གཟིགས༔ ལྷ་ཚོགས་ཕྲིན་ལས་དབང་བསྐུར་རྫོགས༔ ཁྱོད་ཀྱི་གསང་བར་བཞག་པ་ཡིས༔ ཐུགས་རྗེ་ཆེན་པོའི་ལྷ་ཚོགས་ནི༔ མ་ལུས་ཀུན་གྱི་དབང་ཐོབ་ཤོག༔ ཨོཾ་མ་ཎི་པདྨེ་ཧཱུྃ༔ ཀརྨ་ཨ་བྷི་ཥིཉྩ་ཨཱཿ ཞེས་གསང་བར་བཞག༔ ཧཱུྃ༔ སྐུ་མདོག་པདྨ་རཱ་གའི་ཕུང་པོ་འདྲ༔ སེམས་ཅན་རྣམས་ལ་ཐུགས་རྗེས་བུ་ལྟར་སྐྱོང་༔ སྒྲུབ་པ་པོ་ལ་མཆོག་གི་དངོས་གྲུབ་སྟེར༔ རྒྱལ་བ…

མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ མ་གཅིག་གྲུབ་པའི་རྒྱལ་མོ༔ རས་ཆུང་རྡོ་རྗེ་གྲགས་པ་ལ་སོགས་པ་གསར་མའི་བརྒྱུད་པ་རྣམས་དང་༔ མཁའ་འགྲོ་ཡེ་ཤེས་མཚོ་རྒྱལ༔ མངའ་བདག་ཉང་རལ་པ་ཅན༔ སྤྲུལ་སྐུ་སངས་རྒྱས་གླིང་པ་ལ་སོགས་པ་རྙིང་མའི་བརྒྱུད་པ་རྣམས་དང་༔ བལ་པོ་མཉྫཤཱི༔ ཆོས་རྒྱལ་སྲོང་བཙན་སྒམ་པོ༔ གྲུབ་ཐོབ་…

ནད་གདོན་སྡིག་སྒྲིབ་ཐམས་ཅད་ཞི་བར་བྱིན་གྱིས་རློབས་ཤིག༔ ཚེ་དང་བསོད་ནམས་ཉམས་དང་རྟོགས་པ་ཐམས་ཅད་འཕེལ་ཞིང་རྒྱས་པར་བྱིན་གྱིས་རློབས་ཤིག༔ མཆོག་ཐུན་མོང་གི་དངོས་གྲུབ་དབང་དུ་འདུས་པར་བྱིན་གྱིས་རློབས་ཤིག༔ བདུད་བཞི་ལོག་འདྲེན་གྱི་གཡུལ་ལས་རྒྱལ་བར་བྱིན་གྱིས་རློབས་ཤིག༔ ཕྱི་མ་བདེ་བ་ཅན་གྱི་ཞིང་ཁམས་སུ་སྐྱེ་བར་བྱིན་གྱིས་རླ…

སློབ་མ་བཟུང་བ་དང་༔ ཆ་ཡིས་ཀྱང་ནི་སྤྱད་དུ་གསོལ༔ མཎྜལ་ཕུལ༔ ས་གཞི་སྤོས་ཆུས༔ སོགས་བྱའོ༔ ས་མ་ཡ༔ ཞེས་པ་འདི་སམྦྷོ་ག་ཀཱ་ཡ་ཏིཥྛ་བཛྲ་དགུང་ལོ་བཅུ་གཉིས་པ་མེ་སྤྲེའུ་ནག་པ་ཟླ་བའི་མར་ངོའི་ཚེས་བཅུ་ལ་ཐུགས་རྗེ་ཆེན་པོ་རྒྱལ་བ་རྒྱ་མཚོ་དངོས་སུ་མཇལ་ཏེ་འདི་ཀརྨ་ཆགས་མེད་ཀྱི་ཆོས་སྐལ་ཡིན་གསུངས་ནས་དངོས་སུ་གནང་བ་ཡིན་ཏེ༔ ཕྱིར་ནངས་ཡ…

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་མྱོང་གྲོལ་སྐྱེ་བདུན་རིལ་བུ་དམར་པོའི་དཀར་ཆག༔

གུ་རུ་ལོ་ཀི་ཤྭ་ར་ཡེ༔ དེ་ཡང་གཏེར་ཁ་ལུང་སྟོན་པའི་སྤྲུལ་སྐུ་མི་འགྱུར་རྡོ་རྗེ་བདུད་འདུལ་རོལ་པ་རྩལ་དེ༔ དགུང་ལོ་བཅུ་གཉིས་བཞེས་པ་སྤྲེལ་ལོ་ཁྲུམས་ཟླ་བའི་ཉི་ཤུ་བརྒྱད་ལ་ཐུགས་རྗེ་ཆེན་པོ་རྒྱལ་བ་རྒྱ་མཚོ་དངོས་སུ་ཞལ་གཟིགས་ནས༔ རྒྱལ་བ་རྒྱ་མཚོའི་བུམ་སྒྲུབ་ཀྱི་གདམས་པ་ཞལ་གདམས་དང་བཅས་པ་དངོས་སུ་གནང་ངོ་༔ དེའི་གཞུང་ལས་རྒྱལ་…

རྗེ་ཞེས་པ༔ འདིའི་དམ་རྫས་གཙོ་བོ་གཏེར་རྣམས་ནས་བྱུང་བའི་སྐྱེ་བདུན་གྱི་རུ་རྩི་གལ་ཆེ༔ ཏེ་ལོ་ནཱ་རོ་ཞེས་པ་ཀརྨ་བཀའ་བརྒྱུད་ཁོ་ནའི་བྱིན་རླབས་རྟེན་སླད་མེད་དོ༔ རིལ་བུ་ཆེ་ཆུང་སྲན་ཆུང་ལེབ་མོའི་ཚད་ཙམ་མདོག་དམར་པོ་བྱས་ན་ལེགས༔ ཞེས་གསུངས་སོ༔ དེ་ལ་འདིའི་རུ་རྩིའི་གཙོ་བོ་ནི༔ ཡཾ་བུ་ཤ་རི་རམ་ཡིན་ཏེ༔ དེ་ཡང་སྤྲུལ་སྐུ་མི་འགྱུར…

རིལ་བུ་སྨུག་པོ་ལྔ་ཕྲག་གཅིག་གནང་བ་དངོས་སུ་གཅིག་ལས་མི་སྣང་༔ དེ་ནས་དེའི་བསྒྲུབས་པ་བྱས་དུས་ཀྱང་རིལ་བུ་བདུན་ཕྲག་གཅིག་གནང་བ་དངོས་སུ་གཅིག་ལས་མི་སྣང་སྟེ༔ རིལ་བུ་དེ་རྣམས་བཅུ་དོ་ཙམ་རེ་འདུག་གོ༔ དེ་ནས་རིལ་བུ་དེ་དག་པདྨ་རྒྱལ་པོའི་སྒྲུབ་གཞུང་ནས་གསུངས་པ་ལྟར་མང་ཞིག་སྤེལ་ནས་སྒྲུབ་པ་ཁ་གསོ་ཡང་མཛད་དོ༔ དེ་ལྟར་ཡང་བུ་ཤ་རི་…

གུང་པའི་མ་ཎི་རིལ་བུ་༔ ཆོས་རྗེ་མཁར་དྲུང་གི་སྨན་སྒྲུབ༔ ཀོང་པོ་རྩེ་ལེ་སྤྲུལ་སྐུའི་མ་ཎི་རིལ་བུ༔ ཤར་ཀཿཐོག་པའི་མ་ཎི་རིལ་བུ་མང་བ༔ བྷ་ཁ་སྤྲུལ་སྐུའི་ཕྱག་ནས་བྱུང་བའི་གཏེར་སྟོན་བརྒྱ་རྩའི་དམ་རྫས༔ འབྲི་གུང་ཆོས་ཀྱི་གྲགས་པའི་དམ་རྫས་རིལ་བུ༔ ལྷོ་པ་སྤྲུལ་སྐུའི་དགོངས་འདུས་སྒྲུབ་པའི་དམ་རྫས་རྣམས༔ རིག་འཛིན་བདུད་འདུལ་རྡོ་…

རྣམས་ཀྱི་སྐུ་མཚལ༔ གསང་ཆབ་ན་བཟའ་དབུ་ལོ༔ གཞན་ཡང་བྱང་ཆུབ་ཤིང་གི་དུམ་བུ༔ ས་སྐྱ་པའི་བདུད་རྩི་རིལ་བུ༔ ཨ་མི་ལོག་གི་སྨན་སྒྲུབ་མང་བ༔ དེའི་བདུད་རྩི་རིལ་བུ༔ འབྲི་གུང་ཞབས་དྲུང་ཆོས་ཀྱི་གྲགས་པའི་སྨན་སྒྲུབ་མང་བ༔ རྩེ་དང་ཞབས་དྲུང་གི་བདུད་རྩི་རིལ་བུ༔ རྟ་ནག་ཐུབ་བརྟན་པའི་བདུད་རྩི་རིལ་བུ་ཚན་ཆེ་བ༔ གཏེར་སྟོན་ནམ་མཁའ་འཇིགས་…

བཟའ༔ གར་དབང་ཀརྨ་བསྟན་སྐྱོང་གི་ཤངས་མཚལ༔ དྲུང་པ་ཚེར་ལུང་ཀུན་དགའ་རྣམ་རྒྱལ་གྱི་སྐུ་མཚལ༔ ཆབ་སེར༔ འཇའ་ཚོན་སྙིང་པོའི་དབུ་ལོ་ན་བཟ༢༔ གར་དབང་པའི་གདུང་རུས༔ རི་པ་ཚེ་མཚམས་ཀརྨ་ཚེ་དབང་གི་དབུ་ཐོད་དུམ་བུ་རྒྱལ་ཚབ་གྲགས་པ་མཆོག་དབྱངས་ཀྱི་གསང་ཆབ༔ ན་བཟའི༔ གངས་ཏི་སེའི་ཇུ་གངས༔ གངས་ཐིག༔ མཚོ་མ་ཕམ་གྱི་བྱེ་མ་སྣ་ལྔ༔ གསང་འདུས་དང་…

དང་༔ ཐུགས་རྗེ་གསང་བ་འདུས་པའི་རྒྱུད་ལས༔ རིལ་བུ་སུ་ཡི་ལྟོར་སོང་བ༔ ཚེ་རབས་གང་དང་གར་སྐྱེས་ཀྱང་༔ སྤྱན་རས་གཟིགས་དང་འབྲལ་མི་སྲིད༔ བདག་བས་གཞན་གཅེས་འགྲོ་དོན་སྤྱོད༔ ཡིག་བདུན་བཟླས་ཤིང་དམ་ཚིག་སྲུང་ཐམས་ཅད་འཁོར་བ་དོང་ནས་སྤྲུག༔ ཅེས་དང་༔ གནམ་ཆོས་ཐུགས་ཀྱི་གཏེར་ཁ་འདི་ཉིད་ཀྱི་གཞུང་ལས༔ ཡང་བུ་ཤ་རི་རམ་ཟོས་པས༔ ཚེ་རིང་བས་ན…

སྐྱེ་བདུན་སྒྲུབ་པའི་གཞུང་རྣམས་ནས་བཤད་པ་ལྟར༔ གཏེར་མ་ཚད་ལྡན་གྱི་བྲམ་ཟེ་སྐྱེ་བ་བདུན་པའི་ཤ་རིལ༔ མ་གཅིག་ཡེ་ཤེས་མཚོ་རྒྱལ་གྱི་ཕྱག་དྲིལ་ཨ་དང་མའི་ཡི་གེས་མཚན་པ་རྣམས་དང་གྲུབ་ཐོབ་ཀྱི་ཤ་ཆེན་གསུངས་པ་ལྟར༔ རྗེ་ཆོས་གྲགས་རྒྱ་མཚོ་དང་༔ འབྲི་གུང་ཆོས་རྒྱལ་ཕུན་ཚོགས་དང་༔ རིག་འཛིན་དབང་དྲག་རྒྱ་མཚོ་རྣམས་ཀྱི་སྐུ་ཤ་ལ་རུ་རྩིའི་ག…

མཚན་ལྡན་པད་ཅན་རྩ་ཡི་གནས༔ གསང་ལམ་ཟབ་མོའི་འཕོ་བ་དང་༔ ངོ་མཚར་རྫས་མཆོག་སྐྱེ་བདུན་ནོ༔ དེ་ཕྱིར་འདི་སྤྱོད་སྐྱེས་བུ་ལོ༔ བྱང་ཆུབ་སེམས་ལྡན་མཆོག་ཏུ་གཅེས༔ རིལ་བུ་གཅེས་སྤྲས་ཆེར་བྱས་ཏེ༔ འགྲོ་དོན་དཔག་མེད་རྒྱ་ཆེན་སྤྱོད༔ ཅེས་དང་༔ གཟུངས་ཆུ་གཟུངས་རིལ་མང་དུ་ནི༔ བསྒྲུབས་ནས་འགྲོ་བ་ཡོངས་ལ་སྤེལ༔ རིན་ནི་མ་ཎི་འུར་རྒྱག་བླངས༔ …

རེག་དོན་དང་དྲན་པ་སྟེ༔ དྲི་མ་དག་པ་ཏིལ་འབྲུ་ཙམ་ཞིག་དེས༔ ངན་སོང་འགྲོ་ངེས་ཤེས་པ་མཐོ་རིས་སྐྱེ༔ དགེ་བཅུའི་རྒྱུ་ཡང་འབྲུ་རྩམ་ས་བོན་འདེབས༔ དྲང་སྲོང་གཟའ་ནད་འབྱུང་པོའི་གདོན་བགེགས་ནད༔ འདྲེ་ཡི་གཙེས་པ་རྣམས་ཀྱང་གྲོལ་བར་འགྱུར་མཚམས་མེད་ལྔ་སྤྱོད་ལྟོར་སོང་རིག་འཛིན་གྲོལ༔ ལས་ཀྱི་དུད་འགྲོའི་གནས་སུ་སྐྱེས་ན་ཡང་༔ ཡུལ་བཟང་བད…

ཐབས་བྱེད༔ ཁྱད་པར་ཉོན་མོངས་དུག་ལྔ་རང་ཁར་སྤྱོད༔ ཐམས་ཅད་འཁྲུལ་ནས་མཚོན་གྱི་བསྐལ་པ་དར༔ རྟགས་ཙམ་འཛིན་པའི་བསྟན་པ་དཀོར་གཉེར་ཏེ༔ བཙུན་པས་ཁྱིམ་བྱེད་སྡོམ་པ་རྒྱབ་ཏུ་བོར༔ བུ་ཕྲུག་པང་དུ་བླངས་ནས་སྔགས་པ་ཟེར༔ སྔགས་པ་མགོ་སྤུ་བྲེག་ནས་བཙུན་ཆས་བྱེད༔ དགེ་བཤེས་ཧོར་ལས་གྲི་མདུང་དམག་དཔོན་བྱེད༔ གཏམ་དུ་དམག་ལབ་གོས་སུ་གོ་མཚོན་གྱ…

གྲོལ་དཀར་ཚིག་ལས༔ ཚེ་གཅིག་སངས་རྒྱས་འགྲུབ་པའི་མྱོང་གྲོལ་འདི༔ ལུས་ལ་བཅང་ན་ནད་མཚོན་འཆི་བརྒྱུད་ཁོག༔ རྩ་གསུམ་རྒྱ་མཚོའི་ལྷ་ཚོགས་སྤྲིན་བཞིན་འདུ༔ མ་སྲིན་མཁའ་འགྲོའི་ཚོགས་རྣམས་གྲིབ་བཞིན་འགྲོགས༔ དམ་ཅན་རྒྱ་མཚོའི་ཚོགས་རྣམས་བྲན་ལྟར་འཁོར༔ ནག་ཕྱོགས་ལྷ་སྲིན་གདུག་པའི་གདུབ་རྩུབ་ཞི༔ ཕམ་ལྟུང་ཉམས་པའི་ལས་སྒྲིབ་ཐམས་ཅད་དག༔ མ…

བདུན་ཚུན་ཆད་བཅུད་ལེན་བྱས་ནི༔ གནས་སྐབས་སུ་ཚེའི་བར་ཆད་ཞི་བ་དང་༔ ལུས་བཀྲག་མདངས་གཟི་བརྗིད་ལྡན་ཞིང་༔ སྐྲ་དཀར་གཉེར་མ་མི་འབྱུང་བ་དང་༔ ནད་གདོན་འབྱུང་པོ་མི་མ་ཡིན་གྱིས་གླགས་མི་རྙེད་ཅིང་༔ ཚེའི་རིག་འཛིན་རྙེད་པ་སོགས་བརྗོད་པར་མི་ནུས་སོ༔ ལུས་ལ་འཆང་ན་འགོས་ནད་དང་༔ མཚོན་ཆའི་རིགས་ཐམས་ཅད་ཐུབ་པར་འགྱུར་རོ༔ སྲུང་བ་ཐམས་ཅད་…

ཆེ་ཞིང་དཀོན་པ་ཡིན་ཅིང་༔ ཚེ་འདིའི་བར་ཆད་སེལ་ནས་བསྲུང་བའི་མཆོག་དམ་པ༔ ཕྱི་མ་ངན་སོང་གི་སྐྱེ་སྒོ་ཆོད་པར་བྱང་ཆུབ་ཀྱི་ས་བོན་ཐེབ་ངེས་འདི་ནི་ཡིད་བཞིན་གྱི་ནོར་བུ་རིན་པོ་ཆེ་སྟོན་མོར་འགྱེད་པ་ཡིན་ནོ༔ རང་ལུས་གཞལ་ཡས་ཁང་གི་ཤར་སྒོ་ནས༔ རིལ་བུ་ཐུགས་རྗེ་ཆེན་པོ་རྒྱལ་བ་རྒྱ་མཚོ་བྱོན་ཏེ༔ སྙིང་པདྨ་འདབ་བརྒྱད་ཀྱི་སྟེང་དུ་བཞུག…

གནམ་ཆོས་ལས་ཕྱག་རྡོར་ཨོཾ་ཙུག་བྱེད་ཀྱི་དབང་ཆོག་བཞུགས་སོ༔