གུ་རུ་བཛྲ་དྷཱ་ར་ཡེ་ནཱ་མཿ བདེ་ཆེན་ཆོས་དབྱིངས་ཐིག་ལེ་ཆེ། །རང་སྣང་འགགས་མེད་རོལ་པའི་རྩལ། །རྡོ་རྗེ་སེམས་དཔའ་ཀརྨ་པ། །མི་ཕྱེད་དད་པས་སྙིང་ནས་བསྙེན། །སངས་རྒྱས་ཀུན་གྱི་ཡེ་ཤེས་སྐུ། །སྒྱུ་འཕྲུལ་དྲྭ་བའི་འཁོར་ལོར་ཤར། །བདེ་ཆེན་བླ་མའི་དཀྱིལ་འཁོར་པ། །བསྙེན་པའི་མན་ངག་འདི་ན་སྤེལ། །དེ་ལ་ལྷ་སྲས་མུ་ཁྲིའི་སྐྱེ་མཐའ་གཏེར་འབྱ…

ཀུན་གྱི་ཕྲིན་ལས་ཀྱི་དབང་ཕྱུག་དཔལ་ལྡན་བླ་མ་ཀརྨ་པ་ཉིད། གདོད་ནས་དཀྱིལ་འཁོར་རྒྱ་མཚོའི་ཁྱབ་བདག་ཏུ་ལྷུན་གྱིས་གྲུབ་པའི་ཡེ་ཤེས་ཀྱི་རང་རྩལ། རྒྱ་མཚོ་ལྷ་ལྔའི་ངོ་བོར་རྩ་གསུམ་རིག་འཛིན་བླ་མའི་དཀྱིལ་འཁོར་གྱི་སྣང་ཆར་ཤར་བའི་ཞལ་གཟིགས་ཤིང་། དེ་ཉིད་སྒྲུབ་པའི་ཐབས་དག་སྣང་དགོངས་གཏེར་ཟུང་འཇུག་བསྟན་བཅོས་ཀྱི་ཚུལ་དུ་སྩལ་བའི་ལ…

པར་བྱེད་པ་སྔོན་འགྲོ། སྒོ་གསུམ་གྲོལ་བར་བྱེད་པ་དངོས་གཞི། རྗེས་སྣང་བ་ལམ་དུ་ཁྱེར་ཞིང་གནས་ལུགས་སྐྱོང་བ་དང་བཞི་ལས། དང་པོ་ནི། ཡིད་མཐུན་གྱི་གནས་སུ་རྩ་བ་གསུམ་གྱི་རྟེན་བཀྲམ་པའི་མདུན། སྟེགས་བུ་གཙང་མའི་ཁར་རས་བྲིས་སམ་འབྲུ་དཀར་གྱི་པདྨ་འདབ་བརྒྱད་བྲིས་པའི་དབུས་སུ། བླ་མའི་གཏོར་མ་ལ་འཁོར་དམར་གཏོར་བདུན་གྱིས་བསྐོར་བ་རྒྱ…

མོས་གུས་དྲག་པོས་བདག་གི་ཐོག་དྲངས་མཁའ་ཁྱབ་ཀྱི་མ་རྒན་རྣམས་སྐྱབས་སུ་འགྲོ་བའི་བློས། ན་མོ༔ སངས་རྒྱས་ཆོས་དང་དགེ་འདུན་སོགས་ཚིག་རྐང་གཉིས་པོ་གྲངས་མང་བརྗོད། མཐར་བདག་དང་སྣང་བ་ཐམས་ཅད་ཆོས་ཀྱི་དབྱིངས་ཀྱི་རང་བཞིན་ཡིན་པ་ལ་དེ་ལྟར་མ་རྟོགས་པའི་འགྲོ་དྲུག་རྣམས་ཀྱི་དོན་ཏུ་བླ་མའི་དཀྱིལ་འཁོར་སྒྲུབ་པར་བགྱིའོ་སྙམས་པའི་བྱང་ཆུབ…

བཅུའི་མཐས་བཏུགས་པའི་ནམ་མཁའི་ཁམས་ཐམས་ཅད་ཁྱབ་པའི་གདན་ཐབས་ཀྱི་ཆོས་འབྱུང་དམར་པོ་རྩེ་མོ་རྒྱབ་ཏུ་བསྟན་པ། དེའི་སྟེང་དུ་མཁར་ཐབས་ཀྱི་ཆོས་འབྱུང་དམར་པོ་རྩེ་མོ་མདུན་དུ་བསྟན་པའི་དབུས་སུ་པདྨ་འདབ་བརྒྱད་གེ་སར་ཉི་ཟླའི་གདན་དང་བཅས་པའི་སྟེང་དུ། སྐད་ཅིག་གིས་བདག་མདུན་བླ་མ་ཀརྨ་པ་དཀོན་མཆོག་རྩ་གསུམ་འདེ་གཤེགས་ཀུན་འདུས་ཀྱི་ངོ…

རྗེ་གསུམ་གྱི་ཡི་གེ་དང་ཐུགས་སྲོག་ཧྲཱིཿལ་སོགས་པས་མཚན་པ་ལས་འོད་ཟེར་ཁ་དོག་སྣ་ཚོགས་པ་ཕྱོགས་བཅུའི་ཞིང་ཁམས་རབ་འབྱམས་ཁྱབ་པར་འཕྲོས་སྐུ་གསུམ་རྩ་བ་གསུམ་གྱི་ལྷ་ཚོགས་ཐམས་ཅད་རྣམ་པ་དཀྱིལ་འཁོར་པའི་འཁོར་ལོར་གསལ་བ་དང་གཞན་ཡང་སྣང་སྲིད་ཐམས་ཅད་བླ་མའི་དཀྱིལ་འཁོར་ཆེན་པོར་གསལ་བ་བུ་ཡུག་འཚུབས་པ་བཞིན་དུ་བྱོན་པར་མོས་ལ་སྤྱན་འདྲེ…

ཀྱིས་མཉེས་པར་དམིགས། མཐར་མཆོད་ལྷ་རྣམས་ཀྱིས་བསྟོད་པའི་གླུ་ཡིས་ལྷ་ཚོགས་རྣམས་ཀྱི་ཆེ་བའི་ཡོན་ཏན་བརྗོད་ཅིང་བསྟོད་པས་དཀྱིལ་འཁོར་པ་གཟི་བྱིན་ལྷག་པར་དུ་འབར་བར་དམིགས་ཏེ་མཆོད་བསྟོད་རྣམས་བྱ། མཐར་མཆོད་ལྷ་རྣམས་རང་ལ་བསྡུ་ཞིང་། མཆོད་ཅིང་བསྟོད་བྱའི་ཡུལ་དབང་ཤེས་པ་རྣམས་བདེ་ཆེན་ཡེ་ཤེས་ཆེན་པོའི་ངོ་བོར་མཉམ་པ་ཉིད་ཀྱི་ཉམས་ས…

སྟེང་དུ་སྟེ་ཏིང་འཛིན་སེམས་དཔའ་ཧྲཱིཿཡིག་དམར་པོ་མར་མེ་ལྟར་འབར་ཞིང་གསལ་བ། དེའི་མཐར་ༀ་ཨཱཿཀརྨ་པཀྴི་ཧཱུྃ་ཅེས་པའི་སྔགས་ཕྲེང་དམར་ཧྲམ་མེ་བ་ངོ་ནང་བསྟན་གཡས་བསྐོར་དུ་བཀོད། དེ་བཞིན་སྤྱི་བོའི་བླ་མའི་ཐུགས་ཀར་འོད་ཀློང་ཟླ་གདན་ལ་ཧྲཱིཿདཀར་དམར་མདངས་འཚོར་གྱི་མཐར་བཛྲ་གུ་རུ་དང་། རྒྱབ་ཏུ་རས་ཆུང་པའི་ཐུགས་ཀར་ཡང་འོད་ཀློང་ཟླ་ས…

རྩེ་གཅིག་ཏུ་གཏད་ལ་ལྷར་སྣང་གསལ་ཞིང་ང་རྒྱལ་བརྟན་པར་མ་ཡེངས་པར་མཉམ་པར་འཇོག །དེས་སྐྱོ་ན་སྤྱི་བོའི་རིགས་བདག་གི་ཐུགས་སྲོགས་སྔགས་ཕྲེང་དང་བཅས་པ་ལས་འོད་ཟེར་ལྔ་ལྡན་ལ་རང་རང་གི་མདོག་མཚུངས་ཤས་ཆེ་བ་ཅན་ཕྱོགས་བཅུར་འཕྲོས་པས་སྐུ་གསུམ་རྩ་གསུམ་ཞི་ཁྲོ་ཐམས་ཅད་གུ་རུ་པདྨ་ཐོད་ཕྲེང་གི་རྣམ་པར་ཆར་ལྟར་བབ་ནས་བདག་མདུན་རྣམས་ལ་སིབ་ས…

ཕྲིན་ལས་རབ་འབྱམས་ཀྱི་དངོས་གྲུབ་འགྲུབ་པར་དམིགས་ལ་སོ་སོའི་སྔགས་རྣམས་གཙོ་བོ་དང་འཁོར་གྱི་རྣམ་དབྱེ་ཕྱེད་པར་བྱས་ནས་རྩེ་གཅིག་ཏུ་བཟླ། ཐུན་མཐར་དབང་ལེན་པ་ནི། བདག་བསྐྱེད་གཙོ་བོའི་ཐུགས་ཀའི་འོད་ཀྱིས་མདུན་བསྐྱེད་བསྐུལ་བས། མདུན་བསྐྱེད་ཀྱི་བླ་མའི་དཀྱིལ་འཁོར་པའི་དཔྲལ་བ་ནས་སོ་སོའི་སྐུ་ཆེ་ཆུང་མ་ངེས་པ་དང་། མགྲིན་པ་ནས་ས…

རྣམས་མཐའ་ནས་རིམ་བཞིན་གཙོ་བོ་ལ་ཐིམ། དེ་ཉིད་རང་གི་སྤྱི་བོ་ནས་བྱོན། སྙིང་གའི་ཡེ་ཤེས་སེམས་དཔའ་དང་དབྱེར་མེད་ཐིམ་པས། བླ་མའི་ཐུགས་དང་རང་སེམས་དབྱེར་མེད་མ་བཅོས་གཉུག་མ་གཤེས་ཀྱི་གནས་ལུགས་ཕྱག་རྒྱ་ཆེན་པོའི་སྟེང་དུ་ཅི་གནས་སུ་མཉམ་པར་འཇོག་པ་ནི་བྱིན་རླབས་འཕོ་བའི་གནད་དམ་པའོ། །མཐར་བདག་བསྐྱེད་ཀྱང་མགྲོོན་ཐབས་ཀྱི་འཁོར་རྣ…

ལྔའི་ཡུལ་དུ་ཤར་པའི་ཚོགས་དྲུག་གི་སྣང་བར་ཞེན་ཆགས་ཨ་འཐས་ཀྱི་སྤང་བླངས་དགའ་སྒྲུབ་རེ་དོག་མེད་པར་རང་ཤར་རང་གྲོལ་ཀློང་ཡངས་ཆེན་པོར་ཡེངས་མེད་ཀྱི་དྲན་པས་ལམ་དུ་ཁྱེར་ཞིང་རྟོག་ཚོགས་ཡེ་ཤེས་རང་སྣང་གི་རྒྱན་རང་བྱུང་སྐྱེ་མེད་བློ་འདས་རིག་རྩལ་གྱི་བྱེད་ལས་སྣང་བ་བརྡའ་ཡི་བླ་མར་ཤེས་པས་ཉམས་གང་ཤར་གྱི་ངོ་བོ་མ་བཅོས་པར་སྐྱོང་། འད…

ཉིད་ལ་མོས་པ་བརྟན་པའི་གཡར་དམ་ཅན་ཀརྨ་ཡང་དག་གིས་རིང་མོ་ཞིག་ནས་བསྐུལ་ངོ་མ་ལྡོག་ཙམ་དུ་སངས་རྒྱས་ཀརྨ་པའི་སྐྱེས་རབས་འཛིན་པ་བཅོ་ལྔ་པས། ས་སྦྱོད་ཐུགས་ཀྱི་འཁོར་ལོའི་གནྡྷོ་ལ་ནས་བྲིས་པ་དགེ། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། …

དཀོན་མཆོག་སྤྱི་འདུས་ཀྱི་ཁྲིད་ཡིག་གུ་རུའི་དགོངས་རྒྱན་ཉིན་བྱེད་སྙིང་པོའི་རྫོགས་རིམ་སྐོར་གྱི་ཟབ་ཁྲིད་བཞུགས་སོ། །

དཔག་ཡས་རྒྱལ་བ་ཀུན་གྱི་གསང་བ་གསུམ། །གཅིག་གྱུར་སིནྡྷུའི་མཚོ་གླིང་པདྨའི་དབུས། །གསང་ཆེན་ཐེག་པའི་འབྱུང་གནས་སྤྲུལ་པའི་སྐུ། །ཡོན་ཏན་བསམ་མི་ཁྱབ་དེར་གུས་ཕྱག་འཚལ། །ཐེག་གསུམ་ལམ་རིམ་རྒྱ་མཚོའི་འཇིང་རུམ་ནས། །ཚེ་འདིར་གྲུབ་གཉིས་དབང་བསྒྱུར་ནོར་བུ་གང་། །ངེས་པར་བླངས་ནས་ཀུན་རྟོག་སྒྲིབ་པའི་ཚོགས། །འཕྲོག་བྱེད་མགོན་པོ་སྙིང་…

གྱིས་ལེགས་པར་འཆད་བྱེད་ན། །གནང་བ་སྩལ་ཞིང་བྱིན་གྱིས་བརླབ་ཏུ་གསོལ། །དེ་ཡང་བཀའ་རྫོགས་པ་ཆེན་པོའི་རྒྱུད་སྡེ་འབུམ་ཕྲག་དྲུག་ཅུ་རྩ་བཞིའི་སྙིང་པོ་ཡང་ཟབ་དཀོན་མཆོག་སྤྱི་འདུས་ཞེས་ཆོས་ཐམས་ཅད་བསྐྱེད་རྫོགས་གཉིས་སུ་བསྡུས་ནས། རྒྱུད་ལས་སྒྲུབ་ཐབས་སུ་བསྡུས། སྒྲུབ་ཐབས་མན་ངག་ཏུ་བསྡུས། མན་ངག་ལག་ལེན་དུ་བསྟན་ཏེ། བྱིན་རླབས་རྩ…

གཞུང་ལས། ཡོ་ག་གསུམ་གྱི་སྒྲུབ་ཐབས་སྲོག་ཕུར་བཅས༔ མཐར་ཐུག་ལྟ་སྒོམ་སྤྱོད་འབྲས་ཁྲིད་རིམ་དང༔ གཏུམ་མོ་འཕོ་བ་རྫས་དང་དམིགས་པ་ནི༔ སྐལ་ལྡན་ཚེ་གཅིག་བྱང་ཆུབ་བསྒྲུབ་ཕྱིར་གསུངས༔ ཞེས་ཌཱ་ཀི་ཡེ་ཤེས་མཚོ་རྒྱལ་གྱིས་ཐེམ་བྱང་འགོད་པར་མཛད་པའི་སྤྲུལ་སྐུ་ལམ་དུ་བྱེད་པ་སྐུ་རྡོ་རྗེ་མ་ཧཱ་ཡོ་ག་དང་རྗེས་སུ་འབྲེལ་བ་རྫོགས་དང་རྫོགས་ཆེན…

བཀའ་སྲོལ་ཁྱད་པར་འཕགས་པ་ཉིད་སྐྱབས་མགོན་ཚེ་དབང་ནོར་བུ་མཆོག་གིས་འབྲུག་ཆེན་བཀའ་བརྒྱུད་ཕྲིན་ལས་ཤིང་རྟ་ལ་གནང་བའི་གཏེར་གཞུང་གི་ཁྲིད་ལུང་དང་། སྨིན་བྱེད་ཟབ་མོ་མཆོག་ཏུ་གྱུར་པའི་བྱིན་རླབས་འཕོ་བའི་རིམ་པ་རིག་འཛིན་རྡོ་རྗེ་དྲག་པོའི་བཀའ་དྲིན་ལས་ཐོབ་པ་ཉིད་གཙོ་བོར་བྱས་ཏེ་རྫོགས་རིམ་གྱི་ཁྲིད་ཚུལ་ལྷག་པའི་བློ་ཡིས་ཇི་ལྟར་…

སྔོན་འགྲོས་རྒྱུད་སྦྱངས། བསྐྱེད་རིམ་བརྟན་པོར་བསྒྲུབ་ཅིང་ལྷ་ཁྲིད་ལས་ཇི་ལྟར་བཤད་པའི་དུས་རྟགས་གྲངས་ཀྱི་བསྙེན་པ་ཚད་དུ་བསྐྱལ། རྫོགས་རིམ་ལ་འཇུག་པའི་སྔོན་དང་ཐུན་བར་སོགས་སུ་བླ་མ་ཡི་དམ་གྱི་ཚོགས་བསྐང་བ་བདག་འཇུག་ལ་སོགས་ནན་དུ་བླངས། ཌཱ་ཀི་དང་ཆོས་སྐྱོང་གཏེར་བདག་གཏོར་མཆོད་ཀྱིས་མཉེས་པར་བྱས་ནས། དངོས་གཞི་ལ། གཞུང་ལས། ག…

རྟོགས་པ་རྒྱུད་ལ་སྐྱེ་བའི་མི་མཐུན་ཕྱོགས་རྒྱུ་དང་འབྲས་བུར་བཅས་པ་ཐམས་ཅད་སྣོད་བཀྲུ་བཤལ་བྱས་པ་བཞིན་རོ་རྐྱང་གི་ལམ་ནས་རླུང་གི་རྣམ་པར་ལྷག་མེད་དུ་ཐོན་པར་བསམ། དེ་ནས་སྟོང་རའམ་རང་བྱིན་གྱིས་བརླབ་པ་ཞེས་རང་ལུས་པདྨ་འོད་འབར་གྱི་སྐུ་སྣང་སྟོང་ཆུ་ཟླ་ལྟ་བུ། རྣམ་པ་སྔར་བསྐྱེད་རིམ་གྱི་སྐབས་སུ་བཤད་པ་ཇི་ལྟ་བ་ནང་ཐམས་ཅད་སྟོང་ས…