དཀར་འདི། །ཆེ་གེ་འཁོར་དང་བཅས་ལ་འབུལ། །ཐམས་ཅད་མཉེས་ཤིང་ཚིམས་གྱུར་ཅིག །ཀྱཻ། འབྲས་ཀྱི་གཉན་བྱ་དམར་པོ་འདི། །རིན་ཆེན་མཚལ་ལས་གྲུབ་པ་ཡིན། །ཨོག་ཞུམ་པདྨ་ཟླུམ་པ་འདྲ། །ཟེ་བ་ཟངས་ཀྱི་སོག་ལེ་འདྲ། །སྐུ་ལུས་ཟླུམ་ལ་བུམ་པ་འདྲ། །མཇུག་མ་རྒྱ་ཟོར་བཀུག་པ་འདྲ། །འདི་དགུང་སྔོན་དབུས་ནས་ནམ་འཕང་གཅོད། །མི་མགོ་དགུང་བས་མཐོ་བ་ཡིན། །འ…

བཅས་ལ་འབུལ། །ཐམས་ཅད་མཉེས་ཤིང་ཚིམས་གྱུར་ཅིག །ཀྱཻ། འབྲས་དྲུག་ཆང་གི་གཡང་མཚོ་འདི། །མིག་གིས་མཐོང་བས་འཛུམ་གྱིས་འཆོར། །ཞལ་དུ་གསོལ་བས་དྲན་རིགས་གསལ། །ལྗགས་ལ་བཏུང་བས་དབང་པོ་ཚིམ། །འདི་སྔོན་མོ་ནས་ཀྱི་ཁུ་བ་ཡིན། །བདུད་རྩི་ངར་གྱི་བཅུད་དང་ལྡན། །ཆེ་གེ་འཁོར་དང་བཅས་ལ་འབུལ། །ཐམས་ཅད་མཉེས་ཤིང་ཚིམས་གྱུར་ཅིག །ཀྱཻ། ཞོ་དང་འོ…

ཅིག །ཀྱཻ། ལྷ་ཡི་དར་ཟབ་པཉྩ་ལི། །དཀར་སེར་དམར་ལྗང་སྔོ་དང་སྨུག །ཡིད་འོང་སྲབ་ལ་འཇམ་པའི་གོས། །ཁུངས་བཙུན་རྒྱ་དང་ཧོར་ནས་བྱུང་། །འགྲོ་བ་མི་དང་། ལྷ་ཡིས་རྒྱན། །སྤྲིན་ཕུང་བཞིན་དུ་གཏིབས་པ་འདི། །ཆེ་གེ་འཁོར་དང་བཅས་ལ་འབུལ། །ཐམས་ཅད་མཉེས་ཤིང་ཚིམས་གྱུར་ཅིག །ཀྱཻ། ཡེ་ཤེས་བལ་ཚོན་སྣ་ལྔ་འདི། །རྒྱུ་ནི་བཀྲ་ཤིས་ལུག་ལས་བྱུང་། …

སྩོལ། །ཁ་འཛིན་རྒྱབ་རྟེན་སྡོང་གྲོགས་མཛོད། །སྙན་པ་སྒྲུབ་ལ་གྲགས་པ་སྒྲོག །སྐྱེལ་བསུ་མཐུ་རྐྱེན་རོགས་ལྡན་མཛོད། །ལེགས་དང་སྤྲོད་ལ་ཉེས་དང་བསྣོལ། །བསམ་པ་སྒྲུབས་ལ་རེ་བ་སྐོངས། །བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །ཅེས་པ་ཡུལ་ལྷ་སྤྱིའི་གསོལ་མཆོད་དེ། གང་ལ་སྦྱར་དུ་རུང་བ་སྟེ། ཆེ་གེ་ཞེས་པའི་ཚབ་ཏུ། སོ་སོའི་མིང་འཛུད་ཤ…

ལྷ་མོའི་གསང་མདོས་བསྔོ་ཚིག་བཞུགས་སོ། །

བྷྱོ། རི་རབ་ལྷུན་པོ་གླིང་བཞི་གླིང་ཕྲན་ཅན། །རིན་ཆེན་རི་བོ་དཔག་བསམ་ལྗོན་པའི་ཤིང་། །འདོད་འཇོའི་བ་དང་མ་རྨོས་ལོ་ཏོག་སྨིན། །ཉི་ཟླས་མུན་སེལ་ལྕགས་རིས་བསྐོར་བའི་ནང་། །དངོས་བཤམས་ཡིད་སྤྲུལ་ཀུན་བཟང་མཆོད་པའི་སྤྲིན། །འཕྲིན་ལས་རྣམ་བཞིའི་གཏོར་ཚོགས་ཕྱུར་བུར་སྤུངས། །བདུད་རྩི་སྨན་གྱི་རྒྱ་མཚོ་ལྦུ་འཕྲེང་འཁྲིགས། །དམར་ཆེན…

ཐང་ལས་སྐྱེས་པའི་མེ་ཏོག་བཀྲ། །སྨན་སྤོས་ཤིང་སྣ་དྲི་ཞིམ་དུད་སྤྲིན་གཏིབས། །ཉི་མ་ནོར་བུ་རྩི་འབྲུའི་སྒྲོན་མེ་སྤར། །སྨན་སྣའི་ངད་ལྡང་ཐུགས་ཀར་བྱུགས་པའི་དྲི། །བཟའ་བཅའ་ལྷ་བཤོས་རོ་བརྒྱའི་བཅུད་དང་ལྡན། །པི་ཝང་གླིང་བུ་སིལ་སྙན་རོལ་མོའི་སྒྲ། །རྫས་མདངས་ཀྱིས་བསྒྱུར་ཞི་རྒྱས་དབང་མཆོད་འདིས། །སྲིད་གསུམ་དབང་སྒྱུར་དཔལ་ལྡན་ར…

རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །རྟ་མཆོག་འབྲོང་གཡག་ཞོལ་མོ་འདོད་འཇོའི་བ། །ར་ལུག་བྱ་ནག་ཁྱི་ནག་ཅེ་སྤྱང་སོགས། །གནམ་ལ་འཕུར་དགུ་ས་ལ་འཛུལ་དགུ་དང་། །རི་དྭགས་མཆོང་དགུ་བགྲང་ཡས་སྲོག་ཆགས་ཚོགས། །སྲིན་པོའི་མགོ་ལྤགས་སྤྲས་པའི་རྐྱང་སེར་དྲེལ། །བེ་ཅོན་ནལ་ཐོད་འཕྲིན་ལས་བ…

སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་ས…

རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པར་ལྷོ་ཕྱོགས་ནགས་ཚལ་དྲ་བ་ཅན་ནས་དྲང་སྲོང་ཁྲོས་པ་ཞེ་སྡང་རྡོ་རྗེ། དབུ་གཙུག་ཏུ་དྲང་སྲོང་ཞི་བ་རིགས་ཀྱི་བདག་པོ་པདྨ་ཐོད་འཕྲེང་རྩལ་དང་བཅས་པ་དྲང་སྲོང་འབུམ་གྱི་འཁོར་གྱིས་བསྐོར་བ་ཨོཾ་བཛྲ་ས་མ་ཡ་ཛཿཛཿ པདྨ་ཀ་མཱ་ལ་ཡ་སྟཾ། དྲང་སྲོང་ཆེན་པོ་འཁོར་བཅས་ལ། །བདུད་རྩི་ཆབ་ཀྱིས་ཁྲུས་གསོལ་བས…

མ་ཧཱ་ཙིཏྟ་༴ མ་ཧཱ་བྷ་སུ་ཏ་༴ མ་ཧཱ་གོ་རོ་ཙ་ན་༴ མ་ཧཱ་ཀེཾ་ནི་རི་ཏི་༴ ཧཱུཾ། ཐུགས་ནི་མི་འགྱུར་བདེ་ཆེན་ལྡན། །སངས་རྒྱས་ཀུན་གྱི་མཐུ་སྟོབས་རྣམས། །གཅིག་བསྡུས་གསང་བའི་བདག་པོ་དང་། །དབྱེར་མེད་ཁྱོད་ལ་བདག་བསྟོད་དོ། །ཞེས་པའང་སྤྱི་བླ་མི་འགྱུར་བརྟན་པ་ཕྱོགས་གཏོགས་ནང་འཁྲུགས་ཀྱིས་བཅོམས་པ་དང་། སླད་མར་ཡང་གཏང་རག་སོགས་ལ་མཁོ་བ…

བསྐུམ་གཡོན་བརྐྱང་པའི་སྟབས་ཅན། གཅེར་བུ་རིན་པོ་ཆེའི་རྒྱན་དང༌། པདྨའི་ཚངས་སྐུད་ཅན། འོག་ཏུ་ཡུམ་དཀར་ལ་དམར་བའི་མདངས་ཅན་གཅེར་བུ་རིན་པོ་ཆེས་བརྒྱན་པ། སྤྲེའུའི་གདོང་ཅན་ཨུཏྤལ་སྔོན་པོའི་ཚངས་སྐུད་ཅན། ཕྱག་གཉིས་ཀྱིས་གཙོ་བོའི་ཞབས་གཉིས་བརྟེན་ཞིང༌། ཞལ་གྱིས་གསང་བའི་རྡོ་རྗེ་འཇིབ་པ། ཞབས་གཉིས་བགྲད་པ། ཕོ་ཉ་དང་ཕྱག་བརྙེན་མོ་…

རྣམས་ལ་བསྟོད་པ་འབུལ། །ཨོཾ་ག་ག་ན་པ་ཏི་མ་མ་རཏྣ་སིདྡྷི་ག་ག་ག་ག་ག་ག་ག་ག །ག་ན་པ་ཏི་སྭཱཧཱ། ཞེས་བཟླ། གཏོར་མ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་བྷྲཱུཾ་ལས་གཏོར་སྣོད་དུ་གཏོར་མ་བདུད་རྩིར་བསྐྱེད། ཨོཾ་ཨཱཿཧཱུཾ་གིས་བྱིན་གྱིས་བརླབས། ཨོཾ་ག་ན་པ་ཏི་བཱ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་ཕུལ། གོང་བཞིན་མཆོད་…

དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོ་ལྕམ་དྲལ་འཁོར་བཅས་ཀྱི་བསྙེན་ཐབས་བཞུགས།

ཨོཾ་སྭཱ་སྟི། བླ་མ་དང་ནི་ཧེ་རུ་ཀ །མཆོག་ཏུ་གུས་པར་རབ་བཏུད་དེ། །ནག་པོ་ཆེན་པོ་ལྕམ་དྲལ་གྱི། །བསྙེན་པའི་མན་ངག་མདོ་ཙམ་བཤད། །དེ་ལ་སྤྱིར་རྐྱང་སྒྲུབ་དང༌། སྦྲགས་སྒྲུབ་གཉིས། དང་པོ་ལ། ཕོ་རྐྱང་དུ་སྒྲུབ་པ་དང༌། མོ་རྐྱང་དུ་སྒྲུབ་པ་དང༌། འཁོར་རྐྱང་དུ་སྒྲུབ་པ་དང་གསུམ་མོ། དང་པོ་ནི། གུར་མགོན་ཡབ་རྐྱང་དུ་སྒྲུབ་པ་སྟེ། འདི་ལ…

རྒྱས་པའི་ལས་སྒྲུབ་པ་ལ་ཤིན་ཏུ་བསྔགས་སོ། །བཞི་པ་ནི། ལུགས་གཉིས་པོ་གང་རུང་སྟེ་དྲག་པོའི་ལས་སྒྲུབ་པ་ལ་ཤིན་ཏུ་བསྔགས་པའི་དེ་ལྟར་དུ་སྒྲུབ་པའོ། །གཉིས་པ་ནི། གུར་མགོན་བཀའ་གནོན་དུ་ཡོད་པ་ལ་ཡང་མ་ལྟོས། བཀའ་ཉན་གྱི་འཁོར་ཡོད་པ་ལ་ཡང་མ་ལྟོས་པར་ལྷ་མོ་རྐྱང་པར་སྒྲུབ་པའོ། །འདི་ལ་ཡང་འཇམ་ལུགས་སུ་སྒྲུབ་པ་དང༌། རྩུབ་ལུགས་སྒྲུབ་པ…

འཁོར་རྐྱང་དུ་བསྒྲུབ་པ་ནི། ལྕམ་དྲལ་བཀའ་གནོན་དུ་ཡོད་པ་ལ་མ་ལྟོས་པར་འཁོར་རྐྱང་དུ་སྒྲུབ་པའོ། །དེ་ཡང་ལྷ་ཆེན་བརྒྱད། ཀླུ་ཆེན་བརྒྱད། གཟའ་ཆེན་བརྒྱད། །རྒྱུ་སྐར་ཉི་ཤུ་རྩ་བརྒྱད། ཞིང་སྐྱོང་བརྒྱད། གཤན་རྗེ་བརྒྱད། འཇིག་བྱེད་བརྒྱད། མ་མོ་བརྒྱད་པོ། མདོར་ན་སྣང་སྲིད་ལྷ་སྲིན་སྡེ་བརྒྱད་མཐའ་དག་རྐྱང་པ་སྒྲུབ་པ་སྟེ། དེ་ནི་ཐུན་…

གསུམ་གྱི་བསྐོར་བ་ནི་ཆེས་ཤིན་ཏུ་ཟབ་པར་གྲགས་སོ། །དེ་ལྟར་ན་ལྷ་བརྒྱད་སྦྲགས་སྒྲུབ་ཀྱི་སྒོ་ནས། བསྙེན་པ་ལས་འཇུག་པར་བྱ་སྟེ། འཚམས་ལ་འཇུག་པའི་སྔ་རོལ་ཏུ་ནག་པོ་ཆེན་པོ་ལ་བསྐངས་བཤགས་རྒྱས་པར་ཕུལ་ལ། གཟའ་སྐར། དགའ་བའི་དགོང་མོའི་ཆ་བགེགས་གཏོར་བཏང་ལ་བགེགས་བསྐྲད་ཅིང༌། མཚམས་ཐོ་རྣམས་བཙུགས་ཤིང༌། ཤེས་ཤིང་ནུས་ན་ཐོ་བཞི་རྒྱལ་ཆེ…

ཐུན་མཚམས་ལ་འཇུག་གོ །བཟླས་པའི་དམིགས་པ་ནི། རང་ཡི་དམ་དུ་གསལ་བ་དང༌། མདུན་དུ་མདུན་བསྐྱེད་མགོན་པོ་གཙོ་འཁོར་བརྒྱད་བཀའ་སྡོད་ཀྱི་ཚུལ་དུ་བཞུགས་པར་བསམ། རང་གི་ཐུགས་ཀའི་ཉི་མའི་སྟེང་དུ་རྡོ་རྗེ་རྩེ་ལྔ་པ་རྭ་གདེངས་པ། དབུས་རྭ་སྦུབས་ཅན་དུ་ཡོད་པའི་ལྟེ་བར་ཉི་མ་ལ་ཧཱུཾ་སྔོན་པོ། དེའི་མཐའ་སྐོར་དུ་མགོན་པོའི་སྙིང་པོ་དང་རྩ་སྔག…