གིས་རྟག་ཏུ་ཚེ་རབས་དྲན་གྱུར་ནས། །འདས་པའི་སྐྱེ་བ་བརྒྱ་སྟོང་དྲན་པ་དང་། །རྟག་པར་ཐུབ་པའི་གཙོ་བོ་དྲན་གྱུར་ཏེ། །སངས་རྒྱས་ཟབ་མོའི་ཆོས་ནི་ཐོས་པར་ཤོག །བདག་གི་དགེ་བའི་ལས་ནི་འདི་རྣམས་ཀྱིས། །རྒྱལ་བ་ཚད་མེད་དག་ལ་བསྙེན་བཀུར་ནས། །མི་དགེ་བ་ཡི་རྒྱུ་ཀུན་ཡོངས་སྤངས་ཏེ། །ཡང་དག་དམ་ཆོས་རྟག་ཏུ་སྒྲུབ་པར་ཤོག །འཇིག་རྟེན་ཐམས་ཅད་…

དེ་དག་རོལ་མོ་བསམས་པ་བཞིན། །སྒྲ་མཆོག་མང་པོ་མངོན་དུ་འབྱུང་བར་ཤོག །ཆུ་འདོད་གསེར་གྱི་མེ་ཏོག་སྟེང་འཕྱོ་བ། །རབ་བསིལ་རྫིང་བུ་མངོན་དུ་སྣང་བར་ཤོག །སེམས་ཅན་དེ་དག་ཇི་ལྟར་བསམས་པ་བཞིན། །བཟའ་བཏུང་གོས་དང་ཁྲི་དང་སྟན་རྣམས་དང་། །གསེར་དངུལ་དང་ནི་རིན་ཆེན་བཻ་ཌཱུཪྱ། །རྒྱན་ཕྲེང་ཐམས་ཅད་ཕུན་སུམ་ཚོགས་པར་ཤོག །སེམས་ཅན་མི་སྙན་ཐ…

ཤོག །གལ་ཏེ་འདས་པ་དང་ནི་ད་ལྟར་ཚེ། །སྲིད་གསུམ་འཁོར་ནས་ལས་རྣམས་བགྱིས་པས་ན། །ཡིད་དུ་མི་མཆི་ངན་འགྲོ་ཐོབ་གྱུར་པ། །ཐམས་ཅད་མ་ལུས་གཏན་དུ་བྱང་བར་ཤོག །སེམས་ཅན་ཐམས་ཅད་སྲིད་པའི་རྒྱ་མཚོར་ནི། །འཁོར་བའི་ཞགས་པས་དམ་དུ་བཅིངས་པ་ནི། །ཤེས་རབ་རལ་གྲི་དག་གིས་བཅད་བསལ་ཏེ། །སྡུག་བསྔལ་སྤངས་ནས་བྱང་ཆུབ་མྱུར་ཐོབ་ཤོག །སེམས་ཅན་གང་གི…

མཐོང་བ་གང་ཡིན་པ་དེ་གང་ལ་ལ་ཞིག་གིས་ཐོས་པར་གྱུར་ན་བསོད་ནམས་ཤིན་ཏུ་མང་པོ་འཐོབ་པར་འགྱུར་ཞིང་སེམས་ཅན་ལ་རྒྱ་ཆེར་ཕན་འདོགས་པ་དང་། ཁ་ན་མ་ཐོ་བའི་སྒྲིབ་པ་ཡོངས་སུ་བྱང་བར་འགྱུར་རོ། །ཁྱོད་ཀྱི་ལས་མཆོག་དམ་པ་འདི་དག་ཐམས་ཅད་ནི་འདས་པའི་དུས་སུ་བསྔགས་པ་བརྗོད་ཅིང་སྨོན་ལམ་བཏབ་པའི་སྔོན་གྱི་བག་ཆགས་ཀྱི་རྒྱུ་རྐྱེན་དང་། དེ་བཞིན…

ཕུན་སུམ་ཚོགས་པ་དང་། བསོད་ནམས་དང་ཡེ་ཤེས་ཀྱིས་བརྒྱན་ནས་སངས་རྒྱས་རྣམས་མཐོང་བར་གྱུར་ཏོ། །དེའི་ཚེ་བརྒྱ་བྱིན་དང་། ལྷའི་འཁོར་ཐམས་ཅད་དང་། གང་གཱའི་ལྷ་མོ་དང་། འཁོར་མང་པོ་རྣམས་འོད་ཟེར་རྨད་དུ་བྱུང་བ་མཐོང་བ་དང་། ཐམས་ཅད་བཅོམ་ལྡན་འདས་ཀྱི་སྤྱན་སྔར་ལྷགས་ཏེ་གཡས་ཕྱོགས་སུ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །…

ལོ་ཡོངས་སུ་བསྐོར་བ། ཆོས་ཀྱི་འཁོར་ལོ་འཛིན་ཅིང་གསལ་བར་མཛད་པ། ཆོས་ཀྱི་ཆར་ཆེན་པོ་ཕབ་པ། ཆོས་ཀྱི་རྔ་ཆེན་པོ་བརྡུང་བ། ཆོས་ཀྱི་དུང་ཆེན་པོ་བུས་པ། ཆོས་ཀྱི་རྒྱལ་མཚན་ཆེན་པོ་བཙུགས་པ། ཆོས་ཀྱི་སྒྲོན་མ་ཆེན་པོ་འཛིན་པ། ཐམས་ཅད་སེམས་ཅན་རྣམས་ལ་སྨན་ཅིང་བདེ་བར་མཛད་པའི་སླད་དུ་རྟག་པར་ཆོས་ཀྱི་སྦྱིན་པ་གཏོང་བ། སྐྱེ་དགུ་རྨོངས་པ་…

བཏབ་པ་དང་། བྲེ་སྲང་གིས་བསླུས་པ་དང་། ཡང་དག་པ་མ་ལགས་པ་ལ་ཡང་དག་པར་བཟུང་བ་དང་། མི་གཙང་བའི་བཟའ་བ་དང་བཏུང་བ་གཞན་དག་ལ་སྩལ་བ་དང་། འགྲོ་བ་དྲུག་པོ་དེ་དག་ཏུ་མཆིས་པའི་ཕ་མ་ཇི་སྙེད་པ་དག་ལ་ཕན་ཚུན་གནོད་པ་བགྱིས་པ་དང་། མཆོད་རྟེན་གྱི་དཀོར་བརྐུས་པ་དང་། ཕྱོགས་བཞིའི་དགེ་འདུན་གྱི་དཀོར་དང་། མངོན་སུམ་གྱི་དགེ་འདུན་གྱི་དཀོར་ར…

འགྲོ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་དགས་ཀྱི་འགྲོ་བ་དང་། ལྷ་མ་ཡིན་གྱི་འཁོར་དང་། མི་ཁོམ་པ་བརྒྱད་པོ་དག་ཏུ་ལྟུང་བར་འགྱུར་བའི་ལས་ཀྱི་སྒྲིབ་པ་ཅི་མཆིས་པ་དང་། བདག་གིས་ཚེ་འདི་ལ་བགྱིས་པའི་ལས་ཀྱི་སྒྲིབ་པ་ཅི་མཆིས་པ་ཐམས་ཅད་ཞུ་བྱང་ནས་སྡིག་པའི་རྣམ་པར་སྨིན་པ་ཅི་མཆིས་པ་མ་འོངས་པ་ན་མི་མྱོང་བར་སྨོན་ཏོ།…

ཀྱང་ཅི་དགོས། གང་ལ་ལ་ཞིག་གིས་སྡིག་པ་བྱས་ནས་རྣམ་པར་དག་པ་ཡོངས་སུ་ཚོལ་བར་འདོད་ཅིང་སེམས་ལ་ངོ་ཚ་བ་དང་བཅས་པས་མ་འོངས་པ་ན་གདོན་མི་ཟ་བར་སྡིག་པའི་རྣམ་པར་སྨིན་པ་ཡོད་དོ་ཞེས་མངོན་པར་ཡིད་ཆེས་ནས་འཇིགས་ཤིང་སྐྲག་པ་ཆེན་པོ་སྐྱེས་པ་དེས་འདི་ལྟར་བཤགས་པར་བྱའོ། །འདི་ལྟ་སྟེ། དཔེར་ན་མི་ལ་ལ་ཞིག་མེས་མགོ་ཐོད་བསྲེགས་སམ། གོས་བསྲེག…

དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པའི་འབྲས་བུ་ཡོངས་སུ་གཉེར་བར་འདོད་ན་ཡང་འགྱོད་ཚངས་བྱས་ནས་ལས་ཀྱི་སྒྲིབ་པ་ཡོངས་སུ་སྦྱང་བར་བྱའོ། །གལ་ཏེ་རིག་པ་གསུམ་དང་། མངོན་པར་ཤེས་པ་དྲུག་དང་། ཉན་ཐོས་དང་། རང་སངས་རྒྱས་ཀྱི་རང་དབང་ཐོབ་པའི་བྱང་ཆུབ་ཡོངས་སུ་གཉེར་བ…

འགྱོད་ཚངས་ཀྱིས་ལས་ཀྱི་སྒྲིབ་པ་ཡོངས་སུ་སྦྱང་བར་བྱའོ་ཞེས་བསྟན་པ་ཡིན་ནོ། །རིགས་ཀྱི་བུ་གང་གིས་ཆོས་རྣམ་པ་བཞི་དང་ལྡན་པར་གྱུར་ན་ལས་ཀྱི་སྒྲིབ་པ་ཡོངས་སུ་བསལ་ནས་གཏན་དུ་ཡོངས་སུ་བྱང་བར་འགྱུར་རོ། །བཞི་གང་ཞེ་ན། ལོག་པའི་བསམ་པ་མི་སྐྱེ་ཞིང་ཡང་དག་པའི་དྲན་པ་ཕུན་སུམ་ཚོགས་པར་གྱུར་པ་དང་། ཤིན་ཏུ་ཟབ་པའི་དོན་དག་ལ་སྐུར་པ་མི་…

བཅོམ་ལྡན་འདས་འཇིག་རྟེན་ན་སྐྱེས་པ་དང་། བུད་མེད་ཇི་སྙེད་མཆིས་པ་དག་ལས་ཐེག་པ་ཆེན་པོའི་སྤྱོད་པ་སྤྱོད་པར་རྔོ་ཐོགས་པ་ཡང་མཆིས་སྤྱོད་པར་རྔོ་མི་ཐོགས་པ་ཡང་མཆིས་ན་ཇི་ལྟར་སེམས་ཅན་ཐམས་ཅད་ཀྱི་བསོད་ནམས་ཀྱི་དགེ་བའི་རྩ་བ་དག་ལ་རྗེས་སུ་ཡི་རང་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་གང་ལ་ལ་ཞིག་ཐེག་པ…

པ་བརྗོད་པར་བྱའོ། །གཞན་ཡང་ད་ལྟར་ཕྱོགས་བཅུའི་འཇིག་རྟེན་ན་ཡང་དག་པའི་ཐམས་ཅད་མཁྱེན་པ། བྱང་ཆུབ་གྱ་ནོམ་པ་བརྙེས་པའི་སངས་རྒྱས་བཅོམ་ལྡན་འདས་ཐམས་ཅད་སེམས་ཅན་མཐའ་ཡས་པ་རྣམས་ཡོངས་སུ་བཟླ་བའི་ཕྱིར་བླ་ན་མེད་པའི་ཆོས་ཀྱི་འཁོར་ལོ་བསྐོར་བ། ཐོགས་པ་མི་མངའ་བའི་ཆོས་ཀྱི་སྦྱིན་པ་བཏང་བ། ཆོས་ཀྱི་རྔ་བརྡུངས་པ། ཆོས་ཀྱི་དུང་བུས་པ། ཆ…

འགྲོའོ། །དེ་ཅིའི་ཕྱིར་ཞེ་ན། མཆོད་པ་བྱས་པའི་བསོད་ནམས་གང་ཡིན་པ་དེ་ནི་གྲངས་དང་བཅས་ཤིང་ཚད་དང་བཅས་པས་བསོད་ནམས་ཐམས་ཅད་ཡོངས་སུ་སྡུད་པར་མི་འགྱུར་ལ་རྗེས་སུ་ཡི་རང་བའི་བསོད་ནམས་གང་ཡིན་པ་དེ་ལ་ནི་ཚད་མེད་ཅིང་གྲངས་མེད་པས་དུས་གསུམ་གྱི་བསོད་ནམས་ཐམས་ཅད་ཡོངས་སུ་སྡུད་པར་བྱེད་པས་དེའི་ཕྱིར་གང་ལ་ལ་ཞིག་དགེ་བའི་རྩ་བ་ཁྱད་པར་…

བཞེད་པ་གང་ལགས་པ་དེ་དག་ཐམས་ཅད་ལ་བདག་བསམ་པ་ཐག་པ་ནས་སྤྱི་བོས་བཏུད་དེ་ཕྱག་བགྱིས་ནས་སེམས་ཅན་ཐམས་ཅད་ཡོངས་སུ་བསྒྲལ་ཞིང་བདེ་བར་བགྱི་བ་དང་། སྔར་གོང་དུ་བསྟན་པ་ལྟར་བས་པ་མ་མཆིས་པའི་བདེ་བ་འཐོབ་པར་བགྱི་བའི་སླད་དུ་ཆོས་ཀྱི་འཁོར་ལོ་ཆེན་པོ་ཡོངས་སུ་བསྐོར་བ་དང་། ཆོས་ཀྱི་ཆར་པ་ཆེན་པོ་དབབ་པ་དང་། ཆོས་ཀྱི་སྒྲོན་མ་ཆེན་མོ་སྦར…

ཐམས་ཅད་ལ་མཆོད་པ་བྱས་པ་བས་བསྐུལ་ཞིང་གསོལ་བ་བཏབ་པའི་བསོད་ནམས་གང་ཡིན་པ་དེ་བས་ཀྱང་ཆེས་ཁྱད་པར་དུ་འཕགས་སོ། །ཆོས་ཀྱི་སྦྱིན་པ་ནི་ཁྱད་པར་དུ་འཕགས་པའི་ཕན་ཡོན་རྣམ་པ་ལྔ་དང་ལྡན་ཏེ། ལྔ་གང་ཞེ་ན། དང་པོ་ཆོས་ཀྱི་སྦྱིན་པ་གང་ཡིན་པ་དེ་ནི་བདག་དང་གཞན་ལ་ཕན་འདོགས་པར་བྱེད་ལ། ཟང་ཟིང་གི་སྦྱིན་པ་ནི་དེ་ལྟ་མ་ཡིན་པས་སོ། །གཉིས་པ་ཆོས…

པ་ཆེན་པོ་དང་། སྙིང་རྗེ་ཆེན་པོ་དང་། མ་འདྲེས་པའི་ཆོས་གྲངས་མེད་པ་སྙེད་བརྙེས་པར་གྱུར་པ་ཡིན་ཏེ། ང་ལྷག་མ་མེད་པའི་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པར་འགྱུར་ཡང་། ངའི་ཡང་དག་པའི་ཆོས་འཇིག་རྟེན་ན་ཡུན་རིང་བར་གནས་པར་འགྱུར་བ་ཡིན་ནོ། །ངའི་ཆོས་ཀྱི་སྐུ་གང་ཡིན་པ་དེ་ནི་རྣམ་པར་དག་ཅིང་དཔེ་ཟླ་མེད་པས་མཚན་མཆོག་དམ་པ་སྣ་ཚ…

བཏབ་པའི་དགེ་བའི་རྩ་བའི་སྟོབས་ཀྱིས་བརྙེས་པ་ཡིན་པའི་ཕྱིར་འདི་ལྟ་བུའི་ཆོས་ཀྱི་སྐུ་ངས་དེང་བརྙེས་པ་ཡིན་ཏེ། དེ་ལྟ་བས་ན་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བར་འདོད་པས་ཆོས་ཀྱི་རྣམ་གྲངས་འདི་ལས་ཚིག་གཅིག་གམ། ཚིགས་སུ་བཅད་པ་གཅིག་ཙམ་གཞན་དག་ལ་སྟོན་པར་བྱེད་པའི་དགེ་བའི་རྩ་བ་གང་ཡིན་པ་དེ་ཡང་ཚད་མེད…

བསྡུས་ཏེ་འགྱོད་ཅིང་ཕངས་པ་མེད་པའི་སེམས་ཀྱིས་སེམས་ཅན་ཐམས་ཅད་ལ་ཡོངས་སུ་བཏང་ངོ་། །རྣམ་པར་གྲོལ་བའི་ཕྱོགས་ཀྱིས་ཡོངས་སུ་བཟུང་བའི་དགེ་བའི་རྩ་བ་གང་ཡིན་པ་དེ་དག་ཀྱང་སངས་རྒྱས་བཅོམ་ལྡན་འདས་ཀྱིས་མཁྱེན་ཅིང་གཟིགས་པ། དཔག་ཏུ་མེད་པ་དང་། ཐོགས་པ་མི་མངའ་བའི་རྣམ་པར་དག་པས་འདི་ལྟར་བསོད་ནམས་ཀྱི་དགེ་བའི་རྩ་བ་ཇི་སྙེད་པ་དག་ཐམས་…

པ་མེད་པའི་རྣམ་པར་དག་པ་དང་། ཟད་མི་ཤེས་པའི་ཆོས་ཀྱི་གཟུངས་དང་། དཔའ་བར་འགྲོ་བའི་ཏིང་ངེ་འཛིན་ལ་གནས་ནས་བདུད་སྡིག་ཅན་གྱི་དམག་ཚོགས་ཚད་མེད་པ་དག་ཕམ་པར་བྱས་ཏེ་མཁྱེན་པ་དང་། གཟིགས་པ་མངོན་པར་རྟོགས་ནས་འདི་ལྟར་དེ་དག་ཐམས་ཅད་སྐད་ཅིག་གཅིག་ལ་གསལ་བར་རྟོགས་ཏེ་ནམ་གྱི་ཆ་སྨད་ལ་བདུད་རྩིའི་ཆོས་ཐོབ་ནས་ཟིལ་དངར་གྱི་དོན་མངོན་སུམ་…