པའི་ས་ཞེས་བྱའོ། །ཤེས་རབ་ཀྱི་མེས་ཉོན་མོངས་པ་རྣམས་བསྲེགས་ནས་འོད་ཀྱི་སྣང་བ་འཕེལ་བར་བྱེད་པ་དང་། བྱང་ཆུབ་ཀྱི་ཕྱོགས་སྒོམ་པར་བྱེད་པས་དེའི་ཕྱིར་ས་བཞི་པ་ནི་འོད་འཕྲོ་བའི་ས་ཞེས་བྱའོ། །ཐབས་མཁས་པས་བསྒོམས་པའི་ཡེ་ཤེས་མཆོག་རང་དབང་དུ་གྱུར་པ་ཤིན་ཏུ་འཐོབ་པར་དཀའ་བའི་ཕྱིར་དང་། མཐོང་བ་དང་བསྒོམས་པས་སྤང་བར་བྱ་བའི་ཉོན་མོངས་…

མ་རིག་པ་འདི་གཉིས་ཀྱིས་ནི་ས་གཉིས་པ་ལ་སྒྲིབ་པར་བྱེད་དོ། །མ་ཐོབ་པ་ཐོབ་པར་འདོད་པ་ལ་སྲེད་ཅིང་མངོན་པར་ཞེན་པའི་མ་རིག་པ་དང་། གཟུངས་ཁྱད་པར་དུ་འཕགས་པ་དག་ལ་སྒྲིབ་པར་བྱེད་པའི་མ་རིག་པ་སྟེ། མ་རིག་པ་འདི་གཉིས་ཀྱིས་ནི་ས་གསུམ་པ་ལ་སྒྲིབ་པར་བྱེད་དོ། །སྙོམས་པར་འཇུག་པའི་རོ་མྱང་བ་ལ་མངོན་པར་དགའ་བའི་མ་རིག་པ་དང་། ཤིན་ཏུ་གྱ་ན…

སངས་རྒྱས་ཀྱི་ས་ལ་སྒྲིབ་པར་བྱེད་དོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ས་དང་པོ་ལ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པར་བྱེད་དོ། །ས་གཉིས་པ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པར་བྱེད་དོ། །ས་གསུམ་པ་ལ་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པར་བྱེད་དོ། །ས་བཞི་པ་ལ་བརྩོན་འགྲུས་ཀྱི་ཕ་རོལ་ཏུ་…

སུ་སྡུད་ཅིང་སྐྱེད་པར་བྱེད་དོ། །རིགས་ཀྱི་བུ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་རྣམ་པ་བཅུ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ས་དང་པོ་ལས་ཐོབ་པའི་གཟུངས་གང་ཡིན་པ་དེ་ནི་ཡོན་ཏན་ལ་གནས་པའི་སྟོབས་ཞེས་བྱའོ། །དེ་ནས་བཅོམ་ལྡན་འདས་ཀྱིས་གཟུངས་སྔགས་བཀའ་སྩ…

ཕྱིར་རྒོལ་བ་དང་། གདོན་བགེགས་དང་། སྡུག་བསྔལ་གྱིས་འཚེ་བའི་འཇིགས་པ་ཐམས་ཅད་ལས་ཐར་བར་འགྱུར་ཞིང་སྒྲིབ་པ་ལྔ་ལས་རྣམ་པར་གྲོལ་ནས་ས་གཉིས་པ་མི་བརྗེད་ཅིང་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ས་གསུམ་པ་ལས་ཐོབ་པའི་གཟུངས་གང་ཡིན་པ་དེ་ནི་ཤིན་ཏུ་རྒྱལ་བར་དཀའ་བའི་སྟོབས་ཞེས་བྱའོ། །ཏདྱ་ཐཱ…

བརྗེད་ཅིང་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ས་ལྔ་པ་ལས་འཐོབ་པའི་གཟུངས་གང་ཡིན་པ་དེ་ནི་ཡོན་ཏན་སྣ་ཚོགས་ཀྱིས་རབ་ཏུ་བརྒྱན་པ་ཞེས་བྱའོ། །ཏདྱ་ཐཱ། ཧ་རི་ཧ་རི་ཎི། ཙི་རི་ཙི་རི་ཎི། རིམཱ་ཎི། སཾ་ཀ་རི་མཱ་ཎི། སཱ་མ་བཱ་ས་ནི། ཛམྦྷ་ནི། སྟམྦྷ་ནི། མོ་ཧ་ནི། སྭ་ཡཾ་བྷུཀྐེ་སྭཱ་ཧཱ། རིགས་ཀྱི…

ལས་རྣམ་པར་གྲོལ་ཏེ། ས་དྲུག་པ་མི་བརྗེད་པར་དྲན་ནོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ས་བདུན་པ་ལས་གཟུངས་ཐོབ་པའི་མིང་རྒྱལ་བའི་ཆོས་ཀྱི་སྤྱོད་པ་ཞེས་བྱ་སྟེ། གཟུངས་ལ། ཏདྱ་ཐཱ། ཛ་ཧ་ཛ་ཧ་རུ། ཛ་ཧ་ཛ་ཧ་ཛ་ཧ་རུ། བཻ་ལུ་ཀེ་བཻ་ལུ་ཀེ། ཨ་མྲྀ་ཏག་ཎི། པུ་རུ་ཥ་ཎི། བེ་རུ་ཏེ་ཀེ་པ་རུ་བཏྟ། བི་དྷེ་ཧེ་ཀེ། བིནྡ་བི་ལེ་ནི…

དཔའ་སེམས་དཔའ་ཆེན་པོ་ས་དགུ་པ་ལས་གཟུངས་ཐོབ་པའི་མིང་དཔག་ཏུ་མེད་པའི་སྒོ་ཞེས་བྱ་སྟེ། གཟུངས་ལ། ཏདྱ་ཐཱ། ཧ་རི་ཙནྜལི་ཀེ། ཀུ་ལ་མ་བྷ་དྲི། ཏོ་ར་སི་པ་ཏ་པ་ཏ་སི། ཤི་རི་ཤི་རི་ག་ཤི་རི་ག་པི་ཤི་རི་སྭ་སྭསྟི། སརྦ་ས་ཏྭ་ནཾ་སྭ་ཧ། རིགས་ཀྱི་བུ་གཟུངས་འདི་ནི་གང་གའི་ཀླུང་དགུའི་བྱེ་མ་སྙེད་ཀྱི་གྲངས་ལས་འདས་པའི་སངས་རྒྱས་རྣམས་ཀྱིས་ས…

འཕྲོ་བས་སངས་རྒྱས་ཀྱིས་བསམ་གྱིས་མི་ཁྱབ་པའི་གཟུངས་བཤད་པ་འདི་ཐོས་ནས་འདུག་པའི་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་གུས་པར་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ་ཚིགས་སུ་བཅད་པ་འདིས་སངས་རྒྱས་ལ་བསྟོད་དོ། །དཔེ་མེད་དེ་ལ་གུས་ཕྱག་འཚལ། །ཤིན་ཏུ་ཟབ་པའི་མཚན་ཉིད་…

དེ་ནས་ཚངས་པའི་རྒྱལ་པོ་ཆེན་པོ་འདུག་པའི་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་ནས་གུས་པར་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་དཀོན་ཞིང་དཔག་ཏུ་མེད་པ་འདི་…

གཟུངས་མི་ཟད་མི་འགྲིབ་པ་དང་། སེམས་ཅན་ཐམས་ཅད་ཀྱི་ཡིད་དང་། སྤྱོད་པ་དང་། ཚིག་ལ་ཐོགས་པ་མེད་པའི་གཟུངས་མི་ཟད་མི་འགྲིབ་པ་དང་། ཉི་མའི་དཀྱིལ་འཁོར་དྲི་མ་མེད་པ་མཚན་ཉིད་ཀྱི་འོད་ཀྱི་གཟུངས་མི་ཟད་མི་འགྲིབ་པ་དང་། ཟླ་བ་རྒྱས་པའི་མཚན་ཉིད་འོད་ཀྱི་གཟུངས་མི་ཟད་མི་འགྲིབ་པ་དང་། སླད་པ་ཐམས་ཅད་ཐུལ་ནས་ཡོན་ཏན་འཕེལ་བའི་གཟུངས་མི་ཟ…

ཆོས་ཀྱི་མིག་གཙང་མ་ཐོབ་བོ། །དཔག་ཏུ་མེད་པའི་སྐྱེ་བོ་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་གསུངས་སོ། །རྒྱལ་པོའི་ཆོས་ཀྱིས་འཁོར་ཀུན་བཟློག །ཟབ་ཅིང་ཡངས་མཆོག་མཐོང་བར་དཀའ། །སྐྱེ་བོ་དམུས་ལོང་འདོད་པས་ཁེབས། །མི་མཐོང་ཕྱིར་ནི་སྡུག་བསྔལ་ལེན། །དེ་ནས་ཕལ་མང་པོ་ལྷན་ཅིག་ཏུ་འདུག་པ་ལངས་ཏེ་…

ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ལས་ཤིན་ཏུ་རྣམ་པར་དག་པའི་གཟུངས་ཀྱི་ལེའུ་སྟེ་དྲུག་པའོ།། །།གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ།བམ་པོ་ལྔ་པ། དེ་ནས་སངས་རྒྱས་ཀྱིས་བྱང་ཆུབ་ཤིང་གི་ལྷ་དགེ་བའི་ལྷ་མོ་ལ་འདི་སྐད་ཅེས་བཀའ་སྩལ་ཏོ། །ད་ཁྱོད་ཀྱིས་ཤེས་པར་གྱིས་ཤིག །བཟང་པོ་དཔལ་བྱང་ཆུབ་སེམས་དཔའི་མཚན་…

མཆོག །རྒྱལ་བ་ཀུན་གྱི་རྟག་ཏུ་འཇམ་པའོ། །བ་སྤུའི་ཁུང་ནས་རེ་རེ་འབྱུང་བ་སྟེ། །སྤུ་བྱུང་བ་ནི་གཡས་ཕྱོགས་སུ་འཁྱིལ་བ། །སྔོན་པོ་ཟླུམ་པོ་ལྟ་བུར་སྐྱེས་པའོ། །སྔོན་པོ་བརྒྱན་པ་རྨ་བྱའི་མགུལ་ལྟར་མཛེས། །སྐྱེས་མ་ཐག་ཏུ་རབ་ཏུ་སྣང་བའི་སྐུ། །ཕྱོགས་བཅུའི་འཇིག་རྟེན་ཐམས་ཅད་གང་བར་འགྱུར། །འཇིག་རྟེན་གསུམ་ན་སྡུག་བསྔལ་ཐམས་ཅད་ཞི། …

དང་། །གང་དག་འབྱུང་བ་རྡུལ་ཕྲན་མཉམ་པ་དང་། །གང་དག་བཞུགས་པ་རྡུལ་ཕྲན་མཉམ་པ་དང་། །རྒྱལ་བ་དེ་དག་རྣམས་ལ་ཕྱག་འཚལ་བ། །ལུས་དང་ངག་དང་ཡིད་ནི་དང་བས་སོ། །མེ་ཏོག་རབ་ཏུ་སྦྱིན་དང་དྲི་རབ་སྦྱིན། །ཁ་དོག་བརྒྱ་ཡང་ཤིན་ཏུ་སེམས་བཟང་གིས། །བདག་གི་ལྕེ་བརྒྱས་སངས་རྒྱས་ཡོན་ཏན་རྣམས། །བསྐལ་པ་སྟོང་དུ་བརྗོད་པར་མི་ནུས་སོ། །རྒྱལ་བ་དག་གི…

རྒྱལ་བ་ཐམས་ཅད་བསྟོད་པའི་རྒྱུ་ཡི་ཕྱིར། །ཤཱཀྱ་ཐུབ་པའི་དབང་པོ་མངོན་མཐོང་ཤོག །བདག་གིས་ལུང་བསྟན་པ་ཡང་དེར་ཐོབ་ཤོག །གང་འདི་བདག་གི་བུ་ཕོ་གཉིས་པོ་དག །གསེར་གྱི་དཔུང་པའི་དབང་དང་གསེར་གྱི་འོད། །ཁྱེའུ་འདི་གཉིས་ཀྱང་དེ་ནས་ཐོབ་པར་ཤོག །བྱང་ཆུབ་བླ་ན་མེད་པའི་ལུང་བསྟན་ཀྱང་། །སེམས་ཅན་གང་དག་སྐྱབས་དང་དཔུང་གཉེན་མེད། །མགོན་མ…

ཡི་ཞིང་དེ་འདྲ། །བདག་གིས་མ་འོངས་དུས་ན་ཐོབ་པར་ཤོག །བཟང་དཔལ་ཁྱོད་ཀྱིས་ཤེས་པར་གྱིས། །གསེར་དཔུང་དབང་པོ་ཡུལ་རྒྱལ་པོས། །སྨོན་ལམ་འདི་འདྲ་བསྐྱེད་མྱོང་བ། །དེ་ནི་ཁྱོད་ཀྱི་ལུས་ཉིད་ཡིན། །སྔོན་གྱི་དུས་ན་བུ་གཉིས་ཡོད། ། གསེར་གྱི་དཔུང་དང་གསེར་གྱི་འོད། །དེ་ནི་དངུལ་གཟུགས་དངུལ་འོད་དེ། །ང་ལས་ལུང་བསྟན་ཐོབ་པའོ། །ཕལ་མང་པོས…

གདོན་པར་བྱའོ། །ཕྱོགས་བཅུའི་སངས་རྒྱས་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕྱག་འཚལ་ལོ། །ཉན་ཐོས་དང་རང་སངས་རྒྱས་དང་འཕགས་པ་རྣམས་ལ་ཕྱག་འཚལ་ལོ། །སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཤར་ཕྱོགས་ཀྱི་སངས་རྒྱས་མི་འཁྲུགས་པ་ལ་ཕྱག་འཚལ་ལོ། །ལྷོ་ཕྱོགས་ཀྱི་སངས་རྒྱས་རིན་པོ་ཆེའི་ཏོག་ལ་ཕྱག་འཚལ་ལོ། …

གཟིགས་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་འཇམ་དཔལ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་…

པ་དང་། བྱང་ཆུབ་སེམས་དཔའ་རྒྱ་མཚོ་དང་། བྱང་ཆུབ་སེམས་དཔའ་ཀུན་ཏུ་སྤྱན་རས་གཟིགས་ཀྱི་དབང་པོ་དང་། བྱང་ཆུབ་སེམས་དཔའ་འཇམ་དཔལ་དང་། བྱང་ཆུབ་སེམས་དཔའ་མ་ཧཱ་པིང་གལ་ལ་སོགས་པ་དང་ལྷན་ཅིག་གནས་ཏེ། བྱང་ཆུབ་སེམས་དཔའ་དེ་རྣམས་ཀྱིས་སྲུང་བར་བྱེད་དོ། །དགེ་གནས་ཤེས་པར་གྱིས་ཤིག །གཟུངས་སྔགས་འདི་འདོན་པའི་ཚེ་ཆོ་ག་འདི་ལྟར་བྱའོ། །ཐོ…