བཤེས་པའི་འཕྲིན་ཡིག་གི་འགྲེལ་པ་རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐའི་གསུང་བཞིན་སྡེ་སྲིད་ཕུན་ཚོགས་རྣམ་རྒྱལ་གྱིས་ཟིན་བྲིས་བགྱིས་པ་བཞུགས།

གང་ཞིག་ཆོས་དབྱིངས་མཐའ་ཀླས་ཤེས་བྱའི་གནས་ཀུན་མ་ལུས་ཁྱབ་པ་ཡི། །ནང་གི་ཡེ་ཤེས་རང་རིག་གསལ་བ་ཇི་ལྟ་ཇི་སྙེད་མཁྱེན་པའི་ཐུགས། །སྨོན་ལམ་རྒྱ་མཚོ་བརྩེ་བའི་གཏེར་གྱུར་རྩོལ་མེད་ལྷུན་གྲུབ་འཕྲིན་ལས་ཀྱིས། །འཁོར་འདས་དོན་མཆོག་བདེ་བླག་རྩོལ་མཛད་སངས་རྒྱས་དབང་གི་རྒྱལ་པོར་འདུད། །འཕགས་པ་ཀླུ་སྒྲུབ་གཞུང་ལུགས་དྲི་མེད་ལམ། །རབ་ཏུ་…

རྒྱང་རིང་པོ་ནས་ཡི་གེར་གདམས་པས་འཕྲིན་ཡིག་ཅེས་པའོ། །འགྱུར་གྱི་ཕྱག་འཚལ་འཕགས་པ་འཇམ་དཔལ་ལ་བྱས་པར། གཞོན་ནུར་གྱུར་པ་ཞེས་པའི་དོན། སྔོན་བྱང་ཆུབ་ཀྱིས་སྤྱད་པ་སྤྱཽད་པའི་དུས་ཀྱི་སྐུ་སྐྱེ་བ་ནས་སྐྱེ་བ་ཐམས་ཅད་དུ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་རྟག་ཏུ་ཚངས་པར་སྦྱོད་པ་ཁོ་ནར་གྱུར་པའི། བྱིས་པ་གཞོན་ནུ་གཙང་མར་གནས་པ་ལྟར་བ…

ཕུན་སུམ་ཚོགས་པ་དང༌། ཤེས་རབ་གཏོང་བ་དད་པ་བརྩོན་འགྲུས་ཆེ་བ་ལ་སོགས་པའི་ཡོན་ཏན་གྱི་རང་བཞིན་ཅན། རྟག་ཏུ་དགེ་བར་སྤྱོད་པ་དང༌། འོས་པ་དང་རིགས་པའི་བྱ་བ་ལ་གནས་པའི་རྒྱལ་པོ་ཞེས་བོས་ནས། གདམས་པ་པོ་ཀླུ་སྒྲུབ་བདག་གིས་ནི། གདམས་པའི་ངོ་བོ་རང་བཟོ་མ་ཡིན་པར་བདེ་བར་གཤེགས་པའི་གསུང་རབ་ཏུ་ཇི་ལྟར་འབྱུང་བ་བཞིན་གྱིས་དོན་བསྐྱར་ལྡབ་…

ཆ་ཚད་དང་མི་ལྡན་པ་ལེགས་པ་ཅི་འདྲ་ཞིག་བྱུང་ཀྱང་རུང་སངས་རྒྱས་ཀྱི་སྐུ་འདྲ་ཡིན་པའི་ཕྱིར་སྐྱེ་བོ་མཁས་པ་ཤེས་རབ་དང་ལྡན་པ་རྣམས་ཀྱི་མཆོད་པའི་ཡུལ་དུ་བྱེད་པ་དེ་བཞིན་དུ་བདག་ཀླུ་སྒྲུབ་སོ་སོ་སྐྱེ་བོར་གྱུར་པས་གདམས་པ་པོ་ངན་པ་དང༌། རྗོད་བྱེད་ཀྱི་ཚིག་བདག་གིས་སྙན་ངག་ངན་ཅིང་མི་ལེགས་ཀྱང༌། སངས་རྒྱུས་ཀྱི་གསུངས་རབ་དམ་པའི་ཆོས་…

མི་འགྱུར་བའི་བརྗེད་ཐོ་ལྟ་བུར་འགྱུར་བས། དཔེ་རྡོ་ཐལ་གྱིས་བྱུགས་པའི་ཁང་པ་ཁ་དོག་དཀར་བ་ལ། དགུང་ཟླའི་འོད་ཀྱིས་ནི་ཕོག་ན་ཆེས་ལྷག་པར་དཀར་བར་ཅི་སྟེ་མི་བགྱིད་དེ་བགྱིད་པར་འགྱུར་བ་བཞིན་ནོ། །གཞུང་དངོས་ལ་ལམ་ཐམས་ཅད་ཀྱི་སྔོན་དུ་འགྲོ་བའི་ཆོས་རྣམ་པ་གཉིས་ཏེ། དད་པ་དང༌། བག་ཡོད་པའོ། །དད་པའི་ཆོས་སྐོར་གྱི་ནང་ཚན་ནས་ཐོག་མར་དད…

ནོ། །འདོད་པ་དང་གཟུགས་ཁམས་ཀྱི་ལྷ་ནི་སྔོན་གྱི་དགེ་བའི་འབྲས་བུ་མངོན་ཤེས་དང་ལྡན་ཏེ་འཇིག་རྟེན་གྱི་ཁམས་ཀྱི་བྱ་བ་ལེགས་ཉེས་གང་བྱེད་རྣམས་མངོན་སུམ་དུ་མཐོང་བའི་ཕྱིར་དམ་པའི་ཆོས་ཚུལ་བཞིན་མ་བསྒྲུབས་ན་ལྷ་རྣམས་ཀྱང་ཁྲེལ་བར་འགྱུར་རོ་སྙམ། རབ་ཏུ་བྱུང་བ་རྣམས་ཀྱིས་ནི་རྗེས་སུ་དྲན་ནས་དཔང་པོར་འཇོག་པ་ཡིན་ནོ། །དད་པ་དེ་ཡང་གང་ཟ…

ལས་གསུམ། རྫུན། ཕྲ་མ། ཚིག་རྩུབ། ངག་འཁྱལ་ཧེ་ངག་གི་ལས་བཞི། རྣབས་སེམས། གནོད་སེམས། ལོག་ལྟ་སྟེ་ཡིད་ཀྱི་ལས་གསུམ་མོ། །དེ་ལྟར་མི་དགེ་བ་བཅུ་ཡིད་གྱིས་སྤངས་ཤིང་ལུས་ངག་གི་བྱ་བས་དེ་ལས་ལོག་པར་བྱས་ཏེ་མི་དགེ་བ་བཅུ་སྤངས་པའི་ལས་ལམ་བཅུ་པོ་ལུས་དང་ནི་ངག་དང་ཡིད་ཀྱིས་དུས་སུ་བརྟེན་ཅིང་སྡིག་པ་སྤང་བ་ལ་གནས་པར་བྱེད་པ་དང༌། དེར་མ…

ལོངས་སྤྱོད་སྦྱིན་པར་བཏང་ན། འཇིག་རྟེན་ཕ་རོལ་གཞན་དུ་འབྱོར་པ་བདེ་སྐྱིད་ཕུན་སུམ་ཚོགས་པ་འབྱུང་བའི་ཕན་ཡོན་ཡོད་པ་མཐོང་བའི་སྦྱིན་པ་གཏོང་དགོས་པ་ཡིན་ཅིང༌། སྦྱིན་པའི་ཡུལ་ཡོན་ཏན་གྱི་ཞིང་དགེ་སློང་སོགས་དང༌། ཁྱིམ་གནས་ཆོས་བཞིན་དུ་སྤྱཽད་པ་བྲམ་ཟེ་དང༌། སྡུག་བསྔལ་གྱི་ཞིང་བཀྲེན་པ་དང་ནད་པ་ལ་སོགས་པ། ཕན་འདོགས་ཀྱི་ཞིང་ཕ་མ་ད…

ཀྱི་ཚུལ་ཁྲིམས་མ་ཉམས་མོད་མི་དམའ། །མ་འདྲེས་མ་སྦགས་མ་གོས་བསྟེན་པར་མཛོད། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་བརྟེན་ལགས་པར་གསུངས། །ཤེས་ལྡན་ཁྱེད་ལྟ་བུ་རྣམས་ཀྱིས་ཚུལ་ཁྲིམས་མཚན་ཉིད་བཞི་ལྡན་དུ་བསྲུངས་ཤིང་བསྟཻན་པར་བགྱི་དགོས་ཏེ། དེ་ཡང་མ་ཉམས་པ། མོད་མི་དམའ་བ། མ་འདྲེས་པ། མ་སྦགས་པའི་ཚུལ་ཁྲིམས…

ཚེ་འདིའི་གྲགས་པ་བཀུར་སྟི་རྙེད་པ་འཁོར་བསྡུ་བ་ལ་སོགས་པ་འཇིག་སྐྱོབ་ཀྱིས་ཆེད་དུ་ཚུལ་ཁྲིམས་བསྲུང་བ་ནི་ཚེ་འདིའི་རྣམ་རྟོག་གིས་གོས་པ་ཡིན་པས་དེས་མ་སྦགས་པ་དང༌། ཡང་ལེགས་སྨོན་གྱི་ཚུལ་ཁྲིམས་ཞེས་བྱ་བ་སྐྱེ་བ་གཞན་དུ་ལྷ་མིའི་མངོན་མཐོའི་བདེ་བ་བསྒྲུབ་པའི་སླད་དུ་ཚུལ་ཁྲིམས་བསྲུངས་ན་ཡང་འཁོར་བའི་བདེ་བ་ལ་སྲེད་པའི་གོས་པ་ཡིན…

ཐམས་ཅད་ཀྱང་ཚུལ་ཁྲིམས་ལས་བྱུང་བ་ཡིན་པས་ཚུལ་ཁྲིམས་ནི་དེ་ཀུན་གྱི་གཞི་རྟེན་ལགས་པར་རྒྱལ་བས་གསུང་པ་ཡིན་ནོ། །དད་པ་དང་རྗེས་སུ་འབྲེལ་བ་ཐེག་ཆེན་ཐུན་མོང་མ་མིན་པའི་སྤྱོད་པ་ལ་རྒྱུ་ཕ་རོལ་ཏུ་ཕྱིན་པ་དྲུག་དང༌། འབྲས་བུ་སངས་རྒྱས་ཀྱི་ས་གཉིས་བཤད་པ་ནི། སྦྱིན་དང་ཚུལ་ཁྲིམས་བཟོད་བརྩོན་བསམ་གཏན་དང༌། །དེ་བཞིན་ཤེས་རབ་གཞལ་མེད་ཕ་…

སྔོན་འགྲོ་དངོས་གཞི་རྗེས་ཐམས་ཅད་དུ་ཐབས་མཁས་ཀྱི་ཡན་ལག་སྦྱིན་པ་གཏོང་བ་པོ་སྦྱིན་པའི་དངོས་པོ་སྦྱིན་ཡུལ་རྣམས་བདེན་མེད་སྒྱུ་མ་ལྟ་བུ་འཁོར་གསུམ་རྣམ་པར་མི་རྟོག་པའི་ཤེས་རབ་ཀྱིས་ཟིན་པ་སོགས་ཕ་རོལ་ཏུ་ཕྱིན་པ་དྲུག་ཡན་ལག་བཞི་ལྡན་དུ་རྒྱས་པར་བྱས་ནས་སྲིད་པ་འཁོར་བའི་རྒྱ་མཚོ་སྟེ། རྒྱ་མཚོ་རྒྱ་ཆེ་བ་དང་མཚུངས་པར་འཁོར་བའི་གནས…

མེད་ཕ་རོལ་ཕྱིན་ཅེས་འདོན་ཅིང༌། ཕྱིན་དྲུག་ཉན་རང་ལ་མེད་པའི་དོན་དུ་འཆད་དེ། ད་ནི་ཁྱིམ་པའི་རྟེན་ཅན་ལས་དང་པོ་པ་དད་པ་ཅན་རྣམས་ལ་ཉེ་བར་མཁོ་བའི་ཆོས་རྣམ་པ་གཉིས་བཤད་དེ། ཕ་མ་ལ་སོགས་པ་གུས་པར་འོས་པ་རྣམས་ལ་མཆོད་པ་དང༌། ཡན་ལག་བརྒྱད་དང་ལྡན་པའི་གསོ་སྦྱོང་བླངས་པ་ལས། དང་པོ་ནི་ཁྱིམ་ན་ཕ་དང་མ་ཡོངས་སུ་གུས་པར་བྱེད་པ་ནི་ཚངས་པ་ད…

གུས་པ་མ་ཡིན། འཇུག་ལྡོག་ཐམས་ཅད་སྟོན་པའི་ཕ་མ་ལ་མི་གུས་ན་རིག་པའི་ཁྱད་པར་གཞན་སྟོན་པའི་སློབ་དཔོན་ལ་གུས་པ་ལྟར་སྣང་ཡང་གཡོ་སྒྱུའི་གུས་པ་ཡིན་གྱི་སྙིང་ཐག་པ་ནས་གུས་པ་མ་ཡིན་ནོ། །དེ་སྐད་དུ། ཕ་མའི་མདོ་ལས། དགེ་སློང་དག་ཁྱིམ་གང་དག་ན་ཕ་མ་གཉིས་ལ་ལེགས་པར་རི་མོར་བྱེད་པ་དང༌། ལེགས་པར་གཡོག་བྱེད་པའི་ཁྱིམ་པ་དེ་དག་ནི་ཚངས་པ་དང…

སྐྱེ་བ་ཐོབ་པར་འགྱུར་བ་ཡིན་ནོ། །གཉིས་པ་ལ་ཡན་ལག་བརྒྱད་དང་ལྡན་པའི་བསྙེན་གནས་དངོས་དང༌། དེ་བསྲུངས་པའི་ཕན་ཡོན་གཉིས་ལས། དང་པོ་ནི། འཚེ་དང་ཆོམ་རྐུན་འཁྲིག་པ་རྫུན་དང་ནི། །ཆང་དང་དུས་མིན་ཟས་ལ་ཆགས་པ་དང༌། །མལ་སྟན་མཐོ་ལ་དགའ་དང་གླུ་ངག་དང༌། །གར་དང་ཕྲེང་བའི་ཁྱད་པར་རྣམས་སྤོང་ཞིང༌། །སེམས་ཅན་ལ་གནོད་འཚེའི་གཙོ་བོ་སྲོག་གཅོད…

འཆང་བ་ནི་ཚོན་གྱིས་ཁ་དོག་བསྒྱུར་བ་རྣམས་ཏེ། སྒེག་འཆོས་ལ་བརྟེན་པའི་ཉེས་པ་དེ་རྣམས་དང༌། གོང་གི་ཕྱི་དྲོའི་ཁ་ཟས་ལ་ཆགས་པའི་ཉེས་པ། མལ་སྟན་ཆེ་མཐོ་ལ་ལོངས་སྤྱད་པའི་ཉེས་པ་དང་བཅས་པ་གསུམ་སྦོང་བ་ནི་བརྟུལ་ཞུགས་ཀྱི་ཡན་ལག་ཡིན་ནོ། །དེ་ལྟར་བསྙེན་གནས་བསྲུངས་པའི་ཕན་ཡོན་ནི། དགྲ་བཅོམ་ཚུལ་ཁྲིམས་རྗེས་སུ་བྱེད་པ་ཡིས། །ཡན་ལག་བརྒ…

ཕན་ཡོན་རྣམས་ལས་སྡོམ་པའི་ངོ་བོ་ནི། སོ་སོ་ཐར་བའི་སྡོམ་པ་ལས། མི་དགེ་པ་བཅུ་ཆ་ཚང་སྤོང་བའི་སྡོམ་པ་དང༌། ཆ་ཤས་ཅི་རིགས་སྤོང་བ་རྣམས་ཡོད་པ་ལས། བསྙེན་གནས་གྱི་སྡོམ་པའི་ངོ་བོ་ཡང་མི་དགེ་བ་བཅུ་ལས་ལོག་པའི་སྡོམ་པ་ཡིན་ལ། ལེན་པ་པོ་རྟེན་གྱི་ཁྱད་པར་ནི། ཉན་ཐོས་བྱེ་བྲག་ཏུ་སྨྲ་བ་རྣམས་གླིང་གསུམ་གྱི་སྐྱེས་པ་བུད་མེད་ཁོ་ན་ཡིན་པ…

ཅི་ཙམ་བསྲུང་ནུས་ཀྱང༌། བསམ་པའི་དབང་གིས་བསླབ་བྱ་ལ་གནས་ན་དེ་ཡང་བསྙེན་གནས་ཀྱི་སྡོམ་པར་ཡིན་པར་འདོད། བྱེ་བྲག་ཏུ་སྨྲ་བ་ནི་བསྙེན་གནས་ཀྱི་སྡོམ་པ་བསྲུང་བའི་དུས་ཉིན་ཞག་གཅིག་ལས་མང་བ་དང་ཉུང་བར་མི་རུང་བས་བསྲུང་ཀྱང་ལེགས་སྤྱད་དགེ་བ་ཙམ་ཡིན་གྱི་སྡོམ་པར་མི་འདོད་དོ། །ཇི་ལྟར་ལེན་པའི་ཚུལ་ལ། ལེན་ཚུལ་དངོས་དང༌། ལེན་པའི་ཆོ་ག…