རྒྱས་ཀྱི་ཞིང་དག་སྟོངས་པ་ན་དམ་པའི་ཆོས་ཀྱི་ཚུལ་ནུབ་པའི་དུས་ཚོད་ན། དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་མཛོད་ཡང་དག་པར་བསྲུང་བའི་ཕྱིར་གཞོན་ནུ་ཁྱོད་ཀྱི་སྔགས་དང་རྒྱུད་རྣམས་ཀྱི་ཆོ་གའི་རྒྱལ་པོ་ནི་ཐུན་མོང་དུ་གྱུར་ཅིང་གཏེར་དུ་གྱུར་པར་འགྱུར་བ་ཡིན་ཏེ། སེམས་ཅན་ཐམས་ཅད་ཀྱི་བསམས་པ་ཡོངས་སུ་རྫོགས་པར་བྱ་བའི་ཕྱིར་ཆོ་ག་བ…

གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་ཕྱག་འཚལ་ལོ། །དེ་བཞིན་དུ་དེ་ནས་འོད་དཔག་མེད་དང་རིན་ཆེན་ཏོག་ལ་ཕྱག་བྱའོ། །དེ་ནས་སངས་རྒྱས་ཐམས་ཅད་ལ་ཕྱག་བྱས་ནས་ཅི་འདོད་པའི་སྔགས་བཟླས་པ་བྱས་ན་མྱུར་དུ་གྲུབ་པ་སྩོལ་བར་འགྱུར་ཏེ། གང་གི་ཕྱིར་ཞེ་ན། དེ་བཞིན་གཤེགས་པ་གསུམ་གྱི་མཚན་ཡོངས་སུ་བསྒྲགས་པ་དང་ཕྱག་འཚལ་བས་ནི་…

རྟེན་མགོན་འདིས་སྔགས་འདི་ནི། །རེ་བ་སྐྱེད་བྱེད་སྩོལ་བ་ཡིན། །སངས་རྒྱས་ཀུན་གྱི་སྙིང་པོ་ཡིན། །སྔགས་རྣམས་མ་ལུས་འབྱུང་བའི་གནས། །བདུན་ཅུ་རྩ་དྲུག་བྱེ་བ་ནི། །རང་བྱུང་ཉིད་ཀྱིས་སྔོན་གསུངས་པ། །ལུས་ཅན་སྡིག་པས་རྨོངས་རྣམས་ལ། །སྔགས་རྣམས་དགེ་བའི་དོན་དུ་ཡིན། །དེ་བཞིན་གཤེགས་རྣམས་ཀུན་གྱི་སྔགས། །སྟོན་པའི་གཟུགས་སུ་ཡང་དག་ག…

ལྡན། །སྲས་ཀྱི་གཙོ་བོ་དམ་པ་ནི། །རྫུ་འཕྲུལ་ཆེ་ཞིང་སྟོབས་ཀྱང་ཆེ། །དེ་ནས་སྲས་པོ་དེ་ཉིད་ཀྱིས། །འདི་ནི་ཀུན་ཏུ་བཟང་ལ་སྦྱོར། །དེ་ནས་སངས་རྒྱས་སྲས་རྣམས་ལ། །དེ་ནི་དེ་བཞིན་གཤེགས་དག་གིས། །སྔགས་རྣམས་ཀྱི་ནི་མཆོག་གྱུར་པ། །ཆོས་ཀྱི་རྒྱལ་པོས་གསུངས་པ་ནི། །འབྱུང་པོ་རྣམས་ལ་ཕན་དོན་དུ། །སྔགས་རྣམས་མ་ལུས་གསུངས་པ་ཡིན། །ཚེ་དང་…

དེ་བཞིན་གཤེགས་པའི་ཐ་མ་བདག་གིས་ཀྱང་བསྟན་ཏེ། རྩོད་པའི་དུས་དང་བསྟན་པ་འཇིག་པའི་དུས་སུ་ངའི་བསྟན་པ་ཡང་དག་པར་བསྲུང་བའི་དོན་བྱེད་པར་འགྱུར་རོ། །འདིའི་ཆོ་ག་གཞན་ཡང་མདོར་བསྡུས་ནས་བརྗོད་པར་བྱ་བ་ནི་འཇམ་པའི་དབྱངས་གཞོན་ནུ་ཉོན་ཅིག །བདག་ཉིད་ཆེན་པོའི་ཆོ་ག་རྒྱ་ཆེ་བ་འདིའི་ཆོ་གའི་རྒྱལ་པོའི་དབང་པོ་བརྗོད་པར་བྱ་སྟེ། དང་པོར་…

དབང་པོའི་རྒྱལ་པོ་དེ་བཞིན་གཤེགས་པ་ཆོས་འཆད་པ་སེང་གེའི་ཁྲི་ལ་བཞུགས་པ། ཀུན་ནས་འོད་ཀྱི་ཕྲེང་བ་རབ་ཏུ་འབར་བ། ཁ་དོག་ཅུང་ཟད་དམར་ཞིང་དཀར་བ། གཡོན་ཕྱོགས་སུ་མཐིང་ཤིང་གི་རྡོ་ལ་བཞུགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཕྱག་གཡས་ན་རྔ་ཡབ་ཐོགས་ཤིང་དེ་བཞིན་གཤེགས་པ་ལ་གཏོད་པའི་ལྟ་བ་དང་ལག་པ་གཡོན་ན་སྐྱུར་རྩི་ཆེན…

དབང་པོའི་རྒྱལ་པོ་དང་རིན་ཆེན་ཏོག་ཁོར་ཡུག་ཏུ་ཀུན་ནས་འབར་བའི་འོད་དང་ལྡན་པ། གཡོན་ཕྱོགས་སུ་གསེར་ཐུབ་དང་འོད་སྲུང་རྣམ་པ་ཐམས་ཅད་ཀྱི་མཆོག་དང་ལྡན་པ། མེ་ཏོག་ཐམས་ཅད་ཀྱིས་གཅལ་བཀྲམ་པ། པདྨའི་གདན་གཉིས་ལ་བཞུགས་པ། ཧ་ཅང་མི་རིང་བ་ན་ཆོས་འཆད་ཅིང་སྐྱིལ་མོ་ཀྲུང་གིས་བཞུགས་པ། ཞི་བའི་རྣམ་པ་དང་ལྡན་པ། བཅོམ་ལྡན་འདས་ཀྱི་སྟེང་ནས་མ…

པ་ཐམས་ཅད་ཀྱི་སྙིང་པོ་ཞེས་བརྗོད་དོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་རྒྱལ་པོ་ཞེས་བརྗོད་དོ། །འཁོར་ལོས་སྒྱུར་བ་ཞེས་བརྗོད་དོ། །འཁོར་ལོས་སྒྱུར་བའི་རྒྱལ་པོ་ཆེན་པོ་ཞེས་བརྗོད་དོ། །འཇམ་དཔལ་གཞོན་ནུར་གྱུར་པའི་སྙིང་པོ་ཞེས་བརྗོད་དོ། །ཡི་གེ་གཅིག་པ་ཞེས་བརྗོད་དོ། །མདོར་ན་འདིའི་མཐུ་ནི་བསམ་གྱིས་མི་ཁྱབ་སྟེ། གང…

ཕྲག་གསུམ་དུ་ས་བོན་བསྡམས་པ་བྱས་པར་འགྱུར་རོ། །ལན་ལྔ་བཟླས་ཏེ་སངས་རྒྱས་བཅོམ་ལྡན་འདས་བསྒོམས་ན་གང་ལ་རེག་པ་དེ་དབང་དུ་འགྱུར་རོ། །ཟླ་བ་གཟས་ཟིན་ཅིང་ཟླ་བའི་དཀྱིལ་འཁོར་ཐམས་ཅད་འཛིན་པ་ན། ཤིང་ཨརྐའི་མེ་རབ་ཏུ་སྦར་ལ་རས་རིས་མེད་ཀྱང་ཤར་དུ་མངོན་པར་བལྟས་ཏེ། མར་གྱི་སྲེག་བླུགས་སྟོང་ཕྲག་བཅུས་སྦྱིན་སྲེག་བྱའོ། །རྒྱལ་པོའི་ཕོ་བ…

སྦྱིན་སྲེག་བྱས་ན་ཟླ་བ་གཅིག་གིས་ཐོབ་པར་འགྱུར་རོ། །གལ་ཏེ་ཟླ་བ་གཅིག་གི་མཚན་མོ་རེ་རེ་ལ་སྦྱིན་སྲེག་བྱས་ན་ཡུལ་ཐོབ་པར་འགྱུར་རོ། །ཡང་ན་ཡུལ་དང་འདྲ་བའི་གྲོང་ངམ་ཡང་ན་གཞན་ཅུང་ཟད་ནོར་ཡོད་པ་ལ་ཡང་དགྲ་ཡོད་པར་མི་འགྱུར་ཏེ། གལ་ཏེ་དགྲ་ཡོད་ན་ཡང་ལས་རྣམས་བྱས་པ་ཡིན་ཏེ། ཟླ་བ་གཟས་ཟིན་པ་ན་ཤིང་ཨ་པ་མརྒས་མེ་རབ་ཏུ་སྦར་ལ། ཤིང་པ་ལ་…

དུད་པས་བདུག་པར་བྱའོ། །གང་དུ་ལས་ལ་སྦྱར་བ་ནི་བྲམ་ཟེའི་དགྲ་ལ་ནི་ཤིང་པ་ལ་ཤས་བྱའོ། །རྒྱལ་རིགས་ཀྱི་དགྲ་ལ་ནི་ཤིང་ཨ་ཤྭཏྠས་བྱའོ། །རྗེའུ་རིགས་ཀྱི་དགྲ་ལ་ནི་ཤིང་སེང་ལྡེང་གིས་བྱའོ། །དམངས་རིགས་ཀྱི་དགྲ་ལ་ནི་དེ་ལས་གཞན་པའི་ཤིང་གི་མེ་རབ་ཏུ་སྦར་ལ་དེ་ཉིད་ཀྱི་ལས་བྱའོ། །བྲམ་ཟེ་ལ་ནི་ཤིང་པ་ལ་ཤའི་ཡམ་ཤིང་དང་རྒྱལ་རིགས་ལ་ནི་ཨ་…

བཟླས་པ་བྱས་ལ། ཆུ་དྲོན་པོས་ཁྲུས་བྱས་ན་བདེ་ལེགས་སུ་གནས་པར་འགྱུར་ཏེ་ལས་འདི་རྣམས་ནི་བྱ་བ་ཡིན་ནོ། །སེམས་ཅན་སྡུག་བསྔལ་བ་ཐམས་ཅད་དང་། མགོན་མེད་པར་གྱུར་པ་དང་། བཀྲེན་པ་དང་། བསྟན་པ་འདིའི་བརྟུལ་ཞུགས་ཅན་དང་། དཀོན་མཆོག་གསུམ་ལ་དད་པ་ལ་ནི་འདི་ལྟ་བུའི་ལས་མི་བྱའོ། །བུད་མེད་ལ་ཡང་ལས་མི་བྱའོ། །དེ་བཞིན་དུ་བྱིས་པ་དང་རྒན་པོ…

དེ་བས་ལས་འདི་བྱ་བ་མིན། །སེམས་ཅན་གདུལ་བྱའི་དོན་ཉིད་ལ། །འཇིག་རྟེན་འདྲེན་པས་བསྟན་པ་ཡིན། །སངས་རྒྱས་ཐུགས་ནི་དག་པ་ཡིས། །གདུག་པའི་ལས་འདི་གསུང་མི་འགྱུར། །སྲོག་ལ་གནོད་པར་བྱེད་པའི་ལས། །སངས་རྒྱས་ཀུན་གྱིས་སྨད་པ་ཡིན། །གྲུབ་པ་མཆོག་ནི་རབ་འདོད་པའི། །ཟློས་པ་དེ་དག་བྱ་བ་མིན། །དམྱལ་བ་དག་ཏུ་སྐྱེ་བའི་ལས། །འདི་དག་ཉིད་ལ་རབ…

གྲུབ་པ་མཆོག་ནི་མི་འཐོབ་བོ། །འབད་པས་བཟླས་དང་སྦྱིན་སྲེག་བྱ། །གྲུབ་པ་འབྲིང་ནི་འགྲུབ་པར་འགྱུར། །ཆོ་ག་མཐོང་བའི་ལས་ཀྱི་ནི། །ཐ་མ་མྱུར་དུ་འགྲུབ་པར་འགྱུར། །མཆོག་དང་ཐ་མ་བར་མ་ཡི། །ལས་ནི་རྣམ་པ་གསུམ་དུ་བསྟན། །དཀའ་ཐུབ་ཅན་ནི་ཟློས་མཆོག་གིས། །དེ་བཞིན་གྲུབ་པ་མཆོག་ཐོབ་འགྱུར། །དེ་བཞིན་བཟླས་པ་བར་མ་ཡིས། །བར་མ་ལས་གྲུབ་ཐོབ…

དང་པོར་རེ་ཞིག་སྔ་མ་བཞིན་དུ་རས་མ་ཉམས་པ་སྐྲ་ཤད་དང་བྲལ་བ། ཞག་བདུན་ནམ་ཞག་བདུན་གསུམ་གྱི་བར་དུ་ཐག་པས་བཏགས་པ་ཁ་ཚར་དང་བཅས་པ། གུར་གུམ་དང་ཙནྡན་གྱི་ཆུས་བསང་གཏོར་བྱས་ཏེ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་པདྨའི་གདན་ལ་བཞུགས་ཤིང་ཆོས་འཆད་པ། འཇམ་དཔལ་གཞོན་ནུར་གྱུར་པ་ལ་གཟིགས་པ་བྲི་བར་བྱའོ། །གཡས་ཕྱོགས་སུ་ནོར་བཟང་དང་འཕགས…

ཅད་ལའོ། །བཞི་པ་ནི་བདག་ཉིད་ཉེ་བར་སྤྱད་པར་བྱའོ། །མི་དུབ་པའི་ལུས་ཀྱིས་བཅོམ་ལྡན་འདས་ཡིད་ལ་བྱ་སྟེ། སེམས་ཅན་ཐམས་ཅད་ལ་དམིགས་པའི་ཡིད་དང་བདག་ཉིད་ཀྱི་དོན་ཅི་ཡང་མི་བྱེད་ཅིང་གཞན་སེམས་ཅན་ཐམས་ཅད་ཀྱི་དོན་འདིར་བྱའོ་ཞེས་བསྒོམས་ནས་བཟླས་པ་བྱའོ། །ཁྲུས་དང་དྲི་དང་མེ་ཏོག་དང་སྤོས་དང་བཤོས་དང་མར་མེ་དག་ཀྱང་དབུལ་བར་བྱའོ། །ཁྲུས…

རྗེས་སུ་དྲན་པར་བྱའོ། །ས་བོན་བསྡམ་པར་ཡང་བྱའོ། །རྨི་ལམ་བཟང་པོ་རྣམས་གཞན་ལ་རབ་ཏུ་བསྟན་པར་མི་བྱ་སྟེ། བཅོམ་ལྡན་འདས་ཀྱི་སྤྱན་སྔར་བརྗོད་པར་བྱའོ། །དེ་བཞིན་དུ་མཐར་གྱིས་ཧ་ཅང་མི་མྱུར་བར་ཡི་གེ་གཅིག་པའི་བཟླས་པ་འབུམ་བྱའོ། །ཐ་མར་ཡང་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་བཀླག་པར་བྱའོ། །བཟླས་པའི་དུས་སུ་བཅོམ་ལྡན་འད…

མུ་དྱ་ཏོ྅་ཧཾ། སཱ་ཧཱ་ཡྻེཀལྤ་ཡ། གནྡྷཾ་དྷཱུ་པཾ་ཙ་པྲ་ཏི་གྲྀཧྞ་སྭཱ་ཧཱ། གང་སྦྱིན་པར་བྱེད་པ་དེ་སྔགས་འདིས་སྦྱིན་པར་བྱའོ། །བྱོན་ན་མཆོད་ཡོན་དྲི་ཞིམ་པོའི་མེ་ཏོག་དང་ཆུ་དབུལ་བར་བྱ་སྟེ་དེ་ནས་སྦྱིན་སྲེག་བྱའོ། །སྲེག་བླུགས་ལ་ལན་བདུན་བཟླས་ཏེ་ལན་ཅིག་གཏོར་རོ། ། དེ་བཞིན་དུ་ཉི་མ་བདུན་གྱི་བར་དུ་མར་དང་འབྲས་ཐུག་པོ་ཆེའི་ཆན་ག…

ཏེ་ཁར་བཅུག་ན་ཁྲོས་པ་ཡང་ཚིག་གིས་དགའ་བར་འགྱུར་རོ། །གཙུག་པུད་ལ་འདི་ཉིད་ཀྱི་སྔགས་ཀྱིས་བཅིངས་ན་མི་སྣང་བར་འགྱུར་རོ། །ཡིད་ལ་རྗེས་སུ་དྲན་ན་དགྲས་མཐོང་ན་ཡང་ཁྲོ་བ་མེད་པར་འགྱུར་རོ། །རྟག་ཏུ་བཟླས་པ་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །ཐོ་རངས་ཆེན་པོ་ནས་ལངས་ནས་གཙང་བའི་ཕྱོགས་སུ་སྣ་མའི་མེ་ཏོག་དང་ལྡན་པར་ཆུ་ལ་སྦྱིན་པ…

ཤིང་མྱ་ངན་མེད་ཀྱིས་བྱས་ན་གསེར་ཐོབ་པར་འགྱུར་རོ། །ནད་འཇོམས་པར་བྱེད་པའི་མེ་ཏོག་གིས་བྱས་ན་གོས་རྣམས་ཐོབ་པར་འགྱུར་རོ། །གང་དང་གང་འདོད་པ་དེ་དང་དེ་ཐམས་ཅད་ནི་སྣ་མའི་མེ་ཏོག་གི་སྦྱིན་སྲེག་བྱས་ན་བྱེད་པར་འགྱུར་ཏེ། མེ་ཏོག་ཅི་འདྲ་བའི་ཁ་དོག་གིས་ཆུ་ལ་ཉི་མ་ཤར་བའི་དུས་སུ་སྦྱིན་སྲེག་བྱས་ན་དེ་དང་ཁ་དོག་འདྲ་བའི་གོས་ཐོབ་པར་…