པ་ལྟར་བྱས་པ་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱའོ། །སྔགས་ནི་ཛི་ན་ཛི་ཀ །གཉེན་གྱི་ཕྱོགས་སུ་པདྨའི་རིགས་ཀྱི་སྙིང་པོའི་ཕྱག་རྒྱ་དང་སྔགས་ནི་ཨཱ་རོ་ལིཀ །ལྷོ་ཕྱོགས་སུ་རཏྣ་དྷྲྀ་ཀ །བྱང་ཕྱོགས་སུ་པདྨ་དྷྲྀ་ཀ།རྡོ་རྗེའི་རིགས་ཀྱི་སྙིང་པོའི་ཕྱག་རྒྱ་དང་སྔགས་ནི་བཛྲ་དྷཱཾ་ཀ།མཐེ་ཆུང་དང་མིང་མེད་སྦྱར་ལ་རྩེ་གཅིག་ཏུ་བྱས་པ་ལ་…

ཆེན་པོའི་ཕྱག་རྒྱ་དེ་ཉིད་ལས་མཛུབ་མོ་བརྐྱང་བ་འདི་ནི་ལྷ་མོ་ཆུ་ལོན་གྱི་ཕྱག་རྒྱའོ། །སྔགས་ནི། ན་མཿས་མནྟ་བུདྡྷཱ་ནཱཾ་ཨུ་མ་ཡེ་སྭཱ་ཧཱ། ཐལ་མོ་ཕྱེ་བ་ལས་མཐེ་ཆུང་རྩེ་མོ་སྦྱར་ལ་དེའི་རྒྱབ་ཏུ་སྲིན་ལག་སྦྱར་ནས་དེའི་ཚེ་ཚིགས་གསུམ་པར་གུང་མོ་གཉིས་སྦྱར་ལ་དེའི་ཚིགས་དང་པོར་མཛུབ་མོ་གཉིས་སྦྱར་བ་ནི་ལྷ་མ་ཡིན་ཐམས་ཅད་དབང་བསྐུར་བའི…

གྱི་སྒོར་འཇུག་པར་འདོད་པར་གྱུར་ན། དེས་རྡོ་རྗེ་ཁྲོ་བོའི་བསྙེན་པ་སྔོན་དུ་བྱས་ལ་ཕྱིས་འཇུག་པར་བྱའོ། །དེ་ལ་སྔོན་དུ་བསྙེན་པ་ནི་འབུམ་ཕྲག་བརྒྱད་སློང་མོ་ཟ་ཞིང་སྨྲ་བ་བཅད་ལ། སེམས་ཅན་ཐམས་ཅད་ལ་བྱམས་པའི་སེམས་དང་དེ་བཞིན་གཤེགས་པ་མཆོད་པ་ལ་དགའ་བས་རྟེན་ཅིང་འབྲེལ་པར་འབྱུང་བའི་སྙིང་པོའི་མཆོད་རྟེན་བྱས་ལ། དེའི་མདུན་དུ་རི་བ…

ནི་ཕྱིན་པ་ན། །ཀུན་ནས་ས་གཞི་མཉམ་པ་ནི། །དཔལ་གྱི་སྒོར་ནི་རྣམ་པར་བསྟན། །གླ་རྩི་མཆོག་གི་དྲི་ལྡན་ཞིང་། །འཁྲིལ་ཤིང་ལྕུག་མས་ཁྱབ་པ་དང་། །དྲི་སྣུམ་ལྡན་པའི་ཁ་དོག་ཅན། །དཔལ་གྱི་སྒོར་ནི་དེ་བཤད་དོ། །དྲི་དང་ལྡན་ཞིང་ངོས་བརླན་པ། །དྲོ་བ་ཡིས་ནི་འཁྲུགས་འགྱུར་བ། །ཞུགས་པ་ཙམ་གྱིས་ཡང་དང་ཡང་། །འཁྲུག་པ་ཉིད་དུ་འགྱུར་བ་ནི། །དཔལ…

ན་འཇིགས་བྱེད་པའི། །ཅེ་སྤྱང་མོ་ཡི་སྒྲ་གྲག་ན། །དེར་ནི་བག་མེད་མི་བྱ་སྟེ། །འཁོར་དང་བཅས་པ་སྐྲག་པར་འགྱུར། །གང་ཁྲུང་ཁྲུང་སྒྲ་སྒྲོགས་པ། །བུ་གའི་ནང་ན་གནས་གྱུར་ན། །བུ་ག་དེ་ནི་ཀུན་གྱིས་གང་། །འདོད་པ་རྣམས་ཀྱིས་རྣམ་པར་བརྒྱན། །གང་དག་བུ་གའི་སྒོར་རྟེན་པའི། །ཉ་ནི་ཡང་དག་མཐོང་གྱུར་ན། །དེར་ནི་བརྩོན་པས་འཇུག་པར་བྱ། །བུད་མ…

བུ་ག་དེ་ཡང་ལས་ཀུན་བྱེད། །དབུས་ནས་མཆི་མ་འཛག་པ་ཡི། །བྱ་རོག་འཐོན་པ་གང་ཡིན་པ། །དེ་ནི་བཟའ་བ་སྣ་ཚོགས་པའི། །བུ་ག་རུ་ནི་རྣམ་པར་བསྟན། །གང་ན་མ་ཧེ་མཐོང་བ་ན། །ཁྱད་པར་དུ་ནི་སྤྲིན་གྱི་མདོག །བུ་ག་དེར་ནི་འབད་པ་ཡིས། །མཁས་པ་ཡིས་ནི་འཇུག་པར་བྱ། །མ་མྱོས་པ་དང་ལྷན་ཅིག་ཏུ། །ལག་ན་རལ་གྲིས་རྒྱུན་དུ་ནི། །བུ་ག་དེར་ནི་དོར་བར་བྱ།…

མཉམ་དུ་སྤྱོད་ཅིང་ལྷན་ཅིག་ཏུ། །བུ་གའི་ནང་ན་གནས་ན་ནི། །བུ་ག་དེ་ཡི་འཁྲུལ་འཁོར་མེད། །དེ་ན་དངུལ་ཆུ་བཅུ་གཅིག་ཡོད། །དེ་ནི་བུ་གའི་དམ་པའོ། །བུ་ག་དག་ནི་བརྐོས་པ་ན། །གང་དུ་ལུགས་ཀོང་མཐོང་གྱུར་ན། །བུ་ག་དེ་ནི་རིན་ཆེན་གང་། །མཁས་པ་ཡིས་ནི་འཇུག་པར་བྱ། །ཞུགས་པ་ཙམ་ན་མཐོང་འགྱུར་བ། །དཀྱུས་སུ་དཔག་ཚད་ཕྱེད་པ་ཡི། །དེ་ན་ཐང་ནི་…

ནི་རྣམ་པ་དུ་མ་ཡོད། །བུ་གའི་ནང་ནི་གང་དག་ན། །སྒྲོན་མ་ཡི་ནི་དྲི་ཡོད་པ། །དེ་རུ་ཡང་ནི་འཇུག་པར་བྱ། །འདོད་པ་ཐམས་ཅད་ཐོབ་པར་འགྱུར། །བུ་ག་ཡི་ནི་འགྲམ་ལོགས་ན། །གང་ན་གདུག་པ་གནས་གྱུར་ན། །དེ་ནི་ཤ་ཟའི་གནས་ཡིན་ཞིང་། །འདབ་བཟངས་གནས་པར་གདོན་མི་ཟ། །གང་ན་ཧ་ཧའི་སྒྲ་སྒྲོགས་པ། །དབང་ལྡན་གྱི་ནི་ཕྱོགས་ལ་བརྟེན། །བུ་ག་དེ་ནི་འཇིག…

བུ་ག་འཁྲུལ་འཁོར་མེད་ཤེས་བྱ། །འདོད་པ་ཀུན་གྱི་དོན་གྲུབ་བྱེད། །བུ་གའི་ལས་ནི་བྱེད་པ་ན། །གང་དུ་ཕག་ནི་མཐོང་གྱུར་ན། །བུ་ག་འཁྲུལ་འཁོར་མེད་ཤེས་བྱ། །གདོན་མི་ཟ་བར་རིན་ཆེན་གང་། །བུ་གའི་སྒོ་ཡི་ཐོན་འཁོར་ན། །གང་ན་ཆུ་ཡི་དྲི་ཡོད་པ། །དེར་ནི་དངུལ་ཆུར་ཤེས་བྱ་སྟེ། །སེམས་ཅན་ཀུན་ལ་ཕན་པར་བྱེད། །བུ་ག་དེ་ཡི་ཐོན་འཁོར་ན། །གང་ལ…

བཟུང་བ་དང་། གང་དག་ལུས་སྲུལ་པོས་བཟུང་བ་དང་། བུད་མེད་མངལ་ཉམས་པ་རྣམས་ཀྱི་ཉེར་གནས་ལ་བྱུགས་པས་བཟང་པོར་འགྱུར་བ་དང་། དེ་དག་གིས་ཡན་ལག་བྱུགས་པ་གང་ཡིན་པས་ནི་དུག་ཧ་ལ་ཧ་ལ་ཡང་འཐུང་བར་བྱེད་དོ། །དེ་དག་གིས་འདིར་ཡན་ལག་བྱུགས་ནས་ཞུགས་པས་སྒོ་གྲོལ་བར་འགྱུར་ལ། སྒོ་བསྒྲིབས་པ་དེ་གྲོལ་ནས་གང་དག་མཚམས་རིང་དུ་སྦྱར་བའི་རླུང་ཡང་འ…

བཟླས་ལ་རབ་ཏུ་སྦར་ཏེ། བྱི་བའི་རྣམ་པ་ཡིན་ན་བྱི་བའི་ཞག་དང་། ཆུ་སྲིན་གྱི་ཞག་སྔ་མ་བཞིན་ནོ། །ཇི་ལྟར་གླང་པོའི་གདོང་གི་རྣམ་པ་ཡིན་ན་སྔ་མ་བཞིན་དུ་གླང་པོའི་ཞག་གིས་སོ། །ཇི་ལྟར་ལྟོས་འཕྱེའི་རྣམ་པ་ཡིན་ན་སྔ་མ་བཞིན་དུ་ལྟོས་འཕྱེའི་ཞག་གིས་སོ། །མིའི་གདོང་གི་རྣམ་པ་ཡིན་ན་མིའི་ཞག་གིས་ཤལ་མ་ལིའི་དོག་བའི་སྡོང་བུ་སྟེང་དུ་བཞག་…

བརྡུང་བར་བྱའོ། །གང་གི་ཚེ་རྔའི་སྒྲ་གྲག་པ་ལ་བུད་མེད་ཀྱི་ཚོགས་མ་འོངས་ན་དེ་ནས་ལྷ་ཆེན་པོའི་ལྷོའི་ས་ལ་བསྡད་ལ་འཁྲུལ་འཁོར་གྱི་བླ་མ་བཟླའོ། །དེའི་སྐད་ཅིག་ལ་བུད་མེད་ཀྱི་ཚོགས་ཐམས་ཅད་ཐད་དུ་འོངས་ཏེ། མཆོད་ཡོན་སྦྲེངས་ནས་སྐྱེས་བུ་དཔའ་བོ་རྣམས་འཇུག་པར་བྱེད་དོ།ཞུགས་པ་དང་ཇི་སྲིད་འཚོའི་བར་དུ་བཞུགས་ཤིག་ཅེས་ཕྲིན་ཡིག་གདས་པར…

ཕྱིར། །རྡོ་རྗེ་ཁྲོ་བོའི་དམ་ཚིག་འདི་སྒྲོགས་ཤིག །དེ་ནས་ལག་ན་རྡོ་རྗེ་སྟན་ལས་ལངས་ཏེ་བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་བཏུད་ནས་ཐལ་མོ་སྦྱར་ཏེ་ཕྱག་བྱས་ནས་རྡོ་རྗེ་ཁྲོ་བོས་སྨྲས་སོ། །སྨྲས་པ་ཙམ་གྱིས་རྡོ་རྗེ་ཁྲོ་བོའི་རྒྱལ་པོ་མེ་ལྕེ་གཅིག་ཏུ་འབར་ཏེ། འཇིག་རྟེན་གསུམ་བཀང་ནས་…

གིས་ཀྱང་བྱིན་གྱིས་བརླབ་པར་བགྱིའོ། །དབང་ལྡན་གྱི་ཕྱོགས་སུ་བསྡད་ལ་གནས་མཆོག་དེར་མགལ་དུ་མ་དང་། རྡོ་བ་དོར་ཏེ། འཁྲུལ་འཁོར་དང་ཤིང་སྡོང་སྤངས་ལ་གཞན་ཡང་བསང་གཏོར་དང་། ལྷའི་མཆོད་སྦྱིན་དང་། དཀྱིལ་འཁོར་དང་དབང་བསྐུར་བ་བྱས་པ་དང་། བགེགས་དང་། ལོག་འདྲེན་དང་། གནོད་སྦྱིན་མཆོད་པ་བྱས་པ་དང་། དགེ་འདུན་དབང་བསྐུར་བའི་གནས་རྣམས་…

དང་། དབྱུག་གུ་དང་། རྩེ་གསུམ་དང་། ཞགས་པ་ལ་སོགས་པ་བྲི་བར་བྱའོ། །དེའི་ལྷོའི་སྒོར་ལྷ་མ་ཡིན་བརྒྱད་བྲི་སྟེ། སྟོབས་ཅན་དང་། སྟོབས་ཅན་གྱི་བུ་དང་། བདེ་མཆོག་དང་། དུས་ཀྱི་མུ་ཁྱུད་དང་། ཐགས་ཟངས་རིས་དང་། རབ་བདེ་དང་། གཞན་ལེན་དང་། དབྱིག་ཟའོ། །ནུབ་ཀྱི་སྒོར་འཁྲུལ་འཁོར་སུམ་ཅུ་ལྷག་པའི་སྟོང་གཞག་པར་བྱའོ། །དེ་ལ་འཁྲུལ་འཁོར་…

རྩ་བ་ནག་པོ་མེད་ཅིང་དྲི་ཞིམ་པོས་ཡོངས་སུ་བྱུགས་པ་བཞག་གོ། །ཕྱིའི་དཀྱིལ་འཁོར་གྱི་ཕྱོགས་གྲྭ་བཞི་པའི་ཤར་གྱི་སྒོར་གནས་གཅིག་ཏུ་ལྷ་མ་ཡིན་གྱི་དབང་པོ་ཆེན་པོ་སྟོབས་ཅན་དང་། བགྲོད་དཀའ་ཆེན་པོ་བྲི་བར་བྱའོ། །དེའི་ལྷོར་རྣམ་པར་སྣང་བྱེད་དང་ཧ་རི་ཏའི་པི་གི་ལ་ཞེས་བྱ་བ་བྲི་བར་བྱའོ། །དེའི་ནུབ་ཀྱི་སྒོར་སྣང་བའི་ཕྲེང་བ་ཅན་དང་ར…

འགྲུབ་བོ། །དེ་ནས་གདོང་བཅིངས་པ་བཀྲོལ་ལ་དབང་བསྐུར་བ་དེ་ལ་སྐྱེས་བུ་དཔའ་བོས་དཀྱིལ་འཁོར་བསྟན་པར་བྱའོ། །ལྷ་མ་ཡིན་གྱི་དབང་པོ་རྣམས་ཀྱི་གནས་དང་། མཚོན་ཆ་དང་། དངུལ་ཆུ་དང་། བཅུད་ལེན་དང་། བུད་མེད་ཀྱི་ཚོགས་དང་། གྲུབ་པའི་རྫས་དང་དེ་དག་གི་དཀྱིལ་འཁོར་མཐོང་ན། ལྷ་དང་ལྷ་མ་ཡིན་གྱི་དམ་ཚིག་གི་ཚོགས་སུ་འགྲོ་བར་འགྱུར་རོ། །སྔོ…

གཙུག་ཕུད་དག་སྟེ། འདི་རྣམས་ཀྱི་ཕྱེ་མ་སྒྱུ་མ་ཐམས་ཅད་འཇོམས་པར་བྱེད་པ་ཞེས་བྱ་སྟེ། ཆུའི་འཁྲུལ་འཁོར་དང་། སྦྱིན་དང་། དངུལ་ཆུ་དང་། བཅུད་ལེན་དང་། བུད་མེད་ཀྱི་དབུས་སུ་འཇུག་པ་དང་། ལྷ་མ་ཡིན་གྱི་བུ་མོ་འགུགས་པ་ན་ཆོ་ག་ཕྲ་མོ་བྱས་ཏེ། འཁྲུལ་འཁོར་གྱི་བླ་མ་བཟླས་ནས་དེའི་རྐང་པ་ལེགས་པར་བྱུགས་པས་སྦྱིན་ལ་སོགས་པའི་འཁྲུལ་འཁོར…

རྡོ་རྗེ་འཛིན་པས་བཀའ་སྩལ་ཏོ། །རྡོ་རྗེ་རྔ་བོ་ཆེ་ས་འོག་གི་དཀྱིལ་འཁོར་ཞེས་བྱ་བ་དོན་ཡོད་པ་ལྷ་མ་ཡིན་གྱི་གཙོ་བོ་སྐྱེས་བུ་དཔའ་བོ་རྣམས་དབང་བསྐུར་བ་འདི་ལས་གཞན་པ་མེད་དོ། །རྡོ་རྗེ་རྔ་བོ་ཆེ་ས་འོག་གི་ཕྱག་རྒྱ་དང་དཀྱིལ་འཁོར་ཞེས་བྱ་བ་ལས་དོན་ཡོད་པའི་ལེའུ་སྟེ་དྲུག་པའོ།། །།དེ་ནས་རྡོ་རྗེ་ས་འོག་ལས། །གསུངས་པའི་དབང་བསྐུར་ར…

སུ་གྱུར་པ་དང་སྔགས་པའི་ཁྲུ་དོ་པའི་སྲིད་ལ་ཞེང་དུ་ཁྲུ་གང་དང་སོར་བརྒྱད་པ་ལ་རི་མོ་མཁན་ཡན་ལག་བརྒྱད་པའི་གསོ་སྦྱོང་དང་ལྡན་པ་ལ་བསྲུང་བ་བྱས་ཏེ། མཆོད་ཡོན་ཕུལ་ལ་བཅོམ་ལྡན་འདས་ཨུཏྤ་ལ་སྔོན་པོའི་ཁ་དོག་ཅན་ཁྲོ་བོ་སྤྱན་དམར་པོ་ཡ་སོས་མ་མཆུ་མནན་པ། གནས་གསུམ་གཡོ་བ། ཁྲོ་གཉེར་བསྡུས་པ། གདུ་བུ་དང་། སྐ་རགས་དང་། རྐང་གདུབ་དང་། དཔ…