ཅད་ཀྱིས། །སྔགས་ཀྱི་སློབ་མ་རྟོགས་བྱས་ནས། །བླ་མ་དབང་བསྐུར་ལ་སོགས་ཀྱིས། །དངོས་གྲུབ་ཕྱིར་ནི་ཇི་ལྟའི་དོན། །དེ་ཕྱིར་དབང་བསྐུར་སློབ་མ་ནི། །མ་དག་པ་ཡང་དག་པར་འགྱུར། །རྡོ་རྗེ་སེམས་དཔའ་བདེ་ཆེན་ལ། །དེ་ལ་ལག་ན་རྡོ་རྗེས་ཞུས། །དབང་བསྐུར་ཇི་ལྟར་རྒྱུད་དུ་ནི། །གཙོ་བོ་རུ་ནི་གསུངས་པ་ལགས། །རྡོ་རྗེ་སེམས་དཔའ་ཐམས་ཅད་མཁྱེན། །…

བླ་མའི་ངོ་བོ་རྡོ་རྗེ་འཆང་། །དེ་ཕྱིར་ཡང་དག་བླ་མ་མཆོད། །དེ་ནས་བཅོམ་ལྡན་ཡུམ་ཕྱག་རྒྱ། །ཡང་དག་མཆོད་ནས་བསྟེན་པར་བྱ། །བསྟེན་པ་ལས་ནི་གང་བྱུང་བ། །ལྟུང་བ་སྐལ་བཟང་ཁ་ལ་ནི། །སྦོམ་པོ་ཐ་ལྟག་སྦྱོར་བ་ཡིས། །ཡང་དག་པར་ནི་ལོངས་སྤྱད་བྱ། །དེ་ལས་སྐྱེས་པའི་ཡེ་ཤེས་ནི། །བདེ་བ་ཆེན་པོ་རང་རིག་པ། །དབྱུང་རྔུབ་པ་ནི་རོ་གཅིག་ཅིང་། །ར…

འབིགས་པར་བྱེད་པར་ཡོངས་སུ་གྲགས། །ཕྲེང་བ་དེ་རྣམས་ཀྱི་ཡང་རྒྱུན། །བྱང་ཆུབ་སེམས་ཀྱི་རྡོ་རྗེ་རྣམས། །མི་ཕྱེད་པས་ནི་རྡོ་རྗེར་གསུངས། །རྒྱུད་རྣམས་ཀུན་དུ་སྦས་པ་ནི། །གང་ཡང་རུང་བས་བརྗོད་མི་བྱ། །དེ་ནི་དབུགས་སུ་ཡོངས་སུ་གྲགས། །ཕྲེང་བ་རྒྱུན་ནི་མི་འཆད་པར། །དགའ་བ་རབ་འབབ་བདག་ཉིད་ཀྱིས། །རྣམ་རྟོག་རླུང་ཀུན་འབིགས་པར་བྱེད། …

སྒྲ་ཆེན་སྟོབས་ཀྱིས་རྩེ། །རྩ་བྲན་དབང་བྱེད་གཡོ་སྒྱུ་ཅན། །གཙོ་བོ་ཆེ་དང་རྟག་ཏུ་དགའ། །གློག་ཕྲེང་དང་ནི་དགའ་བྱེད་དང་། །དབུགས་དབྱུང་ར་ག་ལྕེ་དང་ནི། །བདེ་མཆོག་ཨུ་དུམ་བཱ་ར་རྨོངས། །པདྨའི་དྲ་བ་པདྨ་བསྐོར། །དགྲ་སྟ་རྨ་བྱ་རླུང་དང་ནི། །རྡོ་རྗེ་དབང་ཕྱུག་རླུང་གི་མིང་། །དེ་ལྟར་ང་ཡིས་བསྟན་པ་ཡིན། །བཅོམ་ལྡན་དྲིས་པའི་རླུང་ར…

ངོ་ཚ་ཤེས་དང་ངོ་ཚ་དང་། །མི་སྟེར་བ་དང་མྱ་ངན་དང་། །ཡིད་གཉིས་དང་ནི་རློམ་སེམས་མེད། །བསྒྲིམས་དང་ཐེ་ཚོམ་ངལ་བ་དང་། །དབང་དང་འཁྲུལ་པའི་སྙིང་སྟོབས་དང་། །སྙམ་སེམས་པ་དང་བརྒྱལ་བ་དང་། །ཐིམ་པ་དང་ནི་མི་སྲུན་དང། །གྱ་གྱུ་སྙོམས་དང་མྱོས་པ་དང་། །རིག་བྱེད་མིན་དང་བག་ཡོད་དང་། །གནས་ངན་ལེན་དང་ཉམ་ཆུང་ཉིད། །ཡིད་མི་བདེ་དང་ལྷག་པར…

སེམས། །རྣམ་པར་ཞུ་ནས་རྩར་གནས་པར། །རྡོར་གསུམ་རང་བཞིན་གཅིག་འགྱུར་ཕྱིར། །ཁམས་རྣམས་རོ་གཅིག་གྱུར་པ་དང་། །ཕུང་པོ་རྣམས་ནི་ཡོངས་ཟད་དང་། །ངལ་བསོ་བ་ལ་རླུང་རྣམས་ནི། །དགའ་བ་རྣམས་ནི་ཡང་དག་སྐྱེ། །དེ་ནས་བྱང་ཆུབ་སེམས་ཀྱང་ནི། །གནས་ཀུན་ནས་ནི་ཞུ་གྱུར་ནས། །ངོ་བོ་གཅིག་ཏུ་གྱུར་པ་དང་། །རྩ་ནི་གཅིག་གི་འབྲས་བུ་ནི། །རོ་གཅིག་ཏུ…

བརྗོད། །དངོས་དང་དངོས་མེད་རྣམ་པར་བྲལ། །དགེ་དང་མི་དགེའི་སྲིད་ལས་གྲོལ། །དེ་ནི་ཀུན་ནས་བསྒྲིབས་པ་མེད། །ནམ་མཁའ་ལྟ་བུར་མཆོག་ཏུ་ཁྱབ། །ཆོས་རྣམས་ཇི་ལྟ་བ་བཞིན་སྐྱེ། །དེ་ནི་དེ་བཞིན་ཉིད་ཅེས་བརྗོད། །གང་ནས་ཀྱང་ནི་མ་འོངས་ཤིང་། །གང་དུ་ཡང་ནི་འགྲོ་བ་མེད། །རྨོངས་དང་འཁྲུལ་པ་གཅིག་པུ་ལས། །དེ་ནི་རབ་ཏུ་སྤྲོ་བར་སྣང་། །བདེ་བ་…

དང་། །ཇི་ལྟར་བག་ཆགས་ཆུ་ཟླ་བཞིན། །རླུང་གི་འཁོར་ལོ་སྲོག་ཏུ་བཤད། །མཚན་ཕྱེད་སྐད་ཅིག་མ་ལ་འཆར། །དེ་ལྟར་ཡང་དག་བསྒོམ་པ་ནི། །འདི་ནི་སྟོང་ཉིད་སྒོམ་བྱེད་པའོ། །དོན་དམ་གཉིས་མེད་རྣལ་འབྱོར་གྱིས། །ཡང་ན་རྒྱུ་འབྲས་སྦྱོར་བའི་ཕྱིར། །དེ་ནི་རང་བཞིན་འགྲུབ་པར་བསྒོམ། །དོན་དམ་རང་གི་ངོ་བོར་ནི། །ཀུན་རྫོབ་ཀྱང་ནི་དེ་བཞིན་དུ། །བས…

བར་མ་གསུངས་པ། །ཐིག་ལེའི་དབྱེ་བ་དེ་ཡང་ནི། །ང་ཡིས་བཤད་ཀྱིས་དེ་ཉིད་ཉོན། །སྙིང་གི་པད་སྦུབས་ནམ་མཁའ་ལ། །ཡེ་ཤེས་རྡོ་རྗེ་རྟག་ཏུ་བཞུགས། །སྟེང་དང་འོག་ལ་བརྟེན་ནས་ནི། །སྲོག་དང་ཐུར་སེལ་རླུང་ཆེན་གནས། །དེ་ཡང་དབྱེ་བར་དཀའ་བ་ཡི། །དབུས་སུ་མདུད་པ་གསུམ་གྱིས་དཀྲིས། །དེ་ཡིས་མཆོག་དང་བཅོམ་བྱས་པས། །སྟེང་དུ་འགྲོ་བ་ཐོབ་མི་བྱེད…

ནས་ཐུར་དུ་ཁ་བལྟས་པའོ། །དེ་ཡང་ཐུར་དུ་མི་འགྲོ་སྟེ། །མ་རིག་མདུད་པའི་འཁོར་ལོ་ནི། །རྣམ་པར་ཤེས་པའི་ཤིང་རྟའི་རླུང་། །དེ་ནི་བག་ཆགས་དང་འདྲེས་པས། །མིག་དང་རྣ་བ་དེ་བཞིན་སྣ། །ལྕེ་སྟེ་རྣམ་པར་ཤེས་པ་བཞི། །རྩེ་མོ་བཞི་ནས་ཕྱུང་ནས་ནི། །བག་ཆགས་རྣམ་ཤེས་དང་འདྲེས་ནས། །རྣམ་ཤེས་དབང་པོ་ལྷན་ཅིག་ཏུ། །དོན་ནི་རབ་ཏུ་རྒྱས་པར་བྱེད། …

སྦྱོར་བས། །རིགས་ཤིང་ཡན་ལག་གསལ་བ་གང་། །རྣལ་འབྱོར་མ་ཡི་བཀའ་དྲིན་དང་། །བླ་མའི་ཞལ་ལས་ངེས་རྟོགས་འགྱུར། །མན་ངག་མེད་པའི་བཟླས་པ་ནི། །སྔགས་ཀྱི་རྒྱལ་པོ་བློ་རྨོངས་བྱེད། །དེ་ཡིས་དཀའ་བ་གཅིག་པུ་དང་། །ཆུ་བསྲུབས་མར་ནི་མི་འགྱུར་ལྟར། །དེ་བཞིན་མན་ངག་དང་བྲལ་སྔགས། །སྐྱེས་བུས་ཇི་སྲིད་འཚོ་ཡི་བར། །བཟླས་ཀྱང་དེ་ཡི་འབྲས་བུ་ཡི…

ལ་དབྱངས་ཡིག་འདི། །དགུ་པ་དང་ནི་ཡང་དག་ལྡན། །མཐར་ནི་ཚེག་དྲག་མཆོག་གི་སྒྲ། །སྔགས་ཀྱི་གཙོ་བོ་བཏུ་བར་བྱ། །དེ་ལྟར་ཡི་གེ་གཉིས་ཀྱི་མིང་། །སྔགས་ཀྱི་བརྡ་ནི་རྨད་བྱུང་བ། །འཛིན་པ་ཐམས་ཅད་སྤངས་པའི་ཕྱིར། །སྒྲ་དང་ཐིག་ལེའི་མིང་དུ་བྱས། །རླུང་གཉིས་ཀྱིས་ནི་ཕྱེ་ནས་ནི། །མ་རིག་མདུད་པ་འབྱེད་པར་བྱེད། །ཕྱག་རྒྱ་ཆེན་པོ་མཆོག་གི་རྒ…

ལྔ་ནི་ཐོབ་པར་འགྱུར། །དེ་ལྟར་སྐད་ཅིག་གཅིག་ལ་ནི། །བྱང་ཆུབ་མཚན་ཉིད་གོ་འཕང་ངོ་། །དཀའ་བ་སྤྱོད་པ་སྤངས་ནས་ནི། །ཤེས་རབ་སྙིང་རྗེ་ཡང་དག་ལྡན། །བཤད་པའི་བདེ་བ་ཆེན་པོ་སྟེར། །སྡོམ་པ་མི་དགོས་སྦྱིན་སྲེག་མིན། །ཕྲེང་བ་མི་དགོས་བགྲང་མི་དགོས། །འདི་ནི་བསྐྱེད་རིམ་དབྱེ་མི་དགོས། །གསུངས་པའི་དཀའ་ཐུབ་སོགས་མི་དགོས། །སྔགས་ཀྱི་རྣལ…

རྡོ་རྗེ་ཕྲེང་བ་མངོན་པར་རྟོགས་པ་ལས་ནཱ་དའི་ཚིག་རྣམ་པར་བཤད་པའི་ལེའུ་སྟེ་བདུན་པའོ།། །།དེ་ནས་གཞན་ཡང་གསང་བའི་དོན། །བླ་ན་མེད་པ་བཤད་ཀྱིས་ཉོན། །གསང་བ་བྷ་ག་ཞེས་སུ་གསུངས། །བྷ་ག་དེ་བཞིན་ཆོས་འབྱུང་བ། །བདེ་བ་ཆེན་པོའི་གོ་འཕང་རྟེན། །དགའ་བ་སྐྱེད་པར་བྱེད་པའི་རྒྱུ། །རྡོ་རྗེ་སེམས་དཔའ་ཡི་ནི་གནས། །ཡེ་ཤེས་ལྔ་ཡི་བདག་ཉིད་གས…

རྟགས་ཀྱིས་ཉེ་བར་འཚོ་བ་དང་། །ཉན་ཐོས་ནོར་ལ་བརྐམ་ཆགས་ཅན། །དེ་ཁོ་ན་ཉིད་སུན་འབྱིན་ཅིང་། །དོན་དམ་པ་ནི་མི་ཤེས་པ། །མེད་པར་ལྟ་དང་ཚུལ་ཁྲིམས་འཆལ། །གཏམ་དང་ཚིག་ནི་ཀྱལ་པ་དང་། །འདྲི་བ་ལ་སོགས་མི་བྱ་ཞིང་། །སེ་གོལ་གཏོགས་པ་ཙམ་དུ་ཡང་། །དེ་དང་ལྷན་ཅིག་གནས་མི་བྱ། །ལས་ཀྱི་ཕྱག་རྒྱ་ཉམས་དགའ་བ། །གལ་ཏེ་བྱིས་པའི་སྐྱེ་བོ་དང་། །དེ…

མི་མངོན་ཞིང་། །ཅུང་ཟད་མགྲིན་པར་བརྗོད་བྱ་ཡིས། །སྔགས་ཀྱི་རྒྱལ་པོ་དེ་ལྟར་བཟླས། །གསང་ལས་དངོས་གྲུབ་མཚུངས་པ་མེད། །གང་ཕྱིར་དེ་ནི་སྡོམ་པར་བཤད། །སྣོད་མིན་ནོར་ནི་ཆེན་པོ་དང་། །ལྡན་ཡང་རྒྱུད་ལས་སྐྱོན་དུ་གསུངས། །བླ་མས་བླ་མེད་དངོས་གྲུབ་ཕྱིར། །འབད་པ་ཡིས་ནི་སྤང་བར་བྱ། །བཟའ་བཏུང་གོས་ལ་སོགས་པ་དང་། །ནོར་ནི་ཆེན་པོ་ལ་ཆགས…

ཤེས་ཕ་རོལ་འགྲོ། །དགའ་བ་གསུམ་པའི་བདེ་བ་ནི། །ལྷན་སྐྱེས་ལྷན་ཅིག་སྣོད་དུ་ནི། །རྡོ་རྗེ་ཅན་གྱིས་རྟག་ཏུ་བཟའ། །བདེ་བ་ཆེན་པོའི་གོ་འཕང་གནས། །རྣམ་རྟོག་རླུང་རྣམས་ཐམས་ཅད་ནི། །ཞི་བའི་དེ་ཉིད་སྣོད་བཟང་པོར། །རླུང་གི་དེ་ཉིད་ཤེས་པས་བཟའ། །རྣམ་རྟོག་མེད་པའི་གོ་འཕང་གནས། །ཕྱག་རྒྱ་གསུམ་དང་ཡང་དག་སྦྱོར། །ཕྱག་རྒྱ་ཆེན་པོར་བཤད་ས…

སྦུབས་སུ། །སྒྲ་ཙམ་ཡང་དག་གནས་པ་ནི། །ཆགས་མེད་སྣང་བ་མེད་པ་དང་། །གཉིས་སུ་མེད་ཅིང་དྲི་མ་མེད། །དཔེ་བྲལ་གཡོ་བ་མེད་པ་དང་། །གཞི་མེད་བླ་གབ་མེད་པ་དང་། །ལྷ་ཡི་དབང་ཕྱུག་ཡེ་ཤེས་མཆོག །འབྱུང་དང་རྔུབ་པ་རྣམ་པར་སྤངས། །རྣལ་འབྱོར་རྣམས་ཀྱི་ལྷ་དབང་ཕྱུག །དེ་ལྟ་བུ་ནི་རྙེད་པར་དཀའ། །མཆོག་ཏུ་ཞི་བ་བདེ་བ་ཆེ། །གཟུགས་མཆོག་འཆི་བ་མེ…

གོ་འཕང་གནས། །སླར་ཡང་དགའ་བའི་སྦྱོར་བ་ཡིས། །འཇུག་པ་ལ་སོགས་རྣམ་པར་སྤངས། །བདེ་བ་ཆེན་པོའི་གོ་འཕང་ནི། །བྱང་ཆུབ་སེམས་ནི་དྲི་མ་མེད། །སྣ་ཚོགས་སྐད་ཅིག་དབྱེར་མེད་པ། །བརྗོད་པའི་བདག་ཉིད་དབྱངས་བྲལ་བ། །རྟག་ཏུ་གནས་པའི་རྒྱུན་གྱིས་ཀྱང་། །བྱང་ཆུབ་སེམས་ནི་འབབ་པ་ནི། །སྔགས་ཀྱི་རྣལ་འབྱོར་གྱིས་ནི་ཐོབ། །སྐྱེ་མེད་ཞི་བའི་ཐིག་…

དྲུག་གིས། །འབྱུང་དང་རྔུབ་པ་ཞེས་སུ་བརྗོད། །ཐོག་མར་འབྱུང་དང་རྔུབ་པ་རྣམས། །ཉི་ཁྲི་དང་ནི་ཆིག་སྟོང་དང་། །དེ་བཞིན་གྲངས་ནི་བརྒྱ་ཕྲག་དྲུག །ཉིན་དང་མཚན་མོ་ངེས་པ་ནི། །ཇི་སྲིད་གྲངས་ནི་ཐོབ་པའི་གནས། །ཉིན་ཞག་ཉི་ཤུ་རྩ་བདུན་དུ། །གྲངས་ཀྱི་རྗེས་སུ་སྦྱོར་བ་ཡིས། །གྲངས་ནི་ཡང་དང་ཡང་དུ་བརྟག །དུས་མཚམས་ཀྱི་ནི་རབ་དབྱེ་བས། །དེ…