དགོད། །སྒོ་བཞི་པོ་ནི་ཐམས་ཅད་དུ། །བུམ་པ་སྔ་མ་ཅི་བཞིན་དུ། །བརྒྱད་ཉིད་དུ་ནི་གསུངས་པ་སྟེ། །དགུ་པ་དེ་ནི་བསང་གཏོར་བ། །རྡོ་རྗེ་དྲག་པོས་རྣམ་ཀུན་ཏུ། །བསྒྲིམས་ཏེ་དེ་ནི་སྔགས་ཀྱིས་གདབ། །བཅུ་པ་དབུས་སུ་ཤེས་པར་བྱ། །དེ་ནི་འཁོར་ལོས་སྒྱུར་ལ་དབུལ། །རྟ་བབས་རྣམས་ནི་མཛེས་པ་སྟེ། །རིན་ཆེན་རྣམ་པ་བཞི་ལས་བྱ། །ཡང་ན་ཡིད་འོང་ཤིང…

བག་ཆོས་དང་ནི་ལ་དུ་དང་། །སྦྲང་རྩི་གཞག་པའི་ཅུང་པེང་དང་། །ཨ་ཤོ་བརྟི་བེན་ཀ། །སྤྱན་གཟིགས་ཁཎྜར་གྲགས་པ་དང་། །ཤི་རེ་བྷེ་དྷ་ཀ་མོ་ཏ། །གརྦྷོད་ཀ་ར་ཀ་དང་ནི། །བེ་རེག་དང་ནི་དྭེ་ཚེ་དང་། །ཤ་ཀུ་ལ་དང་པར་པ་ཏ། །འབྲུ་ཡི་ལ་ཐུག་འབྲེང་བུ་དང་། །ཤུན་ཐ་པ་ལི་ཀ་དག་དང་། །གྷ་རི་ཀ་དང་སྭ་སྟི་ཀ། །མོན་སྲན་གྲེའུ་ཞུ་ཏེའུ་དང་། །རྩ་བ་དང་ན…

གཞག་བྱ་བ། །དེ་བཞིན་གཤེགས་པའི་གསང་བ་ཡིན། །སྡོང་པོ་བཀོད་པའི་ཚུལ་ཆེན་ནི། །ལྷོ་ཕྱོགས་ལོགས་སུ་ཤེས་པར་བྱ། །དཀྱིལ་འཁོར་ལྷ་རྣམས་ཅི་ལྟ་བར། །དེ་དག་ལ་ཡང་གུས་པར་མཆོད། །དམ་པའི་ཆོས་ནི་བཀླག་པ་འདི། །བསྲུང་བ་རྣམས་ཀྱི་དམ་པ་ཡིན། ། དེ་ནས་ལྷ་རྣམས་ཐམས་ཅད་ཀྱང་། །དེ་ཡི་ཚེ་ན་དགྱེས་པར་འགྱུར། །གང་དག་འཇིག་རྟེན་མི་སྲུན་པ། །དེ་ད…

ཤིང་ནི་ཇི་ལྟ་བུར། །ལས་ནི་ཅི་ཞིག་བརྩམ་པར་བགྱི། །ཁྱབ་བདག་ཐབ་ཁུང་བཀའ་སྩོལ་ལ། །བདག་གི་ཐེ་ཚོམ་བསལ་དུ་གསོལ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །སེམས་དཔའ་ཆེན་པོ་ལེགས་སོ་ལེགས་སོ་ལེགས། །ཁྱོད་ཀྱིས་དྲི་བ་གང་བྱས་པ། །དེ་དག་ཐམས་ཅད་…

འོ་མ་སྦྲང་རྩིའོ། །རྒྱས་ལ་ཞོ་དང་འབྲས་ཆན་དང་། །གང་དག་གཞན་ནས་གསུངས་པའོ། །དྲག་ཤུལ་སྤྱོད་པ་ཚེར་མར་གསུངས། །དབང་བྱར་སྔ་མ་ཅི་བཞིན་དུ། །ལས་འདོད་འཇིགས་པ་མེད་རྣམས་ཀྱིས། །ཅི་རིགས་པར་ནི་སྦྱིན་སྲེག་བྱ། །ཅི་ལྟར་རིགས་པ་སོ་སོ་ལས། །དེ་དག་ལ་ནི་ཡོན་དགུག་གོ། །ཡང་ན་ཡིད་ལ་གང་འདོད་པ། །དེ་ནི་ཅི་བདེར་སྦྱིན་པར་གྱིས། །དེ་ཡི་ཚེ…

སློབ་དཔོན་གྱི་ནི་ཡོན་ཏན་བཟུང་། །སྐྱོན་རྣམས་ནམ་ཡང་གཟུང་མི་བྱ། །ཡོན་ཏན་འཛིན་ན་གྲུབ་པར་འགྱུར། །ཉེས་པ་རྣམས་ནི་དངོས་གྲུབ་ཉམས། །སློབ་དཔོན་ལ་ནི་སྨད་བྱས་ན། །འཇིག་རྟེན་དག་ན་ཚེ་ཐུང་ཞིང་། །དེ་བཞིན་ངན་སོང་འགྲོ་བར་འགྱུར། །ཉ་པ་ལ་སོགས་རིགས་སུ་སྐྱེ། །འདི་ནི་ཉེས་ཀུན་འབྱུང་གནས་ཏེ། །མཁས་པས་བླ་མ་སྐུར་མི་གདབ། །ཆོས་འདོད་…

ནུབ་ཕྱོགས་ངོས་ཀྱི་ཐིག་གདབ་བོ། །དེ་བཞིན་རླུང་གི་ཕྱོགས་སྤངས་ཏེ། །བདེན་བྲལ་ཕྱོགས་སུ་འདུག་བྱས་ནས། །དེ་ནས་ཤར་ཕྱོགས་མངོན་བལྟས་ཏེ། །སྔགས་པས་གསང་སྔགས་རྗེས་དྲན་ཞིང་། །མེ་ཡི་ཕྱོགས་ཀྱི་བར་དུ་ནི། །ལྷོ་ཕྱོགས་ངོས་ཀྱི་ཐིག་གདབ་བོ། ། ཆོ་ག་འདི་བཞིན་ཐམས་ཅད་ཀྱང་། །གྲུ་བཞི་ལྷམ་པར་རབ་ཏུ་བྱ། །མཁས་པས་ཐོག་མ་ཉིད་དུ་ནི། །ནང་ར…

ཇི་ལྟར་གླིང་བཞིའི་དབང་ཕྱུག་གོ། །འཁོར་ལོས་སྒྱུར་རྒྱལ་དབང་བསྐུར་བ། །དེ་བཞིན་སྔགས་པས་ངོ་མཚར་དང་། །བཀྲ་ཤིས་ཀུན་གྱིས་དབང་བསྐུར་རོ། །མེ་ཏོག་རྣམས་དང་བདུག་པ་དང་། །སྤོས་མཆོག་རྣམས་ཀྱིས་ཡང་མཆོད་ལ། །ལག་པ་གཡས་སུ་རྡོ་རྗེ་དང་། །གཡོན་དུ་འཁོར་ལོ་བཞག་ནས་སུ། །སློབ་མ་དེ་ལ་འདི་སྐད་དུ། །རྡོ་རྗེ་སློབ་དཔོན་ཁྱོད་འགྱུར་ཏེ། །…

ལག་ན་རྡོ་རྗེ་དབང་བསྐུར་བ་ལས་དབང་བསྐུར་བའི་རིམ་པར་ཕྱེ་བ་རྫོགས་སོ།། །།དེ་ནས་འཇམ་རབ་དཔལ་ལྡན་པ། །ཡ་མཚན་གྱིས་ནི་མིག་རྒྱས་པས། །རྡོ་རྗེ་འཛིན་ལ་འདི་སྐད་སྨྲས། །དཔའ་བོ་གཟི་བརྗིད་ཆེན་པོ་ལེགས། །ཁྱོད་ཀྱིས་དཀྱིལ་འཁོར་གང་བཤད་པ། །རྡོ་རྗེའི་དཀྱིལ་འཁོར་དམ་པ་མཆོག །གང་གིས་དངོས་གྲུབ་ཐོབ་འགྱུར་བ། །གསང་ཆེན་བཅས་པ་ཡང་གསུངས་…

ནི་ལྷ་གང་ཡིན་པ་དེ་ཁོ་བོ་ཡིན་ནོ། །ཁོ་བོ་གང་ཡིན་པ་དེ་དཀྱིལ་འཁོར་ཡིན་ནོ། །ལྷའི་གནས་གང་ཡིན་པ་དེ་ཁོ་བོའི་གནས་སོ། །ཁོ་བོའི་གནས་གང་ཡིན་པ་དེ་དཀྱིལ་འཁོར་རོ། །དཀྱིལ་འཁོར་ལ་གནས་པ་ནི་གསང་སྔགས་ཏེ་དཀྱིལ་འཁོར་མེད་པར་གསང་སྔགས་མེད་དེ། འཇམ་དཔལ་གཞན་ཡང་དཀྱིལ་འཁོར་གྱི་གཟུགས་ཡོད་པ་དང་གཟུགས་མེད་པའོ། །དེ་ལ་གཟུགས་ཡོད་པ་ནི་ར…

རྣལ་འབྱོར་ལ་སྦྱོར་བ་ཉིད་གང་ཡིན་པ་དེ་ནི་རིགས་པའོ། །འཇམ་དཔལ་གཞན་ཡང་ཡོན་ཏན་འདི་ལྟ་བུ་དང་ལྡན་པའི་སྔགས་པ་ནི་རྒྱལ་བ་རྣམས་ཀྱིས་དཀྱིལ་འཁོར་གྱི་སློབ་དཔོན་དུ་བཞེད་དོ། །དཀྱིལ་འཁོར་གྱི་ནི་གསང་ཆེན་འདི། །རྒྱལ་བ་རྣམས་ཀྱིས་སྔོན་བཤད་དེ། །གཞན་དུ་བྲི་བ་འབའ་ཞིག་ནི། །རྒྱུ་དང་འབྲས་བུ་བྲལ་བ་ཡིན། །འཇམ་དཔལ་གཞན་ཡང་ལྷ་ནི་རྣམ་…

ཅེས་བྱ་བ་དང་། འཆིང་བ་ཞེས་བྱ་བ་དང་། ཐར་པ་ཞེས་བྱ་བ་དང་། བདག་ཅེས་བྱ་བ་དང་། བདག་མེད་ཅེས་བྱ་བ་དང་། སྲེད་པ་ཞེས་བྱ་བ་དང་། དེ་ཁོ་ན་ཞེས་བྱ་བ་དང་། ཡང་དག་པ་ཞེས་བྱ་བ་དང་། མི་སླུ་བ་ཞེས་བྱ་བ་དང་། མིག་ཅེས་བྱ་བ་དང་། རྣ་བ་ཞེས་བྱ་བ་དང་། སྣ་ཞེས་བྱ་བ་དང་། ལྕེ་ཞེས་བྱ་བ་དང་། ལུས་ཞེས་བྱ་བ་དང་། ཡིད་ཅེས་བྱ་བ་དང་། གཟུགས་ཞེས་…

པར་མཛད་དེ། འཇམ་དཔལ་ལས་དང་རྣམ་པར་སྨིན་པ་མེད་པ་སྟོང་པ་ཉིད་ཡིན་ལ། སྟོང་པ་ཉིད་དེ་ལ་ཡང་གཅིག་ཅེས་བྱ་བའམ་གཉིས་ཞེས་བྱ་བ་འདོགས་ཏེ། དེ་ལྟར་གྲངས་བསྟན་པ་རྣམས་དང་། མིང་གི་བརྡར་བྱས་པ་རྣམས་ཀྱིས་འདོགས་པ་མཛད་པ་ལ་ལྟོས། འཇམ་དཔལ་གཞན་ཡང་ནམ་མཁའི་ཁམས་ལས་དང་རྣམ་པར་སྨིན་པ་མེད་པ་ཡིན་ན། ནམ་མཁའ་ལ་ཡང་སྔོན་པོ་ཞེས་བྱ་བ་དང་། སེར་པ…

བྲལ་བ་དེ་མེད་པར་མ་གྱུར་ན་དེའི་ཚེ་གང་བསམས་པ་དེ་ཐམས་ཅད་འབྱུང་ངོ་། །འཇམ་དཔལ་དེ་བཞིན་དུ་སྔགས་ཀྱི་ཚུལ་ཡང་ཁོང་དུ་ཆུད་པར་བྱའོ། །འཇམ་དཔལ་གང་གི་ཚེ་རང་གི་གཟུགས་ཡོངས་སུ་སྤངས་ཏེ། ལྷའི་ང་རྒྱལ་ལ་ཐེ་ཙོམ་མེད་པ་ཐོབ་པ་དེའི་ཚེ་གསང་སྔགས་ཀྱི་ཆོས་ཉིད་དེས་ཆོས་ཉིད་སྟོན་ཏེ། དེའི་ཚེ་དེས་ཚིག་གིས་དེའི་རྣམ་པ་སྟོན་པ་ན་བྱ་བ་ནུས་པ…

དེ། འདི་ལྟ་སྟེ། ལྷའི་ཁང་ཁྱིམ་དང་། གཞལ་མེད་ཁང་ལ་སོགས་པ་དང་། རྟ་དང་། གླང་པོ་ཆེ་དང་། ཤིང་རྟ་དང་། བུད་མེད་དང་། བཟའ་བ་དང་བཅའ་བ་ལ་སོགས་པ་མངོན་པར་སྤྲུལ་ནས་བདག་ཀྱང་ཡོངས་སུ་སྤྱོད་ཅིང་གཞན་དག་ལ་ཡང་སྦྱིན་པར་བྱེད་དེ། དེ་ཅིའི་ཕྱིར་ཞེ་ན། དེ་ཉིད་ཀྱིས་སྔགས་དེ་བསྒྲུབས་པའི་ཕྱིར་རོ། །འཇམ་དཔལ་དེ་བཞིན་དུ་གཞན་གྱིས་བྱས་པ་ལ…

ཞེས་རྟོག་པར་བྱེད་ཀྱིས་དེ་དང་ཐ་དད་པ་ཡང་མ་ཡིན་ཐ་དད་པ་མ་ཡིན་པའང་མ་ཡིན་མོད་ཀྱི་འོན་ཀྱང་འཁྲུལ་པའི་ཕྱིར་སེམས་ལ་ངར་འཛིན་པ་སྐྱེད་དོ། །འཇམ་དཔལ་མཐོང་བའི་འབྲས་བུ་གང་ཞེ་ན་འདི་ལྟ་སྟེ། གསང་སྔགས་རྣམས་ཀྱིས་དུག་དང་རིམས་ལ་སོགས་པ་སེལ་བའོ། ། ཚེ་འདི་མ་ཡིན་པའི་འབྲས་བུ་གང་ཞེ་ན། མངོན་སུམ་དང་། རྟོག་པའི་དྲ་བ་དང་བྲལ་བ་བསམ་གཏན…

རྡོ་རྗེ་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། དེ་ནས་དེའི་ཚེ་སྟོབས་མཚུངས་བ་མེད་པས་ཆོས་ཀྱི་དབྱིངས་ལ་འཇུག་པ་དམ་ཚིག་ཆེན་པོའི་གསང་སྔགས་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བཛྲ་ས་མ་ཡ་དྷྲྀ་ཀེ །དམ་ཚིག་གི་རྡོ་རྗེའི་གསང་སྔགས་སྨྲས་མ་ཐག་ཏུ་དེ་ནས་སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དང་། འ…

སྤྱི་གཙུག་གི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། བཛྲ་ཨ་ནནྟ་ག་ཏི་ཧི་སྭཱ་ཧཱ། རྡོ་རྗེ་གཙུག་ཏོར་ཆེན་པོའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། ཏ་ཐཱ་ག་ཏེ། ཨཱ་ཤཱ་པ་རི་པཱུར་ཙིནྟཱ་མ་ཎི་རཱ་ཛ་བཛྲ་ཧཱུཾ་སྭཱ་ཧཱ། རྡོ་རྗེ་མཛོད་སྤུའི་སྔགས་སོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། ཏ་ཐཱ་ག…

ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿཏ་ཊ་ཏ་ཊ། སྥོ་ཊ་ཡ་བཛྲ་སཾ་ཀྲྀ་ཏ་བི་དྱུ་ཛི་ཧྭཱ་དུ་རྡཱནྟ་ད་མ་ཀ་ད་ཧ་སི་ཏ། ལཾ་བོ་དར་ཀ་ཧ་ཀ་ཧ། ཙུ་ལུ་ཙུ་ལུ། མུཉྩ་ཨཊྚ་ཧཱ་ས་ན། དཱ་ར་བི་དཱ་ར། བཛྲ་བཀྟྲ། བཛྲ་ཨཾ་ག །བཛྲ་ནཻ་ཏྲ། བཛྲ་ཤྲོ་ཏྲ། བཛྲ་གྷྲཱ་ཎ། བཛྲ་དཾ་ཥྚ་ཨ་ནུ་ཙ་ར། ཀིཉྩི་རཱ་ཡ་སི། པྲ་བི་ཤ་བཛྲ་པཱ་ཎི་ཧྲྀ་ད་ཡོྃ།ཨཱ་བི་ཤ་ཨཱ་བི…

ཅན་ལག་ན་རྡོ་རྗེ་ཐོགས་པ་དང་། ཁ་དོག་ཐ་དད་པ་དང་། འཇིག་རྟེན་གྱི་ཁམས་ཐམས་ཅད་དུ་སྒྲས་གོ་བར་བྱེད་པ་དང་། ལག་ན་མདུང་རྩེ་གསུམ་པ་ཐོགས་པ་དང་། སྡང་བ་ཐམས་ཅད་སྐྲག་པར་བྱེད་པ་དང་། བདུད་ཀྱི་གནས་ཐམས་ཅད་རྣམ་པར་འཇིག་པར་བྱེད་པ་དང་། འཆའ་བ་དང་། རྒོད་པ་དང་། འབུག་འབུག་པོའི་སྒྲ་འབྱིན་པ་དང་། རྨུག་རྨུག་པོའི་སྒྲ་འབྱིན་པ་དང་། ལག་…