ཆོས་ཀྱི་རིང་ལུགས་མཛད་པའི་ཚེ། །ཧྭ་ཤང་མ་ཧཱ་ཡ་ནའི་སློབ་མ་དར། །དགེ་བས་མཐོ་རིས་སྡིག་པས་ངན་འགྲོར་འཁོར། །ལུས་ངག་དགེ་སྡིག་ཡིད་བྱེད་ཀུན་བཀག་ནས། །ཅིག་ཆར་དྲན་མེད་འཇུག་པ་ལམ་དུ་སྨྲ། །བོ་དྷི་ས་ཏྭའི་རྗེས་འཇུག་འགའ་ཞིག་ཙམ། །གཞན་དག་ཕལ་ཆེར་ཧྭ་ཤང་ལུགས་སུ་སྤྱོད། །སྟོན་མིན་བརྩེ་མིན་གཉིས་ཅེས་རྩོད་པར་གྱུར། །དེ་ཚེ་ཡེ་ཤེས་དབ…

སླར་ལྷོ་ནུབ་རྔ་ཡབ་གླིང་དུ་སྲིན་པོའི་ཁ་གནོན་ལ་གཤེགས་སྟེ་མྱ་ངན་ལས་འདའ་བ་མེད་པར་བཞུགས་ཤིང་ཕྱིས་བླ་མ་རྡོ་རྗེ་གདན་པས་གྲུབ་ཐོབ་རྣམས་ཚོགས་འཁོར་ལ་སྤྱན་དྲངས་པས་གྲུབ་ཐོབ་བརྒྱད་བཅུ་རྩ་བཞི་བྱོན་པའི་ནང་དུ་གཤེགས་སྟེ། དགེ་སློང་ལུས་ལ་ཕྱག་རྒྱ་བསྟེན། །ལྷོ་ནུབ་སྲིན་པོའི་ཁ་གནོན་མཛད། །པདྨ་ཀཱ་ར་ཞེས་བྱ་བའི། །བླ་མ་དེ་ལ་ཕྱ…

གིས་བཏུགས་སྟེ་བསྩལ་བ་དང༌། མི་གཅིག་གི་སྒོར་བྲན་ཁྱིམ་དགུ་བརྒྱ་བསྩལ་པ་དང་སྦྱར་ན་སངས་རྒྱས་ཀྱི་ཆོས་བཟང་པོ་འདི་སྐུ་དང་ཆབ་སྲིད་ལ་སྨན་པར་འཚལ་སྟེ་མཐའ་ཡུན་དུ་རྗེ་འབངས་ཀྱིས་བཤུལ་བཟང་པོ་ཕྱེ་ངན་སོང་གསུམ་གྱི་སྒོ་ནི་བཀག་པ་ལ་སོགས་པ། ཡོན་ཏན་སྨོས་ཀྱིས་མི་ལང་བ་ཞིག་མཛད་པའི་རྐྱེན་བཀས་བསྐུལ་བ་བཞིན་མཛད་ན་མ་ནོངས་མོད་ཀྱང༌…

བྱ་བ་ཞིག་བྲག་དམར་དུ་མཆིས་པ་ལས། དེས་ལུས་ངག་གི་ཆོས་སྤྱོད་མི་དགོས། ལུས་ངག་གི་དགེ་བས་འཚང་མི་རྒྱ། དྲན་པ་མེད་ཅིང་ཡིད་ལ་བྱར་མེད་པ་བསྒོམས་པས་འཚང་རྒྱ་ཟེར་ནས་སྒོམ་བསླབས་པས་བོད་ཀྱི་བན་དྷེ་རིལ་པོ་ཐལ་གྱིས་ཁོའི་ཆོས་ལ་བསླབས་སྟེ་བསམ་ཡས་ཀྱི་གཙུག་ལག་ཁང་ལ་མཆོད་པ་འཕྲོ་ཆད། སློབ་གཉེར་དང་ལུས་ངག་གི་དགེ་བ་རྒྱུན་ཆད། རྦ་ར…

པས་མཁར་ཆུར་ཕྱིན། བཀའི་སྒྲོམ་བུ་བྲག་ཕུག་དུ་བསྐུར་སྟེ་ཞལ་མཇལ་བར་ཅི་གནང་ཞེས་ཞུས་པས་མཇལ་ནས་བདག་དངོས་རྐང་བཙུགས་སྟེ་འོངས་ན་བྱོན་ན་ཤིན་ཏུ་ཐུགས་ལ་བཏགས་སྟེ་བདག་ལ་ཡང་བྱ་དགའ་གནང་བར་བདོག །མ་བྱོན་ན་བདག་གསོད་པར་ཡོད་པས་བྲག་གཡང་འདི་ལ་བདག་འཕྱོངས་སྟེ་འགུམ་མོ་ཞེས་ཞུས་པས་ཡེ་ཤེས་དབང་པོའི་ཞལ་ནས། འདི་ངའི་དགེ་སྦྱོར་ལ་བར…

བརྒྱས་ཤེས་རབ་འབུམ་བླངས་སྟེ་བསམ་གཏན་གླིང་སྒོ་བཅད་ནས་ཟླ་བ་བཞིའི་བར་དུ་ཤགས་བསླབས། ཆོས་བྱ་མི་དགོས་ཉལ་བས་ཆོག་ཞེས་སྟོན་པ་བསམ་གཏན་ཉལ་ཆོག་གི་འཁོར་ལོ། དེ་ལ་རྩོད་པ་སྤོང་བ་བསམ་གཏན་གྱི་ལོན་དང་ཡང་ལོན་གཉིས། རིགས་པས་སྒྲུབ་པ་ལྟ་བའི་རྒྱབ་ཤ་དང་ལུང་གིས་སྒྲུབ་པ་མདོ་སྡེ་བརྒྱད་བཅུ་ཁུངས་ལ་སོགས་པ་བྱས། མདོ་སྡེ་དགོངས་པ་ང…

མ་བྱུང༌། བཙན་པོས་མཁན་པོ་གཉིས་དང་སྟོན་རྩེན་གྱི་བནྡྷེ་ཀུན་ལ་མེ་ཏོག་དཀར་པོའི་ཕྲེང་བ་རེ་རེ་ལག་དུ་ཕུལ་ནས་བཀའ་བསྩལ་པ། ངའི་མངའ་རིས་ཀྱི་འབངས་བོད་ནག་པོ་ལ་ཞེན་པ་རྣམས་ཀྱི་དོན་དུ་རྒྱ་གར་ནས་བོ་དྷི་ས་ཏྭ་སྤྱན་དྲངས་སྟེ་བོད་མི་ཉུང་ཤས་ཅིག་ཆོས་ལ་བཀོད། དད་པ་ཅན་ཤས་ཅིག་རབ་ཏུ་བྱུང༌། ལྷ་ཁང་འགའ་ཟུང་བཞེངས་སྟེ་དཀོནད་ཅོག་ག…

མི་སེམས་ཞིང་ཅི་ཡང་མི་བྱེད་པ་དེ་འཁོར་བ་ལས་ཡོངས་སུ་ཐར་བར་འགྱུར་རོ། །དེ་ལྟ་བས་ན་ཅི་ཡང་མི་བསམ་མོ། །སྦྱིན་པ་ལ་སོགས་པའི་ཆོས་སྤྱོད་རྣམ་པ་བཅུ་ལ་སྤྱོད་པ་ནི་སྐྱེ་བོ་དགེ་བའི་ལས་འཕྲོ་མེད་པ་བློ་ཞན་པ་དབང་པོ་བརྟུལ་བོ་རྣམས་ལ་བསྟན་པ་ཡིན། སྔོན་བློ་སྦྱངས་པ་དབང་པོ་རྣོན་པོ་དག་ལ་སྤྲིན་དཀར་ནག་གཉིས་གང་གིས་ཀྱང་ཉི་མ་སྒྲིབ་པ…

ངོ་བོ་མེད་པ་སྟོང་པ་ཉིད་མ་རྟོགས་ན་སྒྲིབ་པ་སྤོང་བར་མི་འགྱུར་བ་ཁོ་ནའོ། །སྟོང་པ་ཉིད་མ་རྟོགས་ཀྱང་དྲན་པ་མེད་པ་ཙམ་གྱིས་ཐར་པ་ཐོབ་པ་དང་གྲོལ་བར་འགྱུར་ན་ཁམས་གོང་མའི་ལྷ་ཐམས་ཅད་ཐར་པ་ཐོབ་པ་དང་གྲོལ་བར་འགྱུར་རོ། །དྲན་པ་ཅི་ཡང་མེད་པའི་རྨོངས་པའི་སེམས་ཀྱིས་ཡང་དག་པའི་ལམ་རྣལ་འབྱོར་དུ་ཇི་ལྟར་འགྱུར། དེ་ནི་གཉིད་སྟུག་པོའི་ར…

ན་བསམ་གཏན། ཆོས་རང་དང་སྤྱིའི་མཚན་ཉིད་ཤེས་ན་ཤེས་རབ་ཡིན། སྟོན་པ་འདས་ནས་རིང་ཞིག་དུ་ལྟ་བ་ལ་མཐུན་པ་མ་མཆིས། སླད་ནས་དབུ་མ་རྣམ་གསུམ་མ་མཐུན་སྟེ་རྩོད་པར་གྱུར། ད་ལྟ་སྟོན་རྩེན་གཉིས་ལྟ་བ་མ་མཐུན་སྟོན་མིན་ཅིག་ཆར་དུ་འཇུག་ཟེར་སྟེ་ཡང་དག་པ་མ་རྟོགས་མ་འཇལ་བས་དེ་ལྟར་གྱུར། འཇུག་སྒོ་ཐ་དད་ཀྱང་སངས་རྒྱས་འཐོབ་པར་འདོད་པར་ཅིག…

སྲོག་འཚོ་བ་ལ་ཡང་ཟས་དང་སྐོམ་དང་གོས་ལ་སོགས་པ་རྩོལ་སྒྲུབ་བྱ་དགོས་པ་ལ་བརྟེན་སྟེ་འཚོ་དགོས་ལ་དེ་དག་ལ་མ་བརྟེན་ན་འགུམ་སྟེ་ཟས་མ་མྱོང་ན་ཞག་བདུན་ན་ལྟོགས་སྟེ་འཆི་ན་ཐར་པ་སྒྲུབ་པ་ལ་ཆོས་སྤྱོད་རྣམ་པ་བཅུ་བྱ་དགོས་པ་ལྟ་ཅི་སྨོས། དེ་ལྟར་ཁུངས་མེད་ཅིང་ཐབས་ཤེས་ཡ་བྲལ་བའི་ཆོས་ཀྱིས་སངས་རྒྱས་ལ་སྐུར་སྟེ་བསླུས་པ་ཡིན། བྱང་ཆུབ་ས…

པོའི་ཞལ་ནས། ཧྭ་ཤང་གི་ཆོས་སྟོན་མིན་པ་ཅིག་ཅར་དུ་འཇུག་ཟེར་བ་དེ་ནི་ཆོས་སྤྱོད་རྣམ་པ་བཅུ་ལ་སྐྱོན་བཀལ་སྟེ་མི་བགྱིད། སེམས་པ་ནི་བྱིང༌། བདག་དང་གཞན་གྱི་བློ་སྦྱོང་གི་སྒོ་བཀག་སྟེ་འཕྲོ་བཅད་ན་སེམས་བྱིང་ཞིང་ཆོས་ནུབ་པར་འགྱུར་བས་འཕྲོ་ཆོད་ལ་དེ་ལྟ་བུ་ནི་ཁྱེད་རང་སྒོམས་ཅིག་གཞན་ཁྱེད་ཀྱི་འཁོར་རྣམས་དང་བོད་རྣམས་ད་སླན་ཆད་ལ…

དེར་རྗེ་བཙན་པོའི་ཐུགས་དགོངས་འགྲུབ་ནས་འབངས་ཐམས་ཅད་ཆོས་ལ་བཙུད་ཅིང་ལྷ་ཆོས་མི་དགྱིད་དུ་མི་གནང་བའི་ཕྱིར་དབུས་མཐའ་ཐམས་ཅད་དུ་སློབ་དཔོན་བསྐོས། ཞང་བློན་གྱི་བུ་ཚ་དང་བཙུན་མོ་ཐམས་ཅད་ཀྱང་ཀ་ཝ་ལི་རེ་རེ་ཐོགས་ནས་ཆོས་སློབ་ཏུ་བཅུག་གོ །དེ་ནས་སློབ་དཔོན་ཀ་མ་ལ་ཤཱི་ལ་ལ་བཙན་པོས་ཆོས་ཐམས་ཅད་ཐོས་བསམ་སྒོམ་གསུམ་གྱིས་བདག་མེད་པར…

དང་མ་འོངས་པའི་དུས་ཀྱང་རུང་སྟེ་བསྟན་པ་བྱེ་བ་ན་གང་ཆོས་ཀྱི་ཕྱོགས་དང་གང་ཆོས་མ་ཡིན་པའི་ཕྱོགས་སུ་གནས་པ་ནི་འདི་ཁོ་ནས་ཤེས་པར་ནུས་སོ། །ཆོས་མ་ཡིན་པའི་ཕྱོགས་རྣམས་ནི་ལྟ་བ་དང་གྲུབ་མཐའ་ཡང་ཉ་འབྲིད་པ་ལ་ལྕགས་ཀྱུའི་རྩེའི་ཟས་ལྟར་སྐྱེ་བོ་ཆོས་ལྟར་སྣང་བས་སླུ་བའི་ཕྱིར་དང་པོར་སྨྲ་བ་ཙམ་དུ་ཟད་ཀྱི། གང་ཁས་ལེན་པའི་ལྟ་སྤྱོད་དེ་…

རྙིགས་མ་ལྔའི་ནང་ནས་ལྟ་བའི་རྙིགས་མ་ཞེས་བྱ་བ་སྟོང་པ་ཉིད་ལ་དགའ་བ་ཡོང་བར་གསུངས་པས་བོད་ཁོ་ནར་མ་ཟད་རྙིགས་མ་ལྔ་བདོ་བའི་གང་ཟག་ཐམས་ཅད་དེ་ལ་དགའ་བ་ཆོས་ཉིད་ཡིན། དེའི་ཆོས་ལུགས་དེ་འཕེལ་ན་སངས་རྒྱས་ཀྱི་བསྟན་པ་སྤྱི་ལ་གནོད་པས་ཀ་མ་ལ་ཤཱི་ལ་སྤྱན་དྲོངས་ཅེས་དང༌། ཁྱེད་བརྩེ་མིན་པ་སྐྱབས་འགྲོ་སེམས་སྐྱེད་ནས་རིམ་པས་བྱེད་པ་སྤྲ…

ཡིན་སྟེ་སྤྱིར་སངས་རྒྱས་ཕལ་ཆེར་རྙིགས་མའི་དུས་སུ་མི་འབྱུང་ཡང་འོ་སྐོལ་གྱི་སྟོན་པ་འདི་ཐུགས་རྗེ་རྨད་ཏུ་བྱུང་བས་བྱང་སེམས་གཞན་གྱིས་སྤངས་པའི་རྙིགས་མ་ལྔ་བདོའི་སེམས་ཅན་རྣམས་ཀྱི་ནང་དུ་འཚང་རྒྱ་བར་སྨོན་ལམ་མཛད་དེ་སྙིང་རྗེ་པད་དཀར་ལས་རྒྱ་མཚོའི་རྡུལ་གྱི་སྨོན་ལམ་ཆེན་པོ་ལྔ་བརྒྱའི་གཅིག་འདི་ཡིན་ལ། དུས་ཀྱི་རྙིགས་མ་རྩོད་…

མདོ་སྡུད་པར། ཆོས་ཀུན་སྐྱེ་མེད་སྟོང་པའི་ཚུལ་དུ་རབ་ཤེས་པ། །འདི་ནི་ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན། །ཞེས་སོགས་བགྲང་ལས་འདས་པར་གསུངས་ཤིང༌། །མཁན་པོ་བོ་དྷི་ས་ཏྭ་ནི་འཕགས་པ་ཀླུ་སྒྲུབ་ཀྱི་ལུགས་འཛིན་པ་ཡིན་ལ་དེས་ནི་དབུ་མ་རྩ་བར། རྒྱལ་བ་རྣམས་ཀྱིས་སྟོང་པ་ཉིད། །ལྟ་ཀུན་ངེས་པར་འབྱིན་པར་གསུངས། །ཞེས་སྟོང་ཉིད་ནི་ལྟ…

ནི་འཁོར་བ་དངོས་པོར་ཞེན་པས་དེར་ལྷུང་གིས་དྭོགས་པས་དགེ་སྡིག་གཉིས་ཀ་མི་བྱེད་པ་དང་མྱང་འདས་དངོས་པོར་ཞེན་པས་ཅི་ཡང་མ་བྱས་པ་དེས་ཐོག་དུ་རེ་བའི་ཕྱིར་དམིགས་པར་ལྟ་བ་སྟུག་པོ་ཡིན་ནོ། །སེམས་ངོ་རྟོགས་ན་གྲོལ་བར་འཆད་པ་རྣམས་ཀྱང༌། ཤེས་རབ་ཀྱིས་ནི་ཆོས་ཀྱི་རང་བཞིན་ཡོངས་ཤེས་ནས། །ཁམས་གསུམ་མ་ལུས་པ་ལས་ཡང་དག་འདའ་བར་འགྱུར། །ཞེས…

རྣམས་ཀྱིས་བཅུག་པར་གོ་སླའོ། །སྟོན་རྩེན་གྱི་རྩོད་པ་ཞི་ནས་སླར་བསྟན་པ་ལ་བྱ་བ་མཛད་ཚུལ་ནི་རྦ་བཞེད་ལས། དེ་ནས་ཆོས་འཁོར་གྱི་རྐྱེན་ཉིས་བརྒྱ་ལྔ་བཅུ་བླ་ནས་གནང་སྟེ་བཅོམ་ལྡན་འདས་ཀྱི་རིང་ལུགས་ལ་ལོ་རེའི་ཟླ་བ་གཅིག་ལ་ནས་ཁལ་བདུན་བཅུ་རྩ་ལྔ། ན་བཟའ་ནི་མང་སྟེ་འཕན་གྱི་བྲུངས་ལ་སྦྱོར། ན་བཟའ་ཕྲུགས་རེ་རེ། སྤོད་མར་སྲང་སྟོང་ད…

དབང་པོས་ཁམ་གྱི་ཟས་སྤངས་སྟེ། །འདས་ནས་རིང་སྲེལ་མཆོད་རྟེན་བརྒྱ་རྩ་བྱས། །སྤྲུལ་པའི་ཆོས་རྒྱལ་ཁྲི་སྲོང་ལྡེ་བཙན་དེས། །ལྷ་སྲས་ཐུ་བོ་མུ་ནེ་བཙན་པོ་ལ། །རྒྱལ་སྲིད་གཏད་སྟེ་ཆོས་ཀྱི་རྒྱལ་པོར་བསྐོས། །ཟུར་མཁར་སྨིག་མའི་ཚལ་དུ་སྒོམ་དུ་གཤེགས། །སྐུ་ཡི་བང་སོ་མུ་ར་རི་ལ་བརྩིགས། །གྲལ་ནི་ཡབ་ཀྱི་རྒྱབ་ངོས་གཡས་ན་ཡོད། །ཡབ་ཀྱི་འོད…