རྒྱ་གར་སྐད་དུ། སིདྡྷ་ཨེ་ཀ་བཱི་ར་མ་ཧཱ་ཏནྟྲ་རཱ་ཛ་ནཱ་མ། བོད་སྐད་དུ། དཔའ་བོ་གཅིག་པུ་གྲུབ་པ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔའ་བོ་གཅིག་གྲུབ་དཔའ་བོའི་གཙོ། །རབ་མཆོག་སྨྲ་བ་རྣམས་ཀྱི་མཆོག །འགྲོ་བའི་བླ་མ་འཇམ་རྡོ་རྗེས། །འཇིག་རྟེན་དོན་དུ་རྒྱུད་རབ་གསུངས། །…

སྔགས་བསྡུས་པ་ནི། །འགྲོ་བའི་དོན་དུ་གསུངས་པ་ཡིན། །ༀ་ཀཱ་ལུ་མེ་ལུ་ཀཱ་ལུ་མེ་སྟམྦྷ་ཡ་སྴི་ལཱ་བཪྵཾ་ཏུཥཱ་ར་ཉྩ་ལུཙྪ་ཨི་ལུཙྪ་ཨི་སྭཱ་ཧཱ། གསང་སྔགས་ཀྱི་རྒྱལ་པོ་འདི་ནི་ལེགས་པར་བཟླས་ན་སེར་བ་གཅོད་པར་བྱེད་དོ། །དྲན་པ་ཉིད་དང་ཐལ་བ་ལ་མངོན་པར་བཟླས་པས་སེར་བ་འབབ་པའམ་ཁ་བ་འབབ་པ་གཅོད་པར་འགྱུར་ཞིང་གང་དུ་འདོད་པ་དེར་འགྲོའོ། །དེ་བ…

བ་བླས་གྲོ་གའམ་གོས་སམ་ལོ་མ་ལ་མངོན་པར་བྲིས་ཏེ། སྤྲ་ཚིལ་གྱི་ནང་དུ་གཏུམས་པའི་སྔགས་འདི་གྲོག་མཁར་གྱི་ས་ལས་འཇིགས་བྱེད་ཀྱི་གཟུགས་སུ་བྱས་པ་དེའི་སྙིང་གར་བཅུག་སྟེ་དེའི་ཁ་ཐལ་བས་བཀང་ནས་སྦས་ན། རྒོལ་པ་དང་ཕྱིར་རྒོལ་བའི་ཁ་རེངས་པར་བྱེད་དོ། ། རྩོད་སྦྱོང་བྱེད་པ་ན་གཟུགས་དེ་ཉིད་ཀྱི་ལྕེ་ལ་ལན་བདུན་མངོན་པར་བསྔགས་པའི་ཚེར་མ་བ…

སྔགས་ཨོཾ་གཉིས་ཀྱི་ཁ་སྦྱོར་དུ་བཅུག་ལ་ཡི་གེ་ཋ་ཟུང་གིས་ཡོངས་སུ་བསྐོར་བ། ཕྱི་རོལ་དུ་ཡི་གེ་ལྃ་བརྒྱད་ཀྱིས་བསྐོར་བ་དབང་ཆེན་གྱི་དཀྱིལ་འཁོར་གྱིས་ནོན་པ་སྣ་ཚོགས་རྡོ་རྗེས་ཉེ་བར་མཛེས་པར་བྱས་པ། གྲོག་མཁར་གྱི་འཇིམ་པ་ལས་བྱས་པའི་ཚོགས་ཀྱི་བདག་པོའི་ཁོང་པར་བཅུག་ལ། དུར་ཁྲོད་ཀྱི་བུམ་པའི་ནང་དུ་བཅུག་ནས་དུར་ཁྲོད་དུ་སྦས་པའམ། …

སྔགས་གཟོང་བུས་བརྐོས་ཏེ་བྲིས་པ་སྦས་ན་རི་དགས་དང་སྦྲུལ་གདུག་པ་རྣམས་ཁྱིམ་མམ་གྲོང་ངམ་གྲོང་ཁྱེར་དུ་སྦས་ན་ཅི་སྲིད་འདོད་པའི་བར་དུ་མཆེ་བ་འཆིང་བར་བྱེད་དོ། །ཕྱུང་བས་གྲོལ་བར་འགྱུར་རོ། །སྔགས་འདི་མ་བསྒྲུབས་སུ་ཟིན་ཀྱང་ལས་ཐམས་ཅད་བྱེད་པར་འགྱུར་རོ། །གསེག་མ་ལ་སོགས་པ་ལ་ཡོངས་སུ་བཟླས་ཏེ་གཏོར་ན་མཆེ་བ་ཅན་ཐམས་ཅད་ཀྱི་མཆེ་བ་འ…

བྱས་པས་ཞི་བར་བྱེད་དོ། །ཕུབ་མའི་སྦྱིན་སྲེག་གིས་ཀྱང་ཐམས་ཅད་དུ་ཞི་བར་འགྱུར་རོ། །ཇི་ལྟར་རྙེད་པའི་མེ་ཏོག་ལ་སྔགས་རྗོད་དེ། ཆུ་ལ་བསྐུར་ན་ཐམས་ཅད་དུ་ཞི་བར་འགྱུར་ཞིང་རྣམ་པར་རྒྱལ་བ་ཐོབ་པར་ཐེ་ཚོམ་མེད་དོ། །གྲོང་ཁྱེར་ཚིག་པའི་མེ་ལ་མངོན་དུ་ཕྱོགས་པས་འདུག་སྟེ། མངོན་པར་བསྔགས་པའི་ཆུ་སྙིམ་པ་བདུན་གཏོར་ན། ཁྱིམ་གང་བསྲུང་བར་…

མངོན་པར་བསྔགས་པས་སའི་སྟེང་དུ་ཡང་དང་ཡང་དུ་བྲིས་ཏེ། ལུགས་ལས་བཟློག་པས་ཕྱིས་ན་བཅིངས་པ་ལས་གྲོལ་བར་བྱེད་དོ། །ལོ་མ་ལ་མིང་དང་སྔགས་སུ་བཅས་པ་མངོན་པར་བྲིས་ཏེ། མགོ་བོ་ལ་བཏགས་ན་བཅིངས་པ་ཐམས་ཅད་གྲོལ་བར་འགྱུར་རོ། །ༀ་ཏཱ་རི་ཎི་ཏཱ་ར་ཡ། མོ་ཙ་ནི་མོ་ཙ་ཡ། མོ་ཀྵ་ནི་མོ་ཀྵ་ཡ། ཛཱི་བྃ་བ་ར་དེ་སྭཱ་ཧཱ། སྔགས་ཀྱི་རྒྱལ་པོ་འདི་ལེགས་པ…

ཐམས་ཅད་ལ་སྔགས་མདུད་བཅིངས་ན་ཞི་བར་བྱེད་དོ། །རྟག་ཏུ་བཟླས་ན་ཚེ་ཟད་པ་ཡང་ཚེ་ལོ་བརྒྱ་ཐུབ་པར་འགྱུར་རོ། །མར་དང་ཏིལ་གྱི་སྦྱིན་སྲེག་གིས་ཐམས་ཅད་ཞི་བར་བྱེད་དོ། །མངོན་པར་བསྔགས་པའི་སྨན་གྱི་བཏུངས་པས་ནད་ཐམས་ཅད་ལས་ཡོངས་སུ་ཐར་བར་བྱེད་དོ། །ལན་བརྒྱ་བཀྲུས་པའི་མར་ལ་མངོན་པར་བསྔགས་པས་ན་བའི་ཡན་ལག་ལ་བསྐུས་ན་རང་བཞིན་དུ་གནས་པར…

པ་དྲ་བ་ནཱ་ཤ་ནི་སྭཱ་ཧཱ། རིག་པ་ཆེན་མོ་འདི་མ་བསྒྲུབས་སུ་ཟིན་ཀྱང་རྐང་གཉིས་པ་དང་རྐང་བཞི་པ་ཐམས་ཅད་ཀྱི་རྣམ་པར་འཚེ་བ་སེལ་བར་བྱེད་ཅིང་། ལས་ཐམས་ཅད་(བྱད,བྱེད)་པར་འགྱུར་རོ། །སྦྱིན་སྲེག་གམ་བཟླས་པའམ་ཁྲུས་སམ་སྔགས་མདུད་དམ་མངོན་པར་བསྔགས་པའི་ཆུ་འཐུངས་པའམ་བྱབས་པས་ནད་ཐམས་ཅད་སེལ་བར་བྱེད་དོ། །གྲོ་ག་ལ་གུར་གུམ་གྱིས་བྲིས་པའ…

མངོན་པར་བསྔགས་པས་སྒོའི་ཡ་ཐེམ་ལ་གཏོར་ན་འབྱེར་རོ། །རལ་གྲི་ལ་མངོན་པར་བསྔགས་ལ་གཡུལ་དུ་འཇུག་ན་རྒྱལ་བ་སྒྲུབ་པར་བྱེད་དོ། །བྱ་བ་གང་ལ་འཇུག་པ་ན་གཏོར་མ་ཉེ་བར་བསྟབས་ན་དེ་དང་དེ་འགྲུབ་པར་འགྱུར་རོ། །སྔགས་པ་དགེ་བའམ་མི་དགེ་བའི་ལས་གང་འདོད་པ་བཟླས་པ་ཙམ་གྱིས་བྱེད་དོ། །ༀ་ཀ་སྱེ་སྤནྡ་སྤནྡ་ཏྭཾ། སཱུ་ནྱ་བེ་ཤྨ་ནི་མ་མ་ཏྭ་ཐཱ་སྤན…

ཏདྱ་ཐཱ། ༀ་ས་ར་ས་ར། སི་རི་སི་རི། སུ་རུ་སུ་རུ། མེ་རུ་མནྡ་ར་པྲ་ཏི་ཀཱ་ས་ཨཱ་བི་ས་ཨཱ་བི་ཤ ཀཻ་ལཱ་ས་ཀཱུ་ཊ་པུ་ཏྲཱ་ཡ་ནམཿ་སྭཱ་ཧཱ། ཡན་མ་ཡཱ་ཙིན་ཏི་ཏཾ་ཀཱརྱཾ་ཏ་ཏ་སརྦ་བྲུ་ཧི་ཏ་ཏྭཱ་ཏ། ཨཱཏྨཱ་ཎྦཱཾབཱ་པ་རཱ་བཱ་ཤུ་བྷམྦཱ་ཡ། དི་བཱ་ཤུ་བྷཾ། ནང་པར་གཙང་བའི་ས་ཕྱོགས་སུ་དཀྱིལ་འཁོར་བྱས་ཤིང་བུམ་པ་བཞག་ལ། ལྷའི་བུ་དྲི་མ་མེད་པའི་ཟླ་བ་ལ་…

པར་འགྱུར་རོ། །བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱས་ནས་ལན་བརྒྱ་རྩ་བརྒྱད་མངོན་པར་བསྔགས་པའི་ཆུས་གདོང་བཀྲུས་ཏེ། དགོས་པ་ཡིད་ལ་བྱེད་པའི་བཟླས་པས་མི་སྨྲ་བར་ཉལ་ན་བཅོམ་ལྡན་འདས་རང་གི་གཟུགས་སུ་མཐོང་བར་འགྱུར་ཞིང་དགེ་བ་དང་མི་དགེ་བ་རྨི་ལམ་དུ་དམིགས་པར་འགྱུར་རོ། །ཨོཾ་པྲ་ཛྭཱ་ལ་ཧཱུཾ་ཕཊ། བ…

ཉལ་བའི་དུས་སུ་བརྒྱ་རྩ་བརྒྱད་བཟླས་ཏེ། བདག་གང་ནས་སྐྱེས་པར་གྱུར་གང་དུ་སྐྱེ་བར་འགྱུར་ཞེས་ཡིད་ལ་བསམས་ཤིང་ཉལ་ན་འདས་པ་དང་མ་འོངས་པའི་སྐྱེ་བ་དམིགས་པར་འགྱུར་བར་ཐེ་ཚོམ་མེད་དོ། །གལ་ཏེ་ཟླ་བ་དྲུག་གི་ནང་རོལ་ཏུ་འཆི་བར་འགྱུར་ན་དེའི་ཚེ་རྨི་ལམ་དུ་བདག་གམ་གཞན་གྱི་མགོ་བོ་མི་མཐོང་བར་འགྱུར་རོ། །དེ་བཞིན་དུ་མངོན་པར་བསྔགས་པའི…

རྙེད་པར་འགྱུར་ཞིང་བུ་མོ་དོན་དུ་གཉེར་བས་ཀྱང་གང་མངོན་པར་འདོད་པའི་བུ་མོ་རྙེད་པར་འགྱུར་རོ། །ༀ་ཀ་མ་ལ་བཱ་སི་ནི། ཀ་མ་ལེ་མ་ཧཱ་ལཀྵྨི་ར་ཛྱྃ་མེ་དེ་ཧི་བར་དེ་སྭཱ་ཧཱ། གསང་སྔགས་འདི་ནི་དཔལ་ཆེན་པོའི་སྙིང་པོའོ། །རྟག་ཏུ་བཟླས་པ་བྱས་ན་ཕུན་སུམ་ཚོགས་པའི་མཆོག་སྟེར་བར་འགྱུར་རོ། །ཇི་ལྟ་བ་བཞིན་དུ་རྙེད་པའི་མེ་ཏོག་གི་སྦྱིན་སྲེག…

སུ་དྷཱ་རི་ཎི་ཨ་མུ་ཀེ་ཀ་ནྱཱཾ་མེ་དེ་ཧི། དཱ་པ་ཡ་སྭཱ་ཧཱ། སྔགས་འདི་ཆུའི་ནང་དུ་ཞུགས་ནས་ཁྲུས་བྱས་ཏེ་འབུམ་ཕྲག་བཞི་ངེས་པར་བཟླས་པ་བྱས་ན། མངོན་པར་འདོད་པའི་བུ་མོ་ཐོབ་པར་འགྱུར་རོ། །མཚན་མོ་འོ་མ་ཅན་གྱི་ཡམ་ཤིང་གིས་གྲོང་གི་མིང་ནས་སྨོས་ནས་སྦྱིན་སྲེག་འབུམ་བྱས་ན་གྲོང་རྙེད་པར་འགྱུར་རོ། །ༀ་བ་སུ་དྷ་རི་ཎི་སྭཱ་ཧཱ། ༀ་ཙནྡྲ་ཀཱ…

པར་བྲིས་ལ། ཁ་སྦྱར་དུ་བྱས་ཏེ་མཉེས་པར་བྱས་ན་དངོས་གྲུབ་ཆེན་པོ་བརྒྱད་ཀྱང་སྟེར་བར་མཛད་ན། གྲུབ་པ་གཞན་ལྟ་སྨོས་ཀྱང་ཅི་དགོས། དཔའ་བོ་གཅིག་པུ་གྲུབ་པའི་རྒྱུད་ཀྱི་རྒྱལ་པོ་ཆེན་པོ་ལས་ལེའུ་གཉིས་པ་རྫོགས་སོ།། །།ༀ་བཛྲ་ཏཱིཀྵྞ། དུཿཁཙྪེ་ད་པྲ་ཛྙཱ་ཛྙཱ་ན་མཱུརྟ་ཡེ། ཛྙཱ་ན་ཀཱ་ཡ་བཱ་གཱི་ཤྭ་ར་ཨ་ར་པ་ཙ་ནཱ་ཡ་ཏེ་ནམཿ། བཅོམ་ལྡན་འདས་འཇམ…

རོ། །སྨན་བྷྲ་མའི་ཕྱེ་མ་ཞོ་བཞི་ཙམ་ལ་ལན་བརྒྱ་རྩ་བརྒྱད་བཟླས་ལ་ཐོ་རངས་དཀྱིལ་འཁོར་བྱས་ཏེ། ཅི་འབྱོར་པས་བཅོམ་ལྡན་འདས་འཇམ་པའི་རྡོ་རྗེ་ལ་ཡང་དག་པར་མཆོད་དེ། མར་རམ་རང་སྐྱུར་དང་སྦྱར་ནས་འཐུངས་ན་ཟླ་བ་དྲུག་གིས་ཐོས་པ་འཛིན་པར་འགྱུར་རོ། ། ཚིག་གི་བདག་པོའི་དབྱངས་སྙན་པར་ཡང་སྐྱེ་བར་འགྱུར་རོ། །སྔོན་དུ་བསྙེན་པའི་ཆོ་གས་ཡི་གེ…

འཕགས་མ་སྒྲོལ་མའི་སྙིང་པོ་འདིས་ལས་ཐམས་ཅད་བྱེད་པར་འགྱུར་རོ། །ༀ་པྲ་ཀྲྀ་ཏི་པ་རི་ཤུདྡྷཱཿ། སརྦ་དྷརྨཱཿཔྲ་ཀྲཱི་ཏྱཱ། པ་རི་ཤུདྡྷོ྅ཧྃ། ས་བཱ་ཧྱཱ་བྷྱན་ཏ་ར་ན་མ་ཨི་ཏི། ཞེས་བྱ་བས་ཕྱི་དང་ནང་དུ་རྒྱུ་བ་དང་མི་རྒྱུ་བ་དང་བཅས་པའི་སྣ་ཚོགས་པ་དང་བདག་ཉིད་རང་བཞིན་གྱིས་ཡོངས་སུ་དག་པར་བསམ་ལ། པདྨ་དཀར་པོ་ཁྲུ་བདུན་པའི་ཚད་དང་དེའི་སྟེ…

ན་དབྱངས་ཅན་འགྲུབ་པར་འགྱུར། །ར་ཡི་འོ་མ་བྲེ་བཞི་དང་། །སྨན་རྣམས་སྲང་གཅིག་ཙམ་གྱི་ཚད། །མར་བྲེ་གང་དང་མཁས་པ་ཡིས། །རིམ་གྱིས་མེ་ཆུང་ལ་བསྐོལ་བྱ། །ཟླ་གཅིག་ཙམ་ཞིག་རབ་སྦྱར་ན། །བླ་མེད་ཚིག་ནི་ཐོབ་འགྱུར་ཞིང་། །ཟླ་དྲུག་ཉེ་བར་ལོངས་སྤྱོད་པས། །ངག་གི་དབང་ཕྱུག་མངོན་སུམ་འགྱུར། །ཤུ་དག་ཤིང་མངར་སེན་དྷ་པ། །ཨ་རུ་བཅའ་ལྒ་ལ་ལ་ཕུད…

བྲཧྨའི་མར་སྲང་གཅིག་ཙམ་ལ་ཡོངས་སུ་བཟླས་ཏེ། བདག་ཉིད་ལ་དབྱངས་ཅན་གྱི་ཕྱག་གིས་རབ་ཏུ་སྩོལ་བར་ཡོངས་སུ་རྟོག་ཅིང་། ཏིང་ངེ་འཛིན་ལ་གནས་པས་བཏུང་བར་བྱའོ། །དེ་ལ་བྲཧྨའི་མར་འདི་ནི། །བྲཧྨ་ཡི་ཁུ་བ་འོ་མ་དང་། །མར་སྲང་སུམ་ཅུ་རྩ་གཉིས་དང་། ། ཡུང་བ་དང་ནི་མ་ལ་ཏི། །དུར་བྱིད་ཨ་རུ་རར་བཅས་པ། །དེ་དག་ཆ་ནི་སྲང་རེ་དང་། །པི་པི་ལིང་དང…