སྤྲོས་མེད་ཀྱི་སྤྱོད་པ་མཛད་པས་གཞན་རྣམས་ཀྱིས་འདུ་ཤེས་གསུམ་པར་བཏགས། གནས་ནས་འབྱིན་པའི་ཕྱིར་མདོ་འདོན་པར་བསྐོས་པས་ཁྲུ་བཅུ་གཉིས་པའི་ཁྲི་ལ་བཞུགས་ནས་སྔོན་མ་གྲགས་པ་ཐོན་ཞིག་ཟེར་བ་ལྟར་སྤྱོད་འཇུག་གསུངས་ནས་ཤེར་ལེའུ། གང་ཚེ་དངོས་དང་དངོས་མེད་དག །ཞེས་པའི་ཚེ་ཇེ་མཐོར་གྱུར་ནས་སྐུ་མི་སྣང་བར་གསུང་གྲག་པས་རྫོགས་པར་བཏོན། …

མཐར་ཕྱིན་པ། ཤཱནྟི་དེ་ཝ་ཞེས་པ་དེས་བྱང་སེམས་ཀྱི་བསླབ་པ་རྒྱས་པར་སྟོན་པ་བསླབ་པ་ཀུན་ལས་བཏུས། བསྡུས་ནས་སྟོན་པ་མདོ་ཀུན་བཏུས། ཚིག་ཉུང་ལ་དོན་རྒྱས་པ་སྤྱོད་འཇུག་རྣམས་མཛད་ཅིང༌། བསླབ་བཏུས་ཀྱི་མངོན་པར་རྟོགས་པ་གསེར་གླིང་པས་མཛད་ཅིང་མདོ་ཀུན་བཏུས་ཀྱི་དོན་སྡུ་ཇོ་བོས་མཛད་དོ། །སྤྱོད་འཇུག་ལ་འགྲེལ་པ་བརྒྱ་རྩ་ཡོད་པར་གྲགས…

བའི་མདོས་སྦྱོར་བ་ལམ་བྱེད་སྟེ་དོན་ཟུར་གྱིས་བསྟན་པ་ཡིན་ནོ། །དེ་ཡང་བྱ་རྒྱུད་ཀྱི་གཟུངས་ཕལ་ཆེར་ནི་རང་རང་གི་གླེང་གཞིའི་སྐབས་བཞིན་སྟོན་པས་ཐུན་མོང་གི་གདུལ་བྱ་ལ་གསུངས་པ་མང་ལ་ཁ་ཅིག་གདུལ་བྱ་ཐུན་མོང་མ་ཡིན་པའི་སྣང་བ་ཡིན་པའང་ཡོད་དོ། །བྱ་བ་སྤྱིའི་རྒྱུད་ཆེན་རྣམས་ལས་གསང་བ་སྤྱི་རྒྱུད་ནི། གླེང་གཞི་མེད་ཀྱང་མཇུག་དུ་ཕྱག…

མཐའ་དག་བཏུལ། སླར་ཡང་དབང་ཕྱུག་ཆེན་པོ་ལ་སོགས་པ་དྲག་པོས་འདུལ་བར་བྱ་བ་རྣམས་འཇིགས་སུ་རུང་བའི་སྐུ་དང་སྔགས་དང་ཕྱག་རྒྱས་བཏུལ་སྟེ་དབང་ཕྱུག་སངས་རྒྱས་ཐལ་བའི་དབང་པོར་གནས་འཕངས། སླར་ཐུགས་ཀྱི་ཆ་གཅིག་ལུས་ལ་ཞུགས་པ་མ་ཧཱ་ཀཱ་ལ་ཞེས་བསྟན་པ་སྲུང་བར་བསྐོས་པའོ། །གཞན་དྲེགས་བྱེད་ཐམས་ཅད་དཀྱིལ་འཁོར་དུ་དབང་བསྐུར་སྟེ་ཁྱབ་འཇུག་ན…

དེང་སང་ནི་ཆོ་ག་ཁ་ཅིག་ཙམ་སྣང་ངོ༌། །རྣལ་འབྱོར་ཆེན་པོའི་རྒྱུད་ཀྱི་མིང་ནི་སྟོང་ཕྲག་བཅུ་གཉིས་སྟེ་རྒྱས་པར་གྲངས་མེད་ཏོ་ཅེས་གསུངས་ལ། ཕ་རྒྱུད་ཀྱི་ལུགས་ལ་རྣལ་འབྱོར་ཆེན་པོ་ཙམ་མམ། མ་རྒྱུད་ཀྱི་ལུགས་ཀྱིས་ཕ་རྒྱུད་མ་རྒྱུད་གཉིས་དང༌། དུས་འཁོར་གྱི་ལུགས་ལ་གཉིས་མེད་རྒྱུད་བསྣན་སྟེ་གསུམ་དུ་ཡང་འབྱེད་ལ། དེ་ལ་ཕ་རྒྱུད་ཀྱི…

ལས་ཆེན་པོ་ཅེས་བྱའོ། །དེ་ནས་ཨོ་ཌྱན་གྱི་ཡུལ་དེ་མཚོ་ཆེན་པོ་ཅིག་དུ་གྱུར་སྟེ་ཕྱག་རྡོར་གྱིས་ཀླུ་རྣམས་ལ་རྒྱུད་གཏད་པས་མཚོ་འགྲམ་དུ་སྤྲུལ་པའི་ལུས་ཀྱི་གྲོང་བཅས་ཤིང་མཐར་མིར་གྱུར་སྟེ་དེའི་ཚེ་ཌོམྦི་ཧེ་རུ་ཀས་ཆང་ཚོང་མ་བི་ན་ས་བཏུལ་ཞིང་དེས་སྲས་ལཱ་བ་བ་བསྐྱེད་པས་རྒྱལ་པོ་ཨིནྡྲ་བྷཱུ་ཏི་བཏུལ་བར་བཀའ་བཞི་རྒྱུད་པ་ལ་གྲགས་པ་འད…

ན་ཚེ་ཚད་ལོ་བཅུ་ལས་མེད་པས་ངའི་ཆོས་རྣམས་སྣོད་ལྡན་ལ་བྱིན་ཞིག་གསུངས་པ་ན་ཛམ་གླིང་ལ་ལན་གསུམ་གཟིགས་པས་མ་ག་དྷ་ན་མ་ཧེའི་རྫི་བོ་ལོ་བརྒྱད་བཅུ་ལོན་པ་ཅིག་སྣོད་ལྡན་དུ་གཟིགས་ནས་ལས་འདི་ཞོག་ལས་ཆོས་སྒོར་ཞུགས་ཅིག་གསུངས་པས། ཡི་གེ་ཡང་མི་ཤེས་འཚོ་བའང་མེད། རྒས་པས་ཚེ་ཕྱི་མ་ལ་རྗེས་སུ་འཛིན་པར་ཞུས་ཟེར་བ་ལ། འཇམ་དཔལ་དཀར་པོའི་ས…

སྤྱོད་པ་མཛད། དེ་ཁོ་ན་ཉིད་རྟོགས་པར་བྱ་བའི་ཆེད་དུ་རྡོ་རྗེ་གདན་གྱི་རྒྱབ་ཀུ་པ་ཛའི་ནགས་གཅན་གཟན་གདུག་པས་གང་བར་བཞུགས་སྟེ་འགྲོ་བ་རྣམས་བདག་འདྲ་བར་གཟིགས་སྟེ་ཟླ་བ་དྲུག་དུ་ལྷ་གནད་ལ་བོར་བ་ན་སློབ་དཔོན་འཇམ་དཔལ་བཤེས་གཉེན་བྱོན་སྟེ་དེ་ཡང་ཁང་ཆུང་དུ་བ་ཅན་ཞིག་གི་ཕྱི་ན་བཙུན་རྒན་འབན་པོ་ཤམ་ཐབས་བྱེ་བ་ཆོས་གོས་ལ་ཐོད་བྱས་ནས་ཞ…

སླར་སྤྱན་འབྲས་བཅུག་སྟེ་ཉིན་མཚན་གཉིས་གར་མཐོང་བ་ལྷའི་མིག་བྱིན། སློབ་མའི་མཆོག་བཅོ་བརྒྱད་བྱུང་ཞིང་མར་མེ་མཛད་བཟང་པོ་ལ་སོགས་པ་བཞི་ཚེ་དེ་ཉིད་ལ་གྲུབ་ཅིང་སྨན་པའི་ཞབས་ཀྱི་ཞལ་ལུང་གི་འགྲེལ་པ་སོགས་མཛད། ཐ་ག་ནས་མཛད་པའི་རྒྱུད་ཀྱི་འགྲེལ་པ་དང༌། ཤནྟི་པའི་འགྲེལ་པ་སྙིམ་པའི་མེ་ཏོག་ཡང་ཡེ་ཤེས་ཞབས་ལུགས་ཡིན་ལ་རྗེས་འབྲེང་ག…

ལ་མི་སྐྱོད་པ་སོགས་རིགས་ལྔས་གཞལ་ཡས་ཁང་དང༌། ཀུན་བཟང་ནས་བཟང་སྐྱོང་གི་བར་སེམས་དཔའ་ཉེར་བཞི་དང་རྡོ་རྗེ་ཕོ་ཉ་མོ་དང་ཙུནྡྷ་སོགས་ནས་གཙུག་ཏོར་མ་དང་རྡོ་རྗེ་འཇིགས་བྱེད་མའི་བར་ལྷ་མོ་ཉེར་བཞི་པོ་རྣམ་ཐོད་དུམ་དང་རབ་གཏུམས་མ་ལ་སོགས་པའི་དཔའ་བོ་དཔའ་མོ་དང་འཇིག་རྟེན་གསུམ་རྒྱལ་དང་གོ་རི་སོགས་ཁྲོ་བོ་ཡབ་ཡུམ་བརྒྱད་ཀྱིས་སྒོ་མ་བ…

བདག་པོར་གྱུར་ལ། དེ་དག་གི་རྣམ་ཐར་ནི་བཀའ་བཞི་རྒྱུད་པར་འཆད་དོ། །བོད་ཏུའང་ལོ་ཙཱ་བ་ཆེན་པོ་རིན་ཆེན་བཟང་པོ་དང་ཇོ་བོ་རྗེ་དང་ཕམ་ཏིང་བ་དང༌། མར་དོ་ཆོས་དབང་དང༌། ལོ་ཆུང་གྲགས་འབྱོར་ཤེས་རབ་རྣམས་ཀྱིས་དར་རྒྱས་སུ་མཛད་ལ་པུ་རངས་ལོ་ཆུང་ནི་མཁའ་སྤྱོད་དངོས་སུ་གྲུབ་བོ། །སྤྱིར་རྩ་རྒྱུད་ཀྱི་སྟོད་འགྲེལ་ཕྱག་ན་རྡོ་རྗེ་མཛད་པ་ད…

བསྟན་ནམ་དོན་བསྡུར་གནས་པས། རྡོ་རྗེ་སྙིང་པོ་མངོན་བྱང་ཆུབ། །བརྟག་པའི་རྒྱལ་པོ་དང་པོ་སྟེ། །སྒྱུ་མའི་བརྟག་པ་གཉིས་པ་ཡིན། །ཞེས་པ་ལྟར་བརྟག་པ་དང་པོ་གཉི་ག་ཕྱུང་བ་ཡིན་ལ། ཡེ་ཤེས་ཐིག་ལེར་རྩ་རྒྱུད་བརྟག་གཉིས་མ་བཤད་པའང་འབུམ་ལྔ་བཤད་པས་ཟློས་པ་སྤོང་བའི་ཕྱིར་ཡིན་ལ། གོང་དུ་བརྟག་པ་བཅུ་གཉིས་པར། །རྒྱས་པར་གསུངས་པ་མདོ་རུ་བ…

རྔོག་པ་ཁ་ཅིག་འཆད་དོ། །དཔལ་དུས་ཀྱི་འཁོར་ལོ་ལ་རེད་མདའ་པས་སྐུར་པ་བཏབ་པའི་དོགས་པ་ཅུང་ཟད་བསལ་བར་བྱ་སྟེ་རྒྱུད་ཀྱི་ཐོག་མར་ཨེ་ཝཾ་མེད་པ་མ་གྲུབ་སྟེ། དོན་གྱི་ཨེ་ཝཾ་ཡོད་པའི་ཕྱིར། ཨེ་ཝཾ་ལ་སྒྲ་དོན་གཉིས་སུ་འབྱེད་པའང་རྒྱུད་འདི་ཁོ་ནའི་ཁྱད་ཆོས་སོ། །རྒྱུད་འདི་མི་ཤེས་ན་ཨེ་ཝཾ་གཟུགས་སྒྲུབ་དང་སྒྲ་སྒྲུབ་སོགས་ཨེ་ཝཾ་ཉིད་ཤེ…

འཇིག་རྟེན་མཐའ་ལྡན་སོགས་དང་མཚུངས་ན་ལན་མི་གསུང་བར་རིགས་པས་རང་གི་འགལ་བ་ཁས་བླངས་པ་ཡིན་ནོ། །རྒྱང་འཕེན་པ་ནི་འབྱུང་བའི་མཐུ་ལས་སེམས་མེད་པར་སེམས་ཅན་སྐྱེ་བར་འདོད་ཀྱི་འབྱུང་བའི་སྐྱེ་གནས་ཅན་གཏན་མི་འདོད་ན་དྲོད་བཤེར་སྐྱེས་དྲོད་ཤེར་གྱི་རྐྱེན་གྱིས་སྐྱེ་བ་ཙམ་ཞིག་ཁྱེད་རང་ཡང་ཁས་མི་ལེན་ནམ། དུད་འགྲོ་སྐྱེ་གནས་བཞི་དང་ཞེས…

བྲག་སྨྲ་བ་བསྟན། །ཞེས་སོགས་ཇི་ལྟར་དྲང༌། མུ་སྟེགས་རྣམས་སྔོན་དགེ་སློང་རྐུན་པོས་བཅོམ་པ་ཅིག་གི་ཆ་ལུགས་མཐོང་བས་བྱུང་བ་དང༌། སྟོན་པ་ཉིད་བརྒྱ་བྱིན་དུ་གྱུར་པ་ན་སྣོད་དང་མི་ལྡན་པ་ལ་ལམ་སྣ་ཚོགས་བསྟན་པས་བྱུང་བ་སོགས་མདོ་སོ་སོར་བཤད་པ་མ་མཐོང་ངམ། འདུལ་བ་གླེགས་བམ་ལ་འགོད་པར་སྟོན་པས་མ་གནང་ན་འདུལ་བའི་གླེགས་བམ་མི་སྲིད་པ…

རིགས་པ་འདི་ལ་གཟིགས། །ཅེས་པ་འགལ་ཞིང་མནའ་དོར་བའི་དེ་མ་ཐག་དུ་འཕགས་པས་མཛད་དམ་ཞེས་དང་ལེགས་བཤད་མང་དུ་མཐོང་བ་དང་ཐར་འདོད་ཀྱི་འཇུག་བྱར་ཁས་བླངས་པས་མ་རབས་ཀྱི་ཆོས་སྦྱང་པ་ཡིན་ནོ། །སྔོན་རྗེ་བཙུན་གྲགས་པས་དུས་འཁོར་གྱི་རྩ་ལྟུང་ལྔ་པ་འགོག་པ་དང༌། བཅོམ་རལ་པས་དུས་འཁོར་འདི་དྲང་སྲོང་རྒྱས་བའི་གཞུང་དང་མཐུན་པས་ཕྱི་ནང་གང་ཡིན་…

འགྱུར་རོ་བྱས་པས་ཁྱོད་རང་ལ་ནུས་པ་ཅི་ཡོད་ཟེར་བས་ཕ་བོང་རལ་གྲིས་བཅད་པས་སྐྲག་སྟེ་ཁྱོད་ཉིད་ལ་སྐྱབས་ཞུ་ཟེར་བས་རྒྱལ་པོ་བྱས་པར་འདུལ་བ་ལས་བཤད་སྟེ། ལ་བཟུང་བའམ་འཛིན་པ་ལ་འཇུག་པས་དེ་ཕྱིན་ཤམྦྷ་ལ་ཞེས་ཤམྦྷས་བཟུང་བ་ཞེས་གྲགས་ལ། ཡུལ་དེ་ཤིན་དུ་ཐག་རིང་བས་རྫུ་འཕྲུལ་གྱིས་བྱོན་པར་རིགས་སོ། །རྒྱལ་པོ་ཉི་མའི་འོད་ཅེས་ཀྱང་བྱ་བས…

ལྷོ་ཕྱོགས་འགྲོ་ལྡིང་བའི་ཡུལ་ཟད་མཚམས་གངྒཱ་དང་སཱི་ཏ་རྒྱ་མཚོར་འདྲེ་བའི་བར་ན་ཤྲཱི་དྷུ་ན་ཀ་ཊེ་ཅེས་པ་དཔལ་འབྲས་སྤུངས་ཀྱི་མཆོད་རྟེན་ཡོད་སྟེ། དེ་ནི་སྔོན་སངས་རྒྱས་གསེར་ཐུབ་ཀྱི་བསྟན་པའི་མཇུག་དུ་མུ་གེ་ཆེན་པོ་བྱུང་བ་ན་དགེ་སློང་གྲུབ་ཐོབ་ཅིག་གི་བུམ་པ་བསྒྲུབས་པས་འབྲས་སཱ་ལིའི་ཆར་ཛམ་གླིང་ཁྱབ་པར་བོལ་ནུབ་ཙམ་དང་ཉིན་ལམ་…

གཉིས་སུ་མ་ལ་ཡའི་སྐྱེད་མོས་ཚལ་དུ་སྐུ་དཀྱིལ་ཁྲུ་བཞི་བརྒྱ་པའི་དཀྱིལ་འཁོར་བློས་བསླང་པ་རིན་པོ་ཆེ་ལས་བཞེངས་ཤིང་འགྲེལ་ཆེན་སྟོང་ཕྲག་དྲུག་བཅུ་པ་མཛད་སྟེ་ཤར་ཁྱམས་སུ་སྟོན་པའི་སྲོལ་བཙུགས་སྟེ་སྤྲུལ་སྐུ་བསྡུས་སོ། །ཀུན་མཁྱེན་བུ་ལ་སོགས་པ་སངས་རྒྱས་པའི་ཕྱི་ལོ་དུས་འཁོར་གསུངས་པར་བཞེད་ཀྱང་འཇམ་པའི་དབྱངས་ཀྱང་ང་མྱ་ངན་ལས་འདས…

རྣམས་མྱོས་ནས་གཉིད་ལོག་བཞིན་མི་མ་ཡིན་རྣམས་ཀྱིས་ཁྱེར་ནས་ཀ་ལཱ་པའི་སྒོ་དྲུང་དུ་སླེབས་སོ། །སད་ནས་ངོ་མཚར་དུ་བྱུང་བ་ན་བློན་པོ་ཆེན་པོ་རྒྱ་མཚོའི་བློ་གྲོས་ཀྱིས་རྒྱལ་པོ་ཆེན་པོ་གྲགས་པ་ནི་འཇམ་པའི་དབྱངས་ཀྱི་སྤྲུལ་པའི་སྐུ་སྟེ་འདི་ཉིད་ལས་སྐྱབས་སུ་དོང་ཞིག་ཞེས་བསྐུལ་བས་སེམས་སད་སྟེ་ཉི་མའི་ཤིང་རྟ་ལ་བསྐུལ་སྟེ་དབང་བསྐུར་…