བཀྲ་མི་ཤིས་པ་ཐམས་ཅད་བཟློག་པར་བགྱི་བ་དང་། རྨི་ལམ་ངན་པ་ཐམས་ཅད་དགག་པ་དང་། དུས་མ་ལགས་པར་འགུམ་པ་ཐམས་ཅད་བཟློག་པ་དང་། ངན་སེམས་ཅན་རྣམས་གདུལ་ཞིང་དང་བ་ཐོབ་པར་བགྱི་བ་དང་། མྱ་ངན་གྱི་སྡུག་བསྔལ་དང་ལྡན་པ་དག་བདེ་བ་ཐོབ་པར་བགྱི་བ་དང་། འཁོན་དང་བཅས་པ་རྣམས་འདུམ་པར་བགྱི་བ་དང་། བདུད་དང་གདོན་བགེགས་རྣམས་ཞི་བར་བགྱི་བ་དང་སེམས…

པ་ཡང་དག་པར་རྫོགས་པའི་སངས་རྒྱས་པདྨ་བརྒྱའི་སྤྱན་ཐོགས་པ་མི་མངའ་བའི་གཙུག་ཏོར་ཡོན་ཏན་རབ་ཏུ་རྒྱས་པའི་འོད་ཟེར་གྱི་རྒྱལ་པོ་ཞེས་བགྱི་བ་འཇིག་རྟེན་དུ་བྱུང་སྟེ། བདག་དེའི་ཚེ་དྲང་སྲོང་དུ་གྱུར་པས་བཅོམ་ལྡན་འདས་དེ་ལས་རིག་སྔགས་འདི་མནོས་ལགས་ཏེ། རིག་སྔགས་འདི་ཐོབ་པའི་ཚེ་ཕྱོགས་བཅུའི་སངས་རྒྱས་རྣམས་ཀྱང་མཐོང་བར་གྱུར། མི་སྐྱ…

བ་མ་སྤངས་པས་འགུམ་པའི་དུས་བགྱིད་པར་མི་འགྱུར་བ་དང་། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་དག་ལགས་སོ། །བཅོམ་ལྡན་འདས་བདག་གིས་མངོན་པར་དྲན་ལགས་ཏེ། འདི་ནས་བསྐལ་པ་གང་གཱའི་ཀླུང་བཅུའི་བྱེ་མ་སྙེད་དག་གི་སྔ་རོལ་གྱི་ཡང་ཆེས་སྔ་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མན་དཱ་ར་བའི་དྲི་བས…

སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང་ཅི་འཚལ་ལགས། གང་དག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་དགེ་བའི་རྩ་བ་སྐྲུན་པ་རྣམས་ཀྱིས་དེང་གདོད་རིག་སྔགས་འདི་ཐོས་པར་གྱུར་པ་ལགས་ན། ལེན་པ་དང་འཛིན་པ་དང་། ཇི་སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང་ཅི་འཚལ་ལགས། གང་ལ་ལ་ཞིག་གིས་གདུགས་མཚན་དུ་རིག་སྔགས་འདི་ཀློག་པ་དང་།…

དབང་ཕྱུག་ལ་ལེགས་སོ་ལེགས་སོ་ཞེས་བསྔགས་པ་བརྗོད་ནས། རིགས་ཀྱི་བུ་ཁྱོད་ཀྱིས་སེམས་ཅན་ཐམས་ཅད་ལ་དེ་ལྟ་བུའི་བྱམས་པ་དང་སྙིང་རྗེའི་བསམ་པ་བསྐྱེད་ནས། རིག་སྔགས་ཆེན་པོ་འདི་རྣམ་པར་ཕྱེ་སྟེ་བསྟན་པ་ཡིན་པས་ཁྱོད་ཐབས་འདིའི་དབང་གིས་སེམས་ཅན་ཐམས་ཅད་ཀྱི་ནད་ཀྱི་སྡུག་བསྔལ་དང་། སྒྲིབ་པ་དང་བགེགས་དང་འཇིགས་པ་དང་ལུས་དང་ངག་དང་། ཡིད་…

ཕྱག་འཚལ་ལོ། །འཕགས་པ་དེ་བཞིན་གཤེགས་པ་ཡེ་ཤེས་རྒྱ་མཚོ་རྣམ་པར་སྣང་མཛད་བཀོད་པའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏ…

དག་པར་རྫོགས་པའི་སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏདྱ་ཐཱ། སི་རི་སི་རི། དྷི་རི་དྷི་རི། སི་རི་དྷི་རི་སྭཱ་ཧཱ། བཅོམ་ལྡན་འདས་འདི་ནི་མེ་ཏོག་དང་། བྱུག་སྤོས་དང་། ཕྲེང་བ་ལ་གདབ་པའི་སྔགས་ལགས་ཏེ། དཀ…

གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏདྱ་ཐཱ། མ་སི་ཏ་སི། ཙ་ལེ་ཙ་ལེ། ཧུ་རུ་ཧུ་རུ། ཙུ་རུ་ཙུ་རུ། སུ་རུ་སུ་རུ། མུ་རུ་མུ་རུ་སྭཱ་ཧཱ། བཅོམ་ལྡན་འདས་འདི་ནི་ཡམ་ཤིང་ལ་གདབ་པའི་སྔགས་ལགས་ཏེ་གལ་ཏེ་ལ་ལ་ཞིག་གོང་དུ་བསྟན་པའི་རྩ…

བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །ཏདྱ་ཐཱ། བི་ཊེ་བི་ཊེ། ཏི་ཊེ་ཏི་ཊེ། ཙི་ཊེ་ཙི་ཊེ། བིཊྚེ་བིཊྚེ། ཀ་ཙ་ཀ་ཙ། བྷ་ག་བཱ་ན། ཨཱརྱཱ་བ་ལོ་ཀི་ཏེ་ཤྭ་རཱ་ཡ། ས་བ…

པ་སྣ་ཚོགས་ཀྱིས་བྲོ་འཚལ་བར་གྱུར་ཏམ་རལ་གྲི་དང་། མདའ་དང་། མདུང་ལ་སོགས་པ་ཕོག་སྟེ་སྨྱོས་པར་གྱུར་ཏམ། སྦྲུལ་དང་། སྡིག་པ་དང་། རྩངས་པ་དང་། བུང་བ་དང་། གདུག་པ་ལ་སོགས་པས་ཟིན་པར་གྱུར་ན། སྔགས་འདིས་ལན་བདུན་བཟླས་ཏེ་བཏབ་ནས་སོས་པར་འགྱུར་ལགས་སོ། །གལ་ཏེ་སྒྲིབ་པ་ལྕི་བ་ཞིག་ལགས་ན། དོག་ས་སེར་པོའི་འཇིམ་པ་ལ་ལན་བདུན་སྔགས་ཀྱིས…

རྒྱབ་ཀྱི་གདོང་གཅིག་ནི་ཁྲོ་གཏུམ་ཆེ་ཞིང་རབ་ཏུ་དཀོན་པའི་མཚན་ཅན་དུ་བགྱིའོ། །སྤྱི་བོའི་གདོང་གཅིག་ནི་སངས་རྒྱས་ཀྱི་ཞལ་ཀྱི་གཟུགས་ཅན་དུ་བགྱིའོ། །མགོ་རྒྱན་དེ་དག་ཐམས་ཅད་ཀྱི་ནང་ན་ཡང་སངས་རྒྱས་ཀྱི་སྐུ་བཞུགས་པར་བགྱིའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དེའི་ལུས་ནི་དོ་ཤལ་ལ་སོགས་པ་རྒྱན་རྣམ་པ་སྣ་ཚོགས་དང་ལྡན་པར…

ལྟར་ནན་ཏན་བརྩོན་འགྲུས་ཀྱིས་སྨོན་པ་རྣམས་ཡོངས་སུ་གཉེར་བས་བདག་གིས་ཁྱོད་ཀྱི་སྨོན་པ་ཡོངས་སུ་རྫོགས་པར་བགྱིའོ། །ཁྱོད་འདི་ནས་ནམ་མཁའ་ལ་འཕུར་ཏེ་འགྲོ་བའམ། ཡང་ན་ཁྱོད་རྒྱུ་ཞིང་འགྲོ་བ་ལ་ཐོགས་པ་མེད་པའམ། ཡང་ན་དྲང་སྲོང་རིག་འཛིན་གྱི་རྒྱལ་པོ་བྱེད་པར་འགྱུར་བའམ། ཡང་ན་བདག་ཅི་ལྟ་བ་བཞིན་དུ་རང་དབང་ཐོགས་པ་མེད་པ་ཉིད་དུ་བྱའོ་ཞ…

མར་སྲང་གཅིག་བླངས་ཏེ། དངུལ་གྱི་སྣོད་ཀྱི་ནང་དུ་སྩལ་ནས་གཟུགས་བགྱིས་པའི་མདུན་དུ་བཞག་སྟེ། སྔགས་འདིས་བཟླས་བརྗོད་བགྱིས་ན་ཟླ་བ་ཡང་སྔ་མ་ཁོ་ན་བཞིན་དུ་སྐྱབས་འོག་ཏུ་གྱུར་པས་དེ་ནས་བླངས་ཏེ་འཚལ་ན་ལུས་ཀྱི་བྲོ་ནད་རྣམས་མི་འབྱང་བ་གང་ཡང་མ་མཆིས་ལགས་སོ། །གཞན་ཡང་རྣལ་འབྱོར་པས་ལྡོང་རོས་དང་གི་ཝང་ཆ་མཉམ་པར་བགྱིས་ཏེ། གཟུགས་བགྱི…

ལྡན་པའི་གདོང་གི་སྤྱི་བོ་ལ་བཏགས་ནས་ཞག་ལོན་ཏེ་སླར་བཀྲོལ་ནས་ནད་པའི་མགུལ་དུ་བཏགས་ན་བྲོ་ནད་སོས་པར་འགྱུར་ལགས་སོ། །གལ་ཏེ་ལས་ཀྱི་སྒྲིབ་པ་ལྕི་བ་ཞིག་ལགས་ཏེ་སོས་པར་མ་གྱུར་ན་སྔགས་ཐག་དེ་བླངས་ནས་ཡང་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་སྔ་མའི་གཟུགས་ཀྱི་སྤྱི་བོ་ལ་བཏགས་ནས། ཞག་ལོན་ཏེ་སླར་བཀྲོལ་ནས་ནད་པའི་མགུལ་དུ་བཏགས་ན་…

བ་དེ་དག་ཅི་བགྱིའོ་འཚལ་མི་འབྱོར་ཅིང་རང་ཉིད་སྐྱབས་སུ་མཆི་བར་འགྱུར་ལགས་སོ། །གཞན་ཡང་གང་ལ་ལ་ཞིག་ལེགས་པའི་དངོས་པོ་གྲུབ་པར་འཚལ་ན། ཚོན་སྣ་ལྔའི་སྐུད་པ་ལ་སྔགས་མདུད་བརྒྱ་རྩ་བརྒྱད་མདུད་དེ། སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས། གཞན་ཡང་གཟུགས་བགྱིས་པའི་མདུན་དུ་སྔགས་ལན་བདུན་གྱིས་བཏབ་སྟེ། བྱམས་པ་དང་སྙིང་རྗེ་དང་ལྡ…

པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེང་བདག་ནི་བདག་གིས་དེ་བཞིན་གཤེགས་པ་ཟླ་བ་བླ་མའི་འོད་ལས་བླངས་པ་ཀུན་ཏུ་བཟང་པོའི་གཟུངས་ཡང་དག་པར་སྟོན་པར་འཚལ་ཏེ། གཟུངས་དེ་ཐོས་མ་ཐག་ཏུ་བྱང་ཆུབ་སེམས་དཔའི་ཐེག་པ་པ་རྣམས་ཕྱིར་མི་ལྡོག་ཅིང…

བཀའ་སྩལ་པ། སེམས་ཅན་དག་པ་དེའི་དུས་ལ་བབ་པར་ཤེས་ན་སྨྲོས་ཤིག །དེ་བཞིན་གཤེགས་པས་འཁོར་བཞི་པོ་འདི་བྱིན་གྱིས་བརླབས་ཟིན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་རྡོ་རྗེའི་དཀྱིལ་འཁོར་གྱི་ཏིང་ངེ་འཛིན་ལ་སྙོམས་པར་ཞུགས་ནས་གཟུངས་འདི་སྨྲས་སོ། །དཀོན…

བཟླས་བརྗོད་བགྱིས་ཏེ་བསྐུ་བར་བགྱིའོ། །སོ་ན་ན་སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་བཅའ་བར་བགྱིའོ། །རྣ་བ་ན་ན་རས་བལ་གྱི་ས་བོན་འབྲུ་མར་དང་ལྷན་ཅིག་ཏུ་བསྐོལ་བ་ལ་ལན་བདུན་བཟླས་བརྗོད་བགྱིས་ཏེ། ཟངས་ཀྱི་སྣོད་ཀྱིས་རྣ་བར་བླུགས་པར་བགྱིའོ། །ཀླད་པ་ན་བ་ལ་འབྲུ་མར་རོ། །ལྟོ་ན་བ་ལ་བྱབ་བར་བགྱིའོ། །གདོན་གྱིས་བཏབ་པ་ལ་ཚ…

ལི། ཙི་ལེ་ལི། ཨེ་ཧི་བྷ་ག་བཱ་ན། ཨཱཪྱ་ཨ་བ་ལོ་ཀི་ཏེ་ཤྭ་རཱ་ཡ་སྭཱ་ཧཱ། འདི་ནི་བདག་གི་སྙིང་པོ་བཤད་པ་སྟེ།དེས་བདག་དགུག་པར་འགྱུར་རོ། །དེའི་འོག་ཏུ་ཟླ་བ་ཡར་གྱི་ངོས་ཚེས་བརྒྱད་ནས་བཟུང་སྟེ་ཉའི་བར་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། དུས་གསུམ་དུ་བཟླས་བརྗོད་བགྱི་དུས་གསུམ་དུ་ཁྲུས་བགྱི། དུས་གསུམ་དུ་གོས་བརྗེ་བར་བགྱ…

བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། རྒྱ་གར་སྐད་དུ། ལོ་ཀེ་ཤྭ་ར་ཀལྤ། བོད་སྐད་དུ། འཇིག་རྟེན་དབང་ཕྱུག་གི་རྟོག་པ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འཇིག་རྟེན་མགོན་པོའི་རྟོག་པ…