དེ་དེ་ལས་རྣམ་པར་གྲོལ་བར་འགྱུར་རོ། །གདོང་ལ་བལྟས་ཏེ་བཟླས་པ་བྱས་ན་ནད་དང་བྲལ་བར་འགྱུར་རོ། །བརྒྱ་རྩ་བརྒྱད་བཟླས་ནས་གཙུག་པུད་ལ་བཅིངས་ན་ནད་ཐམས་ཅད་ལས་ཡོངས་སུ་གྲོལ་ལོ། །ནད་ཐམས་ཅད་ལ་ནི་སྐུད་པ་ལ་མདུད་པ་བྱ་ཞིང་གཙུག་པུད་བཅིང་བ་བྱས་ཏེ། བཟླས་པ་བྱས་ན་ནད་ཐམས་ཅད་ལས་གྲོལ་བར་འགྱུར་རོ། །ནད་ཀྱིས་བཏབ་པ་ལ་ནི་བཟླས་པ་ཙམ་གྱིས་…

པར་རྙེད་པར་འགྱུར་རོ། །བ་གླང་གི་ལྕི་བ་ལས་བྱུང་བའི་འབྲས་ཐུག་པོ་ཆེ་ཞོ་དང་བཅས་པས་སྦྱིན་སྲེག་འབུམ་བྱས་ན་བ་སྟོང་ཐོབ་པར་འགྱུར་རོ། །བོ་དེ་ཙེའི་འབྲས་བུ་དང་ཤོ་མའི་འབྲས་བུ་གཅིག་ཏུ་བྱས་ཏེ་སྦྱིན་སྲེག་བྱས་ན་གང་འདོད་པའི་བུ་མོ་རྙེད་པར་འགྱུར་རོ། །ཤོ་མའི་ལོ་མས་སྦྱིན་སྲེག་བྱས་ན་འདོད་པ་ཐམས་ཅད་སྟེར་བར་འགྱུར་རོ། །ཟར་མའི་…

འཇམ་དཔལ་གཞོན་ནུར་གྱུར་པ་ཇི་ལྟ་བ་མཐོང་བར་འགྱུར་རོ། །རས་རིས་ཀྱི་ཆོ་ག་གཉིས་པ་རྫོགས་སོ།། །།གསེར་རམ་དངུལ་ལས་གཞོན་ནུའི་གཟུགས་བྱས་ཏེ་ཕྱག་གཡས་པ་མཆོག་སྦྱིན་པ་དང་། གཡོན་པ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མའི་གླེགས་བམ་འཛིན་པ་འདི་ལྟ་བུ་སྐུ་གདུང་གི་ཟ་མ་ཏོག་མདུན་དུ་བཞག་ལ་ཡི་གེ་གཅིག་པའི་བཟླས་པ་འབུམ་བྱའོ། །མ…

བར་ཡང་འགྱུར་རོ། །ཕྱིར་མི་ལྡོག་པའི་བྱང་ཆུབ་སེམས་དཔར་འགྱུར་རོ། །རས་རིས་ཀྱི་ཆོ་ག་གསུམ་པ་རྫོགས་སོ།། །།ཙནྡན་དམར་པོ་ལས་བྱས་པའི་གཞོན་ནུའི་གཟུགས་ཅན་ཕྱོགས་གཅིག་ན་གནོད་སྦྱིན་དགའ་བར་བྱེད་པ། ཕྱོགས་གཉིས་པ་ན་ནི་འཕྲོག་མ་ཤིང་མྱ་ངན་མེད་ཀྱི་རྩ་ན་འདུག་པ་དེ་འདྲ་བ་བཞག་ལ། ལན་ཚྭ་དང་ཡུངས་ཀར་དང་སྐེ་ཚེ་དང་བསྲེས་པའི་ཙནྡན་དམར་…

ན་རྒོལ་བ་ཐམས་ཅད་ལས་རྣམ་པར་རྒྱལ་བར་འགྱུར་རོ། །ཤིན་ཏུ་ཞེ་སྡང་བ་ལ་ནི་སྟོང་རྩ་བརྒྱད་བོང་བ་ལ་མངོན་པར་བསྔགས་ཏེ་ཁྲོས་པའི་མདུན་དུ་བོར་ན་ཁྲོ་བ་མེད་པར་འགྱུར་རོ། །རས་རིས་ཀྱི་ཆོ་ག་བཞི་པ་རྫོགས་སོ།། །།རས་མཉམ་པ་སྐྲ་མེད་པ་ལ་རི་མོ་མཁན་གསོ་སྦྱོང་བྱས་པ། ཚོན་མ་འདྲེས་པ་དག་གིས་འཕགས་པ་འཇམ་དཔལ་པདྨའི་གདན་ལ་བཞུགས་ཤིང་ཆོས་འཆད…

ས་དང་པོ་ཐོབ་པར་འགྱུར་རོ། །འདིའི་ཆོས་སྟོན་པ་ཡང་ཐོབ་པར་འགྱུར་རོ། །རས་རིས་དེ་ཉིད་ཀྱི་མདུན་དུ་བ་སེར་མོ་བེའུ་ཡོད་པའི་མར་ཁུ་བླངས་ལ་ཟངས་མའི་སྣོད་དུ་བཞག་ནས་ཇི་སྲིད་དུ་དྲོ་བར་འགྱུར་བ་དང་དུ་བ་འཐུལ་བར་འགྱུར་བ་དང་རབ་ཏུ་འབར་བར་འགྱུར་བ་དེ་སྲིད་དུ་བཟླས་པ་བྱས་ན། དྲོ་བར་གྱུར་པ་ན་འཐུངས་ན་ནི་མཆོག་ཏུ་ཡིད་གཞུངས་པ་དང་ཐོས…

གསུམ་གྱིས་དཀྲི་བ་བྱས་ནས་ཁར་རབ་ཏུ་བཅུག་ན་ཇི་སྲིད་ཙུ་ལུ་ཙུ་ལུའི་སྒྲ་འབྱུང་བ་དེ་སྲིད་དུ་བཟླས་པ་བྱས་ན་མི་སྣང་བར་འགྱུར་རོ། །ལོ་སྟོང་དུ་འཚོ་བར་འགྱུར་རོ། །དངུལ་གྱི་འཁོར་ལོ་བྱས་ཏེ་ལྷ་མ་ཡིན་གྱི་ཁུང་བུའི་སྒོར་བཞག་ལ། ཇི་སྲིད་དུ་འཁོར་ལོས་ལྷ་མ་ཡིན་གྱི་འཁྲུལ་འཁོར་བཅད་ནས་རབ་ཏུ་འཇུག་པ་དེའི་བར་དུ་བཟླས་པ་བྱས་ན་དེའི་མ…

ཡང་མཛད་དོ། །ལངས་ཤིང་ལངས་ཤིང་བརྒྱ་རྩ་བརྒྱད་བཟླས་ན་སེམས་ཅན་ཐམས་ཅད་ཀྱིས་མི་ཐུབ་པར་འགྱུར་རོ། །མིག་ལ་ཡོངས་སུ་བཟླས་ན་བདག་པོ་མཐོང་ཞིང་བཀའ་དྲིན་སྩོལ་བར་འགྱུར་རོ། །གང་གི་ཆེད་དུ་ལས་བྱས་པ་ཉིན་ཞག་བདུན་གྱིས་དེ་དབང་དུ་འགྱུར་རོ། ། གྲོང་གཞན་དུ་གནས་པ་ལ་ནི་ཞག་ཉི་ཤུ་རྩ་གཅིག་གིས་སོ། །ཡུལ་གཞན་ལ་གནས་པ་ལ་ནི་ཟླ་བ་གཉིས་སོ། …

གཙང་ལྷ་ཚོགས་ལ། །རྒྱལ་བ་མཆོག་གིས་གསུངས་པ་ནི། །ཆོ་གའི་རྒྱལ་པོ་རྒྱ་ཆེ་བ། །འཇིག་རྟེན་ཀུན་ལ་ཕན་པའི་ཕྱིར། །འཇམ་པའི་དབྱངས་ཀྱིས་བསྟན་པ་ལ། །གྲོགས་པོ་དེ་ནི་ང་ཡིས་བསྟན། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཆོ་གའི་བྱ་བ་འཇམ་དཔལ་གྱི་ཆོ་ག་རབ་འབྱམ་…

བྱེད་ཅིང་གོས་ལན་གསུམ་བརྗེ་བས་ཡི་གེ་འབུམ་བྱས་ན་སྔར་བསྙེན་པ་བྱས་པར་འགྱུར་རོ། །ཁ་ཚར་གྱི་རྩེ་མོ་མ་བཅད་པའི་རས་ལ་རི་མོ་མཁན་གསོ་སྦྱོང་བྱས་པས། ཚོན་མ་འདྲེས་པ་དག་གིས་འཕགས་པ་འཇམ་དཔལ་པདྨའི་གདན་ལ་ཆོས་འཆད་ཅིང་བཞུགས་པ། རྒྱན་ཐམས་ཅད་ཀྱིས་བརྒྱན་པ། གཞོན་ནུའི་གཟུགས་སུ་འདུག་པ་བླ་གོས་ཕྲག་པར་གཟར་བ་འདྲིར་གཞུག་པར་བྱའོ། །གཡོ…

སྟོན་པ་དེ་ལ་མོས་པར་འགྱུར་རོ། །མོས་ནས་ཀྱང་ནད་ཐམས་ཅད་ལས་རྣམ་པར་གྲོལ་བར་འགྱུར། དབང་ཐོབ་པར་འགྱུར། བྱང་ཆུབ་སེམས་དཔའི་ས་རྗེས་སུ་ཐོབ་པར་འགྱུར་རོ། །ཙནྡན་དམར་པོ་ལས་བྱས་པའི་པདྨ་རྩ་ལག་དང་བཅས་པ་སོར་དྲུག་ཙམ་ཙནྡན་དམར་པོའི་འདེ་གུས་བསྐུས་ནས། ལན་སྟོང་བསྔགས་ཤིང་དགང་གཟར་གྱིས་ལན་སྟོང་བླུག་པ་བྱས་ལ། ཟླ་བ་ཉ་ལ་རས་རིས་ཀྱི་མ…

གང་ཟ་ཞིང་བཟླས་པ་འབུམ་ཕྲག་བཅུ་གཉིས་བྱས་ན་རིག་པ་འཛིན་པར་འགྱུར་རོ། །སློང་མོའི་ཟས་ཀྱིས་འཚོ་ལ་ཤིང་བཞིན་དུ་མི་སྨྲ་བའི་དཀའ་ཐུབ་བྱེད་ཅིང་བཟླས་པ་འབུམ་བྱེད་ན་མི་སྣང་བར་འགྱུར་རོ། །བཟླས་པ་བྱ་བ་བྱས་ན་ཇི་ལྟར་སྲིད་པ་ཐ་མ་པའི་བྱང་ཆུབ་སེམས་དཔའ་འཕགས་པ་འཇམ་དཔལ་ཆོས་སྟོན་པ་དེ་བཞིན་དུ་འགྱུར་རོ། །རྟག་ཏུ་བཟླས་པ་བྱས་ན་དོན་ཐམ…

ལ་བཀའ་སྩལ་པ། འཇམ་དཔལ་ཁྱོད་ཀྱི་སྔགས་དང་རྒྱུད་དང་རིག་པའི་རྒྱལ་པོ་དང་འཁོར་ལོས་སྒྱུར་བ་ལ་སོགས་པ་དང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ལ་སོགས་པ་དང་སྔགས་ཐམས་ཅད་ཀྱི་གྲུབ་པའི་གནས་ཡོད་དེ། དེ་ཡང་མདོར་ན་བྱང་ཕྱོགས་སུ་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་འགྲུབ་པར་འགྱུར་ཏེ། རྒྱ་དང་རྒྱ་ནི་ཆེ་ཉིད་ལ། །འཇམ་པའི…

གྲོང་ཁྱེར་རྒྱ་མཚོ་དང་། །ཤར་གྱི་ཡུལ་ནི་ཁོ་ར་ཡུག །དེར་གནས་པ་ལ་འགྲུབ་པར་འགྱུར། །འབིགས་བྱེད་རི་ནང་གནས་པ་དང་། །ཡུལ་ནི་མཆོག་དབང་ཁོར་ཡུག་ཏུ། །སྨིན་དྲུག་བུ་བཞིན་འཇམ་དཔལ་ནི། །ཁོར་ཡུག་ཏུ་གྲུབ་པ་ཡིན། །རི་རྩེ་ཚང་ཚིང་ནང་དང་ནི། །རི་སུལ་དང་ནི་ནགས་བཅས་ལ། །ལོག་འདྲེན་བགེགས་ནི་བྱེད་པ་ཡི། །བཟླས་པ་དག་ནི་འགྲུབ་པར་འགྱུར། …

པོ་ཀུན་ལ་ནོར་སྦྱིན་ཞིང་། །ཆོ་ག་མཐོང་བའི་རྒྱུ་ཡིས་ནི། །སྐྱེ་བོ་རྣམས་ལ་ནོར་སྦྱིན་བྱེད། །ལོངས་སྤྱོད་ལྡན་ཞིང་མཛོད་འཕེལ་བ། །ནུབ་ཀྱི་ཕྱོགས་སུ་འགྲུབ་པར་འགྱུར། །ནོར་སྦྱིན་ཞེས་བྱའི་མིང་གིས་ནི། །ས་ཡི་སྟེང་དུ་རྣམ་པར་གྲགས། །གནོད་སྦྱིན་ལག་ན་རྡོ་རྗེ་རང་། །བྱང་ཆུབ་སེམས་དཔའ་རྫུ་འཕྲུལ་ཆེ། །སྔགས་པ་མཆོག་ནི་དམ་པ་སྟེ། །…

དུས་རྣམས་ཀུན་ཏུ་འགྲུབ་པར་འགྱུར། །འདི་དག་ཞིང་དུ་བསྟན་པ་སྟེ། །དེ་ཡི་དུས་ནི་ཡོངས་སུ་བསྟན། །རྒྱལ་བའི་རིགས་ཀྱི་སྔགས་གྲུབ་པ། །སངས་རྒྱས་རྣམས་ལ་སྔོན་བྱུང་བའོ། །པདྨ་རྡོ་རྗེའི་རིགས་དག་ནི། །སངས་རྒྱས་རྣམས་ཀྱི་བར་མའི་དུས། །གཞན་གྱི་དུས་སུ་སྔགས་དག་ནི། །དེ་ལས་གཞན་པའི་རིགས་འགྲུབ་ཡིན། །དེ་དག་གྲུབ་པའི་དུས་སུ་གསུངས། །ད…

པ་བཞུགས་པ་ན། །སྔགས་རྣམས་མ་ལུས་བཤད་པ་དག །དེ་ཡི་ཚེ་ན་འགྲུབ་པར་འགྱུར། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཞིང་དང་དུས་ཀྱི་ཆོ་ག་ངེས་པའི་ལེའུ་རབ་འབྱམ་ལས། ཉི་ཤུ་རྩ་བཞི་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་གཞན་ཡང་གནས་གཙང་མའི་གཞལ་མ…

རྟག་ཏུ་ཆགས་དང་བྲལ་བ་དག །སྙིང་རྗེའི་དམ་ཚིག་དག་གིས་ནི། །མི་ཡི་འཇིག་རྟེན་དག་འཇུག་པ། །དགེ་བའི་མི་ལ་འཛིན་པར་བྱེད། །རབ་བསྔགས་དགེ་དང་གཡོ་བ་མེད། །མི་རྣམས་ཀྱི་ནི་མདོག་ཀྱང་སྒྲུབ། །ཉི་མ་དག་ནི་འཆར་བ་ལ། །དེ་དག་འཇུག་པར་བརྗོད་པ་ཡིན། །མི་རྣམས་ཉི་མ་ནུབ་པ་ཡི། །དེ་ཡི་དུས་སུ་འཇུག་པར་འགྱུར། །མཚན་མོའི་ཐུན་གྱི་དང་པོ་ལ། །ཡ…

འཇིགས་མེད་བྱ། །གཙུག་པུད་ལྔ་པའི་ཕྱག་རྒྱ་འམ། །གཙུག་ཏོར་ལས་བྱུང་གཞན་པའང་བཅིང་། །དེ་ནས་ཕྱོགས་ནི་བཅིང་བྱ་སྟེ། །སྟེང་དང་འོག་ཏུའང་དེ་བཞིན་ནོ། །དེ་ནས་དེ་ཡི་འབྱུང་བ་ཀུན། །བར་དང་ཐ་མར་རབ་ཏུ་བརྗོད། །དེ་བཞིན་དང་པོ་བར་མའི་དུས། །བྱུང་དང་མ་འོངས་དུས་དག་དང་། །དེ་བཞིན་ད་ལྟར་བྱུང་གྱུར་པ། །འོད་ལྡན་དེས་ནི་སྟོན་པར་འགྱུར། …

ལྷ་ཡི་སྐྱེ་གནས་ལ་བརྟེན་པའི། །འོག་མིན་གཟུགས་དང་ལྡན་པ་དང་། །དེ་དང་དེ་ཡི་རྟགས་རྣམས་དང་། །གཟུགས་ནི་རབ་ཏུ་སྣང་བ་ཡིན། །འདོད་པའི་ཁམས་ཀྱི་དབང་ཕྱུག་དང་། །འདོད་དང་ལྡན་པའི་ལྷ་དག་དང་། །དེ་ལས་དམན་པའི་འགྲོ་བའི་རྟགས། །ཚིག་ཉིད་ཀྱང་ནི་ཤིན་ཏུ་སྙན། །དེ་ནས་ས་ལ་གནས་པ་དང་། །གཞལ་མེད་ཁང་གནས་ལྷ་རྣམས་ཀྱི། །ཚིག་ནི་ཀུ་ཤའི་གྲོང…