སྟེ་སྡོམ་གསུམ་རབ་དབྱེར། ཉན་ཐོས་སྡེ་པ་བཅོ་བརྒྱད་ལ། །འདུལ་བ་མི་འདྲ་བཅོ་བརྒྱད་ཡོད། །ཟེར་བ་དེ་ལྟ་ན་གྲུབ་མཐའ་བཅོ་བརྒྱད་ཡོད་ཡོང་བས་མི་འདྲ་བ་ཅི་ལྟ་བུ་ཡོད་གསུང་བའི་བཀའ་ལུང་བསྒྱུར་བ་ན་གསུང་ཆེ་ཞིང་གདངས་དང་བཅས་པས་མངོན་པ་དང་དབུ་ཚད་ལ་གྲགས་པའི་བྱེ་མདོའི་ཐར་ཐོར་མང་དུ་ཕུལ་ཞུ་བ་མཛད་ཀྱང༌། ད་སྡེ་པ་བཅོ་བརྒྱད་ཀྱི་བགྲུ…

ཕར་ཚད་མངོན་པ་དབུ་མ་སྔགས་སྤྱི་ཁྱད་པར་དུ་དུས་འཁོར་སྟེ་སོ་སོའི་སྤྱི་བཤད་ཐོ་རེ་བ་ཡོད་པའི་ཤོག་དྲིལ་བདུན་ལ་དེ་ཐམས་ཅད་ཀྱི་ལྟ་བ་གཞན་སྟོང་དུ་གནས་པར་བྲིས་པའི་ཤོག་དྲིལ་རྣམས་ཕུལ། དེ་ལ་འདུལ་བའི་སྐབས་དཀའ་གནད་མི་འདུག་པས་ངེད་ཀྱི་འདུལ་ཊཱིཀྲ་ལྟོས། སྤྱིར་འདི་ཐམས་ཅས་ལྟ་བ་གཞན་སྟོང་དུ་གནས་པ་མི་རིགས་ཅེས་པའི་ལན་ཞིག་གནང༌།…

གྲགས་པ་དཔལ་འབྱོར་བ་གཉིས་ལ་ནི་བླ་མ་དངོས་ཀྱི་འདུ་ཤེས་ལས་གཞན་པ་སློབ་མའི་འདུ་ཤེས་མི་མཛད། མདོར་ན་ཆོས་ཐམས་ཅད་དགེ་བའི་བཤེས་གཉེན་དུ་རྟག་པར་གཟིགས་པར་སྣང་ངོ༌། །ཚེ་འདིའི་གྲགས་འབྱོར་སྙིང་པོས་དབེན་པའི་ཚུལ། །ཚིག་ཙམ་མིན་པར་སྙིང་ནས་རབ་རྟོགས་སྟེ། །ཞེན་ལོག་སྲེད་པ་བྲལ་བའི་རྣམ་ཐར་ཅན། །དགོས་མེད་དྲན་པ་བརྟན་དེར་གསོལ་བ་འད…

བྱོན་པ་དེ་སྤྱན་འདྲེན་ཞེས་ཁྲིམས་ར་ཆེན་པོ་རྣམས་སུ་ལུང་ཕོག །རྒྱལ་པོའི་བཀས་དུང་ཐའི་ཀྱེན་ཞེས་པའི་བློན་པོ་ཆེན་པོ་འོག་མ། གཞན་བློན་པོ་ཐམས་ཅད་ཀྱི་མཆོག་ཐའི་ཀྱེན་ལིའུ་ཡུན་ཞེས་བྱ་བ་ལ་བློན་པོ་ཐའི་ཀྱེན་ཆུང་བ་བཞི། དེ་རེ་རེའི་འོག་ན་དམག་དཔོན་བཅུ་རེ། དེ་རེ་རེ་ལ་དམག་མི་སྟོང་གྲངས་གཉིས་གསུམ་རེ། བླ་མཆོད་ཏུ་ལས་ཀ་ཅན་གྱ…

ལྡུགས་པ་རྒྱུན་མ་ཆད་པ་ལྟ་བུར་བྱེད་པ། ཁོང་རང་གི་མཐའ་དང་གུར་ཕྱི་མཐར་དམག་མི་སྟོང་གྲངས་ཙམ་རྟག་དུ་བསྐོར་ནས་རེ་མོས་ཀྱིས་སྲུང་བ། མདུན་མ་ཚད་དུ་བློན་པོ་རྣམས་ལངས་ནས་བྱ་བ་ཆེན་པོའི་ཁ་བསྐོས་བྱེད་པ། ཉིན་རེ་ཞིང་ཕྱིར་ཚོང་གི་རྒྱ་གྲལ་ཆེན་པོ་རེ་སྒྲིག་པ་ལ་ཉིན་སོ་སོར་རས་སྐུད་ཀྱི་དོག་པ་ཁ་དོག་སོ་སོ། ཟམ་སོ་ཁ་དོག་སོ་སོ། …

བུ་ཕྱུང་བ་ལས་གང་སོས་པ་རྣམས་བཙུན་མོའི་གཡོག་དུ་འཇོག་པ་ཉུག་རུམ་བའི་མིང་ཡིན་ལ། སྤྱན་འདྲེན་གྱི་བློན་པོ་འདི་བོན་གྱི་བློན་པོ་བསྟན་པ་ལ་མ་དད་པ་ཅིག་ཡོད་པར་སྣང་བས་ཕེབས་མ་གསན་ན་དམག་ཐབས་ཀྱིས་སྤྱན་འདྲེན་བསམ་པ་ཡོད་པར་སྣང༌། དེ་དུས་རྒྱ་ཡི་བློན་པོ་ཁྲི་དམག་བདུན་ལྷག་པར་སོང་བས་བོད་ལ་མི་གཟན་པའི་ཕྱིར་རབ་སྒང་དུ་ཕེབས། རྒ…

འདན་མ་ཁྲིམས་དཔོན་སོགས་བཀའ་བགྲོས་སྟེ་ད་རེས་ནི་ཕེབས་པར་མ་དགོངས་འདུག་པས་ལོ་དུས་ཅི་རིགས་ཙམ་ཕེབས་པར་ཞལ་གྱིས་བཞེས། འབུལ་བ་རྣམས་བཞེས། གནང་སྟེར་རྣམས་མཛད། གོང་མ་ལ་བཀའ་ཤོག་གནང་ནས་བློན་པོ་ཐའི་ཆུང་གཉིས་གདན་འདྲེན་ལ་བསྡད། གཞན་རྣམས་ཟློག་ན་ཁོང་ཚོ་ལའང་ཆད་པ་མི་འོང༌། མཆོད་ཡོན་ཐམས་ཅད་ལའང་འདི་ལེགས་ཅེས་བཀའ་གྲོས་མཛད། …

ལན་ཟེར་ནས་གྲུབ་ཐོབ་པག་ཤིས་ཧོར་ཡུལ་དུ་རྫུ་འཕྲུལ་བསྟན་པ་ལས་སྙན་གྲགས་མི་ཆུང་བ་བྱུང༌། ཕྱག་མཛོད་པའང་སྐུ་ཆས་ཀྱིས་གང་ཐུབ་དེ་ཚོར་བཞུགས་ནས་ཕྱིས་རྒྱལ་ཚབ་སྤྲུལ་སྐུ་སྒར་དུ་སྤྱན་དྲངས་སྟེ་ཀོང་པོར་ལྷག་མ་རྩིས་ཕུལ། འདིའི་དུས་ཕྱིར་མི་མཛེས་པ་ཆེ་ཞིང་སྐྱེ་བོ་རྣམས་སྣ་ཚོགས་པ་སྒྲོག་པ་བྱུང་ཡང་སངས་རྒྱས་ཀྱི་ཐུགས་རྗེ་སེམས་ཅན…

ཆེན་པོ་ནུས་པའི་མི་ཡང་མེད། སློབ་མ་ཆོས་འདོད་རྣམས་ཀྱང་ཆུད་འཛའ་བས་འོ་སྐོལ་གྱིས་དེ་ལྟ་བུ་སྒྲུབ་པར་མི་ནུས་ཅེས་གསུང་ནས་མ་གནང༌། ཧོར་ཐར་པ་འབུམ་གྱིས་ནན་གྱིས་གདན་འདྲེན་ཞུས་སྟེ་བྱང་འདམ་གཞུང་དུ་ཆོས་སྡེ་ཆེན་པོ་གཅིག་འདེབས། ཧོར་སྟོད་སྨད་བར་གསུམ་བྱང་གི་རུ་སྡེ་སྦྲ་ཐག་འཛིན་ནོ་ཅོག་དང་བཅས་པ་ལ་བུ་ཁྲལ་བྱས་སྟེ་ཧོར་རང་གི…

འགྲོ་བ་ཐམས་ཅད་ལའང་ཅི་དགོས་ཀྱི་རྫོང་བ་ཐམས་ཅད་མཛད། འོན་ཡང་ཡུལ་སྲོལ་གྱིས་མ་གྲུབ་པའི་རེ་གཉིས་བུ་ལོན་སྙེག་པ་ལྟ་བུའི་ཕལ་རྟགས་སྟོན་པ་ཡོང་ཡང་ཅིར་ཡང་མི་དགོངས། རྗེ་འདི་ལ་བསྟེན་ནས་སྔོན་མུ་ཏོ་བ་ལས་གྱུར་པ་རྣམས་ཀྱིས་ཀྱང་སྡེ་དཔོན་ཆེན་པོའི་འབྱོར་པ་ལ་ལོངས་སྤྱོད་ཅིང་ད་དུང་འཁང་བ་ལྷུར་བྱེད་པ་རྣམས་ལའང་ཐུགས་སྙོམས་པ་ཁོ་…

འཁོར་མཐོང་ནའང་ཁྲོ་བའི་ཀུན་དཀྲིས་ཞི་སྟེ་བྲམ་ཟེས་ཟླ་བ་ཚེས་པ་མཐོང་བ་ལྟར་དད་པས་མངོན་པར་དགའ་བར་འགྱུར་ལ་གང་མཐོང་ཐོས་དྲན་རེག་ཐམས་ཅད་དོན་ལྡན་འགྱུར་བའི་སྨོན་ལམ་ཆེན་པོ་བཏབ་པ་དེའི་ཕྱིར་ཞལ་མཐོང་གིས་སྨིན་གྲོལ་ཁྱད་པར་ཅན་ཐོབ་པའི་གདུལ་བྱ་བགྲང་གིས་མི་ལང་བ་འདི་ནི་འཕྲིན་ལས་ཀྱི་སྒོ་ཆེན་པོ་གཅིག་གོ །བསམ་གྱིས་ཁྱབ་པ་མ་ཡིན…

ཁ་ཅིག་དེ་ཙམ་གྱི་ཕ་རུས་ཙམ་གྱིས་ཞེན་པ་ནི་དད་པ་ཡང་དག་པ་མིན་པའི་གནད་གོ་སྟེ་རྒྱུད་དྲང་པོར་འགྱུར་བ་དང༌། ཁ་ཅིག་ནི་དེས་ཁྲོས་འཁྲུགས་ཤིང་ཅི་བྱ་གཏོལ་མེད་པར་གྱུར་པས་ངག་གི་མ་གུས་པ་བརྗོད་པ་ལ་ཞུགས་ཤིང་འདི་ལྟ་བུ་ཅི་སྙམ་དུ་སེམས་ཤིང་རྒྱུད་རྟོགས་པ་ཁོ་ན་ལས་སེམས་ལུང་མ་བསྟན་དུ་གནས་མི་ནུས་ལ། རྒྱུད་དེས་ཁ་ཅིག་ནི་དགྲ་གཅན་ཟ…

ལྟ་ན་གཞན་ལྟ་ཅི་སྨོས་སྟེ་འདི་ནི་གསུང་ཐོས་པ་དོན་ལྡན་དུ་འགྱུར་བས་གདུལ་བྱ་འདུལ་བའི་སྒོའོ། །མདོར་ན་སྒོ་གསུམ་གྱི་མཛད་པ་མཐའ་དག་ཐོག་མ་མེད་པ་ནས་འགྲོ་བ་ཐམས་ཅད་ཀྱི་ཕན་བདེའི་རྒྱུད་གཅིག་པུར་མཛད་ཅིང་དེ་ཁོ་ན་ལྟར་བསྔོས་པ་ལས་ཇི་ལྟར་རྫ་མཁན་ཤུགས་ཆེན་པོས་སྔོན་ཡུན་རིང་དུ་བསྐོར་བའི་འཁོར་ལོ་དེ་ནི་ཕྱིས་འབད་རྩོལ་མེད་ན་ཡང་ངང…

ཆོས་ནི་འགའ་ཡང་མེད་པར་གསུངས་པ་ཡིན་ནོ། །ཉོན་མོངས་ངན་བློར་སྐད་ཅིག་མི་གཏོང་ཞིང༌། །གལ་སྟེ་ཤར་ཡང་གཉེན་པོའི་ཆུ་ལོན་ཅན། །དགེ་བའི་ངང་ཚུལ་བཟང་པོ་མི་གཏོང་བའི། །བཤེས་གཉེན་ཕན་མཛད་གང་དེར་གསོལ་བ་འདེབས། །ཅེས་པ་ནི་བརྩོན་པ་ཆུ་བོ་ལྟར་རྒྱུན་མི་ཆད་པའི་རྣམ་ཐར་སྟེ། གང་དུག་གསུམ་གྱི་ཀུན་སློང་གིས་འདུ་བྱས་པའི་ལས་རྣམས་ནི་གཅིག…

དོན་ལ་མཉམ་བཞག་ནས། །དྲངས་ངེས་སོ་སོར་འབྱེད་པའི་ཤེས་རབ་ཀྱིས། །ཅལ་སྒྲོག་རྗེས་སུ་རྒྱུག་པར་མི་བྱེད་པར། །ངེས་དོན་དམ་པ་འཆད་དེར་གསོལ་བ་འདེབས། །ཞེས་པ་ནི་ཆོས་ཀྱི་སྒོ་ཐམས་ཅད་གཞན་དྲིང་ལ་མི་འཇོག་པར་ཆུབ་པའི་རྣམ་པར་ཐར་པ་སྟེ། དེ་ཡང་རྒྱ་མཚོ་ཆེན་པོ་ནས་དེད་དཔོན་དག་གི་གྲུ་བོ་ཆེ་བཤམས་པ་དོན་མཐུན་དང་བཅས་པ་དག་གིས་རྒྱ་མཚོའི…

སྟོན་པར་མཛད་ཀྱི་གཅིག་དུ་མངོན་པར་ཞེན་པ་ཁོ་ནས་ནི་མ་ཡིན་སྟེ་གདུལ་བྱ་ཁ་ཅིག་ལ་དྲང་དོན་དུ་འགྱུར་བ་དེར་ཁོ་ན་ཁ་ཅིག་ལ་ངེས་དོན་དུ་གྱུར་བ་སོགས་དང༌། སྐབས་འགར་དྲང་དོན་དུ་བསྟན་པ་དེ་སྐབས་འགར་ངེས་དོན་དུ་འགྱུར་བ་སོགས་སྲིད་པའི་ཕྱིར་དང་རྣམ་པ་གཅིག་དུ་ན་ཆོས་ཐམས་ཅད་བརྗོད་དུ་མེད་པ་བརྗོད་པའི་ཕྱིར་དྲང་བའི་དོན་ཁོ་ན་དང༌། རྣ…

ཆེན་པོར་གྲགས་ལ་བརྩེ་ཞིང་བརྗོད་བྱེད་བློ། །སྨོན་ལམ་དག་པ་རྣམས་ཀྱིས་མཚམས་སྦྱར་ནས། །དགེ་ལ་སྦྱོར་བའི་བློ་གྲོས་སྤྱོད་པའི་རྟེན། །ཡོངས་སུ་བསྔོ་བར་མཛད་དེར་གསོལ་བ་འདེབས། །ཅེས་པ་ནི་སྲིད་ཞི་གཏན་སྒྲོལ་གྱི་འཕྲིན་ལས་མཛད་པའི་རྣམ་པར་ཐར་པ་སྟེ། ཆེན་པོར་གྲགས་པ་ཅེས་བྱ་བའི་སྒྲ་ནི་ཆེན་པོ་མ་ཡིན་ཡང་ཞེས་བྱ་བའི་ཐ་ཚིག་གོ །དེ་…

ཀྱི་འཕྲིན་ལས་དང་རྣམ་པར་དབྱེ་པ་མེད་པའོ། །དེ་ལྟར་ཡོན་ཏན་བརྗོད་ལས་དགེ་གང་ཐོབ། །ཡོན་ཏན་དེ་ལྡན་ཡོན་ཏན་བརྗོད་པོའི་ངག །བྱང་ཞིང་ཆུབ་པས་ལུས་སེམས་དོན་ལྡན་པ། །ཀརྨ་པ་ཡི་དགོངས་པ་རྫོགས་བྱེད་ཤོག །ཞེས་པ་ནི་བསམ་གྱིས་མི་ཁྱབ་པའི་སྔོ་བས་མཐའ་བསྡུ་བ་སྟེ། དེ་ལྟར་རང་ཉིད་ལ་ཇི་ལྟར་ལྡན་པ་ཆོས་སྒྲོ་བཏགས་པ་དང་སྐུར་བ་བཏབ་པ་མེད…

ལྡན་སྲོག་གྱིས་ཟུངས་སུ་བསྟེན་ཞིག་པ་དང༌། ཅིས་ཀྱང་དགོས་མེད་དྲན་པས་ཆོག་ཤེས་པར་གྱིས་ཅིག་པ་དང༌། ཐེག་ཆེན་ཀྱི་ངོ་བོ་བྱང་ཆུབ་ཀྱི་སེམས་སྦྱོངས་ཅིག་པ་དང༌། རང་རྒྱུད་ཀྱི་གནས་སྐབས་ཁོ་ན་ལ་རྟོགས་ལ་རང་རྒྱུད་ཐུལ་ཞིག་པ་དང༌། ཅལ་སྒྲོག་གིས་ཚིམ་པར་མི་བྱ་བར་གཟུར་གནས་ཀྱི་ཤེས་རབ་ཀྱིས་རྟོགས་ཅིག་པ་དང༌། རྫོགས་པའི་བྱང་ཆུབ་ལས…

ཀར་སྲིད་ཐམས་ཅད་ཀྱིས་ཇ་འདྲེན་གྱི་རིམ་པ་དང་བཅས་སྟེ་དེ་མོ་ལ་ནང་ནས་རྒྱལ་འཛིན་ཏ་བ་སྟོད་ལ་སོགས་པར་ཕེབས། འབུལ་ཞབས་ཀྱིས་མཆོད། གྱང་ཐོ་སྤྲུལ་སྐུ་སོགས་གྱང་ཐོ་ཀར་སྲིད་ཀྱིས་བསུས་ཤིང་ནམ་ཐོས་ཚལ་དུ་ནམ་དཀར་གླིང་གསུམ་གྱིས་འབུལ་ཞབས་རྒྱ་མཚོས་མཆོད། དྲུང་བཀྲ་ཤིས་དོན་གྲུབ་པའི་དགོངས་རྫོགས་ཀྱི་སྨོན་ལམ་མཛད། ཀརྨ་བུ་ཆུ་སོག…