མ་ལ་ཧ་དང་། ཨ་ཡན་ཏ་ཕ་ལ་དང་། ཀཉྫ་རུ་དང་། པུ་ག་དང་། ཨ་མུ་ག་ལ་དང་། གྷན་པཱ་ར་མཱ་ན་སཱ་དང་། རྣལ་འབྱོར་པས་རྫས་བཞི་བཅུ་པོ་དེ་རྣམས་བཟུང་ལ། ཟླ་བ་དང་། ཉི་མ་གཟས་བཟུང་བའི་དུས་སུ་དེ་རྣམས་ཆ་བསྙམས་ལ་ལྟོ་སྟོང་ལ་མིད་ནས་ཇི་སྲིད་གྲོལ་གྱི་བར་དུ་སྔགས་བཟླས་ན་སྐད་ཅིག་དེ་ཉིད་ལ་འཆི་བ་མེད་དེ་མཁའ་སྤྱོད་ཀྱི་དངོས་གྲུབ་འགྲུབ་པར་འག…

ནི་དང་། ལྒ་དང་། གོ་སྙོད་དང་། ཀནྡ་བཛྲ་མ་ལི་རྣམས་སྦྲང་དང་སྦྱར་ཏེ་ཟོས་ན། སྐད་ཅིག་གིས་པཎྜི་ཏ་ཆེན་པོར་འགྱུར་རོ། །ༀ་མཱོཾ་ཧྲཱིཿཞེས་པའི་སྔགས་འདི་གཟས་བཟུང་བའི་དུས་སུ་སྨན་བ་ད་ར་ཁར་བཅུག་སྟེ་ཇི་སྲིད་བཏང་གི་བར་དུ་བཟླས་ན་ཉིན་རེ་ཞིང་ཚིགས་སུ་བཅད་པ་བརྒྱ་ཕྲག་རེ་རེ་ཟིན་པར་འགྱུར་རོ། །སྔགས་སྟོང་ཕྲག་གཅིག་བསྙེན་པ་བསྐྱལ་ནས…

དཀའ་བ་སྤྱོད་པས་ཆ་བསྙམས་ནས་རིལ་བུ་བྱས་ཏེ། མིད་ན་སྐད་ཅིག་དེ་ལ་འདས་པ་དང་མ་འོངས་པའི་དོན་ཤེས་པར་འགྱུར་རོ། །ཡང་ཡུང་བ་དང་། སེ་ན་དང་། ར་ཎ་པ་ཎ་རྣམས་ཀྱི་ཁུ་བས་མིག་གཉིས་ལ་བྱུགས་ན་འཇིག་རྟེན་གསུམ་ན་གནས་པ་ཤེས་ཤིང་མཐོང་བར་འགྱུར་རོ། །ཡང་ཨ་ཤ་མཱུ་ལི་དང་། ཛ་ཡནྟ་མུ་ལ་དང་། པཎྜ་ཏ་ཀ་ར་མཱུ་ལ་རྣམས་ཟླ་བ་དང་། ཉི་མ་གཟས་བཟུང་བའ…

བཅོམ་ལྡན་འདས་ཀྱིས་བཀའ་སྩལ་པ། དབེན་པའམ་རྡོ་རྗེའི་ཁྱིམ་མམ་ཁང་སྟོང་རྣམས་སུ་གཞན་དུ་ནི་མ་ཡིན་ནོ། །ནག་པོ་ཆེན་པོའི་དཀྱིལ་འཁོར་བསྒོམས་ལ་བྱ་བ་ཐམས་ཅད་བྱ་བ་ནི་ཆང་དང་ཤ་དང་ཁྲག་དང་བ་ལང་ཤ་རྣམས་དང་བཅས་པས་སྲུ་མོ་དང་། ནེ་ནེ་མོ་དང་། སྲིང་མོ་དང་། ཚ་མོ་དང་། མ་ཡར་མོ་དང་། བུ་མོ་དང་། ཞང་པོའི་ཆུང་མ་རྣམས་ལ། རྣལ་འབྱོར་པས་སྙོམ…

གིས་བཟའ་བ་དང་བཏུང་བ་ལ་ལོངས་སྤྱད་ན་ལུས་འགྲུབ་པ་ལ། གལ་ཏེ་གཤེ་བར་བྱེད་པ་ལ་ཆད་པ་མ་བཅད་ན། ཡེ་ཤེས་འབྱུང་བར་འགྱུར་རམ། བཀའ་སྩལ་པ། གང་དང་གང་གིས་ཁྱོད་ཀྱིས་ཆང་འཐུངས་པ་དང་སྲིང་མོ་བླངས་པ་དང་ཤ་ཆེན་པོ་ཟོས་པ་ཞེས་སྨྲ་ན། དེའི་ཚེ་ཤིང་སུ་བྷ་ཨཉྫ་ནཱིའི་རྩ་བ་བརྡུངས་པ་ཆང་གིས་ཕྲུལ་པ་ལ་བསྒྲུབ་བྱའི་གཟུགས་བརྙན་བྱས་ཏེ་དེའི་ཁར་ཆ…

འགྱུར་བ་ནི་ཤེས་པས་བདེ་བ་ཐོབ་པར་ཇི་ལྟར་བྱ་ན། བསྒོམ་བྱ་སྒོམ་བྱེད་བསྒོམ་པ་སྤངས་ལ། བརྟན་པར་གནས་པའི་སྦྱོར་བ་བསམ་དུ་མེད་པར་མཐར་གཏུགས་ཀྱི་བར་དུ་ངེས་པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་རབ་ཏུ་སྦྱོར་བའི་ལེའུ་སྟེ་བཞི་བཅུ་རྩ་གཅིག་པའོ།། །།གཞན་ཡང་བྱོལ་སོང་བསྐྲད་པར་བྱ་བའི་སྔགས་བཤད་པར་བྱ་སྟེ། ༀ་ཛཾ་…

གྲོལ་བར་འགྱུར་རོ། །དགང་བ་དང་། དབྱུང་བ་དང་། བུམ་པ་ཅན་རིམ་པ་ཇི་ལྟ་བར་དྲན་པར་བྱས་ན་ཟླ་བ་ཕྱེད་ཀྱིས་མཁའ་སྤྱོད་འགྲུབ་པར་འགྱུར་རོ། །རླུང་གིས་ཡིད་བསད་པ་ལ་ཟླ་བའི་སྦྱོར་བ་བྱ་བ་ནི་སྔགས་ཀྱི་སྦྱོར་བ་རྣམ་པར་བྱེད་པས་སྐད་ཅིག་ཙམ་གྱིས་ཀྱང་འཕྲོག་སྟེ། ལག་པ་རབ་ཏུ་གཅག་པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་…

པར་བྱའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་སྐར་མའི་ལེའུ་སྟེ་བཞི་བཅུ་རྩ་བདུན་པའོ།། །།གཞན་ཡང་ནམ་ཡིད་ཆེས་པའི་དུས་སུ་མཁས་པས་རྒྱུ་བའི་རྩ་གཉིས་མནན་པར་བྱ་ཞིང་། ཤིན་ཏུ་དགའ་བ་ལ་སོགས་པ་ལ་ཉེ་བར་གནས་ནས་ཤེས་བྱ་ཐམས་ཅད་ལྟེ་བའི་དཀྱིལ་འཁོར་དུ་མནན་ན་འགྲོ་བ་རྣམས་ཀྱི་བདེ་བ་ཐེ་ཚོམ་མེད་པར་ཐོབ་པ་ནི་ཡུལ་རྣམས་ཡེ་ཤ…

རྒྱ་གར་སྐད་དུ། ཡ་ཐཱ་ལ་བྡྷ་ཁ་ས་མ་ཏནྟྲ་ནཱ་མ། བོད་སྐད་དུ། ཇི་བཞིན་བརྙེས་པ་ནམ་མཁའ་དང་མཉམ་པ་ཞེས་བྱ་བའི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །གང་ཞིག་སངས་རྒྱས་ལྔ་ཡི་ཅོད་པན་ཅན། །ས་གསུམ་ཀུན་གྱི་སྙིང་པོ་དང་ལྡན་པ། །དཔལ་ལྡན་དང་པོའི་སངས་རྒྱས་ངོ་བོ་མཛད། །དེ་ནི་མཁའ་དང་མཉམ་པར་སྤྱོད་པའོ། །གལ་ཏེ་དེ་འདྲའ…

རལ་པའི་ཐོར་ཚུགས་ཀྱིས་ཀྱང་རབ་བརྒྱན་ཅིང་། །སྐུ་མདོག་ཀྱང་ནི་སྔོན་པོའི་རང་བཞིན་ཅན། །རྡོ་རྗེ་སེམས་དཔའི་ཏིང་འཛིན་དགེ་བ་སྟེ། །གཅིག་པའི་རང་བཞིན་ཉིད་ནི་བསྒོམ་པར་བྱ། །ཉི་མའི་དཀྱིལ་འཁོར་གྱི་ནི་དབུས་གནས་པར། །ཡི་གེ་བསྐྱེད་པ་ཉིད་དུ་བསམ་པར་བྱ། །ཡི་གེའི་གཟུགས་ནི་ཡོངས་སུ་གྱུར་པ་ལས། །རྡོ་རྗེ་རང་བཞིན་ཉིད་དུ་བསམ་པར་བྱ།…

རོལ་པ་མཛད་པ་སངས་རྒྱས་ཀྱིས་གཟིགས་ཤིང་། །དེ་ཡིས་རྣལ་འབྱོར་དབང་ཕྱུག་མ་ཀུན་མཐོང་། །ལྷ་ཡི་དམ་ཚིག་གི་ལེའུ་སྟེ་དང་པོའོ།། །།རྟག་ཏུ་མཆོག་ལྡན་ཁྱོད་ཀྱི་ནི། །དམ་ཚིག་ལྷ་མོ་ཐམས་ཅད་ཀྱི།མཆོག་ཏུ་གྱུར་པའི་ལྷ་མོ་ནི། །དུ་མཆིས་བདག་ཅག་ཞུ་བར་འཚལ། །དེ་ལ་གླུ་བཞི་གསུངས་པ་སྟེ། །སྟེང་དང་དབྱེར་མེད་བྱས་པའི་ཆོས་མཉམ་རང་སྣང་མ། །ཞི་…

ཐུགས་ཀྱི་ངོ་བོ་ར་གཅིག་བསམ་རྡོ་རྗེ་ཐེག་པའོ། །སེམས་ནི་མཁའ་མཉམ་སེམས་ཀྱི་ཐེག་པ་རང་བཞིན་མེད། །གཉིས་ཀའི་རང་བཞིན་ཡང་ནི་ལུས་ཅན་མ་ཡིན་ཏེ། །དེར་ནི་རྡོ་རྗེ་ལ་ནི་མེད་པ་ཡིས། །རྡོ་རྗེ་སེམས་དཔའ་ཁྱོད་ནི་གཅིག་པའི་རང་བཞིན་ཏེ། །འཇིག་རྟེན་པ་ལ་སྒྱུ་མའི་རང་བཞིན་ཉིད་དུ་མཛད། །སེམས་ཅན་འདུལ་བའི་རང་བཞིན་དུ་ནི་སད་མཛད་པ། །ཀྱེ་ལ…

རྡོ་རྗེའི་བཙུན་མོ་གཅིག་རང་བཞིན། །གང་ཚེ་རྡོ་རྗེ་ལ་ནི་དབྱངས་ཀྱིས་བསྟོད་པའི་ཚེ། །ལྷ་ཡི་གཡོན་གྱི་ཕྱེད་དང་གཅིག་ཏུ་གྱུར་པར་བལྟ། །ལུང་ཉིད་ཚད་མར་བྱས་ནས་རྡོ་རྗེ་སེམས་དཔའ་དེ་བསྒོམ་བྱ། །གསུང་གི་དཀྱིལ་འཁོར་གྱི་ལེའུ་སྟེ་གསུམ་པའོ།། །།གླང་པོ་དང་ནི་རྟ་དང་མི་དང་ཁྱི་དང་ནི། །བ་ལང་ཤ་སྟེ་ཐམས་ཅད་མ་ལུས་གྱུར་པ་རྣམས། །དམ་ཚི…

ནི་ནམ་མཁའ་ཉིད་དང་མཉམ་པའི་རང་བཞིན་ཅན། །སྔ་མ་ཅི་བཞིན་སེམས་ནི་རྣམ་པར་སྦྱར་བར་བྱ། །ཅི་ལྟར་དེ་ནི་དངོས་པོར་བྱ་བ་སྟེ། །དངོས་པོ་འདི་ནི་ཐེག་པར་འགྲུབ་པར་མི་འགྱུར་ཏེ། །སེམས་ཅན་ནམ་མཁའ་ལྟ་བུའི་མཚན་ཉིད་དང་། །དབུས་སུ་ཚིག་ནི་ཆོས་ལ་ངེས་རྟོག་པར། །སེམས་ལས་དངོས་པོ་ཉིད་དུ་བྱ་བ་སྟེ། །རྣམ་པ་དུ་མའི་ཚུལ་གྱི་རང་བཞིན་གྱིས། །ར…

སླར་ཡང་སྦྱར་བར་བྱ། །རྡོ་རྗེ་སེམས་དཔའ་དེར་ནི་སྐུ་གཡོས་མཛད། །སླར་ཡང་ནམ་མཁའི་ངོ་བོས་ཁྲོ་བས་ཏེ། །དེ་ལྟར་སྤྲོས་དང་བསྡུས་པའི་རང་བཞིན་ནོ། །དེ་ལ་རྡོ་རྗེ་སེམས་དཔའ་གཅིག་དངོས་གྲུབ་པའི་ཕྱིར། །དེའི་ཕྱིར་སྤྲོ་བའང་རྡོ་རྗེ་འཆང་དུ་རིགས། །སྔགས་པས་བརྟན་པར་གྱུར་ན་སྤྲོ། །བརྟན་པར་མ་གྱུར་འདིར་སྤྲོས་པ། །ལུས་ཉོན་མོངས་ཀྱི་འབ…

རྒྱ་གར་སྐད་དུ། སརྦ་ཏ་ཐཱ་ག་ཏ་ཀཱ་ཡ་བཱཀྩིཏྟ་ར་ཧ་སྱོ་གུ་ཧྱ་ས་མཱ་ཛ་ནཱ་མ་མ་ཧཱ་ཀལྤ་རཱ་ཛ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་ཆེན་གསང་བ་འདུས་པ་ཞེས་བྱ་བ་བརྟག་པའི་རྒྱལ་པོ་ཆེན་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་…

ཕྲ་རབ་སྙེད་རྣམས་དང་། དེ་བཞིན་གཤེགས་པ་ནམ་མཁའི་ཁམས་དང་མཉམ་པ་ལ་ཡང་འདི་ལྟ་སྟེ། དེ་བཞིན་གཤེགས་པ་རྡོ་རྗེ་མི་བསྐྱོད་པ་དང་། དེ་བཞིན་གཤེགས་པ་རྡོ་རྗེ་རྣམ་པར་སྣང་མཛད་དང་། དེ་བཞིན་གཤེགས་པ་རྡོ་རྗེ་རིན་ཆེན་ཏོག་དང་། དེ་བཞིན་གཤེགས་པ་རྡོ་རྗེ་འོད་དཔག་མེད་དང་། དེ་བཞིན་གཤེགས་པ་རྡོ་རྗེ་དོན་ཡོད་པ་དང་དེ་དག་ལ་སོགས་པ་ནམ་མཁའ…

ཏུ་བཀྲམ། །མེ་སྟག་འཕྲོ་བ་མང་པོ་འཁྲུག །གསལ་བ་ལ་སོགས་དཀྱིལ་འཁོར་ལྡན། །དེ་བཞིན་གཤེགས་པ་ཀུན་གྱི་གནས། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་པོ་དེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་དཀྱིལ་འཁོར་གྱི་དབུས་སུ་བདག་ཉིད་བཞག་པར་གྱུར་ཏོ། །དེ་ནས་དེ་བཞིན་གཤེགས་པ་མི་བསྐྱོད…

པ་མི་བསྐྱོད་པ་ལ་སོགས་པ་བཅོམ་ལྡན་འདས་རྣམ་པར་སྣང་མཛད་ཆེན་པོའི་ཐུགས་ཀ་ནས་མངོན་པར་བྱུང་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མ་ཧོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་རབ་འཇུག་པ། །དེ་བཞིན་གཤེགས་པ་ཀུན་གྱི་གསང་། །རབ་ཏུ་མི་རྟོག་གནས་མེད་པའོ། །དེ་ནས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ནས་བཅོམ་ལྡན་འད…

བ་དང་། ཡིད་བདེ་བ་མྱོང་བར་བགྱི་བ་ནས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང་། མངོན་པར་ཤེས་པའི་འབྲས་བུ་ཐོབ་པར་བགྱི་བའི་བར་གྱི་ཕྱིར་ཡང་དག་པར་བསྟན་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་དེ་བཞིན་གཤེགས་པས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པ་དེ་མཁྱེན་ནས། ཡེ་ཤེས་སྒྲོ…