སངས་རྒྱས་རྣམས་མ་གཏོགས་པར། ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་། བྲམ་ཟེའི་སྐྱེ་དགུ་དང་བཅས་པའི་འཇིག་རྟེན་ན། ལྷ་དང་། མི་དང་། ལྷ་མ་ཡིན་དུ་བཅས་པ་ན། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་སྐུ་ཚེའི་ཚད་ཀྱི་མཐའ། ཕྱི་མའི་མཐའི་མུའི་བར་དུ་ཡང་རྟོགས་པར་ནུས་པ་ངེད་ཀྱིས་སུ་ཡང་མ་མཐོང་ངོ་། །སངས…

པ་སྟེ། །དེ་ཕྱིར་བདག་ཉིད་ཆེན་པོ་དེའི། །སྐུ་ཚེའི་ཚད་གྲངས་མི་རྙེད་དེ། །བསྐལ་པ་འདི་སྙེད་ཅིག་ཅེ་འམ། །གྲངས་མེད་པ་ཡང་དེ་བཞིན་ཏེ། །དེ་བས་ཐེ་ཙོམ་མེད་པར་འགྱུར། །ཐེ་ཙོམ་ཅུང་ཟད་མ་ཟ་ཤིག །རྒྱལ་བའི་སྐུ་ཚེའི་ཐ་མ་ཡི། །གྲངས་ནི་གང་དུའང་མི་དམིགས་སོ། །དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས། བཅོམ་ལྡན་འདས་ཤཱཀྱ་ཐུབ་པའི་སྐ…

སྐུར་པ་འདེབས་པ་མེད་པར་འགྱུར་བས། དེའི་ཕྱིར་དེ་བཞིན་གཤེགས་པས་སྐུ་ཚེ་ཐུང་བར་བསྟན་ཏོ། །དེ་ཡང་དེ་བཞིན་གཤེགས་པ་རྟག་ཏུ་བཞུགས་ཤིང་མྱ་ངན་ལས་མི་འདའ་ན། སེམས་ཅན་རྣམས་གུས་པ་མེད་པ་དང་། ཕྲད་པར་དཀའ་བའི་འདུ་ཤེས་ཀྱང་མི་སྐྱེད་པས། དེ་བཞིན་གཤེགས་པས་གསུངས་པའི་མདོ་ཟབ་མོ་དག་འཛིན་ཅིང་། ཀློག་པ་དང་། ཀུན་ཆུབ་པར་བྱེད་པ་དང་། གཞན…

ལ་ཡང་བདེན་པའི་འདུ་ཤེས་དང་། ཡོངས་སུ་གཟུང་བའི་འདུ་ཤེས་བསྐྱེད་ཅིང་སྐུར་པ་འདེབས་པར་མི་བྱེད་དོ། །རིགས་ཀྱི་བུ་དེ་ལྟ་བས་ན། དེ་བཞིན་གཤེགས་པ་རྒྱུ་དེ་དང་རྐྱེན་དེའི་ཕྱིར། འཇིག་རྟེན་ན་ཡུན་རིང་དུ་མི་བཞུགས་ཤིང་མྱུར་དུ་མྱ་ངན་ལས་འདའ་བར་མཛད་པས། དེ་བཞིན་གཤེགས་པ་རྣམས་ནི་ཐབས་མཁས་པ་ཕུན་སུམ་ཚོགས་པ་དེ་ལྟ་བུས། སེམས་ཅན་རྣམས…

བཀའ་སྩལ་པ་དེ་བཞིན་དུ་གསོལ་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། བྱང་ཆུབ་སེམས་དཔའ་དེ་དག་ལ་ལེགས་སོ་ཞེས་བཀའ་སྩལ་ཏེ། ལེགས་སོ་ལེགས་སོ། །དེ་བཞིན་གཤེགས་པ་བཞིས་ཀྱང་སེམས་ཅན་ཐམས་ཅད་ལ་ཕན་པ་དང་། བདེ་བའི་དོན་དུ་དམ་པའི་ཆོས་འདི་བཤད་པར་ང་ལ་བསྐུལ་བ་མཛད་པས། དེ…

དམ་པ་སྦྱིན་ནོ། །བྲམ་ཟེས་སྨྲས་པ། ལིཙྪ་བཱི་གཞོན་ནུ་བདག་ནི། བཅོམ་ལྡན་འདས་ལ་མཆོད་པ་དང་། རིང་བསྲེལ་གྱི་ཕྱེ་མ་དགོས་པའི་ཕྱིར། བཅོམ་ལྡན་འདས་ཀྱི་རིང་བསྲེལ་ཡུངས་འབྲུ་ཙམ་ལ་བརྟེན་པར་འདོད་དོ། །རིང་བསྲེལ་ཡུངས་འབྲུ་ཙམ་དེ་མངོན་པར་མཆོད་ན། སུམ་ཅུ་རྩ་གསུམ་གྱི་ལྷ་རྣམས་ཀྱི་བདག་པོ་འབའ་ཞིག་འཐོབ་ཅེས་གྲག་གོ། །ཀྱེ་ལིཙྪ་བཱི་ག…

ཐོག་ལེགས་པར་བྱས་གྱུར་ཏེ། །བརྟན་ཞིང་རབ་ཏུ་མི་གཡོ་ན། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་སྲིན་བུ་པདྨ་ཀུན། །སོ་ནི་དཀར་པོར་སྐྱེས་གྱུར་ཏེ། །རྣོ་ཞིང་ཆེན་པོར་གྱུར་པ་ན། །དེ་ཚེ་རིང་བསྲེལ་ཡོད་པར་འགྱུར། །མཐོ་རིས་སུ་ནི་འཛེག་པའི་ཕྱིར། ། ནམ་ཞིག་རི་བོང་རྭ་རྣམས་ལས། །སྐས་ནི་ལེགས་པར་བྱས་གྱུར་པ། །དེ་ཚེ་རིང་བསྲེལ་ཡོ…

ལ་མཉན་པར་གྱིས། །སངས་རྒྱས་ཡུལ་ནི་བསམ་མི་ཁྱབ། །དེ་བཞིན་གཤེགས་རྣམས་མཚུངས་པ་མེད། །སངས་རྒྱས་ཐམས་ཅད་རྟག་ཏུ་ཞི། །སངས་རྒྱས་ཐམས་ཅད་ཡང་དག་འབྱུང་། །སངས་རྒྱས་ཐམས་ཅད་ཁ་དོག་མཚུངས། །འདི་ནི་སངས་རྒྱས་ཆོས་ཉིད་ཡིན། །བཅོམ་ལྡན་འདི་ནི་བཅོས་མ་མིན། །དེ་བཞིན་གཤེགས་པ་མ་སྐྱེས་ཏེ། །རྡོ་རྗེ་ལྟ་བུར་སྲ་བའི་སྐུ། །སྤྲུལ་པའི་སྐུ་ནི་…

བ་བཏུད་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་སངས་རྒྱས་བཅོམ་ལྡན་འདས་དེ་དག་མྱ་ངན་ལས་མི་འདའ་ལ། རིང་བསྲེལ་འཇིག་རྟེན་དུ་བཞག་པ་ཡང་མ་མཆིས་ན། ཅིའི་སླད་དུ་མདོ་སྡེ་དག་ལས་སངས་རྒྱས་མྱ་ངན་ལས་འདའ་ཞིང་། རིང་བསྲེལ་འཇིག་རྟེན་དུ་བཞག་པ་ལ་ལྷ་དང་མིས་གུས་པ་དང་བཅས། བཀུར་སྟི་དང་བཅས་པས་འདས་པའི་སངས་རྒྱས་བཅོམ་ལྡན་འདས་…

པའི་ཕྱིར་མྱ་ངན་ལས་འདས་པ་ཞེས་བྱ་བ་དང་། འཁོར་བ་དང་མྱ་ངན་ལས་འདས་པའི་རང་བཞིན་གཉིས་སུ་མེད་པར་མངོན་དུ་གཟིགས་པས། མྱ་ངན་ལས་འདས་པ་ཞེས་བྱ་བ་དང་། ཆོས་ཐམས་ཅད་ཀྱི་ངོ་བོ་ཉིད་རྟོགས་པས། རྣམ་པར་དག་པ་མངོན་དུ་གྱུར་པའི་ཕྱིར་མྱ་ངན་ལས་འདས་པ་ཞེས་བྱ་བ་དང་། ཆོས་ཐམས་ཅད་སྐྱེ་བ་དང་། འཇིག་པ་མེད་པའི་སྒྲུབ་པ་ལ་མཁས་པས་མྱ་ངན་ལས་འདས…

པ་ཞེས་བྱ་བ་དང་། ཉོན་མོངས་པ་དང་། ཉེ་བའི་ཉོན་མོངས་པ་དག་བློ་བུར་ཉིད་དུ་གཟིགས་ཤིང་། གང་ཆོས་ཉིད་དེ་ནི་གནས་པ་སྟེ། འགྲོ་བ་དང་འོང་བ་མེད་པར་སངས་རྒྱས་བཅོམ་ལྡན་འདས་ཀྱིས་མངོན་དུ་གྱུར་པའི་ཕྱིར། མྱ་ངན་ལས་འདས་པ་ཞེས་བྱ་བ་དང་། ཡང་དག་པ་ནི་བདེན་པ་སྟེ། དེ་ལས་གཞན་པ་ནི་བརྫུན་པའོ། །གང་བདེན་པ་དེ་ཉིད་ནི་ཡང་དག་པ་སྟེ། ཡང་དག་པ…

པའི་རྣམ་པར་རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་བཟོད་པ་དང་། བཟོད་པའི་འབྲས་བུ་ལ་བདག་དང་བདག་གིར་བྱ་བ་མེད་པར་རབ་ཏུ་ཤེས་པས། བཟོད་པ་དེ་དང་དེའི་འབྲས་བུ་ལ་ལོག་པའི་རྣམ་པར་རྟོག་པ་ཡོངས་སུ་སྤངས་པས། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་བརྩོན་འགྲུས་དང་། བརྩོན་འགྲུས་ཀྱི་འ…

བ་དང་དཔག་པ་མི་མངའ་བས་དེའི་ཕྱིར། མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པས་སེམས་ཅན་དང་། ཆོས་ཀྱི་རང་བཞིན་ཀུན་སྟོང་པ་དང་། སྟོང་པ་དེ་ལས་གཞན་པ་ལའང་ཡོད་པ་མ་ཡིན་པ་དང་། སྟོང་པའི་རང་བཞིན་དེ་ཉིད་ཡང་དག་པའི་ཆོས་ཀྱི་སྐུ་ཡིན་པས་དེའི་ཕྱིར། དེ་ལ་མྱ་ངན་ལས་འདས་པ་ཞེས་བྱ་སྟེ། རིགས་ཀྱི་བུ་ཆོས་བཅུ་པོ་དེ་དག་གིས་ནི་མྱ་…

འདབ་ཏུ་གཤེགས་ཤིང་། རྒྱལ་པོ་དང་། བློན་པོ་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ལ་སོགས་པའི་ཁྱིམ་དུ་བསོད་སྙོམས་བླང་ངོ་སྙམ་དུ་མི་དགོངས་མོད་ཀྱི། སྔོན་གྱི་སྐུ་དང་། གསུང་དང་། ཐུགས་ཀྱི་སྤྱོད་པ་ལ་གོམས་པའི་མཐུས། ལྷུན་གྱིས་གྲུབ་པར་བསོད་སྙོམས་ལ་གཤེགས་ཤིང་ཕན་པའི་དོན་མཛད་པ་དེ་ནི། དེ་བཞིན་གཤེགས…

པ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །དེ་བཞིན་གཤེགས་པ་ནི་ཆོས་འགའ་ཙམ་ཡང་མི་མཁྱེན་པའམ། ཐུགས་སུ་མ་ཆུད་པ་མི་མངའ་བ་དང་། གནས་ཐམས་ཅད་དུ་མེ་ལོང་ལྟ་བུའི་ཡེ་ཤེས་མངོན་དུ་གྱུར་པས། རྣམ་པར་མི་རྟོག་མོད་ཀྱི། དེ་བཞིན་གཤེགས་པས་སེམས་ཅན་འདི་དག་གི་ལས་དང་སྤྱོད་པ་ལ་གཟིགས་ནས། དེ་དག་གི་བསམ་པ་དང་མཐུན་པར་སྦྱོར་བས། ཐབས་…

ཀྱིས་ནན་ཏན་དུ་བསྒྲུབ་ཅིང་གཡེལ་བ་མེད་པར་བྱའོ། །དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས། བཅོམ་ལྡན་འདས་མྱ་ངན་ལས་མི་འདའ་བའི་དོན་དང་། བཟོད་པ་ཟབ་མོ་བསྟན་པ། བཅོམ་ལྡན་འདས་ལ་མངོན་དུ་ཐོས་ནས། ཐལ་མོ་སྦྱར་བ་བཏུད་དེ། འདི་སྐད་ཅེས་གསོལ་ཏོ། །དེང་གཟོད་བདག་གིས་དེ་བཞིན་གཤེགས་པ་སྟོན་པ་ཆེན་པོ་མྱ་ངན་ལས་མི་འདའ་བ་དང་། རིང་བ…

བྱའོ། །རིགས་ཀྱི་བུ་དེ་བཞིན་གཤེགས་པ་ཐམས་ཅད་ལ་སྐུ་རྣམ་པ་གསུམ་མངའ་སྟེ། གསུམ་གང་ཞེ་ན། སྤྲུལ་པའི་སྐུ་དང་། ལོངས་སྤྱོད་རྫོགས་པའི་སྐུ་དང་། ཆོས་ཀྱི་སྐུའོ། །འདི་ལྟ་བུ་སྐུ་གསུམ་ལྷུན་གྱིས་གྲུབ་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་ཏེ། གང་གིས་དེ་མངོན་དུ་གྱུར་པ་རྣམས་འཁོར་བ་ལས་འབྱུང་བར་བྱེད་དོ། །དེ་ལ་ཇི་ལ…

དེ་ཁོ་ན་ཉིད་དང་ཡང་དག་པའི་ཡེ་ཤེས་ཉིད་ཙམ་དུ་གནས་པ། དེ་ནི་ཆོས་ཀྱི་སྐུ་ཞེས་བྱའོ། །སྐུ་སྔ་མ་དེ་གཉིས་ནི་བཏགས་པ་ཙམ་མོ། །ཆོས་ཀྱི་སྐུ་ནི་ཡང་དག་པ་སྟེ། སྐུ་དེ་གཉིས་ཀྱི་གཞི་བྱེད་དོ། །དེ་ཅིའི་ཕྱིར་ཞེ་ན། ཆོས་ཀྱི་སྐུ་དེ་བཞིན་ཉིད་དང་། རྣམ་པར་མི་རྟོག་པའི་ཡེ་ཤེས་ལས་གུད་ན་སངས་རྒྱས་རྣམས་ཀྱི་ཆོས་གང་ཡང་མེད་པའི་ཕྱིར་རོ། །…

རྟོག་པ་མི་མངའ་ཞིང་། ཕྲིན་ལས་ལ་མངའ་བརྙེས་པ་ཡིན་ཞེ་ན། རིགས་ཀྱི་བུ་དཔེར་ན་དེ་བཞིན་གཤེགས་པ་མྱ་ངན་ལས་འདས་ཀྱང་སྨོན་ལམ་ལ་མངའ་བརྙེས་པས་ཕྲིན་ལས་ཀྱི་རྣམ་པ་ཐམས་ཅད་ཀྱང་མཛད་དེ། དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ཀྱིས་དོན་ཐམས་ཅད་གྲུབ་པར་མངའ་མཛད་པའང་དེ་བཞིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་…

ལ་བརྟེན་ནས། སངས་རྒྱས་བཅོམ་ལྡན་འདས་རྣམས་མི་གནས་པའི་མྱ་ངན་ལས་འདས་པ་ལ་གནས་པ་ཞེས་བཤད་དོ། །སྐུ་གཉིས་ལ་ནི་མྱ་ངན་ལས་འདས་པ་ཞེས་མི་གསུང་སྟེ། ཆོས་ཀྱི་སྐུ་ལས་གཞན་པའི་སངས་རྒྱས་མེད་པའི་ཕྱིར་རོ། །ཅིའི་ཕྱིར་སྐུ་གཉིས་པོ་ལ་མྱ་ངན་ལས་འདས་པ་ཞེས་མི་བྱ་ཞེ་ན། སྐུ་དེ་གཉིས་ནི་ཡང་དག་པ་མ་ཡིན་པ་བཏགས་པ་ཙམ་པས། སྐད་ཅིག་ཏུ་སྐྱེ་ཞི…