བྲེ་ཆེན་རེ་རེ་ཕུལ། །ཐུབ་པ་འོད་ཟེར་མ་ཞེས་གྲགས་པ་ཡིན། །འདི་དག་བསྟན་འདིའི་བྲིས་སྐུའི་ཐོག་མ་ཡིན། །ཁྱིམ་བདག་དད་ལྡན་རྣམས་ཀྱིས་གདུགས་ཚོད་ལ། །དགེ་འདུན་སྤྱན་དྲངས་སྟོན་པ་མ་གཤེགས་ཚེ། །གྲལ་གྱི་ཐོག་མ་མི་བརྗིད་གྱུར་མཐོང་ནས། །ཁྱིམ་བདག་ཆེན་པོ་མགོན་མེད་ཟས་སྦྱིན་གྱིས། །སྟོན་པས་གནང་ན་བདག་གིས་རིན་ཆེན་ལས། །སྟོན་པའི་སྐུ་…

བྱ་མ་སྐྱེས་དགྲ་ཡི་བུས། །ང་ཡི་བཀའ་ཀུན་གླེགས་བམ་འབྲི་འགྱུར་ཞེས། །སྟོན་པ་ཉིད་ཀྱིས་སྔོན་དུ་ལུང་ཡང་བསྟན། །སེར་སྐྱའི་གྲོང་དུ་སྐུ་བལྟམས་མཆོད་རྟེན་དང༌། །མ་ག་དྷ་རུ་བྱང་ཆུབ་ཆེན་པོ་ཉིད། །ཝ་ར་ཎ་སིར་ཆོས་འཁོར་མཆོད་རྟེན་སྟེ། །མཉན་དུ་ཡོད་པར་ཆོ་འཕྲུལ་མཆོད་རྟེན་དང༌། །ཀ་ཤིའི་གྲོང་དུ་ལྷ་ལས་བབས་པ་ཉིད། །རྒྱལ་པོའི་ཁབ་ཏུ་ད…

བཀང་སྟེ། །ཨོ་ཌྱན་མཁའ་འགྲོའི་ཡུལ་དུ་སྤྱན་དྲངས་བཞུགས། །ལན་བདུན་བསྐོར་བས་མཆོག་དངོས་འགྲུབ་བོ་སྐད། །ཆོས་སྐུའི་རྟེན་འདིས་ལྷ་དང་མཁའ་འགྲོ་འདུལ། །རཱ་ཧུ་ལ་ཡིས་ཀླུ་ཡི་རིན་ཆེན་ཚོགས། །སྤུངས་པ་བཞུ་བཏུལ་བླུག་པས་ལོངས་སྐུའི་རྟེན། །རྣམ་སྣང་གངས་ཆེན་མཚོ་རྒྱལ་ཞེས་བྱ་བ། །དཔག་ཚད་བརྒྱད་བཅུ་མཆུ་ཞེང་གབ་པའི་སྐུ། །སྐུ་མདོག་མཐི…

མཐུན་པར་མ་གྱུར་ནས། །བི་ཤྭ་ཀརྨས་ཞབས་ཀྱི་ཐེའུ་ཆུང་ལ། །ཐིག་སྐུད་བཏགས་ནས་འཇལ་བར་བརྩམས་པའི་ཚེ། །ཇི་ཙམ་བསྲིངས་ཀྱང་ཚད་ལོན་མ་གྱུར་ནས། །འོད་མདངས་དགའ་བ་ཞེས་བྱའི་འཇིག་རྟེན་ན། །སངས་རྒྱས་དགའ་དཔལ་བཞུགས་པའི་དྲུང་དུ་སླེབས། །ད་དུང་དབུ་ཡི་གཙུག་དང་མ་མཉམ་ཚེ། །འདི་ནས་མི་འབྱེད་ཞིང་དུ་ཙམ་མཆི་ཞེས། །གསོལ་བས་རྒྱལ་བ་དེ་ཡིས་འད…

སྣང་བའི་སྐུ་ཚད་དངོས་དང་མཚུངས་པར་བྱས། །གསུམ་གའང་རྫོགས་སངས་རྒྱས་པའི་ཚུལ་དང་བསྟུན། །ས་གནོན་མཉམ་བཞག་སྤྱན་གྱིས་འཁོར་ལ་གཟིགས། །ཕྱག་ཞབས་འཁོར་ལོ་གཙུག་ཏོར་རིན་ཆེན་སྤྲས། །ཁ་དོག་སྣ་ཚོགས་འཇའ་འོད་ལྟ་བུར་འདུག །སྙན་ཁུང་ཁྲོ་བོ་བདུད་རྩི་འཁྱིལ་པས་བརྒྱན། །ཁྲི་སྟན་སེང་གེ་བརྒྱ་རྩ་བརྒྱད་ཀྱིས་བཏེག །རྒྱབ་ཡོལ་མཛད་པ་བཅུ་གཉ…

ཕྱག་རྡོར་སྤྲུལ་པ་ཤུ་ལན་བྷ་ཏི་དང༌། །བྱམས་པ་གྲུབ་པ་དཀར་རྒྱལ་བྱ་བ་ཡོད། །གཉིས་པོས་ཕྱག་རྡོར་དང་ནི་བྱམས་པར་སྤྲུལ། །བྱམས་པས་ཀླུ་རྣམས་བདུད་རྩིའི་ཆར་གྱིས་བྲིད། །ཕྱག་ན་རྡོ་རྗེས་ཀླུ་རྣམས་གཟིར་ཞིང་བསྡིགས། །བྱམས་པས་བསྐྱབས་སྟེ་སྟོན་པའི་ཁྲུས་རྫིང་ནས། །སྐུ་གཉིས་སྤྱན་དྲངས་མ་འོངས་འཛམ་གླིང་གི །བསྟན་པ་ནུབ་ཚེ་སྐུ་གཉིས་…

ལྔ་པ་ནི། །ཅི་འུ་དབང་རྒྱལ་རྒྱལ་སྲིད་བྱེད་པའི་ཚེ། །ནུབ་ཀྱི་ཕྱོགས་ནས་སྒྲ་དང་འོད་ཟེར་སོགས། །རྫོགས་པའི་སངས་རྒྱས་བལྟམས་པའི་ལྟས་རྣམས་མཐོང༌། །རྩིས་པས་རྩིས་བྱས་ནུབ་ཕྱོགས་རྒྱ་གར་དུ། །གང་ཟག་རླ་མེད་གཅིག་ནི་སྐྱེས་པར་འདུག །ལོ་སྟོང་འདས་ནས་དེ་ཡིས་ཆོས་ལུགས་ནི། །རྒྱ་ནག་ཡུལ་དུ་འོང་ཞེས་ལུང་བསྟན་སྐད། །དེ་ལྟར་ཅི་འུའི་རྒ…

མེ་ཏོག་དགྲ་བཅོམ་མཆོད་ཕྱིར་འཐུ་འོ་སྐད། །ཁྱེ་འུ་གསུམ་གྱིས་འགྲོགས་སྟེ་ཕོ་བྲང་ཕྱིན། །བཅོ་ལྔའི་ཚེས་ཉིན་གདུགས་ཚོད་ལ་བབ་ཚེ། །མ་དྲོས་མཚོ་ནས་དགྲ་བཅོམ་དགེ་འདུན་རྣམས། །བྱོན་སྟེ་ཕོ་བྲང་ནང་དུ་སྟན་ལ་བཞུགས། །ལྷ་ཆེན་འཁོར་བཅས་ཀྱིས་མཆོད་མཆོད་སྟོན་གསོལ། །མེ་ཏོག་གིས་གཏོར་ཞབས་ལ་ཕྱག་བྱས་ནས། །ཆོས་ཉན་སྨོན་ལམ་མང་པོ་བཏབ་པར་ག…

སྔོན་མེད་ཅིག་བྱུང་ཀུན་གྱིས་གསོད་པའི་ཚེ། །དེད་དཔོན་གྱིས་ནི་ནོར་གྱིས་ཀླུས་སྟེ་བཏང༌། །མི་དེ་རྒྱ་མཚོའི་ནང་དུ་ཅབ་ཀྱིས་སོང༌། །གྲུ་ཐོན་ཚེ་ན་ང་ནི་ཀླུ་ཞིག་ཡིན། །བདག་སྲོག་བསྐྱབས་པའི་ལན་དུ་འདི་འབུལ་ཞེས། །རིན་ཆེན་མརྐ་ཏ་ཡི་སྡོང་པོ་ནི། །ལྗང་ཞིང་སྔོ་ལ་གནག་པའི་འོད་འཚེར་བ། །དབྱིབས་ནི་ཉ་ཡི་ལྟོ་འདྲ་ཞིག་བྱིན་ནོ། །དེད་ད…

འདི་ནི་ཅུང་ཟད་སྔོ་བའི་མདངས་དང་ལྡན། །སྟོན་པའི་མཛོད་སྤུ་སུམ་བཅུ་རྩ་གཉིས་ནི། །དཀར་ཞིང་འོད་ལྡན་ངང་གིས་གཡས་སུ་འཁྱིལ། །འདི་ནི་དེ་བས་ཅུང་ཟད་མི་གསལ་ཙམ། །ཁྱད་པར་བརྒྱད་པོ་འདི་དག་མ་གཏོགས་པ། །སྟོན་པ་དངོས་དང་ཁྱད་པར་མི་སྣང་ངོ༌། །མ་འོངས་ཕྱི་རོལ་པ་དང་རྟེན་འགྲན་ཚེ། །ཡོན་ཏན་བརྒྱད་ཀྱང་འདི་ལ་སྣང་བར་འགྱུར། །སུས་མཐོང་དབང…

སྟོན་པ་མཆོག་ལ་སླར་ཡང་གུས་བསྡུས་ནས། །དེ་ཡི་བསྟན་ལ་བྱ་བ་བྱེད་པ་ཡི། །འཕགས་པའི་ཡུལ་དུ་ས་སྐྱོང་མང་བྱུང་བ། །དེ་ལས་ཇི་ཙམ་ཐོས་པ་བརྗོད་པར་བྱ། །རྩ་བ་མེད་པའི་དད་པར་ལྡན་པ་ཡི། །བསྟན་པའི་སྦྱིན་བདག་རྒྱལ་པོ་མ་སྐྱེས་དགྲས། །མ་ག་དྷ་དང་ཨངྒ་ཡངས་པ་ཅན། །ཀོ་ས་ལ་ཡི་རྒྱལ་ཁམས་ཆེན་པོ་དང༌། །ཝ་ར་ཎ་སི་ལ་སོགས་དབང་བྱས་སྟེ། །ཐམས་ཅད་…

དག་ནི་འདས་པ་ན། །སྣང་བ་མེད་ཅིང་ཉེས་པར་བཅས། །མི་ཤེས་མུན་པས་རབ་ཏུ་བསྒྲིབས། །དེ་ཚེ་ས་ནི་སྟོང་པ་སྟེ། །རྒྱལ་བ་རྣམས་ཀྱི་སྤངས་པ་ཉིད། །དེ་ཚེ་མི་བཟང་ཆེན་པོའི་དུས། །གྲོང་ཁྱེར་མེ་ཏོག་ཅན་དུ་ནི། །མྱ་ངན་མེད་ཅེས་བྱ་བ་ཡི། །རྒྱལ་པོ་ས་ནི་སྐྱོང་བྱེད་པ། །སོགས་དང༌། དེ་ལྟར་རྫུ་འཕྲུལ་ཆེ་བདག་ཉིད། །དེ་ཚེ་སྟོབས་ཀྱི་འཁོར་སྒྱུ…

རྒྱལ་པོ་མྱ་ངན་མེད་ཅེས་བྱ་བར་འགྱུར། །བྱེ་མ་ཕུལ་འདིའི་འབྲུ་གྲངས་དང་མཉམ་པའི། །ང་ཡི་རིང་སྲེལ་ལྡན་པའི་མཆོད་རྟེན་ནི། །འཛམ་བུའི་གླིང་ཀུན་ཁྱབ་པར་བྱེད་པར་འགྱུར། །ཁྱེ་འུ་གཅིག་ཤོས་དེ་ཡི་བློན་པོར་འགྱུར། །འཛམ་གླིང་རྣལ་དུ་འགོད་པར་བྱེད་ཏོ་གསུངས། །སྔོན་ཚེ་བྱེ་མ་ཕུལ་བའི་ས་ཡིན་ཞེས། །ནཱ་ལེནྡ་ན་དེ་ཡི་མཆོད་རྟེན་ཡོད། །སྟ…

ལྷ་མིན་འཐབ་རྩོད་ལྷ་ཡི་ལོངས་སྤྱོད་དེ། །ཀུན་ལ་རེ་མོས་ཚུལ་གྱིས་འབངས་རྣམས་སྦྱར། །མིང་ཡང་གཏུམ་པོ་མྱ་ངན་མེད་ཅེས་གྲགས། །དེ་ཚེ་ཤར་ཕྱོགས་བྱ་གག་ཀུན་ར་ན། །འཕགས་པ་ཀུན་དགའ་བོ་ཡི་སློབ་མ་ནི། །དགེ་སློང་དབང་པོའི་སྡེའམ་གྲགས་པ་ཞེས། །དགྲ་བཅོམ་རྣམ་ཐར་བརྒྱད་དང་ལྡན་པ་བཞུགས། །དེ་ཡི་སློབ་མ་དགེ་ཚུལ་གཞོན་ནུ་ཞིག །བསོད་སྙོམས་ས…

གཞན་ལ་གནོད་པར་གྱུར་དོགས་ནས། །འཕགས་པས་རྒྱལ་པོའི་དྲུང་དུ་མྱུར་བར་བྱོན། །སྡིག་པ་སྦྱོང་ཕྱིར་རིང་སྲེལ་ལྡན་པ་ཡི། །མཆོད་རྟེན་བྱེ་བ་ཕྲག་གཅིག་གྱིས་ཤིག་གསུང༌། །རྒྱལ་པོས་དེ་ཙམ་མི་འགྲུབ་ཅེས་སྨྲས་པས། །ཁྱོད་ནི་རྒྱལ་བས་སྔོན་དུ་ལུང་བསྟན་གྱི། །མི་དང་མི་མིན་ཀུན་ལ་བཀའ་སྒོས་དང༌། །རིང་པོར་མ་ཐོགས་འགྲུབ་པར་ངེས་སོ་གསུངས། །…

གྲངས་ནི་བྱེ་བ་སྙེད་ཡོད་ཕྱིར། །དེང་སང་བྱེ་བ་མཆོད་རྟེན་ཞེས་སུ་གྲགས། །གསུམ་དང་བརྒྱད་དང་བྱེ་བ་ལ་སོགས་པ། །བདེ་གཤེགས་མཆོད་རྟེན་རྣམས་ལ་ཕྱག་འཚལ་ཞེས། །ཀླུ་སྒྲུབ་ཞབས་ཀྱིས་བཤད་པའང་འདི་ཉིད་ཡིན། །ཀུན་ན་རྒྱལ་བའི་རིང་སྲེལ་རེ་རེ་བཞུགས། །མདོ་ལས་མཆོད་རྟེན་བརྒྱད་ཁྲི་བཞི་སྟོང་ཞིག །བྱེད་པར་འགྱུར་ཞེས་ལུང་བསྟན་ཁོ་ན་སྣང༌།…

ཞལ་ན་རེ། །འཛམ་བུ་ཆུ་བོའི་གསེར་ལས་རྒྱལ་པོ་ཡི། །གཟུགས་དང་ཀླུ་ཡི་གཟུགས་ཤིག་ཚར་མཉམ་གྱིས། །ལྷན་ཅིག་ཁྲུས་ཀྱི་རྫིང་བུར་དོར་ཅིག་གསུངས། །དེ་ཚེ་ཀླུ་ཡི་གཟུགས་ནི་གཟི་འོད་འབར། །ཆུ་ལ་མ་བྱིངས་སྟེང་དུ་འཕགས་ཤིང་གསལ། །རྒྱལ་པོའི་སྐུ་གཟུགས་མོག་ཞིང་ཆུར་བྱིངས་ནས། །དེ་ཡི་མདུན་དུ་ཕྱག་བྱེད་ཚུལ་གྱིས་བུབ། །དགྲ་བཅོམ་ཞལ་ནས་ད་ལྟ…

ནོན་པའི། །མི་ཡི་རྒྱལ་པོ་མྱ་ངན་མེད་པ་དེ། །ལྷག་པར་བསོད་ནམས་མཐུ་ལ་ཡིད་འཆེས་སྟེ། །དགེ་འདུན་ལ་ནི་གསེར་སྲང་བྱེ་བ་བརྒྱ། །འབུལ་བའི་ཡི་དམ་བརྟེན་པོ་བཟུང་བར་གྱུར། །འདི་ལ་ཆོས་རྒྱལ་མྱ་ངན་མེད་ཀྱིས་ཀླུ་བཏུལ་བའི་ལེའུ་ཞེས་བྱ་བའི་རྟོགས་བརྗོད་ཡོད་ཅིང་དཔག་བསམ་འཁྲི་ཤིང་གི་ཡལ་འདབ་དོན་གསུམ་པ་ཡང་འདི་ཡིན། རྒྱལ་པོ་དེ་ཡི་ཀུན…

ཀྱི་ཆོས་ལྡན་པས། །དགའ་ལྡན་ལྷ་ཡི་རིགས་སུ་གཤེགས་པར་གྱུར། །མཐར་ནི་རྫོགས་འཚང་རྒྱ་བར་ལུང་དུ་བསྟན། །གཞན་ཡང་འཇམ་དཔལ་རྩ་བའི་རྒྱུད་ཆེན་ལས། །རྒྱལ་པོ་ལུང་བསྟན་མདོར་བསྡུས་བརྗོད་བྱས་ན། །མྱ་ངན་མེད་འོག་མྱ་ངན་བྲལ་ཞེས་འབྱུང༌། །གོས་དཀར་མོ་གྲུབ་ཆོས་ཀྱི་ངང་ཚུལ་ཅན། །ལོ་ནི་བདུན་བཅུ་རྩ་དྲུག་མཆོད་རྟེན་མཆོད། །དེ་ཡི་འོག་དུ་དཔ…

ལུས་དེས་ལྷ་མིན་བསྟེན་སྟེ་ཡུན་རིང་འཚོ། །ཤི་འཕོས་མནར་མེད་དམྱལ་བའི་གནས་སུ་སྐྱེ། །སྡུག་བསྔལ་མི་བཟད་མཐའ་ཡས་མྱོང་བར་འགྱུར། །དེ་ནས་ཤི་འཕོས་ཀླུ་ཡི་རྒྱལ་པོར་སྐྱེ། །འཇིགས་པའི་གཟུགས་ཅན་མ་རུངས་དུག་འཛིན་པ། །མི་བཟད་སྡིག་པའི་ལས་ལམ་བྱེད་པར་འགྱུར། །དེ་ནས་ཤི་འཕོས་རྫུ་འཕྲུལ་ཆེན་པོ་ཡི། །ཡི་དྭགས་གཤིན་རྗེའི་རྒྱལ་པོར་རབ་ཏ…