བྱམས་པའི་དུས་སུ་ངག་བཞིན་སྒྲུབ། །ཅེས་གསུངས་པས་དེ་རྣམས་ན་རེ། ངེད་རྣམས་མི་ཡུལ་མཐིལ་ནས་འོངས། །ཡིན་པ་ཞིང་སྐྱོངས་མཁའ་འགྲོ་ཡིན། །ཁྱེད་ལ་བསྐུལ་མ་མི་འཚལ་ཡང༌། །སེམས་ཅན་དོན་དུ་སྐུལ་དུ་འོངས། །བརྩེ་བའི་ཡུལ་ལ་མི་བརྩེ་ན། །ཐུགས་རྗེའི་མངའ་བདག་ཇི་ལྟར་ལགས། །ཅེས་ཟེར་ནས་སྡེ་ཚན་སོ་སོས་མིང་དང་སྲོག་སྙིང་ཕུལ་བ། གསང་བ་རྡོ་…

འཁྲུལ་སྣང་ཡིན་དགོངས་སྟེ་བཤིག་ཡང་འཕྲོར་མ་འདོད་ནས་ལན་གསུངས་པ། བདག་འཛིན་རྣམ་རྟོག་བྲག་པས་སྲ། །ང་རྒྱལ་རི་བོ་གནམ་ལས་མཐོ། །འདི་ལ་ཐོས་པའི་གཟོང་བཙུགས་སྟེ། །སྒོམ་པའི་རྒྱོགས་རྡོ་འཕངས་ལགས་ཀྱང༌། །འཇིག་པས་སེར་ཀ་ཅུང་མ་མཐོང༌། །འགྲོ་དྲུག་སྐུ་ཁམས་ཅི་བདེར་བཞུགས། །ཞིང་སྐྱོང་ཇི་ལྟར་དགྱེས་དགྱེས་མཛོད། །ཅེས་གསུངས་པ་དང༌། …

ནི་འགྲན་སེམས་ཆེ། །འགྲོ་དྲུག་ཀུན་ཡང་རྒྱུད་ངན་རེངས། །དེ་ལ་ཕན་ཐབས་མི་གདའ་བས། །ཁྱེད་ལ་བསྐུལ་མ་ཅིས་ཀྱང་འདེབས། །ཅེས་ཟེར་རོ། །དེ་ནས་ཐུགས་རྗེས་ཆེན་པོ་གཡོས་སྟེ་ལན་གསུངས་པ། དལ་འབྱོར་མི་ལུས་བླང་ས་མེད། །མཚན་ལྡན་བླ་མ་རྙེད་པར་དཀའ། །རྙིགས་དུས་མངལ་དེ་གྲིབ་རེ་ཆེ། །འདས་མ་འོངས་ཀྱི་དྲན་པ་སྟོར་ནས་འགྲོ། །སེམས་ཅན་འགྲོ་དོ…

རིན་ཆེན་འཇའ་ཡི་ལམ་སྣ་བདོག །དལ་འབྱོར་མི་ལུས་བླང་ས་བདོག །མང་ཡུལ་བཀྲ་ཤིས་གུང་ཐང་ན། །ཇོ་མོ་བཀྲ་ཤིས་གཡུ་ཆུང་མ། །ཞུར་མོ་གངས་ཀྱི་མདུན་ཤེད་ན། །འོམ་ལུང་བཀྲ་ཤིས་འཁན་ཐང་དུ། །ཕ་ཏིག་ལེ་འོད་གསལ་ཁང་པ་བདོག །རྩ་ཕུ་རིན་ཆེན་ཆེ་བའི་གངས། །ཕུ་གསུམ་འཛོམ་པའི་ཀླུང་ཤོད་ན། །རྩ་ལུང་མི་ལའི་འཁྲུངས་ས་བདོག །ལྷོ་རི་དམར་སྨུག་མདངས…

ནག་པོ་ཅན་ཤར་ཕྱོགས་ཀྱི་ན་མཁའ་ལ་བྱོན་སོང་བར་གཟིགས་སྟེ་སྤྱན་ཆབ་བྱུང༌། བཞུགས་པར་ཞུས་པས་ད་རེས་ཅིས་ཀྱང་འགྲོ་མྱུར་དུ་འཕྲད་འོང་གསུངས་ནས་བཞུད་པ་གཟིགས། མདང་རྨི་ལམ་ངན་རིན་པོ་ཆེ་ཀརྨ་པ་མི་བཞུགས་པ་འདྲ་གསུངས་ནས་མཆོད་པ་ཆེན་པོ་མཛད་ཏོ། །དེ་ལྟར་རྙིགས་དུས་ཀྱི་འདྲེན་པ་གཅིག་པུ་བ་ཐམས་ཅད་མཁྱེན་པ་རང་བྱུང་རྡོ་རྗེ་དེ་ནི་ལ་ས…

བསྐལ་པ་རྒྱ་མཚོར་བཟོད་པ་དང་བྱམས་པ་ལ་གོམས་པའི་ཕྱིར་དང་ཚོགས་གཉིས་སུ་དང་ཡང་མི་མཚུངས་པའི་ཕྱིར་ཁྱེའུ་དེ་སུས་མཐོང་ཡང་ངོ་མཚར་གྱི་མིག་བགྲད་སྟེ་ཨེ་མ་འདི་རྨི་ལམ་མིན་ན་རུང་སྟེ་ཞེས་སེམས་པ་དང་མཆོད་པའི་འཚོགས་ཆས་སྣ་ཚོགས་ཀྱིས་མཆོད་ཅིང་སྙན་པར་གྲགས་སོ། །རེ་ཞིག་བཏང་སྙོམས་པ་ལྟར་མཛད་ནས་དགུང་ལོ་གསུམ་པ་ལ་ཕྱིང་པ་ནག་པོ་ལ་ཞྭ་…

མ་སེམས་དཔའ་ཆེན་པོ་གསེར་ཁང་པ་དེར་གྲལ་དབུ་ལ་བྱོན་པས་དྲི་བ་ཞིབ་ཏུ་ཞུས་པ་ན་རྣམ་ཐར་བར་དོ་མ་གསུངས་སྟེ་ཁོང་གིས་ཡི་གེར་བཏབ་ཅིང་ཞབས་གཙུག་དུ་བླངས། གླང་འཁོར་སྤྱོད་མཆོད་ཀྱི་དུས་སྐུ་གདུང་ཀ་རུ་ལ་ངོ་མཚར་གྱིས་གཟིགས་སྣང་དུ་མ་དང་འོད་ཟེར་རང་ཉིད་ལ་ཐིམ་པར་གཟིགས་ཤིང་ཡབ་ལས་ཞི་བྱེད་སོ་ལུགས་དང་རྒྱུད་ཕྱི་གསན། ཤེལ་གྱི་ཁྲི་ར…

ཆེན་པོ་འོང་བར་འདུག་གསུངས། ཁྲི་ཆེན་པོ་དེ་ལ་ཤད་ཀྱིས་བྱོན་ནས་བཞུགས། ཁྱོད་སུ་ཡིན་གསུངས་པས་ཕྱག་ན་མཁའ་ལ་བརྐྱངས་སྟེ་ང་ནི་མིང་ཡོངས་སུ་གྲགས་པ་ཀརྨ་པའོ་གསུངས། སྔོན་གྱི་མཇལ་ལུགས་ཤོད་ཅིག་གསུངས་པས། ལ་སྟོད་ཀྱི་བན་བཙུན་ཨོ་ཌྱན་པ། །ཁོ་བོའི་མདུན་དུ་འོངས་ནས་ཀྱང༌། །རྒྱ་གར་ཤར་ནུབ་ཀྱི་གླེང་མོ་གཏོང༌། །རྡོ་རྗེ་གདན་གྱི་བཀ…

འཕར་ཚང་གི་གྲོང་འཇུག་གི་ཚུལ་གསུངས། བདེན་བརྫུན་ལྟ་གསུངས་ནས་འཕྲལ་དུ་མི་བཏང་བས་ངེས་པ་འདྲོངས། མངལ་དུ་ཕྱི་རོལ་གྱི་ཡུལ་མ་བསྒྲིབས་པར་གཟིགས་པ་དང༌། ཡུམ་གྱིས་འདི་སྐད་ཅིག་ཀྱང་མི་སྡོད་པར་འདུག་པས་བུ་མོར་འོང༌། ཡབ་ཀྱི་རྨི་ལམ་ལས་བུར་འོང་ཟེར་བ་གསན་གསུངས་པས་ཡབ་ཡུམ་བོས་གདོང་འཛོམ་མཛད་པས་ཀུན་ཡིད་འཆེས་སྟེ་རྒྱ་གར་དུ་སང…

དུ་ལྷ་འདྲེ་དཔག་མེད་ཀྱིས་བསུ་ཞིང་འདུད་པ་དང་དབང་དུ་འདུས་ཤིང༌། རང་ཉིད་གསང་བའི་བདག་པོ་དངོས་སུ་གཟིགས། མ་མགོན་དང་སྔགས་བདག་གི་མཚུར་ཕུར་མྱུར་དུ་བྱོན་ཞེས་བསྐུལ་སྟེ་ཕེབས། གྲོང་འཇུག་མཛད་པའི་བྱིས་པའི་མ་དེ་བོས་ནས་མཛོ་མོ་ཞིག་གནང་ཁྱོད་ཀྱིས་ངའི་མིག་ལ་ཅི་བྱས་གསུངས། ས་ཞིག་བཏབ་ལགས་ཟེར། བླ་མ་གཉན་རས་ཀྱིས་མཇལ་བའི་ཚེ…

མཐའ་དག་གསན། འཇམ་དབྱངས་ཤཱཀ་གཞོན་པ་ལ་ཚད་མ་མདོ་སྡེ་བདུན་ཡན་ལག་དང་བཅས་པ། མངོན་པ་གོང་འོག་ས་སྡེ་དང་བཅས་པ། བྱམས་ཆོས་ལྔ་འགྲེལ་བཅས། དབུ་མ་རྩ་འཇུག་བཞི་གསུམ་འགྲེལ་པ་དང་བཅས་པ་ལ་སོགས་མཚན་ཉིད་ཀྱི་ཐེག་པ་ཆེ་ཆུང་གི་གཞུང་ལུགས་མཐའ་དག་གསན། དགུང་ལོ་བཅོ་བརྒྱད་པ་བཤོལ་དང་མངལ་ཟླ་བརྩིས་པའི་ཉི་ཤུར་ཚང་བ་ན་དགེ་འདུན་སྒང་པའི་འ…

བ་རིག་པ་གསན། བཤེས་གཉེན་ཚུལ་རིན་པ་ལ་གསང་འདུས་འཕགས་སྐོར་སོགས་མདོར་ན་བོད་ཀྱི་ཡུལ་དུ་བཀའ་བསྟན་བཅོས་མན་ངག་འགྱུར་རོ་ཅོག་ཐམས་ཅད་གསན་པར་མཛད་སྟེ་དམ་པའི་ཆོས་ལ་གུས་པ་དང༌། བླ་མ་མེད་པར་རང་གཟོས་མི་འཇུག་པའི་གདམས་ངག་མིག་ལྟོས་སུ་སྟོན་པར་མཛད། དེ་ཐམས་ཅད་ཀྱང་ཚར་རེ་གསན་པ་ཙམ་གྱིས་ཚིག་དོན་མཐའ་དག་སྐད་ཅིག་རེས་ཐུགས་སུ་ཆུད…

ནགས་ཚལ་ཆེན་པོ་ཡོད་པ་ལ་བློ་བུར་དུ་མེ་ཤོར་ནས་ཐམས་ཅད་ཅི་བྱའི་གཏོལ་དང་བྲལ་སྟེ་མཁས་བཙུན་གཞོན་ནུ་འབུམ་གྱིས་མེའི་འཇིགས་པ་ལས་བསྐྱབ་ཏུ་གསོལ་ཞེས་ཞུས་པས། བདག་ནི་ལྷག་བསམ་རྣམ་དག་དང་ལྡན་སྟེ། །སྔོན་ཚེ་རྒྱལ་བ་རྣམས་ལ་ཚོགས་བསགས་ཤིང༌། །ད་ལྟར་ས་བཅུའི་དབང་ཕྱུག་ཡིན་གྱུར་ན། །བདེན་པ་འདི་ཡི་བདེན་ཚིག་བརྗོད་པའི་མཐུས། །མེ་ཆེན…

བརྟག་གཉིས་ཀྱི་འགྲེལ་པ་མཛད་པ་ན་བྱང་ཆུབ་སེམས་འགྲེལ་མཐའ་དག་ཐུགས་ལ་མ་བསྒྲིབས་པར་གསལ། མཚུར་ཕུའི་རི་ཁྲོད་སྐུངས་སུ་ཕྱི་ནང་གི་གཟའ་སྐར་དུས་སྦྱོར་ཐམས་ཅད་ཇི་ལྟ་བར་གཟིགས་སྟེ་རྩིས་ཀུན་བསྡུས་པའི་བསྟན་བཅོས་མཛད། ཇོ་མོ་གངས་ལ་སོགས་པར་དབེན་པ་མཛད་པ་ན་སློབ་དཔོན་པདྨ་རང་ཉིད་ལ་ཐིམ་པ་དང༌། བྱང་ཕྱོགས་ཀྱི་ཞིང་ཁམས་ཅིག་ན་འཇམ་…

བོ་མཁའ་འགྲོ་འདུས་པའི་འཇའ་འོད་ཀྱིས་ན་མཁའ་ཁྱབ་པར་གཟིགས་སྟེ་དམ་ཚིགས་རྒྱ་མཚོ་རྩ་འགྲེལ་མཛད། ཇོ་བོ་གངས་དཀར་གྱི་ཕུག་པར་སློབ་དཔོན་པདྨའི་སྐུ་བཞེངས་ཚེ་དེའི་འཕྲིན་ལས་ཀྱི་ལྷག་མ་ད་དུང་རིང་དུ་འབྱུང་བར་མཁྱེན། གཡས་རུ་ཤངས་ལ་བྱོན་སྟེ་སོ་ནམ་ཁོ་མའི་འབྲོང་ལ་བྱེད་ཟེར་ཞིང་འབྲོང་ནས་བྲ་བྱི་ཡན་གསོད་པས་འཚོ་བའི་ལུང་ནག་དེའི་ས…

ཕྱོགས་སུ་རླུང་གིས་ཁྱེར་སྟེ་མ་འདུས་པས་ངའི་ཆོས་ཀྱི་བསྟན་པ་འབྱུང་གསུང་སྟེ་ཕྱིས་ཕག་མོ་ཀར་ལུགས་གནས་དེར་དར། ཙཱ་རི་སར་རྙིང་ཐམས་ཅད་དུ་ངོ་མཚར་གྱི་བཀོད་པ་གཟིགས་ཤིང་གནས་མི་གསལ་བ་དུ་མ་ཞལ་ཕྱེ། རྟ་བར་རྒྱལ་འཛིན་དུ་གཙང་པོས་ཞིང་དང་ཚལ་ཁྱེར་ནས་མཚོར་གྱུར་པ་ལ་སྐྱབས་ཞུས་པས་གྲུ་ཁ་ཅུང་ཟད་འགྱུར་འོང་ཁྲི་རྩིགས་ཅིག་གསུངས་ནས་…

རམ་སྤང་དུ་ཕེབས་ཚེ་ཚད་མ་པཎ་ཆེན་པས་ཚིབས་རགས་ཀྱི་ཁྲོད་དུ་གནས་ཆེན་ཙཱ་རིའི་མཁྲིས་སུ་སླེབ་ནས་མ་མཇལ་ཞུས་པས། ཙཱ་རིའི་གནས་དགུན་གྱི་ཁ་བས་ནོན་པས་ངས་བསྟན་མི་ཐུབ། ཙཱ་རིའི་མཁའ་འགྲོ་དགོས་ན་བསྟན་གྱི་གསུངས། སྟོན་པར་ཞུ་ཞུས་པས་རླུང་བུས་ལྟ་སྟངས་མཛད་སྟེ་ཆིབས་སྔོན་ལ་ཤར་གྱིས་བཞུད། ཅུང་ཟད་ན་ན་བུན་དང་འཇའ་ཚོན་འདྲེན་མ་ནར་…

ཐུགས་དལ་ཞིང་ལྷོད་ཆགས་པ་ལས་མི་གཡོ་བར་གཟིགས། ཆོས་ཀྱི་དཀའ་བའི་གནས་རྣམས་དྲིས་པ་ན་དེ་ཙམ་ནི་དཀའ་བ་མ་ཡིན་སྟེ་དེ་ལས་གཞན་འདི་དང་འདི་ལྟ་བུའོ་ཞེས་གསུང་བ་ན་སྔོན་རྣ་ལམ་དུ་ཡང་མ་གསན་པ་ཁོ་ན་གསན། ཉིན་རེ་རེ་བཞིན་མཁས་པ་དང་གྲུབ་པའི་མཐའ་ཇེ་མི་དཔོགས་སུ་སོང༌། བློའི་ར་བ་ལས་བརྒལ་སྟེ་ཞབས་ལ་སྤྱི་བོས་གཏུགས་ནས་སྤྲུལ་པའི་སྐུ་…

བདག་བློས་ནོངས་པར་གྱུར་པ་མཐོལ་ཞིང་བཤགས། །སླན་ཆད་ཁྱོད་ཀྱི་རྣམ་ཤེས་ཚོགས་དྲུག་འདི། །བྱ་བ་སྒྲུབ་དང་སོ་སོར་རྟོགས་པ་ཡི། །ཡེ་ཤེས་དག་པ་དྲི་མེད་ཡིན་མིན་གྱི། །ཐེ་ཚོམ་གཅོད་མཛད་ཁྱོད་ལ་ཕྱག་འཚལ་ལོ། །ཞེས་ཆེད་དུ་བརྗོད་པ་བྱས། ཡང་རྣམ་ཐོས་ཚལ་དུ་རྒྱལ་བའི་ཚེམས་བསྟན་པའི་ཚེ་ལོ་ཙཱ་སྒྱུར་ཞིག་གསུངས། ཁོང་གིས་སྐད་འགགས་ནས་མི་ཐ…

ཏུ་མང་པོ་བྱུང་ཞིང་ཆོས་དབྱིངས་བསྟོད་པའི་འགྲེལ་པ་མཛད། དགེ་བསྙེན་རྡོ་རྗེ་རྒྱལ་པོའི་གནས་སོག་གི་ཆུ་ལ་ཟམ་པ་མཛད་པ་ན་ཀླུ་དེས་འཕྲིན་ལས་ཐམས་ཅད་སྒྲུབ་པར་ཁས་བླངས། སྤྱན་རས་གཟིགས་ཀྱིས། རྙིགས་དུས་གཡེང་བ་བྱས་ན་བར་ཆད་འབྱུང༌། །དབེན་གནས་གཞན་དུ་ཕྱིན་ཡང་ཆོས་མི་འཕེལ། །དེ་བས་དཔལ་ལྡན་ནགས་ཕུའི་རི་ཁྲོད་སོང༌། །ཞེས་བསྐུལ་བས…