ཅོག་གི་སྟེང་དུ་བཞག་སྟེ་ཐོ་རེངས་སྟོན་པ་བྱང་ཆུབ་པའི་དུས་ཚོད་ལ་ལོངས་སྤྱོད་རྫོགས་པའི་སྐུ་ཡང་ཆོས་ཀྱི་དབྱིངས་ཉིད་དུ་བསྡུས་སྟེ་འོད་གསལ་བ་ཆེན་པོའི་དབྱིངས་སངས་རྒྱས་ཐམས་ཅད་དང་རྣམ་དབྱེར་མེད་པའི་ངོ་བོ་ཉིད་དུ་ཞུགས་སོ། །དེའི་ཚེ་ས་གཡོ་བ་འཇའ་དང་མེ་ཏོག་གི་ཆར་ཉིན་རེ་བཞིན་འཕེལ་ཡང་སྤྱིར་དྲུང་གར་བཞུགས་སུ་ངོ་མཚར་གྱི་ལྟས་…

འཐོར་བར་འབྲེལ་བ་ཉ་བྱུས་ཀྱི་ཁ་དོག་ལྟ་བུ་ལ་མགྲིན་པ་ཡན་གྱི་སྐུ་ཚིགས་ཞལ་བཅུ་གཅིག་དུ་དོད་ཅིང་སྐུ་རྩིབ་རྣམས་རེ་རེའང་ཕྱག་མང་པོའི་རི་མོ་ཕྱག་མཐིལ་གྱི་སྤྱན་དང་བཅས་སྟེ་ཆེས་གསལ་བ་སྤྱན་རས་གཟིགས་བཅུ་གཅིག་ཞལ་ཕྱག་སྟོང་སྤྱན་སྟོང་པའི་རྣམ་པ་རྒྱན་ཐམས་ཅད་རིང་སྲེལ་ལས་བྱས་པ་ཆེས་བསལ་བར་བྱོན་པ་རྒྱལ་ཚབ་སྤྲུལ་པའི་སྐུས་རྩེ་ལྷ་…

ཞིག་འཛིན། འོན་ཡང་དེང་སང་ཚུ་རོལ་མཐོང་བ་པ་ཁ་ཅིག་གི་མཐོང་བ་དང་སྦྱར་ན་བུ་སློབ་ཀྱི་གཙོ་བོ་ནི་རྒྱལ་ཚབ་སྤྲུལ་པའི་སྐུ་བཀྲ་ཤིས་རྣམ་རྒྱལ༏ སྤྱན་སྔ་རིན་པོ་ཆེ་ཞྭ་དམར་བ་བཞི་པ་སོགས་མཆོག་གི་སྤྲུལ་པའི་སྐུ་དུ་མ་དང༌༏ སྐུ་གསུང་ཐུགས་ཡོན་ཏན་འཕྲིན་ལས་གྱི་གདན་ས་ཁག་ལྔའི་ཁྲི་ཟུར༏ ཕག་མོ་གྲུའི་སྤྱན་སྔ་ཚེས་གཉིས་པ༏ འབྲི་ཁུང་…

ཆེན་པོའི་མཁས་གྲུབ་མང་པོ་དང༌། རྗེ་བཙུན་སྐྱ་སེ་རྟོགས་ལྡན༏ གྲུབ་ཆེན་ཆུ་འཕུར་བ། སངས་རྒྱས་མཉན་པ༏ གཞན་བླ་མ་ཀུན་དགའ་དཔལ༏ ཟུར་མང་བྱ་བྲལ༏ རྒྱ་སྟོན་བྱ་བྲལ༏ གསི་དཀར་ཀུན་སྤངས་པ༏ བླ་མ་གྲགས་རྒྱལ་བ་སོགས་རྟོགས་ལྡན་རྣལ་འབྱོར་གྱི་དབང་ཕྱུག་སྒྲུབ་རྒྱུད་ཀྱི་བསྟན་འཛིན་ཆེས་མང་པོ་དང༌། པཎྜི་ཏ་ཆེན་པོ་ཤཱཀྱའི་མཆོག་ལྡན༏ མི་…

ཚད་མེད་དུ་མཛད་པ་དུ་མ་དང༌། ཞོ་ཁ་མ་ཎི་བ་དང་མ་ཎི་བ་ལྷུན་གྲུབ་རྒྱ་མཚོ་ལ་སོགས་མ་ཎི་བའི་སྐོས་ཇ་བཀའ་ཤོག་གནང་ནས་མདོ་དབུས་སུ་མ་ཎིའི་འཕྲིན་ལས་ཅན་དུ་མ་དང༌། ཆུ་དཀའ་ཐུབ་པ་དང༌༏ གྲུབ་ཐོབ་འཚེམ་བུ་པ་དང༌། རྟོགས་ལྡན་འདན་ཆུང་སོགས་སྦས་པའི་རྣལ་འབྱོར་པ་དུ་མ་དང༌། སྨྱུག་ལའི་ནང་སོ་འབྲོམ་པ། ཁྲི་དཔོན་བཀྲ་ཤིས་དར་རྒྱས་ལ་སོགས…

སྒང་གི་བླ་ཆེན་རྣམས་ལ་སོགས་མཁས་པའི་ཚོགས་བགྲང་བ་ལས་འདས་པ་དང༌༏ འགོས་ལོ་ཙཱ་བ་ཆེན་པོ་གཞོན་ནུ་དཔལ༏ ལོ་ཆེན་བསོད་ནམས་རྒྱ་མཚོ༏ ཆག་ལོ་ཙཱ་བ་རིན་ཆེན་ཆོས་རྒྱལ་སྐུ་མཆེད༏ རྗེ་ཞ་ལུ་ལོ་ཙཱ་བ་ལ་སོགས་སྐད་གཉིས་སྨྲ་བའི་དབང་པོ་དུ་མ་དང༌༏ ཤར་རབ་འབྱམ་པ༏ ཤར་ཁ་རས་ཆེན༏ གཙང་སྨྱོན༏ དབུས་སྨྱོན༏ འཁྲུལ་ཞིག་སངས་བསམ་པ༏ འབྲུག་སྨྱོ…

ཕུལ་སྟེ་མི་རིང་བ་ན་མྱ་ངན་ལས་འདའ་བར་བསྟན་སྟེ་ངོ་མཚར་གྱི་ལྟས་དུ་མ་བྱུང་ངོ༌། །ཞྭ་དམར་ཅོད་པན་འཛིན་པ་བཞི་པ་ནི་དཔལ་མཁའ་སྤྱོད་དབང་པོས་ཤར་ནས་ཤར་གྱི་ཕྱོགས་སུ་སྐྱེ་བ་འཛིན་པས་འགྲོ་བའི་དོན་བྱེད་པར་འགྱུར་རོ་ཞེས་ལུང་བསྟན་པ་ལྟར་སྔ་མའི་འཁྲུངས་ཡུལ་ལས་ཤར་ཕྱོགས་མདོ་སྨད་ཀྲེ་ཤོད་ཁང་དམར་དུ་ཡབ་ལྡོང་དགོན་པ་སྐྱབས་དང་ཡུམ་དབྲ…

རྟེན་འབྲེལ་དུ་མ་གཟིགས། ལྕགས་མོའི་སར་སྔོན་རྗེ་མཐོང་བ་དོན་ལྡན་ལ་མ་དད་པ་བྱས་པ་ཅིག་མངོན་པར་མཁྱེན་སྟེ་བཀའ་བསྩལ་བས་བཤགས་པ་བྱས། དམར་གྱི་འབྲིང་པོར་ཆུ་བོ་ཆེར་བྲུབ་པས་ལམ་བགྲོད་དཀའ་བ་ན་གཏོར་མ་གནང་བའི་མོད་ལ་ཞི། རྔ་རོས་ཀྱིས་ཚུན་བྱོན། རས་སུ་ནགས་ཚལ་མེས་ཚིག་པའི་འཇིག་པས་ཉེན་པ་ན་མགོན་པོས་ཆུ་རྒྱུན་འབེབས་པར་གཟིགས་ས…

འཁོར་བཅས་ལ་གནོད་པར་མི་འགྱུར་ཟེར་སྟེ་ཐོག་དུ་བབ། ཤིང་དམར་རོ་ལྡེམ་སོགས་སུ་ཡི་དམ་ཆོས་སྐྱོང་དང་བཀའ་རྒྱུད་བླ་མ་གཟིགས། བྲང་བྱིའུ་ཡུལ་བདག་ལ་བཀའ་བསྒོས་པ་ནད་ཡམས་ཆད། ཀོང་པོའི་ལྷ་མིས་བསུས་སྟེ་དགུང་ལོ་བཅུ་གཉིས་པ་སྤྲེ་ལོ་ལ་ཀོང་པོར་བྱོན། མ་ར་སྟེང༌། སྟག་རྩེ། ལུང་བསྟན་མཁར། དགའ་ལྡན་མ་མོ་རྣམས་སུ་བྱོན་སྟེ་སོ་སོར་ཞ…

དང་སར་དུ་ཞལ་ཕྱེ་བ་དུ་མ་མཛད། འཁོར་ལོ་སྡོམ་པའི་དཀྱིལ་འཁོར་ཞལ་གཟིགས་པ་ན་གཞན་དག་གི་ཀྱང་འཇའ་འོད་ཙམ་དུ་སྣང༌། མཚོ་དཀར་དུ་མཚོ་དབུས་ན་ཤེལ་གྱི་མཆོད་རྟེན་བཞུགས་པར་བཤད་པའང་གཟིགས། རིན་ཕུག་དུ་མཁའ་འགྲོ་མ་སེང་གདོང་ཅན་གསུམ་གྱི་དྲི་བའི་ལན་མཛད། རི་བོ་ཨ་མ་ར་དྷཱུ་ཏའི་ཕྱོགས་བཞི་ནས་ཆུ་དཀར་བཞི་འབབ་པའི་འགྲམ་དུ་བྱོན་པ་ན་…

ལུང་བསྟན་གཟིགས་སྟེ་སྙན་ངག་གི་མཁྱེན་པར་རང་བྱུང་དུ་བྱུང༌། འཇའ་ཚོན་གླིང་དུ་དགྱེས་རྡོར་ཤིན་དུ་གསལ་བ་ཡུལ་གྱིས་མ་བསྒྲིབས་པར་གཟིགས་ནས་དེའི་སྒོ་ཕྱེ། དགའ་ལྡན་མ་མོར་ཁྲི་མཐོན་པོའི་སྟེང་དུ་འདུག་ནས་སྐྱེ་བོ་དཔག་མེད་ལ་འཇམ་དབྱངས་ཀྱི་བསྟོད་པ་གང་བློ་མའི་གླེགས་བུ་ཕྱག་དུ་བཟུང་ནས་དོན་བཤད་སྟེ་ཞལ་དུ་མིད་པར་གཟིགས་པ་ན་སད་…

ཀྱི་དབང་ཕྱུག་མཁས་གྲུབ་ཆེན་པོ་དེས་སྔོན་ཅིག་ཆར་དུ་དབུ་རི་བའི་འགྲོ་མགོན་མཛད་པ་ན་ལས་ཚན་གྱི་ཆགས་སྡང་ཆེས་པས་ཐུགས་སྐྱོ་བ་སྐྱེས་སྟེ་དབུ་རི་པང་མོ་རྒོད་པ་ལ་གཏད་ནས་ཅིག་ཆར་ཤར་མའི་གནས་སྒོ་འབྱེད་དུ་བྱོན་པ་རྟེན་འབྲེལ་མ་འགྲིག་པས་མཚོ་དཀར་ཁྱུང་རྫོང་དུ་ལོ་གསུམ་སྒྲུབ་པ་མཛད་པས་སྒམ་པོ་ལྷ་རྗེས་སླེབས་རོམ་དང་རིན་ཕུག་གི་གནས་…

རྣམས་ཀྱིས་བྱིན་གྱིས་རློབ་པར་གཟིགས། རྗེ་སྒམ་པོ་པའི་ཆོས་ཁྲི་ལ་བཞུགས་སྟེ་དྭགས་པོའི་ཆོས་བཞི་གསུངས་ན་མེ་ཏོག་གི་ཆར་བབ། དེ་དག་དུ་སྒྲུབ་པ་ཟླ་བ་དགུར་མཛད་པ་ན་དག་སྣང་དང་ངོ་མཚར་མང་ཞིང་ཚེ་སྒྲུབ་མཛད་ཚེ་བུམ་པ་དྲུག་བཅུ་རྩ་གཉིས་རྙེད་པའི་ལྟས་གཟིགས། ཐུགས་དམ་ཆེས་འཕེལ་ཞིང་རྟེན་འབྲེལ་མང་དུ་གཟིགས། ཕུག་མོ་ཆེ་ཏྲག་ཤ་ཡང་ཡང…

ཕྱོགས་དེར་ཕེབས་པའི་དྲུང་དུ་བྱོན་སྟེ་རྗེའི་དྲུང་དུ་བསྟན་པ་རྒྱ་མཚོ་མཐའ་ཡས་སོགས་དང་བླ་མ་རྣམ་གཉིས་ལས་གསུང་ཆོས་རྒྱ་ཆེར་གསན་ཞིང་དཔོན་སློབ་ལྷན་ཅིག་པར་རེ་ཞིག་བཞུགས། སླར་གླིང་ཚང་རི་བོ་ཆེ། ཀརྨ་སོགས་དང་པོ་བོ་ཀོང་པོ་བརྒྱུད། དགུང་ལོ་ཉེར་བཞི་པ་སྤྲེ་ལོ་ལ་དགའ་ལྡན་མ་མོ་ནས་བཏེག་སྟེ་དྭགས་པོ་དང་འོལ་ཁ་བརྒྱུད། གདན་ས་ཐ…

གི་ཆོས་སྡེ་ཆེ་བ་ཐམས་ཅད་ལ་ཟང་ཟིང་གི་མཆོད་སྦྱིན་དུ་མ་མཛད། ལྷ་གྲགས་པ་མཐའ་ཡས་ཀྱིས་སྤྱན་དྲངས་སྟེ་གཡམ་བཟང་ལ་སོགས་པར་འགྲོ་དོན་མཛད། བྱ་བཀྲ་ཤིས་དར་རྒྱས་ལ་སེམས་བསྐྱེད་ཀྱི་སྡོམ་པ་གནང༌། ས་ཁྱིའི་ཟླ་བ་གསུམ་པ་ལ་གཞིས་ཀ་གྲི་གུ་ནས་བརྒྱུད་སྟེ་གྲ་དོལ་ནས་ལྷ་སར་མཆོད་པ་མཛད་ཅིང་གནས་ནང་དུ་སློབ་དཔོན་བླ་མ་རྒྱལ་མཚན་ལས་ཆོས་མ…

བྱིའི་ཟླ་བ་གསུམ་པ་ནས་མོན་བུམ་ཐང་ལ་ཐེགས། བ་རུན་ཆོས་འཁོར་གྱི་བར་དུ་བྱོན་སྟེ་ཟླ་གཅིག་གི་ཁོངས་སུ་བཙུན་སར་སུམ་བརྒྱ་ལྷག་པ་བྱུང་བ་རྣམས་གོས་ཀྱི་སྦྱིན་པས་རབ་བྱུང་གི་རྟགས་སུ་བསྒྲུབས་སྟེ་ཧོར་ཟླ་དྲུག་པའི་བཅོ་ལྔ་ནས་ལྷུན་གྲུབ་ཆོས་སྡེའི་གཙུག་ལག་ཁང་མཛད། སླར་བཀྲ་ཤིས་དགེ་འཕེལ་དུ་ཕེབས་སྟེ་སྒྲུབ་པ་པོ་བཞི་བཅུ་སྒྲུབ་རྒ…

སྨན་དཔྱད་ཀྱིས་མ་ཕན་ཡང་ས་ཕྱོགས་དེ་སྐྱེས་བུ་མཚོན་ཆ་ཐོགས་པས་གང་ཞིང་གད་རྒྱངས་དྲག་དུ་སྒྲོག་པའི་མཚོན་ཆས་བསྙུང་བའི་གནས་རྣམས་དུམ་བུར་བཏུབས་པའི་སྣང་བ་གཟིགས་མ་ཐག་སྐུ་འཕར་གཡོ་དྲག་དུ་བྱུང་བས་དྭངས། སླར་ཆོས་རྒྱལ་ལྷུན་པོར་ཕེབས་པ་ན་རྗེ་ཡིད་བཟང་རྩེ་པ་དགུང་ལོ་གོ་གསུམ་དུ་ཕེབས་པ་སྐུ་ནས་སྨིན་རུང་ཐུགས་འཁྲུལ་པ་མེད་པར་ཐུག…

ཧོར་ཟླ་གཉིས་པའི་ཚེས་གཅིག་ལ་གཞི་ལེན་གྱི་དགའ་སྟོན་འབུལ་ཞབས་ཆེར་མཛད། རྗེ་ཐམས་ཅད་མཁྱེན་པ་ལས་མདོ་དུ་མའི་ལུང་གསན་པ་དང་འགྲོ་དོན་ཡང་དུ་མ་མཛད། སྟག་ལུང་བས་སྤྱན་དྲངས་སྟེ་སྐྱི་འཕན་བརྒྱུད། ཀ་དྲུག་པ་སོགས་དགེ་འདུན་གྱིས་བསུས་སྟེ་མཆོད་ཁང་ཆེན་མོའི་མཐིལ་དུ་མཇལ། ཟླ་བ་གསུམ་པའི་ཚེས་གཉིས་ཀྱི་སྔ་དྲོ་ནས་ཀུན་མཁྱེན་ངག་དབང…

སུ་གདུང་མཆོད་ཀྱི་བསྔོ་བ་གནང༌། ཟླ་བ་བརྒྱད་པ་ཕྱི་མའི་ཚེས་བཅུ་གསུམ་ལ་རྩེས་དང་གི་བླ་ཡེལ་ཆེན་མོར་ལྔ་སྟོང་གི་ཚོགས་པའི་གྲལ་དབུ་མཛད། དཔོན་ས་ལ་བཀའ་ཆོས་དུ་མ་གནང༌། བྱར་མདར་རྗེ་ལོ་ཆེན་དང་མཇལ་ཞིང་སླར་ཡར་སྟོད་ཅི་རིགས་སུ་འགྲོ་དོན་མཛད་སྟེ་འབྲོག་དང་སྨན་བཟང་དང་སྤྲོ་དང༌། ལྷ་ལུང་དུ་ཕེབས་ཚེ་མནལ་ལྟས་ངན་པ་དུ་མ་བྱུང༌། …

ལ་ལྷུན་གྲུབ་ཆོས་སྡེར་ཕེབས་སྟེ་གཙུག་ལག་ཁང་སར་བཅོས་རྒྱས་པར་མཛད། གཞི་བའི་འདུས་པ་དང་ཁྱད་པར་ཕྱག་ཕྱིར་ཆོས་འདོད་མཁས་བཙུན་དང་རིགས་རུས་ཀྱིས་མཐོ་བ་ཆེས་མང་བས་གར་བཞུགས་སུ་དབང་ལུང་རྣམ་བཤད་ཁྲིད་སོགས་ཀྱི་འགྲོ་དོན་ནི་རྒྱུན་མི་ཆད་ཅིང་ཉིན་རེ་ཞིང་མདོ་སྔགས་ཅི་རིགས་པའི་ཐུགས་རྩོམ་ཡང་མི་འཆག་པར་མཛད་པ་ནི་རྒྱུན་གྱི་རྣམ་ཐར་ཡ…