ཞི་བའི་བློ་གྲོས་ཆོས་ཀྱི་རྣམ་གྲངས་འདི་ཡང་དེ་བཞིན་དུ་བལྟ་བར་བྱའོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་བརྒྱད་པ། དེ་ནས་འཇམ་དཔལ་གཞོན་ནུར་གྱུར་པས་ཡང་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་གཞན་ཡང་རང་གི་དམ་བཅས་བའི་གསང་སྔགས་ཀྱི་རྒྱལ་པོ་བསྒྲུབ་པ་ནི་འདི་ཡིན་ཏེ། ཆོ་ག་སྔ་མ…

དེའི་གཡས་རོལ་དུ་བྱང་ཆུབ་སེམས་དཔའ་གསེར་གྱི་མེ་ཏོག་བརྩེགས་ཞེས་བྱ་བ་གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་པ་བཟུང་བ། ལག་ན་རྔ་ཡབ་ཐོགས་པ། གོས་ཚི་གུ་གྱོན་པར་བྲིའོ། །གཡོན་རོལ་དུ་བྱང་ཆུབ་སེམས་དཔའ་ཙནྡན་བརྩེགས་ཞེས་བྱ་བ་པྲི་ཡང་ཀུའི་མེ་ཏོག་ལྟ་བུའི་སྔོ་བསངས་པའི་གོས་ཚིག་གུ་གྱོན་པ། རྒྱན་ཐམས་ཅད་ཀྱིས་རྣམ་པར་བརྒྱན་པ…

འབྱོར་པས་མཆོད་དེ་ཤུ་ཏི་ཞོ་དང་སྦྲང་རྩི་དང་མར་ལ་སྨྱུགས་པ་དག་གིས་མཚན་ཐོག་ཐག་སྦྱིན་སྲེག་བྱས་ན་བློན་པོ་ཆེན་པོའི་ཐབས་ཐོབ་པར་འགྱུར་རོ། །མ་གྲུབ་ན་ལས་རྣམས་སུ་འགྱུར་ཏེ་ཡུལ་གྲུ་སྦྱིན་པར་བྱེད་དོ། །རྒྱ་མཚོར་འབབ་པའི་ཆུར་མིད་པ་ནུབ་ཙམ་དུ་ཞུགས་ལ་སྙིང་པོ་དམ་པ་དང་ལྷན་ཅིག་ཏུ་ལན་སུམ་འབུམ་བཟླས་བརྗོད་བྱས་ན་གཏེར་མཐོང་བར་འག…

ཟླ་བ་སྤྱང་ཀིས་ཟིན་པའི་ཚེ་མཆོད་པ་བྱས་ལ་ཤུ་དག་དཀར་པོ་བླངས་ཏེ་ཁར་བཅུག་ལ་ཟླ་བ་ལ་བལྟ་ཞིང་། ཟླ་བ་བཏང་གི་བར་དུ་བཟླས་བརྗོད་བྱས་ལ་དེ་ཟོས་ན་ཐོས་པ་འཛིན་པར་འགྱུར་རོ། །ཟླ་བ་སྤྱང་ཀིས་ཟིན་པའི་ཚེ་བ་སེར་མོ་མ་སྨད་སྤུ་མཐུན་པའི་འོ་མ་བླངས་ལ། བ་ལང་གི་ལྕི་བས་དཀྱིལ་འཁོར་བསྐུས་ཏེ། ཅི་འབྱོར་པས་མཆོད་ལ་ཟླ་བ་ལ་བལྟ་ཞིང་མར་འབྱུང་…

བའི་བསྒྲུབ་པ་ནི་འདི་ཡིན་ཏེ། ཚེས་གྲངས་དང་སྐར་མ་འདམ་མི་དགོས། སྨྱུང་བ་བྱ་མི་དགོས་པར་དགོན་པ་ཆེན་པོའམ། དུར་ཁྲོད་ཆེན་པོར་སོང་སྟེ། གོས་སྔོན་པོ་བགོས་ལ་ལམ་མི་བཟུར་སློང་མོའི་ཟས་བཟའ་ཞིང་། ང་རྒྱལ་མེད་པར་བྱས་ལ་སྔར་སྙིང་པོ་དམ་པ་འབུམ་བཟླས་བརྗོད་བྱའོ། །དེས་ན་ཁྲོ་བོ་ཆེན་པོ་འདིའི་སྔར་བསྙེན་པ་བྱེ་བ་བྱས་པར་འགྱུར་རོ། །ད…

བཟུང་ན་མི་སྣང་བར་འགྱུར་རོ། །ཁྲོ་བོའི་རྒྱལ་པོ་འདི་ནི་མ་དུལ་བ་འདུལ་བ་བརྩོན་འགྲུས་དང་ཕ་རོལ་གནོན་པ་ཆེ་བའི་ཡོན་ཏན་དཔག་ཏུ་མེད་པའི་དཔལ་དང་ལྡན་པའོ། །འདིའི་སྔགས་བཟླས་བརྗོད་བྱས་ལ་རྩ་བ་བཞིའི་ལྟུང་བ་ཡང་བྱང་བར་འགྱུར་ཞིང་། མཚམས་མེད་པ་ལྔ་པོ་དག་ཀྱང་མ་ལུས་པར་འབྱང་བར་འགྱུར་རོ། །ཅི་སྐད་བཤད་པ་དེ་བཞིན་དུ་བྱེད་པ་དག་ལྟ་སྨ…

པོར་འགྱུར་རོ། །ཐོགས་པ་མེད་པར་འགྲོ་བར་འགྱུར་རོ། །ལོ་དྲུག་ཁྲི་ཐུབ་པར་འགྱུར་རོ། །མདུང་ཐུང་བསྒྲུབ་པ་ནི། སྒྲུབ་པ་པོ་ཟས་སུ་འོ་སྐྱོ་བཏུང་ཞིང་རིའི་རྩེ་མོར་སོང་ལ་རིག་པ་ལན་སུམ་འབུམ་བཟླས་བརྗོད་བྱའོ། །དེ་ནས་རིག་སྔགས་འཆང་གིས་དུར་ཁྲོད་ཀྱི་ཐལ་བ་དང་གྲོག་མཁར་གྱིས་འོ་མས་སྦྲུས་ལ་མདུང་ཐུང་བདེ་བར་གཤེགས་པའི་མཐོ་གང་གི་ཚད་…

སྲེག་བླུགས་ལན་བརྒྱད་བརྒྱ་སྦྱིན་སྲེག་བྱས་ན་དབང་དུ་འགྱུར་རོ། །ཪཱ་ཛཱ་མ་ཏྱ་བ་ཤི་ཀ་ར་ནེ་བ་ལ་ན་ཧཱུ་ཏི་ནན། ཨཥྚ་ས་ཧ་སྲན་ཛུ་ཧཱུ་ཡངྦ་ཤོ་བྷ་བ་ཏི། རྒྱ་མཚོར་འབབ་པའི་ཆུར་ཞུགས་ལ་མེ་ཏོག་ཁ་དོག་སྣ་ཚོགས་འབུམ་གཏོར་ནམ་བླངས་པར་ཉིན་གཅིག་བཞིན་དུ་རས་ཟུང་རེ་རྙེད་དོ། །དུར་ཁྲོད་དུ་སོང་ལ་དཀྱིལ་འཁོར་བྱས་ཏེ་ཞག་བདུན་མི་ཤས་སྦྱིན་སྲ…

འདུག་ཅིག་འདུག་ཅིག་ཅེས་བརྗོད་པར་བྱའོ། །དེ་དམ་པ་རྣམ་པ་གསུམ་ལས་གཅིག་སྦྱིན་པར་བྱེད་དེ། མའམ་སྲིང་མོའམ་ཆུང་མར་འགྱུར་རོ། །མར་གྱུར་ན་ནི་བུ་བཞིན་དུ་དགོས་པ་ཐམས་ཅད་བྱེད་དེ། སྲིང་མོར་གྱུར་ན་ནི་ཉིན་གཅིག་བཞིན་དུ་ཏི་ནར་རེ་རེ་སྦྱིན་པར་བྱེད་དོ། །ཆུང་མར་གྱུར་ན་ནི་དེ་དང་ལྷན་ཅིག་རྩེའོ། །ལོ་ལྔ་བརྒྱ་ཐུབ་པར་འགྱུར་རོ། །དེ་…

པའི་རྒྱ་མཚོ་ལས་རྒལ་བ་ལེགས་སོ་ཞེས་སྒྲ་གྲག་པར་འགྱུར་རོ། །དེ་ནས་སྔགས་པས་ལ་གོར་ལ་གོར་དུ་ལག་ན་རྡོ་རྗེ་འོང་གི་བར་དུ་བཟླས་བརྗོད་བྱའོ། །ལག་ན་རྡོ་རྗེ་འོངས་ནས་སྒྲུབ་པ་པོ་ལ་བུ་ཁྱོད་བདུད་ཀྱི་དཔུང་ལས་རྒྱལ་བ་དང་། ཁྱོད་བྱང་ཆུབ་ཀྱི་ལམ་དུ་ཞུགས་པ་དེ་ལེགས་སོ་ཞེས་སྨྲ་བར་འགྱུར་རོ། །དེ་ནས་ལག་ན་རྡོ་རྗེའི་ལག་པ་གཡས་པས་སྒྲུབ…

བཟླས་བརྗོད་བྱས་པ་ཙམ་གྱིས་ལས་ཐམས་ཅད་བྱེད་དོ། །འབྱུང་པོ་ཐམས་ཅད་སྐྲག་པར་བྱེད་དོ། །དགུག་གོ། །དབང་དུ་བྱེད་དོ། །སྐམ་པར་བྱེད་དོ། །གནོད་པར་བྱེད་དོ། །རིག་སྔགས་འཆང་ཐམས་ཅད་ཅི་འདོད་པ་དེ་ཐམས་ཅད་སྒྲུབ་བོ། །ཅི་སྟེ་བཞོན་པ་བསྒྲུབ་པར་འདོད་ན་དེ་ནས་ངང་པའམ་གླང་ཁྱུ་པའམ། རྨ་བྱའམ། ནམ་མཁའ་ལྡིང་ངམ། གླང་པོ་ཆེ་འམ། རྟའམ་གང་ཡང་ར…

པོ་བྱེད་ལ་ནད་མེད་པ་དང་། མཛེས་པ་དང་། ལྷ་མོ་རྣམས་དང་རྩེ་བར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེ་བར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་རྟ་བསྒྲུབ་ཅིང་དེ་ལ་ཞོན་ན་ཉི་མ་གཉིས་པར་འགྱུར་ཏེ། མཐུ་ཆེ་ཞིང་ཆེ་བར་གྱི་བསྐལ་པ་ཐུབ་པར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤི…

ཐུགས་བརྩེ་བར་མཛད་དུ་གསོལ། བདག་ལ་དངོས་གྲུབ་སྩལ་དུ་གསོལ་ཞེས་གསོལ་བ་གདབ་བོ། །དེ་ནས་བྱང་ཆུབ་སེམས་དཔའ་ཆེན་པོ་ལག་པ་གཡས་པས་སྒྲུབ་པ་པོའི་མགོ་ལ་རེག་པར་བྱེད་ཅིང་འདི་སྐད་དུ་བུ་ཅི་བྱ་ཞེས་སྨྲའོ། །དེ་ནས་སྒྲུབ་པ་པོས་མཆོད་ཡོན་ཕུལ་ལ་པུས་མོ་གཉིས་བཙུགས་ཏེ་བདག་ལ་རྡོ་རྗེའི་དངོས་གྲུབ་སྩལ་དུ་གསོལ། དེས་བདག་ཁྱོད་ཀྱི་བཀའ་དྲི…

གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དག་མཆོག་ཏུ་གསང་བའི་དཀྱིལ་འཁོར་འདི་ལྟ་བུ་དག་ཐོས་ནས། སེམས་ཅན་རྣམས་ཀྱི་དོན་བྱེད་པར་འགྱུར་བ་དང་། མ་འོངས་པའི་སྐྱེ་བོ་རྣམས་ལ་བལྟས་ནས་བསྟན་པ་གནས་པར་འགྱུར་བའི་དོན་དུ་མཆོག་ཏུ་གསང་བའི་དཀྱིལ་འཁོར་དེ་བཤད་དུ་གསོལ། དེ་སྐད་ཅེས་སྨྲས་པ་དང་། ལག་ན་རྡོ་རྗེས་བྱང་ཆུབ་སེམས་དཔའ་ཞི་བའ…

ཡིད་ཀྱིས་མཉན་པར་གྱིས། །བློ་དང་ལྡན་པས་དེ་དབུས་སུ། །ཕྱག་རྒྱ་མཆོག་ཏུ་མཛེས་པར་བྲི། །པདྨ་ཆེན་པོ་འདབ་བརྒྱད་པ། །སྣ་ཚོགས་མཛེས་པ་ཉིད་དུ་འདོད། །ཤར་ཕྱོགས་འདབ་མ་དཀར་པོ་སྟེ། །ནུབ་ཕྱོགས་སུ་ནི་ལྗང་ཁུའོ། །བྱང་ཕྱོགས་སུ་ནི་དམར་པོ་བྲི། །ལྷོ་ཕྱོགས་སུ་ནི་ནག་པོའོ། །འདབ་མ་ལྷག་མར་བརྗོད་པ་ནི། །འདྲེན་མར་རྒྱལ་བ་རྣམས་ཀྱིས་གསུང…

རྒྱལ་མགོན་པོ་དང་། །ཁྲོ་བོ་ཟླ་བའི་ཐིག་ལེའོ། །ཁྲོ་ཟླ་ཐིག་ལེའི་ཐོབ་སྟེ། །འཇིག་རྟེན་གསུམ་རྒྱལ་རྡོ་རྗེའོ། །དེ་ནས་སྔགས་པས་མཉམ་གཞག་སྟེ། །ཕྱི་རིམ་ངོས་སུ་བྲི་བ་ནི། །དེ་ལ་ཤར་ཕྱོགས་སུ་ནི་འབྱུང་པོའི་བདག་པོ་དབང་ལྡན་འཁོར་དང་བཅས་པ་བྲིའོ། ། བྱང་ཕྱོགས་སུ་ནི་ལྷའི་དབང་པོ་བརྒྱ་བྱིན་འཁོར་དང་བཅས་པ་བྲིའོ། །ལྷོ་ཕྱོགས་སུ་ནི…

དཀྱིལ་འཁོར་འདི་ནི་མཆོག་ཏུ་ཆེས་གསང་བའོ་ཞེས་གསུངས་སོ། །དེ་སྐད་ཅེས་སྨྲས་པ་དང་། ཞི་བའི་བློ་གྲོས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་མ་སེམས་དཔའ་ཆེན་པོ་རྡོ་རྗེས་དབང་བསྐུར་བ་ཞེས་བྱ་བ་ཇི་སྐད་དུ་བསྟན་པ་ཡིན། །དེ་སྐད་ཅེས་སྨས་པ་དང་། ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི…

སུ་ལ་ཡང་དཀྱིལ་འཁོར་གྱི་རྒྱལ་པོ་འདི་མ་བསྟན་ཅིག །དམ་ཚིག་འདི་ཡང་ཡོངས་སུ་དག་པ་མ་གཏོགས་པ་སུ་ལ་ཡང་མ་སྦྱིན་ཅིག །ལག་ན་རྡོ་རྗེ་དབང་བསྐུར་བ་ལས་རྡོ་རྗེས་དབང་བསྐུར་བའི་རིམ་པར་ཕྱེ་བའོ།། །།དེ་ནས་བྱང་ཆུབ་སེམས་དཔའ་ལག་ན་རྡོ་རྗེ་དེའི་ཚེ། ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་རྣམ་པར་བལྟས་ནས་འཇམ་དཔལ་གཞོན་ནུར་གྱུར་པ་ལ…

གཅིག་ཏུ་ཚིག་སྨྲས་པ། བྱང་ཆུབ་སེམས་དཔའ་དེའི་དུས་ལ་བབ་པར་མཁྱེན་ན་དེའི་དུས་ལགས་དེའི་ཚོད་ལགས་སོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་དེའི་ཚེ་དེ་བཞིན་གཤེགས་པ་ཐམས་ཅད་ཀྱི་རྒྱན་གྱི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བྱང་ཆུབ་སེམས་དཔའ་ལག་ན་རྡོ་རྗེས་དེའི་ཚེ་ན།དེ་བཞིན་གཤེ…

བྱས། །དེ་དག་དངོས་གྲུབ་ཚེ་འདི་དང་། །ཚེ་གཞན་འབྲས་བུར་གྱུར་འདིར་མེད། །གལ་ཏེ་འབྲས་བུ་མཆོག་འདོད་ན། །དེ་ལྟ་བས་ན་རྣམ་ཀུན་དུ། །བློ་དང་ལྡན་པས་བསྒྲིམས་བྱས་ལ། །དམ་ཚིག་འདི་ནི་བསྲུང་བར་བྱ། །ཕྱག་རྒྱ་འདི་ཉིད་ལས་མཛུབ་མོ་གཉིས་དེ་ཉིད་དུ་སྦྱར་བ་ནི་རྡོ་རྗེ་འཆང་ཐམས་ཅད་ཀྱི་ཕྱག་རྒྱའོ། །མཛུབ་མོ་གཉིས་མྱུར་དུ་སླར་བཀྱེད་པ་ནི་…