ཕྱོགས་བཅུ་དུས་བཞིའི་བདེར་གཤེགས་མ་ལུས་པའི། །འཛད་མེད་གདུལ་བྱར་འཇུག་པའི་མཛད་པར་རངས། །སྟོང་གསུམ་འཇིག་རྟེན་འདིའི་ཕྱི་ཕྱོགས་མཚམས་སོགས། །བརྗོད་དཀའ་རྡུལ་སྙེད་ཞིང་གིས་སངས་རྒྱས་དང་། །གུ་རུ་པདྨ་ཟུང་འབྲེལ་མདོ་སྔགས་ཆོས། །འཁོར་ལོ་གདུལ་བྱ་དང་འཚམ་བསྐོར་བར་བསྐུལ། །མྱ་ངན་འདར་བཞེད་རྣམ་འདྲེན་མང་པོ་ཡང་། །འཇའ་ལུས་འཕོ་བ་ཆ…

གླུ་དབྱངས་ཀྱིས། །དགའ་སྐྱིད་དབྱར་གྱི་ལང་ཚོ་ཉེར་བཀུག་སྟེ། །ཐོག་མཐའ་བར་དགེའི་ཤིས་པས་ཁྱབ་གྱུར་ཅིག །ཅེས་དཔལ་སངས་རྒྱས་གཉིས་པ་ཨཽ་ཌྜི་ཡ་ནའི་སློབ་དཔོན་ཆེན་པོ་པདྨ་འབྱུང་གནས་ཀྱི་རྣམ་པར་ཐར་པ་གཏེར་ཁ་གོང་འོག་པ་ཁལ་སྨུག་པོ་སོགས་གཏེར་བྱོན་མང་པོར་རྒྱས་བསྡུས་དང་། གདུལ་བྱའི་བློ་དང་བསྟུན་པའི་རིགས་མི་གཅིག་པ་སྣ་ཚོགས་སྣང་ཞ…

རྣམས་ལ་བརྟེན་ནས་པཎ་ཆེན་རི་ཟངས་མདོག་པས་ཞུས་དག་པའི་འཕྱོང་རྒྱས་དཔལ་རིའི་བར་ཞེས་ཚད་ཐུབ་ཏུ་བྱེད་ནའང་འཕྲིན་ལས་ཧ་ཅང་ཆེས་པའི་ཡིག་འབྲུ་འཐོར་པ་དང་མི་གསལ་བ་ཁ་ཡར་འདུག་པ་ལྷོ་བྲག་སྤྲུལ་སྐུའི་ཆོས་འབྱུང་དང་སོག་བཟློག་པ་བློ་གྲོས་རྒྱལ་མཚན་ཞེས་རྣམ་དཔྱོད་དང་ལྡན་པ་དེས་བརྩམས་པའི་ཨྱོན་ཆེན་པོའི་རྣམ་ཐར་ལྟར་གཏེར་སྟོན་རྡོ་རྗེ་…

རྒྱལ། རྐོས་མཁན་དབུ་མཛད་དགོས་སླེབས། དབུ་ཆུང་རྒྱལ་བཀྲས། བྱིངས་གྲས་རབ་བརྟན། ཚངས་འཕེལ། གཞུང་རྡོར། ནམ་མཁའ་རབ་བརྟན། རྒྱལ་མཚན། གྲགས་པ། ནོར་བུ་ལྷ་སྐྱབས། ཨ་གཅེས། སུམ་འཕེལ། རབ་རྒྱས། དཔལ་ཁང་པ། སྒྲོལ་དབང་།ཡར་འཕེལ། ཚེ་རིང་དཔལ་འབྱོར། འོམ་དཔལ། དཔུང་སོགས། གསུམ་པ། བྲག་དབང་། རྡོར་དབང་། ཀུན་དགའ་ཚེ་བརྟན། ནོར་བུ་ཚེ་བརྟན…

(སྡེབ་སྦྱོར་མཉམ་པའི་པྲྀཏྟ་ལས་མེ་ཏོག་འཕྲེང་ཅན།) གཱཡདུརྐཪྻམཱཧོརྨཙཱརསྱགཱིརིཪྡིགཱཉསཱརམནྠཱཏྤྲཧཱིམྦུརྡྭིཔཿཀརྨནོཏཱུརྞཔཉྩཱལྱཛདྒེཥུཙཱརཻཀདེབོཏྤཤཱཀྱསྱསཾབརྞཀཿ། འགྲོ་ཆེད་བྱ་དཀར་རླབས་ཆེན་སྤྱོད་པའི་རི། །ཚོགས་གཉིས་མཚོར་བསྒྲིལ་ལས་ཐོན་སྤང་རྟོགས་གླང་། །འཕྲིན་ལས་ལྷོད་པོའི་གོམ་འགྲོས་ཡིད་ཅན་སར། །རྒྱུ་བའི་ལྷ་གཅིག་ཤཱཀྱའི་ག…

གི་མགོན་དང་སྐྱབས་དང་གླིང་དང་དཔུང་གཉེན་གཅིག་པུ་པ་སྟོབས་བཅུ་མངའ་བ་བུ་རམ་ཤིང་པའི་བསྟན་པ་རིན་པོ་ཆེ་རི་ཁ་བ་ཅན་གྱི་ལྗོངས་འདིར་དབུ་བརྙེངས་སྲོལ་བཏོད་དར་རྒྱས་མཛད་པ་གསུམ་གྱི་ཕྱི་མ་མངའ་བདག་ཆོས་སྐྱོང་བའི་རྒྱལ་པོ་ལྷ་སྲས་ཁྲི་སྲོང་ལྡེའུ་བཙན་གྱིས་མཁན་སློབ་རྣམ་པ་གཉིས་ཀྱིས་ཐོག་དྲངས་མཁས་གྲུབ་ལོ་པཎ་རྣམས་དབུའི་ཐོད་དུ་བཀ…

འབྲས་སྐྱེ་བར་སྨིན་པ་གླང་པོ་ཆེ། །གསེར་སྦྱངས་ཞུན་མའི་སྙེ་མ་གཡུར་ཟ་ཤོག །དཀར་ཆག་སྔོན་མར་གསལ་བའི་ཁྲོ་ཀོང་རྣམས། །སྦུག་སྐྱོན་བྱུང་བ་བསྐྱར་ལྡུགས་ཀྱི་ཞབས་ར་ཁ་ཡིག་ཅན། ཡང་གསར་བཟོས་ཁྲོ་ཀོང་ཟླ་དྲུག་འཁྱོངས་པ་ཉེར་གསུམ་དང་ཟླ་གསུམ་ལྡང་བ་བརྒྱད་རྣམས་ཀྱི་ནང་དུ་ཟངས་དམར་གྱི་ཀོང་གཡེལ་མོ་ལྕགས་ཀྱི་རྐང་གསུམ་དང་བཅས་པ་བཞི་བཅུ།…

འདེགས་ཁལ་ཉི་ཤུ་རྩ་གྲངས་ལས་གྲུབ་པའི་ཟངས་ཆེན་ནང་དུ་བན་ཆེན་ཚད་བཞི་བཅུ་རྩ་གཅིག་རེ་འགྲོ་བ་གསུམ། མར་ཁུ་བསིང་བ་དང་ལྡུགས་སྣོད་འདེགས་ཁལ་ཉེར་བརྒྱད་ལས་གྲུབ་པའི་ཟངས་གཞོང་ལྕགས་ཁ་མ་ཨ་ལུང་དང་བཅས་པ་ཆ། ཟངས་ཀྱི་མར་སྐྱོགས་ཁ་ལྕགས་ལ་ཡིག་གེ་མ་གཅིག་དང་། དེ་མཚུངས་ཁ་ལྕགས་མེད་པ་དགུ། ཟངས་ཚགས་ཆེ་ཆུང་གཉིས། པང་རྒྱན་གཡུ་རྩི་མ་ལྔ་…

ཁང་འདིར་མར་མེའི་རྒྱུན་ཇི་སྲིད་བར་འཕེལ་བའི་རྟེན་འབྲེལ་དུ། རིགས་གསུམ་མགོན་པོ་དང་རྣམ་སྲས་འཁོར་བཅས་བཞེད་དགོས་པའི་ལུང་བསྟན་ལྟར། སྤྱན་རས་གཟིགས། འཇམ་དབྱངས། ཕྱག་རྡོར། ངལ་བསོས་པོ་བཞི་མི་ཚད་ལྷག་ཙམ། འཁོར་རྟ་བདག་བརྒྱད་སྐུའི་ཕྱེད་ཆའི་ཚད་རྣམས་ལ་གྲང་གསེར་སྦྱིབ་བྱུགས་ཅན་གཟི་འོད་དང་ལྡན་པ་ལེགས་པར་གྲུབ་པར་ལོངས་སུ་སྤྱོ…

ཐོས་སྲས་ཀྱིས་འཕྲིན་ལས་རྟག་འཇུག་ཤོག །དཀར་མེར་བརྟེན་པའི་ཁང་པ་ས་ཞིང་རུ་བ་སོགས་ཕྱི་ནང་གི་དཀོར་ནོར་མཐའ་དག་ཕྱི་འཁྱར་མི་ཡོང་ཞིང་དཀར་མེའི་རྒྱུན་བསྟན་པ་ཇི་སྲིད་གནས་ཀྱི་བར་མི་ཆད་པའི་གཉེར་གཏད་ཀྱི་འཕྲིན་ལས་ཞུ་རྩིས་ཡིན་ཚུལ་ཆོས་སྐྱོང་ཆེན་པོ་རྣམ་གཉིས་ལ་ཞུས་པའི་ཚེ་གཉིས་ཀའང་ཤིན་ཏུ་དགྱེས་ཤིང་གཏུམ་ལ་རྔམས་པའི་དྲག་པོའི་…

ཡང་ལྷོ་ནུབ་ཀྱི་ལྕོག་གསར་བླ་མ་ལྷ་ཁང་དུ་སྔར་བྱང་ཆུབ་གླིང་སྐུ་སྐྱེས་བཙུགས་པའི་མདོས་ཀྱི་མཚན་ཉིད་ཆ་ཙམ་ཡང་མ་ཚང་བའི་ཟག་ཟོག་དེ་རིགས་ལ་མ་སོང་བ་ཞིག་བསྟར་བ་ལ་སྐྱེ་བརྒྱུད་རིགས་རུས་སྦྱང་སྟོབས་སོགས་ཀྱིས་བསྙེམས་པའི་གསང་སྔགས་རྙིང་མའི་བསྟན་འཛིན་ནམ་མཁའི་སྐར་ཚོགས་ལྟར་མང་ཡང་རྒྱུད་འགྲེལ་བླ་མའི་མན་ངག་སོགས་ལ་ནང་བྱན་ཆུད་པ་…

ལྡན་གྱི་ཕྱག་བཞེས་མན་ངག་ལྟར་ཐུན་རྫས་རྣམས་ཉེར་བསྡོགས་དགོས་པའི་ཞལ་ཏ་ས་སྐྱོང་སྦྱིན་པའི་བདག་པོར་གསོལ་ནས་འདུ་བགྱིས་ཏེ་བཀོད་པའི་རིམ་པ་ཡང་། སྤྱིར་རྒྱུད་སྡེ་རིན་པོ་ཆེ་མཐའ་དག་དགོངས་པ་མཐུན་པར་དཀྱིལ་འཁོར་གྱི་ལྷ་ཚོགས་ཐམས་ཅད་གཙོ་བོའི་ཡེ་ཤེས་ཀྱི་གཟུང་བྱར་བཤད་ཅིང་བསྐྱེད་པ་མ་ཧ་ཡོ་གའི་ལུགས་ལ་ཀུན་རྫོབ་ཏུ་སྣང་སྲིད་ཀྱི་…

དངོས། །དེ་ཡང་རང་སེམས་གསལ་སྟོང་ཟུང་འཇུག་ཏུ། །ངོ་འཕྲོད་ས་སྐྱའི་བླ་ཆེན་ཐུགས་ཀྱི་བཅུད། །ཅེས་པའི་དོན་ལ་གནས་པའི་ཕྱིར་བདག་ཆེན་ཀུན་རིན་པས། མགོན་ཆེན་དང་ཆོས་རྒྱལ། པུ་ཏྲ་དང་གནོད་སྦྱིན་རྒྱུད་གཅིག་པ་ཁོ་ནའི་ཤེས་བྱ་མཐའ་བཀག་དེ་འདྲ་དགོས་པར་མི་སེམས་མོད། བྱེ་བྲག་ཤེལ་འཕྲེང་དཀར་པོའི་རྒྱུད་ལས། རྡོ་རྗེ་ཁྱུང་ཆེན་ཀླུ་འབྲུག་…

དངུལ་ཕོར་དུ་སྐུ་ལྔའི་རྟག་གཏོར། གཏོར་སྒམ་རྩི་མ་ལྕགས་ཤན་མ་ཁ་བཏགས་མཐིང་ཁའི་ཁེབས་བཅས་རྣམས། གཡས་ཕྱོགས་སུ་གནོད་སྦྱིན་དམག་དཔོན་ཀུན་ཁྱབ་རྡོ་རྗེ་དྲག་པོ་རྩལ་གྱི་སྐུ་བརྙན་བསེའི་ཁྲབ་རྨོག་དར་རུ་ཆུང་། རྒྱལ་མཚན་ཏོག་ལྡན་གོས་དམར་གྱི་ཐོད། གོས་དམར་གསེར་མའི་ཁྲབ་གདན། གོས་དམར་གྱི་ཞབས་ཆིངས་རྒྱན་ཅན། གོས་ལྷམ་མི་མགོས་སྤྲས་པ།…

མའི་འཕན་ཆུང་ལྕེ་ལེ་མ་ལག་གསུམ་ཡོད་པ་ཆ་འདྲ་ཉི་ཤུ་ཐམ་པ། སྣམ་སྦྱར་ཆུང་ངུ་གཅིག་དང་འཁར་གསིལ་ཆུང་བ་གཅིག །གོས་མཆིན་གྱི་གཡང་གཞི་མི་ལྤགས་གཟུགས་གཅིག །ལྡ་ལྡིར་དར་སྣ་ཚོགས་སྤེལ་བ། ཀ་བ་བཞིར་ཁྲབ་སྲམ་རྒྱན་མ་བཞི་དང་ཤ་གཤམ་མ་བརྒྱད་སོ་སོར་རྨོག་བཅས་དར་རུ་ཆུང་སོགས་ཆ་ཚང་། ཐའི་ཇིར་རང་གི་གྲི་ཤེལ་རྡོ་གསེར་ཚགས་མ་གཅིག་དང་། མགོ་…

རྒྱལ་མཚན། རླུང་དུ་དོམ་གྱི་རྒྱལ་མཚན། བྱང་དུ་སྤྱང་ཀིའི་རྒྱལ་མཚན། དབང་གི་རྒྱལ་མཚན། དྲེད་ཀྱི་རྒྱལ་མཚན། དབང་ལྡན་དུ་སྟག་གི་རྒྱལ་མཚན། མེར་རྨ་བྱའི་རྒྱལ་མཚན། ལྷོར་བྱ་རྒོད་ཀྱི་རྒྱལ་མཚན་རྣམས། ཁང་པའི་ཕྱི་རོལ་ཏུ་ས་འཕན་ཆེ་བ་བརྒྱད། གསོལ་ཁ་བ་མི་གཅིག་གིས་ཉིན་སྟར་ཐོར་གསོལ་གྱི་འཕྲིན་ལས་གྱེར་བར་གཏོར་ཆས་དང་ཚོགས་ཆས་སོགས་…

འདུལ་པྲ་དུན་རྩེ་ཡི་ལྷོ། །གེ་སར་ཀླུ་ཡི་ཁ་གནོན་བྱང་། །རི་རྒྱལ་གླང་ཆེན་འགྱིང་འདྲའི་འདབས། །ཆུ་ཆེན་དྲག་པོ་འབབ་པའི་འགྲམ། །གློ་བོ་མ་ཐང་ཞེས་བྱའི་ཕུར། །རྗེ་རིགས་སྔགས་འཆང་རྣལ་འབྱོར་པ། །ཕ་མ་རྒྱལ་མཚན་གཉིས་ཀྱི་བུ། །ཀུན་བཟང་དགོངས་པའི་ཀློང་ནས་བསྐྲུན། །བི་མཱ་འཚོ་རྒྱལ་སྤྲུལ་པའི་སྲས། །སྤུན་བདུན་ཚིགས་སམ་མཐའ་རུ་འབྱུང་།…

ཞིག །ལས་ལྡན་ཐོག་བབས་ཚུལ་དུ་འབྱུང་། དེ་ཡིས་འདི་འབྱིན་འགྲོ་འདྲེན་འགྱུར། །ཞེས་པའི་བསམ་ཡས་བར་ཁང་བྱང་ཆུབ་ཆེན་པོའི་ཐུགས་ཀ་ནས་གདན་དྲངས་པའི་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་སྐོར་བསྐྱེད་རྫོགས་རྫོགས་པ་ཆེན་པོའི་ཉམས་ལེན་ཤིན་ཏུ་ཟབ་པ་སྐལ་ལྡན་ཚེ་འདིར་གྲོལ་བའི་ཉེ་ལམ་ཁྱད་པར་ཅན་ཡིན་པའི་ཕྱིར། རྩ་བ་རྡོ་རྗེའི་ཚིག…

རང་བྱོན་ཡོད། །དེ་ཡི་གཡོན་ཟུར་ཚེ་ཆུའི་སྟེང་། །རིན་ཅེན་འདྲ་བའི་བྲག་འོག་ཏུ། །ཚེ་ཆུར་བཅས་ཏེ་གཏེར་དུ་སྦེད། །ཅེས་སྦས་ཡུལ་འབྲས་མོ་ལྗོངས་ཀྱི་ལྷ་རི་རིན་ཅེན་སྙིང་པོའི་བྲག་ངོས་ལ་རྒྱས་བཏབ་པའི་ཚེ་དཔག་མེད་བདུད་རྩི་འཁྱིལ་བའི་སྐོར་སྤྱན་འདྲེན་པ་པོ་ནི་དེ་ཉིད་ལས། དེའི་དུས་བདག་གི་ཐུགས་རྗེ་དང་། ཁྱེད་ཀྱི་སྨོན་ལམ་མཐུ་བཙན་…

སྒྲུབ་སྤྱད་སྒྲུབ་བྱེད་ཡོན་ཏན་སྨོས་ཅི་དགོས། །ཕྲ་མོའི་ཡོན་ཏན་བརྗོད་པ་ག་ལ་ནུས། །པདྨ་བདག་གིས་སྤྱད་པས་འཆི་མེད་གྲུབ། །ཆེན་པོའི་ཡོན་ཏན་མ་ལུས་ལྷུན་གྱིས་གྲུབ། །ཅེས་མཆོག་གི་དངོས་གྲུབ་ཁོ་ནར་མ་ཟད་འཆི་མེད་ཚེའི་རིགས་འཛིན་གྱི་མཚོན་ཡོན་ཏན་མཐའ་ཡས་པ་གསུངས་པ་སོགས་གཏེར་ཆོས་འདི་དག་ཡི་གེ་འགའ་ཞིག་ཏུ་བཟང་བར་བསྟན་པ་ཅིག་ཤོས་…