བར་བགྱིའོ། །གཡུལ་འགྱེད་པ་ཐམས་ཅད་དུ་ཡང་མདུན་དུ་མཆི་བར་བགྱིའོ། །རྒྱལ་སྲིད་ཐམས་ཅད་དུ་ཡང་ཆེས་བཀུར་སྟིར་བགྱིད་པར་འགྱུར་བར་བགྱི་སྟེ། བདག་ཅག་ནི་དེ་བཞིན་གཤེགས་པ་ལ་བཀའ་དྲིན་གཟོ་བར་བགྱིད་ཀྱི་བཀའ་དྲིན་མི་གཟོ་བར་མི་བགྱིད་ལགས་སོ། ། བཅོམ་ལྡན་འདས་གང་ལ་ལ་ཆོས་ཀྱི་རྣམ་གྲངས་འདི་ཐོས་ནས་མཆོད་པར་མི་བགྱིད་པ་དང་། ཆོས་སྨྲ་བ…

འདི་དག་བཀའ་སྩལ་ཏོ། །རྒྱལ་ཆེན་སྦྱིན་པ་འདི་ནི་རྫུ་འཕྲུལ་ཆེ། །ངན་སོང་ངན་འགྲོ་ཀུན་ལས་རབ་གྲོལ་བྱེད། །རྨོངས་པའི་སེམས་ཅན་རྟག་ཏུ་འདོད་ལ་ཆགས། །ཆགས་པ་སྣ་ཚོགས་བརྒྱ་ཡིས་དེ་དག་མྱོས། །མདོ་སྡེ་འདི་ལ་དད་པར་མི་བྱེད་ཅིང་། །སངས་རྒྱས་བསྟན་ལ་སྦྱིན་པ་སྦྱིན་མི་བྱེད། །སེམས་ཅན་དེ་འདྲ་བ་དག་ངན་སོང་སར། །སྐྱེས་ནས་ཚོར་བ་དག་ཀྱང་མ…

དུ་ཡང་རྒྱལ་བར་འགྱུར་རོ། །འགུམ་པའི་ཚེ་ཡང་དེ་བཞིན་གཤེགས་པ་མི་འཁྲུགས་པས་ཡང་དག་པར་དབུགས་འབྱིན་པར་མཛད་དེ། ཀྱེ་མི་ཁྱོད་ཚུར་ཤོག །འཇིག་རྟེན་གྱི་ཁམས་བདེ་བ་ཅན་དུ་སོང་ཤིག །སྐྱེས་བུ་ཆེན་པོ་ཁྱོད་ནི་དགེ་བའི་རྩ་བ་འབར་བ་དང་ལྡན་ཏེ། གང་དུ་འདོད་པའི་གནས་རྣམས་སུ་སྐྱེ་བར་འགྱུར་རོ་ཞེས་གསུང་ངོ་། །དེ་ནས་བཅོམ་ལྡན་འདས་ལ་བྱང་ཆ…

ཏོ། །བཅོམ་ལྡན་འདས་སླད་མའི་དུས་སླད་མའི་ཚེ་ཆོས་ཀྱི་རྣམ་གྲངས་འདི་རྟག་ཏུ་རྒྱུན་མི་འཆད་པར་ཐམས་ཅད་རྫོགས་པར། གང་དུ་སྤྱོད་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདི་ནི་ཀླུའི་རྒྱལ་པོ་རྒྱ་མཚོའི་གནས་དང་། སུམ་ཅུ་རྩ་གསུམ་པའི་ལྷ་རྣམས་ཀྱི་གནས་སུ་ཐམས་ཅད་རྫོགས་པར་གནས་པར་འགྱུར་རོ། །ལྷ…

ཀློག་པ་རྣམས་དང་། ཉན་དུ་འཇུག་པ་རྣམས་ལ་ཡང་མངོན་པར་མཆོད་པར་བགྱིའོ། །བཅོམ་ལྡན་འདས་གལ་ཏེ་སེམས་ཅན་བསོད་ནམས་ཆུང་ངུ་དག་གི་ཡུལ་དུ་ཆོས་ཀྱི་རྣམ་གྲངས་འདི་བྱུང་ངམ། གལ་ཏེ་རྒྱལ་པོ་ཆོས་དང་མི་ལྡན་པའི་ཡུལ་དུ་ཆོས་ཀྱི་རྣམ་གྲངས་འདི་བྱུང་སྟེ། སྤྱོད་པ་ན་ཆོས་ཀྱི་རྣམ་གྲངས་འདི་ལ་རྒྱལ་པོ་དེ་མཆོད་པར་མི་བགྱིད། དད་པར་མི་བགྱིད་ལ།…

དང་། བ་དན་རྣམས་ཀྱིས་མཆོད་པ་བྱེད་ཅིང་། ཆོས་སྨྲ་བ་དེ་དག་ལ་ཡང་གོས་སམ། རྒྱན་ནམ། གདུགས་སམ། བཞོན་པའམ། གྲོང་ངམ། གྲོང་ཁྱེར་རམ། ས་གཞི་བ་ལང་གི་རྨིག་རྗེས་ཙམ་ཡང་ཆོས་ཀྱི་རྣམ་གྲངས་འདིའི་ཕྱིར་སྦྱིན་པ་བྱེད་ལ། ལུས་འདི་ནི་སྙིང་པོ་མེད་པའོ་སྙམ་དུ་ཤེས་ཤིང་རྨི་ལམ་ལྟ་བུའོ། །སྒྱུ་མ་ལྟ་བུའོ། །ཆུའི་ཆུ་བུར་ལྟ་བུའོ་སྙམ་དུ་ཤེས་…

ལྷའི་དབང་པོ་ནས་མིའི་དབང་པོའི་བར་དེ་དག་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་དག་ལེགས་སོ་ལེགས་སོ། །གྲོགས་པོ་དག་ཁྱེད་ཀྱིས་དེ་ལྟར་གྱིས་ཤིག །ཆོས་ཀྱི་རྣམ་གྲངས་འདི་ཉན་དུ་གཞུག་པ་དང་། མཆོད་པར་བྱ་བའི་ཕྱིར་ཁྱོད་ལ་གཏད་དོ། །དེ་བཞིན་གཤེགས་པ་དང་འདྲ་བའི་ཆོས་ཀྱི་རྣམ་གྲངས་འདི་མྱུར་དུ་ནུབ་པར་གྱུར་ཏ་རེ། ལ་ལ་ཞིག་གིས་ས…

དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་མཆོད་པ་བྱེད་པ་དེ་ནི་འདི་ནས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །རིགས་ཀྱི་བུ་གང་ལ་ལས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེས་ཡོངས་སུ་གང་བར་བྱས་ཏེ། ཉན་ཐོས…

གྱིས་ཆོས་ཀྱི་རྣམ་གྲངས་འདི་ལ་གུས་པར་བགྱིས་ཏེ་མཉན་པར་བགྱིའོ། །གུས་པར་བགྱིས་ཏེ་ཡིད་ལ་བགྱིའོ། །བཅོམ་ལྡན་འདས་ས་ཕྱོགས་གང་ན་ཆོས་ཀྱི་རྣམ་གྲངས་འདི་སྤྱོད་པའི་ས་ཕྱོགས་དེ་ནི་དེ་བཞིན་གཤེགས་པས་བྱིན་གྱིས་བརླབས་པ་ལགས་སོ། །ས་ཕྱོགས་དེ་ནི་མཆོད་རྟེན་དུ་གྱུར་པར་བལྟ་བར་བགྱིའོ། །ས་ཕྱོགས་དེ་ནི་ལྷ་དང་། མི་དང་། ལྷ་མ་ཡིན་དུ་བ…

སེམས་ཅན་གང་དག་གིས་ཐོས་པ་དེ་དག་ཐམས་ཅད་ཀྱང་ངན་སོང་ཐམས་ཅད་ལས་ཡོངས་སུ་གྲོལ་ཏེ། ནམ་ཡང་ངན་སོང་དུ་མི་འགྲོ་བར་འགྱུར་ལ། ཆོས་རྣམས་ལ་ཆོས་ཀྱི་མིག་རྣམ་པར་དག་སྟེ། སེམས་ཅན་དེ་དག་ཐམས་ཅད་མཐར་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །མངོན་པར་རྫོགས་པར་འཚང་རྒྱ་བར་འགྱུར་རོ། །རིགས་ཀྱི་བུ་ང…

དང་། རུས་པ་རྣམས་དང་། རང་གི་པགས་པ་རྣམས་ཀྱང་བྱིན་ན། ཕྱི་རོལ་གྱི་དངོས་པོ་གཞན་དག་ལྟ་ཅི་སྨོས་ཏེ། ང་འགྱོད་པར་གྱུར་པ་ཡང་མེད་དོ། །དེ་ནས་བྱང་ཆུབ་སེམས་དཔའ་དེ་དག་དང་། ལྷའི་དབང་པོ་རྣམས་དང་། ཀླུའི་དབང་པོ་རྣམས་དང་། གནོད་སྦྱིན་གྱི་དབང་པོ་རྣམས་དང་། ལྷ་མ་ཡིན་གྱི་དབང་པོ་རྣམས་དང་། མིའི་དབང་པོ་རྣམས་དང་། སྤྱོད་པ་པ་དང་། …

དང་། བསྐལ་པ་སྟོང་གི་བར་དུ་འཁོར་བ་ན་འཁོར་བར་འགྱུར་ཏེ། སྡུག་བསྔལ་བ་མང་པོ་སྡུག་བསྔལ་བརྒྱ་དག་ཉམས་སུ་མྱོང་བར་འགྱུར་རོ། །འདི་ལྟ་སྟེ་དཔེར་ན་བུད་མེད་སྦྲུམ་མ་ཞིག་ཡོད་ལ། བུད་མེད་སྦྲུམ་མ་དེའི་ལྟོ་ན་བུ་ཆགས་པ་དེ་ཡང་ཁྱེའུའམ། བུ་མོ་ཞིག་ཏུ་གྱུར་ན། བུད་མེད་དེའི་བུ་དེ་གང་གི་ཚེ་ཟླ་བ་གཅིག་ལོན་ནམ། ཟླ་བ་གཉིས་ལོན་ནམ། ཟླ་བ…

མི་དེས་སེམས་ཀྱིས་ཀྱང་ཁྱིམ་ཚོལ་མི་ནུས། ལམ་ཡང་མི་ཚོལ། ཕ་མ་དང་། ཆུང་མ་དང་། བུ་དང་། བུ་མོའི་འདུ་ཤེས་ཀྱང་མེད། སངས་རྒྱས་དང་། ཆོས་དང་། དགེ་འདུན་ཡང་མི་དྲན་ཏེ། དེ་ཆང་གིས་མྱོས་པའི་མཐུས་དུར་ཁྲོད་ན་འདུག་ན་ཡང་འཇིགས་པ་མེད་ལ། འདི་སྙམ་དུ་སེམས་ཏེ། ལྷའམ། ཀླུའམ། གནོད་སྦྱིན་ང་སྐྲག་པར་བྱེད་ནུས་པ་སུ་ཞིག་ཡོད་སྙམ་མོ། །དེ་བ…

ཅག་གིས་ཀྱང་སྔོན་སྡིག་པ་མང་དུ་བྱས་སོ་སྙམ་སྟེ། དེ་ལྟར་མངལ་ན་གནས་ནས་སེམས་ཅན་དམྱལ་བ་དང་འདྲ་བར་འགྱོད་པ་སྐྱེད་པར་བྱེད་དེ། གང་གི་ཚེ་བདག་ཅག་མངལ་ན་གནས་པའི་སེམས་ཅན་དམྱལ་བ་འདི་ལས་ཐར་བར་གྱུར་པ་དེའི་ཚེ་སངས་རྒྱས་དང་། ཆོས་དང་དགེ་འདུན་ལ་མི་ཕྱེད པའི་དད་པས་བསྒྲུབ་པ་དང་བཙལ་བར་བྱ་སྟེ། ཅི་ནས་ཀྱང་བདག་ཅག་ཕྱིན་ཆད་མངལ་གྱི་ས…

འབྱུང་བ་ཡང་རྙེད་པར་དཀའ་བའི་ཕྱིར་ཏེ། དཔེར་ན་ཨུ་དུམ་བ་རའི་མེ་ཏོག་ལྟ་བུ་ཡིན་གྱིས། ཟུང་ཤིག །ཆོང་ཤིག །ལོང་ཤིག །ལྷོགས་ཤིག །ཡིད་ལ་ཟུང་ཤིག །ཀུན་ཆུབ་པར་གྱིས་ཤིག །ཀུན་དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་ངམ། འཛིན་ཏམ། ཀློག་གམ། ཡིད་ལ་འཛིན་ཏམ། ཀུན་ཆུབ་པར་བ…

གྱིས་གསུངས་ཏེ། ང་ཡང་ད་ལྟར་འཆད་ཅིང་རྗེས་སུ་ཡི་རང་ངོ་། །ཀུན་དགའ་བོ་དད་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་དམ། དེ་ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས་མི་ལྡོག་པར་འགྱུར་ར…

བུའམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་བ་དང་། འཛིན་པ་དང་། ཀློག་པ་དང་། ཡིད་ལ་བྱེད་པ། ཀུན་ཆུབ་པར་བྱེད་པ་དེ་ཚེ་རབས་ཉི་ཤུ་རྩ་གཅིག་གི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས་ཕྱིར་ལྡོག་པར་མི་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །…

པོའམ། ལུས་སྲུལ་པོའམ། འབྱུང་པོའམ། བྲམ་ཟེའམ། སྲིན་པོའམ། གྲིབ་གནོན་ནམ། མི་དང་མི་མ་ཡིན་པ་གང་ལ་ལ་ཞིག་གམ། གཞན་སུ་ཡང་རུང་བ་ཞིག་གིས་གཟུངས་ཆེན་པོའི་གསང་སྔགས་ཀྱི་གཞི་འདི་དག་ལས་འགལ་བར་བྱེད་ན། ཏདྱ་ཐཱ། ཨག་གི་ལེ། །ཙག་གི་ལེ། བལ་ལེ། མལ་ལེ། ཨོ་ཧཱ་ནི། མོ་ཧཱ་ནི། ཛཾ་བྷ་ནི། སྟཾ་བྷ་ནི། བདག་དང་སེམས་ཅན་ཐམས་ཅད་ལ་སྲུངས་ཤིག་ས…

རྒྱ་གར་སྐད་དུ། བྷ་ག་བ་ཏཱི་པྲཛྙཱ་པཱ་ར་མི་ཏཱ་ཧྲི་ད་ཡ། བོད་སྐད་དུ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། བམ་པོ་གཅིག་གོ། །བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ། དགེ་སློང་གི་དགེ་འདུན་ཆེན་པོ…

གཟུགས་མེད། ཚོར་བ་མེད། འདུ་ཤེས་མེད། འདུ་བྱེད་རྣམས་མེད། རྣམ་པར་ཤེས་པ་མེད། མིག་མེད། རྣ་བ་མེད། སྣ་མེད། ལྕེ་མེད། ལུས་མེད། ཡིད་མེད། གཟུགས་མེད། སྒྲ་མེད། དྲི་མེད། རོ་མེད། རེག་བྱ་མེད། ཆོས་མེད་དོ། །མིག་གི་ཁམས་མེད་པ་ནས་ཡིད་ཀྱི་ཁམས་མེད། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་མེད་དོ། །མ་རིག་པ་མེད། མ་རིག་པ་ཟད་པ་…