ཚོམ་འཚལ་ཞིང་མཆིས། །ཐུབ་པ་ཆེན་པོ་བཤད་དུ་གསོལ། །གང་ཞིག་སེམས་ཅན་དོན་མ་བྱས། །བསོད་ནམས་ཡེ་ཤེས་རྣམ་པར་སྤངས། །དེ་རྣམས་ལ་ནི་ཐུགས་བརྩེའི་ཕྱིར། །བཅོམ་ལྡན་འདས་ལ་འདི་གསོལ་འདེབས། །དེ་རིང་བདག་ལ་མ་ལུས་པར། །སེམས་ཅན་ཕན་པར་བརྩོན་པས་གསུངས། །འདི་ཡི་མཐུ་སྟོབས་ཀྱང་ནི་ཅི། །འདི་ཡི་ཕ་རོལ་གནོན་པ་ཅི། །མི་གཡོ་ཞེས་བྱའི་གཙོ་ཁྱོད…

སོགས་པའི་བྱང་ཆུབ་སེམས་དཔའ་རྣམས་དང་། ཕྱག་ན་རྡོ་རྗེ་ལ་སོགས་པས་སླར་ཡང་བཅོམ་ལྡན་འདས་ལ་གསོལ་བ་བཏབ་པ། ཆོས་ཀྱི་རྒྱལ་པོ་སྔགས་ཀྱི་སྒོ། །བཅོམ་ལྡན་འདས་ཀྱིས་བཤད་དུ་གསོལ། །བྱང་ཆུབ་སེམས་དཔའི་སྤྱད་སྤྱོད་པའི། །བྱང་ཆུབ་སེམས་དཔའི་དོན་གྱི་ཕྱིར། །གསང་སྔགས་སྤྱོད་པའི་སྒྲུབ་པའི་ཐབས། །གང་གིས་བཅོམ་ལྡན་ཉིད་ཀྱིས་གཟིགས། །ཆོས་ཀ…

ཁྲོ་བོའི་རྒྱལ་པོ་རོལ་པ་ནི། །སྡང་བའི་སེམས་ཅན་ཅི་ནས་ཀྱང་། །རས་བལ་འདའ་བ་མཚུངས་པར་བརྟག །མིང་ནས་སྨོས་པ་ཙམ་གྱིས་ནི། །ཕྱོགས་བཅུ་རྣམས་སུ་འབྱེར་བར་འགྱུར། །དེ་བས་རྣམ་པ་ཐམས་ཅད་ཀྱིས། །གསང་སྔགས་འདི་རུ་བཟླས་པ་ནི། །རྟག་པར་རྒྱུན་དུ་དྲན་པར་བྱ། །གསང་སྔགས་དངོས་གྲུབ་འདོད་པ་ཡིས། །ཐམས་ཅད་དུ་ནི་འཇིགས་མེད་པར། །སྔགས་གནས་ས་ས…

མི་སླུ་བ་ནི་ཉིད་ཡིན་ནོ། །དེ་ཕྱིར་འདི་ནི་མི་གཡོ་བས། །མི་གཡོ་བ་ཞེས་མངོན་པར་བརྗོད། །མི་གཡོ་བ་ཡི་ས་ཐོབ་པ། །བསམ་གཏན་རྩེ་གཅིག་བློ་ཡིས་གནས། །ཉན་ཐོས་ས་ལ་སོགས་པ་ཡི། །བདུད་རྣམས་ཀུན་གྱིས་མི་གཡོ་བ། །དེ་ནས་མགོན་པོས་མཚན་གསོལ་ཏོ། ། རྫོགས་པའི་སངས་རྒྱས་རྐང་གཉིས་མཆོག །བྱང་ཆུབ་སེམས་དཔའ་དཔའ་བོ་རྣམས། །འདི་ནི་དོན་ཀུན་འགྲ…

ཞུགས་པ་ཙམ་གྱིས་སེམས་ཅན་ཐམས་ཅད་རྒྱལ་པོའི་དབང་ཕྱུག་གི་གོ་འཕང་འཐོབ་པར་འགྱུར་བ། བགེགས་དང་ལོག་འདྲེན་ཐམས་ཅད་ཀྱིས་འཚེ་བར་མི་ནུས་པ། དངོས་གྲུབ་མྱུར་དུ་འཐོབ་པར་བྱེད་པ། དབང་ཕྱུག་ཐམས་ཅད་ཡང་དག་པར་ལྡན་པར་བྱེད་པ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་བཀའ་སྩལ་པ།…

ཆེན་པོ་ལྟ་བུར་བབ་ཅོལ་དུ་ཁས་བུབ་ཏུ་འགྱེལ་བར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་པ་དང་། ལྡེག་པ་དང་། འགུལ་བ་དང་། རབ་ཏུ་འགུལ་བ་དང་། གཡོས་པ་དང་། རབ་ཏུ་གཡོས་པ་དང་། ཆེམ་ཆེམ། རབ་ཏུ་ཆེམ་ཆེམ་མོ། །ཤར་ཕྱོགས་མཐོ་ན་ནུབ་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ་བར་…

ཤིང་ཕྱེ་ཐུལ་བ་ལྟར། །དེ་ཡང་གནས་སུ་འགྱེལ་བར་འགྱུར། །ཚངས་པ་བརྒྱ་བྱིན་ལ་སོགས་ལྷ། །ལྷ་མིན་གནོད་སྦྱིན་རྫུ་འཕྲུལ་ཆེ། །དེ་དག་ཐམས་ཅད་ཐལ་བར་འགྱུར། །སྡུག་བསྔལ་འཁྲིགས་པར་འགྱུར་ན་ནི། །ཆུང་ཟད་སླར་ཡང་ཕན་ཚུན་དུ། །བྱེད་ཅིང་འཇིགས་པས་ཚིག་སྨྲས་ཏེ། །བུ་གཅིག་འདི་ནི་ཇི་ལྟར་འགྱུར། །ས་གཞི་འདི་དག་ཤིན་ཏུ་འཇིགས། །བདེ་གཤེགས་གོ་…

འགྲོ་བའི་མགོན་པོས་བསྲེག་པར་མཛོད། །སྙིང་པོ་མེད་པ་ལྟ་བུར་འགྱུར། །ཆུ་ཤིང་གི་ནི་སྡོང་པོ་བཞིན། །ཕྱེ་མ་ལེབ་བཞིན་སྐྱེ་བོ་རྣམས། །དྲག་ཏུ་བོད་པའི་ལུང་ཐོབ་པ། །བསྲེགས་ཀྱང་ཟུག་རྔུ་མི་འབྱུང་སྟེ། །དེ་བཞིན་འདིར་ནི་བྱིས་པ་རྣམས། །བགེགས་དང་ལོག་འདྲེན་ཐམས་ཅད་དང་། །གྲངས་མེད་བཅུ་ཡི་སྟོབས་ཀྱི་བདག །གསང་སྔགས་རྒྱལ་པོ་བརྗོད་པ་…

འཕང་བརྙེས་པ་ནི། །རང་གི་ལུས་ལ་སེམས་བཅུག་པས། །ངང་ཚུལ་བཟང་པོར་ཡང་དག་འབྱུང་། །སྡིག་པ་ཐམས་ཅད་རབ་ཏུ་ཞི། །བཅོམ་ལྡན་འདས་ནི་གཟིགས་པར་འགྱུར། །རིག་པར་གྱུར་པའི་སེམས་དང་ལྡན། །ཐམས་ཅད་རང་གི་སྲོག་དང་ལྡན། །རྫུ་འཕྲུལ་རྟུལ་ཕོད་པར་གྱུར་པ། །ཤིན་ཏུ་ངོ་མཚར་གོ་འཕང་འཐོབ། །དེ་ནི་རྒྱལ་མཆོག་སྤྱན་སྔར་གནས། །རང་གཞན་བརྟུལ་ཞུགས་བརྟ…

ས་གཞི་སྟེང་ན་རྣམ་པར་གནས། །གང་ཡང་བྱང་ཆུབ་སེམས་དཔའ་བརྟན། །ཐམས་ཅད་དང་ནི་ལྡན་པ་ཡི། །རྫུ་འཕྲུལ་ཆེན་པོ་འཁོར་རྣམས་ཀྱིས། །འགྲོ་ལ་ཕན་ཕྱིར་ཚིག་གསོལ་པ། །ཨེ་མའོ་ཀུན་མཁྱེན་མཚུངས་པ་མེད། །ཐབས་ཀྱི་ཡེ་ཤེས་བསམ་མི་ལང་། །ས་སྟེངས་ཁྱོད་མ་གཏོགས་པ་ཡི། །འབྱུང་འགྱུར་གཞན་ནི་སུ་ཞིག་ཡོད། །མཐའ་ཡས་བདེ་བའི་སྣོད་དུ་ནི། །འདི་དག་ཐམས་…

འདི་སྐད་ཀྱིས་ཚིག་བཀའ་སྩལ་པ། བྱང་ཆུབ་སེམས་དཔའ་རྫུ་འཕྲུལ་ཆེ། །རྫུ་འཕྲུལ་ལྡན་པ་ཁྱེད་མ་འཇིགས། །རྫོགས་སངས་རྐང་གཉིས་མཆོག་གི་ནི། །བསམ་གྱིས་མི་ཁྱབ་འདི་དག་གསུངས། །དེ་འདྲའི་ཆོས་ནི་བརྟེན་པ་ནི། །སྡུག་བསྔལ་གང་གིས་སླར་ཡང་ནི། །འཁོར་བར་དེ་ལྟར་འཆིང་འགྱུར་བ། །བསྙེན་པར་གྱུར་པས་འབྱུང་མི་འགྱུར། །རྫོགས་སངས་རྐང་གཉིས་མཆོག་…

ཅད་དབང་ཕྱུག་གི་གོ་འཕང་ཐོབ་པར་བྱེད་པ། ནད་ཐམས་ཅད་གསོ་སྦྱོང་མཛད་པ། དཔལ་ཐམས་ཅད་དང་ལྡན་པ། དུས་མ་ཡིན་པ་དང་། བགེགས་ཐམས་ཅད་འཇོམས་པར་བྱེད་པ་དང་། དགྲ་ཐམས་ཅད་དང་། ཉེ་བར་འཚེ་བ་དང་། ཆོམ་རྐུན་དང་། མི་རྒོད་དང་། རྒྱལ་པོའི་གནོད་པ་དང་། སེང་གེ་དང་། སྟག་ལ་སོགས་པ་དང་། རིམས་དང་། སྐྲན་དང་། མཚན་བར་རྡོལ་བ་དང་། སྡིག་སྦྲུལ་གྱ…

གསང་སྔགས་མཉེས་པར་ཤིན་ཏུ་བརྩོན། །དཀྱིལ་འཁོར་འདི་རུ་རབ་ཏུ་བསྔགས། །རྫུ་འཕྲུལ་ཆེན་པོ་ལྷ་རྣམས་དང་། །སངས་རྒྱས་ཉན་ཐོས་ཆོས་རྣམས་དང་། །སྐྱོབ་པ་བྱང་ཆུབ་སེམས་དཔའ་ཡང་། །ཆ་ཤས་རིག་ནས་རྟག་པ་ཡང་། །ཟབ་མོའི་དོན་ནི་རབ་ཏུ་བསྟན། །སེར་སྣ་ཡང་ནི་ཡོད་མ་ཡིན། །ཁྲོ་བོ་གང་ཡང་བརྩེ་བར་སྨྲ། །བསྡུ་བ་བཞི་ཡི་ངང་ཚུལ་ཤེས། །ཕ་རོལ་ཕྱིན་པ…

སེམས་པར་བྱེད། །འབྱུང་པོ་ཐམས་ཅད་མཆོད་པར་བྱེད། །འཇིག་རྟེན་པ་ཡང་དེ་ཉིད་རིག །སེམས་ཅན་སྙོམ་མེད་ཕུན་སུམ་ཚོགས། །སྤྲོ་བ་དང་ནི་བསྟན་པར་འགྱུར། །གང་གི་དབང་ཕྱུག་ཤེས་རབ་སྔགས། །ཐམས་ཅད་དབང་དུ་བྱེད་པ་ཡིན། །ཁྲོ་བོ་རྣམས་ནི་རྟག་ཏུ་བཟླས། ། ལྷ་མཉེས་པ་ལ་ཆེད་དུ་བྱེད། །ཚུལ་ཁྲིམས་དང་ལྡན་ཕུན་སུམ་ཚོགས། །སྐུ་དང་གསུང་ལས་ཡང་དག་བ…

གོ་འཕང་འབྲས་བུ་ཡོད་མ་ཡིན། །ཐམས་ཅད་དབང་ཕྱུག་གོ་འཕང་འཐོབ། །ཀུན་ཀྱང་བདེ་བས་ཡང་དག་བརྒྱན། །འཇིགས་པ་ཐམས་ཅད་རྣམ་པར་བྲལ། །ཐེ་ཙོམ་མེད་པར་འགྱུར་བ་ཡིན། །གཞན་དུ་ཐམས་ཅད་འབྲས་བུ་མེད། །བགེགས་ཀྱིས་གླགས་ནི་བཙལ་ནས་སུ། །སྔགས་པའི་ལུས་ནི་འཕྲོག་པར་བྱེད། །ཆོ་གའི་འབྲས་བུ་བྱ་བ་མེད། །དེ་ལྟར་བྱས་ན་སྔགས་པ་བདག །དཀྱིལ་འཁོར་མཆོག་…

དགའ་བར་མཆོད། །ས་གཞི་ཡི་ནི་ཕྱོགས་ཀུན་དུ། །གཏོར་མ་རབ་ཏུ་གཏང་བར་བྱ། །མེ་ཏོག་སིལ་མ་གཅལ་དུ་དགྲམ། །དྲི་དང་བདུག་པ་ཆོ་ག་རིམ། །སྦྱིན་སྲེག་ཆོ་ག་བཞིན་དུ་བྱ། །རྣལ་འབྱོར་དགེ་བར་འདོད་པ་ཡིས། །དེ་ལྟར་རབ་ཏུ་འབད་པ་ཡིས། །གནས་སུ་ཉི་མ་གཅིག་ཏུ་བྱ། །ལེགས་པར་སྦྱངས་པར་གྱུར་པ་ལ། །ལྷ་ནི་སྤྱན་ཡང་དྲང་བར་བྱ། །ཁྱད་པར་དུ་ནི་གཏོར་མ…

དེར། །དེ་ལ་བཞུགས་པ་འགྲོ་བའི་མགོན། །གཙོ་བོ་བསྟན་པའི་དོན་མཛད་པ། །སྐྱོབ་པ་ཤཱཀྱའི་མགོན་པོ་ཡི། །ལྷུང་བཟེད་ཕྱག་རྒྱ་རྟག་ཏུ་བྲི། །དེ་ནས་དེ་ཡིས་ཀུན་དུ་ཁྱབ། །དཀྱིལ་འཁོར་ཕུན་སུམ་ཚོགས་པ་འབྱུང་། །འདི་ལྟར་སོར་མོ་བཅུ་དྲུག་ནི། ། སྐྱོབ་པ་དེ་ཡི་དཀྱིལ་འཁོར་ཡིན། །དེ་ཡིས་ཐམས་ཅད་རབ་ཏུ་བཤད། །ལྷག་མ་སྣམ་བུ་གཡས་སྐོར་དུ། །བྱང…

དང་། །སྟེང་གི་ཕྱོགས་ཀྱི་ཆ་ཉིད་དུ། །བདག་ཉིད་ཆེན་པོ་སྐྱོན་བྲལ་བ། །དེ་དག་ཀུན་ལ་དཔའ་བོ་བཞུགས། །དབུས་སུ་གཅིག་པུ་བཞུགས་པར་འགྱུར། །སོ་སོར་བྱང་ཆུབ་ལ་བརྟེན་ནས། །ཤཱ་རིའི་བུ་ནི་བདག་ཉིད་ཆེ། །དེ་ནས་ཡེ་ཤེས་ནམ་མཁའ་མཁྱེན། །རྫུ་འཕྲུལ་ཡུལ་ནི་མཆོག་ཏུ་འགྱུར། །མཽད་གལ་བུ་ཡང་ཉིད་དང་ནི། །འོད་སྲུང་བདག་ཉིད་ཆེན་པོ་ནི། །རྒྱལ་མ…

བཞིན་དུ། །མངག་གཞུག་ཕོ་མོ་ཤིན་ཏུ་རྩུབ། །རང་གི་ཕྱག་རྒྱ་མཚན་མར་ལྡན། །ནུབ་ཀྱི་ཕྱོགས་སུ་བྲི་བར་བྱ། །ས་ཡི་དཀྱིལ་འཁོར་ཞེས་བཤད་པ། །རྒྱལ་བའི་བདག་ཉིད་ལས་འཁྲུངས་ལྷ། །འཇིག་རྟེན་སྐྱོང་བ་ལ་སོགས་བྲི། །ས་སྟེངས་དམ་ཚིག་གནས་པ་ནི། །ལྷ་ཡི་རྒྱལ་པོ་ལྷ་མིན་ཆེ། །ཚངས་པ་ཁྱབ་འཇུག་དབང་ཕྱུག་ཆེ། །རང་གི་ཕྱག་རྒྱའི་མཚན་མར་བཅས། །ཤར་ག…

འགྱུར། །རྫོགས་པའི་སངས་རྒྱས་ཀྱིས་གསུངས་པའི། །མཆོག་འདི་དད་པ་མེད་པ་དང་། །སྡིག་ཅན་འཇིགས་ཤིང་རྩུབ་པ་ཡི། །དྲག་ཤུལ་མཆེད་པར་གྱུར་པ་ལ། །བུ་ཡིས་ཅུང་ཟད་མི་སྦྱིན་པར། །ཁྱོད་ལ་རྫོགས་སངས་རྒྱས་ཀྱིས་གསུངས། །རྫོགས་སངས་རྐང་གཉིས་དམ་པ་ཡིས། །ཤིན་ཏུ་གསང་བར་ཡང་དག་གསུངས། །ཁྲོ་བོའི་རྒྱལ་པོའི་དཀྱིལ་འཁོར་ནི། །འདི་དག་ཐམས་ཅད་བཤད…