ལས་སྐྱེས་པའི་སྣ་ཚོགས་རྡོ་རྗེ་ལེབ་ཆགས་ཀྱི་ལྟེར་ཧཱུྃ་ཡིག་གིས་མཚན་པའི་འོད་ཟེར་སྟེང་འོག་ཏུ་འཕྲོས་པས་འོག་རྡོ་རྗེའི་ས་གཞི་སྟེ་རྡོ་རྗེའི་རྡུལ་ཕྲ་རབ་ཀྱིས་གཏམས་པ། རྡོ་རྗེའི་རྭ་བའི་སྟེང་དུ་རྡོ་རྗེའི་གུར་ཕུབ་པའི་སྟེང་དུ་སྣ་ཚོགས་རྡོ་རྗེའི་ལྟེ་བར་རྡོ་རྗེ་ཕྱེད་པའི་ཏོག་གིས་སྤྲས་པ། འདི་གུར་ཁང་སྒོང་དབྱིབས་ཏེ་སྟེང་གི…

བསམས་ལ། སྤྱིར་བཏང་ལ་རྡོ་རྗེའི་དྲྭ་མིག་བསྣོལ་མཚམས་ནས་མདའ་བསྣོལ་བ་སྐྱེས་པ་ལྟ་བུ་དང་དེའི་མདིལ་རྩེ་བསྣོལ་མཚམས་རྣམས་ནས་མེ་འབར་བར་བཤད་ཀྱང་སྐབས་འདིར་རྡོ་རྗེའི་དྲྭ་བ་མ་བཤད་དོ། །མཆན། ༀ་མེ་དེ་ནི་སོགས་ནི་རྡོ་རྗེའི་ས་གཞི་བརྟན་པར་བྱེད་པའི་སྔགས་ཏེ། མེ་དེ་ནཱི་རྡོ་རྗེའི་ས་གཞི། བཛྲཱི་བྷ་བ་རྡོ་རྗེ་ཅན་དུ་བརྗོད། བཛྲ་བན…

བོན་ཧཱུྃ་ཡིག་གི་བར་དུ་བཅུག་སྟེ་རྒྱས་གདབ་པའོ། །དེ་དག་ཀྱང་ལཱུ་ཡི་པའི་གཞུང་ལས། སུམྦྷ་ལ་སོགས་སྔགས་བཞི་པོ། །རྩེ་གཅིག་རྣལ་འབྱོར་བརྗོད་པ་ཡིས། །ནག་པོ་ལྗང་གུ་དམར་སེར་པོ། །ཤར་ལ་སོགས་པའི་ཕྱོགས་སུ་འགོད། །ས་འོག་ཚངས་པའི་གནས་བར་དུ། །ཁྱབ་པའི་གཟུགས་ཆེན་འབར་བ་རྣམས། །སུམྦྷ་ལ་སོགས་འོད་ཟེར་གྱིས། །ར་བ་བཞི་པོ་དེ་བཞིན་བསམ། །…

གཡས་ན་རྡོ་རྗེའི་ཐོ་བ་དང་གཡོན་པ་ན་རང་འདྲའི་སྐུ་སྟོད་ཅན་གྱི་ཕུར་པ་བསྣམས་པ། ལྟེ་བ་མན་ཆད་སྐུ་སྨད་ཕུར་པའི་རྣམ་པ་ཅན་ཞལ་ནང་དུ་ཕྱོགས་པར་བསྒོམ། འདི་དག་ཀྱང་མིའམ་ཅི་འདུལ་བའི་དོན་དུ་མཁའ་ལྡིང་སོགས་ཀྱི་གདོང་དུ་བསྟན་པ་ལས་ངོ་བོ་ནི་གཽ་རཱི་དང་། ཙཽ་རི། པུཀྐ་སི། བེ་ཏཱ་ལི་དང་བཞི་ཡིན་ལ། ཞལ་བཞི་ལ་ཐབས་ཁམས་གསུམ་རྣམ་རྒྱལ་དང་…

ནག་པོ་དང་། ༀ་ཨཱ་ན་ཡ་ལས་འོད་ཟེར་སེར་པོ་འཕྲོས་པ་གཉིས་གཅིག་ཏུ་འདྲེས་ཏེ་ཡོངས་སུ་གྱུར་པ་ལས། ཤར་ལྷོར་གཤིན་རྗེ་བརྟན་མ་ཕྱེད་གཟུགས་ཏེ་སྐུ་ཕྱེད་གཡས་སྔོ་གཡོན་སེར་པོ། དེ་བཞིན་དུ་སྔགས་གཉིས་བརྗོད་པའི་རྐྱེན་གྱིས། ༀ་ཨཱ་ན་ཡ་ལས་འོད་སེར་པོ་དང་། ༀ་གྲྀ་ཧྞཱ་པ་ཡ་ལས་འོད་དམར་པོ་འཕྲོས་པ་གཉིས་ཡོངས་སུ་གྱུར་པ་ལས་ལྷོ་ནུབ་ཏུ་གཤིན…

དང་འདྲ་ལ། ངོ་བོ་ནི་གྷ སྨ་རཱི་དང་། ཤ་བ་རཱི། ཙཎྜ་ལི། ཌོམྦི་ནི་དང་བཞི་ཡིན་ལ། ཐབས་སྦས་པའི་ལྷ་ནི་དབྱིག་སྔོན་དང་། འདོད་པའི་རྒྱལ་པོ། མི་གཡོ་བ། སྟོབས་པོ་ཆེ་དང་བཞི་ཡིན་པར་ཨ་བྷི་དྷཱ་ནའི་འགྲེལ་པར་གསུངས་སོ། །སྐུ་སྨད་ཀྱི་ཕུར་ཤམ་ལ་རྡོ་རྗེ་རྩེ་གཅིག་གི་རྣམ་པར་གསུངས་པ་དང་། ལ་ལར་མདུང་གི་ཚུལ་དུ་གསུངས་ཤིང་། མདུང་ཞེས་པའང་…

གནོད་བྱེད་གཉིས་སུ་མ་གྲུབ་པར་ཤེས་པར་བྱེད་པ་དང་། ཕཊྲ་ཀྱིས་རྣམ་རྟོག་ཉོན་མོངས་ཐམས་ཅད་དབྱིངས་སུ་གཅོད་པའོ། །དེ་ནས་སྒོ་མཚམས་མ་བརྒྱད་ཀྱིས་རང་འདྲའི་སྤྲུལ་པ་དཔག་ཏུ་མེད་པ་ཕྱོགས་མཚམས་སྟེང་འོག་བཅུར་སྤྲོས་ཏེ་ཕྱོགས་བཅུའི་བགེགས་ཚོགས་མ་ལུས་པ་ཐམས་ཅད་བཀུག་སྟེ། ར་བའི་ཕྱིར་ཧཱུྃ་ཡིག་ལས་སྐྱེས་པའི་ཁྲོན་ཟབ་སྟེ་དོང་ཆུ་ཤིན་ཏུ…

གདུག་པའི་བགེགས་ཐམས་ཅད་དོ། །ཀཱི་ལ་ཡ་གཉིས་ནི་ཕུར་བུས་ཐོབ་ཕུར་བུས་ཐོབ་ཅེས་སོ། །སུ་ལ་ཞེ་ན། སརྦ་པཱ་པཾ་ན་ཏེ་སྡིག་པའི་ལས་བྱེད་པ་ཐམས་ཅད་ལའོ། །ཧཱུྃ་གསུམ་དང་བཛྲ་ཀཱི་ལ་ཡ་ནི་རྡོ་རྗེའི་ཕུར་བུ་བསྐྱེད་པའོ། །སུ་ཡིས་གདབ་ཅེ་ན། བཛྲ་དྷ་ར་ཨཱ་ཛྙཱ་པ་ཡ་ཏི་སྟེ་རྡོ་རྗེ་འཛིན་པའི་བཀའ་ཡིས་སོ། །གང་ལ་གདབ་ཅེ་ན། སརྦ་དུཥྚཱ ན་བིགྷྣཱན་ཏ…

སྔགས་དོན་འདི་ཡང་རྒྱུད་འགྲེལ་དུ་བཀྲལ་བ་ལྟར་རོ། །དེ་ནས་བགེགས་ཚོགས་དེ་དག་གི་ལུས་ངག་ཐམས་ཅད་རྡུལ་དུ་བརླག་སྟེ་སེམས་ཉིད་བདེ་ཆེན་འོད་གསལ་དེ་ཁོ་ན་ཉིད་དུ་རང་བཞིན་ཏེ་ངོ་བོ་གཅིག་ཏུ་བྱས། བགེགས་ལྷག་མ་རྣམས་ཀྱང་རྒྱང་རིང་དུ་བསྐྲད་ནས་སྒོ་མཚམས་ཀྱི་ཁྲོ་མོ་རྣམས་དང་ཧཱུྃ་བཞིའི་སྔགས་བཅས་རྡོ་རྗེའི་ར་བ་ལ་ཐིམ་སྟེ། དཔེར་ན་ཆུ་ལ…

ཕྱོགས་འོད་ལས་བྱུང་བ། །གཤིན་རྗེ་བརྟན་མ་ལ་སོགས་བཞི། །ཞལ་གཅིག་ཕྱག་གཉིས་དེ་རྣམས་བརྒྱད། །ལྟེ་བ་མན་ཆད་ཕུར་པའི་གཟུགས། །དེ་རྣམས་གཡོན་ན་ཕུར་བུ་ནི། །དེ་དང་དེ་ཡི་ངང་ཚུལ་ཅན། །གཡས་པའི་ལག་པ་རྣམས་ལ་ནི། །རྡོ་རྗེའི་ཐོ་བ་ཆེན་པོ་འཛིན། །འཕྲོས་ཏེ་སོང་བས་ཕྱོགས་བཅུ་ན། །གནས་པའི་བགེགས་རྣམས་རབ་བཀུག་ནས། །ཧཱུྃ་རིང་ལས་བྱུང་ཕྱོག…

འདིར་ལྷ་སྔགས་འགོད་ཚུལ་གོ་ལྡོག་ཏུ་འགོད་དགོས་པའི་དོན་ཀྱང་། རྣལ་འབྱོར་མའི་ཀུན་སྤྱོད་ལས། ལྷ་སྔགས་བཟློག་ཏེ་བཀོད་པ་དང་། །སྔགས་ཀྱི་དབྱེ་བ་བཟློག་པ་དང་། །བསྒོམ་པའི་གསང་བ་བཟློག་པ་ནི། །དངོས་གྲུབ་ཐམས་ཅད་སྒྲུབ་བྱེད་པའོ། །ཞེས་གསུངས་པ་ལྟར་རོ། །ཧཱུྃ་བཞིའི་སྔགས་ལ་སེ་གོལ་གཏོགས་པ་ནི་བཀའ་བསྒོ་བ་དང་གནས་སྲུང་བའི་བརྡ་བྱེད…

ཚིག་གི་སྦས་དོན་ནི། ཡེ་ནས་གནས་པའི་མ་བཅོས་ཆོས་ཉིད་རྣལ་མ་ལ། རང་གསལ་ཀ་དག་ལྷུན་གྲུབ་ཡེ་ཤེས་ཀྱི་དབང་འབྱོར་བས་ཆོས་ཉིད་ཆོས་ཅན་ཐམས་ཅད་བདེ་ཆེན་གཉུག་མའི་ཀློང་དུ་རོ་གཅིག་ཏུ་འདྲེས་པས། ཐབས་སྙིང་རྗེ་ཆེན་པོ་དང་ཤེས་རབ་སྟོང་པ་ཉིད་ཟུང་དུ་འཇུག་པའི་བདུད་རྩི་གསོལ་བས་རྣམ་པར་དག་པའི་ཐུགས་འོད་གསལ་གྱི་ཡེ་ཤེས་མངོན་དུ་གྱུར་པ་དང…

ཁྱབ་བདག་དཔལ་ལྡན་བླ་མ་མཆོག་ལ་སྤྱི་བོས་བཏུད་དེ་སྒོ་གསུམ་གུས་པས་རྟག་ཏུ་ཕྱག་འཚལ་ལོ་ཞེས་པའོ། །དེ་ནས་འཁོར་ལོ་གསུམ་གྱི་དཔའ་བོ་དང་རྣལ་འབྱོར་མ་ལ་ཕྱག་འཚལ་བ་ནི། ལྷ་མོའི་ཕྲེང་བ་ནི་རྩའི་མིང་ཡིན་པས་རྩའི་འཁོར་ལོའི་རང་བཞིན་རྣམས་གཙོ་བོའི་སྐུའི་དབྱིབས་སུ་གསལ་བ་སྟེ། ཕྱི་རོལ་གྱི་ཡུལ་ཉེར་བཞི་པོ་རྣམས་ནང་རྡོ་རྗེ་ལུས་ཀྱི་ར…

སྙིང་པོར་བྱེད་པ་བདག་གིས་ནི་རྟག་ཏུ་གུས་པས་ཕྱག་འཚལ་ལོ། །ཞེས་པའོ། །འདི་ཡི་དོན་འགྲེལ་ས་བོན་ཙམ་ཞིག་དཀའ་འགྲེལ་པདྨ་ཅན་དུ་བཞུགས་པ་ལ་བརྟེན་ཏེ་སླར་གོ་གསལ་དུ་བཀོད་པ་ཡིན་ནོ། །སླར་ཡང་རང་གི་སྙིང་གའི་ས་བོན་ལས་བྱུང་བའི་ལྷ་མོ་པི་ཝཾ་མ་སོགས་པས་མཆོད། སྦེག་ལ་སྒེག་ཅིང་ཞེས་པའི་སྦེག་པ་ནི་སྐུའི་ཤ་སྐེམ་པའི་དོན་དང་སྒེག་པ་ནི་ར…

དགའ་བ་བཞི། ཀཾ་ནི་དངོས་འཛིན་བྲལ་བ། ཨཱ་ཧཱུྃ་ཧཱུྃ་ཕཊྲ་བཞི་ནི་དགའ་བཞི་འཕོ་མེད་དུ་བརྟན་པར་བྱེད་པ། སྭཱ་ཧཱ་ནི་དེ་དག་གི་གཞི་ཚུགས་ཞེས་པའོ། །དེ་ནས་འདོད་ཆགས་ཞེ་སྡང་སོགས་ཡན་ལག་རྣམ་པ་ལྔའི་ཚིག་དོན་ནི་གོ་སླའོ། །དེ་ནས་ཚོགས་ཞིང་རྣམས་རང་ལ་བསྟིམ་པའི་མཐར། རང་ཉིད་ཀྱི་སྤྱི་མགྲིན་སྙིང་ག་གསུམ་དུ་ཧེ་དཀར་པོ་དང་རུ་དམར་པོ་ཀ་སྔ…

འོད་ཀྱིས་བཀུག་ནས་མདུན་དུ་དཀྱིལ་འཁོར་ལ། །ཕྱག་འཚལ་ལ་སོགས་བདུན་དང་བདག་ཉིད་འབུལ་བར་བྱ། །ཧེ་རུ་ཀ་ཡིག་སྤྱི་བོ་མགྲིན་པ་སྙིང་ག་རུ། །རིམ་པས་བལྟས་ཏེ་སྟོང་པ་ཉིད་བསྒོམ་གསང་སྔགས་བརྗོད། །ཅེས་གསུངས་པའི་དོན་ཏེ། དེ་ནས་དང་པོ་འཆི་སྲིད་སྦྱོང་བའི་ཕྱིར་བདག་དང་ཁམས་གསུམ་ཐམས་ཅད་རང་བཞིན་འོད་གསལ་སྟོང་ཉིད་དུ་ཐིམ་པར་བསམས་ལ། ༀ་ས…

སེམས་ཉིད་སྟོང་པའི་རང་རྩལ་ལས་རྒྱལ་བ་རྣམས་ཀྱི་སྐུ་གསུང་ཐུགས་ཀྱི་རྡོ་རྗེའི་ངོ་བོ་ༀ་དཀར་ཨཱཿདམར་ཧཱུྃ་མཐིང་གསུམ་བརྩེགས་མར་གནས་པ་དེ་ལས་གོང་བཤད་ལྟར་སྐུ་གསུང་ཐུགས་ཀྱི་འཁོར་ལོའི་ལྷ་རྣམས་སྤྲོས་པས། འགྲོ་ཀུན་འཁོར་ལོ་གསུམ་གྱི་ལྷར་བྱས། དེ་ཐམས་ཅད་ཡབ་ཡུམ་སྙོམས་པར་ཞུགས་ཏེ་འོད་དུ་ཞུ་བ་ཡི་གེ་གསུམ་སོ་སོར་ཐིམ་པའི་མཐར་ༀ་ཨ…

འཁོར་བ་ལ་གནས་སོ་སྙམ་པའི་སྙིང་རྗེ་བྱ་བ་ནི་སེམས་ཅན་ལ་དམིགས་པའི་སྙིང་རྗེ་དང་ཆོས་ལ་དམིགས་པའི་སྙིང་རྗེ་གཉིས་སོ། །བདག་གིས་ཆོས་ཉིད་ཟབ་མོའི་དོན་མངོན་དུ་བྱས་ནས་འགྲོ་བ་རྣམས་ཀྱིས་ཀྱང་ཟབ་མོ་ཆོས་ཉིད་དེ་བཞིན་རྟོགས་པར་བྱའོ་སྙམ་པ་ནི་དམིགས་པ་མེད་པའི་སྙིང་རྗེའོ། ། དེ་ནས་དངོས་གཞི་རྟེན་གཞལ་ཡས་ཁང་བསྐྱེད་པའི་ཐོག་མར་གཞི་ས…

ཅིག་ཡིན་ནམ་སྙམ་ན། ཛྙཱ་ན་ནི་ཡེ་ཤེས་ཏེ། རྒྱུད་གསེར་ཕྲེང་ལས། ཡེ་ནས་གནས་པའི་དོན་གང་ཞིག །མངོན་པར་ཤེས་ཕྱིར་ཡེ་ཤེས་བརྗོད། །ཅེས་གསུངས་པ་ལྟར་རང་བྱུང་ཡེ་ཤེས་ཉིད་སྨྲ་རྟོག་དངོས་པོའི་མཚན་མ་ལས་འདས་ཀྱང་། རྣལ་འབྱོར་ཅན་གྱི་སོ་སོ་རང་རིག་ཡེ་ཤེས་ཀྱི་སྤྱོད་ཡུལ་ཅན་ནོ། །བཛྲ་ནི་རྡོ་རྗེ་སྟེ། མཁའ་འགྲོ་མ་གསང་བ་འབར་བའི་རྒྱུད་ལ…

རྐྱེན་གང་ལའང་མ་ལྟོས་པར་རང་བཞིན་གྱིས་དག་པའོ། །ཨཱཏྨ་ཀོ྅ཧཾ་ནི་བདག་ཉིད་ངའོ་སྟེ། གོང་གསལ་ཡེ་ཤེས་རྡོ་རྗེ་དེ་ཉིད་མངོན་དུ་གྱུར་པའི་བདག་ཉིད་ཅན་དེ་སུ་ཡིན་ཞེ་ན་བསྐལ་པ་དྲུག་དང་ལྡན་པའི་བཅོམ་ལྡན་འདས་ངའོ་ཞེས་གསུངས་ཏེ། དཔལ་སྡོམ་པའི་རྒྱུད་ལས། དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་བསྐལ་པ་བཟང་། །ཡེ་ཤེས་ཕུན་སུམ…