བ་ཡིན་ནོ། །གཞན་ཡང་སྐྱེས་བུ་དམ་པ་རྒྱལ་བ་སངས་རྒྱས་ལ་བསྟེན་པ་ལས། སྔོན་སྐྱེ་བོ་རབ་ཏུ་མང་པོ་མཐའ་ཡས་པས་ཞི་བ་མྱ་ངན་ལས་འདས་པའི་གོ་འཕང་ཐོབ་པ་དང་ཚུལ་མཚུངས་པར། ད་ལྟ་ཡང་དགེ་བའི་བཤེས་གཉེན་བསྟེན་པ་ལས། དེ་དང་རྗེས་སུ་མཐུན་པའི་ཡོན་ཏན་འབྱུང་བའོ། །དགེ་བའི་བཤེས་གཉེན་བསྟན་པ་ཚངས་སྤྱོད་ཡོངས་སུ་རྫོགས་པར་གསུངས་པའི་མདོ་ནི་ལུ…

དེ་དག་དང་བྲལ་ཁོམ་པ་རྙེད་ནས་ནི། །སྐྱེ་བ་བཟློག་པའི་སླད་དུ་འབད་པར་མཛོད། །ལོག་པར་ལྟ་བ་འཛིན་པ་སྟེ་ལས་འབྲས་ལ་མེད་པར་སྐུར་བ་འདེབས་པའམ་དཀོན་མཆོག་གསུམ་ལ་སྐུར་བ་འདེགས་པ་དང༌། དུད་འགྲོ་དང༌། ཡི་དྭགས་ཉིད་དང༌། དམྱལ་བ་རྣམས་སུ་སྐྱེ་བ་དང་རྒྱལ་བའི་བཀའ་མེད་པ་སྟེ། སངས་རྒྱས་འཇིག་རྟེན་དུ་མ་བྱོན་པར་སྐྱེ་བའམ། བྱོན་ཡང་ཆོས་མ་…

བའོ། །ཞེས་བསྡོམས་སུ་བཤད་པ་ལྟར། མིའི་རྟེན་ཐོབ་པ། ཡུལ་དབུས་ཆོས་དར་སར་སྐྱེས་པ། དབང་པོ་སྒོ་ལྔ་ཚང་བ། ལས་མཐའ་མ་ལོག་པ་སྟེ། མཚམས་མེད་མ་བྱས་པ། གནས་ལ་དད་པ་ནི། ལེགས་པར་གསུངས་པའི་ཆོས་འདུལ་བ་ལ་དད་པ་སྟེ། སངས་རྒྱས་ཀྱི་གསུང་རབ་ལ་དད་པ་རྣམས་ནི་རང་འབྱོར་ལྔ་དང༌། སངས་རྒྱས་འཇིག་རྟེན་དུ་བྱོན་པ། དེས་ཆོས་གསུངས་པ། བསྟན་པ་གནས…

འདོད་པ་བཙལ་ཏེ་མི་རྙེད་པ་དང་རེ་བ་འབྲས་བུ་མེད་པའི་སྡུག་བསྔལ་ཡིན་ཏེ་དེ་དག་དང༌། ན་བ། རྒས་པ། འཆི་བ་ལ་སོགས་པའི་སྡུག་བསྔལ་དུ་མ་རྟག་ཏུ་རྒྱུན་མི་འཆད་པར་འབྱུང་བའི་འབྱུང་གནས་འཁོར་བ་ལ་ཡིད་ཡོངས་སུ་སྐྱོ་བར་བྱ་ཞིང༌། འཁོར་བ་དེའི་ཉེས་པ་ཤས་ཤིག་ཀྱང་སྟེ་རགས་པ་ཙམ་བརྗོད་ཀྱིས་གསན་པར་མཛོད་ཅིག །གཉིས་པ་རྒྱས་བཤད་ལ། འཁོར་བ་སྤྱ…

ཕ་ནི་བུ་ཉིད་དུ་འགྱུར་བ་དང༌། མ་ནི་ཆུང་མ་ཉིད་དུ་འགྱུར་བ་དང༌། དགྲ་བོ་གཉེན་བཤེས་སུ་འགྱུར་བ་དང༌། དེ་དག་ལས་ལྡོག་པ་བུ་ཕར་འགྱུར་བ་དང་ཆུང་མ་མར་འགྱུར་བ་དང༌། གཉེན་བཤེས་དགྲར་འགྱུར་བ་ལ་སོགས་པ་ངེས་པ་མེད་པ་སྣ་ཚོགས་ཉིད་དུ་འགྱུར་བ་མཆི་ཞིང་གདའ། དེའི་ཕྱིར་འཁོར་བ་འདི་ནི་ངེས་པ་འགའ་ཡང་མ་མཆིས་སོ། །དེ་ཡང་འཇིག་རྟེན་གྱི་ཁམས་…

ཡང་སོ་སོའི་སྐྱེ་བོའི་རྗེས་སུ་འབྲང་བའི་བློ་འཁོར་བར་ཆགས་ཤིང་སྲེད་པ་རྣམས་ནི། འཁོར་བ་མཐའ་མེད་པའི་བར་དུ་སྔར་བས་ཀྱང་ཆེས་མང་བའི་ནུ་ཞོ་ཚིམས་པ་མེད་པར་འཐུང་བར་བྱེད་པས། ཇི་ཙམ་ཞིག་བཏུངས་ཀྱང་ཚིམས་པར་མི་འགྱུར་བ། འོ་མ་བཏུངས་པས་མཚོན་པའི་བཟའ་བཏུང་ལོངས་སྤྱོད་ལ་སོགས་པ་ཚིམས་པའི་དུས་མེད་པ་ནི་ངོམས་པ་མེད་པས་སྡུག་བསྔལ་པའོ།…

ན་ས་ཡི་ལང་བར་མི་འགྱུར་ཏེ། ས་གཞི་འདི་ཟད་པར་འགྱུར་ལ། མའི་ཕ་མཐའ་ནི་རྫོགས་པར་མི་འགྱུར་རོ། །ལྔ་པ་མཐོ་དམན་དུ་གྱུར་པས་སྡུག་བསྔལ་བ་ལ། ལྷ་དང་མིའི་དཔལ་འབྱོར་ཕུན་སུམ་ཚོགས་པ་འཇིག་པར་འགྱུར་བས་སྡུག་བསྔལ་བ་ནི། བརྒྱ་བྱིན་འཇིག་རྟེན་མཆོད་འོས་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྷུང༌། །འཁོར་ལོས་བསྒྱུར་བ་ཉིད་དུ་…

འདིར་ལྷ་ལ་མཐོ་རིས་ཞེས་པ་འཇིག་རྟེན་དུ་གྲགས་པ་ལྟར་དུ་བརྗོད་ནས། དེ་ལྟ་བུའི་ལྷའི་བུ་མོའི་ནུ་མ་དང་སྐེད་པ་ལ་རེག་པའི་བདེ་བ་ཡུན་རིང་དུ་ཉམས་སུ་མྱོང་བར་བྱས་ཀྱང༌། དེ་དག་གནས་ཚེ་འཕོས་པ་ན། དམྱལ་བར་རི་གཉིས་ཀྱི་བར་དུ་འཐག་པ་དང༌། དམྱལ་བསྲུང་རྣམས་ཀྱིས་ལུས་དུམ་བུར་གཅོད་པ་དང༌། དབང་པ་སྟེ་དམྱལ་བསྲུང་དང་དམྱལ་བའི་སེམས་ཅན་གཅ…

མེ་འདག་གི་འོབས་སུ་ལུས་བྱིང་བ་དང་མི་གཙང་བའི་རང་བཞིན་ཅན་རོ་མྱགས་ཀྱི་འདམ་དུ་བྱིངས་ཤིང༌། སྲིན་བུ་ལྕགས་ཀྱི་མཆུ་ཅན་གྱིས་ལུས་དཀྲོལ་བར་བྱེད་པ་ལ་སོགས་པ་སྡུག་བསྔལ་མི་བཟད་པ་འཕོག་པ་སྟེ་ཐོག་ཏུ་འབབ་པར་འགྱུར་རོ་སྙམ་དུ་ཤེས་པར་བྱའོ། །མཐོ་རིས་ཀྱི་དགའ་ཚལ་ལ་ལོངས་སྤྱཽད་པའི་བདེ་བ་འགྱུར་བར་བསྟན་པ་ནི། མཐོ་རིས་བུ་མོས་འབྲོངས…

གྱི་པདྨ་ལྡན་ཞུགས་ནས། །སླར་ཡང་དམྱལ་བར་ཆུ་བོ་རབ་མེད་པར། །ཚཱ་སྒོ་བཟོད་གླགས་ཆུ་ཚན་འཇུག་འཚལ་ལོ། །ལྷའི་ཆུ་བོ་དལ་གྱིས་འབབ་པ་དང༌། རྫིང་བུ་དལ་གྱིས་འབབ་པ་ཞེས་བྱ་བ་རྣམས་ཁ་དོག་དྲི་རོ་ཡིད་དུ་འོང་བ་དང་ལྡན་པ། རེག་ན་བདེ་བར་གསེར་གྱི་པདྨ་ལ་སོགས་པས་རྣམ་པར་བརྒྱན་པ་དང་ལྡན་པའི་ཁྲུས་ཀྱི་རྫིང་བུར་ལྷའི་བུ་མོ་གདོང་མཛེས་དང་ལྷ…

ཚེ་འཕོས་ནས་དམྱལ་བ་མནར་མེད་པར་སྐྱེ་བ་ཡོད་པས། ལུས་དམྱལ་བའི་མེའི་བུད་ཤིང་དུ་གྱུར་པའི་སྡུག་བསྔལ་རྒྱུན་མི་འཆད་པ་བསྟེན་པར་བྱེད་དགོས་སོ། །འདོད་པའི་ལྷ་རྣམས་ཀྱིས་འདོད་ཡོན་ལ་སྤྱོད་ཚུལ་ནི། རྒྱལ་ཆེན་བཞིའི་རིགས་ཀྱི་ལྷ། སུམ་ཅུ་རྩ་གསུམ་པ། འཐབ་བྲལ་བ། དགའ་ལྡན་པ་རྣམས་ནི་ཉེ་བར་གནས་པའི་ལོངས་སྤྱོད་ལ་དབང་བསྒྱུར་བར་བྱེད། …

རང་ཉིད་ཀྱི་ལག་པ་བརྐྱངས་པ་ཙམ་ཡང་མི་མཐོང་བའི་སྡུག་བསྔལ་ཉམས་སུ་མྱོང་བར་བྱེད་དོ། །དྲུག་པ་གཅིག་པུ་གྲོགས་མེད་པས་སྡུག་བསྔལ་བ་ནི། དེ་ལྟར་ནོངས་པར་འགྱུར་འཚལ་བསོད་ནམས་ནི། །རྣམ་གསུམ་མར་མེའི་སྣང་བ་རབ་བཞེས་ཤིག །གཅིག་པུ་ཟླ་བ་ཉི་མས་མི་བརྫི་པའི་མུན་ནག་མཐའ་ཡས་ནང་དུ་འཇུག་འཚལ་ལོ། །མྱུར་དུ་ནོངས་པ་སྟེ་འཆི་བར་འགྱུར་རོ། །ད…

ཚོགས་ཡིན་པས། སྐབས་འདིར་བགྲང་བ་ཡིན་ནོ། །འགྲོ་བ་སོ་སོའི་སྡུག་བསྔལ་ལས། དམྱལ་བའི་སྡུག་བསྔལ་བཤད་པ་ལ་རྒྱུ་དང་དབྱེ་བ་བསྟན་པ་ནི། སེམས་ཅན་ཉེས་པ་སྤྱད་པ་སྤྱོད་རྣམས་ལ། །ཡང་སོས་ཐིག་ནག་རབ་ཏུ་ཚ་བ་དང༌། །བསྡུས་འཇོམས་ངུ་འབོད་མནར་མེད་ལ་སོགས་པའི། །དམྱལ་བ་རྣམས་སུ་རྟག་ཏུ་སྡུག་བསྔལ་འགྱུར། །སེམས་ཅན་གང་ཞིག་གིས་ཉེས་པར་སྤྱད་པ…

ལ་སྤྱོད་ཚུལ་བསྟན་པ་ལས། དམྱལ་བ་བསྡུས་འཇོམས་ནི། ཁ་ཅིག་ཏིལ་བཞིན་འཚིར་ཏེ་དེ་བཞིན་གཞན། །ཕྱི་མ་ཞིབ་མོ་བཞིན་དུ་ཕྱེ་མར་འཐག །དམྱལ་གནས་ཁ་ཅིག་ན་ལྕགས་ཀྱི། གཏུན་རྒྱ་ཆེ་བ་དཔག་ཚད་དུ་མ་ཡོད་པའི་སྟེང་དུ། གཤིན་རྗེའི་སྐྱེས་བུ་རྣམས་ཀྱིས་སེམས་ཅན་གྱི་བྱེ་བྲག་ཁ་ཅིག་མང་དུ་བསྡུས་པ་ལྷན་ཅིག་ཏུ་ལྕགས་ཀྱི་རིས་ཏིལ་བརྡུང་བ་བཞིན་དུ་…

བར་འགྱུར་བ་སྟེ། མངོན་པ་རྣམས་ལས། ལྕགས་ཀྱི་ཁང་པ་ཉིས་རིམ་མམ། གཅིག་ཏུ་བཅུག་ནས་སྲེག་པར་ཡང་བྱེད་དོ། །རབ་ཏུ་ཚ་བ་ནི། ཁ་ཅིག་ལྕགས་ཀྱི་གསལ་ཤིང་རབ་འབར་བ། །ཚེར་མ་ཅན་ལ་ཀུན་ཏུ་བརྒྱུས་པར་བགྱི། །ལྕགས་ཀྱི་གསལ་ཤིང་ཚེར་མ་ཅན་མེ་འབར་བ་ལས་ཕུག་ཅིང་ཀུན་ཏུ་བརྒྱུས་པར་བྱེད་པ་སྟེ། གོང་དུ་བསྟན་པའི་ངུ་འབོད་དང༌། རབ་ཏུ་ཚ་བ་གཉིས་ཀྱི…

བྲལ་ཏེ་ཟ་བར་བྱེད་པ་དང༌། གཞན་ཡང་བྲོས་ནས་ཤལ་མ་ལའི་སྡོང་པོར་འཛེགས་པ་ན། རྗེས་སུ་རྒྱུགས་ཏེ། ལག་པ་གནམ་དུ་བསྒྲེང་བའི་སྡེར་མོས་བཟུང་སྟེ། གཅན་གཟན་གཏུམ་པོ་དེ་དག་གིས་དབང་པ་སྟེ་ལུས་དུམ་བུར་གཅོད་ཅིང་ཟ་བར་བྱེད་དོ། །དེས་མཚོན་པའི་གཅན་གཟན་གདུག་པ་ཅན་སྣ་ཚོགས་ཀྱི་འཇིགས་པ་ཆེན་པོ་དང༌། གཞན་ལྕགས་ཀྱི་མཆུ་དང་སྡེར་མོ་རྣོན་པོ་…

ཀྱིས་འཇིགས་པ་བསྟན་པའོ། ཁ་ཅིག་མདག་མེ་འབར་བའི་ཚོགས་སུ་ནི། རྒྱུན་མི་འཆད་པར་རབ་བསྲེག་ཁ་ཡང་བགྲད། ཁ་ཅིག་ལྕགས་ལས་བྱས་པའི་ཟངས་ཆེན་དུ། །སྤྱི་ཚུགས་འབྲས་ཀྱི་ཅུང་སེང་བཞིན་དུ་འཚེད། མེ་མདག་དང་མེ་རབ་ཏུ་འབར་བས་ཤིང་འགལ་དུམ་མེ་ལ་བསྲེག་པ་བཞིན་དུ། བར་མཚམས་མེད་པར་བསྲེགས་པས་ཁ་བགྲད་ནས་ངན་སྐད་ཆོ་ངེ་འདོན་པར་བྱེད་དོ། །གཞན་ཡང…

ཙམ་ཞིག་གིས། །དུས་ཀྱི་བར་དུ་ཆོད་རྣམས་དམྱལ་བ་ཡི། །སྡུག་བསྔལ་གཞལ་ཡས་ཐོབ་ན་རྣམ་སྟོང་དུ། །མི་འཇིགས་གང་ལགས་རྡོ་རྗེའི་རང་བཞིན་ནོ། །སྡིག་པའི་ལས་ནི་བསགས། སྦྱོང་བར་མ་བྱས་པ་མི་སྡིག་ཅན་དེ་དག་དབུགས་མ་འགགས་བར་དུ་མིའི་འཇིག་རྟེན་དང༌། འགགས་ནས་དམྱལ་བའི་སྡུག་བསྔལ་མངོན་དུ་གྱུར་པས། དེ་གཉིས་ཀྱི་བར་དུ་དབུགས་འབྱུང་བ་འགགས་པ…

པ་ནི། དམྱལ་བ་བྲིས་པ་མཐོང་དང་ཐོས་པ་དང༌། །དྲན་དང་བཀླགས་དང་གཟུགས་སུ་བགྱིས་རྣམས་ཀྱང༌། །འཇིགས་པ་བསྐྱེད་པར་འགྱུར་ན་མི་བཟད་པའི། །རྣམ་སྨིན་ཉམས་སུ་མྱོང་ན་སྨོས་ཅི་འཚལ། །དམྱལ་བའི་གཟུགས་རི་མོར་བྲིས་པ་མཐོང་བ་དང༌། དམྱལ་བའི་སྡུག་བསྔལ་གྱི་གཏམ་རྒྱས་པར་བཤད་པ་ཐོས་པ་དང༌། ཐོས་པ་ལྟར་དུ་ཡིད་ལ་དྲན་པ་དང༌། དམྱལ་བའི་སྡུག་བསྔལ…

པ་ལ་སོགས་པ་ཁམས་གསུམ་གྱི་ཉོན་མོངས་པ་སྤངས་པའི་བདེ་བ་དེ་ནི་བདེ་བ་ཐམས་ཅད་ཀྱི་བདག་པོ་སྟེ། མཆོག་གམ་གཙོ་བོར་གྱུར་པའི་མཐར་ཐུག་པ་ཡིན་ལ། དེ་ཇི་ལྟ་བ་དེ་བཞིན་དུ་འཁོར་བའི་སྡུག་བསྔལ་རྣམས་ཀྱི་ནང་ནས་དམྱལ་བའི་སྡུག་བསྔལ་སྤྱི་ཙམ་ཡང་དོས་དྲག་པ་དང༌། ཁྱད་པར་མནར་མེད་པའི་དམྱལ་བའི་སྡུག་བསྔལ་ནི་རབ་ཏུ་མི་ཟད་པའི་སྡུག་བསྔལ་གྱི་མ…