མཁྱེན་བརྩེ་འོད་སྟོང་ལྡན་པའི་ཚ་ཟེར་འབུམ་དུ་སྤྲོས། ། ལུང་རྟོགས་ཆུ་སྐྱེས་སྐྱེད་ཚལ་འཛིན་མའི་ཕྱོགས་སུ་བསྐྲུན། ། ལྔ་བདོ་ཚེ་ལོ་བརྒྱ་པའི་ཤེད་སྐྱེས་བྷྲ་མ་ར། ། ཕན་བདེ་གེ་སར་རོལ་མཛད་ཉི་མའི་གཉེན་ལ་འདུད། ། བགྲང་ཡས་སྔོན་ནས་ཚོགས་གཉིས་རབ་རྫོགས་ཀྱང༌། ། མཐའ་ཡས་འགྲོ་བ་སྲིད་མཚོ་ལས་བསྒྲལ་ཕྱིར། ། དཔག་ཡས་རྣམ་འཕྲུལ་གང་འདུལ…

གཉིས་པ་ཞར་ལ་ཡུལ་དགོན་བདུན་གྱི་བྱུང་རིམ་སྐོར་བཤད་པ་ལ། སྟོང་འཁོར་ཡུལ་གྱི་དགོན་སྡེ་ཁག་དང་ཡུལ་བ་གཉིས་ཀྱི་བྱུང་རིམ་མདོ་ཙམ་བཤད་པ་དང་། ད་ལྟའི་སྟོང་འཁོར་གཞིས་བྱེས་གཉིས་ཀྱི་གནས་བབས་མདོ་ཙམ་བཤད་པ། སྟོང་འཁོར་རིགས་གསུམ་མགོན་པོའི་གནས་རིའི་སྐོར་བསྡུས་ཙམ་བཤད་པ། དཔོན་རབས་རིམ་བྱོན་གྱི་སྐོར་དང་འབྲེལ་ཏེ་དེ་དག་གི་སྐབས་ས…

མདོ་ཁམས་གཡུ་ཁོག་གི་ཡུལ་འདིར་ཡང་ས་གནས་གཞན་དག་དང་འདྲ་བར། སྲིད་པའི་གངས་རི་ཆགས་ནས་ད་ལྟའི་བར་དུ་བྱུང་བའི་ལོ་རྒྱུས་ཀྱི་གཏམ་རྒྱུད་རིང་མོ་ཇི་སྙེད་ཅིག་མཆིས་པ་དེ་དག་ཕྱོགས་གཅིག་ཏུ་བཀོད་པའི་དེབ་ཐེར་དེ་སྔོན་མ་བྱུང་བའམ། བྱུང་ཡང་དུས་འགྱུར་གྱི་འཚུབ་མས་མི་མངོན་པའི་དབྱིངས་སུ་བསྟིམ་པ་གང་ལྟར་དེང་སྐབས་མཐོང་ཐོས་གྱི་ཡུལ་ད…

༄༅། མདོ་ཁམས་གཡུ་ཁོག་ཡུལ་གྱི་ཆོས་སྲིད་ཀྱི་བྱུང་བ་བརྗོད་པའི་དེབ་ཐེར་ངོ་མཚར་ལྷ་ཡི་རོལ་མོ་ཞེས་བྱ་བ་བཞུགས་སོ།། སྐུ་ཡི་ཞབས་པད་གངས་རིའི་ལྗོངས་སུ་མ་བཀོད་ཀྱང་། །གསུང་མཆོག་དམ་ཆོས་ཉི་མའི་འོད་ཀྱིས་ཁྱབ་འགྱུར་བ། །ཟག་མེད་ཐུགས་ཀྱིས་མཁྱེན་པའི་ལུང་བསྟན་མངོན་དུ་གྱུར། །རྣམ་འདྲེན་བཞི་པ་ཐུབ་དབང་ལྷ་ཡི་བླ་མར་འདུད། །སྲས་བཅས…

དང་པོ་སྣོད་བཅུད་ཀྱི་བཀོད་པ་བཤད་པ་ནི། ཡུལ་ལ་སྔ་བ་གངས་ཅན་གྱི་ལྗོངས། མི་ལ་སྔ་བ་གདོང་དམར་གྱི་བོད། ཅེས་ཡོངས་སུ་གྲགས་པ་ནི། འདུལ་བ་ལུང་གཞི་དང་མངོན་པར་འབྱུང་བའི་མདོ་གཉིས་ལས། དེའི་ཚེ་ས་ཆེན་པོ་འདི་ཆུ་འབའ་ཞིག་ཏུ་འགྱུར་ཞིང་མཚོ་གཅིག་ཏུ་འགྱུར་རོ། །ས་ཆེན་པོ་འདི་ཆུ་འབའ་ཞིག་གི་མཚོ་གཅིག་ཏུ་གྱུར་བའི་སྟེང་དུ་རླུང་གིས་པ…

གཉིས་པ་ཆོས་སྲིད་ཀྱི་བྱུང་བ་བྱེ་བྲག་ཏུ་བཤད་པ་ལ། སྔོན་བྱུང་དུས་སྐབས་འགའི་གནས་བབ་མདོར་བསྡུས་སུ་བཤད་པ། རྗེས་བྱུང་ཆོས་སྲིད་ཀྱི་ལོ་རྒྱུས་སོ་སོར་བཤད་པ་གཉིས། དང་པོ་ལ་ཆོས་རྒྱལ་སྲོང་བཙན་སྒམ་པོའི་དུས་སྐབས། བཙད་པོ་ཁྲི་སྲོང་ལྡེའུ་བཙན་གྱི་དུས་སྐབས། གླིང་གེ་སར་གྱི་དུས་སྐབས། གེ་འཕན་སོགས་ཀྱི་དུས་སྐབས། ཀརྨ་པ་བཅུ་པའི་…

གསུམ་པ་དེང་གི་གནས་བབ་མདོར་བསྡུས་སུ་བརྗོད་པས་མཇུག་བསྡུ་བ་ནི། གོང་དུ་བཤད་པ་ལྟར་མདོ་ཁམས་གཡུ་ཁོག་གི་ཡུལ་འདིར་སྨུག་པོ་ལྡོང་དང་། ཆེན་པོ་ཧོར་གྱི་རིགས་རྒྱུད་ལས་བྱུང་བའི་དཔོན་རིགས་དུ་མས་ཆོས་སྲིད་ལུགས་གཉིས་ཀྱི་ཕ་ཆུས་བསྐྱངས། དུས་འགྱུར་སྐབས་རྒྱ་ནག་གཞུང་གིས་བོད་ཡུལ་ཡོངས་རྫོགས་ལ་མངའ་དབང་བསྒྱུར་སྐབས་གཡུ་ཁོག་སྟོང་ར…

སླར་སྨྲས་པ། གངས་ལྗོངས་ས་ཡི་ཐིག་ལེ་མདོ་ཁམས་ཡུལ། །གཡུ་ཞེས་ངོ་མཚར་ལྷ་ཡི་དགའ་ཚལ་དུ། །ལས་སྨོན་དཔྱིད་ཀྱི་རྒྱལ་མོའི་ཤིང་རྟ་ཡིས། །ཆོས་སྲིད་མགྲོན་དུ་བོས་པའི་མཐའ་མ་དམིགས། ། མི་བརྟན་དུས་ཀྱི་སྲིན་མོའི་རྣམ་འགྱུར་དང་། །མི་རབས་གསར་རྙིང་བརྗེ་བའི་ཁུག་སོ་ནས། །གཡུ་ཁྲོམ་གངས་རིའི་འདབས་ཀྱི་གཏམ་རྒྱུད་དེ། །ལྷག་མེད་དབྱིངས་ས…

མཁན་ཤེས་བྱ་ཀུན་གཟིགས་ཀྱིས་མཛད་པའི་གཡུ་ཁོག་བྱ་བྲལ་ཆོས་དབྱིངས་རང་གྲོལ་གྱི་རྣམ་ཐར་ཕྱི་རབས་དད་པའི་མཆོད་སྤྲིན། མཁན་སངས་རྒྱས་སྨན་བླས་བྲིས་པའི་གཡུ་དགོན་ལོ་རྒྱུས་ཤིན་ཏུ་ཉུང་ངུ་ཚན་པ་གསུམ། གར་དབང་ཉི་ཟླ་སྙིང་པོའི་རང་རྣམ་སྐོར། གྱི་ལུང་མཁས་གྲུབ་རྣམ་གཉིས་ཀྱིས་མཛད་པའི་བོད་མི་བུ་གདོང་དྲུག་གི་རུས་མཛོད་མེ་ཏོག་སྐྱེད་ཚ…

བོད་ཀྱི་མགུར་ལྷ་ཆེན་པོ་བསྟན་བསྲུང་རྡོ་རྗེ་གཡུ་ཁྲོམ་གྱི་བྱུང་བ་ཅུང་ཟད་བརྗོད་པ་གཡུ་སྟོད་གངས་ཀྱི་གཟི་མདངས་ཞེས་བྱ་བ་བཞུགས་སོ། ས་ལམ་མཐར་ཕྱིན་མངོན་པར་བྱང་ཆུབ་པའི། །ས་བཅུའི་དབང་ཕྱུག་འཕགས་མཆོག་མིག་མི་འཛུམ། །ས་བརྒྱད་སེམས་དཔའི་ཚུལ་དུ་ཡོངས་ཤར་བ། །བསྟན་སྲུང་ཡུལ་ལྷའི་གཙོ་བོས་ཤིས་པ་སྩོལ།། དེ་ལ་འདིར་མདོ་ཁམས་གཡུ་ཁོ…

མདོ་ཁམས་གཡུ་ཁོག་གི་ཡུལ་འདིར་སྔོན་གྱི་དུས་སུ་གཡུང་དྲུང་བོན་གྱི་རིང་ལུགས་འཛིན་པའི་དགོན་པ་དུ་མ་ཞིག་ཡོད་པར་བཤད། དེ་ཡང་དཀར་འཚེར་གཤོང་གི་དགོན་ཤུལ། གདུགས་ཆེན་སྟོད་ཀྱི་དགོན་ཤུལ། གཡུའི་ཁྱི་ཉལ་ནང་གི་དགོན་ཤུལ། ས་དམར་དགོན་ཤུར་གྱི་དགོན་ཤུལ། ཆུ་དབར་གྱུ་ཡོན་མའི་དགོན་ཤུལ། བེས་ལུང་དགོན་ཁང་སུམ་མདོའི་དགོན་ཤུལ། ཁོ་ཆ་ཇོ…

དེ་ཡང་ཤར་རྒྱལ་མོ་རོང་། ལྷོ་ཚ་བ་རོང་། ནུབ་ཀོང་པོ་རོང་། བྱང་ཨ་སྟག་རོང་སྟེ་བོད་ཀྱི་རོང་ཆེན་བཞིར་གྲགས་པའི་ཡ་གྱལ། ཤར་རྒྱལ་མོ་ཚ་བ་རོང་ནི། བོད་མི་བུ་གདུང་དྲུག་གི་ནང་ཚན་བསེ་ཁྱུང་སྦྲའི་རིགས་ཡིན་པ་དང་། བོད་བཙན་པོའི་དུས་སུ་རྒྱལ་རོང་ཡོངས་རྫོགས་གཅིག་གྱུར་གྱི་རྒྱལ་ཕྲན་ཞིག་ཡིན་ཅིང་། ཆོས་རྒྱལ་ཁྲི་སྲོང་ལྡེའུ་བཙན་གྱི…

གཡུ་ལུང་རིང་མོའི་སྟོད་ཀྱི་བྱ་རུའི་ཉག་ག་ནས་སྨད་ཀྱི་གཡུ་མདོའི་༼ཁྲོ་སྐྱབས་ཐུགས་རྗེ་ཆེན་པོའི་ཉེ་འགྲམ་༽བར་གྱི་ཕུ་མདའ་ཉིན་སྲིབ་ཀུན་ན་ལོ་རྒྱུས་གསལ་ལ་མི་གསལ་བའི་གནའ་བོའི་རྫོང་མཁར་ཆེ་ཆུང་བཅུ་ཕྲག་དུ་མ་ཞིག་ཡོད། འོན་ཀྱང་གཡུ་ལུང་གི་ཕྱེད་ཀ་མན་ཆོད་གནའ་ནས་ད་ལྟའི་བར་དུ་རྒྱལ་རོང་ཁྲོ་སྐྱབས་ཀྱི་མངའ་ཁོངས་ཡིན་ཅིང་གཡུ་རོང…

གཡུ་སྨད་ཀྱི་ནེའུ་ཆེ་ཞེས་པའི་ལུང་པ་ནི་སྔོན་གཡུ་ཁོག་རྒྱ་སྤྲུལ་ལུང་རིག་གླིང་པ་ཚང་གི་ནང་མིའི་དབྱར་ས་ཡིན་ལ་རྒྱ་སྤྲུལ་རིན་པོ་ཆེའི་གཟུགས་སྐུའི་བཀོད་པ་དབྱིངས་སུ་ཐིམ་པའི་གནས་ཡང་ཡིན། སྐུ་གདུང་ཞུགས་འབུལ་བྱེད་སར་བཞེངས་པའི་སྐུ་གདུང་མཆོད་རྟེན་དེང་སྐབས་མཇལ་རྒྱུ་ཡོད་ལ་ས་དེར་སྐུ་གདུང་ལ་ཁ་ཞེས་ས་མིང་ཐོགས་ཡོད་པ་ཞིག་ཡིན…

སྔོན་ཆོས་རྒྱལ་ཁྲི་སྲོང་ལྡེའུ་བཙན་གྱིས་དཔལ་གྱི་བསམ་ཡས་བཞེངས་གྲུབ་པའི་ཚེ། སློབ་དཔོན་ཨོ་རྒྱན་པདྨས་ཡུལ་ལྷ་གཞི་བདག་རྣམས་ལ་གཏང་རག་ཏུ་རྒྱགས་བརྔན་ལྷ་བསང་ཆེན་མོ་མཛད་ཅིང་ལོ་དེའི་ཟླ་བ་ལྔ་པའི་ཚེས་བཅོ་ལྔ་ཉིན་བསམ་ཡས་ཧས་པོ་རིའི་རྩེ་ནས་བོད་ཀྱི་རྒྱལ་བློན་རྣམས་ཀྱིས་འཛམ་བུ་གླིང་གི་ཡུལ་ལྷ་གཞི་བདག་རྣམས་ལ་བསང་མཆོད་རྒྱ་ཆེ…

དེ་ཡང་གླིང་གེ་སར་རྒྱལ་པོ་དཔའ་ཐུལ་ཕུ་ནུ་ལྷ་འཁོར་དང་བཅས་པའི་སྐུ་དུས་སུ། གཡུ་ཁོག་ཡུལ་གྱི་ས་ཆའི་སྤྱི་མིང་ལ་གཡུའི་རོང་ཆུང་ཁོག་གམ་རོང་ཆུང་སྐྱ་རིས་ཁོག་ཟེར་ཞིང་། རྨོ་རྐོ་སོ་ནམ་བྱེད་པའི་རོང་སྡེ་ཞིག་ཡིན་པར་བཤད། ཡུལ་དེར་གཡུ་རོང་སྒེག་གི་རྒྱལ་པོའམ། སྒེག་ཙི་ལིའི་རྒྱལ་པོ་ཟེར་བ་ཞིག་གིས་གཡུའི་སྟོད་སྨད་སྒེག་དང་བཅས་པ་…

གླིང་མི་རེའི་ཁ་ན་སྒྲུང་རེ། ཞེས་པ་ལྟར་སྤྱིར་མདོ་དབུས་ཁམས་གསུམ་གྱི་སྒྲུང་བ་སོ་སོས་བཤད་པའི་གླིང་གེ་སར་གྱི་སྒྲུང་ཡིག་རྣམས་ལ་མི་འདྲ་བ་ཅུང་ཟད་རེ་མཆིས་མོད། འདི་འཐད་འདི་མི་འཐད་ཅེས་དཔྱད་པ་གཏོང་རྒྱུ་མེད་ཀྱང་། གཏེར་སྒྲུང་ཡིན་པར་བཤད་པའི་གཡུ་རོང་བསེ་རྫོང་ཞེས་མཇུག་མི་ཚང་བའི་སྒྲུང་དེབ་དེ་ནི་ལོ་རྒྱུས་ལ་རྒྱུས་མངའ་ཆུ…

སྤྱིར་ཕུར་ཚ་ཞེས་པའི་རུས་མིང་འབྲི་སྟངས་དང་། རུས་མིང་ཐོགས་ཚུལ་ལ་བཤད་སྲོལ་མི་འདྲ་བ་དུ་མ་ཞིག་མཆིས་ཀྱང་འདི་ནི་དག་ལ་ཅིག་ཤོས་མི་དག་ཞེས་དག་བཅོས་བྱེད་མི་ནུས་པར་སེམས། ངག་རྒྱུན་དང་ཡིག་ཆ་རྣམས་སུ་གཙང་ཕུར། ཕུར་ཚྭ། ཕུར་ཚ། ཕུར་རྩ། ཧུར་ཚ་སོགས་འབྲི་སྲོལ་ཡོད་པ་དེ་དག་ལ་རེ་རེ་བཞིན་རྗེས་གྲུབ་ཀྱི་འགྲེལ་བཤད་རེ་རྒྱག་ཏུ་ཡོད་…

དེ་ལ་སྤྱིར་སྟོང་དཔོན་ཞེས་པའི་རིགས་འདི་ནི་བློན་ཆེན་མགར་སྟོང་བཙན་གྱི་གདུང་རྒྱུད་རྔུ་པ་ཟླ་བ་བཟང་པོ་ལ་ས་སྐྱའི་འགྲོ་མགོན་ཆོས་རྒྱལ་འཕགས་པས་ས་དམར་སྟོང་དཔོན་གྱི་མཚན་གནས་སྤྲད་ཕྱིན་ཆད་དེའི་རིགས་རྒྱུད་རྣམས་ལ་སྟོང་དཔོན་ཅེས་ཐོབ་མིང་རུས་ལ་ཐོགས་པ་ཞིག་ཡིན་པར་བཤད། དེས་ན་སྟོང་དཔོན་ཟླ་བ་བཟང་པོ་མགར་གྱི་རིགས་རྒྱུད་ཡིན་པ…

འདི་ལ་དོན་གསུམ་སྟེ། རུས་མིང་ཇི་ལྟར་ཐོགས་ཚུལ་བཤད་པ། སྒོ་འཛི་ཞེས་པ་རུས་ཆེན་གང་ལ་གཏོགས་དཔྱད་པ། སྒོ་འཛིའི་ཁྱིམ་ཕུགས་བཤད་པ་དང་གསུམ། དང་པོ་ནི། འདི་ལ་རུས་མཛོད་སོགས་ཡིག་ཆ་རྣམས་སུ་བྲིས་པ་མ་མཐོང་མོད། ངག་རྒྱུན་གྱི་བཤད་སྲོལ་འགའ་རེ་འདུག་པ་དེ་དག་འདིར་འགོད་པར་བྱ་སྟེ། ལི་རྩང་དང་གཡུ་ཁོག་སོགས་ཀྱི་ངག་རྒྱུན་ལ། སྔོན་དུས…