པའི་ཏོག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས་ཚིགས་སུ་བཅད་པ་འདི་དག་གིས་མངོན་པར་བསྟོད་པ། ཐུབ་པ་བསོད་ནམས་བརྒྱ་ཡི་མཚན་རྫོགས་ཤིང་། །ཡོན་ཏན་ཚད་མ་མཆིས་པས་སྐུ་རབ་བརྒྱན། །རྣམ་དག་རྒྱ་ཆེན་སེམས་ཅན་ལྟ་མོས་པས། །ཉི་མ་སྟོང་བཞིན་འོད་ཀ…

དཔེར་ན་ཟླ་ཉ་ནམ་མཁའི་ཁམས་གནས་འདྲ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཛེས་པའི་ཏོག་ལ་བཀའ་སྩལ་པ། །ཁྱོད་ཀྱིས་འདི་ལྟར་དེ་བཞིན་གཤེགས་པའི་ཡོན་ཏན་གྱི་བསྔགས་པ་བརྗོད་པ་ནི་བསམ་གྱིས་མི་ཁྱབ་པ་ཡིན་པས་ཐམས་ཅད་ལ་ཕན་འདོགས་པར་འགྱུར་ཞིང་། གང་དག་ཁོང་དུ་མ་ཆུད་པ་དེ་དག་ཀྱང་རྗེས་སུ་མཐུན་པར་རྣལ་འབྱོར་སྒོམ་པ་ལ་སློབ་པར་…

མཐོང་བར་མོས། །བདག་ནི་རྟག་ཏུ་གུས་སེམས་བསྐྱེད་པས་ན། །རྟག་པར་དེ་བཞིན་གཤེགས་པའི་གདུགས་དང་མཇལ། །བདག་ནི་རྟག་ཏུ་བཅོམ་ལྡན་ཕྱག་བགྱིས་ནས། །རྟག་པར་ཞལ་ལྟ་སེམས་ཀྱིས་མི་སྤོང་སྨོན། །རབ་ཏུ་གདུང་སེམས་བར་ཆད་མ་མཆིས་པར། །རྟག་པར་རིམ་གྲོ་བགྱིས་ཀྱང་སྐྱོ་མི་བགྱིད། །བཅོམ་ལྡན་ཐུགས་རྗེའི་ཐུགས་ནི་རབ་བསྐྱེད་ནས། །མདངས་ལྡན་ཞལ་ནི་…

གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་བྱང་ཆུབ་ཀྱི་ཤིང་གི་ལྷ་མོས་བསྔགས་པ་བརྗོད་པའི་ལེའུ་སྟེ་ཉི་ཤུ་དགུ་པའོ།། །།དེ་ནས་ལྷ་མོ་སྤོབས་པ་ཆེན་མོ་སྟན་ལས་ལངས་ཏེ་གུས་པས་ཐལ་མོ་སྦྱར་ནས ་ཡང་དག་པའི་ཚིག་གིས་བཅོམ་ལྡན་འདས་ལ་མངོན་པར་བསྟོད་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ…

ཅི་གསུང་ཡང་རུང་སྟེ། རྟག་པར་སེམས་ཅན་གྱི་དོན་དུ་འགྱུར་བར་མཛད་པས་དོན་མ་མཆིས་པར་མི་གསུང་བ། ཤཱཀྱའི་རིགས་ཀྱི་ནང་ནས་སེང་གེ་ཆེན་པོར་གྱུར་པས་རབ་ཏུ་བརྟན་ཞིང་དཔའ་བ། རྣམ་པར་ཐར་པ་བརྒྱད་ཕུན་སུམ་ཚོགས་པར་གྱུར་པ་ལ་ཕྱག་འཚལ་ལོ། །དེང་བདག་གི་ཉམས་ཀྱིས་ཇི་ཙམ་ལྕོགས་པའི་རྗེས་སུ་དེ་བཞིན་ཤེགས་པའི་ཡོན་ཏན་གྱི་ཕྱོགས་ལས་ཅུང་ཟད་ཙམ…

རྒྱ་ཆེར་ཡང་དག་པར་སྤེལ་ཏེ། ཡང་དག་པའི་ཆོས་འཇིག་རྟེན་ན་ཡུན་རིང་དུ་གནས་པར་བྱེད། དེ་ནས་འཁོར་མང་པོའི་ནང་ནས་བྱང་ཆུབ་སེམས་དཔའ་ཆེན་པོ་བྱེ་བ་ཕྲག་དྲུག་ཅུ་དང་། ལྷའི་འཁོར་ཕལ་མང་པོ་བྱེ་བ་ཕྲག་དྲུག་ཅུས་མགྲིན་གཅིག་ཏུ་འདི་སྐད་ཅེས། བཅོམ་ལྡན་འདས་བདག་ཅག་ཐམས་ཅད་ལ་ཡང་མོས་པའི་སེམས་མཆིས་པས་བཅོམ་ལྡན་འདས་ཀྱིས་བསྐལ་པ་ཆེན་པོ་ཚད…

དང་མཁའ་གནས་པ། །ཡུན་རིང་འདིར་ནི་གནས་པ་རྣམས། །བཅོམ་ལྡན་བསྟན་པ་འཛིན་བགྱིད་པ། །མདོ་སྡེ་འདི་ནི་སྲུང་འཛིན་བགྱིད། །ཚངས་པའི་བཞུགས་བཞི་མཚུངས་ལྡན་ཞིང་། །འཕགས་བདེན་བཞི་ཡིས་རབ་བརྒྱན་ནས། །བདུད་བཞི་དག་ནི་ཕམ་མཛད་སླད། །མདོ་སྡེ་འདི་ནི་སྲུང་འཛིན་བགྱིད། །ནམ་མཁའ་ཐོགས་བཅས་འགྱུར་ཡང་སྲིད། །ཐོགས་བཅས་ནམ་མཁར་འགྱུར་སྲིད་ཀྱི། …

དགའ་ལྡན་ལྷར་ནི་རབ་ཏུ་འགྱུར། །བཅོམ་ལྡན་བདག་ཅག་རབ་དགའ་ནས། །ལྷ་ཡི་རྣམ་སྨིན་མཆོག་སྤངས་ནས། །འཛམ་གླིང་དག་ཏུ་གནས་ནས་ནི། །མདོ་སྡེ་འདི་ནི་སྒྲོགས་པར་བགྱིད། །དེ་ནས་མི་མཇེད་ཀྱི་འཇིག་རྟེན་གྱི་ཁམས་ཀྱི་བདག་པོ་ཚངས་པ་ལྷའི་རྒྱལ་པོས། གུས་པས་ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། བསམ་གཏན་རྣམས་དང་ཐེག་རྣམས་དང་། །རྣམ་ཐར་ཚད་…

ལ་མཆོད་པར་འགྱུར། །བདག་གིས་མདོ་སྡེ་འདི་བཟུང་ནས། །བྱེ་བའི་ལྷ་ལ་རབ་བཤད་ནས། །གུས་པས་ཉན་པར་བགྱིད་པ་དག །བྱང་ཆུབ་གནས་སུ་བསྐུལ་བར་བགྱིད། །དེ་ནས་བྱང་ཆུབ་སེམས་དཔའ་བྱམས་པས་གུས་པས་ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། བྱང་ཆུབ་ལ་ནི་རབ་གནས་ནས། །གསོལ་བ་མ་བཏབ་གྲོགས་མཐོང་ན། །ལུས་སྲོག་དག་ཀྱང་རབ་སྤངས་ནས། །མདོ་སྡེ་རྒྱལ་…

ཞེས་བསྔགས་པ་བརྗོད་ནས། །ཁྱོད་ཀྱིས་འདི་ལྟར་མདོ་སྡེའི་རྒྱལ་པོ་མཆོག་དམ་པ་འདི། སེམས་རྩེ་གཅིག་ཏུ་རྒྱ་ཆེར་སྤེལ་ནས། ང་ཡོངས་སུ་མྱ་ངན་ལས་འདས་པའི་འོག་ཏུ་ཡང་། །འཐོར་ཞིང་ནུབ་པར་མི་འགྱུར་བར་བྱེད་པ་དེ་ནི། བླ་ན་མེད་པའི་བྱང་ཆུབ་ཀྱི་རྒྱུ་ཡང་དག་པ་ཡིན་པས། བསོད་ནམས་ཇི་སྙེད་ཅིག་འཐོབ་པར་འགྱུར་བ་ནི། བསྐལ་པ་གང་གཱའི་ཀླུང་གི་…

རྒྱ་གར་སྐད་དུ། ཨཱཪྱ་སུ་ཝརྞྞ་པྲ་བྷཱ་སོཏྟ་མ་སཱུ་ཏྲེནྡྲ་རཱ་ཛ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་དང་པོ། །འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས་ཐམས་ཅད་ལ…

ཆུབ་སེམས་དཔའ་སེམས་དཔའ་ཆེན་པོ་བྱེ་བ་བརྒྱ་སྟོང་དང་ཡང་ཐབས་ཅིག་པ་དེ་དག་ཀྱང་། ཀླུའི་རྒྱལ་པོ་ཆེན་པོ་ལྟར་དཔལ་དང་གཟི་བརྗིད་ཆེན་པོར་ལྡན་པས་ཀུན་དུ་གྲགས་པ། སྦྱིན་པ་དང་། ཚུལ་ཁྲིམས་རྣམ་པར་དག་པ། རྟག་ཏུ་སྲུང་བར་མོས་པ་དང་། བཟོད་པ་དང་། བརྩོན་འགྲུས་བསྐལ་པ་གྲངས་མེད་པར་སྤྱོད་པ་བསམ་གཏན་ཀུན་ལས་འདས་པའི་དྲན་པ་མངོན་དུ་གྱུར་…

རྟག་ཏུ་བརྩོན་པ་དང་། བྱང་ཆུབ་སེམས་དཔའ་མི་གཏོང་བརྩོན་པ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་འཇམ་དཔལ་དང་། བྱང་ཆུབ་སེམས་དཔའ་ཀུན་ཏུ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་གཟུངས་ཀྱི་དབང་ཕྱུག་རྒྱལ་པོ་དང་། བྱང་ཆུབ་སེམས་དཔའ་སྤོབས་པ་ཆེན་པོས་བཀོད་པའི་རྒྱལ་པོ་དང་། བྱང་ཆུབ་སེམས་དཔའ་ལྷུན་པོའི་…

དཔའ་སྤྲིན་ཆེན་བཀྲ་ཤིས་དང་། བྱང་ཆུབ་སེམས་དཔའ་སྤྲིན་ཆེན་རིན་ཆེན་དཔལ་དང་། བྱང་ཆུབ་སེམས་དཔའ་སྤྲིན་ཆེན་ཉི་མའི་སྙིང་པོ་དང་། བྱང་ཆུབ་སེམས་དཔའ་སྤྲིན་ཆེན་ཟླ་བའི་སྙིང་པོ་དང་། བྱང་ཆུབ་སེམས་དཔའ་སྤྲིན་ཆེན་སྐར་མའི་འོད་དང་། བྱང་ཆུབ་སེམས་དཔའ་སྤྲིན་ཆེན་མེའི་འོད་དང་། བྱང་ཆུབ་སེམས་དཔའ་སྤྲིན་ཆེན་གློག་གི་འོད་དང་། བྱང་ཆུ…

ཕྱག་འཚལ་ཏེ། ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འདུག་གོ། །གཞན་ཡང་ལྷའི་སྲས་པོ་ལ་འདི་ལྟ་སྟེ། ལྷའི་སྲས་པོ་དགའ་བ་མཐོང་བ་དང་། ལྷའི་སྲས་པོ་རབ་དགའ་དང་། ལྷའི་སྲས་པོ་ཉི་འོད་དང་། ལྷའི་སྲས་པོ་ཟླ་བའི་གཙུག་ཕུད་དང་། ལྷའི་སྲས་པོ་ཤེས་རབ་གསལ་དང་། ལྷའི་སྲས་པོ་ནམ་མཁའ་རྣམ་དག་ཤེས་རབ་དང་། ལྷའི་སྲས་པོ་ཉོན་མོངས་ནད་སེལ་དང…

སྦྱིན་དེ་དག་ཀྱང་། དེ་བཞིན་གཤེགས་པའི་ཆོས་ཡང་དག་པ་ལ་དད་ཅིང་བསྲུང་བ་ལ་བརྩོན་པ་ཤ་སྟག་སྟེ། དེ་དག་ཐམས་ཅད་ཀྱང་ཕྱི་དྲོའི་དུས་ཀྱི་ཚེ། བཅོམ་ལྡན་འདས་ག་ལ་བ་དེར་ལྷགས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ། །གཞན་ཡང་ནམ་མཁའ་ལྡིང་གི་རྒྱལ་པོ་སྤོས་ཀྱི་གླང་པོ་ཆེ་མཐ…

མི་འཁྲུགས་པས་ནི་ཤར་ཕྱོགས་སུ། །རིན་ཆེན་རྟོག་གིས་ལྷོ་ཕྱོགས་སུ། །འོད་དཔག་མེད་ཀྱིས་ནུབ་ཕྱོགས་སུ། །རྔ་སྒྲ་ཡིས་ནི་བྱང་ཕྱོགས་སུ། །སྡིག་པ་ཐམས་ཅད་གཞིག་པའི་ཕྱིར། །བཤད་པ་དམ་པ་བཀྲ་ཤིས་པ། །སྡིག་པའི་ལས་རྣམས་ཟད་བྱེད་པ། །བདེ་བ་ཐམས་ཅད་སྦྱིན་བྱེད་པ། །སྡུག་བསྔལ་ཐམས་ཅད་འཇིག་བྱེད་པ། །ཐམས་ཅད་མཁྱེན་པ་ཉིད་ཀྱི་གཞི། །དཔལ་ཀུན…

རྒྱས་ཀུན་གྱི་གསང་བ་སྟེ། །བསྐལ་པ་བྱེ་བར་རྙེད་དཀའ་བ། །མདོ་འདི་རབ་ཏུ་བཤད་པར་བྱ། །གང་དག་མདོ་འདི་ཉན་པ་དང་། །གང་དག་གཞན་ལ་ཐོས་བྱེད་དང་། །གང་དག་རྗེས་སུ་ཡི་རང་དང་། །གང་དག་མཆོད་པ་བྱེད་པ་རྣམས། །དེ་དག་ལྷ་དང་ཀླུ་དག་དང་། །མི་དང་མི་འམ་ཅི་དག་དང་། །ལྷ་མིན་གནོད་སྦྱིན་དུ་མ་ཡིས། །བསྐལ་པ་བྱེ་བར་མཆོད་པར་འགྱུར། །སྲོག་ཆགས་…

རིང་བར་འགྱུར་ཏེ། གཉིས་གང་ཞེ་ན། འདི་ལྟ་སྟེ། སྲོག་གཅོད་པ་སྤངས་པ་དང་། ཁ་ཟས་རབ་ཏུ་སྦྱིན་པའོ། །ཞེས་གསུངས་ཏེ། བཅོམ་ལྡན་འདས་ཤཱཀྱ་ཐུབ་པ་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་མང་པོ་ནས། སྲོག་གཅོད་པ་སྤངས་པར་གྱུར་པ་ནས། དགེ་བ་བཅུའི་ལས་ཀྱི་ལམ་གྱི་བར་དུ་ཡང་དག་པར་བླངས་ཏེ་གནས་པར་གྱུར། ཁ་ཟས་ཀྱང་ཕྱི་ནང་གི་དངོས…

སྒྲ་ཡང་བྱུང་ངོ་། །སངས་རྒྱས་ཀྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱང་ལྷའི་བདེ་བ་དང་ལྡན་པར་གྱུར་ཏེ། སེམས་ཅན་དབང་པོ་མ་ཚང་བ་རྣམས་ནི། དབང་པོ་ཐམས་ཅད་དང་ལྡན་པར་གྱུར། སེམས་ཅན་དམུས་ལོང་རྣམས་ནི་མིག་གིས་གཟུགས་རྣམས་མཐོང་། སེམས་ཅན་འོན་པ་དག་གིས་ནི་རྣ་བས་སྒྲ་རྣམས་ཐོས། སེམས་ཅན་…