འབའ་ཞིག་བྲི་བར་བགྱིའོ། །དེ་ནས་གླིང་བཞི་པ་ནི་ཞེང་དུ་ཁྲུ་གང་བར་བགྱིས་ཏེ། ངོས་བཞི་སྤྱི་ལ་བར་ཆད་ཉི་ཤུ་རྩ་བརྒྱད་དུ་བྱས་ནས་བར་ཆད་དུ་མ་བུ་རེ་རེའི་ནང་དུ་ཡང་པདྨ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་གོ་རིམས་བཞིན་དུ་པདྨ་དེ་དག་རེ་རེའི་སྟེང་དུ་ཡང་རྡོ་རྗེ་ཐོ་བ་དང་། རྩེ་གསུམ་པའི་ཕྱག་རྒྱ་དང་། དགྲ་སྟའི་ཕྱག་རྒྱ་དང་། …

མིག་སྟོང་ལག་སྟོང་དང་ལྡན་པའི་གཟུགས་བགྱིས་པའི་གཅིག་དབུས་སུ་ཁ་ཤར་ཕྱོགས་སུ་བལྟ་བར་བགྱིའོ། །གཞན་ཡང་མིག་སྟོང་ལག་སྟོང་དང་ལྡན་པའི་མདོ་སྡེ་གླེགས་བམ་ཅིག་པདྨ་འདབ་མ་སུམ་ཅུ་རྩ་གཉིས་མཆིས་པའི་དཀྱིལ་འཁོར་གྱི་སྟེང་དུ་བཞག་ནས་གཟུགས་བགྱིས་པ་དེའི་མདུན་དུ་གཞན་ཡང་ཙནྡན་དཀར་པོའི་དྲི་ཆབ་ཞལ་བུ་བཅུ་དྲུག་དང་། ཞལ་ཟས་རྣམ་པ་སྣ་ཚོག…

གདུགས་གཅིག་ལ་དུས་གསུམ་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་བགྱིས་པ་ལ་མཆོད་པར་བགྱིའོ། །ནང་གི་གླིང་གསུམ་པའི་ནང་དུ་མིག་སྟོང་པའི་གཟུགས་གཞག་པའི་མདུན་དུ་རང་བྱང་ཆུབ་སེམས་དཔའི་སྡོམ་པ་གསུམ་པོ་དག་ཡང་དག་པར་བླང་བར་དམ་བཅའ་བར་བགྱིའོ། །གདུགས་མཚན་དུ་སླད་རོལ་གྱི་གླིང་གི་ནུབ་ཕྱ…

དང་ཏིང་ངེ་འཛིན་གྱི་ཆོས་ཡོངས་སུ་གཉེར་བ་དང་། གཞན་ཡང་དཀྱིལ་འཁོར་དང་། ཕྱག་རྒྱ་དང་། སྔགས་ཀྱི་ཆོ་ག་ཐམས་ཅད་མངོན་པར་འགྲུབ་པ་དང་། འདྲེ་གདོན་ཐམས་ཅད་གདུལ་ཞིང་ངག་ཉན་པར་འགྱུར་བར་འཚལ་ལོ་ཞེས་ལན་གདབ་པར་བགྱིའོ། །དེ་ལྟར་སྨོན་པ་རྣམས་གྲུབ་ནས་ཀྱང་བདག་ཉིད་རིག་པར་བགྱིའི། གཞན་དག་ལ་བརྗོད་པར་མི་བགྱིའོ། །དཀྱིལ་འཁོར་གྱི་ཆོ་ག་འ…

རིམས་ནད་བྱུང་བར་གྱུར་ན་ཆབ་ཀྱི་དཀྱིལ་འཁོར་གྲུ་བཞི་པ་བགྱིས་ནས། བ་མར་བཟང་པོ་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་རིམས་ནད་ཐམས་ཅད་ཞི་བར་འགྱུར་རོ། །ཡང་ན་ཆབ་ཉུང་ཟད་ཅིག་བླངས་ཏེ་རིམས་ཀྱིས་ཐེབས་པ་འཚལ་དུ་སྩལ་ན་འཕྲལ་དུ་འཚོ་བར་འགྱུར་ལགས་སོ། །…

བ་ལས་ཁྱིམ་བདག་དེ་མཐོང་ནས་ཅིའི་ཕྱིར་མི་བདེ་བར་གྱུར་ཅེས་སྨྲས་པ་དང་། ཁྱིམ་བདག་གིས་ལོ་རྒྱུས་དེ་དག་རྒྱས་པར་བཤད་དོ། །དེ་ནས་བྲམ་ཟེས་ཁྱིམ་བདག་དེ་ལ་མྱ་ངན་མ་བྱེད་པར་བདག་གིས་བསྒོ་བ་བཞིན་དུ་བྱོས་ཤིག་དང་། ཁྱོད་ཀྱི་བུ་ཚེ་རིང་བར་འགྱུར་རོ་ཞེས་སྨྲས་ནས། དེའི་ཚེ་བྲམ་ཟེ་དེས་ཆོ་གའི་སྒོ་འདི་ཉིད་ཞག་བདུན་ཚང་བར་བགྱིས་པ་དང་།…

བཏབ་པར་གྱུར་ན་མིག་ཀྱང་འཚོ་བར་འགྱུར་ལ། རྒྱུ་དང་རྐྱེན་དེས་གང་ཟག་དེ་ལྷའི་མིག་ཐོབ་པར་འགྱུར་བས་ལྷ་རྣམས་གསལ་བར་མཐོང་ཞིང་ལོངས་སྤྱོད་མཆོག་ལ་ལོངས་སྤྱོད་པར་འགྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་འདྲི་བའི་ཆོ་ག་ནི་རས་དཀར་པོ་ཁྲུ་བཅུ་དྲུག་པའམ། ཁྲུ་ཉི་ཤུ་པའང་རུང་སྟ…

བྱང་ཆུབ་སེམས་དཔའ་དེ་ནི་ལྷའི་རིན་པོ་ཆེ་སྣ་བདུན་གྱི་མགོ་རྒྱན་ཐོགས་སོ། །ལག་ངར་ལ་ནི་གདུབ་འཁོར་རྣམ་པ་སྣ་ཚོགས་ཀྱིས་བརྒྱན་ཏོ། །ལུས་ལ་ནི་ཕྲེང་བ་ཐོགས་ཤིང་ལྷའི་རིན་པོ་ཆེའི་གོས་གྱ་ནོམ་པ་དག་བགོས་པ་ཡིན་ནོ་ཞེས་གསུངས་པ་ལྟ་བུའོ། །ཚོན་རྩི་དེ་དག་གི་ནང་དུ་ཀོ་བའི་སྦྱིན་སྩལ་བར་མི་བགྱིའོ། །ཀུན་ཏུ་རུའི་ཁུ་བ་དང་སྦྱར་བར་བགྱ…

གཏོགས་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བདག་གིས་སྔོན་འདས་པའི་དུས་ཀྱི་ཚེ་དེ་བཞིན་གཤེགས་པ་རྣམ་པར་གཟིགས་ཀྱིས་ཀྱང་ཕྱག་སྟོང་དང་སྤྱན་སྟོང་པོ་འདི་དག་བསྟན་ནས། བདུད་ཆེན་པོ་རྣམས་འདུལ་བ་མཐོང་ནས། བཅོམ་ལྡན་འདས་དེང་བདག་གིས་ཀྱང་ལག་སྟོང་དང་མིག་སྟོང་པོ་འདི་དག་བསྟན་ནས་བདུད་…

པོའི་འཇིག་རྟེན་གྱི་ཁམས་ནས་འདུ་ཤེས་མེད་འདུ་ཤེས་མེད་མིན་གྱི་བར་གྱི་ལྷའི་གནས་ཐམས་ཅད་ཀྱང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །འོག་མིན་གྱི་ལྷ་དང་། དབང་ཕྱུག་ཆེན་པོའང་མི་བདེ་བར་ཤིན་ཏུ་སྐྲག་པར་གྱུར་ཏོ། །འདྲེ་གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བར་གྱུར་པས། ཀུ་ཅོ་འདོན་ཅིང་ཤར་ནུབ་ཏུ་བྱེར་ནས་འགྲོ་བའ…

ཡུམ་གྱི་གཟུངས་ཀྱི་སྙིང་པོའི་ཕྱག་རྒྱ་བགྱིའོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཐོགས་པ་མ་མཆིས་པའི་སྤོབས་པའི་ཕྱག་རྒྱ་ནི་འདི་ལགས་ཏེ། སུག་པ་ལག་པ་གཉིས་རྒྱབ་སྤྲད་དེ་སྦྱར་ནས་མཐེ་བོང་གཉིས་མདུན་དུ་བརྐྱང་བར་བགྱིའོ། །ཕྱག་རྒྱ་འདིས་ནི་བདག་ཀྱང་བསྲུང་ཞིང་གཞན་ཡང་བསྲུང་བར་བགྱིད་དོ། །ཕྱོགས་གང་དང་གང་དུ་མ…

བྱུགས་ཏེ། ཁྱོད་ངའི་ཞིང་དུ་སྐྱེ་བར་འགྱུར་བས་མ་འཇིགས་ཤིག་ཅེས་བཀའ་སྩལ་པར་འགྱུར། ཚེ་འདི་ཉིད་ལ་ཡང་བློ་བུར་དུ་འཆི་བར་མི་འགྱུར་ཞིང་། འདྲེ་གདོན་དག་གིས་ཀྱང་གླགས་རྙེད་པར་མི་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཁ་ན་མ་ཐོ་བ་ཡོངས་སུ་སྦྱོང་བའི་ཕྱག་རྒྱ་…

མེ་ཏོག་ཡུངས་འབྲུའི་མར་དང་སྦྱར་ཏེ། རིལ་བུ་བགྱིས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་ཆབ་རྫིང་བུར་བོར་ན་དགུང་ཆར་འཆད་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་རྣམས་བཏུལ་བའི་ཕྱག་རྒྱ་ནི་འདི་ལགས་ཏེ། སོར་མོ་བསྣོལ་མར་བཏང་སྟེ། གཡོན་…

རྩ་བརྒྱད་བཟླས་བརྗོད་བགྱིས་ན། མྱུར་དུ་སེམས་ཅན་ལ་མི་འཇིགས་པ་སྩལ་བའི་ཏིང་ངེ་འཛིན་གྱི་སྒོ་ཐོབ་པར་འགྱུར་ལགས་སོ། །གཞན་ཡང་ཤིང་ཀུན་དང་། ཡུངས་ཀར་དང་། ཤུ་དག་དང་། ཏ་ཏ་པའི་རིལ་བུ་བླངས་ཏེ་དངོས་པོ་འདི་དག་ཞུགས་ཀྱི་ནང་དུ་བོར་ཏེ་བསྲེག་པར་བགྱིའོ། །འདི་དག་སྲེག་པའང་སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་རམ། དཀྱིལ་འཁོར་རམ།…

གདགས་ཤིང་བགེགས་ཡོངས་སུ་བསྲུང་བའི་ཕྱིར་སྔགས་འདི་སྨྲས་སོ། །བི་མ་ལེ་མ་ཧཱ་བི་མ་ལེ་ཨུ་ཧ་ལེ། མ་ཧཱ་ཨུ་ཧ་ལེ། ཧུ་མ་ལེ། མ་ཧཱ་ཧུ་མ་ལེ། ས་ཧཱ་ལེ། མ་ཧཱ་ས་ཧཱ་ལེ། ཙི་ལི་ཏེ་སྭཱ་ཧཱ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་ཕྱོགས་གང་དུ་གནས་ཀྱང་རུང་སྟེ། བྱང་ཆུབ་སེམས་དཔའ་མིག་སྟོང་དང་ལག་པ་སྟོང་དང་ལྡན་པའི་ཆོས་ཀྱི་ཆོ་ག་འདི་…

དཔའ་སྤྱན་རས་གཟིགས་དབང་ཕྱུག་གི་མངོན་པར་འགྲུབ་པའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཤིབས་ཏེ། སྙིངགར་ཐལ་མོ་སྦྱར་ཏེ་མཐེའུ་ཆུང་གཉིས་བསྣོལ་མར་བཏང་ཞིང་། གཡོན་པས་གཡས་པ་མནན་ནས་ལུས་པོ་ཆེའི་སྔགས་ལན་ཉི་ཤུ་རྩ་གཅིག་བཟླས་ནས། ཆོ་ག་རྣམ་པ་སྣ་ཚོགས་གང་བགྱིད་ཀྱང་རུང་སྟེ། ཐམས་ཅད་མངོན་པར་འགྲུབ་པར་འགྱུར་ལགས…

སུ་མཆིས་ནས་གཟུངས་འདི་བཟླས་ཏེ་ཕྱག་རྒྱ་འདི་བགྱིས་ནས། སེམས་རྩེ་གཅིག་ཏུ་སངས་རྒྱས་རྣམས་མིག་སྔར་མངོན་སུམ་དུ་བཞུགས་པར་ཡིད་ལ་བགྱིས་ཏེ། གདུགས་མཚན་གཅིག་ལ་དུས་དྲུག་ཏུ་མཐོལ་བཤགས་བགྱིས་ན། སངས་རྒྱས་རྣམས་ཀྱང་མངོན་སུམ་དུ་འགྱུར་ཞིང་། བསོད་ནམས་ཀྱི་ཕུང་པོ་ཆེན་པོ་ཚད་མ་མཆིས་དཔག་ཏུ་མ་མཆིས་བརྗོད་དུ་མ་མཆིས་པ་རྣམས་ཀྱང་འཐོབ་…

འདྲེ་གདོན་སྡེ་བརྒྱད་པོ་དགུག་པའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཤིབས་ཏེ། སྔར་སུག་པ་ལག་པ་གཡོན་པའི་མཐེ་བོང་ལག་མཐིལ་དུ་བཀུག་ནས། སོར་མོ་བཞི་ཁུ་ཚུར་བཅངས་ཏེ་སྙིང་གར་བཞག་གོ། །དེའི་རྗེས་ལ་སུག་པ་གཡས་པ་ཡང་དེ་བཞིན་དུ་བགྱིས་ཏེ། ལག་པ་གཡས་པ་རྣ་དྲུང་དུ་གཏད་ནས་མཛུབ་མོ་ཕན་ཚུན་དུ་རྒྱུ་བར་བགྱིའོ། །སྔ…

པ་གཡོན་པའི་གུང་མོ་མཐེ་བོའི་རྩེ་མོ་དང་སྦྱར་ཏེ་བཀན་ལ། སོར་མོ་གཞན་གསུམ་ནི་བརྐྱང་ནས་པུས་མོ་གཡོན་པའི་སྟེང་དུ་གཞག་པར་བགྱིའོ། །དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ནས། སུག་པ་ལག་པ་པུས་མོ་གཡས་པའི་སྟེང་དུ་ཁ་སྦུབ་ཏུ་གཞག་པར་བགྱིའོ། །གང་ལ་ལ་ཞིག་རྟག་པར་ཕྱག་རྒྱ་འདི་བགྱིས་ནས་ལུས་པོ་ཆེའི་སྔགས་ལན་ཉི་ཤུ་རྩ…

ན། དཔག་ཚད་བརྒྱ་སྟོང་དུ་མར་མཆི་འཚལ་ནའང་དཀའ་བ་མ་མཆིས་པར་འགྱུར་ལགས་སོ། །སྔགས་འདོན་པའི་ཚེ་སྒྲ་འབྱུང་བར་མི་བགྱིའོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་རྫུ་འཕྲུལ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་པའི་མཐེ་བོས་མཐེའུ་ཆུང་གི་སེན་མོའི་སྟེང་དུ་རེག་པར་བགྱིའོ། །དེའི་རྗེས་ལ་སུག་པ་ལག…