རྟེན་ན་ནི་དེ་ཀུན་ཤེས། །དེས་པས་ཐམས་ཅད་མཁྱེན་པ་བཞིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བཀོད་པ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱ…

དགེ་བ་བཅུའི་ལས་ཀྱི་ལམ་འདི་རྣམས་ཡང་དག་པར་བླངས་ཏེ་གནས་ལགས་ན། བཅོམ་ལྡན་འདས་འདི་ལ་ཁྱད་པར་ནི་ཅི་ཞིག་མཆིས། ཐ་དད་དུ་བགྱི་བ་ནི་ཅི་ཞིག་མཆིས། དེ་སྐད་གསོལ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་ལེགས་སོ་ལེགས་སོ། །གསང་བ་པའི་བདག་པོ་ཁྱོད་ཀྱིས་གང་དེ་བཞིན་གཤེག…

ཡང་འཁོན་དུ་འཛིན་པ་མེད་ཅིང་སྙིང་རྗེར་གྱུར་པའི་ཡིད་ཀྱིས་བྱའོ། །མ་བྱིན་པར་ལེན་པ་ལས་སླར་ལྡོག་པར་བྱ་སྟེ། དེས་གཞན་གྱི་ཡོངས་སུ་གཟུང་བའི་ལོངས་སྤྱོད་ལ་ཆགས་པ་བསྐྱེད་པར་ཡང་མི་བྱ་ན། གཞན་གྱི་ལོངས་སྤྱོད་ལ་མ་བྱིན་པར་ལེན་པ་ལྟ་སྨོས་ཀྱང་ཅི་དགོས། གཞན་དུ་ན་སེམས་ཅན་གང་དག་སེར་སྣ་ཅན་འཇུངས་པ་སྦྱིན་པ་མི་བྱེད་ཅིང་། བསོད་ནམས་…

དོན་བྱ་བའི་ཐོག་མར་འགྲོ་བ་ནི་ཚིག་འཇམ་པ་ཡིན་པའི་ཕྱིར་རོ། །གཞན་དུ་ན་སེམས་ཅན་འགྲོ་བ་མི་བཟད་པའི་རྒྱུ་ཅན་རྣམས་ལ་གནས་དེ་དང་དེ་དག་ཏུ་བྱང་ཆུབ་སེམས་དཔའ་ཚིག་རྩུབ་པོར་སྨྲ་བ་ནི་མ་གཏོགས་སོ། །གསང་བ་པའི་བདག་པོ་གཞན་ཡང་ཕྲ་མ་སྨྲ་བ་ལས་སླར་ལྡོག་པར་བྱ་སྟེ། དེས་ཅི་ནས་ཀྱང་དབྱེན་དུ་མི་འགྱུར་བ་དང་གནོད་པར་མི་འགྱུར་བ་དེ་ལྟར་བས…

དེ་ལེགས་སོ་སྙམ་ནས་སེམས་ཅན་དེ་དག་གི་ལོངས་སྤྱོད་དེ་དག་ཆུད་མི་ཟ་བ་ལ་ཡང་དང་ཡང་དུ་དགའ་བ་བསྐྱེད་པར་བྱའོ། །གསང་བ་པའི་བདག་པོ་གཞན་ཡང་གནོད་སེམས་ལས་སླར་ལྡོག་པར་བྱ་སྟེ། དེས་ཐམས་ཅད་དུ་བཟོད་པ་མང་བ་དང་། བྱམས་པ་དང་། ཁོང་ཁྲོ་བ་མེད་ཅིང་སེམས་སྙོམས་པར་བྱའོ། །དེས་མཛའ་བོ་ལ་ཅི་ལྟ་བ་བཞིན་དུ་དགྲ་ལ་ཡང་དེ་བཞིན་དུ་བྱའོ། །དེ་ཅི…

སོ་ལེགས་སོ། །གསང་བ་པའི་བདག་པོ་དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུང་ཤིག་དང་། བྱང་ཆུབ་སེམས་དཔའ་རྣམས་ཀྱི་འདུལ་བའི་ལྟུང་བ་རྣམ་པར་ངེས་པ་ལ་མཁས་པ་བཤད་དོ། །གསང་བ་པའི་བདག་པོ་དེ་ལ་བྱང་ཆུབ་སེམས་དཔའ་ནི་རྣམ་པ་གཉིས་ཏེ། གཉིས་གང་ཞེ་ན། འདི་ལྟར་ཁྱིམ་པ་དང་། རབ་ཏུ་བྱུང་བའོ། །དེ་ལ་བྱང་ཆུབ་སེམས་དཔའ་ཁྱིམ་པ་ནི། ཁྱིམ་ན་ག…

མགོན་པོ་རྣམས། །ཐབས་དང་ཤེས་རབ་ལྡན་པ་ལ། །བསླབས་ནས་བླ་མེད་བྱང་ཆུབ་ནི། །འདུས་མ་བྱས་པ་དེ་འཐོབ་བོ། །ཐབས་དང་མི་ལྡན་ཡེ་ཤེས་དང་། །བསླབ་པ་དག་ཀྱང་བཤད་པ་ནི། །དཔའ་བོ་ཆེན་པོ་ཉན་ཐོས་རྣམས། །དེ་ལ་གཟུད་པའི་ཕྱིར་བཤད་དོ། ། རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། བྱང་ཆུབ་སེམས…

པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བརྒྱ་འབྱུང་བ་བསྟན་པ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་སངས་རྒྱས་བཅོམ་ལྡན་འདས་རྣམས་གང་གི་ཚེ་ཡེ་ཤེས་ཆེན་པོ་མངོན་པར་ཤེས་པར་དབང་བསྐུར་བ་དང་ལྡན་པའི་ས་ཐོབ་…

ཡོངས་སུ་གཟུང་བས་བསམ་པ་སྣ་ཚོགས་རྣམ་པར་དག་པའི་སྒོ་རྣམས་ཀྱིས་སངས་རྒྱས་ཀྱི་ཞིང་རྣམས་ནི་ཡོངས་སུ་སྦྱོང་། བྱང་ཆུབ་ཀྱི་སྙིང་པོ་ནི་མངོན་པར་སྒྲུབ། བྱང་ཆུབ་ཏུ་ནི་མངོན་པར་འཚང་རྒྱ། ཆོས་ཀྱི་འཁོར་ལོ་ནི་བསྐོར། སངས་རྒྱས་ཀྱི་མཛད་པ་ནི་བྱིན་གྱིས་རློབ་ཅིང་། དེའི་གོང་དུ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་འདོད་པས། སེམ…

སངས་རྒྱས་རྣམས་ཀྱི་གསང་བའི་མཆོག །ངོ་མཚར་ཆེན་པོ་རབ་ཏུ་གསང་། །རྟོག་གེ་ཀུན་གྱིས་མི་ཤེས་པ། །ཐམས་ཅད་ཁྱོད་ལ་བཤད་པར་བྱ། །གང་དག་ཐེག་ཆེན་དཀྱིལ་འཁོར་ནི། །སྙིང་རྗེ་འབྱུང་བར་དབང་བསྐུར་ཞིང་། །གང་དག་དྲང་ཞིང་མཉེན་པ་དང་། །རྟག་ཏུ་སྙིང་རྗེ་གང་ཆེ་དང་། །གང་དག་ནམ་ཡང་བྱང་ཆུབ་ལ། །དམིགས་པ་ཅན་དུ་མི་བལྟ་བ། །དེ་དག་རྣམས་ཀྱི་སྙི…

བ་ཆེན་པོ་བཞིའི་ནང་དུ་གཏོགས་པ་ཡིན་ལ། དེ་དག་ཀྱང་ངོ་བོ་ཉིད་ཀྱིས་སྟོང་པ། མིང་ཙམ་གྱིས་བསྡུས་པ། ནམ་མཁའ་དང་མཚུངས་ཤིང་འདྲ་བ། གཟུང་དུ་མེད་པ། རྒྱུ་དང་ལས་ལས་བྱུང་བ་སྟེ། གཟུགས་བརྙན་དང་འདྲ་བ་དེ་བཞིན་དུ་དེ་བཞིན་གཤེགས་པ་རྣམས་ཀྱིས་མངོན་པར་རྫོགས་པར་སངས་རྒྱས་སོ། །དེ་དག་ཀྱང་ཕན་ཚུན་རྟེན་ཅིང་འབྲེལ་བར་འབྱུང་བའི་རྒྱུན་མ་ཆ…

འདས་དེ་ཅིའི་སླད་དུ་ཞེ་ན། མི་དེ་གཉིས་ཀ་ཡང་ཡང་དག་པ་མ་ཡིན་པ་ལས་བྱུང་བ་དང་། སྒྱུ་མ་ཡང་རང་བཞིན་གྱིས་སྟོང་པའི་སླད་དུའོ། །གསང་བ་པའི་བདག་པོ་དེ་བཞིན་དུ་ཡིད་ལས་བྱུང་བའི་དངོས་པོ་དང་ཡིད་གང་ཡིན་པ་དེ་གཉིས་ཀ་ཡང་རྣམ་པར་བརྟགས་པ་ཡིན་པའི་ཕྱིར་ངོ་བོ་ཉིད་ཀྱིས་སྟོང་པའི་ཕྱིར་རོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང…

ཅད་ངེས་པ་ཉིད་དུ་སྒྲུབ། །དེ་ནས་ཡང་བཅོམ་ལྡན་འདས་ཀྱིས་སེམས་ཅན་གྱི་ཁམས་མ་ལུས་པ་རྣམ་པར་སྤྱོད་པའི་ཚིག་རྣམས་ཀྱིས་ཏིང་ངེ་འཛིན་སྒྲུབ་པའི་ཚིག །བསམ་གྱིས་མི་ཁྱབ་པའི་ཚིག་ཡོངས་སུ་གྱུར་པའི་སྒོའི་ཚིག་གསུངས་པ། གང་གི་ཚེ་ན་ཐོག་མ་ནས། ། ཅུང་ཟད་སྐྱེའམ་འཇིག་མེད་པ། །དེ་ཚེ་རྣལ་འབྱོར་ཅན་དག་གི །སྟོང་པའི་ཡེ་ཤེས་ཅི་ལྟར་སྐྱེ། །ག…

ཞེས་ཚའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི་ཆོས་ཐམས་ཅད་སྐྱེ་བ་མེད་པའོ་ཞེས་ཛའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི་ཆོས་ཐམས་ཅད་རྙོག་པ་དང་བྲལ་བའོ་ཞེས་ཛྷའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི་ཆོས་ཐམས་ཅད་ང་རྒྱལ་དང་བྲལ་བའོ་ཞེས་ཊའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི་ཆོས་ཐམས་ཅད་བསྐྱེད་པ་དང་བྲལ་བའོ་ཞེས་ཋའི་གཟུགས་ཀྱིས་ས…

སྟོན་ཏོ། །གསང་བ་པའི་བདག་པོ་དེ་ལྟར་ན་ཏིང་ངེ་འཛིན་སྒྲུབ་པའི་སྒོར་རེ་རེ་ལས་ཀྱང་ཏིང་ངེ་འཛིན་སྒྲུབ་པའི་སྒོ་སུམ་ཅུ་རྩ་གཉིས་སུ་རིག་པར་བྱའོ། །གསང་བ་པའི་བདག་པོ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཡིན་པ་དེ་དག་ཀྱང་། འདི་དག་ཉིད་ལས་བྱུང་བ་ལ་ལྟོས། ང་དང་ཉ་དང་ཎ་དང་ན་རྣམས་ནི་ཏིང་ངེ་འཛིན་ཐམས་ཅད་ལ་དབང་བྱེད་པ་སྟེ། …

ཏུ་བསྟན། །སྒྲ་དེ་རྟོགས་པར་གྱུར་ན་ནི། །ལྷ་ཡི་གནས་དང་ཏིང་ངེ་འཛིན། །ཡི་གེ་དགོད་པ་སྦྱར་བ་དང་། །ཡི་གེ་རྣམས་ཀྱིས་ཀུན་བསྟན་པས། །གསང་སྔགས་མང་པོ་ཞེས་བྱ་བར། །ཐ་སྙད་གདགས་པའི་གནས་སུ་འགྱུར། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བརྒྱ་པའི་སྔགས་ཀྱི་ཆོ་ག་རིམ་པར་ཕ…

དེ་ནས་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་དམ་ཚིག་གསུམ་ཞེས་བགྱི་བ་དེ་ཆོས་གང་གི་ཚིག་བླ་དགས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་ཁྱོད་ཀྱིས་ང་ལ་གང་ཞུས་པ་དེ་ལེགས…

ཆུབ་སྤྱད་པ་སྤྱོད། །གསང་བ་པའི་བདག་པོ་གང་གི་ཚེ་སྐུ་གསུམ་ལ་མངའ་མཛད་པ་དེ་དག་རྫོགས་པར་སངས་རྒྱས་པར་གྱུར་པ་དེའི་ཚེ་ཡང་དག་པར་རྫོགས་པའི་སངས་རྒྱས་དེ་དག་འདི་ལྟར་དང་པོར་སྤྲུལ་པའི་སྐུ་གཅིག་པུར་བྱིན་གྱིས་བརླབས་ནས་བསྟན་པ་གཞག་པ་མཛད་དོ། །གསང་བ་པའི་བདག་པོ་གཞན་ཡང་སྐུ་གཅིག་པོ་དེ་ཉིད་རྣམ་པ་གསུམ་དུ་འཇོག་པ་ནི་འདི་ལྟར་སངས་…

པ་ཐམས་ཅད་སྤངས། །གང་ཞིག་དེ་རྟོགས་འདོད་པ་དེ། །བྱང་ཆུབ་སེམས་དཔའ་ཞེས་བྱའོ། །གང་གིས་ས་བཅུ་བསྒྲུབས་ནས་ནི། །དབང་བཅུ་ལེགས་རྟོགས་ཁོང་དུ་ཆུད། །སྟོང་པ་སྒྱུ་མ་འདྲ་བའི་ཆོས། །རྣམ་པ་ཐམས་ཅད་མཁྱེན་ཅིང་འདིར། །འཇིག་རྟེན་ཀུན་གྱི་ཚུལ་མཁྱེན་པ། །སངས་རྒྱས་ཞེས་ནི་བྱ་བ་ཡིན། །ཆོས་ནི་ནམ་མཁའི་མཚན་ཉིད་དེ། །གཉིས་སུ་མེད་ཅིང་མཚན་ཉི…

ཁྱིམ་བདག་ལ་ནི་ཚངས་པའི་མེ། །དེ་བཞིན་ནོར་འབུལ་བ་ལ་ཞི། །དེ་བཞིན་ཕྱུགས་ནི་བཅིང་བ་ལ། །ཨ་བ་ནི་ཀ་ཞེས་བྱའི་མེ། །ལྟུང་བ་ལ་ནི་བི་ཙི་ཙི། །བཙོས་སྦྱིན་ལ་ནི་ས་ཧ་ས། །དུས་ཀྱི་མཚམས་ལ་ཧ་བིར་ཤེས། །དེ་བཞིན་ཟླ་བ་གནས་ལ་གཏེར། །མྲྀ་ཊ་ཞེས་བྱ་དགང་བླུགས་ལ། །ཞི་ལ་ད་རུ་ནར་འདོད་དོ། །བྱས་མཐའི་མེ་ནི་གཤིན་རྗེའོ། །དེ་བཞིན་རྒྱས་ལ་སྟོ…