སྒྲིབ་པ་རྣམ་པ་ལྔ་ལས་རྣམ་པར་གྲོལ་ཏེ། ས་གསུམ་པ་རྗེས་སུ་དྲན་པར་འགྱུར་རོ། །རིགས་ཀྱི་བུ་ས་བཞི་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་གདུལ་དཀའ་བ་ཞེས་བྱ་བའི་གཟུངས་འདི་སྐྱེའོ། །གཟུངས་ལ། ཏདྱ་ཐཱ། ཤི་རི་ཤི་རི། དི་མི་དི་མི་ནི། ད་རི་ད་རི་ཎི། ཤི་རི་ཤི་རི་ཎི། བི་ཤཱ་ལཱ། བི་ཤཱི་ལཱ། པ་ཤ་པ་ཤ་ནི། བནྡྷ་ནི་ཡེ་སྭཱ…

འདི་སྐྱེའོ། །གཟུངས་ལ། ཏདྱ་ཐཱ། བི་ཏོ་རི། བི་ཏོ་རི། མ་རི་ཎི། ཀ་ལི་ཀ་ལི། བི་དྷོ་ཧན་ཏི། ལུ་ལུ་ལུ་ལུ། ཙུ་ལུ་ཙུ་ལུ། ཏོ་ལུ་བ་ཏོ་ལུ་བ། ཤ་ཤ། ཤཙྪ། བ་རི་ཤ་སྭ་སྟི། སརྦ་སཏྭ་ནཾ། སིད་དྷྱནྟུ་མཱ་མ། མནྟྲ་བཱ་དཱ་ནི་སྭཱ་ཧཱ། རིགས་ཀྱི་བུ་གཟུངས་འདི་ནི་གང་གཱའི་ཀླུང་དྲུག་གི་བྱེ་མ་སྙེད་ལས་འདས་པའི་སངས་རྒྱས་བཅོམ་ལྡན་འདས་རྣམས་ཀྱ…

ཤི་རི། ཤི་རི་ཎི། མི་ཏེ་མི་ཏེ། ཀ་རི་ཀ་རི། ཧེ་རུ་ཧེ་རུ། ཙུ་རུ་ཙུ་རུ། བནྡྷ་ནི་སྭཱ་ཧཱ། རིགས་ཀྱི་བུ་གཟུངས་འདི་ནི་གང་གཱའི་ཀླུང་བརྒྱད་ཀྱི་བྱེ་མ་སྙེད་ལས་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ས་བརྒྱད་པ་ལ་གནས་པའི་བྱང་ཆུབ་སེམས་དཔའ་བསྲུང་བའི་ཕྱིར་གསུངས་ཏེ། སུས་གཟུངས་སྔགས་འདི་འདོན་ཅིང་འཆང་ན། འཇིགས་པ་ཐམས་ཅད་དང་…

བི་ར་ཛེ། ཨུ་ཙྱུཏེ། ཨ་མྲཱྀ་ཏེ། ཨ་ར་ཛེ། བི་ར་ཛེ། བྲ་ཧྨེ་བྲ་ཧྨ། སཱ་རེ་པཱུ་ར་ཎི་པཱུ་ར་ཎ། མ་ནོ་ར་ཐེ་སྭཱ་ཧཱ། རིགས་ཀྱི་བུ་གཟུངས་འདི་ནི་བཀྲ་ཤིས་པ་དང་སྤྱི་བོ་ནས་དབང་བསྐུར་བ་སྟེ་གང་གཱའི་ཀླུང་བཅུའི་བྱེ་མ་སྙེད་ལས་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ས་བཅུ་པ་ལ་གནས་པའི་བྱང་ཆུབ་སེམས་དཔའ་བསྲུང་བའི་ཕྱིར་གསུངས་ཏེ།…

པས་ན། །རྣམ་པར་དག་པའི་མཆོག་བརྙེས་སོ། །བཅོམ་ལྡན་འདས་ཀྱི་ཚད་མེད་སྐུས། །ཚིག་གཅིག་སྟོན་པ་མེད་པར་ཡང་། །འཁོར་མང་འདི་དག་ཐམས་ཅད་ལ། །ཆོས་ཀྱི་ཆར་གྱིས་ཚིམ་པར་མཛད། །སེམས་ཅན་འདི་དག་ཐམས་ཅད་ཀྱི། །མཚན་ཉིད་རྣམ་པར་གཟིགས་མེད་ཀྱང་། །ཉོན་མོངས་སྡུག་བསྔལ་ཐམས་ཅད་ལས། །བཅོམ་ལྡན་རྟག་ཏུ་སྐྱོབ་པར་མཛད། །བདེ་དང་སྡུག་བསྔལ་རྟག་མི་རྟ…

རིགས་ཀྱི་བུ་འདིས་ནི། ས་ལས་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་མཆོག་ཏུ་སྨིན་པར་བྱེད་པ་དང་། ཆོས་ཀྱི་ཕྱག་རྒྱ་དམ་པ་ཡིན་པ་དང་། མདོ་སྡེ་ཀུན་གྱི་རྒྱལ་པོར་གྱུར་པ་སྟེ། དེའི་ཕྱིར་མཉན་པ་དང་། གཟུང་བ་དང་། བཀླག་པ་དང་། གདོན་པར་བྱའོ། །དེ་ཡང་རིགས་ཀྱི་བུ་དགེ་བའི་རྩ་བ་མ་བསྐྱེད་པ་དང་། དགེ་བའི་རྩ་བ་ཡ…

སྐུ་མངོན་པར་སྤྲུལ་ནས་ཆོས་སྟོན་ཏོ། །ཆོས་ཉིད་ལས་ཀྱང་མི་གཡོ་ལ། འགྲོ་བ་ཡང་མེད། འོང་བ་ཡང་མེད་དོ། །སེམས་ཅན་རྣམས་ཡོངས་སུ་སྨིན་པར་བྱེད་ཀྱང་། སེམས་ཅན་དུ་དམིགས་པ་ཡང་མེད་དོ། །ཆོས་སྟོན་ཀྱང་ཡི་གེ་མཉམ་པ་ཉིད་ལས་གཡོ་བ་མེད་དོ། ། འཆི་འཕོ་བ་དང་སྐྱེ་བ་སྟོན་ཀྱང་འཕོ་བ་ཡང་མེད། སྐྱེ་བ་ཡང་མེད་དོ། །ཆོས་ཐམས་ཅད་ལ་རྣམ་པར་རྟོག་པ…

ཡོངས་སུ་དར་བར་བགྱིའོ། །ཆོས་འདི་བཤད་པའི་གནས་ཀྱི་དཀྱིལ་འཁོར་འདི་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་དང་། སེམས་ཅན་ཐམས་ཅད་ཀྱིས་མི་བརྫི་ཞིང་གཙང་མར་བགྱིའོ། །དེ་ཅིའི་སླད་དུ་ཞེ་ན། ཆོས་བཤད་པའི་གནས་འདི་ནི་མཆོད་རྟེན་ལགས་པའི་སླད་དུ། གདུགས་དང་། རྒྱལ་མཚན་དང་། མེ་ཏོག་དང་། བདུག་པ་དང་། ལྷབ་ལྷུབ་ཀྱིས་ཡོངས་སུ་མཆོ…

ཨུཏྤལ་སྔོན་པོ་རབ་ཏུ་རྒྱས་པ་འདྲ། །ལྗགས་ནི་ཆེ་ཞིང་ལེགས་པ་པདྨའི་མདོག །པདྨ་འདྲར་སྣང་པདྨའི་ཟེ་བ་འདྲ། །ཞལ་གྱི་མཛོད་སྤུ་པད་རྩ་དུང་དང་འདྲ། །བཻ་ཌཱུཪྱ་ཡི་མདོག་འདྲ་གཡས་སུ་འཁྱིལ། །ཐུབ་པའི་སྐུ་ནི་ཟླ་བ་ཕྲ་འདྲ་ཞིང་། །ཟླ་བ་ཟད་འདྲ་སྤྱན་བཀྲག་བུང་བ་བཞིན། །ཞལ་མཐོ་ཤངས་ནི་རྟག་ཏུ་ལྷང་ངེ་སྟེ། །འཇམ་ཞིང་ས་ཡི་གསེར་ལྟར་ཁ་དོག་བ…

བརྒྱ་དག་ན། །དེ་བཞིན་གཤེགས་པའི་ཉི་མ་སེམས་ཅན་མཐོང་། །བསོད་ནམས་སྟོང་ཕྲག་བརྒྱ་དང་ལྡན་པའི་སྐུ། །ཡོན་ཏན་ཀུན་གྱིས་རབ་ཏུ་བརྒྱན་པའི་སྐུ། །གླང་ཆེན་དབང་པོའི་སྣ་འདྲ་རྒྱལ་བའི་ཕྱག །ཕྱག་དང་ཞབས་འོད་རབ་མཛེས་དྲི་མ་མེད། །ས་ཡི་སྟེང་གི་རྡུལ་དང་མཚུངས་འདྲ་སྙེད། །ཕྲ་བའི་རྡུལ་སྙེད་སངས་རྒྱས་གང་འདས་དང་། །གང་དག་ཕྲ་བའི་རྡུལ་སྙེ…

བ། །དེ་དག་རྨི་ལམ་ན་ཡང་ཐོས་པར་ཤོག །ཉིན་གྱུར་ཚེ་ཡང་དེ་དག་སྟོན་གྱུར་ཅིག །སེམས་ཅན་སྡུག་བསྔལ་མཚོ་ལས་ཐར་བྱེད་ཤོག །ཕ་རོལ་ཕྱིན་པ་དྲུག་པོ་རྫོགས་བགྱིས་ནས། །ཕྱིན་ཆད་བླ་མེད་བྱང་ཆུབ་ཐོབ་པར་ཤོག །བདག་གིས་ཞིང་ནི་འགྲན་ཟླ་མེད་གྱུར་ཅིག །རྔ་ཕུལ་རྣམ་པར་སྨིན་པའི་འབྲས་བུ་དང་། །རྒྱལ་བ་ཐམས་ཅད་ལ་ཡང་བསྟོད་པའི་རྒྱུས། །ཤཱཀྱ་ཐུབ…

མཚོ་ལས་ནི་སྒྲོལ་བ་དང་། །བདེ་བ་ཀུན་གྱི་རྒྱ་མཚོ་འདྲ་བ་ཡིས། །མ་འོངས་བསྐལ་པར་བྱང་ཆུབ་སྤྱོད་པར་བགྱི། །འཇིག་རྟེན་གསུམ་ན་སྔོན་མཐར་ཇི་སྙེད་གཤེགས། །དེ་དག་ཞིང་ནི་རྒྱལ་བ་ཐམས་ཅད་ཀྱི། །ཡོན་ཏན་མཐའ་ཡས་ཁྱད་འཕགས་ཅི་འདྲ་བ། །ཡོན་ཏན་མཐའ་ཡས་རྣམས་ཀྱིས་བདག་གི་ཞིང་། །མ་འོངས་དུས་ན་དེ་འདྲར་འགྱུར་བར་ཤོག །མཛེས་པའི་ཏོག་གིས་ཤེས་…

པ་རྣམས་ཀྱིས། ཆོས་ཀྱི་རྣམ་གྲངས་ཤིན་ཏུ་ཟབ་མོ་འདི་ལ་འཇུག་ནུས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། གཟུངས་སྔགས་བསྒྲུབ་པའི་ཆོ་ག་ནི། སྔར་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའི་མཚན་འདི་དག་བརྗོད་ཅིང་། སེམས་རྩེ་གཅིག་པས་ཕྱག་འཚོལ་ལ་དེ་ནས་སྔགས་འདི་གདོན་པར་བྱའོ། །ཕྱོགས་བཅུའི་སངས་རྒྱས་ཐམས་ཅད་ལ་ཕྱ…

རྒྱལ་པོ་ལ་ཕྱག་འཚལ་ལོ། །སངས་རྒྱས་སྤྱན་རས་གཟིགས་དབང་མི་འཇིགས་པ་ལ་ཕྱག་འཚལ་ལོ། །སངས་རྒྱས་འཇིགས་མེད་གྲགས་པ་ལ་ཕྱག་འཚལ་ལོ། །སངས་རྒྱས་རབ་མཆོག་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། །བྱང་ཆུབ་སེམས…

སྙོམས་དང་། རིན་པོ་ཆེ་དང་། མང་དུ་ཐོས་ཤིང་མཁས་པ་དང་། ནད་མེད་ཅིང་ཚེ་རིང་བ་ལ་སོགས་པ་ཡིད་བཞིན་དུ་འཐོབ་སྟེ། བསོད་ནམས་ཤིན་ཏུ་མང་དུ་འཕེལ་ལོ། །ཅི་དང་ཅི་འདོད་པ་དེ་དང་དེ་དག་ཐམས་ཅད་འགྲུབ་པར་འགྱུར་རོ། །བདེ་བར་གནས་ནས་སྔགས་འདི་འཆང་ཞིང་འཛིན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་ཐོབ་ཀྱི་བར་དུ། རྟག་པར་བྱང་ཆུབ་སེ…

རྫོགས་པར་འགྱུར་བས། དེ་ཕྱིན་ཅད་ཀྱང་རྟག་ཏུ་རྗེས་སུ་དྲན་པར་བྱའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་གསེར་ཅན་ཞེས་བྱ་བའི་གཟུངས་ཏེ་ལེའུ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་གཟུངས་དེ་གསུངས་ནས། ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ལྷ་དང་མི་ལ་སོགས་པའི་འཁོར་འདུས་པ་དེ་དག་ལ་ཕན་པ་དང་། བདེ་བའ…

འཇུག་གནས་བཅས་ཏེ། །དབང་པོའི་སྤྱོད་ཡུལ་རྣམས་ཀྱང་རབ་ཏུ་ཤེས། །གཟུགས་དང་སྒྲ་དང་དེ་བཞིན་དྲི་རྣམས་དང་། །རོ་དང་རེག་བྱ་དེ་བཞིན་སྤྱོད་ཡུལ་ཆོས། །སེམས་ནི་དབང་པོ་དྲུག་པོ་ཐམས་ཅད་ལ། །དབང་པོར་ཞུགས་པར་བྱ་བཞིན་གཡོ་བར་གྱུར། །དབང་པོ་གང་དང་གང་དུ་གནས་བཅས་པ། །དབང་པོ་དེ་ནི་ཤེས་པ་བདག་ཉིད་བྱེད། །ལུས་ནི་གཡོ་བ་མེད་ཅིང་བྱེད་པ་མ…

པ་ཡི་རྐྱེན་ལས་འབྱུང་བ་ཡིན། །མ་རིག་འདི་ནི་ཡོད་པ་མ་ཡིན་ཏེ། །དེ་བས་ངས་ནི་མ་རིག་འདི་བཤད་དོ། །འདུ་བྱེད་རྣམ་ཤེས་མིང་དང་གཟུགས་བཅས་དང་། །སྐྱེ་མཆེད་དྲུག་དང་རེག་དང་ཚོར་བ་དང་། །སྲེད་དང་ལེན་དང་དེ་བཞིན་སྲིད་པ་དང་། །སྐྱེ་དང་རྒ་ཤི་མྱ་ངན་གནོད་པ་རྣམས། །འཁོར་བའི་སྡུག་བསྔལ་བསམ་གྱིས་མི་ཁྱབ་པ། །འཁོར་བའི་འཁོར་ལོ་ཇི་ལྟར་ག…

དང་ས་ལས་ནི། །འཁྲུངས་པ་ཐམས་ཅད་གཅད་གཏུབས་ཏེ། །དེ་དག་ཐམས་ཅད་ཕྱེར་བརླགས་ནས། །རབ་ཏུ་ཕྲ་བའི་རྡུལ་འདྲར་བྱས། །ནམ་མཁའི་དཀྱིལ་འཁོར་ཇི་ཙམ་པར། །ཕྱེ་མའི་ཕུང་པོ་སྤུངས་ནས་ནི། །འདི་ལ་ཆ་གསུམ་དབྱེ་བར་ནུས། །ས་ལ་རྡུལ་ནི་ཡོད་པ་རྣམས། །སྟོང་གསུམ་དག་ནི་ཐམས་ཅད་ཀྱི། །རྡུལ་ཁམས་བསམ་གྱིས་མི་ཁྱབ་པ། །སེམས་ཅན་ཀུན་གྱིས་ཤེས་པ་གང་། །…

བའི། །བྱང་ཆུབ་སྤྱོད་པ་ཇི་ལྟར་སྤྱད། །དེ་ནས་བཅོམ་ལྡན་འདས་ཀྱིས་རིགས་ཀྱི་ལྷ་མོ་ལ་འདི་སྐད་ཅེས་བཀའ་སྩལ་ཏོ། །ལྷ་མོ་ཆོས་ཀྱི་དབྱིངས་ལ་གནས་ཏེ། བྱང་ཆུབ་ཀྱི་སྤྱོད་པ་སྤྱད་པས་ན། མཉམ་པ་ཉིད་ལ་ནན་ཏན་དུ་བྱའོ། །དེ་སྐད་ཅེས་བཀའ་སྩལ་པ་དང་། རིགས་ཀྱི་ལྷ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཇི་ལྟར་ན་…