སྲོལ་ཉམས་པ་རྣམས་སླར་ཇོ་བོས་གསལ་བར་མཛད་པ་ཡིན་གྱི་སྔོན་མེད་པ་ག་ལ་ཡིན་སྟེ་ཇོ་བོ་ཉིད་ཀྱང་ཁྲི་སྲོང་ལྡེ་བཙན་གྱི་དུས་ཀྱི་བསྟན་པ་ལྟ་བུ་རྒྱ་གར་དུ་ཡང་མ་བྱུང་བར་འདུག་ཅེས་ཡི་རངས་མཛད་པར་བཤད་ཅིང་དམན་ལམ་གྱི་སྡོམ་པས་མ་ཟིན་པས་སྡོམ་པའི་དགེ་བ་མེད་པར་འདོད་ན་ཐེག་ཆེན་ཁོ་ན་སྟོན་པའི་སངས་རྒྱས་ཀྱི་ཞིང་ཐམས་ཅད་ན་སྡོམ་པའི་དགེ་བ…

ཉིན་དབོན་སྲས་མང་སྲོང་གི་སྤྱི་བོར་ཕྱག་བཞག་སྟེ་བཀའ་བསྩལ་པ། རིགས་ཀྱི་བུ། ངས་ནི་རྒྱལ་ཁྲིམས་ཆོས་ཁྲིམས་སུ་བསྒྱུར་ནས་སངས་རྒྱས་ཀྱི་བསྟན་པ་དར་བར་བྱས། བོད་འབངས་དགེ་བ་ལ་བཀོད་པ་ཡིན་ནོ། །ཁྱོད་ཀྱིས་ཀྱང་ངའི་རྒྱལ་སྲིད་འདི་མ་ཉམས་པར་ཆོས་བཞིན་དུ་སྐྱོངས་ཅིག །ངའི་གཙུག་ལག་ཁང་འདི་གཉིས་ཀྱི་ཞབས་ཏོག་ཁྱོད་ཀྱིས་གྱིས་ལ་དར་དུ…

ཆེམས་འདི་རྟེན་ལ་ཐིམ་ཀར་བློན་པོ་སྣ་ཆེན་པོ་ལ་གསུངས་པར་བཤད་ལ་ཀ་བཀོལ་མ་ཐང་ཡིག་གབ་པ་མངོན་ཕྱུང་མྱ་ངན་འདས་ཆུང་རྣམས་ན་ཚིག་ཟུར་དང་མང་ཉུང་མི་འདྲ་བར་སྣང་ངོ༌། །དེ་ནས་རྒྱལ་པོ་ཆེན་པོ་འཕྲུལ་སྣང་དུ་གཤེགས་སྟེ་དཀྱིལ་འཁོར་གྱི་སྟེང་དུ་ཁྲི་ལ་བཞུགས་ནས་ཁྱེད་བློན་པོ་བཅུ་དྲུག་པོ་ལས་བཞིས་མགྲོན་བོས་ཅིག །བཞིས་ཤ་འཚོལ་བཞིས་ཆང་འ…

ཕྲད་པ་དང་ཁྱད་པར་མེད་ཏོ་ཅེས་བྱུང་ངོ༌། །དེ་ནས་རྒྱལ་པོས་ལྷ་གཅིག་གཉིས་ཀྱི་སྤྱི་བོར་ཕྱག་བཞག་པ་དང་བལ་མོ་བཟའ་ཁྲི་བཙུན་པདྨ་དཀར་པོ་འདབ་མ་བརྒྱད་པ་ཧཱུྃ་ཡིག་གིས་མཚན་པ་ཅིག་དུ་གྱུར། རྒྱ་མོ་བཟའ་ཀོང་ཇོ་ཨུཏྤལ་སྔོན་པོ་འདབ་མ་བཅུ་དྲུག་པ་ཧཱུྃ་ཡིག་གིས་མཚན་པ་ཅིག་དུ་གྱུར་སྟེ་རྒྱལ་པོའི་ཕྲག་པ་གཡས་གཡོན་ལ་ཐིམ་རྒྱལ་པོས་དབུའི་ཐ…

གྲི། །རྡོ་རྗེ་མེ་ཤེལ་ཆུ་ཤེལ་གཞུ། །ལྕུག་མ་བསྣམས་ལ་ཕྱག་འཚལ་ལོ། །རྔ་ཡབ་ཕུབ་དང་བུམ་པ་བཟང༌། །དགྲ་སྟ་ཕྲེང་བ་པདྨ་སྔོ། །སྤྱི་བླུགས་ཉི་མ་ཆུ་སྐྱེས་དཀར། །སྙེ་མ་བསྣམས་ལ་ཕྱག་འཚལ་ལོ། །གཡོན་གྱི་ཡན་ལག་བཅུ་དགུ་ན། །སྤྲིན་དཀར་སྤྱི་བླུགས་པདྨ་གྲི། །དུད་ཐོད་ཕྲེང་བ་དྲིལ་བུ་དང༌། །རྡོ་རྗེ་བསྣམས་ལ་ཕྱག་འཚལ་ལོ། །ལྕགས་ཀྱི་འཁར་ས…

ཐུགས་རྗེའི་ལྕགས་ཀྱུས་བཟུང་དུ་གསོལ། །ཞེས་གསུངས་ནས་ཐུགས་ཀར་དབུ་བཏུགས་སྟེ། འཕགས་པ་ཁམས་གསུམ་འཁོར་བ་ན་འཁྱམས་པའི་སེམས་ཅན་ཉམ་ཐག་པ་རྣམས་ལ་གཟིགས་ཅིག་ཞེས་ཐུགས་རྗེ་དྲག་དུ་གཡོས་པའི་རླབས་འབྱིན་ཞིང་གསོལ་བ་དྲག་དུ་བཏབ་པའི་མོད་ལ་རྒྱལ་པོ་འོད་ཀྱི་གོང་བུར་གྱུར་སྟེ་བྱེ་མ་ལ་ཆུ་ཐིམ་པ་ལྟར་རང་བྱུང་བཅུ་གཅིག་ཞལ་གྱི་ཐུགས་ཀར་ཐ…

གཡེང་བའི་དམག་གིས་བསྐོར་ཡང་བསམ་གཏན་གྱི་མཁར་དང་མ་བྲལ་བར་གྱིས་ཅིག །དུག་ལྔའི་ཇག་པ་བཀྱེ་ཡང་བཟོད་པའི་གོ་ཆ་དང་མ་བྲལ་བར་གྱིས་ཅིག །མ་རིག་པའི་མུན་པ་འཐིབས་ཀྱང་ཡེ་ཤེས་ཀྱི་སྤྱན་དང་མ་འབྲལ་བར་གྱིས་ཅིག །དེ་ལྟར་བྱས་ན་ཐུགས་རྗེ་ཆེན་པོ་དང་རྟག་དུ་འགྲོགས་པ་ལགས་སོ། །ཞེས་གསུངས་ནས་མི་སྣང་བར་གྱུར་ཏོ། །ཇོ་མོ་མོང་བཟའ་ས་ལྷ་ག…

སེམས་ཉིད་ཆོས་ཉིད་གཉིས་མེད་དང༌། དུས་གསུམ་གཅིག་པར་རང་ལ་གནས། ནང་ཐོང་ཕྱི་ཤིག་གཉིས་མེད་ཤེས་པ་ཆོས་སྐུ་ཡིན་ནོ་ཨག་སམ་གསུང་ངོ༌། །ཀོང་ཇོའི་ཞལ་ནས་རིག་པ་ནང་དུ་མ་འཛིན་ཚོགས་དྲུག་ཕྱིར་མ་སྤྲོ་གཉིས་འཛིན་མུན་པར་མ་གཞུག་དགག་སྒྲུབ་བྲལ་བ་ཆོས་སྐུ་གསལ་ལ་འཛིན་མེད་ལོངས་སྐུ་སྣ་ཚོགས་འགག་མེད་སྤྲུལ་སྐུ་ང་གསུམ་གཅིག་སྟེ་མ་ལྟ་མ་སྒ…

མིག་མེད་མུན་པར་མ་བཏང་རྒྱལ་བའི་སྲས། །མི་མངོན་ནམ་མཁའི་དབྱིངས་ནས་ཐུགས་རྗེས་གཟིགས། །ཆོས་དབྱིངས་ཟབ་ཅིང་སྤྲོས་བྲལ་རྩི་སྨན་གྱིས། །མཚན་མའི་ཟུག་རྔུ་མ་ལུས་སེལ་མཛད་ཅིང༌། །མཐར་ཐུག་ཉམས་རྟོགས་རྒྱུད་ལ་སྐྱེད་མཛད་པ། །སྨན་པའི་རྒྱལ་པོ་སྲོང་བཙན་གང་དུ་གཤེགས། །བུ་རྣམས་འཁོར་བར་འཁྱམས་སོ་སྤྲུལ་པའི་སྐུ། །མཉམ་ཉིད་ངང་ནས་ཐུགས་ར…

ཅིར་ཡང་གྲུབ་པ་མེད་ཅིང་ཀུན་ལ་ཁྱབ། །མཚོན་དུ་མེད་པའི་ངེས་པ་སྐྱོང་མཛད་པའི། །བྱིན་རླབས་མཆོག་གྱུར་རྒྱལ་པོ་གང་དུ་གཤེགས། །བུ་འབངས་ཀྱེ་ཧུད་མྱ་ངན་དྲན་པ་སྟོར། །ཕ་ཐུགས་རྗེས་གཟིགས་ཅིག་ཆོས་རྒྱལ་སྤྲུལ་པའི་སྐུ། །ཚོགས་ཀྱི་ཁྱད་པར་དབང་གི་བྱེ་བྲག་ལས། །གང་ལ་གང་འདུལ་དེ་ལ་དེ་ཉིད་ཏུ། །ཡི་གེ་དྲུག་མས་ཐམས་ཅད་བདེ་ལ་བཀོད། །ཟབ་མ…

ཀྱིན་ཚུགས་པ་མེད་ཏོ་ཇི་ལྟར་བགྱི། །རང་གཞན་བདེ་བ་སྟེར་བའི་རིན་པོ་ཆེ། །ཆོས་ཀྱི་རྒྱལ་པོ་ཁྱོད་དང་བདག་ཅག་རྣམས། །འཆུག་མེད་ལྷན་ཅིག་རྟེན་འབྲེལ་འཛོམ་གྱུར་ནས། །རྟག་དུ་མི་འབྲལ་ཅི་གསུང་བཀའ་སྒྲུབ་ཅིང༌། །སྐུ་གསུང་ཐུགས་དང་ཡོན་ཏན་འཕྲིན་ལས་རྣམས། །རྒྱལ་པོ་ཁྱོད་དང་དབྱེར་མེད་གཅིག་པར་ཤོག །རྒྱལ་བའི་བསྟན་པ་ན་མཁའ་གར་ཁྱབ་ཏུ།…

ཟག་རྒྱལ་པོ་འབྱུང༌། །ཆོས་གཞི་གཙུག་ལག་ཁང་ནི་མང་དུ་རྩིག །མཐའ་འཁོབ་རྒྱལ་ཁམས་མང་པོ་དབང་དུ་སྡུད། །ཕྱོགས་མཚམས་བརྒྱད་ནས་དཔྱ་ཁྲལ་མང་པོ་སྡུད། །རྒྱ་གར་གསང་མཛོད་དམ་ཆོས་མང་པོ་བསྒྱུར། །སྤྲུལ་པའི་རྒྱལ་པོ་བྱང་ཆུབ་སེམས་དཔའ་དེས། །ལོ་པཎ་སྤྱན་དྲངས་དམ་ཆོས་རྒྱས་པར་བྱེད། །སྦྱངས་པ་ཅན་གྱི་སྐྱེས་བུ་མང་དུ་འབྱོན། །དེ་ལྟར་ཆོས་…

དམས་པས། །ང་ཡི་ཡི་དམ་སྐུ་གཟུགས་གཏེར་དུ་སྦེད། །རྒྱལ་པོ་དེ་ཡང་གྲི་རུ་བཀུམ་པར་འགྱུར། །དེ་ནི་བཀྲ་མི་ཤིས་པར་ཤེས་ནས་སུ། །བདེ་གཤེགས་སྐུ་གཟུགས་དེ་ཡང་གཏེར་ནས་འདོན། །དེ་སྲས་རིང་ལ་བཀའ་ཆད་དབུ་ཡོགས་ཀྱིས། །རྗེ་རྒྱལ་རྣམས་ལ་འབངས་ཀྱིས་ཁེང་ལོག་བྱེད། །དུས་མཐའ་ངན་པའི་མུ་ཡང་དེ་ནས་ཟུག །ས་ཡི་བཅུད་ཉམས་སྨན་གྱི་ནུས་པ་ཆུང༌། །…

ལ་འཕྲོག་འཇོམས་བྱེད་པ་འབྱུང༌། །མཆོད་ཆ་རྣམས་ལ་ཐོབ་ཤ་བྱེད་པར་འགྱུར། །ཀྱེ་ཧུད་སངས་རྒྱས་བསྟན་པ་ཐལ་བར་བརླགས། །དེ་ཚེ་ནག་པོའི་ཕྱོགས་རྣམས་དར་འགྱུར་ཞིང༌། །གང་ཟག་རྣམས་ཀྱི་ཤེས་པ་འགྱུར་ནས་ཀྱང༌། །མི་དགེའི་སྤྱོད་པ་སྣ་ཚོགས་བྱེད་པར་འགྱུར། །འཚོ་བ་ལྷ་འདྲེ་རྣམས་དང་ཐུན་མོང་བྱེད། །ས་གཞི་དེ་ཡང་ཤིན་ཏུ་རྩུབ་པར་འགྱུར། །ཆོམ་ར…

པར་འགྱུར། །དེ་ལྟར་སངས་རྒྱས་བསྟན་པའི་སྒྲོན་མེ་ནི། །སྟོན་པ་རྣམས་ཀྱིས་གསལ་བར་བྱེད་པར་འགྱུར། །ཞེས་པོ་ཏོ་བ་དང་རྔོག་ལོའི་བཤད་རྒྱུད་རྣལ་མ་རྣམས་དང༌། དེ་ནས་བསྟན་པའི་སྙིང་པོ་སྒྲུབ་པ་པོ། །བྱང་ཆུབ་སེམས་དང་ལྡན་པའི་དགེ་སློང་ནི། །ཡོན་ཏན་ལྡན་པའི་དམ་པ་དཔག་མེད་འབྱུང༌། །གསང་སྔགས་མངོན་པར་གྲུབ་པའི་དགེ་སློང་ནི། །དམ་པ་མང…

པོའི་འདྲེ་ཡི་ཆས་གུ་གྱོན། །ར་སླག་ཁྱི་སླག་རེ་བ་ཟེ་མོན་གོས། །རྩིད་ཞྭ་འབེ་ལོག་གོས་ངན་ལུས་ལ་གྱོན། །བེར་ཀ་དབྱུག་པ་སྣ་ཚོགས་ཐོགས་པ་འབྱུང༌། །བསོད་སྙོམས་པ་ཅེས་གྲོང་ཁ་འགྲིམ་པར་བྱེད། །ལྟོ་རྒྱབ་ཆེད་ཏུ་བཀའ་ཐུབ་དྲག་པོ་ཡིས། །རང་གི་ལུས་ལ་གནོད་པ་བྱེད་པ་འབྱུང༌། །མངོན་མཚན་ཅན་གྱི་གྲགས་པ་འདོད་ཕྱིར་དུ། །སྔགས་ཀྱི་ཐེག་པ་གླུ…

ལ་ལ་དབང་མ་ཐོབ་པར་དབང་བསྐུར་བྱེད། །ལ་ལ་དབང་བསྐུར་ཟེར་ནས་ཡོན་ཡང་སྡུད། །ལ་ལ་རྙེད་བཀུར་ཆགས་ཤིང་འདོད་ལ་ཞེན། །རང་གི་རླུང་སེམས་དབང་དུ་མ་འདུས་པར། །གསང་དབང་ཤེས་རབ་ཡེ་ཤེས་མངོན་སུམ་སྟོན། །དེ་དག་སྨད་འཚོང་བསྟེན་དང་ཁྱད་པར་མེད། །ལ་ལ་དགེ་སློང་ཤེས་རབ་ཡེ་ཤེས་ནི། །བུད་མེད་དང་སྦྱོར་དབང་ནི་སྐུར་བར་བྱེད། །སྡོམ་ཁྲིམས་གཞིག…

གསང་སྔགས་སྐད་དུ་འཆོས་པ་དང༌། རབ་བྱུང་གི་གཟུགས་བརྙན་ཆོས་མིན་སྤྱོད་པའི་ཚུལ་ལ་སོགས་ད་ལྟ་ཇི་ལྟར་སྣང་བ་འདི་རྣམས་ལུང་བསྟན་པའོ། །ཨེ་མ་ཧོ། མ་འོངས་དལ་འབྱོར་ཐོབ་པའི་ལུས་ཅན་ཀུན། །སེམས་སྟོབས་སྐྱེད་ལ་རྩོལ་པ་མ་ཞན་མཛོད། །ཡང་དག་དགེ་བའི་བཤེས་གཉེན་དམ་པ་བསྟེན། །དེ་ཡི་ངག་ལ་ངེས་པར་ཚད་མར་ཟུངས། །ཐུགས་ཀྱི་དགོངས་པ་ལོང་ལ་ལེ…

འདི་ལ། །བསྙེན་བཀུར་མཆོད་བསྟོད་བྱེད་པ་དེ་དག་ནི། །འཕགས་པའི་གང་ཟག་དམ་པ་ཤ་སྟག་གོ །དེ་ཕྱིར་དེ་དག་ཀུན་ལ་གུས་པ་སྐྱེད། །དེ་དག་ཅི་ཕྱིར་འཕགས་པ་ཡིན་ཞེ་ན། །སངས་རྒྱས་རྣམས་ཀྱི་མཛད་པ་ཆེན་པོ་མཛད། །དེ་ཕྱིར་དེ་དག་འཕགས་པའི་གང་ཟག་རྣམས་འབྱུང་ཞིང༌། །འཁོར་ནི་ལེགས་གནས་སྟོན་པའི་གསུང་རབ་དང༌། །སྟོན་པའི་སྐུ་གཟུགས་དངོས་སུ་ཞུགས…

བླངས་པའི་ཚིག་ཡིན་པས། །གུས་པས་ཡིད་ཀྱིས་སྤྱི་བོར་བླང་བར་མཛོད། །ཅེས་གསུངས་ནས་ཐུགས་ཀར་ཐིམ་མོ། །སྤྱིར་ལུང་བསྟན་རྒྱས་པར་ཡོད་འདུག་པ་གཏེར་དུ་སླར་ཟློག་ནས་མ་དཔེ་ལ་གསལ་བར་སྣང་ངོ༌། །དེ་མ་ཐག་རང་བྱུང་ཐུགས་རྗེ་ཆེན་པོའི་ཐུགས་ཀ་ནས་འོད་ཟེར་ཚེས་བཅོ་ལྔའི་ཟླ་བ་ཙམ་ཞིག་བྱུང་སྟེ་འཕྲུལ་སྣང་གི་ཕྱི་ནང་ཐམས་ཅད་ཁྱབ་ཅིང་ཁྱད་པར་དུ…