཁོར། གཉིས་པར་སྤོར་བྱེད་མ་བརྒྱད་དང་གསང་བའི་ཡུམ་བཞི། གསུམ་པར་དབང་ཕྱུག་མ་ཉི་ཤུ་བརྒྱད། བཞི་པར་མཁའ་འགྲོ་སུམ་ཅུ་རྩ་གཉིས། ལྔ་བར་མ་བདུན་སྲིང་བཞི། དྲུག་པར་གིང་ཆེན་བཅོ་བརྒྱད། བདུན་པར་ཁྲོ་བོ་ཁྲོ་མོ་དྲུག་ཅུ། བརྒྱད་པར་ཕོ་ཉ་ཉིས་བརྒྱ་བཞི་བཅུ། དགུ་པར་མ་མོ་དྲུག་ཅུ། བཅུ་པར་དཀའ་བརྒྱད་ཐེག་དགུའི་ལྷ་ཚོགས་བཅུ་གཅིག་པར་རིག་འཛིན་རྩལ་འཆང་རྒྱ་བོད་བླ་མ་རྣམས། དབུས་ཀྱི་ཁྲོ་བོའི་སྟེང་དུ་ཞི་བ་བཞི་བཅུ་རྩ་གཉིས་ཀྱི་དཀྱིལ་འཁོར། ཟུར་དུ་སྒྲུབ་བཀའི་དཀྱིལ་འཁོར་ལྔ་ཞེས་པའི་འགྱོད་

མཚང་རྒྱལ་པོའི་དཀྱིལ་འཁོར་ལྔ་ལ། བདག་གིས་ཞུས་དུས་དབང་ཆོ་ག་སོར་གནས་ལས་དཀྱིལ་འཁོར་ལྔ་པོ་འདི་མེད། དབང་དོན་རྒྱས་པའི་ལུགས། ཀུན་འདུས་རིག་པའི་ལུགས། དགོངས་པ་འདུས་པའི་ལུགས། ཧེ་རུ་ཀ་འདུས་པའི་ལུགས། ཁྲོ་བོ་རྐྱང་པའི་དཀྱིལ་འཁོར་ཏེ་ལྔར་མཛད་པའང་ཡོད། རྡོར་དྲིལ་རྔ་འཕྲེང་ཕུར་པ་སོགས་ཀྱི་རྫས་ལ་བརྟེན་ནས་བསྙེན་པར་གནང་བའི་དབང་དང་། ཞི་ཁྲོའི་དཀྱིལ་འཁོར་དུ་སློབ་མ་ཁྲུས་བྱ་བ་ནས་དཀྱིལ་འཁོར་ལྷའི་དོན་རྟགས་བཤད་པའི་བར་གྱི་སྔོན་འགྲོ་སོང་ནས། གསངསྔགས་ནང་གི་དབང་ལ་ཕྱི་དབང་བཅུ། ནང་དབང་བཅུ་གཅིག །སྒྲུབ་དབང་བཅུ་གསུམ། ཟབ་མོའི་དབང་གཉིས་སུ་བསྟན་པ་ལ། སློབ་དཔོན་རྣམས་གོས་བཟང་རྒྱན་ཐོར་ཚུགས་དབུ་རྒྱན་སོགས་བརྗིད་བག་དང་ལྡན་པས་ཁ་གཡུ་ཁ་གསེར་ཐོགས་པ་རྒྱལ་པོ་ལྟར་དབང་བསྐུར་བ། ཁྲུས་དང་གོས་གཙང་མ་གྱོན། དཔྲལ་མགྲིན་སྙིང་གར་དྲི་བཟང་པོའི་ཐིག་ལེ་དང་བཅས་པས་བྲམ་ཟེ་ལྟར་དབང་བསྐུར། ཐམས་ཅད་ཡེ་ཤེས་ལྷའི་ངང་ནས་གཙང་དམེའི་རྟོག་པ་དང་ཉམ་ང་བག་ཚ་མེད་པར་བརྟུལ་ཞུགས་ཆེན་པོའི་ངར་དང་ལྡན་པས་གདོལ་པ་ལྟར་བསྐུར། དེ་དག་རྣམས་ཀྱང་རྣམ་པ་མཆོག་དམན་དུ་སྣང་ཡང་ངོ་བོ་རང་སེམས་རོལ་པའི་རྩལ་ལས་མ་འདས་པས་ཐོག་མར་ཕྱིའི་དབང་ལ། ཞི་བའི་ཕྱག་རྒྱ་ལྔས་རིགས་ལྔ་ཡེ་ཤེས་ལྔ་ཕུན་སུམ་ཚོགས་པ། རྡོ་རྗེས་མེ་ལོང་ཡེ་ཤེས། འཁོར་ལོས་སྟོང་ཉིད་ཡེ་ཤེས། རིན་པོ་ཆེས་མཉམ་ཉིད་ཡེ་ཤེས། པདྨས་སོར་རྟོག་ཡེ་ཤེས། རལ་གྲིས་འཕྲིན་ལས་ཡེ་ཤེས། ཤེས་རབ་གཟུངས་མས་བདེ་བ་ཆེན་པོ། བུམ་པས་དཀྱིལ་འཁོར་རྫོགས་པ། བཀྲ་ཤིས་རྫས་བརྒྱད་ཀྱི་དུར་བས་ཚེ་འཕེལ་བ། ལི་ཁྲིས་

དབང་དུ་བསྡུ་བ། མེ་ལོང་གིས་ཆོས་ཀུན་སྒྱུ་མ་ལྟ་བུ། དུང་གིས་ཆོས་སྒྲ་སྒྲོག་པ། གྷི་ཧཾ་དུག་གསུམ་འཇོམས་པ། བིལ་བས་བྱང་ཆུབ་སྙིང་པོ་མཆོག་འགྱུར། ཞོས་བསམ་གཏན་ཏིང་འཛིན་བཅུད་ལྡན། ཡུངས་ཀར་གྱིས་བགེགས་འཇོམས། རྒྱལ་སྲིད་བདུན་གྱི་འཁོར་ལོས་ས་བཅུ་ལ་དབང་བསྒྱུར། གླང་པོ་ཆེས་སྟོབས་བཅུ་ལ་དབང་སྒྱུར། རྟ་མཆོག་གིས་རྫུ་འཕྲུལ་གྱི་རྐང་པ་བཞི། དམག་དཔོན་གྱིས་རྒོལ་བ་ཚར་གཅོད། བཙུན་མོས་སྐྱེ་འགག་མེད་པའི་དོན་རྟོགས་པ། བློན་པོས་རྫུ་འཕྲུལ་ཆེན་པོ་ལྷའི་རྒྱལ་པོ། ནོར་བུས་མཚན་དཔེར་ལྡན་པ། གདན་གྱི་སེང་གེས་མི་འཇིགས་བཞི། གླང་པོས་སྟོབས་བཅུ། རྟས་རྫུ་འཕྲུལ་རྐང་པ། རྨ་བྱས་དབང་བཅུ། ཤང་ཤང་གིས་ཤེས་བྱ་ཐོགས་མེད། རིན་ཅེན་ཁྲིས་ཡོན་ཏན་བརྟན་པ། པདྨ་སེང་ཁྲིས་འགྲོ་བ་ལྷ་བཅས་ཀྱི་བླ་མར་འགྱུར་བ། རྒྱན་གྱིས་མཚན་དཔེ་སོགས་འབྲས་བུའི་ཆོས་ལ་དབང་བ། རྡོ་རྗེ་མིང་གིས་རྒྱལ་བའི་ཞིང་ཀུན་ལ་དབང་བ། གསེར་འཁོར་གྱིས་འཁོར་ལོས་བསྒྱུར་བའི་རྒྱལ་ཐབས་འཇིག་རྟེན་གྱི་ཁ་ལོ་གྱེན་དུ་སྒྱུར་བ། ནང་གི་དབང་བཅུ་གཅིག་ལ། གླེགས་བམ་གྱིས་ཉན་དབང་། སྣ་ཚོགས་རྡོ་རྗེས་འཕྲིན་ལས། འཁོར་ལོས་འཆད་པ། པུ་ཏི་རྡོར་དྲིལ་གྱིས་རྡོ་རྗེ་རྒྱལ་པོ། གདན་ཁྲིའི་དོམ་དྲེད་ཀྱིས་བརྟེན་པ་ཟིལ་གནོན། ཉི་ཟླས་ཐབས་ཤེས་འབྲེལ་བ། དོམ་གྱིས་བརྟུལ་ཞུགས་གསུམ། ལྷ་ཆེན་གྱིས་དྲེགས་པ་ཟིལ་གནོན། ཁྱུ་མཆོག་གིས་ཐམས་ཅད་ཟིལ་གནོན། མ་ཧེས་མཛེས་པ། གཟིག་གིས་ཐབས་ལ་མཁས་པ། སྟག་གིས་ཁྱད་པར་འཕགས་པའི་ས་ནོན་པ། རིན་ཅེན་བདུན་གྱི་ལྷ་ཡབ་ཀྱི་འཁོར་ལོས་སྐྱེ་བ་རྣམ་བཞི་ལས་སྒྲོལ་བ།

ཡུམ་གྱི་བཙུན་མོས་ཐབས་ཀྱི་སྤྱོད་པར་འཇུག་པ། རྡོ་རྗེ་བློན་པོས་བློ་གྲོས་ཕུན་སུམ་ཚོགས་པ། སྟོབས་པོ་ཆེ་དམག་དཔོན་གྱིས་བདུད་ཚོགས་འདུལ་བ། བྱང་ཆུབ་སེམས་དཔའ་སྤོས་གླང་གི་སྟོབས་བཅུས་ཕ་རོལ་ཟིལ་གནོན། སྤྲིན་གྱི་རྟ་མགྲིན་གྱིས་ཐོགས་པ་མེད་པའི་རྫུ་འཕྲུལ། རྡོ་རྗེ་རིན་ཅེན་གྱིས་གདུལ་བྱའི་རེ་སྐོང་། གཟུགས་བརྙན་གྱི་དཀྱིལ་འཁོར་གྱི་དབང་ལ། རྩ་བའི་བླ་མའི་སྐུ་གཟུགས་ཙཀ་ལིའི་དབུས་སུ་སྦམ་སྟེ་གསོལ་བའི་རྟེན་བྱས་ལ། རྡོར་སེམས། རྣམ་སྣང་རིན་འབྱུང་། སྣང་མཐའ། དོན་གྲུབ་སྟེ་ཞི་བ་རིགས་ལྔ་ཞལ་གསུམ་ཕྱག་དྲུག་པ་ཡབ་ཡུམ། སོ་སོའི་འཁོར་གྱི་རིགས་ཆུང་ཡང་ཡུམ་བཞི་བཅུ་དང་བཅས་པའི་ལྷ་དབང་། ཨ་ནུ་ཡོ་ག་གོང་དུ་བསྟན་པ་སྤྱི་དབང་ཡོངས་རྫོགས་ཀྱི་དཀྱིལ་འཁོར་དངོས་སམ་ཁྱད་པར་གྱི་དབང་རྣམས་ལས་ཐོག་མར་ཀུན་བཟང་། རིགས་ལྔ། བྱང་སེམས་བརྒྱད། ཁྲོ་བོ་བཞི་ཡབ་ཡུམ་བཅས་ཐུབ་པ་དྲུག་སྟེ་ཞི་བ་བཞི་བཅུ་རྩ་གཉིས་ཀྱི་དབང་། ཁྲོ་བོ་ཆེ་མཆོག །རྒྱུད་ཀྱི་ཁྲོ་བོ། ལུང་གི་ཁྲོ་བོ། ཧེ་རུ་ཀ་རིགས་ལྔ། སྒྲོལ་བྱེད་ཀྱི་ཧེ་རུ་ཀ་བཞི་རྣམས་ཡུམ་བཅས། གནས་མ་བརྒྱད། ཡུལ་མ་བརྒྱད། སྤོར་མ་བརྒྱད། གསང་བའི་ཡུམ་བཞི། དབང་ཕྱུག་ཉེར་བརྒྱད། མཁའ་འགྲོ་སོ་གཉིས། མ་བདུན་སྲིད་བཞི། གིང་ཆེན་བཅོ་བརྒྱད། ཁྲོ་བོ་ཁྲོ་མོ་དྲུག་ཅུ། ཕོ་ཉ་ཉིས་བརྒྱ་ཞི་བཅུ་ལས་བྱེད་མ་མོ་དྲུག་ཅུ། ཁྲོ་བཅུ་ཡུམ་བཅས་རྣམས་ཀྱི་ལྷ་དབང་། ཐོད་པའི་དབུ་རྒྱན་གྱིས་རྣམ་ཤེས་ཚོགས་བརྒྱད་དག་ནས་ཡེ་ཤེས་ལྔའི་དོན་རྟོགས་པ། རིགས་ལྔས་སྐུ་གསུང་ཐུགས་ཡོན་ཏན་འཕྲིན་ལས་མཐའ་དག་ཐོབ་པ། རིགས་གསུམ་

གྱིས་བདེ་བར་གཤེགས་པའི་སྐུ་གསུང་ཐུགས་དབང་། བཀྲ་ཤིས་རྫས་དབང་ལ། ཐུགས་ཀར་དཔལ་བེའུ། ཕྱག་ཞབས་འཁོར་ལོ། ལྗགས་ལ་པདྨ། སྐུ་ལ་རྒྱལ་མཚན། མགུལ་ལ་བུམ་པ། དབུ་སྐྲ་གདུགས། གསུང་ལ་དུང་། ཉྭ་བཞིར་ཉ་མིང་གིས་ཐམས་ཅད་འདུས་པའི་དབང་རྣམས། སྒྲུབ་དབང་བཅུ་གསུམ་ལ། རྡོ་རྗེས་ཤེས་རབ་རིག་པའི་དབང་། འཁོར་ལོས་ཁམས་གསུམ་བྱང་ཆུབ་སེམས་ཀྱི་དབང་། ཡིག་འབྲུས་ཡི་གེ་འཁོར་ལོའི་དབང་། ཐོང་གཤོལ་གྱིས་འགྲོ་དོན་རྫོགས་པ། ཐོད་པ་ཚར་གསུམ་གྱིས་དུག་གསུམ་གཏིང་ནས་དཀྲུག་པ། མཚོན་ཆ་སྣ་ཚོགས་ཀྱིས་ཉོན་མོངས་གཅོད་པ། པདྨས་སྤྱོད་བཞིན་མ་ཆགས་པ། དབྱུག་ཏོས་འཕྲིན་ལས་རྣམ་བཞི་རྫོགས་པ། སྦྲུལ་ཆུན་གྱིས་དོན་དམ་དབྱེར་མེད། རིག་མས་གཉིས་མེད་མདོ་སྦྱོར། ཞལ་ཟས་བཟའ་བཏུང་གིས་འདོད་ཡོན་ལྔར་ལོངས་སྤྱོད་པ། སྒྲུབ་རྫས་སྟག་ཤམ་གྱིས་རྣམ་རྟོག་འཇོམས་པ། གླང་ལྤགས་ཀྱིས་གཏི་མུག་དག་པ། གཡང་བཞིས་ཐམས་ཅད་འཇོམས་པ། ཐོད་པ་ཚར་གསུམ་གྱིས་ཐམས་ཅད་འདུལ་བ། སྦྲུལ་ཆུན་གྱིས་འཇིགས་བྱེད་ཆེན་པོའི་སྐུ་ཐོབ་པ། ཁྱུང་གཤོག་གིས་ཡོངས་ལ་ཁྱབ་པ། མེ་དཔུང་གིས་མཚན་མའི་འཛིན་རྟོག་སྲེག་པ། ཞག་གི་ཚོམ་བུས་ཆེ་བའི་ཡོན་ཏན་རྒྱས་པ། ཐལ་ཆེན་གྱིས་གདུག་པའི་ཟིལ་གནོན། རཀྟས་གཏུམ་པོ་དྲག་པོ་འཇོམས་པ། སྒྲུབ་རྫས་ཀྱི་རྔ། དུང་། རྡོར་དྲིལ། ཕུར་པ། འཕྲེང་བ། ཞག་ཐལ་ཆེན། རཀྟ། གཡང་བཞི། ཀོ་རློན། སྟག་ལྤགས། ཐོད་སྦྲུལ་རྣམས་ཀྱིས་མཆོག་ཐུན་དངོས་གྲུབ་མ་ལུས་བསྒྲུབ་པར་དབང་བ། མིང་གིས་ལྷ་དང་གཉིས་སུ་མེད་པར་གྲགས་

པ་རྡོ་རྗེའི་དབང་། དེ་ནས། སྒྲུབ་པའི་དབང་མཆོག་ཐོབ་པ་དང་། །གསང་བའི་བདག་པོ་ཡིན་པས་ན། །གསང་བའི་དབང་ཆོག་སྦྱིན་པར་བྱ། །ཞེས་པ་བཞིན་ཙཀ་ལི་གསང་བ་ཤེས་རབ་བདེ་བ་ཆེན་པོའི་བརྡ་དབང་། བྱིན་རླབས་ཀྱི་རྫས་ཀྱི་སྒོ་བྱང་། མར་མེ། སྨན་ཕུད། ཕུར་བ། མདོས་རག་ཆོས་སྐྱོང་གི་གཏོར་མ། ལས་བཞིའི་རྫས་ཟོར་གཏོར། ཚེ་རྫས། རིག་འཛིན་སྤྱི་གཏོར་རྣམས་ལ་བརྟེན་ནས་སྒྲུབ་པ་བཀའ་བརྒྱད། རྒྱ་བོད་རིགས་འཛིན་བརྒྱ་རྩ་བརྒྱད་དང་བཅས་པའི་བྱིན་རླབས་ཐུགས་རྗེའི་དབང་། མན་ངག་རྫོགས་པ་ཆེན་པོ་ཨ་ཏི་ཡོ་གའི་བརྒྱུད་པ། ལུང་ཨ་ནུ་ཡོ་གའི་བརྒྱུད་པ། བསྐྱེད་པ་མ་ཧཱ་ཡོ་གའི་བརྒྱུད་པའི་བླ་མའི་བར་གྱི་དབང་། ཐོབ་པའི་དབང་དེ་བསྟན་པའི་ཡན་ལག་ཏུ་ལྷ་ནི་མ་ཧཱ་ལ་ཞི་བའི་རིགས་ལྔ་དང་ཁྲོ་བོ་རིགས་ལྔ། ཨ་ནུ་ལ་ཞི་བ་ཀུན་བཟང་ཞལ་གསུམ་ཕྱག་དྲུག་གཙོར་བྱས་པའི་མདུན་དུ་རྡོར་སེམས་དང་། ཁྲོ་བོ་ལ་ཆེ་མཆོག་ཡབ་ཡུམ་གཙོར་བྱས་པའི་མདུན་དུ་རྡོ་རྗེ་ཁྲག་འཐུང་ཡིན་ལ། དེའི་ནང་ནས་གཙོ་བོར་བསྒོམ་བྱ་མེ་ཏོག་ཕོག་པའི་ལྷ་གང་ཡིན་བསྟན་ལ་སྐུ་ངོ་སྤྲད། སྙིང་པོ་མ་ཧཱ་ལ་བཛྲ་དྷྲྀ་ཀ་དང་རུ་ལུ། ཨ་ནུ་ལ་ཨཱ་ལི་ཀཱ་ལི་ཛྙཱ་ན་པཉྩ་དང་གུ་ཧྱ་ཛྙཱ་ནའི་སྙིང་པོ་བཟླ། ལུང་ཕོག་ལ་གསུང་ངོ་སྤྲད། ཆོས་ཐམས་ཅད་མཉམ་པ་ཉིད་ཐུགས་སུ་ངོ་སྤྲད། ནུས་པ་ཕུན་སུམ་ཚོགས་པས་ཡོན་ཏན་ངོ་སྤྲད། རྫས་དབང་བསྐུར་བས་འཕྲིན་ལས་ངོ་སྤྲད། དེ་དག་ཀྱང་ཐོག་མ་ནས་རང་ལ་ཡོད་ཅིང་དེ་ལྟར་ཡིན་པའི་ངོ་སྤྲད། དེས་མཚོན་ནས་སྣང་སྲིད་ཐམས་ཅད་ལྷའི་དཀྱིལ་འཁོར་དུ་ལོངས་སྤྱོད་ཅིང་ལམ་དུ་ཁྱེར། ཐམས་ཅད་ལྷར་གསལ་ལྟ་བ། དེའི་ངང་ལ་གནས་པ་

སྒོམ་པ། ལྷ་ལ་ལྷ་རོལ་བ་སྤྱོད་པ། དེ་ལས་མི་འདའ་བ་དམ་ཚིག །མངོན་དུ་གྱུར་པ་འབྲས་བུ། མན་ངག་སྒོམ་པ་མ་ཧཱ་ལ་སྟེང་སྒོམ་ཞེས་པ་ལུས་མཆོད་རྟེན་སྲོག་ཤིང་རྩ་འཁོར་གྱི་ཚུལ་དུ་ཐིག་ལེ་དཀར་དམར་ལ་བརྟེན་པའི་བདེ་སྟོང་། ཨ་ནུ་ལ་ལྟ་བ་དབྱིངས་ཡེ་ཤེས་དབྱེར་མེད། དེའི་ངང་ལ་གནས་པ་སྒོམ་པ། མི་འབྲལ་བ་སྤྱོད་པ། མི་འདའ་བ་དམ་ཚིག །མཐར་ཕྱིན་པ། འབྲས་བུ། རྒྱུན་ཆད་མེད་པར་རྣལ་འབྱོར། སྒོམ་ཐབས་དང་སྒོམ་ཆེན་པོའོ། །ཐེག་པ་རིམ་པ་བརྒྱད་ཀྱི་སྨིན་གྲོལ་སོང་ནས་དགུ་པ་ཐེག་པ་ཀུན་གྱི་རྩེ་རྒྱལ་ལ་ཨ་ཏི་ཡོ་ག་ལ་པད་འདབ་བཅུ་དྲུག་ཨ་བཅུ་དྲུག་གིས་མཚོན་པའི་དཀྱིལ་འཁོར་དུ། བུམ་པ་ལ་བརྟེན་ནས་ཨ་ཏི་ཡོ་ག་ལྟ་བ་རབ་འབྱམས་ཀྱི་དབང་སྔོན་འགྲོ་དང་། དངོས་གཞི་སེམས་བཟུང་ངོ་སྤྲོད་ལ་བཟླ། བུམ་པའི་དབང་དང་བཅས་པ། ལམ་ཁྱེར་གྱི་ལྷ་ཀུན་བཟང་ཡུམ་བཅོ་བརྒྱད། སྙིང་པོ་ཨོཾ་ཨཱཿ ཧཱུྃ་དང་བླ་མའི་གསོལ་འདེབས། རྣལ་འབྱོར་གདོན་མ་ཞུགས་པའི་སྨྱོན་པ་ལྟ་བུ་ཤེས་པ་ཆིག་ཆོད་ཀྱི་ཉམས། ཡང་ལུགས་གཅིག་ལ་ཨ་ཏིའི་གསང་དབང་གི་རྗེས་སུ་བསྐུར་ཏེ། ངོ་སྤྲོད་སྣང་བ་སེམས། སེམས་སྟོང་པ་ཆོས་ཉིད། ཆོས་ཉིད་བདེ་བ་ཆེན་པོར་ངོ་སྤྲད། སྙིང་པོ་མ་ཧཱ་གུ་རུ་ཤ་རི་རཾ་ཧཱུྃ། དབང་ལ་རིག་འཛིན་ཐམས་ཅད་འདིར་བསྐུར་པའང་ཡོད་པ་ལེགས་ཞེས་རྣམ་གྲངས་ཙམ་དུ་མཆོག་སྤྲུལ་ལེགས་ལྡན་རྡོ་རྗེའི་གསན་ཡིག་ན་འདུག་གོ །ཁྱད་པར་གྱི་དབང་གཉིས་ཀྱི་གསང་དབང་ལ། ཙནྡན་ནམ་གསེར་ལས་བྱས་པའི་མཁའ་གསང་གི་ཚད་

མཚོན་པའི་དཀྱིལ་འཁོར་དུ། གསོལ་བཏབ་གནང་བ་སྦྱིན་པ། ལྷ་བསྐྱེད། གོ་གྱོན། ལུས་བསྲུང་སྔོན་དུ་འགྲོ་བའི་བླ་མ་ཡབ་ཡུམ་སྙོམས་པར་ཞུགས་པའི་བྱང་སེམས་ལྕེ་ཐོག་ཏུ་བཞག་པའི་དབང་། སློབ་མ་བློ་དམན་ལ་ཐབས་ཀྱིས་བསྐུལ་ཐབས་མཐར་སློབ་མ་ཆེ་མཆོག་ཏུ་གསལ་བར་ཐོད་པའི་དབུ་རྒྱན། ཞིང་ཤུན་ཅོད་པན། རྡོ་རྗེའི་ཁྱུང་གཤོག །གསང་བའི་གཉེར་གཏད་སོགས། མདོར་ན་སངས་རྒྱས་གསང་བའི་དབང་ངེས་འབྱེད་ལས། སྣོད་དང་དཀྱིལ་འཁོར་བསྐུར་བའི་དུས། རང་གི་ངོ་བོ་ངེས་ཚིག་དང་བསྐུར་རྫས་ཐབས་དང་རྒྱུ་རྐྱེན་དང་། །གནས་དང་སྒྲིབ་སྤོང་ཐོབ་པའི་ཚད། །ཆོས་དང་དགོས་ཆེད་སྐྱོན་ཡོན་གྱིས། །མདོར་བསྡུས་ལུས་ཀྱི་མཚན་ཉིད་བཞག །ཅེས་པའི་དོན་ཚན་བཅུ་དྲུག་ཚང་བ། ཤེས་རབ་ཡེ་ཤེས་ཀྱི་དབང་ནི། སློབ་མའི་ལུས་རྩའི་དཀྱིལ་འཁོར་དང་བྷ་གའི་དཀྱིལ་འཁོར་དུ་ལྷ་བཛྲ་ཧེ་རུ་ཀ་ཡབ་ཡུམ་ལ་བརྟེན་ནས་སྙོམས་པར་བཞུགས་པའི་དགའ་བཞིའི་དབང་དང་། བློར་མི་ཚུད་པ་རྣམས་ཏིང་ངེ་འཛིན་སྙོམས་འཇུག་སྟེ་གོང་གི་གསང་དབང་དང་འདྲ་བའི་བསྐུར་ཐབས་བཅུ་དྲུག་ཡོངས་སུ་ཚང་བ། བདེ་བ་ཆེན་པོའི་དབང་ནི། བྷ་གའི་དཀྱིལ་འཁོར་དུ་གསུམ་པའི་ཉམས་ལེན་ལ་གོམས་པ་མཐར་ཕྱིན་པའི་ཚེ་བླ་མས་བདེ་བ་ཆེན་པོ་ཕྱིར་མི་ལྡོག་པའི་ངོ་སྤྲོད་དང་སྦྱོར་ཐབས་ཤེས་དབང་བཞིན་ཉམས་སུ་བླངས་པའི་དགའ་བ་བཅུ་དྲུག་གི་ས་བཅུ་རྫོགས་མཐར་རྡོ་རྗེའི་རྩེར་སླེབས་པས་བཅུ་གཅིག་ཏུ་ཀུན་ཏུ་འོད་སྤྲུལ་འཁོར་དུ་པདྨ་ཅན། རྩ་གནས་ལ་ལྷའི་དཀྱིལ་འཁོར་ཡི་གེ་འཁོར་ལོའི་ཚོགས་ཆེན་དེ་དག་ལས་མངོན་ཤེས་དྲུག་དང་མཚན་དཔེ་གསལ་རྫོགས་ཀྱི་སྐུ་མངོན་དུ་བྱེད་པ་དང་། དེ་ཙམ་མི་ནུས་པ་ལའང་མོས་པ་ལམ་བྱེད་ཀྱི་ཚུལ་དུ་བསྐུར།

མཐར་བླ་མས། དངོས་ཀུན་སེམས་ཡིན་སྤང་བླང་བྲལ། ཞེས་ཀ་དག་ལྷུན་གྲུབ་ཏུ་ངོ་སྤྲད་པས་ཚིག་དབང་དང་རིག་པའི་རྩལ་དབང་ཡིན་ཞིང་། ཤེར་དབང་དང་འདྲ་བའི་དོན་བཅུ་དྲུག་ཚང་བ། མཐའ་རྟེན་ཚེ་དཔག་མེད་རིགས་ལྔའི་དཀྱིལ་འཁོར་དུ། བུམ་པས་སྐུ་འབྲང་རྒྱས་ཀྱིས་གསུང་། མར་མེས་ཐུགས། ཚེ་འགུགས་པ། སྦ་བ། ཞལ་ཟས་ཀྱི་དབང་དར་ཡུག་ལ་ཚོམ་བུ་བཅུ་གསུམ་བཀོད་པའི་གཏད་རྒྱ་དངོས་གྲུབ་གཉིས་གོང་དུ་བཤད་ཀྱང་འཁྲུགས་སྡེབས་ཡིན་པས་འདིར་སྦྱར་རོ། །གཏད་རྒྱའི་དཀྱིལ་འཁོར་དུ་གཏད་རྒྱ་ཚང་བ་དང་། འབྲང་རྒྱས་གསལ་ཤིང་གི་མར་མེ་ཅན་ལ་བརྟེན་པའི་དངོས་གྲུབ་བླང་བ། མཇུག་ཏུ་མར་མེའི་སྨོན་ལམ་དབང་ཆོག་གི་ལུང་དང་བཅས་པ་ལེགས་པར་ཐོབ་པའི་བརྒྱུད་པ་ནི། སྤྱིར་ཐེག་པ་དགུ་ཀ་ལ་བབས་ཚུལ་ཐ་དད་པས་ལུགས་འདི་ལ་ཉན་ཐོས་ཀྱི་ཐེག་པ་ཆུ་བོ་ནཻ་རན་ཛ་ན། རང་རྒྱལ་གྱི་ཐེག་པ་ཀུན་དགའ་ར་བ། བྱང་སེམས་ཀྱི་ཐེག་པ་བྱ་རྒོད་ཕུང་པོའི་རི། ཀྲྀ་ཡིའི་ཐེག་པ་ཡུལ་ཝ་ར་ཎ་སི། ཨུ་པའི་ཐེག་པ་རི་རབ་ཀྱི་རྩེ། ཡོ་གའི་ཐེག་པ་མེ་རེ་འབར་བ། མ་ཧཱའི་ཐེག་པ་ཆོས་རྒྱལ་ཛའི་ཕོ་བྲང་སྟེང་། ཨ་ནུའི་ཐེག་པ་དུར་ཁྲོད་བསིལ་བ་ཚལ། ཨ་ཏིའི་ཐེག་པ་དྷ་ན་ཀོ་ཤའི་གླིང་དུ་བབས་པའི་ཚེ་སློབ་དཔོན་དགའ་རབ་རྡོ་རྗེས་རྒྱལ་པོ་དྷ་ཧེ་ནའི་སྲས་མོ་རིན་ཅེན་གསལ་སྒྲོན་ཕྱག་རྒྱར་ཁྲིད་ནས་ཟླ་གམ་འོད་འཕྲོ་སེང་གེའི་ནགས་སུ་སློབ་དཔོན་གིང་ཀ་ར་ལ་རྩལ་ཆེན་གྱི་དབང་ཞེས་པ་ཕར་ཕྱིན་ཉི་ཤུའི་དབང་ནོད། པདྨ་མེ་ཏོག་གི་ལྗོན་ཤིང་གི་ནགས་སུ་ཀླུ་སྒྲུབ་ཙཎྜི་ཀ་ལ་ཀྲྀ་ཡའི་མཆོག་དབང་ཉེར་དྲུག་ནོད། ལྷ་བྱ་སྐྱེད་ལྗོན་ཤིང་གི་ནགས་སུ་སློབ་དཔོན་པདྨ་ཀུ་མ་ཏི་ལ་ཡོ་ག་བཀྲ་ཤིས་དྲུག་ཅུའི་དབང་ནོས། དེ་ནས་བདེ་བར་རབ་གསལ་ལ་གསང་སྔགས་རྒྱུད་སྡེ་ཐམས་ཅད་ཀྱི་བཀའ་བབས་ནས་སློབ་དཔོན་རོ་

ལངས་བདེ་བ་ལ་དབང་བཞི་རྫོགས་པར་བསྐུར། དེ་ནས་རིམ་བཞིན་རིན་ཅེན་གཡུ་སྡིངས་ཚལ་དུ་ཨོ་རྒྱན་གྱི་རྒྱལ་པོ་དྷརྨ་ཀཱ་ཡ་དང་ཀླུའི་བུ་མོ་རྒྱ་མཚོ་གཉིས་ལ་བསྐུར། དེ་ནས་ཟ་ཧོར་རྒྱལ་པོ། སིདྷ་ལའི་རྒྱལ་པོ། དགེ་སློང་སོཀྱ་དེ་བ། སློབ་དཔོན་ཆེན་པོ་དྲག་པོ་རྩལ། སློབ་དཔོན་སྒེག་པའི་རྡོ་རྗེ། ཆོས་བློན་དེ་བ། མཁན་ཆེན་ཆོས་རྒྱལ་སྐྱོང་། གནུབས་ཆེན་སངས་རྒྱས་ཡེ་ཤེས་ནས་རིམ་བཞིན་བརྒྱུད་པར་མདོ་དབང་བྱེ་བྲག་པའི་བརྒྱུད་པ་ཡིན་ཞེས་འཆད། ཡོ་ག་གསུམ་ལས་དང་པོ་བསྐྱེད་པ་མ་ཧཱ་ཡོ་གའི་བརྒྱུད་པ་ནི། ཀུན་ཏུ་བཟང་པོ། རིགས་ལྔའི་སངས་རྒྱས། རྡོ་རྗེ་སེམས་དཔའ། གསང་བའི་བདག་པོ། སློབ་དཔོན་ཀུ་ཀུ་རཱ་ཛ། རྒྱལ་པོ་ཛ། རྒྱལ་པོ་ཤ་ཏྲ་པུ་རི། ཨོ་རྒྱན་རྒྱལ་པོ་སིདྷ་རཱ་ཛ། རྒྱལ་པོ་ཨུ་པ་རཱ་ཛ། སྲས་མོ་གོ་མ་དེ་ཝཱི། མཻ་ཏྲི་ཀ་མ་ལ། ཨཱ་ཙཪྻ་ཛ་ནི་མི་ཏྲ། སློབ་དཔོན་རྡོ་རྗེ་བཞད་པ། སློབ་དཔོན་ཉིན་འབྱེད་སེང་གེ །སློབ་དཔོན་བདེ་བ་གསལ་མཛད། སློབ་དཔོན་ཤཱཀྱ་བོ་དྷི། དགེ་སློང་སོཀྱ་དེ་བ། སློབ་དཔོན་སྒེག་པ་རྡོ་རྗེ། ཆོས་བློན་དེ་བ། མཁན་པོ་ཆོས་རྒྱལ་སྐྱོང་། གནུབས་སངས་རྒྱས་ཡེ་ཤེས་རིན་པོ་ཆེ། ལུང་ཨ་ནུ་ཡོ་གའི་བརྒྱུད་པ་ནི། ཀུན་ཏུ་བཟང་པོ། ལོངས་སྐུའི་ཞི་ཁྲོ་རིགས་ལྔ། ལྷའི་བུ་དམ་པ་ཏོག་དཀར། འཇམ་དབྱངས། སྤྱན་རས་གཟིགས། ཕྱག་ན་རྡོ་རྗེ། དམ་པའི་རིགས་ཅན་དྲ་མ་ལྔ་ཞེས་པ། ལྷ་གྲགས་ལྡན་མཆོག་སྐྱོང་། གནོད་སྦྱིན་སྐར་མདའ་གདོང་། སྲིན་པོ་བློ་གྲོས་ཐབས་ལྡན། ཀླུ་རྒྱལ་འཇོག་པོ། མི་ལི་ཙ་བྱི་དྲི་མ་མེད་གྲགས་པ། སྐལ་ལྡན་རྒྱལ་པོ་ཛ། སློབ་དཔོན་ཨུ་བ་རཱ་ཛ། རྒྱལ་པོ་ཨིནྡྲ་བྷཱུ་ཏི། ཀླུ་རྒྱལ་ནཱ་ག་སཱུ་ཏྲ། རྒྱལ་

པོ་ག་ཡ་སཱུ་ཏྲ། ཀུ་ཀུ་རཱ་ཛ་ཕྱི་མ། སློབ་དཔོན་རོ་ལངས་བདེ་བ། སློབ་དཔོན་རྡོ་རྗེ་བཞད་པ། ཟ་ཧོར་རྒྱལ་པོ་པྲ་ཧ་སྟི། སློབ་དཔོན་ཤཱཀྱ་སེང་གེ །ཤཱཀྱ་མི་ཏྲ། ཤཱཀྱ་པྲ་བྷ། ཤཱཀྱ་གསུམ་པོ་འདི་དབང་ཆོག་ན་མི་འདུག་ཀྱང་རིག་འཛིན་ཆེན་པོའི་གསན་ཡིག་ན་འདུག་པ་བརྟག །དྷ་ན་རཀྵི་ཏ། རྡོ་རྗེ་ཧཱུྃ་མཛད། སྠི་ར་མ་ཏི། ཨཱ་ཙཪྻ་བདེ་བ་གསལ་མཛད། དྷརྨ་བོདྷི། མཁན་པོ་ཆོས་རྒྱལ་སྐྱོང་། བལ་པོ་བ་སུ་དྷ་ར། རྒྱ་གར་གཙུག་ལག་དཔལ་དགེ །བྲུ་ཤའི་མཁན་པོ་ཆེ་བཙན་སྐྱེས། གནུབས་ཆེན་སངས་རྒྱས་ཡེ་ཤེས། རྫོགས་པ་ཆེན་པོ་ཨ་ཏི་ཡོ་གའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། རྡོ་རྗེ་སེམས་དཔའ། སྡུད་པ་ཕྱག་ན་རྡོ་རྗེ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རྒྱལ་པོ་དྷ་ན་ཏ་ལོ། སྲས་རཱ་ཛ་ཧ་སྟི། སྲས་མོ་པ་ར་ཎི། ཀླུ་རྒྱལ་འཇོག་པོ། སྲས་གནོད་སྦྱིན་མོ་བྱང་ཆུབ། གཟུང་མ་ཨ་ར་ལི། སློབ་དཔོན་ཨཀྵོ་བྷྱ། སློབ་དཔོན་ཀུ་ཀུ་རཱ་ཛ། སྨད་འཚོང་མ་བུདྡྷ་ས་མཱ་ཡ། སྨད་འཚོང་མ་བུདྡྷ་ས་མ་ཏི། མ་ཧཱ་རཱ་ཛ། སྲས་མོ་གོ་མ་དེ་ཝཱི། སློབ་དཔོན་ཨ་ལོ་ཀེ །ཁྱིའི་མཁན་པོ་ཕྱི་མ། སློབ་དཔོན་མ་ཧཱ་རཱ་ཛ། དྲང་སྲོང་བྷ་ཥི་ཏ། གཟུང་མ་བདག་ཉིད་མ། སློབ་དཔོན་ནཱ་གཱ་རཱ་ཛུ་ན། དྷེ་བ་རཱ་ཛ། འཇམ་དཔལ་བཤེས་གཉེན་ཕྱི་མ། དགེ་བསྙེན་ལེགས་པ། སངས་རྒྱས་གསང་བ། པཎ་ཆེན་ཤྲཱི་སིངྷ། དགེ་སློང་མ་ཀུན་དགའ་མོ། སློབ་དཔོན་བི་མཱ་ལ། ལོ་ཙཱ་བ་བཻ་རོ་ཙ་ན། རྒྱལ་མོ་གཡུ་སྒྲ་སྙིང་པོ། གཉག་ཛྙཱ་ན་ཀུ་མཱ་ར། སོག་པོ་དཔལ་གྱི་ཡེ་ཤེས། གནུབས་ཆེན་སངས་རྒྱས་ཡེ་ཤེས་རིན་པོ་ཆེ། འདི་མན་གྱི་བརྒྱུད་པ་ཡོ་ག་གསུམ་ཀ་ལ་མདོ་དབང་སྐབས་གཅིག་པོ་ཁོ་ན་འདྲེན་ནོ། །དེའི་སློབ་མ་གནུབས་ཀྱི་བུ་བཞི། འབྲེ་སྟོན་ཁྲོ་ཆུང་། ཉང་ཤེར་མཆོག །ཉང་ཡེ་འབྱུང་ཟུར་

ཆེན་ཤཱཀ་འབྱུང་། དགེ་མཆེད་བཅོ་ལྔ། ཐུགས་སྲས་དང་པོ་བཞི་ལ། སོ་ཡི་དབང་། སུ་ལེགས་སྒྲོན། སྤ་གོར་བློན་རྗེ། དན་ཡོ་མཆོག །ཐུགས་སྲས་གཉིས་པ་གཅིག་ནི་ཁུ་ལུང་པ། གསུམ་པ་སྲུའི་སློབ་མ་མཆོག་བཞི་ནི། གཡར་སྟོན་གསལ་བྱང་། རྒྱ་སྟོན་བློ་གཞོན། རྒྱ་སྟོན་ཤཱཀ་མཆོག །ཞུ་སྟོན་གསོད་ཤཱཀ །སྲས་བཞི་པ་གཅིག་ནི་སྤ་གོར་བེག་སྟོན་ཡེ་ཤེས། སྲས་ལྔ་པ་ལྔ་ནི། རྒྱ་སྟོན་གཞོན་སྙིང་། སྐྱོ་སྟོན་དར་བྱང་། སྐྱོ་སྟོན་དར་རྒྱལ། ལྷོ་པ་ཡོན་སྙིང་། གནུབས་ཡེ་རྒྱམ་རྣམས། རིན་ཅེན་གསུམ། འཁོར་བརྒྱད་དྲུག་ཅུ་སོགས་ཡོད་པ་ལས་ཆོས་འདིའི་བརྒྱུད་པར་དགོས་པ་གནུབས་ཁུ་ལུང་པ་ཡོན་ཏན་རྒྱ་མཚོ། སྲས་གནུབས་ཡེ་ཤེས་རྒྱ་མཚོ། དེའི་བུ་བྱང་ཆུབ་རྣམ་གསུམ། རྒྱ་སྟོན་བློ་གྲོས་བྱང་ཆུབ། མར་ཡོན་ཏན་བྱང་ཆུབ། སྣ་རྣམ་ཚུལ་ཁྲིམས་བྱང་ཆུབ། རྒྱ་སྟོན་བློ་གྲོས་བྱང་ཆུབ། འདི་ལ་སློབ་མ་གཉིས། ཐོ་གར་དང་ཞུ་བསོད། ཐོ་གར་ནམ་མཁའ་ལྡེ་རྡོ་རྗེ་དངོས་གྲུབ་གཏེར། འུག་བྱ་ལུང་པ་ཟུར་པོ་ཆེ་ཤཱཀྱ་འབྱུང་གནས། ཐོ་གར་ལ་ཞི་བ། སྟོང་ཚབ། རྒྱ་སྟོན། བཀའ་སྟོད་གསུམ་ལ་མདོ་ལུང་། དབང་སྒྲུབ། རྒྱུད་འབྲེལ། འཕྲིན་ལས་གསན། དེའི་སློབ་མ་རྩེ་མོ་བཞི། ལྟ་དགོངས་ཀྱི་རྩེ་མོ་ཟུར་ཆུང་པ། རྫུ་འཕྲུལ་གྱི་རྩེ་མོ་པ་རྣམ་གྲེས་ཀྱི་མི་ཉག་འབྱུང་གྲགས། མཁྱེན་རྒྱའི་རྩེ་མོ་ར་བའི་ཞང་འགོས་ཆུང་པ། སྒོམ་སྒྲུབ་ཀྱི་རྩེ་མོ་མཚོ་ཉའི་བཟང་སྒོམ་ཤེར་རྒྱལ། རྩེ་ལྐོག་བརྒྱད་སོགས་ལས་ཟུར་ཆུང་པ་ཤེས་རབ་གྲགས། དེའི་སློབ་མ་སེམས་ཕྱོགས་ཀྱི་ཀ་བ་གོང་བུའི་སྐྱོ་སྟོན་ཤཱཀ་ཡེ། མདོའི་ཀ་བ་བསྐྱེད་ལུང་གི་ཡང་ཁེང་བླ་མ། སྒྱུ་འཕྲུལ་གྱི་ཀ་པ་ཆུ་དབར་གྱི་གླན་ཤཱཀྱ་བཟང་པོ། འཕྲིན་སྒྲུབ་ཀྱི་ཀ་བ་ནག་མོ་རིའི་མདའ་ཏི་ཇོ་ཤཱཀ །བཞི་ག་ལ་གསང་བདག་སྒྲོ་ཕུག་པ་ཤཱཀྱ་སེང་གེས་གསན། དེ་ནས་འགར་སྟོན་ཟུང་ངེ་། སྲེག་སྟོན་རྡོ་རྗེ་རྒྱལ་མཚན། གླན་སྟོན་ཉ་ཚལ་པ་རྡོ་རྗེ་འོད། གླན་སྟོན་བརྩོན་འགྲུས་སེང་གེ །གླན་སྟོན་བསོད་ནམས་

རྒྱལ་པོ། སྤྲུལ་སྐུ་ལྷ་རྗེ་ལྷ་འབུམ། གླན་ཆོས་ཀྱི་སེང་གེ །གླན་སངས་རྒྱས་དཔལ། གླན་བསོད་ནམས་མགོན་པོ། སྒྲོལ་ཆེན་བསམ་གྲུབ་རྡོ་རྗེ། ཟུར་ཐམས་ཅད་མཁྱེན་པ་ཤཱཀ་འབྱུང་ཕྱི་མ། ལང་འགྲོ་སྤྲུལ་སྐུ་ཚེ་དབང་རྒྱལ་པོ། བརྒྱུད་འཛིན་ལེགས་པ་དཔལ་བཟང་། འཇམ་དབྱངས་རིན་ཅེན་རྒྱལ་མཚན། མཆོག་སྤྲུལ་ལེགས་ལྡན་རྡོ་རྗེ། སྐྱི་སྟོན་ཚེ་རིང་དབང་པོ། བླ་ཆེན་ཆོས་རྒྱལ་རྡོ་རྗེ། ཁྱབ་བདག་ཁྲ་ཚང་པ་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་གསང་བདག་སྒྲོ་ཕུག་པ་ནས། དམ་པ་ཤཱཀྱ། བཛྲ་དྷ་ར། མན་ཏི་བླ་མ། མཁས་བཙུན་བསོད་རྒྱལ། འོད་ཟེར་རྒྱལ་མཚན། དཔལ་ལྡན་བྱང་ཆུབ། ཀུན་དགའ་བཟང་པོ། པདྨ་ཐོད་འཕྲེང་། ཟུར་ཤཱཀྱ་ཤྲཱི་དཔལ་བཟང་། ཟུར་ཤཱཀྱ་བཤེས་གཉེན། བརྒྱུད་འཛིན་ལེགས་པ་དཔལ་བཟང་། ཆོས་རྗེ་ཆོས་འཕགས་བཟང་པོ། འཇམ་དབྱངས་རིན་ཅེན་རྒྱལ་མཚན་མན་འདྲ། ཡང་ན་ཤཱཀྱ་བཤེས་གཉེན་ནས། སློབ་དཔོན་དཔལ་བཟང་། ཟུར་རྒྱལ་བ་དཔལ་བཟང་། མཉམ་མེད་འཇམ་དབྱངས་ཆེན་པོ་མན་སྔར་ལྟར་རོ། ༈ །མདོ་མགོན་ལེགས་ལྡན་ནག་པོ་ལྗང་སྔོན་དྲག་པོའི་དབང་ཆོག་གཙང་ཤོད་པ་མ་ཏི་དྷ་ཛས་མཛད་པའི་སྟེང་ནས། ཚོམ་བུའི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི་རིག་པའི་དབང་ལྔ། གསང་དབང་། ཤེར་དབང་། ཚིག་དབང་། མཐའ་རྟེན་ལྕགས་ཁང་། གྲི་ཁུག །བེང་ཆེན། ཕུར་པ། ཐོད་ཁྲག །མདུང་ནོན། སྦྲུལ་ཞགས་ཙ་མ་ར། ཡུངས་ཀར། གུ་གུ་ལ། རི་རབ་གླིང་བཞི། དྲག་པོའི་མཐུན་རྫས་དང་བཅས་པའི་དབང་དང་། ལུང་ལ། མདོ་དགོངས་འདུལ་དང་རྡོ་རྗེ་བཀོད་པའི་རྒྱུད་ལ་བརྟེན་ནས་སུ་ཞིག་

བསྙེན་སྒྲུབ་ལ་རྟག་ཏུ་གནས་པར་འདོད་པས་མགོན་པོའི་བསྙེན་སྒྲུབ་ལས་བྱང་རྫོགས་སོའི་མཐའ་ཅན། དཔལ་མགོན་པོའི་གཞུང་སྔགས་བྷུ་ར་ཀུ་མ། སྤྱན་འདྲེན་ལང་ཀ་མ་བཞུགས་གསོལ་དང་བཅས་པ། མཆོད་པ་དཔལ་མགོན་ནག་པོ་མ་སྔགས་མཆོད་དང་ལྷུག་མཆོད་ཡོད་པ། དམ་ཚིག་འབོགས་པ་རྡོ་རྗེ་རྣལ་འབྱོར་མ། དམ་ཆུ་དམ་བསྲེ་དམ་བདར་དང་བཅས་པ། ལས་བཅོལ་ཚོགས་བདག་མ། སྨོན་ལམ་མགོན་ཁྱེད་མ། ཡང་མགོན་པོའི་གཞུང་གོང་དང་འདྲ་མིན་མཇུག་ན་མཐུན་རྫས་འབུལ་བ་ཡོད་པ། མཚོན་ཆ་སྔོན་རོལ་གྱི་རྒྱུད་ལས་མགོན་པོ་དབང་དུ་སྡུད་ཐབས་ཀྱི་ལེའུ་ཉེར་ལྔ་པ་ཁོལ་དུ་བྱུང་བ། གཉེན་པོ་སྟོབས་ཀྱི་ལྷ་བསྟན་པ་ལེའུ་དྲུག་པ་ཟུར་དུ་ཕྱུང་བ། བསྙེན་སྒྲུབ་གནད་ཀྱི་ལེའུ་བཅུ་གསུམ་པ་ཁོལ་དུ་ཕྱུང་བ། ལེགས་ལྡན་ནག་པོའི་རྩར་མཆོད་དུ་གྲགས་པ་བཅའ་གཞི། བསྙེན་སྒྲུབ་ཀྱི་སྔགས་སྦྲེལ་བ། སྤྱན་འདྲེན་མཆོད་པ་དམ་ཚིག་རྣམས་གོང་དང་དབྱིབས་འདྲ་བ་བཤགས་པ་ཚོགས་བདག །འཕྲིན་གསོལ་སྙན་བསྙུང་མ། ལས་བཅོལ་རྡོ་རྗེ་དྲག་ཆེན་དང་བཅས་པ། དབང་ཆོག་གཙང་ཤོད་པས་མཛད་པ་རྣམས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། གསང་བདག་ཕྱག་ན་རྡོ་རྗེ། རྒྱལ་པོ་ཛ། ཀུ་ཀུ་རཱ་ཛ། རོ་ལངས་བདེ་བ། རྡོ་རྗེ་བཞད་པ། དྷརྨ་བོ་དྷི། བ་སུ་དྷ་ར། གནུབས་སངས་རྒྱས་ཡེ་ཤེས། ཡོན་ཏན་རྒྱ་མཚོ། ཉང་ཆེན་ཤེར་མཆོག །ཡེ་ཤེས་འབྱུང་གནས། ཟུར་ཆེན་ཤཱཀ་འབྱུང་། ཟུར་ཆུང་ཤེས་རབ་གྲགས། གླན་ཤཱཀྱ་བཟང་པོ། འདར་ནག་བསོད་ནམས་གྲགས་པ། འདར་ནག་ཀུན་དགའ། ཇོ་བཙུན་ཤེས་འབར། ཧོར་ནག་དབང་སྒྲོན་

མཁས་བཙུན་ཆོས་སྐྱོང་འོད། འདར་ནག་ཤཱཀྱ་བྱང་ཆུབ། འདར་ནག་ཀུན་དགའ་འོད། བར་སྟོན་བློ་གྲོས་རྒྱལ་མཚན། སྣར་སྟོན་ཤཱཀྱ་ཤྲཱི། སྣར་སྟོན་བུདྡྷ་དྷྭ་ཛ། ཤཱཀྱ་རམ་པ། རྡོར་རྒྱལ་བཟང་པོ། དཔང་ཆོས་ཀྱི་རྒྱལ་མཚན། འཇམ་དབྱངས་བསོད་ནམས་རྒྱལ་མཚན། དེ་གཉིས་ལ་སློབ་དཔོན་ཟུར་ཚོ་སྟོད་པ་བདེ་གཤེགས་རྒྱལ་མཚན་པས་གསན། དེ་ནས་སེ་སྟོན་རིན་ཅེན་རྒྱལ་མཚན། འདར་ནག་ཀུན་བཟང་རིན་ཅེན། སྔགས་འཆང་གཞོན་ནུ་སྟོབས་ལྡན། བྱམས་པ་རིན་ཅེན་རྡོ་རྗེ། དྲིན་ཅན་ཚེ་རིང་དབང་པོ། ཟུར་ཆེན་ངག་དབང་ཕུན་ཚོགས། ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ཡང་ན་རྡོ་རྗེ་འཆང་། དེའི་ཞལ་མཐོང་རྡོ་རྗེ་ཧཱུྃ་མཛད། བྲམ་ཟེ་གསལ་བའི་རྒྱན། བལ་པོ་བ་སུ་དྷ་ར། ཡང་ན་རྡོ་རྗེ་འཆང་། གྲུབ་ཆེན་སྠི་ར་མ་ཏི། སྐྱེས་མཆོག་དྷརྨ་བོ་དྷི། བལ་པོ་བྷ་སུ་དྷ་ར། གྲུབ་ཐོབ་རིན་ཅེན་རྒྱེ། རྨད་བུ་ཆོས་ཀྱི་སེང་གེ །གུ་རུ་བྱི་བུ་ལོག་སེ། ཤུད་བུ་རྡོ་རྗེ་སེང་གེ །སྐྱེས་མཆོག་ཞང་སྟོན་བཀྲ་ཤིས། གླན་གྱི་སྔགས་འཆང་ཇོ་ཟུང་། གུ་རུ་དྷ་ན་ཀ་དྱ། བླ་མ་ལྕེ་སྟོན་བཀྲ་ཤིས། ལྕེ་སྟོན་གྲུབ་པ་འབུམ། ཟུར་ཤཱཀྱ་སེང་གེ །ཟུར་སེང་གེ་དཔལ་བཟང་། ཟུར་ཧྭཾ་ཤཱཀ་འབྱུང་། དེ་གཉིས་ལ་འབྲོམ་སྟོན་སངས་རྒྱས་རིན་ཅེན། མཁས་གྲུབ་རྡོ་རྗེ་དཔལ་བཟང་། སྔགས་འཆང་ནམ་མཁའི་རྣལ་འབྱོར། སེ་སྟོན་རིན་ཅེན་རྒྱལ་མཚན་མན་འདྲ། ༈ རྗེ་མངའ་བདག་རྒྱལ་པོ་ཁྲི་སྲོང་ལྡེ་བཙན་གྱི་དུས་ནས་བཟུང་། དེང་སང་གི་བར་དུ་རྒྱུད་ཀྱི་བཤད་སྲོལ་གྱི་བཀའ་མ་ཉམས་པར་གནས་པ་སྒྱུ་འཕྲུལ་གསང་བ་སྙིང་པོའི་སྐོར་ནི། པཎྜི་ཏ་བི་མཱ་ལ་མི་ཏྲ་དང་ལོ་ཙཱ་བ་རྨ་རིན་ཅེན་མཆོག་གཉིས་ཀྱིས་བསྒྱུར་ཏེ་ལོ་ཙཱ་བས་

གཙུག་ཏུ་རིན་ཆེན་གཞོན་ནུ་དང་གྱེ་ར་མཆོག་སྐྱོང་གཉིས་ལ་གསུངས། དེ་གཉིས་ཀྱིས་དར་རྗེ་དཔལ་གྱི་གྲགས་པ་དང་ཞང་རྒྱལ་བའི་ཡོན་ཏན་གཉིས་ལ་བཤད། ཞང་ནས་བརྒྱུད་པ་ལ་བཀའ་མཆིམས་ཕུ་མ་དང་མན་ངག་བརྒྱུད་དུ་གྲགས་ཤིང་། དར་རྗེས་དབུས་གཙང་ཁམས་གསུམ་དུ་བཤད་པས་དབུས་ལུགས་དང་ཁམས་ལུགས་སུ་གྲགས་པ་སོགས་སྨིན་གྲོལ་རྒྱུད་བཤད་ཀྱི་བསྟན་པ་རྒྱ་ཆེར་དར་རྒྱས་སུ་གྱུར་པའི་སྒྱུ་འཕྲུལ་གྱི་སྐོར་ལ། རྒྱུད་ལས། བདེ་བ་ཆེན་པོའི་དཀྱིལ་འཁོར་ནི། །བཏང་ཡལ་གཉིས་སམ་ཡང་ན་ལྔ། །བྱས་ཏེ་དང་ལྡན་རབ་ཞུགས་ན། །འདོད་པ་ཡིད་འོང་མཉམ་པར་འགྱུར། །ཞེས་དང་། རྡོ་རྗེ་ལས་རིམ་ལས། སྒྱུ་འཕྲུལ་དྲ་བར་ལེགས་ཞུགས་པས། །ཕྱོགས་བཅུ་དུས་བཞིར་གཤེགས་པ་ཡི། །དཀྱིལ་འཁོར་ཀུན་ཏུ་ཞུགས་པ་ཡིན། །ཞེས་ཕྱོགས་བཅུ་དུས་བཞིའི་བདེ་བར་གཤེགས་པ་མཐའ་དག་ཞི་ཁྲོའི་དཀྱིལ་འཁོར་འདིར་མ་འདུས་པ་མེད་པས་དབང་ཐོབ་ན་དཀྱིལ་འཁོར་ཡིན་ནོ་ཅོག་མཐའ་དག་གི་སྨིན་བྱེད་དུ་འགྱུར་བའི་བླ་ན་མེད་པའི་སྨིན་བྱེད་ནི། གླན་སྟོན་གྲྭ་ཕྱི་ཚོང་འདུས་པ་རྒྱལ་བ་གཡུང་སྟོན་རྡོ་རྗེ་དཔལ་བཟང་གསང་མཚན་རྡོ་རྗེ་སྙིང་པོ་རྩལ། གིས་མཛད་པའི་སྒྱུ་འཕྲུལ་ཞི་བའི་དབང་བྱང་བློ་གསལ་ཡིད་འཕྲོག་གི་སྟེང་ནས་ཚོམ་བུའི་དཀྱིལ་འཁོར་དུ་སྟ་གོན་དང་། དབང་ལ། རྡོ་རྗེ་ལས་རིམ་ལས། དབང་ཕྱུག་འཇུག་དང་བཟོད་གསོལ་དང་། །ཁྲུས་དགབ་དྲི་དང་ལུས་དབུལ་དང་། །བགེགས་བསྐྲད་ལྷར་བརླབ་དམ་ཚིག་སྦྱིན། །དེ་ཉིད་དབབ་དང་ཆུ་ནན་དང་། །བསྒྲག་དང་རིན་ཅེན་དོར་བ་དང་། །ལྷ་དབབ་པ་དང་ནན་ཏན་དང་། །མིག་དབྱེ་དཀྱིལ་འཁོར་ལེགས་

པར་བསྟན། །ཚོགས་མཆོག་ཡོན་དང་རྣམ་བཅོ་བརྒྱད། །འདི་ཡིས་ཡན་ལག་རྫོགས་པར་འགྱུར། །ཞེས་གསུངས་པའི་དཀྱིལ་འཁོར་དུ་འཇུག་པའི་ཆོས་བཅོ་བརྒྱད་སྔོན་དུ་འགྲོ་བའི་དངོས་གཞི་ལ་ཕྱི་ཕན་པའི་དབང་བཅུ། ནང་ནུས་པའི་དབང་ལྔ། གསང་བ་ཟབ་མོའི་དབང་གསུམ་ལས་ཐོག་མར་ཕན་དབང་གི་སྙིང་པོ་ལྔས་བདེ་གཤེགས་ཀུན་གྱི་སྐུ་གསུང་ཐུགས་ཡོན་ཏན་འཕྲིན་ལས་ལྔའི་དབང་། དབུ་རྒྱན་གྱིས་ཚོགས་བརྒྱད་མ་སྤངས་པར་གནས་སུ་དག་ནས་ཡེ་ཤེས་ལྔའི་དབང་། བུམ་པས་ཕྱི་ནང་གི་དྲི་མ་དག་ནས་བྱང་ཆུབ་ཀྱི་སེམས་ཏེ་སེམས་ལྔ་ལྡན་ཅོད་པན་གྱིས་ཆོས་ཀྱི་རྒྱལ་སྲིད་ལ་དབང་ཞིང་གདུག་པ་ཅན་ཟིལ་གྱིས་གནོན་པ། འཕྲེང་བས་ཆོས་ཐམས་ཅད་ལ་དབང་བསྒྱུར་བ། གོ་ཆས་བདུད་སོགས་ཕས་རྒོལ་གྱི་མི་ཚུགས་པ། རྒྱལ་མཚན་གྱིས་བདུད་བཞི་དང་མཐའ་གཉིས་ལས་རྒྱལ་བ། གདུགས་ཀྱིས་ཉོན་མོངས་པའི་གདུང་བ་སེལ་བ། རིགས་ལྔ་ཡབ་ཡུམ། སེམས་དཔའ་བཅུ་དྲུག །ཁྲོ་བོ་བཞི་ཡུམ་བཅས། ཀུན་བཟང་ཡབ་ཡུམ། ཐུབ་པ་དྲུག་རྣམས་ཀྱི་ལྷ་དབང་ངམ་ཕྱག་རྒྱའི་དབང་གིས་རྟོག་ཚོགས་བཞི་བཅུ་རྩ་གཉིས་པ་མ་སྤངས་གནས་སུ་དག་ནས་རྣམ་པར་སྣང་བར་བྱེད་པའི་ཏིང་ངེ་འཛིན་གོམས་པ། བཟའ་བཏུང་གིས་འདོད་ཡོན་ལྔ་ཆོས་ཉིད་ཀྱི་རྒྱན་དུ་རོལ་བའི་དབང་རྣམས། ནུས་པའི་དབང་ལས་ཉན་དབང་གིས་བདེ་བར་གཤེགས་པའི་བཀའ་ཕྱི་ནང་ཐམས་ཅད་ཐོགས་མེད་ཐོས་པ། སྒོམ་དབང་གིས་ལྷ་དང་མིའི་རྟོག་པ་ཐམས་ཅད་ལ་ཐོགས་པ་མེད་པའི་ཏིང་ངེ་འཛིན། འཕྲིན་ལས་ཀྱིས་སྲིད་པ་གསུམ་གྱི་སེམས་ཅན་མ་ལུས་པའི་དོན་བྱེད་པ། འཆད་པས་སེམས་ཅན་ཐམས་ཅད་ལ་ཆོས་

ཀྱི་འཁོར་ལོ་བསྐོར་བ། རྡོ་རྗེ་རྒྱལ་པོ་བཀའ་རབ་འབྱམས་ཀྱིས་སློབ་མ་དཀྱིལ་འཁོར་དུ་འཇུག་པ་སོགས་གཞན་དོན་གྱི་དབང་རྣམས། ཟབ་དབང་གསུམ་པོ་དེང་སང་བསྐུར་བའི་བཀའ་ཆད་པས་ཞི་བའི་སྐབས་གནང་བའི་རྒྱུན་མེད། རྩ་རྒྱུད་ལེའུ་བཅུ་གསུམ་པ་ལས། གང་ཞིག་འདི་ལ་མོས་གྱུར་པ། །སངས་རྒྱས་དཀྱིལ་འཁོར་ཐམས་ཅད་ཀྱི། །ཕྱོགས་བཅུ་ཀུན་ནས་ཐམས་ཅད་དུ། །དཀྱིལ་འཁོར་མ་ལུས་བསྙེན་པ་ཡིས། །ཉེ་བའི་སྲས་སུ་དགོངས་པར་འགྱུར། །ཞེས་དང་། སངས་རྒྱས་མཉམ་སྦྱོར་ལས། རྡོ་རྗེ་སེམས་དཔའ་ལ་སོགས་པའི། །འཁོར་ལོ་སྔོན་དུ་མཐོང་བ་ཡིས། །བསོད་ནམས་བརྟགས་པ་གང་ཡིན་པ། །ཕྱིས་བྱས་པའང་དེ་བཞིན་ནོ། །ཞེས་ལས་དང་པོ་པ་ལྷག་པ་གཟུགས་བརྙན་གྱི་དཀྱིལ་འཁོར་འདིར་བཞུགས་པ། སྔོན་འོག་མིན་དུ་ཐར་པར་ཞུགས་པ་དང་སྐལ་བ་མཉམ་ཞིང་། སྒྱུ་འཕྲུལ་དྲྭ་བའི་དཀྱིལ་འཁོར་འདིར་མོས་པ་ཙམ་ཡང་སྐྱེ་བ་སྔོན་མའི་གོམས་སྟོབས་ཀྱིས་སངས་རྒྱས་ཐམས་ཅད་ཀྱི་ཉེ་བའི་སྲས་སུ་འགྱུར་བ་སོགས་ཕན་ཡོན་མཐའ་ཀླས་པ་དང་ལྡན་པའི་སྒྱུ་འཕྲུལ་ཁྲོ་བོའི་དཀྱིལ་འཁོར་དུ་སྨིན་བྱེད་ནོས་པ་ལ། སྒྱུ་འཕྲུལ་དྲྭ་བ་ཁྲོ་བོ་ལྷག་པ་གཟུགས་བརྙན་གྱི་དཀྱིལ་འཁོར་དུ་དབང་བསྐུར་བའི་ཆོ་ག་ལང་འགྲོའི་སྔགས་འཆང་རྟ་ནག་སྒྲོལ་མ་བ་སངས་རྒྱས་རིན་ཅེན་གྱིས་མཛད་པའི་ཡི་གེའི་སྟེང་ནས། ཚོམ་བུའི་དཀྱིལ་འཁོར་དུ་སྟ་གོན་དང་། དབང་ལ། དབང་ཕྱུག་ཁྲུས་དང་དབང་ཆས་ལྔས་བརྒྱན་ནས། ལྷ་ལ་གནང་བ་ཞུ་བ། སློབ་མ་འཇུག་པར་ཁྲུས། གདོང་གཡོགས། དྲི་བ། ལན། དྲང་བ། ལུས་དབུལ་བ། བར་གཅོད་བསལ་བ། སྒྲིབ་པ་དབྲལ་

བ། ལྷར་བསྐྱེད་པ། དམ་ཚིག་འབེབས་པ། ཆུ་ནན། དམ་བསྒྲགས། རིན་པོ་ཆེ་དོར་བ། བྱིན་དབབ། ནང་ལྷ་དབབ་པ། མིག་དབྱེ་བ། དཀྱིལ་འཁོར་བསྟན་པ། ཡོན་དབུལ་བ་དང་བཅས་པའི་ཆོས་བརྒྱད་སྔོན་དུ་འགྲོ་བའི་དབང་དངོས་ལ། ཕྱི་ཕན་པའི་དབང་བཅུ། ནང་ནུས་པའི་དབང་ལྔ། གསང་བ་ཟབ་མོའི་དབང་གསུམ་ལས། ཕྱི་ཕན་པའི་དབང་ལ་བཞི་ཡོད་པའི། ཕྱག་རྒྱ་ལྷའི་དབང་གི་རུ་དྲ་ཞིང་ཆེན་ཁྲོ་བོའི་གདན་གྱིས་ཉོན་མོངས་ཆགས་སྡང་དང་འཁོར་བའི་རྣམ་རྟོག་ཟིལ་གནོན། ཁྱུང་། མ་ཧེ། གཟིག །སྟག །དོམ་གྱིས་ས་ལམ་མ་བགྲོད་གནས་སུ་ཕྱིན་པ། ཉི་མས་ཉོན་མོངས་མུན་སེལ། བཛྲ་ཧེ་རུ་ཀ་ཡབ་ཡུམ་གྱིས་ཞེ་སྡང་གི་མཐའ་ལ་གནས་པ་རྣམས་དུས་གཅིག་ཏུ་སྒྲོལ་བ། བུདྡྷ་ཧེ་རུ་ཀ་ཡབ་ཡུམ་གྱིས་གཏི་མུག་གི་མཐའ་ལ་གནས་པ་རྣམས། རཏྣ་ཧེ་རུ་ཀ་ཡབ་ཡུམ་གྱིས་ང་རྒྱལ་གྱི་མཐའ་ལ་གནས་པ་རྣམས། པདྨ་ཧེ་རུ་ཀ་ཡབ་ཡུམ་གྱིས་འདོད་ཆགས་ཀྱི་མཐའ་ལ་གནས་པ་རྣམས། ཀརྨ་ཧེ་རུ་ཀ་ཡབ་ཡུམ་གྱིས་ཕྲག་དོག་གི་མཐའ་ལ་གནས་པ་རྣམས། གཽ་རིས་སྲིད་གསུམ་གྱི་སྡུག་བསྔལ་གཏན་འཇོམས། ཙཽ་རིས་ཐུགས་རྗེ་འགྲོ་དོན་མཛད་པ། པྲ་མོ་ཧས་ཁམས་གསུམ་གྱི་བདུད་ལས་རྒྱལ་བ། བཻ་ཏ་ལིས་རྣམ་པར་རྟོག་པ་འདུལ་བ། པུཀྐ་སིས་ལོག་རྟོག་བདེ་ཆེན་དུ་འདྲེན་པ། གྷསྨ་རིས་སྣོད་བཅུད་མ་ལུས་གསོལ་བ། སྨ་ཤ་ནིས་འགྲོ་བ་སྡུག་བསྔལ་ལས་སྒྲོལ་བ། ཙཎྜ་ལིས་ལས་ཉོན་སྡོམ་པ། སེང་གདོང་མས་ལོག་ལྟ་ཟིལ་གནོན། སྟག་གདོང་མས་རྣམ་རྟོག་དབྱིངས་སུ་ཟ་བ། ཝ་གདོང་མས་ཐབས་ཤེས་ཀྱི་སྤྱན་ཐོབ་པ། སྤྱང་གདོང་མས་ལས་ཉོན་ཟ་བ། བྱ་རྒོད་གདོང་མས་ཐམས་ཅད་བསྙེག་པ།

ཀཾ་ཀ་མུ་ཁས་སྲིད་གསུམ་དབང་སྡུད། བྱ་རོག་གདོང་མས་རྣམ་རྟོག་རྡུལ་དུ་རློག་པ། འུག་གདོང་མས་མ་རིག་མུན་པ་སེལ་བ། ལྕགས་ཀྱུ་མའི་བྱམས་ཐུགས་ཀྱིས་བདེ་ཆེན་དབྱིངས་སུ་འདྲེན་པ། ཞགས་པ་མའི་སྙིང་རྗེས་རྣམ་རྟོག་དང་མཚན་མ་འཆིང་བ། ལྕགས་སྒྲོག་མའི་དགའ་བས་ལོག་ལྟ་ཆོས་ཉིད་དུ་སྡོམ་པ། དྲིལ་བུ་མའི་བཏང་སྙོམས་ཀྱིས་ལོག་ལྟ་རྡུལ་དུ་རློག་པ། ཤར་གྱི་དབང་ཕྱུག་མ་དྲུག་གིས་དགྲ་བགེགས་ཞི་བ། ལྷོའི་དབང་ཕྱུག་མ་དྲུག་གིས་ཚེ་བསོད་རྒྱས་པ། ནུབ་ཀྱི་དབང་ཕྱུག་མ་དྲུག་གིས་དབང་དུ་བསྡུ་བ། བྱང་གི་དབང་ཕྱུག་མ་དྲུག་གིས་དགྲ་བགེགས་རྡུལ་དུ་རློག་པ། སྒོ་བཞིའི་དབང་ཕྱུག་མས་ལས་བཞི་འགྲུབ་པ། ཧཱུྃ་ཀ་རས་སྐྱེ་བ་ལ་དབང་བ། རྣམ་རྒྱལ་གྱིས་ཡོ་བྱད་ལ་དབང་བ། དབྱུག་སྔོན་ཅན་གྱིས་ཡེ་ཤེས་ལ། གཤིན་རྗེས་ཚེ་ལ། མི་གཡོ་བས་མོས་པ་ལ། རྟ་མགྲིན་གྱིས་ཆོས་ལ། གཞན་གྱིས་མི་ཐུབ་པས་སེམས་ལ། བདུད་རྩི་འཁྱིལ་བས་ལས་ལ། ཁམས་གསུམ་རྣམ་རྒྱལ་གྱིས་རྫུ་འཕྲུལ་ལ། སྟོབས་པོ་ཆེས་སྨོན་ལམ་ལ་དབང་བའི་དབང་། ཕྱག་མཚན་དྲུག་གིས་ཁམས་གསུམ་གྱི་གདུག་པ་ཅན་འདུལ་བའི་དབང་། རྒྱན་ཆས་རྟགས་ལས་ཐོད་པའི་དབུ་རྒྱན་གྱིས་འཁོར་བ་ཕྱགས་མས་འདེབས་པ། ཁྲོ་བོ་གསང་འབུམ་གྱིས་ཕུང་ཁམས་སྐྱེ་མཆེད་ཁྲག་འཐུང་རིགས་ལྔར་གསལ་བ། སྙིང་པོ་ལྔས་འགྲོ་བའི་དོན་བྱེད་པ་ཞིང་ཤུན་ཅོད་པན་གྱིས་ཤེས་བྱ་ཀུན་ལ་ཐོགས་པ་མེད་པས་རྟག་ཆད་ཟིལ་གནོན། གོ་ཆས་བདུད་དང་མུ་སྟེགས་མི་ཚུགས་པ། རུས་འཕྲང་གིས་རིག་འཛིན་གནས་སུ་འདུ་འབྲལ་མེད་པ། གླང་ལྤགས་ཀྱིས་ཐེག་དགུ་ལ་མངའ་བརྙེས་པ། གཡང་གཞིས་ཚད་མེད་

བཞི། སྟག་ཤམ་གྱིས་འཁོར་བའི་གཡུལ་ལས་རྒྱལ་བ། སྦྲུལ་ཆུན་གྱིས་འགྲོ་བ་འདྲེན་པ། ཐོད་རློན་འཕྲེང་བས་འགྲོ་བ་མང་པོའི་དོན་མཛད་པ། ཞག་གི་སོར་རིས་ཀྱིས་སངས་རྒྱས་ཀུན་གྱི་ཐུགས་དམ་གཅིག་པ། རཀྟའི་ཐིག་ལེས་འགྲོ་བ་དབང་སྡུད། ཐལ་ཆེན་ཚོམ་བུས་གིང་ཆེན་བྲན་བཞིན་སྡུད་པ། རྡོ་རྗེའི་གཤོག་པས་སྲིད་པ་གསུམ་ན་འགྲན་ཟླ་མེད་པ། མེ་དཔུང་གིས་ཉོན་མོངས་དུག་ལྔ་བསྲེག་པ། རྫས་དབང་ལས་བདུད་རྩི་ལྔའི་དྲི་ཆེན་གྱིས་དེ་བཞིན་གཤེགས་པའི་རིགས་ཀྱི་དངོས་གྲུབ། བྱང་སེམས་ཀྱིས་རྡོ་རྗེ་རིགས་ཀྱི་དངོས་གྲུབ། ཤ་ཆེན་གྱིས་རིན་ཅེན་རིགས་ཀྱི་དངོས་གྲུབ། རཀྟས་སོར་རྟོོགས་རིགས་ཀྱི་དངོས་གྲུབ། དྲི་ཆུས་ལས་ཀྱི་རིགས་ཀྱི་དངོས་གྲུབ། ཤ་ལྔས་རིག་འཛིན་གྱི་གཙོ་བོ་འགྲུབ་སྟེ་མངོན་ཤེས་ལྔ། དགུག་པ་དགུ། ལུས་གཞན་དུ་མི་གནས་པ། རཀྟས་རིག་འཛིན་རྒྱལ་བའི་གོ་འཕང་ལ་བསྙེན་པ། ཞིང་གི་རྒྱལ་མཚན་གྱིས་བདུད་བཞི་དང་མཐའ་གཉིས་ལས་རྒྱལ་བ། ཞིང་གདུགས་ཀྱིས་ལོག་པའི་རྒྱུ་འབྲས་གཉིས་མེད་རྟག་བྲལ་ཡེ་ཤེས་ཀྱི་ཐུགས་རྗེས་སྐྱོབ་པ། ཁ་ཊྭཾ་ཀ་དང་དྲིལ་བུས་སངས་རྒྱས་ཀྱི་ས་ལ་སྦྱོར་བ། ཕུར་པས་དགྲ་བགེགས་ཚར་གཅོད་དང་། རྡོར་དྲིལ་གྱིས་ཆོས་ཀུན་ཇི་ལྟར་འདོད་པ་བཞིན་སྤྱོད་པ། མར་མེས་མུན་པ་རང་བྱུང་ཡེ་ཤེས་ཡུལ་མེད་གསལ་བ། རྔ་ཆུང་གིས་བདུད་སྲིན་ཟིལ་གྱིས་མནན་ནས་མཁའ་འགྲོ་དབང་སྡུད། ཡུངས་ཀར་གྱིས་སྤྲུལ་པ་འགྱེད་ཅིང་གདུག་པ་འདུལ་བ། གཟུངས་མས་བྱང་ཆུབ་སེམས་དཔའ་ལ་དབང་བསྒྱུར་བ། འཕྲེང་བས་དངོས་གྲུབ་ལེན་པ་དང་། རྡོ་རྗེ་ཚེས་སྐྱེ་འཆི་མེད་པའི་དོན་རྟོགས་པ། བཟའ་བཏུང་གིས་འདོད་ཡོན་འཛིན་མེད་སྤྱོད་པ། མིང་གིས་སངས་རྒྱས་ཀྱིས་

ཞིང་དུ་ངེས་པར་གྲགས་པའི་དབང་། ནང་ནུས་པའི་དབང་གི་ཉན་པས་བསྐྱེད་རྫོགས་གསུམ་གྱི་ཆོས་རྣམས་ཐོས་པ། སྒོམ་པས་བསྐྱེད་རྫོགས་གསུམ་གྱི་དོན་བསྒོམ་པ། འཕྲིན་ལས་ཀྱིས་ལས་བཞི་ལྷུན་གྲུབ། འཆད་པས་སྤྱི་དང་ཁྱད་པར་གསང་བའི་བསྟན་པ་མཐའ་དག་ལ་ཐོགས་པ་མེད་པ། རྡོ་རྗེ་རྒྱལ་པོ་བཀའ་རབ་འབྱམས་ཀྱིས་གཞན་དོན་ཕུན་སུམ་ཚོགས་པའི་དབང་། གསང་བ་ཟབ་མོའི་དབང་གསུམ་གྱི་གསང་དབང་ནི་དཀྱིལ་འཁོར་གྱི་ལྷོ་ཕྱོགས་སུ་ནམ་ཕྱེད་ཀྱི་དུས་བླ་མ་ཡབ་ཡུམ་གྱི་བྷ་གའི་དཀྱིལ་འཁོར་དུ་བྱང་ཆུབ་སེམས་ཀྱི་དབང་བློ་རབ་ལ་བ་དང་བེའུའི་ཚུལ། འབྲིང་ལ་མེ་ཏོག་དང་བུང་བའི་ཚུལ། ཐ་མ་ལ་བྱ་དང་བྱིའུ་ཚུལ་དུ་བསྐུལ་ནས། མཐའ་རྟེན་འཕྲིན་ལས་ཀྱི་བདག་པོར་དབང་བསྐུར་བ། དབུགས་དབྱུང་ལུང་བསྟན་པ། གསང་དབང་ཐོབ་པའི་སློབ་བུ་ལ་གསང་བ་བྱང་སེམས་ཀྱི་དཀྱིལ་འཁོར་དུ་ཡེ་ཤེས་རང་གསལ་ལམ་ཤེས་རབ་ཡེ་ཤེས་ཀྱི་དབང་དགའ་བཞི་ལུགས་འབྱུང་ལུགས་ལྡོག་གི་ཚུལ་དུ་བསྐུར་བ། དོན་དམ་འོད་གསལ་གྱི་དཀྱིལ་འཁོར་དུ་དབང་བཞི་པ་བདེ་བ་ཆེན་པོ་ཤིན་ཏུ་བསྟན་པའི་དབང་རྣམས། དེ་ཡང་ཞི་ཁྲོའི་དབང་གཉིས་ཀ །རྡོ་རྗེ་ལས་རིམ་ལས། རྒྱུ་རྐྱེན་ངོ་བོ་འབྲས་བུ་དང་། །རིམ་ལས་སྐྱོན་ཡོན་བརྒྱད་ཅེས་བྱ། །ཞེས་དབང་རེ་རེ་ལ་རྒྱུ། རྐྱེན། ངོ་བོ། འབྲས་བུ། གོ་རིམ། ལས་རིམ། མ་ཐོབ་པའི་སྐྱོན། ཐོབ་པའི་ཡོན་ཏན་དེ་དོན་ཆེན་བརྒྱད་ཀྱིས་གཏན་ལ་དབབ་པ་དང་མཐའ་རྟེན་གྱི་ཚུལ་དུ་ཚེ་དཔག་མེད་ཕྱག་རྒྱ་བཞིའི་ཚོམ་བུའི་དཀྱིལ་འཁོར་དུ་སྒྲུ་འཕྲུལ་གྱི་ཚེ་དབང་དང་བཅས་ཐོབ་པའི་བརྒྱུད་པ་ནི། རྒྱལ་བ་དགོངས་བརྒྱུད་ཅེས་པ་གོང་མའི་དགོངས་པས་འོག་མ་བྱིན་གྱིས་

བརླབས་པ་ལས་ཤར་པ་སྟེ་སྟོན་པ་ཀུན་བཟང་ཡབ་ཡུམ། རྒྱལ་ཚབ་རིགས་ལྔ་ཡབ་ཡུམ། རིག་འཛིན་གྱི་བརྒྱུད་པ་ཞེས་པ་བྱིན་གྱིས་བརླབས་པ་ཙམ་གྱིས་མི་རྟོགས་པ་དངོས་སུ་སྟོན་ཡང་མི་དགོས་པར་དགོངས་པར་གཏད་པ་ཙམ་ལས་བྱུང་བ་སྟེ། དེ་ལ་ཡང་གཉིས་ཡོད་པའི་མི་མ་ཡིན་ལས་བརྒྱུད་ཚུལ་ནི། རིགས་གསུམ་མགོན་པོ་ནས་ལྟ་གྲུབ་སྤྱོད་གསུམ་རིམ་པར་བསྟན་པའི་འཇམ་དཔལ་གཞོན་ནུ་མཛེས་པའི་སྐུ་དང་ལྡན་པ་དེས་ལྷ་རྣམས་ཀྱི་ལུས་དང་བསམ་པ་དང་མཐུན་པར་ལྷ་གནས་སུ་ལྷ་གྲགས་ལྡན་མཆོག་སྐྱོང་ལ་བཤད། དེ་ནས་རིན་ཅེན་འོད་འབར། སྐྱེ་རྒུའི་བདག་པོ་ཚངས་པ། ཚངས་པ་ཀུན་སྒྲོལ། ཚངས་པ་གཙུག་ཕུད་འཛིན། དབང་པོ་བརྒྱ་བྱིན་སོགས་ལྷའི་རིག་པ་འཛིན་པ་ཚོམ་བུ་འབུམ་སྡེ། སྤྱན་རས་གཟིགས་བདུད་རྩི་སྨན་གྱི་སྐུ་དང་ལྡན་པ་དེས་དུག་ཅན་ཀླུ་རྣམས་ཀྱི་ལུས་དང་བསམ་པ་དང་མཐུན་པར་ཀླུ་རྒྱལ་མགྲིན་པ་ནག་པོ། དེ་ནས་ཀླུ་མོ་ཁང་འདུལ་མ། ཀླུ་མོ་འདུལ་ཚང་མ། ཀླུ་ཡིད་འོད་དགའ་བ། འཇོག་པོ་སོགས་ཀླུའི་རིག་འཛིན་ཚོམ་བུ་འབུམ་སྡེ། ཕྱག་ན་རྡོ་རྗེ་འཇིགས་ཚུལ་བསྡིགས་པའི་སྐུ་དང་ལྡན་པ་དེས་གནོད་སྦྱིན་རྣམས་ཀྱི་ལུས་དང་བསམ་པ་དང་མཐུན་པར་གནོད་སྦྱིན་ཀུན་ཏུ་བཟང་པོ། དེ་ནས་གནོད་སྦྱིན་ལག་ན་རྡོ་རྗེ། གནོད་སྦྱིན་སྐར་མདའ་གདོང་སོགས་གནོད་སྦྱིན་གྱི་རིག་འཛིན་ཚོམ་བུ་འབུམ་སྡེ། མི་དང་མི་མ་ཡིན་གཉིས་ཀ་ལས་བརྒྱུད་པ་ནི་ཐུབ་དབང་གཤེགས་ནས་ལོ་ཉེར་བརྒྱད་ཀྱི་དུས་རི་མ་ལ་ཡའི་རྩེར་གསང་བདག་གིས་ལྷ་གྲགས་ལྡན་མཆོག་སྐྱོང་། ཀླུ་རྒྱལ་འཇོག་པོ། གནོད་སྦྱིན་སྐར་མདའ་གདོང་། སྲིན་པོ་ལང་ཀ་མགྲིན་བཅུ། མི་ལི་ཙ་བྱི་དྲི་མེད་གྲགས་པ་ལྔ་ལ་བསྟན། གང་ཟག་སྙན་

བརྒྱུད་ནི། དགོངས་པ་གཏད་པ་ཙམ་གྱིས་མི་རྟོགས་པར་ཐུགས་ཀྱི་དཔལ་བེའུ་ནས་དགོངས། མགུར་གྱི་བུམ་པར་དྲིལ། ལྗགས་ཀྱི་དབང་པོར་བཀྲམ། དུང་གི་ཚེམས་བར་ནས་ཚངས་དབྱངས་ཀྱིས་གསུངས་པ་སྟེ་སྲིན་པོ་བློ་གྲོས་ཐབས་ལྡན་གྱིས་མ་ལ་ཡའི་རྩེར་གླེགས་བམ་དུ་བཞེངས་པ་རྒྱལ་པོ་ཛ་ལ་རྨི་ལྟས་བདུན་བྱུང་བ་ལྟར་ཕོ་བྲང་གི་རྩེར་ཏནྟྲ་སྡེ་བཅོ་བརྒྱད་ཀྱི་ཆར་བབས་པ་རེ་ཞིག་དོན་མ་རྟོགས་པར་ཡབ་རཱ་ཛ་ལ་ག་ཐུང་དང་ཡུམ་ལྭ་བའི་སྐྲ་ཅན་གྱི་སྲས་དགེ་སློང་ཀུ་ཀུ་རཱ་ཛ་བྱ་བའི་བྱང་སེམས་རིན་ཅེན་མང་གི་སྤྲུལ་པ་ཚེ་ལ་དབང་བའི་རིག་འཛིན་གྲུབ་པ་ཞིག་ཡོད་པ་དེ་སྤྱན་དྲངས་ཏེ་ཞུས་པས་དགེ་སློང་གི་རྡོ་རྗེ་སེམས་དཔའི་སྒྲུབ་པའི་ལེའུ་ལ་བརྟེན་ནས་བསྒྲུབས་པས་རྡོར་སེམས་ཞལ་མཐོང་ཞིང་ལུང་བསྟན་པས་དོན་གོ་ནས་རྒྱལ་པོ་ཛ་ལ་སྙན་བརྒྱུད་དུ་གསུངས། ༈ དེ་ནས་ཨོ་རྒྱན་རྒྱལ་པོ་ཨིནྡྲ་བྷཱུ་ཏི། སིདྡྷ་རཱ་ཛ། ཨུ་པ་རཱ་ཛ། སྲས་མོ་གོ་མ་ས་ལ། སློབ་དཔོན་སྒེག་པ་རྡོ་རྗེ། པཎ་ཆེན་བི་མཱ་མི་ཏྲ། དེས་སྒྱུ་འཕྲུལ་སྡེ་བརྒྱད་དུ་ཕྱེ་ནས་རྨ་ལོ་ཙཱ་བ་རིན་ཅེན་མཆོག་ལ་གསུངས། ཡང་ན་གོ་མ་ས་ལ་ནས་བྷུ་ཏ་ཀཱ་ཊྚ། མཻ་ཏྲི་ཀ་མ་ལ། དྲི་མེད་སངས་རྒྱས་གསང་བ། ཡང་ན་རྒྱལ་པོ་ཛ་ནས། ཨིནྡྲ་བྷཱུ་ཏི། ནཱ་ག་བྷཱུ་ཏི། ཁྱིའི་རྒྱལ་པོ། རོ་ལངས་བདེ་བ། རྡོ་རྗེ་བཞད་པ། ཟ་ཧོར་རྒྱལ་པོ་པྲ་ཧ་སྟི། དེས་ཤཱཀྱ་པྲབྷ། ཤཱཀྱ་མཻ་ཏྲི། ཤཱཀྱ་སེང་གེ་གསུམ་ལ་བཤད། ཤཱཀྱ་པྲ་བྷས་གངས་ཏེ་སེར། རྨ་རིན་ཅེན་མཆོག །སྦས་མཉྫུ་ཤྲཱི། བྲན་ཁ་མུརྟི་གསུམ་ལ་བཤད། རྨ་ཙ་ཙུ་རུ་རིན་ཅེན་གཞོན་ནུ། ཡང་ན་སྲས་མོ་ནས་སློབ་དཔོན་སྒེག་པ་རྡོ་རྗེ། བི་མཱ་ལ། རྨ་རིན་ཅེན་མཆོག །ཡང་ན་སྲས་མོ་ནས་སློབ་དཔོན་ཀུ་ཀུ་

རཱ་ཛ་ཕྱི་མ། རོ་ལངས་བདེ་བའི་དངོས་གྲུབ། སློབ་དཔོན་རྡོ་རྗེ་བཞད་པ། ཟ་ཧོར་རྒྱལ་པོ་པྲ་ཧ་སྟི། སློབ་དཔོན་སངས་རྒྱས་གསང་བ། སྒེག་པ་རྡོ་རྗེ། བི་མཱ་ལ། ཡང་ན་ཀུ་ཀུ་རཱ་ཛ་ནས་དྲང་སྲོང་བ་ཤི་ཏ། སློབ་དཔོན་པྲ་ཧ་སྟི། སློབ་དཔོན་སངས་རྒྱས་གཉིས་པ། དེས་གཉག་ཛྙཱ་ན་ཀུ་མཱ་ར་དང་ངན་ལམ་རྒྱལ་བ་མཆོག་དབྱངས་ལ་བཤད། གཉག་གིས་སོག་པོ་དཔལ་གྱི་ཡེ་ཤེས། དེ་ལ་གནུབས་ཆེན་གྱིས་གསན། ཡང་ན་ཀུ་ཀུ་རཱ་ཛ་ནས་དཱ་ན་ལུ་ཀྲྀ་ཤ་ཀ །མ་ཧཱ་རཱ་ཛ། རོ་ལངས་བདེ་བ། ནམ་མཁའི་སྙིང་པོ་སོགས་ལོ་ཙཱ་བ་དྲུག །ཡང་ན་རྒྱལ་པོ་ཛ་ནས་སྒོམ་པ་མ། བི་མཱ་ལ། དེས་རྨ་རིན་ཅེན་མཆོག་དང་གཉག་ཛྙཱ་ན་ཀུ་མཱ་ར་ལ་བཤད། གཉིས་ཀས་ཙུ་རུ་རིན་ཅེན་གཞོན་ནུ་དང་གྱེ་རེ་ཕྱོགས་སྐྱོང་གཉིས་ལ་བཤད། གཉིས་ཀ་ལ་ཁྱུང་པོར་དབྱིག་འོད། དེས་དར་རྗེ་དཔལ་གྱི་གྲགས་པ། ཞང་རྒྱལ་བའི་ཡོན་ཏན། ཁྱུང་པོ་དབྱིག་གི་རྡོ་རྗེ་གསུམ་ལ་བཤད། ཞང་གིས་གནུབས་ཆེན་སངས་རྒྱས་ཡེ་ཤེས། དེ་ནས་སོ་ཡེ་ཤེས་དབང་ཕྱུག །ངག་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། ར་ཐུང་ཡེ་ཤེས་ཚུལ་ཁྲིམས། ཉང་ཤེས་རབ་མཆོག །ཡང་ན་གནུབས་ནས་ཁུ་ལུང་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། འུག་བྱ་ལུང་བ་ཟུར་ཆེན་ཤཱཀྱ་འབྱུང་གནས། ཡང་ན་ཙུ་རུ་དང་གྱེ་རེ་གཉིས་ཀྱིས་ཞང་རྒྱལ་བའི་ཡོན་ཏན། ཅོག་རོ་ཤེས་རབ་རྩེ་མོ། འགོས་ཚུལ་ཁྲིམས་བྱང་ཆུབ། སོ་ཡོན་ཏན་བཟང་པོ་བཞི་ལ་བཤད། བཞི་གས་ཞང་བྱང་ཆུབ་འབྱུང་གནས། དེ་ནས་ཟ་རི་ཡེ་ཤེས་འཕགས། གནུབས་བླ་ཆེན་བྱང་ཆུབ་སྙིང་པོ། ཟུར་

པོ་ཆེ། ལྟ་དགོངས་ཀྱི་རྩེ་མོ་ལྷ་རྗེ་ཟུར་ཆུང་བ། དེའི་སློབ་མ་ཀ་བཞི་གདུང་བརྒྱད་ལས། མཆོག་ཏུ་གྱུར་པ་སྒྱུ་འཕྲུལ་གྱི་ཀ་བ་གླན་ཤཱཀྱ་བཟང་པོ། ཟུར་ཐམས་ཅད་མཁྱེན་པ་ཤཱཀྱ་སེང་གེ །ཙད་ཚ་ཤཱཀྱ་རྡོ་རྗེ། བླ་མ་དཔལ་སྟོན་ལྷ་རྗེ། འགྲོ་མགོན་ཤཱཀྱ་སེང་གེ །སྙེ་སྟོན་རིན་ཅེན་སེང་གེ །དབང་སྟོན་ཚོགས་རྗེ། བླ་མ་ཆོས་རྒྱལ་མཚན། འགྲོ་མགོན་བྱང་ཆུབ་གླིང་པ། རྣམ་གྲོལ་ཀུན་དགའ་རིན་ཅེན། ཀུན་མཁྱེན་དཔལ་ལྡན་སེང་གེ །གཙང་སྟོན་བསོད་ནམས་བཟང་པོ། རིག་འཛིན་ནམ་མཁའ་གྲགས་པ། མཁས་གྲུབ་ཆོས་ཀྱི་རྒྱལ་མཚན། འཇམ་དབྱངས་བསོད་ནམས་རྒྱལ་མཚན། དཔང་སྟོན་བདེ་ལེགས་རྒྱལ་མཚན། སེ་སྟོན་རིན་ཅེན་རྒྱལ་མཚན། སྤྱན་ཚབ་མགོན་པོ་ཟླ་བ། སེ་སྟོན་ངག་དབང་རྡོ་རྗེ། སྔགས་འཆང་དཔལ་ལྡན་བཀྲ་ཤིས། སེ་སྟོན་ལེགས་གྲུབ་ཚེ་རིང་། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །ཡང་ན་སྒྲོ་ཕུག་པ་ཤཱཀ་སེང་ནས་ཙད་ཚ་ཤཱཀ་རྡོར། གཙུག་ཏོར་ཤཱཀྱ་འབྱུང་གནས། གླན་སྟོན་འོད་པོ། དཔལ་ལྡན་ཆོས་སེང་། གླན་སངས་རྒྱས་དཔལ། གླན་བསོད་ནམས་མགོན་པོ། སྒྲོལ་ཆེན་བསམ་གྲུབ་རྡོ་རྗེ། དེ་སྲས་སངས་རྒྱས་རིན་ཅེན། འགོས་ལོ་ཐམས་ཅད་མཁྱེན་པ་ཡིད་བཟང་རྩེ་པ་གཞོན་ནུ་དཔལ། ཁྲུས་ཁང་ལོ་ཙཱ་བ་བསོད་ནམས་རྒྱ་མཚོ། སེ་སྟོན་རིན་ཅེན་རྒྱལ་མཚན་མན་འདྲ། ཡང་ན་ཅང་ཚ་ཤཱཀྱ་རྡོ་རྗེ་ནས་མཁས་པ་གཙང་ནག་འོད་འབར། མེ་སྟོན་མགོན་པོ། མཁས་པ་སྲོ་ཆེན་པོ། དམ་པ་བདུད་འདུལ་འབུམ། མདའ་སྟོན་ཤཱཀྱ་འཕེལ། ཟུར་བྱམས་པ་སེང་གེ །སྒྲོལ་ཆེན་བསམ་གྲུབ་རྡོ་རྗེ་མན་གོང་ལྟར།

ཡང་ན་སྒྲོལ་མ་སངས་རྒྱས་རིན་ཅེན་ནས་སྒྲོལ་མ་བ་ཆོས་གྲགས་བཟང་པོ། སྒྲོལ་མ་བ་ནམ་མཁའི་རྣལ་འབྱོར། སེ་སྟོན་རིན་ཅེན་རྒྱལ་མཚན་མན་གོང་ལྟར། ཡང་ན་ཟུར་ཆུང་ཤེས་རབ་གྲགས་ནས་སྐྱོ་བྱེ་མ་ལུང་པ། སྤྲུལ་སྐུ་དམ་པ་ཡ་སེ། ཨ་མེས་རྡོ་རྗེ་བདེ་ཆེན། གྲུབ་ཐོབ་ནམ་མཁའི་རྡོ་རྗེ། བླ་མ་ཤེས་རབ་འབའ་ར། གྲུབ་ཐོབ་དངོས་གྲུབ་གྲགས་པ། གྲུབ་ཆེན་ལྷུན་པོ་བ། རྗེ་བཤེས་གཉེན་པ། འཕྲག་ཚེ་མཁས་པ་ཞང་སྟོན། བྲག་སྟག་པ་རྡོ་རྗེ་རིན་ཅེན། བྲག་ནག་པ་ཤེས་རབ་ཚུལ་ཁྲིམས། རིག་འཛིན་ནམ་མཁའ་གྲགས་པ་མན་སྔར་བཞིན། ཡང་ཟུ་ལུང་པ་སྒེར་གྱི་བརྒྱུད་ལུགས་གཅིག་ནི། དར་རྗེ་དཔལ་གྱི་གྲགས་པ་ནས། གྲུབ་པ་བརྙེས་པའི་ལྡོམ་བུ་པ། འདི་དགུང་ལོ་སུམ་བརྒྱ་ཙམ་བཞུགས་ན་མ་གཏོགས་བླ་མ་བཅུ་གསུམ་ཙམ་ཆད་པ་བརྟག །དེ་ནས་སྤྲུལ་སྐུ་དམ་པ་ལ་ཡ་སེ་ནས་བཟུང་། བླ་མ་བཤེས་གཉེན་པའི་བར་སྔར་ལྟར་ལ། གྲུབ་ཐོབ་དབང་ཕྱུག་རྡོ་རྗེ། རིག་འཛིན་རྡོ་རྗེ་འབུམ། སྤྲུལ་སྐུ་སྐྱེ་མ་སྐུ་མཆེད། སྐྱེས་མཆོག་རིན་ཅེན་སྒྲོལ་མ། དྲིན་ཅན་མཁས་བཙུན་སངས་རྒྱས། མཉམ་མེད་མདོ་སྡེའི་མཚན་ཅན། ཀ་བཞི་དུས་གསུམ་སངས་རྒྱས། གདུང་བརྒྱུད་རྣམ་རྒྱལ་བཟང་པོ། འདྲེན་མཆོག་ཆོས་རྒྱལ་བཤེས་གཉེན། བླ་ཆེན་ནམ་མཁའ་དཔལ་ལྡན། དྲན་མཆོག་ནམ་མཁའ་གྲགས་པ། སེ་སྟོན་ཆོས་རྒྱལ་དཔལ་བཟང་། སེ་སྟོན་ཀུན་ཏུ་བཟང་པོ། སེ་སྟོན་ངག་དབང་རྡོ་རྗེ། སེ་སྟོན་རྣམ་རྒྱལ་རྡོ་རྗེ། སྔགས་འཆང་དགའ་ལྡན་བཀྲ་ཤིས་མན་སྔར་བཞིན་ནོ། ༈ །སྒྱུ་འཕྲུལ་རྩ་རྒྱུད་གསང་བ་སྙིང་པོ་དེ་ཁོ་ན་ཉིད་ངེས་པའི་རྒྱུད་རྒྱལ་ལེའུ་ཉི་ཤུ་རྩ་གཉིས་པའི་འགྲེལ་པ་ནཱ་ལནྡའི་པཎྜི་ཏ་སྒེག་པའི་རྡོ་རྗེས་མཛད་

པ་རིན་པོ་ཆེའི་སྤར་བཀབ་ཅེས་བྱ་བ་པཎྜི་ཏ་བི་མཱ་ལ་དང་ལོ་ཙཱ་བ་རྨ་རིན་ཅེན་མཆོག་གིས་བསྒྱུར་བའི་ལུང་གི་བརྒྱུད་པ་ནི། ཀུན་ཏུ་བཟང་པོ། རྒྱལ་བ་རིགས་ལྔ། རིགས་གསུམ་མགོན་པོ། ཀུ་ཀུ་རཱ་ཛ། རྒྱལ་པོ་ཛ། ཨིནྡྲ་བྷཱུ་ཏི། སིདྷ་རཱ་ཛ། ཨུ་པ་རཱ་ཛ། སྲས་མོ་གོ་མ་དེ་ཝཱི། ཀུ་ཀུ་རཱ་ཛ་ཕྱི་མ། རོ་ལངས་བདེ་བའི་དངོས་གྲུབ། རྡོ་རྗེ་བཞད་པ། ཟ་ཧོར་གྱི་རྒྱལ་པོ་པྲ་ཧསྟི། སངས་རྒྱས་གསང་བ། པཎྜི་ཏ་སྒེག་པའི་རྡོ་རྗེ། བི་མཱ་ལ་མི་ཏྲ། རྨ་རིན་ཅེན་མཆོག །དེ་ལ་སྒྱེ་རེ་མཆོག་སྐྱོང་དང་། ཙུ་རུ་རིན་ཅེན་གཞོན་ནུ་གཉིས་ཀས་གསན། གཉིས་ཀ་ལ་ཁྱུང་པོ་དབྱིག་འོད། དེས་དར་རྗེ་དཔལ་གྲགས། ཞང་རྒྱལ་བའི་ཡོན་ཏན། ཁྱུང་པོ་དབྱིག་གི་རྡོ་རྗེ་གསུམ་ལ་གནང་། ཞང་ནས་གནུབས་སངས་རྒྱས་ཡེ་ཤེས། སོ་ཡེ་ཤེས་དབང་ཕྱུག །ངབ་ཐུང་བྱང་ཆུབ་རྒྱལ་མཚན། སྐོར་ཐུང་ཤེས་རབ་ཡེ་ཤེས། རྭ་ཐུང་ཡེ་ཤེས་ཚུལ་ཁྲིམས། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། གླན་ཤཱཀྱ་བཟང་པོ། ཟུར་སྒྲོ་ཕུག་པ་ཤཱཀྱ་སེང་གེ །དེ་ལ་གཙང་པ་བྱི་སྟོན་དང་སློབ་དཔོན་ཉི་སྟོན་གཉིས་ཀྱིས་གསན། གཉིས་ཀ་ནས་གཙང་ནག་འོད་འབར། མེ་སྟོན་ཤེས་རབ་མགོན་པོ། སེ་སྟོན་ཤེས་རབ་རྒྱལ་མཚན། དེ་ལ་པ་ཤི་ཤཱཀ་འོད་དང་རྟ་ནག་བདུད་འདུལ་གཉི་གས་གསན། གཉིས་ཀ་ནས་མདའ་ཚ་ཤཱཀ་འཕེལ། ཟུར་བྱམས་པ་སེང་གེ །སྒྲོལ་ཆེན་བསམ་གྲུབ་རྡོ་རྗེ། སྒྲོལ་མ་པ་སངས་རྒྱས་རིན་ཅེན། འགོས་ལོ་གཞོན་ནུ་དཔལ་པ། སྤྱན་སྔ་ཐམས་ཅད་མཁྱེན་པ་ཞྭ་དམར་ཆོས་ཀྱི་གྲགས་པ་ཡེ་ཤེས་དཔལ་བཟང་། ཆོས་རྒྱལ་རིན་ཅེན་ཕུན་

ཚོགས། རང་གྲོལ་ཉི་ཟླ་སངས་རྒྱས། སློབ་དཔོན་ཚེ་དབང་ནོར་རྒྱས། རྡོ་རྗེ་འཆང་དཔལ་འབྱོར་ལྷུན་གྲུབ། ཀུན་མཁྱེན་ཆོས་དབྱིངས་རང་གྲོལ། མཚུངས་མེད་འཕྲིན་ལས་ལྷུན་གྲུབ། རིན་ཅེན་གཏེར་བདག་གླིང་པ། དེས་བདག་ལའོ། ༈ །ཡང་ན་གནུབས་ཆེན་ནས་གནུབས་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། ཉང་ཤེས་རབ་མཆོག་མན་འདྲ། དཔལ་མཉམ་མེད་ཇོ་བོ་ཆེན་པོ་དཱི་པཾ་ཀཱ་རས་རྒྱ་གར་གྱི་གྲུབ་པའི་དབང་ཕྱུག་ནག་པོ་སྤྱོད་པའི་སྐྱེ་བར་ངོས་བཟུང་བའི་གསང་ཆེན་རྙིང་མའི་རིགས་སྔགས་འཆང་བ་རོང་ཟོམ་ཆོས་བཟང་གི་རྨི་ལམ་དུ་གསང་བ་སྙིང་པོས་ཟན་དང་སངས་རྒྱས་མཉམ་སྦྱོར་གྱི་ཚོད་མ་བྱས་གསོལ་བ་རྨིས་པས་མནལ་སད་ཚེ་རྒྱུད་དོན་རྣམས་ཐུགས་ལ་ཤར་ནས་འགྲེལ་པ་མཛད་པའི་མཆོད་བརྗོད་དུ། དཀོན་ཅོག་གསུམ་གྱི་རང་བཞིན་བྱང་ཆུབ་སེམས་ཞེས་ཡོད་པར་བརྟེན་དཀོན་ཅོག་འགྲེལ་དུ་གྲགས་པའི་ལུང་གི་བརྒྱུད་པ་ནི། ལོ་ཙཱ་བ་ཆེན་པོ་རོང་ཟོམ་ཆོས་བཟང་། ཡམ་ཤུད་བློ་ཆེན། འགོས་ཟླ་གམ་འབར། འགོས་འབུམ་གྲགས། འགོས་དངོས་གྲུབ་རྒྱལ་མཚན། འགོས་དགེ་སློང་ཆོས་རྡོར། འགོས་དངོས་གྲུབ་མགོན་པོ། དབུས་པ་སངས་རྒྱས་འབུམ། ཀུན་མཁྱེན་ཆོས་སྐུ་འོད་ཟེར། གྲུ་མི་བསྐྱོད་རྡོ་རྗེ། བྱང་ཆེན་མཁན་པོ་བསོད་ནམས་འཕེལ། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་རྒྱལ་བ། ལམ་འབྲས་པ་བསོད་ནམས་དཔལ། གྲུབ་ཆེན་ཀུན་དགའ་བློ་གྲོས། ཆོས་རྗེ་ནམ་མཁའ་ཚུལ་ཁྲིམས། རོང་པོ་བློ་བཟང་པ། རྡོ་རྗེ་འཆང་མཁྱེན་རབ་ཆོས་རྗེ། རྗེ་སཾ་གྷ་ཤྲཱི། ཚུལ་ཁྲིམས་འོད་ཟེར། བསོད་ནམས་དཔལ་འབྱོར། འཇམ་དབྱངས་བྱང་གླིང་རྗེ། མཁན་ཆེན་ཐམས་ཅད་

མཁྱེན་པ། ཀུན་མཁྱེན་བློ་བཟང་པ། བདེ་ལེགས་བཀྲ་ཤིས། ཡོལ་གདོང་པ་རིན་ཅེན་བཀྲ་ཤིས། སྲིད་གསུམ་བླ་མ་རིག་འཛིན་ཀུན་བཟང་ཉི་མ། ཟུར་ངག་དབང་ཕུན་ཚོགས། ཁྱབ་བདག་ཁྲ་ཚང་བ་ཆེན་མོ། དེས་བདག་ལའོ། ༈ །སྒྱུ་འཕྲུལ་རྩ་རྒྱུད་གསང་རྒྱུད་གསང་བ་སྙིང་པོ་དེ་ཁོ་ན་ཉིད་ངེས་པའི་རྒྱུད་རྒྱལ་ལེའུ་ཉི་ཤུ་རྩ་གཉིས་པའི་འགྲེལ་པ་གླན་གྱི་སྔགས་འཆང་སྒྱུ་འཕྲུལ་གྱི་བརྒྱུད་པའི་རྣམ་ཐར་ཞིག་ན་འདི་ལྟར་སྣང་ཞིང་རྣམ་ཐར་ཉིད་གསུང་མའི་ཚིགས་བཅད་ཞ་ལུའི་བྱ་འདབ་ཞེས་པ་གནས་གསར་ལུང་དུ་གྲགས་པ་དང་ཕྱོགས་མཚུངས་པར་དཔའ་བོའི་ཆོས་འབྱུང་དུ་ཡང་ཡོད་ཅིང་ཚིགས་བཅད་མར། གཡུང་གི་རུས་སུ་བཤད་པ་དེབ་སྔོན་དུ་གླན་ཡིན་གསུངས་པ་དང་ཚོང་དུས་ལ་ཡང་དབུས་གཙང་གི་གསལ་ཁ་མ་བྱུང་བས་དཔྱད། གྲ་ཕྱི་རྒྱལ་བ་གཡུང་སྟོན་རྡོ་རྗེ་དཔལ་གྱིས་མཛད་པ་ནོས་པའི་བརྒྱུད་པ་ནི། གསང་བདག་སྒྲོ་ཕུག་པ་ཡན་གོང་ལྟར་ལ། དེ་ལ་གཙང་པ་བྱི་སྟོན་དང་། སློབ་དཔོན་ཉི་སྟོན་ཆོས་ཀྱི་སེང་གེ་གཉིས་ཀྱིས་ཞུས། གཉིས་ཀ་ནས་གཙང་ནག་འོད་འབར། མེ་སྟོན་ཤེས་རབ་མགོན་པོ། སོ་སྟོན་ཤེས་རབ་རྒྱལ་མཚན། དེ་ལ་པ་ཤི་ཤཱཀ་འོད་དང་རྟ་ནག་བདུད་འདུལ་གཉིས་ཀས་གསན། གཉིས་ཀ་ནས་མདའ་ཚ་ཤཱཀ་འཕེལ། ཟུར་བྱམས་པ་སེང་གེ །གཡུང་སྟོན་རྡོ་རྗེ་དཔལ་བཟང་། རྒྱ་བོ་མཁའ་འགྲོ། རྒྱ་བོ་བླ་མ་བཀྲ་ཤིས། རྒྱ་བོ་སྲི་ཐར་བསམ་གྲུབ། དཔོན་དབུ་ཡག །འཁོན་ཚེ་དབང་ནོར་རྒྱས། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། ༈ །ཡོ་ག་རྣམ་པ་གསུམ་གྱི་སྒོར་ཞུགས་པའི་རིག་པ་འཛིན་པ་རྣམས་ཀྱི་ཉམས་ཆགས་སྐོང་ཞིང་རྟོག་སྒྲིབ་སྦྱོང་ལ། ཚོམ་བུ་གཅིག་ཏུ་འབྲེལ་བའི་བར་གྱི་སེམས་ཅན་རྣམས་ཀྱི་མཚམས་མེད་ལྔ་སོགས་སྒྲིབ་པ་མཐའ་དག་བཅིལ་ནས་བླ་ན་མེད་པའི་མཆོག་གི་དངོས་གྲུབ་ཀྱི་སྐལ་བ་ཅན་དུ་བྱེད་པའི་ཐབས་ཀྱི་སྒོ་དམ་པ་རྣལ་འབྱོར་སྤྱིའི་ཁྲུས་ཆོག་ན་རག་དོང་སྤྲུག་ཅེས་སྒྱུ་འཕྲུལ་དྲ་བའི་རྒྱུད་བླ་མ་གླང་པོ་ཆེ་རབ་འབོགས་ཀྱི་ལེའུ་

གསུམ་པ་ལོགས་སུ་བཀོལ་བའི་དྲི་མེད་བཤགས་པའི་རྒྱུད་ཀྱི་དགོངས་པ། དེར་མ་གསལ་བ་མཐའ་དག་སྒྱུ་འཕྲུལ་མ་བུ་ནས་ཁ་བསྐངས་པའི་ཞི་ཁྲོ་དམ་པ་རིགས་བརྒྱའམ་རྒྱས་པར་སྤྲོ་ན་ལྷ་ལྔ་བརྒྱ་དོན་གཉིས་ཀྱི་དཀྱིལ་འཁོར་གྱི་ཆོ་ག་མཁས་གྲུབ་མངའ་རིས་པཎ་ཆེན་པདྨ་དབང་རྒྱལ་རྡོ་རྗེས་མཛད་པའི་དོན་གསལ་སྒྲོན་མེའི་སྟེང་ནས་ཚོམ་བུའི་དཀྱིལ་འཁོར་དུ་སྟ་གོན་དང་། ཕྱི་འཇུག་བཅུ་གསུམ་ནང་འཇུག་བཅུ་གསུམ་སྔོན་དུ་འགྲོ་བའི་དབང་དངོས་ལ་རྒྱུད་བཞིའི་དགོངས་པ་དང་མཐུན་པའི་རྒྱུན་གཅིག་ལ་ཐམས་ཅད་བསྐུར་བའམ་གང་རུང་གཅིག་རྫོགས་པར་བསྐུར་བ་ལས། འདིར་རྣམ་པར་སྣང་མཛད་ཐིག་ལེ་དབང་གི་ཏནྡྲའི་ལུགས་ལྟར་ངན་སོང་སྦྱོང་བ་སྒོ་འབྱེད་ཕྱག་རྡོར་གྱི་མཆོག་དབང་བཅུ་དྲུག་ཅེས་པ་ཆུ་ཅོད་པན་གྱིས་བྱ་རྒྱུད། མིང་གི་དབང་གིས་སྤྱོད་རྒྱུད། རིག་པའི་དབང་གིས་རྡོ་རྗེ་སློབ་མ། གཞན་དོན་སློབ་དཔོན་གྱི་དབང་རྣམས་ཀྱི་རྣལ་འབྱོར་རྒྱུད་དེ་ཕྱི་རྒྱུད་སྡེ་གསུམ་ལས་བྱུང་བའི་དབང་བཞི་ལ་ཐོག་མར་བགེགས་དང་སྡིག་པ་བསལ་ནས་རིགས་དྲུག་གི་གནས་སྦྱངས་ཏེ་བཅུད་བཟང་པོ་ལྡུགས་པར་སྣོད་ལ་བྱི་དོར་བྱེད་པ་ལྟར་གྱི་རྗེས་སུ། བདག་དོན་རྡོ་རྗེ་སློབ་མའི་དབང་ལ་རིན་པོ་ཆེའི་དབུ་རྒྱན་ཟེ་ཕྲོག་ལྔ་པས་ཁམས་གསུམ་ཆོས་ཀྱི་རྒྱལ་པོའི་དབང་སེམས་ཅན་ལུས་སུལ་པོ་ཕྱག་ན་རྡོ་རྗེས་ཟུག་རྔུ་བསལ་བ་དང་རྗེས་སུ་མཐུན་པ། གསང་བདག་གི་སྐུས་བྱང་ཆུབ་སྙིང་པོ་ཅན་དུ་གྱུར་ཏེ་གསང་བ་མཆོག་གི་བདག་པོར་འགྱུར་བ། རྡོར་དྲིལ་གྱིས་ཐབས་ཤེས་དབྱེར་མེད་ཀྱི་རྡོ་རྗེ་འཆང་དུ་འགྱུར་བ། བུམ་པས་ནད་བྱང་ཞིང་ཡེ་ཤེས་ལྔ་རྟོགས་ནས་འགྲོ་དོན་ཆད་མེད་བྱེད་པ། མེ་ཏོག་གི་འཕྲེང་བས་ཚུལ་ཁྲིམས་དག་ཅིང་ལས་

ཉོན་གྱི་སྒྲིབ་པ་སྦྱོང་བ། རྡོ་རྗེ་སློབ་དཔོན་གྱི་དབང་ལ། ཅོད་པན་གྱིས་མྱང་འདས་ཐོབ་ནས་ཁམས་གསུམ་ལ་གནས་ཏེ་སྲིད་གསུམ་གྱི་སྡུག་བསྔལ་སེལ་བ། མིག་ཐུར་གྱིས་མ་རིག་ལིང་ཏོག་བསལ་ཏེ་སྤྱན་ལྔ་དང་ལྡན་པ། མེ་ལོང་གིས་ཆོས་ཀུན་རྟེན་འབྲེལ་སྒྱུ་མ་ལྟར་མཐོང་བ། འཁོར་ལོས་རྫུ་འཕྲུལ་གྱི་རྐང་པས་ཁམས་གསུམ་དུ་བགྲོད་ནས་འཁོར་ལོས་སྒྱུར་བའི་རྒྱལ་པོ་ཐོབ་པ། དུང་གིས་ཆོས་སྟོན་པ་དང་ཚངས་པའི་དབྱངས་སྙན། རྒྱ་གྲམ་གྱིས་རིག་སྔགས་གྲུབ་པ་རྣམས་ཀྱིས་རྟག་ཏུ་བསྲུང་བ། རིན་ཅེན་སྣ་བདུན་གྱིས་ཕྱིར་མི་ལྡོག་པའི་འཁོར་ལོས་སྒྱུར་བའི་དབུགས་དབྱུང་བ་དམ་པ་ཐོབ་པ། རལ་གྲིས་དུས་གསུམ་གྱི་འཁྲུལ་པ་དང་བག་ཆགས་ཀྱི་ས་བོན་གཅོད་པ། མདའ་གཞུས་ཐབས་ཤེས་ཟུང་དུ་འབྲེལ་ནས་ཡེ་ཤེས་དག་པའི་རྩེ་མོར་གནས་པ། སེང་གེས་གསུང་རབ་ཀྱི་སྒྲ་བསྒྲགས་ནས་ལོག་ཕྱོགས་ཀྱི་ལྟ་བ་ཟིལ་གྱིས་གནོན། ཉི་ཟླས་འགྲོ་བའི་རྒྱུད་ལ་ཡེ་ཤེས་ཀྱི་འོད་ཤར་ཏེ་ཁམས་གསུམ་གྱི་མུན་པ་སེལ་བ། ཡུངས་ཀར་གྱིས་བགེགས་འདུལ་བ། ཞོས་ཡོན་ཏན་ཀུན་གྱི་སྙིང་པོ། དུར་པས་རྡོ་རྗེའི་ཚེ། ལི་ཁྲིས་ཆོས་རྣམས་དབང་སྡུད། དུང་གིས་ཆོས་སྒྲ་སྒྲོག་པ། གྷི་ཧང་གིས་དུག་གསུམ་གྱི་ནད་འཇོམས་པ། མེ་ལོང་གིས་ཆོས་ཀུན་ཐོགས་པ་མེད་པར་བྱེད་པ། བིལ་པས་བྱང་ཆུབ་སྙིང་པོའི་མཆོག་ཏུ་འགྱུར་བའི་དབང་རྣམས་དེ་ལྟར་སྤྱིའི་དབང་རྫོགས་ནས་བྱེ་བྲག་ཏུ་རྣལ་འབྱོར་དང་རྣལ་འབྱོར་བླ་ན་མེད་པ་དང་རྗེས་སུ་མཐུན་པའི་ངན་སོང་སྦྱོང་བ་ཞི་བ་རྡོར་དབྱིངས། ཁྲོ་བོ་ཧེ་རུ་ཀ་རོལ་པའི་དཀྱིལ་འཁོར་གཉིས་ལ་ཁྲོམ་འཁྲུགས་དང་སྦྲེལ་མའི་དཀྱིལ་འཁོར་གཉིས་ཀྱི་དང་པོ་ལ།

ཚོམ་བུ་དགུ་མ། འགྱོད་ཚངས་རྒྱལ་པོའི་དཀྱིལ་འཁོར་དུ་མཚམས་མེད་ལྔ་སྦྱང་བའི་ལུགས། པདྨ་འདབ་བརྒྱད་བརྒྱ་ཚོགས་ཞིང་གི་དཀྱིལ་འཁོར་སྦྲེལ་མ་ལ་ཞི་ཁྲོ་གནས་བསྒྱུར། སྟེང་འོག་བརྩེགས་པ། ཟུང་འབྲེལ་སོགས་བཤད་པའི་འདིར་མངའ་རིས་པཎ་ཆེན་རིན་པོ་ཆེས་ཞི་ཁྲོའི་དཀྱིལ་འཁོར་སྒྲུབ་ཐབས་བཀླགས་པ་དོན་གྲུབ་ཀྱི་ལས་གཞུང་བསྲངས་ཏེ་ཁྲོམ་འཁྲུགས་གཙོ་ཆེ་བའི་དཀྱིལ་འཁོར་ཡིན་ལ། དེ་ཡང་པདྨ་བཛྲ་གྱི་ཕྱག་བཞེས་གཙོར་སྟོན་དང་པཎ་ཆེན་རྣམ་གཉིས་ཀྱི་དགོངས་པ་གཅིག་ཏུ་བསྡེབས་པ་གཉིས་པོ་གང་ལ་ཡང་བླ་མའི་ཕྱག་བཞེས་མི་འདྲ་བ་གསུམ་བསྟན་པའི་ནང་ནས། པདྨ་སཾ་བྷ་བའི་གཞུང་དབང་བཞི་དང་འབྲེལ་བའི་ཚུལ་དུ་བསྐུར་བ་ལ། བུམ་དབང་ལ་མ་དག་པའི་རྒྱུད་སྦྱང་བ་སྔོན་དུ་བཏང་ནས་རིག་པ་ཡེ་ཤེས་ལྔའི་བག་ཆགས་འཇོག་པར་མི་བསྐྱོད་པ་ཆུའི་དབང་། རིན་འབྱུང་དབུ་རྒྱན་གྱི་དབང་། སྣང་མཐའ་རྡོ་རྗེའི་དབང་། དོན་གྲུབ་དྲིལ་བུའི་དབང་། རྣམ་སྣང་མིང་དབང་། རིགས་དྲུག་པ་རྡོ་རྗེ་སེམས་དཔའི་བྱིན་རླབས་སྔགས་དབང་། ལྷ་དབང་ལུས་ལ་བསྐུར་བ་ཕུང་ཁམས་སྐྱེ་མཆེད་ཐམས་ཅད་རྟེན་བརྟེན་པར་ངོ་སྤྲོད་དང་ཞི་བ་བཞི་བཅུ་རྩ་གཉིས་ཀྱི་སྐུ་གཟུགས་རྫས་ཀྱི་དབང་། ཁྲོ་བོའི་དབང་ལ། ཁྲོ་བོ་རིགས་བསྡུས་ཀྱི་བུམ་པས་སྣ་དྲངས་ཏེ་ཁྲག་འཐུང་ལྔ་བཅུ་རྩ་བརྒྱད་ཀྱི་ལྷ་དབང་ལུས་ལ་བསྐུར། ཡི་གེ་བརྒྱ་པའི་བཟླས་ལུང་ལ་བརྟེན་ནས་གསང་དབང་ངག་ལ་བསྐུར། རྡོ་རྗེ་སེམས་དཔའི་ཐུགས་དང་རང་སེམས་བསྲེ་བའི་ཆོས་དབང་སེམས་ལ་བསྐུར། རྡོ་རྗེ་ཐུགས། དྲིལ་བུ་གསུང་། ཕྱག་རྒྱ་སྐུའི་དམ་ཚིག །ཞི་བའི་རྒྱན་ཆས་བཅུ་གསུམ་བྱིན་ནས་རྡོ་

རྗེ་སློབ་དཔོན་དུ་མངའ་གསོལ། མཐའ་རྟེན་བརྡ་དོན་བཅུ་བཞིའི་དབང་ལ། དབང་ཆོག་ཏུ་འདི་ལྟར་འདུག་ཀྱང་བསྐུར་ཚིག་དེ་ལས་མང་བར་སྣང་ངོ་། །བུམ་པ་ཞི་བ་ཟླུམ་པོ། རྒྱས་པ་གྲུ་བཞི། དབང་ཟླ་གམ། དྲག་པོ་གྲུ་གསུམ། རྡོ་རྗེ་རྩེ་དགུ། འཁོར་ལོ་རྩིབས་བཞི། རིན་ཅེན་འབར་བ། ཆགས་མེད་པདྨ། གཅོད་བྱེད་རལ་གྲི། རྡོ་རྗེ་རྩེ་གསུམ། རྡོ་རྗེ་བ་དན། རྡོ་རྗེ་རྩེ་གཅིག །མདའ་གཞུ། ཞིང་དབྱུག །རྡོ་རྗེ་ཐོ་བ། གཅོད་བྱེད་དགྲ་སྟ། དྲིལ་བུ། པི་ཝཾ། རྔ། འཕྲེང་བ། ཉི་ཟླ། མེ་ཏོག །ཧཱུྃ་ཡིག །མེ་ལོང་། དྲིལ་བུ། མིག་ཐུར། མེ་ལོང་གཉིས་པ། འཁོར་ལོ། གླེགས་བམ། དུང་། རིགས་ལྔའི་ཕྱག་མཚན། གཟེངས་བསྟོད་པ་རྣམས་ཀྱིས་འབྲས་བུ་སྤྲུལ་སྐུ་ཐོབ་པའི་རྟེན་འབྲེལ་བསྒྲིགས། བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ལ་བརྟེན་ནས་ལོངས་སྐུ་ཐོབ་པའི་རྟེན་འབྲེལ་བསྒྲིགས། ཀུན་རྫོབ་བྱང་ཆུབ་ཀྱི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་དང་མཐའ་རྟེན་ལུང་བསྟན་བཅས་པས་འབྲས་བུ་ཆོས་སྐུ་ཐོབ་པའི་རྟེན་འབྲེལ་བསྒྲིགས། དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་ཚིག་གི་དབང་གིས་འབྲས་བུ་ངོ་བོ་ཉིད་ཀྱི་སྐུ་ཐོབ་པའི་རྟེན་འབྲེལ་བསྒྲིགས། མཐའ་རྟེན་མཁའ་འགྲོ་མའི་གཏོར་མའི་དབང་དང་ཞར་བྱུང་ངོ་སྤྲོད་ལ་བརྟེན་པའི་ཀུན་ཏུ་བཟང་པོའི་རྩལ་དབང་བཅས་པ་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་རིགས་གསུམ་མགོན་པོ། དམ་པའི་རིགས་ཅན་དྲ་མ་ལྔ། དགེ་སློང་ཀུ་ཀུ་རཱ་ཛ། སྐལ་ལྡན་རྒྱལ་པོ་ཛ། སིདྷ་རཱ་ཛ།

ཨུ་པ་རཱ་ཛ། སྲས་མོ་གོ་མ་དེ་ཝཱི། སློབ་དཔོན་སངས་རྒྱས་གསང་བ། སློབ་དཔོན་སྒེག་པའི་རྡོ་རྗེ། པཎ་ཆེན་བི་མཱ་ལ་མི་ཏྲ། དེས་གཉག་ཛྙཱ་ན་ཀུ་མཱ་ར་དང་རྨ་རིན་ཅེན་མཆོག་གཉིས་ལ་གསུངས། རིན་ཅེན་མཆོག་གིས་གྱེ་རེ་མཆོག་སྐྱོང་དང་ཙུ་རུ་རིན་ཅེན་གཞོན་ནུ་ལ་གནང་། གཉིས་ཀས་དར་རྗེ་དཔལ་གྲགས་དང་ཞང་རྒྱལ་བའི་ཡོན་ཏན་ལ་གནང་། གཉིས་ཀ་ལ་གནུབས་སངས་རྒྱས་ཡེ་ཤེས་རིན་པོ་ཆེ། དེ་ནས་ཁུ་ལུང་ཡོན་ཏན་རྒྱ་མཚོ། སྲས་ཆེ་བ་ཡེ་ཤེས་རྒྱ་མཚོ། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས་པ། གླན་ཤཱཀྱ་བྱང་ཆུབ། སྒྲོ་ཕུག་པ་ཤཱཀྱ་སེང་གེ །ཙད་ཚ་ཤཱཀྱ་རྡོ་རྗེ། བཙག་སྟོན་ཤཱཀྱ་འབྱུང་གནས། གླན་རྡོ་རྗེ་འོད། གླན་བསོད་ནམས་རྒྱལ་མཚན། དཔལ་ལྡན་ཆོས་ཀྱི་སེང་གེ །གླན་སངས་རྒྱས་དཔལ། གླན་བསོད་ནམས་མགོན་པོ། རྟ་ནག་སྒྲོལ་མ་བ་འཇམ་དབྱངས་བསམ་གྲུབ་རྡོ་རྗེ། ཟུར་ཤཱཀ་འབྱུང་ཕྱི་མ། སྤྲུལ་སྐུ་ཚེ་དབང་རྒྱལ་པོ། བརྒྱུད་འཛིན་ལེགས་པ་དཔལ་བཟང་། ཡབ་འཇམ་དབྱངས་རིན་ཅེན་རྒྱལ་མཚན། སྲས་པཎ་ཆེན་པདྨ་དབང་རྒྱལ། གཉིས་ཀ་ལ་སྤྲུལ་པའི་སྐུ་མཆོག་ལེགས་ལྡན་རྡོ་རྗེ། སྔགས་འཆང་ཚེ་རིང་དབང་པོ། ཟུར་ཆེན་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ཡང་ན་སྤྲུལ་སྐུ་ཚེ་དབང་རྒྱལ་པོ་ནས། རྒྱལ་སྲས་ཆོས་རྗེ། ལེགས་པ་དཔལ་བཟང་མན་འདྲ། ཡང་ན་སྒྲོ་ཕུག་པ་ཤཱཀ་སེང་ནས། ཤཱཀྱ་

རྡོ་རྗེ། གཉོས་ནག་རྒྱལ་མཚན། འབའ་འཕན་རྒྱ་ལུང་། ཞོ་ཁམས་ཤཱཀྱ་རྒྱལ་མཚན། སངས་རྒྱས་ཡེ་ཤེས། ཀུན་དགའ་རིན་ཅེན། རིན་ཅེན་རྒྱལ་མཚན། ཡོན་ཏན་མགོན་པོ། དཀོན་ཅོག་བཟང་པོ། བསམ་གྲུབ་རྡོ་རྗེ། ཤཱཀ་འབྱུང་ཕྱི་མ། ཤཱཀྱ་ཤྲཱི་ཕ་ལ། ཟུར་ཤཱཀྱ་བཤེས་གཉེན། རྒྱལ་སྲས་ཐུགས་མཆོག་རྩལ། ལེགས་པ་དཔལ་བཟང་མན་གོང་ལྟར། ཡང་ན་ལེགས་པ་དཔལ་བཟང་ནས། གནུབས་རཏྣ་ཤྲཱི། མཁས་བཙུན་ཚུལ་ཁྲིམས་དཔལ་བཟང་། མངའ་རིས་པཎ་ཆེན་མན་འདྲ། ཡང་ན་ཟུར་ཤཱཀ་འབྱུང་ཕྱི་མ་ནས། ཟུར་ཤཱཀྱ་བཤེས་གཉེན། ཁྲག་འཐུང་ཚེ་དཔལ་མགོན་པོ། འཇམ་དབྱངས་རིན་ཅེན་རྒྱལ་མཚན་མན་སྔར་ལྟར། ཡང་ན་ཆོས་རྗེ་ལེགས་པ་དཔལ་བཟང་ནས། ཆོས་རྗེ་ཆོས་འཕགས་བཟང་པོ། འཇམ་དབྱངས་རིན་པོ་ཆེ་མན་འདྲ། ཡང་སྒྲོ་ཕུག་པ་ཤཱཀྱ་སེང་གེ་ནས། མི་ནག་སྟོབས་ཆེན། སེ་སྟོན་འབྱུང་ལྡན། བླ་མ་ཤེས་རབ་རྒྱ་མཚོ། བླ་མ་སེང་གེ་དཔལ། མཁན་ཆེན་ཤཱཀྱ་འབྱུང་གནས། སྤྲུལ་སྐུ་ཚེ་དབང་རྒྱལ་པོ། རྒྱལ་སྲས་ཆོས་རྗེ་མན་འདྲ། ཡང་ན་བརྒྱུད་འཛིན་ལེགས་པ་དཔལ་བཟང་ནས། སྤྲུལ་སྐུ་ཉང་སྟོན་ཆོས་དབང་། གནུབས་རིན་ཅེན་དཔལ་བཟང་། ཟུར་རྒྱ་ཧོར་རྡོ་རྗེ། པཎ་ཆེན་པདྨ་དབང་རྒྱལ་མན་གོང་ལྟར། ཟུར་ལུགས་ཀྱི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། ཕྱག་ན་རྡོ་རྗེ། ཀུ་ཀུ་རཱ་ཛ། རྒྱལ་པོ་ཛ། ཨིནྡྲ་བྷཱུ་ཏི། ཧཱུྃ་ཀ་ར། སངས་རྒྱས་གསང་བ། དྲི་

མེད་བཤེས་གཉེན། གཉག་ཛྙཱ་ན་ཀུ་མཱ་ར། སོག་པོ་དཔལ་གྱི་ཡེ་ཤེས། གནུབས་ཆེན་སངས་རྒྱས་ཡེ་ཤེས། སྲུ་ལེགས་པའི་སྒྲོལ་མ། སྲས་གཞོན་ནུ་སྙིང་པོ། ཞུ་བསོད་ནམས་ཤཱཀྱ། ཟུར་པོ་ཆེ། ཟུར་ཆུང་པ། གླན་ཤཱཀྱ་བྱང་ཆུབ། འགར་སྟོན་ཟུང་ངེ་། སྲེག་སྟོན་རྡོ་རྗེ་རྒྱལ་མཚན། གླན་རྡོ་རྗེ་འོད། གླན་བསོད་ནམས་རྒྱལ་མཚན། དཔལ་ལྡན་ཆོས་སེང་། གླན་སངས་རྒྱས་དཔལ། གླན་བསོད་ནམས་མགོན་པོ། སྒྲོལ་མ་བསམ་གྲུབ་རྡོ་རྗེ། སྒྲོལ་མ་སངས་རྒྱས་རིན་ཅེན། སྒྲོལ་མ་ཆོས་གྲགས་དཔལ་བཟང་། སྒྲོལ་མ་ནམ་མཁའི་རྣལ་འབྱོར། སེ་སྟོན་རིན་ཅེན་རྒྱལ་མཚན། ཟུར་རྐྱ་ཧོར་རྡོ་རྗེ། པདྨ་དབང་རྒྱལ་རྡོ་རྗེ་མན་གོང་ལྟར། ཡང་ན་སྒྲོལ་ཆེན་ནས། ཟུར་ཤཱཀ་འབྱུང་ཕྱི་མ་སོགས་བརྒྱུད་ཚུལ་མི་གཅིག་པའི་རྣམ་གྲངས་རྣམས་གོང་བཞིན། ཡང་ན་གླན་བསོད་ནམས་མགོན་པོ་ནས། ཟི་སྟོན་ཤཱཀྱ་བཟང་པོ། ཟུར་ཧྭཾ་ཆོས་རྗེ། ཟུར་མོ་མཁས་བཙུན་སངས་རྒྱས། དཔལ་ལྡན་བཟང་པོ། ཤཱཀྱ་ཤྲཱི་ཕ་ལ། ཤཱཀྱ་མི་ཏྲ། སོག་པོ་དཔལ་ཡེ། ཀུན་བཟང་དཔལ། བསོད་ནམས་རྒྱལ་མཚན། རྣམ་གྲོལ་བཟང་པོ། ལེགས་ལྡན་རྗེ་མན་སྔར་བཞིན་ནོ། །ཡང་ངན་སོང་དོང་སྤྲུག །རིགས་དྲུག་གདོང་སྤྲུག །མཆོག་དབང་བཅུ་དྲུག །རྡོ་རྗེ་སེམས་དཔའི་བུམ་དབང་། དམ་པ་རིགས་བརྒྱའི་ལྷ་དབང་། མཁའ་འགྲོའི་གཏོར་དབང་། ཀུན་བཟང་རིག་པ་རྩལ་གྱི་དབང་བརྒྱུད་ལུགས་གཅིག་ནི། ཟུར་ཆུང་པ་ཡན་ཟུར་ལུགས་ཀྱི་བརྒྱུད་པ་ལྟར་ལ། དེ་

ནས་སྐྱོ་སྟོན་ཤཱཀྱ་ཡེ་ཤེས། གླན་ཤཱཀྱ་བྱང་ཆུབ། ཟུར་ཤཱཀྱ་སེང་གེ །ཉེའུ་སྟོན་ཆོས་ཀྱི་སེང་གེ །གཙང་ནག་འོད་ཟེར་འབར། ཟུར་ཧེ་རུ་ཀ །གཡུང་སྟོན་རྡོ་རྗེ་དཔལ། སྐྱོ་སྟོན་གསང་བདག །ཞང་སྟོན། འཁོར་ལོ་རྒྱལ་པོ། གླན་སྟོན་བསོད་ནམས་རྒྱལ་པོ། དཔལ་ལྡན་ཆོས་སེང་། གླན་སངས་རྒྱས་དཔལ། གླན་བསོད་ནམས་མགོན་པོ། འཇམ་དབྱངས་བསམ་གྲུབ་རྡོ་རྗེ། ཟུར་ཤཱཀ་འབྱུང་ཕྱི་མ། འགྲོ་ཚེ་དབང་རྒྱལ་པོ། རྒྱལ་སྲས་ཆོས་རྗེ། ཟུར་རྒྱ་ཧོར་རྡོ་རྗེ། མངའ་རིས་པདྨ་དབང་རྒྱལ་མན་གོང་ལྟར། ༈ ཞི་ཁྲོ་ན་རཀ་དོང་སྤྲུག་གི་སྒོ་ནས་རྣལ་འབྱོར་པའི་ཉམས་ཆགས་བཀང་ཞིང་མཚམས་མེད་ཀྱི་སྒྲིབ་པ་སྦྱོང་བ་ལ། རྒྱས་པ་ཞི་ཁྲོ་སོ་སོའི་དཀྱིལ་འཁོར་གྱི་རྣམ་གྲངས་གོང་སྨོས་ལྟར་དང་། འཁྱེར་བདེ་བ་གཅིག་ཏུ་བསྒྲིལ་བ་པདྨ་འདབ་བརྒྱའི་དཀྱིལ་འཁོར་དུ་གྲགས་པ་ལས་ཕྱི་མའི་ལུགས་བཞིན་རྣལ་འབྱོར་སྤྱིའི་བསྐང་བཤགས་རྡོ་རྗེ་སེམས་དཔའ་གསང་ཆེན་རིགས་གཅིག་གི་དཀྱིལ་འཁོར་གྱི་ཆོ་ག་འགོས་ལོ་ཆེན་པོའི་ཕྱག་ལེན་ལྟར་ལོ་ཆེན་བསོད་ནམས་རྒྱ་མཚོས་མཛད་པའི་སྟེང་ནས། རས་བྲིས་ཀྱི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་མེ་ཏོག་འཕྲེང་བ། རིགས་ལྔའི་བུམ་པའི་དབང་གིས་དུག་ལྔའི་དྲི་མ་སྦྱངས་ནས་ཕུང་པོ་ལྔ་ཡེ་ཤེས་ལྔར་བསྒྱུར་བ་སྐུ་གསུང་ཐུགས་བྱིན་གྱིས་བརླབ་པ། མཁའ་འགྲོའི་གཏོར་དབང་གིས་གསང་བའི་ཡེ་ཤེས་ཀྱི་བྱིན་དབབ་པ། ཀུན་ཏུ་བཟང་པོ་རིག་པ་རྩལ་གྱི་དབང་གིས་ལྷག་པའི་ཡེ་ཤེས་ངོས་བཟུང་ཞིང་ངོ་སྤྲོད་པ། དམ་པ་རིགས་བརྒྱའི་ལྷ་དབང་རྣམས་དང་

མངོན་དཀྱིལ་རྡོ་རྗེ་སེམས་དཔའི་ཞལ་ལུང་གི་ལུང་དང་བཅས་ཐོབ་པའི་བརྒྱུད་པ་ནི། ཀུན་ཏུ་བཟང་པོ། ཕྱག་ན་རྡོ་རྗེ། ཀུ་ཀུ་རཱ་ཛ་ཆེ་བ། ཨིནྡྲ་བྷཱུ་ཏི། ཤཱཀྱ་པུ་ཏྲི། སིདྷ་ཨུ་པ་རཱ་ཛ། སྲས་མོ་གོ་མ་ས། སློབ་དཔོན་ཧཱུྃ་མཛད། སངས་རྒྱས་གསང་བ། དྲི་མེད་བཤེས་གཉེན། གཉག་ཛྙཱ་ན་ཀུ་མཱ་ར། སོག་པོ་ལྷ་དཔལ། གནུབས་སངས་རྒྱས་ཡེ་ཤེས། སྲུ་ལེགས་པའི་སྒྲོན་མ། ཞུ་སྟོན་བསོད་ནམས་མཚན་ཅན། ཟུར་ཤཱཀ་འབྱུང་། བྱམས་པའི་དཔལ། གླན་ཤཱཀྱ་བཟང་པོ། འགར་སྟོན་ཟུང་ངེ་། སྲེག་སྟོན་རྡོ་རྗེ་རྒྱལ་མཚན། གླན་སྟོན་ཉ་ཚལ་བ་རྡོ་རྗེ་འོད། གླན་སྟོན་བསོད་ནམས་རྒྱལ་པོ། གླན་ཆོས་ཀྱི་སེང་གེ །གླན་སངས་རྒྱས་དཔལ། གླན་བསོད་ནམས་མགོན་པོ། རྟ་ནག་སྒྲོལ་ཆེན་བསམ་གྲུབ་རྡོ་རྗེ། སྒྲོལ་མ་པ་སངས་རྒྱས་རིན་ཅེན། ཐམས་ཅད་མཁྱེན་པ་འགོས་ལོ་གཞོན་ནུ་དཔལ། ཁྲིམས་ཁང་ལོ་ཆེན་དཔལ་མི་ཕམ་བསོད་ནམས་རྒྱ་མཚོའི་སྡེ། ཀུན་སྤངས་སེམས་དཔའ་ཆེན་པོ། གོང་དཀར་རྡོ་རྗེ་གདན་པའི་གཅུང་པོ་སྨན་གཅིག་པར་གྲགས་པ། གྲ་བདེ་གླིང་པ་རྣམ་རྒྱལ་ཟླ་བ་ཆོས་འཕེལ། དེ་དབོན་ཀརྨ་བསྟན་འཛིན། དེ་དབོན་བསོད་ནམས་བཀྲ་ཤིས། རྗེ་བསོད་ནམས་བཟང་པོ། རྫོགས་ཆེན་པ་ཀློང་ཡངས་འོད་གསལ། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ཟ་ཧོར་གྱི་བནྡེ་ལའོ། །ཡང་མངོན་དཀྱིལ་གྱི་ལུང་བརྒྱུད་ལུགས་གཅིག་ནི། ལོ་ཆེན་ནས། རོག་ཀུན་དགའ་རྡོ་རྗེ། རོག་ཤེས་རབ་རྡོ་རྗེའི་བརྒྱུད་པ་སྙེ་མདོ་བའི་ཕ་ཚན་རྩེ་པ་སྒང་པ་ཟེར། སོ་དཔལ་མགོན་རྒྱལ་མཚན། སྙེ་མདོ་རྙིང་པ་རོག་པའི་བརྒྱུད་པ་ཆད་པའི་གཙང་ནས་སོ་སྔགས་འཆང་

ཤཱཀྱ་དཔལ་བ་མག་པར་བྱོན་པའི་བརྒྱུད་པའོ། །སོ་བསོད་ནམས་རིག་འཛིན། སོ་བདུད་འདུལ་ཚེ་དབང་བཀྲ་ཤིས། དབུ་མཛད་ངག་དབང་བཀྲ་ཤིས། གྲུབ་མཆོག་ཀློང་ཡངས་འོད་གསལ་མན་འདྲ། ཡང་ན་ལོ་ཆེན་ལའང་སོ་དཔལ་མགོན་རྒྱལ་མཚན་གྱིས་གསན་ནོ། ༈ །སངས་རྒྱས་གཉིས་པ་པདྨ་འབྱུང་གནས། པཎ་ཆེན་དྲི་མེད་བཤེས་གཉེན། ལོ་ཆེན་བཻ་རོ་ཙ་ན། གནུབས་བན་ནམ་མཁའ་སྙིང་པོ་སྟེ་རྒྱ་བོད་ཀྱི་མཁས་པ་མི་བཞིས་གསང་སྔགས་ཐེག་པ་མཆོག་གི་དོན་ཐམས་ཅད་རྫོང་འཕྲང་སྲོག་གསུམ་དུ་དྲིལ་བའི་གདམས་པ། མན་ངག་ཀུན་གྱི་བཅུད་ཕྱུང་བ། ཟབ་གཏེར་སྙིང་པོའི་ཆོས་སྡེ། ཀུན་ཏུ་བཟང་པོ་ནས་གྲུབ་ཐོབ་དངོས་གྲུབ་ཀྱི་བར་དུ་སྙན་ནས་སྙན་ཞལ་ནས་ཞལ་དུ་བརྒྱུད་པའི་བཀའ་མ་ཉམས་པ་བླ་མ་མངའ་བདག་ཆེན་པོ་ནས་བཀའ་གཏེར་ཟུང་འཇུག་ཆུ་བོ་གཉིས་འདྲེས་སུ་བཞུགས་པའི་གདམས་པ་དེང་སང་ཉིན་མོའི་སྐར་མ་ལས་ཀྱང་ཆེས་ཆེར་དཀོན་པ་བཀའ་མ་བཀའ་བརྒྱད་རྫོང་འཕྲང་དུ་གྲགས་པའི་སྐོར་ལ། རས་བྲིས་ཀྱི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི་བུམ་པ་སོགས་རྫས་ཀྱི་དབང་། ནང་ལུས་དཀྱིལ་ལ་བརྟེན་པའི་ལྷ་དབང་། དྲེགས་པ་མཐུའི་དབང་། རྡོ་རྗེ་སློབ་དཔོན་གྱི་དབང་། བྱང་ཆུབ་སེམས་ལ་བརྟེན་པའི་གསང་དབང་ཙམ་དང་། བྷ་གའི་དཀྱིལ་འཁོར་དུ་གསང་དབང་དངོས། ལྟ་བ་སྤྱི་འབྱམས་ཀྱི་དབང་དང་བཅས་པ་ལེགས་པར་ནོས་ནས། ལུང་ལ་རྫོང་འཕྲང་སྲོག་གསུམ་གྱི་འཆིང་གི་མན་ངག་སྣོད་ངན་ལ་མི་སྤེལ་བར་གསུངས་པ། ཀུན་གཞིའི་སྣང་ལུགས་སྣང་

ཚད་སྣང་ཐབས་ཏེ་མཁས་པ་མི་བཞིའི་རྫོང་གི་ཆོས་གསུམ་གྱི་གདམས་པ། བསམ་གཏན་གཅིག་ཏུ་བསྒོམ་པ་ཏིང་འཛིན་ཉམས་ཀྱི་སྦྱོར་བ། རིག་པའི་རྩལ་སྦྱང་བ་སྟེ་མཁས་པ་མི་བཞིའི་གདམས་པ་འཕྲང་གི་ཆོས་གསུམ། ཡེ་ཤེས་པའི་སྲོག །འཇིག་རྟེན་པའི་སྲོག །ངོ་ཤེས་ནས་དབྱེ་འཕྲོག་མཆོད་བསྡུ་སྟེ་མཁས་པ་མི་བཞིའི་སྲོག་གི་ཆོས་གསུམ་སྲོག་གི་སྙིང་པོ་འགུགས་པའི་ལྕགས་ཀྱུ་རྣལ་འབྱོར་པའི་ཞེས་པའི་ཚིག་མཚམས་ནས་དཔེ་མ་འབྱོར་བས་དེ་མན་སླར་བསབ་དགོས་ཡོད། རྫོང་གསུམ་འདུས་པའི་ཏི་ཀ་སྙན་བརྒྱུད་ཀྱི་གདམས་པ། ཐེམ་ཡིག་འདིའི་གོང་དུ་འདུག་པ་དཔེ་མ་འབྱོར་པས་མ་ཐོབ། མཁས་པ་མི་བཞིའི་དགོངས་པ་གཅིག་ཏུ་དྲིལ་བ་དགོངས་ཆེན་བཅུ་གསུམ་རིན་ཅེན་འཕྲེང་བ་འདྲ་བ། སྣང་བ་སེམས། ཡུལ་སེམས་གཉིས་མེད་སེམས་ཅན་སངས་རྒྱས། དུས་བཞི་སེམས་སུ་ངོ་སྤྲོད་པ་སྟེ་ལྟ་དགོངས་བཞིའི་སྙན་བརྒྱུད་ཀྱི་གདམས་པ་དགོངས་པ་བཅུ་གསུམ་གྱི་དོན་བསྡུས་པ། མཁས་པ་མི་བཞིའི་གདམས་ངག་གི་བཅུད་འཕྲང་གསུམ་འདུས་པའི་ཌཱིཀྐ། སྲོག་གཟུང་བའི་སྒྲོན་མེ་ཞེས་པ་འཕྲང་གི་གདམས་པ་ཐ་རམ་གྱི་ལྡེ་མིག་མན་ངག་ཡང་དག་པ། ཀུན་གཞི་གནད་ཀྱི་སྟོང་ཐུན་ཕྱི་རབས་རྗེས་འཇུག་རྣལ་འབྱོར་པ་ལ་མི་འཛད་པའི་གཏེར་དུ་བཞག་པ། མ་རིག་སྦུབས་འབྱེད་ཀྱི་གདམས་པ་ཞེས་པ་ཕྱི་ནང་གསང་བའི་དགྲ་གསུམ་གསོད་པ། གསང་སྔགས་རྫོང་གི་མན་ངག་འབྲས་བུ་སྐུ་གསུམ་གཏན་ལ་དབབ་པ། ཐེག་པའི་སྤྱི་མདུད་གསང་སྔགས་ཀྱི་བཀའ་བསྒོའམ་ལྟ་བའི་འཕྲེང་གི་བཀའ་བསྒོ་མཁས་པའི་མཁས་

པ་རྣམས་ཀྱི་ཡང་རྩེ་ལུང་གི་ཆོས་སྒོ་ཕྱེ་བ། བསྐྱེད་རྫོགས་རྣམ་གསུམ་མཁས་པ་མི་བཞིས་བོད་སྤྲེའུའི་ཚ་ལ་མ་སྤེལ་བར་གཉག་ལ་གཏད་པ་སོག་པོའི་མགར་བ་མཚན་དགུ་ཡོད་པའི་སྣོད་ལྡན་གྱི་ལོ་རྒྱུས། སྣོད་དང་ལྡན་ཞིང་ཡིད་ལ་གཞུངས་ཞེས་སོགས་པདྨ་སཾ་བྷའི་གསུང་ཚིགས་བཅད། ལྟ་བའི་རྫོང་ནི་མིག་དང་འདྲ་ཞེས་སོགས་དྲི་མེད་ཟླ་ཤར་གྱི་གསུང་ཚིགས་བཅད་མ། འདིའི་འོག་ཏུ་ཁ་བསྒྱུར་དྲུག་དང་སྒོམ་ཁོག་གཉིས་དཔེ་མ་འབྱོར་པས་མ་ཐོབ། དོན་ལ་འཇུག་ཅིང་ཆུད་མི་ཟ་བར་འབྲས་བུ་ལྷུན་གྱིས་གྲུབ་པར་བྱ་བ་ཨོ་རྒྱན་དང་གནུབས་ནམ་མཁའི་སྙིང་པོས་མཚོ་རྒྱལ་གྱི་དོན་དུ་མཛད་པ། ཁ་བསྒྱུར་དྲུག་གི་འཕྲིན་ལས་བསྟོད་པ་སྣ་ཚོགས་ཀྱི་མཆོད་པ་དང་བཅས་པ། རྡོ་རྗེ་སེམས་དཔའ་དེ་བཞིན་གཤེགས་སོགས་ཀྱི་ཞི་ཁྲོའི་བསྟོད་པ། དབང་བསྐུར་རྡོ་རྗེའི་འཕྲེང་བ་ལེའུ་བཅུ་གསུམ་པ། ཕྱི་འགྱུར་ཐེམས་ཡིག །སྙིང་པོ་བྱང་ཆུབ་ཀྱི་མན་ངག་དགོངས་པ་ཡིན་ནོའི་མཐའ་ཅན། འཁོར་ལོ་རྒྱུན་གྱི་ཐེག་པ་སོགས་ཀྱི་ངོས་འཛིན་སློབ་དཔོན་པད་མ་སཾ་བྷ་ཝས་མཛད་པ། གུ་རུ་ཉི་ཤུ་རྩ་ལྔའི་ཉམས་ཀྱི་མན་ངག་ཆོས་ཀྱི་ངང་ལ་རྟོག་པ་བཞུ་རུ་མེད་པའི་མཐའ་ཅན། དྲག་སྔགས་རྣམ་གཉིས་ཀྱི་དགོངས་པ་མན་ངག་གསེར་གྱི་ཁ་བྱང་། ལྷ་མ་སྲིན་སྡེ་བརྒྱད་ཀྱི་སྲོག་སྙིང་དང་རྫས་ཀྱི་དཀྱིལ་འཁོར་དཔེ་ཆུང་ཐུན་དང་བཅས་པར་ནང་གསེས་ཀྱི་དཀར་མོ་མིང་སྲིང་གི་དྲག་སྔགས། ཙ་མུཎྜི་མིང་སྲིང་གི་དྲག་སྔགས། དམར་མོ་ཁྲག་རལ་དང་གཤིན་རྗེ་ནག་པོ་སྟག་མགོའི་དྲག་སྔགས། སྲིན་མོ་ཟོར་གདོང་མིང་སྲིང་གི་དྲག་སྔགས། ནག་མོ་མིང་སྲིང་གི་དྲག་སྔགས་རྣམས་གཏེར་

བཞད་རྩལ་ལ་གཏད་བྱའི་མཐའ་ཅན། དྲི་མེད་ཟླ་ཤར་གྱིས་བི་མཱ་ལར་ཞུས་པའི་ཡེ་ཤེས་འཆར་ལུགས་གསུམ་བསྟན་པ་བདག་གཞན་གཅིག་ཏུ་ལྟ་བའི་གང་ཟག་ལ་སྦྱིན་ནོའི་མཐའ་ཅན། འཇམ་དཔལ་སྐུའི་སྒྲུབ་པ་ལས་གསང་བའི་ལྡེ་མིག་འཁོར་རྣམ་བཞིའི་དགོངས་པ། པད་མ་ཐམས་ཅད་རྟ་སྐད་ཐེངས་གསུམ་དུ་འདུས་པའི་དགོངས་པ་པད་མ་ཐོད་འཕྲེང་གི་རྒྱུད་ལས་བཏུས་པ། ཡང་དག་ཐམས་ཅད་རྒྱུན་གྱི་ཏིང་ངེ་འཛིན་སངས་རྒྱས་ལག་བཅངས་མར་འདུས་པའི་དགོངས་པ། ཆེ་མཆོག་ཐམས་ཅད་བདུད་རྩི་རྣམ་དག་གི་དགོངས་པར་འདུས་པ། ཕུར་པ་ཐམས་ཅད་ཕུར་པ་ཐལ་འབྱིན་གྱི་དགོངས་པར་རྫོགས་པ། སྲིད་པའི་མ་མོ་ཐམས་ཅད་རྩ་རླུང་བྱང་སེམས་ཀྱི་དགོངས་པར་འདུས་པ། འཇིག་རྟེན་སྲོག་གི་དགོངས་པ་ཐུགས་ཀྱི་བཅུད་ཕྱུང་བའི་གབ་གཏེར། ལྷ་མ་སྲིན་སྡེ་བརྒྱད་ཀྱི་བརྟག་པ་མཁས་པ་མི་བཞིའི་གཏེར་ཆེན། སྲོག་གི་སྒྲུབ་པ་བི་མཱ་ལ་མི་ཏྲས་ལུང་བསྟན་པ། ལྟ་སྤྱོད་ཀྱི་སྡོམས་མཁས་པ་མི་བཞི་ལས་བརྒྱུད་པ་ཞར་བྱུང་ཡོན་ཏན་དང་བཅས་པ་ལུས་སྲོག་གི་ཕྱིར་ཡང་མི་གཏོང་བ་ལ་སྦྱིན་པར་བྱ་འོའི་མཐའ་ཅན། ཀུན་ཏུ་བཟང་མོ་རྩའི་འཁོར་ལོ་ཞེས་པ་མ་མོ་རྩ་ལུང་གི་དགོངས་པ། དྷ་ན་སཾ་སྐྲྀ་ཏས་བཤད་པའི་མ་མོ་རྩ་རླུང་གི་དགོངས་པ། སྲོག་གི་སྡོམས་ཚིག་ཁ་བྱང་གནད་གཟེར་བཞི་བསྟན་པ། གཟུང་མའི་མཚན་ཉིད་རིགས་ལྔར་སེམས་སྦྱང་བ་ཡིད་ལ་བརྣག་ཅིང་སྤྱད་པར་བྱ་བའི་མཐའ་ཅན། འཁོར་བ་བཙན་ཐབས་སུ་རུ་བཟློག་པའི་མན་ངག །ཉོན་མོངས་པའི་རོ་ཆོས་ཀྱི་དབྱིངས་སུ་བསྒྲལ་བའི་མན་ངག་བཻ་རོ་ཙ་ནའི་ཐུགས་ཀྱི་གཏིང་དུ་སྦས་པ་རྒྱལ་མོ་གཡུ་སྒྲས་

རིག་པས་གཏེར་ནས་ཕྱུང་བ། འཕུང་མཁན་ངོས་བཟུང་ཞིང་འཁྲུལ་གཞི་རྩད་གཅད་པ་བཻ་རོ་ཙ་ནས་གཡུ་སྒྲ་སྙིང་པོ་ལ་བཅུད་ཀྱི་དྭངས་མ་བརྣག་པའི་གཏེར་དུ་གཏད་པ། འཇམ་དཔལ་ལ་བཤེས་གཉེན་རིག་པ་རང་ཤར་གྱི་མན་ངག །རྫོང་འཕྲང་གི་ཡོན་ཏན་བཤད་པ། མཚན་མ་ཟིལ་གནོན་གྱི་དགོངས་པ། བསྐྱེད་རྫོགས་གསུམ་གྱི་གུང་ཤིང་དགུ་ལ་ཐག་བཅད་པའི་མན་ངག །སློབ་དཔོན་པདྨས་རྒན་མོ་དགེ་ལྡན་མ་དང་གཡོག་མོ་རིན་ཆེན་འཚོ་ལ་གདམས་པ་རྒན་མོ་མཛུབ་བཙུགས། དབང་གི་ངེས་ཚིག་ཆུ་བོ་བཞིའི་བབས་ཚུལ། སྣང་སྲིད་བཞི་བཞེངས་ཀྱི་དགོངས་པ། རིན་པོ་ཆེ་ཤེལ་གྱི་ཁང་བུའི་དགོངས་པ། ཆོས་ཐམས་ཅད་ཀྱི་སྙིང་པོ་རིག་པ་སྤྱི་བླུགས་ཀྱི་དགོངས་པ། ཁམས་གསུམ་རང་གྲོལ་གྱི་དགོངས་པ། འདའ་ཁ་ཚིག་གསུམ་གྱི་དགོངས་པ་བསྒོམ་དུ་མེད་པའི་མཆོག །ཟ་འོག་བེ་ཁྱིམ་གྱི་དགོངས་པ། ནམ་མཁའ་གློང་ཡངས་ཀྱི་དགོངས་པ། ཡིད་བཞིན་གཏེར་ཁྱིམ་རང་གི་སེམས་ལ་རྫོགས་པ་ཁམས་གསུམ་ཡོངས་གྲོལ་གྱི་དགོངས་པ། བྱང་ཆུབ་ཀྱི་སེམས་དུས་བཞི་རྣལ་འབྱོར་གྱི་དགོངས་པ། མེ་ལོང་གཡའ་དག་གི་དགོངས་པ་ཤེལ་དཀར་བཟའ་ཡང་གྲོལ་བ། མཁས་པ་བཞིས་ཛྙཱ་ན་ལ་གཏད་པའི་རྒྱ་མཚོ་ཀློང་ཡངས་ཀྱི་དགོངས་པ། སྲིད་གསུམ་རྣམ་དག་ལྷུན་གྱིས་གྲུབ་པའི་དགོངས་པ། སངས་རྒྱས་སེམས་ཅན་གཉིས་མེད་ཀྱི་དགོངས་པ། གསང་བའི་དོན་སྟོན་ཡུལ་སེམས་གཉིས་མེད་ཀྱི་དགོངས་པ། སྙིང་པོ་བྱང་ཆུབ་རིག་པ་རང་ཤར་གྱི་གདམས་ངག་རྣལ་འབྱོར་དབང་ཕྱུག་གི་དགོངས་པ་པད་མ་ཐོད་འཕྲེང་གིས་

ཕྱི་རབས་དོན་དུ་བཞག་པ། བསམ་གཏན་ཟས་ཀྱི་རིམ་པ། དབྱིངས་དང་ཡེ་ཤེས་རྟོགས་པ་ཉི་ཟླ་ཁ་སྦྱོར་གྱི་དགོངས་པ། ལྷའི་དཀྱིལ་འཁོར་དུ་བདག་ཉིད་གསལ་བའི་སྒོ་ནས་འགྲོ་དོན་བྱ་ཐབས། སྦྱོར་བ་དོན་གྱི་མན་ངག །སྦྱོར་སྒྲོལ་གཉིས་ཀྱི་མན་ངག །ལྷ་མོ་པཉྩེ་ཀ་འགུགས་པར་བྱེད་པའི་གདམས་ངག །ལྟ་སྤྱོད་རྨད་དུ་བྱུང་བའི་གསང་སྒོ། ཁམས་གསུམ་འཁོར་བ་སངས་རྒྱས་ཡིན་པར་ཡིད་ཆེས་པར་བྱེད་པའི་མན་ངག་སློབ་དཔོན་དགའ་རབ་རྡོ་རྗེས་མཛད་པ་གནུབས་ནམ་མཁའི་སྙིང་པོ་ལས་བརྒྱུད་པ། གནུབས་ཡོན་ཏན་རྒྱ་མཚོས་ཁུ་ལུང་གི་དབེན་གནས་སུ་སངས་རྒྱས་ཡེ་ཤེས་རིན་པོ་ཆེ་ལ་ཞུས་པས་དོགས་གཅོད་འདའ་ཁ་ཡེ་ཤེས་ཀྱི་མན་ངག །སློབ་དཔོན་པད་མས་བསླབ་པའི་མཐའ་གཅིག་མ། དེ་དང་འདྲ་མིན་ཡང་སློབ་དཔོན་པད་མས་མཛད་པའི་བསླབ་པའི་མཐའ་གཅིག་མ། ལྟ་བ་ཤན་འབྱེད་གཏེར་བཞད་རྩལ་ལ་གཏད་པ། སྣང་གྲགས་ཀྱི་ཆོས་ཐམས་ཅད་རང་སེམས་སུ་ཐག་བཅད་པ་ཐ་མས་ཀྱང་ཟླ་བ་མ་ཉམས་པ་བཅུ་དྲུག་གིས་ལས་ཀྱི་འཕྲེང་བ་ཐོབ་པའི་མཐའ་ཅན། གསེར་ལ་དགྱེས་མི་དགྱེས་ཀྱི་ལོག་རྟོག་ལ་བརྟོན་ནས་རང་རིག་སློབ་དཔོན་གྱི་སྐུར་སྒྲུབ་པའི་ཐབས་སློབ་དཔོན་པདྨས་བྱང་ཆུབ་སེམས་དཔའ་ཁྲི་སྲོང་ལྡེ་བཙན་ལ་གདམས་པ། གཞི་ལམ་འབྲས་གསུམ་གྱི་དབྱེ་བའི་སྒོ་ནས་དབྱེར་མེད་པའི་དོན་ཐུགས་སུ་ཆུད་པའི་དོན་མན་ངག་གི་གནད་དུ་བསྟན་པ། མ་ནོར་དོན་རྫོགས་ཀྱི་སངས་རྒྱས་དང་མངོན་དུ་བྱུང་བའི་སངས་རྒྱས་ཀྱི་དབྱེ་བ། རྣམ་པར་མི་རྟོག་པའི་སྒོམ་པ་ལ་ཟླ་བ་སྤྱི་དོན་གསུམ་པ། ལྟ་སྤྱོད་ཀྱི་མན་ངག་ལོ་རྒྱུས་ཅུང་

ཟད་དབུ་ན་ཡོད་པ་གཏེར་བཞད་རྩལ་གྱིས་རྒྱས་བཏབ་པའི་མཐའ་ཅན། གནུབས་ཀྱིས་སྣང་སྲིད་ཆོས་ཐམས་ཅད་རང་སེམས་སུ་བསྟན་པ་མན་ངག་ཤེལ་གྱི་ཁང་པ། བསྒོམ་པའི་དོན་མདོར་བསྡུས་པ་སེམས་ཀྱི་གཞག་ས་བསྟེན་པ། སངས་རྒྱས་ཡེ་ཤེས་ཀྱིས་ལེགས་པའི་རིན་པོ་ཆེ་ལ་བཀའ་གནང་བ་དགོངས་པའི་ལུང་གཏད་པའི་རྒྱ། ལྟ་སྤྱོད་རྨད་དུ་བྱུང་བ་དཱ་ན་ཡོན་ཏན་མཆོག་གི་ཐུགས་ཀྱི་ཉིང་ཁུ་བཞུ་བ། ལྷོ་བྲག་མཁར་ཆུར་སློབ་དཔོན་ནམ་མཁའི་སྙིང་པོས་མཁར་ཆེན་བཟའི་དོན་དུ་བསྟན་པ་ཏིང་ངེ་འཛིན་གྱི་མན་ངག །བསམ་གཏན་ལུང་གི་མན་ངག །རྫོགས་པ་ཆེན་པོ་སྙིང་པོ་འཕྲུལ་གྱི་མེ་ལོང་། བོད་ཀྱི་མངའ་བདག་ལ་མན་ངག་བརྫངས་པའི་ཐོ། རང་སེམས་རྟོགས་ཙམ་དང་དམིགས་པ་ཕྱོགས་གཅིག་ཏུ་གྲུབ་པས་མི་ཆོག་པ་ཁྱུང་ཕྲུག་གི་གཤོག་པའི་དཔེ་དང་བཅས་པ། སྟོང་གསུམ་ཏིལ་འབྲུ་ཆེ་ཆུང་མེད་པ་སོགས་ཀྱི་དཔེ་དོན། དྲན་པ་དུས་མཚུངས་ཀྱི་དགོངས་པ། མཁས་པས་སེམས་ལྟ་བར་གདམས་པ། མཐའ་དྲུག་རྫོགས་དགོས་པ་ནང་རྟོགས་ན་ནང་འཚང་རྒྱ་བ་ནུབ་རྟོགས་ན་ནུབ་འཚང་རྒྱ་བ། རིན་པོ་ཆེ་གསེར་གྱི་ཐིགས་པའི་མན་ངག་བཅུད་ཕྱུང་བ། རིན་པོ་ཆེ་ཤེལ་གྱི་ཁང་བུའི་མན་ངག །ཡོ་ག་རྣམ་གསུམ་གྱི་ལ་ཤན་དབྱེ་བ་དང་བྱེ་བྲག་བསྟན་པ། ནམ་མཁའ་ཆེ་མི་འགྱུར་བའི་གཟེར། སེམས་གཏན་ལ་དབབ་ཕྱིར་རྡོ་རྗེ་སེམས་དཔའ་ནམ་མཁའི་ཆེ་ཞེས་པ་རྩལ་ཆེན། ཁྱུང་ཆེན། ཁུ་བྱུག །བྱང་སྒོམ། རྨད་བྱུང་རྣམས་ཀྱི་ལུང་དང་མཚན་བཤད་པ། རྣལ་འབྱོར་རིག་པའི་མེ་ཏོག་འཕྲུལ་གྱི་མེ་ལོང་། ནམ་མཁའ་ཡངས་པའི་དགོངས་པ། འགྲོ་དྲུག་

གཡང་ས་གཅོད་པའི་དགོངས་པ་སློབ་དཔོན་དགའ་རབ་རྡོ་རྗེས་མཛད་པ། རང་ཉིད་སྐུ་གསུམ་གྱི་ངོ་བོར་གནས་པ། འཁོར་བ་རུ་བཟློག་གི་དགོངས་པ། དུས་བཞི་མཉམ་སྦྱོར་གྱི་དགོངས་པ་སློབ་དཔོན་པདྨ་སཾ་བྷ་ཝས་གཏེར་བཞད་རྩལ་ལ་གཏད་པ། ཡུལ་སེམས་གཉིས་མེད་ཀྱི་མན་ངག །སྟག་མོ་ཁ་མངལ་གྱི་དགོངས་པ་དྲག་པོའི་འཕྲིན་ལས། སྤྱང་མོ་རོ་བཤེན་གྱི་དགོངས་པ། ཡིད་བཞིན་ནོར་བུའི་དགོངས་པ་མཁས་པ་མི་བཞིའི་གཏེར་ཆེན་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། རྒྱ་གར་གྱི་དབང་གི་ཆུ་བོ་ཆེན་པོ་བཞི་ལ་ཡི་དམ་ལྷ་ལས་དབང་ཐོབ་པ་དགའ་རབ་རྡོ་རྗེ། བཀའ་བརྒྱུད་ནས་དབང་ཐོབ་པ་ཨིནྡྲ་བྷཱུ་ཏི། རིག་པ་རྩལ་གྱི་དབང་ཐོབ་པ་པདྨ་མ་འབྱུང་གནས། དགེ་བའི་བཤེས་གཉེན་གྱི་དབང་ཐོབ་པ་བི་མ་ལ་མི་ཏྲ། ཤྲཱི་སིངྷ། ཨོ་རྒྱན་པདྨ་ཐོད་འཕྲེང་། བོད་ཀྱི་དབང་གི་ཆུ་བོ་ཆེན་པོ་བཞི་པདྨ་འབྱུང་གནས། དྲི་མེད་བཤེས་གཉེན། ནམ་མཁའི་སྙིང་པོ། གཡུ་སྒྲ་སྙིང་པོ་སྟེ་རྒྱ་གར་པ་གཉིས་དང་བོད་པ་གཉིས་སོ། །པཎ་ཆེན་བི་མཱ་མི་ཏྲ། གནུབས་ནམ་མཁའི་སྙིང་པོ། ལོ་ཆེན་བཻ་རོ་ཙ་ན། གཉགས་ཛྙཱ་ན་ཀུ་མ་ར། གནུབས་སངས་རྒྱས་ཡེ་ཤེས། གནུབས་ཡོན་ཏན་རྒྱ་མཚོ། སྤ་གོར་གྱི་རྩ་བ། སྲུས་ཡལ་ག །སོས་འབྲས་བུ། གནུབས་ཀྱིས་རང་སོ་བྱེར་བས་ཚང་མ་ཡོན་ཏན་རྒྱ་མཚོ་ལ་མངའ་བའོ། །གནུབས་པདྨ་དབང་རྒྱལ། རཱཀྴི་ཚུལ་ཁྲིམས་རྒྱལ་མཚན། ཁམས་པ་འདན་སྟོན། འགའ་རེར་བརྩོན་ཟེར་བ་འདུག་ཀྱང་ལེགས་ལྡན་རྗེའི་ཕྱག་བྲིས་ན་སྟོན་རང་འདུག་གོ །ཁམས་པ་དར་མ་རྒྱལ་མཚན། ཁམས་པ་ཡེ་ཤེས་དབང་ཕྱུག །ཤངས་ཀྱི་སྤ་སྟོན་གྲུབ་ཐོབ། སློབ་དཔོན་གྲུབ་ཐོབ་དངོས་གྲུབ། དེ་དང་ཉང་གཉིས་ཡར་ཀླུངས་བང་སོ་སྟོད་ཀྱི་སླན་སྤེའུར་མཇལ་ནས་བཀའ་གཏེར་གྱི་ཆོས་ལ་ཕན་

ཚུན་གཉིས་ཐུགས་ཡིད་ཆེས་རེས་བྱུང་བས་མངའ་བདག་ཉང་གིས་གྲུབ་ཐོབ་དངོས་གྲུབ་ལ་གསན། དེ་ནས་རིམ་པར་སྲས་འགྲོ་བའི་མགོན་པོ། གུ་རུ་ཆོས་ཀྱི་དབང་ཕྱུག །སྨན་ལུང་མི་བསྐྱོད་རྡོ་རྗེ། དག་སྟོན་སངས་རྒྱས་དབང་རྡོར། གཉན་སྟོན་ཡེ་ཤེས་རྡོ་རྗེ། སེ་སྡིངས་པ་ཡབ་སྲས་གཉིས། གུ་རུ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། མཚུངས་མེད་ཀརྨ་གུ་རུ། རང་གྲོལ་ནམ་མཁའ་ཆོས་དབང་། ཁྱབ་བདག་ཁྲ་ཚང་པ་རྡོ་རྗེ་མི་རྟོག་རྩལ། དེས་བདག་ཟ་ཧོར་བནྡེ་ལའོ། ༈ །ལུང་རྐྱང་གི་བརྒྱུད་པ་ལུགས་གཅིག་ལ། གུ་རུ་ཆོས་དབང་ནས། སྲས་པད་མ་དབང་ཆེན། བླ་མ་ཤེས་རབ་རྒྱ་མཚོ། ཟུར་ཤཱཀྱ་འབྱུང་གནས། བློ་ཆེན་ཤྲཱི་ཕ་ལ། ཉང་ཤཱཀྱ་རྡོ་རྗེ། དེ་གཉིས་ལ་ཟུར་བཤེས་གཉེན་པ་དང་། སློབ་དཔོན་དཔལ་བཟང་པ་གཉིས་ཀས་གསན། གཉིས་ཀ་ལ་སྔགས་འཆང་ར་མོ་བ་དང་། བརྒྱུད་འཛིན་ལེགས་པ་དཔལ་བཟང་གཉིས་ཀས་གསན། གཉིས་ཀ་ལ་ལྷ་རིགས་འཇམ་དབྱངས་རིན་ཅེན་རྒྱལ་མཚན། པཎ་ཆེན་པདྨ་དབང་རྒྱལ་རྡོ་རྗེ། མངའ་བདག་ཀུན་དགའ་ལྷུན་གྲུབ། ཀརྨ་གུ་རུ་མན་གོང་ལྟར་རོ། ༈ །རྗེ་བཙུན་ས་སྐྱ་པ་ཆེན་པོའི་ཡབ་མེས་ཀྱི་ཆོས་གསང་སྔགས་རྙིང་མ་ཡང་ཕུར་གཉིས་སུ་གྲགས་པའི་དཔལ་ཆེན་པོ་ཁྲག་འཐུང་ཧེ་རུ་ཀ་ཡང་དག་མར་མེད་གུ་པའི་རས་བྲིས་ཀྱི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི་ཐུན་མོང་བ་རིག་པའི་དབང་ལྔ། ཐུན་མོང་མ་ཡིན་པ་རྡོ་རྗེ་སློབ་དཔོན་གྱི་དབང་མཐའ་རྟེན་དང་བཅས་པ། གསང་དབང་མཐའ་རྟེན་དང་

བཅས་པ། ཤེས་རབ་ཡེ་ཤེས་ཀྱི་དབང་། ཚིག་དབང་རྣམས་ལེགས་པར་ནོས་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ཤྲཱི་ཧེ་རུ་ཀ །དཔལ་རྡོ་རྗེ་སེམས་དཔའ། སློབ་དཔོན་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། སློབ་དཔོན་རོ་ལངས་བདེ་བ། སློབ་དཔོན་བུདྡྷ་གུ་ཧྱ། དཔལ་ཧཱུྃ་དཀར། ཨཽ་ཌི་ཡ་ནའི་སློབ་དཔོན་པདྨ་སཾ་བྷ་ཝ། སློབ་དཔོན་བི་མཱ་ལ་མི་ཏྲ། བལ་པོ་ཤཱི་ལ་མཉྫུ། སྣ་ནམ་རྡོ་རྗེ་བདུད་འཇོམས། གཉག་ཛྙཱ་ན་ཀུ་མ་ར། འཁོན་རྡོ་རྗེ་རིན་ཅེན། འཁོན་ཤེས་རབ་ཡོན་ཏན། རྡོ་རྗེ་གདན་པ་དང་རྗེ་མཁྱེན་བརྩེའི་གསན་ཡིག་ན་ཡོན་ཏན་འབྱུང་གནས་ཞེས་པ་ལས་འདི་མ་བྱུང་། འཁོན་ཚུལ་ཁྲིམས་རྒྱལ་པོ། འཁོན་གཙུག་ཏོར་ཤེས་རབ། འཁོན་དགེ་སྐྱབས། འཁོན་དགེ་མཐོང་། རྡོ་རྗེ་གདན་པ་དང་རྗེ་མཁྱེན་བརྩེའི་གསན་ཡིག་ན་འདི་གཉིས་གོ་ལྡོག་ཏུ་འདུག་པར་དཔྱད། འཁོན་བལ་པོ། འཁོན་ཤཱཀྱ་བློ་གྲོས། འཁོན་རོག་ཤེས་རབ་ཚུལ་ཁྲིམས། འཁོན་དཀོན་ཅོག་རྒྱལ་པོ། རྗེ་བཙུན་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ཆོས་རྗེ་པཎྜི་ཏ། འགྲོ་བའི་མགོན་པོ་ཆོས་རྒྱལ་འཕགས་པ། ཁའུ་པ་འོད་ལྡན། བུ་ལུང་པ་ཀུན་དགའ་རྡོ་རྗེ། ལོ་ཙཱ་བ་མཆོག་ལྡན་ལེགས་པའི་བློ་གྲོས། དགའ་ལྡན་པ་ཀུན་དགའ་བསོད་ནམས། གན་པ་རིན་ཅེན་རྒྱལ་མཚན། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། ཡར་ཀླུངས་པ་སེང་གེ་རྒྱལ་མཚན། ཀླུ་པ་བསོད་ནམས་དར། དམར་སྟོན་རྒྱལ་མཚན་འོད་ཟེར། མཚུངས་མེད་ནམ་མཁའ་བློ་གྲོས། ཆག་ལོ་རིན་ཅེན་ཆོས་རྒྱལ། ས་ལོ་འཇམ་དཔལ་རྡོ་རྗེ། སྒོ་

རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ས་སྐྱ་པ་ཆེན་པོ་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་ངག་དབང་བསོད་ནམས་དབང་ཕྱུག །རིགས་བརྒྱའི་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་སློབ་དཔོན་པདྨ་འབྱུང་གནས་ནས། འཁོན་ཀླུའི་དབང་པོ་སྲུངས། འཁོན་རྡོ་རྗེ་རིན་ཅེན་མན་འདྲ། ༈ ཨོ་རྒྱན་གྱི་སློབ་དཔོན་ཆེན་པོ་པདྨ་སཾ་བྷ་ནས་འཁོན་ཀླུའི་དབང་པོ་སྲུངས་ལ་བཀའ་བབས་པའི་བཅོམ་ལྡན་འདས་རྡོ་རྗེ་གཞོན་ནུ་ས་ཕུར་ལྷ་ཁྲར་གྲགས་པའི་སྐོར་ལ། མཁྱེན་བརྩེ་ནུས་པའི་མངའ་བདག་བླ་མ་དམ་པ་བསོད་ནམས་རྒྱལ་མཚན་གྱིས་མཛད་པའི་མངོན་རྟོགས་བཀླགས་པས་དོན་གྲུབ་དང་། དཀྱིལ་མཆོག་རྟོགས་པར་སླ་བ་གཉིས་ལ་བརྟེན་ནས། རས་བྲིས་ཀྱི་དཀྱིལ་འཁོར་དུ་སྟོད་ལས་བྱང་ཆུབ་སྒྲུབ་པའི་སྨིན་བྱེད་ཀྱི་སྟ་གོན་དང་འཇུག་པ་སྔོན་དུ་འགྲོ་བའི་རིགས་ལྔའི་དབང་། བདག་པོའི་དབང་། རྡོ་རྗེ་སློབ་དཔོན་གྱི་དབང་མཐའ་རྟེན་རིགས་ལྔའི་རྗེས་གནང་། གསང་དབང་མཐའ་རྟེན་ལུང་བསྟན། དབུགས་དབྱུང་། གཟེངས་བསྟོད། ཤེས་རབ་ཡེ་ཤེས་ཀྱི་དབང་། ཚིག་དབང་རིན་པོ་ཆེ། དམ་ཚིག་བསྒྲགས་པ་རྣམས། ཆོས་རྗེ་པས་མཛད་པའི་དྲག་པོའི་རྗེས་གནང་གི་ཆོ་ག་དང་། དེའི་གསལ་བྱེད་ཐམས་ཅད་མཁྱེན་པ་རྡོ་རྗེ་གདན་པས་མཛད་པའི་ཡི་གེ་ལ་བརྟེན་ནས། དྲག་པོའི་རྒྱ་མདུང་གྲུ་གསུམ་ཉེར་གཅིག་མའི་དཀྱིལ་འཁོར་དུ་འབྲས་བུ་སྤྲུལ་སྐུའི་རྗེས་གནང་། སྐུ་ཆ་རྐྱེན་གྱི་རྗེས་གནང་། གསུང་བཟླས་

པའི་རྗེས་གནང་། ཐུགས་ཡེ་ཤེས་སེམས་དཔའི་རྗེས་གནང་། མཛད་པ་འཕྲིན་ལས་ཀྱི་རྗེས་གནང་། དྲག་པོ་སྒྲོལ་བའི་རྗེས་གནང་། རང་རྟགས་ཕྱག་རྒྱའི་རྗེས་གནང་སྟེ་དོན་བདུན་གྱི་སྒོ་ནས་སྨད་ལས་གདུག་པ་སྒྲོལ་བའི་དབང་རྣམས་ལས་སྟོད་ལས་བྱང་ཆུབ་སྒྲུབ་པའི་དབང་གི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་གཞོན་ནུ། ཀརྨ་ཧེ་རུ་ཀ །རིགས་ཀྱི་རྡོ་རྗེ་འཆང་། སློབ་དཔོན་ཨུ་པ་རཱ་ཛ། པྲ་ཧ་སྟི། དྷ་ན་སཾ་སྐྲྀ་ཏ། པདྨ་སཾ་བྷ་ཝ། སྣ་ནམ་རྡོ་རྗེ་བདུད་འཇོམས། འཁོན་རྡོ་རྗེ་རིན་པོ་ཆེ། འཁོན་ཤེས་རབ་ཡོན་ཏན། འཁོན་ཡོན་ཏན་འབྱུང་གནས། འཇམ་དབྱངས་མཁྱེན་བརྩེའི་གསན་ཡིག་ན་ཡོན་ཏན་ཚུལ་ཁྲིམས་ཟེར་བ་འདུག་པ་བརྟག །འཁོན་ཚུལ་ཁྲིམས་རྒྱལ་པོ། འཇམ་དབྱངས་མཁྱེན་བརྩེའི་གསན་ཡིག་ན་འདི་གཉིས་གོང་འོག་ལོག་འདུག་པ་རྡོ་རྗེ་གདན་པའི་ཕྱག་བྲིས་དང་མ་མཐུན་པས་བྲིས་ནོར་བྱུང་བ་ཡིན་ནམ་བརྟག །འཁོན་རྡོ་རྗེ་གཙུག་ཏོར། འཁོན་དགེ་སྐྱབས། འདི་ཡང་གོང་འོག་ལྡོག་འདུག་པ་བརྟག །འཁོན་དགེ་མཐོང་། འཁོན་སྟོན་བལ་པོ། འཁོན་ཤཱཀྱ་བློ་གྲོས། འཁོན་རོག་ཤེས་ཚུལ་ཁྲིམས། འཁོན་དཀོན་ཅོག་རྒྱལ་པོ། འཁོན་ས་ཆེན་ཀུན་སྙིང་། འཁོན་བསོད་ནམས་རྩེ་མོ། འཁོན་གྲགས་པ་རྒྱལ་མཚན། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་རིན་ཅེན་རྒྱལ་མཚན། འཁོན་བསོད་ནམས་རྒྱལ་མཚན། འཁོན་ཐེག་ཆེན་ཆོས་རྗེ། མཁན་ཆེན་སེང་གེ་དཔལ་བ། བྲག་ཐོག་པ་བསོད་ནམས་བཟང་པོ། ཐུ་སྟོན་རྡོ་རྗེ་གདན་པ་ཀུན་དགའ་རྣམ་རྒྱལ། བླ་མ་རིན་ཅེན་རྣམ་རྒྱལ། རྗེ་ཤཱཀྱ་ཀུན་དགའ། དམ་ཆོས་གླིང་པ་ཡེ་ཤེས་དབང་པོ། ཉི་མ་གླིང་པ་ཚུལ་ཁྲིམས་བཀྲ་ཤིས། འ་ཞ་རྡོ་རྗེ་འཆང་མགོན་པོ་བསོད་ནམས་

མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཡང་ན་གན་པ་སྟོན་དར་ནས། གན་པ་ཆོས་རྒྱལ། གན་པ་ཆོས་ཀྱི་རིན་ཅེན། གན་པ་རིན་ཅེན་རྒྱལ་མཚན་མན་གོང་ལྟར། ཡང་ན་འཁོན་གྲགས་པ་རྒྱལ་མཚན་ནས། འཁོན་ཆོས་རྗེ་པཎ་ཆེན། འཁོན་འཕགས་པ་བློ་གྲོས་རྒྱལ་མཚན། ཁའུ་པ་འོད་ལྡན་དཔལ། བུ་ལུང་པ་ཀུན་དགའ་རྡོ་རྗེ། ལོ་ཙཱ་བ་མཆོག་ལྡན་ལེགས་པའི་བློ་གྲོས། དགའ་ལྡན་པ་ཀུན་དགའ་བསོད་ནམས། གན་པ་རིན་ཅེན་རྒྱལ་མཚན་མན་གོང་ལྟར། ཡང་ན་འཕགས་པ་ནས། དབོན་དཀར་བ། དགའ་ལྡན་པ་ཀུན་བསོད་མན་གོང་ལྟར། ཡང་ན་རྡོ་རྗེ་སེམས་དཔའ། པད་མ་ཐོད་འཕྲེང་རྩལ། སྣ་ནམ་རྡོ་རྗེ་བདུད་འཇོམས། ཁམས་སྒོམ་མཆོག་གི་ལེགས་པ། ཤེས་རབ་ཚུལ་ཁྲིམས། མཆོག་གི་སེམས་དཔའ། འཁོན་དཀོན་ཅོག་རྒྱལ་པོ་མན་གོང་ལྟར། འཁོན་དཀོན་ཅོག་རྒྱལ་པོ་ནས། མཐའ་བཞི་སྟོན་པ། རྡོ་རྗེ་དྲག་པོ། རྡོ་རྗེ་ཐོད་འཕྲེང་། རོལ་བའི་རྡོ་རྗེ། གློ་བོ་ལོ་ཙཱ་བ་ཤེས་རབ་རིན་ཅེན། འགྲོ་མགོན་འཕགས་པ་མན་གོང་ལྟར། ཡང་ན་འཁོན་དཀོན་ཅོག་རྒྱལ་པོ་ནས། གློ་བོ་རྡོ་རྗེ་སྲིན་པོ། གློ་བོ་རྡོ་རྗེ་འཛིན་པ། གློ་བོ་ལོ་ཙཱ་བ་མན་གོང་ལྟར། གློ་བོ་ལོ་ཙཱ་བས་བལ་པོའི་པཎྜི་ཏ་རཏྣ་ཤྲཱི་ལ་གསན་ཟེར་བ་གསན་ཡིག་ན་འདུག་ཀྱང་། འདི་ཡན་གྱི་བརྒྱུད་པ་མ་རྙེད། ཡང་ན་ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་པདྨ་འབྱུང་གནས། འཁོན་ཀླུའི་དབང་པོ་སྲུང་། འཁོན་རྡོ་རྗེ་རིན་ཅེན་མན་གོང་ལྟར། ཡང་ན་རྡོ་རྗེ་རིན་ཅེན་ནས། ཤེས་རབ་ཡོན་

ཏན། ཚུལ་ཁྲིམས་རྒྱལ་པོ་མན་གོང་ལྟར། སྨད་ལས་དྲག་པོ་སྒྲོལ་བའི་དབང་གི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། པད་མ་ཐོད་འཕྲེང་ལ། སྣ་ནམ་རྡོ་རྗེ་བདུད་འཇོམས། འཁོན་ཀླུའི་དབང་པོ་སྲུང་། དགེ་སྐྱབས། དགེ་མཐོང་། བལ་པོ། ཤཱཀྱ་བློ་གྲོས། དཀོན་ཅོག་རྒྱལ་པོ། ས་ཆེན། སློབ་དཔོན་རིན་པོ་ཆེ། རྗེ་བཙུན་ཆེན་པོ། ས་པཎ། འཕགས་པ། དགའ་ལྡན་པ་ཀུན་བསོད། གན་པ་རིན་རྒྱལ། བླ་མ་དམ་པ་བསོད་ནམས་རྒྱལ་མཚན། ཏ་དབེན་ཀུན་དགའ་ལེགས་པ། སྐྱི་བཛྲ་རཏྣ། བླ་མ་འཇམ་དབྱངས་བློ་གྲོས། བྲག་ཐོག་པ་དཔལ་འཛིན་བཟང་པོ། ཐམས་ཅད་མཁྱེན་པ་ཀུན་དགའ་རྣམ་རྒྱལ། སློབ་དཔོན་རྣམ་རྒྱལ་རིན་ཅེན། ཡངས་པ་ཅན་པ་རྒྱ་སྟོན་བྱང་ཆུབ་དབང་རྒྱལ། བླ་མ་ཤཱཀྱ་ཀུན་དགའ་མན་གོང་ལྟར། ཡང་ན་སྣ་ནམ་རྡོ་རྗེ་བདུད་འཇོམས་ནས། ཁམས་སྒོམ་མཆོག་གི་ལེགས་པ། འཁོན་རོག་ཤེས་རབ་ཚུལ་ཁྲིམས། མཆོག་གི་སེམས་དཔའ། དཀོན་ཅོག་རྒྱལ་པོ། མཐའ་བཞི་སྟོན་པ་ཨ་སུ་མེ། བཟང་པོ་ཤེས་རབ། གློ་བོ་ལོ་ཙཱ་བ་ཤེས་རབ་རིན་ཅེན། བླ་མ་རིན་པོ་ཆེ། བདེ་བ་ཅན་པ་ཡེ་ཤེས་མགོན་པོ། ཕུལ་མར་བ་རིག་པ་སྙིང་པོ། ཆོས་རྗེ་རྩེ་རི་པ། སྐྱི་བཛྲ་རཏྣ་མན་གོང་ལྟར། ཡང་ན་སྤྲུལ་སྐུ་པདྨ་ཐོད་འཕྲེང་ནས། འཁོན་ཀླུ་དབང་སྲུང་། རྡོ་རྗེ་རིན་ཅེན། ཤེས་རབ་ཡོན་ཏན། ཚུལ་ཁྲིམས་རྒྱལ་པོ། རྡོ་རྗེ་གཙུག་ཏོར། དགེ་སྐྱབས་མན་གོང་ལྟར། ཡང་ན་ཤཱཀྱ་བློ་གྲོས་ནས། འཁོན་ཤེས་རབ་ཚུལ་ཁྲིམས། དཀོན་ཅོག་རྒྱལ་པོ་མན་གོང་ལྟར། ཡང་ན་འཕགས་པ་ནས། འོད་ལྡན་དཔལ། བུ་ལུང་པ། ལོ་མཆོག་པ། དགའ་ལྡན་པ་ཀུན་བསོད་

མན་གོང་ལྟར་རོ། ༈ །དཔལ་ལྡན་བླ་མ་དམ་པས་མཛད་པའི་ཕུར་པའི་མངོན་རྟོགས་རྒྱས་པ་བཀླགས་པས་དོན་གྲུབ། འབྲིང་པོ་དོན་གྲུབ་སྙིང་པོ། བསྡུས་པ་ཡང་སྙིང་ལྷན་སྐྱེས་གསལ་བ། དབང་ཆོག་རྟོགས་པར་སླ་བ་རྣམས་ཀྱི་ལུང་ནོས་པའི་བརྒྱུད་པ་ནི། བླ་མ་དམ་པ་བསོད་ནམས་རྒྱལ་མཚན། ཐེག་ཆེན་ཆོས་རྗེ་ཀུན་དགའ་བཀྲ་ཤིས། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། འཇམ་དབྱངས་བྱང་ཆུབ་དབང་རྒྱལ། བླ་ཆེན་ཤཱཀྱ་ཀུན་དགའ། ཀུན་བཟང་རྩེ་པ་དབང་ཕྱུག་རྒྱལ་མཚན། ཀུན་བཟང་རྩེ་པ་པཎ་ཆེན་བསོད་ནམས་མཆོག་ལྡན། རྡོ་རྗེ་འཆང་ཞ་ལུ་བ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ །རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱིས་དྲུང་ཆོས་རྗེ་པའི་གསུང་བཞིན་བཀོད་པའི་ཡི་གེའི་སྟེང་ནས། དཀར་མོ་ཉི་ཟླ་དང་བདུད་རྒྱལ་ཐོད་འཕྲེང་གི་སྐུ་དང་གསུང་གི་བྱིན་རླབས་འཕྲིན་ལས་གཏོར་མའི་བཀའ་བསྒོ་དང་བཅས་པའི་རྗེས་གནང་ལུང་གི་སྐོར་ལ། དཀར་མོ་ཉི་ཟླ་སྟོང་གི་འཕྲེང་བ་ཅན་གྱི་བསྙེན་པའི་ཡི་གེ་རྫོགས་བྱང་གི་མཐའ་ཅན། མ་མོ་ཐམས་ཅད་བསྒྲུབས་པས་འགྲུབ་པ་དཀར་མོའི་སྒྲུབ་ཐབས། བསྐང་བའི་ལག་ལེན། དཀར་མོས་འཁོན་རོག་ཤེས་རབ་ཚུལ་ཁྲིམས་ལ་ཞལ་བསྟན་ནས་གནང་བའི་བསྙེན་པའི་མན་ངག །བདུད་རྒྱལ་གྱི་རྒྱུད་ལེའུ་བདུན་པ་སྲོག་གི་བཤན་པ། བདུད་སྤུ་གྲི་མཆེད་གསུམ་གྱི་སྒྲུབ་པ་དབུ་ན་བཅའ་གཞི་གཞུང་ནས་བཤད་པ་ལྟར་བྱ་ཞེས་དང་། མཇུག་ཏུ་གདབ་ལས་གྲུ་གསུམ་དབུས་སུ་

བྱའོའི་མཐའ་ཅན། ནག་པོ་གསུམ་གྱི་མན་ངག །བསྐང་པ་དད་པ་དམ་ཚིག་མ། བསྐུལ་དམ་ཚིག་ཆེན་པོ་མ། ལྷ་དང་ཕྲལ་བའི་མན་ངག །ནག་པོ་སྲོག་གི་སྤུ་གྲིའི་ཡིག་སྣ་མན་ངག་ཉིང་ཁུ། སྤུ་གྲི་ནག་པོའི་ངན་སྔགས། དཀར་བདུད་ཀྱི་གཏོར་ཆོག་རྗེ་བཙུན་ཆེན་པོའི་ཕུར་པའི་སྒྲུབ་ཐབས་ནས་ཟུར་དུ་ཕྱུང་བ། ཕུར་སྲུང་གི་གཏོར་ཆོག་བླ་མ་མཉམ་མེད་པའི་ཕུར་པའི་མངོན་རྟོགས་ནས་ཟུར་དུ་ཕྱུང་བ། འཁོན་ཤེར་བཟང་གིས་མཛད་པའི་དཀར་བདུད་ལྕམ་དྲལ་གྱི་གཏོར་ཆོག་དང་བསྐང་བ། ཡར་ཀླུངས་པ་སེང་གེ་རྒྱལ་མཚན་གྱིས་མཛད་པའི་རྗེས་གནང་ཡི་གེ་དང་བཅས་པ་ལེགས་པར་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་གཞོན་ནུ། ཀརྨ་ཧེ་རུ་ཀ །རིགས་ཀྱི་རྡོ་རྗེ་འཆང་། སློབ་དཔོན་ཨུ་པ་རཱ་ཛ། སློབ་དཔོན་པྲ་ཧ་སྟི། སློབ་དཔོན་དྷ་ན་སཾ་སྐྲྀ་ཏ། ཨོ་རྒྱན་པདྨ་ཐོད་འཕྲེང་། འཁོན་ཀླུ་དབང་སྲུང་། འཁོན་རྡོ་རྗེ་རིན་ཅེན། འཁོན་ཤེས་རབ་ཡོན་ཏན། འཁོན་ཡོན་ཏན་འབྱུང་གནས། འཁོན་ཚུལ་ཁྲིམས་རྒྱལ་པོ། འཁོན་རྡོ་རྗེ་གཙུག་ཏོར། འཁོན་དགེ་སྐྱབས། འཁོན་དགེ་མཐོང་། འཁོན་བལ་པོ། འཁོན་ཤཱཀྱ་བློ་གྲོས། འཁོན་རོག་ཤེས་རབ་ཚུལ་ཁྲིམས། འཁོན་དཀོན་ཅོག་རྒྱལ་པོ། འཁོན་ཀུན་དགའ་སྙིང་པོ། འཁོན་བསོད་ནམས་རྩེ་མོ། འཁོན་གྲགས་པ་རྒྱལ་མཚན། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་རིན་རྒྱལ། འཁོན་བླ་མ་དམ་པ། ལྡོང་སེང་གེ་རྒྱལ་མཚན། ལྡོང་བསོད་ནམས་རྒྱལ་མཆོག །འཁོན་ནམ་མཁའ་རྒྱལ་མཚན། འཁོན་བློ་གྲོས་རྒྱལ་མཚན། ལྷ་ཀུན་སྤངས་རྡོ་རིངས་པ། ལྡོང་བློ་གསལ་རྒྱ་མཚོ། འ་ཞ་མཁྱེན་བརྩེའི་དབང་

ཕྱུག །འ་ཞ་དབང་ཕྱུག་རབ་བརྟན། འ་ཞ་མགོན་པོ་བསོད་ནམས་མཆོག་ལྡན། ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཡང་ན་པདྨ་ཐོད་འཕྲེང་ནས། སྣ་ནམ་རྡོ་རྗེ་བདུད་འཇོམས། འཁོན་རྡོ་རྗེ་རིན་ཅེན་མན་གོང་ལྟར། ཡང་ན་རྗེ་བཙུན་ཆེན་པོ་ནས། འཁོན་ཀུན་དགའ་རྒྱལ་མཚན། འཁོན་བློ་གྲོས་རྒྱལ་མཚན། མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཀུན་སྤངས་ཆོས་གྲགས་དཔལ། མ་ཏི་པཎ་ཆེན། བླ་མ་བྱང་སེམས་པ། འཁོར་ཀུན་དགའ་བཀྲ་ཤིས། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། མཐུ་ཆེན་རྡོ་རྗེ་གདན་པ། རྗེ་རིན་ཅེན་རྣམ་རྒྱལ། སློབ་དཔོན་ཤཱཀྱ་ཀུན་དགའ། བླ་མ་ཡེ་ཤེས་དབང་པོ། ཡོངས་འཛིན་ཚུལ་ཁྲིམས་བཀྲ་ཤིས། འ་ཞ་མགོན་པོ་བསོད་ནམས་མཆོག་ལྡན་མན་གོང་ལྟར། ཉེ་བརྒྱུད་དུ་བྱེ་ན། ཀུན་ཏུ་བཟང་པོ། སྲིད་པ་བདེ་འགྲོ། དཀར་མོ་ཉི་ཟླ། འཁོན་རོག་ཤེས་རབ་ཚུལ་ཁྲིམས་མན་གོང་ལྟར་རོ། ༈ །ཕུར་པ་བཀའ་མ་ཇོ་མོ་ལུགས་དང་རོང་ལུགས་ཀྱི་བརྒྱུད་པ་གཉིས་ལྡན་དཔྱལ་ལུགས་སུ་གྲགས་པ་དཔལ་ཆེན་རྡོ་རྗེ་གཞོན་ནུའི་སྨིན་བྱེད་ལ། དབང་ལུགས་སུ་གྲགས་པའི་དབང་བཞི་ཡོངས་རྫོགས། སྒྲུབ་ལུགས་སུ་གྲགས་པའི་ཕུར་པའི་དབང་། དྲག་པོའི་སྒྲོལ་དབང་དང་བཅས་སྣ་གྲངས་མང་དུ་འདུག་པ་ལས། དཔྱལ་ཀུན་མཁྱེན་ཆེན་པོས་མཛད་པའི་ཆོ་གའི་རིམ་པ་དགོས་འདོད་འབྱུང་བའི་རིན་ཅེན་འཕྲེང་བསྒྲིགས་རབ་གསལ་གྱི་ཡི་གེའི་སྟེང་ནས། རས་བྲིས་ཀྱི་དཀྱིལ་འཁོར་དུ་དབང་ལུགས་སུ་གྲགས་པའི་སྟ་གོན་དང་འཇུག་པ་སྔོན་དུ་འགྲོ་བའི་ཐུན་མོང་བ་རིག་

པའི་དབང་ལྔ། ཕྱག་མཚན་གྱི་དབང་། ཐུན་མོང་མ་ཡིན་པ་རྡོ་རྗེ་སློབ་དཔོན་གྱི་དབང་། མཐའ་རྟེན་རིགས་ལྔའི་ཆོས་བཤད་ཀྱི་རྗེས་གནང་། གསང་དབང་མཐའ་རྟེན་དུ་ལུང་བསྟན། ཤེས་རབ་ཡེ་ཤེས་ཀྱི་དབང་། མཐའ་རྟེན། དབུགས་དབྱུང་། ཚིག་དབང་། དམ་ཚིག་སྒྲག་པ་དང་བཅས་ཐོབ་པའི་བརྒྱུད་པ་ནི། དཔལ་ཀུན་ཏུ་བཟང་པོ། བཅོམ་ལྡན་འདས་རྡོ་རྗེ་གཞོན་ནུ། སློབ་དཔོན་ཆེན་པོ་དྷ་ན་སཾ་སྐྲྀ་ཏ། སློབ་དཔོན་དྷ་ན་ཨུ་པ་ཡ། སློབ་དཔོན་མཆོག་སྲེད། སློབ་དཔོན་ཆེན་པོ་པདྨ་འབྱུང་གནས། ཇོ་མོ་མཁར་ཆེན་བཟའ་འཚོ་རྒྱལ། སྣ་ནམ་རྡོ་རྗེ་བདུད་འཇོམས། རྒྱ་ཡེ་ཤེས་བློ་གྲོས། དམ་འདྲེ་ཡེ་ཤེས་རྒྱལ་མཚན། དམ་འདྲེ་ཀླུའི་རྒྱལ་མཚན། དམ་འདྲེ་ཤེས་རབ་གསལ་བ། སློབ་དཔོན་ལང་ལབ་བྱང་ཆུབ་རྡོ་རྗེ། སྐྱི་བན་བྱང་ཆུབ་རིན་ཅེན། བླ་མ་སྟོང་གསུམ་སྒོམ་ཆེན། ཐག་བཙུན་ཤེས་རབ་འོད་ཟེར། གནུབས་སྨན་བཙུན། རྒྱ་ཆོས་ཀྱི་གྲགས་པ། ཡོལ་ལྕགས་བརྒྱད་སྟོང་འབར། ཕོ་རོག་པ་ཆོས་ཀྱི་རྡོ་རྗེ། ཕོ་རོག་པ་མདོ་སྡེ་བཙན། ཕོ་རོག་པ་མདོ་སྡེ་མགོན་པོ། བླ་མ་ཉི་མ་འབུམ། རིན་པོ་ཆེ་དོན་གྲུབ་གཞོན་ནུ། ཕ་རྒོད་རྗེ་བཙུན་རིན་པོ་ཆེ་དཔྱལ་ཀུན་དགའ་ཉི་མ་དཔལ་བཟང་པོ། དཔྱལ་ཀུན་མཁྱེན་ཆེན་པོ་ཆོས་རྒྱལ་ཤེས་རབ་དཔལ་བཟང་། མཁན་ཆེན་དཀའ་བཞི་པ་གཞོན་ནུ་རྒྱལ་མཚན། དཔྱལ་ཀུན་མཁྱེན་གྱི་སྐུ་སྐྱེ་འཁྲུལ་ཞིག་ཚུལ་ཁྲིམས་རྒྱལ་མཚན། ཞ་ལུ་དཀའ་བཞི་པ་རིན་ཅེན་མཆོག་གྲུབ་དཔལ་འབར། དཔྱལ་ཀུན་མཁྱེན་པའི་སྐུ་སྐྱེ་གཉིས་པ་རྒྱལ་ཡུམ་ཚུལ་ཁྲིམས་བཟང་མོ། བླ་མ་སྐྱོ་སྟོན་ཆེན་པོ་དཔལ་འབྱོར་བཟང་པོ། གནུབས་སྒོམ་སྦས་པའི་

རྣལ་འབྱོར་སྨོན་ལམ་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །དཔྱལ་ཀུན་མཁྱེན་པའི་སྐུ་སྐྱེ་གསུམ་པ་རྡོ་རྗེ་འཆང་དབང་ཕྱུག་རབ་བརྟན། གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཁྱབ་བདག་ཁྲ་ཚང་བ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་རོང་ལུགས་ཀྱི་བརྒྱུད་པ་ནི། ཨོ་རྒྱན་ཆོས་ཀྱི་རྒྱལ་པོ། སྣ་རྣམ་རྡོ་རྗེ་བདུད་འཇོམས་ཡན་གོང་ལྟར་ལ། དེ་ནས་མཁར་ཆེན་དཔལ་གྱི་དབང་ཕྱུག །ཨཱ་ཙཪྻ་དཔལ་གྱི་མེ་ཏོག །སྒྲོ་རྡོ་རྗེ་གཞོན་ནུ། ཞང་ཞུང་ཡོན་ཏན་གྲགས། རོང་བན་ཡོན་ཏན་རིན་ཅེན། རོང་བན་རིན་ཅེན་ཚུལ་ཁྲིམས། རོང་ཟོམ་ཆོས་ཀྱི་བཟང་པོ། ཡོལ་དགེ་བསྙེན་དབང་ཕྱུག །ཡོལ་ལྕགས་གྲུབ་ཐོབ། རྒྱ་སྟོན་སྟོང་འབར། རྣལ་འབྱོར་གཞུང་པ། ཕོ་རོག་མདོ་སྡེ་མགོན། ཡོལ་ལྕགས་སངས་རྒྱས་ཉི་མ་འབུམ། དོན་གྲུབ་གཞོན་ནུ། དཔྱལ་འཕགས་པ་དཔལ། དཔྱལ་ཀུན་དགའ་ཉི་མ། དཔྱལ་ཀུན་མཁྱེན་ཆེན་པོ་མན་སྔར་བཞིན་ནོ། །ཉེ་བརྒྱུད་བྱེད་ན། རོང་བན་ཡོན་ཏན་རིན་ཅེན་གྱིས་སློབ་དཔོན་ཆེན་པོ་པདྨ་འབྱུང་གནས་དངོས་ལ་ཐུག་མི་ཡུལ་དུ་ལོ་སུམ་བརྒྱ་བཞུགས་ཏེ། མཐར་སྐུ་ལུས་མ་སྤངས་པར་མཁའ་སྤྱོད་དུ་གཤེགས། དེའི་སྲས་རོང་བན་རིན་ཅེན་ཚུལ་ཁྲིམས་ཀྱིས་ལོ་ཕྱེད་དང་ཉིས་བརྒྱ་བཞུགས། དེའི་སྲས་རོང་ཟོམ་ཆོས་བཟང་གིས་ལོ་བརྒྱ་དང་བཅུ་དགུ་བཞུགས་ནས་བགྲེས་རྒུད་མི་མངའ་བའི་ངང་ལ་སྐུ་གཤེགས་པས་འདི་ལ་གྲུབ་ཐོབ་ཟམ་མ་ཆད་པའི་བརྒྱུད་པ་ཞེས་གྲག་གོ

གནུབས་སངས་རྒྱས་ཡེ་ཤེས་ཀྱི་གདམས་པ་འཇམ་དཔལ་ཕྱག་རྒྱ་ཟིལ་གནོན་དུ་བ་དུམ་བུའི་སྐོར།

དྲག་སྔགས་ཀྱི་བདག་པོ་གནུབས་སངས་རྒྱས་ཡེ་ཤེས་ཀྱི་གདམས་པ་འཇམ་དཔལ་ཕྱག་རྒྱ་ཟིལ་གནོན་དུ་བ་དུམ་བུའི་སྐོར་ལ། གཤིན་རྗེ་གཤེད་ཀྱི་གསང་བའི་འཁྲུལ་འཁོར་ཁོལ་དུ་ཕྱུང་པ་མན་ངག་དུ་བ་དུམ་བུ་ཞེས་པར་ནང་གསེས་ཀྱི་ཕྱི་ལྟར་དགྲ་བགེགས་དང་དམག་འཆིང་བ། ནང་ལྟར་ཁྲོམ་འཆིང་བ། གསང་བ་ལྟར་ཇག་རྐུན་འཆིང་བ། དུ་བ་དུམ་བུ་ཟིལ་གནོན་རྩ་བའི་སྒོམ་ཐབས་ལྷ་སྔགས་ཀྱི་མན་ངག །བསྐུལ་མཐིང་ནག་མེ་དཔུང་མ། རྟགས་ཚད་ཀྱི་ཡི་གེ །སྒྲུབ་པའི་བཅའ་བཞི། སྒྲུབ་ཚུལ་གྱི་ཕྱག་ལེན་འབྲི་གུང་ཆོས་རྒྱལ་རིན་ཅེན་ཕུན་ཚོགས་ཀྱིས་མཛད་པ། ལས་བྱང་འབྲི་གུང་པ་དབུར་སྨྱོན་ཆོས་ཀྱི་གྲགས་པས་མཛད་པ། ཕོ་འཁོར་མོ་འཁོར། ཕོ་ལིང་མོ་ལིང་དང་བཅས་པ་ཐོབ་པའི་བརྒྱུད་པ་ནི། རྡོ་རྗེ་འཆང་། འཇམ་དབྱངས། འཇམ་དཔལ་བཤེས་གཉེན། གཙུག་ལག་དཔལ་དགེ །བ་སུ་དྷ་ར། གནུབས་སངས་རྒྱས་ཡེ་ཤེས། གནུབས་ཡོན་ཏན་རྒྱ་མཚོ། གནུབས་པདྨ་དབང་རྒྱལ་ནས་རིམ་པར། ཆོས་རྒྱལ་རིན་ཅེན་ཕུན་ཚོགས། བླ་མ་བཙན་གཡག་སྤྲུལ་སྐུ། ཞབས་དྲུང་ནཱ་རོ་པ། རིག་འཛིན་ཆོས་ཀྱི་གྲགས་པ། མཁས་གྲུབ་དཀོན་ཅོག་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། །འཇམ་དཔལ་གཤིན་རྗེ་ཀིང་ཀང་ནག་པོ་གསང་བ་མྱུར་མགྱོགས་སྟག་བྱང་མ་ཆེས་ཤིན་ཏུ་རྣོ་ཞིང་ཟབ་པའི་གཞུང་བཅའ་གཞི་དཔེ་རིས་བཅས་ཐོབ་པ་ནི། རྡོ་རྗེ་འཆང་། སློབ་དཔོན་དེ་ཝ་ཙནྡྲ། གནུབས་བན་སངས་རྒྱས་ཡེ་ཤེས་ནས་རིམ་པར། ཆོས་རྒྱལ་རིན་ཅེན་ཕུན་ཚོགས་མན་གོང་བཞིན་ནོ། ༈ །སུམ་སྟོན་ཆེན་པོས་མཛད་པའི་དཀར་ཆག་གསལ་བའི་སྒྲོན་མེ་ལས། ཕྱོགས་དུས་རྒྱལ་བའི་ཐུགས་རྗེ་གཅིག་བསྡུས་པ། །གནས་ལྔའི་མཆོག་གྱུར་

གངས་ཅན་འགྲོ་བའི་དཔལ། །དུག་གསུམ་ནད་སེལ་སྨན་རྒྱལ་ཀུན་ཏུ་བཟང་། །དབྱེར་མེད་གུ་ཎས་ཕྱི་རབས་དུས་ཀྱི་མཐར། །བསྐལ་པའི་ཆ་ཉམས་འབྱུང་བའི་བཅུད་ཤོར་བས། །དུག་ལྔ་མེ་འབར་སྤྱོད་ངན་སྡིག་ལ་སྤྱོད། །ལྷ་སྲིན་འཁྲུགས་པས་སྣ་ཚོགས་ནད་ཀྱི་རིགས། །བསམ་གྱིས་མི་ཁྱབ་མིང་འདོགས་མི་ཤེས་པས། །སྐྱེ་འགྲོ་བདེ་བའི་སྐབས་མེད་སྐྱོབ་ཕྱིར་དུ། །འབུམ་ཕྲག་གསོ་རིག་ཡང་བཅུད་གཞུང་འགྲེལ་ལས། །ཡང་སྙིང་སྙན་བརྒྱུད་མེད་ཐབས་མེད་རྣམ་གསུམ། །དེ་ཡི་སྨན་གྱི་མཆོད་བསྟོད་སྒྲུབ་གསུམ་སྟེ། །དེ་ལ་ཕྱི་ནང་གསང་བ་ཡང་གསང་སྒྲུབ། །སྡུག་བསྔལ་མུན་སེལ་ཐུགས་རྗེའི་ཉི་འོད་ལས། །ཞེས་པ་ལྟར་སྙིགས་མ་ལྔ་ཆེས་ཆེར་བདོ་བའི་འགྲོ་བ་རྣམས་ཀྱི་མགོན་སྐྱབས་དཔུང་གཉེན་དུ་རིགས་འདུས་སྨན་གྱི་བླ་མ་མིའི་གཟུགས་སུ་བྱོན་པ་རྒྱལ་བའི་སྲས་པོ་རྗེ་བཙུན་གཡུ་ཐོག་པ་ཡོན་ཏན་མགོན་པོ་ཞེས་ངོ་མཚར་བའི་བཀོད་པ་བསམ་གྱིས་མི་ཁྱབ་པ་དངོས་སུ་སྟོན་པར་མཛད་པའི་མཆོག་གི་སྤྲུལ་པའི་སྐུ་དེའི་ཐུགས་ཀྱི་དགོངས་པའི་ཀློང་ནས་ཉམས་ཆོས་ཀྱི་ཚུལ་དུ་རྡོལ་བའི་གདམས་སྐོར་ནི། ཐུགས་རྗེ་ཉི་འོད་ཆོས་ཚན་སུམ་ཅུ་ལྔ། །རྩ་བ་གསུམ་གྱི་ཐུགས་སྲོག་གཅིག་དྲིལ་འདི། །དུས་གསུམ་རྒྱལ་བའི་སྲོག་སྒྲུབ་མཐར་ཐུག་ཡིན། །སྐལ་ལྡན་ལས་འཕྲོ་ཅན་གྱི་སྙིང་ལ་ཆོངས། །ཞེས་ཟབ་པ་ལས་ཀྱང་ཆེས་ཟབ་པ་གཡུ་ཐོག་སྙིང་ཐིག་གི་ཆོས་སྐོར་བ། དབང་ཆོག་བདེ་ཆེན་གློང་ཡངས་ཀྱི་སྟེང་ནས་རས་བྲིས་ཀྱི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་ཅོད་པན། བུམ་པ། དབུ་རྒྱན། གོས་རྒྱན། སྨན་རག་གཏོར་ཚོགས་རྔ་ཆེན། རྒྱུད་

ཀྱི་གླེགས་བམ། ཀ་པཱ་ལ་མེ་ལོང་སྨན་བཅས། གཙགས་བུ །མེ་བཙའ། སྐམ་པ། མཚོན། ཀྱུང་བུ། ཐུར་མ་སྟེ་ཆ་དཔྱད་ཀྱི་དབང་། རིགས་ལྔའི་ཕྱག་མཚན། ལྷུང་བཟེད། གྲི་གུག་ཐོད་ཁྲག་རྣམས་ཀྱི་ཕྱིའི་དབང་། རིགས་འདུས་ལྷ་དབང་། ཡེ་ཤེས་ལྔའི་དབང་། དྲང་སྲོང་བཀའ་སྲུང་དང་བཅས་པས་ནང་གི་དབང་། བྱང་ཆུབ་ཀྱི་སེམས་ཀྱི་གསང་དབང་། ཕྱག་རྒྱའི་དཀྱིལ་འཁོར་དུ་རིག་པ་བརྟུལ་ཞུགས་ཀྱི་དབང་། རྡོར་དྲིལ་མེ་ལོང་མེ་ཤེལ་ལ་བརྟེན་ནས་རིག་པ་ཡེ་ཤེས་ཀྱི་དབང་། ལྟ་སྒོམ་སྤྱོད་པ་འབྲས་བུ་ངོ་སྤྲོད་དེ་ཁོ་ན་ཉིད་ཀྱི་དབང་། ཚེ་དབང་འཆི་བདག་བདུད་འཇོམས་ལྷན་ཐབས་དང་བཅས་པའི་སྟེང་དུ་དབང་ཆོག་ཆེན་མོ་ནས་འཇུག་པ་ཁ་བསྐངས་ཏེ། བུམ་པ། ལྷ་དབང་། དཔལ་གཏོར། ཚེ་ཆང་། གོ་ཁྲབ། རྒྱས་གདབ་དང་བཅས་པའི་འཆི་མེད་ཚེ་དབང་། སྨན་གྱི་ལྷ་མོའི་རྗེས་གནང་། དྲང་སྲོང་སེར་སྐྱའི་རིགས་གཏད་རྣམས། རྒྱབ་རྟེན་ལུང་ལ། སུམ་སྟོན་ཆེན་པོས་མཛད་པའི་ཐེམས་བྱང་གསལ་བའི་སྒྲོན་མ། དེ་ལས་བྱུང་བའི་གདམས་སྐོར་ལ། ཁུངས་བཙུན་པ་ལོ་རྒྱུས། སྨིན་པར་བྱེད་པ་དབང་། མཆོག་ཐུན་མོང་དངོས་གྲུབ་སྒྲུབ་པ་སྒྲུབ་ཐབས། མགྲོན་ཚིམ་ཞིང་དངོས་གྲུབ་འབྱུང་བ་འཕྲིན་ལས། ཚེ་གཅིག་སངས་རྒྱས་སྒྲུབ་པའི་རྫོགས་རིམ། མ་ཚང་བ་ཚང་བར་བྱེད་པ་ཁ་སྐོང་། བར་ཆད་འཇིགས་པ་སེལ་བ་ཚེ་སྒྲུབ་བསྲུང་སྲེག །གཞན་དྲིང་མི་འཇོག་པར་ནད་གསོ་བ་སྨན་གྱི་པྲ་སྒྲུབ། དགྲ་བོ་ཆམ་ལ་འབེབས་པ་བཀའ་སྲུང་དང་དགུ། དང་པོ་ནི། དཀར་ཆག་ལས། ཀུན་གྱི་ཐུན་མོང་ཐོག་མ་ལོ་རྒྱུས་ནི། གདུལ་བྱ་ངེས་ཤེས་འདྲེན་བྱེད་ལྕགས་ཀྱུ་ཡིན། །ཞེས་པ་ལྟར། སུམ་

སྟོན་ཆེན་པོས་མཛད་པའི་ལོ་རྒྱུས་ངེས་ཤེས་འདྲེན་བྱེད་དགེ་བའི་ལྕགས་ཀྱུ། གཉིས་པ་སྨིན་པར་བྱེད་པ་དབང་ནི། བདེ་ཅན་ཀློང་ཡངས་སྐལ་ལྡན་སྨིན་པར་བྱེད། །བློ་ཆུང་དོན་དབང་མདོར་བསྡུས་དེ་དོན་ཚང་། །རྡོ་རྗེ་རྒྱ་མདུད་དམ་ཚིག་གསང་སྔགས་སྲོག །ཅེས་པ་ལྟར། དབང་ཆོག་ཆེན་མོ་བདེ་ཆེན་ཀློང་ཡངས་དབང་བཞི་སྟན་ཐོག་གཅིག་ཏུ་བསྐུར་ཐབས་དམ་ཅན་སྡེ་དགུའི་སྲོག་དབང་དང་བཅས་པ། སྨིན་བྱེད་དོན་དབང་མདོར་བསྡུས་ཞེས་དྲིལ་སྒྲུབ་ཀྱི་དབང་ཟབ་མོ་གུད་དུ་བཀོལ་བ། གསང་སྔགས་སྲོག་རྩ་དམ་ཚིག་རྣམ་བཤད་རྡོ་རྗེའི་རྒྱ་མདུད་རྣམས། གསུམ་པ་མཆོག་ཐུན་དངོས་གྲུབ་སྒྲུབ་པའི་སྒྲུབ་ཐབས་ནི། བསྐྱེད་རིམ་ཕྱི་ནང་གསང་བ་དྲིལ་སྒྲུབ་དང་། །མཁའ་འགྲོའི་སྒོས་སྒྲུབ་རིགས་ལྔའི་མངོན་རྟོགས་བསྡུས། །ཞལ་གདམས་གཉིས་བཅས་གསང་སྒྲུབ་རྩ་བ་ཡིན། །སྐལ་ལྡན་མཆོག་ཐུན་དངོས་གྲུབ་འདོད་རྒུ་སྒྲུབ། །ཅེས་པ་ལྟར། ལམ་མཆོག་ཟབ་མོ་བླ་སྒྲུབ་སྡུག་བསྔལ་མུན་སེལ་ཐུགས་རྗེ་ཉི་འོད་ཀྱི་ཕྱི་སྒྲུབ་ཡིད་བཞིན་ནོར་བུ་ཞེས་པ་རྗེ་བཙུན་གུ་ཎ་ལ་ལྷ་མོ་བཞིས་བསྐོར་བ། དེའི་ཞར་བྱུང་གི་ལས་ཚོགས་སུ། སྟེང་གདོན་ཞི་བ། འོག་གདོན་ཞི་བ། མོ་གདོན་ཞི་བ། ཞེ་སྡང་ཞི་བ། འདོད་ཆགས་ཞི་བ། གཏི་མུག་ཞི་བ། མཁལ་མ། ཕོ་བ། མཆེར་པ། ཕོ་མཆིན། སྙིང་། གློ་བ། མིག །སྣ། ལྕེ། རྣ་བ། ལུས་ན་བ་རྣམས་ཞི་བར་བྱེད་པ། ཚེ་ལོངས་སྤྱོད། དབང་ཐང་། འཁོར་རྣམས་རྒྱས་པ། བུད་མེད། གོས་ནོར་རྫས་དབང་དུ་བསྡུ་བ། དྲག་པོས་ཚར་གཅོད་པ། བུམ་ཁྲུས་ཀྱིས་ནད་སེལ་བ། ནད་པ་ལ་བྱིན་རླབས་བྱ་བ་ལམ་བསྲུང་བ་དང་བཅས་པ། ནང་སྒྲུབ་ཁྱད་པར་ཅན་སངས་རྒྱས་

སྨན་གྱི་བླ་ལུས་དཀྱིལ་དང་བཅས་པ། འདོད་རྒུ་ཀུན་འབྱུང་བ། གསང་སྒྲུབ་ཁྱད་པར་ཅན་རིག་པའི་ཡེ་ཤེས་རིགས་ལྔར་སྒྲུབ་ཐབས་ཞར་བྱུང་དུ་ཚེ་བསྒྲུབ་པ་དང་བཅས་པ་སྐལ་ལྡན་མྱུར་འདྲེན་དྲིལ་སྒྲུབ་རྒྱུན་འཁྱེར་ཡེ་ཤེས་འཁོར་ལོ་ཞེས་པ་བླ་མ་རིགས་འདུས་རྡོ་རྗེ་སེམས་དཔར་སྒྲུབ་པ་ཞར་བྱུང་འཆི་བླུ་དང་བཅས་པ། མཁའ་འགྲོ་རིགས་བཞིའི་སྒོས་སྒྲུབ་མདོར་བསྡུས་ཤིན་ཏུ་ཟབ་པ་སྣོད་མིན་ལ་གསང་བ། རིག་པའི་ཡེ་ཤེས་རིགས་ལྔའི་མངོན་རྟོགས་བསྡུས་པ། ནང་སྒྲུབ་ཀྱི་ཞལ་གདམས་སྙན་བརྒྱུད་ཟུར་དུ་གབ་པ་དངོས་གྲུབ་ཀྱི་རྫིང་བུ། གསང་སྒྲུབ་ཀྱི་ཞལ་གདམས་སྟན་ཐོག་གཅིག་མ་མཆོག་གི་བདེ་ལམ། གྲུབ་ཆེན་མ་ཧཱ་གུ་ཎའི་སྙན་བརྒྱུད་གསང་སྒྲུབ་ཁྱད་པར་ཅན་ཐོ་རེངས་སྐྱབས་འགྲོ་སེམས་བསྐྱེད་དབུ་ན་ཡོད་པ་གུད་དུ་སྦས་པ་རྣམས། དྷརྨ་སྭཱ་མིས་མཛད། བཞི་པ་མགྲོན་ཚིམ་ཞིང་དངོས་གྲུབ་འབྱུང་བ་འཕྲིན་ལས་ནི། ཕྱི་གཏོར་ལས་གཞུང་སྨན་གཏོར་ལྷན་ཐབས་ནི། མགྲོན་རིགས་ཀུན་ཚིམ་དངོས་གྲུབ་ཀུན་འབྱུང་བྱེད། ཅེས་པ་ལྟར། སྔོན་འགྲོ་ཕྱིའི་གཏོར་མ་བསྔོས་པས་ཀུན་ཚིམ། སྨན་རྒྱལ་གུ་ཎའི་བཀའི་གནང་བ་ཞུས་ནས་སུམ་སྟོན་གྱིས་ཆོག་སྒྲིགས་སུ་མཛད་པ་ལས་ཉུང་ངུར་བསྡུས་པའི་ལས་གཞུང་དངོས་གྲུབ་འབྱུང་གནས། བདུད་རྩི་སྨན་མཆོད་ཀྱི་ལྷན་ཐབས་རང་སེམས་སྐྱེ་མེད་མ། གཏོར་མའི་ལྷན་ཐབས་ཚོགས་གཉིས་མྱུར་རྫོགས་རྒྱལ་བ་ཀུན་དངོས་མ། རྩ་བ་གསུམ་གྱི་མདངས་སྐང་རིན་ཅེན་འོད་ཀྱི་དྲ་བ་ཀུན་འདུས་རྒྱལ་བ་མ་རྣམས། དྷརྨ་སྭཱ་མིས་མཛད། ལྔ་པ་ཚེ་གཅིག་སངས་རྒྱས་སྒྲུབ་པ་རྫོགས་རིམ་ནི། རྫོགས་རིམ་ཡང་ཟབ་མཁའ་འགྲོའི་སྲོག་སྙིང་འདི། །སྐལ་

ལྡན་ཚེ་གཅིག་མངོན་འཚང་རྒྱ་འདོད་སྒྲུབ། །ངོ་སྤྲོད་འཁོར་འདས་རང་སར་གྲོལ་ཉམས་ལོང་། །ཞེས་པ་ལྟར། རྫོགས་རིམ་སྐུ་གསུམ་རང་ཤར་ཞེས་པ་ལུས་ལྷ་སྐུར་ཤར་བ་རྩ་སྦྱོང་། ངག་སྔགས་སུ་འཆར་བ་རླུང་སྦྱོར་གྱི་འཁྲིད་ཡིག་ལ་གཏུམ་མོ། རྨི་ལམ། འོད་གསལ། རྒྱུ་ལུས། བར་དོ། འཕོ་བ། གྲོང་འཇུག །སེམས་ཆོས་སྐུར་འཆར་བ་ཐིག་ལེ་སྦྱོང་བའི་འཁྲིད་འོག་སྒོ་བདེ་ཆེན་གྱི་སྐོར་སོགས་མཁའ་འགྲོའི་སྲོག་ཏིག་གབ་པ་མངོན་ཕྱུང་ཚེ་གཅིག་ལ་འཚང་རྒྱ་བའི་གདམས་པ། ཉམས་ལེན་གྱི་གནད་ཐམས་ཅད་ངོ་སྤྲོད་གཅིག་ཏུ་བསྒྲིལ་བ་འཁོར་འདས་རང་གྲོལ་གྱི་གདམས་པ་རྣམས། དྲུག་པ་མ་ཚང་བ་ཚང་བར་བྱེད་པ་ཁ་སྐོང་ནི། གེགས་སེལ་ལམ་རྟགས་གསལ་བྱེད་གསོལ་འདེབས་ནི། བསྐྱེད་རྫོགས་ཐུན་མོང་མན་ངག་བྱིན་རླབས་འཇུག །ཅེས་པ་ལྟར། ཕྱི་འབྱུང་བ་ལུས་འཁྲུགས་ཀྱི་གེགས་སེལ། གསང་བ་བར་ཆད་བདུད་ཀྱི་གེགས་སེལ། དྷརྨ་སྭཱ་མིས་མཛད། བསྐྱེད་རྫོགས་ཉམས་སུ་ལེན་པའི་གང་ཟག་གི་ལམ་རྟགས་གསལ་བྱེད་ནོར་བུའི་སྒྲོན་མེ་སུམ་སྟོན་ཆེན་པོའི་གསུང་ལས་ཡི་གེ་ཉུང་ངུར་བསྡུས་པ། དྷརྨ་སྭཱ་མིས་མཛད། བླ་མའི་རྣལ་འབྱོར་བྱིན་རླབས་ཀྱི་ཆུ་བོ་ཕྱི་སྒྲུབ་ལས་བཟང་པོ་སྣོད་མིན་ལ་མི་སྟོན་པ་རྡོ་རྗེ་བདུད་འདུལ་དང་མཁའ་འགྲོ་ཅེ་སྤྱང་མཆུ་མར་གཉིས་ལ་བཀའ་རྒྱ་ཅན། དེའི་ཆ་ལག་བླ་མའི་རྣལ་འབྱོར་ཚར་རྗེས་སུ་གཏོར་མཆོད་འབུལ་བ། དྷརྨ་སྭཱ་མིས་མཛད། གཡུ་ཐོག་པའི་གསོལ་འདེབས་གང་སྐུ་གསང་ཆེན་མ་རྣམས། །བདུན་པ་བར་ཆད་སེལ་བ་ཚེ་སྒྲུབ་བསྲུང་སྲེག་ནི། །འཆི་བདག་བདུད་འཇོམས་ལྷན་ཐབས་སྦྱིན་སྲེག་དང་། །བསྲུང་འཁོར་དཔེ་ཆུང་བདག་གཞན་ཚེ་བསྲིང་ཞིང་། །ལས་མྱུར་འཇིགས་པ་

སྐྱབས་བྱེད་མན་ངག་ཡིན། །ཞེས་པ་ལྟར། གསང་བ་ཚེའི་སྒྲུབ་ཐབས་འཆི་བདག་བདུད་འཇོམས་འཆི་མེད་སྐུ་ཐོབ་ཤོག་གི་མཐའ་ཅན། དེའི་ལྷན་ཐབས་ཚེ་དབང་བསྐུར་ཆོག་གི་ཡི་གེ་དགྲ་བགེགས་གཞན་གྱི་སྨོས་ཅི་དགོས་པའི་མཐའ་ཅན། བསྙེན་སྒྲུབ་ཁ་སྐོང་སྦྱིན་སྲེག་ལས་ཀུན་མྱུར་འགྲུབ། གསུང་འཁོར་མུ་ཁྱུད་བདུན་པ་འཇིགས་པ་ཀུན་སྐྱོབ་རྣམས། བརྒྱད་པ་གཞན་དྲིང་མི་འཇོག་པར་ནད་པ་གསོ་བ་སྨན་གྱི་པྲ་སྒྲུབ་ནི། པྲ་སྒྲུབ་རྗེས་གནང་སྒབ་འདྲེ་མནན་པ་གསུམ། །འགྲོ་བ་སྤྲོ་བྱེད་ལས་སྦྱོར་དཔེ་རིས་གཉིས། །ཞེས་པ་ལྟར། ལྷ་སྨན་མཆེད་གསུམ་ཡེ་ཤེས་ཀྱི་ཁྱེའུ་ཆུང་དང་བཅས་པའི་པྲ་སྒྲུབ་དངུལ་དཀར་མེ་ལོང་སྣང་གསལ་སྒྲོན་མེ། ལྷ་སྨན་མཆེད་གསུམ་ཁྱེའུ་ཆུང་གི་རྗེས་གནང་བུ་ལ་མ་འཁོར། སྒབ་འདྲེ་ཐེ་བྲང་རྣ་ཉན་མཁན་པོ། དམ་སྲི་བྱ་གདོང་ཉུལ་ལེ། འདྲེ་མོ་ལུས་སེམས་འཕྲོག་བྱེད་གསུམ་མནན་ཐབས་མཐུ་སྟོབས་གསེར་གྱི་རི་བོ། དྲང་སྲོང་སེར་སྐྱ་སྤུན་གསུམ་གྱི་སྒྲུབ་ཐབས་ཁྱད་པར་ཅན་རྣམས། དྷརྨ་སྭཱ་མིའི་གསུང་དངོས་མིན་པ་འདྲ། དགུ་པ་དགྲ་བོ་ཆམ་ལ་འབེབས་པ་བཀའ་སྲུང་ནི། མངོན་རྟོགས་མདངས་བསྐང་གསོལ་ཁ་སྔགས་བྱང་སྲོག །སྤུ་གྲི་དུག་དངར་གནམ་ལྕགས་ཐོག་དང་འདྲ། །བསྟན་པའི་དགྲ་བགེགས་སྒྲོལ་བའི་མཚོན་ཆ་ཡིན། །ཞེས་པ་ལྟར། དམ་ཅན་སྡེ་དགུའི་མངོན་པར་རྟོགས་པ་མདོར་བསྡུས་གསལ་བའི་མེ་ལོང་། སྡེ་དགུའི་མདངས་བསྐང་དགྲ་བགེགས་ཚར་གཅོད་སྐྱེ་མེད་མ། གསོལ་མཆོད་འཕྲིན་ལས་མདོར་བསྡུས་མྱུར་མགྱོགས་གློག་གི་འོད་འབར། སྔགས་བྱང་སྲོག་གི་ཐིག་ལེ་ཤིན་ཏུ་གསང་བ། སྡེ་དགུའི་གཏོར་མཆོད་བསྟོད་བསྐུལ་

མདོར་བསྡུས་སྤུ་གྲི་དུག་ངར་བླ་མའི་བཀའ་བཞིན་བྲིས་པ། སྡེ་དགུའི་སྒྲུབ་ཐབས་ལས་སྦྱོར་དྲག་སྔགས་གནམ་ལྕགས་ཐོག་རྒོད་མཚོན་ཆའི་འཁོར་ལོ། ཁྱབ་བདག་ཆོས་དབྱིངས་རང་གྲོལ་གྱིས་མཛད་པའི་ལས་གཞུང་ཆོག་སྒྲིགས། དེས་མཛད་པའི་དམ་སྐོང་དྲེགས་པ་ཚར་གཅོད་དང་བཅས་པ་རྣམས་ཐོབ་པའི་ལྷུན་གྱི་ལྷ་མོའི་རྗེས་གནང་མ་གཏོགས་ཡོངས་རྫོགས་ཀྱི་བརྒྱུད་པ་ནི། སངས་རྒྱས་སྨན་གྱི་རྒྱལ་པོ། སློབ་དཔོན་ཆེན་པོ་པདྨ་ཐོད་འཕྲེང་། མཁའ་འགྲོའི་གཙོ་མོ་དཔལ་ལྡན་འཕྲེང་བ། གཡུ་ཐོག་པ་ཡོན་ཏན་མགོན་པོ། སུམ་སྟོན་ཡེ་ཤེས་གཟུང་དཔལ་ལྡན་གཞོན་ནུ་ཡེ་ཤེས། གཙང་སྟོན་སངས་རྒྱས་རིན་ཅེན། མཁས་བཙུན་རིན་ཅེན་རྡོ་རྗེ། བྲང་ཏི་དོན་དྲུག་རྒྱལ་མཚན། བྲང་ཏི་དཀོན་ཅོག་སྐྱབས། བྲང་ཏི་དཔལ་ལྡན་འཚོ་བྱེད། ཟུལ་ཕུ་སྨན་མོ་ཆེ་བ་འཚོ་བྱེད་རིན་ཅེན། རྣལ་འབྱོར་བསོད་ནམས་དབང་པོ། རྣལ་འབྱོར་ཆེན་པོ། རི་ཁྲོད་ཞིག་པོ། རྗེ་དཀོན་ཅོག་མཚན་ཅན། ཟུར་མཁར་ལ་ཐོག་པ་པཎ་ཆེན་མཉམ་ཉིད་རྡོ་རྗེ། ཀོང་པོ་ཕྲག་དབོན་དཀོན་ཅོག་དཔལ་བཟང་། ཀོང་ཆེན་ནམ་མཁའ་དཔལ་ལྡན་རྒྱ་མཚོ། རིག་འཛིན་ཆེན་པོ་ལེགས་ལྡན་རྡོ་རྗེ། སུམ་སྟོན་རྣམ་སྤྲུལ་དཔལ་བཀྲ་ཤིས་སྟོབས་རྒྱལ། རིག་འཛིན་ཆེན་པོ་ངག་གི་དབང་པོ། ཟུར་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཟུར་མཁར་ཆོས་རྗེ་ནས། གནམ་གོང་བཀྲ་ཤིས་དབང་ཕྱུག །རྗེ་བཙུན་སངས་རྒྱས་ཞབས། རྗེ་ཆོས་དབང་རིན་ཅེན། རྗེ་བློ་གྲོས་རྒྱལ་པོ། རིག་འཛིན་ཆེན་པོ་མན་གོང་ལྟར། ཡང་ན་ཀོང་སྨན་དཀོན་ཅོག་པ་ནས། མཚུངས་མེད་སྨན་རྒྱལ་མཚན་ཅན། མཁས་པ་རིན་ཅེན་བཟང་པོ། རིགས་

འཛིན་རྗེ་མན་གོང་ལྟར་རོ། །སྨན་གྱི་ལྷ་མོའི་རྗེས་གནང་གི་བརྒྱུད་པ་ནི། མཉམ་ཉིད་རྡོ་རྗེ་ནས། བྱང་ཆུབ་གླིང་པ་སྣ་ཚོགས་རང་གྲོལ། རིག་འཛིན་ཆོས་རྗེ། དཔལ་ལྡན་བཟང་པོ། འཇམ་དཀར་དབང་པོ། ངག་དབང་ཕན་བདེ་རྒྱ་མཚོ། རྗེ་བྱམས་པ་ཆོས་རྒྱལ་བཟང་པོ། གྲུབ་ཆེན་བཀྲ་ཤིས་རྒྱ་མཚོ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། ༈ །ཡང་ན་རྗེ་བཙུན་སངས་རྒྱས་ནས། རིན་ཅེན་ཚེ་དབང་། ངག་དབང་ཕན་བདེ་མན་འདྲ། དེ་ཡང་རྗེ་ཟུར་ཆེན་གྱིས་ཡིན་པར་འདིའི་སྒྲུབ་པ་གནང་སྐབས་ལུང་པ་ཐམས་ཅད་སྨན་དྲིས་ཁེངས། མནལ་ལམ་དུ་ཉི་ཐང་ལྷ་རྗེ་འདི་མཚོ་སྨན་མཁན་ཆེན་གྱི་སྐྱེ་བ་ཡིན་པས་བསྐྱར་ནས་ཞུས་ཤིག་ཅེས་ལུང་བསྟན་བྱུང་བ་ལྟར་ལུང་ཚར་གཅིག་གསན་པའི་བརྒྱུད་པ་ནི། ཆོས་རྒྱལ་བཀྲ་ཤིས་སྟོབས་རྒྱལ་ནས། གླིང་སྟོད་ཆོས་རྗེ་བློ་བཟང་རྒྱ་མཚོ། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། །དོན་དབང་དུ་ལས་གཞུང་དང་སྦྱར་བ་ལས་སྒྲུབ་ཐབས་ཀྱི་སྐུ་གསུང་ཐུགས་ཀྱི་རྗེས་གནང་གསལ་བ་མི་འདུག་ཀྱང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས་ཕྱི་ནང་གསང་གསུམ་གྱི་སྐུ་གསུང་ཐུགས་ཀྱི་རྗེས་གནང་གཏོར་མ་ལ་བརྟེན་པ་ཞིག་བསྩལ་བ་རྗེ་ཉིད་ཀྱིས་མེས་པོ་དྲུང་འཚོ་བར་གསན་གསུངས། དེ་ཡན་གྱི་བརྒྱུད་པ་མ་རྙེད། རྒྱུད་དང་མན་ངག་བཀའ་གཏེར་གྱི་ཟབ་གནད་བསྡུས་པ་དང་། སྙན་བརྒྱུད་ཞལ་གདམས་ཉམས་མྱོང་གཅེས་སོ་འཚལ་རྣམས་མཁས་ཤིང་གྲུབ་པའི་དབང་ཕྱུག་ལ་ཐོག་ཟུར་མཁར་བ་དྲང་སྲོང་མཉམ་ཉིད་རྡོ་རྗེས་ཕྱོགས་གཅིག་ཏུ་བསྒྲིགས་པའི་མན་ངག་བྱ་བ་རིང་བསྲེལ་པོད་ཆུང་རབ་འབྱམས་གསལ་བའི་སྒྲོན་མེའི་སྐོར་ལ།

མ་ཡིག་བུ་ཡིག་ཐོར་བུ་གསུམ་ལས། ཐོག་མར་མ་ཡིག་གི་དཀར་ཆག་མཁས་པ་དགའ་བྱེད་དྲང་སྲོང་དྷརྨ་སྭཱ་མིས་མཛད་པ། དེ་ལས་བྱུང་བའི་ཆོས་སྐོར་ལ། རླུང་ཕྱིར་གསོ་བ་བཅུད་འདུས་རྒྱ་མཚོ། སྲོག་རླུང་གི་བཅོས་སེམས་ཀྱི་བདེ་བསྐྱེད། སྟོད་འཚངས་ཀྱི་བཅོས་བདུད་རྩི་འདོད་འཇོ། སྟོད་འཚངས་ཀྱི་བཅོས་བདུད་རྩི་རྦ་རླབས། རླུང་ལྕེ་སྤྱང་མགོའི་བཅོས་པུས་མོ་བདེ་བསྐྱེད། ཁམས་འདུས་སྲོག་རླུང་འཇོམས་པའི་རྡོ་རྗེ། མཁྲིས་པ་ཤ་ཡའི་བཅོས་བདུད་རྩི་མེ་ལོང་། ཚད་གསར་གསོ་བ་ཐེངས་སོས་ཟླ་ཐིག །སྙིང་ཚད་གསོ་བ་བདུད་རྩི་རོ་ལྡན་ཟབ་བཅུད་སྙིང་པོ། གག་པའི་བཅོས་སྲོག་གི་ཆད་འཐུད་། ཁོང་ལྷོག་ནག་པོ་གཉན་སྲིན་གྱི་བཅོས་ཤིན་ཏུ་ཟབ་པ་འཆི་བླུ་བདུད་རྩི་ཐིགས་འཕྲེང་། ཁོང་ལྷོག་ནག་པོའི་བསྲུང་བ་རྟོག་མེད་མཚོན་ཆ་འཁོར་ལོ། གཟེར་བཅོས་འཆི་བ་བཤོལ་འདེབས། དེའི་ཞལ་གདམས་སྤྲ་འཁྲིད་ཡིག་ཆུང་། སྨིན་སྦྱོར་ལྦ་པ་རྒྱུན་གཅོད། འཕྲུ་བཤལ་བདུད་རྩིའི་ཆུ་རྒྱུན། སྲིན་བཅོས་སྦྱོར་བ་སྲོག་སྟེང་། འཁྲུ་ནད་གསོ་བ་འཕྲུལ་གྱི་ཐེམས་གཟེར། རྒྱུ་རྒན་གྱི་བཅོས་བདེ་བ་མྱུར་བསྐྱེད། མགོ་སྨན་གསང་བ་ལྔ་སྦྱོར། རྨ་བཅོས་བདུད་རྩིའི་ཐིགས་འཕྲེང་། གཉའི་ཕྱག་ལེན་ཁྲག་བཅོད་བསླུ་མེད་ངེས་སྟེར། འབྲས་བཅོས་ཤ་རུས་རྩའི་གདུང་སེལ། འབྲས་བཅོས་གསང་བ་ཕུགས་འཚོ། ལྡན་དུག་སེལ་བ་བདུད་རྩིའི་དབྱིག་ཤེལ། རྐང་འབམ་གསོ་ཐབས་ངོ་མཚར་གསང་མཐོ། མོ་ནད་སྒོས་བཅོས་བདུད་རྩི་པད་དཀར་འཕྲེང་བ། དབང་ལྔ་བདེ་ལྡན་ཞལ་གདམས། སྐད་བཅོས་ཚངས་དབྱངས་ཀུན་འདུས། དྲེག་གྲུམ་གསོ་བ་སྙན་བརྒྱུད་གདམས་པ།

ཁྱི་དུག་གི་ཞལ་གདམས་གསང་འཁྲིད། བྱང་ཁོག་ཡུལ་གྱི་ཐིག་འགྲེམས་གསལ་བའི་སྒྲོན་མེ། བཅུད་ལེན་བདེ་བའི་དཔག་བསམ། རིམས་བསྲུང་སྲོག་སྐྱོབ་རྡོ་རྗེའི་གོ་ཁྲབ། དུག་བསྲུང་བདུད་རྩིའི་སྙིང་ཐིག །ཚ་བ་སྤྱི་འཇོམས་སྦྱོར་བའི་ག་བུར། གྲང་བ་སྤྱི་འཇོམས་སྲོག་སྐྱོབ་ཐིགས་འཕྲེང་། མ་ནུའི་འཁྲུལ་འཁོར་བདུད་རྩིའི་ཆར་ཟིམ། དཀར་པོ་ཆིག་ཐུབ་ཀྱི་སྦྱོར་སྡེ་ངོ་མཚར་སྲོག་སྐྱོབ། རྩ་ལྷོ་སྦྱོངས་ཀྱི་མན་ངག་ལག་ལེན་སྙིང་འདྲ། སྨན་དཀར་གྱི་ལོ་རྒྱུས་ངེས་པ་རྣམ་རོལ་སྙན་གྲགས་ལྷའི་རྔ་ཆེན། དུག་བཅོས་ཡིད་བཞིན་ནོར་བུ། དེའི་ཞལ་གདམས་ཤོག་དྲིལ་དཀར་པོ། རྡོ་ཞུན་གྱི་ཞལ་གདམས་ཉེར་མཁོ་བསྡུས་པ་གསལ་སྒྲོན། ཚ་བཟེ་བདུད་རྩི་མེ་ལོང་། དངུལ་སྦྱོར་གསང་བའི་མྱུར་ལམ། རིགས་གསུམ་སྤྱི་འཇོམས་བདུད་རྩིའི་སྤྲིན་ཕུང་། ཁྱུང་ལྔ་མདོག་བཞིའི་ཞལ་གདམས། རྣག་ཆུ་སིམ་སྐེམས་བདུད་རྩིའི་གསང་ལྡན། བདུད་རྩི་འོ་མ་འཛིན་གྱི་སྤྱི་འཇོམས་འདུ་བ་སྤྱི་སྙོམས། མེ་མཉམ་ཆེན་མོའི་སྦྱོར་བ། གདོན་བཤལ་གནམ་ལྕགས་ཐོག་མདའ། བསེ་རུ་བཞི་པའི་ཞལ་གདམས། རིལ་ནག་ཆེ་འབྲིང་ཆུང་གསུམ་གྱི་གསང་དོན་གསལ་བྱེད་འཆི་མེད་ནོར་བུ་རྣམས། གཉིས་པ་བུ་ཡིག་གི་སྐོར་ལ། དཀར་ཆག་ནོར་བུའི་འཕྲེང་བ། དེ་ལས་བྱུང་བའི་གདམས་པ་ལ། གཙུག་བཤལ་སྦྱོར་བ་བདེ་ལྡན། མགོ་སྲིན་གསོ་བ་ཡ་མ་དྲུངས་འབྱིན། འདམ་རུའི་མན་ངག །འདམ་ཆིངས་འཕྲུལ་གྱི་རྒྱ་མདུད། ཟུག་རྔུ་མདེའི་སྙེལ་བརྟག་པ་ལྕགས་རྔ་དབྱུག་པའི་སྦྱོར་བ། ལྦ་བཅོམ་ཤ་ལྷག་མྱུར་འཇོམས། ཡ་མ་དྲུངས་འབྱིན། མགོ་རླུང་གི་བཅོས་གུ་གུལ་ནག་པོའི་སྦྱོར་བ། ཆུ་ནད་ཀྱི་སྒོས་

བཅོས། ཟ་ཕྲུག་གི་བཅོས། རྟ་བོང་གི་ཆང་འཐུང་། གཉན་ནད་སྤྱི་འཇོམས་ཀྱི་འབྱར་ཆེན་རེག་པ་ཟུག་ཞི། སྐྱེལ་དང་ཆུ་འཐུང་གཅད་འབྱོར། བདུད་རྩིས་ཁ་བྷེ་ཏའི་སྦྱོར་བ། སྒམ་བསྲེ་སྦྱོར་བའི་ཞལ་གདམས། ཟླ་ཤེལ་མྱུ་གུའི་སྦྱོར་བ། མེ་མཉམ་ཆེན་མོའི་སྦྱོར་བ། བདུད་རྩི་ཟླ་བའི་ཆུ་རྒྱུན། སྐྲངས་འཇོམས་ཀྱི་འབྱར་ཆེན། མུ་ཟི་སྨག་སྦྱོར་གྱི་གདམས་པ། ཁོང་སྲིན་སྙོལ་བའི་མན་ངག །སྨན་ནག་སྦྱོར་སྡེ་ཆེན་མོ། གློ་རྣག་ཡོད་མེད་བརྟག་པ་དང་སྐྲངས་རྣག་བརྟག་པ་གསལ་བའི་མེ་ལོང་། རྟ་བསྲུང་ཕོ་མོ་ཁྱུ་ཚོ། ཚལ་འཕྲུལ་བཤལ། མཁྲིས་པའི་གསེར་སྦྱོངས། དྲག་པོ་བཞི་སྦྱོར། བདུད་རྩི་མིང་ཅན་གྱི་སྦྱོར་བ། མགོ་རླུང་གི་བཅོས་བདུད་རྩི་བུམ་བཅུད། འབྲུམ་པའི་སྨན་སྦྱོར་ཚེ་སྦྱིན་ལྕགས་ཀྱུ། མཁལ་གྲུམ་སྨན་གྱི་ཞལ་གདམས། བོང་ང་ཆིག་དྲིལ་གྱི་མན་ངག །བདུད་རྩི་ཉི་ཞུན་གྱི་སྦྱོར་བ། རུས་འདུལ་སྦྱོར་བ། རིམས་བསྲུང་རིལ་བུ་སེར་ཆུང་། མན་ངག་ཆུ་སེར་མེ་ལེན། གློ་རྡོལ་བཅོས་ཐབས་ཟུག་རྔུ་སེལ་བྱེད། མིག་གི་འདེབས་སྨན་བདུད་རྩི་ཕ་ལ། གོ་ཡུ་དགུ་སྦྱོར་གྱི་མན་ངག །མཚན་མ་ཤིང་རེངས་ཀྱི་སྦྱོར་བ། སྐད་སྨན་འཛམ་གླིང་འབྲུག་སྒྲ་རྣམས་ལེགས་པར་ཐོབ་པའི་བརྒྱུད་པ་ནི། ལ་ཐོག་ཟུར་མཁར་བ་མཉམ་ཉིད་རྡོ་རྗེ། ལག་ལེན་མཐར་ཕྱིན་ཚེ་འབུམ། མཚུངས་མེད་བྱར་པོ་པཎ་ཆེན། མཁས་པ་ཟླ་བའི་དབང་པོ། སེམས་དཔའ་ཆེན་པོ་བློ་བཟང་རྒྱ་མཚོ། དྲང་སྲོང་བསྟན་འཛིན་རྒྱལ་པོ། དེ་སྲས་དྲང་སྲོང་དར་རྒྱས། སྨན་སྒོམ་ངག་དབང་དོན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །མཚོ་སྨད་མཁན་པོ་སྨན་

བླ་ཤཱཀྱ་དབང་ཕྱུག་གིས་མཛད་པའི་མན་ངག་ཀུན་གྱི་སྙིང་པོ་བསྡུས་པ་ལ་ནང་གསེས་ཀྱི་ནད་མ་སྨིན་པ་སྨིན་པར་བྱེད་པ་ཐང་གི་སྐོར། བསིལ་སྦྱོར་དྲི་མེད་ཟླ་བའི་ཆུ་རྒྱུན། ཚད་རིམས་མ་ལུས་འཇོམས་པའི་དཔའ་བོ་སླེབ་ཆོག །ཚད་རིམས་ཉེས་ཚོགས་མི་སེལ་མེད་པའི་ཐར་ནུ་ལྔ་སྦྱོར། མཁལ་སྐྱེད་གྲང་ནད་ཀུན་སེལ། རིལ་སྦྱོར་མུ་ཏིག་འཕྲེང་མཛེས། ཐལ་སྦྱོར་ཁྱད་ཆོས་གསུམ་ལྡན། སྦྱོངས་བྱེད་བདུད་རྩིའི་ཆུ་རྒྱུན། གསལ་བྱེད་བདུད་རྩིའི་སྒྲོན་མེ། རིམས་བཅོས་བདུད་རྩིའི་བུམ་པ། གློ་བཅོས་དྲན་པ་འོད་གསལ། མཁས་པ་གསུམ་གྱི་ཁྲག་གཅོད། དམུ་ཆུའི་ཞལ་གདམས་མཐར་ཐུག །གཟེར་བཅོས་བདུད་རྩིའི་ཐིགས་པ། འབྲས་བཅོས་གསང་བའི་མྱུར་ལམ། གཟའ་བཅོས་རྡོ་རྗེའི་མཚོན་ཆ། རྨ་བཅོས་མཁའ་འགྲོ་སྙན་བརྒྱུད། རྔུལ་འདོན་བ་སྤུའི་སྒོ་འབྱེད། འབམ་བཅོས་བདུད་རྩི་ཆར་འབེབས། བར་རྟའི་ཞལ་གདམས། ཁྱི་དུག་སྡུག་བསྔལ་ཞི་བྱེད། བདུད་རྩི་བཙན་ལྡེའི་སྦྱོར་བ། དབྱུག་བཅོས་གནམ་ལྕགས་རྡོ་རྗེ་རྣམས་ལེགས་པ་ཐོབ་པའི་བརྒྱུད་པ་ནི། མཚོ་སྨད་མཁན་ཆེན་སྨན་བླ་ཤཱཀྱ་དབང་ཕྱུག་མཁས་མཆོག་བསོད་ནམས་རྒྱལ་པོ། རིན་ཅེན་སྡིངས་པ་སེམས་དཔའ་ཆེན་པོ་བློ་བཟང་རྒྱ་མཚོ། དྲང་སྲོང་བསྟན་འཛིན་རྒྱལ་པོ། གླིང་སྟོད་ཆོས་རྗེ་བློ་བཟང་རྒྱ་མཚོ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་དེས་བདག་ཟ་ཧོར་བནྡེ་ལའོ། ༈ །གོང་སྨན་དཀོན་ཅོག་ཕན་དར་གྱིས་གསོ་རིག་གི་བསྟན་བཅོས་རྒྱ་མཚོ་ལྟ་བུའི་ནང་ནས་གདམས་པ་ཟབ་མོ་ཡིད་བཞིན་གྱི་ནོར་བུའི་འཕྲེང་བར་བསྡེབས་པ་ཉམས་ཡིག་གི་སྐོར་ལ། དཀར་ཆག་ཡིད་བཞིན་ནོར་བུ། དེ་

ལས་བྱུང་བའི་གདམས་པ་ལ། རླུང་ནད་མདོར་བསྡུས་བཅོས་པ། སྟོད་ཀྱི་རླུང་ནད་བཅོས་པ། བར་རླུང་བཅོས་པ། སྨད་ཀྱི་རླུང་ནད་བཅོས་པ། ཤ་ཡ་ནག་པོ་བཅོས་པ། ཚ་མཁྲིས་བཅོས་པ། གྲང་མཁྲིས་བཅོས་པ། བད་ཀན་སྐྱ་བོའི་རིགས་དྲུག་བཅོས་པ། སྨུག་པོ་ཚ་རྐྱེན་བཅོས་པ། སྨུག་པོ་གྲང་རྐྱེན་བཅོས་པ། སྨུག་པོ་བྱེར་བ་བཅོས་པ། སྨུག་པོ་འཐབ་པ་བཅོས་པ། མ་ཞུ་བ་བཅོས་པ། མ་ཞུ་བ་བད་ཀན་བཅོས་པ། ཚ་སྐྲན་བཅོས་པ། མན་ངག་སྐྲན་བཅོས་པ། དེའི་ཡིག་ཆུང་། གྲང་སྐྲན་བཅོས་པ། དམུ་ཆུ་གསོ་བ། ཆུ་ནད་ལྡན་པ་བཅོས་པ། དམུ་ཆུ་བཅོས་པའི་ཡིག་ཆུང་། དམུ་ཆུ་འཁྲུལ་སྦྱོང་། སྐྱེམས་ཀྱི་ཡིག་ཆུང་། ཉམས་ཀྱི་ཡིག་ཆུང་། ཚ་བ་སྤྱི་བཅོས། མ་སྨིན་ཚ་བ་བཅོས་པ། སྟོད་འཚངས་བཅོས་པ། སྙིང་ཚད་བཅོས་པ། གཟེར་བཅོས། འཁྲུགས་ནད་བཅོས་པ། སྟོད་འཁྲུགས་བཅོས་པ། གཟེར་རིམས་བཅོས་པ། ནག་པོ་གསུམ་འཁྲིལ་བཅོས་པ། གཉན་རིམས་བྱིན་ལོག་བཅོས་པ། འབྲུམ་བསྲུང་། འབྲུམ་བཅོས། བེ་གེ་བཅོས་པ། རྒྱུ་གཟེར་བཅོས་པ། དེའི་ཡིག་ཆུང་། གཉན་རིགས་ལྷོག་པ་བཅོས་པ། ཁྱིམ་པོ་བཅོས་པ། གཉན་ཚད་འབར་འབུར་བཅོས་པ། ཆམ་པ་བཅོས་པ། ཆམ་པ་གློ་ཀུན་བཅོས་པ། འགོ་ནད་བཅོས་པ། མགོ་སྲིན་བཅོས་པ། མགོ་རླུང་བཅོས་པ། མིག་ནད་རབ་རིབ་བཅོས་པ། ལིང་ཐོག་བཅོས་པ། རྣ་བ་ཕུས་འདེབས་བཅོས་པ། སྣ་ནད་བཅོས་པ། ལྕེ་ནད་བཅོས་པ། སོ་ནད་བཅོས་པ། སྙིང་ནད་བཅོས་པ། སྙིང་རླུང་བཅོས་པ། སྟོད་འཚངས་

བཅོས་པ། དེའི་ཡིག་ཆུང་རིགས་གཉིས། ཁྲག་རླུང་བཅོས་པ། གློ་རྣག་བཅོས་པ། ཁྱུང་པོ་རྟོགས་ལྡན་ལུགས་ཀྱི་གློ་རྣག་བཅོས་པ། གློ་བ་བསྐམས་པ་འབྱར་གྱིས་བཅོས་པ། ལུད་པ་རྣག་ཁྲག་བཅོས་པ། གློ་བརྒྱལ་བཅོས་པ། གློའི་སྦུབས་རྣག་བཅོས་པ། མཆིན་བཅོས། མཆིན་པ་གློ་ལུ་བཅོས་པ། མཆེར་ནད་བཅོས་པ། མཁལ་ནད་བཅོས་པ། ཕོ་ནད་བཅོས་པ། གླང་ཐབས་བཅོས་པ། འཇུག་སྲིན་བཅོས་པ། འཁྲུ་བ་ཚ་གྲང་བཅོས་པ། དེའི་ཡིག་ཆུང་། ཐུར་སེལ་གྱེན་ལོག་བཅོས་པ། རྡེལ་ནད་བཅོས་པ། དྲེག་ནད་བཅོས་པ། གྲུམ་བུ་བཅོས་པ། གྲུམ་བུ་དཀར་ནག་བཅོས་པ། རྩ་ཁྲེས་བཅོས་པ། རྩ་བཅོས་ཉམས་ཡིག །པགས་ནད་བཅོས་པ། པགས་ནད་རེག་པ་འབུར་འཇོམས་བཅོས་པ། པགས་ནད་འཛེར་པ་བཅོས་པ། འབྲས་བཅོས། གཞང་འབྲུམ་བཅོས་པ། བར་རྟའི་ནད་བཅོས་པ། འབམ་བཅོས། འབམ་ནད་དགུའི་བཅོས། འབམ་ནད་མདོར་བསྡུས་ཀྱི་བཅོས། འབམ་ནད་འབྱར་གྱིས་བཅོས་པ། བྱིས་པའི་རྣ་རྩ་བརྟག་པ། བྱ་འདྲེ་བཅོས་པ། མོ་ནད་བཅོས་པ། གཟའ་ནད་བཅོས་པ། རྫས་ཆེན་བཅོ་བརྒྱད་ཀྱི་སྦྱོར་བ། རྨ་མེད་མན་ངག །ཁྱི་རྨ་བཅོས་པ། ཟུག་རྔུ་བཅོས་པ། མགོ་བཅོས། བྱང་ཁོག་གསང་དཔྱད། རྒྱུ་མ་སྤུ་འཁྲིལ་བཅོས་པ། རྒྱུ་མ་ལུག་པ་བཅོས་པ། ཁྲག་ངན་བཅོས་པ། ཡན་ལག་རྨ་བཅོས། ཚིགས་ཤོང་བཅོས་པ། དུག་བཅོས། ཐིག་ལེ་ཉམས་པ་བཅོས་པ། དངས་མ་འཕེལ་བ། ཆང་ནད་བཅོས་པ་རྣམས་ཐོབ་པའི་བརྒྱུད་པ་ནི། གོང་སྨན་དཀོན་ཅོག་ཕན་དར་ནས་རིམ་པར། སེམས་དཔའ་ཆེན་པོ། དྲང་སྲོང་བསྟན་འཛིན་རྒྱལ་པོ། དེ་སྲས་དྲང་སྲོང་དར་རྒྱས། སྨན་སྒོམ་ངག་དབང་དོན་གྲུབ། ཁྱབ་བདག་ཁྲ་ཚང་པ་ཆེན་

པོ། དེས་བདག་ཟ་ཧོར་བནྡེ་ལའོ། ༈ །འབྲུམ་ནད་སྔགས་འཆོས་ཉམས་ཀྱི་ཡིག་ཆུང་ཟབ་པ་ས་སྙིང་གི་དཀྱིལ་འཁོར་དུ་ཆོངས་ཀྱི་མཐའ་ཅན་གྱི་བརྒྱུད་པ་ནི། ཤོང་ཆེན་བསྟན་པའི་རྒྱལ་མཚན། བླ་མ་བསམ་གཏན་རྒྱལ་མཚན། ཟུར་ངག་དབང་ཕུན་ཚོགས། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །འཇམ་དབྱངས་མཁྱེན་བརྩེའི་དབང་ཕྱུག་གི་རྣམ་ཐར་དུ། འཆི་མེད་གྲུབ་པའི་ཛོ་ཀིས་སྒོ་ཉལ་བྱས། །སྔོན་དུ་བྱས་པའི་བག་ཆགས་གསལ་བར་དྲན། །གནས་གསར་གུ་རུ་མ་ཧཱ་ཏ་པ་སི། འཕགས་ཡུལ་སྐྱེ་བོ་ཕལ་ཆེར་ཐལ་མོ་སྦྱོར། །ཞེས་པ་ལྟར། མཁྱེན་བརྩེའི་ཞབས་དགུང་ལོ་བཅུ་བདུན་གྱི་ཚེ་རྒྱ་གར་ནུབ་ཕྱོགས་ནཱ་གི་རྐོ་ཊའི་རྒྱལ་པོ་སྲས་མ་ཎི་ཀ་ནཱ་ཐ་ཞེས་བྱ་བ་འཆི་མེད་གྲུབ་པའི་རྣལ་འབྱོར་པ་ཞིག་བྱོན་ནས་ངས་གུ་རུ་འཚོལ་བ་ལ་ལན་གསུམ་ཡོངས་པའི་སྔ་མའི་དུས་མའི་རུམ་ན་བྱས་པས་མ་མཐོང་། བར་མ་བྱིས་པ་ཆུང་ངུ་ཞིག་སྐྱེས་པ་ཞིག་གིས་བཟུང་ནས་འདུག་པ་རྒྱང་ནས་མཐོང་། ད་ལམ་ཕྲད་པ་འདི་ཡིན་གསུངས། ཨོ་རྒྱན་པདྨ་སྐུ་གསུམ་གྱི་སྒྲུབ་ཐབས་དང་། ཨ་བྷི་དྷ་ནར་གསུངས་པའི་ཕག་མོའི་བྱིན་རླབས་དང་བྷྲུ་རླུང་སོགས་གདམས་པ་མང་དུ་གནང་ཞིང་། སློབ་དཔོན་པདྨའི་སྐུ་ཟ་ཧོར་མ་རྒྱ་བཟོ་རྩོད་མེད་ཅིག་འདུག་པ་གཟིགས་པས་གུ་རུ་རྒྱལ་པོ་ལུགས་དཔེ་ཧར་གྱིས་བོད་དུ་སྤྲུལ་ཟེར་བ་དང་། བླ་སྒྲུབ་རཏྣ་གླིང་པའི་གཏེར་མ་དང་ཁྱད་མི་འདུག་པས་གཏེར་བརྫུས་མ་ཡིན་ཟེར་བ་རྣམས་ཀྱི་རྫུན་ཁུངས་རྣམས་རྡིབ་སྟེ་གསང་སྔགས་རྙིང་མ་ལ་ཐུགས་ལྷག་པར་ཆེས་ཤིང་རཏྣ་གླིང་པའི་སྔོན་གནས་རྗེས་སུ་དྲན་པའི་ལོ་རྒྱུས་ཀྱི་འཕྲོས་དོན་ལས་གསལ་བ། གསར་འགྱུར་ཨོ་རྒྱན་ཟབ་ལམ་སྐུ་

གསུམ་བླ་མའི་སྒྲུབ་ཐབས་ཀྱི་རྒྱ་གཞུང་ལ་ནང་གསེས་ཀྱི་རང་བྱུང་རྫུས་སྐྱེས་ཆོས་སྐུ་མཐིང་ནག་གི་སྒྲུབ་པ། རྡོ་རྗེ་བསྲུང་བ་ལོངས་སྤྱོད་རྫོགས་སྐུའི་སྒྲུབ་པ། མཚོ་སྐྱེས་རྡོ་རྗེ་སྤྲུལ་སྐུའི་སྒྲུབ་པ། དཔལ་མཚོ་སྐྱེས་རྡོ་རྗེ་སྐུ་གསུམ་སྒྲུབ་པའི་འགྲེལ་པ་ལོ་རྒྱུས་གདམས་སྐོར་དངོས་དང་བཅས་པ་རྗེ་བཙུན་ནུབ་ཕྱོགས་པའི་གསུང་གི་བདུད་རྩི་ལ་བརྟེན་ནས་འཇམ་དབྱངས་མཁྱེན་བརྩེའི་དབང་ཕྱུག་གིས་ཟིན་བྲིས་སུ་མཛད་པའི་ལུང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། གྲུབ་ཆེན་ཛ་ཧ་པིར། རྗེ་བཙུན་ནུབ་ཕྱོགས་པ་མ་ཎི་ཀ་ནཱ་ཐ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཆོད་དཔོན་དཀོན་ཅོག་པ། ཁྱབ་བདག་དབང་ཕྱུག་རབ་བརྟན། ཀུན་མཁྱེན་མགོན་པོ་བསོད་ནམས་མཆོག་ལྡན། དྲིན་ཅན་བླ་མ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །བྷྲུ་རླུང་གི་གདམས་པ་ཟབ་མོ་རྗེ་བཙུན་ནུབ་ཕྱོགས་པའི་གསུང་བཞིན་འཇམ་དབྱངས་མཁྱེན་བརྩེའི་དབང་ཕྱུག་གིས་ཟིན་བྲིས་སུ་མཛད་པའི་ལུང་། ཕྱག་ལེན། ཞལ་ཤེས་རྣམས་དམར་འཁྲིད་དུ་ཐོབ་པའི་བརྒྱུད་པ་ནི། གྲུབ་ཆེན་ཛ་ཧ་པིར། རྗེ་བཙུན་བྷྲ་མ་ནཱ་ཐ། རྗེ་བཙུན་ནུབ་ཕྱོགས་པ་མ་ཎི་ཀ་ནཱ་ཐ། ཀུན་མཁྱེན་མཁྱེན་བརྩེའི་དབང་ཕྱུག །སྔགས་འཆང་གཞོན་ནུ་སྟོབས་ལྡན། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ཞ་ལུ་པ་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ༈ །ཡང་ན་རྗེ་མཁྱེན་བརྩེ་ནས། འཕགས་མཆོག་བྱམས་པ་སྐལ་བཟང་། རྗེ་དབང་རབ་མན་སྔར་བཞིན་ནོ། རྗེ་བཙུན་ནུབ་ཕྱོགས་པས་གནང་བའི་ཡང་བཟློག་ཟབ་མོའི་བརྒྱུད་པ་ནི།

གྲུབ་དབང་མ་ཎི་ཀ་ནཱ་ཐ། ཀུན་མཁྱེན་མཁྱེན་བརྩེ། སྔགས་འཆང་གཞོན་ནུ་སྟོབས་ལྡན་མན་གོང་དང་འདྲ། ཐམས་ཅད་མཁྱེན་པ་བསོད་ནམས་རྒྱ་མཚོ་ལ་མཁས་གྲུབ་དཔལ་ལྡན་རྡོ་རྗེས་གནང་བའི་ཚེ་དབང་ཉེ་བརྒྱུད་ཀྱི་བརྒྱུད་པ་ནི། མགོན་པོ་ཚེ་དཔག་མེད། མཁའ་འགྲོ་མ་གསང་བ་ཡེ་ཤེས། སློབ་དཔོན་པདྨ་ཐོད་འཕྲེང་། གྲུབ་བརྙེས་དཔལ་ལྡན་རྡོ་རྗེ། ཐམས་ཅད་མཁྱེན་པ་བསོད་ནམས་རྒྱ་མཚོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །རས་ཆེན་དཔལ་འབྱོར་བཟང་པོ་ཐུན་མོང་མ་ཡིན་པའི་ཟབ་ཁྱད་མཁའ་འགྲོའི་ཁ་རླང་ཐུ་ལེ་པ་གསུམ་ཡོད་པའི་ནང་ནས། ཨོ་རྒྱན་པདྨ་སཾ་བྷ་ཝ་ལ་དངོས་སུ་གསན་པའི་ཚེ་དཔག་མེད་ལྷ་བཅུ་བདུན་མའི་ཚེའི་དབང་མདའ་འཕེལ་མར་གྲགས་པའི་ཆོག་སྒྲིགས་མཁན་ཆེན་ཞ་ལུ་པས་མཛད་པའི་འཆི་མེད་འབྱུང་བའི་སྟེང་ནས་ཚོམ་བུའི་དཀྱིལ་འཁོར་དུ་ཐུན་མོང་དང་ཐུན་མོང་མ་ཡིན་པའི་སྔོན་འགྲོས་རྒྱུད་སྦྱངས་ཏེ་བསྐྱེད་རིམ་གསལ་བཏབ་ནས་གཟུངས་བཟླ་བ། རྫོགས་རིམ་དུ་བསྡུས་ཏེ་སྔགས་བཟླ་བ། བསྐྱེད་རིམ་དུ་ལངས་ནས་ཚེ་འགུགས་པ། བུམ་པ་ལ་བརྟེན་ནས་ཚེ་དཔག་མེད་རིགས་ལྔའི་དབང་། ཞར་བྱུང་ཚེ་དང་ཡེ་ཤེས་ཐམས་ཅད་བསྟིམ་པ། མཐའ་རྟེན་རྒྱལ་སྲིད་བདུན་བཀྲ་ཤིས་རྫས་བརྒྱད་དང་བཅས་པ། ལྷ་བསྟིམ་པ། ཚེ་གཟན། ཚེ་རིལ་གྱི་དབང་། དབང་ཆོག་འཆི་མེད་འབྱུང་བའི་ལུང་དང་བཅས་ཐོབ་པའི་བརྒྱུད་པ་ནི། བཅོམ་ལྡན་འདས་མགོན་པོ་ཚེ་དཔག་མེད། སློབ་དཔོན་པདྨ་འབྱུང་གནས། རས་ཆེན་དཔལ་འབྱོར་བཟང་པོ། དེ་ལ་ཆོས་རྗེ་རྣམ་རྒྱལ་མགོན་པོ་དྲི་མེད་སྡེ་དང་། འཇམ་དབྱངས་བྱང་ཆུབ་དབང་རྒྱལ་གཉི་གས་གསན། གཉི་ག་ལ་ཡོངས་འཛིན་ཤཱཀྱ་ཀུན་

དགའ། དེ་ནས་མཁན་ཆེན་བྱམས་པ་བཟང་པོ། རིག་འཛིན་ཀུན་བཟང་ཆོས་ཀྱི་ཉི་མ། རྫོགས་ཆེན་པ་ནམ་མཁའ་འབྲུག་སྒྲ་བཟང་པོ། མཁས་གྲུབ་ཤཱཀྱ་རྡོ་རྗེ། མདོ་པ་མཚུངས་མེད་དགེ་བའི་དབང་པོ། མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རས་ཆེན་པ་ནས། རྔོག་སྟོན་བྱང་ཆུབ་དཔལ་གྲུབ། རྗེ་བཙུན་ཤཱི་ལ་ར་སྨི། རྣམ་རྒྱལ་མགོན་པོ། བྱང་ཆུབ་དབང་རྒྱལ་མན་གོང་ལྟར་རོ། ༈ །གསང་བའི་ལུང་བསྟན་ལས། ཡང་ཞིག་གནུབས་བན་སངས་རྒྱས་ཡེ་ཤེས་ཉོན། །ད་ལྟ་ལྷ་སྲས་ཡབ་ཡུམ་སྲས་བཅས་ཀྱི། །སྐུ་ཡི་རིམ་གྲོ་བསྲུང་བའི་འཁོར་ལོ་དང་། །དྲག་སྤྱོད་མཐུ་ཡི་རྒོལ་བ་ཕྱིར་བཟློག་ནས། །བར་ཆད་བསལ་ཞིང་ཡོན་མཆོད་འབྲེལ་བའི་མཐུས། །མ་འོངས་བཞི་བཅུར་དུས་མཚུངས་འབྱུང་བར་ངེས། །སྨོན་ལམ་དབང་གིས་ཆོས་འདི་རྣམས་ཕྲད་ལ། །དམར་རྒྱན་བཟའ་ཡི་སྤྲུལ་པ་འཛམ་གླིང་མིང་། །ངན་པའི་རྟགས་བཞི་ཚང་དེས་མ་བསླུས་ན། །དཀྱིལ་འཁོར་འཛིན་པའི་ཆོས་བདག་ཉེར་གཅིག་སྟེ། །རྒྱལ་སྲས་ལྷ་རྗེའི་སྐྱེ་བ་ལུག་ལོ་པ། །མཆོག་དང་མ་ཎིའི་མིང་ཅན་དམ་པ་ནི། །རིག་འཛིན་སྔགས་ཀྱི་བདག་པོར་ཡོངས་ཀྱིས་བསྐུར། །འགྲོ་བའི་མགོན་པོ་ཀུན་ཏུ་སྣང་བར་བྱེད། །དེ་ཉིད་བདུད་སྤྲུལ་དབང་གིས་སྐྲ་བཅད་ན། །ལོ་སྐོར་གཅིག་གི་ཚེ་ཉམས་བསྟན་པ་འགྲིབ། །སླད་ནས་སྔགས་འཆང་ལྕང་ལོ་འཛིན་པ་གཅེས། །སྐྱེས་བུ་དེ་ལ་ཟབ་མོ་ཀུན་འདུས་ཀྱི། །གདམས་པ་འདི་ནི་ཡོངས་སུ་རྫོགས་པ་གཏོད། །ཅེས་པ་ལྟར་གནུབས་ཆེན་སངས་རྒྱས་ཡེ་ཤེས་ཀྱི་ཡང་སྲིད་རྒྱལ་སྲས་བསྟན་པའི་འབྱུང་གནས་སམ་འཇའ་ཚོན་མེ་འབར་དང་མཁའ་འགྲོའི་དབང་ཕྱུག་རྩལ་དུ་གྲགས་པའི་

གཏེར་སྐལ་རྩ་གསུམ་ཟབ་མོ་ཀུན་འདུས་ཀྱི་སྐོར་བདུད་པོ་བླ་མཁར་གྱི་སྒོ་དྲུང་གཡས་པར་གཏེར་དུ་སྦས་པ་ལུང་བསྟན་བཞིན་རྟེན་འབྲེལ་ཅུང་ཟད་འཕྱུགས་པས་ཤོག་སེར་དངོས་མ་ལོན་ཡང་ཞིང་སྐྱོང་གི་མཁའ་འགྲོས་རྫོགས་པར་གནང་བའི་ཆོས་སྐོར་ལ། རས་བྲིས་ཀྱི་དཀྱིལ་འཁོར་དུ་དབང་ཆོག་རྒྱན་གྱི་འཁོར་ལོའི་སྟེང་ནས་ཟབ་མོ་ཀུན་འདུས་ཀྱི་རྩ་བའི་དབང་ལ། དཀྱིལ་འཁོར་དུ་འཇུག་པ་སྔོན་དུ་འགྲོ་བའི་མེ་ཏོག་འཕྲེང་བ། ཞིང་ཁམས་ཕྱི་ནང་གསང་གསུམ་གྱི་དཀྱིལ་འཁོར་ཁྱམས་གཅིག་ཏུ་རྫོགས་པ། བུམ་པས་སྣོད་རུང་། རྩ་གསུམ་སྐུ་འབག་གིས་སྐུ། གླེགས་བམ་བདུད་རྩིའི་པི་ཝཾ་གིས་གསུང་། མན་ཤེལ། ཁ་ཊྭཾ་མེ་ལོང་གིས་ཐུགས། གཏོར་མས་ཡོན་ཏན། ཕུར་པས་འཕྲིན་ལས་ཀྱི་དབང་། མཐའ་རྟེན་རྒྱལ་སྲིད་བདུན་རྫས་དང་བཅས་པ། དབང་ཆོག་བདེ་ཆེན་མྱུར་མགྱོགས་ཀྱི་སྟེང་ནས་བྱང་སེམས་ཀྱི་དཀྱིལ་འཁོར་དུ་གསང་དབང་། ཕྱག་རྒྱ་ལ་བརྟེན་ནས་ཤེར་དབང་ཟུང་འཇུག་ཏུ་བསྐུར་བ་དང་བཅས་པ། རས་བྲིས་ཀྱི་དཀྱིལ་འཁོར་དུ་སྨིན་གྲོལ་འོད་ཀྱི་འཁོར་ལོའི་སྟེང་ནས་ཚེ་བདག་ལྷ་བདུན་མའི་དབང་ལ། གསོལ་གདབ་ཞུ་འབུལ་ཚེ་འགུགས་སྔོན་དུ་འགྲོ་བའི་ཅོད་པན། བུམ་པ་ཡིད་དམ་སྐུ་འབག་གིས་རྡོ་རྗེ་གསུམ་གྱི་ཚེ་དབང་། ཐོད་འཕྲེང་རྩལ་གྱིས་ཀ་དག་འགྱུར་མེད་ཀྱི་ཚེ་དབང་། ལྷ་ལྕམ་ཡུམ་གྱིས་ལྷུན་གྲུབ་འཇའ་ལུས་ཀྱི་ཚེ་དབང་། བྱང་སེམས་སྐུ་བཅས་ཀྱིས་ལོ་བརྒྱ་ཐུབ་པ། འབྱོར་རྫས་སྐུ་བཅས་ཀྱིས་ཇི་ལྟར་འདོད་པ། གཏོར་མ་སྐུ་བཅས་ཀྱིས་བསྐལ་བ་དུ་མ། རིལ་བུ་སྐུ་བཅས་ཀྱིས་རྟག་ཏུ་གནས་པའི་ཚེ་དབང་། མེ་ལོང་གིས་བསྐྱེད་རིམ། འཕྲེང་བས་བཟླས་པ། མདའ་དར་གྱིས་རྫོགས་རིམ། རྗེས་

དངོས་གྲུབ་བླང་བ་དང་བཅས་པ། འཇའ་ཚོན་འོད་ཀྱི་དྲ་བའི་དཀྱིལ་འཁོར་དུ་རྩ་གསུམ་དྲིལ་བ་ལྡེམ་དགོངས་ཀྱི་ཡི་གེའི་སྟེང་ནས་སྐྲ་དབང་ལ་འཇུག་པ་དང་ཐུན་མོང་གི་ཆོས་སྔོན་དུ་འགྲོ་བའི་ཐུན་མོང་མ་ཡིན་པའི་གསོལ་གདབ་བྱིན་ཕབ་སྟེ། བླ་མའི་དབང་ལ་ཨོཾ་ཡིག །འཇའ་ཚོན། གདན་རབ་བྱུང་གི་ཆས། གླེགས་བམ། འཕྲེང་བ། ཐོར་ཚུགས། དར་ཚོན། འཕན་གདུགས། སྐུ་འབག་འཁོར་ལོ་མིང་དབང་དང་བཅས་པ། ཡི་དམ་ཆས་དབང་ལ། ཨཱཿ ཡིག །མའི་གུར། གདན་དུར་ཁྲོད་ཆས། དུང་ལོང་། ཨག་ཚོམ། ཕྱག་མཚན། སྐྲ། སྐུ་འབག །འཁོར་ལོ། མིང་དབང་དང་བཅས་པ། མཁའ་འགྲོའི་དབང་ལ། ཧཱུྃ་ཡིག །གདན། རྒྱན་དྲུག །ཐོད་པ། ཅང་ཏེ། ཁ་ཊྭཾ། མེ་ལོང་། སྐྲ། སོར་གདུབ། སྐུ་འབག །འཁོར་ལོ། མིང་དབང་། མཐའ་རྟེན་བཀྲ་ཤིས་རྟགས་བརྒྱད། རྫས་བརྒྱད། སོ་མང་། ཁ་བ། ཐོར་ཚུགས་གླེགས་བམ་ཅན། གཏོར་དབང་དང་བཅས་པ། མཎྜལ་པདྨའི་དཀྱིལ་འཁོར་དུ་སྒྲུབ་ཐབས་དབང་ཡིག་གི་སྟེང་ནས་ཞིང་སྐྱོང་མཁའ་འགྲོའི་དབང་ལ་འཇུག་པ་སྔོན་དུ་འགྲོ་བའི་མེ་ཏོག་འཕྲེང་བ། སྐུ་འབག་གིས་སྐུ་གསུང་ཐུགས་ཡོན་ཏན་འཕྲིན་ལས་ཀྱི་དབང་། འཕྲེང་བས་ཉམས་ལེན། མཉམ་གཞག་གིས་མཐའ་སྒྲོལ། མཐའ་རྟེན་བཀའ་གཏད་གསུམ་གྱི་རྗེས་གནང་དང་བཅས་པ་ལེགས་པར་ནོས་ནས། རྒྱབ་རྟེན་ལུང་ལ། ཚེ་ལམ་དཔལ་རིའི་དགོན་པར་ཡོངས་འཛིན་བྱའི་ཟླ་བའི་ཚེས་གསུམ་ནས་ཚེའི་རྐྱང་སྒྲུབ་ལ་གནས་པའི་ཞག་དྲུག་ཚེས་དགུའི་ནུབ་མོ་དག་སྣང་དང་པོ་ལས་འཕྲོ་གསལ་བྱེད་ལུང་གི་སྒྲོན་མ་ད་ལྟའི་འདི་ཉིད་ཡིན་ནོའི་མཐའ་ཅན། ཡོས་ལོ་བྱའི་ཟླ་བ་ལ་ལྷོ་བྲག་སེང་སྣ་ཤར་དུ་

དགོངས་པ་ཡང་ཟབ་ཀྱི་བསྙེན་པའི་དུས་ཚེས་དགུའི་སྔ་དྲོ་བྱུང་བའི་དག་སྣང་གཉིས་པ་ཐེམས་བྱང་ནོར་བུའི་བང་མཛོད་དག་པར་ཕེབས་པའོའི་མཐའ་ཅན། རྫོགས་ཆེན་ཟབ་མོ་ཀུན་འདུས་ཀྱི་སྔོན་དུ་འགྲོ་བའི་ཆོས་སྤྱོད་རྣམ་པ་བདུན་འཁྲིད་གཞུང་ནས་ཟུར་དུ་བཀོལ་བ་ཨདྨ་ཀོ྅ཧཾ་གྱི་མཐའ་ཅན། སློབ་མ་སྔགས་འཆང་རྒྱལ་པོའི་དོན་དུ་མཛད་པའི་བརྒྱུད་པའི་སྐྱབས་འགྲོ་ཕྱོགས་དུས་ཞིང་ཁམས་མ། བགེགས་གཏོར་བསྔོ་བ་རྩ་གསུམ་ཞིང་སྐྱོང་ཚིག་ལྷུག་མ། རྩ་བ་གསུམ་གྱི་ལས་ཀྱི་བྱང་བུ་སྦྱོར་དངོས་རྗེས་གསུམ་ཚང་ཡང་ས་མཚམས་མ་ཕྱེ་བར་སྦྲེལ་མར་བསྟན་པ་དོན་གཉིས་སྒྲུབ་པའི་བཀྲ་ཤིས་ཤོག་གི་མཐའ་ཅན། འགོར་རྩ་གསུམ་ཟབ་མོ་ཀུན་འདུས་ཀྱི་ཚོགས་ལ་སླེབས་པའི་སྐབས་ཞེས་ཡོད་པའི་ཚོགས་མཆོད་འབྱོར་པ་རབ་རྒྱས་གྲོགས་པོ་ཀུན་བཟང་རྒྱ་མཚོའི་ངོར་མཛད་པ། དཀྱིལ་འཁོར་དང་གཏོར་མའི་དཔེ་ཆུང་། ཆུ་ཕོ་བྱི་ལོ་བྱའི་ཟླ་བར་བདུད་འདུལ་སྔགས་པ་གླིང་དུ་གནུབས་སངས་རྒྱས་ཀྱིས་ཞུས་པའི་བུམ་པའི་དབང་ཆོག་རྒྱན་གྱི་འཁོར་ལོ་ལྔ་ལྡན་ཆོས་སྒོར་རབ་འབྱེད། འདོད་ཆགས་ལམ་ལ་མོས་ལྡན་སྐྱེས་བུའི་དོན་དུ་ལམ་འབྲས་བདེ་ཆེན་མྱུར་མགྱོགས་ཀྱི་དབང་ཆོག་གསང་བ་ཤེས་རབ་ཡེ་ཤེས་ཟུང་འཇུག་ཏུ་བསྐུར་བ་རང་གཞན་ཀུན་ལ་མ་བསྐུར་ཡ་འུད་སྲེས་ཀྱི་མཐའ་ཅན། ཚེའི་བར་ཆད་སེལ་བའི་རིག་མ་བཅུ་གསུམ་དང་མཆོག་སྟེར་ལྔ་སོགས་ཕྱག་རྒྱ་ཕོ་མོའི་མཚན་ཉིད་གསལ་བ་ཉི་ཟླ་ཟུང་འབྲེལ་སྐྱོན་བྲལ་ཁ་སྦྱར་འཁོར་བར་མི་འཁྱམས་འགྲོ་དོན་ཡིན་གྱི་མཐའ་ཅན། ཀ་དག་ལྷུན་གྲུབ་འབྲས་བུའི་དབང་བསྐུར་ནམ་མཁར་འོད་ཕུང་ཞིང་སྐྱོང་གི་ལྷ་མོས་མཁའ་འགྲོའི་དབང་ཕྱུག་རྩལ་ལ་གནང་བའོའི་མཐའ་

ཅན། བསམ་ཡས་བདུད་འདུལ་སྔགས་གླིང་དུ་ཨོ་རྒྱན་ཡབ་ཡུམ་གྱིས་གནུབས་ཀྱི་སྐྱེ་བར་དགོངས་ནས་གནང་བའི་བླ་མ་ཆོས་སྐུའི་སྒྲུབ་པ་སྣང་སྟོང་དབྱེར་མེད་འབྲུ་གསུམ་རྒྱ་ཅན། བདེ་གཤེགས་ཀུན་འདུས་པད་མ་འབྱུང་གནས་ལ་སྔགས་པ་བུདྡྷ་ནས་ཞུས་དོན་མཁའ་འགྲོའི་དབང་ཕྱུག་རྩལ་སྨོན་ལམ་དུ་བཏབ་པའི་ཡི་དམ་ལོངས་སྐུའི་སྒྲུབ་པ་མ་འགགས་རང་གསལ་འབྲུ་གསུམ་རྒྱ་ཅན། ཨོ་རྒྱན་མཁན་པོ་པདྨ་འབྱུང་གནས་ཀྱིས་སངས་རྒྱས་ཡེ་ཤེས་ཀྱི་སྐྱེ་བར་གདམས་པའི་མཁའ་འགྲོ་སྤྲུལ་སྐུའི་སྒྲུབ་ཐབས་ཁམས་གསུམ་ཡོངས་སྒྲོལ་འབྲུ་གསུམ་རྒྱ་ཅན། སྒྲུབ་པ་གསུམ་གྱི་པྲ་རྟགས་མཁའ་འགྲོའི་གསུང་ལྟར་བསྒྲིགས་པ་ཉི་ཟླ་གསལ་སྒྲོན་དངོས་སློབ་ཐུགས་རྗེའི་མིང་ཅན་གྱི་དོན་དུ་ཕུབ་པ། བླ་མའི་ཐུགས་འཁྲིད་སྦྱོར་དངོས་རྗེས་གསུམ་གྱིས་སྟོན་པ་ཞིང་སྐྱོང་གི་མཁའ་འགྲོའི་གསུང་ལས་ཇི་ལྟར་ཕྱུང་བ་བཞིན་ཡི་གེར་འགོད་པ་མཁའ་དབྱིངས་ཀློང་གྲོལ་བཀའ་ཡི་བྱ་ར་ང་རང་བྱེད་དོ་བུའི་མཐའ་ཅན། ལྡེམ་དགོངས་ཁྱད་ཚིག་བཅོ་ལྔ་ཞེས་པ་གདེངས་ཆེན་བཅོ་ལྔའི་དོན་བཤད་ཐེག་མཆོག་མཛོད་དུ་གཟིགས་ཀྱི་མཐའ་ཅན། འགོར་ཨོཾ་སྟེང་འོག་ཕྱོགས་མཚམས་ཞེས་ཡོད་པའི་འཁྲིད་རྒྱབ་ཀྱི་བརྡ་དབང་དོན་གཉིས་ལྷུན་གྱིས་གྲུབ་པར་མཛོད་ཀྱི་མཐའ་ཅན། ཡི་དམ་གྱི་ཐུགས་འཁྲིད་ལྷུན་གྲུབ་འོད་གསལ་སྐོར་ཞིང་ཌཱ་གིའི་གསུང་རྒྱུན་ཇི་ལྟར་སྣང་བའི་སྒྲོན་མ་མཁའ་ཁྱབ་འོད་གསལ་ཁ་རིའི་མགུལ་གྱི་གནས་ཆེན་དུ་ཕབ་པ་ལམ་འབྲས་ཀྱི་འཁྲིད་སྐོར་རྣམས་དག་སྣང་གི་ལུང་བཞིན་བྲིས་པའི་མཁའ་འགྲོའི་ཐུགས་འཁྲིད་སྟེང་འོག་གི་ཆོས་སྒོ་བདེ་ཆེན་མྱུར་མགྱོགས་ཀྱི་འཕོ་འཁྲིད་རྫོགས་བྱང་གི་མཐའ་ཅན། ཆུ་ཤིང་གི་འཁར་བ་ལ་བརྟེན་ནས་ནམ་མཁའ་རྔུལ་ཆུའི་གདམས་པ་ཁྱད་པར་

ཅན། གསང་སྔགས་ཀྱི་སྐལ་པ་དང་ལྡན་པའི་མོ་རྣམས་གྲོལ་བར་བྱེད་པ་བདེ་ཆེན་ལམ་འཁྱེར་གྱི་འཁྲིད་ཡིག་སྙན་བརྒྱུད་མ་ཧཱ་མུ་དྲ་སྔགས་འཆང་གིས་ཐོས་པའོའི་མཐའ་ཅན། ཁ་སྐོང་དམ་ཚིག་པདྨའི་གསུང་བཞིན་ཌཱ་ཀིས་བསྟན་པ་ཇི་བཞིན་མ་ནོར་བར་བྲིས་པ་དགེ་སྡིག་ཤན་འབྱེད་ལེའུ་ཉེར་གཉིས་པ། ཁ་སྐོང་བོགས་འདོན་སྐོང་གི་ཆོ་ག་བརྒྱ་རྩ་ལྔ་པ་སྦྱོར་དངོས་རྗེས་གསུམ་གྱིས་བསྟན་པ་ཆུས་ཁྱེར་དགོན་དུ་ཕབ་པ། རྩ་བ་བདུད་ཀྱི་བར་ཆད་ཆོས་བརྒྱུད་འཇོམས་པའི་མཚོན་ཆ་ཞལ་གྱི་གདམས་པ་ཟབ་ཁྱད་མ་དགེ་བསྙེན་ཁ་རིའི་གནས་སྣོ་རར་ཕབ་པ། དབེན་གནས་འཇའ་དཀར་ཟུག་གི་དགོན་པར་བྱ་ཟླའི་ཚེས་བཅུའི་ནུབ་མོ་འོད་གསལ་དུ་ཤར་བའི་དག་སྣང་གསུམ་པ་རྨི་ལམ་དྲན་པའི་གསལ་འདེབས་ཞེས་པ་གསང་བའི་བསླབ་བྱ་རྫོགས་བྱང་གི་མཐའ་ཅན། ཟབ་མོ་ཀུན་འདུས་ཀྱི་ལུང་སྟོན་ཞིང་བསྟན་པ་བསྲུང་བར་ཞལ་གྱིས་བཞེས་པའི་ཌཱ་ཀི་སྡེ་ལྔའི་སྒྲུབ་ཐབས་དབང་བསྐུར་གཏད་རྒྱ་དང་བཅས་པ། འཆི་བ་མེད་པའི་གདམས་པ་མཁའ་འགྲོའི་གསུང་བརྒྱུད་ཡི་གེར་བྲིས་པ་ཚེ་ཆོས་སྨིན་གྲོལ་འོད་ཀྱི་འཁོར་ལོ་སྔགས་འཆང་དཀར་པོ་བས་ཐོས་སོའི་མཐའ་ཅན། གནས་ཆེན་མཁའ་རའི་ལྷོ་འབད་འཇའ་དཀར་ཟུག་གི་དགོན་པར་འབྲུག་ལོ་བྱའི་ཟླ་བ་ལ་དག་སྣང་བྱུང་ཚུལ་སོགས་ཚེ་དབང་གི་ལོ་རྒྱུས་འཐུད་མ་ཆོས་རྗེ་རྡོ་ར་བའི་དོན་དུ་བྲིས་པ། ཚེའི་གནས་ལུགས་ཉམས་མ་ཉམས་གསོ་བ་སོགས་བསྟན་པའི་ངེས་ཞིག་གི་བཤད་པ་ཐོས་འཚེངས་ཡིད་ཆེས་བདེ་ཆེན་ཁོར་ཡུག་གི་སྒྲུབ་གནས་སུ་བཀོད་པ། ཞིང་སྐྱོང་གི་བསྐང་གསོ་བློ་ཡངས་མཐའ་བྲལ་ཕུན་ཚོགས་

འདོད་རྒུའི་འབྱུང་གནས་རྣམ་རྒྱལ་ཆོས་གླིང་དུ་མཛད་པ། སྔགས་སྲུང་ཤ་ཟ་ཁྲག་འཐུང་མཁའ་འགྲོ་མ་གཙོ་འཁོར་གྱི་རྒྱུན་གཏོར་སརྦ་གཙྪའི་མཐའ་ཅན། འབྲས་བུ་བཞི་ལ་ལོག་པ་འཆལ་བ་གཅིག་བུའི་དམ་ཚིག་གི་གྱད་ཚིག་བཀྲོལ་བ་རྩེ་མོར་གྱུར་པ་ཉིད་དོའི་མཐའ་ཅན། ལོག་ལྟའི་མཚམས་སྦྱོར་ཆེན་པོ་ཆེས་ངན་སོང་མྱོང་དགོས་རྒྱལ་པོའི་འགྱོད་བཤག་མདུན་བསྐྱེད་བླ་མ་བདེ་ཆེན་ལོངས་སྤྱོད་ཀྱི་གདམས་པ་སྔགས་སྲུང་གི་བཀའ་རྒྱ་ཡོད་དོའི་མཐའ་ཅན། སྨན་དཔྱད་རིམ་གྲོས་ཕན་པར་མི་ནུས་པའི་ནད་སེལ་མཚན་ལྡན་ཌཱ་ཀི་བཅུ་གསུམ་གྱི་ལུང་བསྟན་གསང་རྒྱ་དམ་པར་མཛད་ཀྱི་མཐའ་ཅན། འགོར་ཡང་གཅིག་གནུབས་བན་སངས་རྒྱས་ཡེ་ཤེས་ཉོན་ཞེས་ཡོད་པའི་ཆོས་བདག་ལུང་བསྟན་གསང་བའི་ལུང་བསྟན་འཁྲུལ་མེད་གསལ་སྒྲོན་ནས་ཟུར་དུ་བཀོལ་བ་སྙིགས་མའི་སེམས་ཅན་བསོད་ནམས་ཆེ་ཆུང་ཡིན་གྱི་མཐའ་ཅན། དབང་མོ་ཉི་ཤུ་རྩ་གཅིག་གི་གཟུགས་བརྙན་རྣམས་བཞུགས་ཚུལ། ཟབ་མོ་ཀུན་འདུས་ཕྲན་གཞུང་གི་རོལ་མོའི་རྣམ་གྲངས་བསྡུས་པ་རྣ་བའི་ཡིད་འཕྲོག་གཟིམས་དཔོན་ནོར་བུས་བསྐུལ་ནས་མཛད་པ། རྩ་གསུམ་ཞིང་སྐྱོང་མཆོད་པའི་དབྱངས་ཀྱི་མཚན་ཉིད་དཔེ་དགུ་ལྡན་སྣང་བ་དབང་སྡུད་ཟིལ་གནོན་སྦས་ཡུལ་ཁན་པ་ལུང་དུ་ཆོས་རྗེ་རྣལ་འབྱོར་པར་དབྱངས་འབུལ་དང་བསྟུན་ནས་མཛད་པ། དཔལ་མགོན་ཆོས་སྐྱོང་དམ་ཅན་འཁོར་བཅས་རྣམས་ལ་གཏང་རག་ཕྱིས་ཞུ་ད་ལྟའི་འཕྲིན་བཅོལ་གྱི་རྒྱུན་གཏོར་བསྐང་གསོ་ཁྱེར་བདེ་སྦས་ཡུལ་ཁན་པ་ལྗོངས་སུ་བཀོད་པ། སྐྲའི་ལམ་ལ་བརྟེན་ནས་རྩ་བ་གསུམ་དུ་འཇུག་ཐབས་མ་ཧཱ་ཡོ་གའི་སྐྲ་དབང་གི་རིམ་པ་མདོར་བསྡུས་རྩ་

གསུམ་དྲིལ་བ་ལྡེམ་དགོངས་དག་སྣང་ཕྲ་མོས་བསྐུལ་ནས་སྦྱར་བ། རྣལ་འབྱོར་པའི་སྐྲའི་དགོས་ཆེད་བྱིན་རླབས་འབྲས་བུ་མདོ་རྒྱུད་ཀུན་ནས་བཤད་ཚུལ་སྐྲ་ལུང་རིན་ཅེན་བང་མཛོད་བརྒྱུད་པ་ཟམ་མ་ཆད་བའི་མཐའ་ཅན། སྙིང་ཏིག་བདུན་གྱི་དགོངས་པ་བསྡུས་པའི་འཁྲིད་ཡིག་སྦས་དོན་གསལ་བྱེད་འོད་ཀྱི་དྲ་བའི་དཀྱིལ་འཁོར་ཞེས་པ་རྒྱ་འོད་ཀྱི་ཕུང་པོའི་རྨི་ལམ་དུ་བསྐུལ་བར་བརྟེན་ནས་དགེ་བསྙེན་མཁའ་རིའི་མགུལ་དུ་བྲིས་པ་རྣམས་ཀྱི་དབང་ལུང་ལེགས་པར་ནོས་པའི་བརྒྱུད་པ་ནི། ཆོས་སྐུ་རང་བྱུང་པདྨ་ཐོད་འཕྲེང་། ལོངས་སྐུ་རང་རྩལ་ཧེ་རུ་ཀ་པ། སྤྲུལ་སྐུ་རང་ཤར་ཡེ་ཤེས་མཚོ་རྒྱལ། གནུབས་ཀྱི་སྔགས་འཆང་སངས་རྒྱས་ཡེ་ཤེས། འདོད་འབྲས་སྩོལ་མཛད་ཞིང་སྐྱོང་མཁའ་འགྲོ་མ། ཆོས་བདག་མཁའ་འགྲོའི་དབང་ཕྱུག །མཚུངས་མེད་ཐུགས་རྗེ་ཀུན་ཁྱབ། མཁས་གྲུབ་ནམ་མཁའི་རྒྱལ་མཚན། ལྷ་བཙུན་གཏད་མེད་ཟང་ཐལ། མཚུངས་མེད་འཕྲིན་ལས་ལྷུན་གྲུབ། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་ན་རྒྱལ་སྲས་འཇའ་ཚོན་མེ་འབར་ནས། གྲུབ་བརྙེས་རིན་ཅེན་དར་རྒྱས། ཟབ་ལུང་མི་འགྱུར་དབང་རྒྱལ། ལྷ་བཙུན་གཏད་མེད་ཟང་ཐལ་མན་འདྲ། ༈ ཨཱ་ཙཪྻ་ས་ལེ་དང་རྗེ་བཙུན་རས་ཆུང་བའི་རྣམ་པར་སྤྲུལ་པ་སྣང་གསལ་བ་རིག་འཛིན་བཀྲ་ཤིས་རྒྱ་མཚོས་སློབ་དཔོན་ཆེན་པོ་པདྨ་སམ་བྷ་ཝ་དང་དག་སྣང་གི་ཚུལ་དུ་མཇལ་ནས་གསན་པའི་ཚེ་དཔག་མེད་ཧྲཱིཿགཅིག་མ་ཞེས་སྙན་བརྒྱུད་བཀའ་རྒྱ་མའི་སྐོར་ལ། སྐྱབས་སེམས་གསོལ་གདབ་བྱིན་འབེབས་སྔོན་དུ་འགྲོ་བའི་བུམ་པས་སྐུའི་དབང་། ཐོད་པ་བདུད་

རྩིས་གསུང་དབང་། གཏོར་མས་ཐུགས་དབང་། རིགས་ལྔ་ཅོད་པན་གྱིས་དབང་བཞི་ཡོངས་རྫོགས། གཏོར་མའི་དབང་དང་བཅས་པ་ནོས་ནས། ལུང་ལ་ཐེམས་ཅན་ཐེམས་མེད་གཉིས། དང་པོ་ལ། རིག་འཛིན་ཀུན་དགའ་ཚེ་མཆོག་གིས་ཁྱི་ལོ་སྤྲེལ་ཟླའི་ཚེས་བཅུ་ལ་བསྒྲིགས་པའི་དཀར་ཆག་མུ་ཏིག་འཕྲེང་བ་ལྟར་ལོ་རྒྱུས་དབང་དང་བཅས་པ། ཆགས་ལམ་ལ་བརྟེན་ནས་ཚེ་སྒྲུབ་ཤིན་ཏུ་ཟབ་པ། དབང་བཞི་དམིགས་འཁྲིད་ཅེས་པ་རྒྱ་མཚོ་ཆེན་པོའི་དབུས་སུ་པད་སྡོང་གི་སྟེང་ནས་བདག་བསྐྱེད་ཚེ་དཔག་མེད་དང་གནས་ལྔར་ཚེ་དཔག་མེད་རིགས་ལྔ་སྒོམ་པ་མཾ་ག་ལཾ་ཞེས་སངས་རྒྱས་དབོན་པོས་མཛད་པ། ཧྲཱིཿགཅིག་མའི་འཕྲིན་ལས་ཉུང་འདུས་སུ་བྱུང་བ་ཟིན་བྲིས་སུ་བཀོད་པ། ཧྲཱིཿགཅིག་མའི་དབང་སྒྲུབ་དུས་སུ་ཚེའི་ཕོ་ཉ་བསྐུལ་ཞིང་ཚེ་འགུགས་པ་བཅོམ་ལྡན་མགོན་པོ་མ་དངོས་གྲུབ་སྩོལ་བའི་མཐའ་ཅན། ཚེ་འཁྲིད་ཟབ་མོ་ཉམས་སུ་ལེན་པའི་གདམས་པ་འཁོར་ལོ་ལྔ་མ་སྤྲེལ་ལོ་ཟླ་བའི་ཚེས་བཅོ་ལྔ་ལ་ཟངས་མདོག་དཔལ་རིའི་ཉམས་སྣང་ཤར་ཞིང་ཨོ་རྒྱན་རྗེ་དང་མཇལ་ནས་གནང་བ། ཨོ་རྒྱན་གྱི་ཞལ་གདམས་གབ་པའི་ཚུལ་དུ་བྱུང་བ་ཁྱོད་དང་འབྲེལ་བ་སུ་ཡོད་མ། དབང་གསུམ་པའི་རྒྱབ་ཡིག་ཞལ་ཤེས། ཚེ་སྒྲུབ་བུ་ཡིག་ཅེས་པ་ནམ་མཁའ་ཟ་བ། འཁྲུལ་འཁོར། རྫས་ཀྱི་ཚེ་སྒྲུབ་དང་བཅས་པ། ཚེ་སྒྲུབ་ཧྲཱིཿགཅིག་གདམས་པ་དར་བའི་དུས་ཀྱི་ལུང་བསྟན་གུ་རུའི་གསུང་ལས་བྱོན་པ་ཟིན་བྲིས་སུ་བྱས་པ། ལས་བྱང་ཨཱ་ཡུར་སིདྡྷི་དཔལ་ལྡན་དཀྱིལ་འཁོར་མ་སྤྲེལ་ལོ་ཟླ་བ་བརྒྱད་པའི་ཚེས་བཅུ་གསུམ་ལ་ཟིན་བྲིས་སུ་ཕབ་པ། ཧྲཱིཿ གཅིག་མའི་དབང་རྒྱས་པ་མཐར་ཐུག་དགོས་འདོད་ཀུན་འབྱུང་བ་ཉིད་པདྨ་འབྱུང་གནས་ཀྱིས་

བཀོད་པ་རྫོགས་སོའི་མཐའ་ཅན། ཚེ་འགུགས་འགྱུར་མེད་རྡོ་རྗེ་མ་ཞར་བྱུང་ཚེ་སྦ་བསྟིམ་རྒྱས་བཏབ་གནད་བསྐུལ་དང་བཅས་པ་པདྨའི་སྙིང་ཁྲག་ལྟ་བུ་མཆོག་ཏུ་གསང་བའི་རྒྱ་ཅན། དབང་བསྐུར་ཡོངས་རྫོགས་གྲུབ་པའི་རྗེས་སུ་རྡོ་རྗེའི་ཚེ་འཛུགས་པ་ཧྲཱིཿ གཅིག་མའི་འཁྲིད་ཀྱི་རྒྱབ་ཆོས་ཡིད་ཆེས་ཁུངས་བཙུན་པར་བྱེད་པ་གཞི་ལམ་འབྲས་བུའི་འཁྲིད་དུ་གཟིགས་ཀྱི་མཐའ་ཅན། ཟབ་ཏིག་སྙིང་པོ་ཚེ་སྒྲུབ་རྡོ་རྗེ་གསང་བ་འདུས་པ་མཐར་ཕྱིན་པ་ས་མ་ཡའི་མཐའ་ཅན། ཉི་ཤུ་ལྔའི་ནམ་ཟ་ཟིལ་བར་སྣང་ཐམས་ཅད་ཚེ་དཔག་མེད་ཀྱིས་གང་ནས་གསུངས་པའི་ཚེ་སྒྲུབ་ཨཱ་ཡུ་དྷེ་ཝ། རིན་ཅེན་གཏེར་བུམ་གྱི་ནང་དུ་ཨོ་རྒྱན་ཆེན་པོ་བཞུགས་ནས་གསུངས་པའི་ལུང་བསྟན་ཞལ་གདམས་འོག་མ། ཐུགས་བཅུད་ཟབ་མོ་ཚེ་སྒྲུབ་ལྷ་རིགས་ལྔའི་སྒྲུབ་པ་གཅིག་ཏུ་དྲིལ་བ་ཧྲཱིཿ གཅིག་མའི་སྒྲུབ་པ་འོག་མར་གྲགས་པ། ང་དང་ཁྱོད་གཉིས་དབྱེར་མེད་གཅིག་པས་བརྒྱུད་པ་ལོགས་ན་འཚོལ་རྒྱུ་མེད་པས་སྔོན་དུ་རང་གིས་དབང་ཐོབ་པར་བྱས་ནས་བུའི་མཐར་ཐུག་ཨཱ་ནནྡ་ལ་སྦྱིན་པར་བྱ་བའི་ཧྲཱིཿ གཅིག་མའི་དབང་འོག་མ། བུམ་དབང་གི་ལྷན་ཐབས་རྩ་གསུམ་མཆོག་གསུམ་མ། ཚེ་འཁྲིད་ཀྱི་རྒྱབ་སྐྱོར་དོན་འཁྲིད་ནོར་བུའི་འཕྲེང་བ་ཞེས་པ་ཚེ་འཁྲིད་འོག་མ། ཚེ་འཁྲིད་ཀྱི་རྒྱབ་སྐྱོར་ཞལ་གདམས་ཟུར་དུ་བྱོན་པ། ཐུགས་རྗེ་བརྩེ་བས་བསྐྱངས་པའི་བུ་ལ་གནང་པའི་འཆི་མེད་རིག་འཛིན་སྒྲུབ་པའི་དབང་ཆོག་འོག་མ་བཀའ་རྒྱ་མ་རླུང་ཕྱོགས་ཙམ་ལའང་མི་སྟོན་པ། སྦྲུལ་ལོ་ཧོར་ཟླ་བཞི་པ་ཚེས་གཉིས་ཀྱི་ནུབ་རྐྱེན་དྲག་པོ་ཞིག་གིས་བསྐུལ་ནས་ཐུགས་སྐྱོ་བར་བརྟེན་མནལ་ལམ་དུ་རྔ་ཡབ་པདྨ་

འོད་ཀྱི་གཞལ་ཡས་སུ་སློབ་དཔོན་ཆེན་པོའི་ཞལ་མཇལ་ལུང་བསྟན་འོག་མ། ཧྲཱིཿ གཅིག་གདམས་པའི་ཟབ་དོན་རྒྱུད་ཀྱི་དགོངས་ཚིག་སྐལ་ལྡན་སྙིང་ལ་ཨ་ཐམ་རྒྱའི་མཐའ་ཅན། ཁྱབ་འཇུག་ཆེན་པོས་བཀྲ་ཤིས་རྒྱ་མཚོ་ཞལ་དངོས་སུ་བསྟན་ནས་གནང་བའི་ཧྲཱིཿ གཅིག་མའི་བཀའ་སྲུང་རྣམས། གཉིས་པ་ཐེམས་མེད་ལ། གསོལ་འདེབས་ཆོས་སྐུ་སྣང་མཐའ་མ། གསོལ་འདེབས་བདེ་བ་ཅན་ཞིང་མ། ཆུ་ཕག་ཧོར་ཟླ་ལྔ་པའི་སྤྲེལ་ཟླའི་ཚེས་བཅུའི་ཉིན་ཨོ་རྒྱན་མཁའ་འགྲོས་ལུང་བསྟན་པའི་ཧྲཱིཿ གཅིག་མའི་དབང་སྒྲུབ་ཆེན་མོའི་བུམ་དབང་ཆེན་མོ། རྗེ་བཀྲ་ཤིས་རྒྱ་མཚོ་དགུང་ལོ་རེ་ལྔ་བཞེས་དུས་མནལ་ལམ་དུ་བུ་མོ་རུས་རྒྱན་ཅན་ཞིག་གིས་དར་གདན་ལ་བཏེག་ནས་ཟངས་མདོག་དཔལ་རིར་བྱོན་པའི་ལོ་རྒྱུས་མཇུག་ན་ཡོད་པའི་དབང་གོང་མ་གསུམ། ཧྲཱིཿ གཅིག་མའི་དབང་བཞིའི་ཉིང་ཁུ་དཔྲལ་བའི་མིག་དང་ཁོང་པའི་སྙིང་ལྟ་བུར་གཅེས་པའི་གདམས་པ་ཟབ་མོ་གུད་དུ་སྦས་པ། ཆུ་ཕག་ཧོར་ཟླ་བཅུ་གཉིས་པའི་ཚེས་བཅུ་དྲུག་གི་ཉིན་དབང་སྒྲུབ་ཀྱི་དུས་བྱུང་བའི་རྡོ་རྗེ་རྒྱ་མདུད་ཀྱི་དབང་བཞི་ཚེ་སྒྲུབ་ཐམས་ཅད་ཀྱི་སྙིང་པོ། ཧྲཱིཿ གཅིག་མའི་ལུང་བསྟན་གདམས་པའི་བྱུང་ཁུངས་ཆ་བ་དང་བཅས་པ། ཚེ་ལྷ་ཡབ་ཡུམ་ངོ་བོ་དབྱེར་མེད་པའི་ཚེ་སྒྲུབ་ཐམས་ཅད་ཀྱི་སྙིང་པོ་ཤིན་ཏུ་ཟབ་པ། ཚེ་སྒྲུབ་རྡོ་རྗེ་རྒྱ་མདུད་ཀྱི་གདམས་པའི་སྙིང་པོ་རྣམས་ཐོབ་པ་ལས་ལོ་རྒྱུས་དབང་དང་བཅས་པའི་ཡི་གེའི་ལུང་མ་གཏོགས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། གྲུབ་མཆོག་བཀྲ་ཤིས་རྒྱ་མཚོ། དེ་སྲས་ཀུན་དགའ་ཚེ་མཆོག་

ངག་དབང་ཡེ་ཤེས་གྲུབ་པ། དྲིན་ཅན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་སྩལ་ཏོ། །ལོ་རྒྱུས་དབང་དང་བཅས་པའི་ཡི་གེའི་ལུང་ནི། ཀུན་མཁྱེན་ཆོས་དབྱིངས་རང་གྲོལ་ནས། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །རྗེ་བླ་མ་ཟུར་ཆེན་གཟུགས་སྐུ་ཆོས་དབྱིངས་སུ་བསྡུས་ནས་ཞག་གསུམ་སོང་བའི་ཐོ་རངས་ཉིང་འཁྲུལ་དུ་ལྷོ་ནུབ་ཕྱོགས་ཀྱི་ཐག་རིང་ཞིག་ལ་ཕེབས་ཁུལ་གྱི་ལམ་ཞོར་ལ་འདིའི་ཚེ་འཁྲིད་དེ་བྱེད་དུ་འོངས་པ་ཡིན་གསུངས་ཞིང་ཚར་གཅིག་གསུངས་པ་གསལ་བར་བྱུང་བས་ཟངས་མདོག་དཔལ་རིར་གཤེགས་པའི་ཞོར་དུ་དག་པ་ཡེ་ཤེས་ཀྱི་སྐུས་རྗེས་སུ་བཟུང་བར་མངོན་ནོ། ༈ །ཆུ་མོ་གླང་གི་ལོ་ཧོར་ཟླ་ལྔ་པའི་ཚེས་བཅོ་ལྔའི་ནུབ་བྱང་གནམ་མཚོའི་བཀྲ་ཤིས་དོ་བོ་ཆེར་མནལ་ལམ་གྱི་ཚུལ་དུ་སློབ་དཔོན་ཆེན་པོ་པདྨ་འབྱུང་གནས་ཀྱིས་འབྲི་གུང་པ་རིག་འཛིན་ཆོས་ཀྱི་གྲགས་པར་གནང་བའི་སྒྲ་མི་སྙན་པའི་ཚེ་སྒྲུབ་ཀྱི་སྐོར་ལ། ལས་བུམ་གྱིས་དྲི་མ་འཁྲུས་པ། བྱིན་འབེབས། བུམ་པས་སྐུ། བདུད་རྩིས་གསུང་། ཤེལ་རྡོས་ཐུགས། ཚེ་གཏོར་རྣམས་སྔོན་དུ་འགྲོ་བའི་ཏིང་ངེ་འཛིན་གྱི་ཚེ་དབང་དངོས། ཚེ་གཏའ་བསྡམ་པ་དང་བཅས་པའི་དབང་། དེའི་དབང་ཆོག་ལོ་རྒྱུས་ཀྱི་ཡི་གེའི་ལུང་དང་བཅས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཚེ་དཔག་མེད་མགོན། སྤྲུལ་སྐུ་པདྨ་ཐོད་འཕྲེང་། འབྲི་ཁུང་པ་ཆོས་ཀྱི་གྲགས་པ། སྔགས་འཆང་དཀོན་ཅོག་ལྷུན་གྲུབ། ཁྱབ་བདག་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །ལུང་བསྟན་དྲི་མེད་གདུང་སེལ་ལས། །ཟབ་མོ་དོན་བསྡུས་སྙིང་

པོ་འདི། །ལྷ་རི་རིན་ཅེན་རོལ་པའི་ཕུག །འོད་གསལ་དབྱིངས་ཀྱི་ཕོ་བྲང་དུ། །རྒྱལ་བས་བྱིན་བརླབས་དགོངས་པའི་གཏེར། །སྨིན་གྲོལ་མྱུར་རྩོལ་ཐུགས་ཀྱི་གཏེར། །བརྡ་དང་དབང་བསྐུར་དག་སྣང་གཏེར། །མཁའ་སྤྱོད་རྒྱལ་ཀུན་དབང་བཞིའི་གཏེར། །གཏེར་བཅུད་འདུས་པ་རྡོ་རྗེའི་ཚིག །ཅེས་དང་། ཤངས་རྩེ་ལྗགས་དང་ཕྱག་མཛུབ་ལ། །ཨ་དཀར་མཚན་པ་ཕྱི་ཡི་རྟགས། །ཐུགས་གཏེར་མི་བརྗེད་གཟུངས་ཉིད་ཀྱིས། །དབང་ཐོབ་བདེན་པས་དགོངས་དོན་གསལ། །རང་གྲོལ་རྟོགས་པ་ནང་གི་རྟགས། །མགྲིན་པའི་ཀློང་གྲོལ་གསང་བའི་རྟགས། །རྟགས་གསུམ་ལྡན་པའི་སྐྱེས་བུ་ལ། །ཞེས་ཆོས་དང་གང་ཟག་ལུང་བསྟན་པ་ལྟར། བྲག་དཀར་བཀྲ་ཤིས་སྡིངས་སུ་ཀེང་སྨྱོན་ཧེ་རུ་ཀ་པ་ནམ་མཁའ་འཇིགས་མེད་ལ། རྨི་ལམ་དང་མངོན་སུམ་འདྲེས་པ་ལྟ་བུར་རྒྱ་གར་ཁ་ཆེའི་ཆ་ལུགས་ཅན་གྱི་བུ་མོ་ཞིག་གིས་ཁྱེད་ལ་བླ་མ་རིག་འཛིན་གྱི་སྲོག་སྒྲུབ་ཌཱ་ཀི་ཆོས་སྲུང་གི་སྙིང་ཐིག་གཅིག་དག་སྣང་གི་ཚུལ་དུ་འོང་ཞེས་ལུང་བསྟན་ཞིང་། མེ་ཕག་ལོར་ཌཱ་ཀི་སྙིང་གི་ཕུག་པར་ཐོ་རེངས་ཀྱི་ཆར་དག་སྣང་ཟབ་ཆོས་ཀྱི་ཆོས་བདག་ལུང་བསྟན་སོགས་ཆོས་བཀའ་རྣམས་རིམ་གྱིས་བྱུང་བའི་ཡང་གསང་ཨ་ཏི་བླ་མེད་ཀྱི་སྙིང་ཐིག་གདམས་པའི་སྲོག་འདུས་པ་མཐོང་ཐོས་དྲན་རེག་གི་འགྲོ་བ་མཐའ་དག་དཔའ་བོ་མཁའ་འགྲོའི་དཀྱིལ་འཁོར་རམ་རིག་འཛིན་དུ་གྲོལ་བར་བྱེད་པའི་རིག་འཛིན་སྲོག་སྒྲུབ་ཀྱི་སྐོར་ལ། དབང་གི་སྟ་གོན་རྡོ་རྗེའི་ལྡེ་མིག །ཚེ་དབང་དམར་པོ་བཅུད་སྡུད། རིག་པ་རྩལ་དབང་གུད་དུ་སྦས། བཀའ་སྲུང་སྲོག་དབང་གི་ཡི་གེ་ཆ་ལག་དང་བཅས་པའི་སྟེང་ནས་མཎྜལ་

སིནྡྷུར་ལྔ་ཚོམ་གྱི་དཀྱིལ་འཁོར་དུ་སྟ་གོན་གྱི་ཆོས། ཚོམ་བུའི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་ཚེ་དང་ཡེ་ཤེས་ལྷན་དུ་འགུགས་པ། ཐོད་འཕྲེང་རིགས་ལྔ་ལ་བརྟེན་པའི་བུམ་དབང་། བྱང་ཆུབ་སེམས་ལ་བརྟེན་པའི་གསང་དབང་། ཤེལ་རྡོ། སྒྲོ་མདོངས། མེ་ལོང་། ཧྲཱིཿདམར། དྲིལ་བུ་ལ་བརྟེན་ནས་ཤེར་དབང་། མེ་ལོང་དང་དཔའ་བོ་སྡེ་ལྔའི་སྐུ་འབག་ལ་བརྟེན་པའི་རིག་པའི་རྩལ་དབང་། རྩ་རླུང་གིས་ཚེ་སྒྲུབ་པའི་ཆེད་དུ་ཚེ་ཆང་། བཅུད་ལེན་གྱིས་ཚེ་སྒྲུབ་པའི་ཆེད་དུ་ཚེ་རིལ། ཚེ་གཏོར་གྱི་དབང་། རྒྱས་གདབ། མཐའ་རྟེན་རིན་ཅེན་བདུན་བཀྲ་ཤིས་རྟགས་བརྒྱད་རྫས་བརྒྱད་བཅས་པ། ༼ཧེ༽རིག་འཛིན་སྲོག་སྒྲུབ་ཀྱི་དབང་། དཀྱིལ་འཁོར་དུ་འཇུག་པ་སྔོན་དུ་འགྲོ་བའི་ཐོད་འཕྲེང་རིགས་ལྔར་བརྟེན་པའི་བུམ་དབང་། ཤེལ་རྡོ་སོགས་དང་པོ་ཏི་གཏོད་པའི་གསང་དབང་། དྲིལ་བུ་དང་རིག་མའི་ཙ་ཀ་ལི་གཏོད་པའི་ཤེར་དབང་། མན་ཤེལ་ལ་བརྟེན་པའི་ཚིག་དབང་། རྩ་གསུམ་གྱི་གཏོར་མར་བརྟེན་པའི་ཡོན་ཏན་གྱི་དབང་། ཚེ་དབང་། ཚེ་རིལ། གནམ་ལྕགས་རྡོ་རྗེ། མདའ་དར་གྱི་རྒྱས་གདབ་བཅས་པས་ཚེ་དབང་༼ཧེ༽དམར་པོ་བཅུད་སྡུད། རིག་པ་རྩལ་༼ཧེ༽གྱི་དབང་། སྲོག་ཆུ་བུམ་པ། ཙཀ་ལི་མགྲིན་པ་སོགས་གནས་རྣམས་སུ་བསྐུར་བས་ཀླུ་བདུད་མུན་པ་ནག་པོ། སྲིན་པོ་ལང་ཀ་མགྲིན་བཅུ་མ་མོ་ཁྲག་རལ་ནག་མོ། བཤན་པ་སྤུ་གྲི་དམར་པོ་བཞིའི་སྲོག་དབང་། སྔགས་དབང་། བསྒྲལ་དབང་། གཏོར་དབང་། གཞུང་གི་དངོས་གྲུབ་ལེན་མཆོག་གཡང་འགུགས་མར་མེ་སྨོན་ལམ་དང་བཅས་པ་ནོས་ནས། འཁྲིད་ཡིག་འོད་གསལ་གཏེར་མཛོད་ཀྱི་སྟེང་ནས་ཉམས་འཁྲིད། ལུང་ལ་

ཆོས་སྐོར་དངོས་དང་རྒྱབ་ཆོས་གཉིས། དང་པོ་ལ། ཁ་བྱང་ཉི་མའི་དཀྱིལ་འཁོར། དེ་ལས་བྱུང་བའི་ཆོས་སྐོར་ལ། ལོ་རྒྱུས། བསྐྱེད་རིམ། རྫོགས་རིམ། བོགས་འདོན། ལུང་བསྟན། ལས་ཚོགས། རྐྱེན་བཟློག་བར་གཅོད་བགེགས་དཔུང་འཇོམས་པ་དང་བདུན། དང་པོ་ལ། ལོ་རྒྱུས་གབ་སྦས་རྡོ་རྗེའི་སྲོག་སྙིང་རིག་འཛིན་དགོངས་པའི་ལྡེ་མིག །ལྷ་རི་འོད་གསལ་སྙིང་གི་ཕུག་པའི་དག་༼ཧེ༽སྣང་དང་པོ་འཆི་མེད་ཚེའི་དངོས་གྲུབ། དག་སྣང་ལོ་རྒྱུས་༼ཧེ༽ཟབ་དོན་རྟོགས་པའི་སྒོ་འབྱེད་རྣམས། གཉིས་པ་བསྐྱེད་རིམ་ལ་སྔོན་འགྲོ་ཆོས་སྤྱོད་ཀྱི་རིམ་པ་༼ཧེ༽ཟབ་དོན་ཡེ་ཤེས་སྒྲོན་མེ་ཐར་གླིང་སྣ་བའི་རྒྱན་མཆོག །ལས་བྱང་ཟབ་དོན་བཻཌཱུཪྻའི་དོ་ཤལ་༼ཧེ༽ཁྲག་འཐུང་དཔའ་བོའི་མགུལ་རྒྱན། ལས་བྱང་ལ་མཉེན་ལྕུག་འཁྲིལ་བའི་སྨད་ལས་རྡོ་རྗེའི་དགའ་མ་ཚེ་སྒྲུབ་ཀྱི་ཁོག་འབུབས་༼ཧེ༽འཆི་མེད་དོན་གྱི་སྙིང་པོ། གཡང་འགུགས་༼ཧེ༽མེ་ཏོག་ཆར་སིལ། དབང་གི་སྟ་༼ཧེ༽གོན་རྡོ་རྗེའི་ལྡེ་མིག །ཚེ་དབང་དམར་པོ་བཅུད་སྡུད་༼ཧེ༽འཆི་མེད་གཉུག་མའི་བདུད་རྩི། ཚེ་དབང་རྒྱས་པར་བསྐུར་བའི་ཙཀ་ལིའི་རྒྱབ་ཡིག །ཚེ་རིལ་རྒྱས་གདབ། ཟག་བྲལ་འཆི་མེད་བདུད་༼ཧེ༽རྩི་མྱུ་གུ་བཅུད་ལེན་གྱི་དམིགས་རིམ། བདུད་དཔུང་ཕྱེ་མར་གཏོང་ཞིང་བར་གཅོད་རང་གྲོལ་གྱི་གསོལ་འདེབས་གནམ་ལྕགས་རྡོ་རྗེའི་འོད་ཕུང་། ཧྲཱིཿ ཧཱུྃ་དྲིལ་བའི་ཚེ་སྒྲུབ་༼ཧེ༽སྲུང་བའི་འཁོར་ལོ་ཧྲཱིཿ གཅིག་མར་ཡང་གྲགས་པ། ཚེ་སྒྲུབ་ཀྱི་ཡང་སྙིང་ཟབ་མོ་ཞར་བྱུང་ཚེ་སྒྲུབ་ཆིག་བརྒྱུད་དང་བཅས་པ་རྣམས། གསུམ་པ་རྫོགས་རིམ་ལ། འཁྲིད་ཡིག་གི་རྒྱལ་པོ་འཇའ་༼ཧེ༽གུར་འོད་གསལ་གྱི་གཏེར་མཛོད་མཁའ་འགྲོའི་དག་སྣང་། རྩ་བའི་ངོ་སྤྲོད་ཚིག་རྐང་

བཅུ་བཞི་མ་གཞུང་འགྲེལ་༼ཧེ༽འོད་གསལ་རྩེ་མོའི་རྒྱན། སྒོམ་མེད་ནམ་མཁའི་འཁོར་ལོ་ངེས་དོན་རིག་པའི་མཐོལ་གླུ། དབྱིངས་རིག་འཇའ་ཟེར་གྱི་ཐིག་ལེ་སྐྱེ་མེད་ཆོས་སྐུའི་ངོ་སྤྲོད་ཆེན་མོ་གབ་སྦས་ཀྱི་ཡང་རྩེ། དབང་ཆོག་རྡོ་རྗེ་སྙིང་པོ་རྫོགས་ཆེན་༼ཧེ༽གསང་བའི་ངོ་སྤྲོད་རིག་པ་རྩལ་དབང་གུང་དུ་སྦས་པ། དངོས་གཞིའི་དག་སྣང་ཕྱི་ནང་གསང་གསུམ་གྱི་ངོ་སྤྲོད་པདྨ་འོད་ཀྱི་དྲ་བའི་ཞིང་བཀོད། པདྨ་དྲ་བའི་གླིང་གི་སྨོན་ལམ་ཌཱ་ཀི་རོལ་པ་རྣམ་གསུམ་རྣམས། བཞི་པ་བོགས་འདོན་ལ། མུན་འཁྲིད་འཇའ་ལུས་ཟང་ཐལ་ཨུ་དུམ་ཝ་རའི་མེ་ཏོག་གསང་ཆེན་སྙིང་པོ་ངོ་སྤྲོད་ལག་བཅངས་མ། མུན་འཁྲིད་གསོལ་འདེབས་ལྷུན་གྲུབ་མདངས་ལྔ་མ། ཕག་མོའི་ལས་བྱང་ཟག་མེད་བདེ་ཆེན། ཕག་མོའི་སྐོང་བཤགས་སྒྲིབ་གཉིས་རང་གྲོལ། ཕག་མོའི་སྦྱིན་སྲེག་ལས་བཞི་མྱུར་འགྲུབ། གཏུམ་མོ་བདེ་ཆེན་པདྨའི་གྲུ་རྫིངས། དེའི་གསོལ་འདེབས་བཻཌཱུཪྻའི་ཆུ་རྒྱུན། འཁྲུལ་འཁོར་གསལ་བའི་ཆུ་རྒྱུན། འོག་སྒོའི་གདམས་པ་ཡང་ཟབ་བདེ་ཆེན་རྒྱ་མཚོ། ཕག་མོའི་རྫོགས་རིམ་ཆོས་དབྱིངས་སྒྱུ་མའི་སྙིང་ཐིག །ཟབ་དོན་སྙིང་པོ་རྨི་ལམ་འོད་གསལ་གྱི་འཁྲིད་གཞུང་། དེའི་འགྲེལ་པ་ཉི་ཟླའི་བླ་རེ། སྤྱོད་ཡུལ་དཔའ་བོའི་འཐོལ་གླུ། དེའི་འགྲེལ་པ་གསལ་བྱེད། མཁོ་བའི་མན་ངག་མཁའ་སྤྱོད་རྡོ་རྗེའི་ལམ་ཆེན་ཆོས་དབྱིངས་ཐར་གླིང་གྲུ་གཟིངས། འཕོ་བའི་མན་ངག་ཟབ་ཁྱད་ཅན། ཐེམས་མེད། བར་དོ་འཇའ་ཕུད་རང་གྲོལ་རྣམས། ལྔ་པ་ལུང་བསྟན་ལ། ཕྱིའི་ལུང་བསྟན་ཤེལ་གྱི་མེ་ལོང་། ནང་གི་ལུང་བསྟན་ཉི་འོད་རབ་གསལ། གསང་བའི་ལུང་བསྟན་མེ་བྱ་ཡན་གྱི་བསྟན་པ་གསོ་ཐབས། ཐང་ལྷའི་ལུང་དྲི་མེད་

འོད་ཀྱི་གདུང་༼ཧེ༽སེལ་ཨོ་རྒྱན་གསུང་གི་བརྡ་འགྲོལ་རྣམས། དྲུག་པ་ལས་ཚོགས་ལ། བདུད་རྩི་སྨན་སྒྲུབ་ཀྱི་ཁོག་འབུབས་༼ཧེ༽དངོས་གྲུབ་སྤྲིན་ཕུང་། བྱིན་འབེབས་མེ་ཏོག་ཆར་སིལ་ངོ་མཚར་ལྷའི་སྣང་བ། དམ་རྫས་སྐྱེ་བདུན་སྨན་སྒྲུབ་ཀྱི་ཆ་ལག་༼ཧེ༽ཡང་གསང་གནད་སྒྲུབ་ཞབས་བདུན་མ། དངོས་གྲུབ་ལེན་ཆོག་༼ཧེ༽ཡིད་བཞིན་རེ་སྐོང་། བདུད་རྩི་ལག་༼ཧེ༽མཆོད། མར་མེའི་སྨོན་ལམ་༼ཧེ༽འོད་གསལ་ཆོས་དབྱིངས་སྣང་བྱེད་རྣམས། བདུན་པ་རྐྱེན་བཟློག་པར་གཅོད་བགེགས་དཔུང་འཇོམས་པ་ལ། བཀའ་སྲུང་གི་མཆོད་འཕྲེང་གནམ་ལྕགས་མེ་ལྕེ་འཁྲུག་མ་དྲག་སྔགས་ལས་ཀྱི་ཐོག་རྒོད། རྩ་གསུམ་བསྐང་གསོ་ཀུན་བཟང་མཆོད་སྤྲིན་འདོད་འཇོའི་གཏེར། དྲག་པོ་བཀའ་སྲུང་གི་སྲོག་དབང་། རི་བོ་བསངས་མཆོད། ཆོས་ཀྱི་སྲུང་མ་ཐང་ལྷའི་མཆོད་སྤྲིན་མེ་ཏོག་འཕྲེང་བ། མདོས་མཆོད་༼ཧེ༽ཡིད་བཞིན་མཛོད་ཁང་། འབྲུབ་ཁུང་སྐྱེད་ཆོག་དང་དགུག་འདྲེན་ཕོ་ཉ་དགུ་བརྡུང་། དྲག་པོ་གནམ་ལྕགས་འབར་བའི་མཚོན་ཆ་དགྲ་དཔུང་འཇོམས་པའི་བཤན་དམར། བཞེས་སྒྲ་མེ་རླུང་འཁྲུག་པ་ལས་མཁན་གཤིན་རྗེའི་རྐན་སྒྲ། ལན་ཆགས་ཆུ་སྐྱུར། འཆི་བདག་བདུད་དཔུང་གཡུལ་བཟློག་སྲོག་བསྐྱེད་རྡོ་རྗེའི་འཕྲེང་བ། ལམ་གཏོར་བར་གཅོད་ཀུན་སེལ། ཐེམས་མེད། བརྟན་བཞུགས་བར་གཅོད་ཀྱི་གཡུལ་ལས་རྒྱལ་བ་རྡོ་རྗེའི་ཕ་ལམ། གླུ་རབས་ཡིད་བཞིན་འདོད་འཇོ། ཐེམས་མེད། ཚེ་སྒྲུབ་བདུད་དཔུང་སྲོག་གི་སྤུ་གྲི་རིག་འཛིན་བླ་མ་འདུས་པའི་སྐོང་བཤགས་གནམ་ལྕགས་ཁྲག་འཐུང་རོང་གི་དག་སྣང་མ། ནོར་བུ་ཀླུའི་གཙུག་ཏོར་གྱི་ལོ་རྒྱུས་རྣམས། ཐེམས་མེད། རྩ་བའི་གཉིས་པ་རྒྱབ་ཆོས་སྐོར་ལ། ཡིད་ཆེས་ཁུངས་བཙུན་ལོ་རྒྱུས་ཌཱ་ཀི་གསང་བའི་རྣམ་

ཐར་དངུལ་དཀར་མེ་ལོང་། དལ་འབྱོར་རྙེད་དཀའི་རྣམ་བཤད་འོད་གསལ་ལྡེ་མིག །ཚེ་མི་རྟག་པར་བསྟན་པ་འདུས་བྱས་སྒྱུ་མའི་རྣམ་བཤད་ངེས་འབྱུང་ས་ཞིང་སྟོན་པ། འཁོར་བའི་སྡུག་བསྔལ་བྱེ་བྲག་མདོར་བསྟན་རྒྱས་བཤད་ཀྱིས་གཏན་ལ་ཕབ་པ་བློ་གསལ་ངེས་དོན་སྒྲོན་མེ། སྐྱབས་འགྲོའི་ས་བཅད་ཆོས་དབྱིངས་ངེས་དོན་གྱི་མཛོད་ཁང་། སེམས་བསྐྱེད་ཆོས་དབྱིངས་འོད་གསལ་གྱི་གྲུ་རྫིངས། སྤྱོད་པ་ཕ་རོལ་དུ་ཕྱིན་པ་དྲུག་གི་རྣམ་བཤད་བློ་གྲོས་སྣང་བའི་བདུད་རྩི། ལྟ་བའི་ལེགས་བཤད་༼ཧེ༽ཆོས་དབྱིངས་རོལ་པའི་རྒྱན་མཛོད། དབང་པོ་རབ་འབྲིང་ཐ་གསུམ་གྱི་སྒོམ་རིམ་༼ཧེ༽ས་ལམ་དང་སྦྱར་བ། འབྲས་བུའི་དགོངས་རྒྱན་༼ཧེ༽ངོ་མཚར་རོལ་པའི་མཛོད། ལྟ་བའི་དོན་གཉེར་གཅིག །འོད་གསལ་རྩེ་མོ་ལྷུན་གྲུབ་སྣང་བཞིའི་འཁྲིད་ཆོས་དབྱིངས་རྒྱན་གྱི་གན་མཛོད། ས་ཆོག་བུམ་གཏེར་དངོས་གྲུབ་འདོད་འཇོ། སཱཙྪའི་རིམ་པ་དངོས་གྲུབ་རེ་སྐོང་། བརྟན་བཞུགས་བར་གཅོད་ཀུན་སེལ་མཁའ་འགྲོ་བསུ་བཟློག་རྣམས། གཞན་ཡང་རིག་འཛིན་བི་མཱ་ལའི་ཐུགས་བཅུད་ཨ་ཏི་ཡང་གསང་འདུས་པའི་མན་༼ཧེ༽ངག་གི་སྙིང་པོ་གནམ་ལྕགས་དྲག་པོ་ཧཱུྃ་སྒྲུབ་རྡོ་རྗེའི་ཐོག་མར་མདའ་ལྷ་རིན་ཅེན་ཤེལ་ཕུག་ནས་ཡིད་བཞིན་རིན་ཅེན་འབར་བའི་ཁ་བྱང་དང་ལྷན་དུ་བྱུང་བ། མཁའ་འགྲོ་སྡེ་ལྔའི་བརྟན་བཞུགས་༼ཧེ༽གསང་མཆོག་གདོད་དབྱིངས་མ་རྣམས་ཐོབ་པ་ལས་ཧེའི་རྟགས་ཡོད་པ་མ་གཏོགས་པའི་དབང་ལུང་ཡོངས་རྫོགས་ཀྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། ཨོ་རྒྱན་པདྨ་ཐོད་འཕྲེང་། ཀོང་སྨྱོན་ཧེ་རུ་ཀ་ནམ་མཁའ་

འཇིགས་མེད། ཆོས་བདག་སྤྲུལ་སྐུ་ངག་དབང་པདྨ་འཕྲིན་ལས། ཟུར་ཀུན་མཁྱེན་རྩ་བའི་བླ་མ། དེས་བདག་ལའོ། །ཧེའི་རྟགས་ཡོད་པའི་དབང་ལུང་ནི། རྫོགས་ཆེན་པ་དངོས་ལ་ཟུར་རྩ་བའི་བླ་མས་གསན་ནོ། ༈ །གནུབས་སངས་རྒྱས་ཡེ་ཤེས་དང་དྲན་པ་ནམ་མཁའ་སོགས་དམ་པ་དུ་མས་སྤྲུལ་པའི་ཟློས་གར་རིག་འཛིན་ཆེན་པོ་འཕྲིན་ལས་ལྷུན་གྲུབ་ལ་ལྕགས་སྦྲུལ་ཧོར་ཟླ་ལྔ་པའི་ཉེར་ལྔའི་སྲོད་ཀྱི་ཆར་འོད་གསལ་གྱི་དུས་མཁའ་འགྲོ་མ་བདེ་ཆེན་རྒྱལ་མོས་བླང་དོར་གྱི་རིམ་པ་དང་ཚེ་འཕྲེང་གསལ་བར་སྟོན་པའི་ལུང་བསྟན། ཕྱག་བྱང་ཆུབ་གླིང་དུ་ཆུ་ལུག་སྣོན་གྱིས་ཉ་པའི་ཡར་ངོའི་ཚེས་བཅུའི་སྲོད་ལ་སློབ་དཔོན་ཆེན་པོར་གསོལ་འདེབས་གདུང་ཤུགས་དྲག་པོ་མཛད་པའི་མུས་ལ་འོད་གསལ་དུ་སོང་བའི་ཚེ་སྔར་གྱི་མཁའ་འགྲོ་མ་དེས་བམ་རོའི་རྫས་ལ་བརྟེན་པའི་ལུས་སྣང་སྟོང་རྩའི་རང་ཞལ་སྟོན་པ་སོགས་ངོ་མཚར་བ། ཡང་གནས་དེ་ཉིད་དུ་ཤིང་ཕོ་སྤྲེལ་ལོ་སྤྲེལ་ཟླའི་སྲོད་ལ་ཚོགས་ཀྱི་འཁོར་ལོ་རྒྱ་ཆེན་པོ་བཏང་བའི་ཐོ་རེངས་ཀྱི་ཆའི་འོད་གསལ་ཉིང་འཕྲུལ་ལ་སྔར་གྱི་ཌཱ་ཀི་དེས་སྣ་དྲངས་ཏེ་སྒྲུབ་གནས་བོན་ལུང་ཡིན་ཁུལ་ཞིག་ཏུ་སྣང་སྲིད་ཟིལ་གནོན་པདྨ་འབྱུང་གནས་དང་མཇལ་ནས་ཕྱག་མཚན་བུམ་པའི་ཁ་རྒྱན་གྱི་ནོར་བུས་བྱིན་གྱིས་བརླབས་པ་དང་། མཚོ་ནང་དུ་ཤེལ་གྱི་མཆོད་རྟེན་སོགས་ངོ་མཚར་བའི་གཟིགས་སྣང་གི་ལུང་ཐོབ་པའི་བརྒྱུད་པ་ནི། སློབ་དཔོན་པདྨ་མ་ཐོད་འཕྲེང་། ཇོ་མོ་ཡེ་ཤེས་འཚོ་རྒྱལ། མཁའ་འགྲོ་བདེ་ཆེན་རྒྱལ་མོ། རིག་འཛིན་འཕྲིན་ལས་ལྷུན་གྲུབ། མཚུངས་མེད་གཏེར་བདག་གླིང་པ། དེས་བདག་ལའོ། ༈ །དེ་བཞིན་གཤེགས་པ་ལ་མུ་སྟེགས་ཀྱིས་

དམག་དྲངས་པའི་ཚེ་བཅོམ་ལྡན་འདས་ཀྱིས་བདུད་སྤ་བཀོང་པའི་ཏིང་ངེ་འཛིན་ལ་ཞུགས་ནས་འཇིགས་བྱེད་ཐུབ་པ་ནག་པོའི་སྐུར་བཞེངས་པའི་ཆོས་སྐོར་ལ། བཅོམ་ལྡན་འདས་བདུད་སྤ་བཀོང་བའི་ཏིང་ངེ་འཛིན་ལ་ཞུགས་པའི་དོན་གསལ་བར་བྱེད་པའི་གཞུང་གནམ་སས་བགེགས་རབ་ཏུ་འཐག་པའི་འཁོར་ལོ་རིན་པོ་ཆེ་ཞེས་བྱ་བར་ནང་གསེས་ཀྱི་ལོ་རྒྱུས། བསྙེན་པ། སྒྲུབ་པ། ལས་སྦྱོར་གྱི་སྒོ་ནས་བསྟན་པ་ཇོ་བོ་ཡི་གེ་བདུན་པའི་རྣལ་འབྱོར་པ་པདྨ་བདེ་གཤེགས་འདུས་པ་རྩལ་གྱིས་མཛད་པ། རཱུ་པ་གསལ་བའི་ཡིག་སྣ་དགྲ་བརླག་ནག་པོ་སྦྱོར་མཆོག་གི་འཁོར་ལོ། འབྱུང་བ་ཕུགས་རྡུགས་ཀྱི་ཡིག་སྣ་འཐིབ་བྱེད་ནག་པོ་མུན་པའི་འཁོར་ལོ། ཡིག་སྣ་གསང་ཁང་ནག་པོ་ཆེན་པོ་གནམ་ལྕགས་འཁོར་ལོར་གྲགས་པ་བསྟན་པ་བསྲུང་བའི་མན་ངག་ཡེ་ཤེས་སྒྲོན་མེ། གནམ་ལྕགས་ཀྱི་འཁོར་ལོའི་སྔགས་འགོད་ཐབས་ཞལ་ཤེས་དམིགས་རྣམ་ཐམས་ཅད་འདྲ་བར་བྱའོའི་དོན་ནོའི་མཐའ་ཅན། སྔགས་རྒྱ་བཅོལ་བའི་ཡིག་སྣ་དབང་པོ་དཀྲུག་བྱེད་ནག་པོ་དུག་གི་འཁོར་ལོ། ཕྱག་རྒྱ་གསལ་བའི་ཡིག་རྒྱ་སྐོར་བྱེད་ནག་པོ་རླུང་གི་འཁོར་ལོ། བརྡེག་གཡབ་ཀྱི་ནུས་འདོན་དགྲ་གཤེད་ནག་པོ་སྤུ་གྲིའི་འཁོར་ལོ། སྔགས་ཐེམས་གསལ་བའི་ཡིག་སྣ་སྲོག་འཕྲོག་ནག་པོ་མེའི་ཙཀྲ། ཐུན་མཚམས་དབྱེ་བའི་ཡིག་སྣ་ཡེ་ཤེས་གསལ་བའི་འཁོར་ལོ། བཀྲོལ་བསྲུང་གི་ཡིག་སྣ་འཆི་མེད་བདུད་རྩིའི་འཁོར་ལོ། འཇིགས་བྱེད་ཐུབ་པ་ནག་པོའི་བསྙེན་པ། ལས་སྦྱོར་དམག་བཟློག །ལམ་གྱི་དགྲ་ཇག་འཆིང་བ་དང་བཅས་པ་ཆོས་སྡེ་གཅིག་ཏུ་ཚང་བ་བསྔོ་བ་སྨོན་ལམ་གྱི་རྒྱས་གདབ་པོའི་མཐའ་ཅན་མངའ་རིས་པཎ་ཆེན་མཁྱེན་རབ་དབང་ཕྱུག་གིས་མཛད་པ། དེས་བུ་ཚ་ལ་ཕོ་བྲང་དུ་མཛད་པའི་ལས་བྱང་། གནམ་གྱི་འཁོར་

ལོ། སའི་འཁོར་ལོ། སོ་སོའི་རྒྱབ་ཏུ་འདྲི་བའི་ལས་བྱེད་འཁོར་ལོ། ཐུབ་པའི་ཕྱག །རྡོ་རྗེ་རྒྱ་གྲམ། བཅིང་པའི་རཱུ་པ། རེངས་པའི་རཱུ་པ། ཁུམས་པའི་རཱུ་པ། ཁྲག་ཏུ་སྐྱུག་པའི་རཱུ་པ། སྨྱོ་བྱེད་ཀྱི་རཱུ་པ། མགོ་འཁོར་བྱེད་པའི་རཱུ་པ། ངག་གནོན་རཱུ་པ། སྤྱིར་གསད་བའི་རཱུ་པ། བཙན་ཐབས་སུ་གསད་བའི་རཱུ་པ་ཤོག་ཁྲ་ཕྱག་ལེན་དང་བཅས་ཐོབ་པའི་བརྒྱུད་པ་ནི། བཅོམ་ལྡན་འདས། ཀུན་དགའ་བོ། བྲམ་ཟེ་ཡེ་ཤེས་རྒྱལ་པོ། བྲམ་ཟེ་སྒེག་པ། དེ་སྲས་མ་ལོ། བྲམ་ཟེ་གསལ་སྒྲོན། བྲམ་ཟེ་ཁྲིམས་ཅན། ལོ་ཙཱ་བ་ཅོག་རོ་ཀླུའི་རྒྱལ་མཚན། སློབ་མ་སངས་རྒྱས། སྲས་བུ་ཆེན། སྲས་ཁྲོ་ཞལ་ཅན། སྲས་ཞལ་དམར་ཅན། སྲས་ཞིག་པོ། སྲས་གཙང་པ་ཡེ་ཤེས་བླ་མ། སྲས་གྲགས་པ་འབར། སྲས་བཅུད་སྟེན། སྤྲེའུ་སངས་རྒྱས་ཡེ་ཤེས། ལྷ་སྡིངས་པ་བརྩོན་འགྲུས་ཤེས་རབ། བླ་མ་ཚར་སྟེང་པ། བླ་མ་ལྷ་རྗེ། སྔགས་འཆང་པ་ཚ་སྤེལ། ལྷ་ཆུ་པ་ཚེ་བདག །བླ་མ་ཤེས་རབ་ཡོན་ཏན་ནམ། ཡང་ན་ཡར་ཀླུངས་བདེ་ཆེན་པ། ཤར་པ་འཛིང་སྐྱ་ཐུལ་ཅན། དབུ་སྒོམ་ཏེ་སེ་བ། དམ་པ་ལྷ། དགེ་བཤེས་རིན་ཅེན་འོད། གཞོན་ནུ་བཟང་པོ། སློབ་དཔོན་ཀུན་རིན་ནས་རིམ་པར། པདྨ་རྒྱལ་པོ་ཡེ་ཤེས་རོལ་པ་རྩལ། མཆོག་སྤྲུལ་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། དེ་མོ་བ་ལྷ་དབང་ཕྱོགས་ལས་རྣམ་རྒྱལ། དབྱངས་དཔོན་པ་མཐུ་སྟོབས་གསང་བའི་དབང་ཕྱུག །རྩ་བའི་བླ་མ་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཚེའི་རིག་འཛིན་བརྙེས་པའི་གྲུབ་པའི་སློབ་དཔོན་ཆེན་པོ་པཎྜི་ཏ་གསང་བ་ཤེས་རབ་བམ་པཎ་ཆེན་ལ་བ་དམར་པོར་གྲགས་པས་བོད་དུ་ལན་

གསུམ་བྱོན་པའི་བར་མའི་དུས་གདན་དྲངས་པའི་དཔལ་ལྡན་ལྷ་མོ་དམག་ཟོར་གྱི་རྒྱལ་མོ་ཞེས་རྗེ་ཁོལ་གཉིས་ལས་ཁོལ་མོ། དེ་ཡང་དབང་ཕྱུག་ཉི་ཤུ་རྩ་བརྒྱད་ཀྱི་གཙོ་མོ་མི་བསྲུན་གཡག་མགོ་ཐོད་རློན་འཆང་དང་ཕུར་སྲུང་རེ་མ་ཏཱི། དྲེགས་པའི་སྡེ་དཔོན་སུམ་ཅུའི་ནང་ནས་མ་གཅིག་སྲིད་པའི་རྒྱལ་མོ་སོགས་མིང་བརྒྱ་མཚན་སྟོང་གི་རྣམ་པས་འཕྲིན་ལས་སྣ་ཚོགས་སྒྲུབ་ཅིང་། ནང་ལྟར་ངག་དབང་ལྷ་མོ་དབྱངས་ཅན་མ་དང་། གསང་བ་ལྟར་རྡོ་རྗེ་དབྱིངས་ཕྱུག་མའི་ངོ་བོར་བཞུགས་པ་འདོད་ཁམས་དབང་ཕྱུག་མའི་གཏོར་མ་ལ་བརྟེན་པའི་སྐུ་གསུང་ཐུགས་ཀྱི་རྗེས་གནང་། བཟླས་ལུང་། ཕྱག་མཚན། གཏོར་མའི་བཀའ་བསྒོ་སོགས་ཐུན་མོང་མ་ཡིན་པ་ཤྲཱི་བྷ་དྲས་མཛད་པ་དང་ཐུན་མོང་བ་རྗེ་དགེ་འདུན་རྒྱ་མཚོའི་གསུང་འབུམ་གྱི་ནང་བཞིན་ཡིད་ཆེས་སྨིན་རྒྱས་སུ་ཐོབ་པའི་བརྒྱུད་པ་ནི། རྡོ་རྗེ་འཆང་། པཎྜི་ཏ་ལྭ་བ་དམར་པོ། ལྕེ་འབྱུང་གནས་བཟང་པོ། གནུབས་རྒྱལ་བ་ཡེ་ཤེས། ཞང་ལོ་ཙཱ་བ་པྲཛྙཱ་གུ་རུ། དེ་སྲས་ཞང་སཾ་གྷ་བྷ་དྲ། དེ་སྲས་ཞང་དཔལ་ཆེན་འོད་པོ། དེ་སྲས་ཞང་རྡོ་རྗེ་རྩེ་མོ། ཞང་དིང་རི་བ་ཉི་མ་འོད། ཞང་བསྟན་བཟང་པ་རིན་ཅེན་རྣམ་རྒྱལ། བསམ་བརླིང་པ་སངས་རྒྱས་འབྱུང་བ། འཇམ་དབྱངས་འཁོན་སྟོན་ཐུགས་རྗེ་རིན་ཅེན། བྱང་སེམས་རིན་ཅེན་མགོན་པོ། གཤེན་བླ་མ་ཉི་མ་བཤེས་གཉེན། རྟོག་གེ་པ་ནམ་མཁའ་རྡོ་རྗེ། འཇམ་དབྱངས་དཀར་པོ་དཔལ་རྡོ་རྗེ། རིན་པོ་ཆེ་ཆོས་བཟང་པོ། ཐམས་ཅད་མཁྱེན་པ་དགེ་འདུན་གྲུབ་པ། ཡབ་ཆོས་རྗེ་རྡོ་རྗེ་འཆང་ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། པཎ་ཆེན་བསོད་ནམས་གྲགས་པ།
ཐམས་ཅད་མཁྱེན་པ་བསོད་ནམས་རྒྱ་མཚོ། རྡོ་རྗེ་འཆང་དཔལ་འབྱོར་ལྷུན་གྲུབ། ཟུར་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཐམས་ཅད་མཁྱེན་པ་བསོད་ནམས་རྒྱ་མཚོ་ནས། གྱེ་ར་ལྷ་བཙུན་ལྷ་དབང་རྒྱ་མཚོ། རྡོ་རྗེ་འཆང་ཕ་བོང་ཁ་པ་མན་འདྲ། ཡང་ན་ཐམས་ཅད་མཁྱེན་པ་དགེ་འདུན་གྲུབ་པ་ནས། པཎ་ཆེན་བཟང་པོ་བཀྲ་ཤིས། རྒྱུད་པ་བཀྲ་ཤིས་འཕགས། བརྒྱུད་པ་བརྩོན་འགྲུས་འཕགས། སྲས་ཁང་སྔགས་རམ་པ་བཟང་པོ་རྣམ་རྒྱལ། རྗེ་ཕ་བོང་ཁ་པ་མན་གོང་ལྟར། ཡང་ན་གཤེན་ཉི་མ་བཤེས་གཉེན་ནས། རྫོང་རི་པ་དཀོན་ཅོག་བཟང་པོ། བླ་མ་འཇམ་དབྱངས་མགོན་པོ། ལོ་ཆེན་ནམ་མཁའ་སྨོན་ལམ། འཕགས་མཆོག་ནམ་མཁའི་སྙིང་པོ། ལྷ་བཙུན་ནམ་མཁའ་རྒྱལ་མཚན། ཆོས་རྗེ་རྒྱལ་མཚན་དཔལ་བཟང་། གྲུབ་ཆེན་བསོད་ནམས་སེང་གེ །རྡོ་རྗེ་འཆང་སྒོ་རུམ་པ་ཀུན་དགའ་ལེགས་པའི་འབྱུང་གནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་པ་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་ཟུར་ཆོས་དབྱིངས་རང་གྲོལ། དེས་བདག་ལའོ།

འདོད་ཁམས་བདག་མོ་དཔལ་ལྡན་དམག་ཟོར་མ་རྗེ་ཁོལ་གཉིས་ཀྱི་དབང་རྗེས་གནང་ཇི་ལྟར་ནོས་ཚུལ་སྐོར།

འདོད་ཁམས་དབང་ཕྱུག་ཞི་བའི་སྐུར་བསྟན་པ་དཔལ་ལྡན་ལྷ་མོ་དུང་སྐྱོང་རྒྱལ་མོའི་ཉེ་བརྒྱུད་ཐུན་མོང་མ་ཡིན་པའི་གཏོར་མ་ལ་བརྟེན་པའི་སྐུ་གསུང་ཐུགས་ཀྱི་རྗེས་གནང་བཟླས་ལུང་བཀའ་བསྒོ་དང་བཅས་ནོས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། ཡང་སྤྲུལ་སྲོང་བཙན་སྒམ་པོ། ཐམས་ཅད་མཁྱེན་པ་བསོད་ནམས་རྒྱ་མཚོ། རྡོ་རྗེ་འཆང་ཕ་

བོང་ཁ་པ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །མཁའ་འགྲོ་མ་མེ་ལྕེ་འབར་མའི་རྒྱུད། དཔལ་ལྡན་དམག་ཟོར་མའི་ལས་གསུམ་རྣམ་གཞག་ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པ། ཤོ་མོ་མངོན་ཤེས་འཁྲུལ་མེད། ཨོ་རྒྱན་ཆེན་པོས་མཛད་པའི་དམག་ཟོར་མའི་བསྐང་མདོས་དང་སྦྱིན་སྲེག་རྣམས་ཀྱི་བརྒྱུད་པ་ནི། ཐམས་ཅད་མཁྱེན་པ་དགེ་འདུན་རྒྱ་མཚོ་ནས། དགེ་འཕེལ་མཁན་ཆེན་ཕྱོགས་ལས་རྣམ་རྒྱལ། ཐམས་ཅད་མཁྱེན་པ་བསོད་ནམས་རྒྱ་མཚོ། ལྷ་བཙུན་ལྷ་དབང་རྒྱ་མཚོ། རྡོ་རྗེ་འཆང་ཕ་བོང་ཁ་པ། དེས་བདག་ལའོ། །ཡང་ན་རྗེ་དགེ་འདུན་རྒྱ་མཚོ་ནས། རྗེ་བཙུན་ཆོས་ཀྱི་རྒྱལ་མཚན། ཆོས་རྗེ་བདེ་ལེགས་ཉི་མ། གྱེ་རེ་ལྷ་བཙུན་མན་འདྲ། བསྐང་མདོས་ཀྱི་ཡི་གེ་རྙིང་པ་ལ་མངའ་རིས་དྲུང་པ་ལྷའི་བཙུན་པ་བསོད་ནམས་དཔལ་བཟང་གིས་ཆོག་ཁྲིགས་སུ་མཛད་པའི་བརྒྱུད་པ་ནི། རྗེ་དགེ་འདུན་རྒྱ་མཚོ་ཡན་སྔར་ལྟར་ལ། དེ་ནས་དྲུང་པ་ལྷའི་བཙུན་པ། ལྷ་ཆོས་རྗེ་ངེས་ལེགས་དཔལ་འབྱོར་ལྷུན་གྲུབ། སྡེ་པ་ལྷ་རྒྱ་རི་བའི་ཞལ་ངོ་ཡིན། རྡོ་རྗེ་འཆང་ཕ་བོང་ཁ་པ། དེས་བདག་ལའོ། ༈ །ཞ་ལུའི་སྲུང་མ་དཔལ་ལྡན་ལྷ་མོ་རྡོ་རྗེ་རབ་བརྟན་མའི་གནས་ལྔའི་འོད་ཟེར་གྱི་སྤྲོ་བསྡུ་དབང་བཞི། སྐུ་ཙཀ་ལི། སྔགས་ཀྱི་བཟླས་ལུང་། ཕྱག་མཚན་གཏོད་པ། གཏོར་དབང་དང་བཅས་ལེགས་པར་ཐོབ་པའི་བརྒྱུད་པ་ནི། ཨོ་རྒྱན་རིན་པོ་ཆེ། ལོ་སྟོན་རྡོ་རྗེ་དབང་ཕྱུག །ལྕེ་བཙུན་ཤེས་རབ་འབྱུང་གནས། ལྕེ་བཙུན་ཡེ་ཤེས་དབང་ཕྱུག །ལྕེ་འབུམ་མེ། ལྕེ་འབུམ་དར། ལྕེ་འབུམ་ལྡན། གཡུ་ཐོག་སྒྲ་གསེར་བཟང་། ལྕེ་ཡེ་ཤེས་འབར། མཁན་

པོ་མངོན་པ་བ། བུ་སྟོན་སེང་གེ་འོད། མཁན་པོ་གྲགས་པ་གཞོན་ནུ། བླ་མ་བཀྲ་ཤིས་སེང་གེ་ཐུགས་སྲས་རིན་ཅེན་རྣམ་རྒྱལ། མཁས་པ་ནོར་བཟང་རིན་ཅེན། དཀའ་བཞི་པ་རིན་ཅེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། བྲག་དཀར་རབ་འབྱམས་པ་བསྟན་པ་རབ་གསལ། རྡོ་རྗེ་འཆང་ཚར་པ་ཆོས་རྗེ། འཇམ་མགོན་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། ཁྱབ་བདག་དབང་ཕྱུག་རབ་བརྟན། བསྟན་པའི་བདག་པོ་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཐུགས་སྲས་རིན་པོ་ཆེ་ནས། སྐུ་ཞང་ནམ་མཁའི་མཚན་ཅན། དཀའ་བཞི་པ་རིན་ཅེན་རྒྱལ་མཚན་མན་འདྲ། ཡང་ན་ཐུགས་སྲས་ནས། རྗེ་རིན་ཅེན་དཔལ་གྲུབ། མཁྱེན་རབ་རྗེ་མན་འདྲ། ཡང་ན་མཁྱེན་རབ་རྗེ་ནས། ཞ་ལུ་དཀའ་བཞི་པ་རིན་ཅེན་མཆོག་གྲུབ་དཔལ་འབར། རྒྱལ་ཡུམ་ཚུལ་ཁྲིམས་བཟང་མོ། རྗེ་མཁྱེན་བརྩེའི་ཞབས་མན་འདྲ། འབར་ར་བས་མཛད་པའི་ཡིག་ཆའི་སྟེང་ནས་ཚེ་རིང་མཆེད་ལྔའི་རྗེས་གནང་ཐོབ་པའི་བརྒྱུད་པ་ནི། རྡོ་རྗེ་འཆང་། ཌཱ་ཀི་སིདྷ་མུ་ཁ། ཨོ་རྒྱན་པདྨ་ཐོད་འཕྲེང་། བཀྲ་ཤིས་ཚེ་རིང་མ། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། རྗེ་ཕག་མོ་གྲུ་པ། གླིང་རས། རྒྱ་རས། རྒོད་ཚང་པ། ཡང་དགོན་པ། ལྕགས་སྟོན་གྲུབ་པ་པོ། འཁྲུལ་ཞིག་སངས་རྒྱས། བྱང་ཆུབ་བཟང་པོ། འབའ་ར་བ་རྒྱལ་མཚན་དཔལ་བཟང་། སྐྱེས་མཆོག་ཀུན་དགའི་མཚན་ཅན། རྗེ་དཔལ་འབྱོར་རྒྱལ་མཚན། རྡོ་རྗེ་འཆང་ཀུན་དགའ་རྒྱལ་མཚན། ཐམས་

ཅད་མཁྱེན་པ་དགེ་འདུན་རྒྱ་མཚོ། རྗེ་བཙུན་ཆོས་ཀྱི་རྒྱལ་མཚན། ཕ་བོང་ཁ་པ་བདེ་ལེགས་ཉི་མ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །མངའ་བདག་ཁྲི་སྲོང་ལྡེ་བཙན་གྱིས་ལྷ་སྲས་མུ་རུབ་བཙན་པོ་མཐའི་སོ་ཁ་བསྲུང་བར་བཏང་བའི་དུས་ཨོ་རྒྱན་ཆེན་པོས་རྒྱལ་པོ་རྣམ་ཐོས་སྲས་འཁོར་དང་བཅས་པ་མདུན་གྱི་ནམ་མཁར་བཀུག་ནས་གཡུལ་ལས་རྣམ་པར་རྒྱལ་བར་བཀའ་བསྒོ་མཛད་པའི་རྣམ་སྲས་སྤྲིན་གསེབ་མའམ་ལྗང་ཡུལ་མ་ལྷ་དགུར་གྲགས་པའི་རྗེས་གནང་། ཀློང་ཡངས་རིན་ཅེན་གཏེར་གྱི་རྒྱུད་ལས་བྱུང་བའི་སྒྲུབ་ཐབས། ལོ་རྒྱུས་འདན་མ་རྩེ་མང་གིས་ཡི་གེར་བཏབ་པ། རྗེས་གནང་གི་ཡི་གེའི་ཐོ་དང་བཅས་པ་ཐོབ་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཨོ་རྒྱན་པདྨ་ཐོད་འཕྲེང་། ཆོས་རྒྱལ་ཁྲི་སྲོང་ལྡེ་བཙན། ལྷ་སྲས་མུ་རུབ་བཙན་པོ། ཞང་ལྷ་བཟང་ཀླུ་དཔལ་ནས་རིམ་པར། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ། མུས་ཆེན་རྣམ་རྒྱལ་བཟང་པོ། ཤམ་བྷར་ཀུན་དགའ་རྒྱལ་མཚན། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། བཀའ་འགྱུར་པ་མགོན་པོ་བསོད་ནམས་མཆོག་ལྡན། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། ༈ །རྒྱ་གར་ཆོས་ཁྲིམས་མེད་པའི་མཐའ་འཁོབ་ན། །འཇག་ཁྱིམ་ཀོ་ཁྱིམ་འཛིན་པའི་ཨཱ་ཙཪྻ། །མཐུ་དང་ནུས་པས་བསྲུང་བའི་རྒྱལ་ཁམས་ཡོད། །

ཕྲལ་རྟགས་འབྱིན་འགྲུབ་མཐུ་སུས་མི་ཐུབ་པའི། །ངན་སྔགས་མདའ་ལྟར་འཕེན་པའི་ཨཱ་ཙཪྻ། །ནག་པོ་འཇིགས་མེད་རླུང་གི་འཁོར་ལོ་འཕྱར། །བྲམ་ཟེའི་མན་ངག་རླུང་གི་མནྟྲ་སྟེ། །ད་ལྟ་རྟགས་འབྱིན་རྒྱལ་ཁམས་ཡོངས་སུ་བསུང་། །དེ་ཡི་ལག་ན་རྗེ་བཙུན་འབྲོ་ལོ་ཙཱས། །ཞུས་ཏེ་མན་ངག་གཏན་ལ་ཕབ་པ་ནི། །ཞེས་པ་ལྟར་རྒྱ་གར་ཁ་ཆེའི་བྱང་ཕྱོགས་ཀྱི་རྒྱལ་ཁམས་སུ་ཨཱ་ཙཪྻ་ནག་པོ་འཇིགས་མེད་ལ་རྗེ་བཙུན་འབྲོ་ལོ་ཙཱ་བ་ཤེས་རབ་གྲགས་ཀྱིས་ཞུས་ཏེ་བསྒྱུར་བའི་འབྱུང་བ་རླུང་ལ་ལས་བཅོལ་ནས་ཁམས་གསུམ་འཁྲུག་པར་བྱེད་པའི་རླུང་ནག་འཁོར་ལོའི་སྐོར་ལ། ཚེ་བདག་གི་སྣ་ཆ་བརྒྱད་ཀྱི་ཡ་གྱལ་གནུབས་ལུགས་ཀྱི་རླུང་ནག་འབྱེད་པའི་འཁོར་ལོ་དེང་སང་རྒྱུན་ནུབ་ནའང་། དེ་དང་འདི་གཉིས་ཚིག་ཞུས་མེ་ཕེར་བ་ལས་དོན་གཅིག་པས་སྣ་ཆ་བརྒྱད་ཀྱི་གྲས་སུ་དཔལ་བཀྲ་ཤིས་སྟོབས་རྒྱལ་ཡབ་སྲས་བཞེད་དོ། །འབྱུང་བ་རླུང་ནག་འཁྲུག་པའི་རྒྱུད་ལེའུ་བཅུ་གསུམ་པ་མཇུག་ཏུ་ཚྭ་རྒོད་ཉལ་བའི་ངན་སྔགས་ཞལ་གདམས་འགྲིག་ཅན་བླ་མ་ལ་རག་ལུས་སོ་རྫོགས་བྱང་གི་མཐའ་ཅན། རླུང་འཁོར་ཆེན་མོའི་འཁོར་ལོ་གཉིས་ཚར་རོའི་མཐའ་ཅན། འབྲིང་པོའི་འཁོར་ལོ་གཉིས་ཚར་རོའི་མཐའ་ཅན། རླུང་འཁོར་ཆུང་ངུའི་ཡིག་སྣ་ཚར་རོའི་མཐའ་ཅན། སྤོགས་པའི་འཁོར་ལོ་གཉིས་ཀྱི་གདམས་པ་ཚར་རོའི་མཐའ་ཅན། དཔོན་སློབ་དང་སྤུན་ཟླ་དབྱེ་བའི་འཁོར་ལོའི་གདམས་པ་བྱ་རོག་འུག་པའི་གདམས་པ་ཚར་རོའི་མཐའ་ཅན། སྡེ་བརྒྱད་དཀྲུག་པའི་འཁོར་ལོ་ཆར་རོའི་མཐའ་ཅན། རླུང་འཁོར་མཁན་པོ་ནང་འགྲས་གསོད་པའི་གདམས་པ་རྫོགས་སོའི་མཐའ་ཅན། རླུང་འཁོར་ཆེ་འབྲིང་ཆུང་གསུམ་གྱི་ཞལ་གདམས་ལས་མཐའ་ཡིན་ནོའི་མཐའ་ཅན། རླུང་འཁོར་ཆེ་འབྲིང་ཆུང་གསུམ་བྱ་འུག་རྣམས་

ཀྱི་སྦོགས་ཆོག་འཁོར་ལོའི་ཞལ་གདམས། སྔགས་དང་རྫས་ཀྱི་བཅའ་ལུགས་མདོར་བསྟན་པ་རླུང་འཁོར་ཆེན་མོས་ཡུལ་ཁམས་དཀྲུག །འབྲིང་པོས་གྲོང་ཁྱེར་དཀྲུག །ཐ་མས་བཟའ་གཉིས་ངེས་པར་འབྱེད་པ་ཡིན་ནོའི་མཐའ་ཅན་ལས་ཕྲན་ཕོ་མོ་འབྱེད་པ། སྤུན་ཟླ་འབྱེད་པ། ལྷ་དང་དབྱེ་བ་འཁོར་ལོ་ལ་འབྱུག་ཅིང་རྨེ་བོའི་མཐའ་ཅན། རླུང་ལྷ་ཆས་སུ་ཞུགས་པའི་མན་ངག་རྫོགས་སོའི་མཐའ་ཅན། འཁོར་ལོའི་རྒྱུ། དབྱིབས་ཚད། འདྲི་ཐབས། མི་མཐུན་པའི་རྫས་ལྔའི་བྱ་ཚུལ་སྡེ་བརྒྱད་ལས་ལ་འཛུད་ཅིང་འབྱུང་བ་འཁོལ་པོར་བཀོལ་བའི་གདམས་པ་རྫོགས་སོའི་མཐའ་ཅན། རླུང་འཁོར་ཆེན་མོའི་སྔགས་བྱང་། འབྲིང་པོའི་སྔགས་བྱང་། ཆུང་ངུའི་སྔགས་བྱང་། རང་ལ་མི་ལྡོག་པའི་བསྲུང་བ། ནང་བྱན་ལྷ་འདྲེའི་དམག་མི་སྦྲན་པ། དམོད་མོའི་ལྷན་ཐབས་འཇིག་རྟེན་དྲེགས་ཅན་མ། བྱ་འུག་འཁོར་ལོ་རང་གི་ཁང་ཐོག་ཏུ་བཙུགས་ཀྱང་ཆོག་པར་གསུངས་པ། རླུང་འཁོར་ཞག་བདུན་ཐུན་གྱིས་བྲབ་པ། རླུང་འཁོར་ལག་ལེན་པྲ་འཁྲིད། མི་འགྲུབ་མི་སྲིད་པའི་ཞལ་གདམས་པ། འཁོར་ལོ་བསྐོར་བའི་དུས་ཚེས་གཟའི་སྤུ་གྲི། དགུག་འདྲེན། རང་གསོ་བ། ཕ་རོལ་གསོད་བའི་འཁྲུལ་འཁོར་གྱི་ཨུ་པ་དེ་ཤ །འཁྲུལ་འཁོར་གྱིས་མ་ཏི་ཞེས་པའི་གོང་དང་འདྲ་མིན་གཅིག །སྦས་པའི་གནད་ཡིག་ཅེས་པ་འབྱུང་བཞི་ས་བོན་སྲིད་པའི་ལྷ་དབྱེ་ནག་པོ་རྫོགས་བྱང་གི་མཐའ་ཅན། སཱུཪྻ་རཱ་ཛས་བསྟན་པ་བསྲུང་ཕྱིར་གནང་བའི་སྦས་པའི་མན་ངག་ཅེས་པ་དཀྲུག་པ་བཞིའི་གདམས་པ། ལས་བྱང་བསྐུལ་དང་བཅས་པ་རླུང་ལྷའི་སྤུ་གྲི་དད་པ་དམ་ཚིག་

མ་མ་འདའ་ཞིག་གི་མཐའ་ཅན། རླུང་འཁོར་གནས་གཞན་དུ་སྤོ་ཐབས། རླུང་འཁོར་ལས་འགྲུབ་ཀྱི་སྔགས་བྱང་གསེར་སྐྱེམས་ཀྱི་འཕྱོ་བ་འཇིག་རྟེན་འདས་མ། གཟུ་དཔང་གི་འཕྱོང་སྲིད་པའི་རྩེ་མོ་མ། ལིངྒ་དགུག་གཞུག་གི་འཕྱོང་ལྷ་དབྱེ་དང་བཅས་པ་འབྱུང་བ་རླུང་ནག་འཁྲུག་པའི་འཕྱོང་ས་མཱ་ཡའི་མཐའ་ཅན། དཔེ་རིས་ལ་འཁོར་ལོ་ཆེན་མོ་ཡུལ་ཁམས་དཀྲུག་པ་གཤིན་རྗེ་ཡབ་ཡུམ་གྱི་ལྟོ་འཁོར། འབྲིང་པོ་གཤིན་རྗེ་ཕོ་མོའི་ལྟོ་འཁོར། ཆུང་བ་རླུང་ལྷ་ཡབ་ཡུམ་གྱི་ལྟོ་འཁོར། སྤོགས་པ་གཤིན་རྗེ་ཕོ་མོའི་འཁོར་ལོ། དབྱེ་བ་ཕྲ་མེན་འཁོར་ལོ། བྱ་འུག་གི་འཁོར་ལོ། སྡེ་བརྒྱད་དཀྲུག་པ་རླུང་ལྷའི་འཁོར་ལོ། ས་ལྷ་ཡབ་ཡུམ། ཆུ་ལྷ་ཡབ་ཡུམ། མེ་ལྷ་ཡབ་ཡུམ་གྱི་འཁོར་ལོ། ནང་འབྲས་འཁོར་ལོ། རང་བསྲུང་འཁོར་ལོ། ལས་ཕྲན་འཁོར་ལོ་སོགས་ཀྱི་སྟེང་ནས་ཕྱག་ལེན་དམར་འཁྲིད་དང་བཅས་ཐོབ་པའི་བརྒྱུད་པ་ནི། བཅོམ་ལྡན་འདས། འཇམ་དཔལ་གཤིན་རྗེ་གཤེད། ཕྱག་ན་རྡོ་རྗེ། སློབ་དཔོན་འཇམ་དཔལ་བཤེས་གཉེན། རོ་ལང་བདེ་བའི་དངོས་གྲུབ། བྲམ་ཟེ་སྤྲིན་གྱི་ཤུགས་ཅན། བྲམ་ཟེ་སྡོམ་པ་བཟང་པོ། ཨཱ་ཙཪྻ་ནག་པོ་འཇིགས་མེད། འབྲོ་ལོ་ཤེས་རབ་གྲགས། བནྡེ་ཡེ་ཤེས་ཛྙཱ་ན། སྤྲུལ་སྐུ་ཚེ་དབང་རྒྱལ་པོ། མཁས་གྲུབ་ཆོས་རྗེ། དེས་སྲས་ཆོས་རྗེ། སྔགས་འཆང་ལེགས་པ་དཔལ་བཟང་། གནུབས་ཆེན་རཏྣ་ཤྲཱི། འཇམ་དབྱངས་རིན་ཅེན་རྒྱལ་མཚན། པཎ་ཆེན་པདྨ་དབང་རྒྱལ། དཔལ་ལྡན་ཆོས་ཀྱི་དབང་པོ། ཡུག་ནོར་བུ་དབང་རྒྱལ། ཟུར་བསྟན་འཛིན་འགྱུར་མེད། གུང་རུ་དབྱངས་དཔོན་པ་དཔལ་ལྡན་གྲགས། མཐུ་སྟོབས་དབང་

ཕྱུག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེའི་བསྟན་སྲུང་དུ་སྩལ་ཏོ། །ཡང་ན་རྒྱལ་བ་ཤཱཀྱ་ཐུབ་པ། ཀུན་དགའ་བོ། བྲམ་ཟེ་སྡོམ་པ་བཟང་པོ། བནྡེ་འབྲོ་ལོ་ཙཱ་བ། འབྲོ་བན་ཡེ་ཤེས་ཛྙཱ་ན། ཀོང་སངས་ཡེ་ཤེས། སློབ་དཔོན་ཀུན་དགའ། གཉོས་གྲགས་པ། ལོ་ཙཱ་པྲཛྙཱ་རྩེ་མོ། ཞང་ཕུ་རུ་བ། འབྲོ་བནྡེ། དགེ་བཤེས་བྱང་ལོ། ནག་བསོད་པ། དཔལ་ལྡན་འདར་ཆར། ཁམས་བན། མེ་བན། ཕག་བོན་ཕུག་པ། ཕག་ཕུག་ཆུང་བ། བསམ་མཆོག་ལྡན། ཁ་རག་བློ་ལྡན། གུ་རུ་པྲཛྙ་སིདྷ། མ་སྲིན་པོ་རི་བ། དཔང་སྟོན་སངས་རྒྱས་རྡོ་རྗེ། དཔང་སྟོན་རྡོ་རྗེ་སེང་གེ །དཔང་བཀྲ་ཤིས་སེང་གེ །དཔང་བཀྲ་ཤིས་བཟང་པོ། དཔང་བློ་གྲོས་བཟང་པོ། གྷུར་སྟོན་བཛྲ་སིདྷ། དྲིན་ཅན་དཀོན་ཅོག་རྡོ་རྗེ། མངའ་བདག་དགེ་འདུན་ཆོས་གྲགས། ཟུར་བསྟན་འཛིན་འགྱུར་མེད། རླུང་མི་འགྱུར་རྡོ་རྗེ། དབྱངས་དཔོན་པ་མན་འདྲ། ༈ རྡོ་རྗེ་མཁའ་འགྲོ་མ་རླུང་གི་འཁོར་ལོའི་མན་ངག་ཁྱད་པར་ཅན་བྲམ་ཟེ་སྡོམ་པ་བཟང་པོ་ནས་འབྲོ་ལོ་ཙཱ་བ་ཤེས་རབ་གྲགས་ལ་བཀའ་བབས་པའི་གདམས་སྐོར་ལ། འཁོར་ལོ་རིན་པོ་ཆེ་ཡོན་ཏན་ཀུན་འབྱུང་གི་སྒྲུབ་འགྲེལ་རིན་པོ་ཆེའི་གཏེར་མཛོད་ཅེས་པ་རླུང་གི་འཁོར་ལོའི་རྩ་བ་ཌཱཀིའི་གསུང་ངག་བདེན་པ་ངེས་པ། འབྱུང་བ་བྲན་དུ་བཀོལ་བའི་ཁྱིམ་བདག་རིན་པོ་ཆེའི་གཏེར་མཛོད་ཅེས་བྱ་བ་ལོ་རྒྱུས་དང་སྔོན་འགྲོ། རླུང་ཁང་བརྩིག་པ། འཁོར་ལོ་འདྲི་བ། འཁོར་ལོ་གཟུགས་པ། བསྐོར་བ་སྟེ་སྤྱི་དོན་ལྔས་བསྟན་པ་ཨོ་རྒྱན་ནཱ་ག་རྫུ་ནས་མཛད་པ། ཡང་ལོ་རྒྱུས་གོང་དང་འདྲ་བ་ལས་སྤྱི་དོན་ལྔ། གབ་པ་གསུམ།

སྤེལ་ཚིག་སོགས་ལྷན་ཅིག་ཏུ་བསྟན་པའི་བྱང་ཆུབ་ཐོབ་པར་གྱུར་ཅིག་གི་མཐའ་ཅན། ཁྲོམ་ཟིལ་གནོན། དངོས་གྲུབ་བྱིན་འབེབས། སྒོ་རེབ་མ་སྟེ་གབ་ཚིག་གསུམ་གྱི་མན་ངག་མུན་འབྱེད་སྒྲོན་མེ། གནད་ཀྱི་འཕྲུལ་ཡིག་མེ་ལོང་། རླུང་གི་འཁོར་ལོ་ལ་བརྟེན་ནས་ནོར་སྒྲུབ་པའི་གདམས་པ་བཀའ་བརྒྱུད་ལུང་གསུམ་འདུས་པ་རྫོགས་སོའི་མཐའ་ཅན། རླུང་གི་འཁོར་ལོ་ལ་བརྟེན་ནས་སྤྱི་སྒྲུབ་སྙན་བརྒྱུད་ཀྱི་ཞལ་གདམས་སྙིང་དང་འདྲ་བའི་བཀའ་བརྒྱུད་ལུང་གསུམ་གྱི་བཅུད་བསྡུས་ཚིག་བརྒྱུད་མ་བརྗེད་ཀྱི་དོགས་ནས་ཡི་གེར་བྲིས་པའི་གསོལ་བ་བཏབ་ནས་དཀར་ཆག་ཏུ་བཀོད་པའི་མཐའ་ཅན། ཡིད་བཞིན་གྱི་ནོར་བུ་རིན་པོ་ཆེ་འདྲ་བའི་སྒྲུབ་ཐབས་མན་ངག །རླུང་གི་འཁོར་ལོའི་མན་ངག་ཞལ་གདམས་ཟབ་ཁྱད་ཅན་བཅའ་གཞི། སྔ་ལྟ་ཕྱི་ལྟའི་རྩ་བའི་འཁོར་ལོ་བྲི་བ། གཟུགས་པ། བསྐོར་བ། རླུང་ལྷའི་སྔགས། རིགས་ལྔ། གདུགས་དཀར། མི་འཁྲུགས་པ། མཆོད་པའི་སྤྲིན། སྙིང་རྗེ་ཅན། ཡི་གེ་བརྒྱ་པ་རྣམས་ཀྱི་སྔགས་བྱང་། སྐྱོབ་པ་གདུགས་གཉེན་པོ་ཐོག་གཟོར། སྦྱིན་པ་སྤེལ་བ། འབྲུ་སྤེལ་བ། ཁྲོམ་ཟིལ་གནོན། ཁ་དྲག་དཔུང་བསྐྱེད། ཁོན་སྦྱང་། ལྷ་དང་གྲིབ་བཞིན་འགྲོགས་པ། དངོས་གྲུབ་བྱིན་འབེབས། ཁམས་གསུམ་དབང་སྡུད། མི་སྙིང་སྒུལ་བ། མི་ནོར་རྒྱས་བྱེད། ཚེ་དང་ལོངས་སྤྱོད་སྤེལ་བ། གནོད་སྦྱིན་ཕོ་མོ་དགུ །འགེགས་བསྲུང་གི་འཁོར་ལོ་དང་བཅས་པ་རྣམས་ཆོས་སྡེ་གཅིག་ཏུ་བཞུགས་པ། མཆོག་སྒྲུབ་ལྟར་སྐོར་བའི་ཡིག་ཆུང་། གནད་ཡིག་འཕྲུལ་གྱི་མེ་ལོང་ཞེས་པ་གཞུང་གི་འཁོར་ལོ་རྣམས་ཕྱག་ལེན་ཡར་བལྟ་

མར་བལྟ་བྱ་ཚུལ་གྱི་ཐེམས་ཡིག་འཁོར་ལོ་སོ་སོའི་དཔེ་རིས་དང་བཅས་པ། བཅས་ཆོག་ཡིད་བཞིན་ནོར་བུའི་སྒྲོ་གཤོག་ཡི་གེ་འདྲི་ལུགས་བླ་མའི་གསུང་ལས་ཟིན་བྲིས་སུ་བཀོད་པ། རླུང་འཁོར་ཡིད་བཞིན་ནོར་བུའི་ཞི་རྒྱས་དབང་དྲག་གི་ལས་རབ་འབྱམས་ཁ་བསྒྱུར་གྱི་སྤེལ་ཚིག །བཅས་ཆོག་གི་ཞལ་ཤེས་ཐུན་མོང་མ་ཡིན་པའི་འཁོར་ལོ་སོ་སོའི་རྫས་འབྱུག་ཐབས་སོགས་ཟབ་གནད་ཁྱད་པར་ཅན་ཞར་བྱུང་སྨོན་ལམ་དང་སྨོན་ལམ་འགྲུབ་པའི་སྔགས། མཆོད་འབུལ་ཙཀྲ། ས་གནོན་གྱི་གཟུངས་དང་བཅས་པ་འབྲོ་ལོས་བསྒྱུར་བའི་མཐའ་ཅན། འཁོར་ལོ་བཙུགས་ནས་དངོས་གྲུབ་མྱུར་དུ་བསྐུལ་བ་དང་བཅས་པ་རྣམས་ཀྱི་ཕྱག་ལེན་ཞལ་ཤེས་དམར་འཁྲིད་དུ་ཐོབ་པའི་བརྒྱུད་པ་ནི། རྫོགས་པའི་སངས་རྒྱས། མཁའ་འགྲོ་རཏྣ་ཨ་ར་ལི། འཕགས་པ་ཀླུ་སྒྲུབ་སྙིང་པོ། བྲམ་ཟེ་སྡོམ་པ་བཟང་པོ། འབྲོ་ལོ་ཙཱ་བ་ཤེས་རབ་གྲགས། གར་སྟོན་འབུམ་དར། འབྲས་ཁུད་པ། ཡོལ་པ་བྲག་པ། ཟུར་ཧྭཾ་ཤཱཀྱ་འབྱུང་གནས། ཟུར་ལྷུན་གྲུབ་གྲགས་པ། ཟུར་རྡོ་རྗེ་མགོན་པོ། ཟུར་ཚེ་དཔལ་མགོན་པོ། ཟུར་ཤཱཀྱ་དཔལ་འབྱོར་བཟང་པོ། ཟུར་དབང་ཤཱཀྱ་རཏྣ། ཟུར་འཇམ་དབྱངས་རྒྱལ་བའི་སྲས་པོ། ཟུར་དང་མ་པ་བསྟན་འཛིན་འགྱུར་མེད། ཡུག་པ་རླུང་མི་འགྱུར་རྡོ་རྗེ། གུང་རུ་དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ༈ །མུ་སྟེགས་ཀྱི་རླུང་འཁོར་ཆ་ཁྲི་ནག་པོ་ཞེས་དགྲ་བོ་རླུང་ལ་བསྐོར་ནས་མྱུར་དུ་གསོད་པའི་བཅའ་གཞི། བསྐོར་ལུགས། ལས་སྦྱོར་གསུམ་གྱིས་བསྟན་པ།

ཕོ་འཁོར་མོ་འཁོར་བར་ལིང་གི་དཔེ་རིས་དང་བཅས་པའི་ལུང་ཕྱག་ལེན་ཐོབ་པའི་བརྒྱུད་པ་ནི། གནུབས་ཆེན་སངས་རྒྱས་ཡེ་ཤེས་ནས་རིམ་པར། རིག་འཛིན་ཆོས་ཀྱི་གྲགས་པ། མཚུངས་མེད་དཀོན་ཅོག་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ལོ་ཙཱ་བ་ཁམས་པ་ཁྲ་མོས་བསྒྱུར་བའི་ཞགས་པ་ནག་པོའི་ཆིང་བྱེད་ཀྱི་རྒྱུད་དམ་གྱིམ་ཞང་གྭའུའི་མགོ་སྔོན་སྐོར་ལ། སྲོག་གཅོད་སྟ་རེ་རྣོན་པོའི་ཡིག་ཆུང་། རང་བསྲུང་ཉི་ཟེར་ཟླ་ཟེར། གསད་པ་སྲོག་གི་སྤུ་གྲི་རུས་སྦལ་ཁ་སྦྱོར་གྱི་གཏད་ཁྲམ། ཕུང་པོ་འཇོམས་པའི་ཐོ་བ། དབང་ཐང་ཟ་ཁ་འཆིང་བའི་ཡི་དྭགས། རླུང་རྟ་མཁས་པ་ཁྱད་གསོད་རལ་གྲི། ཕ་ཚན་གྲོང་ཚོ་འཇིག་པའི་དུར་སེལ་ཕུང་སྲི། ཞིང་སེལ་ལོ་ཏོག་འཇོམས་པའི་དུག་མདའ་མཁར་གཏན་ནས་འཇིག་པའི་བཙན་དུག །འབྱུང་ལྔའི་སྔགས་ཀྱི་སོ་བརྡར་རྣོན་པོ། བཟློག་པ་ནག་པོ་དགུ་ཐུབ། སྤྱི་རྒྱུག་ཀུན་ལ་ཁྱབ་པའི་འཁོར་ལོ་དྲུག་གི་བཅའ་ཐབས། དཔེ་རིས་ལ་རུས་སྦལ་ཕོ་མོའི་འཁོར་ལོ། ཤིང་འཁོར། མེ་འཁོར། ས་འཁོར། ལྕགས་འཁོར། ཁྲོག་རྡོའི་འཁོར་ལོ་རྣམས་ཀྱི་སྟེང་ནས་ལུང་ཕྱག་ལེན་ཞལ་ཤེས་དམར་འཁྲིད་དུ་ཐོབ་པའི་བརྒྱུད་པ་ནི། འཕགས་པ་འཇམ་དཔལ་དབྱངས། ཀོང་ཙེ་འཕྲུལ་གྱི་རྒྱལ་པོ། ལོ་ཙཱ་བ་ཁམས་པ་ཁྲ་མོ་མེ་འབར། འབྲང་སྟོན་ཤེས་རབ་སྐྱབས་ནས་རིམ་པར། མཐུ་ཆེན་ཡུག་ནོར་བུ་དབང་རྒྱལ། དང་མ་བ་བསྟན་འཛིན་འགྱུར་མེད། གུང་རུ་དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། །རྒྱ་ནག་

ཟླ་བ་ནག་པོའི་ཐུགས་ཀྱི་ཀློང་ནས་བརྡོལ་བའི་གྱིམ་ཤན་རྔ་མོའི་གཟུགས་ལ་བརྟེན་པའི་ལྟོ་ནག་སྲིན་མོ་སྤུ་གྲི་དཔེ་རིས་དང་བཅས་པའི་ལུང་ཕྱག་བཞེས་ནོས་པའི་བརྒྱུད་པ་ནི། འཇམ་དབྱངས། ཀོང་ཙེ་འཕྲུལ་རྒྱལ། རྒྱ་ནག་ཟླ་བ་ནག་པོ། རྒྱ་ནག་རཱ་ཧུ་ལ་དམར་པོ། ལོ་ཙཱ་བ་ཁམས་པ་ཁྲ་མོ་ནས་རིམ་པར། ཕ་ཇོ་ལྷུན་གྲུབ་རྡོ་རྗེ། དེ་སྲས་གཞོན་ནུ་དོན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། ༈ །སློབ་དཔོན་ཤནྟིཾ་གརྦྷའི་ལྐོག་ཡིག་ཐབས་ཇི་ལྟར་བྱས་ཀྱང་མི་ཕན་པར་འདྲེས་གནོན་པའི་གདམས་པ། ཁྱི་ནག་གསོན་གཏད་ཟླ་བ་གཅིག་ནས་ཀུ་ཀུའི་མཆེ་བ་དང་མིག་དམར་པོ་འགྲོ་བ་གཉིས་ཀྱི་བརྒྱུད་པ་ནི། གསང་བའི་བདག་པོ། ཤནྟིཾ་གརྦྷ་ནས་རིམ་པར། རྒོད་ཕྲུག་འཕྲིན་ལས་རོལ་པ། ཕ་ཇོ་ལྷུན་གྲུབ་རྡོ་རྗེ། དེ་སྲས་གཞོན་ནུ་དོན་གྲུབ། ཟུར་རྩ་བའི་བླ་མ་དེས་བདག་ལའོ། །ཡངན་རྩ་བའི་བླ་མས་དབྱངས་དཔོན་པ་མཐུ་སྟོབས་གསང་བའི་དབང་ཕྱུག་ལ་ཡང་གསན་ནོ། །སེ་བའི་གཉའ་ཤིང་ལ་བརྟེན་ནས་ཞོ་ཉེས་པ། འོམ་བུའི་གཉའ་ཤིང་གིས་ཆང་ཉེས་པ། སྤ་ཤིང་གི་སྤོག་གིས་སྐྱེས་པའི་དབང་པོ་རོལ་ཏུ་གསོད་པ། ལ་ཆའི་གཉའ་ཤིང་གིས་བུད་མེད་ཀྱི་སྲིད་པ་ཤིག་པ། ཤིང་གི་ཁྱེམ་ཏོག་གིས་མཁར་བ་ཤིག་པ། ལྕགས་ཀྱི་མིའུ་ཐུང་གིས་མགར་བའི་སོལ་མལ་བཤིག་པ། རྫའི་མིའུ་ཐུང་གིས་རྫ་མཁན་གྱི་སོལ་མལ་བཤིག་པ། ཨོ་རྒྱན་

ཆེན་པོས་མཛད་པའི་མིའམ་སྲེ་མོའི་རླིད་བུར་བརྟེན་པའི་རྐྱལ་བུ་ཕུ་འདེབས། མུ་སྟེགས་གུ་ལང་ནག་པོའི་མན་ངག་གནམ་ལྕགས་ཀྱི་ཐོག་ལྟར་དྲག་ལ་མྱུར་བའི་རླིད་བུ་ཕུ་འདེབས་ཨོ་རྒྱན་ཆེན་པོས་དབང་ཕྱུག་གི་རྒྱུད་ལས་ཁོལ་དུ་ཕྱུང་ནས་ཕྲ་བྲག་ཏུ་སྦས་པ། ཞར་བྱུང་རྫས་ཀྱི་ཁ་བསྒྱུར་ལུགས་མི་གཅིག་པའི་བཤད་ཚུལ་དང་བཅས་པ། དགྲ་བོས་སྟེང་བྱ་རོག་བཞིན་དུ་ཡུལ་འཁྱར་བྱེད་སྡེ་བརྒྱད་དཀྲུག་པ་སྐྲད་པ་དཔུང་ཤུགས་རྔ་མོའི་འཁོར་ལོ། དམ་ཉམས་ཕོ་མོ་སྤེལ་བའི་མན་ངག་དགྲ་བོའི་ལོངས་སྤྱོད་འབྲལ་བ། བསོད་ནམས་བསྣུབ་པ། གསོད་པ། རྦོད་གཏོང་ཁོ་རང་ལ་བཟློག་པ་སྟེ་དོན་ཚན་བཞི་ཚང་བའི་ངན་སྔགས་ཨཱ་ཙཪྻ་དམར་པོས་ངོམ་པ་ན་མཐུ་སྟོབས་ལ་གནང་བ། དཔོན་གཡོག་སྤུན་ཟླ་བཟའ་མི་སོགས་གང་ཡིན་ཀྱང་ཟླ་བ་གཅིག་ནས་རྡོ་བཅག་པ་བཞིན་འགྲོ་བའི་ཉེ་འབྱེད་ལས་ཀྱི་མེ་ལོང་ཨོ་རྒྱན་ཆེན་པོའི་གདམས་པ་རྣམས་ཀྱི་བརྒྱུད་པ་ནི། ཨོ་རྒྱན་ཆོས་ཀྱི་རྒྱལ་པོ་ནས་རིམ་པར། ཡུག་སྔགས་འཆང་མ་ཎི་ཨིནྡྲ་རཱ་ཛ། དེ་སྲས་རླུང་རིགས་རབ་བརྟན་དབང་པོ། དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། ༈ །ཐེའུ་བྲང་བེར་ཀ་ཅན་གྱི་གདམས་པ་ཨོ་རྒྱན་སེལ་ནག་གི་ལུང་ཕྱག་ལེན་ཞལ་ཤེས་བཅས་པའི་བརྒྱུད་པ་ནི། ཨོ་རྒྱན་པདྨ་ཐོད་འཕྲེང་ནས་རིམ་པར། བླ་མ་བསོད་ནམས་རྡོ་རྗེ། ཤཱཀྱ་མགོན་པོ། བླ་མ་དཔལ་བཟང་པོ། གུ་རུ་པདྨ་བཟང་པོ། སྤྱོད་ཡུལ་རྡོ་རྗེ། འཛམ་གླིང་གྲགས་པ། བླ་མ་དམ་ཆོས། དང་མ་བ་བསྟན་འཛིན་
འགྱུར་མེད། ཡུག་ནོར་བུ་དབང་རྒྱལ། དེ་སྲས་རབ་བརྟན་དབང་པོ། དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ།

སྒྲུབ་ཐབས་ཆུང་ངུ་སྣ་ཚོགས་རྩ་སྒྲུབ་ཕྱག་ལེན་དང་བཅས་པའི་བརྒྱུད་པ།

དགྲ་གློ་བུར་དུ་བྱུང་ན་ཡེ་འབྲོག་བཙན་ཐབས་སུ་གཏོང་བ་སྟོང་དཔོན་ཚེ་བདུད་ནག་པོའམ་དམ་ཅན་བྱེས་ཆས་མར་གྲགས་པའི་སྒྲུབ་ཐབས་རྩ་བའི་ཡི་གེ །དེའི་ལག་ལེན་གསལ་བྱེད་ཀྱི་ཡི་གེ །བྱེས་ཆས་ཀྱི་གསང་བསྐུལ་བསྟན་སྲུང་དྲག་པོ་མ་རྣམས་ཐོབ་པ་ལས་རྩ་སྒྲུབ་ཕྱག་ལེན་བཅས་པའི་བརྒྱུད་པ་ནི། འཕུང་བོན་ནས་རིམ་པར། འབྲི་གུང་ཆོས་རྒྱལ་རིན་ཅེན་ཕུན་ཚོགས། མཚུངས་མེད་བཀྲ་ཤིས་རྒྱ་མཚོ། རྗེ་ཀུན་དགའ་ཚེ་མཆོག །ཟུར་གཞོན་ནུ་དོན་གྲུབ། དེ་སྲས་རྩ་བའི་བླ་མ། དེས་བདག་ལའོ། །ལག་ལེན་གསལ་བྱེད་དང་གསང་བསྐུལ་གྱི་ལུང་ནི། ཟུར་ཆོས་དབྱིངས་རང་གྲོལ་ནས། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །དགྲ་བོའི་འདུན་འགྲོས་ཚེ་བསོད་ནམས་ཐམས་ཅད་བཤིག་ནས་ཁ་འཕུང་དུ་གཏོང་བའི་ཆུ་གཏད་ནག་པོ་གྭའུ་ཆུ་བསྐྱུར་དུ་གྲགས་པ་ནང་གསེས་ཀྱི་རྩ་བ། རྫས་དང་དམོད་པ། རང་བསྲུང་། སྟེང་འོག་བར་གསུམ་གྱི་འཁོར་ལོའི་དཔེ་རིས་དང་བཅས་པ། སློབ་དཔོན་ཆེན་པོས་མངའ་བདག་རྒྱལ་པོ་ལ་གནང་བའི་གནོད་སྦྱིན་ཨ་པ་ར་ཙིཏྟའི་སྒོ་ནས་ཁ་མཆུ་བཟློག་པ། རྩོད་པ་བྱེད་དུས་རང་རྒྱལ་བ། འདུན་མ་བཤིག་པ། སྲི་གནོན་དང་བཅས་པའི་གདམས་པའི་ལུང་ཕྱག་བཞེས་ཀྱི་བརྒྱུད་པ་ནི། དཔལ་ཨོ་རྒྱན་ཆེན་པོ་ནས་རིམ་པར་
ཡུག་རྫོང་པ་མ་ཎི་ཨིནྡྲ་རཱ་ཛ། དེ་སྲས་མི་འགྱུར་རྡོ་རྗེ། དབྱངས་དཔོན་པ། གཞོན་ནུ་དོན་གྲུབ། ཟུར་ཆེན། དེས་བདག་ལའོ།

བཀའ་གཏེར་གང་ཡིན་ཁུངས་ཆོད་དཀའ་བ་དང་འདྲེས་པ་དང་གཏེར་སྟོན་མ་ངེས་པ་སོགས་མན་ངག་ཐོར་བུ་སྣ་ཚོགས་ཀྱི་སྐོར།

ཆུ་གཏད་པདྨ་གླིང་པའི་གཏེར་མ། འདིའི་ཕྱག་ལེན་མ་གཏོགས་ལུང་མེད། བཻ་རོ་ཙ་ནའི་ལུགས་སོགས་བཀའ་གཏེར་འདྲ་མིན་མཐའ་དག་གི་སྙིང་པོ་གཅིག་ཏུ་བསྡུས་པའི་བཅའ་གཞི། འཁོར་ལོ། གྭའུ་སོགས་ཀྱི་ལག་ལེན་དམར་འཁྲིད་ཀྱི་བརྒྱུད་པ་ནི། ཆོས་རྒྱལ་བཀྲ་ཤིས་སྟོབས་རྒྱལ། སྔགས་འཆང་བཀྲ་ཤིས་དར་རྒྱས། མཚུངས་མེད་རིག་འཛིན་སྙིང་པོ། སྔགས་འཆང་པདྨ་ལས་གྲུབ། དེས་བདག་ལ་ལག་ཁྲིད་ཞིབ་ཏུ་བསྟར་རོ། །འདི་མྱོང་བས་གྲུབ་པའི་ལག་ལེན་མའོ། །རང་འཐག་གམ་རླུང་འཁོར་གང་རུང་ལ་བརྟེན་ནས་དགྲ་བོ་བྲོས་པས་མི་ཐར་པའི་མགོ་འཁོར་གྱི་ལུང་ཕྱག་འཁྲིད་ཀྱི་བརྒྱུད་པ་ནི། མི་འགྱུར་ལས་འཕྲོ་གླིང་པ། འབྲི་གུང་ཟུར་པ་རིན་པོ་ཆེ། བཀྲ་ཤིས་རྒྱ་མཚོ། དུ་མ་རང་གྲོལ། གཞོན་ནུ་དོན་གྲུབ། ཟུར་རྩ་བའི་བླ་མ། དེས་བདག་ལའོ། ༈ །འདི་ལན་གཉིས་ལག་ཏུ་བླངས་པ་མྱོང་བས་ངེས་པར་གྲུབ་པའི་རྟགས་མཚན་ཅན་ནོ། །ལུག་གཟུགས་ལ་བརྟེན་ནས་ཕ་རོལ་གྱི་དམག་ཇག་གི་འཇིགས་པ་བཟློག་ཐབས་ཕན་ཆའི་འཁོར་ལོ་བརྒྱ་རྩ་བརྒྱད་ཀྱི་ནང་ནས་སློབ་དཔོན་ཆེན་པོས་ཕྱུང་བའི་ལྟས་ངན་བཟློག་པ་རྒྱ་ནག་རྡོག་དྲིལ་མའི་གདམས་པ་ཟབ་མོ། སྦ་ལྕག་ཚིགས་གསུམ་པར་བརྟེན་ནས་དགྲ་ཇག་གློ་བུར་བྱུང་ན་འཆིང་བའི་གདམས་པ་ཟབ་མོ་ཞར་བྱུང་དམག་དཔུང་འཇིག་པ་བཅས་དཔལ་བཀྲ་ཤིས་སྟོབས་རྒྱལ་གྱི་ཕྱག་བཞེས་མའི་བརྒྱུད་པ་ནི། ཨོ་རྒྱན་ཆེན་པོ་ནས་

རིམ་པར། དཔལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། ༈ །རྒྱ་གར་གྱི་ཆུ་བོ་གངྒཱ་ཡང་གྱེན་དུ་ལྡོག་ནུས་པའི་གླ་བའི་ཤིང་གི་དབྱུག་པ་ལ་བརྟེན་པའི་ཆུ་བསྒྱུར་ཞར་བྱུང་གདོང་བཟློག་དང་བཅས་པ། ཉ་གཟུགས་ཛ་ལ་མོ་ཧེའི་ཐབས་ཆུ་བཟློག་འཁོར་ལོ། སྣ་འདྲེན་ཤེས་རབ་རྡོ་འཁོར་གླིང་བཞི་མ། རྫའི་དབང་ཕྱུག་སྣ་འདྲེན་པ་དམ་བཅས་པའི་ཐབས་ཤེས་གཉིས་ལྡན་གྱིས་ཆུ་སྒྱུར་བ། གླང་དམར་གྱི་ར་དང་རྫས་ལ་བརྟེན་པའི་ཆུ་སྒྱུར་རྣམས་ཀྱི་བརྒྱུད་པ་ནི། ཨོ་རྒྱན་ཆེན་པོ་ནས་རིམ་པར། ཕ་ཇོ་གཞོན་ནུ་དོན་གྲུབ། དེ་སྲས་རྩ་བའི་བླ་མ། དེས་བདག་ལའོ། ༈ །ཡེ་ཤེས་ཀྱི་མཁའ་འདི་རྣམས་ཀྱི་ལུང་མ་བྱུང་། འགྲོ་སེང་གེའི་གདོང་མས་སློབ་དཔོན་ལོ་ཧི་པར་གནང་བའི་མཚོན་གྱི་རིགས་ཐམས་ཅད་བསྲུང་བའི་འཁོར་ལོ་ཆེན་མོ། གཏེར་ཁ་སྣ་ཚོགས་ཀྱི་མན་ངག་གཅིག་ཏུ་བསྡུས་པའི་རྡོ་རྗེ་ལུས་ཀྱི་གོ་ཁྲབ་མཚོན་བསྲུང་གི་ལོ་རྒྱུས། རྫས་མུ་སྟེགས་དོར་རྟ་ནག་པོའི་འཁོར་ལོ་ལ་ཕོ་འཁོར་མོ་འཁོར་བུ་ཡིག་དང་བཅས་པ་རིགས་མི་འདྲ་བ་ལྔ། དགུ་ཐུབ་ཆེན་མོའི་ཕོ་འཁོར་མོ་འཁོར་བུ་ཡིག་བཅས་པ། ཨོཾ་དྲུག་མ་ཆེ་ཆུང་པདྨ་ཞི་བའི་ཟ་ཡིག །ཟ་ཡིག་མེ་འབྲུག་གནམ་ལྕགས་གོ་ཁྲབ་མ་བུ། མེ་མདའ་ཐུབ་པའི་ཨོཾ་དྲུག་མ་ཟ་ཡིག་ཞལ་ཤེས་ཡིག་ཆུང་བཅས་པའི་སྟེང་ནས་ཕྱག་ལེན་དམར་འཁྲིད་ཉམས་འོག་ཆུད་ངེས་པའི་བརྒྱུད་པ་ནི། ཆོས་རྒྱལ་མཾ་གའི་མཚན་ཅན། རིག་འཛིན་ངག་གི་དབང་པོ། སྔགས་འཆང་སྟོད་གྲོང་པ། ཟུར་

རྩ་བའི་བླ་མ། དེས་བདག་ལའོ། ༈ །བོན་གྱི་བླ་ཆེན་དྲན་པ་ནམ་མཁའ་ཁྱུང་ལུང་དངུལ་མཁར་དུ་ཐམས་ཅད་ཟིལ་གནོན་གྱི་ཏིང་ངེ་འཛིན་ལ་ཞུགས་པའི་དུས་ཨཱ་ཙཪྻ་ནག་པོས་ཞག་བདུན་གྱི་དུས་བཏབ་པར་མཁའ་འགྲོ་ཐུགས་རྗེ་ཀུན་གྲོལ་གྱིས་གནང་བའི་བྱད་ཁ་ཐམས་ཅད་བཟློག་པའི་ཡིག་རྒོད་ཆང་ཁྲུས་མའི་བརྒྱུད་པ་ནི། བླ་ཆེན་དྲན་པ་ནམ་མཁའ། ཨོ་རྒྱན་ཆེན་པོ་ནས་རིམ་པར། ཆོས་རྒྱལ་མཾ་གའི་མཚན་ཅན། རིག་འཛིན་ངག་གི་དབང་པོ། ཟུར་རྩ་བའི་བླ་མ། དེས་བདག་ལའོ། །བཀའ་མ་ལུགས་ཀྱི་རང་ལོ་ལ་བརྟེན་པའི་ཀག་བསྲུང་ཌཱ་ཀི་བསུ་བཟློག་ལས་སྒྲིབ་ཤིང་ཁོལ་དུ་ཕྱུང་བ། བྱང་ཆུབ་སེམས་པ་ཧ་ནུ་མནྠའི་སྒོ་ནས་ཐིག་ལེ་བསྲུང་བ། སྤྲེལ་གཟུགས་ལ་བརྟེན་ནས་མི་ཁ་དང་སྡང་བ་ཞི་བྱེད་རྣམས་ཀྱི་ལུང་ཕྱག་ལེན་ཀྱང་རྩ་བའི་བླ་མས་ཡབ་ཟུར་ཆེན་ལ་གསན་པ་ཡིན་ནོ། ༈ །བདུད་བཟློག་ནག་པོ་འབྲུ་བདུན་ཞེས་པ་ཡང་བཟློག་ཨ་ཐུར་ནག་པོའི་བརྒྱུད་པ་ནི། རྗེ་ཟུར་པ། བཀྲ་ཤིས་རྒྱ་མཚོ། དུ་མ་རང་གྲོལ། གཞོན་ནུ་དོན་གྲུབ། ཟུར་རྩ་བའི་བླ་མ། དེས་བདག་ལའོ། །ཕྲ་མེན་ཕྱིན་ཅི་ལོག་གི་ངག་འགྲོལ་རུས་སྦལ་སྤྲེལ་མགོ་བྱ་ལག་སྦྲུལ་མཇུག་ཅན་གྱི་འཁོར་ལོ། དབང་ཕྱུག་ལ་བརྟེན་ནས་ཤྭ་འོད་གློ་བུར་བཟློག་པ་རྣམས་ཀྱང་ཐོབ། འབྲུམ་བསྲུང་སྟག་གཟིག་མ་མ་བུ་ཞལ་ཤེས་བཅས་པའི་བརྒྱུད་པ་ནི། དབང་པོའི་སྡེ། ངག་གི་དབང་པོ། ཟུར་རྩ་བའི་བླ་མ། དེས་བདག་ལའོ། ༈ །མཁའ་འགྲོའི་ལུང་བསྟན་ལྟར་སློབ་དཔོན་བཻ་རོ་ཙ་ནས་རྒྱ་གར་རྡོ་རྗེ་གདན་གྱི་བྱང་ཕྱོགས་ནས་

སྤྱན་དྲངས་པའི་བཏགས་ཆོག་འཁོར་ལོ་ཉེས་ཀུན་སེལ་ཞིང་འདོད་པ་ཐམས་ཅད་སྒྲུབ་པའི་ལུང་ཕྱག་བཞེས་ཟུར་རྩ་བའི་བླ་མ་ཉིད་ལ་ཐོབ་བོ། །སྨན་གྱི་ལྷ་མོ་དང་གནོད་སྦྱིན་དཀར་པོའི་སྒྲུབ་ཐབས་ཀྱི་བརྒྱུད་པ་ནི། རྡོ་རྗེ་འཆང་ཕ་བོང་ཁ་པར་ཞུས། དེས་ལན་བུ་ཨ་མི་ལ་གསན་ནོ། ༈ །སྔགས་ཆུ་ལ་བརྟེན་པའི་ལེགས་ཉེས་བསམ་པ་གང་ཡིན་ཀྱང་བསྒྱུར་ཐབས་ནད་པ་གསོ་བའི་གཟའ་མདོས་གྱེར་གཞུང་དྲང་སྲོང་ཆེན་པོའི་སྐྱེས་རབས་རྣམ་ཐར་ལྷོ་བྲག་མཁར་ཆུའི་གཏེར་མ། ཁྲོ་བོ་དམར་པོའི་ཞབས་འོག་གི་གཏེར་མ་ལོ་ཙཱ་བ་ཐ་བ་རི་པའི་མན་ངག་གྲིབ་ཀྱི་རིགས་བསྲུང་བ་ལག་པའི་འདུ་བྱེད་བསྐྱོད་པ་མཐིབ་སྲིན་རྩེ་སྤྲད། བཤན་པ་རོ་ལངས་ཀྱི་རྩར་ཕྱིན་ཀྱང་གནོད་མི་ནུས་པའི་ལག་པའི་འདུ་བྱེད་བསྐྱོད་པ་མཛུབ་མོ་རྣམས་ཀྱི་རྩེར་མེ་ཏོག་ཡོད་པ། ལག་པའི་འདུ་བྱེད་བསྐྱོད་པ་མཐར་རྟེན་འབྲེལ་སྙིང་པོས་བསྐོར་བའི་གྲིབ་ཀྱི་རིགས་ཐམས་ཅད་ཐུབ་པ། ཡང་ན་མོ་རཏྣ་ཏྲཱ་ཡཱ་ཡས་སྣ་དྲངས་ཏེ་བསྐོར་བའི་གྲིབ་ཀྱིས་མི་གནོད་པར་དངོས་གྲུབ་ཏུ་འགྱུར་བ་རྣམས་ཀྱི་བརྒྱུད་པ་ནི། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ༈ །བསྟན་དགྲ་འཕུང་བྱེད་ཐལ་བའི་གདམས་སྐོར་ལ། དབང་ཕྱུག་ཆེན་པོ་ལ་བརྟེན་པའི་གནོད་བྱེད་བསྐྲད་པའི་སྒྲུབ་ཐབས་རྒྱའི་ཧ་སྤུན་དམར་པོ་རྫས་རྒོད་ནག་པོ་སྔགས་ཀྱི་ལ་དོར་བའི་མཐའ་ཅན། ཀ་ཏ་ལའི་ཞལ་གདམས་གནད་དམིགས་ལོགས་སུ་གབ་པ་ལོ་རྒྱུས་གཞན་དུ་ཡོད་དོའི་མཐའ་ཅན། འཕུང་བཤིག་རག་འགྱེལ་ཐལ་བ་རླུང་ཁྱེར་ཨཱ་ཙཪྻ་ཛུ་ནག་པོས་

དྲག་པོ་འཕུང་བྱེད་ཀྱི་རྒྱུད་ནས་བཏུས་ཤིང་སྟོན་པ་ཨ་བ་སེང་གེས་ཟླ་གསང་ནག་པོ་སྤྲེལ་ལག་ཅན་གྱི་ནང་ནས་ཁོལ་དུ་བྱུང་བ་སྤུ་གྲི་སོ་ཅན་རྒྱ་མཚོའི་ཆུ་རྡོ་བཞིན་དུ་སྦོས་ཤིག་གི་མཐའ་ཅན། ཀ་ཏ་ལའི་ཞལ་གདམས་ཟླ་གསང་ཧ་ལ་ནག་པོའི་རྒྱུད་ནས་རྫས་འཁོར་ལོ་སྔགས་བཅའ་གཞི་ཐུན་ཚོད་ཆེ་ཆུང་གྲངས་སོགས་བསྟན་པ་ཟབ་ཕྱིར་རིན་ཅེན་གཏེར་དུ་སྦས་ལུགས་སོའི་མཐའ་ཅན་རྣམས་ཀྱི་ལུང་གི་བརྒྱུད་པ་ནི། ལྷ་ཆེན་དབང་ཕྱུག་ཆེན་པོ། ཨཱ་ཙཪྻ་ཛུ་ནག །སྟོན་པ་ཨ་ཝ་སེང་གེ །དེ་ནས་རིམ་པར་བརྒྱུད་དེ་གནུབས་ཀྱི་སྔགས་འཆང་སྐུ་བསྲུང་བ་རྒྱལ་མཚན་ལྷུན་གྲུབ། གནུབས་ཀྱི་སྔགས་ནག་མཐུ་སྟོབས་དབང་ཕྱུག་སྔགས་འཆང་ཀུན་བཟང་དཔལ་འབྱོར། རྗེ་བཙུན་མདོ་སྔགས་བསྟན་འཛིན། མཚུངས་མེད་འཕྲིན་ལས་ལྷུན་གྲུབ། དྲིན་ཅན་གཏེར་བདག་གླིང་པ། དེས་བདག་ལའོ། ༈ །དར་སྡིངས་པའི་གསན་ཡིག་ཏུ་འདི་གཏེར་མ་ཞིག་ཡིན་འདུག་ཀྱང་གཏེར་སྟོན་དང་གཏེར་གནས་ཁུངས་མ་ཆོད། བྱ་བ་སྐུ་བསྲུང་བ་དང་འབྲུག་པ་པདྨ་དཀར་པོས་ཕྱག་ཏུ་བཀལ་པའི་ཟབ་ཁྱད་མ་ཡིན་འདུག་ཚུལ་སྣང་བ། ལ་སྟོད་དམར་པོའི་འཕུང་བྱེད་ཀྱི་ཐལ་དང་ཕྱོགས་འདྲ་ཙམ་འདུག་ཀྱང་རྒྱས་བསྡུས་སོགས་མི་གཅིག་པས་གཏེར་དུ་སྦས་ཟེར་བ་རྒྱ་གར་ལྟ་བུར་སྦས་པ་དང་། བོད་དུ་ཛོ་ཀི་ཞིག་གིས་བསྣམས་བྱོན་པ་ཡིན་ནམ་སྙམ་མོ། ༈ །འཕུང་བཤིག་ཡུངས་ཀར་མ་ཤིན་ཏུ་ཟབ་ཅིང་རྣོ་བའི་ལུང་བརྒྱུད་ནི། སྣ་ཕུང་དཀོན་ཅོག་བཟང་པོ་ནས་རིམ་པར། ཡུག་རྫོང་ཡབ་སྲས་གཉིས། དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཟུར་ཐམས་

ཅད་མཁྱེན་པ། ཆོས་གཏེར་འཕྲིན་ལས་ལྷུན་གྲུབ། དྲིན་ཅན་གཏེར་བདག་གླིང་པ། དེས་བདག་ལའོ། ༈ །གྲི་རྒྱུད་ལ་བརྟེན་པའི་ཇག་ཆིངས་ཟབ་ཁྱད་མའི་ལུང་བརྒྱུད་ནི། ལྷ་བཙུན་ཀོང་སྨྱོན་ཆེན་མོ། མཚུངས་མེད་འཕྲིན་ལས་ལྷུན་གྲུབ། རིག་འཛིན་གཏེར་བདག་གླིང་པ། དེས་བདག་ལའོ། །ལག་ལེན་འདི་ལ་བརྟེན་ནས་རྫོགས་ཆེན་པ་ཀུན་བཟང་རྣམ་རྒྱལ་དཔོན་སློབ་ཀྱིས་ལྕགས་སྦྲུལ་གཞིས་ཀ་བསམ་འགྲུབ་རྩེ་སོགས་དམག་གིས་བསྐོར་བའི་དུས་ཟླ་བ་ལྔ་པའི་ཉེར་བདུན་གྱི་ཉིན་དམག་དཔུང་གི་དཀྱིལ་གཤགས་ནས་བྱོན་པའི་ལག་ཁྱེར་མའོ། ༈ །དར་མདུད་ལ་བརྟེན་ནས་མཚོན་ཆའི་འཇིགས་པ་ལས་རབ་ཏུ་རྒྱལ་བའི་མན་ངག་ལག་ལེན་མའི་ལུང་ཕྱག་བཞེས་ཀྱི་བརྒྱུད་པ་ནི། བྱའི་སྔགས་འཆང་བཀྲ་ཤིས་དར་རྒྱས། བླ་མ་ངག་དབང་ཀུན་དགའ་སྙིང་པོ། ཡུག་རྫོང་ནོར་བུ་དབང་རྒྱལ། དེ་སྲས་རབ་བརྟན་དབང་པོ། གྲུབ་ཆེན་ཀུན་དགའ་རྡོ་རྗེ། མདོ་སྔགས་བསྟན་འཛིན། འཕྲིན་ལས་ལྷུན་གྲུབ། སྤྲུལ་སྐུ་འགྱུར་མེད་རྡོ་རྗེ་རྩལ། དེས་བདག་ལའོ། ༈ །རྒྱ་གར་གྱི་ཝ་རྟི་བྱ་བའི་བྲག་སྐེད་ཀྱི་ལོ་རྒྱུས་ལས་འཕྲོས་པའི་གསོན་འདྲེ་ཁ་ཆིངས་མ་དྷ་ཀ། གཟའ་བསྲུང་ནི་ལཾ་ཝ་ར་མ། ཁྱི་དཀར་སྣ་དམར་གྱི་ཁྲག་ལ་བརྟེན་པའི་རྒྱལ་བསྲུང་ཟབ་ཁྱད་མ་དང་བཅས་པའི་ལུང་ནི། མདོ་སྔགས་བསྟན་འཛིན། འཕྲིན་ལས་ལྷུན་གྲུབ། གཏེར་བདག་གླིང་པ། དེས་བདག་ལའོ། ༈ །དམར་ཞབས་ལུགས་ཀྱི་སེར་བསྲུང་ལ། ལོ་རྒྱུས་རྒྱས་པ། ཆོས་འབྱུང་གསུམ་བསྣོལ་བའི་འཁོར་ལོ་རྩིབས་བཅུ་གཉིས་པ།

ཞར་བྱུང་ཆུ་སྒྱུར་གྱི་སྤེལ་ཚིག་དང་བཅས་པ་དེང་སང་ཕྱག་ལེན་དུ་མཛད་པའི་ཤིན་ཏུ་ཟབ་པ། ཡང་ཨཱ་ཙཪྻ་དམར་པོའི་ལོ་རྒྱུས་བསྡུས་པ། སྔགས་ལ་བརྟེན་པའི་གདོང་བཟློག །ཕུར་པ་ལྔའི་ཐོག་བསྲུང་། རྡོ་འཁོར། བྲེ་སྔགས། རྫས་སྲུང་རྡོ་འཁོར་མུ་ཁྱུད་ལྔ་པའི་བྲི་ཡིག །ཡང་སེར་བསྲུང་གདོང་བཟློག་དང་འཁོར་ལོ་རྩིབས་བཅུ་གཉིས་པའི་བྲི་ཐབས་འདྲ་མིན་དང་བཅས་པའི་བརྒྱུད་པ་ནི། ཨཱ་ཙཪྻ་དམར་པོ། ཉང་སྟོད་ཡེ་ཤེས་འབར། ཆག་ལོ་ཙཱ་བ། སྒོམ་པ་བྱང་རྡོར། སློབ་དཔོན་རྒྱལ་བ་དབང་ཕྱུག་མགོན། དགེ་སློང་པུརྞ་དྷྭ་ཛ། དྷརྨའི་མཚན་ཅན། རབ་འབྱམས་ཆོས་རྗེ། ཆོས་རྒྱལ་ནོར་བ། གུ་རུ་གྲགས་པ། ཀུན་དགའ་རྡོ་རྗེ། རྗེ་མདོ་སྔགས་བསྟན་འཛིན། མཚུངས་མེད་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །མུ་སྟེགས་ཀྱི་སྔགས་རྒོད་ལ་བརྟེན་ནས་སེར་བ་བསྲུང་ཐབས་ཁ་ནས་ཐོན་ཆོག་མ་རྦད་ཁམ་ཅན་གྱི་བརྒྱུད་པ་ནི། དཔལ་སྡིངས་རབ་འབྱམས་པ། ཡུག་རྫོང་ནོར་བུ་དབང་རྒྱལ། དང་མ་བ་བསྟན་འཛིན་འགྱུར་མེད། གྲུབ་ཆེན་ཀུན་དགའ་རྡོ་རྗེ། མཁས་གྲུབ་བསྟན་འཛིན་བཟང་པོ། མཚུངས་མེད་འཕྲིན་ལས་ལྷུན་གྲུབ་མན་འདྲ། ༈ སེར་བ་བསྲུང་བའི་གདམས་པ་སྤུ་གྲི་སྐོར་གསུམ་ཞེས་པ་རྫས་གསག་ཅིང་བསྙེན་པ། གཏའ་བསྡམ་ཞིང་སྤྲིན་བརྟག་པ། ཏིང་འཛིན་བརྟན་ཞིང་སྔགས་བཟླ་བ་གསུམ་གྱི་བསྟན་པ། གཞན་ཡང་སེར་སྲུང་གི་མན་ངག་ཐོར་བུ་ལ། མི་ཁའི་རྫས་ལ་བརྟེན་ནས་སེར་སྲི་མནན་ཐབས་རྒྱུན་ཆོད་ཅིག་གི་མཐའ་ཅན། པདྨ་འདབ་བཞི་ལ་བརྟེན་ནས་

སེར་ལམ་བཅད་ཅིང་བ་དམར་མོའི་འོ་མ་ལ་བརྟེན་པའི་སེར་ལམ་སྲེག་པ་བྱས་པས་ཆོག་གོའི་མཐའ་ཅན། ར་རོག་གི་ཐོད་པ་ལ་བརྟེན་ནས་སེར་ལམ་གཅོད་ཐབས་ཁྱི་ལུད་ཀྱིས་རྫིབ་པོའི་མཐའ་ཅན། སྤྲིན་བརྟག་ཐབས་དམིགས་པ་གསལ་བ་གལ་ཆེའི་མཐའ་ཅན། ཁྱུང་གི་ཏིང་འཛིན་ལ་བརྟེན་ནས་ནམ་མཁའ་རྒྱས་འདེབས་ཐོག་གི་ཉེས་པ་ཐུབ་པོའི་མཐའ་ཅན། སྔགས་ནུས་འཕྲོག་པའི་ཟས་ཀྱི་སྤང་བྱ་དང་བཅོས་ཐབས། ཁྱུང་པོའི་རུས་སྦལ་གྱི་སྔགས་ནིར་སིང་དང་དབང་ཕྱུག་ཉེར་བརྒྱད་ལ་བརྟེན་པའི་ནམ་མཁའ་རྒྱས་འདེབས་རྣམས། ཤ་ཐོད་ལ་བརྟེན་ནས་སེར་ལམ་གཅོད་པའི་གདམས་པ་མི་རུས་མི་གཅིག་པ་དགུའི་སྐྲ་དང་སེན་མོ་བསྲེ་ཞེས་པའི་མཐའ་ཅན། དྲག་པོ་ལྷ་བཞིའི་རྒྱུད་ལས་ལོ་ཆོག་གི་སྨྲེང་དཔལ་ཆེན་ཧ་ཡ་མ། ཐོ་གསོལ་དཀོན་ཅོག་གསུམ་མ། སེར་བསྲུང་ལེ་ཚན་འདི་རྣམས་རིག་འཛིན་འཕྲིན་ལས་ལྷུན་གྲུབ་ཀྱི་གྲོང་སྔགས་པ་འདྲ་ལ་གསན་པས་བརྒྱུད་པ་བ་དེད་མ་རྙེད། དེ་ནས་གཏེར་སྟོན་རིག་འཛིན་ཆེན་པོ། དེས་བདག་ལའོ། ༈ །གྲུབ་ཐོབ་སྐལ་ལྡན་རྒྱལ་པོའི་གདམས་པ་སྤྱང་ཀིའི་པགས་པར་བརྟེན་ནས་སེར་ཁོངས་བཅུ་གསུམ་བསྲུང་བའི་གདམས་པ། བ་རི་ལོ་ཙཱ་བ་ཐུགས་ཤིན་ཏུ་མཉེས་པའི་གདོང་བཟློག་ཐུག་ཕྲད་རཀ་ཀྲ་མཱ་ར་མ་གཉིས་ཀྱི་བརྒྱུད་པ་ནི། དཀར་པོ་ཀུན་དགའ་གྲགས་པ། བླ་མ་བསམ་གྲགས་པ། དཀར་པོ་བ་བསྟན་འཛིན་ནོར་བུ། ཟུར་བསྟན་འཛིན་འགྱུར་མེད་མན་མུ་སྟེགས་སྔགས་རྒོད་ཀྱི་དེ་དང་གཅིག་གོ །ནམ་མཁའི་དབྱིངས་སུ་སྤྲིན་ཚོགས་འདུས་ནས་གཏོར་སྔགས་གསེར་ཞོ་རེའི་བཀའ་རྒྱ་མ།

སེར་བསྲུང་ཤིང་གི་རལ་གྲི་མ་གཉིས་ཕ་ཇོ་དུང་ངུ་བར་རིག་འཛིན་འཕྲིན་ལས་ལྷུན་གྲུབ་ཀྱིས་གསན། དེ་ནས་གཏེར་བདག་གླིང་པ། དེས་བདག་ལའོ། ༈ །གཤིན་རྗེ་ནག་པོའི་ཐོག་སེར་བསྲུང་བའི་མན་ངག་གི་ལས་མཐའ་ལ་ལས་མཁན་མོན་པ་ནག་པོས་སེར་སྲི་མནན་ཅིང་སེར་ལམ་གཅོད་པ་སྦལ་གཟུགས་ལ་བརྟེན་པ། གཡག་གྲུས་རོག་པོའི་རྭ་གཡས་པར་བརྟེན་ནས་སེར་བ་བསྲུང་བ་གཤིན་རྗེ་ཆུ་ཐིག་གི་རྒྱུད་ནས་བཏུས་པ། ཟློག་བྱེད་གུར་ནག་རྒྱུད་ནས་གློ་བུར་སྐད་ཅིག་ལ་སེར་བ་བསྲུང་བ་སྒྲུབ་པ་བུམ་འཁྱིལ་མ་བྲམ་ཟེ་ནག་པོས་སློབ་དཔོན་པདྨ་ལ་ཕུལ་བ། འགོར་ཨོཾ་པ་ལིའུ་ཤན་ཞེས་ཡོད་པའི་སེང་ཁོག་མས་སེར་ལམ་གཅོད་ཐབས། ཁྱི་ཐོད་ལ་བརྟེན་ནས་སེར་བ་གཅོད་ཅིང་སེར་སྲི་མནན་ཐབས་འཁོར་ལོ་མུ་ཁྱུད་གསུམ་པའི་ཁ་སྒྱུར་ལུགས་དང་བཅས་པ་རྣམས་ཉང་ཡབ་སྲས་ཀྱི་ཕྱག་ལེན་ཁུངས་མར་གྲགས་ཤིང་ཞལ་ངོ་མང་ཞིག་བརྒྱུད་པའི་མཐར་ཀུན་དགའ་བསྟན་འཛིན། ཀུན་དགའ་རྡོ་རྗེ། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ་དེས་བདག་ལའོ། ༈ །འགོར་འཇམ་དབྱངས་སྤྲུལ་པ་ཏི་པ་ཙ་ཞེས་ཡོད་པའི་གཏད་རུལ་གྭའུ་ཁ་སྦྱོར་གྱི་བརྒྱུད་པ་ནི། འདི་རཏྣ་གླིང་པའི་གཏེར་མ་ཡིན་ཚུལ་གསུང་རྒྱུན་དུ་འདུག་ཀྱང་གཏེར་གྱི་ཡོང་བབས་མི་གཅིག་པས་ཐེ་ཚོམ་གྱི་གཞིར་སྣང་། སྔགས་འཆང་ཚེ་རིང་དབང་པོ། ཟུར་ངག་དབང་ཕུན་ཚོགས། སྤྲུལ་སྐུ་གཏེར་བདག་གླིང་པ། དེས་བདག་ལའོ།། ༈ བདུད། བཙན། ཀླུ། ས་བདག་རྒྱལ་པོ་ཐེ་བྲང་རྣམས་ཀྱི་གཏའ་བསྡམ་པ་དང་། སྟག་པ། ཤུག་པ། སྐྱེར་པ་གསུམ་གྱི་ཕུར་

མ་ལ་བརྟེན་ནས་བཙའ་བསྲུང་བའི་བརྒྱུད་པ་ནི། སྔགས་འཆང་ལེགས་མཆོག་པ། ཟུར་ངག་དབང་ཕུན་ཚོགས། སྤྲུལ་སྐུ་གཏེར་སྟོན་ཆེན་པོ། དེས་བདག་ལའོ། ༈ །སློབ་དཔོན་ཀླུ་སྒྲུབ་ནས་བརྒྱུད་པའི་ཆར་འབེབས་མཛོ་རུ་མའི་ལུང་ཕྱག་བཞེས་མནོས་པའི་བརྒྱུད་པ་གོང་མ་རྣམས་མ་རྙེད། ཆོས་རྒྱལ་འབྲི་གུང་པ་རིན་ཅེན་ཕུན་ཚོགས། སྣང་གསལ་བ་བཀྲ་ཤིས་རྒྱ་མཚོ། རྗེ་དུ་མ་རང་གྲོལ། ངག་དབང་ཡེ་ཤེས་གྲུབ་པ། ཟུར་ཐམས་ཅད་མཁྱེན་པ། དེས་བདག་ལའོ། ༈ །རྒྱལ་བསྲུང་ཉ་མཆུ་མ་དང་ཤིང་སྣ་དྲུག་གིས་བསྲུང་བའི་མན་ངག་གི་ཟུར་རྩ་བའི་བླ་མ་ལ་ཞུས་ཤིང་། དེས་ངག་དབང་ཡེ་ཤེས་གྲུབ་པར་གསན། དེ་ཡན་མ་རྙེད། བླ་མ་གཤོང་ཆེན་བསྟན་པའི་རྒྱལ་མཚན་གྱི་དག་སྣང་དུ་བྱུང་བའི་ཚེ་སྒྲུབ་ནམ་མཁའ་ཟ་བ། ཅོང་ཞིའི་བཅུད་ལེན། ཚེ་བཀྲ་བརྟག་པ་གསུམ་གྱི་བརྒྱུད་པ་ནི། རིག་འཛིན་ཀུན་བཟང་རྣམ་རྒྱལ། ཟུར་ངག་དབང་ཕུན་ཚོགས། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །གནུབས་ཀྱིས་གཤིན་རྗེ་ནག་པོའི་རྒྱུད་ནས་ཕྱུང་བའི་ཕུག་རོན་གྱི་སྒོ་ང་དང་རྔ་མོ་མགོ་གཅིག་ལ་བརྟེན་ནས་ལྟས་ངན་བཟློག་པ་དང་། མགོ་གསུམ་ལ་བརྟེན་ནས་བཟློག་པ། ཇོ་བོ་ཆེན་པོ་ནས་བརྒྱུད་པའི་རིགས་བསྲུང་ཨ་ལི་མ་རྣམས་ཀྱི་བརྒྱུད་པ་ནི། སྤྲུལ་སྐུ་བསྟན་འཛིན་ནོར་བུ། ཟུར་ངག་དབང་ཕུན་ཚོགས། རྗེ་ཁྲ་ཚང་པ། དེས་བདག་ལའོ། །

སློབ་དཔོན་ཆེན་པོས་མངའ་བདག་དང་ཇོ་མོ་ལ་གནང་བའི་བྱས་པ་བཤིག་པའི་མན་ངག་འགོ་ན་ཨོཾ་དང་མཇུག་ན་སྭཱ་ཧཱ་མེད་པ་ཡིག་འབྲུ་བཅུ་བཞི་པའི་བརྒྱུད་པ་ནི། སྔགས་འཆང་ལེགས་མཆོག་པ། ཟུར་ངག་དབང་ཕུན་ཚོགས། རྗེ་ཁྲ་ཚང་པ། དེས་བདག་ལའོ། ༈ །རྒྱ་གར་གྱི་དུར་ཁྲོད་རཥྨི་ཤ་རར་རྡོ་རྗེ་ཕག་མོས་ཐང་སྟོང་རྒྱལ་པོ་ལ་གནང་བའི་རིམས་བསྲུང་འགོར་ཧ་རི་ཎི་ས་ཡོད་པ་རྫས་བཞི་མ། རྫས་ལྔ་ལ་བརྟེན་པའི་གཉན་གཟེར་གྱི་བསྲུང་བ་གཉིས་ཀྱི་བརྒྱུད་པ་ནི། ཆོས་བདག་ཕག་ཞལ་ཅན། གྲུབ་ཐོབ་ཐང་སྟོང་རྒྱལ་པོ། འཇམ་དབྱངས་ནམ་མཁའ་ལེགས་པ། མཁས་གྲུབ་ཤཱཀྱ་བཤེས་གཉེན། ཕ་རྒོད་རྒྱལ་མཚན་དཔལ། རྗེ་བཙུན་གཤོང་ཆེན་པ། འདི་ཡན་ཆིག་བརྒྱུད། ཐུགས་སྲས་བསམ་གཏན་རྒྱལ་མཚན། ཟུར་ངག་དབང་ཕུན་ཚོགས། རྗེ་ཁྲ་ཚང་པ། དེས་བདག་ལའོ། ༈ །གཉིས་པ་ཟབ་པ་གཏེར་མའི་སྐོར་ལ། ཐང་ཡིག་ཏུ་གཏེར་སྟོན་ཕལ་ཆེར་གྱི་ལུང་བསྟན་མཚན་སྨོས་རྣམས་ཀྱང་ལས་ཙམ་ལས་གོ་རིམ་དེས་སྦྱར་རུང་དུ་མི་འདུག་པ་དགོས་པའི་དབང་གིས་གབ་དཀྲུགས་སུ་མངོན་ཞིང་། ཆོས་འབྱུང་རྣམས་སུ་ཡང་དཔྱད་བཟོད་མི་བཟོད་སྣ་ཚོགས་སྣང་ལ། ཁྲི་སྲོང་རྣམ་སྤྲུལ་དཔལ་བཀྲ་ཤིས་སྟོབས་རྒྱལ་གྱིས་མཛད་པའི་སྤྲུལ་སྐུ་གཏེར་སྟོན་གྲངས་ངེས་ཀྱི་གསོལ་འདེབས་ཐུགས་རྗེའི་ཉིན་འབྱེད་ལ་སྔ་ཕྱིའི་གོ་རིམ་མ་མཛད་པར་མཚན་དང་ཆོས་སྐྱེ་བརྒྱུད་སོགས་གང་འཚམ་སྡེ་ཚན་དུ་བསྡོམས་པར་གནང་བའི་གོ་རིམ་གྱི་དབང་དུ་བྱས་ཏེ་གསོལ་འདེབས་ལས། གུ་རུ་པདྨ་སིདྡྷི་ཧཱུྃ། སྐུ་གསུམ་བརྒྱུད་པ་དྲུག་ལྡན་དམ་པའི་ཆོས། །ཟབ་ཁྱད་

གཏེར་མར་ཡོངས་གྲགས་མཁའ་འགྲོ་མའི། །ཞལ་ལུང་གཟི་བྱིན་དྲོད་རླང་ཐོལ་ལེ་བ། །སྩོལ་མཁས་རིག་འཛིན་རྩ་བརྒྱུད་བླ་མར་འདུད། །ཅེས་པའི་གཏེར་སྟོན་སངས་རྒྱས་བླ་མའི་གཏེར་ཆོས་ནི་ཤིན་ཏུ་དཀོན་པར་འདུག་པས་སྔར་ཕན་མ་རྙེད། གསོལ་འདེབས་ལས། ཨོ་རྒྱན་སྤྱན་སྔར་གྲུབ་པའི་སྙིང་པོ་ཞེས། །རྣམ་འཕྲུལ་འོད་དཀར་རྨ་བྱའི་མདོངས་མཐའ་ཅན། །རིག་གནས་ཀུན་གྱི་སྒོ་འབྱེད་ལམ་བཟང་བརྙེས། །རྡོར་འབུམ་ཆོས་ཀྱི་གྲགས་ལ་གསོལ་བ་འདེབས། །ཞེས་པའི་གསོལ་འདེབས་ཀྱི་ཡུལ་འདི་ནི་རང་གཏེར་ལས། བོང་ཐུང་ག་ལི་རྐན་སོ་ཅན། འོད་དཀར་རྨ་བྱའི་མདོངས་ཅན་གྱིསཿ བློ་གསལ་རི་བོང་ལོ་ལ་འདོནཿ ཞེས་ལུང་བསྟན་དང་མཐུན་པར་སྤྲུལ་པའི་གཏེར་སྟོན་རྡོར་འབུམ་ཆོས་ཀྱི་གྲགས་པས་ཁོང་པའི་ནང་གི་སྙིང་ངམ་ཡིད་བཞིན་གྱི་ནོར་བུ་ལྟ་བུའི་དཔེ་དང་སྦྱར་བ་བདུད་རྩི་བུམ་ཆེན་གྱི་ཤོག་སེར་ཕལ་ཆེར་བྱང་སྤྲ་དུན་རྩེའི་དྲེགས་པ་ཟིལ་གནོན་གྱི་ཐུགས་ཀ་ནས་སྤྱན་དྲངས་ཤིང་། ཁ་སྐང་ཟུར་བཀོལ་དུ་སྦས་པ་འགའ་ཞིག་བྱམས་སྤྲིན་རྡོ་སྐུའི་འོག་ནས་བཏོན་པའི་དབང་ལུང་གི་རིམ་པ་ནོས་པར། ཐོག་མར་དཔའ་བོ་གྱད་ལྔའི་དང་པོ་སྣོད་རུང་དབང་གི་གྱད་གཏེར་བྱོན་ལ། ཆོས་རྒྱལ་བཀྲ་ཤིས་སྟོབས་རྒྱལ་གྱི་ལྗགས་བསྒྲིགས་སྨིན་བྱེད་དབང་གི་ཆུ་རྒྱུན་གྱི་སྟེང་ནས་གནས་ལྔར་དབང་བསྐུར་དངོས་དང་སོ་སོའི་མཐའ་ཅན། རྟེན་བརྟེན་པ་སྒོམ་པ། སྔགས་བཟླས་རླུང་སྦྱོར། ཀ་དག་ངོ་སྤྲོད། བྱུག་པ། བསྲུང་བ་གདགས་པ་སོགས་ཀྱི་ཕྱག་ལེན་

འཁྲུལ་མེད་རིག་འཛིན་བརྒྱུད་པའི་ལུགས་སྲོལ་ཆད་མེད་ལེགས་པར་ཐོབ། རྒྱབ་རྟེན་ལུང་གི་སྐོར་ལ། ཕྱི་ལྟར་དཀར་ཆག་ཏུ་བསྟན་པ་རྩ་བ་མ་ཡིག་གི་སྐོར། ནང་བར་ཐེམས་ལྟར་བསྟན་པ་དགོངས་འགྲེལ་མདེ་ཐུང་སོགས་བུ་ཡིག་གི་སྐོར། དཀར་ཆག་དང་བར་ཐེམས་ལས་དངོས་སུ་མ་གསལ་བ་ཐེམས་མེད་ཀྱི་སྐོར། དེ་དག་ཉམས་སུ་ལེན་པ་ལ་ཉེ་བར་མཁོ་བ་དགོངས་གཏེར་གྱི་སྐོར་དང་བཞི། དང་པོ་ནི། གཏེར་གཞུང་དཀར་ཆག་ལས། གདམས་པ་བདུད་རྩིའི་བུམ་པ་ལ། །རྒྱུད་གསུམ་གྱད་ལྔ་སྲོག་གཏེར་གྱད། གསང་མཛོད་འབྱེད་པའི་ལྡེ་མིག་ལྔ། །མཁའ་འགྲོ་གསང་བའི་སྙིང་ཁྲག་གཅིག །ཅེས་པ་ལྟར། རྒྱུད། གྱད་ལྔ། སྲོག་གཏེར། གསང་མཛོད་ལྡེ་མིག །མཁའ་འགྲོ་གསང་བའི་སྙིང་ཁྲག །ཡན་ལག་དང་དྲུག །དང་པོ་ལ་འཆི་མེད་བདུད་རྩི་བུམ་པ་རྩ་རྒྱུད་གཞུང་ཡན་ལག་བརྒྱད་པ་ལེའུ་བཅུའི་བདག་ཉིད་ཅན། དོན་སྐོར་གསུམ་པ་ཞེས་བྱ་བ་འཇམ་དབྱངས་ཀྱི་ཐུགས་བཅུད་བརྟག་པ་སྤྱི་དང་ཁྱད་པར་དོན་རྟགས་གསུམ་དུ་མདོར་བསྡུས་པའི་རྩ་རྒྱུད་དང་དེའི་བཤད་རྒྱུད་སྔོན་འགྲོ་དངོས་གཞི་རྗེས་གསུམ་སྤྱི་བྱེ་བྲག་སོ་སོར་བསྟན་པ་སྣང་གསལ་ཉི་མའི་དཀྱིལ་འཁོར་ཏེ་རྩ་བཤད་འདི་གཉིས་རྒྱུད་གཅིག་ཏུ་བྱས་པ། གསང་བདག་གི་ཐུགས་བཅུད་ཕྱི་ནང་གསང་བ་བཟླས་སྔགས་བསྲུང་ཐབས་སྦྱིན་སྲེག་གཏད་རྒྱར་བཅས་པ་བཤད་རྒྱུད་གནམ་ལྕགས་རྡོ་རྗེའི་ཁྲབ་རིང་ཞེས་བྱ་བ་རྣམས། གཉིས་པ་གྱད་ལྔ་ཞེས་པ་དང་པོ་སྣོད་རུང་དབང་གི་གྱད་ནི། གཏོར་མའི་གཤོམས་དང་བདག་མདུན་དབང་ཚོགས་གཏོར་བསྔོ་ཕན་

ཡོན་རྣམས་རྩ་བ་མདོར་བསྡུས་པ་བུམ་པ་འདེབས་པའི་གྱད། ༈ གཉིས་པ་མ་ལས་ལྷག་པ་བུའི་གྱད་ལ། ནང་གསེས་ཀྱི་དང་པོ་བསྲུང་བ་དང་གསོ་བའི་ཐབས་རྣམ་པ་ལྔས་བྱིན་ལོག་ལས་རྣམ་པ་རྒྱལ་བ་མ་ལས་ལྷག་པའི་བུ། གཉིས་པ་བསྲུང་བའི་ཞལ་འཕང་དང་བརྟག་ཐབས་གཉིས་བཅོས་ཐབས་བཞིས་གཟེར་ཐུང་ལས་རྣམ་པར་རྒྱལ་བཞི་སྦྱོང་སྦྲགས་མ་མ་ལས་ལྷག་པའི་བུ། གསུམ་པ་ཁྱད་པར་དམིགས་པས་བསྲུང་བ་རྟགས་གསུམ་བཅོས་ཐབས་སྨན་དཔྱད་ཟས་སྤྱོད་རྣམས་ཀྱིས་ལྷོག་པ་ལས་རྣམ་པར་རྒྱལ་བ་འབུར་འཇོམས་ཞི་སྤྱོད་སྦྲགས་མ་མ་ལས་ལྷག་པའི་བུ། བཞི་པ་ཐུན་མོང་རྫས་བསྲུང་བརྟག་པ་སྤྱི་བྱེ་བྲག་གནས་རིགས་དབྱེ་བ་བཅོས་ཐབས་སྨན་དཔྱད་ཟས་སྤྱོད་སྔགས་རྣམས་ཀྱིས་གག་པ་ལས་རྣམ་པར་རྒྱལ་བ་ཞི་སྦྱོང་སྦྲགས་མ་མ་ལས་ལྷག་པའི་བུ། ལྔ་པ་རིགས་གསུམ་བསྲུང་ཐབས་ཕྱི་ནང་གསང་བ་འཁྲུ་མདོག་བཅུ་དང་བརྟག་པ་བཞི་གསོ་ཐབས་རྣམ་གསུམ་ལུས་ཟུངས་གསོས་ཏེ་རྒྱུ་གཟེར་ལས་རྣམ་པར་རྒྱལ་བ་ཞི་སྦྱོང་སྦྲགས་མ་མ་ལས་ལྷག་པ་བུའི་རྩ་བ། དྲུག་པ་རྒྱུ་རྐྱེན་རྟགས་རིགས་བཅོས་ཐབས་ལོག་གནོན་བསྲུང་བ་སྐམ་ས་རྗེས་སུབ་རྗེས་གཅོད་ཕྱིར་མི་ལྡོག་པ་གཏར་ཁས་བཅོས་པ་རྣམས་ཀྱིས་འབྲུམ་བུ་ལས་རྣམ་པར་རྒྱལ་བ་མ་ལས་ལྷག་པའི་བུ། བདུན་པ་ངོས་འཛིན་བཅོས་ཐབས་སྙིང་པོར་དྲིལ་བ་བེག་གེའི་ནད་ལས་རྣམ་པར་རྒྱལ་བ་མ་ལས་ལྷག་པའི་བུ། འདི་རྣམས་ལ་བུའི་མིང་ཐོགས་ཀྱང་དོན་མ་ཡིག་གི་ཁོངས་སུ་བསྡུ་བ་ཡིན། ༈ གསུམ་པ་ཡང་གསང་སྦས་པ་

མཛོད་ཀྱི་གྱད་ནི། སྤྱན་རས་གཟིགས་ཀྱི་ཐུགས་བཅུད་ཅོག་འགྱེལ་ནག་པོ་གསུམ་འདྲིལ་བཅོས་ཐབས་མདོར་བསྡུས་པ་འཆོར་བ་མེད་པའི་སྨན་དཔྱད་ལག་ལེན་བདུད་རྩི་བུམ་པའི་སྙིང་པོ་སྨན་གྱི་གཏོང་ཐབས་དང་བཅས་པ་གསལ་བའི་སྒྲོན་མ། བཞི་པ་འཆི་མེད་གྲུབ་པ་སྲོག་གི་གྱད་ནི། ཧ་ལ་ལྕོག་འགྱེལ་ཞེས་བྱ་བའི་ནད་གདོན་བཅོས་ཐབས་རྒྱལ་དབང་པདྨའི་མགུར་ལས་སྲོག་གཏེར་ཆེན་པོའི་སྦྱོར་བ་ཉེ་བའི་རྒྱུ་རྐྱེན་རྩ་མཆུ་མཐོང་བ་ཡུལ་ཐོས་པ་སྒྲ་གསང་རྟགས་དྲུག་ངོས་འཛིན་འཕྲུལ་གྱི་མེ་ལོང་བཅོས་ཐབས་བསྡུ་བསང་སྦྱང་བ་སྡོང་ཟླ་བསད་པ། ལྔ་པ་གསང་བ་སྙིང་ཁྲག་གདམས་པའི་གྱད་ནི། རབ་གནས་བདུད་རྩི་སྨན་སྒྲུབ་རྒྱུན་མཆོད་གཤོམས་སོགས་སྔོན་འགྲོ་དང་ཁྲོལ་བུ་ཕྱེ་མ་རིལ་བུ་སོགས་དངོས་གཞི་དང་རྗེས་གསོ་བསྲུང་ཕན་ཡོན་རྣམས། རྩ་བའི་གསུམ་པ་སྲོག་གཏེར་གྱི་གྱད་ནི། དེ་སྐད་དུ། ལོག་གནོན་སྲོག་གི་ཀ་ཆེན་འདི། །གུད་དུ་བཀོལ་བའི་བརྒྱུད་ཅིག་ཡིན། །ཞེས་པ་ལོག་གནོན་ཆིངས་ཀྱི་ཤོག་དྲིལ་མཁའ་འགྲོའི་ལུང་བསྟན་ཡང་གསང་སྲོག་གི་ཀ་ཆེན་གསུམ་སྒྲིལ་རྟ་ཞོན་འཇུག་སྒོ་འགྲིམས་གསང་གནས་ཡུལ་རྫོང་བསྲུང་རྟགས་གསོ་བ་འཆི་འཆོའི་བརྟགས་རྫས་རྣམས་ཚང་བ་བརྒྱུད་འཛིན་རེ་རེར་མཐར་ཐོན་པར་ཤོག་ཅིག་པའི་སྨོན་ལམ་དང་བཅས་པ། རྩ་བའི་བཞི་པ་གསང་མཛོད་འབྱེད་པའི་ལྡེ་མིག་ལྔའི་དང་པོ་གསང་མཛོད་སྒོ་འབྱེད་གཏེར་སྲུང་ལ་གདམས་གཏད། གཉིས་པ་གཅེས་པ་བཅོ་བརྒྱད་དང་བསྔགས་པ་དགུའི་བསྡུས་དོན་ཁོག་འབུབ་གསུམ་པ་ལས་ཀྱི་མཐའ་བསྒྱུར། གཟུག་གཟེར་གཅག་

པའི་ལྡེ་མིག །བཞི་པ་ལུང་པ་འགྱུར་དུ་མ་འདོད་ན་འཁྲུལ་འཁོར་ཆེན་མོའི་སྦྱོར་བ་གདམས་པ་གནད་ཀྱི་ཡིག་ཆུང་གསང་སྒོ་འབྱེད་པའི་ལྡེ་མིག །ལྔ་པ་འཁོར་ལོའི་ལྡེ་མིག་གནད་ཀྱི་ཉིང་ཁུ་བཅུས་བསྟན་པ། རྩ་བའི་ལྔ་པ་མཁའ་འགྲོ་གསང་བའི་སྙིང་ཁྲག་ནི། གླེང་གཞི་རྒྱུ་རྐྱེན་དབྱེ་བ་བརྟག་པ་བཅོས་པ་སྨན་དཔྱད་རྩ་རྒྱུགས་ཚ་བ་གྲང་བ་ལུས་ཟུངས་མཁྲིས་གསུམ་ཤ་གཡའ་སྟེ་ལེའུ་བཅུ་གཉིས་སྡོམས་དང་བཅས་པ་གཡའི་བདུད་རྩི་མ་ལྷ་མོའི་ཁྲག་དར་ཡ་ཀན་ཞེས་བྱ་བ་བུམ་པ་འདེགས་པའི་གྱད། དེའི་ཞར་བྱུང་མཁའ་འགྲོའི་སྙིང་ཁྲག་དྲུག་ཤིན་ཏུ་གཅེས་པའི་ཡང་སྙིང་ལྷ་མོའི་སྙིང་ཁྲག་འབྱེད་པའི་ལྡེ་མིག་རྣམས། རྩ་བའི་དྲུག་པ་ཡན་ལག་ནི། ཡང་གསང་སྦས་པའི་མཛོད་ཆེན་ལ། དཔའ་བོ་གྱད་ཀྱི་རལ་སྐོར་ཡོད། ཅེས་གོང་དུ་བསྟན་པའི་གྱད་ལྔའི་ནང་ཚན་གྱད་གསུམ་པའི་ཡན་ལག་སྒོ་བསྲུང་གི་ཚུལ་དུ་ལོག་གནོན་གྱད་ཀྱི་སྦྱོར་བ་རླུང་མཁྲིས་བད་ཀན་ཁྲག་གྲང་བ་སྲིན་བུ་འདུས་པ་སོགས་གཉེན་པོ་སྦྱོར་བ་ཁྲག་འཐུང་པདྨ་རྒྱལ་པོས་ཡུམ་ལ་ཆིག་ཆོད་དུ་གཏད་རྒྱར་སྦས་བཅོལ་བཀའ་ཟབ་རྒྱས་བཏབ་སྨོན་ལམ་དང་བཅས་པ་གནམ་ལྕགས་གྱད་ཀྱི་རལ་སྐོར་ཞེས་བྱ་བ་གཏེར་སྲུང་རྒྱལ་པོ་སྡེ་བཞི་དང་ཡང་ལེ་བེར་ལ་གཏད་པའི་སྨོན་ལམ་དང་བཅས་པ། ལག་ལེན་བདུད་རྩིའི་འཕྲེང་བ་ཡོད་ཅེས་པ་གྱད་ལྔའི་ནང་ཚན་བཞི་པའི་ཆ་ལག་ཏུ་ཧ་ལ་ཅོག་འགྱེད་བཅོས་ཐབས་ཆིག་རྒྱུད་ཐབས་ཤེས་མཆོག་གསུམ་དཔའ་བོ་བཞི་ཁྱུང་ལྔ་དཀར་པོ་དྲུག་གྷི་ཧཾ་བདུན་དྲི་ལྡན་བརྒྱད་སེར་པོ་

དགུ་སྦྱོར་སྤྱི་དོན་བརྒྱད་ཀྱི་མཐར་ཐུག་པ་བདུད་རྩི་རིལ་བུའི་འཕྲེང་བ་མཁར་ཆེན་བཟའ་ལ་གདམས་པ་འདི་ཡན་གྱིས་མ་ཡིག་དཀར་ཆག་གི་ཚིག་གིས་ཟིན་པ་རྣམས་རྫོགས་ནས། རྩ་བའི་གཉིས་པ་ནང་བར་ཐེམས་ལྟར་བསྟན་པ་དགོངས་འགྲེལ་མདེ་ཐུང་སོགས་བུ་ཡིག་གི་སྐོར་ལ། སྤྱི་དང་ཁྱད་པར་གཉིས། དང་པོ་སྤྱིར་བསྟན་པ་ལ། བཤད་རྒྱུད་ཀྱི་སྦྱིན་སྲེག་རྩ་ཚིག་རྐང་པ་བཅུའི་འགྲེལ་པ་ཇོ་མོས་མཛད་པ། རྒྱུ་གཟེར་བསྲུང་བ་ཕྱི་ལྷ་སྔགས་གསང་བ་བསྲུང་བ་རྒྱས་བསྡུས་ནང་སྨན་སྔགས་བཅོས་ཐབས་རྩ་ཚིག་གི་མཇུག་རྒྱུ་གཟེར་ལས་རྣམ་པར་རྒྱལ་བ་ཞི་སྦྱོང་སྦྲགས་མའི་འགྲེལ་པ། བུ་ཡིག་ལ་ནང་གསེས་ཀྱི་གྱད་ལྔར་ཕྱེ་བའི་དང་པོ་གཏེར་སྟོན་ལ་ཞལ་གདམས་བདག་འཇུག་གི་དོན་དང་བཅས་པ། གྱད་གཉིས་པ་བྱིན་ཆུང་གསོ་བ་འཕྲུལ་གྱི་ཡང་ཞུན་གྱི་མདེ་ཐུང་ཞེས་བྱ་བ། གྱད་གསུམ་པ་བདུད་རྩི་སྲོག་གཏེར་ཆེན་པོ་དཔའ་རྒོད་ལོག་གནོན་འཆི་བ་བླུ་བྱེད། གྱད་བཞི་པ་ཆུ་ལ་བརྟག་པ་དེའི་སད་མདའ་གདོན་ངོས་འཛིན་པའི་གདམས་པ་དང་བཅས་པ། གྱད་ལྔ་པ་ལྷ་དགུའི་སྦྱོར་བ་རིལ་ལུ་བྱུག་པ་ཕུར་མ་གསུམ་གྱི་གཅེས་པའི་ཤོག་དྲིལ། རྫས་ལ་ནུས་པ་བསྐྱེད་པ་དཔའ་བོའི་གོ་ཆ་རབ་གནས་མངའ་གསོལ་གྱི་མདེ་ཐུང་སྲོག་གི་ཀ་ཆེན་ལ་ནང་གསེས་ཀྱི་མདེ་ཐུང་དགུ་ཡོད་པའི་དང་པོའི་ནང་དུ་ཟུག་གུ་གཟུད་པའི་མདེ་ཐུང་། གཉིས་པ་ཕུར་མས་བསྲུང་བའི་མདེ་ཐུང་། གསུམ་པ་དབྱུག་པས་བསྲུང་བའི་མདེ་ཐུང་། བཞི་པ་ཀླད་གཟེར་རྟགས་འཆོས་འཚོ་འཆི་བརྟག་ཐབས་དང་

བཅས་པ་གསལ་བྱེད་ཉི་མའི་སྙིང་པོ་ཐུན་མོང་མ་ཡིན་པའི་མདེ་ཐུང་། ལྔ་པ་སྟོད་བབས་ཀྱི་གཟེར་ཐུང་བཅོས་ཐབས་བསིལ་བྱེད་ཟླ་བའི་བདུད་རྩི་ཞེས་བྱ་བའི་མདེ་ཐུང་། དྲུག་པ་སྨད་བབས་ཀྱི་རྒྱུ་གཟེར་རྒྱ་ནད་དང་བཅོས་པའི་མདེ་ཐུང་། བདུན་པ་གག་པའི་བཅོས་ཐབས་གག་ཁྲག་སྐྱུགས་ཀྱི་མདེ་ཐུང་། བརྒྱད་པ་ལྷོག་པའི་བཅོས་ཐབས་ཚིག་དོན་བཅུ་བཞི་པ་དངོས་སུ་གསད་བའི་མདེ་ཐུང་། དགུ་པ་བསྲུང་བ་མེ་ཀློང་ཐོད་པའི་མདེ་ཐུང་། མ་དང་འདྲ་བའི་བུ་བརྒྱད་ཀྱི་ཤོག་དྲིལ་ལ་ནང་གསེས་ཀྱི་དང་པོ་ཚད་རིམས་ཆམ་པའི་ནད་བདག་མོའི་སྲོག་སྔགས་བསྲུང་བའི་མདེ་ཐུང་། གཉིས་པ་རྒྱ་ནས་རྒྱུ་གཟེར་ནད་བདག་མོའི་སྲོག་སྔགས་བསྲུང་བའི་མདེ་ཐུང་། གསུམ་པ་འབྲོས་བཞི་བྱིན་ཆུང་ནད་བདག་མོའི་སྲོག་སྔགས་བསྲུང་བའི་མདེ་ཐུང་། བཞི་པ་རྒྱ་ནད་མིག་སེར་ནད་བདག་མོའི་སྲོག་སྔགས་བསྲུང་བའི་མདེ་ཐུང་། ལྔ་པ་ས་ནད་གག་ལྷོག་ནད་བདག་མོའི་སྲོག་སྔགས་བསྲུང་བའི་མདེ་ཐུང་། དྲུག་པ་འབྲུམ་ནག་གོ་ཤོལ་ནད་བདག་མོའི་སྲོག་སྔགས་བསྲུང་བའི་མདེ་ཐུང་། བདུན་པ་ཐབས་ཤེས་ཉི་ཟླ་འཁོར་ལོར་འདྲི་བའི་མདེ་ཐུང་། བརྒྱད་པ་མཚོ་རྒྱལ་ལ་གདམས་པའི་མདེ་ཐུང་། སྙིང་ཁྲག་གི་དགོངས་པ་ལ་གབ་པ་གཏེར་གྱི་ཡང་ཞུན་རུས་དར་ཡ་ཀན་ཞེས་བྱ་བ་གླིང་གཞི་སྤྱི་སྡོམ་མཚན་ཉིད་བཅོས་ཐབས་ལེའུ་བཞིར་ཕྱེ་བ། གླིང་གཞི་ཆུང་གསུམ་བསྐྱེད་པ་རང་བསྲུང་སྒོ་འབྱེད་དེ་དྲུག་ཏུ་འདུས་པ་ཤ་དར་ཡ་ཀན་ཞེས་བྱ་བ། ཟླ་ཟིལ་དར་ཡ་ཀན་ཞེས་པ་གླེང་གཞི་རྩ་སྦྱོང་བསྲུང་བ་ནད་སེལ་ཚེ་སྒྲུབ་སྟེ་ལེའུ་

དྲུག་ཏུ་ཡོན་ཏན་བརྗོད་པ། གྱད་ཀྱི་རལ་སྐོར་གྱི་ཆ་ལག་ཏུ་གཏོགས་པ་ནང་གསེས་ཀྱི་དང་པོ་དོན་སྣོད་ཁ་འཛིན་དུ་བསྡེབས་པ་ཡང་གསང་སྦས་མཛོད། གཉིས་པ་འཛུམ་ཁ་རྩེག་འཆེས་པ་བརྟག་ཐབས་གསོ་བ་སྤྱོད་ལམ་བསྟན་པ་སྙིང་པོ་བདུད་རྩི་འཆི་མེད། གསུམ་པ་ཁོག་འབུབ་རྩ་ཆིངས། བདུད་རྩི་འཕྲེང་བ་བཞི་ལ་དར་འདོགས་ཀྱི་གདམས་པ་བདུད་རྩི་རྦ་ཀློང་ལ་ནང་གསེས་ཀྱི་དང་པོ་གསོ་བ་དྲག་པོ་ཀུན་འདུལ། གཉིས་པ་སྲོག་འཛིན་འཆི་མེད་ཀྱི་སྦྱོར་བ་དཔའ་བོ་བདུན་སྦྱོར་གཉན་ནད་འཇོམས་པའི་བདུད་རྩི། གསུམ་པ་བད་ཀན་གྲང་རིམས་བརྟག་འཆོས་བདུད་རྩི་འཆི་གསོས། བཞི་པ་མི་རྟ་ཆ་གཅིག་ཁ་འཛིན་དངུལ་ཆུའི་སྡེབས་སྦྱོར། ལྔ་པ་མཁྲིས་པ་རླུང་གྱུར་གསོ་ཐབས་ཐུན་མོང་མ་ཡིན་པའི་ནོར་བུ། དྲུག་པ་ཁོང་ལྷོག་ནག་པོ་ཅོག་འགྱེལ་ལོག་གནོན་རྒྱུ་རྐྱེན་བརྟག་གསོ་ཕྲད་ཤོག་གི་མཐའ་ཅན་མཁན་དྷ་གྭའུ་མ་སྟེ། སྡེ་བརྒྱད་ལ་གཏེར་དུ་གཏད་པ། གཉིས་པ་ཁྱད་པར་སྦས་དོན་གྱི་སྐོར་ནི། ཨོ་རྒྱན་ཆེན་པོས་མངའ་བདག་ལ་གདམས་པ་བསམ་ཡས་བཞེངས་ནས་ཞེས་སོགས་གླེང་གཞི་ནས་བཟུང་སྟེ་སྡེ་ཚན་གཅིག་ཏུ་སྤྱི་བྱེ་བྲག་ཁྱད་པར་གསུམ་དུ་ཕྱེ་ནས་གསུམ་བརྟག་པ་ཕྱི་ནང་གསང་བའི་བསྲུང་ཐབས་གསོ་ཐབས་ལ་རྩ་བ་ཡན་ལག་ཁ་འཛིན་ལོག་གནོན་དང་མཐར་སྨོན་ལམ་ཕྲད་ཤོག་དང་བཅས་པ། རྩ་བའི་གསུམ་པ་དཀར་ཆག་བར་ཐེམས་ལས་དངོས་སུ་མ་གསལ་བ་ཐེམས་མེད་སྐོར་ལ། གྱད་བཞིའི་དཔོན་པོ་ལུས་སྲོག་བསྲུང་བའི་གོ་ཆ་ཆིག་རྒྱ་ཐུབ་པ་འཁོར་ལོའི་

གྱད། ཤིན་ཏུ་གཅེས་པའི་སད་མདའ་ལྔ་པོ་ཕྱི་སོ་སོ་ལེན་པ་གསུམ་དང་། མགྱོགས་པའི་རྟ་བཞི་ལ་ཚོང་ཆེན་མི་གསུམ་བསྐྱོན་པའི་གདམས་པ་ནང་ཡན་ཕུགས་ཚོལ་གྱི་ལྡེ་མིག །རྒྱལ་པོ་དྲུག །དམངས་དྲུག །བློན་པོ་གཉིས་དར་བསྐྱེད་དང་བཅས་པ་རིམས་བསྲུང་བ་ཉི་མའི་འོད་ཟེར་བུམ་པ་འདེགས་པའི་གྱད། དོན་ཏིག་ཤོག་དྲིལ་བཅུ་གསུམ་བདུད་རྩི་བུམ་པའི་སྙིང་པོ་ལ། དང་པོ་ལྷོག་པ་ཁོང་གསོད་ཀྱི་ཤོག་དྲིལ། གཉིས་པ་གཉན་ཚད་འཇོམས་པའི་ཤོག་དྲིལ། གསུམ་པ་གག་པ་སྐྱུགས་འདྲེན་གྱི་ཤོག་དྲིལ། བཞི་པ་མིང་འཆུས་སེལ་བའི་ཤོག་དྲིལ། ལྔ་པ་དམར་ཤལ་གསོ་པའི་ཤོག་དྲིལ། དྲུག་པ་བྱིན་ལོག་གསོ་བའི་ཤོག་དྲིལ། བདུན་པ་དངུལ་ཆུས་ལྷོག་པ་གསོད་པའི་ཤོག་དྲིལ། བརྒྱད་པ་སྟོད་གཟེར་གློ་ཚ་འཇོམས་པའི་ཤོག་དྲིལ། དགུ་པ་དཔའ་བོ་རྐྱང་འདེད་ཀྱིས་གག་ལྷོག་འཇོམས་པའི་ཤོག་དྲིལ། བཅུ་པ་གཞན་གྱིས་བཅོས་ཉེས་པ་ལ་སྦྱོང་གི་ཤོག་དྲིལ། བཅུ་གཅིག་པ་ལྷོག་པ་དངོས་སུ་བསད་པའི་ལོག་གནོན་ཕག་ནག་ལྕགས་འཇིབ་ཀྱི་ཤོག་དྲིལ། འདིའི་འོག་ཏུ་ཤོག་དྲིལ་གཉིས་ཀྱི་དཔེ་མ་འབྱོར་པས་མ་ཐོབ། གཉན་ནད་མ་ལུས་སེལ་བ་འཁྲུད་པ་བདུད་རྩི་ཆུ་རྒྱུན་འཆི་བ་ལས་སློང་བ་ཁྱད་པར་འཕགས་པའི་གདམས་པ། རང་བསྲུང་དང་སྦྱོང་གི་ཞལ་ཤེས་དཔའ་བོ་བཞི་སྦྱོར་གྱི་གདམས་པའི་ཆ་ལག་དང་དྲི་ཆུ་བར་པ་ལ་བརྟེན་པའི་བསྲུང་བ། སྨན་གྱི་ཕྱག་ཚད་བསྟན་པའི་མདེ་ཐུང་། ཕོ་མོ་བཅོས་ཐབས་རིགས་གསུམ་གྱི་ངོས་འཛིན་སོ་

སོའི་གསོ་བྱེད་རྗེས་ཀྱི་སྤྱོད་ལམ་དང་བཅས་བསྟན་པའི་མདེ་ཐུང་། བྱིས་རིམས་བཅོས་ཐབས་འཁྲུ་ལུགས་ལྔ་གསོ་ཐབས་ལྔ་རྗེས་གཅོད་རྒྱུ་མའི་རྩིག་བསྲུང་བ་སོགས་བསྟན་པའི་མདེ་ཐུང་སྙིང་ལྟ་བུ། བྱིས་རིམས་འཆོས་པའི་ལག་ལེན་གསལ་བ་དངུལ་གྱི་མེ་ལོང་། བསིལ་སྦྱོར་ཆེན་མོ་ཚ་བ་མེ་ལྟར་འབར་བའི་གཉེན་པོ་སྙིང་ལྟ་བུའི་ཤོག་དྲིལ་ཐུན་མོང་མ་ཡིན་པའི་མདེ་ཐུང་། སྨིན་མཚམས་སུ་གཡུང་དྲུང་རིས་སྒོམ་པ་སོགས་དམིགས་པས་བསྲུང་བ་རྡོ་རྗེའི་ཁྲབ། ཧ་ལ་ཅོག་འགྱེལ་རྒྱུ་རྐྱེན་བརྟག་ཐབས་གསོ་ཐབས་གཉེན་པོ་བཞིས་བསྟན་པ་འཆི་བ་དུས་བཏབ་ངེས་པར་གསོས་པ་བདུད་རྩི་འཆི་གསོས། ཟས་དཔྱད་སྨན་གྱི་སྤྱང་ཀིའི་ངོས་འཛིན་སོགས་གདམས་པ་ལག་ཏུ་བླང་བའི་ཤོག་དྲིལ་མཐར་དར་བའི་སྨོན་ལམ་གྱི་སྒོ་ནས་རྒྱས་བཏབ་པ་རྣམས་སོ། ༈ །དེ་ཡང་ཆོས་རྒྱལ་བཀྲ་ཤིས་སྟོབས་རྒྱལ་གྱིས། ཤིན་ཏུ་དཀོན་པའི་ཚིལ་བུ་དར་ཡ་ཀན་ཞེས་གསུངས་པའི་ཚིལ་བུ་དར་ཡ་ཀན་དང་གཞན་ཡང་ཡིག་སྣ་འགའ་ཞིག་ཡོད་ཚོད་དུ་འདུག་པ་དཔེ་མ་འབྱོར་བས་ཁོ་བོས་མངོན་སུམ་དུ་ཉམས་སུ་མྱོང་བའི་གཏེར་བྱོན་ནི་དེ་ཙམ་མོ། །རྩ་བའི་བཞི་པ་དེ་དག་ཉམས་སུ་ལེན་པ་ལ་ཉེ་བར་མཁོ་བ་དགོངས་གཏེར་ཆོས་རྒྱལ་བཀྲ་ཤིས་སྟོབས་རྒྱལ་གྱི་ལྗགས་སྒྲིགས་ལ། ལྟ་སྒོམ་ཁ་རྒྱན་དཔག་བསམ་ལྗོན་ཤིང་། འཛབ་དགོངས་མགུལ་རྒྱན་པཉྩ་ལི་ཀ །སྦྱིན་སྲེག་ཁ་རྒྱན་རྨ་བྱའི་མདོངས། རྫས་འཁོར་གྱིས་གང་ཟག་རེ་རེ་དང་ཡུལ་ཁམས་བསྲུང་བའི་སྡོམ་དང་གཏེར་སྟོན་འབྱུང་ཚུལ་སོགས་ཡིག་སྣ་རྣམས་ནས་ཁོལ་

བུར་ཕྱུང་བ་དང་། གཅེས་པ་བཅོ་བརྒྱད་ནས་ཁོལ་འདོན་མང་ཡུལ་བྱམས་སྤྲིན་མའི་ཤོག་དྲིལ་གྱི་དོན་ཟུར་གྱིས་བསྟན་པ། ཁྲབ་རིང་བཤད་རྒྱུད་དང་། འཁོར་ལོའི་གྱད་དང་ཁྱུང་དང་ཕྱག་རྒྱ་འཁོར་ལོའི་ཡང་ཏིག་ཉི་ཤུ་མདེ་ཐུང་གནད་ཀྱི་ཉིང་ཁུ་སོགས་ཀྱི་ཞལ་ཤེས་གསལ་སྒྲོན། ཆིག་རྐྱ་ཐུབ་པའི་འཁོར་ལོ་ཁྱུང་གསུམ་མའི་གྱད་ཀྱི་ཕྱག་ལེན་སྐོར། བདུད་རྩི་བུམ་པའི་འཕྲུལ་གསང་སྔགས་བྱང་མཐོང་མཆོག་མ། རྣམ་དག་དབང་གི་ཆུ་རྒྱུན་བུམ་བཅུད་མའི་དབང་ཆོག་གི་ལུང་རྣམས་ལེགས་པར་ནོས་པའི་དང་པོ་དབང་གི་བརྒྱུད་པ་ནི། རྣམ་འདྲེན་སྨན་གྱི་བླ། འཕགས་པ་རིགས་གསུམ་མགོན་པོ། ཨོ་རྒྱན་སངས་རྒྱས་གཉིས་པ། མཁའ་འགྲོ་ཡེ་ཤེས་མཚོ་རྒྱལ། ཨོ་རྒྱན་གྲུབ་པའི་སྙིང་པོ། གཏེར་སྟོན་རྡོར་འབུམ་ཆོས་ཀྱི་གྲགས་པ། ཐུགས་སྲས་རྡོ་རྗེ་རིན་ཅེན། དེ་སྲས་རྡོ་རྗེ་མགོན་པོ། ཆ་ལུང་པ་ཆེན་པོ། དེ་སྲས་གཡུ་ཐོག་ཡོན་ཏན་མགོན་པོ། གཡུ་ཐོག་འབུམ་སེང་། བྲང་ཏི་འཇམ་དཔལ་བཟང་པོ། འཚོ་མཛད་དཀར་པོ། ཡབ་ལྷ་རིགས་འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན་རིན་པོ་ཆེ་པདྨ་དབང་རྒྱལ་རྡོ་རྗེ། རིག་འཛིན་ཆེན་པོ་ལེགས་ལྡན་བདུད་འཇོམས་རྡོ་རྗེ། ཆོས་ཀྱི་རྒྱལ་པོ་དཔལ་བཀྲ་ཤིས་སྟོབས་རྒྱལ། བྱང་བདག་རིག་འཛིན་ངག་གི་དབང་པོ་ཆོས་རྒྱལ་བསྟན་པའི་རྒྱལ་མཚན། རིགས་སྔགས་འཆང་བ་ཀུན་བཟང་དབང་པོ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་བླ་མེད་རྡོ་རྗེ་རྩལ་ལ་དགྱེས་བཞིན་

དུ་གནང་བའོ། །ལུང་གི་བརྒྱུད་པ་ནི། རིག་འཛིན་ངག་གི་དབང་པོ་ཉིད་ལ་ཟུར་ཐམས་ཅད་མཁྱེན་པས་གསན་པ་ཡིན་ནོ། ༈ །རྡོ་རྗེ་ཁྲབ་རིང་སྐོར་གྱི་ལུང་ནི། རྩ་བའི་བླ་མས་ཡབ་ཟུར་གཞོན་ནུ་དོན་གྲུབ་ལ་ཡང་གསན་འདུག་གོ །གསོལ་འདེབས་ལས། གུ་རུའི་བཀའ་རྣམས་བསྡུ་མཛད་མཚོ་རྒྱལ་གྱི། །སྤྲུལ་པ་ཀུན་དགའ་འབུམ་ཞེས་མ་རྒྱུད་བདག །ཇོ་མོ་སྨན་མོ་རྩོད་མེད་དངོས་གྲུབ་ལོན། །མཚན་ལྡན་མཁའ་འགྲོ་རྣམ་གཉིས་ལ་གསོལ་བ་འདེབས། ཞེས་པའི་ནང་ཚན་ཕྱི་མའི་གཏེར་ཆོས་ནི་མ་ཐོབ་ལ། སྔོན་མ་ནི། གསང་བ་ལྟར་ན་རྡོ་རྗེ་ཕག་མོ། ནང་ལྟར་ན་རྗེ་བཙུན་སྒྲོལ་མ། ཕྱི་ལྟར་ན་མ་གཅིག་ཡེ་ཤེས་མཚོ་རྒྱལ་གྱི་རྣམ་པར་བསྟན་པ་རྒྱལ་བ་ཀུན་ཡུམ་གང་དེའི་སྤྲུལ་པ་མ་གཅིག་ཀུན་དགའ་འབུམ་གྱིས་སྤྱན་དྲངས་པའི་མ་རྒྱུད་མཁའ་འགྲོ་གསང་བ་ལམ་ཁྱེར་གྱི་དབང་ལུང་རྣམས་ལེགས་པར་ཐོབ་པ་ལ། སྨིན་བྱེད་དབང་། གྲོལ་བྱེད་འཁྲིད་ཀྱི་སྔོན་འགྲོ། དངོས་གཞི། མཇུག་རྒྱབ་ཆོས་དང་བཅས་པ། བསྟན་སྲུང་གི་ཆོས་སྐོར་ཏེ་ལྔ། དང་པོ་སྨིན་བྱེད་དབང་ལ་མཁའ་འགྲོ་སྡེ་ལྔའི་དབང་སོགས་ཀྱིས་ལུས་ངག་ཡིད་གསུམ་སྨིན་པར་བྱས་ནས། གཉིས་པ་གྲོལ་བྱེད་འཁྲིད་ཀྱི་སྔོན་འགྲོ་ལ། ཐོག་མར་ལོ་རྒྱུས་བྱུང་ཁུངས། སྔོན་འགྲོ་སེམས་བསྐྱེད། སྤྱན་འདྲེན། ཕྱག་འཚལ། མཎྜལ། ཡིག་བརྒྱ། བཤགས་པ་བཟོད་གསོལ། བླ་མའི་རྣལ་འབྱོར་གསོལ་འདེབས། འཆི་བ་མི་རྟག་པ་སྒོམ་པ། མི་རྟག་སྒྱུ་མའི་དཔེ་བརྒྱད། གསུམ་པ་འཁྲིད་ཀྱི་དངོས་གཞི་ལ། ཕྱི་འབྱུང་ལྔའི་

འཁྲིད། ལུས་སེམས་དབྱེར་མེད་ངོ་སྤྲོད་པ། སེམས་ཉིད་བརྡར་ཤ་གཅོད་པ། དུག་ལྔ་ཡེ་ཤེས་ལྔ་རུ་ངོ་སྤྲོད་པ། རྣམ་རྟོག་ཆོས་སྐུར་འཆར་བའི་འཁྲིད། ངོ་བོ་ཀ་དག་མ་བཅོས་ལྷུན་གྲུབ་ཡིད་བཞིན་ནོར་བུ་ངོ་སྤྲད་པ། གཞི་ཁྲེགས་ཆོད་གནས་འགྱུར་དབྱེར་མེད་ཆོས་ཉིད་ཀྱི་ངང་ལ་འདྲེས་པ། ཐོད་རྒལ་ལྷག་མཐོང་རང་གྲོལ་ལས་འཁྲིད། ཆོས་སྐུ་མངོན་སུམ་དུ་མཐོང་བའི་འཁྲིད། ལོངས་སྐུ་འགག་མེད་དུ་ངོ་སྤྲོད་པའི་འཁྲིད། སྤྲུལ་སྐུ་རིག་པ་སྟོང་གསལ་དབྱེར་མེད་ཡི་དམ་གྱི་ཞིང་ཁམས་སུ་ངོ་སྤྲོད་པ། སྒྱུ་ལུས་ཚོགས་འཁོར་དུ་འཁྱེར་བ། རྨི་ལམ་འོད་གསལ་དུ་འཁྱེར་བ། སེམས་ཉིད་རིག་སྟོང་མཁའ་སྤྱོད་དུ་འགྲོ་བའི་འཁྲིད། བར་དོ་ཟངས་ཐལ་དུ་འཚང་རྒྱ་བའི་ཞིང་ཁམས་སུ་ངོ་སྤྲོད་པའི་འཁྲིད། སྒྲོལ་མ་ལྔའི་འཁྲིད་ཀྱི་ཞལ་གདམས། སྒྲོལ་མ་དྲུག་གི་འཁྲིད། མཁའ་འགྲོའི་གསང་ཚིག་སྒོམ་དོན་གདམས་པ་འཁྲིད། མཁའ་འགྲོའི་གསང་ཚིག་ཉམས་ལེན་སུམ་ཅུའི་འཁྲིད་ཀྱི་ཞལ་གདམས་ཉི་ཤུ་རྩ་བདུན་པའོ། ༈ །བཞི་པ་འཁྲིད་ཀྱི་མཇུག་རྒྱབ་ཆོས་དང་བཅས་པ་ལ། སྐུ་གསུམ་ངོ་སྤྲོད། དབང་གི་ཤོག་དྲིལ། དུག་ལྔ་ལམ་ཁྱེར་ཤོག་དྲིལ་ངོ་སྤྲོད། ལྷན་ཐབས་དབང་ཆོག་དྲིལ་བའི་འགྲོལ་ཚིག་ཞལ་ཤེས་ཕྱག་ལེན་དང་བཅས་པ། དེ་དག་གི་རྒྱབ་ཆོས་སུ། གསང་ལམ་གྱི་ལོ་རྒྱུས་དང་རྩ་ཚིག་གཉིས། ཕག་མོ་མངོན་པར་འབྱུང་བའི་རྒྱུད། ཁྲོས་ནག་ལས་བྱང་ནོར་བུའི་བང་མཛོད་འོད་ཀྱི་འཕྲེང་བ། ལྔ་པ་བཀའ་སྲུང་སྤྱང་ཞོན་སྤུན་གསུམ་གྱི་སྐོར་ལ། མངོན་རྟོགས་མེ་ལོང་རྡོ་རྗེས་མཛད་པ།

སྒྲུབ་ཐབས་དང་། ཐུགས་ཀྱི་སྒྲུབ་ཐབས། གཏོར་འབུལ་རྣམས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་མོ། སྣང་སྟོང་སངས་རྒྱས་མཁའ་འགྲོ། རིག་སྟོང་རྡོ་རྗེ་མཁའ་འགྲོ། བདེ་སྟོང་རིན་ཅེན་མཁའ་འགྲོ། གསལ་སྟོང་པདྨ་མཁའ་འགྲོ་གྲགས་སྟོང་ལས་ཀྱི་མཁའ་འགྲོ་སྟེ་ལོངས་སྐུ་མཁའ་འགྲོ་རིགས་ལྔ། སྤྲུལ་སྐུ་རྡོ་རྗེ་རྣལ་འབྱོར་མ། ངོ་བོ་ཉིད་སྤྲུལ་ཡེ་ཤེས་མཚོ་རྒྱལ། གཏེར་སྟོན་མ་ཀུན་དགའ་འབུམ། འགྲོ་མགོན་དུང་མཚོ་རས་པ། བྱ་བཏང་རང་གྲོལ། ཉི་ཟླ་འོད་ཟེར། མཁས་གྲུབ་སངས་རྒྱས་འོད་ཟེར། བླ་མ་སངས་རྒྱས་བརྩོན་འགྲུས། རྗེ་སངས་རྒྱས་གྲགས་པ། རྗེ་རྣམ་རྒྱལ་གྲགས་པ། བླ་མ་བསྟན་པ་འབྲུག་སྒྲ། འདི་གཉིས་དར་སྡིངས་པའི་གསན་ཡིག་ན་མེད་པ་བརྟག་དགོས་ཡོད། རྣམ་རྒྱལ་འོད་ཟེར་གྲགས་པ། མཁས་གྲུབ་ཤ་གཟུགས་བཀྲ་ཤིས་རྣམ་རྒྱལ། སྔགས་འཆང་ཀརྨ་གསང་སྔགས། རིག་འཛིན་འཕྲིན་ལས་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །གསོལ་འདེབས་ལས། མངའ་སྐྱོང་ཁྲི་ལྡེ་སྲིན་སྦར་གནས་སོགས་ཀྱི། །ཟབ་གཏེར་སྒོ་འབྱེད་དོན་དུ་བསྟན་པའི་བདག །ཉང་རིགས་སྐུ་བལྟམས་རལ་པའི་ཅོད་པན་ཅན། །གོང་མ་ཉི་མ་འོད་ཟེར་ལ་གསོལ་བ་འདེབས། །ཞེས་པའི་གཏེར་སྟོན་བླ་མ་མངའ་བདག་ཆེན་པོ་ནི་རང་གཏེར་གྱི་སློབ་དཔོན་ཆེན་པོའི་རྣམ་ཐར་གྱི་ལེའུ་ཉི་ཤུ་པར། མངའ་བདག་རྒྱལ་པོ་ཉིདཿ སྐྱེ་བ་བཅུ་བདུན་བརྒྱུད་པའི་མཐའ་མ་ལཿ འདི་ནས་ལྷོ་ནུབ་མཚམས་སུཿ ཡུལ་རྟ་རོ་དམར་པོ་ཁ་ཕྱེ་བ་འདྲ་བ་ཞིག་གི་ནང་དུཿ སྐྱེས་པ་འབྲུག་ལོ་

པ་ཤེས་རབ་ཆེ་བཿ སྙིང་རྗེ་ཆེ་བཿ བརྩོན་འགྲུས་ཆེ་ལ་སྒྲུབ་པ་ལ་བརྩོན་པཿ དམ་ཚིག་གཙང་ལ་རློམ་སེམས་ཆུང་བཿ ཁོང་ཡངས་ཤིང་ཁ་ཉུང་བཿ རྒྱུད་ཞི་ཞིང་གཞན་ལ་སྒྲོ་སྐུར་མི་འདེབས་པཿ རིག་པ་གསལ་ཞིང་ཡིད་གཞུངས་པཿ ཁ་དོག་དཀར་ལ་ངང་རྒྱུད་རིང་བཿ དེ་ལྟ་བུ་ཞིག་ཏུ་སྐྱེས་ནསཿ རྒྱལ་པོ་ཉིད་ལ་བདག་གིས་གདམས་པའི་ཆོས་ཐམས་ཅད་དང་འཕྲད་ནས་སྐྱེ་བ་དེས་རྒྱུན་ཆོད་པར་འགྱུར་རོཿ རྒྱལ་པོ་སྐྱེ་བ་བཅུ་བདུན་བརྒྱུད་པའི་མཐའ་མ་ལཿ མངའ་བདག་ཉང་རལ་པ་ཅན་སྐྱེ་མཐའ་སྲིད་པའི་བྱང་ཆུབ་སེམས་དཔའོཿ ཞེས་འབྱུང་བ་ལྟར། ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུའི་སྐྱེ་བའི་མཐའ་མར་ལུང་གིས་ཟིན་ཅིང་གཏེར་ཁ་ཆེན་པོ་སོ་གཉིས་ལ་དབང་བའི་གཏེར་སྟོན་གྱི་རྒྱལ་པོ་གང་དེའི་གཏེར་ཆོས་ཀྱི་རིམ་པ་ནོས་ཚུལ་ལ། ཐེམས་བྱང་ལས། ཀུན་བཟང་རྡོ་རྗེ་སེམས་དཔའི་ཐུགས་བརྒྱུད་ནིཿ གསང་སྔགས་རྒྱུད་སྡེ་འབུམ་ཕྲག་དྲུག་ཅུ་ཡིཿ དགོངས་པའི་མཐར་ཐུག་ལག་ལེན་མན་ངག་སྐོརཿ ཐོད་རྒལ་སྒོམ་ལ་མི་གནས་སྙིང་པོའི་དོནཿ རྫོགས་ཆེན་ཁྲེགས་ཆོད་ཟབ་ལམ་དགོངས་པ་ནིཿ མཐར་ཐུག་བླ་མའི་དམར་འཁྲིད་སྐོར་དུ་བསྒྲིལ། གདམས་པ་སྙིང་པོ་མར་གྱི་ཡང་ཞུན་འདིཿ དབང་པོའི་དྭངས་མ་ཁོང་པའི་སྙིང་ལྟ་བུཿ ཡིད་འཛིན་སྒོམ་ལ་མི་གནས་མངོན་སུམ་དུཿ ཐོས་པས་གྲོལ་བར་འགྱུར་བའི་གདམས་པ་འདིཿ ཆང་གི་ནང་ན་གར་བའི་ཉིང་ཁུ་ལྟརཿ མན་ངག་ནང་ན་ཟབ་པའི་སྒྲུབ་སྐོར་འདིཿ གཏེར་ཁ་ཀུན་ཏུ་འདི་འདྲ་སྦས་པ་མེདཿ ད་ལྟ་སྤེལ་བའི་དུས་མེད་མ་འོངས་ཚེཿ མངའ་

བདག་རྒྱལ་པོ་འདི་ཉིད་གནས་འགྱུར་བའིཿ འཇམ་དཔལ་སྤྲུལ་པ་གཅིག་དང་ཕྲད་པར་འགྱུརཿ དེ་ཕྱིར་ཡེ་ཤེས་མཚོ་རྒྱལ་དཀར་ཆག་ཐོབཿ རིན་ཅེན་འབར་བའི་བྲག་ལ་གཏེར་དུ་སྦོསཿ དུས་ཀྱི་མཐའ་ལ་འགྲོ་དོན་རྒྱས་པར་འགྱུརཿ ཞེས་བྲག་སྲིན་མོ་སྦར་རྗེས་མུ་ཏིག་ཤེལ་གྱི་སྤ་མ་གོང་སོགས་གཏེར་ཁ་གསུམ་ཙམ་ལས་འཕྱོངས་རྒྱས་འཆིང་བ་བང་སོ་དམར་ཆུང་གི་གཏེར་ཁ་རིན་པོ་ཆེ་སྒྲོམ་སྨུག་གི་ནང་ནས་སྤྱན་དྲངས་པའི་ཟབ་ཆོས། ཡེ་ཤེས་མཁའ་འགྲོའི་གཙོ་མོ་མཁར་ཆེན་བཟའི་ཕྱག་བྲིས་སྤྲོས་མེད་ཀུ་སུ་ལུ་པའི་ཉམས་ལེན་གསང་སྒྲུབ་བླ་མ་དམར་འཁྲིད་ཀྱི་ཆོས་སྡེ་ལ། ཐོག་མར་རང་རྒྱུད་སྨིན་པར་བྱེད་པ་ཟླ་གམ་སྒོ་གཅིག་གི་དཀྱིལ་འཁོར་ལ་བརྟེན་ནས་བླ་མ་རྡོ་རྗེ་འཆང་ཡབ་ཡུམ་གྱི་གཏོར་མ་གཞལ་ཡས་ཁང་དུ་ཤེས་པས་ཕྱི་ནང་གསང་བ་ཚིག་གི་དབང་གཏོར་མ་བརྡ་དོན། མཆོད་རྫས། དངོས་གྲུབ་སྟེ་ཤེས་པ་རྣམ་པ་བཞིས་བྱིན་རླབས་ལུ་གུ་རྒྱུད་ལེགས་པར་ཐོབ་ནས། རྒྱབ་རྟེན་ལུང་གི་སྐོར་ལ། མཁའ་འགྲོ་ཡེ་ཤེས་མཚོ་རྒྱལ་ལ་གནང་བའི་གདམས་པ་ཞུ་ལན་གྱི་སྐོར། ཇོ་མོའི་གདམས་སྐོར་མན་ངག་ཏུ་བསྡེབས་པའི་སྐོར། མངའ་བདག་རྒྱལ་པོའི་ཞུ་ལན་གྱི་སྐོར། མངའ་བདག་དང་ཇོ་མོ་ཐུན་མོང་གི་ཞུ་ལན་སྐོར། རྗེ་འབངས་རྣམས་ཀྱི་ཞུ་ལན་གྱི་སྐོར། རྔོག་ཤེས་རབ་རྒྱལ་པོའི་ཞུ་ལན་གྱི་སྐོར་དང་དྲུག་ལས། དང་པོ་ཇོ་མོའི་ཞུ་ལན་སྐོར་ལ། གསང་སྔགས་གནད་ཀྱི་མན་ངག་ཅེས་བྱ་བ་བླ་མའི་མཚན་ཉིད་བསྟན་པ་དང་ཡི་དམ་ལྷ་སྒོམ་ཚུལ། སྐྱབས་འགྲོ་ལམ་ཁྱེར། སེམས་བསྐྱེད་ལམ་ཁྱེར། ཉམས་ལེན་ཤེལ་འཕྲེང་

དྲི་མེད། གསང་སྔགས་ཀྱི་བློ་སྦྱོང་རིན་ཅེན་འཕྲེང་བ་ཞེས་བྱ་བ་མཚན་བཅས་ལྷ་སྒོམ་པའི་མན་ངག །བསླབ་པའི་མཐའ་བཅུ་ལ་སྦྱོང་བ་སོགས་ཀྱི་མན་ངག་འཇུག་ཏུ་ཞུ་ལན་བསྟན་པའི་སྐོར་ཞེས་བྱ་བ། དམར་ཁྲིད་སྐོར་གསུམ་ཞེས་པ་ཞེ་སྡང་ཅན་ལྷ་ལ་བརྟེན་ནས་འཁྲིད་པ། འདོད་ཆགས་ཅན་ཐབས་ལམ་ལ་བརྟེན་ནས་འཁྲིད་པ། གཏི་མུག་ཅན་མི་རྟོག་པ་ལ་བརྟེན་ནས་འཁྲིད་པ་རྣམས། གཉིད་ལམ་ཁྱེར་གྱི་གདམས་པ། བཟའ་བཏུང་བདུད་རྩིར་བསྒྱུར་བའི་གདམས་པ། འཕོ་བའི་མན་ངག །ཟླ་བ་གཅིག་ནས་དོན་དང་མཇལ་བའི་གདམས་པ། འཇིགས་པའི་བདུད་བཞི་གཞོམས་པའི་གདམས་པ། བླ་མ་ལ་བྱིན་རླབས་ཅི་ཡོད་དགེ་སྦྱོར་ཅི་མཛད་ཀྱི་བསོད་ནམས་རང་ལ་འོང་བ་ཚར་གསུམ་ཁུག་པ་དབང་གི་མན་ངག །ཞི་གནས་ལྷག་མཐོང་ཟུང་འབྲེལ་དུ་སྒོམ་པ་གནད་ཀྱི་གལ་འགག །དྲོད་བཙན་ཐབས་ཀྱིས་རི་ཁྲོད་འགྲིམས་པར་གོས་མི་དགོས་པའི་གདམས་པ། རི་ཁྲོད་འགྲིམས་དུས་འཚོ་བའི་ཟས་ལ་བརྟེན་མི་དགོས་པ་བདུད་རྩི་སྨན་གྱི་བཅུད་ལེན། མ་བསྒོམ་སངས་རྒྱས་སྡིག་པོ་ཆེ་སྔོན་ལ་འཚང་རྒྱ་བ་ཐ་མལ་གྱི་ཤེས་པ་འཕྲལ་དུ་བཀོལ་ཐུབ་པ་སངས་རྒྱས་ཀྱི་ཐུགས་དང་སེམས་ཅན་གྱི་སེམས་དབྱེར་མེད་དུ་བསྲེ་བ་སངས་རྒྱས་སེམས་སུ་སྟོན་པ་སྙིང་གཏམ་བཀའ་རྒྱའི་སྐོར་མུ་ཏིག་ཤེལ་གྱི་སྤ་མ་གོང་དུ་གནང་བ། ཡ་མཚན་ཅན་གྱི་གཏམ་རྒྱུད་ཀྱི་བརྡ་སྐོར། ངེས་ཤེས་བསྐྱེད་པ་གཏམ་རྒྱུད་ཀྱི་སྐོར། སློབ་དཔོན་ཆེན་པོ་མཁའ་འགྲོ་གིང་ཆེན་སྡེ་བཞི་དང་ཕྱི་ནང་གསང་བ་སྐུ་གསུང་ཐུགས་ལ་བརྟེན་ནས་སྒྲུབ་པ་མཁའ་འགྲོ་གནད་ཀྱི་ཡི་གེ་འཁོར་འདས་

ཚུལ་གཅིག་གསང་སྔགས་ཤམ་བུའི་མཐའ་བསྒྱུར་བསྟན་པ་དང་བཅས་པའི་ལེའུ་བརྒྱད་པ། སློབ་དཔོན་གསང་སྒྲུབ་རྟ་མགྲིན་ཡབ་ཡུམ་དུ་སྒྲུབ་པ་བདག་བྱིན་གྱིས་རླབས་པ་ཇོ་མོས་ལུང་ཞུས་ནས་གཏེར་དུ་སྦས་པ། ཕྱི་གདོན་གནོད་སྦྱིན་ཕོ་མོ་ཞི་བར་བྱེད་པའི་གདམས་པ། བརྒྱུད་པའི་བྱིན་རླབས་ཀྱི་ཆུ་བོ་གསང་བ་ཡི་གེ་གཅིག་མ་ཐུགས་ཀྱི་སྒྲུབ་པ་ཞེས་བྱ་བ་ནོར་སྲིད་ཚེ་མངོན་སྤྱོད་མཁའ་སྤྱོད་ཕྱི་ནང་གསང་གསུམ་གྱི་སྒྲུབ་པ་རྣམས་སོ། ༈ །གཉིས་པ་ཇོ་མོས་གདམས་སྐོར་མན་ངག་ཏུ་བསྡེབས་པའི་སྐོར་ལ། ཐུགས་ཀྱི་དཀྱིལ་ནས་ཕྱུང་བའི་བྱིན་རླབས་ལུ་གུ་རྒྱུད། གསོལ་འདེབས་ཕྱི་ནང་གསང་གསུམ་ལས་ནང་ལྟར་གསོལ་བ་འདེབས་པ། སློབ་དཔོན་པདྨ་འཁོར་མཁའ་འགྲོ་སྡེ་བཞི་དང་བཅས་པ་ལ་གསོལ་བ་འདེབས་པའི་མན་ངག་དོན་དགུས་བསྟན་པ། ཆོས་སྤྱོད་ལམ་རིམ་བདུན་པ། རྒྱུན་གྱི་གསོལ་འདེབས་ཆོས་སྤྱོད་ལམ་རིམ་གང་བྱེད་ཀྱི་སྔོན་འགྲོ། ཕྱི་གདོན་བར་ནད་ནང་དུག་ལྔ་སྟེ་ཞི་བྱེད་གསུམ་གྱི་གདམས་པ་རྣམས་སོ། ༈ །གསུམ་པ་མངའ་བདག་ལ་གདམས་པ་ལ། སངས་རྒྱས་གཉིས་མེད་འཕགས་པའི་ཞལ་ཤེས་སོགས་ཀྱི་སྒོ་ནས་རྒྱལ་པོས་སློབ་དཔོན་ལ་བསྟོད་པ་སྔོན་དུ་བཏང་སྟེ་ཞུས་པའི་ལན་ཉིན་མོའི་བྱ་བ་སྒོམ་དུ་འགྲོ་བ། ནུབ་མོ་ཉལ་བ་སྒོམ་དུ་འགྲོ་བ། གཉིད་དང་བསམ་གཏན་བསྲེ་བ། བྱར་མེད་ཉལ་བའི་འཁོར་ལོ་དགེ་བཅུ་མ་སྤྱད་པར་གྲོལ་བ། སྡིག་པ་མ་སྤངས་པར་དག་པ། སྡུག་བསྔལ་མ་སྤངས་པར་དག་པའི་གདམས་ངག་ཁྱད་པར་ཅན། མཚན་བཅས་མཚན་མེད་ཟུང་འབྲེལ་བསྐྱེད་རྫོགས་ཟུང་འཇུག་གི་གདམས་

པ། བསླབ་པའི་མཐའ་བཅུའི་གདམས་ངག་ཐུན་གཅིག་ལ་རྫོགས་པ། ཕར་ཕྱིན་བཅུ་གཅིག་ཏུ་རྫོགས་པ། དུག་ལྔ་གནས་སྦྱོང་རིན་པོ་ཆེ་ཚེ་སྒྲུབ་པ། བླ་མེད་ཐོད་རྒལ་གྱི་ལྟ་བའི་ཡང་རྩེ། ཐེག་པ་ཐུན་མོང་བ་དང་མི་འགལ་བའི་གདམས་པ། ཨ་ཏི་ཡོ་གའི་ལྟ་སྒོམ་སྤྱོད་པ་འབྲས་བུའི་དོན་མ་ནོར་བའི་ངོ་སྤྲོད། ཐེག་པ་རིམ་དགུ་རྫོགས་པ་ཆོས་ཉིད་ཀློང་གི་དགོངས་པ། རྫོགས་པ་ཆེན་པོ་ཀློང་གི་གདམས་པ་ལྟ་སྒོམ་སྤྱོད་པ་འབྲས་བུ་བཞིའི་ངོ་སྤྲོད། ཅི་ཏི་ཡོ་གའི་བླ་མ་བརྒྱུད་པའི་ལྟ་དགོངས་མ་ནོར་བ། སངས་རྒྱས་ཐམས་ཅད་ཀྱི་དགོངས་པ་དྲིལ་བའི་གདམས་པ། འཇམ་དཔལ་མཚན་བརྗོད་ཀྱི་ལྟ་སྒོམ་སྤྱོད་པ་འབྲས་བུ་བཞི་བསྟན་པ། ལམ་ལྔ་ཅིག་ཅར་རྫོགས་པའི་གདམས་པ། སེམས་དང་ཆོས་ཉིད་ཀྱི་ངོ་བོ་གཞག་ཐབས་བཅོས་ཐབས་དམ་ཚིག་གོལ་ས་འབྲས་བུའི་སྐོར། ལྟ་སྒོམ་རྩད་གཅོད་གེགས་སེལ་གྱི་གདམས་པ། སྤྱོད་པའི་གེགས་སེལ་རྩད་གཅོད་ཀྱི་གདམས་པ། ཅི་ཏི་ངོ་སྤྲོད་ཀྱི་ཉམས་ལེན། ཡང་ཏི་ངོ་སྤྲོད་ཀྱི་ཉམས་ལེན། བླ་མེད་ཐོད་རྒལ་གྱི་ངོ་སྤྲོད། ཕྱག་རྒྱ་ཆེན་པོ་ཡི་གེ་གཅིག་པའི་རྒྱུད་ལས་ཕྱུང་བའི་སངས་རྒྱས་ལག་བཅངས། ཕྱག་རྒྱ་ཆེན་པོ་རྩ་བ་ཨའི་དྷ་ལ་འདུས་པ་སངས་རྒྱས་ལག་བཅངས། བར་དོ་གནད་ཀྱི་སྒྲོན་མེ་རྣམས། བཞི་པ་མངའ་བདག་དང་ཇོ་མོ་ཐུན་མོང་གི་ཞུ་ལན་ནི། ཚོགས་ཐུན་མོང་བ་ཁྱད་པར་ཅན་མཆོག་གི་ཚོགས་དེ་དག་གི་ངོ་བོ་ངེས་ཚིག་དབྱེ་བ་དུས་གནས་བླ་མ་འཁོར་ཡོ་བྱད་བྱ་ཐབས་སྐྱོན་ཡོན་འབྲས་བུའི་སྐོར་བསྟན་པ། ལྔ་པ་རྗེ་འབངས་རྣམས་ཀྱི་ཞུ་ལན་ལ། མངའ་བདག །ཇོ་མོ། རླངས་

དཔལ་སེང་། བཻ་རོ་ཙ་ན། གཡུ་སྒྲ་སྙིང་པོ། གནུབས་ནམ་སྙིང་། གཉགས་ཛྙཱ་ན་ཀུ་མཱ་ར། ངན་ལམ་རྒྱལ་མཆོག །སྣ་ནམ་རྡོ་རྗེ་བདུད་འཇོམས། སོག་པོ་དཔལ་གྱི་ཡེ་ཤེས། ཞང་ཡེ་ཤེས་སྡེ། མཁར་ཆེན་དཔལ་གྱི་དབང་ཕྱུག །ལྡན་མ་རྩེ་མངས་རྣམས་ལ་གདམས་པའོ། །དྲུག་པ་རྔོག་ཤེས་རབ་རྒྱལ་པོའི་ཞུ་ལན་ནི། དམར་འཁྲིད་དུ་བསྟན་པ་རྒད་བུ་འཁར་ཚུགས་ཀྱི་གདམས་པའོ། །གཞན་ཡང་རྒད་མོ་མཁར་བཙུགས། བོད་ཀྱི་དགེ་སློང་དགེ་ཚུལ་དགེ་བསྙེན་ལ་གདམས་པ་སོགས་དང་སྒྲུབ་ཐབས་རིན་ཅེན་སྒྲོན་མེས་མཚོན་པའི་ཐེམས་བྱང་གིས་ཟིན་པའི་ཆ་གཉིས་ཙམ་གྱི་རྒྱུན་ནི་མ་རྙེད་དོ། ༈ །ཞར་བྱུང་གཏེར་གནས་མི་གཅིག་པ་པདྨ་ཤེལ་ཕུག་ནས་སྤྱན་དྲངས་པ་ཤྲཱི་སིངྷས་སློབ་དཔོན་ཆེན་པོ་ལ་གནང་བའི་མཐར་ཐུག་དམར་འཁྲིད་དང་བཅས་པ་རྣམས་ལེགས་པར་ཐོབ་པའི་དབང་ལུང་གཉིས་ཀའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་ཨོ་རྒྱན་ཆེན་པོ། རྒྱལ་ཡུམ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། གཏེར་སྟོན་ཉང་ཉི་མ་འོད་ཟེར། འདི་ནས་མངའ་བདག་ཀུན་དགའ་ལྷུན་གྲུབ་ཀྱི་བར་སྔགས་དཀར་ལྕང་ལོ་ཅན་ཤ་སྟག་ཡིན། ཐུགས་སྲས་འགྲོ་མགོན་ནམ་མཁའ་དཔལ། མངའ་བདག་བློ་ལྡན། མངའ་བདག་བདུད་འདུལ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། མངའ་བདག་འཇམ་དཔལ་ནོར་བུ། མངའ་བདག་ཀུན་དགའ་རྒྱལ་མཚན། མངའ་བདག་ནོར་བུ་འཕེལ། མངའ་བདག་ཀུན་དགའ་འོད་ཟེར། མངའ་བདག་ཀུན་དགའ་འཕེལ། མངའ་བདག་ཀུན་དགའ་ལྷུན་གྲུབ། ལྷ་བྲོ་བ་མཁས་གྲུབ་ཀརྨ་གུ་

རུ། དབུ་མཛད་རང་གྲོལ་ནམ་མཁའ་ཆོས་དབང་། ཁྲ་ཚང་པ་ཆེན་པོ་འཁོར་ལོའི་མགོན་པོ་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལའོ།། ༈ ཡང་ན་སྲས་འགྲོ་མགོན་ནས། གུ་རུ་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། གྲུབ་ཆེན་དམར་ཞབས་རས་པ། རྩི་ཤིང་རྒྱལ་མཚན། འཛམ་གླིང་རྒྱལ་མཚན། རྟོགས་ལྡན་གྲགས་འབུམ། གྲུབ་ཆེན་དཔལ་སེང་། གྲུབ་ཆེན་བརྩོན་འགྲུས་མགོན། བྱ་བྲལ་བསོད་ནམས་སེང་གེ །དམ་པ་ཆོས་སྐྱོང་ཚུལ་ཁྲིམས། སློབ་དཔོན་ཚུལ་ཁྲིམས་འབུམ། འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན་ཡོན་ཏན་འོད་ཟེར། མངའ་བདག་ཀུན་དགའ་ལྷུན་གྲུབ་མན་གོང་ལྟར། ཡང་དབང་བརྒྱུད་ལུགས་གཅིག་ནི། མངའ་བདག་འགྲོ་མགོན་ནས། གཏེར་སྟོན་སངས་རྒྱས་འབར། ཉི་མའི་སྙིང་པོ། འོད་ཟེར་རྒྱལ་མཚན། ཆོས་ཉིད་ཤེས་རབ། མཁས་གྲུབ་བསོད་བཟང་། སྤྲུལ་སྐུ་ཡོན་ཏན་སེང་གེ །ཀུན་མཁྱེན་ཤེས་རབ་རྣམ་རྒྱལ། སྔགས་འཆང་བཟང་པོ་རྒྱལ་མཚན། རྗེ་སངས་རྒྱས་སྐྱབས། མངའ་རིས་པཎ་ཆེན་མན་གོང་བཞིན་ནོ། །འཁྲིད་ལུང་གི་བརྒྱུད་པ་གཅིག་ནི། སྲས་འགྲོ་མགོན་ནས། གཟུ་སྟོན་དྷརྨ་རཏྣ། གཟུ་སྟོན་རིན་ཅེན་རྒྱལ་མཚན། བླ་མ་ཆོས་ཉིད་རང་གྲོལ། སངས་རྒྱས་ལྷུན་དབང་། ཀུན་དགའ་བཀྲ་ཤིས། རྒྱལ་སྲས་ཆོས་རྗེ། བརྒྱུད་འཛིན་ལེགས་པ། རྗེ་འཇམ་དབྱངས་རིན་ཅེན། མངའ་རིས་པཎ་ཆེན་མན་གོང་ལྟར། ཡང་ན་རྒྱལ་སྲས་ཆོས་རྗེ་སྐུ་མཆེད་ནས། ཉང་སྟོན་ཆོས་དབང་། གནུབས་རིན་ཅེན་དཔལ། མཁས་བཙུན་ཚུལ་ཁྲིམས་དཔལ་བཟང་།

མངའ་རིས་པཎ་ཆེན་མན་གོང་བཞིན་ནོ། །ཤྲཱི་སིངྷའི་དམར་འཁྲིད་སོགས་ཨ་ཏིའི་སྐོར་གྱི་བརྒྱུད་པ་ནི། ཀུན་བཟང་། རྡོ་རྗེ་འཆང་། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། གུ་རུ་པདྨ་མན་འདྲ། ༈ ཡང་ཚེ་ཡི་དངོས་གྲུབ་ཐོབ་འདོད་ནཿ ཚེ་དབང་མཚོ་སྐྱེས་རྡོ་རྗེ་ང་ཉིད་སྒྲུབསཿ ཞེས་གསུངས་པའི་ཚེ་སྒྲུབ་མཚོ་སྐྱེས་རྡོ་རྗེ་འཆི་མེད་བདུད་རྩིའི་བུམ་པའི་སྐོར་ལ། དང་མ་བ་བརྩོན་འགྲུས་བྱང་ཆུབ་ཀྱིས་བསྒྲིགས་པའི་ཚེ་སྒྲུབ་བདུད་རྩིའི་ཆུ་རྒྱུན་གྱི་སྟེང་ནས། ཆོས་འབྱུང་བསྣོལ་མའི་དཀྱིལ་འཁོར་དུ་གསོལ་གདབ་བྱིན་འབེབས་སྔོན་དུ་འགྲོ་བའི་ཡབ་ཡུམ་གྱི་འཁོར་ལོས་སྐུ། མེ་ལོང་སིནྡྷུ་རས་གསུང་། ཐོད་པ་རིལ་བུས་ཐུགས། ཚེ་རྒྱས་ཚེ་བུམ། དཔལ་གཏོར། རྒྱས་གདབ། མཐའ་རྟེན་བཅས་པའི་དབང་དང་ཚེ་ཆོག་བདུད་རྩིའི་ཆུ་རྒྱུན་གྱི་ལུང་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཚེ་དཔག་མེད་མགོན། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། དེ་སྲས་འགྲོ་བའི་མགོན་པོ། དེ་སྲས་བློ་ལྡན། དེ་སྲས་བདུད་འདུལ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། འཇམ་དཔལ་ནོར་བུ། ཀུན་དགའ་རྒྱལ་མཚན། དེ་ཝ་བྷ་དྲ། བཟང་པོ་ལྷུན་གྲུབ། ལྷུན་གྲུབ་འོད་ཟེར། མངའ་བདག་ཀུན་དགའ་ལྷུན་གྲུབ། ལྷ་བྲོ་བ་ཀརྨ་གུ་རུ། བྲག་སྣ་བ་ཀུན་མཁྱེན་དབང་ཕྱུག །ཁྲ་ཚང་པ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །བླ་མ་མངའ་བདག་ཆེན་པོའི་གཏེར་བྱོན་རྫོང་ཆེན་ཚེ་དབང་ནོས་པའི་བརྒྱུད་པ་ནི། སྣང་བ་མཐའ་

ཡས། ཚེ་བདག་རིགས་ལྔ། ཨོ་རྒྱན་ཆེན་པོ། ལྷ་ལྕམ་མནྡ་ར་བ། མཁར་ཆེན་བཟའ། ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། དེ་སྲས་འགྲོ་མགོན། མདོ་བོ་རས་པ། གྲུབ་ཐོབ་མེ་ལོང་རྡོ་རྗེ། རྩི་ཤིང་རྒྱལ་མཚན། སྨན་ལུང་ཤཱཀ་གཞོན། དེ་སྲས་འཁྲུལ་ཞིག་བསོད་ནམས་རྒྱལ་མཚན། དེ་སྲས་བླ་མ་ཤཱཀྱ་དཔལ་བ་དང་། དེ་སྲས་སངས་རྒྱས་རིན་ཅེན་གཉིས་ལ་གནང་། སངས་རྒྱས་རིན་ཅེན་པས་རང་སྲས་བློ་གྲོས་རྒྱ་མཚོ་ལ་གནང་། དེ་ནས་རིགས་དབོན་རྨ་དགོན་པ་ལྷུན་གྲུབ་མཚན་ཅན། ནམ་མཁའི་མཚན་ཅན། དཔལ་འབར་མཚན་ཅན། སློབ་དཔོན་རིན་ཅེན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ཐེམས་བྱང་ལས། གུ་རུའི་ཞལ་ནས་ཕྱི་རབས་ཀྱི་དུས་སུ་མངའ་བདག་གི་སྐྱེ་བ་མཐའ་མ་ལ་བདག་གིས་བྱིན་གྱིས་བརླབས་པའི་སྲས་གཅིག་གིས་ཐུགས་གཏེར་འདི་ཞལ་ཕྱེ་ནས་སེམས་ཅན་ནམ་མཁའ་དང་མཉམ་པ་ལ་ཕན་ཐོགས་པ་འདུག་པ་སྟེཿ དེའི་དུས་སུ་ཆོས་འདི་དམ་ཞིང་མི་སྤེལ་བར་གཅིག་བརྒྱུད་དུ་ཉམས་སུ་བླང་བ་གལ་ཆེཿ སྤེལ་དྲགས་ན་སྣང་སྲིད་ཀྱི་ལྷ་མ་སྲིན་སྡེ་བརྒྱད་འཁྲུགས་ཏེ་འཁུ་ཞིང་ལྡོག་ནས་བར་གཅོད་སྣ་ཚོགས་འོང་ཉེན་ཡོད་པས་ཤིན་ཏུ་དམ་པ་གལ་ཆེཿ ཞེས་པ་ལྟར་གཏེར་སྟོན་རྒྱལ་པོ་ལྔའི་ནང་ནས་མངའ་བདག་ཁྲི་སྲོང་ལྡེ་བཙན་གྱི་སྐྱེ་བ་བཅུ་བདུན་པ་སྤྲུལ་སྐུ་ཉང་རལ་པ་ཅན་གྱིས་ལྷོ་བྲག་གཏམ་ཞོལ་སྲིན་མོ་སྦར་རྗེས་ཅན་ནས་གདན་དྲངས་པའི་བླ་མ་དྲག་པོའི་ཆོས་སྐོར་རྒྱས་འབྲིང་བསྡུས་གསུམ་བཞུགས་པ་ནི། རྒྱས་པ་བདེ་གཤེགས་འདུས་པའི་སྨིན་བྱེད་ལ་རས་བྲིས་ཀྱི་དཀྱིལ་

འཁོར་དུ་སྨིན་ལམ་དབང་གི་རྒྱལ་པོ་སྣང་སྲིད་ལྷ་འདྲེའི་སྲོག་དབང་གི་འཇུག་པ་སྔོན་དུ་འགྲོ་བའི་ཕྱི་བུམ་དབང་། ཐོད་འཕྲེང་རིགས་ལྔའི་ལྷ་དབང་ལུས། ཐོད་པ་བདུད་རྩིས་སྔགས་དབང་ངག །ཤེས་རབ་ཡེ་ཤེས་མེ་ལོང་སིནྡྷུ་རས་ཆོས་དབང་སེམས། བླ་མ་ཞི་བའི་ཆས་ཀྱིས་ཡོན་ཏན་མངའ་གསོལ། འཕྲིན་ལས་རྣམ་བཞིའི་དབང་། སྒྲུབ་རྫས་ཀྱི་དབང་། དྲག་པོར་མངའ་གསོལ་བའི་ཕྱག་མཚན། རྒྱན་དྲུག་དང་དུར་ཁྲོད་ཀྱི་ཆས་དབང་། སྣང་སྲིད་ལྷ་འདྲེའི་སྲོག་དབང་། རྒྱལ་ཐབས་སྤྱི་བླུག་གི་དབང་དང་བཅས་པ། རྡོ་རྗེ་སྤྱི་བླུག་གི་དབང་ལ་རས་བྲིས་ཀྱི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་བུམ་པས་དྲག་པོ་ཐོད་འཕྲེང་རྩལ་གྱི་དབང་བཞི། ཐོད་པ་བདུད་རྩིས་སྤྲུལ་སྐུ། རྡོར་དྲིལ་གྱིས་ལོངས་སྐུ་རིགས་ལྔ། འཇམ་དཔལ་གྱིས་ཆོས་སྒོ་འབྱེད་པ། རྟ་མགྲིན་གྱིས་སྡེ་བརྒྱད་ཟིལ་གནོན། ཕྱག་རྡོར་གྱིས་ཀླུ་གཟའ་ཟིལ་གནོན། མེ་དཔལ་གྱིས་དྲེགས་པ་ཚར་གཅོད། ཁྱུང་ལྔས་འཕྲིན་ལས་སྣ་ཚོགས་སྒྲུབ་པའི་དབང་། འཆི་མེད་ཚེ་དབང་། བགྲང་འཕྲེང་ལྷ་སྐུས་བསྐྱེད་རིམ་སྔགས་དབང་། ཅང་ཏེ་དང་ཐོད་པས་སྣང་བ་དབང་དུ་སྡུད་ཅིང་མཁའ་འགྲོའི་སྲོག་རྟེན་གཏོར་མའི་དབང་དང་བཅས་པ། དྲག་སྒྲུབ་སྒོ་དབྱེའི་དབང་ཆོག་གི་སྟེང་ནས་སྟ་གོན་དང་འཇུག་པ་སྦྲགས་མ་སྔོན་དུ་འགྲོ་བའི་པདྨ་ཐོད་འཕྲེང་གིས་བུམ་པས་སྐུ་དབང་། འཇམ་དཔལ་གྱིས་དབུ་རྒྱན་གཙུག་ཏོར་གྱི་དབང་། རྟ་མགྲིན་གྱིས་དྲིལ་བུར་བརྟེན་ནས་གསུང་དབང་། ཕྱག་རྡོར་གྱིས་རྡོར་དྲིལ་ལ་བརྟེན་ནས་ཐུགས་དབང་། ཡཀྵ་མེ་དཔལ་གྱི་སྒྲོན་མེས་ཡོན་ཏན་གྱི་དབང་། བྱ་ཁྱུང་འཕྲིན་ལས་ཀྱི་དབང་། མཁའ་འགྲོ་སྡེ་ལྔའི་

རལ་གྲི་དྲིལ་བུས་གཞན་དོན་གྱི་དབང་། རྡོ་རྗེ་སློབ་དཔོན་བརྟུལ་ཞུགས་ཀྱི་དབང་། སྒོ་བཞིར་སྤྲོས་བྲལ་ངོ་སྤྲོད་དང་གསང་རྫས་ལ་བརྟེན་པའི་ཤེར་དབང་། དམ་ཚིག །བརྡ་དབང་དང་བཅས་པ། འབྲིང་པོ་མདོག་དམར་མེ་འཕྲེང་མེའི་སྤུ་གྲིའི་སྨིན་བྱེད་ལ་རས་བྲིས་ཀྱི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་སྐུ་འབག །བདུད་རྩི་མེ་ལོང་། བུམ་པས་རྩ་བའི་དབང་བཞི། རྡོ་རྗེ། ཐོད་པ། དྲིལ་བུ། ཕུར་པས་ཡན་ལག་གི་དབང་བཞི། མཐའ་རྟེན་གཏོར་དབང་དང་བཅས་པ། སྒྲུབ་པ་གསུམ་པོ་གང་དང་འབྲེལ་ཡང་རུང་བའི་གཏོར་མ། བདུད་རྩི། རྡོ་རྗེ་གསུམ་ལ་བརྟེན་པའི་བྱིན་རླབས་ལུ་གུ་རྒྱུད་ཀྱི་སྨིན་བྱེད་རྣམས་ལེགས་པར་ནོས་ནས། གཞན་ཡང་དབང་གི་རིམ་པ་རྣམ་གྲངས་མང་བ་འདུག་པ་མ་ཐོབ་ཅིང་། བསྡུས་པ་དཔའ་བོ་ལྷ་གསུམ་ལ་སྒོས་སུ་སྨིན་བྱེད་མེད་དོ། །རྒྱབ་རྟེན་ལུང་ལ། རྒྱས་པ་གཞུང་ཆེན་བདེ་གཤེགས་འདུས་པའི་སྐོར། འབྲིང་པོ་མེའི་སྤུ་གྲིའམ་མ་མདོག་དམར་མེ་འཕྲེང་སྐོར། བསྡུས་པ་དཔའ་བོ་ལྷ་གསུམ་སྐོར། ཐེམས་མེད་སྐོར་དང་བཞི། དང་པོ་ལ། དྲག་པོ་བདེ་གཤེགས་འདུས་པ་དང་འབྲེལ་བའི་དཀར་༼ཚར༽༼ལྡོང༽ཆག་གསལ་བའི་སྒྲོན་མེ། དེ་ལས་བྱུང་བའི་གདམས་པ་ལ། སྨིན་ལམ་དབང་དང་འབྲེལ་བའི་ཆོས་བརྒྱད། སྒྲུབ་ཐབས་མན་ངག་དང་འབྲེལ་བའི་ཆོས་བརྒྱད། ཐུན་མོང་ལས་ཚོགས་བཅོ་ལྔ། བཀའ་སྲུང་དང་བཞི། དང་པོ་ལ། དབང་དྲག་པདྨའི་སྒོ་ནས་སློབ་མ་རྗེས་སུ་བཟུང་བའི་ཆོ་ག་སྨིན་ལམ་དབང་གི་རྒྱལ་༼ལྡོང༽པོ་སྣང་སྲིད་ལྷ་འདྲེའི་སྲོག་དབང་། དེའི་ལྷན་ཐབས། ཐེམས་མེད། བྱིན་རླབས་དངོས་གྲུབ་མྱུར་དུ་ཐོབ་བྱེད་དབང་སྒྲུབ་

ལྷ་༼ལྡོང༽ལྔའི་ཐེམས་ཀྱི་མན་ངག །ཡིད་ཆེས་དྲོད་ཚད་བརྟག་པ་༼ཚར༽༼ལྡོང༽མཚན་ལྟས་གསལ་བའི་མེ་ལོང་། དྲག་པོ་སྔགས་ཀྱི་འབྲུ་༼ཚར༽༼ལྡོང༽གནོན་གྱི་ལྡེ་མིག །བསྲུང་བ་རྡོ་རྗེའི་ཁྲབ་༼ལྡོང༽ གྱོན། ཟློག་པ་༼ལྡོང༽མཚོན་ཆ་ཟོར་འཕང་། བསད་པ་༼ལྡོང༽སྡིག་པ་སྙིང་འཛིངས། ཁྱད་པར་དབང་དང་འབྲེལ་བའི་ལས་ལ་ནང་གསེས་འཇམ་དཔལ་སྐུའི་ལས་༼ཚར༽ཚོགས་ཚེ་སྒྲུབ་པ། རྟ་མགྲིན་གསུང་གི་ལས་༼ཚར༽ཚོགས་ངག་བསྲུང་བ། ཕྱག་རྡོར་ཐུགས་ཀྱི་ལས་༼ཚར༽ཚོགས་མངོན་ཤེས་སྒྲུབ་པ། མཁའ་འགྲོ་ཡོན་ཏན་གྱི་ལས་༼ཚར༽ཚོགས་དབང་སྡུད་སྒྲུབ་པ། འཕྲིན་ལས་ཁྱུང་གི་ལས་ཚོགས་ཀླུ་༼ཚར༽བསྲུང་བ། ཡཀྵ་མེ་དཔལ་ལས་༼ཚར༽སྣ་ཚོགས་སྒྲུབ་པ། ཡང་སྤྲུལ་སྡིག་པའི་ལས་༼ཚར༽ཚོགས་འབྱུང་པོ་ཁུ་འདེབས་རྣམས། གཉིས་པ་སྒྲུབ་ཐབས་མན་ངག་དང་འབྲེལ་བའི་ཆོས་བརྒྱད་ནི། དྲག་པོ་པདྨའི་སྒྲུབ་ཐབས་དངོས་གྲུབ་ཡིད་བཞིན་ནོར་བུ་དྲེགས་༼ཚར༽༼ལྡོང༽པ་འདུལ་བྱེད་ཀྱི་གཉེན་པོ་གཞུང་ཆེན་བདེ་གཤེགས་འདུས་པ་ཞེས་པའི་མན་ངག །ལྷ་ཐེམས་གསལ་བའི་སྒྲོན་མ་༼ལྡོང༽འབྱུང་པོ་ཚར་གཅོད་ཀྱི་སྒྲུབ་པ། ཁྲོ་བཅུ་རྒྱན་༼ལྡོང༽གྱི་ཤོག་དྲིལ། ཀླུ་འདུལ་༼ཚར༽༼ལྡོང༽ཁྱུང་གི་ཤོག་དྲིལ། ཐུན་བར་གཏོར་མས་ཐུགས་དམ་བསྐང་༼ཚར༽༼ལྡོང༽པའི་ཤོག་དྲིལ། དེའི་འགྲེལ་པ་དྲག་སྒྲུབ་གཏོར་མའི་ལས་རིམ། ཐེམས་མེད། དངོས་གྲུབ་རྣམ་གཉིས་ཐོབ་པ་༼ལྡོང༽ཚོགས་ཀྱི་ཤོག་དྲིལ། སྤྱི་ཆིངས་འཁོར་ལོའི་ཤོག་དྲིལ་༼ལྡོང༽ལ་ཙཀྲས་དྲག་པོ་འདུལ་བྱེད་ཁོང་པའི་སྙིང་ལྟ་བུ་རྣམས། གསུམ་པ་ཐུན་མོང་ལས་ཚོགས་བཅོ་ལྔ་ནི། རང་གཞན་བསྲུང་༼ལྡོང༽འཁོར། རྦོད་གཏོང་༼ལྡོང༽ཟློག་འཁོར། བགེགས་ཆེན་གཏུམ་པོ་གསོད་པ། བུ་ཆུང་སྲིའུ་༼ལྡོང༽གསོ་བ། ཙི་ཙི་ཛྭ་༼ལྡོང༽ལ་

གསོ་བའི་གཟུངས་མཆོག །ཆུ་འཁྱགས་སེར་བ་༼ཚར༽༼ལྡོང༽བསྲུང་བ། དྲག་པོའི་གཏོར་མས་༼ལྡོང༽དགྲ་བགེགས་གསད་པ། བྱ་བ་གཏོར་གྱིས་༼ཚར༽༼ལྡོང༽ནད་པ་གསོ་བ། དེས་མ་གསོས་ན་དྲག་པོ་མཐའ་༼ཚར༽༼ལྡོང༽བསྐུལ་བྱ་བ། གནོད་བྱེད་བསྲུང་༼ཚར༽བའི་ཙཀྲ། རྒྱལ་བསེན་སྲོག་༼ཚར༽འཁོར། གེགས་ཆེན་གཏུམ་པོ་ཤི་ས་༼ཚར༽༼ལྡོང༽བསྟན་པ། རྡོ་རྗེ་དབྱིག་༼ཚར༽༼ལྡོང༽བརྡུང་གི་ལས། ཆར་དབབ་༼ལྡོང༽པ། དྲག་པོའི་སྦྱིན་སྲེག་༼ཚར༽ ༼ལྡོང༽རྣམས། བཞི་པ་བཀའ་སྲུང་ལ། མ་མགོན་སྡེ་བརྒྱད་ཀྱི་བསྙེན་སྒྲུབ་ལས་སྦྱོར་གྱི་སྒྲུབ་པ་མྱུར་ལ་ཚན་ཆེ་བའི་དྲག་སྔགས་གནམ་ལྕགས་ཐོག་དང་འདྲ་བ། དགྲ་ལ་རྦད་པ་ལྟས་ངན་གྱི་སྒྲུབ་པ། དངོས་གྲུབ་ནོར་བུའི་སྒྲུབ་ཐབས་རྣམས། རྩ་བའི་གཉིས་པ་འབྲིང་པོའི་སྤུ་གྲིའམ་མདོག་དམར་མེ་འཕྲེང་སྐོར་ལ། དྲག་སྒྲུབ་རྩ་བའི་གཞུང་གཙོ་རྐྱང་གི་མངོན་རྟོགས་པདྨའི་ཐུགས་སྔགས་ཞེས་པ་༼ལྡོང༽མ་ཡིག་ཤོག་སེར་དང་པོ། གོ་ཆའི་ལྷ་རྣམས་ཀྱི་མངོན་རྟོགས་བསྟན་པ་ཐུགས་སྒྲུབ་དྲག་སྔགས་༼ལྡོང༽ཞེས་བུ་ཡིག་ཤོག་སེར་བར་པ། དྲག་པོ་སྔགས་ཀྱི་ཐེམས་ཡིག་འབྲུ་༼ཨ༽རྩིས་ཇོ་མོས་གསལ་བྱེད་ཡི་གེར་བཀོད་པ་ལས་ཅན་ལ་ཕྲད་ཤོག་མཐའ་ཅན། བླ་མ་དྲག་པོའི་ཐུགས་སྒྲུབ་ཀྱི་བསྲུང་བའི་འཁོར་ལོ་ཆེན་པོ། སྔགས་ཀྱི་ངེས་པར་བཅུད་པའི་འཁོར་ལོ་རྫོགས་བྱང་གི་མཐའ་ཅན་རྣམས། རྩ་བའི་གསུམ་པ་བསྡུས་པ་དཔའ་བོ་ལྷ་གསུམ་སྐོར་ལ། རྩ་བ་དང་ལས་ཚོགས་གཉིས། དང་པོ་ནི། དྲག་དམར། ཕྱག་རྡོར། རྟ་མགྲིན་ཏེ་ལྷ་གསུམ་གྱི་དྲག་༼ལྡོང༽སྒྲུབ། ༈ གཉིས་པ་ལས་ཚོགས་ལ། མཆོད་བསྟོད་དང་ནི་གཏོར་མ་དང་ཿ བསྲུང་བཟློག་དང་ནི་རྦོད་གཏོང་བཟློགཿ སྨྱོ་འབོག་

འདུལ་དང་སྲིའུ་གསོཿ མཛེ་ནས་གསོ་དང་སེར་བ་བཟློགཿ དེ་ལྟར་ལས་ཚོགས་རྣམ་བརྒྱད་དོཿ ཐེམས་ཡིག་དང་གསན་ཡིག་ཕལ་ཆེར་ལ་ཆོས་ཚན་གསུམ་ལས་མེད་པ་འདྲ་ཞིག་འདུག་ཀྱང་འཇམ་དབྱངས་མཁྱེན་བརྩེས་སྔགས་འཆང་ཆོས་སྐྱོང་བསོད་ནམས་ལ་གསན་དུས་ཀྱི་ཕྱག་བྲིས་མར་འདི་ལྟར་འདུག་པ་ཡིད་ཆེས་ཀྱི་གནས་སོ། །ཞེས་པ་སྒྲུབ་པ་རྒྱས་པ་སྤྱན་༼ལྡོང༽འདྲེན་བཞུགས་ཕྱག་མཆོད་བསྟོད་འཕྲིན་ལས་ཀྱི་རིམ་པ། དྲག་པོའི་གཏོར་མ་གཏོང་༼ལྡོང༽བ་ཞར་བྱུང་ཀླུ་གཏོར་དང་བྱབ་ཆོག །བསྲུང་འཁོར་ཙཀྲ་མུ་༼ལྡོང༽ཁྱུད་དྲུག་པ། རིག་སྔགས་༼ལྡོང༽ཀྱིས་རྦོད་གཏོང་བཟློག་པ། འཁོར་ལོ་ཁྱི་ཐོད་ལ་༼ལྡོང༽བརྟེན་ནས་སྨྱོ་འབོག་འདུལ་བ། ཆུང་སྲི་མནན་༼ལྡོང༽ཏེ་སྲིའུ་གསོ་བ། དྲག་པོའི་གཟུངས་ཆོག་གིས་༼ལྡོང༽མཛེ་ནད་གསོ་བ། སེར་བ་བསྲུང་༼ལྡོང༽ཞིང་ཞར་བྱུང་གདོང་བཟློག་བྱེད་པ་རྣམས་རྩ་བའི་བཞི་པ་ཐེམས་མེད་སྐོར་ལ། བདེ་གཤེགས་འདུས་པར་གཏོགས་པ། མདོག་དམར་མེ་

འཕྲེང་དུ་གཏོགས་པ། བུའི་ཡང་ཏིག་ཕྱི་ནང་གསང་བ་ཡང་གསང་སྒོས་སྒྲུབ། དྲག་པོའི་ལས་ཚོགས་རྣམ་པ་བཅུ་པ། དྲག་སྒྲུབ་ལས་ཚོགས་ཟབ་ཁྱད་མ། ཕན་བྱེད་ཀྱི་ལས་ཁ་ཚར། གཏེར་སྲུང་སྐོར་དང་བདུན། དང་པོ་ལ། དྲག་པོ་སྔགས་ཀྱི་ལྡེ་མིག་དགོས་འདོད་ཐམས་ཅད་འབྱུང་བའི་གདམས་པ་མཆིམས་ཕུའི་ཚང་དུ་གཏོགས་པ་ལ། མ་ཡིག །མ་བུ་དོན་སྡེབས། བུ་ཡིག་དང་གསུམ། དང་པོ་ལ། ཕྱི་ནང་གསུམ་ཆིག་དྲིལ་གྱི་སྒྲུབ་པ་གཙོ་བོ་དང་ལུས་དཀྱིལ་གྱི་བླ་མ་དང་གོ་ཆའི་ལྷ་རྣམས་ལ་ཌཱ་ཀི་འཁྲིལ་བར་བསྐྱེད་ཅིང་བསྲུང་འཁོར་ལ་རིགས་ལྔ་བསྒོམ་པ་བླ་མ་མཁའ་འགྲོ་འཁོར་ལོ་སྤྱི་སྒྲུབ། དབང་སྡུད་རྗེ་བཙུན་མ་དམར་མོར་བརྟེན་པ། གུ་རུའི་གསང་སྒྲུབ་མཁའ་འགྲོའི་སྙིང་ཏིག་མཁའ་འགྲོའི་སྤྱི་སྒྲུབ་ཅེས་པ་འཁོར་ལོ་སྤྱི་སྒྲུབ་དང་དབྱིབས་འདྲ་བར་ལུས་དཀྱིལ་ལ་བླ་མ་གཅིག་ལས་མེད་པ། དེ་དང་འདྲ་རུང་ཕྱི་སྒྲུབ་ཡོན་ཏན་གཏེར་མཛོད་ཅེས་པ་མཚོ་རྒྱལ་བདག་གི་སྙིང་ཏིག །གུ་རུ་དྲག་པོའི་འཕྲིན་ལས་ཀྱི་སྒྲུབ་པ་ཞེས་༼ལྡོང༽པ་ཕྱི་བླ་མ་ཞི་བ། ནང་དྲག་པོ་ལྷ་གསུམ། གསང་བ་དྲག་དམར་དང་རྡོ་རྗེ་ཕག་མོ་མཉམ་པར་སྦྱོར་བ། དྲག་སྒྲུབ་ཀྱི་ཞལ་༼ལྡོང༽གདམས་ཡེ་ཤེས་མེ་སྒོམ་དམར་འཁྲིད། པདྨ་དྲག་པོའི་ལུས་དཀྱིལ་ལ་ཐོད་འཕྲེང་རིགས་ལྔ་མཚན་བརྒྱད་བཀའ་བརྒྱད་སོགས་ཡོད་པའི་ཉམས་ལེན་རྒྱུན་ཁྱེར། པདྨ་འབྱུང་གནས་རྡོ་རྗེ་གསེར་དྲིལ་འཛིན་པ་རྗེ་བཙུན་མས་འཁྲིལ་བའི་སྐུ་ལ་གོ་ཆའི་ལྷ་ཌཱ་ཀི་དང་མཉམ་སྦྱོར་བཀོད་པའི་ཟུང་འཇུག་དབྱེར་མེད་ཀྱི་སྒྲུབ་པ། འདི་དང་མཁའ་འགྲོ་སྤྱི་སྒྲུབ་གཉིས་སྔགས་ཀྱི་ཤམ་བུ་ཅུང་ཟད་མི་འདྲ་གཞན་ཚིག་ཞུས་མི་ཕེར་ཡང་དོན་ལ་ཁྱད་མེད། གསན་ཡིག་རྙིང་པ་ལ་ལར་ལོགས་སུ་འདུག་པ་དཔྱད་དོ། །དྲག་སྒྲུབ་ཀྱི་སྒྲུབ་བཅུད་ཀུ་སུ་ལུའི་ཉམས་ལེན་ཞི་བས་སྡིག་པ་སྦྱོང་བ་དང་དྲག་པོས་གདུག་པ་ཚར་གཅོད་པ། ཁ་སྐོང་བླ་མ་དྲག་སྔགས་མེའི་རྣལ་༼ལྡོང༽འབྱོར་དམ་མེད་ཐེ་ཚོམ་ཅན་ལ་མི་སྤེལ་བའི་མཐའ་ཅན། འབྲལ་མེད་གནད་ཀྱི་གདམས་པ་མཆོག་ཐུན་དངོས་

གྲུབ་འབྱུང་བ། ཆེ་མཆོག་པདྨ་དྲག་པོའི་མངོན་རྟོགས་ཞེས་པ་ལུས་དཀྱིལ་དུས་གསུམ་སངས་རྒྱས། འཁོར་ལོ་རྩིབས་བརྒྱད་ལ་ཉེ་སྲས་བརྒྱད། སངས་རྒྱས་སྟོང་གཙོ་བོའི་ཕྱོགས་བཞིར་མེ་དབལ། འཇིགས་བྱེད། སྟོབས་པོ་ཆེ། འདོད་རྒྱལ། མཚམས་བཞིར་མཁའ་འགྲོ་སྡེ་བཞི་ཡོད་པའི་ངོ་མཚར་ཅན། སྒོམ་ཁོག་པྲ་འཁྲིད་ཀྱི་བུ་ཡིག་གསལ་ཐེམས་ཞེས་པ་མདུན་གྱི་ནམ་མཁར་བླ་མ་སངས་རྒྱས་བྱང་སེམས་བི་མཱ་ལ་ཁྲི་སྲོང་ལྡེ་བཙན་སོགས་སྒོམ་ཞིང་མདུན་དུ་པེ་ཧར་སྟག་ཐོད་ཅན་གཟིར་བ། མཇུག་ཏུ་སྔགས་ཀྱི་རིམ་པ་དང་སྤྱི་གཙུག་བདེ་ཆེན་པདྨའི་གདན་སྟེང་དུ་ཞེས་པ་ནས་བདུད་རྗེ་མི་སེར་རྟ་སེར་བསྐུལ་བའི་བར་ཡོད་པ། དྲག་དམར་གྱི་ཐུགས་ཀའི་ཡེ་ཤེས་སེམས་དཔའ་ཞེ་སྡང་རྡོ་རྗེ་མཐིང་ནག་གིས་བྱས་པ་རྡོ་རྗེ་ཐོད་འཕྲེང་རྩལ་གསང་བའི་ཐེམས་ཡིག་རྒྱུན་ཁྱེར་ཞར་བྱུང་ནད་གདོན་དག་བྱེད་གཏོར་དབང་དང་བཅས་པ། དམ་བདར་སྔོན་འགྲོ་གཏོར་མའི་ལས་བྱང་། ལྷ་སྲིན་དམ་བདར་གྱི་སྔོན་འགྲོའི་བདག་བསྐྱེད་དང་ཤོམ། དྲག་པོ་དམར་ཆེན་གྱི་ལས་༼ཚར༽༼ལྡོང༽ ༼ཨ༽བྱང་རྡོ་རྗེའི་འཕྲེང་བ། མདངས་༼ལྡོང༽སྐོང་རིན་ཅེན་འཕྲེང་བ། ལས་བྱང་བདུད་དཔུང་ཀུན་འཇོམས་སྲས་༼ཚར༽འགྲོ་མགོན་གྱིས་མཛད་པ། མཚོ་རྒྱལ་གྱིས་གཏེར་སྒྲོམ་དུ་བཞུགས་པའི་སྐུ་གསུང་ཐུགས་ཀྱི་སྒྲུབ་ཐབས་འཇམ་དཔལ་སྐུ་སྒྲུབ་བསྟོད་པ་དང་བཅས་པ། རྟ་མགྲིན་གསུང་སྒྲུབ་བསྟོད་པ་དང་བཅས་པ། ཕྱག་རྡོར་ཐུགས་སྒྲུབ་བསྟོད་པ་དང་བཅས་པ། གཏོར་མ་སོགས་གཏོང་དུས་ཀྱི་བསྟོད་པ། གཏོར་སྐྱོང་དུས་གསུམ་མཁྱེན་པ་མ་རྣམས། གཉིས་པ་མ་བུ་དོན་བསྡེབས་ནི། རྩ་བ་སྒོམ་ཁོག་གི་སྤྲ་འཁྲིད་མ་བུ་དོན་བསྡེབས་བསྐྱེད་རྫོགས་

བཟླས་པ་གནད་ཀྱི་མན་ངག །གསུམ་པ་བུ་ཡིག་ལ། བུ་ཡིག་ཤོག་སེར་ལྷན་ཐབས་གསལ་བའི་སྒྲོན་མེ་ཞེས་༼ལྡོང༽པ་སངས་རྒྱས་ཀྱི་ངོ་བོ་སྤྲུལ་སྐུ་མ། མདོག་དམར་མེ་འཕྲེང་གི་བུ་ཡིག་ཅེས་༼ལྡོང༽པ་ལག་གདུབ་རྐང་གདུབ་བཞི་མེའི་འཁོར་ལོ་བཞི་གསུམ་བཅུ་གཉིས་ཀྱིས་བརྒྱན་པ་སོགས་མེའི་བཤད་པ་ཡོད་པའི་གསལ་ཐེམས་བུ་ཡིག །རྡོ་རྗེ་ཐོད་འཕྲེང་རྩལ་དྲག་པོར་བསྒྲུབ་༼ཚར༽པའི་དབང་གི་ལས་རིམ། གཞུང་རིན་ཅེན་སྒྲོམ་བུའི་ངག་འདོན་སྐྱབས་སེམས་སོགས་བརྒྱུད་པའི་བླ་མ་ཞིག་གིས་མཛད་པ། དྲག་སྒྲུབ་འབྱུང་པོ་འདུལ་བྱེད་ཀྱི་རྩ་སྔགས་ཀྱི་ཐེམས་རྨི་ལམ་གྱི་ལྟས་དང་བཅས་པ་སྣང་སྲིད་ལྷ་འདྲེས་འདའ་བར་མི་ནུས་པ། དྲག་སྒྲུབ་ཀྱི་ལྷ་ཐེམས་ཕྲག་པ་གཡས་གཡོན་ན་བདུད་རྩི་འཁྱིལ་བ་དང་སྟོབས་པོ་ཆེ་ཡོད་པ། འཁོར་ལོ་བསྐོར་བའི་གསལ་ཐེམས་ཨ་ཡ་མ་དུ་རུ་ཙ་ཤ་ན་ལ་བརྟེན་པ། རྨི་ལམ་གསལ་ཐེམས་རྣམས་བསྡོམས་པ་ཐེམས་ཡིག་རིན་ཅེན་སྒྲོམ་བུར་གྲགས་པ། བུ་ཡིག་སྙིང་གི་ནོར་བུའི་ནང་གསེས་ལ་རྦོད་གཏོང་གི་རྨི་ལམ་བརྟགས་ནས་༼ལྡོང༽སྡེ་བརྒྱད་གཟིར་བ། ཕྱི་ནང་སྔགས་༼ལྡོང༽ཀྱི་ལྡེ་མིག་སྡེ་བརྒྱད་ཤིས་བསྟན་༼ལྡོང༽པ། མཁའ་འགྲོ་རིགས་བཞི་དང་ཁྲོ་བཅུ་༼ལྡོང༽དམར་ནག་གི་བསྲུང་བ། སྤུ་གྲི་ངར་༼ལྡོང༽གསོ། སྡེ་བརྒྱད་དམིགས་པའི་གསལ་༼ལྡོང༽ཐེམས། བསྲུང་བཟློག་གསང་༼ལྡོང༽བའི་གསལ་ཐེམས། ཏིང་ངེ་འཛིན་གྱི་གསལ་༼ལྡོང༽ཐེམས། གབ་པ་༼ལྡོང༽གསུམ་གྱི་གེགས་སེལ། བནྡེ་ནག་པོ་རླང་སྙིང་གསོད་༼ལྡོང༽ པ་དང་བཅས་པ། ཡང་གསང་དྲག་སྒྲུབ་གུ་རུ་རྡོ་རྗེ་ཐོད་འཕྲེང་རྩལ་མཐིང་ཁ་བཻཌཱུཪྻའི་མདོག་ཅན་གྱི་སྒྲུབ་པ་གསེར་སྲང་གང་གི་བཀའ་རྒྱ་མ་ཆུ་དར་ཕྲ་ཡིག་ཅན། དྲག་པོའི་རྟེན་བཅའ་ཐབས།

དྲོད་༼ཨ༽རྟགས། གཏོར་དབང་གི་སྒྲིབ་པ་འདག་པ། བླ་མ་མཁའ་འགྲོ་མཉེས་པའི་ཚོགས་མཆོད་༼ལྡོང༽ཟབ་ལ་གཉེན་པ། བླ་མའི་དྲག་སྒྲུབ་དངོས་གྲུབ་སྩོལ་བའི་གཏོར་མའི་ཆོག་བསྒྲིགས་༼ལྡོང༽ཞེས་པ་སྡོམ་ལ། བཤམ་ཕྱག་སྐྱབས་སེམས་མཚམས་བཤགས་བརླབཿ བསྐྱེད་སྤྱན་བཞུགས་འབུལ་མཆོད་བསྟོད་ཞུཿ བཟླས་ཕུལ་དབང་གཏད་གཤེགས་བསྡུ་གསོལཿ ཞེས་པ་ཡོད་ཅིང་མཇུག་ཏུ་དམ་བདར་དང་བཅས་པ། ཕྱི་ནང་གསང་གསུམ་གྱི་མཎྜལ་གཏོར་མ་གཏོང་བ་དངོས་འབྱོར་ཡིད་སྤྲུལ་གྱི་མཆོད་པ་དང་བཅས་པ་དྲག་སྒྲུབ་སྒོ་འབྱེད་གསེར་གྱི་ལྡེ་མིག་རྣམས། འདི་དང་ཞུས་དག་ཕེར་བ་ཨོ་རྒྱན་གླིང་པ་དང་དྲི་མེད་ལྷུན་པོ་ལ་ཡང་ཡོད། གསུམ་པ་བུའི་ཡང་ཏིག་ཕྱི་ནང་གསང་བ་ཡང་གསང་སྒོས་སྒྲུབ་ལ། ཕྱི་སྒྲུབ་ཡིད་བཞིན་ནོར་བུ་བླ་མ་ཞི་བར་བསྒྲུབ་༼ལྡོང༽པ་མ་བཅོས་སྤྲོས་བྲལ་མའི་བསྟོད་པ་ཡོད་པ། ནང་༼ལྡོང༽སྒྲུབ་ཐོད་འཕྲེང་མཐིང་ཁ་ལ་ཡུམ་བདེ་ཆེན་ཛྙཱ་ན་འཁྲིལ་བ་ཉི་ཟླ་གྭའུ། གསང་༼ལྡོང༽སྒྲུབ་དྲག་དམར་གོ་ཆའི་ལྷའི་སྟེང་དུ་ཁྱུང་རིགས་ལྔ་བསྒོམ་པ་གསང་བའི་དྲིལ་སྒྲུབ། ཡང་གསང་བླ་མ་དྲག་པོ་སྤྱན་མང་གི་སྒྲུབ་༼ལྡོང༽པ་གོ་སླ་ཁྱེར་བདེ་དྲན་ཆོག་མ། གོ་ཆའི་ལྷ་ཚེ་དཔག་མེད་ཀྱི་སྒོས་སྒྲུབ་༼ཨ༽ ཚེའི་བར་གཅོད་སེལ་བ། འཇམ་དཔལ་སྐུའི་སྒོས་སྒྲུབ་༼ཨ༽ཤེས་རབ་བློ་འཕེལ། རྟ་མགྲིན་གསུང་གི་སྒོས་སྒྲུབ་༼ཨ༽རྒྱལ་འགོང་དམ་སྲི་འདུལ་བ། ཕྱག་༼ཨ༽རྡོར་ཐུགས་ཀྱི་སྒོས་སྒྲུབ་ཚིག་ཉུང་དོན་གསལ། དྲག་པོ་ཁྱུང་ལྔའི་སྒྲུབ་༼ཨ༽ཐབས་རིལ་བུས་གཉན་ནད་འཇོམས་པ། ལྕགས་སྡིག་ནག་པོའི་ཁོལ་༼ལྡོང༽༼ཨ༽སྒྲུབ་རྒྱལ་འགོང་འདུལ་བ། ཡཀྴ་མེ་དཔལ་སྒོས་སྒྲུབ་འཕྲིན་ལས་བསྒྲུབ་པ། སྣང་བ་མཐའ་ཡས་

ཀྱིས་ཚེ་བསྒྲུབ་པ། ངག་འགྲོལ་ངག་༼ཨ༽བསྲུང་སྐོར། ར་བསྲུང་དུག་ཁྲག་གི་གདམས་པ། དྲག་པོ་བཀའ་ཡིག་བཅུ་གཅིག་ཅེས་པ་གཞོ་སྟོད་གཏེར་སྒྲོམ་བྲག་གི་དགོན་པར་ཇོ་མོ་ལ་གསུངས་པའི་འཇམ་དཔལ་སྐུའི་སྒྲུབ་པའི་ལེའུ་དང་པོ། རྟ་མགྲིན་གསུང་གི་སྒྲུབ་པ་ལེའུ་གཉིས་པ། ཕྱག་རྡོར་ཐུགས་ཀྱི་སྒྲུབ་པ་ལེའུ་གསུམ་པ། ཁྱུང་གི་སྒྲུབ་པ་ལེའུ་བཞི་པ། ཀླུ་གནད་ལ་གཟིར་ནས་ཆར་དབབ་པ་ལེའུ་ལྔ་པ། སྲིའུ་གསོ་བ་ལེའུ་དྲུག་པ། བར་གཅོད་ཞི་བའི་སྦྱིན་སྲེག་ལེའུ་བདུན་པ། བསྟན་པ་རྒྱས་པའི་སྦྱིན་སྲེག་ལེའུ་བརྒྱད་པ། ཁམས་གསུམ་དབང་སྡུད་སྦྱིན་སྲེག་ལེའུ་དགུ་པ། མངོན་སྤྱོད་དྲག་པོའི་སྦྱིན་སྲེག་ལེའུ་བཅུ་པ། འཕྲིན་ལས་སྣ་ཚོགས་བསྒྲུབ་པའི་སྦྱིན་སྲེག་ལེའུ་བཅུ་གཅིག་པ། གཞན་ཡང་ཁྱུང་ནག་ཡོན་ཏན་གྱི་སྒྲུབ་པ་ཆར་འབེབས་སེར་བསྲུང་ཀླུ་གདོན་འདུལ་བར་ཐེ་མི་ཚོམ་པ། ཡཀྴ་མེ་དཔལ་གྱི་སྒྲུབ་པ་ལྕགས་བསྲེགས་ལ་སྦྲང་བུ་མི་ཆགས་པ། ལྕགས་སྡིག་ནག་པོའི་ཁོལ་སྒྲུབ་བསྲུང་བ་འདྲི་ཐབས་བསྟོད་པ་ཆོས་ཉིད་མི་འགྱུར་མ་དང་བཅས་པ། ཕོ་གདོན་རྒྱལ་པོ་འདུལ་བ་སྡིག་པའི་ཁོལ་སྒྲུབ་ལུགས་གཅིག །གཏོར་འབུལ་གྱི་གཏོར་སྔགས་རྩ་སྔགས་ཀྱི་ཤམ་བུར་བཏགས་པ། གུ་རུ་པདྨའི་གཏོར་དབང་སྡིག་སྒྲིབ་རྣམས་རྩ་སྒོ་དང་ཆུ་སྒོ་ནས་ཕྱིར་ཐོན་པ། ཡཀྴའི་ཕུར་པ་མཐོ་གང་ལ་བརྟེན་པའི་སེར་བསྲུང་། དྲག་པོའི་སྦྱིན་སྲེག་མེ་དཔུང་ནང་དུ་དྲེགས་པ་འདུལ་བའི་ཐོད་འཕྲེང་རྩལ་སྒོམ་པ། སློབ་དཔོན་པདྨ་དྲག་པོ་ཡཀྴ་མེ་དཔལ་དུ་བསྒྲུབ་པའི་འཕྲིན་ལས་གདུག་པ་ཚར་གཅོད། གཏོར་ཐོད་བུམ་གསུམ་༼ལྡོང༽བརྟེན་པའི་དབང་ཆུ་ལུ་གུ་རྒྱུད། བྱིན་རླབས་ལུ་གུ་རྒྱུད་ཀྱི་གཏོར་མ་ཤེས་

པ་བཞི་ལྡན་དུ་བྱེད་པ། གཏོར་དབང་གནད་ཀྱི་ཤོག་གཅིག་མ། གཏོར་དབང་ལ་བརྟེན་ནས་བྱང་སེམས་ཀྱི་རྩ་འཁོར་རྣམས་ཁེངས་མཐར་སྣང་བ་མཐའ་ཡས་ཀྱིས་དབུ་བརྒྱན་པའི་སྨིན་བྱེད། རྣམ་དག་སྒྲིབ་པ་དག་བྱེད་ཟངས་བུམ་དམར་པོ་ཁྲུས་ཀྱི་ལེའུ་རྣམས། བཞི་པ་དྲག་པོའི་ལས་ཚོགས་རྣམ་པ་བཅུ་པ་ལ། རང་བསྲུང་འཁོར་ལོ། གཞན་བསྲུང་འཁོར་ལོ། ཟློག་འཁོར། སྲིའུ་གསོ་བ། མཛེ་ནད་གསོ་བ། སེར་བ་བསྲུང་བ། རྒྱལ་སེན་གནོན་པ། ཤི་ས་སྟོན་པ། བྱབ་ཆོག་གིས་ནད་༼ལྡོང༽པ་གསོ་བ། དེས་མ་ཕན་ན་སྡིག་པ་ལ་བརྟེན་ནས་ནད་པ་གསོ་བ་རྣམས་སོ་སོའི་མཇུག་ཏུ། འདི་ཡིས་ཐུབ་པར་མ་གྱུར་ནཿ ང་དང་པདྨ་འབྱུང་གནས་གཉིསཿ འཁོར་ལོ་མི་ཤེས་ཁས་ལེན་ཡིནཿ ཞེས་པ་འདྲ་རུང་སྐབས་ཐོབ་དང་བསྟུན་ནས་ཡོད་པ། ལྔ་པ་དྲག་སྒྲུབ་ལས་ཚོགས་ཟབ་ཁྱད་མ་ལ། ཆུ་མིག་ཁ་ཤར་ལྟ་ལ་བརྟེན་ནས་ཆར་འབེབས་པ། ཟངས་ཀྱི་གྭའུ་ལ་བརྟེན་ནས་ནོར་བསྒྲུབ་པ། ཐུགས་སྒྲུབ་དྲག་པོའི་གཏོར་མས་དགྲ་བགེགས་སྒྲོལ་བ། འགལ་བྱེད་ཀླུ་ལ་༼ལྡོང༽བརྟེན་ནས་སེར་བ་སྒོ་ང་ཙམ་དབབ་པ། དགྲ་བོ་ཐོག་གིས་གསད་པ། སྤྱི་བོར་འཇམ་དཔལ་བསྒོམ་པའི་ཆབ་གཏོར། བྱབ་གཏོར་འདྲ་མིན་གཅིག །སྡིག་གཟུགས་ལ་བརྟེན་ནས་མཛེ་གསོ་བ། བདག་བསྐྱེད་དྲག་པོ་དང་ཚེ་དཔག་མེད་མདུན་དུ་བསྐྱེད་པའི་ཚེ་སྒྲུབ། ལྷ་དང་དགྲ་གྲོགས་བརྩི་བ། འཁོར་ལོས་ཞོ་ཆང་བསྲུང་བ། རྫས་སྣ་ཉི་ཤུ་རྩ་གཅིག་གིས་སྨྱོ་འདྲེ་འདུལ་བ་རྣམས། དྲུག་པ་ཕན་བྱེད་ལས་ཁ་ཚར་ལ། སྟག་པའི་བེ་ཅོན་དང་འཁོར་ལོས་རྒྱལ་འགོང་འདུལ་བ། དེའི་གསལ་བྱེད་རྡོ་རྗེ་དབྱིག་

བརྡུང་ལས་འདི་བྱ་ཞེས་ཡོད་པ་ཙཀྲ་བྲི་ཐབས། བསྐལ་པའི་མེ་དཔུང་འབར་བར་མཐོང་བ། ཙི་ཙི་ཛྭ་ལས་ཟིན་པར་གཏོར་དབང་བྱ་བ། ཞ་ནད་འགྲོལ་བ། རྒྱལ་སེན་ཁ་འཆིང་སྟག་པ་དང་གླང་མར་བསྟེན་པ། ར་ཁྱིའི་པགས་པར་བརྟེན་ནས་འབྱུང་པོ་སྤྱི་འཆིང་བ། མདུང་ཤིང་སོགས་ལ་བརྟེན་ནས་ཡམས་ནད་བཟློག་པ། གནས་ཁང་དང་མི་ནོར་བསྲུང་བ། སྲིའུ་གསོ་བ་ལོ་བཅུ་ནས་ཡོན་ལེན་པ། སྲིའུ་བསྲུང་བ་པུ་ཏ་མ། སྲིའུ་པེ་ཐེའུ་ཁྱི་ཐོད་དུ་མནན་པ། སད་བསྲུང་། མི་ཕྱུགས་ཀྱི་དལ་ཡམས་གཅོད་པ། གཟའ་ནད། ས་བདག་ཀླུའི་ནད། ལྷོག་གཟེར་སོགས་གཉན་ནད། དུག་ནད་རྣམས་འཆོས་པ། སྲིའུ་གསོ་བ། ཕོ་ལོག་སྲིན་ནད་འཆོས་པ། སྨྱོ་འབོག་འདུལ་བ། བྱིས་ནད་འཆོས་པ། ཀླུ་སྲིན་གདུག་པ་ཅན་ཞི་བ། བགེགས་འདུལ་བ། ཀླད་གཟེར། བལ་ནད། ཁྱི་སྨྱོན། ཕོ་མཆིན་ན་བ། སྐྲན་ནད་རྣམས་འཆོས་པ། སྤྱང་ཀི་བསྲུང་བ། ཆུ་འགགས་སེལ་བ། འདྲེ་གནོད་པའི་ནད་པ་གསོ་བ། ལིང་ཐོག་དང་མིག་ནད་སེལ་བ། ལྷོག་རོ་བཤའ་བ། ཞིང་གི་འབུ་སྲིན་བསྲུང་བ། སད་བསྲུང་ནས་འདི་ཡན་རྩ་སྔགས་དང་རྫས་ལ་བརྟེན་པ་ཁོ་ན་ཡིན། འཁོར་ལོ་དང་ཤེར་ཤིང་སྐྱེར་སེལ་ལྕགས་ཕུར་རྣམས་ལ་བརྟེན་པའི་སེར་བསྲུང་བཀའ་རྒྱ་མ། གོང་གི་འཁོར་ལོ་ལ་བརྟེན་ནས་ཕས་ཀྱི་རྦོད་གཏོང་དང་ལྷ་འདྲེའི་ཆོ་འཕྲུལ་བཟློག་པ། རཀྴའི་ཕུར་བུས་ཤྭ་འོད། སེར་ལམ། ཡོན་བདག །སྲིའུ་སོགས་བསྲུང་བ་རྣམས། བདུན་པ་བཀའ་སྲུང་སྐོར་ལ། བཀའ་སྲུང་བདུད་བཙན་ཀླུ་གསུམ་གི་གླེང་གཞི། སྤྱི་སྒྲུབ་༼ལྡོང༽གསོལ་ཁ་དང་བཅས་པ། བདུད་བཙན་ཀླུ་གསུམ་

སྒོས་སྒྲུབ་ལ། བདུད་མི་ནག་རྟ་ནག་གི་གསང་སྒྲུབ། ཀླུ་མི་སྔོན་རྟ་སྔོན་གྱི་གསང་སྒྲུབ། བཙན་མི་དམར་རྟ་དམར་གྱི་གསང་སྒྲུབ། བདུད་ཀྱི་སེར་རྟ་མཐུ་རུ་བསྒྲུབ་པ་རྣམས། དཔེ་རིས་སྐོར་ལ། བསྲུང་བ་རྡོ་རྗེའི་ཁྲབ་གྱོན་གྱི་འཁོར་ལོ། མཆོད་རྟེན་གསང་བ་སྡིག་པ་སྙིང་འཛིངས་ཀྱི་འཁོར་ལོ། དཀྱིལ་འཁོར། འཇམ་དཔལ་ཚེ་སྒྲུབ། རྟ་མགྲིན་ངག་བསྲུང་། ཕྱག་རྡོར་མངོན་ཤེས། མཁའ་འགྲོའི་དབང་སྡུད། ཁྱུང་གི་ཀླུ་བསྲུང་། མེ་དཔལ་ལས་ཚོགས་སྣ་ཚོགས། སྡིག་པའི་འབྱུང་པོ་ཁུ་འདེབས་རྣམས་ཀྱི་འཁོར་ལོ། སྤྱི་ཆིངས་བསྲུང་འཁོར། རང་གཞན་བསྲུང་འཁོར། རྦོད་གཏོང་བཟློག་འཁོར། བགེགས་འདུལ་ལིང་འཁོར། སྲེའུ་གསོ་འཁོར། མཛེ་གསོའི་བུམ་པ། སེར་བ་བསྲུང་འཁོར། དཀྱིལ་འཁོར། དྲག་པོ་གཏོར་མའི་ལིང་འཁོར། བྱབ་གཏོར་འཁོར་ལོ། རྒྱལ་སེན་སྲོག་འཁོར། ཤི་ས་བསྟན་པའི་འཁོར་ལོ། དབྱིག་བརྡུང་འཁོར་ལོ། དྲག་པོའི་སྦྱིན་སྲེག་འཁོར་ལོ། བཀའ་སྲུང་མ་མགོན་གྱི་དཀྱིལ་འཁོར། གཏོར་མ། ལིངྒ་སྲོག་འཁོར། ལྟས་ངན་རྒྱལ་མོ། ལྷའི་ལྟས་ངན་ཤང་ཤང་། རྒྱལ་པོའི་ལྟས་ངན་སྤྲེའུ། གཤིན་རྗེའི་ལྟས་ངན་ཝ། བཙན་གྱི་ལྟས་ངན་འུག་པ། བདུད་ཀྱི་ལྟས་ངན་བྱ་ནག །གནོད་སྦྱིན་གྱི་ལྟས་ངན་ནེ་ལེ། ཀླུའི་ལྟས་ངན་སྦྲུལ་ནག །དྲག་པོ་ཐུན་གྱི་དཀྱིལ་འཁོར། སྡེ་བརྒྱད་ཐུན་གྱི་ཙཀྲ། ནོར་སྒྲུབ་འཁོར་ལོ། གཏོར་མ། ཆུང་སྲི། བགེགས། རྒྱལ་པོ། གནོད་སྦྱིན། ཀླུ། མགོན་པོ། ལྷ་མོ། ལྷ། གཤིན་རྗེ། མ་མོ། བདུད། བཙན། ས་བདག་ཀླུ་རྣམས་གསོད་པའི་འཁོར་ལོ། འཇུག་

སྣོད་སྦལ་སྡིག །ལྷ། གཤིན་རྗེ། མ་མོ། བདུད། རྒྱལ་པོ། བཙན། གནོད་སྦྱིན། ཀླུ། གཟའ་རྣམས་ཀྱི་ལྟོ་འཁོར། སྡིག་པའི་བསྲུང་འཁོར། སྡིག་པའི་སྒོ་ནས་གནོད་བྱེད་གསོད་པའི་འཁོར་ལིང་། དྲག་པོའི་སྲེག་ཐབ། ལིངྒ། དགང་བླུགས། ལས་བཞིའི་སྦྱིན་སྲེག་གི་ཐབ་དང་བཅས་པ་རྫོགས་པར་ཐོབ་པ་ལས་སྣང་སྲིད་ལྷ་འདྲེའི་སྲོག་དབང་དང་དྲག་པོ་སྒོ་འབྱེད་ཀྱི་དབང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་བཛྲ། མཁའ་འགྲོ་ཡེ་ཤེས་འཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། མངའ་བདག་ཉང་ཉི་མ་འོད་ཟེར། འགྲོ་མགོན་ནམ་མཁའ་དཔལ། མངའ་བདག་བློ་ལྡན་ཤེས་རབ། མངའ་བདག་ཆོས་རྗེ་བདུད་འདུལ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། མངའ་བདག་འཇམ་དཔལ་ནོར་བུ། མངའ་བདག་ཀུན་དགའ་རྒྱལ་མཚན། མངའ་བདག་ནོར་བུའི་མཚན་ཅན། མངའ་བདག་ཀུན་དགའ་འོད་ཟེར། མངའ་བདག་བཀྲ་ཤིས་མཚན་ཅན། སྤྲུལ་སྐུ་ཆོས་ཀྱི་དབང་པོ། མངའ་བདག་ཀུན་དགའ་ལྷུན་གྲུབ། རིག་འཛིན་ཀརྨ་གུ་རུ། མངའ་བདག་གར་དབང་བསྟན་འཛིན་ཆོས་རྒྱལ། མངའ་བདག་བསྟན་འཛིན་ཆོས་དབང་། ཁྲ་ཚང་པ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའ།ོ། ༈ ཡང་ན་ཀུན་དགའ་འོད་ཟེར་ནས། འོད་གསལ་ཀློང་ཡངས། མངའ་བདག་ཀུན་དགའ་ལྷུན་གྲུབ་མན་གོང་ལྟར། ཡང་ན་ཀུན་དགའ་རྒྱལ་མཚན་ནས། ལྷའི་མཚན་ཅན། ཀུན་དགའ་འོད་ཟེར་མན་འདྲ། ཡང་སྣང་སྲིད་ལྷ་འདྲེའི་སྲོག་དབང་གི་

བརྒྱུད་ལུགས་གཅིག་ནི། མངའ་བདག་འགྲོ་མགོན་ཡན་གོང་ལྟར་ལ། དེ་ནས་གུ་རུ་ཆོས་ཀྱི་དབང་ཕྱུག །སྲས་པདྨ་དབང་ཆེན། གྲུབ་ཆེན་དམར་ཞབས་རས་ཆེན། གྲུབ་ཆེན་རྒྱན་འབུམ་ལྔ་པ། རྩ་བརྒྱད་པ་རྡོ་རྗེ་སེང་གེ །བླ་མ་བཀྲ་ཤིས་བཟང་པོ། ཇོ་བསྟན་ཡེ་ཤེས་གྲུབ། དམ་པ་ཆོས་སྐྱོང་ཚུལ་ཁྲིམས། བླ་མ་གུ་རུ་བ། འཁོན་སྟོན་བྱམས་པ་དཔལ་བཟང་། བསྟན་པའི་མངའ་བདག །མངའ་རིས་པཎ་ཆེན་རིན་པོ་ཆེ། མངའ་བདག་ཀུན་དགའ་ལྷུན་གྲུབ་མན་སྔར་ལྟར། ཡང་ན་དམ་པ་ཆོས་སྐྱོང་ཚུལ་ཁྲིམས་ནས། འཇམ་དབྱངས་རིན་རྒྱན། མངའ་རིས་པཎ་ཆེན་མན་གོང་བཞིན། ཡང་ན་གཏེར་སྟོན་ནས། མངའ་བདག་མི་བསྐྱོད་རྡོ་རྗེ། བླ་མ་འགྲོ་མགོན་སྟོན་པ། བླ་མ་སྙ་པོ་འགྲོ་མགོན། ཉན་ཆེན་བསོད་ནམས་བརྟན་པ། བླ་མ་དྲི་མེད་འོད་ཟེར། བླ་མ་འཁྲུལ་ཞིག་ཆེན་པོ། རིག་འཛིན་ནོར་བུ་དཔལ་བཟང་། པཎ་ཆེན་འབུམ་ཕྲག་གསུམ་པ་བྱམས་པ་ཆོས་ཀྱི་དོན་གྲུབ། ཡོལ་མོ་སྤྲུལ་སྐུ་ཤཱཀྱ་བཟང་པོ། བཀྲ་བཟང་པ་ཆོས་སྐྱོང་བསོད་ནམས་བཀྲ་ཤིས། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། སྐྱི་སྟོན་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །དབང་ཆོག་རྡོ་རྗེ་སྤྱི་བླུག་གི་དབང་གི་བརྒྱུད་པ་ནི། སྲས་མངའ་བདག་ནམ་མཁའ་དཔལ་ལྡན་ཡན་གོང་ལྟར་ལ། དེ་ནས་གཟུ་སྟོན་དྷརྨ་རཏྣ། འཇམ་དབྱངས་མཁྱེན་བརྩེའི་རིག་འཛིན་ཆེན་པོར་གསན་པའི་ཐོ་དང་བྱང་ལུགས་ཀྱི་གསན་ཡིག་ན་འདི་བཞིན་འདུག་ལ། རྗེ་མཁྱེན་བརྩེས་ཚར་ཆེན་དང་བདག་ཆེན་ངག་གི་དབང་ཕྱུག་ལ་གསན་པའི་བརྒྱུད་པར་འདི་གཉིས་གོ་ལྡོག་འདུག་

པ་རྣམ་ཐར་ཆོས་འབྱུང་ལྟ་བུ་རྙེད་ཚེ་དཔྱད། གཟུ་སྟོན་རིན་ཅེན་རྒྱལ་མཚན། རྟོགས་ལྡན་ཆོས་ཉིད་རང་གྲོལ། དྲིན་ཅན་སངས་རྒྱས་ལྷུན་དབང་། སྤྲུལ་སྐུ་གནུབས་བན་ཀུན་དགའ་བཀྲ་ཤིས། མཁས་གྲུབ་རྒྱལ་སྲས་ཆོས་རྗེ་ཐུགས་མཆོག་རྩལ། གཅུང་ཆོས་རྗེ་ལེགས་པ་དཔལ་བཟང་། ཉང་སྟོན་ཆོས་ཀྱི་དབང་ཕྱུག །གནུབས་སྟོན་རིན་ཅེན་དཔལ་བཟང་། ལྷ་རིགས་འཇམ་དབྱངས་རྒྱལ་མཚན། སྤྲུལ་སྐུ་པདྨ་དབང་རྒྱལ། གཏེར་སྟོན་ལེགས་ལྡན་རྡོ་རྗེ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རྗེ་བཙུན་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་རྗེ་བཀའ་འགྱུར་བ་ནས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །འབྲིང་པོ་མེའི་སྤུ་གྲིའི་དབང་བརྒྱུད་ནི། གནུབས་སྟོན་རིན་ཅེན་དཔལ་བཟང་ཡན་གོང་ལྟར་ལ། དེ་ནས་རྗེ་བཙུན་ནམ་མཁའ་ཤེས་རབ། པཎ་ཆེན་པདྨ་དབང་རྒྱལ་རྡོ་རྗེ། སྤྲུལ་སྐུ་ལེགས་ལྡན་རྗེ། ཁྲི་སྲོང་རྣམ་སྤྲུལ་དཔལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ་ཐུགས་རྗེ་དབང་གྲུབ་རྩལ། དེས་བདག་ཟ་ཧོར་བནྡེ་ལའོ། ༈ །ཡང་ན་རྗེ་ནམ་མཁའ་ཤེས་རབ་ནས། ཡབ་འཇམ་དབྱངས་རྒྱལ་མཚན། སྲས་པཎ་ཆེན་པདྨ་དབང་རྒྱལ་མན་གོང་ལྟར། ཡང་ན་རིག་འཛིན་ངག་གི་དབང་པོ་ནས། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་ལེགས་ལྡན་རྗེ་ནས། འཇམ་དབྱངས་མཁྱེན་བརྩེའི་ཞབས། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། མཁས་གྲུབ་ཁྲ་ཚང་

པ་བློ་མཆོག་རྡོ་རྗེ། དེས་བདག་ལའོ། །ཡང་ན་མངའ་རིས་པཎ་ཆེན་ནས། གྲུབ་མཆོག་སྦྱིན་པ་རྒྱ་མཚོ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ་མན་འདྲ། ཡང་ན་བརྒྱུད་འཛིན་ལེགས་པ་དཔལ་བཟང་ནས། འཁོན་ས་སྐྱ་པ། རྒྱ་དཀར་ཤེས་རབ་རྒྱལ་མཚན། ས་ལོ་ཀུན་དགའ་བསོད་ནམས་གྲགས་པ་རྒྱལ་མཚན་དཔལ་བཟང་པོ། འཁོན་ནམ་མཁའ་འདོད་གྲུབ་བཀྲ་ཤིས་ཚེ་བརྟན་རྒྱལ་མཚན་དཔལ་བཟང་པོ། དེ་གཉིས་ཀ་ལ་ཚར་པ་ཆེན་པོས་གསན། དེ་མན་འདྲ། ཡང་ན་བདག་ཆེན་རྒྱ་དཀར་བ་ནས། བདག་ཆེན་ངག་གི་དབང་ཕྱུག །འཇམ་དབྱངས་མཁྱེན་བརྩེ་མན་འདྲ། ཡང་ན་འཁོན་ནམ་མཁའ་འདོད་གྲུབ་ནས། འཁོན་ཀུན་དགའ་བདེ་ལེགས། འཁོན་ཀུན་དགའ་བསོད་ནམས་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། ཁྱབ་བདག་བཀའ་འགྱུར་བ་མགོན་པོའི་མཚན་ཅན་མན་སྔར་ལྟར། ཡང་ན་སྔགས་འཆང་ལེགས་པ་དཔལ་བཟང་ནས། གནུབས་སྟོན་རིན་ཅེན་དཔལ་བཟང་། ལྡོང་སྟོན་བསོད་ནམས་དཔལ་འབྱོར། གནུབས་སྒོམ་སྦས་པའི་རྣལ་འབྱོར་སྨོན་ལམ་རྒྱལ་མཚན། འཇམ་དབྱངས་མཁྱེན་བརྩེ་མན་སྔར་ལྟར། བྱིན་རླབས་ལུ་གུ་རྒྱུད་ཀྱི་བརྒྱུད་པ་ནི། དམར་ཞབས་རས་པ་ཡན་སྣང་སྲིད་ལྷ་འདྲེའི་སྲོག་དབང་ལྟར་ལ། དེ་ནས་ཐུགས་སྲས་ཆོས་ཉིད་རང་གྲོལ། མཉམ་མེད་བདེ་ཆེན་རྒྱལ་པོ། གུ་རུ་ཆོས་ཀྱི་རྒྱལ་མཚན། སྔགས་འཆང་རྣམ་རྒྱལ་བཟང་པོ། དྲན་ཆོག་རྡོ་རྗེ་རྒྱལ་པོ། མཁས་བཙུན་ཚུལ་ཁྲིམས་འདུས་ལེགས། རྒྱལ་བ་རིན་ཅེན་གྲུབ་པ། གུ་རུ་ཐུགས་མཆོག་རྡོ་རྗེ། མཁས་བཙུན་བསྟན་པའི་རྒྱལ་མཚན། ཟུར་བདེ་

ལེགས་རྒྱལ་མཚན་ཕྱི་མ། ཟུར་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་རྒྱལ་བ་རིན་ཅེན་གྲུབ་པ་ནས། སྔགས་འཆང་ཚེ་རིང་དབང་པོ། ཀླུ་སྒྲུབ་ཆོས་ཀྱི་རྒྱལ་མཚན། ཟུར་ངག་དབང་ཕུན་ཚོགས་མན་འདྲ། ཆུང་བ་དཔའ་བོ་ལྷ་གསུམ་སྐོར་དང་ཨའི་རྟགས་ཡོད་པ་མ་གཏོགས་ལུང་ཡོངས་རྫོགས་ཀྱི་བརྒྱུད་པ་ནི། བྱམས་པ་བསྟན་པའི་མངའ་བདག་ཡན་སྣང་སྲིད་ལྷ་འདྲེའི་སྲོག་དབང་ལྟར་ལ། དེ་ནས་སྤྲུལ་སྐུ་པདྨ་དབང་རྒྱལ། རིག་འཛིན་ལེགས་ལྡན་རྡོ་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་དབང་ཕྱུག་རབ་བརྟན། བཀའ་འགྱུར་བ་མགོན་པོ་བསོད་ནམས་མཆོག་ལྡན། རྩ་བའི་བླ་མ་ཁྲ་ཚང་བ་ཆེན་པོ། དེས་བདག་ཟ་ཧོར་བནྡེ་ལ་བདེ་གཤེགས་འདུས་པའི་བསྙེན་སྒྲུབ་ཞལ་ཤེས་མན་ངག་དང་བཅས་ཏེ་སྩལ་ཏོ། ༈ །བདེ་གཤེགས་འདུས་པ་ཐེམས་ཅན་གྱི་བརྒྱུད་པ་གཅིག་ནི། དམ་པ་ཆོས་ཚུལ་ནས། ཡབ་འཇམ་དབྱངས་ཆེན་པོ། སྲས་པདྨ་དབང་རྒྱལ་མན་འདྲ། ཡང་ན་མངའ་བདག་འགྲོ་མགོན་ནས། རྟག་སོ་ཆོས་ཀྱི་བླ་མ། སངས་རྒྱས་གཉན་རས། མེ་ལོང་རྡོ་རྗེ། ཀུ་མཱ་རཱ་ཛ། རང་བྱུང་རྡོ་རྗེ། ཀུན་དགའ་རྡོ་རྗེ། ཆོས་དཔལ་རིན་ཅེན། ཀུན་དགའ་རྒྱལ་མཚན། གནུབས་རིན་ཅེན་དཔལ་བཟང་། གནུབས་རྒྱལ་སྲས་པདྨ། མངའ་རིས་པཎ་ཆེན་མན་གོང་བཞིན་ནོ། །ཨའི་རྟགས་ཡོད་པའི་བརྒྱུད་པ་ནི། སྲས་པདྨ་དབང་ཆེན་ཡན་སྣང་སྲིད་ལྷ་འདྲེའི་སྲོག་དབང་ལྟར་ལ། དེ་ནས་སངས་རྒྱས་གཏེར་སྟོན། རིག་འཛིན་ནམ་མཁའ་གྲགས་པ། རིག་འཛིན་རྡོ་རྗེ་དཔལ། རིག་འཛིན་རྡོ་རྗེ་གྲགས་པ།

རིག་འཛིན་ཀུན་བཟང་རྣམ་རྒྱལ། སྤྲུལ་སྐུ་ཤཱཀྱ་བཟང་པོ། ལེགས་ལྡན་བདུད་འཇོམས་རྡོ་རྗེ་མན་གོང་ལྟར་ལ། ལྡོང་གི་རྟགས་ཡོད་པའི་བརྒྱུད་པ་ནི། གཏེར་སྟོན་ཡན་སྤྱི་ལྟར་ལ། སྲས་ནམ་མཁའ་དཔལ་ལྡན། རྒྱལ་སྲས་བློ་ལྡན་ཤེས་རབ། གཉོས་སྟོན་ཐུགས་རྗེ་རིན་ཅེན། འདར་སྟོན་ཡོན་ཏན་རྒྱ་མཚོ། བླ་མ་དངོས་གྲུབ་དཔལ་ལྡན། རྒྱ་སྟོན་ཐུགས་རྗེ་སེང་གེ །བླ་མ་རིན་ཅེན་རྒྱལ་པོ། སྲས་བླ་མ་ལྕང་མ་པ། གཏེར་སྟོན་དངོས་གྲུབ་རྒྱལ་མཚན། སྔགས་འཆང་རྡོ་རྗེ་མགོན་པོ། མཚན་ལྡན་ངག་དབང་གྲགས་པ། དྲིན་ཆེན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། བཀྲ་བཟང་ཆོས་སྐྱོང་བསོད་ནམས་བཀྲ་ཤིས། འཇམ་དབྱངས་མཁྱེན་བརྩེའི་ཞབས་མན་སྔར་ལྟར། ཡིག་ལུང་རིགས་བསྡུས་ཀྱི་བརྒྱུད་པ་ནི། སྣང་སྲིད་ལྷ་འདྲེའི་སྲོག་དབང་བཀྲ་བཟང་པ་བཞུགས་པའི་བརྒྱུད་པ་དང་གཅིག་གོ །ཚར་གྱི་རྟགས་ཡོད་པའི་བརྒྱུད་པ་ནི། གྲུབ་མཆོག་སྦྱིན་པ་རྒྱ་མཚོར་ཚར་ཆེན་གྱིས་གསན་པའི་དབང་བརྒྱུད་ལྟར་རམ། ཡང་ན་སྤྲུལ་སྐུ་རི་ཁྲོད་གྲགས་པ། དཔོན་ཆེན་ཤེས་རབ་དཔལ་བཟང་། གྲུབ་མཆོག་སྦྱིན་པ་རྒྱ་མཚོ་མན་སྔར་བཞིན་ནོ། ༈ །ཉང་གི་དྲག་དམར་ཐེམས་མེད་ལ་མཐའ་ཆོད་དུས་ཤིག་མི་འདུག་པས་གོང་གི་མ་བུ་དོན་བསྡེབས་གསུམ་དང་མི་འདྲ་བའི་ཆོས་དབང་རིན་པོ་ཆེའི་ཕྱག་བྲིས་ཡིན་འདྲ་གསུང་བའི་དཔེ་ཚང་རྒྱུ་མེད་པ་ཞིག་གི་སྟེང་ནས་མ་ཡིག་གི་སྐོར་ལ། ཐུགས་སྒྲུབ་རྩ་བ། མངོན་རྟོགས་འགྲེལ་པ། གཏོར་མ་བསྟོད་པ། བསྲུང་འཁོར་བྲི་ཐབས། འདྲེ་འདུལ་བ། མཛེ་གསོ་བ། སེར་བསྲུང་། གཏོར་མས་དགྲ་བགེགས་གསད་པ། བྱབ་གཏོར་གྱི་སྲེའུ་
གསོ་བ། ཐེའུ་རང་འདུལ་ཐབས། གནད་ནས་བསྐུལ་བ་དམ་བཅའ་དང་བཅས་པ། བུ་ཡིག་ལ་ཞི་བའི་སྒྲུབ་ཐབས། དྲག་པོའི་སྒྲུབ་ཐབས། དབང་མཆོག །དཀྱིལ་འཁོར་གྱི་གནད། ཁྲུས་ལེ་འབྲལ་མེད་གནད་ཀྱི་གདམས་པ། འཇམ་དཔལ་སྐུ། པདྨ་གསུང་། ཕྱག་རྡོར་ཐུགས་ཀྱི་སྒྲུབ་པ། ཆར་འབེབས། ལས་བཞི་སྦྱིན་སྲེག །སྔགས་ཐེམས། སྤྱིའི་བཟླས་པ། སྡེ་བརྒྱད་གཟིར་བ། མ་བུ་དོན་བསྡེབས་པ། ལས་བྱང་། ཚོགས་མཆོད། བཟླས་པའི་འཕྲེང་བ་དང་རྟགས་ཀྱི་བཤད་པ། ཐོར་བུ་ལ། དབང་ཆོག་ངག་བསྒྲིགས། བདུད་བཙན་ཀླུ་གསུམ་གྱི་སྒྲུབ་ཐབས། བདུད་མི་ནག་རྟ་ནག་གི་སྒྲུབ་ཐབས་རྣམས་ཀྱི་ལུང་བརྒྱུད་ནི། གཏེར་སྟོན་ཉང་ནས་བར་སྐབས་ཀྱི་བརྒྱུད་པ་རྣམས་རྟ་ལོ་བདེ་གཟར་དུས་གསན་ཡིག་ཁ་ཤས་འཐོར་བའི་ཁྲོད་དུ་སོང་བས་མ་རྙེད། དེ་ནས་རིན་པོ་ཆེ་ཉི་ཟླ་སངས་རྒྱས། དཀར་ཆེན་ལན་བུ་ཨ་མི། རྡོ་རྗེ་འཆང་ཕ་བོང་ཁ་པ། དེས་བདག་ལ་སྩལ་ཏོ། །ཡང་དེ་ཉིད་ལ་གུ་རུ་ཞི་བར་བརྟེན་པའི་བླ་མའི་རྣལ་འབྱོར་ཞིག་ཐོབ་ཀྱང་ལུགས་གང་ཡིན་དང་བརྒྱུད་པ་ཞུ་བ་མ་བྱུང་།

སློབ་དཔོན་པདྨ་འབྱུང་གནས་ཀྱི་རྣམ་ཐར་ཟངས་གླིང་མའི་ལུང་བརྒྱུད་ཇི་ལྟར་ནོས་པ་སོགས་ཀྱི་སྐོར།

ཡང་སློབ་དཔོན་སངས་རྒྱས་གཉིས་པ་པདྨ་འབྱུང་གནས་ཀྱི་རྣམ་ཐར་ཟངས་གླིང་མར་གྲགས་པ་དབྱངས་ཅན་མའི་སྤྲུལ་པ་ཇོ་མོ་མཁར་ཆེན་བཟའ་མཚོ་རྒྱལ་ཞེས་མི་བརྗེད་པའི་གཟུངས་ཐོབ་པ་དེས་ཕྱི་རབས་དོན་དུ་ཨོ་རྒྱན་ཆེན་པོའི་ཐུགས་བརྒྱུད། མངའ་བདག་ཁྲི་སྲོང་ལྡེ་བཙན་གྱི་བཀའ་ཆེམས། ཐུགས་རྗེ་ཆེན་པོའི་ཡོན་ཏན་ཡི་གེའི་རིགས་སུ་བཏབ་སྟེ། ཁམས་གསུམ་ཟངས་ཁང་གླིང་དུ་གཏེར་དུ་སྦས་པ། ༈ མངའ་བདག་ཉང་ཉི་མ་འོད་ཟེར་གྱིས་སྤྱན་

དྲངས་པ་ལེའུ་བཞི་བཅུ་རྩ་གཅིག་གི་ལུང་ནོས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། མངའ་བདག་ཉི་མ་འོད་ཟེར། མངའ་བདག་འགྲོ་བའི་མགོན་པོ། མངའ་བདག་བློ་ལྡན། མངའ་བདག་བདུད་འདུལ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། མངའ་བདག་འཇམ་དཔལ་ནོར་བུ། མངའ་བདག་ཀུན་དགའ་རྒྱལ་མཚན། མངའ་བདག་ནོར་བུའི་མཚན་ཅན། མངའ་བདག་ཀུན་དགའ་འོད་ཟེར། མངའ་བདག་ཀུན་དགའ་འཕེལ། མངའ་བདག་ཀུན་དགའ་ལྷུན་གྲུབ། རིག་འཛིན་ཀརྨ་གུ་རུ། དཔང་སྟོན་ཀུན་མཁྱེན་དབང་ཕྱུག །ཁྲ་ཚང་བ་ཆེན་པོ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་མངའ་བདག་འགྲོ་མགོན་ནས། འཁྲུལ་ཞིག་མདོ་བོ་རས་པ། དབུས་པ་གྲགས་གསུམ། མངའ་རིས་པ་དཔལ་ལྡན་སེང་གེ །བླ་མ་བསམ་གྲུབ་རྒྱལ་མཚན། གྲུབ་ཆེན་དཀོན་ཅོག་མགོན། པཎ་ཆེན་པདྨ་དབང་རྒྱལ། མངའ་བདག་ཀུན་དགའ་ལྷུན་གྲུབ་མན་གོང་བཞིན་ནོ། ༈ །མངའ་བདག་ཉང་རལ་པ་ཅན་གྱིས་ལྷོ་བྲག་མཁོ་མཐིང་ལྷ་ཁང་གི་རྣམ་སྣང་སྐུ་རྒྱབ་གཏེར་སྒྲོམ་དབུས་མ་ནས་སྤྱན་དྲངས་པའི་བཀའ་བརྒྱད་བདེ་གཤེགས་འདུས་པའི་དབང་ལུང་ཡོངས་རྫོགས་ནོས་པའི་ཆོས་སྡེའི་རྣམ་གྲངས། ཐོག་མར་དབང་ལ། ཕྱི་རས་བྲིས་ཀྱི་དཀྱིལ་འཁོར་དུ་བུམ་དབང་བརྒྱ་རྩ་བརྒྱད། ནང་ལུས་དཀྱིལ་ལ་བརྟེན་ནས་ལྷ་དབང་བཞི་བརྒྱ་དང་སུམ་ཅུ། བྱང་ཆུབ་ཀྱི་སེམས་ལ་བརྟེན་ནས་གསང་དབང་

ཙམ། གསང་བ་བྷ་གའི་དཀྱིལ་འཁོར་དུ་གསང་དབང་དངོས་དང་རྡོ་རྗེ་སློབ་དཔོན་གྱི་དབང་ལ། བསྟེན་ཅིང་འཛིན་པའི་དབང་། འཆད་ཅིང་སྟོན་པའི་དབང་། སྒོམ་ཞིང་སྒྲུབ་པའི་དབང་། མཆོད་ཅིང་བསྟོད་པའི་དབང་། འཕྲིན་ལས་འགྲོ་བ་འདུལ་བའི་དབང་། རྡོ་རྗེ་རྫོགས་པའི་དབང་། ལྟ་བ་སྤྱི་འབྱམས་ཀྱི་དབང་། དེ་ལ་སོགས་པ་ཕྲ་ཞིབ་ཀྱི་དབང་དང་། རྫས་དབང་སུམ་ཅུ་སོ་ལྔ། གྲུབ་པ་ལུང་གི་དབང་། རྣལ་འབྱོར་རྒྱུན་གྱི་དབང་། བཀྲ་ཤིས་ཚེའི་དབང་རྣམས་ཐོབ། ལུང་ལ་ཐེམས་ཅན་དང་ཐེམས་མེད་གཉིས། དང་པོ་དཀར་ཆག་གསལ་སྒྲོན་གཞིར་བཞག་པའི་ཆོས་སྡེའི་རྣམ་གྲངས་ལ། རྒྱུད་ལུང་མན་ངག་གསུམ། དང་པོ་རྒྱུད་ཀྱི་སྐོར་ལ། སྤྱི་རྒྱུད་དང་སྒོས་རྒྱུད་གཉིས། དང་པོ་སྒྲུབ་སྡེ་ཀུན་གྱི་རྩ་བ་སྤྱི་རྒྱུད་ཆེན་མོ་ལྔ་ལ། བཅོམ་ལྡན་བདེ་བར་གཤེགས་པ་ཐམས་ཅད་འདུས་༼ཟུར༽པ་རྩ་བའི་རྒྱུད་ཀྱི་རྒྱལ་པོ་ཆེན་པོ་ལེའུ་བཅོ་བརྒྱད་པ། བདེ་བར་གཤེགས་པ་འདུས་པ་ངེས་པར་འབྱུང་༼ཟུར༽བ་ཕྱི་མའི་རྒྱུད་ལེའུ་བཅུ་གཅིག་པ། བདེ་བར་གཤེགས་པ་འདུས་༼ཟུར༽པ་ཕྱི་མའི་ཕྱི་མ་སྔགས་ཀྱི་རྒྱུད་ལེའུ་ཉི་ཤུ་པ། བདེ་བར་གཤེགས་པ་འདུས་པ་༼ཟུར༽མ་ཚང་བ་ཁ་སྐོང་བའི་རྒྱུད་ལེའུ་གཅིག་པ་ཞུ་ལན་མང་པོ་ཅན། བདེ་བར་གཤེགས་པ་འདུས་པ་འབྱེད་པར་བྱེད་པ་༼ཟུར༽ལྡེ་མིག་གི་རྒྱུད་ཞི་ཁྲོའི་སྐབས་གཉིས་པོ་བསྡོམས་པས་ལེའུ་བཅུ་བདུན་པ་རྣམས་ཨོ་རྒྱན་གྱི་མཁན་པོ་པདྨ་འབྱུང་གནས་དང་བོད་ཀྱི་ལོ་ཙཱ་བ་བཻ་རོ་ཙ་ནའི་འགྱུར། གཉིས་པ་སྒོས་རྒྱུད་བཅུ་ལ། ཞི་བ་འདུས་པ་རྩ་༼ཟུར༽བའི་རྒྱུད་ལེའུ་བཅུ་གཉིས་པ། ཆེ་མཆོག་འདུས་པ་རྩ་བའི་རྒྱུད་༼ཟུར༽ལེའུ་དགུ །ཁྲག་འཐུང་འདུས་པ་རྩ་བའི་རྒྱུད་༼ཟུར༽ལེའུ་

བཅུ་གསུམ། གཤིན་རྗེ་འདུས་༼ཟུར༽པ་རྩ་བའི་རྒྱུད་ལེའུ་བདུན་པ། དབང་ཆེན་འདུས་༼ཟུར༽པ་རྩ་བའི་རྒྱུད་ལེའུ་བཅུ་གསུམ། ཕུར་པ་འདུས་༼ཟུར༽པ་རྩ་བའི་རྒྱུད་ལེའུ་བཅུ་གསུམ། མ་མོ་འདུས་༼ཟུར༽པ་རྩ་བའི་རྒྱུད་ལེའུ་བདུན་པ། རིག་འཛིན་འདུས་༼ཟུར༽པ་རྩ་བའི་རྒྱུད་ལེའུ་བཞི་པ། དྲེགས་པ་འདུས་པ་༼ཟུར༽པ་རྩ་བའི་རྒྱུད་ལེའུ་བཅུ་གཅིག་པ། དྲག་སྔགས་འདུས་༼ཟུར༽པ་རྩ་བའི་རྒྱུད་ལེའུ་བཅུ་གཅིག་པ་སྟེ་སྒོས་རྒྱུད་བཅུ་ནི་སློབ་དཔོན་ཆེན་པོ་པདྨ་སམྦྷ་ཝ་དང་བཻ་རོས་བསྒྱུར་བ། གཉིས་པ་དེ་དག་གི་དགོངས་པ་འགྲེལ་བའི་གཞུང་ལ། བྱང་ཆུབ་སེམས་འགྲེལ་དང་། རྒྱ་གར་རིག་འཛིན་གྱི་འགྲེལ་པ་ཞར་བྱུང་དང་བཅས་པ་གཉིས། དང་པོ་བྱང་ཆུབ་སེམས་དཔའ་རྡོ་རྗེ་སྙིང་པོའི་ལུང་ལྔ་ལས་ལེགས་པར་དྲངས་པའི་བཤད་པའི་མ་ལུང་ཆེན་པོ་སྡེ་ལྔ་ལ། ཐུགས་རྗེ་དཔྱང་ཐག་གནས་ཀྱི་ལུང་། མཛད་པ་ཆོ་འཕྲུལ་ལྷའི་ལུང་། འཕྲིན་ལས་མཐར་ཕྱིན་སྒྲུབ་པའི་ལུང་། གསང་སྔགས་ངེས་པ་དོན་གྱི་ལུང་། གསལ་བར་བྱེད་པ་སྒྲོན་མའི་ལུང་རྣམས་ནི་སློབ་དཔོན་ཆེན་པོ་དང་བཻ་རོའི་འགྱུར། དེ་ལྔ་ནི་མདོ་རྒྱུད་ཀྱི་རྟོགས་པ་བསྡུས་པ་རྒྱུད་དོན་གོ་བར་བྱེད་པོའི་ཆོས་སྡེ་ཡིན་པས་མ་བུའི་རིམ་པ་གཞན་མེད་དོ། ༈ །གཉིས་པ་རྒྱ་གར་གྱི་རིག་འཛིན་རྣམས་ཀྱི་འགྲེལ་པ་ལ། ཕྱི་བཤད་ཐབས་གསལ་བར་བྱེད་པའི་མན་ངག །ནང་སྒྲུབ་ཐབས་གསལ་བར་བྱེད་པའི་མན་ངག །གསང་བ་བསྐྱེད་རྫོགས་སྲང་དུ་གཅུར་ཏེ་ཉམས་སུ་བླང་བའི་མན་ངག་དང་གསུམ། དང་པོ་ལ། སྤྱིའི་སྡོམ་ལྔ། རྒྱུད་ཀྱི་ཆིངས་ལྔ། ལུང་གི་སྡེབས་ལྔ། སྒྲུབ་ཐབས་ཀྱི་སྦྱོར་བ་ཆེན་པོ་ལྔ་དང་བཞི། དང་པོ་ལ། གསང་སྔགས་ལུང་གི་བང་མཛོད། གསང་སྔགས་བཀའི་ཐ་རམ། གསང་

སྔགས་ལུང་གི་ལྡེ་མིག །གསང་སྔགས་ལུང་གི་བཀའ་བསྒོ། སྒྲུབ་པ་ལུང་གི་བཀའ་བསྒོ་དང་ལྔ། དང་པོ་ལ། བཀའ་དང་བསྟན་བཅོས་ཀྱི་བང་མཛོད། བཀའ་ཐམས་ཅད་ཕུན་སུམ་ཚོགས་པ་ལྔས་བཤད་པའི་བང་མཛོད། ཐེག་པ་དགུའི་དགོས་བྱེད་གསུངས་པའི་བང་མཛོད། མུ་སྟེགས་གྲུབ་མཐའ་སུན་འདོན་པའི་བང་མཛོད། ཉན་ཐོས་གྲུབ་མཐའ་བཤད་པའི་བང་མཛོད། རང་རྒྱལ་གྱི་ལྟ་བ་བཤད་པའི་བང་མཛོད། བྱང་ཆུབ་སེམས་དཔའི་ལྟ་སྤྱོད་བཤད་པའི་བང་མཛོད། ཀྲྀ་ཡའི་གྲུབ་མཐའ་བཤད་པའི་བང་མཛོད། ཨུ་པའི་གྲུབ་མཐའ་བཤད་པའི་བང་མཛོད། ཡོ་གའི་གྲུབ་མཐའ་བཤད་པའི་བང་མཛོད། རྣལ་འབྱོར་ཆེན་པོའི་གྲུབ་མཐའ་བཤད་པའི་བང་མཛོད། རྗེས་སུ་རྣལ་འབྱོར་གྱི་གྲུབ་མཐའ་བཤད་པའི་བང་མཛོད། རྫོགས་པ་ཆེན་པོའི་གྲུབ་མཐའ་བཤད་པའི་བང་མཛོད། ཐེག་པ་བཅུའི་འཇུག་སྒོ། སྤྱོད་པའི་འཕྲིན་ལས། བསྲུང་བའི་ཚུལ་ཁྲིམས། རྟོགས་པའི་ལྟ་བ། སྒོམ་པའི་ཐབས་མཐར་ཕྱིན་པའི་འབྲས་བུ་སྟེ་དྲུག་ཏུ་བསྟན་པ། གསང་སྔགས་ཐམས་ཅད་སྒྲུབ་པ་བཀའ་བརྒྱད་དུ་འདུས་པའི་ཚུལ་དེ་དག་ལ། མ་ཧཱ་ཡོ་ག །ཨ་ནུ་ཡོ་ག །ཨ་ཏི་ཡོ་གའི་བསྒྲུབ་ལུགས་བཤད་པ་དང་བཅུ་གཉིས་བསྟན་པ་ལ་ཆོས་སྡེ་གཅིག་རྣམས་ཨོ་རྒྱན་གྱི་མཁན་པོ་པདྨ་འབྱུང་གནས་རྒྱ་གར་གྱི་མཁན་པོ་བི་མཱ་ལ་མི་ཏྲ། བོད་ཀྱི་ལོ་ཙཱ་བ་བཻ་རོ་ཙ་ན་དང་གནུབས་ནམ་མཁའ་སྙིང་པོ་རྣམས་ཀྱིས་མཛད་པ། གཉིས་པ་གསང་སྔགས་བཀའི་ཐ་རམ་ཞེས་སྒོ་ལྕགས་ཀྱི་དཔེར་བསྟན་པ། ཐེག་པ་སོ་སོའི་ལྟ་བའི་ཐ་རམ། སྤྱོད་པའི་ཐ་རམ། དེ་གཉིས་སུ་གོང་འོག་གི་བསྡུས་པར་བཤད་པ་རྒྱས་པར་བཤད་པ་བྱེ་བྲག་ཏུ་

བཤད་པ་ཐམས་ཅད་འདུ་བ་ཡིན་ལ། དེ་ཡང་ས་གཅད་གཉིས་སུ་བྱས་པའི་གསང་སྔགས་རྒྱུད་སྡེའི་ཆེ་བ་སྤྱིར་བཤད་པའི་སྐབས་གསུམ་དུ་ཡོད་པའི་མདོ་སྡེ་ལས་ཁྱད་པར་དུ་འཕགས་པ་བཀའ་རྒྱུད་སྡེའི་ཆེ་བ་དང་སྔགས་ཀྱི་ཆེ་བའི་ཡོན་ཏན་བཅུ་བཤད་པ་སོགས་སྒོམ་པའི་ཐ་རམ་དུ་འདུ་ཞིང་། གསང་སྔགས་རིག་སྔགས་གཟུངས་སྔགས་བཤད་པ་ནི་སྤྱོད་པའི་ཐ་རམ་དུ་འདུ། ནང་པ་ཉིད་ཀྱི་ཆེ་བ་བྱེ་བྲག་ཏུ་བཤད་པའི་སྐབས་ལྟ་བའི་ཐ་རམ་སྤྱིར་བཤད་པ་དང་། སྒྲུབ་པ་བཀའ་བརྒྱད་བྱེ་བྲག་ཏུ་བཤད་པའི་ཐ་རམ་རྣམས་ལ་ཆོས་སྡེ་གཅིག་ཏུ་བྱེད་པ་འདི་ཡང་མ་འབྱུང་གནས། བི་མཱ་ལ། བཻ་རོ་ཙ་ན། ནམ་སྙིང་བཞིས་མངའ་བདག་ལ་གཏད་དོ། ༈ །གསུམ་པ་གསང་སྔགས་ལུང་གི་ལྡེ་མིག་གམ་གསང་སྔགས་བཀའི་ལྡེ་མིག་ཅེས་བྱ་བ་དོན་གཅིག་མིང་གི་རྣམ་གྲངས་ཡིན་ལ། དེ་ལ་རྒྱུད་ལུང་མན་ངག་གསུམ་བྱེ་བྲག་ཏུ་བཤད་པའི་ལྡེ་མིག །རྒྱུད་འགྲོལ་བའི་མན་ངག་བཅུ་བཤད་པའི་ལྡེ་མིག །ཐབས་ཀྱི་མན་ངག་བཅུ་བཤད་པའི་ལྡེ་མིག །རྒྱུད་ཀྱི་མན་ངག་བཤད་པའི་ལྡེ་མིག །ལུང་གི་བྱེ་བྲག་བཤད་པའི་ལྡེ་མིག །མན་ངག་ཅུང་ཟད་བཤད་པའི་ལྡེ་མིག་སྟེ་སྤྱིའི་ལྡེ་མིག་དྲུག །འཇམ་དཔལ་སྐུའི་སྒྲུབ་ཐབས་བཤད་པའི་ལྡེ་མིག །པདྨ་གསུང་གི་སྒྲུབ་ཐབས་བཤད་པའི་ལྡེ་མིག །ཡང་དག་ཐུགས་ཀྱི་སྒྲུབ་ཐབས་བཤད་པའི་ལྡེ་མིག །བདུད་རྩི་ཡོན་ཏན་གྱི་སྒྲུབ་ཐབས་བཤད་པའི་ལྡེ་མིག །ཕུར་པ་འཕྲིན་ལས་ཀྱི་སྒྲུབ་ཐབས་བཤད་པའི་ལྡེ་མིག །མ་མོ་རྦོད་གཏོང་གི་སྒྲུབ་ཐབས་བཤད་པའི་ལྡེ་མིག་སྟེ་བྱེ་བྲག་གི་དྲུག །གོང་གི་སྤྱི་བྱེ་བྲག་བཅུ་གཉིས་པོ་སྤྱི་རུ་དགོས་པའི་སྔགས་ཀྱི་བྱེ་བྲག་བཤད་པའི་ལྡེ་མིག །ལྟ་བ་བཤད་པའི་ལྡེ་མིག །སྒོམ་པའམ་སྐུ་

བཤད་པའི་ལྡེ་མིག །ཡེ་ཤེས་བཤད་པའི་ལྡེ་མིག །སྤྱོད་པ་བཤད་པའི་ལྡེ་མིག །དཀྱིལ་འཁོར་དང་ཞར་བྱུང་གནས་བཤད་པའི་ལྡེ་མིག །གདན་དང་ཞར་བྱུང་ས་བཤད་པའི་ལྡེ་མིག །ཐིག་དང་ཞར་བྱུང་ཚོན་བཤད་པའི་ལྡེ་མིག །མཚམས་གཅོད་བཤད་པའི་ལྡེ་མིག །བཤགས་པ་བཤད་པའི་ལྡེ་མིག །ལྷའི་དཀྱིལ་འཁོར་བཤད་པའི་ལྡེ་མིག །བསྙེན་སྒྲུབ་བཤད་པའི་ལྡེ་མིག །མཆོད་པ་བཤད་པའི་ལྡེ་མིག །ཚོགས་ལས་བཤད་པའི་ལྡེ་མིག །འཕྲིན་ལས་བཤད་པའི་ལྡེ་མིག །བསྐྱེད་རིམ་བཤད་པའི་ལྡེ་མིག །གཏོར་མ་བཤད་པའི་ལྡེ་མིག །སྦྱིན་སྲེག་བཤད་པའི་ལྡེ་མིགརོ་སྲེག་བཤད་པའི་ལྡེ་མིག །དབང་གི་ཆོ་ག་དང་ཞར་བྱུང་དམ་ཚིག་ཅུང་ཟད་བཤད་པའི་ལྡེ་མིག་སྟེ་རྒྱུད་ལུང་མན་ངག་གསུམ་ཚང་བསྡོམས་སུ་བཤད་པ་ལ། སྤྱི་ལ་དྲུག་བཤད་པའི་ལྡེ་མིག །བྱེ་བྲག་ལ་དྲུག་སྟེ་བཅུ་གཉིས་བཤད་པའི་ལྡེ་མིག །བྱེ་བྲག་ཏུ་ཉི་ཤུ། ཡོངས་བསྡོམས་སུམ་ཅུ་རྩ་གཉིས་ལ་ཆོས་སྡེ་གཅིག་ཏུ་བཤད་པ་སློབ་དཔོན་པདྨ་འབྱུང་གནས། བི་མཱ་ལ། བཻ་རོ་ཙ་ན། གནུབས་ནམ་མཁའི་སྙིང་པོ་བཞིས་དགོངས་པ་བསྡུར་ནས་མངའ་བདག་ལ་གདམས་པའོ། ༈ །བཞི་པ་གསང་སྔགས་ལུང་གི་བཀའ་འགོ་ལ། གསང་སྔགས་ཀྱི་དོན་ཐམས་ཅད་མཐར་དྲུག་ཏུ་བསྟན། ཐག་ཐམས་ཅད་ལྟ་བས་བཅད། ཐམས་ཅད་སྤྱོད་པས་དོར། དོན་ཐམས་ཅད་མན་ངག་གིས་བསྒྲུབ། ཉམས་སུ་ཏིང་ངེ་འཛིན་གྱིས་བླང་། ས་ལམ་གྱི་རིགས་ཐམས་ཅད་དབང་གིས་བགྲོད། གཞི་ཐམས་ཅད་དམ་ཚིག་གིས་གཟུང་བ་དྲུག་ནི། སྒྲུབ་སྡེ་སྤྱི་དང་བྱེ་བྲག་ཐམས་ཅད་ལམ་ཁྱེར་

གསང་ཚིག་ཀློང་བརྡོལ་བ་མཁས་པ་མི་བཞིས་དགོངས་པ་བསྡུར་ནས་བསྟན་པ་ལ་ཆོས་སྡེ་ཆེན་པོ་གཅིག་ཏུ་བྱས་ནས་ལྷ་སྲས་མུ་ཁྲི་བཙན་པོ་ལ་གཏད་ཚངས་པ་ལྷའི་མེ་ཏོག་ལ་རྒྱས་བཏབ་བོ། །ལྔ་པ་སྒྲུབ་པ་ལུང་གི་བཀའ་འགོ་ལ། གསང་སྔགས་བཀའི་བྱུང་ཚུལ་དང་། སྒྲུབ་པ་སོ་སོའི་གདགས་ཚུལ་གུང་ཤིང་ལྟར་བཤད་ཅིང་སྒྲུབ་སྟེ་སོ་སོའི་དྲག་སྔགས་ཀྱི་སྒྲུབ་པ། སྒྲུབ་སྡེ་སོ་སོའི་མཐའ་བསྐྱེད་རྫོགས་གསུམ། རྒྱུད་ལུང་མན་ངག་གསུམ། རྣལ་འབྱོར་གསུམ། ཡོ་ག་གསུམ། ལྟ་སྤྱོད་སྒྲུབ་གསུམ། ལྟ་བའི་མཐའ་རྫོང་འཕྲེང་གཉིས། སྤྱོད་པའི་མཐའ་སྲོག་དང་སྲོག་འཕྲོག་པར་གཏན་ལ་ཕབ་ཚུལ་ཏེ་ཆོས་སྡེ་ཆེན་པོ་གཅིག་ཏུ་བྱེད་དོ། །གཉིས་པ་བརྒྱུད་ཀྱི་ཆིངས་ཆེན་པོ་ལྔ་ལ། ཁོག་འབུབ་སྟོང་ཐུན་གྱི་ཆིངས། ས་གཅད་ཚོམས་ཀྱི་ཆིངས། འགྲེལ་པ་འབྲུ་སྣོན་གྱི་ཆིངས། ཏི་ཀ་བསྡུས་དོན་གྱི་ཆིངས། ལག་ལེན་མན་ངག་གི་ཆིངས་སོ། །འདིའི་གོང་དུ་བསྣོལ་མཚམས་འཁྲུགས་སྡེབས་ཀྱི་ཆིངས་ཟེར་བ་འདུག་པ་གང་དུ་བསྡུ་དཔྱད། གསུམ་པ་ལུང་གི་སྡེབས་ལྔ་ལ། རྒྱུད་ལུང་དང་བསྡེབས་པ། ལུང་སྒྲུབ་ཐབས་དང་བསྡེབས་པ། སྒྲུབ་ཐབས་འཕྲིན་ལས་དང་བསྡེབས་པ། འཕྲིན་ལས་ལག་ལེན་དང་བསྡེབས་པ། ལག་ལེན་ཉམས་ལེན་དང་བསྡེབས་པའོ། ༈ །བཞི་པ་སྒྲུབ་ཐབས་ཀྱི་སྦྱོར་བ་ཆེན་པོ་ལྔ་ལ། རྩ་བ་སྒྲུབ་ཐབས་དང་སྦྱོར་བ། སྒྲུབ་ཐབས་འཕྲིན་ལས་དང་སྦྱོར་བ། འཕྲིན་ལས་སྒོམ་ཁོག་དང་སྦྱོར་བ། སྒོམ་ཁོག་རང་བཞིན་དང་སྦྱོར་བ། ཏིང་འཛིན་གདམས་པ་དང་སྦྱོར་བའོ། །དེ་ལྟར་ཆོས་སྡེ་ཉི་ཤུ་པོ་ཕྱི་བཤད་ཐབས་གསལ་བར་བྱེད་པའི་མན་ངག་ཡིན་ནོ། །གཉིས་པ་ནང་སྒྲུབ་

ཐབས་གསལ་བར་བྱེད་པའི་མན་ངག་ལ། ཞི་བ་དང་ཁྲོ་བོའི་སྐོར་ཏེ་གཉིས། དང་པོ་ལ་སྤྱི་བསྡོམས་སུམ་ཅུ་ལས་སྒྲུབ་ལུགས་རྣམ་པ་ལྔའི་ཆིངས་ཀྱིས་བཅིངས་པ་ཡིན་ལ། དེ་ལ་དམ་པ་རིགས་བརྒྱར་བསྒྲུབ་པ། སངས་རྒྱས་བཞི་བཅུ་རྩ་གཉིས་སུ་བསྒྲུབ་པ། དེ་ཁོ་ན་ཉིད་རིགས་ལྔར་བསྒྲུབ་པ། གསང་ཆེན་རིགས་གཅིག་ཏུ་བསྒྲུབ་པ། ཞི་བ་ཕྱག་རྒྱ་རྐྱང་པའི་བསྒྲུབ་པ་དང་ལྔ། དང་པོ་ལ། ཞི་ཁྲོ་སྤྱི་ཁྱབ་ཏུ་དགོས་པ་དང་ཞར་བྱུང་དམ་པ་རིགས་བརྒྱའི་རྩ་བ་བཤད་པ། ལས་ཆེན། ལས་ཆུང་སྟེ་གསུམ། དང་པོ་ལ། ཞི་ཁྲོའི་དཀྱིལ་འཁོར་གྱི་ཆོ་ག་སྦྱོར་དངོས་རྗེས་གསུམ་གྱི་སྦྱོར་བ་ནི། སྤྱི་ཁྱབ་ཏུ་དགོས་པ་རྒྱུན་བཤགས་ནར་མའི་ཆོས་སྤྱོད་ཡན་ལག་བདུན་པའི་བཤགས་བྱང་། བརྒྱུད་པའི་བྱིན་རླབས་འབེབས་བྱེད་ཚངས་པ་ལྷའི་མེ་ཏོག་གིས་མཛད་པའི་གསོལ་འདེབས་ཆེན་པོ་རྣམས་ནི་ཞི་ཁྲོ་ཐམས་ཅད་ལ་དགོས་པའི་ཆོས་སོ། །དེའི་ཞར་བྱུང་མངའ་རིས་པཎ་ཆེན་རིན་པོ་ཆེས་མཛད་པའི་གསོལ་འདེབས་བར་གཅོད་ཀུན་སེལ། གསོལ་འདེབས་སྐྱེ་འགག་འགྱུར་མེད། ཁྱབ་བདག་རིགས་འདུས་རྣམས། དངོས་གཞི་ལ་བསྙེན་སྒྲུབ་ལས་གསུམ་དུ་དབྱེ་བ་ལ། ཞི་བར་བསྙེན། ཁྲོ་བོ་སྒྲུབ། གང་དགོས་ལས་ལ་སྦྱོར་བའི་མན་ངག་གོ །དེ་ལ་ཞི་བར་བསྙེན་པར་རྒྱས་འབྲིང་བསྡུས་གསུམ་ཡོད་པའི་དང་པོ་རྒྱས་པའི་ལུགས་ལ། ཞི་བ་དམ་པ་རིགས་བརྒྱའི་སྐོར་ལ། མཚམས་གཅོད་བརྒྱད་པ། དམ་པ་རིགས་བརྒྱའི་སྒོམ་རིམ་ཞེས་བྱ་བ་རིགས་བརྒྱའི་སྒྲུབ་ཐབས། འདིའི་རྗེས་སུ་ས་མ་འགྲེལ་གྱི་དཔེ་མ་འབྱོར་བས་མ་ཐོབ། དེ་གསུམ་དཀར་ཆག་ཏུ་མེད་ཀྱང་དམ་པ་རིགས་བརྒྱའི་རྩ་བ་ཡིན་ནོ། །གཉིས་པ་ལས་ཆེན་ལ། གཟུང་བ་

དཀྱིལ་འཁོར་གྱི་ཆོ་ག །རིམ་པ་དབང་གི་ཆོ་ག །བྱིན་རླབས་རབ་གནས་ཀྱི་ཆོ་ག །ཚེ་འདས་རོ་སྲེག་གི་ཆོ་ག །ལྷོ་སྒོ་མཚན་བྱང་གི་ཆོ་ག་དང་ལྔ། དང་པོ་ལ། ཞི་བ་དམ་པ་རིགས་བརྒྱའི་དཀྱིལ་འཁོར་གྱི་ཆོ་ག་ཆེན་མོ་རིན་ཅེན་འཕྲེང་བའམ་རིན་ཅེན་སྒྲོན་མེ་ཞེས་བྱ་བ། དེའི་འཕྲིན་ལས་ཀྱི་ཡི་གེ་ལ། དཀྱིལ་འཁོར་ཐིག་གི་ཆོ་ག །ཐིག་གི་མན་ངག་གོ །གཉིས་པ་རིམ་པ་དབང་གི་ཆོ་ག་ལ། ཞི་བ་དམ་པ་རིགས་བརྒྱའི་དཀྱིལ་འཁོར་དུ་དབང་བསྐུར་བའི་རྩ་བ། དེའི་འགྲེལ་པ་ལག་ལེན་དུ་བསྟན་པ། གསུམ་པ་བྱིན་རླབས་རབ་གནས་ཀྱི་ཆོ་ག་ལ། རབ་གནས་ཆོ་གའི་རྩ་བ་རིམ་པ་གསུམ་པ། དེའི་འགྲེལ་པ་ལག་ལེན་དུ་བསྟན་པ། བཞི་པ་ཚེ་འདས་རོ་སྲེག་གི་ཆོ་ག་ལ། ཞི་བ་རོ་སྲེག་གི་རྩ་བ། དེའི་འགྲེལ་པ་ལག་ལེན་དུ་བསྟན་པ། ལྔ་པ་ལྷོ་སྒོ་མཚན་བྱང་གི་ཆོ་ག་ལ། རྩ་བ་དང་འགྲེལ་པ་ལག་ལེན་དུ་བསྟན་པ། ཞི་བ་དམ་པ་རིགས་བརྒྱའི་གཤིན་པོ་རྗེས་འཛིན་རྣམས་སོ། །གསུམ་པ་ལས་ཆུང་ལ། མཆོད་པའི་ཆོ་ག །ཆུ་སྦྱིན་གཏོར་མ། མཆོད་མགོན་གཏོར་ཆོག །སྐུ་གདུང་སཱཙྪའི་ལས་རིམ། སྦྱིན་སྲེག་གི་ཆོ་ག་དང་ལྔ། དང་པོ་ལ། རྩ་བ་མདོར་བསྟན། ཡན་ལག་རྒྱས་པར་བཤད་པ། དགོངས་པ་ས་མ་འགྲེལ་དུ་བཤད་པ་དང་། ལས་རིམ་ལག་ལེན་དུ་བསྟན་པ། གཉིས་པ་ཆུ་སྦྱིན་གཏོར་མ་ལ། རྩ་བ་དང་འགྲེལ་པ། གསུམ་པ་མཆོད་མགྲོན་གཏོར་ཆོག་ནི་དཔེ་མ་རྙེད་པས་ལུང་མ་བྱུང་། བཞི་པ་སྐུ་གདུང་སཱཙྪའི་ལས་རིམ་ལ། རྩ་བ་དང་འགྲེལ་པ་རྒྱས་པར་བཤད་པ། ལྔ་པ་སྦྱིན་སྲེག་གི་ཆོ་གའི་ལས་རིམ་ལ། རྩ་བ་དང་འགྲེལ་པ་ལག་ལེན་དུ་བསྟན་པ། གཉིས་པ་སངས་རྒྱས་བཞི་

བཅུ་རྩ་གཉིས་སུ་བསྒྲུབ་པ་ལ། ཕྱི་བསྐྱེད་རིམ་དུ་བསྒྲུབ་པ། ནང་རྫོགས་རིམ་དུ་བསྒྲུབ་པ། གསང་བ་དེ་ཁོ་ན་ཉིད་ཡེ་ཤེས་ལྔར་བསྒྲུབ་པ། འཕྲིན་ལས་དངོས་གྲུབ་ཏུ་བསྒྲུབ་པ། ལས་ཕྲ་མོ་ཁ་ཚར་དུ་བསྒྲུབ་པ་དང་ལྔ། དེ་ལྔ་ག་ནི་ཞི་བ་ལྷ་བཞི་བཅུ་རྩ་གཉིས་སུ་བསྒྲུབ་པ་དང་སྒོམ་རིམ་གཉིས་ཀྱི་ནང་དུ་ཚང་བར་འབྱུང་ངོ་། ༈ །གསུམ་པ་དེ་ཁོ་ན་ཉིད་རིགས་ལྔར་བསྒྲུབ་པ་ལ། ཕྱི་རྡུལ་ཚོན་གྱི་དཀྱིལ་འཁོར་དུ་བསྒྲུབ་པ། ནང་ཕུང་པོའི་དཀྱིལ་འཁོར་དུ་བསྒྲུབ་པ། གསང་བ་དུག་ལྔའི་དཀྱིལ་འཁོར་དུ་བསྒྲུབ་པ། དེ་ཁོ་ན་ཉིད་ཡེ་ཤེས་ཀྱི་དཀྱིལ་འཁོར་དུ་བསྒྲུབ་པ། ཡོངས་སུ་རྫོགས་པ་སྐུ་ལྔར་བསྒྲུབ་པ་དང་ལྔར་བསྟན་པ་ལས། ཞི་བ་རིགས་ལྔའི་སྒྲུབ་ཐབས་དུག་ལྔ་རིན་པོ་ཆེར་རྩ་བ་ལྔ་པོ་ཡང་དག་དཀྱིལ་འཁོར་གསུམ་དུ་བཤད་པ། ལས་བྱང་ཕྱི་སྒྲུབ་རྡུལ་ཚོན་ལ་བརྟེན་པ། ནང་སྒྲུབ་ཕུང་པོ་ལ་བརྟེན་པ། གསང་སྒྲུབ་དུག་ལྔ་ལ་བརྟེན་པ་རྣམས་སོ། །བཞི་པ་གསང་ཆེན་རིགས་གཅིག་ཏུ་བསྒྲུབ་པ་ལ། དབྱེ་ན་ཞི་བའི་རིགས་གཅིག་དང་ཁྲོ་བོའི་རིགས་གཅིག་སྟེ་གཉིས། དེ་གཉིས་གང་ལྟར་ཡང་བསྒྲུབ་ལུགས་ལ་གནད་ལྔ་བཅུ་རྩ་ལྔ་ལ་བརྟེན་ནས་འཁོར་འདས་ཀྱི་ཆོས་ཐམས་ཅད་གཏན་ལ་ཕབ་སྟེ་བཤད་པ། ཆོས་ཐམས་ཅད་རྡོ་རྗེ་སེམས་དཔའི་རང་བཞིན་དུ་འདུས་པར་བསྟན་པ་ལ་བརྟེན་ནས་ཡི་དམ་རྒྱུན་དུ་ནར་མར་བསྒྲུབ་པ། འཕྲིན་ལས་ཁ་ཚར་ལ་བརྟེན་ནས་ཆོས་སྤྱོད་ལམ་རིམ་དུ་བསྟན་པ། ཤེས་པ་རྣམ་པ་དགུ་ལ་བརྟེན་ནས་གསང་སྔགས་གཞུང་ཚུལ་དུ་བསྒྲུབ་པ། བསྐྱེད་རྫོགས་གཞུང་འགྲེལ་ལ་བརྟེན་ནས་རྒྱུན་གྱི་ཡི་དམ་ནར་མར་བསྒྲུབ་པ་དང་ལྔ་ལས་

རྩ་བ་ཨོཾ་ཨཱཿ ཧཱུྃ་གསུམ་གྱི་ཡོན་ཏན་བསྟན་པ་དང་། ཡིག་འབྲུ་གསུམ་གྱི་གནད་ལྔ་བཅུར་བསྟན་པ་དང་། སྐུ་གསུང་ཐུགས་ཀྱི་འཕྲིན་ལས་ཁྲོ་བོ་ཕྱག་རྒྱ་རྐྱང་པའི་སྒྲུབ་ཐབས་རྣམས་སོ། ༈ །གཞན་ཡང་ཞི་བའི་ཆོས་སྐོར་གྱི་ཁོངས་སུ་གཏོགས་པ། ཞི་བའི་ཚེ་སྒྲུབ་ཚེ་ལུང་བདུན་པ་ལ་རྩ་བ་དང་འགྲེལ་པ་ལག་ལེན་དུ་བསྟན་པ་གཉིས་སློབ་དཔོན་པདྨས་བདུད་རྩི་འཁྱིལ་བའི་རྒྱུད་ལས་འཆི་མེད་ཚེའི་དཀྱིལ་འཁོར་ཁོལ་དུ་ཕྱུང་བ་རྣམས་སོ། །ལྔ་པ་ཞི་བ་ཕྱག་རྒྱ་རྐྱང་པའི་བསྒྲུབ་པ་ནི། རྩ་རྒྱུད་དུ་བཤད་པའི་རིགས་སོ་སོར་བསྒྲུབ་པ་ཉིད་ལས་ལོགས་སུ་མེད་དོ། །གཉིས་པ་ཁྲོ་བོའི་སྐོར་ལ། གཙོ་ཆེ་བའི་དབང་དུ་བྱས་པའི་ཁྲོ་བོ་ཞེས་བསྟན་ཀྱང་དོན་ཞི་ཁྲོ་ཐམས་ཅད་དྲིལ་ནས་སྒྲུབ་པའི་ཆོས་ཡིན་ཞིང་། དེ་ལ་རྩ་བའི་སྒྲུབ་ཐབས་དང་། བྱེ་བྲག་སྐབས་དང་སྦྱར་ཏེ་རྣམ་པར་ཕྱེ་བ་ཡན་ལག་གི་སྒྲུབ་པ་གཉིས། དང་པོ་ནི། སྤྱིར་གང་ཟག་བློ་རབ་འབྲིང་ཐ་མ་ཡང་ཐ་ཤིན་ཏུ་ཆུང་བའི་དོན་དུ་བསྐྱེད་རྫོགས་རིམ་པ་ལྔར་གསུངས་ཤིང་། ལྔ་པོ་རེ་རེ་ལའང་ཕྱི་མ་ཧཱ་ཡོ་གའི་རྣལ་འབྱོར་ཆེན་པོ་ཐབས་ཀྱི་རྒྱུད་བརྗོད་བྱ་ཐམས་ཅད་རྡུལ་ཚོན་གྱི་དཀྱིལ་འཁོར་གྱི་སྟེང་དུ་གཏན་ལ་ཕབ་སྟེ་བསྒྲུབ་པ། ནང་ཨ་ནུ་ཡོ་ག་ལ་བརྟེན་ནས་རྗེས་སུ་རྣལ་འབྱོར་ཤེས་རབ་མའི་རྒྱུད་ཀྱི་བརྗོད་བྱ་ཐམས་ཅད་ཕུང་ཁམས་སྐྱེ་མཆེད་རྩ་རླུང་ཐིག་ལེའི་དཀྱིལ་འཁོར་གྱི་སྟེང་དུ་གཏན་ལ་ཕབ་སྟེ་བསྒྲུབ་པ། དེ་ཁོ་ན་ཉིད་ལམ་བསྐྱེད་རྫོགས་གསུམ་གྱི་རིམ་པ་རྣམས་ཀྱང་ཟུང་འཇུག་གཉིས་མེད་ཀྱི་སྟེང་དུ་གཏན་ལ་ཕབ་སྟེ་བསྐྱེད་རྫོགས་ཟུང་འབྲེལ་དུ་བཤད་པ། འཕྲིན་ལས་ཡོངས་སུ་རྫོགས་པ་ལ་བརྟེན་ནས་སྒྱུ་ལུས་ལྷ་སྐུར་ངོ་སྤྲོད་པ་ཡིན་

ལ། དེ་ཡང་བསྐྱེད་རྫོགས་སྔར་བཤད་པ་ཐམས་ཅད་ཀྱང་རྣལ་འབྱོར་གསུམ་དུ་འདུས་ཤིང་། དེ་གསུམ་ཡང་བསྐྱེད་རྫོགས་དང་རྫོགས་པ་ཆེན་པོ་གསུམ་མཉམ་སྦྱོར་དུ་བསྡུ་བ་ཡིན་ནོ། ༈ །དེ་ལ་སྤྱི་བྱེ་བྲག་གཉིས། དང་པོ་ལ། བསྐྱེད་རྫོགས་ཆེན་མོའི་ཊཱིཀྐ་དོན་གྱི་ལག་ལེན་དུ་གདམས་པ་ཞི་ཁྲོ་སྒོས་སྒྲུབ་ཀྱི་མན་ངག་ལག་ལེན་ཤིན་ཏུ་གབ་པར་བསྟན་པ། རྟོག་བཟློག་ཉི་ཤུ་རྩ་གཅིག་གི་ལག་ལེན་གྱི་གདམས་པ་བསྟན་པ། རྒྱུན་གྱི་ཏིང་ངེ་འཛིན་ཧཱུྃ་ཉི་ཤུ་རྩ་གཅིག་གིས་ས་བཅད་པ། གནད་ཀྱི་ཡེ་ཤེས་དགུས་ས་བཅད་པ། བསྐྱེད་རྫོགས་ཆེན་མོའི་སྒོམ་ཁོག་གི་ས་བཅད་པ། བསྙེན་སྒྲུབ་ཀྱི་ཐེམས་རྣམ་པ་གསུམ། བསྐྱེད་རྫོགས་ཆེན་མོའི་སྒོམ་ཁོག་ལྷན་ཐབས་ཆེན་མོ་དང་བརྒྱད་དོ། །གཉིས་པ་བྱེ་བྲག་ལ། གང་ཟག་སྤྲོས་པ་ལ་དགའ་བའི་དོན་དུ་བསྐྱེད་རྫོགས་ཆེན་མོ་རྣམ་པར་སྤྲོས་པ་བསོད་ནམས་ཚོགས་ཀྱི་དཀྱིལ་འཁོར། སྤྲོས་པ་འཚམ་པ་ལ་དགའ་བའི་དོན་དུ་བསྐྱེད་རྫོགས་འབྲིང་པོ། སྤྲོས་པ་ཆུང་བ་ལ་དགའ་བའི་དོན་དུ་བསྐྱེད་རྫོགས་བསྡུས་པ། ཤིན་ཏུ་བསྡུས་པ་ལ་དགའ་བའི་དོན་དུ་རྒྱུན་གྱི་སྔགས་སྒྲུབ་ནར་མ། བློ་ཆུང་དད་མོས་ཅན་གྱི་དོན་དུ་ཁྲོ་བོ་ཕྱག་རྒྱ་རྐྱང་པའི་སྒྲུབ་ཐབས་དང་ལྔ། དང་པོ་ནི། བསྐྱེད་རྫོགས་ཆེན་མོ་རྒྱ་ཆེར་རོལ་པ་ལ་བསྐྱེད་རྫོགས་གསུམ་གྱི་སྤྱི་བསྡུས་ས་བཅད་ཉི་ཤུ་རྩ་བཞིར་བསྟན་པ། ལས་གཞུང་ཆོ་ག་ཆེན་མོའི་དངོས་གཞི་བསྟན་པ། བསྐྱེད་རྫོགས་ཆེན་མོ་རིན་ཅེན་འཕྲེང་བའི་སྒྲུབ་ཐབས་ཀྱི་མཆོད་པ་བྱིན་གྱིས་བརླབ་ཅིང་དབུལ་བ། ཏིང་འཛིན་གསུམ་ལ་འཇུག་པའི་རིམ་པ། སྔགས་ཀྱི་རིམ་པ། སྤྱན་འདྲེན་བཞུགས་གསོལ། ཕྱག་འཚལ།

སྨན་མཆོད། མཆོད་པ་སྤྱིར་འབུལ་ཞིང་། འཕྲིན་ལས་བཅོལ་བ། བསྐུལ་བ་དང་བཅུ་གཅིག །སྨད་ལས་ལ་ཚོགས་མཆོད་རྒྱས་པ། ལྷག་མཆོད་རྒྱས་པ། གཏོར་མ་སྐྱོང་བ་རྒྱས་པ། ཟོར་འཕེན། གཏོར་གཞོང་དུ་མནན་པ། བསྐྱེད་རྫོགས་ཆེན་མོ་རིན་ཅེན་འཕྲེང་བའི་སྒོམ་ཁོག །འཛབ་བསྙེན་མཁས་པ་བརྒྱད་ཀྱི་ཐུགས་བཅུད་རྣམས་སོ། ༈ །གཉིས་པ་སྤྲོས་པ་འཚམ་པ་ལ་དགའ་བའི་དོན་དུ་བསྐྱེད་རྫོགས་འབྲིང་པོ་ལ། སྔོན་འགྲོ་ལས་བདུན་དང་ལས་བྱང་བསྐྱེད་རྫོགས་ཆེན་མོ་དང་ཐུན་མོང་དུ་བསྟན་པ། གཙོ་བོ་དབུ་དགུར་སྦྱར་ཏེ་དངོས་གཞིའི་སྒོམ་ཁོག །ལུས་དཀྱིལ་གསང་བའི་སྐོར་མདོ་འགག་ཏུ་དྲིལ་བ། ཆུང་བའི་འཛབ་དགོངས་རྣམས། གསུམ་པ་སྤྲོས་པ་ཆུང་བ་ལ་དགའ་བའི་དོན་དུ་བསྐྱེད་རྫོགས་བསྡུས་པ་ལ། བསྐྱེད་རྫོགས་ཆུང་བའི་སྔོན་དུ་འགྲོ་བའི་རིམ་པ་ལས་བདུན་དང་ལས་བྱང་རྒྱས་པ་གཅིག །མངོན་རྟོགས་བསྡུས་པ། སྒོམ་རིམ། མདངས་སྐོངས་སོ། །བཞི་པ་ཤིན་ཏུ་བསྡུས་པ་ལ་དགའ་བའི་དོན་དུ་རྒྱུན་གྱི་སྔགས་སྒྲུབ་ནར་མ་ལ། ཕྱི་རྡུལ་ཚོན་གྱི་དཀྱིལ་འཁོར་དུ་སྒྲུབ་པའི་སྒོམ་རིམ། ནང་ཕུང་པོ་ལུས་ཀྱི་དཀྱིལ་འཁོར་ལ་བརྟེན་པའི་སྒོམ་རིམ། གསང་བ་རིག་པ་སེམས་ཀྱི་དཀྱིལ་འཁོར་ལ་བརྟེན་པའི་སྒོམ་རིམ་མོ། །ལྔ་པ་བློ་ཆུང་དད་མོས་ཅན་གྱི་དོན་དུ་ཕྱག་རྒྱ་རྐྱང་པའི་སྒྲུབ་ཐབས་ལ། ཁྲོ་བོ་ཕྱག་རྒྱ་རྐྱང་པའི་སྒྲུབ་ཐབས་རྣལ་འབྱོར་རྒྱུན་གྱི་ཡི་དམ་ནར་མའི་མངོན་རྟོགས་དང་སྒོམ་རིམ། ཧཱུྃ་འཛབ་བཅུ་གཅིག་དང་འཛབ་དགོངས་ཉི་ཤུ་རྩ་ལྔའི་ལམ་ཁྱེར། ཁྱད་པར་གྱི་རྫོགས་རིམ་ལྔ་སྦྱར་བའི་ཧཱུྃ་སྒྲུབ་ཀྱི་དྲིལ་སྒྲུབ་ཕྱི་ནང་གསང་གསུམ་གྱི་མན་ངག །སྙིང་

པོ་ཡོ་ག་གསུམ་གྱི་སྒྲུབ་ཐབས་གསུམ་གྱི་མན་ངག །ཕྱི་ནང་གསུམ་གྱི་མན་ངག་བསྐྱེད་རྫོགས་ཁག་ལྔ་ལ་གནད་དུ་ཆེ་བའི་སྤྱི་ཁོག་གསལ་བའི་སྒྲོན་མའི་སྐོར་ལ་ཡིག་སྣ་ལྔ་དང་བཅས་པ་རྣམས་ནི་རྩ་བའི་སྒྲུབ་ཐབས་ལུས་ལྟ་བུའོ། ༈ །གཉིས་པ་བྱེ་བྲག་སྐབས་དང་སྦྱར་ཏེ་རྣམ་པར་ཕྱེ་བ་ཡན་ལག་གི་སྒྲུབ་པ་ལ། བྱིན་རླབས་ཀྱི་སྒྲུབ་ཆེན། ཕན་གདགས་ཀྱི་ལས་ཆེན། འཕྲིན་ལས་ཀྱི་གཟེར་ཆེན། ཉམས་ཆགས་ཀྱི་སྐོང་ཆེན། བསྟོད་བསྐུལ་གྱི་བྱེ་བྲག་དང་ལྔ། དང་པོ་ལ། གང་འདོད་དངོས་གྲུབ་སྒྲུབ་པ། མཆོད་རྫས་བདུད་རྩི་སྒྲུབ་པ། རིམ་པ་དབང་གི་སྒྲུབ་པ། བཀྲ་ཤིས་ཚེའི་སྒྲུབ་པ། བྱིན་རླབས་ཕུར་བུའི་སྒྲུབ་པ་ལྔ། དང་པོ་བསྙེན་པ་སྔོན་དུ་སོང་བའི་སྒྲུབ་པ་པོས་དུས་ཀྱི་བསྙེན་པའི་སྒྲུབ་པ་ཞེས་བྱ་སྟེ་རང་བཞིན་གྱི་དངོས་གྲུབ་ཀྱི་དོན་གང་བསྒྲུབ་པའི་ཐབས་ལ། བསྙེན་སྒྲུབ་ཀྱི་ལག་ལེན་མདོར་བསྡུས་པའི་རྩ་བ། ཅུང་ཟད་རྒྱས་པར་ལག་ཏུ་བླང་བའི་སྤྲ་འཁྲིད་ཆེན་མོ། དེ་དག་གི་རྣམ་པར་བཤད་པའི་ཊཱིཀྐ་ཆེན་པོའི་སྐོར་རོ། ༈ །གཉིས་པ་མཆོད་རྫས་བདུད་རྩིའི་སྒྲུབ་པ་ལ། བི་མཱ་ལས་མཛད་པའི་ཁྲོ་བོའི་སྒོས་སྒྲུབ་ཅེས་བྱ་བ་བདུད་རྩི་སྨན་གྱི་སྒོམ་རིམ། འདིའི་འོག་ཏུ་མཆོད་རྫས་བདུད་རྩི་སྒྲུབ་པའི་དགོངས་པ་ཞེས་པའི་དཔེ་མ་རྙེདཔས་ལུང་མ་བྱུང་། བདུད་རྩི་སྨན་གྱི་ལག་ཁྲིད་དོ། །གསུམ་པ་རིམ་པ་དབང་གི་སྒྲུབ་པ་ལ། དབང་བསྐུར་ཆེན་མོའི་རྩ་བ་མདོར་བསྡུས་པ། དབང་གི་ལས་རིམ་རྒྱས་པ་ལག་ཏུ་བླང་བའི་ཆོ་ག་མདོ་བྱང་ཆེན་མོ། དེ་དག་གི་ལག་ལེན་བཤད་པའི་ཊཱིཀྐ་ཆེན་མོའི་སྐོར། བཞི་པ་བཀྲ་ཤིས་ཚེའི་སྒྲུབ་པ་ལ། སློབ་དཔོན་པདྨས་མཛད་པའི་

སྒྲུབ་ཐབས་ཀྱི་རྩ་བ། ཚེའི་དགོངས་པའི་མན་ངག །ཚེ་སྒྲུབ་པའི་ལག་ལེན་ཆེན་མོ། ལྔ་པ་བྱིན་རླབས་ཕུར་པའི་སྒྲུབ་ཐབས་ལ། མདོར་བསྡུས་པའི་རྩ་བ། བྱིན་རླབས་ཕུན་སུམ་ཚོགས་པ་ཕུར་བུའི་སྒྲུབ་པ་བི་མཱ་ལས་མཛད་པ། ཕུན་ཚོགས་དོན་གྱི་མན་ངག་ས་མ་འགྲེལ། ཕུན་སུམ་ཚོགས་པའི་རྒྱ་ཆེར་འགྲེལ་པ་ཞེས་བྱ་བ་མངོན་པར་རྟོགས་པའི་ལག་ལེན་དུ་མཛད་པ། ཕུན་སུམ་ཚོགས་པའི་འཕྲིན་ལས་བསྐུལ་བྱང་བི་མཱ་ལས་མཛད་པའི་ཆོས་སྡེ་ལྔའོ། ༈ །གཉིས་པ་ཕན་གདགས་ཀྱི་ལས་ཆེན་ལ། དམ་རྫས་ཀུན་གྱི་ཕྱི་མོ་བམ་གྱི་སྒྲུབ་པ། སྲེག་སྦྱོར་རོའི་ལས། ཚེ་འདས་གཤིན་གྱི་ལས། འདུལ་བ་གྲིའི་ལས། སྒྲོལ་བ་རྒྱུའི་ལས་དང་ལྔ། དང་པོ་དམ་ཚིག་གི་རྫས་ཐམས་ཅད་ཕྱི་མོ་གཅིག་ཏུ་བསྟན་པ་ལྟ་བུ་བམ་གྱི་སྒྲུབ་པ་ལ། དམ་ཚིག་གི་རྩ་བ་དང་། རྣམ་བཤད་ལག་ལེན་གྱི་རིམ་པ། གཉིས་པ་སྲེག་སྦྱོར་རོའི་ལས་ལ། རོ་སྲེག་དགོངས་པའི་རྩ་བ་དང་། རོ་སྲེག་ལས་ཀྱི་བྱ་བ། གསུམ་པ་ཚེ་འདས་གཤིན་གྱི་ལས་ལ། གཤིན་གྱི་ལས་ཀྱི་རྩ་བ་དང་། གནས་སྤར་བའི་དགོངས་པ་བསྟན་པ། བཞི་པ་འདུལ་བ་གྲིའི་ལས་ལ། རྩ་བ་དང་། ལག་ལེན་འགྲེལ་པ། ལྔ་པ་སྒྲོལ་བ་རྒྱུའི་ལས་ལ། ལས་ཀྱི་རྩ་བ་མདོར་བསྟན་པ་དང་། འགྲེལ་པ་ལག་ལེན་རྒྱས་པར་བསྟན་པ་གཉིས་སོ། ༈ །གསུམ་པ་འཕྲིན་ལས་ཀྱི་གཟེར་ཆེན་ལ། འཁོར་ལོ་ལ་བརྟེན་ནས་བསྲུང་བའི་གཟེར་ཁ། གཏོར་མ་ལ་བརྟེན་ནས་བཟློག་པའི་གཟེར་ཁ། ཐུན་ལ་བརྟེན་ནས་གསད་པའི་གཟེར་ཁ། ཧོ་མ་ལ་བརྟེན་ནས་སྲེག་པའི་གཟེར་ཁ། ཐོད་པ་ལ་བརྟེན་ནས་མནན་པའི་གཟེར་ཁ་དང་ལྔ།

དང་པོ་ལ། གཏོར་མ་ལ་བརྟེན་ནས་བཟློག་པ་སྔོན་དུ་བྱུང་ཡང་། བསྲུང་བཟློག་གསད་སྲེག་མནན་པའི་རིམ་པ་ལས། དང་པོ་འཁོར་ལོར་བརྟེན་ནས་བསྲུང་བའི་གཟེར་ཁ་ལ། རྩ་བ་དང་ས་མ་འགྲེལ་གྱི་གཉིས། གཅིག་ཏུ་སྔགས་བྱང་ཡང་ཤོག་སེར་ལས་མ་རྙེད་པས་མ་བཞུགས་པ་དང་འདྲའོ། །གཉིས་པ་གཏོར་མ་ལ་བརྟེན་ནས་བཟློག་༼ཁྲ༽པའི་གཟེར་ཁ་ལ། རྩ་བ། ས་བཅད། བཟློག་གཞུང་དང་། མན་ངག་དང་། འཕྱོང་དང་། ལས་ཕྲན་སྦྱོར་ཚུལ་དང་དྲུག་ལས། དང་པོ་དང་གཉིས་པ་གཞུང་གི་དབུ་ན་གསལ། གསུམ་པ་བཟློག་གཞུང་ལ། བཀའ་དགུ་བཀའ་བསྲུང་བཅུ་ལ་བཟློག་པའི་འཕྲིན་ལས་བཅོལ་བ། ཁྱུང་གི་སྒོ་ནས་ལྟས་ངན་བཟློག་པའི་གཞུང་། སྲིན་མོ་ཟ་ལམ་དགྲ་ལ་བསྟན་པ་རྣམས། བཞི་པ་མན་ངག་ལ། ཁྲོ་རོལ་ལ་ཤིན་ཏུ་གལ་ཆེ་བའི་མན་༼ཁྲ༽ངག་གཅེས་པའི་ལྡེ་མིག །ཁྲོ་རོལ་གྱི་མན་ངག་ཟབ་པའི་མཐར་ཐུག་ཉམས་ལེན་གནད་༼ཁྲ༽གདམས་ཞེས་པའི་གཟེར་ཁའི་མན་ངག །བྱ་ལུང་རྒྱ་མཚོའི་མན་ངག་༼ཁྲ༽ཅེས་པ་ཁྱུང་འཛུགས་དགོས་པའི་ལོ་རྒྱུས། ཁྱུང་གི་རལ་པ་དང་གཤོག་པ་ལ་ཁྲོ་བོ་དང་ཁྲོ་མོ་བསྐྱེད་ཚུལ། སྤྱན་འདྲེན་མཆོད་པ། ལྟས་ངན་བཟློག་པའི་ཤམ་བུ་གུད་དུ་སྦས་པ། ཁྱུང་ལྔ་བསྐུལ་བ། གཤོག་ཚར་གྱི་སྔགས་བྱང་རྣམས། ལྟས་ངན་༼ཁྲ༽ངོས་འཛིན། གསོག་གབ་པ་དོན་༼ཁྲ༽བདུན་གྱི་སྐོར་ལ། ཡབ་ལ་བརྟེན་ནས་གཏོར་མ་མདོས་སུ་གཏང་བ། ཡུམ་ལ་བརྟེན་ནས་སྐེག་བསྒྱུར་བ། འདབ་ཆགས་རྒྱལ་པོ་ལ་བརྟེན་ནས་ལྟས་ངན་བསྒྱུར་བ། ཁྲོ་རོལ་གྱི་ཡིག་༼ཁྲ༽ཆུང་སྲིན་མོ་ཟ་༼ཁྲ༽ལམ་གྱི་མན་ངག །རྒྱལ་མཚན་

དགུའི་༼ཁྲ༽མན་ངག །དེའི་མན་ངག་ཐུན་མོང་མ་ཡིན་པ་མདའ་༼ཁྲ༽ལ་མདེའུ་བསྐྱོན་པ་ལྟ་བུ་མན་ངག་སྙིང་གི་ཏི་ཀ་ཁྲ་ཚང་བའི་ལུགས། སྤྲིན་ཆེན་༼ཁྲ༽འཁོར་ལོའི་མན་ངག །ཁྱུང་གི་པྲ་བརྟག་པ་བསྡུས་པ་དང་རྒྱས་པ་དུས་༼ཁྲ༽གསུམ་སྟོན་པའི་པྲ་བརྟག་གསལ་བྱེད། སྐྱེས་པ་བུད་མེད་དགེ་སློང་སོགས་ཀྱི་གྲངས་དབྱིབས་༼ཁྲ༽ཚུལ་གྲོད་པ་དང་གཉའ་ཤིང་བཅའ་ཐབས་ཀྱི་མན་ངག་ཟབ་ཁྱད་གཟེར་ཁའི་ལས་ཁ་ཚར་ཤིན་ཏུ་གཉན་པ། གཞན་ཡང་ཁ་སྐོང་གི་མན་ངག་མངོན་སྤྱོད་གཟུ་དཔང་༼ཁྲ༽གསེར་སྐྱེམས། དྲང་སྲོང་གི་དམོད་པ་༼ཁྲ༽ཞེས་པ་བཀའ་སྲུང་གི་བསྐུལ། བསྒྲལ་ལས་དོན་ཚན་བརྒྱད་༼ཁྲ༽པ། དེའི་ལྷན་ཐབས་སྤུ་གྲི་ཀ་མ་༼ཁྲ༽ལའི་གདབ་ལས་རྣམས། ལྔ་པ་འཕྱོང་གི་སྐོར་ལ། འཕྱོང་༼ཁྲ༽གབ་པ་དོན་སྙིང་། རྒྱལ་མཚན་རྣམ་དགུའི་༼ཁྲ༽བཟློག་གཞུང་། ཉམས་ལེན་མན་ངག་གི་འཕྱོང་ཞེས་པ་༼ཁྲ༽དབུ་ཁྲོ་བོ་ཕྱག་བཞི་པར་སྦྱོར་ཚུལ། དེའི་འཕྲོས་ཁྱུང་གཤོག་ལ་བཀོད་པའི་ལྟས་༼ཁྲ༽ངན་ཕྱི་རྟགས་ནང་རྟགས་ངོས་འཛིན། ལྟས་ངན་དམིགས་ཀྱིས་བཟློག་༼ཁྲ༽པའི་འཕྱོང་། རྔ་མོང་ཁྱུང་བཟློག་༼ཁྲ༽གི་བཤོམས་ཀྱི་བཅའ་ཐབས། དེའི་༼ཁྲ༽སྨྲེང་། ལྟས་ངན་བརྒྱད་ཅུ་རྩ་གཅིག་༼ཁྲ༽གི་བཟློག་གཞུང་། ལྟས་ངན་བརྒྱ་༼ཁྲ༽བཟློག །མཐར་གཏོར་མ་གཅིག་༼ཁྲ༽ཏུ་དྲིལ་བའི་ལག་ལེན་བསྐུལ་དང་བཅས་པ། ཕོ་ཉ་བསྐུལ་ཞིང་ཟོར་༼ཁྲ༽འཕང་བའི་འཕྱོང་། གཏོར་མ་འཕང་ཞིང་བསྐུལ་བྱ་བ་༼ཁྲ༽སྒོ་དབྱེ་ཟོར་འཕེན་གྱི་འཕྱོང་གྲགས་ཆེ་བ། ཡང་གཏེར་བྱོན་འཁྲུལ་མེད་ཟོར་ལ་བརྟེན་ནས་དགྲ་བགེགས་གསད་པའི་གཟེར་གྱི་ལག་ལེན་གཟེར་༼ཁྲ༽ལྔ་ལ་བརྟེན་ནས་དགྲ་བགེགས་གསད་པ་རྣམས། དྲུག་པ་ལས་ཕྲན་

སྦྱོར་ཚུལ་ལ། གཤིན་རྗེའི་རྦོད་གཏོང་བཟློག་པ། མ་མོའི་རྦོད་གཏོང་བཟློག་པ། རྒྱལ་པོའི་རྦོད་གཏོང་བཟློག་པ། ཀླུའི་རྦོད་གཏོང་བཟློག་པ། ཐེའུ་རང་གི་རྦོད་གཏོང་བཟློག་པ། བཙན་གྱི་རྦོད་གཏོང་བཟློག་པ། གཟའི་རྦོད་གཏོང་བཟློག་པ། བདུད་ཀྱི་རྦོད་གཏོང་བཟློག་པ། སྲིན་པོའི་རྦོད་གཏོང་བཟློག་པ། དེ་རྣམས་སྒོས་དམིགས་སུ་བཟློག་པ་དང་སྦྱར་བའི་མན་ངག་སྟེ་འདེབས་༼ཁྲ༽ཁ་དགུའི་ལས་སོ། །འདེབས་ཁ་དགུའི་སྨེང་ཀུན་༼ཁྲ༽ལ་མེད་པའི་ཁྱད་ཆོས། ཡང་སྲིའུ་གསོ་བ། ཤྭ་བུད་བཟློག་པ། ཤི་ཁ་གཅད་པ། ཡི་དྭགས་ཁ་བཅིངས། སྨྱོ་འདྲེ་འདུལ་བ། སེར་བ་བཟློག་པ། ནད་རིམས་གཅད་པ། རྐྱེན་ངན་བཟློག་པ། འདྲེ་རྒོད་འདུལ་བ། ཞོ་ཆང་བསྲུང་བ། འོ་ཞོ་བསྲུང་བ་སྟེ་ཁྲོ་བོ་རོལ་པའི་ལས་༼ཁྲ༽ཕྲན་བཅུ་གཅིག་གོ །ཕྱི་ནང་གསང་གསུམ་གྱི་བཟློག་པ་ལ། རྩ་བ་དང་ལས་ཐུན་མོང་བ་འགོ་ནད་བསྲུང་བ། ཕྱུགས་ནད་བསྲུང་བ། ལོ་ཏོག་བསྲུང་བ། འདྲེ་གདོན་བསྲུང་བ། སྦོས་རིར་གསད་པ། རྦོད་གཏོང་བཟློག་པ། ཤྭ་བཟློག་པ་དང་དགྲ་བོ་གསད་པ། རྟགས་ཡིག །གདོན་གསད་པ། གཉིས་མེད་རྟོག་པ་གསད་པ། དགྲ་མནན་པ། སྡེ་བརྒྱད་མནན་པ། ངག་མནན་པ། ལྐུགས་རིར་གསད་པ་སྟེ་ལས་ཚོགས་བཅུ་༼ཁྲ༽གཉིས་མན་ངག་གོ །ཡང་ལྟས་ངན་བཟློག་པའི་ཁ་བསྒྱུར་གྱི་སྐབས་བྱ་བ་ལ། མི་མཐུན་བཟློག་པའི་ཁ་བསྒྱུར་ལས་བྱེད་དང་པོ། སྒོས་ཆགས་བཟློག་པ་ལས་བྱེད་གཉིས་པ། འཚོ་འཆི་ཤན་འབྱེད་ལས་བྱེད་གསུམ་པ། གཤགས་རྒྱལ་བ་ལས་བྱེད་བཞི་པ། ནད་པ་གསོ་བ་ལས་བྱེད་ལྔ་པ། ནད་ཡམས་གཅོད་པ་

ལས་བྱེད་དྲུག་པ། སྟོང་གཟུགས་བཟློག་པ་ལས་བྱེད་བདུན་པ། ལྟས་ངན་ཆགས་ཆེ་བཟློག་པ་ལས་བྱེད་བརྒྱད་ལ། དཀོར་མཛོད་འཕེལ་བ་ལས་བྱེད་དགུ་པ། ལོ་ཕྱུགས་ལེགས་པ་ལས་བྱེད་བཅུ་པ། རྐུན་མ་བསྲུང་བ་ལས་བྱེད་བཅུ་གཅིག་པ། སྲེའུ་གསོ་བ་ལས་བྱེད་བཅུ་གཉིས་པ། རྟ་ཕྱུགས་འཕེལ་བ་ལས་བྱེད་བཅུ་གསུམ་པ། དེ་ལྟར་ཁ་བསྒྱུར་བཅུ་༼ཁྲ༽གསུམ་གྱི་མན་ངག་དང་སྦྱར་བ་རྣམས་སོ། ༈ །ཡང་ལས་བྱེད་བཅུའི་༼ཁྲ༽འཕྱོང་ལ། རྫས་བཅུ་དང་ཁྲོ་བོ་བཅུ་སྦྱར་ནས་བཟློག་ཐབས་དང་དེའི་སྨྲེང་གི་འཕྱོང་ངོ་། །གསུམ་པ་ཐུན་ལ་བརྟེན་ནས་གསད་པའི་གཟེར་ཁ་ལ། དྲག་པོ་ངན་སྔགས་ཀྱི་རྩ་བ། ཐུན་གྱི་འགྲེལ་པ་ལག་ལེན་དུ་བསྟན་པ། དྲག་པོ་སྔགས་ཀྱི་རྩ་བ། བསྲུང་བཟློག་གསད་མནན་གྱི་མན་ངག་ལག་ལེན་དུ་བསྟན་པ། དྲག་སྔགས་སྤུ་གྲིའི་སྔགས་འབུམ་རྣམས་སོ། །བཞི་པ་ཧོ་མ་ལ་བརྟེན་ནས་བསྲེག་པའི་གཟེར་ཁ་ལ། དྲག་པོ་ཧོམ་གྱི་གཟེར་ཁ་རྩ་བ། ཊཱིཀྐ། ཏིང་འཛིན་གྱི་སྒོམ་རིམ། བསྲེག་པའི་གཟེར་ཁ། ཧོམ་སྒྲུབ་མན་ངག་ལོགས་སུ་བཀོལ་བ། ཧོམ་གྱི་སྒོམ་རིམ། ཧོམ་གྱི་ལས་ཀྱི་གོ་རིམ། ཧོམ་གྱི་ལས་གཞུང་སྟེ་བརྒྱད་དོ། །ལྔ་པ་ཐོད་པ་ལ་བརྟེན་ནས་མནན་པའི་གཟེར་ཁ། རྩ་བ་དང་འགྲེལ་པས་མ་འགྲེལ་ལག་ལེན་དུ་བསྟན་པ་གཉིས་སོ། ༈ །བཞི་པ་ཉམས་ཆགས་ཀྱི་སྐོང་ཆེན་ལ། མཆོད་པ་ཕུད་སྐོང་། དམ་རྫས་མདངས་སྐོང་། སྲོག་ཆགས་རྒྱུའི་སྐོང་། གླིང་བཞིའི་མདོས་སྐོང་འགྱོད་མཚང་བཤགས་སྐོང་དང་ལྔ། དང་པོ་ལ། རྩ་བ། ས་བཅད། འགྲེལ་པའོ། །གཉིས་པ་དམ་རྫས་མདངས་ཀྱི་སྐོར་ལ། རྩ་བ་

དང་། ས་བཅད་འགྲེལ་པའོ། །གསུམ་པ་སྲོག་ཆགས་རྒྱུའི་སྐོང་ལ། རྩ་བ་དང་འགྲེལ་པའོ། །བཞི་པ་གླིང་བཞི་མདོས་ཀྱི་སྐོང་ལ། རྩ་བ་དང་ས་བཅད་འགྲེལ་པའོ། །ལྔ་པ་འགྱོད་མཚང་བཤགས་པའི་སྐོང་ལ། ཆེ་བརྗོད་གླེང་གཞི། བར་དུ་ཕྱག་འཚལ་བ། སྨད་ཀྱི་བཤགས་པ་དང་གསུམ་མོ།། ༈ ལྔ་པ་བསྟོད་བསྐུལ་གྱི་བྱེ་བྲག་ལྔ་ལ། གཞི་བསྟོད་ཆེན་མོ་ཆོས་ཉིད་ཀྱི་དོན་ལྔ་ལ་བསྟོད་པ། གཞི་བསྟོད་བསྡུས་པ་ལྷའི་ཚོམ་བུ་ལ་བསྟོད་པ། འདིའི་རྗེས་སུ་སྤྱི་བསྐུལ་ཆེན་མོ་སྐུ་མདོག་ཕྱག་མཚན་ནས་བསྐུལ་བ་དཔེ་མ་འབྱོར་བས་ལུང་མ་ཐོབ། འབྲིང་པོ་ལྷའི་མཚན་གྲངས་ནས་རྐང་ཐོན་དུ་བསྐུལ་བ། ཆུང་བ་དཀྱིལ་འཁོར་ཕོ་བྲང་ནས་བསྐུལ་བ་རྣམས་སོ། །གསུམ་པ་གསང་བ་བསྐྱེད་རྫོགས་སྲང་དུ་བཅུར་ཏེ་ཉམས་བླང་བའི་མན་ངག་ལ། བསྐྱེད་རྫོགས་ཀྱི་སྒྲུབ་ལུགས་ལྔ། སྔགས་ཀྱི་ཡན་ལག་ལྔ། ཐུན་མོང་གི་རྣལ་འབྱོར་ལྔ། ཁྱད་པར་གྱི་རྫོགས་རིམ་ལྔ། སྐུ་གསུམ་གྱི་གཟེར་ལྔ་སྟེ་ལྔ་ལས། དང་པོ་ལ། གསང་སྔགས་ཐམས་ཅད་བསྐྱེད་རྫོགས་གསུམ་དུ་འདུས་ཚུལ། གུང་ཤིང་དགུ། བསྐྱེད་རྫོགས་གསུམ་གྱི་སྦྱང་པ་གསུམ་བསྟན་པ་སྟེ་ཆོས་སྡེ་གསུམ་མོ། །གཉིས་པ་སྔགས་ཀྱི་ཡན་ལག་ལྔ་ལ། བསྐྱེད་རྫོགས་གསུམ་གྱི་སྤྱི་སྡོམ་སྔགས་བསྒྲུབ་པའི་མན་ངག་རིན་ཅེན་འཕྲེང་བ། སྔགས་ཀྱི་བཟླས་ཐབས་ཀྱི་དོན་གསལ་བར་བྱེད་པའི་མན་ངག །སྔགས་ཀྱི་སྤྱི་དོན་དགུའི་རྣམ་པར་བཞག་པ། སྔགས་ཀྱི་སྐྱོན་ཡོན་མན་ངག །བསྐྱེད་རིམ་གསལ་བར་བྱེད་པའི་མན་ངག་དང་ལྔའོ། ༈ །གསུམ་པ་ཐུན་མོང་གི་རྣལ་འབྱོར་ལྔ་ལ། ཡན་ལག་བདུན་

པའི་རྩ་བ། འགྲེལ་པ་དོན་བདུན་པ། གཏོར་མའི་རྣལ་འབྱོར་རྩ་བ། འགྲེལ་པ་དོན་བཅུ་པ། སྒོམ་གྱི་རྣལ་འབྱོར་རྩ་བ། འགྲེལ་པ་དོན་བཞི་པ། ཟས་ཀྱི་རྣལ་འབྱོར་རྩ་བ། འགྲེལ་པ་དོན་བཞི་པ། སྤྱོད་ལམ་གྱི་རྣལ་འབྱོར་རྩ་བ། འགྲེལ་པ་དོན་བཞི་པ། དེས་ཡིག་སྣ་བཅུ་བཞི་ཚང་བར་བསྟན་ནོ། །བཞི་པ་ཁྱད་པར་གྱི་རྫོགས་རིམ་ལྔ་ལ། རྟེན་བསྐྱེད་རིམ་གསལ་བར་བསྐྱེད་པ་ལ་བརྟེན་པ་ལྷའི་རྫོགས་རིམ་ཁྱད་པར་ཅན་བསྒོམ་པ་དང་། གཡོ་བ་རླུང་གི་རྫོགས་རིམ་དང་། བཀོད་པ་བྱང་ཆུབ་སེམས་ཀྱི་རྫོགས་རིམ་དང་། ལུས་ལ་བརྟེན་པ་རྩའི་རྫོགས་རིམ་དང་བཅུད་ལ་བརྟེན་པ་ཐིག་ལེའི་རྫོགས་རིམ་དང་ལྔ་ལ་ཆོས་སྡེ་རེ་རེ་སྟེ་ཚང་བར་བསྟན་ཏོ། །ལྔ་པ་སྐུ་གསུམ་གྱི་གཟེར་ལྔ་ལ། ཡི་དམ་གྱི་ལྷ་ལ་སྐུ་གསུམ་གྱི་གཟེར་གདབ་པ་དང་། བསམ་གཏན་རྩེ་པའི་མན་ངག་བར་ཆད་བདུད་ལ་སྐུ་གསུམ་གྱི་གཟེར་གདབ་པ་དང་། རིགས་དྲུག་གཡང་ས་བཅད་པའི་ཕྱིར་སྡིག་པོ་ཆེ་གསང་ལམ་ནས་འཚང་རྒྱ་བའི་མན་ངག་སྐུ་གསུམ་གྱི་གཟེར་གདབ་པ་དང་། སེམས་འཕྲེང་བདུན་ཏེ་གསང་བའི་དགྲ་གསུམ་གསད་པའི་ཐབས་ཀྱི་གཙོ་བོ་སྐུ་གསུམ་གྱི་གཟེར་གདབ་པ། དཀར་ཆག་ཏུ་གསང་བའི་དགྲ་གསུམ་སྔོན་ལ་བྱུང་ཡང་རྒྱལ་པོའི་གླ་དཔེར་འདི་ལྟར་བྱུང་བ་དོན་ལ་ཁྱད་པར་མེད་དོ། །འབྱུང་བཞིའི་ནད་ལ་རྟེན་འབྲེལ་ཟབ་མོའི་གནད་ཀྱི་སྐུ་གསུམ་གྱི་གཟེར་གདབ་པ་དང་ལྔ་ནི་ཁྱད་པར་གྱི་རྫོགས་རིམ་ལྔ་དང་སྦྱར་ཏེ་མྱོང་འཁྲིད་དུ་བྱ་ཡི་བཀླགས་ལུང་གིས་རྟོགས་པར་མི་འགྱུར་ལ། མྱོང་བ་ཞིག་རྒྱུད་ལ་སྐྱེས་པའི་འགོ་བརྩམས་ནས་གསང་སྔགས་ཀྱི་ཆོས་སྡེ་ཆེན་པོ་དེ་དག་ཐམས་ཅད་བསྐྱེད་རྫོགས་གསུམ་གྱི་གླེགས་བམ་གསུམ་དུ་འཆར་བ་ཡིན་ནོ། ༈ །དེ་ལྟར་

གནད་ཀྱིས་མ་ཟིན་ན་ཟབ་མོར་བཏགས་པའི་རྫོགས་རིམ་གླེགས་བམ་ཆེན་པོར་བཅོས་པ་དག་ལའང་ཁ་ཟིན་ཐེགས་པ་དཀའོ། །དེའི་ཕྱིར་བླ་མའི་མན་ངག་སྙན་བརྒྱུད་ཟབ་མོ་འདིའི་སྐབས་སུ་དགོས་སོ་ཞེས་པ་མཆོག་གི་སྤྲུལ་སྐུ་མངའ་རིས་པཎ་ཆེན་སོགས་མཁས་གྲུབ་རྣམས་གསུང་ངོ་། །གསང་བ་ཉམས་ལེན་གྱི་སྒྲུབ་པ་བཀའ་བརྒྱད་བསྟན་ཟིན་ཏོ། །དེ་ལྟར་ཟབ་མོ་སྔགས་ཀྱི་ལྟོ་ཚིལ་ཟུག་པ་ལྟ་བུའི་བདེ་གཤེགས་འདུས་པ་འདི་ལ། སྤྱི་རྒྱུད་ལྔ་ནི་སྒྲུབ་སྡེ་བཅུའི་དྲིལ་སྒྲུབ་ལ་གཙོ་བོར་བརྟན་པའི་རྩ་བ་ཡིན་ཏེ། གོང་དུ་བསྟན་པའི་ཡན་ལག་རྒྱུད་ཐམས་ཅད་ཀྱི་ས་བོན་ཡིན་ནོ། །དེ་ལྟར་རྒྱུད་བཅོ་ལྔ་ནི་གསང་སྔགས་བླ་ན་མེད་པ་ཐམས་ཅད་ཀྱི་སྐྱེད་པར་བྱེད་པའི་ས་བོན་ལྟ་བུ་ཡིན་པས་རིན་ཅེན་གསེར་གྱི་ཡི་གེ་ཅན་ཞེས་བྱའོ། །དེ་དག་གི་དོན་འགྲེལ་པར་བྱེད་པ་ལ་གཉིས་སུ་གྱུར་ཏེ། བྱང་ཆུབ་སེམས་དཔའ་རྡོ་རྗེ་སྙིང་པོ་ལག་ན་རྡོ་རྗེའམ་རྡོ་རྗེ་ཆོས་སུ་གྲགས་པས་མཛད་པའི་འགྲེལ་སྐོར་ལྔ་དང་། ལུང་བསྟན་ཐོབ་ཅིང་མཁའ་འགྲོས་བྱིན་གྱིས་བརླབས་པའི་རྒྱ་གར་གྱི་རིག་འཛིན་གྱིས་མཛད་པའི་འགྲེལ་པ་ཕྲ་ཞིབ་གཉིས། དང་པོ་ནི། ལུང་ཆེན་པོ་ལྔ་ཡོད་ལ། ཕྱི་མ་ནི་དེ་ལས་གཞན་པ་རྣམས་སོ། ༈ །དེ་ལྟར་རྒྱུད་བཅོ་ལྔ་ལུང་ལྔ་སྟེ་ཉི་ཤུ་ནི་སངས་རྒྱས་དང་བྱང་ཆུབ་སེམས་དཔའི་བཀའ་ལུང་ངོ་། །དེ་དག་ལས་གཞན་པ་རྣམས་ནི་མ་འོངས་པའི་དོན་དུ་སློབ་དཔོན་བཞིའི་དགོངས་ཉམས་བསྡེབས་ནས་སྒྲུབ་པ་སྙིང་པོར་བྱེད་པའི་མངོན་རྟོགས་ཀྱི་ཆ་རྐྱེན་དུ་བསྡེབས་པ་ཡིན་ཞེས་ཁྲི་སྲོང་རྣམ་སྤྲུལ་མངའ་རིས་པཎ་ཆེན་རིན་པོ་ཆེ་སོགས་མཁས་ཤིང་གྲུབ་བརྙེས་རྣམས་གསུང་ངོ་། །དེ་ལ་ནང་

དབྱེ་ཕྲ་མོ་བསམ་གྱིས་མི་ཁྱབ་པ་ཞིག་བྱུང་ཡང་སྤྱི་སྡོམས་རྒྱུད་ལུང་ཉི་ཤུ་ཐམ་པ་ལ། དེ་དག་ཕྱི་ནས་བཤད་པ་དེ་གོ་རྟོགས་སྐྱེད་པར་བྱེད་པའི་ཆོས་སྡེ་ཉི་ཤུ་སྦྱོར་བས་བཞི་བཅུ། ནང་ལྟར་སྒྲུབ་པ་གསུམ་གྱི་ཉམས་ལེན་ལ། ཞི་ཁྲོ་ལ་གཉིས་ལས་ཞི་བར་བསྙེན་པའི་ཆོས་སྡེ་སུམ་ཅུ་ཐམ་པ། ཁྲོ་བོར་སྒྲུབ་པའི་ཆོས་སྡེ་སུམ་ཅུ་རྩ་ལྔ་ནི་ཉམས་ལེན་གྱི་ཁོག་འབུག་པའི་གཞུང་ཤིང་ལྟ་བུ་ཡིན། གསང་བ་སྙིང་པོ་བཅུད་དུ་དྲིལ་ཏེ་གདན་ཐོག་གཅིག་ཏུ་ཉམས་སུ་ལེན་པའི་ཆོས་སྡེ་ཉི་ཤུ། དེ་ལྟར་ཕྱི་ནང་གསང་བ་གསུམ་དུ་བསྟན་ལ། གསང་བའི་རྒྱུད་དོན་བསྐྱེད་རྫོགས་གསུམ་ཚན་ཞི་ཁྲོ་གཉིས་སུ་གཏན་ལ་ཕབ་པས་ཚེ་གཅིག་གི་མཆོག་ཐུན་མོང་གི་དངོས་གྲུབ་ཐོབ་པར་བྱེད་པའི་ལམ་ཟབ་མོ་མདོ་རྒྱུད་མན་ངག་གསུམ་གྱི་རྩ་བ་བསྟན་པ་འདི་ལ་ཆོས་སྡེ་བརྒྱ་སུམ་ཅུ་ཐམ་པར་བཤད་ཅིང་ཉམས་སུ་ལེན་པར་བྱེད་དགོས་པ་ཡིན་ནོ། ༈ །དེ་དག་གི་སྔོན་དུ་ཐེག་པ་བཀའི་བྱུང་ཚུལ་ཞེས་ཀྱང་བྱ་བའི་དཀར་ཆག་གསལ་བའི་སྒྲོན་མེ་འདི་རྩ་བར་བཟུང་སྟེ་བཀའ་བབས་སོ་ལྔ་ལ་བརྟེན་ནས་བཤད་སྒྲུབ་ཀྱི་འཕྲང་ལ་བཤར་ནས་ཉམས་སུ་ལེན་ཅིང་གདུལ་བྱ་ལ་གདམས་པར་བྱ་བའི་ཆོས་ཡིད་བཞིན་ནོར་བུ་དབང་གི་རྒྱལ་པོའི་བདེ་གཤེགས་འདུས་པ་འོ་མའི་རྒྱ་མཚོ་ཞེས་བྱ་བ་ཆོས་རྩ་བ་གཅིག་གིས་སྒོ་ནས་རྟོགས་པར་བྱ་བ་སྟེ། ཤིན་ཏུ་ཟབ་ཅིང་རྒྱ་ཆེ་བ་བདེ་བར་གཤེགས་པ་རྣམས་ཀྱི་དགོངས་པའི་གསང་བརྟོལ་བ་ཡིན་ནོ། །རྩ་བའི་གཉིས་པ་ཐེམས་མེད་ཀྱི་སྐོར་ཉམས་ལེན་སྲོག་རྩ་དམར་པོའི་བཅུད་དེ་བསྐྱེད་རྫོགས་ཐམས་ཅད་ཞི་ཁྲོ་གཉིས་མེད་དུ་སྒྲུབ་སྟེ་དགུར་ཉམས་སུ་ལེན་པར་བྱེད་པ་ལ། དྲག་པོ་ཐམས་

ཅད་ཀྱི་རྩ་བ་དྲག་སྔགས་བསྙེན་པའི་ཆོས་སྡེ་དྲིལ་སྒྲུབ་ཏུ་བསྒྲུབ་པ། སྙིང་པོས་སྤྲོས་བཅས་བསྐྱེད་རྫོགས་རྒྱས་པའི་དོན་ལ་བསྡུས་པ། བཀའ་དང་བསྟན་པ་བསྲུང་བ་དམ་ཅན་ཆོས་སྐྱོང་གི་སྐོར། དམ་པའི་ཞལ་ལུང་ལྗགས་བསྒྲིགས་དང་གཏེར་བྱོན་ཁ་འཐོར་ཏེ་གསུམ། དང་པོ་ནི། བཀའ་བརྒྱད་བདེ་གཤེགས་འདུས་པ་དྲག་སྔགས་ཡང་དྲིལ་གྱི་སྐོར་རྣམས་ཡིན་ཏེ། དེ་ལ་བསྙེན་པར་དགོས་པའི་ཆོས། བདག་འཇུག་གི་ཆོས། ལས་སྦྱོར་དང་གསུམ། དང་པོ་ནི། ཆོས་སྡེ་ངོས་འཛིན་ཡིག་ཆུང་། ཡང་བཅུད་དྲིལ་བའི་སྒྲུབ་ཐབས། ཐུན་གསུམ་གཏོར་མའི་ཆོ་ག་དང་གསུམ་ནི་འདིའི་བསྙེན་པ་ལ་དགོས་པའི་ཆོས་གསུམ་མོ། ༈ །གཉིས་པ་བདག་འཇུག་གི་ཆོས་ནི། རྣལ་འབྱོར་རྒྱུན་གྱི་དབང་ཆོག་ནི་རང་གཞན་གྱི་དོན་ལ་སྦྱར་ནས་བསྒྲུབ་པའི་ཆོས་ཡིན་ཏེ། བསྙེན་པ་སྔོན་དུ་སོང་ནས་རང་གཞན་དབང་གི་རྒྱུན་ལེན་པའི་ཆོས། གསུམ་པ་ལས་སྦྱོར་ལ། ཐུན་མོང་གི་ལས་སྦྱོར་དང་མཆོག་གི་ལས་ཚོགས་གཉིས། དང་པོ་ནི། རང་འཁོར་བསྲུང་བའི་ལས། ཙི་ཙི་ཛྭ་ལ་བསྲུང་བའི་ཐབས། གཏད་སེར་མནན་པའི་དུས་ཀྱི་བསྲུང་བ། ཀླུ་ནད་འཇོམས་པའི་ཐབས། འདྲེ་གདོན་འདུལ་བ། སྲིད་པའི་དབང་ཆེན་སྡེ་བཞི་འདུལ་བ། རུ་དྲ་དམ་སྲི་འདུལ་བ། གཉན་ལྷོག་སྐྲངས་འབུར་འཇོམས་པ། འབྱུང་པོ་ཁ་འཆིང་བའི་ཐབས། གློ་ཆམ་རིམས་དང་རྒྱུ་གཟེར་བསྲུང་བ། སོ་སྲིན་བསྲུང་ཐབས། འབྲས་ཀྱི་ནད་གསོ་ཐབས། སྐྲན་དང་རྡེའུ་ཕོ་གླང་དམུ་ཆུ་གྲང་ནད་སེལ་ཐབས། གདུག་པ་རུ་དྲ་སྒྲོལ་བ། སྐྱིན་ཐང་སེར་བ་བསྲུང་བ། དམ་ཅན་ཁྱི་བཞིན་བྲན་དུ་

བཀོལ་ཐབས། གདུག་པ་ཀླུ་གཏད། གནམ་ལྕགས་ཐོག་གི་ལས། ལྟས་ངན་ཆོ་འཕྲུལ་གཏང་ཐབས། ངག་མནན་བཅིངས་པ་བཀྲོལ་ཐབས། ལྕེ་ལ་དར་འདོགས་ཐབས། དེ་ལྟར་དྲག་སྔགས་འབྲིང་པོ་ལ་བསྙེན་པའི་ཆོས་བསྒྲུབ་པའི་ཆོས་བཞི་ཐུན་མོང་ལས་སྦྱོར་ཉི་ཤུ། སྔོན་དུ་ཆོས་ངོས་གཟུང་བའི་ཡི་གེ་དང་ཉི་ཤུ་རྩ་བཞིའོ། །གཉིས་པ་མཆོག་གི་ལས་ཚོགས་ནི། ཐེམས་བྱང་གི་གསང་བ་ཉམས་ལེན་གྱི་ཆོས་སྡེ་ཉི་ཤུ་རྩ་ལྔ་དང་སྦྱོར། འདི་ནི་གབ་པ་སྔོན་དུ་ཕྱུང་བའི་གདམས་པ་ཡིན་ནོ། གཉིས་པ་སྙིང་པོས་སྤྲོས་བཅས་བསྐྱེད་རྫོགས་རྒྱས་པའི་དོན་ལ་བསྡུས་པ་ལ། སྒྲུབ་ཐབས་དང་དྲག་སྔགས་བརྒྱད་ཀྱི་རྩ་བ་བསྟན་པ། འགྲེལ་པ་དྲག་སྔགས་བསྙེན་པ་བཤད་པ། རྣལ་འབྱོར་སྒྲིབ་པ་བསྲེག་པ། ཆོས་སྐྱོང་ལས་ལ་བསྐུལ་བ། སྡེ་བརྒྱད་བྲན་དུ་བཀོལ་བ། རིགས་བཞི་ཀླུ་གདོན་འདུལ་བ། གདུག་པའི་དགྲ་བགེགས་འདུལ་བ། བར་ཆད་བགེགས་དཔུང་གཞོམ་པ། དམ་ཚིག་གཏོར་མ་འབུལ་བ་དང་བརྒྱད་དོ། །འདི་ནི་ཡང་སྙིང་རྒྱུན་གྱི་རྣལ་འབྱོར་གསང་བ་བཅུད་ཀྱི་ཐིགས་པའི་སྐོར་རོ། ༈ །གསུམ་པ་བཀའ་དང་བསྟན་པ་བསྲུང་བ་དམ་ཅན་ཆོས་སྐྱོང་གི་སྐོར་ལ། ཆེ་མཆོག་གི་བཀའ་སྲུང་ཅེ་སྤྱང་མ་བརྒྱད། ཡང་དག་གི་དབང་ཕྱུག་ཉེར་བརྒྱད། གཤིན་རྗེའི་གིང་བདུད་རྩིས་བཤན་བཞི། དབང་ཆེན་གྱི་ཁམས་རྒྱ་མ་དྲུག་ཁྱི་སྤྱང་མེ་རླུང་དམུས་ལོང་བཅུ་དྲུག་སོགས་ཕུར་པའི་དྲེགས་པ་སྡེ་གསུམ་མ་མོ་བཅུ་གཉིས་མིང་པོ་བཅུ་གཉིས། མངོན་རྫོགས་ཀྱི་མ་མོ་ཀུན་འདུས། རིག་འཛིན་གྱི་མཁའ་འགྲོ་བཞི། མཆོད་བསྟོད་ལ་ངོ་བོ། སྔགས། རྫས། རྟགས། བསྐུལ། སྲོག །སྙིང་། ཕྱི་ནང་གསང་

གསུམ་གྱི་སྒྲུབ་པ། ངན་སྔགས་སྙིང་གཟེར་ལ་ནང་གསེས་ཀྱི་སྲོག །གསོ། དབབ། བཅད། མནན། སྲེག །ལྟས་ངན་དང་བདུན། སྔགས་ཀྱི་འཕྲུལ་ཡིག །ལས་སྣ་ཚོགས་ལ། བཟློག་པ། ངག་མནན་བཀྲོལ། བསྲུང་བ། གཟིར་བ། བླ་རྡོ། ནད་ཞི་བ། ཚེ་དང་ལོངས་སྤྱོད་རྒྱས་པ། དབང་སྡུད། འགུགས་པ། བསྐྲད་དབྱེ། མནན་སྲེག་འཕང་གསུམ། ཚེ་རིགས་བརྒྱུད་ནོར་སྒྲུབ་པ། སྲིའུ་གསོ་བ། འཕུང་སྲི་དམ་སྲི་འདུལ་བ། བགེགས་བསྐྲད་ཅིང་འཁྲུལ་ཐག་གཅོད་པ། ཁ་ཆིངས། སེར་བཟློག །མིག་མཐོང་། དམག་བཟློག །མེ་ཆུ་བཟློག་པ། དགྲ་བགེགས་ཚར་གཅོད་ཅིང་གསོད་པ། བན་བོན། བཙུན་པ། སྐྱེ་བོ། རྨིག་ཟླུམ། ཁ་དབྲག །ར་ལུག །རི་དྭགས་རྣམས་གསོད་པའི་ལས་མཐའ། སྡེ་དཔོན་སུམ་ཅུ་འཁོར་ལྷ་སྲིན་སྡེ་བརྒྱད་དང་བཅས་པའི་སྒྲུབ་ཐབས་མནན་སྲེག་འཕང་གསུམ་གྱི་མཇུག་སྡུད། དྲེགས་པའི་མཐུ་དབང་ཆེན་མོའི་དབང་ཆོག །ནོར་སྒྲུབ་རིན་ཅེན་གའུ། སྟོབས་ལྡན་བཀའ་སྲུང་ལ་གཤིན་རྗེ། མ་མོ། བདུད། ཀླུ། གནོད་སྦྱིན། ལྷ། སྲིན་པོ། གཟའ་རྣམས་ཀྱི་དྲག་སྔགས་སོ། །བཞི་པ་དམ་པའི་ཞལ་ལུང་ལྗགས་བསྒྲིགས་དང་གཏེར་བྱོན་ཁ་འཐོར་སྐོར་ལ། བསྐྱེད་རྫོགས་འབྲིང་པོའི་སྒོང་ཁོག་དང་འཕྲིན་ལས་བསྡེབས་པའི་ལས་བྱང་༼ཟུར༽ རིག་འཛིན་ཆེན་པོ་དང་ཆོས་རྒྱལ་འབྲི་གུང་པ་རིན་ཅེན་ཕུན་ཚོགས་གཉིས་བཀའ་བགྲོས་ནས་ཆོག་བསྒྲིགས་སུ་མཛད་པ། འདི་རྒྱལ་སྲས་བཀའ་བརྒྱད་པས་མཛད་ཅིང་བདེ་ཆེན་གསལ་བར་གྲགས་ཞེས་རིན་པོ་ཆེ་དར་སྡིིངས་པའི་གསན་ཡིག་ན་འདུག་པ་དཔྱད། མཁའ་ཀློང་ཡངས་པས་མཛད་༼ཟུར༽པའི་ལས་བྱང་བསྡུས་པ་སྦྱང་གཞི་

བསོད་ནམས་སྤེལ་བའི་སྦྱིན་༼ཟུར༽སྲེག་ཟུར་དུ་བཀོལ་བ། ཚོམ་བུའི་འགོད་ཚུལ་རྒྱས་༼ཟུར༽པ་ནས་ཟུར་དུ་བཀོལ་བ། ལྷ་ངོ་སྟོན་༼ཟུར༽པའི་ཟུར་བཀོལ་ལྷན་ཐབས། ཟུར་ཐམས་ཅད་མཁྱེན་པས་ཆོག་བསྒྲིགས་བཀླགས་ཆོག་ཏུ་མཛད་པའི་དབང་༼ཟུར༽གི་ལས་གཞུང་རིན་པོ་ཆེའི་འཕྲེང་བ་དང་སྒྲུབ་ཆེན་གྱི་ཆ་ལག་སྡོམ་ཚིག །དེ་གཉིས་ཀྱི་དབང་གཞུང་རྩ་ཐོར་བསྡེབས་༼ཟུར༽པ་བསྙེན་སྒྲུབ་ཏི་ཀ་དང་མདོ་བྱང་ལས་བསྡུས་ཏེ་ཟུར་དུ་བཀོལ་བ། ཞི་ཁྲོའི་སྐོང་བཤགས་ཆོ་ག་བརྒྱ་༼ཟུར༽མཆོད་ཀྱི་ངག་བསྒྲིག་མ་ཉམས་སྒྲིབ་པ་དག་བྱེད། ཁྲོ་རོལ་གཏོར་བཟློག་གཞུང་ལྷན་ཐབས་དང་བཅས་པ་༼ཟུར༽མན་ངག་འཁྲུགས་བསྡེབས་སུ་ཆོས་རྒྱལ་འབྲི་གུང་པ་ཆེན་པོ་རིག་འཛིན་གནམ་ལྕགས་མེ་འབར་གྱིས་མཛད་པ། འབྲི་གུང་རིག་འཛིན་ཆོས་ཀྱི་གྲགས་པས་མཛད་པའི་ཁྲོ་རོལ་འབྲིང་པའི་ཆོག་༼གཏེར༽སྒྲིགས་ཆ་ལག་གདམས་ཕྲན་དང་བཅས་པའི་ལག་ལེན་གནམ་ལྕགས་རྡོ་རྗེའི་ཐོག་ཆེན། ཁྱབ་བདག་བློ་མཆོག་རྡོ་རྗེས་མཛད་པའི་ཁྲོ་རོལ་༼ཁྲ༽གྱི་ཆོ་ག་བསྒྲིགས་ནག་པོ་འགྲོ་ཤེས། གཏེར་བྱོན་རྩངས་༼ཟུར༽གྱེར། ཁྲམ་༼ཟུར༽ བཟློག །མདངས་སྐོང་༼ཟུར༽ཆུང་བ། འཇིག་རྟེན་མཆོད་བསྟོད་ཀྱི་༼ཟུར༽སྲུང་མའི་གསོལ་ཁ་དོན་གསུམ་མ། དབང་ཕྱུག་ཉེར་བརྒྱད་༼ཟུར༽ཀྱི་ཞུ་ལེན་དཔའ་བོས་མར་༼ཟུར༽གསུངས། སློབ་མས་༼ཟུར༽ཡར་ཞུས། ཟོར་གྱི་བྱུར་༼ཟུར༽རབས། རྒྱུད་ལས་ལོགས་སུ་བཀོལ་བའི་མནན་༼ཟུར༽པ་རི་རབ་དགུ་བརྩེགས་རྣམས་ཐོས་སོ། །གཞན་མ་ལྡན་མ་རྩེ་མང་གིས་བསྒྱུར་བའི་རྒྱུད་དང་བཀའ་སྲུང་གི་སྐོར་དང་རྣམ་བཤད་འཆད་ཐབས་སོགས་ཁ་ཡར་ནི་མ་ཐོབ་པས་རེ་ཞིག་དེ་ཙམ་མོ། ༈ །དཔེ་རིས་སྐོར་ལ། བདེ་གཤེགས་བཀའ་འཁོར་རྒྱས་

བསྡུས་གཉིས། རང་ཉིད་བསྲུང་བའི་འཁོར་ལོ་རྒྱས་བསྡུས་འདྲ་མིན་གསུམ། སྤྲིན་ཆེན། སྤྲིན་ཆེན་ཞལ་འབྲས། དྲེགས་འཇོམས་སྐུ་འཁོར། ཡེ་ཤེས་བསྐྱེད་པ་གསུང་འཁོར། རྦད་འདྲེ་བཟློག་པ་ཐུགས་འཁོར། བྱ་ཁྱུང་ལྟོ་འཁོར་ཆེ་ཆུང་གཉིས། འཕྲིན་ལས་ཀྱི་འཁོར་ལོ། ཕོ་རྒྱུད་ཙཀྲ། མོ་རྒྱུད་ཙཀྲ། མཇུག་མའི་བྱད་བཟློག་ཙཀྲ། ཟློག་འཁོར་ཆེན་མོ། བཀའ་སོ་སོའི་ཟློག་འཁོར་རྒྱས་བསྡུས་འདྲ་མིན་ཚར་གཉིས་བཀའ་སྲུང་གི་ཟློག་འཁོར་དང་བཅས་པ། འོག་ཏུ་འདིང་བའི་འཁོར་ལོ། རྩིབས་དྲུག་རྒྱངས་པའི་གསད་འཁོར། རྩིབས་བརྒྱད་མཚོན་ཆ་ཅན་གསད་པའི་ཙཀྲ་ཐུན་མོང་དང་ཐུན་མོང་མ་ཡིན་པ་གཉིས། རྩིབས་དྲུག་མཚོན་ཆ་ཅན། རྒྱལ་བསེན་གནོན་འཁོར་བར་འཁོར་དང་བཅས་པ། བན་བོན་ངག་གནོན་གྱི་འཁོར་ལིང་། ཁྱུང་གི་གཤོག་པའི་ཁྲམ་ཤིང་། ཁྲམ་ཟློག་བྱང་བུ་ཟློག་དཀྱིལ། གཏོར་མ། ཁྱུང་། རྔ་མོ། འདྲེ་མོ། སྲིན་མོ་ཟ་ལམ་སོགས་ཕྲ་ཞིབ་ཐོབ། དེ་ལྟར་དབང་ལུང་ཡོངས་སུ་རྫོགས་པ་ནོས་པའི་བརྒྱུད་པ་ལ་དབང་གི་བབས་ཚུལ་དང་རྒྱུད་སྡེའི་བབས་ཚུལ་གཉིས་ལས་དང་པོ་ནི། ཆོས་སྐུ་ཀུན་ཏུ་བཟང་པོ་ཡབ་ཡུམ། དེས་ཡེ་ཤེས་ལྔའི་རྩལ་དབང་རིགས་ལྔའི་སངས་རྒྱས་ལ་བསྐུར། རིགས་ལྔས་དམ་པ་ཏོག་དཀར་ལ། དེས་ཤཱཀ་ཐུབ། རྡོ་རྗེ་འཆང་། རྡོ་རྗེ་སེམས་དཔའ་གསུམ་སོ་སོར་སྤྲུལ་ནས། སྤྲུལ་པ་ལག་ན་རྡོ་རྗེ། རྡོ་རྗེ་ཆོས། གསང་བའི་བདག་པོ་གསུམ་སོ་སོར་དབང་བསྐུར། གསང་བདག་གིས་པོ་ཏི་གླེགས་བམ་གྱི་དབང་ཨིནྡྲ་བྷཱུ་ཏིར་གནང་། དེས་སློབ་དཔོན་སངས་རྒྱས་གཉིས་པར་གནང་། ཡི་དམ་གྱི་

དབང་རྡོ་རྗེ་སེམས་དཔས་དགའ་རབ་རྡོ་རྗེ་དང་ཤྲཱི་སིངྷ་ལ་གནང་། དེས་ཨོ་རྒྱན་ཆེན་པོ་ལ། མཁས་པ་པཎྜི་ཏའི་དབང་ཀུན་ཏུ་བཟང་མོའི་སྤྲུལ་པ་སྲས་མོ་གོ་མ་དེ་ཝཱི་དང་བི་མཱ་ལས། ཨོ་རྒྱན་ཆེན་པོ་ལ་གནང་། རིག་པ་རང་རྩལ་གྱི་དབང་ཨོ་རྒྱན་ཆེན་པོ་ཉིད་ཀྱིས་རང་བྱུང་དུ་ཐོབ་པར་གསུངས་པས་དབང་གི་ཆུ་བོ་ཆེན་པོ་དྲུག་ཡིན། བྱེ་བྲག་སྒྲུབ་སྡེ་བརྒྱད་སོ་སོའི་དབང་ནི། རིག་འཛིན་ཆེན་པོ་བརྒྱད་ཀྱིས་ཨོ་རྒྱན་སྤྲུལ་པའི་སྐུ་ལ་གནང་། གཉིས་པ་རྒྱུད་སྡེའི་བབས་ཚུལ་ནི། རིགས་ལྔས། རྡོ་རྗེ་ཆོས་ལ་གསུངས། དེས་རི་མ་ལ་ཡའི་རྩེར་དམ་པའི་རིགས་ཅན་དྲ་མ་ལྔ་ཞེས་ལྷ་གྲགས་ལྡན་ཕྱོགས་སྐྱོང་། གནོད་སྦྱིན་སྐར་མདའ་གདོང་། སྲིན་པོ་བློ་གྲོས་ཐབས་ལྡན། ཀླུ་རྒྱལ་འཇོག་པོ། ལི་ཙ་བྱི་དྲི་མ་མེད་པར་གྲགས་པ་ལྔ་ལ་གནང་། དེ་ལྔས་ཏནྟྲ་སྡེ་བཅོ་བརྒྱད་དང་ཁྱད་པར་སྤྱི་སྒོས་ཀྱི་རྒྱུད་བཅོ་ལྔ་རྣམས་ཚིག་ཏུ་བསྡུས་ཏེ་དོན་རྒྱུད་ཨིནྡྲ་བྷཱུ་ཏི་སོགས་དྲུག་ལ་བརྡས་བརྒྱུད། ཚིག་བརྒྱུད་མཁའ་འགྲོ་མ་ལས་ཀྱི་དབང་མོ་ཆེ་ལ་གཏད། དེས་མཆོད་རྟེན་བདེ་བྱེད་བརྩེགས་པར་གཏེར་དུ་སྦས་པ་རིག་འཛིན་བརྒྱད་དང་ཨོ་རྒྱན་སངས་རྒྱས་གཉིས་པ་རྣམས་ཀྱིས་གཏེར་སྒོ་ཕྱེ་ནས་ཀུན་གྱི་བཀའ་དཔལ་ཨོ་རྒྱན་ཆེན་པོ་ཉིད་ལ་བབས་སོ། ༈ །དེའང་དབང་གི་བརྒྱུད་པ་ལ་བཀའ་གཏེར་གཉིས་སུ་ཡོད་པ་ལས། བཀའ་མ་གནུབས་ལུགས་ཀྱི་དབང་བརྒྱུད་ནི། དབང་དང་བརྒྱུད་སྡེའི་བབས་ཚུལ་ལས་མ་འདས་ནའང་གཙོ་བོར་མཁས་པ་མི་བཞི་ལས་འོངས་པ་སྟེ། པཎ་ཆེན་ཤནྟིང་གརྦྷ། རོམ་བུ་གུཧྱ་དེ་ཝ་ཙནྡྲ། དྷ་ན་སཾ་སྐྲྀ་ཏ། ཀུན་གྱི་བཅུད་བསྡུས་པདྨ་འབྱུང་གནས། ཚངས་པ་ལྷའི་མེ་ཏོག །གནུབས་ནམ་མཁའི་སྙིང་པོ། གནུབས་སངས་

རྒྱས་ཡེ་ཤེས། གནུབས་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། མཆོག་གི་སྙིང་པོ། རྒྱ་གར་རྡོ་རྗེ། ཁྲོ་བོ་འབར་བ། དར་མ་རྒྱལ་མཚན། ཧཱུྃ་ཆེན་བཀྲ་ཤིས་དར། ཆེན་པོ་འཇམ་དཔལ། དར་མ་སེང་གེ །ཀམ་བཙན་ལྷ་རྗེ། གནུབས་ཡེ་ཤེས་རྒྱ་མཚོ། རྭ་བན་ཆོས་དཔལ་བཟང་པོ། རི་པ་བརྩོན་འགྲུས་མགོན། བསོད་ནམས་མགོན་པོ། ཆོས་ཀྱི་སེང་གེ །ལྷ་རིག་འཇམ་དབྱངས་རིན་ཅེན་རྒྱལ་མཚན། དེ་སྲས་པཎ་ཆེན་པདྨ་དབང་རྒྱལ། ཡབ་སྲས་གཉིས་ཀ་ལ་སྤྲུལ་པའི་སྐུ་མཆོག་རིག་འཛིན་ལེགས་ལྡན་རྡོ་རྗེས་གསན། དེ་ནས་ལྷ་སྲས་རྣམ་སྤྲུལ་འབྲི་གུང་རིན་ཅེན་ཕུན་ཚོགས། རས་ཆུང་རྣམ་སྤྲུལ་སྣང་གསལ་བཀྲ་ཤིས་རྒྱ་མཚོ། གཡུ་སྒྲའི་སྤྲུལ་པ་ཀུན་དགའ་ཚེ་མཆོག །རིག་འཛིན་ངག་དབང་ཡེ་ཤེས་གྲུབ་པ། གཉགས་ཛྙཱ་ན་ཀུ་མཱ་རའི་སྤྲུལ་པ་རྩ་བའི་བླ་མ་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་སྒྲུབ་སྡེ་བརྒྱད་ཀྱི་རིག་འཛིན་ཟ་ཧོར་གྱི་བནྡེ་བླ་མེད་རྡོ་རྗེ་རྩལ་ལ་གནང་བའོ། ༈ །ཡང་ན་གནུབས་ཡེ་ཤེས་རྒྱ་མཚོ་ཕྱི་མ་ནས། འཛམ་གླིང་པ། འཇམ་དབྱངས་རིན་རྒྱན་མན་འདྲ། བཀའ་མ་ཉང་ལུགས་ཀྱི་དབང་བརྒྱུད་ནི། ཨོ་རྒྱན་ཆེན་པོ་ནས། པཎ་ཆེན་བི་མཱ་ལ། གནུབས་ནམ་མཁའི་སྙིང་པོ། ལོ་ཆེན་བཻ་རོ་ཙ་ན། བཞི་ག་ལ་ལོ་ཙཱ་བ་ཉང་མཆོག་རབ་གཞོན་ནུས་ཞུས། དེ་ནས་ཉང་མཆོག་གི་བླ་མ། ཉང་མཆོག་སྐྱིད། ཉང་ཆོས་ཀྱི་དབང་ཕྱུག །ཉང་རྡོ་རྗེ་ལྷུན་པོ། ཉང་ལྷུན་གྲུབ་ཤེས་རབ། ཉང་ལྷུན་གྲུབ་དབང་ཕྱུག །ཉང་ལྷུན་གྲུབ་རྒྱལ་མཚན། ཉང་རྡོ་རྗེ་སྲས། ཉང་དཔལ་ལེ། ཉང་རྡོ་རྗེ་དཔལ། ཉང་རྡོ་རྗེ་འབར། ཉང་རྡོ་རྗེ་དབང་ཕྱུག །ཉང་སྟོན་འཁོར་ལོ། དེ་སྲས་སྤྲུལ་སྐུ་ཉང་རལ་

སྲས་ནམ་མཁའ་དཔལ། ཆོས་དབང་རིན་པོ་ཆེ། པདྨ་དབང་ཆེན། ལྕེ་སྟོན་ཟུང་ངེ་། དཔལ་ལྡན་བཟང་པོ། ཟུར་ཤཱཀ་འབྱུང་། ཟུར་ཤཱཀྱ་དཔལ་བཟང་། ཉང་ཤཱཀྱ་རྡོ་རྗེ། ཟུར་ཤཱཀྱ་བཤེས་གཉེན། འབྲོ་ལེགས་པ་དཔལ་བཟང་། མཉམ་མེད་རིན་ཅེན་རྒྱལ་མཚན་མན་སྔར་བཞིན། བཀའ་མ་གཉགས་ལུགས་ཀྱི་བརྒྱུད་པ་ནི། ཡར་ཀླུངས་བང་སོ་སྟོད་ཀྱི་རླན་སྤྲེའུ་ཞེས་པར་གྲུབ་ཐོབ་དངོས་གྲུབ་དང་བླ་མ་མངའ་བདག་གཉིས་ཞལ་འཛོམ་པའི་དུས་ཉང་གིས་བཀའ་བརྒྱད་གཏེར་བྱོན་ཡོད་ཚུལ་ཞུས་པས། གྲུབ་ཐོབ་ཀྱི་ཞལ་ནས། ང་ལ་ཡང་བཀའ་མ་སྨིན་གྲོལ་ཆ་ལག་ཚང་བ་ཞིག་ཡོད་གསུངས་པ་མངའ་བདག་གིས་གསན་པའི་བརྒྱུད་པ་ནི། ཨོ་རྒྱན་ཆེན་པོ་ནས། གཉགས་ཛྙཱ་ན་ཀུ་མཱ་ར། གནུབས་སངས་རྒྱས་ཡེ་ཤེས། གནུབས་ཡོན་ཏན་རྒྱ་མཚོ། གནུབས་པདྨ་དབང་རྒྱལ། རག་ཤི་ཚུལ་ཁྲིམས་རྒྱལ་མཚན། ཁམས་པ་ལྡན་སྟོན། ཁམས་སྟོན་དར་མ་རྒྱལ་མཚན། ཁམས་པ་ཡེ་ཤེས་དབང་ཕྱུག །འཇམ་དབྱངས་མཁྱེན་བརྩེའི་གསན་ཡིག་ན་འདི་མི་འདུག་པས་དཔྱད། སྤ་སྟོན་གྲུབ་ཐོབ། གྲུབ་ཐོབ་དངོས་གྲུབ་ཞབས། མངའ་བདག་ཉང་རལ་མན་གོང་ལྟར། འདི་མན་བཀའ་གཏེར་གཉིས་འདྲེས་ཡིན་ཀྱང་གཏེར་མ་གཙོ་ཆེ་བའི་དབང་དུ་བཏང་བའི་སྒྲུབ་ཆེན་སོགས་དབང་བརྒྱུད་དང་པོ་སྨིན་བྱེད་ཀྱི་བཀའ་བབས་ཆེས་ཁྱད་པར་འཕགས་པ་ནི། དཔལ་ཨོ་རྒྱན་ཆེན་པོས་རྗེ་འབངས་དགུ་ལ་གནང་ཞིང་། གཙོ་བོར་གྱུར་པ། མཁའ་འགྲོ་ཡེ་ཤེས་མཚོ་རྒྱལ། རྒྱལ་པོ་ཁྲི་སྲོང་ལྡེ་བཙན། མངའ་བདག་ཉང་ཉི་མ་འོད་ཟེར། སྲས་སྐུ་མཆེད་གཉིས། རྫོང་ཆེན་མཆེད་གཉིས། དྷེ་བ་པ་ཏྲ། ཆོས་ཀྱི་རིན་ཅེན། གསུམ་

ལྡན་ཡབ་སྲས། འཇམ་དབྱངས་རིན་ཅེན། ཟུར་ཧྭམ་ཆོས་རྗེ། ཟུར་ཕ་ལ་ཤྲཱི། ཤཱཀྱ་བཤེས་གཉེན། མཁས་གྲུབ་རྒྱལ་སྲས་ཆོས་རྗེ། བརྒྱུད་འཛིན་ལེགས་པ་དཔལ་བཟང་། ཡབ་འཇམ་དབྱངས་རིན་ཅེན་རྒྱལ་མཚན་མན་སྔར་ལྟར། ཡང་དབང་བརྒྱུད་གཙོ་ཆེ་བ་གཉིས་པ་ཡི་དམ་ལྷས་གནང་བ་བྱིན་པའི་བཀའ་བབས་ནི། གཏེར་སྟོན་ནས། གུ་རུ་སེང་གེ་རྒྱལ་མཚན། རྩ་བྲལ་བ་ཆེན་པོ། བྱ་བྲལ་ཆོས་རྗེ། མཚུངས་མེད་འཇམ་དབྱངས་བློ་གྲོས། འཇམ་དབྱངས་དཔལ་རིན་ཅེན། འཇམ་དབྱངས་གོ་ཤྲཱི་དཔལ་དོན་གྲུབ། མཚུངས་མེད་ནམ་མཁའ་བཟང་པོ། རྒྱལ་སྲས་བཀའ་བརྒྱད་པ་མཁའ་ཀློང་ཡངས་པའམ་ཀློང་གསལ་དབང་པོ། རྡོ་རྗེ་ཆེ་མཆོག་རྩལ། ཀོང་པོ་རྩ་ནང་པ་དྲི་མེད་སངས་རྒྱས་ཀྱི་གསང་མཚན། ལྷ་བྲོ་བ་སྤྲུལ་སྐུ་ཆོས་ཀྱི་དབང་པོ། ལྷ་བཙུན་ལེགས་ལྡན་རྡོ་རྗེ་མན་གོང་ལྟར། ཡང་དབང་བརྒྱུད་གཙོ་ཆེ་བ་གསུམ་པ་ལུང་ཟིན་མཁའ་འགྲོའི་བཀའ་བབས་ནི། གཏེར་སྟོན་ཡབ་སྲས་ནས། འགྲོ་མགོན་གཉོས་ཞིག་ཆེན་པོ་གྲགས་པ་དཔལ། མཐིང་མ་བ་འདི་བྱང་ལས་ཀྱི་མཁའ་འགྲོའི་བཀའ་བབས། གཉོས་མཚན་ལྡན་གྲུབ་ཐོབ་པདྨ་རྡོ་རྗེ། གཉོས་སྟོན་གྲགས་པ། གྲགས་པ་བཀྲ་ཤིས། གཉོས་གྲགས་པ་རིན་ཅེན། གཉོས་གྲགས་པ་འོད་ཟེར། འབྲི་གུང་མཚམས་ཆེན་པ་གྲགས་པ་རྒྱལ་མཚན། གཡའ་མ་རི་པ་ཚུལ་ཁྲིམས་འབྱུང་གནས། ཤེས་རབ་རྒྱལ་པོ། ནམ་མཁའ་རྒྱལ་མཚན། བཀའ་བརྒྱད་པ་མཁའ་གློང་ཡངས་པ་མན་གོང་ལྟར། བརྒྱུད་པ་གཙོ་ཆེ་བ་བཞི་པ་ནི། གནམ་ལ་རིག་འཛིན་གྱི་བརྒྱུད་པ་ཟམ་མ་ཆད། ས་ལ་དཀྱིལ་འཁོར་སྒྲུབ་

པའི་དྲོད་མ་ཡལ། བར་དུ་བསྙེན་སྒྲུབ་ལས་ཀྱི་གཞུང་མ་ཉམས། གསང་བ་ཉམས་ལེན་ཏིང་འཛིན་གྱི་འོད་མ་ནུབ་པ་རྗེ་རིགས་ནམ་མཁའི་རྣལ་འབྱོར་ལས་བརྒྱུད་པ་ནི། མངའ་བདག་འགྲོ་མགོན་ཡན་གོང་ལྟར། དེ་ནས་མངའ་བདག་བློ་ལྡན་ཤེས་རབ། མངའ་བདག་བདུད་འདུལ་འབུམ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། མངའ་བདག་འཇམ་དཔལ་ནོར་བུ། མངའ་བདག་ཀུན་དགའ་རྒྱལ་མཚན། མངའ་བདག་ནོར་བུ་འཕེལ། མངའ་བདག་ཀུན་དགའ་འོད་ཟེར། འདི་ཡན་གདུང་བརྒྱུད་ཁོ་ན། རྗེ་རིགས་ནམ་མཁའི་རྣལ་འབྱོར། ལྷོ་བྲག་བཙན་འགྲོ་བརྒྱུད་པ་ཡིན། མངའ་རིས་པཎ་ཆེན་མན་གོང་བཞིན། ཡང་ན་གཉོས་ཞིག་ནས། སློབ་དཔོན་སྐལ་ལྡན་པ། ཟླ་འོད་པ། ལྷ་སྟེང་པ། སློབ་དཔོན་ཨ་གཞོན། རྒྱལ་ཚ་སྟོན་པ། སློབ་དཔོན་དཀའ་བཞི་པ་ཤེས་རབ་བྱང་ཆུབ། མཁས་བཙུན་ཤེས་རབ་འབུམ། བླ་མ་ཚུལ་ཁྲིམས་འབྱུང་གནས། བླ་མ་རྒྱལ་པོ། བླ་མ་ནམ་མཁའ་རྒྱལ་མཚན། མཁའ་གློང་ཡངས་པ་མན་འདྲ། ཡང་ན་གཉོས་ཞིག་ནས། སྔགས་འཆང་བདུད་འདུལ་མགོན་པོ། གཉོས་སྟོན་གྲགས་པ། སློབ་དཔོན་མཛོད་མངའ་བ། བླ་མ་མཚར་མ་བ་རྒྱལ་མཚན་སྟོན་པ། རྡོ་ཟུར་བ་སྟོན་པ་ཤེས་རབ་རྒྱལ་མཚན། སློབ་དཔོན་སེང་གཞོན། རྒྱལ་ཚ་སྟོན་པ། སློབ་དཔོན་འབྱུང་གནས་པ། བླ་མ་ཤེས་རབ་རྒྱལ་པོ། བླ་མ་ནམ་མཁའ་པ། མཁའ་གློང་ཡངས་པ་མན་གོང་ལྟར། ཡང་ན་གཏེར་སྟོན་ནས། སྔགས་བཙུན་ནམ་མཁའ་འོད་ཟེར། བླ་མ་འཇམ་དཔལ་རྫོང་བ། རྟོགས་ལྡན་རང་རིག །ཟུར་སྟོན་ལྷ་དར།

རིན་ཅེན་རྒྱལ་པོ། འཇམ་དབྱངས་མཁྱེན་བརྩེའི་གསན་ཡིག་ན་མི་འདུག་པ་དཔྱད། ཡོལ་སྟོན་འཕགས་པ། ཡོལ་སྟོན་ཀུན་དགའ་རིན་ཅེན། འདན་མ་བརྩོན་རིན། གཙང་པ་བློ་གྲོས་བཟང་པོ། མཚལ་པ་གྲགས་པ་བསོད་ནམས་རྒྱལ་མཚན། གུང་ཐང་ཞིག་གསོས་པ་ཀུན་དགའ་བཟང་པོ། མཁའ་ཀློང་ཡངས་པ་མན་འདྲ། གཞན་ཡང་དབང་གི་བརྒྱུད་ཚུལ་མི་འདྲ་བའི་གོང་གི་མཁའ་ཀློང་ཡངས་པ་བཞུགས་པ་རྣམས་ལ། དེ་ནས་རྗེ་མཁྱེན་རབ་དབང་ཕྱུག །གཅུང་ལེགས་ལྡན་རྗེ་མན་གོང་ལྟར། ཡང་ན་མངའ་བདག་འགྲོ་མགོན་ནས། གཏེར་སྟོན་ཆོས་ཀྱི་དབང་ཕྱུག །སྲས་པདྨ་དབང་ཆེན། ཤེས་རབ་རྒྱ་མཚོ། ཟུར་ཤཱཀྱ་འབྱུང་གནས། བློ་ཆེན་ཤྲཱི་ཕ་ལ། ཉང་ཤཱཀྱ་རྡོ་རྗེ། ཟུར་བཤེས་གཉེན་པ། སློབ་དཔོན་ཤྲཱི་བྷ་དྲ། སྔགས་འཆང་ར་མོ་བ་དང་ལེགས་པ་གཉིས། དེ་གཉིས་ཀ་ལ་འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན་མན་གོང་ལྟར། ཡང་ན་སྲས་པདྨ་དབང་ཆེན་ནས། གཟུ་སྟོན་དྷརྨ་རཏྣ། གཟུ་སྟོན་རིན་ཅེན་རྒྱལ་མཚན། རྟོགས་ལྡན་ཆོས་ཉིད་རང་གྲོལ། བླ་མ་སངས་རྒྱས་ལྷུན་དབང་། ཟུར་ཤཱཀ་འབྱུང་། ཟུར་བཤེས་གཉེན་པ་མན་གོང་འདྲ། ཡང་གཉོས་མཚན་ལྡན་གྲུབ་ཐོབ་ཡན་སྔར་ལྟར་ལ། དེ་ནས་གཉོས་བཙུན་པ། གཉོས་སེང་གེ་རྒྱལ་མཚན། རྩ་བྲལ་བ་ཆེན་པོ། བྱ་བྲལ་ཆོས་རྗེ། དགེ་སློང་ཆེན་པོ་ཡོན་ཏན་དཔལ། དཔལ་ལྡན་དོན་གྲུབ། ནམ་མཁའ་བཟང་པོ། མཁའ་ཀློང་པ། མངའ་རིས་པཎ་ཆེན་མན་གོང་ལྟར། ཡང་ན་མངའ་བདག་འགྲོ་མགོན་ནས། གཉེན་སྟོན་མདོ་བོ་རས་

པ་དགེ་འདུན་འབུམ། གྲུབ་ཐོབ་མེ་ལོང་རྡོ་རྗེ། གཞོན་ནུ་རྒྱལ་པོ། ལྡན་སྒོམ་བསམ་གཏན་གླིང་པ། རྒྱལ་སྲས་བཟོད་པ། འཇམ་དབྱངས་ཆོས་གྲགས། བསོད་ནམས་དཔལ་ལྡན། མཁའ་ཀློང་པ། མཁྱེན་རབ་དབང་ཕྱུག་མན་གོང་བཞིན། ཡང་ན་གུ་རུ་ཆོས་ཀྱི་དབང་ཕྱུག་ནས། སྨན་ལུང་པ་ཤཱཀ་གཞོན། ཡེ་ཤེས་སྙིང་པོ། མཁས་གྲུབ་གཞོན་ནུ། ནམ་མཁའ་ཡབ་སྲས། རབ་འབྱམས་བཟང་པོ། རྡོ་རྗེ་སངས་རྒྱས། བསོད་ནམས་དཔལ་ལྡན། མཁའ་ཀློང་པ། པཎ་ཆེན་མན་སྔར་ལྟར། ཡང་ན་གཏེར་སྟོན་ནས། གཉོས་གྲགས་པ་རྒྱལ་མཚན། གཉོས་སྒོམ་རྡོ་རྗེ། གངས་པ་བཀྲ་ཤིས། གྲགས་པ་རིན་ཅེན། གྲགས་པ་འོད་ཟེར། ཀུན་དགའ་དོན་གྲུབ། འཇམ་དབྱང་ཕྱག་རྡོར། ཞང་རིན་ཅེན་རྒྱལ་མཚན། རིག་འཛིན་དཔལ་མཆོག་པ། མཁའ་གློང་པ། མངའ་རིས་པཎ་ཆེན་མན་གོང་བཞིན། ཡང་ན་མཁའ་ཀློང་ཡངས་པ་ནས། པཎ་ཆེན་འབུམ་ཕྲག་གསུམ་པ་བྱམས་པ་ཆོས་ཀྱི་དོན་གྲུབ། རྗེ་བཙུན་ཆོས་ཀྱི་སེང་གེ །པཎ་ཆེན་པདྨ་དབང་རྒྱལ་མན་སྔར་ལྟར། ཡང་ན་གཙང་པ་བློ་གྲོས་བཟང་པོ་ནས། རྣམ་རྒྱལ་འོད་ཟེར། ནོར་བུ་བཟང་པོ། པཎ་ཆེན་འབུམ་ཕྲག་གསུམ་པ། ཡོལ་མོ་ཤཱཀྱ་བཟང་པོ། མངའ་རིས་པཎ་ཆེན། གཉིས་ཀ་ལ་ལེགས་ལྡན་རྗེས་གསན། ཡང་ན་གཉོས་སྒོམ་རྡོ་རྗེ་ནས་མཐིང་གི་བླ་མ་གྲགས་འོད། སྐལ་ལྡན་རྡོ་རྗེ་རྒྱལ་པོ། དྷརྨ་ཀེ་ཏུ། ཆོས་ཀྱི་བློ་གྲོས། མཐོང་དགའ་རྡོ་རྗེ། མངའ་རིས་པཎ་ཆེན་མན་གོང་ལྟར། ཡང་ན་བསྙེན་སྒྲུབ་ཐེམས་ཤིང་དམ་ཚིག་གཙང་བའི་བརྒྱུད་པ་ཁྱད་ཅན་དུ་གྲགས་པ་ནི། གཏེར་

སྟོན་ནས། དྲིན་ཅན་རོག །སྤྲུལ་སྐུ་གཉོས། གུས་ལྡན་མགོན་པོ། སློབ་དཔོན་སྐྱོགས། སྟོན་པ་རས་པ། མཁན་ཆེན་བསོད་ནམས། བློ་གྲོས་གྲགས་བསོད། ཤེས་རབ་དབང་ཕྱུག །ཤེས་རབ་འབྱུང་གནས། བློ་གྲོས་སེང་གེ །སྒང་པ་ཡོན་ཏན་རྡོ་རྗེ། དེ་དབོན་དགེ་སློང་དཔལ་ལྡན་འབྱུང་གནས། དོལ་པོ་རྫོང་ལུང་རིན་ཅེན་གྲུབ། སྔགས་འཆང་ཟིལ་གནོན་ཁྲོ་རྒྱལ་རྡོ་རྗེ། འབྲི་ཁུང་པའི་གསན་ཡིག་ན་སྔགས་འཆང་བཀྲ་ཤིས་བཟང་པོ་ཟེར་བ་འདུག །མཁྱེན་རབ་དབང་ཕྱུག་མན་གོང་བཞིན་ནོ། །ལུང་བརྒྱུད་ནི་ཟུར་གྱི་རྟགས་ཅན་རྣམས་དང་ཁྱད་པར་དབང་སྒྲུབ་ཀྱི་ཕྱག་ལེན། ཁྲོ་རོལ་གྱི་བཅས་འཁོར་ལོའི་མན་ངག་སོགས་ཤོག་ཁྲ་དང་བསྟུན་ནས་འབྲི་གུང་ཟུར་པ་རིན་པོ་ཆེའི་ཕྱག་བཞེས་ལྟར་དམར་ཁྲིད་དུ་ཐོབ་པའི་བརྒྱུད་པ་གཙོ་ཆེ་བ་གཅིག་དང་། དབང་གི་བརྒྱུད་ལུགས་གཅིག་ནི། མངའ་བདག་ཀུན་དགའ་འོད་ཟེར་ཡན་དབང་བརྒྱུད་གཙོ་ཆེ་བ་བཞི་པ་ལྟར་ལ། དེ་ནས་མངའ་བདག་ཉི་མ་རྒྱལ་པོ། སྤྲུལ་སྐུ་ཆོས་ཀྱི་དབང་པོ། རིག་འཛིན་ལེགས་ལྡན་རྗེ་མན་གོང་ལྟར། ཡང་ན་དབང་བརྒྱུད་གཙོ་ཆེ་བ་གསུམ་པ་ཇི་ལྟ་བ་བཞིན་ནོ། ༈ །རྒྱུད་ལུང་ཉི་ཤུའི་བརྒྱུད་ལུགས་གཅིག་ནི། ཟུར་ཤཱཀྱ་བཤེས་གཉེན་ཡན་དབང་བརྒྱུད་གཙོ་ཆེ་བ་དང་པོ་ལྟར་ལ། དེ་ནས་སོག་པོ་དཔལ་ཡེ། ཀུན་བཟང་པ། བསོད་ནམས་མཚན་ཅན། རྣམ་གྲོལ་མཚན་ཅན། ལེགས་ལྡན་རྗེ་མན་གོང་ལྟར། ཁྲོ་བོ་རོལ་པའི་སྐོར་གྱི་བརྒྱུད་ལུགས་གཙོ་ཆེ་བ་གཅིག་ནི། མཁའ་ཀློང་ཡངས་པ་ཡན་དབང་བརྒྱུད་གཙོ་ཆེ་བ་གསུམ་པ་ལྟར་ལ། དེ་ནས་སྐལ་ལྡན་རྒྱ་མཚོ། མི་འགྱུར་ཀུན་དགའ་དཔལ་བཟང་། རྗེ་ཟུར་པ་རིན་ཆེན་ཕུན་

ཚོགས་མན་གོང་བཞིན། ཡང་ན་རྒྱ་མ་མི་འགྱུར་པ་ནས། ལེགས་ལྡན་རྗེ། རྗེ་ཟུར་པ་རིན་པོ་ཆེ་མན་འདྲ། རྗེ་ཟུར་པ་ནས་བརྒྱུད་ཕྱིན་དབང་ལུང་སྤྱིའི་བརྒྱུད་པ་ལ་རིག་འཛིན་ལེགས་ལྡན་རྡོ་རྗེ་མེད་ཐབས་མེད། ཁྲོ་རོལ་གྱི་སྐོར་རྗེ་ཟུར་པས་རྒྱ་མ་མི་འགྱུར་བ་ལ་གསན་པའི་ལུགས་གཅིག་ཀྱང་ཡོད་ཅེས་འབྲི་གུང་པ་རིག་འཛིན་ཆོས་ཀྱི་གྲགས་པས་དངོས་སུ་གསུང་བ་ཐོས་ཀྱང་སྣང་རྩེ་བ་ཕྱོགས་གཏོགས་རྣམས་བརྒྱུད་པར་ཆོས་རྒྱལ་རིན་ཅེན་ཕུན་ཚོགས་འདྲེན་བཞིན་དུ་ལེགས་ལྡན་རྗེ་བརྒྱུད་པར་མི་འཇུག་པ་ནི་རང་ཉིད་ཀྱི་ནང་ཟོང་ཐམས་ཅད་ཕྱི་ལ་སྟོན་པར་ཟད་དོ། ༈ །ཡང་རྒྱུད་རྣམས་མ་གཏོགས་པའི་གཞན་མ་ཐེམས་ཅན་དཀར་ཆག་གསལ་སྒྲོན་གཞིར་བཞག་དང་། ཐེམས་མེད་གསང་བ་བཅུད་ཀྱི་ཐིགས་པ་ཡན་ཡོངས་རྫོགས་ཀྱི་ལུང་ཐོབ་པའི་བརྒྱུད་པ་སློབ་བརྒྱུད་གཙོ་ཆེ་བ་ནི། སྤྲུལ་སྐུ་ཆོས་ཀྱི་དབང་པོ་ཡན་དབང་བརྒྱུད་གཙོ་ཆེ་བ་གསུམ་པ་སོར་བཞག་ལ། དེ་ནས་མངའ་བདག་ཀུན་དགའ་ལྷུན་གྲུབ། ལྷ་བྲོ་སྤྲུལ་སྐུ་ཀརྨ་གུ་རུ། རྒྱལ་སྲས་ཀརྨ་དབང་འབྱོར། གྲུབ་མཆོག་ཆོས་དབང་ཀུན་བཟང་། དར་སྡིངས་རིག་འཛིན་འཕྲིན་ལས་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་སྔགས་སྨྱོན་བླ་མེད་རྡོ་རྗེ་རྩལ་ལའོ། །ཡང་སྲས་བརྒྱུད་གཙོ་ཆེ་བ་ནི། རྗེ་རིགས་ནམ་མཁའི་རྣལ་འབྱོར་པ་ཡན་དབང་བརྒྱུད་གཙོ་ཆེ་བ་བཞི་པ་ལྟར་ལ། དེ་ནས་མངའ་རིས་མཁྱེན་རབ་དབང་ཕྱུག་ལ་མངའ་བདག་ཀུན་དགའ་ལྷུན་གྲུབ་ཀྱིས་ཤོག་སེར་གྱི་སྟེང་ནས་ཚར་གཅིག་གསན། དེ་ནས་ཀརྨ་གུ་རུ་ལ་བརྒྱུད་དོ། །འདི་བརྒྱུད་པ་གཙོ་ཆེ་བ་གཅིག་ཏུ་སྣང་ངོ་། ༈ །ཡང་

ན་མངའ་བདག་ཀུན་དགའ་འོད་ཟེར་ཡན་གོང་ལྟར་ལ། དེ་ནས་མངའ་བདག་ཉི་མ་རྒྱལ་པོ། ལྷ་བྲོ་ཆོས་ཀྱི་དབང་པོ་མན་སྔར་བཞིན། ཡང་ན་མངའ་བདག་ཀུན་དགའ་འོད་ཟེར་ཡན་གོང་ལྟར་ལ། སྲས་མངའ་བདག་ཀུན་དགའ་འཕེལ། དེས་བཀྲ་ཤིས་མཐོང་སྨོན་དུ་ཁམས་པ་དབང་ཆོག་རྒྱལ་པོ་དང་། ཁམས་པ་ཆོས་ཀྱི་སེང་གེ་གཉིས་ལ་ཤོག་སེར་གྱི་སྟེང་ནས་དབང་གནང་སྐབས་མངའ་བདག་ཀུན་དགའ་ལྷུན་གྲུབ་དགུང་ལོ་བཅུ་གསུམ་བཞེས་དུས་ལྷན་དུ་གསན། དེ་ནས་ཀརྨ་གུ་རུ་མན་གོང་བཞིན་ནོ། ༈ །བཀའ་སྲུང་སྐོར་གྱི་བརྒྱུད་པ་ནི། ཀུན་དགའ་འོད་ཟེར་ཡན་དབང་བརྒྱུད་གཙོ་ཆེ་བ་བཞི་པ་སོར་བཞག་ལ། དེ་ནས་གདན་ས་པ་ཉི་མ་རྒྱལ་པོ། སྤྲུལ་སྐུ་ཆོས་ཀྱི་དབང་པོ། མངའ་བདག་ཀུན་དགའ་ལྷུན་གྲུབ། མངའ་བདག་བློ་གྲོས་པད་དཀར། གནས་གཞི་བ་འཇམ་དབྱངས་བསྟན་འཛིན་གྲགས་པ། དེ་སྲས་པདྨ་ཚེ་དབང་རིགས་འཛིན། དྲིན་ཅན་གཏེར་བདག་གླིང་པ། དེས་བདག་ལའོ། །ཁྲོ་རོལ་གྱི་སྐོར་ལ་ཁྲའི་རྟགས་ཡོད་པ་རྣམས་ཀྱི་བརྒྱུད་པ་ནི། ཀོང་པོ་རྩ་ནང་པ་དྲི་མེད་སངས་རྒྱས་ཡན་དབང་བརྒྱུད་གཙོ་ཆེ་བ་གསུམ་པ་སོར་གནས་ལ། དྲི་མེད་ཀུན་དགའི་ཐུགས་སྲས་ཡིན། ཆོས་འབྱུང་དགོན་གྱི་བླ་མ་མཛད་འདུག །དེ་ནས་གནམ་གོང་པ་ཚ་བོ་བཀྲ་ཤིས་དབང་ཕྱུག །སང་གླིང་གདུང་བརྒྱུད་གསུམ་པ་མཚན་ལྡན་བསོད་ནམས་ལྷུན་གྲུབ། རབ་གསལ་དགེ་བའང་ཟེར། བླ་མ་ཀརྨ་བཟང་པོ། གུ་རུ་གྲུབ་མཆོག་བཟང་པོ། སྙེ་ཕུ་བ་མཁས་གྲུབ་རིག་འཛིན་སྙིང་པོ། ཁྱབ་བདག་ཁྲ་ཚང་པ། དེས་བདག་ལའོ། །ཡང་ན་གཉོས་ཞིག་གྲགས་པ་རྡོ་རྗེ། གཉོས་པདྨ་རྡོ་རྗེ།

གཉོས་གྲགས་པ་བཀྲ་ཤིས། གཉོས་གྲགས་པ་རིན་ཅེན། གཉོས་གྲགས་པ་སེང་གེ །གཉོས་གྲགས་པ་འོད་ཟེར། འདི་ཡན་གུང་རུ་བའི་ཞལ་ངོ་། །གཉོས་ཁྲ་ཚང་པ་གྲགས་པ་བཟང་པོ། གཉོས་ནམ་མཁའ་བློ་གྲོས། གཉོས་ནམ་མཁའ་རྒྱལ་མཚན། གཉོས་ནམ་མཁའ་རིན་ཅེན། གཉོས་བསོད་ནམས་དཔལ་ལྡན། གཉོས་བསོད་ནམས་རྒྱ་མཚོ། འདི་ཡན་གུང་རུ་ནས་ཁྲ་ཚང་དུ་གྱེས་པའི་བརྒྱུད་པ། གྱེར་བན་བཀྲ་ཤིས་དབང་ཕྱུག །བྱ་ཁྱུང་པ་བསོད་ནམས་རྒྱལ་པོ། བྱ་ཁྱུང་པ་ངག་དབང་པདྨ་དབང་རྒྱལ། ཐུགས་སྲས་རྒྱལ་དབང་བསྟན་འཛིན། ཀརྨ་རིག་འཛིན་སྙིང་པོ། ཉང་བློ་མཆོག་རྡོ་རྗེ། དེས་བདག་ལའོ། །ཁྲོ་རོལ་གྱི་བྱིན་རླབས་ཕྱག་ལེན་གྱི་བརྒྱུད་པ་ནི། ཁྲ་ཚང་པ་བསོད་ནམས་རྒྱ་མཚོ་ནས། གཉོས་བསོད་ནམས་དཔལ་ལྡན་ཕྱི་མ། གཉོས་ནམ་མཁའ་རྒྱ་མཚོ། གཉོས་ནམ་མཁའ་ཚེ་དབང་། གཉོས་ངག་དབང་གྲགས་པ་རྒྱ་མཚོ། སྨན་ལུང་པ་ཉང་ནམ་མཁའ་ཚེ་དབང་། འདི་མན་སྨན་ལུང་ནས་ཁྲ་ཚང་བཟུང་བའི་ཉང་རིགས་ཡིན། དེ་སྲས་ཀརྨ་གཟི་བརྗིད་དང་ཀརྨ་མཐུ་སྟོབས་མཆེད་གཉིས། དེ་གཉིས་ལ་མྱང་བློ་མཆོག་རྡོ་རྗེས་གསན་ཞིང་། དེས་བདག་ལ་ཕྱག་ལེན་དམར་འཁྲིད་དུ་གནང་ངོ་། །ལུང་བརྒྱུད་ལུགས་གཅིག་ལ་ཀོང་པོ་དྲི་མེད་སངས་རྒྱས་ཡན་གོང་ལྟར་ལ། དེ་ནས་སྤྲུལ་སྐུ་ཆོས་ཀྱི་དབང་པོ། རྒྱལ་སྲས་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཉང་སྟོན་བློ་མཆོག་རྡོ་རྗེ། དེས་བདག་ལའོ། །གཏེར་གྱི་རྟགས་ཅན་གྱི་བརྒྱུད་པ་ནི། རྗེ་ཟུར་པ་ནས། ཞབས་དྲུང་ཆོས་རྒྱལ་ཕུན་ཚོགས། ན་རོ་པ་བཀྲ་ཤིས་ཕུན་ཚོགས། རིག་འཛིན་ཆོས་ཀྱི་
གྲགས་པ། བླ་མ་དཀོན་ཅོག་ལྷུན་གྲུབ། མཚུངས་མེད་གཏེར་བདག་གླིང་པ། དེས་བདག་ལའོ། ༈ །བཀའ་བརྒྱད་གླེགས་བམ་ཕལ་ཆེར་དུ་ཁ་སྐོང་གི་ཚུལ་དུ་བཞུགས་པ་རྣམ་ཐར་གྱི་སྐོར་ལ། ཉང་རིག་འཛིན་ལྷུན་གྲུབ་འོད་ཟེར་གྱིས་མཛད་པའི་མངའ་བདག་ཉང་ཉི་མ་འོད་ཟེར་གྱི་རྣམ་ཐར་གསལ་བའི་མེ་ལོང་། མངའ་བདག་འགྲོ་མགོན་གྱི་རྣམ་ཐར་སློབ་མ་མི་གསུམ་གྱིས་བསྒྲིགས་པ། གཏེར་རྒྱུད་རིན་ཅེན་སྤུངས་པ་ཞེས་བྱ་བར། མངའ་བདག་བློ་ལྡན་གྱི་རྣམ་ཐར། དེ་སྲས་བདུད་འདུལ་གྱི་རྣམ་ཐར། དེ་སྲས་མདོ་སྡེ་སེང་གེའི་རྣམ་ཐར། དེ་སྲས་པདྨ་དངོས་གྲུབ་ཀྱི་རྣམ་ཐར། དེ་སྲས་འཇམ་དཔལ་ནོར་བུའི་རྣམ་ཐར། དེ་སྲས་ཀུན་དགའ་རྒྱལ་མཚན་གྱི་རྣམ་ཐར། དེ་སྲས་ལྷའི་རྒྱལ་མཚན་གྱི་རྣམ་ཐར། དེ་སྲས་བཟང་པོ་ལྷུན་གྲུབ་ཀྱི་རྣམ་ཐར་ཏེ་ལེའུ་བརྒྱད་ཀྱི་ལུང་ཐོབ་པའི་བརྒྱུད་པ་ནི། མངའ་བདག་ཉི་མ་འོད་ཟེར། སྲས་འགྲོ་མགོན་ནམ་མཁའ་དཔལ། བློ་ལྡན་ཤེས་རབ། བདུད་འདུལ་འབུམ། མདོ་སྡེ་སེང་གེ །པདྨ་དངོས་གྲུབ། འཇམ་དཔལ་ནོར་བུ། ཀུན་དགའ་རྒྱལ་མཚན། ལྷའི་རྒྱལ་མཚན། ཉང་རྡོ་རྗེ་རྒྱལ་མཚན། དྷརྨ་ཀེ་ཏུ། ནམ་མཁའ་དཔལ། བཱི་མ་བུདྡྷ། གནམ་གོང་བཀྲ་ཤིས་དབང་ཕྱུག་རབ་གསལ་དགེ་བ། སངས་རྒྱས་གླིང་པའི་གདུང་བརྒྱུད་ཀརྨ་བྷ་དྲ། སྙེ་ཕུ་གྲུབ་མཆོག་བཟང་པོ། སྙེ་ཕུ་བ་རིག་འཛིན་སྙིང་པོ། ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་གྱི་བནྡེ་ལའོ།

འཕགས་མཆོག་སྤྱན་རས་གཟིགས་ཀྱི་རྒྱུད་ལུང་མན་ངག་ཐམས་ཅད་ཀྱི་སྙིང་པོ་དྲིལ་བའི་དབང་ལུང་རྣམས་ལེགས་པར་ནོས་པའི་སྐོར།

སྒོས་ཐེམས་ལས། དེའི་ཕྱིར་ཐུགས་རྗེ་ཆེན་པོ་ཡིཿ རྒྱུད་ལུང་མན་ངག་ཀུན་འདུས་པཿ འགྲོ་བ་འདུལ་

བའི་སྒྲུབ་ཐབས་བཞུགསཿ ཞེས་དང་། གནད་འདུས་ནོར་བུའི་འཕྲེང་བ་ལས། བདག་འདྲ་ཨོ་རྒྱན་པདྨ་འབྱུང་གནས་ཀྱིསཿ བཀའ་དང་བསྟན་བཅོས་མན་ངག་མཐའ་དག་ནསཿ ཚེགས་ཆུང་དོན་ཆེ་གནད་དུ་འགྲོ་བ་ཡིཿ མན་ངག་ཐམས་ཅད་ཁ་འཐོར་བཅུད་བསྡུས་ནསཿ བརྡ་དང་གབ་ཏུ་མ་བཅུག་ནོར་བུ་ལུགསཿ རིན་ཅེན་འཕྲེང་བ་ལྟ་བུར་བཀོད་པ་འདིཿ ད་ལྟའི་དུས་ན་རྗེ་འབངས་རྣམས་ལ་གཏདཿ འདི་ཉིད་སྤེལ་བའི་དུས་ལ་མ་བབས་པསཿ ཕྱི་རབས་དོན་དུ་རིན་ཅེན་གཏེར་དུ་སྦེདཿ ཅེས་འཕགས་མཆོག་སྤྱན་རས་གཟིགས་ཀྱི་རྒྱུད་ལུང་མན་ངག་ཐམས་ཅད་ཀྱི་སྙིང་པོ་དྲིལ་བ་གདུལ་བྱའི་ཁམས་དང་དབང་པོར་འཚམ་ཞིང་རྒྱ་ཆེ་བ་གཞན་དོན་དང་ཟབ་པ་རང་དོན་དུ་ཉམས་སུ་བླང་བདེ་བ་ཐུགས་རྗེ་ཆེན་པོ་འགྲོ་འདུལ་ཡིད་བཞིན་ནོར་བུར་གྲགས་པ་བླ་མ་མངའ་བདག་ཆེན་པོ་ཉང་གིས་བྲག་སྲིན་མོ་སྦར་རྗེས་ནས་གདན་དྲངས་པའི་སྐོར་ལ། དབང་གི་ལག་འཁྲིད་ཆེན་མོའི་སྟེང་ནས་ཚོམ་བུའི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི་དང་པོ་དབུ་རྒྱན། རྡོར་དྲིལ། ཤེལ་འཕྲེང་། ཆོས་དབྱུག །མིང་དབང་བཅས་པས་ཐུན་མོང་དང་རྣམ་རྒྱལ་གྱི་ཁྱད་པར་ཏེ་ཕྱི་བུམ་པའི་དབང་། གཉིས་པ་ནང་གསང་བའི་དབང་། གསུམ་པ་དེ་ཁོ་ན་ཉིད་ཀྱི་དབང་། བཞི་པ་ལྷ་དབང་། ལྔ་པ་སྔགས་དབང་། དྲུག་པ་ཆོས་དབང་། བདུན་པ་འཕྲིན་ལས་རྣམ་བཞིའི་དབང་། བརྒྱད་པ་རྡོ་རྗེ་སློབ་དཔོན་གྱི་དབང་རྣམས་ལེགས་པར་ནོས་ནས། རྒྱབ་རྟེན་ལུང་ལ་དཀར་ཆག་མཐོང་བ་དོན་ལྡན། དེ་ལས་བྱུང་བ་དང་ཐེམས་མེད་ལ། རྩ་བ་

རྒྱུད་ཀྱི་སྐོར། སྤྲོས་བཅས་སྒྲུབ་ཆེན་སྐོར། སྤྲོས་མེད་ཀུ་སུ་ལུའི་སྐོར། ཁོག་འབུབས་ཞལ་གདམས་སྐོར། ཉམས་ལེན་དམར་འཁྲིད་སྐོར། ཞི་ཁྲོའི་སྒྲུབ་པ་ཐོར་བུའི་སྐོར། བསྟན་སྲུང་སྐོར་དང་བདུན། དང་པོ་ལ། ཐུགས་རྗེ་ཆེན་པོ་འགྲོ་འདུལ་རྩ་བའི་རྒྱུད་ལ་ལེའུ་ཉི་ཤུ་རྩ་བདུན་པ། དེའི་ས་གཅོད་ཆིངས་ཀྱི་ཚོམ་ཞེས་པ་ས་བཅད། དེའི་བཤད་འགྲེལ་རིན་ཅེན་སྒྲོན་མེ། ཐུགས་རྗེ་ཆེན་པོ་རང་བྱུང་ཡེ་ཤེས་ཀྱི་རྒྱུད་ལེའུ་སོ་དགུ་པ། ཐུགས་རྗེ་ཆེན་པོའི་སྒྲུབ་ཐབས་ངེས་པར་སྟོན་པ་རང་བྱུང་ཡེ་ཤེས་ཕྱི་མའི་རྒྱུད་ལེའུ་སོ་དགུ་པ། ལྟ་བ་ཡང་ཐོག་གི་རྒྱུད་ལེའུ་བཅུ་གསུམ་པ། ལྟ་བ་ཡང་རྩེའི་རྒྱུད་ལེའུ་དགུ་པ། དོན་རྒྱུད་རྡོ་རྗེ་རྩེ་མོའི་རྒྱུད་ལེའུ་བཅུ་གཅིག་པ། ཐུགས་རྗེ་ཆེན་པོའི་ཐུགས་བརྒྱུད་ལེའུ་བདུན་པ། ཡི་གེ་དྲུག་པའི་དོན་རྒྱུད་ཉི་ཟླ་ལྟ་བུའི་གདམས་ངག་ཟབ་མོ་ལེའུ་ལྔ་བཅུ་པ། ཐུགས་རྗེ་ཆེན་པོའི་བཏགས་གྲོལ་གྱི་ཡོན་ཏན་འཁོར་ལོ་འདྲི་ཐབས་རབ་གནས་དང་བཅས་པ་རྣམས། གཉིས་པ་སྤྲོས་བཅས་སྒྲུབ་ཆེན་སྐོར་ལ། ཐུགས་རྗེ་ཆེན་པོ་རིགས་བསྡུས་འགྲོ་བ་འདུལ་བའི་དཀྱིལ་འཁོར་དུ་བསྙེན་སྒྲུབ་ཀྱི་རིམ་པ་ལག་ཏུ་བླང་བའི་ལག་འཁྲིད། ཐུགས་རྗེ་ཆེན་པོའི་དབང་གི་ལག་འཁྲིད་རྩ་བ་དང་ལག་ལེན་དངོས་སློབ་དཔོན་པདྨ་འབྱུང་གནས་ཀྱིས་ཇོ་མོ་མཁར་ཆེན་མཚོ་རྒྱལ་དང་ལྷ་སྲས་ཁྲི་སྲོང་ལྡེ་བཙན་ལ་བྲག་དམར་འོམ་བུའི་ཚལ་དུ་དབང་བསྐུར་བའི་ཕྱག་བཞེས་ཡི་གེར་བཀོད་པ། དབང་གི་ཆུ་བོ་བཞི་རྫོགས་རྒྱུན་མ་ཆད་པའི་ལོ་རྒྱུས་སྤྱི་དང་ཐུགས་རྗེ་ཆེན་པོའི་ཁྱད་པར་གྱི་དབང་གི་ཆུ་བོ་ཆེན་པོའི་ལོ་རྒྱུས། བུམ་སྒྲུབ་གཟུངས་ཆོག་རྩ་བ་དང་ལག་ལེན་གཉིས།

ཐུགས་རྗེ་ཆེན་པོའི་ཚེ་སྒྲུབ་རྩ་བ་དང་ལག་ལེན་གཉིས། སྨན་གྲུབ་རྩ་བ་དང་ལག་ལེན་གཉིས། གཏོར་སྒྲུབ་རྩ་བ་དང་ལག་ལེན་གཉིས། ལས་བཞིའི་སྦྱིན་སྲེག་རྩ་བ་དང་ལག་ལེན་གཉིས། བདུན་ཚིགས་རོ་སྦྱོང་རྩ་བ་དང་ལག་ལེན་གཉིས། གཤིན་ལ་ཕན་གདགས་པའི་རོ་སྒྲུབ་རྩ་བ་དང་ལག་ལེན་གཉིས། རོ་སྲེག་གི་ཆོ་ག་རྩ་བ་དང་ལག་ལེན་གཉིས། གྲི་འདུལ་གྱི་སྦྱོང་། རིགས་བསྡུས་ཀྱི་ལས་བྱང་ཆེ་བ་དུས་བཞིར་གཞུང་བསྲང་བ། བསྡུས་པ་གང་ཟག་བློ་དམན་འཇུག་པ་བདེ་བ། ཚོགས་མཆོད། ཕྱི་མཆོད་ཀྱི་རིམ་པ་རྩ་བ་དང་ལག་ལེན་གཉིས། གཏོར་མ་ཆ་བཞི་རྩ་བ་དང་ལག་ལེན་གཉིས་རྣམས། གསུམ་པ་སྤྲོས་མེད་ཀུ་སུ་ལུའི་སྐོར་ལ། ཕྱི་དྲུག་སྐོར། ནང་བཞི་སྐོར། གསང་བ་གསུམ་སྐོར། དེ་ཁོ་ན་ཉིད་གཅིག་སྐོར། ཡོངས་རྫོགས་ཕྱག་རྒྱ་རྐྱང་པ་དང་ལྔ། དང་པོ་ཕྱི་དྲུག་སྐོར་ལ། བརྡ་སྐོར་སྒྲུབ་སྐོར་གཉིས་ལས། དང་པོ་ལ་ཕྱི་པོ་ཏ་ལའི་རིའི་བརྡ་ཆོས་དྲུག་ཚན་གཉིས། ནང་ཐུགས་རྗེ་ཆེན་པོའི་སྐུའི་བརྡ་ཆོས་དྲུག་ཚན་གཉིས། གསང་བ་ཡི་གེ་དྲུག་པའི་བརྡ། ཆོས་དྲུག་ཚན་གཉིས་ཏེ་བརྡ་སྐོར་དྲུག་སྐོར་དུ་གདམས་པའོ། ༈ །གཉིས་པ་སྒྲུབ་སྐོར་དྲུག་ལ་སྒྲུབ་ཐབས་རྩ་བ་བསྡུས་པ་དང་མངོན་རྟོགས་རྒྱས་པ་གཉིས་སྤྱིར་བཏང་ནས། དེའི་བཟླས་རིམ་ལ་བདག་དོན་གྱི་བཟློས་པར། ཕྱི་ཐུབ་པ་དྲུག་སྦྱོང་དུ་བཟླ་བ་ལ་སྒྲུབ་ཐབས་དང་མངོན་རྟོགས་བཟླས་པ་དངོས་དང་གསུམ། ནང་བདེ་གཤེགས་དྲུག་སྦྱོང་། གསང་བ་མཁའ་འགྲོ་དྲུག་སྦྱོང་། ཡང་གསང་ཡི་གེ་དྲུག་སྦྱོང་། དེ་ཁོ་ན་ཉིད་སྐུ་དྲུག་སྦྱོང་། ཡོངས་སུ་རྫོགས་པ་ལྟ་དགོངས་དྲུག་སྦྱོང་དུ་

བཟླས་པ་རྣམས་སོ། །གཞན་དོན་དུ་བཟླས་པ་ལ་དྲུག་ཚན་གཉིས་ཏེ། འགྲོ་བ་རིགས་དྲུག་ལ་ཆོས་ཀྱི་འཁོར་ལོ་དུས་གཅིག་ཏུ་བསྐོར་བ། དབང་དུས་གཅིག་ལ་བྱ་བ། སྦྱིན་སྲེག་དུས་གཅིག་ལ་བྱ་བ། སྒྲིབ་པ་དུས་གཅིག་ལ་སྦྱོང་བ། ཁྲུས་དུས་གཅིག་ལ་བྱ་བ། འཁོར་དོང་དུས་གཅིག་ལ་སྤྲུག་པ། སྦྱིན་གཏོར་དུས་གཅིག་ལ་གཏོང་བ། ཆབ་གཏོར་དུས་གཅིག་ལ་གཏོང་བ། སྦྱིན་པ་དུས་གཅིག་ལ་གཏོང་བ། སྐྱེ་སྒོ་དུས་གཅིག་ལ་གཅད་པ། གཡང་ས་དུས་གཅིག་ལ་གཅད་པ། བྱང་ཆུབ་ལམ་ལ་དུས་གཅིག་ཏུ་འདྲེན་པ་རྣམས་སོ། །ཁྱད་པར་གནད་ཀྱི་གདམས་པ་དྲུག །ཀུན་ལས་ཁྱད་པར་འཕགས་པའི་ཆོས་དྲུག །གཏན་ཚིགས་རྒྱུ་མཚན་གྱི་གདམས་པ་དྲུག །ཤེས་བྱ་དོན་བསྡུས་ཀྱི་གདམས་པ་དྲུག །ངོ་སྤྲོད་མཚང་གི་གདམས་པ་དྲུག །སྤྱིའི་ཞལ་གདམས་སུ་ཆོས་བཞི་གཟུང་བ་ལ་གསུམ་དང་རང་ལ་བསྐུལ་མ་གདབ་པ་ལ་གསུམ་སྟེ་དྲུག །གཞན་དོན་གསུམ་དང་མོས་གུས་ལ་གསུམ་སྟེ་དྲུག །གནས་བསྒྱུར་ལ་གསུམ་དང་གཞུང་གཟུང་བ་ལ་གསུམ་སྟེ་དྲུག །དོན་ལ་བལྟ་བ་ལ་གསུམ་དང་འགྲོ་དོན་ལ་གསུམ་སྟེ་དྲུག་རྣམས་བསྡོམས་པའོ། ༈ །དྲུག་པ་དྲུག་གསུམ་བཅོ་བརྒྱད་ཀྱི་གདམས་པ་ཞེས་བྱ་བ་ཡར་ལྟ་བ་ལ་འབྱམས་སུ་མི་གཞུག་པའི་ཆོས་དྲུག །བར་བཏང་སྙོམས་ཐ་མལ་དུ་མི་གཞུག་པའི་ཆོས་དྲུག །མར་རྒྱུ་འབྲས་ལ་ཟགས་སུ་མི་གཞུག་པའི་ཆོས་དྲུག་རྣམས་དང་། སྔ་མ་དང་མི་གཅིག་པའི་ཁྱད་པར་གནད་ཀྱི་གདམས་པ་དྲུག །སྒྲུབ་པའི་གནད་དྲུག་རྣམས་སོ། །གཉིས་པ་ནང་བཞི་སྐོར་ལ། སྒྲུབ་ཐབས་རྩ་བ།

མངོན་རྟོགས་ལག་ལེན་ནམ་སྒྲུབ་ཁོག་ཆེན་མོ། འཕྲིན་ལས་རྣམ་བཞིའི་ཚོགས་འཁོར། འཕྲིན་ལས་རྣམ་བཞིའི་གཏོར་མ་རྣམས། དེ་ཡང་དོན་བསྟོད་རྟགས་བསྟོད་གསོལ་བཏབ་ལྷ་བཞིའི་བསྟོད་པ་རྣམས་ནི་སྒྲུབ་ཁོག་ན་གསལ་བ་ལས་ལོགས་སུ་གཞན་མེད་ཅེས་ཁོག་འབུབས་སུ་འདུག་གོ །ལས་ཚོགས་ལ་འཕྲིན་ལས་རྣམ་བཞིའི་སྦྱིན་སྲེག །འཕྲིན་ལས་རྣམ་བཞིའི་དབང་བསྐུར། །ཕྲིན་ལས་རྣམ་བཞིའི་འཛབ་དགོངས། འཕྲིན་ལས་རྣམ་བཞིའི་ལས་ཚོགས་དང་བཞི། ལས་ཚོགས་ལ་ནང་གསེས་གྱིས་དབྱེ་ན། ཞི་བའི་ལས་ཚོགས་ཉེར་ལྔ་ལ། ནད་ཀུན་ཞི་བ། བགེགས་ཞི་བ། རྦོད་གཏོང་ཞི་བ། དུས་མིན་འཆི་བ་བཟློག་པ། གཟའ་སྐར་ངན་པ་བཟློག་པ། ལྟས་ངན་ཞི་བ། རྨི་ལམ་ངན་པ་ཞི་བ། མཐུ་ཞི་བ། རྒྱལ་པོའི་ཆད་པ་ཞི་བ། དམག་ཚོགས་ཞི་བ། མེའི་འཇིགས་པ་ཞི་བ། ཆུའི་འཇིགས་པ་ཞི་བ། མཁྲིས་ནད་ཞི་བ། ཁྲག་ནད་ཞི་བ། ལྷོག་པ་དང་སྐྲངས་འབུར་ཞི་བ། ཕོ་ལོག་ཞི་བ། གླང་ཐབས་ཞི་བ། ཆུ་འགགས་ཞི་བ། ལུས་ནད་ཞི་བ། ཕྱུགས་ནད་བསྲུང་བ། གནག་ནད་བསྲུང་བ། ར་ནད་བསྲུང་བ། རྟ་ནད་བསྲུང་བ། བྱ་ནད་བསྲུང་བ། ཁྱི་ནད་བསྲུང་བ་རྣམས་སོ། །རྒྱས་པའི་ལས་ཚོགས་བཅུ་གཉིས་ལ། བསོད་ནམས་རྒྱས་པ། ཚེ་རྒྱས་པ། རིགས་བརྒྱུད་རྒྱས་པ། ལོངས་སྤྱོད་རྒྱས་པ། རིན་ཅེན་རྒྱས་པ། སྨན་རྒྱས་པ། ཟས་བཅུད་རྒྱས་པ། འབྲུ་རྒྱས་པ། ཕྱུགས་རྒྱས་པ། རྟ་རྒྱས་པ། ར་ལུག་རྒྱས་པ་རྣམས་སོ། །དབང་གི་ལས་ཚོགས་བདུན་ལ། ལྷ་འདྲེ་དྲེགས་པ་ཅན་དབང་དུ་བསྡུ་བ། ཀླུ་དབང་དུ་བསྡུ་བ། རྒྱལ་པོ་དབང་དུ་བསྡུ་བ། མ་མོ་དམ་

སྲི་བསེན་མོ་དབང་དུ་བསྡུ་བ། རྒྱལ་པོ་དང་བཙུན་མོ་དབང་དུ་བསྡུ་བ། རྗེ་དཔོན་ལ་སོགས་པ་དབང་པོ་ཆེ་ཐམས་ཅད་དབང་དུ་བསྡུ་བ། བུ་མོ་དབང་དུ་བསྡུ་བ་རྣམས་སོ། །དྲག་པོའི་ལས་ཚོགས་བདུན་ནི། གསད་པ། བསྲེག་པ། གནོན་པ། གཟིར་ཞིང་བསྐྲད་པ། བཟློག་ཅིང་གསད་པ། རེངས་ཤིང་ལྐུགས་སུ་གཞུག་པ། དབྱེ་ཞིང་གསད་པ་རྣམས། གོང་འོག་ཀུན་ཏུ་དགོས་པ་འཕྲིན་ལས་བཞིའི་བསྟོད་པ་རྣམས་སོ། ༈ །གསུམ་པ་གསང་བ་གསུམ་སྐོར་ལ། ཕྱི་བསྐྱེད་རིམ། ནང་བཟླས་རིམ། གསང་བ་རྫོགས་རིམ་གསུམ་རྩ་བ་བསྡུས་པ་དང་ལག་ལེན་མངོན་རྟོགས། རྟེན་འབྲེལ་གྱི་ལས་ཁ་ཚར་ལ་བརྟེན་ནས་ཚོགས་གསོག་པའི་རིམ་པ་ལ། མཆོད་བསྟོད་ཀྱི་རིམ་པ། སྔོན་འགྲོ་ཡན་ལག་བདུན་པ། རབ་གནས་དང་གསུམ། གསོན་ལ་ཕན་འདོགས་པའི་ཆོས་གསུམ་ལ། བཟླས་ལུང་འབོགས་པ། དབང་བསྐུར། སྦྱིན་སྲེག་དང་གསུམ། གཤིན་ལ་ཕན་འདོགས་པའི་ཆོས་གསུམ་ལ། སྦྱིན་སྲེག །རོ་སྦྱོང་བུམ་ཁྲུས་དང་གསུམ། ནད་པར་ཕན་འདོགས་པའི་ཆོས་གསུམ་ལ། དབྱུག་འཆོས། ནད་འདོན། བསྲུང་འཁོར་གསུམ། ལུས་ཀྱི་ཆོས་སྤྱོད་གསུམ་ལ། ཕྱག །སྐོར་བ། སྤྱོད་ལམ་གསུམ། ངག་གི་ཆོས་སྤྱོད་གསུམ་ལ། གསོལ་འདེབས་བསྟོད་པ་བཟླས་པ་གསུམ། ཡིད་ཀྱི་ཆོས་གསུམ་ལ་བསྐྱེད་རིམ་རྫོགས་རིམ་བསྐྱེད་རྫོགས་ཟུང་འཇུག་དང་གསུམ། ཡང་གསང་ཁྱད་འཕགས་ཀྱི་ཆོས་ལ། སྟོང་པ་སྙིང་རྗེ་ཟུང་འཇུག་གསུམ། ཁྱད་པར་གྱི་གདམས་པ་གསུམ་ལ། ལྟ་བ་སྒོམ་པ་སྤྱོད་པ་གསུམ། རྫོགས་རིམ་གྱི་ཟབ་གནད་རྩ་དང་རླུང་དང་ཐིག་ལེ་སྦྱང་

བ་གསུམ། འདའ་ཀ་མའི་ཟབ་ཁྱད་འཕོ་བ་ཕྱི་ནང་གསང་གསུམ། བར་དོ་མེད་པར་འཚང་རྒྱ་བའི་གནད་བར་དོ་ཕྱི་ནང་གསང་གསུམ། བར་དོ་ངོས་འཛིན་པའི་ཐབས་གཉིད་དང་འོད་གསལ་རྨི་ལམ་གསུམ། ཕྱི་ལྟར་སྒྱུ་ལུས། ནང་ལྟར་འོད་གསལ། གསང་བ་ལྟར་བསྲེ་བའི་མན་ངག་དང་གསུམ། བསྐྱེད་རྫོགས་ལ་གཅེས་པ་རླུང་སེམས་བསྲེ་བ་ཕྱི་ནང་གསང་གསུམ། རླུང་གནད་ཀྱི་ཏིང་འཛིན་ཟས་སུ་ཟ་ཞིང་འཆི་བ་བླུ་བ་ཕྱི་ནང་གསང་གསུམ། ཐུན་མཚམས་ཀྱི་བྱ་བའི་ཆོས་སྤྱོད་གསུམ་ལ། ཟས་ཀྱི་རྣལ་འབྱོར། སྐོམ་གྱི་རྣལ་འབྱོར། གཏོར་མའི་རྣལ་འབྱོར་གསུམ། ལྷག་མ་གསུམ་ལ་ཟས་ལྷག །སྐོམ་ལྷག །ཟན་བརྫིས་ཤུལ་བྱིན་པ་དང་གསུམ། ཆུའི་ཚོགས་གསོག་གསུམ་ལ། ཁྲུས། ཛམྦྷ་ལའི་ཆུ་སྦྱིན། འཇུར་བགེགས་ཀྱི་ཆུ་སྦྱིན་དང་གསུམ། རྟེན་གྱི་ཚོགས་གསོག་ལ། མཎྜལ་སཱཙྪ་སྐུ་ཁྲུས་གསུམ། སྤྱོད་ལམ་གྱི་རྣལ་འབྱོར་ལ། འགྲོ་བའི་རྣལ་འབྱོར་གསུམ། འདུག་པའི་རྣལ་འབྱོར་གསུམ། ཉལ་བའི་རྣལ་འབྱོར་གསུམ། ལྡང་བའི་རྣལ་འབྱོར་གསུམ་རྣམས། བཞི་པ་དེ་ཁོ་ན་ཉིད་གཅིག་སྐོར་ལ།སྒྲུབ་ཐབས། མངོན་རྟོགས། རྒྱུན་མཆོད། གསོལ་འདེབས། བསྟོད་པ། རྒྱུན་བཤགས། མཎྜལ། སེམས་བསྐྱེད། སྐྱབས་འགྲོ། སྒྲིབ་སྦྱོང་། སྐོར་བ། སཱཙྪ། སྦྱིན་སྲེག །ཟས་སྐོམ། གཏོར་མ། ཆུ་གཏོར། ཟག་པ་དང་ལྷག་མ་སྦྱིན་པ། སྐུ་ཁྲུས། རིན་པོ་ཆེའི་རྒྱུན་མཆོད། སྣང་བ་ཚོགས་ལམ། བཟླས་ལུང་བླང་བ། དབྱུག་བཅོས། ནད་པ་ལ་བྱིན་རླབས། ནད་འདོན། བསྲུང་འཁོར་བསྲུང་སྐུད། སྲིའུ་གསོ་བ། ས་བདག་གདོན་འགྲོལ། སྨྱོ་བོག་ཞི་བ། ཡམས་ནད་བསྲུང་བ་དང་གསོ་བ། ཆུ་དང་

ཤྭ་འོད་སེར་བསྲུང་། བྱད་ཁ་རྦོད་གཏོང་བཟློག་པ། ཟས་ནོར་སྤེལ་བ། ཚེ་དང་བསོད་ནམས་སྤེལ་བ། རིགས་བརྒྱུད་སྒྲུབ་པ། དབང་སྡུད། ཚར་གཅོད། གནག་རྟ་ལུག་གསུམ་སྤེལ་བ། འབྲུ་དང་སྲིས་སྤེལ་བ། ཆོས་དང་མི་འདུ་ཐབས། མཁའ་སྤྱོད་སྒྲུབ་པ། བཅུད་ལེན། ས་སྤྱོད་སྒྲུབ་པ། མི་རྟོག་པ་ཟས་སུ་ཟ་བ། རླུང་ཟས་སུ་ཟ་བ། བྱིན་རླབས་ཟས་སུ་ཟ་བ། མཚན་བཅས་སྐུ་ལ་སེམས་སྦྱངས་ཏེ་རིམ་གྱིས་འཚང་རྒྱ་ཐབས། ལྟ་སྒོམ་སྤྱོད་པའི་སྒོ་ནས་ཅིག་ཆར་འཚང་རྒྱ་ཐབས། ཐ་མལ་པ་རྣམས་བྱང་ཆུབ་ལམ་སྣ་གཟུང་བ་རྣམས། ལྔ་པ་ཕྱག་རྒྱ་རྐྱང་པའི་སྐོར་ལ། སྒྲུབ་ཐབས། ཉམས་ལེན། ལྟ་སྒོམ་གྱི་ཞལ་གདམས། གསོལ་འདེབས། ཡོན་ཏན་བརྗོད་པ། ཆོས་སྤྱོད་མཎྜལ། སཱཙྪ། སེམས་བསྐྱེད། སྐྱབས་འགྲོ། ལྷ་ཕྱག །ཟས་སྒོམ་གྱི་རྣལ་འབྱོར། གཏོར་མ། ཆུ་གཏོར། དབྱུག་བཅོས། བསྐྱེད་རྫོགས་ཟུང་འཇུག་གི་སྒྲུབ་ཐབས། ཐུགས་རྗེ་ཆེན་པོའི་སྐུ་གསུང་ཐུགས་ཕྱག་རྒྱ་རྐྱང་པའི་སྒྲུབ་ཐབས། ཡང་སློབ་དཔོན་པདྨའི་ཐུགས་བཅུད་ཕྱུང་བའི་ཕྱག་རྒྱ་རྐྱང་པའི་སྒྲུབ་ཐབས་རྣམས། བཞི་པ་ཁོག་འབུབས་ཞལ་གདམས་སྐོར་ལ། གོང་དུ་བཤད་པའི་དྲུག་སྐོར་བཞི་སྐོར་གསུམ་སྐོར་ཆིག་སྐོར་རྣམས་ཀྱི་ས་བཅད་ཀྱི་ཚུལ་དུ་ཁོག་འབུབས་པ་ལོ་རྒྱུས་དང་བཅས་པ། ཐུགས་རྗེ་ཆེན་པོའི་ཞལ་གདམས་ཉི་ཤུ་རྩ་གཅིག་པ། ལྔ་པ་ཉམས་ལེན་དམར་འཁྲིད་སྐོར་ལ། ཁྱད་པར་གྱི་དམར་འཁྲིད་རིན་ཅེན་འཕྲེང་བ། ལམ་རིམ་གནད་འདུས་རིན་ཅེན་འོད་ཀྱི་ཕུང་པོའམ་གནད་འདུས་ནོར་བུའི་འཕྲེང་བ་དང་བཅས་པ། དྲུག་པ་ཞི་ཁྲོའི་སྒྲུབ་པ་ཐོར་བུའི་སྐོར་ལ། ཐུགས་རྗེ་ཆེན་པོའི་

བསྙེན་སྒྲུབ་སྒྲུབ་པ་ཆེན་པོ་ལ་བརྟེན་ནས་བུད་མེད་དབང་དུ་བསྡུ་བ། ཐུགས་རྗེ་ཆེན་པོ་འཇིག་རྟེན་དབང་ཕྱུག་སྐུ་མདོག་དམར་པོའི་བསྙེན་སྒྲུབ་ལས་སྦྱོར་ལ་བརྟེན་ནས་འཇིག་རྟེན་དབང་དུ་བསྡུ་བ། ཡུམ་ལ་བརྟེན་ནས་མཁའ་འགྲོ་བསྒྲུབ་པ་རྣམས་ཀྱི་ཞི་བའི་ཆོས་སྐོར་ཚང་ངོ་། །ཁྲོ་བོའི་སྐོར་ལ་རྟ་མགྲིན་གྱི་སྐུ་གསུང་ཐུགས་ཀྱིས་རང་བྱིན་གྱིས་བརླབ་པའི་སྒྲུབ་ཐབས་རྩ་བ། ལག་ལེན་མངོན་རྟོགས། མཐའ་རྟེན་གདམས་ངག་གི་གནད་བྲག་ཕུག་ཞྭ་ལྟར་གྱོན་པ། འཛབ་བསྙེན་ཆུ་བོའི་གཞུང་ལྟར་འདྲེན་པ། གཏོར་ཚོགས་རི་ལྟར་སྤུངས་པ་གསུམ་དང་བཅས་པའི་ཤིན་ཏུ་ངོ་མཚར་བ། རྟ་མགྲིན་དྲེགས་པ་ཚར་གཅོད་ཀྱི་ཕུར་སྒྲུབ་དབང་མཆོག་དང་བཅས་པ་ཤིན་ཏུ་རྒྱས་པ། ཐུགས་རྗེ་ཆེན་པོ་ཞི་ཁྲོའི་མདོས་སྐོང་རྩ་བ་དང་ལག་ལེན་གཉིས། འདིར་ཤག་གི་གཏོར་མ་ཡིན་ཀྱང་བླ་མ་མངའ་བདག་ཆེན་པོར་བཀའ་བབས་པས་འདིའི་ཆོས་སྡེར་ཡོད་དོ། ༈ །བདུན་པ་བསྟན་བསྲུང་སྐོར་ལ། ཐུགས་རྗེ་ཆེན་པོའི་བསྟན་བསྲུང་ཨ་པ་ར་ཙིཏྟའི་ནོར་བདག་གསང་རྒྱུད་ལེའུ་བཅུ་པ། ཨ་པ་ར་ཙིཏྟའི་གསང་རྒྱུད་ཕྱི་མ་ལེའུ་ལྔ་པ། གནོད་སྦྱིན་སྙིང་སྒྲུབ། གནོད་སྦྱིན་གྱི་དངོས་གྲུབ་སྒྲུབ་ཐབས་ལག་ལེན་བཀོད་པ། གནོད་སྦྱིན་རིན་པོ་ཆེ་དངོས་གྲུབ་བཟང་པོའི་གསང་སྒྲུབ་རྣམས་སོ། །ད་དུང་གནོད་སྦྱིན་གྱི་སྐོར་ལ་ཆོས་ཀ་ཁ་ཡར་ཡོང་ཚོད་དུ་འདུག་ཀྱང་ཁོ་བོས་ནོས་པ་ནི་བཤད་མ་ཐག་པ་རྣམས་ཡིན་ལ། དེ་དག་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། མཚན་ལྡན་

མངའ་བདག་རིན་པོ་ཆེ། མངའ་བདག་འགྲོ་བའི་མགོན་པོ། མངའ་བདག་བློ་ལྡན། མངའ་བདག་བདུད་འདུལ། མངའ་བདག་མདོ་སྡེ་སེང་གེ །མངའ་བདག་པདྨ་དངོས་གྲུབ། མངའ་བདག་འཇམ་དཔལ་ནོར་བུ། མངའ་བདག་ཀུན་དགའ་རྒྱལ་མཚན། མངའ་བདག་ནོར་བུའི་མཚན་ཅན། མངའ་བདག་ཀུན་དགའ་འོད་ཟེར། མངའ་བདག་ཀུན་དགའ་འཕེལ། མངའ་བདག་ཀུན་དགའ་ལྷུན་གྲུབ། རིག་འཛིན་ལྷ་བྲེ་བ་ཀརྨ་གུ་རུ། རང་གྲོལ་གྱི་རྣལ་འབྱོར་པ་ནམ་མཁའ་ཆོས་དབང་། ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་སྲས་མི་བསྐྱོད་རྡོ་རྗེ་ཡན་གོང་ལྟར་ལ། དེ་ནས་འཁྲུལ་ཞིག་མདོ་བོ་རས་པ། དབུས་པ་བྲག་གསུམ་པ། མངའ་རིས་དཔལ་ལྡན་སེང་གེ །བླ་མ་བསམ་གྲུབ་རྒྱལ་མཚན། གྲུབ་ཆེན་དཀོན་ཅོག་མགོན་པོ། མངའ་རིས་པཎ་ཆེན་རིན་པོ་ཆེ་པདྨ་དབང་རྒྱལ། མངའ་བདག་ཀུན་དགའ་ལྷུན་གྲུབ་མན་གོང་ལྟར་རོ། ༈ །ཡང་ཐུགས་རྗེ་ཆེན་པོའི་ཡུམ་བཀའ་མཁའ་འགྲོ་གསང་སྐོར་ལ་གཞི་ལམ་འབྲས་བུའི་ལག་འཁྲིད་སྙན་བརྒྱུད་རིན་ཅེན་སྒྲོན་མ་ཞེས་པ་ལེའུ་དང་པོ་གཞི་སྣང་ཚུལ་གནས་ལུགས་གཏན་ལ་དབབ་པ། ལེའུ་གཉིས་པ་མཁའ་འགྲོ་གསང་བའི་ལྟ་བ་གཏན་ལ་དབབ་པ། ལེའུ་གསུམ་པ་སྔོན་དུ་འགྲོ་བ་སྤྱི་འགྲོ་གནད་ཀྱི་གདམས་པ་བསྟན་པ། ལེའུ་བཞི་པ་ལམ་ཉམས་སུ་ལེན་པའི་ཐབས་ཀྱི་རིམ་པ་བསྟན་པ། ལེའུ་ལྔ་པ་འབྲས་བུ་ཟད་སར་སྐྱེལ་བ་བསྟན་པ། བྱིན་རླབས་ཀྱི་རྩ་བ་གསང་བ་ཡེ་ཤེས་མཁའ་འགྲོ་མའི་སྒྲུབ་ཐབས་ལེའུ་བཅུ་གཅིག་པ།
གསང་བ་ཡེ་ཤེས་ཀྱི་དབང་སྨིན་ལམ་རིམ་པ་དབང་གི་ལས་ཞེས་བྱ་བ། དཀར་མོ་སྐུའི་བསྙེན་སྒྲུབ། དམར་མོ་གསུང་གི་སྒྲུབ་པ། ནག་པོ་ཐུགས་ཀྱི་སྒྲུབ་པ་དམར་འཁྲིད་རིན་ཅེན་འཕྲེང་བ། ཐབས་ལམ་པདྨ་བཅུད་བསྡུས་རྣམས་ལེགས་པར་ཐོབ་པའི་བརྒྱུད་པ་ཡང་གོང་ལྟར་རོ། །མཁའ་འགྲོ་གསང་སྐོར་གྱི་ཆོས་བཀའ་ཆ་ཚང་བ་ལ་ད་དུང་རེ་མང་དགོས་ཡོད་འདུག་ཀྱང་རེ་ཞིག་དེ་ཙམ་མོ།

པདྨ་དབང་ཆེན་ཡང་གསང་ཁྲོས་པ་ཁྲག་འཐུང་ལྷ་དགུའི་ཆོས་སྐོར་གྱི་དབང་ལུང་རྗེས་གནང་ཇི་ལྟར་ནོས་ཚུལ་སྐོར།

བླ་མ་མངའ་བདག་ཆེན་པོས་སྤྱན་དྲངས་པའི་པདྨ་དབང་ཆེན་ཡང་གསང་ཁྲོས་པ་ཁྲག་འཐུང་ལྷ་དགུའི་ཆོས་སྐོར་ལ། ཐོག་མར་རས་བྲིས་ཀྱི་དཀྱིལ་འཁོར་ལ་བརྟེན་ནས་སྨིན་བྱེད་ཀྱི་དབང་ལེགས་པར་མནོས་ནས། ལུང་ལ་རྒྱུད་ལེའུ་བཅུ་གསུམ་པ། དེའི་སྐབས་སྤྱོད་དོན་འགྲེལ་ཨོ་རྒྱན་ཆེན་པོས་མཛད་པ། ས་བཅད་དཔལ་སེང་པས་མཛད་པ། ཨོ་རྒྱན་ཆེན་པོས་མཛད་པའི་དབང་། སྒྲུབ་པ་ཚེ་སྦྱིན་སྲེག་རབ་གནས། གནས་ལུང་གི་བྱང་བུ། སློབ་དཔོན་པདྨ་བཟང་པོའི་རྣམ་ཐར། རྒྱན་འགོད་རྒྱལ་མཐོ་དམ་སྲི་སྒོ་བྱང་ཆག་ཆག་ཐིག་ཚོན་མཆོད་གཏོར་སོགས་སྔོན་འགྲོའི་སྐོར། སྒྲུབ་པའི་ཐོ་ཡིག་མུས་སྲད་པས་མཛད་པ། རྩ་བརྒྱད་སྟོང་སྦྱར་གྱི་ངོས་འཛིན། དབང་ཆོག་བདེ་ཆེན་མྱུ་གུ། ལྷ་དབང་རྫས་དབང་གི་ཡི་གེ །མུས་སྲད་པས་མཛད་པའི་ཚེ་དབང་གི་ཡི་གེ །ཚེ་བཀྲ་བརྟག་པ། བརྒྱུད་འདེབས་དངོས་གྲུབ་གཏེར་མཛོད། དཔའ་གཅིག་མངོན་རྟོགས་བླ་མའི་གསུང་ལྟར་བྲིས་པ། ཡབ་ཡུམ་རྐྱང་སྒྲུབ་ཀྱི་སྒྲུབ་ཐབས་ཨོ་རྒྱན་གྱིས་མཛད་པའི་འཕྲིན་ལས། དེའི་བསྡུས་དོན། དུས་གསུམ་སངས་རྒྱས་ཀྱི་བསྟོད་པ། རྟགས་བསྟོད། ཁྱུང་བསྟོད། བཀྲ་ཤིས་

ཚིགས་བཅད་བརྒྱད་པ། སྨན་རག་གཏོར་གསུམ་བྱིན་རློབ། བྱིན་འབེབས་ཀྱི་དམིགས་པ། མུས་སྲད་པས་མཛད་པའི་ཚོགས་མཐའ་མའི་ལག་ལེན། དེས་མཛད་པའི་སྤྱི་བསྐུལ་གསུམ། དེས་མཛད་པའི་གསེར་སྐྱེམས་རྒྱས་བསྡུས། གཉེན་པོ་ཡུངས་ཀར་སྒྲོལ་གྱིང་གི་ཕོ་ཉ། གུན་དབབ། ལྷ་དབྱེ། ཁྲག་ཟོར། སྒོ་དབྱེ། ཟོར་འཕང་། དབང་པོ་རབ་འབྲིང་ཐ་གསུམ་བརྟུལ་ཞུགས་དང་བཅས་པའི་བྲོ། སྦྱིན་སྲེག་དོན་བཅུ་གཅིག་མ། གནས་བྱང་གི་ཌཱིཀྐ་ཉི་མའི་འོད་ཟེར་མུས་སྲད་པའི་སྒོམ་ཁོག་རིན་ཅེན་འཕྲེང་བ། སྦས་པ་མིག་འབྱེད་ལ་ལས་ཚོགས་ལྔ་བཅུ་རྩ་གསུམ། ལས་ཕྲན་ལ་ཆུ་དང་ཕྱེའི་དཀའ་ཐུབ། གཏོར་མའི་ལས་ཚོགས་བཅུ་བདུན། བསྲུང་བ། བསྙེན་ཚད། གདོན་རྟགས། སྔགས་ཆུ། བསྲུང་སྐུད། ཆུ་བྱེ་མས་བསྲུང་བ། ནད་འདོན། མནན་པ། མིག་མཐོང་། འཁོར་ལོ་ཁ་སྦྱོར་གྱིས་བགེགས་འདུལ། རྒྱལ་འགོང་དང་བདུད་འདུལ་པ། གཟིར་བ། མནན་པ། བྱུག་པ། མཛེ་བརྟག་པ། ཆུ་སྲིན་གསད་པ་དང་ཁོང་བུར་གཞུག་པ། སྲིའུ་གསོ་བ། གཤེན་པོ་འདྲེར་མི་ཡོང་བ། འཛུལ་ཆོག །ལམ་བསྲུང་། སེར་བསྲུང་བཀའ་རྒྱ་མའི་སྐོར། ཐུན་ཟོར། གཏའ་མའི་ལས་རིམ་གྱིས་སེར་བ་དབབ་ཐབས་བཅུ་གཉིས། སྔགས་གཤམ་འདོགས་ཚུལ་དང་གྱིང་ལྔ་སྲོག་གཅོད་ཀྱི་མན་ངག་བཻ་རོའི་ཞལ་ཁྲིགས། མཆོག་སྒྲུབ་ལ། ལྔ་འཁྲིད་སེམས་གཟུང་། ལྷ་བརྟག །གཏུམ་མོ། རྟ་སྐད་ཐེངས་གཅིག །བསྐྱེད་རྫོགས་ཟུང་འཇུག །དངོས་གྲུབ་སྤྱོད་པ། དུག་གསུམ་ལམ་སློང་། སྡོམ་པ་དམ་ཚིག་དངོས་གྲུབ་ཡང་དག་ལྟ་བ་རྣམས་ཀྱི་ཤོག་དྲིལ། རྫོགས་རིམ་

ཡེ་ཤེས་གསང་ལམ། པདྨ་གསང་ལམ་གྱི་ཉམས་ལེན་གུ་རུས་ཆོས་རྒྱལ་ལ་གསུངས་པ་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་པདྨ་དབང་ཆེན། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ལོ་ཆེན་རྣམ་པར་སྣང་མཛད། ཚངས་པ་ལྷའི་མེ་ཏོག །གཏེར་སྟོན་ཉི་མ་འོད་ཟེར། ཤེ་མ་འོད་འབྱུང་། གྲུབ་ཐོབ་འདར་ཕྱ་རུ་བ་རིན་ཅེན་བཟང་པོ། ཆོས་རྒྱལ་བོ་དོང་རིན་ཅེན། ཉན་ཆེན་བསོད་ནམས་བརྟན་པ། མཁན་ཆེན་ཆོས་རྒྱལ་དཔལ་བཟང་། ཀུན་མཁྱེན་དཔལ་ལྡན་སེང་གེ །ཆོས་རྗེ་བསོད་ནམས་བཟང་པོ། དགྲ་བཅོམ་པ་ཡོན་ཏན་བློ་གྲོས། བྲག་ནག་པ་བདེ་ལེགས་རྒྱལ་མཚན། གྲུབ་ཆེན་བེ་ཕུག་པ་བདེ་ལེགས་རྒྱལ་མཚན། དབང་ཆེན་ཞལ་གཟིགས་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས་བཀྲ་ཤིས། འཇམ་དབྱངས་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རྡོ་རྗེ་འཆང་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ༈ །བླ་མ་མངའ་བདག་ཉང་གིས་ལྷོ་བྲག་མཁོ་མཐིང་ལྷ་ཁང་ནས་གདན་དྲངས་པའི་རྟ་མགྲིན་བདེ་གཤེགས་འདུས་པའི་སྨིན་བྱེད་ཀྱི་དབང་ལེགས་པར་མནོས་ནས། ལུང་ལ་བདེ་གཤེགས་གཅིག་དྲིལ་གི་མན་ངག་ཟབ་མོ། སྒོམ་ཁོག །དབང་མཆོག །ལོ་རྒྱུས་ལས་འཕྲོས་པའི་བདེ་གཤེགས་གཅིག་དྲིལ་དྲེགས་པ་ཀུན་སྒྲོལ། རླུང་མེའི་དམིགས་རིམ་དང་། ཕུར་ཆུ་ལུངས་

ཐལ་གྱི་སེར་བསྲུང་། གཏོར་མ། གཉེན་པོའི་རྫས། བསྙེན་སྒྲུབ་ལས་གསུམ་གྱི་རྫས། ལས་སྦྱོར་རྣམ་གསུམ། བསྲུང་ཟློག་གསོ་བའི་ལས། བདེ་འདུས་ཀྱི་དྲག་སྔགས། ལས་རིམ་རྣམ་བརྒྱད། བསྙེན་པ། ཆོས་སྐྱོང་དང་སྡེ་བརྒྱད་བསྐུལ་བ། ཀླུ་དང་དགྲ་བགེགས་དམ་སྲི་འདུལ་བ། རྦོད་གཏོང་བཟློག་པ། རང་བསྲུང་། སྲིའུ་གསོ་བ། སྨྱོ་འབོག་དང་འདྲེ་ངན་འདུལ་བ། ཞོ་ཆང་བསྲུང་བ། གདོན་རིམས་བསྲུང་བ་རྣམས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་པདྨ་དབང་ཆེན། སྤྲུལ་སྐུ་པདྨ་ཐོད་འཕྲེང་། མཁར་ཆེན་བཟའ་མཚོ་རྒྱལ། མངའ་བདག་ཁྲི་སྲོང་ལྡེ་བཙན། ཉང་ཉི་མ་འོད་ཟེར། ཤེ་མ་འོད་འབྱུང་འདར་ཕྱ་རུ་བ་རིན་ཅེན་བཟང་པོ། བོ་དོང་རིན་པོ་ཆེ། ཉན་ཆེན་བསོད་ནམས་བརྟན་པ། བྲག་རམ་པ་ཆོས་རྒྱལ་དཔལ་བཟང་། ཀུན་མཁྱེན་དཔལ་ལྡན་སེང་གེ །བླ་མ་རིན་ཅེན་བཀྲ་ཤིས། རྟོགས་ལྡན་ཡོན་ཏན་མགོན་པོ། རྭ་བན་ཆོས་དཔལ་བཟང་པོ། བྱམས་པ་རྡོ་རྗེ་རྒྱལ་མཚན། མཉམ་མེད་དཀོན་ཅོག་དཔལ་བཟང་། ནུབ་དགོན་པ་བྱམས་པ་ཆོས་རྒྱན། ཐུགས་སྲས་བློ་གྲོས་རྒྱལ་མཚན། རྗེ་བྱམས་བཟང་པོ། སྤྲུལ་སྐུ་ཤཱཀྱ་རྒྱལ་མཚན། རྒྱལ་སྲས་བདེ་བ་བཟང་པོ། དེས་བདག་ཟ་ཧོར་བནྡེ་ལའོ། ༈ །བླ་མ་མངའ་བདག་ཆེན་པོས་བསམ་ཡས་མཆོད་རྟེན་ནག་པོ་ནས་སྤྱན་དྲངས་པའི་རྟ་མགྲིན་ལྕགས་རལ་ཅན་ཡང་ཆུང་ནག་པོ་དཔའ་བོ་གཅིག་སྒྲུབ་ཀྱི་སྐོར་ལ། ཐོག་མར་སྐུ་གླེགས་བམ་ཕུར་བུ་གསུམ་ལ་བརྟེན་ནས་སྐུ་གསུང་ཐུགས་ཀྱི་དབང་དང་མཐའ་རྟེན་སྐུ་གསུང་ཐུགས་ཀྱི་གཏོར་དབང་ལེགས་པར་ཐོབ་ནས། ལུང་ལ་བསྙེན་སྒྲུབ་

ལས་སྦྱོར་གསུམ་ལས། དང་པོ་ནི། ཁྲོ་ཆུ་ལྟ་བུའི་རྫས་ཀྱི་སྦྱོར་བ། གནམ་ལྕགས་ལྟ་བུའི་གསང་སྔགས། རྡོ་རྗེ་ལྟ་བུའི་ཏིང་ངེ་འཛིན་གསུམ་གྱིས་བསྲུང་བ་ལ་བརྟེན་ནས་བསྙེན་པ་བྱ་བ། གཉིས་པ་ནི། སྐུ་གསུང་ཐུགས་ཀྱི་རྟེན་ལ་བརྟེན་ནས་སྒྲུབ་པ་བྱ་བ་ཞར་བྱུང་དུ་སྒྲུབ་པའི་རྟགས་བཤད་པ། གསུམ་པ་ལ་མཎྜལ་དང་དགྲ་བགེགས་གང་ཡིན་གྱི་ལིངྒ་ཐུན་ལ་བརྟེན་ནས་བསྒྲལ་བ་གསང་བ་དུག་མདའ་ནག་པོ། སེར་བ་དབབ་པ། ཆར་དབབ་པ། ཆར་གཅོད་པ། འགུགས་པའི་ལས། སྨྱོ་བ་འདུལ་བ། མ་རྡོ་གསོ་བ། སྲིའུ་གསོ་བ། སྡེ་བརྒྱད་སྲོག་འཁོར་ལ་བརྟེན་ནས་ཐོག་བསྲུང་བ་སོགས་གང་འདོད་གདགས་ཡུལ་ཁ་བསྒྱུར་ཆོག་པ། དྲག་པོ་གཏོར་མ། བཙོ་རྔོད་བསྲེག་གསུམ་ལ་བརྟེན་ནས་གདོན་ཆེན་འདུལ་བ། གཏད་དང་མནན་པའི་ལས་རྣམས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་རྟ་མགྲིན་ནག་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། ཐུགས་སྲས་འགྲོ་བའི་མགོན་པོ། སངས་རྒྱས་མདོ་བོ་རས་པ། གྲུབ་ཐོབ་མེ་ལོང་རྡོ་རྗེ། དུར་ཁྲོད་པ་ཀུན་བཟང་རྡོ་རྗེ། རིག་འཛིན་མཆོག་རབ་པ། གྲུབ་ཆེན་ཨ་དཔལ་རྡོ་རྗེ། བླ་ཆེན་ནམ་མཁའ་བཟང་པོ། སྐྱེས་མཆོག་ཚུལ་ཁྲིམས་བློ་གྲོས། ཐུགས་སྲས་ཚུལ་ཁྲིམས་འོད་ཟེར། བླ་མ་ཤཱཀྱའི་མཚན་ཅན། རྟོགས་ལྡན་དྲི་མེད་བློ་གྲུབ། ཆོས་རྗེ་སངས་རྒྱས་རྒྱལ་མཚན། གནམ་མཚོ་དོ་པ་སྦྱིན་པ་བཟང་པོ། བླ་མ་འདིས་འདམ་སྙིང་དྲུང་དྲ་མ་ལུང་གི་བྲག་ཕུག་ཏུ་སྒྲུབ་པ་མཛད་པས་གནམ་ས་གྲུམ་འགྲོ་བ་ལྟ་བུའི་རྟ་སྐད་གསན་པའི་མོད་ལ་ཞལ་གཟིགས། དེས་འོ་བྲན་དཔལ་གྱི་
དབང་ཕྱུག་གི་བརྒྱུད་པ་འོལ་བ་པ་ངག་དབང་ཆོས་གྲགས་ལ་གནང་། བླ་མ་དེས་ཐུན་མོང་མ་ཡིན་པའི་ཡི་དམ་དུ་མཛད་ཅིང་དེ་ནས་བསྙུན་གཞི་སོགས་ཡེ་མེད་ཀྱང་ཞག་གསུམ་ནས་འགྲོངས་པའི་གོང་དུ་གདམས་པ་བཀའ་གཏད་བྱིན་རླབས་ཆོས་བཀའ་ཡོངས་སུ་རྫོགས་པར་ཁྲ་ཚང་པ་ཆེན་པོ་བློ་མཆོག་རྡོ་རྗེ་ལ་གནང་། དེས་བདག་ཟ་ཧོར་གྱི་བནྡེ་ལའོ། །འོལ་བ་པས་ལན་གཅིག་པུ་དེ་ཀ་མ་གཏོགས་སུ་ལ་ཡང་མ་གནང་བ་གདའོ།

གཏེར་སྟོན་ཆོས་ཀྱི་རྒྱལ་པོ་ཉང་ཉི་མ་འོད་ཟེར་གྱི་གཏེར་ཆོས་རིམ་པ་ཇི་ལྟར་ནོས་ཚུལ་སྐོར།

གཏེར་སྟོན་ཆེན་པོ་ཉང་ཉི་མ་འོད་ཟེར་གྱི་གཏེར་བྱོན་རྟ་མགྲིན་དྲག་པོ་ལྷ་གསུམ་གྱི་སྐོར་ལ། བྱིན་རླབས་དབང་གི་འཕྲེང་བའི་སྟེང་ནས་བུམ་དབང་། ལྷ་དབང་། ཀླུ་ཆེན་བརྒྱད་ཀྱི་དབང་། སྔགས་དབང་། གཏོར་དབང་། རྫས་དབང་རྣམས་ལེགས་པར་ནོས་ནས། ལུང་ལ་རྟ་མགྲིན་དྲག་པོ་གསུམ་དྲིལ་གྱི་རྒྱུད་ཀྱི་རྒྱལ་པོ་གནམ་ལྕགས་ཀླུ་འདུལ་ཞེས་བྱ་ལེའུ་སུམ་ཅུ་རྩ་བདུན་པ། ཀླུ་གཉན་ས་བདག་མཚོ་སྨན་གྱི་ནད་གདོན་བརྟག་པ་དང་བཅོས་ཐབས་བསྟན་པ་བརྟག་པ་ཀླུའི་མེ་ལོང་གི་འཕྲེང་བ་ཞེས་བྱ་བ་ལེའུ་ཉི་ཤུ་པ། ཀླུ་ནད་དངོས་ཉམས་རྨི་ལམ་ལ་བརྟག་པ་དང་གསོ་རུང་མི་རུང་འཇུག་ལུགས་འཁོར་གྱི་གནོད་པ་བསྟན་པ་བརྟག་པ་གསལ་བའི་མེ་ལོང་ལེའུ་བཅུ་གསུམ་པ། དཀར་པོ་སྨན་གྱི་འཕྲེང་བ་ལེའུ་དྲུག་པ། ནག་པོ་རྫས་ཀྱི་འཕྲེང་བ་ལེའུ་བདུན་པ། ཁྲ་བོ་བསྲུང་བའི་འཕྲེང་བ་ལེའུ་བདུན་པ་མཇུག་ཏུ་སྤྱི་མཐུན་རྫས་ཀྱི་བསྲུང་བ་དང་བཅས་པ། ཁོང་སྟོབས་རིན་པོ་ཆེ་རྩངས་ཀྱི་འཕྲེང་བ་ལེའུ་བཅུ་པ། ཉམས་ལེན་མན་ངག་གི་འཕྲེང་བ་ལེའུ་བཅུ་གསུམ་པ། བྱིན་རླབས་དབང་བསྐུར་གྱི་འཕྲེང་བ། དྲག་པོ་གསུམ་དྲིལ་

གྱི་ལས་བྱང་རིན་པོ་ཆེའི་འཕྲེང་བའི་ནང་གི་སྒྲུབ་ཐབས་རིན་པོ་ཆེའི་འཕྲེང་བར་གྲས་པ། དྲག་པོ་གསུམ་དྲིལ་གྱི་སྐུ་གསུང་ཐུགས་ཀྱི་སྒྲུབ་པ་གསང་བའི་མན་ངག །ནཱ་ག་ཀླུ་འདུལ་དྲག་སྔགས་གནད་ཀྱི་འཕྲེང་བ་ཞེས་བྱ་བའི་གསང་སྒྲུབ། གཏོར་མ་གཏོང་བའི་ལས་རིམ། དྲག་པོ་གསུམ་དྲིལ་གྱི་གསང་བའི་ལས། སྦྱིན་སྲེག་གི་ལས། མནན་པའི་ལས་རིམ་སྤུ་གྲི་རེག་ཆོད། སེར་བ་འབེབས་པ། གཏད་ཀྱི་ལས་མཐའ། བསྲུང་འཁོར། བསྲུང་སྐུད། ཕུར་པས་བསྲུང་བ། བགེགས་ལ་བསྣུན་པའི་དགོངས་པ། ནཱ་ག་ཀླུ་འདུལ་གྱི་ལས་རིམ་ལ་བུམ་ཁྲུས་ལས་མཐའ། ཡུངས་ཀར་གྱི་ལས་མཐའ། སེང་ལྡེང་ཕུར་པའི་ལས་མཐའ། རལ་གྲིའི་ལས་མཐའ། རྡོ་རྗེའི་ལས་མཐའ། ལྕུག་པའི་ལས་རིམ། གུ་གུལ་གྱི་ལས་མཐའ། འཁོར་ལོའི་ལས་མཐའ། དྲག་སྔགས་ཀྱི་ལས་མཐའ་བསྟན་པ། བདེ་གཤེགས་བཀའི་བྱིན་རླབས་ཀྱིས་ཀླུ་རྣམས་སྲེག་པར་བྱེད་པ། གཉེན་པོ་ལྷ་གསུམ་གྱི་སྒོ་ནས་ཀླུ་སྒྲུབ་ཆེན་མོ་རྣམས་ཐོབ་པའི་དབང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་རྟ་མཆོག་དཔལ། གུ་རུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། མངའ་བདག་ཉི་མ་འོད་ཟེར། སྲས་འགྲོ་མགོན་བློ་ལྡན་ཤེས་རབ། ཆོས་རྗེ་བདུད་འདུལ། མདོ་སྡེ་སེང་གེ། པདྨ་དངོས་གྲུབ། འཇམ་དཔལ་ནོར་བུ། ཀུན་དགའ་རྒྱལམཚན། ནོར་བུ་འཕེལ། ཀུན་དགའ་འོད་ཟེར། ཀུན་དགའ་འཕེལ། མངའ་བདག་ཀུན་དགའ་ལྷུན་གྲུབ། མཁས་གྲུབ་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཁྲ་ཚང་པ་ཁྱབ་བདག་བློ་མཆོག་རྡོ་

རྗེ། དེས་བདག་ཟ་ཧོར་བནྡེ་ལའོ། །ལུང་གི་བརྒྱུད་པ་ནི། ཀརྨ་གུ་རུ་ཡན་དབང་བརྒྱུད་ལྟར་ལ། དཔང་སྟོན་ཀུན་མཁྱེན་དབང་ཕྱུག །ཁྲ་ཚང་པ་ཆེན་པོ། དེས་བདག་ལའོ། ༈ །དཀར་ཆག་ལས། མཁའ་འགྲོ་མའི་ཆོས་སྐོར་འདི་རབ་ཏུ་གཉན་པས་མཁར་ཆེན་བཟའ་ཁྱོད་ཀྱིས་མ་སྤེལ་བར་རིན་ཅེན་གཏེར་དུ་སྦོསཿ དུས་ཀྱི་མཐའ་ལ་བབ་ཙ་ནཿ མཁའ་འགྲོའི་སྐུའི་བྱིན་གྱིས་བརླབས་པས་ལུས་ལ་ན་ཚ་དཀོན་པཿ གསུང་གིས་བྱིན་གྱིས་བརླབས་པས་མཐུ་དང་ནུས་པ་ཆེ་བཿ ཐུགས་ཀྱིས་བྱིན་གྱིས་བརླབས་པས་རྟོགས་པ་ཁོང་ནས་ཤར་བཿ སྒྲུབ་པ་ལ་བརྩོན་ཞིང་བརྣག་པ་ཐུབ་པཿ རིགས་བཙུན་ཞིང་སྣོད་དང་ལྡན་པ་གཅིག་ལ་བཀའ་བབས་སུ་གཏོད་ཅིགཿ དེས་རང་གཞན་གྱི་དོན་དུ་སྒྲུབ་པ་མཐར་གྱུར་ཅིག །དེས་ཀྱང་གསང་ལ་སྤྱད་པ་ལས་མ་སྤེལ་ན་དངོས་གྲུབ་ཐོབ་བོ། །ཞེས་པ་ལྟར་མངའ་བདག་ཆོས་ཀྱི་རྒྱལ་པོ་ཉི་མ་འོད་ཟེར་ལ་མཁའ་འགྲོའི་ཆོས་སྐོར་གྱི་བཀའ་བབས་ཤིང་། ཇོ་མོ་མཁར་ཆེན་བཟའ་བུད་མེད་རྟ་ཞོན་གྱི་རྣམ་པས་ཆོས་གཏེར་སྒྲོ་བ་གང་རྨི་ལམ་འོད་གསལ་གྱི་དུས་གཏང་བ་མནལ་སད་ནས་དངོས་སུ་བྱུང་བ་སོགས་ལོ་རྒྱུས་མཐའ་ཀླས་པའི་སྟག་སྒྲོའི་ནང་ནས་སྤྱན་དྲངས་པའི་མཁའ་འགྲོ་ཆེན་མོའི་སྐོར་ཚིག་དོན་མཐའ་དག་ཤིན་ཏུ་ངོ་མཚར་བའི་ཟབ་ཆོས་ཀྱི་སྙིང་པོ་ལྟ་བུར་འདུག་ཀྱང་དུས་ཀྱི་བསྐལ་པས་རྗེས་འཇུག་རྣམས་གྲོང་ཆོག་གི་གཡེང་པས་ཆོས་ཕྱིར་དཀའ་སྤྱད་ངལ་གསོར་བགྱིས་པའི་དབང་གིས་དབང་ལུང་གི་རྒྱུན་ཕལ་ཆེར་ནུབ་པས་མ་རྙེད་ཀྱང་རྡོ་རྗེ་རྣལ་འབྱོར་མ་ལྷ་ལྔའི་སྒྲུབ་ཐབས་དང་བྱིན་རླབས་ཀྱི་ཆོ་གའི་སྟེང་ནས་སིནྡྷུ་རའི་དཀྱིལ་འཁོར་ལ་བརྟེན་ནས་སྐྱབས་སྡོམ། སེམས་བསྐྱེད། བྱིན་རླབས་ལེ་ཚན་འབེབས་པ་རྣམས་སྔོན་དུ་འགྲོ་བས། བུམ་པ། ཐོད་པ། མེ་ལོང་། གཏོར་མ། སྐུ་གཟུགས་ཏེ་ལྔའི་སྒོ་ནས་དབང་བཞི་

སྟན་གཅིག་ཏུ་རྫོགས་པར་ཐོབ། རྒྱབ་རྟེན་ལུང་ལ་བྱང་བདག་རིག་འཛིན་ཆེན་པོའི་ཕྱག་དཔེའི་ཆ་གསུམ་ཆ་གཅིག་ཙམ་གྱི་ལུང་ནོས་པ་ལ། མཁའ་འགྲོ་མ་ཐམས་ཅད་ཀྱི་དཀྱིལ་འཁོར་གྱི་ཆོ་ག་དབང་བསྐུར་བའི་རིམ་པ་རྫོགས་བྱང་གི་མཐའ་ཅན། རྡོ་རྗེ་ཐོད་པ་ལ་བརྟེན་ནས་རྡོ་རྗེ་རྣལ་འབྱོར་མས་བྱིན་རླབས་དབང་བཞི་དང་བཅས་པའི་གདམས་པ་སློབ་དཔོན་པདྨ་འབྱུང་གནས་ཀྱིས་ཇོ་མོ་མཁར་ཆེན་མཚོ་རྒྱལ་ལ་བྱིན་གྱིས་བརླབས་པ་རྫོགས་བྱང་གི་མཐའ་ཅན། ཇོ་མོ་མཁར་ཆེན་མཚོ་རྒྱལ་གྱིས་སྒྲོའི་སྟེ་སྒྲོའི་མཆོད་ཁང་ཆེན་མོར་ཞུས་པའི་མཁའ་འགྲོ་ཡིད་བཞིན་ནོར་བུའི་འཕྲིན་ལས་ཆེན་མོའི་འཕྲིན་ལས་བཅོལ་བསྐུལ་གྱི་རིམ་པའོའི་མཐའ་ཅན། མཁའ་འགྲོ་མའི་འཕྲིན་ལས་ཀྱི་སྒྲུབ་པ་ལ་ཚོགས་མཆོད་ལྷག་མ་དང་བཅས་རྫོགས་བྱང་གི་མཐའ་ཅན། མཁའ་འགྲོ་སྡེ་ལྔ་བྲོ་བརྡུང་། མཁའ་འགྲོ་མའི་ཡིག་བརྒྱ་སྨྲ་བཤགས་དང་བཅས་པ། རྡོ་རྗེ་ཕག་མོའི་རིགས་ཐམས་ཅད་འདུས་པ་སྣ་ཚོགས་མདོག་ཅན་གྱི་སྒྲུབ་ཐབས་རྫོགས་བྱང་གི་མཐའ་ཅན། དེའི་སྒྲུབ་ཐབས་གསལ་བྱེད་མཁར་ཆེན་བཟའ་མཚོ་རྒྱལ་གྱི་དོན་དུ་མཛད་པ་རྫོགས་བྱང་གི་མཐའ་ཅན། དེའི་རྫོགས་རིམ་ལ་ཕྱི་སྣོད་ནང་བཅུད་གསང་བ་དུག་ལྔ་གནས་སྦྱོང་གི་རྫོགས་རིམ་མཁར་ཆེན་བཟའ་ལ་གདམས་པ། དེའི་སྐུ་གསུང་ཐུགས་རྫོགས་པའི་རིམ་པ་ཕག་མོ་རིགས་བསྡུས་མའི་རྫོགས་རིམ་གྱི་གདམས་པ་རྫོགས་སོའི་མཐའ་ཅན། རྡོ་རྗེ་རྣལ་འབྱོར་མ་ལྷ་ལྔའི་སྒྲུབ་ཐབས་མཚོ་རྒྱལ་གྱི་དོན་དུ་མཛད་པ་རྫོགས་བྱང་གི་མཐའ་ཅན། རྡོ་རྗེ་ཕག་མོ་ལྷ་དགུའི་སྒྲུབ་ཐབས་འཕྲིན་ལས་ཀྱི་བསྒོམས་ཐབས་རིམ་པ་རྫོགས་སོའི་མཐའ་ཅན། དེའི་ཚོགས་མཆོད་གཉིས་མེད་དབྱིངས་ཁྲོས་མ་རྫོགས་སོའི་མཐའ་ཅན། དེའི་ལྷག་མ་བསྡུས་ལ་གཏོར་མ་ཆེན་པོ་གཅིག་བྱས་ནས་གཏོང་བ་བདག་དང་སེམས་ཅན་རྡོ་རྗེ་ཕག་མོ་ཉིད་འགྲུབ་ཤོག་

གི་མཐའ་ཅན། རྡོ་རྗེ་རྣལ་འབྱོར་མ་ཞལ་གཉིས་མའི་སྒྲུབ་ཐབས་མཚོ་རྒྱལ་གྱི་དོན་དུ་མཛད་པ་རྫོགས་བྱང་གི་མཐའ་ཅན། དེའི་གསལ་བྱེད་ཇོ་མོ་མཚོ་རྒྱལ་གྱི་དོན་དུ་མཛད་པའི་ཞལ་གཉིས་མའི་མངོན་རྟོགས་རྫོགས་བྱང་གི་མཐའ་ཅན། དེའི་མན་ངག་སྐོར་ལ་ཟབ་པ་ཤེས་རབ་ཀྱི་སྒོ་ནས་རྡོ་རྗེ་ཕག་མོ་ཉམས་སུ་བླང་བའི་ཐབས་དངོས་གྲུབ་ཐོབ་བོའི་མཐའ་ཅན། ཐབས་རྒྱ་ཆེ་བའི་སྒོ་ནས་ཉམས་སུ་ལེན་ལ་གདོན་མི་ཟ་བའི་མཐའ་ཅན། གཉིད་དང་རྨི་ལམ་བསྲེ་བའི་གདམས་པ་སངས་རྒྱས་ངེས་པ་ཡིན་ནོའི་མཐའ་ཅན། འཆི་ཁའི་རྣམ་ཤེས་འོད་གསལ་དུ་འཕོ་བ་ལམ་དུ་འཁྱེར་བ་གལ་ཆེའི་མཐའ་ཅན། རྣམ་ཤེས་གོང་དུ་འཕོ་བ་མཁའ་སྤྱོད་གནས་སུ་གནས་པར་འགྱུར་རོའི་མཐའ་ཅན། རྣམ་ཤེས་གྲོང་དུ་འཇུག་པ་སེམས་ལས་སུ་རུང་བ་གལ་ཆེའོའི་མཐའ་ཅན། བར་དོའི་གདམས་པ་ཆིག་ཆོད་ཅེས་དེ་ལ་བྱའོའི་མཐའ་ཅན། དོན་ཐམས་ཅད་འགྲུབ་པར་བྱེད་པ་རྡོ་རྗེ་ཕག་མོའི་སྒྲུབ་ཐབས་མཚོ་རྒྱལ་གྱི་དོན་དུ་གནང་བ་རྫོགས་བྱང་གི་མཐའ་ཅན། དེའི་བསྙེན་པ་སྒྲུབ་པ་རྫོགས་རིམ་བླ་མ་བྱིན་གྱིས་བརླབ་པ་རྣམས། དེའི་འཕྲིན་ལས་རྣམ་བཞིའི་ལས་ཚོགས་དོན་གྲུབ་མའི་གདམས་པ་རྫོགས་བྱང་གི་མཐའ་ཅན། ཕག་མོ་སྐུ་གསུང་ཐུགས་ལྷ་གསུམ་གྱི་སྒྲུབ་པ་དབུ་བཅད་མ་སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་བྱང་གི་མཐའ་ཅན། དེའི་གསལ་བྱེད་སྒྲུབ་ཐབས་རྫོགས་རིམ་དང་བཅས་པ་བསྟན་པ་ཡིན་ནོའི་མཐའ་ཅན། དེའི་དུས་ཁྱད་པར་ཅན་ལ་མཆོད་པའི་ཆོ་ག་ཚོགས་ཀྱི་མན་ངག་གོའི་མཐའ་ཅན། ལྷ་གསུམ་པ་རྡོ་རྗེ་རྣལ་འབྱོར་

མས་སློབ་མ་བྱིན་གྱིས་བརླབས་པ་ཡིན་ནོའི་མཐའ་ཅན། དེའི་རྣམ་དག་གདམས་པ་རྫོགས་སོའི་མཐའ་ཅན། རྡོ་རྗེ་ཕག་མོ་དཀར་མོ་སྐུའི་སྒྲུབ་པ། དེའི་གསལ་བྱེད་མངོན་རྟོགས་པདྨས་ཇོ་མོ་ལ་གདམས་པ་རྫོགས་བྱང་གི་མཐའ་ཅན། སེར་མོ་ལྷ་བདུན་མ་ཡོན་ཏན་གྱི་སྒྲུབ་ཐབས། དེའི་གསལ་བྱེད་མངོན་རྟོགས་མཁར་ཆེན་བཟའ་མཚོ་རྒྱལ་གྱི་དོན་དུ་མཛད་པ། དེའི་ལས་ཚོགས་ལ་ཕྱིན་དྲུག་གི་སར་འགོད་པ། ཟློག་པ། གསད་པ། དབང་འདུས། འཁོར་ལོའི་འདྲི་འདས། སྲིའུ་གསོ་བ་རྣམས་སྔོན་མོ་འཕྲིན་ལས་ཀྱི་སྒྲུབ་ཐབས་རྫོགས་བྱང་གི་མཐའ་ཅན། དེའི་གསལ་བྱེད་མཆོག་ཐུན་གྱི་དངོས་གྲུབ་ཐོབ་པར་འདོད་པས་འཕྲིན་ལས་ཕག་མོ་སྔོན་མོ་བསྒྲུབ་པའི་གདམས་པ་རྫོགས་བྱང་གི་མཐའ་ཅན། དེའི་ཞི་རྒྱས་དབང་དྲག་གི་སྦྱིན་སྲེག །ཕག་མོ་ནག་མོ་ཀླུ་འདུལ་གྱི་སྒྲུབ་ཐབས་མཁར་ཆེན་བཟའ་ལ་གཏད་པ། དེའི་སྒྲུབ་ཐབས་གསལ་བྱེད་ལས་སྦྱོར་དང་བཅས་པ་བསྲུང་བ་ཟབ་པའི་མཐར་ཐུག་པ། བྱུག་པ་རྒྱན་གྱི་འཁོར་ལོ་ཀླུ་འདུལ་བའི་རྫས་ཀྱི་འཁྲུལ་འཁོར་རྣམས་ལེགས་པར་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་སྤྱན་རས་གཟིགས་དབང་། སྤྲུལ་སྐུ་པདྨ་འབྱུང་གནས། ཇོ་མོ་མཁར་ཆེན་མཚོ་རྒྱལ། ཆོས་རྒྱལ་ཚངས་པ་ལྷའི་མེ་ཏོག །གཏེར་སྟོན་རྒྱལ་པོ་ཉི་མ་འོད་ཟེར། དབང་ཆེན་གྲུབ་པ་འགྲོ་མགོན་ནམ་མཁའ་དཔལ། སྨྲ་པོ་ལྕོག་པའི་གསན་ཡིག་ཏུ་འདི་གཉིས་ཀྱི་བར་ན་སྲས་མི་བསྐྱོད་རྡོ་རྗེ་ཞེས་པ་འདུག་པ་མངའ་བདག་འགྲོ་མགོན་གྱི་གསང་མཚན་ལྡབ་སྐྱོན་ཡིན་པ་འདྲ། གླན་བང་གསོ་བ་མདོ་སྔགས་འཛིན་པ། གཉོས་སྟོན་བསོད་

ནམས་གྲགས་པ། གཉོས་སྟོན་དཔལ། ཟབ་གཏེར་རྒྱས་མཛད་སངས་རྒྱས་འབར། ཆོས་རྒྱལ་བཀྲ་ཤིས་སྟོབས་རྒྱལ་གྱིས་མཛད་པའི་གསོལ་འདེབས་ཀུན་གསལ་མེ་ལོང་དུ་མངའ་བདག་འགྲོ་མགོན་དང་འདི་གཉིས་ཀྱི་བར་ན་བླ་མ་གཞན་མི་འདུག་པ་ཉེ་བརྒྱུད་རིང་བརྒྱུད་ཀྱི་ཁྱད་པར་བཞིན་ཡིན་ནམ། མིན་ཚེ་དབང་པོའི་སྡེར་འཁྲུལ་པ་མི་མངའ་བས་བར་གྱི་བླ་མ་དེ་གསུམ་ཡིག་སྐྱོན་ཤོར་བ་འདྲའོ། །གུ་རུ་སུཪྻ་གརྦྷ། མཁས་གྲུབ་འོད་ཟེར་རྒྱལ་མཚན། གསན་ཡིག་གཞན་ཚོར་འོད་གསལ་ཞེས་པ་བྱུང་ཡང་གསོལ་འདེབས་ཀུན་གསལ་མེ་ལོང་དུ་འདི་བཞིན་བྱུང་། ཉམས་རྟོགས་མངའ་བདག །ཆོས་ཉིད་ཤེས་རབ། གསང་སྔགས་སྡོང་པོ་བསོད་ནམས་མཚན་ཅན། སྤྲུལ་སྐུ་ཡོན་ཏན་སེང་གེ །ཆོས་རྒྱལ་ཤེས་རབ་རྣམ་རྒྱལ། འདུལ་འཛིན་ཨ་སེང་རྒྱལ་མཚན། མཁྱེན་རབ་དབང་ཕྱུག་ཀུན་དགའ་རྣམ་རྒྱལ། ཡོལ་མོ་སྤྲུལ་སྐུ་ཤཱཀྱ་བཟང་པོ། མཆོག་གི་སྤྲུལ་སྐུ་མངའ་རིས་པཎ་ཆེན་པདྨ་དབང་རྒྱལ། མངའ་བདག་ཀུན་དགའ་ལྷུན་གྲུབ། མཁས་གྲུབ་ཀརྨ་གུ་རུ། མངའ་བདག་བསྟན་འཛིན་ཆོས་རྒྱལ། མངའ་བདག་བསྟན་འཛིན་ཆོས་དབང་། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་ན་འགྲོ་མགོན་སྲས་ཆུང་ནས། སངས་རྒྱས་རས་པ། ཟླ་བ་མུན་སེལ། ཤེས་རབ་དབང་ཕྱུག །བློ་གྲོས་དངོས་གྲུབ། ཡོན་ཏན་རྡོ་རྗེ། རིན་ཅེན་དངོས་གྲུབ། མངའ་རིས་པཎ་ཆེན་མན་འདྲ། ༈ མངའ་བདག་ཆེན་པོ་ཉང་ཉི་མ་འོད་ཟེར་གྱིས་བྲག་སྲིན་མོ་སྦར་རྗེས་ནས་གདན་དྲངས་པའི་སྙིང་པོ་བཅུད་བསྡུས་བདེ་མཆོག་དམར་པོ་མཁའ་འགྲོ་གསང་བ་ཡོངས་རྫོགས་

ཞེས་བྱ་བ་བདེ་མཆོག་མཁའ་འགྲོའི་སྙན་བརྒྱུད་ཀྱི་སྐོར་ལ། སྨིན་བྱེད་དབང་བཞིའི་ཆུ་བོ་འགྲོ་བ་འདྲེན་པའི་ལྕགས་ཀྱུ་དང་ལྷན་ཐབས། དབང་བྱང་ཆེན་མོ་གཉིས་ཀྱི་སྟེང་ནས་སྨིན་བྱེད་ཀྱི་དབང་ལེགས་པར་མནོས་ཏེ། རྒྱབ་རྟེན་ལུང་གི་སྐོར་ལ། རྡོ་རྗེ་མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་དཀྱིལ་འཁོར་དངོས་གྲུབ་ཐམས་ཅད་རབ་ཏུ་འབེབས་པ་ཞེས་བྱ་བ་རྩ་བ་རྡོ་རྗེའི་ཚིག་རྐང་སྙན་བརྒྱུད་ཟབ་རྒྱ་ཅན། དེའི་ས་མ་འགྲེལ། མཁའ་འགྲོ་གསང་བ་ཡོངས་རྫོགས་ཀྱི་སྒྲུབ་པ་ཡང་གསང་མཁའ་འགྲོའི་སྙན་བརྒྱུད་དམ་དངོས་གྲུབ་ཐམས་ཅད་རབ་ཏུ་འབེབས་པ་གསང་བ་ཡོངས་རྫོགས་ཀྱི་སྒྲུབ་པ་ཞེས་པ་འདི་ལ། ཞལ་ཡིག་ལ་ལར་སྒོམ་འབུམ་ཆེན་མོ་ཟེར་བ་ཡོད་ཅིང་། གཞུང་འདིའི་ནང་ཚན་ས་བཅད་ལ་སྔོན་འགྲོ་དངོས་གཞི་རྗེས་གསུམ་དུ་བྱས་པའི་ཐོག་མར་སྔོན་འགྲོའི་སྐབས་སྨིན་གྲོལ་གྱི་དབང་དང་གདམས་ངག་ཞུ་བ། སྒྲུབ་པའི་གནས་བཙལ་བ། དཀྱིལ་འཁོར་བཞེང་ཞིང་རྟེན་རྫས་བཤམ་པ་རྣམས་ལ་ནང་གསེས་ཀྱི་ས་བཅད་དང་བཅས་པ་ཡོད། གཉིས་པ་དངོས་གཞིའི་བསྙེན་སྒྲུབ་ལས་གསུམ་དུ་ཕྱེ་བའི་དང་པོ་བསྙེན་པའི་སྐབས་དངོས་གྲུབ་བར་གཅོད་ལ་མི་བསྐུར་བའི་ཕྱིར་མཚམས་གཅོད་པ། རྒྱུ་བསོད་ནམས་ཀྱི་ཚོགས་གསོག་པའི་ཕྱིར་བླ་མ་དག་པའི་ཆོ་ག །འབྲས་བུ་ཡེ་ཤེས་ཀྱི་ཚོགས་གསོག་པའི་ཕྱིར་ལུས་ངག་ཡིད་གསུམ་ལྷའི་དཀྱིལ་འཁོར་དུ་བསྒོམ་པ་དང་གསུམ་གྱི་ཕྱི་མ་ལ་རྣམ་སྣང་བསྐྱེད་རིམ། མི་བསྐྱོད་པ་དབང་། དོན་གྲུབ་མཆོད་པ། རིན་འབྱུང་བསྟོད་པ། སྣང་མཐའ་བཟླས་པའི་ཡན་ལག །མཇུག་ཏུ་ཐུན་མཚམས་ཀྱི་གཏོར་མ་རྣམས་

གཉིས་པ་སྒྲུབ་པ་ལ་བདག་བསྐྱེད་ལྷའི་དཀྱིལ་འཁོར་ལ་བརྟེན་ཏེ་སྣོད་བཅུད་མཁའ་འགྲོའི་དཀྱིལ་འཁོར་དུ་སྦྱང་བ། མདུན་བསྐྱེད་རྫས་ཀྱི་ཐོད་པ་ལ་བརྟེན་ཏེ་འཁོར་འདས་དབང་དུ་བསྡུ་བ། རྗེས་དཀྱིལ་འཁོར་བསྡུ་ཞིང་རྟེན་རྫས་འཆང་ཐབས་རྣམས། གསུམ་པ་ལས་སྦྱོར་ལ། སྤྱི་བོ་བདེ་ཆེན་གྱི་འཁོར་ལོ། མགྲིན་པ་ལོངས་སྤྱོད་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ། གསང་གནས་བདེ་བའི་འཁོར་ལོ། སྙིང་ག་ཆོས་ཀྱི་འཁོར་ལོ་ལྔ་ལ་བརྟེན་ནས་ལས་ལ་སྦྱོར་རོ། ༈ །གསུམ་པ་རྗེས་ཀྱི་རིམ་པ་ལ། རྫོགས་པའི་རིམ་པ་འཁོར་བ་ཀ་དག་ཏུ་ལ་འདའ་བ། ལས་ཚོགས་ཀྱི་རིམ་པས་རང་གཞན་གྱི་དོན་བསྒྲུབ་པ། མཐར་ཐུག་ས་བཅུ་ལམ་ལྔ་བགྲོད་ཚུལ་གྲུབ་མཐའ་འབྲས་བུ་དང་བཅས་པ་སྟེ་ཀུན་དྲིལ་བ་ཆོས་སྡེ་གཅིག་ཏུ་འདུའོ། །གཏེར་གཞུང་གི་གསལ་བྱེད་དུ་མངའ་བདག་པའི་ཞལ་ངོ་ཕྱི་མ་ཞིག་གིས་མཛད་པའི་སྒོམ་རིམ་གསལ་བྱེད་ནོར་བུའི་འཕྲེང་བ་དང་ལུས་དཀྱིལ་ལ་བརྟེན་ཅིང་སྒྲུབ་པ་ཉམས་སུ་ལེན་པའི་རིམ་པ་ཞེས་ཡིག་ཆ་ལེ་ཚན་གཉིས་མཛད་པ་སྔོན་མ་ལ་སྦྱར་བྱང་གི་རྣམ་པ་ཡོད་ཙམ་འདུག་ཅིང་རྗེས་མ་ལ་སྦྱར་བྱང་གི་རྣམ་པ་ཙམ་ཡང་མེད། གཉིས་ཀའི་མཇུག་ཏུ་གཏེར་བྱོན་ཡིན་པ་འདྲ་ཞིག་འདུག་པ་གང་ལྟར་ལུང་རྒྱུན་གནང་སྲོལ་ཡོད། འོན་ཀྱང་གཏེར་བྱོན་ཁོ་ན་གོ་དོན་བཟང་བས་ཡིག་ཆ་འདི་གཉིས་མེད་ཀྱང་རུང་ཞེས་འདྲེན་མཆོག་དམ་པ་ཁྲ་ཚང་པ་ཆེན་པོ་གསུང་། གོང་དུ་སྨོས་པའི་གཏེར་གཞུང་གི་ཆ་ལག་ལ། སྨིན་ལམ་དབང་བཞིའི་ཆུ་བོ་འགྲོ་བ་འདྲེན་པའི་ལྕགས་ཀྱུ། དེའི་ལྷན་ཐབས་རིན་པོ་ཆེ་དབང་གི་བྱང་བུ། ཚོགས་

འབུམ་རིན་ཅེན་དངོས་གྲུབ་ཆར་རྒྱུན། ཚོགས་ཀྱི་ལས་རིམ་ཚོགས་འཁོར་ཡན་ལག་བརྒྱད་ལྡན་དུ་བསྐོར་བ། གནས་པ་རྩའི་མན་ངག །གཡོ་བ་རླུང་གི་རྫོགས་རིམ། བཀོད་པ་བྱང་ཆུབ་སེམས་ཀྱི་གནད། ཆགས་ལམ་བདེ་བ་བཅུད་བསྡུས་ཕོ་ཉས་གྲོལ་ལམ་སྙན་བརྒྱུད་གདམས་པ། དངོས་གྲུབ་མེ་མཆོད་ཀྱི་ལས་སྦྱོར། ཚོགས་འཁོར་བསྐོར་ནས་རང་བཞིན་གྱི་བྱིན་གྱིས་བརླབས་པའི་ཕྱིར་བྱིན་རླབས་བཙན་ཐབས་སུ་དབབ་པ། འབོད་མཆོད་བསྟེན་པའི་གནད་ལེའུ་བཞི་པ། ལས་ཆེན་བཞི་ལ། ཞི་བས་འཇིགས་པ་བརྒྱད་སྐྱོབ། རྒྱས་པས་འབྱོར་བ་དྲུག་ལྡན། དབང་གིས་མོས་པ་ཀུན་འདུས། དྲག་པོས་དགྲ་བགེགས་ཚར་གཅོད། ལས་ཆུང་བཞི་ལ་སྒྲིབ་སྦྱོང་བུམ་ཁྲུས། རིག་འཛིན་ཚེ་སྒྲུབ། རིག་པ་དབང་སྡུད། མི་སྣང་སྒྲིབ་ཤིང་ངོ་། །ཡང་གསང་ཐུགས་ཀྱི་སྒྲུབ་པ། སྙན་བརྒྱུད་གསང་རྒྱ་གཅིག་མ་ཞེས་བྱ་བ་ཟངས་ཀྱི་གའུ་ཁ་སྦྱོར་དུ་བཅུག་ནས་རྒྱས་བཏབ་པ་ཁྱད་པར་དུ་ཟབ་པ་སྙིང་པོའི་སྐོར་རྣམས་ཐོབ་པའི་བརྒྱུད་པ་ནི། རྡོ་རྗེ་ཕག་མོ། ཨོ་རྒྱན་ཆེན་པོ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་མངའ་བདག་ཆེན་པོ། སྲས་མི་བསྐྱོད་རྡོ་རྗེ། གཏེར་སྟོན་སངས་རྒྱས་འབར། གུ་རུ་ཉི་མའི་སྙིང་པོ། གུ་རུ་འོད་ཟེར་རྒྱལ་མཚན། བླ་མ་ཆོས་ཉིད་ཤེས་རབ། མཁས་གྲུབ་བསོད་ནམས་བཟང་པོ། སྤྲུལ་སྐུ་ཡོན་ཏན་སེང་གེ །ཆོས་རྗེ་ཤེས་རབ་རྣམ་རྒྱལ། ཞང་ཨ་ཀྲོའི་མཚན་ཅན། བྱམས་པ་བསྟན་པའི་མངའ་བདག །མངའ་རིས་པཎ་ཆེན་པདྨ་དབང་རྒྱལ། མངའ་བདག་ཀུན་དགའ་ལྷུན་གྲུབ། མཁས་གྲུབ་ཀརྨ་གུ་རུ།

ཆོས་དབང་བསྟན་འཛིན་ཉི་མ། ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །གཏེར་སྟོན་ཆེན་པོ་ཉི་མ་འོད་ཟེར་གྱིས། གཞུང་སྒྲུབ་སོགས་ཕལ་ཆེར་བྲག་སྲིན་མོ་སྦར་རྗེས་དང་། ཐུགས་སྒྲུབ་སྐོར་བསམ་ཡས་མཆིམས་ཕུ་ནས་གདན་དྲངས་པའི་རྡོ་རྗེ་ཕག་མོའི་ཐུགས་སྒྲུབ་ཁྲོས་ནག་གི་སྐོར་ཞེས་མཁའ་འགྲོའི་ཆོས་སྐོར་རྣམས་ཀྱི་ནང་ནས་ཤིན་ཏུ་ཟབ་པ་སྙིང་ནང་གི་ཁྲག་ལྟ་བུ་ནོས་པ་ལ། མངའ་རིས་པཎ་ཆེན་རིན་པོ་ཆེས་མཛད་པའི་དབང་ཆོག་མཁའ་སྤྱོད་སྒོ་འབྱེད་ཀྱི་སྟེང་ནས་དབང་བཞི་ཡོངས་རྫོགས། ཟུར་རྒྱན་དུ་རིག་པའི་རྩལ་དབང་མཐའ་རྟེན་གཏོར་མའི་དབང་དང་བཅས་པ་ལེགས་པར་ཐོབ་ནས། རྒྱབ་རྟེན་ལུང་གི་སྐོར་ལ། ཐོག་མར་ཡིད་ཆེས་ཤིང་ཁུངས་བཙུན་པར་བྱ་བའི་ཕྱིར་ལོ་རྒྱུས་ཆོས་དབྱིངས་རང་བཞིན་མ་བརྒྱུད་པའི་བླ་མ་ཞིག་གིས་ཁ་སྐོང་དུ་མཛད་པ། གཏེར་གྱི་ཁ་བྱང་ལས་ཆོས་དངོས་གཞི་བསྟན་ཚུལ་ལ། ཨོ་རྒྱན་པདྨ་བདག་གིས་ནིཿ མཁའ་འགྲོ་གསང་བའི་སྒྲུབ་ཐབསཿ རྣམ་གྲངས་དཔག་མེད་བཤད་ལགས་ཀྱང་ཿ ཕག་མོ་ནག་མོའི་ཐུགས་སྒྲུབ་འདིཿ ཕག་མོ་ཀུན་གྱི་ནང་ན་ཟབཿ སྣོད་ལྡན་མཁར་ཆེན་བཟའ་ལ་གཏདཿ འདི་ཡི་ཐེམས་ཡིག་བསྟན་པ་ནིཿ སྙན་བརྒྱུད་འདི་ནི་མགོ་བོ་འདྲཿ ཞེས་གསུངས་པའི་མགོ་བོ་དང་འདྲ་བའི་སྙན་བརྒྱུད་ནི་རྡོ་རྗེ་ཕག་མོ་དགྱེས་མ་ཁྲོས་མ་ནག་མོ་ཆེན་མོའི་སྒྲུབ་ཐབས་ཞེས་བྱ་བ་ཨོ་རྒྱན་རང་འབྱུང་གི་དུར་ཁྲོད་དུ་ཡུམ་རྡོ་རྗེ་ཕག་མོས་ཚེ་དབང་རིག་འཛིན་པདྨ་ལ་གནང་བའི་སྙན་བརྒྱུད་རྡོ་རྗེའི་ཚིག་རྐང་། ཡང་ཁ་བྱང་ལས།

གཞུང་གི་སྒྲུབ་ཐབས་ཁོག་པ་འདྲཿ ཞེས་པ་ནི། རྡོ་རྗེ་ཚིག་རྐང་ཁྲོས་མ་ནག་མོའི་སྒྲུབ་ཐབས་ཀྱི་འགྲེལ་པ་སྙིང་གི་མེ་ལོང་ཞེས་བྱ་བ་སློབ་དཔོན་ཆེན་པོས་མཚོ་རྒྱལ་ལ་གཏད་པ། ཚོགས་གཉིས་རྫོགས་ཤིང་དངོས་གྲུབ་རྣམ་གཉིས་ཐོབ་པའི་ཚོགས་ཀྱི་ལས་བྱང་སློབ་དཔོན་ཆེན་པོས་ཇོ་མོ་ལ་གདམས་པ། དེའི་ཆ་ལག་ཏུ་གཏོགས་པ་མངའ་རིས་པཎ་ཆེན་གྱིས་མཛད་པའི་ཁྲོས་ནག་གི་ལས་བྱང་བདེ་ཆེན་རབ་རྒྱས། གསང་བའི་ལས་བཞི། ཁྲོ་མོ་རོལ་པའི་གཏོར་ཟློག་རྣམས། ཁ་བྱང་ལས། རྩ་བའི་སྒྲུབ་ཐབས་ཡན་ལག་འདྲཿ ཞེས་པའི་ཡན་ལག་རང་འདྲ་བ་རྩ་སྒྲུབ་ཀྱི་སྐོར་ལ། གཙོ་རྐྱང་གི་གནས་བཞིར་ཨ་ཡིག་དང་འདབ་མ་ལ་ཡིག་འབྲུ་བཅུ་དྲུག་བཀོད་པ་ཕག་མོ་ནག་མོ་སྒོམ་པའི་མངོན་པར་རྟོགས་པ་ཞེས་བྱ་བ། འདི་ལ་རྩ་བའི་ལྷ་མ་གཏོགས་ལུས་དཀྱིལ་དང་ཕྱི་འཁོར་གང་ཡང་མེད་པས་རྩ་སྒྲུབ་ཏུ་བཞག་གོ །དེའི་ཆ་ལག་ཏུ་གཏོགས་པ་བསྟོད་བསྐུལ་སྟོང་ཉིད་མ། གཏོར་ཚོགས་གཏོང་བའི་རིམ་པ། ཟས་ཚོགས་གཏོང་བའི་རིམ་པ། མེ་ཚོགས་སྦྱིན་སྲེག་བྱ་བ་སྟེ་རྩ་སྒྲུབ་ལེ་ལག་དང་བཅས་པ་འདི་རྒྱུན་བསྙེན་དུ་བྱ་བའི་ཚུལ་ཡིན་ན།ོ། སྒྲུབ་པ་བྱེ་བྲག་ཏུ་ཕྱེ་བ་ལ། ཕྱི་མེ་ལོང་ལ་བརྟེན་པ། ནང་ཐོད་པ་ལ་བརྟེན་པ། གསང་བ་འཁོར་ལོ་ལ་བརྟེན་ནས་སྒྲུབ་པ། ཡང་གསང་ཙིཏྟ་ལ་བརྟེན་ནས་སྒྲུབ་པ། དབང་སྡུད་གའུ་མའི་སྒྲུབ་ཐབས་ཕྱི་ནང་གསང་གསུམ་ཡང་གསང་གཅིག་ཏུ་དྲིལ་ནས་བདག་མདུན་གྱི་ཚུལ་དུ་བསྒྲུབ་པ་གུ་རུ་པདྨས་མཚོ་རྒྱལ་ལ་གདམས་པ་རྗེས་མེ་མཆོད་དང་བཅས་པ། ཁྲོས་མ་ནག་མོའི་དྲིལ་

སྒྲུབ་བསྙེན་པ་སྒྲུབ་པ་ལས་སྦྱོར་གསུམ་དུ་བྱས་པའི་ལས་སྦྱོར་ལ། གའུ་ལ་བརྟེན་ནས་དམིགས་བྱ་དབང་དུ་བསྡུ་བ། མེ་ཚོགས་ལ་བརྟེན་ནས་ལོངས་སྤྱོད་དབང་དུ་བསྡུ་བ། ལས་ཀྱི་འཁོར་ལོ་ལ་བརྟེན་ནས་རྒྱལ་ཁམས་དབང་དུ་བསྡུ་བ། དེའི་འཕྲོས་ལས་མན་ངག་གི་སྤྱི་ཆིངས། མཁའ་འགྲོ་མ་ཟིལ་གྱིས་གནོན་པ། སྲོག་ལ་འཁོར་ལོ་བསྐོར་བ། སྲོག་འཕྲོག་པའི་མན་ངག་དང་བཅས་པ་མི་བསྐྱོད་རྡོ་རྗེས་མཛད་པ། ཌཱ་ཀི་གནད་ཀྱི་ཏི་ཀའི་ཞལ་གདམས་ཟིན་བྲིས་ལ་མངོན་རྟོགས་ཀྱི་ཏི་ཀ །སྔགས་ཀྱི་ཏི་ཀ །ཏིང་ངེ་འཛིན་གྱི་ཏི་ཀ །ལག་ལེན་གྱི་ཏི་ཀ །མན་ངག་གནད་ཀྱི་ཏི་ཀ་རྣམས་ཁ་བྱང་ལས། ལས་ཚོགས་རྣམས་ནི་ཉིང་ལག་འདྲཿ ཞེས་པའི་ལས་ཚོགས་བརྒྱ་པ་ལས། མཁའ་འགྲོ་དབང་དུ་བསྡུ་བ། མི་དབང་དུ་བསྡུ་བ། མཁའ་འགྲོ་དབང་དུ་མ་འདུས་པའི་སྐྱོན་ཡོན་བཤད་པ། ལྟ་སྒོམ་སྤྱོད་འབྲས་བཤད་པ། ཆུ་ལ་བརྟེན་ནས་ཞི་བའི་ལས། ས་ལ་བརྟེན་ནས་རྒྱས་པའི་ལས། མེ་ལ་བརྟེན་ནས་དབང་གི་ལས། རླུང་ལ་བརྟེན་ནས་དྲག་པོའི་ལས། ཐུན་མོང་གི་ལས་འགྲུབ་ཐབས། ཕོ་མོ་སྡང་བ་ཞི་བྱེད། མི་གཅིག་དང་མཛའ་བར་བྱེད་པ། དགྲ་བསྐྲད་པ། གཉེན་འབྱེད་པ། སྨྱོ་བསྐྲད། རྒྱལ་པོའམ་བུད་མེད་དབང་དུ་བྱ་བ། མིང་པོ་དབང་དུ་བྱ་བ། ཤེས་རབ་སྒྲུབ་པ། མགྱོགས་པར་འགྲོ་བ། གདོན་བསྲུང་བ། ཐེའུ་རང་བསྲུང་བ། ཕྱུག་པར་བྱེད་པ། འདྲེ་མཐོང་བ། དྲོད་འཕེལ་བ། ཁ་བ་སོགས་གྲང་སར་ཕྱིན་ན་རྐང་པར་སེར་ཁ་མི་འོང་བ། མིག་མི་འཕྱིད་པ། ཕྱིད་པ་སེལ་བ། རྐང་པ་མི་ཕྱིད་པ། མངོན་ཤེས་སྒྲུབ་པ།

ནམ་མཁའ་ལ་འཕུར་བ། རྐང་པ་ས་ལ་མི་རེག་པ། གཉིད་མི་ཡར་པ། སྒྲིབ་ཤིང་། རིག་མ་གཞན་གྱིས་མི་མཐོང་བ། དེ་གྲོལ་བར་བྱེད་པ། གཟི་བརྗིད་ཆེ་བ། ཆགས་པ་མི་སྐྱེ་བ། ཆགས་པ་ཆེ་བར་བྱེད་པ། ཕོ་མཚན་མཁྲང་བར་བྱེད་པ། བུད་མེད་དབང་དུ་སྡུད་པ། བུད་མེད་ལ་གཞན་གྱིས་མི་སྤྱོད་པར་བྱེད་པ། བུད་མེད་མི་དད་པ་སྤོང་བ། བུ་མི་ཡོང་བར་བྱེད་པ། ཟླ་མཚན་སྐེམས་པར་བྱེད་པ། བུ་དང་བུ་རོགས་འཐོན་པར་བྱེད་པ། ནལ་བུ་ཤི་བ་འཐོན་པར་བྱེད་པ། ཆུ་འགགས་སེལ་བ། ནད་ཀུན་སྦྱང་བ། བགེགས་ཀྱི་ནད་བསྲུང་བ། ནད་རིམས་བསྲུང་བ། འདྲེ་གདོན་གྱིས་བཏབ་པ་བསྐྲད་པ། འདྲེ་གདོན་གཟིར་བ། ཁྱིམ་འདྲེ་འདོན་པ། སྲིས་རྨེ་བ། སྲིས་འཕེལ་བ། ནད་རིམས་མི་མཆེད་པ། གྲོགས་སྡུག་པ་དང་ཕྲད་པ། ཁྱིམ་བདག་སེམས་དུལ་བར་བྱེད་པ། ཁྱིམ་གྱི་འདྲེ་ནད་མི་འགོ་བ། ལྷོག་གག་བསྲུང་བ། གསོ་བ། གཉན་ལྔ་བསྲུང་བ། རིམས་བསྲུང་བ། འབྲུམ་བུ་བསྲུང་བ། ལྷོག་པ་བསྲུང་བ། གློ་ཆམ་བསྲུང་བ། རྒྱུ་གཟེར་བསྲུང་བ། སྐྲངས་པ་སེལ་བ། ཞོ་ཆང་བསྲུང་བ། ནད་གདོན་ཐམས་ཅད་བསྲུང་བ། ཕ་རོལ་གྱི་ཁྱིམ་དུ་འདྲེ་གཟུགས་སྣ་ཚོགས་གཏོང་བ། ཁང་པ་འོད་ཀྱིས་འགེང་བ། སྦལ་སྦུལ་སྡིག་པ་མང་པོ་གཏོང་བ། དགྲ་ཡུལ་དུ་མེ་ཁ་བདུན་གཏོང་བ། སྣང་བ་བསྒྱུར་བ། ཉི་ཟླ་གཟས་འཛིན་པ། ནམ་མཁའ་ལ་འདུག་ནུས་ཐབས། མེ་སྟག་འཕྲོ་བ། གཏོར་མ་ལ་མེ་འབར་བ། གཏོར་མ་ཁོལ་བ། གཏོར་མ་ཁྲག་ཏུ་འགྲོ་བ། ཆུ་མིག་ཁྲག་ཏུ་གཏོང་བ། ཐོད་པས་མཆོད་པ། བུམ་ཆུ་ཁོལ་བ། བུམ་པའི་ཁ་རྒྱན་

ནས་མེ་ཏོག་འཆར་བ། ཚེ་ཆང་ཞོར་གཏོང་བ། དར་བར་གཏོང་བ། མེས་ཁྱིམ་བཀང་སྟེ་འདྲེ་གདོན་བསྐྲད་པ། ཧོམ་ཕུར་པས་སྦར་བ། ཧོམ་ཁྲག་གིས་སྦར་བ། སྦལ་པ་ཐོད་པར་གསོ་བ། རྡོ་ལ་ཕུར་པ་འདེབས་པ། ས་འོག་གི་གཏེར་མཐོང་བ། རིན་པོ་ཆེའི་གཏེར་རྙེད་པ། ཐུན་མོང་གི་མངོན་ཤེས་དྲུག་འཆར་བ། རྒྱལ་པོ་དང་ཡུལ་འཁོར་དབང་དུ་བསྡུ་བ། རང་ལ་མི་མོས་པ་དབང་དུ་བསྡུ་བ། རྒྱལ་པོ་བཙུན་མོ་མངའ་འབངས་དབང་དུ་བསྡུ་བ་རྣམས་སོ། །ལས་ཚོགས་ཞེ་གཉིས་པར་བྱིན་རླབས། དབང་བསྐུར། ཚེ་སྒྲུབ། འཆི་བླུ། སྐྱེ་བདུན་བསྒྲུབ་པ། འགྲོ་དྲུག་སྐྱེ་སྒོ་གཅོད་པ། མཁའ་སྤྱོད་དུ་འགྲོ་བ། གྲོང་འཇུག །སྒྲིབ་ཤིང་། རྐང་མགྱོགས། མངོན་ཤེས། འཇིག་རྟེན་གཞན་དུ་འགྲོ་བ། རྡོ་རྗེ་ཁོལ་པོར་བསྒྲུབ་པ། མིའི་བུ་མོ་འགུགས་པ། དགྲ་བོ་གསད་པ། བབས་ན་གསོ་བ། ཆོ་འཕྲུལ་གཏོང་བ། ཐོག་སེར་དབབ་པ། ཐོག་སེར་གཅོད་པ། ཀླུ་གཏད། རྦོད་གཏོང་བཟློག་པ། ངག་གནོན། ངག་འགྲོལ། གདོན་བགེགས་བར་གཅོད་ཞི་བ། ཇག་འཆིང་། ཆུའི་གནོད་པ་བཟློག་པ། མེའི་གནོད་པ་ཞི་བ། རླུང་གི་གནོད་པ་ཞི་བ། གཅན་གཟན་ཁ་འཆིང་བ། མི་སྣང་བ་བསྒྲུབ་པ། རྨི་ལམ་ངན་པ་བཟློག་པ། རིམས་ནད་ཁྲག་ནད་བསྲུང་བ། མི་གཙང་ཉམས་གྲིབ་སེལ་བ། ལུས་ཀྱི་སྲོག་ཆགས་བསྲུང་བ་རྣམས་དང་ཚེ་བསྲིང་བའི་ལྷན་ཐབས་རྒྱུན་གྱི་རྣལ་འབྱོར་གྱི་ཚུལ་དུ་བྱ་བ་དང་། འཆི་བ་བླུ་བའོ། །རྦ་བྱིལ་གྱི་ལས་ཚོགས་བཅུ་དྲུག་ལ། ཚེ་སྒྲུབ་པ། མིག་གསལ་བ། པྲ་དབབ་པ། མངོན་ཤེས་འཆར་བ། མཁའ་ལ་

འཕུར་བ། རྡོ་ལ་ཞབས་རྗེས་འཇོག་པ། རྡོ་བཅད་པ། ཆོས་གོས་ཉི་མདུང་ལ་འགེལ་བ། ཆུ་ལ་མི་བྱིང་བ། མཁའ་སྤྱོད་འགྲུབ་པ། རྟག་ཏུ་རྒས་པ་མེད་པ། བུད་མེད་དབང་དུ་འདུ་བ། ཕོ་མོ་ཐམས་ཅད་འདུ་བ། ཆུ་འདོན་པ། རེངས་པར་བྱེད་པ། ཐིག་ལེ་མི་འཆོར་བ། སྤྱན་ལྔ་ལྡན་མ་གཏོགས་གང་གིས་ཀྱང་མི་མཐོང་བ་རྣམས་དང་དེའི་ཆ་ལག་རྦ་བྱིའི་བརྟག་ཐབས། འཛིན་ཐབས་སྒྲིབ་སྦྱོང་དང་བཅས་པའོ། །ཁ་བྱང་ལས། ཤོག་དྲིལ་རྣམས་ནི་ནང་ཁྲོལ་འདྲཿ ཞེས་པའི་ཆོས་སྐོར་ལ། ཁྲོས་མ་ནག་མོའི་ཧཱུྃ་སྒྲུབ་མཁའ་འགྲོ་མའི་སྲོག་སྙིང་། ཧཱུྃ་སྒྲུབ་ལྕགས་གདོང་མའི་ཞལ་གདམས། ལྕགས་གདོང་ནག་མོའི་སྒྲུབ་ཐབས་རྩ་བ་གནས་ངོས་འཛིན་གྱི་སྐབས་གྲོང་ཡུལ་ཚོང་འདུས་དགོན་པ་ཞེས་ཡོད་པ། དེའི་ལག་ལེན་ནག་མོ་ཐུགས་སྒྲུབ་སྙིང་སྒྲུབ་གའུའི་སྒྲུབ་པ་དང་བཅས་པ། མཁའ་འགྲོའི་སྒྲུབ་ཐབས་བརྒྱ་རྩ་བརྒྱད་ཀྱི་ནང་ནས། ལྕགས་གདོང་མའི་ཐུགས་སྒྲུབ་ཧཱུྃ་གི་སྒྲུབ་པ། གསེར་གྱི་མཆོད་རྟེན་ལ་བརྟེན་ནས་མི་རྒོད་ཁྱི་ར་ཁ་འཆིང་བ། ལྕགས་ཀྱི་མཆོད་རྟེན་ལ་བརྟེན་ནས་འདྲེ་གདོན་ཁ་འཆིང་བ། ཁྲོ་ཆུའི་མཆོད་རྟེན་ལ་བརྟེན་ནས་སྔགས་ནག་ཁ་འཆིང་བ། མཁའ་འགྲོ་མ་བདག་གི་དབང་དུ་འགྲོ་བ། བདག་མཁའ་འགྲོ་མའི་དབང་དུ་མ་འགྲོ་བ། ཌཱ་ཀི་དར་སྐུའི་སྒྲུབ་པ་ཞལ་ཤེས་དང་བཅས་པ། ཧྲཱིཿ ནག་གི་སྐོར་ལ། བསྙེན་པའི་རིམ་པ། སྒྲུབ་པ། རྟགས། མཁའ་འགྲོ་ལྔ་སོ་སོའི་ཐུགས་ཀར་འཁོར་ལོ་བསྐོར་བ། དངོས་གྲུབ་མེའི་མཆོད་པ། གཏོར་མ། བསྟོད་པ་སྐྱེ་མེད་མ། ལས་སྦྱོར་མཁའ་འགྲོ་གནད་དབབ། སྦ་ལྕགས་ལ་བརྟེན་ནས་དགོས་འདོད་འབྱུང་བ། རྫོགས་རིམ་རྩ་རླུང་ཐིག་ལེ་བསྒོམ་པ། བརྒྱ་བྱིན་

ལྷའི་མིག་གི་འཁོར་ལོས་འཁོར་ལོས་བསྒྱུར་བའི་རྒྱལ་པོ་ཟིལ་གྱིས་གནོན་པ། རྟ་མགྲིན་མིག་གི་འཁོར་ལོས་གླང་པོ་ཆེ་ཟིལ་གྱིས་གནོན་པ། ལངྐ་མགྲིན་བཅུའི་འཁོར་ལོས་མི་རྒོད་ཟིལ་གྱིས་གནོན་པ། ཀུ་ཀུ་རཱ་ཛའི་འཁོར་ལོས་གཅན་གཟན་ཟིལ་གྱིས་གནོན་པ། གོང་གི་འཁོར་ལོའི་མན་ངག་དང་བསྒོམ་ཐབས་དབང་བཞི་སྟན་ཐོག་གཅིག་ལ་བསྐུར་བ་རྣམས། ཁ་བྱང་ལས། ཕག་མོ་ལྷ་ལྔ་སྙིང་དང་འདྲཿ ཞེས་པའི་གསང་བ་ཐུགས་སྒྲུབ་ལྷ་ལྔའི་སྒྲུབ་ཐབས་རྩ་བ་ལེའུ་གསུམ་པ། དེའི་ལས་ཚོགས་འཕྲིན་ལས་རྣམ་བཞིའི་མེ་མཆོད། རྡོ་རྗེ་མཁའ་འགྲོའི་ས་གཏོར། རིན་ཅེན་མཁའ་འགྲོའི་ཆུ་གཏོར། པདྨ་མཁའ་འགྲོའི་མེ་གཏོར། ལས་ཀྱི་མཁའ་འགྲོའི་རླུང་གཏོར། ཁྲོས་མ་ནག་མོའི་རྡོ་གཏོར་ཏེ་འབྱུང་བཞིའི་གཏོར་མ། ཁྲོས་མ་ནག་མོའི་རྡོ་སྒྱོགས། རྡོ་རྗེ་མཁའ་འགྲོའི་ས་སྒྱོགས། རིན་ཅེན་མཁའ་འགྲོའི་ཆུ་སྒྱོགས། པདྨ་མཁའ་འགྲོའི་མེ་སྒྱོགས། ལས་ཀྱི་མཁའ་འགྲོའི་རླུང་སྒྱོགས། ཡེ་ཤེས་མཁའ་འགྲོའི་ནམ་མཁའི་སྒྱོགས། ཕྱག་རྒྱ་དབང་སྡུད། མེ་མཚོན། རླུང་། ཆུ། བཟའ་བཏུང་གཡོ་བསྐོལ། ཁྱི་རྣམས་ལ་བརྟུལ་ཞུགས་སུ་བྱ་བ། རོ་སྙོམ་སྨྱོན་པའི་བརྟུལ་ཞུགས། རྡོ་གཏོར་དངོས་གྲུབ་ཏུ་བླང་བ། གཏའ་རུ་གཟུང་བ། ནད་པ་བརྟག་པའི་རྡོ་གཏོར། རྡོ་གཏོར་གྱི་བསྟོད་བསྐུལ་རྣམས། ཁ་བྱང་ལས། ཐུགས་སྒྲུབ་རྣམ་གསུམ་རྣམ་ཤེས་འདྲཿ ཞེས་མཁའ་འགྲོ་སྙིང་ཏིག་གི་སྐོར་བསམ་ཡས་མཆིམས་ཕུའི་ཚོགས་ཁང་དབུས་ཀྱི་ཀ་བ་མཁའ་འགྲོའི་གཏེར་མཛོད་ནས་སྤྱན་དྲངས་པའི་སྐོར་ལ། དེ་ཡང་ཐེམས་ཡིག་

ཞལ་གདམས་ལས། བདག་འདྲ་པདྨ་འབྱུང་གནས་ཀྱིསཿ ཐུགས་དམ་གསང་བའི་ཡུམ་མཆོག་ལཿ སྒྲུབ་ཐབས་དཔག་མེད་བཤད་ལགས་ཀྱང་ཿ ཡང་ཟབ་ནག་མོ་ཐུགས་སྒྲུབ་ཡིནཿ འདི་ལ་ཕྱི་ནང་གསང་བ་དང་ཿ ཡང་གསང་ལ་སོགས་འགའ་ཡོད་ཀྱང་ཿ འདི་ནི་ཀུན་གྱི་སྙིང་པོ་ཡིནཿ འདི་ལ་ཤོག་དྲིལ་གསུམ་ཡོད་དེ༔ སྙིང་ཏིག་ཤོག་དྲིལ་སྙིང་དང་འདྲཿ ཞེས་པའི་སྙིང་ཏིག་གབ་པ་མངོན་ཕྱུང་ཕྱི་ནང་གསང་བའི་དྲིལ་སྒྲུབ་འཁོར་ལོ་ལྔའི་གནད་འབེབས་ལྷ་དང་སྔགས་ཀྱི་ལྡེ་མིག་ཅེས་བྱ་བ་འདི་ལ་སྒོམ་པས་སེམས་གྲོལ་བའི་གནད། བཟླས་པས་ངག་གྲོལ་བའི་གནད། བཏགས་པས་ལུས་གྲོལ་བའི་གནད་དང་གསུམ་མོ། །ཐེམས་ཡིག་ཞལ་གདམས་ལས། སྲོག་ཏིག་ཞལ་གདམས་སྲོག་དང་འདྲཿ ཞེས་པའི་སྲོག་ཏིག་གབ་པ་མངོན་ཕྱུང་རླུང་སེམས་གཉིས་མེད་ཀྱི་གདམས་པ་ལ། རླུང་གི་གནད་བསྟན་པ་རླུང་སྒྲུབ་དངོས། རླུང་གི་རྟེན་འབྲེལ་བརྟག་པ་དང་གསུམ་མོ། །ཐེམས་ཡིག་ཞལ་གདམས་ལས། ཡང་ཏིག་ཤོག་དྲིལ་རྣམ་ཤེས་འདྲཿ ཞེས་པའི་ཡང་ཏིག་གབ་པ་མངོན་ཕྱུང་མཁའ་འགྲོ་མའི་སྲོག་རྩ་དམར་པོ་ལ། རྫས་གཅིག་གིས་མཁའ་འགྲོ་འདུ་བ། རྫས་གཅིག་གིས་དོན་འགྲུབ། ཚིག་གཅིག་གིས་འཚང་རྒྱ་བའོ། །ཐེམས་ཡིག་ཞལ་གདམས་ལས། ཤོག་དྲིལ་གསུམ་གྱི་གདམས་པ་འདིཿ ཞེས་པ་ནས་བཟུང་སྟེ། རྫོགས་རིམ་གབ་པ་མངོན་ཕྱུང་གིཿ ཤོག་དྲིལ་གཞན་དུ་ཤེས་པར་བྱཿ ཞེས་པའི་ཕག་མོ་སྙིང་ཏིག་གི་རྫོགས་རིམ་གབ་པ་མངོན་དུ་ཕྱུང་བཿ ཟབ་མོ་གནད་ཀྱི་གཟེར་བུཿ ཡེ་ཤེས་གསལ་བའི་སྒྲོན་

མེཿ ཞིང་ཁམས་ལྟ་བའི་མེ་ལོང་ཿ ཆོས་ཉིད་མངོན་སུམ་གྱི་སྣང་བཿ སངས་རྒྱས་ལག་བཅང་གི་མན་ངགཿ ཤིན་ཏུ་གསང་བ་ལས་ཀྱང་ཆེས་གསང་བཿ ཡང་གསང་བླ་ན་མེད་པའི་སྙིང་པོ་མཆོག་ཏུ་གྱུར་བ་དེ་ལཿ རང་བྱུང་གི་ཚིག་གཅིག་ནིཿ ལས་རླུང་བཙོན་དུ་བཟུང་བས་ཡེ་ཤེས་རྗེན་པར་འཆརཿ ཞེས་པ་འདི་ཡིན་ལ། དེ་ཡང་ལུགས་འདི་ལ་ཕྱི་སྣང་བ་ནམ་མཁའ་ལྷུན་གྲུབ། ནང་མུན་པ་ལྷུན་གྱིས་གྲུབ་པ་གཉིས་ཀ་ལ། ཕྱི་ཡུལ་གྱི་གནད། ནང་ལུས་ཀྱི་གནད་གསང་བ་མན་ངག་གི་གནད། ཡང་གསང་སེམས་ཀྱི་གནད་བཞི་ལ་བརྟེན་ནས་ཆོས་ཉིད་མངོན་སུམ་དུ་གཏན་ལ་ཕབ་པས་ཟབ་ཆོས་བླ་ན་མེད་པ་ཡིན་ལ། གོང་གི་སྙིང་ཏིག་སྲོག་ཏིག་ཡང་ཏིག་གི་ཤོག་དྲིལ་གསུམ་གྱི་སྟེང་དུ་ཤོག་དྲིལ་བཞི་པ་གབ་པ་མངོན་ཕྱུང་འདི་གའོ། ༈ །ལྔ་པ་ཐེམས་ཡིག་ཤོག་དྲིལ་འདིའི་རྗེས་སུ་དྲུག་པ་མུ་དྲའི་ཤོག་དྲིལ་མ་རྙེད་པས་མ་ཐོབ། བདུན་པ་རིག་པའི་རྩལ་དབང་། བརྒྱད་པ་སྡིག་པོ་ཆེ་བཙན་ཐབས་སུ་འཁྲིད་པ་འཕོ་བའི་ཤོག་དྲིལ། དགུ་པ་གེགས་སེལ་གྱི་ཤོག་དྲིལ་མ་རྙེད་པས་ལུང་མ་བྱུང་། སྲོག་ཏིག་གི་ཐེམས་མེད་རྫས་གཅིག་གི་མཁའ་འགྲོ་དབང་སྡུད་ཀྱི་སྐབས་པདྨ་རཀྟ་ལ་ངོས་བཟུང་བ། ཡང་གོང་གི་གཞུང་སྒྲུབ་ཀྱི་ཁ་བྱང་ལས། ཐེམས་ཡིག་འདི་ནི་མིག་དང་འདྲཿ ཞེས་པ་འདི་ཐེམས་ཡིག་རང་ཡིན། ཁ་བྱང་ལས། གཞུང་དང་རྩ་སྒྲུབ་ཁ་སྐོང་ལཿ ཤོག་དྲིལབཅུ་གསུམ་གདམས་པ་ཡིསཿ ཁྲོས་མའི་སྒྲུབ་ཐབས་རྫོགས་པར་བསྟནཿ ཞེས་པའི་དང་པོ་རླུང་གི་ཤོག་དྲིལ། གཉིས་པ་གནད་དབབ་ཤོག་དྲིལ། གསུམ་པ་དྲང་སྲོང་མེ་སྒྲུབ།

བཞི་པ་རླུང་དྲུག །ལྔ་པ་ཌཱ་ཀི་ལག་བསྒུལ། དྲུག་པ་སྦྱིན་སྲེག་ནི་མ་ཐོབ། བདུན་པ་བརྡ་རྟགས། བརྒྱད་པ་སྲིད་བཙལ་ལྟེ་བསྒྱུར། དགུ་པ་ཚེ་སྒྲུབ། འདིའི་རྗེས་ཀྱི་བཅུ་པ་འཕོ་བ་མ་ཐོབ། བཅུ་གཅིག་པ་མངོན་ཤེས། བཅུ་གཉིས་པ་ཆར་འབེབས། བཅུ་གསུམ་པ་སྨིན་ལམ་དབང་གི་ཁ་སྐོང་རྣམས། འདི་ལ་བརྟེན་པའི་དབང་གི་ཆོག་སྒྲིགས་ཁྲི་སྲོང་རྣམ་སྤྲུལ་མངའ་རིས་པཎ་ཆེན་གྱིས་མཛད་པ། དབང་བསྐུར་ཆོ་ག་མཁའ་སྤྱོད་སྒོ་འབྱེད་ཤོག་ཁྲ་དཔེ་རིས་ཀྱི་སྐོར་དང་བཅས་པ་རྣམས་སོ། ༈ །ད་དུང་གཏེར་གཞུང་དང་བླ་མ་སྔ་ཕྱིས་མཛད་པའི་ཡིག་ཆ་ཁ་ཡར་ཡོད་ཚོད་དུ་འདུག་ཀྱང་ཁོ་བོས་ཐོབ་པ་ནི་སྣོན་འབྲིད་མེད་པ་དེ་རྣམས་ཡིན་ལ། བརྒྱུད་པ་ནི། དགྱེས་མ་ཁྲོས་མ་ནག་མོ། རྒྱལ་དབང་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། བླ་མ་མངའ་བདག་ཆེན་པོ། སྲས་ཆུང་མི་བསྐྱོད་རྡོ་རྗེ། གྲུབ་ཐོབ་མདོ་བོ་རས་པ་དགེ་འདུན་འབུམ། གྲུབ་ཐོབ་ཟླ་བ་མུན་སེལ་མེ་ལོང་རྡོ་རྗེ། ཤེས་རབ་དབང་ཕྱུག་མཆེད། པཎ་ཆེན་མ་ཏི་སིང་ཧ། གྲུབ་ཐོབ་གུ་ཎ་བཛྲ། བླ་མ་རཏྣ་སིདྡྷི། པཎ་ཆེན་པདྨ་དབང་རྒྱལ། མངའ་བདག་ཀུན་དགའ་ལྷུན་གྲུབ། རིག་འཛིན་ཀརྨ་གུ་རུ། འཁྲུལ་ཞིག་ནམ་མཁའ་ཆོས་དབང་། དེ་ལ་ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེས་ཆོས་འདི་གཅིག་པུའི་ཆེད་དུ་དཀའ་བ་ཁྱད་དུ་བསད་ནས་དབང་ལུང་དམར་འཁྲིད་དུ་གསན་པའི་ལོ་རྒྱུས་དང་བཅས་ཁོ་བོ་ཟ་ཧོར་བནྡེ་ལ་ལེགས་པར་གནང་ངོ་། ༈ །བླ་མ་མངའ་བདག་ཆེན་པོས་ལྷོ་བྲག་མཁོ་མཐིང་ལྷ་ཁང་ནས་སྤྱན་དྲངས་པའི་དྲང་སྲོང་དྲི་མེད་ཀྱི་སྐོར་ལ། དྲག་པོ་གནམ་ཐོག་གི་

རྒྱུད་ལེའུ་བཅུ་བདུན་པ། སྔགས་ཐེམས། རྫས་ཐེམས། མན་ངག་གི་ཐེམས་གསུམ་རྫོགས་བྱང་གི་མཐའ་ཅན། གཅེས་པ་མཚོན་ཆ་ནག་པོ་གཅོད་ཤོག་གི་མཐའ་ཅན། སྔགས་རྒོད་ནག་པོ་དྲང་སྲོང་གི་དམོད་པ་རྣལ་འབྱོར་པའི་མཚོན་ཆ་བྲམ་ཟེ་ལོག་ཏྲིའི་མན་ངག་ལ་ལྷ་བསྒོམ་ཞིང་ལུས་བདུད་ཆས་སུ་བྱ་བ། བསྐྱེད་རིམ། བཟླས་པ། བཀའ་བསྒོ། སྨྱོ་འབོག་འདུལ་བ། མཛེ་གསོ་བ། རྦོད་གཏོང་བཟློག་པ། བར་གཅོད་འདུལ་བ། དགྲ་བསད་པ། མེ་འཁོར། ཆུ་འཁོར། རླུང་འཁོར། ས་འཁོར། བསྲུང་བ། བཟློག་པ། བསད་པ། བྱུག་པ། སྤྱོད་ལམ། གཏོར་མ། སྤོགས་ཆོག །རྣམ་སྨིན་གསོ་བ། ཐུབ་རྟགས། མི་ཐུབ་པའི་རྟགས། དུས་ཚོད། སྔགས་དོན། སློབ་མས་ཞུ་ཞིང་སློབ་དཔོན་གྱིས་མན་ངག་བསྟན་པ། འབྱུང་ཁུངས་དང་ཉེར་བདུན། རྩ་འདྲེན་གཅོད་སེམས་བཞིའི་གནད་བསྟན་ཅིང་ཆེ་བའི་ང་རྒྱལ་བཀའ་བསྒོ་དང་བཅས་པ་མི་བཟློག་པའི་རིག་སྔགས་སོའི་མཐའ་ཅན། འབྱུང་བཞི་བསྲུང་བཟློག་གི་འཁོར་ལོ་བཅའ་ཚུལ་དང་གདོན་ངོས་བཟུང་ནས་དེའི་གཉེན་པོ་གཤེད་དུ་འབེབས་ཚུལ་ལོག་ཏྲི་དྲན་པར་བྱའི་མཐའ་ཅན། སྡེ་བརྒྱད་ནད་ཀྱི་བརྟག་ཐབས་ཤེས་པར་བྱའི་མཐའ་ཅན། གླིང་བཞིར་གནས་པའི་སེམས་ཅན་ལ་ཀླུ་ནད་གསོ་ཐབས་ལ་ནང་གསེས་ཀྱི་སྔགས་རྫས་ཏིང་འཛིན་གསུམ་དུ་བཤད་པའི་རྫས་ཀྱི་སྐབས་ཕྱི་ནང་གསང་གསུམ་གྱི་ཁྲུས། སྐྲོད་པ། ཞི་བ། དབང་སྡུད། བྱུག་པ། ཁོང་བསྲུང་། དུ་བ། ཤ་རོ་འདོན་པ་སྟེ་དོན་བདུན་གྱིས་བསྟན་པ་རྫས་ཀྱི་གཅུན་ཐབས་སོའི་མཐའ་ཅན། སྡེ་བརྒྱད་ཀྱི་ནད་སྤྱི་དང་བྱེ་བྲག་མཛེ་གསོ་

ཐབས་བདུད་རྩི་ཡིན་གྱི་མཐའ་ཅན། འདིའི་མཇུག་ཏུ་བདག་འདྲ་ཨོ་རྒྱན་ཤནྟ་རཀྵི་ཏས་ཞེས་སོགས་ཆོས་ཀྱི་ཆེ་བ་དང་གཤམ་དུ་འཁོར་ལོ་འདྲི་ཚུལ་ཟུར་ཙམ་བསྟན་པ་རྣམས་ཐོབ་པའི་བརྒྱུད་པ་ནི། དྲང་སྲོང་དྲི་མེད། རྒྱལ་པོ་དྷརྨ་ཨ་ཤྭ་ཀ །བྲམ་ཟེ་ལེགས་གྲུབ། པྲ་བྷ་ཧསྟི། ཤནྟིཾ་གརྦྷ། དཔལ་ཨོ་རྒྱན་ཆེན་པོ། ཚངས་པ་ལྷའི་མེ་ཏོག །གཏེར་སྟོན་ཉང་རལ། འགྲོ་མགོན་ནམ་མཁའ་འོད། གུ་རུ་ཆོས་དབང་། ཀ་ཐོག་པ་རྒྱལ་བ་བཟང་པོ། ཀ་ཐོག་པ་སངས་རྒྱས་ཡེ་ཤེས། གུ་རུ་མདོ་སྡེ་རྒྱ་མཚོ། བླ་མ་དགེ་འདུན་རྒྱ་མཚོ། མཁའ་དབྱིངས་རྡོ་རྗེ། ཆོས་རྒྱལ་རིན་ཅེན་ཕུན་ཚོགས། རིག་འཛིན་མངའ་རིས་པ་ཆེན་པོ་ལེགས་ལྡན་རྡོ་རྗེ། གཉིས་ཀ་ལ་ཞབས་དྲུང་ཆོས་རྒྱལ་ཕུན་ཚོགས། དེ་ནས་ནཱ་རོ་པ་བཀྲ་ཤིས་ཕུན་ཚོགས། ཡབ་སྲས་གཉིས་ཀ་ལ་མཚུངས་མེད་ཆོས་ཀྱི་གྲགས་པ། རིག་འཛིན་དཀོན་ཅོག་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ༈ །ཡང་ན་ཆོས་དབང་རིན་པོ་ཆེ་ནས། སྲས་པདྨ་དབང་ཆེན། ཡར་སྟོན་སངས་རྒྱས། གཉན་སྟོན་བཀྲ་ཤིས་སེང་གེ །ཆོས་ཉིད་རང་གྲོལ། སངས་རྒྱས་ལྷུན་དབང་། ཀུན་དགའ་བཀྲ་ཤིས། རྒྱལ་སྲས་ཆོས་རྗེ། ཆོས་འཕགས་བཟང་པོ། ཤཱཀྱ་དཔལ་བཟང་། འཇམ་དབྱངས་རྒྱལ་མཚན། མཁའ་དབྱིངས་རྡོ་རྗེ་མན་འདྲ། རྒྱུད་དང་སྔགས་རྒོད་ནག་པོའི་མན་ངག་ཉེར་བདུན་པ་གཉིས་ཀྱི་བརྒྱུད་ལུགས་གཅིག་ནི། འབྲི་གུང་ཟུར་པ་རིན་པོ་ཆེ་ནས། བཀྲ་ཤིས་རྒྱ་མཚོ། དུ་མ་རང་གྲོལ། ཕ་ཇོ་ལྷུན་གྲུབ་རྡོ་རྗེ། དེ་སྲས་གཞོན་ནུ་དོན་གྲུབ། ཟུར་རྩ་བའི་བླ་མ། དེས་བདག་ལའོ། །ཡང་ན་དགེ་འདུན་རྒྱ་མཚོ་ནས། མཁའ་འགྲོ་རྒྱ་

མཚོ། ཀུན་དགའ་འོད་ཟེར། བླ་མ་ལྷུན་གྲུབ་རྡོ་རྗེ། བཀྲ་ཤིས་རྒྱ་མཚོ་མན་འདྲ། ཡང་ན་དགེ་འདུན་རྒྱ་མཚོ་ནས། རབ་འབྱམས་ཆོས་རྗེ་ཡབ་སྲས། རྩེ་ལེ་བ་ཨོ་རྒྱན་བསྟན་འཛིན། རིག་འཛིན་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ཀ་ཐོག་པ་སངས་རྒྱས་ཡེ་ཤེས་ནས། འོད་ཟེར་རྒྱ་མཚོ། བསོད་ནམས་ལེགས་མཆོག །གཉུག་ལ་པཎ་ཆེན་ངག་གི་དབང་པོ། རྗེ་ཆོས་རྒྱལ་དོན་གྲུབ། རྩེ་ལེ་རིག་འཛིན་ཆེན་པོ། ཨོ་རྒྱན་བསྟན་འཛིན་མན་འདྲ། འདིའི་ཁ་སྐོང་དུ་གཏོགས་པའི་ཡི་གེ་བརྒྱུད་པའི་བླ་མ་རྣམས་ཀྱིས་མཛད་པའི་གཏེར་ཁ་འོག་མའི་སྐབས་སུ་གསལ། གཏེར་ཁ་གོང་འོག་གི་ཞིབ་ཆ་འབྲི་གུང་གི་རྒྱུན་ལས་གཞན་དག་ལ་མི་གསལ་ལོ། ༈ །མངའ་བདག་ཆེན་པོས་ལྷོ་སྲིན་མོ་སྦར་རྗེས་ནས་སྤྱན་དྲངས་པའི་སྲིན་མོ་ནཱ་ག་རཀྴ་ཏི་པ་ཙ་ཤིན་ཏུ་ཁྲོས་པ་ཆུ་སྲིན་གདོང་ཅན་གྱི་སྒྲུབ་ཐབས་ཐོབ་པའི་བརྒྱུད་པ་ནི། རྫོགས་པའི་སངས་རྒྱས། གསང་བའི་བདག་པོ། གུ་རུ་པདྨ་འབྱུང་གནས། ཇོ་མོ་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། སྲས་འགྲོ་བའི་མགོན་པོ། གུ་རུ་ཆོས་ཀྱི་དབང་ཕྱུག །སྐལ་ལྡན་ཡར་ཀླུངས་སྤྲུལ་སྐུ། སློབ་དཔོན་གནས་ལུགས་པ། སྤྲུལ་སྐུ་ལས་འབྲེལ་རྩལ། སྔགས་འཆང་བསོད་ནམས་སེང་གེ །སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། མཁར་པོ་ཆོས་སྐུ་འོད་ཟེར། སྤ་ལུང་པ་དཔལ་འབྱོར་དབང་ཕྱུག །བླ་མ་ནམ་མཁའ་གུ་རུ། རྩེ་ལེ་བསོད་ནམས་རྣམ་རྒྱལ། རིག་འཛིན་ཀརྨ་གུ་རུ། དཔང་ཀུན་མཁྱེན་

དབང་ཕྱུག །ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །བླ་མ་མངའ་བདག་ཆེན་པོས་བྲག་སྲིན་མོ་སྦར་རྗེས་ནས་གདན་དྲངས་པའི་འཇམ་དཔལ་འཆར་ཀ་ནག་པོའི་ཆོས་སྐོར་ཐོབ་ཚུལ་ལ། གཏོར་དབང་དང་ལུང་གི་སྐོར་ལ། བསྲུང་བཟློག་གསང་བའི་མན་ངག་གཤིན་རྗེ་ནག་པོའི་སྔགས་སྒྲུབ་ལ་བསྙེན་སྒྲུབ་ལས་གསུམ་ལས་དང་པོ་ལ། མཚན་ཉིད། སྔོན་འགྲོ། གནས། དཀྱིལ་འཁོར། རྟེན་རྫས། འཕྲིན་ལས་ཀྱི་རིམ་པ་དང་དྲུག །གཉིས་པ་སྒྲུབ་པ་ལ་སྔགས། ལྷ། དམ་ཚིག །འཕྲིན་ལས་ཀྱི་གནད་ནས་བསྐུལ་བ་དང་བཞི། གསུམ་པ་ལས་སྦྱོར་ལ་བསྲུང་བཟློག་གསད་མནན་བཞི་ལས། དང་པོ་བསྲུང་བ་ལ་སྤྱིར་བསྲུང་བའི་ནང་ཚན་ལ། མདོས། འཁོར་ལོ། གཏོར་མ། ཏིང་འཛིན། སྔགས། ཟོར། སྦྱིན་སྲེག་སྟེ་བདུན་གྱིས་བསྲུང་བ། བྱེ་བྲག་ཏུ་བསྲུང་བའི་ནང་ཚན་ལ། ནད་པ། སྲིའུ། སེར་བ། ནད་རིམས། རྟ་ཕྱུགས། མཛེ་འཕྲོ། ཞོ་ཆང་བསྲུང་བ་སྟེ་བདུན། ཟློག་པ་ལ་ཡང་སྤྱིར་ཟློག་པའི་ནང་ཚན་ལ། མདོས། འཁོར་ལོ། གཏོར་མ། ཏིང་འཛིན། སྔགས། ཟོར། སྦྱིན་སྲེག་གིས་ཟློག་པ་དང་བདུན་ནོ། །བྱེ་བྲག་ཏུ་ཟློག་པའི་ནང་ཚན་ལ། ལྟས་ངན། དུས་མིན་འཆི་བ། ཕུར་ཁ། དམག་དཔུང་། མི་ཁ་དང་རྨི་ལམ། ནད་ཡམས། བྱོལ་ཆགས་ཟློག་པ་དང་བདུན། སྤྱིར་གསང་བའི་ནང་ཚན་ལ། མདོས། དྲག་སྔགས། སྤོགས་པ། གནད་འབེབས། བསྐུལ་བ། ལྟས་ངན་སྨྱོ་འབོག །རྟགས་ཀྱི་རིམ་པ་དང་བདུན། བྱེ་བྲག་གི་ནང་ཚན་ལ་སྔགས་པ་ནང་རྒྱས། ཕོ་གཤེད་ཕོ་ལ་འབེབས་པ། མོ་གཤེད་མོ་ལ་འབེབས་པ། རང་གཤེད་རང་ལ་

འབེབས་པ། དགྲ་གཤེད་དགྲ་ལ་དབབ་པ། བགེགས་གཤེད་བགེགས་ལ་དབབ་པ། སྲོག་གཤེད་སྲོག་ལ་དབབ་པ་དང་བདུན་ནོ། །མནན་པ་ལ་སྤྱིའི་ནང་ཚན། འཁོར་ལོ། མདོས། ཕོ་ཉ། སྔགས། གཏོར་མ། མནན་པ་མནན་པས་མནན་པ་དང་བདུན། བྱེ་བྲག་གི་ནང་གསེས་ངག་གནོན། རིག་སྔགས་ཀྱི་གཟེར་འཕྲོ་བཅད་ཅིང་གནོན་པ། ཟོར་ཁས་གནོན་པ། རེངས་སུ་གཞུག་ཅིང་གནོན་པ། དམ་སྲི་གནོན་པ། ཀླུ་གཏད། སྤྱིིའི་རྟགས་དང་བདུན་ནོ། ༈ །སྒྲུབ་སྐོར་ལ། མངོན་རྟོགས་སྤྱན་འདྲེན་མཆོད་པའི་འཕྲིན་ལས། བསྟོད་ཅིང་འཕྲིན་ལས་འཆོལ་བ། བསྙེན་སྒྲུབ་ཀྱི་རིམ་པ། ཟློག་གཞུང་གི་འཕྲིན་ལས་གསལ་བར་བྱེད་པའི་སྒྲོན་མེ། སྐོས་རྗེ་གླུད་རབས་ཞུ་བ་ཞུ་ལན་དང་བཅས་པ། དཔེ་རིས་སྐོར་ལ། བསྲུང་བཟློག་གསང་མནན་བཞི་དྲིལ་བའི་མདོས་དང་སྐུ་གཟུགས་ཀྱི་བཅས། དཔལ་གཏོར། ཆུ་གཏོར་སོགས། དྲིལ་སྒྲུབ། དཀྱིལ་འཁོར། བསྲུང་བ། ཕུར་ཁ་དང་བྱོལ་བཟློག །དགྲ་བཟློག །གསད་པ། མནན་པ། དམག་བཟློག །ཡམས་ནད་བཟློག་པ་རྣམས་ཀྱི་མདོས། དེ་རྣམས་ཀྱི་དཀྱིལ་འཁོར། ཕུར་བཟློག །སྤྲུལ་པ་བཞི། ཕོ་ཉ་དྲུག །མ་གཤིན་ཉེར་བརྒྱད་རྣམས་ཀྱི་གཟུགས། ཟོར་དཀྱིལ། གདོང་ཟོར། གཏོར་ཟོར། ཟོར་རྫས་སོ་སོའི་བཅས། ཕོ་གདོང་། མོ་གདོང་། ནམ་མཁའ་རྒྱང་བུ། ཤིང་གི་ཡུལ་མཁར་རིས། རྒྱལ་མཚན་འདྲ་མིན་གཉིས། མདའ་འཕང་། གྲི་ཁྲ་མདུང་ཁྲ། རྩངས། མི་ཁ་བཟློག་པ། སྲེག་རྫས། དེའི་གཏོར་མ། ཐབ་ཁུང་། སྐོང་རྫས། ཤ་རི་བསྲུང་བཟློག་གསད་མནན་གྱི་ཙཀྲ། བར་

ལིང་། འཁོར་ལོ་བཞི་པོ་འདྲི་བའི་གསོལ་བྱང་ནོར་བུ་ཅན། མཆོད་རྟེན་གསུམ་གྱི་གདུགས་ཀྱི་ཙཀྲ། བསྲུང་བཟློག་གསད་མནན་བཞིའི་སྲིད་པའི་ཙཀྲ། སྲིད་པ་བཞིའི་སྟེང་འོག་འཁོར་ལོ་དང་བཅས་པའི་ཕྱག་ལེན་དམར་འཁྲིད་དུ་ཐོབ་པ་ལས། ཐོག་མར་གཏོར་དབང་གི་བརྒྱུད་པ་ནི། བཅོམ་ལྡན་འདས་འཇམ་དཔལ་གཤིན་རྗེ་གཤེད། ཐུབ་པ་ཆེན་པོ། ཕྱག་ན་རྡོ་རྗེ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། གཏེར་སྟོན་མངའ་བདག་ཉང་རལ། ཉང་འགྲོ་བའི་མགོན་པོ། ཉང་བློ་ལྡན། ཉང་བདུད་འདུལ་འབུམ། ཉང་མདོ་སྡེ་སེང་གེ །ཉང་པདྨ་དངོས་གྲུབ། ཉང་འཇམ་དཔལ་ནོར་བུ། སྐལ་ལྡན་རྡོ་རྗེ་རྒྱལ་པོ། དྷརྨ་ཀེ་ཏུ། རིན་པོ་ཆེ་ཆོས་ཀྱི་བློ་གྲོས། ཀོང་ཆེན་ནམ་མཁའ་དཔལ་ལྡན་རྒྱ་མཚོ། རིག་འཛིན་མངའ་རིས་པ་ཆེན་པོ་ལེགས་ལྡན་བདུད་འཇོམས་རྡོ་རྗེ། ཆོས་རྒྱལ་དཔལ་བཀྲ་ཤིས་སྟོབས་རྒྱལ། རྗེ་དྲུང་རིན་པོ་ཆེ་བསྟན་པ་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། །ལུང་གི་བརྒྱུད་པ་ནི་རིག་འཛིན་ཆེན་པོ་ཡན་གོང་ལྟར་ལ། དེ་ནས་ཆོས་རྒྱལ་འབྲི་གུང་པ་རིན་ཅེན་ཕུན་ཚོགས། སྣང་གསལ་བཀྲ་ཤིས་རྒྱ་མཚོ། རིག་འཛིན་དུ་མ་རང་གྲོལ། རྗེ་ངག་དབང་ཡེ་ཤེས་གྲུབ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་སྩལ་ཏོ། །ཡང་གཏེར་སྟོན་ནས་འགྲོ་མགོན་གཉོས་ཞིག་ཆེན་པོ། གཉོས་པདྨ་རྡོ་རྗེ། གཉོས་སྟོན་གྲགས་པ། གྲགས་པ་བཀྲ་ཤིས། གཉོས་གྲགས་པ་རིན་ཅེན། མཐིང་གི་བླ་མ་གྲགས་འོད། སྐལ་ལྡན་རྡོ་རྗེ་རྒྱལ་པོ་མན་གོང་

ལྟར་རོ། ༈ །མངའ་བདག་ཉང་ཉི་མ་འོད་ཟེར་གྱིས་གཏམ་ཤུལ་སྲིན་མོ་སྦར་རྗེས་བྲག་དང་མཁོ་མཐིང་ལྷ་ཁང་ནས་གདན་དྲངས་པའི་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་འབར་མ་ཕྱག་བཞི་པའི་ཆོས་སྐོར་ལ། ཐོག་མར་བཀའ་བརྒྱད་པ་མཁའ་ཀློང་ཡངས་པས་མཛད་པའི་དབང་ཆོག་རྒྱས་པར་བཀོད་པའི་སྟེང་ནས་དབང་བཞི་དྲེགས་པའི་སྒོས་དབང་ཕྲ་ཡིག་ཅན་ལྟར་ལེགས་པར་ནོས་ནས། ལུང་གི་སྐོར་ལ། ཐེམས་ཅན་ཐེམས་མེད་གཉིས། དང་པོ་ལ། འབར་མ་བྱ་ཞོན་མའི་༼དར༽ཐེམས་ཡིག །དེ་ལས་བྱུང་བའི་ཆོས་སྐོར་ལ། སྤྱིར་དྲིལ་གཅིག་ཏུ་སྒྲུབ་པ་དང་བྱེ་བྲག་རྐྱང་པར་སྒྲུབ་པ་གཉིས། དང་པོ་ལ། དཔལ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ལེའུ་བཅོ་བརྒྱད་པ། མངའ་བདག་རལ་པ་ཅན་གྱི་རྒྱུད། རྒྱུད་ལེའུ་བཅོ་བརྒྱད་པའི་ས་མ་འགྲེལ་སློབ་དཔོན་ཆེན་པོས་རྒྱལ་པོ་དང་མཚོ་རྒྱལ་གྱི་དོན་དུ་གསུངས་པ། ཡེ་ཤེས་མགོན་པོའི་གཏེར་གཞུང་གི་དབང་ཆོག་ཙིཏྟ་དམར་འབྱིན། དེའི་ལྷན་ཐབས་དྲེགས་པའི་སྲོག་དབང་གྲི་གུག་རྒྱ་ཅན། དྲེགས་པ་བཅུ་དྲུག་གི་སྲོག་དབང་ཙིཏྟ་དམར་འབྱིན། གཏེར་གཞུང་གི་དབང་ཆོག་མ་བུ་བསྡེབས་པ་མཁའ་ཀློང་ཡངས་པས་མཛད་པ། ཁྲག་འཐུང་རིགས་ལྔ་ལ་བརྟེན་པའི་རྒྱུད་ཀྱི་སྒྲུབ་ཐབས་བསྲུང་མ་ཆེན་མོ། གོང་གནོན་ཡེ་ཤེས་པའི་སྒྲུབ་པ། ལས་མཁན་འཇིག་རྟེན་པའི་སྒྲུབ་ཐབས་དོན་ལྔ་པ་ཨོ་རྒྱན་ཆེན་པོས་དུར་ཁྲོད་བསིལ་བ་ཚལ་དུ་མཛད་པ། མགོན་པོ་བྱ་ཞོན་གྱི་ཡིག་འཁྲིད་གསལ་བྱེད་སྒྲོན་མེ་ཞེས་བྱ་བ། མངོན་རྟོགས་བཀང་བ་གསོལ་ཁ། འཕྲིན་ལས་སྒྲུབ་ཐབས་བསྟོད་བསྐུལ་གསོལ་ཁ་བཀང་

བ་མདོས་དང་གཏོར་མ་རྣམས་༼དར༽མན་ངག་འཁྲུགས་བསྡེབས་སུ་མཁའ་ཀློང་ཡངས་པས་མཛད་པ་གནམ་ལྕགས་འབར་བ། སྒྲུབ་གཏོར་གྱི་སྲོག་༼དར༽འཁོར་གྲི་གུག་འབར་བའི་རྒྱ་ཅན། སྔགས་ཀྱི་བཟླ་ཐབས་ཁྱད་པར་ཅན་སྙིང་གི་མན་ངག །མགོན་པོའི་ལས་བྱང་རིམ་པ་བདུན་པ། སྤུ་གྲི་ཀླད་གཟེར་ནས་ཕྱུང་༼དར༽བའི་བཀང་བ་དང་གསོལ་ཁ། གཏོར་མ་བསྔོ་བ་སོགས་ཀྱི་མན་ངག་བླ་མའི་གསུང་རྒྱུན་ཟིན་བྲིས། ཁྲག་མཚོ་ཁོལ་མའི་རྒྱུད་ནས་ཕྱུང་བའི་མགོན་པོའི་བཀང་མདོས། མདོས་ཀྱི་སྤྲ་འཁྲིད་བླ་མ་གོང་༼དར༽མ་རྣམས་ཀྱི་གསུང་རྒྱུན་ཟིན་བྲིས། བཀང་མདོས་རྒྱུན་༼དར༽ གཏོར་ནར་མ་རྣམས་ཀྱི་དམིགས་པ། ལས་བྱང་དོན་བདུན་མའི་དྲུག་༼གཏེར༽པ་རྦད་བསྐུལ་ཡན། བདུན་པ་ཁ་བསྒྱུར་མན་ལ་ལས་༼གཏེར༽བཞིའི་སྦྱིན་སྲེག་དང་མདོས་ཀྱི་རིམ་པ་བསྟན་པ། བྱ་རོག་གདོང་ཅན་གྱི་མདོས། མདོས་ཀྱི་བང་རིམ་བཞིར་ཡས་འགོར་ལུགས་ཀྱི་བཅའ་བཞི། མགོན་པོ་གཏོར་བཟློག་གནམ་ལྕགས་འབར་༼དར༽བ་སློབ་དཔོན་གྱིས་མངའ་བདག་གནང་བ། ཞི་རྒྱས་དབང་དྲག་གི་སྦྱིན་སྲེག །ལས་བཞི་ཁ་བསྒྱུར། མྱུར་བྱེད་སྦྱིན་སྲེག་༼དར༽དགྲ་བོ་ཞག་བདུན་ནས་འཆི་བ། མགོན་པོ་མ་ཧཱ་ཀཱ་ལའི་༼དར༽སྤྱིར་དྲིལ་སྒྲུབ་ཐབས་ཆེན་མོའི་ཞལ་གདམས། མགོན་པོའི་མན་༼དར༽ངག་གི་ཞལ་ཤེས། བླ་རྡོ་རྟེན་རྫས་ལ་བརྟེན་ནས་སྒྲུབ་པ་ཚིགས་བཅད་མ་སློབ་དཔོན་ཆེན་པོས་མངའ་བདག་དང་ཇོ་མོ་ལ་གནང་བ། རྟགས་༼དར༽ཡིག །བླ་རྡོའི་༼དར༽འཁོར་ལོ་འདྲི་ཡིག །ཕྱི་ནང་གསང་བ་ཡང་གསང་གི་བླ་རྡོ་བཅའ་ཐབས། གྲི་ལག་གི་བླ་རྡོ་བཅའ་༼དར༽ཐབས། གྲི་ལྤགས་ལ་བརྟེན་ཏེ་

གསང་༼དར༽རྟེན་བཅའ་བའི་གནད། ལས་མགོན་༼དར༽བཅུད་ཕུར་གྱི་གནད། སྔགས་ཀྱི་འབྲུ་ཐེམས་གསང་བ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྔགས་བྱང་། ཅོག་བརྡུང་གི་སྔགས་བྱང་༼དར༽གཅིག་ཏུ་དྲིལ་བའི་ཟབ་མོ་བློར་འཛིན་མི་ཐུབ་པ། མདེའུ་ཐུང་བཅུ་གསུམ་ལ། རང་གཤེད་མདེ་ཐུང་། སྲིའུ་གསོ་བའི་མདེ་ཐུང་། བསྲུང་བཟློག་མདེ་ཐུང་། སེར་བསྲུང་མདེ་ཐུང་། ཞོ་ཆང་བསྲུང་བའི་མདེ་ཐུང་། ངག་གནོན་མདེ་ཐུང་། ངག་འགྲོལ་མདེ་ཐུང་། ལྟས་ངན་མདེ་ཐུང་། ཇག་འཆིང་མདེ་ཐུང་། རྒྱས་པའི་མདེ་ཐུང་། མིག་མཐོང་མདེ་ཐུང་། སེར་འབེབས་མདེ་ཐུང་། འཁུ་ལྡོག་བཅིང་བའི་མདེ་ཐུང་དང་བཅས་པ། ལས་ཚོགས་ཡང་མདེ་བཅོ་ལྔ་༼གཏེར༽ལ། འཁུ་ལྡོག་བཅིང་བ། དགྲ་བོ་བསད་པ། སྲིའུ་གསོ་བ། རྦོད་གཏོང་ཟློག་པ། སེར་བ་བསྲུང་བ། ཞོ་ཆང་བསྲུང་བ། སྡང་བྱེད་མནན་པ། བབས་ན་ངག་འབྱེད། ལྟས་ངན་གཏོང་བ། ཇག་འཆིང་། ཟས་ནོར་སྒྲུབ་པ། མིག་མཐོང་སྒྲུབ་པ། བུད་མེད་འགུགས་པ། ཆར་འབེབས། མདེ་ཁ་རྣམས་ཀྱི་གནད་ཡིག་རྣམས། གཉིས་པ་བྱེ་བྲག་རྐྱང་སྒྲུབ་ཀྱི་སྐོར་ལ། མགོན་པོ་འཁོར་བཅས་རེ་རེར་སྒྲུབ་པའི་ཐབས་ཚིག་བཅད་མ། ཡེ་ཤེས་མགོན་པོའི་རྐྱང་སྒྲུབ། འདི་གོང་གནོན་དང་ཞུས་དག་ཕེར་བ་ཞིག་ལས་ཟུར་པ་མ་བྱུང་བས་དཔྱད། ཡུམ་ཙན་ཏིའི་རྐྱང་སྒྲུབ། བྱ་རོག་གདོང་ཅན་གྱི་རྐྱང་སྒྲུབ། སེང་གདོང་རྐྱང་སྒྲུབ། ར་ཧུ་ལའི་རྐྱང་སྒྲུབ། གིང་གི་རྐྱང་སྒྲུབ། གཤིན་རྗེའི་རྐྱང་སྒྲུབ། བཙན་གྱི་རྐྱང་སྒྲུབ། གནོད་སྦྱིན་རྐྱང་སྒྲུབ། བྱེ་བྲག་སོ་སོར་སྒྲུབ་པའི་

སྔགས་བྱང་རྣམས། རྩ་བའི་གཉིས་པ་ཐེམས་མེད་ལ། ཐུན་མོང་གི་ལས་ཚོགས་དང་མཆོག་སྒྲུབ་པའི་ལས་ཚོགས་གཉིས། དང་པོ་ལ། མགོན་པོའི་འཁོར་བཅས་ཀྱི་རྐྱང་སྒྲུབ་དྲིལ་སྒྲུབ་ཤིན་ཏུ་༼དར༽ཟབ་པ་ལེའུ་བཅུ་བདུན་པ་ལས་ཁོལ་དུ་ཕྱུང་བ། རང་གཤེད་འབེབས་པ་སྡེབས་དོན་༼དར༽བཅུ་པ་བཀའ་ཉན་གནམ་ལྕགས་བེར་ཀ །སྔགས་ནག་ངག་༼དར༽གནོན་མན་ངག །ཁྱི་སོག་ལ་༼དར༽བརྟེན་པའི་ངག་གནོན། འབྱེད་པ་རྟ་༼དར༽གཡག་གི་འཁོར་ལོ། སྲིའུ་གསོ་ཐབས་༼དར༽ཡི་དྭགས་ཁ་བཅིངས། རྒྱལ་པོ་བྱ་མགོ་ཅན་༼དར༽གནོན་པ། ཀླུ་གཏད་ནག་༼དར༽པོ་དགྲ་འཇོམས། དེའི་ཞལ་༼དར༽གདམས། ཕུར་གཏད་༼དར༽ལྐུགས་པ་ཁར་འཇུག །ཀླུ་གཏད་བུམ་ཆུ་༼དར༽མ། གཏད་ཁྲམ་འདྲི་བའི་ཡིག་ཆུང་། མ་ཧཱ་ཀཱ་ལའི་ལྷམ་༼དར༽མཐུ། བཀའ་ལོག་བྱི་མོའི་པདྨ་བསྲང་ཐབས། ལས་མཇུག་ཀླུ་༼དར༽ལ་གཏོད་པ། རྗེ་དཔོན་གསུམ་གྱི་སྒྲུབ་ཐབས། དཔོན་གཡོག་༼དར༽གསུམ་གྱི་ཆོ་འཕྲུལ་གཏོང་བ། གིང་ཆེན་སྡེ་ལྔའི་དྲིལ་སྒྲུབ། ཙིཏྟ་གསང་བའི་སྙིང་༼དར༽སྒྲུབ། གྲི་ལག་ཐལ་རྡེབ། ཉམས་ལེན་གནད་གསང་༼དར༽བཟློག་མེད། མགོན་པོ་གསང་༼དར༽བའི་བཟློག་པ། མགོན་པོ་ནག་པོའི་༼དར༽ཕྱིར་བཟློག །ཕྱི་རབས་རྣལ་འབྱོར་རྣམས་ལ་མཁོ་བའི་གནད་༼དར༽བདུན་གྱི་མན་ངག །ཁོན་ནག་སྤྱོད་པའི་མན་ངག །འཁོན་ནག་སྦྱོང་ཐབས་ལག་པའི་འདུ་བྱེད་རྐྱོང་བ། མན་ངག་གསེར་གྱི་ཐུར་མའམ་གསེར་གྱི་ཡང་ཞུན་དུ་གྲགས་པ། མགོན་པོའི་འགྱུ་༼དར༽དུས། གཏོར་མ་གཏོང་དུས་༼དར༽བྱ་རོག་གི་སྐད་བརྟག་པ། བླ་གནས་རྩི་ཞིང་༼དར༽བླའི་རྟགས་བརྟག་པ། གཤེད་བཞིའི་སྦྱོར་༼དར༽བ། བླ་འཁྱམས་༼དར༽གསོད་པ། བླ་ཕུར་སྲོག་ཕུར་༼དར༽བསྙེན་ཕུར་གྱི་

མན་ངག །སྡེ་བརྒྱད་ངོས་༼དར༽འཛིན། འབར་མའི་ཐུན་སྒྲུབ་༼དར༽ཕྱི་མུ་སྟེགས་པ་ལུགས། ཐུན་སྒྲུབ་ནང་ནང་པ་༼དར༽ལུགས། སེང་གདོང་ཅོག་བརྡུང་༼དར༽གི་མན་ངག །སེང་གདོང་གི་སྨྱོ་༼དར༽ཞིང་འགུགས་པ། སེང་གདོང་གར་རྦད་༼དར༽རླག་པར་བྱེད་པ། སེང་གདོང་གི་བསྐུལ་༼དར༽དཔལ་ལྡན་མ། གཟའ་བདུད་ལས་མཐའ་༼དར༽རི་གཟར་གྱི་རྦབ་འདྲ་བ། གཟའི་བསྐུལ་ཁྲག་མཚོ་ཁོལ་མའི་རྒྱུད་ལས་ཕྱུང་བ། སྲིན་པོ་ཁྱབ་འཇུག་༼དར༽གི་དབང་སྒྲུབ། གཟའ་རྒོད་འཇིག་༼དར༽རྟེན་པའི་སྒྲུབ་ཐབས། མོན་པ་ནག་པོའི་མན་༼དར༽ངག་སྤུ་གྲི་དར་མ། གོས་དཀར་ལ་བརྟེན་པའི་ལིང་ཁྲུས་༼དར༽དང་ལྷ་དབྱེ་རལ་གྲི་ཆུ་བརྡེག །ཏིང་ངེ་འཛིན་ལ་བརྟེན་པའི་གཏད་༼དར༽རུལ། ཅེ་སྤྱང་འཁོར་ལོ་ལ་བརྟེན་པའི་ལམ་༼དར༽བསྲུང་། བྱ་རོག་དང་འུག་པའི་སྒྲོ་ལ་བརྟེན་པའི་ངག་༼དར༽འགྲོལ། ཌཱ་ཀི་འགུགས་པ། བུ་མོ་འགུགས་པ། གཙོ་འཁོར་བཅུའི་གནད་༼དར༽ཀྱི་ལྡེ་མིག །མགོན་པོའི་ཕྱི་ནང་གསང་གསུམ་གྱི་མན་ངག་རིག་འཛིན་ཀུ་མཱ་རཱ་ཛས་མཛད་པ་འཁོར་ལོ་རྣམས་ཀྱི་བྲི་ཡིག་༼དར༽བརྒྱུད་པའི་བླ་མ་ཞིག་གིས་མཛད་པ། མགོན་པོ་དཀར་༼དར༽པོའི་ཚེ་སྒྲུབ་བདུད་རྩི་འཁྱིལ་པ་རྣམས། གཉིས་པ་མཆོག་གི་དངོས་གྲུབ་གྲུབ་པ་ལ། ནང་རྩ་གསུམ་༼དར༽འཁོར་ལོ་ལྔ་ལ་བརྟེན་པའི་རྫོགས་རིམ་གསང་འཁྲིད་ཀྱི་ཡི་གེ་རྒྱུད་དང་རྒྱ་གར་མཁས་པའི་ལུགས་བཞིན་བཅུད་དུ་གདམས་པ་རྣམས་ཐོབ་པ་ལས་དར་དང་གཏེར་གྱི་རྟགས་མེད་པའི་ལུང་རྣམས་དབང་གི་བརྒྱུད་པ་ནི། ཆེ་མཆོག་ཧེ་རུ་ཀ །ཡེ་ཤེས་མགོན་པོ། ཨོ་རྒྱན་རིན་པོ་ཆེ། མཁར་ཆེན་བཟའ། མངའ་བདག་ཁྲི་སྲོང་ལྡེ་བཙན། གཏེར་

སྟོན་ཉང་རལ། སྲས་འགྲོ་མགོན། སངས་རྒྱས་མདོ་བོ་རས་པ། གཉན་རས་སཾ་གྷ་ལཀྵ་ཡང་ཟེར། གྲུབ་ཐོབ་མེ་ལོང་རྡོ་རྗེ། བླ་མ་ཉི་མ་འོད་ཟེར། མཁན་པོ་བསོད་ནམས་བློ་གྲོས། གུ་རུ་སྨོན་ལམ་ཤེས་རབ། རིག་འཛིན་ཆེན་པོའི་གསན་ཡིག་ན་འདི་ལྟར་འདུག་ཀྱང་འཇམ་དབྱངས་མཁྱེན་བརྩེའི་གསན་ཡིག་ན་འདི་གཉིས་སྔ་ཕྱི་གོ་སློག་འདུག་པ་བརྟག །བླ་མ་རིན་ཅེན་རྡོ་རྗེ། རྟོགས་ལྡན་ཤེས་རབ་ཚུལ་ཁྲིམས། འདི་འཇམ་དབྱངས་མཁྱེན་བརྩེའི་གསན་ཡིག་ན་མི་འདུག་པ་དཔྱད། དྲིན་ཅན་ཆོས་ཉིད་ཤེས་རབ། མཁས་བཙུན་བསོད་ནམས་བཟང་པོ། རྗེ་མཁྱེན་བརྩེའི་གསན་ཡིག་ན་བསོད་ནམས་དཔལ་བཟང་ཟེར་བ་འདུག །བླ་མ་ཆོས་ཀྱི་རྒྱལ་མཚན། རྗེ་མཁྱེན་བརྩེའི་གསན་ཡིག་ན་བློ་གྲོས་རྒྱ་མཚོ་ཟེར་བ་འདུག །རྗེ་ཆོས་ཀྱི་རིན་ཅེན། སྔགས་འཆང་ཆོས་རྒྱལ་བསོད་ནམས། ཡོལ་མོ་སྤྲུལ་སྐུ་ཤཱཀྱ་བཟང་པོ། རིག་འཛིན་ཆེན་པོ་ལེགས་ལྡན་རྗེ། རྒྱལ་སྲས་པདྨ་ཆོས་རྒྱལ། ཆོས་རྒྱལ་བཀྲ་ཤིས་སྟོབས་རྒྱལ། སྣང་གསལ་བ་ངག་དབང་ཡེ་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་གཏེར་སྟོན་ནས། འགྲོ་མགོན་གཉོས། གཉོས་པདྨ་རྡོ་རྗེ། གཉོས་སྟོན་གྲགས་པ། གྲགས་པ་བཀྲ་ཤིས། གྲགས་པ་རིན་ཅེན། སངས་རྒྱས་གྲགས་འོད། རྡོ་རྗེ་རྒྱལ་པོ། ཆོས་ཀྱི་རྒྱལ་མཚན། ཆོས་ཀྱི་བློ་གྲོས། ཀོང་ཆེན་རིན་པོ་ཆེ། རིག་འཛིན་ཆེན་མོ་མན་གོང་ལྟར། ཡང་ན་ལེགས་ལྡན་རྗེ་ནས། འབྲི་གུང་གནམ་ལྕགས་མེ་འབར། བཀྲ་ཤིས་རྒྱ་མཚོ། དུ་མ་རང་གྲོལ། ངག་དབང་ཡེ་གྲུབ་མན་གོང་ལྟར་རོ། །ཡང་ན་གཉོས་སྒོམ་རྡོ་རྗེ་ནས། སངས་རྒྱས་གྲགས་པ་མན་གོང་

དང་འདྲ། ཡང་ན་སངས་རྒྱས་གྲགས་འོད་ཡན་གོང་ལྟར་ལ། གྲགས་པ་རྒྱལ་མཚན། ཚུལ་ཁྲིམས་འབྱུང་གནས། ཤེས་རབ་རྒྱལ་པོ། ནམ་མཁའི་མཚན་ཅན། མཁའ་ཀློང་ཡངས་པ། སྐལ་ལྡན་རྒྱ་མཚོ། ཀུན་དགའ་དཔལ་བཟང་། འབྲི་གུང་ཟུར་པ་མན་འདྲ། དར་གྱི་རྟགས་ཡོད་པའི་ལུང་བརྒྱུད་ནི། མེ་ལོང་རྡོ་རྗེ་ཡན་གོང་ལྟར་ལ། རིག་འཛིན་ཀུ་མཱ་རཱ་ཛ། དབང་ཕྱུག་རིན་ཅེན། གསང་ཕུ་བ་ཤེས་རབ་དབང་ཕྱུག །རྗེ་བློ་གྲོས་སེང་གེ །མཁས་གྲུབ་གུ་ཎ་བཛྲ། དགེ་སློང་བླ་མ་དཔལ་འབྱུང་། དོལ་པོ་རྫོང་ལུང་བ་རིན་ཅེན་གྲུབ། གྲུབ་ཆེན་ཁྲོ་རྒྱལ་འབར། ལྐོག་རུས་བཀྲ་ཤིས་བཟང་པོའང་ཟེར། མངའ་རིས་པཎ་ཆེན། ཉང་ཀུན་དགའ་ལྷུན་གྲུབ། ཉང་ཀུན་དགའ་བསྟན་འཛིན། ཉང་བསྟན་འཛིན་ནོར་བུ། ཉང་བསྟན་འཛིན་ཆོས་རྒྱལ། རྫོགས་ཆེན་པ་ནམ་མཁའ་འབྲུག་སྒྲ། དར་སྡིངས་པ་འཕྲིན་ལས་ལྷུན་གྲུབ། ཟུར་རྩ་བའི་བླ་མ་མན་གོང་བཞིན་ནོ། །ཡང་ན་གྲུབ་ཐོབ་མེ་ལོང་རྡོ་རྗེ་ནས། བླ་མ་སྨོན་ལམ་ཤེས་རབ། རྗེ་ནམ་མཁའ་དོན་གྲུབ། མཚན་ལྡན་བྱམས་པ་བཤེས་གཉེན། གུ་རུ་སངས་རྒྱས་དཔལ་བཟང་། ལྡོང་ཆོས་རྒྱལ་བསོད་ནམས། ཡོལ་མོ་སྤྲུལ་སྐུ་ཤཱཀྱ་བཟང་པོ། མངའ་རིས་པཎ་ཆེན་མན་གོང་བཞིན་ནོ། །གཏེར་གྱི་རྟགས་ཅན་རྣམས་ཀྱི་ལུང་བརྒྱུད་ནི། རིག་འཛིན་འཕྲིན་ལས་ལྷུན་གྲུབ་ནས། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །གསན་ཡིག་རྣམས་དང་བསྟུན་ན་ད་དུང་ཁ་ཤས་མ་འགྲིག་ཅིང་ཆོས་སྡེའི་བཞུགས་ཚུལ་ཡང་མི་མཐུན་པ་ཅུང་ཟད་འདུག་པ་འདིར་ཐེམས་གཙོ་བོར་བྱས་པ་ཡིན་ཐེ་

ཚོམ་གྱི་དཔྱད་གཞིར་ཅུང་ཟད་སྣང་ངོ་། །བླ་མ་མངའ་བདག་ཆེན་པོས་སྲིན་སྦར་ནས་སྤྱན་དྲངས་པ་རྫ་བུམ་ལས་བྱོན་པའི་མགོན་པོ་གཡུལ་བཟློག་གི་སྐོར་ལ། ཡེ་ཤེས་མགོན་པོ་སྲོག་འཁོར་གྱི་ལས་བྱང་གདུག་པ་ཀུན་སྒྲོལ། ཡུམ་ཆེན་མོ་པ་ཏྲ་ཀུན་ཏུ་བཟང་མོའི་ལས་བྱང་གཉིས་ཀྱི་ལུང་གི་བརྒྱུད་པ་ནི། ཨོ་རྒྱན་རྡོ་རྗེ་འཆང་། མཁར་ཆེན་བཟའ། གཏེར་སྟོན་ཉང་། གཉོས་ཞིག་ཆེན་པོ། གཉོས་མཚན་ལྡན་གྲུབ་ཐོབ། གཉོས་གྲགས་པ་བཀྲ་ཤིས། གཉོས་གྲགས་པ་རིན་ཅེན། གཉོས་གྲགས་པ་སེང་གེ །གཉོས་མཚན་ལྡན་གྲགས་པ། གཉོས་གྲགས་པ་འོད་ཟེར། རྡོ་རྗེ་རྒྱལ་པོ། དྷརྨ་ཀེ་ཏུ། ནམ་མཁའ་དཔལ་ལྡན། ཀོང་པོ་དྲི་མེད་སངས་རྒྱས། གནམ་གོང་བ་བཀྲ་ཤིས་དབང་ཕྱུག །རྣལ་འབྱོར་བསོད་ནམས་བཟང་པོ། ཀོང་ཏ་བའི་སྔགས་འཆང་སྐྱབས་སྦྱིན། མཁས་གྲུབ་ཀརྨ་གུ་རུ། རང་གྲོལ་ནམ་མཁའ་ཆོས་དབང་། ཉང་སྟོན་མཁས་གྲུབ་ཆེན་པོ། དེས་བདག་ལའོ། ༈ །མགོན་པོ་གཡུལ་བཟློག་གི་མདོས་བདུད་དཔུང་གཡུལ་བཟློག་གདུག་པ་ཀུན་འཇོམས་ལ། སྒྲུབ་པ་པོའི་མཚན་ཉིད། རྫས་གསོག་པ། གཤོམ་པ། བརླབ་པ། སྤྱན་འདྲེན། བཞུགས་གསོལ། མཆོད་པ་འབུལ་ཞིང་གནད་ལ་ཕབ་སྟེ་ཐུགས་དམ་བཀང་བ། བསྐུལ་ཞིང་འཕྲིན་ལས་བཅོལ་བ། དབང་དུ་བསྡུ་བ། བསྙེན་སྒྲུབ། གླུད་ཡས་ཀྱི་ཆོ་འབྲང་འདོན་པ། བསྔོ་ཞིང་འཕྲིན་ལས་བཅོལ་བ། ཐུན་དབབ་པ། ཟོར་འཕང་བ། ལམ་བསྟན་པ། ཁྲོམ་སྣ་བསྒྱུར་བ། མདོས་བསྐུལ་བ། སྨོན་ལམ། ཚེ་འགུགས། བཀྲ་ཤིས། དགེ་བ་བསྔོ་བ་སྟེ་སྤྱི་དོན་ཉེར་གཅིག་གིས་གཏན་ལ་ཕབ་པའི་ལུང་བརྒྱུད་ནི། མཐིང་

གི་བླ་མ་གྲགས་འོད་ཡན་གོང་ལྟར་ལ། གྲགས་པ་རྒྱལ་མཚན། ཚུལ་ཁྲིམས་འབྱུང་གནས། ཤེས་རབ་རྒྱལ་པོ། ནམ་མཁའི་མཚན་ཅན། མཁའ་ཀློང་ཡངས་པ། སྐལ་ལྡན་རྒྱ་མཚོ། ཀུན་དགའ་དཔལ་བཟང་། ལེགས་ལྡན་རྗེ། འབྲི་གུང་ཟུར་བ། བཀྲ་ཤིས་རྒྱ་མཚོ། ཀུན་དགའ་ཚེ་མཆོག །ཡེ་ཤེས་གྲུབ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་མཐིང་གི་བླ་མ་གྲགས་འོད་ནས། རྡོ་རྗེ་རྒྱལ་པོ། དྷརྨ་ཀེ་ཏུ། བྲལ་བམ་མཁར་བ་ཆོས་ཀྱི་བློ་གྲོས། ཀོང་ཆེན་པ། བླ་མ་མི་བསྐྱོད་རྡོ་རྗེ། རྣལ་འབྱོར་བསོད་ནམས་བཟང་པོ། སྔགས་འཆང་སྐྱབས་སྦྱིན། ལྷ་བྲོ་ཀརྨ་གུ་རུ། ཉང་བསྟན་འཛིན་ཆོས་རྒྱལ། སྔགས་འཆང་ཀརྨ་གསང་སྔགས། དར་སྡིངས་རིག་འཛིན་འཕྲིན་ལས་ལྷུན་གྲུབ། ཟུར་ཐམས་ཅད་མཁྱེན་པ། དེས་བདག་ལའོ། །བླ་མ་མངའ་བདག་ཆེན་པོས་གཞོ་སྟོད་གཏེར་སྒྲོམ་བྲག་ནས་གདན་དྲངས་པའི་བསྟན་མ་བཅུ་གཉིས་ཀྱི་སྒྲུབ་ཐབས་སྔོན་ཚེ་དུར་ཁྲོད་མ། གཏོར་ཆོག་ཕུད་སྐོང་དང་བཅས་པའི་ལུང་ཐོབ་པའི་བརྒྱུད་པ་ནི། ཁྲག་འཐུང་ཧེ་རུ་ཀ །ཨོ་རྒྱན་ཆེན་པོ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཉང་རལ། སྲས་འགྲོ་མགོན། གུ་རུ་ཆོས་དབང་ཡབ་སྲས། དམར་ཞབས་རས་པ། གྲགས་པ་རྒྱལ་མཚན། བཀྲ་ཤིས་མཚན་ཅན། བདུད་འདུལ་ཤེས་རབ། རྣམ་མཁྱེན་ཆོས་བློ། དབང་ཕྱུག་བློ་གྲོས། བསོད་ནམས་སེང་གེ །འཇམ་དབྱངས་བློ་གྲོས། ཆོས་སྐྱོང་ཚུལ་ཁྲིམས། ནམ་མཁའ་དཔལ་བཟང་། ཡབ་འཇམ་དབྱངས་རྒྱལ་མཚན། མངའ་རིས་པཎ་ཆེན། ལེགས་ལྡན་རྗེ། མཁྱེན་བརྩེའི་

ཞབས། རྗེ་དབང་རབ། ཁྱབ་བདག་བཀའ་འགྱུར་བ། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། ༈ །བླ་མ་མངའ་བདག་ཆེན་པོས་ལྷོ་སྲིན་མོ་སྦར་རྗེས་བྲག་དང་བསམ་ཡས་མཆོད་རྟེན་ནག་པོ་སོགས་ནས་གདན་དྲངས་པའི་ལྷ་མོ་ཤྨ་ཤཱ་ནཱ་དྷི་པ་ཏི་ཞེས་དུར་ཁྲོད་ཀྱི་དཀོར་སྲུང་འདྲེ་མོ་ངན་ནེ་མའི་སྐོར་ལ་དབང་དང་མན་ངག་གཉིས་ཀ་ཡོད་པས་གཙོར་བཏོན། གཞན་མ་ཆོས་དབང་། པད་གླིང་། བླ་མ་བྷ་རོ། བྱང་གླིང་པ། ཐ་ཕུག་པ། གངས་སྟོན་དོན་གྲུབ་སོགས་བཀའ་གཏེར་གྱི་མན་ངག་སྣ་ཚོགས་ཀྱང་ལེ་ལག་ཏུ་བསྒྲིགས་ནས་མཛད་པ་ཆགས། བྱང་ཆུབ་གླིང་གི་ཆོས་སྐྱོང་ཐུན་མོང་མ་ཡིན་པར་སོང་བའི་ཕྱག་བཞེས་སུ་གནང་བ་ལྟར་ནོས་པ་ལ། སྔགས་འཆང་རྡོ་རྗེ་ཛྙཱ་ནས་བཀོད་པའི་རྗེས་གནང་གི་ཡི་གེ་བཞིན་མཎྜལ་སིནྡྷུ་རའི་ཆོས་འབྱུང་ལ་བརྟེན་ནས། སྐུ་གསུང་ཐུགས་ཀྱི་རྗེས་གནང་མཇུག་སྣང་སྟོང་ངོ་སྤྲོད་བཀའ་བསྒོ་དང་བཅས་པ་ནོས་ནས། ལུང་ལ་དུར་ཁྲོད་ཀྱི་འདྲེ་མོ་ངན་ནེ་མའི་ཏན་ཏྲ་གསང་བ་གཅིག་རྒྱུད་ཅེས་བྱ་བ་ལེའུ་བཅུ་པ་འཕྲུལ་གྱི་ལྷ་མོའི་རྒྱུད་རྫོགས་སོའི་མཐའ་ཅན། དཀོར་སྲུང་ནག་མོའི་སྒྲུབ་རྒྱུད་ལེའུ་དང་པོར་སྒྲུབ་པ་དང་གཉིས་པས་ལས་སྦྱོར་སྟོན་པ་བསམ་ཡས་མཆོད་རྟེན་ནག་པོའི་གཏེར་བྱོན། གཏེར་ཁ་དེ་ཀའི་འཕྲོས་ཀྱི་ལས་ཕྲན་ཆོ་འཕྲུལ། དབང་སྡུད། ནོར་སྒྲུབ། གསལ་སྟོན། གསང་སྔགས་ཟབ་མོ་སྙིང་ཏིག་གི་ཞེས་སོགས་ཀྱི་བསྐུལ་དང་བཅས་པ་སྒྲུབ་རྒྱུད་ཀྱི་ཁྱད་པར་ཅན་གྱི་སྒྲུབ་པ་བྱིན་ལུགས་ཡང་ཟབ་དམ་པ། སྲིན་སྦར་གྱི་གཏེར་བྱོན་དུར་ཁྲོད་ཀྱི་བདག་མོ་འདྲེ་མོ་ངན་ནེ་མའི་གསང་སྒྲུབ་འདི་ལས་ལྷག་པ་གཞན་ཡོད་ན་བྷི་ན་

ཤི་བི་ཀིའི་མཐའ་ཅན། མུ་སྟེགས་ཀྱི་མཁའ་འགྲོ་ལྟར་མོན་མོ་འོད་ཀྱི་བུ་ག་ཅན། ནང་ལྟར་གསེར་གྱི་སྤུ་གྲི། གསང་བ་དུར་ཁྲོད་ཀྱི་འབྲེ་མོ་ངན་ནེ་མ་ཞེས་བྱ་བའི་སྒྲུབ་ཐབས་དོན་ལྔ་པ། གནད་འབེབས། ཕྱིར་མི་འབྲང་བ། རྟགས་སྲེག་པ། འཁུ་ལྡོག་བསྲུང་བ། ཆོ་འཕྲུལ་ལྟས་ངན་སྣ་ཚོགས་གཏོང་བ་དང་གཏོར་མ་ལ་བརྟེན་པའི་གསང་བའི་སྒྲུབ་ཐབས་གསང་རྒྱ་ཅན། འཁོར་ལོའི་མན་ངག་ཟུར་དུ་བཀོལ་བ་སོགས་ཞལ་གདམས་དང་བཅས་པ་གསེར་གྱི་ཡང་ཞུན་ལྟ་བུ་བསྟན་པ་དར་བའི་འགྲོ་དོན་ཤོག་གི་མཐའ་ཅན། ཕྱི་མོན་མོ་འོད་ཀྱི་གའུ་ཅན། ནང་དཀོར་སྲུང་ནག་མོ། གསང་བ་དུར་ཁྲོད་ཀྱི་འདྲེ་མོར་སྒྲུབ་པ་སྒྲུབ་ཐབས་མི་འདྲ་བ་མང་དུ་ཡོད་ཀྱང་གཞན་མེད་པའི་ཟུར་ཏིག་ཟབ་མོ། མ་ཧཱ་སི་ལི་མ་ནི་རྫས་དང་གཏོར་མ་ལ་བརྟེན་པའི་ཕྱི་སྒྲུབ་གུ་རུ་པདྨས་མཛད་པ་རྫོགས་སོའི་མཐའ་ཅན། རྩྭ་ཕད་གང་དང་མར་སྲང་གཅིག་གི་ཕྱིར་འབྲང་པའི་རྣལ་འབྱོར་པའི་དཀོར་སྲུང་གི་སྒྲུབ་པ། དཀོར་སྲུང་དང་ར་མདའ་དང་ནོར་ཚོགས་པ་གསུམ་གྱི་སྒོ་ནས་དུར་ཁྲོད་ཀྱི་འདྲེ་མོ་ངན་ནེ་མའི་སྒྲུབ་པ་ནོར་བདག་མའི་སྒྲུབ་ཐབས་རྫོགས་སོའི་མཐའ་ཅན། མེ་ལོང་དང་དཀར་གསུམ་དངར་གསུམ་ཕུག་རོན་དང་རུ་ལ་བརྟེན་པའི་ངན་ནེ་མའི་ཆོ་ག །ཅེ་སྤྱང་ལ་སོགས་པའི་ཐོད་པ་བཅས་ལ་སྦྱོར་བའི་དུར་ཁྲོད་བདག་མོའི་སྒྲུབ་ཐབས་མནན་པ་བྱའོའི་མཐའ་ཅན། དུར་ཁྲོད་ངན་ནེ་མའི་སྒྲུབ་ཐབས་དོན་གསུམ་པ་ཁྱོད་ཀྱི་ཡབ་ཀྱི་མཚན་གསོལ་བ་སོགས་ཀྱི་གྱེར་དང་བཅས་པ་ཕྱི་སྒྲུབ་རྫོགས་བྱང་གི་མཐའ་ཅན། མེ་ལོང་དཀར་གསུམ་དངར་གསུམ་གོང་མོའི་དང་རུ་ལ་བརྟེན་པའི་ངན་ནེ་

མའི་སྒྲུབ་ཐབས་ཁྱོད་ནོར་སྣ་གཅིག་གི་རྗེས་གཅོད་མ་སོགས་ཀྱི་བསྐུལ་དང་བཅས་པ། འདྲེ་མོ་ངན་ནེ་མ་ཞེས་མཁས་བཙུན་ཐམས་ཅད་ཀྱི་དཀོར་སྲུང་མའི་སྒྲུབ་པ་གཏེར་སྟོན་པདྨ་གླིང་པའི་མན་ངག །བླ་མ་བྷ་རོའི་ལུགས་ཀྱི་ཆོ་འཕྲུལ་གཏད་ཐབས་ནང་སྒྲུབ་རྫོགས་པའི་མཐའ་ཅན། རྗེས་གནང་གི་ཡི་གེ་སྔགས་འཆང་རྡོ་རྗེ་ཛྙཱ་ནས་བཀོད་པ། ལྷ་མོ་ངན་ནེ་མ་དང་གནོད་སྦྱིན་ངན་ནེ་མ་གཉིས་སྦྲགས་སྒྲུབ་པ་བྱང་ཆུབ་གླིང་པས་མཛད་པ། གསང་བ་འདུས་པར་ལི་པྲ་མ་ཡར་གྲགས་པས་ལས་ཀྱི་ལྷ་མོའི་དཀོར་སྲུང་འདི་ལ་ཕྱི་ནང་གསུམ་ལས་གསང་སྒྲུབ་ཀྱི་མན་ངག་དུས་མཐའི་སྤྲང་པོ་མཐའ་ཕུག་པས་མཛད་པ་གསང་རྒྱ་མགྲིན་པའི་འཁོར་ལོ་སྡོམ་པའི་མཐའ་ཅན། མཚོན་བསྲུང་ཟབ་མོ་གསེར་ཞོ་རེའི་ཡོན་མེད་ན་གཞན་ལ་མི་སྟེར་བ། འཁོན་ནག་གི་གདམས་པ་ངན་ཐབས་སྦྱོར་བ་རྣམས། དཔེ་རིས་ལ་གོང་གནོན་ཕག་མོ། ནང་སྒྲུབ། ཕྱི་སྒྲུབ། གསད་པ། ཐན་འགྱེད་རྣམས་ཀྱི་སྐུ་གཟུགས། ཤེས་པ་དཀར་པོ་དང་བྱ་མཆུ་ནག་མོའི་ལིངྒ་མཆོད་རྟེན། རྟག་གཏོར། རྒྱུན་གཏོར། བསྙེན་གཏོར། རྦད་གཏོར། མཎྜལ། མེ་ཧོམ། ཕག་དང་། རི་བོང་གི་ཐོད་པ། བླ་རྡོ། སྲོག་འཁོར་དང་བཅས་པ་རྣམས་ལེགས་པར་ནོས་པའི་བརྒྱུད་པ་ནི། ཀུན་ཏུ་བཟང་མོོ། ཁྲོས་མ་ནག་མོ། ཨོ་རྒྱན་ནག་མོ། ཨོ་རྒྱན་རིན་པོ་ཆེ། ཡེ་ཤེས་མཚོ་རྒྱལ། ཁྲི་སྲོང་ལྡེ་བཙན། མངའ་བདག་ཉང་རལ་ཆེན་པོ། སྲས་མི་བསྐྱོད་རྡོ་རྗེ། ལྷ་རི་སངས་རྒྱས་རས་ཆེན། གྲུབ་ཐོབ་མེ་ལོང་རྡོ་རྗེ། རྒྱལ་སྲས་བློ་ལྡན་སེང་གེ །བླ་མ་དཔལ་མགོན་རྡོ་རྗེ། བླ་མ་རྡོ་རྗེ་རང་གྲོལ། བླ་མ་བསྟན་འཛིན་རྡོ་རྗེ། བླ་མ་

དགའ་བའི་རྡོ་རྗེ། བླ་མ་བསམ་རྒྱལ་རྡོ་རྗེ། སྤྲུལ་སྐུ་བྱང་ཆུབ་གླིང་པ། རྗེ་སྣ་ཚོགས་རང་གྲོལ། སྲས་ཀུན་དགའ་གྲགས་པ། གྲུབ་ཆེན་ཀུན་དགའ་རྡོ་རྗེ། མཚུངས་མེད་མདོ་སྔགས་བསྟན་འཛིན། དེ་སྲས་འཕྲིན་ལས་ལྷུན་གྲུབ་དྲིན་ཅན་གཏེར་བདག་གླིང་པ། དེས་བདག་ལའོ། ༈ །བླ་མ་མངའ་བདག་ཆེན་པོའི་གཏེར་བྱོན་རྒྱལ་པོ་ཆེན་པོ་ལི་བྱིན་ཧ་རའི་ཆོས་སྐོར་ལ། རྒྱལ་མཚན་བརྒྱད་ཀྱི་སྲོག་དབང་དང་ལུང་ལ། ཤེལ་འཕྲེང་དཀར་པོ་མན་ངག་གི་རྒྱུད་ཆེན་ལེའུ་ཉི་ཤུ་པ་ནོར་ལྷ་ནག་པོའི་བཤད་རྒྱུད་དུའང་གྲགས་སོ། །གཡུ་འཕྲེང་སྔོན་པོའི་རྒྱུད་ལེའུ་བདུན་པ། ལྕགས་འཕྲེང་ནག་པོ་མིག་གཅིག་སྔོན་བྱུང་གི་རྒྱུད་ལེའུ་དགུ་པ་རྣམས་སློབ་དཔོན་པདྨ། གནུབས་ནམ་མཁའི་སྙིང་པོ། ལོ་ཆེན་བཻ་རོ་གསུམ་གྱིས་བསྒྱུར་བ། གསོལ་ཁ་འཕྲིན་ལས་དོན་བཅུ་མ་དང་བཅས་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་འཆང་། ཕྱག་ན་རྡོ་རྗེ། ཨོ་རྒྱན་རིན་པོ་ཆེ། ཇོ་མོ་མཚོ་རྒྱལ། ཁྲི་སྲོང་ལྡེ་བཙན། མངའ་བདག་ཉང་། གུ་རུ་དོན་སེང་རྒྱལ་མཚན། རྩ་བྲལ་བྱ་བཏང་ཆོས་རྗེ། མཚུངས་མེད་འཇམ་དབྱངས་བློ་གྲོས། འཇམ་དབྱངས་དཔལ་རིན། གུ་ཤྲཱི་དཔལ་ལྡན་དོན་གྲུབ། མཚུངས་མེད་ནམ་མཁའ་བཟང་པོ། བཀའ་བརྒྱད་པ་གཞོན་ནུ་དཔལ་བཟང་། སྔགས་འཆང་སྐལ་ལྡན་རྒྱ་མཚོ། མི་འགྱུར་ཀུན་དགའ་དཔལ་བཟང་། འབྲི་གུང་ཟུར་པ་རིན་པོ་ཆེ། ཆོས་རྗེ་ཉི་ཟླ་སངས་རྒྱས། ཨེ་དཀར་ཆེན་ལན་བུ་ཨ་མི། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་བླ་མ་མངའ་བདག་

གི་གཏེར་བྱོན་བཙན་གྱི་བྱང་བུ་གཅིག་ཤུར་ཀྱི་སྐོར་ལ་བཙན་བྱང་རྩ་བ་བཙན་རྒོད་དྲག་པོའི་རླུང་འཁོར་ཟབ་ལམ་བསྟན་པ་ཙམ་གྱི་རྒྱལ་པོ་སུམ་བརྒྱ་དྲུག་ཅུ་མ། ས་གནད། བཙན་གྱི་འགྱུར་ལྡོག །ཤིང་སེ་བ་ལ་བརྟེན་པའི་རང་བསྲུང་རྗེས་གཅོད་རྭ་རུ་ལ་བརྟེན་པའི་ཞལ་ཤེས། གསའི་སྙིང་ཁྲག་ལ་བརྟེན་པའི་ཞལ་ཤེས། བཙན་ཁམས་བྱང་བུ་དམར་པོ་གཅིག་༼སུ༽སྐོར་སྤུ་གྲི་ལྟ་བུ། བཙན་བྱང་ཙག་མའི་ལག་ལེན་གསང་རྒྱ་མ་ཞར་བྱུང་རྫས། བླ་འགུགས། བསྐོར་ས་བཅས་བསྟན་པ། རླུང་ལྷ་ལྗང་སྔོན་ལ་བརྟེན་༼སུ༽པའི་སྒྲིབ་ཤིང་། རྟ་གླུད་གཏོང་བ་བྱང་གཅིག་རྟ་ཁོག་མ་ཟབ་མོ་ཞེས་བྱ་བའི་ཞལ་ཤེས་དཔེ་ཆུང་ཕྱག་ལེན་དམར་འཁྲིད་ཐོབ་པ་ལས་བཙན་བྱང་ཙག་མ་མ་གཏོགས་པའི་བརྒྱུད་པ་ནི། དཔལ་ཧེ་རུ་ཀ །ཨོ་རྒྱན་ཆེན་པོ། མཚོ་རྒྱལ། མངའ་བདག་རྗེ། གཏེར་སྟོན་ཉི་མ་འོད་ཟེར། སྲས་འགྲོ་མགོན། གཉོས་འགྲོ་མགོན། པདྨ་རྡོ་རྗེ། ཉང་སྟོན་གྲགས་པ། གྲགས་པ་བཀྲ་ཤིས། གྲགས་པ་རིན་ཅེན། གྲགས་པ་འོད་ཟེར། གྲགས་པ་རྒྱལ་མཚན། ཚུལ་ཁྲིམས་འབྱུང་གནས། ཤེས་རབ་རྒྱལ་པོ། ནམ་མཁའ་མཚན་ཅན། མཁའ་ཀློང་ཡངས་པ། སྐལ་ལྡན་རྒྱ་མཚོ། ཀུན་དགའ་དཔལ་བཟང་། རིག་འཛིན་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཡང་བཙན་གྱི་བྱང་བུ་གཅིག་ཤུར་རྩ་བའི་བརྒྱུད་པ་གཅིག་ལ་ལེགས་ལྡན་རྗེ་ནས། འབྲི་གུང་ཟུར་པ། བཀྲ་ཤིས་རྒྱ་མཚོ། ཀུན་དགའ་ཚེ་མཆོག །དྲུང་པ་ཕུན་ཚོགས་

དབང་པོ། ཟུར་ཆེན་མན་གོང་ལྟར་རོ། །སུའི་རྟགས་ཡོད་པའི་ལུགས་གཅིག་དང་ཙག་མའི་བརྒྱུད་པ་ནི། ཀ་ཐོག་སྔགས་འཆང་རྒྱལ་མཚན། སློབ་དཔོན་བཀྲ་ཤིས་དར་རྒྱས། ཀུན་བཟང་རྣམ་རྒྱལ། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །སྙིང་རི་བ་རྒྱལ་སྲས་བདེ་བ་བཟང་པོ། དེས་བདག་ལའོ། ༈ །བླ་མ་མངའ་བདག་ཆེན་པོའི་གཏེར་མའི་ལོག་འདྲེན་ཚར་གཅོད་དྲེགས་པ་ཉི་ཤུའི་རླུང་འཁོར་གྱི་སྐོར་ལ། དྲེགས་པ་ཉི་ཤུའི་རྩ་བ་གཞུང་གི་སྔགས་བྱང་། ལོ་རྒྱུས་ལས་འཕྲོས་པའི་ཞལ་གདམས། སྤྱི་ཐེམས་ཕྱག་རྡོར་གྱི་ཞབས་མཐིལ་གཡོན་པར་སྦས་པ། མན་ངག་འདི་རྒྱུད་དགུ་ནས་བཏུས་ཚུལ། བྱང་པའི་ཕྱག་དཔེ་ཐུམས་ཤུན་གྱི་མཇུག་ན་འདུག །ལྟས་ངན་སྲོག་གི་སྤུ་གྲི་དོན་བདུན་གྱིས་བསྟན་པ་ཛྙཱ་ན་ཤྲཱིས་མཛད་པ། སྔགས་འགོ་བསྐོར་ལུགས། མིང་འདོན་འཇུག །སྐད། བསྐོར་ཐབས་དང་བཅས་པ་ཆིག་བརྒྱུད་ལས་མི་སྟོན་པ། བྱང་པའི་ཕྱག་དཔེར་མྱུར་མགྱོགས་གློག་ཞགས་ཀྱི་སྨད་ཆར་འདུག །སྡེ་བརྒྱད་ཀུན་འདུས་སྲོག་གི་སྤུ་གྲི་ཐུམས་ཤུན་ནམ་བམ་ལོག་ཏུ་གྲགས་པ། དགྲ་བོ་གྲི་འཐབ་སུམ་བརྒྱ་དྲུག་ཅུས་གསོད་པ་ཐོག་མཐའ་རླུང་ཞོན། བྱང་པའི་ཕྱག་དཔེར་བམ་ལོག་གི་སྔགས་ཆུང་བ་ཟེར། ཚེ་བདུད་གནོན་པ། རླུང་འཁོར་བཀྲ་བརྟག །ལྟས་ངན་ཆར་དབབ་ཀྱི་ཞལ་ཤེས་དང་བཅས་པ་རྣམས་ཐོབ་པ་ལས་ཐུམས་ཤུན་ཡན་གྱིབརྒྱུད་པ་ནི། རྒྱ་གར་རོམ་བུ་གུ་ཧྱ་ཙནྡྲ། བལ་པོ་བྷ་སུ་དྷ་ར། ཨོ་རྒྱན་ཆོས་ཀྱི་རྒྱལ་པོ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། སྲས་མི་བསྐྱོད་རྡོ་རྗེ། གུང་རུ་འགྲོ་བའི་མགོན་པོ། གཉོས་པདྨ་རྡོ་

རྗེ། གཉོས་སྟོན་གྲགས་པ། རྗེ་གྲགས་པ་བཀྲ་ཤིས། གཉོས་གྲགས་པ་རིན་ཅེན། གཉོས་གྲགས་པ་འོད་ཟེར། སྔགས་འཆང་གྲགས་པ་རྒྱལ་མཚན། གྲུབ་མཆོག་ཚུལ་ཁྲིམས་འབྱུང་གནས། བླ་མ་ཤེས་རབ་རྒྱལ་པོ། རྗེ་ནམ་མཁའི་མཚན་ཅན། མཁའ་ཀློང་ཡངས་པ། སྐལ་ལྡན་རྒྱ་མཚོ། མི་འགྱུར་ཀུན་དགའ་དཔལ་བཟང་། རྗེ་འབྲི་གུང་པ་རིན་ཅེན་ཕུན་ཚོགས། དེ་སྲས་ཆོས་རྒྱལ་ཕུན་ཚོགས། རྗེ་དྲུང་བསྟན་པ་རྒྱ་མཚོ། རྡོ་རྗེ་འཆང་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། ༈ །བཙན་ཁམས་བྱང་བུ་དམར་པོ་ཆིག་སྐོར་གཅིག་ཤུར་སྤུ་གྲི་ལྟ་བུའི་མན་ངག་རྒྱས་བསྡུས་གཉིས་པོ་ལག་ལེན་མྱོང་གྲུབ་གནད་དུ་དྲིལ་བ་ཇག་འགྱེད་རྣམས་དྲག་ཏུ་བྱ་དགོས་པ་ཡིན་ནོའི་མཐའ་ཅན། བཙན་བྱང་སྒྲུབ་པའི་སྔགས་བཟླ་ལུགས་ཕ་ཇོ་སཱུཪྻ་ཀཱ་ལའི་གདམས་པ། ལུགས་གཉིས་སོ་སོའི་དཔེ་ཆུང་། རྐང་ཤིང་དཔུང་ཤིང་འཁོར་ལོ་མདེའུ་སྒྲོ་དང་བཅས་པའི་སྒྲོམ་གྱི་དཔེ་རིས་རྣམས་ཐོབ་པའི་བརྒྱུད་པ་ནི། ཆོས་རྒྱལ་རིན་ཅེན་ཕུན་ཚོགས། བླ་མ་རིན་ཅེན་དཔལ། བླ་མ་སངས་རྒྱས་རིན་ཅེན། དབུར་སྨྱོན་ཆོས་ཀྱི་གྲགས་པ། རིག་འཛིན་དཀོན་ཅོག་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །བླ་མ་མངའ་བདག་ཆེན་པོས་ལྷོ་བྲག་མཁོ་མཐིང་ལྷ་ཁང་ནས་གདན་དྲངས་པའི་གཏད་ཁྲམ་སུམ་བརྒྱ་དྲུག་ཅུའི་ནང་ནས་བཅུད་ཕྱུང་བ་གཏད་ཁྲམ་ཀུན་གྱི་ཡང་སྙིང་བསྙེན་པ་བཅའ་ཐབས་སྒྲུབ་པ་ལས་སྦྱོར་བཞིའི་སྒོ་ནས་བསྟན་པ་སྐལ་ལྡན་ལས་འཕྲོ་ཅན་ལ་ཕྲད་ཤོག་གི་མཐའ་ཅན། གཏད་ཀྱི་མན་ངག་གཟེར་དགུ་ཞེས་པ་མི་ཐེབས་

མི་སྲིད་པའི་གཟེར་གསུམ། འབྱམས་མི་སྲིད་པའི་གཟེར་གསུམ། བཟློག་མི་སྲིད་པའི་གཟེར་གསུམ་རྣམས་ཕྲད་ཤོག་གི་མཐའ་ཅན་ཞར་བྱུང་སྤོགས་པ་གནད་ཀྱི་གཟེར་གསུམ་དང་བཅས་པ། ལྟ་བ་ཆོས་ཉིད་ཀྱི་བཅུད་ཕུར། གཉན་པོ་ལྷའི་བཅུད་ཕུར། དྲག་པོ་སྔགས་ཀྱི་བཅུད་ཕུར། རིག་པ་ཏིང་འཛིན་གྱི་བཅུད་ཕུར། རྟེན་འབྲེལ་རྫས་ཀྱི་བཅུད་ཕུར་ཏེ་གཏད་ཀྱི་གདམས་པ་བཅུད་ཕུར་ལྔ་པ། རྫས་ཀྱི་ཁ་བསྒྱུར་གྱི་ནད་འདིས་འཆི་དང་ཟླ་བ་དུས་ཚོད་འདི་ཙམ་ལ་འཆི་སོགས། མི་རིགས་ཀླུ་རིགས་སྤྲོད་ཚུལ། གཉེན་པོ་དང་གཏད་ལུགས་སོགས་བསྟན་པ་ཕྲད་ཤོག་གི་མཐའ་ཅན། གཏད་བྱེད་ལུགས་ཀྱི་ལག་ལེན་སློབ་དཔོན་མཚམས་པ་བའི་ཉམས་འཁྲིད་ཤིན་ཏུ་གསང་བ་སྙིང་རྗེ་ཆེ་བའི་རྣལ་འབྱོར་པའི་སྤྱོད་ཡུལ་ཡིན་པར་གདའ་འོའི་མཐའ་ཅན། དེ་ལ་ཉེ་བར་མཁོ་བའི་ཀླུའི་ཐེབས་ཟློག་ཟབ་མོ། ས་སུར་དུག་ཏྲི་ནག་པོ་ཞེས་པ་གཏད་ཀྱི་ས་དམིགས་འཚོལ་ལུགས་དྲེགས་པའི་ལས་མཐའ། གཏད་འཁོར་དང་ལིངྒའི་དཔེ་རིས་བཅས་པ་རྣམས་ཀྱི་ལུང་ཕྱག་ལེན་ཞལ་ཤེས་དམར་འཁྲིད་དུ་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རིགས་ལྔའི་སངས་རྒྱས། གསང་བའི་བདག་པོ། ལས་ཀྱི་དབང་མོ་ཆེ། ཨོ་རྒྱན་སངས་རྒྱས་གཉིས་པ། ཇོ་མོ་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཉི་མ་འོད་ཟེར། སྲས་འགྲོ་མགོན་ནས་རིམ་པར། སློབ་དཔོན་མཚམས་པ་བ། ཆོས་རྒྱལ་རིན་ཅེན་ཕུན་ཚོགས། བླ་མ་བཙན་ཡག་སྤྲུལ་སྐུ། ཞབས་དྲུང་ནཱ་རོ་པ། མཐུ་ཆེན་ཆོས་ཀྱི་གྲགས་པ། མཚུངས་མེད་དཀོན་ཅོག་ལྷུན་གྲུབ། ཁྱབ་བདག་

རྡོ་རྗེ་མི་རྟོག་རྩལ། དེས་བདག་ཟ་ཧོར་བནྡེ་ལའོ། ༈ །མངའ་བདག་གི་གཏོར་མའི་བྱིན་རླབས་གྱི་ཁྲུས་ཆུ་དང་སྤ་གྲོ་སྐྱེར་ཆུའི་ཁྲོ་བོ་དམར་པོའི་ཞབས་འོག་ནས་སྤྱན་དྲངས་པའི་འཁོན་སྦྱོང་ལག་པའི་འདུ་བྱེད་བསྐྱོད་པའི་བརྒྱུད་པ་ནི། བཙན་གྱི་བྱང་བུ་གཅིག་ཤུར་གྱི་བརྒྱུད་པ་བྱང་བདག་པོ་བཞུགས་པ་དེ་ཀ་ཡིན་ནོ། ༈ །བླ་མ་མངའ་བདག་གི་གཏེར་མའི་དྲག་སྔགས་སྲིད་པའི་གཏེར་ཁྱིམ་མཐུའི་སྤྱི་སྡོམས་ཆེན་མོ་མན་ངག་ཐམས་ཅད་ཀྱི་ལྡེ་མིག །གྲུབ་རིགས་ཐམས་ཅད་ཀྱི་ཞལ་གདམས་ཕྱི་རབས་རྣལ་འབྱོར་པ་རྣམས་ཀྱི་ལྡེ་མིག །གསང་སྔགས་ཐམས་ཅད་ཀྱི་ཁོང་སྙིང་། མན་ངག་ཐམས་ཅད་ཀྱི་ཉིང་ཁུ་ཞེས་བྱ་བ་བསྙེན་སྒྲུབ་ལས་གསུམ། བསྲུང་བཟློག་གསང་གསུམ། ཁྲམ་གཏད་སེལ་གསུམ། སྡེབས་ཤོར་རླུང་གསུམ། དབྱེ་དཀྲུགས་བསྐྲད་གསུམ། མནན་བསྲེག་འཕངས་གསུམ་སོགས་ལ་ཉེ་བར་མཁོ་བའི་གོལ་ས་གཅོད་པ། འཁྲུལ་པ་སེལ་བ། གནད་གསང་སྟོན་པ་སོགས་རིག་སྔགས་འཆང་བ་རྣམས་ཀྱི་ལག་ཆར་མེད་དུ་མི་རུང་བའི་མན་ངག་ཟབ་ཁྱད་ཅན་ཐོབ་པའི་བརྒྱུད་པ་ནི། གསང་བའི་བདག་པོ། ཨོ་རྒྱན་རྗེ། ཇོ་མོ། མངའ་བདག་རྗེ། གཏེར་སྟོན་ཉང་རལ། སྲས་ཆུང་། གཉོས་ཞིག །གཉོས་སྒོམ་རྡོ་རྗེ། གཉོས་སྟོན་གྲགས་པ། གྲགས་པ་བཀྲ་ཤིས། གྲགས་པ་རིན་ཅེན། མཐིང་གི་བླ་མ་གྲགས་འོད། གྲགས་པའི་མཚན་ཅན། ཚུལ་ཁྲིམས་འབྱུང་གནས། པྲཛྙ་རཱ་ཛཱ། ནམ་མཁའི་མཚན་ཅན། མཁའ་ཀློང་ཡངས་པ། སྐལ་ལྡན་རྒྱ་མཚོ། མི་འགྱུར་གཏེར་སྟོན། ལེགས་ལྡན་རྗེ། རྗེ་འབྲི་གུང་ཟུར་པ། ཨི་དཀར་

ཆེན་ལན་བུ་ཨ་མི། འཁོན་སྟོན་རྡོ་རྗེ་འཆང་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། ༈ །བླ་མ་མངའ་བདག་ཆེན་པོའི་ཟབ་གཏེར་ལས་བྱོན་པའི་སྡེབས་ཀྱི་སྐོར་ལ། རྒྱུད་རྡོ་རྗེ་གཙུག་ལག་ནས་སྟོད་ལས་གསེར་གྱི་འབྲུ་ཐུས་སུ་གུད་དུ་ཕྱུང་བ། རྡོ་རྗེ་གཙུག་ལག་འཕྲིན་ལས་དྲག་པོ་མངོན་དུ་ཕྱུང་བའི་རྒྱུད་ལས་སྔགས་ཀྱི་དཀྲུགས་སྡེབས་གསང་བ་སློབ་དཔོན་འཇམ་དཔལ་བཤེས་གཉེན་གྱིས་མཛད་པ་ལོ་ཆེན་བཻ་རོའི་འགྱུར། བརྣལ་བཟློག་དཀྲུགས་པ་གསུམ་སོགས་ཀྱི་དཔེར་བརྗོད། མཐར་ཐུག་གནད་ཀྱི་དྲང་ཐབས་ཟབ་མོའི་ཏིང་འཛིན། སྡེ་བརྒྱད་དུ་བསྡེབས་པའི་མན་ངག་རྣམས་ཐོབ་པའི་བརྒྱུད་པ་ནི། རྡོ་རྗེ་འཆང་། ལག་ན་རྡོ་རྗེ། དགའ་རབ་རྡོ་རྗེ། འཇམ་དཔལ་བཤེས་གཉེན། གཙུག་ལག་དཔལ་དགེ །ཨོ་རྒྱན་ཆེན་པོ། ཇོ་མོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་མངའ་བདག་ཉང་རལ། སྲས་འགྲོ་བའི་མགོན་པོ། གཏེར་སྟོན་ཆོས་ཀྱི་དབང་ཕྱུག །སྲས་པདྨ་དབང་ཆེན། བླ་ཆེན་མར་སྟོན་སངས་རྒྱས། གཉན་སྟོན་བསོད་ནམས་རྒྱལ་མཚན། བླ་ཆེན་བཀྲ་ཤིས་སེང་གེ །རྟོགས་ལྡན་ཆོས་ཉིད་རང་གྲོལ། བླ་མ་སངས་རྒྱས་དབོན་པོ། བླ་མ་ཆོས་ཉིད་བཟང་པོ། འཇམ་དབྱངས་རིན་ཅེན་རྒྱལ་མཚན། མཁས་གྲུབ་མངའ་རིས་པཎ་ཆེན། དཔལ་ལྡན་ཆོས་ཀྱི་དབང་པོ། མི་དབང་མ་ཎི་ཨིནྡྲ་རཱ་ཛ། དང་མ་ཟུར་བསྟན་འཛིན་འགྱུར་མེད། རླུང་མི་འགྱུར་རྡོ་རྗེ། དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །བསམ་

ཡས་མཆོད་རྟེན་སྔོན་པོ་ནས་ཉང་གིས་གདན་དྲངས་པའི་རྒྱལ་པོ་ཤི་ས་བསྟན་པའི་འཁོར་ལོ་ཟབ་ཁྱད་ཅན་གྱི་ལུང་ནི་མངའ་བདག་ཉང་ནས་རིམ་པར་བརྒྱུད་དེ། རིག་འཛིན་ཆེན་པོ་གཞོན་ནུ་དོན་གྲུབ་ལ། ཟུར་རྩ་བའི་བླ་མས་གསན། དེས་བདག་ལའོ། ༈ །བླ་མ་མངའ་བདག་གི་གཏེར་བྱོན་དྲེགས་པ་ལྔ་དྲིལ་གྱི་ལས་མཐའ་སེར་བསྲུང་གི་གདམས་པ་གསལ་བའི་སྒྲོན་མེའི་སྐོར་ལ། མངོན་རྟོགས་གསལ་སྒྲོན། ལོ་ཏོག་གི་དམིགས་པ། བརྟག་པའི་སྐབས་སུ་ཕུད་ཀྱི་ཡུངས་ཀར་ལ་བརྟག་པ། སྤྲིན་ལ་བརྟག་པ། འབྲུག་ལ་བརྟག་པ། ཀློག་ལ་བརྟག་པ། རྣལ་འབྱོར་པའི་ཉམས་ལ་བརྟག་པ། རྨི་ལམ་ལ་བརྟག་པ། དམ་ཚིག་བསྟན་པ། ལས་སྦྱོར་གྱི་སྔགས། གཏོར་བའི་སྔགས། ལམ་བསྟན་སྔགས། བཞུ་བའི་སྔགས། གསང་བའི་དྲག་སྔགས། སེར་སྟ་སྐོར་བའི་རིམ་པ། སྟ་གཞུག་པའི་གདམས་པ། འུར་རྡོ་ལ་བརྟེན་ནས་བཟློག་པ། གསང་བའི་འཁོར་ལོ་འདྲི་བ། ཡུ་མོའི་ཐོད་པ་དང་རྟ་ཐོད་ལ་བརྟེན་ནས་སེར་མནན་བྱ་བའི་འཁོར་ལོ་དང་ཐོད་པར་སྔགས་འདྲི་ཐབས། བུམ་པ་ལ་བརྟེན་ནས་ནང་དུ་སྟ་སྦ་བ། དེ་དག་གི་ཆ་ལག་རྡོ་འཁོར། རབས་ཆད་སད་ཁྱེར་གྱི་ཐོད་པར་དགོས་པའི་འཁོར་ལོའི་དཔེའུ་རིས། ཕ་ཇོ་ལྷུན་གྲུབ་རྡོ་རྗེའི་ལྗགས་བསྒྲིགས་སེར་བ་བསྲུང་བའི་མན་ངག་ཐུན་མོང་མིན་པ་སྙིང་པོ་བསྡུས་པ་གསལ་བའི་སྒྲོན་མེ། ཉང་གི་སེར་ཁོག་ཆེན་མོའི་ས་ཁོལ་དུ་བྱུང་བའི་གཤིན་རྗེ་རུས་སྦལ། ཁྱབ་འཇུག་རུས་སྦལ། སླང་རོག །གཤིན་རྗེའི་བྱང་བུ། ཡང་མུ་སྟེགས་རལ་པ་ཅན་གྱི་སེར་བསྲུང་། འབྲུག་རྒོད་ཁ་འཆིང་། རྡོ་རྗེ་གཞོན་ནུའི་སྒོ་ནས་ཞི་བས་བསྲུང་བའི་གཟེར།

དྲག་པོས་བཟློག་པའི་གཟེར། བར་སྣང་ལ་བཞུ་བའི་གཟེར། ཕུར་བུ་གདབ་པའི་གཟེར་བཞིའི་མན་ངག་ཞར་བྱུང་རྨི་ལྟས་བརྟག་པ་དང་བཅས་པ་རྣམས་ཀྱི་ལུང་ཕྱག་བཞེས་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། ཨོ་རྒྱན་རིན་པོ་ཆེ། ཁྲི་སྲོང་རྗེ། ཉང་རལ། སྲས་ཆུང་ནས་རིམ་པར་བརྒྱུད་དེ་ཟུར་གྱི་སྔགས་འཆང་ལྷུན་གྲུབ་རྡོ་རྗེ། དེ་སྲས་གཞོན་ནུ་དོན་གྲུབ། རྩ་བའི་བླ་མ་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ། བོན་པོ་སོགས་ཕྱི་རོལ་པའི་བྱད་ཁའི་ཐོག་བསྲུང་འཁོར་ལོ་ཉང་གི་གཏེར་བྱོན་ཐོབ་པའི་བརྒྱུད་པ་ཡང་། གོང་གི་སེར་བསྲུང་བཞིན་ནོ། ༈ །བླ་མ་མངའ་བདག་གི་གཏེར་བྱོན་ནག་རྩིས་ལ་བརྟེན་པའི་ཀུན་ཐུབ་ཆེན་མོ་བསྲུང་བ་ཀུན་གྱི་མཐར་ཐུག་དབུས་སུ་བྱས་པའི་ཕྱོགས་མཚམས་སུ། ལྷ་གདོན་བཟློག་པ་ཤཱཀ་ཐུབ་སྐུའི་འཁོར་ལོ། གནོད་སྦྱིན་གྱི་གདོན་ཚོགས་བཟློག་པ་ཚེ་དཔག་མེད་གསུང་གི་འཁོར་ལོ། ཀླུ་གདོན་བཟློག་པ་ཕྱག་རྡོར་ཐུགས་ཀྱི་འཁོར་ལོ། གཟའ་གདོན་བཟློག་པ་རྣམ་འཇོམས་ཡོན་ཏན་གྱི་འཁོར་ལོ། མ་མོའི་གདོན་བཟློག་པ་གཤིན་རྗེ་འཕྲིན་ལས་ཀྱི་འཁོར་ལོ། བདུད་གདོན་བཟློག་པ་རྟ་མགྲིན་ཕྱིའི་འཁོར་ལོ། རྒྱལ་གདོན་བཟློག་པ་ལོ་ཀི་ཤྭ་ར་ནང་གི་འཁོར་ལོ། བཙན་གདོན་བཟློག་པ་བདུད་རྩི་འཁྱིལ་བ་གསང་བའི་འཁོར་ལོ། མ་རིག་པ་སེལ་བ་ཡུམ་ཆེན་མོའི་འཁོར་ལོ། འཇིགས་པ་བརྒྱད་ལས་སྐྱོབ་པ་སྒྲོལ་མའི་འཁོར་ལོ། ཆོམ་རྐུན་བསྲུང་བ་འོད་ཟེར་ཅན་མའི་འཁོར་ལོ། བྱད་ཁ་བཟློག་པ་གཙུག་ཏོར་དཀར་མོའི་འཁོར་ལོ། འགོ་ནད་བསྲུང་བ་ལོ་མ་གྱོན་མའི་འཁོར་ལོ།

ཚེ་སྲིང་བ་རྣམ་རྒྱལ་མའི་འཁོར་ལོ། ལྟས་ངན་བཟློག་པ་ལྷ་མོ་རོལ་པའི་འཁོར་ལོ། རླུང་ནད་སེལ་བ་ཡུལ་འཁོར་བསྲུང་གི་འཁོར་ལོ། མཁྲིས་ནད་སེལ་བ་འཕགས་སྐྱེས་པོའི་འཁོར་ལོ། བད་ཀན་གྱི་ནད་སེལ་བ་སྤྱན་མི་བཟང་གི་འཁོར་ལོ། འདུས་པའི་ནད་སེལ་བ་རྣམ་ཐོས་སྲས་ཀྱི་འཁོར་ལོ་རྣམས་དཔེ་རིས་ཕྱག་ལེན་དང་བཅས་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། པདྨ་འབྱུང་གནས། ཁྲི་སྲོང་ལྡེ་བཙན། གཏེར་སྟོན་ཉང་། སྲས་མི་བསྐྱོད་པ། སངས་རྒྱས་འབར། ཉི་མའི་སྙིང་པོ། འོད་ཟེར་རྒྱལ་མཚན། ཆོས་ཉིད་ཤེས་རབ། གསང་སྔགས་སྡོང་པོ། ཨ་གསང་རྒྱལ་མཚན། ཀུན་བཟང་རྣམ་རྒྱལ། ཡོལ་མོ་ཤཱཀ་བཟང་། མངའ་རིས་པཎ་ཆེན། མངའ་རིས་རིག་འཛིན། བྱང་བདག་རིག་འཛིན། རིག་འཛིན་ངག་གི་དབང་པོ། ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །མངའ་བདག་ཆེན་པོའི་གཏེར་བྱོན་དགྲ་ལྷ་དཔང་བསྟོད་ཀྱི་ལུང་ནི། བརྒྱུད་པ་གོང་མ་རྣམས་མ་རྙེད། སྔགས་འཆང་ལྷུན་གྲུབ་རྡོ་རྗེ། རིག་འཛིན་གཞོན་ནུ་དོན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །གཏེར་བྱོན་བདུད་མོ་ཚེ་ལེན་མ་དང་། ཉང་རིན་པོ་ཆེས་མཛད་པའི་ཨོ་རྒྱན་རིན་པོ་ཆེའི་རྣམ་ཐར་གསོལ་འདེབས་དྲི་མེད་མའི་ལུང་ནི། བརྒྱུད་པ་གོང་མ་རྣམས་མ་རྙེད། འབྲི་གུང་པ་རིན་ཅེན་ཕུན་ཚོགས། བཀྲ་ཤིས་རྒྱ་མཚོ། དུ་མ་རང་གྲོལ། ངག་དབང་ཡེ་གྲུབ། ཟུར་ཀུན་མཁྱེན་ཆེན་པོ། དེས་བདག་ལའོ། ༈ །གསོལ་འདེབས་ལས། དེ་འོག་ཞིང་དེར་སྤང་སྟོན་གྲུབ་པའི་སྲས། བོད་ཡུལ་གཏེར་གཅིག་

གནམ་སྐས་མཁར་ཆུ་སོགས། བཅོ་བརྒྱད་སྒོ་འབྱེད་གུ་རུ་ཆོས་དབང་ཞེས། འགྲེལ་ཚད་དོན་ལྡན་ཆེན་པོ་ལ་གསོལ་བ་འདེབས། ཞེས་གསུངས་པའི་གཏེར་ཁ་འོག་མར་གྲགས་པ་ནི། རྒྱལ་བའི་གསུང་རབ་ལས་མཐའ་བཞི་གངས་ཀྱིས་བསྐོར་བའི་ར་བ་རུ། །སྦས་པའི་རྣལ་འབྱོར་མེ་ལོང་འཛིན་པ་འབྱུང་། །ཞེས་དང་། རང་གཏེར་ལས། བླ་མའི་ཐུགས་སྒྲུབ་ཐུགས་དམ་ཁྱད་འཕགས་སྐོརཿ གཙོར་སྟོན་དགོས་པ་ཀུན་འབྱུང་ཐུགས་གཏེར་གཅིགཿ ལྷོ་བྲག་གནམ་སྐས་ཅན་གྱི་བྲག་ལ་མཆིསཿ ཐུགས་གཏེར་ལྔ་ལས་ཁྱད་འཕགས་འདི་ཁོ་ནཿ ཅི་ཕྱིར་ང་ཡི་སྙིང་ནོར་མིག་འབྲས་ཡིནཿ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངསཿ ཞེས་དང་། གཞན་ཡང་ཇི་སྐད་དུ། ཐུགས་གཏེར་གཅིག་ནི་ལྷོ་བྲག་གནམ་སྐས་ཅན་ལ་སྦེདཿ ཁྱད་པར་བླ་མའི་སྒྲུབ་སྐོར་ཡིནཿ མངའ་བདག་གསུང་གི་སྤྲུལ་པས་འདོན་པར་འགྱུརཿ ཞེས་མངའ་བདག་ཁྲི་སྲོང་ལྡེའུ་བཙན་གྱི་འབྲས་བུ་མཐར་ཕྱིན་པའི་གསུང་གི་སྤྲུལ་པར་ལུང་གིས་ཟིན་པའི་གུ་རུ་ཆོས་ཀྱི་དབང་ཕྱུག་གིས་སྤྱན་དྲངས་པའི་ཟབ་གཏེར་གྱི་རིམ་པ་ཐོབ་པ་ལ་སྒོ་འབྱེད་ཀྱི་ལྡེ་མིག་ལྟ་བུ་གནམ་སྐས་ཅན་གྱི་ཟབ་གཏེར་ཐེམས་བྱང་སྐོར་ལ། ཐོག་མར་སྙིང་བྱང་མདོར་བསྡུས་བསྟན་པ། བསེ་སྦལ་འབོལ་གཏེར་སྐོར་གྱི་བཀའ་རྩིས་ཐེམས་བྱང་། གཉན་གཏེར་གའུའི་སྐོར་གྱི་བཀའ་རྩིས་འཕྲུལ་གྱི་མདུད་པའི་རྒྱ་ཅན། ཀླུ་བདུད་སྐུ་བརྙན་གྱི་སྐོར་ལ་གསུམ་ཡོད་པའི་ཐུགས་གཏེར་གྱི་བཀའ་རྩིས་གསལ་བ་སྒོ་ལྕགས་དང་ལྡེ་མིག་གི་རྒྱ་ཅན། ཡང་གཏེར་གྱི་བཀའ་རྩིས་གསལ་བ་མེ་ལོང་གི་རྒྱ་ཅན།

ཐེམས་ཀྱི་བཀའ་རྩིས་གསལ་བ་འགྱུར་མེད་གཡུང་དྲུང་གི་རྒྱ་ཅན་རྣམས་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། ཨོ་རྒྱན་སངས་རྒྱས་གཉིས་པ། རྒྱལ་ཡུམ་ཡེ་ཤེས་མཚོ་རྒྱལ། གཏེར་སྟོན་ཆོས་ཀྱི་དབང་ཕྱུག །ཡར་ཀླུངས་སྤྲུལ་སྐུ་ཤཱཀ་འོད། དྭགས་སྟོན་དབང་ཕྱུག་རྡོ་རྗེ། གཉན་སྟོན་རྡོ་རྗེ་ཡེ་ཤེས། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། མཁར་པོ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། རྒྱལ་སྲས་ཀརྨ་དབང་འབྱོར། ཁྲ་ཚང་པ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །ཡང་ན་གཏེར་སྟོན་ནས། རྒྱལ་སྲས་པདྨ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། གུ་རུ་དོན་ཡོད་རྒྱལ་མཚན། གུ་རུ་བཤེས་གཉེན་ནོར་བུ། སྤྲུལ་སྐུ་ཆོས་ཀྱི་དབང་པོ་མན་གོང་ལྟར་རོ། །དེ་ཡང་བཀའ་རྩིས་ཐེམས་བྱང་དུ། འབོལ་གཏེར། ཐུགས་གཏེར། ཡང་གཏེར། གཉན་གཏེར། ཐེམས་མེད་ཀྱི་སྐོར་དང་ལྔར་གསུངས་པའི་ཐུགས་གཏེར་ནི། ཁྲོ་ཆུ་ལས་གྲུབ་པའི་ཀླུ་བདུད་ཀྱི་གཟུགས་མགོ་དགུ་རྭ་ཅན་རྡོ་རྗེའི་གཙུག་རྒྱན་ལྡན་པ་ཁྲུ་གང་ལྷག་པ་ཞིག་གི་སྐུ་སྟོད་ནས་དམ་ཆོས་བདུད་རྩིའི་སྐོར། སྐུ་སྐེད་ནས་ཁྱད་འཕགས་སྒྲུབ་ཐབས་ཀྱི་སྐོར། སྐུ་སྨད་ནས་ཕན་གནོད་འཕྲིན་ལས་ཀྱི་སྐོར། དབུའི་ནང་ནས་ཡང་གཏེར་གྱི་ངེས་དོན་སྒྲུབ་སྐོར་ལས་ཚོགས་རྣམས། འབོལ་གཏེར་ནི་སྦལ་པའི་གཟུགས་ནས་ཁ་བྱང་

བརྒྱ་རྩ་བརྒྱད་དང་ཡང་བྱང་གཅིག །གཉན་གཏེར་ནི་ཟངས་ཀྱི་གའུའི་ནང་དུ་དམ་ཆོས་བདུད་རྩིའི་སྐོར་གསུམ། ཁྱད་འཕགས་སྒྲུབ་ཐབས་སྐོར་གསུམ། བསྟན་སྲུང་དྲེགས་པའི་སྐོར་གསུམ། ཐབས་མཆོག་འཁོར་ལོའི་སྐོར་ལྔ་སོགས་ངོས་འཛིན་ཅིང་། དེ་ཡང་ཐུགས་གཏེར་གཅིག་ལ་གཏེར་ཚན་རྣམ་བཞིར་སྦསཿ ཐུགས་གཏེར་ཡང་གཏེར་གཉན་གཏེར་ཐེམས་ཡིག་མེདཿ ཅེས་འབོལ་གཏེར་མ་གཏོགས་པ་གཞན་བཞི་ཀ་ཐུགས་གཏེར་དུ་བསྡུས་ལ། རྒྱུ་མཚན་ནི། ཐམས་ཅད་ཐུགས་དམ་ཡིན་ཕྱིར་ཐུགས་གཏེར་དང་ཿ ཨ་ཏིའི་ཡང་བཅུད་ཡིན་ཕྱིར་ཡང་གཏེར་དང་༔ བླ་མེད་བརྗོད་པར་དཀའ་ཕྱིར་ཐེམས་མེད་སྐོརཿ ཞེས་དང་། རབ་ཏུ་ཟབ་གཉན་ཟངས་ཀྱི་གའུར་སྦསཿ ཞེས་རྒྱུ་མཚན་གཏན་ཚིགས་དང་བཅས་ཏེ་གསུངས་པའི་སྐོར་འདི་ལ་རྫོགས་ཆེན་བླ་མ་ཡི་དམ་མཁའ་འགྲོ་ཆོས་སྲུང་གི་སྒྲུབ་སྐོར། ཐུན་མོང་གི་ལས་རབ་འབྱམས་སོགས་མང་དུ་ཡོད་པའི་ནང་ནས། རིམ་གྱིས་བྱང་ཆུབ་ཐོབ་ཐབས་ཆོས་མང་གིཿ ཅིག་ཅར་བྱང་ཆུབ་ཐོབ་ཆོས་འདི་ན་མཆིསཿ དེ་གང་ཞེ་ན་སངས་རྒྱས་མཉམ་སྦྱོར་སྐོརཿ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངསཿ ཞེས་བསྔགས་པའི་རྫོགས་པ་ཆེན་པོ་སངས་རྒྱས་མཉམ་སྦྱོར་གྱི་སྐོར་ལ། རྫོགས་ཆེན་ཅི་ཏི་ལ་འབྱུང་ལྔའི་དབང་ངེས་པར་བྱེད་པའི་ཀ་དག་སྒྲོན་མ་ཆ་ལག་ལྷན་ཐབས་དང་བཅས་པའི་སྟེང་ནས་ཕྱི་མཚོན་བྱེད་བརྡ་རས་བྲིས་ཀྱི་དཀྱིལ་འཁོར་ལ་བཻཌཱུཪྻའི་བུམ་པ་དང་གསེར་གྱི་རྡོ་རྗེ་སོགས་ཁྱད་པར་སྒོས་ཆོས་ཀྱི་དབང་རྫས་དང་བཅས། རྫོགས་ཆེན་རང་སྐད་དང་འབྲེལ་བའི་འཇུག་པ་སྒྲུབ་པ་སྔོན་དུ་འགྲོ་བའི་བུམ་དབང་བརྒྱད་ཀྱི་དཔེ་དོན་ངོ་སྤྲད་དེ་

འཁོར་འདས་ཀྱི་སྤྲོས་པ་རང་ཐོག་ཏུ་གཅོད་པ། གསང་བའི་དབང་གི་རང་བཞིན་གཉིས་མེད་དུ་ངོ་སྤྲོད་པ། ཤེས་རབ་ཡེ་ཤེས་ཀྱིས་རང་གྲོལ་དམིགས་མེད་དུ་རྟོགས་པ། ཚིག་དབང་གིས་རང་གསལ་འགག་པ་མེད་པ། རིག་པ་སྤྱི་བླུག་གིས་ཆོས་སྐུ་གཅེར་མཐོང་དུ་སྟོན་པའི་སྨིན་བྱེད་དབང་དང་། འཁྲིད་ཆེན་བརྒྱད་ཁ་སྐོང་ཞལ་ཤེས་དང་བཅས་པའི་སྒོ་ནས་ཐེག་པ་གཞན་ལ་འགྲམ་ཆུ་མི་ལྡང་བའི་ཡིད་ཆེས་སྐྱེད་པའི་ལོ་རྒྱུས་དང་གཞུང་གི་བཞུགས་ཚུལ་གྱི་ཁོག་ཕུབ་ནས་གྲོལ་རྐྱེན་གྲོལ་ལམ་དུ་འགྱུར་བའི་སྟོང་ཐུན་སྔོན་དུ་བཏང་སྟེ་ཐུན་མོང་སྔོན་འགྲོ་སྐྱབས་སེམས། ཚོགས་གསག །རང་བྱིན་བརླབ། གསོལ་འདེབས། བླ་མའི་རྣལ་འབྱོར། ཐུན་མོང་མ་ཡིན་པའི་སྔོན་འགྲོ་འཁོར་འདས་རུ་ཤན་འབྱེད་པས་ཡེ་ཤེས་ཀྱི་སྒོ་ཕྱེ་ནས་དངོས་གཞི་སེམས་མ་བཅོས་སོར་འཇོག་དང་རྩལ་སྦྱོང་གིས་བོགས་དབྱུང་སྟེ་དོན་འཁྲིད་ཀྱིས་ཀ་དག་གི་རིག་པ་གཅེར་མཐོང་དུ་ངོ་སྤྲོད་པའི་ཉམས་འཁྲིད་ལེགས་པར་ནོས་ནས། ལུང་ལ་སྙིང་དང་འདྲ་བ་ཐུགས་གཏེར་གྱི་སྐོར། སྙིང་ཁྲག་དང་འདྲ་བ་ཡང་གཏེར་གྱི་སྐོར། དྭངས་མ་དང་འདྲ་བ་ཐེམས་མེད་ཀྱི་སྐོར་དང་གསུམ། དང་པོ་ནི། རྒྱུད་འགྲེལ་ལས་ལོགས་སུ་མེད་པའི་ཕྱིར་དེ་དག་གི་བཅུད་རྣམས་ཡང་གཏེར་ཐེམས་མེད་གཉིས་སུ་ཚང་བར་བྱས་ཏེ་མ་སྤྲོས། གཉིས་པ་སྙིང་ཁྲག་དང་འདྲ་བ་ཡང་གཏེར་གྱི་སྐོར་ལ། སྤྱིའི་ཆིངས་སྟོང་ཐུན་གྱི་སྐོར། བཏགས་གྲོལ་རྒྱུད་ཀྱི་སྐོར། དོན་འགྲེལ་འཁྲིད་གཞུང་སྐོར། བལྟས་གྲོལ་མན་ངག་གི་སྐོར། ཁ་སྐོང་ལུང་གི་སྐོར་དང་ལྔ། དང་པོ་ལ། ཀུན་གྱི་ཁོག་འབུབ་སྟོང་ཐུན་གྱི་སྤྱི་ཆིངས།

དཔེ་མེད་བརྡའི་ཆོས་སྟོང་ཐུན་གྱི་མན་ངག །མན་ངག་བཅའ་ཐབས་སྟོང་ཐུན་རྒྱ་དང་གསུམ། གཉིས་པ་བཏགས་གྲོལ་རྒྱུད་ཀྱི་སྐོར་ལ། ཤེས་བྱ་རྒྱུ་གཙོ་བོར་སྟོན་པ་མངོན་ཤེས་རིག་པའི་རྒྱལ་པོའི་རྒྱུད། བྱིན་རླབས་རྟགས་༼ཁྲ༽གཙོ་བོར་སྟོན་པ་རང་བྱུང་རིག་པའི་རྒྱུད། ངོ་སྤྲོད་གཙོ་བོར་སྟོན་པ་གཅིག་ཤེས་ཀུན་གྲོལ་གྱི་རྒྱུད་དང་གསུམ། གསུམ་པ་འགྲེལ་འཁྲིད་གཞུང་སྐོར་ལ། མངོན་ཤེས་རིག་པའི་རྒྱལ་པོའི་རྒྱུད་ཀྱི་འགྲེལ་པ་འཁྲིད་གཞུང་ཐུགས་ཀྱི་སྒྲོན་མ། རང་བྱུང་རིག་པའི་ཏན་ཏྲ་ལག་ཏུ་བླང་བའི་རིམ་པ་འཁྲིད་གཞུང་འདའ་ཁ་འཆི་བྲོད། གཅིག་ཤེས་ཀུན་གྲོལ་གྱི་རྒྱུད་དོན་གསལ་བར་བཀོལ་ནས་སེམས་ཅན་དང་སངས་རྒྱས་ད་ལྟ་ཉིད་དུ་མཉམ་པར་སྦྱོར་བའི་དོན་འཁྲིད་འཁྲིད་གཞུང་ཡེ་ཤེས་གསལ་སྒྲོན་དང་གསུམ། བཞི་པ་བལྟས་གྲོལ་མན་ངག་གི་སྐོར་ལ། མངོན་ཤེས་རིག་པའི་རྒྱལ་པོའི་རྒྱུད་ཀྱི་མན་ངག་བར་དོ་སངས་རྒྱས་མཉམ་སྦྱོར། རང་བྱུང་རིག་པའི་རྒྱུད་ཀྱི་མན་ངག་འདའ་ཁ་སངས་རྒྱས་མཉམ་སྦྱོར། གཅིག་ཤེས་ཀུན་གྲོལ་གྱི་རྒྱུད་ཀྱི་མན་ངག་ད་ལྟ་སངས་རྒྱས་མཉམ་སྦྱོར་དང་གསུམ། ལྔ་པ་ཁ་སྐོང་ལུང་གི་སྐོར་ལ། སངས་རྒྱས་དགོངས་པ་འདུས་པའི་བཀའ་རབ་འབྱམས་རིག་པའི་རྩལ་དབང་བོགས་འབྱིན་གྱི་དབང་དང་བཅས་པ། འཆི་བ་བརྟག་བླུ་ཞར་བྱུང་གསང་བ་རྡོ་རྗེ་ལུ་གུ་རྒྱུད་ཀྱི་འཕོ་བ་དང་བཅས་པ། ཀུན་གྲོལ་བརྡའི་ཆོས་དང་གསུམ་མོ། །དེ་དག་རྣམས་ཀྱི་ཐེམས་ཀྱི་ཡི་གེ་ཐུགས་གཏེར་ཡང་གཏེར་གྱི་སྐོར་མ་ལུས་པའི་ཐེམས་བྱང་ཟབ་མོ། རྩ་བའི་གསུམ་པ་མ་དང་འདྲ་བ་ཐེམས་མེད་ཀྱི་སྐོར་ལ། དངོས་

དང་ཆ་ལག་སྟེ་གཉིས། དང་པོ་ལ། གཅིག་ཤེས་ཀུན་གྲོལ་གྱི་རྒྱུད་དོན་གནད་འདུས་ཡང་ཏིག་ཡེ་ཤེས་གསལ་བྱེད་སྒྲོན་མའི་སྙན་བརྒྱུད་ཡི་གེ་མེད་པ་གང་ཟག་དབང་པོ་རབ་འབྲིང་མཐའ་མ་གསུམ་གའི་བཀྲི་ཐབས་ཉམས་ལེན་རྩ་བའི་འཁྲིད་བརྒྱད་ལས། དང་པོ་སྟོང་ཐུན་དོན་འཁྲིད་ཀྱི་གྲོལ་རྐྱེན་གྲོལ་ལམ་བཤད་པས་གསལ་བའི་ཐབས་ནམ་མཁའ་ལ་ཉི་མ་ཤར་བ་ལྟ་བུ་དང་གཅིག །སྔོན་དུ་འགྲོ་བ་བསླབ་བྱའི་དོན་འཁྲིད་ཀྱིས་རྟེན་གྱི་གང་ཟག་སྒྲོམ་དུ་འཇུག་པའི་ཐབས་རྒྱལ་པོའི་ཕོ་བྲང་དུ་ཚུད་པ་ལྟ་བུ་དང་གཉིས། བླ་མའི་རྣལ་འབྱོར་གྱི་དོན་འཁྲིད་ཀྱིས་རང་རྒྱུད་བྱིན་གྱིས་བརླབ་པའི་ཐབས་ཆུ་འཁྱགས་མེས་བཞུ་བ་ལྟ་བུ་དང་གསུམ། འཁོར་འདས་རུ་ཤན་འབྱེད་པའི་དོན་འཁྲིད་ཀྱིས་རང་བྱུང་ཡེ་ཤེས་འཆར་སྒོ་འབྱེད་པའི་ཐབས་མེ་ལོང་གཡའ་ཕྱིས་པ་ལྟ་བུ་དང་བཞི། མ་བཅོས་སོར་འཇོག་གི་དོན་འཁྲིད་ཀྱིས་རང་བྱུང་དང་གདངས་ལས་མི་གཡོ་བའི་ཐབས་བར་སྣང་དྭངས་པའི་དབྱིངས་ལྟ་བུ་དང་ལྔ། རིག་པ་རྩལ་སྦྱོང་དོན་འཁྲིད་ཀྱིས་རང་རིག་ལ་བོགས་འབྱིན་པར་བྱེད་པའི་ཐབས་གྱད་ཕྲུག་རྩལ་སྦྱོང་བ་ལྟ་བུ་དང་དྲུག །དྲུག་པ་དང་བདུན་པ་འདི་གཉིས་གསན་ཡིག་ཚོར་གོ་ལྡོག་པ་རྐྱང་འདུག །བཏགས་གྲོལ་ངོ་སྤྲོད་དོན་འཁྲིད་ཀྱིས་ཤེས་བྱ་ཤེས་བྱེད་ཀུན་གྲོལ་དུ་གདེང་ཐོབ་པའི་ཐབས་ཕྱི་རྐུན་ནང་བྱན་གྱིས་ནོར་བུ་ཐོབ་པ་ལྟ་བུ་དང་བདུན། གདམས་པ་གཏད་པའི་དོན་འཁྲིད་ཀྱིས་སངས་རྒྱས་འབྲལ་མེད་དུ་ལོངས་སྤྱོད་པའི་ཐབས་༼ཁྲ༽ནོར་བུ་ཕྱི་རྐུན་གྱིས་ནང་བྱན་ལ་གཏད་པས་དོན་གྲུབ་པ་ལྟ་བུ་དང་བརྒྱད། འདི་ཆོས་བཀའ་ཡོངས་རྫོགས་ཀྱི་དུས་གཅིག་པུ་དེར་

མི་གནང་ཞིང་། སླར་ཆོས་རྒྱུན་འཛིན་ནུས་ངེས་པའི་སློབ་མ་རེ་གཉིས་ལ་ཆིག་བརྒྱུད་ཀྱི་ཚུལ་དུ་གནང་བ་ཡིན་པས་ཁྲ་ཚང་པ་ཆེན་པོས་ཀྱང་ཐུགས་སྲས་ལ་གསན་མ་ཐུབ་པར་བྲག་སྣ་བ་ཀུན་མཁྱེན་དབང་ཕྱུག་ལ་གསན་པ་ཡིན་ནོ། །འཁྲིད་རྐང་བདུན་པའི་ཁ་སྐོང་ཐུགས་བཅུད་ཡི་གེ་མེད་པ་གསང་༼ཁྲ༽བ་མན་ངག་གི་འཁྲིད། འཁྲིད་ཆེན་རྒྱལ་པོ་ལ་ལག་འཁྲིད་དུ་བྱ་བའི་མན་ངག་གསང་བའི་གསང་ཏིག་དྲུག་གདམས་ཕྲན་ཨེ་མ་སྐལ་ལྡན་མ་དང་གཅིག་ཤེས་ཀུན་གྲོལ་དཔེས་མཚོན་པར་བསྟན་པ་དང་བཅས་པ། འཁྲིད་ཆེན་བརྒྱད་པ་ལ་༼ཁྲ༽མཁོ་བའི་སྒྱུ་མ་གདམས་གཏད། གཅིག་ཤེས་ཀུན་གྲོལ་གྱི་རྒྱུད་དོན་ཡང་ཏིག་མན་༼ཁྲ༽ངག་གནད་ཀྱི་ལྡེ་མིག་ཏུ་བཀྲལ་བ་ཡང་དག་དོན་གསལ་རྣམས། གཉིས་པ་ཆ་ལག་ལ། མཉམ་སྦྱོར་མེ་ལོང་སྐོར་གསུམ་ཞེས་བྱ་བ་ཡང་ཏིག་རྩ་རྒྱུད་ཀྱི་ངོ་ཏི་བཏགས་པས་གཅིག་ཤེས་ཀུན་གྲོལ་བའི་མེ་ལོང་དོན་གཅིག་ལ་ཚུལ་གསུམ་ཡོད་པ་ལས། དང་པོ་བཏགས་པ་༼ཁྲ༽དོན་ཐེམས་ཀྱི་གནད་ཡིག་སངས་རྒྱས་དགོངས་པ་ལྟ་བ་གོ་རྟོགས་ཤན་འབྱེད་ཀྱི་རང་རིག་ཚད་མ། གཉིས་པ་༼ཁྲ༽གཅིག་ཤེས་ལ་བརྡ་ཡིས་བོགས་དབྱུང་བའི་སྙིང་བཅུད་དོན་ཐེམས། གསུམ་པ་༼ཁྲ༽ཆོས་རྣམས་ཀུན་གྲོལ་དོན་ཐེམས་ཀྱི་ཏི་ཀ །མེ་ལོང་སྐོར་གསུམ་གྱི་ཟུར་འདེབས་༼ཁྲ༽ བརྡ་དབང་མེ་ལོང་བུམ་སྐོར། མན་ངག་ཐབས་ཀྱི་སྦྱོར་སྒོ་འཁྲིད་༼ཁྲ༽ཁོག་གཞུང་ཤིང་། རྡོ་རྗེ་སེམས་དཔའི་དགོངས་པ་ཚིག་༼ཁྲ༽གསུམ་པའི་རྒྱུད་ཡང་ཏིའི་ཆ་ལག་ཏུ་༼ཁྲ༽དགོས་པ་ཅི་ཏི་ནས་ཕྱུང་བའི་ཅི་ཏིའི་དབང་ངེས་པར་འབྱེད་པའི་ཏི་ཀ་ཀ་དག་སྒྲོན་མ་ཞེས་བྱ་བ་སྤྲོས་པ་གཅོད་པའི་མན་ངག་དབང་

ཐམས་ཅད་ཀྱི་སྤྱི་ཕུད། དེར་ཀ་དག་མནལ་བའི་ལྷ་ལ་འགག་མེད་ཀྱི་བསྙེན་པ་བྱ་བའི་སྐབས་སུ་དཀྱུས་ཀྱི་བསྡུས་པ་ཁོ་ན་ལེགས་པར་སྣང་ངོ་། །འོན་ཀྱང་ད་ལྟ་ཕྱག་ལེན་རྒྱས་པར་ལས་གཞུང་ཆེན་མོ་ཚོགས་ལས་གཏོར་མ་དང་བཅས་པ་ཡོད་པའི་དཀྱིལ་འཁོར་བསྙེན་སྒྲུབ་ཆེན་མོ་༼ཁྲ༽ལས་བྱང་གི་གཞུང་བསྲང་བ། རྩལ་༼ཁྲ༽དབང་རྩ་བ་ཚིགས་བཅད་མ། རྩལ་༼ཁྲ༽དབང་ངོ་སྤྲོད་ཀུན་ཏུ་བཟང་པོས་རྡོ་རྗེ་སེམས་དཔའ་ལ་གསུངས་པ། ལྷན་ཐབས་སྙིང་པོ་གསང་སྔགས་ཁྱད་༼ཁྲ༽འཕགས། སྣང་སྲིད་ཁ་སྦྱོར་རྒྱུད་ལས་༼ཁྲ༽ཕྱུང་བའི་དཔེ་དོན་སུམ་ཅུ་པ། མ་རྒྱུད་སྤྲོས་བྲལ་དོན་གསལ་ལེའུ་བརྒྱ་དང་ཉེར་གསུམ་པ། དེའི་གསལ་བྱེད་ལ་དོན་བསྡུས་པ། དཔེ་རིས་ཀྱི་སྐོར་ལ་སྙིང་བྱང་༼ཁྲ༽དཀར་ཆག །མ་འདྲེས་ཡོངས་༼ཁྲ༽རྫོགས་ཀྱི་མེ་ལོང་། རྩ་འཆིངས་༼ཁྲ༽རིན་ཅེན་དྲ་མིག །ཨའི་༼ཁྲ༽བརྡའི་དོན་སོགས་ཡོད་དོ། །གཞན་གསང་སྐོར་སྙན་བརྒྱུད་ཀྱི་སངས་རྒྱས་ངོ་སྤྲོད་ཀྱི་རྒྱུད་ལ་ཐོད་རྒལ་གྱི་ངོ་སྤྲོད་རྒྱུད་བུ་༼ཁྲ༽ཆུང་ཞེས་བྱ་བ་ཀླུ་བདུད་ཀྱི་སྦྲུལ་མགོ་ཆག་པ་ནས་བྱུང་ཞིང་། དེའི་ག་ཐོད་རྒལ་གྱི་སྐོར་རྣམས་སྦྲུལ་མགོ་གཞན་དུ་ཡོད་པ་སླར་གཏེར་དུ་སྦས་ཟིན་ནས་འདོན་མ་ཐུབ་པའི་ལོ་རྒྱུས་འདུག་པ་ནི་ཐེ་ཚོམ་གྱི་གཞིའོ།། བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་དགའ་རབ་རྡོ་རྗེ། རིག་འཛིན་ཤྲཱི་སིངྷ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། ཆོས་རྒྱལ་ཁྲི་སྲོང་ལྡེ་བཙན། གུ་རུ་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་སྒྲོལ།

གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། དྲིན་ཅན་སངས་རྒྱས་ནོར་བཟང་། མཉམ་མེད་བཤེས་གཉེན་ཆོས་རྒྱལ། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ། རིག་འཛིན་ཀརྨ་གུ་རུ། རྒྱལ་སྲས་ཀརྨ་དབང་འབྱོར། ཁྲ་ཚང་པ་མཁས་གྲུབ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལ་དབང་འཁྲིད་ལུང་གསུམ་རྫོགས་པར་གནང་ཞིང་ཀ་དག་གི་རིག་པ་གཅེར་མཐོང་དུ་ངོ་སྤྲོད་པས་གཉིས་འཛིན་གྱི་འཁྲུལ་རྟོག་ལ་ཨ་མི་འཐས་པ་ཙམ་མཆིས་སོ། ། ༈ ཡང་ན་མཁས་གྲུབ་ཀརྨ་གུ་རུ། བྲག་སྣ་བ་ཀུན་མཁྱེན་དབང་ཕྱུག །ཁྲ་ཚང་པ་མན་གོང་བཞིན་ནོ། །ཡང་ན་ཀརྨ་གུ་རུ་ནས། རང་གྲོལ་ནམ་མཁའ་ཆོས་དབང་། ཁྲ་ཚང་པ་མན་གོང་བཞིན། ཉེ་བརྒྱུད་གཅིག་ལ་གཏེར་སྟོན་རང་ནས། དྲིན་ཅན་མ། ཆོས་ཀྱི་རྡོ་རྗེ། ནོར་བུ་འཛིན་པ། ནོར་བུ་དོན་གྲུབ། བཤེས་གཉེན་ཆོས་རྒྱལ། ཆོས་ཀྱི་དབང་པོ་མན་གོང་བཞིན་ནོ། །ཡང་གུ་རུ་ནོར་བུ་འཛིན་པ་ནས། དོན་ཡོད་རྒྱལ་མཚན། བཤེས་གཉེན་ནོར་བུ། བཤེས་གཉེན་ཆོས་རྒྱལ་མན་སྔར་ལྟར། ཡང་ན་བཤེས་གཉེན་ཆོས་རྒྱལ་ནས། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ་མན་གོང་བཞིན་ནོ། །འདི་ཞལ་ངོ་བརྒྱུད་པ་ཡིན་ལ། དབང་ལུང་ཁྲིད་གསུམ་ཤིན་ཏུ་ཚང་ཞིང་རྒྱས་པའི་བརྒྱུད་པའི་གཙོ་བོ་ནི་སློབ་བརྒྱུད་ཡིན་པས་གཏེར་སྟོན་ནས། ཡར་ཀླུངས་སྤྲུལ་སྐུ་ཤཱཀ་འོད། དྭགས་སྟོན་དབང་ཕྱུག་རྡོ་རྗེ། གཉན་སྟོན་རྡོ་རྗེ་ཡེ་ཤེས། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། འཁར་

པོ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་གོང་ལྟར་རོ། །གདམས་གཏད་མ་གཏོགས་པའི་འཁྲིད་ཆེན་བརྒྱད་ཀྱི་ལུང་བརྒྱུད་ལུགས་གཅིག་ནི། ཆོས་ཀྱི་དབང་པོ་ཡན་གོང་ལྟར་ལ། ལེགས་ལྡན་རྡོ་རྗེ། ཆོས་རྒྱལ་མངྒའི་མཚན་ཅན། ཐུགས་སྲས་ངག་གི་དབང་པོ། ཁྲ་ཚང་པ་ཆེན་པོ། དེས་བདག་ལའོ། ༈ །ཡང་གོང་དུ་ཁྲའི་རྟགས་མེད་པ་རྣམས་ཀྱི་ལུང་བརྒྱུད་ལུགས་གཅིག་ལ་ཀརྨ་གུ་རུ་ནས། བྱ་བཏང་ཆོས་དབང་བསམ་གྲུབ། མཉམ་མེད་ཆོས་དབང་ཀུན་བཟང་། རིག་འཛིན་ཀརྨ་གསང་སྔགས། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་མནལ་ལམ་ཞྭ་ནག་མར་སངས་རྒྱས་མཉམ་སྦྱོར་གྱི་ཆ་ལག་ཏུ་གཏོགས་པ་འདིར་ཞལ་གདམས་ཁྱད་པར་ཅན་གཅིག་བྱུང་བ་བཀའ་རྒྱས་བཏབ་བོ། །ཞེས་གསུངས་པའི་མནལ་ལམ་བཀའ་རྒྱ་མའམ་ཐུགས་གཏེར་སྒོ་འབྱེད་ཀྱི་ལྡེ་མིག་སྙན་བརྒྱུད་ཆེན་མོར་གྲགས་པ་མཆན་དང་བཅས་པ། སྨན་ལུང་མི་བསྐྱོད་རྡོ་རྗེའི་ཡབ་རིན་པོ་ཆེ་སྐལ་ལྡན་པས་ཆོས་དབང་ལ་ཞུས་པ་ཉང་ཞུས་ངེས་དོན་བགེགས་སེལ་ཞེས་པ་ཉང་རྡོ་རྗེ་མགོན་པོས་དཀར་ཆག་ཏུ་ཕབ་པ། ཉང་དབོན་རིན་པོ་ཆེའི་གསུང་མདོ་རྒྱུད་མ། ཉང་སྨན་ལུང་སྐལ་ལྡན་པ་མྱ་ངན་ལས་འདའ་ཁར་ཞུ་འཕྲིན་དུ་མཛད་པ་སྙིང་གཏམ་གཅེས་པའི་ནོར་བུ། དེའི་ལན་ཆོས་དབང་རིན་པོ་ཆེས་མཛད་པ་མཉམ་སྦྱོར་བསྡུས་དོན་ཀུན་གྱི་དངོས་གཞི་ལ། དེའི་བསྡུས་དོན་སྲས་པདྨ་དབང་ཆེན་གྱིས་མཛད་པ། ཆོས་དབང་གི་དུས་མཐའ་མའི་ཞལ་ཆེམས་ལེའུ་གསུམ་

པ། སངས་རྒྱས་མཉམ་སྦྱོར་གྱི་བརྒྱུད་འདེབས་སྐྱེ་མེད་སྤྲོས་བྲལ་མ་རྣམས་ཀྱི་བརྒྱུད་པ་ནི། གཏེར་སྟོན་ཆོས་ཀྱི་དབང་ཕྱུག །ཐུགས་སྲས་མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། སངས་རྒྱས་ནོར་བཟང་། བཤེས་གཉེན་ཆོས་རྒྱལ། སྤྲུལ་སྐུ་ཆོས་ཀྱི་དབང་པོ། རིག་འཛིན་ཀརྨ་གུ་རུ། རང་གྲོལ་ནམ་མཁའ་ཆོས་དབང་། ཡང་ན་ཀརྨ་གུ་རུ་ལ་ཀུན་མཁྱེན་དབང་ཕྱུག །དེ་གཉིས་ཀ་ལ་མཁས་གྲུབ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །ཡང་རྫོགས་པ་ཆེན་པོ་ཅི་ཏིའི་སྐོར་ལ། ལོ་རྒྱུས་དོན་གྱི་སྒྲོན་མ་ཡོན་ཏན་རིན་པོ་ཆེའི་རྒྱ་ཅན། ཁོག་འབུབ་སྟོང་ཐུན་སྒྲོན་མ་སྐུ་འཁོར་ལོའི་རྒྱ་ཅན། བཤད་ཐབས་གསལ་བའི་སྒྲོན་མ་གསུང་པདྨའི་རྒྱ་ཅན། གནད་ཀྱི་ལག་འཁྲིད་སྒྲོན་མ་ཐུགས་རྡོ་རྗེའི་རྒྱ་ཅན། སྤྱི་གཅོད་ཐེམས་བྱང་སྒྲོན་མ་འཕྲིན་ལས་རྒྱ་གྲམ་རྒྱ་ཅན། གུ་རུ་རྣམ་ལྔའི་ཐུགས་ཀྱི་དགོངས་པ་སྐུ་གསུམ་དབྱེར་མེད་ཀྱི་ངོ་སྤྲོད་ཕྱི་སྐོར་བུམ་པའི་རྒྱ་ཅན། རིན་ཅེན་སྣང་གསལ་ཉི་མ་ནང་སྐོར་ཐོད་པའི་རྒྱ་ཅན། གསང་སྐོར་རྡོ་རྗེའི་རྒྱ་ཅན། ཡང་གསང་ཐོད་རྒལ་སྙིང་གཟེར་རྣམ་ལྔ་རལ་གྲིའི་རྒྱ་ཅན། དགུ་རྩེའི་དབང་ཤེས་པར་བྱེད་པ་ཏི་ཀ་དག་སྒྲོན་མ་རྣམས་བརྒྱུད་པ་ནི། སྤྲུལ་སྐུ་ཆོས་ཀྱི་དབང་པོ་ཡན་ཡང་ཏི་སངས་རྒྱས་མཉམ་སྦྱོར་དང་མཐུན་ལ། དེ་ནས་ལྷ་བྲོ་བ་ཀུན་བཟང་ཆོས་ཀྱི་རྒྱལ་པོ། རིག་འཛིན་ཀརྨ་གུ་རུ། དེ་ལ་བྲག་སྣ་བ་ཀུན་མཁྱེན་དབང་ཕྱུག་དང་རང་གྲོལ་ནམ་མཁའ་ཆོས་དབང་གཉིས་ཀས་གསན། དེ་གཉིས་ཀ་ལ་མཁས་གྲུབ་བློ་མཆོག་

རྡོ་རྗེ། དེ་ལ་བདག་ཟ་ཧོར་བནྡེས་ནོས་སོ། །གཏེར་ཁ་གོང་མ་ནས་བྱུང་བའི་རྒྱུད་ཉི་ཤུ་རྩ་ལྔ་པ་འདིར་ཡང་བབས་འབྲེལ་གྱི་དབང་གི་ཆོས་སྡེའི་ཆ་ལག་ཙམ་དུ་མཛད་མོད། ཁོ་བོས་གང་ཐོབ་རྣམས་རྒྱུད་འབུམ་གྱི་སྐབས་སུ་གསལ་ལོ། ༈ །གུ་རུ་ཆོས་ཀྱི་དབང་ཕྱུག་གིས་གཏེར་སྲུངས་ལ་བཀའ་བསྒོས་དམ་བསྒྲགས་ཏེ་གཉན་སྟོན་ཛམྦྷ་ལ་སྤྱན་འདྲེན་དུ་བཏང་བའི་ལྷོ་བྲག་མཁོ་མཐིང་ལྷ་ཁང་གི་སྒོ་སྲུངས་གྱང་རིས་གཤིན་རྗེ་དམར་པོའི་ཐུགས་ཀ་ནས་སྤྱན་དྲངས་པ་བསེ་སྒྲོམ་སྨུག་པོའི་ནང་ནས་བྱོན་པའི་འཇམ་དཔལ་རྫོགས་པ་ཆེན་པོ་འཇམ་དཔལ་རྒྱུད་ཀྱི་ཡང་སྙིང་གི་སྐོར་ལ། འཕགས་པ་འཇམ་དཔལ་གྱི་མཚན་ཡང་དག་པ་བརྗོད་པའི་རྒྱུད་ཀྱི་ཡང་སྙིང་། སློབ་དཔོན་པདྨས་བཙད་པོ་དང་ཇོ་མོ་ཤེལ་བཟའ་སྒྲོན་གཉིས་ལ་གཏད་པའི་འཇམ་དཔལ་རྒྱུད་ཀྱི་ངོ་སྤྲོད་རྟགས་ལ་གོ་བ་བརྡ་ཆོས་ལག་ལེན་དུ་བསྟན་པ། འཇམ་དཔལ་རྒྱུད་ཀྱི་ངོ་སྤྲོད་ལག་ལེན་དུ་བསྟན་པ་རྡོ་རྗེ་འཆང་གིས་འཇམ་དཔལ་བཤེས་གཉེན་ལ་གདམས་པ། འཇམ་དཔལ་རྒྱུད་ཀྱི་གསང་འགྲེལ་དོན་གསལ་བར་བྱེད་པའི་སྒྲོན་མ་གུ་རུས་བཙད་པོ་དང་ཇོ་མོ་ཤེལ་བཟའ་གཉིས་ལ་གདམས་པ། གཉིས་མེད་ཆོས་ཀྱི་སྐུ་ཐིག་ལེ་ཉག་གཅིག་ཏུ་གཏན་ལ་དབབ་པའི་མན་ངག ༈ །སློབ་དཔོན་ལ་ཇོ་མོ་ཤེལ་བཟའ་སྒྲོན་གྱིས་ཞུས་པའི་ཚིག་དོན་བཅུ་བཞིས་འཁོར་འདས་ཀྱི་རྩ་བ་བསྟན་པ་སྟེ་ཆོས་དྲུག་པོ་འདིའི་བརྒྱུད་པ་ནི། བཅོམ་ལྡན་འདས་ཤཱཀྱ་ཐུབ་པ། གསང་བདག་ཕྱག་ན་རྡོ་རྗེ། འཕགས་པ་འཇམ་པའི་དབྱངས། བྱང་ཆུབ་སེམས་དཔའ་བློ་གྲོས་རིན་ཅེན། དགྲ་བཅོམ་པ་ཀུན་དགའ་བོ། རིག་

འཛིན་པདྨ་འབྱུང་གནས། ཇོ་མོ་ཤེལ་བཟའ་སྒྲོན། གུ་རུ་ཆོས་ཀྱི་དབང་ཕྱུག །སྨན་ལུང་མི་བསྐྱོད་རྡོ་རྗེ། ཚེ་རུ་བ་མཁས་གྲུབ་ནམ་མཁའ་རྒྱལ་པོ། སྔགས་འཆང་བཀྲ་ཤིས་རྒྱལ་པོ། སྔགས་འཆང་བློ་གྲོས་རིན་ཅེན། བྱང་སེམས་ཀུན་དགའ་ཉི་མ། མཚུངས་མེད་སངས་རྒྱས་བརྩོན་འགྲུས། བྱེ་ཚང་བ་རིན་ཅེན་དཔལ་འབྱོར། སེམས་དཔའ་ཆེན་པོ་དཔལ་གྲགས་པ། གཉལ་སྣང་སྤྲོ་བ་རྒྱལ་དབང་སངས་རྒྱས་རྣམ་རྒྱལ། ཨེ་བྲག་སྣ་བ་ཆོས་དབང་བསྟན་འཛིན་ཉི་མ། ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེ། གྲུབ་མཆོག་ཀརྨ་གསང་སྔགས། རིག་འཛིན་འཕྲིན་ལས་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་སྟོན་པ་ཤཱཀྱའི་རྒྱལ་པོ། རྡོ་རྗེ་འཆང་། སློབ་དཔོན་འཇམ་དཔལ་བཤེས་གཉེན། གུ་རུ་ཤྲཱི་སིངྷ། སློབ་དཔོན་པདྨ་མན་གོང་བཞིན་ནོ། ༈ །གཏེར་ཁ་འདི་ལ་ཨོ་རྒྱན་ཆེན་པོའི་རྣམ་ཐར་རྒྱས་འབྲིང་བསྡུས་གསུམ་ཡོད་ཅེས་སྐལ་ལྡན་ཡར་ཀླུངས་སྤྲུལ་སྐུ་མི་བསྐྱོད་རྡོ་རྗེ་གསུང་ཡང་དེང་སང་ཡོངས་སུ་གྲགས་པའི་རྒྱས་སྲས་པདྨ་འབྱུང་གནས་ཀྱི་མཛད་པ་བཅུ་གཅིག་པ་ཞེས་བྱ་བའི་ལུང་གི་བརྒྱུད་པ་ནི། དཔལ་ཨོ་རྒྱན་ཆེན་པོ། ལྷ་ལྕམ་མནྡྷ་ར་བ། མཁར་ཆེན་བཟའ། གཏེར་སྟོན་ཆོས་དབང་། སྨན་ལུང་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཡབ་སྲས། ཆོས་སྐུ་འོད་ཟེར། དཔལ་འབྱོར་དབང་ཕྱུག །ཆོས་ཀྱི་དབང་པོ། ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྲ་ཚང་པ་ཆེན་པོ། དེས་བདག་ལའོ། །ཡང་ན་གཏེར་སྟོན་ནས་སྲས་ཆེ་བ།
མཚན་ལྡན་པ། དྲིན་ཅན་མ། ཆོས་ཀྱི་རྡོ་རྗེ། ནོར་འཛིན་པ། ནོར་བུ་དོན་གྲུབ། སངས་རྒྱས་ནོར་བཟང་། བཤེས་གཉེན་ཆོས་རྒྱལ། སྤྲུལ་སྐུ་ཆོས་དབང་མན་སྔར་བཞིན་ནོ། །གནམ་སྐས་བྲག་གཏེར་གནས་བཟང་བར་གཟིགས་ནས་གཏེར་སྦ་ཁར་གཏེར་སྲུངས་རྣམས་ཡས་ཀྱིས་ཚིམ་པར་མཛད་པས་དེ་རྣམས་ཀྱིས་ལྷ་སྲིན་སྡེ་བརྒྱད་ཀྱི་དབུས་སུ་ཐོག་གཅོད་པའི་ལྟད་མོ་མང་དུ་བསྟན། དེའི་རྗེས་སུ་དགེ་བསྙེན་མཁའ་རིས་མཁའ་རིའི་གངས་དང་མཉམ་པའི་དར་དཀར་གྱི་གུར་ཕུབ་པའི་ནང་དུ་སློབ་དཔོན་ཆེན་པོར་ཞུས་པའི་མ་འོངས་འབྱུང་འགྱུར་གྱི་ལུང་བསྟན་མཁའ་རི་ཞུ་ལན་ཞེས་པ་སྤྲུལ་སྐུ་ཆོས་ཀྱི་དབང་ཕྱུག་གིས་ཀླུ་བདུད་ལྟོ་བ་ནས་སྤྱན་དྲངས་པའི་ལུང་ཐོབ་པའི་བརྒྱུད་པ་ནི། དཔལ་ཨོ་རྒྱན་ཡབ་ཡུམ་གཏེར་སྟོན་ཆོས་དབང་། བླ་མ་ཤཱཀྱ་འོད། དབང་ཕྱུག་རྡོ་རྗེ། ཡེ་ཤེས་རྡོ་རྗེ། སེ་སྡིངས་པ་ཁུ་དབོན། གུ་རུ་ཆོས་འོད། ཆོས་ཀྱི་རྡོ་རྗེ། ཤེས་རབ་དབང་ཕྱུག །ཆོས་ཀྱི་དབང་པོ་ཡབ་སྲས་རིམ་པ་གསུམ། མཁས་གྲུབ་རྡོ་རྗེ་མི་རྟོག་རྩལ། དེས་བདག་ཟ་ཧོར་བནྡེ་ལའོ། །ཡང་ན་གུ་རུ་ཆོས་འོད་ནས། རྗེ་སྤང་ལུང་པ་ཆོས་ཀྱི་དབང་པོ་མན་གོང་བཞིན་ནོ།

ཀླུ་བདུད་ཟབ་གཏེར་ལས་བྱུང་བའི་ལས་ཚོགས་སྣ་ཚོགས་ཀྱི་སྐོར།

གཏེར་སྟོན་ཆེན་པོ་གུ་རུ་ཆོས་ཀྱི་དབང་ཕྱུག་གིས་གནམ་སྐས་བྲག་ནས་སྤྱན་དྲངས་པའི་ཀླུ་བདུད་ལྟོ་བའི་ཟབ་གཏེར་ལས་བྱུང་བའི་བླ་མའི་ཆོས་སྐོར་ལ། སྐུ་སྟོད་ནས་བྱུང་བ་དང་སྐུ་སྐེད་ནས་བྱུང་བའི་སྐོར་གཉིས། དང་པོ་ནི། བཀའ་རྩིས་ལས། བླ་མའི་སྐོར་ལ་སྒྲུབ་ཐབས་རྩ་བ་ལྔཿ གསང་བ་བླ་མེད་མཆོག་གི་སྒྲུབ་པ་དང་༔ ཁྱད་པར་གསོལ་འདེབས་ཚིག་བདུན་སྒྲུབ་པ་དང་ཿ

པདྨ་ཐོད་འཕྲེང་གསང་མཚན་སྒྲུབ་པ་དང་། པདྨ་བཅུད་སྡུད་ཐབས་ཀྱི་ལམ་སྒྲུབ་དང་ཿ ཐུགས་སྒྲུབ་མཐར་ཐུག་གསང་འདུས་སྒྲུབ་སྐོར་རོཿ ཞེས་པ་ལྟར་མཐར་ཐུག་བླ་མ་གསང་བ་འདུས་པ། གསང་བ་བླ་མེད་མཆོག་གི་སྒྲུབ་པ། གསོལ་འདེབས་ཚིག་བདུན་གྱི་སྒྲུབ་པ། པདྨ་ཐོད་འཕྲེང་གསང་མཚན་གྱི་སྒྲུབ་པ། པདྨ་བཅུད་སྡུད་ཐབས་ལམ་གྱི་སྒྲུབ་པ་དང་ལྔ། དང་པོ་ནི། བཀའ་རྩིས་ལས། བླ་མའི་མོས་གུས་གསོལ་འདེབས་ཆོས་མང་གིཿ རང་དང་དབྱེར་མེད་སྒྲུབ་ཆོས་འདི་ན་མཆིསཿ དེ་གང་ཞེ་ན་བླ་མའི་ཐུགས་སྒྲུབ་སྐོརཿ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངསཿ ཞེས་གསུངས་པའི་མཐར་ཐུག་བླ་མ་གསང་བ་འདུས་པའི་སྐོར་ལ་སློབ་མ་རྗེས་གཟུང་དབང་གི་སྒྲོམ་དང་གལ་བྱང་རྩ་བར་བཟུང་སྟེ་རིག་འཛིན་བརྒྱུད་པའི་ཕྱག་ལེན་ཉམས་པ་མེད་པ་རྗེ་བླ་མ་ཉིད་ཀྱིས་མཛད་པའི་ཡིག་ཆ་བཞིན་ཚོམ་བུའི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི་ཡེ་ཤེས་ལྔ་སོགས་ཕྱི་ནང་གསང་བ་ཡོངས་སུ་རྫོགས་པའི་བུམ་དབང་། ལྷ་དབང་། བྱང་ཆུབ་སེམས་ཀྱི་དཀྱིལ་འཁོར་དུ་གསང་དབང་། བྷ་གའི་དཀྱིལ་འཁོར་དུ་ཤེར་དབང་། དོན་དམ་བྱང་སེམས་ཀྱི་དཀྱིལ་འཁོར་དུ་ཚིག་དབང་རྣམས། མཐའ་རྟེན་གཏོར་དབང་གནད་ཀྱི་ཤོག་གཅིག་མའམ་བླ་སྒྲུབ་ཐུན་མོང་དབང་བཀའ་ཀུན་འདུས་སྒྲོན་མ་བཅས་པ་སྨིན་རྒྱས་དང་། གསང་འདུས་སྒྲུབ་གཞུང་དུ་རྩ་བ་མཐར་ཐུག་དོན་གྱི་ཆོ་གའི་སྟེང་ནས་སྔོན་འགྲོའི་རིམ་པ། དངོས་གཞི་བསྐྱེད་རིམ། ཀ་དག་ངོ་སྤྲོད་ཀྱི་ཉམས་འཁྲིད་ཞལ་ཤེས་ཀྱིས་བརྒྱན་པའི་སྨིན་རྒྱས་སུ་ལེགས་པར་ནོས་ནས། ལུང་

གི་སྐོར་ལ། རྩ་བ། ལྷན་ཐབས། ཐེམས་མེད། དབང་དང་དྲུག་ལས། དང་པོ་ནི། སྒྲུབ་པ་ལུང་༼ཟུར༽གི་བྱང་བུ། གཉིས་པ་ཐོ་བྱང་ནི། ཐུགས་སྒྲུབ་གསང་འདུས་༼ཟུར༽ཀྱི་ཐོ་བྱང་། གསུམ་པ་རྩ་བ་ལ། སྒྲུབ་གཞུང་༼ཟུར༽ནང་གསེས་ཀྱི་སྤྱོད་པ་ལ་དོན་དྲུག །དངོས་གཞི་ལ་དོན་དྲུག །མཇུག་ལ་དོན་དྲུག་སྟེ་དྲུག་གསུམ་བཅོ་བརྒྱད་དུ་བཞུགས་པ་ལས་མཇུག་གི་ཆོ་གའི་ས་བཅད་བཞི་པ་ལས་ཚོགས་སྒྲུབ་པ་ཟུར་དུ་ཁ་འཕངས་པ་ནི་མཚན་བརྒྱད་ཀྱི་ལས་ཚོགས་ཏེ་དེའི་ནང་གསེས་ལ་པདྨ་འབྱུང་གནས་ལ་བརྟེན་༼ཟུར༽ནས་མཆོག་གི་དངོས་གྲུབ་སྒྲུབ་པ། པདྨ་སམ་བྷ་ལ་༼ཟུར༽བརྟེན་ནས་ཡོན་ཏན་སྣ་ཚོགས་སྒྲུབ་པ། བློ་ལྡན་༼ཟུར༽མཆོག་སྲེད་ལ་བརྟེན་ནས་ཤེས་རབ་སྒྲུབ་པ། པདྨ་རྒྱལ་པོ་ལ་༼ཟུར༽བརྟེན་ནས་འགྲོ་བ་དབང་དུ་སྡུད་པ། ཉི་མ་འོད་ཟེར་ལ་༼ཟུར༽བརྟེན་ནས་འགྲོ་བ་མ་ལུས་འདུལ་བ། ཤཱཀྱ་སེང་གེ་ལ་༼ཟུར༽བརྟེན་ནས་ལོག་འདྲེན་བདུད་བཞི་གཞོམས་པ། སེང་གེ་སྒྲ་སྒྲོག་ལ་༼ཟུར༽བརྟེན་ནས་མུ་སྟེགས་ཀྱི་རྩོད་པ་བཟློག་པ། རྡོ་རྗེ་གྲོ་ལོད་༼ཟུར༽ལ་བརྟེན་ནས་དྲེགས་པའི་དགྲ་བགེགས་ཚར་གཅོད་པ་རྣམས་ཀྱིས་སྒྲུབ་གཞུང་རྩ་བ་ལེ་ལག་དང་བཅས་པ་ཡིན་ནོ། ༈ །བཞི་པ་ལྷན་ཐབས་ནི། བཀའ་རྩིས་ལས། ལས་བྱང་ལེ་བརྒྱད་ཀུན་གྱི་ཁ་སྐོང་ཆོསཿ ཟབ་མོ་རྒྱ་བརྒྱད་སྒྲུབ་རྟགས་འབྱིན་པའི་ཆོསཿ ཟིན་ཏིག་གནད་བརྒྱད་ཉོན་མོངས་ལམ་ཁྱེར་ཆོསཿ གཅེས་པ་རྣམ་བརྒྱད་སྒྲུབ་པ་སྲང་གི་ཆོསཿ མཁའ་འགྲོའི་ལས་བརྒྱད་ལས་ཚོགས་ཐོར་བུའི་ཆོསཿ དཔེ་ཆུང་འཁོར་བརྒྱད་དེ་ཡི་མིག་ཚགས་ཡིནཿ ཞེས་པ་ལྟར་ལས་བྱང་ལེ་བརྒྱད། ཟབ་མོའི་

རྒྱ་བརྒྱད། ཟིན་ཏིག་གནད་བརྒྱད། གཅེས་པ་རྣམ་བརྒྱད། མཁའ་འགྲོའི་ལས་བརྒྱད། དཔེའུ་རིས་བརྒྱད་དང་དྲུག །དང་པོ་ལ། སྔོན་འགྲོ། རྫས་གསག །སྤྱན་འདྲེན་མཆོད་པ། འཛབ། ཐུགས་དམ་སྐོང་བ། བསྐུལ་མཐའ་རྒྱས་དང་བརྒྱད། ལེ་བརྒྱད་མ་འདིའི་ཆོག་བསྒྲིགས་ཡར་ཀླུངས་སྤྲུལ་སྐུ་ཆོས་ལྡན་མགོན་པོས་མཛད་པ། དེས་མཛད་པའི་ལེ་བརྒྱད་མའི་སྒོམ་རིམ་ཆོག་བསྒྲིགས་མདོར་བསྡུས་པ། གཉིས་པ་ཟབ་མོའི་རྒྱ་བརྒྱད་ལ། འགྲོ་དྲུག་༼ཟུར༽་སྒོ་གཅོད་པ། སྐུ་གསུམ་མྱུར་དུ་འགྲུབ་༼ཟུར༽བྱེད། བྱང་ཆུབ་མྱུར་དུ་འགྲུབ་༼ཟུར༽པ། རྡོ་རྗེ་སེམས་དཔའ་ངོ་༼ཟུར༽སྤྲོད། སྐྱེ་མེད་རྟོགས་༼ཟུར༽པ། ཚེ་རིང་ནད་༼ཟུར༽མེད། ཆོས་སྐུ་ལྷུན་༼ཟུར༽རྫོགས། གདོན་ཐུལ་༼ཟུར༽བའི་ཟབ་རྒྱ་རྣམས། གསུམ་པ་ཟིན་ཏིག་གནད་བརྒྱད་ལ། སྣང་བ་༼ཟུར༽སྐུའི་ལམ་ཁྱེར། སྒྲ་གྲགས་གསུང་༼ཟུར༽གི་ལམ་ཁྱེར། དྲན་རྟོག་ཐུགས་༼ཟུར༽སུ་རྫོགས་པ། ཞེ་སྡང་ཐར་༼ཟུར༽ལམ་ཆེན་པོར་རྫོགས་པ། འདོད་ཆགས་ཐར་༼ཟུར༽ལམ་ཆེན་པོར་རྫོགས་པ། གཏི་མུག་ཐར་༼ཟུར༽ལམ་རྫོགས་པ། །ང་རྒྱལ་མཉམ་༼ཟུར༽པར་རྫོགས་པ། ཕྲག་དོག་ཐར་༼ཟུར༽ལམ་ཆེན་པོར་རྫོགས་པའི་ཟིན་ཏིག་རྣམས། བཞི་པ་གཅེས་པ་རྣམ་བརྒྱད་ལ། བར་གཅོད་སེལ་བྱེད་གུར་༼ཟུར༽དཔེ་རིས་དང་བཅས་པ། སྒྲུབ་པ་སྲང་དུ་༼ཟུར༽འཇུག་པ། རིག་པ་འཁྲུལ་༼ཟུར༽འཁོར་རླུང་། དམ་རྫས་༼ཟུར༽བདུད་རྩི་སྨན། སྒྲུབ་རྫས་༼ཟུར༽སྐོང་ཆེན་བམ། སློབ་མ་༼ཟུར༽རྗེས་བཟང་དབང་། རྣལ་འབྱོར་སྲོག་༼ཟུར༽ཤིང་དམ་ཚིག །ངེས་ཤེས་སྐྱེད་༼ཟུར༽བྱེད་ལས་ལྡན་ལུང་གི་སྒྲོམ་རྣམས་ཞར་བྱུང་ལུང་བསྟན་དང་བཅས་པ། ལྔ་པ་མཁའ་

འགྲོའི་ལས་བརྒྱད་ལ། མི་ལྤགས་ལ་བརྟེན་ནས་༼ཟུར༽མཁའ་འགྲོ་དབང་དུ་བསྡུ་ཞིང་ལས་ཀྱི་མཁའ་འགྲོས་བར་མི་གཅོད་པར་སངས་རྒྱས་ཐོབ་པའི་ཐབས། སྦ་ལྕག་༼ཟུར༽ལ་བརྟེན་ནས་སྣང་སྲིད་ལྷ་འདྲེའི་བར་གཅོད་མི་འབྱུང་ཞིང་སླར་དབང་དུ་བསྡུ་བ། དྲིལ་བུ་ལ་༼ཟུར༽བརྟེན་ནས་རྩོད་པ་ཟློག་ཅིང་སླར་སྙན་གྲགས་འབྱུང་བ། རྡོ་རྗེ་ལ་བརྟེན་ནས་༼ཟུར༽དུས་མིན་འཆི་བ་ཟློག་ཅིང་སླར་མི་འགྱུར་བའི་ཚེ་སྒྲུབ་པ། ཚེལ་བུ་ལ་༼ཟུར༽བརྟེན་ནས་མི་མོས་པ་གཞིལ་ཞིང་སླར་གཞན་སྣང་བསྒྱུར་བ། མགྲོན་བུ་༼ཟུར༽ལ་བརྟེན་ནས་གཞན་གྱིས་རང་ཟིལ་གྱིས་མི་ནོན་ཅིང་སླར་གཞན་ཟིལ་གྱིས་གནོན་པ། མདའ་༼ཟུར༽རྒོད་སྒྲོ་ལ་བརྟེན་ནས་སྐྱེས་པ་འདུ་ཞིང་གཞན་དབང་དུ་སྡུད་པ། ཚིལ་སྣ་གསུམ་ལ་༼ཟུར༽བརྟེན་ནས་འཁོར་བསྡུ་ཞིང་སླར་འགུགས་པ་རྣམས། དྲུག་པ་ནི། བརྒྱད་པོ་འདིའི་དཔེ་༼ཟུར༽ཆུང་བརྒྱད་དེ་བརྒྱད་དྲུག་བཞི་བཅུ་རྩ་བརྒྱད་རྣམས་ཐེམས་ཅན་ནོ། །ལྔ་པ་ཐེམས་མེད་སྐོར་ལ། བླ་མ་སྒྲུབ་པའི་གསང་ཐེམས་ཞལ་གདམས་གནད་ཡིག་ཤིན་ཏུ་ཟབ་པ་བླ་མ་སྒྲུབ་པའི་སྙིང་གཏམ། སྙན་བརྒྱུད་ཞག་བདུན་མ་ལུས་བསྐྱེད་རིམ་ལྷའི་གསང་བ་འདུས་པ། ངག་རྡོར་བཟླས་ཀྱི་གསང་བ་འདུས་པ། སེམས་ཏིང་ངེ་འཛིན་གྱི་གསང་བ་འདུས་པ། རྩ་དང་རླུང་གི་གསང་བ་འདུས་པ། ཡོངས་རྫོགས་ཏིང་ངེ་འཛིན་གྱི་གསང་བ་འདུས་པ་སྟེ་ལྔའི་སྒོ་ནས་བསྟན་པ་ཤིན་ཏུ་ཟབ་པ། དེའི་ཞལ་ཤེས་བླ་མའི་གསུང་རྒྱུན་ཟིན་བྲིས་གཅིག །ཐུགས་སྒྲུབ་མཁའ་འགྲོ་དབང་སྡུད། འདི་ནི་གསང་འདུས་གཞུང་གི་ཆ་ལག་མཆོག་དངོས་གྲུབ་བཙན་ཐབས་སུ་སྒྲུབ་པའི་ཆོས་ཏེ་འདི་ལྟར་ན་གཞུང་གི་དཀྱིལ་འཁོར་གྱི་རིན་ཅེན་ཟུར་བརྒྱད་ལ་མཚན་

བརྒྱད་སྒོམ་པར་གསུངས་པའི་དགོངས་པ། རིན་ཅེན་ཟུར་བརྒྱད་ཀྱི་སྟེང་གི་བར་སྣང་ལ་འོད་ཕུང་གི་དཀྱིལ་འཁོར་དུ་བསྒོམ་པར་གསུངས་ཏེ། ཇི་སྐད་དུ། མཚན་བརྒྱད་སྟེང་ཕྱོགས་རིན་ཅེན་ཟུར། །འོད་ཕུང་དཀྱིལ་བཞུགས་བདག་བྱིན་རློབས། །ཞེས་གསལ་བར་མཛད་ཅིང་དེ་མཚུངས་གཞན་ཡང་སྒོམ་རིམ་གྱི་གནད་དང་འགྲོ་ཉལ་ཟས་ཀྱི་རྣལ་འབྱོར་སོགས་འདུས་པར་ཡོད་དོ། །གུ་རུ་རྡོ་རྗེ་གྲོ་ལོད་ཀྱི་ཧཱུྃ་སྒྲུབ་རྩ་༼ཟུར༽བ། དེའི་ལས་ཚོགས་ཞི་༼ཟུར༽རྒྱས་དབང་དྲག་ཀུན་འགྲུབ། ཧཱུྃ་སྒྲུབ་ཀྱི་༼ཟུར༽ གནད་ཡིག །ལས་ཚོགས་འདོད་གསོལ་༼ཟུར༽ཤམ་བུ་རྫོགས་རིམ་དང་བཅས་པ། ཆོས་སྤྱོད་༼ཟུར༽ལམ་ཁྱེར། མཆོག་༼ཟུར༽སྒྲུབ་ལས་ཚོགས། ཚེ་༼ཟུར༽སྒྲུབ། འཕོ་༼ཟུར༽བ། ནོར་༼ཟུར༽སྒྲུབ། གཞན་གྱི་ནད་༼ཟུར༽གདོན་གཞོམ་ཐབས། སྲིའུ་གསོ་༼ཟུར༽བ། བགེགས་བར་གཅོད་༼ཟུར༽བསྲུང་བ། ལམ་བསྲུང་༼ཟུར༽སྟེ་ཧཱུྃ་སྒྲུབ་ཀྱི་སྐོར། འདི་དག་ཀྱང་གཏེར་སྟོན་གྱིས་བུ་ཆེན་བཞི་མ་གཏོགས་ཀུན་ལ་རྫོགས་པར་མ་གནང་བས་ཟབ་ཆོས་སུ་མཛད། ཡང་གསང་དྲག་པོ་རྟ་སྐད་ཅན་གྱི་སྒྲུབ་ཐབས་རྣམས། དྲུག་པ་དབང་གི་སྐོར་ལ། མདོར་བསྡུས་རྩ་བ་ནི་གོང་དུ་སློབ་མ་རྗེས་གཟུང་དབང་གི་སྒོམ་ཞེས་གསུངས་པ་དེ་ཡིན། ཉང་རོ་རྩིས་ཀྱི་ལྷ་ཁང་ནས་སྤྱན་དྲངས་པའི་དབང་གི་གལ་བྱང་གུད་དུ་བཀོལ་བ་སོ་ཤིང་བསྲུང་སྐུད་ཀུ་ཤ་སྦྱིན་པ་བླ་མ་ཡོངས་རྫོགས་ལ་ཁ་འཕངས་པ། དབང་ཆོག་གི་ཕྱག་ལེན་ཁྲ་ཚང་པ་ཆེན་པོ་བློ་མཆོག་རྡོ་རྗེས་ཆོག་བསྒྲིགས་སུ་མཛད་པ་སློབ་མ་རྗེས་གཟུང་དབང་གི་སྒྲོམ་ལེགས་པར་བཤད་པ་བརྒྱུད་པའི་ཕྱག་བཞེས་གསལ་བར་བྱེད་པའི་མེ་ལོང་། དཀྱིལ་འཁོར་སྒྲུབ་པའི་རྟེན་རྫས་དགོད་ཐབས་

བླ་མ་སྔོན་མ་ཞིག་གི་ཟིན་བྲིས་རྣམས་སོ། །ལས་ཚོགས་གསེར་ཁང་། ཁ་བསྒྱུར་ཉེར་གཅིག །འཕྱོང་དྲུག །གཅེས་འཕྲེང་རྣམས་བླ་མ་གསང་འདུས་ཀྱི་ཆ་ལག་ཏུ་སྦྱར་རུང་མོད། ཚིག་ཟིན་གཙོ་ཆེ་བའི་དབང་དུ་བྱས་ནས་གསེར་ཁང་། ཁ་བསྒྱུར་འཕྱོང་དྲུག་གསུམ། བླ་མ་སྐུ་གསུམ་སྒྲུབ་པའི་ཆ་ལག་དང་། གསེར་ཁང་དང་ཁ་བསྒྱུར་གཉིས་བླ་མ་ཡོངས་རྫོགས་ཀྱི་ཆ་ལག་ཏུ་བཤད་ཅིང་། ཁ་བསྒྱུར་ཉེར་གཅིག་མཁའ་འགྲོའི་ལས་བརྒྱད་གཉིས་ཐོད་འཕྲེང་རྩལ་གྱི་ཆ་ལག་ཏུ་ཡང་བཤད་པས་ཚང་མ་འདིའི་ཆོས་སྡེར་མ་བཀོད་ལ། ཁ་བསྒྱུར་ཉེར་གཅིག་སོགས་ལས་ཚོགས་རྣམས་མཚན་དོན་ཕྱོགས་འདྲ་བ་ལ་གཞུང་ཕན་ཚུན་གྱི་ཆ་ལག་སོ་སོར་མི་གཅིག་ཙམ་ཡོད་འདྲ་ཡང་། དེང་སང་འཁྲུགས་པར་སྣང་ཞེས་ཁོ་བོའི་བླ་མ་མཁས་གྲུབ་ཆེན་པོ་གསུང་ངོ་། །དབང་ཆོག་མཛད་བྱང་མེད་པ་དང་། སྨན་ལུང་ཤཱཀ་གཞོན་གྱིས་མཛད་པའི་དབང་ཆོག །བདག་འཇུག་དབང་གི་ཆོ་ག་རྒྱལ་པོས་མཛད་ཅེས་པ་སོགས་ཁ་ཡར་ཡོད་འདུག་པ་ནི་མ་ཐོབ་བོ། ༈ །དེ་ལྟར་བླ་མ་གསང་འདུས་ཀྱི་དབང་འཁྲིད་ལུང་གསུམ་རྫོགས་པར་ནོས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། གུ་རུ་རིན་པོ་ཆེ་ཆོས་ཀྱི་དབང་ཕྱུག །ཆོས་བདག་སྨན་ལུང་པ་མི་བསྐྱོད་རྡོ་རྗེ། སངས་རྒྱས་དྭགས་སྟོན་དབང་ཕྱུག་རྡོ་རྗེ། ཀུ་རབ་ཀྱི་གཉན་སྟོན་ཡེ་ཤེས་རྡོ་རྗེ། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། ཙེ་ལེའི་གུ་རུ་ཆོས་སྐུ་འོད་ཟེར། མཚུངས་མེད་སྤྲུལ་སྐུ་དྷརྨ་བཛྲ། ཀོང་པོ་བུ་ཆུ་

རྫོང་དཀར་གྱི་བླ་མ་ཤེས་རབ་དབང་ཕྱུག །དྲན་མཆོག་ཆོས་ཀྱི་དབང་པོ། རྒྱལ་དབང་ཀརྨ་གུ་རུ། རྒྱལ་སྲས་ཀརྨ་དབང་འབྱོར། ཁྱབ་བདག་ཁྲ་ཚང་བ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །ཡང་ན་གུ་རུ་ཆོས་སྐུ་འོད་ཟེར་ཡན་གོང་ལྟར་ལ། དེ་ནས་མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་སྔར་བཞིན་ནོ། །ཡང་ན་གཏེར་སྟོན་ནས། གྲུབ་ཐོབ་མ་ཎི་རིན་ཅེན། མཁས་གྲུབ་རྒྱལ་མཚན་སེང་གེ །ཐུགས་རྗེ་དཔལ། ཚུལ་ཁྲིམས་འབུམ། དྷརྨ་ལཀྵ། ཡེ་ཤེས་རྒྱལ་མཚན། བྱང་སེམས་ཆོས་རྗེ། ཤེས་རབ་དབང་ཕྱུག །ཆོས་ཀྱི་དབང་པོ་མན་གོང་ལྟར། ཡར་ཀླུངས་སྤྲུལ་སྐུ་ཆོས་ལྡན་པས་མཛད་པའི་ལས་བྱང་དང་སྒོམ་རིམ་གྱི་བརྒྱུད་པ་ནི། སྨན་ལུང་པ་ཡན་གོང་ལྟར་ལ། དེ་ནས་ཡར་ཀླུངས་སྤྲུལ་སྐུ་ཆོས་ལྡན་མགོན་པོ། དུར་ཁྲོད་པ་ཀུན་བཟང་རྡོ་རྗེ། སྤྲུལ་སྐུ་ཤཱཀ་འབུམ་དང་ཤཱཀ་གཞོན་མཆེད་གཉིས། འཁྲུལ་ཞིག་བསོད་ནམས་རྒྱལ་མཚན་དང་ཤཱཀ་སེང་གཉིས། བླ་མ་ཤཱཀྱ་དཔལ། དྲིན་ཅན་སངས་རྒྱས་རིན་ཅེན། སྤྲུལ་སྐུ་བློ་གྲོས་རྒྱ་མཚོ། འདི་ཡན་སྨན་ལུང་པའི་ཞལ་ངོ་གྲུབ་བརྙེས་ཤ་སྟག་ཏུ་བྱུང་ཞེས་རྗེ་བློ་མཆོག་གསུང་། དེ་ནས་ཀྱང་རིགས་ཆོས་འཛིན་པ་སྨན་ལུང་ནམ་མཁའ་རྒྱལ་མཚན། དེ་སྲས་ནམ་མཁའ་ཚེ་དབང་། དེ་སྲས་ཀརྨ་གཟི་བརྗིད་དང་ཀརྨ་མཐུ་སྟོབས་མཆེད་གཉིས། དེ་སྲས་ཁྲ་ཚང་པ་ཆེན་པོ། དེས་བདག་ལའོ། ༈ །ཡང་གོང་དུ་ཟུར་གྱི་རྟགས་ཡོད་པའི་ལུང་བརྒྱུད་ལུགས་གཅིག་ལ་ཀརྨ་གུ་རུ་ཡན་སྔར་ལྟར་ལ། དེ་ནས་རིག་འཛིན་ཆོས་དབང་བསམ་གྲུབ། སྔགས་འཆང་ཆོས་དབང་ཀུན་བཟང་། རྡོ་རྗེ་འཆང་མགོན་པོ་བསོད་

ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ།དེས་བདག་ལའོ། །ཡང་གསང་དྲག་པོ་རྟ་སྐད་ཅན་གྱི་བརྒྱུད་པ་ནི། གཏེར་སྟོན་ནས་གཟུ་སྟོན་དྷརྨ་རཏྣ། རིན་ཅེན་རྒྱལ་མཚན། ཆོས་ཉིད་རང་གྲོལ། སངས་རྒྱས་ལྷུན་བཟང་། ཀུན་དགའ་བཀྲ་ཤིས། ཐུགས་མཆོག་རྩལ། ལེགས་པ་དཔལ་བཟང་ཉང་སྟོན་ཆོས་དབང་། གནུབས་རིན་ཅེན་དཔལ་བཟང་། རྗེ་འཇམ་དབྱངས་པ། མངའ་རིས་པཎ་ཆེན་ལེགས་ལྡན་རྗེ། མཁྱེན་བརྩེའི་ཞབས། དབང་རབ་ཞལ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། མཁས་གྲུབ་བློ་མཆོག་རྡོ་རྗེ། དེས་བདག་ལའོ། ༈ །རྩ་བའི་གཉིས་པ་གསང་བ་ཡང་གཏེར་གྱི་བླ་མའི་སྒྲུབ་ཐབས་རྩ་བ་ལྔའི་ནང་ཚན་བླ་མེད་མཆོག་གི་སྒྲུབ་པ་ཐུགས་འཁྲིད་༼ཟུར༽ཡང་གསང་བླ་མེད་དུ་ཡང་གྲགས་པ་ལ་ནང་གསེས་ཀྱི་སྡོམ་ཚིག་གི་ལེའུ། མདོར་བསྟན་གྱི་ལེའུ། མདོ་འགྲེལ་གྱི་ལེའུ་རྣམས། །རྩ་བའི་གསུམ་པ་ཁྱད་པར་གསོལ་འདེབས་ཚིག་༼ཟུར༽བདུན་མའི་སྒྲུབ་པ་ལ། རྩ་བར་འགྲེལ་པ་མཆན་གྱི་ཚུལ་དུ་བྱས་པ། ཡང་རྩ་བ་དང་འགྲེལ་པ་ལོགས་སུ་བྱས་པ་གཉིས་སོ། །ཕྱི་མ་འདི་དྭགས་སྟོན་པའི་ཕྱག་བྲིས་ནས་བཤུས་ཞེས་པ་འོང་འདུག་པས་ཁུངས་བཙུན་པར་སེམས་ཞེས་མཁས་གྲུབ་ཆེན་པོ་གསུང་ངོ་། ༈ །རྩ་བའི་བཞི་པ་པདྨ་ཐོད་འཕྲེང་གསང་མཚན་གྱི་སྒྲུབ་པའམ་ཟབ་མོ་ཐུགས་སྒྲུབ་ཞེས་པ་གུ་རུ་ཐོད་འཕྲེང་རྩལ་གྱི་སྒྲུབ་པ་ཐུགས་སྒྲུབ་ཐོད་འཕྲེང་རྩལ་དུ་ཡང་གྲགས་ལ། ཐོག་མར་སྨིན་བྱེད་དུ་བུམ་པ། ཐོད་པ། མེ་ལོང་། གཏོར་མ་ལ་བརྟེན་ནས་ཟླུམ་པོ་བཞི་དབང་ལེགས་པར་ནོས། ལུང་ལ། བསྙེན་པའི་སྐབས་སུ་༼ཟུར༽རྟེན་བཤམ་

ལ། སྒྲུབ་རྫས་དགོངས་པ། བསྙེན་པ་དངོས་དང་གསུམ། སྒྲུབ་པ་༼ཟུར༽ལ་སྤྱན་འདྲེན་མཆོད་རིམ། དབང་བསྐུར། དངོས་གྲུབ་བླང་བ་དང་གསུམ། ལས་སྦྱོར་ལ་མཁའ་འགྲོའི་ལས་བརྒྱད། ཁ་བསྒྱུར་ཉེར་༼ཟུར༽གཅིག །གནད་ཀྱི་ཟིན་ཏིག་གསུམ་ལས། མཁའ་འགྲོའི་ལས་བརྒྱད་དང་ཁ་བསྒྱུར་ཉེར་གཅིག་མ་གཏོགས་བསྙེན་སྒྲུབ་ལས་གསུམ་ཀ་ཆོས་༼ཟུར༽སྡེ་གཅིག་གོ ། དེའི་རྒྱབ་ཆོས་ཐེམས་མེད་བསྙེན་སྒྲུབ་ལས་གསུམ་གྱི་མན་༼ཟུར༽ངག་སྤྲ་འཁྲིད་ལག་ལེན་གྱི་གདམས་པ་དངོས་གྲུབ་རྣམ་གཉིས་ཐོབ་ཕྱིར་བླ་མའི་ཐུགས་སྒྲུབ་འདི་བརྩམས་པ། འདི་ལ་ལེའུ་གསུམ་མར་རིག་འཛིན་ཆེན་པོའི་སྒྲུབ་པ་ཞེས་གསུང་ངོ་། །དཔེ་རིས་ཀྱི་སྐོར། མ་ཚང་བ་ཁ་སྐོང་བ་ལ་བསྙེན་པའི་ཁ་སྐོང་། དབང་གི་ཁ་སྐོང་། ལས་སྦྱོར་གནད་ཀྱི་ཟིན་ཏིག་བྱ་ལུགས་རྣམས་སོ། །དེ་ལྟར་གསང་བ་མཆོག་སྒྲུབ། ཚིག་བདུན་གསོལ་འདེབས། ཐོད་འཕྲེང་རྩལ་རྣམས་ཀྱི་བརྒྱུད་པ་ལ། ཟླུམ་པོ་བཞི་དབང་དང་ཟུར་གྱི་རྟགས་ཡོད་པའི་ལུང་གི་བརྒྱུད་པ་ནི། གོང་གི་ཟུར་ཀུན་མཁྱེན་ཆོས་དབྱིངས་རང་གྲོལ་བརྒྱུད་པར་བཞུགས་པ་དེ་ཀ་ཡིན་ལ། ཟླུམ་པོ་བཞི་དབང་མ་གཏོགས་པའི་ལུང་ཡོངས་སུ་རྫོགས་པའི་བརྒྱུད་པ་ནི་ཁྲ་ཚང་པ་ཆེན་པོ་བརྒྱུད་པར་བཞུགས་པ་དེའོ། །བླ་མ་གསང་འདུས་ཀྱི་སྨིན་བྱེད་དུ་ཟླུམ་པོ་བཞི་དབང་མཛད་མཁན་ས་ལུགས་དང་སྟག་ལུང་ཕྱོགས་སུ་རེ་མང་བྱུང་བ་ཀོང་ཡུལ་དུ་མ་ཕྱིན་པར་ཀོང་བཤད་ཀྱི་དཔེར་འདུག་ཅིང་། རྗེ་བཙུན་གྲོལ་མཆོག་གིས་ཆོས་རྒྱལ་བཀྲ་ཤིས་སྟོབས་རྒྱལ་སྐུ་ན་ཕྲ་མོའི་དུས་བླ་མ་གསང་འདུས་ཀྱི་སྨིན་བྱེད་ཀྱི་དབང་ཡིན་ཞེས་ཟླུམ་པོ་

བཞི་དབང་གནང་བར་བརྟེན། གསོལ་འདེབས་སུ། སྐྱབས་མཆོག་གསང་འདུས་བླ་མའི་དཀྱིལ་འཁོར་དུ། དང་པོར་སྨིན་མཛད་འཇམ་མགོན་གློ་བོ་པ། ཞེས་གསུངས་པ་ནི་སྐུ་ཚེ་དེའི་གསང་སྔགས་རྙིང་མའི་འཇུག་སྒོའི་ཐོག་མ་ཡིན་འདུག་པས་བླ་མའི་གསུང་ལ་དཔྱད་པ་མཛད་ན་རྟེན་འབྲེལ་འཕྱུགས་དོགས་པའི་དགོངས་གཞི་ཅན་དྲང་དོན་གྱི་གསུང་ཡིན་ནོ། ༈ །རང་ཕྱོགས་ལ་སྔོན་ཆད་སྔ་འགྱུར་གྱི་དར་སོ་མི་འདུག་ཅིང་། ཕྱིས་སྐོར་བླ་མའི་དབང་ལ་སྒྲུབ་ཐབས་རྒྱ་མཚོའི་སྐུ་གསུང་ཐུགས་ཀྱི་རྗེས་གནང་གི་དཔེ་འགེབས་མཁན་འདུག་ཅིང་། ཀར་ལུགས་ཕྱོགས་སུ་ཚེས་བཅུ་དར་ཡང་སྨིན་བྱེད་ཀྱི་སྲོལ་གཞན་མེད་པར་ཚེས་བཅུའི་ཆོ་གའི་མཇུག་ཏུ་དབང་དང་དངོས་གྲུབ་ལེན་པ་དབྱེ་བ་མ་ཕྱེད་པར་དངོས་གྲུབ་ལེན་སྐབས་བླ་མས་བཛྲ་གུ་རུ་གསུང་བ་དང་སྦྲགས་གཏོར་མ་མགོ་ལ་བཞག་པས་དབང་ཐོབ་ཅེས་མོས་པ་ལམ་བྱེད་ཕ་མགོ་ཐོ་བས་བཅོམ་པའི་དཔེར་སྣར་ཐང་ལོ་ཙཱ་བས་གསུངས་པ་དེ་འདྲ་ཡང་ཡོད་འདུག་གོ ༈ །རྩ་བའི་ལྔ་པ་པདྨ་བཅུད་སྡུད་ཐབས་ལམ་གྱི་སྒྲུབ་པའམ་འཆི་མེད་གསང་བ་ཞེས་ཀྱང་གྲགས་པ་ལ། འོག་སྒོ་བདེ་ཆེན་གྱི་ལམ་རྫོགས་པར་སྟོན་པའི་སྒྲུབ་ཐབས། དེའི་རྒྱས་བཤད་དེ་མ་བུ་གཉིས་ཀྱི་བརྒྱུད་པ་ནི། བཅོམ་ལྡན་པདྨ་ཧེ་རུ་ཀ །རིག་འཛིན་པདྨ་ཀ་ར། གུ་རུ་ཆོས་ཀྱི་དབང་ཕྱུག །སྲས་པདྨ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། བདེ་བ་ལུང་པ་མཁས་བཙུན་ནམ་མཁའ་འོད་ཟེར། རོང་ཟོམ་བློ་གྲོས་རིན་ཅེན། སྤྲུལ་སྐུ་ཆོས་ཀྱི་དབང་པོ། ཀུན་བཟང་ཆོས་ཀྱི་རྒྱལ་པོ། ཀརྨ་གུ་རུ་མན་གོང་གི་བརྒྱུད་པ་ཁྲ་ཚང་པ་ཆེན་པོ་

བཞུགས་པ་བཞིན་ནོ། ༈ །རྩ་བའི་གཉིས་པ་ཀླུ་བདུད་སྐུ་སྐྱེད་ན་ཁྱད་འཕགས་སྒྲུབ་ཐབས་སྐོར་བརྒྱ་རྩ་བརྒྱད་བཞུགས་པའི་ཁྲོད་ཀྱི་བླ་མའི་སྒྲུབ་སྐོར་ལ། བླ་མ་སྐུ་གསུམ་གྱི་སྒྲུབ་སྐོར་དང་བླ་མ་ཡོངས་རྫོགས་ཀྱི་སྒྲུབ་སྐོར་གཉིས། དང་པོ་ལ། སྨིན་བྱེད་གཏོར་དབང་གནད་ཀྱི་ཤོག་གཅིག་མ་ལེགས་པར་ནོས་ནས། ལུང་ལ་ཆོས་སྐུའི་སྒྲུབ་པ། ལོངས་སྐུའི་སྒྲུབ་པ། སྤྲུལ་སྐུའི་སྒྲུབ་པ་དང་གསུམ། དང་པོ་ནི། རང་རིག་བླ་མར་འཆར་བའི་གནད་ཟབ་ཡིན་པ་དེ་ལ་བསྒྲུབ་བྱ་སྒྲུབ་བྱེད་རྗེས་སྒྲུབ་༼ཟུར༽འབྲས་རྩ་བ་ཚིགས་བཅད་མ། འགྲེལ་པ་རྒྱ་གསུམ་༼ཟུར༽བཀྲོལ་ཏེ་བསྟན་པ། ཐེམས་མེད་ནི་བསྙེན་སྒྲུབ་སྒོམ་པ་ལས་སྦྱོར་བཞིར་ཕྱེ་ཞིང་མཇུག་ཏུ་བརྒྱུད་པའི་གསོལ་འདེབས་དང་བཅས་པ། གཉིས་པ་བླ་མ་ལོངས་སྐུའི་སྒྲུབ་པ་ནི། འཆི་མེད་ཚེའི་རིག་འཛིན་ཐོབ་ཕྱིར་བླ་མ་ཚེ་དཔག་མེད་དུ་བསྒྲུབ་པ་ཡིན་པས་དེ་ལ་ཚོམ་བུའི་དཀྱིལ་འཁོར་དུ་རྗེ་ཉིད་ཀྱིས་མཛད་པའི་ཚེ་སྒྲུབ་ཉི་ཟླ་ཟུང་འཇུག་བཞིན་བདག་དོན་དུ་སྒྲུབ་པ་ལྷན་ཅིག་སྔོན་དུ་འགྲོ་བའི་ཚེ་ཟན་གྱིས་དབང་བཞི། རིན་པོ་ཆེའི་བུམ་པས་སྐུ་གསུང་ཐུགས་ཡོན་ཏན་འཕྲིན་ལས་ཀྱི་དབང་། སྤྲོས་བཅས་སྤྲོས་མེད་ཀྱི་རྒྱས་གདབ་དངོས་གྲུབ་བླང་བ། ཚེའི་ལ་ཉེ་བརྟག་པ་སོགས་རྫོང་ཆེན་ཚེའི་དབང་ལེགས་པར་ནོས་ནས་ལུང་ལ། རྩ་བ་ཚིགས་བཅད་མ་སྣང་བ་མཐའ་ཡས་ཀྱི་གསང་སྒྲུབ། འགྲེལ་པ་བདག་དོན་དུ་འཆི་མེད་རྡོ་རྗེའི་སྐུ་སྒྲུབ་པ། ཐུགས་རྗེས་གཞན་དོན་དུ་བུམ་པ་སྒྲུབ་པ། ཚེ་དབང་བསྐུར་བའི་ཆོ་ག །གུ་རུའི་ཚེ་སྒྲུབ་ཐབས་ཆེན་མོ། འདི་གཏེར་ཁ་གོང་འོག་གཉིས་ཀ་ལ་ཡོད། རྫོང་ཆེན་ཚེ་སྒྲུབ་ཀྱི་ལས་བྱང་གུད་དུ་བཀོལ་བ། ཚེ་གཟུངས་ཆེན་

མོ་རྣམས་ཐེམས་ཅན། ཐེམས་མེད་ལ་ཚེ་སྒྲུབ་གསང་བའི་རྒྱུན་ཁྱེར་བུ་སྟོན་གོང་ཁུག་མ། ཚེའི་བཀྲ་བརྟག་པ། ཁྲ་ཚང་པ་མཁས་གྲུབ་ཆེན་པོས་མཛད་པའི་རྫོང་ཆེན་ཚེ་སྒྲུབ་ཀྱི་ལག་ལེན་ཉི་ཟླ་ཟུང་འཇུག་རྣམས། གསུམ་པ་བླ་མ་སྤྲུལ་སྐུའི་སྒྲུབ་པ་ལ། དངོས་ཆ་རྐྱེན། ལས་ཚོགས་ཐེམས་མེད། དེར་མི་གཏོགས་པ་གའུ་ནག་པོ་ནས་བྱུང་བའི་པདྨ་ཐོད་འཕྲེང་གི་སྒྲུབ་པ་དང་ལྔ། དང་པོ་ནི། ཉམས་སུ་བླང་བདེ་བའམ་སྒྲིབ་སྦྱོང་གི་ཚུལ་དུ་སྒྲུབ་པས། དེ་ལ་སྒྲུབ་ཐབས་རྩ་བ་༼ཟུར༽མདོར་བསྟན་དང་ཉམས་ལེན་དངོས་གཉིས་མཁར་ཆེན་མཚོ་རྒྱལ་༼ཟུར༽གྱིས་དཀར་ཆག་ཏུ་བཏབ་པ། ནང་ལྟར་ཟབ་མོ་བྱིན་རླབས་ཀྱི་ཚུལ་དུ་སྒྲུབ་པ་མདོ་ཏིག་དང་ཉམས་སུ་བླང་བའི་ཚུལ་དངོས་དང་བཅས་པ། འདི་ལ་སྒོམ་རིམ་དུ་རང་གི་སྤྱི་བོར་གཞལ་ཡས་ཁང་གི་ནང་དུ་བླ་མ་རྡོ་རྗེ་འཆང་ཡབ་ཡུམ་གྱི་ཕྱོགས་བཞིར་གྱིང་བཞི་བསྒོམ་པ་ཡོད། གསང་བ་དབང་བཞི་ཞུ་བསྐུར་གྱི་ཚུལ་དུ་སྒྲུབ་པ་ལ། རང་གི་སྤྱི་བོར་བླ་མ་སྐུ་མདོག་དཀར་པོ་རུས་རྒྱན་ཅན་ཡུམ་མནྡྷ་ར་བ་དང་མཉམ་པར་སྦྱོར་བ་དབུ་གཙུག་ན་གུ་རུ་པྲ་བྷ་ཧ་སྟི་དབང་གི་དུས་རུས་སྦལ་ཕོ་མོ་ཁོག་ཁ་སྦྱར་གྱི་ནང་ཤ་ལྔ་བདུད་རྩི་ལྔས་གང་བ་བསྣམས་པ། འདབ་མ་བཞི་ལ་མཁའ་འགྲོ་བཞི། མཚམས་བཞིར་གྱིང་བཞི། པདྨའི་ཟེ་མཆན་ལ་ཆོས་སྲུང་། དུར་ཁྲོད་ལ་ཌོམྦྷི་པ་ལ་སོགས་པའི་སློབ་དཔོན་བརྒྱད། བདེ་བྱེད་ལ་སོགས་པའི་མཆོད་རྟེན་བརྒྱད། གངྒཱ་ལ་སོགས་པའི་ཆུ་བརྒྱད། གཅན་གཟན་བརྒྱད། རྡོ་རྗེ་ཕག་མོ། ཞི་བ་འཚོ། བདུད་འདུལ་མ་སོགས་མཁའ་འགྲོ་བརྒྱད་ཀྱི་དམིགས་རིམ་ཡོད་པ། བླ་སྒྲུབ་ཕྱི་ནང་གསང་གསུམ་གྱི་དོན་གྱི་མན་ངག་གནད་ཀྱི་ལྡེ་མིག་ཉམས་སུ་བླང་བདེ་

བ་ལ་བྱིན་རླབས་ཀྱི་ཚུལ། དབང་བསྐུར་ཐབས། སྒྲུབ་རྟགས། སྐྱོན་ཡོན། ལས་ཚོགས་ལྔ་དང་མ་འགལ་བར་སྒྲུབ་པ་ལོ་རྒྱུས་ཏེ་དོན་གྱིས་བསྟན་པ་རྣམས། གཉིས་པ་བླ་མ་སྐུ་གསུམ་གྱི་ཆ་རྐྱེན་ལ། མན་ངག་དྲུག་ཅེས་པ་གཏོར་དབང་གནད་ཀྱི་ཤོག་ཅིག་མ་རྡོ་རྗེ་རྒྱལ་པོ་བཀའ་༼ཟུར༽རབ་འབྱམས་ཀྱི་དབང་ཆོག །མན་ངག་ཆོས་སྤྱོད་ལམ་རིམ་བདུན་པ་ཞེས་པ་གསོལ་འདེབས་མཎྜལ། བསྐོར་བ། ཟ་ཚོགས། གཏོར་མ། སཙྪ། ཁྲུས་རྣམས་རེ་རེ་ལ་ཕྱི་ནང་གསང་གསུམ་དུ་དབྱེ་བ། གསུམ་པ་ལས་ཚོགས་ལ། ལས་ཚོགས་གསེར་གྱི་ཁང་བུ་༼ཟུར༽བརྩེགས་པ་ལ་ནང་གསེས་ཀྱི་ཞི་བ། རྒྱས་པ། དབང་དྲག་པོ། སྒྲིབ་པ་སྦྱོང་བ། ཟས་ནོར་སྡུད་པ། འགྲོ་བ་སྡུད་པ། ཆོས་འདུ་བ། མངོན་ཤེས། བླ་མའི་ཐུགས་ལ་འདོགས་པ། ཤེས་རབ་ཆེ་བ། བུད་མེད་ཀྱི་ཡིད་འཕྲོག་པ། མི་ཐམས་ཅད་བྱམས་པ། ཟས་འདུ་བ། མི་ཐམས་ཅད་ཉན་པ། དགྲ་དབང་དུ་བསྡུ་བ། ཞལ་ལྕེ་རྒྱལ་བ། ཚངས་དབྱངས་སྒྲུབ་པ། དོན་སྒྲུབ་པ། གྲུ་མི་བྱིང་བ། ཆུས་མི་འཁྱེར་བ། མིའི་གསང་ཚིག་བདག་ལ་སྨྲ་བ། ལྷ་འདྲེ་མཐོང་བ། བར་གཅོད་བསྲུང་བ་རྣམས། ལས་ཚོགས་ཁ་བསྒྱུར་༼ཟུར༽ཉེར་གཅིག་ལ། དོན་འགྲུབ་པ། ལམ་བསྲུང་། རྩོད་པ་ལས་རྒྱལ་བ། སྡང་བ་ཞི་བྱེད། གནོད་པ་བསྲུང་བ། ཡིད་འཕྲོག་པ། མོས་པ་བསྐྱེད་པ། མཐོང་ཐོས་གསལ་བ། ཤེས་རབ་བསྐྱེད་པ། གཟའ་སྐར་རྨི་ལམ་ངན་པ་བཟློག་པ། ཁྱི་བསྲུང་བ། ལྕགས་འབྱེད། ཚེ་བསྲིང་བ། ནོར་སྒྲུབ། སེར་འབེབས། ངག་གནོན། ཆར་འབེབས། ལྟས་ངན་དབབ་པ། སྨྱོ་འབོག་གཏོང་བ། བསྐྲད་པ། སྲིད་པ་ལྟེ་བ་བསྒྱུར་བ་རྣམས་དཔེ་རིས་དང་བཅས་པ། ལས་ཚོགས་

གསེར་གྱི་འཕྱོང་དྲུག་ལ། རིགས་ལྔ་སྟན་ཐོག་གཅིག་ཏུ་སྒྲུབ་པའི་འཕྱོང་། བླ་མའི་དབང་བླང་བ་བདག་འཇུག་གི་འཕྱོང་། འཆི་མེད་ཚེའི་རིག་འཛིན་བསྒྲུབ་པའི་འཕྱོང་། ནོར་སྒྲུབ་སྦྱིན་སྲེག་གི་འཕྱོང་། ཀླུ་བདུད་གན་ལོག་དང་གཏེར་བདག་མཁའ་རི་ལྕམ་དྲལ་བསྒྲུབ་པའི་འཕྱོང་། ཕྲ་མེན་ཐུགས་ཀྱི་བཟློག་པའི་འཕྱོང་རྣམས། མཁའ་འགྲོའི་གྲིབ་སེལ་གྱི་མདོས་༼ཟུར༽ཞལ་གདམས་དང་བཅས་པ། མཁའ་འགྲོ་བསུ་བཟློག་གི་གཞུང་དངོས་གཞི། ཕྱི་ནས་མཁའ་འགྲོ་བསུ་མིའི་ཞུ་བ། ལན་ནང་མ་རྡོ་རྗེ་སློབ་དཔོན་གྱི་གསུང་། དར་ལམ་གཅོད་བསྒྱུར། མཁའ་འགྲོའི་བརྟན་བཞུགས་ཤར་གླིང་མ། མདོས་གླུད་རྫོང་པ་ནམ་མཁའ་གཡུ་ལྡིང་མ། ཟོར་ཤར་རྡོ་རྗེ་མ་རྣམས། ༈ བཞི་པ་ཐེམས་མེད་སྐོར་ལ། བླ་མ་སྤྲུལ་སྐུའི་གསང་སྒྲུབ་ཡང་དག་པ་ཞེས་རང་ལུས་འདོམ་གང་རྒྱལ་བའི་ཕོ་བྲང་དུ་སེམས་ཀྱི་རྒྱལ་པོ་པདྨ་ཐོད་འཕྲེང་རྩལ་བསྒོམ་པ། གནུབས་ནམ་མཁའི་སྙིང་པོ། གནུབས་སངས་རྒྱས་ཡེ་ཤེས། ཇོ་མོ་གསུམ་གྱིས་ཞུས་པའི་བླ་མའི་སྒྲུབ་ཐབས་ཡང་གསང་དོན་གྱི་སྙིང་པོ་ལ་ནང་གསེས་ཀྱི་གནང་བར་ཞལ་གྱིས་བཞེས་པ། སྤྲོས་བཅས་རྫས་ཀྱི་དཀྱིལ་འཁོར་ལ་བརྟེན་ནས་སྒྲུབ་པ། སྤྲོས་མེད་རང་རིག་བླ་མའི་སྐུར་སྒྲུབ་པ་སྟེ་འདི་རྣམས་ཤིན་ཏུ་དཀོན་ཞིང་གཙིགས་ཆེ་བ་ཡིན་གསུང་བ་རྣམས། ལྔ་པ་ལ། བླ་མ་སྐུ་གསུམ་དུ་མི་གཏོགས་པ་གནམ་སྐས་གའུ་ནག་པོ་ལས་བྱུང་བའི་པདྨ་ཐོད་འཕྲེང་གི་སྒྲུབ་པ་ཐུགས་རྒྱུད་བྱིན་གྱིས་བརླབ་པ་དང་བཅས་པ་རྣམས་ལས་བུ་སྟོན་གོང་ཁུག་མ་མ་གཏོགས་པའི་ལུང་ཡོངས་སུ་རྫོགས་པའི་བརྒྱུད་པ་ནི་ཁྲ་ཚང་པ་བཞུགས་པའི་བླ་མ་གསང་འདུས་ཀྱི་བརྒྱུད་པ་ལྟར་དང་། བུ་

སྟོན་གོང་ཁུག་མའི་བརྒྱུད་པ་ནི། གཏེར་སྟོན་ནས་བླ་མ་ཚུལ་ཁྲིམས་བཟང་པོ། ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་ལོ་ཙཱ་བ། འཇམ་དབྱངས་གྲགས་པ་རྒྱལ་མཚན། འཁྲུལ་ཞིག་ཚུལ་ཁྲིམས་རྒྱལ་མཚན། དཀའ་བཞི་པ་རིན་ཅེན་མཆོག་གྲུབ། རྒྱལ་ཡུམ་ཚུལ་ཁྲིམས་བཟང་མོ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཁྲ་ཚང་པ་ཆེན་པོ། དེས་བདག་ལའོ། ༈ །ཁ་བསྒྱུར་ཉེར་གཅིག་མ་གཏོགས་པའི་ཟུར་གྱི་རྟགས་ཡོད་པའི་ལུང་བརྒྱུད་ལུགས་གཅིག་ནི་བླ་མ་གསང་འདུས་དང་འདྲ། ཁ་བསྒྱུར་ཉེར་གཅིག་གི་བརྒྱུད་པ་ལུགས་གཅིག་ལ་སྤྲུལ་སྐུ་ཆོས་ཀྱི་དབང་པོ་ནས། རིག་འཛིན་ལེགས་ལྡན་རྡོ་རྗེ། བ་ལེ་བ་རྣམ་རྒྱལ་དཔལ་བཟང་། རྟག་ལུང་ངག་དབང་རྣམ་རྒྱལ། ཟུར་ཆེན་གཞོན་ནུ་དོན་གྲུབ། དེ་སྲས་ཆོས་དབྱིངས་རང་གྲོལ། དེས་བདག་ལའོ། །གཉིས་པ་བླ་མ་གསང་བ་ཡོངས་རྫོགས་ཀྱི་སྐོར་ནི། རྩ་གསུམ་ཡོངས་རྫོགས་སྒྲུབ་ཆེན་རྩ་བ་དང་ཿ སྒྲུབ་འབུམ་དབང་འབུམ་མངོན་རྟོགས་ལས་བྱང་དང་ཿ ཐུན་མོང་སྤྱི་གདམས་བསྟོད་བསྐུལ་ཚོགས་ལས་དང་ཿ སྟོད་སྨད་ལས་ཀྱི་མདེ་ཁ་ཉི་ཤུ་གཅིགཿ བསྟན་སྲུངས་ཕོ་ཉའི་སྐོར་སོགས་ཡིག་སྣ་ནིཿ བཞི་བཅུ་རྩ་ལྔ་དག་གིས་ཡོངས་སུ་རྫོགསཿ ཞེས་གསུངས་པས། ཤེས་རབ། དད་པ། བརྩོན་འགྲུས། གཏོང་བ། ལས་འཕྲོ་རེ་རེ་ལ་གསུམ་གསུམ་དུ་ཕྱེ་བའི་དགེ་བའི་ཆོས་བཅོ་ལྔ་ལྡན་པའི་སྣོད་ལྡན་ལ་གདམས་པ་ཕུན་སུམ་ཚོགས་པ་བཅོ་ལྔའི་བདག་ཉིད་ཕྱི་ནང་གསང་གསུམ་ཡོངས་སུ་རྫོགས་པའི་སྒྲུབ་སྐོར་ནོད་པ་ལ། ཐོག་མར་དབང་གཞུང་རྩ་བ་གཞིར་

བཞག །ཟུར་འདེབས་རྣམས་ཀྱི་ཁ་བསྐངས་ཏེ་བུམ་གསང་ཤེས་རབ་ཡེ་ཤེས་ཚིག་དབང་ངོ་སྤྲོད་དང་བཅས་པའི་དབང་། ལྷ་སྔགས་ཆོས་གསུམ་གྱི་དབང་། ཕན་པའི་དབང་བཅུ། རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་། རྩ་བ་གསུམ་དྲིལ་བླ་མའི་གཏོར་དབང་བཀྲ་ཤིས་སྨོན་ལམ་གདབ་པ་སོགས་བརྒྱུད་པའི་ཕྱག་བཞེས་མ་ཉམས་པར་ནོས་ནས། ལུང་གི་སྐོར་ལ། དབང་སྒྲུབ་འཕྲིན་ལས་སྐོར། ལས་སྡེའི་སྐོར། བཀའ་སྲུངས་སྐོར་དང་གསུམ། དང་པོ་ལ། གུ་རུ་པདྨ་འབྱུང་གནས་ཡི་དམ་མཁའ་འགྲོར་བཅས་པའི་སྒྲུབ་ཐབས་སྤྱི་བྱེ་བྲག་ཀུན་གསང་བ་ཡོངས་སུ་རྫོགས་པར་བསྒྲུབ་པའི་རྩ་བའི་སྡོམ་མཚོ་རྒྱལ་གྱིས་ལན་བཅུ་གསུམ་ཞུས་པའི་རྟིང་ལ་གནང་བ། སྒྲུབ་ཆེན་ཡོངས་རྫོགས་ཀྱི་ཐ་རམས་སུ་གྲགས་པ་རྩ་ཐོའམ་སྡོམ་གྱི་ས་བཅད་རྒྱལ་ཡུམ་མཚོ་རྒྱལ་གྱིས་མཛད་པ། སྒྲུབ་ཆེན་གྱི་སྔོན་འགྲོ་སྟ་གོན་བསྙེན་སྒྲུབ་གཞུང་སྲོང་ལོགས་སུ་བཀོལ་བ། དངོས་གཞི་བསྙེན་སྒྲུབ་ཀྱི་ལས་འཁྲིགས་འཕྲིན་ལས་གཞུང་བསྲང་བ། འཕྲིན་ལས་ཀྱི་ས་མ་འགྲེལ་ཇོ་མོས་མཛད་པ། སྔགས་བྱང་བཀའ་ཤོག་མི་འགྱུར་བའི་ཐེམས། ཐུགས་དམ་བསྐང་བའི་ལས་ལྡེ། སྒྲུབ་པའི་མཇུག་ཏུ་དངོས་གྲུབ་བླང་བ། ཇོ་མོ་མཚོ་རྒྱལ་གྱི་ཞུ་ལན་རིན་པོ་ཆེའི་འོད་ཅེས་བྱ་བ་དབང་གི་སྤར་ཁབ་སློབ་དཔོན་གྱིས་ཇོ་མོ་ལ་གསུངས་པ། སྒྲུབ་ཆེན་གྱི་རྒྱབ་སྐྱོར་ཞལ་གདམས་ཉམས་ལེན་རྒྱུན་ཁྱེར། ཉམས་ལེན་རྒྱུན་ཁྱེར་ཆོག་སྒྲིགས་མ། གསང་སྔགས་ཉམས་སུ་ལེན་པའི་སྤྲ་འཁྲིད་སྒྲུབ་ཆེན་གསང་བ་ཡོངས་རྫོགས་ལ་སོགས་པའི་གསང་སྔགས་ཀྱི་སྤྱི་ཁོག་ལག་ལེན་གསལ་བའི་སྒྲོན་མེ་ཉི་མའི་འོད་ཟེར་ཞེས་བྱ་བ་སྒྲུབ་ཆོས་དྲུག་གསུམ་བཅོ་བརྒྱད། སྒྲུབ་འབུམ་ཆོག་སྒྲིགས་

རྒྱལ་སྲས་སྨན་ལུང་མི་བསྐྱོད་རྡོ་རྗེའི་ཕྱག་བཞེས་དངོས་གྲུབ་འདོད་འཇོ། དབང་བསྐུར་རྩ་བ། དབང་འབུམ་ཆོག་སྒྲིགས་མཛད་བྱང་མི་གསལ་ཡང་ལག་ལེན་ཤིན་ཏུ་བདེ་བ་མཆོག་ཐུན་དངོས་གྲུབ་སྒྲུབ་ཐབས་སྨན་ལུང་པས་མཛད་དམ་ཟེར་བ་རྣམས། གཉིས་པ་ལས་ལྡེའི་སྐོར་ལ། གཞལ་ཡས་དོན་བསྟོད་ཀྱི་ལས་ལྡེ། གཏོར་བཟློག་ལས་ལྡེ། རྩ་གསུམ་འཕྲིན་ལས་བསྐུལ་བའི་ལས་ལྡེ། གསང་སྒྲུབ་དྲག་སྔགས་ཀྱི་ལས་ལྡེ་དགྲ་བགེགས་ཧུར་ཐུམ་དུ་གཏོང་བ་སྒྲུབ་ཆེན་གསང་བའི་དྲེགས་པ་ཅན་ཚར་གཅོད་པའི་ལས་ལྡེ་རལ་གྲི་ཆུང་བརྡེག་ཚོགས་ལས་ཆད་མཐོའི་ལས་ལྡེ། བསྟན་མའི་ལས་ལྡེ། ལས་ཚོགས་གསེར་ཁང་དང་ཁ་བསྒྱུར་ཉེར་གཅིག་གཉིས་འདིའི་ཆ་ལག་ཏུ་ཡང་ཡོད་དོ། །གསུམ་པ་བཀའ་སྲུང་སྐོར་ལ་བཀའ་སྲུང་མགོན་པོ་དུས་མཚན་གྱི་སྒྲུབ་ཐབས། གསང་བ་སྒྲུབ་ཆེན་ཞེས་པར་འཁྲུལ་ནས་བཀའ་བརྒྱད་ཀྱི་གླེགས་བམ་དུ་འཇུག་མཁན་ཡང་བྱུང་འདུག་གོ །བཀའ་སྲུང་སྒྲོལ་གྱིང་དཀར་པོའི་སྒྲུབ་ཐབས། བསེ་གྱིང་དམར་པོའི་སྒྲུབ་ཐབས། ནག་པོ་སྐྲ་འཐེན་གྱི་སྒྲུབ་ཐབས། བཀའ་སྟོད་གནད་ཀྱི་གདམས་པ། དོན་གྱི་མན་ངག་གནད་ཀྱི་ལྡེ་མིག །དཀྱིལ་འཁོར་གཏོར་མ་འཁོར་ལོ་ལིངྒ་སོགས་ཀྱི་དཔེའུ་རིས་དང་བཅས་པ་རྣམས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁར་ཆེན་བཟའ། གཏེར་སྟོན་ཆོས་ཀྱི་དབང་ཕྱུག །སྨན་ལུང་པ་མི་བསྐྱོད་རྡོ་རྗེ་ནས་བཟུང་སྟེ་ཁྲ་ཚང་པ་མཁས་གྲུབ་ཆེན་པོའི་བར་བླ་མ་གསང་འདུས་ཀྱི་བརྒྱུད་པ་ཇི་ལྟ་བའོ། །ཡང་དབང་དང་ལུང་ཐོར་བུ་ཞིག་གི་བརྒྱུད་པ་

ལུགས་གཅིག་ལ་མཁས་གྲུབ་ཀརྨ་གུ་རུ་ཡན་བླ་མ་གསང་འདུས་ལྟར་ལ། དེ་ནས་གུ་རུ་ཀུན་མཁྱེན་དབང་ཕྱུག །དེས་ཁྲ་ཚང་པ་མཁས་གྲུབ་ཆེན་པོ། དེས་བདག་ལའོ། ༈ །ལ་སྟོད་ཀྱི་འཕགས་པ་འཇའ་མ་ལིར་གྲགས་པའི་དད་ལྡན་གྱི་སློབ་མ་ཞིག་གིས་ཞུས་པ་ལ་བརྟེན་སྤྲུལ་པའི་གཏེར་སྟོན་གུ་རུ་ཆོས་དབང་གིས་ཐུགས་ཀྱི་གཏེར་ནས་ཞལ་གྱི་སྒོར་ཕྱུང་བ་དགོངས་གཏེར་གྱི་བསྟན་བཅོས། དུས་གསུམ་བླ་མའི་ངོ་བོར་གྱུར་པ་གུ་རུ་པདྨ་འབྱུང་གནས་དང་ཡི་དམ་བདེ་གཤེགས་ཀུན་འདུས་རྒྱལ་བ་རིགས་ལྔ་ཁྱད་པར་གྱི་ལྷར་བཅས་པ་ཡེ་ཤེས་མཁའ་འགྲོ་དཔའ་བོ་དཔའ་མོ་དང་བཅས་པའི་སྒྲུབ་ཐབས་དངོས་གྲུབ་ཀུན་འབྱུང་ཞེས་བྱ་བ་ལེའུ་བཅོ་བརྒྱད། ཕན་ཡོན་གྱི་ལེའུ་དང་བཅུ་དགུ །བརྒྱད་པ་བསྟོད་པའི་ལེའུ་ལ་ནང་གསེས་སྐབས་བཅོ་ལྔ་དང་བཅས་པ་རྣམས་ཀྱི་ལུང་བརྒྱུད་ནི། མཁས་གྲུབ་ཀརྨ་གུ་རུ་ཡན་བླ་མ་གསང་འདུས་ལྟར་ལ། དེ་ནས་གྲུབ་བརྙེས་ནམ་མཁའ་ཆོས་དབང་། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ལའོ། །སྒྲུབ་སྐོར་འདི་རྒྱུན་དུ་གསུང་རབ་ལྟར་ཀློག་ཀྱང་ཕན་ཡོན་ཆེ། བླ་མ་གསང་འདུས་ཀྱི་གྲལ་དུ་མི་ཐེ་གསུང་ངོ་། ༈ །ཆོས་དབང་རིན་པོ་ཆེས་གཏེར་སྲུངས་ལ་བཀའ་བསྒོས་དམ་བསྒྲགས་ཏེ་ཡར་ཀླུངས་བརྩོན་སེང་བཏང་ནས། བསམ་ཡས་ཨཱཪྻ་པ་གླིང་གི་རྟ་མགྲིན་ཞབས་འོག་བསེ་སྒྲོམ་སྨུག་པོ་ནས་གདན་དྲངས་པའི་ཨོ་རྒྱན་ཆེན་པོ་ཀརྨ་གུ་རུ་དར་ནག་བེར་ཆེན་གྱི་སྒྲུབ་པ་ཟབ་ཅིང་ཕུལ་དུ་བྱུང་བ་འགྲོ་བ་འདུལ་བྱེད་ནོས་པའི་བརྒྱུད་པ་ནི་ཨོ་རྒྱན་པདྨ་ཀ་ར། གུ་རུ་ཆོས་དབང་། སྨན་ལུང་ཤཱཀ་འོད། དྭགས་སྟོན་དབང་རྡོར། གཉན་སྟོན་རྡོར་ཡེ། སེ་སྡིངས་པ་ཡབ་སྲས་གཉིས། མཁར་པོ་ཆོས་

འོད། ནམ་མཁའ་གུ་རུ། ཙེ་ལེ་རིག་འཛིན་ཆེན་པོ་ཨོ་རྒྱན་བསྟན་འཛིན། ཀརྨ་གུ་རུ། བྲག་སྣ་བ་ཀུན་མཁྱེན་དབང་ཕྱུག །ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ཡང་ན་ཁྲ་ཚང་མཁས་གྲུབ་ཆེན་པོ་ནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །དར་ནག་བེར་ཆེན་ཡང་བླ་མ་གསང་འདུས་ཀྱི་ཐེམས་མེད་དུ་ངོས་འཛིན་ནོ། །སྤྲུལ་པའི་གཏེར་སྟོན་ཆོས་ཀྱི་དབང་ཕྱུག་གིས་ཀླུ་བདུད་དབུའི་ནང་ནས་སྤྱན་དྲངས་པའི་ཐུགས་སྒྲུབ་དྲེགས་པ་ཚར་གཅོད་ཀྱི་ཆོས་སྐོར་ལ་སྨིན་བྱེད་དབང་གི་ཆོ་གའི་སྟེང་ནས་རྩ་བ་དོན་གྱི་དབང་བཞི། མཐའ་རྟེན་འཕྲིན་ལས་བཞིའི་དབང་། ཁྱུང་གི་དབང་། བླ་མའི་གཏོར་དབང་དང་བཅས་ལེགས་པར་ནོས་ནས། རྒྱབ་རྟེན་ལུང་གི་སྐོར་ལ། རྩ་བའི་སྒྲུབ་སྐོར། ཕྱི་ནང་གསང་གསུམ་གྱི་སྒྲུབ་སྐོར། སྒོས་སྒྲུབ། ལྷན་ཐབས། བཀའ་སྲུང་གི་སྐོར་དང་ལྔ། དང་པོ་ནི། ལོ་རྒྱུས་སྒོམ་ཁོག །འདིའི་ལུང་བསྟན་གྱི་གཅིག་པུ་དེ་དང་དུས་མཚུངས་འབྱུང་ཞེས་པ་ཡན་ལས་དེ་མན་དཔེ་མ་འབྱོར་བས་མ་ཐོབ། རྩ་བའི་སྒྲུབ་ཐབས་ཀྱི་དྲག་སྔགས་ཚིག་ལྷུག་པ། ཐུགས་སྒྲུབ་དྲེགས་པ་ཚར་གཅོད་ཀྱི་རྩ་བ་ཚིགས་བཅད་མ་པདྨའི་ཐུགས་སྔགས་མ་ཡིག་ཤོག་སེར་དང་པོ་གོ་ཆའི་ལྷ་བསྟན་པ་བུ་ཡིག་ཤོག་སེར་དང་པོ། དངོས་གྲུབ་གཏོར་མའི་ལས་རིམ། བསྲུང་འཁོར། རྒྱལ་བསེན་སྲོག་འཁོར་བགེགས་ཆེན་ཤི་ས་བསྟན་པ། གཞན་ལ་བསྲུང་བ་བྱ་བ། ཟློག་པའི་ཙཀྲ། རྒྱལ་བསེན་ཨར་ལ་གཏད་པ། སྦྱིན་སྲེག་ལས་ཀྱི་མདེ་ཐུང་། སྲིའུ་གསོ་བ། བུམ་སྒྲུབ་ཐོད་མཛེ་ནད་འཇོམས། སེར་བ་གཅོད་པ། དྲག་པོའི་གཏོར་

མ། བྱབ་གཏོར་དུག་འབྱིན། དྲག་པོ་མཐའ་འདུལ་ཀྱི་ལས་ཐེམས་ཡིག་དང་བཅས་པ་རྣམས། གཉིས་པ་ཕྱི་ནང་གསང་གསུམ་གྱི་སྒྲུབ་པ་ལ། ཕྱི་སྒྲུབ་མ་རིག་མུན་སེལ། ནང་སྒྲུབ་དངོས་གྲུབ་ཆར་འབེབས། གསང་སྒྲུབ་རྡོ་རྗེའི་ཕ་ལམ། གསང་སྒྲུབ་ཀྱི་བུ་ཡིག་གུད་དུ་སྦས་པ་བསྲུང་བའི་འཁོར་ལོ་རྣམས། གསུམ་པ་སྒོས་སྒྲུབ་ལ། ཚེ་དཔག་མེད་ཀྱི་སྒོས་སྒྲུབ། འཇམ་དཔལ་སྐུའི་སྒོས་སྒྲུབ། རྟ་མགྲིན་གསུང་གི་སྒོས་སྒྲུབ། ཕྱག་རྡོར་ཐུགས་ཀྱི་སྒོས་སྒྲུབ། མཁའ་འགྲོ་ཡོན་ཏན་གྱི་སྒོས་སྒྲུབ། ཁྲོ་བོ་ཁྱུང་གི་སྒོས་སྒྲུབ། ཁྱུང་གི་བསྟོད་པ་ང་ནི་དབང་དྲག་མ། ཁྲོ་བོ་དཔལ་མེའི་འཁོར་ལོ་འཛིན་པའི་མན་ངག་གུད་དུ་སྦས་པ། ཨར་ལ་གཏད་པ་སྡིག་པས་སྙིང་རྩ་ཟ་བ། ཏིང་ངེ་འཛིན་ལ་བརྟེན་པའི་བསྲུང་བ་ཀུན་གྱི་མཆོག་གྱུར། ལྷ་ཚོགས་ཀྱི་བསྟོད་པ་ཁྲོ་བོའི་རྒྱལ་པོ་མ་མེ་དཔལ་འཕྲིན་ལས་ཀྱི་སྒོས་སྒྲུབ། ཐུགས་སྤྲུལ་ལྕགས་སྡིག་གི་སྒོས་སྒྲུབ། སྡིག་པའི་མངོན་རྟོགས་བསྟོད་བསྐུལ་ཆོས་ཉིད་མ། བདུད་འདུལ་གིང་བཞིའི་སྒྲུབ་པ་རྣམས། བཞི་པ་ལྷན་ཐབས་སྐོར་ལ། ལས་བྱང་ལག་ལེན་འདུས་པ། བསྐང་གསོ་ཡོན་ཏན་ཀུན་འབྱུང་། སྨིན་གྲོལ་དབང་གི་ཆོ་ག །སྒྲུབ་དུས་དཀྱིལ་འཁོར་གཤོམ་གྱི་ལྷན་ཐབས། ཞི་རྒྱས་དབང་དྲག་གི་སྦྱིན་སྲེག །ཐུགས་སྒྲུབ་ཀྱི་སྔགས་ཀུན་ལ་བཀབ་ཆོག་པའི་དབྱངས་གསལ་གྱི་དགྲ་གྲོགས་བརྩི་ཐབས་རྣམས། ༈ ལྔ་པ་བཀའ་བསྲུང་བདུད་བཙན་ཀླུ་གསུམ་གྱི་མངོན་རྟོགས་གཏོར་འབུལ་འཕྲིན་ལས་བསྐུལ་བ་དང་བཅས་པ་རྣམས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། རྒྱལ་ཡུམ་མཚོ་རྒྱལ། ཆོས་དབང་རིན་པོ་ཆེ།

སྨན་ལུང་མི་བསྐྱོད་རྡོ་རྗེ། དྭགས་སྟོན་དབང་ཕྱུག་རྡོ་རྗེ། གཉན་སྟོན་རྡོ་རྗེ་ཡེ་ཤེས། སེ་སྡིངས་པ་ཡབ་སྲས། ཙེ་ལེ་བ་ཆོས་སྐུ་འོད་ཟེར། སྤྲུལ་སྐུ་ཆོས་ཀྱི་རྡོ་རྗེ། བླ་མ་ཤེས་རབ་དབང་ཕྱུག །དྲན་མཆོག་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་ཆོས་སྐུ་འོད་ཟེར་ནས། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་གོང་ལྟར། ཡང་ན་གཏེར་སྟོན་ནས། གྲུབ་ཐོབ་མ་ཎི་རིན་ཅེན། མཁས་གྲུབ་རྒྱལ་མཚན་སེང་གེ །ཐུགས་རྗེ་དཔལ། ཚུལ་ཁྲིམས་འབུམ། དྷརྨ་ལིཀྵ། ཡེ་ཤེས་རྒྱལ་མཚན། བྱང་སེམས་ཆོས་རྗེ། བླ་མ་ཤེས་རབ་དབང་ཕྱུག་མན་སྔར་བཞིན་ནོ། །བླ་མ་དྲག་པོའི་སྐོར་འདི་རྣམས་ཀྱང་བླ་མ་གསང་འདུས་ཀྱི་ཐེམས་མེད་དུ་ངོས་འཛིན་ནོ། ༈ །ལ་ཡག་མོན་མཁར་སྟེང་དུ་སློབ་དཔོན་ཆེན་མོ་བཀྲ་ཤིས་ཁྱེ་འདྲེན་གྱིས་ཞུས་པའི་ཡེ་ཤེས་མཚོ་རྒྱལ་གཙུག་གི་རྒྱན་གཅིག་གི་སྒྲུབ་པ་ལ་གླེང་གཞི་ཕྱི་ཡེ་ཤེས་མཚོ་རྒྱལ་ལ་གསོལ་འདེབས་ཀྱི་ཚུལ་དུ་སྒྲུབ་པ། ནང་ཇོ་མོ་དྲག་མོ་རྩལ་རྡོ་རྗེ་རྣལ་འབྱོར་མར་སྒྲུབ་པ་ཞར་བྱུང་མཁའ་འགྲོ་སྤྱི་ལུང་དབང་གི་ཆོ་ག་དང་བཅས་པ། གསང་བ་ཇོ་མོ་རང་སེམས་བརྗོད་བྲལ་དུ་ངོ་སྤྲོད་པ། རང་ཐུགས་རྗེ་ཆེན་པོར་བསྒོམ་པའི་བསྙེན་པ། ཇོ་མོ་རྣལ་འབྱོར་མར་བསྐྱེད་པའི་ཐུགས་ཀར་ཕག་གདོང་ལྕགས་མཆེ་ཅན་བསྒོམ་པའི་འབྲུ་གསུམ་གྱི་སྒྲུབ་པ། ལས་སྦྱོར་ཇོ་མོ་ཁྲོས་ནག་ཏུ་བསྐྱེད་དེ་ཧཱུྃ་གི་སྒྲུབ་པ་རྣམས་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། ཨོ་རྒྱན་པདྨ་འབྱུང་གནས། མཁའ་

འགྲོ་ཡེ་ཤེས་མཚོ་རྒྱལ། མོན་མོ་བཀྲ་ཤིས་ཁྱེ་འདྲེན། ཆོས་དབང་རིན་པོ་ཆེ། སྨན་ལུང་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཡབ་སྲས། གུ་རུ་ཆོས་འོད། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། རིག་འཛིན་ཆེན་པོ་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཁྲ་ཚང་པ་མཁས་གྲུབ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་སྤྲུལ་སྐུ་ཆོས་ཀྱི་དབང་པོ་ནས། ཀརྨ་གུ་རུ། ཐུགས་སྲས་དབང་འབྱོར། ཁྲ་ཚང་པ་ཆེན་པོ། དེས་བདག་ལའོ། །གསང་འདུས་ཆ་ལག་མནལ་ལམ་ཞྭ་ནག་མའི་ལུང་བརྒྱུད་ནི། གཏེར་སྟོན། སྲས་པདྨ་དབང་ཆེན། མཚན་ལྡན་ཆོས་རྒྱལ་མཚན། དྲིན་ཅན་མ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། རྗེ་ནོར་བུ་དོན་གྲུབ། སངས་རྒྱས་ནོར་བཟང་། བཤེས་གཉེན་ཆོས་རྒྱལ། སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། དེ་ལ་རང་གྲོལ་ནམ་མཁའ་ཆོས་དབང་དང་བྲག་སྣ་ཀུན་མཁྱེན་དབང་ཕྱུག་གཉིས་ཀས་གསན། དེ་ལ་ཁྲ་ཚང་པས་གསན། དེས་བདག་ལའོ། །ཡང་ན་ནོར་བུ་འཛིན་པ་ནས། དོན་ཡོད་རྒྱལ་མཚན། བཤེས་གཉེན་ནོར་བུ། ཀུན་དགའ་དཔལ་བརྟན། གཏེར་སྟོན་ལྷ་དབང་གྲགས་པ། གུ་རུ་ཚེ་བརྟན། པདྨ་དབང་ཆེན། ཀརྨ་ཆོས་སྐྱོང་། བཀྲ་ཤིས་ལྷུན་གྲུབ། ཁྲ་ཚང་པ་ཆེན་པོ། དེས་བདག་གོ །ལྷ་བུ་བཙོན་འཛིན་གྱི་བསྲུང་བའི་ལུང་བརྒྱུད་ནི། རྗེ་ཀརྨ་གུ་རུ་ཡན་བླ་མ་གསང་འདུས་ལྟར་ལ། དེ་ནས་རང་གྲོལ་ནམ་མཁའ་ཆོས་དབང་། ཁྲ་ཚང་པ་ཆེན་པོ། དེས་བདག་ལའོ། ༈ །སྤྲུལ་པའི་གཏེར་སྟོན་ཆོས་ཀྱི་དབང་ཕྱུག་གིས་གཏེར་སྲུང་ལ་བཀའ་བསྒོས་དམ་བསྒྲགས་ཏེ་

གཉན་སྟོན་ཛཾ་བྷ་ལ་བཏང་བས་ལྷོ་བྲག་མཁོ་མཐིང་ལྷ་ཁང་གི་སྒོ་སྲུངས་གྱང་རིས་གཤིན་རྗེ་དམར་པོའི་ཐུགས་ཀ་ནས་གདན་དྲངས་པ་བཀྲ་ཤིས་ཚེའི་རྫོང་སྒྲུབ་ལག་ལེན་རྒྱུན་ཁྱེར་མའི་དབང་ནོས་ནས། ལུང་ལ་གླེང་གཞི་གཏེར་བྱུང་ལེའུ་བདུན་པ་ན་འདི་བཞིན་གསལ་བར་འདུག །ལེའུ་བཅུ་གཉིས་པར་ཕྱག་མཐེབ་ནས་བཅུད་ལེན་དང་ལྷ་སའི་ཆུ་རགས་བྱ་ཐབས་ལས་གཞན་མི་གསལ་ཞིང་། འོན་ཀྱང་དེང་སང་ཕྱག་མཐེབ་ནས་བྱུང་བ་དང་རྒྱུན་ཁྱེར་མཁར་ཆུ་མར་ཡང་གྲགས་ལ། གཏེར་གཞུང་ན་རྣམ་སྣང་ཐུགས་ཀ་ནས་བྱུང་ཟེར་བ་སོགས་ཐེ་ཚོམ་གྱི་གཞི་བག་ཙམ་སྣང་བས་དཔྱད་དོ། །ལོ་རྒྱུས། དཔེ་ཚན་གཅིག་པུ་འདི་ཕྱག་མཐེབ་ནས་བྱུང་ཟེར། སྡོམ་ཚིག །སྒྲུབ་པ་དངོས་ལ་སྔོན་འགྲོ་དངོས་གཞི་མཇུག་གསུམ་དང་བཅས་པ་སྟེ་ཆོས་ཚན་ལྔ་པོ་ཆོས་སྡེ་གཅིག་ཏུ་བཞུགས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཚེ་དཔག་མེད། སྤྲུལ་སྐུ་ཨོ་རྒྱན་ཆེན་པོ། མཁར་ཆེན་མཚོ་རྒྱལ། ཆོས་དབང་རིན་པོ་ཆེ། ཡར་ཀླུངས་སྤྲུལ་སྐུ་ཤཱཀ་འོད། སངས་རྒྱས་དྭགས་སྟོན། གཉན་སྟོན་པ། སེ་སྡིངས་པ་ཡབ་སྲས། ཙེ་ལེ་ཆོས་འོད། རྗེ་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། རིག་འཛིན་ཀརྨ་གུ་རུ། དེས་ཐུགས་སྲས་ཀརྨ་དབང་འབྱོར་དང་བྲག་སྣ་ཀུན་མཁྱེན་དབང་ཕྱུག་གཉིས་ལ་གནང་། དེ་གཉིས་ཀ་ལ་ཉང་སྟོན་ཆེན་པོ་བློ་མཆོག་རྡོ་རྗེས་གསན། དེས་བདག་ལའོ། ༈ །ཡང་གཏེར་སྟོན་ཆེན་པོ་གུ་རུ་ཆོས་དབང་གི་ལྷོ་བྲག་མཁར་ཆུ་དཔལ་གྱི་ཕུག་རིང་དཀྱིལ་འཁོར་འོག་བསེ་སྒྲོམ་སྨུག་པོ་ནས་སྤྱན་དྲངས་པའི་དམ་ཆོས་འདུས་པ་སྐོར་དགུའི་ནང་ནས། བསྟན་པ་བབས་ཀྱི་ལོ་རྒྱུས་ལས། ལྟ་བ་ཡངས་ཤིང་སྤྱོད་ལམ་བདེཿ དེ་ཕྱིར་ཐུགས་རྗེའི་

བསྟན་པ་རྒྱསཿ སྒོམ་སྒྲུབ་མི་གཙོ་བཀླགས་པས་འགྲུབཿ དེ་ཕྱིར་ཐུགས་རྗེའི་བསྟན་པ་རྒྱསཿ བྱ་སླ་ཚེགས་ཆུང་སྒྲུབ་ཐག་ཉེཿ དེ་ཕྱིར་ཐུགས་རྗེའི་བསྟན་པ་རྒྱསཿ ཞེས་དང་། རྩོད་དུས་འཕགས་པའི་འཕྲིན་ལས་དགཿ ཨོ་རྒྱན་ཐུགས་སྲས་སྐྱེས་མཆོག་གིསཿ བསྟན་པའི་གསོལ་འདེབས་དར་རྒྱས་བྱེདཿ ཅེས་མཆོག་ཏུ་ཟབ་ཅིང་རྒྱ་ཆེ་བ་ཐུགས་རྗེ་ཆེན་པོ་ཡང་སྙིང་འདུས་པའི་སྐོར་ལ། ཐོག་མར་གཏེར་གྱི་དབང་གཞུང་ལྷན་ཐབས་དང་བཅས་པའི་སྟེང་ནས་ཚོམ་བུའི་དཀྱིལ་འཁོར་དུ་འཇུག་པ་སྔོན་དུ་འགྲོ་བའི་བུམ་པས་ལུས་བྱིན་གྱིས་བརླབ་པ། ལྷ་དབང་། བདུད་རྩི་སྔགས་ཀྱིས་ངག་བྱིན་གྱིས་བརླབ་པ། མར་མེས་ཡིད་བྱིན་གྱིས་བརླབ་པ། མེ་ལོང་གིས་རང་རིག་ངོ་སྤྲད་པ། ཡི་གེས་འགྲོ་བ་འདུལ་བ། ཡོན་ཏན་བརྗོད་དེ་སྣོད་བཅུད་ངེས་ཤེས་བསྐྱེད་པ་རིག་པ་རྩ་བ་དབང་དང་བཅས་པ་ལེགས་པར་ནོས་ནས། རྒྱབ་རྟེན་ལུང་ལ་ལོ་རྒྱུས་ལུང་བསྟན་སྐོར། རྒྱུད་ཀྱི་སྐོར། སྒྲུབ་འཕྲིན་དབང་གི་སྐོར། རྫོགས་རིམ་འཁྲིད་ཀྱི་སྐོར། གཞན་དོན་སྐོར། ལས་ཚོགས་བདུན་པའི་སྐོར། རྣལ་འབྱོར་ཉེར་གཅིག་སྐོར། རྟ་མགྲིན་དྲེགས་པ་ཀུན་སྒྲོལ་སྐོར། ཡུམ་བཀའ་མཁའ་འགྲོའི་སྐོར། བཀའ་སྲུང་སྐོར། གཏེར་གནས་མི་གཅིག་པ་འཁོར་བ་དོང་སྤྲུག་ཞི་དྲག་བསྟན་སྲུངས་སྐོར་དང་བཅུ་གཅིག །དང་པོ་ལ། བསྟན་པ་བབས་ཀྱི་ལོ་རྒྱུས་རྒྱལ་པོ་དགྱེས་པའི་གཏམ་འགྲོ་བ་འདྲེན་པའི་ལྕགས་ཀྱུ། ལྷ་ས་བསམ་ཡས་ཀྱི་ཡོན་ཏན་དང་འཇིག་རྐྱེན་ཆུ་བཟློག་གི་ཐབས་དང་བཅས་པ། ཇོ་མོའི་ཞུ་ལན་ལུང་སྐོར་ལྔ་པ་གཏེར་སྟོན་གྱི་ལུང་བསྟན་དང་བར་གཅོད་སེལ་ཐབས་བསྟན་པ། འདི་འཁོར་བ་དོང་སྤྲུག་གི་ཆོས་སྡེར་འདྲེན་དགོས་པ་འདྲ་ཡང་དེང་སང་ཆོས་སྡེ་འདི་

ཀར་བཞུགས་པ་མང་བ་བཞིན་བྲིས་པ་ཡིན། ཞུ་ལན་བདུན་པ་ལས། མངའ་བདག་དང་མཚོ་རྒྱལ་གཉིས་ཀྱི་ཞུ་ལན་ཞེས་པ་ཉང་ཆོས་དབང་བསམ་ཡས་ཀྱི་ནུབ་བྱང་མཚམས་རི་སོག་པོ་ཁྲོས་པ་འདྲ་བར་སྤྲུལ་པ་འབྱུང་ཚུལ་མཚོ་རྒྱལ་གྱི་སྐྱེས་རབས་ཐོར་བུ་བསྟན་པ་རྣམས། གཉིས་པ་རྒྱུད་ཀྱི་སྐོར་ལ། ཐུགས་རྗེ་ཆེན་པོ་ཐམས་ཅད་ཀྱི་ཡང་སྙིང་འདུས་པ་ཡེ་ཤེས་རིག་པ་མཆོག་གི་གསང་རྒྱུད་ལེའུ་བདུན་པ། ཡང་སྙིང་འདུས་པའི་གསང་རྒྱུད་ཀྱི་དོན་འགྲེལ་ཁོག་དོན་ཉི་མའི་སྙིང་པོ་ཆོས་དབང་རིན་པོ་ཆེས་མཛད་པ། གསང་རྒྱུད་ཀྱི་ཁོག་ཕུབ་འགོར་གདོད་ནས་དག་པའི་རང་བཞིན་དང་ལོགས་སུ་ཤེས་པར་བྱའོའི་མཐའ་ཅན་སྐལ་ལྡན་པའི་སློབ་མ་ཞིག་གིས་མཛད་པ། ཡང་སྙིང་འདུས་པའི་རྒྱུད་ཀྱི་ས་བཅད་སྨྲ་བའི་སེང་གེ་སྐལ་ལྡན་པས་མཛད་པ་རྣམས། གསུམ་པ་སྒྲུབ་འཕྲིན་དབང་གི་སྐོར་ལ། རྩ་བའི་སྒྲུབ་ཐབས་གཙུག་གི་ནོར་བུ། ཡང་སྙིང་འདུས་པའི་བསྙེན་སྒྲུབ་གཞུང་སྲོང་དོན་བདུན་གྱིས་བསྟན་པ་པདྨ་སཾ་བྷ་ཝས་མཛད་པ། འཕྲིན་ལས་ཀྱི་ལྷན་ཐབས་སྤྱན་འདྲེན་བཞུགས་ཕྱག་མཆོད་པ་དང་བཅས་པ་བདེ་ཆེན་ཆོས་དབྱིངས་མ། ཡང་སྙིང་འདུས་པའི་བསྙེན་སྒྲུབ་དབང་༼བྱང༽བསྐུར། དབང་གི་༼བྱང༽ལྷན་ཐབས་གསལ་བའི་སྒྲོན་མེ། རིག་པའི་རྩལ་༼བྱང༽དབང་ཁོང་གི་སྙིང་ལྟ་བུ། ཡང་སྙིང་འདུས་པའི་དཀྱིལ་ཆོག་མཛེས་པའི་ཕྲ་མིག་དྭགས་སྟོན་གྱིས་མཛད་པ་ལས་བྱང་། སྐྱེ་བདུན་ཤའི་སྒྲུབ་ཐབས་རྩ་བ་ཚིགས་བཅད་མ། དེའི་འགྲེལ་པ་སྐྱེ་བདུན་ལ་བརྟེན་ནས་བྱང་ཆུབ་བཙན་ཐབས་སུ་བསྒྲུབ་པ། བྲམ་ཟེ་དྲི་མེད་སྙིང་པོའི་གདུང་ཀྱི་ལོ་རྒྱུས་རྣམས། བཞི་པ་རྫོགས་རིམ་འཁྲིད་ཀྱི་སྐོར་

ལ། ཐུགས་རྗེ་ཆེན་པོའི་ཐུགས་འཁྲིད་ཆེན་མོ། བྲམ་ཟེ་དྲི་མེད་སྙིང་པོའི་སྐུ་གདུང་ལ་བརྟེན་པའི་སྐྱེ་བདུན་ཤ་རིལ་གྱི་ལོ་རྒྱུས། ཐུགས་འཁྲིད་ལ་ཟླ་ཆོས་བདུན་གབ་པ་མངོན་ཕྱུང་། ནམ་མཁའ་རྡོ་རྗེ་ལུ་གུ་བརྒྱུད་ཀྱི་མན་ངག །ཚེ་སྒྲུབ་རྒྱུན་ཁྱེར་མའི་ཁ་བྱང་། དག་པ་ཤེལ་གྱི་ངོ་སྤྲོད། ཡང་སྙིང་འདུས་པའི་ངོ་སྤྲོད་ཡེ་ཤེས་ཟང་ཐལ། ཡང་སྙིང་འདུས་པའི་རྒྱུད་དོན་བཏགས་ཆོག་ཐབས་ཀྱི་རྒྱལ་པོ་གབ་པ་མངོན་ཕྱུང་། ཐབས་ལམ་གདམས་པ་རྩ་རླུང་ཐིག་ལེའི་མན་ངག །གཏུམ་མོ་ཞག་བདུན་རྣམས། ལྔ་པ་གཞན་དོན་སྐོར་ལ། རོ་སྦྱོང་ལག་ལེན་གཏེར་བྱོན། བདུན་ཚིགས་ཀྱི་དམིགས་པ་ཚིགས་བཅད་འདྲེ་བན་གྱིས་བཀོད་པ། བདུན་ཚིགས་ཀྱི་ཆོ་ག་སྐལ་ལྡན་པའི་ཕྱག་བཞེས་བཞིན་བསྒྲིགས་པ། རོ་སྲེག་༼བྱང༽སྨན་ལུང་མི་བསྐྱོད་རྡོ་རྗེས་མཛད་པ། མཚན་བྱང་ལ་རྣམ་ཤེས་འགུགས་ཐབས་རྣམས། དྲུག་པ་ལས་ཚོགས་བདུན་པའི་སྐོར་ལ། མན་ངག་དགོས་པ་ཀུན་འབྱུང་གི་ནང་༼བྱང༽གསེས་ལ། སྐྱེ་བདུན་སྒྲུབ་པ། རྡོ་རྗེ་སེམས་དཔའི་ཐུགས་སྒྲུབ། མི་ཆེན་བྱམས་ཐབས། ཆོམ་རྐུན་བསྲུང་བ། ཉམས་གྲིབ་སེལ་བ། ཁྲོམ་གསེབ་ཏུ་སྨ་མི་འབབ་པ། རིམས་བསྲུང་། མཚོན་བསྲུང་། ལས་རྒྱར་ལས་ཀྱི་མཁའ་འགྲོ་མ་འགུགས་པ། ལྷ་སྲིན་ཁ་འཆིང་། དགྲ་བོ་སྒྲོལ་བའི་བསྟན་སྲུང་། དུག་བསྲུང་བ་རྟགས་གསོ་གསུམ། དཀོར་སྲུང་མོན་པ་ནོར་བསྙེག་གི་སྒྲུབ་པ་རྣམས། རབ་གནས་དགོས་པ་ཀུན་འབྱུང་། ཚོགས་འཁོར། བསྲུང་འཁོར་བཏགས་ཆོག་མ། བསྐྱེད་རིམ་ལ་བརྟེན་ནས་ཐུན་མོང་གི་ཚེ་སྒྲུབ་པ། རྫོགས་རིམ་ལ་བརྟེན་ནས་ཁྱད་པར་གྱི་ཚེ་སྒྲུབ་པ། རྟེན་གསུམ་བཞེང་ཐབས་རྣམས། བདུན་པ་རྣལ་འབྱོར་ཉེར་གཅིག་སྐོར་ལ།

རྒྱུད་ཀྱི་ལེའུ་དྲུག་པ་ལས་ཚོགས་ཀྱི་སྐོར་མན་ངག་ཁོལ་དུ་ཕྱུང་བ་༼བྱང༽གསུམ་ཚན་གྱི་ནང་གསེས་ལ། ཕྱི་བྱིན་རླབས་དོན་མཚོན་གྱི་དབྱུག་བཅོས། ནང་བརྡ་དོན་ངོ་སྤྲོད་ཀྱི་དབྱུག་ཆོས། གསང་བ་རྟོགས་ལུགས་རྒྱུད་འགྲེལ་གྱི་དབྱུག་བཅོས། ཕྱི་ནད་གདོན་སྡིག་སྒྲིབ་ཞི་བྱེད་ཀྱི་ཁྲུས། ནང་མི་གཙང་ཉམས་གྲིབ་ཞི་བྱེད་ཀྱི་ཁྲུས། གསང་བ་དུག་ལྔ་རྣམ་རྟོག་ཞི་བྱེད་ཀྱི་ཁྲུས། ཕྱི་བྱིན་འབེབས་བར་གཅོད་སེལ་བྱེད་ཀྱི་གསོལ་འདེབས། ནང་སྨིན་བྱེད་དབང་རྫོགས་ཀྱི་གསོལ་འདེབས། གསང་བ་རང་འདེབས་བླ་མ་དབྱེར་མེད་དོན་གྱི་གསོལ་འདེབས། ཕྱི་བསོད་ནམས་ལོངས་སྤྱོད་རྒྱས་བྱེད་ཀྱི་ལས། ནང་ཚེ་དཔལ་རྒྱས་བྱེད་ཀྱི་ལས། གསང་བ་མི་ཟད་གཏེར་ཆེན་རྒྱས་བྱེད་ཀྱི་ལས། ཕྱི་འགྲོ་བ་དབང་དུ་བྱ་བ། ནང་ལས་རྒྱ་དབང་དུ་བྱ་བ། གསང་བ་སྣང་སྲིད་འཁོར་འདས་རིག་པའི་རྩལ་དབང་དུ་བྱ་བ། ཕྱི་སྔགས་ལ་བརྟེན་ནས་བསྟན་པའི་སྤྱི་དགྲ་བསྒྲལ་བ། ནང་ཁྱབ་འཇུག་སྙིང་རྗེའི་ལས་སྦྱོར་གྱིས་རྣལ་འབྱོར་སྒོས་དགྲ་བསྒྲལ་བ། གསང་བ་ཡེ་ཤེས་རལ་གྲིས་ང་བདག་འགོང་པོ་བསྒྲལ་བ། ཕྱི་སྣང་སྲིད་བློས་གཏོང་གི་མཎྜལ། ནང་བདག་འཛིན་བློས་གཏོང་གི་མཎྜལ། གསང་བ་འཁོར་འདས་བློས་གཏོང་གི་མཎྜལ། ཕྱི་སྒོ་གསུམ་སྒྲིབ་སྦྱོང་སྐུ་གསུང་ཐུགས་རྟེན་ལ་བསྐོར་བ། ནང་ཉོན་མོངས་གནས་སྦྱོང་བླ་མ་ལ་བསྐོར་བ། གསང་བ་འཁོར་འདས་རྟོག་སྦྱོང་ཡང་དག་དོན་ལ་བསྐོར་བ། ཕྱི་བདུན་ཚིགས་བསྙགས་ཏེ་རིགས་དྲུག་གནས་ནས་འདྲེན་པ། ནང་དུར་བརྒྱགས་ཚོགས་ཀྱི་འཁོར་ལོ་ལ་བརྟེན་ནས་ཚེ་འདས་རིག་འཛིན་གྱི་གྲལ་དུ་དགོད་པ། གསང་བ་ཚེ་འདས་རྣམ་ཤེས་ཆོས་ཀྱི་དབྱིངས་སུ་བསྟིམ་པ། ཕྱི་

འཕྲིན་ལས་མྱུར་འགྲུབ་ཀྱི་སྦྱིན་སྲེག །ནང་དད་རྫས་ཚོགས་སུ་རོལ་བའི་སྦྱིན་སྲེག །གསང་བ་འཁོར་བ་དོང་སྤྲུག་གི་སྦྱིན་སྲེག །ཕྱི་འབྱུང་བཞི་སྐུ་གསུམ་ཡོངས་རྫོགས་ཀྱི་སཱཙྪ། ནང་ཕུང་པོ་མཆོད་རྟེན་ཡོངས་རྫོགས་ཀྱི་སྭཱཙྪ། གསང་བ་འཁོར་འདས་ཡོངས་རྫོགས་རིག་པ་ཡེ་ཤེས་ཀྱི་སཱཙྪ། ཕྱི་འདོད་ཡོན་ཚོགས་སུ་རོལ་བའི་རྣལ་འབྱོར། ནང་ཤ་ལྔ་བདུད་རྩི་ལྔར་རོལ་པའི་རྣལ་འབྱོར། གསང་བ་རླུང་རྔུབ་བདུད་རྩིར་རོལ་པའི་རྣལ་འབྱོར། ཕྱི་གཏོར་མ་ལ་བརྟེན་ནས་ཚོགས་གསོག་པ། ནང་གཏོར་མ་ལ་བརྟེན་ནས་དངོས་གྲུབ་བླང་བ། གསང་བ་གཏོར་མ་ལ་བརྟེན་ནས་ཞེན་རྟོག་བཟློག་པ། ཕྱི་ཆུ་སྦྱིན་ལ་བརྟེན་ནས་ལོངས་སྤྱོད་འཕེལ་བ། ནང་ཆུ་སྦྱིན་ལ་བརྟེན་ནས་ཕྱི་མའི་བརྒྱགས་ཕྱེ་གསག་པ། གསང་བ་ཆུ་སྦྱིན་ལ་བརྟེན་ནས་རེ་དོགས་དབྱིངས་སུ་དག་པ། ཕྱི་གཞན་དོན་དུ་ལྡང་བ། ནང་རང་དོན་དུ་ལྡང་བ། གསང་བ་གཉིས་མེད་ཆོས་སྐུར་ལྡང་བ། ཕྱི་སྐོར་བའི་བསམ་པས་བགྲོད་པ། ནང་ཞིང་དག་པར་བགྲོད་པ། གསང་བ་རིག་པ་ཤུགས་ཀྱིས་བགྲོད་པ། ཕྱི་ཤེས་བཞིན་བག་ཡོད་དུ་འདུག་པ། ནང་ལྷའི་རྣལ་འབྱོར་དུ་འདུག་པ། གསང་བ་བསམ་གཏན་དང་གནས་སུ་འདུག་པ། ཕྱི་སེམས་ཉིད་ངལ་གསོའི་ཉལ་ཐབས། ནང་ཤེས་བྱ་བུམ་འཇུག་གི་ཉལ་ཐབས། གསང་བ་བདེ་འབྱམས་ཆོས་ཀྱི་དབྱིངས་དུ་ཉལ་ཐབས། ཕྱི་ལྟར་རྨི་ལམ་གཟུང་བའི་ཐབས། ནང་ལྟར་རྨི་ལམ་ཟིན་པའི་དགོས་ཆེད། གསང་བ་རྨི་ལམ་དུ་ལ་ཟླ་བ། ཕྱི་སྣང་སྲིད་ཆོས་སྐུའི་ལམ་ཁྱེར། ནང་གྲགས་སྟོང་གསུང་གི་ལམ་ཁྱེར། གསང་བ་དྲན་རྟོག་ཐུགས་ཀྱི་ལམ་ཁྱེར་རོ། །ཉམས་གྲིབ་མི་གཙང་དག་བྱེད་བུམ་ཁྲུས་རྩ་བ་དགོས་པ་ཀུན་འབྱུང་གཏོར་

མའི་ལས་རྣམས། བརྒྱད་པ་རྟ་མགྲིན་དྲེགས་པ་ཀུན་སྒྲོལ་སྐོར་ལ། རྟ་མགྲིན་དྲེགས་པ་ཚར་གཅོད་དམ་དྲེགས་པ་ཀུན་སྒྲོལ་དུ་གྲགས་པ་ཞལ་གསུམ་ཕྱག་དྲུག་པའི་སྒྲུབ་༼བྱང༽ཐབས། བསྟོད་པ་༼བྱང༽ཡེ་ཤེས་རིག་པ། རྟེན་འབྲེལ་རྫས་ཀྱི་༼བྱང༽བསྲུང་བ། གཏོར་ཆོག་༼བྱང༽བསྡུས་པ། དྲེགས་པ་ཚར་གཅོད་ཀྱི་ལས་བྱང་གཞུང་སྲོང་རྣམས། དགུ་པ་ཡུམ་བཀའ་མཁའ་འགྲོའི་སྐོར་ལ། མཁའ་འགྲོ་མ་གསང་བ་ཡེ་ཤེས་ཀྱི་སྒྲུབ་ཐབས། སྙིང་ཏིག་ནོར་བུ། དེའི་ལས་ཚོགས། སྦྱིན་སྲེག །གཏོར་མའི་ལས་སྦྱོར་རྣམས། བཅུ་པ་བཀའ་སྲུང་སྐོར་ལ། བཀའ་སྲུང་མགོན་པོ་གྲི་གུག་གི་བསྙེན་སྒྲུབ་ལས་སྦྱོར་སྦྲགས་པ་བསྐུལ་བསྐལ་མེ་མ་དང་བཅས་པ། བཀའ་སྲུང་དཀོར་བདག་ཆེན་པོའི་སྒྲུབ་པ་རྣམས། ༈ བཅུ་གཅིག་པ་གཏེར་གནས་མི་གཅིག་པ་འཁོར་བ་དོང་སྤྲུག་ཞི་དྲག་བསྟན་སྲུང་སྐོར་ནི། བཀའ་རྩིས་ལས། ཀྱེ་ཧོ་ཐུགས་རྗེ་ཆེན་པོའི་རྒྱུད་དང་སྒྲུབ་ཐབས་མན་ངག་སྐོར༔ ཐུགས་རྗེ་ཆེན་པོའི་རྒྱུད་སྡེ་ལྔ་བརྒྱ་བརྒྱད༔ ལུང་སྡེ་བསམ་ཡས་མན་ངག་རྒྱ་མཚོའི་རྒྱུད༔ ཨོ་རྒྱན་ངས་བསྡུས་ཉམས་སུ་བླངས་ཤིང་བསྡེབས༔ དེ་ཕྱིར་རིན་ཅེན་ཀླུ་བདུད་ཐུགས་ཀ་རུ༔ ཞེས་གནམ་སྐས་བྲག་ནས་གདན་དྲངས་པའི་ཐུགས་རྗེ་ཆེན་པོའི་སྒྲུབ་སྐོར་ཆེས་མང་བའི་ནང་ནས་གཙོ་བོར་གྱུར་པ་ནི། ཐུན་མོང་ཐུགས་རྗེའི་སྒྲུབ་སྐོར་ཆོས་མང་གི༔ ཁྱད་པར་ཞག་བདུན་ངེས་འགྲུབ་འདི་ན་མཆིས༔ དེ་གང་ཞེ་ན་འཁོར་བ་དོང་སྤྲུག་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་གསུངས་པའི་ཐུགས་རྗེ་ཆེན་པོ་འཁོར་བ་དོང་སྤྲུག་གི་ཆོས་སྐོར་ལ། ཐོག་མར་སྨིན་བྱེད་ལྷ་

དབང་ལུས། གསང་དབང་ངག །ཆོས་དབང་སེམས། གཏོར་དབང་བཀའ་ལུང་གི་དབང་དང་བཅས་པ་འཁོར་བ་དོང་སྤྲུག་གི་ལམ་དབང་ཏིང་ངེ་འཛིན་གྱི་དབང་བཞི་ཟབ་མོ་ནོས་ནས། ལུང་ལ་རྒྱུད་ལེའུ་ལྔ་བཅུ་རྩ་བཞི་པ་ལས་ལེའུ་བདུན་པ་ཁོལ་དུ་ཕྱུང་བ། དེའི་ས་མ་འགྲེལ། འཁོར་བ་དོང་སྤྲུག་ཡི་གེ་བདུན་མའི་སྒྲུབ་ཐབས། ཉི་མ་མཁའ་ཁྱབ་ཀྱི་འགྲོ་དོན། ཆུ་བོ་དབྱིངས་ཁྱབ་ཀྱི་འགྲོ་དོན། དམིགས་གཏད་མཆོད་རྟེན་གྱི་འགྲོ་དོན། མེ་ལོང་ལམ་སོའི་འགྲོ་དོན། གསོལ་འདེབས་ཀྱི་སྒོ་ནས་བསྟོད་པ་རྣམ་པར་མི་རྟོག་པ། རྟགས་ཀྱི་སྒོ་ནས་བསྟོད་པ། དོན་གྱི་སྒོ་ནས་བསྟོད་པ་སྣང་སྲིད་མ། འཁོར་བ་དོང་སྤྲུག་སྡིག་སྒྲིབ་ཀུན་འཇོམས་ཀྱི་གཟུངས་སྒྲུབ་ཐབས་དངབཅས་པ་རྒྱུད་ལས་ཁོལ་དུ་ཕྱུང་བའི་ལེའུ་ཉི་ཤུ་རྩ་གསུམ་པ། བཀའ་གཏེར་སྤྱི་བབས་ཀྱི་སྟོང་ཐུན་བྱེ་བྲག་ཏུ་ཐུགས་གཏེར་ཆེན་པོ་འཁོར་བ་དོང་སྤྲུག་གི་ཁོག་དབུབ་མུན་སེལ་ཞི་བའི་སྙིང་པོ་གཏེར་སྟོན་གྱིས་མཛད་པ། འཇམ་དབྱངས་མཁྱེན་བརྩེས་མཛད་པའི་དབང་བསྐུར་དབང་གི་བཀོལ་བྱང་དུ་གྲགས་པ། དེས་མཛད་པའི་ལམ་དབང་གི་ཆོ་ག་ཨོ་རྒྱན་བླ་མའི་ཞལ་ལུང་བདུད་རྩིའི་ཆར་འབེབས། དེས་མཛད་པའི་དོང་སྤྲུག་རྒྱུན་འཁྱེར། རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པའི་བརྒྱུད་འདེབས་ཆོས་དབྱིངས་རང་གྲོལ། དོང་སྤྲུག་རབ་ཏུ་ཁྲོས་པ་རྟ་མགྲིན་གསང་བ་སྲོག་སྒྲུབ་སྐོར་ལ། དོང་སྤྲུག་གི་རྒྱུད་ནས་ལེའུ་བརྒྱད་པ་ཡིག་བདུན་དྲག་སྒྲུབ་བསྟན་པ་ཁོལ་དུ་ཕྱུང་བ། དེའི་ས་བཅད་རབ་དབྱེ་ལྔའི་སྒོ་ནས་བཤད་པ། དབང་ཆེན་སྲོག་སྒྲུབ་ཉམས་ལེན་ལ་དོན་ལྔར་བསྟན་པའི་བསྲུང་མཚམས། རྟེན་བཤམ་པ། སྒྲུབ་པ་བསྐྱེད་རྫོགས།

རྟ་སྐད་ཀྱི་དགོངས་པ། ལས་ཚོགས་ཀྱི་ནང་གསེས་ལ་འགྲོ་བའི་སྡུག་བསྔལ་དུས་གཅིག་ལ་སྦྱང་བ། སྲིད་གསུམ་སེམས་ཅན་ལ་དབང་དུས་གཅིག་ཏུ་བསྐུར་བ། ཁམས་གསུམ་དུས་གཅིག་ལ་དབང་དུ་བསྡུ་བ། འཁོར་བ་དུས་གཅིག་ལ་སྒྲོལ་བ། གསང་བ་སྲོག་སྒྲུབ་ཀྱི་གནད་ཏིག་རྟ་སྐད་ཐེངས་གཅིག་གི་དགོངས་པ། གཞན་ཡང་མ་ཎི་གཉིས་ལྡན་གྱི་གདམས་པ། ཡི་གེ་གཅིག་པའི་སྒྲུབ་ཐབས། ཐུགས་རྗེ་ཆེན་པོ་ཞལ་མཐོང་གི་སྒྲུབ་ཐབས་དང་བཅས་པ་རྣམས་ཐོབ་པ་ལས་འཁོར་བ་དོང་སྤྲུག་གི་དབང་གཉིས་པོ་དང་འཇམ་དབྱངས་མཁྱེན་བརྩེ་ཁུ་དབོན་གྱིས་མཛད་པའི་ཡིག་ཆ་མ་གཏོགས་ལུང་ཡོངས་སུ་རྫོགས་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་འཚོ་རྒྱལ། གུ་རུ་ཆོས་ཀྱི་དབང་ཕྱུག །སྨན་ལུང་མི་བསྐྱོད་རྡོ་རྗེ་དང་ཆོས་ལྡན་མགོན་པོ་སྟེ་ཡར་ཀླུངས་སྤྲུལ་སྐུ་མཆེད་གཉིས། སྤྲུལ་སྐུ་ཤཱཀྱ་གཞོན་ནུ། དགེ་སྦྱོང་བསོད་ནམས་བཟང་པོ། སྤྲུལ་སྐུ་ནོར་བུ་འཛིན་པ། རྗེ་ནོར་བུ་དོན་གྲུབ། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་མི་བསྐྱོད་རྡོ་རྗེ་ནས། དྭགས་སྟོན། གཉན་སྟོན། སེ་སྡིངས་པ་ཡབ་སྲས། གུ་རུ་ཆོས་འོད། སྤྲུལ་སྐུ་ཆོས་ཀྱི་དབང་པོ་མན་གོང་ལྟར། ཡང་ན་གཏེར་སྟོན་ནས། གྲུབ་ཐོབ་མ་ཎི་རིན་ཅེན། རྒྱལ་མཚན་སེང་གེ །ཐུགས་རྗེ་དཔལ། ཚུལ་ཁྲིམས་འབུམ། དྷརྨ་ལཀྵ། ཛྙཱ་ན་ཀེ་ཏུ། བྱང་སེམས་ཆོས་རྗེ། རྣལ་འབྱོར་དབང་

ཕྱུག་ཤེས་རབ་ཡེ་ཤེས། སྤྲུལ་སྐུ་ཆོས་ཀྱི་དབང་པོ་མན་གོང་བཞིན་ནོ། །ཡང་བྱང་གི་རྟགས་ཡོད་པའི་ལུང་བརྒྱུད་ལུགས་གཅིག་ནི། གུ་རུ་ཆོས་སྐུ་འོད་ཟེར་ནས། བླ་མ་དར་མ་བཟང་པོ། ཀླུ་པ་ཆོས་དབང་དཔལ་འབྱོར། དེ་ལ་རྗེ་ནམ་མཁའ་ཤེས་རབ་དང་པཎ་ཆེན་པདྨ་དབང་རྒྱལ་གཉིས་ཀྱིས་གསན། གཉིས་ཀ་ལ་གཅུང་ལེགས་ལྡན་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །འཁོར་བ་དོང་སྤྲུག་གི་དབང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ཌཱ་ཀི་གར་གྱི་དབང་མོ། ཨོ་རྒྱན་ཆོས་ཀྱི་རྒྱལ་པོ། མཁར་ཆེན་ཡེ་ཤེས་འཚོ་རྒྱལ། གུ་རུ་ཆོས་ཀྱི་དབང་ཕྱུག །སྲས་པདྨ་དབང་ཆེན། དྲིན་ཅན་མ་སངས་རྒྱས་ཀུན་གྲོལ། རྟོགས་ལྡན་ཆོས་ཉིད་རང་གྲོལ། བླ་མ་སངས་རྒྱས་ལྷུན་དབང་། སྦ་སྟོན་རྡོ་རྗེ་གཞོན་ནུ། སྦ་སྟོན་དཀོན་ཅོག་དཔལ་བཟང་། གནུབས་ཆེན་རིན་ཅེན་དཔལ་བཟང་།གནུབས་ཆེན་རྒྱལ་སྲས་པདྨ། བླ་མ་བཀྲ་ཤིས་དཔལ། གནུབས་སྒོམ་སྨོན་ལམ་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག །བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བརྟན། ཟུར་གྱི་གདུང་འཛིན་ངག་དབང་ཕུན་ཚོགས། ཁྲ་ཚང་པ་མཁས་གྲུབ་ཆེན་པོ། དེས་བདག་ལའོ། །དབང་ཆོག་གི་ལུང་རྒྱུན་གཅིག་དབང་བརྒྱུད་དང་འདྲ་ཞིང་ལུགས་གཅིག་ལ་རྗེ་དབང་རབ་ནས། ཁྱབ་བདག་མགོན་པོ་བསོད་ནམས། ཁྲ་ཚང་པ་ཆེན་པོ། དེས་བདག་ལའོ། །ལམ་དབང་དང་འཇམ་དབྱངས་མཁྱེན་བརྩེས་མཛད་པའི་ཡིག་ཆ་གསུམ་གའི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ནས། རྗེ་བཙུན་བཀའ་འགྱུར་བ་ཆེན་པོ། བླ་མ་

འཇམ་དབྱངས་རྒྱལ་མཚན། ཁྲ་ཚང་པ་ཆེན་པོ། དེས་བདག་ལའོ། །དོང་སྤྲུག་གི་བརྒྱུད་འདེབས་ཀྱི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། ༈ །ཡང་འདུས་པ་སྐོར་དགུའི་ནང་ཚན་བདུད་རྩི་བཅུད་ལེན་འདུས་པའི་ཚེ་སྒྲུབ་ལ་རྫས་བཤམ་པ། སྐྱབས་སེམས། མཚམས་གཅོད། གསོལ་བ་འདེབས་ཤིང་སྨན་ལྷ་བསྐྱེད་པ། འཛབ་བཟླས་གྲུབ་རྟགས། བདུད་རྩིའི་དབང་བསྐུར་ཐབས། དམ་ཚིག་གྲུབ་མཐའ་བསྟན་པ་རྣམས་ཆོས་སྡེ་གཅིག་ཏུ་ཚང་བ། ཡང་དག་འཛབ་དགོངས་འདུས་པ་ལ་སྔོན་འགྲོ་དངོས་གཞི་རྗེས་གསུམ་གྱིས་བསྡུས་པ་གཉིས་ཀྱི་ལུང་ཐོབ་པའི་བརྒྱུད་པ་ནི། ཆོས་ལོངས་སྤྲུལ་གསུམ། གཏེར་སྟོན། སྨན་ལུང་པ། དྭགས་སྟོན། གཉན་སྟོན། སེ་སྡིངས་པ་ཡབ་སྲས། ཆོས་འོད། སྤྲུལ་སྐུ་ཆོས་ཀྱི་དབང་པོ། གུ་རུ་པ་ཀརྨ་ཆོས་སྐྱོང་། ཡར་འབྲོག་པ་བླ་མ་བཀྲ་ཤིས་ལྷུན་གྲུབ། ཉང་སྟོན་མཁས་གྲུབ་ཆེན་པོ། དེས་བདག་ཟ་ཧོར་གྱི་བནྡེ་ལའོ། །འདུས་པ་གཞན་བདུན་པོ་ནི་དེང་སང་ཤིན་ཏུ་དཀོན་པར་སྣང་ངོ་། ༈ །སྤྲུལ་པའི་གཏེར་སྟོན་ཆོས་ཀྱི་དབང་ཕྱུག་གིས་ཀླུ་བདུད་སྐུ་སྐེད་ནས་ཁྱད་འཕགས་སྒྲུབ་ཐབས་ཀྱི་སྐོར་བརྒྱ་རྩ་བརྒྱད་སྒྲུབ་ཕྲན་དང་བཅས་པ་སྤྱན་དྲངས་པའི་ནང་ཚན་ནས་ཕུལ་དུ་བྱུང་བ་ནི། བཀའ་རྩིས་ལས། ཞི་ཁྲོ་བཀའ་བརྒྱད་སྒོས་སྒྲུབ་ཆོས་མང་གི༔ ཁྱད་པར་ཡོངས་རྫོགས་དྲིལ་སྒྲུབ་འདི་ན་མཆིས༔ དེ་གང་ཞེ་ན་གསང་བའི་ཡོངས་རྫོགས་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་བརྗོད་བྱའི་དོན་རྒྱ་ཆེ་

ཞིང་རྗོད་བྱེད་ཀྱི་ཚིག་མ་ཉུང་འཚམ་པ་བཀའ་བརྒྱད་གསང་བ་ཡོངས་རྫོགས་སུ་གྲགས་པ་འདི་ནི། ཡི་དམ་རྩ་བར་གསང་བ་ཡོངས་རྫོགས་སྒྲུབས༔ དུས་གསུམ་རྒྱལ་བའི་སྤྱི་སྒྲུབ་འདི་ཀ་ཟབ༔ འདི་འཆང་ཨོ་རྒྱན་ང་དང་འདུ་འབྲལ་མེད༔ ཅེས་དང་། ང་དང་འཕྲད་པར་འདོད་ན་ཐུགས་ཀྱི་སྒྲུབ་པ་སྒྲུབས༔ མྱུར་དུ་འཚང་རྒྱ་འདོད་ན་མཉམ་སྦྱོར་ཉམས་སུ་མྱོང་༔ འགྲོ་བ་འདུལ་བར་འདོད་ན་ཐུགས་རྗེ་ཆེན་པོ་སྒྲུབས༔ སྐུ་ཚེ་རིང་འདོད་བཅུད་ལེན་ཉམས་སུ་ལོངས༔ མཐུ་རྩལ་ཆེ་འདོད་ཅོག་བརྡུང་དྲུག་པོ་སྒྲུབས༔ མཁའ་འགྲོ་འདུ་འདོད་དམ་གཙང་ཚོགས་འཁོར་རེམས༔ ཐུན་མོང་འགྲུབ་འདོད་ལས་ཚོགས་མ་ལུས་སྒྲུབས༔ དམ་ཆོས་སྤྱོད་འདོད་འཁོར་བ་བློ་ཡིས་ཐོང་༔ གཏེར་རྣམས་འདོད་ན་ཐུབ་ཆོད་ཆེན་མོ་སྒྲུབས༔ དེ་དག་ཀུན་འདོད་བཀའ་བརྒྱད་ཡོངས་རྫོགས་སྒྲུབས༔ ཞེས་བསྔགས་པ་ཆེས་ཆེར་མཛད་པའི་ཡི་དམ་ཞི་ཁྲོ་ཡོངས་རྫོགས་ཀྱི་ཆོས་སྐོར་རྣམས་མཁའ་ལ་རིག་འཛིན་གྱི་གྲལ་མ་ཞིག །ས་ལ་དཀྱིལ་འཁོར་གྱི་བཀྲག་མ་ཉམས། སྟེང་དུ་གཏོར་མའི་རི་བོ་མ་ཉིལ། འོག་ཏུ་སྨན་རག་གི་རྒྱ་མཚོ་མ་བསྐམས། བར་དུ་སྙན་བརྒྱུད་མཁའ་འགྲོའི་ཁ་རླང་མ་ཡལ། སྙིང་པོ་བསྐྱེད་རྫོགས་གསུམ་གྱི་ཆུ་བོ་མ་ནུབ། འདྲེ་ཁྱེར་ཟོག་པོའི་ལྷད་མ་ཞུགས་པའི་བརྒྱུད་པ་རྣམ་པར་དག་པ་ལས་འོངས་པ་ནོས་པ་ལ། སྨིན་བྱེད་དབང་གི་སྐོར། གྲོལ་བྱེད་གདམས་པའི་སྐོར། རྒྱབ་རྟེན་རྒྱུད་ཀྱི་སྐོར་དང་གསུམ། དང་པོ་ནི། རྒྱུད་དང་མན་ངག་གི་དགོངས་པ་ལྟར་ཕུན་སུམ་ཚོགས་པ་བདུན་གྱིས་གཞི་བཟུང་སྟེ་སྟ་གོན་ལས་ཁྲིགས་བཅུ་གཅིག་གིས་ཉན་རང་བྱང་སེམས་ཐེག་པ་ཐུན་མོང་གི་དབང་རང་བཞིན་

གྱིས་ཐོབ་པར་བྱེད་པ་དང་གཞུང་གི་ལས་ཁྲིགས་སོ་བརྒྱད་ཀྱི་བསྙེན་སྒྲུབ་གཞུང་བསྲངས་པས་ཚོགས་གཉིས་རྫོགས་ནས་དབང་རྫོང་འཆོས་པར་བྱེད། རྗེས་ཀྱི་ལས་ཁྲིགས་བཅོ་བརྒྱད་ཀྱིས་མཐའ་བསྐྱངས་པས་དངོས་གྲུབ་ཀྱི་རྒྱུན་བསྲིང་བར་བྱེད་པའི་རྒྱུ་མཚན་གྱིས་སྒྲུབ་ཆེན་གྱི་གཞུང་བཙུགས་ནས་དབང་རྫོང་ཆེན་མོ་བཅའ་བར་གསུངས་པ་ལྟར། སྨན་ལུང་སྤྲུལ་སྐུ་མི་བསྐྱོད་རྡོ་རྗེ་དང་སྤྲུལ་སྐུ་ཤཱཀ་གཞོན་གྱིས་ཨེ་སྟར་ག་དགོན་དུ་སྒྲུབ་ཆེན་བཙུགས་པའི་ཕྱག་ལེན་ལ་ལས་ཁྲིགས་ཉེར་དགུའི་སྐབས་དབང་དངོས་ཀྱི་རྣམ་གྲངས་ལ་ཁྱད་པར་ཡེ་ཤེས་ཀྱི་དབང་དང་ཐུན་མོང་ཐུགས་རྗེའི་དབང་གཉིས་སུ་གསུངས་པའི་དང་པོ་ལ། ཕྱི་མཚན་མའི་དཀྱིལ་འཁོར་བུམ་རྫས་སོགས་ལ་བརྟེན་ནས་ཀྲྀ་ཡོག་ཡར་ལྡན་གྱི་དབང་རིམ་བརྒྱད། ནང་ལྷ་དབང་ཡོངས་རྫོགས་ལ་བརྟེན་ནས་མ་ཧཱ་ཨ་ནུ་དྲེགས་པའི་མཐུ་དབང་སོགས་བྱིན་རླབས་ཡོངས་རྫོགས་ཀྱི་དབང་རིམ་དགུ །གསང་བ་ཡབ་ཡུམ་མཉམ་སྦྱོར་ལ་བརྟེན་ནས་བྱང་སེམས་ཡོངས་རྫོགས་ས་ལམ་མྱུར་བགྲོད་ཀྱི་དབང་གསུམ། ཡང་གསང་དེ་ཁོ་ན་ཉིད་རྒྱལ་ཐབས་སྤྱི་བླུགས་ཀྱི་དབང་ལ་བརྟེན་ནས་ཨ་ཏི་ཡོ་ག་ཡོངས་རྫོགས་ཀྱི་དབང་རིམ་དྲུག་སྟེ་དབང་ཉེར་ལྔ། གཉིས་པ་ཐུན་མོང་ཐུགས་རྗེའི་དབང་ལ་བཀའ་རབ་འབྱམས་ཞུས་པའི་དབང་། ཐུན་མོང་ཕན་དབང་། ནུས་པའི་དབང་རིམ་པ་བརྒྱད། ཐུན་མོང་གི་དབང་རིམ་ལྔ། དེ་ལྟར་རྩ་བའི་དབང་རིམ་ཉེར་བརྒྱད་ལ་ཕྲ་མོར་ཕྱེ་ན་བརྒྱ་དང་ལྔ་བཅུ་རྩ་དྲུག་རྣམས་དབང་འབུམ་ཆེན་མོ་སྙིང་དང་བནྡྷའི་རྒྱ་ཅན་ནས་འབྱུང་བ་ལྟར་དང་། སྒྲུབ་ཁོག་གི་སྒྲུབ་ལུང་སྐབས་ཀྱི་དབང་ཚུར་དྲིལ་བས་ཉིས་བརྒྱ་

སོ་བདུན། ཐ་རམས་ནས་བུམ་གསང་ཤེས་རབ་ཡེ་ཤེས་ཚིག་དབང་བཞི་འདུ་བར་གསུངས་ལ། གཞན་ཡང་མཇུག་ཆོག་གི་དབང་བྱང་བཀོལ་བ་ཞེས་བྱ་བ་བསྲེ་མནན་གྱི་རྗེས་སུ་སྒྱུ་འཕྲུལ་གསང་སྙིང་གི་རྗེས་སུ་འབྲངས་པའི་ནུས་དབང་ལྔ། མགྱོགས་དབང་བུམ་པའི་རྒྱ་ཅན་དང་བཅས་པ་སྒྲུབ་ཆེན་གྱི་ཚུལ་དུ་ལེགས་པར་ཐོབ། རྩ་བའི་གཉིས་པ་གྲོལ་བྱེད་གདམས་པའི་སྐོར་ལ། རྒྱུད་མ་ཧཱ་ཡོ་གའི་སྐོར། ལུང་ཨ་ནུ་ཡོ་གའི་སྐོར། མན་ངག་ཨ་ཏི་ཡོ་གའི་སྐོར། ཡོངས་རྫོགས་ཐུན་མོང་གི་སྐོར་དང་བཞི། དང་པོ་ལ་ཐེམས་ཅན་ཐེམས་མེད་གཉིས། དང་པོ་ལ། སྒྲུབ་ཐབས་དང་ཆ་རྐྱེན་ཁ་སྐོང་གཉིས། དང་པོ་ལ། སྤྲོས་བཅས་ཀྱི་སྒྲུབ་པ། སྤྲོས་པ་ཉེར་བསྡུའི་སྒྲུབ་པ། ཞི་བ་དྲིལ་སྒྲུབ། ཁྲོ་བོ་དྲིལ་སྒྲུབ། བྱེ་བྲག་ཏུ་སྒྲུབ་པ། ཕུར་སྒྲུབ། ཧཱུྃ་སྒྲུབ། དྲག་སྔགས་རལ་གྲི་ཕྱུང་བརྡེག །ཉམས་ལེན་སྒོམ་ཁྲིགས་ཀྱི་རིམ་པ་དང་དགུ །དང་པོ་ལ། སྤྲོས་བཅས་ཚོམ་བུར་སངས་རྒྱས་བསྒྲུབ་པའི་ཆོས་སྒྲུབ་ཁོག་རྩ་བ་རིན་ཅེན་བུམ་པའི་རྒྱ་ཅན། དེའི་འགྲེལ་པ་སྒྲུབ་བོག་རིན་པོ་ཆེ་འབར་བའི་རྒྱ་ཅན། དེ་ཡང་རྩ་བས་ནི་གཞུང་གི་སྡོམ་ཚིག་བསྟན་ཞིང་འགྲེལ་པ་ལ་གཏེར་སྟོན་གྱིས་མནལ་ལམ་རྟ་དཀར་མའི་རྗེས་སུ་འབྲངས་པའི་མཆན་བུ་མཛད་ལ། ཆོས་ཀྱི་བཀའི་གཙོ་བོ་ཡང་ཡར་ཀླུངས་སྤྲུལ་སྐུ་ལ་བབས་པ་ཡིན་ནོ། །དཔེ་རིས་སྐོར་ལ། དཀྱིལ་འཁོར་ཡོངས་རྫོགས། སྒྲུབ་ཁོག་དང་འབྲེལ་བའི་དཀྱིལ་འཁོར། ཁྱད་པར་རྟེན་དགུ །ཐོད་པ་བུམ་པ་དགོད་པའི་ལྡེང་ཁྲི་སྟེང་འོག །ལྷ་ཁང་བཞེང་དབྱིབས་རྡོར་དྲིལ། གདབ་ལས་ལིང་འཁོར། འབྲུབ་ཁུང་། ཐོད་པ། གླེང་བཞི་སྤྱི་མདོས་ཀྱི་རི་རབ། རྒྱལ་མཚན། ཞིང་འཕན། མདའ་འཕང་། ཕོ་གདོང་མོ་གདོང་།

མདོས་དཀྱིལ། སྟེང་གི་ཐིག་ལེ་དགུ་དཀྱིལ། ལས་བཞིའི་སྦྱིན་སྲེག་དང་རོ་སྲེག་གི་ཐབས། དགང་བླུགས། སྒོམ་དབང་འཁོར་ལོ་ལྔ་པ། ཐ་མལ་རྩའི་གནས་ལུགས། མེ་རླུང་གྱེན་ལྡོག །རྩ་གསུམ་བུམ་པ་ཅན་བསྒོམ་ཚུལ། འཆི་བླུའི་དཀྱིལ་འཁོར། གནོད་སྦྱིན་ཡོངས་རྫོགས་སྒྲུབ་འཁོར། རླུང་འཁོར། རླུང་ཁང་བསྲུང་འཁོར་གྱི་སྤྲ་འཁྲིད་འཁོར་ལོ་རྣམས། གཉིས་པ་སྤྲོས་མེད་ཉེར་བསྡུའི་སྒྲུབ་པ་ནི། རྣལ་འབྱོར་བདག་དོན་དུ་སྤྲོས་པ་མ་ལུས་པ་ཉེ་བར་བསྡུས་པའི་སྒོ་ནས་ནུས་པ་མཆོག་ཏུ་སྐྱེ་བར་འདོད་ཅིང་ཞི་ཁྲོ་སྦྲགས་མར་དད་པ་རྣམས་ཀྱི་དོན་དུ་ཡོངས་རྫོགས་དྲིལ་སྒྲུབ་རྡོ་རྗེའི་རྒྱ་ཅན། གསུམ་པ་ཞི་བ་དྲིལ་སྒྲུབ་ནི། སྤྲོས་པ་ལ་མི་དགའ་ཞིང་ཞི་བ་ཁོ་ནར་དད་ཅིང་ཆགས་ཅན་གྱི་གཉེན་པོར་བསྟན་པ་ཞི་བ་ཡོངས་རྫོགས་གསང་ཆེན་རིགས་གཅིག་རྡོ་རྗེ་སེམས་དཔའི་ངོ་བོར་སྐུ་གསུང་ཐུགས་ཀྱི་སྒོ་ནས་བསྒྲུབ་པ། བཞི་པ་ཁྲོ་བོ་དྲིལ་སྒྲུབ་ནི་སྤྲོས་པ་ཆུང་ཞིང་ཁྲོ་བོ་ཁོ་ནར་དད་པ་ཞེ་སྡང་ཅན་གྱི་གཉེན་པོར་ཁྲོ་བོ་ཡོངས་རྫོགས་ཧེ་རུ་ཀ་ཡབ་ཡུམ་༼ཟུར༽དུ་དྲིལ་པ་སྐུ་གསུང་ཐུགས་ཀྱི་སྒོ་ནས་བསྒྲུབ་པ། ལྔ་པ་བྱེ་བྲག་ཏུ་བསྒྲུབ་པ་ནི། བཀའ་བརྒྱད་བྱེ་བྲག་སོ་སོར་བསྒྲུབ་པས་དགའ་བའི་དོན་དུ་བསྟན་པས་རིག་འཛིན་བརྒྱད་ཀྱི་ཐུགས་ཀྱི་གདེང་བརྒྱད་༼ཟུར༽ཅེས་པ་ཆེ་མཆོག་འདུས་པའི་དྲག་སྔགས། ཁྲག་འཐུང་འདུས་པའི་དྲག་སྔགས། གཤིན་རྗེ་འདུས་པའི་དྲག་སྔགས། དབང་ཆེན་འདུས་པའི་དྲག་སྔགས། ཕུར་པ་འདུས་པའི་དྲག་སྔགས། མ་མོ་འདུས་པའི་དྲག་སྔགས། སྡེ་བརྒྱད་འདུས་པའི་དྲག་སྔགས། དམོད་པ་འདུས་པའི་དྲག་སྔགས་རྣམས། གདེང་བརྒྱད་པོ་འདི་དང་གཅིག་པ་ཞིག་ཇོ་མོའི་ཉམས་ལེན་སྐོར་དགུའི་ནང་ན་ཡང་ཡོད་དོ།

།དྲུག་པ་ཕུར་སྒྲུབ་ལ། ཡོངས་རྫོགས་ཕུར་སྒྲུབ་ཅེས་བྱ་བ་རྩ་བའི་དྲག་སྔགས་དང་གདབ་པའི་དྲག་སྔགས་དགུ་དྲིལ་ཏེ་ཕུར་བུ་གཅིག་ལ་བརྟེན་ནས་བསྒྲུབ་པ། དེའི་ཞར་བྱུང་དུ་གཏོར་མ་གཏོང་བ། བསྲུང་བ། ཆོས་སྐྱོང་བསྐུལ་བ། སྡེ་བརྒྱད་གཅུན་ཞིང་གཟིར་བ། དགྲ་བགེགས་སྒྲོལ་བ། བགེགས་དཔུང་གཞོམ་པ། ཀླུ་འདུལ་བ། སྨྱོན་པ་འདུལ་བ། རྦོད་གཏོང་བཟློག་པ། ནད་པ་གསོ་བ། ཞོ་ཆང་བསྲུང་བ། མཛོ་ལྷོག་བསྲུང་བ་དང་བཅས་པ། ཕུར་སྒྲུབ་སྔགས་བྱང་རྣམས། བདུན་པ་ཧཱུྃ་སྒྲུབ་ནི། ཡི་དམ་རྒྱུན་ཁྱེར་གྱི་མན་ངག་ཞི་ཁྲོ་བཀའ་བརྒྱད་ཡོངས་རྫོགས་ཡང་དྲིལ་ཟབ་མོ་༼ཟུར༽ཐུགས་ཀྱི་སྒྲུབ་པ་ཞེས་བྱ་བ་དགྱེས་རྡོར་བདེ་མཆོག་སོགས་སངས་རྒྱས་ཐམས་ཅད་ཆེ་མཆོག་གི་སྐུ་གཅིག་ཏུ་བསྡུས་ནས་བསྒོམ་ཞིང་སྙིང་པོ་ཧཱུྃ་གཅིག་ཏུ་བསྙེན་ནས་དོན་ཆོས་སྐུ་ཐིག་ལེ་ཉག་གཅིག་ཏུ་རྟོགས་པར་བྱེད་པ་གསར་རྙིང་གི་རྒྱུད་སྡེ་ཀུན་ལ་ཨེ་ཝཾ་གྱི་བརྡས་བསྟན་པའི་བདེ་སྟོང་གཉིས་མེད་རྒྱུད་ལ་སྦྱོར་བའི་ཟབ་གནད་ཐུན་མོང་མ་ཡིན་པ་རྣལ་འབྱོར་པའི་མནོག་ཆོས་སོ།། ༈ བརྒྱད་པ་དྲག་སྔགས་རལ་གྲི་ཕྱུང་བརྡེག་ནི། ཞིང་བཅུ་ཚང་བའི་དགྲ་བོ་ལ་ངེས་པར་སྤྱད་བྱའི་ཆོས་ཡོངས་རྫོགས་དྲག་སྔགས་སོ་ལྔ་པའི་སྒྲུབ་པ་ཟུར་པ་ཞིག་ཡོད་སྲིད་མོད་དེང་སང་དཔེ་རྒྱུན་མི་འདུག་ཀྱང་དོན་སྒྲུབ་ཆེན་གྱི་ནང་དུ་ཚང་བས་ས་བཅད་ཁ་འགེང་ཕྱིར་དེ་གར་ངོས་འཛིན། དགུ་པ་ཉམས་ལེན་སྒོམ་ཁྲིགས་ནི། བཤད་མ་ཐག་པའི་སྒྲུབ་སྐོར་བརྒྱད་པོ་རེ་རེས་ཉམས་ལེན་ཚང་བར་སྟོན་ཀྱང་རྩ་བ་གསང་བ་སྒྲུབ་ཆེན་ལ་འདུས་ཤིང་། དེའི་ཉམས་ལེན་དངོས་གཞི་ལས་ཁྲིགས་ཉེར་བཞིའི་སྐབས་སུ་བསྐྱེད་རྫོགས་གཞུང་སྲོང་བརྡའི་སྒོ་ནས་དོན་

མཚོན་པར་བྱེད་པ་ཞིག་ཡིན་ཞེས་ཞལ་འཕངས་སུ་མཛད་ལ། ཞལ་འཕངས་པའི་བརྡ་དེ་འོག་ནས་འབྱུང་འགྱུར་གྱི་ལས་གཞུང་དུ་ངོས་འཛིན་པའི་ཕྱིར་དེའི་དོན་ཉམས་ལེན་སྒོམ་ཁྲིགས་ལ་གསུམ་དུ་གསུངས་པའི་ཨ་ནུ་ལྟར་དཀྱིལ་འཁོར་ལུས་རྫོགས་ཀྱི་ཉམས་ལེན་དང་། ཨ་ཏི་ལྟར་དཀྱིལ་འཁོར་སེམས་རྫོགས་ཀྱི་ཉམས་ལེན་དང་གཉིས་ནི་སོ་སོའི་ས་བཅད་ཀྱི་སྐབས་སུ་འབྱུང་བས་འདིར་སྤྲོ་མ་དགོས། དངོས་བསྟན་བསྐྱེད་པ་མ་ཧཱ་ཡོ་ག་ལྟར་བརྡའི་དོན་མཚོན་གྱི་ཉམས་ལེན་ནི་ཆོས་ཐམས་ཅད་སྦྱང་གཞི་སྦྱོང་བྱེད་གཉིས་སུ་བསྡུས་ནས་འཆད་པར་བྱ་བ་སྟེ། དེ་ཡང་ལས་རིམ་གྱི་གཞུང་གཅིག་བུ་དེ་སྒོམ་རིམ་མངོན་རྟོགས་འདིས་གཙོ་འཁོར་རྣམས་ཀྱི་སྐུ་རྒྱན་ཕྲ་མོ་རྣམས་ཀྱང་གསལ་བར་བསྐྱེད་པས་མ་ཧཱ་ལྷ་འཁྲིད་ལ་གོམས་འདྲིས་བརྟན་པར་བྱས་ཤིང་སྲོག་སྡོམ་གཟེར་བཞིའི་སྒོ་ནས་བསྙེན་སྒྲུབ་བཞི་མཐར་ཕྱིན་པས་རིག་འཛིན་རྣམ་བཞིའི་གོ་འཕང་མངོན་དུ་བྱེད་ཐབས་མ་ཧཱའི་སྒོམ་ཁོག་སྐུ་འཁོར་ལོའི་རྒྱ་ཅན་ནོ། ༈ །ལ་ལ་དག་འདི་ཉམས་ལེན་གྱི་དངོས་གཞི་ཡིན་པས་སྒྲུབ་ལུགས་དགུའི་ཡ་གྱལ་དུ་འདྲེན་པར་མི་རིགས་ཤེ་ན་སྒྲུབ་ཆེན་ནི་ཚོམ་བུ་ཚོགས་སྒྲུབ་ཁོ་ན་ཡིན་ལ། ལས་གཞུང་སྒོམ་ཁོག་གཉིས་ནི་ཤིན་ཏུ་བསྡུས་པས་སྐབས་ཚོམ་བུའི་དཀྱིལ་འཁོར་དང་སྨན་རཀ་གཏོར་གསུམ་ཙམ་ལ་བརྟེན་ནས་ཉམས་སུ་ལེན་རུང་བ་ཡར་ཀླུངས་སྤྲུལ་སྐུ་རྡོ་རྗེ་མགོན་པོས་གསུངས་ཤིང་། སྨན་ལུང་མི་བསྐྱོད་རྡོ་རྗེས་ཕྱག་རྒྱ་སྤྲོས་བཅས་ཀྱི་རྣལ་འབྱོར་དང་ཚོམ་བུ་ཚོགས་སྒྲུབ་ཀྱི་རྣལ་འབྱོར་ཞེས་སོ་སོར་གསུངས་པ་དང་། ལྷ་འཁྲིད་ལུ་གུ་རྒྱུད་དུའང་དེ་དང་ཕྱོགས་མཐུན་པར་བྱུང་བས་ཀླན་ཀ་

མི་འཇུག་ཅིང་། དེ་ལོགས་སུ་མ་བགྲངས་ན་སྒྲུབ་ལུགས་དགུ་མ་ཚང་ཞིང་ཆ་རྐྱེན་བཅུ་གཅིག་གསུངས་པ་བཅུ་གཉིས་སུ་འགྱུར་བའི་སྐྱོན་ཡོད་དམ་སྙམ། འོན་ཀྱང་མ་ཧཱ་སྒོམ་ཁོག་དེ་དག་ཀུན་གྱི་སྡོམཿ ཞེས་པ་ལྟར་ན་སྔོན་མ་བརྒྱད་པོ་སྤྱི་སྡོམས་སུ་གསུངས་པ་འདྲ་ཞིང་སྣང་བས་སྐྱེ་བ་དུ་མར་གསང་ཆེན་རྙིང་མ་ལ་སྦྱངས་པའི་སྐྱེ་སྤྲུལ་དང་རིགས་དང་རུས་སོགས་ཀྱི་སྔགས་བརྒྱུད་སྙེམས་པས་འགྱིང་བ་རྣམས་ཀྱིས་དཔྱད་པར་མཛོད་ཅིག །གཉིས་པ་ཆ་རྐྱེན་ནམ་ཁ་སྐོང་གི་རིམ་པ་ལ། སྔགས་བྱང་། འཛབ་དགོངས། དམ་བཅའ། སྒོམ་ཁོག་གསུམ་གྱི་སྤྲ་འཁྲིད། གཞལ་ཡས་དོན་བསྟོད། བྱིན་འབེབས། ལས་གཞུང་། བསྟོད་བྱང་། བསྐུལ་བྱང་། རྒྱུན་བཤགས། སྤྲ་འཁྲིད་དང་བཅུ་གཅིག །དང་པོ་ནི། བསྙེན་སྒྲུབ་ལས་གསུམ་གྱི་རྩ་བ་མི་འགྱུར་བའི་སྔགས་དང་དེའི་ཁ་སྐོང་བསྟན་པ་སྔགས་བྱང་༼ཟུར༽སྐོར་ལྡེའི་རྒྱ་ཅན། གཉིས་པ་འཛབ་༼ཟུར༽དགོངས་པ། ཆེ་ཆུང་གཉིས་ལས་ཆེ་བར་ནང་གསེས་ཀྱི་གནས་སྐབས་གཞུང་དང་མཐུན་པའི་འཛབ་དགོངས། གང་ཟིལ་རྒྱུན་འཁྱེར་གྱི་འཛབ་དགོངས། སྤྲུལ་པ་བྱེ་བྲག་གི་འཛབ་དགོངས། ཆུང་བ་ལ་ཞི་བར་བསྙེན་ཅིང་ཁྲོ་བོར་སྒྲུབ་པ་དང་ལས་སྦྱོར་འཕྲིན་ལས་སྒྲུབ་པའི་འཛབ་དགོངས་དང་བཅས་པ། གསུམ་པ་དམ་བཅའ་ནི། རྒྱལ་བ་ཞི་ཁྲོ་རྣམས་དཔང་དུ་བཞག་ནས་ཚེ་འདི་ཕྱི་ཙམ་བདེ་ཕྱིར་སྲིད་འབྱོར་སྒྲུབ་པ་དང་གཏན་དུ་བདེ་ཕྱིར་ཞི་བདེ་སྒྲུབ་པ་སོགས་སྤངས་ནས་ཐེག་པ་ཆེན་པོའི་ལམ་གྱི་གཞུང་ཤིང་གཞན་ཕན་བྱང་ཆུབ་ཀྱི་སེམས་ལ་བརྟེན་ནས་རྒྱལ་སྲས་ཀྱི་སྤྱོད་པ་ལ་བསླབ་པར་ཁས་འཆེ་བའི་དམ་བཅའ་བཅུ་གཉིས་མ་ཞེས་བྱ་བ། བཞི་པ་སྒོམ་ཁོག་གསུམ་གྱི་སྤྲ་འཁྲིད་ནི། མན་ངག་ཐམས་ཅད་ཀྱི་ཡང་བཅུད་ཨ་ཏི་དོན་

གྱི་ལྟ་བ་ཁོག་འབུབ། ལུང་ཐམས་ཅད་ཀྱི་བླ་མ་ཨ་ནུ་དོན་གྱི་བསྒོམ་པས་ཉམས་སུ་བླངས། རྒྱུད་ཐམས་ཅད་ཀྱི་རྒྱལ་པོ་མ་ཧཱ་དོན་གྱི་སྤྱོད་པས་མཐའ་རྟེན་ནས་ཡོ་ག་གསུམ་ཟུང་འབྲེལ་དུ་ཉམས་སུ་བླང་བའི་ཆོས་སྒོམ་ཁོག་གསུམ་གྱི་སྤྲ་འཁྲིད་ཉམས་ལེན་གཟེར་ཏིག་གོ །འདི་ནི་རྒྱུད་ཀྱི་སྟོན་པ་ཆེ་མཆོག་དབུ་ཉི་ཤུ་རྩ་གཅིག་གི་སྒོམ་རིམ་གཙོ་བོར་སྟོན་ཞིང་བསྐྱེད་རྫོགས་ཟུང་དུ་འཇུག་པའི་མན་ངག་ཡིན་ནོ། ༈ །ལྔ་པ་གཞལ་ཡས་དོན་བསྟོད་ནི་དཀྱིལ་འཁོར་གྱི་བརྡ་རྟགས་གསལ་འདེབས་པ་གཞལ་༼ཟུར༽ཡས་དོན་བསྟོད། དྲུག་པ་བྱིན་འབེབས་ནི། དུར་ཁྲོད་ཀྱི་བཀོད་པ་སོགས་སྟོན་པའི་རིག་འཛིན་བརྒྱད་ཀྱི་བྱིན་༼ཟུར༽འབེབས། འདི་དང་བྱང་གཏེར་གྱི་རིག་འཛིན་འདུས་པ་རྩ་རྒྱུད་ནས་བཤད་པའི་དུར་ཁྲོད་ཀྱི་བཀོད་པ་གཉིས་ཅུང་ཟད་འདྲ་མིན་འདུག་ཅིང་འདིའི་ལུགས་ནི་གཤིན་རྗེ་གསལ་ཤིང་གི་རྒྱུད་ལ་ཁུངས་བཅོལ་བརྒྱུད་དེ་རྒྱུད་འབུམ་ན་མི་འདུག་པས་བོད་དུ་མ་འགྱུར་བ་ཡིན་ནམ་སྙམ། བདུན་པ་ལས་གཞུང་ལ། སྔོན་འགྲོ་དངོས་གཞི་རྗེས་གསུམ་གྱི་སྒོ་ནས་སྟོན་པའི་རྩ་ཐོ་དང་ལག་ལེན་དངོས་གཉིས་སྟོན་པའི་ལས་བྱང་རྒྱས་༼ཟུར༽པ་རིགས་ལྔའི་ཕྱག་མཚན་གྱི་རྒྱ་ཅན། བསྡུས་པ་སྔགས་སྒྲུབ་ལས་བྱང་རྒྱུན་འཁྱེར་༼ཟུར༽དྲིལ་བུའི་རྒྱ་ཅན། བརྒྱད་པ་བསྟོད་བྱང་ལ། ནང་གསེས་ཀྱི་ཞི་ཁྲོ་སྤྱི་བསྟོད། ཚོམ་བུ་དགུ་ལ་བྱེ་བྲག་ཏུ་བསྟོད་པ། བཀའ་སྲུང་གི་བསྟོད་པ། དོན་བསྟོད་རྣམས་ཆོས་སྡེ་གཅིག་ཏུ་བཞུགས་པ་དྲུག་བསྟོད་ཀྱང་ཟེར། དགུ་པ་བསྐུལ་བྱང་ལ། མཆོད་བཤགས་ལས་བཞི་ཐུན་མོང་དུ་བསྐུལ་བ་རྒྱལ་བ་སྤྱི་བསྐུལ། ཞར་བྱུང་མཁྱེན་གསོལ་གདོད་ནས་མ་སྐྱེས་པ། ཕོ་ཉ་སྒོས་

སུ་བསྐུལ་ཏེ་བསྒྲུབ་བྱ་ལ་རྦད་པ། ཕུར་ཐུན་ཚོམ་བུར་བསྐུལ་ཏེ་གདབ་ཅིང་དགྲ་བགེགས་ཚར་གཅོད་པ་ཞར་བྱུང་དུ་ཕུར་པ། ཡུངས་ཀར་རཀྟ་མཚེ་དུག་མཚོན་མདའ་རྡོའི་ཐུན་བསྐུལ་རྣམས་ཡོད་ཅིང་འདི་ལ་ཟངས་ཕྱེ་དང་ཐལ་ཆེན་གཉིས་བྱེད་པ་ལག་ལེན་གྱི་སྐབས་ཚང་ཁྱད་ཀྱི་བདེར་འདུས་ནས་བཅུག་པ་ཡིན་ཞིང་གཏེར་ཁ་འདི་ཀ་ལ་མེད་པས་རིག་པའི་དྭངས་སྙིགས་ཕྱེད་དགོས་སོ། ༈ །བཅུ་པ་རྒྱུན་བཤགས་ནི་ཉམས་ཆགས་སེལ་ཐབས་རྒྱུན་བཤགས་ནར་མ། བཅུ་གཅིག་པ་སྤྲ་འཁྲིད་ལ་ཕྱི་བསྐྱེད་རྫོགས་གྱེར་སྒོམ་གྱི་སྒོ་ནས་ཉམས་སུ་ལེན་པ། ནང་བཟླས་བརྗོད་བསྙེན་སྒྲུབ་འཛབ་དགོངས་ཀྱི་སྒོ་ནས་ཉམས་སུ་ལེན་པ། གསང་བ་མན་ངག་གནད་ཀྱིས་ཟིན་པའི་སྒོ་ནས་ཉམས་སུ་ལེན་པ། ཐུན་མོང་དུ་གསང་སྔགས་ཤེས་བྱ་བཅུའི་སྒོ་ནས་སྒྲུབ་ཅིང་ཉམས་སུ་ལེན་པ་སྤྲ་འཁྲིད་སྲོག་གཟེར་སྤྱན་གྱི་རྒྱ་ཅན་ནམ་རཏྣའི་རྒྱ་ཅན་དུ་ཡང་གྲགས་པ། སྤྲ་འཁྲིད་འདི་ལ་གཞི་བཟུང་ནས་བསྙེན་ཡིག་གི་རེག་ཟིག་དམ་པའི་ཞལ་ལུང་ཞེས་བྱ་བ་ཁྱབ་བདག་ཁྲ་ཚང་པ་ཆེན་པོས་མཛད་པ་རྣམས། གཉིས་པ་ཐེམས་མེད་སྐོར་ལ། སྒྲུབ་ཁོག་གི་ལྷན་ཐབས་སུ་གནས་གཞིས་བྱང་བཀོལ་༼ཟུར༽བ་དཀྱིལ་འཁོར་ཐིག་རྩ་ལྡི་མིག་གི་རྒྱ་ཅན། ཐིག་རྩའི་ས་བཅད་གཏེར་སྟོན་གྱིས་མཛད་པ། མ་ཏཾ་བཀོལ་༼ཟུར༽བྱང་། ཉུལ་ལེ་བསྐྲད་༼ཟུར༽བྱང་། དུས་འཚམས་༼ཟུར༽ཀྱི་བྱང་དུ་བཀོལ་བ། རྟགས་༼ཟུར༽བྱང་བཀོལ་བ། དབྱངས་བྱང་བཀོལ་བ། འཆམ་བྱང་བཀོལ་བ་སྨན་ལུང་པ་ཡབ་སྲས་ཀྱི་ཕྱག་བཞེས་དཔལ་ཆེན་དྲིལ་སྒྲུབ་ཉམས་སུ་བླང་ཐབས་ཁྱད་པར་ཅན། ལས་བྱང་གི་ས་བཅད་དམིགས་འབྱེད་གསལ་བའི་སྒྲོན་མེ། གསང་བ་ཡོངས་རྫོགས་ཀྱི་

ཉིས་བསྟོད། ཡོངས་རྫོགས་ཀྱི་གཟུ་དཔང་ཕྱོགས་བཅུ་དུས་གསུམ་མ། བསྐུལ་གྱི་ཆ་ལག །བཀའ་སྲུང་གི་མཆོད་༼ཟུར༽བྱང་། དམོད་བྱང་བཀོལ་བ་དམ་བདར་འཕྲིན་འཆོལ། དྲག་སྔགས་རྡོ་གཏོར་ལ་བརྟེན་པའི་ཟློག་པའི་མན་ངག །སྤྱིར་གྲོལ་ལམ་ཐབས་ལམ་ངེས་ལམ་གསུམ་གསུངས་པའི་ཐབས་ལམ་རྩ་རླུང་གི་སྤྲ་འཁྲིད། ངེས་ལམ་མི་རྟོག་པའི་སྤྲ་འཁྲིད་གཉིས་སོ་སོའི་སྐབས་སུ་འབྱུང་བས་འདིར་མ་སྤྲོས་པར། དངོས་བསྟན་གྲོལ་ལམ་ལྷ་སྒོམ་པའི་སྤྲ་འཁྲིད་འདི་ལ། ཚགས་སུ་གཟུད་པ་ཚོགས་ཀྱི་ལམ་དུ་སྨིན་བྱེད་ཀྱི་རྒྱུ་དབང་ཞུ་ཞིང་ཕུན་སུམ་ཚོགས་པ་རྣམ་པ་ལྔ་དང་ལྡན་པར་བྱ་བ། བསྙེན་པ་དང་སྦྱོར་བའི་ལམ་དུ་དྲོད་སོགས་བཞིས་ལམ་སྦྱངས་ཏེ་རྣམ་པར་སྨིན་པའི་རིག་འཛིན་ལ་སྦྱོར་བ། ཉེ་བསྙེན་མཐོང་བའི་ལམ་དུ་ཚེ་དབང་རིག་འཛིན་ལ་སྦྱོར་བ། སྒྲུབ་པ་སྒོམ་པའི་ལམ་དུ་ཕྱག་ཆེན་རིག་འཛིན་ལ་སྦྱོར་པ། སྒྲུབ་ཆེན་མཐར་ཕྱིན་པའི་ལམ་དུ་ལྷུན་གྱིས་གྲུབ་པའི་རིག་འཛིན་ལ་སྦྱོར་བ་སོགས་ས་ལམ་ཉམས་ལེན་གྱི་གནད་ཚང་བར་ཡོད་པ་འདི་ཆོས་སྡེ་གཅིག་གོ །འདི་ཐེམས་མེད་ཡིན་ལ། གལ་ཏེ་ཐེམས་ཅན་དུ་བྱེད་ན་སྤྲ་འཁྲིད་ཀྱི་ཁོངས་སུ་གཏོགས་སོ། ། ༈ གཉིས་པ་ལུང་ཨ་ནུ་ཡོ་གའི་སྐོར་ལ། རྩ་བ་དང་ཆ་རྐྱེན་གྱི་མན་ངག་གཉིས། དང་པོ་ནི། སྒོ་གསུམ་སྐུ་གསུང་ཐུགས་སུ་མ་བསྐྱེད་རྫོགས་པར་གསལ་བཏབ་སྟེ་སྒོམ་པའི་ལམ་གྱི་གནད་གསང་སྟོན་པ་གསང་བ་སྒྲུབ་ཆེན་ལུང་ཨ་ནུ་ལྟར་ཉམས་སུ་ལེན་པའི་སྒོམ་ཁོག་གསུང་པདྨའི་༼ཟུར༽རྒྱ་ཅན། གཉིས་པ་ཆ་རྐྱེན་ལ་རྩ་རླུང་། གཏུམ་མོ། ཆགས་ལམ། རིམ་ལྔ་དང་ལྔ། དང་པོ་ནི། འཁོར་ལོ་

བཞིའི་གནས་ལུགས་དང་སྒོམ་དབང་འཁོར་ལོའི་དཔེ་ཆུང་དང་བཅས་པ་ལ་བརྟེན་ནས་ལུས་ལ་གནས་པ་རྩའི་༼ཟུར༽གནས་ལུགས་ཤེས་པའི་མན་ངག་ཡོངས་རྫོགས། གཉིས་པ་རླུང་ནི། བཤད་མ་ཐག་པའི་རྩ་ལ་རླུང་ལྟེམ་པའི་ཆེད་དུ་འགྱུ་བྱེད་སྟོབས་ལྡན་རླུང་༼ཟུར༽ཡོངས་སུ་རྫོགས་པའི་མན་ངག་ཡོན་ཏན་བསམ་གྱིས་མི་ཁྱབ་པ། གསུམ་པ་གཏུམ་མོ་ནི། བཤད་མ་ཐག་པའི་རླུང་ལ་བརྟེན་ནས་ཐིག་ལེ་འབར་འཛག་ཙཎྜ་༼ཟུར༽ལི་གནད་ཀྱི་མན་ངག །བཞི་པ་ཆགས་ལམ་ནི། རྣལ་འབྱོར་ཆགས་པ་ཅན་གྲོལ་བར་བྱ་བའི་ཆེད་དུ་ཆགས་ལམ་འོག་སྒོ་༼ཟུར༽བདེ་བ་ཆེན་པོའི་མན་ངག །ལྔ་པ་རིམ་ལྔ་ནི། སྔགས་སེམས་ལུས་འོད་གསལ་ཟུང་འཇུག་གི་རྫོགས་རིམ་འབྲས་བུ་ལྔའི་སྒོ་ནས་སྟོན་པ་གསང་སྔགས་རྒྱུད་སྡེ་རྒྱ་མཚོའི་སྙིང་པོ་རིམ་ལྔ་སྟན་༼ཟུར༽ཐོག་གཅིག་ཏུ་སྒོམ་པའི་མན་ངག་གོ ༈ །གསུམ་པ་ཨ་ཏི་ཡོ་གའི་སྐོར་ལ་རྩ་བ་དང་ཆ་རྐྱེན་གཉིས། དང་པོ་ལ། འཁོར་འདས་ཀྱི་ཆོས་ཐམས་ཅད་ཡོངས་སུ་རྫོགས་པར་ཤེས་པར་བྱས་ནས་དེའི་ཉམས་ལེན་ལྟ་སྒོམ་སྤྱོད་འབྲས་བཞི་ཞེས་པ་སྔོན་འགྲོའི་ལས་བདུན་དངོས་གཞིའི་ལས་རིམ་ཉེར་ལྔ། རྗེས་ཀྱི་ལས་ཁྲིགས་བཅུ་གཅིག །མཇུག་ཏུ་ལྟ་སྒོམ་སྤྱོད་འབྲས་བཞི་སྟོན་པ་སྒོམ་ཁོག་༼ཟུར༽ ཐུགས་རྡོ་རྗེའི་རྒྱ་ཅན། ཨ་ཏི་དོན་འཁྲིད་མན་ངག་གནད་ཀྱི་ཆོསཿ ཞེས་གསུངས་ཀྱང་དེང་སང་དཔེ་རྒྱུན་དང་ཆོས་རྒྱུན་གཉིས་ཀ་མི་སྣང་མོད། འོན་ཀྱང་ལམ་གྱི་ཆ་ལག་མ་ཚང་བ་མིན་པས་སྐབས་དོན་གྱི་འཁྲིད་དངོས་ནི་ཐུན་མོང་ཐེག་པ་སྤྱི་དང་མཐུན་པ་སྔོན་འགྲོའི་འཁྲིད་ཀྱི་གཞི་བཅའ་བ། ཁྱད་པར་ཐེག་པ་ཡོངས་རྫོགས་ཨ་ཏིའི་མན་ངག་གི་འཁྲིད་ཀྱིས་གཞུང་བསྲང་བ། ཐེག་པ་ཐམས་

ཅད་ཀྱི་དགོངས་པ་རབ་བྱུང་ལྷུན་གྲུབ་མིང་མེད་ཡུལ་བྲལ་ཀ་དག་ཟང་ཐལ་ཨ་ཏིའི་འབྲས་བུས་འཁྲིད་རྗེས་རེ་དོགས་མེད་པའི་གདོང་ཆེན་པོ་ཐོབ་ཚུལ་གྱི་སྒོ་ནས་རྒྱ་ཆེར་སྟོན་པ་ལྟ་སྒོམ་དྲུག་སྐོར་ཞེས་བྱ་བ་ཆོས་སྒོ་ཐེག་པ་ཐམས་ཅད་ཨ་ཏིར་ཡོངས་སུ་རྫོགས་པའི་སྤྲ་འཁྲིད་ངེས་དོན་ཐེག་པ་ཐམས་ཅད་ཀྱི་མིག་འབྱེད་པའི་ལྡེ་མིག །དེའི་རྒྱབ་སྐྱོར་ལྟ་སྒོམ་སྤྱོད་གསུམ་དབང་དམ་ཚིག་འབྲས་བུ་དང་བཅས་པའི་ལྟ་སྒོམ་དྲུག་སྐོར། ལྟ་སྒོམ་དྲུག་སྐོར་གྱི་ཞལ་གདམས་སྙན་བརྒྱུད་གུ་རུ་དྷརྨ་སིདྷའི་ཟིན་བྲིས་རྣམས། གཉིས་པ་ཆ་རྐྱེན་ལ་འཆི་བླུ། འཕོ་བ། བར་དོ་དང་གསུམ། དང་པོ་ལ། འཆི་ལྟས་གསལ་བའི་སྒྲོན་མ། དུས་མིན་འཆི་བ་བླུ་བ་དཔེ་རིས་དང་བཅས་པ། འཆི་བླུའི་ལྟོ་ཆོག་ཆེན་མོ་རྣམས། གཉིས་པ་འཕོ་བ་ནི། བཤད་མ་ཐག་པས་དུས་མིན་གྱི་འཆི་བ་ལྟ་བུས་ཀྱང་དུས་བབས་བླུར་མེད་པའི་འཆི་བར་མི་འཇིགས་ཤིང་སྐྱེ་གནས་ལ་ཉམ་མི་ང་བའི་རང་ས་འཛིན་པའི་ཆེད་དུ་བློ་རབ་ལ་མཚན་མེད་ཀྱི་འཕོ་འཇུག །བློ་འབྲིང་ལ་མཚན་བཅས་ཀྱི་འཕོ་འཇུག་སྟེ་ཆོས་སྡེ་གཅིག ༈ །གསུམ་པ་བར་དོ་ནི། སྐུ་གསུམ་སྲང་དུ་འཇུག་པའི་དམར་འཁྲིད་ཅེས་བྱ་བ་ཐོག་མར་རང་བཞིན་གནས་པའི་བར་དོ་ཆོས་སྐུ་ཐིག་ལེ་ཉག་གཅིག་རང་ལ་གནས་པ་ངོ་སྤྲད་པ། ཏིང་ངེ་འཛིན་གྱི་བར་དོར་སྒེག་མོ་མེ་ལོང་ལྟ་བ་ལྟ་བུའི་མན་ངག །རྨི་ལམ་གྱི་བར་དོར་བག་ཆགས་ཀྱི་མཚམས་སྦྱོར་བ་ཉི་མ་རྟོད་ལ་མནན་པ་ལྟ་བུའི་གདམས་པ། སྐྱེ་འཆིའི་བར་དོར་རིག་པ་གསལ་གདབ་པའི་མན་ངག་མུན་ཁུང་དུ་སྒྲོན་མེ་བཏེག་པ་ལྟ་བུ། སྲིད་པའི་བར་དོར་ལས་ཀྱི་འཕྲོ་འཐུད་པ་ཡུར་བ་ཀོང་ཆད་ལ་ཝ་འཛུགས་པ་ལྟ་བུའི་གདམས་པ་རྣམས་ཆོས་སྡེ་

གཅིག་གོ །ཨ་ཏིའི་སྐོར་ལ་ཆོས་ཚན་དགུར་བཤད་ཀྱང་དེང་སང་བདུན་ལས་མ་བཞུགས་པ་འདྲ་བས་སླར་བཙལ་ལོ། །མ་ཚང་བའི་ཆོས་ཚན་གཉིས་པོ་ཅོ་ཏི་མཉམ་སྦྱོར་དང་ཡང་ཏི་མཉམ་སྦྱོར་གྱི་གླེགས་བམ་གཉིས་ཆོས་སྡེ་རེ་རེར་བྱས་ནས་ཁ་འགེང་པ་ལ་དགོངས་པ་འདྲའང་ཁ་ཅིག་གནད་ཁྱིམ་གསུམ་དང་བསྐྱེད་རྫོགས་གསུམ་གྱི་ཉམས་ལེན་སྤྲ་འཁྲིད་གཉིས་ཡིན་ཟེར་བ་སོགས་ནི་གྱ་ཚོམ་ལས་མ་དཔྱད་པའི་སྐྱོན་ནོ། །བཞི་པ་ཡོངས་རྫོགས་ཐུན་མོང་གི་སྐོར་ལ་སྨིན་བྱེད་དབང་གི་ཆོ་ག །གསང་སྔགས་སྤྱི་སྒྲུབ་ཆེན་མོའི་སྐོར་གསུམ། རྐྱེན་བཟློག་ཉམས་ཆགས་སྐོང་བའི་ཆོས་གསུམ། འགྲོ་བའི་ཕན་བདེ་སྤེལ་བའི་ཆོས་གསུམ། རྣལ་འབྱོར་བསྲུང་སྐྱོབ་མཐུན་རྐྱེན་བསྒྲུབ་པའི་ཆོས་གསུམ། གསོན་ལ་ཕན་གདགས་པའི་ཆོས་གསུམ། གཤིན་ལ་ཕན་འདོགས་པའི་ཆོས་གསུམ། བསྟན་པ་བསྲུང་བའི་ཆོས་གསུམ། ནད་གདོན་བར་གཅོད་བཟློག་པའི་ཆོས་གསུམ། བསོད་ནམས་ཚོགས་གསོག་གི་ཆོས་གསུམ། ཐུན་མོང་ཆོས་སྤྱོད་ཀྱི་སྐོར། ཐུན་མོང་སྒྲུབ་ཆེན་བརྒྱད། བཀའ་སྲུང་ཆོས་སྐྱོང་གི་སྐོར་དང་བཅུ་གསུམ། ༈ དང་པོ་ནི། དབང་འབུམ་ཆེན་མོ་སྙིང་དང་བྷནྡྷའི་རྒྱ་ཅན་རྩ་བ་༼ཟུར༽དང་ལག་ལེན་ས་བཅད་༼ཟུར༽བཅུའི་སྒོ་ནས་བསྟན་པ། ཞི་བ་དབང་གི་ལྷན་ཐབས་ཙག་ལིའི་རྒྱབ་ཡིག་གུད་དུ་བཀོལ་བ། ཁྲོ་བོའི་དབང་གི་ལྷན་ཐབས་ཙཀ་ལིའི་རྒྱབ་ཡིག་གུད་དུ་བཀོལ་བ། འདི་གཉིས་ལ་ཡོངས་རྫོགས་དབང་གི་གལ་བྱང་ཆིག་བརྒྱུད་མ་ཀུན་ལ་སྟོན་པའི་གནས་མིན་གསུང་བ་འདུག་ཀྱང་འདིས་ཙཀ་ལི་མང་ཁྱད་ལས་སྤྲོས་པའི་དབང་དངོས་གཞིའི་སྐབས་ལས་ལྷ་མང་དུ་མ་སོང་བས་དགོས་དོན་ལྷག་པོ་མེད་པར་མངོན་ཞིང་། དེང་སང་ལུང་རྒྱུན་ཙམ་ལས་དབང་ལ་འདིའི་ཕྱག་ལེན་མི་མཛད་

དོ། །ཡོངས་རྫོགས་དབང་གི་ཐ་༼ཟུར༽རམས་པའི་རྒྱ་ཅན་ལ་ནང་གསེས་ཀྱི་དབང་བཞི་སོ་སོའི་ཐ་རམས་ཡོད་པ། མཇུག་ཆོག་དབང་བྱང་༼ཟུར༽བཀོལ་བའམ་རྒྱལ་ཐེབས་ནུས་པའི་དབང་། གཞན་གྱི་སྨིན་བྱེད་དུ་མ་ཟད་རྣལ་འབྱོར་བདག་ཉིད་རྒྱུན་དུ་བླང་བར་བྱ་བའི་ཆོ་ག་མགྱོགས་དབང་བུམ་༼ཟུར༽པའི་རྒྱ་ཅན་ཏེ་དབང་གི་སྐོར་ལ་ཆོས་ཚན་བདུན་ཡོད་ཀྱང་ཐུན་མོང་གི་ཆོས་སྡེ་དྲུག་ཅུ་རེ་བརྒྱད་འདྲེན་པའི་ཚེ་སྡེ་ཚན་གཅིག་ཏུ་རྩིའོ། ༈ །གཉིས་པ་གསང་སྔགས་སྤྱི་སྒྲུབ་ཆེན་མོའི་སྐོར་གསུམ་ནི། བདུད་རྩི་སྨན་སྒྲུབ་བུམ་པའི་རྒྱ་ཅན་ལ་ནང་གསེས་ཀྱི་མན་ངག་ཚན་དོན་༼ཟུར༽བཀོལ་བ། སྨན་གྱི་སྔགས་བྱང་། སྨན་སྒྲུབ། སྔགས་འགྲེལ་རྣམས་ཆོས་སྡེ་གཅིག །དེའི་ཁ་སྐོང་ཞི་བའི་ལས་བྱང་། སྨན་གྱི་༼ཟུར༽ལས་ཚོགས་ལ་ནང་གསེས་དགུར་བཤད་པའི་དང་པོ་གང་ལ་དགོངས་ནས་བཤད་པ། གཉིས་པ་བདུད་རྩི་ལྔ་སྤྱི་སྒྲུབ་ཀྱི་སྦྱོར་བ་ལ་བདུད་རྩིའི་ཁ་བསྒྱུར་ལ་བརྟེན་ནས་རིམས་དུག་ཁྲག་འཁྲུགས་ཀུན། མཆིན་ནད། གློ་ནད། སྙིང་ནད། མཁལ་ནད། མཁྲིས་ནད། མཆེར་ནད། རྒྱུ་ལོང་གཉེར་མའི་ནད། མཛེ་ནད་རྣམས་སེལ་བ། སྐྲ་དང་སྨིན་མ་སྐྱེ་བ། འབྲུམ་བུ་གསོས་པ། གོས་མི་དགོས་པ། རྐང་མགྱོགས། རྐང་པ་མི་གས་པ། ཐོག་སེར་འབེབས་པ་རྣམས། གསུམ་པ་བྱེ་བྲག་སོ་སོའི་སྦྱོར་བ་ལ་ལུས་སྨིན་ཅིང་རྫོགས་པ། རུས་པ་མཁྲེགས་པ། སོ་ཚགས་དམ་པ། སྲེའུ་སྐྱེ་བ། ཕྱི་མ་རྡོ་རྗེའི་རིགས་འགྲུབ་པ། མཆོག་གི་བཅུད་ལེན། མཛེ་རླུང་སེལ་བ། ཤ་སྐྱེ་བ། ཕྱི་མ་རིན་ཅེན་རིགས་འགྲུབ་པ། སེམས་གསལ་བ། གྲང་བ་མི་སྐྱེ་བ། འབྲུམ་ནད་རྒྱུ་རིམས་ཐུབ་པ། ཕྱི་མ་པདྨའི་རིགས་འགྲུབ་པ། བཀྲག་

བཟང་བ། དུག་རིགས་ཐུབ་པ། ཕྱི་མ་ལས་ཀྱི་རིགས་འགྲུབ་པ། བཞི་པ་དྲི་ཆེན་རྒྱལ་བློན་དམངས་སྦྱོར་ལ། རྩ་བ་རྒྱལ་པོ་ལྟ་བུ། ཁ་བསྒྱུར་བློན་པོ་ལྟ་བུ། ཞག་ཉེར་གཅིག་བསྟན་པས་ཀླུ་གནད། གག་ལྷོག །གློག་གསར་རྙིང་། འབྲུམ་ནད། མིག་ནད། ཟ་ཀོང་། དུག་ནག །སྦྱར་དུག་རྣམས་སེལ་བ། དམངས་བདུད་རྩི་སྤྲུལ་པ། འདུལ་བ། སྤེལ་བ། དབྱུང་བ། གྲང་རླུང་སེལ་བ། མིག་གསལ་བའི་བཅུད་མི་འཆོར་བ། རྩ་མིག་ཏུ་འགྲོ་བ། དྲོད་སྐྱེ་བ། ལྡེ་གུ་ཐུག་པ། ཆང་། སྨན་མར། གཟན་དྲོན། འོ་ཐུག །རྒྱུན་སྒྲུབ་རྣམས། ལྔ་པ་ཕྱི་ནང་གསང་གསུམ་ལ། ཕྱི་དྲི་ཆེན་ལ་གཞི་བརྟེན་པ། ནང་སྐྱེ་བདུན་ལ་གཞི་བརྟེན་པ། གསང་བ་ཕྱག་རྒྱ་མ་ལ་བརྟེན་པ་རྣམས། དྲུག་པ་ལས་ཚོགས་ཐ་དད་པར་སྦྱར་བ་ལ། མིག་ནད། སྦྱར་དུག །མགུལ་འགགས་གག་པ། མཛེ་ནད། འདུ་བ་རྣམ་བཞི་རྣམས་སེལ་བ། ལུས་ཟུངས་རྒྱས་པ། མཁྲིས་པ། སྙིང་རླུང་། མགོ་འཁོར། ཤ་དུག །ལོ་དུག །དུག་ནད་ཀུན། ཤ་འཛེར། འབྲས་ནད། ཕོ་ལོག །ཤ་རོ། ཤ་འཁྲིག །ཕོལ་མིག །རུས་ནད། གྲང་ནད། ཚ་བ། ལྷོག་པ། རྒྱལ་གདོན། བསེན་མོ། རྒྱལ་ཕྲན། ཀླུ། གདོན་ཐམས་ཅད་ཞི་བ། ཚེ། བསོད་ནམས་ནོར། གཞོན་ཤ་རྣམས་རྒྱས་པ། ཕོ་རིགས་མོ་རིགས། ཡུལ་ཁམས་རྣམས་དབང་དུ་བསྡུ་བ། མནན་སྲེག་འཕང་གསུམ་གྱི་ཁ་བསྒྱུར། དུག་ནད་བསྲུང་བ། བུ་ཆུང་ལྟར་འགྱུར་བ། གཞོན་པར་འགྱུར་བ། མཆིན་ནད་སེལ་བ། རྐང་མགྱོགས། མཁའ་ལ་འཕུར་པ། བུད་མེད་བརྒྱ་ལ་བུ་འབྱིན་པ། གྲང་རླུང་སྟོད་ནད། ཤ་གཡའ་ཁྲག་ནད་རྣམས་སེལ་བ། མིག་མཐོང་། མཛེ་རྩབས་འབྱིན་པ། བདུན་པ་དམ་ཚིག །བརྒྱད་

པ་ལོག་གནོན། དགུ་པ་ཡོན་ཏན་བསྟན་པ་རྣམས་སོ། ༈ །དངོས་གྲུབ་ཡོངས་རྫོགས་རྣམ་དག་བམ་གྱི་སྒྲུབ་པ་དང་བམ་སྐོར་གཉིས་ལ་ཆོས་སྡེ་གཅིག །བཅུད་ལེན་༼ཟུར༽ཡོངས་རྫོགས་ཚེའི་སྒྲུབ་པ་བདུད་རྩི་ཤེལ་གྱི་བུམ་བཅུད་རྣམས། གསུམ་པ་རྣལ་འབྱོར་རྐྱེན་བཟློག་ཉམས་ཆགས་སྐོང་བའི་ཆོས་གསུམ་ནི། ཉམས་ཆགས་བཤགས་པ་ན་རཀ་དོང་སྤྲུག །དམ་རྫས་མདངས་ཀྱིས་སྐོང་བ། ཡོངས་རྫོགས་གླིང་བཞི་སྲིད་པ་སྤྱི་མདོས་དཔེ་རིས་དང་བཅས་པ། མདོས་ཀྱི་གཉིས་མེད་དོན་སྐོང་རྣམས། བཞི་པ་འགྲོ་བའི་ཕན་བདེའི་འབྱུང་གནས་བསྟན་པ་རིན་པོ་ཆེའི་སྲི་ཞུ་ཐབས་གསུམ་ནི། སྐུ་གསུམ་ཡོངས་རྫོགས་ལྷ་ཁང་༼ཟུར༽བཞེངས་ཐབས། སྐུ་གདུང་སཱཙྪའི་ལས་རིམ། རྟེན་གསུམ་རབ་༼ཟུར༽གནས་ཡོངས་རྫོགས་རྣམས། ལྔ་པ་རྣལ་འབྱོར་བསྲུང་སྐྱོབ་མཐུན་རྐྱེན་བསྒྲུབ་པའི་ཆོས་གསུམ་ནི། བསྲུང་འཁོར་༼ཟུར༽ཡོངས་རྫོགས་བདེ་གཤེགས་བཀའི་འཁོར་ལོ་དཔེ་རིས་དང་བཅས་པ། སྔགས་༼ཟུར༽འབུམ། བསྲུང་འཁོར་ཀུན་ཐུབ་ཀྱི་ཡིག་ཆུང་། གནོད་སྦྱིན་སྲོག་འཁོར་ཡོངས་རྫོགས་ནོར་སྒྲུབ། ཞར་བྱུང་གནོད་སྦྱིན་ཡང་ཁོལ་གྱི་སྒྲུབ་པ་དང་བཅས་པ། སྟོབས་ལྡན་རླུང་༼ཟུར༽འཁོར་བུམ་པའི་རྒྱ་ཅན་དཔེ་རིས་དང་བཅས་པ། དེའི་ཡིག་ཆུང་གནད་༼ཟུར༽ཀྱི་ཡི་གེ་རྣམས། དྲུག་པ་གསོན་ལ་ཕན་འདོགས་པའི་ཆོས་གསུམ་ནི་ཆར་འབེབས། ཤྭ་སེར་ཆུ་༼ཟུར༽དམག་བཟློག་ཐབས། འདི་ལ་ལྷ་འདྲེའི་རྒྱ་སྲང་བཟློག་ཐབས་ལས་དམག་བཟློག་མ་བྱུང་བས་ལྷ་འདྲེ་རྒྱུ་བ་ལ་དམག་གི་མིང་བཏགས་སམ་སྙམ། འཕྲིན་ལས་རྣམ་བཞིའི་སྦྱིན་སྲེག་ཐབ་དགང་བླུག་གི་དཔེ་རིས་དང་བཅས་པ་

རྣམས། བདུན་པ་གཤིན་ལ་ཕན་གདགས་པའི་ཆོས་གསུམ་ནི། བདུན་༼ཟུར༽ཚིགས་འདྲེན་པ་ཡོངས་རྫོགས་རིགས་དྲུག་གནས་ནས་དྲང་བ། ཚེ་འདས་འགུགས་ཤིང་གཤེད་དང་དཔྲལ་བ། ངམ་རྟར་ཀློང་གི་དུས་མཛད་པའི་སྦུབས་བཤིག །ཕྱིར་མི་ལྡོག་ཐབས་རོ་སྲེག་༼ཟུར༽བའི་ཆོ་ག །སཱཙྪ་གདབ་ཐབས་ནས་བསྟན་པའི་གཤིན་དོན་སཱཙྪའི་ཆོ་ག་རྣམས། བརྒྱད་པ་བསྟན་པ་བསྲུང་བའི་ཆོས་གསུམ་ནི། སྡེ་དཔོན་སུམ་ཅུའི་དྲག་སྒྲུབ་རྣོ་མྱུར་ཆིག་ཆོད་ཕོ་ཉ་ཡོངས་རྫོགས་ཀྱི་དྲག་སྒྲུབ། སྡེ་དཔོན་སུམ་ཅུའི་མཆོད་བྱང་། དྲེགས་པ་བཅོ་བརྒྱད་ཀྱི་བཅུད་ཕུར་གནད་འབེབས། མ་ནིང་ལང་འཁོལ་ཆིག་ཤུར་ནག་པོའི་གསང་སྒྲུབ་གསང་བ་སྲོག་གི་ལས་སྦྱོར། འདིའི་མན་ངག་གཏེར་སྟོན་གྱི་དུས་ནས་གབ་པས་ཆ་ཚང་བ་བརྒྱུད་པ་འདི་ལ་མ་གཏོགས་གཞན་ལ་མེད་དོ།། དགྲ་བགེགས་བསྐལ་མཐར་གནོན་པ་མནན་པ་མི་འགྱུར་བའི་ལས་རྣམས། དགུ་པ་ནད་གདོན་བར་གཅོད་བཟློག་པའི་ཆོས་གསུམ་ནི། ཡོངས་རྫོགས་ནད་འདོན་གྱི་དམིགས་རིམ། ཡོངས་རྫོགས་བྲོ་བརྡུང་། ། ༈ ཡོངས་རྫོགས་གཏོར་ཟློག་དྲག་པོ། འདིའི་གཏོར་ཟློག་བསྡུས་པ་སྟེ། འདིའི་ཆ་ལག་ཏུ་འགྲོ་བ། གཏོར་བཟློག་སྤྲ་འཁྲིད། དམོད་བྱང་། ཁྱུང་བཅས་འཁོར་ལོ་བདུན་མ་དང་དགུ་མ། གསང་བའི་འཁོར་ལོ། ཁྱུང་བཟློག་སོགས་ཡོངས་ལ་མ་གྲགས་པའི་གསང་གཏེར་ཞིག་ཡོད་འདུག་པ་ཐམས་ཅད་མཁྱེན་པ་མཁྱེན་བརྩེའི་གསན་ཡིག་ཏུ་གསལ་ནའང་། དེང་སང་འཁོར་ལོ་རེ་གཉིས་དང་དམོད་བྱང་ཙམ་ལས་རྒྱུན་ནུབ་ཅིང་། རང་རྐྱ་ཕེར་བ་དེ་སྟེང་བསྐུལ་ཙམ་མ་གཏོགས། ཁྲོ་རོལ་ཚང་བ་བདེ་འདུས་ནས་ཁ་འགེང་བ་ཡིན་ཀྱང་། གཏེར་ཁ་གོང་

མའི་ཡི་གེ་འདིའི་གླེགས་བམ་ཁྲོད་དུ་བཅུག་པའི་སོག་ཟློག་པ་དང་གོང་ར་བ་སོགས་བླུན་པོ་ལ་ལ་ཟློག་གཞི་ཚིག་རྐང་དགུ་མ་ཡོངས་རྫོགས་ཀྱི་གཏེར་ཁ་ཡིན་ཁུལ་དང་། འགའ་ཞིག་ཡོངས་རྫོགས་ཀྱི་གཏོར་བཟློག་རཏྣ་གླིང་པའི་གཏེར་བྱོན་ཡོད་ཟེར་བ་སོགས་ནི་རང་གི་ནང་ཆ་སྟོན་པ་ཙམ་དུ་ཟད་དོ། ༈ །དེ་ཡང་བསྐྱེད་རྫོགས་ཀྱི་ཉམས་ལེན་གཏེར་ཁ་གོང་འོག་གཉིས་ཀའི་བཀའ་བརྒྱུད་དུ་འདུག་ཀྱང་ཉམས་ལེན་འོག་མ་ཅུང་ཟད་འདྲིལ། ཁྲོ་རོལ་སོགས་འཕྲིན་ལས་ཀྱི་མཐའ་རྒྱས་བདེ་འདུས་ནས་ཁ་འགེང་བ་ལས་ཡོངས་རྫོགས་ལ་ཚང་བ་མེད། དྲེགས་པའི་སྲོག་བདེ་འདུས་སུ་དྲེགས་པ་རྣམས་ཀྱི་ལྷ་དབང་ཡོད་ཀྱང་བསྐུར་ལུགས་མི་འདྲ། དབང་དང་གླིང་བཞི་སྤྱི་མདོས་སོགས་ནི་ཡོངས་རྫོགས་ན་མ་གཏོགས་བདེ་འདུས་ན་སྤྱི་མདོས་ཉུང་ངུ་ཞིག་ལས་གསལ་ཁ་མེད་པས་ཉ་དང་ཉུང་མ་བསྲེ་བར་མ་བྱེད་ཅིག །བཅུ་པ་བསོད་ནམས་ཚོགས་གསོག་གི་ཆོས་གསུམ་ནི། དཀོན་ཅོག་སྤྱི་མཆོད། ཐུན་མོང་གི་ཆུ་སྦྱིན་ནམ་མཆོད་འབུམ་ཕྱི་མ་དང་མཆོད་བྱང་བཀོལ་བར་གྲགས་པ། ཡོངས་རྫོགས་ཆ་གསུམ། དེའི་འདོད་གསོལ། ཡོངས་རྫོགས་ཆུ་གཏོར་རྣམས། བཅུ་གཅིག་༼ཟུར༽ལ་ཐུན་མོང་ཆོས་སྤྱོད་ལ། ནང་གསེས་ཀྱི་ཤེས་བཞིན་རྗེས་སུ་བསྐྱང་ཕྱིར་ཕྱི་མཚན་མེད་ལས་སྒྱུ་མ་ལྟ་བུ། ནང་ལྷ་སྐུ། གསང་བ་སྟོང་གསལ་འཛིན་མེད་དུ་ལྡང་བ་དང་གསུམ། བག་ཆགས་དྲི་མ་སྦྱང་ཕྱིར་ཕྱི་བུམ་ཆུ། ནང་ཡབ་ཡུམ་གྱི་བྱང་སེམས། གསང་བ་ཀ་དག་གི་བདུད་རྩིས་འཁྲུས་པ་དང་གསུམ། ཞིང་སྦྱོང་ཚོགས་བསགས་ཕྱིར་ཕྱི་ཚོམ་བུ། ནང་ལུས། གསང་བ་རང་སེམས་དག་པའི་མཎྜལ་དང་གསུམ། བྱིན་རླབས་མྱུར་དུ་འཇུག་པ་ཕྱི་བླ་མའི་རྣམ་པ། ནང་རྡོ་རྗེ་འཆང་། གསང་བ་རང་

སེམས་དབྱེར་མེད་དུ་གསོལ་བ་འདེབས་པ་དང་གསུམ། བར་གཅོད་སེལ་བྱེད་ཕྱི་གཟན། ནང་ལུས་ཤ་ཁྲག །གསང་བ་བྱང་སེམས་དཀར་དམར་གྱི་གཏོར་མ་དང་གསུམ། འདི་ལ་འཇམ་དབྱངས་མཁྱེན་བརྩེའི་ཆོག་སྒྲིགས་ཤིག་ཀྱང་ཡོད། ཚོགས་ཆུང་ཕན་པ་ཆེ་བ་ཕྱི་ཆབ། ནང་དྲི་ཆུ། གསང་བ་རིག་པ་རང་གསལ་གྱི་ཆུ་སྦྱིན་དང་གསུམ། ཡུལ་ཀུན་མཉེས་པར་བྱེད་པ་ཕྱི་བཟའ་བཏུང་། ནང་ཟག་རྫས། གསང་བ་བདུད་རྩིའི་བཟའ་ཚོགས་དང་གསུམ། གནས་ལ་ཆགས་པ་སྤོང་ཕྱིར་ཕྱི་ལྷའི་ང་རྒྱལ་གྱིས་ལྷ་དང་བླ་མ་མཇལ་བའི་ཚུལ། ནང་སེམས་ཅན་བྱང་ཆུབ་ལ་སྦྱོར་བའི་དོན་དུ། གསང་བ་རིག་པ་ཡེ་ཤེས་ཀྱི་མཁའ་ལ་ཟངས་ཐལ་དུ་འགྲོ་བ་དང་གསུམ། དབང་པོའི་སྒོ་བདེ་ཕྱིར་ཕྱི་སྣབས་རྩ་ཆུ་བདུད་རྩིར་བསྒྱུར་བ། ནང་རྟོག་མེད། གསང་བ་གཅེར་མཐོང་རང་གྲོལ་དུ་འདོར་བ་དང་གསུམ། འབྱུང་བ་ཆ་སྙོམ་ཕྱིར་ཕྱི་སྒོ་གསུམ་མི་གཡོ་བ། ནང་ལྷའི་སྐུ་གསུང་ཐུགས་སུ་ཤར་བ། གསང་བ་གསལ་སྟོང་འཛིན་མེད་ཀྱི་སྒོ་ནས་ཉལ་བ་དང་གསུམ། འཁོར་བའི་རྒྱུད་སྦྱང་ཕྱིར་ཕྱི་མཚན་བཅས་རྟེན། ནང་རང་དཔལ་ཆེན་པོ་ལ་རིག་པའི་ཁྱེའུ་ཆུང་། གསང་བ་སྣང་བ་ཐམས་ཅད་སྐུ་གསུམ་དུ་རང་སར་གྲོལ་ཏེ་བསྐོར་བ་དང་གསུམ། དམ་ཚིག་ཉམས་པ་གསོ་བྱེད་ཕྱི་རང་ཉིད་རྡོར་སེམས་སུ་གསལ་བ། ནང་གནས་གསུམ་དུ་འབྲུ་གསུམ་གསལ་བརྟན་དུ་འགྱུར་བ། གསང་བ་སྒོ་གསུམ་སྐྱེ་འགག་གནས་གསུམ་དང་བྲལ་བའི་ངང་ནས་སྐོང་བ་དང་གསུམ། བསོད་ནམས་འཕེལ་བའི་མཆོག་གྱུར་ཕྱི་འབྱུང་བཞིའི་སཱཙྪ། ནང་གཟན་གྱི་སཱཙྪ། ལུས་གཞལ་ཡས་ཁང་དུ་གདན་དྲང་བ། གསང་བ་རིག་པ་སྐུ་གསུམ་དུ་ཤར་པའི་སཱཙྪ་

གདབ་པ་དང་གསུམ། བསོད་ནམས་གཞིར་གྱུར་ཕྱི་ཟང་ཟིང་། ནང་མི་འཇིགས་པ། གསང་བ་ཆོས་ཀྱི་སྦྱིན་པ་དང་གསུམ། གསུམ་ཚན་བཅུ་གསུམ་པོ་བསྡོམས་པའི་སྟེང་དུ་ཕྱི་མ་སྦྱིན་གཏོང་གསུམ་ཁ་ཕྲལ་བས་བཅུ་དྲུག །དེའི་སྟེང་དུ་གོང་གི་ཕྱི་མཆོད་ཆ་གསུམ་ཆབ་གཏོར་བསྣན་པས་ཆོས་སྤྱོད་ཉི་ཤུའོ། ༈ །བཅུ་གཉིས་པ་ཐུན་མོང་གི་སྒྲུབ་ཆེན་བརྒྱད་༼ཟུར༽ལ། ལས་ཀུན་འགྲུབ་བྱེད་རིལ་བུའི་སྒྲུབ་པ། མཁའ་སྤྱོད་སྐྱེ་བདུན་གྱི་སྒྲུབ་ཆེན། རྐང་མགྱོགས་སྒྲུབ་ཆེན། ས་སྤྱོད་གཏེར་ཆེན་གྱི་སྒྲུབ་ཆེན། མངོན་ཤེས་སྒྲུབ་ཆེན། མི་སྣང་སྒྲིབ་པའི་སྒྲུབ་ཆེན། གསེར་འགྱུར་རྩིའི་སྒྲུབ་ཆེན། ཚེའི་རིག་འཛིན་སྒྲུབ་ཆེན་རྣམས། བཅུ་གསུམ་པ་བསྟན་སྲུང་གི་སྐོར་ལ། སྒྲུབ་ཆེན་སྡེ་བརྒྱད་ཀྱི་དམ་ཅན་སྒོས་སྒྲུབ་ལ་ཆེ་མཆོག་གི་བཀའ་སྲུང་། ཡང་དག་གི་བཀའ་སྲུང་། གཤིན་རྗེའི་བཀའ་སྲུང་། དབང་ཆེན་གྱི་བཀའ་སྲུང་། ཕུར་པའི་བཀའ་སྲུང་། མ་མོའི་བཀའ་སྲུང་རྣམས་ནི་འདིར་མ་ཟད་ཇོ་མོའི་ཉམས་ལེན་གྱི་ནང་ནའང་ཡོད། རིག་འཛིན་གྱི་བཀའ་སྲུང་། དྲེགས་པའི་བཀའ་སྲུང་ནི་སྒོས་བཀར་འདུ་བར་དགོངས་ཤིང་། འཇིག་རྟེན་མཆོད་བསྟོད་ཀྱི་བཀའ་སྲུང་སྡེ་བརྒྱད་དང་དྲག་སྔགས་ཀྱི་སྡེ་བརྒྱད་གཉིས་ལས་ཕྱི་མའི་དབང་དུ་བཏང་བ་ལ། སྨྱོ་འབོག་བརྒྱ་ལ་ནད་གཏོང་བ་གིང་གི་སྒྲུབ་པ། ཁྲམ་ནག་མྱོས་པས་གསད་པ་ནག་པོ་བདུད་ཀྱི་སྒྲུབ་པ། དམེ་མཚོན་འཁྲུག་པས་འཕུང་བ་དམར་པོ་བཙན་གྱི་སྒྲུབ་པ། དལ་ཡམས་རིམས་ཀྱིས་འཕུང་བ་ནད་གཏོང་མ་མོའི་སྒྲུབ་པ། ལྟས་ངན་ཆོ་འཕྲུལ་དབབ་པ་གནོད་སྦྱིན་སྒྲུབ་པ། སྲོག་རྩ་དམར་པོ་གཅོད་པ་སྲིན་པོའི་སྒྲུབ་པ། ཆུ་འཁྱགས་ཁྲག་ཏུ་དབབ་པ་དྲག་པོ་གཟའི་

སྒྲུབ་པ། མཛེ་ནད་སྣ་དགུ་གཏོང་བ་གདུག་པ་ཀླུའི་སྒྲུབ་པ་རྣམས། དྲག་སྔགས་ཀྱི་བཀའ་སྲུང་ལ། དྲག་རྩལ་ལྷའི་དྲག་སྔགས། འཆི་བདག་གཤིན་རྗེའི་དྲག་སྔགས། གདུག་པ་ཀླུའི་དྲག་སྔགས། གནོད་སྦྱིན་འདུས་པའི་དྲག་སྔགས། ཁྲོ་གཏུམ་སྲིན་པོའི་དྲག་སྔགས། འཕུང་བཤིག་བདུད་ཀྱི་དྲག་སྔགས། མཁའ་འགྲོ་མ་མོའི་དྲག་སྔགས། དབང་ཆེན་གཟའི་དྲག་སྔགས། འདི་རྣམས་བདེ་འདུས་ཀྱི་དྲག་སྔགས་འདུས་པ་རྩ་བའི་རྒྱུད་ན་བཞུགས་པ་དང་གཅིག་གོ །མ་ནིང་ཆིག་ཤུར་ནི་གོང་དུ་གསང་བའི་སྐབས་བསྟན་པ་དེ་ཀ་ཡིན་ལ། བསྒོམ་བྱའི་ལྷ་གབ་པ་ནི་ཞལ་གཅིག་ཕྱག་གཉིས་རུ་མཚོན་དང་སྙིང་ཞབས་བསྣམས་པ། རྟ་ནག་ལ་ཆིབས་པ་ཞིག་ཡོད་ཅིང་། བཀའ་བརྒྱད་ཀྱི་དྲེགས་པའི་སྲོག་དབང་གི་དུས་ཀྱང་སྐུ་གཟུགས་འདིའི་ཙཀ་ལི་མཛད་མཁན་བྱུང་ནའང་མ་ནིང་ཡོངས་གྲགས་འདུས་ཆེ་བས་རྟ་ཞོན་མ་འདི་མི་མཛད་དོ། ༈ །མ་ནིང་ཅོག་བརྡུང་གི་སྒྲུབ་པ་ལ་ནང་གསེས་ཀྱི་དགྲ་བཅས། ལྷའི་རྫས། ཏིང་འཛིན། སྔགས། རྟགས། གཏོར་མ། སྤོགས་པ། གནད་འབེབས། ཕན་ཡོན་དང་བཅས་པ་ཆོས་སྡེ་གཅིག་ཏུ་ཚང་བའི་ཟབ་ཅིང་འདུས་པ། དེ་ལྟར་དམ་ཅན་དེ་དྲུག་ལ་ཆོས་སྡེ་གཅིག །བཀའ་སྲུང་སྡེ་བརྒྱད་ལ་གཅིག །མ་ནིང་སྐོར་ལ་གཅིག་སྟེ་ཆོས་སྡེ་གསུམ་དུ་བྱེད་ལ། ནང་གསེས་སུ་བཀའ་སྲུང་སྡེ་ཚན་བཅུ་དྲུག་ཡོད་པ། བཀའ་རྩིས་ལས། སྒྲུབ་ཆེན་སྡེ་དྲུག་དམ་ཅན་སྒོས་སྒྲུབ་དྲུག༔ བཀའ་སྲུང་སྡེ་བརྒྱད་སྲོག་དྲིལ་དྲག་སྔགས་བརྒྱད། །མགོན་པོ་མ་ནིང་ཆིག་ཤུར་ཅོག་བརྡུང་གསུམ༔ དེ་ལྟར་བཅུ་དྲུག་ཡོངས་རྫོགས་ཆོས་སྲུང་སྟེ༔ དུག་གི་སྤུ་གྲི་གནམ་ལྕགས་ཐོག་དང་འདྲ༔ ཞེས་པ་ལྟར་རོ། །འོན་ཀྱང་

རིག་འཛིན་གྱི་བཀའ་སྲུང་སོགས་ཐེམས་མེད་ཀྱི་རིགས་ཀྱང་མང་ཞིང་། མན་ངག་གླིང་ཁོག་དྲེགས་པ་ལྷ་སྲིན་སྡེ་བརྒྱད་ཀྱི་ཡང་སྙིང་། དྲེགས་པའི་ལས་བྱང་ཆེན་མོ་སྟོད་སྨད་གཉིས་མན་ངག་གིས་བརྒྱན་པར་བཀོད་པ་གཏེར་སྟོན་གྱིས་མཛད་པ། མ་ནིང་གི་གསོལ་ཁ་དད་པ་དམ་ཚིག་མ། བསྟན་སྲུང་ཁ་རིའི་གསོལ་མཆོད་དགེ་བསྙེན་པ། ཀླུ་བདུད་མགོ་དགུའི་གསོལ་མཆོད་ད་ནི་མ། སྨྱོན་ཀའི་གསོལ་མཆོད་རྒྱ་མཚོ་མ། དེས་མཚོན་པའི་ལྷ་མོ་དང་དམ་སྲིའི་དབྱེ་བ་དང་སྐྱེ་རྒྱུས། དབང་དང་དྲག་སྔགས་མཐའ་དག་ལ་ཉེ་བར་མཁོ་བའི་གནད་ཁྱིམ་མི་འགྱུར་བ་རྡོ་རྗེའི་ཁྱིམ་དང་གསུམ། དྲག་པོ་མངོན་སྤྱོད་ཀྱི་ལས་ཀུན་ལ་མེད་ཐབས་མེད་པའི་ཁྱད་འདོན་སྙིང་ཏིག་གི་ལག་ལེན་སྔགས་སྡེབས་སྙིང་གཟེར་ནག་པོ་རྩ་འགྲེལ་དཔེ་རིས་དང་བཅས་པ། སྙིང་གཟེར་ནག་པོ་སྒོ་འབྱེད་ཀྱི་ལྡེ་མིག་ལྟ་བུ་མཆོག་སྤྲུལ་མངའ་རིས་པཎ་ཆེན་སྐུ་མཆེད་ཀྱིས་མཛད་པ། སྔགས་སྡེབས་རླུང་འཁོར་གྱི་ཕྱག་ལེན་སྔགས་འཆང་བི་ཛ་ཡས་མཛད་པ། བཀའ་བརྒྱད་ཡོངས་རྫོགས་ཀྱི་རྔ་རབས། མཆོག་སྒྲུབ་ལག་ཆ་རྣམ་དགུ་ལས་དུར་ཁྲོད་ཐོད་པའི་མཚན་རྟགས། ཐོད་སྒྲུབ་རིན་ཅེན་རྒྱ་ཅན། སྲོག་ཤིང་བརྟེན་པའི་འཁོར་ལོ་རྣམས། དེ་ལྟར་མ་ཧཱ་ཡོ་གའི་ཐེམས་མེད་དང་ཐུན་མོང་གི་སྐོར་དཀར་ཆག་ཏུ་མི་གསལ་ཡང་ཆོས་བཀའ་སོ་སོའི་ཡན་ལག་ཏུ་དངོས་བསྟན་གྱི་ཆོས་ཚན་ཁ་སྐོང་རྣམས་སོ་སོའི་ཁོང་དུ་བསྡུས་པས་རགས་པའི་གྲངས་བཀའ་རྩིས་སུ་གསུངས་པ་ལྟར་མ་ཧཱ་ལ་ཉི་ཤུ། ཨ་ནུ་ལ་དྲུག །ཨ་ཏི་ལ་དགུ །ཐུན་མོང་ལ་དྲུག་ཅུ་རེ་བརྒྱད་དེ་ཀུན་དྲིལ་བས་ཆོས་སྡེ་བརྒྱ་གསུམ་ཡོད། ཞིབ་མོར་བྱས་ན་ཁ་བསྒྱུར་

ཉེར་གཅིག་ནི་གསང་འདུས་རྒྱུན་གྱི་ལེའུ་སོ་དགུ་པ་ནས་གསུངས་པ་དེ་ཀ་ཡིན་པས་རྒྱུད་ལ་ལྟོས། འདི་བླ་མའི་སྐབས་ཀྱི་ཁ་བསྒྱུར་ཉེར་གཅིག་དང་མི་གཅིག་པས་རྣམ་དབྱེ་ཕྱེད་དགོས། གཏུམ་མོ་ཞག་བདུན་མ་དང་མན་ངག་གཅེས་འཕྲེང་ནི་བླ་རྫོགས་ཐུགས་གསུམ་དང་བཀའ་བརྒྱད་ཀྱི་ཆ་ལག་གོ །རྩ་བའི་གསུམ་པ་རྒྱབ་རྟེན་རྒྱུད་ཀྱི་སྐོར་ལ། བཀའ་རྩིས་ལས། ཞི་ཁྲོ་བཀའ་བརྒྱད་ཡོངས་རྫོགས་སྙིང་པོའི་རྒྱུད༔ ངོ་མཚར་དེ་ཡི་བཅུད་མཆོག་པདྨས་བསྡུས༔ ལྷ་དང་རིག་འཛིན་ཀུན་འདུས་དབང་རྫོགས་བསྐུར༔ ཞི་ཁྲོ་བཀའ་བརྒྱད་ཡོངས་རྫོགས་སྒྲུབ་ཆེན་པོ༔ གསང་སྔགས་དོན་གྱི་སྙིང་པོ་འདི་ཁོ་ན༔ སྒྲུབ་ཆེན་དེ་ཡི་མིང་ཙམ་གང་སུས་འཛིན༔ དེ་དང་ཨོ་རྒྱན་སྙིང་ཁྲག་གཅིག་ཏུ་འདྲེས༔ ཞེས་སོ། །རྩ་བའི་གསུམ་པ་རྒྱབ་རྟེན་རྒྱུད་ཀྱི་སྐོར་ནི། ཇི་སྐད་དུ། ཐབས་ཤེས་ཡོངས་རྫོགས་དཔལ་ཆེན་གསང་འདུས་འདི༔ ལྷོ་བྲག་མཁར་ཆུ་གསང་བ་དབང་གི་ཕུག༔ ལྕགས་ཕུར་གཏམས་པའི་བྲག་ལ་ཨ་ཐམ་རྒྱ༔ ཞེས་གསུངས་པ་ལྟར་ལྷོ་བྲག་མཁར་ཆུ་ལྕགས་ཕུར་ཅན་གསང་བ་དབང་གི་ཕུག་པ་ནས་གུ་རུ་ཆོས་ཀྱི་དབང་ཕྱུག་གིས་གཏེར་སྒོ་ཕྱེ་སྟེ་སྤྱན་དྲངས་པའི་བཅོམ་ལྡན་འདས་བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་གསང་བ་ཡེ་ཤེས་ཀྱི་སྙིང་པོ་ཐམས་ཅད་ཡོངས་སུ་རྫོགས་ཤིང་འདུས་པ་དཔལ་གསང་བ་འདུས་པ་རྒྱུད་ཀྱི་རྒྱལ་པོ་ཞེས་བྱ་བ་ལེའུ་ཞེ་གསུམ་པ་ཨཽ་ཌི་ཡ་ནའི་མཁན་པོ་པདྨ་སཾ་བྷ་ཝས་རང་འགྱུར་དུ་བསྒྱུར་བ། རྒྱུད་ཀྱི་སྤྱི་དོན་རྣམ་པར་བཞག་པ་ཁོག་དོན་རིན་པོ་ཆེའི་དྲ་བ་ཞེས་བྱ་བ་ཡར་ཀླུངས་སྤྲུལ་སྐུ་ཤཱཀ་འོད་ཀྱིས་མཛད་པ། དེས་མཛད་པའི་རྒྱུད་དོན་རབ་ཏུ་དབྱེ་བའི་ས་མ་འགྲེལ་རྒྱུད་ཀྱི་

བསྡུས་དོན་གསལ་བར་བྱེད་པའི་མིག་ཅེས་བྱ་བ། དེས་མཛད་པའི་རྒྱུད་དོན་རྣམ་པར་བཤད་པ་རིན་པོ་ཆེ་གཏེར་གྱི་རྒྱན་ཞེས་བྱ་བ་རྣམས་སོ། ༈ །དེ་ཡང་རྡོ་རྗེའི་སློབ་དཔོན་མཚན་ཉིད་དང་ལྡན་པ་ཞིག་ལ་བརྟེན་ནས་སྒྲུབ་ཆེན་གྱི་ཁོངས་སུ་ཆོས་སྡེ་ཐམས་ཅད་ཀྱི་དོན་ཡོངས་སུ་རྫོགས་པ་སློབ་མའི་རྒྱུད་ལ་འཆར་བ་ཞིག་དགོས་ཞེས་མངའ་རིས་པཎ་ཆེན་རིན་པོ་ཆེ་གསུང་བ་ནི་ཁྲི་སྲོང་ལྡེ་བཙན་སླར་ཡང་བསམས་བཞིན་དུ་བྱོན་པའི་དད་པའི་གསོས་སོ། །དེ་ལྟར་ཆོས་སྐོར་ཡོངས་སུ་རྫོགས་པ་ཐོབ་པའི་བརྒྱུད་པའི་རིམ་པ་ལ་དབང་དང་རྒྱུད་སྡེའི་བཀའ་བབས་ཚུལ་གཉིས་ལས། དང་པོ་ནི་ཡེ་མ་བཅོས་རྫོགས་པའི་སངས་རྒྱས་ཆོས་སྐུ་ཀུན་ཏུ་བཟང་པོ་ཡབ་ཡུམ་གྱིས་རྒྱལ་བ་རིགས་ལྔ་ལ་ཡེ་ཤེས་ལྔའི་རྩལ་དབང་བསྐུར་བས་ལོངས་སྤྱོད་རྫོགས་སྐུར་ཤར། རིགས་ལྔས་དམ་པ་ཏོག་དཀར་ལ་དབང་བསྐུར་བ་ལ་བརྟེན་ནས་དེས་ཕྱི་ཤཱཀྱ་ཐུབ་པར་སྤྲུལ་ནས་ལག་ན་རྡོ་རྗེ་འཆང་ལ་དབང་བསྐུར། ནང་རྡོ་རྗེ་འཆང་དུ་སྤྲུལ་ནས་རྡོ་རྗེ་ཆོས་ལ་དབང་བསྐུར། གསང་བ་རྡོ་རྗེ་སེམས་དཔར་སྤྲུལ་ནས་གསང་བའི་བདག་པོ་ལ་དབང་བསྐུར། དེ་ནས་དབང་གི་ཆུ་བོ་ཆེན་པོ་བཞིར་གྱེས་པ་ལས། གསང་བདག་གི་པོ་ཏི་གླེགས་བམ་གྱི་དབང་ཨིནྡྲ་བྷཱུ་ཏི་ལ། དེས་ཨོ་རྒྱན་ཆེན་པོ་ལ། རྡོ་རྗེ་སེམས་དཔས་ཡི་དམ་ལྷའི་དབང་དགའ་རབ་རྡོ་རྗེ་དང་ཤྲཱི་སིངྷ་གཉིས་ལ། དེ་གཉིས་ཀྱིས་ཨོ་རྒྱན་ཆེན་པོ་ལ། སྲས་མོ་གོ་མ་དེ་ཝཱིས་ཨོ་རྒྱན་ཉིད་ལ་ཕྱི་ནང་གསང་གསུམ་གྱི་དབང་བསྐུར་ཞིང་བི་མ་ལས་ཀྱང་བསྐུར་བས་བྱིན་རླབས་ཀྱིས་རྡོ་རྗེ་འཆང་དང་མཇལ་ཏེ་མཁས་པ་པཎྜི་ཏའི་དབང་ཐོབ། རིག་པ་རང་རྩལ་གྱི་དབང་ནི་ཨོ་རྒྱན་ཉིད་ཀྱི་རང་བྱུང་དུ་ཐོབ་

པ་ཡིན་པས་དབང་གི་ཆུ་བོ་དྲུག་གོ །སྒྲུབ་སྡེ་སོ་སོའི་དབང་ནི་ཧེ་རུ་ཀ་བརྒྱད་ཀྱི་ངོ་བོ་རིག་འཛིན་བརྒྱད་ཀྱིས་དཔལ་ཨོ་རྒྱན་ཆེན་པོ་ལ་གནང་ངོ་། ༈ །གཉིས་པ་རྒྱུད་སྡེའི་བབས་ཚུལ་ནི་རྒྱལ་བ་རིགས་ལྔས་རྡོ་རྗེ་ཆོས་ལ་གསུངས། དེས་རི་མ་ལ་ཡའི་རྩེ་མོར་གསང་སྔགས་ཀྱི་ཆོས་འཁོར་བསྐོར་བའི་ཚེ་ལྷ་གྲགས་ལྡན་མཆོག་སྐྱོང་། གནོད་སྦྱིན་སྐར་མདའ་གདོང་། སྲིན་པོ་བློ་གྲོས་ཐབས་ལྡན། ཀླུ་རྒྱལ་འཇོག་པོ། ལི་ཙ་བྱི་དྲི་མ་མེད་པར་གྲགས་པ་སྟེ་དམ་པའི་རིགས་ཅན་དྲ་མ་ལྔ་ལ་གནང་བས། དེ་ལྔས་སྤྱིར་ཏན་ཏྲ་སྡེ་བཅོ་བརྒྱད་དང་། ཁྱད་པར་གསང་འདུས་ཀྱི་རྒྱུད་འདི་ཚིག་ཉུང་དུ་བསྡུས་ནས་དོན་རྒྱུད་རྒྱལ་པོ་ཨིནྡྲ་བྷཱུ་ཏི་སོགས་ལ་རིམ་པར་བརྡས་བརྒྱུད། ཚིག་བརྒྱུད་མཁའ་འགྲོ་མ་ལས་ཀྱི་དབང་མོ་ཆེ་ལ་གཏད། དེས་མཆོད་རྟེན་བདེ་བྱེད་བརྩེགས་པར་གཏེར་དུ་སྦས་པ། རིག་འཛིན་བརྒྱད་དང་དཔལ་ཨོ་རྒྱན་ཆེན་པོས་གཏེར་སྒོ་ཕྱེ་སྟེ་ཀུན་གྱི་བཀའ་ཨོ་རྒྱན་ཆེན་པོ་ཉིད་ལ་བབས་སོ། ༈ །དེ་ནས་དཔལ་ཨོ་རྒྱན་ཆེན་པོས་རྗེ་འབངས་ཉི་ཤུ་རྩ་ལྔ་དང་། ཁྱད་པར་དུ་རྗེ་ཁྲི་སྲོང་ལྡེ་བཙན། འབངས་ནམ་མཁའི་སྙིང་པོ། གཟུངས་མ་མཁར་ཆེན་བཟའ་སྟེ་རྗེ་འབངས་གྲོགས་གསུམ་ལ་གནང་། ལྷོ་བྲག་གནམ་སྐས་ཅན་གྱི་ཀླུ་བདུད་ལྟོ་བར་ཟབ་མོའི་གཏེར་དུ་སྦས་པ་མངའ་བདག་གསུང་སྤྲུལ་གུ་རུ་ཆོས་ཀྱི་དབང་ཕྱུག་གིས་སྤྱན་དྲངས་པ་ཡིན་ལ། གཏེར་སྟོན་གྱི་བདེ་འདུས་ཀྱི་དབང་མངའ་བདག་འགྲོ་མགོན་ལ་གསན་པའི་དོན་བརྒྱུད་ཀྱི་དབང་དུ་བྱས་ནས་གཏེར་སྟོན་གྱི་སྔོན་དུ་འགྲོ་མགོན་མངའ་བདག་ཡབ་སྲས་གཉིས་བརྒྱུད་གྲལ་དུ་འཇུག་སྲོལ་ཡོད། དེ་ནས་སྲས་བརྒྱུད་སློབ་བརྒྱུད་མང་དུ་བྱུང་བ་རྣམས་ཀྱི་ནང་ནས། གཙོ་བོ་ནི་སློབ་བརྒྱུད་དེའི་ནང་ནས་ཀྱང་བཀའ་བབས་

སྐལ་ལྡན་ཡར་ཀླུངས་སྤྲུལ་སྐུ་ནས་བརྒྱུད་པ་དེ་ཡིན། དེ་ཡང་གོང་དུ་སྨོས་པའི་གཏེར་སྲུང་སྨྱོན་ཁ་ཀླུ་བདུད་གཉིས་ཀྱི་གསོལ་ཁ་དང་སྔགས་བསྡེབས་རྩ་འགྲེལ་ཉི་བཞི་རླུང་གི་འཁོར་ལོ་རྣམས་མ་གཏོགས་པའི་དབང་ལུང་མན་ངག་ཡོངས་སུ་རྫོགས་པ་ཐོབ་པའི་བརྒྱུད་པ་ནི། གཏེར་སྟོན་གྱིས་ཆོས་རྗེ་སྐལ་ལྡན་པ་ཡབ་སྲས་ལ་གནང་བས་སྲས་ཡར་ཀླུངས་སྤྲུལ་སྐུ་མི་བསྐྱོད་རྡོ་རྗེས་ཡར་ཀླུངས་སྨན་ལུང་དགོན་པར་གྲུབ་པ་བརྙེས། དེས་དྭགས་སྟོན་དབང་ཕྱུག་རྡོ་རྗེ་ལ་གནང་བས་ཙ་རིའི་གནས་སྒོ་གོང་ལ་དགོན་པར་གྲུབ་པ་བརྙེས། དེས་ཀུ་རབས་ཀྱི་གཉན་སྟོན་རྡོ་རྗེ་ཡེ་ཤེས་ལ་གནང་བས་གླིང་གསར་ཆོས་ཀྱི་ཕོ་བྲང་དུ་གྲུབ་པ་བརྙེས། དེས་ཀུ་རབས་ཀྱི་མཁས་གྲུབ་སངས་རྒྱས་དཔལ་དང་ཡོན་ཏན་བཟང་པོ་ཁུ་དབོན་ལ་གནང་བས་སེ་སྡིངས་རྒྱལ་བའི་རི་ཁྲོད་དུ་གྲུབ་པ་བརྙེས། དེས་བྱར་སྟོད་མཁར་པོ་གུ་རུ་ཆོས་སྐུ་འོད་ཟེར་ལ་གནས་པས་ཙེ་ལེ་གསང་སྔགས་ཕོ་བྲང་དུ་གྲུབ་པ་བརྙེས། དེས་མཚུངས་མེད་དཔལ་འབྱོར་དབང་ཕྱུག་ལ་གནང་བས་དྭགས་པོ་སྤ་ལུང་བསམ་གཏན་གླིང་དུ་གྲུབ་པ་བརྙེས། དེས་ཆོས་དབང་གདུང་རབས་བརྒྱད་པ་སྤྲུལ་སྐུ་ཆོས་ཀྱི་དབང་པོ་ལ་གནང་བས་ལྷ་བྲོ་གོང་མའི་གདན་སར་གྲུབ་པ་བརྙེས། དེས་བཻ་རོའི་སྤྲུལ་པ་ཐུགས་སྲས་ཀརྨ་གུ་རུ་ལ་གནང་བས་བསམ་ཡས་བར་ཁང་གཡུ་ཞལ་དུ་གྲུབ་པ་བརྙེས། དེས་རྒྱལ་སྲས་ཀརྨ་དབང་འབྱོར་ལ་གནང་བས་ཡར་སྟོད་ཤམ་པོ་གངས་ཀྱི་ར་བར་གྲུབ་པ་བརྙེས། དེས་ཉང་སྟོན་ཁྱབ་བདག་བློ་མཆོག་རྡོ་རྗེ་ལ་གནང་བས་ཁྲ་ཚང་དཔལ་གྱི་ནགས་ཁྲོད་དུ་གྲུབ་པ་བརྙེས། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ༈ །ཡང་མགྱོགས་དབང་

བུམ་པའི་རྒྱ་ཅན་མ་གཏོགས་པའི་དབང་རྣམས་ཡོངས་སུ་རྫོགས་པར་ཐོབ་པའི་བརྒྱུད་པ་ལུགས་གཅིག་ལ་གཏེར་སྟོན་ཡན་གོང་ལྟར་ལ། དེ་ནས་རྒྱལ་སྲས་པདྨ་དབང་ཆེན། རིག་འཛིན་ཤཱཀྱ་འབུམ། རིག་འཛིན་ཤཱཀྱ་སེང་གེ །རིག་འཛིན་བྱང་ཆུབ་རྡོ་རྗེ། རིག་འཛིན་སངས་རྒྱས་རིན་ཅེན། རིག་འཛིན་ནོར་བུ་དཔལ་བཟང་། པཎ་ཆེན་འབུམ་ཕྲག་གསུམ་པ། བཀའ་བརྒྱད་ཞལ་གཟིགས་ཆོས་རྒྱལ་བསོད་ནམས། གྲུབ་མཆོག་ཆོས་སྐྱོང་བསོད་ནམས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཆེན་ཆོས་ཀྱི་རྒྱལ་པོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་སྲས་པདྨ་དབང་ཆེན་ཡན་གོང་ལྟར་ལ། དེ་ནས་བླ་མ་ཆོས་ཀྱི་རྒྱལ་མཚན། བླ་མ་པྲཛྙཱ་དྷ་ཛ། བན་འབྲོག་རྡོ་རྗེ་གླིང་པ། རྡོ་རྗེ་རྒྱལ་མཚན། རིག་འཛིན་ཆོས་རྒྱལ་བསོད་ནམས་མན་གོང་བཞིན་ནོ། ༈ །ཡང་ན་བླ་མ་པྲཛྙཱ་དྷྭ་ཛ་ཡན་གོང་ལྟར་ལ། དེ་ནས་ཕག་སྟོན་ཤཱཀྱ་མགོན་པོ། སྤུག་སྟོན་དཔལ་ལྡན་མགོན་པོ། སྔགས་འཆང་རྡོར་རྒྱན་མགོན་པོ། སྤྱི་ཟུར་ཕུག་པ་སྔགས་འཆང་མཆོག་གྲུབ་རྡོ་རྗེ། གྲུབ་མཆོག་ཆོས་རྒྱལ་བསོད་ནམས་མན་གོང་ལྟར་རོ། །ཡང་ན་སྲས་པདྨ་དབང་ཆེན་ནས། བླ་མ་མར་སྟོན་སངས་རྒྱས། གཉན་སྟོན་བཀྲ་ཤིས་སེང་གེ །རྟོགས་ལྡན་ཆོས་ཉིད་རང་གྲོལ། བླ་མ་སངས་རྒྱས་ལྷུན་དབང་། བླ་མ་ཆོས་ཉིད་བཟང་པོ། སྤྲུལ་སྐུ་ཤཱཀྱ་རྒྱལ་བཟང་། ལྷ་རིགས་འཇམ་དབྱངས་རྒྱལ་མཚན། པཎ་ཆེན་པདྨ་དབང་རྒྱལ། རིག་འཛིན་ལེགས་ལྡན་རྡོ་རྗེ། འཇམ་དབྱངས་མཁྱེན་བརྩེའི་དབང་

ཕྱུག་མན་གོང་ལྟར། ཡང་ན་བླ་མ་སངས་རྒྱས་ལྷུན་དབང་ནས། སྤྲུལ་སྐུ་ཀུན་དགའ་བཀྲ་ཤིས། མཁས་གྲུབ་རྒྱལ་སྲས་ཆོས་རྗེ། བརྒྱུད་འཛིན་ལེགས་པ་དཔལ་བཟང་། མཁས་བཙུན་ཆོས་འཕགས་བཟང་པོ། ལྷ་རིགས་འཇམ་དབྱངས་རྒྱལ་མཚན་མན་གོང་བཞིན་ནོ། །ཡང་ན་བརྒྱུད་འཛིན་ལེགས་པ་དཔལ་བཟང་ནས། སྤྲུལ་སྐུ་ཉང་སྟོན་ཆོས་དབང་། གནུབས་ཆེན་རིན་ཅེན་དཔལ་བཟང་། གནུབས་ཆེན་རྒྱལ་སྲས་པདྨ། མཁས་གྲུབ་ཚུལ་ཁྲིམས་དཔལ་བཟང་། དེ་གཉིས་ཀ་ལ་མངའ་རིས་པཎ་ཆེན་གྱིས་གསན་པ་མན་གོང་ལྟར་རོ། ༈ །ཡང་ན་ལྷ་བྲོ་བ་སྤྲུལ་སྐུ་ཆོས་ཀྱི་དབང་པོ་ཡན་གོང་ལྟར་ལ། དེ་ནས་ལྷ་བཙུན་ལེགས་ལྡན་རྡོ་རྗེ་མན་སྔར་བཞིན། ཡང་སྲས་པདྨ་དབང་ཆེན་ནས། གྲུབ་ཆེན་དམར་ཞབས་རས་པ། འགྲོ་མགོན་བཀྲ་ཤིས་མཚན་ཅན། ཆོས་རྒྱལ་གྲགས་པ་བློ་གྲོས། བདུད་འདུལ་ཤེས་རབ་འོད་ཆེན། རྣམ་མཁྱེན་ཆོས་ཀྱི་བློ་གྲོས། གྲུབ་ཐོབ་ཚུལ་ཁྲིམས་དཔལ། བྱ་བྲལ་བསོད་ནམས་སེང་གེ །རྗེ་འཇམ་དབྱངས་བློ་གྲོས། དམ་པ་ཆོས་སྐྱོང་ཚུལ་ཁྲིམས། དེ་གཉིས་ཀ་ལ་ལྷ་རིགས་འཇམ་དབྱངས་རྒྱལ་མཚན་དང་མཁས་བཙུན་ཚུལ་ཁྲིམས་དཔལ་བཟང་གཉིས་ཀས་གསན། དེ་གཉིས་ཀ་ལ་ལྷ་རིགས་པཎ་ཆེན་པདྨ་དབང་རྒྱལ་གྱིས་གསན་པ་མན་གོང་བཞིན་ནོ། ༈ །ཡང་ཟུར་གྱི་རྟགས་ཡོད་པའི་ལུང་རྒྱུན་ལུགས་གཅིག་ལ། ཁྲ་ཚང་པ་བློ་མཆོག་རྡོ་རྗེ་ནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ཆེ་མཆོག་འདུས་པ་རྩལ་ལ་གནང་ངོ་། །བཤད་མ་ཐག་པའི་བརྒྱུད་པ་རྣམས་ལ་ཐོག་མའི་གདུང་བརྒྱུད་པདྨ་དབང་

ཆེན་དང་ཕྱིས་ཀྱི་གདུང་བརྒྱུད་ལྷ་བྲོ་བ་ཆོས་ཀྱི་དབང་པོ་ཀརྨ་གུ་རུ། ཀརྨ་དབང་འབྱོར་གསུམ་མ་གཏོགས་གཞན་མཐའ་དག་སློབ་མ་ཁོ་ན་ཡིན་པས་སློབ་བརྒྱུད་དོ། །མགྱོགས་དབང་བུམ་པའི་རྒྱ་ཅན་གྱི་དབང་དང་ཡོ་ག་གསུམ་གྱི་སྒོམ་ཁོག་གི་ལུང་རྒྱུན་ཙམ་ལ་རྒྱལ་སྲས་པདྨ་དབང་ཆེན་ནས། གུ་རུ་མཚན་ལྡན་ཆོས་ཀྱི་རྒྱལ་མཚན། སྲས་མོ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། གུ་རུ་ནོར་བུ་འཛིན་པ། གུ་རུ་ནོར་བུ་དོན་གྲུབ། གུ་རུ་སངས་རྒྱས་ནོར་བཟང་། གུ་རུ་བཤེས་གཉེན་ཆོས་རྒྱལ། སྤྲུལ་སྐུ་ཆོས་ཀྱི་དབང་པོ་ནས། ཁྲ་ཚང་པ་ཆེན་པོའི་བར་གོང་ལྟར་རོ། །དེང་སང་ཆོས་ཀྱི་རྩ་ཁུངས་ཀྱི་བརྒྱུད་པ་བླ་མ་སོ་སོའི་གསན་ཡིག་རྣམ་ཐར་ལོ་རྒྱུས་སོགས་གང་ཡང་མ་ཐོས་ཤིང་སློབ་བརྒྱུད་ལས་གདུང་བརྒྱུད་གཙོ་ཆེ་ཁུལ་གྱི་དབང་ལུང་མན་ངག་ཐམས་ཅད་ཀྱི་བརྒྱུད་པར་གདུང་བརྒྱུད་ཁོ་ན་འདོད་པ་ནི་ཁམས་ཕྱོགས་ཀྱི་བླུན་པོ་མང་པོར་མ་ཟད་དབུས་གཙང་གི་ལྗོངས་ཀྱི་མཁས་རློམ་རྣམས་ཟེར་ནའང་རྨོངས་དད་ཙམ་དུ་ཟད་དོ། ༈ །གཏེར་སྲུང་སྨྱོན་ཁ་དང་ཀླུ་བདུད་ཀྱི་གསོལ་ཁའི་བརྒྱུད་པ་ནི་གོང་གི་ཞལ་ངོ་ནང་བརྒྱུད་སོར་གནས་དེ་ཀའོ། །སྔགས་སྡེབས་སྙིང་གཟེར་ནག་པོ་རྩ་འགྲེལ། གཞན་ཡང་མན་ངག་གི་ཟིན་བྲིས་འཁྲུལ་འཁོར་ནག་པོ་ལས་ཀྱི་སྡེབས། གནད་ཀྱི་ཟིན་བྲིས། སྔགས་ཀྱི་འདྲེན་ཐབས། སྡེ་བརྒྱད་བསྐུལ་བ། ཁྱད་པར་སྔགས་ཐབས་དཀྲུགས་ཤིང་བྱང་མའི་ཕྱག་ལེན་དམར་འཁྲིད་དུ་ཐོབ་པའི་བརྒྱུད་པ་ནི། ཆོས་སྐུ་ཀུན་བཟང་ཧེ་རུ་ཀ །ལོངས་སྐུ་ཁྲག་འཐུང་རིགས་ལྔ། གསང་བདག་ཕྱག་ན་རྡོ་རྗེ། ཌཱ་ཀི་གར་གྱི་དབང་ཕྱུག །རྒྱ་གར་གྱི་རིགས་འཛིན་བརྒྱད། ཛམྦུའི་གླིང་ན་ཆེ་བའི་རིགས་སྔགས་འཆང་བ་པདྨ་འབྱུང་གནས། ཆོས་རྒྱལ་ཁྲི་སྲོང་ལྡེ་

བཙན། གནུབས་ནམ་མཁའི་སྙིང་པོ། མཁར་ཆེན་བཟའ་འཚོ་རྒྱལ། གུ་རུ་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། བླ་ཆེན་མར་སྟོན་སངས་རྒྱས། གཉན་སྟོན་བསོད་ནམས་རྒྱལ་མཚན། བླ་ཆེན་བཀྲ་ཤིས་སེང་གེ །རྟོགས་ལྡན་ཆོས་ཉིད་རང་གྲོལ། བླ་མ་སངས་རྒྱས་ལྷུན་དབང་། བླ་མ་ཆོས་ཉིད་བཟང་པོ། སྔགས་འཆང་ཤཱཀྱ་བཟང་པོ། འཇམ་དབྱངས་རིན་ཅེན་རྒྱལ་མཚན། མཁས་གྲུབ་མངའ་རིས་པཎ་ཆེན། དཔལ་ལྡན་ཆོས་ཀྱི་དབང་པོ། རླུང་གི་སྔགས་འཆང་ཡུག་མི་དབང་ནོར་བུ་དབང་རྒྱལ། མཐུ་སྟོབས་ཀྱི་དབང་ཕྱུག་གུང་རུ་དབྱངས་དཔོན་པ་དཔལ་ལྡན་གྲགས་སམ་མཚན་གཞན་མཐུ་སྟོབས་གསང་བའི་དབང་ཕྱུག་ཁྲག་འཐུང་ཡེ་ཤེས་རྡོ་རྗེ། ཟུར་གྱི་རིགས་ལས་མཁྱེན་བརྩེ་ནུས་ལྡན་གཞོན་ནུ་དོན་གྲུབ། དེ་སྲས་རྩ་བའི་བླ་མ་ཆོས་དབྱིངས་རང་གྲོལ། དེས་བདག་ཟ་ཧོར་སྔགས་སྨྱོན་ལ་བཀའ་དྲིན་དུ་སྩལ་བས་འགལ་བ་ཆམ་ལ་ཕབ་པའི་ལག་རྗེས་དང་ཉམས་མྱོང་གི་གདེང་ཅུང་ཟད་བདོག་པ་ལགས་སོ། ༈ །ཡང་ལུགས་གཅིག་ལ་འཇམ་དབྱངས་རིན་ཅེན་རྒྱལ་མཚན་ནས་མངའ་རིས་རིག་འཛིན་ཆེན་པོ་ལེགས་ལྡན་རྡོ་རྗེ། མཉམ་མེད་རབ་འབྱམས་རིག་འཛིན་ཆོས་རྗེ། ངག་དབང་ཆོས་དཔལ་བཟང་། ཡུག་ནོར་བུ་དབང་རྒྱལ་མན་གོང་བཞིན། ཡང་ན་སྤྲུལ་སྐུ་ཤཱཀྱ་བཟང་པོ་ནས་མངའ་རིས་རིག་འཛིན་ཆེན་པོ་མན་གོང་ལྟར། ཡང་ཡུག་ནོར་བུ་དབང་རྒྱལ་ལ་ཟུར་གྱི་སྔགས་འཆང་དང་མ་བ་བསྟན་འཛིན་འགྱུར་མེད་ཀྱིས་སྤྱིར་ཡང་ཐུགས་ཟིན་པའི་ཞབས་ཏོག་དང་ཁྱད་པར་འདིའི་ཆེད་དུ་གསེར་ཞོ་གསུམ་གྱི་མཎྜལ་སྒྲུབ་པའི་དམ་བཅའ་སློབ་མ་སྙིང་ལྟ་བུ་གསུམ་ལ་མ་གཏོགས་མི་སྤེལ་བའི་མནའ་དང་བཅས་རྫོགས་པར་ཞུས། དེ་

ལ་ཡུག་རླུང་རིགས་མི་འགྱུར་རྡོ་རྗེས་གསེར་གྱི་མཎྜལ་ཕུལ་ཞིང་སློབ་མ་གསུམ་ལས་མང་བ་ལ་མི་སྤེལ་བའི་མནའ་དང་བཅས་ཏེ་ཞུས་པས་བུམ་པ་གང་བྱོའི་ཚུལ་གྱི་སྦས་བསྲིས་ཡོད་རིའི་དབུ་བསྙུང་དང་བཅས་ཏེ་གནང་། ཟུར་བསྟན་འཛིན་འགྱུར་མེད་དང་ཡུག་མི་འགྱུར་རྡོ་རྗེ་གཉིས་ཀ་ལ་དབྱངས་དཔོན་པ་དཔལ་ལྡན་གྲགས་ཀྱིས་ཕྱག་ལེན་མན་ངག་ཡང་སྐྱོར་གྱི་ཚུལ་དུ་གསན་པ་མན་ཆད་ནི་གོང་བཞིན་ནོ། །ཡང་པཎ་ཆེན་སྐུ་མཆེད་ཀྱི་དཔེ་བརྗོད་ལུང་ཕྱག་ལེན་དང་བཅས་པའི་བརྒྱུད་པ་ནི། མངའ་རིས་རིག་འཛིན་ཡན་གོང་ལྟར་ལ། དེ་ནས་ཆོས་རྒྱལ་དཔལ་བཀྲ་ཤིས་སྟོབས་རྒྱལ། རིག་འཛིན་ཆེན་པོ་ངག་གི་དབང་པོ། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ལའོ། །སྔགས་སྡེབས་སྙིང་གཟེར་ནག་པོ་རྩ་འགྲེལ་གྱི་ལུང་རྐྱང་གི་བརྒྱུད་པ་གཅིག་ལ། ཡུག་ནོར་བུ་དབང་རྒྱལ་ནས། གསང་བའི་བདག་པོ་རྗེ་དྲུང་བསྟན་པ་རྒྱ་མཚོ། འཁོན་རིགས་གྲུབ་པའི་དཔའ་བོ་ཕ་བོང་ཁ་པ་འཇམ་དབྱངས་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། ༈ །ལུང་རྐྱང་གི་བརྒྱུད་པ་གཅིག་ལ། ཆོས་རྒྱལ་བཀྲ་ཤིས་སྟོབས་རྒྱལ་ནས་ལྷ་བྲོ་བ་ཀརྨ་གུ་རུ། ཐུགས་སྲས་དབང་འབྱོར། ཁྱབ་བདག་ཁྲ་ཚང་པ། དེས་བདག་ལའོ། །བཀའ་བརྒྱད་གསང་རྫོགས་ཀྱི་ཆ་ལག་མནལ་ལམ་རྟ་དཀར་མའི་བརྒྱུད་པ་ཡང་གོང་གི་སྲས་བརྒྱུད་སོར་གནས་ལ་ཀརྨ་གུ་རུ་ནས། རང་གྲོལ་ནམ་མཁའ་ཆོས་དབང་། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ཀརྨ་གུ་རུ་ནས། ཀུན་མཁྱེན་དབང་ཕྱུག །དེས་ཁྱབ་བདག་ཁྲ་ཚང་པ། དེས་བདག་ལའོ། །ཡང་ན་ནོར་བུ་འཛིན་པ་ཡན་སྲས་བརྒྱུད་གོང་སྨོས་ལྟར་ལ། དེ་ནས་དོན་ཡོད་རྒྱལ་མཚན། བཤེས་གཉེན་ནོར་བུ། ཀུན་དགའ་དཔལ་བརྟན། གཏེར་སྟོན་ལྷ་དབང་གྲགས་པ། གུ་རུ་ཚེ་བརྟན། པདྨ་དབང་ཆེན།
ཀརྨ་ཆོས་སྐྱོང་ཡར་འབྲོག་བཀྲ་ཤིས་ལྷུན་གྲུབ། སྨན་ལུང་པ་ཆེན་པོ། དེས་བདག་ལའོ། །ལྷ་མི་ཕྱག་འབྲེལ་གྱི་བཅས་རྒྱ་རྭ་ཀློང་ཆེན་པས་མཛད་པའི་ལུང་ཡང་ཐོབ་བོ།

ཇོ་མོའི་ཉམས་ལེན་སྐོར་དགུའམ་ཟབ་པ་སྐོར་དགུར་གྲགས་པའི་ལུང་ཇི་ལྟར་ནོས་པའི་སྐོར།

གཏེར་སྟོན་གྱི་གསུང་ལས། བདག་འདྲ་ཆོས་ཀྱི་དབང་ཕྱུག་གིས། །མདུན་མ་རྩིབས་ནས་ཕྱུང་པ་ཡིན། །དངོས་གྲུབ་ཡེ་ཤེས་བུམ་ནང་ནས་རྡོལ། །སྐྱེ་བ་གསུམ་དུ་ཆོས་འདི་སྤྱད། །ཆོས་གཏེར་རིན་ཅེན་དགོས་འདོད་འབྱུང་། །ཆེ་མེད་ཆུང་མེད་རེག་ཚད་འཚེངས། །ཆོས་དབང་དྲིན་འདི་མ་བརྗེད་འཚལ། །ཞེས་བསྔགས་པ་ལྟར་རྩ་བ་གསུམ་གྱི་གདམས་པའི་ཉིང་ཁུ་ཐེག་པ་ཐམས་ཅད་ཀྱི་རྩེ་རྒྱལ། ཚེ་གཅིག་ལ་རིག་འཛིན་གྱི་སར་ཕྱིན་ཅི་མ་ལོག་པར་བགྲོད་པའི་མན་ངག་ཨོ་རྒྱན་ཆེན་པོས་ཇོ་མོ་མཚོ་རྒྱལ་ལ་ཆེད་དུ་གསུངས་པས་ཇོ་མོའི་ཉམས་ལེན་སྐོར་དགུའམ་ཟབ་པ་སྐོར་དགུར་གྲགས་པ་བཀའ་བརྒྱད་ཀྱི་ལེ་ལག་ཏུ་གཏོགས། མཁར་ཆེན་བཟས་དར་ཤོག་དམར་པོ་མེའི་རལ་པ་ཅན་ལ་བཻ་ཌཱུཪྻ་ཞུན་མས་བྲིས་ཏེ་ཤེལ་བུམ་དུ་བཅུག་ནས་ཉང་རོ་རྩིབས་ཀྱི་ལྷ་ཁང་གི་རྣམ་པར་སྣང་མཛད་ཀྱི་དབུ་ལ་ཐུགས་ཀར་ཟེར་བའང་འདུག །སྦས་པ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་སྤྱན་དྲངས་ཤིང་ཐུགས་གཙིགས་མཛད་པའི་སྐོར་གྱི་ལུང་ལ། སྤྱིའི་ཁོག་འབུབ་ལོ་རྒྱུས་སྐོར། བྱིན་རླབས་ཀྱི་རྩ་བ་ཕྱི་བླ་མའི་སྒྲུབ་སྐོར། དངོས་གྲུབ་ཀྱི་རྩ་བ་ནང་ཡི་དམ་སྒྲུབ་སྐོར། འཕྲིན་ལས་ཀྱི་རྩ་བ་གསང་བ་རྡོ་རྗེ་མཁའ་འགྲོ་མའི་སྒྲུབ་སྐོར་དང་བཞི། ༈ དང་པོ་ནི། བཀའ་བརྒྱད་ཀྱི་རྒྱུད་མན་ངག་གི་བཀའ་བབས་ཚུལ་སོགས་ལོ་རྒྱུས་ཆེན་མོ་སྤྱིའི་ཁོག་འབུབ་དཀར་ཆག་དང་བཅས་པ། གཉིས་པ་བྱིན་རླབས་རྩ་བ་ཕྱི་བླ་མའི་སྒྲུབ་སྐོར་

ལ། འཁོར་འདས་ཀྱི་ཆོས་ཐམས་ཅད་རིག་འཛིན་བཞིའི་བདག་ཉིད་དུ་འདུས་པའི་རིག་འཛིན་ཡང་དག་སྙིང་པོ་དོན་གྱི་ལུང་ལེའུ་དགུ་པ་ཡིད་བཞིན་ནོར་བུ་རིན་ཅེན་ལྟ་བུ་ཨོ་རྒྱན་ཆེན་པོས་མཁའ་འགྲོ་མར་གཉེར་དུ་གཏད་པ། ཐུན་བཞིར་ཉམས་སུ་བླངས་པས་ཐུགས་རྗེ་རྒྱུན་མི་འཆད་པ་ཉི་ཟླ་ལྟ་བུ་མ་ཧཱ་གུ་རུའི་སྒྲུབ་ཐབས་རྒྱུད་ལུང་མན་ངག་གསུམ་གྱི་སྙིང་ཕྱུང་བ་སྤྱི་དོན་ལྔ་པ། ཐབས་མཆོག་ཏུ་གྱུར་པ་གསོལ་འདེབས་ཀྱི་རྟེན་བླ་མའི་སྐུ་འབག་འདྲི་ཐབས་གུ་རུ་མཚན་བརྒྱད་ཀྱི་སྐུའི་ཁྱད་པར་གསལ་བྱེད་ཚིགས་བཅད་སྣ་རིང་བ། དེའི་འགྲེལ་པ་མཚན་བརྒྱད་ཀྱི་མངོན་རྟོགས་སྟོན་པ་སློབ་དཔོན་པདྨ་འབྱུང་གནས་འཁོར་མཁའ་འགྲོ་བརྒྱད་དང་བཅས་པའི་སྐུའི་དཀྱིལ་འཁོར་བྲི་ཡིག་ཚིག་ལྷུག་གཤིན་རྗེ་གསལ་ཤིང་ནག་པོ་ཁྲག་འཐུང་ཀ་བ་གཅོད་པའི་རྒྱུད་ཀྱི་རུ་ཏྲ་བསྒྲལ་པའི་ཕུང་པོ་དུར་ཁྲོད་བརྒྱད་དུ་བསྟན་པའི་ལེའུ་ལྔ་པ་ཁོལ་དུ་ཕྱུང་བ། ཐེམས་མེད། སྐལ་ལྡན་རྗེས་སུ་གཟུང་བ་བླ་མའི་སྐུ་འབག་ལ་བརྟེན་པའི་བྱིན་རླབས་རྡོ་རྗེ་ལུ་གུ་རྒྱུད་ཀྱི་རྩ་བ། རང་གཞན་གཉིས་ཀྱི་རྒྱུད་བྱིན་གྱིས་བརླབ་པའི་རིམ་པ་བླ་མའི་སྐུ་འབག་གམ་ཡི་དམ་མཁའ་འགྲོ་ལ་བརྟེན་པའི་རྡོ་རྗེ་ལུ་གུ་རྒྱུད་ཀྱི་ལག་ལེན་གྱི་ཆོ་ག །བླ་མར་མཉེས་མཆོད་འབུལ་ཞིང་ཚོགས་རྫོགས་པ་གཏོར་མ་རིན་ཅེན་འབར་བའི་མན་ངག་གཞི་ལམ་འབྲས་གསུམ་གྱི་ངོ་སྤྲོད་གསལ་བའི་སྒྲོན་མེ་རྣམས། གསུམ་པ་དངོས་གྲུབ་རྩ་བ་ནང་ཡི་དམ་སྒྲུབ་སྐོར་ལ། འགྲོ་དོན་ཕུལ་དུ་ཕྱིན་པ་ཕྱི་ཐུགས་རྗེ་ཆེན་པོའི་སྐོར། ལྟ་བ་ཕུལ་དུ་ཕྱིན་པ་རྡོ་རྗེ་སེམས་དཔའི་སྐོར། མངོན་བརྗོད་ཕུལ་དུ་ཕྱིན་པ་གསང་བ་ཧེ་རུ་ཀའི་སྐོར། ཡང་

གསང་སྒོ་གསུམ་བཅུད་ཕུར་དམར་འཁྲིད་གནད་ཀྱི་གདམས་པ་ཟབ་མོའི་སྐོར་དང་བཞི། དང་པོ་ལ། ཚེ་དཔག་ཏུ་མེད་པ་སངས་རྒྱས་སྣང་བ་མཐའ་ཡས་ལ་གུ་རུ་པདྨ་འབྱུང་གནས་ཀྱིས་ཞུས་པའི་ཐུགས་རྗེ་ཆེན་པོའི་དོན་བརྒྱུད་ལེའུ་བཅུ་གཅིག་པ་སྤྲུལ་པའི་ཡི་གེ་འབྲུ་དྲུག་གི་ཐུགས་རྗེ་ཆེན་པོའི་སྐུ་གསུང་ཐུགས་ཀྱི་སྒྲུབ་ཐབས། ཐུགས་རྗེ་ཆེན་པོའི་བཅུད་ཕྱུང་བ་སྐུ་གསུང་ཐུགས་ཕྱག་རྒྱ་རྐྱང་པའི་སྒྲུབ་ཐབས། ནད་གདོན་སྡིག་སྒྲིབ་ཐམས་ཅད་རང་བཞིན་གྱིས་ཞི་བྱེད་བརྡ་དོན་དབྱུག་པའི་ཆོས། ལས་ཕྲན་ལ་ཐམས་ཅད་འདུ་བ། ཐེམས་མེད། ཚངས་དབྱངས་ལྡན་པ། བཀྲ་ཤིས་བདེ་སྐྱིད་སྒྲུབ་པ་གསུམ། ཡར་ལྟ་བ་ལ་མི་འབྱམས། བར་གཏང་སྙོམས་སུ་མི་ལུས། མར་རྒྱུ་འབྲས་ལ་མི་ཟགས་པའི་གདམས་པ་དྲུག་གསུམ་བཅོ་བརྒྱད་ཀྱི་སྒོ་ནས་སྒྲུབ་པ་སྒྲོམ་དུ་འཇུག་པ། ལམ་གྱི་གེགས་སེལ་ཁྱད་པར་གནད་ཀྱི་གདམས་པ་དྲུག །ཐེག་པའི་ཤན་དབྱེ་བ་ཁྱད་པར་འཕགས་པའི་ཆོས་དྲུག །ཆོས་ཉིད་ཀྱི་རོ་མཉམ་པ་གཏན་ཚིགས་རྒྱུ་མཚན་གྱི་གདམས་པ་དྲུག །ཐུགས་རྗེ་ཆེན་པོའི་ངོ་སྤྲོད་བསྲེ་བ་རྣམ་པ་དྲུག །བློའི་ཐག་གཅོད་པ་ཤེས་བྱ་དོན་བསྡུས་ཀྱི་གདམས་པ་དྲུག །རྣམ་པར་རྟོག་པ་རང་སར་གྲོལ་བ་ངོ་སྤྲོད་འཚང་གི་གདམས་པ་དྲུག །རྒྱ་ཆེ་ལ་དོན་ཟབ་པ་བདག་གཞན་དོན་སྒྲུབ་ཀྱི་མན་ངག །ཅི་བྱས་ཆོས་དང་མི་འགལ་བར་ཉམས་སུ་བླངས་པའི་ཞལ་ཆེམས་མཚོ་རྒྱལ་གྱི་ཙིཏྟའི་དཀྱིལ་དུ་བསྟིམ་པ་ཐེམས་ཞི་ཁྲོར་སྒྲུབ་པའི་ཐབས་ཡིན་ནོའི་མཐའ་ཅན་རྣམས། ༈ གཉིས་པ་ལྟ་བ་ཕུལ་དུ་ཕྱིན་པ་རྡོ་རྗེ་སེམས་དཔའི་སྐོར་ལ། རྩ་བ་དང་ཡན་ལག་གཉིས། དང་པོ་ལ། ཕྱོགས་

བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་རང་སེམས་རྣམ་པར་དག་པ་རྡོ་རྗེ་སེམས་དཔའི་སྐུ་གསུང་ཐུགས་ཀྱི་དཀྱིལ་འཁོར་དུ་འདུས་པར་བསྟན་པ་གསང་སྔགས་ཐམས་ཅད་ཀྱི་དེ་ཁོ་ན་ཉིད་གསལ་བར་བྱེད་པའི་རྩ་བ་ཞི་བ་ཐམས་ཅད་རྡོ་རྗེ་སེམས་དཔར་འདུས་པར་བསྟན་པའི་ལུང་། རྒྱལ་བ་སྲས་བཅས་ཐམས་ཅད་རང་སེམས་རྣམ་དག་རྡོ་རྗེ་སེམས་དཔའི་སྐུ་གསུང་ཐུགས་ཀྱི་དཀྱིལ་འཁོར་དུ་འདུས་པར་བསྟན་པའི་བསྐྱེད་རྫོགས་ཀྱི་སྡོམ་ཆུང་། རྡོ་རྗེ་སེམས་དཔའི་ཡང་དག་པ་སྙིང་པོ་དོན་གྱི་འཕྲིན་ལས་རྣམས། གཉིས་པ་ཡན་ལག་ལ། བསྐྱེད་པ་མ་ཧཱ་ཡོ་གའི་དབང་དུ་བྱས་ནས་ཆོས་ཐམས་ཅད་བརྡའི་སྒོ་ནས་མཚོན་པར་བྱ་བའི་ཕྱིར་རྒྱུ་རྡོ་རྗེ་སེམས་དཔའ་བསྒོམ་པའི་ཐབས་སམ་སྐུ་གསུང་ཐུགས་ཀྱི་སྒྲུབ་ཐབས་ནོར་བུ་རིན་ཅེན་དུ་ཡང་གྲགས་པ། དམ་པ་རིགས་བརྒྱ་ལུང་ཨ་ནུ་ཡོ་ག་ལྟར་ཉམས་སུ་བླང་བའི་ཐབས། མན་ངག་ཨ་ཏི་ལྟར་ཉམས་སུ་བླང་བའི་ཐབས། བདེ་བར་གཤེགས་པ་བཞི་བཅུ་རྩ་གཉིས་ལུང་ཨ་ནུ་ལྟར་ཉམས་སུ་བླང་ཐབས། བཞི་བཅུ་རྩ་གཉིས་མན་ངག་ཨ་ཏི་ལྟར་ཉམས་སུ་བླང་ཐབས། དེ་ཉིད་རིགས་ལྔ་ལུང་ཨ་ནུ་ལྟར་ཉམས་སུ་བླང་ཐབས། དེ་ཉིད་རིགས་ལྔ་མན་ངག་ཨ་ཏི་ལྟར་ཉམས་སུ་བླང་ཐབས། གསང་བ་རིགས་གསུམ་ལུང་ཨ་ནུ་ལྟར་ཉམས་སུ་བླང་ཐབས། གསང་བ་རིགས་གསུམ་མན་ངག་ཨ་ཏི་ལྟར་ཉམས་སུ་བླང་ཐབས། གསང་ཆེན་རིགས་གཅིག་ལུང་ཨ་ནུ་ལྟར་ཉམས་སུ་བླང་ཐབས། གསང་ཆེན་རིགས་གཅིག་མན་ངག་ཨ་ཏི་ལྟར་ཉམས་སུ་བླང་ཐབས་རྣམས། གསུམ་པ་གསང་བ་མངོན་སྤྱོད་ཕུལ་དུ་ཕྱིན་པ་གསང་བ་ཧེ་རུ་ཀའི་སྐོར་ལ། རྩ་བ་དང་ཡན་ལག་

གཉིས། དང་པོ་ལ་ཕྱོགས་བཅུ་དུས་གསུམ་གྱི་ཁྲོ་བོ་མངོན་པར་བྱུང་བའི་དཀྱིལ་འཁོར་ཐམས་ཅད་རང་སེམས་རྣམ་པར་དག་པ་དཔལ་ཧེ་རུ་ཀའི་སྐུ་གསུང་ཐུགས་ཀྱི་དཀྱིལ་འཁོར་དུ་འདུས་པར་བསྟན་པ་གསང་སྔགས་ཐམས་ཅད་ཀྱི་དེ་ཁོ་ན་ཉིད་གསལ་བར་བྱེད་པའི་རྩ་བ། ཁྲོ་བོ་རྣམས་ཧེ་རུ་ཀའི་སྐུ་གསུང་ཐུགས་ཀྱི་དཀྱིལ་འཁོར་དུ་འདུས་པར་བསྟན་པའི་ལུང་། ཁྲོ་བོ་རྣམས་ཧེ་རུ་ཀའི་སྐུ་གསུང་ཐུགས་སུ་འདུས་པར་བསྟན་པའི་སྡོམས་ཆུང་། ཧེ་རུ་ཀའི་ཡང་དག་སྙིང་པོ་དོན་གྱི་འཕྲིན་ལས་རྣམས། ༈ གཉིས་པ་ཡན་ལག་ལ། བསྐྱེད་པ་མ་ཧཱ་ཡོ་གའི་དབང་དུ་བྱས་ནས་ཆོས་ཐམས་ཅད་བརྡའི་སྒོ་ནས་མཚོན་པར་བྱ་བའི་ཕྱིར་ཁྲོ་བོ་ཐམས་ཅད་ཀྱི་རྩ་བ་དཔལ་ཧེ་རུ་ཀ་དཔའ་བོ་གཅིག་པའི་སྒོམ་རིམ། སྒྲུབ་པ་སྡེ་བརྒྱད་ལུང་ཨ་ནུ་ཡོ་ག་ལྟར་ཉམས་སུ་བླང་ཐབས། སྒྲུབ་པ་སྡེ་བརྒྱད་མན་ངག་ཨ་ཏི་ཡོ་ག་ལྟར་ཉམས་སུ་བླང་ཐབས། འཇམ་དཔལ་བཤེས་གཉེན་གྱི་ཐུགས་གདེང་གཤིན་རྗེ་འདུས་པའི་དྲག་སྔགས་ཟླ་གསང་ཁྲི་དྲུག་སྟོང་གི་དོན་བཅུད་ཕྱུང་བ་ནཱ་ག་རྫུ་ནའི་ཐུགས་གདེང་དབང་ཆེན་འདུས་པའི་དྲག་སྔགས་རྟ་མཆོག་རོལ་པའི་རྒྱུད་ཀུན་གྱི་དོན་བཅུད་ཕྱུང་བ། ཧཱུྃ་ཀ་རའི་ཐུགས་གདེང་ཁྲག་འཐུང་འདུས་པའི་དྲག་སྔགས་ཡང་དག་ཐུགས་རྒྱུད་ཀུན་གྱི་དོན་བཅུད་ཕྱུང་བ། བི་མཱ་ལའི་ཐུགས་གདེང་ཆེ་མཆོག་འདུས་པའི་དྲག་སྔགས་བདུད་རྩི་རོལ་པའི་རྒྱུད་ཀུན་གྱི་དོན་བཅུད་ཕྱུང་བ། པྲ་བྷ་ཧ་སྟིའི་ཐུགས་གདེང་ཕུར་པ་འདུས་པའི་དྲག་སྔགས་བི་དྱོཏྟ་མ་ལ་འབུམ་སྡེའི་དོན་བཅུད་ཕྱུང་བ། དྷ་ན་སཾ་སྐྲྀའི་ཐུགས་གདེང་མ་མོ་འདུས་པའི་དྲག་སྔགས་སྲིད་པ་བེམ་རྒྱུད་ཀུན་

གྱི་དོན་བཅུད་ཕྱུང་བ། རོམ་བུ་གུ་ཧྱའི་ཐུགས་གདེང་སྡེ་བརྒྱད་འདུས་པའི་དྲག་སྔགས་དྲེགས་རྒྱུད་ཐམས་ཅད་ཀྱི་དོན་བཅུད་ཕྱུང་བ། ཤནྟིཾ་གརྦྷའི་ཐུགས་གདེང་དམོད་པ་འདུས་པའི་དྲག་སྔགས་དྲག་སྔགས་ཏན་ཏྲ་ཀུན་གྱི་བཅུད་ཕྱུང་བ། ཆེ་མཆོག་བཀའ་སྲུང་ཅེ་སྤྱང་མ་བརྒྱད་སྒྲུབ་པ། འཇམ་དཔལ་བཀའ་སྲུང་གྲི་ཐོགས་གིང་། ཁྲམ་ཐོགས་བདུད། ཤོ་ཐོགས་རྩིས། སྲོག་གཅོད་བཤན་པ་རྣམས་ཀྱི་སྒྲུབ་པ། དབང་ཆེན་བཀའ་སྲུང་ཁྱི་སྤྱང་འབྲུག་མོ་དམུས་ལོང་རྣམས་ཀྱི་སྒྲུབ་པ། ཁྲག་འཐུང་བཀའ་སྲུང་སྲིན་མོ་ཉེར་བརྒྱད་སྒྲུབ་པ། ཕུར་པའི་བཀའ་སྲུང་དྲེགས་པ་བཅུ་གཉིས་ཀྱི་སྒྲུབ་པ། བར་འདིར་མ་མོའི་བཀའ་སྲུང་མི་འདུག་པ་ཤོག་སེར་མེད་དམ་དཔྱད། མཆོད་བསྟོད་དང་དམོད་པའི་བཀའ་སྲུང་སྡེ་བརྒྱད་དྲག་སྔགས་བརྒྱད་ལ། གཤིན་རྗེ་འདུས་པའི་དྲག་སྔགས། མ་མོ་འདུས་པའི་དྲག་སྔགས། གདུག་པ་ཀླུའི་དྲག་སྔགས། དྲག་རྩལ་ལྷའི་དྲག་སྔགས། ཧུར་ཐུམ་གཟའི་དྲག་སྔགས། དྲག་པོ་གནོད་སྦྱིན་གྱི་དྲག་སྔགས། ཁྲོ་གཏུམ་སྲིན་པོའི་དྲག་སྔགས། འཕུང་བཤིག་བདུད་ཀྱི་དྲག་སྔགས། བཀའ་བརྒྱད་ཚོམ་བུ་དགུའི་ལྷ་ཚོགས་ལ་མ་ཧཱ་ཡོ་གའི་སྒོ་ནས་བསྟོད་པ་བཅོམ་ལྡན་རིགས་ལྔ་མ། བཀའ་སྲུང་བསྐུལ་ཕྱིར་གཟུ་དཔང་འཛུགས་པ་འགྲོ་བའི་དོན་མཛད་མ། དམ་བདར་འཕྲིན་ལས་འཆོལ་བ་ཚིག་ལྷུག་རྡོ་རྗེ་སློབ་དཔོན་མ། བསྟན་པ་བསྲུང་བའི་དོན་ཐམས་ཅད་གནས་ཁྱིམ་སྲོག་ཁྱིམ་མི་འགྱུར་བ་རྡོ་རྗེའི་ཁྱིམ་གསུམ་དུ་འདུས་པར་བསྟན་པའི་རྩ་བ་དང་འགྲེལ་པ་ངོ་མཚར་བ་རྣམས། བཞི་པ་སྒོ་གསུམ་བཅུད་ཕུར་དམར་འཁྲིད་གནད་ཀྱི་གདམས་པ་ཟབ་མོའི་སྐོར་ལ། མངོན་འགྲོ་རྒྱུ་རྐྱེན་ཚོགས་སུ་གཞུག་

པའི་མན་ངག་སྤྱི་དོན་ལྔའི་སྒོ་ནས་ལམ་ཐུན་མོང་བས་རྒྱུད་སྦྱངས་ཏེ་ཚེ་འདི་དང་སྲིད་པའི་འཁྲི་བ་བཙན་ཐབས་སུ་གཅོད་པ། དངོས་གཞི་གནད་ཀྱི་གདམས་པ་གསུམ་གྱི་སྒོ་ནས་འཁོར་བའི་དམག་དཔུང་བཤིག་སྟེ་ཡེ་ཤེས་རང་བྱུང་དུ་འཆར་ཞིང་ངེས་ཤེས་བསྐྱེད་པ། རྗེས་ཀྱི་མན་ངག་དགུས་གེགས་སེལ་བོགས་དབྱུང་སྟེ་ཆོས་སྐུ་ཀ་དག་གཅེར་མཐོང་ངོ་སྤྲོད་པའི་གདམས་པ་གསང་བཅུད་ཀྱི་དམར་ཁྲིད་རྒྱུད་སྡེ་རྣམས་ཀྱི་སྙིང་པོ་ཕྱུང་བ་གནད་ཀྱི་སྒྲོན་མེ་ལམ་རིག་ལག་འཁྲིད་དུ་བསྟན་པ་བཅུད་ཕུར་ཆེན་མོ་ཡིད་བཞིན་ནོར་བུ་ལྟ་བུ། བར་གཅོད་ཀྱི་འཕྲང་འཆི་ལྟས་ལ་ཚེ་གཟུགས་ལ་བར་གཅོད་ཡོད་མེད་དང་། ཡོད་ན་འཆི་དུས་དང་བཟློག་མི་བཟློག་བརྟག་པ། ཕུང་པོ་ལ་བརྟེན་ནས་བརྟག་ཐབས་བདུན། གཞན་གྱིས་བརྟག་པ་རིགས་གཉིས་དང་བཅས་པ། དུས་མིན་གྱི་འཆི་བ་བཤོལ་འདེབས་བླུ་བའི་མན་ངག་རིམ་པ་བཞི་ཟབ་པའི་ཡང་བཅུད། གལ་ཏེ་དུས་ལ་བབས་ན་རབ་སྐྱེ་མེད་ཆོས་སྐུར་འཕོ་བ། འབྲིང་མངོན་པར་དགའ་བའི་ཞིང་ཁམས་སུ་འཕོ་བ། མཐའ་མ་བདེ་འགྲོར་འཕོ་བ། གལ་ཏེ་བར་དོ་ཤར་ན་གནས་པའི་བར་དོ་ཆོས་སྐུ་ཐིག་ལེ་ཉག་གཅིག་ཏུ་ངོ་སྤྲོད་པ། ཏིང་འཛིན་གྱི་བར་དོ་ཡེ་ཤེས་ངོས་ཟིན་པ་དངུལ་དཀར་གྱི་མེ་ལོང་བལྟ་བ་ལྟ་བུ། སྨིན་ལམ་གྱི་བར་དོ་བག་ཆགས་ཀྱིས་མཚམས་སྦྱར་ཏེ་གཉིད་དང་བསམ་གཏན་བསྲེ་བ། སྐྱེ་འཆི་བར་དོ་རིག་པ་གསལ་གདབ་པ་མུན་ཁུང་དུ་སྒྲོན་མེ་བཏེག་པ་ལྟ་བུ། སྲིད་པའི་བར་དོ་ལས་ཀྱི་འཕྲོ་འཐུད་ནས་ཡུར་བ་ཀོང་ཆད་ལ་ཝ་འཛུགས་པ་ལྟ་བུ་རྣམས་སོ། ༈ །བཞི་པ་འཕྲིན་ལས་ཀྱི་རྩ་བ་

གསང་བ་རྡོ་རྗེ་མཁའ་འགྲོའི་སྐོར་ལ། རྩ་བ་བློའི་སྤྲོས་པ་བཅད་ཐབས་བདུན། ཆོས་སྤྱོད་བཅུ་གཉིས། ཞུ་ལན་དྲུག་པ་རྡོ་རྗེ་འཆང་གི་བསམ་གཏན་གྱི་སྒྲོན་མེ་ཉེར་གཉིས་དང་གསུམ། དང་པོ་ནི། ཚེ་འདིའི་སྤྲོས་པ་ཐག་བཅད་པ་སྐྱེས་བུ་སྙིང་ལ་མདའ་ཕོག་པ་ལྟ་བུ། འཁོར་བའི་ཆོས་མཐའ་དག་ལ་སྤྲོས་པའི་ཐག་བཅད་པ་རྐུན་མ་ངོས་ཟིན་པ་ལྟ་བུ། ཐེག་དམན་ལས་སྤྲོས་པ་གཅད་པ་དེད་དཔོན་མཁས་པས་ནོར་བུ་ལོན་པ་ལྟ་བུ། གཟུང་འཛིན་མཐའ་དག་གི་སྤྲོས་པ་གཅད་པ་སྒྱུ་མ་མཁན་གྱིས་སྤྲུལ་པ་བསྟན་པ་ལྟ་བུ། ཐ་མལ་གྱི་སྒོ་གསུམ་ལ་སྤྲོས་པ་གཅད་པ་དུག་ལ་སྔགས་ཀྱིས་བཏབ་པ་ལྟ་བུ། ལམ་རྐྱང་པ་ལས་སྤྲོས་པ་གཅད་པ་ས་དང་པོའི་བདེན་པ་མཐོང་བ་ལྟ་བུ། བློས་བྱས་ཀྱི་ཆོས་མཐའ་དག་ལ་སྤྲོས་པ་གཅད་པ་རྣམ་པར་རྒྱལ་བའི་ཁང་བཟང་ལྟ་བུའི་མན་ངག །དེ་བདུན་པོ་བོགས་འབྱིན་གྱི་མན་ངག་དངུལ་དཀར་གྱི་མེ་ལོང་གཡའ་དང་བྲལ་བ་ལྟ་བུས་སྙིང་པོའི་དོན་གཏན་ལ་དབབ་པའི་ཞུ་ལན་དུ་གདམས་པ་དང་བཅས་པ་རྣམས། གཉིས་པ་ཆོས་སྤྱོད་བཅུ་གཉིས་ནི། སྐུ་མེ་དཔུང་། གསུང་ཡིག་འབྲུ། ཐུགས་འོད་གསལ་དུ་ཉལ། ལུས་ལྷ། སེམས་ཕྱག་ཆེན། སྣང་བ་སྒྱུ་མར་སྤྲུལ་ནས་ལྡང་བ། བུམ་ཆུ། དྲི་ཆུ། སྤྲོས་བྲལ་གྱི་ཁྲུས། མཎྜལ་གསོལ་འདེབས། ལག་མཆོད། ཟས་ཀྱི་རྣལ་འབྱོར། གཏོར་མ། ཟག་འདོར་རྣལ་འབྱོར། ཆུ་སྦྱིན། སཱཙྪ། སྐོར་བ་རྣམས། གསུམ་པ་ཞུ་ལན་དྲུག་པ་རྡོ་རྗེ་འཆང་གི་བསམ་གཏན་གྱི་སྒྲོན་མེ་ཉེར་གཉིས་ནི། ལུས་རྣམ་གཞག་གི་སྒྲོན་མེ་མཚན་ཉིད་བསྟན་པ། མུ་སྟེགས་པ་རྣམས་ཀྱིས་སྙིང་པོའི་དོན་མ་རྟོགས་ཏེ།

འགལ་བར་བསྟན་པའི་སྒྲོན་མེ། སངས་རྒྱས་པ་རྣམས་ཀྱི་སྙིང་པོའི་དོན་མ་རྟོགས་ཏེ་འགལ་བར་བསྟན་པའི་སྒྲོན་མེ། བྱེ་བྲག་ཕར་ཕྱིན་ཐེག་པ་བརྣམས་ཀྱིས་སྙིང་པོའི་དོན་མ་རྟོགས་ཏེ་འགལ་བར་བསྟན་པའི་སྒྲོན་མེ། ཁྱད་པར་གསང་སྔགས་པ་རྣམས་ཀྱིས་སྙིང་པོའི་དོན་མ་རྟོགས་ཏེ་འགལ་བར་བསྟན་པའི་སྒྲོན་མེ། དེ་བཞིས་གྲུབ་མཐའ་གཞན་གྱིས་སྤྲོས་པ་བཅད་པའི་གདམས་ངག་ཡིན། འཁོར་བའི་ཐོག་མཐའ་བཅད་པ་བདུད་རྩི་ཚིག་གསུམ་གྱི་སྒྲོན་མེ། གྲི་གུག་ལྟ་བུའི་སྒྲོན་མེ། པདྨ་ལྟ་བུའི་སྒྲོན་མེ། རིན་ཅེན་ལྟ་བུའི་སྒྲོན་མེ། རྡོ་རྗེ་ལྟ་བུའི་སྒྲོན་མེ། འཁོར་ལོ་ལྟ་བུའི་སྒྲོན་མེ། དེ་ལྔས་ལྟ་བ་འགྱུར་བ་མེད་པའི་གདམས་ངག་སྟོན། གཞི་ལམ་འབྲས་བུའི་སྒྲོན་མེ། བྱང་ཆུབ་སེམས་ཀྱི་སྒྲོན་མེ། ཐིག་ལེ་སྐོར་གསུམ་གྱི་སྒྲོན་མེ། ཐབས་ཐུགས་རྗེ་ཆེན་པོའི་སྒྲོན་མེ། སྒོམ་ལམ་དྲུག་པའི་སྒྲོན་མེ། ལྔ་པོ་འདིས་སྒོམ་ལ་ཞེན་པ་མེད་པའི་གདམས་ངག་སྟོན། ལམ་འདུས་པའི་སྒྲོན་མེ། ལུས་རྣམ་གསུམ་གྱི་སྒྲོན་མེ། ལུས་ངག་གི་གོལ་ས་བཅད་པའི་སྒྲོན་མེ། དེ་གསུམ་གྱིས་སྤྱོད་པ་ངེས་མེད་དུ་བསྟན་པའི་གདམས་པ་སྟོན། སྙིང་པོ་གནད་བདུན་ལམ་གྱི་སྒྲོན་མེ། ཞུན་ཐར་བཅད་པ་རྟོག་པ་འགྲོ་འོང་གཅད་པའི་སྒྲོན་མེ། ཡུལ་མེད་མཁའ་ལྟར་དག་པའི་སྒྲོན་མེ། བློ་འདས་རང་སར་གྲོལ་བའི་སྒྲོན་མེ། དེ་བཞིས་འབྲས་བུ་རེ་དོགས་མེད་པར་ལ་འདའ་བའི་གདམས་པ་ཡིན་ནོ། ༈ །དེ་ལྟར་ལེགས་པར་ཐོབ་པ་ལས་དང་པོ་བླ་མ་དང་ཐུགས་རྗེ་ཆེན་པོའི་ཆོས་སྐོར་གྱི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་ཨོ་རྒྱན་པདྨ། རྡོ་རྗེ་སེམས་དཔའ་དང་ཧེ་རུ་ཀའི་བརྒྱུད་པ་ནི། ཆོས་སྐུ་ཀུན་ཏུ་

བཟང་པོ། ལོངས་སྐུ་རྒྱལ་བ་རིགས་ལྔ། རྡོ་རྗེ་ཆོས། དམ་པའི་རིགས་ཅན་དྲ་མ་ལྔ། དོན་བརྒྱུད་ཨིནྡྲ་བྷཱུ་ཏི། ཚིག་བརྒྱུད་ཌཱ་ཀི་ལས་ཀྱི་དབང་མོ་ཆེ། རྒྱ་གར་གྱི་རིག་འཛིན་བརྒྱད། ཨོ་རྒྱན་ཆོས་ཀྱི་རྒྱལ་པོ། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། འགྲོ་མགོན་མངའ་བདག་ཉང་ཡབ་སྲས། གཏེར་སྟོན་ཆོས་ཀྱི་དབང་ཕྱུག །ཀུན་མཁྱེན་མི་བསྐྱོད་རྡོ་རྗེ། དྭགས་སྟོན་དབང་ཕྱུག་རྡོ་རྗེ། གཉན་སྟོན་ཡེ་ཤེས་རྡོ་རྗེ། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། མཁར་པོ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། རིག་འཛིན་ཀརྨ་གུ་རུ། བྲག་སྣ་བ་ཀུན་མཁྱེན་དབང་ཕྱུག །ཉང་སྟོན་མཁས་གྲུབ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་གཏེར་སྟོན་ནས། རྒྱལ་སྲས་པདྨ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། དྲིན་ཅན་སངས་རྒྱས་ནོར་བཟང་། མཉམ་མེད་བཤེས་གཉེན་ཆོས་རྒྱལ། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ་མན་སྔར་ལྟར་རོ། ༈ །སྤྲུལ་པའི་གཏེར་སྟོན་གུ་རུ་ཆོས་ཀྱི་དབང་ཕྱུག་གིས་རིན་ཅེན་ཀླུ་བདུད་དབུ་གཙུག་ནས་གདན་དྲངས་པའི་ཕུར་པའི་སྐོར་ནི། བཀའ་རྩིས་ལས། ཐུགས་ཀྱི་ཕུར་གཅིག་འཕྲིན་ལས་འདུས་པའི་ཏོགཿ མཆོག་དང་ཐུན་མོང་དངོས་གྲུབ་མྱུར་འགྲུབ་ཅིང་ཿ བར་གཅོད་ཀུན་འཇོམས་ང་ཡི་སྙིང་ལ་གདམསཿ ཡིད་ལ་བརྣག་ཅིང་མཆུ་སྒོར་དབྱུང་མི་རུང་ཿ གསང་བའི་ཡང་སྙིང་སྐལ་ལྡན་བུ་ལ་གཏདཿ ཅེས་གསུངས་པ་ལྟར་བཀའ་

གཏེར་ཕུར་པ་ཐམས་ཅད་ཀྱི་ནང་ནས་ཟབ་པ་ལས་ཀྱང་ཆེས་ཟབ་པ་ཨོ་རྒྱན་ཆེན་པོའི་ཐུགས་ཀྱི་བརྣག་པ་མཐར་དྲུག་པ་ཡང་གསང་སྤུ་གྲི་འབར་བའི་ཆོས་སྐོར་ལ། ཐོག་མར་དབང་གི་ཆོ་གའི་སྟེང་ནས་ཅོད་པན། ཉན་བཤད་བུམ་དབང་། ལྷ་དབང་། གསང་དབང་། སྐུ་གསུང་ཐུགས་ཡོན་ཏན་འཕྲིན་ལས་བཞིའི་དབང་། སྒོམ་སྒྲུབ་འཛབ་བཟླས་སྒྲོལ་དབང་། གཏོར་མ་ཚེ་ཞལ་ཟས་དངོས་གྲུབ་ཀྱི་མཐའ་རྟེན་དང་བཅས་པ་སོགས་མདོར་ན་ཕྱག་ལེན་ཆེ་ཕྲ་མཐའ་དག་རིག་འཛིན་བརྒྱུད་པའི་ཕྱག་བཞེས་ཀྱིས་ཁ་བསྐངས་ཏེ་ལེགས་པར་ནོས་ནས། རྒྱབ་རྟེན་ལུང་གི་སྐོར་ལ། རྒྱུད། སྒྲུབ་སྐོར། དེའི་ཁ་སྐོང་འཕྲིན་ལས་སྨིན་བྱེད་དབང་ཆོག །གྲོལ་བྱེད་འཁྲིད། འཕྲིན་ལས་ཀྱི་སྐོར་དང་དྲུག །དང་པོ་ནི། བི་དྱོཏྟམ་ལ་འབུམ་སྡེ་ལས་ཁོལ་དུ་ཕྱུང་བའི་ཁོང་སྙིང་བསྐལ་པ་དུམ་བུའི་རྒྱུད་ཕུར་གཅིག་མར་གྲགས་པ། གཉིས་པ་སྒྲུབ་སྐོར་ལ། རྡོ་རྗེ་ཕུར་པའི་སྙིང་ཏིག་ཡང་གསང་སྤུ་གྲི་འབར་བའི་སྒྲུབ་ཐབས་རྩ་ཐོ། ཕུར་པའི་སྙིང་ཏིག་ཡང་གསང་སྤུ་གྲི་འབར་བའི་སྒྲུབ་ཐབས་རང་དོན་དུ་བྱང་ཆུབ་ནར་མར་བསྒྲུབ་པ། གཞན་དོན་དུ་འཁོར་ཚོམ་བུ་འབུམ་སྡེར་བཅས་པ་ཐུན་མོང་དུ་བྱང་ཆུབ་སྒྲུབ་ཅིང་བར་གཅོད་འདུལ་བའི་སྒྲུབ་ཐབས། རྡོ་རྗེ་ཕུར་པ་གློ་བུར་ཅོག་བརྡུང་ལས་སྦྱོར་གྱི་ཚུལ་དུ་བསྒྲུབ་པ་རལ་གྲི་ཕྱུང་བརྡེག་ཕུར་པའི་ཁོག་འབུབ་གཏེར་སྟོན་གྱིས་མཛད་པ་རྣམས། གསུམ་པ་ཁ་སྐོང་འཕྲིན་ལས་ཀྱི་སྐོར་ལ། དྲག་སྔགས་སུ་འགྲེལ་པ་ཡང་སྙིང་གསང་སྒྲུབ་ཀྱི་ལས་གཞུང་ཡང་གསང་སྤུ་གྲིའི་འཕྲིན་ལས། རྩ་བ་ཡང་སྙིང་དྲག་སྔགས་སུ་འགྲེལ་པ་ཡང་གསང་

ཕུར་པའི་ལས་གཞུང་གི་ཐོ། ཡི་དམ་ནར་མ་སྔགས་སྒྲུབ། ཤིན་ཏུ་སྤྲོས་མེད་ཀྱི་ཉམས་ལེན་ཁྱད་པར་ཅན། འགྲོ་ཉལ་འདུག་ལྡང་རྒྱུན་གྱི་ཏིང་འཛིན་ཡི་དམ་ནར་མ། ཁྲོ་བཅུའི་མཚམས་གཅོད་སྟེང་ཕྱོགས་མ། ཁྲོ་བཅུ་བསྐྱེད་པ་གྲུ་གསུམ་མཐིང་ནག་མ། འཛབ་བསྟོད་ཡེ་ཤེས་ཁྲོ་བོ། རྒྱུན་གཏོར་མཆོག་ཐུན་དངོས་གྲུབ་ཐོབ་པ། ཚོགས་ཀྱི་བསྐང་བ་སྣང་སྲིད་མ། མན་ངག་དྲུག་པའི་བཤགས་པ་བསྐལ་པ་དཔག་ཏུ་མེད་པ། བསྟོད་པ་ཁྲག་འཐུང་མ། ཕོ་ཉ་འགུགས་འདྲེན་གྱི་བསྐུལ་གྲུ་གསུམ་མཐིང་ནག་མ། ཕུར་སྲུང་གི་བསྐུལ་སྔོན་ཚེ་མ། དབང་ཕྱུག་ཉེར་བརྒྱད་བསྐུལ་བ་དཔལ་གྱི་བཀའ་ཉན་མ། དངོས་གྲུབ་བསྐུལ་བ་དབུས་ཕྱོགས་གྲུ་གསུམ་མ། ཕུར་བའི་ལས་བྱང་གི་འགྲེལ་པ་ཤིན་ཏུ་རྒྱས་པ་མངོན་རྟོགས་ཡིད་བཞིན་འཕྲེང་བ་བླ་མ་ཨཱ་ཡུ་བཛྲ་གྱིས་མཛད་པ་རྣམས། ༈ བཞི་པ་སྨིན་བྱེད་དབང་ཆོག་ནི། རྡོ་རྗེ་ཕུར་པའི་རིམ་པ་དབང་གི་མན་ངག །ལྔ་པ་གྲོལ་བྱེད་འཁྲིད་ཀྱི་ནང་གསེས་ལ། ལྟ་བས་ཐག་བཅད་པ། སྒོམ་པས་དྲོད་དང་ལྡན་པ། སྤྱོད་བས་བོགས་དབྱུང་བ། དབང་གི་གདེང་བཙལ་བ། དམ་ཚིག་གིས་དོན་ལས་མི་འདའ་བ། འབྲས་བུ་ལ་འདའ་བ་དང་དྲུག་གི་སྒོ་ནས་སྐྱེ་མེད་བྱང་ཆུབ་སྒྲུབ་ཐབས་ཡང་གསང་སྤུ་གྲིའི་རྫོང་འཕྲེང་བསྡུས་དོན་རྣམས། དྲུག་པ་འཕྲིན་ལས་ཀྱི་སྐོར་ལ། ལས་ཁ་ཚར་གྱི་ནང་ཚན་ལོངས་སྤྱོད་བསྒྲུབ་པ། སེར་བ་བསྲུང་བ། ངག་འགྲོལ་བ། སེར་བ་འབེབས་པ། ལྟས་ངན་གཏོང་བ། སེང་གེ་ཁ་སྒྱུར། མུ་སྟེགས་ངག་གནོན། ཇག་འཆིང་། དགྲ་བོ་དམ་སྲི་གནོན་པ། གདོན་གྱིས་ཟིན་པ་གསོ་ཐབས་སློབ་དཔོན་པདྨས་བསམ་ཡས་བདུད་འདུལ་

གླིང་དུ་བར་གཅོད་ཀྱི་རྐྱེན་ལྷ་འདུལ་བའི་གླུ་དབྱངས་སུ་བཞེས་པ་སྲིན་པོའི་ངུར་སྒྲ་རྣམས། ཚེ་ལུང་དང་ཁྲུས་ལུང་གི་དགོངས་པ་ཕུར་པ་ཐལ་འབྱིན་གྱི་མན་ངག །དྲེགས་པ་མིང་སྲིང་སྲོག་གི་སྤུ་གྲིའི་སྒྲུབ་ཐབས། འཁོར་ལོ་གསུམ་ནི་ཡེ་ཤེས་ཀྱི་ལྷ་ཐུགས་དམ་གནད་ནས་བསྐུལ་བའི་འཁོར་ལོ། དམ་ཅན་གནད་ལ་དབབ་པའི་འཁོར་ལོ། རྩིབས་ལྔས་དགྲ་བགེགས་སྒྲོལ་བའི་འཁོར་ལོ། ཞར་བྱུང་དགྲ་བོ་ངེས་པར་སྒྲོལ་བ་ཟབ་ཅིང་གུད་དུ་བསྟན་པ་རྣམས། སྲོག་གི་སྤུ་གྲི་ལ། ལས་ཐམས་ཅད་ཀྱི་དོན་བསྡུས་པའི་རྩ་བ། སྤུ་གྲིའི་ཏི་ཀ་བསེ་སྒྲོམ་ནག་པོ་མ། བླ་རྟགས་དང་བསྟུན་ནས་ཕུར་གདབ་བྱ་བ་སྲོག་གི་སྤུ་གྲི་དང་གསུམ། ཕུར་པ་ཁྲོ་བོ་རོལ་པའི་གཏོར་བཟློག །དེའི་ལྷན་ཐབས་ཕུར་བཟློག །རྡོ་རྗེ་ཚེའི་བསྒྲུབ་པ་རྒྱུན་ཁྱེར་ནར་མ། བཅུད་ལེན་ཚེ་སྒྲུབ། ཚེ་འགུགས་དང་བཅས་པ་རྣམས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། རིག་འཛིན་ཆེན་པོ་རྡོ་རྗེ་ཆོས། མཁའ་འགྲོ་ལས་ཀྱི་དབང་མོ་ཆེ། ཨོ་རྒྱན་ཆོས་ཀྱི་རྒྱལ་པོ་རྡོ་རྗེ་ཐོད་འཕྲེང་རྩལ། ཆོས་རྒྱལ་ཁྲི་སྲོང་ལྡེ་བཙན། གནུབས་ནམ་མཁའི་སྙིང་པོ། མཁའ་འགྲོ་ཡེ་ཤེས་མཚོ་རྒྱལ། གུ་རུ་རིན་པོ་ཆེ་ཆོས་ཀྱི་དབང་ཕྱུག །སྐལ་ལྡན་ཡར་ཀླུངས་སྤྲུལ་སྐུ་ཤཱཀྱ་པྲ་བྷ། དྭགས་སྟོན་དབང་ཕྱུག་རྡོ་རྗེ། གཉན་སྟོན་རྡོ་རྗེ་ཡེ་ཤེས། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། གུ་རུ་ཆོས་སྐུ་འོད་ཟེར། དྭགས་པོ་སྤ་ལུང་པ་མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། མཆོག་སྤྲུལ་ལེགས་ལྡན་རྡོ་རྗེ། ཐམས་ཅད་

མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། ༈ །ཡང་ན་རྗེ་མཁྱེན་བརྩེའི་དབང་ཕྱུག་ནས། རིག་འཛིན་སྟོབས་ལྡན་འོད་ཟེར། སྔགས་འཆང་ཚེ་རིང་དབང་པོ། སྤྲུལ་སྐུ་ཀླུ་སྒྲུབ་ཆོས་ཀྱི་རྒྱལ་མཚན། རྡོ་རྗེ་འཆང་མགོན་པོ་བསོད་ནམས་མཆོག་ལྡན་མན་སྔར་ལྟར། ཡང་ལུགས་གཅིག་ལ་གུ་རུ་ཆོས་སྐུ་འོད་ཟེར་ནས། ཟུར་མཁར་མཉམ་ཉིད་རྡོ་རྗེ། གནམ་གོང་པ་ཚ་བོ་བཀྲ་ཤིས་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་གོང་ལྟར་རོ། །དབང་བཀའ་མའི་བརྒྱུད་པ་ལྟར་ན། པདྨ་འབྱུང་གནས། ཡེ་ཤེས་མཚོ་རྒྱལ། ཨཱ་ཙཪྻ་ས་ལེ། ཁོ་རེའི་ལང་ལབ་བྱང་ཆུབ་རྡོ་རྗེ། ཤངས་ཀྱི་སྣ་ནམ་ཤེས་རབ་ཚུལ་ཁྲིམས། ཁྱུང་པོ་ཕྱལ་ཆེན་པ། ཕྱལ་ཆུང་པ་བློ་གྲོས་རྒྱལ་མཚན། གུ་རུ་བ་ཡང་དག །འགོས་སྟོན་བྱང་འབར། ཁྱུང་པོ་སེང་གེ །ཁྲུང་པོ་ཁྲ་བོ། གཉལ་སྟོན་གྲགས་པའི་མཚན་ཅན། སྐྱི་ཆོས་ཀྱི་སེང་གེ །སྨན་ལུང་པ་མི་བསྐྱོད་རྡོ་རྗེ་མན་གོང་བཞིན་ནོ། །སྤྱིར་ཕུར་པའི་རྒྱུད་དུ་མ་འགྱུར་ཞིང་། བྱེ་བྲག་སློབ་དཔོན་ཆེན་པོས་རྒྱུད་ཕུན་སུམ་ཚོགས་པ་བི་མཱ་ལ། ལུང་རྡོ་རྗེ་ཁྲོས་པ་རྡོ་རྗེ་བཞད་པ། ལུང་གི་ཆོས་གཅིག་རོམ་བུ་གུ་ཧྱ་དང་བ་སུ་དྷ་ར་གཉིས་ལ་གཏད། མཆིམས། ཤུད་བུ། སྣ་ནམ་པ་གསུམ་ལ་མ་བུ་སྦྲགས་མ་དང་ཕྲལ་བ་དང་། འཕྲིན་ལས་རྒྱ྄ས་པ་གསུམ་གནང་། མན་ངག་ལྕགས་གཟེར་ཇོ་མོར་གནང་། དེས་ཅོག་གྲུ། རིམ་བཞིན་གནུབས་ནམ་སྙིང་། རླང་དཔལ་སེང་། ཤེལ་དཀར་བཟའ། དཔལ་གྱི་བློ་གྲོས། རླངས་དཔལ་བརྩེགས།

ཨཱ་ཙཪྻ་ས་ལེ། དེས་ལང་ལབ་ལ་བཀའ་བབས་སོ། །ནང་བརྒྱུད་ཇོ་མོས་ཨཱ་ཙཪྻ། གསང་བརྒྱུད་ཇོ་མོས་ལོ་སུམ་བརྒྱ་བཞུགས་ནས་ལང་ལབ་ལ་གནང་བར་གྲགས་སོ། ༈ །སྔོན་སངས་རྒྱས་འོད་སྲུངས་ཆེན་པོས་ཀླུ་རྒྱུད་འབུམ་པ་གསུངས་ནས་རྡོ་རྗེ་གདན་གྱི་བྱང་ཆུབ་ཆེན་པོར་གཏེར་དུ་བཞུགས་པ་ཨོ་རྒྱན་ཆེན་པོས་རྫུ་འཕྲུལ་གྱིས་སྤྱན་དྲངས་ཏེ་རྒྱལ་པོའི་གདུང་བ་བསལ་ནས་ལྷོ་བྲག་གནམ་སྐས་ཅན་གྱི་ཀླུ་བདུད་ལྟོ་བར་སྦས་པ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གིས་སྤྱན་དྲངས་པའི་ཟབ་གཏེར་འཇམ་དཔལ་རྡོ་རྗེ་ནག་པོ་ཀླུའི་གཤེད་མར་ཀླུ་བདུད་ནཱ་ག་རཀྵ་བསྟན་པ་ནི། བཀའ་རྩིས་ལས། ཀླུ་ཡི་ཀླུ་གཤེད་དྲག་པོ་ངན་སྔགས་དང་༔ ཞེས་བསྔགས་པའི་ཆོས་སྐོར་ལ། ཐོག་མར་སྒྲུབ་ཁོག་གནམ་ལྕགས་འབར་བའི་ནང་ནས་ཡེ་ཤེས་ལྔ་རྫོགས་བུམ་པའི་དབང་། བསྟན་པ་བསྲུང་བ་འཆི་བདག་ཐོད་པའི་དབང་། སྒྲུབ་པ་སྔགས་ཀྱི་དབང་། སྤྲོས་བྲལ་ལྟ་བའི་དབང་ཀླུའི་ཆོས་ཉིད་ཐོད་པ་བོར་ཆོག་རྣམས། ཡང་རིག་པའི་རྒྱལ་པོ་དབང་བསྐུར་བའི་རིམ་པ་ལྕགས་ཀྱི་ལྷམ་གྱོན་ནས་བཙལ་ཀྱང་རྙེད་པར་དཀའ་བའི་སྟེང་ནས་དབང་གི་ཕྱག་བཞེས་དངོས་གཞི་འདྲ་བ་ལ་འཆི་བདག་ཞལ་དབྱེ་འཁོར་ལོ་སོགས་ཕྱག་ལེན་ཤིན་ཏུ་དངོས་གཙང་བ་དང་བཅས་པ་གཅིག །རིག་འཛིན་དཀོན་ཅོག་ཕུན་ཚོགས་ཀྱིས་མཛད་པའི་ཡིག་ཆའི་སྟེང་ནས་དབང་ཅུང་ཟད་བསྡུས་པ་འཁྱེར་བདེ་སྐུ་ཐོད་པ་རྡོ་རྗེ། བདག་པོའི་དབང་། མངའ་རིས་པཎ་ཆེན་གྱིས་མཛད་པའི་ཡིག་ཆའི་སྟེང་ནས་ཞི་བ་རིག་པའི་རྒྱལ་

པོའི་རིག་པ་གཏད་པའི་བྱིན་རླབས་རྣམས་ལེགས་པར་ཐོབ་ནས། ལུང་ལ། སྒྲུབ་པ་དབང་གི་སྐོར། ཕྱག་རྒྱའི་སྐོར། མདོས། ལས་ཚོགས་ཀྱི་སྐོར་དང་བཞི། དང་པོ་ནི། དུག་སྦྲུལ་རྒྱུད་ཆེན་ནས་ལོགས་སུ་བཀོལ་བའི་བསྙེན་སྒྲུབ་ཀྱི་བཅའ་གཞི། དབང་ཆོག །བསྙེན་པ། གནོད་བྱེད་སྡེ་བརྒྱད་དང་དགྲ་བོ་འདུལ་བའི་སྒྲུབ་པ། གསད་པ། དགྲ་ལ་ཕྱག་རྒྱ་སྤོ་བ། སྔགས་བྱང་དང་བཅས་པའི་སྒྲུབ་ཁོག་གནམ་ལྕགས་འབར་བ། འཆི་བདག་དབང་གི་ཆོ་ག་༼འབྲི༽ལྕགས་ཀྱི་ལྷམ་གྱོན་ནས་བཙལ་ཀྱང་རྙེད་དཀའ་བ། ཀུ་སུ་ལུ་ལུགས་ཀྱི་དཔའ་བོ་རྐྱང་སྒྲུབ་༼འབྲི༽ཀྱི་མངོན་རྟོགས་དབང་གི་ཡི་གེ་དང་བཅས་པ་འབྲི་གུང་དབུར་སྨྱོན་གྱིས་མཛད་པ། རིག་རྒྱལ་ཞི་བ་རྡོར་སེམས་རྩ་སྒྲུབ་ཏུ་གྲགས་པ་རིག་པ་སྦྲུལ་མཇུག་གི་མན་ངག་ཀླུ་ནད་ངེས་པར་གྲོལ་བ་བོད་ན་དཀོན་པའི་གནད་ཀྱི་གདམས་པ། གཏེར་གཞུང་ལས་ངག་གདོན་དུ་བསྒྲིགས་པའི་སྲིན་པོ་ནཱ་ག་རཀྴའི་མངོན་རྟོགས་འགོ་ན་མ་ལུས་རྒྱལ་བའི་མཁྱེན་བརྩེ་གཅིག་བསྡུས་པ། ཞེས་པའི་ཚིགས་བཅད་ཡོད་པ། ཞར་བྱུང་སློབ་དཔོན་ཆེན་པོས་མཛད་པའི་བསྟོད་པ་འཁོར་འདས་མ་དང་བཅས་པ། སྔོན་དུ་མདོ་ཀློག་པ་སོགས་ཚོགས་བསགས་ནས་བཟླས་ལུང་སྦྱིན་ཚུལ་ཆོས་དབང་གི་ཡང་ཏིག་གསང་བ། རིག་པའི་རྒྱལ་པོ་རྡོ་རྗེ་སེམས་དཔའི་རིག་པ་གཏད་༼འབྲི༽པའི་ཆོ་ག་ནད་པ་སོགས་ལ་ཕན་གདགས་པ་མངའ་རིས་པཎ་ཆེན་རིན་པོ་ཆེས་མཛད་པ། དེའི་སྒྲུབ་ཐབས་སྙིང་པོ་གསལ་བ་༼འབྲི༽རྗེ་རིན་ཅེན་ཕུན་ཚོགས་ཀྱིས་མཛད་པ། ནཱ་ག་རཀྴའི་སྒྲུབ་ཐབས་མན་བྱ་ཁྱུང་པ་ངག་དབང་པདྨས་མཛད་པ། སྲིན་པོ་ནཱ་ག་རཀྴའི་ལས་བྱང་བམ་ཆུང་མུ་ཏིག་འཕྲེང་བ་

སློབ་དཔོན་འཇམ་དཔལ་བཤེས་གཉེན་གྱིས་མཛད་པ། དུག་ལྔའི་དྲེགས་པ་བསྐུལ་བ་བསྐལ་པ་སྦྲུལ་ནག་མ་རྣམས། གཉིས་པ་ཕྱག་རྒྱ་ལ། དྲག་པོ་རང་གནད་ཀྱི་ཕྱག་རྒྱའི་ལོ་རྒྱུས་འོད་སྲུངས་ཆེན་པོས་ཀླུ་རྒྱུད་འབུམ་གྱི་ཏི་ཀ་ནས་གསུངས་ཚུལ་དང་བོད་དུ་རྒྱལ་པོ་ས་བདག་གི་བསྙུན་ལས་གྲོལ་བའི་ལོ་རྒྱུས་དང་བཅས་པ། ཚེ་འདིར་ས་ནད་ཀྱིས་ཟིན་པའམ་མ་ཟིན་ཀྱང་ཚེ་རབས་གཞན་དུ་མྱོང་འགྱུར་གྱི་ལས་ཡོད་པས་ཕྱག་རྒྱ་བླངས་ཏེ་སྤོས་པས་ལུས་ལ་གསང་བའི་རྒྱས་ཐེབས་པའི་གདམས་པ་འདི་སྔོན་བྱོན་མང་པོས་ཀྱང་ཐུགས་ཉམས་སུ་བཞེས་ཤིང་། དུས་ཕྱིས་ཀྱང་རིག་འཛིན་ལེགས་ལྡན་རྡོ་རྗེའི་བཀའ་དྲིན་ལ་བརྟེན་ནས་རྗེ་འབྲི་གུང་ཟུར་པ་སོགས་སྔགས་འཆང་མང་པོས་ཕྱག་ཐོག་ཏུ་བཀལ་བའི་ཟབ་ཁྱད་ཅན་ལ་ཕྱག་རྒྱ་སྤོ་བ་རིན་ཅེན་འཕྲུལ་གྱི་ལྡེ་མིག །ཡེ་ཤེས་ཀྱི་ཕྱག་རྒྱ་ལྷག་པའི་ལྷ་དང་དབྱེར་མེད་དུ་སྤོ་བ། དམ་ཚིག་ཕྱག་རྒྱ་ཀླུ་དང་ས་བདག་ལ་སྤོ་བ། ལས་ཀྱི་ཕྱག་རྒྱ་འགལ་བྱེད་དགྲ་ལ་སྤོ་བ་རྣམས་ཤིན་ཏུ་ཟབ་པའི་ལས་ཆིག་རྫོགས་སུ་བསྟན་པ་ཚིགས་བཅད་མ། ཡེ་ཤེས་ལས། ཏིང་ངེ་འཛིན། ནད། མཚན་མའི་ཕྱག་རྒྱ་ལྔ་སྤོ་ཐབས་པདྨ་དབང་ཆེན་གྱི་ཐུགས་དམ་མཐར་ཐུག་པ་ལགས་སོའི་མཐའ་ཅན། ལུས་རྒྱ་འདེབས་པའི་ལག་ལེན་ལ། དང་པོ་བསྙེན་པ་བྱ་བ་དང་གཅིག །དེ་ནས་སྒྲུབ་པ་བྱ་བ་གཉིས། དེ་ནས་ཕྱག་རྒྱ་སྤོ་བ་དང་གསུམ་དུ་བསྡོམས་པའི་སྲིན་ཞལ་ན་ག་རཀྴའི་མངོན་རྟོགས་ཡིག་འབྲུ་བཞི་པའི་བསྙེན་པ་དངོས་ཉམས་རྨི་ལམ་གྱི་རྟགས་དང་བཅས་པ། སྡིག་ཞལ་ནཱ་ག་རཀྴའི་མངོན་རྟོགས་

ཡིག་འབྲུ་བཅུ་བཞི་པའི་སྒྲུབ་པ་ཕྱི་ནང་གསང་བའི་རྟགས་ཡིག་བསྟན་པ། སྒང་གཤོངས་ཀྱི་མན་ངག་ཉམས་སུ་མྱོང་བར་བྱས་ནས་ཐེངས་ཀྱི་མན་ངག་ཕྱག་རྒྱ་དངོས་སྤོ་བ་རྗེས་གཅོད་དང་བཅས་པ། གོང་གི་སྲིན་ཞལ་མའི་མངོན་རྟོགས་ལྷུག་པ་དང་འདྲ་བ་ལ་ཚིགས་བཅད་ཅན། འགོར་བསྙེན་པའི་མངོན་རྟོགས་དང་མཇུག་ཏུ་དེ་ཉིད་ལ་འགོང་ཤོག་གི་མཐའ་ཅན། སྲས་པདྨ་དབང་ཆེན་གྱི་ཉམས་ཡིག་ཞལ་ནས་སྙན་དུ་བརྒྱུད་པའི་རིན་པོ་ཆེའི་གཏེར་ལྟ་བུའི་མན་ངག་ལ་སྔོན་འགྲོའི་སྐོར་གྱི་ཞུ་ལན་ལ་ལྷོང་རྟགས་དང་ཅིག་ཅར་འདེབས་པ། རིག་པ་སྦྲུལ་མཇུག་གི་གནད་དམིགས་པས་སྤོ་བ་དང་སྨན་གྱིས་བཀྲུ་བ་སོགས་ཀྱི་ཞུ་ལན་རྣམས་ཆོས་སྡེ་གཅིག །བླ་མའི་ཞལ་ཤེས་ཟབ་མོ་གདོན་གླུམ་ལྟར་བཙོ་བ་དང་ནང་ཇ་ཆུ་ལྟར་བསྐོལ་བ། སྲས་པདྨ་དབང་ཆེན་གྱིས་བསྡུས་པའི་ཉམས་འཁྲིད་ཨེ་མ་སྐལ་ལྡན་མ། ཕྱག་རྒྱའི་མཇུག་ཏུ་མཁོ་བ་རྩ་ཁྲུས་དང་སྨན་སྦྱོར་གྱི་མན་ངག་རྣམས། གསུམ་པ་མདོས་ཀྱི་སྐོར་ལ། རྒྱུན་མདོས་ལ་བརྟེན་པའི་ས་བདག་གདོན་འགྲོལ་དཔལ་ཨོ་རྒྱན་ཆེན་པོས་མཛད་པ། བྱོལ་སོང་ཧ་ལའི་བཅོས་ཐབས་ཀླུ་ནད་སེལ་བའི་མདོས་ཆོག་སློབ་དཔོན་པདྨས་མཛད་པ་རྣམས། བཞི་པ་ལས་ཚོགས་ལ། ལྷ། སྔགས་ཆོས་ཉིད། རྟགས། ཚད། བསྲུང་བ། ཟློག་པ། རང་ལ་མི་ཟློག་པ། ཕན་ཡོན། སྟེང་འོག་བར་གི་གདོན་རིགས་ལ་ཁ་བསྒྱུར་དང་བཅས་པ་བསྟན་པ་སྙིང་བྱང་གསང་༼འབྲི༽བ་ཤིན་ཏུ་གཅེས་པ་མང་པོར་སྤེལ་ན་འཆི་བདག་གཤིན་རྗེས་སྙིང་ཕྱུངས་ཤིག་པའི་མཐའ་ཅན། ཚ་ཐུར་རྫས་ཀྱི་བསྲུང་བ་རྒྱལ་སྲས་༼འབྲི༽པདྨ་དབང་ཆེན་གྱི་

ཉམས་ཡིག་མ། དང་པོ་སྔགས་གཉིས་པ་རྫས་གསུམ་པ་འཁོར་ལོ་ལ་བརྟེན་པའི་བསྲུང་བ། རབས་ཆད་ཀྱི་ཐོད་པ་ལ་བརྟེན་པའི་ཟློག་པའི་འཁོར་ལོ། ཀླུ་གཉན་རང་ལ་མི་ཟློག་པ་སྦལ་པའི་འཁོར་ལོ། རྫས་བསྲུང་ཤིན་ཏུ་ཟབ་པ། མཛེ་ཐོ་ལུམ་དུ་སོང་བ་གསོས་པའི་རྫས་སྦྱོར། འབྲུ་བཞིའི་བསྲུང་འཁོར་ས་བདག་ཀླུ་གཉན་བསྲུང་བ་ཁྱད་པར་ཅན་སློབ་དཔོན་གྱིས་མངའ་བདག་ལ་གདམས་པ། བསྙེན་པ་མཐར་མ་ཕྱིན་པ་ལ་མཁོ་བའི་རྫས་ཀྱི་བསྲུང་བ་རྟ་རྨིག་ལྕགས་ཀྱིས་གཏུམས་ཀྱང་རྙེད་པར་དཀའ་བ། ཀླུ་ཐམས་ཅད་ལ་བདེ་བ་འབྱིན་པའི་གཟུངས། ཆར་འབེབས་དོན་བརྒྱད་མ། ཀླུའི་དུག་ཞེན་ཆུང་བ་ལ་ཕན་ཆེ་ཞིང་རྟགས་མྱུར་བའི་གདམས་པ། འདོད་ཡོན་ནོར་བུ་སྒྲུབ་པའི་མཐའ་རྒྱས། མཛེ་ནད་ཐམས་ཅད་ཀྱི་སྙིང་ཕྱུང་བ་ཀླུ་མ་བསྒྲུབས་ཀྱང་སྲོག་སྔགས་ཀྱི་ཙཀྲ་ལ་རང་དབང་མེད་པར་སྡུད་པ་ནག་པོ་གཏད་ཁྲམ་གྱི་ལས། ཤིན་ཏུ་གསང་བའི་མན་ངག་འཆི་བདག་རང་ལ་མི་ཟློག་པ། གཤིན་རྗེའི་བླ་མཚོ་ནག་པོ་སྙིང་གི་ལེའུ་ནས་ཕྱུང་བའི་ཀླུ་བདུད་གཏད་འཁོར་རང་བསྲུང་དང་བཅས་པ། དགྲ་བགེགས་ས་བདག་ཀླུ་གཉན་གྱི་ཟས་སྐལ་དུ་གཏོད་པ་ལས་ཀྱི་མཐའ་རྒྱས་པ། སྦལ་པ་ལ་བརྟེན་པའི་ཟོར། བསྐུལ་རྒྱ་མཚོ་ཆེན་པོ་མ། རིག་པའི་རྒྱལ་པོ་རྒྱུན་མདོས་དཀྱིལ་འཁོར་གཏོར་མ་རྣམས་ཀྱི་ཤོག་ཁྲ་དང་བཅས་པ་རྣམས་ལེགས་པར་ཐོབ་པའི་དབང་རྒྱས་བསྡུས་གཉིས། བྱིན་རླབས། འབྲིའི་རྟགས་ཡོད་པའི་ལུང་དང་བཅས་པའི་བརྒྱུད་པ་ནི། རྫོགས་པའི་སངས་རྒྱས། ཤཱ་རིའི་བུ། སློབ་དཔོན་འཇམ་

དཔལ་བཤེས་གཉེན། སློབ་དཔོན་ནཱ་ག་ཛུ་ན། སློབ་དཔོན་ཧཱུྃ་ཀ་ར། ཨོ་རྒྱན་སངས་རྒྱས་གཉིས་པ། ཆོས་རྒྱལ་ཁྲི་སྲོང་ལྡེ་བཙན། གནུབས་ཆེན་སངས་རྒྱས་ཡེ་ཤེས། གཏེར་སྟོན་རྒྱ་ཞང་ཁྲོམ། གུ་རུ་ཆོས་ཀྱི་དབང་ཕྱུག །སྲས་པདྨ་མ་དབང་ཆེན། གྲུབ་ཆེན་དམར་ཞབས་རས་པ། རྩེ་ཤིང་རྒྱལ་མཚན། འཛམ་གླིང་རྒྱལ་མཚན། རྟོགས་ལྡན་གྲགས་འབུམ། གྲུབ་ཆེན་དཔལ་སེང་། བླ་མ་བརྩོན་འགྲུས་མགོན་པོ། བྱ་བྲལ་བ་བསོད་ནམས་སེང་གེ །དམ་པ་ཆོས་སྐྱོང་ཚུལ་ཁྲིམས། སློབ་དཔོན་ཚུལ་ཁྲིམས་འབུམ། དེ་གཉིས་ཀས་པཎ་ཆེན་པདྨ་དབང་རྒྱལ་ལ་ཕྱག་རྒྱས་བཏབ། དེས་རིག་འཛིན་ཆེན་པོ་ལེགས་ལྡན་རྡོ་རྗེ་ལ་ཕྱག་རྒྱས་བཏབ། དེས་ཆོས་རྒྱལ་འབྲི་གུང་པ་རིན་ཅེན་ཕུན་ཚོགས་ལ་ཕྱག་རྒྱས་བཏབ། རྒྱལ་སྲས་ལྷ་རྗེའི་སྤྲུལ་པ་ཆོས་རྒྱལ་ཕུན་ཚོགས། འབྲི་གུང་རཏྣ་གཉིས་པ་ཆོས་ཀྱི་གྲགས་པ། རིག་འཛིན་དཀོན་ཅོག་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་དམ་པ་ཆོས་ཚུལ་དང་སློབ་དཔོན་ཚུལ་འབུམ། དེ་གཉིས་ཀས་འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན། དེ་གཉིས་ཀ་ལ་རིག་འཛིན་རྗེས་གསན་པ་མན་གོང་བཞིན་ནོ། ༈ །ཡང་པདྨ་དབང་ཆེན་ནས། དབུས་པ་གྲགས་འབུམ། གྲུབ་ཆེན་དཔལ་སེང་། འཇམ་དབྱངས་བརྩོན་འགྲུས་མགོན། གྲུབ་ཆེན་རིན་ཅེན་རྡོ་རྗེ། གྲུབ་ཆེན་རིན་ཅེན་གྲུབ། རྗེ་བཀྲ་ཤིས་བཟང་པོ། སྤྲུལ་སྐུ་པདྨ་དབང་རྒྱལ་མན་གོང་ལྟར། ཡང་ན་རྟོགས་ལྡན་གྲགས་འབུམ་ནས། བླ་མ་སངས་རྒྱས་དཔལ་བཟང་། བྱ་བཏང་ཆེན་པོ། བསོད་ནམས་སེང་གེ །དམ་པ་ཆོས་ཚུལ། སློབ་

དཔོན་འབའ་རེ། ཡབ་འཇམ་དབྱངས་རིན་རྒྱན་མན་སྔར་བཞིན་ནོ། ༈ །ཡང་ན་པདྨ་དབང་ཆེན་ནས། བླ་མ་མར་སྟོན་སངས་རྒྱས། གཉན་སྟོན་བཀྲ་ཤིས་སེང་གེ །རྟོགས་ལྡན་ཆོས་ཉིད་རང་གྲོལ། སྤྲུལ་སྐུ་ཚེ་དབང་རྒྱལ་པོ་མཁས་གྲུབ་རྒྱལ་སྲས་ཆོས་རྗེ། སྔགས་འཆང་ལེགས་པ་དཔལ་བཟང་། ཡབ་འཇམ་དབྱངས་རྒྱལ་མཚན་མན་འདྲའོ། །དབང་བརྒྱུད་གཅིག་ནི། རྗེ་ཟུར་པ་ནས། ཆོས་རྗེ་ཉི་ཟླ་སངས་རྒྱས། དཀར་ཆེན་ལན་བུ་ཨ་མི། རྡོ་རྗེ་འཆང་དཔལ་འབྱོར་ལྷུན་གྲུབ། དེས་བདག་ལའོ། །དབང་བརྒྱུད་གཅིག་ལ་སྲས་ནས་མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། མཉམ་མེད་བཤེས་གཉེན་ཆོས་རྒྱལ། སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཁྲ་ཚང་པ་མཁས་གྲུབ་བློ་མཆོག་རྡོ་རྗེ། དེས་བདག་ལའོ། ༈ །འབྲིའི་རྟགས་ཡོད་པ་རྣམས་མ་གཏོགས་པའི་ལུང་དང་ཕྱག་ལེན་ཞལ་ཤེས་ཡོངས་སུ་རྫོགས་པར་ཐོབ་པའི་བརྒྱུད་པ་ནི། འབྲི་གུང་ཟུར་པ་ཡན་གོང་ལྟར་ལ། དེ་ནས་སྣང་གསལ་བཀྲ་ཤིས་རྒྱ་མཚོ། རིག་འཛིན་ཀུན་དགའ་ཚེ་མཆོག །སྣང་གསལ་བ་ཀུན་དགའ་བཀྲ་ཤིས། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། ༈ །བྱ་ཁྱུང་པས་མཛད་པའི་སྒྲུབ་ཐབས་མན་ངག་གི་ལུང་བརྒྱུད་ནི། བྱ་ཁྱུང་པ་ངག་དབང་པདྨ་རྣམ་རྒྱལ། སྤྲུལ་སྐུ་ཨོ་རྒྱན་དཔལ་འབྱོར། ལྷ་བཙུན་ཀུན་དགའ་རྣམ་རྒྱལ། རྗེ་འཕྲིན་ལས་ལྷུན་གྲུབ། གཏེར་བདག་གླིང་པ། དེས་བདག་ལའོ། །བཀའ་རྩིས་ལས།

བྲམ་ཟེ་དྲི་མེད་དང་གསུམ་དམོད་མཐུ་ཟབཿ ཅེས་བསྔགས་པའི་གཏེར་ཁ་འོག་མའི་དྲང་སྲོང་སྔགས་རྒོད་ལོག་ཏྲི་པཱ་ལའི་སྐོར་ལ། དྲང་སྲོང་དྲི་མ་མེད་པའི་རིག་གཏད་ཀྱི་དབང་ལེགས་པར་ནོས་ནས། ལུང་ལ། སྔགས་རྒོད་ནག་པོ་བྲམ་ཟེ་ལོག་ཏྲི་དྲང་སྲོང་གི་དམོད་པ་རྣལ་འབྱོར་པའི་མཚོན་ཆ་ལྷ་སྲིན་སྡེ་བརྒྱད་ཀྱི་སྲོག་འདུས་པ་དགྲ་བགེགས་གདུག་པ་ཚར་གཅོད་པའི་གཞུང་༼འབྲི༽ལ་ནང་གསེས་ཀྱི་བདུད་ཆས་སུ་བྱ་བ། བསྐྱེད་རིམ། སྔགས་ཀྱི་བཟླས་ཐབས། བཀའ་བསྒོ། སྨྱོ་བོག་འདུལ་བ། མཛེ་གསོ་བ། བྱད་བཟློག་པ། བར་ཆད་བཟློག་པ། དགྲ་གསད་པ། སྲེག་བྱེད་མེའི་འཁོར་ལོ། སྦྱོང་བྱེད་ཆུའི་འཁོར་ལོ། གཏོར་བྱེད་རླུང་གི་འཁོར་ལོ། མནན་པ་སའི་འཁོར་ལོ། བསྲུང་བའི་འཁོར་ལོ། བཟློག་པའི་འཁོར་ལོ། གསོད་པའི་འཁོར་ལོ། རྫས་ཀྱི་འཁོར་ལོ། ཐུན་མཚམས་ཀྱི་འཁོར་ལོ། གཏོར་མའི་ལས། མ་འགྲུབ་ན་སྤོགས་པའི་ཆོ་ག །སྔོན་གྱི་ལས་ཀྱི་རྣམ་སྨིན་གསོ་བ། ཐུབ་བའི་རྟགས། མི་ཐུབ་པའི་རྟགས། སྔགས་འགྲུབ་པའི་དུས་ཚོད། སྔགས་ཀྱི་དོན་བཤད་པ། སློབ་མས་སློབ་དཔོན་ལ་ཞུ་བ། སློབ་དཔོན་གྱིས་སློབ་མ་ལ་མན་ངག་བསྟན་པ་སྟེ་ཉེར་བདུན། དྲང་སྲོང་གི་ལོ་རྒྱུས་༼འབྲི༽ལྷོ་བྲག་མཁོ་མཐིང་ལྷ་ཁང་དུ་སྦས་པ་གུ་རུ་ཆོས་ཀྱི་དབང་ཕྱུག་གིས་བཏོན་པ། ཀླུ་སོགས་སྡེ་༼ཀ༽བརྒྱད་ཀྱི་ནད་ཀྱིས་ཟིན་རྟགས་དང་འཁོར་ལོར་འབྱུང་བཞིའི་ཁ་སྒྱུར་བྱེད་ལུགས་ཤེས་པར་བྱའོའི་མཐའ་ཅན། མགྲིན་པའི་དཀྱིལ་དུ་ཤེས་༼ཀ༽པའི་དོན། གཅོད་༼ཀ༽པ་ལྕེ་ལ་ཤེས་པ། འཁོར་ལོ་ཁྲུས་རྫས་ཀྱི་གདམས་༼ཀ༽པ་ཆོས་སྡེ་གཅིག་ཏུ་ཚང་བ་འབྱུང་བཞི། དགུག་པ། བསྲུང་བཟློག །གསད་པ་རྣམས་

ཀྱི་དམིགས་སྔགས་ཁ་བསྒྱུར། གོ་ལོག་༼ཀ༽ཅེས་པ་ལུས་ཅན་ལ་ནད་གང་བྱུང་དང་བསྟུན་ནས་གཉེན་པོ་བཅའ་བ། ཕྱི་ནང་གསང་གསུམ་གྱི་ཁྲུས། སྐྲོད་པ། ཞི་བ། དབང་སྡུད། བྱུག་པ། ཁོང་གཏོང་། དུ་བ། ཤ་རོ་འདོན་པ་སྟེ་བསྲུང་བའི་རྫས་སྦྱོར་བདུན། འཇིབ་རུ། ལུམས་སྦྱོང་གི་མན་ངག་དང་བཅས་པ་སྔོན་འགྲོ་རྗེས་གཅོད་གང་ཡང་མི་དགོས་སོའི་མཐའ་ཅན། སྡེ་བརྒྱད་བཅུད་ཕུར་གྱི་མདེའུ་༼བྱང༽ཐུང་ལོག་ཏྲི་པཱ་ལའི་ཡང་སྙིང་བསྲུང་ཟློག་གསད་གསུམ་དྲིལ་བའི་མན་ངག་ཆོས་སྐྱོང་གི་འཕྲིན་ལས་དྲག་ཏུ་བྱའོའི་མཐའ་ཅན། འདིའི་འོག་ཏུ་བདག་འདྲ་པདྨ་འབྱུང་གནས་ཀྱིས་ཞེས་སོགས་ཆོས། སློབ་དཔོན། ཡོན་བདག །ཡིག་མཁན། མན་ངག །གཏེར་སྣོད། གཏེར་གནས། གཏེར་སྲུངས་རྣམས་ཀྱི་ཆེ་བ་ཡོད་པ་བུ་ལོད་ཀྱི་ཕྱག་བྲིས་མ་ལས་བཤུས་པ། གནད་གསུམ་སྙིང་འགྲེལ་གྱི་མན་ངག་སྡེ་༼བྱང༽བརྒྱད་ཀྱི་སྙིང་པོར་མཚོན་ཆ་ལོག་ཏྲིའི་དམིགས་པ་འཕྲད་ཤོག་གི་མཐའ་ཅན། གནད་གསུམ་སྙིང་འགྲེལ་ནས་ཁོལ་༼འབྲི༽དུ་ཕྱུང་(བའི་དམིགས་པ་བསྡུས་པ། བསྲུང་ཟློག་གསང་མནན་གྱི་སྔགས་༼འབྲི༽བྱང་(མཇུག་ཏུ་དྲང་སྲོང་གི་དམོད་པ་དང་བཅས་པ། དྲང་སྲོང་དྲི་མེད་ཀྱི་འཕྲིན་ལས་རྣམ་བཞི་༼འབྲི༽ཞེས་བྱ་བའི་ལས་བྱང་གནས་སུ་གཤེགས་པར་གྱུར་གྱི་མཐའ་ཅན། དྲང་སྲོང་དྲི་མེད་ཀྱི་རིག་གཏད་༼འབྲི༽རྗེས་གནང་ལུང་སྦྱིན་པ་གཏོར་མ་དངོས་གྲུབ་ཏུ་རོལ་པའི་མཐའ་ཅན། སྙན་ནས་སྙན་དུ་བརྒྱུད་པའི་མན་ངག་གསེར་དང་འདྲ་༼ཀ༽བ་ཞེས་པ་བསྲུང་འཁོར་ན་མའི་བསྐྱེད་རིམ། དྲང་སྲོང་དཀར་སེར་ཐུགས་ཀར་ཐལ་མོ་སྦྱར་༼ཀ༽བ།

གསེར་འཁོར་དང་མེའི་གུར་ཁང་གི་ཞལ་ཤེས་ཚར་གཅོད་པར་བསམ་པའི་མཐའ་ཅན། བསྲུང་བཟློག་གསད་གསུམ་ལ་ལྷ་མི་མུ་སྟེགས་ཀྱི་དྲང་༼ཀ༽སྲོང་སྒོམ་པ་དང་སྔགས་ཀྱི་ཞལ་ཤེས་བཀའ་རྒྱ་ཡོད་དོའི་མཐའ་ཅན། དྲང་སྲོང་ནག་པོ་ཕྱག་མཐའ་མ་གཉིས་མཆོད་རྟེན་སྡིག་པ་འཛིན་པ་ཕྲག་པར་༼ཀ༽དྲང་སྲོང་(སྒོམ་པའི་མན་ངག་མི་ཐུབ་པ་མི་སྲིད་དོའི་མཐའ་ཅན། བསྲུང་བའི་འཁོར་ལོ་མན་ངག་༼ཀ༽ལྟར་(སྒོམ་མོའི་མཐའ་ཅན། དྲང་སྲོང་ཞི་བའི་སྒོ་ནས་༼ཀ༽རྟ་( རྨིག་གིས་དགུག་ཐབས། རང་དྲང་སྲོང་དྲི་མེད་དུ་བསྒོམས་པའི་མདུན་དུ་ཟངས་ལྕགས་ཀྱི་འཁོར་ལོ་རྩིབས་སྟོང་འཁོར་བ་དྲག་སྔགས་བཟླས་སོའི་མཐའ་ཅན། སྙན་ནས་སྙན་དུ་བརྒྱུད་པའི་ཡིག་ཆུང་། དྲང་སྲོང་དྲི་མེད་ཐུགས་ཀྱི་མན་ངག་ཡང་དག་པ་སྔགས་ཀྱི་འདྲེན་ཐབས་བཻ་རོས་བཻཌཱུཪྻའི་ཤོག་བུ་ལ་གསེར་གྱིས་བྲིས་བསེ་སྒྲོམ་དུ་༼བྱང༽བཅུག་ནས་རྒྱས་བཏབ་རྒྱལ་པོ་ཤེལ་གིང་ལ་གཏེར་ཁ་གཏད་པ་ལུང་འབོགས་པའི་ཞལ་གདམས་དང་བཅས་པ། སྔགས་རྒོད་ནག་པོའི་ཤམ་བུ་༼བྱང༽སྡེ་བརྒྱད་བཟློག་པའི་ལས་རིམ་སྐུ་གསུང་ཐུགས་ཀྱི་རྒྱ་ཅན། ལས་སྦྱོར་འཁོར་ལོའི་དམིགས་པ་སྣ་ཚ་སོགས་རྫས་ཀྱི་ཁ་སྒྱུར་ཡང་བཅུད་རྫོགས་བྱང་གི་མཐའ་ཅན་རྒྱུད་ལོག་ཏྲི་པཱ་ལ་སྔགས་ཀྱི་རྒྱུད། ཧེ་དུ་བརྒྱད་པ་ལུང་གི་རྒྱུད། རིན་ཅེན་འཕྲེང་བ་རྫས་ཀྱི་རྒྱུད་གསུམ་ཡིན་ནོ། །གསུམ་ལས་བཏུས་པ་པྲ་བྷ་ཧ་སྟིའི་གདམས་པ་ཤིན་ཏུ་ཟབ་པ་ཀ་ཐོག་པ་བྱང་རྒྱབ་རིན་ཅེན་གྱིས་གཏེར་སྟོན་ལ་གསེར་ཞོ་སུམ་ཅུ་ཕུལ་ཏེ་ཞུས་པ་རྣམས་སོ། ༈ །གཉིས་པ་གཏེར་ཁ་གོང་འོག་གཉིས་ཐུན་མོང་དུ་དགོས་པ་བརྒྱུད་པའི་བླ་མ་རྣམས་ཀྱི་ཁ་སྐོང་ལ། དྷཱུ་ཏིའི་དམིགས་པ་ལ་བརྟེན་ནས་

ནད་གདོན་༼དཔལ༽སྡིག་སྒྲིབ་སྦྱོང་བའི་མན་ངག་ཞལ་ཤེས་ཁྱད་པར་ཅན། དྲང་སྲོང་དྲི་མེད་ཀྱི་བསྲུང་བཟློག་གསང་གསུམ་གྱི་ཞལ་༼བྱང༽གདམས་མཇུག་ཏུ། ལྷ་ཆེན་ཚངས་པ་འགུགས་བྱེད་ན། སྡེ་བརྒྱད་དག་ལ་དཔགས་བྱེད་ཀྱི་ཞེས་སོགས་ཀྱི་མཐའ་ཅན། འགྲོ་མགོན་སྤོམ་བྲག་པས་བླ་མ་སེང་སྒོམ་ཆེན་པོ་ལ་༼བྱང༽གནང་༼དཔལ༽བའི་སྡེ་བརྒྱད་འཇོམས་བྱེད་ལོག་ཏྲི་ལག་ཏུ་བླང་བའི་རིམ་པའོའི་མཐའ་ཅན། རང་ལུས་རྡོ་རྗེ་རྩེ་དགུ་པར་བསྒོམ་པར་གསུངས་པའི་ཡིག་༼བྱང༽ཆུང་ཕོ་ཉ་རྣམས་བསྒོམ་མོའི་མཐའ་ཅན། བསྲུང་བའི་མཆོད་རྟེན་༼དཔལ༽དང་འཁོར་ལོའི་འདྲི་ཡིག །ཞལ་གདམས་གོང་མ་འདི་སྔོན་མའི་དོན་གདབས་པ་ལྟ་བུར་སྣང་། བཟློག་པའི་འཁོར་ལོ་སྤྱིར་བཏང་དང་དམིགས་བསལ་མགོན་པོ། ས་བདག །ཀླུ། མ་མོ། བཙན། གཟའ། བདུད། ཏྲག །ཤད། རཱ་ཛ། གཤིན་རྗེ་མཁན་པོ་རྣམས་དང་འགྲས་ན་ཁ་བསྒྱུར་བྱེད་ལུགས་ཀྱི་ཞལ་ཤེས་རྣམས་ལ་དྲང་སྲོང་ཐུགས་བཅུད་སྡེ་བརྒྱད་སྒོས་ཀྱི་བསྲུང་༼དཔལ༽བཟློག་ཐུན་མོང་མ་ཡིན་པ་ཟེར་བ་རྗེ་རཏྣའི་གསུང་བུ་ལོད་ཀྱི་ཟིན་བྲིས། སྡེ་བརྒྱད་སྒོས་བཟློག་གི་འཁོར་ལོའི་བྲི་གནད་༼དཔལ༽ཞལ་གདམས་སུ་མི་གསལ་བ་རྣམས་བུ་ལོད་ཀྱི་ཟིན་བྲིས། འགུགས་པ་རྟ་རྨིག་གི་༼དཔལ༽ཞལ་གདམས་ཟིན་བྲིས། སྡེ་བརྒྱད་འཁོར་ལོ་ལ་༼དཔལ༽བསྟིམ་པ་དང་དགྲ་བགེགས་ཀྱི་ཤ་ཁྲག་ཟ་བའི་ཞལ་གདམས། དྲག་པོ་ཐུན་གྱི་ཞལ་༼དཔལ༽གདམས་ཟིན་བྲིས། དྲག་པོ་གནམ་ཐོག་གི་༼དཔལ༽རྒྱུད་ལས་ངག་མནན་པ། དྲག་གཏོར་གྱི་དམིགས་པའི་ཞལ་༼དཔལ༽གདམས་ཟིན་བྲིས་དང་ལྔ་བུ་ལོད་རིན་ཅེན་བཟང་པོས་རྗེ་བཙུན་རཏྣའི་གསུང་བཞིན་

བཀོད་པ། མཆོད་རྟེན་དཀར་ནག་བསྲུང་བཟློག་གསད་པའི་ཕྱག་ལེན་༼དཔལ༽གྱི་ཟིན་བྲིས་བུ་ལོད་རིན་བཟང་གིས་འབྲི་གུང་རིན་ཅེན་ཕུན་ཚོགས་ཀྱི་གསུང་དང་ཕྱག་ལེན་མ་ཉམས་པར་བཀོད་པ། ཤིང་མོ་ཡོས་ལོ་ཧོར་ཟླ་ལྔ་པར་འབྲི་གུང་གི་ཁང་གསར་ཡང་དགོན་རྩེར་བུ་ལོད་ཀྱིས་ཞུས་པའི་ཞལ་༼དཔལ༽གདམས་ནང་གསེས་ལ། བཅས་རྒྱས་བསྡུས། རྟེན་གཏོར། སྐུ་རྟེན། རབ་གནས། ཚེ་སྒྲུབ། བྲིས་སྐུ་དང་བཅས་པ། བཟློག་གཏོར་དྲག་པོའི་བཅའ་༼དཔལ༽གཞིའི་ཞལ་གདམས་བུ་ལོད་ཀྱིས་རྗེ་བཙུན་རཏྣ་ལ་ཞུས་པ། བན་དགྲ་ངག་མནན་པའི་ཞལ་༼དཔལ༽གདམས་བུ་ལོད་ཀྱི་ཟིན་བྲིས། འགུགས་པའི་ཞལ་གདམས་སའི་འཁོར་ལོ་བཞིན་བྱའོའི་མཐའ་ཅན། དེའི་ཞར་བྱུང་དུ་རྟ་རྨིག་གི་ཕྱག་ལེན་བུ་ལོད་ཀྱི་ཟིན་བྲིས་མ། རྗེ་བཙུན་རཏྣས་མཛད་པའི་ལས་བྱང་སྙིང་པོ་གསལ་བ། དཔེ་ལ་ལར་རྡོ་རྗེ་བྲག་ཕྱོགས་སུ་རིག་འཛིན་ཆེན་པོས་མཛད་ཅེས་མཇུག་ཏུ་བྲིས་འདུག་པ་འབྲི་གུང་བཀའ་འབུམ་ན་ཡོད་པའི་ཡོངས་གྲགས་བརྐུས་པར་སོང་བས་སློབ་མ་དད་པ་ཅན་གྱིས་བླ་མ་ཟོག་པོར་གཏོང་བའི་དཔེར་སྣང་ངོ་། །དེས་མཛད་པའི་བསྲུང་བཟློག་གསད་གསུམ་གྱི་རྒྱུན་འཁྱེར་སྙིང་པོ་གསལ་བ། དེ་ལ་བསྔགས་བརྗོད་ཆོས་ལོངས་སྤྲུལ་སྐུ་མ་བུ་ལོད་ཀྱིས་མཛད་པ། བུ་ལོད་རིན་བཟང་གིས་མཛད་པའི་ཚོགས་མཆོད་གདབ་པ་ལས་ཀྱི་རིམ་པ་གནམ་ལྕགས་སྤུ་གྲི། དེས་མཛད་པའི་མངའ་གསོལ་ཐུགས་རྗེའི་ཟློས་གར་མ། ལོག་ཏྲི་པཱ་ལའི་ལས་སྦྱོར་གྱི་སྒྲུབ་པའི་སྨད་ལས་ཀྱི་ངག་༼དཔལ༽འདོན་ཕྱོགས་བསྒྲིགས་རྗེ་འབྲི་གུང་པ་རིག་འཛིན་ཆོས་ཀྱི་གྲགས་པས་མཛད་པ། འཕྲིན་ལས་ཟོར་གྱི་རིམ་པ་གང་གི་དཔུང་དུ་བསྒྱུར་བའི་མཐའ་ཅན། ཟོར་གྱི་གླེང་གཞི་དང་པོ་ཟོར་བྱུང་མ། མ་ཏི་ཀེ་ཏུས་

མཛད་པའི་བསྟོད་པ་རྒྱལ་ཡུམ་མ། འབྲི་གུང་པའི་ཕྱག་དཔེར་འདི་མི་སྣང་། བུ་ལོད་ཀྱིས་མཛད་པའི་བསྟོད་པ་རྒྱ་གར་ལྷོ་ཕྱོགས་མ། དེས་མཛད་པའི་དྲག་བསྐུལ་དྲེགས་པ་སྡེ་བརྒྱད་མ་དང་མཆོག་གསུམ་ཀུན་འདུས་མ། དེས་མཛད་པའི་ཐུན་བསྐུལ་སྣ་ཚོགས་ཐུན་རྫས་མ། དེས་མཛད་པའི་ཟློག་བྱང་དྲེགས་འདུལ་མ། རྗེ་འབྲི་གུང་བཀྲ་ཤིས་ཕུན་ཚོགས་ཀྱིས་མཛད་པའི་བསྐུལ་ཡི་དམ་ཞི་ཁྲོ་མ། རྗེ་རཏྣས་འཕྲེང་འགོར་མཛད་པའི་ཚེ་སྒྲུབ། འབྲི་གུང་པ་བཀྲ་ཤིས་ཕུན་ཚོགས་ཀྱིས་མཛད་པའི་ཚེ་ནོར་ཐུན་མོང་དུ་བསྒྲུབ་པའི་རྒྱུན་འཁྱེར། བུ་ལོད་ཀྱིས་མཛད་པའི་ཚེ་འགུགས་ཆོས་དབྱིངས་རྣམ་དག་མ། དེས་མཛད་པའི་ཚེ་སྒྲུབ་ཐུན་མཚམས་ཀྱི་འདོད་གསོལ་ཆོས་དབྱིངས་མ། ཞབས་དྲུང་ཆོས་ཀྱི་གྲགས་པས་དགུང་ལོ་བཅོ་ལྔའི་ཐོག་མཛད་པའི་ཤེས་རབ་སྒྲུབ་ཐབས། དེས་མཛད་པའི་གཏོར་འབུལ་གྱི་ཡི་གེ །བུ་ལོད་ཀྱིས་མཛད་པའི་བསྲུང་འཁོར་བསྡུ་བའི་ངག་འདོན་ནི་བསམ་གཏན་མ། འབྲི་གུང་བཀྲ་ཤིས་ཕུན་ཚོགས་ཀྱི་གྲགས་གསོལ་མཚན་ལྡན་མ། འཁོར་ལོའི་དཔེ་རིས་ཤོག་ཁྲ་ལ། ལྕེའི་རྡོ་རྗེ། གཤིན་རྗེ། ས་བདག །ཀླུ། མ་མོ། བཙན། བདུད། རཱ་ཧུ་ལ། རྒྱལ་པོ་རྣམས་སྒོས་སུ་བཟློག་པའི་ཙཀྲ། བསྲུང་བཟློག་གསང་གསུམ་རྟ་རྨིག །འབྱུང་བ་བཞི་རྣམས་ཀྱི་འཁོར་ལོ། སྒྲུབ་པའི་བཅའ་གཞི། གཏོར་མ་ཟོར་གྱི་དཔེ་དང་བཅས་ཐོབ་པའི་གཡུང་དྲུང་གི་རྟགས་མ་གཏོགས་པའི་ལུང་ཡོངས་རྫོགས་དང་རིག་གཏད་ཀྱི་བརྒྱུད་པ་ནི། དྲང་སྲོང་དྲི་མེད། རྒྱལ་པོ་དྷརྨ་ཨ་ཤྭ་ཀ །བྲམ་ཟེ་ལེགས་གྲུབ། སློབ་དཔོན་པྲ་བྷ་

ཧསྟི། ཕུང་བྱེད་ཤིནྟཾ་གརྦྷ། ཨོ་རྒྱན་སངས་རྒྱས་གཉིས་པ། མངའ་བདག་ཁྲི་སྲོང་ལྡེ་བཙན་ཡབ་སྲས། མངའ་བདག་ཉང་། སྲས་འགྲོ་བའི་མགོན་པོ། གུ་རུ་ཆོས་དབང་། ཁྲི་སྲོང་ལྡེ་བཙན་ནས་ཆོས་དབང་རང་ལ་བརྒྱུད་ཀྱང་ཆོག་ཅིང་པྲ་བྷ་ཧ་སྟི་ནས་བཻ་རོས་མཁོ་མཐིང་ལྷ་ཁང་དུ་སྦས་པ་ཆོས་དབང་གིས་བཏོན་ཟེར་བ་འདུག་རུང་གཏེར་གནས་གནམ་སྐས་ཡིན་པ་བཀའ་རྩིས་སུ་གསལ། སྲས་པདྨ་དབང་རྒྱལ། ཡར་སྟོན་སངས་རྒྱས། གཉན་སྟོན་བཀྲ་ཤིས་སེང་གེ །ཆོས་ཉིད་རང་གྲོལ། སངས་རྒྱས་ལྷུན་དབང་། ཀུན་དགའ་བཀྲ་ཤིས། རྒྱལ་སྲས་ཆོས་རྗེ། ཆོས་འཕགས་བཟང་པོ། ཤཱཀྱ་དཔལ་བཟང་། འཇམ་དབྱངས་རྒྱལ་མཚན། མཁའ་དབྱིངས་རྡོ་རྗེ། ཆོས་རྒྱལ་རིན་ཅེན་ཕུན་ཚོགས། རིག་འཛིན་ལེགས་ལྡན་རྡོ་རྗེ། དེ་གཉིས་ཀ་ལ་རྗེ་ཆོས་རྒྱལ་ཕུན་ཚོགས་ཀྱིས་གསན། དེ་ནས་དབུར་སྙོན་ཆོས་ཀྱི་གྲགས་པ། མཚུངས་མེད་དཀོན་ཅོག་ལྷུན་གྲུབ། དྲིན་ཅན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཕྱག་ལེན་མན་ངག་ནི་དཀོན་ཅོག་ལྷུན་གྲུབ་དངོས་ལ་ནོས། ཡང་ན་གཏེར་སྟོན་ནས། ཀ་ཐོག་པ་རྒྱལ་བ་བཟང་པོ། ཀ་ཐོག་པ་སངས་རྒྱས་ཡེ་ཤེས། གུ་རུ་མདོ་སྡེ་རྒྱ་མཚོ། བླ་མ་དགེ་འདུན་རྒྱ་མཚོ། མཁའ་དབྱིངས་རྡོ་རྗེ་མན་འདྲ། རྗེས་གནང་གི་བརྒྱུད་ལུགས་གཅིག་ནི། ཆོས་རྒྱལ་ཕུན་ོགས་ནས། ན་རོ་བ་བཀྲ་ཤིས་ཕུན་ཚོགས། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། ༈ །འབྲིའི་རྟགས་ཡོད་པའི་ལུང་བརྒྱུད་ལུགས་གཅིག་ནི། འབྲི་གུང་ཟུར་པ་ནས་སྣང་གསལ་བ་བཀྲ་ཤིས་རྒྱ་མཚོ། རིག་འཛིན་དུ་མ་རང་གྲོལ་

ཕ་ཇོ་ལྷུན་གྲུབ་རྡོ་རྗེ། ཟུར་གྱི་སྔགས་འཆང་གཞོན་ནུ་དོན་གྲུབ། དེ་སྲས་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་དགེ་འདུན་རྒྱ་མཚོ་ནས། མཁའ་འགྲོ་རྒྱ་མཚོ། ཀུན་དགའ་འོད་ཟེར། བླ་མ་ལྷུན་གྲུབ་རྡོ་རྗེ། བཀྲ་ཤིས་རྒྱ་མཚོ་མན་སྔར་བཞིན་ནོ། །བྱང་གི་རྟགས་ཡོད་པ་རྣམས་ཀྱི་བརྒྱུད་ལུགས་གཅིག་ནི། མངའ་རིས་རིག་འཛིན་ཆེན་པོ་ནས། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཡོལ་མོ་སྤྲུལ་སྐུ་བསྟན་འཛིན་ནོར་བུ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་ཕྱག་ལེན་མན་ངག་མཐའ་ཆོད་པ་ཕྲ་ཞིབ་ཏུ་སྩལ་ཅིང་ལྷ་འདིའི་སྒོ་ནས་དམ་སྲི་མ་རུངས་པ་ཕྱི་ནང་ཀུན་ཏུ་མཐོ་འཚམ་པ་རྣམས་ཀྱང་སྒྲུབ་པ་བཙུགས་ནས་བསྲེག་པ་མེའི་སྦྱོར་བས་ནུས་པ་ཉམས་པར་བྱས་སོ། །དཔལ་གྱི་རྟགས་ཡོད་པའི་བརྒྱུད་ལུགས་གཅིག་ནི། རྗེ་དབུར་སྨྱོན་ནས། བླ་མ་བསོད་ནམས་རིན་ཅེན། རྗེ་འཕྲིན་ལས་རྣམ་རྒྱལ། ཁྱབ་བདག་བློ་མཆོག་རྡོ་རྗེ། དེས་བདག་ལའོ།། ༈ ཡང་རིགས་གཏད་དང་ཀའི་རྟགས་ཡོད་པའི་ལུང་བརྒྱུད་ནི། བླ་མ་དགེ་འདུན་རྒྱ་མཚོ་ནས། རབ་འབྱམས་ཆོས་རྗེ་ཡབ་སྲས། ཙེ་ལེ་བ་ཨོ་རྒྱན་བསྟན་འཛིན། ལྷ་བྲོ་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྲ་ཚང་པ་ཆེན་པོ་མན་གོང་ལྟར། ཡང་ན་ཀ་ཐོག་པ་སངས་རྒྱས་ཡེ་ཤེས་ནས། འོད་ཟེར་རྒྱ་མཚོ། བསོད་ནམས་མཆོག་ལེགས། གཉུག་ལ་པཎ་ཆེན། ཆོས་རྒྱལ་དོན་གྲུབ། ཙི་ལེ་རིག་འཛིན་ཆེན་པོ། ཨོ་རྒྱན་བསྟན་འཛིན་མན་གོང་བཞིན་ནོ། །ཡང་རྗེས་གནང་

གི་བརྒྱུད་ལུགས་གཅིག་ནི་ཀརྨ་གུ་རུ་ནས། ཆོས་དབང་བསམ་གྲུབ། ཆོས་དབང་ཀུན་བཟང་། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཆོས་དབང་རིན་པོ་ཆེའི་ཀླུ་བདུད་ལྟེ་བའི་ཟབ་གཏེར་ལས་བྱུང་བའི་རྟ་མགྲིན་ནི། བཀའ་རྩིས་ལས། རྟ་མཆོག་དབུ་དགུ་སྲིད་གསུམ་དབང་དུ་སྡུདཿ ཅེས་གསུངས་པའི་རྟ་མགྲིན་དབུ་དགུ་ཕྱག་བཅོ་བརྒྱད་པའི་སྒྲུབ་སྐོར་ལ། སྒྲུབ་ཐབས། དྲག་སྔགས། བསྟོད་པ། གཏོར་འབུལ། ཤིང་སྟག་པའི་དབྱུག་པས་རྒྱལ་པོ་རྩད་ནས་བཅོད་པ། ས་བདག་གླུ་གཉན་གསོད་པ། སེར་རྒོད་བཟློག་པ། རྒྱལ་པོ་བཏུལ་བའི་ལོ་རྒྱུས། རྒྱལ་པོ་མནན་པའི་མན་ངག །རང་རྫས་ཀྱིས་བསྲུང་བ་ལེ་ཚན་གཉིས་རྣམས་ཆོས་སྡེ་གཅིག་ཏུ་བཞུགས་པའི་ལུང་གི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། པདྨ་ཧེ་རུ་ཀ །སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། མངའ་བདག་རྗེ། གཏེར་སྟོན། སྨན་ལུང་པ་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཡབ་སྲས། གུ་རུ་ཆོས་འོད། བྱ་བཏང་ཆོས་ཀྱི་རྡོ་རྗེ། བླ་མ་ཤེས་རབ་དབང་ཕྱུག །སྤྲུལ་སྐུ་ཆོས་ཀྱི་དབང་པོ། གུ་རུ་ལྷ་ཁང་པ་ཀརྨ་ཆོས་སྐྱོང་། ཡར་འབྲོག་བླ་མ་བཀྲ་ཤིས་ལྷུན་གྲུབ། ཁྱབ་བདག་ཁྲ་ཚང་པ་ཆེན་པོ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། ༈ །རྒྱ་གར་ཤེ་ལེ་གངས་ཀྱི་བྲག་ཕུག་ཏུ་དཔལ་ཨོ་རྒྱན་ཆེན་པོས་དགོངས་པ་ཞག་གསུམ་དུ་མཛད་ནས། ཀླུ་གཉན་རྒྱལ་བསེན་གྱི་གཤེད་དུ་སློབ་

དཔོན་རང་ཉིད་རྡོ་རྗེ་འཆང་ཆེན་པོར་ཁྲོས་པའི་དྲག་སྒྲུབ། ཨཱ་ཡུ་ཛྙཱ་ན་ཚེའི་སྒྲུབ་པ་དཀར་པོ། ཕྱག་རྡོར་གསུང་གི་སྒྲུབ་ཐབས་དམར་པོ། རྒྱལ་བསེན་འདུལ་ཐབས་རྟ་ནག་དྲག་པོ་འཕྲིན་ལས་ཀྱི་སྒྲུབ་ཐབས་དང་བཞི་མཛད་པའི་ཕྱི་མ་འདི་ལྷོ་བྲག་གི་བྲག་ཁྲོ་བོ་རྟ་མགྲིན་འདྲ་བའི་མགུལ་བར་གཏེར་དུ་སྦས་ཏེ་གཏེར་སྲུངས་བཙན་གྱི་རྒྱལ་པོ་ཤྭ་པ་ཡཀྴ་མེ་དཔལ་ལ་གཏད་པ་མངའ་བདག་གསུང་སྤྲུལ་ཆོས་ཀྱི་དབང་ཕྱུག་གིས་སྤྱན་དྲངས་པའི་རྟ་ནག་གི་སྐོར་ལ། ཐོག་མར་སྐུ་ཙཀ་ལི། གསུང་བཟླས་ལུང་གླེགས་བམ། ཐུགས་སྤྲོས་བྲལ་དུ་ངོ་སྤྲོད་ཅིང་ཐུགས་རྟེན་ཕུར་པ། མཐའ་རྟེན་གཏོར་དབང་དང་བཅས་པ་ལེགས་པར་ནོས་ནས། ལུང་ལ། ལོ་རྒྱུས། ལྷ་བསྒོམ་པ། སྔགས་ཀྱི་བསྲུང་བ་བསྙེན་སྒྲུབ། འཕྲིན་ལས། བསྲུང་འཁོར། བུམ་ཆོག་རྫས་ཀྱི་བྱུག་བདུག་རྒྱལ་བསེན་སྲོག་འཁོར། ཆར་འབེབས། སེར་བསྲུང་། མནན་པ། སྦྱིན་སྲེག །ཆུའི་སྲི་འདུལ་བ། གཏོར་དབང་། རྟ་ནག་གི་ལས་བྱང་རིན་པོ་ཆེའི་འཕྲེང་བ། གཏེར་ཁ་གོང་འོག་གཉིས་ཀའི་རྟ་ནག་གི་དབང་ཆོག་བྱིན་རླབས་མེ་ཆེན་ཞེས་བྱ་བ་ཁྱབ་བདག་ཁྲ་ཚང་པས་མཛད་པ་རྣམས་ལས་དབང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་རྟ་མཆོག་ནག་པོ། སྤྲུལ་སྐུ་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་གུ་རུ་ཆོས་དབང་། ཡར་ཀླུངས་སྤྲུལ་སྐུ་མཆེད་ལྔའི་ནང་ཚན་ཤཱཀ་འོད་དང་ཆོས་ལྡན་པ་གཉིས་ལ་གནང་། དེ་གཉིས་ཀས་སྨན་ལུང་པ་ཤཱཀ་འབུམ་དང་ཤཱཀ་གཞོན་གཉིས་ལ་གནང་། དེ་གཉིས་ཀྱིས་རྗེ་བཙུན་

ཆོས་ཀྱི་འོད་ཟེར། རྒྱ་ར་ཀློང་ཆེན་པ་སྣ་ཚོགས་རང་གྲོལ། སློབ་དཔོན་རིན་ཅེན་བཟང་པོ། ཨ་དཀར་བ་རིན་ཅེན་དབང་ཕྱུག །རི་ཁྲོད་པ་ནམ་མཁའ་དཔལ། ཀརྨ་གྲགས་པ་རྒྱལ་མཚན། བཙུན་པ་མཚོ་སྐྱེས་རྡོ་རྗེ། སྤང་བན་ཀརྨ་གུ་རུ། བྲག་སྣ་བ་ཀུན་མཁྱེན་དབང་ཕྱུག །ཁྱབ་བདག་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ལུང་གི་བརྒྱུད་པ་ནི། ཀརྨ་གུ་རུ་ཡན་གོང་ལྟར་ལ། དེ་ནས་ཐུགས་སྲས་ཀརྨ་དབང་འབྱོར། ཁྲ་ཚང་པ་ཆེན་པོ། དེས་བདག་ལའོ། ༈ །ཆོས་དབང་རིན་པོ་ཆེས་གནམ་སྐས་བྲག་ནས་གདན་དྲངས་པའི་བླ་མ་གསང་འདུས་ཀྱི་ཐེམས་མེད་ལ་གཏོགས་པ་གུ་རུ་སེང་གེ་སྒྲ་སྒྲོགས་གམ་ཕྱག་ན་རྡོ་རྗེ་གཏུམ་པོ་མེ་ལྕེའི་འཕྲེང་བར་གྲགས་པ་ནི། བཀའ་རྩིས་ལས། རྡོ་རྗེ་གཏུམ་པོ་ཀླུ་གཉན་ས་བདག་གཤེདཿ ཅེས་གསུངས་པ་ལྟར་འདིའི་སྒོ་ནས་སྲས་མོས་མཛེ་རྒྱུན་བཅད་པས་དྲིན་ཅན་མར་གྲགས་པ་ཡང་འདི་ལ་བརྟེན་ནས་བྱུང་བས་མཆོག་ཏུ་ཟབ་པའི་ཆོས་སྐོར་ལ། ཐོག་མར་བུམ་ཐོད་རྡོ་རྗེ་གཏོར་མ་ཅོད་པན་གྱིས་སྐུ་གསུང་ཐུགས་ཡོན་ཏན་འཕྲིན་ལས་ཀྱི་དབང་དང་བཟླས་ལུང་སོགས་ཤོག་སེར་གྱི་དྲི་མ་ཁ་ཆིལ་ལི་བ་ཐོབ་ནས། ལུང་ལ། བསྙེན་པ། སྒྲུབ་སྔགས། ལས་སྦྱོར་ལ་སེར་འབེབས། རིག་སྔགས་ཟློག་པ། སེང་ཕུར་ལ་བརྟེན་པའི་སེར་བསྲུང་། ཙི་ཙི་ཛྭ་ལ་བསྲུང་བ། རྫས་ཕུར་གཡག་རུ་ལ་བརྟེན་པའི་སེར་བསྲུང་གཏུམ་པོའི་ལས་མེད། ཡུལ་གཞན་གྱི་ཆུ་མིག་བརྐུ་བ་ཀླུ་རིགས་ལྡན་གྱི་གདམས་པ། ཆུ་མིག་འདོན་པ་དུང་སྐྱོང་གི་གདམས་པ། ཤྭ་བཟློག་པ། ཞར་བྱུང་ཀླུ་ཆེན་བརྒྱད་ཀྱི་སྔགས་མཐའ་བསྒྱུར་གྱི་སྤེལ་ཚིག་རྡོ་རྗེ་གཏུམ་

པོ་མེ་འཕྲེང་གི་ལས་བྱང་། དེའི་དབང་ཆོག་མཁས་གྲུབ་བློ་མཆོག་རྡོ་རྗེས་མཛད་པ་དང་བཅས་པ་རྣམས་ཐོབ་པའི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་གསང་བདག །སྤྲུལ་སྐུ་པདྨ་འབྱུང་གནས། གཏེར་སྟོན་ཆོས་དབང་། སྨན་ལུང་ཤཱཀ་འོད། དྭགས་སྟོན། གཉན་སྟོན། སེ་སྡིངས་པ་ཡབ་སྲས། གུ་རུ་ཆོས་འོད། དཔལ་འབྱོར་དབང་ཕྱུག །ཆོས་ཀྱི་དབང་པོ། ཀརྨ་གུ་རུ། ཐུགས་སྲས་དབང་འབྱོར། ཉང་སྟོན་མཁས་གྲུབ་ཆེན་པོ། དེས་བདག་ཟ་ཧོར་བནྡེ་ལའོ། ༈ །འདིའི་དབང་གསར་མའི་རྗེས་གནང་ཇི་ལྟ་བ་བྱས་པ་ཞིག་ཐོབ་པའི་བརྒྱུད་པ་ནི། ཕྱག་ན་རྡོ་རྗེ། སློབ་དཔོན་པདྨ། གུ་རུ་ཆོས་དབང་། སྤྲུལ་སྐུ་ཤཱཀ་འབུམ། རྗེ་ཤཱཀ་སེང་། རྗེ་དབང་ཕྱུག་རྡོ་རྗེ། རྗེ་བསྟན་པ་བ། ཟུར་དབེན་ཆོས་བཟང་བླ་མ། མཁན་ཆེན་བསོད་ནམས་ལྷུན་གྲུབ། རྗེ་ཀུན་དགའ་གྲོལ་མཆོག །རྡོ་རིང་པ་ཀུན་དགའ་རྒྱལ་མཚན། ཆོས་གཏེར་དཀོན་ཅོག་ལེགས་པ། མཁས་གྲུབ་དཔལ་ལྡན་དོན་གྲུབ། མཁན་ཆེན་ཤར་པ་ཤེར་འབྱུང་། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ངོར་ལུགས་ཀྱི་གསན་ཡིག་ན་གཏེར་ཁ་གོང་མའི་བརྒྱུད་པ་གཅིག་ཀྱང་བགྲངས་འདུག་པ་ནོར་རམ་སྙམ། ས་ལུགས་ཀྱི་འདིའི་རྗེས་གནང་དང་རང་ཕྱོགས་ཀྱི་གུ་རུ་དྲག་པོ་དང་གཏེར་མའི་རྟ་ནག་གི་རྗེས་གནང་མཛད་མཁན་འདུག་པ་ས་སྟོངས་འགོག་བྱེད་ཙམ་ནི་ཡིན་མཆིས། རྙིང་མར་འདྲིས་པ་རྣམས་ལ་བྲིན་སྒོ་ནི་མི་ཡོང་བར་གདའ་འོ། ༈ །ཆོས་དབང་

རིན་པོ་ཆེས་གནམ་སྐས་བྲག་ནས་གདན་དྲངས་པ་རྡོ་རྗེའི་རིགས་ཀྱི་ནང་ནས་མཆོག་ཏུ་ཟབ་པ་ནི། བཀའ་རྩིས་ལས། རྡོ་རྗེ་རྣམ་འཇོམས་ཁྲོ་རྒྱལ་སྙིང་སྒྲུབ་ཡིན༔ ཞེས་གསུངས་པའི་སྐོར་ལ། བུམ་པ་ལ་བརྟེན་ནས་སྒོ་གསུམ་གྱི་དྲི་མ་སྦྱང་བའི་བྱིན་རླབས་ཐོབ་ནས། ལུང་ལ། མངོན་རྟོགས། སྒྲུབ་པ་ལ་ཚར་གཅོད་པ་ཕུར་པའི་ལས་རིམ་གསུམ། ཕན་གདགས་པ་བུམ་པའི་ལས་རིམ་གསུམ། གསང་སྒྲུབ་ཀྱི་མན་ངག །མཆོག་གི་སྒྲུབ་པ་རྣམས་ཐོབ་པའི་བརྒྱུད་པ་ནི། རྡོ་རྗེ་རྣམ་འཇོམས། ཨོ་རྒྱན་ཆེན་པོ། མངའ་བདག །ཆོས་ཀྱི་དབང་ཕྱུག །མི་བསྐྱོད་རྡོ་རྗེ། དྭགས་སྟོན། གཉན་སྟོན། སེ་སྡིངས་པ་ཡབ་སྲས། མཁར་པོ་བ། དཔལ་འབྱོར་དབང་ཕྱུག །ཆོས་ཀྱི་དབང་པོ། ཀརྨ་གུ་རུ། ཆོས་དབང་བསྟན་འཛིན། ཁྲ་ཚང་པ་ཆེན་པོ། དེས་བདག་ལའོ། །ཡང་བཀའ་རྩིས་ལས། སྒྲོལ་མ་དཀར་མོ་མཆོག་ཏུ་ཚེ་སྒྲུབ་ཤིསཿ ཞེས་གསུངས་པའི་སྒྲོལ་དཀར་གྱི་སྒྲུབ་སྐོར་ལ། སྦྱོར་བ་ལ་བཞི། དངོས་གཞི་ལ་དགུ །རྗེས་ཀྱི་དོན་ལ་གསུམ་གྱིས་སྟོན་པའི་བརྒྱུད་པ་ནི། རྗེ་བཙུན་མ། མགོན་པོ་ཀླུ་སྒྲུབ། ཨོ་རྒྱན་པདྨ། གཏེར་སྟོན། མི་བསྐྱོད་རྡོ་རྗེ། དྭགས་སྟོན། གཉན་སྟོན། སེ་སྡིངས་པ་ཡབ་སྲས། གུ་རུ་ཆོས་འོད། བླ་མ་དར་མ་བཟང་པོ། ཀླུ་པ་ཞབས་དྲུང་ཆོས་དབང་དཔལ་འབྱོར། ལྷ་རིགས་ལེགས་ལྡན་རྗེ། ཀུན་མཁྱེན་མཁྱེན་བརྩེའི་ཞབས། ཁྱབ་བདག་དབང་རབ། འཇམ་མགོན་བསོད་ནམས་མཆོག་ལྡན། ཁྲ་ཚང་པ་ཆེན་པོ། དེས་བདག་ལའོ། །ཡང་ན་གུ་རུ་ཆོས་འོད་ནས། དཔལ་འབྱོར་དབང་ཕྱུག །ཆོས་ཀྱི་

དབང་པོ། ཀརྨ་གུ་རུ། ཀུན་མཁྱེན་དབང་ཕྱུག །ཁྲ་ཚང་པ་ཆེན་པོ། དེས་བདག་ལའོ། ༈ །བཀའ་རྩིས་ལས། ཛམ་དམར་རྣོ་མྱུར་གནད་ཀྱི་ནོར་སྒྲུབ་ཡིནཿ ཞེས་གསུངས་པའི་ཛམ་དམར་ཐུགས་གཏེར་གསང་མཛོད་གསང་སྒྲུབ་རིན་པོ་ཆེའི་གཏེར་མཛོད་ཀྱི་སྐོར་ལ། སྦྱོར་བ་ཆུ་སྦྱིན་གྱི་བཅས། དངོས་གཞི་ལྷ་བསྐྱེད་དེ་ཆུ་སྦྱིན་བྱ་བ། མཇུག་དམ་ཚིག་བསྲུང་ཞིང་ལས་ལ་སྦྱོར་བ་རྣམས། ཛམྦྷ་ལའི་རྟེན་འབྲེལ་ཟབ་མོའི་སྒྲུབ་པ་ལ། ཟས། སློབ་མ། ནོར་བུ། བུད་མེད། མལ་གོས། ཁྲོམ་རྣམས་དབང་དུ་བསྡུ་བའི་གསང་སྒྲུབ་རྣམས་ཀྱི་བརྒྱུད་པ་ནི། ཨོ་རྒྱན་པདྨ། ཇོ་མོ་མཚོ་རྒྱལ། གཏེར་སྟོན་ཆོས་དབང་། དེ་ལ་སྲས་དང་སྨན་ལུང་ཤཱཀ་འོད་གཉིས་ཀས་གསན། གཉིས་ཀ་ལ་རྩ་རི་ཞིག་པོ། དུས་འཁོར་བ་སངས་རྒྱས་བཀྲ་ཤིས། བླ་མ་གྲུབ་པ་འོད། བླ་མ་འབུམ་ལྷ་འོད་ཟེར། བླ་མ་དར་མ་བཟང་པོ། རི་ཁྲོད་པ་གཞོན་ནུ་རྒྱལ་མཚན་དཔལ་བཟང་། ཁྲིམས་ཁང་ལོ་ཙཱ་བ་བསོད་ནམས་རྒྱ་མཚོ། རིག་འཛིན་བསོད་ནམས་རྣམ་རྒྱལ། དཔལ་ཨོ་རྒྱན་བསྟན་འཛིན། མཁས་གྲུབ་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །གཏེར་སྟོན་ཆོས་ཀྱི་དབང་ཕྱུག་གིས་བྲག་རྟ་མགྲིན་གྱི་མགུལ་པ་འདྲ་བའི་ངོས་ནས་སྤྱན་དྲངས་པའི་ཛམ་དཀར་ལ་བརྟེན་ནས་དབུལ་བའི་སྡུག་བསྔལ་སེལ་བའི་ཕྱིར་དུ་ནོར་སྒྲུབ་རིན་ཅེན་སྤུངས་པ་ཛམ་དཀར་གསང་བ་ལྟར་རྫའི་གའུ་ལ་བརྟེན་ནས་སྒྲུབ་པ། ནང་གཏོར་མ་ལ་བརྟེན་ནས་སྒྲུབ་པ། ཕྱི་ཆུ་སྦྱིན་ལ་བརྟེན་ནས་སྒྲུབ་པ། འཁོར་

བཀའ་སྡོད་དུ་སྒྲུབ་པ། ཕྱག་མཚན་ནེའུ་ལེའི་སྒྲུབ་པ་ཤིན་ཏུ་གསང་བ་མྱུར་མགྱོགས། བསྟོད་པ་ནོར་བདག་ཆེན་པོ་སློབ་དཔོན་པདྨས་མཛད་པ། ཛམ་ལ་གཙོ་འཁོར་དགུའི་བསྟོད་པ་ཚིག་རྐང་བཅོ་ལྔ་པ་དགོས་འདོད་རེ་སྐོང་སྨན་ལུང་མི་བསྐྱོད་རྡོ་རྗེས་ཛམྦྷ་ལ་ཞལ་གཟིགས་ལྟར་མཛད་པ་རྣམས་ཀྱི་བརྒྱུད་པ་གོང་བཞིན་ནོ།། ༈ ཡང་བཀའ་རྩིས་ལས། གུ་ལང་གསང་སྒྲུབ་མི་ནོར་དབང་དུ་བྱེདཿ ཅེས་གསུངས་པའི་མུ་སྟེགས་ཀྱི་རྒྱལ་པོ་དབང་སྡུད་ཀྱི་འཁོར་ལོའི་སྒྲུབ་ཐབས་སྐུ་དང་གླང་དམར་ལ་བརྟེན་པ། ལན་དུར་དུ་སྒྲུབ་པ། དངོས་གྲུབ་བླང་བ་རྣམས་དང་གོང་གི་ཛམ་དཀར་གྱི་བརྒྱུད་ལུགས་དང་བཅས་པའི་བརྒྱུད་པ་ནི། ཆོས་ལོངས་སྤྲུལ་གསུམ། གཏེར་སྟོན། སྨན་ལུང་པ། དྭགས་སྟོན། གཉེན་སྟོན་པ། སེ་སྡིངས་པ་ཡབ་སྲས། ཆོས་འོད། དཔལ་འབྱོར་དབང་ཕྱུག །ཆོས་ཀྱི་དབང་པོ། ཀརྨ་གུ་རུ། ཀུན་མཁྱེན་དབང་ཕྱུག་ཁྲ་ཚང་པ་ཆེན་པོ། དེས་བདག་ལའོ། ༈ །སྤྲུལ་པའི་གཏེར་སྟོན་ཆོས་ཀྱི་དབང་ཕྱུག་གིས་ཀླུ་བདུད་ལྟོ་བ་ནས་གདན་དྲངས་པའི་འཇོམས་བྱེད་འཆར་ཀ་འཆི་བདག་ནག་པོའི་སྐོར། བཀའ་རྩིས་ལས། ཨ་ཙ་ར་ནག་པོ་ཅོག་བརྡུང་སྡེ་དྲུག་ནི༔ གཟའ་ཡི་ཅོག་བརྡུང་སྤུ་གྲི་གསང་རྒལ་དང་༔ མ་མོའི་ཅོག་བརྡུང་བོང་ཞོན་ནག་མོ་དང་ཿ མགོན་པོའི་ཅོག་བརྡུང་བེང་ཆེན་མ་ཏང་ཀ༔ ཟློག་པའི་ཅོག་བརྡུང་འཆར་ཀ་ནག་པོ་དང་༔ ལྟས་ངན་ཅོག་བརྡུང་བྱང་སྨན་རྒྱལ་པོ་དང་༔ སེར་བའི་ཅོག་བརྡུང་དབང་ཕྱུག་གུ་ལང་ངོ་༔ ཅོག་བརྡུང་སྡེ་དྲུག་བསྟན་སྲུང་རྐང་ཡིན་པས༔ དམ་ལྡན་སྙིང་རུས་

ཅན་གྱི་མཚོན་ཆ་ཡིན༔ ཞེས་གསུངས་པའི་ནང་ཚན་ཟློག་པའི་ཅོག་བརྡུང་གི་སྐོར་ལ། ཐོག་མར་གདོང་ཟོར་སྤུ་གྲི་འབར་བའི་ཟོར་དབང་གནམ་ལྕགས་འཁོར་ལོའི་སྟེང་ནས་དབང་ཚར་གཅིག་དང་། དབང་ཆོག་གོང་མ་དང་ཅུང་ཟད་འདྲ་མིན་ཡོད་པ་ཟོར་དབང་ཐུན་མོང་མ་ཡིན་པ་ཀུན་ལ་མེད་པའི་ཟབ་ཆོས་སུ་གྲགས་པའི་སྟེང་ནས་ཟོར་དབང་ཚར་གཅིག་རྣམས་ལེགས་པར་ནོས། ལུང་ལ། རྩ་བར་གྱུར་པ་རྒྱུད། དེ་ལས་བྱུང་བ་སྔགས་སྒྲུབ། དེ་དག་ལ་ཉེ་བར་མཁོ་བའི་སྐོར་དང་གསུམ། དང་པོ་ནི། གཤིན་རྗེ་འཆར་ཀ་ནག་པོའི་རྩ་བ་གསང་བའི་རྒྱུད་ཆེན་མོ་ལེའུ་ཉི་ཤུ་རྩ་ལྔ་པ། གཉིས་པ་དེ་ལས་བྱུང་བའི་སྔགས་སྒྲུབ་ལ། བསྙེན་སྒྲུབ་ལས་གསུམ་ལས། དང་པོ་ནི། གང་ཟག་གི་མཚན་ཉིད། སྔོན་འགྲོ། གནས། དཀྱིལ་འཁོར། བསྟེན་རྫས། འཕྲིན་ལས་ཀྱི་རིམ་པ་རྣམས་ཀྱིས་དོན་དྲུག་ཏུ་བསྟན་པ། གཉིས་པ་སྒྲུབ་པ་ལ། སྔགས། ལྷའི་གནད། དམ་ཚིག་དང་གསུམ་གྱིས་བསྟན། གསུམ་པ་ལས་སྦྱོར་ལ། བསྲུང་བཟློག་གསད་མནན་བཞི་ལས། གསང་བ་སྲིན་སྦར་མར་དཀྱུས་སུ་འབྱུང་ཡང་འདིར་གུད་དུ་སྦས་པའི་དངོས་བསྟན་བསྲུང་བཟློག་མནན་པ་དང་གསུམ་ལས། དང་པོ་བསྲུང་བ་ལ་སྤྱི་བྱེ་བྲག་གཉིས། དང་པོ་སྤྱིར་བསྲུང་བ་ལ། མདོས། འཁོར་ལོ། གཏོར་མ། ཏིང་འཛིན། སྔགས། ཟོར། སྦྱིན་སྲེག་གི་བསྲུང་བ་དང་བདུན། གཉིས་པ་བྱེ་བྲག་གི་བསྲུང་བ་ལ། ནད་པ། སྲིའུ། སེར་བ། རིམས། རྟ་ཕྱུགས། མཛེ་འཕྲོ། ཞོ་ཆང་བསྲུང་བ་དང་བདུན། གཉིས་པ་བཟློག་པ་ལ་སྤྱི་བྱེ་བྲག་

གཉིས། དང་པོ་སྤྱིར་བཟློག་པ་ལ། མདོས། འཁོར་ལོ། གཏོར་མ། ཏིང་འཛིན། སྔགས། ཟོར། སྦྱིན་སྲེག་གིས་བཟློག་པ་དང་བདུན། གཉིས་པ་བྱེ་བྲག་ཏུ་བཟློག་པ་ལ། ལྟས་ངན། འཆི་བ། ཕུར་ཁ། དམག་དཔུང་། མི་ཁ་རྨི་ལམ། ནད་ཡམས། བྱོལ་ཆགས་བཟློག་པ་དང་བདུན། གསད་པའི་ས་བཅད་དང་མདོས་ཀྱིས་གསང་བ་ཟུར་ཙམ་བསྟན་ནས། བཞི་པ་མནན་པ་ལ་སྤྱི་དང་བྱེ་བྲག་གཉིས་ལས། དང་པོ་སྤྱིར་མནན་པ་ལ། འཁོར་ལོ། མདོས། ཕོ་ཉ། སྔགས། གཏོར་མ། མནན་པའི་ས་བསྟན་པ། མནན་ཐབས་དང་བདུན། གཉིས་པ་བྱེ་བྲག་ཏུ་མནན་པ་ལ། གཞན་གྱི་ངག །རིག་སྔགས་ཀྱི་གཟེར་འཕྲོ་བཅད་ཅིང་གནོན་པ། ནང་འགྲས། རྦད་པའི་ཚེ་ཕྱིར་ཟློག་བྱེད་པ་རེངས་སུ་གཞུག་ཅིང་མནན་པ། དམ་སྲི། ཀླུ་གཏད། མནན་པ་སྤྱིའི་རྟགས་དང་བདུན། ཞར་བྱུང་བསྙེན་སྒྲུབ་ལས་གསུམ་བགྱི་བའི་དུས་ཚོད་སོགས་ཀྱི་མན་ངག་ཞལ་གདམས་དང་བཅས་པ། གོང་དུ་གུད་དུ་བཀོལ་བའི་གསད་པ་ལ་སྤྱི་དང་བྱེ་བྲག་གཉིས་ལས། དང་པོ་སྤྱིར་གསད་པ་ལ་མདོས། ལས་མཁན་གྱི་དྲག་སྔགས། མ་འགྲུབ་ན་སྤོགས་པ། གནད་ལ་དབབ་པ། ལས་མཁན་བསྐུལ་བ། ལྟས་ངན་དབབ་ཅིང་སྨྱོ་འབོག །རྟགས་ཀྱི་རིམ་པ་དང་བདུན། གཉིས་པ་བྱེ་བྲག་ཏུ་གསད་པ་ལ། སྔགས་པ་ནང་རྒྱས། ཕོ་གཤེད་ཕོ། མོ་གཤེད་མོ། རང་གཤེད་རང་། དགྲ་གཤེད་དགྲ། བགེགས་བཤེད་བགེགས། སྲོག་གཤེད་སྲོག་ལ་འབེབས་པ་དང་བདུན་ནོ། །གསུམ་པ་དེ་དག་ལ་ཉེ་བར་མཁོ་བའི་སྐོར་ལ། ཆར་ཀ་ནག་པོའི་འཕྲིན་ལས་ཀྱི་

རིམ་པ་གསལ་བར་བྱེད་པའི་འཕྲེང་བ་ཞེས་པ་བྱ་བ་ལ། སྔོན་འགྲོའི་ལས་དྲུག་ནི་ཞི་ཁྲོ་སྤྱི་གཞུང་དུ་ཁ་འཕངས་ནས་དངོས་གཞི་ལ་དམ་ཚིག་གི་དཀྱིལ་འཁོར་བསྐྱེད་པ་ལྔ། རང་བཞིན་གྱི་དཀྱིལ་འཁོར་སྒྲུབ་པ་ལ་བརྒྱད། མཇུག་ལས་ཀྱི་ཁ་བསྒྱུར་ལ་སྤྱི་དང་བྱེ་བྲག་གཉིས་ཞར་བྱུང་མདོས་དང་ཟོར་འཕེན་སོགས་ལ་དགོས་པའི་ཟློག་བསྒྱུར་ཆེན་མོ་ཆ་ལག་དང་བཅས་པ། ཕྱོགས་གར་གཏོགས། རྒྱུད་གང་ནས་བཏུས་པ། སློབ་དཔོན་གང་གིས་མཛད་པ་སོགས་བསྲུང་བཟློག་གསད་མནན་གྱི་གནད་གསང་རྒྱུད་ལ་བརྟེན་ནས་པདྨ་བདག་གིས་བཀོད་པ། ཟོར་གྱི་ངོ་བོ་ངེས་ཚིག་དབྱེ་བ་སོགས་བཅུ་གསུམ་གྱི་སྒོ་ནས་བསྟན་པ་ཟོར་གྱི་གནད་ཡིག་འགྲེལ་པ། འཁོར་ལོའི་མན་ངག་དཔེ་ཆུང་རྣམས་ཀྱི་གསལ་བྱེད་རྒྱབ་རྟེན་གསལ་བའི་མེ་ལོང་། གསེ་རག་གི་གིང་དུ་བསྐུལ་ཕྱིར་གཤིན་རྗེ་ནོར་ལྷར་བསྒྲུབ་པ། དབང་ཆོག་གཉིས། དཔེ་རིས་སྐོར་ལ། བསྲུང་བཟློག་གསད་མནན་གྱི་ཙཀྲ། སྟེང་གབ་ཕོ་འཁོར་འོག་ཏུ་འདིང་བ་མོ་འཁོར། ཕུར་བཟློག །ཟོར་ལ་གནོན་པ། ལིངྒ། ཧོམ། ཐུན་རྫས། སྲིད་པའི་ཙཀྲ། རིག་སྔགས་ཀྱི་གཟེར་ཁ་འཕོ་བ། ངག་གནོན། སྲིའུ་བསྲུང་བ། པགས་པར་འདྲི་བའི་ཕོ་འཁོར་མོ་འཁོར། ཟོར་སྔགས་འཁོར་ལོ། ནག་མོ་དགྲ་ལ་རྦད་པ། སྤྱིར་བསྲུང་བ། དམ་སྲི་ཁ་འཆིང་། གཏད་འཁོར། རྒྱ་གྲམ། རབས་ཆད་ཐོད་སྟེང་བཞུགས་པའི་འཆར་ཀ །བཟློག་པ། ཚེ་སྒྲུབ་མནན་པ། གསད་པ་བཞིའི་འཆར་ཀ །ཕུར་བུ་ལྟར་སྒྲུབ་པ། ལས་ཐམས་ཅད་ཀྱི་དཀྱིལ་འཁོར། སྦྱིན་སྲེག །མ་ཏྲམ། ཁྲམ་བྱང་

སོགས་ཀྱི་ཤོག་ཁ་དང་བཅས་པ་ཐོབ་པ་ལས། གཏེར་ཁ་གོང་མའི་འཆར་ཀ་སླར་ཡང་གཏེར་དུས་སྦས་ཟེར་ནའང་འོག་མ་ཀླུ་བདུད་ལྟོ་བའི་ཟབ་གཏེར་ཡིན་འདུག་པས་ཡང་གཏེར་ཡིན་པ་གཏན་ཚིགས་ཀྱིས་མི་འགྲུབ། གང་ལྟར་ཕན་ཚུན་གཉིས་ཞུས་དག་ཕེར་བ་ཙམ་འདུག་པས་ཕྲན་བུའི་མང་ཉུང་དང་ཕན་ཚུན་འདྲེས་པ་དབྱེ་བ་ཕྱེད་པ་དཀའ་ནའང་དམ་པའི་གསུང་རྒྱུན་བཞིན་ངེས་པར་བྱས་ནས། ཐོག་མར་གདོང་ཟོར་སྤུ་གྲི་འབར་བའི་ཟོར་འཕང་གནམ་ལྕགས་འཁོར་ལོའི་བརྒྱུད་པ་ལ། སྔགས་འཆང་བློ་གྲོས་བཟང་པོ་སོགས་ཀྱིས་དབང་ཆོག་ཚིག་རིགས་གཅིག་པའི་སྟེང་ནས་བཀའ་མ་གནུབས་ལུགས་ཀྱང་གསན་པས་བརྒྱུད་པ་འདི་ལ་བཀའ་གཏེར་གཉིས་ཀ་འདྲེན་སྲོལ་ཡོད་པའི་དང་པོ་བཀའ་མའི་བརྒྱུད་པ་ནི། ཀུན་ཏུ་བཟང་པོ། འཇམ་དཔལ་གཤིན་རྗེའི་གཤེད། ཕྱག་ན་རྡོ་རྗེ། ལྷ་བུ་བདེ་བ་མཆོག་ལྡན། གཙུག་ལག་དཔལ་དགེ །བྲམ་ཟེ་ཁྲག་འཐུང་ནག་པོ། རྒྱ་གར་དྷ་ན་དྷ་ལ། བལ་པོ་བྷ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གནུབས་ཡོན་ཏན་རྒྱ་མཚོ། གནུབས་པདྨ་དབང་རྒྱལ། གནུབས་བླ་མ་ཇོ་མོ་འཇམ་དཔལ། ཡུམ་ཆེན་སོ་གད་སོ་གྱེན། ལྷ་རྗེ་ཡེ་ཤེས་གཟུང་། བླ་མ་ལྷ་དར། ལྷ་རྗེ་ཇོ་དོར། ལྷ་རྗེ་དྷརྨ། ལྷ་རྗེ་རྒྱ་ཧོར། ལྷ་རྗེ་དབང་ཞོན། ལྷ་རྗེ་ཆོས་སེང་། བླ་མ་བཀྲ་ཤིས་དར། བླ་མ་དྷརྨ་སེང་གེ །ལྷ་རྗེ་སེང་གེ་དར། ཡེ་ཤེས་རྒྱ་མཚོ། སངས་རྒྱས་རྡོ་རྗེ། རྡོ་རྗེ་སེང་གེ །བླ་ཆེན་ཆོས་དཔལ་བཟང་པོ། རྒྱལ་མཚན་སེང་གེ་སྐུ་མཆེད། སྔགས་འཆང་བློ་གྲོས་བཟང་པོ། ལྷ་རིགས་འཇམ་དབྱངས་རིན་ཅེན་རྒྱལ་མཚན།

དེ་སྲས་མངའ་རིས་པདྨ་དབང་རྒྱལ། གཅུང་ལེགས་ལྡན་རྡོ་རྗེ། དཔལ་བཀྲ་ཤིས་སྟོབས་རྒྱལ། འབྲི་གུང་པ་རིག་འཛིན་ཆོས་ཀྱི་གྲགས་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །གཉིས་པ་གཏེར་མའི་བརྒྱུད་པ་ནི། གཤིན་རྗེ་གཤེད། འཇམ་དཔལ་བཤེས་གཉེན། འདིའི་ཁྱད་པར་གྱི་རིག་འཛིན་བརྒྱད་ཅེས་པ། དཔའ་བོ་ཁྲོས་པ། རོ་ལངས་གསང་བ། ཤཱཀྱ་པྲ་བྷ། གུཧྱ་རིང་མོ། རྡོ་རྗེ་ཐོགས་མེད། ཉི་མ་རྒྱལ་མཚན། དྷརྨ་ཀོ་ཥ། ཨོ་རྒྱན་ཆེན་པོ། ཇོ་མོ་མཚོ་རྒྱལ། མངའ་བདག་རྗེ། གུ་རུ་ཆོས་ཀྱི་དབང་ཕྱུག །སྲས་པདྨ་དབང་ཆེན། ལྕེ་སྟོན་གྲུབ་པ་འབུམ། བླ་མ་དཔལ་བ། སྒྲོལ་ཆེན་བསམ་གྲུབ་རྡོ་རྗེ། ཟུར་ཤཱཀ་འབྱུང་ཕྱི་མ། སྤྲུལ་སྐུ་ཚེ་དབང་རྒྱལ་པོ། གཡུང་གི་སྐྱེ་བ་རྒྱལ་སྲས་ཆོས་རྗེ། སྔགས་འཆང་ལེགས་པ་དཔལ་བཟང་། ཡབ་ལྷ་རིགས་འཇམ་དབྱངས་རྒྱལ་མཚན་མན་གོང་ལྟར། ཡང་ན་གཏེར་སྟོན་ནས། སྲས་མོ་སངས་རྒྱས་ཀུན་སྒྲོལ། བླ་མ་ཆོས་ཉིད་རང་གྲོལ། རྗེ་སངས་རྒྱས་ལྷུན་དབང་། སྔགས་འཆང་ཀུན་དགའ་བཀྲ་ཤིས། རྒྱལ་སྲས་ཆོས་རྗེ་མན་འདྲ། ཡང་ན་སྲས་པདྨ་དབང་ཆེན་ནས། ཤེས་རབ་རྒྱ་མཚོ། ཟླ་དུས་དཔལ་བཟང་། སེང་གེ་དཔལ་བཟང་། ཟུར་ཤཱཀ་འབྱུང་མན་འདྲ། ཡང་ན་སྲས་པདྨ་དབང་ཆེན་ཡན་གོང་ལྟར་ལ། ཉང་སངས་རྒྱས་ཡོན་ཏན། ཉང་དབང་ཕྱུག་མགོན་པོ། ཕག་སྟོན་ཤཱཀྱ་མགོན་པོ། སྤུག་སྟོན་དཔལ་ལྡན་མགོན་པོ། མཁས་གྲུབ་ཆོས་ཀྱི་རྒྱལ་མཚན། སྤང་སྟོན་བདེ་ལེགས་རྒྱལ་མཚན། ལ་སྟོད་བརྒྱ་མཁར་བ་སེ་

སྟོན་རིན་ཅེན་རྒྱལ་མཚན། སྤྱན་ཆབ་མགོན་པོ་ཟླ་བ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན། ཁྲི་སྲོང་རྣམ་སྤྲུལ་དཔལ་བཀྲ་ཤིས་སྟོབས་རྒྱལ་མན་གོང་ལྟར་རོ། ༈ །ཡང་ན་ཟུར་ཤཱཀ་འབྱུང་ཕྱི་མ་ནས། རྗེ་སངས་རྒྱས་རིན་ཅེན། མཁས་གྲུབ་རྡོ་རྗེ་དཔལ་བཟང་། འབྱོ་ར་བ། སེ་སྟོན་རིན་ཅེན་རྒྱལ་མཚན་མན་འདྲ། ཡང་གཤིན་རྗེ་འཆར་ཀའི་ཟོར་དབང་ཐུན་མོང་མ་ཡིན་པ་ཀུན་ལ་མེད་པའི་ཟབ་ཆོས་སུ་གྲགས་པའི་དབང་ཆོག་གི་སྟེང་ནས་ཐོབ་པའི་བརྒྱུད་པ་ནི། བཀའ་གཏེར་གཉིས་ལས་ཐོག་མར་གཏེར་བརྒྱུད་ལ། བཅོམ་ལྡན་འདས་འཇམ་དཔལ་གཤིན་རྗེའི་གཤེད་ཡབ་ཡུམ། སློབ་དཔོན་འཇམ་དཔལ་བཤེས་གཉེན། ཨོ་རྒྱན་པདྨ་འབྱུང་གནས། གཏེར་སྟོན་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། སྨན་ལུང་པ་མི་བསྐྱོད་རྡོ་རྗེ། སྔགས་འཆང་བླ་མ་དཔལ་བ། སྒྲོལ་ཆེན་བསམ་གྲུབ་རྡོ་རྗེ། ཟུར་ཧྭཾ་ཤཱཀ་འབྱུང་ཕྱི་མ། རི་སྦུག་པ་སྤྲུལ་སྐུ་ཚེ་དབང་རྒྱལ་པོ། གཡུང་གི་སྐྱེ་བ་རྒྱལ་སྲས་ཆོས་རྗེ། སྔགས་འཆང་ནམ་མཁའ་ལྷུན་པོ། སྔགས་འཆང་བློ་གྲོས་བཟང་པོ། གནུབས་སྟོན་རིན་ཅེན་དཔལ་བཟང་། འུག་པ་ལུང་པ་ཤཱཀྱ་རིན་ཅེན། ཟུར་འཇམ་དབྱངས་རྒྱལ་པོའི་སྲས་པོ། རིག་འཛིན་པདྨ་བདུད་འདུལ། སྔགས་འཆང་ཆོས་རྒྱལ་རྡོ་རྗེ། ཁྲ་ཚང་པ་ཆེན་པོ་ཁྱབ་བདག་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། ༈ །བཀའ་མ་ལྟར་ན་སྔགས་འཆང་བློ་གྲོས་བཟང་པོ་ཡན་གོང་དུ་སྨོས་པའི་བཀའ་མའི་བརྒྱུད་པ་ལྟར་ལ། དེ་ནས་གནུབས་སྟོན་རིན་ཅེན་དཔལ་བཟང་མན་གཏེར་བརྒྱུད་དང་གཅིག །ལུང་གི་

བརྒྱུད་པ་ནི། འཇམ་དཔལ་གཤིན་རྗེ་གཤེད། སློབ་དཔོན་གཙུག་ལག་དཔལ་དགེ །གུ་རུ་ཁྲག་འཐུང་ནག་པོ། སློབ་དཔོན་པདྨ་འབྱུང་གནས། མངའ་བདག་ཁྲི་སྲོང་ལྡེ་བཙན། གཏེར་སྟོན་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། གྲུབ་ཆེན་དམར་ཞབས་རས་པ། རྩེ་ཤིང་རྒྱལ་མཚན། འཛམ་གླིང་རྒྱལ་མཚན། རྟོགས་ལྡན་གྲགས་འབུམ། གྲུབ་ཆེན་དཔལ་སེང་། གྲུབ་ཆེན་བརྩོན་འགྲུས་མགོན་པོ། བྱ་བྲལ་བ་བསོད་ནམས་སེང་གེ །དམ་པ་ཆོས་སྐྱོང་ཚུལ་ཁྲིམས། སློབ་དཔོན་ཚུལ་ཁྲིམས་འབུམ། འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན་རིན་པོ་ཆེ། རིག་འཛིན་ལེགས་ལྡན་རྡོ་རྗེ། ཆོས་རྗེ་བ་ལེ་བ་རྣམ་རྒྱལ་དཔལ་བཟང་། འོ་བྲན་སྔགས་འཆང་འོལ་ཁ་བ་ངག་དབང་ཆོས་གྲགས། ཁྲ་ཚང་པ་ཆེན་པོ། དེས་བདག་ལའོ། ༈ །ཡང་ན་སྲས་པདྨ་དབང་ཆེན། ལྕེ་སྟོན་ཟུང་ངེ་། དཔལ་ལྡན་བཟང་པོ། ཤཱཀྱ་འབྱུང་གནས། ཤཱཀྱ་ཕ་ལ་ཤྲཱི། ཉང་ཤཱཀ་རྡོར། ཤཱཀྱ་བཤེས་གཉེན། ལེགས་པ་དཔལ་བཟང་། ཡབ་འཇམ་དབྱངས་རིན་ཅེན་རྒྱལ་མཚན་མན་གོང་བཞིན་ནོ། །ཡང་ན་འཇམ་དབྱངས་རྒྱལ་མཚན་ཡན་གོང་ལྟར་ལ། པཎ་ཆེན་པདྨ་དབང་རྒྱལ། ཡབ་སྲས་གཉིས་ཀ་ལ་ལྷ་བཙུན་བདུད་འཇོམས་རྡོ་རྗེས་གསན། དེ་ནས་འབྲི་གུང་རིན་ཅེན་ཕུན་ཚོགས། སྣང་གསལ་བ་བཀྲ་ཤིས་རྒྱ་མཚོ། རྗེ་ཀུན་དགའ་ཚེ་མཆོག །ངག་དབང་ཡེ་ཤེས་གྲུབ་པ། ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། ༈ །ཡང་ན་གཏེར་སྟོན་ནས། སྨན་ལུང་

ཤཱཀ་གཞོན། ཡེ་ཤེས་སྙིང་པོ། མཁས་གྲུབ་གཞོན་ནུ། ནམ་མཁའ་ཡབ་སྲས། རབ་འབྱམས་བཟང་པོ། རྡོ་རྗེ་སངས་རྒྱས། ཆོས་གྲགས་པ། བསོད་ནམས་དཔལ་ལྡན། གཞོན་ནུ་དཔལ་བཟང་། སྐལ་ལྡན་རྒྱ་མཚོ། རྒྱ་མ་མི་འགྱུར་བ་བཀྲ་ཤིས་རྒྱ་མཚོ་མན་སྔར་བཞིན། མདོས་འཁོར་ལོ་སོགས་ཀྱི་ཕྱག་ལེན་ཕྲ་ཞིབ་དམར་འཁྲིད་དུ་ཐོབ་པའི་བརྒྱུད་པ་ནི། ཡར་ཀླུངས་སྤྲུལ་སྐུ་མི་བསྐྱོད་རྡོ་རྗེ་ནས་ཆོས་ལྡན་པ་མགོན་པོ་རྡོ་རྗེ། དུར་ཁྲོད་པ་ཀུན་བཟང་རྡོ་རྗེ། སྤྲུལ་སྐུ་ཤཱཀ་འབུམ། ཤཱཀ་གཞོན། འཁྲུལ་ཞིག་བསོད་རྒྱལ། ཤཱཀྱ་སེང་གེ །ཤཱཀྱ་དཔལ། སངས་རྒྱས་རིན་ཅེན། བློ་གྲོས་རྒྱ་མཚོ། ནམ་མཁའ་རྒྱལ་མཚན། ཚེ་དབང་། མཐུ་སྟོབས་པ། ཁྲ་ཚང་པ་ཆེན་པོ་སྟེ་སྨན་ལུང་པའི་ཞལ་ངོ་ནང་བརྒྱུད་དང་། སྨན་ལུང་མི་བསྐྱོད་རྡོ་རྗེ་ནས། གུང་རུ་བ་གཉོས་སྟོན་ཆེན་པོ་ལས་ཁྲ་ཚང་བའི་ཞལ་ངོ་ནང་བརྒྱུད་ཀྱི་ཕྱག་ལེན་ཕྲ་ཞིབ་ཀྱང་གདེང་ལྡན་དུ་ཐོབ་བོ། ༈ །བཀའ་རྩིས་ལས། ཕོ་མོ་ཀླུ་གསུམ་སྒྲུབ་མཐུའི་ཆོས་མང་གི༔ བཟློག་ཐབས་མེད་པའི་ཙོག་བརྡུང་འདི་ན་མཆིས༔ དེ་གང་ཞེ་ན་མ་ནིང་ཚིག་ཤུར་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་དང་། རྨི་ལམ་ཉམས་འཇིགས་ལྟས་ངན་ཆོས་མང་གི༔ མི་ནག་སྒོ་གསུམ་སྒོ་གཅོག་འདི་ན་མཆིསཿ དེ་གང་ཞེ་ན་མ་ནིང་ཡང་འཁོལ་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ མཛེ་འབྲས་ནད་འབྱུང་གཏད་ཀྱི་ཆོས་མང་གི༔ ཧུར་ཐུམ་མི་སྡེ་རྩད་གཅོད་འདི་ན་མཆིས༔ དེ་གང་ཞེ་ན་ཀླུ་བདུད་གན་ལོག་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་ཆེས་ཆེར་བསྔགས་

པའི་བསྟན་སྲུང་དཔལ་མགོན་མ་ནིང་ནག་པོའི་ཆོས་སྐོར་ཆོས་དབང་རིན་པོ་ཆེས་ཀླུ་བདུད་སྐུ་སྐེད་ནས་སྤྱན་དྲངས་པ་ལ། འཇམ་དབྱངས་མཁྱེན་བརྩེའི་གསུང་རྒྱུན་ཟིན་བྲིས་ཀྱི་ཆོ་གའི་སྟེང་ནས་ཚོམ་བུའི་དཀྱིལ་འཁོར་དུ་ཕྱི་འཇུག་སྟ་གོན་དང་ནང་འཇུག་སྔོན་དུ་འགྲོ་བའི་བུམ་པ། སྐུ་གསུང་ཐུགས་ཡོན་ཏན་འཕྲིན་ལས། སྦྱོར་སྒྲོལ། གཟི་བརྗིད་སྟོབས། སྲོག་དབང་། དམ་ཚིག་བསྒྲག་པའི་དབང་བཅུ་ཤིན་ཏུ་རྒྱས་པ་ཚར་གཅིག་དང་སློབ་དཔོན་ཚུལ་ཁྲིམས་དཔལ་གྱིས་སྨན་ལུང་མི་བསྐྱོད་རྡོ་རྗེ་ལ་གསན་དུས་དབང་གི་མ་བུ་ཁྲིགས་ཆགས་སུ་བཀོད་པའི་སྟེང་ནས་གོང་དང་ཕྱོགས་འདྲ་ལན་ཅིག་སྟེ་ཚར་གཉིས་ནོས། ལུང་སྐོར་ལ། རྩ་བ། སྒྲུབ་ཐབས། ལས་མཁན། མཚོན་ཆ། ཆོ་འཕྲུལ། འཁོལ་པོ། ཡང་འཁོལ། གཅེས་པ། དགོས་པ། མོ་རྒྱུད། ཐོར་བུའི་སྐོར་དང་བཅུ་གཅིག །དང་པོ་རྩ་བ་བཞི་ནི། བཅོམ་ལྡན་འདས་གསང་བ་ཡེ་ཤེས་ཀྱི་ཁྲོ་བོ་དཔལ་ཆེ་མཆོག་ཧེ་རུ་ཀའི་སྐུ་གསུང་ཐུགས་ཀྱི་སྤྲུལ་པ་དཔལ་མགོན་མ་ནིང་ནག་པོའི་ལས་༼ཟུར༽རྒྱུད་ལེའུ་བཅུ་གསུམ་པ་མཇུག་ཏུ་མངོན་པར་བསྟོད་པ་དང་བཅས་པ་ཙིཏྟ་རིན་པོ་ཆེའི་རྒྱ་ཅན། མ་ནིང་དྲེགས་པའི་སྲོག་དབང་ཞེས་བྱ་བའི་ཤིན་ཏུ་གཉན་པ་གཏེར་གཞུང་། དེའི་གསལ་བྱེད་འཇམ་དབྱངས་མཁྱེན་བརྩེའི་གསུང་རྒྱུན་སྒྲུབ་རྒྱུད་རིན་པོ་ཆེ་འདི་ཉིད་ཀྱི་བཀའ་སྲུང་གི་གཙོ་བོ་དཔལ་མགོན་མ་ནིང་གི་སྲོག་དབང་། གཏེར་གཞུང་གསལ་བྱེད་སློབ་དཔོན་ཚུལ་ཁྲིམས་དཔལ་གྱིས་སྨན་ལུང་༼ཟུར༽པ་མི་བསྐྱོད་རྡོ་རྗེ་ལ་གསན་དུས་གསོལ་བ་བཏབ་སྟེ་དབང་གི་མ་བུ་རྣམས་ཁྲིགས་ཆགས་སུ་བཀོད་

པ། རྒྱུད་ལས་བཀོལ་བའི་གསང་བའི་སྒྲུབ་ཐབས་ལས་བྱང་གི་རིམ་པ་ཞེས་བྱ་བ་དེང་སང་ལས་བྱང་ཆེན་མོར་གྲགས་པ། དེའི་ཞར་བྱུང་དུ་མ་ནིང་གི་སྤྱན་འདྲེན་མཆོད་བསྟོད་བསྡུས་པ་དད་པ་དམ་ཚིག་མ། ཤུད་བུ་བ་པུཎྱེ་སཱ་ག་རས་མཛད་པའི་མངོན་རྟོགས་ཤིན་ཏུ་རྒྱས་པ་སྨན་ལུང་པ་ཆེན་པོའི་ཕྱག་བཞེས། རྟེན་འབྲེལ་གནད་ཡིག་བཅུ་གཉིས་ལ་ནང་གསེས་བེང་ཕུར་གྱི་རྟེན་བཅའ་བ། དགྲའི་རྫུ་འཕྲུལ་འཕྲོག་པ། སྡེ་བརྒྱད་ཁྱི་བཞིན་འབྲང་བ། བསྲུང་བའི་རྒྱལ་པོ། ལྷ་སྲིན་གནད་འབེབས་ལ་མཁོ་བའི་རང་བསྲུང་། བླ་རྡོ། མཚན་ལྡན་ཐོད་པའི་དངོས་གྲུབ། སྟོང་སྲོག་གནད་ཀྱི་མན་ངག །ཡིག་འབྲུའི་གནད་ཡིག །གཏོར་མའི་གནད། གཉེན་པོ་ལྷའི་གནད། དམ་ཚིག་གནད་ཀྱི་སྡོམ་དང་བཅུ་གཉིས། གཉིས་པ་སྒྲུབ་ཐབས་བཞི་ནི། མ་ནིང་འཕྱར་དར་ལ་བརྟེན་ཏེ་སྒྲུབ་པ། གསོལ་ཁ་༼ཟུར༽སེམས་ཉིད་སྟོང་གསལ་མ། འདི་ལས་འབྲེལ་རྩལ་གྱི་གཏེར་ཁར་ཡོད་ཀྱང་གཏེར་ཁ་འདི་ལ་ཡང་ཡོད་པའི་གྲས་སུ་མཛད་པས་གོ་ཆོད། ལ་ལ་རྟེན་འབྲེལ་གནད་ཡིག་བཅུ་གཉིས་མའི་ནང་ནས་བཏོན་པའི་བེང་མའམ་འོན་ཀྱང་གང་རུང་ཡིན་ཞེས་གསུང་། དཔལ་མགོན་མ་ནིང་སྒྲུབ་ཐབས་༼ཟུར༽གཏེར་བདག་ནག་པོ་བསྟན་པའི་སྲོག་ཅེས་པ་རིགས་བརྒྱུད་དག་ལས་མི་སྤེལ་བའི་བཀའ་རྒྱ་ཅན་ཚིགས་བཅད་མ། དེའི་ཆ་ལག་ཏུ་གཏོགས་པའི་སྐོར་ལ། རྡོ་ནག་སྙིང་འདྲའི་ཞལ་གདམས། གཏོར་མའི་ཞལ་གདམས་མ་ནིང་ནག་པོའི་རྒྱུད་ཀྱི་སྲོག་༼ཟུར༽སྙིང་བཅུད་ཀྱི་མན་ངག་ཉིང་ཁུ། མགོན་པོ་གཉིས་ལྡན་གྱི་བུ་ཡིག་ཅེས་བྱ་བ་བསྐྱེད་རིམ་ནར་མ་རྩ་སྔགས་རྟེན་རྫས་ཚོགས་པ་དུས་གཏེར་རྒྱུན་གཏོར་ལ་བརྟེན་ནས་བསྙེན་པ། དབྱིབས་སྒྲུབ་སྲོག་

སྒྲུབ་གཉིས་ལས་སྲོག་སྒྲུབ་དང་བཅས་པ། གཉིས་ལྡན་གྱི་གཏོར་སྲེག་མནན་གསུམ། འབོད་རྦད་གསང་གསུམ་ཟོར་དང་བཅས་པའི་སྔགས་བྱང་དབུ་ན་གནས་དབེན་པར་མཎྜལ་གྲུ་བཞི་ཞེས་ཡོད་པ། དཔལ་མགོན་གནད་ལ་དབབ་༼ཟུར༽པ་གཟིར་བའི་ལས། ཞལ་གདམས་ལྔའི་སྒོ་ལྕགས་༼ཟུར༽ཅན་གཞན་ལ་མ་སྤེལ་བའི་བཀའ་རྒྱ་ཅན། གྲིར་ཤི་བའི་སྲིན་ལག་ལ་བརྟེན་ནས་བར་གཅོད་བསྲུང་བ། ཕོ་རྒྱུད་མོ་རྒྱུད་ཀྱི་སྲོག་ཤིང་བསྡུ་བའི་གནད་རྒོད་གཡུང་གི་གདམས་པ་བླ་མ་རྫོང་པའི་གསུང་ཡི་གེར་བཀོད་པ། དྲག་པོ་སྦྱིན་སྲེག་གི་ལས་སྦྱོར་ཚིགས་བཅད་མ། མགོན་པོ་མེ་སྦལ་ནག་པོས་སྲིའུ་ནོར་ཕྱུགས་བསྲུང་བ། མགོན་པོ་སློབ་མ་ལ་གཏེར་རམ་སྲིའུ་གསོ་བ་རྟ་ཕྱུགས་གསོ་བ་ལ་གཉེར་གཏད་བྱ་བའི་ཐབས། དགྲ་བོའི་བླ་རྟགས་དང་དབྱེ་བའི་རྫས་སྔགས་ཀྱི་གནད། དྲག་སྔགས་ཀྱི་མཐར་ཐུག་མིང་བརྒྱ་དོན་གཅིག་གི་སྒྲུབ་པ། དམ་ཚིག་བསྟན་པ། མ་ནིང་གི་སྐུ་གཟུགས་ལ་༼ཟུར༽བརྟེན་ནས་རྦོང་གཏོང་བཟློག་པ། རྟགས་རིམ། མ་ནིང་གནས་ཁང་ལ་ཆགས་པར་འདོད་པ། གཏེར་བདག་གི་སྒྲུབ་པའི་ནང་ཚན་ནད་པ་གསོ་བ། ཟས་ནོར་འདུ་བ། མོན་པ་ནག་པོའི་ལས་སྦྱོར་གྱི་མན་ངག་རི་གཟར་གྱི་རྦབ་ལྟ་བུ་ཅིས་ཀྱང་མི་ལྡོག་པ་རྣམས་ནི་རྩ་སྒྲུབ་ཀྱི་ཆ་ལག་གོ ། ༈ ཡང་གསང་སྲོག་བདུད་ཀྱི་སྒོས་༼ཟུར༽སྒྲུབ་ཁ་ཊྭཱཾ་གྲི་གུག་གི་རྒྱ་ཅན་རྣམས། གསུམ་པ་ལས་མཁན་བཞི་ནི། མ་ནིང་བྷ་ག་ནག་པོ་རྩ་༼ཟུར༽བའི་སྒྲུབ་པ་ཚིགས་བཅད་མ་འགོར་འདས་པའི་དུས་ན་མངོན་བྱུང་བ་ཞེས་པ། དེའི་སྒྲུབ་ཐབས་ཀྱི་འགྲེལ་༼ཟུར༽པར་ནང་གསེས་ཀྱི་རྒྱུད། ལུང་། སྒྲུབ་པ་དང་གསུམ། སྒྲུབ་པ་ལ་དཀྱིལ་

འཁོར་གཤོམ་ཞིང་རྫས་གསོག་པ། འབོད། རྦད། གསད། སྤོགས་པ། སྒྲུབ་པའི་རིམ་པ། དམ་ཚིག །གནད་དབབ། མཐའ་རྒྱས་ཏེ་དགུས་བསྟན་པ། རྩ་སྒྲུབ་བྷ་ག་ནག་པོའི་ཞལ་ཤེས་མ་ནིང་ནག་པོ་གང་ཞེས་ཟེར་བ་ཡོད་པ། མ་ནིང་དྲེགས་པ་ཆིག་ཤུར་ནག་པོའི་གསང་༼ཟུར༽སྒྲུབ་གསད་པའི་མཐར་ཐུག །དེའི་ཆ་ལག་མ་ནིང་ཚིག་ཤུར་ཀྱི་གཏོར་རྒྱུན་གཏོར་མའི་སྒྲུབ་པ་རྟག་གཏོར་མཆོད་གཏོར་གསུམ་གྱི་སྒོ་ནས་བསྟན་པ། དེའི་བསྐུལ་ཡུལ་གྱི་མིང་ནི་རྒྱ་གར་ཡུལ་ཞེས་སོགས་དང་། ནག་པོ་ཁྱོད་ཀྱི་མཚན་ཉིད་ནི་ཞེས་སོགས་ཀྱིས་བསྐུལ་བ། བདུད་པོ་དགྲ་གཤེད་ནག་༼ཟུར༽པོ་རྟ་ནག་ལ་ཞོན་པ་མདུང་དང་དགྲ་སྙིང་བསྣམས་པ་དར་ནག་འཇོལ་བེར་ཅན་གྱི་སྒྲུབ་པ། ཡང་འཁོལ་གཤན་པ་ལག་དམར་༼ཟུར༽སྔགས་ནག་སྒྲོལ་བའི་སྤུ་གྲི་རྣམས། བཞི་པ་མཚོན་ཆ་བཞི་ནི། མ་ནིང་དྲག་སྔགས་སྤུ་གྲི་༼ཟུར༽སོ་གལ། དེའི་ཞལ་གདམས་མནན་སྔགས་དབུ་རུ་བྱུང་བ། ཡང་གསང་ཅོག་བརྡུང་༼ཟུར༽ བཞོན་པ་མེད་པ་གཡས་གྲི་གུག་དང་གཡོན་ཐོད་ཁྲག་ཐོགས་པ་དར་གྱི་འཇོལ་བེར་ཅན་གྱི་སྒྲུབ་པ། ཁབ་མཐུ་དམར་པོའི་གན་ལོག་ནག་པོར་གྲགས་༼ཟུར༽པ་སྣོད་མིན་ལ་སྤེལ་བ་ལྟ་ཅི་སྨོས་བསྟན་པ་ཙམ་གྱིས་ཀྱང་ཁ་ནས་ཁྲག་སྐྱུག་པའི་བཅང་བར་དཀའ་བའི་དྲག་སྔགས། མན་ངག་སྡེ་བརྒྱད་སྤུ་གྲིའམ་༼ཟུར༽ཝ་ཐོད་མ། དེའི་ཞལ་ཤེས་དང་བཅས་པ་རྣམས། ལྔ་པ་ཆོ་འཕྲུལ་བཞི་ནི། མོན་ནག་སྒོ་གཅོག་འཕར་བ་ཆིག་ཤུར་༼ཟུར༽ཧོམ་དང་ཙིཏྟའི་རྒྱ་ཅན། བཀའ་སྲུང་ནག་པོ་སྐྲ་འཐེན་གྱི་སྒྲུབ་པ། ཆོ་འཕྲུལ་དངོས་སུ་སྟོན་པ་༼ཟུར༽སྔགས་བདག་ཁྲོ་ཆུ་ཁོལ་མ། བདུད་མོ་ཛ་དུར་༼ཟུར༽གྱི་ལས་རྣམས། དྲུག་པ་འཁོལ་པོ་བཞི་ནི། བདུད་ཀྱི་འཁོལ་༼ཟུར༽པོ་

ནོར་སྙེག །མུ་སྟེགས་འཁོལ་པོ་སྐྱ་གཅིག་མུ་སྟེགས་སྤུ་གྲི་ཞེས་བྱ་བ། གཟའི་འཁོལ་པོ་གཟའ་བདུད་མ་ནིང་གི་སྲོག་སྒྲུབ། གནོད་སྦྱིན་འཁོལ་པོ་མ་༼ཟུར༽ནིང་ཛམྦྷ་ལ་ནག་པོར་སྒྲུབ་པ་རྣམས། བདུན་པ་ཡང་འཁོལ་བརྒྱད་ནི། རིམས་ནད་གཏོང་བ་མ་མོའི་ཡང་འཁོལ་ཐོད་པའི་རྒྱ་ཅན། དངོས་སུ་གསད་པ་བདུད་ཀྱི་ཡང་འཁོལ་༼ཟུར༽དྲག་སྔགས་བདུན་པ་རྡོ་རྗེའི་རྒྱ་ཅན། ཞག་དགུར་གསོད་པ་གཟའི་ཡང་འཁོལ་མིག་༼ཟུར༽དམར་སྒྲུབ་པ་ཕུར་བུའི་རྒྱ་ཅན། ཕོ་ལོག་གཏོང་བ་སྲིན་པོའི་ཡང་༼ཟུར༽འཁོལ་རལ་གྲིའི་རྒྱ་ཅན། མྱུར་བ་གློག་དང་རྩལ་ཐོག་འདྲ་བ་རྒྱལ་པོའི་ཡང་འཁོལ་ནོར་བུའི་རྒྱ་ཅན། ཟླ་བ་གསུམ་ནས་ཁྲག་ཏུ་སྐྱུག་པ་བཙན་གྱི་ཡང་འཁོལ་འཁོར་ལོའི་རྒྱ་ཅན། ཐིབ་ནད་གཏོང་བ་དམུའི་ཡང་འཁོལ་སྒོ་ངའི་རྒྱ་ཅན། མཛེ་ནད་གཏོང་བ་ཀླུའི་ཡང་འཁོལ་ཀླུ་བདུད་མགོ་༼ཟུར༽དགུའི་གཏད་ཁྲམ་སྦྲུལ་གྱི་རྒྱ་ཅན་རྣམས་ཀྱི་བརྒྱད་ཁ་གྲངས་ཚང་ཡང་གཤིན་རྗེ་གནོད་སྦྱིན་ལྷ་རྣམས་ཀྱི་ཡང་འཁོལ་ཡོད་དམ་སྙམ། འདིའི་ཆ་ལག་ཏུ་གཏོགས་པའི་ལས་ཕྲན་ལ། རཱ་ཧུ་ལ་ལས་ལ་མངགས་པ། མོན་པ་སྲོག་གི་སྤུ་གྲི་ལས་ལ་མངགས་པ། བདུད་གསོད་བྱེད་ལས་ལ་མངགས་པ། བསེའི་མོན་པ་ལས་ལ་མངགས་པ། དཀར་པོ་སྙིང་འབྱིན་ལས་ལ་བསྐུལ་བ། མ་མོ་ཁྲོས་པའི་ལས་མཐའ། རཱ་ཧུ་ལ་མ་ཧཱ་ཀྲོ་ཏ་སོགས་སྡེ་བརྒྱད་ཀྱི་སྔགས་བྱང་རྣམས། བརྒྱད་པ་གཅེས་པ་བཞི་ནི། མཆོད་བསྟོད། འདི་ལས་བྱང་ན་ཡོད། བླ་རྡོ་ཤིན་ཏུ་གསང་བ། གནད་ཀྱི་ཡང་གསང་། མཆོད་པ་ཆུད་ཟོས་སུ་མི་འགྲོ་བ་མ་ཧཱ་ཀཱ་ལའི་འགྱུ་དུས་དམོད་བྱང་རྣམས། འདི་ལས་བྱང་ན་ཡོད། དགུ་པ་དགོས་པ་བཞི་ནི། གསོལ་

ཁ་རྒྱས་པ། ལས་བྱང་ན་ཡོད། བཀང་མདོས་ཀྱི་རྩ་བ་ཤོག་གཅིག་མ། བཀང་མདོས་ཆེན་མོའམ་ནག་པོ་ཆེན་པོའི་སྒྲུབ་མདོས་སུ་གྲགས་པ། གཏོར་སྐོང་དངོས་གྲུབ་ཆར་འབེབས། མགོན་པོ་ནག་པོའི་ཟོར་འཕང་བའི་མན་ངག་རྣམས། བཅུ་པ་མོ་རྒྱུད་སྐོར་བཞི་ནི། ཨེ་ཀ་ཛ་ཊི་སྲིང་མོར་སྒྲུབ་པ་༼ཟུར༽ཞེ་སྡང་ཅན་ཐམས་ཅད་ཀྱི་བཅུད་ཕྱུང་བའི་དྲག་སྔགས། མ་ནག་ལས་ཀྱི་རླུང་དམར་ཞེས་པ་ལྷ་མོ་དྲེལ་རྟ་རྐང་གསུམ་ལ་ཞོན་པ་སྤུ་གྲི་ནད་རྐྱལ་འཛིན་པའི་སྒྲུབ་པ། མ་མོ་མ་ནིང་ནག་མོ་བདུད་འདུལ་རེ་མ་ཏཱི་བོང་ཞོན་གྲི་གུག་དང་ཐོད་ཁྲག་འཛིན་པ་ལྟེ་བར་ཉི་མ་དང་དཔྲལ་བར་ཟླ་བ་ཚེས་པ་སེང་གེ་སྦྲུལ་གྱི་སྙན་རྒྱན་ཅན་གྱི་སྒྲུབ་པ། གསང་བའི་ལྷ་མོ་གཅེར་མོ་བོང་ཞོན་མ་རལ་གྲི་དང་རྡོ་རྗེ་འཛིན་པ་ལྕགས་ཁང་མའི་སྒྲུབ་པ་རྣམས། བཅུ་གཅིག་པ་ཐོར་བུའི་སྐོར་ལ། ནོར་སྲུང་གཤིན་རྗེ་དམར་པོ་སྲོག་གི་བདག་པོའི་སྒྲུབ་པ་ལྕགས་ཀྱུའི་རྒྱ་ཅན། དབུལ་བའི་སྡུག་བསྔལ་སེལ་བ་མ་ནིང་ཛམྦྷ་ལ་གའུའི་སྒྲུབ་པ། མགོན་པོ་མ་ནིང་ནག་པོ་རྒྱས་པའི་ལས་ཚོགས་ནས་ཆར་ཆུ་འབེབས་ཐབས་ས་བཅད་དྲུག་གིས་སྟོན་པའི་གསུམ་པ་ཡིན། བཞི་པ་ཆར་གཅོད། ལྔ་པ་སད་སེར་དང་། དྲུག་པ་རྩ་འབུ་བསྲུང་བའི་དཔེ་མ་འབྱོར་བས་མ་ཐོབ། ཕོ་ཉ་ལྕགས་སྤྱང་གི་སྒྲུབ་པ། མ་ནིང་ཡང་བཀོལ་མགར་༼ཟུར༽ནག་དྲག་སྒྲུབ། དགེ་བསྙེན་མ་ནིང་གི་གི་རྩ་སྒྲུབ་ཐན་གཏོང་བ་ལྟས་ངན་རྒྱལ་པོའི་སྔགས་རྒོད། དྲེགས་པའི་མཆོག་གྱུར་མ་ནིང་ནག་པོར་ཡང་བཀོལ་༼ཟུར༽དམག་གི་རྒྱལ་པོ་ལྟས་ངན་བསྐལ་པ་གཏིབས་པ། ལྕེ་གཅོད་པའི་མན་ངག །ངག་གནོན་པའི་མན་ངག །མུ་སྟེགས་ནག་པོའི་རྐྱལ་འབུད་དབང་ཕྱུག་ཕྱག་བཅུ་པ་རལ་གྲི་དང་ཐོད་ཁྲག་འཛིན་པའི་སྒྲུབ་པ། རྒྱ་གར་ནག་པོས་མྱུར་དུ་

གསོད་པའི་ལས་སྒྲུབ་ཐབས་སྤུ་གྲི་ནག་པོ། འགལ་བྱེད་ཆམ་ལ་དབབ་པ་ཐོད་འཕྲེང་ནག་པོའི་སྒྲུབ་པ། དཔེ་རིས་ཤོག་ཁྲ་དང་བཅས་པ་རྣམས་ཐོབ་པ་ལས་སློབ་དཔོན་ཚུལ་ཁྲིམས་དཔལ་བས་མི་བསྐྱོད་རྡོ་རྗེར་གསོལ་བ་བཏབ་པའི་མ་བུ་དོན་བསྡེབས་ཀྱི་སྟེང་ནས་ནོད་པའི་དབང་དང་དེའི་ལུང་ཆར་འབེབས་མ་གཏོགས་གཞན་མ་དབང་ལུང་ཡོངས་སུ་རྫོགས་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་ཆེ་མཆོག་ཧེ་རུ་ཀ །སྤྲུལ་སྐུ་མ་ནིང་ནག་པོ། གུ་རུ་པདྨ་ཐོད་འཕྲེང་། ཇོ་མོ་མཁར་ཆེན་བཟའ་མཚོ་རྒྱལ། གཏེར་སྟོན་ཆོས་ཀྱི་དབང་ཕྱུག །སྨན་ལུང་པ་མི་བསྐྱོད་རྡོ་རྗེ། དྭགས་སྟོན་དབང་ཕྱུག་རྡོ་རྗེ། གཉན་སྟོན་རྡོ་རྗེ་ཡེ་ཤེས། སེ་སྡིངས་པ་སངས་རྒྱས་དཔལ། དབོན་ཡོན་ཏན་བཟང་པོ། གུ་རུ་ཆོས་སྐུ་འོད་ཟེར། རྗེ་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། ཐུགས་སྲས་ཀརྨ་དབང་འབྱོར། ཁྲ་ཚང་བ་ཁྱབ་བདག་བློ་མཆོག་རྡོ་རྗེ། དེས་བདག་ལའོ། །མ་ནིང་སྲོག་དབང་ཁེ་རྐྱང་གི་བརྒྱུད་པ་ལུགས་གཅིག་ལ། སྨན་ལུང་པ་མི་བསྐྱོད་རྡོ་རྗེ་ཡན་གོང་ལྟར་ལ། དེ་ནས་ཉང་ཆོས་ལྡན་མགོན་པོ། དུར་ཁྲོད་པ་ཀུན་བཟང་རྡོ་རྗེ། སྨན་ལུང་པ་ཤཱཀ་གཞོན། འཁྲུལ་ཞིག་བསོད་ནམས་རྒྱལ་མཚན། འདི་ཡན་སྨན་ལུང་པའི་ཞལ་ངོ་། དེ་ནས་ཆོས་རྗེ་དཀོན་གཉེར་དཔོན་པོ་ཀུན་བཟང་རྩེ་པ་ཟི་ན་བསོད་ནམས་རྒྱལ་མཚན། ཟི་ན་ཀུན་བཟང་རོལ་པ། འཇམ་དབྱངས་མཁྱེན་བརྩེའི་གསན་ཡིག་ན་ཆོས་ཀྱི་སེམས་དཔའ་ཟེར་བ་འདུག །ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ། འཇམ་དབྱངས་མཁྱེན་བརྩེའི་གསན་ཡིག་

ན་ཀུན་དགའ་རྒྱལ་པོ་ཟེར་བ་འདུག་པ་ཡབ་སྲས་སུ་རིས་ཀྱིས་ཆོག་རྒྱུ་ཡིན་ནམ་གཉིས་ཀ་དགོས་རྒྱུ་ལ་བརྒྱུད་ཡིག་ཚོར་ཆད་པ་ཡིན་བརྟག །འབྲས་སྤུངས་པ་ཚེ་དབང་བཀྲ་ཤིས། ཚར་པ་རྡོ་རྗེ་འཆང་། འཇམ་མགོན་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན་ཁྱབ་བདག་མགོན་པོ་བསོད་ནམས་མཆོག་ལྡན། ཉང་སྟོན་ཁྲ་ཚང་པ་ཆེན་པོ། དེས་བདག་ལའོ། ༈ །ཡང་ན་གཏེར་སྟོན་ནས། ཡར་ཀླུངས་སྤྲུལ་སྐུ་མགོན་པོ་རྡོ་རྗེ། སྤྲུལ་སྐུ་ཤཱཀ་འབུམ། སྤྲུལ་སྐུ་ཤཱཀྱ་སེང་གེ །རིན་པོ་ཆེ་བྱང་ཆུབ་རྡོ་རྗེ། ཆོས་རྗེ་བསྟན་པ་བ། ཟུར་དབེན་པ་ཆོས་བཟང་བླ་མ། ཆོས་རྗེ་དཀོན་གཉེར་དཔོན་པ་མན་གོང་ལྟར། ཡང་ན་འཁྲུལ་ཞིག་བསོད་ནམས་རྒྱལ་མཚན། སྨན་ལུང་སངས་རྒྱས་རིན་ཅེན། ས་སྐྱོང་ཐམས་ཅད་མཁྱེན་པ་གྲགས་པ་འབྱུང་གནས་སམ་མཚན་གཞན་ཚེས་ལྔ་རིན་པོ་ཆེ་དང་གསེར་པ་ལོ་ཙཱ་བར་གྲགས་པ། གཅུང་སྣེ་གདོང་གོང་མ་ཀུན་དགའ་ལེགས་པ། ཟི་ན་ཀུན་བཟང་རོལ་པ་མན་གོང་ལྟར། འཇམ་དབྱངས་མཁྱེན་བརྩེའི་གསན་ཡིག་ན་བྷེ་སྟོན་ནས་བརྒྱུད་པ་ཞིག་འདུག་པ་རྗེས་གནང་ལུང་མ་གཏོགས་སྲོག་དབང་གི་བརྒྱུད་པར་མི་འདུག་པས་མ་བྲིས་སོ། །ཡང་ན་མཁར་པོ་ཆོས་སྐུ་འོད་ཟེར་ནས། ཟུར་མཁར་བ་པཎ་ཆེན་མཉམ་ཉིད་རྡོ་རྗེ། གནམ་གོང་པ་བཀྲ་ཤིས་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་སྔར་བཞིན་ནོ། ༈ །ཡང་ན་སྨན་ལུང་ཤཱཀ་གཞོན་ནས། ཡོན་ཏན་རང་འབྱུང་། རྡོ་རྗེ་མེ་ཏོག་རྩལ། བླ་མ་ཤཱཀྱ་དཔལ་འབར། མཐུ་ཆེན་ཆོས་ཀྱི་རྒྱ་མཚོ། སྤྲུལ་སྐུ་ཆོས་ཀྱི་དབང་པོ་མན་སྔར་ལྟར། ཡང་ན་གཏེར་སྟོན་ནས། སྲས་པདྨ་དབང་ཆེན། དེ་སྲས་ཆོས་ཀྱི་རྒྱལ་མཚན། སྲས་མོ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་

ནོར་བུ་འཛིན་པ། ཡར་ཀླུངས་ཇོ་སྲས་མི་འགྱུར། སེ་སྡིངས་པ་ཡོན་ཏན་བཟང་པོ་མན་གོང་ལྟར་རོ། ༈ །ཡང་སློབ་དཔོན་ཚུལ་ཁྲིམས་དཔལ་གྱིས་མི་བསྐྱོད་རྡོ་རྗེ་ལ་གསན་དུས་གསོལ་བ་བཏབ་པའི་མ་བུ་ཁྲིགས་བསྡེབས་ཀྱི་སྟེང་ནས་ཐོབ་པའི་མ་ནིང་སྲོག་དབང་དང་ཟུར་གྱི་རྟགས་ཡོད་པའི་ལུང་བརྒྱུད་ལུགས་གཅིག་ལ། སྤྲུལ་སྐུ་ཆོས་ཀྱི་དབང་པོས་མཚུངས་མེད་དཔལ་འབྱོར་དབང་ཕྱུག །ཚ་བ་བཀྲ་ཤིས་དབང་ཕྱུག །མཐུ་ཆེན་ཆོས་ཀྱི་རྒྱ་མཚོ་གསུམ་ལ་གསན་པ་དང་། ཡང་ཡར་ཀླུངས་ཇོ་སྲས་ལ་སེ་སྡིངས་པ་ཡོན་ཏན་བཟང་པོས་གསན་པའི་བརྒྱུད་པ་རྣམས་ཚང་བ་ལྷ་བྲོ་སྤྲུལ་སྐུ་ནས། མཁས་གྲུབ་ཀརྨ་གུ་རུ། ཆོས་དབང་བསྟན་པའི་རྒྱལ་མཚན། མངའ་བདག་སྐུ་སྐྱེ་གྲུབ་མཆོག་ཆོས་དབང་ཀུན་བཟང་། དར་སྡིངས་པ་རིག་འཛིན་འཕྲིན་ལས་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཆར་འབེབས་ཀྱི་ཡི་གེ་འཇམ་དབྱངས་མཁྱེན་བརྩེའི་གསན་ཡིག་ན་མ་ཐེབས་པས། རྡོ་རྗེ་འཆང་དབང་ཕྱུག་རབ་བརྟན་ཡན་གང་ལས་བརྒྱུད་བརྟག །དེ་ནས་འཇམ་མགོན་བསོད་ནམས་མཆོག་ལྡན། རབ་འབྱམས་སྨྲ་བ་རིན་ཅེན་རྒྱ་མཚོ། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །བཀའ་ལུང་ཡོངས་སུ་རྫོགས་པ་ཡང་ཁྲ་ཚང་པ་ནས་བརྒྱུད་པ་དེ་ཡིན་ཞིང་། ཁྱད་པར་སྲོག་དབང་གི་བརྒྱུད་པ་ལ། ཀུན་བཟང་རྩེ་པ། གོང་དཀར་རྡོ་རྗེ་གདན་པ། ཚར་ཆེན་ཡབ་སྲས་རྣམས་བཞུགས་པའི་སྟབས་ཀྱིས་བརྒྱུད་པའི་གཙོ་བོ་ནི་སྔོན་མ་ཡིན་ནོ། ༈ །བཀའ་རྩིས་ལས། ནག་པོ་སྟག་ཞོན་སྲོག་གི་གཤེད་མ་ཡིནཿ ཞེས་བསྔགས་བརྗོད་མཛད་པའི་ཀླུ་བདུད་སྐུ་སྨད་ནས་གུ་རུ་ཆོས་ཀྱི་དབང་ཕྱུག་གིས་སྤྱན་དྲངས་པའི་

ནག་པོ་སྟག་ཞོན་གྱི་སྐོར་ལ། མགོན་པོ་ནག་པོ་སྲོག་ཏིག་གསང་བའི་རྒྱུད་ལེའུ་ཉི་ཤུ་རྩ་གཉིས་པ། དཔལ་མགོན་པོ་ནག་པོ་སྤུ་གྲི་གསང་བ་སྙིང་གཅིག་མ་ཞེས་བྱ་བའི་སྒྲུབ་ཐབས་ལ་ནང་གསེས་ཀྱི་བསྙེན་པ་ལ་བརྟེན་ནས་འབོད་པ། བསྐུལ་བ་ལ་བརྟེན་ནས་རྦད་པ། རབས་ཆད་ཀྱི་ཐོད་པ་ལ་བརྟེན་ནས་ལས་ལ་སྦྱོར་བ། མ་འགྲུབ་ན་སྤོགས་པ། གསང་བ་ཙིཏྟ་ལ་བརྟེན་ནས་སྒྲུབ་པ། སྦྱིན་སྲེག །མནན་པ། གསང་བ་སྙིང་གཅིག་མའི་གདམས་པ་གསལ་བར་བྱེད་པའི་སྒྲོན་མེ། སྤུ་གྲི་སྙིང་གཅིག་མའི་སྔགས་བྱང་། དཔལ་ནག་པོ་ཆེན་པོ་གསང་བ་བཤན་པ་ཕོ་མོའི་ཡང་སྙིང་དྲག་སྔགས་ཐོག་འདྲ་བ་རྣམས་ཐོབ་པའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། དཔལ་གསང་བའི་བདག་པོ། ཨོ་རྒྱན་ཆོས་ཀྱི་རྒྱལ་པོ། མཁར་ཆེན་བཟའ། ཁྲི་སྲོང་རྗེ། གཏེར་སྟོན་ཆོས་དབང་། སྨན་ལུང་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཡབ་སྲས། གུ་རུ་ཆོས་འོད། དཔལ་འབྱོར་དབང་ཕྱུག །སྤྲུལ་སྐུ་ཆོས་དབང་། རིག་འཛིན་ཀརྨ་གུ་རུ། ཐུགས་སྲས་དབང་འབྱོར། ཁྱབ་བདག་ཁྲ་ཚང་པ། དེས་བདག་ལའོ། ༈ །ཡང་ན་ཆོས་སྐུ་འོད་ཟེར་ནས། ཟུར་མཁར་ཨའོ་ཆོས་རྗེ། ཚ་བོ་བླ་མ་བཀྲ་ཤིས་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་གོང་བཞིན་ནོ། །གཏེར་སྟོན་ཆོས་ཀྱི་དབང་ཕྱུག་གི་ཟབ་གཏེར་བོད་སྐྱོང་བསྟན་མ་བཅུ་གཉིས་ཀྱི་སྐོར་ལ། སྲོག་དབང་གསར་མའི་རྗེས་གནང་གི་རིགས་ལ་གཞོགས་དྲུད་པའི་བློས་བྱས་རྣམས་དང་མི་འདྲ་བར་རིག་འཛིན་བརྒྱུད་པའི་ཕྱག་བཞེས་ཉམས་པ་མེད་པར་ཡིད་ཆེས་ཁུངས་བཙུན་པའི་ཕྱག་སྲོལ་ལྟར་ནོས་ནས། ལུང་ལ། ཕྱི་མཚན་མ་རྫས་ཀྱི་བླ་རྡོ། ནང་རྩ་རླུང་ཐིག་ལེའི་བླ་རྡོ།

གསང་བ་བདེ་ཆེན་དབྱིངས་ཀྱི་བླ་རྡོའི་མན་ངག་ཁྱད་པར་ཅན་རིག་འཛིན་པདྨ་དབང་རྒྱལ་རྡོ་རྗེས་མཛད་པ། བསྟན་མ་བཅུ་གཉིས་ཀྱི་མངོན་རྟོགས་ལྕགས་རྡོ་པ་ཕུར་པའི་མིང་ཅན་གྱི་བརྗེད་བྱང་། བསྟན་མའི་བཀང་གསོ་དངོས་གྲུབ་ཀུན་འབྱུང་ཞེས་བྱ་བ་དབུ་ན་ནག་མོ་བཞིན་མི་སྡུག་པའི་བུ་མོ་སོགས་ཡོད་པ། གསོལ་མཆོད་དཔལ་གྱི་སྤྲུལ་པ་མ། འཕྲིན་ལས་གཉེར་གཏད་དཔལ་གྱི་ཐུགས་སྤྲུལ་མ། ངེས་དོན་ལ་སྦྱར་བའི་མཆོད་པ་འཕྲིན་བཅོལ་དཔལ་ཆེན་ཁྲག་འཐུང་པ། བསྟན་མ་བཅུ་གཉིས་ལ་ཕ་རབས་ཀྱི་ཚུལ་དུ་བསྟོད་པ། མཁའ་འགྲོ་བསྟན་མའི་སྲོག་གི་བཀའི་རྗེས་གནང་བསྟན་མ་ལས་རྒྱ་མཚོའི་རྒྱུད་ལས་བྱུང་སྟེ་པཎ་ཆེན་པདྨ་དབང་རྒྱལ་གྱིས་བུ་ཚལ་ཕོ་བྲང་དུ་མཛད་པ། བསྟན་མའི་རྗེས་གནང་གི་ཕྱག་ལེན་ཤིན་ཏུ་གཅེས་པ་འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པ། བོད་ཀྱི་ཡུལ་བདག་ཆེན་མོའི་དབང་ཆོག་༼གཏེར༽ནག་པོ་འགྲོ་ཤེས་སུ་རྡོ་རྗེ་འཆང་དབང་ཕྱུག་རབ་བརྟན་གྱིས་བསྒྲིགས་པའི་དངོས་གྲུབ་ཆར་འབེབས་རྣམས་ཐོབ་པ་ལས་གཏེར་གྱི་རྟགས་ཅན་མ་གཏོགས་པའི་བརྒྱུད་པ་ནི། ཁྲག་འཐུང་ཧེ་རུ་ཀ །ཨོ་རྒྱན་སངས་རྒྱས་གཉིས་པ། གཏེར་སྟོན་ཆོས་ཀྱི་དབང་ཕྱུག །སྲས་པདྨ་དབང་ཆེན། དམར་ཞབས་རས་ཆེན། ཆོས་རྒྱལ་གྲགས་པ་རྒྱལ་མཚན། འགྲོ་མགོན་བཀྲ་ཤིས་མཚན་ཅན། འདུད་འདུལ་ཤེས་རབ་འོད་ཆེན། རྣམ་མཁྱེན་ཆོས་ཀྱི་བློ་གྲོས། འཇམ་དབྱངས་དབང་ཕྱུག་བློ་གྲོས། ཆོས་རྗེ་བསོད་ནམས་སེང་གེ །བླ་མ་འཇམ་དབྱངས་བློ་གྲོས། དམ་པ་ཆོས་སྐྱོང་ཚུལ་ཁྲིམས། རྗེ་ནམ་མཁའ་དཔལ་བཟང་། ཡབ་འཇམ་

དབྱངས་རྒྱལ་མཚན། དེ་གཉིས་ཀ་ལ་གཅེན་པདྨ་དབང་རྒྱལ། དེ་ལ་གཅུང་ལེགས་ལྡན་རྡོ་རྗེ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །གཏེར་གྱི་རྟགས་ཡོད་པའི་བརྒྱུད་པ་ནི། རྗེ་བཀའ་འགྱུར་བ་ཆེན་པོ་ནས། རྗེ་འཕྲིན་ལས་ལྷུན་གྲུབ། གཏེར་བདག་གླིང་པ། དེས་བདག་ལའོ། ༈ །རྗེ་མངའ་བདག་གིས་རྒྱ་གར་གྱི་དྲག་སྔགས་འདི་རྣམས་བསྒྲུབ་པར་དཀའ་ཞིང་ཁེ་ཉེན་ཆེ་བས་རྒྱ་ནག་འབྱུང་བའི་ཕན་གནོད་བསྡེབས་པའི་ལས་སྦྱོར་མ་འོངས་སྙིགས་མའི་འགྲོ་བའི་དོན་དུ་དགོས་ཞེས་གསུངས་པ་ལ་བརྟེན་ནས་རྒྱ་ནག་གི་མཁན་པོ་ཧྭ་ཤང་ནེ་ལེ་དང་ཨི་ས་བྷ་བོ་དེ། བོད་ཀྱི་ལོ་ཙཱ་བ་བྷི་མ་ཧཱ་ཤང་དང་དར་ཆེན་ཐིག་ལེ་སྟེ་རྒྱ་བོད་ཀྱི་མཁས་པ་མི་བཞིས་འབྱུང་བ་དགྲ་གཤེད་བསྐོར་བའི་མན་ངག་བསྟན་པ་བསྲུང་བའི་དྲག་སྔགས་ཁྱད་པར་ཅན་གྱིམ་ཤང་གི་སྐོར་མང་དུ་ཡོད་པའི་ནང་ནས་མཆོག་ཏུ་ཟབ་པ་ནི། བཀའ་རྩིས་ལས། གྱིམ་ཤང་དུག་གི་མེ་ལྕེ་འབར་བ་ལ༔ སྲོག་གཤེད་སྐོར་དང་ཁང་སེལ་དུག་དང་ནི༔ ཞིང་སེལ་གསུམ་དང་དུར་སེལ་བཞི་བཅུ་བཞི༔ མཁར་སེལ་རྟེན་སེལ་ཉིན་བྱེད་ཕུང་སེལ་ཆེན་མོ་དང་༔ བཅོ་བརྒྱད་པོ་དེས་ཡུལ་ཁམས་རླུང་ལ་བསྐུར༔ གསང་སྟེ་བསྟན་པའི་དོན་དུ་བག་ཡོད་སྤྱད༔ ཅེས་གསུངས་པའི་གྱིམ་ཤང་དུག་གི་མེ་ལྕེ་གའུ་མགོ་ནག་ཀླུ་བདུད་སྐུ་སྨད་ནས་ཆོས་དབང་རིན་པོ་ཆེས་གདན་དྲངས་པའི་ཆོས་སྐོར་ལ། འབྱུང་བ་རྩ་བའི་སྡོམ་རྒྱུད། ལྡེ་མིག །སྔགས་བྱང་། དུག་གི་མེ་ལྕེ་དངོས། ཏི་ཀ་གཤེད་འཁོར་

དང་ནང་འབྲས། ས་ཁྲམ། སེལ་གསུམ། ལོ་རྒྱུས་དང་དགུ །དང་པོ་ནི། ལོ་ཟླ་ཞག་དུས་ཚོད་གཟའ་སྐར་སྤར་སྨེ་རྣམས་ཀྱི་མཚན་ཉིད། གཉིས་པ་ནི། དེ་དག་གི་གཤེད་དང་ཆོས་གོས། རྡེག་མཚོན། ཐུན་རྫས། རོ་གོས། རོ་འཆིང་། གཏད་དང་བཅས་པ། གསུམ་པ་ནི། ལྷ་འདྲེའི་སྲོག་སྔགས། དགོས་པ། ལིངྒ་དང་ཐུན་གྱི་བཅའ་ཐབས་དང་བཅས་པ། བཞི་པ་ནི། འཁོར་ལོ། རྫས། བླ་འགུགས། ལྷ་དབྱེ། བསྟིམ་ཞིང་སྲོག་ལ་འཁོར་ལོ་བསྐོར་ནས་མཐར་ཧལ་ཁྱི་གནད་ལ་བོར་ཏེ་གཏད་བྱ་བ་དང་བཅས་པ། ལྔ་པ་ནི། གཤེད་སྔགས། ཏིང་འཛིན་ལིངྒ་བཅའ་གཞི། མནན་ཐོད། གདབ་ཕུར། གཏད་འདྲེ། དབང་གཟུགས་དང་བཅས་པ། དྲུག་པ་ནི། བན་བོན་དང་ཟླ་བསད་པ། ལོ་བཅུ་གཉིས་ཀྱི་འཁོར་ལོ་དང་བཅས་པ། བདུན་པ་ནི། ས་ཁྲམ། ཧལ་ཁྱིའི་གཏད་ཁྲམ་དང་བཅས་པ། བརྒྱད་པ་ནི། དུར་སེལ། ཁང་སེལ། ཞིང་སེལ་གསུམ། དགུ་པ་ནི། རྒྱ་བོད་ཀྱི་མཁས་པ་མི་བཞིས་མངའ་བདག་གི་བཀའ་བཞིན་གདམས་པ་རྒྱ་ནས། བོད་དུ་བསྒྱུར་བ་རྣམས་ཀྱི་བརྒྱུད་པ་ནི། དཔལ་ཨོ་རྒྱན་ཆེན་པོ། རྗེ་ཁྲི་སྲོང་ལྡེ་བཙན། གཏེར་སྟོན་ཆོས་ཀྱི་དབང་ཕྱུག་ནས་རིམ་པར་བརྒྱུད་དེ། འཇམ་དབྱངས་རིན་ཅེན་རྒྱལ་མཚན། རིག་འཛིན་ལེགས་ལྡན་རྡོ་རྗེ། ཡུག་མི་དབང་ནོར་བུ་དབང་རྒྱལ། དང་མ་བ་བསྟན་འཛིན་འགྱུར་མེད། གུང་རུ་དབྱངས་དཔོན་པ་མཐུ་སྟོབས་གསང་བའི་དབང་ཕྱུག །ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། ༈ །བཀའ་རྩིས་ལས། གྲོང་རེ་གྲོང་གཉིས་ཕུང་སེལ་འགའ་མཆིས་ཀྱང་ཿ ཡུལ་ཁམས་ཕྱགས་

མས་འདེབས་ཆོས་འདི་ན་མཆིསཿ དེ་གང་ཞེ་ན་སཱཙྪ་སྨྱོན་པའི་སྐོརཿ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངསཿ ཞེས་གསུངས་པའི་ཕུང་སེལ་སཱཙྪ་སྨྱོན་པའི་ནང་ཚན་རོ་གཏད་ཀྱི་བརྒྱུད་པ་ནི། ཨོ་རྒྱན་ཆེན་པོ། མངའ་བདག །གཏེར་སྟོན། སྲས་དབང་ཆེན། མཚན་ལྡན་པ། དྲིན་ཅན་མ། གུ་རུ་ཆོས་ཀྱི་རྡོ་རྗེ། ནོར་བུ་འཛིན་པ། ནོར་བུ་དོན་གྲུབ། སངས་རྒྱས་ནོར་བཟང་། བཤེས་གཉེན་ཆོས་རྒྱལ། ཆོས་ཀྱི་དབང་པོ། ཀརྨ་གུ་རུ། ཆོས་དབང་བསྟན་འཛིན། པྲཛྙཱའི་མཚན་ཅན། ཟུར་རྩ་བའི་བླ་མ། དེས་བདག་ལའོ། ༈ །སྤ་གྲོ་སྐྱེར་ཆུ་ནས་ཆོས་དབང་རིན་པོ་ཆེས་གདན་དྲངས་པའི་སཱཙྪ་ནག་པོའི་བཅའ་གཞི་འཁོར་ལོ་དང་བཅས་པའི་བརྒྱུད་པ་ནི། མུ་སྟེགས་ཁྲག་འཐུང་ནག་པོ། ཨོ་རྒྱན་ཆེན་པོ། མངའ་བདག །གཏེར་སྟོན། སྨན་ལུང་ཤཱཀ་འོད། དྭགས་སྟོན། གཉན་སྟོན། སེ་སྡིངས་པ་ཡབ་སྲས། ཆོས་སྐུ་འོད་ཟེར། དར་མ་བཟང་པོ། ཆོས་དབང་དཔལ་འབྱོར། ནམ་མཁའ་ཤེས་རབ། དེ་གཉིས་ཀ་ལ་རིག་འཛིན་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། སྐྱི་སྟོན་ཚེ་རིང་དབང་པོ། ཟུར་ངག་དབང་ཕུན་ཚོགས། ཁྱབ་བདག་བློ་མཆོག་རྡོ་རྗེ། དེས་བདག་ལའོ། ༈ །ཆོས་དབང་རིན་པོ་ཆེས་བསམ་ཡས་མཆོད་རྟེན་ནག་པོ་ནས་སྤྱན་དྲངས་པའི་མུ་སྟེགས་སྲོག་རྩ་དམར་ལེན་གྱི་བརྒྱུད་པ་ནི། ཨོ་རྒྱན་ཆེན་པོ། མཁར་ཆེན་བཟའ། གཏེར་སྟོན་ཆོས་ཀྱི་དབང་ཕྱུག་ནས་རིམ་པར་བརྒྱུད་དེ། ཟུར་ཆེན་གཞོན་ནུ་དོན་གྲུབ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཆོས་དབང་རིན་པོ་ཆེས་གནམ་སྐས་བྲག་ནས་སྤྱན་དྲངས་པའི་དྲག་པོ་འདུས་པའི་ངན་སྔགས་ལྟོ་བ་གསུམ་དཀྲུག་

ཙཀྲ་བུ་ཆུང་ཅན་ཞེས་པ་བཅས་ཆོག་མ་རྒྱ་ནག་གི་ངན་ཐབས་སུ་གྲགས་པ། ཞིང་སེལ་སྐྱེ་བ་རྒྱུན་གཅོད་དུག་ཅན་བདུན་གྱི་རྫས་སྦྱོར་ལ་བརྟེན་པ། འཁོར་ལོ་ལུག་ཐོད་ལ་བརྟེན་པའི་ཞིང་སེལ་རྣམས་ཐོབ་པའི་བརྒྱུད་པ་ནི། གཤིན་རྗེ་གཤེད། མཁའ་འགྲོ་མ་ལས་ཀྱི་དབང་མོ་ཆེ། ཨོ་རྒྱན་ཡབ་ཡུམ། གཏེར་སྟོན་ཡབ་སྲས། ཆོས་ཀྱི་རྒྱལ་མཚན། དྲིན་ཅན་མ། ཆོས་ཀྱི་རྡོ་རྗེ། ནོར་བུ་འཛིན་པ། ནོར་བུ་དོན་གྲུབ། བཤེས་གཉེན་ཆོས་རྒྱལ། བསམ་འཕེལ་ནོར་བུ། ཆོས་ཀྱི་དབང་པོ། ཀརྨ་གུ་རུ། ཀུན་བཟང་དཔལ་འབྱོར། མདོ་སྔགས་བསྟན་འཛིན། འཕྲིན་ལས་ལྷུན་གྲུབ། གཏེར་བདག་གླིང་པ། དེས་བདག་ལའོ། །ཆོས་དབང་གི་གཏེར་བྱོན་རྟ་མི་འཕྲོད་པའི་རིགས་ལ་བཏགས་ན་ངེས་པར་འཕྲོད་པའི་འཁོར་ལོ་དང་དེའི་དཔེའུ་རིས་འདྲི་ཐབས་ཨཱཪྻ་རེ་མན་ཏ་ཐོབ་པའི་བརྒྱུད་པ་ནི། ཨོ་རྒྱན་ཆེན་པོ། གཏེར་སྟོན་ནས་རིམ་པར་བརྒྱུད་པ་ཆོས་རྒྱལ་དབང་པོའི་སྡེ། རིགས་འཛིན་ངག་གི་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །གཏེར་ཁ་འོག་མའི་གླང་དམར་གྱི་རྭ་དང་གུ་རུ་དྲག་དམར་གྱི་རྡོ་འཁོར་ལ་བརྟེན་པའི་ཆུ་བཟློག་གི་བརྒྱུད་པ་ནི། གཏེར་སྟོན་ནས་རིམ་པར་བརྒྱུད། དབང་པོའི་སྡེ། ངག་གི་དབང་པོ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །བསམ་བསྒྱུར་མདུན་བཤིག་ལེ་ཚན་གསུམ་གྱི་བརྒྱུད་པ་ནི། གཏེར་སྟོན་ནས་རིམ་པར། རྡོ་རྗེ་འཆང་ཕ་བོང་ཁ་པ། དེས་བདག་ལའོ། ༈ །གཏེར་ཁ་འོག་མའི་ཡང་བཟློག་རྡོ་རྗེའི་ཕ་ལམ་འཁོར་ལོ་གསད་པ་ལས་བྱེད་ནག་པོ་དྲེགས་པ་འདུལ་བའི་ལས་མཐའ་ཟབ་མོ་ཙཀྲ་འདྲི་ཐབས་དམིགས་གནད་དང་

བཅས་པའི་བརྒྱུད་པ་ནི། དཔལ་ཧེ་རུ་ཀ ཨོ་རྒྱན་ཆེན་པོ། གཏེར་སྟོན་ཆོས་དབང་། མི་བསྐྱོད་རྡོ་རྗེ། །དྭགས་སྟོན། གཉན་སྟོན། སེ་སྡིངས་པ་ཡབ་སྲས། གུ་རུ་ཆོས་འོད། དཔལ་འབྱོར་དབང་ཕྱུག །ཆོས་ཀྱི་དབང་པོ། ཀརྨ་གུ་རུ། ཀརྨ་དབང་འབྱོར། ཁྲ་ཚང་པ་ཆེན་པོ། དེས་བདག་ལའོ། །ཡང་ན་གཏེར་སྟོན་ནས། སྲས་དབང་ཆེན། ཆོས་ཀྱི་རྒྱལ་མཚན། སྲས་མོ་སངས་རྒྱས་ཀུན་སྒྲོལ། ཆོས་ཀྱི་རྡོ་རྗེ། མ་ཎི་དྷ་ར། ནོར་བུ་དོན་གྲུབ། བཤེས་གཉེན་ཆོས་རྒྱལ། བསམ་འཕེལ་ནོར་བུ་ཆོས་ཀྱི་དབང་པོ་མན་འདྲ། ཡང་ན་ཀརྨ་གུ་རུ་ནས། སྔགས་འཆང་ཀུན་བཟང་དཔལ་འབྱོར། རྗེ་མདོ་སྔགས་བསྟན་འཛིན། རྗེ་འཕྲིན་ལས་ལྷུན་གྲུབ། སྤྲུལ་སྐུ་གཏེར་བདག་གླིང་པ། དེས་བདག་ལའོ། །ཡང་ན་གཤིན་རྗེ་གཤེད། འཇམ་དཔལ་བཤེས་གཉེན། ཁྲག་འཐུང་ནག་པོ། བྷ་སུ་དྷ་ར། ཨོ་རྒྱན་ཆེན་པོ། གནུབས་སངས་རྒྱས་ཡེ་ཤེས། མངའ་བདག་ཁྲི་སྲོང་ལྡེ་བཙན། གཏེར་སྟོན་ཆོས་དབང་། སྨན་ལུང་ཤཱཀ་འོད་ནས་སྤྲུལ་སྐུ་ཆོས་ཀྱི་དབང་པོའི་བར་གོང་ལྟར་ལ། དེ་ནས་ལེགས་ལྡན་བདུད་འཇོམས་རྡོ་རྗེ། བྱང་བདག་ཆེ་མཆོག་འདུས་རྩལ། རྗེ་དྲུང་བསྟན་པ་རྒྱ་མཚོ། རྡོ་རྗེ་འཆང་དཔལ་འབྱོར་ལྷུན་གྲུབ། དེས་བདག་ལའོ། །ཡང་ན་བྱང་བདག་ནས། སྲས་ཐུགས་རྗེ་དབང་གྲུབ་རྩལ། ཟུར་རྩ་བའི་བླ་མ། དེས་བདག་ལའོ། །ཡང་ན་རིག་འཛིན་ཆེན་པོ་ནས། མཉམ་མེད་རབ་འབྱམས་ཆོས་རྗེ། ཡུག་ནོར་བུ་དབང་རྒྱལ། གུང་རུ་དབྱངས་དཔོན་པ། ཟུར་ཆེན། དེས་བདག་ལའོ། །ཁྱིམ་གྱི་གདོན་ཆེན་འདུལ་བ་མེ་འབར་གློང་ཆེན་གྱི་བརྒྱུད་པ་ནི། ཀརྨ་གུ་རུ་ཡན་བླ་མ་གསང་འདུས་ལྟར་

ལ། དེ་ནས་ཆོས་དབང་བསྟན་འཛིན། ཁྲ་ཚང་པ་ཆེན་པོ། དེས་བདག་ལའོ། ༈ །གུ་རུ་ཆོས་ཀྱི་དབང་ཕྱུག་གིས་གནམ་སྐས་བྲག་ནས་གདན་དྲངས་པའི་ཨུཥྞི་ཥ་ཙཀྲ་ཝ་རྟིའི་རྒྱུད་ལས་ཕྱུང་བའི་ཁྲོ་བོ་ཕྱིར་བཟློག་ངན་སྔགས་ཀྱི་འཁོར་ལོ་ཕྱིར་བཟློག་པའི་སྔགས་འབུམ་དུ་གྲགས་པ་ཐོབ་པའི་བརྒྱུད་པ་ནི། རྡོ་རྗེ་འཆང་། རིགས་ལྔའི་སངས་རྒྱས། གསང་བའི་བདག་པོ། མཁའ་འགྲོ་ལས་ཀྱི་དབང་མོ་ཆེ། ཨོ་རྒྱན་སངས་རྒྱས་གཉིས་པ། ཇོ་མོ་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཆོས་དབང་། རྒྱལ་སྲས་པདྨ་དབང་ཆེན་ནས་རིམ་པར། ཕ་ཇོ་ལྷུན་གྲུབ་རྡོ་རྗེ། ཟུར་གཞོན་ནུ་དོན་གྲུབ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཆོས་དབང་རིན་པོ་ཆེའི་གཏེར་མའི་ཉ་གཟུགས་དང་ཆོས་འབྱུང་བཞི་བསྣོལ་གྱི་རྡོ་འཁོར་ལ་བརྟེན་པའི་ཆུ་བསྒྱུར་གྱི་བརྒྱུད་པ་ནི། ཨོ་རྒྱན་ཡབ་ཡུམ། གཏེར་སྟོན་ནས་རིམ་པར། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལ་ཕྱག་ལེན་དང་བཅས་གནང་བའོ། ༈ །གཏེར་ཁ་འོག་མའི་ཁ་འབར་མ་དཀར་མོ་ལ་བརྟེན་ནས་འཆི་བ་བླུ་བ། ཁ་འབར་མ་ནག་མོ་ལ་ལྟས་ངན་སྲི་བྱད་ཁ་སོགས་བར་གཅོད་བཟློག་པ། ཁ་འབར་མ་ཁྲ་བོ་ལ་བརྟེན་ནས་དགྲ་བོ་ཁ་སྨས་བཟློག་པ་རྣམས་ཀྱི་བརྒྱུད་པ་ནི། སྤྲུལ་སྐུ་ཆོས་ཀྱི་དབང་པོ་ཡན་རྡོ་རྗེ་ཕ་ལམ་ལྟར་ལ། དེ་ནས་རིག་འཛིན་ལེགས་ལྡན་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཁྱབ་བདག་ཁྲ་ཚང་པ། དེས་བདག་ལའོ། །ཁ་འབར་མ་དཀར་མོའི་ཕྱག་ལེན་བྱང་བདག་པོས་མཛད་པའི་བརྒྱུད་པ་ནི། བྱང་བདག་ཡན་གོང་ལྟར་ལ། རིག་འཛིན་ངག་

གི་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། ༈ །མོན་ཙནྡྲས་གུ་རུ་རིན་པོ་ཆེ་ལ་ཞུས་ནས་གནམ་སྐས་བྲག་ཏུ་སྦས་པ་ཆོས་དབང་རིན་པོ་ཆེས་སྤྱན་དྲངས་པའི་སེམས་བསྐྱེད་བསྟན་པའི་སྙིང་པོའི་ལུང་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། ཨོ་རྒྱན་ཡབ་ཡུམ། ཆོས་དབང་རིན་པོ་ཆེ། སྨན་ལུང་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཁུ་དབོན་གཉིས། གུ་རུ་ཆོས་འོད། མཚུངས་མེད་དར་མ་བཟང་པོ། ཞབས་དྲུང་ཆོས་དབང་དཔལ་འབྱོར། རྗེ་ནམ་མཁའ་ཤེས་རབ། རིག་འཛིན་ལེགས་ལྡན་རྡོ་རྗེ། ཆོས་རྒྱལ་དབང་པོའི་སྡེ། རིག་འཛིན་ངག་གི་དབང་པོ། ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། ༈ །ལྷོ་བྲག་མཁོ་མཐིང་ལྷ་ཁང་གི་རྣམ་སྣང་གི་ནུ་མཆིན་གཡས་པ་ནས་ཆོས་དབང་རིན་པོ་ཆེས་གདན་དྲངས་པའི་བསྟན་པའི་གཞི་མ་གཙུག་ལག་ཁང་གསོ་ཐབས་ལ་ནང་གསེས་སུ། འབྱུང་བའི་སྟོབས་ཉམས་པས་མཐའ་འདུལ་གྱི་གཙུག་ལག་ཁང་རྣམས་འཇིག་ཚུལ། བདུད་ཀྱི་ནུས་པས་སེམས་ཅན་རྣམས་སྡུག་བསྔལ་བ། གཙུག་ལག་ཁང་ཕྱི་བསོད་ནམས་ཀྱི་རྟེན་དང་གོས་ཀྱི་རྟེན་འབྲེལ། ནང་ཟས་ཀྱི་རྟེན་འབྲེལ། གསང་བ་སྲོག་གི་འཁོར་ལོ་ལ་བརྟེན་ནས་གསོ་བ། ལུས་ཀྱི་མི་དགེ་བ་གསུམ་སྤངས་ཏེ་སྒྲུབ་པ་ལ། ཕྱི་གསུང་རབ་འདྲི་ཀློག །ནང་དབྱངས་གསལ། གསང་བ་འཁོར་ལོ་ལ་བརྟེན་ནས་ཚེ་འཕེལ་བ། ངག་གི་མི་དགེ་བཞི་སྤངས་ནས་ཕྱི་མཆོད་རྟེན་བཞེངས་པ། ནང་རྡོ་རྗེ། གསང་བ་མེ་ལོང་ལ་བརྟེན་ནས་ཉོན་མོངས་རང་སར་གྲོལ་བ། ཡིད་ཀྱི་མི་དགེ་བ་གསུམ་སྤངས་ནས་རྗེ་འབངས་ཀྱི་ཚེ་བསོད་ནམས་སྤེལ་བ། ལྐོག་གྱུར་གཙུག་ལག་ཁང་ཞིག་པ་གསོ་བའི་ཐབས། མཇུག་

ཏུ་སྒྲུབ་པ་སླ་ཞིང་མངའ་དབུལ་བྱ་ཚུལ་གྱི་བཀའ་ཆེམས་ཐོབ་པའི་བརྒྱུད་པ་ནི། དཔལ་ཨོ་རྒྱན་ཆེན་པོ། མངའ་བདག་ཁྲི་སྲོང་ལྡེ་བཙན། གཏེར་སྟོན་ཆོས་ཀྱི་དབང་ཕྱུག་ནས་རིམ་པར་བརྒྱུད་དེ། ཆོས་རྒྱལ་དབང་པོའི་སྡེ། རིགས་འཛིན་ངག་གི་དབང་པོ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། ༈ །གཏེར་ཁ་འོག་མའི་བྱད་མ་འབུམ་ཐུབ་ཀྱི་འཁོར་ལོའི་འབྲི་ཡིག་གི་བརྒྱུད་པ་ནི། དཔལ་ཧེ་རུ་ཀ ཨོ་རྒྱན་ཆེན་པོ། ཇོ་མོ། མངའ་བདག །གཏེར་སྟོན་ནས་རིམ་པར་བརྒྱུད་དེ། ལྷ་བྲོ་བ་ཀརྨ་གུ་རུ། ཐུགས་སྲས་དབང་འབྱོར། ཁྱབ་བདག་ཁྲ་ཚང་པ། དེས་བདག་ལའོ། ༈ །བཀའ་རྩིས་ལས། རྒྱ་ནག་ལུགས་ལ་ཉི་མ་འཁོར་ལོའི་སྐོརཿ ཞེས་རྒྱ་ནག་རྩིས་ཀྱི་ཕན་གནོད་མང་དུ་ཡོད་པར་གསུངས་པའི་ནང་ཚན་གནམ་སྐས་བྲག་ནས་ཆོས་དབང་གིས་སྤྱན་དྲངས་པའི་རྒྱ་ནག་གཏིང་རྫོགས་ཕན་བྱ་ལྷའི་འཁོར་ལོ་ལ་ཉེས་ཀུན་བསྲུང་བའི་འཁོར་ལོ་གསུམ། འབྱུང་བའི་འཁོར་ལོ་ལྔ། གཉན་པོའི་ལས་བྱེད་ན་འདོགས་པའི་འཁོར་ལོ་དྲུག །གདོན་བསྲུང་བའི་འཁོར་ལོ་ལྔ། རུས་སྦལ་འབྱུང་བའི་འཁོར་ལོ་ལྔ། འབྱུང་བ་དྲུག་འདུས་ཀྱི་འཁོར་ལོ་ལྔ། སྲོག་ལུས་དབང་ཐང་རླུང་རྟ་ལ་དགྲ་དར་ན་འདོགས་པའི་འཁོར་ལོ་བཞི། རིགས་གསུམ་མགོན་པོའི་འཁོར་ལོ་གསུམ། རྒྱལ་བ་རིགས་ལྔའི་འཁོར་ལོ་ལྔ། ཡུམ་གྱི་འཁོར་ལོ་ལྔ། ཁྲོ་བཅུའི་འཁོར་ལོ་བཅུ། ཕན་དར་གྱི་འཁོར་ལོ་བཞི། འགྲོ་ལ་ཕན་པའི་འཁོར་ལོ་བཞི། རྣལ་འབྱོར་པ་རང་ལ་འདོགས་པའི་འཁོར་ལོ་བཞི། སྲིའུ་གསོ་བའི་འཁོར་ལོ་གཅིག །ལོ་འཁོར་བཅུ་གཉིས་ཀྱི་འཁོར་ལོ་བཅུ་གཉིས། མཐུ་

བཟློག་པའི་འཁོར་ལོ་བཞི། ཕྱོགས་ངན་བསྲུང་བའི་འཁོར་ལོ་གཅིག །ས་བདག་ཀླུ་གཉན་བསྲུང་བའི་འཁོར་ལོ་གཉིས། སྲོག་ལུས་དབང་རླུང་གུད་ན་འདོགས་པའི་འཁོར་ལོ་བཞི། མཚོན་ཁ་བསྒྱུར་བའི་འཁོར་ལོ་གཅིག །ཁ་འཆིང་བའི་འཁོར་ལོ་ལྔ། སྐུ་གསུང་ཐུགས་ཡོན་ཏན་འཕྲིན་ལས་ཀྱི་འཁོར་ལོ་ལྔ། ངན་དགུ་བསྲུང་བའི་འཁོར་ལོ་གཅིག །རྒྱལ་བསེན་བསྲུང་བའི་འཁོར་ལོ་གཉིས། འབྱུང་བ་བསྐྱེད་པའི་འཁོར་ལོ་ལྔ། རྒྱལ་པོ་འཆིང་བའི་འཁོར་ལོ་གཅིག །ཕྱོགས་ངན་བསྲུང་བའི་འཁོར་ལོ་གཅིག །ནད་རིམས་བསྲུང་བའི་འཁོར་ལོ་གཅིག །ཐེམས་ཡིག །རབ་གནས་རྣམས་ཀྱི་ལུང་ཕྱག་ལེན་དང་བཅས་ཐོབ་པའི་བརྒྱུད་པ་ནི། ཨོ་རྒྱན་ཆོས་ཀྱི་རྒྱལ་པོ། ཡུམ་ཡེ་ཤེས་མཚོ་རྒྱལ། གཏེར་སྟོན་ཆོས་ཀྱི་དབང་ཕྱུག །སྲས་པདྨ་དབང་ཆེན། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། གུ་རུ་ནོར་བུ་དོན་གྲུབ། སངས་རྒྱས་ནོར་བཟང་། བཤེས་གཉེན་ཆོས་རྒྱལ། སྤྲུལ་སྐུ་ཆོས་ཀྱི་དབང་པོ། མངའ་རིས་རིག་འཛིན། དབང་པོའི་སྡེ། ངག་གི་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་སྨན་ལུང་ཤཱཀ་འོད། དྭགས་སྟོན་པ། གཉན་སྟོན་པ། སེ་སྡིངས་པ་ཡབ་སྲས། གུ་རུ་ཆོས་འོད། མཚུངས་མེད་དཔལ་འབྱོར་དབང་ཕྱུག །སྤྲུལ་སྐུ་ཆོས་ཀྱི་དབང་པོ་མན་སྔར་ལྟར་རོ། ༈ །དགོངས་གཏེར་གྱི་བསྟན་བཅོས་མ་ཎི་བཀའ་འབུམ་ལེའུ་བརྒྱ་དང་བཞི་བཅུ་ཞེ་བདུན་ཡོད་པ་གཏེར་སྟོན་ཆོས་ཀྱི་དབང་ཕྱུག་གི་སྐུའི་རྣམ་ཐར་སྐབས་བརྒྱད་པ། གསུང་གི་རྣམ་ཐར་མཚན་

བརྒྱད་པ། ཐུགས་ཀྱི་རྣམ་ཐར་བྱིན་རླབས་བརྒྱད་པ། སྐུ་གསུང་ཐུགས་ཡོན་ཏན་འཕྲིན་ལས་ཡོངས་སུ་རྫོགས་པའི་རྣམ་ཐར་བཀའ་བརྒྱད་པའི་རྣམ་ཐར་སྐྱེ་རབས་ཞུ་ལན་ཆེན་མོར་གྲགས་པ། བལ་པོ་ཡམ་བུའི་བྷ་རོ་གཙུག་འཛིན་གྱིས་ཞུས་པའི་གསང་བའི་རྣམ་ཐར་ངོ་མཚར་བའི་མཛད་པ་གསེར་གྱི་མེ་ལོང་། བསམ་འགྲུབ་བདེ་བ་ཆེན་པོའི་གཙུག་ལག་ཁང་གི་དཀར་ཆག་རྣམ་ཐར་གུ་རུ་ཆོས་ཀྱི་དབང་ཕྱུག་གི་བཀའ་ཆེམས་སྣང་སྲིད་གསལ་སྒྲོན་ཞེས་བྱ་བ་ལེའུ་བཅུ་པ། གཏེར་བྱུང་ཆེན་མོ་རྣམས་ཀྱི་བརྒྱུད་པ་ནི། གཏེར་སྟོན་ཆོས་ཀྱི་དབང་ཕྱུག །རྒྱལ་སྲས་པདྨ་དབང་ཆེན། དེ་སྲས་ཆོས་ཀྱི་རྒྱལ་མཚན། སྲས་མོ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། སྤྲུལ་སྐུ་ནོར་བུ་འཛིན་པ། ཆོས་རྗེ་ནོར་བུ་དོན་གྲུབ། དྲིན་ཅན་སངས་རྒྱས་ནོར་བཟང་། མཉམ་མེད་བཤེས་གཉེན་ཆོས་རྒྱལ། གུ་རུ་བསམ་འཕེལ་ནོར་བུ། སྤྲུལ་སྐུ་ཆོས་ཀྱི་དབང་པོ། མཁས་གྲུབ་ཀརྨ་གུ་རུ། དེ་ལ་རང་གྲོལ་ནམ་མཁའ་ཆོས་དབང་དང་གུ་རུ་ཀུན་མཁྱེན་དབང་ཕྱུག་གཉིས་ཀས་གསན། གཉིས་ཀ་ལ་ཁྲ་ཚང་པ་ཆེན་པོས་གསན། དེས་བདག་ལའོ། །ཡང་ན་སྤྲུལ་སྐུ་ནོར་བུ་འཛིན་པ་ནས། གུ་རུ་དོན་ཡོད་རྒྱལ་མཚན། མཉམ་མེད་བཤེས་གཉེན་ནོར་བུ། གུ་རུ་བསམ་འཕེལ་ནོར་བུ་མན་གོང་ལྟར། ཉེ་བརྒྱུད་ནི། གཏེར་སྟོན་ནས། དྲིན་ཅན་མ་སངས་རྒྱས་ཀུན་གྲོལ། གུ་རུ་ཆོས་ཀྱི་རྡོ་རྗེ། ནོར་འཛིན་པ། ནོར་བུ་དོན་གྲུབ། བཤེས་གཉེན་ཆོས་རྒྱལ། ཆོས་ཀྱི་དབང་པོ་མན་གོང་བཞིན་ནོ། །མ་ཎི་བཀའ་འབུམ་གྱི་བརྒྱུད་ལུགས་གཅིག་ནི། བཤེས་གཉེན་ནོར་བུ་ནས། ཀུན་དགའ་དཔལ་

བརྟན། གཏེར་སྟོན་ལྷ་དབང་གྲགས་པ། གུ་རུ་ཚེ་བརྟན། པདྨ་དབང་ཆེན། ཀརྨ་ཆོས་སྐྱོང་། བཀྲ་ཤིས་ལྷུན་གྲུབ། སྨན་ལུང་པ་ཆེན་པོ། དེས་བདག་ལའོ། ༈ །གསོལ་འདེབས་ལས། ལྷ་སྲས་འགྲོ་དོན་ཐུགས་རྗེའི་བྱིན་རླབས་ལས། གྲུམ་པ་རྒྱང་ནས་གསོལ་འདེབས་ལེའུ་བདུན་སོགས། །སྤྱན་དྲངས་སྐྱེས་ཆེན་ལུང་བསྟན་རི་ཁྲོད་པ། །མང་ལམ་བཟང་པོ་གྲགས་པ་ལ་གསོལ་བ་འདེབས། །ཞེས་གསུངས་པའི་སྤྲུལ་སྐུ་བཟང་པོ་གྲགས་པ་ནི། སྙིང་ཏིག་གནད་ཀྱི་མན་ངག་དོན་བདུན་ལས་འཕགས་པ་སྤྱན་རས་གཟིགས་ཀྱིས་བྱིན་བརླབས་པའི༔ སྐྱེས་བུ་སྟག་ལོ་སྨྲེ་བའི་ག་ཤ་ཅན༔ ཆགས་མེད་འཁོར་བ་སྤངས་པའི་རྣལ་འབྱོར་པ༔ གནས་མེད་རི་ཁྲོད་འཛིན་པའི་ལས་ཅན་དེས༔ གཙང་གྲམ་རུ་ལག་ཕྱོགས་ནས་གཏེར་ཆེན་འདོན༔ རྒྱ་གར་བལ་པོ་མན་དང་བོད་ཀྱི་ཡུལ༔ སྐད་རིགས་མི་གཅིག་བཞི་ཡི་དོན་བྱེད་འགྱུར༔ དེ་འདྲའི་ལས་ཅན་ལྔ་བརྒྱ་དུས་སུ་འབྱུང་༔ ཞེས་ལུང་བསྟན་པའི་སྤྲུལ་པའི་སྐུ་དེ་ལྷོ་ཕྱོགས་ཤྲཱིའི་བྲག་ཕུག་ཏུ་དྭགས་བརྒྱུད་པའི་ཕྱག་ཆེན་གྱི་ཉམས་ལེན་མཛད་པའི་སྐབས་གཏེར་སྲུང་གིས་བསྐུལ་ཏེ་བོད་སྡུག་བསྔལ་གྱི་རྒྱ་མཚོ་རྡོལ་བ་ལས་སྐྱོབ་པའི་གཏེར་གྲུམ་པ་རྒྱང་གི་ལྷ་ཁང་ནས་སྤྱན་དྲངས་པ་རྣམས་ཀྱི་ནང་ནས་སློབ་དཔོན་ཆེན་པོ་ནུབ་ཕྱོགས་སྲིན་ཡུལ་ལ་ཐེགས་ཁར་ལྷ་སྲས་མུ་ཁྲི་བཙན་པོས་གཤེགས་སྐྱེལ་ལ་གུང་ཐང་ལ་ཐོག་བར་བྱོན་ཏེ་རྗེ་རྒྱལ་པོ་གུང་དུ་གཤེགས་སློབ་དཔོན་ཆེན་པོ་སྲིན་པོའི་ཁ་གནོན་ལ་འབྱོན་ན་བདག་དང་བོད་འབངས་རྣམས་ཇི་ལྟར་བྱེད་ཞུས་པའི་ལན་དུ། ཉོན་ཅིག་བོད་ཀྱི་རྒྱལ་པོ་དད་པ་ཅནཿ སོགས་ཐུགས་ངལ་གསོ་བྱེད་དང་། རིགས་བཟང་ཁུངས་

བཙུན་འོད་གསལ་ལྷ་ཡི་བརྒྱུདཿ སོགས་ཞལ་ཆེམས་དང་བཅས་པའི་སྒོ་ནས་གསོལ་འདེབས་བསམ་པ་ལྷུན་གྲུབ་མའི་བརྒྱུད་པ་ནི་ལེ་བདུན་མ་དང་གཅིག །གཞན་ཡང་གུང་ཐང་རྒྱལ་པོ་ལ་དགོངས་ཏེ་གསུངས་པའི་ཆོས་མང་ཡུལ་གུང་ཐང་དུ་ལྷ་སྲས་གཙང་མའི་གདུང་བརྒྱུད་གཅིག་འབྱུང་བ་བོད་ཁམས་བདེ་ཐབས་ཀྱི་ཟབ་གཏེར་མཛོད་ལྔ་འདུས་པའི་ཆོས་ཞེས་བྱ་བ་བྱང་གཏེར་དང་མ་ཕྲད་ན་བོད་ཀྱི་བདེ་སྐྱིད་ཟད་པར་འགྱུར་བས་བདུད་ཀྱི་བར་གཅོད་ལས་སྐྱོབ་པའི་ཐབས་ཕྱིར་བཟློག་འཁོར་ལོ་འབར་བ་དེའི་ཞར་བྱུང་དུ་སྲི་ལས་ཐར་བ་དང་། བྱད་ཁ་ཕུར་ཁ་དང་སྲིད་ངན་བཟློག་པའི་མཆོད་རྟེན་བཅའ་ཐབས། ༈ བརྒྱུད་འདེབས་དཔལ་བཀྲ་ཤིས་སྟོབས་རྒྱལ་གྱིས་མཛད་པ་དང་བཅས་པ་རྣམས་ཀྱི་བརྒྱུད་པ་ནི། བཅོམ་ལྡན་འདས་ཤཱཀྱའི་རྒྱལ་པོ། འདུས་པའི་འཁོར་ཚོགས་རིག་འཛིན་བྱང་ཆུབ་སེམས་དཔའ། རྡོ་རྗེའི་སྐུ་བརྙེས་པདྨ་འབྱུང་གནས། ལྷ་སྲས་མུ་ཁྲི་བཙན་པོ། གཏེར་སྟོན་བཟང་པོ་གྲགས་པ། རིག་འཛིན་རྒོད་ཀྱི་ལྡེམ་ཕྲུ། ཀུན་སྤངས་རི་པ་སངས་རྒྱས། འདུལ་འཛིན་ནམ་མཁའ་མཆོག་བཟང་། གྲུབ་ཆེན་ཐང་སྟོང་རྒྱལ་པོ། ཡབ་ལྷ་རིགས་འཇམ་དབྱངས་རྒྱལ་མཚན། སྲས་ལྷ་བཙུན་ལེགས་ལྡན་རྡོ་རྗེ། ཆོས་རྒྱལ་དབང་པོའི་སྡེ། བྱང་བདག་ངག་གི་དབང་པོ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་ན་སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས། ཆོས་རྗེ་སངས་རྒྱས་དཔལ་བཟང་། མེ་སྟོན་ནམ་མཁའ་རྒྱལ་མཚན། སྔགས་འཆང་ཤཱཀྱ་བཟང་པོ། ལེགས་ལྡན་རྗེ་མན་གོང་ལྟར་རོ། ༈ །སློབ་དཔོན་ཆེན་

པོ་ནུབ་ཕྱོགས་སྲིན་ཡུལ་ལ་གཤེགས་ཁར་དབུ་རྩེ་རིགས་གསུམ་གྱི་རྣམ་སྣང་ཐུགས་ཀར་ཕྱག་མཛུབ་གཏད་དེ་གསུངས་པ་དང་ར་སར་ཇོ་བོ་ཤཱཀྱ་མུ་ནེའི་ཐུགས་ཀར་ཕྱག་མཛུབ་གཏད་དེ་གསུངས་པ་སོགས་ཀྱི་མཐར་རིམ་གྱིས་གུང་ཐང་རྒྱལ་པོའི་དོན་དུ་ཕྱོགས་བཞི་མཚམས་བཞིར་གཏེར་སྦས་ཚུལ་སོགས་བསྟན་པའི་ཞལ་ཆེམས་ཐུགས་ཀྱི་ཐིགས་པ། བྲག་རི་དུག་སྦྲུལ་སྤུངས་འདྲ་ནས་ནོར་གཏེར་ཆོས་གཏེར་འདོན་པའི་ཁ་བྱང་གཏེར་གྱི་བང་མཛོད། རི་བོ་བཀྲ་བཟང་ནས་གཏེར་འདོན་པ་དང་བྲག་རི་དུག་སྦྲུལ་སྤུངས་འདྲའི་གཏེར་འདོན་པའི་དུས་དང་གུང་ཐང་རྒྱལ་པོར་བསོད་ནམས་ཇི་ཙམ་འབྱུང་སོགས་བསྟན་པ་ལམ་བྱང་གསལ་བའི་སྒྲོན་མེ། སྔོན་བཅོམ་ལྡན་འདས་ཀྱི་སྤྱན་སྔར་ལྷ་སྦྱིན་དང་བདུད་ཀྱིས་སྨོན་ལམ་ངན་པ་བཏབ་པའི་རྟེན་འབྲེལ་གྱིས་མ་འོངས་པ་ན་གུང་ཐང་རྒྱལ་པོ་ལ་བར་གཅོད་འབྱུང་བའི་རྒྱུ་རྐྱེན་ལུང་བསྟན་དང་བྲག་རི་དུག་སྦྲུལ་སྤུངས་འདྲ་ནས་མཛོད་ལྔ་འདུས་པའི་ཟབ་གཏེར་འདོན་ཚུལ་དང་གུང་ཐང་དུ་རིན་པོ་ཆེའི་ཁྲི་ལ་གཏེར་སྒྲོམ་བཞག་སྟེ་ལས་ཕུར་རྒྱལ་པོ་ལ་གཏུགས་པས་བར་གཅོད་ཞི་ཞིང་གསེར་གྱི་བཀའ་ཡིག་བཏབ་པའི་ཤོག་སེར་སྒྲོག་པ་སོགས་བསྟན་པ་སྙིང་བྱང་རྒྱས་པ་གནད་ཀྱི་ཐེམས་བུ། གུང་ཐང་རྒྱལ་པོའི་དོན་དུ་གུང་ཐང་གི་ཕྱོགས་བཞིར་དགྲའི་བླ་བྱང་གི་སྟེང་དུ་བྱང་ཆེན་མཆོད་རྟེན་བཞེངས་ཏེ་བར་གཅོད་འདུལ་བའི་ཐབས་སོགས་བསྟན་པ་སྙིང་བྱང་འབྲིང་པོ་ཐུགས་རྗེའི་འོད་ཟེར། གུང་ཐང་རྒྱལ་པོའི་སྐྱེ་བརྒྱུད་ལུང་བསྟན་འཛེང་བྲག་དཀར་པོའི་རྡོ་རིང་གཏེར་ཚབ་དང་གུང་ཐང་རྒྱལ་པོའི་ཕོ་བྲང་གི་ཕྱོགས་བཞིར་བདུད་གནོན་པའི་ཐབས་སོགས་བསྟན་པ་སྙིང་བྱང་བསྡུས་པ་ཐུགས་རྗེའི་ལྕགས་ཀྱུ་རྣམས་

ཐོབ་པའི་བརྒྱུད་པ་ནི། དཔལ་ཨོ་རྒྱན་ཆེན་པོ། ལྷ་སྲས་མུ་ཁྲི་བཙན་པོ། གཏེར་སྟོན་བཟང་པོ་གྲགས་པ། རིག་འཛིན་དངོས་གྲུབ་རྒྱལ་མཚན། སྔགས་འཆང་རྡོ་རྗེ་དཔལ། མཚན་ལྡན་བྱམས་པ་བཤེས་གཉེན། མཚན་ལྡན་ངག་དབང་གྲགས་པ། ཆོས་རྗེ་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། ཡོལ་མོ་སྤྲུལ་སྐུ་ཤཱཀྱ་བཟང་པོ། རིག་འཛིན་ལེགས་ལྡན་རྡོ་རྗེ། བླ་ཆེན་སྒྲོ་ཕུག་པ། སྔགས་འཆང་ཚེ་རིང་དབང་པོ། རང་གྲོལ་ཀླུ་སྒྲུབ་དབང་པོ། ཟུར་ཆེན་ངག་དབང་ཕུན་ཚོགས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། ༈ །རྒྱང་ནས་གཏེར་གྱི་ལམ་ཡིག་བྱུང་ཚུལ་མཇུག་ན་བོད་ཁམས་བདེ་ཞིང་དར་བར་ཤོག་ཅེས་པ་ཡོད་པ་གཏེར་སྟོན་བཟང་པོ་གྲགས་པས་མཛད་པ་ཐོབ་པའི་བརྒྱུད་པ་ནི། ལེགས་ལྡན་རྗེ་ཡན་གོང་ལྟར་ལ། དེ་ནས་ཆོས་རྒྱལ་མང་གའི་མཚན་ཅན། རིག་འཛིན་ངག་གི་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཐུན་དྲུག་གཡེལ་བ་མེད་པའི་ཉམས་ལེན་ལ་བརྟེན་ནས་རྒྱལ་དབང་པདྨའི་བྱིན་རླབས་སྙིང་ལ་འཇུག་པར་བྱེད་པའི་གསོལ་འདེབས་ལེའུ་བདུན་པའི་སྐོར་ལ། དཔལ་བསམ་ཡས་སུ་དགེ་སློང་ནམ་མཁའི་སྙིང་པོ། བཙད་པོ་ཁྲི་སྲོང་ལྡེ་བཙན། མཁའ་འགྲོ་ཡེ་ཤེས་མཚོ་རྒྱལ། སྣ་ནམ་རྡོ་རྗེ་བདུད་འཇོམས། ལྷ་སྲས་མུ་ཁྲི་བཙན་པོ་དང་ལྔས་རིན་པོ་ཆེའི་མཎྜལ་ཕུལ་ནས་གསང་སྔགས་ཀྱི་ལྷ་རྣམས་ཀྱི་ཐུགས་དམ་སྐོང་ཞིང་གུ་རུ་ཉིད་ཀྱི་བྱིན་རླབས་འཇུག་པའི་གསོལ་འདེབས་ཚིག་ཉུང་དོན་འདུས་པ་ཞིག་ཞུས་པ་བླ་མ་སྐུ་གསུམ་མ། ཚངས་པ་ལྷའི་མེ་ཏོག་གིས་བདེ་གཤེགས་ཀུན་གྱི་བྱིན་རླབས་འཇུག་ཅིང་ཚེ་འདིར་བར་

གཅོད་སེལ་བ་དང་ཕྱི་མ་མཆོག་གི་དངོས་གྲུབ་ཐོབ་ཕྱིར་ཞུས་པ་བསྟན་པ་རྨད་བྱུང་མ། ཇོ་མོ་མཁར་ཆེན་བཟས་དད་ལྡན་རྣམས་ཀྱིས་བོད་ཡུལ་ནས་གསོལ་བ་བཏབ་པས་སླར་ཨོ་རྒྱན་མཁའ་འགྲོའི་གླིང་ནས་བྱོན་ཏེ་བྱིན་གྱིས་རློབ་ཕྱིར་ཞུས་པའི་ཉི་མ་ལྷོ་ནུབ་མ། དགེ་སློང་ནམ་མཁའི་སྙིང་པོས་སྣང་བ་ལྷ། སྒྲ་སྔགས། རྟོག་པ་ཆོས་ཉིད་དུ་གྲོལ་བའི་ཆེད་དུ་བརྒྱུད་འདེབས་སུ་ཞུས་པ་སྤྲོས་བྲལ་བདེ་ཆེན་མ། སྣ་ནམ་རྡོ་རྗེ་བདུད་འཇོམས་ཀྱིས་མ་འོངས་པའི་འགྲོ་བ་རྣམས་མོས་གུས་ཡིད་ཆེས་བསྐྱེད་ཕྱིར་རྣམ་ཐར་གྱི་ཚུལ་དུ་ཞུས་པའི་གསོལ་འདེབས་སིནྡྷུ་རྒྱ་མཚོ་ཆེ་བ། ལྷ་སྲས་མུ་ཁྲི་བཙན་པོས་དུས་ངན་སྙིགས་མའི་སེམས་ཅན་ལ་ཐུགས་རྗེས་གཟིགས་ཤིང་སྡུག་བསྔལ་ལས་སྐྱོབ་པའི་ཕྱིར་དུ་ཞུས་པ་སིནྡྷུ་རྒྱ་མཚོ་ཆུང་བ། འཁོར་གྱིས་ཞུ་བ་པོ་ལྔས་གསོལ་འདེབས་ཀྱི་གདངས་ཇི་ལྟར་བྱ་བའི་ཚུལ་ཞུས་པའི་གསོལ་འདེབས་ང་ཡི་རྗེས་འཇུག་མ་སྟེ་གསོལ་འདེབས་ལེའུ་བདུན། ཆོས་རྒྱལ་བཀྲ་ཤིས་སྟོབས་རྒྱལ་གྱིས་མཛད་པའི་གསོལ་འདེབས་ཀྱི་རྟེན་བསྐྱེད། ང་ཡི་རྗེས་འཇུག་མའི་ཁ་སྐོང་ཞེས་གསུང་སྔོན་གྱི་ཐུགས་དམ་མ། བརྒྱུད་འདེབས་ཆེ་བ་པདྨ་འོད་ཀྱི་གཞལ་ཡས་མ། ཆུང་བ་རྣམ་དག་སྐུ་གསུམ་མ་རྣམས་ཐོབ་པའི་བརྒྱུད་པ་ནི། ཆོས་སྐུ་འོད་དཔག་མེད། ལོངས་སྐུ་སྤྱན་རས་གཟིགས། སྤྲུལ་སྐུ་ཨོ་རྒྱན་ཆེན་མོ། གནུབས་ནམ་མཁའི་སྙིང་པོ། ཚངས་པ་ལྷའི་མེ་ཏོག །མཁའ་འགྲོ་ཡེ་ཤེས་མཚོ་རྒྱལ། སྣ་ནམ་རྡོ་རྗེ་བདུད་འཇོམས། ལྷ་སྲས་མུ་ཁྲི་བཙན་པོ། གཏེར་སྟོན་བཟང་པོ་གྲགས་པ། རིག་འཛིན་རྒོད་ཀྱི་ལྡེམ་ཕྲུ། གུང་ཐང་ཆོས་རྒྱལ་རྣམ་གསུམ། སྲས་མཆོག་རྣམ་རྒྱལ་མགོན་པོ། སྔགས་འཆང་རྡོ་རྗེ་རྣམ་གཉིས། མཚན་ལྡན་བླ་མ་རྣམ་གཉིས། ཆོས་

རྗེ་སངས་རྒྱས་དཔལ་བཟང་། དེ་ལ་ལྡོང་སྟོན་ཆོས་རྒྱལ་བསོད་ནམས་དང་མ་སྟོན་ནམ་མཁའ་རྒྱལ་མཚན་གཉིས་ཀས་གསན། གཉིས་ཀས་རྗེས་སུ་བཟུང་བ་ཡོལ་མོ་སྤྲུལ་སྐུ་ཤཱཀྱ་བཟང་པོ། མཆོག་སྤྲུལ་ལེགས་ལྡན་རྡོ་རྗེ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ཆེན་པོ་ངག་གི་དབང་པོ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ༈ །ཡང་ན་གཏེར་སྟོན་ཡབ་སྲས་གཉིས་ཀྱི་རྗེས་སུ་རིག་འཛིན་སངས་རྒྱས་བྱམས་བཟང་། སེ་སྟོན་ཉི་མ་བཟང་པོ། སེ་སྟོན་མགོན་པོ་བཟང་པོ། སེ་སྟོན་རིན་ཅེན་རྒྱལ་མཚན། སྤྱན་ཚབ་མགོན་པོ་ཟླ་བ། ནུབ་དགོན་པ་བྱམས་པ་ཆོས་ཀྱི་རྒྱལ་མཚན། ཆོས་རྒྱལ་བཀྲ་ཤིས་སྟོབས་རྒྱལ་མན་སྔར་བཞིན་ནོ། །ཡང་ན་གཏེར་སྟོན་ཡབ་སྲས་ནས། ཀུན་སྤངས་དོན་ཡོད་རྒྱལ་མཚན། བརྒྱུད་འཛིན་བསོད་ནམས་མཆོག་བཟང་། གྲུབ་ཐོབ་ཐང་སྟོང་རྒྱལ་པོ། བྱང་སེམས་ཀུན་དགའ་ཉི་མ། དྲན་མཆོག་སངས་རྒྱས་བརྩོན་འགྲུས། བྱེ་ཚང་པ་རིན་ཅེན་དཔལ་འབྱོར། རྒྱལ་སྲས་སངས་རྒྱས་བདེ་ཆེན། རྗེ་བཙུན་ཉི་ཟླ་སངས་རྒྱས། རྡོ་རྗེ་འཆང་ཕ་བོང་ཁ་དཔལ་འབྱོར་ལྷུན་གྲུབ། དེས་བདག་ལའོ།