ལྡན་འདས་ཀྱིས་བྲམ་ཟེ་ཀཽཎྜི་ནྱ་ལ་ལེགས་སོ་ཞེས་བཀའ་སྩལ་ཏེ། ཁྱོད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར། ལྷ་མོ་དབྱངས་ཅན་ལ་བསྟོད་པ་དང་། དངོས་གྲུབ་དམ་པ་སློང་བས་བསོད་ནམས་ཚད་མེད་པ་དང་ལྡན་པར་འགྱུར་རོ།། །། བམ་པོ་བརྒྱད་པ། དེ་ནས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱས་བསྟོད་པ་དང་། གསང་སྔགས་ཀྱི་ཚིག་གིས། ལྷ་མོ་ཆ…

ལོ། །ལྗགས་ཀྱི་མཚན་དམ་པ་དེ་འདྲ་བ་དང་། སྤོབས་པ་ཚད་མེད་པ་དང་བདག་ལྡན་པར་གྱུར་ཅིག །ཕྱག་འཚལ་བཅོམ་ལྡན་དབྱངས་ཅན་མཆོག །བྱང་ཆུབ་ཆེན་པོ་དབྱངས་ཅན་མཆོག །འཕགས་པ་རང་རྒྱལ་དབྱངས་ཅན་མཆོག །ཟུང་བཞི་ཡ་བརྒྱད་དབྱངས་ཅན་མཆོག །བདེན་པ་བཞི་གསུང་དབྱངས་ཅན་མཆོག །ཡང་དག་གཟིགས་པ་དབྱངས་ཅན་མཆོག །དྲང་སྲོང་ཚངས་འཁོར་དབྱངས་ཅན་མཆོག །ལྷ་མོ་…

དང་། །ཚེ་རིང་བ་ཡང་ཐོབ་པར་ཤོག །རིག་པའི་གནས་ལ་མཁས་པ་དང་། །བྱང་ཆུབ་ལམ་ལ་བརྩོན་པ་དང་། །སྐྱེ་བོ་ཀུན་ལ་ཕན་མང་མཛོད། །རེ་བ་ཐམས་ཅད་མྱུར་དུ་སྐོང་། །བདག་གི་ཡང་དག་བདེན་ཚིག་དང་། །བདག་གིས་མི་སླུ་ཚིག་སྨྲས་པ། ། དབྱངས་ཅན་ལྷ་མོ་མཆོག་གིས་ནི། །བདག་གི་དོན་དེ་གྲུབ་པར་མཛོད། །ལྷ་མོ་འདིར་ནི་གཤེགས་པར་གསོལ། །བདག་གི་ཚིག་ལ་ཐོགས…

བར་མཛོད། །གཞན་འཕྲུལ་དབང་བྱེད་ལྷ་དག་དང་། །གཞན་ཡང་འཕྲུལ་དགའི་ལྷ་དག་དང་། །བྱམས་པ་མངོན་པར་འཚང་རྒྱའི་གནས། །དགའ་ལྡན་གནམ་གྱི་ལྷ་རྣམས་དང་། །འཐབ་བྲལ་གྱི་ནི་ལྷ་རྣམས་དང་། །སུམ་ཅུ་རྩ་གསུམ་ལྷ་རྣམས་དང་། །རྒྱལ་ཆེན་བཞི་ཡི་ལྷ་རྣམས་དང་། །གཞན་ཡང་ལྷ་འཁོར་ཐམས་ཅད་དང་། །ས་ཆུ་མེ་རླུང་ལྷ་དག་དང་། །རི་རབ་ལྷུན་ལ་གནས་པ་དང་། །ཆུ…

ཤིང་། ཅི་འདོད་པའི་དོན་ཆོ་ག་བཞིན་དུ་བསྒྲུབས་ན། ཆུད་ཟ་བར་མི་འགྱུར་རོ། །གཞན་ཡང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཤིན་ཏུ་ཕྲ་ཞིང་། ཟབ་པ་འདི་འཛིན་པ་དང་། འཆང་བ་དང་། ཀློག་པ་དང་། འདོན་པ་དེ་བསམ་པ་ཐམས་ཅད་མྱུར་དུ་འགྲུབ་པར་འགྱུར་ཏེ། སེམས་གཡེང་བས་བྱས་པ་ནི་མ་གཏོགས་སོ། །དེ་སྐད་ཅེས་སྨྲས་པ་དང་། བྲམ་ཟེ་ཀཽཎྜི་ནྱ…

དབང་པོའི་རྒྱལ་པོ་འདི་འཛམ་བུའི་གླིང་དུ་ཡུན་རིང་དུ་གནས་པར་འགྱུར་ཞིང་། མྱུར་དུ་ནུབ་པར་མི་འགྱུར་བ་དང་། སེམས་ཅན་རྣམས་ཀྱང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པར་འགྱུར་བ་དང་། བསྐལ་པ་བྱེ་བ་ཁྲག་ཁྲིག་འབུམ་ཕྲག་དུ་མར་ལྷ་དང་། མིའི་བདེ་བ་མྱོང་བར་འགྱུར་བ་དང་། མུ་གེ་མ་མཆིས་པར་འགྱུར་བ་དང་། ལོ་ལེགས་པར་འ…

བྱད་གཞན་དག་གིས་ཀྱང་མི་ཕོངས་པར་འགྱུར། སེམས་ཅན་དེ་དག་ཡོ་བྱད་ཐམས་ཅད་འབྱོར་བར་འགྱུར་རོ། །ལྷ་མོ་ཆེན་མོ་དཔལ་གྱི་མཐུས་དེ་བཞིན་གཤེགས་པ་དེ་ལ་མཆོད་པར་བྱ། སྤོས་དང་། མེ་ཏོག་དང་། བདུག་པ་ཡང་དབུལ་བར་བྱ། ལྷ་མོ་ཆེན་མོ་དཔལ་གྱི་མིང་ནས་ལན་གསུམ་བརྗོད་ཅིང་། དེ་ལ་སྤོས་དང་། བདུག་པ་དང་། མེ་ཏོག་ཀྱང་བྱིན་ལ། རོ་སྣ་ཚོགས་ཀྱང་བྱི…

དེས་རང་གི་ཁྱིམ་ཕྱག་དར་ལེགས་པར་བྱ། ཁྲུས་ལེགས་པར་བྱ། གོས་དཀར་པོ་གཙང་མ་བགོ་བར་བྱ། གོས་དྲི་རབ་ཏུ་ཞིམ་པ་བགོ་བར་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་ཌཱུཪྱ་དང་། གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་དེ་ལ་ཕྱག་འཚལ་ཞིང་མཚན་ནས་ཀྱང་ལན་གསུམ་བརྗོད། …

ཆེན་འབྱུང་གནས་གདུགས་བརྩེགས་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མེ་ཏོག་འབར་བའི་འོད་ཟེར་གྱི་ཏོག་ལ་ཕྱག་འཚལ་ལོ། །དེ་བཞིན་གཤེགས་པ་སྒྲོན་མ་ཆེན་པོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཏོག་ལ་ཕྱག་འཚལ་ལོ། །ཤར་ཕྱོགས་ཀྱི་དེ་བཞིན་གཤེགས་པ་མི་འཁྲུགས་པ་ལ་ཕྱག་འཚལ་ལོ། །ལྷོ་ཕྱོགས་ཀྱི་དེ་བཞིན་གཤེགས་པ་རིན་ཆེན་ཏོག་…

པར་གནས་པ་ལ་བསྙེན་ཏེ། བདག་དང་སེམས་ཅན་ཀུན། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱ་བ་ཡོངས་སུ་རྫོགས་པར་བྱ་བའི་ཕྱིར། སྔ་དྲོ་དང་། ཕྱི་དྲོ་སངས་རྒྱས་ཐམས་ཅད་ལ་མེ་ཏོག་དང་། སྤོས་རྣམས་ཀྱིས་མཆོད་ནས།དེས་བདག་གི་བསམ་པ་འདི་འབྱོར་པར་གྱུར་ཅིག །མྱུར་དུ་འབྱོར་པར་གྱུར་ཅིག །གཙུག་ལག་ཁང་ངམ། དགོན་པའི་གནས་ཀྱང་རུང་སྟེ། ཁྱ…

ལྗོངས་སམ། དགོན་པའི་ཕྱོགས་སམ། རིའི་སྨན་ལྗོངས་སམ། ཕོ་བྲང་འཁོར་གང་དུ་གནས་པར་འགྱུར་བའི་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། དགོན་པའི་ཕྱོགས་སམ། རིའི་སྨན་ལྗོངས་སམ། ཕོ་བྲང་འཁོར་དེར། བཙུན་པ་བཅོམ་ལྡན་འདས་སའི་ལྷ་མོ་བརྟན་མ་བདག་མཆི་བར་བགྱིའོ། །བཙུན་པ་བཅོམ་ལྡན་འདས་གང་ན་གསེར་འོད་དམ་པ་མདོ་སྡེའི་དབང་པོའི་ར…

འཁྲུང་བར་འགྱུར། ཀུན་དགའ་ར་བ་དང་། ནགས་ཚལ་དང་། ཤིང་ལྗོན་པ་ཐམས་ཅད་དང་། ལོ་མ་དང་། མེ་ཏོག་དང་། འབྲས་བུ་དང་། ལོ་ཐོག་རྣམ་པ་སྣ་ཚོགས་ཐམས་ཅད་ཀྱང་། རབ་ཏུ་གཟི་བྱིན་དང་ལྡན་པར་འགྱུར་བ་དང་། དྲི་དང་རབ་ཏུ་ལྡན་པ་དང་། སྣུམ་པ་དང་རབ་ཏུ་ལྡན་པ་དང་། རོ་ཞིམ་པོར་འགྱུར། བལྟ་ན་རབ་ཏུ་སྡུག་པ་དང་། རབ་ཏུ་ཆེ་བར་འགྱུར་རོ། །སེམས་ཅན་ད…

ལ་གསོལ་བ་འདེབས་པར་འགྱུར་རོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རབ་ཏུ་བཤད་པ་ན་སའི་ལྷ་མོ་བརྟན་མ་བདག་གཡོག་དང་བཅས་ཏེ། རབ་ཏུ་གཟི་བྱིན་དང་ལྡན་པ་དང་། རབ་ཏུ་སྟོབས་དང་ལྡན་པར་འགྱུར་རོ། །བདག་ཅག་གི་ལུས་ལ་སྟོབས་དང་། བརྩོན་འགྲུས་དང་། མཐུ་ཆེན་པོ་བསྐྱེད་པར་འགྱུར། …

བགྱིས་ཏེ། མཉན་པར་བགྱི། བཀུར་སྟིར་བགྱི། བླ་མར་བགྱི། རིམ་གྲོར་བགྱི། མཆོད་པར་བགྱིའོ། །བཙུན་པ་བཅོམ་ལྡན་འདས་གང་གི་ཚེ་སེམས་ཅན་དེ་དག་ཆོས་སྨྲ་བའི་གན་དུ་མཆི་བའི་སླད་དུ། རིགས་ཐ་དད་པ་དང་། ཁྱིམ་ཐ་དད་པ་དག་ནས་བྱུང་སྟེ་མཆིས་ནས། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པར་གྱུར་ལ། ཐོས་ནས་ཀྱང་རང་རང་གི་རིགས་དང་…

པ་བཅོམ་ལྡན་འདས་གང་དང་གང་ན་སེམས་ཅན་རྣམ་པ་ཐ་དད་པ་དེ་དག་ཕྱོགས་རྣམ་པ་ཐ་དད་པ་དག་ཏུ་མདོ་སྡེའི་གཏན་ཚིགས་རྣམ་པ་སྣ་ཚོགས་འདི་ལྟ་བུ་འདི་དག་གཅིག་ལ་གཅིག་བརྗོད་དམ། ཐོས་པར་བགྱིད་དམ། གཏམ་རྒྱུད་བརྗོད་ན། བཙུན་པ་བཅོམ་ལྡན་འདས་ས་ཕྱོགས་དེ་དག་ཐམས་ཅད་ཤིན་ཏུ་གཟི་བྱིན་དང་ལྡན་པ་དང་། ཤིན་ཏུ་སྣུམ་པར་འགྱུར་རོ། །ས་ཕྱོགས་དེ་དང་དེ་…

མེད་ཁང་རེ་རེར་ཡང་ལན་བདུན་བདུན་དུ་སྐྱེ་བར་འགྱུར་རོ། །ལྷའི་བདེ་བ་བསམ་གྱིས་མི་ཁྱབ་པ་དག་ཀྱང་མྱོང་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་སའི་ལྷ་མོ་བརྟན་མས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེས་ན་སའི་ལྷ་མོ་བརྟན་མ་བདག་དགེ་སློང་ཆོས་སྨྲ་བ། ཆོས་ཀྱི་ཁྲི་སྟན་ལ་མཆིས་པ་དེའི་ཚེ་ཆོས་ཀྱི་སྟན་…

སྨན་བཟང་པོས་ཚེ་རིང་ཞིང་ནད་མེད་པར་འདོད་པ་དང་། ཕས་ཀྱི་དགྲ་ཐམས་ཅད་དང་། ཕྱིར་རྒོལ་བ་ཐམས་ཅད་འཇིལ་བར་འདོད་ན། གནས་དབེན་པར་དཀྱིལ་འཁོར་བྱས་ཏེ། ཁྲུས་བྱས་གོས་སར་པ་བགོས་ཏེ། རྩྭ་བཏིང་བའི་སྟེང་དུ་འདུག་ནས། སྐུ་གཟུགས་རིང་བསྲེལ་ཅན་གྱི་མདུན་ནམ། མཆོད་རྟེན་རིང་བསྲེལ་ཅན་གྱི་མདུན་དུ། མེ་ཏོག་དང་། བདུག་པ་དང་། ཞལ་ཟས་སྣ་ཚོགས…

འགྱུར་རོ། །སེམས་མི་གཡེང་བར་སྔགས་འདི་བཟླས་ན། བསམ་པ་ཐམས་ཅད་འགྲུབ་པར་འགྱུར་རོ། །བདག་གི་ཚིག་འདི་མི་བསླུ་བར་ནི་སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་རྣམས་བདག་ལ་མངོན་དུ་གཟིགས་ཤིང་དགོངས་པར་གསོལ། དེ་ནས་བཅོམ་ལྡན་འདས་ཀྱིས་སའི་ལྷ་མོ་བརྟན་མ་ལ་ལེགས་སོ་ཞེས་བཀའ་སྩལ་ཏེ། གང་ཁྱོད་ཀྱི་བདེན་པའི་…

ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་སྤང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །སྐྱེས་པའམ། བུད་མེད་དམ། ཁྱེའུ་འམ། བུ་མོ་ཆོས་ཉན་པ་དེ་དག་ཐམས་ཅད་དང་། གང་སུ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཉན་པ་དང་། ཐ་ན་ཚིག་གཅིག་གམ། ཐ་ན་གསེར་འོད་དམ་པ་མད…

ཐམས་ཅད་ལ་བདག་གི་ཡེ་ཤེས་སྣང་བ་བསམ་གྱིས་མི་ཁྱབ་བོ། །ཡེ་ཤེས་ཀྱི་གསལ་བ་བསམ་གྱིས་མི་ཁྱབ་བོ། །ཡེ་ཤེས་ཀྱི་རྒྱུ་བ་བསམ་གྱིས་མི་ཁྱབ་བོ། །ཡེ་ཤེས་ཀྱི་ཕུང་པོ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཆོས་ཐམས་ཅད་ལ་བདག་གི་ཡེ་ཤེས་ཀྱི་ཡུལ་འཇུག་པ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཇི་ལྟར་བདག་ཆོས་ཐམས་ཅད་ཡང་དག་པར་…