འདས་མང་ལགས་སོ། །བདེ་བར་གཤེགས་པ་མང་ལགས་སོ། །བཀའ་སྩལ་པ། ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་གང་མདོ་འདི་འཛིན་ཏམ། ཀུན་ཆུབ་པར་བྱེད་དམ། འདོན་པར་བྱེད་དམ། ཀློག་གམ། སྐྱེ་བོ་མང་པོ་ལ་ཡང་དག་པར་རབ་ཏུ་སྟོན་ཏམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་འདེབས་ན། དེ་ནི་དེ་བས་བསོད་ནམས་ཆེས་མང་དུ་སྐྱེད་དོ། …

ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །ཀཽ་ཤི་ཀ་དེ་དེ་བཞིན་ཏེ། དེ་ཅིའི་ཕྱིར་ཞེ་ན། ལྷའི་དབང་པོ་ངས་མངོན་པར་ཤེས་ཏེ། འདི་ནས་བསྐལ་པ་གྲངས་མེད་པའི་ཡང་ཆེས་གྲངས་མེད་པར་གྱུར་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་གྱི་ཕུང་པོ་ཆེན་པོ་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇ…

སྐྱེས་པའི་དབང་པོ་ཐོབ་ནས། རྟག་པར་རྒྱུན་དུ་ལྷ་དང་མི་རྣམས་ཀྱི་ནང་དུ་སྐྱེས་ཏེ། ལན་བརྒྱད་ཁྲི་བཞི་སྟོང་དུ་འཁོར་ལོས་སྒྱུར་བའི་རྒྱལ་པོ་བྱས་ནས།དེ་བཞིན་གཤེགས་པ་རིན་ཆེན་འོད་འཕྲོ་ཞེས་བྱ་བར་གྱུར་ཏོ། །ཀཽ་ཤི་ཀ་འདི་ནས་ཤར་ཕྱོགས་ན་སངས་རྒྱས་ཀྱི་ཞིང་བྱེ་བ་སྟོང་ཕྲག་བརྒྱ་ན་ཆོས་སྟོན་ཏེ་ངས་ད་ལྟ་ན་ཡང་མཐོང་ངོ་། །ཀཽ་ཤི་ཀ་སུ་ད…

འདི་སྐད་ཅེས་གསོལ་ཏོ། །དེ་དེ་ལྟ་ལགས་སོ། །བཅོམ་ལྡན་འདས་ཡུལ་འཁོར་གང་དུ་མདོ་སྡེའི་དབང་པོ་འདི་ཀློག་ཅིང་འདོན་པ་དང་། སྟོན་པ་དེའི་རྒྱལ་པོ་དང་། ཡུལ་འཁོར་དེར་མཆིས་ཏེ། དེ་ལ་བདག་ཅག་གིས་རྟག་ཏུ་བསྲུང་བ་དང་། ལྷན་ཅིག་གནས་པར་བགྱིས་ཏེ། རྒྱལ་པོ་དེའི་ཕས་ཀྱི་དགྲ་དང་། གནོད་པ་དང་། བར་ཆད་དང་། ནད་དང་། མྱ་ངན་ལ་སོགས་པ་ཐམས་ཅད་…

ལ་ཕན་ཡོན་འདི་བཞི་འབྱུང་སྟེ། བཞི་གང་ཞེ་ན། གོས་དང་། བསོད་སྙོམས་དང་། མལ་ཆ་དང་། སྨན་ལ་སོགས་པས་ཕོངས་པར་མི་འགྱུར་བ་དང་། དེ་དག་ཀུན་ཀྱང་ཀློག་པ་དང་། འདོན་པའི་བསམ་པས་སེམས་བདེ་བར་འགྱུར་བ་དང་། རི་དང་ནགས་ཚལ་ལ་སོགས་པར་གནས་པས་བདེ་བར་གནས་པར་འགྱུར་བ་དང་། གང་བརྣག་པར་བྱ་བའི་བསམ་པ་དེ་ཡོངས་སུ་རྫོགས་པར་འགྱུར་བ་དང་བཞི་པོ་…

གྲོས་མི་ཟད་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་རིན་པོ་ཆེ་སྣ་ཚོགས་ཀྱི་མེ་ཏོག་གི་གདུགས་དང་། མེ་ཏོག་གི་ཕུར་མས་མཆོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་ཀྱི་སེམས་བྱང་ཆུ…

ཅད་ཀྱི་རྗེས་སུ་སོང་བའི་སེམས་དེ་ནི། བྱང་ཆུབ་ཀྱི་སེམས་ཞེས་བྱའོ། །བྱང་ཆུབ་ནི་འདས་པ་དང་། མ་འོངས་པ་དང་། ད་ལྟར་བྱུང་བ་ཡང་མ་ཡིན་ཏེ། སེམས་ཀྱང་དེ་བཞིན་ནོ། །ཆོས་ཐམས་ཅད་མི་དམིགས་པའི་ཕྱིར་འདི་ལ་ཅི་ཡང་རྙེད་པ་མེད་དེ། བྱང་ཆུབ་ཀྱང་མེད། བྱང་ཆུབ་ཏུ་གདགས་པ་ཡང་མེད། སེམས་ཅན་ཡང་མེད། སེམས་ཅན་དུ་གདགས་པ་ཡང་མེད། ཉན་ཐོས་ཀྱང་མ…

དེ་ལ་རྒྱུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །སེམས་བསྐྱེད་པ་བདུན་པ་ནི་དེད་དཔོན་མཛོད་ཆེན་པོས་ཕྱུག་པ་ལྟ་བུར་འཁོར་བའི་འབྲོག་དགོན་པ་ལས་སྒྲོལ་བའི་ཚུལ་གྱིས། བསམ་པ་ཐམས་ཅད་ཡོངས་སུ་རྫོགས་པར་བྱེད་པས་དེ་ལ་ལེགས་པར་བརྒྱན་པ་ལྟ་བུར་བལྟ་སྟེ། དེ་ལ་རྒྱུ་ནི་ཐབས་མཁས་པའི་ཕ་རོལ་ཏུ་ཕྱིན་པའོ། །སེམས་བསྐྱེད་པ་བརྒྱད་པ་ནི་ཟླ་བ་ཉ…

ཡེ་ཤེས་འདོད་པ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་སྦྱིན་པའི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་བའི་ཆོས་རྣམ་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི། སྔོན་དུ་འགྲོ་བའི་ཆོས་རྣམ་པ་བཅུ་སྟེ། བཅུ་གང་ཞེ་ན་འདི་ལྟ་སྟེ། ལུས་ཀྱི་ལས་ཡོངས་སུ་དག་པ་…

ཀྱི་བྱ་བ་ཅི་ཡོད་སྙམ་པ་སྔོན་དུ་འགྲོ་བ་དང་། དགེ་བའི་ལུས་དང་། ངག་དང་ཡིད་མངོན་པར་བསྒྲུབ་པ་ལ་རྗེས་སུ་ཡི་རང་བ་སྔོན་དུ་འགྲོ་བ་དང་། ཞུམ་པ་མེད་པ་སྔོན་དུ་འགྲོ་བ་དང་། ཕྱིར་མི་ལྡོག་པའི་ས་ལ་བསྡུ་བ་ཐོབ་པར་བྱ་བ་སྔོན་དུ་འགྲོ་བ་དང་། ཡང་དག་པའི་རྩོལ་བ་སྔོན་དུ་འགྲོ་བ་དང་། དྲན་པ་ཉེ་བར་གཞག་པ་སྔོན་དུ་འགྲོ་བ་དང་། ཉོན་མོངས་…

མཁས་པ་སྔོན་དུ་འགྲོ་བ་དང་། ལྟ་བར་གྱུར་པ་ཐམས་ཅད་བསལ་བ་སྔོན་དུ་འགྲོ་བ་དང་། ཤེས་རབ་ཀྱི་དབང་པོ་སྔོན་དུ་འགྲོ་བ་དང་། མི་སྐྱེ་བའི་ཆོས་ལ་བཟོད་པ་སྔོན་དུ་འགྲོ་བ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བ་སྔོན་དུ་འགྲོ་བ་དང་། སྒྲིབ་པ་མེད་པའི་ཡེ་ཤེས་མཐོང་བ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་…

སྔོན་དུ་འགྲོ་བ་དང་། སེམས་ཅན་ཐམས་ཅད་ཀྱི་བསམ་པ་དང་། ལྷག་པའི་བསམ་པ་དང་། མོས་པ་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། འཇིག་རྟེན་གྱི་ཁམས་ཐ་དད་པ་དང་། ཁམས་གསུམ་གྱི་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། སེམས་ཅན་ཐམས་ཅད་ཀྱི་བསམ་པ་དང་། བག་ལ་ཉལ་གྱི་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་།…

སྟེ། བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་རྣམ་པར་དབྱེ་བ་ལ་ཤིན་ཏུ་རྣམ་པར་བརྟགས་པ་སྔོན་དུ་འགྲོ་བ་དང་། དཀར་པོའི་ཆོས་ཤིན་ཏུ་ཡོངས་སུ་རྫོགས་པ་སྔོན་དུ་འགྲོ་བ་དང་། བྱང་ཆུབ་ཀྱི་ཚོགས་བསགས་པ་དཔག་ཏུ་མེད་པ་སྔོན་དུ་འགྲོ་བ་དང་། བསོད་ནམས་དང་ཡེ་ཤེས་ཀྱི་ཚོགས་ཆེན་པོ་ཡོངས་སུ་བཟུང་བ་སྔོན་དུ་འགྲོ་བ་དང་། སྙིང་རྗེ་ཆེན་པོ་ཡང…

ཕ་རོལ་ཏུ་ཕྱིན་པའི་དོན་ནོ། །བསམ་གཏན་མཉམ་པ་ཉིད་ཡོངས་སུ་རྫོགས་པར་བྱེད་པའི་དོན་ནི། ཕ་རོལ་ཏུ་ཕྱིན་པའི་དོན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཤེས་པར་མཁས་པ་ཡོངས་སུ་རྫོགས་པར་བྱེད་པའི་དོན་ནི། ཕ་རོལ་ཏུ་ཕྱིན་པའི་དོན་ནོ། །བརྩོན་འགྲུས་མཉམ་པ་ཉིད་ཡོངས་སུ་རྫོགས་པར་བྱེད་པའི་དོན་ནི། ཕ་རོལ་ཏུ་ཕྱིན་པའི་དོན་ནོ། །བསམ་གཏན་…

དོན་ནི། ཕ་རོལ་ཏུ་ཕྱིན་པའི་དོན་ནོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་སེམས་དཔའི་ས་དང་པོའི་སྔ་ལྟས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཏེར་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་གང་བར་མཐོང་ངོ་། །རིགས་ཀྱི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་སེམས་དཔའི་…

ངོ་། །རིགས་ཀྱི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་སེམས་དཔའི་ས་བརྒྱད་པའི་སྔ་ལྟས་ནི། ཕྲག་པ་གཉིས་ན་རི་དགས་ཀྱི་རྒྱལ་པོ་སེང་གེ་རལ་པ་ཅན་ཅོད་པན་ཐོགས་པ། གཅན་གཟན་ཕྲ་མོ་ཐམས་ཅད་སྐྲག་པར་བྱེད་ཅིང་འདུག་པར་མཐོང་ངོ་། །རིགས་ཀྱི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་སེམས་དཔའི་ས་དགུ་པའི་སྔ…

ཐབས་དང་། མཆོག་གི་ཡེ་ཤེས་ལ་དབང་སྒྱུར་བར་དཀའ་བ་དང་། མཐོང་བ་དང་། བསྒོམས་པས་སྤངས་པའི་ཉོན་མོངས་པ་ཐུལ་བར་དཀའ་བ་ཐུལ་བའི་ཕྱིར་ས་ལྔ་པ་ལ་ཤིན་ཏུ་སྦྱང་དཀའ་བ་ཞེས་བྱའོ། །འདུ་བྱེད་ཀྱི་ཆོས་བར་ཆད་མེད་པར་མངོན་དུ་གྱུར་ཏེ། མཚན་མ་མེད་པ་ཡིད་ལ་བྱེད་པ་ཐམས་ཅད་མངོན་དུ་བྱེད་པས། ས་དྲུག་པ་ལ་མངོན་སུམ་པ་ཞེས་བྱའོ། །ཟག་པ་མེད་པའི་ཆོ…

པར་གཞོལ་བའི་རྨོངས་པ་དང་། རྨོངས་པ་འདི་གཉིས་ཀྱིས་ས་ལྔ་པ་ལ་སྒྲིབ་པོ། །འདུ་བྱེད་ཀྱི་རྒྱུ་བ་མངོན་དུ་གྱུར་པའི་རྨོངས་པ་དང་། མཚན་མ་སྦོམ་པོ་མངོན་དུ་གྱུར་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་དྲུག་པ་ལ་སྒྲིབ་པོ། ། མཚན་མ་ཕྲ་མོ་མངོན་དུ་གྱུར་པའི་རྨོངས་པ་དང་། མཚན་མ་མེད་པ་ཡིད་ལ་བྱེད་པའི་རྨོངས་པ་དང་། རྨོངས་པ་འདི་…

པ་གནོན་ཏོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་བསྐྱེད་པ་དང་པོ་ནི། རིན་པོ་ཆེ་ཡང་དག་པར་འཕགས་པའི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་གཉིས་པ་ནི་གནས་པ་མེད་པའི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་གསུམ་པ་ནི་རབ་ཏུ་མི་གཡོ་བའི་ཏིང་ངེ་འཛིན་གྱིས་ཡོ…

སེང་གེ་ལ་སོགས་པ་གཅན་གཟན་མ་རུངས་པའི་རིགས་དང་། ཡི་དགས་ཐམས་ཅད་དང་། མི་དང་མི་མ་ཡིན་པ་ལ་སོགས་ཏེ། དགྲ་དང་། རྐུན་པོ་དང་། གཟའ་དང་། ཉོན་མོངས་པ་རྣམས་དང་། སྒྲིབ་པ་རྣམ་པ་ལྔ་ལས་རྣམ་པར་གྲོལ་ཏེ། ས་དང་པོ་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ས་གཉིས་པ་ལ་གཞན་གྱིས་མི་ཐུབ་པ་ཞེས་བྱ་བའི་ག…