མེད་ཆོས་རྗེའི་ཞབས་ལ་གསོལ་བ་འདེབས། །དུས་གསུམ་རྒྱལ་བ་ཀུན་གྱི་མཁྱེན་པའི་གཏེར། །རྒྱ་ཆེན་ཆོས་ཀྱི་སྤྱན་གྱིས་རབ་གཟིགས་ནས། །འགྲོ་བའི་བླ་མའི་གོ་འཕང་བརྙེས་གྱུར་པའི། །མཚུངས་མེད་ཆོས་རྗེའི་གསོལ་བ་འདེབས། །རང་བྱུང་བདེ་སྟོང་ལྷུན་གྲུབ་རོལ་པའི་མཐུས། །དེ་བཞིན་གཤེགས་ཞེས་སྐྱེ་དགུའི་གཙུག་རྒྱན་དུ། །མཐོང་ཐོས་དོན་དང་ལྡན་པར་…

འདེབས། །དུས་གསུམ་སངས་རྒྱས་ཀུན་གྱི་གསུང་གི་མཛོད། །ཟབ་མོའི་ངག་གིས་འགྲོ་ལ་ཡུན་རིང་ནས། །རྣམ་དག་ཆོས་ཀྱི་དགའ་སྟོན་འགྱེད་མཛད་པ། །མཚུངས་མེད་ཆོས་རྗེའི་ཞབས་ལ་གསོལ་བ་འདེབས། །ཟབ་གསལ་གཉིས་མེད་ནམ་མཁའ་ལྟ་བུའི་ཐུགས། །ཤེས་བྱའི་གནས་རྣམས་གཟིགས་པའི་མཁྱེན་པ་དང་། །རྣམ་པར་མི་རྟོག་ཡེ་ཤེས་དབྱེར་མེད་པའི། །མཚུངས་མེད་ཆོས་རྗེའི…

རྟོགས་པའི་ཆོས། །ནམ་མཁའི་ཁྱོན་བཞིན་ཡོངས་སུ་རྒྱས་པར་མཛད། །མཚུངས་མེད༴ འདྲེན་པ་ཁྱོད་ཀྱི་གསུང་གི་ཟེར་ཙམ་གྱིས། །འགྲོ་ལ་མངོན་མཐོའི་གོ་འཕང་སྦྱིན་པ་དང་། །ཐར་པའི་ལམ་མཆོག་སྟོན་པ་ཅིག་ཅར་གྱུར། །མཚུངས་མེད༴ ཕུན་ཚོགས་བཀྲ་ཤིས་རྟགས་ཀྱི་རི་མོ་ཅན། །ཞབས་སེན་རྩེ་མོས་རེག་པའི་རྡུལ་ཕྲན་ཡང་། །འགྲོ་བའི་མཆོད་རྟེན་མཆོག་ཏུ་གྱུར་…

གཞན་ཕན་རྣམ་རོལ་སོགས། །ད་ལྟ་མཁས་གྲུབ་ཀུན་གྱི་གཙུག་གི་རྒྱན། །མ་འོངས་སངས་རྒྱས་དྲུག་པ་སེང་གེའི་མཚན། །ཞིང་རྣམས་ཀུན་ཏུ་རྣམ་འཕྲུལ་སྣ་ཚོགས་ཀྱིས། །དུས་གསུམ་རྒྱལ་བ་ཀུན་གྱི་ཕྲིན་ལས་པ། །ཀརྨ་པ་ཞེས་ཉི་ཟླ་ལྟར་གསལ་བའི། །ཞབས་ལ་ཕྱག་འཚལ་གསོལ་འདེབས་བྱིན་གྱིས་རློབས། །ཚེ་རབས་ཀུན་ཏུ་རྗེས་སུ་འཛིན་གྱུར་ཅིག །རྒྱལ་བ་ཀུན་གྱི་མ…

ལ་གནས་གྱུར་ཏེ། །བླ་ན་མེད་པའི་ལུང་ཡང་སྟོན་པར་ཤོག །ཅེས་པའང་སྦྲེལ་ལོ།། །།རྗེ་བརྒྱད་པའི་སྐུ་བསྟོད་ནི། ཟླ་མེད་སྟོན་པའི་བསྟན་པ་གང་ཡིན་པ། །འཆུག་མེད་དངོས་ཉིད་ལེགས་པར་བཙལ་བྱས་ནས། །ཡང་དག་ཚུལ་ལ་བསྙེན་པའི་བརྟུལ་ཞུགས་ཅན། །བསྟན་ལ་ངེས་པར་རྫོགས་དེར་གསོལ་བ་འདེབས། ༈ །བཅས་དང་རང་བཞིན་ཁ་ན་མ་ཐོའི་ཆོས། །ལྟར་སྣང་དམ་པའི་ཆོས…

ཐར་ཅན། །དགོས་མེད་དྲན་པ་བསྟེན་དེར་གསོལ་བ་འདེབས། །བྱམས་པའི་བློ་ཅན་སྙིང་རྗེའི་གདུང་ཤུགས་དང་། །འབྲལ་བ་མེད་པར་ངེས་འབྱུང་རྣམ་པར་དག །སྡུག་བསྔལ་རྒྱུ་དང་བཅས་ལ་རྟག་སྐྱོ་ཞིང་། །མི་རྟག་ངེས་པར་སེམས་དེར་གསོལ་བ་འདེབས། །ཉོན་མོངས་ངན་བློར་སྐད་ཅིག་མི་གཏོང་ཞིང་། །གལ་ཏེ་ཤར་ཡང་གཉེན་པོའི་ཆུ་ལོན་ཅན། །དགེ་བའི་ངང་ཚུལ་བཟང་པོ་…

ཏན་བརྗོད་ལས་དགེ་གང་ཐོབ། །ཡོན་ཏན་དེ་ལྡན་ཡོན་ཏན་བརྗོད་པའི་དག །བྱང་ཞིང་ཆུབ་པའི་ལུས་སེམས་དོན་ལྡན་པ། །ཀརྨ་པ་ཡི་དགོངས་པ་རྫོགས་བྱེད་ཤོག །ཅེས་པ་འདི་ནི་རྗེ་བཙུན་མི་བསྐྱོད་རྡོ་རྗེ་ཉིད་ལ་ཉིད་ཀྱིས་བསྟོད་པར་མཛད་པའོ། །དེའི་མཐར། བདུད་བཞིའི་དཔུང་གིས་མི་བསྐྱོད་ཅིང་། །རྡོ་རྗེ་ལྟ་བུའི་ཏིང་འཛིན་ལྡན། །བྱང་ཆུབ་སེམས་དཔའི་…

སྒྲུབ་བརྒྱུད་དར་བར་ཤོག །དཔལ་ལྡན་བླ་མ་དམ་པའི་སོགས། །ཅེས་ཀྱང་སྦྲེལ་བར་སྣང་ངོ་། །སྟེང་དག་པ་འོག་མིན་གྱི་ཕོ་བྲང་ན། །སངས་རྒྱས་མི་བསྐྱོད་རྡོ་རྗེ་རྡོ་རྗེ་སེམས། །སྐྱབས་གནས་མཐར་ཐུག་མཆོག་ལ་གསོལ་བ་འདེབས། །ཕྱག་རྒྱ་ཆེན་པོའི་དངོས་གྲུབ་བྱིན་གྱིས་རློབས། །ཤར་ཟ་ཧོར་ནོར་བུའི་དགོན་པ་ན། །མི་བསྐྱོད་རྡོ་རྗེ་སངས་རྒྱས་ཏཻ་ལོ་…

རྗེ་རྣལ་འབྱོར་མི་ལ་རས། །དོན་རྒྱུད་མཐར་ཐུག་མཆོག་ལ་གསོལ་བ་འདེབས། །ཕྱག་རྒྱ་ཆེན་པོའི་དངོས་གྲུབ་བྱིན་གྱིས་རློབས། །ཤར་དྭགས་ལྷ་དཔལ་གྱི་སྒམ་པོ་ན། །མི་བསྐྱོད་རྡོ་རྗེ་རྗེ་བཙུན་སྒམ་པོ་པ། །བཀའ་བརྒྱུད་མཐར་ཐུག་མཆོག་ལ༴ ཕྱག་རྒྱ་ཆེན་པོའི༴ གནས་སྟོང་ལུང་མཚུར་ཕུའི་དགོན་པ་ན། །མི་བསྐྱོད་རྡོ་རྗེ་དཔལ་ལྡན་དུས་གསུམ་མཁྱེན། །ས…

སྦྱངས་རབ་ཏུ་འབར་བའི་བདེ་བ་ན། །མི་བསྐྱོད་རྡོ་རྗེ་ནག་པོ་ལྕམ་དྲལ་ཚོགས། །བསྟན་སྲུང་མཐར་ཐུག་མཆོག་ལ་གསོལ་བ་འདེབས། །ཕྱག་རྒྱ་ཆེན་པོའི་དངོས་གྲུབ་བྱིན་གྱིས་རློབས། །ཁྱོད་ལ་གསོལ་བ་བཏབ་པའི་བྱིན་རླབས་ཀྱིས། །འགྲོ་རྣམས་མ་རིག་མུན་པ་རབ་བསལ་ནས། །ཐར་པ་ཆེན་པོའི་ལམ་མཆོག་རབ་བགྲོད་དེ། །རྣམ་མཁྱེན་སངས་རྒྱས་གོ་འཕང་མྱུར་ཐོབ་ཤོ…

རྡོ་རྗེའི་ཞབས་ལ་གསོལ་བ་འདེབས། །ཞིང་ཁམས་རྒྱ་མཚོར་སྤྲུལ་པ་རྒྱ་མཚོ་ཡིས། །ཅིག་ཅར་དམ་ཆོས་སྒོ་བརྒྱ་འབྱེད་པར་མཛད། །ཀུན་ཀྱང་རིགས་བདག་མཆོག་གི་ཅོད་པན་ཅན། །དབང་ཕྱུག་རྡོ་རྗེའི་ཞབས་ལ་གསོལ་བ་འདེབས། །འཇིག་རྟེན་དབང་ཕྱུག་མཆོག་གི་ཞིང་ཁམས་འདིར། །རྒྱལ་ཀུན་ཐུགས་རྗེའི་དབང་ཕྱུག་རྡོ་རྗེའི་སྐུ། །འབྲེལ་ཚད་དོན་ལྡན་མངོན་སུམ་ཞལ…

མཁའ་ཁྱབ་འགྲོ་ལ་ཉེ་རིང་མི་མངའ་ཞིང་། །གདུལ་བྱ་དུས་ཡོལ་བཏང་སྙོམས་མ་མཆིས་པར། །མ་ལུས་བདེ་ཆེན་ས་ལ་འགོད་མཛད་པ། །དབང་ཕྱུག་རྡོ་རྗེའི་ཞབས་ལ་གསོལ་བ་འདེབས། །བདག་སོགས་སྐྱེ་བ་འདི་དང་ཚེ་རབས་ཀུན། །མགོན་པོ་ཁྱོད་དང་རྟག་ཏུ་འབྲལ་མེད་ཅིང་། །བསྒྲུབ་པའི་མཆོད་པས་ཚོགས་གཉིས་མྱུར་རྫོགས་ཏེ། །སྐུ་གསུང་ཐུགས་ཀྱི་གསང་བ་འཛིན་པར་ཤོག…

འདུད། །གཞོན་ནུའི་རོལ་རྩེད་འདི་ཉིད་དུ། །གཞན་སེམས་མཁྱེན་པའི་མངོན་ཤེས་ཀྱིས། །གདུལ་བྱ་རྗེས་སུ་འཛིན་མཛད་པ། །དབང་ཕྱུག་རྡོ་རྗེའི་ཞབས༴ ༈ ཆགས་ཐོགས་མེད་པའི་ཡེ་ཤེས་ཀྱིས། །དུས་གསུམ་བྱ་བ་ལུང་སྟོན་ཞིང་། །ཇི་སྲིད་བསྙེལ་བ་མི་མངའ་བ། །དབང་ཕྱུག་རྡོ་རྗེའི་ཞབས༴ ཇི་ཙམ་རྟོག་དཔྱོད་མང་བ་དང་། །ཇི་ཙམ་བློ་གྲོས་ཆེ་བས་ཀྱང་། །ཁྱོ…

སྙིང་པོ་ཇི་བཞིན་དུ། །གལ་ཏེ་བརྟགས་ཤིང་གཞིགས་པ་ན། །སྐྱོན་རྣམས་བྲི་ཞིང་ཡོན་ཏན་འཕེལ། །དབང་ཕྱུག་རྡོ་རྗེའི༴ གང་གི་ཞབས་སེན་རྡུལ་ཕྲན་ལ། །ཚངས་དབང་གིས་ཀྱང་ཕྱག་བགྱིད་པ། །དེ་ལ་དངོས་པོ་ཐམས་ཅད་ཀྱིས། །རྣམ་པ་ཀུན་དུ་བདག་འདུད་དོ། །བདག་སོགས་འགྲོ་བ་ལོང་བ་ཀུན། །འབྲོག་དགོན་འཇིགས་པར་འཕྱན་པ་ལ། །ཁྱོད་ལས་དམིགས་བུ་མ་འཚལ་བས། །…

བདག་ནི་སྐྱེ་བ་ཐམས་ཅད་དུ། །མཉམ་མེད་དྭགས་པོ་བཀའ་བརྒྱུད་དང་། །ཁྱད་པར་དཔལ་ལྡན་ཀརྨ་པ། །སྤྱི་གཙུག་རྒྱན་དུ་མི་འབྲལ་ཤོག །ཅེས་པ་འདི་ནི་དཔལ་འཛམ་ཐང་གི་ཆོས་སྡེ་ཆེན་པོར་བཞུགས་དུས་རྗེ་བཙུན་དབང་ཕྱུག་རྡོ་རྗེ་ཉིད་ཀྱིས་རྗེ་ཞྭ་དམར་པ་ལྔ་པའི་ཕྱག་ཏུ་ཤོག་བུ་ཕུལ་ཏེ་ཕྱག་བྲིས་ཤིག་གནང་དགོས་གསུངས་པ་ལ་རྣམ་ཐར་བསྟོད་པར་མཛད་པའོ།། …

མི་ལྡོག་སྤངས་ཕྱིར་དྲི་མས་ཁྱོད་མི་ཕམ། །སྤངས་པ་ཕུན་སུམ་ཚོགས་ཕྱིར་ཁྱོད་མི་ཕམ། །རང་དོན་སྤྲོས་བྲལ་ཆོས་ཀྱི་དབང་ཕྱུག་ཉིད། །གཞན་དོན་ལྷུན་གྲུབ་ཆོས་ཀྱི་དབང་ཕྱུག་ཉིད། །བྲལ་སྨིན་ཡོན་ཏན་ཆོས་ཀྱི་དབང་ཕྱུག་ཉིད། །རྒྱུ་ཡི་སངས་རྒྱས་ཆོས་ཀྱི་དབང་ཕྱུག་ཉིད། །ཐབས་མཁས་ཡོངས་སུ་རྫོགས་པའི་རྡོ་རྗེ་ཉིད། །མི་བྱེད་གཞོམ་དུ་མེད་པའི་…

ཀུན་གཅིག་ཏུ་བསྡོམས་པའི་ཁྱབ་བདག་མཆོག །ཁྱབ་བྱེད་རྡོ་རྗེ་འཆང་བའི་ཁྱབ་བདག་མཆོག ། ཁ་སྦྱོར་རྡོ་རྗེ་སེམས་དཔའི་ཁྱབ་བདག་མཆོག །དེ་ཕྱིར་འབྲས་རྒྱུད་ཁྱབ་བདག་རྡོ་རྗེ་འཛིན། །སྡེ་སྣོད་བསྟན་པའི་གསལ་བྱེད་ཉི་མ་མཆོག །རྒྱུད་སྡེ་བསྟན་པའི་སྣང་བྱེད་ཉི་མ་མཆོག །གདུལ་བྱ་སྨིན་བྱེད་བསྟན་པའི་ཉི་མ་མཆོག །དེ་ཕྱིར་བསྟན་པའི་ཉི་མ་ཡོངས…

གཞན་གྱིས་བཟུང་བའི་ཞིང་ཁམས་དང་། །གདུལ་བྱ་སྙིགས་མ་ལས་ཀྱང་ཆེས་སྙིགས་མ། །འཕགས་མཆོག་ཁྱོད་ཀྱིས་ཡོངས་སུ་བཟུང་ལགས་ན། །ཐུགས་རྗེ་ཆེན་པོས་སྐྱོང་བར་མཛད་ལ་འདུད། །སེམས་ཅན་ཁམས་ལ་ཉིན་མཚན་ལན་དྲུག་ཏུ། །གཟིགས་ནས་བྱམས་པར་མཛད་པ་དེ་ལྟ་བུ། །ཕ་དང་མ་དང་གཉེན་བཤེས་སུས་ཀྱང་མིན། །བྱམས་ཆེན་བྱམས་པས་སྐྱོང་བར་མཛད་ལ་འདུད། །མཐོ་རིས་ཐ…

ལ། །ཏིང་འཛིན་རྫུ་འཕྲུལ་དཔལ་དང་ལྡན་པས་སྤྲས། །ཤེས་རབ་སྟོབས་བཅུ་མངའ་བའི་དཔལ་ལྡན་གསལ། །དཔལ་ལྡན་ཆོས་དབྱིངས་མཆོག་གི་རྡོ་རྗེར་འདུད། །མཁྱེན་པ་འཇིག་རྟེན་གསུམ་གྱི་འདྲེན་པར་འཁྲུངས། །བརྩེ་བ་འཇིག་རྟེན་གསུམ་གྱི་འདྲེན་པར་རྟག །ནུས་པ་འཇིག་རྟེན་གསུམ་གྱི་འདྲེན་པར་རྒྱལ། །མཁྱེན་བརྩེ་ནུས་ལྡན་ཆོས་དབྱིངས་རྡོ་རྗེར་འདུད། །ངོ…

གསུང་གི་གསང་། །ཐུགས་རྗེས་ཀུན་ཏུ་ཁྱབ་པ་ཐུགས་ཀྱི་གསང་། །གསང་གསུམ་ཀུན་ཁྱབ་ཆོས་དབྱིངས་རྡོ་རྗེར་འདུད། །སྐྱེ་མེད་རྟག་པའི་རྡོ་རྗེ་སྤྲུལ་པའི་སྐུ། །འགག་མེད་རྟག་པའི་རྡོ་རྗེ་ལོངས་སྤྱོད་རྫོགས། །གནས་མེད་རྟག་པའི་རྡོ་རྗེ་ཆོས་ཀྱི་སྐུ། །མི་འཇིག་རྟག་པའི་ཆོས་དབྱིངས་རྡོ་རྗེར་འདུད། །དགོས་འདོད་འབད་མེད་སྩོལ་བ་ཡིད་བཞིན་གྱི…