ངག་ཡིད་གསུམ་གྱི་སྐྱོན་རྣམས་རྣམ་པར་འདག་པར་འགྱུར་པ་དང་མེ་ལ་སྦྱིན་སྲེག་འབུལ་བ་ལ་བརྩོན་པས་ནི། ཡོན་ཏན་གྱི་འབྱོར་པ་དུ་མས་འབྱོར་ཞིང་། འབྱོར་པ་དང་རྫུ་འཕྲུལ་དང་ལྡན་པར་འགྱུར་པ་དང་། ལྷ་སྐུ་དང་སྟོང་ཉིད་དང་བདེ་བ་ཆེན་པོའི་བསམ་གཏན་ལ་བརྩོན་པས་ནི། ཐར་པ་མཆོག་ཐོབ་པར་འགྱུར་བར་བཤད། ཁྱད་པར་དྲན་གཅིག་པའི་རྣལ་འབྱོར་ལ་བསླབ་པ…

སྒོམ་པར་བྱེད་ན། ཟུང་འཇུག་ཡེ་ཤེས་ཀྱི་སྐུ་འགྲུབ་པ་ལ་ཡང་ཚེགས་མེད་དེ། ལོ་གསུམ་ལ་སོགས་པས་བདེ་བར་འགྲུབ་པ་དང་། རྣལ་འབྱོར་འདི་ཐོབ་པ་ཁོ་ནས། །འདོད་ན་ལྗོན་ཤིང་དང་ལྟེང་ཀ་ལ་སོགས་པ་སྐད་ཅིག་ཙམ་གྱིས་སྐེམ་པར་བྱེད་ཅིང་། འདོད་ན་ཡུད་ཙམ་གྱིས་ལྗོན་ཤིང་སྐམ་པོ་ལས་མེ་ཏོག་འབྱུང་བ་དང་། རྡོ་རྗེ་དྲིལ་བུ་ནམ་མཁར་འཇོག་པ་ལ་སོགས་པ་ཡ…

མ་ཟད། རྡོ་རྗེ་ཐེག་པའི་ཚད་དང་ཡོན་ཏན་ཐམས་ཅད་མཁྱེན་པའི་ཡེ་ཤེས་ཁོ་ནའི་སྤྱོད་ཡུལ་དུ་བཞུགས་པས་དད་པ་ཉིད་ཀྱིས་ངེས་པར་རྣལ་འབྱོར་དུ་གྱིས་ཤིག །མང་དུ་བཤད་པས་ཅི་ཞིག་བྱ། བདེན་པའི་འབྲས་བུ་རིང་པོར་མི་ཐོགས་པར་ཉམས་སུ་མྱོང་བར་འགྱུར་རོ། །ཡེ་ཤེས་སྐུ་སྒྲུབ་རྫོགས་པའི་རིམ་པ་ཡི། །སྨིན་བྱེད་རིམ་པ་དང་པོས་སྔགས་ཀྱི་སྐུ། །སུ་ཡིས…

ཀྱང་བྱིན་རླབས་ངེས་གསང་མ་ཉམས་པས། །རང་འདྲའི་ཡིད་ཀྱི་གདུང་སེལ་འདི་བསྒྲུབས་སོ། །བྱིས་བློས་ནོངས་པའི་སྡིག་ཀུན་བླ་མ་ལྷས། །བཟོད་བཞེས་གང་འདི་སྒྲུབ་པའི་རྣལ་འབྱོར་ལ། །ལས་དང་དངོས་གྲུབ་ཐོགས་པ་མེད་སྩོལ་ཞིང་། །འགྲོ་ཀུན་ཟབ་མོའི་འདིར་འདྲེན་མཛད་གསོལ། །ཅེས་པ་འདིའང་འདི་ལ་ཉམས་བཞེས་མཛད་ནུས་པ་སྲིད་མཐའ་མ་བཀག་ཙམ་བྱུང་ན་མེད་…

འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དགྱེས་རྡོར་མར་ལུགས་ཀྱི་ཁྲིད་ཡིག་འཁྲུལ་མེད་ངེས་གསང་ཞེས་བྱ་བ་བཞུགས་སོ། །

ན་མོ་གུ་རུ། །ཀུན་ཁྱབ་ཡེ་ཤེས་འགྱུར་བ་མེད་པ་ཡང་། །བདེ་གསལ་ཧེ་རུ་ཀ་དཔལ་དཀྱིལ་འཁོར་དུ། །ནམ་ཡང་ཤར་བ་ཨེ་ཝཾ་ཡི་གེ་མཆོག །བླ་མ་དམ་པའི་ཞབས་ལ་རྟག་ཏུ་འདུད། །མཆོག་ཏུ་ཟབ་པའི་མན་ངག་ནི། །གྲུབ་ཐོབ་བརྒྱུད་པའི་ཞལ་ལུང་ལ། མཁས་འདོད་སྤྲོས་པས་མ་བསླད་པ། །འདི་འདྲ་ཐོས་པའང་སྐལ་པ་བཟང་། །འདིར་རྒྱུད་ཐམས་ཅད་ཀྱི་སྙིང་པོ་ལྟ་བུ་དཔལ་ད…

མར་པ་ཆོས་ཀྱི་བློ་གྲོས་ཀྱི་ཐུགས་བཅུད་གང་ཡིན་པ་དེ་བྲི་བར་བྱའོ། །སྤྱིར་མར་པའི་གདམས་ངག་རྫོགས་རིམ་ཐམས་ཅད་ལ། བསྲེ་བ་དང་འཕོ་བའི་བརྡ་ཆད་རེ་མཛད་མེད་ཀྱང་། གདམས་ངག་འདི་ལ་ནི་ཁྱད་པར་དུ་ཡང་དགྱེས་པ་རྡོ་རྗེའི་ཁྲིད་བསྲེ་འཕོ་ཞེས་གྲགས་སོ། །འདི་ཉམས་སུ་ལེན་པར་བྱེད་པ་ལ། སྔོན་འགྲོ་དང་དངོས་གཞི་གཉིས། དང་པོ་ལ། སྐྱབས་འགྲོ་སེམ…

བླ་མའི་རྣལ་འབྱོར་ཡང་སྤྱི་དང་འདྲ་སྟེ། གོ་རིམ་གྱི་ཁྲིད་ནི། མདུན་ཏུ་གདན་བཞི་རྫོགས་ཀྱི་སྟེང་དུ། བླ་མ་རྡོ་རྗེ་འཆང་དུ་བསྒོམ། ཕྱག་མཆོད་སྔོན་ཏུ་འགྲོ་བའི་རྒྱུན་བཤགས་བྱ། གསོལ་བ་དྲག་ཏུ་འདེབས། བླ་མའི་སྐུ་ལས་འོད་ཟེར་གྱི་དབང་བཞི་ལེན། བླ་མ་འོད་དུ་ཞུ་ནས་བསྟིམ། རང་སེམས་དང་གཉིས་སུ་མེད་པར་འཇོག་པའོ། །གཉིས་པ་ཐུན་མོང་མ་ཡ…

བདུན་བཅའ། རླུང་རོ་བསལ། རང་དགྱེས་རྡོར་ཧེ་རུ་ཀའམ་བདག་མེད་མའི་ང་རྒྱལ་བྱའོ། །དེ་ནས་རླུང་གི་རྣལ་འབྱོར་ནི་རླུང་དལ་བུས་ཕྱིར་བུས་ནས་ཐུབ་ཚད་ཕྱིར་བཟུང་། ཡང་དལ་བུས་ནང་དུ་རྔུབས་ནས་ནང་དུ་ཐུབ་ཚད་བཟུང་། དམིགས་པ་ནི། ལྟེ་བར་ཧཱུྃ་སྔོན་པོ་སོར་བཞི་པ་འོད་འཕྲོ་བ་ཞིག་བསྒོམ། རླུང་ཕྱིར་གཏོང་བའི་དུས་སུ། ལྟེ་བའི་ཧཱུྃ་ལས་ཧཱུྃ་…

ཤུའམ། ཉི་ཤུ་རྩ་བཞི་རེ་མི་སྒོམ་པའི་ཐབས་མེད་པའོ། དམིགས་པ་འདི་བརྟན་པའི་ཚད་ནི། རླུང་འགྲོ་འོང་ལ། ཧཱུྃ་ཡིག་འགྲོ་འོང་གི་གསལ་སྣང་འབྱུང་། ཞག་བཅུ་ཙམ་ན་འོང་གསུང་སྟེ། དབང་པོ་རྣོན་པོ་ལ་དགོངས་པ་ཡིན། དགོས་པ་ནི། སྒོམ་ཉེས་མི་འབྱུང་ཕྱི་ནང་གི་བར་ཆད་ཐམས་ཅད་སྲུང་བའོ། །གཉིས་པ་ཡང་དེ་དང་འདྲ་བ་ལས། ཧཱུྃ་སྤྲོ་བསྡུ་འགྲོ་འོང་བྱ…

གདན་ཞིག་བསྒོམ། རང་གི་ལྟེ་བར་པད་ཟླའི་སྟེང་དུ། བླ་མ་མི་བསྐྱོད་པ་ཧེ་རུ་ཀའམ་རྡོ་རྗེ་འཆང་ཞིག་བསྒོམ། རླུང་སྦྱོར་ནི་སྲུང་འཁོར་གྱི་སྐབས་དང་འདྲ་བ་ལས། རླུང་ཕྱིར་འགྲོ་བའི་ཚེ། ལྟེ་བའི་བླ་མ་དེ་ཡར་བྱོན། སྣ་སྒོ་ནས་འཐོན། མདུན་གྱི་པད་ཟླའི་སྟེང་དུ་འཁོད་པར་སྒོམ། རླུང་ཕྱིར་བཟུང་བའི་སྐབས། མདུན་གྱི་བླ་མ་ཞལ་འཛུམ་མེ་བ་ལ་སེ…

འཕོ་བའི་གདམས་ངག་གཉིས་སོ། །དང་པོ་ལ་བསྐྱེད་རིམ་གྱི་ཁྲིད་དང་། རྫོགས་རིམ་གྱི་ཁྲིད་གཉིས་ལས། དང་པོ་བསྐྱེད་རིམ་ལ་ཡང་གསུམ་སྟེ། རྣམ་པ་ལ་བསླབ་པ། ཐིག་ལེ་ལ་བསླབ་པ། བསྐྱེད་རྫོགས་ཟུང་འཇུག་ལ་བསླབ་པའོ། དང་པོ་ནི་དབེན་ཁང་གཅིག་ཏུ་བྲིས་སྐུ་དགྲམ། མཎྜལ་མཆོད་པ་དང་། གཏོར་ཆོག་སྔོན་ཏུ་འགྲོ་བས། དགྱེས་རྡོར་རམ། བདག་མེད་མའི་མངོན…

བསྒོམ། དེ་དག་གི་བོགས་འདོན་ཏུ་སྐབས་འགར་བྲིས་སྐུ་ལ་འོད་སྣ་ཚོགས་འཆར་དུ་བཅུག །གཞན་ལ་མ་ཡེངས་པར་དེ་ཁོ་ན་ལ་ཡུན་རིང་དུ་བལྟ། མིག་བཙུམ་ནས་རང་ཉིད་དེ་འདྲ་བར་ཡུད་ཙམ་རེ་བསྒོམ། ཉིན་ཅོར་གྱིས་དེ་ག་ལ་བསླབ་པར་བྱ། ཐུན་མཚམས་དང་མཚན་མོ་ང་ཡིད་ལ་མི་བྱེད། དཔེར་མཚོན་ན་ཟླ་བ་གཅིག་ལ་ཞག་ཉི་ཤུ་རྩ་བདུན་དམིགས་པ་དཀྱུས་མ་དེ་བསྒོམ། ཞག་…

དེར་ཡང་བདེ་ཉམས་སྐྱེ་ན་སྙིང་ག་དང་། དེར་ཡང་བྱུང་ན་མགྲིན་པ་དང་། དེར་ཡང་བྱུང་ན་སྤྱི་བོ་དང་། དེ་ལ་ཡང་བྱུང་ན་སྨིན་ཕྲག་ཏུ་ཆོས་འབྱུང་གྲུ་གསུམ་གཅིག་གི་ནང་དུ་ཐིག་ལེ་བསྒོམ། དེ་ནས་སྣ་རྩེའི་ནང་དུ་བསྒོམ། དེ་ནས་སྣ་རྩེ་ནས་སོར་བཞི་དང་། དེ་ནས་སོར་བརྒྱད་ཀྱི་ནམ་མཁའ་ལ་ཡང་བསྒོམ། དེ་ནས་ཀ་བུམ་ལྟ་བུ་ཞིག་གི་སྟེང་དུ་ཐིག་ལེ་བས…

སྟོང་གི་ཉམས་མྱོང་ཤར་ཡང་རུང་སྟེ། བླ་མ་དག་པའི་ཆོ་ག་སྔོན་ཏུ་སོང་ནས། ཚད་མེད་བཞི་དང་སྟོང་ཉིད་སྒོམ་པའི་སྐབས། སྔར་བསྒོམས་པའི་བདེ་བའི་ཉམས་དེ་འཆར་ཐུབ་པ་ཞིག་བྱ། དེའི་སྣང་ཆ་ཡིག་འབྲུ་ཕྱག་མཚན་ལྷ་སྐུ་སོགས་སུ་རིམ་གྱིས་སྐྱེས་ནས། བདེ་བ་ཉིད་ལྷ་སྐུ། ལྷ་སྐུ་ཉིད་བདེ་བར་བསྒོམ་པའོ། འདི་ལ་ཡང་བསླབ་ཙམ་ཉིད་ནས་ཟུང་འཇུག་ཏུ་ཤར་ན…

དང་བསྲེ་ཞེས་འཆད་དགོས་པ་དང་། བསྐྱེད་རིམ་སྒྱུ་ལུས་ཀྱི་རྒྱུ་གྲུང་པོ་ཡིན་པས་བསྲེ་བར་བསྡུའོ། །གཉིས་པ་རྫོགས་པའི་རིམ་པ་ལ། གཏུམ་མོ་དང་། སྒྱུ་ལས་དང་། འོད་གསལ་གྱི་རྫོགས་རིམ་གསུམ་མོ། །དང་པོ་ལ་རང་ལུས་ཐབས་ལྡན་ལ་བརྟེན་པ་དང་། གཞན་ལུས་ཤེས་རབ་ལ་བརྟེན་པའོ། །དང་པོ་ལ། རླུང་སེམས་བྲིད་པའི་མན་ངག་དང་། གཏུམ་མོ་སྒོམ་པ་དངོས་ག…

འདེབས་ཀྱིན་བསྒོམ། རེས་གསལ་འདེབས་ཐེང་གཅིག་གི་འཕྲོ་ལ་ཡུན་རིང་དུ་ལྷོད་དེ་བསྒོམ། དམིགས་པ་གཞན་གྱི་སྤྲོས་པ་དོར་ཏེ་བསྒོམས་པས། རབ་ཏུ་རེག་མཐོང་གི་མཚན་མ་རྙེད། དེ་མིན་ནའང་སྨིན་མཚམས་སུ་འདུས་པ་སྙམ་བྱེད་པ་དང་། འབུགས་པ་སྙམ་བྱེད་པ་དང་། ཚ་བྲེང་བྲེང་བ་འབྱུང་ངོ། །དམིགས་སྐོར་གཅིག་གོ། །དེ་ནས་དཔྲལ་བའི་ཐིག་ལེ་དེ་གྱིན་གསེག…

པའོ། །ཡང་རྩ་དབུ་མ་དང་སྨིན་མཚམས་ཀྱི་ཐིག་ལེ་སྔར་བཞིན་བསྒོམས་ནས། ཐིག་ལེ་དེ་ཡར་རི་ལི་ལི་སོང་། ཚང་སྦུག་གི་ཐད་དབུ་མའི་སྟེང་དུ་སླེབ། དེར་བག་ཙམ་ཞིག་སྐྱ་རིལ་ལེ་བདེ་ཡེ་རེ་འདུག །དེ་ནས་ཐིག་ལེ་དེ་རྩ་ཨ་བ་དྷཱུ་ཏིའི་ནང་ནས་མར་བསྐྱུར་བས་སྒྲ་ཅོང་ཅོང་པའམ། འུར་འུར་པའམ། ཆིལ་ཆིལ་བ་སྒྲ་ཆེར་བྱུང་བར་བསམས། ཐིག་ལེ་དེ་ནོར་བུའི་ན…

ཐག་ལྟ་བུར་བྲེང་ངེ་བསྒོམ་པའང་བཤད་མོད་ཀྱི། ལག་ལེན་ནི་སྔ་མ་ཁོ་ནའོ། །འདི་བསྒོམས་པས་བདེ་སྟོང་གི་ཉམས་ཞིག་ངེས་པར་སྐྱེ། འོན་ཀྱང་རྩལ་ཆེན་པོ་མ་བྱུང་ན། ཐུན་དང་པོ་ལ་སྨིན་ཕྲག་གི་ཐིག་ལེ་བསྒོམ། ཐུན་གཉིས་པ་ལ་ཚངས་བུག་ཏུ་ཐིག་ལེ་བསྒོམ། ཐུན་གསུམ་པ་ལ་རྩ་ཨ་བ་དྷཱུ་ཏི་བསྒོམ། ཐུན་བཞི་པ་ལ་སྔར་བཞིན་སྤྱི་བོའི་ཐིག་ལེ་ལྷུང་བ་སོགས…