དུ། །ཆོ་ག་རྒྱ་ཆེར་བསྟན་དེ་དག །སེམས་ཅན་རྣམས་ལ་ཕན་པའི་ཕྱིར། །ཐམས་ཅད་ང་ཡིས་བསྟན་པ་སྟེ། །བྱང་ཆུབ་སེམས་དཔའ་ནམ་མཁའ་ལྡིང་། །དུལ་བའི་དོན་དུ་འདི་བསྟན་ཏོ། །གདེངས་ཅན་དུག་ནི་གཞོམ་བྱའི་ཕྱིར། །འདབ་ཆགས་ཚུལ་གྱིས་རྣམ་པར་རྒྱུ། །འཇིག་རྟེན་སྔགས་ནི་ཇི་སྲིད་པ། །ཆོ་ག་འདི་ནི་བསྟན་པ་ན། །སེམས་ཅན་གདུལ་བྱའི་དོན་དུ་ནི། །དེ་ལྟ་ད…

ནུས་ན་སོ་སོའི་སྐྱེ་བོར་གྱུར་པའི་སེམས་ཅན་གྱིས་ལྟ་སྨོས་ཀྱང་ཅི་དགོས། འཕགས་པའི་དཀྱིལ་འཁོར་བཟང་པོ་དེ་གྲུབ་པའི་གནས་སྐབས་ལ་གནས་པ་འཇམ་དཔལ་གཞོན་ནུར་གྱུར་པས་གཟིགས་ནས། སངས་རྒྱས་བཅོམ་ལྡན་འདས་ཐམས་ཅད་དང་། རང་སངས་རྒྱས་ཐམས་ཅད་དང་། འཕགས་པ་ཉན་ཐོས་ཐམས་ཅད་དང་། བྱང་ཆུབ་སེམས་དཔའ་ས་བཅུ་ལ་རབ་ཏུ་གནས་པ། རྒྱལ་ཚབ་ཏུ་དབང་བསྐུར་…

གསུངས་ཤིག་གསུངས་ཤིག །ཤཱཀྱ་སེང་གེ་མགོན་པོ་ནི། །ཡོངས་སུ་མྱ་ངན་འདས་འོག་ན། །སེམས་ཅན་རྣམས་ཀྱི་སངས་རྒྱས་ཉིད། །ས་སྟེང་ཁྱོད་ཀྱི་དཀྱིལ་འཁོར་བྱེད། །མཐོང་བ་ཙམ་གྱིས་འཇིག་རྟེན་ན། །སྔགས་ནི་རབ་ཏུ་འགྲུབ་པར་འགྱུར། ། མི་ཤེས་ཆོ་ག་ཉམས་པའམ། །དམ་ཚིག་བདག་པོར་མ་གྱུར་ན། །བདག་ཉིད་ཆེན་པོ་ཚངས་པ་ཡང་། །སྔགས་རྣམས་འགྲུབ་པར་མི་འགྱུ…

གྱི་ཕྱོགས་སུ་ཧ་ཅང་ཡང་མི་རིང་ཧ་ཅང་ཡང་མི་ཉེ་བར་དཀྱིལ་འཁོར་གྱི་སློབ་དཔོན་སོང་སྟེ་ལོ་མའི་སྤྱིལ་བུ་བྱས་པ་ལ་ཞག་བདུན་ནམ་ཟླ་བ་ཕྱེད་ཀྱི་བར་དུ་གཅིག་པུ་རབ་ཏུ་གནས་པར་བྱ་སྟེ། གང་གནས་དེ་དག་ཏུའང་གཙང་མའི་ས་ཕྱོགས་རྡོ་བ་མེད་པ། གྱོ་མོ་དང་ཐལ་བ་དང་སོལ་བ་དང་། །ཕུབ་མ་དང་རུས་པ་སྤངས་པ་ཤིན་ཏུ་གཙང་བ་ཤིན་ཏུ་ཡོངས་སུ་སྦྱངས་པའི་ས…

ལ་དཀྱིལ་འཁོར་རྣམ་པ་གསུམ་གང་འདོད་པར་བྱའོ། །སེང་ལྡེང་གི་ཕུར་བ་བཞི་ལ་ཁྲོ་བོའི་རྒྱལ་པོའི་སྔགས་ལན་བདུན་བཟླ་ཞིང་ཕྱོགས་བཞིར་གདབ་བོ། །ཚོན་སྣ་ལྔའི་སྐུད་པ་ལ་ཁྲོ་བོའི་སྙིང་པོ་ལན་བདུན་བཟླས་པ་བྱས་ཏེ། དཀྱིལ་འཁོར་ཕྱོགས་བཞི་ཀུན་ནས་བསྐོར་བར་བྱའོ། །དེ་བཞིན་དུ་དབུས་ཀྱི་གནས་སུ་ནང་དུ་ཡང་ཟུར་བཞིར་བྱའོ། །དབུས་ན་གནས་པའི་དཀ…

ཕྱོགས་སུ་བཀླག་པར་བྱའོ། །འཕགས་པ་ཟླ་བའི་སྒྲོན་མའི་ཏིང་ངེ་འཛིན་ནུབ་ཕྱོགས་སུ་བཀླག་པར་བྱའོ། །འཕགས་པ་སྡོང་པོས་བརྒྱན་པ་བྱང་ཕྱོགས་སུ་བཀླག་པར་བྱའོ། །འཕགས་པ་གསེར་འོད་དམ་པའི་མདོ་སྡེ་ཤར་ཕྱོགས་སུ་བཀླག་པར་བྱའོ། །གླེགས་བམ་དག་མེད་ན་མདོ་སྡེ་བཞི་པོ་ཤེས་པའི་གང་ཟག་ཆོས་འཆད་པ་པོ་ལ་ཆོས་མཉན་པའི་ཕྱིར་བསྐུལ་བར་བྱའོ། །དེ་ནས་ད…

ཐབ་ཁུང་བྱ་སྟེ། རྒྱར་ཁྲུ་དོ་ལ་ཟབས་སུ་ཁྲུ་གང་བ་ཀུན་ནས་འཁོར་བར་པདྨའི་ཟེ་བ་འདྲ་བ། ཕྱི་རོལ་ཡང་པདྨའི་ཟེ་བ་འདྲ་བ་ཤིང་པ་ལ་ཤའི་ཡམ་ཤིང་གིས་མེ་སྦར་བར་བྱ། ཤིང་བིལ་བའི་ཡམ་ཤིང་མཐོ་གང་ཙམ་རློན་པ་ལ་ཞོ་དང་སྦྲང་རྩི་དང་། མར་ལ་བཏགས་པ་ལ་རྩ་བའི་སྔགས་འབྲུ་དྲུག་པའམ་སྙིང་པོས་ཁུ་ཚུར་གྱི་ཕྱག་རྒྱ་བཅིངས་ཏེ་མེ་ལྷ་སྤྱན་དྲང་བར་བྱའོ…

གྱི་ནང་དུ་གཞག་པར་བྱའོ། །བགེགས་ཀྱི་རྣམ་པ་འཇིགས་སུ་རུང་བའི་གཟུགས་ཅན་མི་བཟད་པའི་སྒྲ་རྣམ་པ་དུ་མ་རླུང་དང་ཆར་དང་ཡུལ་ངན་གཞན་དང་གཞན་གང་གི་ཡང་རུང་བ་མཐོང་ན། ཁྲོས་པས་ཡུངས་ཀར་ཁམ་ཕོར་ནས་ཕྱུང་ལ་ཆང་པར་བཅངས་ཏེ་ལན་བདུན་སྦྱིན་སྲེག་བྱས་པ་དེས་ནི་བགེགས་རབ་ཏུ་འཇོམས་པར་འགྱུར་རོ། །མིའི་བགེགས་ལ་ནི་ལན་ལྔ་ཆང་པ་ནས་སྦྱིན་སྲེག་བ…

དེ་བཞིན་གཤེགས་པའི་སྤྱན་དང་གཙུག་ཏོར་གྱི་རྒྱལ་མོ་རྣམས་བྱའོ། །དེ་བཞིན་དུ་བྱང་ཆུབ་སེམས་དཔའ་བཅུ་དྲུག་བྱ་བ་ལ་འདི་ལྟ་སྟེ། ཀུན་ཏུ་བཟང་པོ་དང་། སའི་སྙིང་པོ་དང་། ནམ་མཁའ་མཛོད་དང་། སྒྲིབ་པ་ཐམས་ཅད་རྣམ་པར་སེལ་བ་དང་། ངན་སོང་རྣམ་པར་སྦྱོང་བ་དང་། བྱམས་པ་རྔ་ཡབ་ལག་ན་ཐོགས་ཤིང་སངས་རྒྱས་བཅོམ་ལྡན་འདས་ལ་བལྟ་བ་དང་། དྲི་མ་མེད་…

ཀྱི་གདན་ལ་གནས་པ། རིག་པའི་རྒྱལ་པོ་ཐམས་ཅད་དང་རིག་པའི་རྒྱལ་མོ་འཁོར་དང་བཅས་པ་བཟླས་པ་དང་། ཕྱག་རྒྱ་དང་ལྡན་པ་ཇི་ལྟར་ཤེས་པ་བཞིན་བྲི་བར་བྱའོ། །དེ་དག་གི་ཡང་གཡོན་དུ་ཟུར་བཞིར་སྣ་ཚོགས་རྡོ་རྗེའི་ཕྱག་རྒྱ་བྲི་བར་བྱ་སྟེ། བྲིས་ནས་ཀྱང་གནས་གང་དུ་རིག་པའི་ཚོགས་མ་དྲན་པའི་གནས་དེ་དག་ཀྱང་འདིར་བཞུགས་ཤིག་ཅེས་བརྗོད་པར་བྱའོ། །དེ…

པ་བཞིན་ཅུང་ཟད་ཁྲོ་གཉེར་དང་ལྡན་པ་སྒོ་ལ་མངོན་དུ་ཕྱོགས་པ་བྲིའོ། །སེང་གེའི་ཁྲིའི་འོག་ཏུ་ཆོས་ཀྱི་འཁོར་ལོ་ཀུན་ཏུ་འབར་བས་ཁྱབ་པ། དེའི་འོག་ཏུ་རིན་པོ་ཆེའི་གཞལ་མེད་ཁང་དེ་ལ་གནས་པ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ། གཞོན་ནུའི་གཟུགས་ཅན་སྐུ་མདོག་དམར་སྐྱ་ཞི་བའི་གཟུགས་དང་། མཛེས་པའི་གཟུགས་ཅན…

པདྨའི་གདན་ལ་བཞུགས་པ། དེ་བཞིན་གཤེགས་པའི་གཟུགས་ཅུང་ཟད་ཆུང་བར་བྱའོ། །འོད་ཀུན་ནས་འབར་བའི་ཕྲེང་བས་ཁྱབ་པ། མཆོག་སྦྱིན་གྱི་ཕྱག་རྒྱ་དང་ལྡན་པ། སྐྱིལ་མོ་ཀྲུང་གིས་བཞུགས་པ། དེའི་གཡས་སུ་གཙུག་ཏོར་འཁོར་ལོས་སྒྱུར་བའི་ཕྱག་རྒྱ་བྲི་བར་བྱའོ། །གཡོན་དུ་ནི་གཟི་བརྗིད་ཕུང་པོའི་ཕྱག་རྒྱ་བྲི་བར་བྱའོ། །དེ་བཞིན་གཤེགས་པའི་སྤྱན་གྱི…

ཀུན་ནས་འབར་བ་འདི་གཉིས་ཕན་ཚུན་འབྲེལ་བ་བྱའོ། །དཀྱིལ་འཁོར་ཀུན་ནས་སྒོ་བྲི་བར་བྱའོ། །སྒོ་དག་ནི་རྒྱབ་ཀྱིས་ལྟ་བ་དང་། འཇུག་པ་ན་ནི་མདུན་གྱིས་བལྟ་བར་བྱའོ། །ཕྱི་རོལ་གྱི་དཀྱིལ་འཁོར་ཐམས་ཅད་དུ་འགྱུར་བ་ཡང་ཁ་དོག་ལྔའི་ཚོན་ཤིན་ཏུ་གསལ་བ་སྣ་ཚོགས་བལྟ་ན་སྡུག་པ། ཟུར་བཞིས་རྣམ་པར་འབྱེས་པ། རྟ་བབས་བཞིའི་རྣམ་པ་ཕྱོགས་བཞིར་ཁྲུ་ག…

ལ་སོགས་པའི་ལྷའི་བུ་ཆ་བྱད་དང་དབྱིབས་ཅི་ལྟ་བ་བཞིན་བྲི་བར་བྱའོ། །ནུབ་ཕྱོགས་དང་བྱང་ཕྱོགས་སུ་ཡང་དེ་བཞིན་ཏེ། དེ་དག་ནི་རིམ་པ་འོག་མ་གཉིས་ལ་བརྟེན་ཏེ་བྲི་བར་བྱའོ། །དཀྱིལ་འཁོར་གཉིས་ཀྱི་ཕྱི་རོལ་དུ་དཀྱིལ་འཁོར་གསུམ་པར་འགྱུར་བ་ལ། མཐར་གྱིས་ཕྱོགས་བཞིར་རྒྱལ་པོ་ཆེན་པོ་བཞི་སྟེ། བྱང་ཕྱོགས་ནས་འཇུག་པའི་གཡས་ངོས་སུ་གཏེར་ཉེ་…

པ་རྒྱན་ཐམས་ཅད་ཀྱིས་བརྒྱན་པ། སྨིན་དྲུག་གི་བུ་རྨ་བྱའི་སྟན་ལ་འདུག་པ་མདུང་ཐོགས་པ། གཞོན་ནུའི་གཟུགས་ཅན་གདོང་དྲུག་པ་ལུས་དམར་པོར་སྣང་བ། གོས་སེར་པོ་བགོས་པ། གོས་སེར་པོའི་སྟོད་གཡོགས་ཅན་ལག་པ་གཡོན་པ་ན་དྲིལ་བུ་དང་བ་དན་དམར་པོ་ཐོགས་པ། མཐར་གྱིས་བྷྲིང་གི་རི་ཏི་ཤིན་ཏུ་རིད་པ་འདྲ་བ་དང་། ཚོགས་ཀྱི་བདག་པོ་ཆེན་པོ་དང་། དགའ་བ…

འཁོར་རོ། །དཀྱིལ་འཁོར་བར་མ་ལ་ཡང་ཤར་ཕྱོགས་སུ་ནི་མི་མཇེད་ཀྱི་བདག་པོ་ཚངས་པ་བྲི་བར་བྱའོ། །དེ་བཞིན་དུ་འོད་གསལ་བ་ནི་ལྷོ་ཕྱོགས་སུའོ། །འོག་མིན་གྱི་གཟུགས་ཅན་རྣམས་ལྷའི་དཀྱིལ་འཁོར་གྱི་རྣམ་པར་རོ། །འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་ནི་བརྗོད་པར་མི་བྱའོ། །བྱང་ཕྱོགས་སུ་བརྒྱ་བྱིན་ལྷའི་རྒྱལ་པོ་དང་། རབ་འ…

བོ་ངེས་པར་བྲི་བར་བྱའོ། །གཟའི་གཙོ་བོ་ཉི་མ་བྲི་བར་བྱའོ། །ནུབ་ཕྱོགས་སུ་ནི་དྲང་སྲོང་ཐུབ་པའི་མཆོག་གཅེར་བུ་པ་མུ་སྟེགས་ཀྱི་མཆོག་གཅེར་བུའི་གཟུགས་བྲི་བར་བྱའོ། །ལྷག་མ་ནི་ཅི་ལྟར་གནས་པ་བཞིན་ཕྱག་རྒྱར་བྲི་བར་བྱའོ། །ནུབ་བྱང་མཚམས་སུ་ནི་གནོད་སྦྱིན་གྱི་རྒྱལ་པོ་མཆོག་སྦྱིན་དང་། དྲི་ཟའི་རྒྱལ་པོ་གཙུག་ཕུད་ལྔ་པ་དང་། མིའམ་ཅ…

ལྷོ་མཚམས་སུ་ནི་དཀྱིལ་འཁོར་གྲུ་གསུམ་པ་བྱ་སྟེ། དགྲ་སྟ་འོད་ཟེར་ཀུན་ནས་འབར་བས་མཚན་པའོ། །བྱང་ཤར་གྱི་མཚམས་སུ་ནི་རལ་གྲི་འོད་ཀུན་ནས་འབར་བ་གཞག་པར་བྱའོ། །དེ་ལྟར་ཐམས་ཅད་བྲིས་ནས་སྟེང་དང་འོག་དང་ཐད་ཀར་ཕྱག་རྒྱ་གསུམ་དཀྱིལ་འཁོར་གྱི་ཕྱི་རོལ་སྒོ་དང་ཉེ་བར་ཕྱེ་མ་དང་བྲི་བར་བྱ་ལ་འདི་ལྟ་སྟེ། ན་བཟའ་དང་རྔ་ཡབ་དང་ལྷམ་འོད་ཟེར་ཀ…

གཞག་པར་བྱའོ། །ཤིན་ཏུ་གཙང་བ་དང་ཤིན་ཏུ་གཙང་སྦྲ་དང་ལྡན་པ་གཅིག་ནས་བརྒྱད་ཀྱི་བར་ཏེ་དེ་ལས་གཞན་མ་ཡིན་པ་དེ་དག་ཀྱང་ཕན་ཚུན་གཉེན་དུ་འབྲེལ་བ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དག་གི་བུ་གཞོན་ནུ་མའམ་གཞོན་ནུ་མ་གྲོང་གི་ཆོས་མི་ཤེས་པའོ། །དེ་ཅིའི་ཕྱིར་ཞེ་ན། བཅོམ་ལྡན་འདས་གཞོན་ནུའི་གཟུགས་ཅན་བྱང་ཆ…

ལྔ་པ་ནི་བྱང་ཆུབ་སེམས་དཔའ་ཆེན་པོ་འཕགས་པ་འཇམ་དཔལ་ལའོ། །དྲུག་པ་ནི་ལྷ་ཐམས་ཅད་ལའོ། །བདུན་པ་དང་བརྒྱད་པ་ནི་དཀྱིལ་འཁོར་གཉིས་པའི་སྒོ་ཁང་ལ་གཞག་པར་བྱ་སྟེ། །གཅིག་ནི་འབྱུང་པོ་ཐམས་ཅད་ལའོ། །གཅིག་ནི་སེམས་ཅན་ཐམས་ཅད་ཀྱི་ཐུན་མོང་དུ་གྱུར་པར་བསྔོས་ནས་གཞག་པར་བྱའོ། །དེ་བས་ན་སྔར་བཤད་པའི་ཆོ་གས་སྤྱན་དྲང་བར་བྱའོ། །དེ་བཞིན་དུ་…