ཡིག་དྲུག་རང་བྱུང་ཤར། །ཐུགས་ཀའི་འོད་ཟེར་ཡར་སྣྲོན་སྦྲ་སྟོད་ཚལ། །ཕོ་བྲང་བྱམས་པ་མི་འགྱུར་གླིང་ཞེས་པར། །རྒྱལ་པོ་གནམ་རི་སྲོང་བཙན་འཁོར་བཅས་ཀུན། །འོད་ཀྱིས་ཁྱབ་པར་མཛད་དེ་སླར་འདུས་ནས། །བཙུན་མོ་འབྲི་བཟའ་ཐོད་དཀར་ལྷུམས་སུ་ཞུགས། །སྔོན་མེད་དགའ་དང་བདེ་བས་ལུས་ཚིམ་སྟེ། །བཀྲ་ཤིས་ལྟས་ཀྱིས་ཕྱོགས་ཀུན་ཁྱབ་པར་གྱུར། །ལྷུམས་…

འབུལ་བའི་ཕྱིར་འབྲེངས་པས། །ཨ་མི་ཏཱ་བྷའི་ཞལ་མཐོང་ཕྱིར་བསྙད་པས། །རྒྱལ་བུ་དབུ་གཉིས་ལྡན་པར་གྲགས་སོ་སྐད། །དགའ་སྟོན་དཔག་ཡས་ལོ་ཟླ་དུ་མར་བྱས། །ཁྲི་སྲོང་བཙན་ཞེས་མཚན་དུ་གསོལ་བ་ལས། །ཡོན་ཏན་ཀུན་ལྡན་ཤིན་དུ་ཐུགས་སྒམ་པས། །མཚན་ཡང་སྲོང་བཙན་སྒམ་པོར་ཆགས་པར་གྱུར། །བལ་ཡུལ་དང་ནི་རྒྱ་ནག་ཕོ་བྲང་དུ། །ལྷ་གཅིག་ཁྱད་དུ་འཕགས་པ་རེ…

རྒྱལ་པོ་རྟ་མཆོག་ཆིབས་པ་རེ་རེ་བྱུང༌། །དེ་རེ་ལས་ཀྱང་འོད་ཟེར་དཔག་མེད་སྤྲོས། །འོད་རེའི་རྩེ་ལ་སྤྲུལ་སྐུའི་ཞིང་རེ་ཆགས། །ཞིང་ཁམས་རེ་ན་རྒྱལ་བ་ཤཱཀ་ཐུབ་རེ། །རེ་རེའི་མདུན་ན་སྲོང་བཙན་སྒམ་པོ་རེ། །ཐུབ་པའི་དབང་པོས་རང་རང་དྲུང་འཁོད་པའི། །རྒྱལ་པོའི་དབུ་ལ་ཕྱག་གིས་རེག་མ་ཐག །རྒྱལ་པོ་རེ་ལས་འོད་ཟེར་མཐའ་ཡས་སྤྲོས། །འོད་རེའ…

པ་མཛད་པས་བྲག་ལས་འོད་ཟེར་འཕྲོས། །ཕ་རིའི་བྲག་ལ་ཕོག་པས་ཕན་ཚུན་ཀུན། །འཇའ་ཚོན་བཀྲ་བའི་མདངས་ཀྱིས་གཅིག་དུ་འབྲེལ། །གྲོང་གི་མིང་ཡང་འཇའ་མདངས་སུ་ཆགས་སྐད། སྤྱན་རས་གཟིགས་དབང་ཁཱརྶ་པ་ཎི་དང༌། །འཕགས་མ་སྒྲོལ་མ་དཔལ་ཆེན་རྟ་མགྲིན་སོགས། །རང་བྱུང་བྱོན་པ་བལ་པོའི་གཟོ་བོ་ཡིས། །རྣམ་པ་གསལ་གཏོང་ལྷ་ཁང་ཚུལ་དུ་མཛད། །དེ་ནས་དམར་པོ་…

ཨ་ནུ་ར་ག་ཏའི་བུ་ཐོན་མི་སམྦྷོ་ཊ་བྱ་བའི་མི་ཆུང་བློ་གསལ་བ་ཞིག་ལ་གསེར་ཕྱེ་བྲེ་གང་བསྐུར་སྟེ་བཏང་སྐད། དེ་ཡིས་རྒྱ་གར་ཀུན་མྱུལ་ལྷོ་ཕྱོགས་ཕྱིན། །སྒྲ་དང་ཡི་གེར་མཁས་པ་ཕུལ་བྱུང་བ། །བྲམ་ཟེ་ཆེན་པོ་ལི་བྱིན་ཡིན་པར་ཐོས། །དེར་ཕྱིན་གུས་པས་བཏུད་ཅིང་གསེར་ཕུལ་ནས། །བདག་ནི་མཐའ་འཁོབ་བོད་ཀྱི་བློན་པོ་ཡིན། །བདག་གི་རྒྱལ་པོ་ཐུག…

རིག་པ་བློ་ཡི་ཆུ་ཕྲན་འཁོར། །སྨོན་ལམ་དག་པའི་ཆུ་བྱ་ལྡིང༌། །སྒྲ་ཚད་ཡི་གེའི་ནོར་བུ་བཞུགས། །འགྲོ་བའི་དབུལ་ཕོངས་སེལ་བར་བྱེད། །སྒྱུ་ལུས་དྲི་མེད་ཀྱི་སྡོང་པོ་ལ། །ཐབས་ཤེས་གཉིས་ཀྱི་ཡལ་ག་རྒྱས། །བསླབས་ཤེས་ཡོན་ཏན་གྱི་མེ་ཏོག་ཤར། །སྒྲ་ཚད་ཡི་གེའི་འབྲས་བུ་སྨིན། །བདག་བོད་ཀྱི་བློན་པོ་ཐོན་མི་ལ། །མ་ལུས་གནང་བ་ཐུགས་ལ་བཏགས། …

བཅས་ལ་དོན་དགར་བསྣན་དང༌། །དགག་སྒྲུབ་ལ་སོགས་སྒྲ་སྣ་ཚོགས། །ཚིག་ཟུར་བསྒྱུར་བས་ཐོན་པར་མཛད། །ཐོན་མི་མདོ་རྫིའི་སྒྲ་མདོ་དང༌། །སུམ་རྟགས་ལ་སོགས་བརྡ་སྤྲོད་ཀྱི། །བསྟན་བཅོས་བརྒྱད་ཀྱང་མཛད་ཅེས་གྲགས། །ལེགས་སྦྱར་རྐྱེན་དང་རྣམ་དབྱེ་སོགས། །སྒྲ་རེའང་དུ་མས་སྒྲུབ་དགོས་པས། །རྟོགས་དཀའ་རྒྱ་ཆེ་གྲངས་མང་ཡང༌། །བོད་ཀྱི་སྒྲ་ལ་དེ་ར…

ཐུགས་ཀྱི་སྲས། །སྲོང་བཙན་སྒམ་པོར་མཚན་གསོལ་བའི། །ཆོས་རྒྱལ་ཁྱེད་ལ་ཕྱག་འཚལ་ལོ། །ཐོན་མིའི་ཡིག་ཕུད་འདི་འབུར་སྟོང་ཇེན་ཁོག་སྣང་རྡོའི་ལྷ་ཁང་གི་བྲག་ལ་བརྐོས་སྐད། ཅེས་ཕུལ་རབ་ཏུ་དགྱེས་པའི་བྱ་དགའ་བསྩལ། །སྒྲ་དང་ཡི་གེ་རིག་པའི་གནས་རྣམས་ལ། །བོད་འབངས་གཟུང་ཕྱིར་སྤྲུལ་པའི་རྒྱལ་པོ་ཉིད། །ལོ་བཞིར་བསླབ་སྦྱངས་ནན་ཏན་མཛད་ཏོ་ས…

རྒྱ་གར་གྱི་སློབ་དཔོན་ཀུ་ས་ར་དང་བྲམ་ཟེ་ཤང་ཀ་ར་དང༌། ཁ་ཆེ་ཏ་ནུ་དང༌། བལ་པོ་ཤཱི་ལ་མཉྫུ་དང༌། རྒྱ་ནག་ཧ་ཤང་མ་ཧ་དེ་ཝ་ཆེ་རྣམས་བྱོན། ལོ་ཙཱ་བ་ཐོན་མི་སམྦྷོ་ཊ་དང༌། དེའི་མཆན་བུ་དྷརྨ་ཀོ་ཥ་དང་ལྷ་ལུང་རྡོ་རྗེ་དཔལ་སོགས་ཀྱིས་འདུས་པ་རིན་པོ་ཆེ་ཏོག་གི་གཟུངས། ཟླ་བ་སྒྲོན་མ། དཀོན་མཆོག་སྤྲིན་སོགས་བསྒྱུར་ཅིང་ཤེར་ཕྱིན་སྟོང་…

བཀའ་ཡི་བློན་པོ་ཆེན་པོ་བརྒྱ་ཕྲག་གསུམ། །ཀུན་གྱི་གཙོ་བོ་འཕྲུལ་བློན་བཅུ་དྲུག་གིས། །རྒྱལ་པོའི་བཀའ་སྒྲུབ་རྒྱལ་སྲིད་བདེ་བར་སྐྱོང༌། །དེ་ཡང་ཐང་ཡིག་ཆེན་མོ་ལས། འཕྲུལ་གྱི་གནའ་ཆེན་རིགས་བཟང་དང༌། །ཞང་པོ་རྒྱལ་གྱི་ཁྲོམ་བཟང་དང༌། །ཅོག་རོ་རིག་པའི་ཀོང་བཟང་དང༌། །ལྷ་གཟིགས་ཤོག་པོ་བསྟན་བཟང་དང༌། །ཀ་ཡི་སྙག་སྟོན་འཕེལ་བཟང་དང༌།…

དེ་ཕྱིར་བོད་ཀྱི་མཛངས་མི་ལྔ་པ་ཡིན། །དེ་ནས་རྒྱལ་པོས་བོད་འབངས་ཀུན་བསྡུས་སྟེ། །ལུགས་གཉིས་བཀའ་ཁྲིམས་ཆེན་པོ་བཅའ་བར་བཞེད། །རྒྱལ་པོས་ལོ་བཞིར་མཚམས་མཛད་ནས་ཡི་གེ་ལ་སོགས་པའི་རིག་གནས་སྦྱངས་པའི་འབངས་རྣམས་ན་རེ་རྒྱལ་པོ་ལོ་བཞིར་ཕོ་བྲང་ནས་ཕྱིར་མི་འབྱོན་པ་གླེན་པ་ཅིག་ཡོད་པར་འདུག །བོད་བདེ་བ་བློན་པོ་རྣམས་ཀྱིས་བྱས་ཟེར་བ་…

གཡང་གོང་རྣམས་བསྐོས། སྐྱི་ཤོད་ཤོ་མ་ར། ཁྱུང་ལུང་རྔུལ་མཁར། ནམ་ར་ཞ་དོན་གྲམ་པ་ཚལ། རི་བོ་གཡའ་དམར་རྣམས་སུ་བཅད་སྐད། མགར་གྱིས་བོད་ཀྱི་ཁོད་བཅའ་བའི་ཕྱིར་རྡེའུ་དང་ཤིང་བུ་གཙིགས་སུ་གསོལ་སྟེ་བྱང་བུ་མཛོ་ཁལ་དྲུག་ལྡང་བར་བྲིས་པས་བྱང་ཁྲམ་མ་ཐེབས་པ་འཁྲུགས་ནས་འཕན་ཡུལ་དར་རྒྱལ་ན་བྱིས་པ་མང་པོ་རྗེ་བྱ་བ་འཕྲུལ་ཆེ་བར་ཐོས་ནས་བླ…

ལ་བྱས་པ་གཡོ་རུ། ཤར་པྲགས་ཀྱི་གླང་མ་གུར་ཕུབ་ལྷོ་གཉའ་ནི་གཡག་པོའི་སྣ་ནུབ་བྱེ་མ་ལ་དགུ་བྱང་སྨྲི་ཏི་ཆུ་ནག་ཤངས་ཀྱི་ཞོང་པ་ཚལ་ལ་ཕྱས་པ་གཡས་རུ། ཤར་འཇམ་ན་བཀྲ་ལྷོ་བལ་པོ་གླང་སྣ་ནུབ་ལ་ཀེམ་གཡག་མིག་བྱང་བྱེ་མ་ལ་སྔོན་དབུས་བྲད་ཀྱི་དུར་པ་སྣ་ལ་བྱས་པ་རུ་ལག །ཤར་གཉེ་ཡུལ་བུམ་ནག་ལྷོ་སྨྲི་ཏི་ཆུ་ནག་ནུབ་ཡེལ་ཞབས་སྡིངས་པོ་ཆེ་བྱང…

ཕོད་དཀར་གཉིས། ཉེན་གར་འབྲང་མཚམས་གཉིས། སྤོ་རབ་གཟོང་སྡེ་གཉིས། ཞངས་སྟོང་བུ་ཆུང༌། སྐུ་སྲུང་ནུབ་ཕྱོགས་པ་རྣམས་གཡས་རུའི་སྟོང་སྡེ། མང་ཀར་ཁྲི་ཕོམ་གཉིས། གྲོམ་པ་ལྷ་རྩེ་གཉིས། མྱང་རོ་ཁྲི་འཐད་གཉིས། ཁང་སར་གད་ཕྲམ་གཉིས། མཚོ་ངོས་སྟོང་བུ་ཆུང༌། སྐུ་སྲུང་ལྷོ་ཕྱོགས་པ་སྟེ་རུ་ལག་གི་སྟོང་སྡེ་བཅུའོ། །བོད་དང་གྲུ་གུའི་མཚམས་…

སྟག་བཟང་སྟོང་དང་མགོས་ཁྲི་གཉེན་ཡང་འཕྱོས། དཔའ་ཟླ་བ་ཚབ་མཚོ་ཞེར་ཙད་ལོད་དང་ལང་པ་མགོན་ནེ། རུ་རྟ་མཚལ་བུ་མེ་སྟག་དང་སྔོན་པོ་གཡུ་རྟ། རུ་དར་དར་ནག་སྙིང་དཀར་བྱ་ཁྱུང་བྲིས་པ་དང་སྐྱར་ཁ་གོང་ཁྲ། སྤང་ལ་མེ་མཆེད་པ་ལྟ་བུར་འགྲིམ་སྐད། གཡུང་གི་མི་སྡེ་འབྱེད་པ་ནི་གཡུང་ངམ་ཁེང་ཞེས་པ་འབངས་ལས་བྱེད་ཀྱི་མིང་ཡིན་ལ་ཡང་ཁེང་ཞེས་པ་…

མཁར་ཐུང་ཙམ་གྱིས་དགྲ་སྟའི་ཁ་ཁྲུ་རེ་ཙམ་པ་ཐོགས་པ་ལ་རྒོལ་པའི་ཚེ། ལྟོང་ལྟོང་གི་བུ་ཕྱུགས་མཚམས་ཀྱིས་དཔོན་བྱས་དཔའ་མཚན་དུ་རལ་གྲིའི་ཤུབས་བཅག་ཁ་ཆེམས་ཉེ་བ་ལ་ཕོག་བུ་སྨད་ཉེ་དྲུང་ལ་བཅོལ་ནས་མི་ལྡོག་པའི་རྩིས་ཀྱིས་རྒོལ་པས་རྒྱ་ཐུལ་བས་སྨད་ཀྱི་དཔའ་སྡེའོ། །གཞན་ཡང་དཔོན་བདུན་ལ་ཡུལ་དཔོན་གྱི་ལས་སུ་ཡུལ་ཆུང་ཁྲིམས་ཀྱིས་འཚོ། ད…

བ་ལ་ལྕགས་ཡིག །ཡང་ཐ་ཤིང་སྐྱ་ཆུ་རིས་ཀྱི་ཡི་གེ་ནི་འབངས་ཕལ་པ་རྣམས་ལ་གནང་སྐད། ཕྱག་རྒྱ་དྲུག་ནི་བཀའ་བཏགས་ཀྱི་ཕྱག་རྒྱ་སྒྲོམ་བུ་ཁྲོམ་རྟགས་ཀྱི་ཕྱག་རྒྱ་རུ་མཚོན་ཡུལ་རྟགས་ཀྱི་ཕྱག་རྒྱ་སྐུ་མཁར་ཆོས་རྟགས་ཀྱི་ཕྱག་རྒྱ་ལྷ་ཁང་དཔའ་རྟགས་ཀྱི་ཕྱག་རྒྱ་སྟག་སློག་མཛངས་རྟགས་ཀྱི་ཕྱག་རྒྱ་ཡིག་ཚངས་སུ་བཅད་དོ། །རྐྱེན་དྲུག་ནི་དཔའ་བའི་…

སྡར་མ་ཝ་ཞུས་མ་དམད་ན། །དཔའ་དང་སྡར་མ་ཤན་མི་ཕྱེད། །ངན་ལ་ནན་ཏུར་མ་བྱས་ན། །ནམ་ཡང་དྲན་ཤེས་རེམ་མི་འགྱུར། །ཉེས་ལ་ཆད་པ་མ་བཅད་ན། །ཕྱི་ནས་ཉེས་བྱེད་རྒྱུན་མི་ཆད། །ལུས་སྐྱེད་ཕ་མ་མནར་བ་ན། །འཕྲལ་ཕུགས་གཉིས་ཀར་ལ་ཡོགས་སྡིག །རང་གི་མཆན་གྱི་བུ་མནར་ན། །ཕྱི་རོལ་དགྲས་ཀྱང་ཞེ་ཁ་འབྱེད། །བཟའ་གྲོགས་མནར་ན་ཕྱི་ནང་གི །ཚུས་དང་སོ་ན…

སྐྱིན་པ་བུ་ལོན་ལ་སོགས་དུས་སུ་གཞལ། །བྲེ་དང་སྲང་ལ་སོགས་ལ་གཡོ་ཟོལ་སྤང༌། །མ་བཅོལ་ལས་ལ་དོན་མེད་ཁ་གཏོགས་སྤང༌། །རང་ཚུགས་བཟུང་ནས་བསྒྱུར་ཁ་ལྕི་བར་བྱ། །མནའ་དང་དམ་བཞག་སྲོག་ལྟར་གཅེས་པར་འཛིན། །དེ་ལ་སོགས་པ་བཀའ་ཡི་དྲིལ་བསྒྲགས་སྟེ། །ཡ་རབས་བཟང་པོའི་ལུགས་ཀྱི་བསྟན་བཅོས་དང༌། །ཕྱི་མར་ཕན་བདེའི་གོ་འཕང་དམ་པ་ལ། །བོད་འབངས་ཐམ…

པ་ཡིན་ནོ། །དེ་ལྟར་འདི་ཕྱི་ཀུན་དུ་ཕན་པ་ཡི། །བཟང་པོའི་བཙན་ཁྲིམས་གཉའ་ཤིང་དམ་པར་བསྡམས། །རི་དྭགས་རྣམས་ནི་རྒྱལ་པོའི་དཀོར་ནོར་མཛད། །ར་ལུག་བེའུ་ལ་སོགས་རང་ཡིན་གཏོང༌། །ལ་ལ་བཙས་བརྩིགས་ཆུ་ཆེན་གྲུ་ཡིས་བཅད། །རྗེ་ཡི་བཀའ་བཙན་འབངས་རྣམས་བདེ་ཞིང་སྐྱིད། །རྒྱལ་པོའི་ཆབ་སྲིད་དབྱར་གྱི་མཚོ་ལྟར་འཕེལ། །ཕོ་དཔའ་རྟག་མགྱོགས་ལོངས་…