མངའ་གསོལ་མཛད་པར་ངེས་ཅེས་དགའ་སྤྲོ་བྱེད། བློན་པོ་བཅུ་དྲུག་པོས་ཀྱང་ཡོ་བྱད་དང་བཅས་སྟེ་སླེབས་ནས་ཕྱག་བྱེད་པར་ཕྱིན་ཙ་ན་རྒྱལ་པོ་ཡབ་ཡུམ་མི་སྣང་བར་ན་བཟའ་རྒྱན་གོས་ཕུད་དེ་མཐོང༌། མོང་བཟའ་དང་སྣ་ཆེན་པོ་ངོམ་ཟུང་གནག་པར་མཐོང་ནས་དར་རྒྱལ་སྣ་ཆེན་པོ་ཁྱོད་རྒྱལ་པོའི་སྐུ་སྲུང་ལ་བཞག་པ་ཡིན་པ་རྒྱལ་པོ་ཡབ་ཡུམ་གསུམ་གར་གཤེགས་ཅེས…

སྟེ་སྤྱན་རས་གཟིགས་དངོས་སུ་བྱོན་འདུག་པ། རྒྱལ་པོ་ཡབ་ཡུམ་གསུམ་བཞུགས་དུས་མོས་གུས་ཆུང་འདུག་པ། ཨཱརྻ་པ་ལོ་ཞེས་འབོད་ཅིང་ལ་ལ་ནི་ངུ་ལ་ལ་ནི་ལུས་ས་ལ་རྡེབ་ཅིང་འགྲེ་ལྡོག་ལ་ལ་ནི་མོས་གུས་ཀྱི་གསོལ་བ་འདེབས་སོ། །དེའི་ཚེ་ཐོན་མི་སམྦྷོ་དྲས་གདུང་ཤུགས་ཀྱིས་གསོལ་བ་བཏབ་པ། ཀྱེ་མ་ཀྱེ་ཧུད་སྡུག་བསྔལ་ལོ། །རྒྱལ་པོ་སྲོང་བཙན་སྤྲུ…

མི་འདྲེན་པར། །བོད་འབངས་གདུལ་བྱ་མི་གཟིགས་སམ། །རྗེ་རིན་པོ་ཆེ་དེ་ཅི་དགོངས་ན། །ཞལ་མཛེས་པའི་དཀྱིལ་འཁོར་ནམ་ཡོལ་ན། །ཀྱེ་ཧུད་རྒྱལ་པོ་གཤེགས་པས་བརླག །མཛེས་པའི་སྐུ་ལུས་རིན་པོ་ཆེ། །དངོས་སུ་འགྲོ་དོན་མི་མཛད་པར། །རྒྱལ་པོ་གཤེགས་པ་ཇི་ལྟར་ལགས། །ཀྱེ་ཧུད་བོད་འབངས་ཇི་ལྟར་བགྱི། །བྱིན་རླབས་བརྡ་ཡི་རྒྱུད་པ་དང༌། །བརྟུལ་ཞུགས…

འཆར། །འདས་གྲོངས་གཤེགས་པ་བདག་ལ་མེད་པས་ན། །འབྲལ་མེད་རྒྱུན་དུ་གུས་པས་གསོལ་བ་ཐོབ། །སེམས་ཅན་ཀུན་ལ་ཐུགས་རྗེས་རྟག་དུ་གཟིགས། །ང་ཡི་ཞལ་མཐོང་གསུང་ཐོས་སྨོས་ཅི་དགོས། །ཀུན་གྱིས་གསོལ་བ་ཐོབ་ཅིག་བོད་འབངས་རྣམས། །ཅེས་གསུང་བའི་སྣང་བ་བྱུང་ངོ༌། །དེར་ཐོན་མི་འོ་སྐོལ་གྱི་རྒྱལ་པོ་འདི་ནི་ཐུགས་རྗེ་ཆེན་པོ་དངོས་ཡིན་སྟེ་ད་ལྟར་རྒ…

ཡི་སྤྲུལ་སྐུ་དེ། །སྙན་པ་རྒྱ་གར་ཡུལ་དུ་སྒྲོགས། །བ་རའི་རྒྱལ་པོ་ཤིང་རྟ་ཅན། །ཐལ་མོ་སྦྱར་སྟེ་སཏྭ་བརྗོད། །ཁྱོད་ཀྱིས་ཆེ་བའི་ཡོན་ཏན་རྣམས། །རྒྱ་ནག་ཡུལ་གྱི་རྒྱལ་པོས་གསན། །ཕྱོགས་སུ་ཞལ་གཟིགས་འདུད་པར་མཛད། །མི་ཉག་ཙ་མིའི་རྒྱལ་པོ་ཡང༌། །ཁྱོད་ཀྱི་མཚན་ཐོས་རྐྱང་ཕྱག་འཚལ། །མཚན་བརྗོད་མཁན་དེ་ལ་བྱ་དགའ་སྟེར། །གེ་སར་དམག་གི་རྒ…

བསྐུར་གྱི་ཐོད་ཏུ་འཆིང༌། །དེ་རྒྱལ་པོའི་སྐུ་ལ་མི་གསོལ་བར། །བཅོམས་ནས་འཇོག་པ་ཇི་ལྟར་ལགས། །ཀྱེ་ཧུད་བོད་འབངས་སྟོང་པར་བཞག །ཆིབས་རྟ་ནག་པོ་ཁྱུང་གཤོག་དེ། །བྱང་ཕྱོགས་ཙ་མའི་ཡུལ་ནས་བཏོན། །བྱོལ་སོང་གི་ལུས་ལ་མི་ཡི་སེམས། །གྱི་ལིང་གི་ཡག་ཚངས་ཁོ་ལ་རྫོགས། །བཤུལ་རིང་དུ་གཤེགས་ན་མི་ཆིབས་པར། །གསོས་ནས་འཇོག་པ་ཇི་ལྟར་ལགས། །ཡ…

མཚོ་བདུན་གཏིང་ནས་སྐམ། །ཀླུ་ཆེན་བརྒྱད་པོ་གང་དུ་སྡོད། །ལྕགས་རི་ནག་པོ་མཐའ་ནས་ཞིག །སྐྱེ་འགྲོའི་སེམས་ཅན་དུད་མོར་སོང༌། །ཉི་མ་ནམ་མཁའི་མཐོངས་སུ་ནུབ། །དུས་ཀྱི་སོ་ནམ་ཇི་ལྟར་བྱེད། །བཅོ་ལྔའི་ཟླ་བ་གཟའ་ཡིས་ཟིན། །མཚན་འགྲོས་པ་ལ་ཅི་མ་སྲིད། །རྒྱ་མཚོའི་གླིང་དུ་གཟིངས་ཐག་ཆད། །དེད་དཔོན་ཚོང་པ་ཇི་ལྟར་བགྱི། །ལྡུམ་རའི་མེ་ཏོ…

སེམས་ཀྱིས་གསོལ་བ་འདེབས། །འབངས་བཞིན་མདངས་ལོག་པ་གཟིགས་ལགས་སམ། །སྨྲེ་སྔགས་འདོན་པ་གསན་ལགས་སམ། །རྗེ་འབངས་ལ་ཐུགས་ཐག་མ་བཅད་ཅིག །མི་མངོན་དབྱིངས་ནས་ཐུགས་རྗེས་གཟིགས། །ཀྱེ་ཧུད་འདི་འདྲའི་དུས་ཅིག་བྱུང༌། །ཆོས་ཀྱི་རྒྱལ་པོ་གཤེགས་པས་བརླག །གནམ་ས་གཉིས་ཀྱི་ཀ་གདུང་འགྱེལ། །མི་ཡུལ་གླིང་བཞི་སྟོང་པར་བཞག །ལྷ་ཡུལ་ན་མཁའ་འོད…

གཤེགས་པ་དེས། །ཁ་སང་དུས་ཀྱི་རྒྱལ་པོ་ལ། །ཕྱི་རབས་བྲོད་པའི་སྐྱེད་པའི་ཕྱིར། །འོད་དང་འཇའ་དང་སྒྲ་ལ་སོགས། །དཔའ་བོ་མཁའ་འགྲོའི་ཚོགས་རྣམས་ཀྱང༌། །ནམ་མཁའི་ཁམས་སུ་ཁེངས་པར་བྱོན། །རྒྱལ་པོའི་མཛད་སྤྱོད་ཏུར་གྱིས་དྲན། །འབངས་སེམས་ཀྱི་ཚ་གྲང་བཟོད་བླགས་མེད། །འབངས་ཡི་ཐག་མ་གཅོད་སྤྲུལ་པའི་སྐུ། །ལུས་ལ་ཆགས་སྙམ་མི་བགྱི་ཞིང༌། །འ…

བློན་པོ་མགར་ན་རེ་རྒྱལ་ཁམས་གཞན་གྱི་མིས་བོད་ཀྱི་བློན་པོ་གདུག་པ་ཅན་རྣམས་ཀྱིས་རྒྱལ་པོ་ཡབ་ཡུམ་གར་གཤེགས་མེད་པ་བྱས་ཟེར་དུ་འོང་གིས་སྤུར་སྦྱོང་བའི་ཚུལ་མ་བྱས་ན་མི་རུང་ངོ་ཞེས་བགྲོས་སྟེ་ལྷ་ལ་ཐིམ་པ་གསངས་ནས་འཕན་ཡུལ་ཟལ་མོའི་སྒང་འོད་ཟེར་དམ་པའི་ཕོ་བྲང་དུ་བཞུགས་པ་ན་མགུར་ཆམ་བྱུང་བ་ལོག་སྟེ་ཚད་པར་ཤོར་ཞབས་ཏོག་ལྷ་གཅིག་གཉི…

སེང་གེའི་ཁྲི་ལ་རྒྱལ་པོ་དངོས་སུ་བཞུགས་པ་དང༌། གཡས་གཡོན་དུ་གཟིགས་པ་དང་ཆོས་གསུང་པ་དང་སྤུར་སྒྲོམ་གཞལ་མེད་ཁང་དུ་གྱུར་པའི་ཟུར་བཞིར་དཔལ་མགོན་བདུན་བཅུ་རྩ་གཉིས་དང་མཆོད་པའི་ལྷ་མོ་མང་པོས་མཆོད་པ་དང༌། སྒྲ་དང་འོད་དང་ས་གཡོ་བ་དང་སྤོས་ཀྱི་ངད་ལྡན་ན་མཁའ་འོད་ཀྱིས་གུར་དུ་འཁྲིག་ཅིང་མེ་ཏོག་དང་རིང་སྲེལ་ཆར་དུ་འབབ་པ་དང༌། འ…

ཚོགས་དཔག་མེད་གར་བསྒྱུར་ཞིང་ན་མཁའ་སྤྲིན་བཞིན་དུ་འཁྲིགས་ནས་སྐྱེ་མེད་རྡོ་རྗེའི་གླུ་ལེན་པ་དང༌། རྒྱལ་པོའི་བ་སྤུའི་བུ་ག་ཐམས་ཅད་ནས་བདེ་མཆོག་ལྷན་སྐྱེས་ཀྱི་ཚོགས་འཕྲོ་བ་དང༌། སྤྱན་རས་གཟིགས་ཞི་ཁྲོ་དང་མཁའ་འགྲོའི་ཚོགས་ཀྱིས། ཆོས་ཀུན་གདོད་ནས་ལྷན་ཅིག་སྐྱེས། །ཐམས་ཅད་བདེ་སྟོང་ཟུང་འཇུག་ལ། །སྤང་བླང་འདུག་པ་མ་མཐོང་ངོ༌།…

ཅན་གྱི་མཁའ་འགྲོས་བསྐོར་བ་དང༌། གསང་འདུས་འཇམ་རྡོར་གྱི་དཀྱིལ་འཁོར་དང༌། རྣལ་འབྱོར་ན་མཁའ་དང༌། ཡེ་ཤེས་མཁའ་འགྲོ་དང༌། མ་ཧཱ་མཱ་ཡ་དང༌། སངས་རྒྱས་མཁའ་འགྲོ་དང༌། སྒྲོལ་མ་འཇིགས་པ་བརྒྱད་སྐྱོབ་དང༌། ཕྱག་རྡོར་ཞི་ཁྲོ་དང༌། སྨན་བླ་མཆེད་བརྒྱད་དང༌། ཞི་ཁྲོ་རིགས་བརྒྱའི་ལྷ་དང༌། པདྨ་དབང་ཆེན་དང༌། བཛྲ་ཧེ་རུ་ཀ་ཀེ་སིང་གིས་བསྐོར…

ཞེར་ཧྲལ་པོར་གྲགས། །དེ་ཚེ་རྒྱ་དམག་ལྷ་སའི་བར་ལྷགས་པ། །ཁྲོ་རྒྱལ་རྨེ་བརྩེགས་ཐུགས་ཀ་ཕྱེ་བ་ཡིས། །སྤྲུལ་པའི་དམག་ཚོགས་བཀྱེ་བས་ཟློག་པར་མཛད། །མགར་གྱིས་རྒྱ་ཡུལ་ཕུང་པར་བྱས་པའི་ཞེ་གནད་དུ་ཆོས་རྒྱལ་སྲོང་བཙན་གཤེགས་མ་ཐག་དུ་དམག་མང་དུ་བརྩམས་ཀྱང་བློན་པོ་མགར་གྱིས་དམག་དཔོན་བྱས་ནས་ལན་མང་དུ་ཕམ་པར་བྱས། ཕྱིས་བློན་པོ་ཡང་དམག་…

ལ་མདའ་རྒྱང་རེས་སླེབ། མགོས་གཡག་ཆུང་གིས་ཤ་བའི་བླུད་བུ་བྱེ་མས་བཀང་སྟེ་ཀླད་ལ་སྐོར། ཅོག་རོ་འབྲོང་གཤོར་གྱིས་འབྲོང་འཐུར་དུ་རྒྱུག་པ་གྱེན་དུ་འཐེན་ནུས། གནོན་ཁྲི་བདུན་གཡུ་བྱིན་གྱིས་རྟ་བཟང་པོ་གཡང་ལ་འཕྱོངས་བ་གྱེན་ལ་འདྲེན་ནུས་པ་རྣམས་བྱུང་སྟེ་ཕྱིས་རྔ་དང་རོལ་མོའི་རྣམ་གྲངས་མང་དུ་འབྱུང་བའི་ལྟས་ཡིན་སྐད། མངའ་ཐང་ལྷ་འ…

ལ་བྲིས་ནས་སྦས་པ་དེ་བལྟས་པས། ངའི་དཔོན་སྲས་རྒྱལ་པོ་ཁྲི་དང་དེ་ཞེས་བྱ་བའི་རིང་ལ་དམ་པའི་ལྷ་ཆོས་འབྱུང་སྟེ་དེ་བཞིན་གཤེགས་པའི་རྗེས་སུ་རབ་ཏུ་བྱུང་བ་དབུ་རེག་ཞབས་རྗེན་སྐུ་ལ་ངུར་སྨྲིག་གི་ན་བཟའ་གསོལ་བ་ལྷ་དང་མིའི་མཆོད་གནས་མང་དུ་འབྱུང་གིས་དེ་ལས་རང་དང་གཞན་གྱི་ཚེ་འདི་དང་ཕྱི་མའི་མཐོ་རིས་དང་ཐར་བའི་བདེ་བ་ཐམས་ཅད་འབྱུང་…

སྣའི་གཟེངས་མཐོ་བ་དཔྲལ་བའི་དབྱེས་ཆེ་བ་ཤིན་ཏུ་མཛེས་པ་གཅིག་བཙས་པས་ཞང་བློན་རྣམས་ན་རེ་བོད་ཀྱི་བཙན་པོ་ཡང་དག་པ་ཟེར། སྲས་ལ་མི་མིན་ལྷའི་དབོན་པོ་ཡིན་ནོ་ཟེར་ནས་མིང་ཡང་ལྗང་ཚ་ལྷ་དབོན་དུ་གསོལ་ལོ། །དེ་ལ་ཁབ་རན་པ་ན་བོད་ཀྱི་མི་སྤྲེའུ་བྲག་སྲིན་གྱི་རྒྱུད་པ་འདི་ཇོ་མོར་མི་འོས། མེས་སྲོང་བཙན་སྒམ་པོའི་ལུགས་སུ་བྱ་ཟེར་ནས་རྒ…

ཇོ་རྒྱ་བོད་ཀྱི་མཚམས་སུ་སླེབས་ཚེ་བློ་བུར་དུ་སེམས་ལ་ཟུག་རྔུ་ཆེན་པོ་བྱུང་ནས་མེ་ལོང་བལྟས་པས་རྒྱལ་བུ་དེ་མེད་པར་རྒན་པོ་བཞིན་མི་མཛེས་པ་བྱད་སྤུས་ཁེངས་པ་ཅིག་མཐོང་ནས་སྡུག་བསྔལ་བའི་ཚེ་བོད་རྒྱལ་པོས་ཕོ་ཉ་མངགས་ནས་ཁྱོད་ཀྱི་སྐྱེས་པའི་འོས་ངའི་བུ་ལྷ་འདྲ་བ་དེ་འདས། ཁྱོད་རང་ང་ལ་བལྟས་ནས་འོང་ངམ་ཕྱིར་ལྡོག་པ་གང་མོས་གྱིས་ཅི…

བརྒྱད་ལ་རྒྱལ་ས་མཛད་པར་བཤད་ཀྱང་ཡབ་ལྕགས་འབྲུག་ལ་འཁྲུངས་ནས་ལོ་དྲུག་བཅུ་རྩ་གསུམ་ལ་འདས་པའི་ཚེ་སྲས་ཀྱི་མེ་ཡོས་ལ་འཁྲུངས་ན་ལོ་བཅུ་དྲུག་ས་ཡོས་ལ་འཁྲུངས་ན་ལོ་བཞི་ལས་མི་འགྲོ་ཞིང་བརྒྱད་སོང་བ་དག་ན་ཤིང་ཕག་ལ་འཁྲུངས་དགོས་པས་ཡི་གེ་ནོར་བ་ཞིག་བྱུང་ཡོད་པར་སྣང་ལ། ཡིག་ཚངས་ཤས་ཆེ་བར་ལྕགས་ཕོ་རྟ་ལ་འཁྲུངས་ནས་ལོ་བཅུ་གསུམ་ན་རྒྱ…

འཇིམ་པ་ལྷག་མ་ལ་མཆོད་རྟེན་ཆེ་བ་གཅིག་བྱས་པས་འཇིམ་པས་གཟུགས་མ་ཐུབ་ནས་སྲེས་ཐག་གིས་བཅིངས་པས་གླང་པོར་ཤོར་བས་བཞད་གད་དུ་གྱུར་སྟེ་གླེང་པོ་སྲེས་ཐག་ཅན་ཞེས་མིང་ཆགས་ཤིང་རྒྱལ་བུ་སྐུ་ཚེ་རིང་བར་རྟོགས་སྣང༌། ཐང་ཡིག་སོགས་ལས་ཀོང་ཇོའི་སྲས་ཕྲོགས་པའི་ཚེ་སྨྲེ་སྔགས་བཏོན་ནུ་མ་བསྟན་ཡང་སྣ་ནམ་བཟས་ནུ་མ་ལ་རྫས་བྱུགས་ནས་འོ་མ་ཕབ་པས་…