སྣོད་ཀྱི་དུས་སྟོན་ཡོད། །བྲན་མོ་གྲུབ་མ་ཞེས་པའི་རོ་དཀྲིས་པའི། །གསོ་རས་བླངས་སྟེ་བཀྲུས་ཤིང་ཁ་བསྒྱུར་ནས། །ཕྱགས་བདར་ཁྲོད་པའི་སྣམ་སྦྱར་མཛད་པར་གྱུར། །དེ་ཚེ་འཛམ་གླིང་རྩི་ཤིང་ལྡུམ་བུ་ཀུན། །རང་རང་ལོ་འདབ་མེ་ཏོག་འབྲས་བུ་རྒྱས། །ཀུན་ཀྱང་རྩེ་ཀུན་རྡོ་རྗེའི་གདན་དུ་ཕྱོགས། །བུར་ཤིང་ལ་སོགས་རང་རང་བཅུད་རྣམས་འཛག །ས་ཆེན་འད…

ཞིང་འབབ། །བདུད་ཀྱི་བུ་མོ་རྣམས་ཀྱིས་ཆགས་པ་ཡིས། །བསླུ་བར་བརྩམས་པ་རྒན་མོར་བྱིན་བརླབས་སྟེ། །སླར་ཡང་རྒྱལ་སྲས་ཉིད་ལ་སྐྱབས་སུ་སོང༌། །ཁྱོད་ཀྱིས་བསགས་པའི་ཚོགས་གཉིས་དེ་ཙམ་གྱིས། །འཚང་རྒྱ་རིགས་པ་མིན་ཞེས་བདུད་ཀྱིས་རྒོལ། །བྱང་ཆུབ་སེམས་དཔས་སྡིག་པ་ཅན་ཁྱོད་ཀྱིས། །གཏན་མེད་མཆོད་སྦྱིན་གཅིག་ཅིག་བྱས་པ་ཡིས། །འདོད་པའི་ཁམས་…

ཀུན་དགའ་བོ་ཞེས་དུས་ལས་མིང་དུ་བཏགས། །དེ་ལྟར་མངོན་པར་རྫོགས་པར་སངས་རྒྱས་ནས། །སྐྱིལ་ཀྲུང་ཉིད་ཀྱིས་ཏཱ་ལ་བདུན་སྲིད་ཀྱི། །ཚད་དུ་ལན་བདུན་འཕགས་སྟེ་ཆེད་དུ་བརྗོད། །ལྷ་རྣམས་ཀུན་གྱིས་རྒྱ་ཆེར་མཆོད་པར་གྱུར། །སངས་རྒྱས་མ་བྱུང་དུས་སུ་དམུས་ལོང་ཞིང༌། །སངས་རྒྱས་བྱུང་དུས་མིག་རབ་རྙེད་པ་ཡི། །ཀླུ་ཡི་རྒྱལ་པོ་ནག་པོས་ཀུན་ནས་བས…

དུ་མའི་ལྷུང་བཟེད་ཕུལ་བ་མ་བཞེས་ནས། །རྡོ་ཡི་ལྷུང་བཟེད་རེ་རེ་ཕུལ་བ་བཞེས། །གཅིག་དུ་བྱིན་རླབས་བསོད་སྙོམས་བཞེས་ནས་ནི། །ཚོང་པ་རྣམས་ལ་བདེ་ལེགས་ཚིགས་བཅད་གསུངས། །ལྷུམས་སུ་ཞུགས་ནས་མཛད་པ་འདི་ཡི་བར། །ཕལ་ཆེར་ཐུན་མོང་སྐྱེ་བོའི་མཐོང་བ་ཡི། །དབང་བྱས་ལུང་དང་མངོན་བྱུང་རྒྱ་རོལ་ལྟར། །ཉུང་ངུར་བསྡུས་ནས་ཅུང་ཟད་བརྗོད་པ་ཡིན། …

དེ་སྐད་བསྐལ་བཟང་རྒྱལ་བ་ཐམས་ཅད་ཀྱི། །ཆོས་ཀྱི་འཁོར་ལོ་བསྐོར་བར་སྐུལ་བ་པོ། །ཚངས་པས་གསོལ་བའི་མོད་ལ་ཞལ་གྱིས་བཞེས། །གཞན་གྱིས་གསོལ་བ་བཏབ་ལ་ང་མི་ལྟོས། །སྐྱེ་བོ་འདི་ཀུན་ཚངས་ལ་དད་པ་སྟེ། །དེ་ཡིས་གསོལ་བཏབ་འཁོར་ལོ་བསྐོར་རོ་གསུངས། །སྔོན་གྱི་སློབ་དཔོན་རིང་འཕུར་ལྷག་སྤྱོད་གཉིས། །དྲང་བར་དགོངས་ཚེ་འདས་མ་ཐག་པར་མཁྱེན། །ཐ…

སྒྲ་འབྱིན་སྟེ། །སྔོན་ཚེ་ལྷ་མི་སུས་ཀྱང་མ་བསྐོར་བའི། །ཆོས་འཁོར་བསྐོར་བ་མཐོང་ཞེས་ཆེད་ཏུ་བརྗོད། །ཐེག་དམན་ལུགས་ལ་ཆོས་འཁོར་གཞན་མི་འདོད། །ཐེག་ཆེན་ལུགས་ཀྱི་ཆོས་འཁོར་དང་པོ་ཡིན། །གྲགས་པ་ཁྱིམ་ན་གནས་བཞིན་དགྲ་བཅོམ་བཀོད། །མི་སློབ་ཁྱིམ་གནས་སྲིད་པ་མིན་ཞེས་གསུངས། །དེ་སོགས་ཉེ་བའི་ལྔ་སྡེ་རབ་ཏུ་བྱུང༌། །རིགས་གཙོའི་བུ་ནི…

ཅན་སྙིང་པོ་དད་པར་མཛད། །མགོན་མེད་ཟས་བྱིན་དད་དང་བདེན་པ་ལ། །བཞག་སྟེ་རྒྱལ་བྱེད་ཚལ་གྱི་ཀུན་ར་བཞེས། །རྫོགས་སངས་རྒྱས་ནས་ལོ་བདུན་ལོན་པའི་ཚེ། །ཡབ་ཀྱི་ཕོ་ཉ་མདུན་ན་འདོན་འཆར་ཀ །དེ་ལྟའི་ཆོ་གས་བསྙེན་པར་རྫོགས་སུ་བཅུག །རྫུ་འཕྲུལ་བཀོད་པས་སེར་སྐྱའི་གྲོང་དུ་གཤེགས། །ཡབ་ཀྱིས་བསྟོད་ཕྱག་གསུམ་པ་མཛད་པར་གྱུར། །ཆོས་གསུང་ཚེ་…

དགེ་ཚུལ་གྱུར། །སྔོན་གྱི་དྲང་སྲོང་མས་བྱིན་དགྲ་བཅོམ་བཀོད། །རུས་ལས་ཀ་ཏྱ་ཡཱ་ན་ཞེས་པར་གྲགས། །མཐའ་ཁོབ་འདུལ་བར་བྱེད་པའི་མཆོག་དུ་བསྟན། །དེ་ཡིས་གཏུམ་པོ་རབ་སྣང་འཁོར་བཅས་བཏུལ། །ལྷོ་ཕྱོགས་གསེར་སའི་རྒྱལ་པོ་ཀབ་ཕི་ན། །དམག་ཚོགས་ཁྲི་རེར་ལྡན་པའི་བློན་པོ་ནི། །བརྒྱད་ཁྲི་བཞི་སྟོང་ལྡན་པ་བཏུལ་བྱས་ནས། །རབ་བྱུང་དགེ་སློང་བསོ…

ཞེས་ལུང་བསྟན་དགག་པའི་ཕྱིར། །བླུན་པོ་དུ་མས་འབད་ཀྱང་དགག་མ་ནུས། །ཇི་སྐད་ལུང་བསྟན་གཡོ་བ་མེད་པར་གྱུར། །དཔལ་སྦས་ཀྱིས་ནི་སྒོ་དྲུང་མེ་དོང་བཤམས། །དུག་ཅན་ཟས་སྦྱར་མགྲོན་དུ་སྤྱན་དྲངས་ཚེ། །ཞབས་བཞག་ཙམ་གྱིས་མེ་དོང་པདྨའི་མཚོ། །བུང་བའི་ཁྱུ་མང་སྒྲ་འབྱིན་ལྡན་པར་གྱུར། །པདྨར་ཞབས་བཀོད་ནང་དུ་སྟན་ལ་བཞུགས། །དཀོན་མཆོག་གསུམ་ལ…

ཛས་མི་སྙན་ཚིག །ལྔ་བརྒྱ་བརྗོད་པས་སྤྱོས་ཤིང་དམད་པ་དང༌། །དགྲ་མཐའི་གྲོང་དུ་དབྱར་གནས་མཛད་པ་ན། །རྟ་ཆས་ནས་རུལ་གསོལ་བར་བསྟན་པ་དང༌། །སེར་སྐྱ་བཅོམ་ཚེ་དབུ་བསྙུན་གྱུར་པ་སྟེ། །ལས་ཀྱི་རྣམ་པ་བཅུ་པོ་ལུང་བསྟན་མཛད། །གཞན་ཡང་དགེ་འདུན་དབེན་གྱིས་བྱེ་བ་དང༌། །ལྷས་བྱིན་གྱིས་འཕངས་རྡོ་བས་རྨ་དོད་སོགས། །ལས་ཀྱི་རྒྱུ་ནི་འདི་ཞེས་…

པར་གསུངས། །དེ་ཚེ་ལས་ལམ་རྣམ་པ་བཅུ་སོགས་ཀྱང༌། །དེས་འདུལ་འགྲོ་ལ་ཐབས་ཀྱི་མཛད་པ་སྟེ། །རྫོགས་སངས་རྒྱས་ལ་མི་དགེའི་ལས་མེད་ཅེས། །གསང་ཆེན་ཐབས་ལ་མཁས་པའི་མདོ་རུ་གསུངས། །ལྷས་བྱིན་འཁོར་དང་བཅས་དང་དྲུག་སྡེ་དང༌། །བདུད་དང་མུ་སྟེགས་ཇི་སྙེད་སྣང་བ་ཡང༌། །སྟོན་པ་ཉིད་ཀྱི་ཐབས་ཀྱི་མཛད་པ་ཡིས། །རྒྱལ་བའི་ཆེ་བ་དབྱུང་བར་བྱེད་པ་སྟ…

མདོ་སྔགས་འདི་ཐམས་ཅད། །ཇི་ལྟར་འཁྲུལ་ལྡན་སྐྱེ་བོའི་ངག་བཞིན་དུ། །གཅིག་རྗེས་གཅིག་མཐུད་ཁོ་ནར་མ་འཁྲུལ་ཞིག །ཚད་བཟུང་མེད་པའི་ཡུལ་གྱི་ཚད་འཛིན་ན། །མཁས་པར་གྲགས་ཀྱང་བྱིས་ལས་བྱིས་པར་གོ །ཇི་ལྟར་འགྲོ་མང་དུས་གཅིག་གཉིད་ལོག་ན། །སོ་སོའི་ཁམས་དང་རྐྱེན་དང་བག་ཆགས་ལས། །རྨི་ལམ་སྣང་བ་ཐ་དད་འབྱུང་མོད་ཀྱི། །ཀུན་ལ་བདེན་རྫུན་ཐོ…

པའི་རྣམ་པར་ཐར་པ་མཐོང་བཞིན་ནོ། །ཐེག་ཆེན་དབང་བྱས་མྱང་འདས་མཛད་པ་ཡང༌། །སྙིང་རྗེ་པད་དཀར་མྱ་ངན་འདས་མདོ་དང༌། །ཁྱེ་འུ་བཞི་ཡི་མདོ་སོགས་ལས་གསུངས་ལྟར། །དཔག་ཡས་བསྟན་རྣམས་སྐྱེ་བོས་དཔག་མི་ནུས། །ཐུན་མོང་བྱིས་པའི་གདུལ་བྱའི་སྣང་ངོ་རུ། །ཀུན་དགའ་བོ་ཡིས་ཞམ་རིང་བྱས་ནས་ནི། །ཡུལ་གྱི་དབུས་དང་བྱང་ཕྱོགས་ཕལ་མོ་ཆེ། །ཞབས་ཀྱིས་བ…

མདའ་ལྷུང་བར་གྱུར། །མཆོག་ཟུང་ལ་སོགས་ཉན་ཐོས་ཆེན་པོ་ནི། །མང་ཞིག་ཕུང་པོའི་ལྷག་སྤངས་མྱ་ངན་འདས། །གྲོང་ཁྱེར་ཆེན་པོ་རྩྭ་ཅན་དུ་གཤེགས་སྟེ། །ལམ་དུ་རྡོ་བ་འཕངས་པའི་མདོ་སྡེ་ཡིས། །གྱང་རྣམས་བཏུལ་སྟེ་སཱ་ལའི་ཚལ་གྱི་དབུས། །ཐ་མའི་གཟིམས་ཁྲི་ལ་བཞུགས་མགར་བའི་བུ། །ཙུནྡ་ཞེས་བྱ་སངས་རྒྱས་སྡོང་པོ་ཡི། །ཐ་མའི་བསོད་སྙོམས་འབུལ་པོར…

ཚོགས་རྒྱ་མཚོ་ཀུན། །མྱ་ངན་སྨྲེ་སྔགས་སྡུག་བསྔལ་སྣ་ཚོགས་བྱེད། །ལྷ་རྫས་མཆོད་པ་དཔག་ཡས་འཛམ་གླིང་གང༌། །སྐུ་གདུང་དམ་པ་སྣམ་སྦྱར་ལྔ་བརྒྱ་དང༌། །རས་ཟུང་ལྔ་བརྒྱས་དཀྲིས་སྟེ་འཁོར་སྒྱུར་གྱི། །གདུང་ལྟར་ལྕགས་སྣོད་འབྲུ་མར་གྱིས་བཀང་བར། །བཞུགས་སྟེ་དྲི་ཞིམ་ཤིང་སྤུངས་ཞུགས་ལ་ནི། །བཞེན་པར་བརྩམས་ཚེ་མེ་སྦར་མ་ནུས་ནས། །ལྷ་མིག་ལ…

མེ་ལྟར་མྱ་ངན་འདས་ཤིང་ཙནྡན་གྱི། །ཞུགས་ཀྱིས་སྐུ་གདུང་སྦྱོང་བའི་མཛད་པ་འོ། །དེ་སྐད་སྨྲས་པས་རྒྱལ་པོ་སྐྲག་གྱུར་སྟེ། །ཅི་ག་སྟོན་པ་མྱ་ངན་འདས་གྱུར་ཏམ། །དབྱར་བྱེད་ཀྱིས་ནི་ལྷ་ཉིད་དེ་སྐད་གསུངས། །བདག་ནི་དེ་སྐད་བརྗོད་པར་མི་སྤྲོ་འོ། །ཞེས་སྒྲས་ཐོས་པས་རྒྱལ་པོ་ས་ལ་འགྱེལ། །ཡུན་རིང་བརྒྱལ་ཚེ་སྔ་ནས་བཤམས་པ་ཡི། །ཏིལ་མར་གཞོ…

མཉམ་པར་བགོ །བུམ་པ་འདི་ནི་བདག་གིས་མཆོད་པར་བྱ། །ཞེས་སྨྲས་ཀུན་ཀྱང་དགའ་ཞིང་མཐུན་གྱུར་ནས། །ཆ་བརྒྱད་བགོས་པས་ཡུངས་འབྲུ་ལྟ་བུ་ཡི། །རིང་བསྲེལ་མ་ག་དྷ་ཡི་ཁལ་རེ་བྱུང༌། །སོ་སོར་བྱིན་ནས་གདུང་གི་སོལ་བ་རྣམས། །བྲམ་ཟེ་ནྱ་གྲོ་དྷ་སྐྱེས་ཀྱིས་བླངས་སྟེ། །བཅུ་པོ་སོ་སོའི་ཡུལ་དུ་མཆོད་རྟེན་བྱས། །འོན་ཀྱང་མ་སྐྱེས་དགྲ་ཡི་སྐལ་བ་…

གང་ཚེ་མཆོག་ཟུང་མྱ་ངན་འདས་པའི་ཚེ། །དགྲ་བཅོམ་བརྒྱད་ཁྲི་དང་ནི་བདུན་ཁྲི་འདས། །སྟོན་པ་མྱ་ངན་འདས་ཚེ་དགྲ་བཅོམ་པ། །ཁྲི་དང་བརྒྱད་སྟོང་ཕུང་པོའི་ལྷག་མ་སྤངས། །དབང་ཐོབ་དགེ་སློང་ཉུང་ངུར་གྱུར་པ་ཡིས། །ཚེ་ཚད་བསྐལ་མང་ཐུབ་པའི་ལྷ་རྣམས་ནི། །དབང་ཡོད་དགེ་སློང་རྣམས་ཀྱང་འདས་པའི་ཕྱིར། །སྟོན་པའི་གསུང་རབ་དུད་པ་ཙམ་དུ་གྱུར། །དཀོ…

དགེ་འདུན་ལ་ནི་སྐྱེ་འཕགས་གང་ཡང་ཡོད། །དགྲ་བཅོམ་རྣམས་ཀྱང་རྟག་དུ་མཉམ་བཞག་མིན། །དེ་བས་ཕྱིན་ཆད་འཕྱོང་བར་མ་བྱེད་ཅེས། །འོད་སྲུང་ཆེན་པོས་དམ་བཅའ་བྱིན་ནས་ནི། །ལྷ་ཡི་གནས་འདིར་དམ་ཆོས་བགྲོ་བྱ་ཞེས། །བསྐུལ་བས་རྒྱལ་པོ་དགའ་ཞིང་མགུ་གྱུར་ནས། །ཡོ་བྱད་མ་ལུས་ལེགས་པར་སྦྱར་ནས་ནི། །ནྱ་གྲོ་དྷ་ཡི་ཕུག་དུ་ལྔ་བརྒྱ་ཡི། །དགེ་སློང་འ…

པའི་དུས་གཅིག་ན། །ཞེས་པ་བརྗོད་པ་ཙམ་གྱིས་ལྷ་རྣམས་ནི། །མྱ་ངན་ལྡང་གྱུར་ཀྱེ་མ་བཅོམ་ལྡན་འདས། །ད་ནི་ཐོས་པའི་ལམ་དུ་གཤེགས་པར་གྱུར། །སྔོན་ཚེ་ཆོས་སྟོན་བདག་གིས་མངོན་སུམ་མཐོང༌། །ད་ནི་འདི་སྐད་བདག་གིས་ཐོས་ཅེས་གླེང༌། །འདི་ཡང་དེང་དུས་ཐོས་པ་ཙམ་དུ་ཟད། །ཀྱེ་མ་འདུས་བྱས་ཐམས་ཅད་འདི་འདྲ་ཞེས། །ཤུགས་འབྱིན་མཆོད་པའི་ལས་ལ་བརྩོན…