མི་སྒྲིབ་ཚངས་པའི་དངོས་གྲུབ་སྩོལ། །འགྱུར་མེད་སྐུ་དང་འགག་མེད་གསུང་། །འཁྲུལ་མེད་ཐུགས་ཀྱི་དངོས་གྲུབ་སྩོལ། །རེ་འདོད་སྐོང་བའི་ཡོན་ཏན་དང་། །ཕྲིན་ལས་ཐོགས་མེད་དངོས་གྲུབ་སྩོལ། །འཆི་མེད་ཚེ་དང་གཟི་མདངས་བཀྲག་།འཛད་མེད་ནོར་གྱི་དངོས་གྲུབ་སྩོལ། །མཁས་ཤིང་རྟོགས་པའི་ཤེས་རབ་དང་། །དྲག་སྔགས་མཐུ་ཡི་དངོས་གྲུབ་སྩོལ། །ཆོས་རྒྱ…

བབ༔ ཁྱེད་ཀྱི་ལས་བྱེད་ཕོ་ཉ་ནི༔ ཡ་མ་པ་ཏྲི་མུན་པའི་མདོག༔ གནོད་བྱེད་དགྲ་བགེགས་མྱུར་དུ་ཁུག༔ གང་ལ་བྱ་བ་ཁྱོད་ཀྱིས་ཤེས༔ སྲོག་ལ་རྔམས་པའི་མཆེ་བ་གཙིགས༔ ཕྱག་གཡས་ལས་ཀྱི་མེ་ལོང་ནང་༔ ཁམས་གསུམ་སྲིད་གསུམ་ས་ལེར་གསལ༔ གཡོན་པས་ཁྲམ་ཤིང་ནག་པོ་འཛིན༔ དགྲ་བགེགས་ཁྲམ་ལ་ད་ཐོབ་ཅིག༔ ཨཱ་ཡཱ་མ་པ་ཏྲི་ཧཱུྃ་ཕཊ༔ གནོད་བྱེད་དགྲ་བགེགས་ཨཾ་ཀ…

ཡ་མཱནྟ་ཀའི་བཀའ་མ་བཅག༔ དགེ་སྡིག་ལེགས་ཉེས་ཤན་འབྱེད་དུ༔ སྲིད་པས་བསྐོས་པའི་དམ་མ་འད༢༔ ད་ལྟ་ཉིད་དུ་ལས་སྒྲུབས་ཤིག༔ ཤ་རི་མ་རི་བྷྱོ༔ ཨཱ་ཡཱ་མ་པ་ཏྲི་ཧཱུཾ་ཕཊ༔ ཡ་མ་ཀཱ་ལ་ཧཱུྃ་ཕཊ༔ དགྲ་བགེགས་ཨ་མུ་ཀཾ་ཙིཏྟ་རྦད་སྙིང་ཕྱུངས་སྭཱ་ཧཱ༔ སྔགས་དེ་བཀའ་བསྒོའི་ཚུལ་དུ་བརྗོད་པ་ཡིས༔ འཆར་ཀ་དཔོན་གཡོག་གསུམ་པོ་རབ་ཏུ་ཁྲོས་སྐུ་ལས་མཚོན་ཆ་ས…

སྒྲུབས༔ ༈ བྷྱོ༔ མདོས་ཟོར་ཤ་ཁྲག་གཏོར་མ་འདིས༔ ད་ལྟ་རྣལ་འབྱོར་བདག་ཅག་ལ༔ སྡེ་བརྒྱད་ཆད་པ་བྱུང་བ་ཟློག༔ བྱད་ཟོར་ཕུར་ཁ་ཐམས་ཅད་ཟློག༔ བན་དེའི་སྔགས་ཟོར་འདུས་པ་ཟློག༔ མུ་སྟེགས་བོན་པོའི་ཙོ་དམར་ཟློག༔ ལྷ་འདྲེའི་ཟ་ཁ་ཟུག་པ་ཟློག༔ རྒྱལ་པོ་ལོ་ཡི་བདུན་ཟུར་ཟློག༔ བློན་པོ་ཟླ་བའི་དབང་བཙན་ཟློག༔ དམག་མི་ཞིག་གི་དཔུང་དྲངས་ཟློག༔ མ…

སྲི་ཆུང་སྲི་རྒན་སྲི་ཟློག༔ གཞོན་སྲི་དར་སྲི་གོད་སྲི་ཟློག༔ དགྲ་སྲི་མཚོན་སྲི་ནད་སྲི་ཟློག༔ མདོར་ན་སྲིད་པའི་ཆགས་སྒོ་དང་༔ བདག་ལ་གནོད་པའི་དགྲ་བགེགས་རྣམས་སྡང་བྱེད་དགྲ་ཡི་སྟེང་དུ་ཟློག༔ གནོད་བྱེད་བགེགས་ཀྱི་སྟེང་དུ་བྷྱོ༔ བར་ཆོད་བདུད་ཀྱི་སྟེང་དུ་བྷྱོ༔ ཟ་འདྲེ་ཕུང་སྲིའི་སྟེང་དུ་བྷྱོ༔ དམ་ཉམས་བྱེད་མའི་སྟེང་དུ་བྷྱོ༔ …

ཐུབ༔ གཏོར་མ་འཕངས་ཤིང་ཟློག་སྔགས་བཟླས༔ དམ་ཚིག་བླ་མ་དཀོན་མཆོག་དང་༔ གཤིན་རྗེ་ཉིད་ལ་དད་གུས་བསྐྱེད༔ སྒྲུབ་རྫས་སྐུ་གཟུགས་མི་སྟོན་སྦས༔ ཕྲེང་བ་མི་ལ་རེག་མི་འཇུག༔ བྷ་ལིཏྟའི་སྔགས་བསྔོས་མ་ཆག་བྱེད༔ བྱ་ནག་ཁྱི་ནག་གཡག་ནག་དང་༔ གཅན་གཟན་ལ་སོགས་བླ་རྟགས་ལ༔ བྱམས་ཤིང་སྤྲོ་དགའི་སེམས་འཆང་ངོ་༔ དེ་རྣམས་བསྲུང་ན་དངོས་གྲུབ་ཐོབ༔ མ…

ལམ་མདོ་རྒྱ་གྲམ་མམ༔ ས་ནོན་ཆེ་སར་བླུག་པར་བྱ༔ ༈ སླར་ཡང་བདག་མདུན་ཚར་གཅིག་འདོན༔ བདག་བསྐྱེད་ང་རྒྱལ་བརྟན་བྱས་ལ༔ སྔོན་དུ་གསེར་སྐྱེམས༔ གནོད་པའི་ཕྱོགས་སམ་གཙང་ཕྱོགས་སུ༔ སྒྲུབ་གཏོར་ཟོར་དུ་འཕེན་པ་སྟེ༔ བྷྱོ་མདོས་ཟོར་ཤ་ཁྲག་གཏོར་མ་འདིས༔ སོགས།་བཟློག་ཐུང་འདོན་ཏེ་བཞེས་འབོད་བྱ༔ མདུན་བསྐྱེད་འཆར་ཁ་དཔོན་གཡོག་གསུམ༔ སྤྲིན་ན…

གཡོག་གསུམ་གྱི་སྒྲུབ་ཐབས་གསུངས༔ འོན་ཀྱང་རྒྱུད་ཚིག་ཤིན་ཏུ་གོ་དཀའ་བས༔ འཆར་ཀ་ཐུགས་དམ་བྱས་པའི་སྔགས་པ་འགས༔ གཏེར་རྙིང་རྒྱས་པ་མང་པོ་འདོན་མོད་ཀྱང་༔ སྒྲུབ་ཐབས་ལག་ལེན་ཁོང་དུ་མ་ཆུད་པས༔ སྒྲུབ་པ་མ་ཤེས་གཏོ་ཆོག་ལྟ་བུར་སོང་༔ དེ་ལ་མ་བཟོད་བདག་གིས་འདི་ཉིད་བསྒྲིགས༔ བཀའ་མ་འགོས་ལོས་བསྒྱུར་བའི་གླེགས་བམ་དང་༔ གནོད་སྦྱིན་གདོང…

གནམ་ཆོས་རྒྱལ་བ་རྒྱ་མཚོ་ལྷ་ལྔའི་དབང་ཆོག་ཡོད༔

ན་མོ་ལོ་ཀེ་ཤྭ་རཱ་ཡ༔ དེ་ནས་ཐུགས་རྗེ་ཆེན་པོའི་དབང་ནི༔ ལས་བྱང་ལྟར་དབང་བསྒྲུབ་བྱ༔ དེ་ཡང་ལས་བྱུང་ཚར་གཅིག་བཏོན་པས་བདག་མདུན་བུམ་གསུམ་དུས་གཅིག་ལ་བསྐྱེད༔ བསྙེན་པ་བརྒྱ་ལས་མི་ཉུང་ཅི་མང་བཟླས༔ ཁྲུས་བྱས་མཎྜལ་ཕུལ་ནས། འོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་དབང་ཟབ་མོ་ཞིག་བསྐུར་བ་ཡིན་ཏེ༔ དེ་ལ་སང…

བྱའོ༔ སྤྱན་རས་གཟིགས་ཀྱི་ཕན་ཡོན་བསྟན་པའི་མདོ་བདུན་སོགས་མདོ་རྒྱུད་ཉི་ཤུ་རྩ་གཅིག་ནས་འདིའི་ཕན་ཡོན་རྒྱ་ཆེར་གསུངས་ཤིང་༔ ཁྱད་པར་རྒྱུད་སྡེ་བཞིའི་ནང་ནས་བླ་མེད་ཀྱི་རྒྱུད༔ བླ་མེད་ཀྱི་ནང་ནས་ཀྱང་ཐབས་ཤེས་གཉིས་མེད་ཀྱི་རྒྱུད་པདྨ་ཟབ་པའི་རྒྱུད་དང་པདྨ་རྒྱལ་པོའི་རྒྱུད་གཉིས་ལས་གསུངས༔ དེ་ནས་གསུངས་པའི་རིགས་གསུམ་བགྱིས་པའི་…

པའི་གཏེར་མ་སོགས་རྙིང་མ་དང་༔ གྲུབ་ཆེན་ཀརྨ་པཀཱིས་ཞལ་གཟིགས་ལུགས་དང་༔ རྡོ་རྗེའི་སྙིང་པོས་མཛད་པའི་རྒྱ་གཞུང་དང་༔ གནམ་ཆོས་ལུགས་སོགས་མང་དུ་ཡོད་དེ༔ ལྷ་ལྔ་འདི་ཐམས་ཅད་དོན་ལ་ཁྱད་པར་མེད༔ འོན་ཀྱང་ད་ལམ་དབང་འདི་རང་ནི་གནམ་ཆོས་ལུགས་ལྟར་ཡིན༔ སྤྱིར་སྔགས་ཡི་གེ་དྲུག་པའི་ཕན་ཡོན་བསམ་གྱིས་མི་ཁྱབ་པ་མདོ་སྡེ་ཟ་མ་ཏོག་སོགས་ལས་རྒ…

འགྲོའི་འགྲོ་བ་འགགས༔ འདོད་པའི་ཡོན་ཏན་ལྔ་སྤྱད་ཀྱང་༔ འདི་དང་མ་བྲལ་གཙང་མར་གནས༔ ཞེས་དང་༔ ཡང་རྒྱུད་དེ་ཉིད་ལས༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ཡི་དཀྱིལ་འཁོར་གཅིག་བསྒོམས་པ༔ སངས་རྒྱས་ཐམས་ཅད་འདུས་པ་ནི༔ མགོན་པོ་སྤྱན་རས་གཟིགས་སྐུ་ཡིན༔ དྲན་པ་ཙམ་གྱིས་འཁོར་བ་ཡི༔ རྟོག་པ་ཐམས་ཅད་འགག་པར་འགྱུར༔ མྱ་ངན་འདས་པ་ཐམས་ཅད་ཀྱི…

མཆོག་དང་ཐུན་མོང་དངོས་གྲུབ་མྱུར་དུ་འཐོབ༔ མཁའ་སྤྱོད་གནས་སུ་ཁྲིད་པར་བྱེད་པའི་ལྟས༔ འཆི་རྩ་རྟགས་དང་མཚན་མ་འཇའ་དང་ནི༔ སྐུ་གདུང་རིང་བསྲེལ་ཤ་རི་རཾ་ལ་སོགས༔ འབྱུང་བར་འགྱུར་ཏེ་ཐེ་ཚོམ་ཡོད་མ་ཡིན། ཞག་བདུན་གྱིས་ཞལ་མཐོང་བ་དང་དངོས་གྲུབ་མ་ལུས་པ་འབྱུང་བ་ཡིན་པས་ཤིན་ཏུ་གསང་བར་བྱའོ༔ སློབ་དཔོན་དུ་མི་འཛིན་ཅིང་རང་གི་བརྒྱུད་པ…

ཟློས་མཛོད༔ དཀོན་མཆོག་གསུམ་ལ་བདག་སྐྱབས་མཆི༔ དཀོན་མཆོག་གསུམ་ལ་ཕྱག་འཚལ་ལོ༔ དཀོན་མཆོག་གསུམ་ལ་སྡིག་པ་བཤགས༔ འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུང་༔ སངས་རྒྱས་ཆོས་དང་ཚོགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ རང་གཞན་དོན་གཉིས་རབ་བསྒྲུབ་ཕྱིར༔ བྱང་ཆུབ་མཆོག་གི་སེམས་ནི་བསྐྱེད་པར་བགྱི༔ བྱང་ཆུབ་…

སྒོམས་ཤིག༔ སྟོང་པའི་ངང་ལས་སློབ་མ་སྐད་ཅིག་གིས༔ ཐུགས་རྗེ་ཆེན་པོ་སྐུ་མདོག་དམར་པོ་ལ༔ ཞལ་གཅིག་ཕྱག་བཞི་དང་པོས་ཐལ་སྦྱར་དང་༔ འོག་མ་གཉིས་ཀྱིས་་ཕྲེང་བ་པདྨ་འཛིན༔ སྐྱིལ་ཀྲུང་དར་དང་རིན་ཆེན་རྒྱན་གྱིས་བརྒྱན༔ སྤྱི་བོར་པདྨ་འབྱུང་གནས་ཨ་ཙར་སྨུག༔ ཕྱག་གཉིས་ཌཱ་རུ་བྷནྡྲ་ཞབས་ཕྱེད་སྐྱིལ༔ གཡས་སུ་རྟ་མགྲིན་དམར་པོ་ཁྲོ་ཆས་རྫོགས༔…

མཆོག་བསྐུར༔ ལོག་འདྲེན་ཚེ་ཡིབར་ཆད་བསལ་དུ་གསོལ༔ ཨོཾ་ཨཱཧཱུྃ་ཧི༔ ཨོཾ་མ་ཎི་པདྨེ་ཧཱུྃ༔ བཛྲ་ཨཱ་ཝེ་ཤ་ཡ་ཨ་ཨཱཿ རྡོ་རྗེ་མགོར་བཞག་ལ༔ ཏིཥྛ་བཛྲ་ད་དང་པོ་སྐུའི་དབང་ཞུ་བར་འདོད་ན་སྐུ་བུམ་པ་ཡིན་པས༔ ཁྱེད་རང་རྣམས་ཀྱི་བུམ་པ་འདི་ཉིད་ཐུགས་རྗེ་ཆེན་པོའི་ལྷ་ཚོགས་ཐམས་ཅད་བུམ་པ་འདིའི་ནང་དུ་གསལ་བ་དེ་ལྟ་བུ་ཞིག་སྒོམས་ལ༔ བུམ་པ་སྤྱི་…

ལུས་ལྷར་བསྒོམ་པར་དབང་༔ འབྲས་བུ་སྤྲུལ་པའི་སྐུ་འགྲུབ་པའི་སྐལ་བ་དང་ལྡན་པའོ༔ ད་གསུང་གི་དབང་ཞུ་བར་འདོད་ན༔ གསུང་དབང་ཤེལ་གྱི་ཕྲེང་བ་ཡིན་པས་ཐུགས་རྗེ་ཆེན་པོའི་ལྷ་ཚོགས་ཀྱི་ཐུགས་ཀ་ནས་འོད་ཟེར་ལས་གྲུབ་པའི་ཕྲེང་བ་བདག་གི་ཐུགས་ཀར་ཐིམ༔ བདག་གི་རྣ་བ་ནས་ཐོན་ཁྱེད་རང་གི་རྣ་བར་ཐིམ༔ ཁྱེད་རང་གི་སྙིང་དང་གཉིས་སུ་མེད་པར་གྱུར་པ…

འགྲུབ་པའི་སྐལ་བ་དང་ལྡན་པའོ༔ དེ་ནས་ཐུགས་ཀྱི་དབང་ཞུ་བར་འདོད་ན༔ ཐུགས་རྡོ་རྗེའི་དབང་ཡིན་པས་རྡོ་རྗེ་འདི་ཉིད་ཐུགས་རྗེ་ཆེན་པོའི་ལྷ་ཚོགས་མ་ལུས་པ་ཡིན་པར་སྒོམས་ལ༔ སྙིང་གར་བཞག་པས་ཐུགས་རྗེ་ཆེན་པོའི་ལྷ་ཚོགས་མ་ལུས་པ་ཐིམ་པས་ཐུགས་ཀྱི་དབང་ཡོངས་སུ་རྫོགས་པ་ཐོབ་པར་སྒོམས་ཤིག༔ ཧཱུྃ༔ རྡོ་རྗེ་འདི་ནི་ཐུགས་ཀྱི་དབང་༔ ཁྱོད་ཀྱི…

ཐུགས་རྗེ་ཆེན་པོའི་ལྷ་ཚོགས་ཀྱི་ཡོན་ཏན་གྱི་དབང་ཐོབ་པའི་རྒྱུ་ཡིན་པས་ཁྱོད་ཀྱི་ལྟེ་བར་བཞག་པས་ཐུགས་རྗེ་ཆེན་པོའི་ལྷ་ཚོགས་ཐམས་ཅད་ཀྱི་ཡོན་ཏན་གྱི་དབང་ཐོབ་པར་སྒོམས་ཤིག༔ ཧཱུྃ༔ ཕྱག་མཚན་ཡོན་ཏན་དབང་གི་རྫས༔ ཁྱོད་ཀྱི་ལྟེ་བར་བཞག་པ་ཡིས༔ ཐུགས་རྗེ་ཆེན་པོའི་ལྷ་ཚོགས་ནི༔ ལུས་པ་མེད་པའི་ཡོན་ཏན་དབང་༔ མ་ལུས་དེང་འདིར་ཐོབ་པར་ཤོག…