ཧཱུྃ། ལྕམ་མོ་ཆེན་མོ་སྨན་བཙུན་གཞོན་ནུ་མ། །མིང་པོ་ལྷ་ཡི་དགེ་བསྙེན་དྲག་རྩལ་ཅན། །འཁོར་བཅས་དམ་རྫས་མཆོད་པ་འདི་བཞེས་ལ། །ཐུགས་དམ་བསྐང་ལ་ཕྲིན་ལས་སྡོང་གྲོགས་མཛོད། །ཅེས་པ་འདི་ཡང་རྫོགས་སྤྲུལ་ལྔ་པས་སོ། ། དུར་ཁྲོད་ལྷ་མོའི་བསྐང་བསྡུས་མ་མོ་དགྱེས་པའི་གླུ་དབྱངས་བཞུགས་སོ། ། བྷྱོཿ དུར་ཁྲོད་མ་མོ་ཞིང་སྐྱོང་ཀུན་གྱི་གཙོ། །…

ཧཱུྃ། དགྲ་བླ་གེ་སར་ནོར་བུ་དགྲ་འདུལ་རྩལ། །རྫུ་འཕྲུལ་རྡོ་རྗེ་རྐྱང་རྒོད་འཕེལ་བོ་དང་། །དཔའ་བརྟུལ་དང་སྨན་བཀའ་སྡོད་ཕོ་ཉ་བཅས། །ཚོགས་ཀྱི་བདག་པོ་དགྲ་ལྷ་བཅུ་གསུམ་སོགས། །དགྲ་ལྷ་མཆེད་དགུ་འགོ་བའི་ལྷ་ལྔ་དང་། །འབྲོང་གཡག་དར་མ་དགྲ་བླ་ཉེར་གཅིག་སོགས། །རྨ་རྒྱལ་སྤོམ་ར་མཆེད་སྲས་བཙུན་མོར་བཅས། །ལྷ་འཁོར་ཀླུ་འཁོར་འབུམ་དང་བཅས…

ཨེ་མ་ཧོ། དག་པ་ལྷུན་གྲུབ་འོད་གསལ་ལུས་ཀྱི་སྦུབ། །མི་ཤིགས་ཐིག་ལེ་མཆོག་ཏུ་བདེ་བའི་དབྱིངས། །སྙིང་དབུས་པདྨ་འོད་གླིང་སྤྲུལ་པའི་ཞིང་། །རིག་རྩལ་མ་འགགས་དཔའ་བོ་མཁའ་འགྲོའི་གྲོང་། །རང་རིག་མི་འགྱུར་ཨོ་རྒྱན་སེང་ཆེན་རྗེ། །རྣལ་འབྱོར་མོས་པའི་བུ་ལ་བརྩེར་དགོངས་ནས། །ཡུལ་སྣང་བདེན་འཛིན་ཞིག་པའི་འདོད་ཡོན་དང་། །གཉིས་རྟོག་མཉམ…

བསྭོ། སྣང་སྲིད་དགྲ་ལྷ་ཡོངས་ཀྱི་ཆེ་བཙན་པ། །གེ་སར་ནོར་བུ་དགྲ་འདུལ་འཁོར་བཅས་ལ། །མཆོད་སྤྲིན་ནམ་མཁའ་མཛོད་དུ་འབུལ་ལགས་ན། །གཡུལ་ལས་རྣམ་པར་རྒྱལ་བའི་ཕྲིན་ལས་མཛོད། །རྫོགས་སྤྲུལ་ལྔ་པས་སོ།།

བསྭོ། སྣང་སྲིད་དགྲ་བླ་ཀུན་གྱི་གཙོ། །གེ་སར་ནོར་བུ་དགྲ་འདུལ་རྩལ། །འཁོར་བཅས་མཆོད་པ་འདི་བཞེས་ལ། །གཡུལ་ལས་རྒྱལ་བའི་ཕྲིན་ལས་མཛོད། །རྫོགས་སྤྲུལ་ལྔ་པས་སོ། །

ཧོཿ རྫུ་འཕྲུལ་མྱུར་མགྱོགས་ཤུགས་ལྡན་རྟ། །སྟག་སེང་ཁྱུང་འབྲུག་རླུང་རྟའི་ལྷ། །དགྱེས་རྒུའི་མཆོད་པ་འདི་བཞེས་ལ། །སྙན་གྲགས་ཕྱོགས་བཅུར་རྒྱས་པར་མཛོད། །རྫོགས་སྤྲུལ་ལྔ་པས་སོ། །

ཧཱུྃ། ཆོས་ཉིད་དབྱིངས་ལས་བཞེངས་པ་ཡི། །བསྟན་སྲུང་དམ་ཅན་རྒྱ་མཚོའི་ཚོགས། །ཐུགས་རྗེ་བརྩེ་བས་རྗེས་དགོངས་ལ། །རྣལ་འབྱོར་བདག་ཅག་འཁོར་བཅས་ཀྱིས། །དམ་རྫས་མཐུན་པའི་གཏོར་མ་དང་། །ཇ་ཆང་འོ་སྐོལ་བཏུང་བའི་རིགས། །ཕུད་དང་རཀྟའི་རྒྱ་མཚོ་བསྐྱིལ། །མཆོད་ཅིང་བསྟོད་པའི་བྱིན་རླབས་ཀྱིས། །མི་མཐུན་གནོད་པ་ཀུན་ཞི་ནས། །མཐུན་རྐྱེན་ཆོས…

ཧཱུྃ། སྔོན་ཚེ་སློབ་དཔོན་པདྨ་འབྱུང་གནས་ཀྱི། །སྤྱན་སྔར་སྲུང་མར་ཞལ་བཞེས་དམ་ཚིག་ཅན། །མཐུ་ཆེན་བསྟན་སྲུང་དབང་པོ་འཁོར་བཅས་རྣམས། །བདག་གིས་བསྟེན་ཅིང་གསོལ་ཞིང་སྒྲུབ་པ་ན། །ཞི་དང་རྒྱས་དང་དབང་དང་དྲག་པོ་སོགས། །ཕྲིན་ལས་རྣམ་བཞིའི་དངོས་གྲུབ་སྩལ་དུ་གསོལ། །ཅེས་པ་འདིའང་ཕུར་ཚའི་བསྟན་འཛིན་ནས་ལྷ་རྫས་དང་བཅས་བསྐུལ་བའི་ངོར་ར…

ཧྲཱིཿ ལྷ་ཡི་སྲས་པོ་རྨ་རྒྱལ་སྤོམ་ར་ནི། །རྨ་འཁོར་འབུམ་དང་བཅས་པ་གཤེགས་ནས་ཀྱང་། །བསམ་མི་ཁྱབ་པའི་མཆོད་སྤྲིན་རྒྱ་མཚོ་འདི། །ཕུལ་བས་རྨ་གཡང་འདོད་དགུའི་དངོས་གྲུབ་སྩོལ། །ཅེས་རྫོགས་སྤྲུལ་ལྔ་པས་སོ།

ཧྲཱིཿ རྨ་རྒྱལ་སྤོམ་ར་ལྷ་ཡི་སྲས། །རྨ་འཁོར་འབུམ་དང་བཅས་པ་རྣམས། །འཁོར་བཅས་མཆོད་པ་འདི་བཞེས་ལ། །རྨ་གཡང་དངོས་གྲུབ་སྩལ་དུ་གསོལ། །རྫོགས་སྤྲུལ་ལྔ་པས་སོ། །

ཨཻ། འཇམ་དཔལ་བཀའ་སྡོད་ལས་ཀྱི་གཤིན་རྗེའི་གཤེད། །གཏུམ་མོ་དུག་ཧྲུལ་ལས་བྱེད་ཕོ་ཉའི་ཚོགས། །ཤ་ཁྲག་དམར་གྱི་གཏོར་མ་འདི་བཞེས་ལ། །ཐུགས་དམ་བསྐང་ལ་མི་མཐུན་ཀུན་སོལ་ཅིག །རྫོགས་སྤྲུལ་ལྔ་པས་སོ།།

ཧྲཱིཿགནོད་སྦྱིན་ཆེན་པོ་ཡང་ལེ་བེར། །སྡེ་བརྒྱད་དྲེགས་པའི་དམག་དཔུང་བཅས། །མཐུན་པའི་དམ་རྫས་འདི་བཞེས་ལ། །བཅོལ་བའི་ཕྲིན་ལས་འགྲུབ་པར་མཛོད། །རྫོགས་སྤྲུལ་ལྔ་པས་སོ། །

ཧྲཱི༔ དབང་ཆེན་པདྨའི་བཀའ་སྡོད་དྲེགས་པའི་གཙོ། །གནོད་སྦྱིན་ཙིའུ་དམར་པོ་འཁོར་བཅས་ལ། །དམ་རྫས་ཕུད་ཀྱི་མཆོད་པ་འདི་འབུལ་བས། །ཐུགས་དམ་གཉན་སྐོང་རྣལ་འབྱོར་དབུ་འཕང་བསྟོད། །རྫོགས་སྤྲུལ་ལྔ་པས་སོ། །

ཧཱུྃ། གཉན་ཆེན་རྒྱལ་བ་ཐོད་དཀར་མཆེད་ཟླ་བརྒྱད། །གཉན་འཁོར་འབུམ་ཕྲག་མང་པོའི་ཚོགས་དང་བཅས། །མཆོད་སྤྲིན་བསམ་ཡས་ལྷུན་གྲུབ་འབུལ་ལགས་ན། །ཐུགས་དམ་བསྐང་ལ་འདོད་དོན་ལྷུན་འགྲུབ་མཛོད། །རྫོགས་སྤྲུལ་ལྔ་པས་སོ། །

བྷྱོཿ མ་ཚོགས་འབུམ་གྱི་མཁའ་འགྲོའི་གཙོ་མོ་ནི། །འབར་མ་ནག་མོ་བྱ་ཞོན་འཁོར་བཅས་ལ། །སྟོང་གསུམ་རབ་འབྱམས་རྒྱ་མཚོའི་མཆོད་སྤྲིན་འདིས། །ཐུགས་དམ་བསྐང་ལ་ནད་རིམས་བཟློག་ཏུ་གསོལ། །རྫོགས་སྤྲུལ་ལྔ་པས་སོ། །

ཧཱུྃ། བདུད་བཙན་ཀླུ་དང་འབར་བ་ལྕམ་དྲལ་ལ། །ཤ་ཁྲག་རུས་གསུམ་དཀར་མངར་འབྲུ་སྨན་སྤོས། །རིན་ཆེན་སྨན་འབྲུ་དར་ཟབ་སྣ་ཚོགས་ཀྱིས། །ཐུགས་དམ་བསྐང་ལ་མཆོག་ཐུན་དངོས་གྲུབ་སྩོལ། །རྫོགས་སྤྲུལ་ལྔ་པས་སོ། །

བྷྱོཿ ནམ་མཁའ་ཡངས་བའི་ཁམས་ལ་དབང་བསྒྱུར་བའི། །གཏེར་སྲུང་དཔལ་ལྡན་ལྷ་མོ་ཆེན་མོ་ལ། །རབ་འབྱམས་ཞིང་གི་མཆོད་པ་འབུལ་ལགས་ན། །ཐུགས་དམ་བསྐང་ངོ་དངོས་གྲུབ་བདག་ལ་སྩོལ། །རྫོགས་སྤྲུལ་ལྔ་པས་སོ།།

བྷྱོཿ ལས་ཀྱི་མཁའ་འགྲོ་དམར་མོ་ཁྲག་རལ་ཅན། །ལས་བྱེད་སྤྲུལ་པ་འབུམ་འབུམ་ཚོགས་དང་བཅས། །སྨན་གཏོར་རཀྟའི་མཆོད་པ་འདི་བཞེས་ལ། །ཐུགས་དམ་བསྐང་ལ་དྲག་པོའི་དངོས་གྲུབ་སྩོལ། །རྫོགས་སྤྲུལ་ལྔ་པས་སོ།།

ཞེས་བྱ་བ་བཞུགས་སོ། ། བྷྱོཿ ཟབ་གཏེར་གཉན་གྱི་སྲུང་མ་མཐུ་མོ་ཆེ། །ཡང་མ་སྐྱིན་གདོང་འཁོར་དང་བཅས་པ་ལ། །ཕྱི་ནང་གསང་བའི་མཐུན་པའི་དམ་ཚིག་རྫས། །ཕུལ་བས་རྐྱེན་ངན་བར་ཆད་སེལ་བར་མཛོད། །ཅེས་རྫོགས་སྤྲུལ་ལྔ་པས་སོ། །མངྒ་ལཾ། །

ཧཱུྃ། བཀའ་ཡི་སྲུང་མ་གནོད་སྦྱིན་བཅུ་གཉིས་དང་། །བྲན་གཡོག་བདུན་འབུམ་ཉི་ཁྲིའི་འཁོར་བཅས་ལ། །རང་རང་དགྱེས་པའི་མཆོད་པ་འབུལ་ལགས་ན། །ཐུགས་དམ་བསྐང་ལ་ཕྲིན་ལས་མ་གཡེལ་ཞིག །རྫོགས་སྤྲུལ་ལྔ་བས་སོ།།