བརྒྱལ་བས་གནོད་པར་འགྱུར། །གསུམ་པའི་མཚན་མོར་སྲོག་འདོར་ཞིང་། །འཇིག་རྟེན་ཕ་རོལ་འགྲོ་བར་འགྱུར། །སྔགས་པ་རབ་ཏུ་མ་དང་ན། །དེ་ལ་ཞི་བ་ག་ལ་ཡོད། །དགྲ་ཡི་ལུས་ནི་བསྐམ་འགྱུར་ཞིང་། །ཁྱིམ་ལ་འཇིགས་པའང་འབྱུང་བར་འགྱུར། །གཤིན་རྗེ་གཤེད་ནི་འཇིགས་ཆེན་གྱི། །རས་རིས་འདི་ནི་བྲིས་ཙམ་གྱིས། །ཞལ་དྲུག་ཞབས་དྲུག་ཕྱག་དྲུག་བྲི། །ཁ་དོག་ས…

ན་དཔའ་བོའི་རིན་དུ་ནི། །ཇི་ལྟར་འདོད་པ་དེ་ལ་བྱ། །བཟོ་ཡི་ལས་ནི་འབྲས་བཅས་བྱ། །ཁ་ཟས་མེད་པའང་རྣམ་པར་སྤང་། །ཇི་ལྟར་དེ་ནི་ཡང་དག་དགའ། །དེ་ལྟ་དེ་ལྟར་རབ་ཏུ་སྦྱར། །སྲུང་བ་ཆེན་པོའང་རབ་ཏུ་བྱ། །གཞན་དུ་དེ་ནི་འཆི་འགྱུར་ཞིང་། །བཟོ་བོ་བཟའ་དང་བཅས་འཇིགས་པས། །བདག་གིས་ཀྱང་ནི་མངོན་པར་བསྲུང་། །རིགས་པ་བཟླས་ནས་བྱ་བ་སྟེ། །གཞན་…

བསྟན་པའི་སྦྱིན་སྲེག་ཡིན། །ཁྲོ་བོའི་རྒྱལ་པོའི་སྔགས་ཀྱིས་ནི། །མེ་ལྷ་དག་ནི་སྤྱན་དྲང་བྱ། །ལས་རྣམས་དག་ནི་ཀུན་ལའང་འདིར། །མདུང་གི་ཕྱག་རྒྱ་བཅིང་བར་བྱ། །མེ་ཐབ་ལ་ནི་ཁྲོར་བཅས་པས། །རྩ་བརྒྱད་སྟོང་གིས་སྲེག་བླུགས་སྦྱིན། ། དང་པོར་བུ་དག་འཆི་བ་ནི། །སེམས་ཅན་ཞུགས་ནས་དེ་བཞིན་འགྱུར། །གཉིས་པ་ལ་ནི་ཆུང་མ་དང་། །འཁོར་དང་གཙོ་བ…

གཅིག་དེ་བཞིན་རྟགས་དང་ནི། །བྲག་དང་བས་མཐའ་ཕུག་ཀྱང་རུང་། །གཅིག་པུ་གཉིས་སུ་མེད་པར་ཡང་། །རྟག་ཏུ་ལས་རྣམས་ཡང་དག་བརྩམས། །དགོན་པ་ཆེན་པོ་དབེན་པ་དང་། །ལྷ་ཡི་ཁང་པ་སྟོང་པ་དང་། །ཁང་སྟོང་དང་ནི་ཆུ་བོ་དང་། །རྒྱ་མཚོའི་འགྲམ་ལ་བརྟེན་པ་དང་། །གྲོང་ཁྱེར་དེ་དང་ཉེ་བ་དང་། །དེར་གནས་ཡང་ན་ཅི་འདོད་པར། །དཔག་ཚད་བརྒྱ་ཡི་ཚད་ཙམ་ནས། །…

པིརྩུ་མརྡ་ཡུངས་མར་དང་། །རང་སྐྱུར་དུག་དང་ལྡན་པ་ནི། །ཁྲག་དང་མི་ཡི་ཤ་དང་ནི། །ལན་ཚྭ་ཚ་བ་གསུམ་དང་ནི། །སྐེ་ཚེ་དུག་གི་ཕྱེ་མ་དང་། །སྟར་བུ་དང་ནི་སྲམ་གྱི་ཤ། །ལང་ཏང་ཙེ་ཡི་རྩ་བ་དང་། །དེ་བཞིན་ཀོ་ཤ་ཏ་ཀའི་དང་། །ཨེ་རེན་ད་རྩ་ནས་ཚིག་ཐལ། །ལེ་བརྒན་རྩི་དང་གཟེ་མ་དང་། །པོ་སོན་ཆ་ཡི་རྩ་བ་དང་། །དེ་བཞིན་སྒོག་སྐྱ་ཀེའུ་དང་། །གཞ…

དུར་ཁྲོད་སོལ་བས་བྲིས་པ་ལ། །མགོ་ལ་རྡོག་པས་མནན་ནས་ནི། །ཁྲོ་བས་བཟླས་པ་བརྩམ་པར་བྱ། །གློ་བུར་རྣམ་པ་སྣ་ཚོགས་པའི། །མི་ཡི་བདག་པོ་ཟུག་གཟེར་འབྱུང་། །ནད་ཆེན་པོས་ནི་ཐེབས་འགྱུར་ཏེ། །དེ་ཡི་མོད་ལའང་འཆི་བར་འགྱུར། །ཡང་ན་དགྲ་སྟས་གཅོད་པའམ། །ཡན་ལག་ཀྱང་ནི་མི་ཚང་འགྱུར། །སྡིག་ཅན་མི་མ་ཡིན་པ་ཡི། །སྲིན་པོ་གདུག་པས་ཟ་བར་འགྱུར།…

བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ཁྲོ་བོའི་རྒྱལ་པོ་གཤིན་རྗེ་གཤེད་ཀྱི་མངོན་སྤྱོད་དང་ལེགས་པར་སྡོམ་པའི་ལེའུ་རབ་འབྱམ་ལས་སུམ་ཅུ་རྩ་བཞི་པ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་པ་དེ་ས…

མཐའ་ལ་ཡང་དག་པར་བརྟེན་ནས་ཆོས་ཀྱི་མཐའ་ལས་གྲོལ་བ་ཐོབ་པར་འགྱུར་རོ། །སེམས་ཅན་མཐའ་ནི་བསམ་མི་ཁྱབ། །རྣམ་པར་སྨིན་པའང་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །བྱང་ཆུབ་སྤྱོད་པའང་བསམ་མི་ཁྱབ། །གདུལ་བའི་སེམས་ཅན་ལ་བརྟེན་ནས། །ཕན་པའི་སྤྱོད་པ་བསམ་མི་ཁྱབ། །བྱང་ཆུབ་སེམས་དཔའི་སྤྱོད་པ་རྣམས། །བསམ་མི་ཁྱབ་པར་ཡོངས་སུ་བསྟན།…

དེ་ཉིད་ཆོས་སྟོན་པས་སེམས་ཅན་སྨིན་པའི་ཐབས་ཀྱང་རབ་ཏུ་སྒྲུབ་པར་བྱེད་དོ། །ཀྱེ་རྒྱལ་བའི་སྲས་དེ་བཞིན་དུ་བདག་ཅག་གིས་བསླབ་པར་བྱ་ཞིང་། འདི་ལྟ་སྟེ། སེམས་ཅན་གདུལ་བ་དང་སེམས་ཅན་སྨིན་པ་དང་བསྟན་པར་བྱ་བའི་ཕྱིར་དང་དེ་ལ་རྒྱལ་བའི་སྲས་ཁྱེད་ཅག་གང་འཁོར་གྱི་དཀྱིལ་འཁོར་འདིར་དམ་ཚིག་ཆེན་པོ་ལ་ཞུགས་པ་དེ་ཐམས་ཅད་ཀྱིས་མཉན་པར་བྱ། ད…

ལ། གཅེར་བུར་བྱས་ཤིང་སྐྲ་བཤིག་པས་དབང་ཕྱུག་ཆེན་པོའི་མཚན་ལ་ཁྲོ་བོའི་སྔགས་ཇི་སྲིད་དབང་ཕྱུག་ཆེན་པོའི་མཚན་དཀྱིལ་དུ་གས་པར་གྱུར་པ་དེ་སྲིད་དུ་བཟླས་པ་བྱའོ། །དུམ་བུ་གཉིས་སུ་གྱུར་ན་ཡི་གེ་ཧཱུྃ་གི་སྒྲ་ཆེན་པོ་ཡང་ཐོས་པར་འགྱུར་ཏེ་དེ་ལ་འཇིགས་པར་ཡང་མི་བྱའོ། ། དེ་ཐོས་པའི་དབང་གིས་རྒྱལ་པོ་མ་རུངས་པའམ་གཞན་གང་ལ་ལ་དཔུང་ཆེན་པ…

ཅད་དང་དགྲ་ཐམས་ཅད་ཀྱང་སོས་པར་འགྱུར་རོ། །དེ་བཞིན་དུ་ལྷ་ཐམས་ཅད་དམ་ལྷ་མོ་ཐམས་ཅད་དམ་འབྱུང་པོ་ཐམས་ཅད་གང་ཞིག་གང་གི་ལྷ་ལ་དད་པ་དེ་རྐང་པས་མནན་པའི་ལས་བྱ་བའམ། །ཡང་ན་དེའི་རྒྱུ་སྐར་རམ་སྔགས་སམ་མིང་དག་ལ་རྐང་པས་མནན་ལ་ལས་བྱ་སྟེ། དེ་བཞིན་གཤེགས་པའི་རིག་པ་ནི་མ་གཏོགས་ཏེ། ཐམས་ཅད་ཀྱིས་ཀྱང་ཞབས་ཀྱི་མཐེ་བོ་གཡོན་པ་བཟུང་སྟེ་ལས་…

ཏེ། །ཁང་སྟོང་དུ་རབ་ཏུ་ཞུགས་ནས་མིའི་རུས་པའི་སྲེག་བླུགས་ཀྱིས་སྟོང་རྩ་བརྒྱད་སྦྱིན་སྲེག་བྱས་ཏེ། དེ་ནས་ཐལ་བ་དེ་ལག་པ་གཉི་གས་བླངས་ལ། གོས་གཙང་མའི་དུམ་བུ་ལ་སོ་སོར་བཅིངས་ཏེ་ཐུམ་པོ་གཉིས་སུ་བྱས་ལ། ཁམ་པོར་ཁ་སྦྱར་གཉིས་ཀྱི་ནང་དུ་སོ་སོར་བཞག་ལ། བདག་ཉིད་སྲུང་བ་ཆེན་པོ་བྱས་ནས་རྫས་དེ་བླངས་ལ། ཁྱིམ་དུ་སླར་ཞུགས་ནས་མཚན་མོ་ད…

པར་འགྱུར་རོ། །སྐྱེས་བུ་གཞན་བརྟེན་པ་ན་རྨ་མེད་པར་ཡང་འགྱུར་རོ། །ཇི་སྲིད་རང་གི་སྐྱེས་པ་ཉིད་ཐོབ་ན་ནི་ཕྱིར་ཡང་དེའི་རྨའི་སྒོ་དེ་རབ་ཏུ་འབྱུང་བར་འགྱུར་རོ། །འདོད་པས་ལོག་པར་གཡེམ་པ་བསྟེན་པ་ལ་ཡང་ནུས་པ་མེད་པར་འགྱུར་རོ། །དེ་བཞིན་དུ་སྐྱེས་པ་ལ་ཡང་སྐྱེས་པའི་དབང་པོ་ལ་ལག་པ་གཡས་པས་ཐལ་བའི་ཕྱེ་མས་གཏོར་ན། དེ་ཡང་གཞན་གྱི་བུད…

ཅད་དང་ལྷག་མ་ནི་བཟའ་བ་དང་། བཏུང་བ་དང་། བཅའ་བ་ལ་སོགས་པ་དང་ལུས་ཐམས་ཅད་ལ་དགོས་པའི་ཆ་བྱད་ཐམས་ཅད་དང་། མེ་ཏོག་དང་སོ་རྩི་དང་འབྲས་བུ་དང་སྤོས་ལ་སོགས་པ་འདི་དག་ཐམས་ཅད་ལ་ཐལ་བའི་ཕྱེ་མས་གཏོར་ན་དགྲ་དེ་དག་གི་ལུས་ལ་ཤིག་དང་མ་ཀུ་ཏའི་སྲིན་བུ་རྣམས་ཀྱིས་ཀུན་ནས་ཁྱབ་པར་འགྱུར་ཏེ། ཤིང་ཇི་ལྟ་བ་བཞིན་དུ་ཟ་བར་འགྱུར་རོ། །རྨི་ལམ་ངན…

ཁ་ལ་རེག་པར་བྱས་ན་ཁའི་ནད་འབྱུང་བར་འགྱུར་རོ། །དེ་བཞིན་དུ་མཐར་གྱིས་སྙིང་གི་བར་དུ་རིག་པར་བྱས་ན་སྙིང་གི་ནད་དམ། ལྟོ་བའི་ནད་འབྱུང་བར་འགྱུར་རོ། །དེ་བཞིན་དུ་རྐང་པ་གཉིས་དང་རྗེ་ངར་གཉིས་ལ་རེག་པར་བྱས་ནའང་ཁྲག་ལས་བྱུང་བའི་ནད་ཁྲག་ཁྲུག་པ་ལ་སོགས་པའི་ནད་ཀྱིས་འདེབས་པར་བྱེད་པར་འགྱུར་རོ། །མདོར་ན་འཆི་བར་བྱེད་པ་དང་དབང་དུ་བ…

མ། །ནམ་གྲུ་མར་ཡང་རྣམ་པར་གྲག །མཛེས་མ་མུན་པ་སྣང་བྱེད་མ། །འོག་པག་མ་དང་འོག་པག་བཟང་། །བརྒྱད་པོ་འདི་དག་གནོད་སྦྱིན་མོ། །འདོད་པ་ཐམས་ཅད་རབ་སྒྲུབ་པའོ། །གར་བྱེད་མའི་སྔགས་ནི། ༀ་ན་ཊི་མ་ཧཱ་ན་ཊི་ཨཱ་གཙྪ་ཨཱ་གཙྪ། དི་བྱ་རཱུ་པ་ཎཱི་སྭཱ་ཧཱ། འདིའི་ཆོ་ག་ནི་སྤང་ལེབ་བམ་རས་ལ་མངོན་པར་བྲིས་ལ་ཤའམ་འོ་མའི་ཟས་ཟ་ཞིང་རིག་པ་སྟོང་རྩ་བར…

ཤུ་ཀླཱ་མཱ་བ་ར་མཱ་ལྱ་དྷཱ་རི་ཎེ་མཻ་ཐུ་ན་པྲི་ཡེ་སྭཱ་ཧཱ། འདིའི་ཆོ་ག་ཡང་འདི་ཉིད་དོ། །རྗེ་བཙུན་མའི་སྔགས་ནི་འདི་ཡིན་ཏེ། ཨོྃ་བྷད་ཏྲེ་བྷད་ཏྲེ་ཨ་བ་ལོ་ཀི་ནི་ཀིཉྩི་རཱ་ཡ་སི། ཨེ་ཧྱ་ཧི་ཨཱ་གཙྪ་ཨཱ་གཙྪ་མ་མ་ཀཱ་རྱཾ་ཀུ་རུ་སྭཱ་ཧཱ། དེ་ཉིད་ཀྱིས་ནི་རས་རིས་མེད་ཀྱང་འགྲུབ་པར་འགྱུར་ཏེ། རིའི་རྩེ་མོར་དཀྱིལ་འཁོར་བྱས་ལ་གུ་གུལ་གྱི་ད…

འདི་དག་ནི་ཆོ་ག་ཡང་དེ་ཉིད་དོ། །མུན་པ་མཛེས་མའི་སྔགས་ནི། ༀ་ཤྲཱི་ཎུ་གུ་ཧྱ་ཀེ་ཤྲཱི་ཎུ་གུ་ཧྱ་ཀེ་ཨེ་ཧྱ་ཧི་གུ་ཧྱཻ་ཧི་གུཧྱ་ཀེ་སྭཱ་ཧཱ། འདིའི་ཆོ་ག་ལ་ནི་རས་རིས་ཀྱི་ཆོ་ག་ནི་འདི་ལ་མེད་དོ། །དང་པོར་རེ་ཞིག་གཙང་ཞིང་གོས་གཙང་མ་བགོས་ཏེ། ཟླ་བ་ཉ་བ་ལ་གནས་དབེན་པར་འདུག་ནས་སྒོ་བཅད་དེ་སྣང་བ་མེད་པར་མུན་པའི་གནས་སུ་རིག་པ་སྟོང་ཕྲག…

འདི་ནི་མུན་ནག་མཛེས་མ་ཞེས་བྱ་བ་གནོད་སྦྱིན་མ་སྟོང་ཕྲག་དུ་མས་ཡོངས་སུ་བསྐོར་བས་སྒྲུབ་པ་པོས་འགྲུབ་པར་འགྱུར་ན་ཉིན་རེ་ཞིང་གནོད་སྦྱིན་མོའི་བྲན་མོ་རེ་རེ་གཏོང་བར་བྱེད་དོ། །བློན་པོའི་འཁོར་དུ་མ་དང་ལྡན་པ་དང་གནོད་སྦྱིན་མོ་ཐམས་ཅད་ན་ཡང་རྫུ་འཕྲུལ་ཆེ་བ་དང་མུན་པས་བསྐོར་བ་འདི་དག་ཐམས་ཅད་ཀྱང་ཆོ་ག་ཐ་དད་པ་མ་ཡིན་མོད་ཀྱི་འོན…

བར་བྱའོ། །དེར་གནས་པ་ལྷའི་གཟུགས་དང་ལྡན་པ་རྒྱན་ཐམས་ཅད་ཀྱིས་བརྒྱན་པ། གཅིག་པུ་གནོད་སྦྱིན་མ་ཕུག་གནས་མ་ཞེས་བྱ་བ་རོ་སྨད་དར་ལ་གོན་པ། སྟོད་གཡོགས་དར་ལ་གྱོན་པ། གསེར་གྱི་མདོག་ཅན་རྣམ་པ་སྣ་ཚོགས་གཟུགས་མཛེས་པ་བྲི་བར་བྱ་སྟེ། དེ་ལྟ་བུའི་རས་རིས་བྲི་བར་བྱའོ། །གཙང་བའི་གནས་སུ་གཙང་བས་འོ་མའི་ཟས་ཀྱིས་འཚོ་ཞིང་། རིག་པ་སྟོང་ཕྲ…