དག་པ་ལ་མ་ཆགས་པ་འཕགས་པའི་རིགས་ཀྱི་སེམས་ནི། འདོད་ཆུང་ཆོག་ཤེས་ལ་གདམས་པས་བསྟན། ཤེས་བཞིན་དུ་གནས་པས་མངོན་པར་དགའ་བ་ནི། ཆོས་བརྒྱད་ཀྱི་རྣམ་རྟོག་སྤོང་བ་དང༌། ལས་འབྲས་ཕྲ་ཞིབ་ལ་སྤང་བླང་དགོས་པ་དང༌། ངོ་ཚ་ཁྲེལ་ཡོད་དུ་བྱ་བ་དང༌། ཁྱིམ་པར་གདམས་པ་གཙོ་ཆེ་བ་རྒྱན་པོ་འགྱེད་པ་ལ་སོགས་པ་སྤངས་དགོས་པ་གཞན་རྣམས་གྱིས་བསྟན། ཁ་ཟས་ཀྱི…

དང༌། བརྩོན་འགྲུས་དང༌། སྤྱོད་པ་དང༌། སེམས་རྫུ་འཕྲུལ་གྱི་རྐང་པ་སྟེ་བཞི་ཁ་ཡང་ཏིང་ངེ་འཛིན་གྱི་ཕྱོགས་སུ་གཏོགས་སོ། །སྦྱོར་ལམ་དང་འབྲེལ་བའི་ཆོས་བཤད་པ་ལས། སྦྱོར་ལམ་གྱི་རྒྱུ་ཚོགས་བསྟན་པ་དང༌། སྦྱོར་ལམ་དངོས་འཕྲོས་དང་བཅས་བསྟན་པའོ། །དང་པོ་ལ་དོན་ཚན་བཞིའི་ཐོག་མ། ཚད་མེད་པ་བཞི་བསྒོམ་པར་གདམས་པ་ལ། བྱམས་དང་སྙིང་རྗེ་དག་དང…

ལ་སོགས་པ་བྱང་ཆུབ་གསུམ་པོ་གང་རུང་ཐོབ་ཏུ་ཡང་ཡོད་ལ། གལ་ཏེ་གོང་མ་སྟེ་བྱང་ཆུབ་གསུམ་པོ་ཐོབ་པར་མ་གྱུར་ཀྱང༌། ཚངས་པའི་འཇིག་རྟེན་དུ་སྐྱེས་ནས་བསམ་གཏན་གྱི་བདེ་བ་དམ་པ་ཐོབ་ཅིང་ཉམས་སུ་མྱོང་བར་འགྱུར་བ་ལ་ཐེ་ཚོམ་མེད་པ་ཡིན་ནོ། །དེ་ལྟར་བྱམས་སོགས་གོང་མ་གསུམ་བསྒོམས་པས་ཞེ་སྡང་བཟློག་པ་ཡིན་ཡང༌། དེའི་རྗེས་སུ་སེམས་ཅན་ལ་སྲེད་པ…

ཐོབ་པ་ཡིན་ནོ། །ཡང་ཆོས་མངོན་པ་ལས། སེམས་གནས་པའི་ཐབས་དགུས་ཞི་གནས་བསྒྲུབས། ཡིད་ལ་བྱེད་པ་བདུན་གྱིས་ལྷག་མཐོང་བསྒྲུབས་ཏེ། འདོད་པ་ལ་ཆགས་བྲལ་བྱས་པས་བསམ་གཏན་དུ་སྐྱེ་བ་དང༌། འདོད་པའི་ཉོན་མོངས་པ་མངོན་གྱུར་མ་ལོག་ཅིང་བསམ་གཏན་གྱི་ཏིང་ངེ་འཛིན་མ་ཐོབ་པ། བསམ་གཏན་གྱི་ལྷར་སྐྱེ་བ་མི་སྲིད་པར་བཤད་པ་དང༌། མདོ་སྡེ་འགའ་ཞིག་དང༌།…

ཐོབ་པ་དང༌། བསམ་གཏན་གྱི་ལྷར་སྐྱེ་མྱོང་བའི་བག་ཆགས་སད་པའམ། ཡང་ན་བསམ་གཏན་གྱི་ཏིང་ངེ་འཛིན་ཐོབ་པ་རྐྱེན་གཞན་གྱིས་བར་དུ་ཉམས་ནས་འབྲས་བུ་མ་སྨིན་པ་ལན་གྲངས་གཞན་དུ་མྱོང་འགྱུར་གྱི་ལས་སང་རྒྱུ་ཡོད་པ་རྣམས་ནི་ཚད་མེད་པ་བཞི་བསྒོམས་པས་སྣ་དྲངས་ནས་སྐྱེ་བ་འདིར་བསམ་གཏན་གྱི་ཏིང་ངེ་འཛིན་ཐོབ་པ་དང༌། ཕྱི་མ་བསམ་གཏན་གྱི་ལྷར་སྐྱེས་…

ཤོས་ཀྱང་ཡོད་དགོས་པའི་ཕྱིར་རོ། །ཞི་གནས་སྐྱོན་མེད་ལ་གོམས་པ་རབ་ཀྱི་མཐར་ཕྱིན་ནས། འདོད་པ་ལ་འདུན་པ་དང༌། གནོད་སེམས་ཀྱི་གཉེན་པོ་བསྒོམ་པས་ཚོར་བ་སྡུག་བསྔལ་དང༌། ཡིད་མི་བདེ་བ་དང༌། འདོད་པའི་ཉོན་མོངས་རྣམས་མངོན་གྱུར་སྤངས་པས་སེམས་རབ་ཏུ་དབེན་པ་ལས་སྐྱེས་པའི་དགའ་བདེ་ཐོབ་པ་ནི། བསམ་གཏན་དང་པོའི་སྙོམས་འཇུག་གི་ཏིང་ངེ་འཛིན་…

ཡིན་ནོ། །བསམ་གཏན་བཞི་ཁ་ཡང་རགས་པའི་སེམས་རྒྱུད་ལ་གསལ་སྣང་རྩེ་གཅིག་པར་འདྲ་བ་ལས་ཁྱད་པར་ནི། དེ་ལ་སེམས་རབ་ཏུ་དབེན་པ་ལས་སྐྱེས་པའི་དགའ་བདེ་ཞེས་པ། འདོད་པའི་ཉོན་མོངས་པ་དང༌། སྡུག་བསྔལ་གྱིས་སེམས་དཀྲུགས་པས་རྣམ་པར་གཡེངས་ཏེ་སུན་ཞིང་མི་འགོལ་བ་ལས། བསམ་གཏན་དང་པོའི་ཏིང་ངེ་འཛིན་ཐོབ་པས་སུན་པ་རྣམས་སངས་ཏེ་དབེན་པ་ཐོབ་པའི་ད…

གཏན་གཉིས་པའི་ཏིང་ངེ་འཛིན་ཐོབ་པ། བསམ་གཏན་གཉིས་པའི་གནས་གསུམ་གང་རུང་དུ་སྐྱེ་བ་ལས། གཙོ་བོ་འོད་གསལ་དང༌། བསམ་གཏན་གསུམ་པའི་ཏིང་ངེ་འཛིན་ཐོབ་པ་བསམ་གཏན་གསུམ་པའི་གནས་གསུམ་གང་རུང་དུ་སྐྱེ་བ་ལས། གཙོ་བོ་དགེ་རྒྱས་དང༌། བསམ་གཏན་བཞི་པའི་ཏིང་ངེ་འཛིན་ཐོབ་པ། བསམ་གཏན་བཞི་བའི་གནས་གསུམ་གང་རུང་དུ་སྐྱེ་བ་ལས། གཙོ་བོར་འབྲས་བུ་ཆ…

པའི་ཀུན་སློང་ཤུགས་དྲག་པོ་དང་ལྡན་པས་བྱས་པ་སྟེ་ཞེ་སྡང་ཆེན་པོས་སྲོག་གཅོད་པ་དང༌། དད་པ་ཆེན་པོས་སྦྱིན་པ་བཏང་བ་ལ་སོགས་པ་དགེ་སྡིག་སྟོབས་ཆེན་པོར་འགྱུར་བ་དང༌། གཉེན་པོ་མེད་པ་ནི། དགེ་སྡིག་གང་ཡང་འཇོམས་པར་བྱེད་པའི་གཉེན་པོ་མེད་ན་སྟོབས་དང་ལྡན་པར་འགྱུར་ཏེ། མི་དགེ་བའི་དངོས་གཉེན་ནི་སྡིག་པ་བཤགས་པར་བྱེད་པ་དང༌། སྡིག་པ་གང…

སུམ་ཚོགས་པ་ལ་དགེ་སྡིག་གི་ལས་གང་བསགས་ཀྱང་སྟོབས་དང་ལྡན་པར་འགྱུར། གཙོ་བོར་ལྡན་ཞེས་པ་ཁ་ཅིག་གིས་བརྩེ་ལྡན་དུ་བསྒྱུར་ནས་འཆད་པ་ནི་མི་འཐད་ལ། གཙོ་བོའི་དོན་ཕྱག་འཚལ་བ་དང༌། གུས་པར་བྱ་བའི་ཡུལ་སློབ་དཔོན་དང་ཕ་མ་ལ་སོགས་པ་ཡིན་པར་བཤད་པ་ཡོད་མོད། རང་ལུགས་རྒྱ་དཔེར་ཨུ་པ་ཀ་ར་ཞེས་པ། ཤིན་ཏུ་བྱེད་པའམ། ལྷག་པར་བྱེད་པ་ལ་འགྱུར་བ་…

ལྡན་དུ་བསྒྲུབས་ཀྱང༌། མི་དགེ་བ་དང་སྲ་བསྲེས་སུ་གྱུར་པས་རྣམ་པར་དག་པར་མི་འགྱུར་སྙམ་ན། ལན་ཚ་སྲང་འགས་ཆུ་ནི་ཉུང་དུ་ཞིག། རོ་བསྒྱུར་བགྱིད་ཀྱི་གང་གཱའི་ཀླུང་མིན་ལྟར༌། །དེ་བཞིན་སྡིག་པའི་ལས་ནི་ཆུང་ངུ་ཡང༌། །དགེ་བའི་རྩ་བ་ཡངས་པས་མཁྱེན་པར་བགྱི། །ལན་ཚ་སྲང་གཉིས་དང་གསུམ་ལ་སོགས་པ་འགས་ཆུ་ཉུང་དུ་རོ་བསྒྱུར་བར་ནུས་ཀྱང༌། གང་…

གཡེངས་མི་འགོག་ཅིང་དང་དུ་ལེན་པ་ལ་འཇོག་པ་ཡིན། འགྱོད་པ་ནི། དགེ་བ་དང་ལུང་མ་བསྟན་ལ་འགྱོད་པ་ངེས་པར་སྒྲིབ་པ་ཡིན་ཅིང༌། སྡིག་པ་ལ་འགྱོད་པ་ནི་རྣམ་པ་ཐམས་ཅད་དུ་སྒྲིབ་པ་མ་ཡིན་པས་སྡིག་པ་བཤགས་པ་ལ་དགོས་པ་སོགས་དགེ་བའི་ཆོས་སུ་འགྱུར་བའི་སྐབས་ཡོད་ཀྱང༌། མཉམ་བཞག་ཏིང་ངེ་འཛིན་གྱི་གནས་སྐབས་སུ་སྡིག་པ་ལ་འགྱོད་པ་སྐྱེས་ཀྱང་སེམས་…

གཉིད་རྨུགས་རྣམས་ཀྱིས་ནི་ཏིང་ངེ་འཛིན་གྱིས་བསླབ་པ་ལ་བར་དུ་གཅོད་པར་བྱེད། ཐེ་ཚོམ་གྱིས་ནི་ཤེས་རབ་ཀྱི་བསླབ་པ་ལ་བར་དུ་གཅོད་པར་བྱེད་པ་ཡིན་ནོ། །དེ་ལྟ་བུའི་སྒྲིབ་པ་ལྔ་པོ་འདི་དག་ནི། དགེ་བ་འབྱོར་པ་ཕུན་སུམ་ཚོགས་པའི་ནོར་དང་མཚུངས་པ། འཕྲོག་པའི་ཆོམ་རྐུན་དང་འདྲ་བ་ལགས་པར་ཤེས་པར་བྱས་ཏེ་འབད་པས་སྤང་བར་བྱའོ། །སྒྲིབ་པའི་རི…

རང་བཞིན། དབང་སྟོབས་ཀྱིས་ཁྱད་པར། དེ་དང་སྦྱོར་ལམ་བཞི་སྦྱོར་ཚུལ་རྣམས་ལས། དང་པོ་ནི། སྦྱོར་ལམ་ལ་དབྱེ་ན། དྲོད་རྩེ་མོ་བཟོད་པ་ཆོས་མཆོག་རྣམས་སོ། །གཉིས་པ་སྦྱོར་ལམ་ཀྱི་ཡེ་ཤེས་ཀྱི་ངོ་བོ་ནི། བདག་མེད་ལ་དམིགས་པའི་ཤེས་རབ་ཡིན་ལ། དད་སོགས་ཆོས་གཞན་རྣམས་དེའི་འཁོར་ཡིན་ནོ། །དེ་ཡང་ཐེག་པ་ཐུན་མོང་དུ་གང་ཟག་གི་བདག་མེད་ལ་གསལ་སྣ…

དབང་འབྱོར་པ་ཡིན་ལ། དེ་ཡང་དད་སོགས་ཆོས་ལྔའི་དམིགས་པའི་ཡུལ་ལ་གསལ་སྣང་ཐོབ་ཅིང་གསལ་སྣང་ཐོབ་པ་དེ་ལ་བློས་རང་དབང་དུ་སྤྱཽད་པར་ནུས་པ་ནི། དད་སོགས་ཀྱི་དབང་པོ་ཡིན། གསལ་སྣང་ཐོབ་ནས་རང་དབང་དུ་སྤྱཽད་པའི་དོན་ནི། དད་པ་བསྒོམས་པ་ནས་སེམས་ཐམས་ཅད་ངོ་བོར་སོང་བ་ལྟ་བུ་ནས། ཤེས་རབ་བདག་མེད་པའི་དོན་བསྒོམས་པ་ན་སེམས་ཐམས་ཅད་བདག་མེད་…

ལམ་བཞི་དང་སྦྱོར་ཚུལ་ནི། བྱང་ཆུབ་སེམས་དཔའ་ཚོགས་ལམ་པས་མཉམ་བཞག་རྩེ་གཅིག་པས་དད་སོགས་ཆོས་ལྔ་བསྒོམས་པས་གསལ་སྣང་སྐྱེས་པ་ན། གསལ་སྣང་ནི་ཐོབ། རྐྱེན་དང་དུས་ལ་དབང་མ་འབྱོར་པ་དེའི་ཚེ་སྦྱོར་ལམ་གྱི་ནང་ནས་དྲོད་ཐོབ་པ་དང༌། དབང་པོ་ལྔ་ཆུང་ངུའམ་ཕལ་པ་དང་ཐ་མལ་པ་ཐོབ་པ་ཡིན་ནོ། །སླར་ཡང་རྒྱུན་རིང་དུ་བསྒོམས་པས་དད་སོགས་ཆོས་ལྔའི་…

དེ་དག་ཀྱང་ཡུན་བསྲིངས་ཏེ་བསྒོམས་པས་གསལ་སྣང་མཐར་ཕྱིན་ཅིང༌། རྗེས་ཐོབ་ཏུ་མི་མཐུན་ཕྱོགས་ཀྱི་རྣམ་པར་རྟོག་པ་ཆེད་བསྟད་སྐབས་དབྱེ་ཡང་མི་སྐྱེ་བ་དེ་ནི་སྦྱོར་ལམ་ཆོས་མཆོག་ཡིན་ཅིང༌། སྟོབས་ལྔ་ཆེན་པོ་དང་ཁྱད་པར་ཅན་དུ་ཕུལ་དུ་བྱུང་བ་ཐོབ་པ་ཡིན་ནོ། །གཞུང་དོན་དངོས་ནི། དད་པ་དང༌། བརྩོན་འགྲུས་དག་དང༌། དྲན་པ་དང༌། ཏིང་ངེ་འཛིན་ད…

འཆི་བ་གསུམ་དང༌། སྡུག་པ་སྟེ་ཡིད་དུ་འོང་བ་དང་བྲལ་བ་ལ་སོགས་པ་དེ་བཞིན་དུ་རིགས་དྲུག་གི་གནས་ན་སྡུག་བསྔལ་སྣ་ཚོགས་པ་འབྱུང་བ་རྣམས་རང་གི་སྔོན་གྱི་ལས་ཀྱི་འབྲས་བུ་བདག་གིར་བྱས་ཏེ་ཉམས་སུ་མྱོང་དགོས་པ་ལས་མ་འདས་པ་སྟེ། དེ་ལས་ཐབས་གཞན་མེད་པ་ཡིན་ལ། དེའི་ཕྱིར་ཁམས་གསུམ་འཁོར་བ་པ་འདི་རྣམས་མི་འདོད་བཞིན་དུ་སྡུག་བསྔལ་སྣ་ཚོགས་པ…

གཉེར་ཞིང༌། དེ་ལས་ལྷག་པ་ཐར་པ་ལ་གུས་པར་མི་བྱེད་པ་ནི་དབང་པོ་དམན་པ་ཡིན་མོད། ངན་སོང་གི་རྟེན་ལ་ཐར་པ་དང་ཐམས་ཅད་མཁྱེན་པ་བསྒྲུབ་ཏུ་མེད་པས། ཐར་པ་དང་ཐམས་ཅད་མཁྱེན་པ་བསྒྲུབ་པའི་ཕྱིར་དུ་མཐོ་རིས་དོན་དུ་གཉེར་བ་ནི་དབང་པོ་དམན་པར་མི་འགྱུར་རོ། །ཡང་དག་པའི་ལྟ་བ་ལ་འཇིག་རྟེན་པའི་ཡང་དག་པའི་ལྟ་བ་དང༌། འཇིག་རྟེན་ལས་འདས་པའི་ཡང་…

བདེ་བ་བསྒྲུབ་པ་ལ་ལག་ལེན་དུ་ལུས་ངག་གི་ལས་འབྲས་ཀྱི་སྤང་བླང་བྱས་པས་འགྲུབ་ན། ལས་འབྲས་ལ་ཡིད་ཆེས་པའི་ལྟ་བ་མེད་ཀྱང་ཆོག་པ་ཡིན་སྙམ་ན། དེ་ལྟར་མ་ཡིན་ཏེ། ལས་འབྲས་ལ་ཡིད་ཆེས་དང་མི་ལྡན་ན་ལོག་པར་ལྟ་བ་དངོས་འདྲེས་སམ། ལོག་པར་ལྟ་བའི་བག་འདྲེས་པར་འགྱུར་བས། ལོག་པར་ལྟ་བས་ཀུན་ནས་བསླང་སྟེ། ལེགས་པར་སྦྱངས་པའི་དགེ་བ་བསྒྲུབས་ཀྱང…