གཤེགས་པ་སྡུག་བསྔལ་ཐམས་ཅད་ཞི་བར་བྱེད་པའི་སྤྱན་གྱི་རྒྱལ་པོ་བྲི་བར་བྱའོ། །འདི་དག་ཐམས་ཅད་ཀྱང་གསེར་གྱི་མདོག་ཅན་དེ་བཞིན་གཤེགས་པའི་སྐུའི་གཟུགས་སུ་བྲི་བར་བྱའོ། །དེ་བཞིན་གཤེགས་པ་དེ་དག་གི་སྟེང་གི་ཕྱོགས་སུ་གཡས་གཡོན་ནས་སྤྲིན་གྱི་གསེབ་ནས་གནས་གཙང་མའི་ལྷའི་བུ་གཉིས་ལུས་མི་སྣང་བར་མེ་ཏོག་གི་ཆར་འབེབས་པ་བྲི་བར་བྱ་སྟེ། …

ཞབས་དྲུང་དང་ཉེ་བ་ན། ཀླུའི་རྒྱལ་པོ་ཉེ་དགའི་ཕྱོགས་སུ་རིན་པོ་ཆེ་ཆེན་པོའི་རི་བོ་པདྨའི་མཚོ་ལས་མངོན་པར་འཐོན་པ་རིན་པོ་ཆེའི་མྱུ་གུ་དང་ཕུག་དང་རི་སུལ་དང་བྱི་རུའི་ཡལ་ག་དང་རིན་པོ་ཆེའི་ཤིང་གིས་ཡོངས་སུ་བསྐོར་བ། དྲང་སྲོང་ཆེན་པོའི་གནས་དང་གྲུབ་པ་དག་གིས་དེ་ལ་བརྟེན་པ། རིའི་རྩེ་མོའི་སྟེང་དུ་ཁྲོ་བོའི་རྒྱལ་པོ་གཤིན་རྗེ་གཤ…

ཐམས་ཅད་ཀྱིས་ལུས་བརྒྱན་པ། ལག་པ་གཡོན་པ་ན་ཨུཏྤ་ལ་ཐོགས་པ། གསེར་གྱི་ཁ་དོག་ཅན་རྐེད་པ་ཕྲ་བ་ཧ་ཅང་ཡང་མི་སྐེམ་ཧ་ཅང་ཡང་མི་སྦོམ་ཧ་ཅང་ཡང་མི་རྒན། སེམས་བསམ་གཏན་ལ་ཞུགས་པ། བཀའ་ཉན་ཅིང་འདུག་པ། ལག་པ་གཡས་པ་མཆོག་སྦྱིན་པ། ཅུང་ཟད་གདོང་དང་ལུས་འདུད་པ། སྐྱིལ་ཀྲུང་གིས་འདུག་པ། འཕགས་པ་སྤྱན་རས་གཟིགས་དབང་ཕྱུག་ལ་ཅུང་ཟད་ལྟ་ཞིང་འདུག་…

འདུལ། །སྡིག་དང་དྲག་པོར་སྤྱོད་པ་རྣམས། །དབང་དུ་མི་འགྱུར་དབང་དུ་བྱེད། །མཁའ་སྤྱོད་ས་ལ་སྤྱོད་པ་དང་། །ས་འོག་སྤྱོད་པ་ཐམས་ཅད་ཀྱི། །ཐུབ་པའི་བསྟན་ལ་འགལ་བྱེད་གང་། །མ་རུངས་ཐམས་ཅད་འདུལ་བར་བྱེད། །རས་ནི་ཀུན་ནས་གྲུ་བཞི་དང་། །ཟུར་བཞི་དག་ཏུ་བྲི་བ་ཡིན། །རས་ཀྱི་འོག་ཏུ་ཐ་མར་ནི། །ཆུ་བོ་རྒྱ་ཆེའི་གནས་བྱ་སྟེ། །ཀླུ་ཡི་གདེངས་…

པའི་བསོད་ནམས་གང་ཡིན་པ། །ས་སྟེང་རས་རིས་འདྲི་བ་ཡི། །སྔགས་པས་བསོད་ནམས་དེ་འཐོབ་འགྱུར། །གང་གཱ་ཡི་ནི་བྱེ་མ་དག །ཚད་དུ་བསྟན་པ་གང་ཡིན་པ། །དེ་དང་མཉམ་པའི་སངས་རྒྱས་དང་། །རང་རྒྱལ་དང་ནི་བྱང་ཆུབ་སེམས། །བསེ་རུ་ཉན་ཐོས་འཇིག་རྟེན་ན། །ལན་མང་དག་ཏུ་མཆོད་སྟོན་བྱས། །རས་རིས་མཐོང་བ་ཙམ་གྱིས་ནི། །མི་ཡིས་དེ་བཞིན་བསོད་ནམས་འཐོབ། …

གུམ་མམ། ཉི་མའི་མདོག་འདྲ་བ་གཡོན་པའི་དཔུང་པའི་ཕྱོགས་སུ་ཨུཏྤལ་བསྣམས་ཤིང་ཐལ་མོ་སྦྱར་བས་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ། བཞིན་ཅུང་ཟད་རྒོད་པ་གཞོན་ནུའི་གཟུགས་ཅན། ཟུར་ཕུད་ལྔས་མགོ་མཛེས་པར་བྱས་པ། བྱིས་པ་གཞོན་ནུའི་རྒྱན་གྱིས་བརྒྱན་པ། པུས་མོ་གཡས་པའི་ལྷ་ང་དང་མགོ་འདུད་པའོ། །བཅོམ་ལྡན་འདས་ཤཱཀྱ་ཐུབ་པའི་གཡོན་ལོགས་སུ་འ…

བག་ཏུ་བྲི་བར་བྱའོ། །དེ་བཞིན་དུ་གནས་གཙང་མའི་རིས་ཀྱི་ལྷའི་བུ་བྲི་བར་བྱའོ། །ལྷ་རྣམས་ཀྱི་དབང་པོ་བརྒྱ་བྱིན་དང་འཐབ་བྲལ་དང་དགའ་ལྡན་དང་འཕྲུལ་དགའ་དང་དག་པ་དང་། དྲི་མ་མེད་པ་དང་འཇམ་པ་དང་མི་གདུང་བ་དང་འོད་གསལ་དང་། ཚངས་པ་མི་མཇེད་ཀྱི་བདག་པོ་དང་འོག་མིན་དང་དེ་ལ་སོགས་པའི་ལྷའི་བུ་གཟུགས་ན་སྤྱོད་པ་དང་། འདོད་པ་ན་སྤྱོད་པའི…

ཟད་གང་བྱས་པ། །འདིར་ནི་རས་རིས་མཐོང་ཙམ་གྱིས། །དེ་ཡི་མོད་ལ་རྣམ་པར་འཇིག །འགྲོ་བ་ལྔར་ནི་འཁོར་བ་ན། །སེམས་ཅན་རྨོངས་པས་མི་ཤེས་ཏེ། །འཇམ་པའི་དབྱངས་ཀྱི་རས་རིས་ནི། །འབྲིང་པོ་མཐོང་བར་མི་བྱེད་པའོ། །མཚམས་མེད་ལྔ་པོ་བྱེད་པ་དང་། །སྡིག་པའི་རྙོག་པ་བྱེད་གྱུར་པ། །སྔགས་རྣམས་སྣ་ཚོགས་གསུངས་གྱུར་པས། །ཚུལ་ཁྲིམས་ཉམས་པའང་འགྲུབ་…

པ་སྔ་མ་བཞིན་དུ་བྱིས་པ་ཁྱེའུའི་གཟུགས་མཛེས་པའི་གཟུགས་ཅན་འོད་ཟེར་འཕྲོ་བ་དང་ལྡན་པ་ཆོས་འཆད་པ་བྲི་བར་བྱའོ། །གཡོན་གྱི་ཕྱོགས་སུ་འཕགས་པ་ཀུན་དུ་བཟང་པོ་རིན་པོ་ཆེའི་རི་ལ་གནས་པ། རྔ་ཡབ་ལག་ན་ཐོགས་པ་ལག་པ་གཡོན་པ་ན་ནོར་བུ་རིན་པོ་ཆེ་ཐོགས་པ། མེ་ཏོག་པྲི་ཡང་ཀུ་ལྟར་སྔོ་སངས་སྔ་མ་བཞིན་དུ་བྲི་བར་བྱའོ། །འཕགས་པ་འཇམ་དཔལ་གྱི་གཡས…

མཐོང་བ་ཙམ་གྱིས་གྲོལ་འགྱུར་ཏེ། །རས་རིས་མཐོང་བ་ཙམ་གྱིས་ཀྱང་། །དེ་ཡི་མོད་ལ་གྲོལ་བར་འགྱུར། །སངས་རྒྱས་བྱེ་བ་སྟོང་ཕྲག་ལ། །བློ་དང་ལྡན་པས་བསྙེན་བཀུར་བས། །རས་རིས་ཐ་མ་མཐོང་བ་ནི། །བཅུ་དྲུག་ཆར་ཡང་མི་ཕོད་དོ། །སངས་རྒྱས་སྐྱོབ་པ་ཀུན་ལ་ནི། །མཆོད་བྱས་བསོད་ནམས་གང་ཡིན་པ། །མཁས་པས་བསོད་ནམས་གང་ཐོབ་དེ། །རས་རིས་མཐའ་མ་མཐོང་བ…

སེམས་དཔའ་རྣམས་ཀྱི་རྒྱུད་ངེས་པར་བྱང་ཆུབ་སྒྲུབ་པར་བྱེད་པ། སྔགས་ཀྱི་སྤྱོད་པ་ཐམས་ཅད་ཀྱི་དོན་སྒྲུབ་པར་བྱེད་པ། བདག་གི་གསང་སྔགས་འདི་སྐྱེ་བོ་ཐམས་ཅད་ལ་རྒྱས་པར་བྱེད་པར་འགྱུར་རོ། །མ་འོངས་པའི་དུས་ན་འཇིག་རྟེན་གྱི་བླ་མ་འདས་པ་ན། དེ་བཞིན་གཤེགས་པའི་ཉི་མའི་རིགས་ནུབ་པ་དང་། སངས་རྒྱས་ཀྱི་ཞིང་ཐམས་ཅད་སྤངས་པ་དང་། སངས་རྒྱས་…

ཅད་ཀྱི་ཆོ་གར་གྱུར་པ་དྲུག་པོ་འདི་དག་ཡི་གེ་དྲུག་གི་སྙིང་པོའི་མཆོག །ཐེ་ཚོམ་མེད་པ་དེའི་ཚེ་འགྲུབ་པར་འགྱུར་ཏེ། སེམས་ཅན་དེ་དག་གདུལ་བའི་ཕྱིར་དང་། ཐབས་ལ་མཁས་པ་ལ་ཡང་དག་པར་རབ་ཏུ་ཞུགས་པའི་ཕྱིར་དང་། ངེས་པར་ཡང་དག་པའི་བྱང་ཆུབ་ཐོབ་པའི་ཕྱིར། སངས་རྒྱས་བྱེ་བ་ཕྲག་བདུན་ཅུ་རྩ་དྲུག་གིས་སྔར་གསུངས་ཤིང་ད་ལྟར་ཡང་ངས་བཤད་དེ། མ་…

ཆུང་བས་ཤིན་ཏུ་རྒྱ་ཆེ་བའི་རས་རིས་ཀྱི་ཆོ་གའི་སྒྲུབ་པ་ལ་སོགས་པ་རྩོམ་པར་མི་ནུས་ཏེ། དེ་དག་གི་ཕྱིར་ཤིན་ཏུ་མདོར་བསྟན་པར་བྱའོ། །དང་པོར་རེ་ཤིག་དཔའ་བོའི་ཚོང་གིས་དོག་པ་སྲང་གཅིག་གམ་སྲང་ཕྱེད་ཀྱིས་ཉོས་ལ་ཆུར་ཁྲུ་གང་། ཞེང་དུ་ཁྲུ་ཕྱེད་ཙམ་གྱི་རས་ཁ་ཚར་དང་བཅས་པ་ཐག་པ་ལ་འཐག་ཏུ་གཞུག་གོ། །ཡང་ན་སྐྲ་མེད་པའི་རས་ཀྱི་དུམ་བུ་སར་…

འཕྲུལ་གྱི་ཟླ་ཕྱེད་དམ། ཡར་ངོའི་ཉིན་ཞག་ལ་རྒྱུ་སྐར་བཟང་པོ་དང་ལྡན་པའི་གྲངས་བཟང་པོ་ལ། འཕགས་པ་འཇམ་དཔལ་བྱིས་པ་ཁྱེའུ་ཡི་གཟུགས་ཅན་མགོ་ཟུར་ཕུད་ལྔ་དང་ལྡན་པ། བྱིས་པའི་རྒྱན་གྱིས་བརྒྱན་པ་མདོག་གསེར་འདྲ་བ། ན་བཟའ་སྔོན་པོ་གཡོ་བཞིན་པ་མནབས་པ། ན་བཟའ་དར་ལ་སྔོན་པོས་སྟོད་གཡོགས་བྱས་པ། ཆོས་འཆད་པ་སེང་གེའི་ཁྲི་ལ་སྐྱིལ་མོ་ཀྲུང་…

མརྒད་འདྲ་བ། པདྨའི་མེ་ཏོག་དུ་མ་ཁ་མ་བྱེ་བ་དང་། ཕྱེད་ཙམ་བྱེ་བ་དང་ཁ་བྱེ་བ་དང་ལྡན་པ། མཚོ་ཆེན་པོ་མ་དྲོས་པ་ལས་སྐྱེས་པ་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་པདྨའི་སྡོང་བུ་ལ་འཛིན་པ། ཀླུའི་རྒྱལ་པོ་དེ་དག་གི་ཁ་དོག་དཀར་བ། གདེངས་ཀ་བདུན་གྱིས་ཉེ་བར་བརྒྱན་པ། ལུས་རྒྱན་ཐམས་ཅད་ཀྱིས་བརྒྱན་པ། ལུས་ཀྱི་སྟོད་མི་ལ་སྦྲུལ་གྱི་གད…

གྱིས་ཀྱང་བྲི་བར་བྱའོ། །བདག་ཉིད་དམ་སྒྲུབ་པ་པོས་ངེས་པར་སྔོན་དུ་བསྙེན་པ་བྱས་པ་དང་། དད་པ་དང་བྱང་ཆུབ་ཏུ་སེམས་བསྐྱེད་པ་ནི་ངེས་པར་བྱའོ། །དེ་ལྟར་བྱས་ན་སྔགས་འགྲུབ་པར་འགྱུར་གྱི་གཞན་དུ་སྡིག་པའི་ལས་ཅན་གྱིས་ནི་མི་འགྱུར་ཏེ། དེ་ལྟར་དད་པ་དང་དེ་ལྟར་གྱུར་པས་བསྒྲུབ་པར་བྱའོ། །སྔགས་ཀྱི་རྒྱལ་པོ་དང་སྔགས་ཀྱི་ལྷ་དག་འདིར་དད་…

བྱའོ། །དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་ཚིག་གི་ནུས་པ་གསལ་བར་མཛད་ཅིང་། སྔགས་ཀྱི་སྤྱོད་པའི་ཡོན་ཏན་གྲུབ་པར་མཛད་པ་ནི་ལེགས་སོ་ལེགས་སོ་ཞེས་གསོལ་ཏོ། །བཅོམ་ལྡན་འདས་དེའི་དུས་ལ་བབ་པར་མཁྱེན་ན་བདག་ལ་ཐུགས་བརྩེ་བའི་སླད་དུ་དེ་བཤད་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པ་ཐམས…

ཡོད་དོ། །གང་ཞིག་མདོ་སྡེའི་དབང་པོའི་རྒྱལ་པོ་འདི་འཇམ་དཔལ་གྱི་རྩ་བའི་ཆོ་ག་རིག་པའི་སྤྱོད་པ་རྗེས་སུ་སྒྲུབ་པ་ལས་སྒྲུབ་པའི་ཐབས་ལ་ཡང་དག་པར་གཞོལ་བ། ཆོས་ཀྱི་སྤྲིན་ལ་རྟེན་པ་ལ་ཡང་དག་པར་འཇུག་ཅིང་རྗེས་སུ་འབྲང་བར་བྱེད་པ་དང་། འཛིན་པར་འགྱུར་བ་དང་། ཀློག་པར་འགྱུར་བ་དང་། དད་པར་འགྱུར་བ་དང་། གླེགས་བམ་ལ་འདྲི་བ་བྱས་ནས་མཆོད…

པའི་མེ་ཏོག་གིས་མཆོད་པར་བྱའོ། །དེ་ནས་མཚན་ཕྱེད་ཀྱི་དུས་སུ་ཆོ་འཕྲུལ་གྱི་ཟླ་ཕྱེད་ཀྱི་ཟླ་བ་ཉ་བ་ལ། རས་རིས་ཀྱི་མདུན་དུ་པདྨའི་རྣམ་པ་ལྟ་བུའི་མེ་ཐབ་བྱས་པ་ལ། ཙནྡན་དཀར་པོའི་ཤིང་གིས་མེ་སྦར་ནས། གུར་གུམ་དང་ག་པུར་བསྲེས་པས་སྲེག་བླུགས་ཅི་འབྱོར་པས་སྟོང་རྩ་བརྒྱད་སྦྱིན་སྲེག་བྱའོ། །དེ་ནས་བསྲུང་བ་བྱའོ། །དེ་ནས་བཅོམ་ལྡན་འདས…

ཆུབ་ལ་གཞོལ་བར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་རྒྱ་ཆེ་བའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་ཞིབ་མོ་རབ་འབྱམ་སྒྲུབ་པའི་ཐབས་མཆོག་གི་ལས་ཀྱི་ལེའུ་བརྒྱད་པ་ལས་དང་པོ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་གྱི་ལྷ་འདུས་པ་རྣམས་ལ་བཀའ་སྩལ…