ཆོས་བྱུང་མཁས་པའི་དགའ་སྟོན་གྱི་ཡན་ལག་གསུམ་པ་བོད་ཀྱི་སྐབས་ལས་དགུ་པ་འབྲི་ཁུང་བཀའ་རྒྱུད་ཀྱི་རྣམ་ཐར་སྙིང་པོ་བཞུགས་སོ། །(ཕ༡བ)

༄༅༅། །ཁྱད་པར་དུ་འབྲི་ཁུང་བཀའ་རྒྱུད་ནི་བཀའ་བཞི་བརྒྱུད་པའི་རྣམ་ཐར་ཅུང་ཟད་མི་འདྲ་བར་བཞེད་སྟེ་རྡོ་རྗེ་འཆང༌། ཨིནྡྲ་བོ་དྷི། ཀླུའི་རྣལ་འབྱོར་མ། བི་སུ་ཀལྤ། ས་ར་ཧ། ཀླུ་སྒྲུབ། མ་ཏཾ་གི་སྟེ་ཕ་རྒྱུད་ཀྱི་བཀའ་བབས་སོ། །ཡེ་ཤེས་ཀྱི་མཁའ་འགྲོ་མ། ཙརྻ་པ་སྟེ་མཱ་ཡའི་འོ། ཕྱག་རྡོར། ཌོམྦི་བ། བི་ན་བཛྲ། ལ་བ་པ་སྟེ་རྒྱུད་སྡེ་…

རྣམས་བཞུགས་པ་ལ་ཕྱག་རྡོར་གྱིས་རྒྱུད་རྣམས་གཏད། དེའི་ཚེ་ལྷོ་ཕྱོགས་ཨོ་དེ་བི་ཤའི་རྒྱལ་པོ་བི་སུ་ཀལྤ་རབ་ཏུ་བྱུང་ནས་པཎྜི་ཏར་གྱུར་པས། ཇི་ལྟར་གྲོང་ཁྱེར་སྐྱེ་བོའི་མི་གཙང་ལུད། །ཅེས་པའི་ལུང་ལས་ཉོན་མོངས་ལམ་བྱེད་ཡོད་པར་རིགས་ནས་སྨོན་ལམ་བཏབ་པས་མཁའ་འགྲོས་ལུང་བསྟན་སྟེ་ཧེ་རུ་ཀ་རང་བྱུང་གི་ལྷ་ཁང་དུ་བྱོན་པས་ཀླུའི་རྣལ་འབ…

བརྒྱ་རེ་ལ་གདུགས་ཚོད་དྲངས་པས་ཟླ་བ་བདུན་ལོ་བདུན་ཐུབ་པར་བསྟན། དེ་ནས་འཁྱམ་དུ་བཏང་བས་ནཱ་ལནྡར་བྲམ་ཟེ་དགྲ་གཅན་ཟིན་གྱིས་རབ་ཏུ་ཕྱུང༌། འཆི་བདག་འཇོམས་པའི་དབང་སྐུར། གཟུངས་ལོ་བདུན་བཏོན་པས་འཆི་བདག་བཅོམ་སྟེ་མཁས་པ་ཆེན་པོ་དགེ་སློང་དཔལ་ལྡན་དུ་གྲགས། མཁན་པོས་གསང་འདུས་ཀྱི་དབང་མན་ངག་གནང་སྟེ་ཞལ་ཏ་པར་བསྐོས་ནས་དཔལ་གྱི་ར…

བདུད་རྩིར་བསྒྱུར་པས་ཐུགས་རྒྱལ་ཆག །ལོ་བཅུ་གཉིས་སྒྲུབ་པ་མཛད། འཁོར་ལོ་གསུམ་གྱི་དགོངས་འགྲེལ་གཏམ་ཚོགས་རིགས་ཚོགས་བསྟོད་ཚོགས་མཛད། དཔལ་གྱི་རིར་རྒྱལ་པོ་བདེ་སྤྱོད་གྱི་བུས་དབུ་བསླངས་པ་ཀུ་ཤར་བཅད་སྟེ་བྱིན། ཚིགས་བཅད་གསུམ་གྲག །སྐུ་ལུས་རྡོ་བར་བྱིན་གྱིས་བརླབས་པ་ད་ལྟ་ཡོད་ཟེར། ཀུ་ཀུ་རི་པ་ནི། སྤྱོད་པ་ལ་རྒྱུ་བའི་ཚེ་…

གྱིས་འཚོ་ཞིང་དུར་ཁྲོད་མུན་པ་མི་བཟད་པར་ཕྱི་པའི་མཁའ་འགྲོ་མ་རྒྱལ་པོའི་བཙུན་མོར་ཡོད་པ་རྣམས་བཏུལ་སྟེ་མགོ་ལ་ལྷམ་བཀོན་སྣ་བཅུ་བརྒྱུས་པའི་ཆད་པ་དབབ། འཁོར་བདུན་བརྒྱ་དང་བཅས་པ་མཁའ་སྤྱོད་དུ་གཤེགས་སོ། །ཡན་ལག་མེད་པའི་རྡོ་རྗེ་ནི་ཡུལ་ཀཉྩི་གྲོང་ཁྱེར་འབུམ་ཚོ་གྱ་བཞིའི་བདག་པོ་ཨིནྡྲ་བོ་དྷིའི་སྲས་ལས་རབ་ཏུ་བྱུང་པཎྜི་ཏར་གྱུ…

གཤེགས་སོ། །ཏེ་ལོ་པ་ནི་ཡུལ་ཟ་ཧོར། བྲམ་ཟེ་གསལ་བའི་འོད་ཡིན། སོ་མ་པུ་རིར་རབ་ཏུ་བྱུང༌། ལྕགས་འོག་དུ་ལོ་བཅུ་གཉིས་སྒྲུབ་པ་མཛད། ཐུན་མོང་ཐོབ། ཉའི་རྣམ་ཤེས་སྤར། ཀླུ་སྒྲུབ་ཚུལ་དུ་ཕྱིན་པས་འཇིགས་བྱེད་གཞད་པའི་དུར་ཁྲོད་དུ་མ་ཏདྒི་དང་མཇལ་སྟེ་སློབ་དཔོན་དྲི་ཟའི་ཡུལ་དུ་གཤེགས། ཁྱོད་རྗེས་སུ་འཛིན་པ་ལ་ང་བཏང་བ་ཡིན་ཞེས་དེ་ཁ…

ཟོས། ཆ་གཅིག་ཁོལ་མོ་ལ་བྱིན་སྐད། གཟུགས་སྣ་ཚོགས་སུ་བསྒྱུར་ཞིང་རི་རབ་ཁང་ཁྱིམ་ལ་ཐོགས་མེད་དུ་རྒྱུད་ཞིང་དུས་མིན་དུ་འགྲོ་འོང་བྱེད། མཐར་སྐུ་ལུས་འདིས་བཀའ་སྲུང་ཀུན་གྱི་གཙོ་མོར་གྱུར་སྟེ་རྒྱུད་འཛིན་རྣམས་ཀྱིས་མཚན་ནས་བོས་པ་ཙམ་གྱིས་དགྲ་ཁ་ཕུང་དུ་འགྲོ་བ་དེའི་སྲས་ན་མཁའ་དབང་ཕྱུག་གི་རྒྱུད་པ་ཨ་མེས་དབང་རྒྱལ་བྱ་བ་ནུས་པ་ཅ…

རས་གཟིགས་སུ་མཇལ། སྦལ་ལོ་ཙཱ་བ་ལ་དབས་རྡོ་རྗེ་རྒྱལ་པོ་སྐུ་ཁམས་བཟང་ངམ་བྱས་པས་ཁོང་ཁྲོས་སྟེ་རྡོ་ཕྱར་བྱུང༌། ཅིག་ན་རེ་ཁོ་ཕག་མོ་གྲུར་འགྲོ་བར་འདུག་ཟེར་བས་འོ་ན་སོང་ཞིག་བླ་མ་རིན་པོ་ཆེ་སྐུ་ཁམས་བཟང་ངོ་ཟེར། ཁོང་ནི་མ་ག་དྷར་ལོ་བཅུ་གཉིས་སྡད་པ་ཅིག་ཕག་མོ་གྲུར་གཟིམས་ལྕིལ་ལ་སྐོར་བ་བདུན་བྱས་པས་ཐུགས་དམ་འཁྲུངས་པ་ཡིན་པར་ས…

མ་རྒྱས་ཀྱི་བར་དུ་ཆོས་ལྔ་པོ་འདི་དང་མ་བྲལ་བ་གྱིས། རྟོགས་པ་འདིས་ཆོག་སྙམ་ན་ད་དུང་མང་དུ་གོར་ཡོད་པ་ཡིན་གསུངས། ཆོས་བསྒུགས་ཀྱི་སར་ཡང་ཡན་ལག་བདུན་པ་ཁོ་ན་ཕུལ། ཕྱག་རྟེན་སྣ་རེ་མེད་པར་མཇལ་མ་མྱོང༌། བྱང་ཆུབ་སེམས་སྡོམ་གནང་ནས་ཁྱོད་ཀྱི་མིང་ནི་བྱང་ཆུབ་སེམས་དཔའ་རིན་ཆེན་དཔའ་ལོ་གསུངས། ཐམས་ཅད་མཁྱེན་པའི་ཡེ་ཤེས་ཇི་ལྟར་འཆ…

གནད་དགོངས་པས་རབ་ཏུ་མི་འབྱུང་ཀ་མེད་དུ་འདུག་པར་མཁྱེན་ནས་དགུང་ལོ་སོ་ལྔ་པ་མེ་མོ་བྱ་ལོ་ལ་ཞང་གིས་མཁན་པོ་དང་རྩི་ལུང་པས་སློབ་དཔོན་སྨྱལ་པ་འདུལ་འཛིན་གྱིས་གསངས་སྟོན་མཛད་སྟེ་བསྙེན་པར་རྫོགས། སྨྱལ་འདུལ་ལ་འདུལ་བ་གསན། ང་དཔལ་ཆེན་བིརྺ་པ་དང་མཉམ་པའི་རྣལ་འབྱོར་དབང་ཕྱུག་ཞིག་དགེ་སློང་དུ་ཕེབས་པ་འདི་ང་ཕོ་རྒོད་ཡིན་གསུངས། …

སོང་གསུང་བ་གཟིགས་སྟེ་གཞི་བ་ཚོ་ལ་གདན་ས་འཕྲེད་ཡོད་དོ་གསུངས་ནས་བྱོན། འབྲི་ཁུང་གི་གཞི་བདག་བར་ལྷས་བོན་པོའི་གཟུགས་ཀྱིས་བསུས། ཤ་བ་དང་བྱ་རྒོད་ལ་སྒོམ་བཏབ། ལམ་དུ་གསུང་ཕུར་རྩེགས་དབང་ཕྱུག་སེང་གེ་དང་གཙང་པ་འཇམ་དཔལ་སེང་གེ་སོགས་ལ་གདམས་པ་གསུངས། མི་དང་མི་མ་ཡིན་ཐམས་ཅད་ཀྱིས་བསུས་ནས་དགུང་ལོ་སོ་བརྒྱད་པ་ལྕགས་ཕོ་བྱི་བ་ལ…

དཀར་མོ། ཡབ་སུམ་པ་རྡོ་རྗེ་དཔལ། གྲོགས་མཁར་གཙང་སྟོན་ལས་རབ་ཏུ་བྱུང༌། མཚན་ཚུལ་རྡོར། དཔལ་ཆེན་ཐག་མ་བ་ལས་བསྙེན་པར་རྫོགས། འདུལ་བ་ལ་མཁས། ཞེ་དྲུག་ལ་འབྲི་ཁུང་པ་མཇལ། བྱིན་རླབས་ཞུགས། རིན་ཆེན་འབྱུང་ལྡན་གྱི་སྤྲུལ་པར་ལུང་བསྟན། དགུང་ལོ་རེ་བཞི་ནས་ལོ་གསུམ་གདན་ས་མཛད་དོ། །དབོན་རིན་པོ་ཆེ་བསོད་ནམས་གྲགས་པ་ནི་མདོ་ཁམས་སྙིང…

བཞུགས། ཀརྨ་པག་ཤི་ཧོར་གྱིས་ཙནྡན་གྱི་མེར་ཞག་ཕྱེད་དང་བཞིར་བསྲེགས་པས་གཤེགས་པར་བཞེད་པ་ན་ཏེ་ལོ་པ་སེང་གེ་ལ་བཅིབས་ནས་བྱོན་འོད་ཀྱིས་འཇིག་རྟེན་སྣང་བར་མཛད་ནས་ཡིག་འབྲུ་གསུམ་དུ་བསྡུས་པ་ཀརྨ་པ་ལ་བསྟིམས་སྟེ་ཟད་པར་མེའི་ཏིང་འཛིན་སྒོམས་མེའི་གཉེན་པོར་མེ་ཐོང་ཞིག་གསུངས་པས་བདུད་ལས་རྒྱལ། ཁོ་བོ་འབྲི་ཁུང་ན་གཅུང་རྡོ་རྗེ་གྲག…

ཁྱོད་འགྲོ་མི་དགོས་པ་ངས་བྱས་ཡོད་གསུངས་སྟེ་བསྙུན་ལས་གྲོལ། ཧོར་དམག་དེ་ནས་བསློག་ཞིང་ཞབས་ལ་བཏུགས། སླར་མདོ་མང་དང་བཀའ་བསྟན་བཞེངས། རེ་དགུ་ལ་དྭགས་པོ་རྫམ་དུ་ཐེགས། ཐོག་ཁ་བ་རིན་ཆེན་སེང་གེ་ནི་འདན་སྟོད་ཙུ་ངུར་རྡོ་རྗེ་སེང་གེའི་སྲས་བཞིའི་ཐོག་མ་གཅུང་ཨ་ནུ་རྒྱལ་རྡོ་རྗེ་སེང་གེ་མཚམས་བཅད་པ་གྲགས་པ་བསོད་ནམས་སོ། །མེ་ཁྱི་…

གླིང་ལོག་བྱས། སྒོ་མང་བཅུ་གསུམ་སོགས་ལྷ་ཁང་ཆེན་མོ་དང་གླིང་བསྲེགས། འཕུར་ནས་ཆུ་འཕན་གྱི་རི་རྩེར་བབ་ཅིང་མཁའ་སྤྱོད་དུ་སོང་བའང་ཁྲི་ཕྲག་ཙམ་བྱུང་བར་གྲགས། ཞལ་ངོ་ཀོང་བོར་བྱོན། སྒོམ་པ་དབོན་པོས་སྟོད་ཧོར་དྲངས། འཇམ་ལམ་བཅད་པས་ས་སྐྱ་པའི་ཏི་ཤྲི་གྲགས་འོད་པས་ཞུས་ནས་གོང་མས་གནང་སྦྱིན་དཔག་མེད་མཛད་ནས་ཚགས་སུ་བཅུག །དགུང་ལ…

བྱུང་བས་འཇོན་མའི་བར་གསལ་བ་བྱུང༌། བཅུ་གཅིག་ལ་རྗེ་རྡོ་རྗེ་རྒྱལ་པོ་མཇལ། ལྕགས་ཡོས་ལ་གདན་སར་ཕེབས། རྟོགས་ལྡན་གྲགས་སེང་དང་གཡག་སྡེ་པཎ་ཆེན་སོགས་བསྟེན། རྗེ་རོལ་པའི་རྡོ་རྗེ་ལ་ཆོས་གསན། ཏའི་སིདྷུ་ཤཱཀྱ་བཟང་པོ་ཁྲི་དཔོན་དུ་བསྐོས། རྟོགས་ལྡན་གུ་ཡུ་པ་དང་གྲུབ་ཆེན་གཞོན་ནུ་རྒྱལ་མཚན་ལ་གཅུང་ཏེ་ལོ་ཡིན་པར་ལུང་བསྟན་བྱུང༌། …

གྱུར་ན། །ཁྲི་སྐོར་དང་ནི་བུ་ཡིས་ཅི་ཞིག་བྱ། །ཞེས་གསན་མ་བཞེད། ཐམས་ཅད་ཀྱིས་ལུས་སྟོབས་ཀྱིས་ཁྲི་སྤྱན་དྲངས་པ་ན་ཞག་གསུམ་ན་བྲོས་ནས་རྒྱ་ནག་རི་བོ་རྩེ་ལྔ་ལ་བྱོན་སྟེ་ད་དུང་བཞུགས་པར་གྲགས། འབྲི་ཁུང་པ་རྣམས་ཀྱིས་ཐེགས་པ་གསངས་ནས་གཤེགས་རྫུ་བྱས་སྟེ་སྐུ་ལྡད་བཏང་སྐད། ཆོས་རྒྱལ་རིན་ཆེན་དཔལ་བཟང་ནི་དབུར་སྟོད་སྒྲུབ་བྲག་ཚབ་ཏ…

བའི་གནད་རྣམས་ནི། །གྲུབ་ཆེན་གོང་མ་རྣམས་དང་འགལ་བར་སྣང༌། །ཁོང་གིས་ལོག་པའི་འཁོར་ལོ་བདེ་མཆོག་དང༌། །བདག་ལ་གདོད་ནས་འཆར་བའི་བདེ་མཆོག་གཉིས། །འཇིགས་དུས་བསྣོལ་བའི་ཚུལ་ཡང་མི་མཐུན་འདུག །བདག་གི་སེམས་ཀྱང་འཕྱང་མོ་ཉུག་དུ་གྱུར། །འོན་ཡང་གྲུབ་ཆེན་རྣམས་དང་འབྲལ་མེད་ཕྱིར། །གཉུག་མའི་དོན་ལ་ཐེ་ཚོམ་མེད་མོད་ཀྱང༌། །མཚན་ལྡན་མི་…

ཤིན་ཏུ་མཉེས་ཀྱང་སྐུ་མདུན་དུ་འགྲོ་མ་བཅུག །གཅོད་པ་ན་མཁའ་རྡོ་རྗེ་ཕྱག་གི་འཛེར་པ་ལ་གཅོད་དམིགས་ཕུལ་བས་སྙུང་ཟུག་འཕྲལ་དུ་ཞི་ནའང་ཆོས་རྗེ་བྱ་བཏང་ལ་ཤོར་ན་ཁྱོད་ལ་ཁག་ཡོད་ཅེས་དམིགས་པ་འབུལ་ཚེ་སྐྱོན་འཛིན་པ་འཇོག །གསེར་གྱི་བཀའ་འགྱུར་ཟླ་གསུམ་ལ་གྲུབ་པ་དང་རྡོ་རྗེ་འཆང་གི་སྐུ་ཆེ་བ་བཞེངས། དགུང་ལོ་རེ་བདུན་གྱི་སྐུ་ཚེའི་ཚད…