གསུངས་པས་ན་དེ་ཉིད་བདེ་ཆེན་འགྱུར་བ་མེད་པ་འཕོ་མེད་རྡོ་རྗེའི་ཡེ་ཤེས་མངོན་དུ་བྱེད་པའི་གནས་སུ་གྱུར་པས་ན་དེའི་ངོ་བོ་རྡོ་རྗེ་ཕག་མོ་ཉིད་ལ་རྡོ་རྗེ་གདན་མ་ཞེས་གསུངས་ཏེ། དཔེར་ན་སྟོན་པ་བྱང་ཆུབ་བརྙེས་པའི་གནས་རྡོ་རྗེ་གདན་ཡིན་པས་རྡོ་རྗེ་གདན་པ་ཞེས་གྲགས་པ་ལྟར་རོ། །དེ་ནས་བདེ་བ་ཆེན་པོ་ཉམས་སུ་མྱོང་བའི་ཕྱིར། བདག་ཉིད་ཧེ་ར…

ནས་དབུ་མར་ཟུག་པ། སྤྱི་བོར་རྩ་འདབ་དཀར་པོ་སོ་གཉིས། མགྲིན་པར་དམར་པོ་བཅུ་དྲུག །སྙིང་གར་སྔོན་པོ་བརྒྱད། ལྟེ་བར་སེར་པོ་དྲུག་ཅུ་རྩ་བཞི་སྟེ་དེ་དག་གི་རྩ་འདབ་གྱེས་ཚུལ་བླ་མེད་རྒྱུད་སྡེའི་དགོངས་པ་རྩལ་དུ་བཏོན་པ་ཀུན་མཁྱེན་རང་བྱུང་བའི་ཟབ་མོ་ནང་དོན་ལྟར་རོ། །དེ་ནས་སྤྱི་བོའི་འཁོར་ལོར་དཔལ་ཧེ་རུ་ཀའི་ངོ་བོ་ཧཾ་ཡིག་དཀར་པོ་…

དགའ་བ་བཞི་ཡི་ངོ་བོ་དཔྱིད་ཀྱི་ཡི་གེ་བཞི་སྟེ། སྤྱི་བོ་བདེ་ཆེན་འཁོར་ལོའི་རྩ་འདབ་དབུས་སུ་དཔྱིད་ཀྱི་ཡི་གེ་ཧཾ་ཡིག་དཀར་པོ་མགོ་བོ་ཐུར་དུ་བལྟ་བ། མགྲིན་པ་ལོངས་སྤྱོད་འཁོར་ལོའི་དབུས་སུ་ༀ་ཡིག་དཀར་པོ། སྙིང་ག་ཆོས་ཀྱི་འཁོར་ལོའི་དབུས་སུ་ཧཱུྃ་ཡིག་སྔོན་པོ་མགོ་ཐུར་དུ་བལྟ་བ། ལྟེ་བ་སྤྲུལ་པའི་འཁོར་ལོའི་རྩ་འདབ་དབུས་སུ་ཨཱཿཡ…

མགྲིན་པའི་ༀ་དང་གསུམ་བསྲེགས་ཏེ་མེ་ལྕེ་ཧཾ་ཡིག་ལ་རེག་པས་དེ་ལས་དཀར་ཆའི་རྒྱུན་རིམ་པར་བབས་པས་ཡི་གེ་གསུམ་སྔར་ལྟར་གསོས་པས་བདེ་བ་སྐྱེས་པར་བསམ། སླར་ཡང་ལྟེ་བའི་ཨ་ཐུང་ལས་འོད་འཕྲོས་རྒྱལ་བ་སྲས་དང་བཅས་པ་ཐམས་ཅད་དང་ཁྱད་པར་དུ་རྡོ་རྗེ་རྣལ་འབྱོར་མའི་བྱིན་རླབས་ཐམས་ཅད་ཡེ་ཤེས་མེ་ཡི་རྣམ་པར་བསྡུས་ཏེ་ཨ་ཐུང་ལ་ཐིམ། ཡང་སྤྱི་བོའ…

རྒྱུད་ལས། བདེ་ཆེན་འཁོར་ལོ་སྤྱི་བོ་ལ། །དེ་ནི་དགའ་བར་བཤད་པ་ཡིན། །ལོངས་སྤྱོད་འཁོར་ལོ་མཆོག་དགའ་དང་། །དགའ་བྲལ་ཆོས་ཀྱི་འཁོར་ལོར་གནས། །སྤྲུལ་པའི་འཁོར་ལོར་ལྷན་ཅིག་སྐྱེས། །དགའ་བ་ཉམས་སུ་མྱོང་བར་བྱེད། །ཅེས་གསུངས་པ་ལྟར་ཡང་ཡང་བསྒོམས་པས་རླུང་ཅུང་ཟད་འགག་པ་ཕྲ་མོའི་རྣལ་འབྱོར་དང་། དེ་ལས་བདེ་བ་སྐྱེ་བ་ཐིག་ལེའི་རྣལ་འབྱོ…

གྲིར་ཤི་བའི་ཐོད་པའི་ཕྲེང་བ་ལ་དུང་ཆེན་གྱི་ཕྲེང་བ་ཞེས་བསྔགས་པས་དེ་ཉིད་གཞོན་ནུ་མས་བཀལ་པའི་སྲེད་བུས་བརྒྱུས་པ་མདོ་འཛིན་སྟེང་དུ་ཡོད་པར་བྱས་ལ་ལག་པ་གཡོན་པའི་སྙིམ་པར་བཅུག་ལ་བདུད་རྩིས་བསང་སྦྱང་། སྟོང་ལས་པད་ཉིའི་སྟེང་དུ་བགྲང་ཕྲེང་ཧྲཱིཿལས་པདྨ་གར་དབང་སྟེ་ངོ་བོ་གསུང་རྡོ་རྗེ་སྣང་བ་མཐའ་ཡས་སྐུ་མདོག་དམར་པོ་ཞལ་གཅིག་ཕྱ…

བགྲང་བར་བྱ་སྟེ། རྡོ་རྗེ་མཁའ་འགྲོ་ལས། མཐེ་བོང་ལྕགས་ཀྱུར་བྱས་ནས་ནི། །ལྷ་རྣམས་ཐམས་ཅད་འགུགས་པར་བསམ། །ཞེས་གསུངས་སོ། །སྤྱིར་ཞི་བ་ལ་མཛུབ་མོ། རྒྱས་པར་གུང་མོ། དབང་ལ་སྲིན་ལག །མངོན་སྤྱོད་ལ་མཐེའུ་ཆུང་གི་སྟེང་དུ་བཞག་ཅིང་མདོ་འཛིན་མི་འགོམ་ཕྲེང་བའི་མདོ་འཛིན་མི་འགོམས་གསུངས་པ་ལ་རྗེ་དཔའ་བོའི་ཕག་མོའི་རྣམ་བཤད་དུ་དགག་བཞག…

འདྲེན་པ་དང་ཐུགས་དམ་བསྐུལ་བ་དང་མཚན་ནས་བོད་པ་དང་གདུག་པ་སྐྲོད་ཅིང་ཉོན་མོངས་འཇོམས་པས་ན་སྔགས་ཞེས་བྱ་སྟེ། རྡོ་རྗེ་རྩེ་མོ་ལས། ཅི་ཕྱིར་སྔགས་སུ་བརྗོད་པར་བྱ། །གསང་སྔགས་རྣམས་ནི་བདེ་སྤྱོད་ཅིང་། གདུག་པ་ཐམས་ཅད་སྐྲོད་པར་བྱེད། །ཉོན་མོངས་ལ་སོགས་འཇོམས་བྱེད་ཅིང་། །སངས་རྒྱས་ཆོས་ནི་སྤྱན་འདྲེན་ཡིན། །ཞེས་གསུངས་པ་ལྟར་རོ། །…

སུ་བཤད་པ་དང་། གཞན་ཡང་རྩ་སྔགས་སྐུ། སྙིང་པོ་གསུང་། ཉེ་སྙིང་ཐུགས་བསྐུལ་བར་བྱེད་པའི་སྔགས་སུ་བཤད་དོ། །དེ་ཡང་བཟླས་པ་ཞེས་བྱ་བ་ནི་ལེགས་སྦྱར་གྱི་ཛབ྄་ཞེས་པ་བོད་སྐད་དུ་བཟླས་པ་ལ་འཇུག་པས་ཡང་ཡང་བསྐྱར་ཞིང་བཟླས་པས་ན་བཟླས་པ་སྟེ། དེ་ཡང་ལུས་ཀྱི་ལས། ངག་གི་བརྗོད་པ། ཡིད་ཀྱི་ཏིང་ངེ་འཛིན་གསུམ་ཡང་ཡང་བསྐྱར་བལྡབ་བྱེད་པའི་དོན་…

གསུམ་ཕལ་མོ་ཆེར་ཤུབ་བུའི་བཟླས་པ་གཙོ་$རྒྱུད་རྣམས་ལས་བདེ་མཆོག་ལ་ཁྲོ་བཟླས་བྱ་བར་གསུངས་འདུག་གོ། མཆན། བོར་བྱེད་ཅིང་། སྣོད་མིན་སྐྱེ་བོས་དབེན་པའི་སར་སྒྲུབ་པ་དང་། བྱིང་བ་སེལ་བ་དང་། གནོད་པ་བཟློག་པ་སོགས་ལ་རིག་བྱེད་འདོན་པ་ལྟར་དབྱངས་ཀྱིས་བཟླས་པ་བྱ་བ་དང་། ཁྲོ་བོའི་བཟླས་རྒྱུད་རྣམས་ལས་བདེ་མཆོག་ལ་ཁྲོ་བཟླས་བྱ་བར་གསུང…

ནས་ནང་གི་བཟླས་པ་སྟེ། ཡིད་ཀྱི་ཏིང་ངེ་འཛིན་ཇི་ལྟར་བསྒོམ་པའི་ཚུལ་ནི། མངོན་བརྗོད་བླ་མ་ལས། སྲོག་རྩོལ་ལས་དང་ཆོ་ག་བཞིན། །ཡེ་ཤེས་ཀྱི་ནི་བཟླས་པ་བྱ། །སྤྲོ་དང་བསྡུ་བའི་སྦྱོར་བ་ཡིས། །མྱུར་དུ་དངོས་གྲུབ་ཐོབ་པར་འགྱུར། །ཞེས་དང་། འཁོར་ལོ་དམ་ཚིག་བཟླས་པ་ནི། །ཁྲོ་བོའི་དམ་ཚིག་བཟླས་བྱས་ན། །དངོས་གྲུབ་ཐམས་ཅད་བདེ་བར་ཐོབ། །ཅ…

དང་། བདག་བསྐྱེད་ཁོ་ན་ལ་ཞལ་ནས་ཐུགས་ཀ་དང་ཐུགས་ཀ་ནས་ཞལ་དུ་འཁོར་བར་བསམ་པ་ནི་འཁོར་ལོའི་བཟླས་པའོ། །ཁྱད་པར་གྱི་བཟླས་པའམ་གསང་བའི་བཟླས་པ་ནི། ཨ་ཧཾ་གཉིས་བསམ་ཞིང་དེའི་རང་སྒྲ་ལ་སེམས་གཏད་ནས་བཟླ་བའོ། །བཀོད་པའི་བཟླས་པ་ནི། བདག་བསྐྱེད་དམ་མདུན་བསྐྱེད་ཀྱི་ཐུགས་ཀར་ཉི་མའམ་ཟླ་བ་ལ་ས་བོན་མཐར་སྔགས་ཕྲེང་མགོ་གྱེན་བསྟན་མར་མེ་ལྟ…

དམིགས་ཁྱད་པར་ཁྱོགས་ཀྱི་བཟླས་པ་དང་། ཕྲིན་ལས་བཞིའི་བཟླས་དམིགས་དང་། སྤྲོ་བསྡུ་དམ་ཚིག་གི་བཟླས་པ་དང་གསུམ་དུ་བསྟན་པས། དང་པོ་འདོ་ལིའམ་ཁྱོགས་ཀྱི་བཟླས་པ་དང་། གཙོ་བོའི་ཐུགས་ཀར་སྣ་ཚོགས་རྡོ་རྗེའི་ལྟེ་བར་ཉི་མ་ལ་གནས་པའི་ཧཱུྃ་འདི་ལ་སྔགས་འཁོར་མེད། མཆན།ཡིག་ལས་འོད་ཟེར་གྱི་མདོག་རྒྱུན་གྱི་བཟླས་པའི་ཚེ་སྔོན་པོ་བྱུང་། ཡབ་…

དབྱིབས་བརྒྱུད་དེ་རྡོ་རྗེའི་ལམ་ནས་ཐོན་ཡུམ་གྱི་པདྨར་ཞུགས། སྐུའི་དབྱིབས་བརྒྱུད་ཡུམ་གྱི་ཞལ་ནས་ཐོན་རང་གི་ཞལ་དུ་ཞུགས་ཐུགས་ཀའི་ཧཱུྃ་ལ་ཐིམ་པར་བསམས་ལ་སྔགས་བཟླས་པས་སྔ་མས་ཐིག་ལེའི་གེགས་སེལ། ཕྱི་མས་བདེ་སྟོང་འཆར་བར་གསུངས་སོ། །དེ་ནས་ཕྲིན་ལས་བཞིའི་བཟླས་པ་བྱ་བ་ནི། ཡང་འོད་ཟེར་དཀར་པོ་གོང་གསལ་ལྟར་འཕྲོས་པས་ནད་གདོན་བར་ཆ…

དགོངས་པ་ལྟར་ཞི་བ་ལ་སྔགས་ཕྲེང་རྣམས་རིམ་པར་དལ་གྱིས་འགྲོ་བ་འོད་ཟེར་ཀྱི་ལི་ལི་བྱེད་པ་སྟེ་འགལ་མེའི་འཁོར་ལོ་ལྟ་བུ་ཞེས་པའང་འདི་ཡིན། རྒྱས་པ་ལ་སྔགས་ཕྲེང་ཡི་གེ་རེ་རེ་བཞིན་སེར་པོ་གཙོ་ཆེ་བའི་འོད་ཟེར་ལྔ་ལྡན་མང་པོ་སྨད་ཀྱི་ཕྱོགས་སུ་ཇེ་སྦོམ་དུ་འཁྱིལ་ཞིང་འགྲོ་བ་རྨ་བྱའི་སྒྲོ་ཆུན་གྱི་སྣེ་ལྟ་བུ་དང་། དབང་ལ་ཡི་གེ་སྔ་མ་རྣ…

མ་རྒྱུད་ལ་ཁྱོགས་ཀྱི་བཟླས་པ་གཙོ་བོར་བྱ་ཞིང་ཏིང་ངེ་འཛིན་སྐྱེ་བ་ལ་ནི། ཡིད་བཟླས་དང་། འགོག་བཟླས། རྡོར་བཟླས་རྣམས་གཙོ་བོར་བྱའོ། །བཟླ་བྱའི་སྔགས་ཀྱི་ཐོག་མ་ཡི་གེ་ༀ་ནི། རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པར་བརྗོད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཅིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན…

པ་དང་ལྡན་པའོ། །ཞེས་གསུངས་པ་ལྟར་རོ། །བཛྲ་ནི་རྡོ་རྗེ་སྟེ་རྒྱུད་ལས། རྡོ་རྗེ་མི་ཕྱེད་ཅེས་བྱར་བརྗོད། །ཅེས་གསུངས་པ་ལྟར། འཕོ་མེད་རྡོ་རྗེའི་ཡེ་ཤེས་ཉིད་གཟུང་འཛིན་གྱི་རྟོག་པས་མི་ཕྱེད་པའི་དོན་ཏོ། །ཧེ་ནི་འཐུང་བའམ་རོལ་པ། རུ་ཀཾ་ནི་ཁྲག་ལ་འཇུག་པས་ཁྲག་འཐུང་ཞེས་བྱ་སྟེ། དོན་གྱིས་ན་དབྱིངས་ཡེ་གཉིས་སུ་མེད་པའི་དོན་དམ་འཕོ་…

གསུངས་སོ། །དེ་ལའང་རྣམ་པ་བརྡར་གྱུར་ལྟར་ན། ༀ་ནི་དཔལ་འཁོར་ལོ་སྡོམ་པའི་སྐུའི་ངོ་བོ། ཧེ་ཡིག་དང་པོ་དགའ་བ། གཉིས་པ་མཆོག་ཏུ་དགའ་བ། རུ་སྔོན་མ་ཁྱད་དགའ། རུ་རྗེས་མ་ལྷན་ཅིག་སྐྱེས་པའི་དགའ་བ། ཀཾ་ནི་བདེ་བ་དང་སྟོང་པ་དབྱེར་མེད་པ། ཧཱུྃ་ཡིག་གཉིས་ནི་སྐུ་གཉིས་ཟུང་དུ་འཇུག་པ། ཕཊྲ་ནི་འཇོམས་པ་སྟེ་གཟུང་འཛིན་གྱི་རྣམ་རྟོག་ཐམས་ཅད…

མཁའ་འགྲོ་རྒྱ་མཚོ་ལས། མཁའ་འགྲོ་མ་ཡི་དྲྭ་བ་སྡོམ། །ཞེས་གསུངས་པ་ལྟར། དགོངས་འགྲེལ་གྲུ་གཟིངས་མ་ལས། མཁའ་འགྲོ་མ་རྣམས་ནི་རྩ་སྟོང་ཕྲག་བདུན་ཅུ་དེ་རྣམས་ཀྱི་དྲྭ་བ་སྟེ་ཚོགས་སོ། །དེ་དག་བཅོམ་ལྡན་འདས་ཀྱི་ཡེ་ཤེས་ཀྱི་སྐུའི་བདག་ཉིད་ཀྱི་ནང་དུ་སོན་པའི་ཕྱིར་དེའི་རང་བཞིན་དུ་སྡོམ་པས་སྡོམ་པའོ། །ཞེས་དང་། བདེ་མཆོག་ཉུང་ངུའི་བཀའ…

ཆོས་ཐམས་ཅད་གཉིས་མེད་ཐ་དད་མེད་པའི་རང་བཞིན་དུ་གྱུར་པའོ། །ཞེས་གསུངས་པ་ལྟར་དཔལ་རྡོ་རྗེ་གྲུབ་པ་དྲྭ་བ་སྡོམ་པའི་རྒྱུད་ལས་ཀྱང་། དྲྭ་བ་ཞེས་བྱ་མང་པོའི་དོན། །ཀུན་རྫོབ་གཞན་རིག་ཏུ་བསྟན་པས། །གྲངས་མང་རྒྱ་ཆེ་བསྟན་པ་ནི། །ནམ་མཁའ་དང་མཚུངས་སྡོམ་པའི་དོན། །ཞེས་གསུངས་སོ། །སྭཱ་ཧཱ་ནི་རྡོ་རྗེ་རྩེ་མོ་ལས། སྭཱ་ཧཱ་ཞེས་པ་ཅི་ཡིན་བ…